Text
ff. 1a–366a · 731 folio sides
- 1a
rgyud thams cad kyi gleng gzhi dang gsang chen dpal kun tu kha sbyor zhes bya ba'i rgyud kyi rgyal po rgya cher bshad pa rin chen 'phreng ba dpal rdo rjes mdzad pa bzhugs/
- 1b
rgya gar skad du/ sarba tan+t+ra sya ni dA na mahA gu hya sh+rI sampu Ta ta n+t+ra rA dza nA ma TI kA ratna ma la nA ma/ bod skad du/ rgyud thams cad kyi gleng gzhi dang gsang chen dpal kun tu kha sbyor zhes bya ba'i rgyud kyi rgyal po'i rgya cher bshad pa rin chen phreng ba zhes bya ba/ dpal rdo rje mkha' 'gro ma la phyag 'tshal lo/ /thabs dang shes rab bdag nyid can/ /gnyis med rdzogs longs spyod pa dang/ /drag po 'jigs byed 'dul mdzad pa/ /spyi bos btud la kha sbyor bshad/ /brjod bya
- 2a
rgyu yi don yin la/ /rtogs pa dgos pa yin par bshad/ /snod bcud thams cad bde chen du/ /rtogs pa dgos pa mthar thug ste/ /'brel pa shugs las rtogs par 'dod/ /de la bsdus pa'i don ni gleng gzhi dang/ rgyud dang/ rjes su yid rang nas bstod pa gsum yin la/ 'di skad ces bya ba nas gzigs te zhes bya ba'i bar gyis ni gleng gzhi bstan to/ /de nas zhes bya ba nas 'dzum pa mdzad do/ /zhes bya ba'i bar gyis ston pas gleng bslang ba dang/ 'dzum pa mdzad ma thag tu zhes bya
- 2b
pa nas nyan par 'tshal lo zhes bya ba'i bar gyis/ 'khor gyis gleng bslang ba bstan to/ /bka' stsal to zhes bya ba nas yon tan gyi 'byung gnas legs so legs so/ zhes bya ba'i bar gyis skabs dbye ba bstan to/ /rgyud kyi mtshan bshad pa dang bzhi yin la/ rdo rje snying po la sogs pa nas dbang bskur nyid kyis mtshon byed do zhes bya ba'i bar gyis mtshan bstan to/ /thabs dang shes rab bdag nyid rgyud ces bya ba nas le'u dang po'i rab tu byed pa bzhi dang le'u lnga'i rab tu byed pa lnga las brtse ba'i tshul gyis bsgom par bya'o/ zhes bya ba'i bar gyis zab pa'i rdzogs rim bsgom pa bstan to/ /de la thabs dang shes rab kyi rgyud nas ji ltar 'dod bzhin 'grub par 'gyur zhes bya ba'i ba ra gyis las gsum gyi thun mong gi shes bya bstan to/ /sngon du mtshan nyid bstan pa bzhin zhes bya ba nas mya ngan las
- 3a
'das dpa' bo yin zhes bya ba'i bar gyis grol ba'i lam bstan pa dang/ ma dang sring mo nyid dang ni zhes bya ba nas nor bu 'dzin sogs lam gyi rigs/ zhes bya ba'i bar gyis chags pa'i lam bstan to/ /sgom pha po med ces bya ba nas bsam gtan bde brjod ces bya ba'i bar gyis rang lhag pa'i lam bstan to/ /rab tu byed pa gnyis pas byang chub kyi phyogs kyi sems rtsa ba'i 'khor lo snang ba dang bcas pa bstan to/ /rab tu byed pas gsum pas bde mchog dang mnyam sbyor gyi gleng gzhi bstan to/ /rab tu byed pa bzhi pas gsang ba 'dus pa la sogs pa'i gleng gzhi rgyas par bstan pa dang/ le'u gnyis pa'i rab tu byed pa las chu dang gsang ba dang shes rab ye shes kyi dbang bskur ba bstan pa dang/ rab tu byed pa gnyis pas bzhi pa bsam gyis mi khyab pa'i
- 3b
zab pa'i rdzogs rim bstan pa dang/ le'u gnyis pa'i rab tu byed pa gsum pa nas le'u bzhi pa'i rab tu byed pa bzhi dang drug gis bskyed pa'i rim pa bstan to/ /de la dang pos ni he ru ka du ma bsgom pa bstan to/ /gnyis pas ni sgrol ma 'byung ba'i rgyud kyis lha mo du ma bsgom pa bstan to/ /gsum pas ni phyag rgya drug gi bsgom pa bstan to/ /bzhi pas ni rdo rje gdan bzhi'i ye shes mkha' 'gro bsgom pa bstan to/ /lnga pas ni bdag med pa bsgom pa bstan to/ /drug pas ni de nyid bsdus pa'i rgyud dang mthun pas bsgom pa bstan to/ /le'u bzhi pa'i rab tu byed pa bzhi dang/ le'u lnga pa'i rab tu byed pa gnyis kas bskyed rdzogs gnyis bsten par byed pa'i tshogs kyi 'khor lo bstan to/ /de la dang pos yi ge brda'i mtshan nyid dang gnyis pas dbang bskur pa'i lha mo'i mtshan nyid bstan to/ /gsum pas dpa' bo dang bka' nod pa'i mtshan nyid dang/ bzhi pas de rnams kyi yan lag gi mtshan nyid dang/ lnga pas gnas kyi mtshan nyid dang/ drug pas snying khar 'khor lo bsgom pa nas tshogs kyi 'khor lo bya ba bstan to/ /le'u lnga pa'i rab tu byed pa gsum pas/ bskyed pa ldang ba'i rnal 'byor dang
- 4a
bzhi pas rdzogs pa'i rim pa'i ldang ba'i rnal 'byor bstan/ le'u drug pa'i rab tu byed pa dang pos bde mchog gi gleng gzhi bstan cing dga' ba'i rdo rje'i lus kyi skye ba zhes byar bstan pa dang/ gnyis pas thig le bsgom pa dang/ gsum pas rtsa bsgom pa dang/ bzhi pas drod dang byang chub kyi sems bsdam pa bstan to/ /de ltar le'u drug gis rab tu byed pa nyi shu rtsa bzhi mchog gi dngos grub bsgrub pa bstan to/ /le'u bdun pa'i rab tu byed pa bzhis 'jig rten pa'i dngos grub bsgrub pa bstan to/ /de la dang pos ni bcud kyi len dang tan+t+ra'i tshogs bstan to/ /gnyis pas ni sbyin sreg mdor bstan pa dang/ gsum paS sngags du ma bstan pa dang/ bzhi pas sbyin sreg rgyas par bstan pa yan+t+ra'i tshogs rgyas par bstan to/ /le'u brgyad pa'i dang le'u dgu pa'i rab tu byed pa brgyad kyis sgrub pa'i yan lag bstan to/ /de la dang pos rdo rje dril bu'i mtshan nyid dang/ gnyis pas bzlas pa'i phreng ba'i mtshan nyid dang/ gsum pas 'chi 'bo'i mtshan nyid dang/ bzhi pas phrin las bzhi'i mtshan nyid dang/ lnga pas snod ldan bsgom pa'i spyod pa dang/ drug paS gtor ma'i spyod pa dang bdun pas bri sku glegs bam bris pa dang/ brgyad pas mchod pa'i kun spyod? bstan to/ /le'u bcu pa'i dang pos ni rnal 'byor dang/ rnal 'byor mI mtshan nyid dang ldan pa'i rgyu'i rgyud bstan to/ /de la dang poS ni 'jig rten gyi dngos grub dang/ gnyis pas ni
- 4b
'jig rten las 'das pa'i dngos grub dang/ gsum bas ni sngags kyi theg pa'i thun mong ma yin pa'i bza' ba bstan to/ /mtshams sbyor ba ni le'u bcu la mchod pa dang/ gleng slob ba bstan nas gsol ba gdab pa dang de nas zhes bya ba'i tshig bcu yis mtshams sbyar ba bstan to/ /zhus pa dang lan ni rdo rje snying pos rab tu byed pa bzhi bcu zhus pa la bka' stsal pa bzhi bcus gtan la phab pa'o// //da ni yan lag gi don bshad par bya ste/ kun rdzob btags pa'i gleng gzhi'i dbang du byas nas byang chub sems dpa' kun tu bzang po la sogs pas lcang lo can gyi pho brang du bla gos lnga brgya gdan du bting nas lcang lo can du lag na rdo rje la/ chos kyi 'khor lo bskor ba'i mdo/ rdo rje 'chang bas ji skad gsung/ /shes rab sras po khyod smros shig /phyag na rdo rje khyod smros shig /ces gsol ba btab pa'i rjes la/ 'di skad bdag gis thos pa zhes bya ba la sogs pa'i tshig gsum gyis sdud pa po'i gleng slong ba ston to/ /'di skad ces bya ba ni 'og nas 'byung ba'i rgyud le'u bcu pa'o/ /bdag gi zhes bya ba ni na ta ku pe ra'i sras/ lag bzangs dang rdo rje sde'i yab sa bcu dang phyug sdud pa po'i thos pa ni 'khor btang nas saM sprul pa 'am brgyud pas ma yin par dngos su thos pa'o/ /tshig phyi ma dus kyi tshig dang sbyar na lan 'ga' na ni thos pas thos pa mang ba'am/ sangs rgyas kyis byin gyis brlabs pas skad cig ma gcig la rgyud kyi don mdza' dag rtogs pas bdag nyid tshad ma'i skyes bu yin par ston to/ /nam gyi tshe zhes na dus gcig na zhes bya ba rtsod pa'i dus kyi thog mar ro/ /su las zhe na bcom ldan 'das ni ston pa dang 'bras bu ste the ru ka bdud bzhi bcom pa'o/ /gnas gang du zhe na de bzhin gshegs pa thams cad kyi sku dang gsung dang thugs rdo rje btsun mo'i b+ha ga la zhugs pa'o/ /de la de bzhin gshegs pa ni phyogs bcu dang dus gsum dang gnyis su med pa'i sems dang sems las byung ba'o/ /de bzhin nyid gzhan la ston pa'o/ /sku dang gsung dang thugs ni me long lta bu'i rnam pa sku dang/ so sor rtog pa'i rnam pa
- 5a
gsung dang/ chos kyi dbyings kyi ye shes kyi rnam pa thugs dang/ gsung gi chos nyid 'od gsal ba'i rang bzhin ni rdo rje ste/ ye shes de'i gzung ba'i rnam pa'i cha ni shes rab ste btsun mo'o/ /de'i b+ha ga ni 'dzam bu'i gling gru gsum pa rgyal po in+d+ra pod+hi la sogs pa 'dod chags can 'dul ba la sogs pa'i ched du'o/ /bzhugs pa ni gzugs kyi rnam par rtogs pas 'chad pa'i phyir te/ de skad du yang mnyam sbyor las/ /rtog pa med pa'i chos rnams las/ /sems can don du ches bstan dang/ /brag cha yin sgra 'dral/ /chos kyi tshig tu 'di 'gyur ro zhes gsungs so/ /gang dang lhan cig tu zhe na rnal 'byor gyi dbang phyug bye ba phrag brgyad cu dang ste/ rdo rje snying po la sogs pa sa bcu'i dbang phyug sha stag gis yongs su bskor cing dbus su chud ba'o/ /ci zhig mdzad cing zhe na 'dzum pa mdzad cing ste/ sangs rgyas dang byang chub sems dpa' i spyod yul las dang po pa la ston pas na ngo mtshar ba'o/ / /don dam pa'i gleng gzhi ni zab dang mi zab pa gnyis lA?/ de las byang chub sems dpa' sa'i snying po la sogs pas 'di skad bdag gis thos pa ste sprul pa'i sku mthong ba'i mtshon byed kyis mtshon bya ma 'ongs pa'i gang zag la rtsa ba'i 'khor lo bsgom par gyis shig ces bya bar ston pa yin no/ /de la dus ni dga' ba bzhi'i dus so/ /bcom ldan 'das ni lus dang yid bde bzhi gnas kyi ting nge 'dzin to/ /gnas ni lus ngag yid gsum bde pa ro gcig pa'i btsun mo'i b+ha ga'o/ /'khor ni lus kyi 'khor lo bzhi rtsa'i yan lag dang bcas pa'o/ /'dzum pa mdzad pa ni gsang ba'i rdo rje'i dbus kyi snying po'i rtsa a ba d+hU tI la gzigs nas 'khor lo bde bas khyab pa'o/ /byang chub sems dpa' spyan ras gzigs kyi sprul pa'i sku'i mtshon byed las mtshon bya rlung gi 'khor lo bsgom pa rtags te dus ni rlung gnyis 'gog pa'i dus so/ /ston pa ni rlung dbus ma la brten nas bde ba'i ting nge 'dzin skyes nas so/ /gnas ni sku gsung thugs kyi rtsags gsum ro gcig pa ste/ sprul pa'i 'khor lo'o/ /'khor lo ni dbugs nyi khri chig stong drug brgya'o/ /rdo rje
- 5b
snying pos gzigs nas 'dzum pa mdzad pa ni rtsa a ba d+hA tIr rlung ma la brten nas bde ba bskyed pas na 'dzum pa mdzad pa'o/ /byang chub sems dpa' 'jam dpal gyis sprul pa'i sku'i mtshon byed las/ mtshon bya sems kyi 'khor lo bsgom pa rtogs te/ dus ni bsam gyis mi khyab pa'i dus so/ / ston pa ni me tog pa'i ye shes so/ /gnas ni sku gsung thugs re? gcig pa'i chos kyi dbyings so/ /'khor ni gnyis su med pa'i sems dang sems las byung ba'o/ /'dzum pa mdzad pa ni rang gi sems 'od gsal pa blo bur gyi dri ma dag pa'o/ /rdo rje snying po la gzigs shing 'dzum pa mdzad pa'o/ /dngos su gtso pos gleng bslangs bstan pas shugs la 'khor dang bcas pa'i chos bstan pa yin no/ /de skad du yang dkyil 'khor b+ha ga zhes bya ba dang/ dkyil 'khor lus zhes bya ba dang/ dkyil 'khor chos kyi dbyings su bshad/ /dbyangs dang sngags dang chos bdag nyid/ ces gsungs pas/ gnyis ni mi zab pa yin la gcig ni don dam pa zab pa'i gleng gzhi bstan to/ /da ni 'khor gyi gleng slod pa bstan to/ /'dzum pa mdzad pa thag tu zhes bya ba ni rjes thogs pa'o/ /chos nyan pa'i spyod lam brtul nas stan las langs nas/ rgyud dgu'i don zhu ba'i phyir bla gos phrag pa gcig tu gzar nas pus mo g.yas pa'i lha ngas la gtsugs te'o/ /phyag 'tshal ba'i mchod pa sngon du song ba'i phyir yan lag gi thal mo sbyar ba byas shing spyi bo sa la btud nas so/ /'di skad ston zhes bya ba ni sdud pa'i tshig so? /zhu ba'i don brgyud thams cad ni brjod bya'o/ /gleng gzhi ni rgyud 'byung ba'i tshogs pa ste ston par rtsom pas na rjod byed de/ /de yang 'chad pa po'i byed pa'i yul/ /don gang rab tu gsal blo la/ /de la sgra ni tshad ma nyid ces bshad do/ /gsang chen ni khams gsum pa dang mya ngan las 'das pa rnams gnyis kyis ma rtogs pa skal pa dang mi ldan pa rnams rtogs pa dang/ de skad du yang rnam pa sna tshogs skal bzang po/ /rnam pa sna tshogs bde mchog gi /'dul ba rnam pa sna tshogs pa/ /sems can khams ni rab tu bsgrub/ ces gsungs so/ /kun tu kha sbyor ni rgyud dgu'i thabs dang shes rab mnyam dang
- 6a
sbyor ba'o/ /de skad du yang/ shes rab pha rol phyin pa yi/ /thabs ni snying rjes bdag nyid de/ /de bas snying rje'i chen po thabs/ /shes rab pha rol phyin gsal ba/ /rnal 'byor thams cad bde pa yi/ /rjes su sbyor bar mchod byed cing/ /kun tu myang bar byed pas na/ / gnyis su sbyor bas tshe 'dir 'grub ces gsungs so/ /mtshan nyid ni yul dang yul gyi stong pa nyid dang dbang gsum pa dang bzhi pas rtsogs nas brtan pa dang g.yo ba'i dngos po thams cad kyi chos nyid mtshon par bya ste/ mtshon par byed pas na mtshan nyid de ye shes kyi dbang phyug snang ba med pa ji lta ba dang/ snang ba dang bcas pa ji snyed pa'i sdebs la ma 'ongs pa'i gang zag gi don du nyan par 'tshal lo/ /de'i don zhal gyis bzhes pa skabs dbye ba ni bka' stsal pa zhes bya ba la sogs pa'o/ /e pa'o zhes bya ba ni sangs rgyas dang byang chub sems dpa' i spyod pa mi rnams kyi don du dri bas na ngo mtshar ba'o/ /rgyu'i rgyud dri bas na brtse bas na legs so zhes bya ba'o/ /thabs kyi rgyud 'dri ba na byang chub sems dpa' legs so sbyin pa'o/ /'bras bu'i rgyud 'dri bas na yon tan gyi 'byung gnas legs so legs so/ /sbyin pa'o/ legs so legs so lan gnyis ston pa ni brjod bya dang rjod byed gnyis sam/ sangs rgyas kyi dgongs pa sems can gyis myongs bas na legs so legs so zhes dris pas so/ /skabs dbye ba bstan nas/ rdo rje snying po la sogs pa byang chub sems dpa' bye ba phrag brgyad cus skabs phye bas thog mang dga' bas rab tu 'dzum pa dang/ rab tu gsal ba'i ? phye nas/ tha mar dga' bas yang dang yang du phyag 'tshal nas/ sems can thams cad bdag dang gzhan brje ba byas nas? rang gi the tsom zhus pa yin/ /gsang ba 'dus pa la sogs pa'i rgyud rnams ni brjod bya ci yin zhes zhus pa dang/ rjod byed gleng gzhi ji ltar lags zhes zhus pa dang/ de rnams kyi rgyu'i rgyud 'di ni gang la gsang ba gsungs zhes bya ba dang/ thabs kyi rgyud kun tu kha sbyor kyi ming ni ci yin zhes zhus pa dang 'bras bu'i rgyud de'i mtshan nyid ji ltar lags zhes zhus
- 6b
pa'o/ /rgyud thams cad ni gsang ba 'dug pa la sogs pa dku'i brjod par bya ba'o/ /de rnams kyi gleng gzhi ni phun sum tshogs pa bzhi'i tshogs pa las rjod byed kyi rgyud 'byung ba'o/ /gsang ba'i khams gsum gyi bdag po dang/ nyan thos dang rang sangs rgyas la sogs pas rtogs par dka' pa'i phyir gsang ba'o/ /kun tu la sbyor ni thabs shes rab rgyu'i bdag nyid do/ /kun tu kha sbyor de las byung ba'i ting nge 'dzin ni mtshon par byed de/ de las byung ba'i ting nge 'dzin rgod pa brtan pa dang/ g.yo ba'i dngos po'i rang bzhin mtshon par bya ba'i mtshan nyid dbang bzhi pa'i ting nge 'dzin thams cad bde ba chen po'i byed pa'o/ /de skad du yang sems la nam gnas rnal 'byor pa/ /mya ngan 'das pa mi ston to zhes gsungs so/ /gcig gi stong nyid gang yin pa/ /de ni kun gyi stong nyid yin/ zhes bya ba'i rigs pas dbang bzhi pa sems kyi de bzhin nyid shes na chos thams cad kyi de bzhin nyid shes par 'gyur ro/ /des ni 'bras bu'i rgyud kyi mtshan nyid bstan to/ /yang na 'di'i bshad pa'i rgyud ma yin pas rtsa ba'i rgyud dgu ston to/ /rgyud thams cad dang gleng gzhi ni snga ma bzhin no/ /kun tu kha sbyor zhes bya ba'i sgras ni stong pa nyid dang sgyu ma ro gcig pa zung du 'jug pa'i bdag nyid kyi rdo rje sems dpa' la bya ba yin no/ /gsang ba yang 'di nyid yin la dbang bskur ba'i mtshan nyid kyis mtshon pas mchod par bya ba dkyil 'khor dbye/ lha la sogs pa dang sngags btu ba'i man ngag la sogs pa bskyed pa'i rim pa kun brtags kyi 'khor lo dang/ mi zab pa'i rdzogs rim gzhan dbang zhig gi 'khor lo rnams dbang bzhi pa'i mtshon byed kyis bde ba chen po'i rang bzhin mtshon ba ni 'bras du'i mtshan nyid do/ /de skad du yang/ dbul ? gser du snang ba zhes bya ba grang gcig gis lcags stong sgrub par byed do zhes gsungs pa dang/ chos kyi snying po sems kyi gsang shes na/ 'gro rnams kun yang de bzhin gshegs zhes gsungs so/ /de ltar na yang rgyud dgu'i bshad pa'i rgyud yin la/ gleng gzhi dgu dang/ gsang ba dgu dang/ kha sbyor dgu dang/ mtshon bya snod bcud thams cad bde
- 7a
bar go ba'o/ /yang na 'dir ni rang dga' i rgyud yin pas rgyud thams cad kyi gled gzhi thams cad kyi don 'di gnyis gcig dang bsnyams nas zung du 'jug pa'i rdo rje sems dpa' ni kha sbyor yin la/ de dbang bzhi bskur ba'i mtshon byed kyi mtshan nyid kyis bskyed rdzogs thams cad bde ba chen po'i rang bzhin du shes pa'o/ /de ltar mtshan bshad nas da ni rgyud bshad par bya ste/ gang zag gsum gyi shes bya'i thun mong gi thabs dang shes rab kyi bdag nyid rgyud de/ rdo rje 'chang gis bshad kyis byang chub sems dpa' bye ba phrag brgyad cu la nyon cig ces bod pa'o/ /yang na 'di ni rang ga'i rgyud yin pas/ de la dang po stong pa nyid kyi rang bzhin du bsam nas lus can rnams kyi dri ma bkru bar bya'o/ /zhes mdor bstan nas de ni rgyas par bshad pa/ yul drug stong pa nyid kyi rang bzhin du mnyam pa'o/ /de la rdo rje snying po 'di snyam du sems te/ gzugs la sogs pa yul drug las/ rnam par shes pa skye ba'i mig la sogs pa dbang po drug dang/ gzugs la sogs pa yul drug stong zhing med pas na dmigs pa'i rnam par shes pa drug ri bong gi rwa bzhin du skye bar thal par mi 'gyur ro zhes zhus pa yin no/ /bcom ldan 'das kyis bka' stsal pa ni 'dzin pas spyad du med gzugs bya med pas shes bya ma yin zhing rjes su dpag pas gtan la phab pa'i rtog ges brtan par dga' ba dang/ gzung 'dzin gnyis spangs shing gnyis su med pa'i ye shes ni zung du 'jug pa ji lta ba'i lam de nyid yin pas/ ri bong gi rwa ltar med pa 'am rnam par bcad pa tsam 'ba' zhig ni ma yin no/ /des na rgyud thams cad kyi gleng gzhi 'di ni gnyis su med pa yin no/ /de'i gsang ba'i don rgyas par bshad par ni dus gsum kyi sangs rgyas kyi yul zung du 'jug pa'i gsang ba chen po ni nam mkha' lta bur chos thams cad kyi mnyam pa nyid do/ /nyon mongs pa'i sgrib pa dad ldan pas nyan thos kyis mi shes la/ phyogs gcig gi bag chags kyis dkris pas/ rang sangs rgyas su sprul
- 7b
cing skyes pas ni mi shes so/ /de dag kun gyis zhes pas ni tshangs pa la sogs pa'i khams gsum pas mi shes so/ /rgyu des na gsang chen sangs rgyas spyod yul zhes bya'o/ /nyan thos dang rang sangs rgyas de rnams kyis mi shes na ci'i phyir bstan ce na/ byang chub sems dpa' 'khor ba'i rgya mtshor bying ba rnams bsgom pa'i bsam pas dbang bzhi pa'i mtshan nyid kyis mtshon nas sgrol bar byed do//de la mtshon bya ni snod dang bcud thams cad do/ /mtshon byed ni dbang bzhi pa'o/ /mtshan nyid ni zung du 'jug pa'i bde ba chen po'o/ /mtshon byed de yang gnyis te/ dga' ba gsum bsam gtan gyi bde ba dang/ bde ba stong pa nyid kyi rang bzhin ye shes so/ /ye shes kyi snod bcud kyi rang bzhin shes bya stong ba'i rang bzhin 'gro ba ris drug bde ba chen po'i rang bzhin du shes bar bya'o/ /skye ba stong phrag du ma ru/ rdzogs par rtogs pa'i rnal 'byor ba zhes bya ba ni skye ba snga mar gnyis su med pa'o don la goms par byas pas/ ji ltar 'dod pa'i sku gsum gyi go 'phang du 'gro bar 'gyur ro/ /de ltar na gang zag gsum gyi thun mong gi gsang chen kha sbyor gyi mtshan nyid bshad nas da ni grol lam pa'i shes bya bstan par bya ste/ sngar bcom ldan 'das kyis stong pa'i mtshan nyid bstan pa bzhin du chos thams cad kyi stong pa shes rab kyis yang dag par dran bar byas nas lus kyi dkyil 'khor dang b+ha ga'i dkyil 'khor dang chos kyi dbyings? kyi ? dang gsum gyi nang du lus kyi dkyil 'khor gyi zhing la ye shes kyi rgyu rnam shes bde ba'i sa bon gdab par bya'o/ /de ltar grol lam pa'i mdor bstan nas da ni shin tu mdzes pa'i rtsa a pa d+hU tI chu shing gi snying po ltar drang ba/ til gyi mar me ltar gsal ba/ pad+ma'i skud pa ltar phra ba rgya skyegs kyi me tog ltar dmar pa'i rtsa las byung ba'i rdul phran gyi sems de rgyud kyi rim pa rtsa'i rang bzhin bstan to/ /dri med shel dang mtshungs pa'i zhes bya ba tshogs bcad gnyis kyis sems 'od gsal ba'i rnam par snang ba snying khar gnas pa'i byang chub kyi sems kyi thig le bstan to/ /de'i dbus na gnas pa'i
- 8a
lha zhes pa ni rtsa dbus ma yin la/ dbus na gnas pa'i lha ni nam kha'i rlung ngo/ /mi gsal bas ni bems po yin la/ gsal ba ni shes pas myong ba'o/ /cha phye ni mi shigs pa'i rlung/ mi btsums phyed kyi tshad du sdod pa thig le'i gzugs can rtog pa med pa'i yid kyis myong ba'o/ /de ltar tshigS bcad gnyis kyis nam mkha' i rlung bstan nas/ tshigs bcad gnyis kyis bde ba'i gnas kyi tshad bstan pa ni byang chub kyi sems so/ /gzi brjid chen po'i 'od dang ldan pa snying ga'i dbus na yul dang dbang po drug gi mdza' yin pa rtog pa med pa yin la/ de bu ga dgu'i mthil? las mi 'da' ba rkang pa nas spyi gtsug gi mdza' thug pa'am/ yang na rkang pa sor gcig gnyis dang spyi bo smin mtshams nas bcal ba sor dgu'i bdag nyid kyi dbus na a ba d+hU tI'i skud pa gcig tu gnas pa 'am/ yang na lte ba'i khur nas mar sor dgu'i mthar a ba d+hU tI rtse mor gnas pa yar sor gnyis kyi mthar tshangs pa'i bu ga'i mthar gnas kyang zer ro/ /de ltar rtsa dang rlung byang chub sems kyi rgyud kyi rim pa bstan nas/ rlung me'i drod can sngags kyi rim pa ni skud pa gcig la brten te lte ba'i dbus na logs la sor bdun gyi tshad kyi drod gnas kyang bde ba mi skye bas 'byung ba lnga'i tshad dang ldan pa'i cha lnga pa mthe bo'i ri mo lta bu 'am/ klu'i dbang po lta bu klu dbang 'khyil pa der de rab tu rgyas shing 'phel bar byas nas ye shes kyi rim pa snying ga'i byang chub sems kyi cha phye nas/ lte ba rdo rje'i dbus su byung ba na byang chub kyi sems skyes pa'i gnas me'i dkyil 'khor e gru gsum gyi dbus su byang chub kyi sems kyi thig le phab bas ni bu ba'i dngos po ste/ de skad du yang e yi cha byad bzang po gang/ /dbus su baM gi rnam par brgyan/ /ces gsungs so/ /de rim gyis 'phel nas sgo dgu mthar thugpa'i gnas so/ /'phel bar gyur pas dga' bral du ci'i phyir mi 'gyur zhe na/ 'khrul 'khor gyis bkag pa'i phyir/ de du yod ce na/ yi ge'i 'khrul 'khor dang/ lus kyi 'khrul 'khor dang/ sman gyi 'khrul 'khor dang/ ting nge
- 8b
'dzin gyi 'khrul 'khor ro/ /'dir gang gis bkag ce na/ yi ge'i 'khrul 'khor gyis te/ drag mo'i sa bon k+ShuM ngo?/ /sa'i sa bon ni gtum mo'i yi ge hUM ngo/ /gtum mo'i sa bon ni rdzogs pa'i yi ge yuM mo/ /chu'i sa bon ni mkha' 'gro ma'i sa bon suM mo/ /gti mug gi sa bon ni seng ge ma'i yi ge hUM? mo/ /zhe stang gi sa bon ni stag mo'i yi ge ? ro/ /snying ga'i phyogs su bskyod pa'i sa bon le sdud ma'i yi ge ymkuM? mo/ /phyugs kyi sa bon ni dug pa'i yi ge ? mo/ /brtan pa dang ni g.yo ba'i 'gro ba thams cad khyab pa yin no/ /zhi gnas kyi bde ba'i ting nge 'dzin gyis snod bcud bde bar sang ba'o/ /de'ang? zhig tu snang ba? zhe na/ tshang sogs lha dang lha ma ni bcas zhes bya bas? 'dod pa'i khams kyi lha rnams btang snyoms kyi bde la/ brten nas 'byung ba'o/ /de mi g.yo ba'i laM bsam gtan gyi bde ba 'ba' zhig tu 'gyur ram zhe na/ gom pa gcig gis mya ngan 'das/ /gom pa gcig gis 'khor ba yin/ /de nyid kyis ni 'ching 'gyur zhig/ zhes bya ba'i rim pas ji srid lus la gnas kyi bar las dang las min des byed ces bya ba ni sems rang rig blo bur gyi dri ma dang bcas tsam na bde ba rtog pa med pa ma skyes pa'i che las dpa' ? pa'i nyon mongs pa des byed cing dge ba dang mi dge ba'i dbang gis mtho ris ngan song skyed par byed do/ /de ltar tshigs su bcad pa gcig po nges ni sdug bsngal dang kun 'byung ba'i bden pa gsungs pa yin no/ /da ni lam gyi bden pa dang 'gog pa'i bden pa ston te/ mnyam par sbyor ba ni phyag rgya bzhi dang ngo/ /sbyor ba bsgoms pa ni mngon sum gyi sems rang bzhin brgyad cu'i rtog pa dang bral ba bsgom pa gang gi tshe rnam par rtog pa'i lus zhig nas/ bde ba stong pa nyid kyi rang bzhin gzugs brnyan lta bu'i gzugs su bdag byin gyis rlob pa de'i tshe/ sa dang po rab tu dga' ba thob nas brtan pa dang g.yo ba thams cad stong pa nyid du shes par 'gyur ro/ /de ltar 'gog pa dang me? bstan nas 'bras bu bshad pa ni/ de yi kha dog shes par bya/ zhes bya ba ni 'byung ba la rnam snang gi rgyas btab nas yul gyi stong pa nyid shes
- 9a
pa'o/ /nam mkha' dang mnyam pa lta bu zhes bya ba ni sems mi bskyod pas rgyas btab nas nam mkha' lta bu stong pa bsgoms pa'o/ /mya ngan las 'das pa'o zhes bya ba ni 'od gsal ba bsam gyis mi khyab pa bsgoms nas rdo rje sems dpa' rgyas btab nas zung du 'jug pa shes pa'o/ /des na da ltar do shes pa'i sems de nyid nyon mongs pa'i sgrib pas mi gos shing shes bya'i sgrib pa'i dri ma spangs pa'o/ /de skad du yang gong du'i gzugs ni 'das gyur nas/ /dngos po med pa'i sems nyid bsgoms/ /sems nyid brtag par mi bya? ste/ /de yang bsam gyis mi khyab bsam/ /sems la rnam gnas rnal 'byor pa/ /mya ngan 'das pa mi ston to/ zhes gsungs so/ /de ltar grol ba'i lam bshad nas/ da ni chags pa'i lam bshad par bya ste/ de lam ni rdo rje slob dpon dang dus mnyam du dbang thob pa'o/ / sring mo ni rang dang dus mnyam du dbang bskur ba'o/ /bu mo ni rang gis dbang bskur ba'o/ /mnyen mo ni rang gi slob mas dbang bskur ba'o/ /de bzhi sngags skyes yin la/ bram ze mal sogs pa bzhi ni gnas la sogs pa las skyes pa 'jig rten du grags pa yin no/ /gang mkha' ? ma la sogs pa bzhi ni zhing skyes kyi bye brag rigs tha mar gyur pa bdud rtsi dang/ dpa' bo rnam pa lnga rnams bsu? 'dod pas rnam rtog goms pas rnam rtog chung pa yin pa ste/ de ltar ba su twa? zhig dbye ba bshad nas/ da ni thabs kyi khyad par bshad par bya ste/ shes rab thabs kyi cho ga yis /de nyid rigs pas mched bya zhing/ zhes pa ni rdog pa med pa'i dga' ba'i rang bzhin no/ /ci nas tshong bar mi bya'o/ zhes bya ba ni rnam par dbye ba'i gnas su gsang thub cing dam tshig dang ldan pa'o/ rab tu 'bad de bya ba ni bsnyan sgrub dang ldan pas spyad bar bya'o/ /ma gsang sprul dang chom rkun dang/ /sa la spyod pas sdug bsngal spyod/ /ces pa ni ma skyang pa'i nyes dmigs so/ /de ltar thabs kyi khyad par bstan nas/ da ni phyag rgya'i dbye ba bshad par bya ste/ sngags skyes ma la sogs pa bzhi lang? bzhin gshegs pa
- 9b
lnga'i rigs sam/ rigs brgya'i rang bzhin du 'gyur ba'i dbye ba bshad pa yin no/ /de yang dag byed dbang gi lha mo dang/ /dpa' bo'i lha mo bkas bsgos skyes/ /shes bya ba'i man ngag nas sems 'dzin pa la sogs pa'i yan lag gnyis rigs dang mthun pa ston pa yin te tshogs par gcig pa yin pa'i phyir ro/ /de la bram ze ni mngal nas skyes pa dang/ rigs kyis bskyed pa dang gnyis dang ldan pa'i khyad du byas pa'i phyir ro/ /rgyal rigs ni rgyal srid dang ldan pa'i bu mo'o/ /rje'u yi rigs ni glang po che skyong ba'i rigs yin pas rje'u rigs kyi khyad par yin no/ /zhi ba la sogs pa byed na dmangs rigs kyi khyad par yin no/ /dmangs rigs shan pa mo dag la ni nya pa dang shan pa dang lham mkhan la sogs pa rnam par snang mdzad chen po'i rigs so/ /lhag ma'i rigs bzhi ni de bzhin gshegs pa'i rigs ma gtogs pa bzhi dang/ mthun par shes par bya'o/ /lo'i tshigs mal sogs pa'i dbye ba mdza' yas pa yod kyang de bzhin gshegs pa rnams kyis rigs ni mdor bsdus nas brjod pa yin no/ /de ltar dbye ba brjod nas de'i 'thad pa bstan pa ni/ de bzhin du ni slar song nas /de bzhin dpal ldan slar 'od ma/ /shes rab 'di ni zhes bya ba ni mtshan nyid ji lta ba bzhin du rang gis rtogs shing/ gzhan la ston pa ni/ rigs 'di shes rab stong pa nyid rtogs pa 'di la de bzhin gshegs pa zhes brjod do/ /de mkhas pa chen po dz+nyA na pa'i zha nas/ de bzhin nyid rang gis mkhyen nas slar byon nas nyid kyis gzigs pa'i lam du gsung ba ni rnal 'byor ? mngon sum rig pa 'dis bud med rnams la shes rab ces bya'o/ /snga ma ni de bzhin gshegs pa dad mtshan nyid mthun pas bud med la de bzhin gshegs pa zhes bya ba yin la/ phyi ma ni de bzhin gshegs pas mkhyen nas bud med rnams shes rab tu bstan pa yin no/ /phung po khams dang dbang po dang yul dang ye shes la dbye bas rigs brgya yin no/ /mdor bsdu na lnga dang gsum gyi rang bzhin du bstan no/ /yang na bye brag phung po lnga dang 'byung ba lnga
- 10a
las rigs su 'gyur ro/ /rdo rje thugs ma dang/ pad+ma gsung dang/ rin po che yon tan dang/ 'khor lo nor bu can sgra dang sogs kyis sna tshogs rdo rje 'dzin pa las kyi rigs bsdu ba'o/ /de ltar chags pa'i lam bstan nas/ de ltar rang lhag par gnas pa'i lam bshad par bya ste/ sgom pa po mad ces pa ni 'dzin pa dang bral ba'o/ /bsgom bya med ces pa ni gzung bya dang bral ba'o/ /sngags med ces bya ba ni bcos ma'i bzlas pa med pa'o/ /lha yang med ces pa ni bcos ma'i lha spangs pa'o// 'o na lha bsgom pa dang sngags bzlas pa la sogs pa ji ltar bya zhe na spros pa med pa'i rang bzhin du zhes bya ba smos te/ 'od gsal ba'i rang bzhin bsgom mo/ /de ltar mdor bstan nas/ rgyas par bshad par ni spros pa dang bral ba de nyid rigs lnga'i rang bzhin dang/ tshangs pa la sogs pa'i snang ba chos kyi dbyings de kho na rtogs pa las byung ba yin no/ /ci'i phyir de ltar brjod ce na/ gnas gyur pa ye shes lnga la rnam par snang mdzad la sogs pa lngar brjod pa las 'khor ba dang mya ngan las 'das pas tshangs pa dang stong pa nyid la 'jug pas khyab 'jug dang/ rtag tu zag pa med pa'i bde ba yin pas zhi ba ste/ kun tu thams cad bdag nyid bzhugs zhes bya ba'o/ /de yang gang yin zhe na/ sa bcu gcig pa'i bde 'dam pa zung du 'jug pa'i de kho na nyid mthar? phyin nas rtogs shing khor du chung pa las sangs rgyas lnga zhes bya'o/ /blo bur gyi dri ma'i lus las dri ma med pa'i rang bzhin du 'byung ba'i phyir rnam par dag pa'i lha zhes bya'o/ /de la mtshan gyi bye brag ni lta bu zhe na/ skal ba drug dang ldan pa'i nyon mongs pa 'joms pa nas bcom ldan 'das shes bya'o/ /gdul bya 'dod chags can rnams kyi'o/ /ma dang sring mo bu mo rnams shes kyang brdar ba rtags la tshos mkhan dang gang mkhan dang g.yung mo zhes kyang brdar brjod la/ rnam snang chen po'i rang bzhin du 'gyur bas thams cad la khyab pa 'am/ gnyis su
- 10b
med pa'i don gcig la shes rab kyi pha rol tu phyin pa'i mtshan brgya rtsa brgyad pa'i tshul gyis brdar 'dogs pa yin no/ /rnal 'byor pa rnams kyis nyams su blangs na 'od gsal ba'i rang bzhin rtogs na dag gi brjod pa thams cad bzlas pa dang/ rkang pa 'gro ba dkyil 'khor dang/ lag pa bskyod pa phyag brgya dang/ sems kis bsams pa thams cad bsam gtan du 'gyur ro/ /chags dang sdang ba la sogs dang/ /lus kyi g.yo 'gul la sogs dang/ /dag gi ji snyed brjod pa rnams/ /chos nyid ci bzhin mthong nas ni/ / thams cad bde ba chen por 'gyur zhes gsungs so/ /de ltar rang lhag par gnas pa'i lam bshad nas/ de ji ltar rtogs pa'i thabs bstan pa ni pha las thob pa'i bde ba gang zhes bya ba la sogs pa smos so/ /bla ma las dbang bskur ba'i dus su bde ba rtogs pa med pa myong nas bde ba'i rgyud rnal 'byor pa rang gi dga' ba gsum las lus dang sems mngon sum du long spyod par bya'o/ /de yang ji lta bu zhe na/ rgu'i bde ba gang yin pa de rang bzhin brgyad nus 'gags shing 'od gsal ba'i rang bzhin gyis bde ba chen po de la bsam gtan gyi bde ba zhes brjod do/ /de nyid ni mngon sum gyis zag bcas dang zag med kyi bde ba rgyu tshogs pa las byung pa yin no zhes bstan to/ /brtag pa dang po'i rab tu byed pa dang po'o// //de ltar de kho na nyid bsgom pa'i rab tu byed pa bshad nas/ da ni 'khor ba dang mya ngan las 'das pa'o mnyam pa'i phyir/ dkyil 'khor rnams kyang gnyis su mid pa'i byang chub kyi sems kyi rang bzhin yin par bstan par bzher nas/ byang chub kyi phyogs kyi chos sum cu rtsa bdun gsungs te/ de 'khyed pas nye bar gnas pa'i rgyu'i ? bsdus pa dang/ gnas pa las gyur pa 'bras bu mi slob pa'i sas bsdus pa'o/ /de la gsang sngags kyi theg pa ni sgyu ma lta bu dang stong pa 'od gsal ba'i rang bzhin du ci gcar bsgoms pa yin te/ sgyu ma lta bu sum cu rtsa bdu ni thabs stong
- 11a
pa nyid sum cu rtsa bdun ni shes rab zung du 'jug pa sum cu rtsa bdun ni bde ba chen po yin no zhes bsam gyis shes par byas nas phyag rgya bzhi la brten nas yul shes rab kyi stong pa nyid dang/ yul can thabs kyi stong pa nyid mngon sum du shes par byas nas bsgom pa yin no/ /de la dran pa nye bar gzhag pa lus dang tshor ba dang sems dang chos yin la yul can shes rab gyi rnam pa ni stong pa nyid du byed pa yin no/ /de'i dgos pa ni lus kyi gnas ngan len dang/ srid ba bdag tu 'dzin pa dang/ chos su rmongs pa spong ba'i phyir bsgom pa yin no/ /de bzhin du shes rab brtson 'grus kyi grogs dang bcas pas nyon mongs pa ma skyes pa skyes pa rnams spong pa'i phyir sbyor ba la/ 'dun pa bskyed cing dngos bzhi la 'bad de rjes la brtson 'grus rtsom mo/ /de ltar sems rab tu 'dzin cing ma 'ongs pa la sems dbang du smon to/ /de bzhin du dge ba'i chos ma skyes ba bskyed la 'phel ba'i phyir byed pa yin no/ /de la rdzu 'phrul gyi rkang pa ni ting nge 'dzin gyi grogs dang ldan pas bdun pa dang/ brtson 'grus dang dpyod pa dang/ sems kyi ting nge 'dzin bzhi la re re kyang mi mthun pa'i phyogs/ brjed pa dang/ bying ba dang/ rgod pa dang/ 'du ni byed pa dang/ nyes pa lnga po spong ba yin no/ /de la gnyen po ni gnas bdun pa dang/ gnas pa brtson 'grus dang rgyu dad pa dang/ 'bras bu shin tu sbyangs pa bzhi dang/ dran pa dang lngas brjed ngas pa spong ba yin no/ /bying ba dang rgod pa ni shes bzhin gyis spong do/ /'du mi byed pa ni sems pas spong ngo/ /'du byed drags pa ni btang snyoms kyis spong ngo/ /de la dbang po rnams ni mi mthun pa'i phyogs spangs nas rang gi rigs 'dra bskyed pa la dbang ba'i phyir dbang po'o/ /mi mthun pa'i phyogs kyis
- 11b
mi rdzi ba'i phyir stobs so/ /de la byang chub kyi yan lag bdun la rang bzhin gyi yan lag ni chos rnam par 'byed pa'o/ /gnas pa'i yan lag ni dran pa'o/ /nges par 'byung ba'i yan lag ni brtson 'grus so/ /dga' ba'i phan yon gyi yan lag go /shin tu sbyangs pa'i ting nge 'dzin dang btang snyoms ni nyon mongs pa med pa'i yan lag go /gzhi'i yan lag dang/ gnas pa'i yan lag dang/ ngo bo nyid kyi yan lag go /'phags pa'i lam yan lag brgyad la yongs su gcod pa'i yan lag lta ba'o/ /go bar byed pa'i yan lag rtog pa'o/ /lta bas yid ches pa'i yan lag ni dag go /tshul khrims kyis gzhan yid ches par byed pa ni las kyi mdza' o/ /yo byad bsnyungs pas gzhan yid ches bar byed pa ni 'tsho ba'o/ /nyon mongs pa'i gnyen po ni rtsol ba'o/ /nye ba'i nyon mongs pa'i gnyen po ni mngon shes so/ /dbang gis bsgribs pa'i gnyen po ting nge 'dzin to/ /de ltar byang chub kyi phyogs cig car bsgom pa bstan nas de'i snang ba lus kyi 'khor lo'i rtsa bshad par bya ste/ de ltar yang dag bshad de dag /rab tu dga' la sogs pa'i sa/ zhes bya ba la sogs pa ni rtsa'i rten gyi bye brag bshad pa'o/ /dbang po rnams byang chub sems dpa' i yon tan yin zer ro/ /phung po sangs rgyas yin pa dang/ sogs kyis 'byung ba lnga lha mo yin pa gnas de rnams su sangs rgyas dang byang chub sems dpa' shes pa rtog med 'byung ba yin no/ /dus nam kyi tshe zhe na/ byang chub sems ni sum cu gnyis/ gang tshe 'dir ni yongs gang ba/ zhes bya ste/ lus la tshor bsdug bsngal gyi phung po nad med cing tshor ba btang snyoms kyi dbang po khams nyi shu rtsa bzhi sbyangs nas/ dga' ba dang mchog dga' dang/ lhan cig skyes dga' khyab pa'i dus kyi tshe/ bde ba
- 12a
rtog pa med pa yin pas phung po dang khams dang skye mched lha'i rang bzhin no/ /de rang gi lus la zhi gnas kyi sangs rgyas bzhugs pas gzhan du na gang na'ang sangs rgyas med kyang mi shes pa sangs rgyas 'dod do/ / sems de'i stong pa nyid ni lus la gnas kyang lus las ma skyes pa yin te/ kun tu brtags pa nub nas rtog pa thams cad spangs pa yin la/ gzhan gyi dbang nub pa kun tu rtog pa thams cad nub pa yin no/ /mi 'gyur bar yongs su grub pa'i ngo bo yin pas dngos po kun la khyab cing lus la gnas kyang blo bur gyi rnam par rtog pas ma skyed pa yin no/ /de skad du yang 'tshe ba med dang yang dag don/ /ngo bo nyid la phyin log gis/ /'bad du zin kyang mi zlogs shing/ /blo ni de phyogs 'dzin phyir ro zhes bshad do/ /des na rang rig 'od gsal ba las ni phung po lnga'i lhan cig byed pa'i rkyen byed la blo bur gyi rtog pa phung po lngas ni sems 'od gsal ba'i rkyen mi byed do/ /des na rang rig pa 'od gsal bas ni nyams su myong ba'i rgyu rkyen las skye'i blo bur gyi rnam par rtog pa las mi skye'o/ /des na 'bad du zin kyang blo bur gyi rnam par rtog pa'i sgrib pas mi zlogs pa de la bde ba chen po zhes bya'o/ /byang chub sems dpa' rdo rje snying pos zhi gnas kyi bde bI rten rtsa du mchis zhes zhus pa yin no/ /bcom ldan 'das kyis 'khor lo bzhi'i rtsa gtso mo brgya nyi shu bstan pa dang/ spyi gtsug gi byang chub kyi sems 'ba' pa lus thams cad la khyab pa'i rtsa sum cu rtsa gnyis bstan la/ rtsa rnams kyang dbyibs kyis mtshon nas ming gi brdar brtags pa ni gnyis yin te/ bde mchog dang sbyar nas gnas nyi shu rtsa bzhi/ 'khor lo gsum dang/ bu ga dgu'i rtsa dam tshig gi 'khor
- 12b
bo'i rten bshad pa yin no/ /dgyes pa rdo rje dang sbyar nas ra sa nA dang la la nA dang/ a ba ? tI gsum gsum ni gtso bo yin la / mi phyed ba ni rdo rje bdag med ma yin la/ de la rtsa sku gsung thugs kyi yon tan dang ldan pa yin pas na rtsa bzhir snang ba yin no/ /gzhan lha mo bco lnga ni thabs dang shes rab gnyis dang ldan pa yin pas na rtsa gnyis gnyis su 'jog pa yin pa'am yang na rgyu 'bras bu gnyis dang ldan pa yin no/ /yang na sangs rgyas mnyam sbyor dang sbyar nas/ rigs drug gi rten he ru ka dang ldan pas na rtsa drug lnga sum cu tham pa yin la/ ra sa nA dang la lA nA ni dbus kyi gtso bo he ru ka'i sku gsum dang ldan pas ston pa yin no/ /bcom ldan 'das la rtsa de dag gi rang bzhin zhus pa ni /srid pa gsum po thams cad kyi lus rtsar snang yang bsaM gtan gyi bde ba rtog med skyes pa'i dus su rang bzhin brgyad cu'i rtog pa brgyad cu po mtshan mo'i sgras bstan pa dang / 'dzin pa'i rtog pa brgyad cu nyin mo'i brdar bstan pa bral ba yin no/ /bde ba chen po'i ye shes kyi snang ba ni rnam par rtog pa rnams spangs pa gzung ba dang 'dzin pa dang bral ba'i ye shes 'dus ma byas pa ste / rgyu dang rkyen gyis ma bskyed pa'o/ /zhes gsungs pa dang /gsang ba 'dus pa'i rgyud phyi ma las kyang /ye shes lnga yi rang bzhin lus/ /'byung ba lnga yi ngo bo nyid/ /ces gsungs so/ /de ltar sems snang ba dang bcas pa'i rab tu byed pa bshad nas/ zhi gnas dang lhag mthong nyams su blangs pa bstan pa ni/ de nas bcom ldan 'das la mchod pa byas nas/ gsang chen bde ba'i zhi gnas kyi bde ba dang/ ye shes bla na med pa lhag mthong gi rang bzhin dang/ bla na med pa'i snying po nyams su blang pa'i thabs gsungs pa yin no/ /de nas bcom ldan 'das kyis rgyud thams cad kyi snying
- 13a
po nyams su blang ba zhi gnas dang lhag mthong/ rnam shes dang ye shes kyi sgron ma rnam par rtog pa thams cad spangs pa zhes byas pa'i ting nge 'dzin la snyoms par zhugs nas gsungs pa yin no/ /de la dang po gleng gzhi'i don bstan pa ni gsang ba dga' ba dang/ mchog dga' dang/ dgyes pa lhan cig skyes ba'i 'khor byang chub sems dpa' bye ba phrag brgyad cu dang/ /ston pa'i gtso bo bdag nyid dus rtag tu bzhugs so/ /ston pa'i gtso bo gang yin zhe na/ sangs rgyas kun dang sems dpa' ste/ /rigs lnga'i rang bzhin he ru ka /rdo rje sems dpa' longs spyod rdzogs pa'i sku'i bde mchog dang/ chos skus bdud bzhi bcom zhing zung du 'jug pa'i rnal 'byor te/ ye shes phun sum tshogs pa dang/ blo bur gyi rnam par rtog pas mi bskyod pas na brtan zhing mi mthun pa'i phyogs kyis bar du mi chod pas na rtog pa nyid de spangs pa phun sum tshogs pa'o/ /rtag tu da ltar byung ba dang zhes pa ni myong ba 'ba' zhig dus gsum dang bral pas na der snang btsam ste/ he ni rgyu tshogs spangs pa dang/ ru ni bkod pa dang bral bas/ /ka ni gang duAng mi gnas pas/ zhes 'byung bas dus gsum gyis stong pas dngos dang rjes thams cad du chos kyi dbyings las mi bzhengs pas na rang bzhin gyis ni 'da' dka' ba'o/ /de ltar sku gsum bstan nas/ nga ni bshad pa'i chos phun sum tshogs pa bstan par bya ste/ sna tshogs las kyi sbyor ba yis/ zhes pa ni thabs lnga dang shes rab lnga mnyam par sbyor ba'o/ /sna tshogs chog 'dod rnams la zhes bya ba ni bskyed pa'i rim pa dang/ rdzogs pa'i rim pa gang 'dod pa la/ de ltar de ltar ston cing ston pa po sangs rgyas dang rdo rje 'dzin pa la sogs pas gdul bya bzhin du rgyud dgu rdzogs par mdzad pa yin no/ /de yang khyad par ci lta bu zhe na/ sangs rgyas kun
- 13b
sogs brtan g.yo zhes bya ba smos te/ /sangs rgyas kun ni mya dran las 'das pa'i gzugs su snang ba'o/ /dngos po kun tu 'di 'gyur ro/ zhes pa ni thams cad kyang bde ba chen po'i rang bzhin can du snang ba'o/ /de nyid kyang gang zhe na/ sangs rgyas kun dang mnyam sbyor ba/ zhes bya ba phyag rgya chen po dang dam tshig dang chos dang las kyi phyag rgya dang/ thabs rnam par mi rtog pa'i ye shes dang lus bde ba dang yid bde ba dang rnal 'byor ma rnams rang bzhin brgyad cu gzung ba mtshan mor snang ba dang/ 'dzin pa ni nyin mor snang ba'i rtog pa rnams dang bral bas na/ bde ba rtog pa med pa yul dang yul can ro gcig ba'i zhi gnas kyi mnyam par sbyor ba dang/ bde ba sgyu ma lta bu dang stong ba ro gcig pa'i lhag mthong gi mnyam bar sbyor ba'i phyir ro/ /mkha' 'gro ma'i dra ba sdom/ zhes bya ba ni rtsa'i dra ba las byang chub kyi sems bsdams pas dbyings dang rlung gi dra ba las kyi rang bzhin dang/ stong pa nyid dang sgyu ma lta bu'i rang bzhin sdom pas sems kyi sdom pa chos kyi rang bzhin no/ /sdom zhes bya ba'i sgras ni bde mchog la bya'o/ /de ltar tshigs bcad gcig gis zhi gnas dang/ lhag mthong gi rgyu thabs bstan nas/ da ni sgyu ma bde ba'i thabs yin par ston te/ sgyu ma bde ba 'di yis ni/ zhes bya ba smos te/ sgyu ma de dag gang zhe na/ mkha' 'gro ma dra ba bde ba'i mchog go /rnam pa du zhen?/ thams cad du ni sna tshogs mchog /ces bya ste/ phyag rgya bzhis brgyas btab nas yul thams cad du dngos po bde ba sna tshogs pa gzung 'dzin dang bral bas na mchog ste/ su'i zhe na/ sems can kun gyi don du'o/ /ji lta bu zhe na/ bla na med par ro/ /thabs gang gis she na/ sangs rgyas la sogs 'dul bas grub ces gsungs te/ tshogs kyi 'khor lo byed ba'i dus su sangs rgyas lnga dang/ dpa' bo thams cad dpa' bo dang dpa' mo'i mnyam par sbyor ba'i tshul gyis bzhugs nas gdul bya 'dod pa'i yon tan lnga
- 14a
la mos pa la gzugs sdug gu dang/ sgra snyan pa dang/ dri zhim pa dang/ ro dang reg bya yid du 'ong ba'i bar gyis gdul bar grub po/ /de skad du yang/ skye bo 'dod chags can don du/ /'di yi byed po rdo rje sems/ /zhes gsungs so/ /mnyam sbyor las kyang/ bskal pa bye ba grangs med steng/ /sangs rgyas thams cad ma mthong la/ /phyag rgya'i sbyor ba gang dag gis/ /tshe 'di nyid kyis 'grub bar 'gyur/ /de ni bdag gis bstan par bya/ /sangs rgyas kun dngos bde ba'i mchog /ces gsungs so// da ni las kyi phyag rgya'i mtshan nyid ston te/ rang gi gzugs ni yongs rjes nas/ zhes bya ba ni chags pa dang bral ba'i gzugs spangs nas chags pa chen po'i gzugs su bsgyur te/ las kyi phyag rgya rnam pa bzhi yis dbye bas bde ba'i ting nge 'dzin shes par byed pa'o/ /de yang du zhe na/ ma dang sring mo dang bu mo dang tsha mo ste bzhi dang rgyal rigs dang rje'u rigs dang bram ze'i rigs dang dmangs rigs te bzhi dang/ bcu gnyis ma rag? bcu drug ma dang/ nyi shu ma dang/ nyi shu rtsa bzhi ma ste bzhi dang/ sngags skyes ma dang/ zhing skyes ma dang/ las las skyes ma dang/ ye shes laS skyes ma ste/ bzhi dang ni bzhi'o/ /de dag ni bud med kyi sgyu mas grub ces bya ste/ sgyu mar khyad par med kyang/ bde ba'i sgyu ma ni sgyu ma rnams kyi mchog yin te/ des sna tshogs sgyu ma'i phyag rgya'i brdar btags nas mkha' 'gro ma zhes bya'o/ /ci'i phyir de la mkha' 'gro ma zhes bya zhe na/ sgra bshad pa'i rgyu mtshan gnyis yod de/ DA yi sgra las mkha' 'gro zhe na/ 'dir ni khams la rnam par brtag /ces bya ba'i tshigs bcad phyed kyis de'i a ka sa ma zhes bya'i sgra'i khams kyis sgra bshad pa'i rgyu mtshan yin no/ /'jug pa'i rgyu mtshan ni zhi gnas kyi rtog med kyi nam mkha' gzugs med pa bzhi dang/ bsam gtan bzhi rtogs na rgyu bas mkha' 'gro ma bzhi'o/ /yang sa
- 14b
bcu gcig gi chos kyi dbyings stong pa nyid rtogs shing rgyu bas mkha' 'gro ma zhes bya'o/ /de ltar mkha' 'gro ma'i nges tshig bshad nas/ da ni mkha' 'gro ma rnams kyi rigs kyi dbye ba bshad de/ kun tu sna tshogs phyag rgya ni/ /kun tu yid bde mchog yin no/ /zhes bya ba ni dag byed kyi lha mo dbang gi lha mo dang/ dpa' bo'i lha mo dang/ bkas gnad ba dang/ de 'og ma lus kun spyod ma'i phyag rgya'o/ /kun tu sna tshogs bde mchog ni/ /sems 'jig pa'i yan lag dang/ dbang bskur ba'i yan lag dang/ tshogs kyi 'khor lo'i rim pa dang/ mchod pa'i yan lag dang/ de yang dbye na du zhe na/ rdo rje rdo rje 'dzin nyid dang zhes bya ba smos te/ rdo rje ni rdo rje'i rigs yin la/ de las byung ba ni he ru ka'i rigs ni rdo rje 'dzin pa nyid do/ /pad+ma ni ? snang ba mdza' yas kyi rigs yin la/ pad+ma 'dzin pa ni las kyi rigs yin no/ /nor bu'i rigs ni rin po che'i rigs yin la/ nor bu 'dzin pa ni rin po che'i rigs yin no/ /de ltar ni rigs drug ka'i rang bzhin du 'di rnams snang ba yin no/ /yang na rdo rje pad+ma dang nor bu chos kyi dbyings dang so sor rtog pa dang/ me long lta bu yin la/ 'dzin pa gsum ni stong pa nyid gsum dang ldan pa yin no/ /de'i don 'di skad ston pa yin te/ gnas dben zhid yid du 'od bar dpa' bo dad dpa' mo'i lha'i grangs dang mnyam par bsags bsnyen sgrub bzhis ji lta ba bzhin du sbyang bar byas pa'am/ yang na gdong brnyan gon pa lha'i cha byad gzung nas/ gzugs rdo rje ma dang/ sgra rdo rje ma dang/ dri rdo rje ma dang/ ro rdo rje ma dang/ reg bya rdo rje ma rnams la/ gzugs 'dzin gyi rnam bar spangs nas/ dga' ba bzhi'i ting nge 'dzin bsgoms nas bsam gtan dang tho? la sogs pa zhi gnas kyi sems gzung ngo/ /de skad du yang/ dbugs dbyung bar ma ro mchog dang/ /dri yi chu dang bcas pas kyang/ /rnal 'byor bas dus rtag khyab par/ /rigs ldan rnams ni mchod par bya/ /zhes gsungs pa dang/ mnyam sbyor las kyang/ lha la dmigs
- 15a
bar byed pa dag /rnal 'byor gzugs brnyan rang bzhin te/ /rang gi dam tshig dam sbyor ba/ /mi 'gyur dam pa 'grub par 'gyur/ /gzugs brnyan lus la sogs pa las/ /rnal 'byor 'byung bar mi 'gyur ro/ /byang chub sems pa rab brtson na// de las rnal 'byor ltar 'gyur ro zhes gsungs pa rgyu rkyen tshogs kyi 'khor lo las bsam gtan dang po lta bu'i bde ba skye ba 'gyur ro/ /de ltar zhi gnas kyi thabs bshad nas/ nga ni lhag mthong bshad par bya ste/ bcom ldan 'das 'khor zil gyis gnon cing rnam par rtog pa'i rdul dang bral ba'o/ /bde ba chen po bsam gyis mi khyab pa'i rnam par thugs rtse gcig tu mdzad pa'o/ /byang chub sems 'di gsungs zhes bya ba ni don dam byang chub kyi sems so/ /de'i rnam pa gang zhe na/ stong pa ma yin mi stong min/ dbu mar yang ni mi dmigs so// zhes bya ba la stong pa ni kun tu brtags pas stong pa ni kun tu brtaD mtshan nyid med pa'o/ /mi stong ni gzhan dbang skye ba ngo bo nyid med pa'o/ /dbu mar yang ni mi dmiD pa ni yongs su grub pa don dam pa ngo bo nyid med pa dbang po rnon po'i dbang du byas pa'o/ /stong pa ma yin gong bu'i gzugs las 'dras pa'o/ mi stong mi ni dngos po med pa'i sems nyid yin zhes bya'o/ /yang na chaD dang chaD bral ba lhan cig skyes dga' mi dmigs pa ste/ /de skad du mnyaM sbyor las chags med chaD dang bral ba med/ /dbu mar yang ni mi dmigs so/ /bud med kun gyi sgyu ma'i rgya/ /'di ni gnyis med theg pa'ang mchog/ ces bshad do/ /shes rab kyi pha rol tu phyin pa dang ni stong pa nyid do/ /snying rje'i bdag nyid thab sbyor bas zhes bye ba ni bde ba sgyu ma lta bu'o/ /snying rje'i thabs kyis mdzes pa zhes bya ba ni bde ba sgyu ma lta bu rgyun mi 'chad pa'o/ /sheS rab pha rol phyin gsal 'gyur zhes bya ba ni stong pa nyid la dmigs pa ste/ zung du 'jug pa'i don yin no/ rnam par mi rtog chos rnams la/ dngos med cing bsgom pa med/ /ces bya ba gzung ba dang 'dzin pa med cing bsgom bya dang sgom byed dbral bas sems bzhag pa'o/ /de skad du yang/ las chen mchog zhan med/ /sangs rgyas thaMs cad mnyaM sbyor ba/ /?
- 15b
dbang phyug bde chen des/ chos 'di nyid la mi 'grub med ces gsungs so/ /mi rtog lhag par mos par bya/ /rtog pa kun gyis lhag par brtag/ ces bya ba ni seng+ge phru gu lta bu 'am zla ba tshes gcig pa lta bu'i/ skar khung gi gser lta bur phyog? cig stong pa nyid la mngon sum gyis bsgoM pa'o/ /de lta bu'i thabs su mdzad ce na bde bar gsheD? bas mngon sum gyi laM 'di/ /rnaM par me rtog chos rnams la/ /seM can don du rab tu brtaD?/ zhes bya ste/ phyag rgya bzhi'i byin gyis brlabs kyis bdag byin gyis brlabs bsgoM pa yin te long spyod rdzoD pa'i skur snang ba'o/ /de bzhin gsheD pa kun bdag chos/ /chos can med cing chos nyid med/ ces bya ba ni chos kyi sku'i bdag nyid do/ /chos dang chos can dang chos nyid dang rnam pa gsum med par bde ba chen por ro gcig pa'o/ /de lta yin na ni ji ltar chos gsungs par 'gyur zhe na khrag cha sgra dang mtshungs pa yi/ /de nas chos kyi gsung 'di 'byung/ zhes bya ba la sogs pa'i tshigs su bcad pa gcig gis sprul sku 'byung ba bstan to/ /de ltar sku gsum gyi don shes pa'i rnal 'byor pas bsgom ? sangs rgyas dang 'dra can bdag skyes ni longs spyod pa'i sku'i sgo nas so/ /rmongs mthong bshad nas nyams su blang ba'i don bstan pa ni bstod cing phyag byas nas gsol ba btab pa yin no/ /'gro bsgrol byed sprul ba'i sku'o/ /sems can bdag skyes ni longs spyod pa'i sku'i sgo nas so/ /rmongs pa gcod byed ni chos kyi sku'i sgo nas so/ /chos kun gcig pa'i snying po zhes bya ba ni gnyis su med pa'i ye shes don no/ /dbang po drug gi lam gyur ces bya ba ni mtshan bcas kyi lnga la dga' ba bzhi de dang de'i rang bzhin du 'gro ba'o/ /mnyam par ma bzhag pa'i rjes kyi rnal 'byor la/ /dngos bzhin du mnyam par bzhag pa dang ro mnyam par 'gyur ro/ yang na dbang po gang gi lam sems kyi bde ba chen po stong pa nyid kyi rang bzhin du rgyas btab pas/ bde ba chen po de dang de'i rang bzhin du 'gro ste/ mnyam par bzhag ba dang mnyam par ma bzhag pa'i gnyis khyad par med par dngos
- 16a
rjes bde ba chen po'i rang bzhin du ro mnyam par bsgom pa dang mi bsgom pa med pa'o/ /des na gang phyir dngos kun bdag nyid ni/ rnam shes phung por bstan pa yin zhes bya ste/ dbang bzhi yi ni sems kyi chos nyid shes pas chos thams cad kyi mdo dang rgyas pa shes par 'gyur ro/ /de skyes bu blun po tha shal gyis shes par mi nus so/ /thams cad kyis rtogs par mi nus sam zhe na/ phyogs gzhan 'ga' dang 'ga' gzhan gyi yin te/ thams cad kyang bde ba chen po 'dod pa la gzhol ba 'ba' zhig go /de gang zhe na/ chos kyi phung po brgyad khri bzhi stong ste sems rnam par shes drug gam brgyad kyi rang bzhin te/ khams gsum pa de'i rang bzhin du shes par 'gro bar 'dod pa 'am/ sems las byung ba dang pa dang/ ngo tsha shes pa dang khrel yod pa'i sgo nas grol bar 'dod pa'i sems pa ni sems bcas rnam bcas bar? rnams med kyi sgo nas dang/ shes bya bye brag tu smra ba dang/ mdo sde ba'i sgo nas so/ /rgyu ni rjes su dpag pa dang/ 'bras bu ni spyod pa dang bya ba dang/ gnyis ka'i rgyud kyi sgo nas so/ /chos can ni don dam sgyu ma lta bu'i sgo nas dang/ chos nyid ni rab tu mi gnas pa'i sgo nas thar bar 'dod pa rnams kyis bsgom par 'dod pa yang chu bo chen po rnam pa bzhi chu lnga brgya'i 'khor gyis bskor nas rgya mtsho chen po'i lan chwa'i ror gcig tu gyur pa bzhin du grub pa'i mdza' du ma de dag kyang don dam par bde ba chen po la du ma nyid du mi dmigs pa'i phyir thar pa ni gcig kho na yin no/ /ji ltar gang gi sems kyi stong nyid shes she na/ /nga nang du bltas pa'i tha ma'i lam gyis so/ /rab tu byed pa gsum pa'i 'grel ba'o// //de ltar bde mchog la sogs pa'i
- 16b
mnyam sbyor gang gi gleng gzhi bstan nas/ da ni 'dus pa la sogs pa'i gleng gzhi bshad par bya ste/ rgyud rnams kun gyis des pa ste/ gru gsum shin tu yangs pa'i gzugs/ zhes bya ba ni phyogs gcig rtogs pas zhi gnas kyi rtog pa bde ba med pa ? phyogs gcig gi gang zag gi bdag 'gags sam nyan thos sam rang rgyal ba'i bdag med pa 'am/ phyogs gcig gi nyon mongs pa dang shes bya'i sgeb pa dang bral bas byang chub sems dpa' i stong nyid mdza' dag dang bral bas sangs rgyas kyi stong nyid ni sems can thams cad dang thun mong yin la/ kun rdzob tu e gru gsum gzhal yas khang ngam zla ba 'am pad+ma 'am btsun mo'i gru gsum b+ha ga'i gzugs su kun rdzob tu snang ba de bzhin gshegs pa'i bzhugs gnas su gyur pa yin la/ don dam par de nyid shes rab kyi pha rol tu phyin pa'o/ /gzung ba'i yul las 'das shing 'dzin pa med pas na srog chags thams cad kyi dbus na bzhugs pa rnam par mi rtog pa'i ye shes mtshon pa'i thabs kun rdzob ston pa phun sum tshogs bar snang ba ste/ mdor na thabs dang shes rab kyi don rtogs pas sangs rgyas nyid du 'gyur bas thabs dang shes rab ston pa'i phyir gleng gleng gzhi bstan pa yin no/ / de yang mngon sum du ma rtogs pas bskal pa grangs med pa gsum du goms pa yin la/ mngon sum gyi lam gyis tshe 'di nyid la rdo rje 'dzin pa 'am/ lha'i 'khor lo sgyur ba 'am/ dngos grub bzhi thob par 'gyur ro/ /de ltar gleng gzhi mdor bsdus pa bstan nas sems 'od gsal ba yin yang blo bur gyi dri ma 'dod chags la sogs pa'i dbang gis 'khor bar 'ching zhing/ sdug bsngal gyis 'dzoms par byed cing sems de'i las dge mi dges bcings
- 17a
nas dmigs pa dang ldan pa de srid du slar yang sdig pa sna tshogs pas khams gsum du 'khor zhing skye bar 'gyur ro/ /de ltar dang po'i 'khor ba'i mtshan nyid bshad nas de'i tshe sangs rgyas dpa' bo ni zhes bya ba ni dbugs 'byung ba'i lam rje su mthun pa'i stabs ston te ji lta bu zhe na 'khor ba'i rgya mtshor lhung ba'o/ /dgos ci'i phyir zhe na/ sdug bsngal dang bral ba'i phyir te/ thabs gang gi zhe na sprul pa'i sku byin rlabs kyi lam dang/ rig pa'i mngon sum gyi lam gyis so/ /thabs kyi mtshan nyid ji lta bu zhe na/ thabs dang thabs kyi sbyor bas so/ /shes rab ni mtshon byed de la ci shig rtogs shes na/ khams gsum pa mtshon bya dri ma med pa'i rang bzhin du rtogs pa'o/ /gang dang gang gi gnas gyur pas/ de dang de yi ngo bor 'gyur/ /dper na bud shing mer 'gyur ba bzhin du bskyed pa'i rim pa lha'i gar gyi 'khor los phung po dang khams dang skye mched sbyangs te/ dper na sgyu ma'i mkhan pos sgyu ma mkhan po pham bar byas pa bzhin no/ /de la bskyed pa'i rim pa dang sbyar na nyon mongs pa lnga'i? gnyen por sangs rgyas lnga bsgom pa'am mi zab pa'i rdzogs rim la rtsa lnga'i rlung la bde bsgom pa'am nyon mongs pa lnga po de nyid kho na stong pa nyid kyiS gsang brtol ba'o/ /de ltar re re'i sbyor ba bshad nas/ thun mong du sbyor ba rdo rje 'dzin bcas thams cad spyod zhes 'byung ste/ 'od gsal bas thams cad bde ba chen po'i rang bzhin du byed pa'o/ /nyon mongs pa lnga ji ltar spyod du rung zhe na/ sems 'od gsal ba la brten pa'i blo bur gyi dri ma nam mkha' la sprin sna tshogs byung nas de nyid du thim pa bzhin no/ /nang gi bye brag 'di lta bu gang gis shes she na/ bla ma'i man ngag la brten pa'o/ /de ltar rjes su mthun pa'i thabs gnyis pa bstan nas da ni brtag pa'i gleng gzhi bshad bar bya ste/ 'dzam bu'i gleng ni gru gsum la/ /btsun mo'i b+ha ga zhes bya ste/ /e yi cha byang bzang po yi//
- 17b
dbus su baM gis rnam par brgyan zhes so/ /gnas 'di yi dbus na bzhugs pa'i gleng gzhis ma 'ongs pa'i dus kyi bsgom bya ci mtshon zhe na/ btsun mo yum gyi b+ha ga gru gsum mtshon pa yin no/ /chags pa'i lam dang sbyar na dkyil 'khor b+ha ga zhes bya la/ grol ba'i lam dang sbyar na dkyil 'khor lus yin la/ rang ltag par gnas pa'i lam pa la dkyil 'khor chos kyi dbyings yin no/ /de la rlung gi 'khor lo bde mchog dang sbyar na lte ba sprul pa'i 'khor lo bcu drug a ba b+hU tI dang rlung rgyu ba dang/ g.yas pa ra sa nA dang 'brel pa bcu drug khrag rgyu ba dang/ g.yon pa la la nA dang 'brel pa bcu drug byang chub kyi sems rgyu ba dang/ dbus ma dang g.yas nas g.yon du 'brel bas sgom bzhi'i rtsa dang/ g.yas g.yon gnyis 'dres pa mtshams bzhi'i rtsa dang 'byung ba bzhi'i rlung dge bdud rtsi bzhi dang drug cu rtsa bzhi rten 'brel gyi gnas lugs yin la de'i 'dus na gnas pa'i rlung la sems gzung nas phyi rol gyi rlung 'gags nas shes pa rtog med bskyed nas bde ba chen po'i rang bzhin du 'gro ba yin no/ /de ltar gleng gzhi'i don gsum bshad nas de yang mos pa'i bye brag gis mu dra bzhi'i snang ba ni 'byung ba bzhi la mos pa la 'byung ba bzhi'i dkyil 'khor du snang ba'am/ lha mo bzhir mos pa la der snang ba 'am/ tshad med pa bzhir mos pa la tshad med pa bzhir snang ba 'am/ pha rol tu phyin pa bzhir mos pa la de ltar du snang ba 'am/ ye shes bzhir mos pa la de star snang ba 'am/ a baM mA ya yi ge bzhi par? mos pa la de ltar snang ba ste/ bdag byin gyis rlob par mos pa la glo bur gyi dri ma bslabs pas stong pa mthong ba'i rgyu yin no/ zhes yan lag med pa'i rdo rje 'dod do/ /yang na sangs rgyas kyis phyin gyis brlabs kyis thag pa med pa'i ye shes snang ba sprul pa'i sku dang mtshungs pa ye shes kyi snang ba nyon mongs pa med pa'o zhes dbang mchog dang po las gsungs so/ /de ltar snang ba med pa'i byed brag bshad nas/ e baM gi bye brag bshad par bya ste/ spyi bo dang lte ba ni e yin la/ mgrin pa dang snying ga ni baM yin te/ steng 'og gi bye brag gis thabs dang shes rab
- 18a
kyi rang bzhin du 'gyur ro/ /e baM gi sbra de las sdud pa bo'i gleng gzhi dang sbyar nas mdo sde dang mthun pa'i yi ge'i don bshad par bya ste/ 'di skad bdag gis thos pa zhes bya ba la sogs ba nas rjes su yi rang zhing bstod do zhes bya ba'i bar du gleng gzhi dang tshig gi mtshams sbyar nas/ bcom ldan 'das nyid kyi bka' nyid du gnas pa yin pas bkar bsgrub pa de la bshad pa'i rgyud kyis 'chad par 'gyur ba'am/ yang na sprul pa'i skus 'dul ba'i dor bde bar gshegs pas bshad la sdud ba pos gdul bya'i dor sangs rgyas nyid sdud pa por sprul pa'o/ /de nyid kyi don bshad pa'i phyir bcom ldan 'das kyis dus gzhan gyi tshe/ sangs rgyas dang byang chub sems dpa' gsol ba btab nas bshad pa'i rgyud gsungs kyang 'gal ba yod pa ma yin no/ /de skad du yang mya ngan las 'das pa'i mdo las/ sdud pa pos gsungs ba nyid kyis gsungs pa yin la/ de'i don rtogs par dka' ba yang mdo sde gzhan dud nyid 'chad pa yin no zhes gsungs so/ /de ltar 'di skad bdag gis thos pa zhes bya ba'i don bstan pa'i phyir/ spyan ras gzigs kyis rtogs pa'i chags pa'i lam dus dang/ sa'i snying pos rtogs pa'i dus ngan pa dang/ 'jam dpal gyis rtogs pa'i bsam gyis mi khyab ba'i dus so/ /de la bzang po ni b+ha ga'i dkyil 'khor bde ba'i rgyun 'jug ba'i dang? so/ /ngan pa ni lus kyi dkyil 'khor rlung me'i drod can gyis srog a ba d+hU tIr 'jug pa'i dus so/ /bsam gyis mi khyab pa ni sgyu ma dang stong ba ro gcig pa'i dus te/ chags pa ni dga' ba dang mchog tu dga' ba'i dus yin la/ chags bral ni dga' bral yin la/ dbum ni lhan cig ba'i dga' ba yin te/ de gsum mi dmigs pa ni bde ba chen po 'od gsal ba'o/ /chags pa dang chags bral 'dres bu? ni kun rdzob tu tha dad pa yin yang/ don dam par ro gcig pa des na dngos dang dngos med ro gcig
- 18b
pa'i don ston pa ji lta bu zhe na/ yon tan drug dang ldan pa'am nyon mongs pa dang shes bya'i sgrib pa bcom pa dang ldan pas na bcom ldan 'das so/ /gnas gang zhe na/ sku dang gsung ni chos can yin la de yi chos nyid ni snying po yin no/ /de nyid sgrib pa gnyis kyis mi phyed pas na rdo rje ste/ de la de bzhin gshegs pa rnams kyi sgras btsun mo zhes grags so/ /de'i b+ha ga ni mi slob pa'i lam gyi stong pa nyid do/ /kyi bcom ldan 'das chos kyi dbyings kyi b+ha ga la rnam par mi rtag bar ro gcig pa na bzhugs so zhes bya ba'i tha snyad ji ltar rung zhen/ lan du bka' stsal ba don dam par stong pa nyid dang ye shes ro gcig pa yin yang gdul bya'i skye bo mos pa'i dbang gis de rnams kyi mos pa'i dbang gis yid 'phrog pa'i rgyud kyi gleng gzhi'i gnas pad+ma dang zla ba dang gzhal yas khang dang/ re'i gdan dang/ btsun mo'i b+ha ga la bzhugs pa yin no/ /chos kyi rnam grangs kyi rnam pa der bcom ldan 'das bzhugs pa la bdag gis thos so zhes mtshams sbyor ro/ /de la ci'i phyir b+ha ga zhes bya zhe na/ nyon mongs pa dag /shes rab stong pa nyid kyis 'joms pas na b+ha ga te/ de nyid snang ba med pa'i rnam pa thams cad mkhyen pa'i ye shes gdul bya rnams kyis stong pa nyid la gseng brtol ba'i phyir b+ha ga'i gzugs su sprul cing bstan pa yin no/ /'di brjod par phyed pa'i chos bang zhe na/ gleng gzhi'i don de nyid kyis rjod par byed pa ni/ e baM ma ya zhes bya ba'i yi ge bzhi yin la rjod byed nges rgyud dgu'i thabs dang shes rab kyi don ston pas na/ rgyud dgu'i chos kyi thog mar e baM ma ya bstan pa yin no/ /dgos pa ci'i phyir zhe na/ sangs rgyas dag ba'i dngos grub bskyed ces bya'o/ /mdo sde thams cad kyang e baMma ? sgra brjod par bya ba yin na lan du lag na rdo rje zhes bya ba nas brjod du med pa'i don/ nga yis sems can la bstan pa yin la/ yi ge des phyag rgya bzhi shes rab la thabs bzhugs so zhes bya bar khong du chud pas 'khor ba'i rgya mtsho las ring du 'gro ba'o/ /sems de'i chos nyid
- 19a
rtogs pa ltar chos thams cad kyi chos nyid rtogs na ji ltar 'gyur zhe na/ brgya lam zhig na thams cad las ni sems bsdus nas/ nang gi bdag nyid g.yo med par/ /dul ba'i sems kyis mtshon byed kyis/ /chos thams cad kyi mtshon bya mngon sum du byas nas tshe 'di nyid la rdo rje 'dzin pa thob po/ /gang gis sems kyi stong nyid ma shes pa de srid kyi bar du bsam gtan dang/ gzugs med kyi lha'i bde ba myong par 'gyur ro/ /gang gis mngon sum gyi lam de las ma yin no zhes spangs na mnar med pa'i sems can dmyal bar mnar med par 'gyur ro/ /dpal ldan gang zhig gis mngon sum gyi lam dag pa'i sems kyi phyag rgya bzhi'i shes rab ji ltar rnyed pa bzhin du thams cad kyi bsgoms na rang rig pa'i blo bur kyi dri ma dag pa'i mtshon bya rtogs nas khams gsum pa'i chos nyid nam mkha' dang mnyam par gzigs pa chos kyi sku dang/ longs spyod dang/ sprul sku'i gzugs yid bzhin gyi nor bu lta bus sems can gyi don mdzad ba de yang mngon sum gyi rgyu rkyen dang bral na ni chos kyi dbyings bsam gyis mi khyab par mtshon par mi nus so/ /de ltar le'u dang pos zab pa'i rdzogs rim gyi shes bya bshad nas/ de ni nyams su blangs pa dbang bskur ba'i rim pa bshad par bya ste/ thog mar dkyil 'khor dang tha mar dbang bskur ba'i don bshad par bya'o/ /ji ltar sgrub pa po la phan pa'i phyir/ dbang bskur ba'i tshigs bcad gcig gis mdor bstan pa yin la/ de rgyas par bshad pa ni dang por bdag nyid lha'i dngos por bya la/ rdo rjes sa sbyang ba'i phyir yi ge hUM las rdo rje 'bar bya'o/ /de ltar sa sbyang ba dang brtag pa bshad nas/ da ni tshigs su bcad pa gcig gis bshad pa yin no/ /tshon brtag pa ni 'byor ba'i dbang gis rin po che las byas pa'am/ 'bring gis bsres pa 'am/ tha mas 'bras kyi phye mas tshon rtsi bsgrub par bya'o/ /chung ched gsum pa'i dkyil 'khor la/ sor gsum gyi mdza' bskor lhag pa ni tshon brtag pa'o/ /sgrub pa'i yan lag brtag pa ni
- 19b
sngags kyi lam gyi bsnyen sgrub bzhis sbyang ba byas nas dbang bskur ba thob pa'i rigs lnga 'am/ yang na gar mkhan la sogs pa'i rigs bzhi'i dkyil 'khor der gzhug bar bya'o/ /ji ltar sgrub pa'i yan lag du gyur ba brtag pa ni mngon sum gyi lam 'am/ sangs rgyas kyi chos kyi dbyings kyi dkyil 'khor longs spyod rdzogs pa dang/ sprul pa'i gzugs kyi sku'i pho brang na gnas ba bzhin du zlos gar byas nas 'jig rten gyi khams mdza' yas pa'i bud med kyi dbang phyug dang/ las kyi phyag rgya la sems gzung bar bya zhing longs spyod du blangs na gdon mi ? bar sems can rnams dam tshig nyams par gyur pa'i 'jigs pa thugs la bzhag nas/ byin rlabs kyi go 'phang dga' ba gsum dang/ sangs rgyas kyi don dam pa'i bden pa stong pa nyid dang/ rang bzhin brgyad cu dang bral ba/ sngags pa'i lam yong sangs rgyas dang byang chub sems dpa' bzhin du rtogs pa yin no/ /de ltar dbang bskur ba'i gnas dar? sa bshad nas/ nga ni tshogs kyi 'khor lo bshad par bya ste/ rdo rje sems dpa' dang de bzhin gshegs pa la sogs pa'i lha rnams kyi dam tshig gi 'da' bar dka' ba dang/ rgyal ba nyid las skyes pa'i byang chub sems dpa' i mngon sum gyis dbang nod pa'i phyir ro/ /de ltar dgos pa bshad nas de'i rten slob dpon bshad pa ni/ zab pa dang rgya che ba'i yon tan rgya mtsho dang ldan pa la/ chags lam grol lam gyi tshogs 'khor dbul bar bya'o/ /rten slob dpon bshad nas/ sgrub ba'i yan lag rnal 'byor ma bshad pa ni/ ma dang sring mo la sogs ba'i sngags skyes dbang thob pa 'am/ de med na kun spyod ma la sogs pa 'ang rung ste/ 'di ni bde mchog gi rtsa ba'i rgyud du rnam 'gyur 'khyil ma dang/ khu byug lta bu skad snyan pa dang/ rdo rje lta bur skad gsal pa rnams la/ sangs rgyas kyis bstod pas de bzung par bya'o/ /yang na zhing skyes kyi dbye ba ni bram ze la sogs la rnam pa bdun te/ de la bzo byed pa'i rigs ngan smyig ? mkhan la sogs pa zhes bya ba ni smyig ma mkhan dang lham mkhan? sogs pa'o/ /sems kyi mtshan nyid
- 20a
ni dam tshig bsrung ba dang/ lha'i sku'i sbyod lam bsgom pa las 'grub pa dang/ chos kyi de kho na nyid shes pa dang/ sngags kyi de kho na nyid shes pa dang/ dbyibs kyi de kho na nyid shes pas ni sgrub pa po'i sdig pa zad par byed pa dang/ btsan phyug ni ldan par yang ba dang/ ? mdog bde ba la sogs pa 'jig rten pa'i dngos grub dang/ bsam gtan bzhi'i thun mong gi dngos grub dang/ mchog gi dngos grub kyang thob par 'gyur ro/ /yang na ji ltar rnyed pa'i lo tshogs kyi rang bzhin gzugs dang lang tsho la sogs pas brgyan pa'o/ /khyad par gyi mtshan nyid gang gis rtogs par byed ce na/ du ba las ni mer shes shing/ /chu skyar las ni chu yin te/ /byang chub sems dpa' blo ldan gyis/ rigs ni mtshan ma rnams kyis shes/ zhes gsungs pas de gsum la skyabs su 'gro ba la sogs pa bsnyen sgrub bzhis sbyangs nas/ sngags dang rgyud dang de kho na nyid shes pa'o/ /de la sngags ni bsgom bzlas so/ /rgyud ni sman no/ /de nyid ni ye shes lnga'o/ /gsang chen de ltar sbyangs nas zhes pa ni/ lus dang ngag gi bya bas sbyangs nas so/ /de skad du yang rtsa ba'i rgyud las/ gzhi ni gzhir byas nas su/ rnal 'byor pas ni longs spyod bya/ zhes gsungs pa dang/ mnyam sbyor las kyang/ de nas khrus bya dri zhim lus/ /ci 'byor ba yi gos dang brgyan/ /sna tshogs gos ni thogs nas kyang/ /me tog phreng ldan kha dri zhim/ /gang gis lha dang 'dra ba yi/ /bud med dag ni legs bsgrubs la/ / skal bzang dag ni phyag rgya'i mtshan/ /tshogs kyi 'khor lo brtag par bya/ zhes gsungs so/ /'tshe ba thams cad spangs pa'i gnas su bzhag ste zhes bya ba ni rnam par dben pa ste/ yang na bdag gi gnas dag gam/ /skyed mos tshal la sogs par bsgrub/ /der ni dang por gdan bsham ste/ /'jam zhing reg na bder 'gyur ba/ /sna tshogs padmo ras kyis g.yogs/ /de ni thams cad dag pa'i bdag /ces gsungs so/ /g.yog dang bcas pa zhes bya ba ni me dang gsos rnams byed pa la sogs ba'i grogs dang bcas pa'o/ /de skad du yang/ lha mo kun dang 'grogs
- 20b
pa yis/ /sna tshogs kun gyi skal bzang ma/ /a ra li ya? kun 'grub 'gyur/ /nam mkha' i dbyings ni mthas klas pa'i/ /lha mo kun dang bde mos pa/ /rdo rje sems dpa' yang dag rdzogs/ zhes gsungs so/ /de ltar me tog gi phreng ba la sogs pas bkur sti bya zhing/ de ltar bsgrub ba'i slob dpon ma dang? bcas pa rnal 'byor ma gus pa'i sems kyis 'o ma dang zho mar la sogs pa dkar gsum dang/ 'o ma dang sbrang rtsi ka ra la sogs pa mngar gsum dang/ sha dang chang gi tshogs rnams dang/ sha'i sbyor ba sha skam dag dang/ tshogs kyi 'khor lo dbul bar bya zhes gsungs so/ /de ltar tshoD kyi 'khor lo rdzogs nas/ da ni kun rtog thams cad rnam spangs pa/ zhes bya ba la sogs pa stong pa nyid lngas me long lta bu dang mnyam pa nyid dang so sor rtog pa dang bya ba la nan tan dang chos kyi sgo nas bstod nas/ tshigs su bcad pa gsum gyis gsol ba gdab par bya ste/ de la dang po ni gsang ba'i dbang bskur ba'i sgo nas so/ /de nyid bla med ye shes 'tshal zhes pa ni ro? rdo rje ma la mngon sum gyis stong pa nyid rtogs pa'o/ /rdo rje'i dbang bskur kun mkhyen gyis zhes pa ni ro rdo rje ma las rang bzhin brgyad cu'i rnam par rtog pa'i dri ma bkrus pa'o/ /sangs rgyas kun la gsang ces pa ni reg bya'i stong pa nyid shes par bsang ba'o/ /ji ltar dpal ldan sems des zhes bya ba ni sngon bcom ldan 'das rdo rje sems dpa' rdo rje chos la dbang bskur ba bzhin du bdag la bka' drin gsol cig ces pa'o/ /khyod zhabs pad+ma sdangs? nas ni/ zhes pa sems kyi stong pa nyid rtogs pa'i mngon sum gyi las spangs na'o/ /'khor ba'i 'gro ba spangs pa'i phyir/ zhes pa ni blo bur gyi rtog pa ? pa'i phyir /dbang bzhi pa bdag la stsol cig ces pa'o/ /de ltar gsol ba btab nas/ da ni slob dpon snying rje dang ldan pa'i rnal 'byor bas slob ma la tshogs kyi dbus su bos nas snying rje bskyed la dbang bskur ba'o/ /de nas sgrub pa'i yan lag dang dbang bskur bar byed pa'i lus la mchod par byed pa ni/ rnal 'byor ma ni rnal 'byor ldan/ zhes pas ni bsnyen sgrub bzhis ltar bskyed pa dang ldan pa'o/ /dril
- 21a
bu'i sgra sgrogs shing bla re bres ba ni gnas so/ /'dod yon lnga yis brgyan byas zhes pa ni sngar tshogs 'khor du mchod pa'o/ /de skad du yang mnyam sbyor las/ de la gzugs sgra dri ro dang/ /reg bya bde bar myong ba yi/ /gzugs ni ri mo yin par gsungs sgra ni slu yin zhes bshad do/ /dra ni rab tu tshim byed de/ /do ni ra sa ya na yin/ /rob bya bde ba yon par bshad/ /rab tu reg pa dag pa'i bde/ /chos kyi phyag rgya yin bar bshad/ ces gsungs so/ /me tog bdug pa'i sbyor ba zhes bya ni lus kyi dkyil 'khor gyi gnas su dri'i thig le dang bdub pa dbul bar bya'o/ /phreng dang shin tu dri zhim sogs zhes pa me tog gi phreng ba gdags shing gdong dri zhim par bya ste so rtsis btang la blu snyan pas mchod par bya'o/ /dkyil 'khor dam pa rmad byung mchog ces pa ni tshogs kyi 'khor lo'i rnal 'byor mchod par bya'o/ /de ltar mchod pa byas nas/ phyag rgya dang mnyam par sbyor ba las/ byang chub kyi sems rgyal ba'i bdag nyid las skyes pa'i byang chub kyi sems pad+ma'i snod du bzhag nas/ rin chen mchog gi dbang bskur ba/ zhes bya ba ni rdo rje ma la sems gzung ba'i zhi gnas dang lhag mthod ni dngos grub rnyed pas na rin chen mchog ces gsungs so/ /des 'gro ba'i gtso bo byang chub sems dpar dbang bskur ro/ /de yang mnyam sbyor las/ b+ha ga la dag ma ma bde/ /thod pa pad+ma ling ga yin/ kha TwAM ga ni ling ga ste/ /sangs rgyas pad+ma ling ga ste/ /sangs rgyas phyag rgya podmar bshad/ /bde ba kun gyi bdud rtsi yin/ /rnam pa kun mkhyen shes bya'i phyar zhes pa dang/ lha'i rnal 'byor dang ldan pas/ /srin lag dang ni mtheb mo'i rtse/ /zhi ba'i btud pa nyid myangs na/ /rtag pa yi ni dngos grub thob ces gsungs so// de nas rang bzhin rnam dag pa'i/ /mtshan nyid dag pa nyams dga' sbyin zhes bya ba ni slob ma la bshad pa'i dbang du byas nas/ bdud rtsi lnga'i ro la bde ba rtog pa med pa bskyed nas/ dbang bskur ba'am/ chogs kyi dbang du byas na/ nges ji ltar dbang bskur ba bzhin du
- 21b
khyed kyang bdud rtsi lnga'i ro la longs spyad par bya'o/ zhes bya ba'i don to/ /khrag chen po ni rang bzhin gyi me tog go /ga bur bcas ni byang chub kyi sems dang ldan pa'o/ /tsan dan dmar ni rta mchog go /rdo rje chu ni mi bskyod pa'o/ /lnga pa rnam snang ni sems me long lta bu las byung bar bshad pas de'i shugs kyis lhag pa bzhi'i ye shes bzhi las byung ba'o/ /rgyu de'i phyir na ye shes lnga dang/ 'bras bu bdud rtsi lngar snang ba ni sangs rgyas rnams kyis mthun par gsungs zhes bya'o/ /dam tshig 'di ni bla na med ces bya ba ni zhi gnas dang lhag mngon sum du bskyed pa'i dam tshig go/ bzang po khyod kyis bskyar zhes bya ba ni rjes su gnang ba byin pa ste/ zhi ba'i btung ba gtsang sgra ston pa'o/ /de ltar gnas bshad nas/ dam tshig gi srog chags gnod par mi bya ste/ lce'i rnam par shes pa sgyu ma lta bu la gnod par mi bya'o/ /dam tshig bde ni bla na med ces pa ni ro rdo rje ma'i stong pa nyid mi 'dor ba'o/ /de dag gi don 'di skad ston pa yin te/ rab tu byung ba'i byang chub sems dpa' i slob dpon gyis/ gtum mo'i drod kyis phyag rgya dang snyoms par zhugs pa la byang chub kyi sems bdud rtsi lnga dang bsres nas thod ba'i nang du bzhag la bkra shis tshigs su bcad pa dang bcas pas srin lag dang/ mthe bos? rdo rje ma myang zhing/ blang rgyas gyi pa'o ros? 'dzag pa'i man ngag dang dbang bskur bar bya ba ni rin chen mchog gi dbang bskur gyi 'gro ba'i gtso bos dbang bskur bya zhes gsungs pa yin no/ /de'i rjes la khyod kyis kyang zhi ba'i btung ba'i rjes su gnang ba dang/ thabs dang shes rab mi 'dod pa'i dam tshig sbyin par bya'o/ /khyim pa'i byang chub sems dpa' yin na sngar bshad pa'i rigs las skyes pa dang/ ye shes las skyes pa dang/ las las skyes ma rigs dang mthun pa'am rang gi rigs las kyi phyag rgyar 'gyur pa mthun pa'i rnal 'byor pa dang snyoms par zhugs pa'i sbyor bas byang chub kyi sems bdud rtsi lnga dang bsres nas dbang bskur bar bya'o/ /de ltar brol ba'i lam dang chags pa'i lam mthun mong gi dbang bskur ba bstan nas/ sngon du gsungs pa'i rig ma zhes bya ba ni sngags skyes dang/
- 22a
zhing skyes dang/ las skyes dang ye shes las skyes pa rnams so/ /yang na bdag gi rnal 'byor ma zhes bya ba ni rang gi las kyi phyag rgyar 'gyur ba'o/ /sihla ga bur gyis bsgos nas zhes pa ni lha rnams kyi gnas su dri'i thig le byas la me tog bkod cing cod pan dang rkyan btags nas sangs rgyas spyan la sogs pa'i rig pa'i lha mor sprul par bya'o/ /yang na rig ma ni de'i sprul pa bya ste zhes bya ba ni bsnyen sgrub bzhi yis sbyangs nas rig ma de'i dri ma med par byas zhes bya ba'i don to/ /phyag rgya dang thabs kyi gdong dgab ni ngo tsha'i 'jigs pa dang bcas na rtog med kyi ye shes mi skye bas na gdong g.yog par bya'o/ /bag tsha ba med na g.yog par mi bya'o/ /ji srid khu ba ldan gyur pa/ /de srid par du bsten par bya zhes bya ba ni/ 'khor lo bzhi byang chub sems kyis bkang nas/ /gsang ba'i rdo rje nor bu'i mtshams su byang chub kyi sems gzung la slob ma'i lce la bzhag par bya'o/ /de skad du yang gdan bzhi las/ /ro dang lce yi rnam shes rtag spangs nas/ /bde mchog 'gyur ba mngon du khyim gyi gnas/ /su ni dbus su gnas pa gzung bar bya/ zhes gsungs pa dang/ mnyam sbyor las kyang bde ba phyag rgya la bab nas/ /bud med dag kyang bsgoms nas ni/ /rdo rje nor bu'i mtshims gzung nas/ slob ma'i khar ni dbab par bya zhes gsungs so/ /de ltar gsang ba'i dbang bskur bshad nas/ da ni shes rab ye shes kyi dbang bskur ba bshad par bya ste/ de nyid du ni mnyam pa'i ro/ /zhes bya ba ni snga ma bzhin du bsnyen sgrub bzhis spyangs pa'i las kyi phyag rgya slob ma la byin nas a bad+hU tI kha sbyar la bde bar rnal 'byor ma'i stobs kyis bskyed pa la slob dpon gyi dga' ba dang mchog tu dga' ba lus bde ba dang/ lhan cig skyes pa'i dga' ba yid bde ba rtog pa med pa slob ma'i spyod yul dag tu bya'o/ /bdag dang gzhan du 'dzin spangs shing/ zhes bya ba ni bud med dang skyes pa'i rnam par rtog pa nub pa'o/ /rang rig pa'i ye shes zhes pa ni/ bde ba mi rtog pa mngon sum gyis shes pa'o/ /dngos dang dngos med
- 22b
bdag nyid mchog ces pa ni reg bya'i dngos po dang reg bya'i stong pa nyid dngos po med pa'i mchog ste/ yul gyi stong pa nyid la bsgom pa rnam snang gi rgyas btab pas na/ mkha' mnyam pa'o/ /de nyid rang bzhin brgyad cu yi rtog pa dang bral bas na sdul bral lo/ /'dod chags chags bral 'dres pa ste/ zhes bya ba ni 'dod chags dga' ba dang mchog dga' dang/ chags bral dga' ba dang dga' bral te/ de gnyis stong pa nyid du ro gcig pas na 'dres pa'o/ /thabs dang shes rab shin tu 'dres zhes pa nam lus shes pa'i shes pa sgyu ma lta bu dang reg bya stong pa nyid du ces pa'o/ /de nyid srog chags rnams kyi srog ces pa ni rnam par rtog pa dang bral ba'i lhan cig skyes pa'o/ /de nyid mi 'gyur zhes bya ba ni blo bur gyi mi gnod pa'o/ /dam pa ste zhes bya ba ni bde ba dang ldan pa'i stong pa'o/ /de nyid kyis na thams cad mkhyen pas ni reg bya'i stong pa nyid shes na chos thams cad kyi stong pa nyid shes par 'gyur ro/ /sangs rgyas ye shes dang dpal he ru ka'i ye shes ni ming gi rnam grangs so/ /'di dang de dang gzhan yang rung/ zhes pa ni rjes las byung ba'i bde ba stong pa shes pa'i rgyun no/ /dngos po ni snang pa'i dngos po'o/ /dngos med ni mi snang ba'o/ /'di las byung zhes shes rab ye shes pa las 'di dag thams cad byung ba'o/ /de skad du yang mkha' 'gro las/ /klung ni dang bar gyur pa las/ /nya dag myur du 'bar ba ltar/ /de bzhin stong gsal rang bzhin las/ /rgyu 'phrul dra ba 'byung bar 'gyur zhes gsungs so/ /dang po gsang ba'i dbang bskur nas/ gnyis pa slob ma la shes rab ye shes kyi dbang bskur bar bya'o/ /de yang mnyam sbyor las/ slob dpon ji ltar zlos gang las/ /slob ma rnams la bde ba sbyin/ /slob ma dag dang deng phyin cad/ /phyag rgya'i ye shes rjes gzung nas/ /rnam par snang mdzad mchog bzhin du/ /sangs rgyas kun gyi bdag gis bsgrubs zhes gsungs so/ /de yeng chags pa'i lam shes pa'i rig ba skye ba'i dbang du byas nas dpa' po 'u sa bde ba ni dga' ba yin la lus ni dga' ba 'phel nas/ rnal 'byor pa'i lus kyi 'dod pa'i yon tan lnga dag par snang ba ni mchog
- 23a
dga' yin no/ /yid kyi rnam par shes pa rtog pa med pa'i yul ma lus pa bde bar 'gyur ba ni lhan cig skyes dga' yid bde ba yin no/ /bde ba'i thabs kyis ma lus nyid ces bya ba ni/ de'i tshe tshod ba sdug bsngal dang/ btang snyoms dang bral bas/ yul chos ci snang ba thams cad bde ba'i rang bzhin du ma lus par rig par bya'o/ /grol ba'i lam gyi dbang du byas nas/ spyi gtsug tu phyin pa ni dga' ba yin la/ lkog mar phyin pa ni mchog dga' yin la/ snying ga ni khyad par gyi dga' ba yin la/ bzhi pa ni lhan cig ces pa'i dga' ba yin no/ /de ltar dga' ba bzhi'i rim pa bshad nas/ dbang bzhi'i go rims bshad par bya ste/ nub dang po rdul tshon byi dkyil 'khor du bum pa'i dbang bskur ba dang/ nub gnyis pa lus kyi dkyil 'khor la gsar ba'i dpa' bskur ba dang/ nub gsum pa b+ha ga'i dkyil 'khor la shes rab ye shes kyi dbang bskur ba dang/ nub bzhi pa chos kyi dbyings kyi dkyil 'khor la dbang bskur ba bzhi pa bya ste/ ji ltar shes rab ye shes kyi dus su/ yul gyi stong pa de bzhin du/ sems kyi stong pa nyid rtogs pa ni dbang bzhi pa'o// de skad du yang mnyam sbyor las/ /lha'i bde ba chen po kun/ /thabs dang rnal 'byor bde bas myong/ /sems kyi bde ba thams cad kyi/ /dbang bskur bde ba las byung ba'i/ /zhes gsungs so/ /byang chub sems kyis bkrus nas su/ zhes pa ni/ dbang bzhi pa'i rim pa kun rdzob dang/ don dam byang chub kyi sems so/ /slob ma'i sdig dang bral byas te/ zhes pa ni chu'i dbang bskur bas lus kyi sgrib pa 'dag pa dang/ gsang ba'i dbang bskur bas ngag gi sgrib pa 'dag pa dang/ shes rab ye shes kyis/ sems kyi gzung ba'i dri ma 'dab ba dang/ dbang bzhi pas sems kyi 'dzin pa'i dri ma bdag pa'o/ /de ltar shes rab ye shes kyi dbang bskur nas rjes su gnang ba sbyin pa ni/ sangs rgyas grong mchog spyan sngar du smos te/ dkyil 'khor bzhi pas/ b+ha ba'i dkyil 'khor gyi spyan sngar du'o/ /de la rjes su gnang ba'i tshig ni byang chub snying po'i
- 23b
mthar thug par bzhed nas/ da ni sems can bon rang gyi zhes bya ba'i bar du brjod par bya'o/ /de ltar gnang bar byin nas/ dbang bskur ba dang gnang ba nod pa'i rjes thogs la/ 'jam pa'i tshig gis dbugs dbyung ba brjod par bya ste/ de ring gson pa 'bras bu bcas zhes bya ba nas rdzogs pa nyid du bdag gyur to/ zhes bya ba'i rab du brjod par bya'o/ /de nas yon dbul ba bshad par bya ste/ rab tu mgu? bas mig gdang ma te/ zhes bya ba nas de dang de ni nges par dbul zhes bya ba'i bar gyis bstan to/ /rgyas par bshad pa ni/ bla ma thugs rjes bdag zhis kyang zhes pa ni slob ma la phan bar bzhed pa'i sems so/ /'dzin pa med pa yis ni rang gi mngon sum gyi lam nyams su myong nas slob ma'i zhen pa sbyang ba'i phyir mngon sum gyi lam ston pa'i phyir dbul ba'i lam yin no/ /de nas de la tshogs kyi 'khor los mchod cing/ gser ni stong phrag brgyar gnas kyang zhes bya ba nas/ /byed la bdag ni dbul lags kyis zhes bya bas ni rab tu yin dbul ba ston tse/ /mngon par 'dod pa rnyed nas su/ /'di ltar yang yang mkhyen par gsal zhes pa ni bdag gi lus dbul ba mngon par 'dod pa'i dngos grub rnyed kyi bar du rim gyis brjod par mdzod cig ces pa'o/ /dbus ba'i dgos pa ni de ring sangs rgyas thams cad nyid ces bya ba nas de nyid du ni gzhag par bya/ zhes pa'i bar gyis bdag gis mngon sum gyis lam mthong nas gzhan la yang bstan par bya'o zhes slob ma sa tshig tu brjod pa'i sgo nas dam 'char bzhug go/ las kyi phyag rgya 'ba' zhig gi sgo nas shes rab ye shes dbang bskur rab zhe na/ slob ma'i mos pa'i yid shes bya ste/ zhes bya ba smos te/ chos kyi phyag rgya 'dod pa'i yon tan lnga dang/ dam tshig gi phyag rgya rlung mi'i drod? can las/ dga' ba'i bzhi'i ting nge 'dzin rims kyis bskyed par bya'o/ /de yang ji ltar bya zhe na/ dbang bskur cho ga bzhin byin nas/ /zab cing rgya che la mos na/ zhes bya ba ni reg bya rdo rje ma las dbang bskur ba'i chog ga bzhin du bde ba stong pa nyid zab pa'i sems dang/ dga' ba'i rnam pa gsum rgya che ba'i rang bzhin rnam pa shes pa'i bdag nyid
- 24a
la mos pa slob dpon gyi mngon sum gyi gzhan don gyi tshig gis nyams su myong bab de ba stong pa nyid bsam gyis mi khyab pa'i rin po che'i dbang bskur bar bya'o/ /kha cig tshig dbang rin po che zhes 'dod kyang/ /de ni rigs pa ma yin te/ dbang bskur ba nyams su myong bar don gtan la phab pa yin pas/ de yang mngon sum gyis rtogs pa ma yin na dbang bskur ba ma yin no/ /dbang bskur mchog ni ma lus thob nas su zhes bya ba ni phan yon 'bras bu rtogs pa yin te/ mchog ni rtogs pa'o/ /ma lus ni dbang gsum thob nas so/ /rnyed dka' ni rjes su dpag dka' i lam gyis mi rtogs pa'o/ /mtshungs med ni yul stong pa nyid do/ /rdo rje brdungs byas zhes bya ba ni mngon du rtogs pa'o/ /dpal gyis zin cing zhes bya ba ni rang don phun sum tshogs pa'o/ /longs spyod zhing du 'gyur zhes bya ba ni gzhan don phun sum tshogs pa'o/ byang chub sems chen gyis ni dbang bskur zhing zhes bya ba ni gsang ba dang shes rab ye shes/ /gsang ba'i dbang bskur dang shes rab ye shes kyi dbang bskur ba ni rjes gnang thob pa'o/ /'jig rten sdig gi dgra las rgyal zhes bya ba ni nyon mongs pa dang shes bya'i sgrib pa dang bral pa'o/ /blo ldan ni rten gyi gang zag go /go bgos rgyal bar 'gyur zhes bya ba ni chos kyi sku thob pa'o/ /byang chub la dmigs sems ni rab tu rgyas gsal zhes bya ba ni longs spyod rdzogs pa'i sku thob pa'o/ /dri med rnal 'byor ba ni 'di na rgyu zhes pa ni sprul? pa'i thob pa'o/ /le'u gnyis pa'i rab tu byed pa dang po'i 'grel pa'o// //de ltar shes rab ye shes kyi dbang bskur bstan nas/ nga ni dbang bzhi pa bshad par bya ste/ gzhan don la zhugs brtson 'grus can zhes bya ba ni slob dpon sems kyi stong pa nyid stong par 'dod/ /sgrub pa'i ? mkhan pa'i phyir ni slob ma bzhi pa thob par 'dod pa'o/ /shes rab thabs kyi don bsgom pa zhes pa ni shes rab ni chos kyi dbyings so/ /thabs ni stong pa nyid bsgom pa rang rig pa'i mngon sum mo/ /bsgom pa ni mngon sum du grub pa'o/ /de ltar mdor bstan nas/ /da ni de'i
- 24b
don rgyas par bshad par bya ste/ gang zhig bsgom pas 'khor ba sprul dka' ba'i rgya mtshor mi gnas shing/ rnal 'byor pa ni rang don tsam mya ngan las 'das la zhes pa ni nyan thos gang zhig gang zag gi bdag med pa bsgom pas 'khor ba'i rgya mtsho ra mi gnas shing/ theg pa dman pa'i rnal 'byor gyis/ rang gi don tsam bsgoms pas phung po lhag med kyi mya ngan las 'das pa thob go /byang chub sems dpa' i rnal 'byor pas/ shes rab kyis srid pa la mi gnas shing/ snying rjes zhi la mi gnas te/ de ji lta bu zhe na/ gang zhig rab kyi mthar thugs pas/ /dri med sangs rgyas snod du 'gyur zhes bya ste/ sa bcu gcig pa rab kyi mthar phyin pa sgrib pa rnam pa nyid gnyis kyi dri ma dang bral ba ni sgyu ma lta bu'i stong pa ro gcig pa'o/ /rmad du gyur pa'i sangs rgyas su 'gyur pa'o/ /ci'i phyir rmad du byung zhe na/ gnyen po 'phel ba dang nyon mongs pa'i sgrib pa las rnam par grol pa'i phyir/ /'o na sangs rgyas su ji ltar 'gyur zhe na/ sgyu na lta bu'i dor bla med byang chub skye zhes bya'o/ /de ltar 'khor ba dang mya ngan las 'das par gnas pa dang 'phel 'grib dang bral par bstan cing/ gnyen po dang spang bya dang bral bar bstan nas/ phung po lnga la sogs chos dang/ theg? pa gsum po dor mi bya zhes bya ba smos te/ mi dag pa'i phung po lnga la sogs pa dor bar yi bya zhing/ de'i gnyen po theg pa gsum po yang dor bar mi bya'o/ /ci'i phyir zhe na/ chos dbyings mnyam dang mi mnyam pa zhes bya ba smos te/ mnyam pa gnyen po dag pa dang/ mi mnyam pa phur po la sogs pa dag pa'o/ /de gnyis ka yang chos kyi dbyings su ro gcig pa'i phyir ro/ /de yang ji lta bu zhe na/ chu shing lta bu zhes bya ba smos te/ dag pa dang ma dag pa gnyis ka med pa'i phyir ro/ /gang la de ltar gzung bar bya'o/ /de ltar gnyen po spang bya dang gnyen po mnyam par bstan nas/ da ni stong pa dang mi stong pa mnyam par bstan pa'i phyir stong pa nyid 'ba' zhig tu yang mi bsgom mo mi stong pa'i dngos po 'ba' zhig tu yang mi bsgom la/ de ni blang pa dang dor ba mnyam pa nyid du ston pa ni stong pa nyid spang bar mi bya ste zhes pa chos can med pas chos nyid 'ba'
- 25a
zhig dor bar yang mi bya'o/ /mi stong pa dor ram zhe na/ dngos po chos mi stong par yang dor ro/ /stong pa dang mi stong pa blang ba dang dor bar gzung ba las nyes pa cir 'gyur zhe na/ tha mal min pa'i rnam rtog skyes zhes bya ba gsungs te/ rtag pa dang chad pa la sogs pa'i rnam rtog du ma skye bar 'gyur ro/ /dbu ma rab tu mi gnas pa bzhin du de gnyis ka btang na nyes pa ci yod ce na/ btang ba zhes bya ba la sogs pa ste/ des na de gnyis spang bar bya zhes bya ba smos te/ blang ba dang dor ba gnyis spang bar bya'o/ /de'i 'bras bu ci yin zhe na/ 'dzin pa gnyis ni yongs btang pa/ /rnam par dag cing grol ba'i gnas zhes bya ba ste/ sgrib pa gnyis rnam par dag cing 'od gsal ba'i stong pa nyid kyi grol ba'i gnas so/ /da ni dag pa dang ma dag pa'i mdza' las grol bar bstan pa ni bdag ces bya ba rtog pa ste/ des na de yang btang bar bya zhes bya ba smos te/ bdag dag go ma dag go zhes btang bar bya'o/ /de ci'i phyir zhe na/ 'gyur ba med ces bya ba smos te/ chos kyi dbyings ni dri ma dang bcas pa dang/ dri ma dang bral ba med pas na 'gyur ba med cing rang nyid la dri mas gos bas dogs med pa'i rgyu des na dag pa'i gnas la 'dul med ces bya ba smos te/ ma dag pa med pas na rang ba dang 'dod pa mi skye'o/ /da ni thog ma dang tha ma'i mdza' dang bral ba ston te/ dang po ni 'khor ba'i thog ma'o/ /tha ma ni phung po lhag ma med pa'i phyir mya ngan 'das pa'o/ /mdza' de gnyis na mkha' dang bral ba grol ba nam mkha' lta bu rnal 'byor bas bsgom par bya'o/ /da ni yod pa dang med pa'i mdza' dang bral ba'i snying rje can gyis sems can gyi don la rgyab kyi phyogs par mi bya'o/ /sku ma'i skyes bu bzhin du sems can yang yod ci'am/ med ces sgro btags pa dbang bsur ba'i gang mas dag sprin par bya ste/ sgyu ma dang khyad par med pa'i phyir ro/ /de ltar spros pa bzhi 'am bcu drug dang bral bas na sems 'od gsal ba'i rang bzhin la shes rab ces grogs/ /de ltar shes rab kyi rang bzhin bshad
- 25b
nas/ da ni thabs kyi rang bzhin bshad par bya ste/ yid bzhin nor ltar sems can don zhes bya ba smos te/ sems rang rig pa 'od gsal ba la sems can ci ltar mos pa ltar snang bas na sems can don no/ /ma lus byed pa'i snying rje ste/ /dmigs pa med pa'i snying rje che zhes bya ba ni snod dang bcud ma lus pa sems 'od gsal pa'i snang ba yin pas nam lus byed ces bya'o/ /de nyid sgyu ma sdug bsngal dang bral bas na snying rje'o/ /de yang chos kyi dbyings la dmigs pa med pa'i snying rje'o/ /sangs rgyas dang byang chub sems dpa' i spyod yul du gyur pas dmigs pa med pa'i gnas zhes grags zhes bya'o/ /de ltar thabs kyi rang bzhin bstan nas/ da ni zung du 'jug pa'i rang bzhin bstan par bya ste/ de ltar yang sgom pa gsum las sgom pa dang po ni mtshan nyid lnga dang ldan pa yin te/ zung du 'jug pa'i mtshan nyid dang/ mngon sum gyi lam gyi mtshan nyid dang/ yon tan gyi mtshan nyid dang/ blu bur gyi mtshan nyid dang/ blo bur dang bral ba'i mtshan nyid do/ /de la zung du 'jug pa'i mtshan nyid ni blo dang lhan cig gcig tu gyur ba zhes bya ba smos te/ blo dang rig pa dang rigs rab rig pa gnyis ro gcig? pa'o/ /des ji lta bu zhe na/ ji ltar mkha' dang mkha' nyid bzhin/ zhes bya ba smos te/ nam mkha' dang mkha' nyam nyid las khyad par gzhan spangs pa dang ma spangs pa las ma gtogs pa dngos po pa skra'i rtse mo'i tshad tsam yang med do/ /dbye ba med na ji ltar bsgom zhe na/ sgom pa de? yang rang rig pa yin na/ bsgom pa bya yang rang rig pa yin zhing/ bsgom pa yang rang rig pa'i chos nyid yin pas/ lta ba mig lta bar bya ba'i gzugs lta bu ni med/ de bas na tha mi dad pa pa'i shes pa ni lhun gyis grub pa'i bsgom pa zhes brjod do/ /da ni bya ba dang byed pa cung du 'jug pa ston te/ nyan thos kyi bya ba dang byed pa po dang/ mu stegs kyi bzab pa bya bar dang zab po las grol ba ni don dam rnam par bsgom par bya'o/ /da ni bsgrub bya dang sgrub byed med pa ston te/ gcig dang du ma med pa'i gtan tshigs kyis sgrub par byed pa dang/ bsgrub par bya ba cung
- 26a
zad kyang med de rang rig ba'i phyir ro /da ni blang dor med pa ston te/ blo bur med pas spangs par bya ba dang/ rang rig yin pas blang bar bya ba med do/ /de yang ji ltar shes par bya zhe na/ bdag byin gyis brlab pa'i thabs kyis shes te /rang gi sems yin la byin gyis rlob pa ni stong pa nyid kyi rnam par skye ba'o/ /de yang gang gis she na/ mngon sum gyis mthong ste/ gzugs la dri ba'i grong khyer lta bu dang/ sgra la sgra brnyan lta bu dang/ dril sgyu ma lta bu dang/ ngo la mig yor gyi grong khyer lta bu ste/ mig yong de la seng ge zla ba'i grong khyer zhes grag go /reg bya ni rmi lam lta bu ste/ gzugs kyis stong pa nas reg bya'i bar du yul gyis stong ba ni dbang po'i mngon sum gyis shes te/ shes pa thams cad sgyu ma bzhin du rang rig pa'i mngon sum gyis shes so/ /de ltar na 'gro ba thams cad bde ba chen po'i rang bzhin ma gtogs pa cung zad tsam yang dmigs su med do/ /de ltar zung du 'jug pa'i mtshan nyid bshad nas/ da ni mngon sum gyi lam gyi mtshan nyid bshad par bya ste/ ji ltar gzhon nu ma yi ni/ /dbang po gnyis ni 'dus pa las/ /skyes pa'i rang bzhin ji bzhin no/ zhes bya ba'i lus kyi bde ba mngon sum du skyes par gyur pa la rtsod pa med pa de bzhin du rang rig pa'i chos kyi dbyings kyi b+ha gar rtog pa med pa'i shes pa bzhin las skyes pa'i ye shes ni dbang bzhi pa yin no/ /cung zad skyes pa'i ye shes zhes ci'i phyir brjod ce na/ chos thams cad kyi stong pa nyid rtogs pa ma yin gyi/ rang gi sems kyi chos nyid stong pa cung zad tsam zhes bya'o/ /blo bur gyi dri ma dang bral na ji ltar rang gi sems nyid mthong zhe na/ thog ma dbus mthar rnam par dag /ces bya ba smos te/ thog min dga' dang mchog dga' o/ /dbus ni lhan cig skyes pa ste/ de rnams la 'das pa'i 'od gsal ba ni rnam par dag pa ste/ sangs rgyas rjes su dran pa bsgom zhes bya'o/ /mngon sum yin na ji ltar dran pa yin zhe na/ rang gis rig pa'i ye shes te/ sangs rgyas kyi
- 26b
chos nyid mkhyen pa dad khyad par med par dran pa zhes ming du btags so/ /chu rol mthong ba ni tshig gi spyod yul ma yin pas na brjod par nus ma yin pa'o/ /gzugs la sogs pa'i yul rnams la skyes pa'i shes pa ni ji ltar 'od gsal bar 'gyur zhe na/ gzugs pa lta pa dang/ sgra la nyan pa dang/ reg bya la reg pa'i khyad par dang/ lus kyi g.yo 'gul gyi dge ba dang mi dge ba byed pa dang/ ngag gi sgo nas smra ba dang/ rgod pa la sogs pa'i dge ba dang mi dge ba brjod pa dang/ lus kyi sgo nas dge ba dang mi dge ba'i las thams cad byed pa la bde ba chen po'i sems ma gtogs pa gzhan rnam par rtog pa dang bcas pa'i glo bur gyi sems kyis mi bya'o/ /snod dang bcud thams cad bde ba chen pos rgyas btab nas bsgom par bya ba yin gyi gzung bar dang 'dzin pa'i rang bzhin du gzung bar mi bya'o/ /de ji ltar bsgom par 'gyur zhe na/ de nyid rig pa'i rnal 'byor pa/ rgyun du mos pa'i rnal 'byor skye/ zhes smos te/ rang rig pas stong pa nyid mthong ba'i mngon sum la/ rab tu rnam par rtog pa'i 'gegs med par byas nas bsring ba ni bsgom pa'o/ /de skad du yang don dam snying po las kyang/ mngon sum shes pa rgyun bsrings pa// bsgrom pa zhes su de la bshad/ /rgyun tu thus pa'i rnal 'byor skye/ zhes bya ba smos te/ rang rig pas stong pa nyid mthong ba'i mngon sum la/ bar du rnam par rtogs pas bgegs med par byas nas rgyun bsrings pa ni bsgom pa'o/ /zhes 'byung ba dang/ gdan bzhi las kyang/ /dngos po ngo bo med pa yis/ /bsgom pa dag ni mtshon bya ba/ /gzugs dang stong pa'i dbus su ni/ /sems ni mkhas pas shes bya ste/ /sems kyi de kho na nyid kyis/ /dngos med rdzu 'phrul thob par 'gyur zhes gsungs so/ /de'i mngon sum grangs ji lta bu zhe na/ gnyis med pa'i byang chub kyi sems chen po dang/ dpal rdo rje sems dpa' dang/ rdo rje dang sangs rgyas dang/ byang chub dang pha rol tu phyin pa thams cad dang/ pha rol tu phyin pa nyid ces bya'o/ /mngon sum bsgom pa'i man ngag gang zhe na/ mnyam pa'i sems byed ces bya ba smos te/ des pa'i shes pa mngon
- 27a
sum gyis zlos gar byed pa ni a sa ma sa zhes bya ba ste/ dbang bzhi pa'i man ngag yin no/ /de ltar mngon sum gyi mtshan nyid bshad nas/ da ni yon tan gyi mtshan nyid bshad pa bya ste/ sangs rgyas kun gyi bsgom pa mchog ces bya ba ni/ sangs rgyas thams cad kyis bsgom pa'i chos kyi dbyings mngon sum gyi mchog go/ /ji ltar mchog yin zhe na/ byang chub sems dpa' mdza' yas dang/ rdzogs sangs rgyas dang nyan tho sogs/ sogS pa'i sgras tshangs pa dang/ brgya byin la sogs pa sdu'o/ /brtan pa snod dang g.yo ba bcud kyi 'jig rten 'gro ba 'di dag thams cad sems kyi stong pa nyid de shes pa'o/ /de bsgoms pas cir 'gyur zhe na/ dngos dang dngos med bral ba yi/ zhes bya ba'i tshigs bcad gcig gis las myur bar bstan to/ /dngos po dang dngos med ni sgyu ma dang stong pa'o/ /de ro gcig pa ni de las grol ba'o/ /myur ba las byung ba gang yin zhe na/ kun nas nyon mongs rgyab phyogs nas/ zhes bya ba'i tshigs bcad phyed kyis spangs pa phun sum tshogs pa ston la/ tshigs bcad phyed 'og mas ye shes phun sum tshogs pa skye ba ston to/ /de ltar yon tan gyi mtshan nyid bstan nas/ blo bur gyi mtshan nyid bstan pa ni/ rnam rtog rmongs pa chen po ni/ zhes bya ba smos te/ ma rig pa'i 'khrul pa bag chags so/ /ye shes glog gi zil gyis mnan zhes pa ni ma rig pa'i 'khrul ba'i gan du nges 'ga' rgyub dang gzugs brnyan lta bu shes pa glog lta bu skye yang bdag dang bdag gir 'dzin pa'i rmongs pa zil gyis mnan nas/ stong pa nyid la sems 'dren mi nus so/ /stong pa nyid de la nges pa ma skyes bas na khams gsum 'khor ba yin te/ ma rig ba'i khams gsum 'khor bzil gyis gnon pa'i phyir ro/ /de na 'dod chags la sogs pas bsgom pa'i sems 'di ni spang bar dka' bas na/ 'di ni bcom ldan 'das rdo rje can gyi 'khor ba yin par gsungs so/ /blo bur gyi mtshan nyid bstan nas/ dri ma dang bral
- 27b
ba'i mtshan nyid bshad par bya ste/ chags pa la sogs pa'i dri ma mngon sum gyi lam gyis bcom nas rang bzhin brgyad cu'i rtog pa las grol ba'o/ /'od gsal ba bzung ba dang 'dzin pa la sogs pa dang bral ba'i phyir sems can mchog 'di ni rgyu dbang bzhi pa 'dis mya ngan las 'das pa mchog tu grub par 'gyur ro/ /de ltar zung du 'jug la bshad nas/ de'i mjug bsdus pa ni/ des na zhes bya ba la sogs pa smos te/ 'di las gzhan pa'i lam thams cad sdug bsngal gyi rgyu yin pas/ des bde ba'i lam du 'gyur ba ni mod/ /de nas sangs rgyas kyi bde ba mdza' yas pa thams cad don du gnyer ba rnams pa zhi gnas kyi bde ba mngon sum du byed cing/ lhag mthong gi bde ba mngon sum du byed pa'i rgyu ni 'di las gzhan ci yang med do zhes bya'o/ /de ltar zung du 'jug pa'i mtshan nyid dang ldan pa bshad nas/ da ni mtshan nyid gsum dang ldan pa'i zung 'jug bstan te/ de la sbyor ba gdams ngag gi mtshan nyid bstan pa ni/ sdug bsngal ma lus pa'i 'ching ba las grol bar 'dod pa dang/ sangs rgyas kyi bde ba thob par 'dod pas sems kyi rang bzhin yod pa dang med brtags nas chu'i zla ba bzhin du rtogs par bya'o/ /ji srid bu rnam par rtog pa'i ling thog kun 'byung ba dang bcas pa de srid du 'bras bu sdug bsngal mdza' yas pa dang ldan par 'gyur la/ nam zhig sems kyi stong nyid shes nas rnam par rtog pa spangs pa de'i tshe 'phags pa rnams dgyes pa'i rtogs pa med pa skye zhing/ rtog pa gzung ba dang 'dzin pa zad par byas nas rang nyid kyi sems kyi stong nyid mthong nas chos thams cad kyi stong nyid kyang rgyas shing gsal bar mthong bar 'gyur ro/ /de skad du yang gdan bzhi las/ mtshan nyid med pa'i sems kyis ni/ /mtshon bya thams cad rtogs par 'gyur zhes gsungs so/ /de ltar sbyor ba gdams ngag gi mtshan nyid bstan nas/ da ni dngos bzhi bsgom pa'i thabs kyi mtshan nyid bshad pa ni/ de ltar de nyid rnal 'byor pa/ /rnal 'byor nyes
- 28a
pa byas nas su zhes bya ba smos te/ phyag rgya chen po las/ stong nyid nges par byas nas bsgom par bya'o/ /de yang thabs gang gis zhe na/ rjes su rang gi dam tshig nyams pa bskor bar bya zhes smos te/ dam tshig bsrungs pa'i stengs su bla mas man dag rjes su gnang nas bsgom par bya'o/ /de skad du yang mnyam sbyor bas gsang las gsang ba gsang chen po/ /rnam shes ye shes gsang bdag /chos log sogs pa spang bya zhing/ yul gyi mtshan nyid las kyang ring/ /mtshon bya'i mtshan nyid de nyid ni/ /bla ma'i lam gyis thob par 'gyur/ zhes gsungs so/ /thabs kyi mtshan nyid bshad nas/ bcos pa'i mtshan nyid ni/ thun mong dngos grub skye ba yi/ zhes bya ba nas/ tshigs bcad gcig gis bcos ma'i bsgom pa dang/ bzlas pa dang sngags dang phyag rgya mdor bstan pa yin no/ /de skad du slob dpon klu grub kyi zhal nas/ jig glang po rnyed gyur nas/ glang po'i rjes ni tshol byed dam zhes gsungs so/ /'o na gang gis mtshon zhe na/ rang 'dod lha yis sbyor ba yis/ /sangs rgyas nyid kyis mthar thug pa'i/ / mtshon bya'i mtshan nyid dngos byas na/ zhes bya ba ni bskyed pa'i rim pa'i rang bzhin mdor ba'i lhar bsgoms nas/ rdzogs pa'i rim pa rang 'dod pa'i lha phyag rgya la mngon sum gyi mtshon par byas nas/ sangs rgyas nyid kyis mthar thug pa'i 'khor ba dang mya ngan las 'das pa'i mtshan nyid rtogs shing khams gsum po nam mkha' lta bur rtogs par 'gyur ro/ /de gang gis bsgoms pas zhe na/ mkhas mchog nyid la dmigs pa'o/ /rang rig pa mngon sum gyis nyin dang mtshan du goms par byas pas so/ /de ltar bcos ma dang bral bar sgom pa'i mtshan nyid bshad nas/ da ni gnas kyi mtshan nyid bshad par bya ste/ ri rtse dang ni zhi byed gnas/ /sngags shes pas ni gnas bcos te/ zhes bya ba'i bar gyis gnas kyi mtshan nyid bstan nas/ des ci zhig bsgom par bya zhe na/ bde
- 28b
dang ldan pas bsgom bya zhe na zhes bya ba smos te/ zag bcas kyi bde ba dga' ba mchog dga' sogs pa dang bsgom par bya'o/ /bde ba stong pa de'i thabs gang zhe na/ shes rab thabs ni ma gtogs par/ /shes rab thabs ni rnyed mi 'gyur zhes bya ba ni phyag rgya bzhi la stong pa nyid ma bsgoms par rnam par mi rtog pa'i ye shes rnyed par mi 'gyur ro/ /de ltar gnas dang ldan pa yi bsgom pa bshad nas/ da ni mjug bsdu ba ston pa de bas de ltar rdzogs byang chub ces bya ba smos te/ 'bras bu rdzogs pa'i byang chub ni rang bzhin phyag rgya bzhi spangs shing de dang mnyaM par sbyor ba'i mngon sum gyi lam med na stong pa nyid 'ba' zhig gam rang rig ba 'ba' zhig gis dngos grub mi 'thob pa/ /de ltar rim gyis stong pa nyid la 'jug pa'i thabs bshad nas/ da ni zung du 'jug pa'i thabs gsum pa bshad par bya ste/ 'di las ye shes skye bas na/ phyag rgya bzhi dang sbyar bar bya/ zhes bya ba ni zla ba chos pa bzhin du zhi gnas gyi bde ba la lhag mthong gi bde ba skyes pa ni yul phyag rgya bzhi la rag las pa yin no/ /de ltar tshigs bcad phyed kyis mdor bstan nas/ da ni phyag rgya'i mtshan nyid rgyas par bshad par bya ste/ gti mug dam tshig phyag rgya ste zhes bya ba ni rnam par snang mdzad la mos pa'i rnal 'byor pas/ bram ze'i rigs kyi bu mos sangs rgyas spyan du bskyed nas bsgom par bya'o/ /snyoms par zhugs pa las/ dga' ba gsum gyi bdag nyid las/ bde ba stong pa nyid kyi rgyas btab pa ni dam tshig gi phyag rgya ste me long lta bu'i stong pa nyid bsgom pa'o/ /zhe sdang rtag tu phyag rgya che zhes bya ba ni/ rdo rje'i rigs la mos pa'i gang zag gis rgyal rigs kyi bu mo mA ma kI'i rigs su bskyed nas/ lhan cig dga' ba'i mthar stong pa'i rgyas btab pa ni phyag rgya chen po ste mnyam pa nyid kyi chos nyid do/ /phrag dog phyag rgya ste zhes bya ba ni las kyi rigs la mos pa'i gang zag gi dmangs rigs kyi bu mo bsgral bar bskyed nas lhan cig skyes dga' bskyed pa'i mthar bde ba stong pa nyid kyi rgyas btab pa ni
- 29a
las kyi phyag rgya ste bya ba nan tan gyi chos nyid do/ /'dod chags chos kyi phyag rgya ste/ zhes bya ba'i ni pad+ma'i rigs la mos pa'i gang zag gis rje'i rigs kyi bu mo gos dkar mor bskyed la dga' ba gsum gyi mthar bde ba chen po yi rgyas btab pa ni chos kyi phyag rgya ste/ so sor rtog pa'i ye shes kyi chos nyid do/ /de skad du mtshan brjod las/ mchod pa chen po 'dod chags che/ /sems can thams cad dga' bar byed ces pa la sogs pa gsungs so/ /phyag rgya de dag rnal 'byor pas rdzogs par byed pas bsten par bya zhes bya ba ni zhi gnas mngon sum du skyed par byed pa bde ba chen po rdzogs par byed pas/ phyag rgya bzhi'i rgyu'i chogs pa bstan par bya'o zhes bya ba'i don to/ /rig dang gnyis ka mngon sum du/ /lha yi gzugs su bsam par bya/ zhes bya ba ni brnyen bsgrub bzhis sbyangs nas lha'i rnal 'byor bsgom pa ni dang bya'i dad pa bskyed nas bsod nams kyi tshogs su 'gyur ro/ /rmongs pas zhi 'gyur khro bas drag ces bya ba ni gti mug stong pa nyid bsgoms pas zhi bar 'gyur te/ zhe sdang gi chos nyid bsgoms pas chags pa chen po dang/ phrag dog gi chos nyid bsgoms pas sems can gyi don rab tu byed pas na rgyal ba lnga'i bdag nyid du 'gyur ro/ /de skad du yang sems gang gis mi 'ching 'gyur ba/ sems de nyid kyis grol bar 'gyur zhes so/ /yul phyag rgya bshad nas da ni dus bshad par bya ste/ tho rabs ni 'od gsal ba'o/ /nyi ma phyed ni snang ba mched pa'o/ /mtshan mo ni snang ba ste/ /dga' ba gsum 'od gsal ba dang bcas pa'i ye shes ni phyag rgya'i sbyor bas rtogs par bya'o/ /de ltar dus bshad na bslab par bya ba'i mtshan nyid bshad pa ni/ /skye bo mi srun ba rgyal po'i pho brang gi 'khor lta bu 'am/ mu stegs thams cad lta bu bstan pa la smod pa'i 'jigs pas/ rang gi sems nyid snang ba'i phyag rgya'i lha mo las mos par bya'o/ /de lta bu'i brag tsha ba med pa'i rnam
- 29b
par dben pa'i gnas yin na phyag rgya bzhi mngon sum du bsten par bya'o/ /gal te mngon sum shes rab ma rnyed na/ byol song ma la goms par bya zhes bya ba ni/ byol song gi sgra ni log pa gnas pa la bya ste/ rang gi phyag rgya ma yin pa'i ngan spyod ma la yang de goms bar bya'o/ /de skad du yang mnyam sbyor las/ rnyed dang ma bde kun gyi/ /ngan spyod ma la'ang 'grub par 'gyur/ /zhes gsungs so/ /ye shes pa na re byol song gi sgras ni/ 'khyog por 'gro ba yin pas/ lte ba'i 'theb tshad gang gi gtum mo drod rlung 'khyil pa 'khyog par 'gro bas na byol song ma zhes bya'o zhes zer ro/ /de ltar mngon sum gyi lam phyag rgya bzhi nyin re 'am zla ba 'am lor mngon sum gyi yul du ma byas na dam tshig nyams par 'gyur ro/ /de nas ldang ba'i thabs ji lta bu zhe na/ dam nyams bag med gang 'gyur na zhes bya ba smos te/ dbang bskur zhing slar yang mngon sum lam dor bar mi byed cing sdom pa gzung bar bya'o/ /de ltar zung 'jug gi mtshan nyid bshad nas mjug bsdus pa ni/ des na ma lus sdom ldan zhing/ /rdzas dang sngags kyi sbyor ba yis zhes bya ba smos te/ sdom ldan ni rten gyi gang zag go /rdzas ni sman no/ /sngags ni bsgom bzlas so/ /sbyor ba ni 'khrul 'khor te/ byang chub kyi sems dga' bral du mi 'gyur bar bzlog par bya'o/ /de ltar zung du 'jug pa gsum po bstan pa la khyad par ci yod ci na/ dang po ni bdag byin rlabs pa'i thabs kyis skar khung nas nam mkha' mthong ba bzhin du yul dang yul can gyis stong nyid cig car du mthong ba yin no/ /gnyis pa ni seng ge phug pa bzhin du gzung ba la rnam par snang mdzad kyis rgyas btab cing 'dzin pa la mi bskyod pa'i rgyas btab nas sems kyi stong nyid shes pa rdo rje sems dpa' i rgyas btab nas rim gyis bsgom pa yin no/ /gsum pa ni yul las kyi phyag rgya'i bde ba stong pa nyid kyis rgyas btab nas/ zla ba tshes ba ltar zag bcas la brten pa'i bde ba chen
- 30a
po gsal bar byed pa yin no/ /de ltar rgyud gu'i thabs dang shes rab kha sbyor la blo dang ldan pas dus rtag tu gnas par byas nas/ srid pa gsum gyi rang bzhin gcig pa'i bde ba bsam gyis mi khyab pa'i go 'phang bsgom mo/ /ci'i phyir bsam gyis mi khyab ces bya zhe na/ don gyi rang gi ngo bo gcig /bdag nyid mngon sum yin pa la/ zhes bshad pas/ mngon sum don gyi rnam par skyes/ /rgyas 'debs zhes ni bshad pa yin zhes gsungs so/ /rtag pa gnyis pa'i rab tu byed pa gnyis pa'i 'grel pa'o// //de ltar mchog tu gyur pa'i lam zab pa'i rdzogs pa'i rim pa bstan nas/ da ni las dang po ba'i bsgom pa bskyed pa'i rim pa du ma bshad par bya ba'i phyir/ de nas yang dag bshad bya ba zhes gsungs te/ ci zhig 'chad pa yin zhe na/ 'khor lo kun gyi rnal 'byor ba zhes bya ba smos te/ rgyud dgu'i rnam par rol pa zhes bya ba rdo rje sems dpa' la sogs pa lha bsgom pa bla na med pa bsgom par bya'o/ /de yang don du dang ldan zhes na/ sgrub pa'i yan lag dang ldan pa dang/ gnas dang sgrub pa'i thabs dang thun mong gi sgrub pa'i thabs dang/ khyad par gyi sgrub pa'i thabs so/ /de la yan lag gi gsang ba mchog gi dbyes pa na ste/ yid du 'ong ba'i las kyi phyag rgya dang ldan pas mgon po thams cad kyi bdag nyid bsgrub par bya'o/ /de la rnam par dben pa'i gnas sam nags tshal yid du 'ong pa la sogs pa'o/ /de yang mnyam sbyor las/ bde ba chen po'i phyag rgya ste/ /lha mo so sor rang 'grub 'gyur/ zhes bshad do/ /thabs ni sna tshogs kun tu bsdom pa dang zhes bya brten gyi gang zag rgyu'i rgyud kyi mtshan nyid ston pas na sna tshogs kun gyi bya ba ni zhes bya ba ni rnam shes dang/ rnam shes kyi sems so/ /ji ltar bde bas bsgrub par bya zhes pa ni 'dod pa'i yon tan rnam pa lnga lam chags pa'i sems dang stong
- 30b
pa nyid kyis rgyas btab nas bsgom par bya'o/ /de ltar thabs bshad nas thun mong gi bsgrub pa bshad pa ni/ stong nyid ye shes las byung ba zhes bya ba smos te/ stong pa nyid kyi ye shes las byung ba'i de bzhin gshegs pa kun gyi dkyil 'khor la sems can gyi mos pas ni zhi ba 'am/ rgyas pa 'am/ dbang ngam khro bo'i skur snang ba'am/ sangs rgyas kyi rnam par 'phrul pa bsam gyis mi khyab pa bdag gis sems can mdza' yas pa'i dor bstan pa ni brjod par gal nus te mi nus so/ /de yang thabs dang shes rab kyis 'dul ba'i dor lha bsgom pa dang bzlas pa dang/ bris sku la sogs pa lha'i skur mos pa thams cad dang/ sems kyis mos pas ci zhig bya zhe na/ sems can rnams la phan pa'i phyir te/ gdul bya rnams kyis mos pa dang sbyar nas/ rgyud dgu'i brjod bya bstan pa yin no/ /de lta bu'i dkyil 'khor tha dad par snang ba ci'i phyir zhe na/ stong pa'i rdo rje can nyid gcig ces bya ba smos te/ don dam par chos kyi sku gcig yin yang/ gdul bya'i mos pa la brten nas rigs rnam pa lnga la sogs pa bshad do/ / de ltar thun mong gi bsgrub pa bstan nas/ bye brag gi bsgrub pa bshad pa'i phyir rdo rje snying pos zhus pa yin no/ /gang zhig yin zhe na/ gang gis sgrub pa po 'grub pa zhes bya ba ni rgyu'i rgyud do/ /dbyibs dang kha dog phyag la sogs zhes bya ba ni zhal gcig phyag gnyis pa dang/ zhal gsum phyag drug pa la sogs pa'o/ /sngags bzlas pa'i cho ga dang zhes bya ba lha rnams kyi bzlas pa'i bye brag go /bskyed pa'i rim pa'i cho ga rnams zhes bya ba ni sngon du 'gro ba'i rnal 'byor dang/ dngos bzhi'i rnal 'byor dang/ ldan pa'i rnal 'byor ro/ /de'i len du bka' stsal pa ni/ sbyor ba tshad med pa bsgom pa dang/ dngos bzhi cho ga'i yan lag bzhi dang ldan pa'o/ /de la yan lag dang po ni stong pa? byang chub bsgom pa'o/ /gnyis pa ni yig 'bru dang phyag mtshan spro ba dang bsdu ba'o/ /
- 31a
gsum pa ni sku rdzogs pa'o/ /bzhi pa ni phung po dang/ khams dang skye mched kyi lha bsgom pa'o/ /de ltar dngos bzhi dang sbyor ba mdor bstan nas/ khyad par du zhal gcig phyag gnyis pa bsgom pa bstan pa ni mdun du ram las nyi ma bsgom zhes bya ba ni tshogs sogs pa'i rnal 'byor dang/ tshang med pa bzhi sgom pa'i rnal 'byor dang/ stong pa nyid bsgom pa'i rnal 'byor rdzogs nas/ bsrung ba'i 'khor lo bya ba ston pa yin no/ /de yang mkha' 'gro ma rdo rje gur las khro bo bcu sprul nas rab dang dra ba dang me 'od kyi phreng ba bya ba dang/ yang na ram las nyi ma'i dkyil der hUM las sna tshogs rdo rje'i de'i 'od zer gyi rab dang dra ba bsam pa dang/ yang na ku ku ri bzhin du snying rje chen po nam mkha' i tshad dang mnyam pa'i nang du lha bsgom par bya'o zhes 'chad do// rab dang dra ba'i nang du lha bskyed pa'i rten yi ge a las chos kyi dbyings kyi rang bzhin gru gsum bsams la/ de'i dbus su dpa' bo gcig pa'i gdan ro bsgom par bya'o/ /de'i steng su rnal 'byor pa bdag nyid 'dug ste/ de'i snying gar yi ge hUM dmar nag thabs dang shes rab kyi bdag nyid can 'od zer 'phro ba bsams la de yongs su gyur pa las zhe sdang rdo rje'i bdag nyid bsgom par bya'o/ /dpa' bo de ni shes rab stong pa nyid ches che bas/ sku mdog sngon po 'ang thabs snying rje dang ldan pas na cung zad dmar ba bsgom par bya'o/ /da ni tshogs rdzogs pa'i rnal 'byor dang 'khor dang bcas pa bshad par bya ste/ rdo rje las skyes rtse chen po/ zhes pa ni tshogs sog pa'i tshe snying ga'i yi ge hUM las 'od 'phros pas tshogs sog pa'i lha bskyed par bya ste/ rdo rje las skyes zhes gsungs pa'i phyir na spyan drangs pa dang 'od kyis snang bar byas pa ni ma yin no/ /de'i gtso bo ni zhal gcig phyag gnyis pa 'am/ zhal bzhi phyag bzhi pa'am/ zhal gsum phyag drug pa 'am/ de rnams kyi lha bsgom pa dang mthun par bsams par bya'o//
- 31b
de la lha mo gnyis ni phyag na ri dags kyi mtshan ma zhes bya ba ni byang chub kyi sems dang/ nyi ma zhes pa rang 'byung gi khrag dang/ chu zhes bya ba dri chu dang/ sman zhes bya ba sha chen po dang/ dri zhes bya ba rnam par snang mdzad dang/ ro zhes bya ba chang dang/ cang te'u rdung ba dang/ 'od zer 'phro bas sku la 'byung pa'o/ /de ltar dpa' bo bsgom par rnam par rtog pa dang bcas pa'i chos kun gyi lam las rnam par grol ba lha'i bdag nyid bsgom par bya'o/ /da ni 'khor dang bcas pa bshad par bya ste/ A li las zla ba me long lta bu dang/ kA li las nyi ma mnyam pa nyid kyi dbu su sa bon dang mtshan ma so sor rtog pa'i rang gi sems mchog tu dga' ba'i gzugs can no/ /de las 'od 'phros pas nam mkha' i khams thams cad khyab pa'i 'gro ba ma lus pa ltar bskyed nas/ slar bsdus pa bya ba nan tan gyi ye shes las/ rnal 'byor pa bdag nyid zhe sdang rdo rje'i skur bskyed par bya'o/ /bcom ldan 'das de yang chos kyi dbyings kyi rang bzhin gyi dbus na nyi ma'i 'od can thugs kyi rigs su gyur par hUM las bskyed pa'o/ /lo bco lnga pa lta bu'i lang tsho la bab pa/ drag po 'jigs byed khyo shug zhabs kyis mnan pa/ zhi gnas mtshon pa'i rdo rje kha TwAM ga dang/ snying rje'i rang bzhin gyi thod pa bsnams pas/ g.yas pa na lhag mthong gi rang bzhin rdo rje sngon po bsnams so/ /sngar bshad pa'i lha mo brgyad kyis bskor ba dur khrod kyi dbus na bzhugs pa bsgom par bya'o/ /de ltar zhal gcig pa phyag gnyis pa bshad nas/ da ni zhal bzhi pa bshad par bya ste/ sngon du tshogs sog pa dang/ tshad med pa'i rnal 'byor bsrungs pa dang/ stong pa nyid bsrung ba bdag bsrung ba dang/ gnas bsrung bar byas pa e gru gsum nam mkha' stong pa'i dbus su 'byung ba bzhir gyur pa las sam/ yang na 'byung ba bzhi'i stengs su sngar gsungs pa lta'i dkyil 'khor gyi 'khor lo bskyed la/ de'i steng su 'jigs byed khyo shug gi stan la mngon par byang chub pa'i rim pa las sam yang na yi ge hUM laS
- 32a
byung ba zhal gcig phyag gnyis pa yum rdo rje phag mo la ma khyud pa'i phyag gnyis kyis rdo rje dang dril bu bsnams pa phyag gzhan gnyis kyis thod pa dang/ khro ba'i rdo rje bsnams pa/ dpa' bo gcig po 'am yang na lha mo brgyad kyis bskor ba'o/ de la phung po dang khams dang skye mched yig 'bru bkod pas byin gyis brlab pa dang/ ye shes sems dpa' bzhugs pa dang/ dbang bskur ba dang/ bdud rtsi myang ba dang/ bsgom pa dang/ bzlas pa dang mchod pa dang/ bstod pa byas la/ bsgom bzlas kyis skyon ye shes sems dpa' gshegs su gsol pa dang/ dam tshig sems dpa' lus la bsdus nas rigs lnga'i sa bon gyis bsrungs la ldang bar bya'o/ /de nyid kyi don bshad par bya ste/ rnal 'byor de nyid ces pa ni/ phyag bzhi pa bsgom pa'i rnal 'byor pa'o/ /de nyid rigs pa gang yin zhe na/ rdo rje sems dpa' de bzhin gshegs zhes pas rdo rje'i rigs yin no/ /ye shes dpa' bzang po'i zhal snga nas 'di gsung gi he ru ka yin no zhes gsungs so/ /phyag bzhi ni dga' ba bzhi'i ting nge 'dzin mtshon pa'am/ bdud bzhi 'joms par mdzad pa'o/ /de'i phyag mtshan bzhi ni thod pa thabs kyi rang bzin dang/ dril bu zhi gnas dang lhag mthong gi rang bzhin no/ /yum rdo rje phag mo ni lha mo gos dkar mo yin par shes par bya'o/ /bcom ldan 'das kyi rang bzhin bsgom zhes pa ni sku ? dang phyag mtshan mtshungs so/ /de ltar phyag bzhi pa bshad nas da ni phyag drug pa bshad par bya ste/ de ltar sngon 'gro byas nas/ stong pa'i byang chub bsgoms pa'i rjes la 'byung ba bzhi'i steng su gzhal yas khang bsgoms la/ pad+ma'i lte bar zla ba'i dkyil 'khor gyi steng su yi ge hUM las bskyed pa'am/ yang na mngon par byang chub pa lnga las bskyed par bya'o/ /lha'i gzugs su bsgom par bya zhes pa ni bdag nyid lha der bsgoms la 'khor rnams yig 'bru las bskyed par bya'o zhes bstan pa yin no/ /de la zhal dang po nag bo
- 32b
ni chos kyi dbyings kyi ye shes yin la/ g.yas dkar ba ni sku me long lta bu dang/ g.yon dmar ba ni gsung so sor kun tu rtog pa'i ye shes so/ /rgyan rnams kun gyis zhes pa ni rus pa'i rgyan gyis brgyan pa'o/ /thod pa'i gdan la bzhugs par bsgom zhes pa ni/ phung po'i bdud 'joms pa'am/ ye shes dpal gyi zhal nas ni b+h+rid gi ri ti gdan du bting bar bya'o zhes zer ro/ /phyag g.yon na thod pa dang dril pu dang gzhu dang/ g.yas pa na rtse gsum dang rdo rje dang/ mda' snams pa dang/ yang na rtsa ba'i rgyud dang mthun par bya ba yin te/ gnyis kas kyang pha rol tu phyin pa drug rnam par dag pa bstan pa yin/ yum gyi phyag gnyis na thod pa dang dril bu bsnams shing khams gsum gyi bdag nyid 'joms pa'i phyir ro'i gdan la bzhugs pa yin no/ /sangs rgyas rang bzhin 'od zer sprin gyi tshogs rnams rnam par 'phro zhes bya ba ni de bzhin gshegs pa'i khams bsdus nas btsun mo'i b+ha gar bzhugs pas lha mo'i 'khor lo bskyed bar bya'o/ /'khor gyi lha mo rnams kyi zhal dang phyag ni go sla bas ma bshad do/ /kha dog ni sngo ba dang/ ser pa dang/ dmar ba dang/ ljang ba dang/ du ba'i mdog dang/ dkar ba dang/ sngo ba dang/ ser ba ba'o/ sna tshogs rol mo brdung zhes bya ba ni/ gling bu ma dang/ bi wang ma dang/ rdza rnga ma dang/ rnga rings ma rnams ni zur bzhir dgod par bya'o/ /sgo rnams su lcags kyu dang zhags pa dang/ lcags sgrog dang dril bu'o/ /phung po dang khams dang skye mched byin gyis brlab pa ye shes sems dpa' gzhug pa dang/ dbang bskur ba dang/ bdud rtsi myang ba dang/ bsgom pa dang bzlas pa bya ba'i phyir/ b+ha ga'i dbus su bsgoms nas ni/ de nas sngags kyi bzlas pa brtsam zhes bya'o/ /de'i bzlas pa ni gang zhe na/ oM A:hUM h+rI:swAhA/ zhes bya ba 'am/ oM badzra gi ti ka ti hUM phaT swAhAM/ oM dang A dang hUM ni sku gsung thugs kyi byin gyis brlab pa'o/ /de bzhin gshegs pa'i snying po ni yi ge gcig pa'i yi ge hUM ngo/
- 33a
lha mo thams cad kyi snying po dang nye ba'i snying po ni h+ri'o/ /mchod pa'i lha mo'i ni e i/ o o'o/ sgo gsrungs rnams kyis ni a A/ i a'i'o/ de nas sgrub pa pos rdo rje zhes pa ni hUM gis rdo rje bskyed la/ yas pad+ma bskyed nas snyoms par bzhugs pa las lha mo bzhi'i spros pas bdud rtsi lnga'i lha mos mchod pa dang 'khyud pa dang/ cang te'u dang/ ro dang/ me tog la sogs pa bzhis bdag nyis dang dkyil 'khor la mchod par bya'o/ /gal te 'phrin las kyi dngos grub sgrub par 'dod na 'phrin las bzhi sngags bzlas pa bya'o/ /brtag pa gnyis pa'i rab tu byed pa gsum pa'i 'grel pa'o// //de ltar dpa' bo du ma'i sgrub pa'i thabs bshad nas/ da ni dpa' mo du ma'i sgrub pa'i thabs bshad par bya ste/ nyon cig rdo rje mtshungs ci bzhin zhes pa ni lha bsrung ba'i tshul lo/ /'khor lo bsgrub bya'i khyad par rnams zhes bya ba ni 'khrul 'khor gyi khyad par mi 'dra'o/ /zhi dang rgyas dang zhes bya ba tshigs su bcad pa phyed kyis ni 'bras bu bstan to/ /re'u mig dgu sogs 'khor lo la zhes bya ba ni shar nas nub tu ri mo gnyis dang/ lho dang byang du ri mo gnyis rgya gram du btang la mdza' ma mu khyud nyi rim gyis bskor ba'i nang utpal rdo rjes bskor ba bris la yi ge'i 'khrul 'khor bri bar bya ste/ dbus su bsgrub bya'i ming dang spel ba'i oM shar du tA/ lho ru re/ nub du tu da?/ byang du tA/ byang shar du re/ shar lhor tu/ lho nub tu re/ nub byang du swA hA/ zhes bya ba dri bar bya'o/ /zhi ba la gur gum gyis sam/ rgyas pa la li khris sam/ dbang la khrag gis sam/ mngon spyod la dug gis bri bar bya'o// zhi ba la grog dang/ rgyas pa la ras dang/ dbang la smad g.yogs kyi ras la bri bar bya'o/ /sa bon 'di ni kun las te zhes bya ba ni 'phrin las bcu gnyis pa'o/ /che ge mo srungs zhes bya ba dang zhes pa ni/ srungs la/ tshe ge mo srungs la che ge mo rak+ta?
- 33b
zhes bya ba dang/ spel bar bya'o/ /de yang ji ltar zhe na/ phyag 'tshal bsreg pa'i thog mthar spel zhes bya ba la/ oM ni phyag 'tshal lo/ /bsreg pa ni swAhA'o/ thog mthar spel ba ni thog mar oM dang tha mar swAhA bcas pa'o/ /dbus su rab tu sbyar bar bya zhes bya ba ni che ge mo tA re tut+tA re tu re che ge mo swAhA zhes pa dang/ 'khrul 'khor ji ltar bsgom zhes na/ stod nyid mnyam pa'i ye shes la zhes bya ba ni oM swAhA/ zhes bya ba la sogs pas stong par bsgom mo/ /bdag gis gzugs ni rab byas la zhes pa ni yig 'bru lha'i 'khor lor bskyed ba'o/ /mnyam nyid kun rig gnas su ni zhes pa ni mnyam nyid ni mkha' o/ /kun ni zhi ba la chu dang/ rgyas pa las dang/ dbang la rlung dang/ mngon spyod la me'i dkyil 'khor la rig pa'i yi ge rnams zhugs pa'i gnas su bya'o// der bsrung ba'i 'khor lo ltar bskyed pa ye shes sems dpa' bcug ste/ lhar dbang bskur zhing bdud rtsi myangs la bsgom pa dang/ bzlas pa byas la/ seng ge dang glang po la sogs pa 'jigs pa gsum las ring du 'gyur ro/ /de ltar 'khrul 'khor bris nas/ da ni bdag nyid lhar bskyed ba bsgom par bya ste/ sems can dngos po med pa ru zhes bya ba ni stong pa'i byang chub bo/ /a las zla ba'i dkyil 'khor baM las pad+ma 'dab ma brgyad pa bskyed nas de'i steng su tAM yongs su gyur pa las utpal/ de las rje btsun dngos grub thams cad stsol ba g.yas skyabs sbyin g.yon utpal bsnams pa/ zhal gcig phyag gnyis pa brgyan thams cad kyi brgyan pa bsams la yan lag drug du yi ge ? go cha bskon nas/ ye shes sems dpa' gzhug pa dang dbang bskur ba dang bdud rtsi myang ba dang/ bsgom pa dang/ bzlas pa dang/ mchod pa dang/ bstod pa bya'o/ /sngags kyi rgyal pos bskul ba yis zhes bya ba ni rje btsun ma'i snying po'i zhabs su/ zhi ba la swAhA dang/ rgyas pa la oM dang/ dbang la ha? dang/
- 34a
mngon spyod la phat bri bar bya'o/ /de ltar bsgrub pa'i thabs bshad nas/ da ni lha mo sa sgrog ri bshad par bya ste/ snga ma bzhin du 'khrul 'khor bris la/ dbus su mi/ shar du oM/ lhor ku/ nub tu ru/ byang du ku/ byang shar du l+le/ shar lhor h+ri/ lho nub tu swA/ nub byang du hA bris nas/ snga ma bzhin du ye shes sems dpa' gzhug pa la sogs pa bsgrubs te/ mchod pa byas nas las bcu gnyis byed par 'gyur ro/ /de ltar 'khrul 'khor rdzogs nas stong pa'i byang chub kyi sems kyi rjes la raM las nyi ma'i dkyil 'khor bsams par bya'o/ /de'i dbus su yi ge h+ri/ bsam pa ni sa bon te/ de las bdag nyid zhal gcig phyag bzhi par bskyed par bya'o/ /ye shes sems dpa' gzhug pa dang/ dbang bskur ba dang/ bsgom pa dang/ bzlas pa dang mchod pa dang bstod par bya'o/ /ldang ba'i tshe go chas bsrungs la ldang bar bya'o/ /de ltar ku ru ku l+le'i sgrub thabs bshad nas/ da ni shes rab pha rol phyin pa'i 'khrul 'khor bshad par bya ste/ sngon gyi mtshan nyid dang ldan par shes pa ni 'khrul 'khor gri ba'o/ /de yang snga ma nyid las mtshams bzhi cha gnyis su byas pa'i re'u mig bcu gnyis la/ sngon du gsungs pa bzhin du bsgrub ces bya ste/ yig 'bru ltar bskyed nas ye shes sems dpa' gzhug pa dang/ dbang bskur ba dang/ bdud rtsi myang ba dang/ bsgom pa dang/ bzlas pa dang/ mchod pa dang bstod pa bya'o/ /las ci'i phyir 'khrul 'khor byed ces na/ thabs rang shes rab 'phel pa'i las la zhes bya ba smos so/ /de la sngags dgod pa ni oM nas swAhA'i bar du yig 'bru bkod nas bsgom par bya'o/ /de la bdag nyid lhar bskyed pa ni gdan a las zla ba'i dkyil 'khor bskyed la de'i dbus su b+hUM las zhes bya ba zhes re pha med pa ste zhel gcig pa phyag gnyis pa bsgom par bya'o/ /de la ye shes sems dpa'
- 34b
gzhug pa dang dbang bskur ba dang/ bdud rtsi myang ba dang/ bsgom pa dang/ bzlas pa dang/ mchod pa dang bstod par bya'o/ /de ltar shes rab kyi pha rol tu phyin pa'i sgrub pa'i thabs bshad nas/ da ni dpa' bo bzhi dang/ dpa' mo bzhi bskyed par bshad par bya ste/ thams cad kyi sngon du 'gro ba bshad par bya ste/ stong pa'i byang chub kyi rjes la zla ba dang nyi ma'i gdan gyi steng su thod pa'i gdan la rnam snang gi sa bon b+h+ruM dang/ rin chen 'byung ldan gyi traM dang/ snang ba mdza' yas kyi h+ri:dang/ don yod grub pa'i a/ sangs rgyas spyan gyi buM dang/ mA ma kI'i hUM dang/ gos dkar mo'i h+ri:dang/ sgrol ma'i las bskyed la phung po dang khams dang/ skye mched byin gyis brlabs nas/ ye shes sems dpa' gzhug pa dang dbang bskur pa dang/ bdud rtsi myang ba dang/ mchod pa dang bstod pa bya'o/ /ldang ba'i tshe na thams cad kyang rigs lnga'i sngags kyis gnas drug tu bsrungs la ldang bar bya'o/ /brtag pa gnyis pa'i rab tu byed pa bzhi pa'i 'grel pa'o// //de ltar dpa' bo dang dpa' mo re re'i sgrub thabs bshad nas/ da ni bdag med ma dang bcas pa'i zhal brgyad pa'i thabs bshad par bya ste/ sgrub thabs de nyid nyin zhes pa ni rdo rje snying po la bod pa'o/ /gang gis sdang dag ma rungs pa'i sems can 'dul 'gyur zhes pa ni dgos pa'o/ /dgos pa dang bcas pa'i mkha' 'gro dpal he ru ka dang mkha' 'gro ma dgu'i 'khor lo bya'o/ /de ltar mdor bstan nas rgyas par bshad pa ni rdo rje sems dpa' nyid ces pa ni rgyu'i he ru ka'o/ /slar yang rdo rje 'dzin 'gyur te/ zhes pa ni tshigs bcad phyed ni mtshan nyid do/ /de ltar rgyas par bshad nas shin tu rgyas par bshad pa ni/ zla ba'i dkyil 'khor dbus su ni/ /sa bon phred pa de nas dgod ces bya ste/ rgyu'i he ru ka bskyed nas yab yum gyi b+ha ga'i zla ba dang nyi ma'i dbus su lha mo brgyad kyi yig 'bru'i sa bon dgod par bya'o/ /de nas thabs
- 35a
dang shes rab snyoms par zhugs pa las mngal bskyed kyis tshul gyis lha mo brgyad bskyed nas rang rang gi gnas su bzhag par bya'o/ /de nas rgyu'i he ru ka zhu ba dang/ phyogs bzhi'i lha mo ma gtogs pa'i sa'i lha mo puk+ka sI dang/ chu'i lha mo ri khrod ma dang/ me'i tsaN+Da lI dang/ rlung gi Dom+bi bzhis glus bskul ba dang/ 'bras bu'i he ru ka bskyed pa yin no/ de'i don 'di skad ston pa yin te/ rgyu'i he ru ka mngon par byang chub pa lngas bskyed nas/ phyogs bcu'i sangs rgyas zhal nas zhugs te/ btsun mo yum gyi b+ha gar lha mo brgyad kyi yig 'brur gyur pa dang lha mo brgyad mngal skyes kyi rim pas phyogs skyong brgyad kyi thog tu gzhag la/ de nas rgyu'i he ru ka chos kyi skur zhu ba dang/ de las mtshams kyi 'byung ba bzhi'i rlung gi rang bzhin 'od gyi thig le dkar dmar bskul pas thig le gnyis kyi zla'i rang bzhin du gyur pa dang/ oM hUM yig 'bru gnyis dang/ thod pa dang phyag mtshan gri gug gnyis dang/ 'od zer spro bsdu gnyis dang rgyu brgyad las/ 'bras bu he ru ka sprul pa'i sku rdo rje ? ni chen por bzhengs shes pa'o/ /zhabs ni sa la bsnun pa yis/ zhes pa ni bdud bzhi'i steng na gar dang bcas pa bzhugs pa'o/ /gaM tsaM? la sogs pa ni lha mo'i sa bon no/ /dga' ba'i bdag po'i sa bon dang zhes pa ni/ 'bras bu he ru ka yab yum gyi sa bon no/ /sa bon de yang gang zhe na/ hUM ang aM ni 'bar ba las/ zhes bya ba smos te/ ma mo'i grong khyer la sogs pa ni go sla'o/ /sgeg ma'i nyams ni 'khyud pa'o/ /dpa' ba ni bdud bzhi gnon pa'o/ /'jigs pa ni phyag bcu drug dang ldan pa'o/ /brjid ba ni zhal dbus ma'o/ /drag po ni zhal g.yas pa'o/ /'jig su rung ba ni zhal g.yon pa'o/ /snying rje ni spyan dmar ba'o/ /rngam pa ni zhal gdengs pa'o/ /zhi ba ni thal bas byugs pa'o/ /mgo bo'i do shal mdzad/ ces bya ba la sogs pa ni go sla'o//
- 35b
sgo bzhi ni mi'am cis 'dul bar byed pas na shar du rta'i gdong can/ byang du phag gi gdong can/ nub du khyi'i gdong can/ lhor seng ge'i gdod can no/ /mtshams kyi lha mo bzhi ni phyag gnyis kyis gling bu 'bud pa sngo ba dang/ pi wang rdung ba ser ba dang/ rngo? be tsha dung ba dmar ba dang/ rdza rnga rdung ba ni ljang ba'o/ /sde ser dkar po zhes bya ba ni sgo ba bzhi la zhal gsuM gsuM yod pa zhal gnyis ni tha mal pa'i gdod la gcig ni dud 'gro'i gdong yin no/ /des na sgo ba rnams kyi sku mdog dang sbyar ba'o/ /de rnams la yig 'bru dgod pa dang/ go cha bskon pa dang/ ye shes sems dpa' gzhug pa dang/ dbang bskur ba dang/ bdud rtsi myang bdud/ bsgom pa dang/ bzlas pa'i mchod pa dang bstod pa bya'o/ /ldang ba'i tshod dkyil 'khor bskus la/ rigs drug gi yi ge bkod la sngad bar bya'o/ /brtag pa gsum pa'i rab tu byed pa dang po'i 'grel pa'o// //de ltar zhal brgyad pa'i sgrub pa'i thabs bshad nas/ da ni ye shes kyi mnga' 'gro ma'i sgrub thabs bshad par bya ste nyon cig ces pa ni rdo rje snying po la bod pa'o/ /gnyis po spangs nas su zhes pa ni thabs dor pa'i dpa' mo 'ba' zhig bsgom pa'o/ /gnyis med chos kyi ye shes ni zhes pa lha mo gcig pus dbyings dang ye shes ro gcig par bsgom pa'o/ /mkha' 'gro ma'i sgrub thabs zhes pa ni rdo rje rigs kyi lha mo'i sgrub pa'i thabs so ? de ltar mdor bstan nas rgyas par bshad pa ni rnal 'byor kun gyi dang por ni zhes pa ni lha'i sku bskyed pa'i thog mar stong pa'i byang chub bsgom pa'o/ /de la sngags dang po ni rang bzhin gyis rnam par dag pa'i chos nyid do/ /sngags gnyis ba ni lus ngag yid gsum rdo rje rnam par dag pa'o/ /sngags gsum pa ni sgyu ma dang stong pa'i rnal 'byor dag pa'o/ /de brjod pas de'i don stong pa nyid kyang bsgom par bya ba yin no/ /de ltar stong pa'i byang chub bshad nas/ de'i gnas bshad pa ni yid du
- 36a
'ong ba'i gnas rnams su zhes bya ba smos te/ gnas der bla re bre ba dang/ ba dan dang rgyal mtshan sgreng ba dang/ dri yi thig le dang me tog gis dgram pa yang bya'o/ /gnas der ci zhig bsgom zhe na/ blo ldan mchod pa sngon 'gro bas zhes bya ba smos te/ skad mi 'tsham gyi rnal 'byor gyis ye shes kyi mkha' 'gro ma'i skur bsgom par bya'o/ /de skad du ston pa yin te/ tshogs sogs pa'i dus dang/ tshad med pa bzhis sems can gyi don byed pa dus dang/ bsrungs pa'i 'khor lo'i dus dang/ ye shes kyi tshogs sog ba stong ba'i byang chub kyi dus su skad cig mas ye shes mkha' 'gro ma bsgom par bya'o/ /de ltar sngon du 'gro ba'i rnal 'byor byas nas stong ba'i byang chub bsgom pa'i rjes la rdo rje'i sa sbyang bar bya ste/ bya ba'i chog de nyid kyis/ ye shes mkha' 'gro bsgom par bya zhes bya ba la/ bya ba'i cho ga ni/ yaM las rlung raM las me/ laM las chu/ laM las gser gyi sa gzhi ye shes kyi snang pa bsgom pa ni ye shes rgya mtsho bsgom pa'o/ de'i steng su ri rab bskyed par bya ba ni phyogs bzhi kha dog bzhi gnas pa'i/ /lha mo'i gzugs su bsams nas ni/ zhes pa yin no/ /de'i steng sum+b+hUM? las gser las byas pa'i grong khyer ni zhes bya ba smos te sgo bzhi sgo khyud dang bcas pa dang/ rta babs dang dra ba dang dra ba phyed pas brgyad pa bsgom par bya'o/ /de'i dbus su a siM a las seng ge'i gdan lnga bskyed la/ de'i stengs su gdugs dkar po dang nyi ma'i gdan yang bsam par bya'o/ /de ltar rten gyi dang po'i sbyor ba bskyed nas/ brten pa lha'i dang po'i sbyor ba bskyed pa ni rang gi dbugs las byung ba'i zhes bya ba smos te/ rang gi dbugs ni yi ge hUM ngo/ /ye shes mkha' 'gro dbus su bsam zhes pa ni rdo rje mkha' 'gro ma'o/ /zhal gnyis pa la sogs ba ni go sla'o/ /shar du yang yi ge hUM las byung pa'o/ /de bzhin du byang dang/ nub dang lho dang/ dbang ldan dang me dang/ bden bral dang/ rlung gi gnas rnams
- 36b
su mkha' 'gro ma dang 'dzag ma dang/ ro langs mo dang/ gtum mo dang/ seng ge mo dang/ rta rna mo dang/ lce sbyang mo dang/ 'ug pa mo la sogs pa brgyad ni dkyil 'khor ba bkod nas/ de'i phyi rol gyi rim pa la rab tu shar du bzhad ma dang/ byang du mar me ma dang/ nub tu 'jigs ma dang/ lhor dkar po rtse bsgoms la phung po dang khams dang skye mched byin brlabs pa dang/ ye shes sems dpa' gzhug pa dang/ dbang bskur ba dang/ bdud rtsi myang pa dang/ bsgom pa dang/ bzlas pa dang/ mchod pa dang gtor ma bya'o/ /de la bdud rtsi myang ba ni dang po lha mo ye shes kyi mkha' 'gro ma'i mdun du thod pa'i dbus su bdud rtsi lnga bzhag pa ni/ dam tshig dag ni bstan par bya/ zhes bya ba lta bu yin no/ /rluM dang me zhes pa ni yum dang k+ShuM mo/ /bdun pa la zhes pa ni 'dud rtsi lnga'i steng su rigs lnga'i sa bon hUM AM traM? h+ri?/ a zhes bya ba ste/ de ltar na bdun dgod pa'am/ ye shes dpal gyi zhal snga nas ni raM dang yaM ni 'og tu bdud rtsi lnga'i gdan yin la/ gnyis pa nas brtsis pa'i bdun pa ni ha yin la/ de la thig le aM dang sgra u dang ldan pas yi ge hUM du 'gyur ro/ /de sna bug gi rlung gis rdo rje'i sa bon gyis bskul nas/ rlung g.yos nas me sbar ba dang/ steng nas rlung gis mnan bas bdud rtsi'i char pa'i rgyun 'bab par bsam par bya'o zhes gsungs so/ /brtag pa gsum pa'i par du byed pa gnyis pa'i 'grel pa'o// //de ltar ye shes mkha' 'gro bshad nas/ da ni bdag med pa'i sgrub pa'i thabs bshad par bya ste/ de nas bdag med sgrub thabs zhes bya ba ni tshigs bcad phyed kyis mdor bstan pa'o/ /rgyas par bshad pa ni/ nam mkha' i dkyil 'khor dbus su ni zhes bya ba smos te/ tshogs sog pa dang gzhan don dang/ gnas bsrung ba dang stod ba'i byang chub bsgoms pa'i rjes la/ gzhal yas khang gi dbus su nam mkha' i dbyings kyi ye gru gsum de'i dbus su ri las nyi ma'i dkyil 'khor bsam mo/ /'khor lo de ? bu zhe na/ 'khor lo ji
- 37a
lta'i tshul bzhin du/ zhes bya ba smos te/ sgo bzhi dang sgo khyud dang rta babs dang dra ba dang dra ba phyed pa dang bcas pa'o/ /de'i sngon du ci zhig bya zhe na/ sngon du ji ltar blu blangs zhes bya ba smos te/ 'khor lo'i sngon du laM las sa/ baM las chu/ ? las me/ yaM las rlung mtsho'i rlan bzhin du rim par bsgoms la/ lha rnams kyi rtags rtse gsum pa dang me 'od dang ba da na rim bzhin du bsgom par bya'o/ /'khor lo'i dbyibs kyi khyad bar ji lta bu zhe na/ e las byung ba'i steng su pad+ma 'dab ma brgyad las byung ba'i 'khor lo rim pa gnyis rnam par dag cing dri la med pa'o/ /'khor lo gcig gang du dgod ce na/ gcig ni pad+ma'i lte ba la'o/ /gnyis ni mkha' spyod sku dang gsung dang/ gau rI la sogs pa'i lha mo rdo rje can dang bcas pa dkyil 'khor gnyis bsgom pa'o/ /de rnams su gdan ci zhig ce na/ ro'i gdan bco lnga yang dag par bsam par bya'o/ /de ltar rten gyi dang po sbyor ba bshad nas/ brten pa lha'i dang po'i sbyor ba bshad pa ni zla ba me long lha bu dang nyi ma mnyam pa nyid dang/ yig? 'bru dang phyag mtshan so sor rtog pa'i ye shes dang/ 'od zer spro bsdu bya ba nan tan gyi ye shes gyi rang bzhin las rgyu'i rdo rje bdag med ma sku mdog dkar mo zhal gcig phyag gnyis pa bsgom par bya'o/ /de yongs su gyur pa las dkyil 'khor gyi bdag po 'bras bu'i rdo rje bdag med ma bsgom par bya'o/ /ci'i phyir mngal skyes kyi rim pas ma yin zhe na/ A li kA li'i sbyor bas ni zhes bya ba smos te/ nyi ma dang zla ba'o/ /de'i dbus su yig 'bru oM dang/ phyag mtshan gyi gri gug ni rdo rje sems dpa' zhes bya'o/ de'i gdan ni nyi ma dang zla ba'o de'i rgyun ni yi ge a las byung ba'i gri gug gi gzugs yin pas/ bsrub bya srub byed kyi sbyor ba mngal skyes kyi rim pa las 'dod par mi bya'o/ /sems dpa' i gzungs las byung pa ru zhes pa ni rgyu'i rdo rje bdag med ma
- 37b
las so/ /dkyil 'khor bdag mo bsgom par bya zhes ba ni 'bras bu'i bdag med ma'o/ /zhal dang phyag la sogs sngon bzhin zhes pa ni rgyu dang 'bras bu'i bdag med ma gnyis 'dra ba'o/ /ba? dog kyang mtshungs sam zhe na/ zla 'od nor bu'i lta bu zhes bya ba smos te/ rgyu ni dkar lo yin la/ 'bras bu ni nag po yin no/ /yum grub ta 'ba' zhig tsam yin nam zhe na/ thabs dang shes rab rang bzhin las zhes smos te/ 'od zer spre ba dar bsdu ba las bskyed par bya'o/ /de 'ba' zhig de ltar bskyed dam zhe na/ thams cad de ltar bskyed par bya zhes bya ba smos te/ lha mo thams cad kyang de ltar bskyed par bya'o/ /'bras bu'i bdag med ma ni/ rgyu'i bdag med mar 'gyur pa yin la/ 'khor gyi lha mo rnams kyi yum gyi thugs kha nas bskyed par rigs so zhes na ma yin te/ shes rab A li thabs kA li/ zla ba nyi ma'i bye brag dang/ sa bon yi ge so so las/ gau rI la sogs yang dag 'byung zhes smos te/ zla ba dang nyi ma bco lnga dang/ yig 'bru bco lnga dang phyag mtshan bco lnga las lha mo bco lnga skyes pa yin no/ zhes smos so/ /de ltar dkyil 'khor ba rnams kun/ /nan tan skyed de brtag par bya/ zhes pa ni mngon par byang chub pa'i rim pa lar las/ lha mo bco lnga so sor bskyed bar bya'o/ /slob dpon rin chen rdo rje ni gtso bo byang chub pa lngas bskyed pa bzhin du 'khor rnams la yang rgyu'i bdag med ma dkar mo bcu bzhi nas/ 'bras bu'i bdag med ma bcu bzhi mi 'dra ba bcu bzhi bskyed par 'dod bo/ /yan lag med pa'i rdo rje'i zhal nas rgyu'i bdag med ma sring pa lnga ba dang/ mes bo lta bu'i rnal 'byor yin pas rgyu'i bdag med ma gcig yin la/ de yongs su byung ba las lha mo bco lnga bskyed cing phyag mtshan bco lnga yang lhan cig tu bskyed cing/ 'od zer spro bsdu bco lnga yang lhan cig tu byas pa la sogs lha mo bco lnga cig car bskyed pa yin no/ /zhal dang phyag mtshan sogs skyon bzhin zhes pa ni
- 38a
sngon zhes pa ni mdun gyi sgra yin la/ de yongs su gyur pa las/ phyi'i 'bras bu'i bdag med ma'i sba dang 'dra ba'o/ /sku mdog ni zla ba lta bu yin no/ /de lta bu yin na/ nyi ma zla ba'i bye brag gis/ yig 'bru so so'i dbye ba yis/ shes pa ji ltar 'dod ce na/ 'bras bu bco lnga la bstos nas rgyu bco lnga bzhag pa yin gyis tha dad pa bstos pa ni ma yin no/ /de ltar na 'khor nad ma la mdun du bdag med ma dang/ shar du rdo rje ma dang/ lhor gau rI ma dang/ nub du chu'i rnal 'byor ma dang byang du mkha' 'gro ba dang/ phyi rol gyi rim par shar du gau rI ma dang/ lhor tsau rI ma dang/ nub du ro langs ma dang/ byang du za pod ma dang/ shar lhor spos mo dang/ lho nub tu ri khrod ma dang/ nub byad du gtu mo/ khyad shar du g.yung mo dgod par gnyis ma 'chi bdag gi bdud 'joms pa'i rus pa'i brgyan gyis brgyan pa'o/ /g.yon pa 'chi bdag gi bdud 'joms pa'i bdud rtsi'i thod pa dang/ g.yas na nyon mongs pa'i bdud 'joms pa'i gri gug dang ro'i stengs na gar mdzad pa'i lha'i bu'i bdud 'joms pa'o/ /gzhad cing khrol sgeg pa dang zhes pa ni bdag med ma ni bzhad pa'i nyams can no/ /nad gi lha mo bzhi ni khro ba'i nyams can no/ /phyi rol gyi lha mo rnams ni sgeg pa'i nyams can no/ /mchod pa'i gzugs su yang dag ste na// ces pa ni thams cad kyang thabs shes rab po/ /'od zer sna tshogs sangs rgyas sprin zhes pa ni sangs rgyas kyi 'od zer spro bsdus sems can 'dul ba'o/ /de nyid gsum bsdus dbus su sgom zhes bya ba ni sku gsum char gyi lha mo'i 'khor lo'o/
- 38b
bteg pa gsum pa'i rab tu byed pa gsum pa'i 'grel pa'o// //de ltar bdag med ma bshad nas/ da ni thabs kyi 'khor lo'i bsgrub pa'i thabs bshad par bya ste/ de nas yang dag bshad bya ba zhes bya ba nas/ rdo rje dbyings zhes bya bar brjod ces pa'i bar du mtshan brtag pa'o/ /phyag rgya chen po bsgrubs nas su zhes pa nas/ thams cad du ni blta bar bya zhes pa'i bar gyis gnas bstan to/ /gnas de'i phyogs thams cad du gcig la bltas nas thig gdob par bya ste/ sar ba legs par bkal nas kyang zhes pa ni go sla'o/ /gru bzhi pa la sgo bzhi pa zhes pa na// phyi'i dkyil 'khor thig gdab po zhes pa'i bar gyis thig gdab pa'i thabs bstan to/ /de ltar thig btab nas/ de nas nang du zhugs nas su zhes pa la sogs pas nang gi dkyil 'khor du lha dgod bar bstan to/ /sangs rgyas gzugs brnyan bzhag par bya zhes bya ba ni lugs ma'am 'bur du bkos pa dang bris pa la sogs pa rtogs pas bzhag par bya'o/ /de ltar bzhi'i dkyil 'khor rdzogs nas/ bdag nyid ltar bsgom pa bshad pa ni dkyil 'khor cho ga zhes bya ba la sogs pa bstan to/ /de la dang po sngags pas lha'i khang par zhugs nas/ paM las snying gar pad+ma/ a las dbus su zla ba'i dkyil 'khor de'i steng du hUM las rdo rje rtse lnga pa dkar po/ /de'i 'od kyis de bzhin gshegs pa thams cad spyan drangs la mchod pa dang phyag btsal ba sdig pa bshag pa dang rjes su yi rang ba dang/ chos kyi 'khor lo bskor bar bskul ba dang/ mya ngan las mi 'da' bar gsol ba gdab pa dang/ lus 'bul ba dang/ dge ba'i rtsa ba sngo ba dang/ sdom pa gzungs ba bya ste/ ji ltar dus gsum mgon po rnams zhes bya ba nas/ dam pa bdag gis bskyed par bgyi zhes pa'i bar gyis smon pa'i sems bskyed la/ da ni 'jug pa'i sems bskyed bshad par bya ste/ sangs rgyas rnal 'byor sdom pa la zhes pa ni rigs 'dzin gyi sdom pa'o//
- 39a
bslab pa yi ni tshul khrims dang/ zhes pa ni 'og nas 'byung ba'i phas pham bzhi'o/ /dge ba'i chos ni sdang pa dang/ zhes ba ni lha thams cad kyi sdom pa ma lus pa pha rol tu phyin pa drug bsgom pa'o/ /sems can don byed tshul khrims ni zhes pa ni 'phrin las bzhi'o/ /bdag gis brtan par gzung bar bgyi zhes pa ni rnam par snang mdzad bsgom pa'i rdo rje dkar po rtse lnga pa dang/ mi bskyod pa'i tshe rdo rje sngon po dang/ rin chen 'byung ldan gyi tshe rin po che ser po dang/ snang ba mdza' yas kyi tshe pad+ma dmar po dang/ don yod grub pa'i tshe sna tshogs rdo rje bsgom par bya'o/ /byang chub sems ni bla na med pa zhes pa ni dge ba'i chos sdud kyi rgyas par bshad pa pha rol tu phyin pa drug gis byang chub tu sems bskyed pa'o/ /ma bsgral zhes pa ni zhi bas so/ /ma grol zhes pa ni rgyas pas so/ /dbugs ma phyin pa dbugs dbyung zhes pa ni dbang gis so/ sems can mya ngan 'das la dgod ces pa ni mngon spyod kyis so/ /de ltar sngon du 'gro ba rdzogs nas mngon par byang chub pa lnga'i rim pa bsgom pa'i phyir de bshad par bya'o snyam du dgongs nas ting nge 'dzin la snyoms par zhugs te bka' stsal pa yin no/ de nas bsam gtan gyi khang par zhugs nas zhes pa ni 'og min gyi lha'i rgyal po'i gnas su bsam par bya'o/ /de nas snying ga'i rdo rje badzra satwa hUM zhes bya ba'i sngags yid kyis bris nas de ni don dam byang chub mchog tu sems bskyed bsgom par bya'o/ /de nas rnal 'byor pa'i lus mi bskyod pa bsgoms la/ me long lta bu'i snang ba bsgoms nas oM tsi ta sra ti be to ka ro mo zhes bya ba sngags dang pos brtan par bya'o/ /de'i steng su dbyangs yig bcu drug gru gsum du bkod la stod pa nyid bcu drug gi yon tan bskyed par bya'o/ /de nas rin chen 'byung ldan du bsgoms la/ mnyam pa nyid kyi rnam pa
- 39b
zla ba gnyis pa bskyed par bya'o/ /oM bo d+hi tsit+ta utbra? da yA mi zhes pas brtan par bya'o/ /gsal byed sum cu rtsa gsum dkyil 'khor gyi lha'i tshul tu bkod nas lha'i yon tan bskyed par bya'o/ /de nas snang ba mdza' yas su bskyed la zla ba gnyis pa'i stengs su rdo rje bsgoms te/ oM tiSh+Tha ta badzra sa brtan par byas la/ zag pa med ba'i yon tan bskyed par bya'o/ /de nas don yod grub par bskyed la 'od ster? spro bsdus de bzhin gshegs pa'i khams kyi sku gsung thugs bcug ste/ badzra at+ma ko haM gis brtan par bya ste/ snang ba med pa'i rnam par thar pa'i sgo stong pa nyid dang/ gnas med pa'i mtshan ma med pa dang/ ma skyes pa'i smon pa med pa dang/ mngon par 'dus ma byas pa'i 'od gsal ba dang/ dngos po dang dngos po med pa'i chos kyi dbyings kyi rang bzhin gyi yon tan bskyed nas gzhig tu med pa nyon mongs pa'i sgrib pas chags pa dang gzung du med pa'i chos kyi sgrib pa dang bral ba dang nyer len med pa las kyi sgrib pa dang bral ba dang/ rdo rje'i bdag nyid rnam par smin pa'i sgrib pa med pa rdo rje'i bdag nyid de chos kyi skur gyur pa'o/ /de nas rnam par snang mdzad du bsgoms la snying ga'i zla ba'i rdo rje la zhal bzhi pa'i longs spyod rdzogs pa'i sku bskyed la/ oM ya tha sarba ta thA ga tA sta tha a haM zhes bya bas brtan par bya'o/ /da ni mngon par byang chub pa'i rim pa lugs las bzlog pa bshad par bya ste/ longs spyod rdzogs pa'i sku gang las byung zhe na/ zhi ba gsang ba'i bdag nyid las so/ /gsang ba gang las zhe na/ spyod pa rdo rje las so/ /spyod pa gang las byung zhe na/ spyod yul zla ba gnyis pa las so/ /zla ba gnyis pa gang las byung zhe na/ de nyid rtogs pa zla ba dang po yas so/ /de ltar mngon par byang chub pa lnga ni/ sangs rgyas thams cad kyi bdag nyid mi slob pa'i lam gcig tu skye ba las so/ /rdo rje'i snying pos gsol pa/ de ltar na mangs? skyes kyi rim pa ci ltar
- 40a
'thad ce na/ bcom ldan 'das kyis bka' stsal ba/ zla ba gnyis pa ni pad+ma yin la/ de'i steng gi rdo rje zhi de bzhin gshegs pa kun gyi gnas/ yin pas rdo rje pad+ma'i steng su gnas zhes bya'o/ /de nas 'od zer spro bsdu byas pa las so/ /sangs rgyas thams cad 'byung zhing de nyid las rnam par snang mdzad kyang 'byung ste/ de ni rgyu'i rdo rje 'chang yin la/ de nas gzhal yas khang gi dbus su 'bras su rdo rje 'chang bskyed pas na rnal 'byor pI brgyud las 'byung ba'i mngal skyes kyi rim pa b+ha ga dang pad+ma'i sbyor ba las byung ba'i 'gal ba yod pa ma yin no/ /de ltar rgyu'i rdo rje 'chang chen po bskyed nas/ da ni rten gyi dkyil 'khor bskyed par bya ste/ steng dang 'og tu sngags rnams bkod byas nas zhes pa ni steng gi ri rab bo/ /'og ni 'byung ba bzhi'i sngags bkod nas dkyil 'khor bskyed pa'o/ /ri rgyal lhun po'i gzugs ni bskyed par bya zhes pa ni gsum las kha dog bzhi ba rtse mo brgyad dang ldan pa gser gyi ri bdun gyis bskor ba'o/ /de'i stengs su ye gru gsum las byung ba'i nam mkha' steng pa'i dbus su b+huM las rnam par snang mdzad be yongs su gyur pa las 'od zer sna tshogs dang ldan pa'i dkyil 'khor gyi 'khor lo zag pa med pa'i srid pa las byung ba bsgom la/ de'i nang du paM las byung ba'i pad+ma de'i steng du raM las byung ba'i nyi ma'i dkyil 'khor bskyed par bya'o/ /de nyid kyi rgyas par bshad pa ni/ rlung dang me'i dkyil 'khor yang dag ldan zhes smos te/ rlung dang me'i stengs su sa dang chu'i dkyil 'khor dang ldan pa'o/ /de'i sa bon gang yin zhe na/ ya ra la bas shin tu mdzes par byas zhes bya ste/ 'byung ba bzhi'i sa bon las bskyed pa'o/ /de nas steng zhes pa ni/ suM las bskyed pa'i bri rab kyi steng duAo/ /sngags de nyid las ni zhes ba ni rnam par snang mdzad kyi sa bon las 'byung ba bzhis bsdus pa'i yi ge b+h+ruM de nyid pas so/ /rnam par snang mdzad de yongs su
- 40b
rgyud pa las gzhal yas khang de bzhin gshegs pas sku'i sgo nas brten cing gsung gi sgo nas bsngags la/ thugs kyi sgo nas bstod pa'o/ /gzhal yas khang rtse mo rdo rje rin po che las brtsegs pa'i nang du/ rgyu'i rnam par snang mdzad kyi thugs ka'i zla'i dkyil 'khor kyi steng du lha'i sa bon sngags 'di bkod nas de dang bcas pa'i sku'i rnam par snang mdzad de yongs su gyur pa las rdo rje rtse lnga par gyur nas de'i 'od zer spro ba dang bsdu ba las rdo rje sems dpa' thams cad kyi mchog dang ldan pa'i sku mdog dkar po bsam par bya'o/ /zla mdog dang mtshungs zla ba'i gdan la bzhugs zhes bya ba la sogs pa ni go sla'o/ /de nas shar phyogs su rnam par snang mdzad ni dbu gsum phyag drug pa g.yas sngo zhing g.yon dmar ba dbus ma dkar ba 'khor lo dang/ bril bu dang/ ral gri dang/ zhags pa dang/ lcags kyu dang thod pa bsnams pa'o/ /don yod grub pa ni g.yas dkar ba g.yon dmar ba dbus ma ljang ba'o/ /phyag dang po ni pad+ma dang dril bu bsnams pa'o/ /phyag lhag ma rnams ni thams cad kyang ral gri dang zhags pa dang lcags kyu dang/ thod pa bsnams pa'o/ /spyan ma dang/ mA ma kI dang/ gos dkar mo dang/ sgrol ma rnams ni rang rang gi gtso bo dang mtshungs pa'o/ /phyag dang po na sna tshogs rdo rje dang dril bu bsnams pa'o/ /lha ru rin chen 'byung ldan/ nub tu snang ba mdza' yas/ byang du don yod grub pa ni zhal gsum phyag drug pa'o/ /rin chen 'byung ldan zhal dbus ma ser zhing g.yas sngo ba dang g.yo dkar pa'o/ /dang po ni rin po che dang dril bu bsnams pa'o/ /snang ba mdza' yas ni g.yas sto zhing g.yon dkur ba dbus dmar pa'o/ /zhal gsum phyag drug pa'o/ /drag mo dang rdo rje gzugs dang/ rdo rje chags pa mo dang/ rdo rje zhi ba mo dang/ rdo rje gnod sbyin mo dang/ rdo rje mkha' 'gro ma dang/ rdo rje sgra can ma dang/ rdo rjes rnams ni zhal gcig phyag gnyis pa rdo rje dang rin po che dang pad+ma dang sna tshogs rdo rje dang
- 41a
ral gri dang/ zhogs pa dang lcags kyu dang thod ba bsnams pa'o/ /'khor lo rim pa gnyis kyi phyi rol gyi zur la dril bu ma dang/ pi wang ma dang/ rnga bo che dang/ rdza rda bsnams pa sngo ba dang/ ser ba dang/ dmar ba dang/ ljang ba dang zhal gcig pa phyag gnyis pa'o/ /phyi rol gyi lha'i snam bu la bskal bzang bcu drug bkod nas/ de'i zur du me tog ma dang/ bdug pa ma dang/ mar me ma dang/ dri ma ser ba dang/ sngo ba dang dmar ba dang/ ljang ba'o/ /shar phyogs la sogs pa'i sgor ni lcags kyu dang zhags pa dang/ lcags sgrog dang dril bu'o/ /sku mdog dang phyag mtshan la sogs pa ni go sla'o/ /de la phung po dang khams dang skye mched phyin gyis brlabs pa dang ye shes sems dpa' bzhugs pa dang/ dbang bskur ba dang/ bdud rtsi myang ba dang/ bsgom pa dang bzlas pa dang/ mchod pa dang/ bstod pa byas la/ ldang bar 'dod pa'i tshe nye bar bsdu ba dang/ rig drug gi sngags kyis bsrung ba byas la ldang bar bya'o/ /de ltar bsnyen pa bsgom bzhin du sta gon gyi lha dgod pa byas nas/ dkyil 'khor chen po'i tshe de ltar lugs ma 'am/ 'bur du bsgos pa la sogs pa'i gzugs brnyan bzhag pa dang/ ye shes sems dpa' gzhugs pa dang/ dbang bskur ba dang/ bdud rtsi myang ba dang/ bsgom pa dang bzlas pa dang mchod pa dang/ bstod pa ji ltar nus pa bzhin du bya ba'o/ /de ltar rdo rje sems dpa' i dkyil 'khor rdzogs nas/ da ni dgyes pa'i rdo rje'i dkyil 'khor bshad par bya ste/ phyi'i dkyil 'khor gru bzhi dang bcas pa bskyed la/ de'i nang du dkyil 'khor gyi phyed kyi ched la/ /bla ba phyed pa lta bu'i gzugs can ka ba bzhi dang ldan pa rdo rje dang rin po che dang pad+ma dang sna tshogs rdo rje'i ri mo bzhis bskor ba'o/ /de'i dbus su bcom ldan 'das dkyes pa'i rdo rje sna tshogs pad+ma dang nyi ma'i dkyil 'khor gyi
- 41b
gdan la zhal gcig phyag bzhi pa/ ral gri dang 'khor lo dang/ lcags kyu dang zhags pa bsnams pa bsam par bya'o/ /de'i 'khor thams cad kyang skra 'bar ba gyen du brdzes pa sna tshogs pad+ma dang nyi ma'i gdan la bzhag par bya'o/ /mtshams kyi me tog ma la sogs pa'i bar du lta thams cad kyang zhal gcig pa phyag gnyis pa bsam par bya'o/ /'di rnams ji skad gsungs pa'i gdan rnams pa gau rI la sogs pa'i yig 'bru dgod par bya'o/ /bcom ldan 'das kyi ni hUM ngo/ /dkar mo'i ni hA ring ba'o/ /tsau ra'i ni hi thung ngo/ /ro langs mi'i na dzi'o/ /za? bod ma'i ni ba'o/ /buk+ka sI'i ni hUM ngo/ /sa pa ri'i ni dzi'o/ /tsan Da lI'i ni mi mo/ DoM bi'i ni hUM ngo/ /me tog ma'i ni haM thung du'o/ /bdug pa mo'i ni oM ring ba'o/ /mar me ma'i ni e thung du'o/ /dri chab ma'i ni a'i ring ngo'o/ /sgo bzhir ni dzaM raM baM hUM ngo/ /phyi'i dkyil 'khor gyi phyi rol gyi ra ba'i nang du dur khrod brgyad dgod par bya ste/ zhing skyong brgyad dang phyogs skyong brgyad dang/ klu brgyad dang sprin brgyad dang/ pho nya brgyad dang bcas pa bsam par bya'o/ /de yang mnyam sbyor las 'byung ba'i rim pas gdul bya dang phyogs skyong ba de rnams ji ltar sngon byung ba'i rim pa bshad par bya ste/ drag po dang dbang po dang nye dbang dang khyab 'jug dang bcas pa tshangs pa ste/ bdud bzhi dang phyogs skyong ba brgyad 'dul ba ni sngon bcom ldan 'das 'dzam bu'i gling du byon nas/ de rnams gdan bting bas brgyas btab pa dang/ sems brgyal zhing ngag rangs na rmongs par byas pa dang/ btsun mo rnams phrogs shing tshogs kyi 'khor lo rnams gsol bas longs spyad pa'o/ /rnam par shes pa brgyal bas na thar bar byas pa dang gnas gyur nas ye shes thob pas na slar thar pa mdzad re? zhes sbyar ro/ /de ltar dbe? byas pa dang longs spyad pa dang/ btul ba'i rjes la/ slar yang gsos nas bsrungs ma'i phyir phyi
- 42a
rol gyi dur khrod du bkod pa nyid du mdzad pa yin no/ /des 'dul ba'i bcom ldan 'das ji lta bu zhe na/ thabs dang shes rab rnal 'byor gyis zhes smos te/ rigs drug gi he ru ka nyon mongs pa drug dang ldan pa'i sems dbugs dbyung ba'i phyir/ /phyag g.yon pa na thod pa kha TwAM ga dang bcas pa bsnams shing/ phyag g.yas pa na rdo rje 'bar ba bsnams pa rang gi brla g.yon pa mnan nas/ phyed krung gis gar mdzad cing/ gzigs pa rnam pa sna tshogs bgrang ba yi/ rjes thogs nyid las 'gyur ba'i rgyas thob la/ rnam pa sna tshogs 'o byed 'khyud pa'i rmongs mdzad de/ rnam pa sna tshogs bde ba'i mchog ste kun gsol pa/ rnam pa sna tshogs bde mchog bstan du gsol/ /rnam pa sna tshogs rgyas gdab rmongs byas bstan du gsol/ /che mchog ngo mtshar bde bar bzhugs/ /hUM a la la ho zhes pas btul nas/ tshangs pa la sogs pa 'khor gyi dregs pa bcom nas/ rang gi btsun mo phrogs pa rnams kyang slar yang de la byin nas dur khrod kyi bsrungs mar bzhag pa yin no zhes gtam rgyud rnyed pas brjod pa yin no/ /de ltar btul zin pa'i rjes la bcom ldan 'das ji ltar bzhugs shes na slar zhi ba'i gzugs su mdzad pa yin no/ /'od zer sna tshogs gsal ba'i mdangs/ / sangs rgyas sprin rnams rab tu spro/ /zhes bya ba yin no/ /de lta bu'i 'khor la la ye shes sems dpa' bzhugs pa la sogs pa las brgyad byas nas ting nge 'dzin gsum dang ldan pa'i lha'i rnal 'byor bsgoms na myur du dngos grub thob par 'gyur ro// zhes bya ba smos so/ /brtag pa gsum pa'i rab tu byed pa bzhi pa'i 'grel pa'o// //de ltar rab tu byed pa drug gis bskyed pa'i rim pa bstan nas/ da ni bskyed rdzogs gnyis ka sgrub pa'i yan lag tu tshogs kyi 'khor lo'i rab tu
- 42b
byed pa drug pa ston pa yin te/ de la dang po tshogs 'khor gyi yan lag tu ngag gi brda bshad par bya'o/ /de la brda ni gnas skabs gnyis su dgod par gsungs te/ de la thog mar dpa' bo dang dpa' mo 'du ba byed pas na brda shes paS byang chub sems dpa' ? dang byang chub seMs ma'i mtshan nyid shes par bya'o/ /tha mar tshogs 'khor byed pa'i dus su tha mal pa'i ngag dor nas de bzhin gshegs pa'i brdar gyur pa 'di brjod par bya'o/ /de yang chos bcu gcig pa'i mod las/ du ba las ni mer shes shing/ /chu skyang las ni chu yin te/ /byang chub sems dpa' blo ldan gyis/ /rigs ni mtshan ma rnams las shes/ zhes gsungs so/ /rdo rje'i theg pa 'di las ni dag gi brda dang/ lus kyis brda dang/ yan lag gi brda rnam pa gsum gyis phan tshun tha snyad du bya'o/ /de yang ji lta bu la tha snyad du bya zhe na/ mkha' 'gro ma'i kun tu spyod pa las/ dag byed dbang gi lha mo dang/ /dpa' bo'i lha mo bka' bsgos skyes/ /de 'og ma lus kun spyod ma/ zhes gsungs pa rnams la'o/ /de rnams su mtshan nyid cis mtshan zhe na/ kha dog dang dbyibs dang/ spyod lam dang mtshan nyid gsum gyis shes par bya'o/ /dbyibs ni lus po ring thung dang phra ba dang lag pa'i ri mo dang ldan pa'o/ /sbyod lam ni gos dang dri dang khyim du ni mo 'bri ba dang/ lam du 'dre zhing ldog pa dang/ srog chags kyi rigs dga' ba dang/ mi dga' pa'i bye brag gis shes par bya'o/ /de la dang po dag gi brda bstan te/ rnal 'byor dang rnal 'byor ma rnams kyi zhes pa nas bshad du gsol zhes pa'i bar gyi mdor bstan to/ /de nas bcom ldan 'das mkha' 'gro ma rnam par rgyal ba zhes bya ba ni brda mi shes pa las rnam par rgyal pa'o/ /bka' stsal to zhes pa ni bar gyi skabs dbye ba bstan to/ lu mug ces pa nas 'dus pa nyid du bya zhes pa'i bar gyi dgyes rdor gyi rgyud kyi brda' bstan to/ /mu byi zhes pa nas dri sta zhes pa'i
- 43a
bar gyis gdan bzhi'i brda brtan to/ /da ni zhes pa nas u du sbar sha na zhes pa'i bar gyis 'khor lo bde mchog gi brda bstan to/ /brda de dag gis le'u bdun pa'i rab tu byed pa dang po nas ston pas de 'dir ma bshad do/ /de dag gi steng dang 'og na gnas zhes pa ni thabs dang shes rab la brdar btags pa yin no/ /phyag rgya dang phyag rgya'i lan zhes pa ni tshogs kyi 'khor lo'i dus sam/ dbang bskur ba'i dus su ngo shes par byed pa dang/ de bzhin gshegs pa'i brdar gyur pa 'di brjod na dag gi 'khrul 'khor las dngos grub bskyed pa yin no/ /brtag pa bzhi pa'i rab tu byed pa dang po'i 'grel pa'o// //de ltar brda bshad nas/ dbang gi lha mo'i bshad par bya ste/ rdo rje snying po'i zhes pa'i tshigs bcad phyed kyis nyon cig ces skabs dbye ba bstan pa yin no/ /de la bde mchog gi rgyud 'bum pa'i nang nas gsungs pa'i mtshan nyid mdor bstan pa ni gzugs can ma dad 'o byed ma gnyis ni rgyal rigs te sangs rgyas spyan dang nye ba'i rigs so// mdzes ma dang yongs gyur ma gnyis ni rje'u rigs te/ sgrol ma dang nye ba'i rigs so/ /byis bcas mo dad mi ldog ma gnyis ni bram ze'i rigs te/ gos dkar mo dang de'i nye ba'i rigs so/ /'di dpa' mo zhes pa dmangs rigs mkha' 'gro ma'i rigs su 'gyur ba yin te/ nye ba'i rigs ni med do/ /de rnams kyi mtshan nyid ni rtogs par sla bas ma bshad do/ /de'i khyim du ji lta bu zhig 'dre zhe na/ sangs rgyas spyan gyi rigs gnyis kyis thod pa dang dgra sta 'dri bar byed do/ /sgrol ma'i rigs gnyis kyis mche ba dang rgyal mtshan 'dri par byed do/ /gos? dkar mo'i rigs gnyis kyis ral gri dang dgra sta 'dri bar byed do/ /rdo rje mkha' 'gro ma'i rigs gnyis kyi khyim du dung 'dri bar byed de/ /lus sprul pa'i mtshan ma zhes bya ba
- 43b
ni drag pe 'jigs byed kyi mkha' 'gro ma'i phyag rgya khyim du 'dri bar byed pa yin no/ /brtag pa bzhi pa'i rab tu byed pa gnyis pa'i 'grel pa'o// //de ltar dbang gi lha mo bshad nas/ da ni dag byed kyi lha mo dang/ dpa' bo'i lha mo dang/ bkas gnang pa'i lha mo dang/ gsum gyi mtshan nyid ston pa yin te/ de nas yang dag bshad bya ba/ mdzes pa yi ni mtshan nyid de/ zhes bya ba nas pad+ma gar dbang rigs 'byung yin zhes bya ba'i bar gyis pad+ma'i rigs kyi dag byed kyi lha mo bshad do/ / lus ni sngo bsangs cung zad skyo zhes pa nas mkha' 'gro ma ni shes par bya zhes pa'i bar gyis dpa' bo'i lha mo mi bskyed pa'i rigs kyi mtshan nyid bshad do/ /dmar zhing ser la mig dmar zhing zhes pa nas/ mkha' 'gro ma 'dir the tshom med ces pa'i bar gyis dpa' po'i lha'i rigs bshad do/ /bud med gang ser zhing cung zad sngo zhes pa nas bde gshegs rigs kyi rjes 'gro yin zhes pa'i bar gyis dag byed kyi lha mo rin po che'i rigs kyi mtshan nyid bshad do/ /cung zad sngo zhing cung zad ldang zhes pa nas rdo rje phag mo'i rigs kyi mtshan nyid bstan to/ /ser zhing ser ba'i mdog tu snang zhes pa nas khaN+Da ro ha'i rigs 'byung yin/ zhes pa'i bar gyis dpa' bo'i lha mo dum skyes ma'i rigs kyi lha mo bstan to/ /bud med gang zhig sha la sred ces pa nas he ru ka'i rigs 'byung yin zhes pa'i bar gyis dpa' bo'i lha mo mkha' 'gro ma'i rigs bstan to/ /bud med gang zhig mdog ni sprin sngo 'dra zhes pa nas mkha' 'gro mar ni the tshom med ces pa'i bar gyis dpa' bo'i lha mo gzugs can ma'i rigs bstan to/ /gang gi skra ni 'khyil pa dang ces pa nas mtshan nyid 'gyur ba 'di dag ni zhes pa'i bar gyis bkas gnad pa'i lha mo pad+ma'i rigs bstan to/ /dmar zhing ser ba'i bud med gang zhes pa nas phyag rgya'i
- 44a
lan du 'gyur ba yin zhes pa'i bar gyis bkas gnang ba'i lha mo las kyi rigs bstan to/ /thung zhing byin pa spom pa dang/ zhes pa nas khyim du rdo rje 'dri bar byed ces pa'i bar gyis bka' gnang ba'i lha mo he ru ka'i rigs bstan to// lus kun la ni ba spu yod ces pa nas khyim du mche ba bris te mchod ces pa'i bar gyis bkas gnang ba'i phag mo'i rigs bstan to/ /brtag pa bzhi pa'i rab tu byed pa bzhi pa'i 'grel pa'o// //de ltar mtshan nyid bstan nas dpa' po'i lha mo'i brda bstan pa ni/ de nas yang dag bshad bya ba zhes pa nas/ slob dpon gnyis pas g.yon bsgul zhes pa'i bar gyis brda'i mtshan nyid bstan to/ /brtag pa bzhi pa'i 'grel pa'o// //de ltar brda' dang mtshan nyid bshad nas/ tshogs kyi 'khor lo'i dpa' bo dang dpa' mo rnams sogs nas/ de'i gnas bshad par bya ste/ de nas yang dag bshad bya ba zhes pa nas/ mdzas pa'i bshos la nan tan bya zhes pa'i bar gyis mdor bstan to/ /mdza' ba dam pa kun 'dus pa zhes pa ni rnal 'byor pa dang/ rnal 'byor ma rnams 'dus pa ste/ de la ci phyir dam pa zhes bya ba ni dri'i thig le'i dkyil 'khor dang me tog gi tshom bu'i dkyil 'khor dang yig 'bru dgod pa'i dkyil 'khor dang/ phyag mtshan dgod pa'i dkyil 'khor dang/ lag pa'i phyag rgya dgod pa'i dkyil 'khor dang/ sku phyag rgya chen po'i dkyil 'khor las tshogs kyi dkyil 'khor las tshogs kyi 'khor lo 'di dam par gyur pa'o/ /de lta bu'i mdza' ba dam pa kun 'dus pa ste/ dpa' bo dang rnal 'byor ma rnams bsnyen bsgrub bzhis lha'i rang bzhin du bskyed nas 'dod pa'i yon tan rnam pa lnga la sogs pa med pas tshogs kyi 'khor longs spyod bya'o/ /de yang lhag ma ni gcig la gcig gis zos pa'i lhag ma la rtog pa med pa'o/ /snod gnyis ni rang
- 44b
bzhin gyi don snod gnyis la longs spyod pa'o/ /mdzes ma'i bshos la nan tan bya/ zhes pa ni rnal 'byor pa'i lus la lha'i dkyil 'khor bskyed la/ lag pa g.yas pa dang g.yon pa dgang gzar blugs gzar du byas la phyi dang nang gi dkyil 'khor lnga'i zhal du oM shAn ti ku ru swAhA dang puSh+TiM ku ru oM dang/ bash+yaM ku ru hwa dang/ mA ra ya phaT dang bcas pa nang gi sbyin sreg byas pa ni nan tan du byas zhes bya ba yin no/ /de'i gnas gang lags zhes zhus pa dang/ bde mchog gi rgyud dang sbyar nas gnas nyi shu rtsa bzhi 'am dgyes pa'i rdo rje dang sbyar nas gnas sum cu rtsa gnyis su shes par bya ste/ de yang dur khrod bzhi dang bcas pa gnas bcu bzhi yin no/ /sngon gdul bya 'dul ba'i ched du yang dag par rdzogs pa'i sangs rgyas kyis gnas sprul pa'i sku'i ye shes kyi snang ba'o/ /sangs rgyas kyi zhing khams rnam par dag pa da yang gdul bya rnams kyi brda dang sbyar nas lha rnams kyi gnas zhes bya ba dang/ dri za rnams kyi nye ba'i gnas shes bya ba dang/ gnod sbyin rnams kyi zhing zhes bya ba dang/ de'i 'khor rnams kyi nye ba'i zhing zhes btags pa dang/ srin po rnams kyi tshan do ha zhes pa dang/ 'khor rnams kyi nye ba'i tshan do ha zhes pa dang/ klu rnams kyi 'dus dang/ 'khor rnams nye ba'i 'dus zhes bya ba dang/ lha ma yin rnams kyi dur khrod dang/ 'khor rnams kyis nye ba'i dur khrod dang mi 'am ci rnams kyis grong mdza' dang nye ba'i grong mdza' zhes bya ba'i brdas btags pa dang/ byang chub sems dpa' rnams kyis rtogs pa'i sa bcu gnyis kyi yul stong pa nyid kyang de nyid dang tha mi dad pa yin no/ /de'i gnas kyi dbye bzhus pa'i lan du/ gnas ni dza land+ha ra zhes pa nas/ de yang dur khrod nye dur khrod ces pa'i bar gyis ming bshad pa yin no/ /de dag las lhag pa'i yul bshad pa ni/ rdul bral yul na tsu ta'i shing zhes bya ba la sogs pa yul brgyad na shing brgyad
- 45a
gnas pa/ phyogs skyong brgyad gnas pa btul nas dur khrod kyis bdag por bzhag pa yin no/ /de yang 'di skad ston pa yin te/ sngon byung ba rdo rje gdan nyid du drag po 'jigs byed nyi shu rtsa bzhi/ 'dul byed sku gsung thugs kyi 'khor lo gsum gyis btul nas skyes rnams lus dang ngag dang yid gsum dbang du byas pa dang/ btsun mo dang tshogs kyi 'khor lo la longs spyod pa dang/ gdul bya de nyid kyi rnam par shes pa 'gags pas srog thim pa dang/ ye shes skyed pas ye shes thim pa yin no/ /de dang rjes su mthun par grod mdza' dang/ nye ba'i grong mdza' dang/ dur khrod dang nye ba'i dur khrod dang/ mi'am ci brgyad dang/ khwa gdong ma la sogs pas de bzhin du btul ba yin no/ /rdul bral gyi yul nas dza land+ha ra'i bar du phyi rol gyi yul rnams su zhing skyong brgyad dbang du byas pa dang/ longs spyod pa dang thim pa'i rjes la ser g.yos nas dur khrod du bsrung mar bzhag pa yin no/ /de skad du yang mnyam sbyor las/ rgyas btab rmongs byas bslad nas ni/ /las rnams kun la sbyor bar byed/ /phyag rgya 'di yis btab pa ni/ /'dod pa bzhin du 'gro 'od lding/ zhes gsungs so/ /gnas ni rab tu dga' ba'i sa zhes bya ba la sogs par sbyar ba ni go sla'o/ /rnal 'byor ma'i brda' yis bshad ces pa ni sngon gyi gdul bya rnams kyis brdar brtags pa'o/ /bul sogs pa ji bzhin du zhes pa ni bu lir ma la sogs pa'i pha rol gyi gnas nyi shu rtsa bzhi 'am/ bzhi bcu tham pa sngon ji ltar grub pa bzhin du 'khor lo'i rtsibs kyi gnas su dgong pa'am nang du lus kyi gnas nyi shu rtsa bzhi dang/ bu ga bzhi la lha'i 'khor lo nyi ma'i gdan la dgod pas na phyi dang nang du bsam par bya zhes bya'o/ /de rnams kyi sku mdog dang phyag mtshan dkyil 'khor gyi 'khor lo ltar bya'o/ /de skad du mnyam sbyor las/ thod pa padmo yin par bshad/
- 45b
kha TwaM go yang rgyal mtshan che/ /sangs rgyas phyag rgya padmo rnams/ /bde ba kun gyi bdud rtsi yin/ /sangs rgyas brdal yi phyag rgya yis/ /skyes bu sangs rgya kun bshad do/ /'di nyid dam tshig yin par bshad/ /lha rnams thams cad tshogs pas na/ / skye bo dam can kun tshogs pa/ /chos kyi dkyil 'khor dam pa ni/ /mdza' ba thams cad 'dus ba'o/ zhes gsungs so/ /de rnams kyi 'du ba'i dus bshad pa ni/ yi dags phyogs kyi bcu bzhi dang zhes bya ba mar gyi ngo bo nyi shu dgu dang/ tshes bzhi la mchod pa chen po bya ste/ rgyal mtshan dang ni mtshon gyis bsad ces pa ni gsal shing la bskyon pa 'am/ g.yul ngor shi ba'o/ /skye ba bdun pa bsten par bya zhes pa ni skye ba bdun pa'am/ bde mchog las 'byung ba bzhin du phyugs bdun gyis bya'o// 'bad de snying rje bskyed nas su/ /mkhas pas bsad pa'i las rnams bya/ zhes pa ni 'jig rten pa'i mkha' 'gro ma rnams dga' bar bya ba'i phyir/ bag ? la byas pa'i phyugs nang du khrag gis bkang la tsan dan dmar pos? byugs nas dkar gsum dang d? gsum ldan pa ro gcig tu gyur pa'i ? de mkha' 'gro ma rnams la gtor mar sbyin pa dang/ rnal 'byor pas tshogs kyi bza' ba dang/ nang gi sbyin sreg bya ba yin no/ /de ltar rnal 'byor pas ji lta bur bya zhe na/ snying rje dman pas 'grub mi 'gyur/ /de bas kun tu snying rjes spyad ces bya ste/ bdag dang sgzhan mnyam pa nyid du sems pa'i rnal 'byor pas mkha' 'gro ma rnams la 'tsho ba'i thabs med pas na snying rje bskyed pas sha dang khrag de spyin par bya'o/ /de skad du yang mnyam sbyor las/ bag zan las ni byas pa'i phyugs/ tsan dan dmar pos bsgrub pa dang/ /bag zan las byas pa'i sha /rgyal po'i zan zhes gang bzhad pa'o/ /las dang po pas de ltar yin du zin kyang/ brtan pa thob pa'i byang chub sems dpa' ji ltar bsgrub par bya
- 46a
zhe na/ gso bar nus na dngos su bsgral bar bya'o/ zhes gsungs pas/ ji ltar bdag gzhan sems can de/ /ji ltar sems can de bzhin bdag /ji ltar rnal 'byor pas bsams na/ /dngos grub myur du thob par 'gyur zhes pas bdag dang gzhan brje pa'i snying rje chen pos phyis gso bar nus pa'i snying rje chen po dang ldan na dngos su bsgral bar gsungs pa yin no/ /brtag pa lnga pa'i rab tu byed pa dang po'i 'grel pa'o// //de ltar gnas bshad nas/ da ni tshogs kyi 'khor lo'i ting nge 'dzin bshad par bya ste/ gsang ba'i pad+ma'i mtshan nyid dang zhes pa ni rgyud kyi rim pa 'khor lo'i rang bzhin no/ /sems dang ye shes 'dres pa zhes pa ni sems kyi rgyud dang sngags kyi rim pa'i rjes la rgyal ba bzhi'i ye shes kyi rim pa'o// ye shes 'dres 'gyur ba ni/ /gsang ba'i rim pas de la stong pa nyid kyi rgyas btab pa'o/ /de nyid mngon par byang chub pa'i rim pa yin pas na ye shes rtogs pa'i dbang phyugs nyan par 'tshal ba'o/ /de ltar zhus pa'i rjes la bka' stsal pa ni/ byang chub rim ba'i rdo rje can/ /gdan bzhi la ni yang dag brten zhes gsungs te/ bdag gi gdan rgyud kyi rim pa dang/ gzhan gyi gdan gtum mo drod kyi rang bzhin dang/ sbyor ba'i gdan bzhi'i rim pa dang/ gsang ba'i gdan stong pa nyid kyi rim pa dang/ byang chub pa'i rim pa rdo rje can zhes bya'o/ /de yang gnas gang du bsgom zhe na/ yid du 'od ba'i sa phyogs su/ /bde ba'i stan la 'dug nas ni/ zhes gsungs so/ /de'i bsam pa ji lta bu zhe na/ 'dod chags la sogs rigs spangs te/ zhes bya ba'i tshigs bcad gcig gis bkod do/ /nga ni bsgom pa'i thabs ston to/ /spyi bo nas ni rkang mthar thug ces pa la rkang pa ni rlung gi dkyil 'khor ro/ /rtsa'i gsang ba pad+ma ste zhes pa ni snying kha sa dang lte ba me'i dkyil 'khor ro/ /cha dang mdog ni sna tshogs dang zhes pa ni/
- 46b
cha ni spyi gtsug gi 'khor lo suM cu rtsa gnyis lkog ma'i bcu drug dang snying kha'i brgyad dang/ lte ba'i drug cu rtsa bzhi'o/ /mdog ni 'khor lo bzhi la yi ge dgod pa'o/ /de bzhin du ni gdan dag ste/ zhes ba ni yi ge dgod pa de bzhin du 'khor lo bzhi la dga' ba bzhis gdan du byas pa'o/ /de ltar ji ltar bya zhe na/ sku spyi gtsug tu dga' ba dang/ gsung lkog mar mchog dga' dang/ thugs snying gar sna tshogs kyi dga' ba dang/ rdo rje'i lte bar lhan cig skyes dga' i rang bzhin no/ /chos kyi dbyings su rol pa ni zhes pa ni/ lte ba me'i dkyil 'khor gru gsum gyi dbus su byang chub sems kyi rol pa'o/ /'khor lo bzhi dang ldan pa des ci zhig byed ce na/ bsdus te gong bu'i sbyor ba yis/ /rdo rje sems dpa' rang bzhin 'gyur zhes smos te/ 'khor lo bzhi dang ldan pa'i rnal 'byor pas/ bde ba'i ting nge 'dzin dang ldan pa byas nas/ tshogs kyi 'khor lo bya'o/ /de ltar rgyud kyi rim pa bshad nas/ sngags dang ye shes kyi rim pa bshad pa ni/ chu dang me'i khams dag gis/ gcig tu gyur pa go 'phang mchog/ ces smos te/ me'i khams gtum mo drod kyi rim pas bsregs nas/ byang chub kyi sems kyi rgyun dang 'khor lo bzhi la ro cig par gyur pas na/ bde ba'i go 'phang mchog ces bya'o/ /de ltar gtum mo drod shes rab dang byang chub sems thabs kyi sbyor ba las lus dang sems shin tu sbyangs pa thob nas dbang bo drug dang phung po lnga dang 'byung ba lnga dag sangs rgyas nyid du yang dag par mthong bas/ bstan bcos las byung ba'i lha thams cad kyi kho na nyid yang dag par shes pa yin no/ / de ltar sngags dang ye shes kyi rim pa yang dag par bshad nas da ni gsang? pa'i rim pa bshad par bya ste/ slob dpon lung gi rjes 'gro zhing/ /gsang chen de nyid don bsgoms pa/ zhes pa ni slob dpon gyis nyams su myong ba'i mngon sum gyis
- 47a
lam bstan nas sems kyi stong pa nyid bsgoms pa ni gsang chen de nyid kyis don bsgom pa'o/ /gcig nas cig brgyud de nyid cig /zhes pa ni nyams su myong ba'i bla ma'i brgyud bas so/ /stong pa de nyid la sogs mtshan zhes// pa ni stong pa nyid dang sogs kyi mtshan ma med pa dang smon pa med pa'i mtshan nyid kyis brtan pa dang g.yo ba'i tshogs thams cad mtshon par bya ba dbang gi dus kyis mtshon par byed pas na/ thams cad sngon bzhin mtshon byas nas zhes bya ba smos so/ / 'di skad ston pa yin te/ snod dang bcud thams cad gzhal bya yin zhing dbang gi dus su skyes pa'i shes pa ni mngon sum yin la/ rnam par thar pa'i sgo gsum gyi rnam pas chos thams cad gzhal bya yin no/ /des ni dri ma bkrus? pa'i lus kyi ni/ mngon par byang chub rim par 'gro zhes bya ste/ ye shes kyi rim pa stong pa nyid bsgoms pas/ mngon par byang chub pa lnga yis lha bskyed pa dang 'dra bar stong pa'i byang chub dang/ yig 'bru bsgrub dang sku yongs su rdzogs pa dang/ yig 'bru dgod pa dang mtshungs bar 'gro ba yin no/ /de ltar mdor bstan nas/ shin tu rgyas par bshad pa ni/ zla ba'i dkyil 'khor dbus gnas par/ /ye shes sems dpa' bsgom par bya/ zhes smos te/ las dang po pa? bskyed pa'i rim pa la mos pa'i rnal 'byor pa yin na byang chub pa lnga'i rim pa lhar bskyed nas bsgom pa 'am/ yang na me long gi gzugs brnyan bzhin du skad cig rnal 'byor bsgom par bya'o/ /ji lta bu bsgom par bya zhe na zla ba'i 'od zer 'phro ba'i zhes bya ba smos te/ sku mdog dkar po phyag gnyis pa sems dpa' i skyil mo krung gis bzhugs brgyan thams cad kyis brgyan pa sangs rgyas lnga'i cod pan can no/ /phyag gnyis phyag rgya che bcings te/ /zhes pa ni rdo rje khu tshur gnyis bcings te mthe chung gnyis su gu? rgyud du sbrel nas bkan
- 47b
te 'dzub mo gnyis kyi rtse mo sbyar nas gung mo gnyis kyis tshigs bar ma sbrang nas chos 'byung gru gsum nyis rtseg tu gyur pa'i phyag rgya ni phyag rgya che bcings te/ de rang nyid kyi thugs kar 'dzin par mdzad pa'o/ /gzugs mdzos shin tu rdzogs pa yi/ zhes pa ni mtshan dang dpe byad dang ldan pa'o/ /ye shes pad+ma'i gdan bzhugs zhes pa ni ye shes kyi snang pa'i pad+ma'i gdan la bsam par bya'o/ /chu shing me tog lte ba nas snying kha'i bar du 'greng ste gnas/ zhes pa ni snying pad+ma 'dab ma brgyad pa ge sar bcas pa'i steng du yig 'bru brgyad bkod la bsgom par bya'o/ /sngar gyi mtshan nyid yongs rdzogs pa/ zhes pa ni sngar rgyud kyi rim pa las bshad pa'i pad+ma 'dab ma brgyad phyir bzlog nas kha gyen du bstan pa'i bar du/ bcom ldan 'das kyis sa bon yi ge aM dgod par bya'o/ /'gyur? pa las bdag nyid dang 'dra ba zhal gcig pa phyag gnyis pa/ rnam par shes pa dang ye shes mtshon par byed pa dri ma med ba'i sku bsam par bya'o/ /de yang gdan ? las/ dbus na gnas pa rnams shes te/ /ye shes rang bzhin gzugs med cing/ /dri med ye shes skur snang yang/ /dngos dang dngos med rnam par grol/ zhes gsungs so/ /shar gyi 'dab mal yi ge oM las mi bskyod pa dang/ lho'i 'dab mar oM las rin chen 'byung ldan dang/ nub kyi 'dab ma la yi ge oM las 'od dpag med dang/ byang gir? dab mar oM las don yod grub pa bsam par bya'o/ /kha cig na re nyi zla kha sbyor gyi dbus su yig 'bru bcug la de zhul las sgong skyes kyi rim pas bskyed par bya'o zhes zer ro/ /dbyangs yig thog ma sogs sa bon zhes pa ni a/ i u oM o ste thabs kyi rang bzhin byung ba rnams so/ /zla phyed thig ler ldan pa zhes pa ni/ /steng du zla ba phyed pa'i thig le dang ldan pa'o/ /'od dang ldan pa rim bzhin dgod ces bya ba ni 'od kyi gong bu lnga pa ldan pa ste/ sangs rgyas lnga'i
- 48a
sa bon dang 'od dang bcas pa'i skur bsgom par bya'o/ /mtshams su ni sngon du bstan pa'i ma ning dgod ces pa ni ri rI dang li lI bzhi yum bzhi'i sa bon te 'od kyi gong bu'i dbus su'o/ /de skad du yang gdan bzhi las/ rdul phran can lta bu'i gzugs/ A li kA li'i sa bon ni/ /rdul phran zhes bya dbus su ste/ /rnam par med cing brjod du med ces gsungs so/ /de yi dbus su de yi sems/ /yi ge ru ni sbyang bar bya/ zhes pa ni sems mtshon par byed pa'i thabs bskyed rim gyi yi ges rdzogs rim kyi bde ba'i thabs mtshon pas na de'i sems yi ger sbyar bar bya'o/ /de ltar lta bkod pa'i rjes la lag pa g.yas pa dgang gzar g.yon blugs gzar du byas nas/ rdo rje mer byin gyis brlabs nas phyi dang nang gi lha mo mched nas dga' ba bzhi'i ting 'dzin bsgom pa'am/ de bzhin du gzugs la sogs pa'i 'dod pa'i yon tan thams cad la dga' ba bzhi'i ting nge 'dzin bsgom par bya'o/ /las dang po pa bskyed rims la mos na rdo rje gdan bzhi dang mthun bar mtshon byed yin te/ bsnyen bsgrub bzhis lhar bskyed la 'khor lo bzhi la dkyil 'khor bzhi bkod nas ye shes sems dpa' gzhug pa dang dbang bskur mchod pa dang bstod pa'i rjes la tshogs kyi 'khor los mtshad pa byas la/ rdo rje'i glu blang bar bya'o/ /te na hUM te na hUM te na te te hUM/ ston ka'i zla ltar zhal mdzes shing/ /dung ltar dkar ba'i sku 'dzin pa/ te na hUM te na te te hUM/ rdo rje dril bu'i phyag rgya can/ /gnyis 'khyud sbyor ba 'dzin pa'o/ /te na hUM te na hUM te na te te hUM/ sgyu ma'i lus su thim pa yi/ /'gro ba 'dzin pa rgyu med dngos/ /te na hUM te na hUM te na te te hUM srid gsum 'bar ba'i sku ni rjes chags ldan/ /'od zer sngon po stong phrag nyi ma stong dang ldan/ /rnam med sku dang cha byad rjes chags sems dpar ldan/ /rdo rje sems dpa' dbang phyug mchog dang sngags pa lhan cig gar byed shog/ rnam pa mang po
- 48b
'dod chags rgyud kyi sems can ma lus lus pa med pa 'dul mkhas pa /de bzhin gshegs pa sgyu ma bde mchog sgyu mas rnam par sprul/ /tan na te te na hUM rnam pa mang po rab tu dga' ba'i rgyud kyi sems can ma lus lus pa med pa 'dul mkhas pa/ /de bzhin gshegs pa kun gyi sgyu mas thams cad rnam sprul rnam par sprul /hUM hUM hUM zhes bya ba'i glu blang bar bya'o/ /mnyam sbyor las kyang/ dbyibs dang dri dang ro bde bas/ /rdo rje sems dpa' bdag nyid mchog/ lha yi gzugs dang sgra dang dri/ /ro dang reg pa bde myong bas/ /sangs rgyas sgyu mar byin brlabs nas/ /rdo rje sems dpa' mnyam sbyor bas/ /dngos grub dang ni bde ba rnams/ /dkyil 'khor ngag tu myong bar 'byung zhes gsungs so/ /de ltar tshogs kyi 'khor lo lha bshad nas/ /da ni tshogs kyi 'khor lo la sems 'dzin pa'i ting nge 'dzin yi ge dang/ thig le dang chags lam dang grol lam dang/ rang ltag par gnas pa'i lam bshad par bya'o/ /de la yi ge ni/ stong pa mtshan nyid med pa las/ /ji ltar yi ge sbyang bar bgyi zhes zhus pa'i lan bshad pa ni/ /stong pa'i mtshan nyid mtshon pa ni/ /chu shing snye ma'i bdud rtsi bzhin zhes pa ni sems kyi stong pa nyid mtshon par byed ba lha'i yig 'bru/ kun tu brtags pa yin pas/ dper na chu shing snying po med kyang 'bras bu'i ro mdar bar 'byung ba bzhin du yi ge snying po med pa las? bde ba stong pa snying por 'gyur pa mtshon pa yin no/ /tshigs su kyi 'khor lo'i bde ba skyes nas stong pa nyid bsgoms pas chog mod/ yi ge bsgoms ci dgos she na/ bden te spyod pa dang/ bya ba'i rgyud bcos pa'i dkyil 'khor la mngon par zhen pa'i rnal 'byor pa rnams rgyud 'dir 'jug pa ni yi ge la mngon par zhen pas de'i don bshad do/ /yan lag med pa'i rdo rje ni bde ba stong pa nyid dran bsang par byed pa yin no/ zhes zer ro/ /dbus kyi rnam shes ye shes de zhes pa ni lus kyi dbus na rnam shes de dga'
- 49a
ba gsum dang ye shes bde ba chen po rtog pa med pa gnas pa'i 'od gsal pa'i rang bzhin ni yi ge gzugs su med cing mtshon cha dang bral bas/ mtshan nyid med pa'i mtshan nyid can dri ma med pa'i ye shes sku'o/ /de yang chos dang/ gang zag? gi bdag gis stong pas dngos po las grol zhing nyams su myong ba sgyu ma ltar gnas pas dngos po med pa las rnam par grol ba'o/ /yi ge lnga'i gzugs su med kyang nyams su myang ba dang stong pa'i dbus nas bde ba rtog pa med par gnas pa de nyid la rnal 'byor pas sems gzung bar bya'o/ /mnyam pa nyid kyi sems kyis ni/ /mtshan nyid ji bzhin shes byas nas/ zhes pa na/ karma mu tra la sogs pa gang yang rung ba dang mnyam par sbyor bas/ mtshan nyid ji lta ba bzhin du shes par byas nas nyams su myong pa'i rjes la/ de rdzogs pa'i byang chub kyi lam du 'gro ba bla ma nyid kyi lung las shes par bya'o/ /rdzogs pa'i byang chub kyi lam du ji ltar 'gro zhes na rnam par rtog pas kun tu blang bas sems kyis dge ba dang mi dge ba'i las/ bsod nams bsod nams ma yin pa'i las bskyed pa dang bde ba rtog med kyi kun nas bslang las bsam gtan dang gzugs med pa srid pa'i rtse mo'i bar du 'gro'i mi g.yo ba'i las bskyed pa dang/ bde ba chen por rtogs nas 'od gsal ba'i rang bzhin nyid du shes nas/ / de ni myur du byang chub kyi lam du rdzogs par 'gyur ro/ /de ltar rgyud kyi rim pa lha'i 'khor lo dang/ sngags kyi rim pa yi ge'i 'khor lo bstan nas thig le ye shes kyi rim pa bshad par bya ste/ ye shes rnams ye shes gzugs dag ni/ bstan bcos las ni mtshan nyid brtag de kho na nyid dpa' bos bshad ces pan rnam shes dga' ba 'od gsal ba'i rang bzhin thig le'i gzugs su bshad pa'i bstan bcos kyi mtshan par byed pa dpa' bo bcom ldan 'das kyis bshad do zhes pa ni sdud pa'i tshig go /'od
- 49b
zer dkar pos rnam brgyan par/ /'di ni kun du bsgom par bya/ zhes pa ni gnas lngar byang chub sems kyi thig le bsgom par bya'o/ /de yang yi ge gang gis mtshon par bya zhes na dbus su byang chub kyi sems mtshon pa'i yi ge k+ShuM dang bshad ba'i dangs ma'i mtshon byed smraM? dang/ gci ba'i dangs ma mtshon par byed ba'i yi ge hUM dang/ sha'i dangs ma'i mtshon byed ymryuM?/ khrag gi dangs ma'i mtshon byed k+ShI dang/ rtsegs pa lnga'i mchod rten snying gar bcug ste bkod nas 'od zer dkar po gsal ba'i mdangs can du bya'o/ /de'i rjes la? mgo bo dang/ mgrin pa dang phrag pa dang snying ga dang lte bar yang yi ge de rnams dgod par bya'o/ /bdud rtsi'i rgyun ni 'dzag par bya/ /snying ga'i pad+ma'i dbus ni/ /mthe bor tsam gyis zlum por bya/ zhes pa ni sangs rgyas dkon mchog gi mtshan ma yungs kar gyi tshad tsam bsam par bya'o/ /de ltar rtsa dang thig le'i gnas lugs sangs rgyas dkon mchog bshad nas/ dge 'dun dkon mchog ni de'i dbus kyi sa bon ni A li kA li dag las btu? zhes pa ni sngar bshad pa'i brtsegs pa'i mchod rten lnga bsam pa'am/ yang na dbus su hUM/ phyogs bzhir i dang u dang e dang o de rnams kha dog dkar zhing 'di zer 'bar ba gtum mo drod ni mtshon byed bsgom par bya'o/ /de nas dge 'dun dkon mchog ni gtum mo drod kyi thig le bzhu nas de'i dbus kyi sgo rnams la bdud rtsi lnga ro gcig pa'i ? rab tu bsam par grags pa yin no/ /gnas gang du zhen sgra'i rtse mo brgyad stong cha rdul phran kun tu rnam par gnas zhes bya ba smos te/ skra'i? rtse mo star phra ba a ba d+hU tI'i dbus su'o/ /der ci zhig mtshon par bya zhe na rnam par shes pa'i dngos po'o/ /mtshan nyid mtshon pa'i ye shes can/ /sems kyi mtshan nyid ye shes pas/ /thig le gnas nas go 'phang blta zhes smos te/ bde ba rtog med rtogs par dka' ba bdud rtsi rnam pa lnga ro cig pa'i thig le de kho
- 50a
na nyid kyi man ngag thabs kyi thig les bdag po'i rkyen byas nas/ nang gi lus kyi reg bya la brten nas bde ba rtog pa med pa skye ste/ de bas na mtshon par byed ces bya'o/ /thig le bsgom pa la bye brag tu yod ce na/ snying dang tshangs pa'i sgo dang ni/ /thig pa'i lam gyi sgo dag tu zhes bya ba smos te/ snying ga chos kyi 'khor lo ste/ /de'i dbus su byang chub sems kyi thig le bsgom pa dang/ thig le'i lam ni spyi gtsug nas 'bab pa'i lam lkog ma dang snying gnas babs pa'i lam gyi sgo ni lte ba'o/ /gnas de dag tu byang chub sems kyi thig le mi shigs pa'i rlabs ba can gyi/ pas na ta ti la ka bsgom par bya'o/ /rjes su dpag pa'i lam gyi ci'i phyir mi rtogs she na/ phyi rol gyi ni lam dag dang/ /bstan bcos las kyang ring ba yin zhes smos so/ /mdo sde zab mo gzhan dag las kyang sems kyi stong nyid bstan pa ma yin nam zhe na/ bstan bcos dag ni rnyed sla ste/ de'i sbyor brnyed par dka' zhes smos te/ bstan bcos las bshad pa yin yang bla ma'i gdams dag dang bral bas mngon sum du myong ba ma yin no/ /de ltar thig le bsgom pa bshad nas/ chags pa'i lam gyi gsang pa'i rim pa'i bsgom par bshad pa ni bla ma'i bsnyen bskur la gus pa'i thobs dang ldan pa'i bsgrub pa pos/ las kyi phyag rgya la dmigs nas mi g.yo 'tsho ba med pa ru ste mi g.yo ba ni rtog pa med pa'o/ /'chel med pa ni rang bzhin brgyad cu dang bral ba'o/ /mnyam par bzhag ste dngos po bsgom zhes pa ni yul reg bya'i stong pa nyid bsgoms pas chos thams cad kyi mdo nang rgyas pa shes par 'gyur/ /de ltar 'phags pa'i lam bstan nas/ grol ba'i lam bas chos ni phyag rgyal gsang ba'i rim pa bstan pa ni/ chos kyi sngon 'gro yod yin te/ yid kyis 'jug cing yid dag ces bya ba smos te/
- 50b
chos ni 'dod pa'i yon tan lnga yid kyi mngon sum gyi yul yin pas na chos so/ /de yid bde ba bskyed pa'i yul ni chos kyi phyag rgya yin pas/ yid kyis 'jug cing rtog pa dang bcas pa'i yid ni 'dag par byed pa yin no/ /yid kyi rgyal po'i bka' drin gyis zhes bya ba ni so so'i skye ba'i tshe/ yid kyi rgyal po dang 'dra bas kun nas bslad nas dag gi smra ba dang lus kyi byed pa 'byung bas de bas na thams cad yid kyi rang bzhin las byung bar blo dang ldan par shes par bya'o/ /yid thams cad bskyed pa rtog pa dang bcas pa yin na/ ji ltar rtog pa med pa'i ye shes skye zhe na/ gal te bzlas brjod rnal 'byor pa/ /snying gi bsam dang bsgom pa ste/ /sdom dang rgyur gyur sa bon ni/ /de kho nar ni gzugs yin no zhes bya ba smos te/ bzlas brjod ces pa ni rlung me'i drod can no /de kho nar ni gzugs yin no/ zhes pa ni bde bas kyang stong pa mi rtog pa'o/ /yid 'od 'bras bu'i sa bon ni/ de kho na nyid mthong pa yin/ zhes pa ni rgyu sngags kyi rim pa dang 'bras bu ye shes kyi rim pa ni de kho na nyid kyi gsang ba'i rim pa slob dpon gyis ? bstan par rtogs pa ma yin no/ /gzugs sogs srid pa'i longs spyod la/ /sa bon lnga ni dmigs par bya zhes pa ni yul 'dod pa'i yon tan lnga'i steng du yi ge lnga'i mchod rten bsam pas yul lnga la rtog pa med pa'i thabs yin no/ /kur? kun tu 'jug pa'i tshe/ /mgo dang mgo min yang dag gnas/ /shes pa ni yul kun la rmongs pa'i dbang gis gzung dang 'dzin pa 'byung ba na/ mgo ni spyi gtsug nas mgo min gsang ba'i rdo rje'i mtshams kyi bar du gnas ba'i a ba ? ? pa'i bu ga ru dbugs 'byung 'jug d+hU tI ra bcug nas gnas pas na rtag tu rtsa bar gser bar bya zhes bya ste/ rtsa gsum gyi sum mdo lte ba'i rtsa bar dus rtag tu rlung bcug anas byang chub sems kyi thig les sgo bcad bzhin du bkag na
- 51a
rnam shes dang ye shes skye bar 'gyur ro/ /de yang lha mo dpal mo'i zhal nas yul lha mchod rten brtsigs pa dang/ lus la sgo bcad pa ni rtog med skye ba'i thabs yin te/ yul rtog med skye ba ni yi ge lnga dran par byed la rlung nang du bcug bas ni rtog pa'i rkyen mchod par byas nas rtog pa med pa skye ba yin no/ /don dam snying po'i zhal nas kyang/ /thams cad las ni sems bsdus nas/ /nang gi bdag nyid g.yo med pa/ /gnas pa'i shes pa'i yul rnams ni/ /mthong ba'i blo de rtog ming yin zhes bshad do/ /des na/ srid pa'i longs spyod 'dod pa yis/ /dag gi yi ge spangs nas su/ /yid kyi bzlas par yang dag ldan zhes bya ba smos te/ rnam par rtog pa'i yi ge spangs nas srog a ba d+hU tIr bcug pa rtog med kyi bzlas pa dang ldan par bya'o/ /rtag par chos kyi dbyings nyid ni/ /mi g.yo go 'phang rgyun tu gnas/ zhes bya ba ni chos kyi dbyings ni nam mkha' i rlung ste/ srog a ba d+hU tIr chud nas rtog pa med pa'i shes pa mi g.yo ba'i dga' zhing bde ba'i go 'phang du gnas par 'gyur ro/ /rtag tu phra zhing gos med pas zhes pa ni rang rig pa rtog pa med par rang bzhin brgyad cus ma gos pa'i rnam par shes pa ye shes la thim pas rnam par shes pa sems 'od gsal ba dang lha gcig par gyur pas zhi gnas dang lhag mthong gi rim pa mthod bar 'gyur ro/ /de la chags pa'i lam dang grol ba'i lam gnyis kas mang me lta bus thams cad du zhes bya ba la sogs pas sa dang po dang sa brgyad pa'i bar gyis rtags brgyad bshad pa yin la sa dgu pa dang bcu pa ni zung du 'jug pa'i rang bzhin yin pas rtags dang dngos bzhi khyad par yin no/ /mi slob pa'i rang bzhin sku gsum rang bzhin nyid yin pas rtags bshad mi dgos so/ /de ltar chags pa'i lam dang grol ba'i lam gnyis bshad nas/
- 51b
rang lhag par gnas pa'i lam bshad pa ni rdo rje snying po la bos nas mnyan par gyis zhes skabs dbye ba gsungs pa yin no/ /de ji ltar bsgom par bya zhe na lam ril por 'dzin pa dang rjes su gzhig pa gnyis kyis te/ de la ril por 'dzin pa ni rmi lam dang sgyu ma la sogs pa'i sgo nas stong pa nyid la cig char 'jug pa yin no/ /dngos pho rnams ni thams cad kyi/ /rnam dag de bzhin nyid du brjod ces bya ste/ sems kyis stong pa nyid shes na chos thams cad kyi de bzhin nyid zo chun gyi 'khor lo bzhin du cig chang shes par 'gyur ro/ /rjes su 'jug pa ni/ phyis ni re re'i dbye ba yis/ /lha rnams la ni rab tu brjod ces bya ste/ thams cad stong par shes nas re re nas bde ba chen po'i rgyas gdab par bya'o/ /de yang chu ni dngas? par gyur pa las/ /nya dag myur du 'phang ba ltar/ /de bzhin stong gsal rang bzhin las/ /sgyu 'phrul dra ba 'byung bar 'gyur/ zhes gsungs bas/ thams cad 'od gsal ba'i rang snang bar shes par byas nas gal te lha'i 'khor lor snang ba bzung na yang dngos po med par bsgom par bya'o/ /mi shes sgrib phyogs rnam spyangs nas/ /lus can phung po khams dang ni/ /skye mched rang bzhin gyis ni dag /rang rig bdag nyid kyis dag ste/ zhes bya ba ni rim dang cig car gyis 'od gsal bar rtogs nas phung po dang khams dang skye mched kyi rang bzhin dang rig pa'i bdag nyid du snang bas gzung 'dzin dang bral bas dag pa'o/ /de lta ma yin na gzhan du dag cing grol mi 'gyur/ zhes gsungs pa yin no/ /yul rnams rnam par dag pa'i phyir/ /rang rig pa ni bde ba mchog /ces bya ba ni thams cad rang rig pa 'od gsal bzhi? snang ba yul thams cad rgyas btab pa yin no/ /gzugs sogs yul lam gzhan yang rung/ /rnal 'byor ba la gang zhig snang zhes bya ba ni yul snod du snang ba dang/ dcung sems can du snang ba ste/ snod dar
- 52a
bcud thams cad bde ba chen po'i rang bzhin du grub pa yin no/ /de lta na bsgom pas ci zhig bya zhe na/ thams cad rnam par dag pa'i phyir/ /rnam dag sangs rgyas rang bzhin no zhes smos te/ spun gyis grub pa'i rang bzhin shes na 'khor ba yongs su shes pa de nyid mya ngan las 'das pa yin no/ /de skad du yang/ sems la rnam gnas rnal 'byor pa/ /mya ngan 'das pa mi ston te zhes gsungs so/ /de ltar thabs 'bras bu dang bcas pa bstan nas/ da ni rnam par dag pa'i grangs zhus ba yin na/ /bka' stsal pa ni gzugs la sogs pa rnams so/ /ci'i slad du zhes na gtan tshigs zhus pa dang/ bka' stsal pa blo bur gyi rang bzhin yin ba'i phyir ro/ /'dzin pa ji ltar rtags zhes zhus pa dang/ 'od gsal ba'i rnam pa la gnyis med kyang/ mig dang gzugs la sogs pa tshogs yul dang/ yul can gnyis su snang ba yin no/ /de nyid nyams su myong du zin yang/ bsten bya 'di dag rnam dag pas/ /dug med byas te bstan par bya/ zhes pa ni gnyis su 'dzin pa kun tu rtags pa dang gnyis su snang ba gzhan gyi dbang gnyis nub nas gnyis su med pa 'od gsal ba'i rnam pa grub pa'o/ /de ltar grub pa ci zhig tu 'gyur zhe na/ gzugs ni sangs rgyas rnam par snang mdzad ces bya ba smos te/ phung po lnga sangs rgyas kyi rang bzhin dang/ dbang bo rnams sems dpa' i rang bzhin dang/ 'byung ba rnams lha mo'i rang bzhin dang/ snod bcud thams cad gnas gyur nas ye shes kyi rnam par 'gyur ro/ /gang la de ltar shes par 'gyur zhe na/ phung sogs lus can rnams kyi lus/ / lha 'di dag gi bdag nyid yin/ zhes bya ba smos te/ dbang bzhi ba'i don rtogs na thams cad bde ba chen po'i bdag nyid yin no/ /de thabs gang gis yin zhe na/ bde dang sdug bsngal bdag nyid las/ zhes bya ba smos so/ bde ba ni 'gog pa'i rang bzhin//
- 52b
sdug bsngal ni sdug bsngal gyi bden pa'o/ /las dang nyon mongs la sags skye zhes pa ni las ni 'du byed dang sred pa'o/ /nyon mongs ba ni ma rig pa dang sred len no/ /skye ba ni rnam par shes pa dang ming dang gzugs dang skye mched drug dang/ reg pa dang/ tshor? ba dang/ skye ba dang/ rga shi'o/ /de rnams kyi rtsa ba ni skyed par byed pa dngos po la mngon par zhen pa'o/ /de 'gog pa rang bzhin brgyad cu 'gags pa'i bde ba stong pa nyid kyis ye shes lam gyi bde ba'o/ /de ltar rgyu kun 'byung dang lam gnyis la brten nas 'bras bu sdug bsngal dang 'gog pa 'byung ba yin na/ /skye dang 'jig pa la brten nas/ /srid dang mya ngan 'das pa'o/ zhes gsungs so/ /brtag pa lnga bu'i rab tu byed pa gnyis pa'i 'grel pa'o// //de ltar rnam par? dag pa'i rab tu byed pa bshad nas/ don? spyod pa bshad par bya ste/ byang chub la ni gnas pa yi/ /sangs rgyas sras la phan bya'i phyir/ zhes bya bas ni dgos pa ston to/ /byang chub la gnas pa ni mchog gi dngos grub 'dod pa'o/ /sangs rgyas sras zhes pa ni dbang bskur pa rnams thob pa'i blo dang ldan ba'o/ /phan bya'i phyir zhes bya ba ni/ dngos bzhi dang rjes ro mnyam pa la phan ba'i phyir ro/ /khyad par ji lta bu dang ldan pa la phan zhe na/ lus med rdo rje can de nyid ces bya ba smos te/ tha mal pa'i rnam par rtog ba'i lus bcom nas 'od gsal ba'i lus rtogs pas na rdo rje can de nyid do/ /shes rab pha rol phyin pa mchog byas? bya ba ni shes rab kyi rang bzhin stong pa nyid ji lta ba bzhin rtogs pa'o/ /chos rnams kun las 'byung ba'i zhe bya ni rgyu ba dang mi rgyu ba'i chos thams cad sgyu ma lta bur rtogs ba ni shabs? te/ thabs dang shes rab de las byung ba ni spyod ba'o/ /de ni mtshan nyid ji lta bu zhe na/ de nyid spyod pa bla na med/ /rtogs pa rnams dang bral? ba yi/ /spyod pa zhes bya ba smos te/ dngos bzhi sgyu ma lta bu dang stong bar rtogs pa las rjes la rtog ba dang
- 53a
bral pa'i mtshan nyid ni spyod pas 'dod pa'i yon tan lnga la sems can gyi don du longs spyad pas pad+ma 'dam las skyes kyang 'dam gyi nyes pas ma gos pa bzhin du 'khor ba'i skyon gyis mi gos bas na? spyod ba bla na med pa'o/ /de nas bshad par bya zhes bya ba ni 'khor 'dus pa rnams kyis mchod pa dang bstod pa dang gsol ba btab pa'i rjes thogs la spyod pa thugs la bzhag nas bshad par bya zhes mdor bstan gsungs pa yin no/ /de ltar mdor bstan bshad nas/ rgyas par bshad pa ni rga shi dpa' blong 'khyil ba yi zhes smos te/ skye rgan 'chi'i dba' glong 'khrag pa'i rgya mtsho rab tu 'jigs pa las sems can thams cad sgrol bar byed pa ni bskyed rdzogs kyis spyod pa yin no/ /de ji lta bu zhe na/ nyen med par ni 'gro ba'i gru zhes bya ba smos te/ tshong pa rnams chu bo las sgrol ba bzhin du spyod pas sgrol bas na gru'o/ /skams sar phyin pa lta bu'i 'bras bu ci zhig byed ce na myur du dngos grub byed pa'i mchog ces bya ba smos te/ 'jig rten dang thun mongs dang mchog gi dngos grub gsum gyis skams sar phyin par byed pa'o/ /de ltar rjes su 'gro ba bstan nas/ ldog pa bstan pa ni yid 'ong yon tan kun gyis gnas zhes bya ba gzhan don phun sum tshogs pa'i rgyu dang/ sems ni rin chen las byung ba zhes pa rang don phun sum tshogs pa'i rgyu 'dod pa'i don rnams rab tu sgrub pa la 'di med par gyur na 'bras bu rdo rje can gyi bdag dang gzhan gyi don phun sum tshogs pa'i bkra shis rgyu dri ma med pa kun las byung ba'i yon tan dam pa'i yan lag can gyi dngos grub kyi bde ba skye bar mi 'gyur ba de bas na mtshungs pa med pa'i spyod pa 'bras bu mchog ster ba'i thabs mchog 'di la thar pa 'dod pa'i rnal 'byor pa rnams kyis spyad par bya'o/ zhes pa dgos pa gsungs pa yin no/ /de ltar rjes su 'gro ldog gi sgo nas spyod pa bstan
- 53b
nas/ 'bras bu bstan pa ni lha min dgra dang brgya byin dang zhes bya ba la sogs pa smos te/ lha min dgra ni gdong drug go /brgya byin ni dbang po'o/ /grong khyer sum dgra ni lha chen po'o/ /tshangs sogs zhes bya bas ni khyab 'jug la sogs pa bsdu'o/ /de rnams kyis zhabs kyi padmor mchod pa bde bar gshegs pa ste ye shes lnga'i go 'phang mchog dang ldan pa'o/ /'bras bu de gang gis thob ce na sdig bcom spyod pa 'dis myur thob ces bya ba smos so/ /de ltar dgos pa dang 'bras bu bstan nas/ da ni bshad par dam bca' ba ston te/ dpal ldan rdo rje sems dpa' yi/ /bsam gyis mi khyab pa yi gnas/ /rnal 'byor bas ni bsgom byed pa/ /a ba d+hU tI'i spyod pa bshad ces bya ba smos te/ bsam gyis mi khyab pa'i gnas ni rtog pa dang bral ba'i sangs rgyas dang byang chub sems dpa' dag pas 'jig rten pa'i ye shes kyi gnas ni go 'phang ngo/ /gnas de la bskyed pa'i rim pa dang rdzogs pa'i rim pa bsgom pa bstan pa thob pa'i rtags byung ba'i tshe/ 'bras bu sangs rgyas dang byang chub sems dpa' i zlos gar byed pas na a ba d+hU tI'i spyod pa ste/ a da d+hU tI zhes bya ba ni khams gsum pa'i bgal nyal na nyes pa'o/ /a zhes bya bas ni dgag pa ston pa te/ khams gsum pa'i nyes bral gyi spyod pa'o/ /bshad ces bya ba thugs la bzhag nas gsungs pa'o// de ltar dam bca' bstan nas/ da ni bskyed pa'i rim pa'i bum pa'i dbang bskur ba'i spyod pa/ dpa' bo gcig pu dang rgyal tshab kyi spyod pa bshad par bya ste/ rtog pa thams cad rnam spangs nas/ /shin tu gsang ba nyi dam tshig spyad ces bya ba ni/ bskyed pa'i rim pa la mthong ba'i mtshan ma dang reg pa dang thos pa'i mtshan mthong nas sprul pa'i sku dang tha mi dad par shes nas gzung 'dzin gyi rtog pa thams cad spangs la/ dpa' bo gcig pu 'am dkyil 'khor gyi 'khor los rgyal tshab lta bur? spyod pa
- 54a
'jig rten pas shin tu gsang ba'i dam tshig yin yang mtshan ma thob ba'i dus de'i tshe mdon du bya'o/ /ji ltar rtsom par bya zhe na/ de ltar brtsom nas rnal 'byor pa/ /rgyu mthun 'bras bu'i tshul du ste/ zhes bya ba smos te/ dang por rtsom nas ni lha gang la me tog phog pa'o/ /rgyu mthun pa ni rnal 'byor pa'i spyod pa 'bras bu sangs rgyas kyi tshul dang 'dra bas rgyu 'bras bu'i zlos gar can no/ /de nas byis pa'i rol pas rgyu zhes bya ba ni 'dod pa'i yon tan lnga la de mi sems pa ni rtog pa dang bral ba'o/ /thabs gang gis zhe na/ bsdus te bsgoms la zhen bar bya zhes bya ba smos te bsdus pa ni snod bcud do/ /bsgoms la zhes pa ni 'dod pa'i yon tan lnga la dga' ba'i sems dang bral bar nges pa'o/ /dgos pa ji lta bu'i yin zhe na/ so so'i skye bo'i gnas skabs na rnam bar rtog pa dang bcas pas nyon mongs pas kun nas bslang nas mi dge ba 'byung ba 'am dge ba'i sems kyis kun nas bslang nas bsod nams kyi las byed pa ste/ de gnyis ni mtho ris dang ngan song 'grub ba'i bsod nams dang bsod nams ma yin pa'i las yin la/ rnal 'byor pas bskyed rim la brtan pa thob pa'i rjes kyi spyod pa'o 'dod pa'i yon tan lnga la longs spyad kyang de'i sems pa'i rnam par rtog pa med pas bsam gtan gyi sdom pa mi g.yo ba'i las yin no/ /rdzogs pa'i rim pa la thob pa'i rjes kyi sbyod ba ni bde ba chen po stong ba nyid kyis rgyas btab pas zag pa med ba'i sdom pa ye shes kyi tshogs dag pa 'jig rten pa'i ye shes dang mthun pa dngos rjes khyad med pas na ro mnyam pa'i spyod pa zhes bya'o/ /bskyed pa'i rim gyi dpa' bo gcig bu'i spyod pa ji lta bu zhe na/ skye po sna tshogs 'dul bas na/ gzhon nu'i gzugs su bsgom par bya/ zhes pa ni gzhon nu ni 'jam dpal dbyangs yin la/ des mtshon ba'i phyag na rdo rje dang/
- 54b
spyan ras gzigs la sogs pa gdul bya ji ltar mos pa ltar bsgom pa'o/ /de dus ni gang gi tshe zhe na/ ci gsungs spyod pa sna tshogs kyis zhes bya ba smos te/ spyod lam bzhi la lha'i rnam par gnas pas so/ /dngos grub sna tshogs bla med 'grub ces bya ba 'bras bu'o/ /'gro kun bcom ldan rdo rje can zhes bya ba ni 'gro ba'i/ spyod lam gyi tshe snod kyi 'jig rten gzhal yas khang 'gro ba ris drug lha'i rang bzhin du mos pa ni kun tu bzang po mtshungs med pa zhes bya ste/ 'gro ba drug dang grub mdza' thams cad ji ltar mos pa'i gzugs su ston pas na kun tu bzang po ste/ des dngos grub mi 'grub par mi 'gyur zhes bya ba'i don to/ /de ltar dpa' bo gcig pu bstan nas/ rgyal tshab kyi spyod pa ston pa ni dpal ldan slob dpon rdo rje can zhes bya ba la sogs pa smos te/ rdo rje slob dpon gyi zhabs la phyag byas nas bya ba byas shing mtshan ma theb blo can gyi thams cad kyang dga' ba bzhi'i rang bzhin du mos pa'i gsang ba'i spyod pa la brten par bya'o/ /dogs pa kun las phyir phyogs nas/ /de nas rang 'dod bzhin du spyad ces bya ba la/ /dogs pa kun gyis 'dod pa'i yon tan lnga la gzung bar mngon par zhen pa'o/ /phyir phyogs nas zhes pa ni gzung 'dzin la'o/ /sems ba'i rnam par rtog pa dang bral nas rang ji ltar 'dod pa bzhin du dga' ba dang lhan cig skyes dga' i rang bzhin du 'dod pa'i yon tan lnga la rtog pa med pa'i sems kyis spyod pas gzugs brnyan la sogs pa'i tshul du spyod pa'o/ /de su zhe na/ ji bzhin yang dag don rig pa/ /'phro ba 'don? pa'i bsam pa can/ zhes bya ba smos te/ dngos po sgyu ma lta bur rig nas 'gro ba la snying rje chen po bskyed de/ gzugs la sogs pa la stong pa nyid kyi de kho na nyid dang ldan pa'i blo yis seng ge bzhin du kun rgyu ste/ rnam par rtog pas bag tsha ba med do/ zhes pa'i
- 55a
don to/ /rang sems brtan byas gnas med par zhes bya ba ni/ gzugs 'dzin gyi rtog pa dang bral bas brtan bar byas nas yul lnga la chags pa med pas gnas med pa zhes bya'o/ /yang dag lta pas 'jug par bya/ zhes bya ba ni dngos po rnams la gzugs brnyan dang sgra brnyan lta bur 'jug par bya'o/ /de ltar bskyed pa'i rim ba'i dpa' bo gcig pa dang rgyal tshab kyi spyod pa bstan nas/ da ni rdzogs pa'i rim pa'i pha rol tu phyin pa'i spy+d pa bshad par bya ste/ phung po khams kyi mtshan nyid sogs/ zhes bya ba ni khams gsum pa'i rang bzhin phung po dang khams dang skye mched kyi rang bzhin rmi lam dang sgyu ma bzhin du dngos po thams cad shes par bya ba yin no/ /sgrib pa kun las grol ba ni zhes bya ba ni rang bzhin brgyad cu dang bral ba'i tshul gyis byang chub sems dpa' chos 'phags bzhin du 'dod ba'i yon tan lnga la ma chags ba'i sems kyis longs spyad pas na/ dbang phyug ldan par 'cho bar bya zhes gsungs so/ /de bzhin 'jig rten chos brgyad ni zhes bya ba ni rnyed pa dang ma rnyed ba dang grags pa dang ? bstod ba dang/ smad ba dang bde ba dang sdug bsngal pa las ring du gyur pas na rnam par mi rtog pa'i pha rol tu phyin pa'o/ /de lta bas na/ rtag tu mi rtog gyur pa dang/ /gnyis med nges par bya ba yi/ /pha rol phyin drug sbyor bas ni/ /sangs rgyas dngos grub nges par 'grub ces bya ba smos te/ gzung 'dzin gyi rtog ba dang bral bas dge ba chos sdud kyi rang bzhin pha rol phyin ba drug dang/ tshad med pa bzhi dang sdu ba'i dngos po bzhi sems can don byed kyi thabs kyi sems can gyi don la stobs dang ldan yang gdul bya ni 'di/ 'dul bar byed pa ni 'di zhes sems can gyi dngos bor brtag bar mi bya'o/ /de ltar pha rol tu phyin pa drug
- 55b
gi spyod pa bshad nas/ da ni phyogs las rnam par rgyal ba'i spyod pa bshad par bya ste/ byang chub la dmigs sems kyis ni/ /phyogs las rnam rgyal spyod pa brtsam zhes bya ba smos te/ zab pa dang rgya che ba'i byang chub la dmigs nas thabs dang shes rab dang ldan pa'i bdag nyid kyis dbang shes rab ye shes ji lta ba bzhin thob nas mngon sum gyi don rgyun bsrings pas de nyid goms par byas pa dang zhes bya ba smos so/ /de ltar na dog pa kun la rgyab kyis phyogs na cha 'di nyid la grub par 'gyur ba yin no/ /rtag pa kun las rnam grol bas zhes bya bas ni gzung ba la rnam par snang mdzad kyis rgyas btab nas/ 'dzin pa la mi bskyod pas rgyas btab pa ni/ rtog pa kun las grol ba yi/ /sems can bsam pa'i khyad par gyis zhes bya ba ni chags pa'i lam pa dang/ grol ba'i lam ba dang/ rang lhag par gnas pa'i rim pas rgyu ma dang smig rgyu dang chu zla la sogs pa'i sbyor bas snod dang bcud thams cad la longs spyad pa yin no/ /chos kyi dbyings las byung bas na/ /grogs po med bar gcig bur rgyu/ zhes bya ba ni 'dod pa'i yon tan lnga la rnam bar rtog pas kun tu brtags pa'i gzugs la sogs pa dmigs dang/ rtog pa med bas gzhan gyi dbang gis gzugs la sogs pa dmigs pa dang gnyis su med pa'i sems kyis chos nyid kyi gzugs la sogs ba dmigs gas na grogs med gcig pur rgyu ba'o/ /dogs pa med pa'i sems kyis ni zhes bya ba ni chags pa dang sdang ba ngas pa'i dogs pa med pa'i sems kyis ji ltar 'dod pa bzhin du longs spyad bar bya'o/ /ci'i phyir dogs pa med ce na/ khams gsum 'di dag ma lus la/ /thams cad de'i longs spyod don zhes bya ba ni yul ma lus pa thams cad la shes pa de'i rtog pa med pa'i longs spyod?
- 56a
pa'i don ni 'dus pa'i rgyud phyi ma las/ ye shes lnga yi rang bzhin gzugs/ /'byung ba lnga'i ngo bo nyid ces gsungs pas na/ sgrub pa po la phan pa'i phyir/ /rdo rje sems dpa' rnam par sprul zhes bya ba smos so/ /rtag tu sgom dang ldan pa yis zhes bya ba ni dbang shes rab ye shes thobs pas/ gzung ba rang bzhin med par rtogs nas reg bya'i chos nyid rtogs pas chos thams cad kyi mdo dang rgyas pa shes par 'gyur ba de'i tshe/ sa bcu gcig pa'i ye shes skyes pa'i de bzhin gshegs pa la yang mi 'dud na lugs ma la sogs pa'i gzugs brnyan la smos kyang ci dgos/ /dngos po 'di dag kun rang bzhin/ /byang chub sems kyi rang bzhin te zhes smos te/ dngos po thams cad kyi rang bzhin yin pa de'i phyir/ 'od gsal ba de nyid lhar snang ba dang/ rdo rje can du snang ba dang/ dkyil 'khor du snang ba dang/ phyag rgyar snang ba dang/ bsdu bar snang ba dang mchod rten la sogs par snang ba de la gzhan yang gang cung zad bstan pa thams cad bcom ldan 'das bde ba chen po rdo rje can gyis sems can mos pa'i don du gsungs pa yin no/ /gsungs pa'i don de dag la nges pa'i don dang/ drang ba'i don du shes par bya ste/ ji ltar don dam pa'i bdud rtsi don du gnyer bas bde ba rtogs ba med pa'i snying po blangs te/ gzung ba dang 'dzin pa'i rnam par rtog pa'i tshigs? mdor bar bya'o/ /de bzhin chos kyi bdud rtsi ni rnyed nas zhes bya ba ni bde stong pa nyid rtogs nas gzung 'dzin gyi rtog pa spun ba lta bu spang bar bya'o/ /rtog pa ? gnas ni kun btang nas/ blo ldan re zhig mi rtog gnas zhes bya ba ni sngar bshad pa'i don gyis mjug sdud pa ste/ thugs rdo rje ni bcom ldan 'das rdo rje 'chang ba'o/ /des gsungs ba de la
- 56b
dngos grub the tshom med par 'gyur te/ zhi gnas dang lhag mthong mngon sum gyis myos pa bsgoms pa'i phyir ro/ /rtog pas dmyal bar 'gro 'gyur zhing/ /'gro drug rgya mtshor 'khor bar 'gyur/ zhes bya ba ni rtog pa'i nyes dmigs so/ /rtog pa las ni rnam grol na/ /dri med zhi ba'i gnas su 'gro zhes bya ba ni rtog pa dang bral ba'i phan yon no/ /dri med ni spangs pa phun sum tshogs pa'o/ /zhi ba ni ye shes phun sum tshogs ba'o/ /gnas ni sku gsum gyi go 'phang ngo/ /skyon dang yon tan ldan pa'i rgyu mtshan des na rtog pa'i dra ba gcad ces bya ba gsungs so/ /sangs rgyas rnams kyis bstan pa dang/ /khyod kyis kyang ni rtag bsten pa'i/ /dam tshig gang yin de gnas zhes bya ba ni dus gsum gyi sangs rgyas rnams kyi bde ba rtog pa med ba'i spyod pa bsten pa ltar/ rjes su 'jug pa'i rnal 'byor pas rtag tu bsten cing dam tshig de la gnas par bya'o zhes gdams ngag gsungs pa yin no/ /mchog tu gyur pa'i rnal 'byor pa la gdams ngag bstan pa ni sngags zhes pas ni dngos grub la zhes bya ba smos te/ sngags zhes pa ni shes rab ye shes kyi dbang thob pas mchog gi dngos grub la sangs rgyas dang byang chub sems dpa' bzhin du chags par mi bya ste/ sgom pa po dang 'bras bu dngos grub dang thob pa'i thabs bskyed rdzogs gnyis la bskyed tshul du sbyar ba thams cad du ni blta bar sbyar bar bya'o/ /de ltar shes rab ye shes kyi dbang thob pa'i phyogs las rnam par rgyal ba'i spyod pa bstan nas/ da ni dbang bzhi pa thob pas shin tu spros pa med pa'i spyod pa bshad par bya ste/ dang por bza' ba ro mnyam pa'i spyod pa ni/ /khyi bong rnga mo glang chen sogs/ /khrag btung rtag tu sha ston bya zhes bya ba nas/? sha'i gzugs su brtag par bya zhes bya bar du gsungs pa yin te yan lag gi don ni go sla'o/ /da ni mdza'
- 57a
gnyis dang bral ba'i ro mnyam ston te/ skye bo gzhan gyis bza' min gang zhes bya ba ni/ bdud rtsi lnga dang sha lnga 'jig rten pa rnams kyis smod ba'o/ /bsgrub pa'i dbang bos bza' ba dang zhes bya ba ni kun rdzob du don rang gi mtshan nyid rten 'brel yin par mtshungs de don dam par bza' ba dang mi bza' ba dang bral bas na mdza' gnyis su mi rtog pa dang/ ma dang sring mo la sogs pa rigs gcig pa bgrod par bya ba ma yin pa dang/ rgyal rigs dang rje'u rigs la sogs pa bgrod par bya ba de dag rnal 'byor pa des ro mnyam par shes pa dang/ bya ba ma yin pa mi dge ba dang/ bya ba ni dge ba dang /sdug pa yid du 'ong ba dang/ mi sdug ba'i du mi 'ong ba dang /btung ba chang dang/ gtung ba ma yin pa rdo rje'i chu la sogs pa rnams mdza' gnyis su sngags pas blang ba dang/ dor bar brtag par mi bya ste/ /bde ba rtog pa med pas rgyas btab pas der snang ba'i rang bzhin gyis sngags pa'i lus dang ngag dang sems mgu par bya'o/ /da ni spyod par ro mnyam ston te/ ji ltar sems g.yengs mi 'gyur ba/ de ltar chang ni btung bar bya zhes bya ba ni 'dod pa'i yon tan lnga la lus dang sems bde ba skyes pa na ma chags pa'i sems kyis sems can la bsngo ba rdo rje chen pos rgyas btab pa dang dad? pa dang bas dkon mchog gsum la mchod pa bsod nams kyi tshogs kyis rgyas btab pa dang nyams su myong ba stong pa nyid kyis rgyas btab pas ye shes kyi tshogs kyang grub pa yin no/ /de ltar chang gi rol rgya rnam pa gsum gyis btab nas btung bar bya'o/ /smad pa ni gdol pa la sogs pa'o/ /dregs chen ni dbang thob pa'i rgyal po la sogs pa'o/ /rigs bzang ni bram ze la sogs so/ /rigs ngan ni dmangs rigs so/ /nad pa ni sdug bsngal can dag nye bar mtshon pa'o//
- 57b
gzhan mthong na'ang zhes bya ba ni 'gro ba ris drug gi bye brag tha mal pa mthong na yang thams cad kyang rang gi lha'i dkyil 'khor gyi rnam pa 'am rgyal rigs lnga'i rang bzhin du lta bar bya'o/ /da ni gnyen po dang spang bya ro mnyam par ston te/ glegs bam klag par mi bya ste zhes bya ba ni/ dge ba zag pa dang bcas pa bcos ma'i sems kyis glegs bam klag pa dang/ maN+Dal la sogs pa mi bya ba dang/ bcos ma'i lugs ma la sogs pa la phyag mi bya ste/ thams cad kyang bde ba chen po 'od gsal ba'i/ snang bar shes na glegs bam klag pa dang/ maN+Dal bya ba dang sngags bzlas pa la sogs byas kyang nyes par mi 'gyur te/ de skad du yang rig pa mchog las/ de nyid rtogs pa'i rnal 'byor dang/ bcos ma yis ni blo can ni/ /rnal 'byor ma yi khyad par gyis/ /bsod nams ye shes tshogs su 'gyur zhes gsungs so/ /'od gsal ba'i blo can des/ mi dge ba bcu rnams kyang gnang ngam zhe na/ rdzun du yang ni smra bar bya/ /gzhan gyi bud med bskal bzang bsten/ /gdug la byams par mi bya ste/ sangs rgyas rnams ni gsang par bya zhes bya ba smos te/ gnyis su zhen pa mi nub/ gnyis su snang ba ni bral ba bzhi pa thob pas/ gnyis su med ba'i 'od gsal ba'i gseng brtol ba na/ mi dge ba bcu spyad? kyang zag pa med ba'i sdom par 'gyur ba ni/ ji ltar chul? chu bzhag dang/ /ji ltar mar la mar bzhin dang/ /rang gis rang gi ye shes ni/ /legs mthong de la sdig pa med ces bshad do/ /zag pa med pa'i sdom pa 'od gsal bya thob ba'i tsho/ su la mchod pa bya zhe na/ ye shes kun sems zhes bya ba ni/ /rgyal ba kun gyi slob dpon mchod ces bya ba smos te/ ye shes kun sems zhes bya ba ni/ sems ni gseng brtol nas chos thams cad
- 58a
kyi mdo dang rgyas pa shes pa'i slob dpon no/ /ci'i phyir slob dpon mchod ces na/ dngos grub sna tshogs ster bas na/ blo dang ldan pas rtag mchod bya zhes bya ba smos so/ /de ltar spros pa med pa ro mnyam gyi spyod pa bshad nas/ da ni de'i phan yon bstan par bya ste/ gang phyir phyogs bcu'i sangs rgyas dang/ byang chub sems dpa' i bsod nams pas/ /slob dpon ba spu'i khung cig mchog /de phyir slob dpon mchod byed la/ /sangs rgyas byang chub sems dpas gzigs zhes bya ba smos te/ sems rang rig pa 'od gsal ni ting nge 'dzin mngon sum gyi gzhan don gyis slob ma la rtog par byed pa de ni sangs rgyas dang byang chub sems dpas byin gyis rlob cing chos kyi sku'i don ston pas? na ba spu'i khung bu? gcig kyang mchog tu gyur pa de'i phyir slob dpon la mchod par bya'o/ /shin tu spros pa med pa yin na/ slob dpon la ci'i phyir mchod pa bya zhe na/ sangs rgyas 'dod pa'i dngos grub stsol bas zhes bya ba smos te/ rgyu mtshan des na slob dpon la mi smad pa dang/ rdo rje dpun la mi smad pa dang/ slob dpon gyis gnang ba gus par blang ba dang/ pa dang ma dang mes po la sogs pa thams cad bltos pa med par rtsa bzhin du btang nas/ mchog gi dngos grub kyi rgyal srid bsgrub par bya'o/ /brtag pa lnga pa'i rab tu byed pa gsum pa'i 'grel pa'o// //de ltar bskyed pa'i rim pa dang rdzogs pa'i rim pa'i spyod pa rnam pa bzhi mdor bsdus pa'i le'u ste bshad nas/ da ni de'i rgyas par bshad pa ston pas na/ de nas yang dag bshad bya ba zhes bya ba smos so/ /de nas zhes bya ba ni de ma thag pa ste/ 'khor gyi phyag byas pa dang/ mchod pa dang bstod pa byas pa'i rjes thogs la'o/ /yang dag bshad bya ba ni mchog
- 58b
tu gyur pa'i rnal 'byor pa'i dngos rjes ro mnyam pa'i spyod pa bshad par bya'o/ /de dus kyis spyod pa bya zhe na/ spyod pa pha rol son mtshan nyid/ /gang gis ring gnas rdo rje yi/ /rnal 'byor pas zhes bya ba smos te/ dngos bzhi la bskyed rdzogs kyi mtshan ma thob pa ni/ spyod pa'i pha rol tu son pa'o/ /de'i mtshan nyid ni bskyed pa'i rim pa'i du ba dang smig rgyu la sogs pa'i rtags lnga dang/ rdzogs pa'i rim pa'i mar me dang srin bu me khyer la sogs pa rtags rnam pa brgyad rang gis rtogs pa dang/ byang chub sems dpa' gzhan gyis lus dag gis 'gyur ba'i sgo nas rtogs pa ni gang gis ring gnas nye ring gi rgyud las ring bar gyur pa/ gzhan gyi rgyud yin yang ldang ba dang zo mdog bded la sogs pa'i rtags kyis rdo rje'i rnal 'byor par shes par the tshom pa'o/ /de ltar mdor bstan nas rgyas par bshad pa ni/ mkha' 'gro ma sogs gtor ma yi/ /bza' dang bca' ba ji snyed pa/ /rnal 'byor pas ni bza' bar bya zhes bya ba smos te/ mkha' 'gro ma ni lha'i rigs so/ /sogs zhes bya ba ni dri za dang gnod sbyin dang/ srin po dang lha ma yin la sogs pa'i gtor ma dang mchod pa bdag dang gzhan mnyam pa nyid du shes pa'i rnal 'byor pas bza' bar bya'o/ /ro'i thal bas bsngo bya zhing zhes bya ba ni gdul bya drag pho 'jigs byed yin pas ro'i thal ba dang gos dang kham por la sogs pa la spyod pa dang mtshan mo gsungs ste rgyu bar bya'o/ /ci'i phyir bzlog pa'i spyod pas mi 'dul zhe na/ rjes su mthun pa dbugs dbyung gi lam yin pa'i phyir ro/ /gnas gang du zhe na/ ri bo dang ni bzhi? mdo dang zhes bya ba la sogs pa smos te go sla'o/ /dus ni gang gis tshe zhe da/ mtshan mo ma mo'i khyim dang ni zhes bya ba smos te/ gnas de dag tu spyod pa byed par 'dod
- 59a
pa'i rnal 'byor pas cung zad drod thob pa'i spyod pa byed par 'dod pas zhes bya ba smos pas ni spyod pa byed par mi 'dod pa spangs pa yin te/ mtshan ma'i rnam par rtogs pa med pa bzang po'i stobs can dang/ sems 'od gsal la mos pa'i sems brtan pa gnyis ni drod thob par gyur kyang spyod pa byed par mi 'dod de g.yeng ba shas chung ba'i phyir ro/ /smon lam gyi stobs can tshogs bsags dgos pa dang khyad par du 'gro ba dmigs pa dgos pa gnyis pa ni drod thob nas dngos rjes ro mnyam pa'i phyir dang/ rjes la mtshan ma'i g.yeng ba dgag pa'i phyir spyod pa bya'o/ /de yang ji lta bu zhe na/ gal te bdag nyid grub 'dod na/ /slar yang byis pa'i spyod ba bya zhes bya ba smos te/ des na byis pa'i rol pas rgyu zhes pa mdor bstan pa'i bshad pa yin no/ /'dzin pa med pa'i sems kyis ni/ /kha dog bcos ma'i ras rnying bgo zhes pa ni bsdus te bgos la zhes par bya ba mdor bstan pa'i bshad pa yin no/ /sems can rjes su gzung ba'i phyir/ /blo dang ldan pas rgyu bar bya/ /'jam pa'i rdo rjer bdag bsgyur te zhes bya ba smos pas/ /skye bo sna tshogs 'dul bas na/ /gzhon nu'i gzugs su bsgom par bya zhes mdor bstan pa'i rgyas par bshad pa yin no/ /de ltar dpa' bo gcig bu'i? spyod pa bstan nas/ rgyal tshab kyi spyod ba ji ltar bya zhe na/ dkyil 'khor ba ni brtag par bya/ /ba spu rnams kyi bu gnas/ /phyogs bcu rnams su spro bar bya zhes bya ba ni/ /'gro ba ji ltar mos pa ltar kun tu bzang po dang mtshungs pa'i spyod pas/ 'khor dang bcas pa'i dkyil 'khor gyi 'khor lo ltar snying ga'i hUM las ba spu'i khung bu nas 'od spros nas phyogs bcur dkyil 'khor gyi 'khor lo spro bar bya'o/ /de ltar bskyed pa'i rim pa a ba d+hU tI'i spyod pa bstan nas/ da ni
- 59b
gsang ba'i dbang thob pas pha rol tu phyin pa'i spyad pha bya ba ni/ ri yi sul lam rtse mor ni/ /gnas ni shin tu mnyam par bya zhes bya ba ni rnyed pa dang mnyed pa dang/ grags pa dang ma grags pa dang/ bstod pa dang smad pa dang/ bde ba dang sdug bsngal rnams shin tu mnyam par bya'o/ /de yang sangs rgyas mnyam sbyor kyis rjes su 'brangs nas pad+ma'i tshal ni yid 'od 'gram du ni/ gnas de sgrub pos dngos bsgoms na/ dngos grub myur du thob par 'gyur zhes bya ba smos te/ pad+ma'i tshal ni lo bcu gnyis dang bcu drug dang nyi shu rtsa bzhi'i pa'o/ /rdzing bu yid 'od ni bsnyen bsgrub bzhis sbyangs pa ma dang sring mo la sogs pa'i sngags skyes so/ /sgrub pos dngos bsgoms zhes bya ba ni dga' ba bzhi'i ting nge 'dzin bsgoms pos dor 'jig rten gyi chos brgyad zil gyis mnan nas gang zhig rnyed pa de dag bza' zhes bya ba smos te/ bzang ngan gyi rnam par rtog pa spangs nas rol rtog pa med pa'i sems kyis bza' ba dang rdzas la gtor ma gtang bar bya'o/ /'gun 'dza' la sogs sna tshogs pa'i zhes bya ba la sogs pa ni 'ol ma se la sogs pa ci rnyed pa'i phreng ba'i brgyan bya zhing ma rnyed pa'i rin po che'i phreng ba la sogs pa la 'dod par mi bya'o/ /srog chags yan lag las byung mgo zhes bya ba mgri ba'i tshe dang stag gis pa ? pa la sogs ci rnyed pa bgo zhing ras yug chen nya shi ka'i gos la sogs pa ma rnyed pa mi tshol ba'o/ /rnyed pa dang ma rnyed pa ro mnyam pa ci dgos zhe na/ bde don gnyer la bde ba sbyin zhes bya ba smos te/ bsam gtan gyi sdom pa mi g.yo ba'i las/ bde ba rtog pa med pa'i don? du gnyer ba'i rnal 'byor pa la lus dang yid bde ba'i thabs ro mnyam pa sbyin par bya'o/ /grags pa'i sgral khyad par yong dam zhe na/ la lang sam skri ta yang ni/ bzle steng kra ha yang/
- 60a
brjod ces bya ba smos te/ grags pa dang ma grags pa ro mnyam ba'i don to/ /smon pa'i btul zhugs sbyor ba yis/ /gza' dang bza' min ji rnyed bza' zhes bya ba ni ji ltar spyod pa nad kyis dbang po nyams pas rtog pa rnams so sor brtags min du song ba bzhin du rnal 'byor pa rnams srog a ba d+hU tIr bcug pa'i mthus so sor brtags pa'i stobs kyis rtog pa bkag nas/ smyon pa'i spyod pa dang mthun par bza' ba ma yin pa bdud rtsi lnga la sogs pa smad pa dang/ nya sha dang zan dron la sogs pa bstod pa dang bde ba dang sdug bsngal dag ro mnyam par bya'o/ /de ltar pha rol tu phyin pa'i spyod pa bshad nas/ da ni shes rab ye shes kyi dbang thob pa la phyogs las rnam par rgyal ba'i spyod pa bshad pa ni gzhan gyi yul du grub pa ste zhes bya ba smos te/ gzhan gyi yul ni grong dang kun dga' ra ba la sogs pa'o/ /bde mchog gi rtsa ba'i rgyud kyi rjes su 'brangs na ri sul tshang tshing zhes bya ba gdod nas grub pa'i dur khrod du zhes bya ba'i bar gyis bde mchog gi gnas su 'jigs pa thams cad spangs pa'i bsam pas/ rnal 'byor pa shes rab can gyis dbang shes rab ye shes kyi don bsgoms nas/ sgrub pa po drod thob par gyur pa'i tshe/ phyogs las rnam par rgyas ba'i spyod ba brtsam par bya'o/ /ci'i phyir phyogs las rnam par rgyal ba zhes bya zhe na/ sgrib pa kun las rnam grol zhing/ /bsam pa thams cad rdzogs byed pa zhes te/ spangs la dad? che ba bstan to/ /phyogs las rgyal zhes bya ba ni/ /phyogs bcu dag tu gnas ba'i dngos/ /gzung dang 'dzin pa rnam spangs pa zhes bya ba/ bde ba rtog pa med pas spyod lam bzhi la gzung 'dzin dang bral bas na phyogs kun las rgyal ba zhes bya'o/ /de ltar
- 60b
nges pa'i tshig bshad nas/ da ni chags pa'i lam pa'i dbang du byas nas/ de ltar re zhig rnal 'byor bas mi shigs par ni brtan byas nas zhes bya ba smos te/ mi shigs pa'i srog a ba d+hU tIr bcug nas bde ba stong pa nyid kyi ting nge 'dzin du brtan par byas nas so/ /shin tu gzugs mdzes 'dod ldan ma/ /rig pa'i lha mo gzung bar bya/ zhes bya ba ni dag byed dang dbang gi lha mo'o/ /lha mo dga' ma rol dga' ma zhes pa ni lhan cig skyes po'o/ /rin chen rgyan sogs kyis sbras pa/ rig pa 'dzin pa'i bu mo dang zhes bya ba ni bsnyen bsgrub sbyangs pa'i sngags las skyes pa'o/ /lha dang gnod sbyin yang na ni zhes bya ba ni lha dang dri za ni mkha' spyod do/ /gnod sbyin dang srin po ni sa spyod do/ /sa 'og gnas pa'i lha min dang/ /klu'i bu mo dag dang ni/ zhes bya ba ni sa 'og tu spyod pa ste de ltar na gnas nyi shu rtsa bzhir skyes gzung bar bya'o/ /rnal 'byor bas na de dag las/ /gang 'dod pa'i rig pa lha ma cig ces bya ba la/ lhan cig skyes pa dang sngags skyes pa dang zhing skyes la gang 'dod pa cig sgrub pa'o/ /lcags kyu zhags pa'i sbyor ba yis/ /nye bar bkug ste bsdu byas na zhes bya ba ni rlung gyen du bzlog pa'i sbyor ba ni lcags kyu yin la/ g.yas g.yon gnyis kyis rlung chen? pa ni zhags pa'o/ /nye bar dkug pa ni byang chub sems bzlog nas 'bad pa med par 'jig rten dang thun mong dang mchog gi dngos grub ci dgos pa ster ba dang/ rga ba dang na ba las rnam par grol ba'i bsam gtan gyi bde ba dang/ khams gsum gyi rtog pa las rnam par grol bar 'gyur ro/ /de ltar chags pa'i lam gyi phyogs las rnam bar rgyal ba'i spyod pa bshad nas/ da ni grol ba'i lam gyi phyogs las rgyal ba bshad ba ni/ lus ni sbyin par btang nas su/ /phyi nas spyod pa brtsam par
- 61a
bya zhes bya ba smos pa/ lus la chags med pa'i blo bskyed nas/ ma chags pa'i rtags du ba dang smig rgyu la sogs pa zhi gnas kyi rtags lnga dang/ mar me lta bu'i lhag mthong gi rtags brgyad thob nas/ de'i rjes la spyod pa brtsam par bya ba yin no/ /skal ldan skyal med phye bas na/ /des na gtang bar yang mi bya zhes bya ba ni skal ba med cing dbang bskur ba ma thob pa la rang gis ji ltar rdzogs pa'i rim pa bsgom pa'i man ngag mi ston yang skal ba dang ldan pa dbang shes rab ye shes thob nas rdzogs pa'i rim pas bsgom pa la rang gis nyams su myong ba'i don bstan dgos pa yin pa des na btang bar mi bya zhes bya ba yin no/ /des na spyod pa gzhan don du yang 'gyur zhes bya ba'i tha tshig go / bza' dang ston mo byung ba yi/ /gang zhig rnyed pa bza' bya ste zhes bya ba ni blang dor gyi rnam par rtog pa'i phyogs las rgyal ba'i rtog pa med pas bza' bar bya'o/ /'dod dang mi 'dod rnam rtog gis/ /'di la lhag par zhen mi bya zhes bya ba ni blang dor med par 'dod pa'i yon tan lnga la spyad ces bya ba'i tha tshig go /slob pa dang ni cho ga dang/ /ngo tsha dag pas grol bar bya zhes bya ba ni bslab pa ni nyan thos dang byang chub sems dpa' i bslab pa'i sdom pa'i bslab pa ste/ rang gi shes rab ye shes kyi dbang thob nas bde ba stong pa nyid mngon sum du rtogs pa'i tshe las dang po pa'i gnyen po nyan thos kyi bslab pa dang/ byang chub sems dpa' i bslab pa drang ba'i don du gsungs pa las rnam par grol bar bya'o/ /cho ga ni bskyed pa'i rim pa bcos ma'i rnal 'byor bsgom pa ste/ bde ba stong pa nyid kyi don rtogs pa'i tshe bcos ma las grol bar bya'o/ /de yang tsig blang po rnyed gyur nas/ /glang po'i rjes ni tshol byed dam zhes gsungs pa dang/ dper na pha rol don
- 61b
gnyer 'ga' / /gzings la brten nas don gnyer te/ /pha rol phyin nas mdor bar byed/ /phyi rol bcos ma de bzhin no zhes gsungs so/ /ngo tsha dag las zhes bya ba ni khrus dang gtsang sbra la sogs pa 'jig rten na bstod pa dor na do tsha ba yin yang/ rang gi bde ba stong pa nyid rtogs pa'i tshe 'jig rten pa'i chos brgyad las grol bar bya'o/ /srid pa'i rang bzhin gshegs pa dang zhes bya ba ni shes rab kyis stong par rtogs pas sring pa la mi gnas pa'o/ /brtse chen sbyor bas rgyu bar bya zhes pa ni/ snying rjes bu gcig pa ltar sems pas mya ngan las 'das pa la mi gnas pa'o/ /rgyu ni spyod lam bzhis gnas pa'o/ /des phyogs las rnam rgyal bshad nas/ da ni dbang bzhi pa thob pas shin tu spros pa med pa zung du 'jug pa'i spyod pa bshad pa ni/ sbyin sreg mchod sbyin dka' thub dang/ /sngags dang bsam gtan rnam par spang zhes bya ba ni/ bde ba chen pos rgyas btab nas sgyu ma dang stong pa ro gcig par shes nas mi dge ba'i gnyen por dge ba zag bcas kyi sbyin sreg rtog pa dang bcas pas bslang ba dang phyi'i yul lnga dang nang gi bdud rtsi lnga lha mor bskyed pa'i mchod sbyin dang/ sdom pa gsum la gnas pa'i dka' thub dang/ /phrin las bzhi'i sngags dang/ dpa' bo gcig bu dang/ dkyil 'khor 'khor lo bsgom pa'i bsam gtan ni bcos ma yin pas rnam par spang ngo/ /dam tshig /sdom las rnam par grol/ /shin tu rnal 'byor ldan pas spyad ces bya ba ni dam tshig dang sdom pa ni rnam par rtog par kun nas bslang ba'i bskyed pa'i rim pa'i bsod nams kyi las shin tu rnal 'byor dang ldan pas dbang bzhi thob pas bde ba stong pa nyid rtogs pa'i ting nge 'dzin ni zag med kyi sdom pa yin pas zag bcas kyi sdom pa las grol bar spyad ces bya ba'i
- 62a
tshig go /brgya byin lha'i gdon dag ni/ /mdun na nges par gnas gyur kyang zhes bya ba ni/ dbang bzhi pa'i gseng brtol ba'i che na thams cad bde ba chen po'i rang bzhin las ma 'das par rtogs pas gdon la sogs pa blo bur gyi rnam rtog gi snang ba yin pas na/ mi 'jigs pa seng ge'i tshul du rgyu bar bya'o/ /sems can kun la phan pa'i phyir zhes bya ba ni spyod pa'i dags pa'o/ /sgrub pos rtag tu snying rje dang/ /rnal 'byor btung la dga' bya yi/ zhes bya ba la/ snying rje ni rtog pa dang bral ba'i myong ba'o/ /de la stong pa nyid kyi rgyas btab pa ni rnal 'byor pa'i btung pa'o/ /de nyid bde ba chen po'i 'od gsal ba yin pas de la dga' bar bya'o/ /gzugs sdug gu dang sgra snyan pa dang/ dri zhim pa dang ? ba dang/ reg bya yid du 'od ba la sogs pa ni btung ba gzhan te/ btung pa de la sems chags pa ni gzi ba'o/ /min zhes ba ni dgag pa'i sgra ste/ chags par mi bya zhes bya ba'i tha tshig go zung du 'jug pa dang po bshad nas/ skyed rdzogs zung du 'jug pa bshad pa ni/ de nas dpal ldan rgyal tshab kyi/ /sems can kun la phan pa'i phyir/ zhes bya ba ni zung 'jug gi spyod pa'i dkos pa'i/ /gang gis dngos grub mthar 'gro ba/ /brtul zhugs spyod pa bshad par bya/ zhes bya ba ni dngos gzhi bdag rdzogs par longs spyod pa 'od gsal pa'i rnam pa dang mthun par rjes la ro mnyam pa'i spyod pa bsgom pas na dngos grub kyi mthar 'gro ba yin pas spyod pa de bshad par bya'o/ /rna ba gnyis la 'khyil ba gzung zhes bya ba ni snang ba mdza' yas so sor rtog pa gzung ba'o/ /spyi bor 'khor lo bcad ba ni mi bskyod pa'i chos kyi dbyings kyi rnam pa'o/ /lag pa gnyis la gang bu zhes bya ba ni rnam par snang mdzad me long lta
- 62b
bu'i rnam pa'o/ /rked par rked rgyan ni dpal he ru ka'i rnam pa'o/ /rkang pa'i gdu bu ni don yod grub pa bya ba nan tan gyi rnam pa'o/ /lag pa'i rtsa ba'i dpung rgyan dang mgrin pa'i phreng ba ni rin chen 'byung ldan mnyam pa nyid kyi rnam pa'o/ / rnam par rtog pa'i yul du phyag rgya drug bsgom pa ni bskyed rim kun tu brtags pa yin la/ zad par chu bzhin du mtshan ma thob pas phyag rgya drug snang ba ni gzhan gyi dbang gi snang ba yin la dbang bzhi pas gseng brtol nas 'od gsal ba'i rnam pa'i phyag rgya drug snang ba ni yongs su grub pa chos nyid kyi rnam pa'o/ /rnam pa dang nyams su myong ba gnyis mar me'i 'od bzhin du zung du 'jug pas na gnyis su med pa'i spyod pa'o/ /de ltar zung 'jug rgyal tshab lta bu bshad nas dpa' bo gcig pu bshad pa ni/ /stag gi pags pa gon nas su/ /mi 'chi bcu phyed bza' bar bya zhes bya ba smos te/ sems can mos pa'i dbang gis drag po 'jig byed gdul ba'i phyir stag dang glang po che'i pags pa gyon pa dang/ bcu phyed kyi bdud rtsi bza' bar bya'o/ /skyes bus shin tu mnyam bzhag pas/ /he ru ka dpal rnal 'byor gnas/ zhes bya ba ni mngon spyod kyi sku gar gyi nyams dgu dang mthun pa'o/ /rgyu zhe sdang gis bslang ba med pa na/ ci'i phyir mngon spyod kyi gzugs su snang zhe na/ khro bo'i skur snang ba la rgyu rnam pa gsum ste so so'i skye bo rtog pa dang bcas pa'i tshe zhe sdang gi kun nas bslang nas khro bor snang ba dang/ byang chub sems dpa' i spyod pa la dge ba zag bcas kyis bslang nas tshar bcad cing phan gdams pa'i phyir khro bor snang ba dang/ sangs rgyas dang byang chub sems dpa' zag pa med pa yin yang thugs rje chen po'i dbang gis khro bor snang ba'o/ /dbang bzhi pa thob pa'i rnal 'byor pa ni stong nyid kyi gseng brtol
- 63a
pas zag pa med pa'i bde ba rtogs pa yin yang/ snying rjes kun nas bslang bas dpal he ru ka'i rnal 'byor gyis gnas so/ /de ltar na mi dge ba bcu yang gsum du shes par bya ste/ so so'i skye bo'i tshe nyon mongs pas kun nas bslang pa'i mi dge ba bcu dang/ byang chub sems dpa' i sdom pa la dge ba zag bcas snying rje kun nas bslang pa'i mi dge ba bcu dang/ sangs rgyas dang byang chub sems dpa' bdag dang bdag gir 'dzin pa'i zag pa spangs kyang sems can gzhan gyi don du mi dge ba'i mngon spyod mdzad pa ltar snang ngo/ /dang po ni theg pa gsum gyi der bar bya ba yin la/ bar ma ni kun nas bslang ba'i dge ba bsod nams kyi tshogs yin la/ tha ma ni gzhan don ye shes kyi tshogs yin no/ / de yang sngags kyi spyod pa'i gnas skabs su mi tshangs par spyod pa ni khyim pa'i byang chub sems dpa' la shes rab ye shes kyi dbang bskur ba'i phyir gnang ba yin la/ srog gcod pa ni snang ba'i skabs med des thob nas zag ba med pa'i sdom pa skyes pa'i tshe gcod pa la sogs pa yang gzhan gyi don du gnang ba yin no/ /bdag byin gyis rlob pa la ye shes zhabs ni mi dge ba bcu'i nang nas ma nar sems dang gnod sems dang log par lta ba gsum ni rang bzhin gyi kha na ma tho ba yin la/ lus ngag gi bdun ni dge ba dang mi dge ba dang/ lung du ma bstan pa gsum gas kyang kun nas slong bas bcas pa'i kha na ma tho ba yin la/ sngags kyi spyod pa'i tshe dge ba zag med kyis kun nas bslang ba'i tshe bdun yang byar rung po zhe'o/ /de ltar na dbang bzhi pa thob pa'i rnal 'byor pa la mngon spyod kyi bya ba rnams zag med kyi sdom par 'gyur ba yin no/ /de skad du rnal 'byor ma'i la brten nas ni/ thams cad byas kyang rnam grol zhes gsungs so/ /bzhin mdzes mig gi
- 63b
dkyus rir zhing/ /rang gi dbang bskur snying rjer ldan/ /rdo rje'i bu mo 'di gzung ste /brtul zhugs spyad na sangs rgyas 'gyur zhes bya ba ni bde ba'i ting nge 'dzin 'phel bar bya ba'i phyir zhi gnas kyi rgyu tshogs pa bzhin mdzes mig dkyus ring btsal ba dang/ sdom pa gsum la gnas pa'i phyir rang gis dbang bskur ba dang bdag tu mi 'dzin pa'i phyir snying rje dang ldan pa dang rigs mnyam par bya ba'i phyir dmang rigs rdo rje lta bu'i bu mo bzung bar bya'o/ /brtul zhugs spyad na zhes bya ba ni dag byed kyi lha mo de bzung nas bde pa'i ting nge 'dzin skyed pa la stong pa nyid kyi rgyas gdab pa'o/ /rdo rje'i rigs ni med gyur na zhes bya ba ni/ dung can dang pad+ma can dang rigs can ma rnyed na'o/ /rang 'dod lha yi rigs kyis bya zhes bya ba ni rigs lnga dang rjes mthun pa skye gnyis de bzhin gshegs par 'dod/ rin chen rgyal po'i rigs las skyes/ /rje rigs dpag med rdo rje ste/ /dmar? las skyes pa las kyi rigs/ /gdol pa rnam snang rigs can no zhes bya rim pas bsgom pa'am/ de yang ma rnyed na yang na gzhan gyi rigs kyang rung zhes bya ste/ tha mal pa'i rigs bud med ngan spyod ma yang gzung bar bya'o/ /gsang ba 'dus pa las kyang/ mi ngan dud 'gro mo yang bstan/ /zhes bya ba ni dud 'gro'i sgra ni ti rdza zhes bya ba 'gram la bya la dza ga zhes bya ba chu bo'i 'gram las rgal ba la bya'o/ /des na 'khor ba'i chu bo las sgrol ba'i phyir/ ngan spyod ma la 'dud 'gro zhes bya'o/ /de skad du yang 'khor ba'i chu bo las sgrol bas/ dud 'gro zhes ni bshad pa yin zhes gsang ba sra zhing mthob las gsungs so/ /byang chub sa bon bkod pas ni/ /legs par sbyangs te bzung bar bya zhes bya ba ni/ lus la lhag bkod nas bsnyen bsgrub bzhis sbyangs pa'o/ /reg bya ji lta ba bzhin du sgra la sogs pa la yang bsgre ba
- 64a
bstan pa ni/ gang tshe glu ni len gyur pa de tshe rdo rje ldan pa mchog /ces bya bas ni reg bya bzhin du bya bar bstan to/ /thar pa'i rgyur ni gar byed na/ de nas rdo rje rkang pa'i gar zhes bya ba lag bcangs la sogs pa lus kyi reg bya gzhan la yang zag med kyis rgyas btab na thar pa'i rgyur 'gyur ba'o/ /mchog tu dga' ba bskyed 'gyur ba/ /rnal 'byor pas ni rtag tu bya/ zhes bya ba ni 'dod pa'i yon tan la bde bar rtog pa med pa bskyed la/ stong nyid kyi rgyas btab par rtag tu bya'o/ /de ltar dpa' bo gcig pu'i spyod pa bshad nas/ rigs thun mong gi spyod pa rgyas par bshad pa ni/ mi bskyod 'khor lo'i gzugs kyis 'gugs shes bya ba la sogs pa smos te/ phyag rgya rigs lnga'i tshul gyis bzhugs pa dang/ shes rab stong pa nyid kha TwAM ga'i tshul gyis snang ba dang/ Da ma ru thabs sgyu ma lta bu'i rang bzhin yin pa dang/ gzhi mnyam pa nyid kyi sman rtag tu bza' ba dang gla rtsi'i chu btung ba ni ro mnyam gyi spyod pas zag med kyi sdom par 'gyur la/ rgyu rkyen tshogs pa rten 'brel gyi rgyu dga' ba dang 'chi ba las rgyal ba dang/ nad thams cad las bsrungs pas/ kha sha twa ta zhes bya ba dus ma yin par 'chi ba las rgyal ba dang/ lus zung 'phel bas ka ma twa ta ta zhes bya'o/ /sa'i dbang dbang phyug grub pas 'jigs pa brgyad dang bral ba'o/ /rkun ma'i skra la cod pan bya zhes bya ba ni ro'i skra las so/ /der ni hUM las byung ba sbyar zhes bya ba ni/ byang chub sems las byung ba'i dur khrod kyi rus pa la rigs lnga'i 'bur brkos pa'o/ /tshad ni ji tsam zhe na/ sor lnga pa'i dum bu las/ /byas pa'i cod pan gzung bya ste/ zhes bya ba smos so/ /hUM las byung ba gang yin zhe na/ sangs rgyas lnga yi thod pa dag/
- 64b
rnal 'byor spyod pas cang bar bya zhes bya ba smos so/ /thabs dang shes rab rang bzhin ni/ /ske rags nyis bskor bcings nas ni/ zhes bya ba ni mi'i skra dang rus pa'i phreng ba gnyis dang ldan pa'o/ /skra'i dag byed thal ba dag ces bya ba ni lus thal bas byugs pa'i steng du dur khrod kyi skra las byas pa'i tshangs skud rnal 'byor pas bcang bar bya'o/ /rje chung sgra ni bzlas pa ste/ zhes bya ba ni rang gi don gyi dbang du byas nas srog a ba d+hU tIr 'jug pa yin la/ de yang gzhan gyis don yin pa'i phyir/ sems can thams cad mgron du bos ces smos te/ bde ba stong pa nyid bsgoms shig ces gdams pa'o/ /rgyan dang bcas pa'i lha'i sku 'ba' zhig la mos pa'am zhes na kha TwAM shes rab bsgom pa ste zhes bya ba smos te/ stong pa nyid kyis rgyas brtab pa ni bzlas pa dang bsgom pas 'jig rten pa'i lha chen po la sogs pa'i rus pa'i rgyan can gyis spyod pa las/ stong pa nyid kyis rgyas btab pa'i spyod pa khyad par du gyur pas na rdo rje thod pa can du gyur zhes bya'o/ /chags dang rmongs dang 'jigs pa dang/ /khro dang ngo tsha la sogs spang/ /zhes bya ba ni rnam par rtog pas blang ba'i nyon mongs pa can gyi sems dang nyon mongs pa med pa'i sems kyang zag bcas kyi sdom pa yin pas re bar bya'o/ / he ru ka? bsgoms rnal 'byor pas/ /rigs lnga kun la spyad par bya/ zhes bya ba ni shin tu spros mang bsgom pa'i rnal 'byor pas rgyal rigs dang/ bram ze dang rje'u dang dmangs dang/ gdol ba la sogs pa'i rigs lnga la mnyam pa nyid du spyad pa'o/ /rigs lnga dang ? yang dag ldan/ /rigs gcig nyid du brtag par bya/ zhes bya ba ni b+ha ga'i dkyil 'khor la brten nas/ bde ba'i rang bzhin du rigs gcig pa 'am chos kyi dbyings kyi dkyil 'khor la brten nas stong nyid du
- 65a
rigs gcig pa'o/ /rigs lnga tha dad par mthong pa ci'i phyir gcig tu 'gyur zhe na/ /gang phyir bye brag mi dmigs pas/ /du ma nyid kyang rigs gcig yin zhes bya ba smos te/ so sor rtog pa'i shes rab kyis rnam par spyad na kun rdzob kyi du ma nyid kyang don dam par rigs gcig yin no/ /gnyid ni kun tu spangs nas su zhes pa ni nyon mongs pa can ma rig pa'i gnyis dang/ nyon mong pa can ma yin shes bya'i sgrib pa'i gnyid dbang bzhi pa'i gseng brtol ba'i stong nyid rtogs pas spangs te/ spyod pa byas na ro mnyam par gyur pas the tsom med par 'grub par 'gyur ro/ /brtag pa lnga ba'i 'grel pa'o// //de ltar spyod ba bshad nas/ nga ni rgyud kyi gleng gzhi bshad par bya ste/ byang chub sems dpa' 'jam dpal gyi ngor rang lhag par gnas pa'i lam bshad pa ni gsang chen zhes bya ba la sogs pa bcom ldan 'das 'das la zhu ba yin no/ /bdag byin gyis rlob pa'i rim pa ni dkyil 'khor chos kyi dbyings kyi rang bzhin la bdag byin gyis rlob pa'i gang zag 'jam dpal lta bus don dam pa'i bde ba rang lhag par gnas pa'i lam dbang bzhi pa thob nas shes bya thams cad ji ltar snang ba'i rim pa lta bcom ldan 'das la nyan par 'tshal lo /lan du bka' stsal ba ni/ rdo rje sems dpa' brtse ba che/ zhes pa ni rdo rje snying po la bod pa'o/ /rtse gcig yid kyis mnyan par gyis/ zhes pa ni bdag byin gyis rlob pa'i lam zab pas rang bzhin brgyad du dang bral ba'i rtog pa med pa'i yid kyis shes par gyis shig pa'o/ /rgyud rnams kun gyis nges pa gang/ zhes pa ni gleng gzhi pa'i brjod bya'i don gsang chen kun tu kha sbyor zhes bya ba de gtan la dbab par bzhed pa'o/ /mdor bsdus nas ni
- 65b
bshad par bya/ zhes bya ni 'khor lo bde mchog gi rgyud 'bum pa las/ thabs dang shes rab kyi gleng gzhi bshad pa de 'dir gtan la dbab par bya'o zhes pa'i don yin no/ /de ltar mdor bsdus pa bshad nas rgyas par bshad pa ni/ de gang zhe na/ e zhes bya bar gang gsungs pa zhes bya ba ni yi ge es brjod par bya ba'i chos kyi dbyings kyi rang bzhin gyi blo bur gyi rnam par rtog pas bsgribs pas ni mi gsal bar gyur pa rtag tu sems can rnams kyi sems kyi khams ni dbugs 'byung 'jug la brten nas gzung ba dang 'dzin pa'i tshul gyis 'gro ba dang 'od bar 'gyur ba yin na/ zag pa med pa'i 'od gsal ba'i khams zhes bya ba'i sgra 'di ci la bgyi zhes zhus pa dang/ bcom ldan 'das kyis bka' stsal ba/ gsang ba mchog gis dgyes ba na/ /thams cad bdag nyid rtag tu bzhugs zhes bya ba ni/ byang chub sems dpa' sa'i snying po'i dbang du byas nas dkyil 'khor lus dbus na bde ba'i rang bzhin du bzhugs pa dang/ spyan ras gzigs dbang phyug gi dbang du byas nas/ dkyil 'khor b+ha ga zhes rlung dbus su chud pa'i tshul gyis bzhugs pa ni tshigs su bcad pa phyed dag gi dbang du byas nas bshad pa yin no/ /byang chub sems dpa' 'jam dpal gyis dbang du byas na/ dkyil 'khor chos kyi dbyings rnam par mi rtog pa'i don ston pa yin pas/ yi ge re re'i rjod byed kyi sems 'od gsal ba'i khams bcu drug ni go sla'o/ /de'i don ni 'di skad ston pa yin te/ rnal 'byor pa'i lus la rnam par rtog pa'i yul du gyur pa kun tu brtags pa'i sems can du snang ba dang/ ma rigs pa 'khrul pa'i bag chags las byung ba ni gzhan gyi dbang gi snang ba rtsa dang rlung gi 'khor lor snang ba dang
- 66a
gnyis su med pa'i sems 'od gsal gyi snang ba dang/ yongs su grub pa dang rnam pa gsum du gnas pa yin pas kun tu brtags pa'i gnyen por bcos ma'i rnal 'byor lha'i 'khor lo bsgom pa yin la/ gzhan gyi dbang rtsa dang rlung gi 'khor lo la mtshan ma dang bcas pa'i mi zab pa'i rdzogs rim bsgoms pa dang/ sems 'od gsal ba chos kyi dbyings kyi snang ba zab pa'i rdzogs rim bsgom pa yin no/ /de yang brjod byed gsum gyis ston te/ rnam par rtogs pa'i gnyen por bskyed pa'i rim pa lha'i 'khor lo bsgom pa/ las dang po pa'i don du ngag gis bstan pa dang/ rtsa dang rlung gi 'khor lo la mi zab pa rdzogs rim bsgom pa gsang ba mchog gi dgyes pa na/ thams cad bdag nyid rtag tu bzhugs zhes bya ba'i tshig gis bstan pa dang/ zab pa rdzogs pa'i rim pa byang chub sems dpa' 'jam dpal gyi ngor yi ge re re'i dbang du byas nas sems 'od gsal ba'i snang ba ston pa yin no/ /de yang yi ge re re'i brdas sangs rgyas dang byang chub sems dpa' rnams kyi brdar gyur pa yin no/ /de bas na kye lha mo zhes bos nas rgyud kyi nang nas yi ge bcu drug gi don bstan pa 'di dag gis/ rtsa dang sgra yi rang bzhin las/ /cha yi bdag nyid 'byung ba ste/ zhes bya ba smos te/ rtsa ni lha mo'i rang bzhin no/ /sgra ni rlung gi rang bzhin ste dpa' bo/ cha de gnyis 'dus pa las byung ba byang chub sems kyi rang bzhin te/ 'od gsal ba'i rang bzhin no/ /de yang 'od gsal du snang ba'i rtsa dang/ rlung gi rang bzhin ni khams bcu drug tu snang ba yin no/ /de ltar khams bcu drug bshad nas/ srid pa 'byung ba'i rim pa bshad pa ni/ ra ni me ru bstan pa ste/ /khrag dang 'khris pa yang dag 'byung/ zhes bya ba ni ma rung zhing zla mtshan
- 66b
dang ldan pa bstan to/ /bad kan gyis ni khyab nas su/ /rdul dang rgyus pa 'byung ba yin zhes bya bas ni pha'i sa bon gyi rang bzhin yi ge brgyad bstan pa yin no/ /de'i dbus su hUM gnas pa ni don ci yin zhe na/ srid pa bar ma do'i dri za nye bar 'khor zhugs pa yin no/ /de dag gtso bo'i hUM yin te/ ha ni kun tu 'gro bar brjod ces bya ba ni rlung ni rnam par shes pa'i rten yin no/ /de la brten nas dri za nye bar 'khor 'jug pa ni yi ge ha kun tu 'gro bar brjod do/ /de'i phyir kun tu 'gro bar brjod ces na/ dbang po kun tshang thogs med ldan/ /mi zlog de ni dri za'o/ zhes 'byung bas kun tu 'gro bar brjod do/ /rnam par shes pa de ma'i mngal du brgyal nas gang du gnas zhe na/ rus pa yi ni mtshams rnams su/ /sa bon lnga yi khyab pa yin zhes bya ba smos te/ pha dang ma'i lus zungs kyi mtshams su bdud rtsi rnam pa lnga'i sa bon khyab pa la brten nas gnas pa yin no/ /tha mar lus su gyur pa'i gnas skabs gang du gnas she na/ rang gi rkan la gnas pa ste/ sa bon bzhi ni bla na med ces smos te/ rkan ni lkog ma longs spyod kyi 'khor lo'i sa bon bzhi'i 'byung ba bzhi ni rlung po/ /re'u mig dang po'i gnas su ni/ zhes pa ni snying ga chos kyi 'khor lo'o/ /sa bon lnga pos brgyan pa ste/ zhes pa ni bdud rtsi lnga'i dangs ma la brten pa'i rlung dang ldan pa'o/ /ha ni dbyangs yig drug pa dang/ lte bar rnam par shes pa grags zhes pa ni yi ge hUM ste/ des brjod par bya ba'i don ni nam mkha' rlung ste/ de la brten pa'i rtog pa med pa'i rnam par shes pa'o/ /des longs spyod kyi 'khor lo dang chos kyi 'khor lo bstan pa yin la/ de'i dbus na gnas pa nam mkha' i rlung la brten pa'i shes pa ni rtog pa med pa yin pas de yang yi ge has bstan pa yin no/ /ha zhes bya ba kun nas pa/ /sangs rgyas
- 67a
thams cad 'dus pa ste/ /'byung ba lnga yi sangs rgyas yin la/ de'i rlung lnga ro gcig par gyur pa la brten pa ni shes pa rtog pa med pa sems 'ong gsal ba'o/ /sems 'od gsal ba dngos po'i rang bzhin yang rnal 'byor pas ji ltar rtogs par bya zhe na/ 'byung gnas sgra tshul nges 'byung rnams/ /dam tshig spyod tshul yin zhes bya ba smos te/ /'byung gnas ni 'byung khung gi ste/ nam mkha' i rlung la brten pa'i mi rtog pa'i shes pa'o/ /rgyu tshul ni srog a ba d+hU tIr chung pa'o/ /nges 'byung rnams zhes bya ba ni/ dbang po drug gi shes pa bde ba rtog pa med pa skyes pa'o/ /dam tshig spyod pa'i spyod tshul yin zhes pa ni/ dam tshig ni dbang po drug gi shes pa bde ba las mi 'da' bas na dam tshig go /spyod pa ni yul rnam pa drug go /spyod tshul ni bde bas rgyas btab pa'o/ /de ltar rtog pa med pa'i shes pa ni 'jig rten gsuM du rnyed par dka' pa yin la/ sems rang bzhin gyis 'od gsal ba thog ma dang dbus rab? tha mar yang dag par gnas pa'o/ /de skad du yang thog mdza' med pa'i sems dpa' ni/ rdo rje sems dpa' bde ba che/ zhes dpal mchog dang po las gsungs so/ /bsrub bya srub pa'i sbyor bzhin du zhes pa ni phyag rgya? bzhi dang/ thabs bzhi ji lta ba bzhin du rtog pa med par mnyam par sbyor ba'o/ /sngags bzlas zhes bya ba ni dbugs 'byung rdub gsum mo/ /bsam gtan zhes bya ba ni rnam shes dang ye shes so/ /sogs zhes bya ba ni rdzogs rim lus kyi dkyil 'khor dang sbyin sreg la sogs pa bsdu'o/ /sbyor nyid tsho ga'i ye shes ni/ zhes pa ni phyag rgya bzhi'i thabs la brten nas yul stong pa nyid la sbyor ba'i ye shes ni rang bzhin brgyad cu'i rtogs pa
- 67b
dang bral bas na/ sbyor nyid cho ga'i ye shes so/ /rgyud ni bshad kyi nyan par bgyi zhes pa ni/ skabs dbye ba phun sum tshogs pa yin no/ /ci'i phyir de skad du gsung zhe na/ /chos thams cad stong pa nyid 'ong gsal ba yin yang/ phyag rgya bzhi'i thabs kyis stong pa nyid mngon sum du ma grub na/ tshu rol mthong ba'i gang zag gis mngon sum du rtogs par mi nus pas na thabs dang shes rab kyi ji lta ba bzhin mnyan par gyis shig ces pa'i don to/ /de ltar mdor bstan nas/ rgyas par bshad pa ni/ skye gnas dbus na rtsa gnyis te/ /g.yon dang de bzhin g.yas na'o/ zhes bya ba la skye gnas ni lte ba sprul pa'i 'khor lo'i dbus na la la nA dang ra sa nA'i rtsa gnyis gnas pa'o/ /g.yon nas de bzhin khu ba zhes pa ni la la nA'o/ /g.yas nas de bzhin khrag rgyu ba ni pas nA'o/ /de 'dus pa'i dbus na nam mkha' chos kyi dbyings kyi rang bzhin gnas pa ni a ba d+hU tA'o/ /rdul dang mur pa'i snying stobs zhes brdar brtags pa ni go sla'o/ /rdo rje pad+ma mnyam sbyor bas/ /dngos dang dngos med 'dres pa ste zhes pa ni dngos po byang chub kyi sems dang dngos med rang 'byung gnyis 'dres pa'o/ /de 'ba' zhig 'dren mar gyur tam zhe na khams bcu drug ro gcig par gyur pa'o/ /gcig par gyur zhe na/ bde ba chen por snang ba'i rang bzhin no/ /de'i don 'di skad ston pa yin te /skyes bu'i lus la tshar ba sdug bsngal gyi dus dang/ /tshor ba bde ba'i dus dang/ tshor ba btang snyoms kyi dus dang/ dus gsum du gnas pas na rdo rje dang pad+ma mnyam par sbyor bas rlung me'i drong can bskyed nas khams bcu drug gi rang bzhin zhus par ste/ de bde ba'i rang bzhin du ro gcig par gyur te/ bde ba stong pa
- 68a
nyid kyi rang bzhin du shes par 'gyur ro/ /de skad du yang mnyam sbyor las/ /sgyu ma dag ni thams cad las/ /las kyi phyag rgya khyad par 'phags/ /ye shes gsum gyi dbye ba ni/ /gsal bar de las mtshon par 'gyur zhes gsungs so/ /de ltar na pha dang ma'i mnyam sbyor gyi dus kyi tshe bdud rtsi lnga dang 'dres pa'i rnam par shes pa las rnal 'byor pa sgyu ma lta bu'i lus su 'byung bas na bshad gci bad kan khrag dang ni/ /de bzhin lnga pa khu ba ste/ bdud rtsi lnga yi rang bzhin lus zhes bya ba ni rtog pa med pa'i shes pa'i snang ba bdud rtsi lnga 'dus pa'i lus so/ /de ni rdo rje can zhes brjod ces bya ba ni sems 'od gsal ba'i snang ba rtog pa med pa'i shes pa'i nyams su myong pa'i dus su rdo rje can zhes bya ba yin te/ mi 'gyur bar yongs su grub pa'i rang bzhin yin pa'i phyir me long gi gzugs brnyan bzhin no/ /gang zhig ma shes par gnyis su brtags pa de'i tshe kun tu brtags pa'i lus su snang ba yin no/ /gnyis snang bar 'gyur ba de'i tshe gzhan gyi dbang gi lus yin no/ /lus de gnyis nub par gyur pas/ lus gnas chen po lus skyes min zhes bya ba ste 'od gsal ba'i snang ba la/ rdo rje can zhes brjod do/ /de la rus pa rkang dang zhu ba ni/ / pha las skyes par bstan pa ste/ /lus kyi bye brag gsum ni pha'i rgyu las skyes pa'o/ /sha dang khrag dang pags pa ni ma las skyes pa ste// khams bcu drug gi lus kyi gong bu/ mdor bsdus pa ni rnal 'byor pa'i lus su bstan te/ gnyis las byung bas na khams du ma yin la/ bsdoms pas na gcig yin te des na gcig dang du ma 'dres pa'i lus la rdo rje can zhes brjod de/ zla ba bcu yis rnams las/ sems can sa bcu'i dbang phyug
- 68b
yin zhes gsungs pas na byang chub pa'i lus su bshad do/ /de ltar srid pa 'byung ba dang mya ngan las 'das pa ro mnyam par bshad nas/ /da ni shes pa rtog pa med pa skye ba'i gnas bshad pa ni/ rtsa rnams thams cad yang dag 'jug/ de'i sgo ni rnam pa gnyis zhes bya ba ni lus kyi rtsa'i 'khor lo'i dbus na sgo rnam pa gnyis gnas te/ gtum mo drod gyen du 'gro ba'i spyi gtsug gi sgo dang/ byang chub kyi sems thur la 'bab a ba d+hU ti'i sgo'o/ /de dag 'dus pa'i dbus su ni/ / lha'i lus su dmigs par 'gyur zhes bya ba ni sngar khams nyer bzhir tshor ba btang snyoms kyi dus las gtum mo drod kyi bde bskyed nas byang chub sems kyis khyab pa de'i tshe lha'i lus su 'gyur de bde bas khyab pa'i phyir ro/ /steng gi sgo dang 'og sgo nyid ces bya ba ni a ba d+hU tI'i steng dang 'og go /'og sgo rnam par shes pa ste /steng gi sgo ru khams rnams zhes pa ni gtum mo drong gyen du 'gro ba'i rims pas/ mig me dang rna ba rlung dang snas dang/ lce chu dang spyi gtsug nas nam mkha' i rlung khams rnams su gtum mo drong bskyed pa dang byang chub kyi sems babs pas 'og sgo la brten nas rnam shes dang ye shes skye ba'o/ /rnal 'byor pas ni rtsa rnams kun/ /'dus nas 'jug par bshad par bya zhes bya ba ni dbugs 'byung 'jug byed pa'i tshe 'khor lo bzhir 'byung ba'i sku rnams lhan cig 'dus nas 'byung 'jug byed pa yin no/ /lus la rtag tu stong sgor ni/ /rdo rje can gyi rgyun du gnas zhes bya ba spyi gtsug na a na ha'i byang chub sems kyi thig le'o/ / steng 'og 'khrul 'khor gsum la ni/ /sgo dgu yi ni yang dag bskor zhes bya ba ni/ kyen du rgyus pas mig dang rna ba dang sna dang ? rlung bzhi bskyed pa dang/ thur du sel bas bshad gci gnyis bskyed pa dang mnyam du gnas pa'i rlung gis
- 69a
byang chub kyi sems bskyed pa na rlung gi 'khrul 'khor zhes bya'o/ /de la sgo dgu ni bu ga dgu'o/ /de nas bcom ldan 'das la 'khrul 'khor gsum zhus pas na bka' stsal pa ni sku gsung thugs kyi rang bzhin gyis zhes bya ba ni sku ni bshad gci'i sgo'i/ /gsung ni mig me dang rna ba rlung dang sna sa dang lce chu'o/ /thugs ni a ba d+hU tI nas byang chub sems 'bab pa'i sgo'o/ /mchog ni bde ba'i ting nge 'dzin bskyed pas na bas ba d+hU tI'o/ /bar ma ni tshor ba btang snyoms bskyed pa nas rlung gi sgo bzhi'o/ /tha ma ni tshor ba sdug bsngal dang ldan pa de sems gzung bar dka' ba'i phyir ro/ /ka ba gcig ni a ba d+hU tI'o/ /rags pa lnga ni dbang po lnga'o/ /rtsom pa'i lha sprul zhes pa ni de bzhin gshegs pa'i brdas rnam par snang mdzad dang mi bskyod par grags pa'o/ /gang gis de shes sems ldan zhing/ zhes pa ni bde ba skye ba'i lus kyi gnas shes pas skyes bu rnal 'byor pa zhes bya'o/ /ma shes na ji ltar 'gyur zhe na/ dus rnams kun tu rtag par ni/ /'gro dang 'ong ba'i khyad par gyi zhes bya ba smos te/ dus rtag tu dbugs 'byung rdub la brten nas srog chags rkang gnyis dang rkang mangs la sogs pa 'byung ba bzhi'i rlung la brnyen nas sems gnas pa'i cho ga gnyis su 'gyur te thim pa dang 'jug pa'o/ /thim pa ni nam mkha' i rlung ste/ srog a ba d+hU tIr gtan du gnas pa'o/ /'jug pa ni phyir song ba las 'ongs pa'o/ /de gnyis la brten nas rtog pa med pa'i shes pa skye ba yin la/ rtogs pa med par rgyun tu gnas pa las bsam gtan dang po la sogs pa'i ting nge 'dzin du 'gyur ro/ /de ltar mnyam par bzhag pa'i sems kyis mi shes pa ni so so'i skye bo nyid yin no/ /de ltar sgo dgu'i bye brag mdor bstan
- 69b
nas/ de'i don rgyas pa ni/ me dang de bzhin rlung dang ni/ dbang chen dang ni de bzhin chu zhes pa ni/ lte ba me'i rlung mig gi sgo nas steng du rgyu ba dang/ rkang pa rlung gi dkyil 'khor nas rna pa'i sgo nas logs su rgyu ba dang/ snying ga sa'i dkyil 'khor nas sna'i rlung thad kar rgyu ba dang/ lte ba chu'i dkyil 'khor nas lte ba'i rlung thur du rgyu ba'o/ /de ltar 'khor lo bzhi las rnam par shes pa bzhi 'pho ba'i rlung rgyu ba yin no/ /gsum pa yid kyi sgo yin te zhes pa ni gsang ba'i rdo rje'i phyi rol gyi sgor gcig pa yin la/ nang gi rtsa dbus mar zla ba byang chub kyi sems 'byung ba dang/ nyi ma gtum mo drong 'jug pa'i sgo ni tshor ba bde pa skyes pa ni sgo rnams kyi mchog yin no/ /gtso bo steng dang 'og ces grags zhes pa ni/ steng spyi gtsug dang 'og nor bu'i sna rtse ni rnal 'byor pa mngon sum gyi lam la gtso bo yin te/ bsam gtan gyi ting nge 'dzin gyi lus bde ba dang yid bde ba'i dga' ba bzhi bskyed pa'i phyir ro/ /ci'i phyir de gtso bor smos shes na/ rnal 'byor pa la nye bar 'kho ba'i phyir ro/ /tshad ma ni skyes bu blang dor gyi don bsgrub pa la nye bar mkho bas mkhas pa rnams kyis blang bar bya ba yin pa bzhin du rnal 'byor pa rnams kyis zhi gnas dang lhag mthong gis skyes bu'i don grub pa la/ mngon sum gyi lam nye bar 'kho ba yin pas/ de'i phyir de yongs su btsal ba yin no/ /'og sgo rnam par shes pa ste/ /zhes bya ba la sogs pa ni sngar bshad pas go sla'o/ /de bus nam gyi tshe shes zhe na/ sgyu ma ngag ni thams cad las/ /bung med sgyu ma khyad par 'phags/ /ye shes gsum ni dbye ba ni/ /bsal bar 'di las mtshon par 'gyur zhes gsungs pas/ mkha' 'gro ma dam tshig gi phyag rgya dang/ sbyor pa'i yul las kyi phyag rgya las rtog? pa med pa'i rlung 'byung rdub kyi de nyid dang lus
- 70a
kyi rang bzhin shes par 'gyur ro/ /de yang rlung nang du 'jug pa na rtog pa med pa skye bas yon tan dang bde bar 'gyur ro/ /phyir rgyu bas ni rnam par rtog pa skye bas skyon dang sdug bsngal du 'gyur ba yin te de ltar rgyu rkyen tshoD pas lhan cig skyes pa'i rang bzhin du 'grub pa'i phyir ro/ /de ltar 'og rlung gi lam tshogs ni bcom ldan 'das rdo rje sems dpa' bshad pa yin no/ /de ltar lus kyi gnas bshad nas/ /da ni ba san+ta ti la ka bshad pa'i phyir/ bcom ldan 'das la mnyam par sbyor bas mnyes par bya ste/ /'di skad ces zhus pa yin no/ /pa sa n+ta zhes gang la bgyi zhes bya ba ni lus kyi dbang po'i bye brag tshor ba bde ba skye ba'i rten snying ga'i byang chub sems kyi thig le'o/ /ti la ka ni ji lta bu zhe na pa ni rlung me'i drod can bskyed pa'i brten lte ba khrag gis khrag gi thig le'o/ /mi phyed la sogs gang du brten zhes pa ni nam mkha' i rlung ngo/ /a na ha zhes bya ste phyir mi rgyu bas na srog ces bya'o/ /sogs pa ni gnas nyer bzhir rtsa'i gnas su rlung dang khams rgyu ba'o/ /de rnams gnas ni gang dag lags/ zhes pa ni gnas nyer bzhir 'dri ba'o/ /du li la sogs gang bstan pa zhes pa ni gnas nyer de zha'i ming bstan pa'o/ /'khor lo mchog ni ji ltar dgong ces pa ni lus la sku gsung thugs kyi 'khor lo ji ltar dgod pa'o/ /rtsa rnams gang las ci 'byung ba zhes bya ba ni rtsa rnams spyi gtsug nas skyes nas ji ltar 'byung ba zhus pa'o/ /bye brag de dag bshad du gsol zhes ? bas gzhes sha'i gor gling dang/ dpa' bo khams su gnas pa dang/ dpa' mo rtsar gnas ba dang/ 'khor lo gsum gyi bye brag zhus pa'o/ /lan bka' stsal pa ni gsang las shin tu gsang gyur pa zhes ba ni gsal ba'i sems
- 70b
'od gsal ba'i snang ba lhar bstan pa'o/ /shin tu gsang ba ni las dang po pa'i rnal 'byor pas bde ba rtog pa med pa'i sgo nas rtogs pa'o/ /pha rol phyin pa sa bcu ni/ /gnas la sogs pa rtsa'i gzugs shes pa ni rtog pa'i pha rol tu phyin pa// bde pa'i gnas skabs kyi sa bcu'i snang ba ni rtsa'i gzugs su gyur pa yin no/ /de yang sku khams shas che ba dang/ gsung drod shas che ba dang/ thugs rlung shas che ba'i bye brag gi gnas nyi shu rtsa bzhir phye ba yin no/ /mgo ni ma la ya yul te/ zhes pa la sogs pa ni go sla'o/ /mkha' spyod ni gtso bo nam mkha' i dkyil 'khor ro/ /thugs kyi 'khor lo ni rlung rgyu ba'o/ /gnas zhes bya ba ni gang gis tshe bde bas khyab pa'i dus de'i tshe thugs kyi 'khor lo'i gnas su gyur pa'o/ /sa spyod gsung gi 'khor lor gnas/ zhes pa las spyod ni snying ga sa dang lto ba chu dang/ lte ba me la brten pa'o/ /gsung gi 'khor lo ni drod shas che ba'o/ /da yang zhing dang rol par gyur pa ni gang gi tshe lus la bde ba gnas pa dus de'i tsho 'gyur ro/ /sa 'og ni sku'i 'khor lor yang dag gnas shes bya ba la/ sa 'og ni gsang ba'i rdo rje nas lus? mo'i bar du'o/ /sku'i 'khor lo ni khams rgyu ba shas che ba'o/ /'dus dang dur khrod du 'gyur ba ni gang gi tshe bde bas khyab pa'i dus kyi tshe yin gyi/ khams nyer bzhi tshor ba btang snyoms kyi du las ma rlung dang mkhris pa dang bad kan shas che bar 'gyur ba tshor ba sdug bsngal gyi dus ni ma yin no/ /de dag mkha' 'gro ma rnams yul zhes bya ba ni sha'i 'khor lo de dag ste sngar gnas gang lags zhes zhus pa'i lan yin no/ /rang gi lus las byung ba ste zhes pa ni rtsa rnams gang las ji ltar byung zhes bya ba'i lan yin te/ de yang thog mar spyi gtsug nas 'byung ba'i sku gsung thugs kyi
- 71a
'khor lo ni zhes pa bye brag de dag bshad du gsol zhes pa'i lan yin no/ /bskyed pa'i rim pa ltar lha'i skur mi gnas pa na mkha' 'gro ma gzugs ji ltar gnas zhe na/ gnas kun tu ni mkha' 'gro ma/ /rtsa'i gzugs kyis yang dag gnas zhes bya ba yin no/ /de'i shugs kyi rgyud kyi rim pa'i tshe na/ gnas de rnams su dpa' bo ni/ khams kyi gzugs kyis yang dag gnas zhes bya ba dang/ sngags kyi rim pa'i tshe na/ gnas de rnams su dpa' bo ni/ /rlung gi gzugs kyis yang dag gnas zhes bya ba dang/ ye shes kyi rim pa'i dus kyi tshe na/ gnas de rnams su dpa' bo ni/ /bde ba'i gzugs kyis yang dag gnas zhes go bar bya'o/ /brtag pa drug pa'i rab tu byed pa dang po'i 'grel pa'o// //de ltar rgyud kyi rim pa bshad nas/ da ni thig le'i 'khor lo bshad par bya ste/ de nas gzhan yang de bzhin gshegs pa'i sku la zhes pa ni rnal 'byor pa'i lus so/ /ji lta ba bzhin du gnas zhes pa ni don rang gi mtshan nyid kyi gnas lugs so/ /rtsa'i 'khor lo bshad par bya zhes pa ni tshor ba bde ba skyes pa'i rnal 'byor pa la nye bar 'khor ba'i 'khor lo bshad pa'o/ /gnas de gang yin zhe na/ snying ga'i dbus 'gyur pad+ma ni? /'dab ma brgyad ngang ge sar bcas shes bya'o/ /de yi dbus su 'gyur ba'i rtsa/ /mar me lta bu'i gzugs de zhes pa ni chu shing gi snying po ltar dra bab/ pad+ma'i skud pa ltar phra ba/ til gyi mar me ltar gsal ba/ rgya skyegs kyi lo ma ltar dmar pa'o/ /de gang gis dbus su gnas she na/ snying chu shing gi me tog lta bu'i dbyibs can kha thur du bltas shing 'phyang pa'i dbus na rtsa de gnas pa yin la/ rtsa de'i tshigs kyi dbus na dpa' bo yungs kar gyi
- 71b
tshad tsam ste/ spyi gtsug nas babs pa'i byang chub sems kyi thig le lus bde ba'i dang po'i gnas so/ /hUM gi sa bon mi shigs pa zhes pa ni nam mkha' i rlung spyi gtsug mig btsums gnyis kyi tshang du sdod pa mi shigs pa'i rlung pa hUM gi ming gis btags pa'i?/ /kha blta bur 'thog pa yin zhes pa ni gal te rlung me'i drod can gyi bzhus pa de'i tshe kha ba 'am ba mo lta bu'i mdog can 'jig pa yin no/ /ba san ta zhes bshad pa yin te/ lus can kun gyi snying dga' byed ces pa ni lus bde ba dga' ba dang mchog dga' skyed pa'i rgyu dpyid ces bya ba lus bde ba'i dbang po'i sa bon yin no/ /de ltar thabs kyis? san+ta? bshad nas/ shes rab ye shes kyi ti la ka bshad pa ni rgod ma'i kha ni me'i gzugs su zhes bya ba la/ /byang phyogs kyi rgya mtsho ni rgod ma'i kha zhes bya la/ de dang 'dra ba'i rlung nang du 'jug pa'i gnas lte ba ni rgod pa'i kha zhes bya'o/ /de'i gzugs ni rlung me'i drod can la bya ste/ de nyid byang chub kyi sems 'bebs shing 'dzin pas na bdag med ma til ka zhes bya'o/ /bdag med ni dgyes pa'i rdo rje'i btsun mo'i brngas btags pa'o/ /ti la ka ni drod gtsub stan khrag gi thig le'o/ /las kyi rlung gis bskyed nas su zhes pa ni g.yas g.yon gnyis kyi rtsan sgrub? thag yin la dbus ma a ba d+hU tI ni srub shing yin no/ /btsub stan ni me'i khams kyi lhag ma khrag gi thig le'o/ /de la g.yas g.yon gnyis kyi rlung gis bskyed nas lte ba'i dkyil 'khor nas 'bar ba dang du ba dang gsal bar gyur nas snying ga'i ba san ba dang phrang pas na lus dga' ba dang/ mchog dga' dang yid bde ba dang lhan cig skyes dga' 'byung ba'i rgyu ni 'ga' zhig snyoms par zhugs te gnas zhes bya ba yin no/ /'di nyid bsam gtan dang po'i ting nge 'dzin rtog pa med pa'i bde ba yin pas na zhi gnas
- 72a
kyi bde ba rgyu'i he ru ka yin no/ /de bas na 'di ni dpal ldan he ru ka /ba san+ti la ka ru bzheng ces bya'o/ /bzhed ces bya ba ni lhag ma'i stong pa nyid kyi til ka la rnam par mi rtog pa'i ye shes kyi pa man+ta? dang ro gcig pa'i 'bras bu'i he ru ka ma yin yang zhi gnas rgyu'i he ru ka la dgongs nas bzhed ces gsungs pa yin no/ /rnal 'byor ma la sogs kyis ni/ rgyu dang mi rgyu yang dag gnas/ zhes bya ba ni rlung me'i drod can bems po yin yang rnam par shes pa'i snang ba yin pas rgyu ba zhes bya'o/ /sku gsung thugs kyi bye brag gis zhes bya ba ni sngar bshad? pa'i sgo dgu las rlung me'i drod can 'gro ba dang 'ong ba'i tshul gyis gnas pa'o/ /de ltar ba san+ti la ka bshad nas/ de nas de'i bye brag gis gnas bshad par bya ste/ lte bar a yi gzugs kyi ste/ /thung ngu zhes ni bya bar grags zhes pa ni/ hUM mig btsums gcig gis chang du sdod pa'o/ /snying gar yang ni hUM yig ste/ /cha gnyis tshad ni ri? bo yin zhes pa ni/ mig btsums gnyis kyi tshad du sdod? pa'i rlung ngo/ /mgrin par aM gi gzugs kyis te/ 'dren pa cha gsum tshang yin te zhes pa ni mig btsums gsum gyi tshang? du sdod pa'i rlung ngo/ /'phral bar yang ni rta? yin te zhes pa ni dus thams cad du nam mkha' i rlung de gnas nas 'chi ga'i bar du lus la gnas pa'o/ rlung de rnams ji srid gtum mo'i drod? ma skyes pa de srid du nam mkha' i rlung yin no/ /drod skyes pa'i dus su me'i rlung yin no/ /'khor lo de rnams gang na gnas she na/ sa sogs 'byung ba chen po ni zhes gsungs te/ lto tha ma dang lte ba chu'i bar na lte ba sprul pa'i 'khor lo dang lte ba chu dang snying ga sa'i bar na snying chos kyi 'khor lo dang/ snying ga sa dang mya? gau nam mkha' i bar na khongs spyod kyi 'khor lo dang/ mgo bo nam mkha' dang/ phyi rol gyi nam mkha' i mtshams na bde ba chen po'i
- 72b
'khor lo'o/ /de rnams su byang chub kyi sems 'bab pa'i bde ba skyes pa rnal 'byor bzhi dang dga' ba bzhi dang dus bzhi zhes brjod do/ /nges na sbyor ba bzhis 'gro ba ste/ dga' ba bzhi'i tshul gyis ni/ /mtshams bzhi ru ni lhag par gnas zhes bya'o/ /mchog tu dga' ba'i tshul gyis ni/ /bya ba dang ni byed pa'i dngos zhes bya ba ni dga' ba bzhi bskyed pa'i bya ba khrag gis thig le dang/ byed pa byang chub sems kyi thig le'o/ /dpal ldan rdo rje sems tshul gyis zhes bya ba ni/ rtog pa med pa'i bde ba'o/ /'di ni ji ltar bde bar rol zhes pa ni/ lte ba'i dbus na bde bas khyab par gnas pa'o/ /phyogs bzhi'i 'dab ma la gnas pa zhes pa ni 'byung ba bzhi'i rtsa mkha' 'gro ma la sogs pa'i rtsa ba'o/ / mtshams rtsar bdud rtsi lnga 'bab gnas zhes bya ba ni/ bdud rtsi bzhi mchams bzhi'i rtsa dang/ dbus ma byang chub kyi sems kyi rtsa dang lnga'o/ /de ltar ye shes kyi 'khor lo bshad nas/ 'khor lo gsum gyi bye brag bshad par bya ste/ sku gsung thugs kyi bye brag gis zhes bya ba ni/ gnas nyer bzhi'i lus kyi dang lnga'o/ /gnas rnams su ni yang dag gnas shes bya ba ni/ gnas nyi shu rtsa bzhir gnas pa'o/ /rtsa de rnams gang nas byung zhe na/ mgo po las ni byung ba'i rtsa/ /mgo las skyes zhes brjod pa ste/ /mngal du zhugs nas zhag bdun gyi tshe yi ge hUM gi gzugs can gyi rtsa grub pa'o/ /snying stobs rdul dang mun stobs kyis zhes bya ba ni/ la la na? dang ro sa nA dang/ a bad+hu tI dang gsum mo/ /'khor lo bzhi'i dbye bas rtsa brgya nyi shu'i yi ge la gnas sum cu rtsa gnyis kyi dbye bas rtsa sum cu rtsa gnyis yin no/ /de la gtso bo gsum yin la snying ga'i bdud rtsi lnga'i rtsa bzhi ma gtogs pa lhag mnyer bzhi'i ni
- 73a
gnas nyer bzhi gnas pa'i rtsa yin te/ de gang yin zhe na/ mi phyed ma mgo bor ro/ /phra mo ni spyi gtsug tu'o/ /gsal ba ni rna ba ba/ yas par ro/ /g.yo ma ni ltag par ro/ /'bul byed ma ni rna ba g.yon pa ro// ru sbal ma ni smin ma'i dbus su'o/ /srid pa ni mig gnyis na'o/ /dbang bskur ma ni phrang pa gnyis su ste/ thugs ka'i 'khor lo'o/ /bzang ldan ma ni mchan khung du'o/ /bshang ba ma ni nu ma ro/ /ma mo ni lte ba ro/ /mtshan mo ni sna rtser ro/ /bsil ster ma ni kha la'o/ /drod ma ni mgrin par ro/ /nags tshal ma ni snying gar ro/ /mgu ma ni chu sor te gsung gi 'khor lo'o/ /mdog mdzes ma ni mtshan mar ro/ /thun mong ma ni bshang ba'i lam la'o/ /rgyu ster ma ni brla la'o/ /bral ba ma ni rje dar la'o/ /mdza' mo ni rkang pa'i sor mor ro/ /grub ma ni rkang pa'i pol du'o/ /me mo ni mthe po la'o/ /yid 'ong ma ni pus mo la ste sku'i 'khor lo'o/ /khams dang gnas nyer bzhi'i ming ni go sla'o/ /snying ga'i dbus nas lte bar byang chub kyi sems 'bab pa'i rtsa ni sum rim zhes bya ste/ dga' ba dang mchog dga' lhan cig skyes dga' i gnas yin no/ /snying ga'i shar lho mtshams na 'dod ma bshad pa'i dangs ma 'bab pa dang/ lho nub mtshams na khyim ma gtsi? ba'i dangs ma 'bab pa dang/ nub byang gi mtshams na gtum mo khrag gi dangs ma 'bab pa dang/ byang shar mtshams ni bdud bdul ma sha'i dangs ma 'bab pa ste/ de ltar na rtsa sum cu rtsa gnyis yin/ brtag pa drug pa'i rab tu byed pa gnyis pa'i 'grel pa'o// //de ltar thig le'i 'khor lo bshad nas/ da ni lus kyi 'khor lo bshad par bya ste/ rnal 'byor pa'i lus kyi dkyil 'khor dang/ mchog sbyin dang/ sbyin sreg
- 73b
dang/ bzlas pa dang/ bsgom pa dang/ slob dpon dang gnas la sogs pa ji lta bu yin zhes zhus pa yin no/ /lan du bka' stsal pa ni/ rtsa yi gzugs las yang dag 'byung zhes pa smos te/ bskyed pa'i rim pa brtags pa ma yin pa gzhan gyis dbang gi 'khor lo rtsa'i gzugs kyis gnas pa yin no/ /des ci zhig bya zhe na/ rnal 'byor pa bde ba'i ting nge 'dzin bskyed pa'i rten rtsa yin pas lus kyi 'khor de btsal bar bya'o/ /he ru ka sogs lha yi ni zhes bya ba ni/ bde ba rtog med kyi lha drug cu rtsa gnyis kyi lus kyi dkyil 'khor du'o/ /ji skad gsungs pa'i sgo bzhir ldan zhes bya ba ni/ sngar bshad pa'i mig dang rna ba dang kha chu'i sgo bzhi'o/ /ka ba brgyad kyis brtan pa yin zhes bya ba ni/ dpung pa gnyis dang lag dar gnyis dang rje dang gnyis dang brla gnyis so/ /dngos po kun tu mnyam pas na zhes pas na/ mdom gang spyi bo dang/ rkang pa'i bar du mnyam pas na gru bzhi par grags pa'o/ /sku gsung thugs kyi tshul gyis ni zhes pa ni spyi gtsug gi 'khor lo'i g.yon pa la la nA dang 'brel pa brgyad byang chub kyi sems rgyu ba sku dang/ g.yas par ra sa nA dang 'brel pa brgyad khrag rgyu ba gsung ?/ /dbus ma a ba d+hU tI dang 'brel pa brgyad rlung ? thugs dang 'dres pa brgyad dam tshig gi 'khor lo ste sum cu rtsa gnyis yin no/ /de ltar spyi gtsug gi 'khor lo gcig pu nyid la rtsa'i dbye pas 'khor lo gsum du brjod do/ /de yang der ni mgo bo'i char gnas pa/ /sum cu rtsa gnyis 'dab bskyes las/ /dbyangs dang gsal byed? yang dag rdzogs/ /byang chub sems ni sum cu gnyis zhes 'chad par 'gyur ro/ /gzhan dag ni sku gnas nyi shu rtsa bzhi la sku gsung thugs gyi 'khor lo yin zer te/ theg pa'i 'khor lo'i skabs su bshad du zin kyang 'dir yang 'chad par
- 74a
'gyur ro/ /bla ma rgyud pa'i rim gyi ni/ /rdzogs pa'i sangs rgyas nyid du gsal zhes pa ni/ sum cu rtsa gnyis byang chub kyi sems kyis gad ba'i dus de'i tshe rdzogs pa'i dkyil 'khor zhes bya'o/ /ber? ma la sogs rim bzhin gnas/ /zhes bya ba ni/ rkang nga? rlung gi dkyil 'khor dang lte ba me dang lto ba chu dang snying ga sa dang mgo bo nam mkha' i dkyil 'khor ni ri rab kyi dbyibs yin no/ /de ltar lus kyi dkyil 'khor mdor bstan nas/ rgyas par bshad pa ni rkang mthil gyi gzhu mchog gi dbyibs yin la/ rkang pa gnyis ni gzhu'i yin pas rlung gi dkyil 'khor ro/ /sum mdo gru gsum ni me'i dkyil 'khor ro/ /lto ba zlum po ni chu'i dkyil 'khor snying ga gru bzhi ni sa'i dkyil 'khor ro/ sgal tshigs ni ri rab kyi dbyibs so/ /de'i dus na rtsa sum cu rtsa gnyis ni lus kyi dkyil 'khor ro/ /g.yon pa la lA na dbyangs yig dang/ /g.yas par sa na gsal byed dang/ a pa d+hA tI ma nang dang dbus ma dang g.yas g.yon/ gnyis su 'dres pa'i sgo ma bzhi dang/ g.yas g.yon gnyis 'dres pa'i mtshams ma bzhi ste/ rtsa sum cu rtsa gnyis gnas pa yin no/ /mgo bo'i dbus na klad pa zhes bya bar grags pa na/ zla ba'i dkyil 'khor ro/ /de'i dbus su yi ge haM zhes bya ba ni/ rtsa'i dbus na srog ces bya ba'i? rlung 'chi ba'i dus kyi tshe lus la 'byung zhing sngar mi 'byung bas mi shigs thig le'i gzugs can zhes bya'o/ /mi gsal gsal ba'i bdag nyid can zhes bya ba ni/ byang chub kyi sems gsal ba la khrag gi dangs ma mi gsal ba 'am/ yang na byang chub kyi sems bem po'i gzugs kyis gnas kyang rnam par shes pa'i snang ba yin pas gsal ba'i bdag nyid can no/ /de nyid brtan dang g.yor bcas pa/
- 74b
zhes pa ni brtan pa lus dang g.yo ba sems kyi rgyud sa bon gyi gzugs kyis gnas pa'o/ /'gro ba kun gyi rtsa ba ste/ zhes pa ni/ lus gnas pa'i rtsa ba ste khams kyi dangs ma'o/ /dang po de las skyes pa yin zhes pa ni/ pha ma gnyis kyi sa bon zhag bdun gyi tshe na dang por spyi gtsug gi hoM? grub pa yin no/ /'o na de ltar gnas pa'i rang gi mtshan nyid ni/ tshor ba btang snyoms kyi rten yin na bde ba skyes pa'i lus kyi dkyil 'khor du dus nam gyi tshe 'gyur zhe na/ me ni mnyas par byed pa ste/ /de nyid kyis ni sgra yang phye zhes bya ba smos te/ gtum mo drod kyi nam mkha' i rlung mdzod spu'i sgo phye nas des spyi gtsug gi byang chub kyi sems bzhu ba las nyin dang mtshan mo dbugs dbyung rdub kyi dus su bdud rtsi zla ba 'dzag pa des dkyil 'khor yongs su rdzogs par 'gyur ro/ /ci'i phyir dkyil 'khor zhes bya zhe na/ rtsa sum cu rtsa gnyis kyi dbus na gnas pa'i byang chub kyi sems kyi thig le gtum mo drod kyis len pas na/ snying po len pas na dkyil 'khor zhes bya'o/ /de ltar dkyil 'khor bshad nas/ da ni mchod sbyin bshad par bya'o/ /de ni phyi nang sna tshogs kyi khyab pa'i gzugs kyis yang dag gnas zhes bya ba ni/ phyi 'dod pa'i yon tan rnam pa lnga'o/ /nang gi bdud rtsi lnga la sogs pa rang gi lus la grub pa'i rdzus gnas pa'o/ /phyi gzugs rdo rje ma la sogs pa la dga' ba bzhi'i ting nge 'dzin skye ba na mchod pa'o/ /nang bdud rtsi lnga'i gzugs kyi dangs mas lus bde ba skyes pas phyi dang nang gi bdag nyid byang chub sems kyi rdo rje cen zhes pa'o/ /spom po dad ni phra gzugs kyi zhes bya ba'i spom po ni/ dbang po lnga'i yul gzugs la sogs pa'o/ /phra gzugs ni bdud rtsi rnam pa lnga lus bde ba dang yid bde
- 75a
ba skyed pa'o/ /stsal mchod par bya zhe na/ 'gro ba sangs rgyas rang bzhin nyid/ ces bya ba smos te/ 'gro ba sems can 'od gsal gyis/ /rang bzhin yin pas dga' ba bzhi/ /skye ba'i sgo nas mtsho'i par bya'o/ /de ci'i phyir gsungs she na/ de ni sangs rgyas byang sems kyi/ /dam tshig don du gsungs pa ste zhes bya ba smos te/ sangs rgyas bcom ldan 'das rnams kyis bde ba rtog pa med pa las zhi gnas kyi ting nge 'dzin gyi thabs su gsungs pa yin no/ /yul lnga dang bdud rtsi lnga las bde ba rtogs pa med pa skyes pas ci zhig byed ce na/ tshe 'di nyid du sangs rgyas ni/ thob pa'ang dkyil 'khor las byung ba zhes bya ba smos te/ bde pa rtog med ni bsam gtan dang po yin te/ bsam gtan gyi bde ba la brten nas/ lhag mthong stong pa nyid kyis rgyas btab pas tshe 'di la yang sangs rgyas su 'gyur ba yin no/ /sangs rgyas 'ba' zhig tu ma zad kyi nyan thos dang rang rgyal ba dang/ tshangs pa dang brgya byin la sogs pa yang bsam gtan gyi bde ba rtog pa med pa la brten nas rang rang gi rnam par thar pa skye ba yin no/ /de ltar mchod sbyin bshad nas/ nang gi sbyin sreg bshad par bya ste/ nang gi? khu ba ya sogs dad zhes bya ba ni/ nang gi bdud rtsi lnga dang/ phung po lnga dang khams dang skye mched rnams so/ /phyi'i yul rnam pa drug dang bcas pa shes rab stong pa nyid mngon sum du rtogs pa'o/ /ye shes kyi me 'bar ba ? bla na med pa'i sbyin sreg byas pas 'od gsal ba'i mer bsreg par bya'o/ /bla na med pa'i sbyin sreg bshad nas/ nang dang gsang ba bshad pa ni/ phung po khams dang skye mched sogs/ /lhag pa yi ni lha nyid de zhes bya ba ni phung po dang/
- 75b
khams dang skye mched lha'i rang bzhin du bskyed nas/ lde ba ? snying ga dang ltog ma dang/ spyi gtsug tu 'khor lo bzhi bzhag nas lag pa g.yas g.yon dgang gzar blugs gzar du bya ste/ kha zas rnams bdud rtsir bskyed nas mchod pa de dag gis mchod na mnyes par 'gyur ro/ /da ni chags pa'i lam pa'i gsang ba'i sbyin sreg bshad pa ni de rnams de bzhin mkha' 'gro ma sbyor ba'i mchod pa bshad pa ni zhes bya ba ni thabs dang shes rab kyi lus bsnyen bsgrub bzhis sbyangs nas rdo rje dang pad+ma byin gyis brlabs te byang chub sems kyi dgang gzar gyis bde ba'i ting nge 'dzin gyi sbyin sreg bya'o/ /da ni grol lam pa'i sbyin sreg bshad par bya ste/ mgo thod bsreg brdzas snod yin te zhes bya ba smos te/ bdud rtsi lnga'i rdzas kyi snod ni mgo bo yin no/ /snying ga chos kyi 'khor lo'i g.yas ngos rtsar sa nA ni blugs gzar yin no/ /la la nA ni dgang gzar yin ni/ /lte bar me'i dkyil 'khor ni thab khung yin la/ mgo dgu'i las kyi rlung gis bskyed pa ni tshangs pa rang byung gi mi yin no/ /de ltar sbyin sreg bshad nas bzlas pa bshad pa ni/ sgra ni sngags su gsungs pa ste/ 'byung 'jug 'khor ba bzlas pa yin zhes pa ste/ phyi rgyu ba hUM nang du 'jug pa ni oM yin la/ gnas pa ni A/ yin pas rigs gsum gyi bdag nyid can dbugs nyi khri chig stong drug brgya rrang bzhin gyi 'khor ba ni bzlas pa yin no/ /bsgom pa 'di ltar snang ba ste zhes pa ni bde ba chen pos brgyas btab nas/ sems so sor snang ba dang stod pa dbyibs mi phyed par snang ba ni bsgom pa yin pas gnyis med sbyor ba dkyil 'khor yin zhes pa'o/ /rgyal ba'i dkyil 'khor la sogs pa lhan cig skyes pa la ni gnas zhes pa ni/ thams cad 'od gsal ba'i rang bzhin don gyis lhan cig skyes pa'i rang
- 76a
bzhin la gnas pa'o/ /slob dpon gang yin zhe na/ slob dpon sems kyi rgyal po ste zhes bya ba smos te/ rten cing 'brel pa'i sems kyis res dga' ni dge ba dang/ res 'ga' ni lung du ma bstan pa'i sems skye pa ni chos ston pa yin la/ /de bde ba chen por rtogs pa'i sems kyis thams cad stong pa nyid du shes na dkyil 'khor gtso bo'i sems 'od gsal ba'i rang bzhin du 'gyur ro/ /des chos ci zhig ston zhe na/ oM baM la sogs gang gsungs pa ste/ 'di skad bdag gis thos pa dus cig na zhes bya ba la sogs pa thabs dang shes rab mnyam sbyor ba'i rang bzhin thams cad dkyil 'khor gtso bo des shes par bya ba yin no/ /de ltar dkyil 'khor la sogs pa bshad nas/ rgyud kyi rim pa rtsa gsum dang 'khor lo bzhi'i rang bzhin bshad pa ni tshigs su bcad pa cig gis zhus pa dang/ /lan du bka' stsal pa ni mgo bo dang/ lte ba'i e gru gsum gyis gnas pa yin la/ snying ga dang mgrin pa ni baM gis mtshon pa'i dbyibs? zlum por gnas pa yin no/ /de'i dbus na gnas pa'i rtsa'i 'khor lo ni/ lte ba'i dkyil 'khor na rtsa drug cu rtsa bzhi gnas pa dang/ snying ga'i dbus na 'khor lo'i rtsa brgyad du gnas pa dang/ lkog ma longs spyod kyi 'khor lo'i dbus na 'byung ba bzhi'i rtsa bcu drug gnas pa dang/ spyi gtsug bde pa chen po'i gnas rtsa sum cu rtsa gnyis su gnas so/ /ci'i phyir sprul pa zhes bya zhe na/ rigs kyi lha skye ba'i sprul par byed pa'o/ /ci'i phyir chos zhes bya zhe na/ rdo rje theg par yid rtog pa med pa dang rtog pa dang bcas pa dag ma dge'i chos sems kyi snying la rten par 'dod do/ /ci'i phyir longs spyod ces bya zhe na/ ro drug la longs spyod pa'i phyir ro/ /ci'i phyir bde ba chen po
- 76b
zhes bya zhe na/ lus zungs kyi dangs ma byang chub sems dang mi 'dral ba'i phyir ro/ /de'i nang gi rlung yi ges mtshon pa ni lte ba'i dbus na gnas pa'i rlung ni a zhes bya ste sde mtshan brgyad kyis bskor ba'o/ /chos kyi 'khor lo'i/ dbus na mi shig pa'i a ha na'i rlung ste/ de la dbyangs yig lngas bskor ba ni bdud rtsi bzhi'i rtsa la a u a i dbus kyi hUM dang bcas pa ste lnga'o/ /'byung ba bzhi'i rtsa la ya ra la wa bzhi'o/ /lkog ma longs spyod kyi 'khor lo'i dbus na yi ge aM mo/ /'byung ba bzhi'i rtsa bzhi la i u e o'o/ /de ltar 'khor lo bzhi bshad nas/ da ni rtsa bshad par bya ste/ /g.yas dang g.yon gyi ngos gnyis su zhes pa g.yas par sanA khrag rgyu ba dang/ g.yon pa la la nA byang chub kyi sems rgyu ba'o/ /g.yon gyi mgrin pa nas zhes bya ba ni sna bug g.yon pa nas brtsams nas mgrin pa g.yon ngos nas snying ga'i g.yon nges su byung nas lte ba'i g.yon ngos su bskor te/ der byang chub kyi sems gsal ba ni la la nA'o/ /lte ba'i g.yas ngos nas brtsams nas/ snying ga'i g.yas ngos su byung nas mgrin pa'i g.yas ngos su rgyu ba ni ra sa ?O/ /mgrin pa'i dpus su rtag tu 'jig ces pa ni/ sna bug g.yas nas 'byung ba'i rlung phyir rgyu ba'i tshe khrag dang lhan rig rgyu ba yin la/ de nas phar rlung ba'i zhig rgyu ba yin no/ /de'i don 'di skad ston te/ g.yas pa'i rlung nang du 'jug pa'i tshe byang chub sems dang lhan cig tu 'grogs pas na/ g.yon pa'i mgrin pa nas brtsams te lte ba'i dbus su 'bab ces pa'o/ /g.yas pa'i rlung steng du rgyu ba'i tshe lte ba'i dbus nas mgrin pa g.yas pa'i bar du khrag dang lhan cig 'grogs nas lte ba nas steng du bltas nas 'bab pa'i rtsa zhes bya'o/ /gnyis ka nas rlung rgyu ba yin yang byang chub sems thur la 'bab pa yin yang g.yon pa nang du 'jug pa zhes bya'o/ /khrag steng du rgyu ba dang 'dran
- 77a
pas g.yas pa la phyir 'byung ba zhes bya'o/ /des na steng dang 'og tu brten nas su zhes bya'o/ /nyi ma zla bar grags zhes bya ba ni brngas bstan pa yin no/ /dpa' bo mkha' 'gro ma rnams kyis/ 'gro dang 'od bar nges par brjod ces pa ni/ dpa' bo ni phung po lnga bskyed pa'i sa bon yin la/ mkha' 'gro ma ni 'byung ba lnga'i rlung/ /de la sangs rgyas kyi brdas 'chad ba dang nub pa zhes bya'o/ /gnyid log pa dang sad pa zhes bya'o/ /steng bltas dbyangs yig drug gnyis bltas ces pa g.yon pa la la nA'i mgrin pa'i g.yon nges nas g.yas g.yon gyi ngos su 'byung ba la bya'o/ /steng du ltas pa ni sna bug g.yon pa nas ma zin pa'i rlung nang du 'jug pa'i tshe byang sems 'bab pas na de skad ces bya'o/ /de la dbyangs yig bcu gnyis zhes brdar btags pa yin/ ka sogs 'og tu bltas pa ni zhes pa g.yas pa'i rlung phyir rgyu ba zin pa'i rlung yin pas na 'og tu lta'o/ /steng dang 'og tu bltas pa des zin pa dang ma zin pa'i bye brag shes par bya'o/ /ngos gnyis dag tu spel ba ni zhes pa lte ba'i g.yas g.yon nas brtsams te/ sngar bshad pa bzhin du khyog por rgyu ba'o/ /dbus su sbyar bar bya zhes pa ni mgrin pa dang/ snying ga dang lte ba dang gsum du phrang pa'o/ /'og gi cha zhes pa bshad gci rgyu ba'i gnas su'o/ /yi ge k+Sha ni bsrung bar bya ba ni bza' ba dang btung ba ma zhu'i bar du 'og gi lus zungs kyi rlung gi sdom pas na k+Shas bsrung ba'o/ /g.yon pa nang du 'jug pas na longs spyod rdzogs pa zhes bya'o/ /g.yas nas phyir rgyu bas na sprul pa zhes bya'o/ /sangs rgyas lnga ni phung po lnga dang 'byung ba lnga'i rlung zhes bya'o/ /byang sems ni dbang po lnga'i rlung zhes bya'o/ /skyed cing spros pa ni phyir phyin pa'o/ /de ltar steng gi sgo nas rgyu ba bshad nas/ da ni 'og gi sgo nas rgyu ba bshad par bya ste/ gang tshe longs
- 77b
spyod rdzogs sku yang/ zhes pa ni/ gnas pa ra sa nA'i phyi rol gyi rtsa'i rtse mo nas nub par gyur cing a ba d+hU tI'i sgo rdo rje rtse mor gnas pa de la b+ha ga'i dbus gyur zhes bya ste/ lte ba'i dbus su bzhugs pa nas g.yas par sa nA longs spyod pa'i skur gyur pa yin no// pad+ma gar dbang rgyal zhes pa ni/ gang gi tshe rdo rje dang pad+ma sbyor bas dga' phral du gyur pa de'i tshe la la nA longs spyod rdzogs pa'i sku yin la/ de nas nyi ma nub par gyur pa ste/ nang du 'jug pa'i rlung las lte ba nas mar phyir rgyu bas na sprul sku'o/ /de ltar na de bzhin yang dag ldan zhes bya'o/ /da ni dbu ma ma'i rtsa ston te// rdzogs pa'i byang chub sems brjod ces pa ni chu shing gi snying po ltar drang ba'i dbus nas byang chub sems 'bab pa'o/ /dri ma med pa'i dngos po ni gnas de la brten nas rtog med skye ba'o/ /'khor lo'i lam ni gcod byed pa zhes pa ni de la brten nas rtog pa 'gegs pa'o/ /rtogs med ni mya ngan las 'das pa yin la rtog pa ni 'khor ba'o/ /gom pa gcig ni 'khor ba yin/ gom pa gcig ni mya ngan las 'das zhes bshad do/ / sngos pa nyer zhi dge ba ni tog pa dang bral bas na'o/ /rtog pa med pas na dge ba'o/ /yul lnga la de'i ming sems dpra'i rtog pa dang bral bas dmigs med dag go /de la rdo rje sems dpa' dang dpal he ru ka zhes brdar brtags pa yin no/ /gang gi thog tu rtog pa skye zhe na/ dgod dang lha dang lag bcings dang/ /zhes smos te/ dgod pa'i sgra'i steng du bde ba rtog med skye ba 'am/ gzugs la lta ba dang reg bya lag bcangs dang gnyis gnyis 'khyud pa dang reg bya las bde par rtog pa med skye ba yin no/ /srin bu'i tshul gyis zhes pa ni zag med bde ba chen po ston pa'i tshig yin te/ srin bu shing las skyes nas shing nyid za ba bzhin du bde ba las skyes pa'i ting nge 'dzin stong nyid du bsgom par bya'o/ /bde ba bzhir gnas shing
- 78a
gzhan 'phrul dbang byed la sogs pa'i lha bzhi bde ba la goms pa'i don du rgyud bzhir gsungs pa'o/ /de yang ji lta bu zhe na/ 'dod chags nyid dang chags bral nyid/ ces smos te/ gsum ni grol lam yin la/ gcig ni chaD lam yin no/ /zos nas srin bu nyid du gnas ni chags lam dang grol lam la ni zhi gnas yin la/ de gnyis ka yang mthar stong nyid bsgom pa'o/ /brtag pa drug pa'i rab tu byed pa gsum pa'o// //rgyud kyi rim pa bshad nas/ da ni srid pa 'byung ba'i rim pa dang dbugs 'byung bshad par bya ste/ de nas rdo rje snying po la sogs pa gsungs te/ bsdus pa'i don ni gsum yin te/ 'khor lo bzhi'i rim pa dang/ rnam par dag pa lha ji ltar 'byung ba'i rim pa dang/ yul la sogs pa mkha' 'gro ma'i rim pa dang/ bde mchog gi mtshan nyid bshad du gsol zhes dris pa'o/ /lan du bka' stsal pa ni/ mkha' 'gro ma'i lus dbus su zhes smos te/ rnal 'byor pa'i lus la yi ge a mtshon pa'i sdom pa na bde mchog ste/ bde ba de'i gnas kyi phyi rol gyi dbus nyer bzhi ji lta ba bzhin du nang du lus la gnas nyer bzhir bde ba rab tu gsal bar byas na phung po dang khams dang skye mched thams cad bde ba stong pa nyid kyi rang bzhin du bya'o/ /de gang las shes par bya zhe na/ phyag rgya chen po las te/ gsang ba 'di'i snyoms 'jug pa zhes bya ba ste/ bdag byin gyis brlabs pa'i rim pas stong pa nyid mngon sum du shes pas phyi rol stong pa ma gtogs so zhes bya'o/ /de ltar mdor bstan nas/ rgyas par bshad pa ni/ sku gsum 'khor lo gsuM gzugs su zhes bya ba smos te/ bde ba chen po'i ngo bo nyid kyi sku yin la/ lkog ma lte ba snying ka ni sku gsum yin no/ /ma dag pa'i las la ci'i phyir gzhan zhe na/ bdag byin gyis rlob pa'i rnal 'byor pas dpang bzhi pa'i mtshon byed kyiS? lus kyi mtshon bya rtogs
- 78b
pa'i rtsa gang la sems can ma lus pa skyes pas na sprul sku zhes bya'o/ /chos dge ba dang mi dge ba dang/ lung du ma bstan pa'i sems kyi rang bzhin yin pas chos kyi 'khor lo'o/ /ro drug myong bas longs spyod do/ /bde ba'i rten lus zungs gnas pas bde ba chen po 'bras bu bzhi dang bde ba yang de nyid do/ /de ni gnyis su shes par bya ste/ yang dag gi kun rdzob lus kyi rang bzhin las sku bzhi dang 'bras bu bzhi dang bde ba bzhi dang 'khor lo bzhi la brdar btags nas bstan pas gzhan ni drang ba'i don yin no/ /'di ni nges pa'i don yin no zhes bstan pa yin te/ de thams cad kyang nges par 'byin pa'i lam yin la 'di zag bcas dang zag med mngon sum du skye bas nges par 'byin pa'i lam mchog yin par bstan to/ /rnam pa gcig du na ma dag pa'i lus yin pas dbang bzhi ba thob pas sku bzhi la sogs pa sems 'od gsal ba'i rang bzhin du 'gal ba med do/ /des na nges par 'byin pa'i bde ba ni/ lus su gsungs la de la nges par 'byung ba'i 'bras bu sems kyi skur gsungs pa'o/ /des na 'di ni bskyed pa'i rim pa yin zhing rnam par dag pa'i lha 'byung ba yin no/ /sangs rgyas dang byang chub sems dpa' ma gtogs pas rnam par dag pa'i lha ji ltar rtogs zhe na/ dbang bzhi pa thob pa la chos thams cad stong pa nyid mngon sum du rtogs pas gdod ma nas 'gro ba rnams sprul pa'i sku yin par shes so/ /de yang ji ltar shes she na/ gdod ma nas rang bzhin gyi dge slong yin te/ rnam par dag pa'i bde ba ni lus po'i lho ba ni gtsug lag khang ngo/ /rtog pa med pas mngal ba la ni 'dod chags dang bral ba'o/ /ma bcos pas na sham ni chos gos so/ /skyed par byed pas na ma ni mkhan pa'o/ /rnam rtog gis ma bslangs pas thal mo sbyar ba ni 'dud pa'o/ /rtog pas slang ba med par gro ba'i bya ba skal ba mnyam pa rnams dang 'thun pas khrig gis gnas pa'o/ /rtog
- 79a
bsam bslad pa'i sngags a har zlos pas sngags so/ /skra dang kha spu breg go snyam pa'i kun nas slobng ba med pa ni dge slong ngo/ /de ltar rtog pa med pa'i rgyu rkyen tshogs pa las byung ba 'di dag ni sangs rgyas nyid du the tshom med do/ /de yang gsang ba 'dus pa las/ /ye shes lnga'i rang bzhin lus/ /'byung ba lnga'i ngo bo nyid/ ces gsungs so/ /de ltar sangs rgyas yin zhe na/ sems 'od gsal ba'i snang ba la rtog pa med pas dmigs pa de'i tshe'o/ /de ltar zla ba bcu ni sa bcu yin la/ sems can ni sa bcu'i dbang phyug yin no/ /dus nam gyi tshe rtogs shes na/ /btsun mo'i b+ha ga bde can du/ khu ba'i gzugs kyi yang dag bzhugs/ zhes bya ste/ phyag rgya bzhi dang mnyam par sbyor ba'i dus kyi tshe'o/ /de yang mnyam sbyor las sgyu ma dag ni thams cad las zhes bya ba la sogs pa gsungs so/ /de ma gtogs par bde ba med ces bya ba ni/ rgyu rkyen gyis tshogs pa med par bde ba mi 'byung ba'o/ /bde ba de spangs na de la brten pa'i zhi gnas kyang mi dmigs so/ /'des na bde ba mngon sum du rtogs pa'i nus pa med de/ de'i rgyu rkyen gyis tshogs pa la bltos pa dang bcas pa'i phyir ro/ /bde ba rtog pa dang bcas pas sangs rgyas dang byang chub sems dpar shes sam zhe na/ lha'i sbyor bas bde ba zhes smos te/ bde ba stong pa nyid du rtogs pa ni lha'i sbyor ba'o/ /mjug sdub ni de phyir sangs rgyas dngos med cing zhes byas/ sgro 'dogs pa dang skur pa 'debs pa dang bral ba'o/ /zhal dang phyag gzugs rnam la ste/ zhes bya ba ni ? gsal ba'i rnam pa gzugs snang yang kun brtogs dang gzhan dbang gi gzugs su yod pa ma yin no/ /des na 'gro kun lhan cig skyes zhes bya ba yin no/ /bde ba stong nyid nges mtshon nas 'gro ba thams cad lhan cig skyes pa'i rang bzhin du gnas pa'o/ /de yang ye shes snang ba'i rkyen las/ bde bar gshegS
- 79b
pa rtag tu skye med chos/ zhes bya ba la sogs pa gsungs so/ /glo bur dang bcas pa de ltar yin nam zhes na/ sems kyi rang bzhin rnam dag pas/ zhes bya ba smos te/ 'od gsal ba'i rang bzhin rtogs pa'i tshe mya ngan las 'das pa'o/ /de yang sems la rnam gnas rnal 'byor pa/ mya ngan las 'das pa mi ston no zhes gsungs so/ /de ltar yin na khams gsum du 'khor bar 'gyur ro/ /zhe na dbyibs dang kha dogs la sogs pa/ 'on kyang the mal zhes par 'gyur zhes bya smos te/ ma shes pas sems can du 'dzin pa'o/ /rnam par rtog pa de gang gis spong zhe na/ lha'i gzugs kyi sbyor ba yis/ /zhes bya ba smos te/ kha dog dang dbyibs la zhen pa de'i don du bskyed rim bsgom pa'o/ /gang gi ched du bsnyan ce na/ 'di dag rnal 'byor ma rnams kyi/ /bstan pa bla na med pa yin zhes bya ba smos te/ rnal 'byor ma'i rgyud las sangs rgyas dang byang chub sems dpa' dang khyad par med pa ni rnal 'byor pa rnams kyis rtogs par 'gyur ro/ /so so'i ? gnas skabs kyi stong pa nyid mngon sum gyis bstan nas/ dpa' bo dang rnal 'byor pa rnams ngo mtshar byed nas brgyal bar bstan pa ni bdag med pa la sogs pa'i rnal 'byor ma rnams zhes bya ba la sogs pa smos te/ dgyes pa'i rdo rje'i rgyud dang sbar nas brgyal ba dang/ gsang ba 'dus pa dang sbyar nas lha mo thams cad ni sangs rgyas spyan la sogs pa bzhi'o/ /sgrol ma 'byung ba'i rgyud dang sbyar nas bskur byed ma dang ri khrod lo ma can la sogs pa'o/ /sangs rgyas mnyam sbyor dang sbyar nas/ /e ma bde ba la sogs kun tu bzang po'i mtshan gnyis pa ngo mtshar ba la sogs pa dkar mo dang rkun mo la sogs pa'o/ /sogs pa'i sgra smos pa ni bde mchog dang sbyar nas/ yum phag mo la sogs pa ri rab kyi rdul phra rab rnyed dang mnyam pa'i rnal 'byor ma bye ba phra gsum cu rtsa bdun dga' ba'i ting nge 'dzin skyes pas na mchog tu'o/ /mchog dga' skyes pas ngo mtshar skyes pa'o/ /lhan cig
- 80a
skyes dga' yid bde ba skyes pas na skrag nas so/ /rang bzhin brgyad cu dang bral nas gzung 'dzin gyi rnam par rtog pa nub cing 'od gsal bar gyur pas na brgyal bar 'gyur ro/ /de nas mi bskyod pa la sogs pa'i de bzhin gshegs pa gang gA'i glung gi bye ma snyed thams cad kyi chos kyi dbyings stong pa nyid? ji lta ba bzhin rtogs pas so so skye bo thams cad kyang sems rang rig 'od gsal ba mkhyen nas ngo mtshar ba skyes pa med pas bcom ldan 'das dpal he ru ka la skrag pa'i rnal 'byor ma'i tshogs/ thams cad bslang bar gsol ba btab pa pha yin no/ /de nas bcom ldan 'das 'bras bu'i he ru ka thugs kyi phyag rgya kun rig rnam par rgyal ba rdo rje zhes bya ba'i ting nge 'dzin la snyoms pa zhugs nas/ smin mtshams kyi mdzod spu nas 'od phyung bas rnal 'byor ma thams cad bslang ba yin no/ /de la kun rig ni snang ba dang bcas pa'i thams cad mkhyen pa'o/ /rdo rje ni snang ba med pa'i rnam pa thams cad mkhyen pa'o/ /rnam par rgyal ba ni nyon mongs pa dang shes bya'i sgrib pa dang bral ba'o/ /ting nge 'dzin de la snyoms par zhugs nas/ sems can thams cad kyi rang bzhin sangs rgyas yin par ston par bzhed nas bslang ba yin no/ /de bka' stsal ba ni/ sems can sangs rgyas yin mod kyang/ /'on kyang glo bur sgrib pas sgribs/ zhes bya ba ni/ sems rang rig pa 'od gsal ba ngo bo nyid kyi chos kyi sku la dgongs pa yin no// de spangs pa ni sangs rgyas nyid ces bya ba ni rjes su dpag pa'i lam gyi sgo nas bskal pa grangs med pa gsum gyis glo bur gyi dri ma dag nas sangs rgyas nyid du 'gyur ba'am/ mngon sum gyi lam gyis phyag rgya bzhi'i sgo nas rgyu rkyen gyi tshogs pa me long gi gzugs brnyan mdza' ? ba bzhin du tshe gcig gis sangs rgyas thob par 'gyur ba yin pa de bas na/ sems can 'di dag ni yang dag par rdzogs pa'i sangs rgyas kyi sangs rgyas kyi sangs rgyas bcom ldan 'das yin no/ /'jig rten pa sems 'od gsal ba de kho na nyid mngon sum dang rjes su
- 80b
dpag pa'i lam gyis mi shes pa gang dag dngos po la mngon par zhen pa'i du gzas nas khams gsum gyi 'khor bar brgyal bar gyur pa yin no/ /dngos po'i rang bzhin de lta bu'i mi shes pa'i lha mo rnams dang don des brgyal ba yin no/ /de nyid shes pas spong 'gyur ltar/ zhes bya ba ni/ du gzos nas brgyal bar gyur pa las dug gis rang bzhin shes pas sman du gyur pa ltar dngos po la mngon par zhen pa'i gti mug spangs nas mi gnas pa'i mya ngan las 'das pa thob par 'gyur ro/ /de ltar dngos po'i gnas lugs bstan nas/ zhi gnas dbugs 'byung gi lam dang lhag mthong stong nyid mngon sum du shes pa bstan pa ni dug gi dum bu gang nyid kyis zhes bya ba la sogs pa smos te/ man+t+ra dang tan+t+ra dang yan+t+ra'i thabs dang bral ba'i du gzos pas skye bo thams cad 'chi bar 'gyur ro// dug gi de nyid shes pa yis/ zhes pa ni/ man+t+ra sngags dang tan+t+ra sna bug g.yon pa'i rlung dang/ srin lag g.yon pa'i tshigs kyis reg pa dang/ yan+t+ra sman rtsi ma gzhi la sogs pas dug zos na/ dug gi nad sel par 'gyur bas na/ dug gis dur ni zad par 'gyur/ zhes gsungs so/ /sman pa la grags pa'i dpe bstan nas/ 'jig rten pa la grags pa'i dpe bstan pa ni/ ji ltar rlung nad ldan pa la/ /sran ma bza' ba sbyin par bya/ zhes gsungs so/ /'byung brlung gi shas che ba las srang la bsgar na yang pa'i sran mas rlung nad 'joms pa bzhin du khams gsum 'khor ba'i srid 'dod chags dang/ zhe sdang la sogs pa'i de kho na nyid shes pa'i srid pa nyid kyi sbyor ba ni rang bzhin brgyad cu'i rtog pa dang bral pa yang dag pa'i rtog pa'o/ /de la 'dod chags la sogs pa'i nyon mongs pa la yang dag par zhen pas khams gsum 'khor bar skye la/ de nyid la rtog med par nges pas ni mi g.yo ba'i las bsam gtan gyi ting nge 'dzin skye la/ 'dod chags pa la sog pa'i stong pa nyid rtogs pas thag pa med pa'i sngom pas dang po'i ye shes su
- 81a
'gyur ba yin no/ /de skad du yang dpal mchog dang po las/ 'dod chags zhe sdang gti mug rnams mi mnyam bsten pas dug yin la/ chos nyid rtog pas brten gyur na/ bdud rtsi nyid du 'gyur ba yin zhes gsungs so/ /'khyud dpyad kyi bstan bcos kyi dpe bstan pa ni/ ji ltar na bar chu zhugs pa/ slar blugs pa yis 'byung bar 'gyur/ de bzhin dngos bor rtog pa yang/ de nyid tshul gyis 'dag par 'gyur zhes gsungs te/ phyag rgya chen po la brten nas phyi nang gi dngos po'i chos nyid shes pas so/ / 'khyud dpyad kyi dpe gnyis pa bstan pa ni/ me yis tshig par gyur pa las/ slar yang me yis bsros pas phan par 'gyur ba de bzhin du/ 'dod chags la sogs pa'i nyon mongs pa'i mes tshig na/ 'dod chags chen pos khams gsum pa la chags pa dang/ zhe sdang chen po khams gsum la chags pa dang bral ba dang/ gti mug chen po bdag dang gzhan brje ba ni zhi gnas dbugs dbyung ba'i lam dang/ phyag rgya chen po la rten nas 'dod chags la sogs pa'i chos nyid shes pas nyes pa dang bral bar 'gyur ro/ /de ltar mtshan nyid bshad nas da ni don bshad pa ni/ skye ba mi bzad pa yi las/ /gang dang gang gis bcings 'gyur ba/ /zhes bya ba gsungs te/ khams gsum pa yi skye bo sgro 'dogs pa dang/ skur 'debs kyi lta ba mi bzad pas kun nas bslang ba'i las dge ba bcu dang mi dge ba bcu la sogs pa gang dang gang gis mtho ris dang ngan song du 'gyur ba de la/ zhi gnas dbugs dbyung gi lam gyis shes pa rtag pa med pa skyes pa dang lhag mthong gi dge ba dang mi dge ba'i de kho na nyid shes nas zhi gnas dang lhag mthong gi thabs dang bcas na/ dge ba dang mi dge ba'i de nyid la stong pa nyid kyi gser brtol nas srid pa'i 'ching ba las grol bar 'gyur ro/ /skye bo 'dod chags kyis bcings te/ 'dod chags nyid kyis grol bar 'gyur zhes bya ba ni/ dga' ba dang mchog dga' dang lhan cig skyes dga'
- 81b
la rnam par rtog pa sum cu rtsa gsum dang bzhi bcu dang bdun no/ /'dod chags kyi rnam par rtog pa dang bcas pas 'ching ba yin la/ 'dod chags kyi de kho na nyid shes na sems snang ba gsum gsal bar gyur pas ni grol bar 'gyur ba nyid do/ /de'i 'jug bsdu ba bstan pa ni/ slar bzlog pa'i bsgom pa 'di/ zhes bya ba la sogs pa gsungs te/ 'dod chags phyogs su byung ba las de'i chos nyid rtogs pas 'khor ba las bzlog pa'o/ /bsgom pa 'di nang gi mu stegs can de sde snod gsum la spyod pa gcan gyis rtogs pa ma yin no/ /de ltar rnam par dag pa'i lha 'byung ba bstan nas/ phyag rgya'i mtshan nyid bstan pa ni/ dga' chen gcig gi bdag nyid la/ 'byung ba lnga yi bdag nyid kyi zhes bya ba gsungs te/ dga' chen gcig ni sems rang rig 'od gsal lo/ /'byung ba lnga'i bdag nyid la brten nas lus kyi mngon sum gyis shes pa'i phye brag lngar 'gyur ro/ /de yang ji ltar rtog pa med pa'i shes pa la rtogs shes na rdo rje pad+ma 'dus pa las zhes bya ba gsungs te/ lte ba sprul pa'i 'khor lo'i sa'i rtsa dang phrad pa las phra ba'o/ /phra ba'i chos nyid shes na gti mug chen po rnam par snang mdzad kyi rang bzhin du 'gyur ro/ /chu'i khams dang reg pa'i mtshan nyid shes na zhe sdang chen po mi bskyod pa'i rang bzhin du 'gyur ro/ /dro ba'i reg pa'i chos nyid shes na 'dod chags mgon po 'od dpag med kyi rang bzhin du 'gyur ro/ /pad+ma'i nang du rgyu ba'i rlung gi chos nyid shes na phrag dog chen po don yod grub pa'i rang bzhin du 'gyur ro/ /bde ba chen po nam mkha' i rang bzhin gyi chos nyid rtogs na nam mkha' las byang ba ser sna chen po rin chen 'byung ldan gyi rang bzhin du 'gyur ro/ /de yang mnyam sbyor pas snang ba gsum gyi dbye ba ni/ gsal bar 'di las rtog par 'gyur zhes gsungs so/ /de ltar rnam pa lngar? shes bya/ zhes bya ba ni/ 'byung ba lnga'i chos nyid shes pas rigs lnga'i rang bzhin du 'gyur ba de bzhin du gzugs dang sgra dang dri ro dang reg bya la sogs pa'i chos nyid kyi dbye ba rtogs pa la dgongs nas/ de la
- 82a
stong phrag du ma 'byung zhes gsungs so/ /de la mjug sdud pa ni/ de phyir mchog tu rgyas pa yi/ /bde chen zhes bya gcig pu nyid /ces bya ba gsungs te/ sems 'od gsal ba bde ba chen po'o/ /gcig pu yin yang 'dod chags la sogs pa'i sems lnga'i bye brag gis rnam pa lngar dbye ba dang/ pad+ma'i klung gi bye ma snyed kyi de bzhin gshegs pa'i rigs gcig yin yang rigs brgya dang rigs 'bum dang rigs 'bum dang rigs bye bar 'gyur ba ni blo bur gyi ye shes la rten nas dmigs pa'i yul gyi bye brag gis grangs med par 'gyur ba yin no/ /rgyu mtshan de ltar na rigs grangs med pa rnams kyang mchog tu dga' ba 'od gsal ba'i rigs las byung ba yin no/ /de skad du yang mnyam sbyor las/ klung ni dang bar gyur pa las/ nya dag myur du 'phar ba ltar/ de bzhin stong gsal rang bzhin las/ /sgyu 'phrul dra ba 'byung bar 'gyur zhes gsungs so/ /'dir gsal ba zhes bya ba ni 'od gsal ba rang bzhin cig na/ rigs rnams du mar ji ltar 'gyur snyam du bsams nas/ shin tu phra zhing bsdus pa 'od gsal ba las de snyed kyi rang bzhin 'byung ba ci lags zhes zhus pa yin no/ /bcom ldan 'das kyis bka' stsal ba ni/ ji ltar byang chub pa'i sde snod las/ rdul phra rab gcig gi steng na sangs rgyas kyi zhing khams du ma gnas pa phan tshun 'jer? pa dang 'dog par yang mi 'gyur ba lta bu dang sangs rgyas phal po che las kyang/ chos kyi dbyings la gzhengs pa mi mda' yang/ gzhengs shig g+hengs shig stobs bcu mnga' ba'i lta/ /zhes 'byung ba bzhin du/ 'dir sems rang reg 'od gsal ba gcig pa yin yang/ kha cig gzugs brnyan las chos nyid stong pa nyid shes pa'i rigs dang/ kha cig gis sgra brnyan las kha cig gis dri brnyan las kha cig ro brnyan dang/ kha cig ges reg bya brnyan ma las chos nyid rtogs pa dang/ kha cig gis 'dod chags zhe sdang gti mug las rtogs pa dang/
- 82b
kha cig gis sa chu me rlung nam mkha' dang 'byung ba lnga'i rlung las rtogs pa'o/ /chos nyid rtogs pa'i rigs mdza' yas pa de dag kyang yul phyag rgya bzhi'i rgyu rkyen tshogs pa la brten nas skyes pa yin no/ /de ltar yul gyi mtshan nyid bshad pa ni/ kha sbyor las gyur mtshan nyid ni/ zhes bya ba la sogs pa gsungs te/ kha sbyor ni thabs bzhi dang/ phyag rgya bzhi mnyam par sbyor ba'i mtshan nyid do/ /'byung ba la ni rnam shes dang ye shes/ /mtshan nyid ni rang bzhin brgyad cu dang bral ba bde ba stong pa nyid mngon sum gyi rtogs pa'o/ /de bshad par bzhed nas/ lha mo la bos te mngon sum gyis mnyan par gyis zhes gsungs pa yin no/ /gsang rab? mchog gi dgyes pa na/ thams cad bdag nyid rtag tu bzhugs/ zhes pa'i don gsungs par bzhed nas/ gsang ba sa'i khams shes bya/ zhes pa la sogs pa gsungs de/ yi ge'i don du gleng gzhi phun sum tshogs pa lnga'i yang/ bcom ldan 'das nyid kyis gleng gzhi gsungs pa'i dgongs pa ni las kyi phyag rgya 'am/ dam tshig gi phyag rgyal brten nas/ sa dang po'i ye shes mngon sum du rtogs pa gsungs pa yin no/ /las kyi phyag rgya dang dam tshig gi phyag rgya lte ba sprul ba'i 'khor lo sa dang chu dang me dang rlung gi rtsa gnas pa'i dbus na/ a ba d+hU tI nam mkha' i rtsa gnas pa de la reg na rtog med kyi shes pa skye bas rtag tu bzhugs zhes gsungs pa yin no/ /yang na gsang ba me long lta bu dang/ mchog mnyam pa nyid dang/ dgyes pa so sor rtog pa dang/ thams cad bdag nyid bya? nam tan gyi bdag nyid dang/ rtag tu bzhugs pa'i tshe phyag rgya chen po chos kyi dbyings rtogs pa yin no/ /yang chos kyi phyag rgyal brten nas gzugs rnam par snang mdzad/ sgra rin chen 'byung ldan dri 'od dpag med/ ro don yong grub pa dang/ reg bya rdo rje sems dpa' i rang bzhin las/ stong nyid rtogs pas rtag tu bzhugs zhes bya'o/ /yang na gsang ba'i dbang bskur la bdud rtsi lnga'i ro las stong pa nyid rtogs pa las bdud rtsi lnga dngos bsdus pa'i thig le'i gzugs ni dpe med pha
- 83a
ltar gsungs so/ /de ltar na gsang ba mchog gi dgyes pa na zhes gnas ston pa ni las dang po pa'i byang chub sems dpa' stong pa nyid rtogs pa'i yul phyag rgya bzhi yin no zhes dgongs nas/ shin tu rnam dag ye shes te/ lha mo thams cad kyi ni gzugs/ zhes gsungs te/ rtag tu bzhugs pa de gang yin snyam na/ rdo rje sems dpa' zhes bya ba mchog tu bde ba yang dag brjod ces gsungs te/ rnam pa thams cad kyi stong pa nyid rtogs pa'i ye shes so/ /de blo bur gyi ye shes yin zhe na/ rang byung gi ni rang bzhin gyi/ chos kyi sku zhes bya bar grags/ zhes bya ba gsungs te/ 'od gsal ba'i rgyu las byung ba don gyi lhan cig skyes pa ni chos sku yin par shes par bya'o/ /de thabs gang gis shes par bya zhe na/ de ni shes rab lhan skyes gna' zhes bya ba ? te/ dam tshig gi phyag rgya rlung me'i drod can ni shes rab lhan cig skyes pa yin la/ de dbugs 'byung rdub kyi rlung gis bskyed pas mgo bo nam mkha' i dkyil 'khor der 'gro bo gtum mo drod kyi gzugs can ni rnam par rtog pa ? ? bdag med ma zhes byaba'o/ /? la ? zhes brjod ces bya ba ni/ ba san+ta ni lus bde ba skyes pa'i rten sa bon yin la/ ti la ka ni rlung me'i drod can yin te/ lus bde ba bskyed pa'i rten? yin no/ /a ba d+hA tA nas 'jug pa'i drod kyi tshad ji tsam zhe na/ sgra rtse brla'i? tshad ces te/ 'od zer glog stor 'khyug pa bzhin/ zhes bya ba gsungs so/ /dus nam gyi tshon lha'i rnal 'byor dus su ni zhes bya ba gsungs te/ ye shes kyi rim pa bde ba rtogs pa med pa'i lha'i dus so/ /ba spu'i bu ga'i mtshams rnams su/ zhes bya ba ni sngags kyi rim pa rlung me'i ? can gyis dbu lus kyi phyogs bcu'i pa spu'i? bu gar zhugs te/ nang du 'jug pa lha dang/ phyir sgrub? lha ma yin rlung srog shing bkag nas/ snying ga'i 'khor lo blkog? ma'i 'khor lor seng sod ste/ g.yas par sam sna bug g.yas kyi sgo nas byung nas/ la la na sna bug g.yon pa'i sgor zhugs
- 83b
te/ dbugs 'byung rdub gsum gyi bar du smin mtshams kyi mdzod spur rwa me shwa ri phye nas thabs la lan gsum bskor ba byas nas/ zhes bya ba gsungs pa yin no/ /dang por a ba b+hU tIr 'jug pa ni skra'i rtse mo'i tshad rnam du gra bar rtogs par dka' ba dang/ gnyis pa ba spu'i bug khyab pas dbugs 'byung rdub bkag pa dang gsum pa g.yas g.yon gyi rtsa nas dro ba rgyu bas dbugs 'byung rdub gsum gyis bar du 'og nas smin mtshams mdzod spu brtol te/ phyogs bcu'i sangs rgyas spyi gtsug gi rtsa sum cu rtsa gnyis shangs sgo g.yon pa ni sna bug g.yas pa ho ta ya zhes bya ba yin la/ de nas zhugs nas spyi gtsug dza land+ha ra'i 'khor lo bsregs te/ kun rdzob byang chub sems kyi bde ba bzhu nas sngar gsungs pa'i spyi gtsug sgo nas slar pu laM ra ma la yo'i dbus su zhugs pa dang/ rtsa sum cu rtsa gnyis gtum mo drod kyis bsregs pa'i sangs rgyas dga' ba bskyed de/ lkog ma longs spyod kyi 'khor lor bsregs pa'i sangs rgyas dga' ba bskyed nas/ lte ba sprul pa'i 'khor lo'i gnas su 'ongs te/ sngon khrag gi thig le ji ltar gnas pa bzhin du byang chub sems gnas par gur na ye shes kyi rim pa bsam gtan gyi ting 'dzin mngon sum du skye ba yin te/ phyag rgya bzhi bsten pa'i rtog pa med pa'i ting nge 'dzin bskyed pa'i don gyi kha sbyor gyi mtshan nyi yin no/ /brtag pa drug pa'i 'grel pa rdzogs so// //de ltar mchog gi dngos grub bstan nas 'jig rten gyi dngos grub kyi yan lag dag gi brda' dang lus kyi brda' dang/ bcu kyis len ston pa ni/ reg gi phyag rgya'i mtshan nyid ni/ /bcom ldan 'das la nyin ? 'tshal zhes bya ba la sogs pa gsungs te/ bdag gi ? rnam pa gsum yin te/ ? dbang bskur pa'i tshe dang/ thabs kyi rgyud tshogs 'khor dang/ zhi ba'i bcud? dang/ pho nya'i gtsa' sbra'i dus dang 'bras bu'i rgyud bskyed rdzogs gnyis dkyil 'khor lo dngos grub len ni ? chos sangs rgyas byang chub sems pa'i spyod ? zag pa med pa'i ?/ zag pa med
- 84a
pa'i lus kyi brda dang/ zag pa med pa'i lta ba'i phyag rgya'i sgo nas dngos grub kyi yan lag tu 'gyur bas brda de rnams bcom ldan 'das la nyan par 'tshal ba'o/ /dgongs pa'i gsung ni ji ltar bshad ces pa ni dgyes pa rdo rje dang/ rdo rje gdan bzhi dang/ dpal bde mchog 'khor lo dang/ dgyes pa rdo rje'i lta ba rnams dang/ mnyam sbyor dang/ mkha' 'gro las gsungs pa'i sman rnams dang/ 'khrul 'khor rnams ji ltar lags pa bshad du gsol zhes pa'o/ /nyan thos sogs kyis mi rtogs shing zhes bya ba ni/ nyan thos dang rang sangs rgyas dang 'jig rten pa'i lha rnams kyis zag pa med pa'i brda mi rtogs pa'o/ /rnal 'byor ma'i dam tshig che/ zhes bya ba ni/ sangs rgyas dang byang chub sems dpa' i brdar gyur pa zag pa med pa'i sdom pa ni dam tshig ces bya'o/ /dgod pa dang ni blta ba dang/ 'khyud dang de bzhin gnyis sbyor gyi/ zhes bya ba ni/ bya ba'i rgyud dang spyod pa'i rgyud dang gnyis ka'i rgyud dang rnal 'byor gyi rgyud bzhir dgos pa'i don bshad pa de bcom ldan 'das kyis nges par bshad du gsol zhes bcom ldan 'das la nges par gsol ba 'debs pa'o/ /de ltar gsal ba btab pas gleng bslang ba bshad nas/ de ni skabs dbye ba phun sum tshogs pa gsungs pa ni dgongs pas bshad dang cher bshad dang/ dam tshig brnga ni rab rgyas pa zhes bya ba gsungs te/ dgongs pas bshad pa ni dag gis brnga dang lus kyi brda'o/ /cher bshad pa ni dgyes pa'i rdo rje dang/ rdo rje gdan bzhi la sogs pa'i brda'i don rgyas par bshad pa'o/ /dam tshig brda ni rab rgyas pa zhes pa ni/ sangs rgyas dang byang chub sems dpa' i brdar gyur pa'o/ /rdo rje snying po zhes pos nas/ sangs rgyas dang byang chub sems dpa' i brdar gyur pa de tha mal pa'i tha snyad dang sbyar nas ngas bshad kyis thos pa'i shes rab sems la rtse gcig dang ldan pa'i sems kyis mnyan par gyis shes pa'o/ /chang lam da naM zhes bya ba la sogs nas
- 84b
ma la ti na da naM na chod ma'i zhes bya ba'i bar gyis tshogs 'khor gyi yan lag bshad pa ni yin no/ /tsa dur sa ma ni bshad ba'o/ zhes bya ba nas sa li dza ni sha chen po'o/ zhes bya ba'i bar gyis zhi ba'i btung ba'i yan lag ston to/ /kun tu zhes bya ba nas ka k+ko la ni pad+ma'o zhes bya ba'i par gyi pho nya'i gtsang sbra'i yan lag bstan to/ /de ltar dgyes pa'i rdo rje'i brdar bshad nas/ da ni rdo rje'i gdan bzhi'i brdar bstan pa ni mu ku zhes bya ba la sogs pa smos te/ gzhan gyi gdan gyi ye shes kyi mkha' 'gro ma'i 'khor lo'i skabs las mu nyu? zhes bya ba dag gi brda dang/ sor mo khar 'jug pa lus kyi brda ni shar gyi mkha' 'gro ma'i brda ste/ lag pa gnyis bar bcug pa ni ha har brjod pa de bzhin 'bar zhes gsungs go g+hu zhes bya ba dag gi brda dang/ thal mo spyi bor sbyar ba ni byang phyogs kyi mar me'i brda'o/ /de yang thal mo'i steng du lag gnyis thal sbyar mar me lta bur 'bar zhes gsungs so/ /go g+hu zhes bya ba dag gi brda dang ? bo 'tshir ba ni nub phyogs kyi 'jig byed ma'i brda te/ de yang lag gnyis snyim pa sbyar pa las/ /khrag gi rgyun ni mthung bar mdzad/ /ces gsungs so/ /g+hu g+hu zhes bya ba dag gi brda dang lag gnyis rna bar 'gebs pa ni lho phyogs kyi kam po dzi'i ste/ de yang sdig 'dzub dang ni gtun shid thogs/ sems can sems rmongs rna ba 'gebs zhes gsungs so/ /lu gu zhes bya ba dag gi brnga dang/ skyor mo sna tser ? pa ni ye shes kyi lha dgu la phyag 'tshal pa'i brda'o/ /da lta zhes bya ba dag gi brda ste/ ri dags kyi mgo bo ston pa ni phyag 'tshal ba'i lan gyi brda'o/ /de ltar gdan gzhi'i brda bstan nas/ dpal bde mchog gi brda bstan pa ni/ de zhes bya ba la sogs pa smos te/ b+ha zhes bya ba nas b+hu zhes bya ba 'dus pa yin/ zhes bya ba'i bar gyis dbang bskur ba'i brda' bstan pa yin no/ /ba zhes bya ba dur khrod ces bya ba nas dzha? zhes bya ba phyin pa gnyis zhes bya ba'i bar gyis dag byed ting nge 'dzin gyis brda bstan te/ /pa
- 85a
zhes bya ba dang rba zhes bya bas ni dpa' bo'i tshogs kyi 'khor lo'i lha mo dang/ bkas gnang bas mchod pa'i lha mo dang/ longs spyod kyi yan lag kun spyod ma'i thun mong gi brda bshad pa yin no/ /brda de ji lta bu yin zhe na/ de dag yi ge re re zhing zhes bya ba smos te/ de su dag gi brda yin zhe na dpa' bo'i srid mo'i brdar shes bya zhes bya ba gsungs te/ gnas gtsang ma'i ris kyi lha'i sangs rgyas dang byang chub sems dpa' i brda'o/ /de da ltar las dang po pa'i rnal 'byor ba la mkho ba ci yod ce na/ yi ge'i dam tshig phyag rgya shes zhes bya ba gsungs te/ las dang po pa'i rnal 'byor pa rnams kyis zag pa med pa'i yi ge'i dam tshig gi phyag rgya shes pa'o/ /de ltar yi ge re re'i brda bshad nas/ da ni dag gi brda bshad par bzhed nas/ rdo rje snying po la sogs pa zhes bya pa la sogs pas dag gis brda zhus pa yin no/ /dag gi brda rnams mi 'tshal na zhes bya ba zag pa med pa'i brda rnams ma 'ongs pa'i las dang po pa'i rnal 'byor rnams kyis mi 'tshal ba de rtogs par byed pa'i phyir bde ba chen po de bshad du gsol zhes zhus pa yin no/ /bka' stsal pa ni de dag nga yis mdor bsdus te/ zhes bya ba la sogs pa ste/ sangs rgyas dang byang chub sems dpa' i dag gi brdar gyur pa/ rgyud 'bum pa las rgya cher gsungs pa yin yang rnal 'byor pa rnams la nye bar 'kho ba'i don? du mdod bsdus te bshad kyis thos pa'i shes rab kyis sems rtse gcig pa dang bsam pa'i shes rab kyis nyon cig pa'o/ /pro taM gi zhes bya ba nas brtsams te/ dag gi brda'i ye shes so/ /zhes bya ba'i bar dag gi brda bstan te las dbang po rnams kyis gnas nyer bzhir rnal 'byor ba rnams kyi ? shes par bya ba'i phyir nye bar mtshon pa bstan pa dang/ bskyed rdzogs kyi rtags thob nas dngos grub len pa'i gtsang sgra rnam pa sum gyi dus kyi tshe dngos grub kyi yan lag tu 'gyur ba'i dag gi brda'i
- 85b
ye shes yin no/ /de ltar ngag gi brda bstan nas/ nga ni lus kyi brda bstan pa ni/ mnyam dang 'dug dang 'phral ba dang/ ltung la rtag tu gsungs pa ste/ zhes bya ba ni/ dngos grub len pa'i dus su lta ba'i 'khrul 'khor gyis sgrub pa po'i yan lag tu gyur pa yin no/ /de la dang po mnyam pa bshad pa ni/ dbang la g.yon nas rten nas su/ zhes bya ba gsungs te/ dngos grub len pa'i che lha 'am phrin las kyi dus su rigs rnam pa bzhi dbang du byed na/ rlung g.yon du rgyu ba la brten nas mig gnyis ka sna'i sgor bltas pas dngos su bsgrub par bshad pa yin no/ /gnyis pa 'gugs pa ni g.yas kyi rlung rgyu ba brten nas mig gnyis gyen du lta ba'i sbyor ba bya ba yin no/ /gsum pa bcing ba la ni mnyam par rgyu ba'i rlung la brten nas mig gnyis sna gong du lta ba'i sbyor ba bya'o/ /bzhi pa bsad pa la ni dal bar rgyu ba'i rlung la brten nas mig gnyis thad dkar sna'i rtse mor blta ba'i sbyar pas so/ /blta ba'i sbyor ba de la rlung rgyu ba dang sbyar ba bstan pa ni/ ltung la phyir 'byung ba ste zhes bya ba gsungs te/ rlung phyir rgyu ba dang yi ge hUM gi sbyor ba las phyir dbyung bar bya'o/ /yi ge la dang rlung nang du 'jug pas bum pa can gyi sbyor bas dbang du bya'o/ /dgugs bal ni yi ge oM dang rlung nang du 'jug pa'i sbyor bas bya'o/ /bcing pa la ni yi ge he dang zhi ba'i mthar srog a ba d+hU tIr? chud par bya'o/ /de lta blta ba'i phyag rgya bstan nas/ dngos grub kyi yan lag sbyin sreg bstan pa ni/ ? la 'dzeg pa'i shing las te/ zhes gsungs te/ bsang ba'i lta ba dang bsang ba'i ngag gis phyag rgya dang bcas nas/ shing 'jam po pa shes sogs pa'i ni sbyin sreg bya'o/ /dbang gi lta bu dang sngags dang bcas pas me tog gi sbyin sreg bya'o/ /dgug pa'i lta ba dang sngags? kyis rdo rje'i shing ste re shi khan dang sbyin sreg bya'o/ /bcing po'i lta ba dang sngags kyis g.yo ba'i rtsa ba ste rtsam pa dang sbyin sreg bya'o/ /zla drug sbyor bas brlabs nas ni zhes bya bas ni/ ma grub na bskyar ba'i tshig yin te/ ? sreg gi sbyor bas zla ba drug bskyar na
- 86a
'grub par 'gyur bar the tshom med? do/ /sems kyi ting nge 'dzin lam gom na lta ba dang dag gis ji ltar 'grub par 'gyur snyam na/ sangs rgyas rdzu 'phrul bsam yas bas 'di ni 'khrul bar dogs mi bya/ zhes bya ba gsungs te/ sangs rgyas kyi zag pa med pa'i rdzu 'phrul bsam gyis mi khyab pa yin pas rten 'brel gyi tshogs pa 'di bslu ba yin par dogs pa mi bya'o/ /de'i ting nge 'dzin dang cha byang? ji lta bur bya zhe na/ rdo rje sems sogs sbyor ba yis /phyag dang phyag lan slob dpon gnyis/ zhes bya ba gsungs te/ rdo rje sems dpa' la sogs pa ni rigs drug gi rnal 'byor ba dang/ rdo rje phag mo la sogs pa rigs drug gi rnal 'byor mas dngos grub kyi yan lag phyag rgya dang phyag 'tshal ba'i lan gyi phyag rgyas slob dpon dang/ rnal 'byor pa gnyis kyis bsgrub na/ mig g.yon pa 'gul bas nam mkha' la 'gro ba dang/ g.yon pa 'gul pas g.yul las rgyal bar 'gyur ro/ /de bzhin du gau rI la sogs pa'i lha mo drug gis gdong brnyan gon zhing/ mig g.yon pa bsgul na g.yul las rgyal ba'i dngos grub de rdzogs par 'gyur ro/ /rdo rje sems dpa' la sogs pa'i gzugs brnyan gyis ni mig g.yas pa bskul na nam mkha' la 'gro bar 'gyur ro/ /de ltar rnal 'byor pa lta ba'i 'khrul 'khor dang ldan pa ldang pa'i sbyong pa las 'jig rten pa'i tha snyad la 'jug cing/ 'jig rten dang 'jig rten las 'das pa'i dngos grub rnams 'grub pa'i phyag rgya'i ye shes bstan to/ /de ltar lus dang ngag gi 'khrul 'khor bstan nas/ da ni tan+t+ra zhes bya ba sman gyi sbyor ba bstan pa ni/ dpal rdo rje sems dpa' zhes bya ba la sogs pa gsungs te/ dpal rdo rje sems dpa' i rnal 'byor pa bsnyen bsgrub pa zhis bskyed nas mtshan ma thob pa 'am/ sku'i dbyings kyis gdod snyan ji lta ba bzhin du god nas/ mi'i thong ba ji lta ba bzhin du yungs kar bskyed de/ 'bras bu smin pa'i mar khu bza' ba dang/ sku byugs byas nas mi snang ba la sogs ba'i las
- 86b
bcu gnyis gang yang rung ba'i 'bras bu 'grub par 'gyur ro/ /de yang mnyam sbyor las/ zhes gsungs so/ /yungs kar de nyid dpal rdo rje sems dpa' i rnal 'byor pa mngon spyod kyi cha byang dang ldan pas phyogs thams cad du gtor na bdag dang gzhan bsrung bar 'gyur zhing sangs rgyas kyi dngos grub 'tshol ba la bar chad med par 'gyur ro/ /de ltar thun mong gi sbyor ba bshad nas/ bye brag gi sbyor ba ni/ dang por skye gnyis bram ze'i thod par nyungs kar de bzhin du bskyed de/ ston ka smin pa dang 'bras bu blangs nas phyi de lo rje'u rigs la sogs pa'i mi'i thod pa bskyed cing smin pa'i dus su 'bras bu blangs nas gang gis mgul du bcings bde shi zin pa'i skyes pa dang bud med kyi gzugs 'dzin par 'gyur ro/ /de bzhin du wa dang 'ug ba dang bya rgod la sogs pa'i thod pa yungs kar bskyed nas/ gang gis 'gul du btags pa de'i gzugs 'dzin par 'gyur ro/ /de bzhin du 'ol? ? dkar po'i thod par bskyed ba'am/ bram ze'i? thod par bskyed la phyis rdo rje'i rigs la sogs pa'i thod par bskyed nas/ sangs rgyas spyan gyi sngags kyis gzugs shing/ mA ma kI'i sngags kyis chu bcu gos dkar mo'i sngags kyis yur ma byas la sgrol ma'i sngags kyis 'bras bu blangs te/ cho ga bzhin du bsgrubs na glang po che dang rta la sogs pa gang gis thod par bskyed pa de'i gzugs su 'gyur ro/ /de bzhin du ro'i kha ru gu gul bcug ste/ mang ngo'i 'byung po'i nyin zhag la dur khrod kyi sol ba'i mel bsregs nas/ gdungs na 'gro ? lus pa la lha 'bras? par 'gyur ro/ /de bzhin du 'bebs pa'i cho ga gzhan gsungs pa ni/ thod pa dang zhes pa ni bram ze la sogs pa'o/ /gser shing gi 'bras bu zhes pa ni rgya'i lang tang ngo/ /ma du lung+ga ni bu ram mo/ /a laM ni ldong ros? ro/ /tsa tra dang shu dag ni shes par zad do/ /khyim bya'i sgong ni dum bur gyur pa'o/ /'bebs pa'i chog bshad nas mngon spyod kyi cho ga bshad pa ni/ rta bsod dkar po'i rtsa ba zhes pa ni 'ol ma se'i rtsa ba'o/ /shing arka ni shing bo nyi? mal?
- 87a
zhir 'gyur ba'o/ /sa la ba zhes pa ni/ cha ga pa dang sbrul dang sdig pa'i 'jug ma cha bsnyams pa'i 'de gus lag pa byugs na ni zas la ma reg pa'i sngon du reg nas/ mi de la byin na sbyar dug tu 'gyur ro/ /shing arka ma'i thod par zhag bdun spangs te thong lo kor dang sbyar nas/ sprul gyi gzugs bris nas lag pas gang la reg pa de dug tu 'gyur ro/ /sbyar ba'i dug de 'joms pa'i sman bstan pa ni/ tsandan dang nA ga ge sar dang/ nad kyi dbang po rte ru rta dang/ bo so 'cha' dang rgya spos su sbyar te/ 'bras bkrus pa'i chu dang skol nas byin na slar 'tsho bar 'gyur ro/ /nyin zhag de la skyes pa'i byis pa ni ma'i mngal du shi pa'i 'o ma ma 'thungs pa'i byis ba'i ro mtshan dang/ shu dag rgya spos su ri lu byas te/ zos na dug ji ltar 'dod pa bzhin du 'thungs kyang dug gis tshugs par mi 'gyur ro/ / sbal ba mgo gnyis pa dang sbrul mgo gnyis pa'i zhag gi nang du ba ru ra bskol ba'i khu ba dang cha bsnyams pa legs par byugs nas zas gang yang rung byin pa des dug zhi bar 'gyur ro/ /ba'i mar dang rdo rje can te shi ri khaN+Da dang rma bya'i khrag dang sbrul mgo gnyis pa'i sha dang sgal tshigs sbyar nas des lag pa la byugs pas kyang sa gsum pa'i skye bo dug med par byed do/ /lha'i ting nge 'dzin du mnyam par gzhag cing/ gcer bu skra grol bas mtshan phyed kyi dus su sman pa li ka'i rtsa ba'i blangs te dum bu bdun byas pa'i phreng nyi shu dgu'i nyi ma la gang gi lag tu btags pa de'i dug gi rims zhi bar 'gyur ro/ /de ltar mngon spyod dang zhi ba'i las bshad nas/ dbye ba'i las bshad pa ni sprul nag po'i pags pa brjes pa dang/ rma bya'i sgro cha mnyams pa dang sbyar ba'i ri lu'i bdug pa gang la bdugs pa de dbye bar 'gyur ro/ /yang na khwa dang 'ug pa'i sgro cha mnyams pa'i dud pas 'phrog ma ma smad kyang 'byed par byed do/ /rta mig gi sbal pa sprul gyi mgo dang khyi bsnyon pa'i lce bcug nas dgra bo'i sgor sbas na bskrad par 'gyur ro/ /sman ha ni li
- 87b
ni 'jig rten nag li zhes grags pas dbyibs shor ba 'dra ba yin no/ /ro skra rnams kyi sbyor pa ni cha mnyam ba'o/ /'byed pa dang skrod pa bshad nas/ lha'i mig gis mngon shes skyed pa'i sbyor ba ni/ ka ra bi ra'i me tog dmar po dang ba la ta ka dang chu ba rnams cha mnyams la me long la byugs te bltas na skye ba snga ma shes par 'gyur ro/ /rta dang spyang ki dang phag dang spre'u dang bong bu dang rnga mo rnams kyi sen mo cha mnyams te snod kha sbyar du bsregs la thal bar byas pa sbal ba'i zhag dang bsres nas me long la byugs na snga ma bzhin du mthong bar 'gyur ro// sman a ko ta ni se ba dkar po lta bu me tog gi bye brag gis 'bras bu btsir ba'i mar khu dang/ ba ser mo'i 'o ma dang gi wang yod pa'i mig dang sbyar te/ rgyal gyi zhag la byis pa gzhon nu'i mig la bskus nas me long la bltas na skye ba snga ma'i gzugs mthong bar 'gyur ro// a shwa ka'i mar khu rgya spos kyi 'bras bu dang btags te me long la byugs shing mig la gtugs na skyes pa dang bud med tham ba lha'i gzugs su mthong bar 'gyur ro/ /mes mi 'tshig pa bshad pa ni ri bong can zhes bya ba wa khu dang srin bu pad+ma dang g.yon can de khra'i lag pa dang shing pa ta la zhes pa lo ma 'khum pa'i rtsa ba rnams kyis 'di gu rkang pa la bskus nas me'i steng du song yang 'tshig par mi 'gyur ro/ /smigs pa dang sbal pa'i zhag dang durba dang ri bong can de ba bu dang pad+ma'i rtsa bas yan lag la byugs na me'i tsha ba bsil bar byed do/ /chu sbrul gyi khrag gis bkang ste chu'i nang du zhugs na ji srid 'dod kyi bar du chus gsher bar mi 'gyur ro/ /dod ka'i sa bon gyis bkang ba'i lham du rkang pa gnyis bcug ste chu'i steng du song na gru dang 'dra bar bying bar mi 'gyur ro/ /btsag dang ser tshur dang mu zi rnams cha bsnyams la nya phyis kyi nang du 'di gu byas nas lus la byugs na chur mi 'bying ngo/ /gser shing gi sa bon dang rgya'i lang tang gi sa bon gser shing 'bus zos pa'i phye ma dang khu byug dang 'ug pa dang khra'i sha dang sbyar nas byin na yi dags dang 'dra bar mi snang bar
- 88a
'gyur ro/ /bur mi ka? dang sbyar te byin na slar 'tsho bar 'gyur ro/ /skye gnyis te khu phyugs dang byi ba dang spre'u dang khra dang 'ug pa dang zer mo'i spu rnams dang mar byas te/ sko dkar gyi dug pa 'de sbyar te byin na bsnyo par 'gyur ro/ /sbyang ki'i 'jug ma dang bya rog gi gshog pa g.yas pa'i sgro ma la stan gyi 'og tu bcug na bzhag na yun ring po mi thogs par gdon gyis zin par 'gyur ro/ /gser shing gi 'bras bu zhes bya ba la sogs pa ni go sla'o/ /zangs kyi gtsug pud can ni khyim bya'o/ /mgo la bskus na smyo bar 'gyur la/ skra breg na 'tsho bar 'gyur ro/ /gser shing gi 'bras bu la sogs pa'i sgras ni mdu lung+ga dang phug ron dang rma bya dang khyim bya'i sha rnams bsdu'o/ /lhag ma go sla'o/ /yang skrod pa gsungs pa ni mar nag gi lag pa byugs pa na tsu mar dang zhis bya ba ni ma pa'i shing gi bye brag dang khra'i tshad gi shing la byugs te dur khrod kyi sol ba la bsregs nas thal bas gang gi bza' btung dang sbyar ba'am/ mgor bzhag na skrod par 'gyur ro/ /de yang dbye ba gsungs pa ni bya rog dang 'ug pa'i sgro dang/ bram ze dang gser sgra gtser shing gi me mdag du ba med pa la bsregs pa'i thal ba skyes pa dang bud med kyi mal stan gyis 'og tu mtshor bar bcug na dbye bar 'gyur ro/ /de ltar las bcu po de dag ni bde mchog gi rgyud las gsungs pa'i rnam par shes ba'i ye shes te so so skye bo rnam par shes pa dang ldan pa rnams kyis tan? sman gyi sbyor ba byas nas thab pa'i byang chub sems dpa' o ye shes dang mnyam par 'gyur ro/ /de ltar bde mchog gi sbyor ba bshad nas/ dgyes pa'i rdo rje nas gsungs pa'i sman gyi sbyor ba bshad pa ni/ ci ste 'gugs pa'i zhes bya ba la sogs ba smos ta khyi mo nag mo? zhes bya ba la sogs pa ni go ?/ bud med dan skyes pa'i ming can ni skyes pa dan bud med kyi thod par ma? smra la sogs pa bskyed pa'o/ /glang po che'i rdul ni myos ba'i'o/ /bskal bzang po ni longs spyod dang ldan par 'gyur ba'o//
- 88b
'byung po'i sgras ni 'bab pa'o/ /rtag tu du ni ru na ti zhes bya rtag tu zil pa dang ldan pa'o/ /ngan don utpa la ni spang rgyan sngon po'o/ /ha sa de ba ni lug mig go /ma'i chang ni phabs so/ /bu tra dza ni do ba nag po'o/ /zhes bya ba rtsa ba'i bye brag go /e ran+na ni ba sha ka'o/ /pi nu kan+ta khyab 'jug gi spos so/ /lak+Sh+mi na ni lhum bu 'u gru'o/ /a ba da ni rtsa dgu'o/ /shing arka ni lo ma nyi ma la lta ba'i rtsa ba'o/ /rang gi khrag ni srin lag g.yon pa'i'o/ /ra ma du ti ni nye bu shing pa'o/ /'o ma can ni skyabs so/ /ma he'i sna thag ni gso thag go / bya'i bdag po'i 'khor lo ni gres ma'i me tog go /ma na shi la ni ldong ros so/ /drag po ni ba tshwa ba'o/ /bkra shis ni ra tsha? na'o/ /durba? dkar po ni ram pa dkar po'o/ /ri dags kyi durba ni durba rgod do/ /ro tsa ni gi wang ser po'o/ /khyab 'jug gi 'khor lo ni gres ma'i me tog sngon po'o/ /lha ma bu chu sher ni srog chags phra mo dmar po'o/ /a ba na da ni rtsa dgu po'o ma can no/ /bistya? kra na da khyab 'jug spos so/ /nan+ta kyi ta ni lho'i srin mo'o/ /ku da ra tsinda thabs kar rdo rje'o/ /byi'u lta ba ni ram bu'o/ /dbang po'i nas ni spyi brul gyi 'bras bu'o/ /srings ka la ni bil ba'o/ /ri bod can ni wa khu'o/ /shing su ta ni nam mkha' i lcug ma'o/ /'dza' yan+ti ni rgya shug dkar po'o/ /kyi ri kaN+Ni? ka ni sran mtshon pa'o/ /ka bi ta ni ba'i 'bras bu chag pa'o/ /sa rdzar sa ni rgyu shugs gi thang chu'o/ /lcags gsum ni gser dang zangs ma dang dngul lo/ /mkha' 'gro las 'byung pa'i ri lu'o/ /sro ta any+dza na ni sman po spal? rgyab bo/ /shang shang kar ni se ba dkar po'i me tog can no/ /ma ra ba ni shing ?/ /te tso pa ni tsher ma dgu'o/ /e sha ka na nag po naM po de tsho'i shing nag po'o/ /phri yang ku ni khra rgod ljang khu'o/ /pha mes kyi nags ni dur khrod do/ /'dab ma ni sbrang bu sngon po'o/ /yang na sngar smos pa'i rdzas de rnams zhes bya ba ni/ lig bu smig dang sel ba dkar po'i me tog dang shing mdar dang DA? mtshan dang dor byung ba'i khrag dang te
- 89a
tso? ba na ti rnams dang ba bla dang ldong ros kyi ri lu byas pa'o/ /de ltar mi snang ba shes pa bshad nas/ lha'i mig gi mngon par shes pa ni de nas mig sman zhes bya ba la sogs pa bshad pa yin no/ /sha chen gyi zhag la sogs pa ni 'di rnams bya rgod kyi pags par zla ba drug btums nas bya rgod kyi rkang gi spu gur bcug te mi rus kyi phye mas mig la byugs na gter shes par 'gyur ro/ /dgyes pa'i rdo rje'i rgyud nas 'byung ba bshad nas/ dpal bde mchog nas 'byung ba'i sman bshad par bya ste/ gang gis sgrub pa po 'grub pa zhes bya ba la sogs pa gsungs te/ ting nge 'dzin dang sngags bzlas mi dgos par sman gyi sbyar bas dngos grub sgrub pa'i las bshad pa'am/ bsam gtan dang zlas pa la dga' bas las kyi cho ga sgrub par mi nus na/ sman gyi tshogs pas sems can dman pa rnams kyis grub par 'gyur ro/ /rdo rje rgya mtsho legs skyes dang zhes bya ba ni/ rdo rje ni brag zhun no/ /rgya mtsho las skyes pa ni rgya mtsho'i sbu ba'o/ /spang ma skyur bo ni brtsams so/ /lhan cig tu brdungs pa ni sman dang bcas pa'i dngul chu'o/ /dro ba'i brtan pa tshan te la zhes bya ba ni dron mo'i bzhi la yang dang yang du mnyam nas zhes bya ba ni steng gi brtan bu dang yang dang yang du mnyes pa'o/ /snu ha ri ni shi ri khaN+Da'o/ /rtsa bas skur po ni sbyar ba'i chad ngo/ /chu shing dang bcas pa ni 'bras bu dang bcas pa'o/ /zangs kyi snod du bskol ba ni chu zangs kyi snod du bskol ba'o/ /lcags phye ni ze smrag gi bya'o/ /ba ku la ni me tog leb rgan no/ /utpal chen po ni 'jig rten na grags pa'o/ /de rnams dang ji srid skam pa de srid kyi bar du rdo'i brtan pa mnyes nas yang rdo rje'i ma zhes brtan pa'i sbyor ba'o/ /rdo rje'i 'o ma ni shi ri khaN+Da'o/ /lce myang tshwa ni tshwa dmar po'o/ /tsha la ni tsha'i lcug ma'o/ /zangs ni chu zangs so/ /de rnams dngul chu mnyam bor byas te/ don zangs zhes bya ba mu thi'i phye ma dang bskol
- 89b
na gser du 'gyur ro/ /de ltar gser 'gyur rtsi'i sbyor ba bshad nas/ da ni nang gi sman gyi sbyor ba bshad pa ni/ de nas bcud len cho ga'o snying po kun las 'od ces bya ba gsungs so/ /bcud len ni dags srab dang ro ba tsa dang bsam gtan gyi ting nge 'dzin skye bas na be? shat+ta t+ta dang ni rany+dza na tat+ta dang zhes bya'o/ /snying po kun las btus pa ni rgyud 'bum pa zhes bya ba la sogs pa las btus te bshad pa'o/ /de bcing ba la brten nas su zhes bya ba ni 'chi ba blu ba'i cho ga la brten ba'o/ /rnal 'byor cho ga bshad par bya ba ni mi'i lus la gnas pa'i bdud rtsi lnga'o/ /de ltar mdor bstan nas rgyas par bshad pa ni/ bzhi mnyam ni bshad ba'i dangs ma'o/ /gci ba ni dri chu'o/ /tsan dan ni g.yul du bsad pa'i khrag go /ga bur ni khu ba'o/ /sa la dza? ni sha chen no/ /sihla ni rang byung gi khrag go / kundu ra ni snyoms 'jug gi brda'o/ /kak+ko la ni pad+ma'o/ /mu ku ni rkang bo/ /de rnams ni chen po ni mi'i lus la gnas pa'i sman yin pas chen po zhes brdar brtags pa'o/ /dus drug tu ni mthu dang ldan ni phyi rol du drug yin la/ nang du rnal 'byor ba'i thun drug bdud rtsi zos nas lus bcud dang ldan pas skra dkar dang gnyer ma med par 'gyur ro/ /bya ba'i dus gang yin snyam na/ dpyid dang so ga dmar dang ni/ ston dang dbun stod dgun smad rnams zhes bya ba gsungs so/ /de la sbyor ba'i dus ni dpyid ji snga dro so ga ni nyi ma gung ngo/ /dbyar ni rgongs mo ston ni srod do/ /mtshan phyed ni dgun stod kyi cha'o/ /dbun smad ni mtho rangs so/ /rnal 'byor pa'i dbang du byas pa'idus tshod de dag ni sbyor ba ni rdo rje phag mo bzhin bzangs mo khyod la bstan par bya gsungs pa yin no/ /dus drug tu gang bza' snyam na mtshan phyed ni rang 'byung gi me tog go /dgun stod khu ba'o/ /snga dro bshad pa'i dangs ma'o/ /phyi dro ni gci ba'i dangs ma'o/ /nyin byed rang bri ? go /s? la rkang gyi zhag bza' ba'o/ /tho rangs su khyad par du ga bur bza' ba dgun smad yin
- 90a
zhes gsungs pas lnga'i steng du byang chub sems bsnan pa bza' bar bshad pa yin no/ /de bzhin du snga dro bshad ba'i dangs ma dang/ nyi ma phyed na khrag bsnan pa dang/ phyi dro gci ba'i dangs ma bsnan pa dang/ srod la rkang gi bsnan pa dang/ phyed na rang byung gi me tog gis bsnan pa bza' ba ni nang gi bcud len zhes bya ba'o/ /rnal 'byor mchog ni gtso bo 'di dag ni bdud rtsi lnga dang dpa' bo lnga'i steng du dus drug tu sman drug bsnan pa dang/ gtso bo 'di dag ces bya'o/ /gang gis rtag tu mnyam 'jig pa ni bskyed rdzogs kyi ting nge 'dzin la mnyam par bzhag nas yid bde ba'i sems rtse gcig pas nang gi bcud len bsten na 'bras bu rga ba dang 'chi ba la sogs pa las grol bar 'gyur ro/ /de ltar nang gi bcud len bshad nas/ phyi'i sman gyi bcud len bshad pa ni/ dngul chu dang mu zi dang pad+ma'i khrag dang dmar dang sha chen po lhan cig tu sbyar nas chu tshod gsum gyi bar du bkrugs shing bskol na nad 'du ba bzhi ka 'joms par 'gyur ro/ /yang dang yang sbyar bya ba ni rlung dang pad kan dang 'dus pa zhi bar las la sbyar bar bya'o// bcu bzhi'i ? sa ni bzung nas su zhes bya ba ni bdud rtsi lnga dang dpa' bo lnga'i steng du dngul chu mu zi pad+ma'i khrag dang sha chen po dang bcu bzhi'o/ /dgu pa rnams dang 'ba' li bza' zhes bya ni bdud rtsi lnga'i sted du grangs gong ma bzhin bsnan la bza' bar bya'o/ /nyi ma zla ? yis ni/ /zhes bya ba ni/ nyin mo'i dus gsum du bdud rtsi cha drug pa dus gang dang gang yin pa de dang deng bsnan nas ji ltar 'dod pa bzhin du bza' zhing las bya ba yin no/ /rgyu khams snyoms pa dang khams sman tshang bas nyi ma nyi shu rtsa gcig ? na sen mo dang skra dkar rnams phrul te byis pa lo brgyad pa lta bur de rnams skye bar 'gyur ro/ /grub nas de'i rdzas kyis ni zhes bya ba ni bcud len grub nas bu gu dgu'i rdzas gser du 'gyur ba yin no/ /phyi rol tu gser 'gyur bshad nas/ don mar ? chog
- 90b
bshad par bya ste/ sbu gu'i zhag ni rkang ngo/ /ba li ka'i zhag ni khu'o/ /mar khu ni tshal chen no/ /gzhi mnyam ni bshad ba'i dangs ma'o/ /rdzas de cha mnyams la ba li ka'i chu dang skyo mar sbyangs la/ gong du rtsi zhes bya ba dur ba'i snying po dang ba'i 'o ma dang cha mnyams la sbyar bar bya'o/ /de dag tshad bshad pa ni/ /phyi ma srang ni sum cu yis/ /chu ni nyis 'gyur bza' bar bya/ /de srid snin tshang bzhi lus par/ /de srid mar du bskol bar bya/ /zhes gsungs so/ /pa li ka ni sum 'gyur te/ go rims bzhin du bsgrub par bya/ zhes bya ba ni srang sum cu rtsa gnyis kyi sum 'gyur ro/ /mar khu bzhi 'gyur ni srang sum gnyis kyi bzhi 'gyur ro/ /'o ma dang dur ba'i snying po'i khu ba ni mar khu'i phyed kyi tshad do/ sngags bstan pa'i skyo ma de'i phyed ni rkang dang ba li ka'i zhag dang mar khu dang bcas pa'i dangs ma dang yud? pa nag po dang bcas pa'i skyo ma ni de'i phyed kyi tshad do/ /de rnams bsres nas lhan cig tu bskol bar bya ba yin no/ /rkung dang 'bring dang chen po ni chu gsum bcad pa dang/ chu gcig bcad pa'o/ /gtso bo rnam gsum go rim gzhin ni sna sman srang bcu pa chung du dang/ btung ba srang brgyad pa 'bring dang sku byug srang brgyad pa ste chen po'o/ /rnal 'byor mnyam par bzhag pas bya ba ni yid mi bde ba med pa dang khams snyoms pa'i sems rtse gcig pas so/ /sna sman gyis ni lo stong 'tsho/ zhes bya ba nas des bshad pa la the tshom med kyi bar gyis phan yon gsungs pa yin te go sla'o/ /bshad pa skams nas 'o mda' yang dang yang du mnyes te snod kha sbyar du lci ba'i mes bskol te bsnan na nyis 'gyur dang 'o ma bzhi 'gyur dang bcas pas bskol na gser gyi bzhi 'gyur dang/ 'bras bu gsum rang yung ba nag po dang ras skyu ? ta la rnams rim gyis cha re re bskyed la skyo mar bya'o/ /mchod byed ni ming gi rnam grangs tsi ti zhes bya ba dang 'dab ma stong pa zhes bya ba yin no/ /nag po ni yung ba nag po'o/ /ba ku rtsi ni shu dag go o/sutpa pa'i bu
- 91a
ga ni kham bya'o/ /lcags dregs ni lcags bzhus pa las byung ba'i snyigs ma'o/ /dri ngan ni mu bri'o/? /de rnams bcos pa ni kha sbyor du bsgom pa'o/ /de lta bu'i mar khus tshe dang nad med pa 'phel bar byed ces pa ni phan yon no/ /sna sman gyi btang thabs bshad nas/ sku byug gi mar khu bshad pa ni/ de nas zhes bya ba la sogs pa gsungs te/ sngar bshad pa'i mar khu'i steng du khrag 'phrog pa zhes bya ba par pa ta dang/ gser shing dang dre ta pre he zhes pa se ba'i me tog ser po'o/ /shin tu par zhes pa ni rgun ta dang/ lhan cig bcas pa sngon gsungs pa bzhin du ? gsum gyi go rims kyis bsgrub par bya'o/ /de'i rdzas pa shal ni khre rgod ljang gu'o/ /ge sar ni nag ge sar ro/ /ba gu la dang rigs 'dzin gyi me tog tsampa ka'o/ /nag ni na ga pus pa'o// tsa karma ? ni lcam pa'o/ /mtshan mo sbyar ni yung ba'o/ /gcod sman ni dres ma'i me tog dang/ 'gyegs kyi sgra dang yungs kar ro/ /khyu byug smin dang smin par bya'o/ /mu ta ka ni 'o? btsan dkar po'o/ /kar ni shing ka ranyadza'o/ /many+dza ri sman sgra lta bu'i snye ma'o/ /dga' ni glang sgra'o/ /da dur ni skyed pa'o/ /nang kyi dbang po ni ru ta'o/ /nag pa la ni na le sham dkar po'o/ /'di rnams cha bsnyams la bskams te sbyar bas ni nad thams cad sel ba'o/ /nang sel ba bshad nas dub 'joms pa bshad pa ni/ tsandan dkar dmar gnyis dad gla rtsi dang ga bur dang sel? gi zhes pa lum du re la dang/ na zhes pa chu srin gyi sen mo rnams dang bcas pa'i bdug pa dug 'joms par byed pa g.yan pa dang phung pa dang shu ba dang yan lag gi dug thams cad 'joms par byed do/ /bdug pa'i cho ga bshad ? byug pa bshad pa ni yung ba'i phye ma dang/ sind+hu ra ste shing kun rang lha khang gi so 'og gi phye ma dang dung ste rgya'i lang ? gi bu ba dang gla rtsi dang bshad ba'i dang ? rang bzhi mnyam du byas nas/ ra ? zhes bya ba a ba'i rtsa dang gyen du
- 91b
zhes bya ba a ba'i lo ma dang bcas pa nang thams cad 'joms shing srin bu dang mdze sogs? pa mos par 'gyur ro/ /ba ku rtsi dang bcas pas lta ci smos zhes bya ba ni/ /ba sman lta bu'i shu dag dkar po dang bcas pa lta ci smos zhes byas kyang ci dgos zhes bya'o/ /byug pa'i cho ga bshad nas btung pa bshad pa ni tsha ba gsum dang bshad pa skam po lhan cig tu btags te/ gci ba'i dangs ma dang lhan cig 'thungs na nang khrol gyi nad thams cad 'joms par byed do/ /yang na bshad pa'i dangs ma dang 'bras bu gsum dang lhan cig zhib tu btags te mar dang sbrang rtsi dang sbyar la zho gnyis gnyis thos na lo sum brgya'i bar du 'tsho bar 'gyur ro/ /rlon pas de ltar 'gyur mod kyi zhes bya ba ni bshad pa'i dangs ma dang 'bras bu gsum rlon pa sbyar ba'i tshe mar dang sbrang rtsi spang bar bya'o/ /yang na rtsa ba gsum dang bshad ba skam po lhan cig phye yar byas la gci ba'i dangs ma dang lhan cig zos na rlung dang skran rnams 'joms par byed do/ /gci ba dron pos ni skra dkar bskyed do/ /yang na 'bras bu gsum dang bshad ba'i dangs ma lhan cig tu 'o ma dang chung bcos nas 'og tu byug par bya'o/ /in+d+ra man ni dbang po'i lag pa dang 'bras bu dmar po lhan cig btags te khu? bas byas la ? du btsos nas gla rtsi dang lhan cig zla ba gsum zos na nad thams cad sel bar 'gyur/ /zla drug bsten zhes pa la sogs pa ni go sla'o// yang na pus pa ni nag ge sar gyi rtsa ba dang sman pa la sa dang ru rta gsum cha dang glang po che'i pi pi ling ste bi pi ling bcu dang sbyar ba'i phye ma zho gnyis 'o ma dang lhan cig sbyar na lo brgya 'tsho ba dang bkres stom las grol ? 'gyur ro/ /'di'i sbyor ba la rlan? med pa'i brag bu gal sogs pa gnas dben par dbang po'i lag par bsdams shing las kyi dung can dang pad+ma dang ri dags can rnyed na lhan cig tu brtul zhugs bya'o/ /'jug bsdu ba bshad pa ni dus btsang? ba ni mi shes par zhes bya ba la sogs pa gsungs te
- 92a
dus bcing ba ni 'chi ba'i blu ba'i thabs so/ /thabs te yan+t+ra dang tan+t+ra man+t+ra gsum gyi sbyor ba bya ste mi shes par gang zhig rnal 'byor par khas 'che bar 'dod pa'i phyis mkha' la khu tshur brdeg pa dang/ mig rgyu ba'i chu 'thung ba dang 'bras 'dod pa'i phyir phub ma rdung ba dang 'dra'o/ /sngags dang sman dang 'khrul 'khor shes pa'i rnal 'byor pa de la bcom ldan 'das kyis ston par mdzad pa yin no/ /brtag pa bdun pa'i rab tu byed pa dang po'i 'grel pa'o// //de ltar 'jig rten pa'i dngos grub sman gyi sbyor ba bshad nas/ gnyis pa sbyin sreg gi chog mdor bstan pa ni/ zhi rgyas dbang dang mngon spyod kyi/ /zhes bya la sogs pa gsungs te/ zhe ba'i las bzhi pa'i las bzhi bsgom pa dang bzlas pa dang gter ma dang mchod pa dang bstong pa dang phyag 'tshal ba la sogs pa bcom ldan 'das la nyan par 'tshal ba'i zhes gsol ba btab pa dang/ sbyin sreg la sogs pa'i mtshan nyid ni de nyid ji bzhin rdo rje nyon ni skabs dbye ba bshad pa'o/ /de ltar mdor bstan nas rgyas par bshad pa ni/ dang po bzlas pa 'bum gyis bsnyen pa byas la/ de nas sngags pas 'phrin las rnam pa bzhi'i las brtsam par bya'o/ /de la dang po thog 'dug stangs bshad pa ni/ mtho lngas bar du chod pa'i g.yas brkyang g.yon brkyang ba dang/ de bar du chod pa'i zlum pa dang/ sor nyer bzhis bar du chod pa'i sa ga rnal 'byor pas byas nas/ de'i 'og tu rigs dang ldan du dag par bya'o/ /gos dang phyag rgya lnga la sogs pa zhes gsungs pa'i phyir ro/ /su'i sbyin sreg brtsam par bya zhe na/ bras za'i rgyal po rje'u? dang dmangs zhes bya ba gsungs te/ de dag gi sbyin sreg brtsam par bya'o/ /de la dang po re zhig bzhi'i dkyil 'khor bshad pa ni/ zhi ba la ni zlum po rgyar khru gang ba'i tshad zabs su de'i phyed phyi rol tu kha khyer song bzhi pa'i tshad kyis rim pa gsum gyis
- 92b
bskor la tsan dan dkar pos byug par bya'o/ /dbang la rgyal? khru ngo zab su de'i phyed kha khyer? song brgyad pa rim pa gsum gyis bskor ba dri ser pos byug cing me tog ser po dgam par bya'o/ /mngon spyod gru gsum rgyar sor nyi shu zabs su sor bcu'i ma pa gsum pa'i kha byer gyis bskor ba dur khrod kyi sol bas blug? par bya'o/ /dbang dang dgug pa la zla ba phyed pa la rgyar khru gang zabs su de'i phyed kha byer sor bzhi pa'i rim pa gsum gyis bskor ba dri dmar po byug cing me tog dmar po dgram par bya'o/ /dbyibs bshad nas tshon bshad pa ni/ dkar po dang ser po dang nag po dang dmar po'o/ /phyogs bshad pa ni lha khang dam dkyil 'khor gyi shar du zhi ba/ lhor mngon spyod nub tu dbang dang dgug pa/ byang du rgyas pa'o/ /de ltar gzhi dkyil 'khor bshad nas rdzas bshad pa ni/ de nas 'bru la sogs pa'i zhes bya ba la sogs pa gsungs te go sla'o/ /thab lhar bskyed pa ni bdag nyid rnam par snang mdzad la sogs par bsgoms la gtsub shir? las byung ba'i me spang te/ ba bka' i mdog can gyis me bskyed nas shar du kha bltas pas dus gsum du sbyin sreg brgya rtsa brkyang bya ba dang/ de bzhin du rnam par snang mdzad la sogs pa'i lha me lha 'od du zhu ba'i gnas su bzhugs su gsol te/ zhi bar 'dod pas sbyin sreg brgya rtsa brgyad bya'o/ /'bras bu ni ye shes pa la dngos grub blangs la gshegs su gsol ba dang/ me lha la dngos grub blangs la gshegs su gsol bar bya'o/ /de ltar zhi ba bshad nas rgyas par byed par 'dod na til dang ma shal sogs pa rdzas bsag pa dang/ u dum ba ra'i me sbar la/ thab ni rgyas pa dang rjes su 'thun pa'i me lhar 'dzin byed du bskyed la/ rin chen 'byung ldan la sogs pa dmigs te/ byang du kha bltas te dus gsum du grangs stong gi sbyin sreg byas na nyi ma bdun rdzogs pa'i 'og tu sbyin bdag chen por 'gyur ro/ /dbang du byed par 'dod na rdzas ni til dmar po dang sbri yang ku dang na ka ge sar la sogs pa'i rdzas bsags la gu
- 93a
gul gyi shing gis me sbar nas 'dod pa'i me lha dang/ snang ba mdza' yas la sogs pa'i gzugs dmigs te/ kha nub tu bltas nas sbyin sreg byas na/ 'bras bu ji srid 'tsho ba'i bar du dbang du 'gyur ro/ /mngon spyod byed par 'dod na til nag po dang ma sha ste sran ma sngon po dang 'chang ba sta ka ste sbrang sngon dang/ ki ma ka'i 'bras bu nag po la sogs te bsreg rdzas dang ro'i shing gis me sbar la drag po'i me lha dang gshin rje gshed la sogs pa bzhugs su gsol la/ kha nub tu bltas te gang gis ming nas bzung ste sbyin sreg byas na nyi ma bdun gyis 'chi bar 'gyur ro/ /ma yin na zhes bya ba la sogs pa gsungs te/ gcig bu dben pa'i gnas sngar bshad pa'i gram gyis shan pa'i mel sbyin sreg byas na/ gshin rje ste 'chi bdag gis khrid par 'gyur ro/ /las kyi khyad par gsungs pa ni bskrad par 'dod na mngon spyod kyi thab tu yungs kar la sogs pa'i rdzas rnams dang mngon spyod kyi me lha dang gshin rje la sogs pa bsams nas bsregs na skrod par 'gyur ro/ /yang na bya rog gi sha dang zhes pa ni bskrad pa gnyis pa bstan pa yin te/ dkyil 'khor dang lha la khyad par med de rdzas dang sngags la phyag rgya'i sbyor ba'i khyad par gyis skrod par 'gyur ro/ /bcing bar 'dod na rgyas par thab kyi dbus su sha dang nya sha la sogs pa'i bsreg rdzas dang/ 'dzin byed kyi me lha dang rdo rje lcags sgrog bzhugs su gsol te/ gang gis ming nas smos te bsregs na bcings par 'gyur ro/ /yang rgyas pa'i thab tu yung ba la sogs pa bsreg rdzas mi 'dra bas kha byang du bltas nas gang gis ming nas bzung ste bsregs na bcing bar 'gyur ro/ /bskrad pa'i bye brag gsum pa bshad pa ni mngon spyod kyi thab tu khyim dang khyim bya'i sha la sogs pa'i bsreg rdzas dang che ge mo u ta ya zhes pa'i sngags dang spel na skrod par 'gyur ro/ /rgyas pa'i khyad ? gnyis pa ni de'i thag tu lha la lci spyang gi sha brgya rtsa brgyad bsregs na zla ba gsum
- 93b
gyis phyug por 'gyur ro/ /dbang du ba'i khyad par ni de'i thab dang lha la ba lang gi sha dang khrag gis spangs pa'i bsreg rdzas lan stong bsregs na ji srid 'tsho ba'i bar du dbang du 'gyur ro/ /dbang gi khyad par gnyis pa ni ba glang gi de gnyis la chang gi spangs nas lag pa g.yon pa'i bsregs na dbang du 'gyur pa dang bskyar ba ni mig nag dang so brung nas bsgyur ba'i shing dang rna lpags dang snabs dang mchil ma dang/ bshad gci dang lus dril ba'i dri ma chang gis sbangs te bsrags na dbang du 'gyur ba la the tshom med do/ /dbang gi thab tu lha la rang 'byung gi me tog bros pa skyugs pa dang mi'i skra dang bsres te bsregs na 'grub par 'gyur ro/ /bsad pa'i khyad par ni mngon spyod kyi thab tu de'i lha la bya rog gi sgro rtsa ba'i mar gyis byugs te rkya'i lang tang gi me la bsregs na bskrad pa'am 'chi bar 'gyur ro// bcing ba'i khyad par ni rgyas pa'i thab khung du me lha de nyid dang bsreg rdzas a ti muk+ta pa'i lcug ma kun sman 'da' ste do rgod dang sman mu kha ste sran sngon dang ma sha ste sran ma nag po dang sha na ste sran leb zos pa skyugs pa dang/ skye dang chos? su bskyed pa'i ta ma las sbyin sreg byas na bcings par 'gyur ro/ dbang gi khyad par gsungs pa ni dbang gi thab dang lha la rdzas thams cad bshad pa dang sregs na dbang du 'gyur ro/ /bzhi pa dbang gi thab dang lha la glang po che'i sha dang khrag gis spangs nas bsregs na dbang du 'gyur ro/ /dbang du bya ba lnga pa ni de'i thab khung dang lha bskyed la sha dang chang du bcas pa'i sbyin sreg byas na bud med thams cad dbang du 'gyur ro/ /bskyed pa'i bye brag bzhi pa ni mngon spyod kyi thab tu lha la bya rog gi sha 'ba' zhig gis lan stong du bsregs pas rdo rje sems dpa' yin yang nyi ma gsum gyis 'bros par 'gyur ro/ /bsgrad pa lnga pa ni bya rog gi sha dang byin? lag gi sha dang du ra'i me la bsregs na de dang 'dra'o/ /mngon spyod kyi khyad par ni de'i thib dang lha la sha chen po dang bya rgong kyi sha dang lhan cig bsregs na smyo bar 'gyur/ /thams cad kyis gso ba cig/?
- 94a
cad bshad pa ni zhi ba'i thab dang zhi ba'i lha la 'bras so ba bsregs pa na bsang pa bskrad pa dang smyo ba thams cad slar 'tsho bar 'gyur ro/ /gang zag ji lta bus bya zhe na/ sngon du bsnyen par byas pa rnams kyis bya ba yin gyis/ de lta ma yin pas ni ma yin no// khyad par ji lta bus bya zhe na/ skye bo sus kyang mi tshor bas bya ste/ de lta ma yin pas mi bya'o/ /sngar bshad pa'i cho ga thams cad kyi 'jug bsdu ba ni/ de bas na zhes pa la sogs pa smos te/ sngags pas su'i drung du yang mi bzlas so/ /gal te byed par 'dod na/ gcig pu dben par gnas nas bzlas na ni las thams cad 'grub par 'gyur ro/ /brtag pa bdun pa'i rab tu byed pa gnyis pa'o/ /de ltar sbyin sreg mdor bstan pa bshad nas/ rgyas par bshad pa ni lha thams cad kyi sngags ba tu ba zhes bya ba la sogs pa smos te/ sngags btu ba ni ji ltar lags zhes bya ba nas nyan par 'tshal lo zhes bya ba'i bar gyis gsol ba gdab pa bstan to/ /bka' stsal to zhes pa nas bshad par bya'i bar gyis skabs dbye ba bstan to/ /de ltar mdor bstan nas rgyas par bshad pa ni/ gru gsum zhes bya ba la sogs pa smos te/ gru gsum dkyil 'khor nyamms dga' ba ni yi ge btu ba'i gnas bstan te/ 'thas par bcags shing legs par byugs pa'i sa gzhi la/ chos 'byung gru gsum gyi thig btab nas thod lo bskor gyi pad+ma 'dab ma brgyad pa gser dang bcas pa bri la sngags bskyed pa'i rgyu yin pas pad+ma de la mA ma kI zhes brdar btags pa yin no/ /'dod ba'i don kun bsgrub pa byed pa ni dngos grub gsum mo/ /de gnas pa'i dpa' bo'i yig 'bru btu ba'o/ /der gnas pa gang yin snyam pa'o/ a la sogs pas phye ba yas/ sde mchon dbang phyug sngags kyi mchog /ces bya ba gsungs te/ a ka tsa Ta ta pa ya sha'i sde tshan brgyad bkod pa'o/ /de'i don 'di skad ston pa yin te/ yi ge btu ba'i gnas gsungs pa yin te/ chos 'byung gru gsum gyi dbus su sde chen
- 94b
brgyad bkod pa dang/ rdza lnga'i dbyibs kyi re mig la yi ge bzhi bcu dgod pa dang/ gzhal yas khang gis dbus su re mig bzhi bcu rtsa dgu'i dkyil 'khor dpyad sa dang gsal byed kyi phyi mo dgod pa'o/ /thabs ni bzhi ste 'khrul 'khor gyis btub dang/ dbyangs dang gsal byed kyi rim pas btub dang/ ming gis btub dang/ phyed btus pas btu pa'o/ /btus pa'i 'bras bu ni sa bon gyi sngags btu ba dang/ snying po dang nye ba'i snying po btu ba dang/ yan lag gi sngags btu ba dang/ phrin las kyi sngags btu ba'o/ /'dir ni chos 'byung gi dkyil 'khor las sa bon dang snying po dang phrin las kyi sngags btu ba'o/ /a la sogs pas phye ba yi/ /sde tshan dbang phyug sngags kyi mchog/ ces bya ba ni pad+ma 'dab brgyad kyi yi ge lnga bcu bkod pa'o/ /de la dang po sangs rgyas spyan gyi sa bon dang sngags btu ba ni/ dang po'i gnyis pa kho na'o/ /stong pas yang dag mnan ni/ oM dang sbyar bas khang du 'gyur ba'o/ /bdun pa'i gsum pa la'o/ /zla ba phyed dang bco lngas brgyan ni aM dang sbyar bas laM do/ /byang chub sa bon haM ngo/ /bco lngas mnan na aM ste de dang sbyar bas ham do/ /de ltar na khaM laM haM zhes bya ba gsum ni snying po yin par ston no/ /nyi ma'i snying bo ni bdun pa'i gnyis pa nir yin la/ rdo rje mkha' 'gro ma ste u dang sbyar bas rung gyur ba yin no/ /lan gnyis su sbyar bas ru ru'o/ /drong kyi gsum pa nis yin la drug pa'i gnyis ? dang sbyar bas sa bzhes bya'o/ /dbyangs lnga pa u yin te/ sbyar bas ? zhes bya bar 'gyur/ mthar gnas kyi gnyis pa ni ra'o/ /dbyangs kyi lnga ba ni u'o/ /gsum pa'i gsum pa ni dza'o/ /nyi shu rtsa dgu pa ni wa'o/ /bdun pa'i gsum pa ni la'o/ lnga pa'i dang po ta'o/ /dbyangs yig gsum pa i'o/ /brgyad pa'i gnyis ba ShO?/ /bcu gnyis pa ni tha'o/ gsum cu rtsa gnyis pa sa'o/ /gau rI ni i'o/ /lnga pa'i gsum pa ni pa'o/ /de nyid kyi bzhi pa ni d+ha'o/ /mthar gnas kyi gsum pa la'o/ /g+hasma rI ji o'o//
- 95a
gsum pa'i dang po tsa'o/ /lnga pa'i lnga pa na'o/ /tsau rI ni e'o/ /de ltar sangs rgyas spyan gyi sngags kyis las gsum byed de zhi bar 'byung ba dang/ dam tshig bskul ba dang/ shi pa gso ba'o/ /yang bcom ldan 'ds rnam par snang mdzad kyi ni oM badzra bai ro tsa nI ye awA hA'o/ /gnyis pa mA ma kI'i sngags ni gnyis pa'i bzhi pa ni g+ha'o/ /chu ma ni a'i ste g+hI zhes bya'i snying po'o/ /nye ba'i snying po ni drod can gyi dang po ni sha'o/ /mkha' spyod ma ni aM ngo/ /gnyis pa'i dang po ni ka'o/ /bdun pa'i gnyis pa ni ra'o/ /tsau rI ni e'o/ /brgyad pa'i dang po ni sha'o/ /rdo rje ma ni A'o/ /nyi shu pa ni na'o/ /lnga pa'i dang po ni ta'o/ /gau rI ni i'o/ /gnyis pa'i dang po ni ka'o/ /nyer bdun pa ni rA'o/ /tsau rI ni e'o/ /gnyis pa'i bzhi pa ni g+ha'o/ /rdo rje mkha' 'gro ma ni/ su'o/ /gsum pa'i dang po ni Ta'o/ /lan gnyis bzlas pas ni g+hu Ta g+hu Ta'o/ /gnyis pa'i bzhi pa ni g+ha'o/ /rdo rje mkha' 'gro ma ni u'o/ /bcu gcig pa ni Ta'o/ /dbyangs kyi gsum pa ni i'o/ /lnga pa'i lnga pa ni na'o/ /gau rI ni i'o/ /gnyis pa'i bzhi pa ni g+ha'o/ /rdo rje ma ni a'o/ /bcu drug pa ta'o/ /nyi shu rtsa drug pa ni ya'o/ /lan gnyis bzlas pa ni g+ha ta ya zhes bya'o/ /gnyis pa'i bzhi pa g+ha'o/ /dbyangs yig lnga pa ni u'o/ /bzhi pa'i dang po ni Ta'o/ /bau rI ni i'o/ /de'i phan yon ni srung ba byed dang/ 'jigs pas nyen pa las skyob pa dang stobs 'gyed pa'o/ /de'iyang rin chen 'byung ldan gyi sngags ni/ oM dzwa la dzwa la hUM khaM b+hO? swAhA/ zhes bya'o/ /gsum pa gos dkar mo'i sngags ni gnyis pa'i dang po ka'o/ /bzhi pa'i dang po ni Ta'o/ /tsau rI ni e'o/ /bdun pa'i bzhi pa ni wa'o/ /gau ri ni e'o// gnyis pa'i dang po ni ka'o/ /bcu gcig pa ni Ta'o/ /tsau rI ni e'o/ /lnga pa'i lnga pa ni na'o/ /dbyangs yig gsum pa ni i'o/ /gnyis pa'i dang po ni ka'o/ /bzhi pa'i dang po ni Ta'o/ /tsau rI ni o'o/ /gnyis pa'i dang po ni ka'o/ /bzhi pa'i dang po
- 95b
ni Ta'o /mkha' spyod ma ni aM ngo/ /gnyis pa'i dang po ni ka'o/ /bcu gcig pa ni Ta'o/ /tsau rI ni e'o/ /de'i phan yon rtag tu stobs 'phel ba dang ches cher longs spyod kyi mdzod 'phel bar 'gyur ro/ /de'i yab snang ba mdza' yas kyi sngags ni/ oM d+harma h+rI:swAhA zhes bya'o /bzhi pa'i sgrol ma'i snying po ni/ bcu drug pa ni ta'o/ /rdo rje ma ni A'o/ /nyi shu rtsa bdun pa ni rA'o/ /tsau rI ni e'o/ /lnga pa'i dang po ni ta'o/ /mkha' 'gro ma ni u'o/ /bcu drug pa ni ta'o/ /lnga pa'i dang po'ang ta'o/ /rdo rje ma ni a'o/ /yi ge nyi shu rtsa bdun pa ni ra'o// tsau rI ni e'o/ /lnga pa'i dang po ni ta'o/ /rdo rje mkha' 'gro ma ni u'o/ /bdun pa'i gnyis pa ni ra'o/ /tsau rI ni e'o/ /de'i phan yon ni sangs rgyas dang rdo rje 'chang la sogs pa 'jig rten las 'das dang ma 'das pa'i khams ma lus pa sdang ba'i sems med par gyur nas/ bran bzhin du dbang du 'gyur ro/ /bcom ldan 'das rdo rje 'dzin chen pos gsungs pa'i yum gyi sngags bzhi la thog mar gsal byed kyi oM dang mthar swAhA'i sngags dang spel bar bya'o/ /de la yab la don yod grub pa'i sngags ni/ kar kar nas swAhA'i bar ro/ /bde mchog gi rtsa ba'i sngags ci'i phyir don yod grub pa'i sngags su 'gyur zhe na/ 'di rnams ni khro bo yin pa'i phyir te/ rnam par snang mdzad ni zhal gcig phyag gnyis pa yin la/ rin chen 'byung ldan ni zhal gsum phyag drug pa yin no/ /snang ba mdza' yas ni zhal cig phyag bzhi pa yin no/ /don yod grub pa ni zhal brgyad phyag bcu drug yin pa de bas na rtsa ba'i sngags dang sbyar bar bya'o/ /de ltar yab yum gyi sngags bshad nas mi bskyod pa'i snying po gsungs pa ni/ dang por rnam par snang mdzad ni oM mo/ /dro ba'i bzhi pa ni ha'o/ /puk+ka sAM ni u'o/ /stong pas mnan pa ni aM ngo/ /mthar swA hA dang sbyar ro/ /de'i 'phrin las ni 'bum bzlas na 'gro ba bcing bar 'gyur ro/ /gnyis pa rin chen 'byung ldan gyi snying po ni yi ge oM mo/ /mkhas spyod ma ni laM ngo/ /mthar swAhA dang sbyar nas sngags bzlas na sangs rgyas
- 96a
dbang du 'gyur ro/ /gsum pa don yod grub pa'i snying po ni rigs byed kyi dang po oM mo/ /gnyis pa'i gnyis pa kha'o/ /stong pas mnan pa ni aM mo/ /mthar swAhA dang sbyar nas 'bum bzlas na sangs rgyas kyang skrod par 'gyur ro/ /bzhi pa snang ba mdza' yas kyi snying po ni dang po rnam snang ni oM mo/ /gsum pa'i gsum pa ni dza'o/ /ra dang ldan pas badzra zhes par 'gyur ro/ /gau rIs brgyan pa ni i'o/ /stong pa ni aM ngo/ /mthar swAhA dang ldan pas bzlas pa 'bum byas na mdza' bo rnams 'byed par 'gyur ro/ /lnga pa rnam snang gi snying po ni dang po yi ge dbang phyug oM mo/ /bdun pa'i bzhi pa ni wa'o/ /stong pa ni oM ngo/ /rdo rje mkha' 'gro ni u'o/ /swAhA mdza' dang ldan pas 'bum bzlas na/ mngon spyod kyi las byed do/ /mngon spyod kyi las gsungs pa ni yi ge dbang phyug oM mo/ /hUM 'od dmar po dang ldan pa'i mthar swA hA dang bcas pa'i 'bum bzlas na lha ma yin gyi bu mo thig le mchog la sogs pa yang 'bugs par byed do/ /mA ma kI'i snying po ni gti mug gi rigs ni dang po oM mo/ /yi ge hUM gi rjes la mthar swAhA bcas pas 'bum bzlas na lha dang mir bcas pa gsod par byed/ /gos dkar mo'i snying po ni/ brgyad pa'i gnyis pa ni ha'o/ /dang por gnyi mug? gi rigs ni oM mo/ /me dang zhes bya ba ni oM dang sbyar bas traM mo/ /mthar 'bum bzlas pa bya'o/ /sgo skyong rnams kyi snying po ri rI li lI zhes pa ma ning gi yi ge bzhi'o/ /de bzhin dbyangs yig lhag ma nyid ni me tog ma la sogs pa'i lha yo brgyad kyi snying po'o/ /rig byed rnams kyi dang po ni oM mo/ /sgo ma rnams mchod pa'i lha mo la dbyangs yig re re dbus su bzhag pa ni oM dang swAhA thog ma dang tha mar sbyar bar bya'o// me tog ma'i i'o/ /bdug pa ma'i a'i ring pe'o?/ /dri chab ma'i u thung du'o/ /mar me ma'i u ring po'o/ /gling bu ma'i e thung du'o/ /pi wang ma'i i ring po'o/ /rje? rings ma'i o thung du'o/ /rdza rnga ? aau ring ba'o/ /snying po'i bzlas mchog gi de nyid tshogs
- 96b
'khor gyis dkyil 'khor rtogs par bya'o/ /de ltar bzlas pa'i sngags bstan nas/ yi ge'i 'khrul 'khor dgod pa bshad pa ni/ las rnams kun gyis las rnams rol/ zhes bya ba la sogs pa gsungs te/ stong phrag bcu gnyis pa sgrol ma 'byung ba'i rgyud las 'khrul 'khor sum cu rtsa gnyis kyi las kyi tshogs thams cad bshad par bya ste/ phyi rol tu utpal phyogs bzhi dang mtshams bzhir kha bltas pa'i yi ge taM gsum gyis mdzes par byas la/ de'i nang ri mo zlum por bskor ba'i gnas su oM pra san+ta ri'i sngags kyi phreng ba dgod par bya'o/ /de'i dbus su 'khor lo rtsibs brgyad pa/ de'i dbus kyi lte ba lnga pa'i dang po ta la zla ba phyed pa dang thig le ste/ aM gis mtshan pa'i che ge mo swAhA zhes pa'i sngags dang spel bar bya'o/ /de'i phyir tu a'i phreng bas bskor bar bya'o/ /'khor lo gnyis bris la kha sbyor byas te bcings na nyi ma bdun gyi dbang du 'gyur ro/ /gnyis pa 'khor lo rtsibs bcu pa la yi ge bcu pa'i sngags bkod la 'khor lo'i dbus su pad+ma yi ge bcu dang ldan pa'i lte ba la bsgrub par bya ba'i ming dang h+ri(rgyud 'grel): spel nas bkod nas ji srid 'tsho ba'i bar du dbang du 'gyur ro/ /gsum pa utpal lnga'i steng du 'khor lo rtsibs drug pa bris la dbus kyi lte ba la che ge mo ba shaM ku ru ho swAhA zhes pa bris te gi wang dang sen rtsi dang tsan dan dmar po dang rang gi khrag dang bcas pas gro ga la bris na lha la sogs pa dbang du byed do/ /bzhi ? chu'i dkyil 'khor gyi dbus su rdo rje rtse gsum pa rgya gram gyi lte bar bsgrub bya'i ming dang spel ba'i rigs pa kham por gnyis la rdo rgyus kyis bris na kun tu bcings par 'gyur ro/ /drug pa 'khor lo de nyid la hUM che ge mo hUM phaT ces bya ba dang sbel ? rtsibs brgyad la bkod la thod pa la mi rus kyi snyu gus dug dang khrag dang skye tshe dang bcas pas bris la dur khod du sbas pas 'chi bar 'gyur ro/ /bdun pa 'khor lo de nyid la che ge mo oM zhes pa dang spel te gro ga la gur gum gyis bris na brgyal bar 'gyur ro//
- 97a
brgyad pa ni 'khor lo de nyid la che ge mo swAhA zhes bya ba dang spel te dris na bsrung bar 'gyur ro/ /dgu pa ni 'khor lo de nyid la yi ge bcu po a zhes pa dang spel te kham por la tsan dan dkar pos bris na zhi bar 'gyur ro/ /bcu pa ni 'khor lo de nyid la dbus su yi ge a chen po gcig gi /nang du che ge mo ho zhes pa bris te de'i phyogs bzhir hUM bzhi dang mtshams bzhi baM bzhi dang phyi rol tu ri mo gsum gyi bskor ba gi wang gis gro ga la bris na dbang du 'gyur ro/ /bcu gcig pa ni 'khor lo de nyid kyi lte bar pad+ma 'dab ma bzhi? bkra shes te h+rI:bzhi dang dbus su h+rI:? che ga mo zhes bya ba bris te/ de'i phyi rol tu hUM bzhis bskor ba tsan dan dmar pos kham por so ma btang ba bris na zhi bar 'gyur ba dang 'khor lo de nyid la gur gum mam gi wang gi gro gal bris te 'khor lo gcig rang gi bcangs shing/ gcig mar dang sprang rtsi'i nang du bcug na mdza' bor 'gyur ro/ /las so so la sbyor ba'i sngags ni/ sarba mo ha ni zhes pa la sogs pa'o/ /dkyil 'khor de nyid gro ga la bris te lam du 'jug pa'i tsha tshos gos kyi mdza' ma la mdud na chom pos mi tshugs so// 'khor lo bcug gcig po de thams cad mthar utpa las dang po bzhin du brgyan pa ni thun mongs ma yin par shes par bya'o/ /bcu gnyis pa ni snga ma lta bur utpa la'i dbus su 'khor lo rtsibs brgyad pa bris la che ge mo wa shangku ru ho zhes lan gsum bsngags nas gang la sbyin pa de dbang du 'gyur ro/ /bcu gsum pa ni utpa la'i dbus su pad+ma 'dab brgyad pa la h+rI:zhes pa dang spel ba bris la/ dbus su che ge mo h+rI:zhes gi wang gis bris na skal ba bzang por 'gyur ro/ /bcu bzhi pa la pad+ma 'dab brgyad pa'i dbus su oM bris pa phyi rol tu rim zlum pos bskor la de'i phyi rol tu rdo rje rtse gsum pa brgyad kyis bskor ba gur gum gyis bris nas dpung par btags na bsrung bar 'gyur ro/ /bco lnga pa la 'khor lo de nyid kyi mdza' mar rdo rje yangs pa ste/ lte ba dang phyi rol gnyis kar oM hUM hUM zhes
- 97b
pa la sogs pa rtsa mgrin gyi dbye ba'i sngags kyi bskor ba dug dang khrag la sogs pa mngon spyod kyi rdzas kyis ma he dang rta'i smig pa'i nang du bris te bcug na ma hA de ba dang/ u ma yang 'byed par 'gyur ro/ /bcu drug pa la dkyil 'khor sum rtseg bris pa zur gsum la oM ? hUM zur gnyis pa hUM ga hUM gsum par hUM ga phaT 'og gi kru gsum du hUM ga hUM tri dang dbus su hUM ga hUM zhes bya bas dug dang khrag la sogs pas bud med kyi smad bsham la bris la khro bo stobs po che'i sngags kyis phyi rol nas bskor ba bris na dgra bo thams cad bcom par 'gyur ro/ /bcu bdun pa dbang chen gyi dkyil 'khor la/ oM brgyad bris nas dbus su pad+ma 'dab ma brgyad pa la A:brgyad bris la lte bar bsgrub bya'i mi? ? bzhis bskor? ba kham phor kha ? gyi nang du bcug la rdo rje'i skud pas bcings na dgra bo bcings par 'gyur ro// bco brgyad pa dbang chen gyis dkyil 'khor la phyogs mtshams su rdo rje rtse gsum pa brgyad kyis mtshan ma dbus kyi shar du/ oM pa ta pa ta ni ni swAhA/ lhor dzaM b+ha dzaM b+ha ni swAhA/ nub tu oM mo ha mo ha ni swAhA/ byang du staM b+ha staM b+ha ni swAhA/ dbus su yang dbang chen gyi dkyil 'khor la che ge mo staM b+ha ya staM b+ha ya swAhA/ zhes pas yung ba'i khu bas gro ga la bris nas sbal pa'i kha brtsams? na/ pha rol gyi dpung bcings par 'gyur ro/ /bcu dgu pa chu'i dkyil 'khor zlum po mtshams bzhir rdo rje rtse lnga pas mtshan pa bris la de'i rwa dbus ma la hUM bzhi dbus su oM pa ta kra ma sngags rings bris la de'i dbus su rdo rje rtse gsum pa rgya gram rtse bzhi la oM bar ha mu kha zhes pa la sogs pa'i sngags bris pa mtshams bzhir oM mA rI tsye zhes dgod do/ /de'i lte ba la oM ba ra li zhes pa la sogs pa'i sngags kyis bskor la/ de'i dbus su yi ge mAM dren po de'i dbus su che ge mo rak+Sha zhes bya bas bsrung bar 'gyur ro/ /nyi shu pa ni 'khrul 'khor gyi rten skyes bu'i gzugs su skra grol ba la rna cha gnyis la sna tshogs rdo rje haM gis mtshan pa/ spyi gtsug gi nor bu la taM gis mtshan pa'i rdo rje rtse
- 98a
gsum pa/ dpral ba'i steng du lam gnyis/ khur tshos g.yas g.yon dang/ os kor ma ma tsi ta ta/ zhes bya ba la sogs pa'i sngags bri de'i lte ba nas brtsams te steng du bltas pa'i mchod rten la rdo rje rtse lnga mchod rten gyi rdo rje rtse lnga'i g.yon nas bskor ba'i rim pas rten 'brel gyi snying po mgrin pa la kha thur du bltas pa'i hUM gi phreng ba/ mchod rten de'i lte bar rdo rje rtse lnga pa 'phreng ba/ rtsib logs ngos gnyis su hUM bcu gnyis mchod rten gyi gdan khril/ ma ning gi yi ge bzhi spangs pa'i dbyangs yig bcu gnyis/ skyes bu'i nam tshong la ma ma tsit+ta la sogs pa'i sngags kyi phreng ba brla gnyis dang long bu gnyis dang chu so gnyis la gsang ba'i gnas su puM yaM raM bri yan lag brgyad la taM brgyad/ rkang pa gnyis la paM gnyis dang raM gnyis skyes bu'i gzugs ni mngon spyod kyi rdzas kyis bri'o/ /mchod rten ni tsan dan dkar pos bri'o/ /rdo rje gur gum gyis bris na gzhan gyis byang byas pas mi tshugs par 'gyur ro/ /nyi shu gcig pa'i ri rab kyi rtse mor rdo rje rtse gsum pa rgya gram bris la ri rab kyi zur brgyad du hUM ni hUM brgyad bris la bar du a khu dang/ ka ta dang/ b+ha ya dang/ maM saM bri bar bya'o/ /de'i dbus su ri mo zlum pos bskor ba bris la/ de'i dbus su tshogs bdag bris la/ tshogs bdag gi dbral pa la sogs pa hUM ga hUM la sogs mngon spyod kyis rdzas kyis bris la kham phor so ma btang bar bcug ste/ bsregs na char ? pa dang/ thur du bstan nas this na char 'chad par 'gyur ro/ /nyi shu rtsa gnyis pa ni 'khor lo rtsi bas brgyad pa la yi ge bris la dbus su che ge mo zhes pa dur khrod kyi ras la ba bla'i khu bas bris nas 'bras kyi phye ma la byas pa'i tshogs bdag gi gzugs kyi snying gar bcug ste/ kham phor? sbyar bzhag nas mchod na 'gro drug mchod par 'gyur ro/ /nyi shu rtsa gsum pa ni sngar bshad pa'i 'od zer can gyi 'khor lo bris la/ de'i ste ba'i yi ge mchen po'i dbus su oM pa da li/ zhes
- 98b
pa la sogs pa'i sngags ring sa bris la yung ba'i khu bas so phag gnyis la 'khrul 'khor bris la kha sbyar nas 'og tu bcug na sdang ba thams cad bcings par 'gyur ro/ /nyi shu rtsa bzhi pa ni b+ha ga ling gas mtshan pa bris la dgus su ming gi yi ge h+rI:/ dkar pos bskor ba bris na gang 'dod pa'i bu mo 'guD? par 'gyur ro/ /nyi shu rtsa lnga ba ni zla ba'i dkyil 'khor gyi dbus su 'khor lo rtsibs brgyad pa rdo rje la sogs pa'i phyag mtshan gyis mtshan pa/ dbus su zla ba gang ba la che ge mo dang che ge mo'i bu rnyed par gyur cig ces bya ba dang/ zla ba'i dkyil 'khor gyi lte ba la ba oM ma Ni d+ha ri mahA pra ti sa ro hUM hUM phaT phaT swAhA/ zhes pa dri bar bya'o/ /'khor lo rtsibs brgyad pa'i phyi rol gyi zla ba la oM a mri ta zhes bya ba la sogs pa'i sngags kyis bskor bar bya ste/ de yang rgyal gyis nyin par gur gum dang gi wang gis gro ga la bris te/ bcangs na bu rnyed par 'gyur ro/ /nyi shu rtsa drug pa ni 'khor lo la bum pa'i gzugs bris la de'i mgrin pa la yi ge b+ha ya d+ha ya ta ya mu ya tsa ya ta ya zhes bya ba ni sngags kyi yi ge bsgoms nas bsad pa'i ras la bya rog gi khrag gis rgyal po'i khyim du bris nas bya rog gson ma'i skyer btags nas byang nub tu spur na myur du skrod par 'gyur ro/ /nyi shu rtsa bdun pa ni nyi ma'i dkyil 'khor gyi dbus su 'khor lo rtsibs brgyad pa bris la rtsibs pa hUM brgyad /bkod nas dbus su yang nyi ma'i dkyil 'khor lo rdo rje'i lte bar che ge mor k+Sha zhes bya ba gur kuM dang gi wang gis bris na rnal 'byor pa de la thams cad bsrung bar 'gyur ro/ /nyi shu rtsa brgyad pa bde mchog gi ro mnyam kyi 'khor lo bzhin du 'dab ma nyer bzhi pa bris la/ brgyad la oM/ brgyad la h+ri/ brgyad la k+Sha 'dab ma nyi shu rtsa bzhi'i phyi rol du rdo rje dang pad+ma dang 'khor lo'i phreng ba gsum gyis bskor la sgo bzhi sgo khyud dang bcas pa las rdo rje rtse gsum pas phyags mtshams kyi nang du ya ra la ? sha Sha swAhA brgyad bri ber bya'o/ /nyi shu rtsa dgu pa ni rdo rje dang pad+mas bskor
- 99a
ba'i dbus su rdza rnga lta bu'i 'khor lo bris la de'i phyi rol du sku gsung thugs kyi 'khor lo yi ge dang bcas pas bskor nas rdza rnga'i re'u mig bzhi bcu dgu la oM nas phaT kyi bar du nyi shu dgu bkod nas dbus kyi re'u mig stong pa gcig la/ las bcu gnyis gang yang rung ba'i sngags dang spel ba'i che ge mo shAn+tiM ku ru swAhA/ zhes pa nas che ge mo mA ma ra ya phaT ces pa'i sngags cho ga mthong bas bris pas 'khrul 'khor gyi mthus dgra thams cad gdul ba dang bya ba thams cad byed par 'gyur ro/ /sum cu pas ni thog mar sngags btub bstan nas bdag nyid lhar bsgoms nas 'khrul 'khor bcing bar bya'o/ /de la sngags btu ba ya tshan brgyad pa'i sa bon zhes pa smos te/ ya tshan brgyad pa'i sa bon ni ta'o/ /ma mo gnyis ni dbyangs yig bcu gnyis pa'o// mar mdor ni ring po drug por ba'o/ /he ru ka'i yan lag drug ni sa bon drug go /dpa' bo drug dang mnyam sbyor ba ni sngags drug dang mnyaM par sbyor ba'o/ /re re ru ni yang dag gnas ni yi ge drug dpa' bo drug gi sngags so sor gnas pa'o /dang po snying ga nas mtshon bya'i bar bu lus la dgod pa ni go sla'o/ /yi ge btu ba bstan nas lhar bsgom pa ni/ rdo rje phag mor ldan pa yi/ /phyag bzhi pas ni brgyan par bsgom ni/ bdag nyid he ru ka zhal gcig phyag bzhi pa sku mdog ser po zla ba phyed pas brgyan pa rdo rje dril bu dang cang te'u kha TwAM ga bsnams pa de'i thugs kar ye shes sems dpa' / de'i thugs kar zla ba la yi ge rim pa bdun bkod nas/ rang la khaM haM go cha bsrung ste/ rdo rje ra ba rnams phyogs su bkod la khro bo mche ba gtsigs shing bzhin 'gyur pas khyab pa'i khro bo bcu po sgrom la phyogs skyong bcu bsdigs shing phur bus btab la/ lha dang lha min la sogs pa bgegs kyi tshogs blo bur pa rnams bskrad nas/ de'i mda'i dra ba dang me 'od kyi phreng ba bya ba yin no/ /de ltar bdag dang gnas bsrung ba'i cho ga thogs pas sum cu rtsa
- 99b
gsum pas kyang shigs par mi 'gyur ro/ /de'i 'khrul 'khor bya ba ni/ gru bzhi pa la sgo bzhi pa dbus su pad+ma 'dab ma ge sar dang bcas pa bris la de'i dbus su mkha' 'gro ma'i 'khor lo rtsibs drug pa 'khor lo bsnams pa mkha' 'gro ma'i sngags drug dang/ phyi rol gyi 'dab ma drug la dpa' bo'i sngags rnams sngags pas nyis 'gyur du bri bar bya'o/ /de'i lte ba la he ru ka dgod par bya'o/ /rtsibs drug dang pad+ma 'dab ma drug po gzhan dag la de bzhin du mkha' 'gro ma drug dang dpa' po drug dgod par bya'o/ /sgo rnams kyi phyi rol tu rdo rje ser po bzhis mtshan pa/ sgo'i nang dang mtshams gzhir ? gdong ma la sogs pa'i sa bon brgyad 'khor lo snying po lte dbus su cho ga bzhin du dpa' mo drug dgod par bya'o/ /de ltar bkod nas skar ma bzang po la rab tu gnas pa byas nas mchod de sbyi bo 'am lus la btags na dus ma yin par 'chi ba dang g.yul las rgyal bar 'gyur ro/ /sum cu rtsa gcig pa'i zangs kyis 'dab ma la sgo med pa'i 'khor lo rim pa gnyis pa ltar dpa' bo dang dpa' mo'i sngags bkod nas rgyal gyi nyin par 'khor lo la yon chab kyis chus gang bar byas te chu'i nas du bzhag la dus gsum du mchod na dgra rnams 'chi bar 'gyur ro/ /bton na zhi bar 'gyur ro/ /sum cu rtsa gnyis pa ni so so 'brang ba'i 'khor lo ston par bzhed nas/ de nas gzhan yang 'khor lo ni zhes pa la sogs pa gsungs te/ bru bzhi pa 'dod pa dod yon gyi lha mo'i ? rta bcas kyi gnas su rdo rjes mtshan pa sgo bzhir shar du thob/ nub tu pad+ma/ byang du rol gri/ mtshams su thod pa dkar po la gnas pa'i utpal bzhi/ de'i dbus su pad+ma bcu par lte bar sngags kyi mchog oM pra san+ta re zhes pa la sogs pa'i sngags bkod la 'dab ? bcu ? ba bzlog bar byed pa'i sngags oM sarba mo ha zhes pa la sogs pa dgod par bya'o/ /pad+ma'i lte ba'i dbus su zla ba la taM gi phreng ba ge sar gyi tshul gyis zlum por bskor ba bri bar bya'o/ /de'i dbus su 'khor lo rtsibs drug pa la yi ge taM drug dang spel ba bri bar bya'o/ /dbus su
- 100a
che ge mo staM b+ha ya la sogs pa bri bar bya'o/ /'khrul 'khor de'i ming ni dbung thams cad rnam par rgyal ba zhes bya'o/ /'di'i phan yon ni sngags 'bum bzlas na zhes bya ba nas sna tshogs byed par 'gyur ro zhes pa'i bar gyis las bcu gcig gsungs pa ni go sla'o/ /brtag pa bdun pa'i rab tu byed pa gsum pa'i 'brel pa'o// //de ltar sngags kyi 'khrul 'khor bstan nas/ brtag pa gnyis pa'i sbyin sreg gi mdor bstan pa ste de'i rgyas par bshad pa zhus pa ni/ rab gnas mtshan nyid dge ba dang/ gnas dang sbyin sreg cho ga dag ces pa la sogs pa gsungs te/ rab gnas kyi cho ga dang 'phrin las kyi dang bzlas pa sbyin sreg gi cho ga dag bstan du gsol zhes zhus pa yin no/ /zhus pa de nyid kyi mkhyen nam snyam pa'i rnam par rtog pa bzhom pa'i phyir chos rnams thams cad gcig bsdus sku zhes pa la sogs pa gsungs pa yin no/ /mtshan ji lta bu zhes na rdo rje snying po bdag ces gsungs so/ /bshad pa ji lta bu yin snyam na dgyes pa chen po rnyed dga' ba/ zhes bya ba gsungs pa yin no/ /dus nam gyi tshe bshad snyam na/ de ring bshad pa'i bka' drin mdzod/ /ces gsungs pa yin no/ /zhus pa'i lan bka' stsal pa ni/ bsam gtan gyi sbyor bas zhi ba rgyas pa dbang mngon spyod kyi las thams cad bsgrub pa la bsam gtan dang bcas pa'i las kyi cho ga ji lta ba bzhin du bshad kyis nyon cig ces gsungs pa yin no/ /mdor bstan nas rgyas par bshad pa ni/ /dang po sa sbyang ba ji lta bzhin du byas nas/ bgegs nye bar zhi ba'i cho ga bshad par bya ste/ rdo rje bu tshur gnyis dkur bsten nas badzra satwa hUM/ zhes zlos shing dbang dang bcas pa bsgyings pa dang bcas pas khams gsum rnam par rgyal bar bsgyur nas bgegs thams cad bskrad nas/ dkyil 'khor gyi lha rnams dang mthun pa rnam snang sgyu 'phrul dra ba la sogs pa'i rgyud las gsungs pa'i cho gas rkang stabs sum cu bzhi ji lta ba bzhin du bkrod nas/ sngar
- 100b
bshad ba'i zhi ba la sogs pa'i thab khung du sbyin sreg rnams cho ga bzhin du/ zhi ba dang rgyas pa la sogs pa'i phyag rgya'i sbyor ba dang bcas pa sbyin sreg byas la phyi nas dkyil 'khor bri bar bya'o/ /de la shin tu rgyas par bshad ba ni zhal gsum phyag drug pa'i khro bo khams gsum rnam rgyal du bdag nyid bsams la/ lus las khro bo'i tshogs sprul la phyogs bcu'i de bzhin gshegs pa skul zhing gsol ba btab nas phyogs bcu'i sangs rgyas rnams rang gi snying ga'i zla ba rdo rje'i lte ba'i hUM la/ de bzhin gshegs pa kun gcig tu bsres nas/ oM A:hUM gsum gyis byin gyis brlabs nas rdo rje 'dzin pa'i rigs ma dang 'khyud pa'i phyag gis pad+ma'i gar skor la/ g.yas pa'i rdo rje gsor zhing g.yon dril bu gsil nas rkang mthil du hUM las sna tshogs rdo rje bsams te/ hUM mdzad kyi nga rgyal gyis shar nas brtsams te/ bgegs bskrad par bya'o/ /de nas khro bo'i gzugs su bsgyur nas 'di skad brjod par bya'o ces pa la sogs pa ni go sla'o/ /rdo rje chen po'i gar ni mgo bsgyur ba dang/ dbung pa bsgyur ba dang/ rked pa bsgyur ba dang/ rkang pa bsgyur pa'o/ /rdo rje'i 'gros ni g.yas brkyang dang g.yon brkyang dang zlum pos ga dang mthun pa'i rkang stabs so/ /sa gzhi rnam par bskor ba ni g.yas bskor dang g.yon bskor gyis sngags zlos shing bsgyings pa'i tshul gyis bskor ba'o/ /rang gis lus las khro bo'i tshogs phyung ba'i gnod mdzes kyi khro bo'i 'khor lo'o/ /sdang ba thams cad bskrad pa ni phyogs skyong ba'i blo bur gi bgegs bskrad pa'o/ /sa'i lha mo yang bskrad de snyam na/ de ltar sa bzung nas sa'i lha mo spyan drangs nas zhes smos te/ sa'i lha mo spyan drangs la dbang du gsol te/ phyis sngags kyi lha rnams lhag par gnas par bya'o/ /de la dang po bla ma dang sngags kyi lha rnams la phyag byas nas de'i rjes la sa'i lha mo spyan drangs la mchod pa bya ba dang/ rdo rje 'di ni rdo rje che zhes bya ba la sogs pa'i de nyid bsdus pa las byung ba'i sngags dang phyag rgya dang bcas pas dam tshig bsgrags la/ skyob pa sangs rgyas thams cad
- 101a
kyi/ zhes bya ba la sogs pa rnam snang sgyu 'phrul dra ba las 'byung ba'i tshig gis dbang du gsol te/ 'khor rnams la gtor ma byin pa sngon du btang la sa'i lha mo la mchod pa lnga dang mchod yon phul nas gshegs su gsol bar bya'o/ /de la spyan drangs pa'i sngags ni oM e hye hi mahA de'i pri thi bi lo ka ma hA te re zhes bya'o/ zhabs bsil dang yon chab dbul ba'i sngags ni oM satra ratna saM pu re zhes bya ba nas swAhA'i bar du'o/ /sngags 'dis lhag par gnas pa la sogs pa byas te zhes pa ni sa'i lha mo lhag par gnas pa dang/ mchod yon dang zhal bsil dang mchod pa dbul ba la sogs pa yang bya'o zhes pa'i don to/ /de ltar sa'i lha mo'i cho ga bshad nas/ sa gzhi kun tu sna tshogs rdo rje dri ba'i tshogs bsangs la ba'i rnam lngas byugs la de'i rjes la bdud rtsi lngas byugs la de'i rjes la bdud rtsi lngas byu gcing sha chen gyi bdug pas bdugs la rig pa'i lha tshogs par snang las phab ste/ dri'i thig le dang me tog gi tshom bu la bcug ste mchod par bya'o/ /de ltar rig pa spyi'i sgra gsungs nas/ rig pa bye brag tu zhus pa ni/ gsol pa bcom ldan 'das rig pa'i bzhugs gnas bya ba ji lta bu lags/ lha'i dbang du byas nas lugs ma dang bris pa dang 'bur du btod pa la sogs pa mngon par 'du byas pa'i rigs bzhugs pa lags sam/ bka' stsal pa ma yin te dkyil 'khor b+ha ga'i dbang du byas nas/ shan pa mo la sogs pa rigs bzhi'i mtshan nyid dang ldan pa'i dug byed dbang gis lha mo dang/ dpa' bo'i lha mo bka' sgo skyes med na mi'i bud med gzhan de 'og ma lus kun spyod ma la sogs pa gzhan gang yang rung ba bcug pa yan lag la h+ri ngang snying ga mdzod ? spyi bo mgrin pa b+ha ga'i dbus su yi ge ? dgod par bya'o/ /bcom ldan 'das b+ha ga'i dbus zhes bya ba ci lags zhes zhus pa dang/ bka' stsal pa b+ha ga'i sgra ni lte ba sprul pa'i 'khor lo la brjod do/ /'byung ba bzhi rtsa lha mo bzhi dang dbus su kun tu bzang mo dgod par bya'o/ /zhib lan ? mo dang ? rigs mo sangs rgyas ? rigs can?
- 101b
mdog dkar mo'o/ /dbang la g.yung mo'i rigs sgrol ma'i bdag nyid mdog dmar mo/ /rgyas pa la ni gar mkhan dang rgyal rigs mgos dkar mo'i bdag nyid kha dog ser mo de rnams bcug la snyim pas me tog gtor bar bya'o/ /de ltar rigs kyi dbye bas phye ba'i ye shes las skyes pa'i lha mo 'am/ zhing skyes dang sngags skyes la sogs pa tha mal pa gzhan yang rung ste snying ga chos kyi 'khor lo dang 'brel ba'i byang chub sems kyi dgang blugs kyi sbyin sreg dga' bzhi'i rim pas nye bar bstan pas de'i b+ha ga'i khu bas dgang bar bya'o/ /de nyid kyis ni byang chub kyi sems de nyid rnal 'byor ma'i lus sbyangs pa nyid du 'gyur ro/ /phyi'i rdul tshon gyis thig btab pa de bzhin du/ gsang chen b+ha ga'i dkyil 'khor la yang bcu drug gi thig btab par shes par bya ste/ shin tu dam tshig dang ldan pa'i phyag rgya sbyor ba'i ting nge 'dzin gyi gdan du gyur pa de bzhin du nang gi me thabs la sogs pa yang shes par bya'o/ /de ltar nang gi rig ma gzhug ma bshad nas lhag par gnas pa'i sbyin sreg gi cho ga bshad pa ni/ las rnams thams cad sgrub pa yi/ de nas sbyin sreg las bshad pa/ zhes pa la sogs pa gsungs te/ las thams cad ni zhi ba la sogs pa bcu gnyis so/ /de bsgrub pa ni sbyin sreg gi 'khrul 'khor gyis so/ /sbyin sreg de nyid legs gnas pa ni gzhi dkyil 'khor bya ba dang/ mchod rdzas bsags dang/ bdag nyid lhar bskyed pa dang me lha lhar bskyed nas 'od du zhu ba'i ? me lha'i zhal du brjod de/ de'i dbus su lha rnams bzhag la/ sbyin sreg lha rnams tshim byed de/ tshim pa las ni dngos grub 'gyur zhes gsungs so/ /de'i 'bras bu ni bsgom pa'i lha dang bzlas pa'i sngags lhag ba dang mtshang pa thams cad sbyin sreg gis skabs ? 'gyur ro/ /rgyu mtshan de bas na sku gsum mchog tu skye ba'i rgyu sbyin sreg yin pas na bcom ldan 'das kyis sbyin sreg gi sngags pa brjod do/ /de ltar sbyin sreg gi thabs 'bras bu dang bcas pa brjod nas/ /phrin las bzhi'i ma'i rgyu gsungs ba ni/ gtsub shing las byung pa'i ma zhes pa?
- 102a
la sogs ba smos te/ gtsub shing las ni byung ba ni dge bzhi ba dang rgyas par byed do/ /gdol ba dang dur khrod nas byung bas mi dge ba ste/ mngon sbyod tshe dang dbang gi las byed pa yin no/ /rgyu med bshad nas gzhi dkyil 'khor ni/ zlum? po ni zhi ba'o/ /gru bzhi ni rgyas pa'o/ /zla phyed ni dbang ngo/ /gru gsum ni mngon spyod do/ /kha khyer ni gru rnams la zhes pa ni/ zhi ba'i gnas kyi kha khyer gyi gru la rdo rjes mtshan pa dang/ kha khyer bar ma la gtsug gtor gyis mtshan pa dang/ phyi ma la chu skyes kyis mtshan pa dang/ rgyas pa'i kha khyer gyi gru rdo rje rin po che dang/ dbar? la pad+ma'i phreng ba dang/ mngon spyod la khro bo'i rdo rje'i phreng ba dang/ ho mkhud? gi ni dbus dag tu/ zhes pa ni phrin las bzhi'i thabs kyi dbus su'o/ /sbyin sreg cho ga'i rim pas dgod ces pa ni/ zhi ba dang rgyas dang dbang dang mngon spyod kyi mtshan go rims bzhin du dgod par bya'o/ /dkyil 'khor bshad nas mchod pa ni/ sbyor ba ji bzhin bzhugs gnas su/ zhes bya ba gsungs te/ zhi ba la shar du bltas nas gos dkar po ? te/ rnam snang la sogs pa'i rnal 'byor bya ste/ rdo rje sems dpa' la sogs kyi skyil krung gis gnas nas mchod per bya'o/ /rgyas pa la byang du bltas nas gos ser po gon te rin 'byung gi rnal 'byor byas la bzang po'i 'dug stangs kyis 'dug nas mchod par bya'o/ /dbang la gos dmar po gon nas nub tu bltas te snar ba mdza' mas kyis rnal 'byor byas nas pad+ma'i 'dug stangs kyis 'dug la mchod par bya'o/ /mngon spyod la gos nag po gon te/ hUM mdzad dam gshin rje gshed kyi rnal 'byor dang ldan pas g.yas bskum g.yon brkyang gis gnas la mchod par bya'o/ /gru mo pus mo'i bar du bzhag ces pa nas? dbang gzar? blugs gzar gzung ba'i chog ni go sla'o/ /bsreg rdzas rnams ni g.yas su bzhag /chu'i snang ni g.yon du bzhag /mar gyi snod ni mdun du'o zhes pa ni/ zhib dang rgyas pa la mtshon pa yin gyis/ dbang dang mngon sbyong la bzlog bar shes par bya'o/ /las
- 102b
byed pa bzlas? nas ni/ zhes pa ni/ bdud rtsi 'khyil pa 'am hUM mdzad kyi sngags bzlas la mchod pa'i rdzas kun bsangs nas ku sha bsnyams te thab khung du bzhag go /rdzas bsangs te me lha lhar bskyed pa ni/ me ni? 'bar bar shes nas su zhes pa ni/ rang gi lha'i sa bon gyi yi ge las gzhal yas khang bskyed nas de'i dbus su 'phrin las bzhi las byung ba'i dkyil 'khor bskyed la/ 'byung ba ni ri yongs su gyur ba las me thab gru gsum dang/ oM A(rgyud 'grel): hUM gsum khams gsum gyi zhal gyi rtags logs gsum du h+rI(rgyud 'grel): gsum dbus su raM dang bcas pa yongs su gyur pa las zhib mdog dkar rgyas pa 'dzin byed dam/ dbang gi 'dod pa'i me dang/ drag po'i me bskyed la rlung g.yas kyis sbar te/ 'og nas 'byung ba'i sngags kyi cho ga 'di dang lag pa g.yas pa mi 'jigs pa sbyin pa'i phyag rgyas me lha spyan drangs par bya'o/ / sngags ni go sla'o/ /de la rgyas pa'i me'i dbang du mdzad nas/ zhal bzhi zhes pa la sogs pa smos te/ me'i dkyil 'khor stan la bzhugs zhes bya ba ni sa'i dkyil 'khor gyi steng du me'o/ /gdan la bzhugs ba'o/ /las kyi 'od kyis rnam par brgyan zhes pa ni zhib la zla pa'i 'od dang rgyas pa la nyi ma'i 'od dang dbang la 'ja' lta bu'i 'od dang/ mngon spyod la 'od nag po'o/ /g.yas kyi dang po mchog sbyin zhes pa la sogs pa ni go sla'o/ /drang srong gis yongs su bskor bzhi byin za dang khyur ming la sogs pa drad srong bcu gnyis kyis bskor ba'o/ mtshams nas bkug nas ni zhes pa shar lho'i mtshams so/ /rdo rje las kyis bsangs nas ni zhes pa ni srin lag dang hUM mdzad kyis chus bsangs la mchod pa lnga dbul lo/ /de nas me'i dbus su dgug pa byas la rgyas gdab cing dbang bskur nas bsreg rdzas thams cad lan gsum gsum dbul bar bya'o/ /de ltar me lha mchod nas ye shes sems dpa' mchod pa ni de nas zhal bsil gsol byas nas/ /'bar ba'i gzugs su thim par bya zhes gsungs so/ /cho ga'i ril ba 'di nyid kyis zhes bya ba ni/ me lha ? bskyed nas
- 103a
ye shes sems dpa' spyan drangs te mchod pa bzhin du/ 'jig rten las 'das pa rim pa nyid kyis lhar bskyed pa dang spyan drang ba bya? mkhas pas lha rnams tshim par bya'o/ /zin pa'i rjes la dge ba'i rtsa ba bsngo bzod par gsol ba dang dngos grub kyi don du gsol ba gdab par bya'o/ /me 'bar ba'i rtags bstan pa ni gdugs dang rgyal mtshan rdo rje dang/ zhes pa la sogs pa gsungs te/ dbyibs dang kha dog dang dsgra dang bzhi' sgo nam brtag pa ste go sla'o/ /gal te mi shis pa'i mtshan ma byung na/ ngan pa'i mtshan ma shes bya ba nas/ de nas bgegs ni bzlog par bya zhes gsungs so/ /bgegs bzlog pa'i rjes la bzlas pa dang bsgom pa la bar ma bcad pa byas pa'i rnal 'byor pa des dngos grub du myur du 'gyur ro/ /zhi dang rgyas dang dbang la ni bar ta'i? bstan bcos las byung ba bzhin glu dang gar la sogs pa'i sgra rol mo'i cha byad bcu la sogs pa gzhug par bya'o/ /sngags ni oM che ge mo oM shAn+tiM? ku ru zhes pa swA hA'i mdza' dang ldan par bya'o/ /rgyas pa la ni oM gyis mdza' can no/ /dbang la ni ho'i? mdza' can no/ /mngon sbyod la ni phaT kyi mdza' dang ldan pas so/ /bsam pa ni ni ba'i yi dang spel da'i yid? chags pa'i yid dag srid pa gsum bza' ba'i yid kyis bya ba yin no/ /bskul ba'i tshig dang spel nas su/ zhes pa ni swAhA dang/ oM dang ho dang phaT sbyar bar bya'o/ /sngags ni me lha dang ye shes pa'i sngags so/ /yi ge dang sbyar ba ni mdza' rten gyi yi ge dang sbyar ba'o/ /sbyin sreg chog thams cad ma zhes bya ba ni/ 'phrin las bzhi las bdun nas brgya'i par thams cad la sogs pa'i sngags kyi? bsgrub pa'i chog shes pa las las kyi cho ga sna tshogs kyis lha mchod par bya'o/ /de yang rim pa ji ltar mchod snyam na/ dang po dgang blus? phul nas ni/ phyi nas las kyis rjes mthun sreg ces bya ba gsungs so/ /sbyin sreg rim mchog 'dis/ zhes pa ni
- 103b
ne lha dang ye shes pa mchod pa'i rim pa 'di las thams cad la mchod pa la so so'i las kyi sbyin sreg sngags de nyid kyis bskul bar bya'o/ /sbyin sreg chog snyung bar gnas par bya ba'am snyam na zhi rgyas dbang sogs cho ga la zhes pa gsungs te/ bdud rtsi lnga ri lus kha bskang la sbyin sreg bya bar bshad pa yin no/ /sbyin sreg gi cho ga bstan nas/ thabs kyi rgyud lnga dang shes rab kyi rgyud bzhi la sor ? so'i ltas las so so byed pa'i rnal 'byor pa so sos bsgom dgos pa lha bskyed pa'i cho ga ni/ de nas zhes bya ba la sogs pa gsungs te/ de nas zhi rjes thogs la ste/ gzhi dkyil 'khor dang mchod rdzas bsags pa'i rjes la/ bdag nyid 'brin las so so dang rjes su mthun pa'i lhar bskyed pa'i rjes la me lha 'od du zhu ba'i gnas su dpa' bo gcig buAm dkyil 'khor gyi 'khor lo la bzhag la mchod par bya'o zhes pa'i don to/ /don de lta bu bcom ldan 'das kyi thugs la bzhag nas de bzhin gshegs pa'i ye shes kyi 'khor lo bsgrub pa zhes bya ba'i ting nge 'dzin la snyoms bar zhugs pa yin no/ /ston pa'i mtshan nyid ji ltar yin snyam na/ rnam snang chen po'o/ /ye shes kyi 'khor lo ni zag pa med pa'i ye shes kyis sems can gyi don sna tshogs mdzod pa'o/ /'khor lo rab tu bskyed pa'i bsgrub pa zhes bya'o snyam du dgangs pa'i ye shes/ rdo rje ltar mi phyed ba'i ting nge 'dzin la snyoms par zhugs nas phyi dang nang gri las kyi 'khor lo bsgrub pa'i lha bskyed pa'i sbyor ba'i man ngag rgyud thams cad las bsdus nas gsungs pa yin no/ /gsungs pa de gang yin na/ lha ni gang yang rung ba zhig /ces pa la sogs pa gsungs te/ /thab kyi dbus su lha gang yang rung ba bzhag nas/ lha ? ming nas smos pa'i gtso bo de'i rdo rje'i dkyil 'khor du 'gyur ro/ /sangs rgyas gsungs zhes bya ba ni rtsa ba'i rgyud rnams su sangs rgyas kyis gsungs ba'o/ /ci'i phyir sna tshogs gsungs shen/ zhi rgyas dbang dang mngon spyod la/ /bdag nyid kyis ni bka' yis ni/ /zhes bya ba gsungs te/ zhi pa la sogs pa'i las rnams la dkyil 'khor gtso bo tha dad pa'i sngags dang
- 104a
bka' i gnang ba thob nas las la rab tu sbyor ba'i tshe/ 'khor lo tha dad pa'i las byed par 'gyur ro/ /spyir la bskyed pa bstan nas/ da ni bye drag tu sgrol ma 'byung ba'i rgyud dang sbyar nas las thams cad pa'i sgrol ma bskyed pa gsungs pa yin no/ /zla ba'i dkyil 'khor rdzogs pa ni zhes bya ba la sogs pa gsungs te/ de la dang por sngar bshad pa'i me thab kyi dbus su e gru gsum b+ha ga'i dkyil 'khor la A las zla ba de'i steng du sa bon ti de byur ba las utpal de'i spro bsdu las sgrol ma bskyed do/ /lha mo sgrol ma bdag chen me zhes pa la sogs te go sla'o/ /spros pa'i sangs rgyas rab tu 'khrugs zhes pa ni/ sgrol ma ni yum shes rab kyi pha rol tu phyin ma yin la sras ni phyogs bcu'i sangs rgyas spros pa yin no/ /sems can thams cad bskyed pa mo ni/ sgrol ma ni chos kyi dbyings yin pas sems can thams cad bskyed pa'o/ /yid du 'od ba de lta bu rnal 'byor pas bsgoms na myur du sangs rgyas thob par 'gyur zhes pa ni mtshan ma thob par 'gyur zhes pa ni mtshan ma thob pa'i rnal 'byor ba la dgongs pa yin no/ /g.yas kyi dang po ni ral gri zhes pa la sogs pa go sla'o/ /zhal bdun pa steng ma bod? bu'i gdong ma ste/ dpal he ru ka'i rigs yin no/ /gal te 'dod pa'i gzugs can ma ni bod bu'i gdong pa la mi mos na rigs kyi bdag po don yod grub pa'i zhal du bya ba yin no/ /bsdu ba'i dngos po bzhi zhabs bzhi dang ldan pa drug pa'i mdud rtse gsum la sbrul gyis dkris pa na he ru ka gar ma zhes pa dngos grub thams cad stsol ma bsgom par bya'o/ /bsgom pa gnyis pa ni me thab kyi steng du b+ha ga'i dbus su yi la rlung du ba'i mdog can ? gyi mtshan pa bsams la/ de'i ser du a las zla bde la sa bon gyi yi ge d+hi(rgyud 'grel): de gyur pa las rgyu'i 'dam pa'i rdo rje de'i snying gar a las nyi ma'i steng du 'od zer dang ldan pa'i hUM de'i 'od kyis 'jam pa'i rdo rje spyan drangs la bdun rnam dag byas la/ de nas snying gar? de'i steng du 'od lnga dang ldan pa'i hUM
- 104b
de yongs su gyur pa las rdo rje 'jigs byed bskyed par bya'o/ /zhal dgu zhes pa la sogs pa go sla'o/ /phyag bcu gnyis pa'i byin du phal ni rdo rje rtse gcig pa rma bya'i sgo dang bcas pa'o/ /zhabs g.yas rnams kyis mi dang ma he zhes pa la sogs pa ni steng gi phyogs skyod ba brgyad mnan ba'o/ /g.yon rnams kyi 'ug pa zhes bya ba la sogs pa mkha' spyod gza' chen po brgyad la sogs pa mnan pa'o/ /de'i lta bu'i rdo rje 'jigs byed bsam pa ni mi thab kyi dbus su'o/ /gtor ma dbul bar bya ba ni mngon spyod kyi sbyin sreg byas pa'i rjes la gtor ma dbul lo// de'i 'og tu 'khor shar phyogs kyi dur khrod du srin po dang/ byang du zhing skyong dang/ nub tu ro langs/ lho ru mdud gis phug pa/ byang shar du gsal shing la bskyon pa/ shar lhor mes bsregs pa/ lho nub tu khyi dang bya sna tshogs/ /nub byang du ro ha ha rgod pas gang ba'o/ /gsum pa lha mo 'od zer can bsgom pa ni/ de nas mi las 'od zer can zhes pa la sogs pa smos te/ e gru gsum gyi dbus su e las zla ba'i steng du raM gyur pa las rta bdun gyis drangs pa'i shing rta a yongs su gyur pa las nyi ma de'i steng du ma gyur pa las 'od zer can 'od zer gyi dkyil 'khor 'jigs pa rnam par bsru? ba bya'o/ /zhal gsum la zhes pa la sogs pa go sla'o/ /bzhi pa sha ba ri bsgom pa ni nam mkha' i dbus su e gru gsum de'i nang du raM las nyi ma de'i steng du baM las ri khrod shing gi lo ma can mche ba 'don pa'i rnam pa dang/ gdug pa dang nad thams cad 'joms par byed pa'i khro bo 'bar ba sgrin gyi tshogs 'gro ba bsam par bya ste/ zhal gsum zhes pa la sogs pa go sla'o/ /snga pa ro langs kyi bde mchog bsgom pa ni/ rdo rje khro bo bsgom pa nyon cig ces bya ba la sogs pa gsungs te/ lha mo la bos nas rnal 'byor pas khro bo'i gzugs su bsgom pa na gar gyi nyams dgu dang ldan pa'i khro bo'i gzugs su bsam par bya'o zhes bya ba'i don ro/ /de la a gru gsum gyi dbus su ro'i gdan la hUM gyur pa las zhal ba zhi phyag bzhi ba'am zhab stong phyag 'bum sku mdog dkar? yongs
- 105a
bar brjod pa'i le'u nyi shu pa las bstan pa bzhin du bsgom par bya'o/ /drug pa rta mchog bsgom pa ni e gru gsum pa'i dbus su baM las pad+ma 'dab brgyad dkar po de'i dbus su hUM gyur pa las rta mchog thod pa la bzhugs pa mdog dkar po bsams la zhal bzhi phyag bzhi pa bsams par bya'o/ /de'i mtshan ma thob nas zhal bzhi pa la ra la wa pa'i rig pa'i yi ge bkod de/ de nas las la sbyor ba'i bsgrub pa brtsam par bya'o/ /de la rlung gi dbyar dung ka bdan gyis mtshan pa de'i dkyil 'khor grugs su mi 'od kyis mtshan pa/ sa'i dkyil 'khor gru bzhi pa ser po rdo rje rtse gsum pas mtshan pa/ chu'i dkyil 'khor dkar po zlum po bum pas mtshan pa mdog dmar po zhal bzhi pa phyag bzhi pa yi ge hUM phra mos bsgrub par bya ba'i yan lag gi tshogs kun bkang la lus thams cad kha dog dmar por gyur pa la lce sbyang gi gdong can gyis mkha' 'gro ma spros pas de'i khrag 'jib par bya ste/ sngags la sogs pa go sla'o/ /brgyad pa ma he'i gdong can ni e gru gsum gyi dbus su ro'i gdan la yi ge hUM gyur pa las ma he'i gzugs can zhal bzhi pa phyag brgyad pa bsam par bya'o/ /g.yas na rdo rje gsal shing zhes pa ni go sla'o/ /ba spu'i bu gnas khro bo'i tshogs du ma spros nas bsgrub bya'i bsrungs ma dang lus zungs kyi dangs ma drangs par bsam mo/ /dgu ba khyi'i gdong can ni e'i dbus su ro'i gdan la hUM gyur pa las/ rdo rje srin po khyi'i gdong can bsams la/ gshin rje gshed kyi rtsa ba'i sngags zlos shing shar nas bya rob dang byang nas lce sbyang nub nas bya rgod/ lho nas 'ug? pas bskor ba bsgoms la/ gshin rje'i gshed kyi sngags kyis bskul bas bsgrub bya ba thog par bsam pa'o/ /bcu pa gshin rje'i pho nya bsgom pa bstan pa ni/ bdag nyid hUM las gshin rje shed zhal gcig phyag gnyis pa bsgoms la rlung gyi dkyil 'khor la gnas pa'i rnga mo bsgoms la/ de'i rgyab du bskyon nas lho phyogs su khrod par bsams pa dang/ /
- 105b
rlung gis shing bsdus pa'i shing lo dgra ba'i rkang ba'i rdul dang dug dang bsres pa'i snag tshas bris la rnga mo'i rmig par sbas na bskrad par 'gyur ro/ /'ug pa dang khra'i gshog pa la dgra bo gnyis kyi ming bris nas bram ze dang dge sbyong gi skras dkris te/ sarba sa la dgra gnyis su gyur nas 'thab par bsgoms na dgra po 'byed bar 'gyur ro/ /bcu gcig pa rta'i gdong can gyi bsgom pa ni e gru gsum gyi dbus su khyab 'jug dang ma hA de ba khyo shug bzhi bgyel ba'i steng du nyi ma'i dkyil 'khor la tsa yongs su gyur pa las rta'i gdan la rta'i gdod can dgra bo'i khrag 'jib par byed pa bsgom par bya ste sku mdog ljang gu zhes bya ba la sogs pa go sla'o/ /bsgrub bya'i lte bar mi bsams pa de gyur ba las sprul mgo gsum pa gyen du rgyu ba bsams na chang 'gugs par 'gyur ro/ /bcu gnyis pa rlung mnan pa ni dkyil 'khor gru bzhi ser po byug pa bsgom par bya ste sku mdog ljang gu zhes bya ba la sogs pa go sla'o/ /bsgrub bya'i lte bar mi bsams pa de gyur ba las sprul mgo gsum pa gyen du rgyu ba bsams na chang 'gugs par 'gyur ro/ /bcu gnyis pa rlung mnan ba ni dkyil 'khor gru pa de'i dbus su bcom ldan 'das gos sngon can bsams la lho 'phye rnams zhabs gyis mnan la hUM ni hUM zhes pa'i sngags kyis gzir bar bya'o/ /bcu bzhi pa 'jigs byed chen po bsgom pa ni raM las nyi ma de'i dbus su suM gyur pa las dgyes rdor zhal brgyad phyag bcu drug pa zhal dang po nam mkhar gdangs par chu bo bdun gcig tu bsdus nas 'thung bar bsgom par bya'o/ /bco lnga pa mi g.yo ba bsgom pa ni bdag nyid b+h+ruM las rnam snang du bsams la de'i dpral ba'i dbus nas mi g.yo gzhal? gsum pa? phyag drug ba rnam snang rgyu 'phrul dra ba nas 'byung ba bzhin bsgom par bya'o/ /bcu drug pa mi'i bgegs bzlog pa ni bdag nyid nges brjod nas 'byung ba bzhin du hUM mdzad du bskyed la mi khrag dang rkang pa'i rdul las mi'i gzugs byas la mi rus kyi khur bus btab la tshogs bdag gis gzugS?
- 106a
brnyan gyi khar bcug la rdo rje gsal zhing gis brdeg par bya'o/ /bcu bdun pa gos sngon can bsgom pa ni/ zla ba'i steng du hUM gyur pa las nges brjod bshad nas bshad pa bzhin bya khyung gdong ba can gyis gos sngon can klu brgyad kyi steng na bzhugs pa bsgom par bya'o/ /bco brgyad pa sgrol ma sgom pa ni nam mkha' i dbus su taM gyur pa las utpa la de'i steng du h+ri(rgyud 'grel): gyur pa las sgrol ma zhal gsum phyag brgyad pa bsgoms nas/ dbang du bya bar 'dod na bdag nyid mdog dmar por bsgoms la rang gi lus las lcags kyu dang zhags pa'i khro bo'i tshogs phyung ste/ bsgrub bya'i snying ga dang mgrin pa nas sngags kyi 'khrul 'khor 'khor lo rtsibs bcu gnyis snying gar bkod la bsgrub bya'i rnam shes rang gi rnam shes la bsdus la lhan cig tu gyur par bsams par bya'o// bcu dgu pa thog bzlog pa ni nam mkha' i dbus su dpal mchog dang po zhal gsum phyag bzhi zhabs bzhi pa gau rI la sogs pa lha mo bzhis bskor ba/ gau rI rdo rje'i mda' gzhu/ tsau rI rdo rje gsum gyis 'khyud pa/ phra mo chu srin rgyal mtshan pa tA la rdo rje bsnyems pas bzhugs pa yid las byung ba dang/ ki li ki la dang/ rdo rje brtan pa dang/ rdo rje snyems pa zhes mtshan gyi rnam grangs dang ldan pa rang gi lus la phyud la 'gro ba sems can rnams la g.yas pa mi 'jigs pa sbyin pa dang/ g.yon pas dbang bskur bar bsam par bya'o/ /de lta bus ni thog bzlog par 'gyur ro/ /nyi shu pa gshin rje'i 'khor lo ni zhi ba la mdza' yi ya bor nas ni gnyis kyang spangs la phyi nas dbus kyi ya yang dbyi zhing yi ge lhag ma yang ci bde bar dri bar bya'o/ /de ltar mngon? spyod kyi las zin nas zhi bar bya'o/ /nyer gcig pa dbang du bya ba ni snga ma bzhin du dpal mchog dang po bsgoms la/ dpyid zlar ba'i chos brgyad lan tha pha la zhes pa so so 'cha' bza' zhing ka ma tsi ka zhes pa rgya star gyi khu bas thig le byas na dbang du 'gyur
- 106b
nyer gnyis pa 'che ba'i dug gso ba ni snying gar pad+ma 'dab brgyad kyi dbus su i las klu'i rgyal po se sha mdog dkar po de'i mig la i dgod pa las bdud rtsi 'dzag par bsams na dug zhi bar 'gyur ro/ /nyer gsum pa ni nyi ma dang zla ba bcings pa ni bdag nyid gshin rje gshed du bsgoms la 'bras kyi phye las nyi ma dang zla ba'i gzugs byas la/ gci ba'i nang du bcug na nyi zla rengs par 'gyur ro/ /nyer bzhi pa pha rol gyi dpung gzhom par 'dod pa ni dgyes rdor zhal gsum phyag drug par bsgoms la bzlas pa byas nas rdo rgyus dang bdud rtsi lnga dang ku tsa ta ra tsinda dang bsres pa'i ri lu bum pa'i mgrin pa la bris nas bsgrub bya'i mgrin pa bcad par bsams na mgo bcad par 'gyur ro/ /nyer lnga pa lha dags pa ni bdag nyid dgyes rdor du bskyed la nam mkha' i me tog dang u pa ra tsi na da dang nyi zla gzas zin pa'i tshe gcib dang btags te/ sta ri'i gzugs bya ba la sngags bye ba bzlas pa rang gis dpral bar thig le byas na gang la phyag byas pa da 'gags par 'gyur ro/ /nyer drug pa char dbab pa ni dgyes rdor zhal brgyad pa phyag bcu drug pa zhabs bzhi pa bsgoms la grog mkhar gyi sa las mdza' yas kyi gzugs byas la snying gar 'khrul 'khor bcug nas oM b+hu ru cho ga bzhin du go sla'o/ /nyer bdun pa char mi 'bab na sngags bzlog ste bzlas na dbab zhes pa ni go sla'o/ /nyer brgyad ba sprin dral par 'dod na dgyes rdor bsgoms la dur khrod kyi ras la 'khrul 'khor bris na 'grub par 'gyur ro/ /brtag pa bdun pa'i rnam par bshad pa rdzogs so// //de ltar 'jig rten gyi dngos grub sgrub pa bshad nas/ dngos grub gsum char gyi yan lag ? tu 'byed pa brgyad kyis ston pa las/ brtag pa brgyad pa'i rab tu byed pa dang po bshad par bya ste/ mtshon bya'i mtshan nyid gzhan dag ni zhes bya ba gsungs te/ mtshon bya ni sems so mtshan nyid rdo rje dang dril bu dang phreng ba ste mtshon byed do/ /rdo rje dril bu sngags/? ye shes
- 107a
kyi de nyid bzhi po 'di ma 'tshal bas bshad du gsol du zhes gsol ba 'debs pa'o/ /'khor ba las grol zhes pa tshig phyed ni skabs dbye ba phun sum tshogs pa'o/ /dang po rdo rje dang gnyis pa dril bu'i dbang bskur ba dang/ gsum pa sngags kyi phreng bas dbang bskur ba dang/ bzhi ba ye shes kyi dbang bskur rdo rje dril bu sngags ye shes kyi mtshan nyid lha rnams nyan par 'dod pa ni nyon cig mdor bstan pa'o/ /rgyas par bshad pa ni cha gsum du ni gzung ba zhes pa nas byang chub snying po la ni dgod ces pa'i bar gyis rdo rje'i de'i nyid bshad pa ste go sla'o/ /dril bu'i phyogs brgyad du yi ge'i sa bon rnams pa brgyad ces pa ni/ laM maM paM taM hUM traM h+ri?/ a dgod bar bya'o/ /shar du sgrol ma zhes pa ni go sla'o/ /gzung ba'i thabs bshad pa ni lag pa g.yas g.yon thabs dang shes rab kyi sbyor ba byas la/ g.yas pa la nyi ma g.yon pa la zla ba bsams la pad+ma'i gar bskor bas blang bar bya'o/ /bdag nyid bsgom pa ni rang 'dod pa'i lhar bsam par bya'o/ /gsor thabs bshad pa ni hUM gis glu len cing gsod bar byed pa'o/ /sems can rmongs pa gsal don du/ rdo rje gsor ba mdzas pa yis/ /rnam par chos kyi bya ba ste/ /spro bcas rdo rje gzung bar bya/ /zhes ni/ 'gro ba la ji ltar mdzes pa'i rdo rje dang rdo rje gsor zhing dril bu dkrol bar bya zhes pa'i don to/ /sngags ni go sla bas ma bshad do/ /rdo rje dril bu gzung pa'i dgos pa ni/ thabs dang shes rab chog yis/ zhes bya ba la sogs pa bsungs so/ /rdo rje dril bu'i rjes su gnang ba ni shes rab thabs kyi chog yis/ /rnal 'byor pa yi 'gro don gyis/ /zhes pa la sogs pa gsungs so/ /de nyid ma shes pa'i nyes dmigs ni de nyid ma shes rnal 'byor pa zhes bya ba la sogs pa gsungs so/ /brtag pa brgyad ba'i rab tu byed pa dang po'i 'grel ba'o// //rdo rje dang dril bu bshad nas sngags kyi phreng ba bshad pa ni/ yang dag cho ga gang gis ni/ zhes pa la sogs pa gsungs te/ mi shes pa'i
- 107b
nyes dmigs ni de nyid ma shes pa rnal 'byor pa zhes pa la sogs pas/ ji bzhin rdo rje nyon/ zhes pa'i bar gyis skabs dbye ba bstan to/ /shel dang nya phyis mu tig dang zhes pa la sogs pa go sla'o/ /sngags bsgrub pa lnga bcu ste zhes pa la sogs pa grangs bstan to/ /phyogs dang phyogs mtshams zhes bya ba la sogs pa ni skud ba'i mtshan nyid bstan to/ /ri lu rnams ni dgra bcom ste/ zhes pa la sogs pas ni phreng ba'i de nyid bstan to/ /sngon du dbyangs yig dang po la sogs pas ni lag pa byin gyis brlabs pa bstan to// rdo rje pad+ma byung ba zhes pa la sogs pas ni bgrang pa'i phreng ba lhar bskyed pa'i cho ga bstan to/ /rdo rje ma ni g.yon pa ste/ zhes bya ba la sogs pas bgrang thabs kyi bye brag bstan to/ /de ltar sngags bsgom pa dang zhes pa la sogs pas de nyid mi shes pa'i nyes dmigs bstan to/ oM pat+te paN+Ta? zhes bya ba la sogs pas ni bsgrang ba'i sngags bstan to/ /bgrang 'phreng dag pa'i sngags kyis ni/ zhes pa la sogs pas ni 'bras bu bstan to/ /ye shes de nyid khyad bar gyis zhes bya ba la sogs pas ni 'khor lo'i lha bsgom pa bstan to/ /zla ba'i dkyil 'khor dbus gnas pa zhes pa la sogs pas lha so so'i khyad par mi bsgom na thams cad kyi thun mong du rnam snang zhal gcig bya ba gnyis pa mdog dkar po bsgoms la bzlas pa bya'o/ /ci gcar pa'i cho ga 'dis zhes bya ba ni ye shes pa lus la gzhugs pa'i phyag rgya bstan to/ /A li kA li sa bon dag/ hUM gi srad bu bsgril ba yin/ zhes pa la sogs pas thig bsgril ba'i sngags kyis bsgril bar bya zhes pa'i tha tshig go /brtag pa brgyad ba'i rab tu byed pa gnyis pa'o// //de ltar rdo rje dang dril bu dang sngags kyi phreng ba'i mtshan nyid bshad nas/ ye shes kyis mtshan nyid rnams bshad pa ni/ sbyin pa dang tshul khrims la sogs pa'i bsod nams kyi las kyis mtho ris dang longs spyod can du 'gyur pa'i las ma bsags na yang sdig pa chen po
- 108a
can gyi gang zag rnams 'chi ltas kyi mtshan ma shes par byas nas/ lus kyi 'khor la sogs pa'i thabs kyis mtho ris la sogs par skye bar bya ba'am/ rnal 'byor pa sbyin pa dang tshul khrims dang ldan pa zhig yin yang 'chi ltas kyi mtshan ma shes par byas nas bu gang gu'i rlung/ rdo rje gdan bzhi las 'byung ba bzhin du sngags kyis dgag pa'am/ ma hA ya nas 'byung ba bzhin seng ge rnam grol gyi phyag rgyas dgag pa 'am rdo rje mkha' 'gro nas 'byung ba bzhin du rlung la dbang thob pas bu ga dgu'i sgo bkag ste/ srog a ba d+hU tIr bcug ste/ tshangs pa'i bug nas bton la mtho ris thob par 'gyur ba ni rdo rje 'pho ba'i mtshan nyid ces bya ste/ dgongs pa nges par 'grel pa las kyang bsam gyis mi khyab pa yongs su gyur pa'i las kyis bsod nams kyi las ma bsags kyang mtho ris dang phyug por 'gyur pa yin no zhes gsungs pa yin no/ /nyon cig rdo rje 'pho ba zhes bya ba ni dbugs 'byung rdub bkag pa'i rtsa a ba d+hU ti'i rlung dbus ma ni rdo rje yin la/ de nyid spyi gtsug gi sam? nas 'byung ba ni 'pho ba'o/ /de nyid mtshan nyid ni a na ha'i mtshan nyid do/ /rnal 'byor zhes pa ni lus kyi 'khor lo dang yi ge'i 'khor lo dang rlung gi 'khrul 'khor kyis bkag pa'o/ /lam bzang po yis ni a na ha'i rlung la brten nas bsam gtan nas ting nge 'dzin bskyed pa'o/ /rnal 'byor pa 'gro ba mdzes par ston par byed pa zhes pa ni/ rnal 'byor pa de lta la sogs pa'i 'gro ba mdzes par skye ba yin no/ /de ltar mdor bstan nas rgyas par bshad pa ni/ sgo dgu po ni gang lags dang zhes pa tshigs bcad gcig gis zhus pa yin no/ /lan gsungs pa ni srog ni 'chad pa'i dus dag tu zhes pa gsungs te/ 'chi ltas bzlog par dka' ba mthong ba na'o/ /yang dag par sbyor ba mnyan par gyis zhes pa gnas gtsang ma'i lhar skye ba'i thabs bstan gyis zhes bya'o/
- 108b
lam bzang po las yid 'ong gnas zhes pa sgo bkag bas spyi bo nas 'byung ba'o/ /lam ngan gyis ni srid pa'i skyon zhes pa ni mig dang rna ba la sogs pa'i bu gnas byung na srid par skye bar 'gyur ba'o/ /de la thig le zhes pa ni spyi gtsug nas byung na gnas gtsang ma'i lhar skye'o lte ba nas 'dod pa khams kyi lhar skye bar 'gyur ro/ /spyi gtsug las gzugs khams kyi lhar skye bar 'gyur/ /mig las mir skye'o/ /sna la gnod sbyin du'o/ /rna ba las rigs 'dzin gyi lhar skye'o/ /gci ba chu'i sgo nas dud 'gror 'gro ba'o/ /byang chub kyi sems rgyud pa'i sgo nas ni yi dags su 'gro ba'o/ /bshad ba'i lam ni dmyal bar 'gro ba'o/ /de'i rgyas par bshad pa lte ba las ni 'dod khams lha/ zhes pa la sogs pa go sla bas ma bshad do/ /de'i shin tu rgyas par bshad pa ni/ rigs kyi bu zhes bya ba la sogs pa gsungs te/ srid pa phyi mnga' ? ba'i sgo'i bye brag las 'khor ba dang mya ngan las 'das pa'i bye brag tu 'gyur ba yod pas/ rigs kyi bu 'di 'chi ba'i dus la bab par gyur na 'chi ltas kyi mtshan ma shes par byas nas rims la sogs pas ma phog pa'i sngon du mnyam par bzhag pas 'pho ba'i sbyor ba bsgom par bya'o/ /sgo rnams thams cad bkag nas ni/ zhes pa ni/ lus dang rlung dan yi ge'i 'khrul 'khor gyis bkag pa'o/ /sngon du bum pa nan ni brtsam zhes pa ni a ba d+hU tIr bzhug pa'i thabs so/ / sngags pas rgyas pa lnga'i mchod rten gyi sgo'i bu gar bsgom par bya'o zhes pa ni/ mgo bo la k+ShaM mgrin bar smra/ phrag par hUM? snying gar ? lte bar k+ShuM dgod do/ /de la mgo bo sgo la ni chu'i sa bon dkar po bsam zhes bya ba ni yi ge suM da bod par bya'o/ /gnas ? chu'i sgo la ni/ me'i sa bon bsam pa ste/ zhes pa ni bshad pa dang gci pa'i gnas su yi ge k+ShuM ? mo/ /dbu g.yus? ni sngon ba ? zhin bsgo yum zhes pa ni a ba d+hU tIr gzhug pa'o/ /lus ni rlung gi mdog tu ste/ rlung gi dkyil 'khor bsgom par bya/ zhes bya ba ni/ spyi
- 109a
bor snyaM? mo kha dog sngo skya bsgom par bya'o/ /de'i rtsa ba rlung yin te zhes bya ba ni yi ge haM mo/ /rlung gi dkyil 'khor gyi rtsa bar ba can no/ /zhes bya ba ni yi ge haM mo/ /thig le sgra dang ldan pa sa/ /sems kyi sa bon 'dren par byed ces pa ni yi ge haM/ sems kyi sa bon zhes pa ni sgras 'dren pa'o/ /rdo rje sa bon drag po ni zhes pa ni hig? zhes bya'i sgra'i don yin no/ /lcags kyu ru ni sbyar bar bya zhes pa ni/ spyi gtsug gi thig le gnas pa'i rnam par shes pa hig gi lcags kyus drangs nas spyi gtsug gi gnas su 'dren par bya'o/ /de 'ba' zhig la 'dren par byed dam zhes na/ nyi shu rtsa bzhi'i gnas dang ni/ gnas bcu las ni drag pos drangs/ zhes pa ni/ gnas de rnams la yi ge hig drag po rnam par shes pa drang bar bya'o/ /gnas gang bzhi gang gis gnas/ /zhes pa ni/ gnas nyer bzhi ste dza land+ha? ra gser sgo'o/ /tshogs dgu las sted du zhes pa ni tshangs pa'i bu ga'o/ /smin pa'i sa bon steng du 'dabs zhes pa ni rlung gis sgra cher brjod pa'o/ /brgyad kyi mdza' sa bon la/ zhes pa ni yi ge ha'o/ /drag po'i sde'i drag po nyid ni yig go /dang po'i dang po phyed du sbyar ba ni ka'o/ 'og tu rlung gi sa bon dang ldan pa ni rlung ngo/ /'khor lo sa bon ni yi ge bzhag nas drag pa'i sgra'i yi ge hig? gis 'phen par byed pa yin no/ /nyi shu rtsa bzhi'i gnas nas ni/ gong nas gong du de nas mchog ni gnas nyer gzhi las steng du ma dza land+ha ri spyi gtsug gi gnas su hig gi sgras bskul nas mod la 'pho bar shes bar 'gyur ba yin no/ /de ltar 'pho ba'i thabs bshad rgas phan yon bstan pa ni/ nyin re bram ze gsod pa dang/ zhes pa la sogs pa gsungs te go sla'o/ /lam 'di yis ni dag par 'gyur zhes pa ni/ srog a ba d+hU? tIr chud pa las shes pa rtog pa med par skyes nas bsam gtan kyi ? mi g.yo ba'i nyid? ? skyes pa
- 109b
yin no/ /de la stong pa nyid kyis rgyas btab nas shes pa stong pa nyid kyis rnam par skyes bzag pa med ba'i sdom pa yin pas de'i tshe drag po'i sgras phul nas srog tshangs pa'i bu gnas sdig pas gos par mi 'gyur zhing srid pa las ring du 'gro ba yin no/ /de nyid dpes bstan pa ni/ ji ltar 'dab las skyes pa yi/ zhes bya ba la sogs go sla'o/ /dus ni nam gyi tshe 'pho bar bya snyam na/ 'pho ba'i dus bstan pa ni/ 'pho ba'i zhes pa la sogs pa gsungs te/ nges par 'chi ba'i dus la bab na'o/ /dus min lha rnams gsod 'gyur ba ni/ dus ma yin par gsod par 'gyur ba dang/ lus kyi 'chi ltas shes par bya ba dang/ blo dang ldan pas 'chi ba bslu bar bya'o/ /'chi bslu ba'i thabs rgyas par bshad pa ni/ nyon cig rdo rje zhes skabs dbye ba gsungs pa yin no/ /de yang ji ltar bsgom snyam na sngon bzhin mtshan nyid thams cad ni/ mnyam nyid sems kyis bsgom par bya zhes pa ni/ rdo rje sem dpa' i dkyil 'khor snying gar bsgom bar bya ba de bzhin du 'chi ba bslu ba'i thabs rnams bsgom par bya'o/ /de yang ji ltar bsgom par bya snyam na/ snying ga'i dbus su hUM oM twaM? h+rI a zhes pa sangs rgyas lnga'i 'od 'bar ba dang bcas pa bsgom par bya'o/ /sngon bzhin mtshan nyid yang dag ldan/ zhes pa ni/ sems kyi dri ma bkrus nas rjes su gzhig pa'i tshul gyi stong pa nyid du 'pho ba'i? tshul gyis dngos po'i gzugs thams cad stong pa nyid 'pho bar bya'o/ /zla ba'i dkyil 'khor dbus su ni/ hUM zhes bya ba gnas pa bsam zhes bya ba ni snying ga'i zla ba la yi ge hUM gis sa bon gyi gzugs gyur pa las ye shes mkha' 'dro zhal gsum? phyag drug? pa bsgom par bya'o zhes pa ni go sla'o/ /dbus ni mi g.yor bsgom par bya zhes bya ba ni/ srog a ba d+hU tIr bcug nas ye shes bdud rtsi/ zhes bya ba lha bsgom par bya'o/ /A li kA li rab sbyor bas/ sa bon ji bzhin zhes bya ba ni/ mgo bar sna dang ?
- 110a
gnyis la yuM/ mig gnyis la hUM lkog mar suM/ mgrin par smryuM/ dprol par h+rryui?/ snying gar ymryuM/ lte bar k+Sh+mpyuM? dgod par bya'o/ /'od kyi snang ba dkar po can/ chu shing me tog pad+ma bzhin/ zhes pa ni/ snying chu shing gi me tog lta bu'i dbus na rtog med kyi zhes bya ba/ skye ba'i rten a na ha'o/ /rlung 'od dang bcas pa 'chi ba bslu ba yu'i phyir rdo rje sems dpa' zhal gsum pa phyag drug pa'i rang bzhin nam/ yi ge hUM gi rang bzhin bsgoms la/ de'i snying ga'i sgo skyong gi gnas su 'od 'pho ba ni mdun du sor drug rgyab tu sor lnga'i rlung 'byung ngo/ /zhes rdo rje gdan bzhi las gsungs so/ /de'i dbus rnam shes ye shes bcas/ shes pa srog a ba d+hU tIr bcug pa las mi rtog pa'i shes pa dga' ba gsum skyes pa ni rnam shes yin la/ de gzung 'dzin gyi sems kyi stong par mthob ba ye shes yin no/ /mi g.yo 'chi ba med pa ni/ zhes pa ni/ mi g.yo ba ni rang bzhin brgya cu dang bral ba yin no/ /'chi ba med pa ni nyon mongs pa dang shes bya'i sgrib pa dang bral ba yin no/ /dngos po bsgom par bya zhes pa ni gnyis su med pa'i dngos por bsgom ba de ni bsgom par bya ba yin la/ rang rig pa de nyid kyi stong pa nyid kyi rnam par bsgom par bya ba yin no/ /de skad du yang mnyam sbyor las/ sems dpa' sangs rgyas kun gyi dngos/ /rdo rje sems dpa' bde ba'i mchog /sna tshogs kun gyi bskal bzang po/ /mchog gi dngos grub ces bya'o zhes gsungs so/ /de ltar nang gi sbyor ba gsungs nas/ gzhan gyi sems shes ba'i man ngag ni/ de nas phyi rol ba ni la sogs pa gsungs te/ sems ni gnyis su bsgom ba las/ zhes pa ni bzung ba dang 'dzin pa'i sems gnyis su bsgoms pa las so/ /de yang ji ltar bsgoms pa las so/ /de yang ji ltar bsgom par bya snyam na/ snying ga'i phyi rol tu yi las rlung/ de'i dbus su raM las me/ de'i steng du A li kA ? las nyi zla kha sbyor de'i dbus su yab
- 110b
yuM dgu'i sa bon kha dog dmar por bsam par bya'o/ /bsgrub par bya ba'i snying gar yang dkyil 'khor de rnams bsam par bya'o/ /de nas rnal 'byor pas dbugs 'byung rdub bzlas ba bya'o/ /phyir 'byung ba'i tshe ye shes kyi sa bon hUM gi tshul gyis byung nas/ bsgrub bya'i snying ga'i dbus su bsnun par bya'o/ /phyi nas nad du 'jug pa'i tshe snying ga'i sa bon gyi yi ge la me tog lta bur bsnun par bya'o/ /de ltar dbugs 'byung rdub bzlas pas gzhan gyi sems kyi de kho na nyid dang mnyam par bsgom pa las mnyam par gzhag pa'i goms pa dang/ gzhan gyi sems shes bas 'grub par 'gyur ba la the tshom med do/ /thabs gang gis de ltar 'gyur snyam na/ sgrub pa po'i rnam 'phrul ba/ zhes bya ba smos te/ phyi rol gzhan dag gi lus la dbugs 'byung rdub kyi 'khor bas bsgoms na gzhan gyi rnam par shes pa dang bsres la twIl la sna ma'i me tog gis bsgos pa bzhin du gzhan gyi sems shes par bya'o/ /de ltar bsgom pa dang bzlas pa dang ldan pa'i rnal 'byor pa nang gi sbyor bas srog a ba d+hU tir bcug la phyi'i sbyor bas mngon shes skyes pa de/ gal te 'pho bar 'dod na spyi gtsug gi lam nas rdo rje 'pho ba bsgoms na bzang po'i las 'di rnam par bsams na 'grub par the tshom med do/ /sems gzugs can ma yin na de ji ltar 'pho ba dang mi 'pho bar 'gyur snyam na/ de nas ye shes gzugs gyur pa/ /mar me lta bu bsams nas su/ /zhes bya ba smos te/ nam mkha' i rlung la brten pa'i rnam par mi rtog pa'i ye shes mar me lta bu bsams nas mkhas pas 'pho ba la sogs pa'i las rnams bya'o/ /gnyis su med pa'i ye shes dang nyan thos la sogs pa'i sems la khyad par ni yod snyam ni/ nyan thos la sogs de nyid ni/ 'dir ni legs par bshad pa yin zhes bya ba gsungs te/ nyan thos dang? rgyal ba'i sems ni gang zag gi bdag med par rtogs nas rang gdon du rtog med
- 111a
bsgoms pa yin te/ sems ni shel dang 'dra bar gnas/ /mar me lta bur bsam par bya/ /spros pa kun la dmigs nas ni/ /spros pa spros pa med par bya zhes bya ba gsungs te/ dang po nyan thos kyi sems ni rang rig pa mar me lta bu yin la/ phyis ni spros pa rgyun bcad pa yin no/ /rnal 'byor pa'i ji ltar yin snyam na/ rnal 'byor rang bzhin med pa yis/ /'di dag thams cad yongs su btang/ zhes bya ba gsungs te/ zung du 'jug pa'i rgyas btab pas/ yod pa dang med pa'i mdza' gnyis dang bral ba yin no/ /de skad du yang kun spyod las/ gong bu'i gzugs ni 'das gyur nas/ /de yang bsam gyis mi khyab bsam/ /bsam gyis mi khyab de bsam na/ /mya ngan las 'das pa mi ston to zhes gsungs so/ /mnyam pas sbyor las/ chaD pa ma yin chags bral min/ /dbu mar yang ni mi dmigs te/ /bud med kun gyi sgyu ma'i rgya/ /'di ni gnyis med theg chen yin/ zhes gsungs so/ /de ltar 'jig rten las 'das pa'i ye shes bstan nas/ 'jig rten pa'i ye shes kyi khyad par gang lags zhes zhus pa dang/ bka' stsal pa/ lha rnams kyi ye shes ni gsal ba goms pa las byung ba yin no/ /lha ma yin gyi ye shes ni 'khor ba goms pa las 'byung bas so/ /yi dags kyi ye shes ni 'jungs pa goms pa las so/ /dmyal pa'i ye shes ni 'jigs pa goms pa las so/ /byol song? gi ye shes ni blun pa goms pa las so/ /bems po rnams ni sems dang bral ba'o/ /de su la mi bstan snyam na/ lkug cing gleng ba zhes pa la sogs gsungs so/ /su la bstan snyam na/ rnal 'byor gsang sngags khyad? par gyi zhes bya ba la sogs gsungs te/ de bas rnal 'byor bstan bcos la/ zhes bya ba la sogs pa ni 'jug bsdu ba bstan pa yin te/ rnal 'byor gyis bstan bcos 'di yang dag par rdzogs pa'i sangs rgyas kyi chos kyi dbyings mngon sum mkhyen
- 111b
pa'i lam gzhan la bstan pa yin pas 'bad de dang pa bskyed nas sgyu ma mkhan gyi rnam par thar pa bzhin du ye shes sgyu ma'i rnam par thar pa 'di sgoms na 'jig rten gyi dngos grub kyi spyod pa dang/ mchog gi dngos grub kyi grol ba'i 'bras bu thob par 'gyur ro/ /brtag pa brgyad pa'i rab tu byed pa gsum pa'i 'grel pa'o// //de ltar rdo rje dang dril bu dang phreng ba dang shes pa'i mtshan nyid bstan nas/ sngags kyi kun tu spyod pa gsungs pa ni/ sngags rnams kyis ni mtshan nyid dag /nyon cig 'dod pa'i rgyal po che/ zhes bya ba la sogs pa gsungs so/ /de ltar mdor bstan nas rgyas par bshad pa ni/ rdo rje sems dpa' i dkyil 'khor gyi sngags rdo rje dril bu la thug gi bar du gsungs pa dang/ spyan la sogs pa nas dri ma la thug gi bar du thabs dang shes rab kyi 'khor lo'i sngags gsungs pa yin no/ /oM hUM zhes pa nas he ru ka'i dkyil 'khor gyi 'khor lo zhes bya ba'i bar du he ru ka'i dkyil 'khor gyi sngags gsungs pa dang/ oM aM swAhA zhes bya ba nas bdag med pa'i dkyil 'khor ro zhes bya ba'i bar gyis bdag med ma'i dkyil 'khor gyi sngags gsungs pa dang/ dgyes pa'i rdo rje'i sngags gsungs pa dang/ 'khor lo bde mchog gi sngags gsungs pa dang/ phag ma can dang 'od zer can dang ri khrod ma gsum gyi sngags gsungs pa dang/ sgrol ma'i sngags gsungs pa dang/ sa byin gyis rlob pa'i sngags gnyis dang/ mkha' 'gro ma bzhi'i sngags dang/ ye shes kyi mkha' 'gro'i sngags dang/ mchod pa'i yan lag gi sngags dang/ dam tshigs sems dpa' dang ye shes sems dpa' dang/ bsrung ba'i sngags gsungs pa yin no// brtag pa brgyad pa'i 'grel ba rdzogs so// //sngags kyi spyod pa kun tu bstan nas khams gsum lhar shes pa'i spyod pa ni/ de nas rdo rje snying po zhes bya ba la sogs pa gsungs te/ phyag 'tshal nas zhes pa'i bar ni rdud pa po'i tshig go/
- 112a
gang zhig tu ni gnas nas su/ zhes pa 'od gsal 'khor ba'i gnas gang du gnas nas rgyu ba bcud mi rgyu ba snod kyi 'jig rten du rnam par rol cing phyis 'od gsal ba dri ma dag nas zhi ba'i go 'phang rab tu rgyas pa bcom ldan 'das lha yis bshad du gsol zhes zhus pa yin no/ /skabs dbye ba gsungs pa ni sems 'od gsal ba thams cad kyi bdag nyid du rtag tu bzhugs pa de gang zhig dag pa'i gnas skabs ni/ gsang ba mchog gi dgyes pa na/ /thams cad bdag nyid rnam par bzhugs zhes te/ de ltar ngas bshad pa'i skabs ni sems kyi rtog pa gzung ba'i dri ma dang bcas pa yin no zhes 'od gsal ba'i gnas lugs ji lta ba bzhin bshad kyis nyon zhes pa'o/ /de ltar mdor bstan nas rgyas par bshad pa ni/ dkyil 'khor lus shes bya ba gsungs te/ sngar bshad pa'i gsang ba mchog gi dgyes pa na/ /thams cad bdag nyid rtag tu bzhugs zhes pa'i don to/ /dkyil 'khor lus kyi dbus na rtsa a ba d+hU tI ni gnas yin la/ de ni mig me'i sgo dang/ sna ba rlung gi sgo? dang/ sna sa'i sgo dang/ lci chu'i sgo dang ldan pa'i dkyil 'khor gyi dbus kyi gnas der bzhugs pa'i dpa' bo ni dga' ba gsum gyi rang bzhin shes pa rtog pa med pa dang/ bde ba stong pa nyid kyi rang bzhin 'od gsal ba kun mkhyen ye shes zhes bya bar grags pa der bzhugs pa zhes pa rnal 'byor pas rtogs shing khong du chud pa yin no/ /de ltar longs sku bstan nas chos sku bstan pa ni/ rdul dang bral zhing rtog pa spangs zhes bya ba gsungs te/ rdul dang bral ba ni kun tu brtags pa dang bral ba'o/ /rtogs pa sangs? pa ni gzhan dbang dang bral ba'o/ /lus las 'das pa ni yongs su grub pa dang bral ba'o/ /dri ma med pa ni 'od gsal bde chen no/ /lus can kun las rnam par rol zhes pa ni/ sems 'od gsal bA sems can thams cad la khyab
- 112b
pa'o/ /sangs rgyas kun gyis rdzu 'phrul che/ zhes pa ni sbrul pa'i sku ston pa yin te/ sems 'od gsal ba snang ba'i dbang du byas nas/ zla ba bcu sa bcu dang/ a haM 'don pa sngags dang/ 'khru ma chos gos dang/ thal mo sbyar ba lha phyag gi tshul kyis rol pas thams cad rab tu 'jug pa yin no/ /'od gsal gyi snang ba yin na ji ltar tha dad pa yin zhe na/ la lar byang chub sems dpa' dang zhes nas/ la lar skal ba thams cad kyi zhes bya ba'i bar gyiS sprul pa'i sku thams cad du khyab par bstan pa yin no/ /dngos grub sgrub pa'i dbang phyug gtso/ zhes pa ni 'od gsal ba blo bur gyi dri ma dang bral ba ni dngos grub yin la/ de'i dbang phyug gtso ni sangs rgyas dang byang chub sems dpa' o/ /de la sogs pa mdza' yas mchog ces pa ni nges brjod nas 'byung ba bzhin du 'jig rten dang 'jig rten las 'das pa mdza' yas bar snang ngo/ /sangs rgyas kun gyi bde mchog bdag /sems 'od gsal pa'i rang bzhin no/ /dngos po ni dga' ba'o/ /dngos med ni dga' bral lo/ /de gnyis ka yang blo bur gyi dri ma yin pa de bas na rmongs pa de der bar bya'o/ /de ltar khams gsum pa'i 'od gsal ba'i lha'i rang bzhin yin par shes par byas nas/ da ni las dang po rnams kyis rtogs pa'i thabs gsungs pa ni/ A li buM pa zhes bshad de zhes gsungs so/ /b+ha ga'i pad+ma'i rtsa ba'i 'khor lo ni pad+ma'o/ /a ba d+hA tI'i sgo sprad nas gsang ba'i rdo rje reg pa ni bung ba'o/ /dga' ba gsum nyams su myong ba ni bang? bas sprang rtsi myangs pa'o/ /dung bA rdo rje 'dril? byed yin zhes pa ni bde ba stong pa nyid du rtogs pa'o/ /A li nam mkha' i mthas klas pa zhes pa ni bde ba stong pa nyid thams cad khyab pa'i chos kyi dbyings kyi rang bzhin no/ /rgyu ba cung dang mi ? snang ? gsang ba de kho na nyid 'dzin pa'i lus ni bde ba stong pa nyid rtogs pa las 'gro ba ma lus pa de las 'byung ba yin no/ de yang dgyes rdor las lugs gnas chen po lus skyes yin/ zhes
- 113a
gsungs so/ /phung po skye mched khams rnams dang/ zhes pa ni phung po khams skye mched dang/ dbang po rnams su 'dzin pa'i rnam par shes pa bdud rtsi lta bu rnam par shes pa yul de dag kun las drangs nas/ rtsa'i dbus su srog a ba d+hU tEr bcug pa ston pa yin no/ /bde bde gang gis bskyed snyam na/ 'jigs byed rdo rje sgra yis ni/ zhes gsungs te/ gtum mo drong kyis so/ /sbyor ba'i rdzas ni dbyung bar bya/ zhes pa ni/ 'khor lo gzhi la byang chub sems 'bebs pa'o/ /me dang rlung gi bdun don la /zhes pa ni hi'o/ /rdo rje ma'i sa bon sbyar ni A ring po dang sbyor ba'o/ /thig le sgra yis yang dag mnan ni steng du zla tshes dang thig le'o/ /char gyi rgyun zhes brjod pa yin zhes pa ni/ spyi gtsug nas lte ba'i bar du byang chub kyi sems 'bab pa'o/ /dbyangs yig dang po'i sa bon ni/ de'i dbus su gzung bar bya ni sgo dgu bkag la srog ab d+hU tIr bcug nas byang chub sems lte ba'i gnas su gzung ba'o/ /kA li me tog tshul du shes ni/ lte ba'i khrag gi thig le'o/ /rdo rje can gyi lus me tog ni/ byang chub sems 'dres pa las rdul gyi brnyad ma la zangs kyi zol song ba bzhin no/ /'khor ba bskyed pa ma yin zhing ni bde ba stong par bsgoms pas so/ /thams cad kyis ni sa gzhi yin ni dngos grub gsum gyi rgyu yin no/ /rtog pa'i rgya mtsho las rtog pa med pa ji ltar yin snyam na/ ye shes chu bo'i rgya mtsho'i dir/ zhes pa smos te/ 'od gsal ba'i rgya mtsho las stong pa nyid rtogs pa'i shes rab ni 'khor ba'i chu srin dang nya la sogs pa'i rnam par rtog pa'i 'dam gyi dbus nas gnyis su med pa'i rang bzhin/ dga' ba bzhi thams kyi sa bon las bde ba stong pa nyid kyi myu gu skye ba yin no/ /ye shes kyi rgya mtsho'i man ngag bstan nas/ bung bas? sbrang rtsi len pa'i man ngag bstan pa ni/ bandu ka'i me tog rgyas pa lta bu ni phyag rgya yin la/ sprad rtsi ni bde ba rtog pa med pa yin la/ bdud rtsi ni btab stong pa
- 113b
nyid de/ dug gi phyag rgya bzhi yin no/ /kA li nyid kyang bdud rtsi ste khrag ni thig le las kyang stong pa nyid kyi rgyas btab na ye shes kyi bdud rtsir 'gyur la/ bde ba rtog med me tog dang bde ba stong pa nyid kyi ? 'dzin pa yin no/ /gnyis las skyes pa'i lus yin te/ zhes pa ni khrag dang khu ba las skyes pa'i lus so/ /bdud rtsi chu bo go cha mchog ni chegs? lam gyi dbang du byas nas 'byung ba bzhi'i rtsa'i dbus na a ba d+hU tIr nam mkha' i rtsa la reg pa chu las skyes pas ni chu yin la/ de yang mi zad pa'i stong pa nyid kyis rgyas btab pa ni bdud rtsi yin no/ /de yang dang por lus kyi mngon sum gyis reg bya lnga nyams su myong bar 'gyur te/ du blta bur snang ba g.ye ba rlung yin no/ /gsher ba chu ni chu yin la/ reg bya mkhrang? ba ni sa yin no/ /ye shes rdo rjer byin brlabs pa ni a ba d+hU ti'i sgo sprad pas rtog med kyi ye shes stong pa nyid kyi rtsa byin gyis brlabs pa ni gzhag pa'o/ /de nas rnam pa lngar ni skyes shes bya'o/ /ma lus chu'i dbus gnas shing/ zhes pa ni a ba b+hu ti'i? sgo ? de/ byang chub sems kyi bde ba la brten te 'byung ba lnga'i reg bya dang/ dbus ma a ba b+hU tI dang ? pas bde ba rtog pa med pa lus kyi mngon sum gyis shes par 'gyur ro/ /de skad du yang mnyam sbyor las/ sgyu ma dag ni thams cad las/ /bud med sgyu ma khyad par 'phags/ /ye shes gsum gyi dbye ba ni/ /gsal bar 'di la rtogs par 'gyur zhes gsungs so/ /yul dmigs pa'i rkyen a ba d+hU tI'i reg bya dang/ dbang po bdag po'i rkyen khu ba dkar po dang/ mtshungs pa de ma thag pa'i rkyen slob dpon gyi man ngag dang rtog pa med pa'i bag? chags kyi sa bon las bde ba stong nyid du 'dren chus pa'i tshad ma skye ba yin no/ /de yang mkhas pa chen po'i zhal mnga' nas/ thams cad las ni sems bsdus nas/ /nang gi bdag nyid g.yo med las/ /gnas pas lus kyi reg bya ni/ /myong ba'i blo de tshad skyes yin zhes gsungs
- 114a
so/ /de yang ji ltar thams cad las sems bsdus nas bde ba rtog pa med pa skye ba'i don ni/ hUM gi rdo rje'i glu'i tshul gyis gsungs pa yin no/ /rdo rje'i yan lag dgyes pa'i thugs zhes pa ni 'khyud pa'o/ /spyan gyi gzugs ma zhas pa ni/ bltas pa dang dgod pa thos pa dang ga bur dang tsan dan gyi dri bsam pa dang/ lce dang mchu dang gzhib pa dang lag pa bcangs pa la sogs pa lus kyi reg pa'o/ /yi ge dngos po'i rang bzhin ni dga' bral du ma song ba'i byang chub kyi sems so/ /stong par rol pa nyid kyis ni stong pa nyid kyis rgyas btab pas so/ /dngos dang dngos med rnam par spangs ni/ bde ba stong pa'i mtshan nyid do/ /snying po'ang ni 'tshal ba nyid ces pa ni smes 'od gsal stong par 'dod pa'o/ /ma lus pa'i bsam pa dang/ yi ge thams cad bcom par bya zhes pa ni shes bya dang brjod bya spangs pa'o/ /gnyis gnyis 'khyud pa'i rnal 'byor gyis/ chu rnams kyis ni dgyes pa can/ zhes pa ni/ byang chub kyi sems phab pa las byung ba'o/ /gnyis kyi chos ni thob pa na/ /de ni thar pa thob pa nyid/ ces ba ni 'bras bu'o/ /'khor ba bde ba rmongs pa ni/ /rnam par grol ba gsal ma yin zhes bya ba ni mi shes pa'i gang zag las so/ /thams cad stong pa'i rang bzhin las/ /rnal 'byor pa'i sngags kyis rol zhes pa mkhas pas shes na rnam par grol ba'o// de yang mnyam sbyor las/ rnal 'byor pas ni lnga po rnams/ /sangs rgyas de nyid mtshon par bya/ zhes pa ni/ bde ba stong pa nyid rtogs pas sangs rgyas mtshon par byed pa'o/ /sgyu mar gnas pa du ma kun/ /sna tshogs gzugs kyis sems can smin/ zhes pa ni/ dge slong rgya mtsho'i sprin bzhin du gzugs la dga' ba bzhi skye ba dang/ dri za'i rgyal po rab bzangs bzhin sgra la dga' ba bzhi skye ba dang/ khyim bdag spos 'tsheng bzhin dri la dga' ba bzhi skye ba dang/ dge bsnyen ma phul du byung ba bzhin du rol
- 114b
dga' ba bzhi skye ba dang/ bcom pa mo lha'i bshes gnyan bzhin du reg bya la dga' ba bzhi skye ba nges na/ rdo rje brkyang pa'i dgos pa ni/ rnal 'byor pa bshad ces pa la sogs pa tha mal pa'i dag dang brda spangs nas sangs rgyas dang byang chub sems dpa' i brda' bya'o/ /gar rnams kyis ni khyad par dang zhes bya ba ni/ zag pa med pa'i lha'i gar bya'o/ /glu'i phyag rgya 'di dag dbul/ zhes bya ba ni/ ka ka la sogs pa zag pa med pa'i glu'o/ /gang du lag pa chang par gtad ces bya ba ni/ mda' la sogs pa'i cho ga bstan pa yin no/ /mnyam spyor las/ dbyibs dang bde blag sbyor ba dang/ /kun tu sbyor dang 'dren dang myur/ /'gengs dang 'phen dang gsal ba'o/ /rkang pa gzhibs pas sa gnon cing/ /rkang pa 'gyed pas sa gnon no/ /dkyil 'khor dag kyang gnas par bya/ /brkyang bskum gyis kyang sa gsum mnan/ zhes dbyibs kyis khyad par gsungs pa yin no/ /tshogs 'khor gyi yan lag dpa' bo'i sring mo bshad pa ni ma dang sring mo tsha mo dang zhes pa la sogs pa gsungs te/ mnyam sbyor las rnam par lta ba dang sgrol ma dang/ rgyal mtshan ma dang/ khro gnyer ma dang pad+ma gnas/ zhes pa dang/ sangs rgyas kyi brda'i phyag rgya bshad ces gsungs so/ /tshogs 'khor gyi mchod pa'i rim pa bshad pa ni/ mi chen thod pa dum bu gcig pa zhes pa la sogs pa gsungs to/ thog mar pad+ma'i gar bskor nas/ /bla ma la yang dbul bar bya/ /de nas rang gis myang ba dang/ rdo rje spun rnams la yang sbyin par bya'o/ /de skad du yang mnyam sbyor las/ e ma bde ba rmongs byed pa/ /snang ba zhes bya ? ba'i rgya/ /shi shi hUM ni tshe 'phel zhing/ /kha kha khA hi zo shig ces gsungs te/ brtag pa dgu pa'i rab tu byed pa dang po'i 'grel brdzogs so// //dngos grub gsum gyi yan lag tu kun tu spyod pa'i rtog pa bskyed? bshad nas/ rten gyi gang zag
- 115a
rgyu'i rgyud bshad pa ni/ rdo rje slob dpon grub pa yi/ /dam tshig phyag na rdo rje nyon zhes pa la sogs pa gsungs te/ dang por slob dpon gyis rang gi snying ga'i dkyil 'khor du 'jug pa dang/ dbang bskur ba thob par byas nas/ rdo rje slob dpon dam tshig mnyams pa dang/ mnyam por dam tshig dngos grub thob par 'gyur ro/ /mdor bstan nas rgyas par bshad pa ni/ 'bad pas thos bsam mthar phyin pa zhes pa la sogs pa gsungs te/ dang por rnal 'byor pa thos pa dang ldan pa dang bzlas pa 'bum byas pa dang lha la snang ba thob pa dang/ 'phrin las nus pas sems can rnams las rgyal bar 'gyur ro/ /de nyid gnas shing go cha bgos ni rnal 'byor pa'i mtshan nyid bstan te/ don dam pa'i de kho na nyid la gnas pa dang/ bsnyen bsgrub kyi rnam par sbyangs nas go cha bgos pa dang/ thabs shes rab gnyis 'brel spro pa dang thams cad mkhyen pa'i rigs lnga dang rjes su mthun pa de dang de gzung nas dga' ba bzhi bsgrub par bya'o/ /de la dang po sangs rgyas spyan gyi rigs gsungs pa ni/ gti mug bdag nyid ma dang ni/ zhes pa la sogs pa'o/ /gnyis pa kun tu bzang mo ni zhe sdang bdag nyid bu mo dang/ zhes pa la sogs pa'o/ /gsum pa gos dkar mo'i mtshan nyid ni/ chags pa'i bdag nyid sring mo dang zhes pa la sogs pa'o/ /lnga pa rin po che'i mA ma kA'i mtshan nyid bshad pa ni/ brgyas bdag nyid mna' ma dang/ zhes pa la sogs pa'o/ /thabs gang gis phyag rgya gang dang lhan cig bsgrub ce na/ spyan dang lhan cig ces la sogs pa gsungs so/ /khro bo brgyad dang sems dpa' bcu drug la sogs pa yang phyag rgyad nyid dang snyoms par 'jug gam snyam na/ da'i phyir khro bo lha dang rgyal sras sogs/ gzhan yang 'di ni bsgrub par 'gyur zhes gsungs so/ /de skad du yang mnyam sbyor las/ sangs rgyas
- 115b
lnga dang sbyor ba yis/ /kun tu sna tshogs bskal bzang mo/ /mkha' 'gro ma bzhi thams cad bsgrub ces gsungs so/ /da ni 'phrin las bzhi la spyod lam ji lta bu bya snyam na/ khro bo dpa' gtum cho gas 'grub/ /la sogs pa gsungs so/ /rjes la ro snyam spyod pa bya/ / dka' ba med pa'i thabs 'di ni/ /zhes pa gsungs te/ dga' ba bzhi'i ting nge 'dzin gyis rgyas btab pas so/ /brtser ldan rdo rje can gyis bsngags ni mngon sum gyi lam 'di bcom ldan 'das kyis bsngags shing bstod pa yin no/ /bde pa'i lam gyi man ngag gsungs pa ni/ dka' med brtul zhugs spangs pa yi/ /shin tu bde ba bsgrub pa'i thabs zhes pa ni rang bzhin brgyad cu spangs pas na/ ngan song gsum gyi sdug bsngal gyis 'jigs pa med la zag med pa'i bde ba'i ro rnyed nas/ gang zhig po nya'i lam de la mi brtson na de dag gi dka' thub spyod pa spangs pas bdag gi don yang mi nus na/ gzhan don sangs rgyas rnams lta smos kyang ci dgos shes bya'o/ /de ni slar yang gar 'gro ba/ /de yis shes par mi 'gyur ro zhes pa ni/ mkha' 'gro rnams kyi dus ma yin par bsad nas ngan song du 'go? bar 'gyur ro/ /de skad du ya/ mnyam sbyor las/ /bdag kyang pho bo bde spangs te/ /dka' thub kyis ni gzir mi bya/ /ci bde bar ni bde bar spyod/ /'di ni ma 'ongs rdzogs sangs rgyas shes gsungs so/ /rdo rje theg pa 'di la ni/ /de dag gis ni snying rings na/ snying la khrag chen 'thungs pa zhig /ma 'ongs? ? ni sdug bsngal 'gyur/ zhes gsungs so/ /des na bde ba las dngos grub thob ces pa ni ma drug? bsdu ba yin te/ tshegs med pas rnyed pa mngon sum gyi lam dang thams cad rmi lam dang sgyu ma lta bur bdag byin gyis rlob pa'i lam gyis rnal 'byor pa thams cad sangs rgyas lta tbur bltas nas ji srid 'khor ba lta bu'i 'jigs pa las ma brgal gyi bar du bstan pa'i snying po sangs rgyas kyi bka' zag pa med pa'i chos mngon sum gyis spyod par bya'o/ /brtag pa bcu pa'i rab
- 116a
tu byed pa dang po'i rnam par bshad pa'o// //de lta rgyu'i rgyud bstan nas/ 'jig rten pa'i 'bras bu bshad pa ni/ de nas gang gi rig pa yi/ zhes pa la sogs pa gsungs te/ mtshan ma thob pa'i rjes thogs nyid la mi g.yo ba'i lam bsam gtan gyi ting nge 'dzin thob pa'i 'jig rten pa'i dngos grub dang ldan pa'i rig pa'i skyes bur gyur pa de'i tshe 'og nas 'byung ba'i phan yon 'di dag dang ldan pa yin no/ /lhag ma ni go sla'o/ /brtag pa bcu pa'i rab tu byed pa gnyis pa'i 'grel pa'o// // de ltar 'jig rten gyi dngos grub bstan nas/ mchog gi dngos grub bstan pa ni/ rig pa'i skyes bu glung pa ste/ zhes pa la sogs pa gsungs te/ dga' ba bzhi'i ting nge 'dzin mthar thug pa'i rig pa'i skyes bu grub nas phyis gang du 'gro zhing gang du gnas/ zhes bcom ldan 'das la zhus pa yin no/ /lan du bka' stsal ba ni/ rig pa'i skyes bu grub bde/ phyag rgya chen pos rgyas btab ba las 'gro ba drug gang du yang mi 'gro zhing khams gsum du yang mi gnas la/ dus gsung rnam par spangs nas sku ma lta bu dang stong pa gnyis su med pa 'od gsal ba'i srid pa gsum du snang ba dang/ longs sku sangs rgyas kyi zhing thams cad du 'gro zhing/ shes bya'i dkyil 'khor ji snyed pa thams cad mkhyen pa'i ye shes yin no/ /grub pa'i mdza' la gnas pa thams cad kyi don du gnyer bar bya ba yin zhing smes can kun gyi sems la 'od gsal ba gnas la yin no/ /'od gsal de nyid ni sdig pa kun las grel zhing rjes kyi yon tan phun sum tshogs pa kun gyis brgyan pa dang/ kun la phan zhing bde ba'i ye shes phun sum tshogs pa mang rdo/ /rtag 'char mgon skyob rnam rtog spangs/ zhes pa ni ngo bo nyid kyi sku'o/ /dbyibs dang kha dog las 'das pa ni chos kyi sku'o/ /rgyal po rgyal ba'i spyod yul yin ni longs sku'o/ /gzhig par dka' bas rdo rje ste ni sprul sku'o/ /nyon mongs gdung sel zla ba ni 'phrin las so/ /'jigs pha med pas?
- 116b
seng ge ni bdud 'joms pa'o/ /'jigs par dka' bas rgya mtsho ni mngon par sangs rgyas pa'o/ /de la sogs pa sna tshogs su/ /rnal 'byor pas ni nyid du 'gyur ni/ chos kyi 'khor lo rnam pa gsum du bskor ba la sogs pa'o/ /rtog pa kun las grol nas kyang/ de nyid gcig pu 'gro don mdzad ni snyigs ma lnga'i dus su yang sku lngas byon nas 'gro ba'i don 'phrin las mdzad pa'o/ /nyams dga' lha las babs pa dang/ zhes pa la sogs pa ni mtshan nyid kyi theg pa'i sgo nas mdzad pa bcu gnyis ston pa ste go sla'o/ /brtag pa bcu pa'i rab tu byed pa gsum pa'i 'grel pa'o// //de ltar 'jig rten dang mchog gi dngos grub kyi 'bras bu bshad nas/ gsang sngags thun mong ma yin pa'i lam gyis rnam dag thabs kyi 'bras bu bshad pa ni/ bshad gci sha sogs sbyin sreg ni/ zhes pa la sogs pa smos pa ste/ bshad ? la sogs pa bdud rtsi lnga'i sbyin sreg gi ye shes pa'i zhal mi gtsang pas bkang bar gyur na ji ltar sdig par mi 'gyur/ sdig pa yin na/ ji ltar dngos grub kyi 'bras bur 'gyur zhes pa dang/ lan du bka' stsal pa ni/ ye shes rmongs pa'i sems can rnams/ zhes pa la sogs pa gsungs te/ bdag gis 'dzin pa'i rnam par rtog pa dang bcas pa'i sems can gyi ngor bsod nams kyi las dge ba dang/ bsod nams ma yin pa'i las sdig pa dang bcas pa yin gyi/ shes pa rtsog pa med pas bsam gtan gyi ting nge 'dzin dang ldan pa de'i tshe/ drag ba dang mi dge ba la sogs pa nus pa dang/ dbang shes rab ye shes dang/ bzhi pa stong pa nyid kyi gseng brtol nas/ bde ba chen pos rgyas 'chab? pas/ ? pa med pa'i ye shes skyes pa de'i tshe/ dge ba dang mi dge ba la sogs pa'i rnam par bzhag pa med la/ bdud rtsi lnga la sogs pa gtsang pa dang mi gtsang ba yang med pas/ sems can gyi don gyi gdul bya'i phyir zhi ba dang/ rgyas dang dbang dang/ mngon spyod bshad pa yin no//
- 117a
des na ji srid ye shes rnam spangs te ni/ rnam shes dang ye shes ma skyes pa'o/ /phyi rol gyi dngos po la gnas shing rtog pa'i dra bas dkris pa'i tshe/ bsod nams dang sdig pa'i phung po la sogs pa gnyis su brtags pa yin gyi/ rang bzhin rnam par dag pa yin yang/ mi shes pas bsgribs pa'i skye bo'i ngor sdig dang bsod nams rgyal bas gsungs pa yin no/ /dngos po la med pa ci'i phyir gsungs she na/ drang ba'i thams su mdzad pas na zhes gsungs so/ /sdig pa dang bsod nams gnyis ka yang/ chu rgal? bar 'dod pa'i skye bo'i gzings dang 'dra pa yin pas/ mya ngan las 'das pa'i bde ba stod pa nyid kyi grong khyer du phyin nas rab tu spong ba yin no/ /mjug bsdu ba ni de bas rtog pa'i tshogs btang ste/ zab mo'i chos la brten par bya/ zhes bya ba la sogs pa gsungs so/ /rnam rtog rmongs pa chen po ste/ zhes bya ba la sogs pa go sla'o/ /shes bya'i gnas lugs stong pa yin yang thabs gad gis rtogs par bya zhe na/ dbang po gnyis ni snyoms zhugs las zhes pa la sogs pa gsungs te/ phyag rgya bzhi dang mnyam par sbyar bas sku dga' ba dang mchog dga' / gsungs mchod dga' / thugs lhan cig skyes dga' i ye shes skyes nas rang bzhin brgyad cu spangs te/ bde ba chen po 'od gsal bas rgyas btab pas/ tshe 'di la 'khrud ba dang 'dzin pa'i nga rgyal rnam par rtog pa spangs te/ bde ba stong pa nyid kyis rgyal ba'i skur 'gyur ro/ /de yang mnyam sbyar las/ bskal pa bye ba grangs med bar/ /sangs rgyas thams cad ma thob pa/ /phyag rgya'i cho ga gad dag gis/ /tshe 'di nyid la thob par 'gyur zhes gsungs so/ /gsang ba dang/ shes rab ye shes kyi ma thob cing ma rig pas 'khrul pa'i bag chags kyis sprul pa'i 'gro ba drug sna tshogs las skyes pa yin yang/ gsang ba dang shes rab ye shes thob nas/ stong pa nyid kyis bsed
- 117b
brtol ba'i rnal 'byor pa skyes ba dang bud med thams cad 'od gsal bar shes par bya'o/ /de bzhin du dbang bzhi pa thob pa'i rnal 'byor pas sems can thams cad kyi sems rnam par rtog pa'i dra bas bcings pa yin yang 'od gsal ba'i rang bzhin du shes par bya'o/ /'gro ba sems can thams cad kyi semms snyan pa dang/ mi snyan pa'i sgra yang 'od gsal pa'i dang du shes par bya'o/ /de yang gsang ba 'dus pa'i rgyud phyi ma las/ ye shes lnga'i rang bzhin dbugs/ /'byung ba lnga yi ngo bo nyer ces gsungs so// dbang bzhi pa thob pa'i rnal 'byor pas sha ni rnam snang dang/ rkang ni mi bskyod pa ? ni rin 'byung/ mkhris pa rnang? ba mdza' yas/ gsang ba'i rdo rje'i sgo don yod grub pa yin no zhes dbang bzhi pa'i dam tshig shes pa/ rnal 'byor pa sangs rgyas dang byang chub sems dpa' i snang ba 'di ngas bshad pa yin no/ /blo dang ldan pa'i byang chub sems dpa' i thugs rje'i de kho na nyid shes nas/ bde ba chen pos rgyas btab cing mngon sum gyis lam bsgoms na/ 'dod chags la sogs pa nyon mongs pa thams cad kyang bde ba chen po ye shes lnga'i rang bzhin du shos par 'gyur ro/ /bdud rtsi lnga la sogs pa dang ma dang sring mo la sogs pa bsten pa yin yang rang bzhin brgyad cu dang bral ba'i 'od gsal bsgom pa yin pas/ thams cad las bde ba chen po 'byung bar 'gyur ro/ /byin brlabs dang mngon sum gyi lam dang bral brjes dpag go mal? pa'i ? du zhugs pa rnams ni/ sog pa por? tsam bag mar len pa bzhin du dgos pa dman pa yin pas/ ji ltar bud med byas gtam rjes yi rang zhes pa nas lam yang ma bshad mtshor bar 'gyur ba yin zhes gsungs pa yin no/ /de ltar thabs kyi rgyud lnga dang shes rab kyi rgyud bzhi'i don ston pa'i kha sbyor las byung ba'i rtog pa bcu/ rab tu byed pa bzhi bcu'i bdag nyid gsungs nas/ sangs rgyas dang byang
- 118a
chub sems dpa' dang dpa' bo dpa' no thams cad/ 'bras bu he ru ka la rjes su yi rang zhing bstod pa ni/ de nas rnal 'byor zhes pa la sogs pa gsungs te/ rnal 'byor ni gshin rje gshed la sogs pa'i khro bo bcu'o/ /rnal 'byor ma ni khwa gdong ma la sogs ba brgyad do/ /mkha' 'gro ni thod pa'i dum la sogs pa'i dpa' bo'o/ /mkha' 'gro ma ni gtum mo la sogs pa nyer bzhi'o/ /byang chub sems dpa' bye ba phrag brgyad cu ni phyag na rdo rje dang byams pa la sogs pa'o// de bzhin gshegs pa la sogs pa'i tshogs du ma ni/ rnam par gzigs dang rnam snang la sogs pa'o/ /thams cad dang ldan pa'i 'khor ni drag po dang 'jigs byed nyi shu bzhi'o/ /de dag thams cad rab tu mgu ste/ zhes pa ni/ sangs rgyas dang byang chub sems dpa' rnams so/ /thams cad kyis de bzhin gshegs pa'i ye shes thob nas ni/ dbang byas pa dang longs spyad pa dang thim par mdzad pas/ bsam gtan dang ye shes zag pa med pa'i ye shes thob pa'o/ /rdo rje snying po la sogs pa byang chub sems dpa' rnams dang ni/ yi ge'i don nyan pa thig pa thun mong ba'i byang chub sems dpa' dang/ lha dang/ klu dang/ gnod sbyin dang dri za la sogs pa ni bskyed pa'i rim pa'i lha'i sku bsgoms pa'i khro bo thams cad kyis/ bcom ldan 'das kyis gsungs pa la mngon par bstod do/ /zhes pa ni lus kyi sgo nas bskor ba dang phyag 'tshal ba dang yid kyis bdud rtsi lnga thogs pa'i lha mo sbrulpa dang/ ngag gis mkha' 'gro ma'i snying po nas 'byung ba'i mtshan rgya rtsa brgyad pas bstod pa yin no/ /rgyud thams cad kyi gleng gzhi dang gsang chen dpal kun tu kha sbyor las byung ba'i brtag pa'i rgyal po bcu pa'i 'grel pa hUM phaT rdzogs so// //bla ma ye shes dpal gyi zhabs btud nas/ /rje btsun bde mchog sku
- 118b
la dad pa yis/ /byin brlabs mngon sum lam rnams gang thob pa/ /rgyud rgyal don rnams phyin ci ma log rtogs/ /gzhan gyis bskul phyir rang gis rtogs bkod pa/ /'gro ba 'di kun mngon sum lam zhugs nas/ /rnam shes ye shes go 'phang thob nas kyang/ gnyis med bde mchog dang du 'gro bar shog /rgyud thams cad kyi gleng gzhi dang gsang chen dpal kun tu kha sbyor las byung ba'i rgya cher bshad pa rin po che'i phreng ba zhes bya ba/ rnal 'byor gyi dbang phyug chen po dpa' bo rdo rje'i zhal mnga' nas kyis mdzad pa rdzogs so// dpal zab mo'i don gsal ba'i rmad du byung ba chen po slob dpon chen po ? zhal snga nas mdzad pa bzhugs/ /*/ /rgya gar skad du/ shI bu dyA:? pra sa ka mahA ad+hu ta nA ma/ bod skad du/ dpal zab mo'i don gsal ba'i don rmad du byung ba chen po zhes bya ba/ dpal rdo rje sems dpa' la phyag 'tshal lo/ /phyag rgya chen po'i bdag nyid mgon/ /rang rig pa'i mtshan nyid dngos/ /spros pa med pa sku dang bral/ /ye shes nam mkha' i rang bzhin 'dud/ /bya ba dang/ spyod ba dang/ rnal 'byor dang/ rnal 'byor bla ma dang/ rnal 'byor bla na med pa'i rgyud kyi mchog gi nang nas/ de rang phyag rgya chen po'i thig le rgyud kyi rgyal po la/ gang zhig dpal bla mas slob ma la bshad pa bdag la gnang ba de rang don/ phyin nas rnal 'byor ma'i lung las bdun pa dang/ mtshan nyid med pa'i dag gi dbang gis rdo rje skun dang lhan cig 'brel gtam bgyid pa'i phyir bdag 'bri zhes thos so/ /de ni ji ltar bla mas gtan la phab pa'i rim pa rnam par dpyad de/ dang po re zhig brjod pa la sogs pa lnga bshad/ gang gi phyir zhe na/ des ni ? la mdor? bstan pa dang/ rgyas par bstan pa dang/ so sor bstan pa dang/ ye shes dang ye shes las byung ba'i don kun shes so/ /de'i phyir brjod pa la sogs pa lnga 'bad pas 'dri ba legs/ de la rim pa ni 'di yin te/ brjod pa dang/ brjod par bya ba dang/ 'brel pa dang/ dgos pa dang/ dgos pa'i yang dgos pa'o//
- 119a
de ru cha dang thig le la sogs pa'i bdag nyid sbyor ba drug gi rnam par shes pa man chang lnga bcu rtsa bzhi 'bri ba gang zhig dpal ye shes mkha' 'gro'i mtshan zhes bya ba'i mthar yan chad brjod pa'o/ /de ni dpal phyag rgya chen po'i thig le rje btsun smra ba de ni brjod par bya ba'o/ /de dag brjod pa dang/ brjod par bya ba gnyis gnyis su med pa'i ngo bo'i phyir/ shes rab dang thabs gnyis su med pa'i de kho na nyid kyi 'dul ba'i don gzigs nas gang zhig gsang ba'i dbang bskur ba la sogs pa sbyin pa yang bla ba de ni dgos pa/ dbang bskur ba la sogs pa thob pa'i phyi nas gang zhig 'bras bu rnyed pa de ni dgos pa'i dgos pa'o/ /'bras bu'i sgras ni sangs rgyas nyid/ /yang na rdo rje 'dzin pa'o/ /da ni brjod pa la sogs lnga la don gyi khyad par can 'bri/ gang zhig brjod pa de ni rgyud kyi mdor bstan pa'o/ /gang zhig brjod par bya ba de ni rgyud kyi don rgyas par bstan pa'o/ /gang zhig 'brel pa de ni gsang ba'i dbang la sogs pa so sor bstan pa'o/ /gang zhig dgos pa de ni shes rab ye shes kyi dbang bskur ba'i ye shes so// gang zhig dgos pa'i dgos pa de ni bzhi pa'i don gyi man ngag gi ye shes las byung ba'o/ /ye shes las byung ba'i sgras ni ye shes thams cad la khong du chud pa zhes bya ba'i don to/ /de ni slob dpon gyi gzhung ngo/ /sdud pa po'i gzhung gis ? ru brjod pa ni mdor bstan pa'i rgyud do/ /brjod par bya ba ni rgyas par bstan pa'i phyag dang zhal la sogs pa dang ldan pa'o/ /'brel pa'i ni so sor bstan pa'i mkha' 'gro ma'i 'khor ro/ /dgos pa'i ye shes ni 'dod chags kyis 'dul ba rnams la shes rab dang thabs gnyis su med pas tha mal pa'i 'dod chags 'jig pa'o/ /dgos pa'i dgos pa ye shes las byung ba ni grangs med pa'i 'jig rten gyi khams na yod pa'i bde ba dang mi bde ba la sogs pa'i nad kyis 'tshe ba la/ bde ba chen po'i gnas su slob pa'o
- 119b
de ni slob dpon gyi zhal snga nas spung pa po'i gzhung bshad pa'o/ /zhu ba po yang de ru 'di skad smra'o/ /rgyud la 'di skad bdag gis thos pa med pas sdud pa po'i gzhung ji ltar yin/ rdo rje slob dpon gyis bka' stsal pa/ 'bum lnga'i bdag nyid/ kye'i rdo rje rtsa ba'i rgyud la 'di skud bdag gis thos pa la sogs pa nye bar bstan pa gsungs so/ /de'i dus su gzhan ma yin pa'i 'khor gyi dbus su rtsa ba'i don gyi rgyud thams cad rnal 'byor ma'i gzhung gis gsang ba chen po'i don de ma thag tu rgyas btab pa'i phyir/ phyag rgya chen po'i thig la phye ma'i rgyud ces bya ba'i gsang ba'i rgya mtsho'i rgyud las gsungs so/ /phyi ma zhes bya ba ni sngar byung ba ste/ dpal sangs rgyas mnyam sbyor de kho na nyid bstan pa las de skad ces gsungs so/ /de'i phyir sdud pa pos 'di skad bdag gis thos pa la sogs pa ma smos so/ /'on kyang rtsa ba dang/ brtag pa la sogs pa rgyud kun sdud pa po'i tshig yin no/ /gang gi phyir zhe na/ bcom ldan rdo rje sems dpa' ni lha dang mi la sogs pas rnyed par dka' ba de'i phyir/ bcom ldan 'das kyi zhal nas sdud pa pos nyan te/ lha dang mi gsal bar byas so/ /de bzhin du sdud pa pos rang gis smras pa ni ma yin no/ /sdud pa po ni 'dir kyang/ rdo rje 'dzin pa'i sprul pas bcu'i dbang phyug byang chub sems dpa' sems dpa' chen po'o/ /bcom ldan ye shes mkha' 'gro la zhes bya pa la bcom ldan 'das bdag gi zhu ba gson zhes/ de skad bcom ldan 'das dpal rdo rje 'dzin pa chen po la 'og tu 'chad pa'i sbyor ba thug gi rnam par shes pa la sogs pa don zhu ba'i phyir khong du chud par mdzad ces lung ngo/ /slob dpon gzhan gyi gzhung gis 'di ru don ni 'di yin te/ b+ha ga yod pa'i phyir bcom ldan 'das/ b+ha ga'i sgra ni yang dag pa chos kyi dbyings kyi ye shes de'i ye shes kyi 'od zer gang la yod pa de ni ye shes mkha' 'gro nyid ma'o/ /slob dpon gzhan gyi gzhung gis dbang phyug la sogs
- 120a
pa'i yon tan drug dang ldan pa'i phyir bcom ldan 'das so/ /nam mkha' la 'gro ba'i phyir mkha' 'gro zhes bshad do/ /nam mkha' la 'gro ba yang don dpal in+d+ra b+hu ti'i zhal snga nas kyi gzhung gis 'di skad bshad de/ blo bur ba'i byang chub kyi sems bdag nyid rdo rje 'dzin pa rang gi ngo bo'i sku rgyal ba'o/ /gsang ba'i snying pad rgyas par byed ces bya ba la/ gsang ba ni A li kA li mnyam par sbyor ba zhes lung las bshad pa'o/ /slob dpon gzhan ma'i gzhung gis gsang ba ni chos kyi 'byung gnas so/ /rdo rje slob dpon gyi gzhung gis/ 'dab ma gsum pa'i rnam pa reg bya'i rtsa'i chu skyes so/ /snying po zhes bya ba ni byang chub kyi sems dang ma zhes bya ba ni kun tu dmar ba'i rang bzhin/ rgyas par byed pa zhes bya ba ni gsal bar mdzad pa'o/ /yang na 'byung bar mdzad pa'o zhes bya ba'i don to/ /gsang bar lte ba'i nang na gnas zhes bya ba ni slob dpon badzra bo d+hi yis gsungs pa'i A li kA li gnyis su med par sbyor ba mngon sum du rdo rje 'dzin pa chen po'i dngos po de/ 'di ru chos 'byung gnas kyi gzhal yas khang gi nang du bzhugs/ rdo rje slob dpon gyi gzhung gis/ gsang ba ni mchog gi dga' ba/ pad+ma ni chad pa'i dga' ba/ lte ba ni rang bzhin gyi dga' ba/ de lta bu'i dga' ba gsum gyi bdag nyid dga' ba gnyis kyi dbus su blo bur ba'i rang bzhin pad+ma'i 'dab mar chu bzhin du bzhums/ /de ltar 'di du gsang ba'i rgya mtsho las/ /mchog dang chad pa'i dbus su ni/ /de nyid gsum dag mi zad pa/ /gsang ba'i chu skyes lte nang bzhugs/ /gsang pa pad+ma rang bzhin bdag nyid yin zhes gsungs so/ /'bum lnga'i bdag nyid la sogs zhes bya ba la/ de ru don ni 'di ltar bshad de/ 'bum lnga'i bdag nyid gang zhig kyi'i rdo rje'i rgyud de ni brtag pa sum cu rtsa gnyis kyi mtshan nyid 'di ltar yin te/ dang po rdo rje snying po mngon par byang chub ba'i brtag pa/ gnyis pa ni
- 120b
sgyu 'phrul gyi brtag pa/ gsum pa rdo rje gang gyi brtag pa/ bzhi pa sna tshogs kyi brtag pa/ lnga pa ni rdo rje'i brtag pa/ drug pa ni stobs po che'i brtag pa/ bdun pa ni mig mo pa'i brtag pa/ brgyad pa ni gzungs ma'i brtag pa/ dgu pa ni ku ru kul+le'i brtag pa/ bcu pa ni dregs chen gyi brtag pa/ bcu gcig pa ni rnam par snang mdzad kyi brtag pa/ bcu gnyis pa ni dngos grub kyi brtag pa/ bcu gsum ba ni sgron ma'i brtag ba/ bcu bzhi pa ni rdo rje phag mo'i brtag pa/ bco lnga pa ni 'od zer gyi brtag pa/ bcu drug pa ni bdag med ma'i brtag pa/ bcu bdun pa ni gshin rje dgra'i brtag pa?/ bco? rgyad pa ni rdo rje hUM mdzad kyi brtag pa/ bcu dgu pa ni so sor 'brang ma'i brtag pa/ nyi shu pa ni sbyin sreg gi brtag pa/ nyi shu rtsa gcig pa ni rab gnas kyi brtag pa/ nyi shu gnyis pa ni dkyil 'khor chen po'i brtag pa/ nyi shu gsum pa ni gtor ma'i brtag pa/ nyi shu bzhi la ni pa ni sta gon phyir rtag pa/ nyi shu lnga pa ni mngon par byang chub ba'i brtag pa/ nyi shu drug pa ni rgyus gdab pa'i brtag pa/ nyi shu bdun pa ni spyod thabs kyi brtags/ nyi shu brgyad pa ni rdo rje glu'i brtag pa/ nyi shu dgu pa ni pad+ma gar phyi bbang phyug gi brtag pa/ sum cu pa ni phyag na rdo rje'i brtag pa/ sum cu gcig pa ni mkhar 'gro'i brtag pa/ sum cu rtsa gnyis pa ni mkha' 'gro ma'i brtag pa/ de kun dang ? mkha' 'gro dang mkha' ? ma'i yul du ma bzhugs pa zhes cig nas cig tu ? pa las byung pa'i tshig go /rgyud ces bya ba ni thabs dang shes rab gnyis med ldan pa'i bskyed rim rdzogs rim ldan pa'o/ /kyi'i rdo rje zhes bya ba ni shes rab dad thabs gnyis su med pa las rdzog spa'i bde ba chen po ye shes 'tsho zhes bya ba ni zab pa dang gzung bar dka' ba'o/ /gsungs zhes bya ba ni don ji lta ba bzhin bshad pa'o/ /sbyor drug rnal 'byor ma'i gzhung zhes bya ba 'di ltar gsungs/ rnal 'byor ma'i gzhung sgras ni rnal 'byor ma thams cad kyi brtag pa'i rgyal po de du le'u dang po
- 121a
la gang zhig sbyor pa drug rdo rje 'dzin pa chen pos bshad pa de ni rnal 'byor gyi rgyud gyi go rims kyis so/ /de'i phyir sbyor ba'i sgral bstan pa/ sbyor ba ni mnyam par 'khyud pa/ yang na phun sum tshogs pa de'i rim pa ni 'di yin te/ dang po ni bdag po'i phun sum tshogs pa/ gnyis pa ni rgyud kyi phun sum tshogs pa/ gsum pa ni bsdud pa pa'i phun sum tshogs pa/ bzhi pa ni dus kyi phun sum tshogs pa/ lnga pa ni 'khor gyi phun sum tshogs pa/ drug pa ni gnas kyi phun sum tshogs pa/ de lta bu'i sbyor ba drug gi mnyam par sbyor ba'i dngos po/ yang dag rgya che ba kun rdzob kyi dpag tu med pa shes nas/ mdor bsdus pa can gyi don du/ cha dang thig le la sogs pa'i don bstan par byas nas/ don dam pa'i sbyor ba drug gi don/ legs dgyes chen po'i mchod pa la sogs pa dang/ rdo rje glu'i gus pas bcom ldan 'das rab tu dga' bar byas nas/ gsang ba'i sgras bcom ldan 'das mas 'di skad zhus so/ /cha dang thig le tshul dag dang/ /tshul tsam mchog dang mchog las gzhan/ /sbyor ba drug dbye rnam par shes/ /gnas ni bar du gnas pa lags/ /srog ni gang nas byung ba dang/ /rdo rje 'dzin pa gang du thim/ /rdo rje nyin gang mtshan mo gang/ /mtshams dang shar ba gang zhig lags/ /gang nas nub pa yin na dus/ /mchog gi dbang phyug rtsa ni du/ dus kyi mtshan nyid gang la gsungs/ /de'i dus kyi dgos pa ci/ /A li kA li bya ba gang/ /mnga' bdag gang nas 'byung ba lags/ /ro yi bye brag du zhig gnas/ /dga' ba yang ni de bzhin no/ /gang gi dus su dga' ba rnams/ /rdo rje dbang phyug skye bar 'gyur/ /chos kyi dbyings ni ji ltar bshad/ /rdo rje yang ni ji lta bu/ /re zhig bdag gi sgra ni gang/ /gsang ba zhes bya ji ltar lags/ /mchog ces bya ba ji ltar te/ /dgyes pa'i don ni gsal bar mdzod/ /rigs kyi bye brag du tsam bstan/ /phung po la sogs
- 121b
skye mched ci/ /changs pa dbang phyug drag po dang/ /khyab 'jug rtag tu zhi ba dang/ /gang nas skye zhing gang du gnas/ /ngo bo ji ltar chen po'i tsha/ /phyag rgya'i bye brag du zhig bstan/ /phyag rgya chen po ji ltar lags/ /mgon po mchod pa'i bye brag ci/ /de ru me tog ji ltar lags/ /mgon po chen po srog gcod ni/ /ji lta bu zhig 'tshal ba lags/ /dkyil 'khor mchog gi rnam pa can/ /bcom ldan 'das de ji ltar lags/ /de du lta mo ji ltar lags/ /lha mo zhes bya gang la bshad/ /bcom ldan dur khrod du zhig mchis// de ru shing ni ji ltar lags/ /dur khrod dang ni shing rnams la/ /rgyal ba'i dbang phyug gnas bka' stsal/ /mgon po nang gi sbyin sreg dang/ /bdud rtsi lnga'i rims pa dang/ /rnal 'byor ma yi 'dus pa dang/ /de ru skad ni ji ltar lags/ /bdag nyid rang gi ngo bo ni// mgon po chen pos bka' stsol cig /de lta bu'i rig pa la/ /bzhi lhag lnga bcu drigs? la/ /gang du nyid mchog gi dbang phyug gis rgyas par bstan pa/ bdag kyang de ru slob dpon gyi gzhung gis/ nges pa'i don dang/ drang ba'i don gyi bye brag gaM 'bri zhes pa ni rigs pa'o/ /ci'i phyir zhe na/ rdo rje slob dpon gyis kyang rgyud kyi rim pa bka' stsal to/ /rgyud la thim pas dbang gi yan lag gong du ni yod do/ /de'i phyir dbang bskur ba'i don rab tu gsal bar byas nas/ rjes su rgyud thams cad kyi gleng gzhi dpyad par bya'o/ /gang gi phyir zhe na yang dag par dbang bskur ba'i slong ma lus la sogs pa thab? pa'i man ngag gi don la snod yin par 'gyur ro/ /de lta ma yin par dbang bskur ba med par rgyud don gsal bar byed na slob dpon dang slob ma rtsa ba la ltung ba'o zhes lung ngo/ /dpal phyag rgya chen po'i thig le les le'u dang po'i bshad pa'o// //da ni le'u gnyis pa la zab pa'i chig rnams bri/ bcom ldan 'das kyi bka' stsal pa la sogs pa mdza' yan chad don ji lta ba bzhin du bshad/ rim pa la sogs pa zhes bya ba la/ rim pa'i sgra
- 122a
ni sa bon las myu gu la sogs pa bzhin du nye bar dgos /yang na sbyor ba bzhi zhes bya ba ni don ji lta ba bzhin no/ /dbang bskur ni chags pa la sogs kyi dri ma dag par byed pa/ 'bras bu'i dus su gsum du dbye ba zhes bshad pa zhes bya ba ni rgyu 'bras kyi skabs su dpyad par bya'o/ /slob dpon la sogs bya ba la/ don ni 'di ltar bshad de chu dang/ dbu rgyan la sogs pas dbang bcu gcig las/ bcu gcig gi dbang phyug sangs rgyas rdo rje 'dzin pa'i sku zhes bya ba'i don to// /gsang ba zhes bya ba ni longs spyod rdzogs pa'i sku/ shes rab ye shes zhes bya ba ni chos kyi sku/ bzhi pa ni bde ba chen po'i sku/ slob dpon bcu gcig tu dbye zhes bya ba'i rim pa 'di yin te/ chu dang/ dbu rgyan dang/ rdo rje dang/ dril bu dang/ ming dang/ dam tshig gsum dang/ brtul zhugs dang/ lung bstan pa dang/ skyabs sbyin pa zhes bya ba'o/ /bcu gnyis pa gsang pa zhes bya ba ni longs spyod rdzogs pa'i sku'i mtshan nyid kyis kun rdzob dang don dam pa gnyis su med pa'i byang chub kyi sems myang ba nyams su myong ba zhes bya ba'i don to/ /bcu gsum pa shes rab ye shes zhes bya ba ni shes rab kyi pha rol tu phyin pa'i yai? shes nas spros pa dang bral ba gnyis su med par de nyid ye shes la 'jug pa/ de ltar de nyid bcu bzhi zhes bya ba ni de nyid ye shes kyi 'jug pa las gzhan ma yin/ ye shes ni nam mkha' i rang bzhin bde ba chen po'i sku nyid/ gsang ba'i dbang po rgyud kyi rim pa zhes bshad do/ /gzhan ma ni don ji lta ba bzhin du bshad/ sa dang 'bras bu gsum du dbye ba zhes bya ba la don ni 'di yin te/ gang zhig rgyu yin pa de rang rtsa ba/ 'di ru rtsa ba'i sgra ni 'od rab kyi rang bzhin chos kyi sku gsungs so/ /de yang sku dang gsung dang thugs gsum du dbye ba/ gang zhig bum pa'i dbang la sogs pa'i don de ni sku/ gang zhig gsang ba'i dbang de ni gsung/ gang zhig shes rab ye shes kyi dbang de ni thugs so/ /de rnams kyi
- 122b
'bras bu zhes bya ba ni sems las byung ba'i grags pa can/ bde ba chen po rgyal po/ /yang na 'bras bu gsum du dbye ba'i don ni 'di lta ste/ bzhi pa ni ye shes nam mkha' i rang bzhin gyi phyir rgyu la/ 'bras bu la de'i phyir de nyid gsum gyi ngo bo nyid dpal rdo rje 'dzin pas gsungs so/ /dga' ba'i bye brag gis shes par bya zhes bya ba la/ dbang rnams la phyi'i rim pas dri ma med pa'i sa la sogs pa'i 'bras bu thob pa/ nang gi rim pas dga' ba la sogs pa'i 'bras bu'o/ /'khor lo rnams la don ni 'di lta ste/ bum pa'i dbang bskur ba'i dus su/ 'khrigs pa dang/ 'o las sku'i 'khor lor dga' ba/ bdud rtsi myong ba'i dus su/ 'jig rten las 'das pa'i reg bya tshor ba las gsang ba'i dbang las gsung gi 'khor lor mchog gi dga' ba/ shes rab dang thabs mnyam sbyar ba'i bde ba nyams su myong ba las thugs kyi 'khor lor chad pa'i dga' ba/ /rang dang gzhan gyi bye brag gi dran pa med cing gang zhig dga' ba spros pa ye shes kyi 'khor lo rang bzhin gyi dga' ba zhes in+d+ra b+hu tI'i zhal snga nas kyi gzhung gis gsungs so/ /yar ngo'i tshes gsum zhes bya ba la sogs pa la/ bram ze 'bras bu'i gzhung gis gsang ba'i dbang bskur ba'i dus su byang chub kyi sems thig le gsum gzung ngo/ /rab kyi zhal la sogs pa sgra ji bzhin du bshad do/ /lo bcu gnyis ma gsang ba'i dbang gi dus su'o/ /gang gi phyir zhe na pad+ma ma che ba yin pa'i phyir gsang ba byang chub kyi sems la srung pa'o/ /lo bcu drug dang ldan pa shes rab ye shes kyi dbang gi skabs su/ dga' ba rab kyi ye shes la bsrung ba dang byung ba gnyis kyi don du'o/ /lo nyi shu pa dang ldan pa/ gsang ba dang shes rab ye shes kyi dbang gnyis kyi don ni mi rnyed pa'i phyir spang bar bya'o/ /de ltar yang nyi shu lon pa yan chad ni phyag rgya'i dngos grub ring du bgyid pa nyid bcom ldan 'das rdo rje 'dzin pas gsungs so/ /rdo rje slob dpon gyi gzhung gis lo nyi shu lon pa byang chub kyi sems la 'khrug par byed 'khrug pas
- 123a
dga' ba 'byung bar mi 'grub/ rnal 'byor bla ma'i rgyud tu 'dus par byas so/ /sring mo la sogs pa mtshan ma rnyed pa la/ dbang bskur ba gsum gyi dus su rigs par gsungs so/ /ci'i phyir zhe na/ mtshan ma ni ye shes lnga la rgya yin no// rgyu yod pas the tshom med pa'i 'bras bu rnyed do/ /ye shes kyi 'bras bu mngon du gyur pa'i rnal 'byor gyi dbang phyug la srang mo la sogs pas ni sdig pa med de/ /de ni re zhig kun rdzob kyi bden pa'i rim pa'o/ /don dam pa'i bden pa'i rim pas nang? gi bum pa'i dbang gi dus su/ skad cig bye brag gsal bar byed pa'i phyir sring mo/ /gsang ba'i dbang gi dus su dga' ba 'jo ba'i phyir du mo/ /shes rab ye shes kyi dbang gi dus su ro thams cad la snang bar byed pa'i phyir chung ma/ chung ma slob dpon la dbul bar bya zhes bya ba la sogs pa kun rdzob kyi skabs su don ji lta ba bzhin gyi rtsa ba gsungs so/ /bla ma'i gzugs kyis bdag rang nyid ces bya ba la/ rdo rje sems dpa' rje btsun nyid ces bya ba'i don to/ /bdag mchod pa las dngos grub rnyed pa zhes bya ba la/ ye shes chen po thob ces dgongs pa'o/ /de ma thag tu rgya chen po la sogs zhes bya ba la/ don 'di ltar bshad de bla ma rje btsun la yon phul ba dang/ mchod pa la sogs pa'i phyi nas phyag rgya chen po'i dngos grub ster ba/ shes rab ma me tog dang spos la sogs pa'i rdzas kyis yang dag par mchod par byas nas lha mo'i gzugs su bsgoms te/ slob ma'i yan lag thams cad du reg pa'i don tu bsnyen par bya zhing sbyin par bya zhes dgongs pa'o/ /de ni nang gi bum pa'i dbang/ phyir yang rnam par rgyal ba'i bum pa lag tu gzung bar bya/ gsang ba'i dbang gi dus su slob ma la ye shes goms pa'i phyir/ dang po slob dpon gyis sna tshogs sbyor thabs kyis bsten? par bya'o/ bsnyen pa sbyor bas byang chub kyi sems 'byung ba de ni slob ma
- 123b
kha ru dbab par bya gzhung par bya zhes sgra ji bzhin gyi rgyud kyi don no/ /sgra ji bzhin ma yin pa'i don gyis slob ma gzhan gyis dbang gang zhig 'byung ba de ni bdag gi gnas/ slob dpon nag po'i gzhung gis/ bdag gi gnas rdo rje rin po che'i snying po gzhan gyi gnas ni pad+ma rin chen gyi snying po/ slob dpon ku ku rI dza'i gzhung gis/ bdag gi gnas ni mchog gi dga' ba/ gzhan gyi gnas ni chad pa'i dga' ba/ /dpal in+d+ra d+hu tI'i gzhung gis bdag gi gnas ni bskyed rims/ gzhan gyi gnas ni rdzogs pa'i rim pa/ slob dpon Dom+bi pa'i zhal snga nas kyis/ bdag gi gnas ni thabs las byung ba/ gzhan gyi gnas ni thabs so/ /slob dpon gzhan ma'i ye shes dang/ ye shes byung ba zhes dgongs pa'o/ /srin lag mthe bong la sogs zhes bya ba la/ phyi'i don gyis rdo rje rin chen gyi snying po'i nang nas/ sems slob ma'i mthin pa'i gnas su blugs te mgrin pa'i rtsa gnyis btsir ba bya'o/ /gang gi phyir zhe na nges ni phyi nas ji ltar nyams su myong ba bzhin shes la/ rang rig pa'i mtshan nyid can yang dag par 'byung ba zhes sgra ji bzhin gyis rgyud kyi de ni bshad de/ de ru dpe ni 'di lta ste/ gzhon nu ma la sogs pa la legs dgyes bzhin no/ /ji ltar shin tu lang tsho la bab pa'i rgyal po'i bu mo 'dod pa'i bde ba nam yang ma myong bas dang po'i skabs su shin tu mkhas pa/ 'dod pa'i sbyor bar gang zhig byed pa'i legs skyes kyi bde ba de ni dpe med brjod med ces slob dpon gzhan gyi gzhung ngo/ /rdo rje slob dpon gyi gzhung gis ji bzhin/ dang po'i skabs su gzhon nu ma legs dgyes kyi bde ba/ rnam pa sna sogs kyi bye brag cang mi chod na/ de bzhin du mgrin pa'i rtsa btsir ba las phyi rol gyi dngos po cang mi tshor ro/ /mthe bong zhes bya ba ni rdo rje rin chen /srin lag cas bya ba ni rtog med ma/ sbyor ba zhes bya ba ni mnyam par 'khyung ba'i las kyis so/ /slob dpon u rgyan gyi gzhung gis srin lag ni chos kyi 'byung
- 124a
gnas/ mthe bong ni rdo rje/ slob dpon kha che'i gzhung gis srin lag ni lte ba/ mthe bong ni sa bon/ slob dpon dza land+ha ra'i gzhung gis/ srin lag ni gsang ba'i sna/ mthe bong ni gsang ba'i rtsa ba/ longs spyod ni nang du 'jug par bya zhes bya ba la slob dpon a ba d+hu ti'i shal snga nas gyi gzhung gis phan tshun byang chub kyi sems kyi me to gi sbrang rtsi yan lag bkal bas so/ /rdo rje slob dpon gyi gzhung gis/ rdo rje'i sa bon mchog gi dpa' ba' i gnas su sta ? gon bya/ u rgyan gyi gzhung gis chad pa'i dga' ba'i gnas su rab gnas bya/ de ni gsang ba nyi dbang gi rim pa'o/ /da ni rdo rje slob dpon gyi gzhung gis shes rab ye shes kyi dbang bri/ srog dang btub pa mnyam par bya zhes bya ba la/ phyi'i don gyi don ji lta ba bzhin no/ /nang gi don gyis srog ni 'gro ba'i dus/ btub pa ni 'ong ba'i dus/ dus kyi sgras ni 'jig rten las 'das pa'i bde ba nyams su myong ba'i skad cig go /mnyam par bya zhes bya ba ni ngo gcig tu byas nas bstan pa'i rdo rje gzhon nu ma la legs dgyes kyis shin tu yang mchod par bya'o/ /lags dgyes zhes bya ba ni 'khrug pa med pa don to/ /shin tu zhes bya ba ni dus ring po'o/ /hUM phaT kyi sngags rin chen la ? don 'di lta ste/ pad+ma dag rdo rje gnyis kyi lte ba'i la ru hUM phaT bkod nas/ de la pad+ma bskyod par zhes tshogs la bshad pa'i skabs su/ slob ma bshad pa'i dus su de la zhes bya ba ni byang chub kyi sems/ slob dpon u rgyan gyi gzhung gi lte ba/ slob dpon kha che'i gzhung gis bya gdod ma/ slob dpon ji land+ha ra'i gzhung gis rang byung/ slob dpon ka ma la ru pa'i gzhung gis shes rab dad thabs mnyam par 'khyud pa'o/ /de'i dus su la sogs pa ni don 'di ltar bshad de/ shes rab ye shes dbang bskur mnyam par sbyor ba'i dus su/ ji ltar skad cig dang dga' ba slob dpon le skye ba de ltar ro/ /bcu drug ma la smra bar bya'o/ /gang gi phyir
- 124b
zhe na des yang dag par shes par slob ma'i? dbang bskur ba'i dus su/ shes rab ma skad cig la sogs brda bgyid/ legs par brdas shes rab ye shes la 'khrul pa med pa'i sems grub pa zhes dgongs pa'o/ /phyi nas slob ma sbyin bar bya zhes bya ba la sogs pa'i yi ge'i don gyis bshad pa'o/ /pad+ma'i snying po'i dbus su gnas zhes bya ba la sogs pa la/ pad+ma'i snying po ni sangs rgyas rin po che'i snod/ dbus na gnas zhes bya ba ni ri bong can 'bab pa'i gnas su bzhugs so/ /ci'i phyir zhe na/ de dang don bri na/ rdo rje dbyings kyi dbang phyug pa'i rtsa?/ rdo rje gsar par kha 'byed/ rin po che la khams sa bon blugs pas phyug par byed pas rdo rje dbyings kyi dbang phyug ma zhes slob dpon gyis bstan pa'o/ /sangs rgyas nyid du thabs gzhan pas ma yin min zhes gzhan kun gyi man ngag dang/ bsgom pa la sogs pa dgag pa'i tshig go /gang gi tshe de ni mi rnyed ces pa/ 'di skad ces bshad de/ gang gi rdo rje dbyings kyi dbang phyug ma'i rtsa de ni rnams pa dang bral ba de'i phyir/ phra bas phra ba nyid ces bcom ldan 'das kyis gsungs/ /de ni gang nas rnyed ces rtog pa dang/ mi rnyed pas rgyud kyi man ngag ni ji ltar 'gyur/ de'i don la thabs 'di ltar bshad/ rdo rje dbyings kyi dbang phyug ma dngos po dang bral bas kyang/ de lta mod kyi bla ma'i man ngag las de la reg bya'i snang ba tsam nas rang gi nyams su myong pa'i sems mi bskyod par 'gyur ro/ /de ru dpe ni 'di ltar gsungs/ /me tog ke ta ki bskyed mos tshal la/ gzugs med pa'i rlung/ dbang po gsal ba'i shes rab can gyis gtan la phab nas/ gang gi tshe de ma thag tu bsnams pa tsam gyis sngar med pa'i dri nyams su myong de ltar rig pas rdo rje dbyings kyi dbang phyug ma reg bya tsam gyis ci zhig dga' ba chen po nyams su myong/ rim pa'i goms pa'i spyod pas sangs rgyas nyid 'thob/ dpal phyag rgya chen po'i thig le las le'u gnyis pa'i bshad pa'o/ /da ni le'u gsum pa'i thab? pa'i don bri/ de nas zhes bya ba rgyud thams cad kyi
- 125a
gleng gzhi dang/ dbang bskur ba'i le'u gnyis pa'i 'og tu rgyud thams cad kyi gleng gzhi'i don/ dpal rdo rje sems dpa' rje btsun nyid rgyas par bstan pas bka' stsal kyang/ de lta med kyi dang po'i re zhig rdo rje slob dpon gyi zhal snga nas/ dpal in+t+ra b+hu tI'i zhal snga nas kyi gzhung gi ni/ de nas zhes bya ba la/ dang po ma skyes pa'i rang bzhin cha yin yang thams cad 'byung bar mdzad pa zhes gsungs so/ /gsang ba zhes bya ba ni nyi ma'i 'od kyi rang bzhin thig le bshad ces bya ba ni rdo rje'i rnam pa can tshul gyi me/ mchog ces bya ba ni pad+ma'i sa bon grags pa mchog gi dga' ba/ rang gi ngo bo'i tshul can mchog gzhan zhes bya ba la/ mchog gi dga' ba las rab mchog gi mchog go /mthar mchog ces bya ba la/ nam mkha' lnga rnam par rgyan pa can/ rang bzhin dga' ba bde ba chen po'i rgyal po/ de ni sbyor drug rnam par shes pa las rgyu'i mdor bstan pa gsungs so/ /da ni 'bras bu'i rgyas par bshad de/ pud po lnga nyid lus po la/ legs dgyes dbang pa 'khor lo drug /gong du bod pa'i tshig gis 'khor lo bye brag brda mdzad do/ /de rang don rdo rje slob dpon gyis 'di skad bshad de/ rlung gi 'khor lo lte ba'i gnas/ rkang pa'i mthil gyi gnas yan chad tshogs pa la bshad pa'i skabs so slob ma la bshad pa'i dus su gsang ba'i pad+ma'i nang du'o/ /me'i 'khor lo ni de'i dkyil ma yin pa'i gru gsum gyi rnam pa/ /u rgyan gyi gzhung gis lta ba'i phyi rol lo/ /sprul pa'i 'khor lo ni lte ba'i gnas/ chos kyi 'khor lo ni snying kha'i gnas/ longs spyod kyi 'khor lo ni mgrin pa'i gnas/ bde ba chen po'i 'khor lo ni spyi bo'i gnas so/ /zla ba phyed bzhin cha'i dngos/ / rlung gi 'khor lo'i rnam par gnas/ drang ba'i don tu bcom ldan 'das kyis gsungs so/ /rdo rje slob dpon gyi gzhung gis bcom ldan 'das ma bdag med ma zhes nges pa'i don to/ /phyed min rgyas pa yang min tshul zla bzhin du dpe yis gzung 'dzin rnam par spangs/
- 125b
rang nyid skye ba med pa yin yang thams cad la skye bar mdzad pa'i phyir sgyu 'phrul chen mo spros pa med kyang/ khams ma lus pa la srog gi cha gzung ma/ nam mkha' i rang bzhin gyi phyir zhi ba/ mchog gi dga' ba sbyin pa'i phyir mchog /rmad du byung ba'i dga' ba khed du chud pa'i phyir mchog gzhan ma/ rang bzhin dga' ba'i ngo bo nyid kyi phyir bsam du med pa/ sring pa dang mya ngan las 'das pa gnyis su med pa'i phyir nam mkha' las gzhan ma yin pa'i phyir skye ba med pa/ srog gi 'khor lo la srog gi grags pa can zhes 'di ltar gsungs te/ phyi dang nang gi bdag nyid rlung gi 'khor lo skyed byed ma bdag /gang phyir zhe na rang bzhin gyi rlung gi ngo bo yin pa'i phyir dgongs pa'o/ /me yi 'khor lo'i nang du thim/ yi ge med pa 'khor lo gcig /drang ba'i don gyis bcom ldan 'das kyi lung ngo// rdo rje slob dpon gyi gzhung gis bcom ldan 'das rdo rje rigs kye'i rdo rjer grags pa bde ba chen po'i rgyal po/ /slob dpon ku ku ri'i zhal snga nas kyi gzhung gis me long lta bu'i ye shes ngo bo mi g.yo ba'i phyir yi ge med pa/ stong pa chen po'i rang bzhin kyi phyir rnam pa thams cad/ rnam pa med pa'i rnam par shes pa tsam gyi phyir kun la gnas pa/ rnam pa dang bcas pa'i rnam par shes pa'i ngo bo'i phyir kun la khyab pa dang/ yang nam mkha' i rang bzhin gyi phyir/ shes rab dang thabs gnyis su med pa'i ngo bo'i phyir bde ba 'byung ba/ mchog gi dga' ba'i rang bzhin gyi phyir bde ba 'phel ba/ yid kyi rnam par shes pa'i rang bzhin gyi phyir dbyangs dang gsal byed kyi yi ge dang bral ba/ bde ba chen po'i ngo bo nyid kyi phyir/ khams gsum lus pa rgyu bar byed pa po/ /tshul ni blo bur pa'i gnas zhes bya ba la/ drang ba'i don gyis bcom ldan 'das kyi lung/ nges pa'i don gyis rdo rje slob dpon gyi gzhung gis dpal rdo rje grags pa chen po'i rgyal po/ /spros pa dang bral ba shes rab dang thabs 'byung ba'i dus su tshul gyi 'du
- 126a
shes can/ rmad du byung ba'i dga' ba spro ba/ gang gi dga' bas thos pa dang/ drang pa dang nyams su myong ba tsam gyis de bzhin gshegs pa yang/ bde ba chen po'i bde ba brnyed/ phyi'i bud med kyi bde ba bsnyen pas dga' ba de ltar ni ma yin no// de'i phyir phyi ma yin pas rnam pa thams cad dang bral ba de mchog dbang phyug gis zhes gsungs so/ /nyan thos dang rang sangs rgyas la sogs pa la gzung bar dka' pa'i phyir shin tu 'jigs par byed pa'i klu'i rtse'i rnam pa/ ji ltar dpa' bo yin kyang sbrul chen po'i lte'i mthong na 'jigs so/ /de ltar rdo rje 'dzin pa la dga' ba 'byung ba sangs rgyas kyis kyang mi theg 'on kyang gzhan ma lha dang mi ci smos/ nam mkha' la sogs pa la byed pa po zhes bya ba la phyi'i don gyis 'di ltar bshad de/ nam mkha' i sgra ni mtho ris/ sogs pa'i sgras ni mi yul dang sa 'og /nang gi don gyis mchog gi dga' ba la sogs pa/ slob dpon Dompi ba'i zhal snga nas kyi gzhung gis rnam pa sna tshogs la sogs pa'i skad cig /dpal in+d+ra b+h+ra'a ti'i zhal snga'i gzhung gis/ ye shes gzugs dang bral a'i phyir yi ge med pa/ reg bya dang bral ba'i phyir khams med par/ ro dang bral ba'i phyir gug skyed med pa/ sgra dang bral ba'i phyir thig le med pa/ dri med pa'i phyir dpag tu med pa/ rang byung ba'i phyir skye ba med pa/ nam mkha' i rang bzhin gyi phyir mi zad pa/ don dam pa'i lte ba zhes dpal in+d+ra b+hU ti'i gzhung ngo/ /lte pa'i? gnas su la sogs bya ba la/ gong du bris so/ /slob dpon nag po pa'i gzhung gis lte ba ni gzhan ma yin sprul pa'i 'khor lo/ /slob dpon dpa' bo bzang po'i bzhung gis/ rdzogs pa'i rim pa'i phyogs su sprul pa'i 'khor lo lnga dpal sdom pa'i rgya mtsho dang/ rigs chen po de kho na nyid kyi rgya mtsho chen po'i rgyud la sogs pa de dang 'dra/ mdor bsdus pa 'dod pa la don gyi phyir/ brtag pa gnyis kyi? rgyal ba'i rgyud la sogs pa rgyas pa
- 126b
ma yin bka' stsal ba/ yang na chos la spyod pa shes rab chung ba'i phyir zhes dgongs pa'o/ /tshul tsam chos kyi 'khor lor ni/ sbrul gyi mig bzhin dri ma med/ ces bya ba la drang ba'i don gyis bcom ldan 'das kyi lung ngo/ /des pa'i don gyis rdo rje slob dpon gyi gzhung gis 'di lta ste/ bcom ldan 'das la dang po'i dga' ba 'byung ba'i tshe rdo rje 'dzin pa'i sa la gnas pa/ de bzhin gshegs pa la de'i dga' ba'i 'od zer gyi tshogs kyis/ yang dag par rmad du byung ba de ro chen po brgyad skyes so/ /de gzigs nas phyi nas mchog gi dbang phyug gis/ gsang ba chen po'i mchog /tshul tsam mchog gi dga' ba/ ye shes chen po rnam par spros pa/ chos kyi 'khor lor ni tsandan gang gis go rims kyis gnas kyi bstan pa'o/ /sbrul gyi mig bzhin dri ma med ces bya ba la/ nye bar brtags pa tsam/ 'on kyang des ni shin tu dri ma med pa nyid rab tu bstan to/ /yang na nges pa'i don gyis sprul gyi sgra ni longs spyod rdzogs pa'i sku/ kye la ri'i zhal snga nas kyi gzhung gis snang ba mched pa/ slob dpon badzra naM gi zhal snga nas kyi gzhung gis rdo rje nyi ma shar ga ka ma la gi ril zhal snga nas kyi gzhung gis thig le ye shes 'bigs pa/ rgyal mo lag smi'i gzhung gis sa la sogs pa 'byung ba lnga dang bral ba/ de'i phyir nyid rdo rje 'dzin pas yang dag dri ma med pas gsungs so/ /cha med pa'i phyir spros pa med pa zhes gzhan ma'i gzhung ngo/ /dri ma med pa zhes bya ba de'i khyad par can gyi tshig /dri ma med pa bcom pa med pa rnam pa dang brel ba/ rnam pa med pa'i phyir gnas med pa/ gnas med pa'i phyir mi g.yo ba/ ye shes kyi nam mkha' i rang bzhin zhes bya ba'i don to/ /ye shes nam mkha' i rang bzhin gyi phyir dpe dang bral ba/ dbugs dang dbugs ma yin pa med pa zhes bya ba ni yod pa dang med pa las 'das pa/ tshul tsam mchog gi ye shes na/ lha yi dbang phyug gis mi shes/ khyab 'jug dang/
- 127a
lha chen po dang/ tshangs pa dang/ brgya byin dang/ nye ba'i dbang po la sogs pas kyang ma shes pa zhes bya ba'i don no/ /mchog gi longs spyod 'khor lor gnas/ mchog ni rnam pa'i bdud rtsi mchog ces bya ba la/ drang ba'i don gyis bcom ldan 'das kyi lung ngo/ /rdo rje slob dpon gyi gzhung gis nges pa'i don gyis don 'di lta ste/ bcom ldan 'das rdo rje 'dzin pa chen po la mchog gi dga' ba ye shes chen po 'byung ba'i tshe/ grangs med pa'i 'jig rten gyi khams na bzhugs pa'i sangs rgyas dang byang chub sems dpa' dang/ 'chi ba med pa la sku 'bar ba dag dang/ skum par 'gyur ba sems kyi sangs rgyas la brgyal ba de ltar mi thub gzugs nas rdo rje 'dzin po chen pos rab tu gtum dga' ba la snang ba med par mdzad nas/ zhi ba chen po'i mtshan nyid mchog gi grags pa can gyis mdza' i dga' ba zhes rnam par spras so/ /longs spyod rdzogs pa'i don ni sngar bshad par pas/ mchog gi dga' ba zhes bya ba la dga' ba thams cad dang skad cig dang/ ro rgyas pa'i phyir ro/ /mchog gi bdud rtsi zhes bya ba la thams cad skye ba'i rgyu yin pa'i phyir ro/ /dpal in+d+ra b+hU ti'i zhal snga'i gzhung gis ma gi mi thub pa'i skabs su/ dpe med pa'i bde ba myong ba'i phyir mchog gi bdud rtsi/ slob dpon ku ku re'i zhal snga'i gzhung gis mi bskyod pa'i phyi ? mchog gi bdud rtsi/ mchog gi dang po ni slob dpon gyi zhal snga nas 'di skad ces bshad de mchog la yongs su rdzogs pa'i ngo bo'i dga' ba la/ gang zhig 'od zer gyi tshogs de ni mchog gi? dang po'i/ /mchog gi mdza' zhes bya ba la 'di skad gsungs te/ yang dag drag po'i mchog ni dga' ba gang zhig nye bar zhi bar de nyid do/ /de ni mchog gi mdza' o/ /de ru bzhugs zhes bya ba la/ de ru shar ba zhes bya ba'i don to/ /mchog grags mdza' ni dga' ba de ma thag tu bri bar byas so/ /slob
- 127b
dpon gzhan gyi gzhung gis mchog ni dang po'i dga' ba/ mchog gi mdza' ni chad pa'i dga' ba/ de ru bzhugs pa ni rang bzhin gyi dga' ba/ dpal in+d+ra b+hU ti'i zhal mnga' nas kyi gzhung gi /mchog gi dang po ni gtso bo nyid/ mdza' ni de'i 'jug bzhugs pa zhes bya ba ni bskyod pa med pas so/ /slob dpon ku ku re'i zhal snga nas kyi gzhung gis de dang 'dra'o/ /ji ltar chang gi ro ni bcud ces bya ba la/ rdo rje slob dpon gyis 'di skad ces gsungs te/ phyi rol gyi dpes ni ji ltar shin tu smin pa'i rgyun 'brum gyi ro la dga' ba yod pa de'i phyir/ kun rdzob dang don dam pa gnyis su med pa'i byang chub kyi sems kyi ros sngar med pa rmad du byung ba'i zhi ba dga' ba yod do/ /mchog gi mdza' yi dga' ba la/ gzugs la sogs pa'i rnam pa 'gog /de'i phyir gzugs bral ba yi bdag nyid bzhugs/ thams cad bdag nyid dngos po med/ ces pa nyid mchog gi dbang phyug gis gsungs so/ /mchog gzhan bde chen 'khor lor ni/ thams cad mdza' yi mdza' na bzhugs/ bcom ldan 'das kyis gsungs pa sgra ji bzhin gyis so/ /dngos grub thob pa'i slob dpon gyi gzhung gis/ don ni 'di ltar bshad de/ dpal rdo rje 'dzin pa chen po mdza' i dga' ba/ zhi ba chen po'i rang bzhin bzhugs pa'i skabs su/ de bzhin gshegs pa thams cad stong pa nyid 'jigs pa'i phyir brgyal ba/ sa la 'gyel ba de ltar gzigs nas bcom ldan 'das phyi nas kyang/ mchog sbyin gyi grags pa can rmad du byung ba chen po'i dga' ba 'bar mdzad cing snang ba'o/ /bde pa chen po'i 'khor lo zhes bya ba/ slob dpon ku ku ri'i zhal snga nas kyi gzhung gis/ bde ba chen po tsher ba'i gnas gsang ba'i rin chen gyi snying po'o/ /kun gyi mdza' i mdza' na bzhugs zhes bya ba la 'di skad gsungs te/ kun gyi mdza' i sgra ni mdza' i dga' ba'o/ /de'i mdza' i ni ma yin pa rnam par 'byed pa dpal in+d+ra b+hU ti sras kyi gzhung gis kun gyi mdza' ni dga' ba la/ mdza' na bzhugs pa zhes bya ba la rang bzhin gyi dga'
- 128a
bde'i phyir/ blta bar dga' ba'i mtshan nyid dga' / thams cad mtshan nyid min dang bral/ /brjod med mi zad zhi ba ste/ rang dga' nyams su myong ba'i dngos nyid rdo rje sems dpa' gsungs so/ /bla ma'i zhabs kyi bka' drin gyis zhes bya ba la sogs pa sgra ji bzhin gyis bshad do/ /steng 'og mnyam par sbyor ba yi/ /kha sbyar gyi ni dbyings kyi gnas/ /zhes 'khor lo rnam la de ltar mtshan nyid bshad do/ /slob dpon Dom+b+hi pa'i zhal snga nas kyi gzhung gis gsang ba'i pad+ma snying por 'og na rlung gis 'khor lo/ / steng na me'i 'khor lo/ /'og na lte ba'i 'khor lo/ /steng na chos kyi 'khor lo/ /'og na longs spyod kyi 'khor lo/ /steng nas 'ong ba bde ba chen po'i 'khor lo/ /slob dpon bi la sa badzra'i gzhung gis/ 'dab ma ni gang rung gsal ba/ lte ba rnams ni 'dus pa/ slob dpon gzhan ma'i gzhung gis nang gi 'dab ma ni 'dus pa/ de'i phyir kha sbyor gyi rnam pa yod pas zhes bstan no/ /bcu gnyis kyi phyed la sogs pa la 'khor lo rnams kyi 'dab ma'i grangs kyi tshad/ de la rim pa ni 'di yin te/ rlung gi 'khor lo'i 'dab ma drug/ /me'i 'khor lo'i 'dab ma gsum/ sprul pa'i 'khor lo'i 'dab ma drug cu rtsa bzhi/ chos kyi 'khor lo'i 'dab ma brgyad/ longs spyod kyi 'khor lo ni 'dab ma bcu drug /bde ba chen po'i 'khor lo ni 'dab ma sum cu rtsa gnyis so/ /dpal phyag rgya chen po'i thig le las le'u gsum pa'i bshad pa'o// //stong phrag bdun cu rtsa gnyis zhes bya ba la don ni 'di ltar gsungs te/ phung po lnga'i bdag nyid spyi bo dang spyi gtsug yan chad/ stong phrag bdun cu rtsa gnyis kyi nang gi rtsa'i dra bas khyab po/ /de'i nang nas rab ni gsum/ kha cig ni gnyis ni len te/ kun dga' la dpal rigs chen po'i rgyud kyi rgyal por ming dang mtshan ma gsungs so/ /'di ru 'khor lo drug gi grangs mdor bstan pa'o/ /ci'i phyir zhe na/ gang zhig 'dab ma de rang rtsa'o/ /gzhan ya 'ji ltar mtshan
- 128b
bstan pa mtshan nyid kyang de ltar ro/ /lha mo rtsa 'byung ba med pa yis/ /phung po la sogs ji ltar 'byung/ /zhes bya ba la 'di ltar bshad de/ phung po lnga'i sku bdag nyid/ /sku ni bzhi dang 'dra/ /de yang gzhi rtsa bka' bas mi 'jig par 'gyur/ mi shigs pas bsod nams dang ye shes kyi tshogs gnyis 'grub/ de las sangs rgyas nyid slob dpon gzhan gyi gzhung gis/ rtsal phung po rten/ slob dpon ku ku ri'i gzhung gis/ phan tshun mnyam par 'brel/ slob dpon Dom+bi pa'i zhal mnga' i gzhung gis phyi'i rtsa phung po la sogs pas rten du gyur to/ /slob dpon in+d+ra b+hU ti'i gzhung gis phyi dang nang gi bdag nyid gnyis so/ /slob dpon bi las badzra'i gzhung gis chu la sogs pa dang ldan pa'i rten pa'i don byed do/ /de nas rtsa'i mtshan bstan pa rgyud la gsal ba'i phyir 'dir ma bris so/ /phung po med pa'i ye ge che/ /rnal 'byor las ni ji ltar rnyed/ /ces ji ltar bshad de/ rtsa'i ni rten yin pas byang chub sems 'byung/ de ni shes rab ye shes kyi dbang gi 'bras bu thob pa/ des ni ye shes chen po rdo rje 'dzin pa nyid ces bya ba'i don to/ /de ltar min na ye shes chen po thob par mi 'gyur zhes dgongs pa'o/ /phung po lnga'i bdag nyid sku/ mkha' 'gro sngar ni rab tu grags zhes bya ba la slob dpon shAkya mai tra'i gzhung gis 'di ltar yang bshad de gzugs kyi phung po sangs rgyas mkha' 'gro/ sangs rgyas ni rnam par snang mdzad/ tshor ba'i phung po rin chen mkha' 'gro /rin chen ni rin chen 'byung ldan/ 'du shes du ba po pad+ma'i mkha' 'gro /pad+ma ni snang ba mdza' yas/ 'du byed kyi phung po ni las kyi mkha' 'gro/ las ni don yod grub pa/ rnam par shes pa'i phung po ni rdo rje mkha' 'gro/ rdo rje ni mi bskyed pa/ phung po lnga ni mkha' 'gro ji ltar 'gyur zhes rtog nas slob dpon la 'di skad bshad de/ phung po lnga ni rang bzhin mkha' 'gro lnga/ /'on kyang mi'i skabs su blo bur nga'i dri mas byang/ ji ltar zla ba dang nyi ma sprin dang mun pa dang dung pa la sogs
- 129a
kyis so/ /sangs rgyas dkyil 'khor de ltar med ces klu sgrub snying po'i zhal mnga' nas kyi gzhung ngo/ /'byung ba'i rang bzhin ye shes lnga'i don gyis bshad de/ de la rim pa ni 'di yin te/ me longs lta bu'i ye shes dang/ mnyam pa nyid kyi ye shes dang/ so sor kun tu rtog pa'i ye shes dang/ bya ba grub pa'i ye shes dang chos kyi dbyings kyi ye shes so/ /de ltar ye shes la sogs pa'i bdag nyid/ phung po lnga'i grub pa'i sku/ /rtsa'i 'byung ba med pas mi 'grub/ phung po med pa'i rnal 'byor pas dngos grub mi rnyed pas lung ngo/ /gzhan ma ni sgra ji bzhin gyis bshad do/ /lha mo'i rnam pa'i gzugs kyis ni/ /rtsa'i dngos po'i lus por zhes lus gi go rims kyis/ slob dpon ye shes byang chub gi gzhung gis bshad/ gang zhig stong drag bdun cu rtsa gnyis kyi rtsa'i dra ba de ni/ rigs chen po'i rtsa'i rgyud kyis bshad pa'i skabs su lha mo'i rnam par dag pas 'khor gyi dkyil 'khor ro/ /slob dpon nag po pa'i gzhung gis 'bum lnga'i bdag nyid mkha' 'gra'i dkyil 'khor du/ slob dpon bi las badzra'i gzhung gis mkha' 'gro ma'i brtag pa'i dkyil 'khor du/ dpal in+d+ra b+hU ti'i gzhung gis rtsa'i grangs la mdor bstan pa dang/ nges pa'i don gyis rgyud la yang med/ /lha mo'i rnam par dag pa yang yod/ 'on kyang dkyil 'khor pa'i go rims kyis bcom ldan 'das kyis ma gsungs so/ /de skad in+d+ra d+hU ti'i zhal mnga' nas kyi dgongs pa bzung nas slob dpon ka ra bi ras 'di skad ces bshad do/ /rtsa'i 'khor lo lha mo'i gzugs kun tu spral pas dam tshig chen po'i dkyil 'khor gshegs pa'i don du/ skad cig gcig gis rnal 'byor ma thams cad la legs dgyes kyi bde ba myong ba'i phyir/ nyid rdo rje 'dzin pa chen po mnyam par 'khyud par bzhugs so/ /slob dpon b+ho te'i gzhung gis 'gro ba dang mi 'gro ba la skye ba'i rgyu'i phyir/ mnyam par 'gyur ro/ /reg bya'i khams la sogs
- 129b
pa zhes bya ba'i don ni 'di ltar bshad de/ reg bya'i khams ni chos kyi 'byung gnas/ gsang ba'i pad+ma zhes bya ba'i don to/ /rgyal mtshan ni gsang pa'i rdo rje'o/ /sbyor bas ni mnyam par 'khyung pa'o/ /me'i 'khor lo'i nang du chu skyes kyi don ni 'di lta ste/ me'i 'khor lo ni gru gsum gyi gnas/ chu skyes ni de'i nang du sangs rgyas rin po che'i snod/ slob dpon sha ba ri'i gzhung gis me'i 'khor lo'i nang gi chu skyes kyi gnyis ka'i bde ba mnyam par rgyas pa las rdo rje bskyed par bya'o/ /slob dpon a naM b+ha ga badzra'i gzhung gis/ gsang ba'i pad+ma ni rlung gi rang bzhin gsang ba'i rdo rje ni nyi ma'i rang bzhin/ de dag gis me'i 'khor lo rnam par rgyas/ gang tshe rdo rje bskyod pa ni/ /de tshe me ni kheng du chung ces/ rgyud kyi go rims las rdo rje slob dpon gyis de 'di skad ces bka' stsal/ rdo rje ni snying po byang chub kyi sems/ mi ni rang las byung ba'i me tog /slob dpon gzhan gyi gzhung gis rdo rje ni thabs/ me ni shes rab/ slob dpon shAkya bshes gnyen gyi gzhung gis/ rdo rje ni A li'i rang bzhin/ me ni kA li'i rang bzhin/ dpal in+d+ra b+hU ti'i gzhung bis/ ne'i bdag nyid kyi kA li/ ye shes las rdo rje'i bdag nyid/ A li ye shes rab tu khong du chud par 'gyur ro/ /slob dpon ku ku ri'i gzhung gis A li kA li gnyis kyi kha spyang gyi sbyor bas dus gcig tu me dang rdo rje dag la khong du chung pa'o/ /je gsal je gsal gyis rnam par rgyal ba la sogs pa zhes 'di ltar bshad de/ gang gi tshe rdo rje pad+ma gnyis kyi kha 'byed pa de'i tshe/ lte ba la sogs gnas la yod pa'i 'khor lo'i chu skyes rgyas/ rnam par rgyas pas byang chub kyi sems sbrang rtsi lta bu 'jog go /slob dpon Dom+bi? pa'i gzhung gis 'khor lo drug par ma rgyas pa'i phyi nas rtsa'i 'dzag pa/ slob dpon in+d+ra b+hU ti'i gzhung gis 'khor lo'i pad+ma de rang rtsa'o/ /de ni rigs pas gzhung ngo/ /de lta min na dngos po so so'i don mi 'grub po/ /de ltar mang chag pa'i snod la chu bzhin du zhes/ nyid rdo rje 'dzin pas
- 130a
gnyis su med pa'i don gyis gsungs so/ /de nas sprul pa'i 'khor lo'i gnas la sogs zhes bya ba la rdo rje slob dpon gyi zhal nas rgyas par bshad/ bdag ni 'di ru slob dpon 'ga' tsam gyi gzhung bri/ don gyis gtan la bab par byed/ rtsa'i ye shes nyams su ma myong bas bsgom pa can bcom ldan 'das kyis drang ba'i don gzung nas/ de bzhin gzhan ma sgom par byed/ de ru yang shes pa tsam gyis yid shes par mi byed do/ /ci'i phyir zhe na/ bcom ldan 'das nye bar brtags pa'i phyir/ drang ba'i don gyis gtan la phab par byed/ de rang don skal pa dang ldan pa'i sems can gyi don du nges pa'i don gyis dpal in+d+ra b+hU ti'i zhal mnga' nas la sogs pa'i dngos grub thob pa'i slob dpon gyis gsal bar byed/ de bzhin du bar ma chad pa'i rim pas gang zhig gsal bar byed pa de na/ rigs pas ni gsung ngo/ /de ru slob dpon ku ku ri'i zhal mnga' nas kyi gzhung gis 'byung ba lnga'i rang bzhin rtsa lnga sprul pa'i 'khor lor 'dus pa ni nges pa'i don no/ /de'i rim pa ni 'di yin te shukb+he ha dag rak ta b+hA ha dang ? d+ha ha dang/ ma d+ha b+ha ha dang/ mu tra b+ha ta'o/ /rtsa gnyis ka'i rtse mo las zhes bya ba rdo rje slob dpon gyi zhal mnga' nas kyi 'di ltar bshad de/ me'i 'khor lo'i nang du gsang ba'i pad+ma'i lte ba'i g.yas g.yon/ sprul mo chud pa bzhin nyi ma dang zla ba 'dzag go /zla ba'i sgra ni shu kra /nyi ma'i sgra ni rag ta/ dpal in+d+ra d+hU ti'i gzhung gis ma da zhes bya ba/ rang 'byung gi me tog gi nang nas 'dzag /ras ni shu kra'i nang nas 'dzag de/ /mngal gyi dbus su rtsa gnyis ni/ thog pa'i dngos po bzhin/ sprul mo chud pa dang 'dra ga/ dpes de ma thag tu pri bar bya'o/ /de ni rgyu ni gcig nyid shes par bya zhes bya ba la 'dir gsungs te/ rgyu zhes bya ba ni rtsa ba/ rtsa ba 'dir a ba d+hu ti/ bdag med pa'i rang bzhin/ de rang kun dngos kyi gzugs kyis gnyis su dbye ba dang/
- 130b
gsum du dbye ba dang/ bzhi ru dbye ba dang lnga ru dbye ba dang/ drug tu dbye ba dang/ brgyad du dbye ba dang/ brgyad gnyis su dbye ba dang/ brgyad bzhi ru dbye ba dang/ brgyad brgyad du dbye ba dang/ stong phrag bdun cu rtsa gnyis su dbye ba'o/ /des ni rgyu'i rtsa ba las 'bras bu phun sum tshogs pa bshad/ g.yon du shu kra 'byung ba zhes bya ba/ nges pa'i don dang drang ba'i don gyis bcom ldan 'das kyi lung ngo/ /rdo rje slob dpon gyi gzhung gis 'di lta ste/ gcig pu ni byang chub kyi sems kyi gnyis su dbye ba dang/ gsum du dbye ba dang/ bzhi ru dbye ba dang/ lnga ru dbye ba'o/ /de la don ni rnam pa sna tshogs kyi skad cig 'byung a'i tshe/ bo la dang/ kak+ko la'i reg bya tsam gyis sra bar 'gyur ro/ /dga' ba skyes pas zhu bar gyur to/ /chad pa'i dga' ba byung bas g.yo bar gyur to/ /rang bzhin dga' ba byung bas nam mkha' i rang bzhin du gyur to/ /de lta bu'i 'byung ba chen po lnga'i rang bzhin gyis gcig pu'i bde ba chen po'i byang chub kyi sems bshad pa'o/ /de'i phyir la lar g.yas su 'ba' / la'ang g.yon phul? la dbus su/ la lar gyen du/ la lar 'og gi lam gyis/ la lar thams cad du'o/ /gang gi tshe g.yas su nyi ma la sogs zhes bya ba la/ slob dpon nag po pa'i gzhung gis ni 'di lta ste/ nyi ma'i srog /srog gi 'byung ba'i tsho/ shu kra kun du dmar po'i ngo bor 'gyur ro/ /zla ba'i sgra ni nye ba'i srog /nye ba'i srog gi 'byung ba'i tshe/ shu kra ni dkar po'i ngo bor 'gyur ro// me'i skras ni bcud shu kra dang/ rak ta gnyis kyi nang du thim/ ji ltar sgo nga'i nang du mi snang ba'i srog /slob dpon bi ma la badzra'i gzhung gis ro la don de ltar bshad do/ /slob dpon an+d+ri b+hU ti'i gzhung gis/ mchog gi dga' ba'i bdag nyid byang chub kyi sems la don de ltar bshad do/ /slob dpon ku ku ri'i zhal mnga' nas rang bzhin dga' ba'i bdag nyid la de ltar bshad do/ /de'i bshad pa'i phyi nas rdo rje slob dpon gyi zhal mnga' nas/ bskyed pa'i gzhung gis 'byung ba'i sbyor ba bshad de/ sngon gyi las kyi rlung gis rnam
- 131a
par shes pa la sogs pa zhes bya ba la 'khor bar gnas pa lha dang mi la khyad par gyis dge ba dang mi dge ba'i rgyu sngon gyi las bcom ldan 'das rdo rje 'dzin pa'i skabs su/ sngon gyi las ni sems can thams cad la phan pa'i don du de bzhin gshegs pa nyid du 'byung/ slob dpon Dom+bi pa'i gzhung gis/ las ni skad cig bzhis bskor ba'i ye shes/ slob dpon bi las bdzra'i gzhung gis/ dga' ba'i sbyor ba/ dpal in+d+ra b+hU ti'i gzhung gis/ de kho na nyid rgyas/ slob dpon ku ku ri zhal mnga' nas 'od rab kyi snang ba/ de rang yid kyi rnam par shes pa'i ngo bo'i phyir rang bzhin gyi rlung ngo/ /'khor ba zhes bya ba la tha mal pa'i skabs su srid pa tha mal lo/ /rdo rje 'dzin pa chen po'i skabs su rang bzhin dga' ba'i 'od zer spro zhes rdo rje slob dpon gyi man ngag go /gang gi tshe gang gi skabs su rang bzhin dga' ba swa bar 'gyur/ de'i tshe de'i dus su chags pa chen po'i yid phas bsgyur ces nges pa'i don gyis bcom ldan 'das kyi lung ngo/ /rdo rje slob dpon gyi don ni 'di lta ste/ pha yi sgras ni rdo rje 'dzin pa chen po'o/ /'dod chags chen pos yid bsgyur zhes bya ba la/ rang bzhin dga' ba'i rgya mtsho chen po las bzhengs te/ chad pa chen po'i grags pa can/ mchog gi dga' ba la gnas mdzad nas/ grangs med pa'i 'jig rten gyi khams la skye ba'i rgyu'i don gyi phyir/ re to'i rgyud dang ldan pa'i byu ga can shes rab rnal 'byor ma bdag med ma dang lhan cig mnyam par 'khyud par mdzad do/ /re to'i sgras ni 'jig rten las 'das pa'i dus kun tu bshad do/ /slob dpon u rgyan gyi gzhung gis chad pa'i dga' ba'o/ /slob dpon kha che'i gzhung gis 'od zer chen po'i dga' ba'i mchog go /slob dpon b+haM ga la'i gzhung giS dang po'i dga' ba'o/ /me dang nyi ma bsal bar 'byung ba'i don ni A li dad kA li 'byung bas so/ /slob dpon sha ba ri'i gzhung gis mchog dang chad pa 'byung bas so/ /de'i tshe chags pa chen po'i yid ces bya ba'i don ni/ 'di ltar bshad de/
- 131b
bcom ldan 'das ma bdag med ma'i 'jig rten gzigs nas/ sgyu 'phrul can shes rab can dang skye be du sbyor pas/ /sgyu ma'i rnam pa can 'dod chags chen po'i rang bzhin khams gsum du skye ba'i don du mkha' 'gro'i 'byung ba brten pa mdzad de/ reg bya 'dod pa zhes bya ba ni lha dang mir skye ba'i don du shes rab thabs gnyis su med pa'i sbyir ba la thim/ po la ka k+ko la 'jug par zhes bya ba la don ni 'di lta ste/ gsang ba'i rnam pa can ka k+ko la po la'i grags pa can/ rdo rje rab tu zhugs nas/ chu'i nang du chu bzhin du kun rdzob dang don dam pa gnyis su med pa'i byang chub sems su gyur to/ /kha cig pad+ma dang rdo rje gnyis gleng/ in+d+ra b+hU ti zhal mnga' nas kyi gzhung gis/ chu ni rdo rje mas byung ba'i sa bon chu'i nang du ni pad+ma las byung ba'i kun tu dmar ba'i rang bzhin de'i phyir de las sa bon la 'byung po'i rgyu zhes nyid rdo rje 'dzin pas gsung so/ /sa bon las gong bur skyes zhes bya ba la de bzhin gshegs pa 'byung bar 'gyur ro/ /gong bu'i sgras ni sku yin pa'i phyir ro/ /slob dpon gzhan ma'i gzhung gis ni gong bu nur nur po'i rnam pa'o/ /de las dang po ni rtsa skye'o/ /phyi nas gor gor dang/ rkang las 'gyur ba la sogs pa'i sbyor bas phung po la sogs pa 'byung zhes gyur to/ /dpal phyag rgya chen po'i thig le las le'u bzhi pa'i bshad pa'o/ //da ni lnga pa la zad pa'i don bri bar bya/ gsang ba'i gzhang kha'i nang na gnas zhes bya ba la/ /slob dpon gyi zhal mnga' nas gsang ba'i pad+ma'i rgyud kyi gzhung gis ni/ gzhag pa'i gsang ba ni rin po che'i snying po bshad do/ /slob dpon dpa' po bzang po'i gzhung gis ni gzhan ma yin pa'i chas kyi 'byung gnas so/ /dpal in+d+ra d+hU ti'i man ngag gi gzhung gis blta bar dka' ba'i reg bya'i gnas de ni gzhang kha'o/ /de'i phyir nyid rdo rje 'dzin pas gsang ba'i sku zhes bstan pa'o/ /de ru skye ba med pa'i cha chen po zhes bya ba la/ cha chen po'i sgras
- 132a
ni rnal 'byor ma bdag med ma/ rdo rje slob dpon gyi zhal mda' nas kyis gsungs so/ /slob dpon bi la sa badzra'i gzhung gis gsang ba'i gnas su pad+ma gzhon nu'i skud pa bzhin no/ /dpal in+d+ra b+hU ti'i gzhung gis don dam pa byang chub sems kyi zla tshes so/ /de'i phyir nyid mchog gis dbang phyug gis skye ba'i sgras gsungs so/ /de yang rnam par shes pa dang bral ba zhes bdag med ma nyid bshad do/ /ye shes sku zhes bya ba 'di ltar bshad de/ gang zhig ba dag med ma nyid de rang ye shes kyi sku nyid do// bdag med ces bya ba ni stong pa nyid kyi ngo bo nges par bstan/ stong pa nyid kyi sgra la yang rdo rje slob dpon gyi zhal mnga' nas 'di ltar nges par bstan pa gsungs pa/ stong pa nyid ces bya ba la rnam par mi rtog pa nyid ces bya ba'i don to/ /'phags pa klu sgrub kyi zhal mnga' nas ni/ kun rdzob stong pa nyid du bstan/ /stong pa nyid ni kun rdzob bo/ /de ru gnas nas srog skye zhes bya ba la/ rdo rje slob dpon gyi zhal mnga' nas 'di skad bshad de/ rtog pa dang bral ba'i bdag med ma'i gnas nas/ kun rdzob dang don dam pa gnyis su med pa'i byang chub kyi sems rnam par shes pa'i srog gi rlung 'byung ngo/ /de yang sems can la mchog gi srog gi cho zhes bya ba'i don to/ /rtag tu bdag nyid pa'i srog chen po zhes bya ba la don ni 'di ltar gsungs te/ srid pa bar mdo la rtag tu yod do/ gnas lnga'i bzhugs zhes bya ba la/ 'byung ba chen po lnga'i gnas pa zhes dgongs pa'o/ /kha cig ni 'khor lnga'i len te/ 'byung ba lnga zhes grags pa ni rdo rje slob dpon gyi zhal mnga' nas 'di skad gsungs so/ /gang zhig 'byung ba chen po lnga de rang nam mkha' dang lnga'o/ /des brgyan pa khyab pa zhes bya ba'i don to/ /ci zhig ce na srog gi rlung ngo/ /nam mkha' nam mkhar thim zhes bya ba la 'di ltar gsungs te/ nam mkha' zhes bya ba ni byang chub kyi sems/ nam mkha' i ni 'byung ba tshan
- 132b
bo lnga'i 'o/ /thim zhes bya ba ni reg bya chen po skye bar byed do/ /slob dpon mtsho skyes rdo rje'i gzhung gis nam mkha' ni rnam par shes pa/ nam mkha' thim pa ni 'byung ba chen po lnga la khyab par gnas pa'o/ /dpal in+d+ra b+hU ti'i zhal mnga' nas ni nam mkha' ni srog /nam mkha' zhes bya ba ni 'byung ba chen pa lnga la phan tshun rten cing sbyor ba'o/ /de nyid dpal rdo rje 'dzin pas 'di skad gsungs te/ 'byung ba chen po bzhi po ni/ /srog la rten du shes par bya/ /yang na de la srog ni rten/ /legs dgyes dbang mo shes par bya/ /de du nyid mchog gis dbang phyug bskyed pa'i rim par 'byung ba chen po'i don rab tu gsal bar byed do/ /rnam par shes pa las rlung skyes/ de las me ni 'byung bar 'gyur/ /de las chu ni skye bar 'gyur/ /chu las sa ni 'byung bar 'gyur/ /de las phung po yang dag 'byung/ /phung po las ni skye mched do/ /de las ye shes rang bzhin no/ brgya rtsa brgyad kyi rim pas so/ /de ru? bla ma'i zhal mnga' nas gnyis gnyis pa'i rgyud kyi go rim gyis rang bzhin ye shes la chang bstan te/ 'bar dang 'khrug dang khro ba dang/ /da rgyal phyogs kun lta ba dang/ /ldan? par ngo tsha med pa dang/ 'dzag pa rab tu rgyas pa dang/ /sgeg pa dregs dang rol pa dang/ /sgeg pa dregs dang rol pa dang/ /bsam pa nor la chags pa dang/ /bud med la dpyad nor pa'i rtsi/ /skom pa brgyal pa gnyid sad dang/ /dbul? dang dga' ba'i mchi ma 'bab?/ /sems ni g.yo ba dang ni rgyu/ /mi rtogs nad dang mi snang dang/ /rgod pa blu dang dga' ba'i yid/ /bcu gnyis bdun gyis lhag pa'o/ /thun tshod gnyis kyi re re ni /ye shes yan lag la rim 'byung/ /de ru 'phags pa klu sgrub snying po'i gzhung gis/ rdo rje slob dpon gyi zhal mnga' nas kyi don ni 'di ltar bshad de/ ye shes ni kun gzhi rnam par shes pa/ de'i yan lag ni skor ba/ de rang nyid bdag med ma'i rang bzhin/ bdag med ma'i rang bzhin yin yang lus la rten nas 'gro ba la sogs pa'i don byed do//
- 133a
ji ltar rgya mtsho chen po la brten byas nas/ shing chen po bskor bar bgyid do/ /slob dpon utpa la'i gzhung gis rnam par shes pa ni rlung gi rang bzhin gyi ngo bo'o/ /dpal badzra pu ti zhal mnga' nas kyi man ngag gis/ las kyi rlung gis byas thun tshod gnyis kyi bar du/ nyi shu rtsa bdun kyis gnas su ran pa'i dus su/ chu tshod phyed phyed las kyi longs spyod myong nas/ phyi nas kyang 'og gi lam nas de'i rim pas rab tu bskor ro/ /de ltar mtshan mo dang nyin mo'i bar du/ rang bzhin brgya rtsa brgyad la longs spyod dang/ thim pa dang dbang ngo/ /de ru slob dpon nag po pa la sogs pa'i man ngag gi rim pa ni 'di yin te las kyi rlung la zhon nas kun gzhi rnam par shes pa gang gi tshe spyi bo na gnas bgyid pa'i tshe/ dbang grags lus po la 'bar ba'i rtags su gyur to/ /gang gi tshe spyi gtsug na gnas pa de'i tshe longs spyod gang la 'khrul pa'i rtags su gyur to/ /gang gi tshe rna ba g.yas pa la shar na/ de'i tshe mi snang ba'i rtags su 'gyur ro/ /gang gi tshe rgyab kyi gling bu na gnas par gyur na de'i tshe dbang gi ? sems la nga rgyal gyi rtags 'byung ngo/ /gang gi tshe rna ba g.yon na gnas par gyur na/ de'i tshe longs spyod can phyogs su lha ba'i rtags su 'gyur ro/ /gang gi tshe smin mtshams su gnas pa de'i tshe/ mi snang ba'i rang bzhin lus po la gcig gtong ba'i rtags su 'gyur ro/ /gang gi che mig tu gnas pa de'i tshe/ dbang gi rang bzhin ngo? che med pa'i rtags su 'byung ngo/ /gang gi tshe lag dar gyi rtsa gnyis su gnas par gyur pa de'i tshe longs spyod kyi rang bzhin shu kra 'dzag pa'i rtags 'byung ngo/ /gang gi tshe 'chan khung gnyis la gnas par gyur pa de'i tshe/ mi snang ba'i rang bzhin sems rgyas pa'i rtags 'byung/ gang gi tshe nu ma gnyis su gnas par gyur pa de'i tshe dbang gi grags pa can nga rgyal gyi rtags 'byung ngo/ /gang gi tshe ste
- 133b
bar gnas par gyur pa de'i tshe/ longs spyod kyi rang bzhin dregs pa'i rtags 'byung ngo/ /gang gi tshe sna'i rtse mo la gnas par gyur pa de'i tshe thim pa'i rang bzhin las rol pa'i rtags 'byung ngo/ /gang gi tshe kha ru gnas par gyur pa de'i tshe/ dbang grags shes rab bsam pa'i rtags 'byung ngo/ /gang gi tshe mgrin par gyur pa de'i tshe/ nor la chags pa'i rtags 'byung ngo/ /gang gi tshe snying gar gnas par gyur pa de'i tshe mi snang ba'i rang bzhin sgom pa'i rtags 'byung ngo/ /gang gi tshe mtshan ma'i rtsa la gnas par gyur na/ de'i dbang grags brgyal ba'i rtags 'byung ngo/ /gang gi tshe mtshan mar gnas pa de'i tshe/ longs spyod kyi rang bzhin gnyid sad pa'i rtags 'byung ngo/ /gang gi tsho gzhang khar gnas par gyur pa de'i tshe mi snang ba'i rang bzhin dbyal gyi rtags 'byung ngo/ /gang gi tshe brla ru gnas pa de'i tshe/ dbang grags can dga' ba'i la tshim pa'i rtags 'byung ngo/ /gang gi tshe rje dang gnyis la gnas par gyur pa de'i tshe longs spyod kyi rang bzhin sems g.yo ba'i rtags 'byung ngo/ /gang gi tshe sor mor gnas par gyur pa de'i tshe mi snang ba'i rang bzhin rgyug pa'i rtags 'byung ngo/ /gang gi tshe rkang mthil la gnas par gyur pa de'i tshe dbang grags can mi rtogs pa'i rtags 'byung ngo/ /gang gi tshe mthe bong la gnas pa de'i tshe longs spyod kyi rang bzhin nad kyi rtags 'byung ngo/ /gang gi tshe bus mo gnyis la gnas pa de'i tshe mi snang ba'i rang bzhin sems stong 'byung ngo/ /gang gi tshe phyi nas yang gyen gyi rim pas thugs kyi 'khor lo la gnas par gyur pa de'i tshe dbang grags can rgod pa'i rtags 'byung ngo/ /gang gi tshe gsung gi 'khor lo la gnas pa de'i tshe longs spyod can klu'i rtags 'byung ngo/ /gang gi tshe klu'i 'khor lo la gnas pa'i tshe mi snang ba'i rang bzhin dga' ba'i rtags 'byung ngo/ /de lta bu nyi shu rtsa bdun gyi gnas la/ kun gzhi rnam par shes pa'i steng dang/ 'og tu 'gro ba las ye shes kyi rang bzhin las 'byung ba'i dus su/
- 134a
mi snang ba dang/ longs spyod dang dbang la/ dpal ka ma la shI la'i zhal mnga' nas kyi man ngag gi gzhung gis rdo rje slob dpon gyi gzhung gi don ni 'di lta ste/ rang gi bde ba nyams su myong ba la gang zhig mi gsal ba nyid ngam/ yang na rab tu 'jug pa de ni mi snang ba'o/ /kun rdzob dang don dam pa gnyis su med pa'i bde ba chen po nyams su myong ba ni longs spyod do/ /de dag gi ye shes kyi lta bas gang zhig 'khrul pa med pa'i nyid de ni dbang ngo/ /rdo rje phreng ba'i rgyud la sogs bya ba ni sgra ji bzhin gyis gsungs so/ /da ni mtshan mo'i don rdo rje slob dpon gyi zhal mnga' nas kyis ji ltar gsungs pa de ltar dpyad de/ mtshan mo shes rab ces su grags/ /shes rab mtshan mo dgung nyid 'gyur/ zhes gnyis su med pa'i ngo bos nges pa'i don dang drang ba'i don gyis bcom ldan 'das kyi bka' o/ /slob dpon sha ba ri'i zhal mnga' nas kyi man ngag gis/ gang zhig shin tu mtshan dang ldan pa la lo bcu gnyis lon pa/ mi gsal ba'i pad+ma can de ni mtshan mo'i 'du shes shes rab slob dpon u rgyan gyi gzhung gis/ ma grags pa'i rang bzhin/ rang gi rigs las skyes pa'o/ /slob dpon kha che'i gzhung gis yul gyi g.yo bas 'khyar ba'i kha che'i sems so/ /slob dpon ka ma rU pa'i bzhung gis nag sngon yan lag nas lo bcu drug dang ldan pa'o/ /slob dpon ku ku ri'i zhal mnga' nas kyi gzhung gis byang chub kyi sems zla ba rgyas pa'o/ /shes rab mtshan mo dgung nyid ces bya ba la/ bla ma'i zhal mnga' nas don ni 'di ltar bshad de/ shes rab zhes bya ba lang tsho la bab pa/ mtshan mo zhes bya ba ni 'dod chen pos long ba/ dgung nyid ces bya ba ni nam mkha' i chu skyes cung zad dbye/ pa'o/ /mtshan mo'i rnam pa zhes bya pa la nam mkha' i chu skyes na gnas pa'i byang chub kyi sems shin tu dkar ba'i phyir de dang zla ba/ mchog pas mchog dga' ba sbyin pa mya ngan las 'das pa'i rang bzhin no/ /slob dpon nag po'i gzhung gis ni dga' bral sbyin
- 134b
ba'i phyir mya ngan las 'das pa'i rang bzhin no/ /shes rab 'di ru gnyis dbye zhes/ kun rdzob dang don dam pa'i dngos po zhes bya ba bcom ldan 'das kyis rdo rje slob dpon gyi zhal mnga' nas sgra ji bzhin du gsungs/ /kun rdzob reg bya skye med pa zhes bya ba la bskyed pa'i rim pa phyogs su lha'i rnam par byin gyis brlabs te/ reg bya'i pad+ma la bdud rtsi myong ba'i phyir lo bcu drug dang ldan pa'o/ /dpal badzra pu ti'i gzhung gis/ nang gi bdag nyid las kyi phyag rgya'o/ /slob dpon Dom+bi pa'i zhal mnga' nas ni bya gdong ma'o/ /slob dpon ku ku ri'i zhal mnga' nas ni srog gi rtsa ba'o/ /don dam pa'i reg bya dang bral ba bskyed byed ma zhes bya ba la dpa' in+d+ra b+hU ti'i gzhung gis bcom ldan 'das bdag med ma'o/ /slob dpon ku ku ri'i zhal mnga' nas kyi man ngag gis rtsa rtog med ma/ reg bya dang bral pa gang zhig bde/ blta bar dka' ba'i mtshan nyid dga' zhes bya ba ni brjod du med pa'i phyir sgyu ji bzhin pa'i don bka' stsal to/ /rang bzhin med pa'i rang bzhin can/ de yi mtshan mo bdag gis bshad ces bya ba la rdzogs pa'i rim pa'i skabs su brdar byas so/ /nyin mo thabs su la sogs zhes bya ba la slob dpon gyi zhal mnga' nas 'di ltar bshad de/ nyon mo'i sgras ni rin po che nyi ma'i 'od zer can thar pa zhes bya ba ni de dang 'dra ba'i gang zag yang na grangs med pa'i 'jig rten gyi khams la rdo rje 'dzin pa'i sa thob pa'i don du thabs tsam bsamS pa'i phyir thabs so/ /thabs ni nyi ma yin par 'gyur zhes bya bas de ni thabs don gsal bar byas so/ /slob dpon nag po pa'i gzhung gis ni gsal ba'i rdo rje rin po che'i nang du 'byung ba mchog gi dga' ba'i ngo bo byang chub kyi sems so/ /b+ha ga las byung nyi mar 'gyur zhes bya ba la nges pa'i don dang drang ba'i don kyis bcom ldan 'das kyi bka' o/ /dpal in+d+ra b+hU ti'i gzhung gis/ b+ha ga ni shes rab/ nyi ma ni thabs/ 'byung ba ni byang chub kyi sems/ nyi ma b+ha ga'i bdag po zhes bya ba la/ shes rab ? thabs mgon po yi ?/
- 135a
yang na khong du chud par byed do/ /slob dpon sha ba ri'i gzhung gis/ b+ha ga ni shes rab kyi mngal gyi pad+ma rgyas pa/ nyi ma zhes bya ba ni rang byung gi me tog /'byung ba zhes bya ba ni de las skye pa'o/ /slob dpon badzre rA ga'i gzhung gis b+ha ga ni chad pa'i dga' ba'i rang bzhin/ byang chub kyi sems nyi ma ni mchog gi dga' ba'i ngo bo bdag po'i sgra ni rang bzhin dga' ba nyid do/ /srid pa'i rnam pa nyi mar 'gyur zhes bya ba la/ rdo rje slob dpon gyi zhal mnga' nas/ brtag pa gnyis pa'i rgyal po'i rim par 'di bshad de/ shes rab ye shes kyi man ngag bsgom zhing ro chen po nyams su myong ba dang/ de bzhin gsung ba'i rdo rje'i rin po che'i 'khor lor dga' ba chen po'i gnas su rgyun mi 'chad pa'i rnam par 'byed pa ma yin pa'i ngo bo zhig dga' ba 'byung ba'o/ /de rang nyid shin tu gsal ba'i byir nyi ma'o/ /zla ba mya ngan las 'das pa'i ngo bo zhes bya ba la/ shes rab ye shes kyi dga' ba las ci zhig dga' ba chen po'i phyogs su 'du shes med pa nyid do/ /dpal in+d+ra b+hU ti'i gzhung gis rtogs pa med pa nyid do/ /slob dpon gzhan ma'i gzhung gis ni chang nga'i dga' ba'o/ /srid pa de ni rigs su bshad ces bya ba la sogs pa la/? dpal pra ta sti sta badzra uta'i gzhung gis ni 'di ltar bshad de/ srid pa zhes bya ba ni kun gzhi rnam par shes pa/ rigs zhes bya ba ni phung po lnga po lnga grub pa'i sku/ zla ba la zhes bya ba ni srid pa bar mdo la/ rigs zhes bya ba ni srid pa len pa/ nyin las zhes bya ba ni sngon gyi smon lam gyis 'dus pa'i dran pas so/ /slob dpon Dom+bi pa'i zhal mnga' nas ni srid pa ni thabs/ rigs ni shes rab/ slob dpon mtsho skyes rdo rje'i gzhung gis srid pa ni mchog gi dga' ba'i rang bzhin shu kra /rigs zhes bya ba ni rak+ta/ zla ba byang chub kyi sems la rigs skye ba/ nyi me la rak+ta zhes bya ba'i don to/ /slob dpon gyi gzhung gis de ni mya ngan las 'das pa'i rang bzhin can byang chub kyi
- 135b
sa bon shin tu rnam par 'grub pa'i phyir rak+ta'i ngo bor gyur to/ /gang gi che rang gi mtshan nyid du gyur pa de'i tshe/ rdo rje rin po che 'dra bar 'gyur ro/ /gang gi cho cung zad stobs kyi 'pho bar gyur pa de'i tshe skye ba'i gzugs can du gyur to de ni bskyed pa'i rim phyogs so/ / rdzogs pa'i rim pa phyogs su spros pa med phyir nyi ma grub ces bya ba ni mchog gi dga' ba'i byang chub kyi sems rnam par rtog pa'i rigs dang bral zhes bya ba'i don to/ /gang zhig rnam par rtog pa med pa dang cha med pa de ni rab dang mchog go /rab mchog gi phyir phra so/ /phra mo'i phyir gang yang min/ gang yang ma yin pa'i phyir stong pa nyid kyi sku'o/ /stong pa nyid kyi sku'i phyir 'od rab bo/ /'od rab kyi phyir zhi ba chen po'o/ /zhi ba chen po'i phyir kun la bzhugs so/ /dpal pad+ma shI ka ra'i gzhung gis ji ltar nam mkha' kun la khyab pa de lta 'od rab/ /grags pa'i rang bzhin thams cad la bzhugs shes dgongs so/ /de ni nyin mo la sogs pa ni sgra ji bzhin no/ /mtshams gnyis 'dus zhes bya ba la sogs pa ni/ mtshams zhes bya ba ni 'phob gnyis bya ba ni shes rab dang thabs/ 'dus zhes bya ba ni kha sbyor ro/ /rdo rje dang/ pad+ma dang/ nyi ma dang/ zla ba zhes bya ba ni shes rab thabs gnyis kyi 'brel bas/ gang zhig kha sbyar byed pa de ni rdo rje dad pad+mar grags pa'i mtshan ma gnyis 'dus pa'o/ /yang na de dag las byung zla ba dang nyi ma'o/ /zla ba'i sgras ni brus?/ nyi ma'i sgras? ni rak+ta'o/ /lte ba gnyis kyi phreng pa la sogs zhes bya ba ni gnyis ka'i shes rab dang thabs kyi mtshan ma gnyis ka la gang zhig snying po'i gnas de ni lte ba gnyis so/ /phrang ba zhes bya ba ni shes rab ye shes dbang bskur nyams su myong ba'i skabs su bla ma'i man ngag las? gsang ba'i rin po che 'dus pa'o/ /phra mor lta ba'i skad cig gi mtshan nyid ces bya ba ni nad gi lta ba grub ces bya ba'i don to/ /dpal in+d+ra? b+hU ti'i bzhung gis ni gsang ba chen po rin po che rtse mo gnyis 'dus pa las gang zhig shes
- 136a
rab ye shes dbang bskur gyi 'bras bu nyams su myong ba'i byang chub kyi sems thigs pa'i snang ba de ni dogs gnyis kyi dbus su reg bya'i lta bas gzigs pa nyid do/ /mtshams ni spros pa las 'das zhes bya ba la sogs zhes bya ba la/ gang zhig sngar bstan pa'i mtshams de ni spros pa dang bcas pa'i mtshan nyid can gang zhig 'og tu bshad pa de ni spros pa dang bral ba'o/ /de'i phyir rnam pa dang bral ba dang mchog dang mchog las mchog nyid bcom ldan 'das kyis gsungs so/ /phrad pa gnyis kyi dbus gnas la sogs pa la/ pra hasti sta badzra atya'i gzhung gis ni kun rdzob dang don dam pa gnyis su med pa'i shes rab/ dpal in+d+ra b+hU ti'i gzhung gis ni dngos po dang dngos po ma yin pa'i phyogs gnyis spangs te/ rnal 'byor pa la dngos grub sgrub pa'i phyir ye shes kyi sgron ma tsam gang ngo/ /byug dang snum pa rnam par bral zhes bya ba ni byug ces bya ba ni 'khor bsnum pa zhes bya ba ni mya ngan las 'das pa de dag gis bral lo zhes bya ba'i don to/ /de ni mtshams la sogs zhes bya ba'i sgra ji bzhin no/ /shar la sogs zhes bya ba la slob dpon sha ba ri'i gzhung gis ni lha dang mi nyid skye ba nyid kyi phyir bcom ldan 'das rdo rje 'dzin pa chen pos sems can dmigs pa'i thugs rje mngon du gyur par mdzad pas/ sgrub pa dang sgrub thabs chen po'i thabs kyis ngan 'gro'i sems can ye shes kyi lcags kyus zhal du zhugs te/ bde ba chen po'i gnas su zla bzhu ba'i bdud rtsi'i gzugs kyis bzhag ste de'i skabs su/ gang zhig dga' ba chen po de ni shar ba'i dang po/ /gang zhig gzhan ma yin pa'i spro ba de ni rdzogs pa de ni dga' bral lo/ /mdud pa'i rtse mo mchog gi gnas zhes bya ba la/ spro ba'i dus ni bab pa'i mchog gi dga' ba la rdo rje rin chen 'khor lor bzhugs pa'i gnas ni bzhi pa'o/ /gnas kyi sgra ni shar bar bshad do/ /
- 136b
tsa mi ka'i zur gzugs can zhes bya ba ni ye shes zhabs kyi man ngag gi gzhung gis/ bskyed pa'i rim pa'i phyogs su byang chub sems thig le'o/ /smob dpon gzhan ma'i gzhung gis ni rdzogs par gleng/ /de rang kho na shes par bya zhes pa la slob dpon Dom+bi pa'i gzhung gis ni/ gang gi dga' ba'i thig le de rang tshad pa'i dga' ba'i thig le kha'am sgo'o/ /yang na lam zhes bya ba'i don to/ /kha ni gnyis pa yin zhes bya ba la chad pa'i dga' ba la yang kha chad pa'i spro ba'i lam zhes bya ba'i don to/ /'phags pa klu sgrub snying po'i gzhung gis sgo gnyis pa brtag pa dang chad pa nges par gsungs so/ /dpal in+d+ra b+hU ti'i gzhung gis ni gang zhig tsa na ka'i rus pa'i rnam pa can byang chub sems kyi thig le de ni dkyil 'khor 'khor lo'i mdud pa'i gnas so/ /kha zhes bya ba nang gi lha mo'i sgo gnyis pa zhes bya ba ni phyi rol gyi sgo/ de ni bskyed pa'i rim pa'i phyogs/ rdzogs pa'i ri mo pa'i ni gang zhig tsa na ka'i rus pa'i gzugs can byang chub kyi sems de ni mchog gi dga' ba 'byung ba/ de rang kha zhes bya ba ni rdo rje rin po che'i sgo/ gnyis pa zhes bya ba ni gsang ba pad+ma lte ba'i sgo/ pra tasti sta badzra ud+d+ha ya'i gzhung gis/ shar ba zhes bya ba ni kun rdzob dang don dam pa gnyis kyi byang chub kyi sems kun snang/ dpal in+d+ra b+hU ti'i gzhung gis shar ba ni mchog gi dga' ba/ o d+ha'i sgras ni mtshan mo'i 'du shes kyi ngo bo can chad pa'i dga' ba/ bdag? po'i sgras ni mtshan mo'i 'du shes kyi ngo bo can chad pa'i dga' ba/ bdag po'i sgras ni zla pa'i 'du shes kyi ngo bo can/ mtshan mo gyen du 'gro ba ni rang bzhin dga' ba/ mtshan mo thig le mnyam par grags zhes bya ba ni dga' ba bzhi'i rang bzhin can byang chub kyi sems zla ba'i rgyal po'o/ /thig le bzhi rung bye zhes bya ba ni bskyed pa'i rim pa'i phyogs su/ phyi nang ba dang/ dbang dang/ longs spyod dang/ ye shes kyi bye brag ces bya ba'i don to/ /thog ma tha ma dbus zhes bya ba la thog ma'i skabs su
- 137a
longs spyod/ dbus kyi skabs su da'ang?/ tha ma'i skabs su mi snang ba/ da ni bskyed pa'i rim pa'i phyogs so/ /rdzogs pa'i rim pa'i phyogs su thog ma ni mi snang ba/ dbus su ni long spyod tha ma dbang/ bzhi ba nye bar rnyed min zhes bya ba ni gang zhig ye shes de na bskyed pa'i rim pa dang/ rdzogs pa'i rim pa dang bral pa/ gang phyir rang rig bdag nyid ni/ /de phyir brjod par nus ma yin/ zhes bcom ldan 'das nyid rdo rje 'dzin pas gsungs so/ /de ni de ltar bshad ces bya ba la sogs pa'i sgra ni ji bzhin no// nub pa'i don ni rdo rje slob dpon gyis bshad pa/ gang cho gang gi dus su dga' ba gsum gyi bdag nyid pa'i sems shar ba'i snang ba mched pa'i bdag nyid kyi bla bar thim pa de'i tshe/ nub par shes par bya zhes bya pa'i don to/ /de yang 'od zer ngal bas zhes dgongs so/ /slob dpon rom+bi pa'i gzhung gis nub pa ni chad pa/ slob dpon sha ba ri'i gzhung gis 'gro med pa la 'gro bar 'gyur zhes bya ba dang/ zhu ba med pa'i ngo bo can byang chub kyi sems la zhu ba nyid do/ /gang gi tshe thog ma nas tha mar 'gro ba 'di lta ste/ gang gi tshe'i dus su mchog gi dga' ba'i gnas nas/ chad pa'i dga' ba'i gnas de'i tshe nub go /b+hi ra bu ti'i gzhung gis ni thog ma'i dga' pa las dga' bral gyi gnas su nub par mdzod/ /tha ma nub bar rab tu bstan ces bya ba pa slob dpon sha ba ri'i gzhung gis ni tha ma ni chad pa'i dga' ba/ /nub pa ni chad pa/ dpa' in+d+ra b+hU ti'i gzhung gis ni chad pa'i dga' ba ni dga' ba kun la dga' med skye bar byed pa'i btang snyoms byed ces bya ba'i don to/ brtan pa'i gnas las mi brtan pa'i gnas zhes bya ba ni 'di skad nub pa'i nges pa'i don nyid mchog gi dbang phyug gis rab tu gsal pa brtan pa la sogs pa'i bde pa ni mi brtan bde ba las so zhes sgra ji bzhin no/ /dpal phyag rgya chen po'i thig le las le'u lnga pa'i bshad pa'o// //da ni drug pa
- 137b
la zab ba'i tshigs su bcad pa bri/ dus ni gnas skabs zhes su bstan/ ces pa la sogs pa la slob dpon nag po'i gzhung gis ni rtsa'i kun spyod la 'jug pa dang 'gro ba'o/ /slob dpon sa ra ha'i gzhung gis ni dus zhes bya ba brjod du med pa'i sgrub thabs kyi brtson ba/ gnas skabs zhes bya ba ni dus gcig tu byang chub kyi sems 'byung ba/ dus ni gnyis su dbye ba zhes bya ba'i gzhung ni bram ze mo badzra ba ta'i gzhung gis bskyed pa dang rdzogs pa'i sbyor ba'o/ /bsam du med pa'i dus zhes bya ba la/ lha lcam lag mi'i gzhung gis/ rtsa ro ma las byung ba'i rang bzhin kyi rlung gi ngo bo tsam dga' ba chen po/ /rgyal mo dpal mo bzang mo'i gzhung gis srog gi rtsa las byung ba'i srog gi rlung gi rang bzhin chad pa'i dga' ba/ bzang po'i dus ni gnas skabs brjod ces bya ba la lha lcam lag ma'i gzhung gis rdo rje dbyings kyi dbang phyug ma las byung ba'i nye ba'i srog gis rang bzhin reg bya'i dga' ba/ bzang po'i dus lta ngan dus zhes bya ba la/ rgyal mo dpal mo bzang mo'i gzhung gis mchog dang chad bzhes bshad/ lha lcam lag ma'i gzhung gis ni shin tu dka' ba'i phyir ngan dus/ shin tu bla ba'i phyir bzang dus so/ /sna'i 'phar ma gnyis kyi bu ga las zhes bya ba ni rgyal po badzra karta ri'i gzhung gis bde ba chen po tsher ba'i gnas su shU kra dang rak+ta 'bab pa'i gang zhig sgo'i lam de ni sna'i 'phar ma zhes bya ba'i don to/ /de'i lam gyis gang zhig spros dang bral ba'i bde ba chen po nyams su myong ba de ni dus zhes dpal in+d+ra b+hU ti nyid la skye ba dang po mngon du dngos grub thob pa rnal 'byor ma lag smi'i gzhung ngo/ /de yang lha lcam lag smi'i thabs dang ma reg kyang da lta gsungs pa'i slob dpon dpal shAkya mi tas mdzad pa'i bstan bcos kyis bstan pas rdo rje slob dpon gyis zhal mnga' nas gsungs so/ /de ni re zhig rnal 'byor ma dngos grub thob pa'i gzhung ngo/ /da ni rnal 'byor dbang phyug pas bstan pa'i don dpyad de/ 'jigs pa de ni dus
- 138a
ngan bstan zhes bya ba ni phyi rol gyi don gyi skabs su/ sna'i 'phang ma gnyis kyis gang zhig srog dang nye ba'i srog gnyis la 'ong ba dang 'gro ba de ni ji lta ba bzhin no/ /nang gi bdag nyid kyis 'jug pa de ni/ shin tu dus zhes bya ba ni bde ba chen po'i 'khor lo man chad nas/ bde ba chen po tshor ba'i gnas yan chad/ srog gi rlung la zhon nas byang chub kyi sems 'ong ba'o/ /'gro ba ngan 'dus brjod ces bya ba ni de las gnas gzhan sleb pa zhes dz+nyA na mu ti'i gzhung ngan dus dga' bral shes par bya/ bzang dus rab mchog ldan pa zhes bya ba la/ bstan pa'i don la rab tu gsal ba nyid mchog gi dbang phyug gis gsungs so/ /gnyis kyi bral ba'i de kho na nyid ces bya ba ni 'gro ba dang 'ong ba dang 'byung ba dang de zad pa dang bral ba'i rang bzhin dga' ba/ pad+ma sha kha'i gzhung ngo/ /de'i phyir ni de ltar dus ni sngon med nyid ces nyid bcom ldan 'das kyis gsungs so/ /blta bar dka' ba la sogs zhes bya ba la/ rang bzhin rlung gi ngo bo'i phyir/ rnam pa la sogs mtshan nyid kyis/ /thar pa dka' ba'i mtshan nyid bral ba zhes bya ba ni bsgom pa la sogs kyis mi rnyed/ mtshan dang thams cad dang bral ba ni chad pa'i skad cig rang gi yan lag gis/ rnam par bral zhes slob dpon ba la sa badzra'i gzhung ngo/ /de ltar dus la sogs zhes bya ba ni sgra ji bzhin gyis bka' stsal te/ /de dus yin ni gzhan mar min/ rnal 'byor pa ni byed na zhes bya ba la/ dpal ma hA su kha badzra'i gzhung gis/ mchog dang chad pa 'byung ba'i dus su rnal 'byor pa yid kyi rnam par shes pa dang ldan pa'i byang chub kyi sems bde ba chen po'i gnas nas/ gang gi cho g.yo bar byed pa byed na/ de'i tshe nges par mi bskyod mi zad/ rdo rje 'dzin pa dang 'dra bar 'byung zhes dgongs pa'o/ /dpal in+d+ra b+hU ti'i gzhung gis ni/ mchog dang chad pa las 'byung pa dang/ 'jigs pa dang/ gnas dang
- 138b
'jigs pa dang/ 'gro pa dang 'ong ba la sogs pa'i rnam par rtog pa dang bral ba gang gi tshe/ rnal 'byor pas sems tshor ba de'i tshe nyid rdo rje 'dzin pas zhes dgongs pa'o/ /A li k'li 'byung ba la sogs zhes bya ba ni pra ha sid+ha badzra ng ya'i gzhung gis ni 'di ltar gsungs te/ A li sgra ni shes rab/ kA li sgra ni thabs kyi 'byung ba zhes bya ba ni byang chub kyi sems gang las zhes bya ba ni bsrub pa dang/ bsrub thabs chen po'i sbyor bas so/ /gzhan ni sgra ji bzhin no/ /de ni re shig gsang ba chen po'i don gyis rdzogs pa'i rim pa'o/ /bskyed pa'i rim pa'i phyogs su ni/ 'od rab gnas nas skye ba yi/ /snang ba chen po'i rang bzhin can zhes bya ba ni/ kA li ye shes nyi ma/ dpe byang sum cu rtsa gsum zhes bya ba ni ka'i yig 'bru nas ha'i yig 'bru man chad do/ /snang ba chen po'i nyi ma las snang ba gsal ba/ A li ye shes kyi zla ba'i sku'o/ /dbyangs yig bcu drug ldan pa zhes bya ba ni a nas a'i yig 'bru yan phan chad do/ /slob dpon Dom+bi pa'i gzhung gis ni/ kA li ye shes ni rak+ta/ A li ye shes ni shU kra slob dpon ku ku ri'i gzhung gis khyad par gyi don gyis/ kA li ye shes kyi ngo bo nyid dpal rdo rje sems dpa' rje btsun gyi sprul pa'i sku'o/ /A li ye shes kyi ngo bos bcom ldan 'das bdag med ma'i sku'o/ /de dag nyid mnyam par sbyor ba la sogs zhes bya ba la 'jig rten las 'das pa'i thabs dang shes rab mnyam par sbyor ba'i bsgrub pa dang/ srub thabs las/ kun rdzob dang don dam pa gnyis su med pa'i rang bzhin byang chub kyi sems dal ba'i ro chen po 'du shes can skye ba zhes bya ba'i don to/ /slob dpon gyi gzhung gis ni dal ba stong pa nyid kyi rang bzhin byang chub kyi sems/ ro chen po zhes bya ba ni thugs rje'i rang bzhin/ slob dpon u rgyan gyi gzhung gis ngal ba zhes bya ba ni chad pa'i dga' ba gnyis su med pa'i rang bzhin byang chub kyi sems ngal ba'i ro chen po 'du shes can skye ba zhes pa'i don to//
- 139a
slob dpon gyi gzhung gis ni dal ba ni/ stong pa nyid kyi rang bzhin byang chub kyi sems/ ro chen po zhes bya ba ni thugs rje'i rang bzhin/ slob dpon u rgyan gyi gzhung gis dal ba zhes bya ba ni chad pa'i dga' ba gnyis su med pa'i rang bzhin byang chub kyi sems/ ro chen po zhes bya ba ni mchog gi dga' ba'i rang bzhin/ slob dpon kha che'i gzhung ni/ dal ba zhes bya ba ni kun rdzob kyi ngo bo can/ ro chen po zhes bya ba ni don dam pa'i rang bzhin/ slob dpon 'bang g+ha la gzhung gis ni/ dal ba zhes bya ba ni bskyed pa'i rim pa'i ngo bo/ /ro chen po zhes bya ba ni rdzogs pa'i rim pa/ dpal in+d+ra b+hU ti'i gzhung gis ni ngal ba ni mthar thugs pa/ ro chen po zhes bya ba ni mthar thugs pa dang bral ba/ slob dpon b+hi ra pu tra'i gzhung gis ni/ dal ba ni mi snang ba'i ngo bo/ ro chen po zhes bya ba ni longs spyod kyi ngo bo/ de'i phyir mchog gi bdud rtsi ro dngos ni rig ma'i sna rtse dag las byung zhes lha lcam lag smi'i gzhung gis ni rdo rje dbyings kyi dbang phyug rtsa'i snying ga'i gnas nas byung ngo/ /'khor lo drug par rab gsal byed ces bya ba ni de ma thag tu smras pa'i ro chen po sku rten srog gi dbyug pa'i chu skyes khong du chud par byed pa zhes slob dpon Arya de ba'i gzhung po/ /de la reg bya snye byed ma/ ro chen brgyad ni shes par bya/ zhes bya ba la/ de zhal zhes bya ba ni rdo rje dbyings kyi dbang phyug ma'i kha/ reg pa'i bde ba'i las so/ ro chen po brgyad ces bya ba ni ye shes/ che pa'i 'bras bu thob pa'i dus su 'dar ba la sogs pa'i rtags so/ /reg bya'i ro zhes bya ba'i dga' ba la sogs gsal ba'i byed pa/ ro 'byung bzhes bya ba la sogs pa la/ /ro 'byung ba zhes bya ba ni rtags khong du chud pa'o/ /de'i dbang du byas pa ni dga' ba rnams 'byung ngo/ /slob dpon pe la sa badzra'i gzhung gis ni 'byung ba zhes bya ba ni gsal ba'o/ /yang dag bzang ba skye zhes bya ba ni wa?
- 139b
mal pa ma yin pa'i rang bzhin no/ /slob dpon bi ma la mu tra'i gzhung gis/ phyir rol byi dpe la sogs pa dang bral ba'o/ /de la rim pa ni 'di yin te/ dga' ba kun tu dga' ba dang/ dga' bral dang rang bzhin gyi dga' ba'o/ /dga' ba zhes bya snang ba la sogs zhes bya ba la/ /phra ha sta badzar ya'i gzhung gis rdo rje 'dzin pa chen po'i bsrub dang/ srub thabs kyi skabs su dngos po'i rang bzhin dga' ba 'byung ba'i tshe/ zla ba dang nyi ma dang skar ma la rab tu gsal ba'i rang bzhin snang bar gyur to/ /de las 'jig rten las snang ba de ni dga' ba'i don to/ /da ni rab tu dga' ba'i don bri bar bya/ bsgrub dang sgrub thabs kyi chen po'i dus su rten gyi ngo bo can dga' ba chen po 'byung pa'i tshe/ mtho ris las gnas pa'i 'chi med la nyi ma'i bye brag gi 'od zer gsal ba de las grangs med pa'i 'jig rten gyi khams la snang ba mched/ de ni rab tu dga' ba'i don to/ /da ni dga' bral gyi don bri bar bya/ chags pa chen po 'bar ba'i skabs su/ 'og na gnas pa'i lha mnal mi'i snang ba'i rang bzhin phyogs thams cad du gsal ba/ de la sa 'og bdun yan chad snang ba thob pa/ de ni dga' bral gyi don to/ /da ni rang bzhin dga' ba'i don bri/ gang zhig rang bzhin dga' ba de ni 'od rab kyi ngo bo/ /de la snang ba dga' ba la sogs pa 'byung ba gsal ba de la bya ba'i don to/ /slob dpon Dom+bi pa'i gzhung gis ni dbang bzhi'i 'bras bu nyams su myong ba'i dus su/ sgom par byed pa la gang zhig dga' ba rnams skye bdes snang ba la sogs pa ye shes kyi rtags so/ /slob dpon ku ku'i man ngag gi gzhung gis/ gcig pu'i shes rab ye shes kyi man ngag gi rim pa bsgom pas dga' ba bzhi'o/ /dga' ba re re la snang ba la sogs pa'i ye shes skye'o/ /de dus skad cig skye bar 'gyur/ /rnam pa sna tshogs la sogs mtshan nyid ces bya ba la 'di ltar bshad/ de'i sgra ni 'od
- 140a
rab dus zhes bya ba ni rgyu/ de'i gsal ba'i don ni 'di yin te/ dang por re zhig 'od rab kyi rgyu/ rtsa ba las rnam pa sna tshogs dang/ rnam par smin pa dang/ rnam par 'joms pa dang/ rnam par mtshan nyid dang bral ba ni dga' ba rnams kyis rgyu 'byung ba'o/ /phyi nas 'bras bu can dga' ba nyid do/ /snang ba la sogs zhes bya ba ni gang zhig bstan pa de ni gcig du 'od rab/ rgyu 'bras kyi bdag nyid kyi phyir/ gzhan ma kun la bkag pa'o/ /slob dpon b+hir? bu'i man ngag gi gzhung gis ni 'od rab kyi rgyu 'bras dang bral ba'o/ /da ni dga' ba rnams kyis 'byung ba'i dus bshad de/ gang tshe mdud pa'i nang du sems/ /de tshe dga' ba myong bar 'gyur/ zhes bcom ldan 'das kyis bka' stsal pa'i go rims kyis rdo rje slob dpon gyi zhal snga nas rdo rje rin po che 'khor lo mdud pa'i gnas su bshad do/ /slob dpon bi la sa badzra'i gzhung gis ni lte ba? gnas so/ /slob dpon sha ba ri'i gzhung gis ni rdo rje rtsa ba'i gnas so/ /dpal in+d+ra b+hU ti'i gzhung gis ni bcom ldan 'das kyi bka' lung dang 'dra'o/ /shes rab ma'i skabs su de dang 'dra bar zhes slob dpon sa ri'i gzhung ngo/ /sems kyi sgras ni nang gi bdag nyid bum pa'i dbang las ? nyams su myong ba'i dus su nang gi sa bon 'byung ba'o/ /de tshe de dus zhes bya ba la phyi'i dngos po kun la bcos ma yin zhes gang mgu ba de ni dga' ba las byung ba zhes pa pad+ma shI ka ra'i man ngag gi gzhung ngo/ /mdud pa las ni nas gsum tsam zhes bya ba'i don ni 'di lta ste/ gang gi ste gsang ba'i dbang bskur ba nyams su myong ba byang chub kyi sems rdo rje rin po che 'khor lo'i gnas nas 'bab pa de'i tshe phyi rol sgyu 'phrul gyi rang bzhin zhes gang zhig khong du chud bde ni mchog gi dga' ba/ gsum pa'i gnas nas gsum par 'gro zhes bya ba 'di ltar bshad de/ gsum pa'i gnas zhes bya ba ni rin po che'i 'khor lo las sor gcig tsam/ gsum par zhes bya ba ni sor gcig tsam
- 140b
las sor gcig tsam/ slob dpon sha ba ri'i gzhung gis ni rin po che'i kha'o/ /gang gi cho de ru shes rab ye shes kyi dbang bskur gyi don nyams su myong ba'i byang chub kyi sems babs pa de'i tshe/ rang dang gzhan gyis bye brag gi dran pa med pas gang zhig ci yang mi tshor pa nyid de ni chad pa'i dga' ba/ dga' ba la ni snang ba 'byung ba med pa zhes bya ba ni slob dpon san+ta ku ra'i gzhung ngo/ /gsum dang bral ba zhes bya ba'i don ni 'di ltar bshad de/ 'bru nas drug sor gnyis tsam spangs te rang bzhin dga' ba la 'byung ba'i gnas so/ /dpal in+d+ra b+hu? ti'i gzhung gis gsum pa zhes bya ba 'og gi cha las/ de kun steng gi char te/ gang zhig dbus kyi cha las phra mo'i skra'i rtse mo cem de ni rang bzhin gyi dga' ba'i gnas so/ /de ni re zhig brten dang bcas pa'i phyogs so brten med pa'i phyogs su rang rig pa'i mtshan nyid can reg bya chen po'i snang ba chen po nyams su myong ? gyis rang bzhin dga' ba shar to/ /da ni gsang ba chen po la sogs pa zhes bya ba'i sgra ni rang bzhin gyis gsungs so/ /gzhan yang chos kyi dbyings grags pa la sogs zhes bya ba la/ 'dus pa chen po'i rgyud kyi go rims kyis 'di skad bshad de/ chos ni spros pa med pa/ dbyings kyi spros pa yod pa/ nyon mongs pa ma yin pa zhes bya ba ni stong pa nyid kyis rang bzhin/ de'i phyir nam mkha' chos kyi dbyings nyid dpal rdo rje 'dzin pas gsungs so/ /khams ni sa bon zhes su dran zhes bya ba kun rdzob kyi ngo bo'i byang chub kyi sems so/ /chos thams cad ni nang na yod ces bya ba la 'gro ba'i 'jig rten na bzhugs pa zhes bshad do/ /gtan tshigs zhes bya ba ni 'jig rten gyi khams ma lus pa skye ba'i rgyu'o/ /mchog gi gnas zhes bya ba ni thugs kyi rdo rje'i rang bzhin/ ji ltar mar khu la sogs zhes bya ba sgra ji bzhin gyis gsungs so/ /de ni bskyed pa'i rim pa'i phyogs so/ /rdzogs pa'i rim pa'i phyogs su/ chos kyi dbyings ni b+ha gar grags/ b+ha ga'i sgras ni srid pa mchog gis dga' ba 'byung
- 141a
skyed byed b+ha ga rin po che'i snod/ ces bya ba la dpal in+d+ra b+h+rU te'i gzhung gis reg bya'i rtsa'i bdag nyid pad+ma'o/ /bi ra pu ti'i man ngag gi gzhung gis rin po che zhes bya ba ni byang chub kyi sems/ snod ces bya ba ni rtsa gsum gyi bdag nyid kyi pad+ma'o// slob dpon Dom+bi pa'i gzhung gis ni rin po che zhes bya ba ni rag ta/ snod ces bya ba ni ga bur/ slob dpon a ba d+hU tI'i gzhung gis ni/ b+ha ga'i sgras ni bcom ldan 'das snod kyi sgras ni rang 'od shes rab ma de'i phyir dbang phyug la sogs pa'i yon tan dang ldan/ de ni b+ha gar rab tu grags zhes rgyud las bstan to/ /da ni bskyed rim rdzogs rim la des par bstan pa'i tshig bri bar bya/ chos ni b+ha ga zhes su bstan pa zhes bya ba la/ gang zhig chos kyi grags pa can b+ha ga de ni sbrul pa'i 'khor lo'o/ /gang zhig khams kyi grags pa can sems de ni gsung gi 'khor lo/ /gang gi phyir zhe na/ gang las khams kun la bye phrag skyes zhes so/ /gang zhig gtan tshigs su gyur pa'i grags pa can thun de ni thugs kyi 'khor lo'o/ /de yang thugs kyi 'khor lo ni khams gsum ma lus pa la skye ba'i rgyu'?/ /kun rdzob rnam pa'i gzugs kyis ni zhes bya ba la sgra ji bzhin gyis gsungs so/ /dpal phyag rgya chen po'i thig le las le'u drug pa'i bshad pa'o// //da ni bdun pa la zab pa'i tshigs su bcad pa bri/ gzhan yang la sogs zhes bya ba la sgra ji bzhin no/ /mi shigs zhes bya ba ni slob dpon badzra pu ti'i gzhung gis cha med pa/ slob dpon sha ba ri'i gzhung gis skye ba dang bral ba/ ye shes lnga'i bdag nyid ces bya ba ni me long lta bu'i ye shes la sogs pa'i ngo bo/ /nam mkha' i nang du thim zhes bya ba ni/ phung po lnga'i nang du'o/ /nam mkha' i bdag nyid ces bya ba ni de bzhin gshegs pa lnga'i ngo bo/ /de ni re zhig don dam pa'i phyogs su gsang ba'i phyogs su ni pad+ma'i snying po'i dbus na gnas/ thig le gcig pu yi ge med ces bya ba kun rdzob dang don dam pa gnyis su med
- 141b
pa'i byang chub kyi sems mchog gi dga' ba'o/ /rtsa gsum gyi bdag nyid pad+ma'i lte ba'i dbus su rtag tu shar ces lha lcam lag smi'i gzhung ngo/ /grangs med pa skye bar mdzad pa'i phyir rnam pa thams cad kyi ngo bo/ /nam mkha' i rang bzhin gyi phyir rnam pa thams cad dang bral rdo rje 'dzin pa'i phyir rdo rje'o/ /da ni bdag gi sgra bshad de/ bdag gis sgra la sogs pa 'di ltar gsungS te/ ya'i yig 'bru ni gsang ba'i rdo rje haM gi yig 'bru ni gsang ba'i shes rab/ dpal pad+ma sh+rI ka ra'i gzhung gis ni/ a'i yig 'bru byang chub kyi sems/ haM gi yig 'bru dga' ba/ in+d+rA b+hA tI'i gzhung gis/ a'i yig 'bru sring pa/ haM gi yig 'bru mya ngan las 'das pa/ slob dpon ku ku ri'i gzhung gis/ a'i yig 'bru sems/ haM gi yig 'bru sems las byung ba/ 'phags pa klu sgrub snying po'i gzhung gis a'i yig 'bru kun gzhi rnam par shes pa/ haM gi yig 'bru yid kyi rnam par shes pa/ dpal dngos grub kyi gzhung gis/ a'i yig 'bru de bzhin gshegs pas dbugs phyung ba/ slob dpon nag po pa'i gzhung gis/ a'i ?? spro ba/ haM gi yig 'bru len pa/ slob dpon bir pa tra'i gzhung gis/ a'i yig 'bru srog/ haM gi yig 'bru nye nga'i srob/ /de lta bu'i slob dpon gzhan ma'i gzhung ni mang po yod ngo/ /de ni yi ge gnyis la slob dpon DoMbi pa'i gzhung gis ni gnas kyi phun sum tshogs pa bri bar bya/ a'i yig 'bru ri'i rtse mo la sogs zhes bya ba la/ ri rtse ni rdo rje nyi ma 'byung ba'i gnas su rdo rje rin po che'i 'khor lo/ /rtse mo ni gsang ba'i rdo rje snying po'i gnas su/ slob dpon shAkya mi dra'i? gzhung gis rdo rje rin po che'i gtsug tor ro/ /haM gi yig 'bru spyi bo mtshams kyis mthar zhes bya ba la/ don ni 'di yin te/ spyi bo zhes bya ba ni bde ba chen po tshor ba'i gnas pad+ma'i 'khor lo'o/ /mtshams kyi gnas zhes bya ba ni gsang ba'i sna'i mdza' slad ma ni sgra ji bzhin kyi?
- 142a
gsungs so/ /dpal phyag rgya chen po'i thig le las le'u bdun pa'i bshad pa'o// //nga ni brgyad pa la zab pa'i tshigs su bcad pa rnams bri/ gsang ba chen po'i don ni rab bshad bya la sogs bya ba la/ dpal pra ha sti sta'i gzhung gis ni gsang ba chen po ni dngos po la sogs pa dang bral ba/ gsang ba chen po dga' bzhes bya ba la/ gsang ba chen po ni man ngag nyams su myong ba'i dus su/ gang zhig glo bur pa'i nad gi bdag nyid kyi snang ba chen po de ni gsang chen dga' ba'o/ / de'i dus su gang zhig 'jig rten las 'das pa'i bde ba chen po'i bdag nyid reg bya nyams su myong ba de ni mchog gi dga' mchog/ de'i phyi nas gang zhig dpe med reg bya'i ro nyams su myong ba de ni gsang chen bdag nyid dga' bral/ de'i skabs su gang zhig ngo bo med pa'i ngo bo can ye shes kyi snang ba de gsal ba thams cad bdag nyid rang bzhin dga' ba'o/ /rang bzhin thug pa med pa'i skabs su gang zhig brjod du med pa de khong du chung par dga' ba de ni gsang ba chen po bas/ gsang ba chen po bde ba chen po nyams su myong ba'o/ /de ni re zhig don dam pa'i phyogs su'o/ /kun rdzob kyi phyogs su ratna ga'u gzhung gis 'di skad gsungs so/ /gsang ba chen po'i shU kra zhes bya ba ni kun gzhi rnam par shes pa/ shU kra srog ces bya ba ni rnam par shes pa'i rlung/ slob dpon nA ga ba d+hi'i gzhung gis ni 'byung ba chen po bdag nyid rlung/ slob dpon Dom+bi pa'i gzhung gis ni srog rtan bya ba phung lnga'i bdag nyid sku/ rten ni sa nyid shes par bya zhes bya ba la dpal pad+ma shI ka ra'i gzhung gis ni sku'i rten byang chub kyi sems so/ /de'i dang po'i dga' ba/ yang dag sra ba'i mtshan nyid kyi phyir sa/ mchog gi dga' ba phun sum tshogs pas gsher ba'i mtshan nyid kyi phyir chu/ chu ni srog la cha zhes bya ba la/ dpal in+d+ra b+hU tI'i gzhung gis ni byang chub kyi sems bdud rtsi zhu ba nyid snying
- 142b
po'o/ /slob dpon ku ku ri'i gzhung gis ni khyab pa nyid/ dga' bral 'od bstan zhes bya ba la/ chad pa'i dga' bral nang gi bdag nyid/ chags pa chen pos me'i nus ba kun tu 'od zer can/ 'od ni mthar zhes bya ba ni/ dpal bde ba chen po'i gzhung gis ni bde chen grags pa rang bzhin dga' ba'i mthar ni skye ba med pa'i gnas zhes bya ba la/ rang bzhin dga' ba bskyed rim rdzogs rim dang bral ba'o/ /mthar ni 'pho ba mi bshad ces bya ba la chad pa'i mtshan nyid ni ma yin no/ /'pho ba dang dngos po ma yin bstan ces bya ba la klu sgrub snying po'i gzhung gis ni chad pa'o/ /dngos po ma yin mthar brjod ces bya ba la/ dpal pad+ma sha ba ri'i gzhung gis ni mthar thug pa'i rang bzhin dga' pa rtag tu shar ba zhes bya ba'i don to/ /de'i phyir mthar ni phra mo pas shin tu phra zhes nyid rgyud las gsungs so/ /rang bzhin grags pa bde chen phyir/ ye shes rlung du rab tu grags/ /de dang nam mkha' zhes su bstan ces bya ba la rnam pa thams cad kyi stong ba nyid chen po/ /ye shes rang bzhin gyi phyir zhes lung ngo/ /gzhan ma ni thams cad bdag nyid rtag tu bzhugs zhes sgra ji bzhin gyis bshad do/ /yang na thams cad bdag nyid rtag tu bzhugs zhes bya ba ni sna tshogs sprul pa'i spyod pa'i sbyor bas/ dngos po kun la khyab pa zhes mtshan mchog gi rgyud las gsungs so/ /dpal in+d+ra DhU ti'i gzhung de dang 'dra'o/ /da ni rigs lnga'i don bshad de/ rigs ni ka pa la ru brjod ces bya ba drang ba'i don to/ /nges pa'i don gyis ka pa la ni rus kyi sdom pa zhes slob dpon u ta mar badzra'i gzhung gis so/ /dpal sarba b+hU ti'i gzhung gis ni gsal ba'i don 'di lta ste/ dpal rdo rje sems dpas 'dul ba'i gang zag rjes su chags pas bde ba chen po sdom pa'i dus su/ rdo rje lte ba las rigs kyi 'byung ba'o/ /ka ba la ni dang po'i ka brjod ces bya ba ni 'dus nas sngon du rdo rje zhes sdom pa'i rgya mtsho'i
- 143a
rgyud kyi man ngag gi gzhung ngo/ /ka ni dang po rtsa ba zhes bya ba la rigs thams cad kyi nang nas rdo rje'i rigs ni rab/ yang na rigs kun la rgyur gyur ba de slob dpon bi las badzra'i gzhung ngo/ /rtsa ba lnga ru dbye zhes bya ba ni de bzhin gshegs pa lnga'i rang bzhin no/ /de las grangs med pa'i rigs so/ /de bzhin gshegs pa lnga'i bdag nyid phung po lnga nyid la sogs zhes bya ba la stong pa nyid kyi ye shes kyi rdo rje'i rang bzhin nyid kyi phyir/ tha mal pa de dang de bzhin gshegs pa'i ngo bo/ /ci'i phyir zhe na kun la 'byung ba chen po lnga la dbang mdzad pa'i phyin ro/ /gang zhig 'byung ba chen po lnga po de yang lha'i dngos po ji ltar khyad 'jug nis dbang phyug chen po ni chu drag po ni me tshangs pa ni rlung/ rtag tu zhi ba ni nam mkha' o/ /de la lnga la gcig khyab pa ste/ bdag ni don dam pa'i rtsa zhes bya ba la/ 'od rab chen po'i rang bzhin/ dpal rdo rje 'dzin pa chen po'o/ /kun la khyab pa zhes bya ba ni 'di ltar gsungs te/ 'od rab chen po'i phyir thams cad khyab pa'o/ /'byung ba chen po la kun la khyab na yang de lha mod kyi de la yang 'od rab chen po gsal bar byed pa'o/ /de'i phyir khyab par gyis kun la khyab pa'o/ /slob dpon tsan+d+ra ka ri'i gzhung gis thams cad kyi sgras ni 'byung ba chen po lnga/ de rnams khyab pa snang pa skye bar byed pa/ 'od rab chen po zhes bya ba'i don te/ shin tu spros pa dang bral ba'i phyir stong pa nyid/ skye 'jig pa dang bral ba'i phyir 'pho ba med pa/ nam mkha' la gzhan gyi phyir 'ong ba med pa/ mi gsal ba'i phyir dang ba/ dngos po med pa'i phyir skye ba med pa/ gzhan ma ni thugs rje btung ba la sogs sgra ji bzhin gyis gsungs so/ /dpal phyag rgya chen po'i thig le las le'u brgyad ba'i bshad pa'o// //da ni dgu pa la zab pa'i tshigs su bcad pa bri bar bya/ phyag rgya sgra ni bdag por byed zhes rgyud sarba b+hU ti'i de khon na nyid bstan pa las gsungs so/ /dpal
- 143b
in+d+ra b+hI ti'i gzhung gis ni kun rdzob kyi phyigs su brtul zhugs chen po/ don dam pa'i phyogs su ye shes kyi don rgyas btab pa/ gsang ba'i phyogs su thabs dang shes rab mnyam par sbyor ba/ brda zhes bya ba ni gsang ba'i man dag la drang ba/ yang na gsang ba'i dam tshig la 'dus pa/ slob dpon gzhan ma'i gzhung gis ni lag pa la sogs pa'i sbyor thabs kyi phyag rgya gleng ngo/ /dpal badzra b+hU ta'i gzhung gis ni khams gsum ma lus pa phyag rgya bdag nyid do/ /gzhan ma ni rdo rje slob dpon gyi zhal mda' nas sgra ji bzhin du gsungs so/ /rigs kyi bye brag gis gang zhig gzhon ma rigs ngan rdo rje 'dzin pas gsungs pa de ni rigs kun la rang bzhin kyis rigs med par rab tu bstan to/ /gang gi phyir zhe na de bzhin gshegs pa la rigs dang skye ba med do/ /slob dpon bi ra pu ti'i gzhung gis kun de bzhin gshegs pa'i phyir bcom ldan 'das kyis rigs kyi bye brag dag ba sku gsung thugs kyi rnam par dag pas/ gang zhig srid mo la sogs kyi bstan pa de ni rnam par rtog pa dang bral ba'i ye shes 'byung ba'i don du zhes lha lcam lag smi'i gzhung ngo// phyi nas kyang rtsa'i don gyis gang zhig rnam par dag pa de yang mi myong zhes bya ba'i don to/ /sa la sogs pa'i don gyis gang zhig rnam par dag de ni kun la yod ces dgongs so/ /de bas sring mo la sogs kyi bye brag mi bya zhes rnal 'byor ma badzra ba ta'i gzhung ngo/ / ro drug ni don gyis gang zhig sra mo la sogs pa bstan pa de ni slob dpon bi ra pu ti'i gzhung gis khams gsum gso ba'i phyir nye bar myong bar bya zhes gsungs so/ /de kun 'bad pas mchod par bya/ myur du dngos grub thob par 'gyur/ zhes bya ba la/ thabs dang shes rab gnyis su med pa'i sbyor bas dga' bar byas zhes dgongs so/ /gang gi phyir zhe na/ myur du dngos grub gter zhes dgongs pa'i don te/ /dpal phyag rgya chen po'i thig le las le'u dgu pa'i bshad pa'o// //da ni le'u bcu pa'i zab mo'i tshigs
- 144a
su bcad pa bri/ rdo dang sa la sogs pa'i mchod rten la/ de kho na nyid shes pa can gyis phyag rgya la sogs pa dgag ces rgyud kye go rims kyis lha lcam lag smi'i gzhung gis slob dpon gyi zhal mnga' nas gsungs so/ /de ci'i phyir zhe na/ de kho na nyid shes pa rnams kyi sems kyi ngo bo ni shes/ de'i phyir sa la sogs pa lha'i sku spangs te/ de bzhin gshegs pa lnga'i bdag nyid kyi lus po 'byung ba'i bdud rtsi'i rdzas kyis/ nyid thugs kyi rdo rje la bzhugs pa'i gnas sku'i rgyal po mchod par bya zhes dgongs so/ /gzhan ma ni sgra ji bzhin gyis bshad/ rigs lnga'i mnyam par sbyor ba la sogs rdo rje slob dpon gyi zhal mnga' nas sngar bstan pa ba/ de bzhin du kun sangs rgyas yin pa'i dgongs pas rigs kyi bye brag dgag go /btung ba dang mi btung pa ni spyad par bya'o/ zhes bya ba la/ rnam par rtog pa med pa nyid la brda'o/ /sogs pa'i sgras ni gces pa dang mi gces pa'o/ dpal bi ra pu ti'i gzhung gis shes rab dang/ ye shes kyi dbang mi gnas pa ni shes rab ye shes btung ba ni mchog gi dga' ba/ mi btung ba ni chad pa'i dga' ba/ de yang mi spyod ces bya ba'i don to/ /bud med skal ldan min mi smra zhes bya ba la 'di skad gsungs te/ bud med la skur ba 'debs pas phyag rgya chen po'i dngos grub mi 'thob ces dpal dz+nyA na bu ti'i gzhung po// gzhan ma ni sgra ji bzhin gsungs so/ /da ni gnas la sogs pa rnal 'byor ma'i rgyud las gsungs pa'i rim pas rdo rje slob dpon gyi zhal mnga' nas kyi rim pa 'di ltar gsungs te/ legs dgyes chen mo 'byung ba'i dus su gnas/ gang zhig byang chub kyi sems la rten pa de ni gnas/ bde ba'i bdud rtsi la gang zhig 'phel ba dang bten pa da ni nye ba'i gnas/ bde ba la yang dang yang gang zhig skye ba de ni zhing/ bde ba la rang gis su gang zhig rgyas pa de ni nye ba'i zhing/ ci 'byung ba bde ba'i
- 144b
dngos po la bzung bas tshan do ha/ de rang nye ba'i byed pas nye ba'i tshan do ha/ bde ba'i chos la yang dag par sbyor bar byed pas 'dus pa/ der nye ba'i phyir nye ba'i 'dus pa/ nye bzhes bya ba ni ji ltar shes kyi dum bu la phyi'i rtsa bzhin no/ /bde ba chen po la thog ma dang tha mar gang zhig dngos po med pa de ni dur khrod/ dngos po med pa'i mtshan nyid kyis gang zhig bde ba nyams su myong ba de ni nye ba'i dur khrod/ bde ba nyams su myong ba de yan dag khyab pas 'phel ba'o/ /de dang dran pas nye bar 'phel ba'o/ /de kun bcu gnyis kyi bdag nyid/ bde ba nyams su myong ba las/ gnas brtan pas bde ba chen po tshor ba'i gnas so/ /nang gi bdag nyid kyi gnas ni spyi bo dang spyi gtsug gi gnas so/ /phyi'i gnas ni u rgyan la sogs pa'o/ /slob dpon gzhan ma'i gzhung gis ni gnas la sogs pa don gyis a rnams la bstan par byas so//mchod pa'i dus su mchod par bya zhes bya ba 'di ltar gsungs te/ mchod pa'i dus zhes bya ba ni rdo rje 'dzin pa'i nga rgyal gyis bsgrub pa dang sgrub thabs kyi sbyor ba/ mchod pa zhes bya ba ni gnyis su med pa'i ngo bos lha'i rnam pas thabs dang shes rab bdag nyid kyi sgra dga' bar bya/ ri bong can 'od me tog gis zhes bya ba la/ slob dpon bi ra pu ti'i gzhung gis/ ri bong can gyi sgra ni zla ba zla ba'i sgras ni byang chub kyi sems/ 'od zer sgras ni thig le rnams kyis me tog gis zhes bya ba ni yid 'phrog can gyis so/ /yang na dkar bas so/ /me tog nyi ma dmar ba zhes bya ba la rang yas byung ba'i me tog go /slob dpon ratna pu ti'i gzhung gis ni 'di ltar bshad de/ srog ni bde ba chen po'i 'khor lo la gnas pa'i byang chub kyi sems so/ /spyod pa zhes bya ba ni 'khor lo gsum gyi byugs pa'i nang gi bde ba chen po tshor ba'i gnas su dbang drug /longs spyod dang mi snang ba'o/ /lha bshos kyi sgras ni tshim par byed pa/ dbul ba'i sbras ni nyams su zhes bya ba ni de ma thag tu
- 145a
smras pa'i bde ba chen po'i 'khor lo'i gnas so/ /slob dpon Dom+b+hi pa'i gzung gis ni 'dab ma drug cu rtsa bzhi dang ldan pa'i sprul pa'i 'khor lo/ /slob dpon bi ra pu ti'i gzhung gis ni/ shes rab ma'i mngal gyi pad+ma/ srog gcod par bya zhes pa rgyal mi b+hi ra ma ti'i gzhung gis shes rab ma'i pad+mar byang chub sems kyi me tog gis mchod par bya'o/ /mi dga' mi bya zhes pa la dpal nA ga bu d+hi'i gzhung gis/ rang la thabs kyis mchog gi dga' ba las gzhan me gnas reg par mi bya/ shes rab ma la mi btson pa'i sems mi bya'o/ /zhes so/ ci'i phyir zhe na mchod pa'i skabs su sbyin pa la sogs kyi don gal che'o/ /de'i srog gcod pa las yang dag pa'i rab mchog gi dga' ba'i ngo bo bsod nams kyis 'bras bu snyed ces lung gi go rims kyi dpal pad+ma sh+rI ka ra'i gzhung ngo/ /da ni gsang ba'i dkyil 'khor bstan pa/ ji ltar rdo rje slob dpon gyi zhal mnga' nas bshad pa de la 'di ru gsal par bri bar bya gru gsum la sogs zhes bya ba la/ gru gsum zhes bya ba ni longs spyod dang/ mi snang ba dang/ dbang la nyams su myong ba'i gnas so/ /dmar zhes bya ba ni 'od rab kyi rang bzhin/ ran pa zhes bya ba ni shin tu ran pa'i chos kyi dbyings kyi ye shes kyi ngo bo/ /rim pa gnyis zhes bya ba ni rten dang brten pa'i mtshan ny+d can/ dkyil 'khor zhes bya ba ni snying po'i rang bzhin/ nang gi rim pa la dpal ldan zhes bya ba ni slob dpon sha ba ri'i gzhung gis ni/ nang gi rim pa ni brten pa'i gnas/ dpal gyi sgras ci bcom ldan 'das bdag med ma/ bcom ldan 'das byang chub sems yid ces bya ba ni don dam pa'i byang chub sems kyi thig ler grags pa can mgon po nye ru/ phyi nas rten pa'i gnas so/ /rig gsum can rnal 'byor ma zhes bya ba ni sku dang gsungs pa
- 145b
thugs kyi ngo bo can/ 'o ma dang 'dzin ma dang rgog med ma'o/ /slob dpon mtsho skyes rdo rje'i gzhung gis/ lus dang ngag dang yid 'bab pa de ni nang gi dkyil 'khor gyi rnam par dag ba'o/ /da ni lha mo dag bri bar bya lha mo'i sgras ni bdag po/ /sarba b+hu ta'i de khon nyid kyis bstan pa'i gzhung ngo//dpal in+d+ra b+hU ti'i gzhung gis ni yan lag nye bar gsungs so/ /lu po gnas zhes bya ba la lung la bstan pa'i go rims kyis rtsa ba'i bstan pa'o/ /gang gi phyir zhe na/ sgra ni dkyil 'khor lo/ /chos kyi dbyings kyi rang bzhin gyi phyir de rang b+ha ga bshad do/ /b+ha ga las byung byang chub kyi sems ni rje btsun no/ /'byung ba'i sga ni shar zhes bya ba'i don no/ ji ltar nam mkha' la rgyas pa'i zla ba'o/ /dur khrod brgyad kyi dbus na bzhugs zhes bya ba la 'di skad bshad de/ lha mo'i yan lag dang ldan pa'i gsang ba'i dkyil 'khor phyi dang nang dang gsang ba'i dur khro kyis brgyan pa'o/ /phyi'i gtum drag la sogs pa me'i sreg pa'i gnas/ nang ni sgo dgu dang ldan pa'i sku/ gsung ba ni bde ba'i bdag nyid byang chub sems kyi dbugs 'byung nba'i mi'i snang ba'i gnas so/ /dpal bde ba chen po'i gzhung gis dur khrod brgyad la slob dpon gyi zhal mnga' nas 'di skad bshad de/ gsang ba'i chu skyes kyi dbus su reg bya'i rtsa brgyad 'dab ? pad ma dmar po/ /de'i dbus su bde ba chen po'i rgyal po'i byang chub kyi sems/ shar gyi 'dab mar kun rdzob kyi gzugs can byang chub kyi sems mi snang ba'i ngo bor gyur pas tshig pa'i mtshan pa'i mtshan nyid gtun drag /lho ru longs spyod nyid gyur bas/ mi 'tshig pa'i mtshan nyid dbyibs can/ nub tu longs spyod las 'das pa'i mtshan nyid can tshang tshing/ byed dudbang thob pas dum bur ma gyur pa'i mtshan nyid 'bar ba/ me'i mtshams su chad pa'i dga' bar gyur pas 'jigs pa'i mtshan nyid dmyal tshogs/ chu'i mtshams su tshad par gyur pa mi
- 146a
bzad pa'i mtshan nyid can 'jigs par byed pa/ rlung gi mtshams su chad pa'i gnas nas srog gi rlung dang phrad pas/ phyi nas kyang dga' ba'i gnas su slob pa'i phyir/ mdud rtse bskyod pa'i mtshan nyid can ha har rgod pa/ dbang gi mtshams su cung zad gyen du 'gro bas mchog gi dga' bas 'gegs pa'i mtshan nyid g.yer kha can no/ /de ltar gsang ba chen po'i dur khrod brgyad kyi rtsa'i 'dab ma'i gnas las cung zad g.yo ba ni chad pa la sogs kyi gnas bstan to/ /de ru rtsa'i 'dab ma la rim pa 'di yin te/ mthu drag ma dang/ mthu byed ma ro mchog ma dang/ mthu sgra ma/ nam mkha' ma dang/ chu sbyin ma dang/ rul pa ma dang/ ser sna ma'o/ /rtsa'i yan lag dang nye ba'i yan lag mang po yod pa'i phyir/ shing gi sgra nyid mchog gi dbang phyug gis gsungs zhes slob dpon sha ba ri'i gzhung ngo/ /rtsa'i shing me tog la sogs pa rgyud kyi zhes byang chub sems 'byung ba'i phyir don to/ /sogs pa'i rang las byung ba'i me tog /me tog gi med par ji ltar mchod/ /dkyil 'khor gyi steng du 'gyur zhes bya ba la 'di ltar bshad de/ byang chub kyi sems rang las byung ba'i me tog med par/ shes rab ma'i phyag rgya'i dkyil 'khor la/ mi snang ba dang/ longs spyod dang dbang gi grags pa can mchod par med ces dgongs so/ /slob dpon bi la badzra'i gzhung gis ni gsang ba'i me tog la sogs pa med pas/ thabs dang shes rab la rdzogs pa med/ rnal 'byor ma'i gzhung gis ni phyag rgya dang/ dngos grub mi 'grub pa/ /dpal phyag rgya chen po'i thig le las le'u bcu pa'i bshad pa'o// // nga ni le'u bcu gcig pa la zab pa'i tshigs su bcad pa bri/ nyon cing ? sreg rab tu bshad ces bya ba la sogs pa'i sgra ni ji bzhin gyis gsungs so/ /lte ba'i gnas su tshul gyi gnas shes bya ba la/ dpal gsang chen rdo rje'i gzhung gis ni/
- 146b
gsang pa'i pad+ma'i snying po/ slob dpon Dom+b+hi pa'i gzhung gis ni/ 'dab ma drug cu rtsa bzhi'i lte pa'i gnas so/ /gsang ba'i pad+ma'i ni slob dpon gyi zhal mnga' nas reg bya'i rtsa'i 'dab mar bshad do/ /de'i lte ba'i gnas su tshul rigs par bya'o/ /de'i phyir tshul gyi mdza' mar gsang ba'i pad+ma zhes rgyud las bshad de/ /tshul gyi sgras ni blo bur pa'i sgra'o/ /slob dpon b+hi ra pu ti'i gzhung gis ni byang chub sems kyi sgra'o/ /de ru rang dbang gi rlung zhes bya ba ni slob dpon u rgyan gyi gzhung gis reg bya'i rtsa brgyad 'dab ma'i lte ba'i dbus su blo bur pa'i tshul la/ gnyis su med pa'i rang bzhin gyi rlung rtag tu shar to/ /kun tu bskor te mi bskor zhes bya ba ni rdo rje slob dpon gyi zhal mnga' nas 'di skad bshad de/ kun tu bskor ba zhes bya ba ni thabs dang shes rab nye bar sbyor ba'i dus su/ rang bzhin gyi rlung kun la shar na yang khyad par gyi g.yas bskor du 'byung/ mi bskor zhes bya ba ni g.yon la bskor ba'?/ dpal badzra pu ti'i gzhung gis kun tu bskor zhes bya ba ni skad ces 'byung ba'o/ /mi bskor zhes bya ba ni thim par gyur pa'o/ /dbang po gnyis kyi bud shing sbyor ba las/ thabs dang shes rab mnyam par 'khyud pa'i bsgrub pa dang/ bsgrub thabs chen po'i/ /rlung la mi 'byar bya ba la de ma thag tu smras pa'i rang bzhin gyi rlung gis bskul bar bya ba'i gtum mo'i ngo bo can/ bcom ldan 'das ma rdo rje dbyings kyi dbang phyug ma 'bar ro/ /steng gi 'khor lo la gnas pa'i mar zhes bya ba la/ steng ni bde ba chen po'i 'khor lo/ mar ni byang chub kyi sems so/ /des ni ci smras na rang bzhin gyi rlung gis khong du chud par byas pa'i gtum mo'i 'od zer gyis bde ba chen pa na gnas pa'i byang chub sems kyi mar zhu bar gyur to/ /dpal mahA su kha'i gzhung gis ni steng gi 'khor lo ni sprul pa'i 'khor lo nas/ nang du gzhug pa'i 'khor lo mchog /de rang snod ces bya ba ni sangs rgyas rin po che'i snod
- 147a
gsungs so/ /ha ni rnam par dga' gza' bstan ces bya ba la/ dpal in+d+ra? d+hU ti'i gzhung gis ni rtsa gsum gyi bdag nyid/ reg bya'i sa bon no/ /slob dpon shab ri'i gzhung gis ni shes rab ma'i gsang ba'i pad+ma'i lte ba'o/ / blugs gzar rdo rje 'di ru bstan ces bya ba la rdo rje rin po che'i 'byug pa haM khung b+ha ga zhes bya ba ni sgra ji bzhin no/ /dbang po lnga la sgra ji bzhin no/ /yang na stobs lnga'o/ /mar ngo las ni zhes bya ba ni chad pa'i dga' ba/ de ni slob dpon dpal ldan gyi gzhung ngo/ /nya gang pa? la gshegs su gsol zhes bya ba ni mchog gi dga' ba'i gnas yan chad/ chad pa'i dga' ba'i 'jug pa'o/ /slob dpon nag po pa'i gzhung gis mang po ni shes rab ma/ yar ? ni thabs gshegs su gsol zhes bya ba ni shes rab dbang bskur bar bya'o/ /hoM khung? phyi rol thigs phyed tsam ni/ blugs gzar nas thigs phyed tsam ni dor mi bya zhes bya ba ni hoM khung gi phyi rol ni gsang ba'i pad+ma'i phyi rol lo/ /blugs gzang nas ni gsang ba'i rdo rje'i rin po chen sa/ de la don ni 'di yin te byang chub sems kyi mar dgang blugs dbul ba'i dus su/ yin? phyi rol tu gtang bar mi bya'o/ /slob dpon Dom+b+hi pa'i gzhung gis ni/ gang zhig hoM khung gi phyi rol de ni rdo rje'i phyi rol/ blugs gzar gyi sgras ni gsang ba rin po che'i gnas/ de las phyi'i gnas su byang chub sems gtod par mi bya'o/ /mi bya'i phyir na dgang blugs ni ma yin no/ /sangs rgyas la sogs bya ba ni gsang ba'i don gyis rdo rje slob dpon gyi zhal mnga' nas 'di skad gsungs te/ sangs rgyas zhes bya ba ni sems dang sems las byung ba/ byang chub sems dpa' zhes bya ba ni phung po lnga/ lha dang lha mo yin zhes bya ba ni khams kyi rang bzhin/ srin po zhes bya ba ni skye mched/ phyogs skyong brgyad ces bya ba ni ro brgyad bsreg /rdzas kyis ni tshim par bya
- 147b
zhes bya ba ni thabs dang shes rab gnyis su med pa'i sbyor bas/ phan tshun byang chub sems kyi bdud rtsis dgyes par bya'o/ /ci'i phyir zhe na/ des ni phung po la sogs bstan par 'gyur ro/ /gang zhig rdo rje sems mchod pa ni dgang blugs kyis ni sbyin par bya zhes slob dpon dz+nyA na pu ti'i gzhung gis 'di skad gsungs te/ rdo rje sems dpa' zhes bya ba ni dpal bde ba chen po'i rgyal po'i/ dgang blugs kyis zhes bya ba ni mi sgro ba'i bdud rtsi gang zhig rang bzhin dga' ba des mchod par bya/ nyams su myong bar bya zhes bya ba'i don to/ /hUM phaT sngags kyis la sogs zhes bya ba ni gsang ba'i mnyam par sbyin pa'i sbyin sreg gi dus su rdo rje rin po che'i snying por lta ba'i rnam par dgod par bya'o/ /pad+ma rin po che'i snying por pha'i rnam pa/ des ni mkha' 'gro kun dgyes la sogs bya ba ni mkha' 'gro ma'i sgras ni rtsa/ dgyes zhes bya ba ni mi zad par gyur pa'o/ /gzhan ? yang rnal 'byor ma mo zhes bya ba ni phyi'i rtsa'o/ /dngos grub yang ster zhes bya ba ni rang bzhin dga' ba'i dngos grub tu 'gyur zhes slob dpon ba san+ta re ba ga'i gzhung ngo/ /de ltar bshad pa la sogs zhes bya ba ni sgra ji bzhin no/ /'dod pa thams cad grub par byed ces bya ba la slob dpon dz+nyA na pu ti'i gzhung gis ni rtsa la sogs pa rgyas pa nyid do/ /dpal phyag rgya chen po'i thig le las le'u bcu gcig pa'i bshad pa'o// //da ni bcu gnyis pa tshigs su bcad bri/ bdud rtsi ? dam pa'ang ltar la sogs zhes bya ba la/ bdud rtsi lnga zhes bya ba ni nang gi don gyi mkha' 'gro ma las byung ba'i dkyil 'khor lnga/ de ru sku'i 'khor lo ni rnam par snang mdzad/ gsung gi 'khor lo ni snang ba mdza' yas/ thugs kyi 'khor lo ni mi bskyod pa/ las kyi 'khor lo ni don grub pa/ phyi'i don gyis rdzas lnga'i? bdag nyid do/ /gsang ba'i don gyis thog ma dang tha ma dang dbus dang bral ba'i bde ba can po'i
- 148a
rgyal po'o/ /dpal phyag rgya chen po'i thig le las le'u bcu gnyis pa'i bshad pa'o// //da ni bcu gsum pa la zab pa bri/ u rgyan la sogs gnas zhes bya ba la/ gnas la sogs pa'i don ldang bshad par byas so/ /rnal 'byor ma'i 'dus pa zhes bya ba ni gsang ba'i mnyam bar sbyor ba'i dus su rtsa phrad pa'i 'pho ba/ de ru skad ni smra bar byed ces bya ba/ slob dpon sha ba ri'i gzhung gis phan tshun byang chub sems 'dus par byed do/ /de'i gsang ba'i sgra dang ldan pa nyid rgyud las gsungs so/ /gsang ba'i sgra ni legs dgyes kyi dga' ba'i ro zhes slob dpon bi la sa badzra'i gzhung ngo/ /slob dpon gzhan ma'i gzhung gis gsang ba'i sgras ni rang rang gi rigs la 'dus pa'o/ /slob dpon ratna bu ti'i gzhung gis gsang ba'i skad ni 'dod ba'i brda'i gnas so/ /slob dpon d+he b+hi'i gzhung gis ni skal ba dang ldan pa mi ldan pa bstan pa'i rgyu'i phyir/ gsang ba'i skad smra ba'o/ /gzhan ma ni chang la sogs pa sgra ji bzhin gyis gsungs so/ /dpal phyag rgya chen po'i thig le las le'u bcu gsum pa'o// //da ni bcu bzhi pa la zab pa'i tshigs su bcad pa bri/ yan lag phyag rgya la sogs mtshan nyid la sogs zhes bya ba la/ rdo rje slob dpon gyi zhal mdzad nas 'di skad gsungs te/ yan lag gi sgras ni thabs/ phyag rgya'i sgras ni shes rab/ mtshan nyid ces bya ba ni bde bar sbyor ba/ slob dpon dzra na pu ti'i gzhung gis/ yan lag ni srid pa/ phyag rgya'i mya ngan 'das pa de dag gnyis kyi yongs su shes pa la phyag rgya'i dngos grub bo/ /slob dpon nag po'i gzhung gis yan lag ni mchog gi dga' ba/ phyag rgya ni chad pa'i dga' ba slob dpon ma? skyes rdo rje'i gzhung gis phyag rgya'i dngos grub mngon du gyur pa'i rnal 'byor
- 148b
pa la nye bar brtag pa'i don gyi phyir rnal 'byor ma 'dus pa'o/ /dpal phyag rgya chen po'i thig le las le'u bcu bzhi pa'i bshad pa'o// //da ni bco lnga pa la zab pa'i tshigs su bcad pa'i don bri/ gzugs dang mtshan nyid ces bya ba ni slob dpon gyi zhal mnga' nas 'di skad ces gsungs te/ gzugs ni kun tu dmar ba'i rang bzhin byang chub kyi sems/ mtshan ma zhes bya ba ni phyi rol du 'byung ba'i rnam pa'i ngo bo/ /sogs pa'i sgras ni gnas so/ /de la don ni 'di yin te gang zhig rnal 'byor ma rtag tu A li kA li bdud rtsi'o/ /gsang pa'i pad+ma'i gnas nas 'dzag pa de ni the tshom med par dngos grub chen po ster bar 'ong/ /A li kA li'i ye shes las khams gsum skye ba'i phyir ro/ /gang zhig nyid de ltar gyur pa'i ye shes rtag tu 'phyung ba de ni ? las gzhan pa'i lha'i rigs so/ /lha mo ma yin pa gzhan mas dngos grub chen po 'grub par mi nus pa mi 'od zhes dgongs pa'o/ /dpal phyag rgya chen po'i thig le las le'u bco lnga pa'i bshad pa'o// /nga ni bcu drug pa la thab pa'i tshigs su bcad pa ? nyon cig dkyil 'khor rgyal po la sogs zhes bya ba ni slob dpon gyi zhal mnga' mkha' 'gro ma rdo rje gur gyi man ngag gi gzhung gyis 'di ltar bshad de/ dkyil 'khor gyi sbres ni 'khor gyi snying po/ snying po sbyong ba 'di kyi ye shes kyi rang bzhin don dam? byang chub kyi sems/ 'khor ni bya ba'i ye shes so/ /der ni min bdag gzhugs zhes bya ba ni badzra ? tI'i gzhung gis ni stong pa nyid kyi ye shes kyi ngo bo/ bdag nyid don dam pa'i byang chub kyi sems bde ba chen po'i byang chub bo/ /hUM gi dngos pa la dngos po zhes dang? bshad do/ /hUM gi dngos pos zhes thugs kyi rdo rje'i mkha' 'gro bas so/ /dngos po zhes bya ba ni gsung gi rang bzhin/ kun rdzob dang don dam pa gnyis su med pa'i byang chub sems kyi ngo bo/ gsum pa'i dngos po zhes bya ba ni mtshan dang dpe byang dang ldan pa ?
- 149a
rdzogs pa'i sku'o/ /slob dpon gzhan ma'i gzhung gis ni gdul dka' 'dul byed kyi phyir/ dpal rdo rje 'dzin pa chen po la sprul pa'i kye'i rdo rje'o/ /de rang la ye shes mkha' 'gro zhes bya ba'i mtshan nyid do/ /nyi ma'i dkyil 'khor gyi steng na gzhugs zhes bya ba la mchog gi dga' ba'i gnas na bzhugs/ nyi ma bya ba'i 'od ces bya ba la rang bzhin dga' ba'i grags pa can 'od rab chen po'i ngo bo/ khyed dang lhan cig mnyam par 'khyud ces bya ba la/ legs dgyes chen mo mnyam par gnyis su med pa'i sbyor bas bdag med ma'i kha sbyar gyi sbyor pa'o/ /chu skyes sngon po'i gzugs can zhes bya ba la/ ye shes chen po rang nam mkha' i rang bzhin no/ /slob dpon bi ra pu ti'i gzhung gis ni zhal la skad cig rnam par dag pa bshad do/ /kha cig dga' ba'i rnam par dag pa len/ phyag pa sna tshogs thabs gsal pa'i phyir/ slob dpon gyi zhal mnga' nas sna tshogs rnam par dag pa bshad do/ /de ni re zhig bdag po rdzogs pa'i gzhung/ 'khor rdzogs pa'i skabs su slob dpon dz+nyAn mu ti'i gzhung gis ni/ gang zhig bcu gnyis pa'i bdag nyid de ni thabs kyi dkyil 'khor/ gang zhig bzhi bcu rtsa bzhi pa de ni thabs las byung ba'i dkyil 'khor/ slob dpon bi ra pu? ti'i gzhung gis ni gang zhig bsgrub pa dang sgrub thabs kyi/ ro'i dga' ba las rdzogs bde ni ye shes kyi dkyil 'khor/ gang zhig skad cig gi rnam pas rdzogs pa de ni 'byung ba'i dkyil 'khor/ slob dpon sha ba ri'i gzhung gis dang po 'byung ba de ni rten gyi dkyil 'khor/ gang zhig phyi nas 'byung ba de ni rten pa'i dkyil 'khor/ gang zhig phyag la nye? dang chu srin la sogs pa de ni/ mkha' 'gro ma rdo rje gur gyi man ngag gis nad la sogs pa 'jigs par mdzad pa'o/ /slad ma ni sgra ji bzhin no/ /gang zhig nyi shu rtsa bzhir gnas/ de ni tshigs la bzhugs
- 149b
ba'i sa zhes bya ba la/ 'khor lo bzhi gnas pa'i lha mo sum cu rtsa gnyis la gnas nye ba'i gnas la sogs pa'i bzhugs pa'i gnas so/ /gang gi phyir zhes nang gi lha mo lha nang gi gnas/ phyi'i lha mo la phyi rol gyi sgo la sogs pa/ dbus ni gnas pa la rten med pa'i phyir gnas la sogs pa bzhugs pa'i sa zhes slob dpon sha pa ri'i gzhung ngo/ /'di ru lha mo sum cu rtsa gnyis la/ gnas nyi shu rtsa brgyad ji ltar bzhugs pa'i sa yin par gyur pa de la slob dpon gyis 'di ltar bshad de/ le'u nyi shu rtsa brgyad pa la gang zhig sbyor ba dang/ nye ba'i sbyor ba bzhi rab gsal/ des sum cu rtsa gnyis tshod bar 'gyur ro/ /de ni re zhig lha mo'i gnas kyi phun sum tshogs pa bshad/ da ni rnam par dag pa'i bskyed ba'i rim pa bri/ de nas bskyed pa'i rim pa yis/ rtsa kun la ni 'byung pa'i tshe zhes bya ba la slob dpon mang po'i gzhung gis/ rdo rje slob dpon gyis 'di skad bshad de/ dang po re zhig sgrub dang sgrub thabs las/ phyi dang nang gi bdag nyid kyi gsang ba'i rtsa las 'byung ba'i tshe/ de las lha mo'i rnam pa 'byung bar 'gyur ro/ /de ni bskyed pa'i rim pa'i phyogs rdzogs pa'i rim pa'i phyogs su ni phyi dang nang gi bdag nyid can gyi dkyil 'khor la gnas pa'i lha mo'i tshogs la? gzung 'dzin rnam par spangs pa'i phyir/ gang nas skye ba der rang zhugs ? rnam par dag pa'o/ /'dzums pa dang 'byed pa la sogs zhes bya ba la/ rtsa'i lha mo'i mchod pa spro pa'i bdag nyid can/ bde ba chen po'i dga' ba 'byung ba la ye shes kyi phyag rgya khong du chung ba'o/ /ye shes kyi phyag rgya ni zhib? chen po'i rang bzhin sbras? pa me? pa/ sgrub dang sgrub thabs chen po khong du tshud pa las/ de rang gtum mo/ slob dpon sha ba ri'i gzhung gis ni las drag po mdzad pa'i phyir gtum mo/ /slob dpon pu to'i? gzhung gser? mchog gi dka' ba rgyas par byed pa'i phyir gsum? mo/ slob
- 150a
dpon Dom+b+hi ba'i gzhung gis ni 'od zer rab tu che ba'i phyir gtum mo/ /slob dpon bde ba chen po'i gzhung gis ni rdo rje la 'dzum pa/ padmo la dbye ba/ lha lcam lag smi'i gzhung gis/ 'dzums pa zhes bya ba ni gyen la 'gugs? pa/ dbye ba ni 'og tu gshegs su gsol ba/ dpal in+d+ra b+hu ti'i gzhung gis/ 'dzums pa ni shu kra/ dbye ba ni raka ta/ de dag mnyam par sbyor ba ni 'dus pas rdo rje che/ rdo rje me las zhi ba chen po'i rang bzhin spros pa med pa ma yin yang mchog gi dga' ba'i 'od zer gyis khyab pa'i phyir 'bar ba dang/ sreg par byed pa dang/ byang chub kyi sems zhu bar byed pa dang/ rtsa la tshim? par byed pa dang/ dkyil 'khor la bya ba'i mchod pa mdzad do/ /de ltar rtsa chen po spros pa med pa'i ye shes kyi sgron ma ni rang bzhin can/ rtsa thams cad rten byas nas/ shes rab dang pa'i gzugs kyis 'jig rten las 'das pa'i shes rab ye shes kyi don grub par mdzad ces bshad do/ /lngar bstan pa'i gzhan ma ni sgra ji bzhin pa'o/ /de rang bde ba chen po ye shes ni/ dkyil 'khor la ni rnam par bzhugs/ zhes bya ba ni gang zhig rdzogs pa'i rim pas shes rab ye shes kyi dbang/ de rang bde ba chen po/ bskyed pa'i rim pa'i sgra ni sgrub thabs kyi dgos pas bde ba chen po thob pa/ bskyed pa'i rim pa'i phyogs la ni phyi'i shes rab bsgrub pa dang/ sgrub thabs tsam la 'dod ces slob dpon san+ta kupta'i gzhung ngo/ /gang gi phyir zhe na rtag tu ma'i shes rab bsnyen pas/ bsam gtan la 'grib pa 'ong pas/ de ltar rgyud nyid las sngar 'di ltar bstan/ blta ba tsam ni dgos pa ste/ /de bzhin kun la rtag tu min/ /phye nas rnam rtogs skye bar byed/ /des ni dngos grub mi thob pa/ /dkyil 'khor du rnam par bzhugs zhes bya ba ni dkyil 'khor gyi
- 150b
sgras ni bdag po'i de la bde ba chen po rtag tu shar ces pa'i don te/ /dkyil 'khor la yang bde ba chen po la/ rten dang brten pa la dbyer med pa dpal in+d+ra b+hU ti'i gzhung ngo/ /kun rdzob dang ni dam pa'i don/ /gnyis su dbye ba'i bde ba che/ /zhes bya ba ni kun rdzob kyi gzugs can bde ba chen po'i shes rab ye shes las 'byung ngo/ /ci'i phyir zhe na/ shes rab ye shes las/ tha mal pa ma yin pa'i dga' ba rnams la shar ba'i dus/ dga' ba la sogs pa las bde ba chen po'i rnam par shes pa'o/ /don dam par zhes bya ba ni rang las 'gyur ba/ de rnams sogs zhes bya ba la sgra ji bzhin no/ /snang ba reg bya 'dus pa dang/ 'gro ba de ni bzhi pa zhes bya ba ni snang ba zhes bya ba kun rdzob kyi bdag nyid/ shes rab ye shes dbang bskur pa'i dus su bdag med ma'i rang bzhin shes rab ma la spyan gzigs par byed pa'i byin brlabs zhes bya ba'i don to/ /slob dpon sha ba ri'i gzhung gis ni dga' ba bzhi la/ snang ba la sogs pa bzhi rtsa bar gyur pa/ rgyur gyur pa zhes bya ba'i don to/ /dpal in+d+ra b+hU ti'i gzhung gis snang ba ni lam/ reg bya ni byed pa po/ 'dus pa ni bya ba/ 'gro ba ni 'bras bu/ gzhan ma srid pa dang bral ba zhes mdza' yan chad sgra ji bzhin gyis de bskyed pa'i rim pa dga' bzhi'o/ /de ni re zhig dga' ba bzhi la bstan pa tsam da ni dga' ba bcu drug gi bye brag gis/ gang zhig dga' ba bzhi la sbyor ba de la dang po'i dga' ba rnams la rgyud kyi go rims kyis/ slob dpon dz+nyA ni mu ti'i gzhung gis 'di skad bshad de/ shes rab ma la spyan gzigs pa dang/ 'khyud bas dang po'i sbyor ba'i dang po 'dod pa'i dga' ba/ gnyis pa 'dar pa'i ldga' ba/ gsum pa 'gro ba'i dga' bo/ bzhi pa dga' ba nyid/ de ni dang po'i dga' ba'o/ /pad ma dang rdo rje gnyis kyi 'dus pa'i 'dod pa rgyas pa las/ sbyor ba gnyis kyi dang po
- 151a
rgyas pa'i dga' ba/ gnyis pa stobs kyi dga' ba/ gsum pa 'byung ba'i dga' ba/ bzhi pa mchog gi dga' ba nyid/ de ni sbyor ba gnyis pa'o/ /byang chub sems 'gro ba'i skabs su gsum pa'i sbyor ba'i dang po'o/ /'bar ba'i dga' ba/ gnyis pa thig le'i dga' ba/ gsum pa myos pa'i dga' ba/ bzhi pa tshad pa'i dga' ba nyid do/ /sbyor ba bzhi pa'i dang po/ u ta'i dga' ba/ gnyis pa tshul gyi dga' ba/ gsum pa gnyid log pa'i dga' ba/ bzhi pa rang bzhin dga' ba nyid/ de lta bu'i sbyor ba'i dga' ba bcu drug go /slob dpon b+hI ra pu ti'i gzhung gis rtsa bas ni dga' ba bzhi/ de la yang shes rab ma la spyan gzigs pa'i rgyu las 'byung ngo/ /gang zhig 'dod pa'i dga' ba la sogs pa de ni dga' rnams nges par bstan pa'i mtshan nyid/ gang zhig gtso bo rab kyi don de ni so sor bstan pa'i mtshan nyid do/ /de ni u ta'i dgu pa la sogs zhes bya ba la/ dpal in+d+ra b+hu ti'i gzhung gis ni u ta'i dgug pa zhes bya ba la/ rdzogs pa'i rim pa'i sbyor bas rten med pa'i rang bzhin bde ba nyams su myong ba'o/ /slob dpon b+hI ra pu ti'i gzhung gis ni shes rab las slar bde ba dgug par byed pa/ gang zhig ces bya ba'i sgra ni zhu ba po rnams la khong du chung par bya ba'i tshig go/ /thigs pa gsum gyi mthar zhes bya ba la/ gsum gyi sgra ni dga' ba gsum/ de rnams kyi mkha' ni bzhi ba'i rang bzhin gyi dga' ba/ de ru thigs pa mthar zhes bya ba ni/ chad pa la rab tu 'jug par bya'o zhes dgongs pa'o/ /rang bzhin rim par shes par bya ba la sogs pa la/ dga' ba'i sbyor ba bzhi la rim pas rang bzhin dga' ba kun la shar ro/ /gzhan ma dga' ba la sogs pa la nyams su myong ba'i gnas ni/ bde ba chen po'i gtsug tor nas smin mtshams 'khor lo'i dbus yan chad drang ba'i don
- 151b
gyis bcom ldan 'das kyi bka' o/ /des don gyis bde ba chen po'i 'khor lo/ /gtsug tor ni bde ba chen po tshor ba'i gnas so/ /slob dpon ku ku ri'i gzhung gis ni /gsang ba'i rdo rje'i rin po che'i smin mtshams kyi 'khor lo ni gsang ba'i rdo rje'i rin po che'i gdu bu'i gnas so/ /de ru dga' ba'i thigs pa la nyams su myong ba'i gnas so/ /slob dpon sha ba ri'i gzhung gis shar ba'i dus so/ /smin mtshams 'khor lo nas mgrin pa'i gnas su ni cung zad 'og gi lam de ru mchog gi nas/ snying ga'i rdo rje rin chen gyi gnas de ru chad pa'i dga' ba yis so/ /de ni bskyed pa'i rim pa'i phyogs so/ /rdzogs pa'i rim pa'i phyogs su ni lte ba'i 'khor lo la sogs zhes bya ba la/ lte ba'i 'khor lo ni de ma thag tu smas pa'i rdo rje rin po chen dbus gnas so/ / mdoms kyi sgra ni de'i spyi bo'i sa/ de ru dga' ba rnams kyis nyams su myong ba'i gnas so/ /mdud pa'i rtsa bar ni rdo rje rin po che'i 'khor lo nyid/ de ru mchog gi dga' ba'i gnas so/ /rin po che kha zhes bya ba ni rin po che'i 'khor lo'i nang gi sgo de ru chad pa'i dga' ba'i gnas so/ /rdo rje rin po che'i nang gnas zhes bya ba la bla ma'i zhal mnga' nas gzhung mang po bka' stsal te/ rab ni dpal in+d+ra b+hU ti'i man ngag gis gzhung gis mdud pa'i gnas/ lha lcam lag sli'i? gzhung gis gsang po rin po che'i snod kyi dbus nas/ slob dpon badzra? pu ti'i gzhung gis rdo rje rin po che rangs pa'o/ /slob dpon b+ha? ra pu ti'i gzhung gis ni rin po che'i kha'i nye bar ro/ /dpal phyag rgya chen po'i thig le las le'u bcu drug pa'i bshad pa'o// //da ni bcu bdun pa'i tshigs su bcad ba bri/ thig le tshul dang cha la sogs zhes bya ba la/ ka ma la shI la'i gzhung gis/ cha'i gnas ni snang ba'i ngo bo can dga' ba/ thig le zhes bya ba ni snang ba mched pa'i ngo bo mchog gi dga' ba/ tshul gyis sgra ni snang ba thob pa'i
- 152a
ngo bo can chad ba'i dga' ba/ de rnams la ye shes kyi 'od rab grags pa'i rang bzhin gyis dga' ba/ ye shes kyi sgra ni dga' ba rnams las yongs su grub pa'i mtshan nyid/ slob dpon Dom+b+hi pa'i gzhung gis ye shes ni dga' ba rnams las rnyed pa'i bzhi/ slob dpon sha ba ri'i gzhung gas ni nyams su myong ba'i gnas so/ /rnam rtog las ni rtog med la zhes bya ba la sogs pa la/ rnam par rtog pa zhes bya ba ni bskyed pa'i rim pa/ rtog pa med pa zhes bya ba ni rdzogs pa'i rim pa/ dpal in+d+ra b+hA ti'i gzhung gis rnam par rtog pa ni me tog kun nga dang mtshungs so/ /rtog pa med pa zhes bya ba ni gzugs dang bral ba'i rang bzhin bde ba/ klu sgrub snying po'i gzhung gis rnam rtog pa ni dngos po can/ rtog pa med pa ni dngos dang bral ba/ slob dpon gzhan ma'i gzhung gis rnam par rtog pa ni srid pa/ rtog pa med pa ni mya ngan las 'das pa/ dpal bde ba chen po'i gzhung gis rnam par rtag pa ni mchog gi dga' ba/ rtog pa med pa ni dga' ba dang bral ba/ lte ba'i gnas zhes bya ba ni de dag la gnyis su med pa'i ngo bos rang bzhin dga' ba/ gang tshe bdud rtsi'i gnas 'gro ba la sogs zhes bya ba la rdzogs pa'i phyogs su bdud rtsi'i gnas ni mya ngan las 'das pa'i gnas/ mya ngan las 'das pa'i gnas ni slob mas ye shes rdzogs pa/ bskyed pa'i rim pa'i phyogs su ni bde ba'i bdag nyid byang chub sems nyid bcom ldan 'das rdo rje 'dzin par gsungs so/ /de rnams gnas ni bzhin ru ste/ dga' ba'i bye brag gis thal zhes bya ba la slob dpon nag po pa'i gzhung gis de rnams zhes bya ba ni byang chub sems kyi thig le bzhi ru zhes bya ba ni dpral ba dang/ mgrin pa dang snying ga dang/ lte ba'i gnas so/ /thal ba zhes bya ba ni 'di bslab pa'o/ /de la don ni 'di yin te/ gsang ba'i rdo rje rin po
- 152b
tshe'i? dpral ba la sogs pa'i gnas su/ byang chub kyi sems thig le bzhis bsleb pas dga' ba'i ngo bo zhes dgongs pa'o/ /phyi nas yang rdo rje slob dpon gyis 'di ltar bshad de/ gang gi tshe byang chub kyi sems thig le'i dngos po can du gyur pa de'i tshe rnam par rtog pa nyid/ gang gi tshe dga' ba nyid/ de'i tshe rtog pa med pa nyid/ rtsa'i kun spyod sbyor ba yis zhes bya ba sgra ji bzhin pa'o/ /dpral pa'i steng gi pad+ma'i gnas la sogs shes bya ba ni/ dpral pa zhes bya ba ni gsang ba'i rdo rje rin chen 'khor lo'i thog ma'i gnas/ steng du pad+ma zhes bya ba ni bde ba chen po'i 'khor lo'i gnas pa can bde ba chen po'i pad+ma nyid do/ /de'i gtsug tor steng bzhin zhes bya ba ni 'khor lo'i rnam pa las phyi rol gyi gnas su/ gang zhig 'dzums pa'i pad+ma'i dngos po can rin po che de ni gtsug tor ro/ /slob dpon nag po pa'i gzhung gis ji ltar sangs rgyas kun gyi dbul/ gtsug tor sangs rgyas rin po che'i snod la yang de ltar ro/ /des na bde ba chen po tshor ba i gnas zhes bya ba'i don to/ /dpal ku ku ri'i gzhung gis gsang ba'i rtsa'i gnas bstan pa'o/ /lte ba'i 'og ma la sogs zhes bya ba ni bskyed pa'i rim pa'i phyogs su sgra ji bzhin/ rdzogs pa'i rim pa'i phyogs su slob dpon dz+nyAn pu ti'i gzhung gis/ lte ba'i gnas ni gsang ba'i rdo rje rin po che'i dbus/ 'og ces bya ba ni sgo'i phyi rol gu gnas so/ /gru gsum gyi rnam pa'i phyir/ de rang sum mdo'i gnas so/ /de'i steng ni 'di ltar bshad de/ gru gsum gyi steng na/ lte ba'i sgras ni gsang ba rin po che'i snod/ mong? mas zhes bya ba'i gsang ba'i snod kyi dbus/ /slob dpon ? da pu til? gzhung gis bu'i gnas ni rin po che'o? 'khor lo bde ba chen po'i mdzod/ nyid gru gsum gyi 'og tu lte ba'i rnam pa can zhes bya ba la/ phyi nas ni don gang gis bshad ces/ slob dpon gyis 'di ltar bshad de byang chub kyi sems 'bab pa'i bdag
- 153a
nyid la sogs rnams la gnas kyi bdag nyid bstan pa'o/ /la len pa? sogs go sla bar gsungs so/ /rdo rje rtse mo la sogs zhes bya ba la/ slob dpon sha ba ri'i gzhung gis/ rdo rje rtse mo la sogs zhes bya ba la/ rdo rje rtse mo zhes bya ba ni snang ba'i gnas/ thugs kyi rdo rje zhes bya ba ni de ru snang ba thob pa/ sum mdor zhes bya ba ni longs spyod kyi gnas/ gsung yin zhes bya ba ni de chu? snang ba mched la/ ste ba zhes bya ba ni dbang gis gnas/ sku zhes bya ba ni snang ba/ sku gsum la de ltar nges pa'i zhes bya ba ni snang ba la sogs pa'i mtshan nyid kyi dga' ba/ gsum la rin po che'i kha'i mdza' nas 'byung ba'i bzhi bstan pa'o/ /phyi nas kyang de rab mkhyen? du lam gyi rim pas rgyas par bstan pa'i don bshad de/ snying ga zhes bya ba ni gsang ba'i rdo rje rin po che'i gnas/ thugs kyi rdo rje zhes bya ba ni dbang gi grags pa can chos kyi sku/ mgrin pa zhes bya ba rdo rje rin po che'i 'khor lo/ /gsung gi rdo rje zhes bya ba ni/ de ru longs spyod kyi rang bzhin long spyod rdzogs sku dpral ba zhes bya ba ni rdo rje rin po che 'khor lo'i gdan/ sku'i rdo rje'i mchog ces bya ba ni mi snang ba'i grags pa can/ sprul pa'i sku mi snang ba'i sgras ni gnas nas gnas kun 'phro ba/ slob dpon badzra bu ti'i gzhung gis ni dang po'i ? 'gro ba dpal pad+ma sha ba ri gzhung gis ni skye med du 'gro ba/ de'i dbus na yod pa'i srog la sogs zhes bya ba ni dpal bde ba chen po'o gzhung gis/ de'i sgras ni dam thag tu smra ba'i sku gsung grags pa can dga' ba gsum srog? ces bya ba ni bzhi ba rang bzhin dga' ba/ de yang kun rdzob kyi bde ba la bskyed pa'i rim pa'i phyogs su'o/ /nye ba'i srog ces bya ba ni dga' bral/ snying ga'i gyen las srog gi rlung zhes bya ba ni rdo rje rin po che'i dkyil nas kun rdzob kyi bde ba'i bdag nyid rang bzhin
- 153b
dga' bshar ba kun tu snang ba zhes bya ba'i don te/ /lte ba'i 'og nas rdo rje rin chen kha'i gnas nas/ tshim? byed rlung gi sgras ni dga' bral la shar ba'i tshe/ gang gi tshe dgongs pas dga' bral ni chos byed chung gi mtshan nyid can/ de ru slob dpon nag po pa'i gzhung gis/ tha mal pa'i chags? pa'i dga' ba rnams la/ mgu bskye ba'i don gyis phyir/ gang gi tshe rkang mthil nas tshim byed kyi rlung 'byung bar 'gyur ba de'i tshe srog gi ga rlung gyen du 'gro/ rkang mthil zhes bya ba ni rdo rje rin po che'i sgo/ de las srog gi rlung rang bzhin gyi dga' ba/ rang gi stobs nus kyis/ tshim byed pa'i rlung yang gyen du 'gugs par mdzad/ tshim byed pa'i rlung ni lte ba'i gnas su gzhi bgyid par zhes slob dpon san+ta ti la ka'i zhal mnga' na sa'i/ rdo rje rin po ? lte ba'i gnas su bzhugs pa'i gsal pa'i pad+ma'i/ /de ru tshim par byed pa'i rlung 'gro ba tsam ? gsang ba chen po'i ngo bor 'gyur/ rang bzhin dga' ba nyid rdzogs ba zhes bya ba'i dgongs pa'o/ /de rdzogs pa'i rim pa'i phyogs su/ /skyed pa'i rim pa'i phyogs su ni 'di ltar bshad de/ rdo rje rin po che'i 'khor lo'i gnas kyi rtse ba ni gtsug tor gyi gnas nas gang gi tshe/ me tog kun da dang 'dra ba rang bzhin gyi dga' pa shar bde'i tshe/ dga' bral gyi ngo bo can byang chub kyi sems/ rdo rje rin chen gyi kha sgo'i gnas su gshegs so// de'i tshe de ni srog gi rlung/ lte ba'i gnas su brtan par 'gyur zhes bya ba la/ /gang gi tsha dga' bral 'byung bde'i tshe/ yang dag pa shes rab ye shes kyi dbang gi de kho na nyid rnal 'byor pas thob na/ de'i tshe srog gi rlung? la reg par byed par ? de las de'i skad cig gis rang bzhin gyi dga' ba rdo rje rin po che lte ba'i gnas su bstan 'gyur ro/ /dpal phyag rgya chen po'i thig le las le'u bcu bdun pa'i bshad pa'o// //da ni bco brgyad pa'i zab pa'i tshigs su bcad pa bri? ?
- 154a
sbyor ba yis bya ba la sogs pa la sdom pa'i rgya mtsho'i gzhung gis/ rdo rje slob dpon gyis 'di ltar bshad de/ kha sbyar gyi sgras ni srog gi dbyug pa la/ spros med ma la tsandan gor shi sha la'i shing gi nang du sbrul mo bzhin du mnyam par 'khyud pa/ slob dpon dom+b+hi pa'i gzhung gis ni bdud rtsi ma dang/ de bzhin bdud rtsi 'bab pa ma yi/ sems la gang gi rim pas ni/ /'ong ba dang ni 'gro bar 'gyur zhes 'di ltar bshad de/ rnam par shes pa'i rlung gi bdag nyid kyi byang chub kyi sems/ srog gi rlung la zhon nas legs dgyes chags pa chen po 'byung dus su/ rdo rje dbyings kyi dbang phyug ma'i snying ga'i lam gyis mi snang ba dang longs spyod dang/ dbang la shar bar byed ces lung ngo/ /legs dgyes kyi chags pa chen po skra ni mchog gi dga' pa'o/ /lte ba'i rtsa bar srog gi rlung zhes bya ba ni gang zhig lte ba de ni mchog dang/ chad pa gnyis su med pa'i gnas so/ /slob dpon Dom+b+hi pa'i gzhung gis ni kun rdzob kyi rang bzhin dga' pa'i gnas so/ /srog gi rlung gi snang ba thob pa'i rang gi ngo bo can/ bde ba chen po rin po che de ni skad cig tsam la gtor pas/ nyams su myong bas reg bya'i rtsa'i rang bzhin can/ pad+ma rnams la gyen du 'gro ba dang/ rgyas par byed ba zhes bya ba'i don to/ /da ni lte ba'i dbus su gnas zhes bya ba la rgyas pa'i rnam pa can/ reg bya'i pad+ma la lte ba'i gnas su/ legs dgyes chen po'i snang ba chen po can/ bde ba'i rin chen rtag tu shar ces bya ba'i don to/ dpal phyag rgya chen po'i thig le las le'u bco brgyad pa'i bshad pa'o// //da ni bcu dgu pa la zab pa'i tshigs su bcad pa bri/ bcu drug lon pa dang lhan cig gang zhig kha sbyar ba de ni slob dpon bde ba chen po'i gzhung gis
- 154b
ni gsang ba'i rin chen gyi lte ba gnyis las 'byung ba'i shU kra? 'bab pa la sogs pa 'dus pa phrad pa zhes bya ba'i don to/ /byang chub sems 'byung ba pad+ma'i nang du dbab par bya zhes bya ba la 'di ltar bshad de/ pad+ma ni gzhon nu'i kA li'i snying po'i bum pa/ de ru byang chub kyi sems dpa' bar bya'o/ /gang gi phyir zhe na/ de lta bu'i bum pa'i dbang bskur bas slob dpon nyid du thob/ slob dpon bi la sa badzra'i gzhung gis/ slob dpon nyid du ni chad pa'i dga' la dbang/ dbang las phyi nas gsang ba la sogs pa'i 'bras bu rnyed/ de'i phyir slob dpon gyi dbang mchog ces nyid mchog gi dbang phyug gis gsungs so/ /de ltar min na pad+ma'i phyi rol du babs pas gcig pu'i chad pa'o/ /des ji ltar dbang nyid du gyur ro/ /da ni gsang ba'i dbang bskur ba la don bri/ gang tshe gsang ba'i gnas su sems zhes bya ba ni gang zhig rten med pa'i bdag nyid pa'i bde ba nyams su myong ba de ni/ yang dag gsang ba de ni re zhig don dam pa'i phyogs su/ kun rdzob kyi phyogs su dpal bde ba chen po gzhung gis ni thabs dang shes rab gnyis kyis gsang ba rin po che'i nang du byang chub kyi sems gzung ba/ slob dpon b+hi ra pu ti'i gzhung gis/ gang zhig phyi rol ma yin spro ba'i ni gsang ba/ de'i phyir sems ni pad+ma'i nam mkhar min? rgyud las gsungs so/ /nam mkha' i pad+ma'i sgra ni rdo rje slob dpon gyis bar ma bshad do/ /da ni shes rab ye shes kyi dbang bskur bri/ shes rab ni byang chub kyi sems zla ba rgyas pa'i zhal/ rdo rje dbyings kyi dbang phyug ma/ ye shes ni me tog la dri bzhin dngos po dang bral ba'i bde ba/ dbang bskur ni nyams su myong ba/ de ni rdzogs pa'i rim pa/ bskyed pa'i rim pa'i sa phyogs su ni/ shes rab ni gsang ba'i pad+ma la ma babs pa'i byang chub kyi sems ye shes ni rdo rje las byung/ dbang bskur ni phan tshun
- 155a
'dus ba/ rgyud kyi man ngag gi go rims kyi man ngag slob dpon mtsho skyes rdo rje'i gzhung 'di lta ste/ dbang bskur ni rdo rje bum pa rin chen rgyud babs pa/ de yang shes rab pad+ma'i yan lag rab la/ ye shes kyi chad pa'i phyag rgya de'i phyir ye shes kyi skabs las de ma yin pa nyid/ dpal rdo rje 'dzin pa chen pos dbang bskur ba'i don gsungs so/ /slob dpon b+hi ra pu ti'i gzhung gis/ shes rab ma las thabs la gang zhig ye shes kyi dbang bskur ba de ni shes rab ye shes kyi dbang/ shes rab kyi dbang gi sgras ni bcos pa med pa'i bde ba'i dbang/ slad ma sngar bstan pa de ni sgra ji bzhin no/ /de'i 'gog pa bzhi bar grags zhes bya ba ni/ gang zhig dga' bral gyi thig le 'gog pa de ni rang bzhin dga' ba'i mtshan nyid can bzhi pa'o/ /slob dpon gzhan ma'i gzhung ni dga' bral gyi thig le gang zhig ngo bo nyid med pa de ni bzhi pa'o/ /thig le'i sgra ni ye shes zhabs kyi gzhung gis ni/ phra mo'i rnal 'byor gyi rten bshad do/ /slob dpon sha ba ri'i gzhung gis ni snang ba dang/ longs spyod dang dbang? dang/ ye shes kyi rim pas dbang bskur te/ re re la byang chub sems kyi thig le bzhi/ dbang bskur bzhi la bcu drug gi glangs so/ /de yang nang gi bdag nyid kyi A li kA li'i ngo bo can/ de ni? bskyed pa'i rim pa'i phyogs so/ /da ni rdzogs pa'i rim pa'i phyogs su bzhi ba'i rang bzhin ye shes kyi mtshan nyid kyi phyir thigs pa dang bral pa/ de ru dbang bskur ba gsum gyi grags kyi/ thig le bcu gnyis de yang/ nang gi bdag nyid A la'i rang bzhin/ de la rim pa ni 'di yin te/ 'od dang/ stobs dang/ sprin dang/ tshul dang/ dbugs dang/ utpa dang/ mgu dang/ yid dang/ snying dang/ zla ba dang/ nyi ma dang/ drag pa de ni rang bzhin dga' ba'i thig le bzhi med pa'i bcu gnyis/
- 155b
mchog dga' ba'i kA li thig le'o/ /chad pa'i dga' ba shar ba'i dus su byang chub kyi 'od du zhu pa'i phyir gzhi 'phel ba/ 'phel bas zla ba'i phyir/ de dang A le'i thig le zhes mtshan du gyur to/ /slob dpon bir bu ti'i gzhung gis ni/ A li ye shes las ni skye ba'i phyir/ A le'i ye shes 'bras bu 'phel ba'o/ /slob dpon mtsho skyes rdo rje'i gzhung gis/ byang chub kyi sems rtsa ba'i phyir rgyu'i mtshan nyid can A li'i ye shes te rang rnam par smin pas 'bras bu kA li'i ye shes/ dpal i rwA b+hu ti'i gzhung gis/ A li'i kA li'i sbyor ba'i gnyis su med pa'i rang bzhin tshangs pa'i sgo nas mgrin gnas la sogs zhes bya ba la/ /bskyed pa'i rim pa'i phyogs la ni tshangs pa'i sgra ni bde ba chen po'i yan lag rab/ de nas ni de'i gnas nas gsang ba'i lte ba yan chad tshangs pa'i dbyug pa'i dbus kyi lam gyis A li kA li'i dga' ba'i thig le rnams las/ mi snang ba dang/ longs spyod dang/ dbang dang ye shes so/ /ye shes thub pa med pa'i re re'i skabs su reg? bya'i ro'i nyams gnyis gnyis 'byung bar 'gyur ro/ /'khor lo bzhi'i rim pa zhes bya ba la/ 'og tu bshad pa'i dbang bskur ba bzhi/ phyi'i shes shes ma dgos pa med las nang gi bdag nyid kyi phyag rgya dang ldan cig dbang bskur ba'i rim pa bya zhes slob dpon a k? pu ti'i man ngag go /de la rim pa ni yin te/ bde ba chen po'i 'khor lor dga' ba'i thig le bzhi/ spro bas bum pa'i dbang/ longs spyod 'khor lor mchog gi dga' ba'i thig le bzhi spros pas/ gsang ba'i dbang/ chos kyi 'khor lor dga' bral/ thig le bzhi spros pas shes rab ye shes dbang/ sprul pa'i 'khor lo bde ba chen po'i tshor ba'i gnas su/ rang bzhin dga' ba'i thig le bzhi spros pas/ de ltar de bzhin bzhi ba'o/ /de ni bskyed pa'i rim pa'i phyogs so/ /
- 156a
rdzogs pa'i rim pa'i phyogs su ni dbang bskur gsum la/ rdo rje rin po che de'i rim pa 'di yin te/ bum pa'i dbang ni rdo rje rin po che'i kha ru/ gsang ba'i dbang ni rin po che blta ba'i dbus su/ shes rab ye shes kyi dbang ni rdo rje rin po che 'khor lo'i dbus su/ bzhi pa ni de ltar de bzhin bshad par shes rab ye shes kyi dbang la 'bras bu'o/ /tshangs pa'i zhal dang bral zhes bya ba ni gang zhig lha'i bu tshangs pa de la/ zhal bzhi/ des rnam pa dang bral ba'i ro chen po dang ldan pa'i bcom ldan 'das kyi zhal? rnams so/ /de ni A li'i thig le bcu gnyis kyi grangs la bstan pa'o/ /dpal pra ha ra'i gzhung gis ni/ ro chen po brgyad kyi rang bzhin he ru ka'i zhal lo/ /dpal in+d+ra b+hU ti'i gzhung gis/ tshangs pa'i zhal ni byang chub kyi sems mchog gi thig le'o/ /lha lcam lag sma'i gzhung gis ni ro chen po zhes bya ba ni tshangs pa'i ye shes kyi ngo bo can/ byang chub sems thig le dang bral ba/ gang gi phyir zhe na rang bzhin dga' ba 'byung ba'i tshad ma'i phyir ro/ /bcu gnyis phyed la sogs zhes bya ba ni dpal bde ba chen po'i gzhung gis ni thig le bcu gnyis kyi nang nas/ dbang bskur dga' ba re re la gsum gsum du shes par bya'o/ /bzhi pa'i rang bzhin gyi phyir thig le dang/ dga' ba dang bral zhes sngar brdabs so/ /gzhan ma ni gong ma dang 'og ma'i don sgra ji bzhin gsungs so/ /dpal phyag rgya chen po'i thig le las le'u bcu dgu pa'i bshad pa'o// //da ni nyi shu pa la zab? ba'i don bri/ rnal 'byor pa la spyod pa zhes bya ba ni 'di ltar bshad de/ rnal 'byor zhes bya ba ni rnam pa thams cad mkhyen pa dbang phyug zhes bya ba ni phyogs gcig pa'i btang snyoms/ spyod pa ni bye brag gsum pa'i thugs rje'i rten byed pa/ slob dpon
- 156b
bir? bu ti'i gzhung gis/ yang dag pa'i shes rab ye shes kyi dbang bskur ba'i 'bras bu nyams su myong zin pa gang zhig /rin po che'i gang zag de ni/ rnal 'byor kyi dbang phyug gi spyod pa ni rang gis spyod/ dpal in+d+ra b+hu ti'i gzhung gis ni thams cad bdag nyid rtag tu bzhugs pa'i rnal 'byor dbang phyug nges par bstan to/ /slob dpon gzhan ma'i gzhung gis ni phyag rgya chen po'i dngos grub pa la rnal 'byor dbang phyug nyid du bstan to/ /gzhan ma ni sgra ji bzhin no/ /dpal phyag rgya chen po'i thig le las le'u nyi shu ba'i bshad pa'o// //da ni nyi shu rtsa gcig pa la zab pa'i tshigs su bcad pa bri/ sngar bstan pa'i drug la sogs pa sgra ji bzhin gsungs so/ /gzhan ma ni phyi'i don gyis sngags kyi sa bon yi ge btu ba'i dus su legs par mnyam pa'i cha? ? la sogs pas mchod par bya zhes sgra ji bzhin no/ /gsang ba'i don gyis ni mchog gi dga' ba'i ngo bo can yid/ sa'i cha zhes bya ba ni chos kyi 'byung gnas/ legs par mnyam pa'i sgra ni thabs dang shes rab gnyis su med pa nyid/ mchod pa sgra ni sgrub dang sgrub thabs mdzad pa/ de'i phyir mchog gi dga' ba'i sbyor ba yis/ rtse gcig pas ni mnyes par bya/ zhes bya ba la nyid rgyud las bstan to/ /bsnyen pas gang zhig byung ba'i me tog las bstan pa'o/ /gsang bar zhes bya ba ni phyi dang nang gi bdag nyid kyi mchod pa'i nges par bstan pa'o/ /gzhan ma ni sgra ji bzhin no/ /A li kA li mnyam par byas nas zhes bya ba la/ phyi'i don gyis mi mnyam pa ma yin pa dang /nyung ba min bri? bar bya zhes bya ba'i don to/ /gsang ba'i don gyis ni mchog dang chad pa/ de dag mnyam par bya zhes slob dpon in+d+rA b+hU? ti'i gzhung de/ /slob dpon sha ba'i? gzhung gi sa ni dmar po 'byung ba'i nang du dkar po'i do mnyam par bya
- 157a
zhes ba'i don te/ /thub pa bdun ni drang bar bya zhes bya ba la/ /'dab ma bdun sde tshan? dang po bri bar byas nas/ phyi nas ha'i yig 'bru yan chad/ nyi shu rtsa drug gsal bar byed pa bri bar bya'o/ /dang po ni brin pa zhes bya ba ni/ oM gyi yig 'bru/ ldan pa'i lnga pa zhes bya ba ni yig 'bru ma/ uSh+mA? sha'i bzhi pa zhes bya ba ni yig 'bru ha/ bcu drug pa'i gnyis par ldan zhes bya ba ni A ring pos sbyor ro/ /dang po'i dang po zhes bya ba ni yig 'bru ka'o/ /mos ldan pa zhes bya ba ni 'og tu yi ger sbyar ba'o/ /dbyangs yig bcu pa ni sbyar zhes bya ba ni la'i yig 'bru mgo bor brgyan pa'o/ /bzhi pa'i bzhi pa zhes bya ba ni yig 'bru brda'o/ /dbyangs yig bcu gcig pa ldan ba zhes bya ba ni e'i yig 'brus brgyan pa'o/ /uSh+ma sha'i dang po zhes bya ba ni yig 'bru sha'o/ /an+tas+tha'i bzhi pa zhes bya ba ni yig 'bru wa'o/ /me'i sa bon zhes bya ba ni yig 'bru ra'o/ /gnyis pa'i gsum pa zhes bya ba ni dza'o/ /an+tas+tha'i dang po ni ya'o/ /an+ta s+tha'i bzhi pa ni wa'o/ /dbyangs yig gsum pa dang ldan zhes bya ba ni i'i yig 'bru sbyar ba'o/ /gnyis pa'i gsum pa zhes bya ba ni dza'o/ /brgyad pa'i dang po zhes bya ba ni ya'o/ /dbyangs yig gnyis pa dang ldan zhes bya ba ni A ring ba dang sbyar ba'o/ /gsum pa'i dang po zhes bya ba ni ha log go /log yang de rang sbyor zhes bya ba ni ha logs pas so/ /phyi nas yang ni de dar sbyin zhes bya ba ni ta log gnyis par bri bar bya ba'o/ /uSh+ma? sha'i bzhi ba zhes bya ba ni ha'o?/ /dbyangs yig gnyis pa dang ldan zhes bya ba ni A ring po dang sbyor ba'o/ /uSh+ma sha'i gsum pa zhes bya ba ni sa'o/ /lnga ba'i lnga pa ni ma'o/ /uSh+ma sha'i bzhi pa ni ha'o/ /dbyings yig gnyis pa ni A ring ba dang sbyar ba'o/ /dang po'i dang po
- 157b
zhes bya ba ni ka'o/ /an+ta s+tha'i gsum pa zhes bya ba ni la'o/ /lnga pa'i dang po zhes bya ba ni pa'o/ /dbyangs yig gnyis pa dang ldan pa zhes bya ba ni A ring ba'o/ /dang po'i gsum pa ni ga'o/ /nyi shu pa sbyar zhes bya ba ni na'o/ /dbyangs yig gsum pa dang sbyar zhes bya ba ni i dang sbyar ba'o/ /khro bo'i gzugs ni che bas che zhes bya ba ni de rang la mthu rab tu bstan te/ /uSh+ma sha'i gsum pa zhes bya ba ni sa'o/ /bzhi pa'i lnga pa zhes bya ba ni na'o/ /'og tu de rang sbyar zhes bya ba ni na dang ldan pa'o/ / lnga ba'i bzhi pa ni b+ha'o/ /dbyangs yig gnyis pa dang ldan zhes bya ba ni A ring po dang sbyar ba'o/ /brgyad pa'i dang po ni ya'o/ /uSh+ma sha'i bzhi pa ni ha'o/ /dbyangs yig drug pa dang ldan zhes bya ba ni a'u dang sbyar zhes so/ /cha dang thig ler ldan bya ba ni zla chos dang ldan pa'i thig le mgo bor bri bar bya'o/ /phyi nas yang de rang sbyin par bya ba ni hUM gi yig 'bru gnyis pa bri bar bya'o/ /lnga pa'i gnyis pa zhes bya ba ni pha'o/ /gsum pa'i dang po zhes bya ba ni ta log go /uSh+ma sha'i gsum pa ni sa'o/ /an+ta s+thil? bzhi pa dang ldan zhes bya ba ni 'og tu wa dang sbyar pa'o/ /dbyangs yig gnyis pa dang bcas zhes bya ba ni A ring ba dang sbyar ba'o/ ya'i sde chen brgyad pa ni ha'o/ /dbyangs yig gnyis pa dang ldan zhes bya ba ni A ring ba dang sbyar ba'i don to/ /don thams cad grub par byed pa zhes bya ba sngags sgrub ster zhes bya ba'i don to/ /gzhon ma'i gzhung gis ni zhib la sogs ba'i las 'grub par byed do/ /bdag gi zhes bya ba ni bcom ldan 'das kyi sngags bstan pa'o/ /dang po gzugs kyi bdag po zhes bya ba ni oM gyi rnam pa'o/ /an+ta s+tha'i bzhi pa zhes? bya ba ni lnga'o/ /gnyis pa'i gsum pa ni dza'o/ /me'i sa bon gyi brgyan ces bya ba ni 'og tu ra'i yig 'bru dang ldan zhes bya/ bzhi pa'i dang po zhes bya ba ni ta'o/ /dbyangs yig bcu gcig pa dang ldan zhes bya ba ni e dang sbyar ba'o/ /gnyis
- 158a
pa'i gsum pa zhes bya ba ni dza'o/ /dbyangs yig bcu gsum pa dang ldan zhes bya ba ni o dang ldan pa'o/ /dang po'i gsum pa ni ga'o/ /me'i sa bon gyi 'og ldan zhes bya ba ni ra dang sbyar ba'o/ /uSh+ma sha'i bzhi pa zhes bya ba ni ha'o// nyi mas sbyar zhes bya ba ni 'og ma'i cha'i yig 'bru ra dang ldan pa'o/ /dbyangs yig bzhi pa dang ldan zhes bya ni hUM gi rnam pa'o/ /lnga pa'i gnyis pa pha'o/ /gsum pa'i dang po zhes bya ba ni ta log go /nye ba'i snying po zhes bya ba ni rtsa ba'i sngags yan lag go/ dang po rnam par snang mdzad ces bya ba ni oM gyi rnam pa'o/ /uSh+ma? sha'i gsum pa zhes bya ba ni sa'o/ /dbyangs yig lnga pa zhes bya ba ni u dang ldan pa'o/ /me'i sa bon zhes bya ba ni ra'o/ /bzhi pa'i dang bo zhes bya ba ni ta'o/ /uSh+ma sha'i gsum pa zhes bya ba ni sa'o/ /nyi shu rtsa lnga zhes bya ba ni ma'o/ /rlung gi sa bon zhes bya ba ni ya'o/ /dbyangs yig bcu gcig pa dang sbyar zhes bya ba ni e dang ldan zhes bya ba'i don to/ /uSh+ma sha'i dang po zhes bya ba ni sha'o/ /an+ta s+tha'i bzhi pas ldan pa ni wa'o/ /nyi ma'i sa bon zhes bya ba ni ra'o/ /dbyangs yig gsum pa zhes bya ba na i dang ldan pa'o/ /uSh+ma sha'i bzhi pa zhes bya ba ni ha'o/ /dbyangs yig drug pa zhes bya ba u dang ldan pa'o/ /cha dang thig les brgyan pa zhes bya ba ni zla tshes dang ldan pa'i thig les brgyan pa'o/ /phyi nas de bzhin zhes bya ba ni hUM gi rnam pa gnyis bri bar bya'o/ /gzhan ma ni sngags 'bigs par byed pa zhes bya ba'i de rang la nus pa'i mthu bstan to/ /lnga pa'i gnyis pa zhes bya ba ni pha'o/ /gsum pa'i dang po zhes bya ba ni ta log? go /uSh+ma sha'i gsum pa zhes bya ba ni sa'o/ /an+tas+tha'i bzhi pa zhes bya ba ni wa'o/ /dbyangs yig gnyis pa dang ldan zhes bya ba ni A ring ba'o/ /ya'i sde tshan brgyad pa zhes bya ba ni ha'o/ /dbyangs yig gnyis pa dang ldan zhes bya ba ni
- 158b
A ring ba'o/ /khyed kyi zhes bya ba ni bcom ldan 'das ma'i snying po bstan pa'o/ /dang po lha'i bdag po zhes bya ba ni oM gyi rnam pa'o/ /dang po'i zhes bya ba ni ka'o/ /sa'i sa bon dang ldan zhes bya ba ni sa'o/ /dbyangs yig bzhi pa dang ldan zhes bya ba ni a'i'o/ / cha dang thig les brgyan la zhes bya ba ni sngar bstan pa'o/ /an+tas+tha'i bzhi pa zhes bya ba ni wa'o/ /sa'i sa bon 'og tu ldan zhes bya ba ni la yis so/ /dbyangs yig bzhi ba dang ldan zhes bya ba ni a'i yis so/ /cha dang thig les rnam par brgyan ces bya ba ni snga ma bzhin no/ /gnyis pa'i gsum pa zhes bya ba ni dza'o/ /sa'i sa bon 'og tu ldan zhes bya ba ni la'o/ /dbyangs yig bzhi pa ldan zhes bya ba ni a'i yis so/ /zla tshes thig las brgyan pa zhes bya ba ni don? ji lta ba bzhin no/ /lnga pa'i gnyis pa zhes bya ba ni pha'?/ /gsum pa'i dang po zhes bya ba ta log go /swAhA mthar bya ba ni don ji lta ba bzhin no/ /nye ba'i snying po zhes bya ba ni bcom ldan 'das ma'i rtsa ba'i sngags yan lag ces bya ba'i don to/ /gzhan ma ni sgra ji bzhin no/ /h+ri d+hiM? khaM zhes bya ba ni sku gsung thugs kyi sa bon gyi bdud rtsi lnga brim bar bya/ byin gyis brlob pa'i don to/ /ya ra la wa yi ge sa bon gyis gsol bar bya ba dgongs pa'o/ /dpal phyag rgya chen po'i thig le las le'u nyi shu rtsa gcig pa'i bshad pa'o// // da ni nyi shu gnyis pa la thab pa'i tshigs su bcad pa dri sems can la bsrung ba la sogs zhes bya ba la/ slob dpon sha ba ri'i gzhung gis gsang don la bshad/ sems can gyi don ni tha mal ba ma yin pa'i sgrub thabs las byung ba'i byang chub kyi sems srung ba zhes bya ba ni rdo rje rin po che'i 'khor lor yang dag par 'dzin pa/ gtor ma zhes bya ba ni mchog gi dga' ba nyid kyis ngo bo nyams su myong ba/ don du zhes bya ba ni 'jig rten las 'das pa shes pa'i phyir ro/ /dur
- 159a
khrod la sogs zhes pa ni 'dod chags kyi rnam par rtog pa bsreg pa'i gnas su/ chu dogs zhes bya ba la byang chub kyi sems 'pho ba'i gnas su/ slob dpon gzhan ma'i gzhung gis ni srog gi rtsa ba'i gnas su'o/ / yul gyi mdza' zhes bya ba ni mchog gi dga' ba las gnas bzhan du/ ci'i phyir zhen yul na gnas pa rtag tu mi che bas dga' ba med/ 'tshe? bar byed pa de'i phyir/ dga' bral med pa'i gnas su gsang ba'i gtor ma gtang bar bya zhes bya ba'i don to/ /yang na ri la? zhes bya ba ni sangs rgyas rin po che mtho ba'i gnas su zhes slob dpon a kra pu ti'i gzhung gis so/ /shing gcig gnas su zhes bya ba ni spros ba med pa rten gyi dbyug pa ru/ khang stong zhes bya ba ni nyon mongs pa thams cad dang bral ba'i gnas rang bzhin dga' ba'o/ /gzhan ma mo la sogs zhes bya ba ni phyi'i don gyis kun sgra ji bzhin no/ /dpal phyag rgya chen po'i thig le las le'u nyi shu rtsa gnyis pa'i bshad pa'o// // da ni le'u nyi shu rtsa gsum pa la zab pa'i tshigs su bcad pa dri/ gsang ba mchog dang dgyes gnas su/ /de ru 'khor lo rab bskor zhes pa la/ dpal bde ba chen po'i gzhung gis ni gsang ba zhes bya ba ni 'dod chags 'gegs pa'i gnas su/ mchog ces bya ba ni srog gcod pa'i gnas su/ dgyes ba zhes bya ba ni rgyal po dgugs pa'i gnas su/ de ru 'khor lo rab tu bskor zhes bya ba ni tshogs kyi 'khor lo bya zhes mdor bstan pa'o/ /phyi nas kyang de ltar smra ba la rgyas par bshad ba'i don bshad de/ 'dod chags 'gegs pa'i gnas su ni gnang ba'i dbang bskur ba'i dus su/ srog gcod pa'i gnas su ni shes rab ye shes dbang bskur ba'i dus su/ rgyal po dbang bskur ba'i gnas su ni
- 159b
shes rab ye shes 'gog pa'i dus so/ /tshogs zhes bya ba ni reg bya'i rtsa 'dus pa/ 'khor lo zhes bya ba ni de'i brten gyi gnas sangs rgyas rin po che'i snod/ rab tu bskor zhes bya ba ni kun spyod/ slob dpon b+hi ra pu ti'i gzhung gis ni tshim byed pa'o/ /dpal in+d+ra b+hU ti'i gzhung gis gsang ba zhes bya ba/ gsang ba pad+ma A li'i dga' ba mi snang ba'i gnas su/ mchog ces bya ba pad+ma'i lte ba'i dga' ba/ kA li longs spyod kyi gnas su/ dgyes pa zhes bya ba ni lte ba'i dbus su dga' ba rab kyi rab/ A li kA li gnyis su med pa'i dbang gi gnas su/ tshogs kyi 'khor lo zhes bya ba ni dga' ba dang rtsa thams cad rgyas pa nyid mngon sum du nyams su myong ba'o/ /de ni bdag nyid kyi phyogs su/ phyi'i phyogs su phyag rgya'i dngos grub sgrub pa'i don gyiphyir/ thabs dang shes rab mi mnyam pa ma yin pa'i rdo rje he ru ka'i rnam pas/ rdo rje slob dpon tshogs kyi gtso bo nyid du me tog la sogs ba'i dkyil 'khor gyi dbus su/ sna tshogs gdan kyi steng du bzhugs su gsol bar byas nas/ mchod pa'i mchod sbyin la sogs kyi mchod par bya ste/ tshogs dang lhan cig rnam par rtog pa spong ba'i don du gsang ba tshogs gsol nas/ ye shes grub pa'i don du ni/ rdo rje glu yis rdo rje'i gang bya'o/ /myur du dngos grub sgrub ba'i don du ? par byed pa'i phyir/ slob dpon la mchod pa'i dus su chos thams cad bdag med pa'i rang bzhin gyi phyir/ mdud rtse'i mtshon chas bskum pa'i ro gdan du dbul bar bya'o/ /gzhan ma? ni sgra ji bzhin no/ /ste? la sogs zhes bya ba la lte ba'i sgra ni ri dags kyi bdud/ rdo rje chu? zhes bya ba'i don to/ /ri bong can zhes bya ba ni zla ba byang chub kyi sems zhes bya ba'i don to/ /dga' ba zhes bya ba ni 'od dang ldan pa rang las 'byung ba'o/ /mchog ces bya ba ni rnam par snal
- 160a
mdzad dri chen zhes bya ba'i don to/ /rta zhes bya ba ni don yod grub pa'i rang bzhin sa lu zhes bya ba'i don to/ /sa bon gyi bkod pa ni sgra ji bzhin no/ /nang gi ro ma la sogs zhes bya ba la/ slob dpon b+hi ra pu ti'i gzhung gis ni nang gi sgras ni nang gi bdag nyid kyi pad+mad/ nang gi bdag nyid kyang gsang ba yin zhes bshad do/ /ro ma zhes bya ba ni bya gdong gi rnam pa can/ rdo rje dbyings kyi dbang phyug ma chen mo'i rtsa'o/ /pad+ma ma'i 'dab mar bkod pa zhes bya ba ni yo ni pad+ma'i nang du bsgom par bya'o/ /phyi dang nang gi bdag nyid la sogs zhes bya ba la de ma thag tu smra ba'i pad+ma gnyis ro mnyam par rab tu tshim par bya/ byang chub sems kyis rgyas par bya zhes bya ba'i don to/ /'khro lo bzhi'i bye brag ces bya ba ni kun tu rtsa ba las kha sbyor bas bya zhes dgongs pa'o/ /dang po dpa' bo'i ro tshor ma la sogs pa/ slob dpon dz+nyA na mur ti'i gzhung gis ni/ dpa' bo zhes bya ba ni rang bzhin dga' ba/ bdud rtsi'i bum pas dbang bskur ba'i dus su/ ro tshor ma'i skabs su gsang ba'i sna'i sgo ru 'jug par bya'o/ /dpa' bo'i dpa' ba dbus dang zhes bya ba ni/ dpa' bo zhes bya ba ni ran bzhin gyi dga' ba/ dpa' bo zhes mchog gi dga' ba'i bdud rtsi gsang ba'i dbang bskur ba'i dus su/ gsang ba'i sna'i dbus su nyams su myong bar bya'o/ /dpa' bo'idpal bo kha la zhes bya ba ni dpal bo zhes bya ba ni rang bzhin gyi dgal ba/ dpa' bo zhes bya ba ni chad pa'i dga' ba'i ro shes rab ye shes kyi dbang gi dus su/ gsang ba'i sna bcom ldan ma rdo rje dbyings kyi dbang phyug ma'i rin po che'i kha ru/ de ma thag tu smra ba'i chad pas dga' ba'i ro/ /bdud rtsi me tog gis mchod par bya'o/ /rim gror bya zhes bya ba'i don to/ /gang gi
- 160b
phyir zhen tshogs kyi 'khor lo la yang dag par dbang bskur ldan pa la 'gro ba'i dbang/ yang na de'i dus su dbang bskur med pa rnams la dbang bskur sbyin par bya zhes slob dpon a kra pu ti'i gzhung ngo/ /lte ba gnyis dbus gnas zhes bya ba ni dpa' bo dga' ba rnams la/ rdo rje dang pad+ma gnyis kyi rin chen lte ba'i gnas su/ bla ma'i man dag+gi dbang bskur ba'i don shes nas nyams su myong par bya'o zhes gzhan ma ni sgra ji bzhin no/ /ma dang sring mo zhes bya ba ni gzung 'dzin gyi rnam par rtog ba spang pa'i don du thabs dang shes rab kyi chogs mchod par bya zhes lha lcam lag smi'i gzhung ngo/ /gzhan ma ni sgra ji bzhin gyis bshad do/ /dpal phyag rgya chen po'i thig le las le'u nyi shu rtsa gsum pa'i bshad pa'o// //nga ni nyi shurtsa ba ni pa la zab pa'i tshigs su bcad pa bri/ de nas gzhan nas sogs zhes bya ba la/ de nas sgra ni phyi nas bshad pa/ gsang ba'i bdag nyid tshogs kyi 'khor lo'i phyi nas las mchog sgrub par bya/ las mchog gi sgrasni thabs dang shes rab gnyis su med pa'i ro mnyam pa'i skabs su/ tshogs kyi 'khor lo thams cad gsang bar bya/ ngo bo nyid med pa nyid du bya zhes pa'i don/ dpal indNa? ti'i gzhur gis ni/ snang ba med pa nyid du bya/ skye ba bdun la sogs zhes bya ba brten bdun gyi ngo bo// gsang ba'i tshogs kyi 'khor lo thams cad tshim par bya zhes bya zhes so/ /de la rim pa ni 'di yin te/ sbyor ba'i rten dang/ dam tshig gi rten dang/ tshul gyi rten dang/ bskyed pa'i rten dang/ dus okyi rten dang/ rnam par smin pa'i rten no/ /skye ba gsum pa la tshogs zhes bya ba ni/ lam gsum pa 'byung ba'i gang zhig snang ba gsum gyi byang chub kyi sems/ des gsan ba'i bdag nyid tshogs kyi 'khor lor tshim par byed bas las mchog go /gzhan ma ni go sla ba'i phyir sgra ji bzhin no/ /dpa' phyag
- 161a
rgya chen po'i thig le las le'u nyi shu rtsa bzhi ba'i bshad ba'o// //da ni nyi shu rtsa lnga pa la zab pa'i tshigs su bcad pa bri/ srog dang brdub pa'i mnyam par sbyor bas zhes bya ba la sogs pa la/ slob dpon sha ba ri'i gzhung gis ni srog ces bya ba mchog gi dga' ba'i gnas nas/ gzhan ma'i gnas su slob ma'i yid kyi rnam par shes pa rang gi ngo bo'i byang chub kyi sems/ brdub pa zhes bya ba gzhan ma'i zhes bya ba la/ rang bzhin dga' ba'i gnas su gnas pa/ byas nas zhes bya ba ni bla ma'i man ngag las nye bar btags te/ mchog dang chad pa'i dga' ba nyid/ srog dang brdub pa bza' bar bya/ nyams su myong bar bya zhes pa'o/ /de ni bskyed ba'i rim pa'i phyogs/ rdzogs pa'i rim pa'i phyogs su ni/ mchog dang chad pa'i bdag nyid pa'i rnam pa dang bral ba'i bde ba 'phrog ste/ snang ba med par byas te/ srog dang brdub pa mnyam par blta/ stong pa chen po nyid ye shes kyis gzigs par bya zhes pa'i don to/ /de nang gi bdag nyid kyis rim pa gnyis kyis bshad pa'o/ /phyi'i don gyis pad+ma'i kha sbyar sbyor ba'i thabs dang shes rab yang dag par spyod par bya'o/ /gsang ba'i don gyi? snying ga'i snying po'i nam mkha' ru/ dri med shel gyi yi ge bzhin du/ byang chub sems kyi phreng ba/ sprul pa'i 'khor lo nas/ bzlog bar byas nas/ steng gi 'khor lo man chad 'dren par bya ba'i don to/ /gsang ba'i don gyi ni ha'i yi ge 'bru bton pas/ bzlas pa'i rim pa bshad pa de ni dpal a ba d+hU ti'i gzhung ngo/ /'jam pa zhes bya ba ni mchog gi dga' ba 'byung ba'i dub su shin tu phra ma reg bya'i tshul du 'don par bya'o/ /'don pa zhes bya ba ni bzlas pa kun spyod kyi don du'o/ /mgrin pa ya rkan dgul med ces bya ba ni longs spyod rdzogs pa'i gnas pa rtsa ma'i 'gul bas so/ /snying ga ru ni zhes bya ba ni bde ba chen
- 162b
po tshor ba'i gnas nas/ gzhan mar nang gi reg bya 'jam pa nyams su myong ba'i thabs kyis/ gsang ba'i bzlas pa mi bya zhes slob dpon akra pu ti'i man ngag go /gang gi phyir zhe na/ /kun rdzob kyi bde ba'i bdag nyid la don dam pas 'gog pa'i phyir zhes dgongs pa'o/ /ye shes kyi don gyis shes rab ni gtum mo'i ngo bo/ /thabs ni gtan med pa'i bde ba de ni slob dpon dri med bshes gnyen gyi gzhung ngo/ /rdo rje skyil krung byas nas sems la sogs zhes bya ba ni rdo rje bzhin du mi shigs pa'i ye shes kyi thub med pas skye ba byang chub kyi sems zhes bya'o/ /slob dpon gzhan ma'i gzhung gis ni thabs dang shes rab gnyis las byung ba/ gang zhig kun rdzob dang don dam pa gnyis su med pa'i rang bzhin/ byang chub kyi sems de ni 'gog pa'i bsam gtan las g.yo ba med par bya'o/ /ye shes 'byung ba'i don gyis dpal bde ba chen po'i gzhung gis/ gsang ba'i bzlas pa ni cha dang thig le dang tshul dang med ces bya ba la/ snang ba la sogs dang bral ba'i bde pa'i rgyal po/ /bde ba chen po tshor ba'i gnas su nyams su myong bar bya'o/ /de ni ye shes las byung ba'i so sor bstan pa'o/ /dpal in+d+ra b+hU ti'i gzhung gis ni thig le dang/ tshul dang/ cha dang/ bral ba'i snang ba gsum gang zhig ye shes de ni gzhan ma yin pa'i rang bzhin dga' ba'o/ /de ni nang gi bdag nyid kyi phyogs su/ thig le dang tshul dang cha'i bdag nyid pa'i gang zhig longs spyod dang/ mi snang ba dang/ dbang gi grags pa can ye shes de yang rnam pa thams cad kyi bdag nyid rang bzhin dga' ba'o/ /de ni phyogs phyogs su'o/ /gsum ba ni zhig la dpag? tshul dang cha'i nang na gnas pa'o/ gang zhig dga' ba gsum gyis bdag nyid/ ye shes chen po de yang dag pa'i rang bzhin dga' ba'o/ /de ni gsang ba'i phyogs su'o/ /da ni rdzogs pa'i 'bras bu'i
- 162a
don gyis/ bzlas pa'i rim pa'i brda bshad par bya ste/ cha'i nang na sems la sogs zhes bya ba ni/ cha'i sgra ni shin tu yang zab pa'i phyir chad pa'i dga' ba/ sems zhes bya ba ni byang chub kyi sems nang du zhes bya ba ni de'i yan lag la slebs pas/ sems tshul gyi nang du 'di ltar bshad de/ thig le ni mchog gi dga' ba/ stong pa nyid ni rang bzhin gyi dga' ba/ rang bzhin dga' ba la mchog gi dga' ba'i grags pa can/ ye shes rab tu 'jug par bya/ rnam pa thams cad kyis rang bzhin dga' ba gcig pu nyams su myong bar bya zhes pa'i don to/ /dga' ba gsum dang bral ba'i phyir stong pa nyid kyi rang bzhin zhes bstan pa de ni nges pa'i don gyis bcom ldan 'das kyi bka' o/ /dpal phyag rgya chen po'i thig le las le'u nyi shu rtsa lnga pa'i bshad pa'o// //da ni nyi shu rtsa drug pa la zab pa'i tshigs su bcad pa bri/ dus ni cha zhes rab tu bstan/ de dag sbyor ba'i dgongs pa zhes bya ba la/ dpal bde ba chen po'i zhal mnga' nas kyi man ngag gi gzhung gis 'di ltar bshad de/ dus zhes bya ba ni 'jig rten las 'das pa'i dga' ba nyams su myong ba/ cha zhes bya ba ni phyag rgya chen po nyid/ slob dpon Dom+bi pa'i zhal mnga' nas kyi man ngag gi gzhung gis/ cha ni spros med ma/ dus ni byang chub kyi sems/ slob dpon nag po'i gzhung gis cha ni shes rab/ dus ni thabs/ lha lcam lag sma'i gzhung gis/ cha dang dus shes bya ba ni bde ba la shar ba dang nub pa dpal in+d+ra b+hU ti'i zhal mnga' nas kyi man ngag gi gzhung gis ni ji ltar brgyud la rgyud pas gsungs so/ /de la don ni 'di yin te/ bco lnga'i bdag nyid kyi gang zhig zla ba rgyas pa de ni rten gyi cha/ gang zhig dga' ba bcu drug pa'i bdag nyid kyi nyi ma de ni brten pa'i dus/
- 162b
de dag sbyor ba ni dgongs pa gcig tu gyur pa nyid/ bzhi dang bzhi ru dbye ba zhes bya ba ni 'di ltar bshad de/ bcu drug pa'i bdag nyid gang zhig srog gi dbyug ba'i rten gyi sbyor ba bzhi/ de yang bzhi du dbye ba de ltar/ grangs kyi rim pa bcu drug pa'i bdag nyid pa zhes bya ba'i don to/ /yan lag gcig gi rnam pa dang bral ba zhes bya ba ni 'di ltar bshad de/ bcu drug pa'i bdag nyid gang zhig sbyor ba de ni thams cad rgyas pa'i phyir skye ba med pa'i chad pa dang bral pa'o/ /gang gi phyir zhe na ma skyes pa'i phyir mi rtog ces lung ngo/ /de yang bco lnga ba'i bdag nyid pa la 'di nyams su myong ba'i dgongs pa'o/ /byis pa rnams la khong du chud pa'i don gyis phyir/ phyi'i grangs kyi sbyor ba bcu drug pa la skyon dang yon tan med do/ da ni bcu drug pa'i ye shes la/ gnas kyi phun sum tshogs pa bri/ srog ni byang chub kyi sems/ dbyug pa ni bde ba chen po'i 'khor lo nas/ sprul pa'i 'khor lo yan chad/ bka' i dngos pos khyab pa'o/ /de'i phyir rten gyis bstan pa'o/ /slob dpon Dom+b+hi pa'i gzhung gis ni/ srog gi dbyug pa ni byang chub kyi sems/ rten na rnam par shes pa'i rlung/ slob dpon shal ri'i gzhung gis ni srog gi dbyug pa ni spros med ma'i dngos po/ /rten ni byang chub kyi sems/ slob dpon nag po'i gzhung gis ni srog gi dbyung? pa ni srog rtsa'i dngos po/ /rten ni spros med pa/ slob dpon in+d+ra d+hU ti'i gzhung gis ni/ dbyug pa ni a'i rnam pa de rang thams cad grub par byed pa'i phyir de ru sbyor ba'i don sngar bstan par byas pas/ srog gi dbyug pa dbus su/ zhes bya ba ni byang chub sems bdud rtsi mchog gi las ni gsum du dbye ba/ phyi dang nang dang gsang ba'i bdag nyid do/ /nang gi bdag nyid ni dbus kyi gnas/ gsang ba ni de'i nang du phyi'i 'dod pa'i gnas/ 'dod pa'i gnas su phyi'i rtsal sogs pa'i mnyam par sbyor ba/
- 163a
dbus kyi gnas su reg bya'i rtsal sogs pa'i sbyor ba/ gsang ba'i gnas su gsang pa'i rtsal sogs pa'i sbyor ba zhes slob dpon o kra pu ti'i gzhung ngo/ /dpal in+d+ra b+hU ti'i gzhung gis ni gsang ba dang? dbus ma'i gnas gnyis la mdud pa'i sbyor ba med/ 'on kyang dga' ba la sogs pa la yod pa de'i phyir ro ma ni mdud pa sum cu rtsa gnyis dang ldan/ nang du min zhes nyid bcom ldan rdo rje 'dzin pas gsungs so/ /mdud pa'i sgras ni phyi dang nang gi bdag nyid pa/ rtsa rnams la phan tshun yan lag bsgril zhes slob dpon o kra pu ti'i gzhung ngo/ /mdud pa'i nang du sbyor ba yin zhes bya ba la/ lha lcam lag smi'i gzhung gis ni phyi dang nang gi bdag nyid kyi rtsa rnams la/ mdud ma'i spyan gyis dbus su/ byang chub sems dang dga' ba de dag la gnyis su med pa nyid/ de ni cha rnams dgos pa zhes bya ba ni rtsa rnams kyi phrad pa'o/ /cha'i sbyor ba nang du min zhes bya ba ni gsang ba'i gnas su phrang pa dgag pa'o/ /de bas spros pa med ba'i rang bzhin gyi phyir/ spros med ma zhes nyid mchog gi dbang phyug gis gsungs so/ /g.yas g.yon mdud ba'i nang du ni la la nA dang/ ra sa nA bzhugs zhes bya ba ni srog gi dbyug pa la gang zhig dbus kyi gnas/ de ru g.yas g.yon la ? dngar sa nA gnyis/ bcom ldan 'das bdag med ma a ba d+hU tI la/ gsung dang thugs kyi ngo bo/ srog gi rtsa ni sku bcom ldan 'des ma bdag med ma a ba d+hA nyI'i nyid sku gsung thugs dang bral ba de ni dang po'i rgyud kyi man ngag gi gzhung ngo// mdud pa gnyis dbus re re ni sum cu rtsa gnyis bcu drug dran zhes bya ba ni phyi rol nas sum cu rtsa gnyis/ mdud pa'i bdag nyid gang zhig /gang zhig srog gi dbyug pa de la mdud pa gnyis gnyis kyi dbus su/ rtsa re re dang dga' ba re re
- 163b
'dus pas mdud pa sum cu rtsa gnyis kyi dbus su bcu drug gi rnam pa can cha'o/ /de bzhin dga' ba bcu drug pa de ro gcig tu gyur pas/ sbyor ba zhes bya ba'i don to/ /mdud pa sum cu gnyis kyi dngos po la dpal ye shes thig le'i gzhung gi drangs na/ dang po ni zur gsum gyi dngos po can/ gnyis pa ni puN+Darika'i spyan can/ gsum pa ni ru drag pa'i spyan can/ bzhi pa ni dzA ti'i me tog bzhin/ lnga pa ni tshangs pa'i mig bzhin/ drug pa ni dung mig bzhin/ bdun pa ni rna mig bzhin/ brgyad pa ni pa bzhin/ dgu pa ni dung gi lte ba bzhin/ bcu pa ni glang po che'i lte ba bzhin/ bcu gcig pa ni ut pa la'i lte ba bzhin/ bcu gnyis pa ni pad+ma'i lte ba bzhin/ bcu gsum pa ni bung ba'i kha bzhin/ bcu bzhi ba ni rma bya'i kha bzhin/ bco lnga pa ni rdo rje'i kha bzhin/ bcu drug pa ni rgyas ba'i til gyi me tog 'dra bar bya'o/ /gzhan ma ni mdud pa bcu drug de'i nang na gnas/ de yang mig gsal ba'i phyir reg bya'i rtsa'i rnam pa la rten zhes slob dpon bi las badzra'i gzhung ngo/ /sor bcu gnyis pa'i skud pa ni mdud pa med pa gcig bu zhes bya ba la bde ba chen po'i 'khor lo'i mdza' nas/ mgrin pa'i steng yan chad de tsam ni phyi dang nang bdag nyid kyi rtsa rnams la spor ba med med do/ /gang gi phyir zhes ni/ zhin tu bya ba bar ? bar yang mi 'byung zhes slob dpon oM kra pu ti'i gzhung ngo/ /de las gzhan ma mdud pa dang ldan zhes bya ba ni sgra ji bzhin no/ /rlung gi 'khor lo yan chad ces bya ba la/ gsang ba'i pad+ma'i lte ba'i nang zhes bya ba'i don to/ /mgrin pa'i lte ba nas rin chen ske? yan chad du/ de tsam sbyor ba bcu drug gi gnas bstan to/ /da ni rgyud las bstan pa'i go rims kyi sbyor ba bcu drug bri/ 'dod pa'i dga' ba dang/ de bzhin shul ma'i cha'i rtsa las/ ro gcig tu gyur pas stor ba dang ba'o/ /gnyis ?
- 164a
ba dang/ stobs ma la/ gsum pa ni 'gro ba'i dga' ba dang/ bdud rtsi ma/ bzhi pa ni dga' ba dang/ de bzhin dpa' mo ma lnga pa ni rgyas pa dang/ de bzhin rdul ma la/ drug pa nus pa'i dga' ba dang/ de bzhin myos pa mo la bdun pa ni 'byung ba'i dga' ba dang/ de bzhin mtshan mo la/ brgyad pa ni mchog gi dga' ba dang/ de bzhin ro ma la/ dgu pa ni 'bar ba'i dga' ba dang/ de bzhin zhi ba ma la/ bcu pa ni thig le'i dga' ba dang/ de bzhin nag mo la/ bcu gcig pa ni myos pa'i dga' ba dang/ de bzhin zad ma la/ bcu gnyis pa ni chad pa'i dga' ba dang/ de bzhin snur ma la/ bcu gsum pa ni uta'i dga' ba ?/ de bzhin g.yon ma la/ bcu bzhi pa ni tshul gyi dga' ba dang/ rang bzhin rlung ma la/ bco lnga pa ni gnyid log dga' ba dang/ de bzhin me lcem la/ bcu drug pa ni rang bzhin dga' ba dang/ de bzhin skyed ma la/ rin chen mgrin par sleb pa tsam/ rgyas pa'i zla ba zhes su dran/ zhes sngar bstan pa'o/ /de rang shar bar zhes bya ba la sogs pa ni yongs su rdzogs pa nyid/ rab tu gsal ba zhes slob dpon o kra pu ti'i man ngag go /bcu dang lnga ni skye ba'i rgyu/ bcu drug pa la rtog pa med ces sngar bstan pas so/ /shar dang nub pa med pa'i phyir de la sbyor ba med pa zhes lung las sgra ji bzhin no/ /da ni rtsa'i mtshan nyid can rtsa rnams la bskyed pa'i sbyor ba bri/ bcu drug pa dang/ de bzhin nyid ma zhes bya ba la/ rgyal po chen po in+d+ra b+hU ti'i zhal mnga' nas kyi nyid las skye ba'i dpal pad+ma shI ka ra'i gzhung gis 'di ltar bshad de/ bcu drug pa zhes bya ba ni kun rdzob dang don dam pa gnyis su med pa'i ngo bo can byang chub sems kyi dngos po/ /nyi ma zhes bya ba ni de dang 'dra ba ste/ 'on kyang 'od che ba'i phyir ra'i dngos po/ gang du gnyis ka'i sbyor ba
- 164b
'gyur zhes bya ba ni gnyis ka zhes bya ba ni ta'i rnam pa dang/ ra'i rnam pa'o/ /gang du sbyor ba zhes bya ba ni bcom ldan 'das bdag med ma nyid a bad+hU ti'i grags pa can skye med ma'o/ /rang bzhin de ni mtshan nyid ces bya ba la/ bcom ldan 'das bdag med ma la/ dbyer med pa'i ngo bo rang bzhin dga' ba'i rje btsun/ dpal phyag rgya chen po'i thig le'i rgyal po'o/ /bcu drug pa dang de bzhin nyid/ cha rnams kyi ni skye ba'i rgyu zhes bya ba la sogs pa ni go sla ba'i phyir sgra ji bzhin gyis bshad do/ /dpal phyag rgya chen po'i thig le las le'u nyi shu rtsa drug pa'i bshad pa'o// //da ni le'u nyi shu rtsa bdun pa la tshigs su bcad pa bri/ spas pa'i sngags la gsal ba zhes bya ba na/ mi dge ba bcu byed pa'i gang zag la gsang pa'i sngags spas pa yi ge grags pa can yang de bzhin no/ /dge ba byed pa'i gang zag dang/ de bzhin gsang ba'i tshig bsrung ba la/ thams cad rab tu gsal bar bya/ de'i phyir dad pa can dang/ dad pa med pa nyid dpal rdo rje 'dzin pas gsungs so/ /dpal phyag rgya chen po'i thig le las le'u nyi shu rtsa bdun pa'i bshad pa'o// //da ni nyi shu rtsa brgyad pa la ? pa'i tshigs su su bcad pa bri/ nyon cig lha mo phyag rgya che/ /mchog gi rnam pa bde ba'i rab ces bya pa la/ slob dpon sha ba ri'i gzhung gis ni/ bde ba'i rab kyi don gyis ni shin tu bde ba chen po snang ba chen po nyid nges par bstan to/ /rnal 'byor ma la de ka min zhes bya ba la ni/ slob dpon bir pu ti'i gzhung gis ni rnal 'byor ma zhes bya ba ni thabs kyis dbang bskur rnyed pa'i/ shes rab ma la bde ba skyed pa'i gzhi nang na yod pa'i phyir/ cung zad phyag rgya chen po las myur du dngos grub byed pa zhes bya ba'i don to/ /rnal 'byor ba la cung zad dka' zhes bya ba ni thabs ni shes rab kyi dbang bskur rnyed na yang/ ji lta mor
- 165a
kyi bde ba 'byung ba'i gnas/ phyi rol tu gyur pas na zhes bya ba'i don to/ /slob dpon pa'i thabs kyis rnyed ces bya ba la sogs pa ni gang zhing spros pa dang bral ba'i rang bzhin phyag rgya chen po'i don de ni rten dang bcas pa'i thabs kyis nam yang mi rnyed ces bya ba'i don to/ /thabs ma yin pas kyang mi rnyed do/ /gang gi phyir zhe na/ nyams su myong ba'i dus su reg bya'i bde ba khong du chud pa'i thabs/ gang gi tshe med pa de'i che thams cad mkhyen pas kyang mi rnyed de/ 'on kyang grub par byed pa'i rnal 'byor pas ga la ga las so/ /de ltar yang 'di ru bcom ldan 'das rdo rje 'dzin pas thabs 'di ni gsungs te/ rlung gi 'khor lo'i cha'i gnas su zhes bya ba ni rang bzhin gyi rlung 'byung ba'i gnas su'o/ /rlung ma gnyid ma zhes bya ba ni zla ba dang nyi ma 'bab pa'o/ /g.yas dang g.yon gyi phyogs kyis ni/ cha ni shin tu bskor bar bya zhes bya ba ni/ cha'i sgras ni bcom ldan 'das bdag med ma/ a ba d+hU tI/ de'i g.yon phyogs su khu 'bab ma/ g.yas phyogs su khrag 'bab ma/ de dag rab tu bsgrul? pa'i gang zhing bde ba skye ba de ni thabs kyis bla ma'i man ngag la phyag rgya chen po rnyed ces nyid mchog gi dbang phyug gis gsungs so// cha'i dbus ni rtsa bar bzhug zhes bya ba ni 'di ltar bshad de a ba d+hU tI grags pa can no/ /pad ma'i grags pa can dbus gnas su/ skra'i rtse mo brgya stong gi cha'i tshad bcom ldan 'das ma phyag rgya chen po'o/ /rtsa'i gnas zhes bya ba ni sprul pa'i 'khor lo las/ rtsa'i gnas zhes bya ba ni bde ba chen po'i 'khor lo de tsam khyab par bzhugs zhes slob dpon tshangs pa'i zhal mnga' nas kyi man ngag gi gzhung ngo/ /de la yang sogs zhes bya ba ba ni sgra ji bzhin no/ /phyi dang nang gi bdag
- 165b
nyid rnam par bzhugs zhes bya ba ni phyi rol pa'i phyag dang zhabs la sogs pa dang mnyam par ldan pa'i 'khyud pa'i sbyor bas so/ /nang gi bdag nyid ni gzugs la sog spa dang bral pa'o/ /tshangs pa'i zhal mnga' nas kyi man ngag gi gzhung gis ni phyi rol gyi reg bya mchog gi grags pa can a ba d+hU ti'i/ nang gi bdag nyid kyi ngo bo can ni reg bya dga' ba/ ye shes snang ba'i skad cig/ thig le tshul me chu/ rlung nam mkha' la sogs pa dang bral ba'o// gang zhig mi shes pa la sogs zhes bya ba ni dpal in+d+ra b+hU tI'i zhal mnga' nas ni de ltar gyur pa'i phyag rgya chen po gang zhig mi shes pa ni bcom ldan 'das sangs rgyas yin kyang rnal 'byor chen po ma yin/ dpal rdo rje sems dpa' chen po rang ngo bo mi mkhyen ces bya ba'i don te/ /dpal phyag rgya chen po'i thig le zhes bya ba ni go sla ba'i phyir sgra ji bzhin gyis gsungs so/ /de skad thos nas la sogs pa ni 'di skad gsungs zhes bya ba yan chad sdud pa po yis bstan pa go sla ba'i phyir sgra ji bzhin no/ /rtsa ba'i rgyud du zhes bya ba ni tshangs pa'i zhal mnga' nas kyis man ngag gi gzhung gis/ rigs chen po'i rgyud/ slob dpon nag po'i gzhung gi 'bum lnga'i bdag nyid kyi rgyud/ de ru gzhan ? gnas dang bdag gi gnas gyi mdor bstan pa tsam/ bcom ldan 'das bdag la gsungs zhes bcom ldan 'das ma'i zhu ba'i tshig go /bcom wa na 'das kyi bka' stsal pa/ gzhan ma'i gnas ni b+ha gar bstan/ /nang gi gnas ni lte ba'o /de ru dpal lha mo yan lag rab kyi man ngag gi gzhung gi /byang chub spro la khyab pa'i phyir/ /gzhan ma'i gnas ? dbyings kyi dbang phyug ma/ /lte ba'i nad na bzhugs pa'i phyir bdag nyid kyi gnas so/ /gzhan mas sgo'i
- 166a
phyi rol zhes bya ba ni rdo rje dang pad ma thabs kyi rin po che dang 'khor lo'i gnas zhes rnal 'byor ma bung ba'i mngal gyi man ngag go /gzhan ma'i gnas ni sbyor ba 'am zhes bya ba la 'dus pa la sogs pa'i rgyud las bstan to/ /nang gi bdag nyid kyis gnas rnal 'byor ma zhes phyag rgya chen po thig le'i rgyud la sogs pa bstan to/ /yang ni spyor ba dang/ nye ba'i sbyor ba bzhi sngar nyi shu rtsa brgyad pa'i gnas so/ /rdzogs pa'i don du mtho ris dang mi yul dang/ sa 'og dang ri rab kyi rtse mo de ni nang gi bdag nyid dang phyi rol gyi'o/ /nang gi bdag nyid ces bya ba ni chos kyi 'khor lo'i snying ga dang/ lte ba'i snying ga dang/ sprul ba'i 'khor lo'i snying ga dang/ gsang ba'i sna'i snying ga'o/ /sprul pa'i 'khor lo'i snying ga zhes bya ba ni sangs rgyas rin po che'i snod ces ki la ri'i zhal mnga' nas kyi man ngag gi gzhung ngo/ /lhag ma ni go sla ba'i phyir don ji lta ba bzhin gyis bshad do/ /dpal phyag rgya chen po'i thig le las le'u nyi shu rtsa brgyad pa'i bshad pa'o// //'di ni dpal phyag rgya chen po'i thig le las zab pa'i don gsal ba rmad du byung ba zhes bya ba nang dang gsal ba rgya cher bshad pa/ u rgyan gyi slob dpon phyag rgya chen po'i dngos grub brnyed pa/ slob dpon zab pa'i rdo rjes mdzad pa rdzogs so// //rgya gar gyi slob dpon chen po shes rab dpal gsang ba'i zhal sngar da 'og dge slong g.yung drung snying pos dang cing gus pas yang dang yang du zhus pa'i dor mdzad nas phyis kun nas bsgyur te gtan la phab ba'o// //*/ /dga' ba'i spyan zhes bya ba'i rgya? ? 'grel pa bzhugs so// //rgya gar skad du/ A nan+ta tsak+Shu nA ma TI kA/ bod skad du/ dga' ba'i spyan zhes bya ba'i rgya cher 'grel ba/ dpal rdo rje mkha' 'gro la phyag 'tshal lo/ /rnal 'byor ma yi rgyud rgyal kun/ /rgyal dbang rmad byung rmad du byung/ de
- 166b
nyid rgya mtsho dpal thig le/ /gang gsung de la phyag 'tshal lo/ /de nas gsang ba bshad bya ba/ zhes bya ba tshigs su bcad pa de'i don ni dang po rgyal po in+d+ra b+hU ti'i zhal snga man chad bla ma grub pa thob par ma chad pa'i rim pa las/ dbang bskur pa dang man ngag brnyed pa'i mkhas pa chen po rgyal po'i dbang po'i rgyal po mchog gi bla ma kha che'i dpal rin chen rdo rje'i zhabs kyi pad+ma'i bka' drin ji lta thos pa de bdag nyid dran pa'i don du bris pa la skyon cig /yang na dam pa slob dpon ma bong yul dbus su skyes pa'i dge slong rin chen rgyal mtshan gyis dpal phyag rgya chen po'i thig le'i rgyud kyi sbyor ba drug gi don dam pa'i bskyed rim dang rdzog rim ji ltar lags zhes bskul ba byas pa de'i don du bshad pa'i phyir ji lta bar bris pa la skyon gang/ gang gi phyir mkhas pa rnam par zhe sdang/ yang na log pa'i shes pa dang ldan pa'i long ba rnams lam rab stor ba'i phyir bdag gis de la dga' ba'i mig spyan pa de la yon tan gyi don las gzhan skyon med do/ /da ni gang zhes pa'i don dpyad bar bya'o/ /de nas zhes bya ba'i sgra ni de'i 'og tu zhes bya ba'i don no// dpal dgyes pa'i rdo rje ye shes kyi rgya mtsho 'dum lnga'i bdag nyid ? las/ rgyal ba'i mnga' bdag dpal rdo rje sems dpa' bcom ldan 'das rang bzhin sbyor ba'i ro'i ngo bo bde ba chen po'i dga' ba'i gnas na bzhugs pa la/ rdo rje mkha' 'gro ma bye ba phrag bdun cu rtsa gnyis kyi grangs kyi 'khor gyi dbus nas btsun mo dpal legs dgyes dbang mo zhus pa'i ngor mdzad nas/ dpal phyag rgya chen po'i thig le phyi ma'i rgyud rnal 'byor ma'i rgyud kyi dbang po'i rgyal po mchog gi gsang ba rmad du byung ba/ ye shes bdud rtsi'i 'bras bu shin tu smin pas bka' stsal to/ /yang na dbang po'i rgyud 'di las thams cad kyi rgyu dang/ dbang bskur ba le'u gnyis kyi 'og tu sbyor ba drug ga rnam par shes pa'i don dam pa bshad pa ni de'i 'gon zhes bya ba'i don to/ /de'i phyir gsang ba yin no/
- 167a
yang na nyan thos la sogs pas ma rnyed pa'i phyir de ni gsang ba'o/ /rtogs par dka' ba'i rdo rje'i tshigs bcad rnams phyi ma'i rim pas gsal ba de ni bshad pa'i don to/ /don ni chos kyi phyag rgya'i ye shes rang bzhin dga' ba sna tshogs pa'i thabs kyis rnyed pa'o/ /de ni yi ge'i don to/ /da ni der bstan pa'i kun tu yan lag gi don bshad par bya ste/ bya ba'i rgyud la sogs pa las gzhan pa'i rab mchog gi lam shes rab thabs kyi sbyor ba'i mtshan nyid de/ de nas kyi don to/ /shes rab dang thabs mnyam par sbyor ba'i rlag pa dang longs spyod dang dbang gis rang gi snying kha'i pad+ma'i lte ba'i nang du/ zla ba dang rdo rje sa bon gyis bskyed pa'i rim pa'i sku mdog dang phyag mtshan la sogs pa'i lha'i rnam pa'i sgom de ni gsang ba'o/ /de lha'i rnam pa la sgyu 'phrul chen po'i ye shes gnyis su med pa'i rnam pa shes rab kyi phyag rgya la bsgom pa de ni bshad pa'i don to/ /da ni sngar bshad pa'i snying po'i don bshad par bya ste/ de nas ni shes rab dang thabs kyi 'og tu ste/ rnam par smin nas rgyu mthun pa la sogs pa'i 'bras bu rnyed do/ /rgyu? rab de ni 'khor ba mya ngan las 'das pa'i mtshan nyid kyi phyir ro/ /ci'i phyir 'khor ba dang mya ngan las 'das pa'i mtshan nyid can/ kun brtags dang gzhan dbang gi gzugs kyi phyir ro/ /gzhan la rten te skye ba'i phyir gzhan dbang ngo/ /gzhan gyi sgra ni rten cing 'brel par 'byung pa'o/ /de ltar yang thams cad mkhyen pas/ gang zhig rten 'byung ba de ni skye ba min zhes gsungs so/ /rang gi ngo bo dang bral ba'i phyir kun brtags so/ /gcig dang du mas rnam par dpyad na don dam par phyi rol gyi dngos po'i ngo bo ni rnyed pa ma yin no/ /mi rnyed pa'i phyir thams cad stong pa'i ngo bo ste/ nam mkha' bzhin no/ /ji ltar log pa'i shes pa
- 167b
dang ldan pa'i long ba'i mis ci yang med par shes pa de ltar ma yin no/ /ci yang med pa'i phyir thar pa'i don du 'bad pa'i 'bras bu med par 'gyur ro/ /bsod nams kyi las su bya ba'i dge ba'i rtsa ba la sogs pa don med par 'gyur ro/ /don med pa'i phyir thar pa rnyed par mi 'gyur ro/ /de ltar ni rim pa yin no/ /sbyin pa la sogs pa'i rtog pa rnyed na yang de bzhin du bcos ma ma yin no/ /de ltar na yang slob dpon chen po dpal rin chen rdo rje'i zhal snga nas mdzad pa'i rdzogs pa'i rim pa la dge ba'i tshogs ni rgyu'i phyir/ /bde bar gshegs pa'i lam yin no/ /'di ni thar pa bcos ma min/ /rang bzhin ye shes mtshan nyid do/ /gang phyir bsod nams gyis rnyed skye ba min/ bsod nams de las skye ba min/ zhes 'byung ngo/ de bzhin du shes rab dang thabs 'khor ba dang mya ngan las 'das pa/ kun brtags dang gzhan dbang rnam par smin pa dang/ rgyu mthun pa'i 'bras bu yongs su shes nas/ yongs su grub pa'i dri ma med pa rnyed kyi skye ba ma yin no/ /de ltar yang gsang ba'i ngo bo'i rim pa de kho na nyid grub pa las/ dbang po sde tshan nang du bzhugs/ 'khor ba'i sa bon ma rdzogs mod kyi skye ba med/ dka' ba'i dngos po'i sbyor ba yis/ /nam mkha' dang mnyam nges ni bsil ba myong/ zhes 'byung ngo/ /de bzhin du slob dpon chen po 'phags pa klu sgrub kyi zhal snga nas/ 'khor ba yongs su shes pa ni/ /mya ngan 'das zhes brjod pa yin/ /zhes bshad do/ /rgyal po chen po in+d+ra b+hU ti'i zhal snga nas/ mya ngan 'das pa yongs shes pa/ de ni ye shes rang bzhin mkha' / zhes bshad do/ /slob dpon kaM la ri pa'i zhal snga nas ni/ srid dang mya ngan 'das pa yongs shes na/ rtog pa med pa'i bde ba chen po zhes bshad do/ /slob dpon gongka? na'i zhal nas ni/ srid dang mya ngan 'das dag pa'i/ /skad cig tsam gyis 'dra
- 168a
med skye zhes bshad do/ /dpal rnal 'byor ma thams cad kyi snying po'i rgyud ni/ skye ba dang ni 'gag pa med/ /rgyu dang dbe dang bral ba ni/ /srid dang mya ngan 'das med pa/ /de ni 'dra med blo gros che/ zhes gsungs so/ /de ni de nas kyi don to/ /phyi'i shes rab mi dgos bar 'dzums pa dang 'byed pa la sogs pa'i shes rab kyi sgo yis gtum mo rang gi mtshan nyid shes rab ye shes las kun rdzob byang chub kyi sems 'byung ba de ni gsang ba'o/ /de'i rdo rje'i rtsa ba'i lte ba'i snyoms pa'i dam tshig gi phyag rgya ye shes kyi tshogs te bshad pa'i don to/ /da ni rang bzhin gyi don bshad do/ /de nas zhes bya ba ni rnam par smin pa dang rgyu mthun pa'i 'bras bu'i 'og tu yongs su shes pas dri ma med pa 'byung ba yin no/ /yongs su bor nas ma yin no/ /de gnyis yod pa'i phyir rdo rje rin chen gyi barta ka'i ye shes kyi rlung 'gog pas dri ma med pa rnyed do/ /de ni gsang ba'o/ /de rnyed pa tsam gyis chos thams cad mi dmigs pa dpa' rlabs dang bral ba'i rnam pa'i ngo bo/ /yang dag dri med mchog gi 'od kyi rang bzhin phyag rgya chen po'i ye shes kyis thams cad mthong ba ste/ de ni bshad pa'i don to/ /da ni yi ge re re la sbyor ba drug gi dga' ba dang skad cig dang ldan pa'i don bshad do/ /char yang thig le zhes bya ba la sogs pa la char yang ni dus so/ /yang na sbyor char yang dus sbyor gang dang gang sbyor/ ta'i yig 'bru dang ra'i yig 'bru gnyis su sbyor ro/ /ta'i yig 'bru ni 'dzin ma shes rab kyi ngo bo rnam par 'joms pa'i gzugs so/ /ra'i yig 'bru ni ro ma thabs kyi ngo bo rnam par smin pa'i gzugs so/ /de dag sbyor bar byed pa'i phyir sbyor ba mdzad pa rtog ma rnam pa'i mtshan nyid kyi ngo bo rlung gi gnas na bzhugs so/ /rlung gi 'khor lo ni lte ba nas rkang ba'i mthil gyi bar du'o/ /de
- 168b
lha ma yin dgongs na ni skyon chen po 'byung bar 'gyur te/ de na 'brel pa'o/ /'dzin ma dang ro ma dang rtog med ma ni gsang ba'i pad+ma'i snying po las skra'i rtse mo stong gi cha tsam yang phyi rol tu ni 'gro'o/ /mi 'gro bas na gang gi phyir/ 'khor lo drug drungs rlung gi 'khor lo'i rtsa dang dga' ba rnams gzhan gang du gnas par 'gyur/ /de bas na rlung gi 'khor lo rab kyi gnas ni gsang ba'i pad+ma'i nang gi lte ba'i nang gi lte ba'i ni rigs pa'i gzhung lugs so/ /de ni rdzogs pa'i rim pa'i phyogs so/ /bskyed pa'i rim pa'i lugs bde ba chen po'i 'khor lo'o/ /gang gi phyir thams cad 'byung ba'i gnas so/ /'bras bu sbyin pa'o/ /'bras bu rnyed pa'i don du dang po 'di ltar bsgom mo/ /lte ba'i rtsa bar yi yongs su gyur pa'i rlung gi dkyil 'khor gzhu lta bu mdog sngon po de'i steng du raM yongs su gyur pa las me'i dkyil 'khor gru gsum lta bu mdog dmar po/ /rlung bskyod pas lte ba'i pad+ma'i ye shes kyi me 'bar ba'i 'od kyi gzugs kyi chos kyi 'khor lo na bzhugs pa'i de bzhin gshegs pa rnams bsregs nas/ longs spyod lam du dbu rgyan gyi 'du shes gser sgo'i nad mtshams kyi bu ga'i bde ba chen po'i 'khor lor bzhugs te/ rang gi 'od kyis bdud rtsi zhu bar byas nas/ de nyid khyer te zhi ba'i gzugs kyis sngar bsregs pa rab tu tshim par byas nas lte ba'i pad+mar bzhugs sa byed do/ /de las chags pa chen po'i yid dang ldan par 'gyur ro/ /chos thams cad kyi steng na gcig gi ngo bor bshes so/ /shin tu yang bsam par byed do/ /gang gis ? rdzogs cham? yang gi don gyis so/ /char yang yang gnyis su gyes pa'i don rab tu nye ba'i gnas byed do/ /rgyu yang sbyin no/ /thigs pa mngon par 'byung ba la'o/ /de ni rtsa dang yi ge sbyor bas a'i yig 'bru 'byung ba yin no/ /'byung ba
- 169a
ni 'dir 'gro par shes par bya'o/ /gang zhig a'i yig 'bru byang chub sems kyi ngo bo rtag tu rlung la zhon pa'i phyir 'gro bar shes par bya'o/ /de 'gro ba tsam gyis ni 'dar ba zhes bya ba'i rtags 'byung bar 'gyur ro/ /rtags de las rnam pa sna tshogs kyi skad cig rnal 'byor pas shes so/ /shes pa tsam gyis ni spyi bo na yod pa'i byang chub kyi sems dpral ba'i gnas su 'gro'o/ /de ni goms pa yis so/ /goms pas las kyi phyag rgya mi dgongs par ting nge 'dzin shes so/ /de ni bde ba chen po'i 'khor lo'i gnas byang chub kyi sems la 'dar ba'i ro dang rnam pa sna tshogs pa'i skad cig dang ldan pa'i a'i yig 'bru'i don no/ /da ni tha'i yig 'bru'i don bshad do/ /tha'i yig 'bru'i thig le'o/ /rab tu bde ba'i rnam pa'i gzugs kyi phyir ro/ /yang na tshor ba'i phyir ro/ /de nyid yang gnyis su gyes par don rab tu 'byed par gnas byed do/ /ma 'ongs pa'i rnam par smin pa las gsal bar byed do/ /rgyu yang sbyin no/ /tshul mngon par 'byung ba la'o/ /de'i dus su rdul zhes bya ba'i rtags 'byung ngo/ /rtags de las rnam par smin pa zhes bya ba'i skad cig shes so/ de ni longs spyod rdzogs pa'i 'khor lo gnas pa rdul dang rnam par smin pa ldan pa'i tha'i yig 'bru'i don no/ /da ni tu'i yig 'bru'i don bshad de/ tu'i yig 'bru'i tshul lo/ /rang byung pa'i phyir ro/ /de bas na rang byung ngo/ /thog ma dang bral ba'i phyir ro/ /thog ma bral ba'i phyir tha ma yang med do/ /thog ma dang tha ma dang bral ba'i phyir dbus kyang med do/ /thog ma dang tha ma dang dbus med pa'i phyir rang byung ngo/ /yang na a kun tu gang zhig gis rig pa med pa'i bag chags 'byung ba'i gti mug mun nag bcom pa'i phyir rang byung gi tshul lo/ /de nyid gnyis su
- 169b
gyes pa'i don tu byed par gnas byed do/ /rang gi yul bye brag gsal bar byed do/ /rgyu yang sbyin no/ /tshul tsam mngon par 'byung ba la'o/ /de las myos pa zhes bya ba'i rtags 'byung ngo/ /rtags de las rnam par 'joms pa zhes bya ba'i skad cig shes so/ /de nyid chos kyi 'khor lo'i gnas na byang chub kyi sems yod pa'i phyir ro/ /de ni chos kyi 'khor lo'i gnas pa myos pa dang rnam par 'joms pa dang ldan pa'i tu'i yig 'bru'i don no/ /da nir yi yig 'bru'i don bshad do/ /ra'i yig 'bru ni tshul tsam mo/ /tsam gyi sgra ni yod med dang bral ba'i don gsal ba'o/ /tshul gyi sgra ye shes la sogs pa'i ngo bo yod pa'i dngos po'o/ /tsam gyi sgra'i ye shes la sogs pa'i ngo bo med pa'i dngos po'o/ /ji ltar chu zla lta bu'o// de'i phyir na tshul tsam mo/ /de nyid gnyis su gyes pa'i don rab tu byed par gnas byed do/ /rang gi yul gyi bye brag gi 'dzin pa'i reg bya byed do/ /rgyu yang sbyin no/ /mchog mngon par 'byung ba la'o/ /de'i skad cig gi yan lag mi brtan pa zhes bya ba'i rtags 'byung ngo/ /rtags de las rnam pa'i mtshan nyid shes so/ /de nyid sprul ba'i 'khor lo'i gnas su byang chub kyi sems yod pa'i phyir ro/ /de ni sprul pa'i 'khor lo'i gnas pa yan lag mi brtan pa dang/ rnam pa'i mtshan nyid dang ldan pa'i ra'i yig 'bru'i don no/ /da ni ha yig 'bru'i don bshad do/ /ha'i yi ge 'bru ni mchog go rab bo/ /kha kha mu ka'i rnam pa'i gzugs can no/ /de nyid gnyis su gyes pa'i don rab tu 'byed par gnas byed do/ /thams cad la mdza' yas dga' ba'i 'dzin pa'i bde ba'i rnam par smin ba byed do/ /rgyu yang sbyin no/ /mchog gzhan du 'byung ba la'o/ /de'i dus su 'phar ba zhes bya ba'i rtags 'byung ngo/ /rtags de las dang po'i dga' ba shes so/ /de nyid ?
- 170a
po che skye gnas su byang chub kyi sems yod pa'i phyir ro/ /de ni rin chen skye'i gnas 'phar ba dang dga' ba dang ldan pa'i ha'i yig 'bru'i don no/ /da ni syaM yig 'bru'i don bshad do/ /syaM gi yig 'bru'i mchog gzhan no/ /yang na sangs rgyas rin po che'i snod kyi don no/ /nyid ni ma yin no/ /de bas na gzhan no/ /de nyid gnyis su gyes pa'i don rab tu 'byed par gnas byed do/ /'dod pa dang mi 'dod pa'i dngos po 'dzin par byed do/ /rgyu yang sbyin no/ /chos thams cad mi dmigs pa la'o/ /de'i dus su dbugs rgod pa zhes pa'i rtags 'byung ngo/ /rtags de las mchog gi dga' ba shes so/ /de nyid nang gi dpral ba'i gnas su byang chub kyi sems yod pa'i phyir ro/ /de ni nang gi dpral bar dbugs rgod pa dang mchog gi dga' ba dang ldan pa'i syaM gi yig 'bru'i don no/ /da ni ba'i yig 'bru'i don bshad do/ /ba'i yig 'bru ni gsang ba'i rin chen bar ta'i snying po/ /yang na snying po nyid sangs rgyas rin po che'i snod shin tu 'jam pa/ phra ba mi bzad pa/ rags pa ma yin pa/ sa'i pad+ma'i lte ba'i don no/ /der phyin pa tsam gyis ni byang chub kyi sems gnyis su gyes pa'i don rab tu 'byed pa'i gnas byed do/ /rgyu yang sbyin no/ /srog gi rlung la zhen nas sangs rgyas 'byung ba'i don du shes rab ma'i snying po'i nang du 'go'o/ /de'i skad cig la bkrag ces bya ba'i rtags 'byung ngo/ /rtags de las chad pa'i dga' ba'i nang gi reg bya shes pa'i rnal 'byor bas dus shes so/ /'di ni chad pa'i dga' ba'i dus kyi skad cig go /de ni rdo rje gtsug tor gyi nang na byang chub kyi sems yod pa'i phyir ro/ /de'i gnas su k+Sha'i yig 'bru dpal rdo rje sems dpa' i ngo bo nyid stong pa nyid kyi ye shes dran par byed do/ /'gro ba med pa'i phyir k+Sha'i yig 'bru rang gi
- 170b
snying che gsang ba'i pad+ma'i lte ba'i nang rlung 'gog pa'i drod ces bya ba'i rtags 'byung ngo/ /rtags de las skye med 'gag med rang rig brjod med bla ma'i zhal snga nas kyi bka' drin rang bzhin dga' ba ni de'i don no/ /de ni rang gi snying ga'i gsang pa'i pad+ma'i lte ba'i nang drod dang rang bzhin dga' ba dang ldan pa'i pa dang k+Sha'i yig 'bru'i don no/ /de ni de nas gsang ba bshad bya ba zhes bya ba'i tshigs bcad kyi don rab kyi bla ma'i zhal snga nas kyi bka' drin gyis shes rab dpal gsal ba rang gi dran pa'i don bris so/ /da ni yi ge brgyad dang ldan pa'i don dam pa'i byang chub kyi sems rang gi slob ma rnams ye shes grub pa'i don du bsam gtan smra'o/ /dang por snying gar nam mkha' a'i rnam pa'i chos kyi dbyings kyi phyag rgya de'i nang du ka la sogs pa'i yongs su gyur pa las kA li dkyil 'khor/ a la sogs pa yongs su gyur pa las A li dkyil 'khor/ de'i steng du baM gyi yig 'bru yongs su gyur pas sna tshogs pad+ma 'dab ma brgyad pa lte ba dang ge sar du ldan pa de'i dbus su don dam par byang chub kyi sems rin po che yang dag dri med 'od kyi rang bzhin bsgom par bya'o/ /sna tshogs pad+ma'i shar gyi 'dab mar a'i yig 'bru char yang gi ngo bo dang/ rin chen ma zhes bya ba'i rtsa dang/ de bzhin du dga' ba'o/ de bzhin du dga' bya'o/ /byang gi 'dab mar tha'i yig 'bru thig le'i ngo bo dang pad+ma chen po zhes bya ba'i rtsa dang/ de bzhin du mchog du dga' ba'o/ /nub kyi 'dab mar tu'i yig 'bru tshul gyi ngo bo dang/ 'jigs chen ma zhes bya ba'i rtsa dang/ de bzhin du ched pa'i dga' ba'o/ /lho'i 'dab mar ra'i yig 'bru tshul tsam gyi ngo bo dang/ stobs chen ma zhes bya ba'i rtsa dang/ de bzhin du rang bzhin dga' ba'o/ /me'i mtshams kyi 'dab mar ha'i yig 'bru mchog gi ngo bo dang/ rtse chen
- 171a
mo zhes bya ba'i rtsa dang/ rnam pa sna tshogs pa'i skad cig go /bdan bral mtshams kyi 'dab mar syaM gi yig 'bru mchog gzhan gyi ngo bo dang/ myos chen ma zhes bya ba'i rtsa dang/ rnam par smin pa'i skad cig go /rlung gi mtshams kyi 'dab mar pa'i yig 'bru ye shes kyi ngo bo dang/ dga' chen po zhes bya ba'i rtsa dang/ rnam par 'joms pa'i skad cig go /dbang ldan gyi 'dab mar kA'i yig 'bru ye shes chen po'i ngo bo dang/ dga' med ces bya ba'i rtsa dang rnam pa'i mtshan nyid kyi skad cig go /de ni yi ge dang/ dga' ba dang/ skad cig rnam par dag pa'i phyir sna tshogs pad+ma'o/ /dpal in+d+ra b+hu ti'i zhal snga nas mdzad pa'i dga' me tog gi phreng ba las/ de nyid kha bub shin tu 'dzums pa// yang ma yin sdong bu dang ldan pa'i gzhon nu chos kyi 'khor lo zhes bshad do/ /gsang ba'i ngo bo de kho na nyid grub pa las gsang ba'i snying ge'i lte ba'i nam mkhar 'dab ma brgyad pa dmar po nam mkhar kha bye ba sdong bu dang ldan pa'o zhes 'byung ngo// de'i sdong bu'i 'og gi bu ga'i lam du 'dzin ma ro ma rtog med ma pa'i myu gu'i rnam pa lta bu sog gi rtsa dang lhan cig skra rtse'i stong cha tsam gyi kha gsal bar byed do/ /de ni mchog gi dga' pa'i dus so/ /pad+ma lte ba'i dbus su snyoms pa'i rtog med pa'o/ /'dzin ma dang ro ma ni g.yas g.yon no/ /gzhan dag na re de ni 'og gi cha'i srog gi rtsa'o zhes ?/ /rnal 'byor gyi dbang phyug chen po dpal in+d+ra b+hU ti'i zhal snga nas mdzad pa'i dga' ba'i me tog gi phreng pa la/ srog rtsa'i nang du zhugs pa'i gtso bo ni gsum ste/ nang du 'gro ba dang/ phyir 'gro ba dang/ dbus su 'dugs byed pa'i zhes 'byung ngo/ /dpal rin chen rdo rje'i zhal snga nas ni de dang gzhung gcig go /de lta mod kyi lu gu rgyud kyi rnam pa'i//
- 171b
khyad par yod do/ /slob dpon mkhas pa chen po nA ro bas rtog med ma la srog gi rtsa ni sku'o/ /'dzin ma ni gsung ngo/ /ro ma ni thugs so/ /rtog med ma nyid ni bde ba chen po'i rang bzhin sku gsung thugs dang bral pa'o zhes bshad do/ /gcig du de ni gsum du gyes par 'dod do/ /srog gi rtsa sku'i gzugs su med par gyur na gsung dang thugs kyi 'dug sa med do/ /de bzhin du dgyes pa'i rdo rje'i rgyud las/ sku med na ni thugs kyi 'dug sa med pa yin zhes 'byung ngo/ /de bas na sku yang dgos te 'bras bu sbyin pa'i phyir ro/ /lung nas ni gsang ba'i pad+ma'i lte ba'i rin chen nang na yod pa srog gi rlung gi dgug pa yis pad+ma gyen zhal lta bar ro zhes gsungs so/ /gyen du zhal 'gro ba tsam gyis ni rgyal po'i sras mo rab tu lang tsho bab pa ji ltar legs dgyes bde ba de bzhin/ rang bzhin dga' ba the tshom med par myur du rnyed par 'gyur ro/ /de rnyed pa tsam gyis ni sa bcu'i dbang phyug byang chub sems dpa' lta bu rang dbang gi spyod pa la zhugs so/ /de ni gcig pa tshangs par spyod pa thams cad kyi dbus su tshangs par spyod pa'o/ /rang gi tshangs par spyod pa byed pa'i phyir ro/ /tshangs pa'i sgra ni byang chub kyi sems so/ /spyod pa ni a kun tu bzang bar byed/ bor bar mi byed do/ /de bas na tshangs par spyod pa chen po'o// gyen du byang chub kyi sems kyi phyir ro/ /de ni bla ma rab kyi bka' drin gyis rnal 'byor mar bo rgyal po in+d+ra b+hA ti'i la sogs pa dus ring po ma len par phyag rgya chen po'i dngos grub po/ /de ni gsang ba mchog de kho nyid/ /brjod pa yis ni 'jigs pa'i phyir/ /gang zhig bre mo gtam tsam bris/ /mkhas pa chen pos bzod par mdzod/ /de skad shes nas khyed cag kun/ /skyes bu yang dag dga' ba yis/ /'di yis don ni 'bad pas zung/ /byis pa 'dra ba'i ngag yin
- 172a
yang/ /de bzhin nges par 'bras 'phel sbyin/ /dge ba yang dag rmad byung ngo/ /bla ma'i bka' las bdag gis ni/ /cung zad kyis mang don med min/ /sngon med pa ni 'dir bris min/ /gang zhig rgyud la mthong ba min/ / 'di byas pa yi yig don ni/ /gang zhig bdag gis rnyed pa yis/ /srid par bsngams shing pa cings pa kun/ /de yis 'gro ba sgrol bar shog /gang zhig brda' byed mchog gi rma byung rtogs dka' ba'i/ /de nyid rang bzhin sbyor ba'i ngo bo mnyam spyor gnas/ /dga' rgyas bde chen nyid bzhugs dpa' bo rab kyi bla/ /dpal ldan rin chen rdo rje de la bdag phyag 'tshal/ /e ma'o shAkya'i rgyal po dpal rdo rje sems dpas bsdus pa'i rgyud rgyal kun gyi rgyal chen rnal 'byor ma rgyud rnams kyi rgyal po'i dbang po 'od gsal rgya mtsho phyag rgya chen po thig le'i rgyu chen ngo mtshar ba smad tshed? e ma'o rgyal chen in+d+ra b+hU tI rnal 'byor dbang phyug grub pa brnyes/ /bar ma chad pa'i rim pa'i slob dpon mkhas chen grub thob rin chen rdo rje'i slob ma dam pa rnal 'byor dbang phyug shes rab dpal gsang rmang byung dam pa che/ /e ma'o phyag rgya chen po'i nam mkha' dga' pa'i rgya mtshor shes rab skyes pus dpal gyi srub shing sbyor drug gsang ba'i bshad bzhi'i srung thabs bsam gtan bsrubs pas rang bzhin dga' ba'i bdud rtsi'i 'bras bu dga' spyan gsal thig ngo mtshar che// //e ma'o de'i zhabs kyi pad reg rin chen rgyal mtshan bdag gzhan don lhur byas dang cing gus pas mang du gsol btab pa'i dri med dge bas 'gro kun rang 'od gsal bas nges par rol bar shog cig rmad mchog che/ /dga' ba'i spyan zhes bya ba'i rgya cher 'grel pa/ slob dpon chen po rnal 'byor gyi dbang phyug shes rab dpal gsang ba'i zhal snga nas kyis mdzad pa
- 172b
rdzogs so// //rgya gar gyis mkhan po chen po/ /pradz+nyA sh+rI gubta nyid dang/ zhu chen gyi lo ts+tsha? ba band+he rin chen rgyal mtshan gyis bsgyur cing zhus te gtan la phab pa// // * //dpal ldan cig skyes pa'i dga' ba'i sgron ma slob dpon chen po rdo rje gsang ba'i zhal snga nas mdzad pa bzhugs so// // */ /rgya gar skad du/ sh+rI sa ha dzA nan+ta pra dI pa? nA ma pany+dzi ka/ bod skad du/ dpal lhan cig skyes pa'i dga' pa'i sgron ma zhes bya ba'i dka' 'grel// dpal ye shes thig le sa phyag 'tshal lo/ / shes rab mya ngan 'das pa chad dga' mkha' / /ye shes 'khor ba mchog dga' 'gro ba ste/ gnyis med rin chen srog ma'i dbang phyug 'di/ /rang gis dran dang slob ma'i don sogs brtsam/ /'di skad bdag gis zhes bya ba la sogs pa'i don ni yig 'bru bzhi'i don du rgya cher sbyar te drang don nges don du dbye'o/ /de yang 'di skad ston te/ sangs rgyas mkha' 'gro la sogs lnga'i/ /bdag po gang yin ngo bo de/ /rdo rje sems dpa' zhes bya ste/ /de ni ngo bo yin par 'dod/ /rgyud 'di dbu nas zhabs kyi bar/ /don dang yon tan brjod pa ni/ /de phyir rdo rje sems dpa' yin/ /de yang 'brel ba'i phyir na rgyud/ /a yi rigs ni gcig nyid las/ /rigs kyi yi ge mang por gyes/ /de bzhin slar la gcig tu 'dus/ /'di na rgyud kyi mthun pa'i dpe/ /don gyi rang bzhin ro gcig la/ shes rab thabs ni gnyis su dbye/ /de yang gnyis gnyis phye ba las/ /gcig la'ang lnga lngar phye bas dbye/ /don dang tshad la sogs pa ni go sla bas ma bshad do/ /'di skad la sogs pa la/ /oM bzhi? pa'o/ /? gru gsum chos kyi 'byung gnas shes rab kyi rang bzhin no/ /wa zlum po thabs kyi ye shes kyi rang bzhin te rgya cher sbyar ro/ /de yang e'i cha byad bzang po la/ /dbus su paM gis rnam par brgyan/ ces gsungs so/ /'di skad kyi?
- 173a
bdag gis thos pa'i dus gcig na/ bcom ldan 'das zhes pa la sogs pa ni rgyud la sogs pa'i phun sum tshogs pa rnams te/ rgyud dang sdud pa po lha'i dbang phyug dang 'das pa'i dus la sogs pa dang bral ba ste dmigs su med pa'i dus dang/ ston pa bcom ldan 'das nyid dang/ 'khor dpa' o dang dpa' o mo la sogs pa bye ba phrag bdun cu rtsa gnyis dang bcom ldan 'das ma shes rab kyi pha rol tu phyin pa'i mkha' dbyings chos kyi 'byung gnas kyi gnas la sogs pas bstan to/ /yang na 'di skad bdag gis zhes pa ni bde ba chen po'i 'khor lo dang/ longs spyod kyi 'khor lo dang/ chos kyi 'khor lo dang/ sprul pa'i 'khor lo la sogs pa'am/ sangs rgyas spyan la sogs pa'i 'byung ba bzhi'i lha mo la sogs par bshad do/ /thos pa ni bdag rang gis thos pa ste/ gcig nas gcig tu rgyud pa lta bu ma yin pa'o/ /dus gcig na zhes bya ba ni sprul pa'i 'khor lo mdza' rdo rje sems dpa' i gnas su thams cad de nga gcig pa la ni shin du'i dus zhes bya'o/ /bcom ldan 'das zhes pa ni 'khor lo bzhi la sogs pa'i bdud bcom pa ste brlag pa la sogs pa'i dga' ba drug gi ye shes yon tan dang ldan pa'i ngo bo'o/ /de bzhin gshegs pa ni sngar gshegs pa ltar rtsa rnams rnam par dag nas gshegs pas lha dang lha mo ru gnas pa'o/ /thams cad ni rtsa la sogs pa'i sngar gyi rnam pa ma lus pa'o/ /sku dang gsung dang thugs ni bde ba chen po'i 'khor la sogs pa gsum ste/ rigs gsum gyi 'khor lo'o/ /rdo rje ni sprul pa'i 'khor lo lte ba'i snying ga'o/ /dpa' bo zhes pa ni bde ba chen po'i 'khor lo'i g.yas kyi rtsa bcu drug gam yang ni thabs kyi rtsa rnams so/ /dpa' mo rnams ni bde chen gyi g.yon gyi rtsa rnams dang/ longs spyod
- 173b
'khor lo'i rnam par dag pa'am/ yang na g.yon gyi shes rab kyi rtsa rnams so/ /rnam par bskor ba ni de rnams thams cad kyis bskor ba mkha' 'gro ma la sogs pa'o/ /btsun mo ni bud med de las kyi phyag rgya la sogs pa'i shes rab ma'o/ /de'i gnas na dus rtag tu bzhugs so/ /yang na dpa' bo la sogs pa rnams ni byang chub kyi sems khu ba dang bde ba'i dbye bas shes par bya'o/ /der dpal nam mkha' i dri med dang zhes bya ba nas nam mkha' i zhal zhes bya ba'i bar gyis ni dpa' bo bcu drug gi mtshan bstan nas/ yang ni dpa' mo'i dbang phyug ma lA ma zhes bya ba nas yu mo zhes bya ba'i bar dang/ yang ni ma ra ta'i zhes bya ba nas 'dod gzungs ma'o zhes pa'i bar gyis dpa' mo rnams kyi mtshan bstan to/ /de lta bu'i rab zhal la sogs pa zhes pa ni sku mdog la sogs pa'i dbyibs dang kha dog bstan pa ste/ 'og nas ston pas 'dir ma bstan no/ /ma mo'i btsun mo bye ba phrag bdun cu rtsa gnyis zhes pa yang sngar bshad pa bzhin shes par bya'o/ /dbus su zhes pa ni 'khor lo de rnams thams cad kyi dbus su'o/ /legs dgyes chen mo'i sbyor ba zhes pa ni shes rab dang thabs gnyis su sbyor ba'i rol pa las byung ba'i bde pa'o/ /bcom ldan 'das kyis zhes pa ni nyid kyis sdud pa po bas nas gsungs pa'o/ / ci'i phyir zhe na dpal ye shes thig le'i don lha'i dbang phyug gis ma rtogs pas bos nas gsungs pa yin no/ /'di skad bdag gis thos pa'i dus gcig na zhes bya ba la sogs pa'i don lha'i dbang phyug gis khong du ma chung pa de chub? cing rtogs par bya ba'i phyir/ /byang chub sems dpa' sems dpa' chen po lha'i dbang phyug la bos te/ kye zhes bya ba nas lha'i dbang phyug de kho na la sogs pa gsum du bye nas gsungs te/ de yang byang chub ni rnam par mi rtog pa'i ye shes so/ /
- 174a
de la sems rtse gcig tu bsam pa ni sems dpa' o/ /de bdag nyid lhun gyis grub nas sems can gyi don byed pa ni yang sems dpa' o/ /chen po ni sems can gyi don spyod nus pa'o/ /de yang 'di skad du/ gzung 'dzin spangs pa'i ye shes gang/ /'di ni byang chub sems dpa' ste/ /phyag na rdo rje la sogs pa'i/ /de ni sems dpa' chen po yin zhes so/ /de ltar lha'i dbang phyug kyang yin no/ /de skad gsungs pa'i bcom ldan 'das la zhes pa ni ston pa nyid dpal ye shes thig le'o/ /lha'i dbang phyug ces pa ni mtshan yin te/ lha thams cad kyi mnga' bdag bcom ldan 'das dang mtshungs pa'o/ /'khor thams cad ces pa ni bye brag bdun cu rtsa gnyis la sogs pa'i mkha' 'gro'o/ /lhan cig tu zhes pa ni lha'i dbang phyug dang 'khor thams cad dus gcig tu bskor ba bya ba dang de'i rjes su phyag 'tshal ba la sogs pa byas pa'o/ /yang na bcom ldan 'das ni bde ba chen po'i byang chub kyi sems so/ /lha'i dbang phyug la sogs pa ni rtsa bye ba phrag bdun cu rtsa gnyis la sogs pa'i 'khor gyis bskor ba'o/ /lan gsum zhes pa ni longs spyod kyi 'khor lo lan gsum du g.yas phyogs su bskor ba'o/ /bcom ldan 'das kyi zhabs la mgo bos phyag 'tshal zhes pa ni bde chen 'khor lo'i byang chub sems rdo rje zhabs kyi gdan/ rin po che'i phro brang na gnas tsam na 'khor thams cad kyis phyag byas pa'o/ /de yang lung las ye shes zab mo rang gis rtogs/ /rdo rje de ni rin chen dbus/ /rnam rtog med pa'i bde chen mdza' / /gsal zhing rtogs pa phyag yin no/ zhes gsungs so/ /slob dpon chen po klu grub kyis mdzad pa'i rim pa lnga pa las kyang/ rang gis rang gi ye shes ni/ /legs mthar gang
- 174b
yin 'di phyag yin/ /slob dpon shAkya bshes gnyen gyis gsungs so/ /de ni bcom ldan 'das rdo rje gdan la bzhugs tsam na phyag 'tshal bar don gyis shes par bya'o/ /sa la lta ba ni lan glan pas mi thebs pa'i phyir sa la lta zhing gnas pa'o/ / cang mi smra bar zhes pa ni don dam pa'i rang bzhin dga' ba la brjod pa la sogs pa'i chos thams cad las 'das pa'i phyir mi smra bar 'dug pa'o/ /de'i dus na zhes bya ba la sogs pa ni phyag 'tshal ba'i dus so/ /nam mkha' la ni bar snang stong pa la zhes pa bshad do/ /mand+ha? ra ba zhes bya ba ni me tog sna tshogs dang rin po che la sogs pa mang po sprul pa'i mchad pa'o/ /yang na nam mkha' ni bde ba chen po'i 'khor la sogs pa'i rtsa ba'i mkha' o/ /mand+ha ra ba dang mand+ha ra ba chen po zhes pa la sogs pa ni rtsa'i mkha' stong pa'i gnas na rlung bcu la sogs pa'i rim pa bzhin sbyar ro/ /dri chen po me tog dang ldan zhes pa ni byang chub kyi sems bde ba'i dri dang rlung de rnams ldan nas nam mkha' nas 'bab pa'o/ /de yang zhabs kyi rtsa bar bab po zhes te/ bcom ldan 'das kyi zhabs zhes go bar bya'o/ /yang bcom ldan 'das kyis bos te/ zhes pa la sogs pa ni sngar lan med pas de la ya mtshan skyes nas phyi nas yang bskyar nas lha'i dbang phyug la pos pa'o/ /lha'i dbang phyug gis gsol pa zhes pa ni bcom ldan 'das la gsol pa'o/ /de yang 'di skad bstan to/ /bcom ldan 'das de kho na nyid gsum zhes pa la sogs pa ni mtshan ma 'am dngos po la sogs pa'i brjod pa yod dam ci zhes so/ /de la bdag ya mtshan du gyur to// zhes pa ni mtshan ma dang dngos po la sogs pa med pa la ni mtshan la sogs pa'i dngos bor gsungs pa la ni ya mtshan skyes pa'o/ /e ma'o ngo mtshar rmad du byung ba'o/ /dpa' bo ni gdug pa thams cad la sogs pa 'joms pa'i bdag nyid
- 175a
do zhes pa'o/ /chen po zhes pa ni sems can gyi don mdzad pa dang sangs rgyas kyi che ba'i yon tan gyis brgyan pa la bya'o/ /lha'i dbang phyug ni sngar gyis don de rnams ldan pa mtshan nas bcom ldan 'das kyis bos pa'o/ /mchog gi rdo rje 'dzin pas zhes pa ni de bzhin gshegs pa'i snying po mchog tu gyur pa dbyer mi phyed pa'i sku rdo rje de'i dang ma g.yengs par 'dzin pas ni byed pa por brjod do/ /'di gsungs so zhes pa ni 'og na mar 'byung ba 'di'i zhes bshad do/ /de yang 'di skad du bstan te/ de kho na nyid gsum zhes pa ni e dang po dang mA dang gsum zhes par dgongs so/ /bdag nyid kyi zhes pa la sogs pa nas tshad ces pa'i bar ni med dam ci zhes pa ni ya la sogs par bshad do/ /de yang 'di skad zhes pa nas bcom ldan 'das zhes pa'i bar gyis shes par bya'o/ /'o na de bzhin gshegs pa la sogs pa mi gsung ba ci'i phyir zhe na/ de bzhin gshegs pa la sogs pa'i 'khor rnams ni der 'dus pa dang/ de kho na la sogs pa'i don rtogs pas thams cad rtogs par 'gyur ro/ /de ltar yang ni byang chub sems dpa' lha'i dbang phyug khyod bden de bya'o/ /chos thams cad ni 'dus byas dang 'dus ma byas kyi chos te phyi nang gis bsdus pa'i tshes so/ /kyi zhes pa ni zlas dbang? pa'o/ /ngo bo stong pa nyid kyi zhes pa ni 'dus byas la sogs pa'i chos ni ngo bo nyid kyis stong pa don pa'i bden pa'o/ /'di ga las shes pa ni tha snyad dang bral ba'i don ni brjod pa dang rtogs zhes shes su mi rung ste de bas nag las shes zhes mig yor tsam gyi rgyu rten ni kun rdzob kyi bden pa sgyu ma 'am mig yor tsam du snang ba la brten nas shes par bya'o/ /chos thams cad ces pa sngar gyi chos te/ rten dang rten can no/ /ji ltar zhes pa ni mthun pa'i dpe yis don shes par ston no/ /gla rtsi la brten nas dri
- 175b
la gla rtsi dngos po med na dri rnyed par ji ltar 'gyur zhes gsungs te/ de ni dpe gla rtsi dngos po sra pa la ma brten par dngos po med pa'i dri stong pa mi rnyed do zhes so/ /de bzhin du kun rdzob sgyu ma tsam gyi bden pa la ma brten par don dam pa'i bden pa mi rnyed ngo zhes pa'i don to/ /de yang lung las bskyed pa'i sku la brten nas ni/ /tha mal pa yi bag chags sbyod/ /de yang bdag gi de nyid de/ /bdag zhes pa ni bde chen sku/ zhes gsungs so/ /de bzhin du zhes pa ni gla rtsi la sogs pa bzhin du kun rdzob la brten dgos par bstan to/ /rang gi ngo bos dang tshad kyis dang rnam pa'i zhes pa ni kun rdzob kyi byang chub sems la ma brten par ni don dam pa'i byang chub sems mi rnyed ces so/ /dper na chu med par nya 'tshol ba bzhin no/ /de kho na nyid gsum ni sku rdo rje dang gsung rdo rje dang thugs rdo rje gsum mo/ /bdag nyid ces pa gsum po'i don ma nor bar rtogs pa'o/ /zla ba bde mchog ces pa ni sngar thos pa bshad pa de phung po lnga dang skye mched dang khams la sogs pa'i rang bzhin sangs rgyas la sogs par shes par bya'o/ /phyag rgya chen po'i sku zhes pa ni ye shes sems dpa' i rang bzhin bdag la rang chas su gnas pa'i rdo rje snying po'i ngo bo'i yin no/ /yang na de kho na nyid gsum ni rlung gi 'khor lo dang/ me'i dang/ sprul pa'i 'khor lo dang gsum mo/ /zla ba bde mchog ni longs spyod 'khor lo'o/ /phyag rgya chen po ni bde ba chen po'i 'khor lo ste/ chos kyi 'khor lo la ni spyi thams cad la sbyar ro/ /yang de kho na nyid ces pa la sogs pa ni char yang la sogs par bstan te/ de rnams la brten nas don dam rnyed par 'gyur ro/ /stong pas ni de ltar ma yin no/ /de yang rgyu byed pa dang/ 'byung ba dang/ brten pa dang gnas pas ni dga' ba la sogs pa'i don 'byung ba'o/ /yang na de kho na nyid gsum shes pa la
- 176a
sogs pa ni thabs dang shes rab sbyor ba'i dus su bya gdong gi gnas btsal nas rin po che'i kha la ri bong can thigs pa gcig gis rin chen khar gnas pa dang/ bya gdong la thal ba dang/ gnyis su med pa'i bar na gsal ba'o/ / zhes badzra bo d+hi'i man ngag go /de gsum ni sems dang sems las byung ba dang ma rig par bshad do/ /de bas na zhes pa ni de dang de las byung zhes pa'i don bstan pa'o/ /de yang 'di skad bshad do/ /khyab dang khyab byed bye brag tu/ /gnyis su med pa'i bde ba che zhes gsungs so/ /don dam pa'i byang chub sems dang kun rdzob byang chub sems gnyis las rang bzhin gyi bde ba chen po 'byung bar bstan to/ /thams cad ces pa ni 'jig rten dang 'jig rten las 'das pa'i chos rnams so/ /gnyis su ni so sor gnas pa la dbye bar bshad do/ /med pa'i zhes pa ni gnyis su snang ba'i chos rnams dbyer mi phyed pa'i dang du gcig pa'o/ /dngos po zhes pa ni dbyer mi phyed pa la ni dngos zhes bya'o/ /de yang thabs dang shes rab tha dad pa/ rten dang rten pa'i ngo bo ru/ /de gnyis gcig gi don du mnyam/ /gang gis rtogs pa gnyis med dngos/ /zhes gsungs so/ /gzhan yang dbyer med brtags pa'i dngos grub ni/ phyag rgya chen po'i rang bzhin no/ zhes so/ /de ci'i phyir zhe na/ phyag rgya chen po'i rang bzhin ni mi 'gal te rang bzhin dga' ba la phyag rgya chen po zhes bya'o/ /gzhan ni de lta ma yin no/ /de yang rang bzhin dga' ba ni dga' ba gang gis kyang reg par mi nus so/ /de yang dgyes pa'i rdo rje'i rgyud las/ /gzhan gyi ma reg lhan cig skyes/ /gsum pos spangs pa'i gang rnyed de/ gsum gyi rang bzhin gsum dang bral/ /de la ma rnyed lhan cig skyes/ zhes gsungs so/ /de bas na rang bzhin dga' ba dang phyag rgya chen po tha dad du mi dbye'o/ /drug gi bde ba ni rnam
- 176b
par snang mdzad la sogs pa'i rigs drug shes rab dang bcas pa'o/ /ye shes mchog ni yab yum gnyis sbyor ba las byung ba'i gnyis su med pa'i ye shes so/ /bde ba sku ni gnyis las byung/ zhes pa ni kun rdzob dang don dam pa'i sku thabs dang shes rab gnyis thabs las yang dag pa'i ye shes 'byung ba'o/ /'khor lo yi ni drug dbus bzhugs/ /zhes pa ni dkyil 'khor chen po drug gi bdag po rdo rje sems dpa' byed pa'o/ /de kho na nyid gsum zhes pa la sogs pa ni sku rdo rje la sogs pa'i rigs gsum du bshad do/ /yang na 'khor lo drug pa pad+ma'i kha stong pa'i nang byang chub kyi sems kyis brgyan pa la sogs pa la ni drug gi bde ba ye shes mchog ces pa la sogs pa'i don sbyor ro/ /yang na drug ces bya ba nas rgyu ru grags zhes bya ba'i bar gyis ni char yang dang/ thig le dang/ tshul dang/ tshul tsam dang/ mchog dang/ gzhan mchog rnams la bde ba'i ye shes re re sbyar ba la ni de skad ces bya'o/ /gnyis su med pa'i 'bras bu'o/ /gnyis po ni rgyu yin pas rgyu ru grags zhes bstan to/ /lus rten srog gi dbyug pa la/ /sbyor ba drug gi ye shes bzhugs/ zhes bya ba la sogs pa ni sngar gyi char yang la sogs pa'i sbyor ba drug ye shes dang bcas pa'i gnas srog gi dbyug pa'o/ /yang na lus ni kun rdzob kyi byang chub sems so/ /rten ni don dam byang chub kyi sems so/ /srog gi dbyug pa ni srog rlung dang ldan pa'i byang chub sems dang rtsol ba'i rlung la sogs pa'o/ /sbyor ba drug gis ye shes bzhugs shes pa la sogs pa ni don dam pa dang kun rdzob las ye shes kyi rim par sbyor te/ de yang srog la sogs pa'i rlung 'gags pas steng dang 'og tu dga' ba'i ye shes sbyor ba ni bcu drug dang drug dang bzhi la sogs pa'o/ /de yang slar gsum rdzogs pa gsum po de la rang
- 177a
bzhin gsum rdzogs pa'o/ /'khor lo drug gi lte ba'i gnas zhes pa ni bde ba chen po'i 'khor lo la sogs pa drug gi lte ba ni srog gi dbyug pa'i ngo bo'o/ /de'i nang la dbus zhes bya'o/ /phra mo lus ldan rab ni drug /ces pa'i rtsa mdud pa drug sta/ las dang po pas mi rtogs pas phra la/ yang dang yang du goms pas rtogs pa de ni lha'i ngo bor shes la don du yang snang ba'o/ /rtsa de drug gi lus ni byang chub sems dang ldan pa'o/ /thigs pa dang bcas te rnal 'byor zhes pa ni ye shes kyi dngos po'i thig le la ni de skad ces bya'o/ /ji lta zhe na/ yungs kar la mar gyis khyab pa bzhin no/ /de yang rtsa dang thig le dang rlung la sogs pa de rnams la ni byang chub kyi sems kyi rang bzhin de dga' ba'i rim par sbyar ra/ /srog gi dbyug pa ni nang du'o/ /zhes pa ni srog gi rtsa'i nang na de rnams gnas bde bar bzhugs kyi phyi'i 'dab ma la sogs pa'i nang du ni ma yin no/ /bde chen 'khor lo'i lte ba la ni bde ba'i gnas na bcom ldan 'das chu zla ltar kun rdzob tu bzhugs pas so/ /yal ga dang ku mu ta la sogs pa la bzhugs pa ma yin te rtsa'i lte ba kho na'o/ /zla mo tshe ldan pa ste zhes pa ni rtsa dang thig le dang/ srog rlung la sogs pa ldan pa'i ye shes so/ /de ni zhes pa'i de dag rnams kyi don ston te/ de yang srog yang dag pa'i dbang phyug sbyin par mdzad pa ni chos thams cad kyi rtsa ba'o/ /zur gsum ni dbyibs de lta bu'i dngos por gnas nas tshangs bug tu gnas pa la rnam pa'i tshul zhes pa'o/ /longs spyod rdzogs pa'i ste ba'i zhes pa ni mtshan bzang po sum cu rtsa gnyis la sogs pa'i yon tan thams cad rdzogs pa'i pad+ma'i lte ba der gnas pa'i bdag nyid do/ /lce ma ni rtsa'i ming du btags pa'o/ /de ni bde ba ni thig ler bcas pa'i gyen du rgyu ba la sogs
- 177b
pa'i rlung dang ldan pa'o/ /rigs kyi me tog dang 'dra ba zhes pa ni rtsa'i mdud pa'i dbyibs te bu mo lang tsho sar pa'i nu ma'i dbyibs bzhin na/ /de bzhin du chos kyi 'khor lo la sogs pa'i 'khor lo gzhan dang rtsa dang thig le dang rlung la sogs la yang bla ma rje btsun chen po'i zhal las shes par bya'o/ /rtog med mas ni 'khyud yin phyir/ zhes pa ni bcom ldan 'das ma phyag rgya chen pos bcom ldan 'das la gnyis su med pa'i dbyer mi phyed par rol pa las byung ba'i byang chub kyi sems so/ /de'i tshe tshangs pa'i dbyug pa yin na ni gzugs kyi sku gnyis las chos kyi sku rang bzhin dga' ba'i ye shes su gyur pa de'i tshe na zhes bya ba la sogs pa'o/ /yang na rtog med mas zhes pa la sogs pa ni so sho mna' yis rtsa gsum la 'khyud pa'i rang bzhin du bzhugs pa la bya'o/ /yang na rtog med ma ni ye shes bde ba'i rang bzhin no/ /'khyud pa ni thig le'i dngos po la ni yang dag pa des khyab nas dbyer mi byed par 'khyud pa'o/ /de'i tshe ci kun rdzob dang don dam pa'i dngos po mchog gi dga' ba dang chad pa'i dga' ba gnyis kyi bye bral pa'o/ /tshangs pa zhes gsungs te rang bzhin dga' bde'i tshe nyon mongs pa'i rtog pa la sogs pa kun 'joms pa'i tshangs pa'i dbyug pa'i zhes bshad do/ /de'i dus ni bdag gis bshad/ ces pa ni sngar gyis dus 'di nas mar shar ba dang nub pa la sogs pa bshad par dam bca' o/ /shar ba dang ni nub gnyis so/ /zhes pa ni rlag pa dang longs spyod la sogs pa'i dus ni thabs dang shes rab gnyis kyi bsdu? bar bya'o/ /gang zhig tshangs pa'i dbyug pa zhes pa ni sngar bshad pas 'di bla ma? bstan no/ /mdud pa zhes pa ni pad+ma'i mdud pa la sogs pa ste/ de bzhin gshegs pa'i gnas pad+ma'o/ /sum cu rtsa gnyis yod pa zhes pa ni pad+ma nas ? ?
- 178a
bstan pa'o/ /de la lte ba'i 'og tu 'pho ba bcu drug /ces pa la sogs pa ni dkyil 'khor gyi lte ba'i dbus nas sgo yan chad du bcu drug pa gnyis kyi gnas na dpa' bo dang dpa' mo rnams kyis bskor ba ni 'phar ma gnyis la 'pho ba zhes bya'o/ /yang na shar ba zhes pa ni longs spyod kyi 'khor lor nyi ma shar ba'o/ /nub pa ni bde ba chen po'i 'khor lor nyi ma nub pa'o/ /mdud pa la sogs pa ni go sla'o/ /yang na shar ba dang ni nub gnyis so/ /zhes pa la sogs pa ni mchog gi dga' ba'i pho brang du byang chub sems kyi thig le gnas tsam na shar zhes bya'o/ /de las 'phos pas chad pa ste/ nub pa'i dngos po ste de yang 'di skad ston to/ /thabs kyi nor bu'i kha na byang chub kyis sems gnas pa'i thigs pa gcig ni longs spyod pa'o/ /shes rab kyi sangs rgyas rin po che'i khar thal ba ni rlag pa'o/ /slar la bkug pas ni gnyis ka ye shes bde ba chen po'i ngo bor gyur pa de kho na gnyis su med pa'i dbang ngo/ /gang gis tshangs pa'i dbyug pa zhes pa ni rin po che dang sangs rgyas kyi snod gnyen? bde ba'i ye shes kyis rgyas pa'o/ /mdud pa ni 'dus byas dang 'dus ma byas kyi chos thams cad kyi mdud pa'o/ /sum cu rtsa gnyis yod pa ni char yang bcu drug dang/ dga' ba bcu drug gnas pa'o/ de la lte ba'i 'og tu 'pho ba bcu drug ni sder bstan pa de thabs kyi lte ba'i 'og nas ni shes rab kyi lte bar tho ba'o/ /steng gi 'pho ba bcu drug ni zhes pa ni slar la thabs kyi gnas su 'pho'i byang chub kyi sems thig le dang dga' ba la sogs pa dang bcas pa de ji srid gnas kyi bar du ni dus zhes bya'o/ /de yang 'di skad bshad de/ byang chub kyi sems dang rlung gnyis phrad pa'i phyir ro/ zhes pa ni thur du 'byung ba'i rlung gnyis dang bcas pa phrad pas ni srog gi rlung de yang dag dri rtse? spros
- 178b
bral 'od rab rang bzhin dga' bar gyur to/ /de lta bu'i don dam pa'i rang bzhin la ni 'pho ba ste steng 'og gcig pu'i zhes gsungs so/ /steng dang 'og la sogs pa'i 'pho ba ni de gcig pu kho na zhes pa'i don to/ /snang ba'i sbyar ba'i zhes pa ni de rnams la de sbyor ba'o/ /ci'i phyir de la de sbyor zhe na/ thabs dang shes rab ces pa la sogs pas bstan te/ don dam pa'i shes rab skye ba med pa la kun rdzob sgyu ma'i thabs khyad par can gyis sbyor ba las mchog gi ye shes dang/ chad pa'i rang bzhin gnyis su med pa'i sbyor ba zhes bshad do/ /rtsa sum cu rtsa gnyis ni go sla bas 'dis ma bshad do/ /sku dang zhes pa la sogs pa ni rnam par snang mdzad la sogs pa'i rigs gsum 'khor lo dang sbyar ro/ /gcig pu rtog med ma zhes pa ni sprul pa'i 'khor lo'o/ /yang srog gi dbyug pa ni sku'o/ /las? nA ni gsung ngo/ /ra sa nA ni thugs so/ /gcig pu rtog med ma ni sku gsung thugs gsum dang bral ba a ba d+hU tI'i rang bzhin dga' ba zhes bya'o/ /so sho mna' tshangs pa'i dbyug pa 'khyud nas zhes pa ni thog? gi rtsa byang chub kyi sems kyis gang nas gnas tsam na tshangs pa la sogs pa'o/ /mi gnas tsam na ni de lta ma yin te srog gi dbyug pa'o/ /bde ba chen po'i gtsug tor nas zhes pa ni spyi bo gtsug gi 'khor lo bde chen gyi thugs gnas so// bde ba chen po'i gtsug tor nor bu'i kha rlung gi 'khor la yan chad ces pa ni bde ba chen pos steng gi mdza' mtshon pa'o/ /rlung gis 'og gi mdza' mtshon pa ni gzung ba'i par yang don gyis shes par bya ba yin no/ /ji ltar tsan dan gorshi? shing pa sprul chen mo yod pa'o/ /zhes pa ni tsan dan la ni shing yang yod la dri yang yod de de gnyis dbyer mi phyed pa'i tshul du yod pa ni sprul gyis shing la 'khyud pa ji lta ba bzhin no/ /de bzhin du byang chub kyi sems khu ba dang bde ba gnyis kyang bye brag tu mi phyed
- 179a
par 'pho ba'i dus so bde ba'i ngo bo ro gcig par yod pa ni rang bzhin gyis ye shes zhes bshad pa'o/ /tshangs pa ni yang dag pa'i ye shes kyis nyon mongs pa la sogs pa tshangs par byed pa'o/ /dbyug pa'i snying po ni yang dag pa'i ye shes de rtsa'i dbyug pa'i dbus na dam pa dang kun dzobs gnyis dang ldan nas snying po bzhugs so/ /dang po zhes pa ni rtsa'i mdud pa dang tshes grangs la sogs pa bcu drug gi dang po'o/ /zur gsum gyi rnam pa'i zhes pa ni rtsa'i dbyibs zur gsum pa tshangs pa'i bu ga na pad+ma'i dngos por yod pa'o/ /de yang shes rab ma'i dngos po'i longs spyod rnams kyis dang po'i dga' bar bshad do/ /'dod pa 'dar ba zhes bya ba nas rang bzhin dga' ba zhes bya ba'i bar gyis gnyis pa mchog gi dga' bar bshad do/ /lte ba'i srog gi rlung zhes bya ba nas gsal ba zhes bya ba'i bar gyis gsum pa chad pa'i dga' ba bstan to/ /'od kyi zhes bya ba nas thog gi zhes bya ba'i bar gyis bzhi pa rang bzhin dga' ba'i rnam grangs bstan to/ /yang na shes rab ma'i ste ba la sogs pa bzhis dga' ba'i don bstan to/ /'dod pa'i dga' ba la sogs pa bzhis mchog gi dga' ba bstan to/ /srog dang zhes pa la sogs pa bzhis chad pa'i dga' ba'i don bstan to/ /'od dang bya ba la sogs pa bzhis rang bzhin dga' ba'i don bsten to/ /de ltar dbye bas drug cu rtsa bzhir dbye bar byas pas ni sprul pa'i thams cad dga' ba zhes so yang 'dod ces bya ba la sogs pas dga' ba'i rnam grams so/ /rgyas pa zhes bya ba la sogs pa ni mcho gi dga' ba'i rnam grangs so/ /'bar ba zhes pa la sogs pa ni tshad pa'i dga' ba'i rnam grangs so/ /u ta zhes pa la sogs pa bzhin ni rang bzhin dga' ba'i ming gis rnam grangs te/ de rnams 'dod pa zhes bya ba'i dga' ba'i dga' ba dang/ 'dar
- 179b
ba zhes bya ba'i mchog dga' ba dang/ 'gro ba zhes bya ba'i chad dga' dang dga' ba zhes bya ba'i dga' ba yang dga' ba'o/ /gzhan rnams kyang de ltar shes par bya'o/ /de ltar bzhir dbye ba dang rnam grangs kyi dbye bas bcu drug tu yang dbye ba'o/ / dbyu gu drug cu rtsa bzhi dang/ chu tshod sum cu rtsa gnyis dang/ 'pho ba bcu drug dang thun tshod brgyad dang/ skad cig ma bzhi la sogs pa'i yang dag pa yang 'di rnams su bshad do/ /de ltar bsdus bstan nas/ 'di nas mar phye nas bshad do/ /zur gsum la sogs pa gsungs te/ sngar bstan pas zur gsum 'dir ma bshad do/ /shes rab ma'i zhes pa ni sbyor thabs rnam pa sna tshogs su bstan to/ /lta bas ni de rnams la dga' ba skye bas rgyu yin pa'o/ /'dod pa zhes pa ni zhes rab ma la 'dod pa ste dga' ba'o/ /srog gi rlung ni byang chub kyi sems dang ldan pa'i rlung du bshad do/ /zla ba stongs kyi zhes pa ni mar do la sogs pa dang bral ba ni chos dang po'i zla ba tshes gcig pa'o/ /de yang zla ba dang mtshungs pa'i ye shes chu tshod gcig gi rang du ni ye shes de ni bar de tsam du gnas pa'i bar ro/ /byang chub kyi sems zhes pa ni kun rdzob dang don dam par khu ba der 'brel pa ste/ de yang 'dod ces pa'i thig le phye nas bde ba'i thig le rtogs pa la sogs pa'i dri ma thams cad dang bral ba ni ba kun gyi 'bras bu'o/ /shar ba zhes pa ni mchog gi dga' ba'o/ /nub pa ni chad pa ste mun pa lta bu'o/ /de ni spang ba'o/ /'pho ba ni mchog gi dga' ba'i gnas la sogs pa ni longs mi spyod par rlag pa'o/ /dus zhes pa ni 'das pa'i dus sgra? ma yin/ ma 'ongs pa'i dus kyang ma yin/ da ltar zhes kyang dmigs su med pa'i dus te/ de lta bu'i dus su me tog dang 'bras bu la sogs pa rgyas pa'i dus so/ /de yang rlung phyir rgyu ba dang/ nad du rgyu ba med pa'o/ /de rgyud las shin tu ? ?
- 180a
yin no/ /shin tu min pa dus gnyis te/ sna'i bug gnyis ka yi'o/ /gnyis ka min pa de nyid ni/ zhes pa la sogs pa gsungs so/ /pad+ma'i 'bras bu'i 'dod pa ni rtsa'i dbyibs pad+ma'i 'bras bu 'dra ba yod pa de 'dod pa ni rnam pa sna tshogs pa la sogs pa'i sbyor thabs dang/ dga' ba skye ba'i rgyu'o/ /da yang las kyi phyag rgya la sogs pa la brten pa la 'byung ngo/ /las 'dar zhes pa ni de las byung nas 'dar ba'i dga' ba la sogs pa'i shes rab mas rgyu byas nas 'byung ba dang brtan pa 'dar bar byas pa'o/ /nyer? zhes bya ba'i rlung dang ldan nas/ stobs zhes bya ba'i thig ler gnas pas 'bras bu smin no/ /drag po'i mig ni rtsa'i dbyibs ru rak+Sha bzhin gnas pa la bya'o/ /de ni drag po'i mig mtshan pa'o/ /'gro ba zhes pa ni byang chub kyi sems mi gnas pa ste/ dga' ba'i rnam grangs so/ /mnyam pa zhes pa ni me dad mnyam pa'i rlung gi ming ngo/ /ldan zhes pa ni dga' ba dang rlung du ldan pa ste/ byang chub kyi sems la sogs pa thams cad ldan no/ /sprin? zhes pa ni bde ba'i thig le'i mtshan gyi rnam grangs de'i dus su thams cad dang ldan no/ /rigs kyi me tog ces pa la sogs pa ni bla ma las rtog par 'gyur ro/ /thog ni sngags? 'jigs byed pa ste/ zhes pa ni thog bab pas ma brgyad kyang bred pa bzhin rang bzhin dga' ba spros pa thams cad dang bral ba dga' ba thams cad kyi thog tu gyur pa dang/ gzhan yang thog ces pa rang bzhin dga' ba'i rnam grangs su brtags pa des chad pa'i dga' ba la sogs pa rnams 'jigs shing bred? par byed pa'o/ / 'o na rang bzhin dga' ba de ji lta bu zhe na/ dga' ba kun dang mi mnyam pa dngos po med pa yin no/ /rgyud phyi ma'i phyi ma las kyang gsungs te/ rang bzhin dga' ba dngos po min/ dngos po ma yin pa yang min/ /srid dang mya ngan 'das pa yin?/ char yang
- 180b
thig le tshul ma yin/ zhes pa la sogs pa'o/ /snying po'i rgyud las kyang /rlag dang longs spyod la sogs bral/ dga' ba rnams kyis brjod mi nus/ /thig le la sogs 'joms pa'i lha/ /de nyid rang bzhin ye shes so/ /de bas na mtshan mar snang ba'i ye shes thams cad dang thun mong ma yin no/ /de la nus pa bcu drag yin zhes pa ni byang chub kyi sems mi gsal ba la ni bcu drug yin bya'o/ /shar dang nub pa gang la lar zhes pa ni longs spyod dang rlag pa la sogs pa ni rang bzhin dga' ba zhes ni bya'o/ /de'i phyir gang bzhin dga' bo yod min zhes gsungs te/ rang bzhin gda' ba la ni shar dang nub pa'i dngos po longs spyod la sogs pa'i mtshan ma'i ye shes med pa'o/ /yon po'i gdong bu zhes pa ni la lan g.yon phyogs na lu gu brgyad bzhin gnas pa'o/ /rtsa ba'i lte ba zhes pa la sogs pa ni srog ma'i lte ba'i mdud pa re rer byang chub kyi sems thigs pa re re la dga' ba dang char yang tshul la sogs pa 'pho ba dang kye ba dang gnas pa'i che shar dang nub dang dus la sogs par sgyur re/ /de lta'i bde chen snang? ni zhes bya ba ni sngar bstan pa'i bde ba chen po'i rang bzhin kun rdzob tu dbye ba la ni rnam pa zhes bya'o/ /'pho ba ru ni bdag gis bshad/ ces pa ni 'pho ba bcu drug tu sngar bdag gis bshad de/ /ston pas bshad zin pa'o/ /de ltar bshad nas bsdus pa 'di nas mar phye nas bstan to/ /dngos dang rten dang rnam par 'byer ces pa la sogs par dngos ni las kyi phyag rgya'i lta ba la sogs pa'i sbyod thabs sum cu rtsa gnyis te/ dga' ba dang sprul pa'i 'khor lo la sogs pa'o/ /yang na dngos po ni dam tshig gi phyag rgyas byang chub kyi sems rtsa de rnams mdud par brten pa dang mchog gi dga' ba dang chos kyi 'khor lo la sogs pa'o/ /yang rten gyi ye shes kyi phyag rgyas ring ba bde bla'i
- 181a
rten byang chub kyi sems thig le la brten par rtogs ba'o/ /ye shes ni ye shes kyi phyag rgya rang gis rig cing rtogs pa ste/ yang dag pa'i byang chub kyi sems dang kun rdzob byang chub kyi sems gnyis las byung bar rig pa 'am chad ba'i dga' ba dang longs spyod 'khor lo la sogs pa'o/ /yang na ye shes ni chos kyi rang bzhin gyi phyag rgyas rig pa'i byang chub kyi sems su shes pa'o/ /rnam par 'byed pa zhes pa ni chos kyi rang bzhin gyi phyag rgyas bde ba chen po'i rang bzhin rig ba dang bral bar phye nas rtog pa 'am/ /rang bzhin dga' ba dang/ bde chen 'khor lo la sogs pa'o/ /yang na rnam par 'byed pa ni phyag rgya thams cad dang bral ba byang chub kyi sems kyi rang bzhin phye nas ye shes kyi bzhi dang bcas pa spangs pa'o// de ltar bsdus pa phye ba bstan nas rgyas pa'i phye ba bshad par bya'o/ /dngos po ro mnyam lta ba yin/ zhes pa ni thabs dang shes rab srub dang bsrubs pa las ni ye shes kyi ro'i rtags mnyam par 'byung ba'o/ /'dod chags pa ni gzugs dang sgra dang dri dang ro dang reg la sogs pa'i 'dod pa'i yon tan lnga rnams la chags shing zhen pas ni 'khor ba'i 'bras bu thob ste bskyed pa'i rim pa la sogs pa sna tshogs kyis ni yon tan du 'gyur ro/ /des 'bras bu gzugs kyi sku 'byung bas ni tha mal pa'i bag chags dag par byed do/ /'dus pa reg bya byed pa'i zhes pa ni thabs dang shes rab 'dus pas reg bya'i bde ba mnyams su myong ba 'dis rtogs pa la sogs pa dag par byed do/ /dngos ni srid pa med par byed/ /ces pa la sogs pa ni khams gsum gyi bag chags bzang ba dang ngan pa la sogs pa las dang nyon mongs pas skyed pa rnams ni dngos kyis med par byed pa'o/ /gzhan yang sbyor thabs sna tshogs pa'i longs spyod 'o bya ba dang/ sen mo bdab pa dang/ nu ma mnye
- 181b
pa dang/ /'khyud pa la sogs pa'i longs spyod do/ /de ltar bzung ba dang 'dzin pa'i chos thams cad ni dngos kyis bar du gcod par byed do/ /puN+Da rig 'byung ba yis/ zhes pa ni me tog dkar po'i kha dog gi sems dkar pos byang chub kyi sems dkar po'i kha dog dpes mtshon nas/ rtsa'i mdud par 'byung ba'i yin no/ /zur gsum zhes pa la sogs pa ni zur gsum dang pad+ma'i 'bras bu dang drag po'i mig 'dra ba la sogs pa'i mdud pa sum cu rtsa gnyis yod pa'i rten byed pa'o/ /brten pa yin zhes pa ni byang chub kyi sems kyi brten ni rtsa rnams kyis byed pa'o/ /rten ni bsam gtan med pa ste zhes pa la sogs pa ni de la/ sgom pa po med rnal 'byor pa dang sgom rgyu gnyis dang bral ba ste/ de bas chos kyi dbyings spros pa dang bral ba'o// steng rang 'og gi mnyam pa'i rten zhes pa la sogs pa ni byen du rgyu ba'i rlung la sogs pa'i rlung thams cad gcig tu 'dus pa dang/ 'dus pa'i dus nas ye shes tsam du yang rtogs pa'am gnas pa med do/ /bde ba chen po'i bdud rtsi'i rten ni shin tu bde ba'i rang bzhin de ni nyon mongs la sogs pa'i rtsi ru gyur pa'i rten no/ /rigs lnga'i ni mchog gi gzhi ni gzugs kyi phung po la sogs pa lnga'i bzhi ni nam mkha' rdo rje sems dpa' o/ /yang na 'khor lo lnga ni rigs lnga'o/ /de rnams kyi mchog gi gzhi ni bde ba chen po'i 'khor lo yin te rigs drug pa'o/ /de bde ba dkar po bsrubs pa las zhes par bshad do/ /ye shes 'dod pa ltun gyis grub ces pa ni dga' ba thams cad chad pa'i dga' bas bsdu'o/ /'on rang bzhin dga' las kyang bsdu 'am zhe na/ rang bzhin dga' bas ni bsdus kyang mi 'gal te/ chad pa'i dga' ba lam brten par rang bzhin dga' ba mi rnyed do/ /rang bzhin dga' ba ni dga' ba gsum las logs nas med pas kyang mi 'gal lo/ /dper na lus med par yid
- 182a
sems mi rnyed pa ltar chad pa'i dga' ba la ma brten par rang bzhin dga' ba mi thob po/ /de bzhin du ma yin na skyon yod pas 'di skad kyang gsungs te/ dmigs pa la ni brten nas su/ /mi dmigs pa ni rab tu 'tshol zhes pa dang/ dper na me tog dang dri bzhin no zhes pa'i dpe 'di rnams kyis bstan to/ /'dar ba dga' ba mchog gi dga' zhes pa la sogs pa'i mchog gi dga' bde ni rtog pa dang bcas pa'i sgo nas ye shes nyams su myong la/ de ltar myong ba'i don la bde bar gnas tsam na sems rtse gcig tu mi g.yeng? bar gnas pa las rang bzhin dga' ba 'grub ba ma rnyed par 'gyur ro/ /de'i skabs su chags pa la sogs pa'i ye shes thams cad dang bral ba'i don ni rang bzhin dga' ba'o/ /chags pa bcas pa'i chad dga' ston te/ gzhi med pa yi rang bzhin dga' / /gzhi dang bcas pa'i char pa'i dpa' zhes so/ /ye shes nga rgyal med par byed/ /ces pa ni yang dag pa'i mdza' o snyam pa'i nga rgyal spangs pas 'grub po/ /chos thams cad ni rnam par shes zhes pa ni phyis bsdus pa'i chos dang nang gi bsdus pa'i chos ma lus pa shes pa'o/ /ye shes shes bya don grub byed ces pa ni thun mong gi dngos grub dang mchog gi dngos grub la sogs pa kun gyi don grub pa'o/ /rnam par 'byed pa 'od gzugs grags zhes pa ni byang chub sems 'byed pa spros pa thams cad dang bral ba'i 'od rab de ni brjod pas mi phog go /tshul dang sprin dang stobs bdag nyid/ ces pa ni bde ba'i thig le bcu drug gi bdag nyid yin pas na rnam par 'byed ces bya'o/ /dngos po kun tu ni dngos por snang ba thams cad do/ /rnam pa bzhi dang bcas brlag ni de rnams ma lus pa dang/ bag chags dang bcas pa thams cad rlog par zhes pa'i don to/ /skye? dang gnas brdzu 'phrul
- 182b
gyi zhes pa ni skye ba'i cho 'phrul ston pa dang/ 'gag pa dang/ gnas pa la sogs pa yang yon tan no/ /rnam par 'byed pa gti mug gsod/ ces pa ni nyon mongs pa 'joms pa ni de rnams dang bral ba'o/ /rtsa'i snying po thams cad ni zhes pa ni rtsa stong phrag bdun cu rtsa gnyis te/ de rnams kyi snying po 'khor lo byang chub kyi sems dang bcas pa rtsa'o/ /'od 'di yang zad de med par byed do/ /'khor lo sngags dang bya ba la zhes pa ni dkyil 'khor dang 'khor lo dang/ shes rab dang/ snying rje dang las la sogs pa'o/ /'jams byed de ni rnam par 'byed ces pa ni dkyil 'khor la sogs pa sngar bshad pa'i chos thams cad do/ /bcom pa'i phyir zhes pa la sogs pas ni go sla bas ma bshad do/ /sangs rgyas byang chub sems kun la/ zhes pa ni sa bcu gcig gi sangs rgyas la sogs par/ sa bcu man chad kyi byang chub sems dpa' o/ /snying gar rtag tu bzhugs pa'o zhes pa ni rang bzhin dga' ba kun gyi byang chub kyi sems kyi rang bzhin no/ /yang sangs rgyas zhes pa la sogs pa ni phung po lnga la sogs pa'o/ /byang chub sems dpa' kun ni dbang po la sogs pa'i skye mched rnams so/ /snying gar de'i snying ga'i pad+ma'i lte ba la byang chub sems kyi sa bon zla ba ltar kun rdzob kyi dngos por bzhugs so/ /rnam par 'byed pa bsgom pa med ces pa ni chos nyid yang dag pa de nyid cing yang bsgom du med do/ /phung po khams la sogs dang bral/ zhes pa ni phung po lnga dang khams bco brgyad dang skye mched la sogs pa'i 'dus byas thams cad dang bral pa'o/ /sgra la sogs pa'i chos kyis ? zhes pa ni sgra dang tshad ma la sogs pa'i chos kun gyis stong ngo/ /stong dang snying rje'i bdag nyid yin zhes pa ni stong pa shes rab skye ba med pa dang/ snying rje thabs khyad par can gnyis las rang bzhin dga' bar 'byung ngo/ /tshungs
- 183a
pa la sogs pa la tshangs pa ni don yod par grub pa ste/ de ni ye shes yin la ye shes thams cad kyi bdag nyid ni bya ba nan tan yin no/ /'o na ye shes la tshangs pa zhes ci'i phyir bya zhe na/ rtog pa thams cad dag pa gang yin pa de ni tshangs pa zhes bya'o/ /de yang 'di skad du 'byung ste/ dngos po'i bag chags rang bzhin ni/ ma spangs dag pas ye shes 'dod ces so/ /'di skad bstan te/ don dam kun rdzob bden pa gnyis gang du 'dres pa yis/ /byang chub sems kyi thig le khab/ /de tshe tshangs pa ye shes 'dzin zhes gsungs so/ /nam mkha' i dbus na thig le bde/ /byang chub sems kyi dngos 'di yin/ /gcig pu'i bdag nyid dngos po bral/ /de dus tshangs pa'i bdag nyid do/ /zhes pas so/ /des ni tshangs ba don yod grub par bstan to/ /khyab 'jug ces pa ni rin chen 'byung ldan no/ /de bzhin snang ba mdza' yas drag po yin te nges mi mthun pa'i phyogs thams cad bcom nas so sor rtog pa'i ye shes sbyin par mdzad do// dbang phyug ni mi bskyod pa'o/ /rtag tu zhi ba ni rnam par snang mdzad do/ /rlung gi 'khor lo la sogs pa lnga la yang sbyar ro/ /de rnams kun zhes pa ni de 'das ma thag la/ /rnams kun ni rigs lnga po la bya'o /yab yin no zhes pa ni de kho na nyid spros pa bral ba'i ye shes brjod du med pa'i rdo rje sems dpa' i bdag po de la bya'o/ /spros pa dang bral ba'i ye shes ni chos kyi sku bde ba chen po yin na rdo rje sems dpa' gzugs kyi sku yin pas de gnyis mi 'gal lam/ /mi 'gal te rdo rje ni ye shes lnga'i rang gzhin dbyer mi phyed pa'o/ /sems dpa' ni sprul pa la sogs pas sems can gyi don byed pa ste/ de yang rang bzhin dga' ba thams cad dang bral ba las ni rim gyis longs spyod rdzogs pa'i sku mtshan
- 183b
thams cad rdzogs pa de las sprul nas don byed do/ /byed pa de ni mchog rmad byung/ /de nyid ye shes thig le 'dir zhes pa ni rang bzhin dga' ba bde ba'i thig le kun gyi ngo bo bcu drug pa chad pa dang mchog dang mi mnyam mo/ /de bas na mchog rnams grub pa'i mnga' bdag go zhes smos so/ /'byung ba kun gyi nang yod pa/ zhes pa la sogs pa ste/ sa dang chu dang me dang rlung la sogs pa'i 'byung ba'i nad na yod do/ /sku lnga'i zhes pa ni rnam par snang mdzad la sogs pa ste de rnams kyi bdag po yin no/ /mkha' lnga'i bdag nyid skye med do zhes pa ni shes par sla'o/ /nam mkha' lnga yi nang du thim/ zhes pa ni sa dang chu dang me dang rlung dang rnam par shes pa dang lnga'i nang du bsdu'o/ /sangs rgyas kun gyis phyag byed pa ni rnam par snang mdzad la sogs pa sangs rgyas thams cad ma lus pas byed pa yin no/ /de lta'i gsang chen ye shes ni/ ji ltar nor brkus mi rnyed ltar/ /'bad pa yis ni spa bar bya/ zhes pa ni rnam par 'byed par rtog pa dang/ mi mthun pa kun phye nas rang bzhin dga' ba shin tu rnyed par dka' ba de dbang la sogs pas thob par byas la de nas sems la bcang ngo/ /lhan cig skyes pa'i dga' ba'i sgron ma las le'u dang po'i dka' ba bkral ba'o/ /dang po bcom ldan 'das kyis gsungs pa'i don 'dir zhus so/ /lha'i dbang phyug gis gsol ba zhes pa ni sdud pa'i tshig go /kye bcom ldan 'das zhes pa ni snyan las bod pa'o/ /de nyid gsum la sogs pa gsum bo la bzhir phye nas zhus so/ /bcom ldan 'das kyis bka' stsal pa/ zhes pa ni lha'i dbang phyug la sogs pa'i 'khor thams cad kyi nang du gsungs so/ /de nyid gsum ni sku gsung thugs/ /rdo rje gsum ni ye shes mchog/ ces pa ni sku rdo rje rnam par snang mdzad de mchog gi dga'
- 184a
ba dang/ snang ba mdza' yas chad pa'i dga' ba rdo rje gsung/ rdo rje sems dpa' rang bzhin dga' ba'i ye shes rdo rje'o/ /zla ba bde ba mchog gi nang/ /de ni phung po dbang po khams zhes ba ni phung po lnga la sogs pa'i rigs lnga la sogs pa'i de bzhin gshegs pa dang/ dbang po la sogs pa'i byang chub sems dpa' dang/ khams la sogs pa'i lha mo la sogs pa'i dkyil 'khor ro/ /yang na byang chub kyi sems kyi ngo bo'o/ /phyag rgya chen po rdo rje snying po zhes pa ni/ ye shes sems dpa' ste ye nas gnas pa'o/ /yang na bde ba'i ye shes so/ /de yi mdza' ni b+ha gar dran/ /zhes pa ni sangs rgyas bcom ldan 'das nyid do/ /yang na gong ma'i de rnams shes rab kyi b+ha ga la gnas pa'o/ /mdza' dang snang ba rnam par shes/ chu yi zla ba bzhin du mthong/ zhes pa ni dga' ba gsum gyi rang bzhin dga' ba'i rgyu gnyis byas te/ kun rdzob kyi dngos por chad pa'i dga' ba'i gnas na chu'i zla ba bzhin snang la don dam par stong pa kho na'o/ /chos kun rang bzhin dri ma med/ ces pa'i chos ni gzung 'dzin no/ /de'i dag pa dri ma med pa'i dga' ba'o/ /snang ba las ni thams cad 'byung/ zhes pa ni snang ba thob pa la sogs pa las rang bzhin 'byung ngo/ /skye ba dang ni 'gag pa med/ ces pa yang dag dri med 'di chos thams cad kyi ngo bo yis stong ngo/ /yang dag 'od las thams cad 'byung zhes pa ni 'di las chad pa'i dga' ba de las mchog gi dga' ba rim par 'byung ngo/ /de'i phyir chos thams cad kyi bdag nyid/ ces pa ni 'dus byas dang 'dus ma byas kyi chos ma lus pa kun 'dis las 'byung ngo/ /bcom ldan 'das dpal ye shes thig le'o/ /zhes pa ni sku bzhi'i dngos po'i bdag nyid bde ba chen po'i sku bcom ldan 'das so/ /de la dang po rnam pa dang bcas pa'i dkyil
- 184b
'khor 'khor lo'i bskyed pa bsgom pa dang/ zhes pa ni le'u bzhi pa dang bcu pa dang bcu bdun pas rnam pa dang bcas pa'i dkyil 'khor ston to/ /bcu gcig pas dkyil 'khor bskyed pa ston to/ /lnga pa sngags ston to/ /bzlas pa ni bcu gcig pas so/ /sbyin sreg na bcu bzhi pas ston to/ /mchod sbyin ni drug pa dang bcu gcig pas ston to/ /gtor ma ni dgu pa dang bco lnga pas ston to/ /mchod pa ni bdun dang bcu gnyis pas ston to/ /gnas ni gcig pas so/ /dbang bskur ba ni gsum pa dang bcu gsum pas ston to/ /de rnams la ni rim pa de dag bshad do zhes bya'o/ /de yang le'u dgu pa yan chad du ni dngos su'o/ /gzhan ma rnams ni spas pa ste/ 'dir bdag gis bye'o/ /rang bzhin dga' ba'i sgron ma las le'u gnyis pa'i dka' ba dkral ba'o/ /lta'i dbang phyug gis gsol ba zhes bya ba ni zhu ba po'i tshig go /tshangs pa'i zhes pa nas gzhan 'dir ma gsungs zhes bya ba'i bar du sdud pa po phyag na rdo rje yis zhus pa'i don no/ /bcom ldan 'das kyis bka' stsal pa zhes ba ni 'khor dpa' bo dang dpa' mor bcas pa la gsungs so/ /gcig pu rtog med ma so sho mna' zhes smos so/ /de ni gzhan spangs pa'o/ /bye ba phrag bdun cu rtsa gnyis zhes pa la sogs pa ni de thams cad kyi don 'dis byed/ ces bsdus nas gsungs ba'o/ /lha'i dbang phyug gis gsol ba bya ni yang zhus pa'o/ /de ltar yin yang bya ba ni bsdus pa'i don yin mod kyi zhes pas so/ /sum cu rtsa gcig la mtshan dang grangs zhes pa la sogs pa zhu ba'o/ /des ni bde chen 'khor lo rtsa sum cu rtsa gnyis yod pa la a ba d+hU tI ma gtogs pa'i mi re'i sgo nas grangs tsam du zhu ba yin no/ /sum cu rtsa gcig gi rtsa'i ming nyon cig /ces pa ni bde ba 'bab pa'i rtsa'o/ /de yang gsang ba zhes pa la sogs pa'o/
- 185a
gsang ba la sogs pa'i rtsa'i mi nges pa kho na 'am des nyams su myong ba ste/ las dang ngo bo la sogs pa'i sgo nas phye nas 'dogs pa'o/ /de yang dbye na mang pas 'dir bsdus pa'i dbye ba bstan to/ /rtsa'i rnam pa'i dbye ba ni mdor bsdus pa na bcu zhes so/ /byang chub sems kyi thigs pa gsum/ /dang po mkha' la snang ba las/ /i dang pi ga so sho mna'/ /'byung ba de ni rgyu yin no/ /gzhan rnams de las byung ba dang/ /snga ma'i rim las phyi ma 'byung/ /de lta'i dbye ba thams cad ni/ /byed par rgyu du 'dod pa'o/ /rtsa re rnam dag dbye ba yis/ /lha dang lha mo 'khor lor snang/ /dkyil 'khor ma lus rdzogs pa 'di/ /phyi yi 'bras bu dam pa 'phel/ /snga ma rnams ni rgyur 'thad do/ /phyi ma de bzhin 'bras bu yin/ /khyad par can gyis 'bras bu zhes/ /'di ni yin par bdag gis bshad/ /dbyibs dang kha dog mtshan ma rnams/ /so sor gsal ba gang yin pa/ /de ni rang gi ngo bor snang/ /de ltar rtogs pa khyad par yin/ /rtsa yi dra bar 'brel bas na/ /'di ni nges pa'i tshig tu 'dod/ /de yang khyab pa yin ni phyir/ /khyad par 'di ru ba dag gis bstan/ /bde ba chen po'i 'khor lo ni/ /byang chub sems kyis gang ba'o/ /de yang rtsa rnams kun nas 'ba' ?/ /las 'di ? zhes bya pa'o/ /? khrag bshad gci mig rdul bsnabs/ /sen mo sgra spu rus pa rgyus/ /mkha la snying rus pa gla ba dang/ /sgyu ma dri ma chil? dang brnag /a khri ba? nye ma lto bsdu/ /bad kan rdul dang mtshim glang/ /rkang mar khu ba khrag shom?// rnams 'babs par khyad par las/ /mdud pa la sogs rten phyed pa/ /gang zhig shes shing rig pa 'di/ /nges na ye shes nyams myong ste/ /myong ba'i mtshan ma mtshan nyid do/ /de yang ye shes so sor gsal/ /khyad par ?
- 185b
bar bshad/ /mtshan ni rtsa ru btags pa de/ /spyi yi sgo nas bod pa'o/ /de rer btags pa gang yin pa/ /khyad par yin par de brjod do/ /rtsa gsum nas ni spu khung bar/ /'di ni rtsa'i dbye ba'o/ /'khor lo drug dang bzhi dang gcig/ e ta la sogs khyad par dbye/ /srog gi dbyug pa dbus na 'greng/ /kun gyi rten du shes par bya'o/ /gcig la gcig rten kun gyi dang/ /khyad par brten pa so sor gsal/ /dper na shing la sogs pa bzhin/ /yal ga lo ma 'bras bus brgyan/ /de lta bur ni dbye ba 'di/ /don gyis shes par 'bad par bya/ /rtsa rnams med na phung po med/ /phung po med na bde med pas/ /me tog med na dri med ltar/ /de bas 'bras mchog thob mi 'gyur/ /thob par bya ba'i don du ni/ /mdo ru bsdus na bcu pa 'di/ /don 'di ma nor bla ma la/ /yang nas yang du zhu bar bya'o/ /de'i phyir shes par dka' bas 'on kyang bsdus pa'i don gyis gsang ba dang zab pa logs pa'i mtshan ci las btags pa shes par bya'o/ /de ni sum cu rtsa gnyis zhes pa la sogs pa na go sla'o/ /zla ba nyi ma gzas zin pa'i dus su tshigs rgyas pa'o/ /zhes pa ni thabs dang shes rab gnyis ka'i rin po che dang/ sangs rgyas rin chen gyi sdod? gnyis ka bde ba chen pos rgyas pa ste/ tshan ma'i dga' ba dang mchog gi dga' ba'i bar rang bzhin ye shes brtan pa las gzas zin zhes bshad do/ /rtsa'i don bstan nas da dbang gi rim pa ston to/ /de nas zhes pa ni 'brel mtshan pa'i tshig yin/ /dbang gi rim pa bshad de zhes pa ni bum pa dang gsang ba dang/ shes rab ye shes dang bzhi pa'i dbang ala de skad ces bya'o/ /ji lta'i ni go rims zhes pa ni snga ma rgyu phyi ma rnams 'bras bu rim pa ma nor par bya'o/ /da bde bskur mchog ni mnyam pa gang? zhes ? ni rgyud?
- 186a
'bras bu'i rim pas bzhi pa rnyed kyi mngon sum du ni mi rnyed do/ /thams cad du ni phong par 'gyur/ zhes pa ni bzhi pa thob pa'i rnal 'byor pa ni thun mongs dang mchog la sogs pa dang/ ci bsams pa yang 'grub par bshad do/ /des ni dbang gi yon tan dang 'bras bu bstan to/ /yon tan tshul khrims ldan pa'i bu ni snod dang skal bar ldan pa sdom pa dang dam tshig bsrung ba'i slob ma'o/ /bla mas dang por dbang bskur bya zhes pa ni kun gyis mchog tu gyur pa'i bla mas slob bu mtshan thams cad dang ldan pa de la dbang gis rim pa bskur bar bya'o/ /mtshan dang ldan pa can gang la bya/ /bcom ldan 'das kyis ni sems can thams cad la dpri bko ba ma mdzad na/ de lha mod kyi 'on kyang sngon gyi dus su de bzhin gshegs pa la bkur sti rim gro la sogs pa ma byas pa rnams ni tshe 'di dang phyi ma'i dus la sogs par bsod nams zhan pas bcom ldan 'das kyi byin brlabs dang phrad par mi 'gyur ro/ /mi ? pa'i phyir na snod dang mtshan nyid dang mi ldan no/ /de yang 'di skad du gang 'di dge slong dngos gnas dang/ gang zhig rgan por gnas pa dang/ gang yang rtogs la dga' pa'i mi/ /de la de nyid bstan mi bya zhes 'byung ngo/ /gzhan yang su stegs pa dang nyan thos dngos/ /ma nir pas ni dbang mi 'thob/ /zhes pas so/ rgyud 'di las kyang gang gi dra ba zhes pa la sogs pa gsungs so/ /de'i phyir snod mi ldan pa la gsang sngags kyi dbang mi bskur ro/ /mtshan ma sogs pa ni 'gal ba med de/ bcom ldan 'das kyis gsungs pa yang dgongs nas so/ /khrus byas mig ? ras kyis bcing/ /me tog gis dgang snyim par ldan/ /yon dbul zin nas dga' dang bcas/ /lha yi dbang phyug
- 186b
dbang bskur bya/ /zhes par sngar sa dang dkyil 'khor gyi thig dang sta gon dang rang gnas dang khrus kyi cho ga la sogs pa kun rdzogs nas mig dgab pa'i cho ga byas nas bla ma la me tog gtor ba dang/ dkyil 'khor la gtor ba dang/ dam tshig gi cho ga nas yon dbul ba'i rim pa kun dbang nod kar bya'o/ /dbang bskur ba la ni sangs rgyas sa zhes pa ni sangs rgyas kyis ni bcu gcig nas bcu drug gi bar 'thob bo/ /the tshom med par rnyed par 'gyur/ zhes pa ni bar der thob par nges sam som nyi dang yid gnyis mi bya'o/ /de bas thams cad du 'bad de/ dpal ldan dbang rgyal blang bar bya/ zhes pa ni slob mas bkur sti yon la sogs pas bla ma mnyes par bya/ bla mas kyang rim pa dang don ma nor bar dbang gi rgyal po bzhi pa yan chad grogs par sbyin no/ /dbang bskur bzhi du dbye ba ni/ zhes pa ni dang po bum pa dang/ gnyis pa gsang ba dang/ gsum pa shes rab ye shes dang/ bzhi pa de ltar de bzhin no/ /slob dpon la sogs dbye ba yin/ zhes pa la sogs pa ni go sla'o/ /bzhi gnyis rab tu dbye ba ni/ zhes pa ni bzhi gnyis la brgyud de bum pa'i dbang ni mi bskyod pa'i 'bras bu dang ldan pa'o/ /dbu rgyan dang/ rdo rje dang/ rjes su dang/ ming dang de bzhin no/ /rdo rje brtul zhugs dang/ lung bstan pa dang/ skyabs sbyin la sogs pa brgyad po'i dbang bskur ba ni slob dpon gyi'o/ /rdo rje'i dbang la gsum du dbye/ /nam mkha' mnyam du bdag gis gsal/ /zhes pa ni rdo rje slob dpon gyi dbang ni nam mkha' dang mnyam du khungs bstan pa ste/ dam tshig gsum gyi dbang ngo/ /dbang bskur de ni rin po che/ khams gsum gyis ni phyag byas pa/ zhes pa ni bum pa ru sman dang 'bru dang rin po che la sogs pa dang ldan pa'am/ bdud rtsi lnga
- 187a
la sogs pa'i dbang bcu gcig pa dang/ kun rdzogs pa la 'jig rten gsum gyi phyag dang mchod pa'i gnas so/ /yang na nang gi slob dpon gyi bum pa la sogs pas dbang bskur ba'am/ gsang ba'i slob ma rang gi bum la sogs pa'i dbang rdzogs par bskur na dngos su khams kyis phyag byed par 'gyur ro/ /yang na sangs rgyas rin po che'i snod na rin po che sna lnga la sogs pa yod pa thabs kyi rdo rje la dbang bskur ba dang/ phyag bya ba'i ngo bos rdzogs pa ste/ shes rab la yang nga bzhin no/ /yang na dbang gi yon tan gyi rim pa gsal pas shes par 'dod pas de ru blta'o/ /rnal 'byor rgyud la mos rnams la zhes pa ni yo ga phyi la dga' ba'i slob ma la bya'o/ /dbang brgyad phye ba sbyin par bya/ zhes pa ni chu dang/ dbu rgyan dang/ rdo rje dang/ dril bu dang/ ming dang lnga ni rigs lnga'o/ /brtul zhugs dang/ lung bstan dang/ skyabs sbyin te sngar te sngar bstan pa bzhin no/ /rnal 'byor bla ma mos rnams zhes pa ni rnal 'byor chen po thob pa'i thabs kyi'o/ /bcu gcig bdag nyid sbyin par bya/ zhes pa ni snga ma'i thog tu sku rdo rje la sogs pa'i dam tshig gsum ste bcu gcig go /rnal 'byor ma la mos pa rnams/ zhes pa ni ma rgyud do/ /gsang ba'i dbang ni sbyin pa'o/ /zhes pa ni bcu gnyis pa'i mchog go /gsang ba gnyis zhes pa la sogs pa ni ko sla'o/ /de ni gsang ba gsum du dbye/ zhes pa ni 'og nas gsum du ston to/ /skye dang zhes pa nor bu'i skye'i mchog gi dga' ba'i gnas/ mdod? dang zhes pa ni a ba d+hu tI'i rtse mo rang bzhin gyi gnas so/ /de bzhin du ni pad+ma'i shes rab ma'i kha chad pa'i gnas so/ /zhes rab gnyis su dbye bar bya/ /bskyed dang rdzogs pa'i bye brag go /zhes pa ni phyi ni shes rab ma'i pad+ma nas
- 187b
'thung ba ste bskyed pa'o/ /gtum mo la sogs pas bdud rtsi 'thubs pa ni rdzogs pa'o/ /'di na mar gsang ba'i yum gyi mtshan nyid ston te/ shes rab brgyad gnyis lo dang ldan/ /bu mo lo grangs bcu drug pa dang/ med na nyi shu pa'o/ /spyan rings zhes pa mig 'khyug pa smin ma'i bar mchad par gnas pa gnag la 'tsher ba'o/ /longs spyod mkhas pa zhes pa ni sbyor thabs drug cu la sogs pa'i las dang/ dbang gi rim pa la mkhas pa'o/ /yan lag tsan dan sar pa'i dri zhes pa ni lus dang yan lag kun las shin tu zhim pa'i dri mnam pa'o/ /shin tu 'jam pa'i khu pas tshim zhes gsungs te/ ye shes kyi rgyu bde zhing chim ste/ si la ga phur la sogs pa'i byang chub kyi sems kyis 'jam pa dang ldan pa'o/ gzugs bzang sngo la skal ldan pa zhes pa ni lus sbom pa min pa phra yang mi phra/ kha dog sngo lha de snod bzang bshes rab che ba'o/ /num zhes pa la sogs pa ni nu ma 'bur brked dbus phra ba/ dad pa la sogs pa'i yon tan tshangs pa de 'bang la slob bus btsal te gsang ba'i dbang nod pa'i don du rigs dang ldan pa phul ba/ bla ma la zhu ba'i tshigs bcad la sogs pas gsang dbang thob par bya'o/ /dbang gi man ngag gsum du dbye/ nang gi yin ni bda' byed pa/ bzhi pa 'bras bu'i ngo bor grags/ gsum dang ? gsum bdag nyid/ ces pa ni bum pa dang/ gsang ba dang/ shes rab ye shes dbye ba byas nas kha kha mu kha dang b+ho lar sbyor ba la sogs pa'i ye shes 'khor lo rnams la rim gyis babs pa dang de yang spyi'i dang/ mgrin pa dang/ snying gang bsam pa'i skyed pa'i rim pa don dngos po/ /rdzogs pa dga' ba dang mchog gi dga' ba dang chad pa'i dga' ba la sogs pa dang dbang gsum rim par sbrang ba las bzhi pa byung ba ni 'bras bu'o/ /de yang gsum po la sogs na yang med/ gsum po
- 188a
rang yang ma yin de mar me'i dkyil 'khor dang 'od bzhin no/ /dga' ba la sogs bye brag tu rdo rje gzhon nu mas gsal byed/ /ces pa ni dga' ba dang mchog dga' la sogs pa'i yang dag pa'i ye shes ni thabs dang shes rab gnyis med pa las gsal bar 'byung ste/ de yang shes rab mtshan dang ldan pa las skye'o/ /de yang rgyud gsum zhes pa la sogs pa bstan no/ /dbang bskur gyis zhes pa la sogs pa ni dbang gi yon tan bstan no/ /gcig nas gcig gi rim pas 'byung/ zhes pa ni snga ma ni rgyu/ phyi ma ni rim pas 'bras bu'o/ /bla ma rab kyi zhal nas blang zhes smos so/ /de yang dbang thams cad thob? pa/ rgyang dang man ngag dang dbang la sogs pa la mkhas pa grub pa thob pa dang ldan pa'o/ /da ni mnar med par ni 'gro zhes pa ni bla ma mnyes par ma byas na de'i skyon gyis dmyal bar 'gro'o zhes skyon bstan pa'o/ /de bas na skyon spongs la bla ma la 'bad pas mchod pa dang yon la sogs pas dgyes par bya'o// rang bzhin dga' ba'i sgron ma las le'u gsum pa'i bka' ba bkral ba'o/ /dbang bskur bas snod du rung bar byas nas sgom pa'i rim pa ston to/ /de nas gzhan yang bshad nyon cig /ces pa ni dbang bshad ma thag tu gnas kyi don bstan pa'o/ /ka ba gcig dang sgo dbur ldan zhes pa ni srog gi dbyugs pas ka ba byas pa'i sgo dgu dbang pa'o/ /rdo rje'i rtsig pa ni ba spu'i ngo bo rtsa re re la byang chub kyi sems kyis gang pa des lus kun rtsa'i dra bas khyab pa ste/ rtsa thams cad bde ba'i rang bzhin gyis rgyas pa ni ye shes rnam pa lnga'i rang bzhin no/ /ye shes de rnams dbyer mi phyed pa'i rang bzhin rdo rje'o/ /de bas na rdo rje'i rtsig pas brgyan pa'o/ /rdo rje'i thig ni rtsa'i dbye bas phye ba'o/ /bla de ni
- 188b
zhes pa ni bde ba chen po'i 'khor lo la sogs pa ste/ nges ni khyab pa kun tu yongs su bskor ba yin zhes smos so/ /rlung la sogs pa'i rim pas dbye/ /'byung ba bzhi dang ldan pa yin/ /zhes pa ni yam las rlung gi dkyil 'khor sngon po zhes bya ba la sogs pas gsang ba'i gnas dang/ lte ba dang/ sprul pa dang/ snying ga dang rim pas bsam/ yang na rlung gis me spar ba las rtsa thams cad kha bye ba las bde ba chen po'i rang bzhin 'khor lo bzhi la khyab par ldan zhing 'byung ngo// nam mkha' thams cad mdza' kun tu/ /thams cad bdag nyid rtag tu bzhugs zhes pa ni bde ba chen po'i 'khor lo nam mkha' zhes te 'khor lo gzhan dang/ mdza' ma'i rtsa yan chad khyab nas rang bzhin dga' ba'i bdag nyid du lus thams cad bzhugs/ /yang na nam mkha' i na chos kyi 'byung gnas te/ shin tu rgya che bde'i nang na dbang chen las bskyed pa'i gzhal yas khang la sogs pa'i phyi rol tu bstan pa bzhin no/ /'di'i don ni 'di yin no/ /dkyil 'khor sku ru bstan pa dang/ da bzhin gsung du bstan pa dang/ thugs su byang chub sems bshad do/ /zhes pas phyi nang gsang ba gsum shes par bya'o/ /yang na gsang ba 'di le'u bcu par blta'o/ /bsrung? ba'i 'khor lo 'khor ba bzhin/ zhes pa ni 'di ni gzhan go sla bas ma bshad de/ /de kho na nyid bsdus pas bstan to rnal 'byor chen po'i dus su ni sangs rgyas rin po che'i snod rnyed nas byang chub kyi sems nyi ma bsrungs nas slar 'khor lo'i lte ba'i dkyil du gnas pa de ni phyi'i rtogs pa rgyu du mi ster ? pha reg bya shin tu 'jam ba d+hu'i zla ba sa kun rdzob tu snang ba lta bu de dang dbyer mi phyed pa bzhin snang ba ni ye shes chen po zhes man dag go /rtsibs bcu pa la gser gyi mdog ces pa la sogs pa ni go sla bas ma bshad do/ /'dir ni 'khor lo'i lte ba gru gsum
- 189a
gyi byad gzugs ri bong can chos kyi 'byung gnas zhes pa'o/ /rtsibs bcu pa gser gyi mdog ste gshin rje mthar byed la sogs pa bcu dang ldan pa'i dbus kyi lte ba la/ dar mo ta ya kha dog dkar mo byang chub kyi sems kyi ngo bo 'di gzung 'dzin la sogs pa'i chos thams cad byung ba pa'i gnas te/ sngar bshad pa bzhin rim pas dbye'o/ /de'i dbus su zhes pa ni 'khor lo'i lte par bya'o/ /sngar bstan pa'i zhes pa ni rlung la sogs pa'i zhes par bstan pa bzhin no/ /'byung ba bzhi ni rlung dang me dang chu dang ya'i bzhi ste/ chos thams cad 'di las 'byung ba'o/ /ji lta bu'i rim pas ni yaM raM baM laM las rlung la sogs pa bzhi de rnams kyi steng du b+h+raM las 'khor lo'o/ /thams cad 'od du zhu ba las rnam par snang mdzad do/ /rnam par snang mdzad yongs su gyur pa las zhes pa ni 'od du zhu nas pho brang grub bo/ /dur khrod brgyad dang ldan pa'i zhes pa ni de yang yi dags dang ldan pa'i gnas mi bzad pa zhes bya ba'i ? khrod dang/ mi sdug pa dang zhes pas ston to/ /de rnams ldan pa'i bzhugs gnas so/ /gzhal yas zhes pa ni dpag pa dang gzhal ba dang tshad dang bral ba ste/ rdo rje 'dzin pa'i bzhugs gnas la dogs pa la sogs pa'i dngos po spangs pas na khang pa yangs pa chen po'o/ /'phar ma gnyis ni phyi nang phye ba'o/ /nyi ma'i gdan du zhes pa ni nyi ma'i steng du bdud po mo'o/ /sna tshogs pa zhes pa ni go bar sla'o/ /'dab ma brgyad kyi lte bar zhes pa ni bzhi ? spangs pa'i dbus su nyi ma la sogs pa sngar bzhin no/ /tshul dang thigs pa'i rang ngo bo'o/ /zhes pa ni bka' i dngos po thigs pa a khong na gnas pas tshul lo/ /de gnyis las su A li kA li'o/ /A li ni a A zhes
- 189b
pa nas oM a(rgyud 'grel): zhes pa'i bar ro/ /kA li ni ka kha zhes pa nas ha k+Sha zhes pa'i bar ro/ /de yang dam tshig gi A li dang/ ye shes kyi A li'o/ /kA li la yang de ltar de bzhin no/ /gnyis las byung ba ni zhes pa ni zla ba dang nyi ma ste/ de gnyis las byung ba'o/ /thabs dang shes rab kyi bdag nyid maM hUM gnyis la rdo rje dang/ gri gug sa bon dang ldan pa 'di rnams thams cad las thabs dang shes rab kyi bskur bzhengs pa la dpal ye shes thig le zhes bya'o/ /phyag rgya chen pos 'khyud cing zhes pa ni thabs dang shes rab la brten zhes pa ste/ dbye pas phye na go sla'o/ /da ni kha dog dang dbyibs la sogs pa ston to/ /zhal brgyad phyag brgyad g.yas brkyang ba zhes pa ni rnam par thar pa brgyad la sogs pa'i yon tan dang ldan pa ste/ le'u bcupar ? ro/ /zhal bzhi ni zhes p ni brgyad kyi phyed rtsa ba nas bgrangs pa'o/ /gnag zhes pa ni sku dang mthun pa dbus su bsam mo/ /ser po ni g.yas dmar po g.yon dang rgyab ma ljang gu'o/ /gzhan bzhi ni sngon po'i pad+ma lta bu'i zhes pa ni sngar gyi ma gtogs pa bzhi ni utpa la sngon po dang 'dra'o/ /rdo rje la sogs pa ni phyag brgyad na g.yas dang g.yon na'o/ /sna tshogs rdo rje rgya gram gyis spyi bor brgyan pa'o/ /zla ba zhes pa la sogs pa go sla'o/ /phyag rgya drug gis sku bcings pa ni 'khor lo la sogs pa ste/ rigs drug gi ngo po yin no/ /gzhan yang de ltar shes par bya'o/ /rang bzhin dga' ba'i sgron ma las le'u bzhi pa'i dka' ba bkral pa'o/ /da ni sngags mchog bshad bya ba/ /zhes pa ni skabs 'dir snying po phye la bshad pa'o/ /sgrub pa po ni gang gis 'grub/ ces pa la sogs pas phyi nang gsang ba de kho na nyid la sogs pa bshad par bya'o/ /sgrub pa po zhes pa ni rnal
- 190a
'byor pa'o/ /gang gis ni thabs khyad par can no/ /'grub ces pa ni sngags nges 'grub pa ste/ mchog gi dngos grub la sogs pa'o/ /de yang sngags ni man+t+ra zhes so/ /man ni stong pa mtshan ma bral/ /kha dog srogs bral ches nyid bdag /rdo rje 'dzin pa'i dbugs 'byung ba/ /shes rab ces su bshad pa yin/ /tra ni ye shes bde ba ste/ /mtshan dang dpe byad gzugs skur gnas/ /de bzhin gshegs par dbugs 'byung ste/ /snying rje chen por bdag gis bshad/ /snying rje shes rab gnyis po 'di/ /gang du gcig tu gnas pa yi/ /dngos po med pa'i dngos po'i tshul/ /de ni sngags su bstan pa'o/ /de lta bu'i phyag rgya che/ /shes nas bdag nyid ming mtshon pa/ /ming yang ma yin mtshon pa ming/ /sus rtogs sngags kyi dngos grub bo/ /zhes pas zhes pa ni shes rab dang snying rjer bshad do/ /sngags kyi des tshig la sogs pa gzhan mi bstan pa ci/ gzhan 'dir ma bstan te de yang dbang gi yon tan gyi rim par blta'o/ /pad+ma 'dab ma brgyad pa bya/ /zhes pa ni 'dab ma dang lte bar bcas pa bri'o/ /rdo rje'i ni rdo rje gzhon nu zhal gsum phyag drug pa bsgom mo/ /bur bu bcu ni grangs so/ /khro bo'i sngags ni mkhas pas gdab/ ces pa ni rdo rje gzhon nu khri bor bsam la oM badzra kyi li la sogs pa rnal 'byor pas phyos dang mtshams bye brag tu gdab bo/ /A ? li mnyam byas nas zhes smos te/ A li ni shes rab kyi yi ge bcu drug go? ni sogs pa thabs kyi yi ge sum cu gsum mo/ /mnyam byas ni A li bcu drug po dang/ kA li sum cu rtsa gsum pa gnyis ldan pa'o/ /des rgyu bstan to/ /'dab ma kun gyi rim pas dgod/ ces pa ni rten dang brten can bstan to/ /yang na snying
- 190b
po'i sngags te/ 'di skad? bshad de/ phung pu ni bcu ste mig gi dbang po'i skye mched gti mug mkha' 'gro la sogs pa don 'di bla ma rje btsun rim pas bshad par 'gyur ro/ /A li ni longs spyod kyi rtsa bcu drug go /kA li ni bde ba chen po'i rtsa sum cu rtsa gnyis dang srog gis dbyug pa'o/ /mnyam byas nas zhes pa ni de rnams thams cad la byang chub sems dang ldan pa'o/ /'dab ma kun gyi rim pas dgod/ ces pa ni thams cad la tshang bar dgod do/ /de la snying po la sogs pa'i sngags rim pa bzhin btus pas yab kyi snying po thabs kyi rtsa nas snying po bgrad do/ /yum gyi snying po shes rab kyi rtsa nas snying po bgrangs pa la sogs pas so/ /yang na kA li ni zur gsum la sogs pa nas til gyi me tog rgyas pa'i bar du tshes bcu drug 'pho ba de sdong? steng du bcu drug ste sum cu rtsa gnyis so/ /A li ni sum cu gnyis las byung ba'i bde ba bcu drug go /mnyam byas nas zhes pa ni khu ba dang bde ba mnyam pas dga' ba bcu drug gi bdag nyid do/ /de ni thabs kyi snying po'o/ /shes rab kyi rang gi shes par bya'o/ /yang na dga' ba bcu drug la rang bzhin bcu drug rdzogs pa ni shes rab kyi'o/ /'dab ma kun gyi zhes pa la sos pa ni go sla'o/ /yang na A li ni shes rab kyi bslab 'dab ma ? pa kun rdzob zla ba'i dngos po thigs brgyad la don dam pa'i rang bzhin brgyad rdzogs pa'o/ /kA li thabs kyi la de bzhin dgod pa'o/ /mnyam byas nas zhes pa ni lte ba'i dkyil du mnyam pa ste/ de ni nam mkha' stong pa'i ngo bo'o/ /'dab ma kun gyi rim pas dgod/ ces pa ni rang bzhin dga' bas thams cad kun la khyab pa med pa'o/ /de yang tshig? dang bral ba/ yi ge med pa/ ltar med pa/ dbyad pas rnyed pa ma yin pa/ thog ma dang/ mdza' ma dang bral pa/ mdza' med pa/ ?
- 191a
du byung pa de ni rang bzhin gyi ye shes de kho na nyid ces bya'o/ /des ni sngags bstan to/ /A li ye shes 'dab mar gcig /ces pa ni bcu drug pa kun 'dab ma gcig la ?/ /kA li 'dab ma bdun du dran zhes pa ni gzhan ma ni bdun pa'o/ /'dab ma re re yi ge lnga zhes pa ni bdun gyis gnyis me gtogs pa lnga gdab bo/ /lnga pa'i lnga pa'o bya ba ni 'dab ma re re la lnga lnga ste/ ka kha ga g+ha da de ni gcig la'o/ /rtsal sogs pa la yang de bzhin no/ / 'dab ma gnyis su bzhi gnyis te/ gcig la ya ra la wa bzhi'o/ /gnyis pa la sha Sha sa ha ste bzhi'o/ /k+Sha'i yig 'bru lte nang do/ /zhes pa ni 'dab ma brgyad pa'i nang du k+Sha rdo rje sems dpa' i rang bzhin bsam mo/ /dbyangs yig ni/ a A i a'i u a'u/ ri rI li lI e Ai o aau oM a(rgyud 'grel): zhes so/ /gsal yig ni ka kha ga g+ha nga/ tsa tsha dza dz+nya nya/ Ta tha Da Dha Na/ ta tha da d+ha na/ pa pha ba b+ha ma/ ya ra la wa/ sha Sha sa ha'o/ /de gnyis la A li kA li'i 'du shes yin zhes bas bye brag kyang bstan no/ /gnyis kyi yi ge 'dab ma yis/ zhes pa ni thabs dang shes rab kyi yi ge'o/ /sngags kyi rgyal ngo de nyid drang zhes pa ni yab kyi snying po dang/ nye ba'i snying po dang/ yum kyi snying po dang/ nya ba'i snying pa'o?/ /dang po gzugs kyi rgyal po dbang/ zhes pa ni dang po kho na rnam par snang mdzad kyis sa bon yi ge oM mo/ /de nas 'dab gnyis kyi dang por zhes pa ni de ma thag gnyis kyi dang po sha'o/ /bzhi ba'i dbyangs yig ni ? dang bcas pa ni sha? ba? i ru ldan pa'o 'og tu ni sha'i 'og tu'o/ /re pha ni ra'i ming gi rnam grangs so/ /des ba rgyan te/ de rnams kyis shi ri grub po/ /nyi shu rtsa lnga yod pa'i zhes pas ma bstan to/ /'dab ma gnyis pa'i bzhi pa'o/ /zhes pa ni bzhin ?
- 191b
dbyangs yig gnyis pa ldan pa zhes pa ni a ste/ ha dang a dang ldan pas hA zhes so/ /'khor ba'i ngan 'gro dag byed pa/ zhes pa ni dpal chen pos bdud la sogs pa thams cad bsgral nas ye shes kyi bdag nyid du byed do/ /'dab gnyis dang po bzhi pa yis zhes pa skabs 'di na mar man ngag gis bstan te/ dang po'i bzhi pa ni wa'o/ /de nas gsal byed pa'i brgyad ni dza'o/ /'dab gnyis dang po'i gnyis pa yis zhes pa ni ra'o/ /ldan pa thams cad rim 'phog byed ces pa ni ? ra ldan nas gnas pa la wa dzra zhes so rdo rjes thams cad gcod pa dang/ 'bigs pa la sogs pa byed do/ /gsal byed pa gsum pa ste/ ni ga'o/ /bcu pas yang dag ldan pa'o/ /zhes pa ni le ste ? ru ldan pa'o/ /dbyangs kyi yi ge zhes pa la sogs pa ni bstan pa'o/ /bzhi pa lnga pa ni na yin no/ /de nas de'i dang po'i ta'o/ /bcu drug pa'i gsum pas ldan ni a ste ti ru ldan no/ /thams cad sngags kyi tshig gi bzhi ni 'di rtsa ba 'am bzhi yin no/ /de nas sa ni dag pa dag la'o/ de bzhin gsal byed dang po'o/ /zhes pa ni ka'o/ /yan lag gsal byed sum cu gsum zhes pa ha'o/ /dbyangs yig drug pa yang dag ldan zhes pa ni a'u ste ha la u ldan hU'o/ /de ni chos thams cad 'byung ba ste/ dbye ba ni zhal nas shes par bya'o/ /zla chos ni da'o/ /thig le ni go sla'o/ /de ni zhes pa ni rnams la hUM grub bo/ /hUM de dang nye bar gnas pa ni yang hUM ste/ don du ni gnyis grub po/ /sems kyi dbang phyug yi ge mchog /ces pa ni bcom ldan 'das kyis bskyed pa'i rgyu 'di yi ge thams cad kyi mchog go /gang zhig lnga pa'i gnyis pa zhes pa ni pa'o/ /gsum pa'i dang po Ta dang ldan pa'i phaT do/ /mthar ni swA hA ldan pa'o/ ste zhes pa ni de thams cad kyi zhabs su'o/ /snying po'i sngags ni yang dag
- 192a
mchog /ces pa ni yab kyi snying po'o/ /dang po ru ni gzugs kyi mchog ces pa ni gzugs kyi sa bon oM mo/ /'dab gnyis kyi bzhi pa ni ha'o/ /'og tu re bas yang dag ldan/ zhes pa ni ra'o/ /dbyangs kyi yi ge bzhi pas sbyar zhes pa ni a'i ste/ ha dang ra dang i dang gsum sbyar bas h+rI'o/ /rig pa'i rgyal po'i yi ge mchog /ces pa ni rig pa'i snying po'o/ /thig le yis ni mgo bo mnan zhes pa ni h+rI zhes so/ /de rang du ni nye bar gnas zhes smos pas yang h+rI ba tu'o/ /thams cad zhi bzhi ba mchog /ces pa ni bde ba chen po'i rang bzhin no/ /thigs pas mnan pas sum cu gsum zhes pa ni hoM ngo/ /bcu drug pa'i gnyis pa ni A'o/ ldan pa ni haM dang a ra ldan pa'i haM do/ /yang ni de nyid yi ge mchog /ces pa ni haM do/ /khams gsum mun nag byed par byed ces pa ni yon tan gyis so/ /hUM phaT de ni gnyis kar sbyar zhes pa ni re re yang gnyis gnyis su sbyar ro/ /tha mar sa dang hA sa ldan no/ / nye ba'i snying po'i sngags zhes bya/ zhes pa ni de yan chad do/ /bcom ldan ye shes thig legs so zhes pa ni bcom ldan 'das kho na'i zhes so/ /dang por rnam par snang mdzad/ ces pa ni dag pa'i dngos po oM mo/ /nyi shu rtsa dgu de rnams so/ /zhes pa wa'o/ /gsal byed pa'i brgyad pa'i yid ces bya ba ni yi ge dza'o/ /nyi shu rtsa bdun pas ni zhes pa ni ra'o/ /dza dang ra dang ldan pas badzra'o/ /nyi shu rtsa lnga pa'i gzhan zhes pas ma'o/ /dbyangs kyi yi ge bdun ni re'o/ /ma dang ldan pas mre'o/ /bzhi pa las ni gsum pa'o/ /zhes pas ni da ston to/ /de dang nye ba rlung yin no/ /zhes pas ni rlung gi sa bon ya'o/ /dbyangs yig bcu gcig ni ye sta ya'o/ /lnga pa ni lnga ba zhes pa ni me'o/ /ha ni
- 192b
rtogs par go sla'o/ /lnga pa yi ni gsum pa dang zhes pas pa bstan to/ /nyi shu rtsa brgyad de nas so zhes pas la bstan no/ /lnga pa yi ni dang po dang zhes pas ni pa'o/ /nyi shu rtsa bdun de nas so zhes pa ni bston no/ /dbyangs yig gnyis pas zhes pa ni A'o/ /ldan pas bya bas rA zhes bshad do/ /gsal byed kyi ni dang po zhes pa ni bka' btu'o/ /sum cu rtsa gcig pa ni Sha'o/ /ldan pa'i de gnyis k+Sha ru ldan no/ /nyi shu rtsa lnga dag pa zhes pa ni ma'o/ /dbyangs yig gnyis pa zhes pa ni A'o/ /'di gnyis ma'i dngos po la ldan zhes bya'o/ /nyi shu rtsa drug gi yi ge mchog ces pa ni ya'o/ /dbyangs kyi yi ge bcu gcig zhes pa ni yi ge e ste/ ye ru ldan pa'i swAhA zhes pa la sogs pa ni go sla bas ma bshad do/ / dang po yi ge phran na ? zhes pas oM mtshon pa'o/ /'dab gnyis pa'i gsum pri zhes bstan pas so/ /ya'i sde tshan gnyis pa ni ra zhes smos so/ /nyi shu rtsa dgu de nas so/ /zhes pa ni wa ru bshad do/ /dbyangs kyi yi ge gsum pa yis/ zhes pa ni gu gu ste wi zhes smos so/ /drug cu rtsa bzhi phyed dag pa/ zhes pa ni sum cu gnyis so/ /des sa bstan to/ /nga'i yig 'bru ni ra'o/ /tha mar swAhA dang ldan ba'i ni kun gyi mthar sbyar ro/ /hUM hUM phaT ni spel pa yin/ zhes pa ni bar ? zhugs pa'o/ /nye ba'i snying po'i sngags yin no/ /zhes pa ni bcom ldan mo phyag rgya chen po'i nye ba'i snying po'o/ /bcom ldan 'das ye shes thig le'i phreng ba'i sngags kyi brnyen pa 'bum byas nas las la sbyor bar bya'o/ /bcom ldan ?? sbyar ba la sogs pa snga ma bzhin no/ /'khor rnams kyi ni nam mkha' dri med dang/ zla ma'i snying po ni oM d+hUM? d+hUM? hUM phaT/ shin tu rtsal chen dang/ g.yon pa ma la sogs pa gzhan rnams kyang de ltar ro/ /rang bzhin du dpa' mo rnams kyi
- 193a
yang yin no/ /kya ma ma'i oM a hUM phaT/ 'jiD ma'i oM a:hUM phaT/ 'od ma'i oM mi hUM phaT/ gzhan rnams kyang de kho na bzhin no/ /gzhan 'khor lo drug gi sngags dang dbyangs yig /gsal byed kyi yi ge dang/ gtor ma'i sngags dang/ khro bo'i sngags dang/ sngags/ sku rdo rje la sogs pa gsum dang/ 'di rnams ni bla bsam bshad do/ /rang bzhin dga' ba'i sgron ma las le'u lnga pa'i dka' ba bkral ba'o// //sngags kyi rim pa bshad nas mchod sbyin gyi rim pa ston pa la ni/ de nas mchod sbyin rab bdag bshad ces bya'o/ /gnas la sogs pa'i rim pa sbyor zhes pa ni gnas dang/ nye ba'i gnas la sogs pa'i mchod sbyin dang por sbyor ro/ /bskyed ba'i bye brag thigs pa gsum/ zhes pa ni bde ba chen po'i 'khor lo dang/ longs spyod kyi 'khor lo dang/ chos kyi 'khor lo dang gsum du rlag pa/ longs spyod pa/ dbang gi thigs pa gsum mo/ /rdzogs pa'i rim gsum de ltar ro/ /zhes pa ni dga' ba dang/ mngon par dga' ba dang/ chad pa'i dga' ba dang gsum mo/ /yang na yar rdzogs pa la rdzogs zhes bya'o/ /rnam shes la sogs bye brag tu/ zhes pa ni bde ba chen po'i 'khor lo la sogs pa bzhi dang/ dngos po la sogs ba'i bye brag go /mchod sbyin tshangs pa'i yul sa che zhes pa ni 'khor lo bzhi'i sprul ba la thug bas so/ /rnam par shes pa zhes pa ni chos kyi 'khor lo ste/ gnas so/ /snang ba ni longs spyod kyi 'khor lo ste skye'o/ /nam mkha' zhes pa ni bde ba chen po'i 'khor lo'o/ /ye shes zhes pa ni dga' ba gsum po yang 'khor lo bzhin sbyar ro/ /sku brgyad kyi ni bye brag tu zhes pa ni phyi nang la sogs ba'i rim ba dbye ba ni sku brgyad gnas kyis 'byed do/ /dngos po rten dang rnam par 'byed ces pa ni dga' ba dang/ mngon par dga' ba dang/
- 193b
sngar? gyi chad pa'i dga' ba dang/ 'khor lo la sogs pa'i dbye ba kun rang bzhin pas 'byed do/ /dper na chu dang rnyog ma bzhin no/ /ji bzhin 'od ba sdud pa ni zhes pa ni/ mchod sbyin thams cad ni sangs rgyas rin chen du sdud pa ste/ de yang phyi la sogs pa'i thams cad kyang/ mchod sbyin rnal 'byor ma dkyil 'khor zhes pa ni/ rnal 'byor ma 'dus pa'o/ /u rgyan la sogs gnas su ni bya ba ni u rgyan gnas dang/ dza lan d+ha ra dang/ pu li ra dang/ ka ma rul sogs pa'i gnas dang/ nye ba'i gnas la sogs par ro/ /legs dgyes ma sogs lha mo rnams/ zhes pa ni lha mo rnams kyang de ltar gnas pa bzhin du dbye bar bya'o/ /kA li ye shes yig mchog sbyin/ zhes pa ni yi ge sum cu rtsa gnyis la sogs pas mchod do/ /phyi dang nang du bya ba'i thabs/ zhes bya ba ni lus dang/ rtsa dang rim pa lngar bzhin no/ /mchod sbrin byas na sbyin pa che zhes pa ni de rgyas na bde ba chen po thob po/ /'bras bu bkra shis ldan pa skye zhes pa ni yon tan gyis sangs rgyas pa'i 'bras bu la sogs pa'o/ /sems dang sems kyi bye brag ces pa ni sems bzang ba dang gan? pa la sogs pa'i bye brag gis ston pas thabs sna tshogs gsungs pa'i/ /kha cig rnams la 'dul ba'i thabs/ zhes pa la sogs pas blo tshod dang sbyar ba'i chos kyi bye brag mang du gsungs so/ /tshe 'di la ni? sangs rgyas so/ /zhes pa ni tshe 'di las tshe gzhan mi 'pho ba phung po lhag ma med pa'i bde ba chen po'i sku'o/ /dper na rgyal po chen po rnal 'byor gyi dbang phyug chen po dpal in+d+ra b+hU ti mgon po lta bu'o/ /yang na rdo rje 'dzin pa'o/ /zhes pa ni sangs rgyas pa'i rang bzhin no/ /yang na phung po spangs ba tsam zhes pa ni ye shes kyi bag chags dang bcas nas gnas pa'o/ /bla na med pa'i ye shes sku ni sa bcu drug lta bu'o/ /brtson par mi ldan pa yis rnyed/
- 194a
ces pa ni bsam gtan g.yel pas kyang thob rnyed nas bsam pa la brtson 'grus rgyun ma chad na smos ci dgos te/ ci bsams pa thams cad 'grub po zhes so/ /de ltar ye shes kyi sku la sogs pa'i 'bras bu yang rnyed na gzhan gyi dngos grub lta smos su ci yong/ de lta bas na brtan pa'i brtson pas don thams cad/ 'bad min chen pos 'grub ba yin/ zhes gsungs pa yin no/ /rang bzhin dga' ba'i sgron ma las le'u drug pa'i dka' ba bkral ba'o// // de nas bya ba ni mchod sbyin bshad nas bya ba'o/ /mchod pa'i cho ga ni zhes pa ni mchod pa bshad ces pa'o/ /de nas yang yan lag thams cad dang ldan pa'i mchod pa la cho ga zhes so/ /sdig pa thams cad 'jig byed pa/ zhes pa na sdig pa dang nyon mongs pa la sogs pa kun 'di'i yon tan gyis med par byed pa/ /yid 'phrog lha'i zhes pa ni lha thams cad yid 'jug pa'o/ /gang la 'jug ce na me tog ces smos te de la 'jug go /de'i phyir me tog gis zhes gsungs so// zla ba nyi ma'i 'od dang ldan/ /me dang sgron ma rmad du byung/ /mchod sbyin dkyil 'khor la mchod bya/ zhes pa ni ku mu ta dang pad+ma la sogs pa'i mchod pa sna tshogs pa dang/ bdud rtsi lnga la sogs pa'i mchod pa'? sngar gyi dkyil 'khor la mchod do/ /mar do'i dang po yin ni dbang/ /bcu drug ba'i dang po yis/ zhes pa la sogs pa ston te mar de'i chos bcu drug go /dbang zhes pa ni rlag pa dang longs spyod ba dang dbang gsum ni mchod pa'i dus so/ /bcu drug pa ni dbyangs kyi yi ge bcu drug po 'di sngags re rer? sbyar ba'o/ /kun gyi rim pa yang de bzhin no/ /yang na zla ba ni yab kyi sems so/ /nyi ma ni yum gyi/ brag go /de gnyis las rang bzhin bde ba'i 'od dang ldan no/ /me ni dri chu ste
- 194b
rang bzhin gyi don la sbyar ba'o/ /sgron ma ni sha chen te bde ba'i bdag nyid do/ /? du byung ni dri ? bde ba dang bral ba'i ngo bo'o/ /mchod sbyin dkyil 'khor la mchod bya/ ces pa ni ye shes kyi dkyil 'khor la ye shes kyi mchod pas mchod pa'o/ /mar de'i dang po'i zhes pa ni chos bcu drug pa sngar bzhin no/ /dbang zhes pas mchod de de yang bde ba'i A lis mchod de de'i phyir/ byang chub sems byung mchod pa yis/ zhes so/ /yar ngo mar ? bye phrag tu/ zhes pa ni A li dang kA li ye shes kyi khyab par ro/ /shes rab thabs ni rab tu sbyor ni/ de gnyis dbyer med par sbyar ba las 'di lta bu'i 'khor lo 'byung ngo/ /sku gsum ni bde ba chen po ru rlag pas chos kyi sku'o/ /longs spyod pa ni longs spyod rdzogs pa'i sku'o/ /snying gang dbang byas pas sprul ba'i sku'o/ /yang na re re la yang gsum gsum mo/ /ye shes ni sku gsum dbyer med pa 'am/ dga' ba'i gnas la sogs par sku gnas pa la'o/ /de lta ba'i dngos po la dkyil 'khor zhes bya'o/ / chos dang yi ge sngags kyis su/ zhes pa ni chos zhes pa ni ye shes kyi rim pa dang yi ge'i ngo bo thig le dang sngags kyi ngo bo thabs dang shes rab byang chub kyi sems kyi thig le de ? ba'i phyir sngags zhes bya'o/ /ri bong? can ni 'phel bar 'gyur/ zhes pa ni ye shes rgyas par mdzad do/ /thig le dang mkha' 'gog pa yis/ rang bzhin de ni 'byung bar 'gyur/ zhes pa la sogs pa smos so/ /byang chub kyi sems kyi ngo bo thig le mkha' la gnas pa de ye shes rlung ? ? hUM phaT bkod la spro bsdus rang bzhin dga' bar 'byung ngo/ /de ltar ma yin na de bzhin gshegs pa rnams kyis kyang mi rnyed do/ /bla ma'i zhal la bltos nas 'ong rab 'thob bo/ /de thob na de bzhin gshegs pa thams cad la sogs pa'i
- 195a
bdag nyid yin no/ /rang bzhin dga' ba'i sgron ma las le'u bdun pa'i dka' ba bkral ba'o// //'di na mar ni sbyin sreg gi cho ga ston pa la ni/ de nas yang ni bshad bya ba zhes pas bshad par dam bca' ba'o/ /sbyin sreg sdig ni 'jig byed pa/ zhes pa ni 'dis sdig pa thams cad sreg pa ni las dang nyon mongs pas bskyed pa'i phung po lnga dang/ skye mched dang/ khams la sogs pa'i rtogs pa dang/ mtshan ma'i dngos po'i sdig pa 'jig bar byed pa'o/ /de yang zhi ba dang zhes pa la sogs pa gsungs te/ rgyas pa dang dbang dang drag po'i rim pas ni las kyi sgo nas ming dang rim pas dbye'o/ /zhi ba'i hoM khung zhes pa nas gru gsum mo/ zhes pa'i bar gyiS dbyibs bstan to/ /dkar po zhes pa nas rim pas so zhes pa'i bar gyis kha dog bstan/ rgya mtsho zhes pa nas tshad yin no/ /zhes pa'i bar gyis me lha'i brda'i sgo nas ched du bshad do/ /gzhan ma bya ba nas gzhan ma grub bye ba'i tshig gnyis kyis dkug pa la sogs pa yang snga mas 'grub par bstan no/ /ho khung re re snying gar par/ /rigs kyi las kyi go rims so/ /zhes pa ni zhi ba la sogs pa'i las kyi dbye bas pad+ma'i kha dog bye la? rang rang gi bzhag go /de steng? sna tshogs rdo rje ste/ zhes pa la sogs pa ni phyag mtshan dang sna tshogs rdo rje hUM gi 'od 'gro ba dang rlung dan nyi ma dang de nyid gsum gyi sa bon dang bcas pa las dam tshig sems dpa' bsgom pa dang/ ye shes kyi me lha spyan drangs la mchod yon la sogs ba dbul ba dang gnyis su med par bsnyim pa dang/ de la mchod pa la sogs pa rdzas thams cad dbul ba rdzogs par bya'o/ /phyi nang la sogs pa'i dbye ba dang/ gnas kyi rim pa bstan pa dang/ dgang
- 195b
gzab la sogs pa'i mtshan nyid ni skabs dang sbyar la shes par bya'o/ /sgrub pa'i dbang po yon tan ldan/ sngags dang rgyud kyi thos pa che/ sngags kyi bzlas la gcig tu mos/ /yid mi 'phrog pa gsal ba'o/ /zhes bya ba'i rnal 'byor ba dbang gi rim pa dang/ dam tshig la gnas pa/ skyon gyis ma gos pa/ shes rab dang/ snying rje che ba/ rgyud thams cad kyi thos pa'i don la brtson pa/ bsam gtan dang/ bzlas pa la brtson pa 'di lta bu'i sgrub pa po gzhan gyi bsam pa la mi 'phrogs pa zhes bya ba ste/ che ba'i yon tan gyis brgyan pa la 'di ni rnal 'byor shes rab can zhes gsungs so/ /gang zag 'di'i don rin po che lta bur yang bstan te/ thig le'i tshul ni ye shes che/ /bye brag shes pa rin chen rigs/ zhes gsungs so/ /de yang thig le la sogs pa'i dbye bas dga' ba la sogs pa'i ye shes kyi khyad par shes pa'i bdag nyid ni rin po che'i rigs so/ /rigs lnga'i zhes pa ni rnam par snang mdzad la sogs ba'i de bzhin gshegs pa'i rigs so/ /gzhon nu ma ni lnga zhes pas ni lo brgyad gnyis grangs lnga ste/ shes rang mtshan ldan zhes bya'o/ /yig dga' khu ba yis ni tshim/ skyan ? ma dang dag pa ma/ zhes pa la sogs pa gsungs so/ /shes rab ma de yang byang chub kyi sems kyi ros bde ba/ mig 'khyus la ring ba/ rtag ba chung ba/ nu ma 'bur ba/ sra ba 'jam pa dang ldan pa/ yan lag la sogs pa mdzes pa'o/ /de rigs kyi yum du byin gyis brlabs la las bsgrub pa'i don du gzhugs par bya'o/ /sbyin sreg la gzhan bcug pas chog med ?/ mi btung par gsungs te/ sbyin sreg las su don bsgrub phyir/ /rigs lnga mo ni gzhug par bya/ zhes gsungs so/ /'o? na ? lnga ma dngos kho na gzhug gam zhen ma yin te/ rigs kyi mtshan nyid sogs pa dang ldan pa'o/ /de yang 'di skad du 'byung ste/ sring mo dang ni? ?
- 196a
bu mo chung ma sgyug mo rnams/ /rigs lnga'i yum du bshad pa yang/ /ji bzhin ma yin bdag gis phye/ zhes gsungs so/ /shes rab thabs kyi cho ga yis/ /bla ma nyid kyis dang por mchod/ /ces pa ni bla ma dang lhan cig bsrub pa dang srub thabs kyi sbyor ba yis dga' ba'i rim pas mchod pa dang/ sangs rgyas rin po che'i dgyes pa'i mchod pa ni hUM gi blugs gzar gyis blugs bdun blugs pa yis/ dgang gzar gyis gcig mchod pa ni dang po bla mas so/ / brtags pa dang ni ma brtags pa'i/ /'dzin pa 'dir ni mi bgyid do/ /zhes bya ba ni sbyin sreg gi mchod pa 'di yang dag pa'i mchod pa la ngo bo dang bral ba ste/ gnas dang dgang gzar dang blugs gzar la sogs pa kun mi 'dzin zhes rgya cher sbyar ro/ /rang sems 'byung pos zos pa kun/ sna tshogs thabs ni bdag gis bstan/ zhes pa ni byang chub sems mi gnas par 'byung zhing rtog pa dang/ mtshan ma la sgyu ba 'di thabs kyi bye brag gis gzung bar gsungs so/ /don dam du ni phyi don min/ /nang gi ma yin pa ma yin/ zhes gsungs te don dam pa de kho na nyid kyi sbyin sreg ni phyi yang ma yin nang gi zas la sogs pa yang ma yin te/ de bas na don dam du gsang ba'i sbyin sreg kyang ma yin pa 'di ni rang bzhin dpa' ba'i bdag nyid do/ /rdul med rnam par rdul med dag/ ces pa ni rtog pa la sogs pa'i rdul dang bral ba'i rnam pa'i bag chags kyi rdul thams cad med par byas nas rang bzhin gyis gnas su dag pa'o/ /stong pa dang ni stong min bral/ zhes pa ni rdzogs pa'i don gyis spros pa thabs rang bral ba ste/ de yang rang bzhin gyi sbyin sreg 'di ni gzugs kyang ma yin/ tshor ba la sogs pa ma yin/ dbang po yang ma yin/ khams kyang ma yin/ skye mched kyang ma yin/ khams
- 196b
rnams kyang ma yin/ shin tu stong pa yang ma yin/ stong pa chen po yang ma yin/ mi stong pa yang ma yin/ brjod du med pa lkog tu gyur pa rang rig pa'i dngos dang bral ba ste/ rang rig pa las gzhan du 'da' ba ma yin pa 'di ni de kho na nyid kyi sbyin sreg ces bshad do/ /de'i phyir phung po khams ni rnam par rtogs/ /lha'i dbang phyug gang zhig bsreg /de ni mi yi don dam par/ /zhes pa la sogs pa gsungs so/ /phung po dang khams dang skye mched la sogs pa ni rnam par rtog pa'i dngos po ma yin te sngar bstan pa bzhin no/ /rta dang glang po la sogs pa ni slob dpon la sogs pa'i yon gnas la yon gyi rim pa phul bas bsod nams kyi tshogs kyis don grub par bstan to/ /rang bzhin dga' ba'i sgron ma las le'u brgyad pa'i dka' ba bkral ba'o// //de nas yang ni bshad bya ba/ ces pa ni bar ma chad par gzhan bsnan te bshad ces pa'o/ /tshogs kyi 'khor lo gtor ma che/ zhes pa la sogs pa bshad do/ /tshogs kyi dkyil 'khor zhes pa ni/ tshogs kyang yin te thams cad tshogs pas so/ /'khor yang yin te lha dang lha mo dang bdud rtsi la sogs pas 'khor zhing khyab pa'o/ /gtor ma chen po yin te phyi nang gi dbye bas ni gtor ma bya'o/ /de yang tshogs ni bzhir dbye ste/ phyir bstan pa ni dngos sa bla ma la sogs ? dkyil 'khor dang bdud rtsi lnga la sogs pa'i zhal zas la sogs pa'i rim pa'o/ /nad du ni rtsa rnams kyi rim pa la mkha' 'gro la sogs pa'i dkyil 'khor dang/ bdud rtsi lnga la sogs pa yang de bzhin no/ /gsang ? par ni ye shes kyi tshogs? bza' ba'i bdud rtsi dang bsrud? pa'i bdud rtsi'i tshogs te/ de yang rgyu'i rim pas 'bras bu bza' ba dang/ bsrung ba 'grub pa de bzhin gshegs pa la sogs pa'i rang bzhin mchod pa'o/ /de kho na nyid ni bza' ba'i tshogs ?/ ? gnyis ?//
- 197a
bza' ba'i bdud rtsi byang chub kyi sems kyi rtogs pa dang bral pa'am/ de bral ba'i dbang gis shes rab kyis bsrung rgyu med pa 'di ni rig pa dang bral pa'i dngos po gnyis su med pa'i tshogs spros pa thams cad rang bzhin gyis bral ba ste/ phyi dang nang dang gsang ba dang/ de kho na nyid 'dus pa'o/ /de ni bde ba'i tshogs te ye shes kyi rang bzhin kyi tshogs so/ /tshogs kyi dbye ba byas nas/ khyim ni sum thog gi gnas/ zhes pa ni bdag nyid nyams dga' ba la sogs pa'i rgyal po dang/ mu stegs dang tshom kun la sogs pa skyon spangs pa btsal lo/ /tshom kun? kun dang ldan pa yi/ /phyi rol yul min nang gi min zhes gsungs so/ /slob dpon 'dus pas brgyan pa dang/ /zhes pa ni phrag rgya drug la sogs pa rus pa'i rgyan dang ldan pas gnas pa'o/ /rdo rje mda'? ni rnam par gzugs/ zhes pas mnga' byin gyis brlabs pa bzhi gzugs so/ /rdo rje skud la sogs pas bskor zhes pa ni/ tshon sna lnga'i skud pas bskor dang/ tshogs dgum? pa bya ba ?? sngags dang/ ting nge 'dzin dang ldan pa la rdo rje'i sgra ru bshad do/ /de lta bu'i khang mchog ni/ zhes pa ni go sla'o/ /me tog la sogs dkyil 'khor bya zhes pa ni rdul tshon gyi dkyil 'khor dam me tog ? 'am/ yang na ting nge 'dzin gyi rim pas bya'o/ /sna tshogs dang ni thams cad rdzogs/ zhes pa ni dkyil 'khor gang la yang rgyal dang/ mchod pa dang/ sgo dang/ rdo rje rab yan lag rdzogs par bya'o/ /si la ga pur gyis ni mdzes bya ba ni phyi'i me tog la sogs bya ba nas rgya cher sbyar te dkyil 'khor gyi mchod pa'o/ /des ni phyi dang nang la sogs pa'i dbye ba'o/ /de ru mchod sbyin don du ni/ zhes pas ni tshogs kyi dkyil 'khor du dgod pa la bya'o/ /byal? seng gi ni rab gzugs blang/ zhes naM ka ti mug byol song gi
- 197b
ngo bo dang bral ba'i ro blang bar bya'o/ /skye ba gcig pa zhes pa la sogs pa ni bar ma chad par skyes pa na tshod la bab pa'i ro blang zhes so/ nang kun med pa bde grub pa/ zhes pa ni nad dang mi bde ba dang bral ba'i dngos grub grub pa'i rgyur 'gyur ba de'o/ /dri zhim rdul ni 'byung ba can zhes pa ni bri la sogs pa'i yon tan gyis gang ba/ yang dag pa'i bdud rtsi rgyu ste bde ba'i ngo bo'o/ /gang zhig mig ni yun rings 'dzums zhes bya ba ni bdud rtsi ye shes kyi rang bzhin bya ba'i don du mkhas pas blangs zhes gsungs so/ /sna tshogs pa'i mchod sbyin gyis zhes pa ni tshogs la mchod pa mang po'i tshogs pas so/ /gri gug rung bas brtag par bya/ zhes pa ni shes rab kyi rang bzhin shin tu rno? ba'i gri gug gis bcad pa'i las bya'o/ /yan lag rang kyi padmo'i snod/ gtung ba'i don du bla ma'i mdun zhes pa ni rkang pa dang/ lag pa la sogs pa'i? rab ni mgo bo'i pad+ma'i snod do/ /de la ni ? pA la byas la lha'i chad yang dag pas bkang pa las yang dag pa'i tshogs su 'gyur ro zhes gsungs so/ /yang na ka bla? la ni tshogs kyi rtsa ba yin no/ /phyed ni 'khor la brim pa ste/ phyed ni gtor mar dbul bar bya zhes pa ni phye mar sha dang chang la sogs pa 'go ba'o/ /gzhan yang de ltar sbyar ro/ /khrag chen ni mi'i khrag go /sha tshen ni sha chen te mi'i da'o?/ ji snyad pa ni brtag pa yin/ zhes pa ni tshogs tshad bshams la mchod pa'i rdzas gzhan ni sna tshogs mchod pa bye brag /ces pa ni zas kyi rnam pa mi 'dra bas kyang mchod pa'i bye brag go /nya dang shal sogs par ldan zhes pa mi 'di rnams thams cad tshogs pa la ldan zhes bya'o/ /mi 'tshe ba ni gzhan la gnod pa ma byas pa'o/ /skyon kun bral zhes pa la sogs pa go par zad do/ /de ru dam tshig dag pa ni/ zhes pa la sogs pa bza' ba'i dam tshig dang bsrung ba'i dam tshig la sogs
- 198a
pa sngar bshad pa'o/ /'khor lo dang bcas rigs rab tshi ma zhes pa ni 'khor lo la sogs pa'i tshigs dang/ bla mar bcas pas mchod pas tshim par byas la phyed gter ma'i nang du dbul lo/ /nam phyed lam gyi bzhi mdor ro/ /yang na sum mdo gyes pa ru/ zhes pa ni mkha' 'gro ma'i rgyu srang bzhi mdor gtong ma chen po gtang ba 'am sum mdo ru gtang ba'o/ /dur khrod kyi ni chu ngos bsam zhes pas ni gnas bstan te/ rgya chen por sgyar ro/ /lhag ma ma yin yang na phud ces pa ni tshogs kyi lhag ma la sogs pas yi dags rnams tshim par bya ba'i phyir chus bsres la bya'o/ /gzhan ma kun ni so sor gzhag ces bya ba ni phyogs skyong bcu la gtor ma bcu so sor gzhag go /rtsa ba ci bzhin rim pas gzhag /zhes bya ba ni rtsa ba'i gtor ma chen po mdun la gzhag /phyi ma yang rim pa bzhin du gzhag go /rang gnas phyin pa tsam gyis ni zhes pa ni dur khrod chen po'i gnas sam/ yang na chu dogs chen por phyin pa tsam ni man ngag go /'khor lo la ni snod gcig brtag /ces bya ba ni 'khor gyi tshogs thams cad ni gcig tu btud par brtag go /slob dpon la ni dum bu gcig /'bad pa yis ni bsrung bar bya/ rang gi tshogs la'ang sbyin mi bya/ /rang dbang bskur ba'ang de bzhin no/ /zhes pa ni bla ma la ka pA la gling gcig pa'i 'dzag bug med pa der bdud rtsi bkad? la bor mi gzhug par bsrung ngo/ /de yang rang gi dam tshig gis bsdus pa'i yum la sogs pa dang yang mi bsre bar gzung ngo/ /rang gi dbang la sogs pa'i rim pa phyas pa dang yang bsre ba ma yin no/ /gzhan dag na re de ni rang gi rang la dbang ba zhes bya ba yin no zhes zer ro/ /
- 198b
de ni dgongs pas bshad pa'o/ /de'i dus su gal te/ der ni tshogs kyi 'khor lo chen po'i dus su rnal 'byor ma 'ongs pa srid pas bya ba'i don no/ /'od na la sogs pa go sla'o/ /ha har dgod pa de'i tshe zhes pa ni ngag gi brda' brjod pa'i mkha' 'gro ma la khams gsum rnam par rgyal ba'i phyag rgya sbyin/ zhes pa ni mthe'u chung gnyis lu gu rgyud du sbrel ba'i rnam pa gud mo dang srin lag mthe bong gis mnan la mdzub mo gnyis lcags kyu'i tshul du rnam 'byor pas byas la/ de'i dus su ha ha ha ha zhes khams gsum du thos pa'i sgra bya'o/ /chung zad la sogs ba'i ngag gis gsang ba dang lus kyi gsang ba de bzhin du gsang ba la sogs pa'i ni go sla'o/ /rang bzhin dga' ba'i sgron ma las le'u dgu pa'i dka' ba 'bral? ba'o// //bcom ldan ye shes rgyal dbang po/ /dkyil 'khor mdo 'di bsten pa gsungs/ /'di ru nges bstan ji ltar lags/ /mnga' bdag chen po nyid bka' stsol/ zhes bya ba ni lha'i dbang phyug gis bcom ldan 'das ye shes thig le la bos nas dkyil 'khor gyi don des pa kho nar zhus pa ni zhes dang gus pa'i tshul gyis dris pa'i don no/ /bcom ldan 'das kyis bka' stsal pa zhes bya ba ni 'khor rnams dang bcas pa la gsungs pa ste/ 'dis thams cad go bar 'gyur ba'o/ /dkyil 'khor gyi ni nges bstan pa ji bzhin de ni dpa' bo nyon zhes pa ni sngar zhus pa'i dkyil 'khor gyi don nges par bstan kyis bstan pa de mnod? bar sems la yang dag par chung shig /shes par dpa' bos kyis shig pa'o?/ ldan gsungs pa'i rgyud don las/ zhes pa ni gong du gsungs pa'i don 'di ru bsdus nas bstan par bya'o/ /A li kA li bde ba che zhes pa ni bde ba'i byang chub kyi sems thig le'i ngo bo zla ba dang nyi ma'o/ /maM hUM gnyis las thig tshul grangs/ zhes bya
- 199a
ba ni maM las tshul gyi dngos po hUM las thig le de gnyis las phyag mtshan gnyis su gyur pa ni/ de gnyis las gri gug dang/ zhes gsungs te/ phyag mtshan gnyis kyang sa bon dang ldan pa'o/ /sa bon gnyis las 'od phyogs thams cad du spro ba dang/ bsdu ba byas pa las bcom ldan 'das ye shes thig le yab yum bzhengs pa la ni/ ye shes me long las ye shes/ /snying po bdag nyid zhu las byung zhes so/ /sar pa sprin dang mnyam pa'i mdog ces pa ni sku mdog sbyin bzhin gnag par gnas zhes so/ /phyag ni brgyad gnyis pa yis brgyan/ ces bya ba ni brgyad gnyis las bcu bcu drug ste/ g.yas pa brgyad dang g.yon pa brgyad do/ /bcu drug phyed kyi zhal 'jigs pa zhes pa ni zhal brgyad mnga' ba'o/ /zhabs bzhi yis ni rab tu mdzes/ zhes pa ni zhabs bzhis brgyan pa la ni mdzes zhes bya'o/ /nyi shu rtsa bzhi'i spyan gyis phyug ces bya ba ni yon tan de lta bu dang ldan no/ /gti mug gsum gyi mun nag 'joms/ zhes bya ba ni nyon mongs pa gsum gsal ba'i bdag nyid ye shes dang stobs gsum mo/ /dkar po zhes pa la sogs pa la dbus gnag pa sku dang mthun g.yas ser po ma dmar po'o/ /gzhan ni sngon po'o/ /steng gi shin tu 'jigs pa ? bu'i zhal la bung ba'i mdog go /g.yon rkyang g.yas brkyang zhabs ni zhes pa la zhabs bzhi brkyang zhes bya ste/ dor stabs su bzhugs nas g.yas brkyang bas 'jigs byed mnan pa/ g.yon gyis nyi zla brdzis pa'o/ /de'i phyir 'jigs byed nyi zla gnon zhes bya'o/ /'jigs byed ma ldan ka pA la/ /khrag gis bkang ba phyag na bsnams/ /zhi ba'i pags pa na bza' mchog /phyag gnyis de ni gyen du brgyad/ zhes ba ni mahA de ba'i pags rlon bshus ma thag phyag
- 199b
gnyis kyis gyen la dbyangs pa'i phyag dang gzhan lhag ma rnams kyis 'jigs byed ma'i khrag kha la sogs pa nas 'dzag pa yis ka pA la bkad bas bdag nyid btung ba'i rol pa mdzad pa'o/ /tshangs pa'i pags pa rked sham thabs/ zhes go sla'o/ / phyag rgya drug gis sku la bcings shes bya ba ni 'khor lo la sogs pa drug ste/ dngos su rigs drug go /phyag rgya che dang gnyis med sbyor/ zhes pa ni yum gyi mtshan yin te/ yab yum gnyis su dbyer mi phyed pa sbyor ba'i tshul du bzhugs pa'o// gang dang ldan pa'i tshangs spyod bzhugs shes bya ba ni gar mkhan nas sprul pa'i bdag nyid du bzhugs pa'o/ /tshangs pa'i yul sa bye ba khang/ /tshangs pa'i yul sa zhal gyis rgyan/ ces bya ba ni sha chen la sogs pa gsol ba dang mi mgo la sogs ba'i rgyan gyis brgyan pa'o/ /phyag rgya chen po nam mkha' sngo zhes pa ni bcom ldan mo'i sku mdog sngo ba'o/ /tshangs pa'i phyag gnyis pa lan bza' grol/ zhes pa ni gcer bu gos mi mnga' ba zhal gcig phyag gnyis pa'o/ /gri gug snod rnams zhi ba'i zhal/ zhes pa ni phyag g.yas gri gug g.yon pa pad+ma'i snod bsnams pa dgyes pa'o tshul du mdzad pa'o/ /spyan gsum pa dang sgra grol ba/ mgrin par 'khyud pa gsang ba mchog ces pa ni spyan gsum pa/ sgra kham pa gyen du g.yengs pa yab kyi mgrin bar yum 'khyud nas gnas pa/ yum la yar yab kyis 'khyud pa'o/ /de yang 'di skad ston te/ hUM las sna tshogs rdo rje yis/ /rab gur du bsam par bya/ /de dbus b+h+ruM las rtsibs bcu ser/ /phyogs spyod bcu dang/ bro bor bcas gshin rje mdog gnas? shar du bsam/ /zhes gsum phyag drug spyan gsum pa/ /rdo rje ral gri rtse gsum g.yas/ /pad+ma thob dbyug pa g.yon/ /dad po'i phyag gnyis rang 'od 'khyud/ /zhal g.yas ser la g.yon pa dmar/ /hUM las '?
- 200a
ba bsgom par bya'o/ /shes rab mthar phyin lho'i rtsibs/ /dkar po dmar po sngon po'i zhal/ /dbyug pa ral gri g.yas na bsnams/ /mtshon rtse mgo bo g.yon du'o/ /pad+ma mthar phyin nub kyi rtsibs/ /dmar po dkar po sngon po'i zhal/ /ral gri 'khor lo phyag g.yas su/ /zla phyed dang ni ri rab g.yon/ /bdud rtsi 'khyil ba byang gi rtsibs/ /sngon po'i dkar po dmar po'i zhal/ /g.yas na ral gri rdor rgya gram/ /mdud thung dud gnyis g.yon na bsnams/ 'dod rgyal sngon po dkar dmar zhal/ /ral gri rin chen sta ri mdung/ /dbyug sngon ser po ljang dmar zhal/ /rtse gsum ral gri gsal shing me'o/ /stobs chen dud mdog ser dang dmar/ /ral gri dud zhag rta rnga yag /mi g.yo dkar gnag dmar po sngo/ /ral gri lcags kyu bi wang bye'u/ /drang srong la sogs mtshams su'o/ /gtsug gtor 'khor sgyur ser sngo dkar/ /'khor lo ral gri ka pA la/ kha TwAM ga bzhi phyag bsnams na/ /bsnams pa shar mtshams rtsibs pa'o/ /sum rgyal sngon po zhal gsum pa/ /sngon po nyi ma'i 'od 'dra'i zhal/ /ral gri lcags kyu gri gug dang/ /thod pa bsnams pa nub mtshams bsam/ /kun kyang zhal gsum phyag drug ste/ /dang po gnyis ni yum la 'khyud/ /g.yas brkyang pa la bzhin yang 'jigs/ /gsus blo ljags 'dril mche ba gtsigs/ /sbrul gyi rgyan gyis thams cad brgyan/ /yaka tsom dang ni smin ma mnyam/ /dbu skra ser ba gyen 'gred ba'i/ /khro bo bcu ni bsgom par bya/ /kun kyang 'jig rten skyod ba'i ste/ gar dgu dang ni ldan pa'o/ /oM dzam+b+ha dzem+b+hA hUM phaT/ oM gu gu ro hUM phaT/ oM d+ha ra d+ha ra hUM phaT/ oM bi d+ha ra bi d+ha ra/ oM ta g+he Ta Ta g+he Ta Ta hUM phaT/ oM swa li ? hUM phaT/ oM a Ta ha sa hUM phaT/ oM a
- 200b
Dha a Dha ha sa hUM phaT/ o lu hu lu hUM phaT/ oM bi kra ma bi kra ma hUM phaT zhes pa sngags kyis bsrungs pa'o/ /de'i lte ba'i dus su ni/ /d+harma ta ya kund+ha mtshungs/ /ye las byung ba bsam par bya'o/ /rlung la sogs pa'i 'khor lo bzhi/ /maM raM baM laM las byung ba'o/ /b+huM las 'khor lo'i steng du bdag /rnam par snang mdzad ngo bor gnas/ /dkyil 'khor dang bcas yongs gyur pa/ /gzhal yas khang pa rim gnyis so/ /gru bzhi pa la sgo sogs ldan/ /shing dang dur khrod rnams kyis bskor/ /mi bzad mi sdug ce sbyang sogs/ /'jigs su rung yang sha za'i kha/ /ha har rgod dang nag po'i me/ /'jigs byed brgyad pos rnam par brgyan/ /dpal gyi me tog mig rdzi shing/ /nA ga ge sar wa dang dang/ /pa la dang ni shar dang/ /khar ba shing dang sha mi brgyad/ /byi la bya rgod nyi ma 'jigs/ /stag dang glang chen ce spyad dang/ /khyi dang rta la sogs pa brgyad/ /dur khrod shing la dbang byed pa'o/ /yang na khral sogs pa brgyad/ /rigs pas dur khrod du bshad pa'o/ / 'dod ma la sogs rtsa brgyad ni/ /'bras bu me tog yod pas shing/ /shing la dbang byed dpa' bo rnams/ /rang rang ngo bor gnas pa'o/ /de lta'i rgyan gyis brgyan pa'o/ /dbus na 'dab brgyad kha dog dmar/ /zla ba nyi ma mdzes pa'i gdan/ / dbyangs yig dpe byad las byung ba'i/ /zla gnyi ma gnyis su gsal/ /dbus su sa bon gnyis gyur pa/ /pad snod gri gug mi hUM ldan/ /thams cad 'di ru gcig pa la/ /bcom ldan ye shes thig le bzhengs/ /sku mdog gnag la khros pa'i zhal/ /zhal brgyad dang ni spyan gsum pa/ /dbus ma gnag la sku dang 'dra/ /ser po dmar po ljang gu'i mdog /g.yon nas bskor ba'i rim pa'o/ /gzhan ni utpal sngon po mtshungs/ /rdo rje dril bu rde'u chung dang/ /ka pA la dang/ pa
- 201a
ral gri dang ni mnga' gzhu rnams/ /phyag ni bzhi gnyis na ni bsnams/ /sna tshogs rdo rje spyi bor mtshan/ /zla phyed dbul brgyan pa la/ /mi bskyod pa'i cod pan can/ /mgo bo rlon pas do shal byas/ /gshin rje rgad pa'i sham thabs la/ /thod pa'i dum bu'i ska rags bcings/ /sku ni phyag rgya drug gis brgyan/ /bzhengs te gar dgu'i sgra chen sgrogs/ /zhabs kyis 'jig rten mnan nas rol/ /phyag rgya che dang gnyis med sbyor/ /bde ba chags chen rang bzhin las/ /'phros pa'i lha mo rnams kyis mchod/ /kye? rab sku mchog gi ngo bo yi mtshan nyid/ /gang na bzhugs pa mya ngan 'das mtshan nyid/ /de kho na nyid dang bral pa'i stong de chad/ /gnyis med pa'i bde bas mi tshor ram ci/ /mtsho skyes ma dang gsung rdo rjer? sbyor yongs gzigs/ /gang zhig dngos po dngos med de ni skyong/ /glu yis mchod cing bskul ba las/ /rang bzhin las ni maM hUM ngo/ /gri gug pad snod de las byung/ lte ba'i/ / nang du sa bon gnas/ /snying po zhu las bcom ldan 'das/ /'jigs byed zla nyi steng na bzhengs/ /dpa' bo dpa' mo rnams kyis bskor/ /zhal brgyad phyag ni bcu drug ste/ /zhabs bzhi g.yas brgyad g.yon kyang brkyang/ / spyan gsum pa ni sku mdog gnag /zhal gsum dkar dang dmar dang ser/ /gzhan rnams zhal ni bung? ba mtshungs/ /steng ma 'jigs pa bud? bu'i byang/ /khyod sku mche ba 'jigs pa gtsigs/ /sku la bskal pa'i mor? 'bar/ bzhengs nas dregs pa 'joms par mdzad/ /thod rlon rgyu mas brgyus pas brgyan/ /skra ser smin ma gyen du 'greng/ /zhi ba'i pags pa rlon pa ni/ /phyag gnyis gyis ni gyen du sbyangs/ /lhag ma'i phyag rnams 'jigs
- 201b
byed ma'o/ /kha nas khrag mdzag ka pA lar/ /btung bza' i phyir ni phyag na bsnams/ /phyag rgya drug gis sku la brgyan/ /tshangs pa'i pags pas sham thabs byas/ /skye rags bcings zhing gang du sgrogs/ /ha ha bzhad pa khro bo'i 'jig phyag rgya che dang mnyam sbyor zhing/ /zhal gcig phyag gnyis sku mdog sde/ /spyan gsum skra grol gnyis ka 'khyud/ /rus pa'i rgyan dang thod pas brgyan/ /mi bskyod cod pan yab dang mnyam/ /gcer bu kham du thams cad gsol// phyag gis gri gug snod 'dzin pa/ /rgyan rnams yab dang mtshungs pa'o/ /sna tshogs pad+ma'i shar phyogs su/ /dpa' bo la sogs bzhugs pa rnams/ /shar du u rgyan gnas su ni/ /nam mkha' dri med bsams par bya/ /dza lan+d+ra? byang du ste/ /shin tu rtsal chen bsgom pa'o/ /pu li rim? nub tu ste/ /lha'i dbang phyug bsam pa'o/ /ka ma ru pa lho yi phyogs/ /gsang ba'i bdag po de ltar ro/ /ma la pa ru 'od dra ba ste/ /sindu'i yul du nyi 'gro'o/ /na gar du ni mchog dga' ste/ /sing kar thams cad byed pa'o/ /gnas dang nye gnas bya ba'o/ /mu mur utpal snying po ste/ /de bi ko Tir zhing chen bdag /ku lu ta ru nag po 'dul/ /? 'byung dpa' bo a rU tar/ /zhing dang nye zhing zhes 'dir bshad/ /ha li? lor grags chen te/ /ku ta par ni drag 'dzoms so/ /ri rab rta ni lam pa ka /tsa? kar ni nam mkha' i zhal/ /tshan do dang ni nye tshan do/ /shar? dang byang la sogs pa ru/ /dpa' mo rnams dang sngon dang mtshungs/ /las kyi yul du bla ma ?/ / g.yon pa ma ni gser gling du/ /mi mnyam ma ni ku lu tar/ rlung za ma ni tsan? ro/ /'dus pa dang ni nye ba'i 'dus/ /yi dags 'das par bsil sbyin ma/ /snying po'i 'dab ma'i chu'i ngos/ /bag yod thor tsag ca ri Tar/ /nyi 'dul gzhan
- 202a
nu'i grong khyer du/ de ni dur khrod nye dur ?/ /zhi tsher pho nya kasmi? rang/ /ljang tson ma ni ke ta rar/ /neb le ru ni 'ong? bdun ma/ /tshangs pa'i ma ni ka nu dzar/ /byi la nye ba'i byi la'o/ /'chi med grong khyer khyab 'jug ma/ /thog kha ma ni mi'i yul/ thams cad spyod? byed sa 'og tu/ /dpa' bo'i yul ni ? brtser/ /de ni sbyor dang nye ba'i sbyor/ /dpa' bo rnams dang lhan cig sbyor/ /sku mdog bzhugs thabs yab dang 'dra/ /nag po dkar po dmar po sngo/ /ljang gu yang sngon zla dkar dang/ /dmar chen utpal sngon po mtshungs/ /gser zhogs mig sman du ba'i mdog /sprin mdog gser 'od dmar nag dang/ /ser po la sogs rim pa bzhin/ /zhal bzhi phyag bzhi dpa' bo kun/ /kha TwAM? ga dang ka pA la/ /rtsa bar bsnams nas shes rab 'khyud/ /dril bu rde'u chung 'og gnyis bsnams/ /'jigs byed zla nyi zhabs kyis mnan/ /rgyal po'i bshugs thabs bzhin du bzhugs/ /phyag rgya rnam pa lnga yis brgyan/ /sna tshogs pa yis rnam par brgyan/ /zhal gcig phyag gnyis dpa' bo rnams/ /thams cad par snod gyi gug thogs/ /rgyan dang cha lugs yab dang mthun/ /rim gnyis sna tshogs 'dab brgyad pa/ /? du skam ma sprin mdog ste/ /? du 'jigs ma gser gyi mdog /nub du rgyun 'od kha dog dmar/ /lho ru? mchu 'phyangs ma ni ljang/ /me mtshams ri rab so ma zla/ /gnod sbyin mtshams su bde ba ser/ /rlung mtshams dmig stong shel gyi mdog /byang mtshams ? ma ? mtshungs/ /nub mtshams gtum mo rin chen mdog /lho mtshams 'dod gzugs sna tshogs mdog /lus 'phags po dang sgra mi snyan/ /ba lang spyod dang dzam+bu gling/ /lam dar nye ba'i lam yin te/ /rnal 'byor ma
- 202b
rnams gnas pa'o/ /zhal ni? mig utpal mdog dbang ldan mtshams su me zhal ser/ /'od ma ser mo shar gyi sgor/ /lce rings dkar mo byang gi sgor/ /chos djar zla mdog nub kyi sgor/ /'de? nam ljang gu lho yi sgor/ /shar mtshams phyag bzhi sna tshogs gzugs/ /skra dang na bza' grol ba yis/ /spyan gsum pa la rus pas brgyan/ /phyag rgya lnga yis shin tu mdzes/ /ral gri dang ni ka pA la/ /khrag gis bkang ba phyag na bsnams/ /gzhan na kha T? rde'u rlung ngo/ /ro steng g.yon brgyad? rnal 'byor ma/ /de lta bur ni thams cad gnas/ /rang 'od thabs dang ldan pa'o/ /spyi bo dang ni spyi gtsug dang/ /mtshogs ma dang ni smid dbus dang/ /sna? yi rtse mo mig gnyis dang/ /rna ba gnyis dang kha ? dang/ /kos ko dang ni mgrin gling dang/ /rgyab gling de bzhin ? ma'i snod/ /snying ga dang ni lte ba dang/ /gsang ba'i pad+ma mtshan gyi dbus/ /mchin? rtsa dang ni gzheng khang dang/ /brla gnyis de bzhin bus mo gnyis/ /? dar gnyis dang rkang pa gnyis/ /ma? bong dad? ni ser mo dang/ /lus thams cad dang rkang mthil gnyis/ /ltag pa dang ni rked pa dang/ /tshos 'khor de bzhin lte ba dang/ /me 'khor de bzhin gsang sna'o/ /spu mtshams de ltar de yi 'og /rin mgrin rdo rje'i dpral pa'i gnas/ de ni gnas dang nye ba'i gnas/ /zhing dad? de bzhin nye zhing ste/ /tshan do dang ni nye tshan ngo/ /'dus pa nye 'du de ltar ni/ /dur khrod nye ba'i dur khrod rab/ /byi la nye ba'i byi la dang/ /sbyor ba dang ni nye ba'i sbyor/ /laM dang ma? nye lam la sogs gnas/ /de ni gnas ni brgyad du bstan/ /nye ba'i gnas kyang de bzhin no/ /rang bzhin bde chen nam mkha' gnas/ /ye shes sems dpa' spyan drangs te/ /sngags dang ldan pa'i phyag rgyas dgug /the'u chung lu gu rgyud sbral te/ /mdzad?
- 203a
rtse gnyis ni nam mkhar bsgreng/ /mthe bong mnan pas brtan par bya/ /ye shes sems dpa' i dkyil 'khor rnams/ /dam tshig sems dpa' la bstims la/ /sngags 'dis rtag tu nga rgyal bya/ /oM shi sarba ta thA ga dz+nyA na mahA at+ma ko hi/ /ji ltar chu la chu thim ltar/ /ye shes sems dpa' bstim pa'o/ /de nas sku gsung thugs rdo rje/ /spyi bo snying ga mgrin par bsgom/ /rigs su dbye bas 'khor lo gsum/ /gnas gsum du ni bsgom pa'o/ / oM A:hUM dang ldan pa yi/ /rdo rje gsum gyi dam tshig go /bdag nyid phyag rgya drug ldan pas/ /de phyir go cha mi bgos so/ /'khor lo rna cha mgul do dang/ /gdu bu ske rags thal ba drug /gti mug mkha' 'gro la sogs pa'o/ / drug tu bdag gis bshad pa'o/ /phyag rgya chen po las kyang gsungs/ /phyag rgya drug la bstan pa ste/ /skye mched drug ni dag pa ste/ /rigs drug rim par shes par bya/ /lha mo bdag nyid phyag rgya drug /de yi phyir na ge ma rdzogs/ /de nas dbang bskur bde ba ni/ /bcom ldan 'das la dbang bskur don/ /'od zer dang ni bcas pas bskul/ /de nas bde chen nam mkha' gnas/ /bdud rtsi dang ldan ? pa yis/ /rang gi spyi bor dbang bskur bas/ /dri ma dag nas mi bskyod pa'i/ /rang bzhin ye shes su ni 'gyur/ /rlung me'i dkyil 'khor la sogs steng/ /bde 'khor ka pA la yi dbus/ /gla rtsi gzhi mnyam si hA? dang/ /ga bur dang ni sha li za/ /ye shes gnas pa'i rigs kyi lha/ /rlung mas bskul nas me ni 'bar/ /rigs lnga bdud rtsi'i ngo bor zhu/ /oM gyi 'od kyis yang dag 'bar/ /hUM gis bdud rtsi dga' bar sbyangs/ /a yis? gnyis med rtogs par brlabs/ /de nas bdud rtsi ? 'bar bya/ /rang lce pad+ma'i 'dab ma
- 203b
ru/ /hUM byung rdo rje dkar dgod la/ /phyi nang rab chim 'di yis so/ /nyi zla la sogs mchod pa yis/ /phyi dang nang gnyis sku la mchod/ /rim gnyis rnal 'byor ma rnams kyis/ /sngags 'dus mchod pa rtag tu bya/ /oM dang hUM phaT bar du ni/ /dbyangs yig re re spel ba yis/ /mar ngo tshes gcig nas gzung ste/ /bcu drug bar du mchod bya'o/ /dpral ba la sogs gnas rnams na/ /bde chen sku ni bzhugs pa la/ /sngags dang me tog ldan pa'i dus/ /dus dang chos grangs mnor bar/ /zlags dang longs spyod dbang gis ni/ /sku brgyad pa ni mchod byas pas/ /sku gsum bdag nyid rdo rje 'dzin/ /bcu drug dga' ba'i sa thob po/ /de nas bstod pa sna tshogs kyis/ /'khor lo la ni bstod pa'o/ /don thams cad ni bsgrub pa'i phyir/ /sngags rnams bzlas pa gsal bar bya/ /oM sh+rI mahA badzra kle na ti la ka hUM hUM phaT swAhA/ oM h+rI(rgyud 'grel): ha hA hUM hUM phaT swAhA/ /bcom ldan 'das kyi snying po dang/ /nye ba 'i snying po'i 'di gnyis ni/ grangs med pa'i yon tan yod/ /oM badzra mra ta ye mahA ba la pa rak+Sha ma ye hUM phaT phaT swAhA/ /oM sa ra i sa ri hUM hUM phaT phaT swAhA/ /bcom ldan me'i snying po dang/ /nye ba'i snying po snying po 'di gnyis kyis/ /don kun thams cad 'grub pa'i mchog /yang na phreng ba'i sngags ni mchog /bsnyen pa rdzogs par byas nas ni/ /de nas las kyi dbye ba bya/ /'dis ni thams cad las grub byed/ /oM d+hUM d+hUM hUM phaT/ oM kruM kruM hUM phabs/ oM groM groM hUM phaT/ oM DoM DoM hUM phaT/ oM ? hUM phaT/ oM praM praM hUM phaT/ oM sroM sroM hUM phaT/ oM droM droM hUM phaT/ oM droM droM hUM phaT/ oM phroM phroM hUM phaT/ a broM broM hUM phaT/ oM yroM yroM phaT/ oM h+roM h+roM hUM phaT/ oM khroM khroM hUM phaT/ dpa' bo dpa' mo bcu drug gnyis
- 204a
snying po mchog tu bstan pa'o/ /'phar ma gnyis po'i rnal 'byor ma/ /snying po sngags kyang de ltar ro/ /oM ni dang po hUM phaT mthar/ /bar du ming ni spel ba'o/ /a A i a'i u a'u ri rI li lI e i o aau yaM a: yang na A li ka li sngags/ dpa' bo dpa' mo snying po sngags/ /de nas gtor ma'i cho ga bstan/ /dza:hUM ba ho(rgyud 'grel): phyag rgyar ldan/ /mkha' 'gro dang ni phyogs skyod sogs/ /dgug gzhug bcings la dgyes pa bya/ /a dang ka sogs sngag rnams kyis/ /bgyes pa'i rdo rje brtag gnyis las/ /'byung ba'i sngags kyis gtor ma sbyin/ /khro bo'i ngo bor bdag nyid gnas/ /sems can bsrungs ba'i don du ni/ /rdo rje snyim pa kha phye la/ /mtshan phyed 'jigs pa med pas sbyin/ /dur khrod la sogs gnas su btang/ /de nas bdag gis rnam dag bstan/ /rgyud 'dir de ni gsal bas na/ /'di ru dbye ba bdag gis ni/ /dal bas 'jigs pas ma bris so/ /yang na 'di lta bu ru bstan/ /rdo rje gur? sogs dbus su ni/ /chos kyi 'byung gnas bsam pa ste/ /bde 'khor zur gsum yod pa ni/ /de ni chos kyi ngo bo ste/ /nang na gnas pa'i byang chub sems/ /'byung ba'i gnas zhes de la bya/ /nam mkha' chos ni yin pa ste?/ sa bon 'byung gnas g.yon pa'o/ /chos ni b+ha ga yin par bshad/ /b+ha ga'i gnas ni rin chen te/ /de bzhin gshegs pa bzhugs pa'i phyir/ /'di ni chos kyi 'byung gnas so/ /'byung ba bzhi ni byang sems las/ /'khor lo las byung thams cad khyab/ /zhu ba shel gyi gzhal yas khang/ /char yang thig le'i tshul dga' bzhi'i/ /gru bzhi pa yis rnam par mdzas/ /stong pa bzhi dang dga' ba bzhis/ /sgo bzhi zur bzhi par ni byas/ /rta babs la
- 204b
sogs dbye ba yis/ /'khor lo la sogs de ltar sbyar/ /yang na byang sems thig le de/ /stong pa snying rje ro gcig pas/ /gru bzhi sgo bzhi zur bzhi sogs/ /tshad med rnam par de bzhin sogs/ /de ltar chos rnams ye shes su/ /dbye med shes pa de nyid do/ /dur khrod la sogs rnams kyis brgyan/ /rnam par khyab dang shing tshig dang/ /phyed tshig swa swa tseg tseg dang/ /dum mgo rnam bcas yi dags ldan/ /'jigs par byed dang me 'bar phreng/ /de ni dur khrod gsang yin no/ /yang na mtshan rtogs bag chags gsang/ /bde ba'i ye shes 'dzin pa'i ro/ /'dzin pa chad nas rang 'od thim/ /slar la rang gi rin chen khar/ /hUM gis byin brlabs sha chen ste/ /shing dang dur khrod dbang byed ba'i/ / dpa' bo rnams kyi za zhing bzhad/ /ha ha'i sgra ni 'jam pa bsgrogs/ /de lta bu yi dur khrod ni/ /bla ma'i zhal las shes par bya/ /rin chen ma dang pad+ma dang/ /gshe tshan ma dang stobs chen ma/ /mgo chen ma dang myos chen dang// dga' chen ma dang dga' med che/ /'di ni shing gi dngos po ste/ /'bras bu dang ni me tog ldan/ /yan lag yod pa'i rtsa'i shing/ /gzhal yas khang ni rnam par brgyan/ /de yi dbus na pad+ma'i gdan/ /zur? gsum la sogs rnam par gnas/ /gzung 'dzin steng du nyi zla'i gdan/ /khu bde dbyangs yig dpe byad las/ /zla ba nyi ma sa bon gnas/ /de las bde chen rang bzhin gsal/ /rdo rje sems dpa' nyid ces brjod/ /'di ni gtso bo'i bcom ldan 'das/ /mchog dang chad pa'i dbus na bzhugs/ /rlag dang longs spyod de bzhin no/ /shar ba dang ni nub pa min/ /rtag tu shar ba bcom ldan 'das/ /yu rgyan? zhes pa zur gsum mo/ /pad+ma'i 'bras bu dza land+har/ /drag po'i mig 'dra pu li ra/ /rigs kyi ?
- 205a
tog kA ma ru/ /tshangs pa'i mig 'dra ma la ba/ /dur gi mig 'drar sind+hu'i yul/ /rna ba'i mig 'drar na gar ro/ /ba yi mig 'drar sid? kar te/ /dung gi lte 'drar mu mur ro/ /glang chen lte 'drar de kau Tar/ /utpal lte 'dar ko lu tar/? /pad+ma'i lte 'drar arbu tar/ /bud ba'i la 'drar ha ri ko la/ /rma bya'i kha ? go ra bar/ /rdo rje'i kha 'drar lam pa kar/ /til gyi me tog rgyas 'dar ru/ /kany+tsi kar zhes pa yi gnas/ /de ni dpa' bo rnams kyis gnas/ yan lag ma rnams bstan par bya/ /til? gyi me tog ri rab rtse/ /sa 'og de ni rdo rje bar/ /mi yul de ni rma bya'i khar/ /'chi med gror ni bung ba'i khar/ /karna? dzar ni pad+ma'i lter/ /ne ba la ni utpal lter/ /ka ra tar zhes glang chen ster// karmi? ra ni dud gi lter/ /gzhon nu grong khyer pa yi tshig /tsa'i Tar zhes sna pa'i mig /chu dogs de ni dud gi mig /yi dags 'dus pa tshangs pa'i mig/ /tsin+tar zhes pa'i rigs me tog /ko lu ta ni drag po'i mig /gser glid pad+ma'i 'bras bu'i gnas/ /las kyi yul gnas zur gsum yin/ /'di ni don du gsang ba'i gnas/ /lus 'phags po ni srog rtsam/ /sgra mi snyan ni la lA nA/ /ba glang spyod ni ra sa nA/ /'dzam+bu'i gling zhes pa yi gnas/ /a ba d+hU tA'i zhes pa'o/ /'di las gzhan pa'i gnas rnams ni/ /rnyed par sla bar yod mi 'gyur/ /gnas brgyad rang gi ngo bo du/ /sku brgyad po ni bsgom pa'o/ /gnas ni gsang chen pad+ma'i gnas/ /lte ba yod pa'i 'das brgyad ni /gang gang bzhugs dang rten sa rnams/ /de dang de ni gnas zhes brjod/ /rang bzhin gang du skye ba ni/ /zhing rab ces ni de bstan to/ /de bzhin yang dag byang chub sems/ /'gyur bas chen dog bstan pa'o/ /gsum dang drug sogs dbye
- 205b
ba rnams/ /gcig tu 'dus pas 'dus par bstan/ /khu ba bde ba gnyis su rtog /dbyer med thim pa dur khrod do/ /gang du ye shes yang dag mthong/ /de yang mthong min byi lar brjod/ /steng nas 'og tu 'phro ba yi/ /ye shes bsten nas nyams myong lam/ /rin chen kha ru bdud rtsi 'gog /'od rab ngo bo gnas phyir sbyong?/ /'di ni de ni gnas brgyad de/ /sku brgyad dang ni sbyor ba'i gnas/ /thams cad stong dang bde chen dang/ /rang bzhin dga' dang 'od rab dang/ /char yang chen po ye shes che/ /phyag rgya che dang rdo rje sems/ /sku brgyad bdag nyid ye shes brgyad/ /yang na mtshan ma brgyad mchog ste/ /zla ba nyi ma shes rab thabs/ /'di rnams las ni 'byung pa'i sku/ /mchod sbyin gyis ni de la mchod/ / yang ni bdud rtsi rim pa ltar/ /rlung 'khor steng du ye shes me/ /bde 'khor gsang pad ka pA la/ /de bzhin gshegs pa lnga dang ldan/ /rlung ma dang ni gnyid ma yis/ /ye shes ma 'bar gsal ba las/ /bde gshegs lnga rnams bdud rtsir gzhu/ /rdor gsum sa bon 'bar sbyangs rtogs/ /dga' ba gsum dang ldan nas gnas/ /bdud rtsi gsang ba'i ka pA lar/ /gnas pa mthong nas bdag nyid btud/ /gsang ba'i rdo rje du gus so/ /de nas mchod byas mchod byin bya'o/ /byang chub sems kyi me tog gis/ /sngags dang dus tshong? ma nor par/ /rlag dang longs spyod la sogs pas/ /mchod pa byas pas bsod nams 'phel/ /bde ba la sogs gnas su'o/ /yang na dga' mchog gnas su 'am/ /de rlag pa ni mchog gi dga' / /chad pa ru ni longs spyod de/ /de gnyis dbus su dbang gnyis bsten/ /mchod pa 'dis ni ye eshes 'phel/ /de bzhin dga' ba 'phel ba'o/ /de khon nyid kyi mchod pa ste/ /gnas brgyad pa'i
- 206a
sku la mchod/ /nye ba'i gnas na gnas pa yang/ /de yi brgyad shin tshim pa'o/ /de nas bde gshegs snying po sngags/ /de ni A li bcu drug bde/ /kun rdzob tu ni chu zla bzhin/ /de ni bzlogs cing drang bar bya'o/ /yang na rdor gsum ye shes kyi/ /spros pa rang rig ma yi mkha' / /bsdus pas rang bdag mkha' la ste/ /gnas par rang bzhin ye shes so/ /de ni spros bral nam mkha' bzhin/ /de ni don dam snying po'o/ /sems can thams cad bsrung don du/ /rnal 'byor pas ni gtor ma sbyin/ /gtor ma ba ling zhes bshad pas/ /ba ni shes rab lim ni thabs/ /de gnyis mchog gang chad pa ste/ /gnyis sbyor ba ni chad pa'i dga' / de'u bsrungs pas sems can rnams// sangs rgyas nyid 'gyur the tshom med/ /de lta'i gtor ma chen po gtang/ /yang na sems can don du ni/ /'di lta bu'i gtor ma sbyin/ /srog chags thams cad bdag nyid kyis/ /gcig kyang ma shes pa ru bsad/ /bsad cing bsad pas thar pa 'thob/ /'gro ba thams cad 'gog byed pa'o/ /'di ni sku brgyad dkyil 'khor te/ /de lta'i sgrub thabs shes par dka' / /dkyil 'khor sku ru bstan pa dang/ /de bzhin b+ha ga'i dkyil 'khor dang/ /byang chub sems kyi dkyil 'khor dang/ /de kho na nyid kyi dkyil 'khor dang/ /dkyil 'khor bzhi ni mchog tu bshad/ /de ltar sku brgyad kyi sgrub thabs bstan nas/ /'di ltar bshad do/ /yang na snying po'i dkyil 'khor bstan ces pa ni dkyil 'khor gsum po las gzhan te de kho? na nyid kyi yin pa ste 'og nas ston to/ /rang gis ni bdag rnal 'byor pa'o/ /bde ba len pa'i phyir/ zhes pa ni rang bzhin dga' ba thob par bya ba'i ched du khyad par can gyi dkyil
- 206b
'khor brjod do/ /ma yi yig 'bru 'dab mar brjod/ /na yi yig 'bru lte bar dran/ /de yaM yig 'bru ge sar dag /la yi yig 'bru bde ldan no/ /zhes bya ba la sogs pa ni dkyil 'khor la bya'i maN+Dal la zhes pas bstan te/ shes rab kyi dkyil 'khor ye shes kyi lha dang gzhal yas khang rdzogs pa gdan dang thams cad rdzogs pa ste/ de yang 'dab ma la sogs pa ni gnas la rang bzhin dga' bas gtso bo byas pa dang/ /bde ba gzhan rnams 'khor/ ma yi yig 'bru rin chen grags/ /na yi yig 'bru mdud par brjod/ /de yi yig 'bru ring po'i dngos/ /la yi yig 'bru khar brjod do/ /zhes pa ni yid bzhin gyi nor bu rin po che'i gzhal yas ? zhes bya ste/ dngos su gsang ba'i rin po che dang gsang pa'i rdo rje 'brel pa'i rtsa'i mdud ba dang/ bcas pa rin po che'i khar de bzhin gshegs pa'i ye shes bde ba chen po de shes rab kyis nam mkha' i dbyings nas thabs kyis/ spyan drangs nas bzhugs pa'o/ /bdag gi gzhal yas khang na bzhugs tsam na rang bzhin dga' ba'i ngo bo rdo rje sems dpa' de thabs kyi ye shes kyi lha'o/ /slar mkha' dbyings su gsol bas shes rab ye shes kyi lha'o/ /de gnyis 'brel pa'i lha rdo rje sems dpa' yin par bstan pa'i phyir/ /ma yi yig 'brur shu kra'i gzugs/ /ni yi yig 'bru zhu ba'i dngos/ /de yi ? 'bru 'od dang ldan/ /la yi yig 'bru bde gzugs so/ /zhes gzugs te/ byang chub kyi sems de rtog pa dang mtshan ma thams cad bcad nas gnyis su med pa'i rang bzhin dga' ba 'od sna tshogs 'phro ba gang yin pa ni bcom ldan 'das yab yum gnyis kyi pad+ma dang rin po che'i gzhal yas khang na'ang par 'phro tshur sbyor zhing bde ba chen po rdo rje
- 207a
sems dpa' i gzugs su bzhugs so/ /ma'i yig 'bru snang zhes grags/ /na yi yig 'bru snang ba mched/ /da ni snang ba snang ba thob/ /la ni yang dag dri med mchog ces bya ba ni yang dag dri med 'od rab kyis/ /gtso bo yis ni rang bzhin byas/ /gzhan snang ba gsum 'khor gyi rang bzhin no/ /'od rab las ye shes kyi snang ba thob pa spro ba dang/ de las yang sngar bzhin snang ba mched pa spro'o/ /de las yang ye shes kyi ngo bo snang ba mched pa 'phros pas de bzhin gshegs pa'i gzhal yas khang rdzogs pa'o/ /de nas yang rim gyis yang dag dri med la bsdus la thams cad kyi ngo bo 'od rab la gnas pa la ni dkyil 'khor zhes bya'o/ /ma yi yig 'bru dga' bar grags/ /na yi yig 'bru mchog tu dran/ /da yi yig 'bru chad pa'i dga' / /la yi rang bzhin dran pa'o/ /zhes pa ni dkyil 'khor dga' ba rnams su yang bshad de/ bdag po dang/ 'khor dang/ spro ba dang/ bsdu ba rnams sngar bstan pa bzhin no/ /'dir shes rab ? dang ldan pa la sogs pas ni dga' ba dang/ /thabs dang shes rab lta tu gnas pa mchog /rdo rje dang dril bu gnyis dbyer mi phyed par sbyor ba chad pa'i dga' ba/ mtshan ma dang rtog pa thams cad spangs nas nam mkha' bzhin gnas pa ni rang bzhin no/ /yang na bde ba chen po zhu ba la sogs pa 'am/ lte ba nas mdud pa la sogs pa ste/ de yang dkyil 'khor la sogs pa thams cad kyi ngo bo ni rang bzhin dga' ba zhes gsungs so/ /ma yi yig 'brus? zhes bya/ /na yi yig 'bru chu zhes bstan/ /nga yi yig 'bru yin me?/ /la yi yig 'bru rlung gi?
- 207b
gzugs/ /zhes pa ni byang chub kyi sems ni s? ba'i chos can te brtan pa mi shigs pa'o/ /de yang chu yis bsdus pas so/ /mes smin par byas pa'am/ drod dang ldan pa'o/ /rlung gis 'bab pa 'am/ yang na ye shes kyi rlung gis khyab nas gnas ba la ni/ g.yo ba'i phyir ni ? du brjod/ /yang na khyab pa'i phyir ru dran zhes so/ /rang bzhin dga' ba la yig 'bru'i bdag nyid gang yin pa de ni rtog dang/ mtshan ma thams cad spangs nas gnas bya ba dang/ rlung g.yo ba gnyis mi 'gal lam zhe na/ de ni mi 'gal te/ dang po bde ba chen po'i 'khor lo nas byang chub kyi sems g.yo ba byed la/ rlung gis g.yo ba yang mi? 'gal la/ de yang rgyu yin pa dang rang bzhin dang bde chen du sbyar ba yang yin la/ der ma zad de rang bzhin dga' ba las dga' ba gzhan rnams g.yo bar byed pa dang/ rang bzhin dga' ba dang ldan pa'i rlung la g.yo bo zhes ma gtags nas rdo bzhin gnas pa'am/ stong pa phyogs gcig par yang 'gyur ro/ /de ni phyir rang bzhin dga' ba la rlung du bshad do/ /rlung ni ye shes kyi rlung zhes bya ba la sogs bas bstan no/ /de tar rgyud phyi ma'i le'u brgyar ba las kyang gsungs so/ /rlung ni ye shes yin pa ste/ /ye shes nam mkha' yin pa ste/ /nam mkha' stong par bstan pa'o/ /stong pa las ni thams cad 'byung/ /zhes pas so/ /nges na ye shes rnyed pa'i phyir/ /bde ba yin chen po lan/ /ye shes ngo bo bde ba che/ /dkyil 'khor du ni yang dag bzhugs/ /zhes gsungs te rang bzhin dga' ba spros pa thams cad dang bral ba'i ye shes chen po ni de las gzhan pa'i bde ba sus kyang mi rnyed pa ste/ 'di khon nyid yang dag pa ma nor ba/ gtid dpag dka' ba skye 'gag med/ /nam mkha' dang 'dra rang bzhin dga' / /de yon
- 208a
nyid ces bya'o/ /dkyil 'khor sangs rgyas rin chen gtso/ /thig le'i ngo bo yi ge bral/ zhes gsungs so/ /rnam par snang mdzad la sogs pa'i rigs kyi bdag po 'am/ gtso bo ni 'od rab de yin la yi ge la sogs? pa'i chos thams cad dang bral ba'i rdo rje sems dpa' ni dkyil 'khor bdag po yin no/ /de ltar yin pa'i phyir 'di na mar rnam pa thams cad rnam med ces bya ba la sogs brgya cher gsungs so/ /bdag 'dzin pa ni nyon mongs che/ zhes bya ba la sogs pa'i ni lta ba ngan pa'i phyogs dgag pa'o/ /de yang nyan thos pa'i lta ba dang mu stegs bye brag pa la khyad chung bas de rnams spangs nas bzang bar bstan pa dang/ de yang dag par smad na ngan pas so/ / kun rdzob kyi thabs kyis zin par bya'o/ /de bzhin du don gyi zhe gnas? mi smad la/ 'jig rten pa'i lta ba dang cha mthun pas mchod kyang mi mchod do/ /phyi'i 'phar ma gcig gnas su/ zhes pa ni 'phar ma gnyis yod pa'i phyi'i rim na gnas pa'o/ /dkyil 'khor 'dir bzhugs rnal 'byor ma/ zhes bya ba ni phyi rol gyi gnas na bzhugs pa rnams te/ rnal 'byor ma bcu drug gis zhes so/ /rtag tu me tog spos sogs/ zhes pa ni mchod pa'i rdzas me tog dang/ spos dang/ mar me dang/ dri chab? dang/ lha bshos la sogs pa'i rdzas rnams dang bdud rtsi lnga la sogs pa'o/ /sngags 'di yis na mchod par bya/ zhes pa ni shes rab du? snying rjer ldan pa'i sgo nas me tog la sogs pa'i sngags 'di'o/ /oM ni dang po hUM phaT mthar/ /bar du ming ni spel bar bya/ zhes pa ni sngags te/ bar du A li gzhug pa ni rnal 'byor ma'i ming ste/ re rer spel ba dang/ ? dang/ d+hu pa la sogs pas mchod pa'i mchod
- 208b
pas mchod do/ /sna tshogs lnga yi mchod sbyin gyis/ zhes pa ni go slabs bdag gis ma bshad do/ /dkyil 'khor pa la rab tu mchod/ ces bya ba ni sngar smos pa'i gtso bo dang 'khor du bcas pa la phyi nang la sogs pas phye nas mchod do// mchod pa byas nas rab tu 'grub ces pa ni yon tan gyis bsod nams kyi tshogs dang/ ye shes kyi tshogs la sogs pa'i dngos grub thams cad thob par 'gyur ro/ /rang bzhin dga' ba'i sgron ma las/ le'u bcu pa'i dka' ba bkral ba'o// //der sku brgyad dang bcas pa'i dkyil 'khor bstan nas/ da ni 'dir sngags kyi zla btsam zhig bshad do/ /mchod sbyin ni dpal dga' ba'i me tog las shes par bya'o/ /dga' ba la sogs pa las byung/ zhes pa ni dga' ba dang mchog gi dga' ba dang/ tshad pa'i dga' ba dang/ rang bzhin dga' ba'i nang nas sngags byung ngo/ /yang na dga' ba gsum po yis rgyu byas nas byung ba'o/ /yid ni sngags zhes brjod pa yin/ /zhes pa ni go sla'o/ /sdug pa dang ? sgrub pa'i sngags zhes pa ni thabs dang shes rab sbyor ba ni zlos pa ste/ de yang 'di na mar sngags kyi ngo bo bstan pas 'bras bu rnyed pa'o/ /sngags ni bdud rtsi bstan pa'o/ /zhes pa ni A li kA li rgyu byang chub sems bdud rtsi ste/ des ni ming dang rgyu bstan no/ /lam gyi thar pa de ni sngags/ zhes bya ba ni bde ba chen po 'khor lo nas chad pa'i dga' ba'i bar ni lam yin no/ /rang bzhin dga' ba shes rab dang snying rje chen po dbyer med pa ni thar pa chen po yin pas ? zhes bya'o/ /de ni sngags thams cad kyi 'bras bu'o/ /tshig rgyas pa ni de bzhin no/ /zhes pa ni nor bu'i mdza' rgyas pa ni lus thams cad bde ba chen po yis rgyas pa ni rang bzhin dga' bas so/ /phrag pa gnyis kyi dbus na
- 209a
gnas/ zhes pa ni shes rab dang thabs kyi sbyor ba'i dus su bo la dang kak+ko? la phrad pas nyi ma dang zla ba'i dus zhes brjod do/ /de ni don dam pa'i sngags/ zhes bya ba de ni tshig dang yi ges brjod par mi nus pa ste/ mchog gi dga' g.yang ma yin/ chang pa yang ma yin/ mchog dang chad pa gnyis ka dang bral ba'i rang bzhin gsal ba'o/ /sngags ni A li kA li yin/ zhes pa ni A li bcu drug dang/ kA li sum cu rtsa gnyis kyis ni ngo por snang ba la mtshan brjod nas byang chub kyi sems thabs dang shes rab tu dbye ba'o/ /brjod pa de ni bzlas pa'o/ /zhes pa ni sngags sngar gyi kun gyi mtshan nyid brjod par byas pa'o/ /nges? ni bzlas pa bstan to/ /de yang 'di skad ston te/ bskyed dang bzlas pa'i bye brag tu/ sngags kyis bzlas pa rab tu grags/ zhes pas bzlas pa bstan te/ dga' ba'i rim pa gnas gsum du bskyed pa dang/ yang slar gsum du rdzogs pa dang/ de gnyis ?? brag las rang bzhin gyi sngags 'byung ba ni don dam pa'i bzlas pa ste/ de kho na nyid kyi sngags bzlas pa'o/ /gang du ske dang rkan ni gnyis/ bskyed ba gang du mi 'byung ba/ zhes pa ni dbugs mi rgyu bar rdo rje'i ske mdud pa'i gnas nas pad+ma'i bar gyi rkan gyi mgul par gnas te yod pa'o/ /srog gi rtsa yi nang yod pa/ zhes pa ni srog pa rtsa'i nang na A li la sogs pa'i byang chub kyi sems kyi ngo bo yod pas mtshangs ba zhes bya'o/ /lugs dang ? min rgyun mi 'ched?/ ces pa ni shel gyi phreng ba lugs su thur la drangs la bzlas pa dang/ gyen la slar la bzlog cing drangs sngags bzlas so/ /thigs gsum yig gsum dag la/ zhes pa ni dga' ba thig le gsum
- 209b
gyis lugs su 'byung/ /rdzogs pa gsum gyi dga' ba gsum dag par byed pa'o/ /rang 'od ma bcas brjod par bya/ zhes pa ni las kyi phyag rgya la sogs spangs la bdag nyid kyis bzlas brjod bya'i/ /rkyen la rag ma lus par bya'o/ / ci'i phyir zhe na/ shes rab dang bral ba la de skad ces bya'o/ /dper nam he sa steng mnyam pa lta bu'o/ /rkan gyi nang du lce bcug pa/ zhes bya ba ni lce rdo rje dang rkan pad+ma gnyis shes rab dang thabs kyi byor bas ni ye shes kyi me 'bar bas bde chen las byang chub kyi sems 'phab par bsam mo/ /ro ma yis ni mnan par bya/ zhes bya ba ni lce stongs mnan cing sbyar ba ste/ slob dpon chen po gsung par 'gyur ro/ /yang na rtse mo'i cha' reg bya/ zhes bya ba ni/ lce rtse ? bsam ? de las me mtshon gang btsam zhig 'bar bas rkan gyi nang nas 'bar bar bsgoms pas bde ba nyams su myong ba yi/ mnyam sbyor rnam pa'i bsam gtan gyis/ zhes gsungs so/ /de lta bu'i bsam gtan la sems rtse gcig tu dus rtag tu gnas pa'o/ /grags pa med pa bdud rtsi bzhin zhes pa ni yang dag pa'i byang chub kyi sems 'di ni ma rig pa dang/ nyon mongs pa la sogs pa thams cad kyi rtsir gyur pa ste/ tshig dang ye ges brjod bar mi nus pa'i phyir ro/ /de nas tshul ni 'byung par 'gyur/ zhes bya ba ni ye shes de las rang bzhin gyi dga' ba dri ma thams cad dang bral ba 'byung ba'o/ /rang bzhin dga' ba'i sgron ma las le'u bcu gcig pa'i dka' ba bkral ba'o// //'di ltar mchod pa'i rim pa bstan pa las byung ba ni/ /g.yas g.yon yan lag gnyis su ni zhes pa ni byang chub kyi sems thur du 'byung ba ni g.yon nas mar 'bab/ gyen du g.yas nas ldog pa gnyis las 'byung ba bstan pa'i phyir/ khu ba yi ni 'byung
- 210a
bar dran zhes bya ste/ gcig nas gcig tu thigs re re 'byung bas bco lnga 'bab pa'o/ /bcu drug pa 'pho ba dang 'gro ba las grol ba'o/ /mar do de bzhin yar ngo yi/ /bzlog pa yis ni 'byung ba'i tshe/ zhes bya ba ni ? dang bde ba si ha la dang ga bur gnyis shes rab thabs sbyor ba las 'byung ba'i bde ba chen po ste rtogs par dka' o/ /bcu dang lnga yi gnyis med sbyor/ zhes pa ni tshes bco lnga'i bdag nyid ye shes bco lnga la bde ba'i byang chub kyi sems dang gnyis kyi bye brag spangs pa'o/ /bde ba 'di yis 'byung ba'i phyir/ zhes pa ni 'di kho na las 'byung ste/ bco lnga'i ye shes las 'byung ba'o/ /de yang gzhan las mi 'byung ba dang/ de las logs na med par bstan pa'i phyir/ de nyid gsum shes bcu dang ldan/ /shes rab dang bral bde ba che/ zhes gsungs te/ dga' ba dang/ mchog gi dga' ba dang/ chad pa'i dga' ba gsum ma nor bar rtogs pas bco lnga po ? rtogs pa yin la/ dga' ba gsum dang bco lnga'i rang bzhin gang gsal ba ni shes rab rigs thams cad dang bral ba'i bde ba'o/ /gzhan dag na re char yang thig le gsum la ni de nyid gsum zhes bshad la/ de rnams shes pa ni ye shes bco lnga ste/ bco lnga las logs na shes rab dang thabs gnyis dang bral ba'i bde ba chen po med do zhes zer ro/ /'di lta bu'i dga' ba'i don rang bzhin dga' ba bcu drug gi cha yod med gnyis las? grol ba de ni bla? ma ? thob par bya ba'i phyir/ bla ma'i zhal sda'i bka' drin gyis/ /gnyis su med pa'i bde ye shes/ zhes gsungs te/ thabs dang shes rab la sogs pa gnyis dang ? ba'i bde ba chen po 'od
- 210b
rab de ni bla mas shes par bya'o/ /rtag tu goms pa yis ni shar zhes bya ba ni bla mas dbang gi rim pa bskur bas ye shes nyams su myong ba la yang dang yang 'dris shing goms pas rang bzhin dga' ba shar ba'o/ /bsam gtan gyis ni shes ba'o/ zhes pa ni bsgoms pas rtogs kyi brjod pas rang bzhin dga' brnyed par mi 'gyur ro/ /bcu drug gi ni yi ge'i gzugs/ zhes pa ni shes rab kyi rang bzhin A la'i ngo bo g.yon du 'bab pa'o/ /de'i phyir 'di skad ston te/ A li'i thig le rang ngo bo/ /A sogs yig 'bru'i ? yang 'byung/ /A li'i ye shes bde bdag nyid ? gsungs te/ de yang bde ba'i thig le bcu drug grangs kyi char yang dang/ don gyi char yang dang/ don gyi char yang ni shes rab ye shes bde ba 'byung ba'i rgyu grags kun rdzob las don 'bras bu rnyed pa'o/ /ka sogs yig 'bru'i char yang 'gyur/ zhes bya ba ni thabs kyi rang bzhin ka ? g.yas nas ? pa ? pa'i ngo bo thigs bcu drug kun rdzob las don dam pa'i rang bzhin no/ /kA la'i ye shes bde ba che ni mchog gi ye shes su bstan bas chad pa'i ye shes kyang shes so/ /A li kA li gnyis sbyor las/ zhes bya ba ni thabs las shes rab gnyis kyis mtshon ? ? rnams ? chen zhes te/ bcom sbyin gyi ni rang mchog bya zhes pas ni mchod sbyin thams cad kyi mchog ni mchod pa 'di rnams yin no/ /de bas mchod pa yin de bzhin no/ zhes bshad do/ /gsang ba'i pad+ma'i snying ? ro/ /zhes pa ni 'khor lo rnams sam/ ? dga' pa'i pho brang la sogs pa'i lte bar ro/ /gsang ba'i de nyid gsum zhes bya/ zhes pa ni rlag pa la sogs pa gsum ni sku gsum du bstan pa la gsar ba zhes bya'o/ /rlag dang longs spyod sogs bye brag ? ba ni shes rab thabs sbyor ba'i rdo rje
- 211a
dang pad+ma phrang pa ni mchod spyin gyi skabs su rlag pa la sogs pa la ni mchod pa zhes bya ba ste/ pad+ma'i gnas kyi pho brang rnams na ri bong can gnas pa'i tshen yang dag pa'i ? sbyin no/ /rlag pa ni longs spyod dbang/ zhes pa ni mchod pa dngos yin par bstan pa'o/ /dga' ba gsum du bstan pa'o/ /zhes pa ni rlag pa la sogs pa'i mchod pa ni dga' ba dang mchog dga' dang chang dga' gsum mo zhes so/ /da ni thig le gsum zhes bya ces pa ni dga' ba'i thig le dang/ mchog gis thig le dang/ chad? dga' i thig le'o/ /sku gsum yig gsum bdag nyid do/ zhes pa ni chos kyi sku dang/ longs spyod rdzogs pa'i sku dang/ sprul pa'i sku gsum dang/ oM A:hUM gi rang bzhin gyi mchod pa'o// tshangs pa'i bu ga de bzhin sker/ rnying gar ru ni thig le gsum/ zhes pa ni spyi bor sku'i theg le/ mgrin par gsung gi thig le snying gar thugs kyi thig le'i gnas so/ /yang na rim pa bzhin rlag tshangs pa'i bu ga ste chos kyi sku'o/ / gzhan gnyis longs spyod rdzogs pa'i sku dang/ sprul pa'i sku'o/ /de ni bskyed pa'i rim zhes bya/ zhes pas ni 'og ma rnams la bltos nas bstod pa zhes bshad de/ /mdud pa'i nang ni man chad do/ zhes pa ni des gnas kyi don bstan te/ bzlog pa yi ni thig le gsum pa mi chad dga' ru gcig /mngon dga' ru gnyis dga' ba'i gnas dang gsum las bzlog pa'i zhes bya ste/ de yang 'di skad du 'byung ngo/ /gyen du rdzogs pa'i rim pa yi ni/ zhes pas gsal? bar bshad do/ /rgyu 'bras rnam dag bye brag tu/ /thig le drug ni rab tu grags/ zhes pa ni bskyed pa rnams rgyu la/ rdzogs pa rnams 'bras bu'o/ /yang na dga' ba'i rim pas rgyu la rang bzhin gyi rim pas 'bras bu ni snga ma dang/ phyi ma rnams ?
- 211b
yang sbyor ro/ /dri med ye shes char yang drug /de ni rnam shes sbyor drug bshad/ ces pa ni bskyed rdzogs kyi thig le drug la rang bzhin gyi char yang drug ste/ de la ni don dam par spros pa dang bral ba'i rang bzhin sbyor ro/ /sbyor pa la ni rnam par shes/ zhes pas so/ /de yi dbus su de nyid zhugs/ zhes pa ni sbyor ba drug po de'i dbus su rang bzhin dga' ba bde ba'i dngos po 'di lta bu gnas so/ /rang bzhin dga' ba'i sgron ma las le'u bcu gnyis pa'i dka' pa bgral pa'o// //rgyud gsum kyi ni rim pa yis/ /dbang drug re ba bstan pa'o/ /zhes bya ba ni rgyud la sogs pa phyi ma thub pa'i rgyud gsum du ni rigs lnga'i thog tu phyir mi ldog pa bsnan pas 'bras bu dang bcas pa'o/ /chu'i dbang bskur dbu rgyan dag ces pa ni bum pa chu la sogs pa'i rdzas rnams kyis gang ba dang ldan pa ni mi bskyod pa'i 'bras bu'o/ /dbu rgyan yang gser ram pa so la sogs 'bur du btod pa 'am/ thad ka la sogs pa la de bzhin gshegs pa bskyed dkug gzhugs pa la sogs pa dang ldan pa'i rin chen 'byung ldan 'bras bu yod pa'o/ /bya ba'i rgyud las rab tu grags/ zhes pa ni dbang gnyis po de bya ba'i sgo nas 'jug dngos su grags so/ /rdo rje dril bu ming gi dbang/ zhes pa ni rdo rje la ? ba mdza' yas bskyed pa la sogs pa dang 'bras ? yang de bzhin no/ /dril bu don yod grub pa dang/ ming gis rnam par snang mdzad la sogs pa'i 'bras bu la sogs pa'o/ /spyod pa'i rgyud las rab tu gsal zhes pa ni gnyis ? yang lta spyod pa'i bye brag kyang bya ba'i phyir gsal lo/ /phyir mi ldog pa'i dbang zhes pa ni bka' stsal pa la sogs pas ni 'bras bu de bzhin gshegs pa thams cad dang ldan pa ? bzhin no/ /rnal 'byor rgyud bu gsal bar byas/ zhes pa
- 212a
ni yo ga ru bzhi po rnams gsal ste/ de rnams ni thun mong gi dbang du shes so/ /de ni drug gi bye brag dbang/ zhes pa ni chu la sogs pa'i 'bras bu'i sgo nas dbye ba'o/ /yang na sa bon 'debs pa'i dbang ste rgyu'i sgo nas dbye ba ni slob dpon gyi ru grags pa'o/ /rnal 'byor bla ma'i mtshan zhes pa ni rnal 'byor chen po thabs kyi rgyud kyi ming ngo/ /gsang ba'i dbang ni dbang rgyal bshad ces pa ni gsang ba'i phyir na gsang ba ste/ ma hA yo ga ra grags/ /shes rab ye shes bla na med ces pa ni bla na med pa ni ma rgyud de/ de ru shes rab ye shes kyi dbang grags so/ /bzhi pa de ltar na de bzhin no/ /zhes pa ni gong ma'i dbang de rnams kyi khongs nas 'byung ste/ char yang bcu drug lta bu'o/ /dgu yi bye brag dbang la sogs/ /'bras bu'i phyir ni brgyad du 'gyur/ zhes pa ni chu dang dbu rgyan dang/ rdo rje dang dril bu dang/ ming dang/ brtan pa dang/ gsang ba dang/ shes rab ye shes kyi dbang la sogs pa brgyad ni rgyu yin la/ dgu pa ni sngar ni nad na yod pas 'bras bus dngos po yang brgyad bo na yod la/ de bzhin du bzhi pa yang yod pa'o/ /bzhi pa de ltar de bzhin brjod/ ces pa ni go kla'o/ /zhes rab ye shes de'i 'bras/ zhes pa ni de'i 'bras bu dbang yin la/ dgu pa ni sngar ni nang na yod pas 'bras bu'i dngos po yang brgyad po na yod la/ de bzhin du bzhi pa yang yod pa'o/ /bzhi pa de ltar de bzhin brjod/ ces pa ni go kla'o/ /shes rab ye shes de'i 'bras/ zhes pa ni de'i 'bras bu dbang bzhi pa ste 'di skad ston no/ /dngos po so sor shes mi bya/ zhes pa ni rgyu dang 'bras bu gcig pa'o/ /bzhi pa la sogs na med pa la de skad bshad do/ /de ltar zhes ni tshad med do/ zhes pa ni bzhi pa la tshad dang rags pas gzhal par mi nus par bstan no/ /de bas 'bras bu'i tshig don ni/ rigs pa ma yin pa yi sems shes gsungs te/ 'bras bu'i ngo bo bzhi pa ni brjod par dka' la rtogs par dka' ba ni rigs pa spangs te ye shes de ni bla ma'i man ngag gis
- 212b
bsgom pa las 'byung bar bstan no/ /de yang 'byung ba'i dang bral ba'i dngos po ste/ gsal bar byed pa'o/ /zhes gsungs so/ /'o na chos nyid kyi rang bzhin bzhi pa ni 'byung bar bstan te/ 'dir 'byung ba med pa'i dngos po yi/ zhes pa ji lta bu zhe na/ bu mo la sogs pa'i dbang gi rim pa las 'byung la/ shes rab ye shes las logs na med pa'i phyir mi 'byung ste/ de bas na 'di skad ston no/ /de yang don dam pa'i dngos po bde ba ni 'byud la/ kun rdzob kyi dngos po khu ba ni mi 'byung ba la bya yang 'gal ba med do/ /de bzhin re zhig dga' ba'i rim/ /ji lta bu'i ni yod par 'gyur/ zhes pa ni sdud pa bos dga' ba la sogs pa'i dngos po dang/ gnas dang rgyu dang/ 'bras bu 'byung ba'i rim pa dang/ bskyed rdzogs rnams zhus pa'o/ /dga' ba lus su grags pa ste/ zhes pa la sogs pas ni mchog gi dga' ba dang/ chad pa'i dga' ba dang/ dga' ba la sogs pa ni sems can gyi gnas skabs su lus ngag yid gsum yin pa la bya la/ sangs rgyas kyi gnas skabs su sku gsung thugs so/ /rang bzhin dga' ba de ni rnams las gzhan du mi rnyed do/ /de bas na sems las gzhan ni yod pa min/ zhes gsungs te/ sems sogs na yang med/ sems rang? yang ma yin pa de i ? bzhin dga' ba'o/ /lus kyi mgo po'i gnas su dga' ba zhes bya ba la sogs pa ni lus kyi dga' ba la sogs pa ni mgo bo la sogs pa'i gnas rnams su shes par bya'o/ /lus rgyu 'bras bu de ni dag /ces pa la sogs pas snga ma rnams la phyi ma'i rim pas 'bras bur shes la/ de yang nyid ches pi chad pa'i dga' ba shes rab ye shes kyi dbang gi rtogs nas gnas pa la rang bzhin dga' ba zhes bya ste/ don dam pa'i mnor ba'i 'bras bu'o/ /de ni 'di skad ston te/ de nyid
- 213a
gsum bdag ye shes gang/ de ni bzhi pa gsum dang bral/ zhes pa ni dga' ba gsum po dbang gsum gyi bdag nyid gang yin pa'i ye shes de ni rang bzhin dga' pa bzhi pa dbang gsum dang bral ba gsum gyi/ bdag nyid do/ /rtsa gsum nang gi dbus na bzhugs/ /zhes pa ni srog ma'i dngos po'i nang na ling ga la dang/ yi da dang/ so sho mna' dang/ gsum pa'i dbus ni bya gdong ma ste/ de'i nang na 'bras bu bzhugs pa'o/ /gnas gsum khyab ma skye ba med/ /'od gsum srid pa gsum dang bral/ /'od rab gnas ni rab kyi mchog /de ni bzhi pa rab kyi dbang zhes gsungs te/ de ni mgo bo dang/ mgrin pa dang/ snying ga gsum du khyab pa'i dbang gsum las byung ba skye ba med pa 'di bde pa gsum dang/ khu ba gsum po dang/ bral ba'i rang bzhin dga' ba'i rnam grangs 'od rab kyi gnas gsum po dang mi 'dra ba'i gnas rab na gnas pa de bzhi pa'i dbang yin no/ /gzhan dag na re rtsa gsum la ni gnas yin la skye ba med pa bzhi pa'i dbang po/ /'od la sogs pa ni snang ba dang/ snang ba mched pa dang snang ba thob pa dang/ la la ? rlag /ra sa nA sa longs spyod/ a ba d+hu ti da dbang ste/ de rnams dang bral ba yang dag dri med sangs rgyas? rin po che'i gnas na bzhugs pa dbang bzhi pa'i ngo bo yin zer ro/ /bdun gnyis bye brag tu ni yod/ ces bya ba'i bum pa'i dbang bcu gcig gsang ba'i dbang bcu gnyis/ shes rab ye shes dang bcu gsum de ltar de bzhin pa'i ste/ de ni bcu bzhi pa'i dbang gi bye brag go /de yang rgyu 'bras dang gnas gyi sgo nas bsdus la dbyes/ yan lag rab kyi mdor bsdus pa zhes bya ba ni yan lag dang nyid lag thams cad ni rab ni mgo bor bsdus pas so/ /chu'i dbang bskur bas/
- 233b
ni 'bras bu dga' ba zhes pa thob bo/ /gsang pa'i dbang bskur mgrin pa ru/ /mngon par dga' ba bdag nyid mchog /ces pa ni dag thams cad ske nas 'byung la/ der gsang ba'i dbang bskur bas 'bras bu mchog gi dga' ba thob bo/ /shes rab ye shes kyi ni dbang/ /snying ga ru ni chad bdag nyid ces pa ni rgyu ye shes las 'bras bu chad pa'i dga' ba ste/ de yang gnas snying ga ru ye shes nyams su myong bas rtogs pa la sogs pas gzung 'dzin thams cad chad nas/ ye shes la gnas pa'o/ /gsang pa'i pad+ma'i lte ba ru/ /bzhi pa rang bzhin ngo bor grags/ /zhes pa ni gsang par sangs rgyas rin po che'i snod kyi dbus su dbang bzhi pa bskur ba'i rang bzhin dga' ba'i 'bras bu'o/ /de ltar dbang ni bzhi ru dbye/ zhes pa ni rgyu 'bras la sogs ba'i dbang gi dbye ba mdor bsdus ba bzhi ru dbye ba yin no/ /bskyed pa'i rim pa'i phyogs yin no/ /zhes pa ni de yan chad kyi dbang gcug nas gcig tu ye shes skye bas bskyed pa'i phyogs so/ /chu'i dbang ni mdoms su ste shes pa ni go sla'o/ /'dis 'bras bu tsam bstan te/ sna tshogs 'bras bu sbyin pa'i zhes ni 'o dang 'khyud pa la sogs pa'i dga' ba sna tshogs kyi 'bras bu dga' ba dang po'i zhes bstan no/ /rnam par smin pa'i 'bras bu ster zhes pa ni gsang ba'i dbang gi 'bras bus ? gyis dga' bar gyur pa las mchog gi dga' ba'o/ /rnam par 'joms pa'i 'bras bu ster/ zhes bya ba ni mtshan ma la sogs pa'i dngos po thams cad bcom nas chad pa'i dga' bar 'gyur ro/ /de ni shes rab ye shes kyi dbang yin la/ de dor? ba'i ? byang chub kyi sems gsum la/ gsal ba 'di rang gi shes rab ma'i mkha' la 'gro ba ni 'di skad brjod do/ /shes rab pad+ma'i yid 'gro'i phyir/ /rlung ma dang ni gnyis skya'i rtsa/ /gnyis ka? rgyas pa yis na bar?/ /gyen gyi yin ni lam gyis bzlog /
- 214a
ces pa ni rang gi las kyi phyag rgya'i gsang ba'i mkha' pad+ma la byang chub kyi sems kyi dngos po 'gro la/ /'gro bas ni thabs kyi rtsa dang shes rab kyi rtsa gnyis ka rgyas pa'i ngo bo las nyams su myong la/ de gyen du thabs kyis drangs pas ni rang bzhin dga' ba'i 'bras bur bstan te/ de ltar bzhi pa rab tu grags zhes gsungs so/ /mdud pa ni thabs kyi mdud pa'o/ /nang ni rin po che nor bu'i nang du 'gro ba la grags zhes bya'o/ /mtshan nyid dang bral 'bras bur grags zhes pa ni chos thams cad kyang bral ba'i chos thams cad kyi 'bras bur 'dod de/ de yang mdud pa'i bya ba nas dbang gi ye shes des bstan to/ /zhes bya ba'i bar gyis bzhi pa'i 'bras bu bstan no/ /'o na dbang gsum po'i 'bras bu ma bstan nam zhes na/ 'dir bstan mod kyi thams cad kyi ye shes kyi 'bras bu 'di yin pas na rang bzhin gtso bor smos pa dang/ dbang bzhi yis 'bras bu 'di tshol ba las 'bras bu gzhan ni de ltar ma yin te/ dper na rgyal po'i pho brang bskyod pas 'khor dang ldan nas chas pa bzhin nam/ yang na rgyal po spyan 'drongs na 'khor med kyang bsam pa 'grub pa yin no/ /ye shes de ni rgyud gzhan du ston pas gsal bar ma gsungs te/ rdo rje ga ba de bzhin gsang zhes pa la sogs pa ni rdo rje ka pA la'i rgyud la sogs pa rus sbas pa'o/ /khyod kyi ngor mdzad dbang gi don/ zhes pa ni byang chub sems dpa' lha'i dbang phyug la ngo bo yod par bya ba ste/ rgyud gzhan du dbang gi ye shes sras zhes bya ba'o/ /khyod kyis dor mdzad? dbang gi dang/ /rgyud 'di ru ni rab tu gsal zhes pa ni byang chub sems dpa' lha'i dbang phyug kho na'i ngor bcom ldan 'das kyis mdzad pa'i dbang gi don dpal ye shes thig ler gsal bar gsungs so/ /tshad ma shes dang zhes bya ba la sogs
- 214b
pa ni snod ngan par bstan te/ yang dag las shes slob dpon gyis/ zhes pa ni don dam pa'i lam shes pa'i bla ma gong ma'i skal ba dang mi ldan pa la mi bstan par gsungs so/ /a'i yig 'brus zhes pa la sogs pa'i dngos pos ni dbang bstan te/ a b+hi She ka zhes pa ni dbang ngo/ /de yang dbang gi rgyu byas pas 'bras bu dga' ba la sogs pa'i ye shes su 'di nas mar 'byung ste bdag gis ni ma bshad/ /rang bzhin dga' ba'i sgron ma las/ le'u bcu gsum pa'i dka' ba bkral ba'o// // de nas yang ni bshad bya ba/ zhes pa ni dbang bstan nas bar mchad par nang la sogs pa'i sbyin sreg bshad do/ /nang gi mtshan nyid sbyin sreg go /zhes pa ni nang dag gsang ba la sogs pa las 'dir nang kho na bstan pa'o/ /kha ni ho ma khung zhes pa ste/ sngar zas bdud rtsir byin gyis brlabs la/ bsang gtor dang rdzas kyi rnam pa 'og nas mar bstan no/ /de yang phrag dog la sogs bsang gtor bya zhes pas bstan no/ /dum bu gsum pa zhes bya ba la sogs pa nang dang gsang ba la sogs pa'i byin gyis brlabs pa ste/ bdud rtsi mchog? ni zhu bar byed ces pa'i bar gyis so/ /gsang ba'i sbyin sreg la las kyi phyag rgyal brten pa dang/ dam tshig gi phyag rgya la brten pa dang/ ye shes kyi phyag rgyal brten pa'i sbyin sreg las don dam pa'i phyag rgya chen po'i 'bras bu 'thob bo/ /rang bzhin dga' ba'i sgron ma las le'u bcu bzhi pa'i dka' ba bkral pa'o// //de nas gtor ma chen po'i las kyi nges par bstan pa'i don bshad do zhes pa ni bde ba chen po byang chub kyi sems kyi rtog pa la sogs pa bsang pa'i rdzas rnams dga' ba la sogs pa'i sbyor bas byin gyis brlabs te chad pa'i dga' bar rdzas tshogs par bdud rtsir gyur te/ sems can thams cad bsrung ba'i phyir gnas
- 215a
dur khrod chen po mtshan mo shi ba dbugs dang bral ba'i bde ba'i ro dang ldan pa'am/ yang na chu bo chen po'i rnams dga' ba dogs srog gi rtsa'i gnas/ rin po che'i khar byang chub sems kyi rgyun mi 'chad pa'i gnas su gtang ngo/ /nges ni bar chad byed pa'i 'byung po la sogs pa thams cad zhi nas khams gsum gyi sems can rnams par chad mi 'byung bar tshogs gnyis mchog dang chang dgar rdzogs nas bde ba chen po'i ye shes kyis pad+ma'i snod dum bu gcig pa shin tu rgya che ba'i nang du gang ngo/ /de yang he ru kar rnal 'byor pa bsam la ye shes kyi phyag rgya bca' mthe'u chung lu gu rgyud du sbrel mdzub mo gyen du bgreng bar ma sbyar la btang ba'i sngags ni ba lim dang has gtang ngo/ /de lta bu'i gter mas 'khor ba dang mya ngan las 'das pa gnyis su med pa'i 'bras bu rnyed par 'gyur ro/ /rang bzhin dga' ba'i sgron ma las/ le'u bco lnga pa'i bka' ba bkral ba'o// //bsdus pa'i nges pa'i don rnams gsungs pa'i gting la ni de nas bcom ldan 'das mo phyag rgya chen pos zhes gsungs te/ sngar zhus pa'i bshad zin par dngos nas bcom ldan mo the tshom chos nas sdud pa bo la bos nas bskul ba byang chub sems dpa' sems dpa' chen po lha'i dbang phyug pos te/ zhes pa ni 'khor bye phrag bdun cu rtsa gnyis kyi nang nas sbrul pa'i sku byang chub sems dpa' lha'i dbang phyug la dmigs kyis pos te bdag gis the tshom sol cag bya'o/ /de yang kye dpa' bo chen po lha'i dbang phyug ces te snyan cing dgyes pa'i sgo nas bos so/ /de kho na nyid gsum gyi bdag nyid kyi dang nges par bstan pa zhes pa la sogs pa mi zhu pa 'am ci zhes pa ni bcom ldan 'das ma le'u dang bar da kha nas sogs
- 215b
pa bcom ldan 'das kyis gsungs pa skabs 'dir des don zhu bar rigs so zhes pa'o/ /lha'i dbang phyug gis gsol pa zhes pa ni slar bcom ldan 'das la dgyes nas gsol pa'o/ /mchog gi dbang phyug ma zhes pa nas nam mkha' i mdza' leD so legs so zhes pa lha'i dbang phyug gi tshig ste/ yon tan thams cad kyis bstod nas rjes su yi rang ngo zhes pa'o/ /yang byang chub sems dpa' sems dpa' chen po zhes pa ni sbrul pa'i sku sa bcu pa'i dbang phyug gis so/ /bcom ldan 'das mos ? du chud pas/ zhes pa ni bcom ldan 'das mos ni lha'i dbang phyug gis khong du chud cing shes par bya ba'i don du ni 'di skad bshad do/ /dga' ba chen po sems kyis zhes pa ni shes pa'i dbang gis dga' ba bde ba'i bdag nyid kyis sprul pa mang po dgye ba la sogs pa'o/ /rdzu 'phrul dang cho 'phrul dang ? du byung ba sprul te zhes pa ni lha'i dbang phyug gis 'jig rten gyi khams de bzhin gshegs pas gang ba'i rdzu 'phrul dang de re re las mchod pa'i lha mo dpag ? ba sprul pa'i cho 'phrul dang/ de rnams thams cad kyi phyag na pad+ma dang ku mu ta'i rang bzhin zla ba dang nyi ma'i me tog pa'i rmad du byung pa mang po sprul pa'i mchod rdzas so/ /rnam pa du ma tshegs pa'i mchod pa'i mchod sbyin byas ? ni lha dang lha mo dang me tog la sogs pa'i rnam pa thams cad tshogs nas bcom ldan 'das la mchod pa bya ba la sogs pas dgyes pa byas nas so/ /sngar gyi dris pa zhes bya ni bcom ldan 'das mos dris pa'o/ /zhus so ? dbang phyug gis bcom ldan 'das ye shes thig le la zhus pa'o/ /bcom ldan 'das ni ston pa ste/ /bdud bcom pa dang ldan pa'i bdag nyid do/ /de kho na la sogs pa nges pa'i don zhus pa ste/ bka' stsal du stsol? zhes pa'i tshig rnams
- 216a
nyon cig bdag gis rab tu bshad/ ces pa ni lha'i dbang phyug la sogs pa'i 'khor gyi byang chub sems dpa' rnams la sems ma yengs par nyon cig pa'o/ /ston pa po bcom ldan 'das bdag gis bshad pa ste/ 'khor rnams kyi nang du dam bcas pa'i tshig tu gsal ba'o/ /mtshan nyid las skyed kho na nyid ces pa ni chos thams cad kyi chos nyid las skyes pa ni de kho na nyid do/ /de ltar min na zhes pa ni chos nyid las skye ba bde ba'i ngo bo ste/ de'i phyir mi mthun no zhes so/ /de yang kun rdzob tu brjod pa dang mi mthun bshad do/ /'di skad kyang ma mnan te/ rang rig ba'i bdag nyid phyir/ /de bas brjod par mi nus so/ /zhes pa ni chos nyid spros pa thams cad dang bral ba'i rang rig pa yin la/ de la brjod pa'i tshig dang yi ges thog tu mi phebs te de'i phyir kun rdzob ba tsam du brten la brjod do/ /de kho na'i bdag nyid gsum zhes bya ba la sogs pas bstan te/ ye shes gsal ba dang shin tu gsal ba de yang bdag nyid kyi dbang du 'dus nas thob pa dang/ ye shes dus rtag tu yang dag pa'i 'od dang ldan nas gnas pa de dpe don gnyis ka'i sgo nas bstan pa'i 'bras bu ste/ de la 'di skad 'byung ngo/ de ni gnas mchog ye shes te bya ba ni ye shes thams cad kyi mchog gi rang bzhin dga' ba'i ye shes su bshad pa yin no/ /de la blta bar dka' ba'i mtshan nyid do zhes gsungs te/ dpyad pas mi rnyed pa bltas pas mi mthong ba'i ngo bo 'di bsgoms kyang rnyed pa ma yin no/ /de ni 'di nas mar rgyas bar bshad do/ /char yang dad ni thig le'i tshul/ /de nyid gsum bdag brjod pa'o/ /'khor lo gsum yod med rlung chu/ /dngos po 'du shes rang ngo bo zhes bya ba ni gsang bar rlung dang rtsa ru ldan pa'i rlung gi 'khor lo'i gnas su char yang gnas pa'o/ /de'i steng lte bar me'i 'khor
- 216b
lo'i gnas su thig le gnas pa sprul pa'i 'khor lo 'byung ba chu'i gnas su tshul bsten pa'o/ /de gsum dang snang pa'i zhes bya pa'i dngos po'i dga' ba rang gi ngo bo ru gnas so/ /de kho na nyid gsum du bstan pa'o/ /tshul tsam zla pa yin pa de/ sa yi 'khor lo de ni mchog /de ni rten gyi 'du shes te/ /lha yi dbang phyug shes par bya/ zhes pa ni 'byung pa sa'i rang bzhin snying gar chos kyi 'khor lo la rten pa'i tshul tsam dri ma dang bral nas gnas pa ste/ snang ba mched pa'i rang bzhin sten zhes pa'i mchog gi dga' ba la ni zla ba bde ba mchog /ces bcom ldan 'das kyis pos nas bstan pa shes par gyis zhes so/ /phyag rgya chen po 'dir ni mchog /nam mkhar ye shes 'du shes so/ /zhes pa ni 'gyur ba nam mkha' i rang bzhin sker longs spyod kyi rdzogs pa'i 'khor lo'i gnas su mchog gnas te/ snang pa thob pa'i rang bzhin ye shes zhes bya ba'i chad ba'i dga' ba'o/ /de la ni phyag rgya chen po zhes bya'o/ /de yi mdza' ni gzhan gyi mchog /bde chen mchog gi nam mkhar ro/ /de ni rnal 'byor ngo bor grags/ gnyis su med pa'i ye shes rab ces bya ba ni 'byung ba gzhan gyi nam mkha' i rang bzhin bde ba chen po'i 'khor lo rtsa gsum cu rtsa gnyis yod pa'i gnas na gzhan mchog chos nyid dang 'dra ba'i gnas so/ /der 'ong rab kyi rang bzhin rnam par 'byed pa zhes bya ba'i rang bzhin dga' ba mchog gi dga' ba dang/ chad pa'i dga' ba gnyis su med pa'o/ /de la ni de'i mdza' zhes bya'o/ /de ni 'khor lo drug dbus gnas/ /rnam shes drug gi rang ngo bo zhes pa ni rlung gi 'khor lo rtsa drug dang/ me'i 'khor lo dang/ sprul pa'i 'khor lo dang/ chos kyi 'khor lo dang/ longs spyod kyi 'khor lo dang bde ba chen po'i 'khor lo dang/ drug gi dbus na sbyor ba drug gi rnam shes so/ /dngos po rten la sogs bye brag ces ?
- 217a
ni ye shes dang rnam par 'byed pa bsdus pa'o/ /bzhir ni dbye bar yod pa'o/ /zhes pa ni rang bzhin dga' ba la yon tan 'byung bas dngos po'i ye shes dang/ rten gyi ye shes dang/ ye shes kyi ye shes dang/ rnam par 'byed pa'i ye shes rnams 'byung ngo/ /de yang dngos po ni byang chub kyi sems bde ba chen po'i 'khor lo ni gnas pa'o/ /rten ni 'khor lo longs spyod nas mar 'bab pa'i mdza' la rten no/ /ye shes ni de la kun rdzob dang don dam pa gnyis su shes pa la don dam pa la gnas par shes so/ /rnam par 'byed pa ni gnas pa la sogs pa'i ye shes thams cad spangs pa ste/ brjod pa dang spyod pa la sogs mi rnyed de 'byed pa'o/ /de nyid gsum bdag bye brag gis zhes pa la sogs pa ni char yang thig le dang tshul dang gsum du yang dbye'o/ /de yang kun rdzob kyi sgo nas don dam par brjod do/ /mtshan mo nyin mtshan bral phyir/ zhes pa ni mtshan mo ye shes ni zla bshar? pa lta bu ste snang ba'o/ /nyin mo ni nyi ma shar ba lta bu'i ye shes snang ba mched pa'o/ /mtshams ni nyin mo dang mtshan mo gnyis dang bral ba'i phra zhing bdag med pa srog dang rtsol ba mi rgyu ba/ rgyu ba thams cad dang bral ba'i ye shes snang ba thob pa'i bdag nyid do/ /de rnams kyang sems dang sems las phyung ba dang ma rig pa dang gsum gyi mtshan nyid can de/ de rnams dang bral bas 'od rab ces bya ba la/ gcig pu yin ni bde ba che zhes gsungs so/ /rang bzhin zhes pa la sogs pa ni gong ma ltar bdag gis ma bshad do/ /ci'i phyir zhe na/ shes par bla mas byed pa'i phyir ro/ /de bas na bla ma'i zhal nas rnyed par 'gyur zhes pa la sogs pa ni bla mas bstan pas rang bzhin dga' ba la sogs pa'i dngos grub rnyed de/ de
- 217b
bas na sangs rgyas thams cad kyi rang bzhin bla ma yin par bstan pa'o/ /sa bcu yi ni dbang phyug bdag /ces pa la sogs pa ni bla ma de yang sprul ba'i skus bcu byang chub sems dpa' dper na rgyal po rnal 'byor gyi dbang phyug in+d+ra b+hu ti lta bu'i bla ma yis slob ma la bstan pa sla'o/ /'o na sa bcu pa'i byang chub sems dpa' in+d+ra b+hu ti lta bu kho na las gzhan mas bla ma mi btub po zhe na/ de ltar ma yin te/ de bzhin gshegs pa thams cad kyi bdag po rdo rje sems dpa' nas rim pas dbang la sogs pa thob pa'i rnal 'byor pas bla ma btub ste/ btub pa ma yin no/ /de yang lung las slob dpon rdo rje'i bcu gcig dbang/ gsang ba'i dbang ni bcu gnyis pa/ shes rab ye shes bcu gsum ste/ /de ltar de bzhin bcu bzhi pa'o/ /dbang re la ni sa re sbyar/ /de rnams ma'i dbang phyug bdag ces gsungs so/ /de'i phyir yang dbang thob pa'i bla ma mi 'gal lo/ /de ma zad de lung gzhan nas kyang 'byung ste/ bum pa'i dbang ni dang po ste/ /gsang ba'i dbang ni gnyis pa mchog// shes rab ye shes gsum pa ste/ de ltar de bzhin bzhi pa'o/ /sa brgyad la sogs dbye ba yis/ /rim bzhin slar nas dbang bskur thob/ /des ni bla ma slob dpon gyur/ /gzhan rnams la yang? dbang bskur nus/ /zhes gsungs pas kyang btub ste/ mi 'gal bar bshad de/ /de bas 'dir bla ma las lhag pa gzhan ston pa chen po yong pa'am zhes gsungs tog? sla'o/? /de ltar sangs rgyas thams cad kyi bdag nyid bla ma yin par bstan nas/ 'di nas mar sngags kyi bla ma'i don gzung ba dang/ 'jig rten pa'i chos spang zhing sgra mkhan la soD pa la dbang dang man ngag ma bstan par bshad de/ gang zhig bla ma'i bstan bcas la/ mdzad dam bshad pa gang la lar?/ zhes pa ni bla ma rje btsun gyis bstan pa'i sgrub thabs
- 218a
la sogs pa'am yang na mdzad pa'i sgrub thabs la sogs pa'o/ /yang na man ngag bstan pa'i yang rud pa'i chos gang na gong/ /de ni bstan bcos de tshad don/ de ni de nyid 'khrul pa med/ ces bya ba ni de zhes pa dang gang zhes pa 'brel ba ste/ bla mas gang na gang gis bstan cing bshad pa'am/ mdzad pa'am/ man ngag la sogs pa'i chos de ni yang dag pa'i tshad ma'i don te/ de yang rtsa ba'i rgyud las rjes dpag mngon sum tshad ma'i don/ /thar 'dod pas ni nges par bzung/ gzung nas rjes dpag bsgoms pa las/ don dam pa'i bden pa rnyed ces gsungs so/ /yang dag pa'i tshad ma ni bla mas mngon sum du zhal gyi man ngag bstan pa la rjes su dpag nas gzung ba de yang phyag rgya chen po thob par 'dod pas nges par byas nas ma brjed par gzung ba de la bsgoms pa'i 'bras bu don dam pa'i bden pa phyag rgya chen po rnyed par 'gyur ro/ /gtan tshigs des mtshan ma la sogs pa'i 'khrul pa'i chos thams cad kyang 'gag pa la ni 'khrul pa med ces bya'o/ /slob dpon smras dang bdag gis smras/ /de la bye brag mi dbye'o/ /zhes pa ni don dam pa rtogs pa'i slob ma bla ma drin can de lta bu'i rnal 'byor pa ni bla ma dang gnyis bye brag chos gang la yang med par shes shing rtogs pa'o/ /de ni slob dpon smras dang zhes pa la sogs pa'i don no/ /rnal 'byor zhes pa ni thub pa'i rgyud shes pa'i phyi'i rnams so/ /phyi'i ni yo ga'o/ /rnal 'byor ma rgyud ces bya ba ni ? kyi rgyud rnams dang/ shes rab kyi rgyud rnams shes pa'o/ /slob dpon bstan bcos byed pa gang zhes pa ni brtsams shing byas pa'i chos rnams so/ /de la sgra dang sgra ngan du/ /lha yi dbang phyug brtag mi bya/ /ces bya ba ni de la zhes pas
- 218b
'brel par sngar bshad de/ bla mas mdzad pa dang brtsams pa'i chos thams cad ni sgra ngan pa yin par bcom ldan 'das kyis lha'i dbang phyug pos nas gsungs so/ /'di lta bu la sgra ngan par bstan te/ snyan ngag zlos gar gyi bstan bcos zhes pa ni phyin ci log gi tshang ma la sogs pa ni sangs rgyas kyis mdzad pa'i chos dang mi 'dra ba 'di ni mu stegs la sogs pa dang mthun pa'o/ /de la ni sgra dang sgra ngan brtag par bya ces gsungs so/ /sngags kyi bstan bcos gtan la phab ces pa ni go sla bas ma bshad do/ /yang na rtsa bzhi'i don du rnam pa la sogs par shes par bya'o/ zhes pa ni la la nA 'gro ba/ bya gdong ma de kho na nyid gsum bdag nyid kyi rnam pa'o/ /ra sa nA 'jug pa ni gtum mo'o/ /zla ba bde ba mchog gi tshad du bstan no/ /srog ma brten pa bdag nyid de/ phyag rgya chen po'i rang gi ngo bo zhes pa'o/ /a ba d+hU tI gnas pa'i rtog med ma'i rang bzhin de'i mdza' la rnam pa la sogs pa dang bral ba'o/ /rang bzhin dga' ba'i sgron ma las/ le'u bcu drug pa'i dka' pa bkral ba'o// /sngar de kho na la sogs pa bshad pas don rtogs pa'i phyir/ de nas lha mo rab tu dgyes zhes bya ba ni bcom ldan 'das ma phyag rgya chen por gyes pa'o/ /rang bzhin don ni gsal ba'i phyir zhes? bya ba ni gong du bshad pa ni rang bzhin dga' ba'i ngo bor gsal zhing khong du chud pa'i phyir ro/ /dam po ru ni 'khyud byas nas/ pad+ma dam pa rab tu bskyed ces pa/ bcom ldan mo bcom ldan 'das la sgor pa'i tshul du 'khyud de/ gsang ba'i go ? la dang po la gnyis bskyod pa'i sbyor ba las bzhengs nas yar zhu ba bgyid do/ /dur khrod la sogs pa yi don/ /rdo rje rgyal po la ni zhus zhes pa ni dur khrod dang shing dang rtsa dang lha mo la sogs pa'i don bcom ldan
- 219a
mos zhus pa'o/ /bsrub dang zhes pa ni la la dang 'da' la gnyis gnyis sbyor ba'o/ /bsrub pa'i sbyor ba ni yang nas yang du bskyod pa ste/ thabs dang shes rab sbyor ba zhes bshad do/ /sbyor ba las dgyes pa la ni las zhes pa'o/ /dpal bdag dgyes nas bka' stsal to/ /zhes pa ni/ thabs dang shes rab gnyis su med pa'i dpal/ dkyil 'khor thabs kyi bdag po yin sbyor las/ /ye shes myong bas dgyes pa des/ /bcom ldan ma la bka' stsal to/ /dur khrod la sogs kyi ni don zhes bya ba la sogs pa gsungs te/ phyi dang nang dang gsang ba'i dbye bas dur khrod dang shing dang lha mo la sogs pa'i don gsungs pa'o/ /'di la rtsa'i 'khor lo lte bar zhes pa ni/ sprul pa'i 'khor lo la sogs pa'i dbus kyi lte ba ni srog gi rtsa yin par ston no/ /srog rtsa ba dang lhan cig rtsa gsum dang ldan pa'i zhes bya ba ni byang chub kyi sems dang srog rlung gi rten byed pa'i dang/ la la nA dang/ ra ma nA dang/ a ba d+hA ? gsum lhan cig ste srog gi rtsa'i nang na gsum gnas pa la ni ldan zhes bya'o/ /'dab ma gsum gyi pad+ma'i g.yas ngos su ping ga la/ g.yon ngos su i dang dbus su so sho mna'/ 'jug pa dang/ gnas pa 'gro ba 'grub par byed do/ zhes bya ba ni srog gi rtsa'i nang du gsum po gnas pa bya gdong ma'i pad+ma dang lte bar bcas pa 'dab ma gsum pa'i bdag nyid g.yas la la nA dri chu 'gro bar byed pa dang/ g.yon 'os su ra sa nA i? la phyir mi 'byung bar 'jug par byed do/ /dbus su a ba d+hU tI byang chub kyi sems ga pur gnas par byed pa'o/ /de 'dzin ma dang/ ro ma dang/ rtog med ma gsum du gsang ba'i pad+ma'i snying po yin te/ de bde ba gsungs?
- 219b
dang ldan pa'o/ /de dag ni bzhi pa'i rtsa rnams bstan pa'o/ /dngos po dang ni snang ba'i ye shes srog rtsa dang ldan pa'o/ /rten ni snang ba mched pa ye shes ra sa nA dang ldan pa'o/ /ye shes ni snang ba thob pa'i ye shes la la nA dang ldan pa'o/ / rnam par 'byed pa ni yang dag dri med rang bzhin ye shes spros pa dang bral po'i ngo bo a ba d+hU tI dang ldan pa'o/ /las ni de rnams kyi 'byung ba ru bstan pa'o/ /zhal bzangs mo ni bcom ldan mal bos pa'o/ /de ru shes par bya ba ni rtsa de rnams su gnas sa ru bstan pa ste/ ye shes rnams de ru zhes bya bas so/ /shar ba ni longs spyod pa'i dngos po mchog gi dga' ba'o/ /nub pa ni rlag pa'i mtshan nyid byang chub kyi sems chad pa'o/ /dus ni rlag dang longs spyod gnyis las grol ba dbang gi rang bzhin te/ mchog dang chad pa'i dbus su rang bzhin dga' ba'i dus so/ /rtsa'i 'khor lo zhes pa ni bde ba chen po'i 'khor lo nas rlung gi 'khor lo yan chad kyi 'khor lo drug po drug po rnams so/ /'byung ba thams cad ces bya ba ni byang chub kyi sems rnams de ru 'byung pas na rnam pa du mar 'byung ba'o/ /'bad bas btsal bar bya'o zhes pa ni rnal 'byor pas byang chub kyi sems bde ba'i ngo bor btsal ba'o/ /gang gi phyir rtsa'i 'byung ba med bde'i phyir zhes pa ni ? btsal na ci nyes ba zhes na byas pa dang rtsa'i nang nas byang chub kyi sems ma btsal na bde ba chen po'i ye shes mi rnyed pa'i phyir ro/ /de bas na 'bad la btsal dgos so/ /byang chub kyi sems kyi zhes pa ni kun rdzob dang don dam pa'i ? gnyis su bsdu pa'o/ /bdud rtsi bde ba'i ye shes zhes pa ni nyon mongs pa'i bdud de'i rtsi ru 'gyur ba ni don dam pa'i ye shes de yin no/ /'di 'jug pa la sogs pa gsungs pa yin no/ /byang chub ki sems
- 220a
med na 'jug pa la sogs pa'i dga' ba mi shes par bstan no/ /ma shes na ji ltar phyag rgya chen po'i sgrub ba rnyed/ ces pa ni las dang/ dam tshig dang/ ye shes dang/ phyag rgya chen po dang bzhi'i dngos po 'jug pa dang/ gnas pa dang/ 'gro ba dang/ skye ba bzhi phyag rgya bzhi lam brten cing bde ba'i ye shes ma rnyed na phyag rgya chen po'i grub pa mi rnyed do/ /mi shes so/ /de bas na 'di skyon yod pa yin pas bya'o/ /phyag rgya chen po'i don 'dod pa'i rnal 'byor gyi dbang phyug bsam gtan lam g.yel bar bya'o/ zhes gsungs te/ brjod du med pa/ skye ba med pa/ 'gag pa med pa/ chos thams cad kyi chos nyid/ shin tu zab pa'i gting dpag dka' ba/ yang dag pa'i mthar shar ba yang ma yin nub pa yang ma yin pa rtag tu shar ba'i rang bzhin char thig le mchog tu gyur pa ni phyag rgya chen po'o/ /de lta bu'i dngos grub 'dod pa'i thabs dang shes rab kyi don la sbyor ba'i rnal 'byor pas dbang thams cad thob nas sems rtse gcig tu bla ma rje btsun gyis gsungs pa la gnas pas dngos grub thob par 'gyur ro/ /rgyas par ma bstan par bla ma la/ khungs bstan pa bcom ldan 'das mos zhus pa'o/ /lha mos gsol pa ni bcom ldan 'das la gsol pa'o/ /bcom ldan ni bcom ldan 'das la bod pa'o/ /rnal 'byor dbang phyug gi bsam tan 'dir ni ji lta bu zhes pa na lnga? dang gis bshad pas 'di ru ma bshad do/ /bcom ldan la sogs go sla'o/ /kun rdzob ye shes bstan pa las zhes pa ni byang chub kyi sems bde ba chen po'i 'khor lo'i dkyil na a'i tshul du gnas bde chad dga' i pho brang du brten pas ye shes kyi dngos po'o//
- 220b
gnyis su med pa'i gnas rab rnyed ces pa ni kun rdzob dang don dam pa gnyis su med pa ye shes thams cad kyi rab mchog rnyed par 'gyur ro/ /nyer 'gro bsam gtan mchog gis ni/ zhes pa ni gnas de lta bur bdag nyid kyi byang chub kyi sems nye bar 'gro ba ste 'gro ba de la sems kyi bsam pa brten par gnas pa ni mchog yin no/ /grub pa chen po rnyed par 'gyur/ zhes bya ba ni mchog de la dus rtag tu sems brtan par gnas pas phyag rgya chen po grub pa dang ldan par 'gyur ro/ / yid dang mthun pa'i rang gnas su ni rang dga' ba'i gnas te ye shes skye ba'i gnas ni chad pa'i dga' ba'i gnas so/ /skyon ni thams cad dang bral ba ni nyon mongs pa'i mtshan ma dang rtog pa'i gzhi ma rig pa ste/ skyon de dang bral pa'i/ 'jigs pa med pa'o/ /sra ba spangs pa'i lus po yi zhes pa ni lus thams cad chad pa ma yin pa ste/ lus mi bsgrims par klod la ci bder byas pa'o/ /rlabs med pa'i stan zhes pa ni mtshan ma la sogs pa'i rlabs dang/ bral ba ni ltar bde ba'i stan pad+ma'i lte bar ro/ /lte ba'i dbus na yod pa'i tshul zhes pa ni rang 'byung gi me sprul pa'i 'khor lo'i lte ba na tshul du yod pa'o/ /hUM gi yi ge 'bru grags chen grags me dang 'byung gi me hUM yin pa des rtogs pa dang mtshan ma dang/ 'khor lo kun 'bar zhing bsregs pa la sogs pa'i drag po bzhin grags so/ /de yang 'di skad bstan te/ lte ba la sogs gnas bzhir ni/ 'khor lo bzhi ni bsgom par bya/ /lte bar sprul 'khor drug cu bzhi/ /snying gar chos 'khor 'dab brgyad pa/ mgrin par longs spyod bcu drug 'dab/ spyi bor bde 'khor sum cu gnyis/ /pad+ma'i dngos po rtsa re re/ /gsang bar rlung dkyil gzhu 'dra dang/ /de steng ma 'khor gru gsum mo/ /yi ge 'bru'i dngos pa
- 221a
rtog pa yin/ /btsums pa dang ni phye ba yis/ /shes rab thabs las me 'byung bas/ /las kyi rlung gis me 'bar ro/ /lte ba'i dbus nas 'od chen 'bar/ /rtog pa'i bdag nyid mkha' 'gro sregs/ /de nas gyen du 'gro ba'o/ /longs spyod 'khor lo lan gsum bskor/ /na sa g.yas byung smin gnyis phrag /u rgyan tshigs rgyas gser sgor gshegs/ /bde chen yod pa'i bdud rtsir 'jug/ ri bong can gyi bdud rtsi gsol/ /thugs rje'i char gyi rgyun 'bab pa/ /sngar lam zhugs nas smin phrag zhugs/ /byang chub sems kyis longs spyad? gnas/ /sdug sregs mkha' 'gro rab tu chim/ /lte ba'i dbus na gnas pa'o/ /yar gyis bsregs la mar gyis gso/ /skra yi rtse mo 'bum gyi cha/ /'gro dang 'od ba'i mthong bar dka' zhes pa'o/ /srog dang rdub pa 'gog pa yis/ zhes pa ni byang chub sems dang rlung du ldan pa'i srog dang stsol ba'i rlung gnyis 'grogs na bde ba chen? bo'o/ /srog dang rdub pa'i bza' ba gsol/ /zhes bya ba ni byang chub kyi sems bde ba chen po de phyir mi gtang bar nang du bza' bar bya'o/ /srog dang rdub pa gnyis zos nas/ shes pa ni mchog dga' dang chad pa'i dga' ba gnyis kyi gnas re ru zos pa'i ni kun rdzob tu chu zla ltar ro/ /de na gang yin par 'gyur na chu zla lta bu de na byang chub kyi sems bdud rtsi yi khams gsum gang nas ye shes dang ldan pas ni 'khor ba mchog dga' dang mya ngan las 'das pa chang dga' gnyis bdun rtsis tshim pa'o/ /de nas de ni rtags ni kun/ zhes pa ni rin chen khar zla ba gang pa'i dus na sna'i rlung la sogs pa yang 'gags nas rdo rje 'dzin pa'i gnas nas rtags brgyad
- 221b
'byung ngo/ /mtshan ma zhes pa la sogs pa ni go sla'o/ /de yang bsgom pa la sems brtan pa las rtags 'byung ngo/ /de nas rnal 'byor dbang shes nas ni rnal 'byor dbang phyug gi bsam gtan gyi rim pa shes nas/ rnam par shes pa'i yi ge mchog gi a'i tshul du mi dmigs par bsgom pa'i don no/ /nang du lta ba byas pas na sems rtse gcig tu mi g.yel bar bdag rang gi nang du gtad pa'o/ /steng mtshams ni mgo bo'i skra'i mtshams su ste mtshogs mar ro/ /rtse mo zab ba? ru ni de'i steng gi rtse mo ni bde chen gnas pa tshangs pa'i bug pa chos thams cad kyi dbyings yin pas zab pa'o/ /mchog gi nam mkha' ru ni mkha' zhes pa ni chos thams cad kyi dbyings de ni brjod du med pa rab mchog /rmad du byung ba 'di bde chen gyi nam mkha' ru gnas te a'i dngos po'i tshul du bshad do/ /yi ge mchog ni tshor byas nas ni a skye ba med pa de la bsgoms pas nyams su myong nas rtogs pa'i shes rab bo/ /tshangs pa'i yul sa'i pad phug byas/ zhes bya ba ni sprul pa'i 'khor lo'i la la'i lte ba rgyas par bya ba'i bde ba chen po'i ye shes so/ /chags pa dang bras gnas su 'gro zhes pa ni bde ba chen po ye shes de spros pa bral ba'i rang bzhin dga' ba'i gnas su shes par 'gyur ro/ /de ni de bzhin gshegs pa thams cad kyi gnas yin par ston no/ /dpal dang ldan pa'i rdor 'dzin pa'i/ /lha mo gnas der shes par bya/ zhes pa ni thabs kyi mkha' dang shes rab kyi dbyings shes pas gnas te/ bcom ldan 'das dpal rdo rje 'dzin pa 'khor dang dpag tu med pa'i yang dpag tu med pa rab bcas nas bzhugs pa ? ni lha mo la bos nas shes par gyis shig pa'o/ /de lta bu'i 'dus pa'i pa'i zhes pa ni/ mkha' 'gro ma dang rnal 'byor ma la sogs pa sngar bshad pa'i 'khor thams cad sngar gyi gnas su
- 222a
'dus pa la de skad ces bya'o/ /dur khrod chen po'i chos kyi 'byung gnas kyi gzhir zhes pa ni dbugs 'byung ba la sogs pa spangs pa'i dur khrod ye shes la sogs pa'i shin tu bde ba chen po 'dus byas kyi chos thabs cad dang 'dus ma byas kyi chos rnams de las 'byung ba'i phyir ni chos kyi 'byung gnas thams cad kyi skye ba dang/ 'gag pa dang/ gnas sa yin pas na gzhi zhes bshad do/ /grangs med pa ni bye bas yang dpag tu med pa'i yang ya'i? dpag tu med pa'o/ /rnal 'byor ni rang bzhin dga' ba'i don la mchog gi dga' ba dang chad pa'i dga' bas sbyong bas so/ /phyag rgya chen po'i dngos grub thob ste zhes pa la sogs pa'i don ni sngar bshad do/ /rang bzhin dga' ba'i sgron ma le'u bcu bdun pa'i dka' ba bkral ba'o// //sor bcu gnyis ni tshigs pa med ces pa ni mgrin pa'i steng nas tshigs pa'am/ mdud pa med pa'i sad de 'dug pa'i sor bcu gnyis kyis tshangs pa'i bu ga'i bar du'o/ /'og gi ma ni bcu gnyis phyed ces pa ni mgrin pa'i 'og nas rlung gi 'khor lo yan chad du bcu gnyis phyed de mdud pa drug yod pa'o/ /de bzhin sprul ba'i pad+ma ru zhes pa la sogs pa ni sngar bzhin du mdud pa sprul pa'i 'khor lo'i gsang ba'i pad+ma la rtsa gtso bo gsum ste/ ? gal la dang/ id dang/ so she sna gsum gyis pad+ma'i 'dab ma gsum mo/ /des ni ye shes gsal bar byed do/ /de rnams la ni 'di ltar bstan te/ rtsa dang bcas ba'i lte nang du zhes pa gsungs so /rtsa dang pad+mar bcas pa'i lta pa yod pa'i nang du 'byung ngo/ /rtsa ba rtsa ba'i nang 'ongs nas/ zhes pa ni byang chub kyi sems bde ba chen po'i 'khor lo na yod pa'i chos thams cad kyi rtsa ba yin te /rtsa ba de rtsa bye ba phrag bdun cu rtsa gnyis kyi rtsa ?
- 222b
gi nang du 'ongs nas bde ba la gnas so/ /de yang 'di lta ste/ 'dab ma'i skye ru bcar te gnas zhes pa la sogs pa ni srog rtsa dang/ bde ba dang/ 'dzin ma dang/ ro ma dang/ rtog med ma dang bcas pa ste gsum gyis 'dab ma la gnas pa rtsa'i rtse mo slar la dum cig bkug nas yod/ /pa de ni sangs rgyas rin chen snod do/ bu ga phra mos nang na ldan zhes pa la sogs pa ni srog gi rtsa ba la bu ga dang/ /'dzin ma la sogs pa'i rtsa gsum dang ldan nas gnas pa'o// 'dzin ma la sogs pa'i rten kyang yin te dga' ba'i rang bzhin rtsa gsum gyi rten no/ /rgyu dang 'bras bu gnyis med kyis zhes pa ni srog gi rtsa ni rgyu la rtsa gzhan gsum po ni 'bras bu ste bde ba chen po'i rang bzhin dga' ba ni gnyis su med pa'i ye shes kyis so/ /rtsa ba 'bras bu rgya yis btab pa ni rang bzhin gyi ye shes kyis rgyu dang 'bras bu'i rtsa la sogs pa'i dngos po thams cad ni gnyis su med pa 'od rab kyis rgyas btab pa'o/ /drug phyed rtsa ba dang ldan ni la sogs pa ni srog ? rtsa dang rtsa gsum ldan pa'i bdag po 'am/ yar na srog? gi rtsa la sor gsum bya gdong du yod pa la bya ba la bstan no/ /srog gi rtsa ni byad? dang gzugs la sogs pa gsal ba'i chos can yin no/ /de yang longs spyod rdzogs pa'i sku dang sprul pa'i sku la sogs pa'i yon tan no/ /bcu drug phyed phyer bye brag tu zhes pa ni bcu drug byed brgyad de'i phyed bzhi ste/ la la nA dang/ ra sa nA dang/ a tha d+hU tI? dang/ srog gi rtsa dang bzhi la ni srog ma 'dzin ma ro ma/ rtog med ma bzhi ru /bshad de/ /de ni rtse'i skud pa gcig bu'o/ /zhes pa ni don dam pa ru gcig pa'o/ /rtsa ba gsum dbye skal ldan mo/ /zhes pa la sogs pa ni yang na 'dzin ma la sogs pa gsum la 'bras bu yang de dang po/ /
- 223a
yang na srog rtsa bya gdong gi gnas su sor gsum na re mdud pa med par 'dug go /'bras bu gsum po'i sna la sor gcig gnas pa 'di ni rtsa dang 'bras bu gnyis kyi gnas ni la la nA dang/ ra sa nA dang/ a ba d+hU tI dang gsum gyi gnas ni srog gi rtsa'o/ /gsum po rgyu dang 'bras bu'i bye brag la ni bcu gnyis byed do/ /gcig po ni de rnams 'bras bu gcig pa'o/ /'bras bu ni phra ba'i rang bzhin nam 'jam pa rtog med ma'o/ /rin chen kha nang yan chad do/ /zhes pa la sogs pa ni bde ba chen po'i 'khor lo'i lte ba nas rlung gi 'khor lo lte ba rin po che'i kha ru gnas pa ye shes kyi rang bzhin thig le rgyu ba'i rtsa ba'i skud pa/ sbyor ba drug gi rten byed pa'i skud pa yod do// sbyor ba drug ni char yang zhes pa la sogs pa bstan no/ /dpal ni gzhan min 'dir ni char/ /zhes pas rgyud kyi mtshan dang tshad bstan te dpal ye shes thig le ni sbyor ba drug tu bshad do/ /'di skad du sh+rI dz+nyA na ti la ka zhes pa ni/ char yang dang thig le'i tshul/ tshul tsam mchog gzhan mchog drug dang/ nyungs kar zhes pas so/ /dpal ldan ye shes thig le 'di zhes pa ni byang chub kyi sems bde ba chen po'i ngo bo ru bzhugs pa 'di ni thams cad gyi? bdag po'o/ /mkha' 'gro ma'i 'khor lo sgyur zhes pa la sogs pa gsungs te/ mkha' 'gro ma stong phrag bdun cu rtsa gnyis la sogs pa'i dkyil 'khor ba dang/ de yang rtsa'i dngos pa yin te/ rtsa re re mkha' 'gro ma re re bstan te/ mkha' ni stong pa la byang chub kyi sems 'gro ba'o/ /yang na chos thams cad dbyings su 'gro ba'o/ /'jug pa gnas pa longs spyod yin/ zhes pa ni g.yon gyi i da sa hi la gyen? du 'jug pa'i steng ? 'gro ba long spyod?
- 223b
kyi gnas pa'o/ /rlag pa 'gro ba'i gnas su yod ces pa ni la la nA gla rtsi 'gro ba 'og tu 'gro ba rlag pa'i gnas so/ /'byung ba dgang gi gnas su ste/ zhes pa dbus kyi so sho mna' ga pur gnas pa dbus su gnas nas dbang gi gnas so// rang bzhin de ni mchog gzhan mchog /ces pa ni rlag pa dang/ longs spyod dang/ dbang dang la sogs pa'i 'bras bu phyag rgya chen po'i rang bzhin ni mchog dang mchog gi yang mchog go /g.yon la sogs pa ni shes par sla'o/ / de bzhin 'di ni dran pa'o/ /zhes pa ni g.yon pa la sogs pa'am/ steng 'og la sogs pa dang 'dra'o/ /de rnams lte ba'i dbus su ni/ zhes pa ni rtsa rnams la sogs pa gsang ba'i lte ba'i dbus na yod do/ /skra rtse bye ba brgya yi cha zhes pa ni mtshan pa'i ngo bo'i tshub ste rab tu gsungs so/ /tshad dang de bzhin du ni gnas zhes pa ni de yan chad du tshad dang gnas bstan pa'i skabs su mtshan kyang bstan pa'o/ /zhal bzangs ye shes thig le'o/ zhes pa la sogs pa go sla'o/ /de kun sa yi dbang phyug bdag /ces pa ni sa bcu drug gi bdag po ni bcom ldan 'das dpal ye shes thig le dbang phyug chen po'o/ ? la sogs pa dga' ba'i gnas zhes pa ni gnas dang nye ba'i gnas la sogs pa bcu drug po ni dga' ba bcu drug tu sbyar ro/ /sa yi sgra yis brjod yin no/ zhes pa ni mos pa spyod pa la sogs pa bcu drug dang yang sbyor ro/ /ji ltar sbyor zhes/ de ni gnas dang nye ba'i gnas la sogs pa'i rim pas sbyar te/ de yang 'di skad bstan no/ /gnas la sogs nyi ma dbye ba yis/ /dga' sogs rim par dbye ba'o/ /de ltar sa yi dbye ba'o/ /gnas dang 'dod dga' mos sbyod pa/ /nye gnas 'dar dga' rab dga' sa/ /zhing? dag?
- 224a
'gro dga' dri med sa/ /nye zhing dga' ba 'od byed pa/ /tshan do rgyas dga' 'od 'phro ba/ /nye tshan gdung dga' sbyang dga' ba/ /'dus pa 'byung dga' mngon gyur pa/ /nye 'dus mchog dga' ring du song/ /dur khrod 'bar dga' mi g.yo ba/ /nyed dus thig dga' chags blo gros/ /byil mos dga' ba chos sprin pa/ /nye byi chad dga' kun tu 'ong/ /lam nas uta dga' kun snang mched/ /nye ba'i tshul dga' snang ba thob/ /sbyor ba gnyis dga' 'od rab sa/ /nye sbyor rang bzhin brjod du med/ /gnas la sogs pa'i dbye ba yis/ /dga' ba sa dang phye la sbyar zhes so/ /gzhan yang rgya cher sbyar ro/ /mos pa spyod pa ni drod rtse mo zod pa 'jig rten chos kyi mchog dang ldan pa'i sa ste dang po'o/ /chu'i dbang gis 'bras bu'o/ /rang bzhin dga' ba'i sgron ma las/ le'u bco brgyad pa'i dka' ba bkral ba'o// //rgyud la sogs pa'i tshad la sogs pa bstan nas bcom ldan mos slob dpon dang slob ma 'brel bar bya ba'i phyir dang/ rgyud kyi rim pa gong du ma gsungs pa des zhus pas/ de nas yang ni bshad bya ba ni zhus ma thag bshad par zhal gyis bzhes pa ste gong du bstan kyang zhes pa'o/ /bla ma slob ma'i mtshan nyid do/ /zhes pa la sogs pa ni de gnyis 'brel pa'i mtshan nyid de/ de yang sngon la bla ma'i yon tan bstan no/ /gzhan zhes pa la sogs pa ni bum ba'i dbang la sogs pa dbye ba dang gsang ba'i dbang dang shes rab ye shes kyi dbang dang bzhi pa'i dbang la sogs pa dgongs pa'i dbang yan chad thob pa/ sems can la snying rje dang ldan pa/ sngags kyi spyod pa la sogs pa rlags chen po dang yon tan thams cad kyis brgyan pa'i bla
- 224b
ma rdo rje sems dpa' dngos so/ /slob ma yang de ltar yon tan tshang ba'i slob ma gzung ngo/ /rang bzhin dga' ba'i sgron ma las/ le'u bcu dgu pa'i dka' ba bkral ba'o// //slob dpon la sogs pa'i mtshan nyid bshad nas rgyud kyi rim pa dang don dang bcas pas bshad do/ /sa bon las ni myu gu bzhin/ zhes pa ni sa bon myu gu de las sdong bu de bzhin du rtsa ba'i rgyud las brtag pa'i rgyud/ de las rgyud/ de las rgyud phyi ma/ de las phyi ma'i phyi ma/ des las bshad pa'i rgyud/ de las 'bras bu'i rgyud/ de las rmad du byung pa'i rgyud de/ /rgyud kun rim shes rim pas so/ /zhes pa ni sngon ma'i rgyud de ltar shes pas gzhan rnams kyang shes pa'i rim pa ni 'brel pa la rgyud ces bshad do/ /yang na don ni rgyud yin te/ zhes pa ni rdo rje sems dpa' i don ni tshig dang yi ges mtshon pas 'brel pa la rgyud ces pa 'am/ yang na rdo rje sems dpa' i don brjod pa la ni sngar bzhin rgyud 'dzin zhes bya'o/ /yang na rim pa gnyis ni rgyud ces pa ni bskyed pa'i rim pa'i sgo nas zhugs pas rdzogs pa'i rim pa thob pa 'brel pa'o/ /lha mo ni bos nas bshad pa'o/ /gang du skal ldan mo zhes pa ni dus gcig tu gnas pa'i sa ste/ de yang shes rab thabs gnyis phrad pa'i sa/ /de ni rgyud du bshad pa yin/ zhes bya ba ni yab yum gnyis bsrubs pa las zla ba nyi ma phrad pa gang yin pa'i skal ba dang ldan pa ni de bzhin gshegs pa thams cad slar rdo rje 'dzin pa rigs gcig tu byur ba de rgyud du bshad do/ /yang na ye shes las 'byung ba zhes bya ba la sogs pa ni tan+t+ra? ni rgyud de/ yab yum gnyis lha'i sku rdzogs nas tham la pa'i rtog pa la sogs pa'i dri ma spangs nas zla ba dang nyi ma'i dngos po 'dres pa las chad pa'i dga' bde'i rnam pa las rang bzhin dang ? don dam pa mtshan ma
- 225a
la sogs pa dang bral ba kun rdzob tu chu'i zla ba nya gang ba bzhin du gnas pa ni a'i don no/ /ci'i phyir zhe na/ a ni skye ba dang 'gag pa med de gang la skye 'gag med pa de la ni don dam pa zhes bya'o/ /mtshan yang dag par brjod pa las kyang a ni yig 'bru kun gyi mchog /khong nas 'byung ba skye ba med/ ces gsungs so/ /lung las kyang 'di skad ston te/ a zhes nam mkha' i dbyings na bde/ /brjod pa thams cad spangs pa ste/ /'gag pa ma yin skye ba min/ /skye 'gag gnyis dang bral ba min/ zhes gsungs so/ /des ni dam pa'i tshul gyi rgyud kyi don yang bshad do/ /rang bzhin dga' ba'i sgron ma las/ le'u nyi shu pa'i dka' ba bkral ba'o// //rgyud ces bya ba yab yum gnyis yin bar bstan pas bcom ldan 'das mos bdag rang gi ngo bo dang rgyu gang yin pa zhus pa'o/ /bcom ldan 'das zhes pa la sogs pa ni bstan gyis de bzhin du rtogs par ? ba'i don ni sgrub pa po yang dag pa'i ye shes dang ldan pas bcom ldan mo rnyed pa'o/ /lha mo khyod ni 'byung ba min/ zhes pa la sogs pa ni rgyu las kyang mi 'byung gcig nas gcig tu yang mi skye/ gong nas 'og tu yang 'pho ba ma yin/ skye shi'i mtshan la sogs pa'i chos dang bral ba'i rlabs can no/ /rang gi ngo bo ye shes 'od ces pa la sogs pa ni bcom ldan ye shes thig le sngar bstan pa de'i 'od do/ /de bas na rang 'od kyi shes rab ces gsungs so/ /'di ni kun rdzob dang don dam pa'i bye brag gis phye na phyi la sogs pa'i rang ga? shes rab bcas pa'i dbye ba'o/ /gzhan min bdag dang khyod min na zhes pa la sogs pa ni yab dang yum gnyis med na de bzhin gshegs pas kyang rnyed par dka' i 'jig rten thams cad kyis bla na med pa'i 'bras bu thob pa'i sbyon? yod de
- 225b
de bsan mgo bo bcad pa'i mi bzhin du zhes gsungs so/ /thams cad mkhyen pa'i chos dang 'dra ba shes nas 'di ltar sems can rnams rdo rje 'dzin pa'i 'bras bu rnyed pa yang lha mo'i yon tan du brjod do/ /don dam par de ltar yin yang kun rdzob/? bskyed pa'i rim par ni/ mchog gi nam mkha' i gnas nas byon zhes pa la la sogs pa ni bde ba chen po'i 'khor lo mchog khyad par can gyi nam mkha' nas byon nas longs spyod rdzogs pa'i 'khor lor gshegs pa dang chos kyi 'khor lor gnas so/ /de nas sprul pa'i 'khor lor dus rtag tu bzhugs te/ bde ba chen po byang chub kyi sems ni rgyu yin la/ longs spyod ni 'byung ba'i khungs so/ /chos ni gnas pa'i rten sprul pa ni rang bzhin gyi gzhi'o/ /kun rdzob dam pa'i gzugs su ni zhes pa la sogs pa ni kun rdzob las don dam pa'i ye shes kyi sku yang kyi byang chub kyi sems dang/ yum gyi byang chub kyi sems kyi tshul du gsang sna'i snying po na bzhugs so/ /langs na bde ba yin pad+ma/ thig le khong du chud pa'i phyir/ zhes pa ni gnyis su med pa'i byang chub kyi sems kyi thig le rtogs nas rnyed par bya ba'i don du thabs dang shes rab kyi sbyor ba las rlung gis me sbar ba las langs? te sprul par 'bar ba'o/ /gshegs nas bsten kunka? tsig ces pa ni/ lte? ba nas ? du gtum mo'i 'od gshegs pas chos kyi 'khor lo'i rtog pa'i dngos po'i phung po dang khams la sogs pa kun bsregs pa'o/ /rgyal ba'i thig le khyer nas su/ zhes pa ni de bzhin gshegs pa'i 'od kyis longs spyod la sogs gnas? gser sgor zhugs pas bde ba chen po'i bdud rtsi la rol cing yang sngar gyi lam nas 'bab pa'o/ /yang ni khyod 'dir byon pa'i don/ zhes pa'i thabs dang lhan cig snod rang gi pad+ma ru byon pa'o/ /de la 'di skad stan no/ /chos kyi? 'kho
- 226a
lo'i sbar bsregs pa'i gsos nas lte ba'i sprul pa'i 'khor lo'i dbus na gnas pa'o/ /de'i tshe zhes pa la sogs pa ni go sla'o/ /rang bzhin dga' ba'i sgron ma las/ le'u nyi shu rtsa gcig pa'i dka' ba bkral ba'o// //phyag rgya chen po'i rang gi ngo bo bstan nas yang bshad do/ /byang chub sems ni gsang ba yin/ zhes pa ni gsang ba don rab 'bring tha ma'i dbye bas gsum du bshad do/ /khu ba'i byang chub kyi sems la skabs 'dir gsang zhes bstan te/ khu ba'i ngo bo 'phur dang bral zhes pa la sogs pa ni khu ba de 'gro ba dang 'pho ba la sogs pa dang bral ba shes rab kyi b+ha ga la gnas pa sems can thams cad la yang gnas pa dga' ba myong bar byed pa'i dngos po'o/ /bcom ldan mos gsol pa zhes pa la sogs pa ni bcom ldan 'das la slar zhus te brgal ba/ byang chub kyi sems kyi khu ba'i gzugs gsang ba yin phan chad khams gsum gyi sems can thams cad kyis gsang ba shes pas de'i phyir bum pa'i dbang/ gsang ba'i dbang la sogs pa bskur mi dgos par thal bar 'gyur ba'i skyon yod pas so/ /bcom ldan 'das kyis bka' stsal pa zhes pa slar lha mo la bskyar ba'o/ /sangs rgyas kyi yum de ni bden zhes pa la sogs pa de ni de bzhin gshegs pa'i rigs lnga la sogs pa'i bskyed pa'i ma byang chub kyi sems gsang ba khu ba yin pas ma nor bar nges par gzung ngo/ /'on kyang ni de ltar yin yang drang ba'i don dang nges pa'i don gnyis su dbye'o/ /de yang drang ba'i don tshig gis ldan zhes pa ni drang don du byas pa'i dbang gis tshigs ? tu smos pas skye na tshig dang don du ldan no/ /rten gyi don phyir yang dag nges pa'i don rten med na ni 'bras bu rnyed
- 226b
mi 'gyur/ zhes pa ni byang chub kyi sems khu ba'i gzugs gsang ba la brten pa drang ba'i don/ /yin yang nges pa'i don gyis bde ba'i ye shes rnyed la/ khu ba'i ngo bo rten na nges pa'i ye shes kyi 'bras bu mi rnyed pa'o/ /lus kyi dngos med ji ltar 'di ru sems/ /ji ltar don mthun gsang zhes pa ni dper na lus po med na sems gnas pa med pa bzhin/ dpe de ltar khu ba med na bde ba med pa ni don mthun pa'o/ /'o na skye mched mu bzhi la gzugs med pa'i khams so// de'i phyir 'dod chags kyi chos bstan pa'o/ /khu ba'i gzugs gang yin pa lus te/ de na bde ba'i sems yod pa mi 'gal lam zhen de ni de ltar bden te 'on kyang me tog gzugs med par dri'i dngos po mi 'byung ba'i dpe dang gzugs med pa'i dbang du chos bstan pa ma yin gyi/ 'dod khams pa'i dbang du chos bstan pa'o/ /des ni tha ma'i gsang ba bstan no/ /drang ba'i don min nges pa'i don yang min/ zhes la sogs pa ni kun rdzob kyi bskyed rim dang bral nas don dam pa'i rdzogs pa'i gsang ba ste rab kyi gsang ba bstan no/ /yang na 'bring gi? don gyis su zhes pa la sogs pa ni 'bring gi gsang ba ste/ de ni rang bzhin dga' ba rab gyi gsang ba rnyed par 'gyur ro/ /de rnyed pa ni brjod du med pa nam mkha' rang bzhin gyi ngo bo yin no/ /rang bzhin dga' pa'i sgron ma las/ le'u nyi shu rtsa gnyis pa'i dka' ba bka' pa'o// //gsang ba'i don bcom ldan 'das kyis rang bzhin dga' ba zhes gsungs pas rang bzhin rtogs na chos thams cad kyi rtsa ba don dam pa yin par dgongs nas/ de nas bcom ldan mo 'jam pa'i dbyangs kyis yang zhu bar byed do zhes pa la sogs pas ni bcom ldan 'das rdo rje sems dpa' mgon ma mchis pa'i mgon du gyur pa'i
- 227a
mgon po zhes dbyangs snyan cing 'jam pa brjod nas chos thams cad khyod kyis sngar gtan la phab pa'i don rang bzhin dga' ba ji lta ba lags zhes zhus pa ste lha mos so/ /de lta bu'i tshig thos nas zhes pa ni rang bzhin dga' ba'i don dam pa spros pa dang bral ba de'i ngo bo lta bu zhes pa'i tshig thos nas bcom ldan 'das cad mi gsung ba'i dngos pos zhes pa la sogs pas ni rang bzhin dga' ba'i don la zhugs te bzhugs pa'o/ /ci'i phyir zhe na/ /rang bzhin dga' ba'i don ni mchog dang chad pa'i gnyis las grol ba/ tshig dang bral ba/ yi ge dang bral ba/ rgyu 'bras spangs pa ste/ 'di lta bu'o/ /zad pa med cing 'phel ba med/ /skye ba med cing 'gag pa med/ /'ong ba med cing 'gro ba med/ /'phob med cing gnas pa med/ /thog ma ma yin tha ma yin/ /dbu ma min zhing mdza' yang min/ /mya ngan 'das min 'khor ba min/ /gzung ba ma yin 'dzin pa min/ /shes rab thabs su snyom 'jug ba'i/ /thams cad der ni 'dus pa yin/ /rnal 'byor dbang phyug dus shes pa/ /dus dang bral pa rang bzhin don/ /de lta'i rang bzhin don dam pa/ /shar ba med cing nub pa med/ /gnyis po gang sbyar ba yi dus/ /de ni rang bzhin dga' bar bshad/ ces so/ /de nas bcom ldan mo zhes pa ni cang mi smra bar bzhugs so zhes pa'i bar gyis rang gi don zhus pas 'gyod pa'o/ /de'i dus su bya ba nas sna tshogs pad nang yod pa zhes bya ba sogs pa ni bcom ldan mo 'khor dang bcas pa sna tshogs pad+ma'i nang chos kyi 'byung gnas stong bar mthong bya ba la sogs pa'o/ /de yang sna tshogs zhes pa ni 'khor rnams dang bcas pa'i tshigs pa'o/ /pad+ma zhes pa ni chos nyid skye ba med
- 227b
pa'i dbyings skyon dang bral pa'o/ /chos kyi 'byung gnas ni sngar bshad do/ /stong pa la sogs pa ni go bas ma bshad do/ /kye byang chub sems dpa' zhes pa la sogs pa ni bcom ldan 'das mo 'khor dang bcas pas dris pa'o/ /lha'i dbang phyug gis zhes pa la sogs pa ni go sla'o/ /ci'i phyir zhe na/ rang bzhin brjod du med pa dang zhes pa la sogs pa'i don ni sngar bshad do/ /rig pa med pa de'i phyir dris pa la lan med pas zhes pa ni sngar bstan kyang 'dir ni shes rgyu 'am/ rig rgyu 'am/ rtogs pa med pa la bstan du med pa ston cig gsungs pas na lan med pas na bzhugs shes bshad do/ /rang bzhin dga' ba dpe ji ltar snang ba med pa dang/ de ltar nyams su kun rdzob tu myong ba yin zhes na'o/ /rang bzhin dga' ba ni nam mkha' bzhin snang ba med de snang ba thams cad dang bral ba'o/ /nyams su myong ba ni kun rdzob tu dper na bu mo lo bcu drug lon pa'i bde ba shin tu rgyas pa bzhin no/ /de yang lung las ni/ ji ltar gzhon pa'i chags dga' dang/ /ji ltar lkugs pa'i rmi lam dang/ /de bzhin nyid kyis mig? rgyas btab/ /rang bzhin 'di ni shin tu phra zhes gsungs so/ /de yang 'di skad kyang bstan te/ rtogs shig? rab rtogs byed pa na/ /gsal 'gyur 'di ni bzhi pa yin/ /ye shes snying po shin tu phra/ /rdo rje sems dpa' mkha' dang mtshungs zhes gsungs so/ /de ci yang ma yin pa'i bde? bzhin dga' ba'i don rnyed pa'o/ /rang bzhin dga' ba'i sgron ma las/ le'u nyi shu rtsa gsum pa? 'di ? ?/ gzhan rnams ni bla mas 'chad bar 'gyur pa dang/ thams cad kyi rtsa ba rang bzhin dga' ba nor bu rin po che dang 'dra ba las 'bras bu med pas ma bshad do/ /de bas na 'dir bsdus pa'o/ /rang bzhin dga' ba'i sdom gang yin/ /sum?
- 228a
shes rnal 'byor dbang phyug ste/ /de ni bdag gis gsal bshad pa/ /rang bzhin mkha' 'gro bzod par gsol/ /dbang bzhi thob pa'i rnal 'byor pas/ /skabs su bshad bzhi phye ba yis/ /dga' ba bzhi yi 'bras bu btsal// mkha' 'gro ma bzhi bzod par gsol/ /smyon pa lta bu'i tshig yin yang/ /dran pa lta bu'i don 'byung bas/ /sangs rgyas lta bu'i bla rnams la/ /sgyu ma lta bu'i bzod pa gsol/ /rang bzhin dga' ba'i rin chen 'di/ /ye shes sgron mas gsal bar byas/ /rnyed nas dbul 'phongs bral ba bzhin/ /sems can kun gyi rin chen shog /rang bzhin dga' sgron dka' 'grel 'di/ /bdag gis brtsams pa'i dge ba 'dis/ /khams gsum ye shes sgron gyur nas/ /rang bzhin don ni rnyed par shog /dpa' rang bzhin dga' ba'i sgron ma zhes bya ba'i dka' 'grel/ khog don bsdus pa slob dpon chen po rdo rje gsang pa'i zhal snga nas mdzad pa rdzogs so// //rgya gar gyi mkhan po ma hA yo gi sh+rI pradz+nyA guptas bsgyur cing bshad pa'o// //rin chen lta bu'i 'grel pa 'di/ /snod dang ldan pa'i bu la gtad/ /mun pa lta bu'i dbang med la /lcags kyu lta bu'i sems kyis bsdoms/ /zhes gtad pa'i gtad tshig cho ga dang bcas pa'i// // dpal ye shes thig le'i dka' 'grel slob dpon A tsarya dz+nyA na sa ra ma yis mdzad ba bzhugs so// //*/ /rgya gar skad du/ sh+rI dz+nyA na ti le ka pany+tsi ka nA ma gu hya te t?/ bod skad du/ dpal ye shes thig le'i dka' 'phrel/? gsang pa'i de kho na nyid ces bya ba/ dpal rdo rje sems dpa' la phyag 'tshal lo/ /de nyid lnga brgyad drug gi bye brag de kho na nyid shar/ /rdo rje snying po b+ha gar spas pa dam pa'i bde ba che/ /sku gsum ye shes lnga rdzogs bde gshegs kun gyi thugs rang bzhin/
- 228b
dpal ldan ye shes thig le khyed la sgo gsum dang bas 'dud/ /thams cad mkhyen pas gsungs pa la/ /bdag blo go skabs med mod kyi/ /gzhan gyis 'dir ni bskul ba'i phyir/ /gsang ba'i de nyid dka' 'grel brtsam/ /shes rab chung ba'i sems can rnams/ /rigs pa ngan pa chos kyi blos/ /ji ltar gsungs la ma gsungs smra/ /de bzhin 'dir yang gsungs mod kyang/ /sems can bsam pa'i khyad par gyis/ /zhal nas gsungs pa'i chos la yang/ /dga' zhing dad pa'i phyogs su 'jug /de bzhin 'di la yang 'jug go /de bas nyon mongs dbang byung pa'i/ /'di 'dod sems can rnams la ni/ /brtse ba'i dbang gis gsang ba yi/ /de kho na nyid bshad par bya/ /'dir rgyud kyi don de yang dgos 'grel rnam pa lngas bstan te/ ci'i phyir zhe na/ chos kyi rjes su 'brang ba'i gang zag dang/ gang zag gi rjes su 'brang ba gnyis las/ sngan? ma 'jug par bya ba'i phyir/ de rnams bstan par bya'o/ /de la rgyud 'di dbu nas zhabs kyi bar gyi/ tshig dang yi ge'i tshogs ni rjod par byed pa'o/ /bcom ldan 'das dpal ye shes thig le sku gsum dang/ ye shes lnga'i bdag nyid rnams brjod par bya'o/ /de rnams brjod par bya ba dang/ /rdzod par byed ? brel ba'o/ /der gdul bya rnams la bskyed rims la sogs pa'i thabs bstan pas dga' par byas shing 'jug dgos ni dgos pa'o/ /yang zhugs nas grub pa'i mthar phyin pa 'di ni dgos pa'i yang dgos pa'o/ /'di skad bdag gi zhes bya ba la sogs pa la/ 'di skad ces bya ba ni ji lta ba bzhin du phyin ci ma log pa'i don de yang dag par ston pa'i tshig gis so/ /bdag gis bya ba ni/ sdud pa po lha'i dbang phyug gis zhes 'brel ba'o/ /de'i don ni 'di yin te/ bcom ldan 'das rdo rje sems dpa' la sdud po
- 229a
pos/ /ji lta ba bzhin du mngon sum du thob pa ni/ 'di skad bdag gis thos pa'i don to/ /dus gcig na zhes bya ba ni/ 'das pa la sogs pa'i dus bkal pa yin te/ /rten dang brten pa'i dkyil 'khor gyi bdag nyid btsun mo'i b+ha ga la bzhugs pa'i dus na'o/ /de yang drang ba'i don gyis rgyud 'di 'byung bar dka' ba dang/ sdud pa po shes rab che ba la sogs par bstan to/ /bcom ldan 'das zhes bya ba ni/ bdud rnam pa bzhi bcom pa dang dbang phyug la sogs pa'i legs pa'i yon tan rnams dang ldan pa yin no/ /ji skad du dbang phyug dang ni gzugs bzang dang/ /dpal dang grags dang ye shes dang/ /brtson 'grus phun tshogs bcom ldan 'das/ /yang na mi mthun pa'i bdud de kun bcom nas/ bcom ldan 'das zhes gsungs so/ /de bzhin gshegs pa zhes bya ba ni/ bsod nams dang ye shes kyi tshogs gnyis kyi dbang gis 'khor ba dang/ mya ngan las 'das pa'i skyon gyis ma gos par gshegs pa'i rnam par snad mdzad la sogs pa'i sangs rgyas rnams so/ /thams cad ces bya ba ni/ rnam pa thams cad mkhyen pa'i ye shes la mnga' brnyes pa'i de bzhin gshegs pa ma lus pa thams cad kyi/ sku dang/ gsung dang/ thugs kyi ye shes kyi rang bzhin/ bcom ldan 'das nyid kyi sku dang gsung dang thugs so/ /dbyer med pa'i phyir rdo rje'i mtshan nyid 'dzin pa'i sku bde ba chen po nyid do/ /ji skad du/ de bzhin gshegs nyid dpal dang ldan/ /de bzhin gshegs shing byon pa'o?/ rigs lnga'i bdag nyid sangs rgyas rnams/ /thams cad de bzhin gshegs pa'o/ /zhes gsungs so/ /dpa' bo zhes bya ba ni/ byang chub sems dpa' chen po rnams kyi bdud dang mu stegs la sogs pa'i phyir rgol ba'i tshogs thams
- 229b
cad bcom zhing zhi bar byed pa'i phyir na dpa' bo'o/ /'di skad du/ phyir la rgol bcom dpa' bo ste/ /de bzhin skye rga na 'chi yi/ /sdug bsngal zhi bar byed pas na/ byang chub sems dpa' zhes bya'o/ /zhes gsungs so/ /dpa' mo zhes bya ba ni de bzhin du 'dir nu ma dang/ mtshan ma la sogs pa'i khyad par byas pa'i bud med kyi gzugs kyis bzhugs pa ste/ zla ma la sogs pa'i dpa' mo rnams so/ /thabs dang shes rab kyi rnam pa'i gzugs 'dzin pa'i dpa' bo chen po dang/ dpa' mo'i dbang phyug mas/ bcom ldan 'das la rnam par bskor nas bzhugs so/ /btsun mo ni rdo rje btsun mo rnams te/ sangs rgyas spyan dang mA ma kI la sogs pa rnams so btsun mo dang b+ha ga dang/ bcom ldan 'das de bzhin gshegs pa thams cad kyi sku dang gsung dang thugs snying po rdo rje nyid ces bya ste/ khyad par gyi bsdu ba'o/ /bzhugs zhes bya ba ni/ bcom ldan 'das dang/ 'khor khyad par du gyur pa dpa' bo la sogs pa rnams dang lhan cig chos kyi 'byung gnas gru gsum dkar po nang stong pa/ 'og phra la steng yongs su rgyas pa'i nang gi gzhal yas khang na bzhugs so/ /yang na 'di skad bdag gis de nyid gsum/ /bdag nyid dang ni bcas pa ste/ /rang bzhin bzhi yi rnam par ni/ /don dam par ni shes par bya'o/ /thos ba'i ? bde mchog de ni nam bzhin du mchog gcig ces bya ba gzhan mchog go /srid dang mya ngan 'das dang bral/ /dus ni phyag rgya chen por bshad/ /bskyed pa dang ni rdzogs pa spangs/ /bcom ldan 'das ni mdza' zhes bstan/ /dang ?/ nyams su myong ba'i dngos/ /thams cad bstod pa ye shes gsum/ /de nyid kyis ni spangs pa'o/ /de bzhin gshegs ni rnam 'byed grags/ /dang po'i gnas ni grub par byed/ /sku ni dga' ba'i dngos por? grags/ /dbang po gnyis byung dang pral ba'o/ /
- 230a
gsung ni mchog gi dga' bar bstan/ /dam tshig las byung gis ni spangs/ /thugs ni chad pas dga' ba ste/ /ye shes las byung gis ni spangs/ /rdo rje dang ni rang bzhin dga' / /rang bzhin gyis ni rtog pa bral/ /dpa' bo chen po zla ba'i dngos/ /zhu ba chad pa spangs pa'i gzugs/ /dpa' mo dbang phyug ma bde bsten/ /dang po'i bdud rtsi las skyes pa'o/ /rnam skor yan lag thams cad kyis/ /khyab pa chu yi pad+ma bzhin/ /shes rab de ni tshangs pa'i gnas/ /tshangs pa ye shes 'dzin pa'i phyir/ /b+ha ga bdud ni 'joms pa'i phyir/ /yang na longs spyod myong bas so/ /bzhugs pa nyid kyi mtshan nyid de/ /de bzhin gnas pa yang na gshegs/ /de lta bu yi don du ni/ /'di skad bdag gis sogs par bstan/ /ces gsungs so/ /gzhan ni 'di skad bdag gis la sogs pa'i don ni/ phyi dang nang gsang ba de kho na nyid bzhir phye nas bstan te/ de skad du/ phyi dang nang dang de bzhin gsang// de nyid don dang rnam pa bzhir/ /dkyil 'khor dang ni lus dang yang/ /las ni phyag rgya rang bzhin med/ /ces gsungs pa bzhin bshad zer ro/ /yang gzhan dag ni/ 'di skad bdag gis la sogs pa zhes bya ba ni/ phyi la sogs pa'i don 'di skad bstan dgos pa gsal bar gsungs te/ e yi yi ge sa zhes bya/ /las kyi phyag rgyas sangs rgyas spyan/ /snying rje chen po dang ni thabs/ /sna tshogs dngos dang sna tshogs spyod/ /lte bar sna tshogs chu skyes kyi// sprul pa'i 'khor lo la gnas pa'o/ /yi? gi yi ge chur shes bya/ /chos kyi phyag rgya mA ma kI/ /byams pa chen po smon lam las/ /rdo rje rigs kyi lha mo te/ /snying gar chu skyes 'dab ma brgyad/ /chos kyis 'khor lo'i
- 230b
dbus na gnas/ ma yig me ru brjod pa'o/ /phyag rgya chen po gos dkar mo/ /dga' ba dang ni stobs rang bzhin/ /lha mo pad+ma'i rigs su 'byung/ /mgrin bar chu skyes bcu drug 'dab/ /longs spyod 'khor lo'i dbus gnas pa'o/ /ya yig rlung du shes par bya/ /dam tshig phyag rgya dam tshig sgrol/ /btang snyoms ye shes sbyor ba las/ /las kyi rigs kyi lha mo gtso/ /spyi bor 'dam skyes sum cu gnyis/ /bde chen 'khor lo la gnas pa'i/ /nyon mongs thams cad 'joms mdzad pa/ /'khor ba las sgrol sgrol mar bshad/ /ces bya ba dang/ de bzhin du yang rigs kyi bu 'di skad bdag gis thos pa zhes bya ba'i yi ge 'di dag chos thams cad kyi thog mar brjod pa ni/ rtag tu dag pa'i phyir yi ge ste/ yang dag par rdzogs pa'i sangs rgyus skyes pa por byed pa grub yin no zhes gsungs so/ /de'i phyir na 'di skad bdag gis thos pa la sogs pa'i don rgyas par bshad dgos zer ro/ /yang gzhan kha cig na re 'di skad bdag gis thos pa la sogs pa'i don dbye bar mi bya ste/ de rang gi don ji lta ba bzhin bstan pa yin gyi/ de ci'i phyir zhe na/ le'u dang po 'di dang gnyis pa'i snod drang ba dang nges par ma phye ba'i phyir na/ rgyud kyi don ji lta ba bzhin du bshad par bya ste/ de yang ston pa bcom ldan 'das ni rtogs shing mkhyen pa dang ldan pa'o/ /'khor dang sdus pa por bcas pa rnams ni/ nyan cing shes par 'dod pa'i bsam pa ? yin no/ /de'i phyir 'di skad bdag gis thos pa la sogs pa'i bdag nyid kyi don la/ de ma thag tu bcom ldan 'das kyis byang chub sems dpa' sems dpa' chen po lha'i dbang phyug la bos nas/ de kho na nyid gsum la sogs pa'i ngo bo la sogs pa'i gleng bslang ba yin zer ro/ /de dag gis gzhung la bdag gi ni yid ches par mi byed do/ /'on kyang gzhan dad pa srid pas dor ba yang ma yin no/ /slob dpon chen po in+d+ra b+hU ti
- 231a
man ngag gis gsungs pa bzhin bdag 'dzin te/ de yang drang ba'i don dang nges pa'i don du dbye'o/ /de skad du/ nges dang drang don bye brag tu/ /'di skad bdag gis la sogs bshad/ /ces rgyud las gsungs so/ /der dpal nam mkha' dri med ces bya ba ni yang dag 'od rab nyid las ston pa dang/ 'khor gyi bye brag gi gzugs kyis sprul nas/ sems can gyi don mdzad pa dang/ de bzhin du yang gdul bya la dgongs nas/ rtsa'i dbus stong pa'i nam mkhas kyang/ bstan pa ni/ der dpa' bo chen po dang/ /dpa' mor bcas pa'i bzhugs gnas de ru'o/ /de dpa' bo chen po byang chub sems dpa' nam mkha' dri med dang zhes bya ba la sogs pa'i 'khor mchog tu gyur pa dpa' bo dang/ dpa' mo rnams kyang tshul ji lta ba bzhin bzhugs zhes bya ba'i tha tshig go /'dir de rnams kyi mtshan dang grangs bshad pa/ dpal nam mkha' i dri med dang/ shin tu rtsal che dang zhes bya ba la sogs pas bstan to/ /kha dog dang dbyibs la sogs pa'i rdo rje 'di rnams 'og nas gsungs pas 'dir rnam par bshad pa gsal bar ma byas so/ /de lta bu'i zhes bya ba ni/ mtshan dang grangs bstan pa ste de rnams so/ /rab zhal la sogs pa ni/ dpal nam mkha' dri med la sogs pa'i dbang po bcu drug po rnams dang/ dpa' bo sum cu gnyis po kun no/ /de rnams kyi rnam par dag pa ni/ 'khor lo bzhi pa rnams so/ /yang na dga' bcu drug po rnams so/ /phyi rim gyi dpa' mo bcu drug po'i rnam par dag pa ni yum lnga dang/ 'byung ba lnga dang ye shes dang/ chos kyi dbyings dang/ 'dod chags dang/ brag dog dang/ nga rgyal dang/ gti mug dang/ de rnams rnam par dag pa'o/ /ma mo'i btsun mo zhes bya ba'i sngas ni ma mo mkha' 'gro ma'i gzugs so/ /btsun
- 231b
mo yang yin te/ bcom ldan 'das dang/ dpa' bo rnams kyis rol cing spyad pa'i gnas su gyur pa'i bdag nyid do/ /bye ba phrag bdun cu rtsa gnyis shes bya ba ni/ rtsa phra mo bye ba phrag bdun cu rtsa gnyis rnam par dag pa'i tshul de bzhin du 'dir yang gsungs pa yin no/ /rtsa rnams kyi don de rnams kun gyi 'khor ni/ bye ba phrag bdun cu rtsa gnyis kyi ma mo'i btsun mo mkha' 'gro ma'i grangs rnams so/ /dbus ni mdza' gsal ba'o/ /legs dgyes chen mo'i sbyor bas bzhugs pa zhes bya ba ni/ shes rab dang thabs kyi sbyong bas mnyes pa ste/ yum phyag rgya chen po ni mtshungs pa gzhan dang mi mtshungs pa'o/ /de dag yang dag par sbyor zhing rol pas mnyes pa ni/ legs dgyes kyi bde bas myos pa'o/ /byang chub sems dpa' sems dpa' chen po lha'i dbang phyug la bka' stsal pas ni/ bcom ldan 'das kyis zhes pa'o/ /byang chub sems dpa' ni gnyis su med pa'i yang dag ba bla na med pa'i byang chub la skyon spangs pa'o/ /de nyid don byang chub tu thob pa la sems pa ni/ byang chub sems ni? gtong bar sems shing yang dang yang su byang chub sems dpa' ste/ byang chub sems dpa' o/ /'gro ba'i bsam pa ji bzhin du don spyod nus shing mdzad pa ni sems dpa' chen po'o/ /byang chub kyi sems nyid lha yin la/ de nyid la mnga' bas na lha dbang phyug bo/ /'di skad du/ byang chub gnyis med ye shes te/ de rang sems mi gtong sems dpa' o/ /gang der 'gro ba'i don byed pa/ /rin po che bzhin chen pos mdzad ces rgyud las gsungs so/ /nges na 'dir ? byang chub sems dpa' ? dpa' chen po lha'i dbang phyug ces pos nas/ bcom ldan 'das kyis bka' stsal to/ /do ci'i phyir zhe na/ 'gro ba gdul bya'i bsam pa la dgongs nas gsungs so/ /de kho na nyid gsum gyi bdag nyid kyi dang/ zla ba bde ba mchog gi dang/ phyag rgya?
- 232a
chen po'i dang/ mdza' i ste/ de la rang gi ngo bo dang/ rnam pa dang tshad dang/ dpal ye shes thig ler grags pa nyon cig /ces gsungs pa la/ de ltar dus kyi so so skye bo byis pa nams yang dag ga'i don ni ma rtogs shing rigs pa ngan pas sgro 'dogs pa dang/ skur ba 'debs pa la ni dga' / kha cig ni 'grel pa med par rgyud la sogs pa'i don bshad par yang byed/ de bzhin yang kha cig ni phyin ci log gi rtog pa dang/ sgra dang rigs pa dang/ nga rgyal gyis rgyud la sogs pa'i 'grel pa rtsom par byed cing grub pa la sogs pa'i yon tan dang mi ldan pas dmyal bar 'gro'o/ /des na kho bos de rnams la bsams te/ 'dir kha cig gis gzhung bkod pa ni/ don ni bzhin du bdag gis bshad par bya'o/ /de skad du/ 'grel bshad med bar mdor bsdus rgyud/ /rigs pa ngan pas 'chad par byed/ /gzhan gyi chud ma nor zas la/ /sred bskyed nas ni dmyal bar 'gro/ /de bzhin du yang/ grub dang yon tan med par ni/ /kha cig 'grel bshad? sogs byed cing/ /sgra dang rtog gang rgyal gyis/ /rnal 'byor sbyor las nyams par byed/ /ces gsungs so/ /de la gzhan dag ni/ /'di skad bdag gis thos pa'i dus gcig na/ bcom ldan 'das zhes gsungs pa dang/ de kho na nyid gsum la sogs par sbyar te/ de kho na nyid gsum gyi bdag nyid ni/ e baM ma ya zhes bya bas bstan te/ rgyud dang sdud pa por 'brel pas na'o/ /yang na 'dir mthun par e waM ma ye zhes bya'o/ /thos pa ni zla ba bde mchog go /thos pa ni sdud pa po'i myong ba'i mtshan nyid can no/ /da bzhin du zla ba bde mchog kyang bstan no/ /dus ni phyag rgya chen po'i bdag nyid de/ mtshan ma'i dngos po thams cad dang bral
- 232b
pa bsam bu med pa'i dus phyag rgya chen po'i bdag nyid do/ /de gnyis dbyer med par gcig pa'o/ /mdza' zhes bya ba ni bcom ldan 'das so/ /spros pa'i mtshan ma thams cad las ring du song bas na/ mdza' dang dbyer med pa'o/ /ji skad du/ 'di skad bdag gis de nyid gsum/ /bdag nyid ngang yang bcas pa ste/ thos pa'i don ni zla bde mchog /dus niphyag gyo chen po ste/ /bcom ldan 'das ni mdza' zhes bya/ /zhes gsungs pa dang/ de bas na de kho na nyid gsum la sogs pa dang/ dpal ye shes thig ler grags pa nyon cig /ces 'grel pas don de bzhin bshad zer ro/ /kha cig ni de la de kho na nyid gsum la sogs pa bya ba ni/ cha la sogs pa'i sbyor ba drug dang gcig pa nyid yan lag sbyor ba drug po ni/ dpal ye shes thig ler bshad do/ /yang ji skad du/ cha dang thig le dang ni tshul/ /de nyid gsum bdag bstan pa tshul tsam zla ba bde ba mchog /phyag rgya chen po 'dir ni mchog /de yi mdza' na mchog bzhin no/ /zhes gsungs pa dang/ yang le'u gzhan las/ sh+rI ni gzhan min 'dir ni cha/ /dz+nyA zhes bya ba thig ler bstan/ /na yi yig 'bru tshul yin te/ /ta yi yig 'bru tshul tsam mo/ /la yi yig 'bru mchog tu bshad/ /ka yi mchog gzhan shes pa'o/ /zhes gsungs pa'o/ /de kho na nyid gsum zhes bya ba la sogs pa rnam/ dpal ye shes thig ler grags pa nyon thig ces bya ba ni/ de bzhin bshad dgos zer ro/ /yang kha cig na re/ rgyud 'di dbu zhabs kyi don gyi snying po ni de kho na nyid bcu yin la/ 'di rnams sbyor ba drug du 'dus la/ da rnams ni ba spyod pa'o/ /brjod pa las brjod par bya ba rnyed par 'gyur?/ de bas na de kho na nyid gsum la sogs pa dang/ dpal ye shes thig ler grags pa nyon cig ces pa 'grel de skad du yang de nyid sum cu drug
- 233a
bdag po/ /cha yi ye shes cher byed de/ /zhes bya ba la sogs pa le'u nyi shu rtsa drug pa nas rgyas par bstan pa de'i phyir na/ de kho na nyid gsum la sogs pa'i don de bzhin du bshad zer ro/ /yang la la dag na re/ de kho na nyid la sogs pa'i don ni/ 'di skad bdag gis thos pa'i dus gcig na/ bcom ldan 'das de bzhin gshegs pa zhes bya ba la sogs pa'i gzhi dang sbyar la bshad de/ bcom ldan 'das yan chad sngar bshad pa dang mthun no/ /de bzhin gshegs pa thams cad ces bya ba ni/ zla ba bde mchog go /byang chub kyi sems dbyer med pa'i gzugs ni/ mchog tu zab pa de ni de bzhin gshegs pa'i snying po bsdus pa'o/ /de'i phyir de bzhin gshegs pa thams cad do/ /de kho na nyid gsum gyi bdag nyid kyi zhes bya ba ni/ sku dang gsung dang thugs snying po rdo rje'o/ /zla ba bde mchog ni dpa' bo chen po dang/ dpa' mo dbang phyug ma yang ste/ ci'i phyir zhe na dpa' bo la sogs pa ni byang chub sems dpa' yin pas so/ /de bas byang chub sems dpa' ni/ byang chub kyi sems yin no/ /phyag rgya chen po ni thams cad kyi bdag nyid gnyis su med pa'i ye shes chen po'i don rdo rje chos kyi sku'o/ /bsod nams dang snying rje'i dbang gis snying po'i gzugs kyis so/ /de'i mdza' ni bzhugs gnas chos kyi 'byung gnas gzhal yas khang dang bcas pa'o/ /de kho na nyid gsum gyi bdag nyid kyi dang zhes bya ba la sogs pa ni drug pa'i sgra dang bcas pa'o// de skad du yang/ de kho na nyid kyi sgron ma las ni sngar bstan pa bzhin no/ /'dir le'u gnyis pa las/ de nyid gsum ni sku gsung thugs/ /rdo rje gsum ni ye shes mchog /zla ba bde ba mchog gis gang/ /de ni phung po dbang po
- 233b
khams/ /phyag rgya chen po rdor snying po/ /de yi mdza' ni b+ha gar bshad ces gsungs bas na/ de'i don gleng gzhi dang/ de kho na nyid kyi sgron ma dang/ le'u gnyis pa'i gzhung gis don rgyas par bshad par bya dgos zer ro/ /de rnams kyi rang rang gis gzhung la gzhan dang ba srid pas ma bkag pa ni snga ma bzhin no/ /'on kyang lo kho bo ni mi 'thad de/ ci'i phyir zhe na/ bcom ldan 'das kyis gsungs pa'i don rgyas par bshad de/ 'dir de rnams dang mthun pa ma yin pa/ de bas na rgyud la 'brel pa med pa'i phyir ro/ /bla ma'i man ngag gis bshad pa/ 'di gnyis kyi le'u gnyis pa dang bcas pa 'di ni bdag gi bdun pa dang 'jug par 'thad pa yin no/ /yang la la 'di ltar sems dpar 'gyur te/ de kho na nyid gsum la sogs pa gsungs pa ni don dam pa spros pa thams cad nye bar zhi ba nyid yin pas/ de la kun rdzob kyi rnam pa dang tshang dang ngo bo/ /bcom ldan 'das kyis gsungs pa ci snyam mo par dpyad du dogs pa'i bsam pa slang ste/ 'di'i don gsal bar bya ba ni/ byang chub sems dpa' sems dpa' chen po lha'i dbang phyug mtshan ma la sogs pa'i rnam par rtogs pa'i chos rnams kun gyis ma gos pa ni/ dpal ye shes thig le yin/ de la rnam pa la sogs pa mtshan nyid kun rdzob tu gsungs pas/ sa la lta zhing cang mi gsung bar 'dug ? zhes bshad do/ /de'i dus na zhes bya ba la sogs pa ni don dam pa'i bden pa mtshan ma'i bden pa rnam par rtog pa spangs pa yin yang/ bcom ldan 'das kyis gnyis su med pa'i don la dgongs nas/ zhu ba po la sogs pas rtogs par bya pa'i phyir/ rdzu 'phrul dang ? 'phrul bstan pa ni/ nam mkha' dngos po med pa'i stong pa las/ dngos po can gyi me tog sna tshogs pa dang/ dri chen po dang ldan pa'i me tog dang/ rin po che la sogs pa'i kun rdzob kyi mtshan nyid mngon par
- 234a
sprul nas/ char bzhin nyid kyis zhabs kyi rtsa ba la sogs pa'i drung du sprul nas bab par mdzad do/ /yang bcom ldan 'das kyis zhes bya ba la sogs pa la/ sngar pos par ma zad da ltar yang pos nas/ khyod ci yang lan mi smra bar 'dug pa/ ci zhig la ya mtshan du 'gyur ba yin zhes pa'i don to/ /lha'i dbang phyug gis gsol pa zhes bya ba ni/ rdo rje 'dzin la sngar gyis don la gsol pa'o/ /de rang gi ngo bo dang/ rnam pa dang/ tshang yod dam ci zhes bya ba ni/ rtog pa dang mtshan ma la sogs pa'i dngos po dang bral ba'i don dam pa'i bde ba chos thams cad kyi ngo bo nyid stong pa nyid gang yin pa de la kun rdzob kyi rnam pa la sogs pa yod dam ci/ de la bdag lha'i dbang phyug ya mtshan skyed par gyur to zhes bya ba'i don to/ /e ma'o/ lha'i dbang phyug ces bya ba ni/ rdo rje 'dzin pas dbang phyug dam pa sbyin par mdzad nas byis pa so so'i skye bo'i don la bskul ba'o/ /dkon mchog gsum gyi bdag nyid thugs yang dag pa'i rdo rje ni mchog gi rdo rje 'dzi pa'o/ /'di gsungs zhes bya ba ni de kho na nyid la sogs pa'i don gtan la dbab ste/ chos can gyis chos nyid dam pa bsgrub dgos pas na med dam ci zhes so/ /de ltar yang zhes bya ba ni/ de kho na nyid gsum la sogs pa la/ de rang gi ngo bo dang/ rnam pa dang/ tshad kyis lha'i dbang phyug ya mtshan skyed rung ba'o/ /'khor ba dang mya ngan las 'das pa'i chos rnams kun ni chos thams cad so? /de'i? chos nyid ni ngo bo nyid kyang de yin/ stong pa nyid kyang de yin/ /don dam pa'i bden pa yang de nyid do/ /stong pa nyid 'di kun rdzob sgyu ma tsam la ma brten par shes par ga la 'gyur te mi 'gyur ro zhes/ /de'i phyir/
- 234b
mig yod tsam zhes bya'o/ /yang dag pa ma yin la/ kun rdzob sgyu ma dang/ mig yor dang sprul pa la sogs pa'o/ /tsam gyi sgras sgyu ma nyid rang bzhin med par bstan to/ /rgyu ni stong pa nyid kyi ye shes spros pa med pa'i rgyu de rang rten du shes par bya'o/ ji skad du/ de nyid tshal la thog mar ni/ /thams cad yod ces brjod par bya/ /don dam rtogs shing chags med nas/ /de yi 'og tu dben pa'o/ /zhes gsungs so/ /kun rdzob sgyu ma tsam gyi chos can chos la rten nas/ stong pa nyid bsgrub pa'o/ /chos thams cad zag pa dang bcas pa dang/ zag pa med pa'i chos kun no/ /ji ltar gla rtsi la rten nas dri gang yin rnyed par 'gyur gyi zhes bya ba ni/ gla rtsi dang dri gcig pa yang ma yin/ tha dad pa yang ma yin te 'on kyang gla rtsi dngos po med par dri ga las rnyed/ rgyu dang ldan pa la thabs kyis rnyed par 'gyur pa'o/ /de med par zhes bya ba ni bla rtsi'i dngos po med par mi rnyed do/ /rnyed par ji ltar 'gyur zhes bya ba ni/ dngos po med par dri mi snyed do/ /rgyu med pa'i phyir ro/ /de bzhin du zhes bya ba ni don ston pa yin te/ rang gi ngo bo dang zhes bya ba la sogs pa ni/ ji ltar bla rtsi las dri rnyed pa bzhin/ kun rdzob kyi thabs la brten nas don dam pa rnyed par 'gyur gyi gzhan ? ni de ltar ma yin no/ /de skad du/ thabs ma yin pas ring mdang?/ thabs kyis ring pa ma yin pa/ /snying rje zhi la mi gnas te/ /shes rab srid pa mi gnas so/ /zhes bya ba bshad pa lta bu'o/ /nges na zhes bya ba la sogs pa la/ sngar dpa' don gyis bstan pa la brtag? go /khyab dang khyab byed bye brag tu zhes bya ba ni/ ji ltar shing dang sha pa'i mtshan nyid bstan pa bzhin du/ don dam pa'i bden pa spros pa dang bral bas/ kun rdzob kyi dngos po la khyab pas khyab byed kyi don ni zlas dbye'o/ /mtshan ma dang mtshan ma med pa'i phyogs
- 235a
kyis dkri bar bya ste/ tha dad pa'i chos 'grang ba ni/ bye brag mang po'i don to/ /de rnams thams cad dbyer med pas na gnyis su med pa'i bde ba chen po'i/ /bde ba sku la brten pa'i phyir zhes bya ba ni/ kun rdzob phyoD kyis bstan pa'i sku'i dngos po la/ don dam pa de bzhin du bsten pas gnyis su med pa'i ye shes chen po de kho na nyid pa bsgrub bya thob par 'gyur bas na/ sku la brten nas de nyid 'gyur zhes gsungs so/ /sku la brten pa ni thabs kyis rab tu bstan pa'o/ /sku bde rnam par shes yin ni/ /thams cad gnyis su med pa'i dngos/ /zhes bya ba ni phyogs gnyis pa'i chos rnams bsdus te/ bye brag gnyis brtags pa thams cad gnyis su med par zung? du 'jug pa'o/ /de skad du/ 'khor ba dang ni mya ngan 'das/ /rtog pa gnyis po spangs pas ni/ /gang du dngos bo gcig gyur pa/ de ni zung 'jug ces byar bstan/ /ces bshad do/ /drug gi bde ba zhes bya ba ni/ de kho na nyid gsum gyi bdag nyid la sogs pa der bstan pa'o/ /ye shes mchog ces bya ba ni spros pa dang bral ba'i dga' ba gnyis su med pa'i ye shes so/ /'o na de gang gis rnyed par 'gyur zhe na/ sku dang bde ba gnyis las 'byung/ zhes sngar bstan pa byas so/ /de nas sbyor ba drug gi don gsungs pa/ 'khor lo drug gi dbus na gnas zhes bya ba la sogs pa la/ bde ba chen po la sogs pa drug ni lte ba'i nang gi dbus su/ de kho na nyid gsum la sogs po'i sbyor ba drug bzhugs pa'i gnas so/ /dad po gsum ni rgyu las ye shes can ri bong can gyi rim pa skye ba ni 'bras bu'i bdag nyid mchog go /phan tshun 'brel pas na/ lus rten srog gi dbyug pa zhes bya ba la sogs pa la/
- 235b
lus bsrog brten pa'i phyir ro/ /yang na srog la lus brten pa'o/ /thigs pa dang bcas de rnams sbyor zhes bya ba la sogs pa ni/ byang chub kyi sems ga phur bcas nas rtog med ma dang/ rlung ro gcig tu gyur pa'i rim pas sbyor ba'o/ / srog ni rlung dang ldan pa'i byang chub sems/ yang na dbyug pa'i sgras/ srog ma'i rtsa ka pa'i gzugs kyis 'khor lo rnams kyi dbus na gnas pa'o/ /bde bas na/ lus rten srog gi dbyug pa la zhes bya'o/ /nad du'o zhes bya ba ni/ 'dzin ma dang rom g.yas g.yon de gnyis kyi dbus su'o/ /de bzhin du byang chub sems kyi lam ni gsum ste/ phyi dang nang dang gsang ba'o/ /phyi ni 'khor lo la sogs pa'i rten dang/ brten pa'i bdag nyid kun tu sbyor ba'o/ /nang gi rlung byang chub sems la spyod pa'o/ /gsang ba ni ye shes la spyod pa'o/ /de bzhin du yang ni ye shes skyes pa'i lam ni bzhi/ /srog ma las dga' ro ma mchog /'dzin ma las ni bral mchog /rtog med rang bzhin dga' ba'i lam/ zhes gsungs so/ /de skad du yang/ cha'i sbyor ba nang du min/ /nang du de ni rtog med na/ /g.yas g.yon mdud pa'i nang du ni/ /ro ma dang ni 'dzin ma gnas zhes bshad do/ /de bzhin du gsum du dbye ba dang bzhir dbye ba yang gsum gyi don no/ /de'i don ni bde chen 'khor lo'i lte ba'i zhes bya ba la sogs pa ste/ bde chen ni byang chub sems kun rdzob dang ldan pa'o/ /'khor lo ni 'dab ma sum cu rtsa gnyis pa'o/ /lte ba ni gong du bshad par byas so/ /ri bong can gyi byang chub kyi sems bde ba dang/ /rtsa dang ldan pa ni zla ba rgyas pa'o/ /rtsa dang rgyas pa rang srog lygi rlung dang ldan pa ni bcas pa'o/ /sbyor pa drug gi dang po ni thogs me'o/? /zur gsum gyi dbyibs kyi gzugs can rnams ni gyur gsum gyi rtsom pa'i tshul lo/ /rtsa dang
- 236a
rlung dang byang chub sems kyi khyad par kun gcig gis don rtogs pas thams cad kyang ngo/ /longs spyod ste ba'i zhes bya ba la sogs pa la/ ye shes kyi ro la sogs pa la longs spyod pa'o/ /lce dang bcas pa'i rtsa ro myong bar byed pa ni/ lce ma ste/ rten dang brten can ma/ de bzhin du ming ni brtags pa yin no/ /rtsa dang bde ba'i rang bzhin dang/ gyen du 'gro ba'i rlung dang 'jom pa ni bde ba dang ldan pa'o/ /ske ni longs spyod 'khor lo'i rten no/ / chos kyi 'khor lo'i lte ba'i zhes bya ba la sogs pa ni/ sems las chos rnams 'byung ba yin pa'i phyir/ snying ga'i gnas so/ /pad+ma 'dab ma brgyad dang ldan pa'o/ /nam mkha' ma ni sems nam mkha' dang mnyam pa'i don to/ / snying kha'i rtsa'i yon tan gyis ye shes ldan pa ni bde ba'i ye shes dang/ gzhi'i rlung dang ldan pa sngar bstan pa bzhin no/ /sprul pa'i 'khor lo'i zhes bya ba la sogs pa ni/ srid ba dang mya ngan 'das pa'i chos rnams 'byung ba ni sprul pa'i don to/ /sems can dang sangs rgyas sprul pa'i 'dab ma ni drug cu rtsa bzhis mtshon pa'o/ /'od ma ni gtum mo 'byung ba'i gnas kyi rtsa'i don to/ /bdud rtsi ldan ni rlung kro d+ha dang bcas pa'i mtshan nyid do/ /me'i 'khor lo ni 'dab ma gsum pa'i me'i gnas so/ /sngar las khyad par gyur pa ni dbu 'od ma'o/ /'dod par ldan ni rlung 'on pa dang bcas pa'i bde ba'o/ /rlung gi 'khor lo'i ste pa'i zhes bya ba la sogs pa ni/ 'dab ma drug pa'i gnas ni rlung gi 'khor lo ste/ rlung gi mtshan nyid dang ldan pa'i gnas mo'i rtsa ni brtson 'grus ma'o/ /gsal ba'i rlung dang bcas pa ni stobs dang bcas pa'o/ /de kho na nyid gsum gyi bdag nyid ces bya ba la sogs don gyis sbyor ba
- 236b
drug tu bshad pa ste nges na de ni sbyor drug rnam par shes/ /rtsa dang thigs pa dang ldan no zhes bya'o/ /gang tshe rtog med mas ni 'khyud/ /de tshe tshangs pa'i dbyug pa yin/ zhes bya ba ni gang gi tshe 'khor lo rnams kyi lte ba dang/ bde ba bzhengs gzhugs gnas par ldan pa de'i tshe/ tshangs pa ste/ gang dang de gnyis 'brel ba'i phyir ro/ /tshangs pa yi ni ye shes dang ldan pa'i byang chub sems srog gi dbyug pa la 'khyud pa'i tshul gyis tshangs pa'i dbyug pa'o/ /tshangs pa ye shes 'dzin pas na/ /dbyug pa rnam rtog 'jom pas so/ /zhes gsungs so/ /de'i don rgyas par bstan pa ni/ de'i dus ni bdag gis bshad ces bya ba la sogs pa ni de'i dus zhes bya ba ni/ bzang ba'i dus dang ngan pa'i dus dang/ bsam du med pa'i dus so/ /de skad du/ 'od ba bzang ba'i dus shes bya/ /'gro bas ngan pa'i dus yin no/ /bzang po de ni mchog tu bstan/ /ngan pa'i dus ni bral ba'o/ /gnyis dang bral ba de kho nyid/ /rnam rtog dngos po thams cad bral// zhes gsungs so/ /shar ba la sogs pa'i ye shes 'byung pa gong gi de ni 'di nas mar ro/ /bcom ldan 'das bdag gis bshad pa'o/ /shar ba dang nub pa zhes bya ba ni steng dang 'og gis 'pho bas na/ bde ba chen po'i 'khor lo'i lte ba man chad du bcu drug 'pho ba de bzhin du yang rin po che nor bu sprul ba'i 'khor lo nas steng du 'pho ba bcu drug go /ci'i phyir steng dang 'og tu 'pho zhe na/ 'dis 'pho ba ste/ byang chub kyi sems dang rlung gnyis phrad pa'i phyir/ 'pho ba ste gsungs so// rtog med pa nyid ni gcig bu'o/ /dngos po ? ro ma dang 'dzin ma dang srog ma'o/ /sbyor pa ni rtsa dang rlung dang byang chub kyi sems ro gcig pas sbyor ba'o/ /rtsa sum cu rtsa gnyis ni mdud pa bcu drug pa phrag gnyis/ steng du 'pho ba'i g.yas ?
- 237a
g.yon gyi gnas so/ /byang chub kyi sems dga' ba dang ldan pa'i gdu bu'i rnam pa zhes bya ba la/ ri bong can gyi rnam pa ni/ byang chub kyi sems rdo rje rin po che'i nor bu dang bcas pa'i gnas kyi gdu bu sum cu rtsa gnyis gyi bdag po'i rnam pa dga' ba bzhi dang ldan pa'i rnam pa dang/ de bzhin du/ 'dir yang rnam par sbyar bar bya'o/ /sku dang gsung dang thugs kyi bdag nyid ces bya ba ni/ srog ma ni sku'o/ /ro ma ni gsungs ngo/ /'dzin ma ni thugs so/ /gsum kyi bdag nyid ni rtog med ma'o/ /gzhung ba dad 'dzin pa'i rtog pa med pas na/ gcig pu rtog med ma'o/ /rgyu'i dngos su snang ba las 'bras bu'i ming btags pa'o/ /yang na su ni dga' ba/ gsung mchog gi gsang ba thugs chad ba'i dga' ba bdag nyid rang bzhin dga' ba/ gcig pu rtog med ma zhes bshad de/ /bde ba chen po'i zhes bya ba la sogs pa ni 'khor lo drug gi lte ba dang po bde ba chen po nas tha ma rdo rje nor bu'i gnas bde chen gyis bshad pa ga bur dang bcas pa'i g.yas dang g.yon de bzhin tshangs pa'i dbyug pa'o/ /ji ltar ni dpes bshad ba'o/ /tsan dan go ri? gi dbus su sprul po yod pa'o/ /de bzhin tshangs pa'i dbyug pa'i dbus na/ ro ma dang 'dzin ma g.yas g.yon rtog med ma dbus su'o/ /lha'i dbang phyug de la ji ltar bdag nyid bshad ces bya ba ni/ gorshi Sha'i tsan dan de bzhin du/ rtog med ma tshangs pa'i dbyug pa la mdun du 'khyud ba'i don rgyas par bshad par bya'o/ /de la tshangs/ pa'i dus pa'i ni tshigs pa'i nang mtshan no/ /dbyug pa'i snying po ni srog gi dbyug pa dang gsum par ldan pa'o/ /dang po de las kyi phyag rgya dang mnyam par sbyor ba/ bde pa'i thur gsum gyi rnam pa mdud pa'i lte bar zhes bya ba ni
- 237b
'pho ba'i dang po bsten nas dbyibs zur gsum dbus kyi lte bar/ dngos shes rab ma las kyi phyag rgya la lta ba las/ 'dar ba'i ro skye/ ye shes 'dod pa'i dga' ba srog rlung ldan pa zla stod kyi tshes gcig/ chu tshod gcig gi bar du byang chub sems 'od kyi thig le/ rnam par 'byed pa bshad pa'o/ /rten pad+ma'i dbyibs can du dngos rig pa la 'dod pa las/ 'dar ba skye/ 'dar ba'i dga' ba'i ye shes nye ba'i srog rlung dang ldan pa/ tshes gnyis kyi zla ba 'phel ba bzhin chu tshod gnyis kyi bar du yun ring ? tshungs pa/ byang chub kyi sems stobs kyi thig le rnam par 'byed pa nub bo'o/ /rten du grags pa'i mig can du/ dngos 'dus pa las rdul skye/ 'gro ba'i ye shes mnyam pa'i rlung dang ldan pa'i chos gsum gyi chu tshod gsum gyi bar du/ byang chub kyi sems sprin gyi thig le rnam par 'byer bshar ba'o/ /de bzhin du gzhan rnams kyang rim ba bzhin du sbyar bar bya'o/ /'dar ba la sogs pa'i mchan ma tsam bstan te/ /bzhi pa nu ma rig pa la dul skye/ lnga ba rang drug par ba spu langs? pa skye/ bdun pa dang brgyad par dbyangs kyi khyad par skye/ dgu pa dang bcu par bkrag bzang bar skye/ bcu gcig pa dang bcu gnyis par kha rog 'gyur ba skye/ bcu gsum pa rang bcu bzhi par dka' pa yis snang ba mi gsal ba skye/ mdza' pa gnyis la yang snang pa thim pa skye'o/ /yang na gnyis dang 'khrul pa dang/ brgyal ba dang/ sgom pa dang/ 'dar pa dang/ skeg pa dang/ skag pa dang/ bya ? dang/ snga mas dang/ ba sbu ? pa dang/ mchim 'bab pa dang/ drang dang/ dngos po rang/ rten dang/ ye shes dang/ rnam par 'byed pa yang de bzhin no/ /mtshan mas ye shes ? ba'i rim pa shes pa ?/ /ye shes skye ba'i rim pa shes pa'i dgos pa gang yon snyam? pa la
- 238a
des ni rang bzhin dga' brten med rnyed cing thob par 'gyur ba'o/ /des na de bzhin gshegs pa thams cad kyi rigs so/ /ci'i phyir zhe na/ ye shes skye ba'i rim pa'i mtshan ma'i rtags ni/ dad pa che ba dang/ snying rje che ba dang/ chags pa chung ba la sogs pa las shes par bya'o/ /'di skad du/ sbyin sreg gyi le'u las/ du ba las ni me shes shing/ chu skyar las ni chur shes so/ /byang chub sems dpa' blo ldan gyis/ /rigs ni mtshan ma rnams las shes/ /zhes gsungs pas ni/ ye shes skye ba'i mtshan ma yang de bzhin no/ /yang na reg bya med par dga' ba la sogs pa sngar bzhin bskyed par bya ba yin no/ /thog ni spangs 'jigs byed pa zhes bya ba ni/ byang chub kyi sems kyi thig le rnams dang bco lnga po'i dga' ba la sogs pa yis reg par ma nus pa'i mchog gi thig le 'di zhes bya ba'i don no/ /dpe ni 'jig rten pa'i grags pa bzhin no/ /de la ni 'pho ba'i don de la'o/ /nub bcu drug ni thim pa'i sgra yin te/ de'i don gyis shar ba yang de bzhin no/ /shar dang nub pa ni rlung dang byang chub sems phrad pas 'pho zhing/ shar nas skye ba dang/ thim pa steng dang 'og tu 'gro ba'i tha tshig go /bco lnga pa dang bcu drug pa rten can mchog gi dga' ba ni mdud pa'i rim pas skye ba'i don to/ /rang bzhin dga' la de yod min ni rang bzhin dga' ba skye ba dang/ 'gag pa dang/ rten dang brten can dang/ yod pa dang med pa la sogs pa'i dngos po thams cad dang bral ba shar ba dang nub pa yod pa ma yin no/ /yon po'i gdu bu'i rnam pa'i rtsa lte ba'i dbus su zhes bya ba ni/ srog ma dang bcas pa'i mdud pa rnams kyi lte bar/ lte ba'i gdu bu'i sgras rdo rje rin po che'i gnas su bzhi'i don 'dus
- 238b
pa'i dus so/ /dus kyi sgras thig le dang/ dga' ba dang sogs pas steng gi rlung dang/ 'og gi rlung dang/ rtsa rnams la ni dus gnyis pa'o/ /gcig pa ni chags pa dang/ chags pa ma yin pa ro gcig pa'i dus so/ /de lta'i bde chen rnam pa ni zhes bya ba ni/ sngar bshad pa'i chu tshod dang ldan pa'o/ /'pho ba zhes bya ba ni 'pho ba bcu drug dang 'pho ba dang/ chu tshod kyi sgras dbyug gu drug cu rtsa bzhi dang/ thun tshod brgyad dang/ skad cig ma bzhi po 'di kun gyi nang gi sbyor bas/ bcom ldan 'das rdo rje 'dzin pa bdag gis bshad zin pa'i don to/ /de'i don bsdus pa ni dngos po rten dang ye shes dang/ zhes bya ba la sogs pa ste/ dngos po rten dang zhes bya ba la sogs pa la/ dngos po'i sgras sbyor pa'i dngos po rnams so/ /rten gyi sgras ni byang chub sems kyi rten rtsa'i gnas rnams bsdu'o/ /ye shes kyi sgras dga' ba rnams rlung dang ldan pa bsdu'o/ /rnam par 'byed pa'i sgras ni/ byang chub sems kyi thig le la sogs pa sbyir 'byed pa rnams bstan pa yin zhes bya'o// de rang gi don dngos po zhes bya ba la sogs pa ste/ dngos po ro mnyam sbyor ba yin zhes bya ba ni/ rnal 'byor pa'i dngos po ni las kyi phyag rgya dang thabs kyi bdag nyid gnyis dpal phyag rgya chen po dang/ ye shes thig les byin gyis ? pa'o/ /de gnyis sbyor bas ro mnyam sbyor ba'o/ /des ni dga' ba la sogs pa'i stobs las skyes pa las gnyis su med pa'i 'bras bu bde ba chen po rnyed do/ /las kyi phyag rgya dang thabs dang/ rtsa la sogs pa'i rnam par rtog pa'i dngos po'i chos thams cad kyis/ ye shes spros pa dang bral ba la 'bras bu dang rgyur mi 'gyur la/ de bzhin du dngos po'i lha la sogs pas ni/ ru tra ra ba skye pa 'am/ yang na 'jig rten gyi lha chen po la sogs pa'i 'bras bu thob par 'gyur ro//
- 239a
de bsan rnam par mi rtog pa nyid spros pa thams cad dang bral ba sgom par bya'o/ /des 'bras bu yang dag pa stong nyid ces bya ba bde ba chen po rnyed par 'gyur ro/ /ji skad du/ de kho na nyid kyi rgyud las/ stong nyid sgoms pas de nyid 'thob/ /spros bcas rnam par rtog pa yis/ /'bras bu de bzhin ma yin te/ /rtag pas rtogs pa skye bar 'gyur zhes pa dang/ gleng bzhi'i rgyud las kyang/ rnam rtog gti mug chen po ste/ /'khor ba'i rgya mtshor ltung byed yin/ /mi rtog ting 'dzin la gnas nas/ /mkha' bzhin dri ma med par 'gyur zhes gsungs pas na/ rtog pa can bsgoms pas bya ba med de rnam par mi rtog pa sgom mo zhes so/ /'dir de'i don gsal bar bya'o/ /'dir rtog pa yin na dngos po'i rtog pas 'bras bu de bzhin no/ /ji ltar 'om sbrul gyi dug yin yang/ /mi la sogs pa'i de bzhin ma yin no/ /de bzhin 'dod chags la sogs pa yang bsam pa'i khyad par las/ khyad par can gyi 'bras bur byed par 'gyur ro/ /de bas 'dir rtog pa min pa'i don gsungs pa/ chags pa'i 'dod chags rnam dag byed/ /ces bya ba la sogs pa la// chags pa ni rtog pa'i yul phyin ci log pa ste bud med kyi dngos po dang/ gzugs dang sgra la sogs pa la lta zhing mthong ba la sogs pa'o/ /gzugs dang/ sgra dang/ dri dang/ ro dang/ reg dang/ chos la sogs pa'i rtogs pa la zhen cing chags pa ni 'dod chags yin te/ 'dod pas bdag gi dbang du byas nas mi gtong ba'o/ rnams dag ces bya ba ni de 'dir dag par 'gyur te/ tha mal pa'i spyod pa dngos po la zhen pa ma yin/ lha dang lha mo'i bdag nyid sgyu ma'i dngos po bsgoms nas/ thabs dang shes
- 239b
rab kyi spyod pa byas pas rnam par dag par 'gyur ro/ /de bzhin du 'dus pa rig bya byed pa'i/ zhes bya ba la 'dus pa ni thabs dang shes rab reg bya ni rdo rje rin po che dang bcas pa pad+ma bya gdong ma dang bcas pa/ byed pa po'i dngos zhes sbyar te/ thabs dang shes rab la sogs pa'i dga' pa ni/ tha mal pa dang mthun pa ma yin no/ /de bas na srid pa med par byed/ ces gsungs te/ srid pa ni/ skye ba'i srid pa dang/ 'chi ba'i srid pa dang/ bar ma do'i srid pa'o/ /de skad du/ kye'i rdo rje las kyang ji ltar dug gi dum bu yis/ /sems can kun ni 'chi bar byed/ /dug gi de nyid shes pa yis/ /dug gis dus ni 'joms par byed/ /ces bya ba la sogs pa'i dpe dang/ de bzhin chos can rtog pa ni/ rtog pa yis ni dag par byed/ /ji ltar 'dod chags mes tshig ni/ /slar yang 'dod chags kyis dag 'gyur zhes gsungs so/ /'dod 'byung pa longs spyod rnams ni/ /sbyor thabs rnams de bzhin gshegs pa'i spyod pa yin te/ de bas 'dir yang 'o la sogs pa'i spyod pa spyod du gsungs so/ /de yang dga' ba skye ba'i rgyu 'khyud pa la sogs pa yin la/ 'bras bu'i dus na ni longs spyod/ de bzhin gshegs pa'i rgyur 'gyur bas kyang longs spyod pa'o/ /dngos ni dngos por bar chod byed/ ces bya ba ni/ 'khor ba'i dngos po'i chos rnams kun/ /thabs rnam pa sna tshogs kyi spyod pas ye shes skyed de/ phyin ci log gi spyod pa'i bar gcad par bya'o/ /rten gang yin snyam pa'o/ /da gsungs pa/ puN+Da ri ka 'byung pa yis/ zhes bya pa la sogs pa'o/ /zla ba'i rnam pa can puN+Da ri ka'o/ /'byung ba ni ku sha'i mtshan nyid/ yis zhes bya ba ni rtsa la ku sha 'bab pa'i phyir na'o/ /zur gsum ni sngar bshad pa'o/ /sogs ni pad+ma'i 'bras bu dang/ drag pa'i mig can la sogs?
- 240a
pa rnams bsdu/ rten yin ni shuk+Sha dga' ba dang ldan pa rnams kyi gnas byed pa'o/ /rtsa rnams kyi bsdus pa'i don dang bcas pa gsungs pa ni/ rten ni bsam gtan med pa ste/ zhes bya ba la sogs pa gsungs pa'o// rten ni 'dab ma gsum pa'i rnam pa'o/ /de ni bsam gtan gyi gnas so/ /med pa ni bsam gtan med pa ste/ gnyis su med pa'i ye shes la bsgom pa med pa'o/ /de las gzhan ma'i khyad par can zhig bsgoms pa'i bsam gtan yang med do/ /chos dbyings rang gi ngo bo yin/ /steng dang 'og tu mnyam pa brten zhes bya ba ni/ bskyed pa dang rdzogs pa bral ba'i mnyam pa ni chos kyi dbyings kyi rang rig ngo bo yin la de mdza' gnyis bral ba'i phyir na/ mya ngan 'das ba rtog pa med/ /mya ngan 'das pa'i rtog pa med pas na/ /'khor ba'i rtog pa yong mi skye/ de la bsam gtan gzhan pa dang ga la yod de med do/ /de skad du/ rdo rje 'dzin pa'i lung las kyang rtag tu shar ba las gzhan ci/ /gang du yang ni sgom yod dam/ /gal te su zhig sgom byed de/ khyad par can du skye mi 'gyur/ zhes gsungs so/ /bde ba chen po'i bdud rtsi ni nyan thos pa'i bde ba las mchog tu gyur pas bde ba chen po'i 'o/ /nyon mongs pa la sogs pa dang bral pa'o /zas ni bdud rtsi rten ni spros pa thams cad dang bral ba'i chos kyi dbyings rten can la gsal ba'o/ /rigs lnga ni rnam par snang mdzad la sogs pa'o/ /de'i mchog ni gnyis su med pa'i bde ba chen po/ /gnas zhes bya ba ni sngar bshad pas byas so/ /de yi ye shes gsum pa ni/ ye shes 'dod pa lhun gyis grub ces bya ba la sogs pa ste/ ye shes ni byang chub sems bde ba'i ye shes 'dod pa ni dga' ba bcu drug gi dang po'i dga' ba'o/ /lhun gyis
- 240b
grub ba ni de rnams grub pa'o/ /'dar ba'i dga' ba mchog gi dga' ba ni/ de rnams kyi gnyis pa ni 'dar ba'i dga' ba ste/ dang po'i mchog ces bya ba'i don to/ /ye shes zhes bya ba ni nyams su myong ba'i ye shes zhes bya ba ni don 'di'o/ /lhun gyis grub pa ni bsgom pa'i stobs kyi ye shes bskyed pas grub par 'gyur ro/ /gnas ni ye shes bco lnga pa'i bzhugs gnas bcas pa ni rten can gyi rang bzhin dga' ba dang bcas pa'o/ /chad pa'i dga' ba yin ni/ bco lnga pa yin no/ /gnas med pa ni rten dang rten can dang/ shar dang nub dang/ 'pho ba la sogs pa'i dngos po dang bral ba'o/ /rang bzhin dga' ba ni/ de kho na nyid ces bya ba dang/ don dam pa'i bde ba dang/ gnyis su med pa dang/ bde ba chen po la sogs pa rnam grangs so// gnyis su med pa'i mchog ni ye shes kyi nga rgyal tsam yang med de/ ye shes nga rgyal med par ces gsungs so/ /chos ni 'gro ba dang mi 'gro ba'i phung po la sogs pa'o/ /thams cad ni rdul phra rab kyis bsdus? pa dang cig shos so/ /rnams pa shes ni gcig dang du ma dang bral ba'i don ye shes su blos 'jog cing shes pa'o/ /de bas na ye shes bya ba'i don grub byed/ /ces gsungs so/ /de ni sgrib pa gnyis spangs pa'i don to/ /ye shes la sogs pa bshad nas/ rnam par 'byed pa gsungs pa/ rnam par 'byed pa 'od gzugs grags/ zhes bya ba la sogs pa gsungs pa'o/ /byang chub sems kyi thig ler lhag par bya ba ni rnam par 'byed pa'i 'od gzugs grags/ zhes bya ba ste/ 'od kyi thig le'i gzugs so/ /tshul ni tshul gyi thig le/ sprin ni sprin gyi thig le/ stobs ni stobs kyi thig le'o/ /de bzhin du gzhan rnams kyang bsdu'o/ /bdag nyid ni bde ba'i thig le bcu drug gi bdag nyid rnam par 'byed pa'o/ /de rang las 'byed pa ni/ rnam par 'byed pa ste/ rten med
- 241a
par byed pa'i tha tshig go /dngos po kun ni dga' ba dang/ byang chub sems bde ba'i thig le rnams so/ /rnam pa ni khyad par sna tshogs pa'i rnam pa mang po rnams so/ /gnas ni rtsa'i mdud pa'i gnas bsdu'o/ /bcas pa ni rtsa dang thig le la sogs par ldan pa'o/ /thim par ni dngos po dngos po med par te/ 'di ni chos kyi sku'i mtshan nyid shin tu rnam par dag pa'o/ /chos kyi sku'i lus 'di ni thog ma dang tha ma med pa/ rang bzhin gyis rnam par dag cing/ 'od gsal ba chos kyi rang bzhin te/ dus thams cad du/ de bzhin nyid du mdzad pa'o/ /chos kyi sku 'di ni gzugs kyi sku dang/ chos rnams kyi gnas dang/ rgyu 'bras kyi skur gsungs so/ /gnyis pa gsungs pa/ skye dang gnas pa rdzu 'phrul gyi/ zhes bya ba la sogs pa ste/ skye ba ni chu las nya bzhin du chos kyi sku las longs spyod rdzogs pa'i sku'o/ /gnas pa ni zhing yongs su dag pa na/ mtshan bzang po sum cu rtsa gnyis la sogs pa zla med pa'i che ba'i yon tan mang pos brgyan pa/ 'ja' tshon lta bu'i sku mdzes pa/ byang chub sems dpa' rnams kyis spyod par 'os pas na/ longs spyod pa'o/ /rtag par gdul bya'i don byed pas na/ rgyun gyi rtag par gnas pa'o/ /rdzu 'phrul gyis zhes bya ba ni/ de las sprul pa'i sku sprul nas/ re re zhing yang gdul bya'i dbang gis don mdzad par sprul pa'i sku bye ba mdza' yas pa de las kyang de bzhin no/ /de yang 'di skad du/ rang gis rig pa de nyid ni/ gzhan gyis brjod las mi 'byung ste/ mos dang bsgoms pas rtogs 'gyur gyi/ rtogs pa de nyid gzhan du min zhes pas na'o/ /yang 'di skad du/ thabs dang shes rab bdag nyid can/ nyon mongs kun las rnam grol zhing/ mtshan rnams kun
- 241b
gyi rab brgyan par/ stong nyid ye shes las byung ba/ /spro zhing sdud par byed pa yi/ /rnam pa kun gyi mchog ldan zhing/ /gzung dang 'dzin pa rnam par spangs/ /ye shes sgyu ma 'dra zhing rtag /ces gsungs so/ /yang 'di skad du/ sangs rgyas nyid las sangs rgyas nyid/ /dpag med rigs su sprul pa ni/ /'gro ba gdul bya'i bsam pa'i rgyud/ /de bzhin du yang sprul skus mdzad ces gsungs so/ /der gsungs so/ /der gsum po'i don bstan nas/ de dag gis 'byed pa gsungs pa/ rnam par 'byed pa gti mug 'joms zhes bya ba ni/ gti mug gi sgras ni 'dod chags dang/ zhe sdang dang/ nga rgyal dang/ phrag dog go /'khor lo ni bskyed pa'i rim pa'i dkyil 'khor ro/ /sngags ni de rnams kyi bzlas pa dang/ bskyed pa la sogs pa'o/ /bya ba ni 'phrin las rnams so/ /de rnams kun 'joms pas na/ 'joms byed de ni rnam par 'byed/ ces gsungs so/ /rtsa'i snying po ni 'dab ma gsum pa'i lte ba'i rtog med ma'o/ /thams cad ni rdur? gsum la sogs pa'o/ /bcom pa ni gnyis su med pa'i chos kyi dbyings su bcom pa ste/ bcom ldan 'das zhes bya ba'i sgra'o/ /phyir na gtan tshigs te/ mi mnga' ba dang ldan pa'i don to/ /rnam par 'byed pa ni/ mtshan ma'i dngos po las 'byed pa'o/ /ye shes ni chos kyi dbyings kyi ye shes so/ /snying po ni de rang mthar thug pa'i mchog go /mdza' ni chos nyid dang bcas pa'o/ /de nas ye shes kyang de nyid snying po yang de nyid/ rnam par 'byed pa gsal ba yin zhes bya ba ni/ chos kyi dbyings kyi ye shes kyi snang ba nyid gsal ba'i bdag nyid ces so/ /shin tu ni phul du byung ba'i ye shes so/ /bde ba ni yang dag pa'i mchog go /byed pa'i phyir ni nam par 'byed pa'i ye shes de kho na nyid kyis/ phul du byung ba'i yang dag pa'i
- 242a
bde ba'i mchog byed ces bya ba'i don to/ /des na rnam par 'byed pa'i de kho na nyid phyir brjod ces gsungs so/ /sku gsum mi phyed pa'i don gsungs pa/ gnyis su med pa'i mchog zhi ba zhes bya ba la sogs pa'o// gzung ba dang 'dzin pa'i rtog pa ni gnyis te/ de bzhin du gnyis pa thams cad bsdu ba ni gnyis su med pa'o/ /nyon mongs pa nyan thos la sogs pa'i byang chub las khyad par du gyur bas na mchog go /rab po de kho na nyid don dam pa spros pa dang pral ba/ nyon mongs pa dang nye ba'i nyon mongs pa kun zhi bas na zhi ba'o/ /chags pa ni/ 'khor ba'i dngos po rnams so/ /chags bral ni nyan thos kyi stong pa phyogs gcig pa'o/ /'di ni mdza' gnyis la mi gnas pas na/ chags pa dang/ chags bral min no/ /dri ma med pa ni blo bur ba'i dri ma ma rig pa la sogs pa dang bral ba'o/ /nam mkha' la sprin la sogs pa bzhin no/ /'dus byas ma yin pas na bcos pa med pa'o/ /rgyu las zhi skye ba'i phyir rgyu dang bral ba'o/ /A li kA lI las ma skyes pa'i phyir sngags dang bral ba'o/ /bskyed rim rdzogs rim las mi skye ba'i phyir rim pa dang bral ba'o/ /rang rig pa dang brjod du med/ thams cad khyab dang dpe byang med ces bya ba ni/ brjod du med pa gnyis su med pa'i ye shes spros pa dang bral ba chos thams cad la khyab na/ yang mthong ba ma yin pa/ mtshan dang dpe byang med pa'i bde ba chen po'i bdag nyid ni/ gzugs kyi sku dang bral ba rang rig pa'i ye shes brjod du med pa nyid do/ /de kho na nyid de yang mdo dang lung dang/ 'grel pa la sogs pa'i nang nas gsungs pa ni/ rgyas par bshad/ yang na 'dir 'ga' tsam drang bor bya ste/ bden pa
- 242b
gnyis kyi tshul la gnas de ni gnyis med ye shes te/ mi gnas mya ngan 'das pa yin/ sangs rgyas rdo rje 'dzin pa nyid ces gsungs pa dang/ yang de bzhin gshegs pa'i mdzod kyi mdo las mngon par 'du mi byed pa rgyu ma'i chos nyid kun nas nyon mongs pa med pa rang bzhin gyis 'od gsal ba'i chos la 'jug cing/ chos thams cad bzod ma nas rnam par dag par mngon par dang pa dang/ mos pa'i sems can de ngan song du 'gro zhes da mi smra'o/ zhes gsungs pa dang/ yang na mkha' dang mnyam pa'i rgyud las kyang 'brel bar bstan te/ de nyid gang zhig 'dod pa la/ /de la de nyid dam pa med/ /sa dang pha rol phyin pa yis/ /tshe 'dir de nyid thob mi sring/ /rgyu 'dra de kho na nyid 'di/ /gang zhig gis ni rtog gyur na/ /de yis de nyid dam pa 'di/ /nges par de nyid myur du 'thob ces pa dang/ yang bden pa gnyis su med pas ni rgyu dang 'bras bu dag kyang gnyis su med pa yin la/ rgyu dang 'bras bu gnyis su med pas thob pa dang thob bar bya ba dag kyang gnyis su med pa yin la/ de dag gnyis su med pas bsgom pa dang/ bsgom par bya ba dag kyang gnyis su med pa ste/ gnyis su med pa la ni/ sgrub pa dang bo dang bsgrub par bya ba dmigs par mi 'gyur ro zhes gsungs so/ /de'i phyir bde ba chen po dang/ chos kyi dbyings dang/ de kho na nyid dang/ gnyis su med pa dang/ rang rig pa'i ye shes dang/ chos nyid dang/ don dam pa'i bden pa dang/ zhes bya ba la sogs pa rnam grangs so/ /de'i phyir na/ de lta bu'i don dam par lha'i dbang phyug rnam par byed ces gsungs te/ sdud pa po lha'i dbang phyug la bcom ldan 'das rdo rje 'dzin pas/ bde ba chen po gnyis su med par 'byed par gsungs so/ /sangs rgyas byang chub sems kun la zhes bya ba la sogs pa la/ sangs rgyas ni dpag tu med pa'i
- 243a
gang+gA'i klung gi bye ma snyed kyis mtshon pa'o/ /byang chub sems dpa' kun la de bzhin du bshad pa'o/ /snying gar rtag tu bzhugs pa ni/ sangs rgyas dang byang chub sems de snyed kyi thugs yang dag pa'i ye shes ni de nyid 'di yin no/ /de skad du/ gang+gA'i klung gi bye snyed kyi/ /sangs rgyas rnams kyis 'di dag nyid/ /thugs chud yong med phyogs spangs pas/ phyag rgya chen po'i bdag nyid grub ces gsungs so/ /de'i phyir 'di ni mkhyen 'di ni mi mkhyen zhes bya ba mi mnga' ba'i don to/ /yang na sangs rgyas ni phung po rnams so/ /byang chub sems dpa' ni skye mched la sogs pa rnams so/ /kun zhes bya ba ni/ 'byung ba rnams lha mor bstan pa dang/ de re re la yang dbye ba'o/ /snying gar rtag tu bzhugs pa ni/ byang chub sems kyi rang bzhin dga' ba skyed par mdzad pa dang/ rang bzhin du bzhugs so/ /rnam par 'byed pa la bsgom pa med ces bya ba ni/ de nyid bsgom pa dang/ sngags kyis bzlas pa dang/ mchod pa la sogs pa spangs pa'o/ /phung po ni gzugs kyi phung po la sogs pa'o/ /khams ni sa dang chu dang/ me dang/ rlung gi khams so/ /sogs pa ni skye mched bcu gnyis ni khams gzhan no/ /bral ba ni rnam par 'byed pa de nyid kyis de rnams kyi rtog pa med pa'o/ /sgra ni 'jig rten pa'i sgra'i dngos po'o/ /sogs pa ni de bzhin du tshad ma dang snyan dang gsal sogs pa'o/ /chos kyis stong pa ni de nyid kyis de rnams stong pa 'am dben pa'o/ /stong pa ni mi dmigs pa'i shes rab chen po'i stong pa nyid do/ snying rje ni thabs thugs rje chen po'i dngos po kun rdzob sgyu ma tsam mo/ /bdag nyid yin zhes bya ba ni de nyid gnyis kyi bdag po ste/ gnyis su med pa'i de kho na nyid dam pa'o/ /de'i yon tan gsungs
- 243b
pa/ tshangs ba dang khyab 'jug drag po dang/ zhes bya ba la sogs pa'o/ /de kho na nyid 'di ni gdul bya'i dbang gis ye shes lnga'i bdag nyid tshangs pa la sogs pa yang bstan pa me long lta bu'i ye shes gsal la rtog pa med pa'i bdag de nyid las byung pas changs pa'o/ /de nyid chos kyi dbyings kyi ye shes shin tu rnam par dag pa'i rang bzhin du byung zhing sems can kun la khyab pa ni khyab 'jug go /de nyid las so sor rtog pa nyid kyi ye shes kyi rang bzhin gyis so sor rtogs pas na drag pa'o/ /de nyid las chos thams cad la mnyam pa nyid kyi ye shes kyi rang bzhin gyis mnyam par dbang byed pas na dbang phyug /de nyid las bya ba nan gyi ye shes kyi rang bzhin gyis sems can thams cad kyi don kyi mtshan nyid rang bzhin du zhi pa steng bsan zhi ba'o/ /de rnams ni rigs lnga'i mtshan nyid dang ldan pa'i tshangs pa la sogs pa'o/ /de nyid las ye shes lnga'i bdag nyid du byung pas na yab yin pa'o/ /yang 'di skad ste/ dpal mchog dang po'i cho gar? yang/ /tshangs pa dang drag po sogs bsgom pa/ nges 'dul ba la gsungs pa ni/ de nyid la ni 'jug phyir yin zhes gsungs so/ /gzhan na re lus la gnas pa'i 'khor lo rnams de nyid las byung ba'i don to/ /de nyid las rlung gi 'khor lo nges/ tshangs pa'i ye shes skyed pa'o/ /de nyid las me'i 'khor lo nges ye shes la khyab pa'i drod de ni khyab 'jug go /de nyid las sprul pa'i 'khor lo de'i ye shes drag 'dzin ma las byung ba ni drag po'o/ /de nyid las bde ba chen po'i 'khor lo/ /de'i ye shes gzhan ma'i ye shes las dbang phyug bo/ /de nyid las longs spyod kyi 'khor lo der ye shes kyi ros rtog pa'i ro drug zhi ba ni zhi ba'o/ /de nyid las de rnams byung ba ni/ pha rol yin zer ro/ /'byed pa de ni mchog rmad 'byung zhes bya ba ni/
- 244a
de nyid 'jig rten gyi lha tshangs pa la sogs pa las mchog /de nyid ni de'i gong na gzhan med pas rmad du byung ba'o/ /de nyid ye shes thig le 'dir/ zhes 'byung ba ni/ bcom ldan 'das dpal ye shes thig le de'i don snyon pa'i skabs su ni/ 'dir de kho na nyid 'di mchog go /mchog rnams ni mang po dag gi mchog gi ye shes so/ /grub pa ni de nyid mchog dam par rdzogs pa'o/ /mnga' bdag ni ye shes rnams kyi mchog gi mnga' bdag ste/ de nyid grub pa yang yin la mnga' bdag kyang yin te bsdu pa'o/ /'byung ba'i sgras sems can rnams so/ /kun na thams cad do/ /de ni sems can thams cad bsdu'o/ /yang na 'byung ba ni sa la sogs pa'i 'byung ba'o/ /des brtan g.yol khyab bo/ /kun ni snod bcud gnyis so/ /nang yod ni des khyab pa'i don to/ /sku lnga zhes 'byung ba ni sngar bshad pa byas so/ /bdag nyid rab mchog yin zhes 'byung ba ni pha rol zhes pa'i tha tshig go /nam mkha' 'gro dbang phyug lnga zhes bya ba ni/ rnam par snang mdzad la sogs pa nam mkha' 'gro ba'o/ /lnga ni sangs rgyas mkha' 'gro la sogs pa lnga'o/ /rnam par snang mdzad kyis gtso bo byas pa'i 'khor lha mo dang bcas pa ni sangs rgyas mkha' 'gro'o/ /de bzhin du mi bskyod pa dang/ rin chen 'byung ldan dang/ snang ba mdza' yas dang/ don yod grub pa dang/ rdo rje mkha' 'gro la sogs pa'i/ /bdag po ni de kho na nyid do/ /mkha' lnga zes bya ba ni/ sngar gyi rnam par snang mdzad la sogs pa'i de bzhin gshegs pa'o/ /bdag nyid skye med ni sngar bshad pa bzhin no/ /nam mkha' lnga ni nang du thim/ zhes bya ba ni 'byung ba lnga nang du thim pa'o/ /gzhan na re phung lnga'i nang du thim zer ro/ /sangs rgyas
- 244b
kun gyis phyag byed zhes bya ba ni/ dus gsum gyi sangs rgyas ji snyed bzhugs pa'i phyag bya ba dang ba bkur ba'i gnas so/ /phung po lnga la sogs pa dang/ de las gzhan pa kun gyis phyag bya ba'i gnas so zhes brda'o/ /de lta'i gsang chen ye shes ni zhes bya ba ni/ nyan thos dang rang sangs rgyas la sogs pa'i spyod yul ma yin phyir na gsang ba chen po'i ye shes so/ /ye shes zhes bya ba ni/ gnyis su med pa'i ye shes de kho na nyid do/ /dbang po zhes bya ba ni bdag po'i don to/ /de kho na nyid kyi ye shes 'di rnyed par dka' bas rnyed par dka' ba'o/ /dpe ci dang mtshungs par dka' snyam pa la/ de'i don gsungs pa ji ltar nor kun mi rnyed bzhin zhes 'byung ba ni/ ji ltar nor bu rin po che shin tu dkon ba'i phra mo mun pa'i nang na gnas pa de/ mar me'i thabs kyis ma btsal bar du mi rnyed pa bzhin no/ /'bad pa yis ni sba bar bya zhes 'byung ba ni/ nor bu rin po che rnyed na/ za ma tog la sogs par sbed pa bzhin du/ 'dir yang shin tu spra ba ste/ snod dang mi ldan pa'i sems can rnams la sbyin par ma gsungs so/ /dpal ye shes thig le'i dka' 'grel/ gsang ba'i de kho na nyid ces bya ba le'u dang po'i bshad pa'o// //dang por bcom ldan 'das kyis lha'i dbang phyug la de kho ni nyid gsum gyi bdag nyid kyi dang zhes byang la sogs pa de'i don gsal bar 'dod nas/ lha'i dbang phyug gis gsal ba zhes bya ba ni sngar gyis 'dir zhugs pa ste/ kye bcom ldan 'das zhes bya ba ni/ 'dod chags la sogs pa'i nyon mongs pa kun bcom pa mchog gi ye shes dang ldan pa ste/ bcom ldan no/ /de nyid gsum bdag rang ngo ci zhes 'byung ba la sogs pa'i tshigs bcad gcig gis sngar gyis don zhus pa'o/ /de'i las gsungs pa bcom ldan 'das kyis ba'i rtsa ba zhes
- 245a
bya ba ni/ 'og nas 'byung ba 'di'o/ /gang gi don du bka' stsal zhe na/ gdul bar bya ba'i sems can rnams kyi don du/ byang chub sems dpa' sems dpa' chen po lha'i dbang phyug la bka' stsal ces bya bar sbyar ro/ /de nyid gsum ni sku gsung thugs zhes bya ba la sogs pa gsungs so/ /de nyid gsum gyi rgyu ni/ lus dang dag dang sems so/ /de dag rnam par ni/ sku dang gsung dang thugs su 'gyur te/ 'dir sems can gyi gnas skabs su ni rgyu can yin la/ sku rdo rje la sogs pa'i rgyur 'gyur ba sngar bzhin no/ /lus la sogs pa sems kyi rang bzhin dang 'brel pa 'am/ yang sngar gyi bzhin pas na rdo rje gsum zhes pa kyang bya'o/ /zla ba bde mchog ni gang zhes bya ba ni/ shuk+Sha'i bdag nyid do/ /de las sems can 'byung ba 'am/ 'di las ri bong can skye ba'o/ /phung po ni gzugs kyi phung po sogs pa lnga'o/ /dbang po ni mig gi dbang po la sogs pa drug go /de'i bdag nyid skyes ched dang khams bco brgyad do/ /khams zhes bya ba ni/ pa'i khams la sogs pa'o/ /phyag rgya chen po zhes 'byung ba ni/ lus kyi dngos po rdzogs pa'o/ /rdo rje zhes bya ba ni sems yin te/ de'i rang bzhin dang ldan pa'i sems lus la gnas pa'o/ /snying po zhes bya ba ni/ shuk+Sha'i don to/ /de'i mdza' zhes bya ba ni sems can rnams kyi grub mdza' o/ /b+ha gar bshad ces bya ba ni/ sems can b+ha ga las 'byung ba'o/ /yang na b+ha ga'i sgral? bcom ldan 'das so/ /'di ni gcig la gcig rgyu dang 'bras bu'o/ /'dir sems can rgyu'o/ /mdza' dang snang ba rnam par shes/ zhes bya ba ni phung po la sogs pa rnams so/ /chu'i zla ba bzhin du mthong zhes bya ba don? du
- 245b
zla'i dpes ni kun rdzob sgyu ma'i dngos por snang ba'o/ /snang ba zhes bya ba ni/ sems can gyi dngos po snang ba'o/ /las zhes bya ba ni lnga pa'i don to/ /thams cad 'byung zhes bya ba ni 'bras bu'i chos thams cad rgyu las 'byung ba'o/ /'bras bu gang yin zhe na/ de gsungs pa/ skye ba dang ni 'gag pa med/ ces bya ba bshad do/ /de yis rgyu'i dpal ye shes thig le bstan to/ /ci'i phyir zhe na/ rgyu ni rigs dang ldan pa'i phyir na sems can rnams so/ /de skad du/ sa steng skal min yod min pas/ /thams cad sangs rgyas 'gyur ba yin/ /de bas rdzogs pa'i byang chub ni/ /bsgrub la sgyid lug mi bya'o/ /zhes gsungs pa'o/ /rgyu'i ye shes thig le'i stobs las/ thabs kyi ye shes thig le yun rin po yang nas yang goms pa'i stobs kyis ni/ 'bras bu dpal ye shes thig le thob par 'gyur te/ de ni rgyu'i ye shes thig le'o/ /thabs gang yin snyam pa la/ thabs kyis bsdus pa 'di lung gis bshad pa/ rdo rje gsung mchog chen po ni/ rdo rje gsum gyis mnga' bdag mchog /rigs pa'i skyes bu bsgom pa'i phyir/ /rdo rje sku dang gsung dang thugs so/ /mdor na phun po lnga rnams ni/ /sangs rgyas lngar ni rab tu grags/ /rdo rje skye mched nyid bdag kyang/ /byang chub sems dpa' i dkyil 'khor mchog /sa bcu spyan ni mA ma kI /dkar mo sgrol ma mi rlung grags/ /mkha' dbyings rdo rje dam tshig ni/ /rdo rje 'dzin pa de nyid yin/ zhes pa dang/ rgyur gyi rim pas lha mo dang gnas kyi dgongs pa yang zhal las shes par bya'o/ /yang gzhan las/ /phyag rgya chen po'i ye shes ni/ /drug pa rnam dag gnyis su med/ /snying po sgros pa dang bcas pa/ /spros med bcom ldan 'das nyid do/ /kun rdzob dngos por snang ba kun/ /thams cad chu yi zla bzhin mthong/ /dri ma med pa'i don
- 246a
dam pa/ /skye ba dang ni 'gag pa med/ ces gsungs so/ /yang de nyid gsum ni sku dang gsung dang thugs zhes bya ba ni/ de kho na nyid gsum mo/ /ye shes kyi rang bzhin du med pas na rdo rje gsum mo/ /zla ba bde mchog ni/ zla ba bde mchog gi don gyi phung po la sogs pa'i bde ba chen po'o/ /phyag rgya chen po ni nyid sgras bshad par dgongs te/ sku gsum gyi bdag nyid pas na rdo rje'o/ /chos thams cad kyi snying po yin pa'i phyir rdo rje snying po'o/ /de nyid bcom ldan 'das kyis rang bzhin yin pas/ de'i mdza' ni b+ha gar bstan ces de rang la mthar bshad pa'o/ /mdza' dang zhes bya ba ni go sla'o/ /sku'i 'khor lo la sogs par yang bstan to/ /de yis ni thabs kyi dpal ye shes thig le'i bsdus pa'i don bstan to/ /'bras bu'i dpal ye shes thig le gang yin snyam pa la/ de'i don gsungs pa/ de nyid gsum ni sku dang gsung dang thugs/ rdo rje gsum gyi ye shes mchog ces bya ba ni/ de bzhin gshegs pa thams cad kyi sku dang gsung dang thugs rdo rje ni/ bcom ldan 'das nyid du gsungs pa ni/ 'di ni ye shes kyi mchog de nyid can no/ /zla ba bde ba mchog ces bya ba la sogs pa la/ nyin mongs ba'i gdung ba las grol phyir na zla ba'o/ /bcom ldan 'das dpal ye shes thig le nyid bde ba'i mchog go/ /phung po zhes bya ba ni ye shes lnga'i rang bzhin no/ /dbang po khams zhes bya ba ni/ skye mched rnams dang /khams rnams byang chub sems dpa' i 'khor rnams so/ /phyag rgya chen po zhes bya ba ni brjod du med pa/ ma skyes pa/ ma 'gags pa/ spros pa thams cad dang bral ba'i gnyis su med pa'i de nyid mi shigs pas/ rdo rje rdo rje dang 'dra ste
- 246b
dbyer med pa'o/ /snying po zhes bya ba ni bcom ldan 'das ye shes thig le mchog gi gzugs 'dzin pa/ 'phags pa'i byang chub pa'i 'khor rnams dang lhan cig par bzhugs pa'o/ /gang du bzhugs shin de'i bzhugs pa gsungs pa/ de'i mdza' ni b+ha gar bshad ces bya ba ste/ mdza' smos pas/ bcom ldan 'das dbus na 'khor dang bcas pa bzhugs pa'i sgras bshad do/ /b+ha ga zhes bya ba ni chos kyi 'byung nas dkar po gzhal yas khang dang bcas pa'i gnas ni bzhugs pa'o// mdza' dang rnam par shes zhes bya ba la/ mdza' ni chos 'byung dang bcas pa'i gnas so/ /snang ba ni dkyil 'khor ba'o/ /rnam par shes pa ni gsal la mo 'dres par de rnams shes pa'o/ /chu'i zla ba bzhin du mthong zhes bya ba ni/ byang chub sems dpa' rnams kyis mngon sum du gzugs brnyan bzhin mthong bde yang byang chub sems pa'i bsod nams kyis byin gyis brlabs dang/ bsgom pa'i stobs la sogs pa dang/ de bzhin gshegs pa'i thugs rje dang/ smon lam gyis byin gyis brlabs kyis mthong ba'o/ /chos kun? zhes bya ba ni/ 'khor ba dang mya ngan las 'das pa'i chos rnams so/ /rang bzhin dri ma med pa ni/ bcom ldan 'das nyid la 'khor ba'i skyon gyis ma gos pa'o/ /yang dag 'od las thams cad byung zhes bya ba ni dkyil 'khor gyi gzugs la sogs pa'i pa/ 'khor ba'i chos thams cad yang dag pa'i 'od rab de kho na nyid las byung ba'o/ /de yis ni 'bras bu'i dpal ye shes thig le bstan to/ /de rnams kyi don ni 'di nyid kyi 'og dang? nges par bstan to/ /de bzhin du rgyud dang de dang mtshungs so/ /dpal ye shes thig le'i rgyud la sogs pa gsum du dbye'o/ /de rnams ni chos thams cad kyi bdag nyid do/ /de bas na 'di ska du/ de'i phyir chos thams cad kyi bdag nyid
- 247a
bcom ldan 'das dpal ye shes thig le'o zhes gsungs pa yin no/ /lung bstan nas/ thabs kyi yan lag gi dpal ye shes thig le bstan pa'i phyir/ de la zhes bya ba la sogs pa gsungs so/ /de la zhes bya ba ni/ rgyu dang/ 'bras bu dang/ thabs so/ /dang po zhes bya ba ni thabs kyi dang po'i don yin no/ /rnam pa dang bcas pa'i dkyil 'khor lo bskyed pa'i bsgom pa dang zhes bya ba ni/ bskyed pa'i rim pa pho brang dang/ lha mo bcu drug dang bcas pa ji lta ba bzhin no/ /sngags zhes bya ba ni/ so sor rang rang lha rnams kyi la sogs pa'o/ /bzlas pa zhes bya ba ni yab yum dang khro bo rnams dang/ 'khor rnams dang/ gtor ma dang/ sbyin sreg la sogs pa yang shes par bya'o/ /sbyin sreg ni zhi ba la sogs pa yin no/ /mchod sbyin zhes bya ba ni gnyis te chos dang zang zing ngo/ /'dir chos kyi mchod sbyin gtsor byas te/ gnas dang nye ba'i gnas su mchod sbyin bya'o/ /gtor zhes bya ba ni gtor ma chen po ? kyi 'khor lo dang bcas pa'o/ /mchod pa zhes bya ba ni/ me tog la sogs pa dang bcas pa'i mchod pa'o/ /gnas kyi brjod pa zhes bya ba ni/ gzhal yas khang dang bsrung ba'i 'khor dang/ dur khrod dang/ shing dang ? po la sogs pa dang bcas pa'o/ /dbang zhes bya ba ni/ bum pa'i dbang dang/ gsang ba'i dbang dang/ shes rab ye shes kyi dbang dang bzhi pa'o/ /bskur ba zhes bya ba ni/ slob dpon dang ldan pas de dag dang ldan pa'i dam tshigs dang/ man dag du bcas pa'i gnas skabs kyis slob ma'i mtshan nyid dang sbyar la bskur ba'o/ /rim pa zhes bya ba ni/ rnam pa dang bcas pa'i zhes bya ba ni/ rnam pa dang bcas pa'i zhes bya ba nas/ dbang bskur ba'i mdza' man chad
- 247b
bkod pa ste/ de dag bshad ces gsungs par sbyar ro/ /de ni mdor bsdus pa'i don to/ /dpal ye shes thig le'i bka' 'grel/ gsang ba'i de kho na nyid ces bya ba ni/ le'u gnyis pa'i bshad pa'o/ /rtsa'i mtshan nyid nges par rtogs par bya ba'i phyir zhus pa/ lha'i dbang phyug gis gsol pa/ zhes bya ba la sogs pa'o/ /de'i don gsungs pa/ bcom ldan 'das kyis bka' stsal pa/ zhes bya ba ni/ rtsa'i don gsungs pa 'di yin te/ gcig pu zhes bya ba ni/ dbyer med pa'i mtshan nyid dang ldan pa'o/ /rtog med ma zhes bya ba ni/ rtog pa 'joms pa ste/ gcig bu yang yin la rtog med ma yang yin/ de bzhin du so sho na yang de nyid do/ /zhes pa'i don to/ /bye ba phrag bdun cu rtsa gnyis kyi rtsa zhes bya ba ni/ grangs kyi bdag nyid mtshon pa tsam yin gyis/ rigs dang rigs can ni stong phrag bdun cu rtsa gnyis so/ /phra mo ni rtog pa dang ldan pa'i yul ma yin pa'o/ /dra ba ni sgyu ma'i dngos po'o/ /rol mo'i ni sprul pa'i lus dang ldan pa'o/ /don ni ye shes bskyed par bya ba'i don du byas pa'o/ /sna tshogs ni mchi ma dang/ rdul dang/ klad pa la sogs pa de rnams kyi don ni bdud rtsi byang chub kyi sems so/ /bsam gyis mi khyab pa ni/ bgrang pa las 'das pa'i don yin no/ /'byung ba ni shu? k+Sha'i? ngo bo byang chub sems kyi snying po can no/ /skye ba'i don ni sprul pa'i lus dang/ cig shos kyi bdag nyid do/ /chos kyi 'byung gnas 'os bya ba ni/ 'khor ba dang mya ngan la 'das pa'i chos rnams 'byung bas na jos? 'byung ngo/ /de nyid shes rab kyi b+ha ga'o/ /rang bzhin gyi dag pa'i de kho na nyid rnyed par 'gyur bas na chen po'i don yin no/ /byang chub kyi sems kyi gnas kyi gtso bo ni/ sa steng deng byang chub kyi sems rtsa las mar 'gyur zhing 'bab par byed do/ /zhes bya ba'i tha
- 248a
tshig go /lha'i dbang phyug ces bya ba ni/ lha rnams la dbang byed pa de yis dbang phyug gi bdag nyid do/ /gsol ba zhes bya ba ni/ bcom ldan 'das nyid la zhu ba'o/ /de ltar yin yang zhes bya ba la/ rtog med ma ni kun gyi bdag nyid yin yang zhes bya ba'i sgra'o/ /de lta mod kyi sum cu rtsa gcig la mtshan dang grangs zhes bya ba ni/ thams cad kyi grangs nyid rtog med ma yin yang/ lha sum cu rtsa gcig gi ming re re nas grangs zhu 'tshal lo zhes bya ba'i tshig gi lhag ma'o/ /de rnams kyi ming dang grangs bcom ldan 'das kyis gsungs pa ni/ bcom ldan 'das kyis bka' stsal pa/ sum cu rtsa gcig gi rtsa'i ming nyon cig ces bya ba la sogs pa'o/ /ci'i phyir kun gyi bdag nyid yin zhe na/ rtog med ma de nyid byis pa rnams kyi yul ma yin pa'i phyir gsang ba'o/ /de nyid gting dpag dka' ba'i phyir zab pa'o zhes bya ba la sogs pa'i don to/ /de ci'i phyir zhe na/ de'i don gsungs pa/ zla ba dang nyi ma gzas zin pa'i dus su tshigs rgyas pa zhes bya ba ste/ zla ba'i sgras chad pa'i dga' ba nyi ma'i sgras mchog gi dga' ba'o/ /gzas zin pa'i sgras ni/ mchog dang chad pa'i dga' ba la rang bzhin dga' bas khyab pa'i bdag nyid do/ /dus kyi sgras ni/ srog dang nye ba'i srog dang pa'o/ /tshigs rgyas pa ni rtsa sum cu rtsa gnyis steng 'og tu 'pho ba'i bdag nyid gsum gyi lte bar mchog gi don gyis so/ /gzhan na re zla ba shuk+Sha'o/ /nyi la ni rak+ta'o/ /gnas zin pa ni me'i rang bzhin no/ /dus ni mnyam pa'i dus su ste/ gsum po dang ldan pa'o/ /tshigs rgyas pa ni rdo rje mthe'u chung bya gdong dang bcas pas de nyid rnyed zer ro/ /de'i 'og tu dbang gi yan lag
- 248b
ston pa la ni/ de nas zhes bya ba la sogs pa'o/ /de nas dbang gi rim pa bshad ces bya ba la/ lus la sogs pa'i dri ma ni bum pa dang/ gsang ba dang/ shes rab ye shes dang/ bzhi pa'i dbang gis dag par byed pa'o/ /de'i rim pa ni cho ga'i khyad par ro/ /bshad pa ni dam bcas pa'i tshig go /ji lta ba zhes bya ba ni/ le'u gnyis par bsdus pa'i don bzhin 'di na mar thabs kyi bdag nyid rgyas par bshad de/ go rims zhes bya ba ni dbang la sogs pa'i rim pa bzhin no/ /dbang bskur bas ci phan snyam pa la/ de'i don tshigs bcad phyed kyis gsungs pa/ dbang bskur mchog ni rnyed pa dang/ thams cad de ni 'grub par 'gyur/ zhes bya ba la/ dbang bskur ba ni/ bla ma mtshan nyid dang ldan pas/ slong ma mtshan nyid dang ldan pa la/ bum pa la sogs pa'i dbang bskur ba'o/ /mchog ni gya nom pa ste/ gsang ba'i dbang la sogs pa 'bras bu dang bcas pa'o/ /rnyed pa gang ni/ de'i don rnyed pa'i sems can su yang rung ste spyi sgra'o/ /thams cad de ni 'grub par 'gyur zhes bya ba ni/ thun mong gi dngos grub dang/ mchog gi dngos grub la sogs pa de'i yon tan dang/ bsgoms pa'i stobs kyis 'grub par 'gyur/ /slob ma mtshan nyid dang ldan pa la/ dbang bskur ba tshigs bcad phyed dang gnyis kyis gsungs pa/ yon tan tshul khrims ldan pa'i bu zhes bya ba la sogs pa la/ sgra dang tshad ma la sogs pa'i rtog pa can ma yin pa'i/ rgyud dag nas gsungs pa'i yon tan dang ldan pa/ srung ba la sogs pa'i tshul khrims dang ldan pa'i slob ma de la/ khrus la sogs pa'i chogs rdzogs par byas la/ me tog gter ba dang/ yon dga' ba'i yid kyis dbul bar
- 249a
bya ba ni/ 'og nas 'byung ba'i gus pas bla ma la mchod par bya/ rin chen sna tshogs du ma mchog ni bzor zhes bya ba la sogs pa bzhin du/ 'dzin chags med pa'i yid kyis phul la dbang blang zhing bskur bar bya'o/ /mchog ni dngos grub grub pas ni/ thun mong gi bsgrub mi dgos pa'i phyir/ de'i don tshigs su bcad pa gcig gis gsungs pa/ dbang bskur las ni sangs rgyas zhes bya ba la sogs pa'i gtan tshigs dang bcas pa'i dbang blang dgos pas/ dbang bskur bzhi ru dbye ba ni zhes bya ba la sogs pa spyi'i dbye ba'o/ gzhi gnyis rab tu dbye ba ni zhes bya ba la sogs pas ni/ rdo rje slob dpon gyi dbang gi grangs ming bstan pa'o/ /de'i yon tan gsungs ba/ dbang bskur de ni rin po che zhes bya ba ni/ yid bzhin gyi nor bu rin po che yod pa gang yin pa de la dbul ba dang bral pa bzhin du/ 'dir nyon mongs pa la sog pa'i grib pa spong ba'i gnas ni/ dbang bskur bas so/ /khams gsum ni 'dod pa dang/ gzugs dang gzugs med pa'i khams so/ /de rnams kyi mchod pa dang/ phyag bya ba'i bdag nyid du 'gyur ro/ /'bras bu'i khyad par can yod pas na/ nyan thos la sogs pas kyang zhes bya'o/ /thar par zhes bya ba la sogs pa ni go sla'o/ /chu dang dbu rgyan zhes bya ba la sogs pa la chu rnam par dag pa mi bskyod pa'o/ /de bzhin du dbu rgyan la sogs pa yang zhes bya ba'i don to/ /rnal 'byor rgyud la mos pa rnams la/ zhes bya ba la sogs pa la/ rnal 'byor ni stong pa dang/ snying rje dbyer med pa'i ngo bo/ /rgyud ni de nyid 'dus pa la sogs pa'i rgyud do/ /mos pa ni der dga' ba'o/ /sems can rnal 'byor gyi rgyud du mas pa rnams so/ /'di'i gzhung gis slob dpon gyi
- 249b
dbang brgyad gsungs te/ dam tshig gsum ma gtogs pa sbyin par bya'o/ zhes bya ba'i tha tshig go /de rang gi rgyud kyi ni de lta ma yin no/ /rnal 'byor bla mar mos rnams la/ zhes bya ba ni/ thabs kyi rgyud 'dus pa dang/ rdo rje bdud rtsi la sogs par mos pa'i gang zag rnams la'o/ /bcu gcig ni slob dpon gyi dbang bskur ba'o/ /bdag nyid ni gsang ba'i dbang dang bcas pa ste sbyin par bya shes bya ba de rnams dang bcas pa slob ma de dga' ba'i don du'o/ /rnal 'byor ma la mos pa rnams zhes bya ba ni/ shes rab kyi rgyud rigs chen rgya mtsho dang/ nam mkha' dang mnyam pa la sogs pa la mos pa'i sems can rnams la ni/ gsang ba'i dbang gi bdag nyid sbyin zhes bya ba la/ chu la sogs pa bcu gcig dang/ gsang ba'i dbang dang/ bdag nyid kyi sgras shes rab ye shes dang bcas pa'i don to/ /de yang chu'i dbang bskur ba yis/ dga' ba'i 'bras bu'o/ /dbu rgyan dang 'bras bu la sogs pa yang de bzhin no/ /gsang ba gnyis su dbye bar bshad ces bya ba la sogs pa ni go sla ba snga ma bzhin no/ /shes rab gnyis su dbye bar bya ba ni gsang ba'i phyag rgya dang shes rab ye shes kyi phyag rgya'o/ /bskyed dang rdzogs pa'i bye brag go zhes bya ba ni gsang ba'i phyag rgyas ye shes skyed par byed pa ste bskyed pa'o/ /shes rab ye shes kyi phyag rgyas ye shes rang la rdzogs par byed pa'i mtshan nyid do/ /bye brag ni ye shes kyi bye brag rnams/ /yang na shes rab gnyis su med par bya zhes bya ba la/ gsang ba'i shes rab ma dbye bar mi bya bar/ shes rab ye shes rang la gnyis te/ rnam pa dang bcas pa dang rnam pa med pa'i mtshan nyid do/ /bskyod dang rdzogs pa'i bye brag go zhes bya ba ni/ phyi'i re bya'i rnam pa dang bcas pa ni bskyed pa'i mtshan nyid can no/ /gang gi re bya dang bcas pa ni/ rnam pa med
- 250a
pa'i mtshan nyid kyi rang bzhin gyi phyag rgya'o/ /phyi'i rnam pa dang bcas pa ni mtshan nyid gsungs pa/ shes rab brgyad gnyis lo ldan ma zhes bya ba la sogs pa yis bstan pa'o/ /dbang gi man ngag gsum du dbye zhes bya ba la sogs pa la/ bum pa'i dbang dang/ gsang ba'i dbang dang/ shes rab ye shes kyi dbang ngo/ /man ngag gsum du dbye ba ni/ 'bras bu dga' ba rnams dang bcas pa yin te/ 'di'i don ni/ nang gi de'i brda''byed pa zhes bya ba la sogs pa gsungs te/ nang gi 'di ni spyi bo'i gnas dang/ mgrin pa dang snying gar ro/ /brda byed pa ni lte ba gsang gnas dang bcas pa'o/ /'byed pa ni dga' ba rnams so/ /bzhi bas 'bras bu'i ngo bor grags zhes bya ba ni/ dga' ba gsum pa'i 'bras bu'i rang bzhin dga' ba'i ngo bo'o/ /gsum dang bral ba ni gnas gsum dpral ba'i dga' ba'o/ /gsum bdag nyid ni dga' ba dang/ mchog gi dga' ba dang/ chad pa'i dga' ba'i bdag nyid ni rang bzhin dga' ba ste/ de dag gi rtog pa'i dngos po spangs pas dga' ba la dbang byed par 'gyur ro/ /dga' ba la sogs bye brag tu zhes bya ba ni/ 'khor lo'i rim pa nas rdo rje rin po che'i bar gyi dga' ba rnams so/ /de rnyed pa'i gnas gsungs pa/ rdo rje gzhon nu mas gsal byed ces bya'o/ /las kyi phyag rgya dang/ thabs kyi phyag rgya gnyis kyi rdo rje dbyings kyi dbang phyug ma dang/ rdo rje rin chen po che dang ldan pa'i lo bcu drug lon pa la sogs pa'i mtshan nyid sngar bzhin bstan pa las rnyed ces 'brel lo/ /gang gi phyir zhe na/ las dang po ba rnams kyi dga' ba de las rnyed pa'i phyir na/ mchog tu gsungs so/ /de skad du gsang ba grub pa las kyang las kyis phyag rgya bral gang des/ /
- 250b
gzhan du mtshon cha rnyed mi 'gyur/ /gzhan du yang dag rig pa med/ /dang po'i las can rig byed med/ ces gsungs so/ /yang de'i yon tan bshad pa/ dbang bskur gyis 'khor los sgyur/ zhes bya ba ni/ sems can gyi mtshan nyid ye shes spros pa dang bral bar bsgyur ba ni/ 'khor los sgyur ba yin de thams cad sems du snang ba'o/ /'khor los sgyur ba'i rgyal po bzhin no/ /gang gi phyir zhe na/ sems las ma gtogs pa'i dngos po logs na med la/ de snang ba med pa'i de kho na nyid du bsgyur ba ni/ blo bur gyi dri ma dag pa'o/ /de skad du yang/ sems tsam la ni gnas nas su/ /phyi rol don la mi brtag go /de bzhin nyid la gnas nas su/ /sems tsam las ni bzla bar bya/ /sems tsam las kyang bzlas nas kyang/ snang ba med las bzla bar bya'o/ /snang med gnas pa'i rnal 'byor pas/ /de yis theg pa chen po mthong zhes 'byung bas so/ /the tshom ni yid gnyis za pa'o/ /med pa ni de dang bral ba'i bsam pa'o/ /dri ma ni blo bur ba'i dri ma ste/ ma rig pa la sogs pa'i bdag dang bdag gir 'dzin pa'o/ /dbang bskur bas de rnams med pa yin te/ rdo rje slob dpon gyi dbang bskur bas lus kyi dri ma dag par 'gyur ro/ /gsang bas dag gi dbang ngo/ /shes rab ye kyis sems kyi'o/ /bzhi pas sbyar ro/ /ji ltar chu la sogs pas ras zhes bya ba ni/ dper na ras kyi dri ma chu dang 'dag chal dang ldan pas bkrus pa yin na/ dag pa bzhin du 'dag go /yan lag thams cad dang ldan pa'i dbang zhes bya ba ni/ sa'i chog dang/ bum pa dang/ slob ma dang/ dkyil 'khor gyi cho ga dang/ rdo rje slob dpon gyi dbang dang/ bsang ba'i dbang dang/ shes rab ye shes dang/ bzhi pa'i dbang gi mthar thug pa'i bdag nyid do/ /yan lag de nyid
- 251a
dang ni bcas zhes bya ba ni/ slob dpon rgyun ma chad pa dbang gi rim pa gzhung bzhin du thob pa'i bla ma'o/ /gcig nas gcig gis rim pas 'byung zhes bya ba ni/ bcom ldan 'das nas dbang bskur ba'i don rim par ? mchad pa ni bla ma'i mchog tu gsungs te/ bla ma rab kyi zhal nas blang zhes bya ba'o/ /de ni dbang dang bcas pa'o bla ma rab ma yin pa dang/ slob ma yon tan dang mi ldan pa'i don ni 'di yin te/ ngag gi dra ba la sogs pa yis bstan te/ /dbang gi mchog ni rnam pa gsum zhes bya ba ni/ gsang ba'i dbang dang/ shes rab ye shes kyi dang/ bzhi ba'i dbang de dag gsum ni/ rdo rje slob dpon gyi dbang las mchog go /blang bya ma yin zhes bya ba ni/ bla ma de lta bu la slob ma yon tan dang mi ldan pa'i mtshan nyid can gyis mi blang dbang mi nod ces pa'i don to/ /sbyin mi bya zhes bya ba ni/ slob ma de lta bu'i mtshan nyid ngan pa de la/ bla ma rab kyi dbang gi mchog rnam pa gsum po sbyin par ma gsungs so/ /ci'i phyir zhe na/ de dang ldan na dngos grub mchog ma rnyed pa'i phyir ro/ /de bas na yang dga' 'bras bu 'dod ba na/ /de ni ring du sbang bar bya/ zhes gsungs pa yin no/ /sgra dang tshad mas mi 'grub pa'i dab? ni/ de ltar yang bye ma zhes bya ba la sogs de bzhin tshar ma mang po dang/ dag gi dra ba dang ldan pa zhes bya ba ni/ bye ma la mar btsir ba la sogs pa byas kyang/ mar gyi rgyu sa bon ma yin bas 'byung bar mi 'gyur ba'i dpe de bzhin du tshad ma'i rtog pa la zhes pa rnams dang/ 'jig rten pa'i sgra bdag dang bdag gis dag dang/ ngag gi dra ba 'brel pa ste/ de'i don ni sems kyi rang bzhin ma shes pas rtag chad du gol bas/ la la ni lus mi rtag
- 251b
pa yin yang/ shes brtag pas na/ dbang phyug byed pa por 'dod/ /la la skye rga na 'chi ni bdag go bar 'dod pa'o/ /la la ni srog chags kun 'joms pas dus yin no bar 'dod do/ /la la ni shi ba'i lus rdul du rlags la/ sems stong par 'gyur te/ ci yang med par 'dod do/ /de bzhin du 'dir rtag chad gnyis bsdu'o/ /de lta ba'i slob dpon gyis/ bstan pa 'am zhes bya ba ni/ spang bar bya'o/ /nyan pa ni slob ma ste 'bras bu mi rnyed pa'i phyir/ snga ma bzhin no/ /de bas na de la nyon mongs ba las/ gzhan 'bras bu tsam rnyed pa med do/ /zhes gsungs so/ /de'i phyir bla ma rab btsal bar bya ba'i don ni/ de bas gcig nas gcig tu zhes bya ba la sogs ba'i don ni/ bcom ldan 'das nyid kyis gsungs so/ /de lta bu'i bla ma ni rdo rje 'dzin pa dang/ mtshungs par lta ba'i don ni/ mi gsal mchog gi bkra shis can zhes bya pa la sogs pa la/ stobs dang/ mi 'jigs ba la sogs pa'i sangs rgyas kyi che ba'i yon tan rnams dang mi ldan zhing/ mi gsal ba yin yang de rnams kyi rgyu'i gtso bo yod pas na mchog gi bkra shis can yin no/ /ci'i phyir yin snyam pa la/ de'i don gsungs pa/ sangs rgyas 'bras bu sbyin pa'i bdag ces bya ba ni/ dbang dang bcas pa'i man ngag nang ba ni/ sangs rgyas mthong bar 'gyur ba ste/ des na 'bras bu sbyin pa'o/ /bdag ces bya ba ni/ bla ma mchog tu 'gyur ba nyid kyi bdag go /bla ma'i gzugs ni/ sangs rgyas rdo rje 'dzin pa nyid do/ /bdag gzhan ni rtag chang la dmigs pa'i dngos po dang/ dngos po med par ro/ /med pa ni 'jig rten las 'das par lta bar bya'o/ /bsod nams thams cad kyi ni gnas zhes bya ba ni rin po che dang/ gser la sogs pa dpag tu med pa dbul?
- 252a
pa'i gnas yin te/ sbyin pa la sogs pa'i 'dus byas gang gis kyang bla ma la mchod pa la bsnyag tu med do/ /gang gi phyir zhe na/ sangs rgyas dngos grub ster bas na bsnyams par mi bya'o/ /de'i phyir sangs rgyas byang chub sems dpa' dang/ tshangs pa brgya byin khyab 'jug lta/ de kun gyis ni bdag mchod 'os/ /grags pa ma yin grags gzugs yin zhes bya ba ni/ sangs rgyas la sogs pa thams cad kyang rang rig bla ma la mchod cing bskur ba'i gnas yin no/ /zhes bya ba'o/ /yang na sangs rgyas ni phung po lnga'o/ /byang chub sems dpa' ni skye mched rnams so/ /tshangs pa ni rlung gi 'khor lo'o/ /brgya byin la sogs ba yang de bzhin no// bdag ni bcom ldan 'das so/ /mchod par 'os pa ni bla ma'o/ /sangs rgyas su 'jig rten pa la ma grags kyang/ gsang sngags rdo rje theg par grags pa'i gzugs so/ /de ltar shes nas zhes bya ba la sogs pa'o/ /dpal ye shes thig le'i dka' 'grel/ gsang ba'i de kho na nyid ces bya ba/ le'u gsum pa'i bshad pa'o// //ji lta bu'i go rims su zhes gsungs pas na/ dbang bstan nas /de'i rjes thogs su gnas kyi bskyed pa bshad par bya ste/ de nas gzhan yang bshad kyis nyon cig ces bya ba la sogs pa la/ nyon cig pa ni sdud pa po la gdams pa'o/ /de la dang por de kho na nyid mngon du byas la/ de'i 'og tu gnas kyi zhes bya ba ni/ bcom ldan 'das 'khor dang bcas pa bzhugs pa'i gnas so/ /bskyed pa ni rim pas bskyed rim dang bcas pa'o/ /ji lta bzhin don ni go rims te/ dbang gi 'og tu 'byung ba'i don to/ ka ba gcig dang sgo dgur ldan zhes bya ba la lus
- 252b
kyi dkyil 'khor gyi srog gi dbyug pa ni/ ka ba gcig gi dngos po'o/ /phung po dang khams dang/ skye mched la sogs ba'i lhag pa'i lha rnams dgu po'i lam nas 'gro ba'i phyir sgo dgu'o/ /ldan pa zhes bya ba ni/ sgo bzhi dang gsum dang/ gnyis dang/ gcig dang ste/ bzhi ni 'khor lo bzhi'i bdag nyid dga' ba rnams so/ /gsum ni sku gsung thugs ste/ de la sku'i sgo sngar bzhin no/ /thugs kyi ni snying gi dbus na/ pad+ma brgyad pa ge sar dang bcas pa'i dbus na gnas pa'i rtsa chu shing gi me tog lta bur gnas pa'i dngos po 'og tu kha bltas nas/ 'chang ba'i bdag nyid de'i dbus su gnas pa'i byang chub kyi sems yungs kar sbom po'i tshang tsam pa'i mi shigs pa'i yi ge dang ldan pa'i zla ba dang nyi ma dag 'jug pa dang ldang ba'i spyi po'o/ /gsung gi sgo? ni/ me dang rlung dang dbang chen dang chu rnams ni de bzhin du/ steng nas rgyu ba dang/ legs nas dang/ ngal bar dang/ 'og nas rgyu ba rnams rim pa bzhin sbyang ba'o/ /sgo gnyis ni/ steng gi sgo dang/ 'og gi sgo yin te/ de la st3ng gi sgo nas/ khams gsum rnams dang/ rnam par snang mdzad la sogs pa'i sangs rgyas rnams g.yo zhing gshegs su gsol ba dang/ lte ba nas steng du bltas pa'i rtsa la nyi ma rgya zhing bzhud pa'i rtsa ro can ma'i lam nas so/ /'og gi sgo nas rnam par shes pa ste/ sbyan 'dren cing bzhugs su gsol ba ni/ dus gsum gyi sangs rgyas dang/ mkha' 'gro ma dang/ gzhan yang rkan nas 'og tu bltas pa'i ? bla ba rgyu zhing byon ba'i rtsa 'dzin ma'i lam nas lte ba'i dbus su 'dzag go /sgo gcig pa ni rtog med ma'i rtsa yin te/ bde ba'i byang chub kyi sems dang ldan pa'i lam nas rang bzhin dga' ba ni/ bzhud pa dang/ byon pa la sogs ba
- 253a
thams cad dang bral ba gcig tu grub pas na sgo gcig go /lung las kyang dkyil 'khor gnyis med sbyor ba las/ sgom pa so sor snang ba tsam/ /bde gshegs rnams kyi dkyil 'khor sogs/ /rang bzhin dga' la bzhugs par mdzod ces gsungs so/ /de'i gnas kyi bskyed pa ji bzhin don zhes bya ba la sogs pa'i bshad ba'o/ /rdo rje rtsig pa ces bya ba la sogs pa la/ rdo rje ni sems kyi rdo rje'o/ /rtsig pa ni sems kyi rdo rje khyab ba'o/ / rgyun ni khrag dang mchi ma la sogs pa'i byang chub sems so/ /rdo rje thig ni/ rtsa rtog med ma dang ldan pa'o/ /bla re ni 'khor lo rnams so/ /kun tu yongs su bskor ba yin zhes bya ba ni/ 'khor lo la sogs pa'i rtsas bskor ba'o/ / rlung la sogs pa'i rim pas dbye zhes bya ba ni/ rlung dang me dang/ dbang chen gyi dkyil 'khor ro/ /'byung ba bzhi dang ldan pa yin zhes bya ba ni/ gsang bar rlung gi dbyibs dang/ sum mdor me'i dbyibs dang/ lto bar chu'i dbyibs dang/ snying gar sa'i dbyibs dang bzhi/ keng rus dbyug pa'i bdag nyid du ldan pa'i gnas so/ /nam mkha' thams cad mdza' kun tu zhes bya ba ni/ bde ba chen po'i 'khor la sogs ba'i thams cad kyis lus la khyab pas na/ mdza' kun no/ /thams cad bdag nyid rtag tu bzhugs zhes bya ba la/ de rnams thams cad kyi bdag nyid ni/ gnyis su med pa'i de nyid do/ /de nyid ni sems can dang sangs rgyas thams cad la rgyun mi 'chad pas rtog ba'o/ /gshegs bzhugs mi mnga' bas na rtag tu bzhugs pa'o/ /de ni phyi'i don bshad de/ rdo rje gur gyi dbus su ni/ zhes bya ba la sogs pa'o/ /'di dka' ba 'ga' tsam zhig dgongs de/ gshin rje gshed ces bya ba ni/
- 253b
srog dang gang zag la sogs pa bdag tu 'dzin pa'i rtog pa 'phrog ba'i ngang tshul can yin pa'i phyir na/ gshin rje mthar byed yin no/ /shes rab mthar byed ces bya ba ni/ 'od zer dbag tu med pa spros pas shes rab dman pa'i bdud dang mu stegs kyi rtog pa drag po ni khyab 'jug btul pas shes rab byed do/ /pad+ma mthar byed ces bya ba ni/ 'od zer gyi tshogs dang/ drag shul gyi sbyor bas brtson 'grus dman pa'i le lo can rnams kyi tshangs pa la sogs pa btul ba'i dngos grub thams cad kyi bdag nyid rta mgrin rgyal po'o/ /bgegs mthar byed ces bya ba ni/ 'od zer la sogs pa'i sbyor bas nyon mongs pa dang bcas pa'i tshogs kyi bdag po la sogs pa'i bgegs rnams thal bar bya ste/ slar gsos nas dam la btags pa'i phyir bdud rtsi 'khyil pa'o/ /gzhan 'dod pa'i rgyal po la sogs pa go sla'o/ /gzhan na re phyogs skyong bcu btul ba'i phyir na/ gshin rje gshed la sogs pa'i khro bo bcu bo ni/ bdag nyid kyi gdan rang rang gi steng na bzhugs pa'o zer ro/ /tshul dang thigs ba'i rang gi ngo bo zhes bya ba ni/ mngon par byang chub ba ltas lha'i sku bskyed pa'o/ /dpal ye shes thig le zhes bya ba la/ bsod nams dang ye shes kyi tshogs gnyis dang ldan pas na dpal lo/ /ye shes lnga'i bdag nyid he ru ka nyid kyi gzugs ni/ /ye shes so/ /de nyid spros pa la sogs pa'i mtshan ma dang bral bsan thig le'o/ /phyag rgya chen pos 'khyud cing zhes bya ba la/ skye ba dang 'gags pa la sogs pa'i mtshan ma dang bram ba'i chos kyi dbyings yin yang/ 'gro ba thams cad la khyab pas phyag rgya'o/ /khyab pa yin yang lha mo'i gzugs su 'byung bas na chen po'o/ /kun rdzob dang don dam ba dbyer med pa'i phyir/ 'khyud pa yin no//
- 254a
gtan tshigs 'dis na phyag rgya chen pos bcom ldan 'das la 'khyud ba yin no/ /skur bzhengs shing brjod pa zhes bya ba ni/ dpal he ru ka thugs rjes khro bo khros pas rab tu gzhom pa'i phyir ni nyid kyi sgra brjod pa tsam gyi phyir rgol ba kun rlag bar byed do/ /ha har rgod kyi phe'i yi ge zhes bya ba ni/ bdug pa can gdul ba'i sgras brjod pa'o/ /chol ba sgra chen po sgra bsgrags pas zhes bya ba ni/ hUM hUM dang phaT phaT la sogs pa'i sgra sangs rgyas nyid kyang 'jigs pa tsam mo/ /changs pa'i yul sa ni mgo bo ste/ gdug pa can rnams kyi'o/ /zhes bya ba'i tshigs gi lhag ma'o/ /bye ba'i grangs ni 'bum phrag bcu yin de mtshon pa tsam mo/ /thod pa'i lto ba rlag pa'o zhes bya ba ni/ mgo thod kyi nang gi glad pa khro bo'i sgras med bar 'gyur ba'o/ /gar dgu dang ldan par byed ba zhes bya ba ni/ sgeg pa dang/ dpa' ba dang/ mi sdug ba dang/ rgong pa dang/ drag pa dang/ 'jigs su rung ba dang/ snying rje dang/ rngam pa dang/ zhi ba dang dgu'o/ /dpal ye shes thig le'i dka' 'grel/ gsang ba'i de kho na nyid ces bya ba le'u bzhi pa'i bshad pa'o// //bskyed pa'i rim pa'i lha rnams bstan kyang/ de rnams kyi sngags med na/ dngos grub mi 'grub pas de'i phyir/ sngags gsungs pa ste/ nga ni sngags mchog bshad bya bani/ de bzhin gshegs pa'i snying po ni mchog yin te/ mchog 'dir par dam bca' ba'o/ /gang gi sgrub pa bo des 'grub ces bya ba ni/ sngags kyi mchog shes rab dang snying rje'i bdag nyid gang yin pa la/ rnal 'byor pa sgrub pa bo de yang nas yang bsgoms pa dang/ bzlas pas grub bar 'gyur ro/ /sa'i cha ni mnyam par mchog ces
- 254b
bya ba la sogs pa la/ sgra ji bzhin pas bshad do/ /nang du ni dkyil 'khor gyi sa'i chog bya ba ni mnyam pa ru'o/ /mchog gi sgra ni rak+ta'o/ /sbrang rtsi'i sgras bshad gci'o/ /ga bur gyi sgras shu ba'o byug pa'i sgras ni/ stobs dang bcas pa'i mi 'chi ba bcu byed byug pa'o/ /dri zhim pa ni gzhi mnyam pa'o/ /me tog ni ku mu ta la sogs pa'o/ /dgram pa mi mdzes par bya khyab par gtor ba yin pas na/ me tog gis ni chal bar bya zhes gsungs pa'o/ /sngags btu zhing bsgrub pa'i gnas bstan pa ni chu ngogs yang na thang stong du zhes bya ba la/ chu ngogs tshu bo'i drung du'o/ /yang na'i sgras dur khrod la sogs pa bsdu'o/ /thang stong ni mi med pa'i gnas de dag gang yang rung ngo/ /bsrung ba bstan pa ni/ rdo rje srang pu yis ni bskor zhes bya ba ni/ srang bu kha dog sna lnga ye shes lngar byin gyis brlabs pa ni rdo rje'i srad pu'o/ /de ni gtso bor gsungs pa yin pa/ gzhan dag gis kyang bskor bar bya'o/ /rdo rje gzhon nu spyan rings ma zhes bya ba la sogs pa la/ gsad ba'i mchod pa rgyu dang bcas pa'o/ /rdo rje gzhon nu ni/ lha mor bskyed la sbyor bas byin gyis brlabs pa ni rdo rje'o/ /lo bcu drug la sogs pa ni gzhon nu ma'o/ /spyan rings ma ni/ spyan phra ba dang/ sgom ba snyoms pas mdzes ba'o/ /gzhon pa dang/ spyan rings b+ha ga gtso bor gsungs so/ /zla ba ni shu kra'o/ /nyi ma ni rak+ta'o/ /pad+ma ni ge sar zhes bya ba/ 'dab ma gsum pa'i pad+ma'o/ /lang tshol? bab pa ni sngar bshad pa bzhin no/ /reg bya 'jam pa ni lus kyi mtshan nyid do/ /dang por mkhas pas gzhug par bya zhes bya ba ni/ rnal 'byor ba yis shes rab ma'i mtshan nyid rtogs nas dang por dkyil 'khor du'o/ /sngags kyi gnas su lugs?
- 255a
ji bzhin zhes bya ba ni/ sngags btub dang/ bsgrub pa'i gnas le'u bzhi par bskyed pa gsungs pa ji lta ba bzhin du byas la byin gyis brlab bo/ /legs dgyes ni gcig la gcig dga' bas na dgyes pa'o/ /shin tu sbyor bar bya ba ni/ rang bzhin dga' ba'i ye shes dga' ba gzhan mas bskyed pa'o/ /de'i sbyar bas ni thabs dang shes rab dga' ba rnams las so/ /gang byung ba ni/ byang chub kyi sems so/ /kha dang sa sogs mchod par bya zhes bya ba ni/ slob ma'i gnas gsum du thig le bya ba dang/ dkyil 'khor gyis la mchod pa dang/ lha rnams la mchod par bya'o/ /yang na byang chub kyi sems phyir mi 'byung bar rtog med ma'i rtsa'i kha dangs ni rten yin te/ rten phyag rgya dang bcas pa dga' ba rnams kyis mchod par bya zhes bya ba ni/ man dgo/ pad+ma 'dab ma brgyad pa zhes bya ba ni/ sngags pa'i dkyil 'khor pad+ma 'dab ma brgyad ba dmar bo bri bar bya'o/ /rdo rje yi ni phur bu bcu/ khro bo sngags kyis mkhas pas gdab ces bya ba ni/ phur bu bcu la khro bo bcur byin gyis brlabs ste/ khro bo'i sngags bcus ldan pa'i sgrub pa pos so/ /de'i sngags oM dzem+b+ha dzem+b+ha zhes bya ba la sogs pa'o/ /don ni sngags dgor pa dang btu ba gsungs pa 'di yin te/ A li kA li mnyam byas la zhes bya ba la sogs pa ni/ A li ni A la sogs pa bcu drug go /kA li ni yi ge sum cu rtsa gsum ste/ ka nas ha'i bar ro/ /mnyam byas ni 'dab ma brgyad pa'i lte ba'i 'dab ma la ste/ 'dab ma kun la rim bas dgod ces so/ /A li ye shes 'dab ma gcig ni/ 'dab ma gcig la dbyangs kyi yi ge bcu drug go /kA li ni 'dab ma bdun du dran zhes bya ba ni/ gnas ? bar gyi yi ge 'dab?
- 255b
ma bdun po la dgod de/ /'dab ma re re yi ge lnga/ lnga pa la ni lnga pa'o/ /zhes bya ba la sogs pa ni/ ka'i sde tshan lnga dang/ de bzhin du rtsi dang/ Ta'i dang/ ti dang kha'i tshan lnga pa lnga 'dab ma lnga la lnga lnga'o/ /gnyis la an+tas+tha dang/ uSh+ma'i bzhi bzhi'o/ /lte bar bcom ldan 'das rdo rje sems dpa' i rang bzhin yig 'bru k+Sha'o/ /gzhan go sla'o/ /dang po gzugs kyi bdag po ni/ yi ge oM ste/ sngags rnams kyi thog mar bstan pas so/ /de nas 'dab ma gnyis kyi dang por zhes pa ni yi ge 'bru sha'o/ /bzhi pa dbyangs yig dang bcas pa ni/ a'i ring po dang bcas pa'o/ /'og tu re ba yis ni brgyan ces bya ba ni ra'i yi ges so/ /nyi shu lnga pa ni ma'i yig 'bru'o/ /'dab ma gnyis pa'i zhes ba ni yig 'bru ha'o/ dbyangs yig gnyis pa ni yi ge A'o/ /sngags kyi nus mthu bstan pa ni/ 'khor ba'i ngan 'gro dag byed pa'o/ /zhes gsungs so/ /'dab ma gnyis dang po'i bzhi pa yis ni yi ge wa'o/ /de nas gsal byed pa'i brgyad ni yig 'bru dza'o/ / 'dab ma gnyis dang po'i gnyis pa yis ni/ de'i yig 'bru'o/ /ldan pas thams cad rigs phrogs byed ni/ yon tan gyi mthu yod pa'o/ /gsal byed pa la gsum pa ni/ ga'i yig 'bru'o/ /bcu pas yang dag ldan pa'o ni/ nya ste g+ha zhes pa'o/ /dbyungs kyi yi ge gnyis pa ni a dang bcas pa'o/ /bzhi pa'i lnga pa gang yin pa ni/ na'i yig 'bru'o/ /de nas de'i dang po ni/ ta yi yig 'bru'o/ /bcu drug pa'i gsum pa ni i'o/ /thams cad sngags kyi tshig gi bzhin? ti la ka'i ye shes thig le'i le'u dang po'o/ /de nas sa'i dag pa ni la'o/ /de bzhin gsal byed po ni ka'o/ /yan lag gsal byed sum cu gsum ni ha'i yi ge'o/ /dbyangs yag? drug pa ni/ u'i bdag nyid do/ /thams cad kyi ni 'byung ba'i?
- 256a
zhes bya ba la sogs pa ni go sla'o/ /dang po ru ni gzugs kyi mchog ces bya ba ni/ yi ge oM dang por btu ba'o/ /'dab ma gnyis pa'i bzhi pa'o/ /zhes pa ni yig 'bru ha'o/ /'og tu re ba ni ra dang ldan pa'o/ /dbyangs yig bzhi pa ni a'i bdag nyid dang sbyar ba'o/ /rig pa'i rgyal po mchog ni/ /de bzhin gshegs pa rnams kyi snying po h+ri'o/ /thig les steng du ldan pa ni/ th+rI gi don to/ /de rang du ni nye bar gnas ni/ yang h+ri ste gnyis pa'o/ /nyon mongs pa la sogs pa zhi bar byed pa'i phyir/ thams cad zhig zhi ba'i mchog ces so/ /thig les steng mnan sum cu gsum ni/ haM gi yi ger bstan pa'o/ /bcu drug pa'i gnyis par ni A'o/ /ldan pa ni haM du gsungs pa'o/ / yang ni de nyid yi ge mchog /haM haM zhes bsnan pa'o/ /khams gsum mun nag med par byed ni/ 'dod khams la sogs par ye shes thig le'i ye shes sgron ma 'bar byas pas/ ma rig pa'i mun pa gsal bar byas shes bcom ldan 'das kyis snying po dang/ nye ba'i snying po'i yon tan bsgrags par byas so/ /hUM phaT de ni gnyi gar sbyar ni/ gnyis gnyis te hUM hUM phaT phaT zhes pa'o/ /tha mar swAhA yis ni ldan zhes pa ni/ sngags kyi mthar swAhA dang ldan pas rtsal gyi sngags so/ /nye ba'i snying po'i sngags zhes bya ba ni/ snying po rang la nye bas na/ nya ba'i snying po'i don to/ /bcom ldan 'das kyi snying po dang nye ba'i snying po bstan nas/ bcom ldan 'das ma'i gsungs pa ni/ /d? pos rnam par snang mdzad dag ces bya ba ni/ oM dang por bshad do/ /nyi shu rtsa dgu de nas se ni wa'i yig 'bra'o/ /gsal byed pa'i brgyad pa yod na yig 'bru dza'o/ /nyi shu rtsa bdun pas ni ldan zhes pa ni/ ri'i yig 'grus? 'gi su?
- 256b
ldan pa'o/ /nyi shu lnga pas de nas so ni/ yig 'bru ma'o/ dbyangs kyi yi ge bdun pas ldan ni/ 'dir ma'i yig 'bru la re yis steng 'og tu ldan pa ste me'i don to/ /bzhi pa las ni gsum pa'i zhes pa ni de'i yig 'bru'o/ /de dang nye ba rlung yin no/ /zhes bya ba ni/ rlung gi sa bon ni ya'i yig 'bru'o/ /dbyangs yig bcu gcig ldan pa ni/ e'i yig 'gru yis ldan pa'o/ /lnga pa'i lnga pa ni ma'i yig 'bru'o/ /ha'i yig 'bru de dang nye ba ni ha rang gi'o/ /lnga ba'i gsum pa ni/ ba'i yig 'bru'o/ /yi ge rtsa brgyad de nas so ni/ yig 'bru la'o/ /lnga pa yi ni dang po dang zhes pa ni/ ba'i yi ge bstan pa yin no/ /nyi shu rtsa bdun de nas so ni/ nga'i yig 'bru'o/ /dbyangs yig gnyis pas ldan ni/ /A ring? ba dang ldan pa'o/ /gsal byed kyi ni dang po zhes bya ba ni/ kA'i yig 'bru'o/ /sum cu rtsa gcig pas ni ldan pa ni/ Sha'i yig 'bru? ste/ k+Sha'i don gyis ka dang ldan pa'o/ /nyi shu rtsa lnga dag pa ni/ ma zhes ba'i yig 'bru'o/ /dbyangs yig gnyis pas ldan pa ni/ A ring po dang mar ldan pa'o/ /nyi shu rtsa drug yi ge mchog ces pa ni ya'o/ /dbyangs kyi yi ge bcu gcig pa ni e'i yig 'bru bstan to/ /ya la e gnyis ldan pa ni/ ye shes pa'i don ste?/ /swAhA mthar ? ldan pa ni/ mdza' can sngags kyi mtshan nyid do/ /hUM hUM phaT phaT ni spel bar bya ba zhes pa ni/ swAhA gong du bstan pa'i phyir ro/ /de ni phyag rgya chen po'i zhes bya ba la sogs pa ni/ bcom ldan 'das ma'i snying po'i yon tan ni rin po che'i? dpe ji lta ba bzhin gsungs so/ /dang po yi ge gzugs kyi mchog ni/ rnam par snang mdzad kyi sa bon ni/ /de dang por btu ba'o/ /'dab gnyis pa'i gsum pa'o/ /zhes bya ba mi yig 'bru sa'o/ /ya'i sde tshan gnyis pa ni yig
- 257a
'bru nga'o/ /nyi shu rtsa dgus de nas so ni/ wa'i yig 'bru bstan pa'o/ /dbyangs kyi yi ge gsum pa yis zhes bya ba la sogs pa ni/ i thung bas sbyar te wa'o/ /de nas gsum cu rtsa gnyis pa ni/ sa'i yi ge btu ba'o/ /ra'i yig 'bru de dang mnyam zhes bya ba ni go sla'o/ /tha mar swAhA dang ldan ba ni/ sngar bshad pa bzhin 'dir yang ngo/ /hUM hUM phaT ni spel ba yin zhes bya ba ni/ bar du bzhugs par bya'o/ /nye ba'i snying bo'i sngags yin no/ /zhes bya ba ni/ de rang la nye ba ste bcom ldan 'das ma'i bstan pa'o/ /phreng ba'i sngags gsungs pa ni oM sh+rI mahA zhes pa la sogs pa'o/ /oM ni sngags thams cad gsal ba'o/ /sh+rI mahA ni dpal chen bo ste/ dpal he ru ka nyid do/ /? Na ni thugs rjes 'og ma'i chen po dang sbyar ro/ /gro d+ha ni khro bo/ /shwa ra ni dbang phyug go /dpal chen po he ru ka thugs rje chen po dbang phyug khros pa'o/ /gang la zhe na/ gdug pa can rnams la khros ba'o/ /de'i don ni bcom ldan 'das dpal he ru ka nyid/ thugs rje chen po'i dbang gis gdugs can rnams la shin tu khros pas zhal dang phyag mang por ston pa'o/ /b+he bde ces bya ba la sogs pa ci ma bshad do/ /ci'i phyir zhes? ? bsgom pa dang bzlas pa la rag lus pa'i phyir ro/ /hUM hUM zhes bya ba la sogs pa ni/ dpal nam mkha' dri med dang /zla ba la sogs pa dpa' bo dang dpa' mo bcu drug phrag gnyis kyi sngags so/ /de'i phyir 'khor lo'i sngags zhes bya'o/ /'khor lo ni 'khor lo'i lha rnams so/ /sngags ni sngar bshad ba'o/ /sngags chen po ni nus mthu bsam gyis mi khyab pa'o/ /dpa' bo rnams ni byang chub sems dpa' chen po bcu drug go /dpa' bo rnams gsungs pas/ dbang
- 257b
mo rnams kyang bsdu'o/ /snying po mchog ni thugs yang dag pa'i ye shes kyi sa bon ni snying po mchog mi 'gyur ba'o/ /lha mo skam pa dang/ 'jigs ma la sogs pa'i sngags ni/ a A la sogs pa'o/ /dpa' bo'i yan lag ma snying sngags zhes bya ba la/ yan lag ma ni lha mo rnams so/ /lhag ma ni go sla'o/ /gsang ba'i sngags kyis dgod pa ni zhes bya ba la sogs pa la/ dam tshig dang mi ldan ba rnams la bstan par bya ba ma yin pas gsang ba yin no/ /'gro ba rnams la skyob pa'i bdag nyid yin pas na sngags so/ /sbyor ba drug gi don bstan pa ni dgod pa'o/ /sbyor ba drug gi man ngag rnal 'byor bcom ldan 'das ni mchod pa'i dus so/ /oM nA da ni ? la ya hUM hUM phaT ces brjod pa ni mchod par bya ba'o/ /de la sngags kyi dang por phyag 'tshal ba'i yi ge oM zhes bya ste/ de rnams la bstod pa'o/ /nA da ni ye shes kyi tshul de rtog ba dang bral ba'i sgra'o/ /nirma ni sprul? pa'i 'khor lo'i ngo bo rnam pa dang bcas pa'i lte ba'o/ /la ya ni pho brang ste sprul ba'i lte ba'i pho brang bcom ldan 'das tshul gyi ye shes bzhugs pa'i don to/ /hUM dang pos ni/ gdug pa can rnams la bsdigs mdzub kyis ? joms pa'o/ /gnyis pa'i ? ? de rnams dbang du sdud pa'o/ /phaT kyis gtor nas ltung bar byed pa'o/ /oM bindu? la sogs ba ma shad ba snga ma bzhin no/ /ye shes drug ni/ sbyor pa drug gi ye shes so/ /sngags mchod dbang zhes bya ba ni sngags thams cad kyi mchog go /rab bo/ gya nom pa ste/ nus mthu dpag tu med pa dang ldan pa'o/ /de ci'i phyir zhe na/ gsang sngags kyi nus mthu ni rgyud la sogs pa thams cad nas 'byung ste/ cig shos min pa ni/ bde ba mchog gi rgyud
- 258a
las kyang 'jig rten gsum g.yo bar byed do/ /lha dang lha ma yin dang/ gnod sbyin dang srin po dang/ dri za dang/ mi 'am ci dang/ lto 'phye chen bo dang bcas pa 'gugs par byed pa dang/ 'ching bar byed par 'gyur ro/ / mkha' 'gro ma thams cad sgrub pa po'i mdag gzhug byed par 'gyur ba dang/ de'i sbyor ba 'phrog par 'gyur ro/ /zhes gsungs pa bzhin/ sngags kyi nus mthu rgyud la sogs pa kun nas gsungs so/ /de rnams kyang khyad par du 'phags pa'i mchog yin no/ /sde tshan brgyad kyi gtso bo yin zhes bya ba ni/ A li dang kA li yi ge bzhi bcu rtsa dgu'i gtso bo A la sogs pa brgyad do/ /'di rnams sngags btu ba'i gnas yin pa'i phyir/ gtso bo gsungs pas/ cig shos kyang zhes bya ba'i don to/ /rtsa'i sde tshan zhes bya ba ni yi ge A'o/ /gtor ma gtang ba ni a dang ldan pa'i sngags kyis gtor ma gtang ba'o/ /brtag pa gnyis pa ji bzhin no zhes bya ba ni/ kye'i rdo rje'i rgyud brtag pa gnyis pa bzhin du ste/ de yang 'di yin te/ oM a kA ro mu kham/ sarba d+harmmA NAM/ adyA nutpan+na twAta/ oM A:hUM swAhA(rgyud 'grel): zhes bya ba yin no/ /gzhan rnams go sla'o/ /dpal ye shes thig le'i dka' 'grel/ gsang ba'i de kho na nyid ces bya ba le'u lnga pa'i bshad pa'o// //sngags kyi 'og tu mchod spyin 'byung bas na/ de nas zhes bya ba la sogs pa'o/ /mchod sbyin ni phyi dang nang gi mchod sbyin no/ /rab ni nang gi mchog sbyin dang ldan pa'i phyir ro/ /de ni bcom ldan 'das dpal ye shes thig le bdag gis bshad par bya'o/ /gnas ni orya Na dang/ dza land+har dang/ pu li ra dang/ kA ma ru'?/ /sogs pa'i ni nye ba'i gnas la sogs ba rnams so/ /rim par sbyor ni phyi'i bzhin du/
- 258b
nang la yang mgo bo dang/ spyi gtsug dang/ spyi'o dang/ smin ma la sogs pa rnams la sbyor te/ nang gi don bsgoms pas ni/ phyi'i gnas la sogs par bgrod mi dgos pas 'dus pa'i bdag nyid du 'gyur ro/ /de dag gi don ni/ de'i nang du gru gsum gyi phyag rgya'i grwa la/ dpal orya Na dang zhes bya ba la sogs pa'i gnas skabs bzhin shes par bya'o/ /phyi'i bgrod mi dgos bar nang gi lus la 'dus ba yin na/ de gang yin zhe na/ de'i don gsungs pa ni/ bskyed pa'i bye brag thigs pa gsum zhes bya ba la sogs pa'o/ /bskyed pa ni 'khor lo'i rim bas bde ba'i thig le rnams 'byung zhing skyed pa'i mtshan nyid do/ /bye brag ni dga' ba'i rim pa'i bye brag skye ba'o/ /thigs pa gsum ni/ thim pa dang/ longs spyod dang dbang gi dga' ba rnams so/ /rdzogs pa ni/ de smin pa'i rdzogs pa'i mthu dang ldan pa'o/ /rim pa gsum de ltar ro zhes bya ba ni/ bskyed pa'i thig le'i thim pa la sogs pa dang ldan ba ni de bzhin du rdzogs pa'i rim pa bzhin no/ /thig le drug gi bdag nyid bcas zhes pa'i tha tshig go /rnam shes la sogs bye brag tu/ zhes bya ba la rnam bar shes ba dang/ sems dang yid ces bya ba rnams grangs so/ /sems kyi gnas ni snying yin no/ /sogs pa ni bde ba chen po'i bdag nyid dang/ longs spyod dang/ sbrul pa'i 'khor lo dang/ de rnams mchod sbyin byed pa'o/ /bye brag tu ni dga' i khyad par tha dad ba'i bye brag skye ba'i gnas so/ /de'i don gsal bar gsungs pa ni mchod sbyin ni byang chub kyi sems kyi bdag nyid mchod sbyin yin no/ /tshangs ba ni bde ba'i ye shes ste/ mchod sbyin yang de yin la tshangs pa yang de yin no/ /g.yul sa che zhes bya ba ni/ sku'i 'khor lo'i bzhugs pa'i gnas yin pa'o/ /longs
- 259a
spyod ces bya ba ni/ gsung gi 'khor lo'o/ /rnam par shes pa dang zhes bya ba ni/ thugs kyi 'khor lo'o/ /nam mkhar ye shes zhes bya ba ni/ 'pho ba la sogs pa'i ye shes bcas pa'i gnas ni/ sbrul pa'i 'khor lor ro/ / de bzhin no/ /zhes bya ba ni/ sprul pa'i 'khor lo'i ye shes dang ldan par gsungs pa de bzhin du/ gzhan gsum po yang dag pa la sogs pa'i dngos po la sogs pa gsum dang sbyar ro/ /sku brgyad kyi ni bye brag tu zhes bya ba ni/ / 'khor lo bzhi'i bye brag gis gnas brgyad dang ldan pa'i sku brgyad bskyed pa'i cho ga'o/ /dngos po rten dang rnam par 'byed ces bya ba ni/ sku'i 'khor lo la sogs pa'i bzhi'i gnas la sogs par dngos po la sogs pa mchod sbyin bya zhes bla ma'i man ngag gis 'chang ba'o/ /ji bzhin 'dod pa sdud pa ni zhes bya ba ni/ bskyed pa dang rdzogs pa'i thig le bstan pa bzhin du/ bde ba'i byang chub kyi sems 'di yang de bzhin no/ /mchod sbyin rnal 'byor ma dkyil 'khor zhes bya ba ni/ 'khor lo bzhi'i rtsa'i dkyil 'khor ni mkha' 'gro ma'i dkyil 'khor 'dod pa'i bde ba dang bcas ba'i ngo bo ste/ mchog gi dgab? ba'i mtshan nyid du 'gyur ro/ /phyi'i gnas shes pas nang gi gnas la 'jug par 'gyur pa'i phyir/ de gsungs pa ste/ oDya Na la sogs gnas su ni/ zhes bya ba ni/ mkha' 'gro ma 'du ba'i gnas ni/ oDya Na dang/ dza land+ha? ra dang/ pu li ? dang/ ka ma ru dang/ ma la ya dang/ sind+ha? dang/ nA gar dang/ sing+ga la dang/ mu mu ni dang/ de bi ko Ti dang/ ko lu ta dang/ arbU? da dang/ ha ri ke la dang/ ko Ta pa dang/ li pa ka dang/ kany+tsi dang/ las kyi yul dang/ gser gyi gling dang/ kongka na dang/ rin? ra dang/ yid
- 259b
dags 'dus pa dang/ rgya mtsho dogs dang/ tsa ri Ta dang/ gzhan nu'i grong khyer dang/ gasmi ra dang/ ke ra ta dang/ ne ba le dang/ kar+Nu? dza dang/ sa bla dang/ sa steng dang/ sa 'og dang/ ri rab rtse dang/ shar gyi lus 'phags dang/ byang gi sgra mi snyan dang/ nub kyi ba lang spyod dang/ lho'i dzam+bu gling dang de rnams so/ /legs dgyes la sogs lha mo kun zhes pa ni/ lha mo legs dgyes rdo rje ma dang/ rdo rje mtshom dang/ rdo rje glang chen ma dang/ 'jigs ma dang/ dpa' mo la sogs pa'i lha mo rnams so/ /bla ma'i kha las shes par bya'o/ /sems can sems kyi bye brag tu zhes bya ba ni/ 'gro ba'i bsam pa tha dad pa'i dbang gis/ sangs rgyas rnams kyi dgongs pa yang de bzhin du mdzad pa yin no/ /de bas na sna tshogs thabs ni rab tu bshad/ ces gsungs so/ /mtshan yang dag par rjod pa las kyang/ theg pa sna tshogs thob tshul gyi/ 'gro ba'i don la rtags pa po/ /zhes gsungs so/ /bcom ldan 'das nyid kyi sku'i gzugs ji ltar 'thad pa bzhin du mdzad? nas thabs rnam pa sna tshogs pa'i sgo nas chos ston pa dang/ sprul pa'i sku'i gnas skabs su/ sems can rnams la gzigs te/ kha cig rnams la 'dul ba'i thabs shes bya ba la sogs pa la/ kha cig rnams ni/ sems can 'dod chags dang bral ba'i lam la khyad par du mos ba rnams la chos bstan pa/ 'dul ba'i thabs ni gdul bya de rnams kyi don du'o/ /kha cig rnams la mdo sde ni/ zhes bya ba ni/ theg pa chen po'i mdo sde dang de las gzhan pa'o/ /theg pa chen po ni sbyin pa'o/ /tshul khrims la sogs pa'i las la zhugs pa yin la/ gzhan ma ni sbyin pa la sogs pa bya ba'i lam lam zhugs pa'o/ /la la pha rol phyin pa'i lam zhes bya ba ni/ sa dang ?
- 260a
rol tu phyin pa'i sgo nas spyod pa ste/ sbyin pa la sogs pa'i bya ba rnams so/ /kha cig la ni sngags kyang mchog ces bya ba ni/ bya ba dang/ spyod pa dang rnal 'byor dang/ rnal 'byor bla ma'i spyod pa ni sngags so/ /sa dang pha rol phyin pa las mchog tu gyur pa'i phyir na mchog go /rab 'bring tha ma'i bye brag tu zhes bya ba ni/ rab rnams la ni sngags kyi theg pa gsungs so/ /'bring rnams la ni sa dang pha rol tu phyin pa'i chos gsungs so/ /tha ma rnams la ni shes rab dman pa'i phyir/ bden pa bzhi gsungs te/ de bas na bcom ldan 'das kyis gang zhig dge slong dngos gnas dang/ gang yang rtog pa dga' ba'i mi/ /gang zhig rgan por gnas pa la/ /de la de nyid mi bstan no zhes gsungs so/ /thar par 'gro ba'i thabs yin no zhes bya ba ni/ sna tshogs pa'i thabs de rnams so/ /da yang 'khor ba'i rnam par rtog pa yis bcings las nges par grol ba'i phyir thar pa'o/ /der 'gro ba'i thabs theg pa gsum po la yod pa'i phyir thar par grol ba'i thabs yin pa'o/ /rtog pa la sogs pa'i phyin ci log rnams kyi gnyen po sdug bsngal la sogs pa'i 'phags pa'i bden pa la bsgoms pas/ 'dod chags dang bral ba mngon du byas nas rtogs par byed cing/ dus phyi nas bsod nams dang ye shes kyi tshogs gnyis yongs su rdzogs nas bskal pa grangs med ba bzhis sangs rgyas nyid rdzogs par byed bar 'gyur ro/ /yang mngon bar rdzogs pas sa dang pha rol phyin pa ma lus ba'i bsod nams kyi tshogs nyid sbyin pa la sogs pa'i thabs la brlab pa'i phyir na/ bskal pa gsum gyis sangs rgyas ni zhes gsungs/ /de la bskal ba gsum zhes bya ba la sogs pa bskal pa
- 260b
grangs med pa gsum na 'tshang rgya'o/ /theg pa kun gyi blo gros che zhes bya ba ni/ theg pa chen po ni/ dmigs pa dang/ bsgrub pa dang/ thabs dang/ brtson 'grus dang/ ye shes dang/ kun nas dang/ lam chen po dang ldan pa ste/ byang chub sems dpa' i lam 'bras bu dang bcas pa dang/ shes rab kyi pha rol tu phyin pa la sogs pa rnams gyi ngo bo nyid do/ /de las kyang khyad par 'gyur ba ni/ rdo rje theg pa chen po ste/ cho 'di nyid la sangs rgyas pa'o/ /de bas na sngags theg mos la de ltar min/ zhes gsungs so/ /de la sngags theg ni/ /bya ba dang/ sbyad pa dang/ rnal 'byor gsum gyis ni/ de ltar min te/ bsgom pa'i stobs rdzogs pas bsod nams dang ye shes kyi tshogs ma lus nyid kyis ni/ bsgom pa la mchog tu gzhol ba'i phyir/ dus des pa med pas/ sangs rgyas nyid rdzogs par byed pa yin no/ /rnal 'byor bla ma ni rdzogs rims bsgom pa'i stobs kyis tshe gcig gis sangs rgyas pa nyid yin no/ /de'i don ni thabs dang/ shes rab gnyis su med pa'i rnam par rgyal ba'i rgyud las kyang/ skyed pa'i rim par ldan pa yis/ /dus ni nges pa med pas 'grub/ /rdzogs pa'i don gyi rnal 'byor la/ /tshe gcig rdza? ni sangs rgyas 'grub/ /ces gsungs pa dang/ yang slob dpon pad+ma'i rdo rjes mdzad ba las kyang/ de nyid lam la 'jug rnams kyi/ /rnal 'byor pa rnams thams cad ni/ /thabs dang ldan pa'i sbyor ba yis/ /de rnams dngos grub gzhan du min/ /skyed pa'i rim pa'i lam gyis ni/ /gzhan du yang ni 'gyur ba ste/ /skye ba du ma'i rab kyis 'grub/ /'dir ni gcig tu 'grub par 'gyur/ /de ltar nges par shes bya yi/ /shes rab thabs kyis rnam par bsgom/ zhes
- 261a
gsungs so/ /rnal 'byor ma khyod smos ci dgos/ zhes bya ba ni rnal 'byor pa'i rgyud nas rtsa'i man ngag shas chung la/ ma rgyud nas shas che ba dang/ de bzhin du rnal 'byor pa'i ye shes skye ba bu la la/ rnal 'byor ma'i myur ba'i dpes so/ /de skad du lung las kyang/ rnal 'byor ma rnams rnyed mi dka' / /rnal 'byor cung zad rnyed dka' ba/ /thabs na rib kyis rnyed 'gyur te/ /thabs rab min na nam yang min/ zhes gsungs so/ /de'i phyir khyad par yod pa yin no/ /tshe 'di la ni sangs rgyas so/ zhes bya ba la sogs pa'i tshigs bcad ldan? ni go sla bas ma bshad do// //dpal ye shes thig le'i dka' 'grel gsang ba'i de kho na nyid ces bya ba/ le'u drug pa'i bshad pa'o// //de nas mchod pa'i cho ga ni zhes bya ba la sogs pa la/ de nas zhes bya ba ni bar ma chad pa'i tshig yin te/ mchod pa ni me tog la sogs pa'o/ /cho ga ni mchod bya dang/ mchod byed dang/ mchod rdzas la sogs pa'i cho ga rdzogs pa'o/ /sdig pa ni dge ba ma yin pa'i blo bur ba'i 'o/ /thams cad ni 'dod chags la sogs pa'i rtog pa'o/ /mtshan nyid thams cad 'khor ba'i rgyu'o/ /'jig byed pa ni mchod pa'i cho ga'i 'bras bu de kho na nyid kyis blo bur ba'i dri ma dag pa'i phyir/ /'jig par byed pa'o/ /yid 'phrog ces bya ba la sogs pa ni/ /nges par bstan pa'i gnas skabs kyis shes par 'gyur ro/ /byang chub sems 'byung mchod pa yis zhes bya ba la sogs pa la/ bla na med pa yang dag par rdzogs pa'i rgyur 'gyur ba'i phyir/ byang chub sems yin no/ /de bral ba la sogs pa'i bdag nyid kyi gnas rnams su 'bab pa ni 'byung pa'o/ /mchod pa yin zhes pa ni/ mchod pa'i
- 261b
cho ga rdzogs par byed pa'i phyir mchod pa'o/ /yar po ni mchod sbyin yin te sngar bstan pa'o/ /mar ngo ni mchod pa'i cho ga yin no/ /bye brag ni tha dad pa'i dngos po'i mtshan nyid do/ /shes rab ni mchod pa'i mtshan nyid do/ /de bzhin du mchod sbyin gyi mtshan nyid thabs so/ /sbyong ba ni ro gcig pa'i ngo bo mchog ge dga' bar ro/ /mchod pa'i mtshan nyid ni chad pa'i dga' ba'o/ /mchod sbyin gyi mtshan nyid ni mchog gi dga' ba'o/ /ro gcig pa rang bzhin dga' ba'o/ /de dag las de kho na nyid rnyed par 'gyur ba yin no/ /sku gsum ye shes dkyil 'khor ni/ zhes bya ba ni/ chos kyi sku la sogs pa'i gsum pa ni/ thim pa dang/ longs spyod dang/ dbang gsum gyi ye shes dga' ba rnams kyi bdag nyid yin no/ /chos ni mar ngo'i ? drug nas grangs pa'i chos so/ /yi ge ni/ A li'i yi ge bcu drug go /sngags ni sems srung bar byed pa'i phyir ro/ /ri bong can ni zla ba dang ldan pa'i don du gnas pa'o/ /'phel par 'gyur ba ni/ ? zhing 'phel bar rdzogs pa'i tha tshig go /thig le ni bde ba'i byang chub kyi thig le bco lnga dang ldan no/ /mkha' ni rtsa gnas kyi gtso bo dang bcas pa'o/ /'gog pa ni rdzogs par byed pa'i ngo bo nyid de mnyam pa'i ro 'gyur pa'o/ /ci'i phyir zhe na/ 'gog pa yis shes gsungs pa'i gtan tshigs dang ldan pa yin no/ /rang bzhin ni gnyis su med pa'i don kho na nyid do/ /'byung bar 'gyur pa ni thabs dang shes rab sbyong? ba'i don gyis 'byung ba'o/ /thig le'i rang bzhin ye shes te/ zhes 'byung ba ni/ byang chub sems bde ba'i thig le'i bdag nyid rang bzhin dga' ba'i ye shes te/ sngon dang phyi ma dang/ da ltar dang/ gzung ba dang/ 'dzin pa la sogs
- 262a
pa thams cad dang rang bzhin gyis bral ba mnyam pa nyid do/ /sangs rgyas kun ni rnam par snang mdzad la sogs pa thams cad do/ /yang zhes bya ba'i sgras ni/ sangs rgyas kyang mi rnyed na/ gzhan rnams kyis ni rnyed pa ha cang ches zhes pa'i don to/ /rnyed par dka' ba ni don dam pa so so rang rig pa de'i mtshan nyid 'di ni/ tshig dang yi ge'i rnam par rtog pa'i yul las 'das pa'i rang bzhin no/ /ci'i phyir zhe na/ bstan pa thams cad ni rkun rdzob yin te/ dper na dmyal ba'i sdug bsngal bstan pa na/ de thos pas nyams su mi myong ba bzhin no/ /de skad du ye shes mnyam pa'i rgyud las kyang/ spros pa med pa'i mchog nyid ni/ /sangs rgyas la sogs kun gyis kyang/ /de yi tshad ma brjod pa med/ /ji snyed brjod pa kun rdzob yin zhes gsungs so/ /bdag gi bka' drin rang bzhin myur zhes bya ba ni/ bcom ldan 'das kyis man ngag bka' stsal pa'i drin gis sems can skal ba dang ldan pa rnams kyi rang bzhin don myur du 'thob par 'gyur ro/ /the tshom med par rnyed pa yin zhes bya ba ni/ yid gnyis kyi sems ma yin zhes bya ba ste/ nges par zung cig ces pa'i don to/ /blun po gang gis zhes pa ni/ shes rab dman pa'i byis pa la sogs pa rnams so/ /bdag ces bya ba ni/ thabs dang shes rab gnyis su med pa'i ngos thams cad la khyab kyang mthob ba ma yin no/ /mi shes pa ni rtogs par dka' ba'i phyir ro/ / ci'i phyir blun po rnams kyis mi shes she na/ de'i don gsungs na 'di yin te/ bsam gtan rags la rtag mos pa/ zhes bya ba dang/ dngos po rtog? ba la zhen pa'i phyir/ bsam gtan rags pa yin no/ /de'i rnam pa la dga'
- 262b
zhing 'dun pas na/ rtag mos pa zhes bya ba'o/ /de rnams kun ni grub pa med/ /lha yi dbang phyug bden pa'o/ /zhes bya ba ni/ bsam gtan rags pa'i rtog pa can kun gyis bla na med pa yang dag par rdzogs pa'i byang chub mi 'grub pa bden pa kho na'o/ /zhes sdud pa po la gsungs pa'i don to/ /shes rab dang thabs kyi ros thams cad la khyab pa mi mthong ba de gang yin snyam pa la/ de'i don tshigs su bcad pa gsum gyis ston te/ sa kun dbang phyug gi bdag po zhes bya ba la sogs pa gsungs te/ sa kun ni sa bcu drug gnas pa'o/ /de rnams la dbang ba'i phyir dbang phyug kyang yin la/ bdag po yin te sa de kun gyis bdag po bcom ldan 'das dpal ye shes thig le spros pa dang bral ba 'bras bu zhes bya ba'o/ /de nyid gzhan la ? ma las par bdag rang la mnga' bas mnga' bdag go /de nyid ni sa kun gyi yon tan dang ldan pa'i sangs rgyas dang byang chub sems dpa' mi thub pa'i phyir rgyal po'o/ / de nyid ni 'khor ba dang mya ngan las 'das pa'i skyon gyis ma gos pa'i phyir bdag nyid do/ /de nyid de bdag la khyab pa'i phyir/ kun nas bdag go /de nyid ni de dag gi mdza' la mi gnas pa'i phyir thams cad la rtag tu stong zhes bya ste/ chos thams cad la khyab pa tha ma'i mthar thug pa ji srid du rgyun mi 'chad par bzhugs pa'i phyir/ rtag tu stong pa dngos po dang bral ba'o/ /de nyid bsgrub bya yin pa'i phyir/ kun gyis mchod cis phyag mdzad pa'i? gnas so/ /de nyid sgyu ma lta bu'i shes rab dang/ thabs las byung ba'i phyir/ shes rab dang thabs kyi rang bzhin du grags pa'o/ /de nyid sangs rgyas dang sems can thams cad la dbang byed pas? na/ 'gro ? 'gro
- 263a
la bdag nyid rol lo/ /de nyid ni 'jig rten pa dang/ bstan bcos la grags pa'i nam mkha' las mchog tu gyur pas na/ mchog gi nam mkha' o/ /mdza' gnyis grol bas na mdza' med pa nyid do/ /gzung pa dang 'dzin pa'i rnam par rtog pa'i dngos po ni don dam par med pas na/ dngos sum du bya ba'i ye shes de yang rnam par rtog pa'i shes pa yin pa ste/ skra'i? rtse mo la 'bum gyi cha tsam yang dmigs su med pa'i phyir/ mtshan nyid dang bral gnas dang bral zhes bya ba la sogs pa gsungs so/ /bcom ldan 'das kyis bka' drin gyi man ngag gang yin snyam pa la/ chos dang longs spyod dag gi mdza' zhes bya ba la sogs pa'o/ /de la chos ni thugs gyi 'khor lo'o/ /longs spyod ni gsung gi 'khor lo'o/ /bdag ni ye shes kyi 'khor lo'o/ /mdza' ni sku'i 'khor lo'o/ /de rnams kyi don ni dga' ba rnams dang yang sbyar? par bya ba yin no/ /ye shes rnam shes ngo bo bdag ces bya ba la sogs pa gsungs pa yin no/ /dpal ye shes thig le'i bka' 'grel/ gsar? ba'i de kho na nyid ces bya ba le'u bdun pa'i bshad pa'o// //da ni ? pa dang ? kun rnams gnyis 'grub ma'i? phyir/ sbyin sreg gsungs pa ni/ de rnams zhes bya ba la sogs pa'o/ /'phrin las rnam bzhi bshad pa ni/ zhi ba zhes bya ba la sogs pa'o/ /de'i tshe brda' yis bstan pa/ rgya mtsho med ? zla ba zhes? bya ba la/ ma'i lha sbyin 'dren pan/ lag pas bskro zhing mdzub mos g.yo ba pa ste/ de'i phyir mdzub mo dang/ rgya mtsho la sogs pa'i brda bshad do/ /de la rgya mtsho bdun du grags pas rgyas pa'i kha khyad dang/ thabs su
- 263b
bsgres la mdzub bdun no/ /me ni me lha bdun zhes grags pas/ dbang gi yang mdzub bdun gyi gnas skabs kyi kha khyer dang shul dang zabs su'o/ /mig ni me lha spyan gsum par grags pas drag po'i kha khyer la/ mdzub gnyis thabs su brtsig go /zla ba ni dus bzhi zla ba re grags pas zhi ba'i kha khyer la mdzub gnyis dang/ gcig gi gsum gnyis/ zabs su gcig dang sum cha'o/ /lha'i dbang phyug tshang yin no/ zhes bya ba ni/ de rnams thab khung gi tshad yin pa'o/ /gzhan ma kun gyi rim pas gcig ces bya ba ni/ dgug pa dang bskrad pa dang/ dbye ba dang/ mnan pa dang/ bcing ba la sogs pa yang bzhi po dang gcig ba'o/ /de'i phyir sngar grub kyis ni gzhan ma grub ces gsungs so/ /dam tshig sems dpa' i rim pa la sogs pa'i don bstan pa hom khung zhes bya ba la sogs pa'o/ /yo byad kyi rim pa la sogs pa/ mkhas pa yis ni zhes bya ba la sogs pa'o/ /rnal 'byor pa sgrub pa po'i mtshan nyid tshigs bcad byed dang gnyis kyis gsungs pa/ sgrub pa'i dbang po zhes bya ba la sogs pa'o/ /de la sgrub pa'i dbang po ni bsgrub pa'i bdag po'i don yin no/ /thig le'i don ni mchog gi dga' ba'o/ / tshul naM? dga' ba'o/ /ye shes ni rang bzhin dga' ba'o/ /bye brag ni dga' ba bzhi'i mtshan nyid ni/ chad pa'i dga' ba dang bcas pa'i shes pa'i sgrub pa'o/ /rin chen rigs ni de bzhin gshegs pa'i rigs yin no/ / gzhan na re gang zag rin po che'i rigs su nges te/ slob ma la bshad pa'i skabs so zer ro/ /da ni de'i phyag rgya tshigs bcad gnyis kyis gsungs te/ rigs lnga'i gzhon nu ma ni lnga zhes bya ba la sogs pa'o/ /thod pa ma srid?
- 264a
me'i bdag nyid kyis sangs rgyas spyan du sgom pa yin te zhi ba'i las bya'o/ /bco blag ? ma'i bdag nyid kyis rgyas pa'i las bya'o/ /gtum mo sgyug mo'i bdag nyid kyis dbang gis las bya'o/ /Dom bi chung ma'i bdag nyid kyis drag po la'o/ /gar mkhan bu mo'i bdag nyid kyis las sna tshogs pa'o/ /de rnams ni rigs lnga'o/ /'khor lo bcu drug la sogs ba dang ldan pa'i gzhon nu ma de rnams so/ /sbyin sreg las ni don bsgrub phyir zhes bya ba ni/ sbyin sreg phyi'i las kyi don nang la sogs pa'i sbyin sreg gi de kho na nyid bsgrub pas ni gzhan rnams kyang 'grub par 'gyur ro/ /don chen po de nas de'i phyir/ rigs lnga dan mo ni 'jug par bya zhes gsungs so/ /de rnams kyi don ji ltar sgrub snyam pa la/ don bsgrub pa'i don gsungs te/ shes rab thabs kyis cho ga yis zhes bya ba la sogs pa'i tshigs bcad phyed dang gnyis so/ /'o na don gyi 'bras bu gang yin zhe na/ de'i 'bras bu bstan pa 'di yin te/ don dam du ni phyi don min zhes bya ba la sogs pa'o/ /da ni kun rdzob kyi don dam pa'i de nyid rnyed pa bshad de/ rkun rdzob rnam pa'i gzugs su ni/ zhes bya ba la sogs pa'o/ /kun rdzob rnal pa'i gzugs ni/ rnal 'byor pa dang/ phyag rgya gnyis lha'i gzugs sgyu ma'i bdag nyid dang ldan par bskyed do/ /kun brtags ni rang gi ngo bo ma grub pa'i phyir ro/ /ye shes ni dga' ba rnams kyi ngo bo yin no/ /sbyor ba yis zhes bya ba ni/ thabs dang shes rab/ A li kA li ro gcig par sbyor bar 'gyur bas so/ /dga' ba dang mchog gi dga' ba dang/ chad pa'i dga' ba ni rim pas bstan pa yin la/ gnas ni rnyed par 'gyur zhes bya ba ni/ bzhi brten med pa'i rang bzhin dga' ba'i
- 264b
rgyal po rnyed cing mthong gi skye ba ni ma yin no/ /ci'i phyir zhe na/ skye ba med pa dang/ 'gag pa med pa dang/ 'pho ba dang/ 'jig pa med pa'i don ni mdo dang/ sgrub thabs la sogs pa kun nas gsungs pa'i phyir ro/ /de bas na zhes bya ba ni/ gtan tshigs so/ /thams cad ni sems can kun bla na med pa'i byang chub sgrub pa la 'bad pa chen po bya dgos zhes bya ba'i gtan tshigs 'dir ro/ /rnam pa thams cad ni thams cad mkhyen pa'i ye shes la mnga' pa'i sangs rgyas thams cad do/ /mchog ni rdo rje 'dzin pa nyid do/ /de rnams kyi rgyur 'gyur bsan man ngag gi yin no/ /thabs sna tshogs pa gzhan yang gsungs pa/ rang dang gzhan rnams 'grub don tu/ zhes bya ba la sogs pa'o/ /dpal ye shes thig le'i bka' 'grel/ gsang ba'i de kho na nyid ces bya ba/ le'u brgyad pa'i bshad pa'o// //da ni go rims kyi gtor ma chen po dang bcas pa 'byung bas na/ de nas yang ni bshad bya ba/ zhes bya ba ni/ yang gi sgras sngar bstan pa yod pa de'i rjes su bshad pa'o/ /tshogs kyi 'khor lo gtor? chen po zhes bya ba ni/ dam tshig dang ldan pa'i rnal 'byor pa rnams thabs dang shes rab 'dul pa rtsa pa'i gtor ma ka ? bu gcig pa dang ldan pa 'am/ yang na bum? bu gsum gtor ma chen po'i snod byas te/ de nyid dang ldan pa'i sems kyis gtor mchen po'o/ /phyi ma naM sum thog gnas su naM/ rim pa gsungs pa'i gnas su/ bcom ldan 'das 'khor dang bcas par sgrub pa po byin gyis brlabs par bya ba yin no/ /ci'i phyir zhe na/ de dgongs pa ni 'di yin te/ chom rkun kun dang bral ba yi zhes gsungs so/ /phyi rol yul min nang gi min zhes bya ba ni/ gzhan gyi gnas ni
- 265a
phyi rol yin te/ gzhan ni gnas su bar chad byed pa'i chom? rkun la sogs pa'i bgeD 'byung pa'o/ /nang du yang mi bsgrub/ de ci'i phyir zhe na/ de ni bdag gi gnas yin te/ 'khor gyi 'du 'dzi mang bas mi dben no/ /slob dpon ni sgrub pa po rnal 'byor pa'i gtso bo yin la/ 'dus pas brgyan pa ni/ 'khor la sogs pa dang ldan pas brgyan cing mdzes par byas pa'i don yin pa'o/ /rdo rje mda' ni rnam bar gzuD shes bya ba la sogs pa'o/ /de ru mchod sbyin don du ni zhes bya ba la sogs pa'i mchod sbyin ni rnal 'byor pa rnams dang gtor ma'i rim pa bya'o/ /byol song rab kyi gzugs ni glang zhes bya ba ni/ rig pa med pa'i ph yir na byol song rab shi ba'i ro dang mtshungs so/ /de yang bdag dang bral ba'i phyir ro ste/ rnal 'byor pa yis kyang chos bdag gir 'dzin pa spangs pa'i phyir blang bar bya'o/ /gri gug rung bas brtag par bya zhes pa ni/ nyon mongs pa rnams gcod pa'i bdag nyid ni/ shes rab kyis de rnams brtag par bya'o/ /de rnams kyi rang bzhin shes par bya zhes bya ba'i tha tshig go /de nas yang 'di blta ste yan lag rab ni mgo bo'i thod pa yin no/ /pad+ma'i snod ces bya ba ni/ thod pa yang yin la pad+ma yang yin te/ pad+ma dang ldan pas so/ /snod kyang yin te bdud rtsi'i snod do/ /sgron ma lnga ni/ glang po che'i stobs la sogs pa'o/ /bsres pa ni mnyam par sbyar nas bsres pa'o/ /gang dang sbyor ba zhe na/ de gsungs pa/ de bzhin gshegs pa lnga dang ldan zhes bya ba ni/ mi bskyod pa ni slar rtsi'o/ /rnam par snang mdzad ni bzhi mnyam mo/ /rin chen 'byung ldan ni si la'o/ /'od dpag med ni ga pu ro/ /don yod grub pa ni stobs chen po'o/ /ldan pa
- 265b
ni bsres nas ye shes kyi bdud rtsis ro mnyam par byas pa'o/ /de ru dam tshig dag pa ni zhes bya ba la sogs pa la/ tshogS kyi 'khor lo'i gnas skabs de ru dam tshig 'da' bar mi bya bas na dam tshig go /nyes pa'i skyon rnams ma 'byung ba'i phyir dag pa'o/ /rtag tu ni gnas skabs thams cad du rgyun chad pa med pa dus gsum du'o/ /bdag rang ni shi yis dogs pa dang/ snang pa dang lhung gi dogs pa la sogs pa dang ldan pa'o/ /bzhin du bsrung zhes bya ba rnal 'byor pa'i bla ma dang/ rnal 'byor po mo rnams la sogs pa la/ srog dang bral gyis dgos pa'i bsam pa la sogs pa bzhin du bsrung ba'o/ /dam tshig bsrungs pas ci zhig dgos snyam pa la/ de'i dgos pa 'di lta ste/ dam tshig bsrungs grub pa ni/ lha'i dbang phyug rnyed pa'o/ zhes gsungs so/ /de'i don ni/ bcom ldan 'das kyi byang chub sems dpa' lha'i dbang phyug la bos nas yon tan gsungs pa ste/ de yang thun mong gi dngos grub dang/ mchog gi dngos grub rnyes par byed pa'i rgyu dam tshig yin gyi/ gzhan du na skye ba 'dir yang mi bde ba sna tshogs pa 'byung la/ shi 'phos nas kyang mnar med pa'i sems can dmyal ba la sogs par skye'o/ /de skad du rgyad la sogs pa kun nas kyang gsungs so/ /de bzhin du 'dir dgos pa'i thig le'i rgyud las kyang/ dam tshig nyams pa'i sems can ni/ /rgyal po blun po? rkun ma dang/ /gcan zan gza' dang sa bdag rims/ /me chu dug dang mkha' 'gro bdun/ /yid du mi 'ong sna tshogs dang/ /dug min shi nas mnar med 'gro /zhes gsungs so/ /da ni bza' ba'i dam tshig bshad de/ dam tshig mchog gi ye shes te/ zhes bya ba la sogs pa la/ gza' ba' i dam tshig kyang/ de bzhin du shes
- 266a
par bya'o/ /mchog ni bdud brtsi lnga'o/ /ye shes ni de bzhin gshegs pa'i bdag nyid ngo/ /dad pa ni 'dod pa la sogs pa'i dngos po'o/ /rtag tu bza' ba ni/ zas la ji srid spyod pa de srid du bdud rtsi lnga dang/ stobs lnga dang ldan par byas la bza' pa'o/ /de dag ni rigs lnga'i dam tshig go /de nas 'khor lo'i mchod pa la sogs pa gsungs pa/ dgyes pa'i dam tshig zin nas ni zhes bya ba ni/ bsrung ba la sogs pas mnyes par byas nas/ de ma thag tu dkyil 'khor du mchod pa'o/ /de yang 'di skad gsungs te/ 'khor dang bcas rigs rab ces bya'o/ /de nas gtor ma dbul ba ni/ rab tshim byas nas gtor ma dbul zhes bya ba la sogs pa la/ gtor ma ni bdud rtsi la sogs pa dang bcas pa'i gtor ma'o/ /de'i gnas la sogs pa nam phyed ni gtang ba'i dus so/ /mkha' 'gro ma'i rgyun srang gi lam ka bzhi mdo 'am/ yang na lam sum mdo gyes pa de ru gtor ma bskyal bar bya ba'i gnas tshogs kyi 'khor lo gtor ma chen po dang bcas pa'i gnas bstan par bya ba 'di yin te/ dur khrod dam ni chu ngo gsu zhes gsungs so/ /gzhan du na de ru ni tshogs kyi 'khor lor ro/ /dam tshigs 'di 'da' bar mi bya ste/ chad pa la sogs pa'i rtog pa bsrung pa dag pa ni/ rang bzhin dga' ba mchog /rtag tu ni dus rtag tu bsgoms pa'i stobs bskyed par bya/ bdag rang ni srog dang bral gyi dogs pa la sogs pa bzhin bsrung ba ni/ de gnyis su med pa'i don la 'bad pa ste chad pa'i dga' ba bsrung pa'o/ /de'i don 'di lta ste/ dam tshig ni mchog gi dga' pa bsrungs ni/ chad pa'i dga' ba dang/ 'grub pa ni/ rang bzhin dga' ba rnyed pa ni/ rang bzhin dga'
- 266b
mchog rnyed par 'gyur ba'i don to/ /da ni bza' ba'i dam tshig bshad par bya'o/ /dam tshig ni bza' ba ste chad pa'i dga' bar de bzhin du/ mchog ni mchog gi dga' bar/ ye shes ni chad pa'i dga' bar/ dad pa ni 'dod pa'i dad pa la sogs pa/ rtag tu gza'i ni/ rang bzhin dga' ba'i don rgyun tu bza' zhing nyams su myong bar bya zhes pa'i tha tshig go /dgyes pa'i dam tshig zin nas su zhes bya ba ni/? phung po dang khams dang/ skye mched la sogs pa yang dgyes shing tshim pas dga' ba'o/ /'khor lo ni/ bde ba chen po la sogs pa bcas pa ni/ rtsa gzhan rnams dang bcas pa/ rigs ni rigs dang rigs can mi rtsa kun/ rab tshim ni/ khyad par du yang de dag gis dgyes pa'i don to/ / gtor ma ni bar chad kyi bgegs bsrung pa'i phyir/ dbul pa ni gnas so/ /nam phyed ni mchog gi dga' bas phyin ci log gi mtshan ma mi mthong ba'i phyir/ lam gyi bzhi mdor ni/ rtsa ba'i bzhi mdor bsdu'o/ /yang sum mdor gyes pa ru ni/ utpal la'i snying po brgyad pa dang bcas pa'i lte bar ro/ /dur khrod ni dbugs dang? bral ba'i byang chub sems kyi ro/ /chu ngogs? na/ bde chen du zhes man ngag gis shes bya'o/ /da ni gtor ma bshad de/ lhag ma 'am ni yang na phud ces bya ba la sogs pa'o/ /rang gnas phyir na zhes bya ba la sogs pa ni/ sgrub pa po rang gi khyim du phyin pa ste/ gtor ma gtang la zhes tshig gi lhag ma'o/ /'khor lo ni zhes bya ba ni/ 'khor gyi rnal 'byor pa rnams la ni mi gcig gi snod brtag pa yin te/ kun la yang de yis so/ /slob dpon la ni dum bu gcig ces bya ba ni thod pa gling gcig pa ru bdud rtsi dbul lo/ /'bad pa yis ni bsrung par bya zhes bya ba la
- 267a
sogs pa ni/ mi 'bo ba dang/ mi sbyin pa la sogs pa'i dam tshig yin no/ /ma rgyud kyi dam tshig yin no/ /ma rgyud kyi dam tshig gsung ba/ g.yon gyi zhes bya ba la sogs pa'o/ /de'i dus su gal te/ rnal 'byor ma brtag pa'i don gyi phyir 'od na zhes bya ba la sogs pa ni/ tshogs kyi 'khor lo dang gtor ma chen po'i dus su ni/ mkha' 'gro ma 'ong ba srid pas zhes bya ba'i don to/ /ci'i phyir zhe na/ brtag pa'i don gyi phyir/ zhes gsungs te/ dam tshig brtag pa'i ched du don 'ongs pa'i mkha' 'gro ma rnams so/ /de la re zhig 'jigs par mi bya ste zhes bya ba la/ mkha' 'gro ma rnams de la'o/ /re zhig ni/ rim gyis 'jigs par mi bya'o/ /ci'i phyir zhe na/ rim pas de rnams 'ongs nas so/ /rang nyid dam tshig ldan par bya la/ de kho na nyid dmigs pa yis zhum pa'i sems mi bskyed de/ de kho na nyid dang ldan pas seng ge lta bu ste/ byol song lta bu'i rnam par rtog pa la mi 'jigs pas na seng ge'i gzugs kyis spyod pas/ rnam pa thams cad du 'jigs pa med par spyod pas ni/ de'i rang bzhin nyid kyis yongs su 'gro ba'o/ /de yang rnal 'byor ma zhes bya ba la sogs pa gsungs so/ /de yang rnal 'byor ma kun gzugs sna? tshogs dang/ phyag rgya sna tshogs dang/ skad sna tshogs rab tu byed do/ zhes bya ba la sogs pa la lus kyi brda dang/ de'i lan du ngag? gi brda de'i lan dang rim pa bzhin gsungs so/ /de dang lhan cig gtor mtshan po zhes bya ba la sogs pa ni/ dngos grub rnyed pa'i rgyu? yin pas gtor ma la sogs pa'i cho ga ji lta ba bzhin no/ /dpal ye shes thig le'i bka' 'grel/ gsang ba'i de kho na nyid ces bya ba/ le'u dgu pa'i bshad pa'o// //de nas byang chub sems dpa' zhes ?
- 267b
ba ni mdor bsdus pa ni yan lag rgyas par bshad pa'i don rig nas/ bcom ldan 'das la dkyil 'khor gyi nges pa'i don zhus pa ji ltar lags shes zhus pa'o/ /sngar gsungs pa'i rgyud don las zhes bya ba la sogs pa ni/ gzhal yas khang la sogs pa dang/ mngon par byang chub lngas? bskyed pa la sogs pa'o/ /de lta'i dkyil 'khor rgyal dbang bo zhes bya ba ni/ sngar bshad pa'i dkyil 'khor nang gi rim pa dang/ phyi'i rim pa ni/ de bzhin gshegs pa thams cad kyi bdag po yin no/ /de'i dbang po ni bcom ldan 'das yin no/ /de bas na bdag po yin no/ /rgyud kun tu ni rnyed dga' ba zhes bya ba ni/ rnal 'byor pa thabs dang shes rab rgyud rnams su rnyed par dka' ba de 'dir gsal bar bstan pa'o? byang chub sems dang b+ha ga sku/ /dkyil 'khor gsum ni rang mchog go /zhes bya ba ni sngar ka ba gcig dang/ sgo dgu pa sogs pa gsungs pa dang/ rim pa gnyis bstan pa'i dkyil 'khor dang/ 'og nas 'byung ba'i don rnams kyi dkyil 'khor byang chub sems la sogs pa'o/ /de dag gi phyi dang nang gnyis so/ /ci'i phyir byang chub sems kyi dkyil 'khor la sogs pa gsum phyi dang nang yin zhe na/ de dag ni phyi dang nang du dbye ste/ de skad du/ gnyis su med pa'i rgyud las kyang/ sku dang d+ha ga'i dkyil 'khor dang/ /gsum pa byang chub sems brtag pa'o/ /phyi dang nang gi rim pa yis/ /de dag kun tu spyad par brjod/ ces gsungs pa dang/ yang gleng gzhi'i phyi ma'i rgyud las kyang/ /lus kyi dkyil 'khor brjod pa dang/ b+ha ga'i dkyil 'khor zhes pa dang/ /byang chub sems kyi dkyil 'khor te/ /dkyil 'khor rnam ba gsum du brtag du ma'i brtag pa'i rab 'byung ba/ /gang la mnga' bdag kun tu spyod/ /yang dag rig dang rang
- 268a
brtag pa'i/ /phung po rnam gnyis brjod pa yin/ zhes gsungs pa dang/ yang dpal in+d+ra d+hU tis mdzad pa'i dga' ba'i me tog gi phreng ba las kyang/ dkyil 'khor sku zhes brjod pa dang/ /dkyil 'khor b+ha ga ra bshad pa dang/ /dkyil 'khor byang chub sems brjod de/ /dkyil 'khor gsum du brtag pa'o/ /de lta bu'i man ngag shes pas/ phyi dang nang gi rim pas spyad par bya'o zhes gsungs pa'o/ /de'i phyir yang ni snying po'i dkyil 'khor bstan ces bya ba la sogs pa la/ yang zhes bya ba'i sgras sngar bshad kyang 'dir bstan ces bya ba'i don to/ /snying po ni yang dag pa'i thugs ye shes/ dkyil 'khor ni rdzogs pa'i mtshan nyid bstan pa ni bshad par bya'o/ / rang gi bde ba ni/ maN+Dal zhes bya ba ste/ snying po dang ldan pa'o/ /len pa zhes bya ba ni/ sgra'i dbyangs kyi la ni len pa'i don te/ de yang la ti zhes pa'i yi ge la bzhag ste/ phyi ma ti phyis? pas snying po len pa'i phyir na/ dkyil 'khor ro/ /da ni snying po len pa'i don ston te/ ma'i yig 'gru 'dab mar brjod/ ces bya ba la sogs pa la maN+Dal zhes pas snying po len pa'i bdag nyid kyi dkyil 'khor du brjod do/ /kha cig na re ma'i yig 'bru bdag? mar brjod ces bya ba la sogs pa la/ pad+ma zhes bya ba'i yi ge pa dang/ de phyis nas ma bzhag pa ni ma'i yig 'bru 'dab mar zhes bya ba'i sgras bshad do/ /ma'i yig 'bru lte bar bstan ces bya ba la sogs pa yang/ sgra'i ? dang sbyar la bshad do zer ro/ /kha cig na re maN+Dal pad+ma zhes bya'i sgras dkyil 'khor pad+ma'i 'dab ma dang/ lte ba dang/ ge sar dang/ bde ba kun ldan pa bzhin du gzhan rnams kyang mtshungs so zhes zer ro/ /kha cig na re me'i?
- 268b
yig 'brus shes bya ba la sogs pa la/ ma ti zhes bya ba'i ting de phyis ba'i mdangs ru sbyar ro/ /na'i yig 'bru chu ni pi na'i ba dang 'ge'u phyis pa'o/ /de bzhin da ha ni bsreg pa ste/ ha phyis pas da'o/ /des na da'i? yig 'bru ni me zhes bya'o/ /la yang de bzhin te/ 'byung ba bzhi pos ni/ phyi nang gi dngos bo kun la khyab pa yin no/ /de bzhin du dkyil 'khor lnga po kun la yang sbyar bar bya'o zhes zer ro/ /de'i don bcom ldan 'das kyis gsungs pa ni/ yang ni snying po'i dkyil 'khor bstan/ /rang gi bde ba len pa'i phyir/ zhes bya ba'i nges tshig dang/ bcas nas bshad pa dang/ yang 'og nas ye shes rnyed pa yi phyir/ bde ba yi ni chen po len/ zhes gsungs pa'i phyir na/ skabs 'dir sgra'i dbyi gzhug mi dgos la/ de bzhin du/ bcom ldan 'das ni rnam pa thams cad du yang gdul bya rnams la log pa'i chos gsung mi srid pas na/ kho bo ni mi 'dod pas snga ma bzhin no/ /'on kyang 'dir bka' stsal ba'i gzhung bzhin bshad pa la ni skyon med do/ /ma'i mig 'bru zhes bya ba la sogs pa la/ rnal 'byor ma rnams kyi snying po len pa'i don gsungs pa ni/ ma'i yi ge'i 'bru 'dab mang brjod ces bya ba ni/ dad pa ma drug cu rtsa bzhi? dang ldan pa'o/ /lte bar bstan pa ni/ 'dab? ma brgyad dang bcas pa ge sar dag ni gsum pa dang bcas pa/ la'i yig 'dru ste bar bshad pa ni/ drug cu rtsa bzhi dang/ brgyad dang/ gsum pa'i lte ba dang bcas pa snying po rnams ni la'i yig 'bru don gyis blangs la ni/ bde ba'i rang bzhin no/ /rnal 'byor pa rnams kyi/ snying po len pa'i phyir gsungs pa ni/ ma'i yig 'bru rin chen grags zhes bya ba la sogs pa'i don yin na pa'o/ /de dag gi byang chub sems dang ldan pa'i snying po len pa'i phyir? don bshad
- 269a
pa ni/ ma'i yig 'bru shu kra'i gzugs zhes bya ba la sogs pa yis la'i don to/ /kA snang ba bzhi bsgoms pa'i rang gi snying po len pa'i phyir/ ba ni snang ba'i 'du shes grags zhes bya ba la sogs pa gsungs pas len pa'o/ /dga' ba bzhi dang ldan pa'i rnal 'byor pa snying po len pa ni/ ma'i yig 'bru dga' bar grags zhes bya ba la sogs pa'i mtshan nyid gsungs so/ /shuk+Sha? zhes bya la/ shu ni skye rgan 'chi'o/ /k+Sha ni de k+Sha kA tsa ste sog le ltar gcod cing 'jigs par byed pa'i phyir/ dga' ba'i rim pas mchog gi dga' ba len pa'o/ /de ni sa la sogs pa rnams rang gi snying po len pa'i phyir/ ma'i yig 'brus zhes bstan ces bya ba la sogs gsungs te/ sa dang chu dang me gsum po'i rang gi snying po ni/ rlung gis len pa ste/ sa'i rim pas rlung gi bde ba'i ye shes su 'gyur ro/ /ye shes rnyed pa yi ni phyir/ zhes bya ba la sogs pa gsungs so/ /da ni de kho na nyid kyi mtshan nyid ston to/ /dkyil 'khor sangs rgyas rin chen gtso/ /zhes bya ba la sogs pa gsungs so/ /bur shing zhes bya ba la sogs pa'i dpe yis don bstan pa yin no/ /'on kyang zhes bya ba la sogs pa la/ gzhan du gol gyis dogs pa la sogs pa'o/ /dpal ye shes thig le'i bka' 'grel/ gsang ba'i de kho na nyid ces bya ba las le'u bcu pa'i bshad pa'o// //rnal 'byor gyi dbang phyug gi byang chub sems dpa' la sngags la sogs pa'i don rdzogs par bya ba'i phyir/ yang byang chub sems dpa' chen po zhes bya ba la sogs pa'o/ /sngags kyi bzlas pa'i nges don ni/ zhes bya ba la sogs pa la/ shes rab snying rje'i bdag nyid de kho na nyid sngags so/ /de'i ?
- 269b
man ngag ni bzlas pa thabs khyad par can ni nges don yin no/ /de gsungs pa dga' ba la sogs pa las 'byung/ yid ni sngags zhes brjod pa yin/ zhes pa ni/ yid bskyob pa'i don gyis ni/ kun tu bzang po nyid thob par byed pa nyid sngags so/ /de skad du/ yid kyi gzugs 'di ye shes don/ sngags ni ye shes yin par brjod/ gnyis med yid 'di skyob pas na/ gal te de lta na yang sngags zhes bya'o/ /bsrub pa ni shes rab las kyi phyag rgya'o/ / bsrub thabs ni/ thabs snying rje chen po'i bdag nyid do/ /sngags ni de kho na dga' ba dang bcas pa'o/ /bdud rtsi ni mchog gi dga' ba sngags de nyid dang bcas pa'o/ /de bzhin du lam ni chad pa'i dga' ba/ thar pa rang bzhin dga' ba'o/ /tshig rgyas pa ni de bzhin no/ /zhes bya ba ni/ de rnams kyis bo la dang kak+ko la rgyas pa'o/ /phrad pa ni rang bzhin dga' ba ru ldan pa'o/ /gnyis ni mchog gi dga' ba dang/ /rang bzhin dga' ba'o/ /dbus na gnas pa ni/ chu skyes kyi dga' ba'i dbus kyi snying por gnas pa'o/ /de nas gnas bral ba'i mchog gi rang bzhin mthong ba ni/ don dam pa'i de kho na nyid 'di ni sngags so/ /de nyid 'bras bu'i bdag nyid yin te/ de skad du/ rnal 'byor chen po'i rgyud las kyang/ /dus gsum rgyal bas ma byas pa'i/ /rtog pa nam mkha' dbyer med sngags/ /'di nyid kho na don dam ste/ /so so rang rig mtshan nyid do/ /zhes gsungs so/ /sngags ni A li kA li yin zhes bya ba la sogs ni rtog med ma'i snying gar gnas pa'i mi shigs pa'i yi ge'o/ /A li ni chad pa'i dga' ba'i ngo bo'o/ /kA li ni mchog gi dga' ba'i ngo bo brjod pa ni/ dad po dga' ba'i rang bzhin bzlas pa ni bsdus
- 270a
pa'i don no/ /skyed pa ni/ las kyi phyag rgya ma'i mtshan nyid do/ /rdzogs pa ni/ dam tshig gi phyag rgya'i mtshan nyid do/ /bye brag ni mi gcig pa'i rim pa'o/ /de dag las byung bas na/ sngags kyi bzlas pa rab tu grags/ zhes gsungs so/ /de nyid rtog pa'i yul ma yin pa'i phyir/ gang du ske? dang rkan zhes bya ba la sogs pa'o/ /srog no/ /lugs ni/ bskyed pa'i rim pa'i lugs su 'byung pa'o/ /lugs chub sems kyis rgyas pa'i rang bzhin no/ /lugs ni/ bskyed pa'i rim pa'i lugs su 'byung pa'o/ /lugs min ni rdzogs pa'i rim pa'i lugs las bzlog pa'o/ /rgyun mi 'chad pa ni/ bde ba chen po'i rang bzhin du gnas pa'o/ /thig le gsum ni/ byang chub kyi sems bde ba'i thig le gnas gsum dang ldan pa/ yi ge gsum ni/ dbyangs dang/ gsal byed dang/ ma ning gi mtshan nyid do/ /dag pa ni mi shigs pa'i thig le mchog gi yi ge'i rang bzhin 'di ni mtshan ma la sogs pa'i dbang gis ma yin no/ /rang 'od rig bcas ni/ phyag rgya de dag gi mtshan nyid do/ /de yang bcas pa ni gzhan yod pa bsdu'o/ /brjod par bya ba ni/ dga' ba dang/ snang ba dang/ phyag rgya la sogs pa yis de kho na nyid mtshon pa'o/ /de ni sngags la sogs pa la gzhan bshad ba de gsal bar ston te/ rkang gi nang du lci? bcug pa zhes bya ba la sogs pa rtsa bzhi nye bar rnyed pa la sogs pa'i man ngag go /mchod kyi ? pa'i don to/ /sprul pa'i rim pa'i bye brag tu zhes bya ba la sogs pa sprul pa ni/ lte ba'i 'khor lo drug cu rtsa 'dab ma dang bcas pa'o/ /rim pa ni chos kyi 'khor lo la sogs pa gsum pa'o/ /bye brag tu ni dkyil 'khor dang lus
- 270b
la sbyar ba'o/ /thig le grags pa ni/ bskyed pa'i rim pa'i don dang/ byang chub sems kyi thig le dbyer med pa'o/ /bde ba'i sku ni/ ye shes kyi sku'i mtshan nyid can yin no/ /mchod sbyin dkyil 'khor gyis rgyan pa/ zhes bya ba ni rdo rje legs dgyes ma la sogs pa'i lha mo kun dang/ de bzhin du la la nA la sogs pa'i bdag nyid bcas pas/ bcom ldan 'das la bskor cing brgyan pa'o/ /de'i bskyed rim bdag nyid bshad/ cas bya ba ni ji lta ba bzhin du 'og nas bshad par gsungs so/ /dpal ldan rdo rje 'dzin pa yis/ /zhes bya ba la sogs pa la/ dgyes pa'i gnas ni orgyaN? dang/ dza land+ha ra dang/ pu li ra ma dang/ ka ma ru pa la sogs pa sum cu rtsa gnyis dang/ de bzhin du mgo bo dang/ spyi gtsug la sogs pa la yang sbyar la de bzhin du rgyud? kyi gzhung ngo/ /yang sum cu rtsa drug gi bdag nyid kyis gnas brgyad dang sbyar pa'o/ /mchod sbyin ni/ lha mo rnams dang bcas pa'i mchod sbyin no/ /dpal ldan rdo rje 'dzin pa yis/ zhes bya ba ni/ bcom ldan 'das de bzhin gshegs pa thams cad kyi ngo bo gnyis su med pa'i ye shes grub par 'gyur ro/ /mchod sbyin bya/ zhes bya ba la sogs pa la/ mchog gi dga' ba ni/ bcom ldan 'das rdo rje 'dzin pa nyid de/ mchog gi dga' ba'i mtshan nyid can no/ /'byung ba ni sgrub pa po nyid de bzhin du 'byung ba'o/ /mchod sbyin ni 'byung par byed pa la 'gyur bshad do/ /mchog dga' ba 'khor bar bstan ces bya ba ni/ rnam par? rtog pa'i thabs kun rdzob 'khor ba'i mtshan nyid shes nas mya ngan las 'das pa'o/ /de skad du/ 'khor ba yongs su shes pa ni/ mya ngan las 'das par bshad pa'o/ /yang na 'khor ba mchog gi dga' / ? na las 'das pa chad pa'i dga' ba'o/
- 271a
de dag 'brel pa mchod pa dang mchod sbyin no/ /kA li ye shes mtshan nyid do/ /zhes bya ba ni/ kA li dkyil 'khor lus dang ldan pa'i mtshan nyid kyi ye shes so/ /sku brgyad bdag nyid mchod sbyin ni/ zhes bya ba ni/ gnas kyi rim pas dbye bas sku'i bdag nyid ston te/ de phyir gnas brgyad par ni mchod sbyin bya/ zhes gsungs so/ /gnas dang nye ba'i gnas la sogs pa'i dngos po can rnams so/ /ji bzhin zhes bya ba ni/ de ji lta pa bzhin du rnal 'byor pa rnams kyang 'byung ste/ tha mi dad bar gcig pa'i mtshan nyid kyis 'byung zhing gnas ba'o/ /sum cu rtsa gnyis yid gzugs kyi zhes bya ba la sogs pa la/ yi ge ni mi 'gyur ba'i phyir ro/ /gzugs ni byang chub sems kun rdzob las don dam pa/ kA li ni ka ka la sogs ba sum cu rtsa gnyis yang na oM nas swAhA'i bar du rnal 'byor ma rnams kyi sngags sum cu rtsa drug gi ngo bo/ /thig le zhes bya ba ni/ lus la gnas pa'i yi ge'i mtshan nyid dang ldan pa'o/ /gtso bo zhes bya ba la sogs pa ni go sla ba'o/ /yang na ni sprul pa'i rim pa'i bye brag tu zhes bya ba la sogs pa la/ sprul pa ni lte ba'i gnas drug cu rtsa bzhi'i 'dab ma dang bcas pa'o// rim pa ni brgyad pa'i pad+ma rig ba'i gzugs can dang/ gsum pa re bya dang ba'o/ /thig le ni kun rdzob kyi byang chub sems kyi ngo bo'o/ /grags po ni mchog sbyin gyi skur bcom ldan 'das gyis gsungs pa'o/ /bde ba'i skur ni ye shes kyi sku'i rang bzhin no/ /mchod sbyin dkyil 'khor gyis brgyan pa zhes bya ba la sogs pa ni/ bde ba'i bdag po nyid la rtsa'i mkha' 'gro ma rnams kyis bskor ba'o/ /bcom ldan rdo rje 'dzin pa yis/ zhes bya ba la
- 271b
sogs ba ni sngar bstan pa byas so/ /mchog dga' 'byung ba mchog sbyin no/ /zhes bya ba la sogs pa la/ mchod sbyin gyi 'bras bu mchog gi dga' ba'i don yang na mchog gi las chad ba'i dga' ba dang/ rang bzhin dga' ba brten dang bcas pa dang bral ba'i phyir na/ rab kyi dkyil 'khor du gsungs so/ /der ni zhes bya ba ni/ gnas brgyad pa'i dbus kyi lte bar bya'o/ /mchog gi dga' ba 'khor bar bstan ces bya ba la sogs pa la/ mchog gi dga' ba 'khor ba thabs kyi bdag nyid can kA li'i ye shes te/ gsang ba'i pho brang mdud pa'i skor ro/ /chad ba'i dga' ba mya ngan las 'das pa'i shes rab kyi mtshan nyid can/ A li'i ye shes pa'i pho brang gi gnas so/ /des ni mchod pa'i 'bras bu'o/ /sku brgyad ces bya ba la sogs pa ni go sla bsam bshad do/ /'on kyang 'di'i don ni gnas ni bdag la sogs pa dgyes zhes bya ba'i skabs su rgyas par ma bshad pa'i don to/ /gru gsum dbus su bcom ldan 'das zhes bya ba la sogs pa ni/ dngos po la zhos? bzhi'i bdag nyid dang dga' ba bzhi'i rang bzhin nyid kyis bstan par bya'o/ /de lta bu'i nang gi 'bar ma bde ba chen bo'i 'khor lo na yod pa'i rtsa sum cu rtsa gnyis rnam par dag pas zhes bya ba ni/ sngar bstan pa'i ye shes sems dpa' i dkyil 'khor dang/ mchod sbyin gyi dkyil 'khor gcig pa'i phyir/ nang gi 'phar ma'o/ /de yang 'khor lo bzhi rnam par dag pa'i rang bzhin bde ba chen po'i 'khor lo rnam par dag ba'o/ /phyi ma'i phyi ma'i rgyud ces bya ba'i/ rtsa? ba'i rgyud sngar yod pa'i phyag rgya chen po'i thig le'o/ /yang na sngar gsang ba 'dus pa'i de las phyi ma la sogs pa'i dam ba'o/ /go rims kyis ni rgyud kyi rim pa rtsa ba dang brtog? pa dang/ phyi ma dang phyi
- 272a
ma la sogs pa la/ le'u nyi shu'i gzhung bzhin du bshad do/ /rnal 'byor rnams nang gi rnam par dag pa'o/ /zhes bya ba ni/ sgrub pa po rnams kyis lus kyi rtsa dang/ bskyed rims kyi don mkha' 'gro ma'i mtshan nyid du shes bar bya zhing nan tan du bya'o/ /da ni mchod pa'i dkyil 'khor bstan pa'i phyir/ byang chub sems dpa' sems dpa' chen po lta'i dbang phyug phyi rol tu mtshan dang/ dpe byad dang ldan pa rnams dang bcas pa brgyad gnyis skyil lo/ /byad gzugs rgyas pa chen po zhes bya ba la sogs pa ni mchod pa'i dkyil 'khor 'dir bstan pa dang/ sngar dam chig sems pa'i dkyil 'khor rnam pa dang bcas pa tha dad pa ma yin te/ dbyer med pa'i mtshan nyid do// 'di'i rnam par dag pa ni/ longs spyod kyi 'khor lo nang na yod ba'i rtsa zhes bya ba la sogs pas bstan to/ /gzhan yang dga' ba bcu drug nang gi dag pa dang/ phyi rol gyi yul lnga dang 'byung ba lnga dang/ dbyings dang/ ye shes dang/ 'dod chags dang/ gti mug dang/ nga rgyal dang/ phrag dog rnam par dag pa'o/ /zhes gsungs so/ /de bzhin du gtso bo yang snga ma'i ni zhal bcu drug pa yin la/ phyi ma'i ni brgyad par gsungs so/ /mchod pa dang mchod sbyin dbyer med par bstan pa ni/ nyi ma'i ni thig le ye shes shar zhes bya ba la sogs pa gsungs so/ /de dag rgyu 'bras kyi don 'di yin/ nyi ma'i dbus nas zla ba 'byung// zhes bya ba la sogs pa'o/ /'o na bde ba'i rang bzhin chags pa chen po dngos po med pa snang ba med pa zhig yin nam zhe na/ de bzhin ma yin te/ chags pa chen po dngos med na/ zhes bya ba la sogs pa gsungs so/ /'jig rten ma'i 'dod chags la zhen du dogs ba de gsal ba'i phyir/ tha mal
- 272b
pa yi bde ba min/ zhes bya ba la sogs pa yis bstan to/ /bde che'i ba'i nang tu ni/ zhes bya ba la sogs pa la/ dpal in+d+ra b+hU ti rgyal po'i zhal snga nas bka' stsal pa/ 'khor gsum tha dad gnas su ni/ /cha dang thig le dang ni tshul/ rgyu dang 'bras bu'i bye brag gis/ /kun rdzob rnam pa'i gzugs kyis so/ /brgyad brgyad pa yi pad lte'i nang/ /de min lhag ma'i rim par ni/ /tshul tsam mchod dang gzhan mchog 'di/ /bskyed dang rdzogs pa'i rim pa yis/ /sbyor ba drug gi rnam par shes/ /rnam shes ye shes la thil nas/ /rang rig brjod bral bde ba che/ /rtag tu gom pa yis ni shar/ /zhes gsungs pa'i don bla ma bar ma chad pa'i rim pas mdzad do/ /slob dpon mdz+nyA na kI d+hi'i zhal snga nas 'di ltar bshad te/ rgyu yi bdag nyid ma chogs pa'i/ /rim pa yis ni bstan pa kun/ /rgyu dang 'bras bu'i khyad par gyis/ /drug gi rang bzhin rin po che/ /bsam gtan ye shes spangs pa 'di/ /de yis shes rab 'gyur ba yin/ 'on kyang bla ma'i zhal nas ni/ /de ni thob yar 'gyur ba'o/ /zhes gsungs so/ /de skad du gsungs pa'i chig rnams kyis bla ma mnyes par bya zhing de las blang bar bya dgos pa yin no /dpal ye shes thig le'i dga' 'grel// gsang ba'i de kho na nyid ces bya ba le'u bcu gcig pa'i bshad pa'o// //de nas mchod pa'i cho ga ni/ zhes bya ba la sogs pa la mchod sbyin dang 'brel par mchod pa'i rim pa gsungs pa'i phyir/ /de ci'i phyir zhi na/ sngar bstan pa bzhin du 'dir yang bshad de/ g.yas g.yon man lag gnyis por ni/ zhes bya ba la/ g.yas ni mchod sbyin gyi dkyil 'khor gyi dkyil 'khor ?/ thabs kyi rang bzhin no/ /g.yon ni mchod pa'i
- 273a
dkyil 'khor thabs las byung ba'i bdag nyid/ yan lag ni phyi ma la sogs pa'o/ /gnyis po ni thabs dang thabs las byung ba'i rang bzhin du gsungs so/ /de'i phyir bla ma'i zhal snga'i bka' drin las/ gnyis su med pa'i bde ba shes/ zhes bya ba la sogs pa'i don gsungs pa yin no/ /bcu drug gi ni yig 'bru'i gzugs/ zhes bya ba la sogs pa la/ lha mo bcu drug gi sngags A li bcu drug dang ldan pa'i bde ba'i ye shes kyi cha'i rang bzhin/ dga' ba bcu drug dang bcas pa dpral ba bde ba'i nor bu'i bar du'o/ /kA sogs yig 'bru'i cha ru gyur/ zhes bya ba la sogs pa cha ni/ lha mo sum cu rtsa gnyis kyi sngags dang bcas pa'i ye shes kyi mgo bo la sogs par 'byung zhing gnas so/ /A li kA li gnyis sbyor las zhes bya ba la sogs pa la mchod sbyin gyi dkyil 'khor dang phyi'i 'phar ma chod pa'i dkyil 'khor gnyis su dbyer med pa las rang bzhin dga' ba'i don 'byung ba'o/ /yang na A li ni/ shes rab ye shes kyi dbang/ ye shes de nyid chad pa'i dga' ba'o/ /kA li ni gsang ba'i dga' ba'i ye shes mchog gi dga' ba'o/ /de nas sbyor ba ni/ rang bzhin dga' ba'i bzhi ba'i 'bras bu'o/ /de yang bskyed ba'i rim pa dang/ rdzogs pa'i bdag nyid do/ /de skad du dpal phyag rgya chen po'i thig le las/ kA li bde ba gsang dbang yin/ /A li shes rab ye shes dbang/ /de gnyis dbus sbyor bde chen po/ /rang bzhin dga' ba de ltar 'ong/ /zhes gsungs so/ /rim ? gnyis kyi don gsungs pa ni/ gsang ba'i de nyid gsum zhes bya/ zhes pa la sogs pa gsungs so/ /de'i dbus su de nyid bzhugs zhes bya ba ni de dag gi 'bras bu'i don bstan pa
- 273b
yin no/ /mchod pa'i dam tshig dus su ni/ zhes bya ba la sogs pas ni/ mchod pa dang/ gtor ma dang/ chogs kyi 'khor lo la sogs ba'i dus su rnal 'byor pas gsang ba'i skad kyis brda rnams smra na ni/ mkha' 'gro ma la sogs pa dam can rnams dgyes pa dang/ rnal 'byor pa'i dam tshig yin pas myur bar 'grub par byed pa'o/ /dpal ye shes thig le'i dka' 'grel/ gsang ba'i de kho na nyid ces bya ba le'u bcu gnyis ba'i bshad pa'o// // dbang bskur la sogs pa des bstan no/ /zhes bya ba la sogs pa la/ dbang ni bum pa'i dbye ba dang/ gsang ba dang/ shes rab ye shes dang/ bzhi pa'i don gyis so/ /bskur ba ni lus la sogs pa'i dri ma 'khru ba dang/ skur ba'i don to/ 'di skad du/ gtsug tor gsang ba'i pad+ma yi/ /bskur dang 'khrung phyir dbang zhes bya/ zhes gsungs so/ /la sogs des bstan ni bdag nyid la thams cad kyi mtshan nyid sngogs pa de rgyu dang 'bras bu dang/ ngo bo la sogs pa'i rang bzhin rdzogs pa'o/ /de yang skabs kha cig tu 'bras bu me long lta bu'i ye shes la sogs pa'i rang bzhin no/ /ngo bo mi bskyod pa la sogs pa'i bdag nyid/ rgyu ni mi bskyod pa yab yum gyi rgyu las byang ba'o/ ji skad du chu'i dbang bskur ngo bo yis/ /spyi bor mi bskyod gzugs rgyas gdab/ /de 'bras me long ye shes nyid/ /ces bya ba la sogs pa gsungs pas so/ /yang la ler ni 'khras bus rim pa bzhin skyar te bstan ? de yang 'di skad du/ dbang re la ni sa re ste/ de rnams sa'i dbang phyug bdag ces gsungs so/ /de bzhin du gnas skabs kha cig tu/ dbang ri la? 'bras bu dga' ba de dang sbyar ba dang ngo bo ma byed? de nyid sho/ /? ?
- 274a
chub kyi sems kyi chu bo'o/ /'di skad du/ chu la sogs pa bcu gcig gi /dbye bas dga' ba bcu gcig ldan/ de bzhin lhag ma yang yin no/ /ngo bo 'bras bu tha mi thad ces gsungs so/ /rgyud gsum gyi ni rim pa yis/ zhes bya ba la sogs pa la/ 'brel ba'i phyir dang 'phel ba'i phyir rgyud do/ /bya ba'i rgyud dang/ spyod pa'i rgyud dang/ rnal 'byor gyi rgyud gsum mo/ /rnal 'byor ma dang/ rnal 'byor bla na med pa'i rgyud man chad rim pa yin no// 'dir dbang gi grangs dang/ mtshan nyid 'di rnams gsungs kyi gzhan du ni de de ltar ma yin no/ /des na thun mong dang/ thun mong ma yin ba'i dbang gi mtshan nyid bstan pa'o/ /da ni thun mong ma yin pa'i dbang bstan pa'i phyir/ dga' ba lus su grags pa ste/ zhes bya ba la/ nang gi bum pa'i dbang bskur ba yis ni lus kyi dri ma rnam par rtog pa dag par byed pa dang/ 'bras bu ni dga' ba'i mtshan nyid skye ba dang ldan no/ /bskur ba'i gnas gsungs pa/ lus kyi mgo bo'i gnas su dga' zhes bstan to/ /gsum pa'i rgyud yang 'gyur ba ni skabs 'di nyid du gsungs so/ /mchog tu dga' ba 'dir ni dag ces bya ba ni de bzhin du gsang ba dang/ shes rab ye shes dang/ bzhi pa'i dbang gis rnam par dri ma 'joms pa dang/ 'bras bu dang gnas dang/ rgyu 'bras kyi don bstan to/ /'bras bu nyid nan tan bya bar gsungs pa ni/ de nyid gsum bdag ye shes gang zhes bya ba la sogs pas bstan pa yin no/ /bdun gnyis bye brag tu ni bzhugs zhes bya ba ni/ chu dang/ gsang ba dang/ shes rab ye shes kyi don dang/ bzhi pas ni dbang bcu bzhi dang/ de'i 'bras bu dga' ba bcu bzhi'i don bshad do/ /yang ye shes 'di
- 274b
nyid 'bras bu'i don 'di nyid yin par bstan pa/ yan lag rab kyi mdor bsdus pa zhes bya ba la sogs pa gsungs so/ /da ni gsang ba'i don gyis dbang gi nges pa gsungs pa ni/ chu'i dbang bskur mdoms su ste/ zhes bya ba la sogs pa la/ rgyu dang 'bras mu la sogs pa'i don gyis bstan pa ste/ 'on kyang gnas kyi bye brag gi gsang ba'i chu la sogs pa'i khyad par bshad pa yin no/ /de nyid la yang rdzogs ba'i tshul ni/ mdung pa'i gnas su rim pa yis/ zhes bya ba la sogs pa gsungs te/ rang bzhin dga' ba nas mchog gi dga' ba la sogs pa'i gnas rim par bstan par bya ste/ bde ba chen po'i snying po'i 'khor lo'i gnas man chad du rang bzhin dga' ba/ dga' ba gzhan dang mi mnyam pa'i rtog pa'i kun dang bral ba dpe med pa rnyed par 'gyur ro/ /rgyud 'di rmad du byung ba'i phyir/ 'di nyid du spras pa'i don thams cad du gsungs te/ rdo rje ga ba de bzhin gsang/ zhes bya ba la sogs pa'o/ /de ?/ /skad du yang rnal 'byor ma dang lhan cig tu/ du ma'i rgyud du bshad na yang/ de lta mod kyi 'di yi rgyud/ bcu drug char yad mi pod do/ /zhes gsungs so/ /da ni dbang dang 'bras bar bcas bshad de/ a'i yig 'dra dga' ba yin/ zhes bya ba la sogs pa ni/ a b+hi She gzhi sgras ni dbang yin te/ dbang ni chu dang/ gsang ba dang/ shes rag? shes rang bzhi po'i/ ? yag ka la ? zhes bya'i yi ge drug sbye ste/ a tsam zhig las pa dang/ bum pa'i dbang gi ye shes ngo bo smos pas/ rgyu de las 'bras bu dang dga' ba'o/ /de bzhin du/ sgra'i dbyi gzhug byas ba las gsang ba dang/ shes rab ye shes dang/ bzhi pa'i dbang gi rgyu dang 'bras bu'i rnam pa yang bshad/
- 275a
bar bya'o/ /yang sngon bzhin du 'dir yang bcom ldan 'das bka' log bar mi gsung zhes bya bas bstan to/ /da ni dbang gi 'bras bu dga' ba bzhi rgyud de rang nyid 'brel par dga' bar bstan pa'i phyid/ gang du yang ni mi dmigs phyir/ zhes bya ba la sogs pa gsungs so/ /de yang dag par skye ba dang/ med pa'i mtshan nyid las skye ba'i rgyu mtshan yin pa'i phyir dang/ bzhi pa'i nye ba'i rgyur 'gyur bas nges chig dang bcas nas bstan pa dang/ byang chub sems bcom ldan 'das mchog gi dga' bar grags pa nyid rgyur 'gyur ba dgos pa'i phyir dang/ de dag la dang po'i dga' ba'i rgyu dgos pa'i phyir na/ a'i yig 'bru mchog gi gnas zhes gsungs so/ /nga ni 'bras bur grags pa bzhi ba la gnyis su phye nas ston to/ /mngon par dga' dang chad dgang grags/ zhes bya ba la sogs pa yis bstan te/ de yang 'di skad du/ skal ldan mo gang nyams su myong/ de ni rdzogs pa'i rim bzhin no/ /nyams su myong min rdzogs pa ni/ gang du sus kyang mi shes so/ /zhes des ni gnas dang bcas pa dang/ gnas dang bral bar bshad pa'o/ /dpal ye shes thig le'i dka' 'grel/ gsang ba'i de kho na nyid ces bya ba le'u bcu gsum pa'i bshad pa'o// //de nas yang ni bshad bya ba zhes bya ba la sogs pa la/ dbang gi rim pa'i rjes thogs su 'di'i des pa bshad ces bya'o/ /nang gi dgar bar bya ba ste ltos pa'i chos so/ /mtshan nyid sbyin sreg ni/ bdag nyid dang 'brel pas 'bang mi dgos par 'grub bar 'gyur ba'i don gyis na/ sbyin sreg ma yin pas dngos grub ring bar byed pa'i phyir na 'di nyid bsgrub pa//
- 275b
rang bzhin gyi spyin sreg gi las rnams rdzogs pa'i mtshan nyid ni/ kha ni ho me khung zhes bya ba la sogs pa'o/ /de yang ro drug la sogs pa'i mchod rdzas la/ longs sbyod pa'i sbyin sreg 'dir ni/ mchod pa'i gsang ba'i brda'i skabs su nga rgyal 'dir ni sha chen po la sogs pa'i don gyis/ sha dang zan la sogs pa de/ sna tshogs pa ste/ sna chogs pa'i bza' ba rnams dang/ tshod ma dang/ chu la sogs te btung ba ji snyed yong ba dang/ mdor na zas skom ro drug gis bsdus pa'i sreg rdzas kun gyis mchod par bya ba nyid ni/ bdag nyid rang bzhin gyis gnas pa'i lha la mchod do/ /yang na dang bor bdag gi lus lha'i dkyil 'khor du byin gyis brlabs la/ de'i 'og tu bdud rtsi byin gyis brlabs pa'i rim pas kha rbas dag par byas la/ de yang she cen dang/ sha dang/ zan dang/ chod ma dang/ mar dang/ mdor na bza' btung ji snyed pa thams cad sbyangs la de nas sku gsung thugs kyi sa bon dang/ snar bdud rtsi lnga ye shes kyi 'dud phyir byin gyis brlabs pa'i rim pa sa kyang dag par byas te/ bdag rol pas lha rnams dang tha mi dad par 'gyur ba yin te/ lte ba'i me rlung gi bskyod cing 'bar bas zhi ba la sogs pa'i mtshan nyid de/ yang na rdor gsum ye shes sa bon gyis// zhes bya ba la sogs pa la/ sku rdo rje'i gnas spyi bor/ de bzhin mgrin pa dang/ snying ga dang/ lte ba'i gnas so/ /dga' ba ni sku// ma chog gi dga' dang/ cha ba'i dga' ba dang/ rang bzhin dga' ba dang/ gsung dang/ thugs dang/ ye shes kyi rim bzhin no/ /sa bon yi ge gsum gyi don gyis 'dir bshad par bya ste/ las kyi rlung gis ye shes kyi me 'bar bas/ byang chub kyi sems 'bab pa dang/ gnas kyi bye brag
- 276a
gis bstan par 'gyur ba ni/ sku rdo rje'i sa bon oM dang/ thugs rdo rje'i sa bon hUM dang/ gsung rdo rje'i sa bon A dang/ 'bar ba la sogs pa'i rim pa bzhin no/ /de ni rdor gsum ye shes sa bon gyis/ 'bar byas dkar byas dge byas so/ zhes bshad do/ /phyi nang rtag tu rab tshim byas/ /zhes bya ba ni/ lus kyi dkyil 'khor dang/ ting nge 'dzin gyi dkyil 'khor dag skyed rim rdzogs rim gyis phye ba'i lha nyid bdud rtsis tshim par byas te/ rnam par rtog pa bsreg cing lha rnams la dbul zhing sbyin no/ /de'i phyir de ltar sbyin sreg las kyis ni/ zhes gsungs te/ las ni rnam pa bzhi la sogs pa'i don te/ thun mong gi dngos grub/ yang na mchog gi dngos grub gsungs pa/ lha yi skur ni nges par 'gyur zhes bya ba la sogs pa'o/ /dga' ba gnyis kyi mnyam sbyor ba zhes bya ba la sogs pa la/ dga' ba gnyis ni/ mchog gi dga' ba 'khor ba'i bdag nyid dang/ chad pa'i dga' ba mya ngan 'das pa'i bdag nyid do/ /de dag mnyam par sbyor ba ni/ rang bzhin dga' ba mdza' gnyis la mi gnas so/ /de skad du/ mchog gi dga' ba 'khor bar bshad/ /mya ngan las 'das chud pa'i dga' / /rang bzhin dka' ba gnyis dang bral/ /rang rig brjod du med pa'o/ /zhes gsungs so/ /dus ni bzang ba dang/ ngan pa dang bral ba bsam du med pa'i dus so/ /gyis zhes bya ba ni bsam du med pa'i byed pa'i don to/ /rtsa'i mkha' 'gro ma rnams byang chub kyi sems bde ba dang bcas pas gang du'o/ /rnal 'byor dang ldan zhing brtson pas rnyed kyi/ sems can kun gyi thun mong ma yin pa'i phyir te dbang ngo? /yang na rang bzhin dga' ba dag dbang mi snang ba dang longs spyod gzhan dbang?
- 276b
de'i don ni/ ste snying bde ba'i pad+ma'i zhes bya ba la sogs pa yis gsungs so/ /rgyu'i ming 'bras bu la btags pa ni skyon med do/ /'on kyang ye shes kyi 'od la sogs pa'i don gyis bshad do/ /da ni las kyi phyag rgya la brten pa'i sbyin sreg ston te/ kun rdzob rnam pa'i gzugs su ni/ zhes bya ba la sogs pa yis/ ho ma khung dang/ hom shing dang/ me lha dang/ sreg rdzas dang/ blugs gzar dang/ dgang gzar dang/ mar dang/ de bzhin snod la sogs pa'i rgyu 'bras bu thob pa yan chad bshad pa yin no/ /rigs ni mtshan ma rnams las zhes bya ba ni/ 'dod pa dang/ dad pa dang/ snying rje la sogs pa'i yon tan rnams las de bzhin gshegs pa rigs lnga'i rgyu yin par shes te/ de yang 'dir rdo rje rigs kyi khongs su bsdu ba yin no/ /de bzhin du rang bzhin dga' ba rnyed pa'i don gyi phyir/ zhes bya ba ni/ rigs kyi mtshan ma'i don bstan pa bzhin/ rang bzhin dga' ba'i don 'di la yang bla ma'i man ngag thabs kyi rnams pa'i mtshan mas shes par 'gyur ro/ /de yang shes rab ye shes kyi dbang bskur ba'i dus na/ bla ma'i bka' stsal pa la sogs pa la yid ches nas/ de ma thag tu ye shes skye bar 'gyur ba ni skyabs sbyin gyi ngo bor bshad do/ /de'i dus su nyams su myong ba de phyis sgoms pa de yang nas yang du goms pa'i dbang gi ye shes tshor ba yongs su shes pa nyid do/ /des par yang nas yang chad pa'i dga' ba'i ye shes la blos spyod cing goms par 'gyur ba'i? rang bzhin dga' ba gsal bar 'gyur ba ni/ dpyod pa'i bdag nyid kyi thabs so/ /de ni ye shes su bdag gis bshad do/ /zhes bya ba ni/ brtags nas ye shes su bcom ldan 'das kyis gsungs so/ /bla ma'i zhal snga nas rten dang bcas
- 277a
pa la dpyod bas rten med pa'i rang bzhin dga' ba rnyed par 'gyur zhes gsungs so/ /de bzhin du mun nag tu rin po che'i phra mo yod pa de zhes bya ba la sogs pa ni/ yang dang yang du dpe yis mtshon nas gsal ba'i rgyu yis rang bzhin dga' ba chen po yid bzhin gyi nor bu rin po che'i rgyal po rnyed par 'gyur zhing mthong bar bya'o/ /de ni bde bar gshegs pa thams cad kyi thugs gnyis su med pa'i ye shes rnal 'byor pas 'grub par 'gyur ro// dpal ye shes thig le'i dka' 'grel/ gsang ba'i de kho na nyid ces bya ba le'u bcu bzhi pa'i bshad pa'o// //de nas gtor ma chen po zhes bya ba la sogs pa la/ le'u bco lnga pa 'dis gtor ma'i nges pa'i don ston to/ zhes bya ba'i don to/ sems can thams cad bsrung don du zhes bya ba la sogs pa la/ phyi'i don gyis 'gro ba ris drug yin la/ 'dir byang chub kyi sems ga pur 'byung ba ni sems can de yang ye shes kyi snying po can 'di rnam par rtog pa 'byung ba bsrung ba'i phyir gtor ma sbyin no/ /de skad du/ 'byung ba rnams ni bsrung ba'i phyir/ der ni gtor ma sbyin par bya/ /'byung ba ga bur du ni grags/ /ga bur sems can 'dir ni bstan/ /sems can snying po ye shes bde/ zhes gsungs pa dang/ yang 'byung ba bsrung don gtong ma gtang/ /de ni srog chags bsad pa'o/ /bcad pa de ni mchog gnas su/ /'gro ba 'gog par byed pa'o/ /zhes gsungs so/ /dga' ba gsum gyi don thabs dang shes rab kyi 'bad la/ bsgrub pas ni/ 'bad pa yis ni zhes bya ba'o /ba'i yig 'bru b+ha gar brjod/ ces bya ba la sogs pa la/ ba liM gi sgras gtor ma ste/ de yang b+ha ga'i ga phyis pa yis pa grub po/ de nyid shes
- 277b
rab kyi pha rol tu phyin pa'i mtshan nyid bcom ldan 'das ma'o/ /liM gi yang de bzhin te/ bcom ldan 'das bde ba chen po'i bdag nyid dpal ye shes thig le'i mtshan ma/ de dag sbyor bar mtshon pa can/ 'on kyang rnal 'byor pa de phyag rgya bzhi las gang yang rung ba gcig kyang sbyor ba byas pa las dga' ba gsum po'i dngos po 'byung ba de nyid pa srungs pas ni phyag rgya chen po nyid thob par 'gyur ro/ /mtshan dang b+ha gar mnyam sbyor las/ zhes bya ba la sogs pa gsungs so// dur khrod yang na chu po'i dogs/ zhes bya ba la sogs pa yis gnas bstan pa yin no/ /rnal 'byor pa'i mtshan nyid gsungs pa/ ye shes dang ldan zhes bya ba la sogs pa ni/ bdag nyid bcom ldan 'das dpal he ru ka'i sku ye shes kyi phyag rgyas gtor ma byin gyis brlab par bya zhing sbyin pa dang btang bar bya'o/ /dur khrod dbugs dbyung gi gnas/ zhes bya ba la sogs pa la/ skye ba gsum pa dum bu brgyad par bya/ /dur khrod chen po'i dbus su 'gyel zhes bya ba la sogs pa yis bstan te/ gsang ba ni snod dang mi ldan pa rnams kyi spyod yul du mi 'gyur ba'o/ /pad ma'i bya gdod bo/ zhes bya ba ni dur khrod gsang ba'i gnas kyi snal rtsa ba'i nang du bya'o/ /de'i dbus ni snying po 'bab pa lan gsum skye ba'i byang chub gyi ro dbugs dang bral ba'i gnas rin po che gtsug tor nang na/ de yang mar ngo'i brgyad kyi dus su'i don ni 'di yin te/ mar ngo'i sgras ni mtshan mo nyid rtog med ma'o/ /brgyad ni 'dab ma brgyad pa'i pad+ma'i lte ba dang gsar du bcas pa'i dus kyi gnas su'o/ /de'i don ni 'di lta ste/ sha'i yig 'bru pad ma dag ces bya ba la sogs pa la/ sgra'i dbye ba dang/ gzhug pa ni shud+d+ha pad+ma zhes bya ba la/ 'on yang sngon du bshad pa bzhin du shes
- 278a
bar bya ste/ 'dir pad+ma'i lte ba dang bcas pa'i don gyi 'dab ma brgyad par dum bu brgyad kyi mtshan nyid dang ldan pa/ de bzhin lan gsum 'bab pa gsum pa'i don dang/ de'i 'og tu pad+ma'i snod du dum bu gcig pa nyid du ro chen po'i bdud rtsis gang zhing rgyas pa'i don ni/ gtor ma sbyin ba'i gnas dang ldan pa nyid do/ /des ni rang bzhin dga' ba nyams su myong ba lags/ nyams su myong ba dang bral ba rnyed pas phyag rgya chen pos zhes bshad do/ /de nyid la chu'i dogs shes kyang bshad de/ chu'i dogs ni rin chen kha zhes bya ba ni/ byang chub kyi sems chu bo chen po 'bab pa'i ngogs te/ rnam par rtog pa bzlog pa'i don bde ba chen po'i chu dogs dga' ba'i rims kyis rin po che'i gnas su nyams su myong nas yang bde ba chen por gshegs pa la chu bo'i dogs zhes bya'o/ /yang na de ni rtog med ma zhes bya ba ni/ bde ba byang chub kyi sems kyi chu bo rgyun mi 'chad par rtag tu phra ba'i yang phra ba 'bab pa las/ 'o na yang skal pa yang mi ldan pa rnams kyis rtogs par mi 'gyur ba'i phyir/ ye shes dang ldan pas gtor ma sbyin zhes gsungs so/ /de bsrung ba'i don du ni zhes bya ba ni/ bde ba'i ye shes rang bzhin dga' ba la glo bur ba'i rnam par rtog pa'i 'byung ba'i gdon gyis dngos po ste/ de yang rlung gi dbang gis 'byung ba la rang bzhin dga' ba srog gi rlung gis bsrung bar bya ste/ sbyin pa'i don to/ /gtor ma kun tu 'bab sbyin no/ /zhes bya ba ni gtor ma'i rgyu dang/ gnas dang/ rnal 'byor pa la sogs pa kun gyis rang bzhin dga' ba chen po'i rgyal po kho na la 'bad par bya/ nan tan du bsgrub par bya/ de nyid phyogs bcu'i sangs rgyas thams cad kyi thugs yang
- 278b
dag pa'i ye shes yin/ zhes bya ba la sogs pa rgya cher sbyor ro/ /dpal ye shes thig le'i dka' 'grel/ gsad pa'i de kho na nyid ces bya ba le'u bco lnga pa'i bshad pa'o// //bcom ldan 'das kyis bka' stsal pa/ zhes bya ba la sogs pa la/ mtshan nyid las skyes zhes bya ba ni/ de kho na nyid la sogs pa'i mtshan nyid las chos nyid kyi mtshan nyid skyes pa ste/ stong pa nyid las stong pa nyid skye ba'o/ /de rang gnyis su med pa'i bde ba chen po nyid yin pa'i phyir/ de kho na nyid ces bya'o/ /de ltar min na mi mthun no/ zhes bya ba ni kun rdzob kyi thabs khyad par can las don dam pa'i de kho na nyid 'gyud? ba ma yin na/ dris pa dang mthun par mi 'gyur te/ sngon bzhin no// ci'i phyir snyam pa la/ de'i don ni rang rig pa'i bdag nyid phyir/ zhes bya ba ni/ stong pa nyid kyi ye shes tshig dang yi ge las 'das pa rtag tu shar ba'i rang bzhin thams cad du khyab na yang/ de skad du yang mthong ba la sogs pa dang bral ba/ brjod pas thog tu mi phebs pa'i rang rig pa'i ye shes kyi mtshan nyid do/ /de bas brjod par mi nus so zhes bya ba ni/ de nyid la spros pa'i mtshan ma thams cad kyi brjod du med pa'i phyir zhes bya'o/ /de skad du/ rang bzhin ye shes tshig dang bral/ sgra la sogs pa'i chos kyis stong/ /brjod med ma skyes ma 'gag pa/ /rang rig pa yi brnag nyid do/ zhes gsungs so/ /'on kyang kun rdzob kyi thabs kyi rim pa'i mtshan nyid ni 'di'o/ /de'i kho'i bdag gsum de snang? ba/ zhes bya ba la sogs pa snang ba'i ye shes bzhi'i rim pa dang sbyar te/ bshad ces bya ba'i tha tshig go /cha dang thig le dang ni tshul/ /zhes bya ba la sogs ni/ 'khor lo la sogs pa dang sbyar nas rdzogs pa'i rim pa'i don du ?/
- 279a
pa ni/ dpal rgyal po chen po in+d+ra b+hU ti sprul pa'i skus bka' stsal te/ de nyid bla ma chen po yin pas bdag kyang de la brten te bshad pa'o/ /ji skad du/ dpal ldan ye shes thig le'i rgyud las lung bstan pa 'og nas 'byung ste/ de nyid kyis mdzad pa'i man ngag gis 'di'i don khong du chud par bya'o/ /de yang de kho na nyid kyi sgron ma'i rgyud kyi don dang 'di la dgongs nas mdzad pa yin pas 'dir drang bar bya'o/ /zhes gsungs pas/ rgyud rnams su rgyas btab nas bzhugs ba ni/ bla ma'i bka' la brten te/ sgrub thabs dang/ 'grel pa la sogs pa'i man ngag gi the tshom med par dngos grub rnyed par 'gyur ba'i phyir/ bdag gis kyang bla ma dam pa chen po'i mdzad pa'i man ngag gi gzhung 'dir bcud cing bla ma dam pa brten pa yin no/ /dngos po rten la sogs bye brag ces bya ba la sogs pa gsungs te/ bde ba chen po'i rgyal po rang bzhin dga' ba 'di ni brjod pa dang bral ba yin na yang/ 'bras? kyi bye brag bsam gyis mi khyab pa'i mtshan nyid kyis gsungs so/ /da ni 'bras bu'i don bshad de/ kun rdzob rnam pa'i gzugs kyis ni/ zhes bya ba la sogs pa ni/ longs spyod rdzogs pa la sogs pa'i sku kun rdzob kyi bden pa'i mtshan nyid can gzung 'dzin gyi rnam par rtog pa ji snyed ba las grol ba la/ byang chub sems dpa' la sogs pa'i sbyong yul gyi gnas su gyur pa'o/ /chu'i zla pa bzhin du mthong zhes bya ba ni/ ji ltar chu'i zla ba'i gzugs brnyan cig shar bas chu'i snod kyi bye brag tha dad pa rnams su snang zhing gsal ba bzhin du/ rdo rje 'dzin pas kyang gzugs kyi sku'i bdag nyid ni/ rang rang gi bsam pa dang/ mos pa dang/ ji lta ba bzhin du gsal zhing
- 279b
mthong ngo/ /'on kyang snod dang chul skyon yod pa'i zla ba ni de lta ma yin te/ de bzhin du/ rnal 'byor pa'i snod kyang skyon med cing dag par bya'o/ /de nyid ni gzugs kyi sku'i rang bzhin snod skyon dang bral ba'i bdag nyid la snang ngo/ /'di skad du/ ji ltar ri bod can gyi gzugs/ /skyon med chu la snang ba bzhin/ /bde chen rnam rtog bral ba yang/ rang sems dag la so sor snang/ zhes gsungs pa dang/ yang ji ltar zla bshad gyur pa/ tshe med gzugs brnyan snang ba rnams// dang ba'i chu snod snang 'gyur yang/ /zla ba'i gzugs ni gnyis 'gyur med/ /de bzhin chags 'bral mkhyen ldan rnams/ /chags med rnam par 'tshad rgya ba/ /zhing rnams kun la so sor snang/ /sangs rgyas nyid la gnyis kyang med/ /ces gsungs la/ /don dam pa yi bzhin no/ yang dag rtog pa'i gnas med de/ zhes bya ba ni/ chos kyi sku spros pa dang bral ba'i mtshan nyid ni yang dag pa 'di yin no/ zhes sangs rgyas thams cad kyis kyang mi gzigs pa de/ don dam par bstan pa ni yod pa ma yin te/ de nyid de bzhin gshegs pa thams cad kyi thugs kyi snying po gsang ba las kyang ches gsang ba/ skye ba med pa/ 'gag pa med pa/ chos thams cad kyi chos nyid do/ /da ni de la sgrub pa'i thabs bshad de/ thabs la sogs pa'i rim pa yis/ zhes bya ba la sogs pa gsungs so/ /de ltar yang de kho na nyid gsum gyi bdag dang zhes bya ba la sogs pa ni/ rgyu dang 'bras bu dang/ thabs kyi mtshan nyid sngar gong du bshad kyang zhes bya ba'i don to/ /'dir yang rgyu'i don bshad par bya ba'i phyir/ de kho na nyid gsum gyi bdag nyid ni/ kun bzhi rnam par shes pa'i rnam pa'o/ /zhes bya ba ni/ rnam par shes pa gsum gyi bdag nyid rgyu'o? rang bzhin/ rtsa ba'i rnam bar zhes pa ni/ kun?
- 270a
gzhi rnam par shes pa'i yid la sogs pa'i rnam par shes pa'i bye brag gi rang bzhin gyis mtshan nyid rnam par rig pa ni/ rnam par shes pa'o/ /mang po'i mtshan nyid gsal ba gang yin pa de ni rnam pa'o// yang na kun gzhi rnam par shes pa ni/ lus ngag? dag yig gsum dang ldan pa zhes bya ba'i tha tshig go /de'i don gyis gzhan dag kyang bshad par bya ba yin no/ /zla ba bde mchog gi rnam par shes pa'i mdza' i tshad do// zhes bya ba ni tshogs ni mig la sogs pa'i rnam par shes pa rnams so/ /byang chub sems dpa' i rgyu'i rang bzhin no/ /rnam par shes pa ni/ gong dang 'og gi khyad par gyi bdag por 'gyur te/ shes shing reg pa'o/ /mdza' ni 'khor rnams dang gnas ngang bcas pa zhes bya'o/ /tshad ni sngar bshad pa rnams dang/ phyis 'byung ba rnams gtan la phab pa'i tshad do/ /phyag rgya chen po ni yid kyi rnam par shes pa/ rang gi ngo bo zhes bya ba ni/ yid nyid gtso bor gsungs pa yin te/ sgrub pa dang/ bsgrub pa po dang/ bsgrub bar bya ba thams cad yid kyi cho 'phrul gyis byed do/ /snang ba ni/ bdag po phyag rgya chen po'i ngo bo grub pas kun rdzob dang mthun bar snang ba'i ye shes so/ /rang gi ngo bo ni de rang thams cad kyi ngo bo grub pa yin no/ /de rnams ni kun gzhi ni rgyu la/ gzhan dag ni 'bras bu yin pa dang/ kun rdzob kyi gnas thabs ni/ sems can rnams la rgyu'i bdag nyid du gnas pa las/ 'bras bu 'byung ba'i mthu dang ldan par yod do/ /de skad du/ de nyid gsum dag rgyur ni grags/ zla ba la sogs 'bras bdag nyid/ ces bya ba dang/ yang dag mdza' dang rnam par shes/ /chu yi zla ba bzhin du mthong
- 270b
zhes gsungs pa dang/ sems can sangs rgyas rang bzhin pas/ /'on kyang blo bur dri mas khyab/ /de spangs na ni sangs rgyas nyid/ /nges par yin par the tshom med/ ces gsungs so/ /da ni de rang nyid kyi don dam pa'i mtshan nyid bshad de/ de'i mdza' la rnam ba med pa'i rnam par shes pa nam mkha' / /zhes bya ba ni/ rang bzhin gyis steng pa nyid dpe nam mkhas kyang gzhal du med pa/ stong pa nyid kyi ye shes spros pa dang bral ba'o/ /yang na sprul pa dang zhes bya ba la sogs pa ni/ sems can la rtsa'i 'khor lo rnams rang bzhin du gnas pa'i phyir/ de kho na nyid gsum la sogs pa'i rim pa bzhin sbyar ba'i don ni der bshad pa yin no/ /yang na rtsa bzhi'i don du/ rnam pa la sogs shes par bya'o/ zhes bya ba ni/ 'di yang rang bzhin gyis gnas pa ste/ 'o na srog ma ni de kho na nyid gsum gyi bdag nyid kyi rnam pa'o/ /'dzin pa ni zla ba bde mchog gi mtshan nyid do/ /ro ma ni phyag rgya chen po'i ngo bo'o/ /rtog med ma ni rnam pa la sogs pa bral ba'i mdza' rang bzhin no/ /sems can rnams la rtsa'i 'khor lo dang/ rnam par shes pa rnams dang/ rtsa bzhi po dang ldan pa'i phyir/ rgyu'i dpal ye shes thig ler bshad pa dang/ lhag ma yang sngon bzhin du shes par bya'o/ /dpal ye shes thig le'i dka' 'grel/ gsang ba'i de kho na nyid ces bya ba/ le'u bcu drug pa'i bshad pa'o// //sbyor ba drug la sogs pa'i don gyis rang bzhin dga' ba mchog gi nam mkha' i bdag nyid kyi don gsungs pa/ de nas lha mor bcu dgyes zhes bya ba la sogs pa gsungs so/ /dur khrod la sogs pa'i don zhes bya ba ni/ dur khrod dang/ shing dang/ lha mo dang/ rtsa la sogs pa'i don bcom ldan 'das
- 281a
nyid la nges par zhu ba'i don to/ /mi zad 'dir ni rnam par khyab/ ces bya ba ni/ rus pa la sogs pa rab bkram khyab/ ces bya ba'i bar gyis ni/ phyi'i dur khrod dang/ nang gi yang bshad pa yin no/ /gsang ba'i nges pa'i don gyi dur khrod ni/ ga bur gzhan min zhes bya ba la sogs pa'i don gyis bshad do/ /'jig rten gyi khams thams cad bdag med par ston pa'i phyir/ dur khrod kyi dngos po bshad pa yin no/ /de yang phyi'i don rang las rdzogs pa'i bdag nyid du bshad pa ni/ nad dang gsang ba'i dur khrod de/ de bzhin du dpal ye shes thig le'i rgyud 'di'i don bshad pas sgom pa po dang/ bsgom pa dang/ bsgom par bya ba'i don dam pa'i phyogs su dbyer med pa'i rang bzhin nyid yin te/ 'on kyang kun rdzob thabs kyi bye brag tu sgom pa po dang/ bsgom pa dang/ bsgom par bya ba ni mi snang ngo/ /de'i phyir rgyu'i bdag nyid kyi dpal ye shes thig le'i la sogs pa gsungs so/ /de bzhin du shing la sogs pa'i dngos po thams cad kyang bshad pa'o/ /'on kyang 'dir bshad pa/ 'di la rtsa ba'i 'khor lo'i lte bar srog rtsa dang lhan cig ces bya ba la sogs pa la/ de'i don ni 'di yin te/ srog rtsa'i nang du 'gro ba ni gsum ste/ 'jug pa dang/ gnas pa dang 'gro ba grub par byed pa'o/ /'od kyi bdag nyid gtum mo 'jug par byed/ gzung 'dzin dang bral ba rtog med ma gnas par byed/ ye shes kyi rang bzhin bya gdong ma 'gro bar byed/ yang na g.yas phyogs kyi ro can ma 'gro bar byed/ g.yon gyi 'dzin ma 'dug par byed/ dbus su gnas pa'i rtog med ma byang chub kyi sems gnas par byed do/ /des ni dga'
- 281b
pa bzhi'i gnas kyang bstan to/ /dngos po ni/ thog ma'i sku'i mtshan nyid de/ de bzhin du dbus dang tha ma'i gsung dang thugs kyang ye shes so/ /rnam par 'byed pa ni/ gsum gyi bdag nyid rtog med ma'i ngo bo rang bzhin dga' ba'i mtshan nyid do/ /de skad du/ gsum gyi dngos po gsum bdag nyid/ thog ma tha ma rnam par 'byed/ rtsa dad dga' bdag nyid skye med/ de'i phyir rtog med rang bzhin dga' zhes gsungs so/ /zhal bzang ma zhes bya ba ni/ bcom ldan 'das ma la bos nas nges pa'i don la bstan pa'o/ /der shes par bya/ zhes bya ba ni/ rtsa bzhi po'i don gyis/ rtsa rnams thams cad kyi don shes par 'gyur ba'o/ /yang kha cig yang dag pa'i man ngag dang bral bas drang ba'i don gyi rjes su 'brangs nas/ rtsa'i man ngag gi ye shes la skur ba 'debs par 'gyur pa yin te/ de ci'i phyir zhe na/ de dag ni thun mong gi man ngag tsam la brtan nas nyams su myong ba med pa'i phyir na/ mkhas pa rnams ni de dag la yid ches par mi 'gyur ro/ /de'i rtog pa de bsal ba'i phyir/ 'dir yang gsungs pa/ shar dang nub pa'i dus su rtsa'i 'khor lo 'byung ba zhes bya ba la sogs pa gsungs so/ /da ni rnal 'byor gyi dbang phyug gi don bshad de/ yi dang mthun pa'i rang gnas su/ zhes bya ba la sogs pa/ rnal 'byor pa'i spyod pa dang mthun pa'i gnas gang yang rung der sgrub pa po yid 'jug pas na'o/ /gzhan gyi gnas te/ phyi? la sogs pa dang/ bral pa'i gnas ni rang gi gnas rang khyim zhes brda'i don te/ /skyon ni 'byung bo la sogs pa'i bar chad byed pa'i dngos po rnams spang zhes bya ba'i tha tshig go /thams cad ni rgyal po dang/ mu stegs dang/ chom rkun la sogs
- 282a
pa rnams med par bya ba'i don to/ /yang rnam par rtog pa'i mtshan nyid rnams skyon te/ 'di rnams kyis rnal 'byor pa la gnod par mi 'gyur ba ni/ skyon thams cad dang bral ba'o/ /rtog pa dang bcas pa'i tha chad par 'gyur ba'i rang bzhin ni sra pa'o/ /spangs pa ni nyid kyis spyod pa la dben pa'i thabs kyi bye brag gi de spangs pa'i don to/ /ye shes dang ldan pa'i sku'i bdag nyid du gnas pa'i lus po yis zhes bya ba'o/ /phyin ci log gi rnam par rtog pa'i rba rlabs g.yeng pa'i phyir na rlabs so/ /gnyis su med pa'i ye shes kyi rgya mtsho gsal ba'i spyod pa ni bde ba'o/ /bde ba'i stan zhes bya ba ni/ bde ba chen po thob bar byed pa'i rgyu ni/ stan 'jam pa la sogs pa yin pas/ pad+ma la sogs pas mtshon pa yin pas 'di skad du/ 'dir ni dga' ba'i gdan bshams te/ /sna tshogs pad+ma ras kyis g.yogs/ /stan de dag ni thams cad la/ /ji ltar gnas pa bzhin du dgod/ ces gsungs so/ /lte ba'i dbus na yod pa'i tshul zhes bya ba ni/ sprul pa'i 'khor lo'i lte ba'i gsung rdo rje'i sa bon/ bdag med pa'i rgyu zhes bya ba'i mtshan nyid can shes rab ma'i don to/ /lte ba ni gnyis te/ de nyid sprul pa'i 'khor lor gtum mo'i bdag nyid do/ /hUM gi yig 'bru ni/ chos kyi 'khor lor lte bar bzhugs pa/ thugs rdo rje'i sa bon thabs kyi mtshan nyid can bskyod pa'i las 'gyid pa'i phyir/ drag po chen por grags ?/ 'dir yang sngar bzhin dbye'o/ /thabs dang shes rab bcom ldan 'das dpal ye shes thig le dang/ yum phyag rgya chen mo'i rang bzhin las kyi rlung gis dam tshig gi bdag nyid skyong? pa ni/ rnam par rtog pa dang ? ba/
- 282b
bskal pa'i me 'od dang mnyam pa zhes bya ba la sogs pa gsungs so/ /dbus na gang zhig 'khor lo yod ces bya ba ni/ bde ba chen po'i 'khor lo'i pad+ma sum cu rtsa gnyis kyi lte bar/ bde ba chen po'i sku'i sa bon dang/ sku dang/ gsung dang/ thugs dang/ dbyer med pa'i rang bzhin du gnas so/ /srog gi rlung dang/ nye ba'i srog dang tshim byed kyi rlung dang/ de gsum dbyer med par gnas pa ni/ srog gi rlung gi rang gi ngo bo zhes so/ /bde ba'i byang chub kyi sems 'bab pa ni de'i yon tan gyis snying gar 'ongs nas so/ /mtshan ma'i rtags ma byung ba ji srid pa de srid kyi bar du gnas pa de ni gnas su'o/ /de'i phyir rtag du'o/ /zhes bya ba la sogs pa gsungs so/ /'on yang bla ma'i zhal nas zhal du rgyud pa'i bshad par/ de nas oM yig rang ngor grags/ zhes bya ba ni/ kun rdzob dang/ don dam pa'i byang chub kyi sems sku gsum dbyer med pa'i rang bzhin bde ba chen po'i sku dang bcas pa'o/ /de ni 'di skad ston to/ /sngags dang dbyibs dang chos bdag nyid/ sbyor ba rnam pa gsum du 'dod/ ces bya ba dang/ kha dog dbyibs ni sprul pa'i sku/ sngags ni longs spyod rdzogs pa'i sku/ chos kyi rang bzhin chos kyi sku/ dbyer med sku ni bde chen po/ /zhes gsungs so/ /sku de dag gi rgyal po bde ba chen po 'di rdo rje 'dzin nyid rnam par shes pa'i bdag nyid byang chub sems kyi ye shes spros pa dang bral bar 'gyur ba 'di yod pas na/ rnam par shes pa ? nyid du? bshad do/ /rang? na kun gzhi rnam par shes pa me long lta bu'i ye shes su thim pa'o/ /nyon mongs pa can gyi yid ni mnyam pa nyid kyi ye shes/ yid kyi rnam par shes pa ni so sor rtog pa'i ye shes/ tshogs kyi rnam par shes pa
- 283a
ni bya ba nan tan gyi ye shes/ de rnams kun ni chos kyi dbyings kyi ye shes/ bla ma'i zhal nas rnam par shes pa ni/ ye shes lnga'i rang bzhin/ de ni sku gsum gyi bdag nyid bde ba chen po'i sku gnyis su med pa'i ye shes su gnas kyang bsam gtan pa las dang po pas nam mkha' i zla ba bzhin mthong bar mi 'gyur te/ de ci'i phyir zhe na/ rang gi rnam par rtog pa ma dag pa'i phyir/ mi mthong ngo zhes bka' stsal to/ /srog dang rdub pa 'gog pa yis/ zhes bya ba la sogs pa la/ srog ni phyir rgyu ba'i rlung dang/ nang du rgyu ba'i rang bzhin ni rdub pa/ 'gog pa ni mnyam par gnas pa'i dus bsam du med pa'i don to/ /de dag ni bzang po'i dus 'o ma'i rgyun bzhin 'bab ba dang/ ngan pa'i dus me'i gzugs kyi 'gro ba dang/ gnyi ga med pa'i dus ye shes kyi de kho na nyid bsam du med par mnyam pa dang/ zhes pa'i don to/ /srog dang rdub pa bzang ba gsol/ zhes bya ba la sogs? pa go sla'o/ /de rnams rnal 'byor dbang zhes bya ba la sogs pa ni/ rdzogs pa'i rim pa'i don gyis bla ma nyid kyi bzhed gzhung gi man ngag rgyud pa'i man ngag rim pa thob pas bshad cing shes par 'gyur gyi/ sgra tshad la sogs pa la blo zhen pa yis 'dir ni ma yin zhes 'brel ba'o/ /de'i phyir bla ma mnyes par bya ba zhes so/ /'dir bshad pa gang zhig nyer 'gro'i bsam gtan ni/ de ni zla ba phyen du byed/ yang na tshangs bzhi rnam dbye byas/ rnam par shes la gshegs par gsol/ zhes gsungs so/ /de bzhin du gzhung gnyis su bstan cing bshad do/ /'di lta bu'i 'dus pa'i sa'i dus khrod chen po zhes bya ba ni/ gnas 'dir mkha' 'gro ma la sogs pa dam tshig thams cad 'du zhing nyon mongs pa'i bgegs
- 283b
'byung po rnams rlag par byed pa bdag dang dur khrod chen po mtshan nyid do/ /'khor ba'i chos phung po la sogs pa dang/ mya ngan las 'das pa'i chos de bzhin gshegs pa'i yon tan dpag tu med pa thams cad 'byung ba'i chos mthun pa'i phyir/ chos kyi 'byung gnas kyi phyir/ zhes bya ba ni/ gnas khyad par 'di'i yon tan gyis/ grangs med pa'i rnal 'byor phyag rgya chen po'i dngos grub thob ces bya ba la sogs pa sgra ji bzhin par gsungs so/ /dpal ye shes thig le'i dka' 'grel/ gsang ba'i de kho na nyid ces bya ba le'u bcu bdun pa'i bshad pa'o// //yang bcom ldan mo zhes bya ba la sogs pa gsungs so/ /srog gi dbyug pa'i gang zhig ste/ zhes bya ba la sogs pa la/ srog gi dbyug pa ni/ dbus kyi srog rtsa ni kun gyi steng gi dngos po ? ba'i gzugs su gnas pa'o/ /mgrin pa'i steng nas yang ni/ rang nyid kyis sor gyis gzhal na sor bcu gnyis te/ spyi bo'i gtsug nas mgrin pa'i steng gi bar du cha phra ba tsam sde mdud pa med ces grags pas na/ gang zhig steng zhes bya ba la sogs pa gsungs so/ /'og gi cha ni bcu gnyis phyed ces bya ba ni/ sprul ba'i gnas thabs dang shes rab kyis rdo rje dang pad+ma'i ched ni sor drug tu bshad de/ 'on kyang ? pa'i ma yin pa'i tshad ni 'dir ma bshad do/ /de bzhin zhes bya ba ni/ mdud pa dang grangs gyi rim pa bstan pa la brnyag go /'khor ba dang mya ngan las 'das pa'i mtshan nyid sprul bas te/ sprul pa'i gnas kyi 'khor lo'o/ /rtsa'i pad+ma gos pa med pa'i don dang ldan pa ni/ pad+ma'i 'dab ma'i rim pa'i grangs so/ /de yang rnal 'byor dang ldan pa'o/ /'di ni 'dab ma drug cu rtsa bzhi dang brgyad dang/ gsum pa'i don ni drug gi phyed do/ /de nyid kyi gnas bgyid pa'i phyir /spyan
- 284a
'dra pad+ma zhes bya ba ste/ 'di ni 'dab ma gsum pa'i lte ba dang bcas pa'i bdag nyid ye shes kyi spyan snying por bshad do/ /srog pa rtsa'i snying po 'di rtsa ba de dang thams cad bcas pa ni/ 'dzin ma dang/ ro ma dang/ rtog med pa zhes bya ba'i tha tshig go /lte nang du zhes bya ba ni/ 'khor lo rnams kyi lte ba'i bdag nyid srog rtsa de'i nang na gsum pa'o/ /chos rnams thams cad ni byang chub kyi sems snang ba bde ba chen po'i rgyu yis/ rtsa ba nyid du sku rtag tu rtog med ma dang ldan pa'i don gyis tshangs pa ni dbyug par bshad pa'o/ /de nyid kyi rang bzhin rtsa ba rtsa ba'i nang 'ongs nas/ shes bya ba'o/ /pad+ma'i 'dab ma gsum la sogs pa sprul pa'i 'khor lor gnas rog bya dang bral pa'i 'dab ma'o/ /ske ru bcar te gnas zhes bya ba ni/ rtsa gsum po'i 'dab ma'i sker srog rtsa bcar? nas pad+ma ni/ gnas dang gnas pa'i tshul du 'khyud pa'i dngos por gnas pa'o/ /gug pa'i rnam pa'i ngo bor grags zhes bya ba ni/ 'dab ma brgyad pa'i nang du 'dab ma gsum pa'o/ /de'i nang na gnas pa'i lte ba bya gdong ma dang bcas pa'i gug pa'i zhes 'khyud pa'i mtshan nyid can bzhi byed pa'o/ /bu ga phra mos nang nas ldan zhes bya ba ni/ srog ma'i bdag nyid rtsa gsum dang bcas nas/ yar rtog med ma shin tu cha phra pa'i sdong bu dang bcas pa sa'i myu gu'i rnam pa rgyu dang/ 'bras bu'i dbye bas so/ /de ni srog pa rtsa ni nyid/ khams gsum du ni rten yin no/ zhes bya ba ni/ srog pa rtsa 'di 'dod khams la sogs pa'i bdag kyi rten 'di rang khams gsum gyi sgra ni/ lus la sogs pa 'dzin ma dang/ ro ma dang/ rtog med me'i
- 284b
rten/ yang na dga' ba gsum gyi rten byed pa yin no/ /rgyu dang 'bras bu gnyis med kyis/ zhes bya ba ni srog pa dang mya ngan las 'das pa'i rgyu 'bras so sor bde ba'i don gnyis su med pa'i ye shes spros pa dang bral ba'i rang bzhin dga' bas rtsa ba 'bras bu rgya yis btab/ ces gsungs so/ /yang na rgyu rtsa ba'i dngos po 'bras bu mkha' 'gro ma'i mtshan nyid de dag rnams dbyer med pa'i rang bzhin gyis ye shes spros pa dang bral ba'i bde ba chen pos? rgyas btab pa'o/ /drug phyed? rtsa/ ba dang ldan ni zhes bya ba la sogs pa ni/ rtsa bzhi po'i dbyibs 'di la rten pas bcom ldan 'das dpal ye shes thig le'i 'grub par gyur pa'i phyir/ sngra bshad pa bzhin no/ /rtsa ba gsum dbye ni 'khor ba'i mtshan nyid can sprul pa'i sku'i bskyed rims kyi skabs su rtsa gsum skye/ de nas srog pa rtsa chags/ de nas rtsa gzhan rims kyi skye zhes bcom ldan 'das yum la bka' stsal te/ /gzhan na re rtsa pa ni srog ba? rtsa yin/ gsum du dbye ba ni 'dab ma gsum pa'i de bzhin rtsa gsum de rang 'bras bu yin zer ro/ /phan tshun 'brel bar gcig dang gsum du bshad pa ni 'jug pa dang ldan pa'i rim pas rgyu dang 'bras bu mthun par gsum gsum ni/ 'bras bu yang de bzhin yod do/ /rtsa ba'i 'bras bu la sogs pa ni/ sngon du bstan pa'i sor drug pa'i dngos kyi gnas bshad pa'o/ /de nyid ni rtog pa'i mtshan nyid 'joms pa'i gnas rtsub? pa ma yin pa'i phyir/ 'jam pa'i rtog pa can gyi spyod yul ma yin pas gzung bar dka' ba'i phyir phra ba/ bde ba chen po'i 'khor lo'i mdza' nas gsad ba'i rin po che'i gnas su khyab pas ni/ rin chen kha nang yan chad de'o/ /gzhan na de rdo rje la sor drug ni
- 285a
rin po che la sor gnyis de'i phyir/ rin chen kha nang yan chad do/ /zhes zer ro/ /de ni phra ba dang 'jam pa'i gnas so/ /'di skad du/ slob dpon kha cig gi gzhung las phra ba dang 'jam pa'i/ 'di skad du/ chos kyi 'khor lo ni sems kyi gnas yin pas phra mo 'jam zhes bshad pa dang/ yang lte ba'i gnas phra la 'jam zhes pa dang/ yang bzhi pa'i gnas nyid ni shin tu phra mo 'jam zhes bya ba dang/ yang 'khor lo kun gyi thog ma'i pad+ma'i lte ba'i dbus phra mo 'jam zhes bya ba dang/ yang rtsa sbyor ba drug gi bdag nyid kyi gnas ni phra mo 'jam zhes bya ba dang/ slob dpon dpal badzra pu ti'i zhal snga nas dbus kyi rtsom la/ tha ma'i gnas ni phra mo 'jam pa bdag nyid ba'i? ye shes kyi gnas nye bar lta ba zhes bshad do zhes gsungs so/ /de tsam ye shes thig skud yod ces bya ba ni/ rtsa stong phrag bdun cu rtsa gnyis kyi nang du yod pa'i 'khor lo drug gi lte ba'i nang du gnas pa sbyor ba drug gi ye shes snang bar byed pa/ gnyis su med pa'i ye shes kyi rang gi tshogs kyi 'khor lo la dbang sgyur bar byed pa'o/ /de'i phyir rnam shes drug ces bya ba la sogs pa'i don gsungs so/ /da ni dpal ye shes thig le'i tshad dang /sbyor ba drug gi rang bzhin dbyer med pa'i don bshad de/ sh+rI gzhan min 'dir ni cha zhes bya ba la sogs pa'i don ni/ sh+rI dz+nyA ni rti? la ka zhes bya ba'i mtshan gyi sbyor ba drug gi don ni cha dang/ thig le dang/ tshul dang/ tshul tsam dang/ mchog dang/ gzhan mchog rnams rim pa bzhin du sbyar ba'i man ngag 'dir bshad pa ni/ gug pa'i rnam pa'i kha ru zhi zhes bya ba la sogs pa'i man ngag ni bla ma brgyad pa'i rim pa bar ma chad pha? yis 'dir bshad pa kha las
- 285b
rtogs par bya'o/ /yang don ni 'dir bshad pa cha'i rang bzhin ma skyes pa'i ngo bo spros pa thams cad dang bral ba'i mtshan nyid bde ba chen po'i rang bzhin nyid bsod nams dang ye shes kyi tshogs gnyis su med pa'i ye shes te/ dpal dang cha'i don to/ /de nyid ye shes lnga'i bdag nyid kyi phyir na/ dz+nyA na'i sgra'i bshad pa'o/ /de nyid ni yi ge dang bral ba'i phyir thig le ste/ spros pa'i mtshan mas stong pa/ zlum pa'i rang bzhin no/ /de nyid ni chos kyi yi ge'i rang bzhin phyir na dang/ gzhan rnam par 'gegs pa'i sgra'i ni na'i yi ge ste/ dz+nyA na'o/ de nyid blo bur ba'i sprin gyi mtshan ma rnams kyis ma gos pa'i bdag nyid nam mkha' i phyir tshul lo/ /de nyid ni ti la ka'i sgra'i bshad pas de rang du bshad par byas pa'o/ /de nyid kun rdzob dang don dam pa'i bden pa gnyis su med pa'i tshul tsam mo/ /de nyid ni gzhan rnams kun gyis spyod yul du 'gyur ba ma yin pa'i phyir na mchog go /de nyid ni gsang ba rmad du byung ba'i rang bzhin mchog tu gsang ba'i don gyi phyir na gzhan mchog tu gsungs te/ bde ba chen po'i rang bzhin 'di chos thams cad kyi ngo bo mtshan nyid kun spangs pa zhes dgongs pa'o/ /de skad du yang bde ba chen po'i ngo bor grags zhes bya ba la sogs pa'o/ /dpal ye shes thig le 'di zhes bya ba la sogs pa la/ /'dir rtsa'i mkha' 'gro ma'i mtshan nyid stong phrag bdun cu rtsa gnyis kyi gtso bo brgyad nyi shu rtsa dgu/ de las kyang sum cu rtsa gnyis rab po/ /de dag rnams kyi lte ba dang bcas pa'i ? dbang bskur ba yis ni/ 'bras bu'i rang bzhin bcom ldan 'das su 'gyur bar the tshom mi bya'o/ /de bas ni rtsa'i gnas kyi don yin te/ 'jug pa gnas pa longs spyod yin/ zhes pa ba la sogs
- 286a
pa la 'jug pa ni/ g.yon gyi phyogs kyi 'dzin ma/ de bzhin du rtog med ma dbus su gnas pa'i bdag nyid kyi byed pa dang/ g.yas kyi phyogs kyi rol can ma 'gro ba'i bdag nyid do/ /longs spyod mchog gi gnas pa'i rang bzhin mgrin pa'i gnas su/ dbang dang mi snang ba kha'i gnas su zhes bstan to/ /de yang sbyor ba drug la sogs pa'i gnas bgyid pa ni/ rang bzhin de ni mchog gzhan mchog ces gsungs so/ /dpal ye shes thig le'i dka' 'grel/ gsang ba'i de kho na nyid ces bya ba/ le'u bco brgyad pa'i bshad pa'o// //bla ma'i yon tan tha mal dngos dang bral/ zhes bya ba la sogs pa la/ 'dod chags dang zhe sdang gti mug la sogs pa'i tha mal par 'dzin pa dang/ gzung pa'i skyon spangs te gnyis pos dben pa'i che ba'i yon tan gyi sku la sogs pa brgyan nas gnas pa can no/ /de bzhin du rab kyi dbang rnams thob pa dang ldan pa'i don ni mchog gi dbang bskur ba'i sku yin te/ nang gi don dang bcas pa'i bzhi pa mthar thug pa'o/ /thugs rje dang ldan zhes bya ba la sogs pa'i don gsungs so/ /de yang 'dir bshad par ma zad de/ gzhan las kyang/ dbang bskur thob dang de nyid mkhyen/ /ye shes gnyis dang thugs rje che/ /rang bzhin bzang dang ser sna med/ /yang dag rlabs chen dpa' bo dang/ /skal ldan mtshan gyis gang ba dang/ /phrag dog yul gyi rnam par bral/ /rtag tu dga' ba'i yid ldan pa/ /'dod chags chen po gcig pu'i yid/ /sdom pa la sogs mkhyen pa yi/ /bla ma de lta bus ni bya/ zhes gsungs so/ /phung po la sogs skye mchod khams dang bral/ zhes bya ba ni/ lha'i
- 286b
sku dang ye shes las grub ba'i lus su gnas pa'i rang bzhin te/ de yang nam mkha' la 'ja' tshon bzhin/ zhes bya ba la sogs pa gsungs pa lta bu'o/ /slob ma khrims ldan dul ba dang ba can/ zhes bya ba la sogs pa la/ 'dir gsungs pa bzhin du/ bla ma lnga bcu pa dang/ rgyud la sogs pa gzhan dag las kyang rgyas par bshad pas na 'di'i don mi? go sla'o/ /dpal ye shes thig le'i dka' 'grel/ gsang ba'i de kho na nyid ces bya ba le'u bcu dgu pa'i bshad pa'o// // slob dpon dang slob ma'i mtshan nyid kyi rjes thogs la 'di gsungs pa/ de nas gzhan nyon zhes bya ba la sogs pa'i sgras gsungs so/ /ji ltar rgyud kyi rim pa bzhugs zhes bya ba la/ de'i rim pa ni 'di nyid kyi 'og nas rgyas par bshad pa'i phyir zhes dgongs so/ /'o na yang rgyud mi 'brel pa yod pa'i phyir ne rgyud do/ /de yang rgyu'i rgyud dang/ 'bras bu dang/ thabs kyi rnams su 'brel pa'o/ /de yang rgyud ces bya bar ba 'brel te/ de yang rab 'brel rnam gsum yin zhes bya ba la sogs pa gsungs so/ /rim pa ni rtsa ba'i rgyud la sogs pa'i byung tshul 'di dang gzhan rnams su gsungs pa'i rim pas so/ /gzhan dag na re dpal de kho na nyid bsdus pa la sogs pa'i rim pa yis byung tshul zhes bya ba la sogs pa'i rim pa bzhin zer ro/ /'dir bdag gi bla ma'i gzhung ni/ 'di'i rim bzhin du dpal bde mchog 'khor lo sdom pa la sogs par yang rim pa bshad pa yid gsungs so/ /de'i rim pa ni ? lta ste /dpal dang ldan pa'i rigs chen rgyud ces bya ba la sogs pa'i rim pas gsungs so/ /de skad du yang 'di nyid las/ de ltar rim pa thams cad dul/ lha mo de khros shes par bya/ zhes gsungs pa'i phyir/ zhes dgos pa'o
- 287a
sa bon las ni myu gu bzhin zhes bya ba ni/ phyi rten cing 'brel bar 'byung ba brgyad kyi rim pa sa bon dang myu gu la sogs pa'i rim pa 'byung ba'i dpe bstan pa bzhin du/ don ni rtsa ba'i rgyud la sogs pa'i rim pa brgyad po'i 'byung ba'i tshul gyis rgyud do/ /dpal 'khor lo sdom pa la sogs pa'i rgyud la sogs pa bstan pa rnams ni rgyud kun no/ /dpe rten 'brel brgyad kyi rim pa bshad pa yis/ rgyud kun shes par bya ba ni/ rim pas rigs so/ zhes bya ba'i tha tshig go /yang na ye shes 'khor rgyud yin zhes bya ba ni/ gang gi don gyis dga' ba dang/ ye shes kyi rim pa la sogs pa'i mtshan nyid kho na yang nas yang du bsnan cing rtsa ba dang bshad pa'i rgyud la sogs 'dir ni gsal bar ston pas na/ ye shes 'khor rgyud do/ /yang na don gyi rgyud yin no zhes bya ba ni/ gnyis su med pa'i ye shes skye ba med pa'i a'i rang bzhin nyid don yin te/ 'di'i 'bras bu'i mtshan nyid du yang dag par grub pa'i don dang/ tshig dang yi ge la sogs par 'brel ba'i phyir rgyud do/ /yang na thabs dang thabs las byung ba'i phyir 'brel ba'o/ /de yang 'dir rang nas rgyas par sten pa'i phyir zhes bya bas so/ /yang na rim pa gnyis ni rgyud ces bya ba ni/ skyed rim dang rdzogs rim 'brel pa'o/ /de yang bskyed pa'i rim pa la ma brten par ni/ rdzogs pa'i rim pa mi rnyed do/ zhes 'brel pa'o/ /de'i phyir dpal ye shes thig le'i rgyud kyi skabs su bskyed pa'i rim pa sngon du 'gro dgos pa yin te/ bltos pa'i dbang gis bskyed pa dang rdzogs pa ste/ bskyed pa ni thabs kyi dngos po'i bdag nyid/ rdzogs pa ni thabs las byung ba'i rang bzhin gyis phyir rgyud do?/ /
- 287b
gzhan dag na rgyu dang 'bras bu'i bdag nyid ces kyang zer ro/ /lha mo gang du skal ldan mo zhes bya ba la sogs pa la shes rab ni/ las kyi phyag rgya la sogs pa'i dbye bas bstan te/ mya ngan las 'das pa'i mtshan nyid can chad pa'i dga' ba dang ldan pa'i gtum mo gzugs kyi 'od kyi rang bzhin ni pad+ma can zhes bya'o/ /de ni thabs kyi bdag nyid mgon po dang bcas pa ste/ dbye bas rang la thabs dang shes rab gnyis dbye ba'i rims pas ni/ thabs bcom ldan 'das mchog gi gzugs kyis gnas so /phrad pa'i sa ni/ shes rab dang thabs de bzhin du rdo rje dang/ pad+ma dang/ kun rdzob dang don dam pa zhes bya ba la sogs pa'i don gyis/ rnam pa sna tshogs pa'i thabs dang shes rab kyi sgo nas rang bzhin dga' ba'i bde ba chen po'i rgyal po gnyis kyi bdag nyid gnyis su med pa rten can gyis dngos po la rten dang bral ba'i don btsal bar bya ba 'di ni rgyud ces bya'o/ /yang na ye shes las byung ba zhes bya ba la sogs pa yis rgyud kyi sgra'i don bshad de/ tan+t+ra'i? sgras ni 'di'i don to/ /ye shes ni chad pa'i dga' ba ste/ chad pa las ni sems can skye ba'i rim pas zla ba dang nyi ma dang/ sa bon la sogs pa'i mngon par byang chub pa lnga'i rim pas/ shes rab dang thabs mnyam par sbyor pa las mi snang ba dang/ longs spyod dang dbang gi rang gi snying ka'i pad+ma'i lte ba'i nang du sku mdog dang phyag mtshan la sogs pa'i lha'i rnam par 'byung pa nyid do/ /de yang saM skri? ta'i ? la sogs pa'i don to/ /dga' ba bzhi don gyis ni dri ma med pa'i sgrar gsungs ni/ a nan+ta'i sgras so/ /yod ni sgra'i dbyi gzhug mi dgos pa ni sngon bshad pa bzhin no/ /de la ye shes kyi dga' ba chad pa'i dga'
- 288a
pa gsum gyi ye shes kyi bdag nyid dngos po de las 'byung ba ni rang bzhin dga' ba'i ngo bo rdzogs pa'i gzugs/ sku gsum gyi rgyu byed pa'i dngos po 'am/ yang na sku gsum nyid mi snang ba dang/ longs spyod dang/ dbang gi mtshan nyid kyis bshad do/ /de bas na ta'i yig 'bru sku ru grags zhes gsungs so/ /na ni de nyid dri ma med ces bya ba ni/ rang bzhin dga' pa'i 'bras bu? de rang nyid las bde ba chen po'i sku ste/ sku gsum gyi bdag nyid gsum po spangs pa'i sku gnyis su med pa brjod pa dang bral ba la sogs pa'i don to/ /da ni de la rang la rgyu'i dngos po'i rang bzhin bstan te/ ta'i yig 'bru khu ba yab ces bya ba la sogs pa gsungs so/ /de rnams ni 'brel pa dang ldan pa la sogs pa'i don dang bcas pa'i phyir rgyud do/ /yang de'i don bshad pa?/ ta yig dang ni ? yig 'bru/ tshul tsam gyis ni gnyis ka ldan zhes bya ba la sogs pa la/ a ta'i sgras ni rgyud kyi de nas kyi don la sbyor bar bya ba bshad de/ 'on kyang bsdus te bstan pa/ ta'i yig 'bru ni shes rab kyi ngo bo'i gzugs rtsa 'dzin ma'i mtshan nyid can chad pa'i dga' ba mya ngan las 'das pa'i phyogs so/ /de'i? yig 'bru ni thabs kyi ngo bo'i gzugs ro ma'i mtshan nyid can mchog? gi dga' ba srid pa'i bdag nyid can kun rdzob po/ /tshul tsam ni phyogs gnyis pa'i mtshan nyid thams cad/? 'gegs pa'i phyir tsam mo/ /'o na yang ldan pa'i don gyis ni ye shes rgya che ba dang ye shes kyi phyogs kun dang ldan pa'i rang bzhin bstan te/ 'dzin ma dang de? ma la sogs ? de rnams dang ldan pa'i mtshan
- 288b
nyid rtog med pa'i rang bzhin dga' ba'i rten can dang/ brten pa gnyis su med pa'i bde ba chen po dang ldan pa mchog tu gyur pa dbang po'i yul ma yin pa zhes bya ba la sogs pa'i don gyis bstan to/ /de'i phyir de ni rab mchog a yig 'bru zhes bya ba la sogs pa gsungs so/ /de skad du snying gi dbus na mi shigs pa/ gsal zhing mar me bzhin du 'bar/ mi 'gyur mchog tu phra ba ste/ yig 'bru dam pa ar zhes bya/ zhes gsungs pa dang/ de bzhin du yang/ a'i yig 'bru kun gyi mchog/ don chen yi ge dam pa ste/ khong nas 'byung ba skye ba med/ tshig tu brjod pa spangs pa ste/ zhes bya ba la sogs pa gsungs pa'i don gyis rgyud kyi don la sogs pa bstan te/ ta'i yig 'bru dang/ ra gnyis sbrel bas/ a'i yig 'bru gyur pa ste/ kun rdzob tsam du don sna tshogs pa'i mtshan nyid tsam gyis skye ba med pa'i rang bzhin gyi don rnyed do/ /dpal ye shes thig le'i dka' 'grel/ gsang ba'i de kho na nyid ces bya ba le'u nyi shu ba'i bshad pa'o// //de nas yang bcom ldan mo nyid kyi don zhu bar 'dod pa'i phyir na/ 'dir gsungs pa/ bcom ldan ye shes thig le lags/ zhes bya ba la sogs pa gsungs so/ /zhus pa'i lan gsungs pa ni/ ye shes kyis rnyed gsang ba po zhes bya pa la/ ye shes ni me long lta bu'i ye shes la sogs pa lnga? po yis de rnyed par 'gyur ba'i thabs so/ /gsang ba ni gnyis su med pa'i ye shes drug pa'i 'od byed pa'i rang bzhin nyid brjod pas mi nus pa dang/ snod ma yin pa rnams la mi bstan pa'i phyir gsang ba'o/ /yang na 'dir snang pa dang/ snang
- 289a
ba ched pa dang/ snang ba thob pa dang/ 'od rab kyis ye shes kyi rnyed pa'o/ /snang ba'i rim pas dga' ba rnams kyis ngo bor bshad pa yin te/ de skad snang ba dga' bar bshad pa ste/ zhes bya ba la sogs so/ /lha mo ni bcom ldan 'das yum shes rab kyi pha rol tu phyin pa nyid yin te/ rang bzhin gyi 'od rang de kho na nyid bde ba chen po kun gyi gnas su 'gyur ba'o/ /'byung ba ma yin ni/ gnyis su med pa'i bdag nyid kyi rang bzhin ni skye ba dang/ 'gag pa dang bral ba brjod du med pa/ yi ge dang bral ba'i chad pas mi rnyed pa/ mi zad pa/ chos thams cad kyis mi gos pa med pa'i phyir nam mkha' dang mnyam pa'o/ /de bas na skye ba nang gi 'pho med rab ces bya ba la sogs pa gsungs pas ni/ gang nas kyang ma skyes pa'i don no/ /da ni bcom ldan mo'i ngo bo bstan pa/ rang gi ngo bo ye shes 'od ces bya ba la sogs pa la/ bcom ldan 'das dpal ye shes thig le'i yum nyid rang 'od kyi bdag nyid/ phyag rgya chen po'i rang nyid ni bde ba chen po'i sku la sogs pa'i dbye bas dbye bar bya ste/ ci'i phyir zhe na/ gdul bya'i bsam pa'i dbang gis drang ba dang nges pa'i don gyis rang gi ngo bo dbye ba'o/ /da ni skyon dang yon tan ston te/ gzhan min bdag dang khyod med na zhes bya ba la sogs pa gsungs so/ /de ni 'byung ba dang skye ba med pa yin yang gdul bya'i mos pa'i dbang dang/ thugs rje'i byin brlabs kyis bstan te/ mchog gi nam mkha' i gnas nas byon/ zhes bya ba la sogs pa la/ de bzhin gshegs pa thams cad kyi bdag nyid bcom ldan 'das yum phyag rgya chen po dang bcas pa/ bsod nams dang ye shes kyi tshogs gnyis dang ldan pa'i phyir/ mdza' gnyis la mi gnas pa'i phyir
- 289b
don gyi rang bzhin nyid kyi ngo bo las ma 'das par gdul bya'i dbang gi sku dang bzhir snang ba dang/ de bzhin du ji ltar gdul ba'i gzugs kyis bzhugs so/ /'di skad du/ de bzhin gshegs pa'i thugs rje yis/ ji ltar 'dul ba bzhin du snang/ zhes gsungs so/ /mchog ni bde ba chen po'i mtshan nyid skyon gyis ma gos pa'i chos kyi dbyings nam mkha' sprin la sogs pas gnod par mi 'gyur ba bzhin no/ /kun gyi bsgrub cing thob bar bya ba yin pa'i phyir/ gnas de nyid las ma g.yos bzhin du don mdzad pas na byon pa'o/ /de yang gzugs kyi sku'i dngos po'i tshul dus bcu'i byang chub sems dpa' la sogs pa rnam par dag pa rnams kyis so/ /sku gnyis ji lta ba'i don spyod pa dang/ 'tsham pa bzhin du byis pa so so'i skye bo la gzigs nas 'dul bya'i dbang gis chos ston du gshegs kyang sku nyid bde ba chen po las mi g.yo bar bzhugs pa ni mchog gi nam mkha' i gnas nas gshegs zhes bya'o/ /bde ba chen po'i sku thams cad kyi rang bzhin yin te/ ci'i phyir zhe na/ phyag rgya chen po'i bde ba mnga' 'khor ba ji srid par gnas pa nyid la sogs ba'i bye brag dang ldan pas ?/ chos kyi sku dang/ longs spyod rdzogs pa dang/ sprul pa'i sku la sogs pa kun gyi rang bzhin te/ sku de rnams tha mi dad pa mnga' ba'i phyir ro/ /de bas na mchog gi nam mkha' i phal? so nas/ mchog gi nam mkha' i rtag tu bzhugs zhes gsungs pa yin no/ /gzhan na re tshig bzhi po bde ba chen po'i 'khor lo la sogs pa bzhi la rim pa bzhin sbyar zer ro/ /de ni nges pa'i don du bshad de/ kun rdzob rnam pa'i gzugs kyis ni/ zhes bya ba la sogs pa la/ bcom ldan 'das dpal ye shes thig le ni shu k+Sha'i rnam
- 290a
ba bde ba chen po'i 'khor lor bzhugs pa'i gzugs so/ /yum phyag rgya chen mo mkha' 'gro ma'i gzugs kyis rnam pa rtsa'i khyad par gyi dngos po rtog med ma'i sku ma nor ba thabs nyid la 'khyud pa ni/ pad+ma'i skud pa ji bzhin sku'o/ /de yang dbus kyi khyad par rtog med ma nyid g.yas dang g.yon du ro ma dang/ 'dzin ma de dag gi gnas srog gi dbyug pa'o/ /gsang ba ni sba bar bya ba'i thabs kyi gsang ba'i rdo rje dam tshig med pa la mi bstan pa/ sna ni sangs rgyas rin po che ni snod pad+ma 'dab ma brgyad pa'i ge sar dang lte bar bcas pa'i snying po gnas zhes bya ba ni/ mchog gi dga' ba dang/ chad pa'i dga' gnas ma yin pa'i lte ba'i gnas khyad par can no/ /langs nas ni ye shes kyi 'od zer gzugs kyis bzhengs pa'i ngo bo 'di'o/ /bde ba'i pad+ma zhes bya ba ni/ bcom ldan 'das bde ba chen po'i gnas rtog med ma'i lam gyi gnas kyi pad+ma ni thabs dang shes rab gnyis dbyer med par bzhugs pa dang/ gshegs pa dang byon pa'i gnas so/ /thig le khod du chud pa'i phyir zhes bya ba ni/ thabs dang shes rab gnyis su med pa'i sbyor ba'i don gyi ye shes kyi 'od kyi thig le'i don rtogs pa'i rang bzhin spros pa med pa'i gtum mo'i grogs lte ba'i thig les byas pa dang/ dbyer med pa'i gzugs su 'gyur te/ de yang gshegs so/ /gshegs nas rten pa kun ka tshig ces bya ba ni/ gyen la gshegs shing 'od 'bar ba'i 'od zer gyi rtsa'i nang gi rnam par rtog pa'i dngos po ji snyed pa de snyed ye shes kyi 'od kyis sbyangs shing bsregs/ thal bar 'gyur ba ni ma yin no/ /de'i don ni mi dmigs ba'i? rang bzhin du
- 290b
byas pa la ni bsregs shing tshig ces bya'o/ /rgyal ba'i thig le khyer nas ni/ zhes bya ba ni/ rjod pa thams cad las rgyal ba ni/ da bzhin gshegs pa kun gyi bdag nyid/ bcom ldan 'das de nyid kyi gzugs kyi byang chub sems dang ldan par gzhu nas/ spros pa dang bral ba'i rang bzhin du byed pa'i don to/ /yang ni zhes bya ba ni/ sngar gyi lam nas yang sngon dang mi 'dra bar zhes bsnan pa'i tha tshig go /khyod ni bcom ldan 'das ma phyag rgya chen po'i nyid de sngar bstan pa dang/ gyis 'byung ba dang/ da ltar bzhugs pa'i gnas dang 'brel ba'o/ /'byor pa'i don zhes bya ba ni/ lte ba'i rang bzhin dga' ba'i gnas nas gshegs nas yang slar sdud de rang du byon zhes bya ba'i tshig gi don to/ /de'i gnas ni/ lte ba'i sprul pa'i pad+ma zhes bya ba la sogs pa yis bstan te/ de nyid du gsal ba'i phyir/ ma bshad pa yin no/ /de yis ni spros pa med pa'i phyag rgya chen po'i gtum mo ye shes kyi 'od la rten pa ste/ dga' ba'i rim pas rang bzhin dga' ba de nyid las spros pa med pa'i rang bzhin dga' ba phyag rgya chen po'i rang gi ro bo rnyed pa'o/ /kha cig 'khor lo bzhi'i dbye bas spros pa dang bcas par 'dod/ kha cig spros pa yod rung med rung/ mchog gi nam mkha' i gnas nas byon/ ba la sogs pa'i tshigs bcad 'dir rang bzhin dga' ba'i gnas gnyis la sbyar te/ de yang bde chen gyi gnas dang/ sprul pa ru rang bzhin dga' ba skye ba'i dus kyi skabs kyi gnas so zer ro/ /kha cig sprul pa'i gnas kho na zhes smra'o/ /de bzhin kha cig bde ba chen po gcig bur gnas pas gnas pa dang gshegs pa la sogs pa zer ro/ /tshangs pa'i g.yul las bye ba mthar zhes bya ba la sogs pa la byang chub kyi sems bde ba
- 291a
chen po'i rang bzhin spyi bo'i 'khor lo na gnas pa'i phyir dang/ sems can thams cad sangs rgyas kyi rang bzhin can yin pas phyag rgya chen po bcom ldan 'das yum dang/ rgyu dang 'bras bu'i rang bzhin du gcig pa'i phyir dang/ rgyas btab pa'i nges tshigs gsungs pa ni/ de'i phyir phyag rgya chen po khyod grags zhes bya ba'o/ /'di skad du/ rgyu las 'bras bus rgyas btab cing/ 'bras bu la yang rgyus rgyas btag ces gsungs pa dang/ sems ni ye shes 'byung ba'i rgyu/ sangs rgyas gzhan du mtshol cig /ces gsungs pa dang/ yang 'jig rten khams ni gang du yang/ gzhan nas sangs rgyas rnyed mi 'gyur/ sems ni rdzogs pa'i sangs rgyas nyid/ gzhan na sangs rgyas bstan du med/ ces gsungs so/ /dpal ye shes thig le'i dka' 'grel/ gsang ba de kho na nyid ces bya ba le'u nyi shu gcig pa'i bshad pa'o// //sngags kyi don la som nyid gyur pas 'dir zhus pa ni/ gsang ba'i pad snying rgyas byed pa/ zhes bya ba la sogs pa la rdo rje dang pad+ma'i sgras bshad pa'i thabs dang shes rab kyi pad+ma 'dab ma dang/ lte bar bcas pa'i gsang ba'i thugs yang dag pa'i ye shes kyis dbye bar byed cing rgyas par mdzad pa'i phyir/ gsang ba'i pad snying rgyas byed pa'o/ /ji lta ba'i nyi ma shar pa'i byin gyis brlabs kyis pad+ma'i gzugs kyi rnam par smin pa dang/ 'brel pa'i dpe brjod pa'i don kyang de bzhin no/ /re zhig ni rim gyis don yin te/ 'og nas 'byung ba dang 'brel pa'i mtshan nyid do/ /ci'i phyir gsang ba bshad ces bya ba la sogs pa ni/ der gnas dang gsang ba'i don bshad pa/ 'dir gsang ba'i
- 291b
don gyi mtshan nyid de rgyas pa dang gnas gyi don zhus pa'o/ /bcom ldan 'das kyis bka' stsal pa zhes bya ba la sogs pa la/ 'pho ba dang 'jig pa la sogs pa dang bral ba'i ri bong gyi gzugs ni/ ga phur dngos po phur dang bral zhes bya'o// shes rab kyi skye gnas kyi khyad par de bzhin thabs la yang yin pa'i 'di ni de'i gnas ni skye gnas yin zhes bya'o/ /de dag la brten pa byams pa yis dga' ba la sogs pa'i 'bras bu'i don 'byung ba bcom ldan mo la gsungs pa ni/ dga' ba sbyin pa mo phyag rgya zhes bya ba'o/ /de la gsang ba'i don ni rgyu'i rang bzhin 'bras bu dang bcas pa'i gsum gyi dbye bas rab 'bring dang/ tha ma'i don bstan pa yin no/ /bcom ldan mo yum gyis tha mal pa'i 'dod chags dang 'bras bu dang thabs dang gsum gyi dbye bas rab dang/ 'bring dang/ tha ma'i don bstan pa yin no/ /bcom ldan 'das mo yum gyis tha mal pa'i 'dod chags dang/ gos gyis dogs pa'i phyir/ bcom ldan 'das la gsol pa'o/ /byang chub sems ni ga bur gzugs zhes bya ba la sogs pa la/ kun rdzob kyi byang chub kyi sems gang zag so so'i skye bo thams cad la yod pa'i phyir dang/ pho dang mo'i skye gnas kyi phye nas/ 'dod chags la sogs pa'i spyod pa kun byed cing gnas mtshungs pa yin pa'i phyir/ gang zag kun gyis gsang ba'i don nges pa/ kho nar shes shing khong du chud pa'i don gyis dbang bskur ba'i don dang dam tshig dang/ thos ba la sogs pa mi dgos par 'gyur bas ci zhig bya zhes bya'o/ /bcom ldan 'das kyis bka' stsal zhes bya ba la sogs pa 'on kyang ni/ ma rangs pa'i tshig tu rig par bya'o/ /drang ba'i don gyi tshig gis ldan zhes bya ba ni/ byang chub kyi sems ga pur kun rdzob kyi dngos
- 292a
po'i gzugs la yang yon tan yod pa yin pa dang/ de bzhin du gnas la yang sbyar bar bya ste/ rten gyi don gyi phyir yang dag des pa'i don zhes bya ba ni/ rten kun rdzob kyi gzugs gnas dang/ byang chub kyi sems ga bur drad pa'i don gyis tshig la brten nas/ don dam pa'i byang chub kyi sems kyi rang bzhin nges pa'i don yang dag pa'i tshig dang/ rten la sogs pa'i mtshan nyid spangs pa/ rten dang rten las rnyed pa de ni/ rgyu dang 'bras pu'i bdag nyid do/ /de'i phyir rten med na 'bras bu ji ltar rnyed ces bya ba la sogs pa'i gsungs so/ /lus kyi dngos po med ji ltar 'di ru sems zhes bya ba ni/ dper na lus med par sems gnas pa'i gzhi med pa bzhin khu ba'i gzugs med na bde ba'i rang bzhin med pa ni bde ba kho na nyid yin no/ /de skad du/ lus kyi dngos med ci ste bde/ /bde ba brjod par yod mi nus/ /khyab bya khyab byed rang bzhin du/ /'gro ba rnams la bde bas khyab/ /ji ltar me tog la gnas dri/ /me tog dngos med shed mi 'gyur/ /de bzhin gzugs sogs dngos med na/ /bde ba dmigs su med pa nyid/ /ces gsungs pa dang yang khu ba med 'gyur/ bde dang bral na'ang de med 'gyur/ bltas bcas nus pa med pa'i phyir/ /lha yi sbyor bas bde ba'o/ /zhes gsungs so/ /ji ltar don mthun gsang tshig de ni gsang zhes bya ba ni/ lus dang me tog la sogs pa'i dpe bstan pa rnams dang/ de bzhin 'der mthun par bshad pa'i tshig dang 'brel par don mthun pa 'di ni/ rten gyi rgyu'i gsang ba'o/ /da ni 'bras bu'i gsang ba'i don bshad par bya ste/ drang pa'i don min nges pa'i don yang min zhes bya ba la sogs pa gsungs so/ /de ni
- 292b
thabs dang bcas pa'i gsang ba'i don tsam par bstan te/ yang na mos pa 'bring gi don gyis su zhes bya ba la sogs pa la/ mchog gi dga' pa zhes bya ba ni/ dga' ba thams cad kyi mchog tu gyur pa ni/ rang bzhin dga' ba'i ngo bo bzhi pa 'di yin no/ /sbyin pa mi chad pa'i dga' ba'i rgyu'i mtshan nyid kyis bzhi pa'i 'bras du gzugs su ster ba'i don to/ /de'i phyir 'bad pas chad dga' srung bar byed ces bya ba la sogs pa la chad pa'i dga' ba'i gnas su shes rab dang thabs kyi sbyor ba byas pa las/ byang chub sems 'bab pa de rdo rje'i 'khor lor mchog gi dga' ba de las 'phos pa nyid 'bang pa ste/ ye shes kyi rlung 'gugs pa'i bsrung bar byed pa'o/ /de nyid las rang bzhin dga' ba nyams su myong ba rnyed par 'gyur ro/ /de'i 'bras bu ni gsang ba'i don te/ bzhi pa rdo rje'i sku zag pa med pa bde ba dus thams cad par rgya che ba/ spros pa'i mtshan mi mnga' ba'i rang bzhin gyi ye shes te/ rang kyi gsang ba zhes bya ba 'bras bu'i don to/ /gzhan na re chad pa'i dga' ba nas rang bzhin dga' bar 'og tu 'pho ba ste/ de yang gong ma pa'i yon tan gyis 'og ma thub pa de las/ 'bras bu'i don rnyed kyi skye ba ma yin no zhes zer ro// nor mdung snying ga yi ni gsang/ zhes bya ba ni/ rin po che'i nor bu'i mdud pa'i dkyil gyi lte ba'i snying ga'i gnas ni gsang ba'i gzhi dang bcas pa'i gsang ba'i don bstan pa'o/ /byang chub kyi sems dang ldan pa zhes bya ba ? gnas khyad par can du kun rdzob dang don dam pa'i byang chub kyi sems rang bzhin dga' ba dang ldan pa bzhugs pa'i tha tshig go/ /thabs kyi gzugs la gnas kyi bye brag dang/ byang chub sems kyi nam pa'i ltar re bzhin ?
- 293a
rab ma la yang gnas pa ni/ shes rab ma'i de bzhin no zhes bya ba'o/ /dpal ye shes thig le'i dka' 'grel/ gsang ba'i de kho na nyid ces bya ba le'u nyi shu rtsa gnyis pa'i bshad pa'o// // gsang ba'i don rang bzhin dga' ba'i mtshan nyid du gsungs pa'i rjes su bar cis kyang mchod pa/ de nas bcom ldan 'das ma phyag rgya chen po yang khu bar byed do/ /zhes bya ba ni/ sngar zhus pa de yin pa'i don la yang zhu zhes bya bar sbyar bar bya'o/ /mgon po thams cad gtan la phab/ ji ltar rang bzhin yin pa la/ zhes bya ba ni/ skyabs med pa rnams kyis skyabs mgon byed pa khyod yin zhes pos nas/ rgyud kyi rim pa 'di nyid phyi dang nang la sogs pa'i chos rnams thams cad gsungs shing bshad de gtan la phab na/ de rnams thams cad kyi gsang ba'i don rang bzhin dga' ba mchog tu gyur la/ dbang po las 'das pa/ zag pa med pa'i bde ba chen po gnyis su med pa'i ye shes de ji lta bu lags zhes zhus pa'i phyir ro/ /de ji lta bu'i tshig thos nas zhes bya ba la sogs pa ni/ zhus pa'i tshig la lan bka' ma stsal par cang mi gsung bar mtshan ma med pa'i rang bzhin gyis mi snang pa'i ngo bo bde ba chen po gnyis su med pa'i don la bzhugs pa tsam gyi spyod yul du ma gyur pa'i don to/ /'di'i don ni 'di rang gi 'og nas rgyas par gsungs te/ de ci'i phyir zhe na/ rang bzhin brjod du med pa dang/ rtog ye? med pa dang/ btsal du med pa dang zhes bya ba la sogs pa gsungs so/ /'di ni 'phags pa 'jam dpal gyis byang chub sems dpa' chen po li tsa ba'i dri ma med par grags pa la gnyis su med pa'i don slar dris pas/ dri ma med
- 293b
par grags pa cang mi gsungs pa'i tshul dang mtshungs pa yin no/ /de nas bcom ldan 'das mo phyag rgya chen po zhes bya ba la sogs pa'i gsungs pa rnams ni go sla'o/ /'di'i rgyud las bdag las gzhan zhes bya ba la sogs pa la bcom ldan 'das ye shes thig le'i rgyud 'dir bcom ldan 'das kyis rang bzhin gyi don dang dpa' bo rnams kyi rang bzhin gyi don gyi mtshan brdar bstan pa tha dad pa ru yod pa ni ma yin de gcig pa nyid do/ /ci'i phyir zhe na/ dpa' po rnams dang lha smos kyang ci dgos/ bcom ldan 'das nyid las 'di'i chos thams cad rdzu 'phrul gyi bstan pa'i phyir ro/ /de ni lte ba'i gsang ba'i pad+ma ces bya ba la sogs pa'i sgra'i dbyi gzhug gi sngon bzhin no/ /na ma'i don gyis shes rab kyi pad+ma dang/ thabs kyi nor bu'i rin po che'i sgras chad pa'i dga' ba dang/ mchog gi dga' ba'i rgyu de dga' sbyor ba las rang bzhin dga' ba'i rgyal po nyid ni/ bcom ldan 'das dpal ye shes thig le'i mtshan nyid kyi don dang/ dpa' bo rnams kyis yang gsungs pa yin no/ /de'i phyir chos thams cad kyi gsang ba'i 'bras bu'i don rang bzhin dga' ba bcom ldan 'das kyis don du bsdus pa 'di yin no/ /dpal ye shes thig le'i dka' 'grel/ gsang ba'i de kho na nyid ces bya ba le'u nyi shu gsum pa'i bshad pa'o// //bcom ldan mos gsol pa zhes bya ba la sogs ni/ chu'i dbang dang/ gsang ba dang/ shes rab ye shes la sogs pa'i dbang bskur ba'i dus su/ dkyil 'khor gyi bye brag dang/ rdo rje slob dpon bla mas/ chog gang gi dbang bskur ba sbyin zhing slob mas tshul ji ltar zhu zhing blang zhes zhus pa'o/ /chu la sogs pa'i dbang dus su zhes bya ba ni/ chu'i dbang dang?
- 294a
dbu rgyan dang/ rdo rje dang dril bu dang/ ming la sogs pa'i dbang bcu gcig po rnams bskur ba'i dus su/ dkyil 'khor gyi rnam pa ni/ rdul tshon la sogs zhes bya ba ni/ sogs pa'i sgras thang ka'i dkyil 'khor dang/ 'bur dang/ lugs ma bshad par gshes so/ /gsang ba'i dbang bskur dus su ni/ zhes bya ba la sogs pa ni/ pad+ma dang/ ku mu ta dang/ utpa la dang/ mand+ha ra ba dang/ de bzhin du me tog gi khyad par gang yang rung ba'i dkyil 'khor byas la/ gsang ba'i dbang bskur sbyin par bya'o/ /yang na me tog ni/ pad+ma dang/ ku mu ta yis mtshon nas dkyil 'khor bri bar bya/ dgram par bya zhing bzor bya'o/ /zhes 'di'i brdad pa stan pa'o/ de bzhin du rdul tshon la sogs pa'i yang bshad pa'o/ /shes rab ye shes kyi dbang bskur dus su zhes bya ba la sogs pa ni/ tsan dan dang/ gla tsi dang/ gur gum dang/ ga pur dang/ a ka ru la sogs pa dri zhim po sna tshogs pa'i dkyil 'khor byas la dbang bsku? sbyin par bya'o/ /yang na gur gum dang/ ga bur gyi dkyil 'khor bri bar bya/ zhes nang du bstan pa'o/ /da ni dbang bskur ba'i mtshan nyid ston te/ las dang po'i dang po la zhes pa la sogs pa'o// sbyang ba sa byas pa'i sems can rnams la chu dang/ dbu rgyan dang/ rdo rje dang/ dril bu dang/ ming dang/ dam tshig gsum dang/ brtul zhugs dang/ lung bstan pa dang/ skyabs sbyin de rnams nges pa'i don du sbyin par bya'o/ / shes rab can drang don te zhes bya ba ni/ sbyang ba byas pa'i shes rab ldan pa la drang ba'i don du de rnams sbyin pa'o/ /ci'i phyir zhe na/ dbang po rab yin pa'i phyir na/ bsod nams chen pos yongs su smin pa'i mtshan nyid can/
- 294b
ji ltar pad+ma yongs su smin pa las nyi ma'i 'od kyis reg pa tsam gyis rgyas par gyur pa'o/ /pad+ma yongs su ma smin pa rnams ni/ rgyas pa ma yin yang/ 'on kyang dus phyis rgyas par 'gyur ro/ /de bas na sa la sogs pa'i 'bas ba thob cing sbyang ba byas pa'i don de/ mchog gi bla ma dang 'jom pa'o/ /da ni gsang dbang bskur ba ston te/ nor bu'i mgrin par byang chub sems zhes bya ba la sogs pa gsungs so/ /slob ma'i gsang ba'i dbang bskur ba'i dus sa ye shes bskyed pa'i rim pa ni 'di yin te/ ske'i dbus su rtsa gnyis ni zhes bya ba la sogs pa ni go sla'o/ /mthe bo mdza' lhag gnyis kyi mnan zhes bya ba ni/ thabs dang shes rab kyi rdo rje dang pad+ma'i bdag nyid kyi rang bzhin du bsam te/ rtsa tsir ba la rtog pa med pa'i ye shes skye ba 'di ni/ gsang ba'i dbang gi don yin te/ de nas ye shes 'byung bar 'gyur zhes gsungs so/ /de yi dpe yi rang bzhin ni/ bu mos rnyed pa'i bde ji bzhin/ zhes bya ba ni/ skyes pa dang phrang pa'i bu mo gzhon nu ma'i bde ba de gzhan dag las bstan cing brjod par mi nus pa ji lta ba bzhin du/ rtsa mnan pa'i ye shes kyang don de ltar ro/ /gzhan kha cig ni ma ning la sogs pa'i shes rab ye shes kyi dbang bskur ba'i thabs dang/ ye shes su bcas pa yin no zer ro/ /'di skad du ji ltar gzhon pa'i chags dga' dang/ ji ltar lkug pa'i rmi lam bzhin? zhes gsungs so/ /yang kha cig na re se'i gsu? rtsa gnyis mi zhes bya ba la sogs pa ni/ rgad po dang skyed pa shes rab ye shes kyi dbang bskur ba'i ye shes bral ba'i dga' ba nyams su myong pa/ dul ba'i mthe bong dang mdza' rtag gi rtsol ba las skye ba'i don te zhes zer ro/ /da ni shes rab
- 295a
ye shes kyi dbang ston to/ /reg bya chen pos dga' ba che/ zhes bya ba la sogs pa la/ rdo rje slob dpon gyi gzhon nu ma la/ rdo rje dang pad+ma sbyor ba las nang gi reg bya chen po'i mtshan nyid dga' ba'i don nyams su myong ba dang de las mchog gi dga' ba la sogs pa'i bde ba bdag dang shes rab ma gnyis kas myong ba'i don rang bzhin dga' ba rdzogs pa'i rim pa yis dbang rdzogs par bskur bas shes rab kyi dad pa bskyed pa dang/ yang slob ma de lta bu'i don ston cing/ phan 'dogs nus pa'i phyir/ dga' ba rnams dang/ skad cig ma rnams kyi don bstan cing don du yang gzhug pa ni/ dga' sogs bye brag mgu bar bya/ zhes bya ba'i don to/ /gzhan ma bshad pa ni/ rtsa ba nas gsal ba'i don gyis so/ /de ni slob ma dbang bskur zhing skyangs sbyin gyi chog gzhan du ston te/ de nas slob ma la sbyin bya/ zhes bya ba la sogs pa gsungs so/ /dbang bskur ba'i rim pa de rnams la sbyin no/ /shes rab can gyi slob ma la ni/ bya ba dang bral ba'i dbang sbyin pa yin te/ nang la sogs pa bum dbang/ gsang ba dang shes rab ye shes dang bzhi pa rnams so/ /'on kyang rgyud las ni 'di skad du/ dang po'i dga' ba dang ldan pa/ las dang po la sbyin par bya/ gnyis pa dga' ba dang ldan pa/ snang ba gsum ni thob la sbyin/ gsum pa dga' ba dang ldan pa/ chos kyi sbyin rnyed nges pas so/ /bzhi pa'i dga' ba dang ldan pa'i/ kun tu 'ong rnyed sa la sbyin/ zhes gsungs so/ /bla ma'i zhal snga nas las dang po pa de gnyis ni gcig la ma yin te/ de ci'i phyir zhe na/ byang chub sems dpa' i sa dang po pa dang/ slob bzhin pa'i khyad par gyi phyir ni/ rgyud de gnyis su ming tsam mthun yang/ don ni de ltar ma yin no//
- 295b
dper na lha'i bu tshangs pa dang/ de bzhin gshegs pa'i tshangs pa bzhin no/ /zhes gsungs so/ /mdza' ni rnam par 'byed par shes/ zhes bya ba ni/ chad pa'i dga' ba'i pho brang du ye shes bco lnga'i rnam pa la byed pa byed pa ni/ rnam par 'byed pa'i ye shes rten dang bcas pa'i dngos po rnams kyis bye brag go /bcom pa'i phyir zhes bya ba ni/ de rnams kun gyi nyon mongs pa'i rnam par rtog pa'i mtshan ma ji snyed pa de snyed bcom pa'i phyir ni/ rang bzhin dga' ba'i mtshan nyid du 'gyur ba'o/ /de'i rten gyi khyad par dang/ bskyed pa'i rim par rdzogs pa'i ye shes chen po mthong zhing rnyed par 'gyur bar bshad pa'o/ /de'i phyir na rnam par 'byed pa bcom mthar zhes bya ba la sogs pa gsungs so// de skad du ye shes chen po sku dang bral/ gnyis su med par nam mkha' bzhin zhes gsungs so/ /dpal ye shes thig le'i dka' 'grel/ gsang ba'i de kho na nyid ces bya ba le'u nyi shu bzhi pa'i bshad pa'o// //mngon sum zhes bya ba ni/ nyid kyis mngon sum du nyams su myong nas/ gzhan la yang de bzhin gshegs pa'i don bstan pa 'am/ rjes su dpag pa ni nyams su myong bar dgongs pa'i dbang gis gzhan dag la rtags kyi mtshan ma tsam la rten nas gsungs pa yin pa'am/ rgyu dang 'bras bu mthun pa ma yin na ni/ 'gal bar 'gyur ba yin pas/ dper na 'bras kyi sa bon las 'byung ba ni rig pa yin pa dang/ sa bon las 'bras bu la lu skye ba ni mi rigs pa'i phyir/ sa bon dang 'dra 'bras bu 'am zhes bya ba la sogs pa'i zhu ba'i don gsungs pa ni dgongs pa bshad pa'o/ /gsang bas na pad+ma'i snying po ni zhes bya ba la sogs pa la/ thabs rnal 'byor ba'i gsang ba'i rdo rje rin po che'i rtse mo rang
- 296a
gi gnas na chu skyes pad+ma brgyad pa'i 'og na gsum pa lte ba dang bcas pa'i snying po ni tshigs rgyas pa'i gnas yin te/ phyag rgya rnams las gang yang rung pa'i gcig gis sbyor ba byas pa las ye shes kyi me 'bar par 'gyur ba dang/ yang dbyar med pa'i rdo rje bde pa byang chub kyi sems spar rang gi gsang ba'i rdo rje'i rang bzhin dga' ba'i gnas su gshegs pa nyid kyi rgyas pa'i don ni/ rim gyis ye shes snying po'i bdag nyid rgyas pa'o// yang na thams cad kyi ni tshigs zhes bya ba la sogs pa la/ snying po ni gzung ba dang 'dzin pa gnyis spangs pa'i byang chub kyi sems gnyis su med pa'i ye shes te/ dbyer mi byed pa'i mtshan nyid can rdo rje/ bya gdong ni rdo rje dbyings kyi dbang phyug ma'i rtsa dbyibs kha kha mu kha'i rtsa dbyibs ni shes rab ma'i dbang du byas te/ 'dab ma dang lte ba la sogs pa ni sngar bzhin no/ /de la rdo rje rtse mo yis zhes bya ba ni/ thabs kyi gsang ba'i rdo rje rin po che dang/ sangs rgyas rin po che gnyis kha sprad pa las gnyis su med pa'i ye shes kyi gzugs kyi bdag nyid la rgyu byed pa'i dngos po'o/ /phye ba de ni rgyas par brjod ces bya ba ni/ rdo rje dang pad+ma'i don gyis snying po bde pa chen po'i byang chub kyi sems kyi bya gdong ma khong du chung pa ni/ tshigs rgyas pa'i don to/ /a ta pi khal gnyis kyi dbus zhes bya ba ni/ g.yas pa ni g.yon pa'i gzung 'dzin gyi dngos po dang bcas pas rtog pa can gyi mtshan nyid dang gcig pa ma yin pa'i rang bzhin dbus na/ gnyis dang bral ba/ gnyis pa'i bdag nyid bde ba dang bcas pa'i phyir rtog med ma'o/ /so sho ma ye shes ngo bo nyid ces bya ba ni/ kun rdzob dang don dam
- 296b
pa'i gzugs kyi zhu ba med pa shin tu phra ba'i ye shes rgyun mi 'chad pa'i ni 'bab pa'i rgyu ba/ gzung 'dzin spangs pa'i rtsa nyid kyi ming gi rnam grangs su ni mtshan nyid spangs pa'i gzugs su gnas zhes bya'o/ /thabs dang shes rab kyis de'i don rtogs par bya ba gsungs pa/ bsrub dang bsrub pa'i sbyor ba yis zhes bya ba la sogs pa'o/ /las kyi phyag rgya la ltos pa med par tshigs rgyas pa'i snying po'i don bshad pa no/ lte ba'i gnas nas smin 'khor lo zhes bya ba la sogs pa gsungs so/ /kha cig na re las kyi phyag rgya'i bsrub pa dang bsrubs pa'i rgyus lte ba'i gnas nas smin 'khor la sogs pa yin par 'gyur ba'o zhes zer ro/ /da ni rang bzhin dga' ba bde ba chen po'i rgyal po'i don tshigs rgyas pa'i zhes bya ba'i sgras gsal bar ston te/ min? bsrub dang bsrub pa ste/ zhes bya ba la sogs pa'i sgrus gsungs pa'i don ni/ le'u bcu pa'i sgra'i dbyi gzhug bstan pa bzhin du bya'o/ /bsrub pa dang bsrubs pa ni/ thabs dang shes rab la brten pa'i don ston pa ni dga' ba la sogs pa'i 'bras du'i don ni go sla bas ma bshad do/ /dpal ye shes thig le'i dka' 'grel/ gsang ba'i de kho na nyid ces bya ba/ le'u nyi shu lnga pa'i bshad pa'o/ //de kho na nyid kyi snying po'i don ston pa'i le'u 'byung ba la ni/ de nas gzhan nyon bdag gis bshad ces bya ba ste/ bcom ldan 'das kyis sdud pa po la bos nas 'di'i zab mo'i don nyid du bsdus te gsungs pa'o/ /ye shes rab mchog gang gis bshad ces bya ba ni/ rgyud 'di dbu nas zhabs su gnyis su med pa'i ye shes la rgyu la sogs pa gsungs so/ /'di rnams ni rgyud kyi don gyi snying po bsdus pa yin pas/ /phyi ma la
- 297a
sogs pa ni 'di dang rang gi /le'u yi skabs su gsal la/ de kho na nyid kyi skabs 'di ni/ dpal de kho na nyid kyi sgron ma'i rgyud du gsal bar gsungs pas der blta bar bya zhing/ shes par bya ba yin no/ /ci'i phyir zhe na/ 'dir mangs pas 'jigs pa'i phyir na/ bcom ldan 'das nyid kyis 'di'i don der zhig tu bshad pa'i don gyis ma bris pa yin no/ /'on kyang 'dir dga' i don ni 'di lta ste/ de ni bde po chen po'i mdza' zhes bya ba ni/ bde ba chen po'i ye shes rang bzhin dga' ba'i mnga' bdag spros pa dang bral ba'i don la/ de kho na nyid bzhi bcu'i bdag nyid bde ba chen po'i rgyal po bdud rtsi'i gter la yang dag pa'i don bstan pa'o/ /de bas na de nyid bsdus pa'i snying po'i don zhes bya ba la sogs pa gsungs so/ /de nyid sum cu drug bdag po zhes bya ba ni/ de kho na nyid gang yang rung ba'i sgo nas zhugs shing/ bsgom la? la 'bad pa'i stobs kyis rang bzhin gyis ye shes bde ba chen po nyid thob par 'gyur ba dang/ de bzhin du bzhi bcu kyang de nyid thob par 'gyur ba dang/ yang gcig kyang kun gyi bdag nyid dang ldan pa dang/ kun kyang de'i rang bzhin yin pa'i phyir zhes khong du chud par bya ba yin no/ /'dir sbyor ba drug bcom ldan 'das dpal ye shes thig ler gsungs pas/ de rang bzhin bcu po spyir bzhag pa'i don bstan pa ni/ cha'i ye shes chor byed do zhes so/ /sbyor ba rnams de kho na nyid rnams ni thabs las byung ba'i ye shes kyi rang bzhin gyis bcom ldan 'das dpal ye shes thig le'i de kho na nyid du 'gyur ro/ /de bzhin du
- 297b
'gyur ro zhes so/ /'di ni 'bras bu'i don yin pa'i phyir/ nam par dag pa de nyid mchog ces bya ba la sogs pa gsungs so/ /gzhan du sa'i rim pa dang sbyar yang 'dir ma bshad pa ni ? bzhin no/ /dpal ye shes thig le'i dka' 'grel/ gsang ba'i de kho na nyid ces bya ba/ le'u nyi shu drug pa'i bshad pa'o// //bcom ldan 'das ni mchog dga' ba/ kun dga' ba yin ma pa'i sku/ zhes bya ba ni/ dga' ba thams cad kyi bdag nyid mchog gi dga' ba/ rab las rab mchog tu 'gyur ba'i dga' ba de nyid ni/ bcom ldan 'das dang gnyis su med pa'i phyir na/ kun dga' ba ste/ sangs rgyas dang/ byang chub sems dpa' thams cad dang/ nyan thos dang/ rang sangs rgyas la sogs pa'i 'phags pa'i khongs su gtogs pa thams cad dang/ 'gro ba thams cad dka' bar mdzad pa'i sku nyid bcom ldan 'das kyi sku lta bas mchog mi shes pa'i rang bzhin no/ /de kho na nyid kyi zhal brgyad po zhes bya ba ni/ de kho na nyid bzhi bcu dang/ sbyor ba drug gi bdag nyid bcom ldan 'das nyid kyi yin pa de'i zhal brgyad dang ldan pa'i rnam par dag pa'i mtshan nyid rnams kyi don 'dri ba ni/ rnam par dag pa ji ltar lags zhes bya ba'o/ /zhal brgyad rnam par thar pa brgyad ces bya ba ni/ gzugs can gzugs rnams la lta ba 'di ni/ rnam par thar pa dang po'o/ /nang gzugs med par 'du shes pas phyi rol kyi gzugs la lta ba 'di ni rnam par thar pa gnyis pa'o/ /sdug pa nyid du mos pa 'di ni gsum pa'o/ /de'i gzugs ni thogs pa dang bcas pa'o snyam nas gzugs kyi 'du shes las dag par 'das te/ ?
- 298a
mkha' mdza' yas so snyam pa 'di ni bzhi pa'o/ /nam mkha' mdza' yas snyam pa'i 'du shes las 'das te/ rnam shes mdza' yas so snyam pa 'di ni lnga pa'o/ /rnam shes mdza' yas skye mched las 'das te/ ci yang med pa'i skye mched bsgrubs te/ gnas pa 'di ni drug pa'o/ /ci yang med pa'i skye mched las yang dag par 'das te/ 'du shes med min bsgrubs te/ gnas pa 'di ni bdun pa'o/ /'du shes med 'du shes med min skye mched las yang dag par 'das te/ 'du shes dang/ 'gog pa bsgrubs te /gnas pa 'di ni rnam par thar pa brgyad pa'o/ /'di rnams rnam par dag pa ni zhal brgyad do/ /nang gi stong pa de kho na nyid ces bya ba ni/ gsang ba'i don 'og nas bshad pa'i zhal 'di yin te/ stong pa dang/ stong pa shin tu dang/ stong pa chen po dang/ thams cad stong pa dang/ bdag nyid kyi de kho na nyid dang/ dkyil 'khor gyi de kho na nyid dang/ lha'i de kho na nyid dang/ brgyad rnam par dag pa'i zhal brgyad pa'o/ /sbyan ni nyi shu rtsa bzhi ni/ sa dang stobs dang/ ye shes so/ /zhes bya ba ni sa bcu'i byang chub sems dpa' i sa dang po nas/ sa bcu pa'i bar de stobs bcu po dang/ ye shes bzhi po dang/ rnam par dag pa'i 'bras bu spyan rnams so/ /phyag rnams stong zhing rnam par dag ces bya ba ni/ nang stong pa nyid dang/ phyi stong pa nyid dang/ phyi nang dang/ chen po stong pa nyid dang/ don dam pa dang/ 'dus byas dang/ 'dus ma byas dang dor ba med pa dang/ thog ma dang/ tha ma med pa dang/ mdza' las 'das pa dang/ rang bzhin dang/ rang gi mtshan nyid dang/ chos thams cad dang/ dngos po
- 298b
med pa dang/ dngos po med pa'i ngo bo nyid stong pa nyid dang/ de rnams rnam par dag pa phyag bcu drug po rnams so/ /sbyangs pa'i yon tan bden pa dang ldan zhes bya ba la sogs pa yang go sla bas dang mangs pas 'jigs pa'i phyir zhes dgongs pa'o/ /'on kyang mdor bsdus pa tsam bshad de/ sbyangs pa'i yon tan bcu gnyis bden pa ni bzhi'o/ /thod pa ni phyag mtshan rnams te/ bcom ldan 'das la yum gyi bsnan ba'o/ /sangs rgyas kyi chos ma 'dres pa'i/ gnyis spangs pa/ /'jig byed mtshan mo bcu drug khrag kha nas 'dzag pa/ thod pa'i snod na mnga' ba'o/ /gnas brgyad kyi dbang gis klu brgyad rnam par dag pa'i ni sna tshogs pad+ma brgyad pa'i gdan no/ /thabs kyi dngos por 'dzin pa spangs pa ni med pa'i mtshan nyid yin la/ de rang med pa yang med pa ni mi dmigs pas gnyis su med pa'i ye shes mi gnas pa'i mya ngan las 'das pa chen po ni gzugs med pa/ gnyis kyi 'du shes shes rab dang thabs kyi bdag nyid do/ /dpal ye shes thig le'i dka' 'grel/ gsang ba'i de kho na nyid ces bya ba/ le'u nyi shu bdun pa'i bshad pa'o// //der rnam par dag pa'i don gyis de kho na nyid bstan pa'i rjes su ni de nas shes bya ba'o/ /bcom ldan mos zhes bya ba ni/ sdud pa po zhu ba byed pa'i dngos kyis bstan pa'o/ /ma mchu'i bdud rtsi'i ro phul nas zhes bya ba ni/ zhal gyi tshems kyi mchu btsir ba dang/ bzhi bas pas bde ba'i ro btang ba dang/ de bzhin du gsang ba'i pad+ma'i ye shes kyi ros bde ba rgyas shing mnyes par mdzad pa'i tshul gyis 'dul bya la dgongs te/ ye shes sgyu ma'i gzugs gyis sgyu ma'i bde bas sgyu ma nyid la rol cing spyod pa'i phyir ro/ /
- 299a
nyi ma dang zla ba'i me tog gis mchod nas zhes bya ba ni/ me tog pad+ma dang/ ku mu ta'i rgyu'i rkyen nyi ma dang zla ba de nyid ga pur dang swahli? dga' ba rnams kyis mnyes par byas te/ zhus so zhes bya ba dang/ sems can kun la sum bshad ces bya ba'i bar du sbyar ro/ /bcom ldan 'das kyis bka' stsal pa/ zhes bya ba ni/ dus phyis dpal ye shes thig le'i rgyud 'di skal ba dang ldan pa'i sems can rnams la sus bshad cing ston pas gsungs so/ /dpal phyag na rdo rje mgon pos bshad pa byed po zhes bya ba ni/ sangs rgyas thams cad kyi thugs gsang ba'i ye shes kyi mdzod 'dzin pa ni/ dpal phyag na rdo rje de nyid dang mtshungs pa dpal rgyal po in+d+ra? b+hU ti zhes bya ba/ sprul pa'i sku de nyid kyis ma 'ongs pa'i dus su yang dag par gsang ba'i rgyud 'di skal pa dang ldan pa'i sems can rnams la bshad cing ston par gyur pa'o/ /de skad du ma 'ongs dus na byang phyogs su/ dpal rdo rje 'dzin pa'i gnas/ oDya Na yul zhes bya ba ru/ rgyal po'i rigs su skyes ba yi/ in+d+ra b+hA ti zhes bya bas/ shes pa dang ni bshad pa dang/ sems can rnams la gsal byed 'gyur/ zhes gsungs so/ /sangs rgyas thams cad kyi thugs gsang ba'i ye shes kyi bdag po yin pa'i don ni/ dpal phyag na rdo rje'i mtshan nyid gsungs pa/ phyag na rdo rje mgon po che/ thams cad rdo rje 'dzin gyi bdag po zhes gsungs so/ /mdza' yas pa'i 'jig rten khams zhes bya ba ni/ rgyu ba dang mi rgyu bas bsdus pa'i 'jig rten pa dang chags pas sdus pa'i khams gsum gyi bsdus na yang de'i byed pa ni
- 299b
bye ba mdza' yas bgrang ba las 'das pa'i 'jig rten pa'i khams thams cad do/ /skye dang 'jig pa'i rgyu yin no zhes bya ba ni/ gnyis su med pa'i byang chub kyi sems skye ba dang/ 'gag pa med pa las kun nas nyon mongs pa'i dbang gis skye ba dang/ 'jig pa dang/ 'pho pa dang/ 'gyur pa'i chos can dang/ rnam par byang ba'i bdag nyid kyi ngo bo skye ba dang/ 'gag pa dang/ 'pho ba dang/ 'jig pa la sogs pa'i chos thams cad kyi mtshan nyid gzugs de rnams med pa'o/ /de'i phyir de la skye ba gang yang med/ rang 'byung mchog gi dbang phyug go /zhes gsungs so/ /de yang 'di skad du/ sems kun nas nyon mongs pas ni/ /sems kun nas nyon mongs par snang ngo/ / sems rnam par byed par snang ngo/ /zhes gsungs so/ /de'i don la 'dir gsungs pa/ de'i phyag na rdo rje gang zhes bya ba ni dris pa'o/ /lan du ye shes skye ba med ces bya ba ni/ me long lta bu ye shes la sogs pa lnga ni/ de bzhin gshegs pa rnam par snang mdzad la sogs pa lnga'i gzugs snang ba dang/ de rnams kyi sangs rgyas spyan la sogs pa'i shes rab kyi gzugs kyis snang ba ste/ thabs dang shes rab gnyis su med pa'i ye shes skye ba med pa nyid ni/ dbyer med pa'i ye shes spros pa dang bral ba nyid gdul bya'i dbang gis skal ba dang ldan pa la/ ji lta ba bzhin du snang ba so so nas gsal bar mthong ba'o/ /rtags ? don gsungs pa/ thogs ma yin? ri lnga las zhes bya ba la sogs pa'o/ /chos nyid dbyer med pa'i ye shes kyi phyir na/ rdo rje 'di nyid ye shes lnga dang ldan nas bdag nyid gnas pa 'am/ de rang dbye ba'i phyir ? phyi ma gzhi ?
- 300a
bdag nyid do/ /'on kyang thabs dang shes rab kyis 'dul ba'i phyir de bzhin gshegs pa lnga 'byung zhing/ yang rdo rje 'dzin pa'i gzugs su kun bzhugs pa'o/ /mthar nas 'byung ba chen po lnga zhes bya ba ni/ gnyis su med pa'i rang bzhin las spyan la la sogs pa'i bdag nyid kyis 'byung ba'i phyir na chen po ste/ bde ba chen po sku'i mnga' bdag chen po'o/ /de 'gro ba'i don mdzad kyang mi 'gyur ba dang nyams pa la sogs ba'i rkyen mi mnga' bar/ yon tan thams cad dang bde ba'i ye shes kun rdzob pa'i phyir na/ 'gro ba'i don du sems dpas na rdo rje sems dpa' o/ /dbus nas 'gro ba ris drug 'byung zhes bya ba ni/ de bzhin lha la sogs pa'i gzugs 'byung ba ni de rab tu bshad pa bzhin no/ /phyag na rdo rje mgon po chen po thams cad rdo rje 'dzin gyi bdag po/ /mdza' yas pa yi 'jig rten khams /skye dang 'jig pa'i rgyu yin no/ /de la skye ba gang yang med/ /rang 'byung mchog gi dbang phyug bo/ /zhes bya ba na sna tshogs pa'i gzugs su sbyor/ /zhes bya ba la sogs pa'i don ni/ 'di skad du gsungs te/ rdo rje sems dpa' bde chen te/ /gnas ni gang du bzhugs 'gyur pa/ /brtan g.yo kun la rol mdzad pa/ /bcom ldan lha yis bshad du gsol/ /slob dpon nyid kyis 'di skad gsungs/ /rdo rje sems dpa' rnam 'phrul ba/ / shAkya tshul bzhin pa yis nyon/ /thams cad bdag nyid rtag bzhugs pa/ /sngar ni gang zhig bshad pa nyid/ /sgo dgu dang ni ldan pa yis/ /lus kyi dkyil 'khor mchog yin te/ /de la lte ba'i 'khor lo ni/ /
- 300b
thams cad mkhyen nyid bya bar gsungs/ /rdo rje can ni der bzhugs pa/ /lus can gyi ni nang na rol/ /cha med cha ni rnam par spangs/ /lus las 'das shing gos pa med/ /la lar lus ngag can du bzhugs/ /la lar sna bar sgra dag dang/ /la lar sna dang dri dag dang/ /la lar dri chen rdor chu dang/ /la lar tshor dang bcas sems su/ /bkres dang skom ba gang la lar/ /la lar bde la rnam par gzigs/ /la lar zhi dang la lar khros/ /la lar bud med chags ba dang/ /la lar 'jigs shing la lar dgod/ /la lar rol mo mdzad pa dang/ /la lar rol cing la lar gsod/ /la lar me tog 'bras bur gnas/ /la lar srog tu rnam par gnas/ /sa chu me rlung gang la lar/ /la lar 'byung bo chen po lnga/ /la lar rig sa kyi bye brag gi /bram ze dang ni gdol ba dag /la lar ma dang la lar sring/ /la lar chung ma nyid kyis so/ /de bzhin la lar bu mo yi gzugs/ /la lar tshangs pa la lar ni/ /khyab 'jug dbang ldan nyi ma dang/ /zla ba skar ma de bzhin no/ /la lar nyin dang mtshan la lar/ /la lar khams gsum pa rnams kun/ /la lar byed pa po dang ni/ /mi zad rgyal ni gang la lar/ /la lar shi ba'i dbang gis zhu ma/ /mi gsal ston pa rdo rje can/ /la lar rgad po lo mang po/ /la lar byis pa'i gzugs rang bzhin/ /la lar nad ched gdungs pa dang/ /la lar byang chub chen por gshegs/ /bu drang las rgyal ba gang la lar/ /la lar rgyu dang mi rgyu nyid/ /la lar dkar dang la lar ser/ /la lar sngo dang la lar dmar/ /la lar sangs rgyas rnam snang mdzad/ /la la sgrol ma la lar spyan/ /
- 301a
la yar gos dkar mA ma kI/ /la lar zhi pa dka' zlog ma/ /mkhas gnas 'dab chags gang la lar/ /nam mkha' mkha' 'gro gang la lar/ /la lar klu dang la lar sprul/ /la lar smad 'tshod la khar spre'u/ /la lar rmi lam mthong ba dang/ /la lar mtho ris skye ba dang/ /la lar gnyid ni log pa dang/ /la lar rlung dang la lar mkhris/ /la lar pags pa la lar khrag /la lar sred byed me dag dang/ /la lar mya ngan du ba dang/ /la lar mtho ris skye ba dang/ la lar 'phrul ba 'di lta bu/ /thams cad bdag nyid zhugs 'di la/ /ind+hA b+hU tis bshad pa yin/ /zhes gsungs so/ /de rnams kyis don gyi thams cad la khyab cing bzhugs pa'i rang bzhin gyis/ sku gsum dang ldan pa bde ba chen po'i sku yis/ /'gro ba la sogs pa la khyab pa'i phyag na rdo rje'i don gsungs pa yin no/ /la lar rdo rje 'dzin pa nyid/ /ces bya ba la sogs pa gsungs pa'i phyir ro/ / dpal ye shes thig le'i dka' 'grel/ gsang ba'i de kho na nyid ces bya ba/ le'u nyi shu rtsa brgyad pa'i bshad pa'o// //de nas de'i dus su 'khor thams cad langs te/ zhes bya ba ni dpal phyag na rdo rje'i don dang/ de byed pa dang/ dkyil 'khor bshad nas/ bar cis kyang mchod pa de ma thag tu ni/ 'khor bya phrag bdun cu rtsa gnyis kyis 'khor thams cad langs nas/ bcom ldan 'das la skrar? ba byed pa ni/ khu ba'i gzugs pa lta? bskor ba dang/ bstod pa'i don gyis sbyor ba drug gi mtshan nyid kyis thabs bde ba chen po'i rnam pa yis bshad do/ /bskor ba ni 'khor rnams kyi bskor ba byas pa'i don de dus gsum pa'i bdag nyid yin pa'i phyir ro/ /lan
- 301b
gsum ni sku gsung thugs kyi dbye ba yis gsum du bstan pa'o/ /de bcom ldan 'das nyid la mnga' bas byas nas shes so/ /zhabs la mgo bos phyag 'tshal te/ zhes bya ba ni/ drang ba'i don gyis ji bzhin no/ /yang nas zhabs dang mgo'i sgra yis bstan to/ /sbyor ba drug gi don yang don gnyis kyis khong du chud par bya ba yin te/ 'on kyang rgyu dang 'bras bu dang/ thabs kyi rim pa'i dbye ba ni los kyang mod/ de nyid gsungs pa/ mgon po khyod kyi bka' drin bdag cag dag/ ces bya ba la sogs pa gsungs so/ /blta bar dka' ba ni 'gro ba thams cad la rgyu'i mtshan nyid du yid kyang sems kyi rang bzhin dngos po dang mtshan ma ma spangs pas mi mthong ba'i phyir re/ /shes par dka' ba ni sbyor ba drug po la sogs pa'i man dag 'di kun gyi thun mongs ma yin pas/ las 'phro dang skal par ldan pa 'ga' i spyod yul yin pa'i phyir ro/ /gzung bar dka' ba ni/ 'od rab kyi ngo bo 'bras bu rang bzhin mdza' gnyis la mi gnas pa'i phyir na/ dbang po la sogs pa'i ulma? las 'das pa/ gzung 'dzin dang bral ba'i 'di nyid de kho na nyid dam pa'o/ /de'i phyir na/ gsang ba'i rang bzhin gyis gsang ba dang/ 'jig rten pa dang/ nyan thos la sogs pa rnams la gsang pa'o/ /gsung ba'i mchog ni dam tshig dang mi ldan pa rnams dang/ theg pa chen po pa rnams la gsang ba dang/ skyed pa'i rim pa la spyod pa la sogs pa rnams las mchog tu 'gyur ba ni/ thabs khyad par can 'di'o/ /mchog ? ? yang dag par mchog pa'i sangs rgyas rnams kyi ye shes de nyid dam pa 'di ni kun gyis thob par bya par 'os pa'i 'bras bu'i phyir mchog go /rab po rnyed pa'i thob ces bya ba la sogs pa'i rnams ? ? ngus su gsungs ?
- 302a
de bas na bcom ldan 'das dpal po/ dbang phyug chos dbyings phyag 'tshal bstong/ ces bya ba la sogs pa gsungs so/ /de bzhin du sbyar zhing rgya cher bshad do/ /dpal ye shes thig le'i dka' 'grel/ gsang ba'i de kho na nyid ces bya ba/ le'u nyi shu rtsa dgu pa'i bshad pa'o// //yang bcom ldan 'das kyis 'khor thams cad dang bcas pa'i bcom ldan ma bos te zhes bya ba rgyud kyi rgyal po thams cad du yang dag pa'i dod nges par ston pa'i rgyud 'di nan tan dang bcas nas gtad pa'i cho ga gsungs pas/ shes rab kyi pha rol tu phyin ma zhes bya'o/ /sbyor ba drug gi grags pa zhes bya ba la sogs pa ni go sla'o/ /dpal mchog gi bla ma'i zhal nas 'bad pa ma btsal te/ zhes bya ba ni/ dpal in+d+ra d+hU ti'i rgyal po chen po las bar ma chad pa'i man ngag thob pa dang/ dbang bskur ba yin zhing grub pa brnyes pa dang ldan na/ sbyor ba drug la sogs ba'i rgyud shes pas de lta bu la? blangs la/ dam tshig dang ldan pas /'grub par 'gyur ba'o/ /de yang 'di skad du bsam gtan la sogs pa yis yang dag par thob par bya/ zhes gtan la phab pa'o/ /zhes gsungs so/ /de bzhin bu thabs kyi rgyud 'di yang nan tan du bya pa dang mchod pa dang/ bkur sti dang/ rim gro la sogs ba dang/ chu dang me la sogs pa dang/ chud mi gsan par spa pa dang/ mi bcod ba dang/ bzang bar bya'o/ / zhes bya ba'i don gyis sme bshad pa yin no/ /yang de bzhin du phyir bas rnams kyis kyang/ bsam gtan la sogs pa yis nyams su blang zhing ? skad? cig tsam yang mnyam bar bra zhes ? sla 'dre ba thob
- 302b
par 'gyur ro/ /sgoms zhing bsgrubs pas 'bras bu thob pa ni/ gtan la phab pa ste/ gzhan du na sog par 'gyur ba yin no/ /dpal ye shes thig le'i dka' 'grel/ gsang ba'i de kho na nyid ces bya ba/ le'u sum cu pa'i bshad pa'o// //gang tshe yang dag mchog gi lus la ma brten par/ de tsam thos dang sgra sogs chos ni ji snyed kun/ /rgyud kyi don ni ji bzhin shes par nus ma yin/ /de bas bdag gis dka' 'grel 'di ni byas/ pa'o/ /ji ltar rdo rjes phug pa'i nor bu ni/ /srad dus rjes su 'jug cing 'debs pa ltar/ /dam pa rnams kyis gsungs pa'i man ngag la/ /bdag kyang de bzhin 'dir ni brten pa'o/ /rtsod dang bag med 'gyur ba yis/ /gal te la brul par gyur na yang/ /'phags pas rang gi sras bzhin du/ /de dag thams cad bzod par gsol/ /gang du bdag gi ma shes pa/ /der ni bdag la yod yin na/ /sangs rgyas sras dang bcas sogs rnams/ /kun gyis bzod ? ? brdzod/ / rgyal po in+d+ra b+hU ti yi/ /man dags brten dka' 'grel 'di/ /dam tshig sdom pa bsrung ba dang/ /bla mal gus bsgom la brtson/ /shes rab rnams gsum dang ldan pas/ /'di la don ni ? la gzungs/ /man reg 'di ? po dzi ltar/ /grub tho pa pa ni bde? bar nges?/ /de bas gzhung ni ma nor bar/ /dam pa'i dpal ldan bla ma la/ /'bad pas btsal nas rang nyid bsgrub/ /'on kyang yin ches 'phral la skye/ /de la min ti logs ni?/ /sdug bsngal ? ? pa yin/ /rdo rje 'dzin pa'i dka' yin kyang ni 'grel sogs ba la/ /don ni byis ya ma nor shes par nus pa yin/ /de bas 'di byas pa yi dge ba'i bsod nams kyis/ /'gro ba ma lus rdo rje 'dzin pa'i gnas thob shes?/ /de ?
- 303a
ye shes thig le'i rgyud kyi dka' 'grel/ /gsang ba'i de kho na nyid ces bya ba/ slob dpon Arya dz+nyA na pa ra ma yis mdzad pa rdzogs so// //bod kyi lots+tsha ba dge slong byang chub 'byung gnas kyis sgyur ba'o/ / rgyud rgyal ye shes thig le la/ /in+d+ra d+hU ti'i man ngag gis/ /rim gyi rgyud nas legs par bshad/ /dam tshig can gyis rtogs par shog/ // */ /dpal rtog pa med pa zhes bya ba'i rgyud 'grel bzhugs so// */ /rgya gar skad du/ sh+ri yan bil nA ma tan+t+ra? pany+tsi ka /bod skad du/ dpal rnyog pa med pa zhes bya ba'i rgyud kyi 'grel pa/ dpal rnyog pa med pas la phyag 'tshal lo/ /bcom ldan rnyog pa med pa la/ /btud de rnyog med dka' 'grel 'di/ /gzhon nu zla bas dri med pa/ /'dir ni ji bzhin brtsam par bya/ /rnyog pa med pa zhes bya ba la sogs pa la/ /rnyog pa ni yid la byed pa'i rnyog pa'o/ /de yang ma rig pa dang/ bcas pa'i phung po ste/ ma rig pa'i bag chags zhes bya ba'i don to/ /rtog pa med pa ste/ yid la byed pa'i rnyog pa spangs pas ma rig pa'i bag chags med ba zhes bya ba'i don te/ 'di phag chags dang bcas pa'i sdig pa ma lus pa spangs pa zhes bya ba'i tha tshig go /'di ltar nyon mongs pa dang shes bya'i sgrib pa bag chags dang bcas pa rab tu spangs pa'i ched du 'bad bar bya'o zhes bya ba'i don to/ /ma rig pa'i bag chags dang bcas pa ni nyes pa thams cad kyi gleng gzhi yin pa'i phyir ro/ /gang la ma rig pa'i bag chags dang bcas pa med na de la ji ltar nyes pa'i bag chags gzhan dag 'byung ste/ de med na nyes pa gang zhig yod pa yin/ /de'i phyir rnyog pa med pa ste/ sgrib pa gnyis bag chags thams cad med pa
- 303b
nyid do/ /rnyog pa de yang dpal rdo rje sems dpa' ste/ brjod par bya ba bstan la/ rang gi don phun sum tshogs pa ston to/ /pan 'dod pas zhes bya ba la rdo rje 'dzin pa nyid thob pa ni dgos pa ste/ gang gi phyir bcom ldan 'das kyis 'gro ba'i rdo rje 'dzin mdzad pa'o/ /de dag gis ni gzhan gyi don phun sum tshogs pa zhes brjod do/ /rnyog pa med pa de yang rnyog pa med pa'i khyad par snang ba med ba la sogs pa bye brag brgyad kyis ston te/ de la rnyog pa ni khams gsum gyi spros pa la dmigs pa thams cad de/ de 'di la yod pa ma yin pas/ snang ba med pa 'di ni spros ba med pa zhes bya ba'i don te/ mi dmigs pa zhes bya ba'i tha tshig go /snang ba med pa ma yin pa ste/ shes pa rang nyid snang ba'i rang bzhin ma yin pa zhes bya ba'i don nam/ 'di la snang ba med pas snang ba ma yin pas zhes bya ba'i tha tshig go /de la yod pa ma yin zhing/ de rang nyid kyang med la/ de'i rgyur yod ma yin pa'i phyir ro/ /rnam pa gsum du bshad pa'o/ /dpe med pa ni de dang mnyam pa'i gnyis pa gzhal bya med pa'i phyir dper nye bar bzhag ba med pas mnyam zhing mtshungs ba med pa ste/ dpe med pa zhes bya ba'i don dang/ de las gzhan pa'i gzhal bya med pa'i phyir/ dpe med pa zhes bya ba'i don gyi de dang mnyam pa gnyis pa med pa'o/ /de'i bdag nyid kyis 'gro ba ste/ 'gro ba de'i bdag nyid yin pa'i phyir/ ci ste dpe dang ldan/ brjod du med pa ni brjod par bya ba ma yin pa ste/ tshig gi spyod yul ma yin zhing rtog ba dang dbyod pa'i yul las 'das pas/ rang yang dag ba'i rig pa tsam gyi rang bzhin gyis lus kyi phyir ro/ /brjod du yod pa ma yin zhing brjod ba ma lus pa med pa nyid ces bya ba'i don te/ brjod/
- 304a
par mi nus pa dang/ bstan du med pa nyid ces bya ba'i don to/ /yul gyi bdag nyid ma yin la/ sangs rgyas kyi yang blo'i yul ma yin pa'i don to/ /rig pa mi nus pa'i phyir ro/ /yul gyi bdag nyid yod pa ma yin pa'ang 'di ni yul can rang bzhin med pas 'dzin pa'i don to/ /'khrul pa med pa'i phyir ro/ /gzung ba med bas 'dzin pa med pa can te/ 'dzin pa 'khrul pa can te/ rang rig pa'i mngon sum gyi rang bzhin ni bcom ldan 'das ma 'khrul pa'i mtshan nyid du bshad do/ /gzod ma nyid nas gzung ste ngo bo nyid kyis dri ma med pa bltos pa med ngo bo nyid kyi skyon thams cad sgrib g.yogs spangs pas nye bar zhib ste/ gzod ma nyid nas ngo bo nyid kyis yongs su dag ba zhes bya ba'i don to/ /'dis ni lhan cig skyes pa'i rdo rje 'dzin pa'i lus bstan to/ /blo bur gyi dri ma med pa yang gnyis te/ /nyon mongs pa'i dri ma med pa dang/ shes bya'i sgrib pa'i dri ma med pa'o/ /de la nyon mongs pa'i sgrib pa spangs pas bdag med pa zhes bya ba ste/ spangs pa phun sum tshogs pa brjod do/ /shes bya'i sgrib pa spangs bas dag pa zhes pa ste/ thob pa phun sum tshogs pa'o/ /'di dag ni bcom ldan 'das kyis spangs pa dang/ thob ba'i bye brag la gis gnyis te/ rang gi don phun sum tshogs pa bstan to/ /mtshan bzhi brtag par bya'o/ /de dag spangs pa ni rnam par mi rtog pa'i zhes bya ba'i don to/ /mtshan gzhi yang mtshon par bya ba'i dngos po yis brtag par byed ba'i mtshan nyid kyang rnam par rtog pa yin bas brtag pa ste/ de dag spangs pa'o/ /de nyid rang nyid gang gis kyang brtag par bya ba ma yin te/ gzhan gyi rtog pa po yang ma yin zhes bya ba'i don to/ /
- 304b
'dis ni rtog pa dang bral ba bstan to/ /chos kyi sku la bltos nas kyang mtshon par bya ba'i dngos po yin pa dang/ mtshan nyid kyis kyang gzugs kyi sku skyes bu chen po'i mtshan dang sku spangs pa'o/ /ngang gi sgra ni nges par gzung ba'i don gyi rim pa bzhin du sbyar pa ste/ de nyid snang ba med pa zhes bya ba la sogs pa khyad par gyi khyad par du byas pa'o/ /de nyid dpal rnyog pa med pa'i bcom ldan 'das zhes bya ba'i don te/ rdzogs pa'i sangs rgyas kyi rang bzhin ngo bo nyid kyi chos rnal ma'i de kho na nyid de bzhin gshegs pa thams cad kyi ngo bo nyid can/ rdo rje sems dpa' zhes bya ba'i tha tshig go /de skad du yang rgyal po'i sras po de ni sangs rgyas rjes su dran pa'i gzugs las ma mtshon pa'i chos yas ma yin te/ gang na sems med yid kyi rgyu ba med pa der/ de ltar sangs rgyas dbyer med rjes su dran par bya'o/ /zhes gsungs pa dang/ gang gi sang la gzugs su mthod/ /gang gis da la sgrar thos pa/ /log par song la zhugs ba ste/ /skye bo de yis nga mi mthong/ /'dren ba rnams ni chos kyi sku/ /chos nyid du ni sangs rgyas blta/ /chos nyid shes par bya bar ni/ rgyal bas kyang ni mi bskyod do/ /zhes gsungs so/ /gzugs ni 'dir mtshan dang dpe byad? do/ /chos nyid bstan pa'i chos so/ /sems ni rnam bar shes pa'i tshogs bdun no/ /yid ni nyon mongs pa can gyi rnam par shes ba'i tshogs so/ /gzugs ni mtshan dang dge byad kyi te/ gnyis kas kyang? bcom ldan 'das nyid la 'chug? bar byed bas spong ba ste/ de kho na nyid ma yin par mthong ba thams cad 'dis spong bar byed bas chos rnams kyi chos nyid do/ /chos nyid ni chos kyi de kho na nyid do/ /chos kyi sku na chos kyi sku'o/ /shes rab bya ba ni nye ba mtshon per ba?/ /gang?
- 305a
rgyal bas kyang mi spyod pa ni gang zhig blo'i yul ma yin pas gang ma yin pa mtshon par bya ba ma yin te/ de dag gi chos kyi sku bshad do/ /phan ba'i sgras longs spyod rdzogs pa dang sprul pa'i sku gnyis te/ de dag gis 'gro ba'i don byed pa'i phyir sku gsum bstan pa'o/ /sku gsum gyi tshig gis kyang 'di dag dbyer med par 'jug pa'i ye shes lnga bshad de 'di ni 'bras bu bstan pa'o/ /rnyog pa med ba zhes bya ba la sogs pa 'di nyid kyis bsam gyis mi khyab pa'i mtshan nyid kyi lam yang bstan te/ rnyog pa med pa ni ma bslang pa yin pas ma bslad pa'i don to/ /gsal bar zhes bya ba'i bar du'o/ /phan pa ni 'dir sku gsum nyid gang du yang bsam du yod pa ma yin te/ gzung bya snang ba med pas 'dir 'dzin pa med de/ bsam gyis mi khyab pa zhes pa'i don to/ /dpe med pa ni 'di ni rdo rje 'chab thob par byed pa'i lam gnyis med pa'o/ /brjod du med pa ste/ bsam gyis mi khyab pa'i phyir ro/ / nam du yang bsam pa'i yul gyi rang bzhin ma yin pa'i don to/ /rgod pa dang bcom pa'i zhi ba'o/ /zhum pa dang rmugs pa dang gnyid med pas bdag med pa'o/ /'gyod ba dang the tshom bral bas dag pa'o/ /mtshan gzhi bsam par bya ba dang/ mtshan nyid sems dbar? byed pa spangs pa ni bsam du med pa ste/ sems med pa'i don to/ /sngar gyi snang ba med pa dang yul gyi bdag nyid dag las mtshan gzhi dang mtshan nyid spangs pa'i don 'di ni log pa yin te/ gang gi lam de gzhan gyis bsam du med pa dang/ gzhan du sems pa ma yin pas snang ba med pa'i don to/ /de yang cung zad kyang yul yod pa ma yin te/ yus med pas bdag yul gyi bdag nyid ma yin pa'i
- 305b
don to/ /gzhan sems pa ma yin pas gzhan gyi sgo nas tshig snga ma gnyis yin no/ /las 'dis yang rang nyid kyi kun tu brtags pa'i dngos po med pas/ rang nyid med pa'i don te/ mtshan nyid med pa'i tha tshig go /rang gi rgyud la gnas pa'i kun tu rtog pa med pa'i don to/ /rang gi brtag par bya ba ma yin bas mtshan nyid med pa'i don gyis rang nyid kyang brtag par bya ba'i rang bzhin med pa bya ba'i tha tshig go /rgyun gyis snga ma dang phyi ma'i tshul gyis rgyun du gnas pa la bsam bya ba dang sems pa gnyis rag las pa med pa na rang la sems pa dang bsam bya'i rang bzhin med de/ rang gi sge de dag gis mtshan gzhi med pa dang/ mtshan nyid med pa'i tshig dag bo/ /rang gi sgo'i don gyis kyang gnyis su rig par bya ste/ rgyun la bltos pa dang/ skad cig mas bltos pas ni/ rang rang gzhan gyi sgo byas pa'i khyad par ro/ /tshig 'di gnyis kyis ni bsam gyis mi khyab pa'i lam gyis lus bstan pa ste/ 'dis ni lam bshad pa'o/ //sangs rgyas te sgra 'dogs pa'o/ /de kho na nyid de ni bsam par bya ba min zhing bsam du med pa'o/ /'o na tsa zhig bya snyam pa la/ sangs rgyas zhes bya ba la sogs pa la ji ltar sangs rgyas bcom ldan 'das rnams sngon gyi smon lam gyi shugs kyi dmigs pa med pa'i snying rje chen pos de dang de ltar 'gro ba sna tshogs pa'i phan pa la dam gos nas/ sprul pa rnams 'bad pa med par rang gis rab tu 'jug par bya ba nyid do/ / rgyun mi 'chad pa zhes bya ba ni mdzad pa'o/ /de kho na nyid la gnas nas rnam par mi rtog pa'i ting nge 'dzin grub par bya ba'i phyir/ lhun gyis grub pa'o sbyor bas gnas bar bya ba'i don to/ /kha cig ces ? la sogs ? ?
- 306a
ni mngon par mi 'dod pa 'gegs pa ste/ stong pa nyid ni shin tu stong pa nam mkha' i me tog lta bu de dang mi 'jigs pa la sogs pa spangs pas so/ /grag ces bya ba ni mi 'dod pa'o/ /de bzhin zhes bya ba ni stong pa la sogs pa bar ma chod par brjod pa'i rang bzhin no/ /rgyu'i zhes bya ba ni blos bzhag pa'o/ /'bras du zhes bya ba la sogs pa la lhan cig skyes pa'i rdo rje 'chang thams cad du bsam gyis mi khyab pa'i chos kyi dbyings kyi rang bzhin te/ ngo bo nyid kyi sku dang de kho na nyid kyi rang bzhin mthong ba'o/ /byang chub ni 'bras bu ste/ mngon du bya ba zad pa dang mi skye ba shes pa'o/ /sgom pa ni lam mo/ /'bras bu ni bya ba'o/ /rgyu ni byed pa'o/ /de dag ma grub pas lhan cig skyes pa ma yin pa dang/ rdzogs pa ma yin pa dang/ dngos po med pa dang/ tshad mas bkag pas de dag nyid rang bzhin med pa 'di nges brjod pa'o/ /'bras bu la bltos nas rgyu yin la rgyu la bltos nas 'bras bu'o/ /bltos nas grub pa gang yin ma grub pa ste/ 'di lta ste/ bcom ldan 'das thog ma ste skye ba yin la/ tha ma ni 'gag? pa'o/ /gang la de dag med pas de nyid kyi rang bzhin gang yin pa de la de skad brjod de/ rgyu dang rkyen dang bral ba'i phyir ro/ /mthong ba zhes bya ba la sogs pas phyag rgya chen po 'di dngos grub kyi sprul pa ston pa yin te/ rgyu ma lta bu'i ting nge 'dzin gsal ba'i mdza' las byung bas/ chos thams cad sgyu ma lta bu'i rdzogs pa'i byang chub mngon sum du bya ba'i rang bzhin chos thams cad sgyu ma lta bur mkhyen pa nyid sgyu ma lta bu'i ye shes so/ /ye shes de sgoms pa'i stobs kyis rnam pa sna tshogs pa'i sgyu ba lta bu'i ye shes 'byung ste/ ye
- 306b
shes de dang ldan na de dang der sprul par byed do/ /zhes bya ba'i don to/ /brtags pa nye bar brtags pa'i cha'o/ /sangs rgyas ni de bzhin gshegs pa'o/ /rdo rje can ni rdo rje 'dzin pa'o/ /sogs pa'i sgras ni byang chub sems dpa' ni la sogs pas so/ /de dag gis brtags pa ste sprul pa 'gyed pa'o/ /da ni dkyil 'khor rnam par bzhag pa brjod par bya ste/ de la legs par gnas zhes bya ba la sogs pas bsgom par bya ba'i dkyil 'khor gyi rnam par bzhag pa re zhig ston to/ /legs par gnas pa ni gnas par gyur pa ste mi g.yo ba'o/ /the com la sogs pa'i skyon spangs pa'i don to/ /de bzhin nyid kyi rnam pa ni bzod ma nas ma skyes pa thag ma nas zhi ba dang/ nam mkha' mnyam pa zhes bya ba la sogs pa de'i chos thams cad bsdus pa'i phyir do/ /rnam pa de'i spyod yul yin pas na yul te/ dmigs pa'i chos thams cad gang yin pa de ni de bzhin du'o/ /chos zhes bya ba ni dmigs pa'o/ /ngo bo nyid de rang bzhin gyis gsal ba bstod pa'o// gdod nas dag bya ba ni bstan pa'o/ /rnyog pa med ces bya ba ni bshad pa ste/ rang bzhin gyis yongs su dag pa'i don to/ /'di ni rnam par brjod pa'o/ /rang dang gzhan la phan par 'dod pa'i rnal 'byor pas so/ /de nyid kyis ni sems kyi dkyil 'khor dang/ rdul tshon gyi dkyil 'khor gsungs so/ /phung po la sogs pa ni rdul tshon gyi'o/ /sogs pa'i sgras ni skye mched do/ /khyad par ni rtogs pa'i khyad par ro/ /phud po la sogs pa mtshon par byed pa bstan pa'i phyir/ lus zhes bya ba la sogs pa gsungs te/ phung po la sogs pa rnams la lus la sogs pa mtshon te/ lus la sogs pa tha mi dad pa zhes bya ba'i don te/ /lus la sogs pa la gsum? ma gtogs pa na/ /? ? ?
- 307a
mched rnams yod pa ma yin pa'i phyir te/ /rdo rje gsum po nyid ni phung po dang skye mched dang khams kyi don to/ /de zhes bya ba ni dkyil 'khor de nyid do/ /brjod pa ni bshad ma thag pa'i tshogs kyi dkyil 'khor du bstan to/ /de nyid kyis ni phung po la sogs pa bshad pas gnyis su med pa bstan te/ sogs pa'i sgra ni gcig gis ni skye mched du gzung zhing gnyis pa ni khams te/ zag pa dang bcas pa yang lam gyi rang bzhin dkyil 'khor du brjod do/ /'bras bur gyur pas yang thag pa med pa'i dkyil 'khor 'di dag nyid zag pa med pa'i phung po rnams te/ de la tshul khrims dang/ ting nge 'dzin dang/ shes rab dang/ rnam par grol ba'i ye shes mthong ba ni phung po'o/ mthong rgal la sogs pa ni skye mched la sogs pa'o/ /skye mched de byams pa la sogs pa'i khams rnams rang bzhin med pa nyid do/ 'di dag ni rang bzhin bstan pa'o/ /me long lta bu la sogs pas ni gang gi phyir de ni dkyil 'khor gru bzhi par gyur pa ste/ 'di ni dkyil 'khor grub zhi par bstan pa'o/ /ye shes bzhi ni rtsibs bzhir bsdus pa'i don to/ /rtsibs kyi sgra 'dis phyogs brdar brtags pa'o/ /me lang lta bu'i ye shes dang par bar gyi rtsibs so/ /so sor rtog pa'i ye shes ni lho'i rtsibs? so/ /bya ba grub pa'i ye shes ni byang gi rtsibs so/ /mnyam pa nyid kyi ye shes ni? nub kyi rtsibs te/ logs zhes bya ba'i don to/ /de dag na gru bzhi par brtags pa lte/ rnam par bzhag pa'o/ /sangs rgyas thams cad rdo rje 'dzin pas so/ /ye shes nyid go'u ste/ mig gis de dang de'i rang gi yul du mthong bas so/ /spyod yul yang bstan pa ma yin pa'i phyir ram/ ji srid ? ?
- 307b
gi yul la spyod pas gsungs so/ /lus dang tshor ba dang/ sems dang chos bzhi ni dran pa nye bar bzhag pa bzhi ste sgo'o/ /brjod ces bya ba la sogs pa ni gru bzhi ston pa ste/ chos dang zad zing mi 'jigs byams pa dang /dge ba bzhi sbyin pa nyid ni gru bzhi ste/ mtshams kyi don to/ /dbus zhes bya ba la sogs pa ni dkyil 'khor gyi snying por blta ste/ chos kyi dbyings shin tu rnam par dag par ye shes nyid dkyil 'khor gyi dbus su/ 'di lta bu'i dkyil 'khor gyi lha thams cad lam gyi dus su nges par grub pa ste/ nges par byas nas nyams su blangs nas/ 'bras bu'i dus su nges par 'gyur ro/ /zhi ba'i chos ni lam bsdus pa ste/ tshul khrims dang ting nge 'dzin dang shes rab la sogs pa'i phung po lam la sgrib pa te bar zhi ba'i phyir dang/ sangs rgyas kyi mdzad pa ste/ stobs dang mi 'jigs pa la sogs pa de dag nyid ni don te/ skyes bu'i don to/ /de dag gi snying po yin pas na dkyil 'khor ro/ /dkyil 'khor zhes bya ba la sogs pa nyid kyis kyang chos kyi dbyings nyid don dam pa'i dkyil 'khor du bstan to/ /kun te dus gsum du yang grub pa ni lhan cig skyes la grub pa ste yongs su gyur pa'o/ / zhi ba ni gdod nas zhi ba ste/ ngo bo nyid kyis dri ma med pa la bltos pa dang/ nyes pa thams cad nye bar zhi ba'o/ /chos te chos kyi dbyings so/ /de nyid don gyis dgos pa ste/ ngo bo nyid kyi su te dra ba zhes bya ba la sogs pa ni bstan pa ste/ ting nge 'dzin gyi yan lag nyid dra ba la sogs pa bsdus pa'i don to/ /rta babs zhes bya ba la sogs pa ni ting nge 'dzin gyi yan lag rgyas par bshad de/ sems kyi ting nge 'dzin gsal ba'i
- 308a
mthar phyin pa nyid ni rta babs so/ /sems kyi ting nge 'dzin mngon par 'du byed pa med par 'jug pa nyid ni ngo shal te/ 'bab pa zhes bya ba'i tha tshig go /gal te na mngon par 'du byed pa dang bcas par 'jug la/ gal te na mngon par 'du byed pa med pa ni dra ba phyed pa'i/ /brag cha lta bur lung thams cad kyi chos rtogs pa nyid dril bu'o/ /lhag par mos pa'i chos thams cad bskyed bstan pa nyid rdo rje'i phreng ba'o/ /chos thams cad ni gnyis te/ ston pa'i lung dang lhag par rtogs pa'i bdag nyid kyi tshul gyis so/ /dngos po med pa la sogs pa'i 'dzin pa la grol bas/ nam mkha' i khams kyi mdza' klas pa mnyam pa nyid du 'jug cing khebs pa sems nyid bla re'o/ /da ni skad cig ma dang dga' ba bzhi bshad par bya'o/ /de la phreng ba zhes bya ba la sogs pas dga' ba bstan te/ rnam pa sna tshogs pa'i skad cig la nye bar mtshon par dga' ba'i rang bzhin bde ba'i rnam pa'i snang ba nyid thams cad du phreng ba dang gos dang rnga yang la sogs pa'o/ /rdo rje zhes bya ba la sogs pa ni mchog tu dga' ba'i ye shes te/ rnam par smin pa'i skad cig ma ma? mtshon pa'o/ /rdo rje pad+ma rigs pa la sogs pa'i dus su dga' ba bde ba'i rnam pa'i sems nyid kyis dga' ba rnam grwar son rdo rje'i don de yi zhes bya ba la sogs pa ni lhan cig skyes pa ste/ de dag gis brtag par bya ba? ma yin pa'i don gyis bems po ste/ mtshan nyid dang bral ba zhes bya ba'o/ /lhan cig skyes pa'i mkha' 'gro ma'i phyag rgya rnams ni bsgom par bya ba ste/ rang gi cha'i rang bzhin ni bsgom pa ste bde mchog 'byung ba'o/ /
- 308b
bsgom pa las skyes ba'i bde mchog ces bya ba'i don to/ /mkha' 'gro ma ni bcom ldan 'das ma'o/ /sdom pa ni bcom ldan 'das te rdo rje sems dpa' 'am gzhan dag kyangngo/ /de dag shar bas ni bzhengs pa ste mtshan nyid dang bral ba'i skad cig la lhan cig skyes pa nyid mkha' 'gro ma dang bde mchog shar bas dang zhes bya ba'i don to/ /gra dang zhes bya ba la sogs pas ni dga' bral te/ rdo rje ste rin po che ni nor bu ste bde ba la spyod pa'i bdag nyid can yin pas dmigs kyis dgar ba'i phyir/ /rnam pa med pa'i skad cig ma la dga' pa'i dga' ba rtogs pa nyid/ gra ba'i mtshams thams cad du rdo rje rin chen gyis spras pa ste zung thams cad du nye ba'i mtsho ? ba nyid du pad+ma rnams 'dus te/ nang du chud pa'o/ /rdo rje rin chen spras pas mdzes pa nyid dkyil 'khor te/ rdo rje rin po cher rtogs pa'o/ /gal te zhes bya ba la sogs pa la don ni don dam pa de khon nyid do/ /shes rab kyi de'i ? ? ni zla ba'o/ /thabs kyi de nyid mthong ba ni nyi ma'o/ /shes rab la sogs pa nye bar sdud pa ste/ de'i bdag nyid ni de'i rang bzhin no/ /de ltar bshad ma thag pa ye shes ni thams cad rtogs pa'o/ /mnyam sbyar te 'dus pa'o/ /mtshan nyid med pa ste/ de dang de ltar rnam pa tha dad pa'i mtshan nyid spangs pas dkyil 'khor du zhugs pa'o/ /de nyid bshad ma thag pa'i rtog pa thams cad de brjod pa ni sangs rgyas thams cad kyi rdo rje 'dzin pa'i sa'o/ /des na dkyil 'khor bstan nas/ sbyin sreg ces bya ba la sogs pa la/ rnam par mi rtog pa ste tha mal pa'i rtog pa ma lus par spangs pa'o/ /mtshon pa ni dran pa'o/ /dpyod pa ste rang rang gi rang bzhin las so sor rtogs par gyur pa ste/ dngos po thams cad
- 309a
bsregs pa'i phyir ro/ /bsreg par bya ba ni rang bzhin med par byed pa ste/ de ltar rab tu gnas par bya ba'i don to/ /sems las byung ba ni sems kyis bzhag pa'o/ /gzugs la sogs pa'i dngos po ni sems kyis sbyar ba ste/ sems las byung ba yang gzugs kyi skye mched la sogs pa'o/ /sogs pa'i sgras khams kyang ngo/ /rab tu gnas pa zhes bya ba la sogs pa la/ dang po'i don gyi rkyen can no/ /brtan par gyur par sems mi g.yo ba ste/ sems ni yod do/ /lus ngag yid kyi rnam pa de nyid ngo bo sems so zhes gsungs te/ ston pa thams cad kyis mgrin cig tu'o/ /gcig tu gyur pa chos kyi dbyings kyi rang bzhin nyid do/ /da ni zhes bya ba la sogs pa la/ gsang chen gang yin pa de ni sngags kyi mtshan nyid ces nye bar bstan pa yin no/ /skye ba med cing snang ba zhes bya ba la sogs pa ni nges par bstan pa ste/ chos thams cad skye ba med pa gsang ba chen po'i don to/ / lha zhes bya ba la sogs pa ni rang bzhin phung po nyid dang skye ba 'dzin pa nyid rigs so/ /des gang gnas pa'i 'jig rten pa'i blo la yang dag pa'i de kho na nyid de yang dag pa'i byang chub bo/ /shes rab kyi pha rol tu phyin pa'o/ /brtags pa ste grub mthar byas pa'o mtshon pa ste nges par ro/ /phyag rgya ni phyag rgya chen po ste de nyid la yang dag pa'i byang chub bo/ /'debs pa ni ro gcig par byed pa'o/ /lha rnams shes bya ba la sogs pa la/ mchod pa ste sgrub pa'o/ /sbyor ba ni ting nge 'dzin te zhi gnas dang lhag mthong ngo/ /stong pa nyid dang snying rje dbyer med pa'i byang chub sems bsgoms zhes pa'i don to/ /gsang chen ni thams cad kyi bdag nyid
- 309b
chos kyi dbyings kyi phyag rgya ste/ /de'i? cha byad kyi rnam pa'o/ /mchog gi dgyes pa ni gzhal yas khang ste/ rtag tu gnas pa ni chos dbyings kyi rang bzhin gyi dus gsum du mi 'gyur ba'i tshul gyis phyir ro/ /sangs rgyas kun bdag ni de bzhin gshegs pa lnga'i rang bzhin yon tan rnams nyid 'di la yod pas sems dpa' ste/ bla na med pa'i yon tan thams cad kyi gnas shes bya ba'i don to/ /rdo rje ni stong pa nyid do/ /sems dpa' ni snying rje ste de dag sbyar bas ni rdo rje sems dpa' o/ /sku gang yin pa de gsungs pa bde ba'i mchog ste bde ba chen po'i sku'o/ /gsang chen ni chos nyid do/ /mchog ni longs spyod rdzogs pa'o/ /dgyes pa ni sna tshogs sprul pa'o/ /thams cad bdag nyid ni ngo bo nyid sku'o/ /rtag tu bzhugs pa ste sku bzhi bor nas gang du yang mi 'gro ba'o/ /sangs rgyas kun bdag nyid chos dang longs spyod dang sprul pa dang/ ngo bo nyid kyi sku'i bdag nyid gang yin na sems dpa' o/ /de nyid gang zhe na rdo rje sems dpa' o/ /de lta bu nyid gang bde ba'i mchog ste/ bde ba chen po zhes pa sku lnga bar brjod do/ /dkyil krung zhes bya ba la sogs pas ni bsam gyis mi khyab pa'i rnal 'byor gsungs te/ chos thams cad stong pa nyid du som pa la/ skad cig tsam gyis seng ge'i gdan la bzhugs nas skye ba ni dbyug pa 'dzin pa snying po'i rnal 'byor gyis bsgyangs? pa'i tshul du rdo rje dril bu 'dzin pa ser po/ khyab bdag dpal rdo rje sems dpa' i rang bzhin du bdag bsam gyis mi khyab pa sgyu ma lta bu bsgoms par bya'o/ /ji ltar sgyu ma lta bu bsgom pa ni ma yin no/ /ji ltar 'di ltar bsgom pa'o/ /gang dus gsum du 'byung ba'i ye shes skyes pa dang bskyed pa dang/ skye ba la de bzhin du bdag gis kyang bskyed par
- 310a
bgyi yis sangs rgyas dang byang chub sems dpa' thams cad dang rdo rje'i rnal 'byor ma rnams kyis bdag la byin gyis rlobs shig ces bden pa'i byin brlabs brjod de gsol ba gdab par bya'o/ /thams cad de dngos po thams cad kyi rang bzhin mnyam pa nyid bsgom pa la brtan par bya'o/ /de nas de la yang rtog par mi bya ste/ bsam du med pa'i rnal 'byor gyis mngon par gnas par bya'o/ /zhes bya ba'i man ngag go /'jig rten pa'i don la rtog pa dang/ 'jig rten las 'das pa'i don la rtog pa ni gnyug ma ma yin te/ 'on kyang gyur pa'o/ /gnyug ma ni gnyi ga'i rtog pa med pa'o/ /rang gi gnyug ma'i rang bzhin gyis rnal 'byor gyis chos rnams la rnam par sbyor ba spangs pas gnas par bya'o/ /de kho na nyid rnam par mi rtog pa ni drug ces bya ba la sogs pa la 'di'i don ni 'di yin te/ 'khor lo'i sgyur ba drug gis gzugs kyi rang bzhin du bdam par bya ste/ rigs drug kha sbyor bar gyur pa blos/ lag pa gnyis thal mo sbyar bar bya'o/ /nam mkha' i khams thams cad khengs pa'i bla ma dang/ sangs rgyas dang byang chub sems dpa' la sogs pa mkhyen cir dgongs par bsams la/ rnam par rtog pa'i rang bzhin kun nas nyon mongs pa thams cad dang/ rnam par byang ba thams cad ji snyed pa sna tshogs kyi rtog pa spangs te/ mdun gyi sangs rgyas de dag thams cad bsdus pa ni 'dus pa ste/ rdo rje 'chab gcig tu gyur te/ de dag cig tu gyur ba'i sku can nyid ces bya ba'i don to/ /'di ni bstan pa'o/ /de la 'di bshad pa ni rang bzhin zhes bya ba la sogs pa ni rang ste/ sangs rgyas rdo rje 'dzin pa rnams thams cad mkhyen pa gcig gi
- 310b
gnas shing dgongs pa'o/ /'gyur ba ni bzhugs pa'o/ /'di rgyas par bshad pa ni thams cad ces bya ba la sogs pa ste/ sangs rgyas rnams kyi bdag nyid rang bzhin 'dus pa gcig pa nyid du 'gyur ba ste/ sangs rgyas kun gyi sdom pa gcig pa'i bdag po'o/ /de'i phyir rnal 'byor pa rdzogs pa'i byang chub nyid do/ /yang gi sgras ni de kho na nyid zhes bya ba'i don to/ /lhag ma ni go sla'o/ /gang zhig sngon mar me mdzad la sogs pa rnams kyis kyang gsungs la/ shAkya thub pa ngas kyang bshad par mdzad pa'o/ /de nyid ces bya ba de nyid sngags kyi bstan chos las rab tu sgrub pa ni dam tshig sgrub pa'i phabs gsungs pa/ shes rab kyi pha rol tsam gyis ni ba glang la sogs pa tshad gzung ba ste/ gal te zhes bya ba ni gal te gang gis tshe yin na de'i tshe 'khor ba las khyad par du gyur pa bla na med pa'i rnal 'byor pa'i kun rdzob bo/ /don dam pa'i bden pa'i 'jog pa'i rgyu mchog tu yongs su dag pa 'dod pa'i yon tan ma lus bas 'dod par bya ba'i rgyur gyur ba gang yin pa ste/ gong na med pa'i mya ngan las 'das pa ni ma yin no/ /mya ngan las 'das pa'i tshu rol 'khor ba nyid do/ /phung po bstan pa ni med pa'i phyir ro/ /de ni dam tshig sgrub pa'i phabs gsungs pa/ shes rab kyi pha rol tu phyin pa ste/ gang dang yang mi rtog pas so/ /de la mos pa ni shin tu bstan pa bdun pa ste/ mngon par yid chos pa des bsgrub par bya ste/ dam tshig gi don du 'jug pas so/ /'dis mtshon par byed cing mngon sum du byed bas na dam tshig ste/ de bzhin gshegs pa'i tshogs lam gyi gnas skabs so/ /bsgrub par bya ba ste/ 'bras bu ster ba la mngon du phyogs par byed pa 'am/ rtogs par bya ba ste/ mngon du bya ba 'di ni dam tshig ste/ de nyid
- 311a
'bras bu'i gnas skabs so/ /lam las gzhan pa'i rigs kyi 'bras bu med de/ gser gyi tshogs snga ma las 'di dag ni gser btso ma lta bu yin no/ /gang gi phyir lam sgrib pa gnyis bag chags dang bcas pa thams cad rab tu spangs pa sgrib pa gnyis mthar thug gi bar gyi gnas skabs las pha rol nyid 'bras bur gyur nas mngon par gnas so/ /bsgrub pa bya ste mngon du phyogs par bya ba lam gyi gnas skabs la'o/ /mngon par byang chub pa yang 'bras bu'i gnas skabs la 'dis dngos grub ni mngon du bya'o/ /kla klo'i brngas tha snyad nyid de rnal 'byor pa'i kun rdzob nyid du'o/ /mnyam pa nyid ces bya ba la sogs pa ni rin chen 'byung ldan gsungs ba ste/ mnyam pa ni mnyam pa nyid kyi ye shes kyi rang bzhin gyis 'jug pa ste/ mnyam par sems can thams cad kyi thun mong ba dang/ chos nyid do/ /de la thun mong du bstan pa'i phyir/ chags pa ni sems can thams cad la khyab pa'i snying rje chen pos chags pas ni chags pa'o/ /chos nyid ston pa ni chags pa'i yul gyi sems can nyid yod pa ma yin no/ /yod pa ma yin pa nyid ni mnyam ba nyid ces bya ba'i grub mdza' o/ /chos nyid la ni sems can dmigs par mi 'gyur la/ de lta na yang snying rje de'i don byed pa'i don to/ /byang chub sems dpa' ni sems dpa' ste/ dang po nas zhi ba'i sems can mthod ba de yang de'i don byed pa zhes bya ba'i tha tshig go/ 'o na snying rje nyid med de yul med pa'i phyir ro zhe na/ yod de ji ltar byed ce na de nyid re? zhig sems can rang med na de yang sdug bsngal sogs pa shin tu 'byung ngo/ /zhes bya ba ni ngo mtshar ba ste/ bdag nyid rang mi shes
- 311b
pa de srid du rang gi sdug bsngal ba la sogs pas sdug bsngal bas phyin ci log tu byed pa'o/ /phyin ci log tu gyur pa rnams la shin tu snying rjer 'jug pa'o/ /chags pa zhes bya ba ni/ shes rab kyis chags pa'i snying rje rin chen 'byung ldan no/ /spyad pa ste pos shing 'thungs pa ste rtogs pa zhes bya ba'i don to/ /chags chen ni mnyam pa nyid kyi ye shes kyi lus te/ 'od dpag med ni mdza' yas pa'i sems can rnams dngos po yod pa ma yin pas/ tha dad pas blo gang la med pa gang yin pa ste/ de bzhin du mnyam pa nyid kyi ye shes snying po rin chen zhes bya ba'i don to/ /der son ba ni rtogs pa ste de'i don du shes par byed pa'o/ /chos rnams zhes bya ba la sogs pa snang ba mdza' yas ston te/ chos rnams ni so sor brtag par bya ba'i sems can rnams so/ /dag pa'i rim pa ni dkar po ste skye ba med pa'o/ /bskyed pa'i rim pa ni ma dag pa'o/ /so sor rtog pa'i ye shes kyi yul skye ba med pa ste/ de ni so sor rtog pa zhes bya ba nyid du 'dod pa'i don te/ chos ma skyes pa nyid so sor rtog pa snang ba mdza' yas zhes bya ba'i tha tshig go /yang chos de dpal rdo rje'i chos rnams so/ /yod pa ma yin te bskyed pa gang yin/ pa ste/ de ni de lta bu'i rang bzhin no/ /de ltar yang rtag tu bskyed med chos ni de bzhin gshegs/ /chos rnams thams cad bde bar gshegs dang 'dra/ /byis pa'i blo can mtshan mar 'dzin pa dag /'jig rten dag na med pa'i chos la spyod ces gsungs te/ skye ba med pa'i rang bzhin snang ba mdza' yas zhes bya bar dgongs so/ /de nyid bshad pa ni skye ba med pa ste/ mngon par rtogs pa ste/ yongs su shes pa'am/ de ste chos rnams kyi rtogs pa'o/ /
- 312a
dbu ba ste snang ba mdza' yas ? ste/ rang gis mngon du byed pa'o/ /mnyam pa nyid ces bya ba la sogs pa don yod grub pa ste/ dngos po rnams te sems can rnams kyi dngos po rnams ni/ gang don yod grub pas mnyam pa nyid de/ sems can thun mong du 'jug pas 'dir brtags nas mnyam pa nyid ni bya ba grub pa'i ye shes so/ /mnyam pa ni sems can thams cad kyi thun mong du bya ba nan tan grub pa'i dngos po la /rten pa'i ye shes ni mnyam pa nyid do/ /dngos po rnams ni phrag dog ste/ dngos po zhes pa ni dngos po nyid kyi don to/ /bya ba grub pa'i ye shes kyi bdag nyid don yod grub pa'o/ /zhes bya ba ni tha tshig go /sha ni bya ba grub pa'i ye shes kyi bdag nyid don yod grub pa'i mi dmigs pa'i rnal 'byor gyis thos pa ste/ rang dbang du byed pa'o/ /yang ni dngos po rnams te sems can rnams la mi dmigs pa'i sbyor bas bya ba nyams su len pas sems can yang dmigs pa med ces bya ba'i don to/ /rab tu rgyas pas zhes bya ba la sogs pa ni mi bskyod pa ste/ ji srid nam mkha' i khams kyi mthas klas pa'i ni rgyas pa'o/ /rab tu 'phro ba ni de dang de thams cad du 'gro ba'i sems can shin tu rnam par dag pa'i ye shes kyi bdag nyid mi bskyod pa'o/ /rtogs pa ni mngon par bya ba ste/ rdzogs pa'i byang chub nyid kyis so/ /dam tshig ni thams cad 'gro ba'i chos kyi dbyings te/ de nyid kyi don ni mngon bar byang chub pa'i yul lo/ /de la gang dag sbyor ba las zhes bya ba ni nye bar bgrod pa las so/ /dam tshig kyang shin tu dag pa'i ye shes mngon par byang chub pa'o/ /don yang chos kyi dbyings te mngon par rtogs bya'o//
- 312b
de dang rjes su mthun pa'i rnal 'byor ni ro gcig pa'i son pa ste/ de bdag nyid ces bya ba'i don to/ /de bas na chos kyi dbyings shin tu rnam par dag pa'i ye shes kyi bdag nyid mi bskyod pa nyid du zhes bya ba'i don to/ /mthun pa ni rang gi rgyud las 'jug par byed pa'o/ /las ni bya bar brjod te/ ji bzhin pa'i don rtogs pa'o/ /de'i sbyor ba'i las ni yi dam dang rab tu sbyor ba'o/ /cung zad ces bya ba la sogs pas ni rnam par snang mdzad bshad pa ste/ cung zad med pa ni de dang 'di yin zhes nye bar 'jog pa'i rnam par 'gog pa'i sems ni me long lta bu'i ye shes so/ /brten pa ni mi bskyod pa ste/ g.yo ba med par gnas pas rgyun tu mnyam par bzhag pa ste/ thun mong ma yin pa'i bdag nyid du snang bas mngon par snang ba'i rnam par rtog pa ste/ de med pas mngon par mi snang ba ste/ rtog pa nyid kyis sems kyi g.yo pas rnam par mi rtogs pa ni me long lta bu'i ye shes so/ /mchad par snang ba dang/ gsal bar snang pa dpa?/ yul dang dus rnam par bcad bas gzhal bya nyung zad 'ga' zhig tu gsal ba de med pas me long lta bu'i ye shes ji srid du shes bya'i dkyil 'khor gyi mthar gtugs pa'i phyir ro/ /shes bya'i phung po mdza' yas pa thams cad kyi mthar gtugs par rab tu gsal ba'i don to/ /ma bsam par yang shes bya'i dkyil 'khor ma lus par mkhyen pa zhes bya bar dgongs so/ /gcig la yang cung zad kyang bsam pa med kyi/ 'on kyang thams cad mkhyen pa zhes bya bar dgongs so/ /me long lta bu'i ye shes kyi rang bzhin rnam par snang mdzad nyid sman chen po zhes bya ba'i don to/ /bza' ba ni bla na med pa'i ye shes kyis tshim par byas pa'o/ /spangs pa'i don gyis de ma thag
- 313a
par rtog pa dang 'gal bar rtogs pa ni log par rtogs pa ste/ rab tu 'byung ba ma yin pa bzhin no/ /de bzhin te ? par? rtogs pa med pa ni de dag gi de mthag par ji bzhin rtogs pa'o/ /yang 'dir bshad ma thag pa'i rnam par snang mdzad kyi lus kyi yang rtog pa med ba ste/ dmigs su med pa'i ye shes kyi dmigs su med pa'o/ /de'i phyir gal te yang mnyam pa nyid de lam dang 'bras bu'i gnas skabs nyid mnyam par gyur kyang snga phyi la khyad par med do/ /de ltar sngar ni chos rnams me long lta bu'i ye shes kyis bstan la/ da ni yang chos rnams de bzhin gshegs pa ste/ chos dang chos can gyi sgo nas tshig tu phye ba'o/ /de dag ste gang du bshad ma thag pa'i dam tshig ni ji skad gsungs pa'i ye shes te/ rtogs pa ni phyag rgya chen po ste/ rdo rje 'chang nyid kyi rnam pa gzhan gyi ming can zhes bya'o/ /mtshan nyid te nges par byas pa'o/ /de dag ces bya ba la sogs pa ni phan yon te/ sangs rgyas gyi chos ni stobs dang/ mi 'jigs pa la sogs pa sangs rgyas kyi chos thams cad kyi chos so/ /go 'phang so sor thob pa nyid ni thob par bya ba dang/ rjes su bgrod par bya ba ste/ /mi bskyod pa'i don to/ /dpal ni gnyis su med pa gsal ba ste chos kyi sku'o/ /de 'di la yod pas dpal ldan te/ rang bzhin dang/ longs spyod dang/ sprul pa dang/ sku gsum mo zhes bya ba'i don to/ /de la bde ba ni des khyad par byed pa'i bde ba ni chen po'i sku'o/ /sku lnga'i bdag nyid/ bcom ldan 'das dpal rdo rje 'dzin ces bya ba'i don to/ /'bras bu mthar thug pa'i de'i rtogs pa ni gang gis mngon du byas pa dang/ nges par byas pa gang yin pa de ni de lta bu'i rgyud do/ /
- 313b
gzhung ni lam ste/ 'bras bu mngon par rjod par byed pa'o/ /rnyog pa med pa nyid kyang dpal dang ldan pa bde ba chen po zhes gzhan gyi ming can no/ /rnyog pa med pa rnal 'byor chen po'i rgyud kyi rgyal po'i 'grel pa rdzogs so// // rnyog pa med pa'i dka' 'grel ni/ /byas pa las skyes bsod nams gang/ /'jig rten zla ba dri med gzhon nu bzhin/ /ma lus pa du rnyog med shog /slob dpon chen po dge slong gzhon nu zla bas mdzad pa'o// // rgya gar skad du/ sh+rI tatwa? pra pI paM nA ma tan+ta ratna ma la pany+dzi kA /bod skad du/ dpal de kho na nyid kyi sgron ma'i rgyud kyi dka' 'grel rin chen phreng bzhes bya ba/ dpal bde ba chen po la phyag 'tshal lo/ /mi gnas rnam rtog kun bral pa'i/ /sangs rgyas kun gyi bdag nyid dngos so/ /rang rig brjod du med pa yi/ /ye shes chen po la phyag 'tshal/ /phal pa'i spyod yul ma yin pa'i/ /bla na med pa'i rgyud kyi mchog /'di la gzhan gyis gsol bskul bas/ /ji bzhin don gyis gsal bar bya/ /drang ba dang ni des pa'i don/ /rdo rje 'dzin pas gsungs pa la/ /des pa la ni rim pa bzhin/ /ji bzhin don gyis dbye bar bya/ /'di la rdo rje tshig mang ldan/ /de nyid dam pa 'bras bu'i don/ /yid bzhin rin chen nor bu yi/ /phreng ba nyid ni khyab pa'i bdag /dgos pa'i mtshan nyid sgrub byed pa/ /'grel 'di de bzhin bdag gi bya/ /'di skad bdag gis zhes bya ba la sogs pa la/ 'di skad ni skyon dang bral ba'i tshul ji lta ba bzhin ston pa la'o/ /bdag gis thos zhes bya ba ni sdud par byed pa kho nas thos pa yin gyi/ gzhan du rgyud pa dang gzhan nas thos pas byung ba ma yin no/ /'khrul pa gsal ba'i don gyis rdo rje 'dzin pa kho na
- 314a
la thos pa'o/ /dus gcig ? zhes bya ba ni shes rab kyi b+ha ga la 'khor dang bcas pa bzhugs pa'i dus na'o/ /de yang rjes su mthun pa'i gnas khyad par can ni 'khor dpa' po dang dpa' mor bcas pa bzhuD pa'i dus gcig go /bcom ldan 'das ni bdud rnam pa bzhi bcom pa'i phyir ro/ /yang na lags pa'i yon tan rnams dang ldan pa'i phyir na'o/ /de bzhin gshegs pa ni rigs lnga'i bde bar gshegs pa la sogs pa'o/ /ri Da kyi phye ba ni bde ba chen po nyid las gshegs pa ste/ gdul bya'i don mdzad pa'i phyir ro/ /yang na de bzhin nyid du gshegs pa ste/ sangs rgyas rnam par snang mdzad la sogs pa'o/ /thams cad na ni ji snyed bzhugs pa lus med pa de snyed kyi de bzhin gshegs pa gang+gA'i klung gi bye ma snyed kyis mtshon pa kun bsdu ba yin no/ ? sku dang gsung thugs rdo rje zhes bya ba ni sangs rgyas thams cad kyi sku gsung thugs rdo rje bcom ldan 'das kyis sku gsung thugs de rje'i rang bzhin nyid pas na rdo rje 'chang do/ /byang chub sems dpa' rnams dang de bzhin du lha mo'i gzugs kyi bzhugs pa ni/ dpa' bo? chen po dang dpa' mo'i dbang phyug ma'o/ /sa bcu? la gnas pa'i tshul gyis byang chub sems dpa' rnams ni nyid las sprul pa'i 'khor gyis bcom ldan 'das la bskor nas bzhugs te/ chos kyi dbyings kyis rang bzhin shes rab kyi lha? ga'i nang gzhal yas khang khyad par can na bzhugs pa'o/ /sku gsum gyi bdag nyid can bcom ldan 'das 'khor dang bcas pa rnams bzhugs shes bya'o/ /der bcom ldan mo zhes bya ba la sogs pa la bzhugs pa'i gnas de ru bcom ldan 'das la rnam pa sna tshogs pa'i sgo nas mnyes par byas
- 314b
te/ /gsol ba 'debs par byed pa'i don gyis so/ /'di skad ces gsol te zhes bya ba la sogs pa zhus ba'o/ /gzhan dag ni 'di rnams la nang la sogs pa'i don gyis bshad pa yin zhes smra'o/ /de ni 'gal te rgyud kyi bka' nyams pa'i phyir bstan par mi bya'o/ /bcom ldan 'das kyis bka' stsal ba zhes bya ba la sogs pa gsungs so/ /de la e baM ma ya zhes bya ba ni rgyud kyi don thams cad 'dus pa'i phyir na sdom pa yang gsungs so/ /'dir bsdus nas ston pa yin la/ rgyas par ni 'di nyid kyi 'og nas bstan to/ /brgyud gzhan nas sdom pa'i don gyis shes rab thabs dang/ A li dang kA li? dang/ 'khor lo bzhi dang/ lha mo bzhi dab?/ skad cig bzhing ba/ dga' ba bzhi dang/ de kho ? nyid bzhi dang/ bden pa bzhi dang/ sde pa bzhi dang/ dbyug gu la sogs par yi ge ? po 'di dag rnams sbyar bar gsungs so/ /gzhan nas de bas kyang rgyas par bstan pa yang yod pa yin no/ /'o na yang mi 'gal bar bstan dgos so/ /sogs pa'i sgras bzhugs pa yan chad bsdu bste/ 'di skad bdag gis thos pa'i dus gcig na zhes bya ba nas shes rab kyi ? bzhugs? so zhes bya ba'i ? ro/ /khams zhes bya ba'i sgras 'byung ba rnams so/ /sa dang chu dang me dang rlung ngo/ /srid pa gsum gyi ngo bo lus dag yid dang ldan pa ni 'dod khams dang/ gzugs dang gzugs med pa dang rang rang gi yang khams te? gsum mo/ /'gro ba ni rnam pa lnga'i ? kyi sems can/ mi 'gro ba ni snod kyi 'jig rten gyi rang bzhin/ yang ni mi 'gro ba ni sangs rgyas dang byang chub sems dpa' la sogs pa la bya'o/ /phyag rgya rnam pa bzhi ni shes rab de dang ldan pa'i thabs ni dngos po'i ye shes so/ /
- 315a
rang bzhin gyis zhes bya ba ni rang bzhin dga' ba nyid kyis khyab cing rgyas btab nas bzhugs so/ /de yang kun gyi snying po dam pa ste/ kun la gnas pa'i phyir rgyas btab pa'o/ /rnam par rtog pa yis mi 'phrogs pa rang bzhin gyis 'od rab spros pa dang bral ba la ni/ gzhan gyis ma yin kun rgyas btab ces bya'o/ /de skad zhu? tshangs pa'i g.yungs? bye mthar/ /legs dgyes khyed kyis rab btab nas/ /grangs them pa la rgyas btab ste/ de bas phyag rgya chen khyod grags zhes gsungs so/ /dri med rdzogs pa'i 'bras bu nyid ces bya ba ni de nyid la 'bras bu zhes bya ba dang/ de kho na nyid dang mchog tu gyur pa dang/ skye ba med pa dang/ 'gag pa med pa la sogs pa rnam grangs su phye na mang yang ngo bo ni gnyis su med pa'i ye shes bde ba chen po nyid do/ /de rgyud 'di nas gsal bar ston pa yin pa'i phyir de kho na nyid kyi sgron mar grags zhes bya'o/ /de'i don rgyas pas gsungs pa/ 'di skad bdag gis zhes bya ba la sogs pa la e'i thabs dang shes rab kyi rgyud ces bya ste/ rgyud ni rgyun gyis rtag par gnas pa thabs dang shes rab ni yab yum sku dang gsung dang thugs rdo rje'i rang bzhin ba de ba dang bcas pa'i rnam? pa'o/ /sku mtshan dang gsung yig 'bru'i rnam pa dang thugs byang chub sems dpa' i gzugs dang/ rdo rje'i rang bzhin bde ba'i bye brag ste/ bcom ldan 'das rdo rje 'dzin dang dbyer med pa'i rgyud do/ /thabs ni rdo rje rin po che'i byang chub sems kyi rnam pa la sogs pa'o/ /shes rab ni pad+ma can gyi rnam par te gnas kyi khyad par gyi rim pas so/ /de skad du/ e yi yi ge dbyibs bzang? gang/ /de dbus ba? gyis ? tu brgyan/ /sangs rgyas
- 315b
rin chen za ma tog /bde ba thams cad gyi ni gzhi/ /zhes gsungs so/ /mnyam zhes bya ba'i sgras sdud pa bo nyid bcom ldan mo bdag gis thos pa yin la/ de sku'i rnam pa la sogs pa'o/ /de yang 'di skad bdag gis de nyid gsum zhes lta ba'i la sogs pa la/ sku dang gsung dang thugs kyi rang bzhin rdo rje dang bcas pa'i yig 'bru'i rang bzhin zla ba'i rang bzhin ga bur dang gsum du dbye ba'i cha dang/ thig le dang tshul sdud po dang/ rgyud bcas pa phyi'i gnas la sogs pa'i dbye bas/ bcom ldan 'das la bcom ldan 'das mos sngon skul ba byas nas rgyud gsungs de bzhin du 'dir yang bskul zhing gsol ba btab pa las thos par gyur pa ni gsang ba'i ? lta ba las bzhengs te/ bde ba chen po'i bcom ldan 'das la bskul ba byas pas/ sku gsung thugs rdo rje'i rang bzhin yin pa'i tshul gyis thos pa'am/ go par gyur pa ni zla ba bde ba mchog thos pa dga' ba'i rnam pa nyams su myong ba ste/ sku la sogs pa'i don gyis sprul pa dang longs spyod rdzogs pa dang/ chos kyi dga' ba gsum mo/ /rang bzhin bde ba chen po dang ldan pa ni/ bdag nyid kyis dang bcas pa ste/ rang bzhin bzhi'i bye brag tu zhes bya'o/ /rang bzhin dga' ba tshul tsam dang bcas pa'i rdo rje nyid las ma 'phros pa ni 'bras bu'i don dam pa spros pa dang bral pa'o/ /de la ni don dam par ni shes par bya zhes so/ /shes rab kyi b+ha ga'i gnas su zla ba bde ba mchog gi ? bshad de/ phyi la sogs pa'i rim pas phye ba'i gnas so/ /de khyad par can gyi gnas su gshegs pa ni 'gog go /ye shes kyi stobs su gyur pas na gzhan mchog ste/ gnas de rang ngo/ bcom ldan 'das 'khor dang bcas pa thams cad
- 316a
kyi gnas gcig pa ni thos pa'i don to/ /mdza' gnyis la mi gnas pa'i phyir srid pa dang mya ngan las 'das pa spangs pa'o/ /de ni dga' ba gnyis kyi rtog pa med pa yab yum thabs dang shes rab dbyer med pa ni gnyis dang bral ba'o/ /bzang ba dang ngan pa dang bral ba bsam du med pa'i dus te/ gnyis su med pa'i ye shes dang ldan pa'i dus so/ /de nyid phyag rgya chen po bskyed pa dang rdzogs pa dang bral zhes de nyid la bya'o/ /'o na yang 'bras bu'i ming rgyu la btags pa'o/ /de bas na bcom ldan 'das ni mdza' zhes bya/ rang bzhin dga' ba nyams myong dngos zhes gsungs so/ /yang na rtsa ba'i pad+ma'i gnas mchog tu phra ba dang ldan bas cha/ byang chub sems ga bur gyi gzugs kyi thig le nyid/ ye shes gsal ba'i de rang nyid tshul te de kho na nyid gsum zhes bya'o/ /rnam pa sna tshogs kyi ye shes sbyor ba'i tshul tsam/ de dkar ba'i gzugs bde ba shin tu 'phel ba ni zla ba bde mchog /de nyid kyis rang bzhin rnams rgyas btab pa'i ngo bos phyag rgya chen po'o/ /de rnams kyi skyon gyis ma gos pa ni gzhan mchog /rang bzhin dga' ba nyid dga' ba kun gyi mthar thug pas ni mdza' ste/ ye shes de rnams kun rdzogs pa'i don to/ /de bzhin du yang rkang mthil du cha'i dngos po/ de snying bar thig le bzhugs pa'i gnas su tshul/ de kho na nyid gsum mo/ /bdag med pa'i gnas su tshul tsam zla ba mchog dang ldan pa'o/ /chos kyi 'khor lo'i sems kyi gnas su mchog/ /phyag rgya chen po'i rang bzhin longs spyod 'khor lo'i dbus kyi gnas su ni gzhan mchog gi ngo bo mdza'
- 316b
zla ba rgyas pa'i gnas su rdzogs pa ste/ rang bzhin dga' ba sku gsum gyi bdag nyid brjod pa dang bral ba'i don to/ /yang rgyud ye shes thig le las ni de ltar ma gsungs so/ /gzhan dag snying ga'i mi shigs pa'i bdag nyid kyis de kho na nyid gsum la sogs pa'i don bstan pa dang/ de nas rim pas longs spyod 'khor lor bstan de nas bde ba chen por rdzogs pa'o/ /de yang dang bor de kho na nyid gsum gyi bdag nyid snying gang gnas pa las/ gyen la 'od zer spros pa des zla ba zhu bas bde bar gyur pa bde mchog phyag rgya chen po chos kyi 'khor lor mdza' dang gzhan mchog /de ni skyed pa'i sbyor drug de longs spyod la sogs pa sngar bstan pa byas pa ni sbyor ba drug rdzogs pa'i don to/ /zhes smra'o/ /thams cad ye shes gsum stong nyid ces bya ba srid pa dang mya ngan las 'das pa'i chos thams cad rnam pa gsum gyi rim pas shar tsam na rnam par rtog pa stong pa'o/ /de yang phung po dang rtsa dang khu ba'i gzugs la sogs pa thams cad dang ldan pa'i sems can rnams la yang snang ba gsum gyi rim pas 'byung zhing ldan te 'khor ba'i rang bzhin no/ /'di gsal bar snang ba'i skabs su 'og nas bshad lon yang sku gsung thugs rtsa'i? don gyis bstan pa'i dga' ba gsum gyi ye shes snang bas thams cad do/ /rnam par rtogs pa rim pas chung bas? ni stong pa/ stong pa nyid ye shes so/ /rnam rtog mtshan ma'i snang ba spangs pa ni stong pa ste/ de nyid kyis ni spangs pa'o zhes bya ba'o/ /de bzhin gshegs pa ni sangs rgyas phung po lnga la sogs pa/ phung po'i sgras rnam par shes pa byang chub kyi sems 'od rab kyi gnas nas de bzhin nyid las gshegs pa'i don to/ /de yang snang ba
- 317a
gsum gyi rim pas rang bzhin bzhi pa rdo rje'i sprul par gshegs pa dang/ slar nyid kyi gnas su gshegs pa'o/ /rnam 'byed grags zhes bya ba ni gsum po la rtogs pa bag chags yod pa 'byed pa'i rnam par 'byed pa'o/ /dang po'i gnas ni rab 'grub byed ces bya ba la sogs chen po las gzugs kyi sku'i mtshan nyid kyis byon nas/ yang bde ba chen po'i rang bzhin 'od rab tu gshegs pa ste/ don du bde ba chen po'i 'khor lor gshegs pa ni dang po'i gnas so/ /de ni phung po la sogs thams cad bde ba chen por gyur pa'o/ /sku ni phyi la sogs pa'i don gyis dbye bar bya/ de bzhin du snga phyi bstan pa spang ngo/ /sku mthong bas dga' ba'i ngo bor gyur to/ /de la thabs dang shes rab kyis pho dang mo'i dbang po'i rnam par rtog pa 'gags te/ mi skye bas na bral ba'o/ /byung ba'i sgras khu ba la sogs pa rdzas kyi rtog pa dang yang bral ba'o/ /de bzhin du bde ba'i dga' ba'i rim pa la sogs pa ni phyag rgya bzhi la brten pa'i rnam par rtog pa spangs pa ni de bzhin gshegs pa thams cad kyi sku gsung thugs rdo rje ni bcom ldan nyid kyi byas ba'i phyir na rang bzhin dga' ba'i thugs la sogs pa'o/ /de yang lam gyi rim pas dbye ba ni bya ba yin no/ /lha mo dbang chen nyi ma skyes zhes bya ba la sogs pa la/ dpa' bo chen po'i sgras byang chub sems dpa' rnams kyis sku'i gzugs kyis so/ /de bzhin du dpa' mo rnams kyang bstan pa de rang nyid la bshad pa A li dang kA li dang rtsa ba'i rim pa dang byang chub sems thig le bcu drug /dpa' mo'i rtsa'i 'khor lo/ /
- 317b
de bzhin lte bar byang chub sems thig le bcu drug /g.yas g.yon bcu drug phrag gnyis dpa' mo rtsa'i dngos po'o/ /dpa' bo mchog gi dga' ba dang dpa' mo bral ba'i dga' ba zhus pa dang 'pho ba dang 'jigs pa dang bral ba'o// dpa' bo byang chub sems ga bur dpa' mo ste ba'i snying po rang bzhin gyi bcom ldan 'das la bskor ba'o/ /rnam par bskor ro zhes pas lha la sogs pa'i gzugs rtsa dang byang chub sems yi ge la sogs pas bskor ba'o/ /yan lag ni de rnams thams cad bsdu ba'o/ /khyab pa'i chu yis pad+ma bzhin zhes bya ba ni/ gtso bo'i rang bzhin dang ldan pa'i phyir ro/ /dper bstan pa dang mtshungs pa'o/ /shes rab de ni tshangs pa'i gnas zhes bya ba ni gnas dang rten dang bzhi ni rnam grangs so/ /rnam par rtog pa dang bral ba'i gnas kyi khyad par te/ 'dir byang chub sems kyi zla ba'i rang bzhin la tshangs pa zhes bya'o/ /de'i phyir tshangs pa ye shes 'dzin pa'i phyir zhes so/ /ye shes bral ba'i dga' bar 'dzin pa rang bzhin dga' bar 'dzin pa'o/ /b+ha ga bdun ni 'joms pa'i phyir zhes bya ba ni gnyid dang rmugs pa dang/ the tsom dang 'gyod pa de dag ni lha'i bu'i bdud do/ /'dod chags la sogs pa ni nyon mongs pa'o/ / na tsha la sogs pa phung po'i dang tshe dang dbang po bgags pa 'chi bdag gi bdud do/ /'dir rnam par rtog pa'i dngos po 'joms pa ni rang bzhin dga' ba'i bcom ldan 'das kyis so/ /yang na longs spyod myong bas so zhes bya ba ni drug dang ldan pa'i bdag nyid ro dang ye shes longs spyod na bcom ldan 'das b+ha ga'i don gcig pa ste/ phyi nang gi rim pa'o/ /bzhugs pa nyid kyi mtshan nyid de zhes bya ba ni mtshan dang dpe byed dang yig 'bru la
- 318a
sogs ba sngar bshad ba yin no/ /de bzhin gnas pa yang na gshegs zhes bya ba ni dam tshig dbang gi gnas ba dang bzhugs pas mtshungs/ ye shes sems dpa' i don gyis gshegs pa ste/ sku'i rnam bas dbye ba dang/ gsung dang thugs dang rdo rje'i rang bzhin bde bas dbye bar bya'o/ /de lta bu'i don dam par zhes bya ba la sogs pas ni nges pa'i don gyis thabs kyi rim pa gang la brten kyang 'bras bu'i don dam pa rnyed de/ 'dir 'di skad bdag gis la sogs pa'i don gyis 'thob pa'o/ /thams cad rnal 'byor rgyud du gsang zhes bya ba la sogs ba ni bya ba dang spyod pa dang rnal 'byor du sbas so/ /rnal 'byor bla ma dang/ rnal 'byor bla na med pa'i rgyud du des ba dang drang ba'o/ /gzhan dag go sla'o/ /e baM zhes bya ba la sogs pa ni yab yum thabs dang shes rab kyi rin bo che dang pad+mar ldan pa'i rtsa'i 'khor lo'i gnas kyi rim pa 'dab ma drug cu rtsa bzhi dang/ brgyad dang gsum dang de dag rnams dang bcas pa'i ye shes bskyed pa'o/ /'di ni rdo rje 'dzin pa bzhugs pa'i sa'i chos kyi 'byung gnas zhes bya'o/ /byang chub kyi sems rang bzhin dga' ba spros pa dang bral ba'i sa thams cad la dbang byed pa yin no/ /rgyud las ni rtag tu sprul pa sku'i sa bcu gcig pa zhes brjod pa'o/ /longs spyod rdzogs pa bcu gnyis pa/ chos kyi sku ni bcu gsum pa/ bcu bzhi bde ba chen po ste/ gang zhig bco lnga pa yis/ de ni ye shes ser bstan yin/ bcu drug sa ni brtag ba mi/ de bzhin du rgyas par gsungs so/ /de kun dga' ba'i bye brag gis sa yi sgra ni kun tu btags zhes gsungs so/ /der gang zhig
- 318b
de kho na nyid gsum gyi bdag nyid de ni zhes bya ba la sogs pa ni phyi la sogs pa'i rim pa ni sngon du ji skad smras pa dang/ gnas skabs kyis shes par bya ste/ dga' ba dang mchog gi dga' ba'i lan gsum shu kra dang ldan pa'i rnam par shes pa'i ye shes skye ba ni sems dang sems las byung ba dang mi rig pa'i don gyis de nyid la gsungs pa'o/ /de'i 'bar ba dang zhu ba dang 'dzag pa dang/ longs spyod pa dang/ dga' ba rnams dang/ de bzhin du thun tshor dang 'pho ba rnams dang chu tshod dang/ dbyug gu'i don rnams dbye ba ni nang gi rim pa'i dbang du byas nas bshad pa yin no/ /ma rig pa'i ye shes kyi rang bzhin dga' ba skye bar 'gyur te/ de dag rim pas 'byung bas las de kho na nyid ni gsal ba'o/ yang na bral ba'i dga' ba las de nyid der gsal bar bstan te/ de yang bzang ba dang ngan pa gnyis te/ bzang po'i don rnyed pa ni bzhi pa'o/ /de skad du/ ji ltar mun pa'i rin po che/ mar me med na mthong ba med/ de bzhin de kho na nyid ni/? lam la sogs pa'i rim pas rnyed ces gsungs so/ /chos thams cad rnam par rtog pa'i dngos bo ste/ 'di rnams ni de kho na nyid gcig pus bcom zhing dben pa'o/ /rgyu la 'bras bu'i ming btags ba'o/ /srog gi rlung yin pa/ dbyug pa yang ni byang chub kyi sems kyi sems la kha cig 'dod do/ /la la ni byang chub kyi sems ni sreg la/ dbyug pa yang rtsa yin no zhes smra'o/ /'dir ni phyi nang dang rtsa la dbye bar bya ba ni rang bzhin dga' ba'i gnas su/ srog gi rlung gzung zhing dgug pa tsam gyis kyang rtsa mdud sum cu rtsa gnyis la sogs pa ye shes myong
- 319a
pa'i ror gcig pas na/ de la de kho na nyid de bzhin du spros ba dang bral ba'o/ /dga' ba gsum gyi rim pas 'byung ba ni bskyed ba'i rim pa gsum/ gyen du rdzogs pa'i rim ba gsum ni sbyor ba drug gi don to/ /yang na utpa la'i gnas su rdzogs pa'i rim pa'i don to/ /mchog gi dga' ba dang bral ba'i dga' ba'i don gyis shar ba dang nub pa dang/ mi snang ba dang longs spyod rlung dang byang chub sems kyi mtshan nyid dang bcas pa'o/ /yang rang bzhin dga' ba nyid la bshad do/ /rlung dang byang chub sems phrad pa las ni dga' ba'i bye brag rang bzhin dga' ba dang ldan nas steng dang 'og gi 'dab mar 'pho ba ni dga' ba'i gnas su sems la dbang ba mchog gi dga' ba la sogs pa'i rim pas bde ba chen po shar ba'o/ /rtsa dang byang chub sems su ldan nas gnas khyad par can du bzhag pas ni rang bzhin dga' ba rnyed pas/ de lus la sogs pa'i yan lag rgyas pa yin no/ /bum pa'i dbang dang gsang ba dang/ shes rab ye shes dang bzhi ba'i gnas kyi rim pa dga' ba la sogs pa dang ldan pa dbang go rim pa'o/ /dga' ba'i rnam pa'i sems la dbang po bzhi pa'i 'bras bu dang bcas pas chad pa'i dga' ba'i bdud rang bzhin dga' bas 'joms pas bsrung ba'i 'khor lo mchog tu bshad pa ste/ /rdo rje dang rin po che la sogs pa'i mtshams de bzhin gshegs pa'i thugs mtshan no/ /de yang re re'i dbye ba yis zur brgyad pa yang rim pas rgyas pa slob dpon kha cig gzhung gis 'dod pa yin
- 319b
te/ dad pa yin na gzung bar bya'o/ /kho bos ni de bzhin mi 'dod de/ de'i don 'di nas mar gsal bar ston to/ /gsang ba chen po'i ye shes mchog ces bya ba la sogs pa ni bstan par bya ba ma yin gsang ba/ spros pa thams cad las rnam par grol ba'i ngo bo/ ye shes chen po'i mchog nyan thos la sogs pa'i spyod pa'i yul ma yin pa 'di ni thos shing shes pa tsam gyis kyang sa'i bdag por 'gyur pa yin na/ bsam pa dang bsgom pa smos kyang ci dgos te/ brjod du med pa'i sa thob par 'gyur ro/ /brtson 'grus dang mi ldan na yang 'thob na brtson 'grus dang ldan na smos kyang ci dgos te/ gdon mi za ba'i tha tshig go /gang zhig snying po'i sngags ni nyid/ /de ni bdag nyid bcu drug pa de/ zhes bya ba la sogs pa ni A li dang kA li'i sngags las oM la sogs pa'i snying po'i sngags dang/ de bzhin du lung la sogs pa'i gnas rnams la bkad pa'i byang chub kyi sems kyi yi ge'i gzugs kyi snying po'i sngags dang/ de bzhin du dga' ba la sogs pa las byung ba'i yid kyi snying po'i sngags dang/ de bzhin du shes rab dang thabs gnyis phrad pa'i sa'i don dam pa'i sngags so/ /gang zhig sku brgyad mchod sbyin ni/ de ni mtshan ma brgyad mchog go /zhes bya ba la sogs pa la ni gnas dang zhing la sogs pa'i dza land+ha ra la sogs pa'i gnas kyi dbang du ? skyed rim bsgom pa'i mtshan ma dang/ spyi bo la sogs pa lus kyi gnas brgyad du/ byang chub kyi sems kyi sku brgyad kyi mtshan ma brgyad dang/ 'dab ma brgyad pa'i ge sar dang bcas par sku brgyad kyi ye shes kyi mtshan ma rnams ni yab yum thabs dang shes rab gnyis
- 320a
las byung ba'i don to/ /gang zhig mi snang longs spyod dbang/ de ni bskyed pa'i rim pa bzhin/ zhes bya ba la sogs pa ni/ sku'i don gyi bskyed pa dang de bzhin du byang chub gyi sems rnams las lus la bskyed pa dang/ dga' ba la sogs pa gsum rdo rje rin po che gsang ba'i rim pas bskyed pa ste/ rang bzhin de kho na nyid shar ba la sogs pa'i don to/ /de nyid ni 'bras bu'i bde ba chen po nyid do/ /skal ldan mo gang ye shes sku/ /de ni rim sogs yan lag spangs/ /zhes bya ba la sogs pa ni bcom ldan 'das bde ba chen po'i ye shes kyi sku bskyed pa la sogs pa'i bsnyen bsgrub dang/ yan lag drug dang bral ba dang/ lus kyi 'khor lo la sogs pa'i yan lag dang/ sprul pa'i 'khor lo la gsang ba'i rdo rje rin po che la sogs pa'i dga' ba dang sbyor ba'i yan lag kun gyi bdag nyid spangs pa can gyi ye shes chen po'i sku/ mchog tu phra ba mi 'gyur ba mi zad pa/ skye ba dang 'gag pa/ ma yin pa rnam par rtog pa thams cad spangs nas/ bde ba'i ye shes chen po nyid las rol ba'o/ /lha mo gang zhig gsang ba'i sgra/ de ni ye shes gsum dang bral/ zhes bya ba la sogs pa ni dam tshig med pa'i spyod yul ma yin pa la sogs pa ni gsang ba/ sku dang gsung dang thugs gsum dang bral ba'i gsum gyi bdag nyid ye shes sems dpa' dang/ sku'i 'khor lo la sogs pa'i bdag nyid dang bcas pa dang/ srog ma'i rtsa la sogs pa gsum gsung dang bcas pa las de dag gi bdag nyid rtog pa med pa'i mtshan nyid kyi ye shes dang/
- 320b
sku'i gsang ba'i rdo rje'i rtsa ba'i dag pa thabs dang shes rab las byung ba rnam pa sna tshogs/ mgrin par mchog gi dga' ba mchog tu gsang pa rnam par smin pa/ rtse ma'i gnas su bral ba'i dga' ba shin tu gsang ba rnam par 'joms pa la/ lte ba'i gnas su rang bzhin dga' ba snang ba la sogs pa'i ye shes gsum dang bral ba'i gsum gyi bdag nyid rnam pa'i mtshan nyid do/ /yang na de rnams kun kyang gsum pa'i bdag nyid rang bzhin bde rang nas rnyed pa'o// lha mo gang zhig dam tshig ni/ bsrung ba la sogs nges par bstan/ ces bya ba la sogs pa ni sku rdo rje la sogs pa'i dam tshig bsrung zhing bdud rtsi lnga la sogs pa bza' ba dang snying gar mi shigs pa nyi zla'i dbus su byang chub sems kyi bdud rtsi dam tshig bsrung zhing bza' ba dang/ ye shes kyi dam tshig rang bzhin dga' ba mchog dang bral ba'i dbus su bdud rtsi ye shes kyi dam tshig bsang? ? zhing tshim par bya'o/ /'khor la yang gsungs pa yin te/ bla ma'i kha las so/ /gang zhig sbyin sreg don dam bar/ de ni ha zhes blo bur ba zhes bya ba la sogs pa ni/ zhi ba dang rgyas ba la sogs pa'i las rnams kun ji ltar rigs pa bzhin bya ste/ bza' ba dang btung ba la sogs pa'i sbyin sreg dang/ yang na chu rgyun pa las pa'i don gyis bstan pa'am/ 'khor lo rnams la mkha' 'gro ma'i sngags ha yi ges srin? par bya ba'i sbyin sreg dang tshul dang cha'i de'i dbus rnam par rtog pa'i sreg ? btsal te/ rtsa'i mkha' 'gro ma'i sngags kyis mchod pa'i ha'i sngags kyi thig le'i dbus su mchod sbyin byas pas sbyin sreg gi dga' ba'i 'bras bu bde ba chen po de kho na nyid do/ /gang zhig bsrub dang bsrub thabs ni/ de ni
- 321a
thog ma'i dga' dang bral/ zhes bya ba la sogs pa ni bskyed pa'i thabs dang shes rab las 'byung ba'i dga' ba'i rim pa las rang bzhin dga' ba rkan gyi pad+ma dang rdo rje'i dga' pa 'am/ 'khor lo'i bsrub pa dang bsrub thabs dam tshig gi phyag rgya dang/ de bzhin gnas kyi rim pas bstan te/ thog ma dang tha ma gnyis su med pa'i rang bzhin dga' ba mchog dang bral ba'i bsrub pa dang bsrub thabs te/ de dag rnams spangs pa'o/ lha mo'i gang zhig sngags kyi bzlas/ de ni srid pa 'das pa'i yid ces bya ba la sogs pa sngags kyi sgras ni shes skyes po/ /shes rab ni yum thabs ni yab nyid srid pa dang/ mya ngan las 'das pa gnyis sbyor ba gnyis dang bral ba dang/ srog dang rtsol ba'i rlung 'gog pa yis de dag bza' bar byas nas de bzhin du mnyam par byas te srog dang rtsol ba la blta bar bya'o/ /yang na sngags kyi bzlas pa'i don ni dga' ba gsum pa srid ba dang mya ngan lam 'das pa'i mtshan nyid can du gsum po'i bdag nyid mchog dang bral ba dga' ba gnyis kyi ngo po gnyis dang bral ba'o/ /'di skad du/ yang 'byung ste/ thig tshul cha dang bral ba dang/ thig le tshul dang cha yi nang/ rnal 'byor pa yi der yid bsam/ cha yi nang du bsam bya ste/ yang na tshul gyi nang du'o/ /tshul yang thig ler bsgom par bya/ /thig le yang ni stong par 'gro /stong par rab bzhin dga' ba nyid/ /gsum dang bral bas ma skyes mchog /ces gsungs so/ /lha mo gang zhig gnas brgyad ni/ de ni nyi skyes ma'i ni rgyas zhes bya ba la sogs pa la/ gnas brgyad ni dkyil 'khor gyi padmo'i gdan shar phyogs la sogs pa'i gnas dang zhing la sogs
- 321b
pa brgyad du lha dang lha mo'i dngos pos bskyed la gsal bar shad? pa de bzhin du nye ba'i gnas kyi dkyil 'khor rdzogs pa'o/ /nyi ma skyes pa'i ni pad+ma'i gdan rnams dang bcas pa dang/ spyi bo'i rtsa'i pad+ma'i gdan dang ldan pa brgyad dam/ 'dab ma brgyad pa pad+ma dang lte bar bcas pa'i lhag pa'i byang chub sems kyi dkyil 'khor dang ye shes kyi bye brag gis gnyis su med pa'i ye shes rgyas shing shar ba'o/ /gang zhig dga' ba la sogs rim/ de ni rim gyis gnyis su dbye/ zhes bya ba la sogs pa ni mkha' 'gro ma la sogs pas lung bstan pa'i phyag rgya rnyed pa las sbyor ba'i ye shes dang bcas pa'i dam tshig sna tshogs pa byas pas sa dang po nas sa brgyad pa'i bar ro/ /phyag rgya dang bral pas so sor spyod pa'i khyad par mi 'dra ba sna tshogs pa byas mod kyi/ 'on kyang mtshan ma med pa'i dbang gis rnam pa dang bral ba sa bcu pa'i dbang phyug thob pa'i bdag nyid do/ /de skad du yang/ la lar chad gis ro? ro dang/ zhes pa la sogs pa'i spyod pa dang/ yang rnal 'byor dbang phyug chen po nyid/ rang dbang gis ni kun tu btags/ /zhes gsungs so/ /yang slob dpon a ba d+hu? tI? gzhung gi las dang pa'i rnal 'byor pa yis las kyi phyag rgya la brtan bya ba yin te/ dbang po'i rim pa dang sbyor la/ de nas dam tshig la sogs pa'i rim pa'i phyag rgyal brten te/ sa brgyad pa mtshan ma med pa'i don gyis bcu'i dbang phyug ? pa'o/ /zhes bshad do/ /'di rang gi 'og nas ni dang po dga' ba dang bcas pa las dad pa la sbyin par bya ba la sogs pa gsungs so/ /gang zhig dur khrod rnam rtog bral/ dbugs dbyung la sogs rnam par spangs/ zhes bya ba la sogs pa'i
- 322a
don to/ /shi ba'i ros? dbugs la sogs pa'i rnam par rtog pa bral ba'i dur khrod kyi bye brag bsgom pa dang/ byang chub kyi sems kyi gnas mchog tu gyur pa'i bskyed pa'i sa'i dur khrod dang rdzogs pa'i rim pa'i dur khrod du gzung ba dang 'dzin pa'i rnam par rtog pa tshig cing bde ba'i ye shes kyi ro myong ba rlung 'byung ba rdul dang bral ba'i bur zhu bas bskyed pa dang/ rdzogs pa'i mtshan nyid kyi gnyis su med pa'o/ /lha mo gang zhig chu yi dogs/ /de ni rtog med ma yi mthar/ /zhes bya ba la sogs pa la ye shes thob par bya ba'i gnas kyi dbye ba ni gsang ba'i rin po che snye ma'i kha dang/ tshangs pa'i g.yul sa'i lte ba'i snying po'i gnas de'i don gyis rtog med pa'i mdza' ma byang chub kyi sems bde ba'i chu bo 'bab pa'o/ /yang na srog pa rtsa gsum pa dang ldan pa'i gnas nas bde ba'i cho? bo 'bab pa'i gnas te/ dga' ba bcu drug gi gnas bgyid pa'i phyir ro/ /rtog med ma nas ni rtog du byang chub sems kyi chu 'bab pa ste/ srog pa rtsa'i dbus na bzhugs pa'o/ /dur khrod dang chu ngogs kyi gnas der ni bzhi pa ye shes kyi sku bsgom mo/ /gang zhig snang ba sogs ye shes/ sa dang chu dang zhes bya ba la sogs pa ni/ rang bzhin rnams rim pas phung po dang khams la sogs pa la thim/ de snang ba dang snang ba mched pa dang snang ba thob pa la thim pa las 'od rang la thim pa'i ye shes spros pa dang bral ba mthong ba'o/ /'di'i don ni 'og nas rgyas par gsungs so/ /gzhan ni 'di skad du 'byung ba'i gzhi yis mtshon pa tsam ste/ snang ba bzhi'i ye shes skye ba'i rim pa bstan pa'i
- 322b
rim par bstan zer ro/ /gang zhig dngos po rten la sogs/ da ni bde ba dang por rig ces bya ba la sogs pa la/ dngos po ni shes rab ma'i lte ba la sogs pa'i sbyor thabs rnams dang po'i dga' ba/ rten ni rtsa'i mdud pa'i lte ba rnams dbus kyi dga' ba/ ye shes ni rlung dang dga' ba rnams kyi bdag nyid tha ma'i dga' ba/ rnam par 'byed pa'i ni 'od la sogs pa'i thig le rnams bzhi pa'i dga' ba'i gzhan yang dngos po'i ni bde ba chen po'i 'khor lo srog ma'i lte ba bcas pa dga' ba'i rnam pa'o/ /rten ni longs spyod rdzogs pa'i 'khor lo rtsa ro ma'i lte ba dang/ bcas pa mchog gi dga' ba'o/ /ye shes ni chos kyi 'khor lo 'dzin ma'i lte ba dang/ bcas pa bral ba'i dga' ba'o/ /rnam par 'bye? ba sprul pa'i 'khor lo rtog med ma dang/ bcas pa rang bzhin dga' ba'o/ /'dir ni gsang ba'i gnas kyi bye brag gi dga' ba dang/ mchog gi dga' ba la sogs pa'i bye brag gis gsungs te/ bzhi pa rang nyid las spyod pas nges par dbye ba yin no/ /lha mo gang zhig dur khrod brgyad/ de ni bde ba la thim zhes bya ba la sogs pa ni mi zad pa dang mi sdug pa dang/ ce sbyang gi tshogs dang 'jigs su rung ba dang/ sha za'i kha dang/ ha har rgod pa dang/ nag po'i me 'bar ba dang/ 'jigs byed kyi dur khrod brgyad do/ /kha dang sna la sogs pa brgyad dang/ 'dir ni ga bur gyi rnam pa la dbye ba bya'o/ /rdo rjer gnas pa rus pa? kun ? kha dog can dang/ de rang tsha bas na nag po'i me 'bar ba dang/ bde ba chen po gnas pas mi brten pa ma yin pa dang/ sbyor ba dang dga' ba rnams ni dum bu dang/ mgo bo la sogs pa dang/ dga' ba gnyis gang 'og du
- 323a
'pho bas swa swa rtseg rtseg dang/ rang bzhin dga' bas ma grub pas phyed tshig dang/ srog gi rlung phyir mi rgyu bas shin tu tshig pa dang/ rtsa'i yan lag kun la ri bong can rgyas pas rus pa dkar po bkram par bstan te/ de rnams kyang 'dab ma brgyad pa'i lte ba'i rang bzhin dga' ba'i bde bar ro gcig pa'i phyir rnam par rtog pa'i nyon mongs pa thams cad dang bral ba'i dur khrod brgyad kyi don bde ba chen bdag med pa'o/ /gang zhig shing la sogs pa'i don zhes bya ba la sogs pa ni dur khrod brgyad kyi don gyis shing brgyad pa'i don go sla ba'o/ /gang rlung de kho na snying po'i don/ de yi rin chen gdu? bu'i bde/ zhes bya ba la sogs pa ni srog dang nye ba'i srog dang la sogs pa'i snying po'i don ni phyag rgya rnams la brten te/ rlung ma dang gnyid mar ldan pa'am/ bde ba'i byang chub sems bzhu nas bcas pa'i ye shes rin po che gsang ba'i gnas su rang bzhin dga' bas de kho na nyid kyi don gsal ba'i rlung gis so/ /lha mo gang gis 'jug la sogs/ de ni gyen du gzung ba'i rlung/ zhes bya ba la sogs pa la/ 'jug pa ni g.yon phyogs kyi 'dzin ma/ byang chub sems dang ldan nas srog gi rlung gyen du dgug pa yis rang bzhin dga' ba'o/ /gnas pa ni rtogs med ma nyid la dus rtag tu gnas pa'o/ /'gro ba g.yas phyogs kyi ro can ma/ longs spyod dang dbang mi snang ba'i ngo bos so/ /yang na gtum mo 'drug pa'i bye ba byed pa/ rtog med ma gzung 'dzin dang bral ba'i don gyis gnas pa/ bya gdong ma dang rang bzhin dga' ba ye shes 'gro ba'o/ /de yang rang bzhin gyi rlung byin? la gzung bas nyams
- 323b
su myong ba'i gnas su bsten pa ni goms pa'i sbyor bas yi bde ba chen po rnyed pa'o/ /gang zhig nyer 'gro'i bsam gtan ni/ /de ni zla ba gyen du byed/ ces bya ba la sogs pa'i don to/ /rin po che'i pad+ma'i gsang ba'i pad+ma'i snying ga'i 'og gi ? gnas pa'i ri bong can rang bzhin dga' ba'i snying gar 'gro'o/ /yang na snying ga'i nyi zla'i bar na mo'i bde ba'i byang chub sems rim pas bde ba chen po'i 'khor lo nas bde bar spros pa dang bral ba'i gnas su gshegs su gsol ba'o/ /phyag rgya la brten pa'i rgya'i phyir na zhes man ngag go /gnas nas ni bskyed pa dang/ rdzogs pa'i man ngag gis yang dag pa'i gnas bde ba can gyi thams cad mkhyen pa'i nye bar 'gro ba'i bsam gtan zhes grags so/ /gang zhig ye shes thig le ni/ /de ni drug phyed gsum dang bral/ zhes bya ba la sogs pa ni thams cad kyi bdag nyid ye shes thig le nyid/ phyi la sogs pa'i don gyi bsdus pa rang bzhin dga' la gsum dang bral ba/ dga' ba bco lnga dang yang bral ba bcu drug pa brjod du med pa'i rang bzhin bco lnga sa'i dbang phyug 'pho ba med pa bzhugs so/ /sbyar khungs drangs? pa 'di la dgongs pa yin no/ /gang zhig bdag gi rang ngo mchog /de ni stor yang nyams su myong/ zhes bya ba la sogs pa ni bcom ldan 'das kyi don phyi nas bstan pa bzhin bcom ldan 'das ma yang bstan pa/ lha mo mkha' 'gro ma'i rang bzhin rtsa ba'i gzugs kyis sam/ 'od kyi ngo bos gsang ba'i pad+ma'i snying gnas bskul ba'i don la gshegs te/ bde ba chen po'i rdo rje 'dzin pa dang bcas nas rang bzhin dga' ba'i gnas su byon pa'i tha tshig go /de nas yang gnyis su med pa'i bde ba chen po'i gnas su gshegs nas sems can thams cad kyi byang chub
- 324a
sems la bzhugs shing rgyas btab pa yin no/ /gnyis su med pa'i phyag rgya chen po zhes gsungs so/ /gang zhig sa rnams dbang byed pa/ /de ni de nyid drug rang bzhin/ zhes bya ba la sogs pa de kho na nyid drug ni/ /sbyor ba drug gi don gyi de kho na nyid bzhi bcu'i bdag nyid de nyid drug dang sbyar bas na/ sa rnams dang rim pas sbyar ba'o/ /de skad du gzhan mchog tshig gis brjod du med/ /rnam par dag pa de kho nyid/ /thams cad kho na'i bdag nyid phyir/ /de bas bye brag mi bya'o/ zhes gsungs so/ /de yang 'dir rang gi 'og nas gsungs so/ /gzhan nas dga' ba'i rim pa dang sbyar ba dang sa'i rim pas bshad pas bzhugs so/ /gang zhig de bzhin gshegs pa'i sku'o/ /de ni dga' ba dga' dang bral zhes bya ba la sogs pa ni phung po dang nyon mongs pa'i 'dod chags la sogs pa kun ye shes lnga las grub pa'i sku yin te/ byang chub kyi sems bde pa dkar po dang nag po la sogs pa'i rim pas dga' ba bzhi'i bdag nyid rang bzhin dga' ba'i de kho na nyid do/ /yang na de bzhin gshegs pa mya ngan las 'das pa'i spras bral ba'i dga' ba nye bar brtags pa tsam/ de las yang rang bzhin dga' ba bde ba chen po nyid mya ngan las 'das pa'i don to/ /lha mo gang zhig rgyud bstan pa/ /de ni bde ba shin tu 'phel/ zhes bya ba la sogs pa ni rtsa ba'i rgyud la sogs pa'i rim pa yis don rgyas shing zab pa de bzhin du/ phyi la sogs pa'i bde ba'i ye shes rim pas nyams su myong bas 'phel ba dang rgyas pa'i don yin no/ /'dir gzhi dang bcas pa'i rang bzhin bde ba'i snang ba mar me/ de'i ngo bo nyid gzhi med pa'i bde
- 324b
ba chen po nyid gsal ba zhes pa'o/ /yang na rgyu'i rgyud nyid 'bras bur grub pa'i tha tshig go /gang zhig phyag rgya che rang bzhin/ de ni mi snang tshogs yid 'das/ zhes bya ba la sogs pa la sku gsum gyi bdag nyid phyag rgya chen po'i rang bzhin dga' ba brjod pa la sogs pa'i mtshan ma dang bral ba/ rin po che'i gdu bu'i rang bzhin dga' bas mtshon pa'i nyams su myong bas kun gyi bdag nyid kun gyi ngo bo kun spangs pa'o/ /'di skad du yang/ shar ba a yin nub ma yin/ /ma skyes cha ni rtag tu shar/ /yang dag dri med rnam pa'i 'od/ /dus dang gnas skabs grol ba'o/ zhes pa dang/ yang rnal 'byor pa yis rnyed dga' ba/ /de yang thabs rab kyis rnyed bla/ /thabs rab med na rnam yang min/ zhes gsungs so/ /ji ltar bskur ba'i thabs dang bcas pa'o/ /gang zhig gsang ba don dam par/ /de ni nang gi reg bya ste/ zhes bya ba la sogs pa ni mchog gi gsang brnyed par dga' ba ni gsad? pa'i ? rje'i rin po che'i nang du byang chub kyi sems bstan pas nang gi reg bya 'jam pa phra ba'o/ /de la mtshan ma'i rnam pa dang bral ba'i reg bya dang/ bral ba'i rang bzhin dga' ba gsang ba rab tu gyur pa'o/ /yang na dga' ba ? ? gi mtshan ma spangs pa brjod du med pa'i dga' bdag cing dri ma med pa'o/ /de skad du/ ji ltar gzhon pa'i chags dga' dang/ /ji ltar lkug pa'i rmi lam bzhin/ zhes bshad pa yin no/ /de nas thams cad kyi bdag nyid rang bzhin dga' ba nam mkha' bzhin gos pa med pa'o/ /gang zhig bskul ba'i mchod pa'i don/ /de ni dri med bde ba 'byung/ zhes bya ba la sogs pa ni rang bzhin dga' ba nyid du gyur pa la/ mkha' 'gro ma'i 'khor rnams kyis
- 325a
mgrin gcig tu drug ldan la sogs pas bskul ba ni mthong ba'i thabs so/ /de nas ji lta ba bzhin rang bzhin dang tha dad par mthong ba dang/ yang nyid rang bzhin dga' ba'i don gyis bzhugs pa bzhin/ bde ba chen po'i bcom ldan 'das la rtsa'i 'khor lo rnams dang bcas pa'i 'od zer bcas pa'i sgras bskul bas/ 'khor lo la sogs pa'i khyad par can gyi dga' ba'i gnas su bzhugs pa mthong ba ni dri med 'byung ba'o// de skad du/ rdo rje 'dzin pa bde ba chen/ /gnas mchog dam pa kun na bzhugs/ bcom ldan 'das ni bde chen gnas/ sprul sku rdo rje gdan gnas bzhugs/ zhes gsungs so/ /de rang bzhin dga' ba'i don la gzigs te/ sku gsum dbyer med pa'o/ /'das pa la ni yang skye ba zhes bya ba ni rang gzhin gyis sngar gshegs pa'i lam yang skyes pa ste/ kun tu rgyas pa'i phyir ro/ /phyis slar la bde ba chen pa'i 'khor lo'i gnas su gshegs pa ni skye ba de la 'phel ba'o zhes bya ste/ mchog gi dga' ba'i don gyis rtsa'i mkha' 'gro ma la sogs pa kun bde ba chen po'i skur bzhugs pa'o/ /lha mo shes rab ye shes gang/ /de ni kha dang snying gar bde// zhes bya ba la sogs ba ni sngar bshad pa bzhin shes rab dang ye shes dbye'o/ /'di ni rin po che kha'i gnas su shes rab kyi dbang de'i snying gar ye shes kyi don to/ /de nas bzhi dang rang bzhin dga' ba'o/ /yang shes rab kyi khar shes rab/ de nas slar gyi thabs kyi snying gar ye shes de'i rang bzhin gzhi pa'o/ /gang zhig gsang ba yi dkyil 'khor/ de ni ga bur 'pho med bde/ /zhes bya ba la sogs pa la gsang ba'i dkyil 'khor
- 325b
gyi sgras rdul tshon dang/ me tog dang dri zhim pa sna tshogs pa'i 'khor lo de rnams kyi don gyi khu ba/ steng 'og gi gnas su mi 'pho ba rang bzhin dga' me tog la sogs pa dang bcas pa'i dkyil 'khor gsang ba'o/ /yang na bde chen la sogs pa'i sgras ni rang bzhin dga' ba'i don bde ba chen po'o/ /ye shes rnam par rtog pa spangs pa bde chen byang chub sems zhes rgyu dang 'bras bu'i bye brag gis bshad pa'o/ /de yang tshangs pa'i yul sa'i sgras so/ /lha mo gang zhig tshig rgyas pa/ /de ni bya gdong khong du chud/ ces bya ba la sogs pa ni/ rdo rje dang pad+ma'i lte bar gnyis kyi bye brag dbyer med par byas la/ rang bzhin byang chub sems rgyas pas de kho na nyid do/ /yang na mchog gi gnas gang yang rung ba'i tshigs rgyas pa zhu ba la sogs pa dang bral ba'i bde ba'i ye shes dngos po spang ba'i de nyid do/ /'byung ba bsrung don gtor ma gtang/ /de ni srog chags bsar pa'o/ /zhes bya ba la sogs pa la/ 'dis 'byung ba'i sgras ga pur te/ sems can kun gyi snying po'i rang bzhin can 'di rin po che'i 'khor lor bsrung bar bya gzung bar bya zhes pa'o sems can sna tshogs pa'i srog gcad pa'i sha la sogs pa mkha' 'gro ma'i tshogs la gtor ma btang zhing sbyin par bya'o/ /'gro ba ris drug gi rgyud bcad cing 'gog par bya ba ni snying po dang ldan pa'i sems can thams cad de zhes brdar bshad do/ /de dag ni mchog gsang ba chen po'i gsang chen zhes bya ba la sogs pa'o/ /de skad du/ ji ltar nor bu rin po che/ /sems can rnams kyis bsam pa bzhin/ /dbul zhing 'phongs pa dang bral nas/ /phun sum tshogs pa thams cad 'byung/ zhes pa dang yang ji ltar nam mkha' i nges? dag la
- 326a
sprin med ri bong can gsal ni/ /skyon dang bral ba'i chu snod du/ /de ltar de yi gzugs su mthong/ /de bzhin tshogs ni bsags pa la/ /bde ba chen po'i rgyal po nyid/ /chos dang longs spyod rdzogs pa dang/ /sku dang gsung dang thugs rdo rje/ /byin brlabs yid bzhin nor dur 'char/ /de bzhin sprul dang yang sprul sogs/ /ji ltar chos rnams de snyed pa/ /sems can rnams la so sor snang/ zhes pa dang/ yang de nyid sngags kyi bzlas pa dang/ de nyid dga' thub bye brag go /de nyid dkyil 'khor de dkyil 'khor/ /kun bsdus pas na sems 'dus bsdus zhes pa dang/ yang gzugs dang tshor ba 'du shes dang/ /'du byed rnams dang rnam shes dang/ /khams dang skye mched la sogs kun/ /thams cad sems nyid gsal bar snang/ zhes pa dang/ yang phyi nang bdag nyid 'di kun ni/ /sems las gzhan ni yod pa yin/ /dngos po rnams gyis nges pa ni/ /rnam par dag pa de bzhin nyid/ ces pa dang/ phyi yi don kun skad cig ma/ /dga' ma sems kyi rdzu 'phrul lo/ /gzhan med sems kyang de bzhin min/ /sems nyid nam mkha' lta bu'i nyid/ /ces pa dang/ yang 'jig rten khams ni gang nas kyang/ /sangs rgyas gzhan nas rnyed pa med/ /sems nyid rdzogs pa'i sangs rgyas pas/ /gzhan du sangs rgyas rnyed pa min/ /gzhan na sangs rgyas yod ma yin/ /rang gi byang chub sems nyid do/ /de gsal rin chen rnyed pa bzhin/ /dbul po thams cad med par byed/ /de bzhin byang chub sems kyi gter/ /dbul po kun las grol bar 'gyur/ zhes gsungs pa'i phyir ro//
- 326b
'dir sngar gyi don gsal bar bstan te/ lha mos gsol ba/ bzhi bcu'i bdag nyid de kho na nyid ces bya ba la sogs pa ni sa dang sbyar ba'i don zhus pa'o/ /rnam pa sna tshogs sum cu drug/ bcu gcig pa yi bdag po'o/ /zhes bya ba la sogs pa ni lan bka' stsal pa'o/ /sum cu rtsa gnyis kyis bdag la/ sum cu rtsa gnyis chu tshod kyi bar du/ srog dang sos pa'i rlung gnyis shar ba'i kun spyod do/ /zhes bya ba la/ sum cu rtsa gnyis ni/ de kho na nyid sum cu rtsa gnyis kyi bde ba chen po'i rtsa sum cu rtsa gnyis so/ /bdag nyid ni zung brgyad kyi rnam pa de kho na nyid ste ba dang ge sar bcas pa'i bdag nyid la zhen pa'o/ /sum cu rtsa gnyis chu tshod ni nang la sogs pa'i chu tshod dang/ 'pho ba dang thun chod dang/ /dbyug gu'i don gyis rtsa dang byang chub sems dang rlung dang bcas pa'i mtshan nyid du gsungs so/ /srog dang sos pa'i rlung gnyis ni/ dbus kyi rtsa'i g.yas g.yon nas rlung dang bcas pa'i bde ba chen po'i gnas nas/ bde ba chen po'i bar du srog gi rlung dang/ sos pa'i rlung yan lag kun la 'byung ba'o/ /snying ga'i rlung dang lte ba'i rlung gi don gyis 'dir gsal bar bstan pa ni 'di skad du/ srog rlung snying gar gnas pa ste/ de bzhin lte bar sos pa'i rlung/ gang zhig rkang mthil las rlung ni/ /'byung bar gyur bas de yi tshe/ /srog gi rlung ni gyen la 'gro /sos pa'i rlung ni lte bar gnas/ /yang ni gang zhig srog gi rlung/ /spyi gtsug las ni thur 'gro na/ /sos rlung de ni rang gnas 'gro// sos rlung lte bar bstan pa'o/ /zhes gsungs so/ /shar ba ni gnyis yan lag thams cad la nye bar longs spyod par byed pa'i don gyis so/ /kun ni phung po dang khams dang skye mched dang rtsa dang khu ba'i rnam par rtog pa thams
- 327a
cad do/ /dpyid kyi dus ni de thams cad bde ba'i ye shes kyi bye brag gi ngo bo la spyod pa'i phyir ro/ /'di skad du/ dan pa'i dus ni bral bar bshad/ bzang po'i dus ni mchog gis dga' / /gnyis dang bral ba 'dir ni dus/ /kun la bde ba'i ye shes spyod/ /ces gsungs so/ /sos pa'i rlung 'byung ba dus su zhes bya ba ni/ srog dang po la sogs pa dang lus ngag yid kyis kun sos par byed pa'i rlung gnas su 'byung ba'i dus ni/ mtshan ma'i dngos po'i rtog pa las grel ba'o/ /nang gi lte ba'i snying po ni 'khor lo rnams kyis nang gi lte ba'i srog gi rtsa dang bcas pa'i snying po bde ba'i byang chub kyi sems 'di nyid de/ /yang na kun gyi lte ba rdo rje rin po che'i lte ba'i dbus so/ /rtsa ba sdong bu'i lam gyi 'jug pa'o zhes bya ba ni srog gi rtsa'i rtsa ba dang/ sdong bu gsum po'i lam nas nang dang gsang ba 'dir dbus ma'i lam nas snying po de nyid 'jug pa ni rin po che'i snye? ma'i gnas su'o/ /'jug pa tsam gyis grur? brgyad pa'i nang nas yod pa'i bde ba chen po srog gi rgyal po la zhes bya ba zur brgyad pa'i nang na ni 'dab pa gsum pa'i dbus kyi gnas ni rten brgyad pa'i don dang ldan pa'i yod pa'i bde ba chen po srog gi rgyal po ni byang chub kyi sems spros pa med pa bzhi'i rnam ba can/ nyon mongs pa'i gnyen por gyur pa bde ba'i rgyal po'o/ /zhes bya ba ni rten gyi don gyis gzhi pa'i rten gyi rgyud nyid kyi phyir ro/ /gang zhig ro gcig pa'i mtshan nyid de ni 'dus pa'o/ /zhes bya ba la de kho na nyid du yan lag la sogs pa gsungs pa thams cad gsang ba'i rdo rje rin po che'i dkyil du 'dus pa ste/ de kho na nyid kun gyi rgyal
- 327b
por byed pa'i phyir na zhes bshad do/ /'jums pa'i don ni gyen po'i lam gyis 'gro ba'o/ /de skad du/ thabs dang shes rab bsrubs pa yis/ /legs dgyes shin tu bde ba ni/ /byang chub sems ni bde bar bcas/ /sdong bu dbu ma'i lam nas 'byung/ /srog rlung lte ba'i rtsa bar ni/ /gzhan du 'gro bar mi byed na/ /pad+ma kha sbub? gnas pa 'di/ /gyen du gnas par 'gyur ba'o/ /de yi lte ba'i dbus su ni/ /byang chub sems ni brtan 'gyur ro zhes gsungs so/ /de'i dus su gang zhig bdag dang gzhan gyi bye brag mi byed cing zhes bya ba la sogs pa ni go slabs ma bshad de/ /dbang gi don zhus pa lha mos gsol pa zhes bya ba la sogs pa la/ dang po dga' bar bcas pa ni las dang po pa la sbyin pa'o zhes bya ba la sogs pa la/ bum pa dang gsang ba dang shes rab ye shes dang/ bzhi pa'i dbang rnams nang la sogs pa'i rim pas 'bras bu dga' ba'i rim pa dang ldan par byas pa la/ sa la sogs pa'i rim pa la gnas pa'i bdag nyid can la stobs bskyed par bya ba'i phyir sbyin te/ nang gi bum pa dang gsang ba'i bum pa la sogs pa'i dbang bskur zhing man dag bstan te/ slob dpon gzhan ni bum pa'i dbang bskur bas sa brgyad pa'i 'bras bu la sgrub cing rgyu la sogs pa'o/ /snang ba gsum gyi bcu pa de'i rim pas bde ba chen po'i ye shes spros pa dang bral ba'o zhes zer ro/ /la la ni theg pa chen po dang rdo rje theg pa'i khyad par gyis bstan pa'o zhes gsungs so/ /yang kha cig bzhi pa'i? rin po che'i dbang gis sbyin zhes smra/ la la las kyi phyag rgya bzhi lung bstan rnyed nas bzhi pa'i dbang thob zer ro/ /bdag gis rgyal po'i gzhung dang 'di mthun par dgongs pa'o//
- 328a
ci'i phyir zhe na/ bar mchad pa'i thos pa las byung ba'i phyir ro/ /lha mos gsol pa zhes bya ba la sogs pas ni zhu ba gsol ba'o/ /lan du sa la sogs pa ma rnyed pa rnams la/ thog mar rang gi ngo bos so zhes bya ba ni/ dbang gi sta gon dang dkyil 'khor la sogs pa'i cho ga gsungs pa bzhin du dbang bskur ba la sogs pa'i don gyi rgyas par bstan te/ rdul tshon dang sogs pa'i dkyil 'khor dang bcas pas so/ /sa la sogs ba rnyed pa rnams la zhes bya ba la sogs pa ni/ skye ba sngon bskal pa dpag tu med pa nas dge ba la gzhol ba dang/ bsod nams bsags pa dang/ brtson 'grus la sogs pa'i stobs dang ldan pa ste/ 'di nyid nas dpe don gyis rgyas par gsungs pa'o/ /'di mthar phyin pa'i 'bras bu gang yin snyam pa la de 'dir bstan pa ni/ ye shes chen po'i sku dang bral/ gnyis su med pa nam mkha' bzhin/ zhes bya ba la sogs pas bshad pa yin no/ /de skad du/ kun brtags thams cad rnam bral ba'o/ /gnyis med ye shes 'di nyid yin/ /shes rab thabs bdag zhi ba nyid/ /byang chub sems mchog 'di nyid do// 'di ni 'jig rten 'das ye shes/ /theg pa chen po chos sku nyid/ /rdo rje rdo rje sems dpa' nyid/ /sangs rgyas byang chub bla med yin/ /zhes gsungs so/ /de skad du/ rgyu la sogs pa kun nas bshad pa yin no/ /khyod kyi rang ngo bo bdag gis shes zhes bya ba la sogs pa ni khu ba'i tshig go /bcom ldan 'das kyis bka' stsal pa/ byang chub rnyed pa las gzhan ci/ /'on kyang de la mthong ba yod/ /zas la bdud rtsi
- 328b
ji bzhin no/ /zhes bya ba ni bla na med pa'i byang chub ni bsgrub par bya ba yin te/ kun tu 'ong mthong pa las gzhan rnyed pa yod/ mdo sde la sogs pa'i theg pa chen po'i 'bras bu mthar phyin pa ni kun tu 'od yin la/ gsang sngags rdo rje theg pa'i don ni 'od kyang gzhan du mthong ba ste/ gnyis su med pa'i bde ba chen po'i rang bzhin gyi bdag nyid skye 'gag spungs pa kun dang bral ba ni ngo bo'o/ /de skad du yang/ bde chen gcig bu nyid las ni/ /bye brag so sor bstan pa tsam/ /rigs lnga la sogs bstan pa yang/ /des 'dul don du yod ces pa'o/ /zhes gsungs so/ /ji ltar zas kyi rnam pa gcig nyid kho na yang rnam pa sna tshogs par mthod pa dang/ bdud rtsi'i rang gzhin nyid la yang de rnam par rtog pa'i sems kyi bye brag mang por mthong ba ste/ de bzhin gshegs pas bdud rtsir gzigs pa bzhin no/ /de rnams rtog pa dang bral ba'i phyir ro/ /de skad du/ 'dod chags la sogs nyon mongs rnams/ /'dzin pa dug tu 'gyur ba ste/ /ye shes rim pas bsams na yang/ /de nyid ye shes nyid du 'gyur zhes gsungs so/ /lha mos dbang gi don gsol ba'o/ /de'i len bka' stsal pa ni/ bzhi pa de kho na nyid grags zhes bya ba ni dbang bzhi pa ni gnas dang bcas pa'i rang bzhin dga' ba dang/ gnas dang bral ba'i don gyis de kho na nyid mchog go /de ltar ye shes 'du shes so zhes bya ba ni bral ba'i dga' ba'i ye shes de ltar rang bzhin dga' ba'i ye shes der bstan pa'o/ /de bzhin ye shes las byung zhes ni 'dab ma gsum pa'i lte ba'i snying po bzhi po'i gnas so/ /de bzhin du gnas kyi rim pa'i don gyis ye shes
- 329a
dang ye shes las byung ba dang bzhi po'i don gyis 'bras bu rdzogs pa yin yang bskyed pa'i phyogs zhes grags so/ /zlas dbye ba'i phyir rdzogs par grags par grags pa ni yang ni de bzhin gyi sgras/ ji bzhin shes rab la sngar thal zhes bya ba la sogs pa'o/ /bcom ldan 'das ye shes rin chen nyi zhes bya ba la sogs pa ni dpe dang don gyis ngo bo bstod pa'i yon tan brjod pa byas nas gsang ba'i gzhi dga' ba'i bzhi la sogs pa'i don la gsol ba btab pa'o/ /bcom ldan 'das kyis bka' stsal pa/ snang ba bzhi la go rims gnas zhes bya ba ni snang ba dang/ sems dang stong pa dang zla ba la sogs pa ni rnam grangs te/ sna tshogs pa'i sgo nas dga' ba dang/ snang ba'i don bstan pa yin no/ /de yang mi gsal ba'i phyogs kyis snang ba'i ye shes dga' ba'i sems kyi mtshan nyid kyi khyad par ni gnas skabs dang sbyar ba'o/ /sems las byung ba snang ba mchod pa'i ye shes te/ mchog gi dga' ba bde ba'i ye shes de bas mchog go /ma rig pa'i mtshan nyid ni snang ba thob pa'i ye shes te/ bral ba'i dga' ba bde ba'i ye shes shin tu mchog gi bdag nyid de bas lhag go /sems ni mtshan ma'i ngo bo nyid zhes bya ba la sogs pa la ye shes de rnams kyi khyad par bstan pa yang 'dir dpe dang don dbye bas shes par bya ba ni/ sems ni snang ba'i ye shes kyi 'du shes can ye shes gsal ba ma yin pa/ 'di ltar ston ka'i dus su dri ma med pa'i nam mkha' la zla ba rdzogs pa'i 'od zer snang bas khyab pa bzhin du rang bzhin gyis gsal ba'i phyir dngos po
- 329b
thams cad dmigs pas snang ba'i ye shes so/ /nyin mo'i rang bzhin sems las byung ba zhes bya ba ni snang ba mched pa'i ye shes kyi bdag nyid can/ yang ji ltar ston ka'i dus su nyi mi'i 'od zer gyis khyab pa bzhin du shin tu gsal zhing dri ma med pa nyid kyi dngos po ma lus pa thams cad dmigs pa snang ba mchod pa'i ye shes kyi ngo bo'o/ /ma rig mtshams kyi 'du shes can zhes pa ni snang ba thob pa'i 'du shes can/ ji ltar ma mam gyi smag la bab pa phra zhing bdag med pa'i ngo bos khyab pa de bzhin du srog dang rtsol ba rgyu ba med pa/ mi rgyu ba'i bdag nyid snang ba thob pa'i ye shes so/ /yang dag rab 'ong gsum dang brul/ /bya ba ni 'od rab gsum dang bral/ /bya ba ni 'od rab kyi ye shes kyi bdag nyid can ni yang ji ltar mtshams kyi mtshan nyid kyi mun pa spangs pa'i skad cig la nyi ma ma shar ba'i rang bzhin du rnam par rtog pa dang mtshan ma la sogs pa las grol ba/ 'od rab dri ma med pa'i ye shes su gsal ba'i bde ba chen po kho na'o/ /de la rang bzhin dga' ba'i mtshan nyid de zhes gsungs so/ /de skad du 'di nyid nas dang por dga' ba dang bcas pa las dang po la sbyin par bya zhes pa la sogs pa gsungs so/ /de ni gnas dang bcas pa'i don bshad par bya ste/ gang tshe tshangs pa'i tshigs su sems zhes bya ba la sogs pa gsungs pa/ tshangs pa'i sgras ni byang chub sems kyi dga' ba'i yid dang ldan pa'o// rdo rje rtsa pa'i gnas ni tshig de la mchog gi dga' ba'i gnas su 'gro ba ni nyon mongs sgras snang ba mched pa ste/ lte ba'i gzugs su srog 'phro ba'i don no/ /'dir ni srog la rlung la srog tu bstan te/ byang chub sems dang phrad pas
- 330a
'pho ba'i phyir re/ /yang na tshogs ni rdo rje dang rin po che gdub bu'i mtshams so/ /de ni dga' ba'i gnas te/ rim pas bshad par bya'o/ /steng yang ma yin 'og ma yin zhes bya ba la sogs pa ni rdo rje rin po che'i sangs rgyas rin chen gyi kha'i sgo gnyis kyi bar bral dga' i gnas su mtshams so/ /de rnams brdas bshad pa ni snang ba zla bar bstan te/ snang ba las ni shar dus 'gyur zhes bya ba la/ snad pa'i bde ba'i ye shes nyams su myong ba'i byang chub sems shar ba'i don bzang po'i dus ni dga' bar gyur nas 'dun pa 'jug pa'o/ /gang gis nyi ma yod pa dang/ de ni nyi ma srog 'dzin ma zhes bya ba la/ snang ba mched pa'i ye shes nyi ma bde ba khyad par can du gyur pa/ srog ni byang chub sems kyi rang bzhin kyis rlung shin tu bzang zhing mchog gi dga' ba de nyid nyi ma'i sgras bstan pa 'dzin pa ni bstan par gyur pa'o/ /mtshams ni snang ba thob pa nyid/ /de yang me'i rang bzhin grags zhes bya ba ni snang ba thob pa'i ye shes shin tu yang khyad par du gyur pa'i bde ba me'i sgras bstan pa'i don to/ /zla ba dang nyi ma dang me'i sgras snang ba gsum dang sbyar ba ni/ dpal in+d+ra b+hu tis dga' ba'i me tog gi brang? bar yang rgyas par gsungs so/ /snang ba'i rim pa shes par 'dod pas kyang de ru blta bar bya zhing gzhung gis kyang sbyar bar bya'o/ /yongs su zhu ba ni byang chub kyi sems bde ba chen po'i 'khor lo nas ? nas dga' ba skye ba'i bar du'o/ /bdud rtsi g.yo ba ni nyon mongs pa rnams las thar pa'i bdud rtsi mchog gi gnas su 'pho pa'o/ /lha mo chen mos g.yo ba'i phyir zhes pa ni go sla'o/ /gang du bral dga' mi snang ba zhes bya ba ni bral
- 330b
pa'i dga' bar ye shes ma skyes de bzhin mchog tu yang ma skyes par bstan to/ /de rnams kyi don rgyas par bstan pa ni de ni snang ba dang po dga' zhes bya ba ni dga' ba bzhi'i dang po dga' ba'i ye shes so/ /de las mchog dga' gsal bar ni zhes bya ba ni dga' ba las mchog dga' ba'i rim pa snang ba mched pa ru gyur ba ni gyur pas mchog dga' shar ba'i dus zhes bya ba la sogs pa'o/ /zhu med g.yo med ska ba'i zhes bya ba ni bral ba'i dga' ba'i ngo bo snang ba thob pa'i ye shes de la bstan pas ni spros pa dang bral ba bzhi pa de kho na nyid 'bras bu'i don rnyed pa'o/ /bska? ba las ni phrad pa'i dngos po ni gsum pa nyid kyis bzhi pa gnyis su med pa'i rang bzhin dga' ba yang dag 'od rab rnyed par 'gyur ba yin no/ /kha cig ni de'i snang ba dang po dga' zhes bya ba la sogs pa ni 'khor lo bzhi dang/ dga' ba'i rim par sbyar la bstan pa dang/ de nas yang sprul pa'i 'khor lo'i rim pas sbyar la bshad zer ro/ /yang na rdzogs pa'i rim par dbye bar bya ste/ gang du bral dga' mi snang ba zhes bya ba la sogs pa'i rim pa gsungs pa la/ bral ba'i dga' ba mi snang ba ni rang bzhin dga' abar dang ba'i ye shes snang ba rten can gzhi ba'o/ /de nyid la dang por dga' ba zhes sbyar ba yin no/ /de nyid shin tu bstan pa'i rang bzhin dga' ba ni mchog dga' ba gsal bar ni zhes pa'i don to/ /gyur pas mchog dga' shar pa'i dus bya ba ni/ gyur pas zhes bya ba'i sgra rdzogs pa'i rim pa ste/ mchog dga' gnas su rab 'od kyi/ /ye shes nyi ma shar ba ni/ /dus ni bsam du med pa'i dus/ /bzang ba dang ngan pa spangs pa'o/ /de nyid 'khor rnams kyi rim pas gsal ba la ni/ gsal phyir snang ba chen por grags zhes bya'o/ /gsal phyir de nyid bde ba chen po'i 'khor
- 331a
lo'i ye shes kyi bdag nyid du gnas pa ni zhu med g.yo med bska ba'o/ /de nyid rten dang bcas pa bde ba chen po'i rang bzhin dga' ba nyid kyis ni/ bska ba la ni phra ba'i dngos zhes bya ba ni mchog tu zab pa de kho na nyid dam pa spros pa thams cad dang bral ba'i bde ba chen po'i rgyal po rnal 'byor gyi dbang phyug gi mthong ba'o/ /bde sbyin yang ni kun spyod do/ /zhes bya ba ni srog gi rlung dang sos pa'i rlung yan lag thams cad la shar ba der bshad pa bzhin no/ /kun spyod las ni thob pa ni zhes bya ba la sogs pa la snang ba'i ye shes kyi rnam pa sna tshogs pa kun/ rang bzhin dga' ba'i ye shes kyi bdag nyid du thob pa'o/ /de rang gi don ni nyin mo dang mtshan mo'i bar gyis mtshams so/ /mchog gi dga' ba dang bral bas dga' ba'i gnas kyi bar ni gnas pa'i phyir dbus kyi gnas su yod pa'o/ /de nyid med pa'i mchog gi dga' ba gang sus kyang mi shes so/ /? nas bshad pa'i don gyis dbus kyi gnas ni yod pa ni zhes bya ba ni la sogs pa gsungs pa yin no/ /yang na gang du mtshan ma ni zhes bya ba la sogs pa ni/ gang dang de gnyis 'brel pa'i phyir na 'di'i don ni mtshan mo'i snad ba'i ye shes de spang ba'i phyir nyi ma ni snang ba med pa'i ye shes de yang spangs pa de'i phyir/ nyi ma nub pa'i spras bstan pa'o/ /dbus kyi mtshan nyid bral ba yi/ dga' ba snang ba thob pa'i ye shes yi la/ de bas na rang bzhin dga' ba sbyin byed ma/ zhes bya ba la sogs pa gsungs so/ /byang chub sems bde ba'i rnam pa de ni sprul pa'i 'khor lo'i lte ba'i bral ba'i dga' ba snang ba thob pa zhes bshad do/ /thams cad skye ba'i rgyu
- 331b
yin no zhes bya ba ni srid pa dang mya ngan las 'das pa'i chos thams cad skye zhing sprul pa'i phyir ro/ /de dag ni don gsal bar gsungs pa/ /gang du dbus mtshams skad cig gis zhes bya ba la sogs pa'o/ /'khor ba dang mya ngan las 'das pa gnyi ka yod pa ma yin na yang/ mya ngan las 'das pa'i chos kyi sku srid pa'i gzugs kyi sku ste/ 'khrul pa'i rnam par rtog pas 'khor ba la sogs pa'o/ /der yang blo bur du byung zhing gzung 'dzin gyi dngos po la zhen pa'o/ /de bas khams gsum 'khor ba'i rgya mtshor 'khor ba ste/ de'i rgyu ni don rab yin la/ de bzhin du srid pa dang mya ngan las 'das pa rgyu dang 'bras bu'i tshul gyis gnas pa yin no/ /de rnams kun rdzob dang don dam pa'i sku'i gzugs dang de dang bral ba gnyis su btags pa de dpyod pas gang yang ma grub bo/ /de yang bskyed pa'i rim pas byung ba ni 'od rab las snang ba thob pa'i rim pa'i rnam par shes pa de la rlung dang me dang chu dang sa dang phung po la sogs pa'o/ /rim pas 'byung ba ni srid pa'i dngos po gzugs kyi sku nyid snang ba gsum dang ldan pa/ yang dag 'od rab kyi rgyu las byung ba'o/ /yang rgyu srid pa'i dngos po las snang ba thob pa 'bras bu dag pas bde ba chen po nyid thob pa'o/ /de rnams thams cad snang ba gsum gyi rgyu can no/ /de dag gi rang bzhin dang bcas pa ma shes pas srid par 'khyab zhing 'khor ba ste/ 'khrul pa'i phyir gnyis su med pa mi thob po/ /de'i phyir bde ba'i tshor ba ma shes na zhes bya ba la sogs pa gsungs so/ /de rnams kyi rgyu bstan pa'i phyir bde ba chen po'i bdud rtsi gter zhes bya'o/ /srubs las skyes pa yin pa'i phyir
- 332a
zhes bya ba la sogs pa ni srid pa'i dngos po skyed rim gyi gzugs kyis lha rnams 'byung ba dang/ mya ngan las 'das pa'i mtshan nyid rdzogs rim gnyis ka rim pas bshad ba'o/ /de rnams kyi 'bras bu'i don ni 'bras bu thob pa'i grags pa ste/ mtshan dang dpe byang ldan pa'o/ /dngos dang dngos med bral ba'i phyir/ zhal bzang mtshams kyi ye shes so/ /zhes bya ba ni mya ngan las 'das pa'i phyogs gcig bu la yang gzugs kyi sku dang/ gzugs med pa'i sku ste/ de bzhin du dbye bar bya ba'o/ /de rnams kyi don 'dis kyang bshad de/ nyin mo snang ba mched 'khor grags/ mtshan mo zhes pa snang ba'o/ /mtshams ni snang thob mya ngan 'das/ zhes bya ba ni srid pa'i thabs nyin mo'i mtshan nyid can snang pa mched pa'i dngos po mchog gi dga' ba'i ro can ma'i bdag nyid can no zhes gsungs so/ /mtshan mo zla ba'i don gyis snang ba'i dga' ba dngos po'i bdag nyid srog ma'i rtsa'i gzugs kyi sku'i rang bzhin ni/ /mtshams ni mya ngan las 'das pa smag? gi mtshan nyid can bral dga' ba'i dngos po 'dzin pa'i bdag nyid can zhugs so/ /rdo rje dang pad+ma phrad pa'i mtshams yang na lte ba gnyis ka phrad pa mchog gi dga' ba dang bral ba'i dga' ba'i bar gyi mtshams ni nyi zla dang nyin mtshan gyi mtshams mya ngan las 'das pa'i bde ba'i rang bzhin can no/ /de la gnyis su med pa'i ye shes 'byung ba 'am yang na de rang nyid la ni/ srid dang mya ngan las 'das dang bral/ /gang du yang ni gsal ma byas/ /zhes bya ba ni bya ba dang/ spyod pa dang rnal 'byor dang rnal 'byor chen po dang rnal 'byor bla
- 332b
na med pa'i rgyud gang du yang mi gsal pa'o/ /snang ba gzhi la go rims gnas pa'i don ni 'dir bstan pa'i don to/ /de'i phyir de lta bu'i gsang chen mchog/ ces bya ba la sogs pa gsungs so/ /lha mos gsol pa/ 'bras grags de nyid rin chen gang zhes bya ba la sogs pa la/ dga' ba thams cad dang snang ba la sogs pa'i 'khor ba dang mya ngan las 'das pa'i 'bras bu gzhi'i don zhus shing gsol ba btab pa'o/ /de'i lan rten dang bcas pa'i nyams su myong ba'i bdag nyid dang/ de'i rnam par rtog pa spangs pa rang bzhin gyis kun la gnas shing kun dang bral ba'i don gyis bcom ldan 'das kyis bka' stsal zhes bya ba la sogs pa gsungs la/ mchog dga' ba'i ngo bor grags pa ni/ nyams su myong ba rnyed pa yin zhes bya ba ni shes rab ye shes kyi dbang bskur ba'i dus su ji ltar ye shes nyams su myong zhing gtan la phab pa de bzhin du/ drug cu rtsa bzhi'i sprul pa'i lte ba'i snying gar nyams su myong ba las yang nas yang du rgyun mi chad par goms pa yis rnyed par 'gyur ro/ /de skad du/ de la de nyid bstan pa ni/ mchog dga' mdza' dang bral dga' dbus/ rgyud rnams kun tu sbas pa'i don/ /'di ru mdza' thugs gsal bar bya zhes gsungs pa dang/ yang de nas thams cad rab spangs la/ /gnas thob bsam gtan sbyor des gnas/ /rang rig tsam la shes ldan dag/ nyin dang mtshan du goms par bya/ /zhes gsungs pa dang/ yang bde chen rang rig tsam la ni/ /shes rab ldan pa dag gis ni/ /nyin dang mtshan du goms byas nas/ /gnyis med mchog tu
- 333a
gyur pa nyid ces gsungs so/ /mchog gi dga' ba dang bral ba/ zhes bya ba la sogs pa ni/ gnas dang bral ba'i rang bzhin dga' ba nyams su myong ba yin pa'i rdzogs pa'i don mchog gi dga' ba/ rnam par rtog pa thams cad dang bral ba'i de kho na nyid dam pa'o/ /skal ldan ma gang nyams su myong zhes bya ba la sogs pa ni der bshad par byas pa'o/ /yang de kho na nyid kyi rab tu gyur pa ni 'di skad du bshad pa/ bla na med pa'i ye shes che/ bzhi dang bral brtag tu shar/ zhes bya ba ni 'di nyid kyi gong nas gong du gzhan yod pa ma yin pa'i phyir bla na med pa'i mchog ye shes rnam pa lnga la sogs pa'i ye shes thams cad kyi bdag nyid bsdus pa dbyer med pa'i ye shes nyid pas na/ gnyis su med pa'i ye shes chen po'o/ /brjod du med pa spros pa dang bral ba skye ba dang 'gag pa med pa zad pa dang 'phel ba med ba chos rnams thams cad kyi ma gos pa'i phyir gzhi dang bral ba'o// shar pa yang ma yin nub pa yang ma yin dngos po dang dngos po med pa las grol ba phyag rgya chen po nyid dang bde ba chen po nyid ces bya ba la sogs pas bstan pa'i phyir na rtag tu shar ba'o/ /de skad du/ phyag rgya chen po gsang ba mchog /bde ba chen po nyid ni rab/ /brjod med mi zad ma skyes pa/ /thams cad gzugs can gzugs dang bral/ /dbyibs dang kha dog rnam pa spangs/ /gzugs med bdag nyid gzugs kyi mchog /gzhal du med pa'i rang bzhin no/ /gang zhig tu ni gnas par 'gyur/ /shar ba ma yin nub ma yin/ /skye mched cha nyid rtag tu shar/ /yang dag dri med rnam pa'i 'od/ /skye dang 'jig pa'i rgyu yin te/ /dus dang gnas skabs
- 333b
grol ba'o/ /zhes gsungs pa dang/ yang/ rang rig pa yi ye shes 'od/ /tshig gi lam gyis brjod du med/ /byin brlabs pa yi rim pa de/ /kun mkhyen ye shes ngo bo nyid/ /ces gsungs pa dang/ yang/ gnyis med brjod du med pa nyid/ /rdo rje sems dpa' rdo rje'i dpal/ /byang chub sems mchog dam pa nyid/ /rdzogs sangs rgyas kyi byang chub nyid/ /de nyid shes rab pha rol phyin/ /pha rol phyin pa kun gyi dngos/ /de nyid rig pa gnyis su med/ /de nyid mnyam nyid 'dir brjod de/ /sangs rgyas kun gyi mchog sgom pa/ /zhes gsungs so/ /de bzhin du rgyud la sogs pa thams cad nas 'bras bu'i don 'di nyid gsal bar bstan pa yin no/ /de kho na nyid dam pa 'di ma gtogs par rang gzhan gyis mi grub par bstan pa ni rtag tu shar ba las gzhan ci zhes bya ba la sogs pa'o/ /lha mos gsol pa/ rgyud 'di gsang ba chen po ni/ zhes bya ba la sogs pa ni don gyis bcom ldan 'das rdo rje 'dzin ba sku gsum dang bral bar bya ba mya ngan las 'das pa'i mi gsung pa'i dus ni sems can las dang skal par ldan pa rnams la bshad pa ni su zhig ces pa ni gang zhig lags zhes bya ba'i don to/ /de'i don gyi lan gsungs pa ni/ bcom ldan 'das kyis bka' stsal pa/ ma 'ongs dus na byang phyogs su zhes bya ba la sogs pa gsungs pa ni go sla'o/ /de kho na nyid kyi bdud rtsi'i rgya mtsho'i snying po rab mchog rgyal gyur cig ces bya ba la sogs pa la/ bcom ldan 'das nyid la bstod pa ste/ sku gsum gyi rang bzhin ni rdo rje 'chad chen po'i khams gsum gyi sems can thams cad la khyab par gnas pa dang/ bskyed pa'i rim pa la sogs pa'i don gyis/ rgyud kyi rim par zhugs pa dang/ 'bras bu'i
- 334a
ngo bo sangs rgyas de bzhin gshegs pa thams cad la bzhugs pa'i tshul gyis dang/ de rnams kun gyi rang bzhin dbyer med pa'i bcom ldan 'das la bstod pa'i phyir na/ kun gyi bdag nyid kun dang bral ba'i de kho na nyid kyi bstod pa'o/ /rgyud rnams kun gyi snying po las/ /snying po'i yang snying mchog gyur pa/ /de nyid des don 'di yi rgyud/ /kun gyi 'bras mchog dam pa yi/ /ma rig rmongs par gyur pa dag /dbang bskur la sogs med pa la/ 'di yi don gsal byed pa gang/ /de kun bdud kyi bslum? pa'o/ /gang zhig 'di don sgrub mi byed/ /de yi 'bras bu mi 'thob ste/ /lus sems thang chad nyon mongs la/ /srid pa'i rgya mtshor 'khor 'gyur gsung// zab mo'i don rnams brjod pa dang/ /bag med 'khrul par gyur na yang/ /rgyal ba sras bcas tshogs rnams kun/ /'gal ba mchis na bzod par mdzod/ /tshig dag yi ge la brten nas/ /'di yi don ni gsal bar bdag? de yi bsod nams kyis thob pa'i/ /dge ba 'gro kun sangs rgyas shog /dpal de kho na nyid kyi rgyud kyi dka' 'grel rin chen phreng ba zhes bya ba rgya gar gyi slob dpon chen po'i mchog /ma hA su kha ta badzra yis mdzad pa rdzogs so// / dge slong byang chub 'byung gnas kyis bsgyur ba'o// // */ /dgongs pa'i skad kyi 'grel pa bzhugs/ / */ /rgya gar skad du/ sa ma d+hi b+ha Sha tI kA/ bod skad du/ dgongs pa'i skad kyi 'grel pa/ dpal rdo rje sems dpa' la phyag 'tshal lo/ /ji snyed rdo rje mkha' 'gro ma/ /kun tu rtog pa'i 'ching gcod cing/ /'jig rten bya bar rab 'jug pa/ /de snyed rnams la rtag phyag 'tshal/ /brda'i rnam grangs rnam pa bdun gyi bshad pa bshad
- 334b
par bya'o/ /de la chang ni nam mkha' i bdud rtsi yin te/ de rgyun mi 'chad par btung bar bya'o/ /stobs ni rlung yin la de bza' ba ni 'gogs zhes bya bar dgongs so/ /ma la yi ni 'byung ba dang dbang po dang rnam par shes pa rnams gcig tu yang dag par 'dug nas bsgom par bya ba yin te/ lhan cig skyes pa'i dga' bas zhes bya bar dgongs so/ /khe Ta ni rlung 'gro ba yin te/ de yang rnal 'byor bzhi dang ldan pas mi bzung bar bsgom pa yin te/ gtang zhes bya ba'i don to/ /ro ni lus kyi 'khrul 'khor 'od dpag tu med pa yin la/ 'du ba der dgod par bya ba yin no/ /ni ram? shu ni rang gi rus pa 'di dag nyid bdag gi rgyan yin no zhes mos par bya'o/ /pro k+Sh+ya naM ni rlung 'jug pa yin la/ de yang gang ba can la sogs pa'i las kyi su 'gog phas bya ba yin no/ /kri pI ta ni gzhom pa med pa'i sgra yin la/ de yang srog dang rtsol ba 'gog pas brdung bas bya zhing/ mnyam par bya ba yin no/ /da d+hu ra ni rnam par rtog pa yin la/ de yang der gzhan ma yin par brjod do/ /kA liny+dza ra ni rnam par mi rtog pa'i rang bzhin yin te/ de yang rlung 'jug pa yin pas mi don par bya'o/ /zhes bya bar dgongs so/ /pad+ma b+hA dza ni ni 'khor lo// bzhi yin te/ spyi bo 'am sprul pa'i 'khor lo 'am/ yang na las kyi phyag rgya'i kak+ko lA yin no/ /spyi bor chang gis gang ba ni rang bzhin gyis grub nas yod pa ste/ des na btung zhes bya ba ni rgyun mi 'chad pas grub pa yin la 'khor lo bzhi ni pad+ma b+ha dza ni yin no/ /'khor lo bzhi ni pad+ma'i snod yin la/ gzhan chos la ni mi bskyod pa yin zhing/ gzhan yang longs spyod la ni 'od dpag tu med pa ste/ bde ba chen po ni byang chub kyi sems bdud rtsi
- 335a
yin no/ /rim pa 'dis bdag chang 'thung ba yin no zhes gnas par bya zhing bdag nyid de ltar mos par bya'o/ /yang na las kyi phyag rgya'i kak+ko lA las byung ba'i chang btung pa ni lce yi blang bar bya ba yin no/ /tri pI ta bsam gtan de nyid rnal 'byor pa rnams kyis bza' par bya ba yin no/ /mA la t+trindA? naM ni 'byung ba bzhir brtags pa de bza' bar bya'o/ /gzhi mnyam ni rnam par snang mdzad yin zhing des lus byugs nas yod pa'o/ /gla rtsi ni mi bskyod pa yin zhing/ sihla ni rin chen 'byung ldan yin no/ /ka pU ra ni 'od dpag med yin pas rnal 'byor pa rnams la ngo bo nyid kyis 'di rnams kyis byugs nas yod do/ /shA li dzaM don yod grub pa ste de nyid kyang yod pa yin no/ /kundA? ru(rgyud 'grel): ni dbang po dang rnam par shes pa 'dus pa yin pas 'di dag kyang yod pa yin no/ /po la ni rnam par shes pa yin pa'am phyi rol tu rdo rje yin no/ /kak+ko la ni gsang ba'i pad+ma yin pa 'am/ phyi rol tu gsang ba shes rab yin pas 'di dag gis rnal 'byor du bya'o/ /bshad pa'i rnam grangs gcig go /shes rab la bltas pa'i dga' ba ni chang yin no/ /sha ni shes rab kyi ma mchu gzhibs pa las mchog tu dga' ba'i mthar thug pa'o/ /'du ba ni lhan cig skyes pa'i dga' ba yin zhing/ 'gro ba ni byang chub ki sems 'phro bas dga' bral lo/ /ro ni gn yis ka'i byang chub kyi sems yongs su spangs pa'i lus so /rus pa'i rgyan ni rnam par mi rtog pa sgrib pa med cing shin tu rnam par dag pa'i rnam par shes pa'o/ /'ong ba ni shes rab kyi pha rol tu phyin pa rjes su zhugs pa'o/ /cang te'u ni rdo rje pad+ma'i sgra yin la/ skal med ni sa bon
- 335b
gnyis yin zhing/ skal ldan ni rdo rje yin no/ /reg min ni pad+ma'i nam mkha' i khams la/ thod pa ni shes rab kyi gsang ba'o/ /bza' ba ni der shukra'o/ /tshod ma ni rang byung gi me tog yin no/ /bshad ba ni shes rab kyi dri chen no/ /gci ba ni shes rab kyi rjes thogs su gci ba gci ba'o/ /rang 'byung ni shes rab kyi rin po che yin la/ ? ra ni gnyi ga'i shukra'o/ /sha chen ni rdo rje dang kak+ko la gzhibs pa'o/ /dbang po gnyis sbyor ni rnal 'byor gyis sbyar ba'o/ /rdo rje ni nor bu yin la kak+ko la ni lte ba'o/ /bshad pa'i rnam grangs gnyis pa'o// //chang ni de bzhin nyid do/ /stobs ni dregs pa ste nga rgyal lo/ /mA la ya dza ni 'byung po thams cad rjes su mi dmigs pa nyid do/ /khe Ta:ni lam de la gzhol ba'o/ /sh+ra ba sra ni bdag med pa la mos par byed pa'o/ /ni raM shu ni bdag nyid ston ka'i mkha' dri ma med pa'i 'od ltar rang bzhin gyis bsam par bya'o/ /bro k+Sh+ya naM ni rgyun mi 'chad pa snying rje la spyod cing mos par bya'o/ /kri pi Ta ni 'byung po rnams skul bar byed pa'o/ /du gyur ni de bzhin nyid du rtog pa'o/ /kA liny+dza ra ni rnam par mi rtog pa'i de bzhin nyid la dmigs pa'o/ /DdiN+Di maM ni chos kyi sku dang bde ba chen po'i sku gcig pa nyid do/ /pad+ma b+hA dza ni nam mkha' o/ / tri pi ta ni de bzhin nyid pa sbom par byed pa'o/ /mA la tI ndA naM ni bde ba chen po rjes su myong pa'o/ /tsa tu:sa maM ni 'byung pa bzhi mnyam pa nyid do/ /kastu ri ni mi bskyod pa'i rang bzhin du bsam par bya'o/ /sihla ni bsam gtan de'i ye shes kyi 'od 'byung pa'o/ /kap+pu ra ni zla ba'i 'od zer ston par byed pa'o/ /kundu? ru ni shes rab dang de'i bdag nyid thabs su rnam par brtag par bya'o/ /bo lA ni dbyer med pa'i stong pa nyid ye shes so/ /kak+ko lA ni chos kyi 'byung gnas
- 336a
shes rab kyi pha rol tu phyin pa zhes bya'o/ /bshad pa'i rnam grangs gsum pa'o/ /la zhes bya ba ni yod do/ /da zhes bya ba ni 'dul ba'o/ /ya zhes bya ba rlung ngo/ /gang du zhe na/ rjes 'gro'i dbyangs kyi thig le'i ma zhes bya ba tshangs ba'i bu gang ro/ /aM sa zhes bya ba ni sgra yin te sngags kyi sgra'i?/ /'di gnyis kyi dbus su yod dang rlung 'dul zhes bya ba ste/ rnal 'byor ma'i brda' nyid do/ /la zhes bya ba ni spyi bo yin la/ oM? zhes bya ba ni dbang phyug ste/ de nyid du byang chub kyi sems kyi thig le'o/ /la zhes bya ba ni de nyid du sngags kyi sgras thim par bya'o/ /'dis nan zhes bya bas mya ngan las 'das pa thob par 'gyur ba'o/ /ga zhes bya ba ni mgrin pa yin la/ ta zhes bya ba ni gdon par bya ba yin zhing/ i zhes bya ba ni song ba'i don te mya ngan las 'das zhes bya ba'i don to/ /pa zhes bya ba ni de bsgrub par bya ba yin zhing/ ba zhes bya ba ni khyed rnams kyis so/ /a zhes bya ba ni 'og min gyi gnas kyi bde ba chen po ste/ sa zhes bya ba ni rnal 'byor pa'o/ /gang gis de ltar byas pa/ des na thi zhes bya bas gnas pa yin no/ /a zhes bya ba ni sgrib pa yin la/ ba zhes bya bas bcom pa yin no/ /ra zhes bya ba ni gang gis zhes pa yin la/ na zhes bya ba 'gag pa'i tshig yin zhing zhen pa yin yang ji ltar zhen pa min par 'gyur ba'o/ /zhes bya ba'i don to/ /don de med pa las sgrib pa dang bral bar gyur pa'o/ /a zhes bya ba ni dmigs pa'o/ /ga zhes bya ba nam mkha' la yin zhing/ ta zhes bya ba ye shes kyi mes gdung bas i zhes bya bas bgrod pa nyams pa'o/ /da zhes bya ba ni mkha' 'gro ma yin la/ ma zhes bya ba ni phyag rgya'i
- 336b
mkha' 'gro ma'o zhes bya ba 'di gnyis kyi bde ba yin zhing dbyer med par nye bar sbyar ba'i tshul nyid do/ /'di dag gis bdag nyid bsgom pas rdzogs par byas la/ oM hUM gi sngags kyi sgras mgrin pa las brjod nas spyi bo tshangs pa'i sgor bcug la thim par bya'o zhes bya ba'i bar du'o/ /ka zhes bya ba ni byed pa'o/ /a zhes bya ba ni rnam par ma dag pa ste/ b+ha zhes bya ba 'khor ba yin la/ pa ni rnam par dpyad pas rnam par shes pa yin zhing/ ya zhes bya ba rnal 'byor pas rim pa 'dis nan tan du bya'o/ /b+ha zhes bya ba la 'khrul pa yin te/ ba zhes bya ba rnam par shes pa'o/ /ya zhes bya ba rnal 'byor pas rim pa 'dis nan tan du bya'o/ /a zhes bya ba ni ma rig pa'o/ /b+ha zhes bya ba ni 'khrug pa'o/ /pa zhes bya ba ni rnam par rig btsam du bden pa'o/ /ya zhes bya ba ni rnal 'byor pas rim pa 'dis nan tan du bya'o/ /a zhes bya ba ni bcom ldan 'das ma bdag med pa'o/ /b+ha zhes bya ba ni bcom ldan 'das srid pa'i cha'o/ /ba zhes bya ba ni rnam par rig pa tsam mo/ /ya zhes bya ba ni rnal 'byor pas rim pa 'dis nan tan du bya'o/ /b+ha zhes bya ba ni 'byung ba yin la/ ba zhes bya ba ni rnam par rig par rang bzhin no/ /ya zhes bya ba ni rnal 'byor pas rim pa 'dis nan tan du bya'o/ /a zhes bya ba ni a'i yi ge ste/ a la la la la'o/ /sa zhes bya ba ni thams cad do/ /ba zhes bya ba ni chos kyi 'byung gnas su'o/ /sha zhes bya ba ni de la brten pa'o/ ra zhes bya ba ni bde ba'i gnas yin pa'i phyir ro/ /de bas na bcom ldan 'das mas bcom ldan 'das la brten pa'o/ /ka zhes bya ba ni gang gis te/ pa zhes bya ba ni skyong ba yin la/ la zhes bya ba ni gnas yin te/ chos
- 337a
kyi 'byung gnas zhes bya zhing 'gro ba 'di dag lhag par sdud pa'o/ /b+ha zhes bya ba ni nyi ma'o/ /ka zhes bya ba ni zla ba yin pas bcom ldan 'das ni nyi ma'o/ /bcom ldan 'das ma ni zla ba yin te/ rang rang gi sa bon gyis mtshan zhing yi ge gnyis pos nges nges par sbyar bar bya'o/ /ta zhes bya ba ni sgra gdon par bya ba'o/ kha zhes bya ba ni so sor byas la tha dad par byas te gnyis kar brjod par bya la/ gcig thim nas gnyis pa nye bar brjod par bya ba yin no/ /ya zhes bya ba ni grims pas yin pa 'am/ lhod pas yin pa'am/ yaM ni rlung gi sgrar gtogs par byas la tshangs pa'i sgor rab tu gzhug cing thim par bya'o/ /dza zhes bya ba ni chu yin cing/ na zhes bya ba ni rtsa'i sgos btud bar bya ba yin te/ dub pa zhi bar bya ba'i don to/ /ga zhes bya ba ni rdo rje 'dzin pa'i yon tan no/ /u zhes bya ba ni rnal 'byor pas des de ltar gyur pa'o/ /tha zhes bya ba ni tha nu ste/ 'od dpag med dang mtshungs shing de ltar 'gyur zhes bya ba'i don to/ /ma zhes bya ba ni phyag rgya yin no/ /u zhes bya ba ni thabs yin la/ tA zhes bya ba ni skyob pa ste/ bde ba byed bzhin pa'i thabs la bde ba bsrung ba'o/ /swa zhes bya ba ni sems yin no/ /ye zhes bya ba ni rlung ngo/ /b+ha zhes bya ba ni tha dad pas so/ /u zhes bya ba ni nye bar zhi bar gyur pa ste/ mya ngan las 'das par? nye bar gyur ces bya ba'i don to/ /swa zhes bya ba ni sems yin zhing/ ya ni rlung yin la/ b+hu zhes bya ba ni lus yin zhing gsum car nye bar zhi bar gyur pa'o/ /sa zhes bya ba ni bde ba yin la/ b+ha zhes bya ba ni bye brag yin no/ /ya zhes bya ba ni rtsol ba dang ldan pa yin te/ khyad par gzhan med ces/
- 337b
bya ba'i don to/ /mya ngan las 'das pa'i khyad par tu mi bsam mo/ /b+ha zhes bya ba ni sring ba yin pas u zhes bya ba dang 'di dag gis nye bar zhi bar gyur pa'o/ /sa zhes bya ba ni bde ba dam pa'o/ /u zhes bya ba ni bde bar shar pa'o/ /kri zhes bya ba ni rim par gyur pa de goms pas thim pa las so/ /ka zhes bya ba ni cha las 'das pa ste/ cha med ces bya ba'i don te/ /de'i rjes thogs su ra zhes bya ba nyi ma'i ye shes kyi 'od de shar ba'o/ /ma zhes bya ba ni rlung yin zhing/ ha zhes bya ba ni bcom pa ste thim pa dang a zhes bya ba ni yid rlung gi rten to/ /la zhes bya ba ni yid do/ /a zhes bya ba ni yid kyi dmigs pa ste thig le tsam mo/ /sa zhes bya ba ni thig le yin no/ /ma zhes bya ba ni nor bu ste rdo rje yin la/ /de ni ha'i yi ge yongs su gyur pa nyid do/ /yang nor bu der ha'i yi ge sbyar bar byas la/ de ni gang zhig gnas pa ni byang chub kyi sems yin no/ /A zhes bya ba ni pad+ma'o/ /ma zhes bya ba ni de'i lte ba'i nor bu'o/ /de ru gang zhig tu gyur pa de dag gi khu ba'o/ de dag gis thig le tsam ni rang gi rig pa'o zhes bya ba'o/ /sa zhes bya ba ni thams cad du khyab pa'o/ /da zhes bya ba ni 'khor lo bzhi rnams kyi 'dab ma'o/ /ba zhes bya ba ni lte ba yin la/ 'khor lo bzhi'i sa bon gyi yi ge ste/ oM A:hUM/ oM gyi yi ge bzhi'i sgra thim par bya zhing e zhes bya ba ni chos kyi 'byung gnas sprul pa'i 'khor lor de'i thig le'o/ /da zhes bya ba ni 'dis btul ba'o/ /gzhan yang ra zhes bya ba ni me'i sa bon yin no/ /yang na cig shos gzhan yang ngo/ /ya zhes bya ba ni yi dam rnal 'byor bzhi'i
- 338a
sa bon ni/ /o zhes bya ba ni oM 'am tshangs pa'i sa bon no/ /ga zhes bya ba ni gau rI la sogs pa rnams kyi sa bon te/ gaM tsaM baM gaM baM saM laM DaM aM A la sogs pa'i yi ge bcu bzhi sa bon te/ sbyor ba 'dis 'di ltar rnam par bsam na rnal 'byor pas rang gi 'dod pa rnyed par 'gyur te/ rdo rje sgrol mdzad kyi bka' drin gyis so/ /ba zhes bya ba ni mchog gi yi ge 'di'o/ /dza zhes bya ba ni 'gro ba rnams kyis so/ /ra zhes bya ba ni 'di nyid kyis 'gro rnams kyis bsrung ba'o/ /ga zhes bya ba ni gang gis so/ /ka zhes bya ba ni gang la ka zhes bya ba ni ji ltar te/ oM zhes bya ba ni oM lis o li la/ ji ltar o li la o li'i sgras ni yang dag pa'i rim pas zhes bya ba dang/ yang dag pa'i rim pa la yang dag pa'i rim par 'thob po zhes bya ba ste lhag par sdud pa'o/ /la zhes bya ba ni thim pa yin la/ pad+ma dang rdo rje dang kundu rnams su'o/ /pad+ma ni sprul pa yin la der thim pa'o/ /rdo rje ni sna rtse yin pas der thim pa yin pa/ nyungs kar dkar po phra ba'i thig ler rnam par bsam pa'o/ /kundu ruM ni 'gro ba dang 'od ba ste/ der tham par yin zhing sems bzhag la 'gro 'ong bya ba yin no/ /gzhan yang ka yig gsum gyis lus dang dag yid gsum nges par bstan la/ de rnams gcig pa ni byang chub kyi sems zhu ba yin te/ de yang o'i yi ges rdo rje'i sgo gang du gyur pa de lta ni na thim pa yin no/ /bshad pa'i rnam grangs bzhi pa'o// //chang ni bsgom pa ste shes rab ni btud pa'o/ /stobs na shes rab de'i stobs so/ /mo la ya dzaM? ni dam tshig sems dpal ?
- 338b
ye shes sems dpa' gcig tu bya'o/ /khe Ta(rgyud 'grel): ni rang gi sa bon gyi 'od zer spro ba'o/ /pre k+Sha naM ni slar yang rang gi sa bon bsdu pa'o/ /sh+ra ba swA ni bdag med ma la brten pa'o/ /ni raM shu ni thod pa'i 'phreng ba la sogs pa rus pa'i rgyan no/ /ki pI Ta ni sngags kyi brda'o/ /du d+hu ra ni nga rgyal phal pa'o/ /kA liny+dza ra ni lha'i nga rgyal byas pa'o/ /DiN+Di maM ni bcom ldan 'das ma'i chos kyi 'byung gnas kyi mdza' i bug pa'o/ /pad+ma b+hA dza ni ni bcom ldan 'das kyi thod pa bcu drug yin pa/ bcom ldan 'das ma'i thod pa gcig po 'am b+ha ga nyid do/ /tri pi ta ga ri ni zung 'jug du yang dag par sbyor ba'i sbyor pa 'am/ bcom ldan 'das ma'i khu pa'o/ /ma la tind+ha naM ni dkyil 'khor gyi dbang phyug dang/ dkyil 'khor ba tha dang du nges par blta ba'o/ /bzhi mnyam ni 'byung ba bzhi mnyam pa nyid las yongs su grub pa'i khang bu'o/ /gla rtsi ni zhu bar gyur pa'o/ /sihA ni bcom ldan 'das ma'i sa bon aM do/ /kap+pU? ni bcom ldan 'das kyi sa bon hUM do/ /sa li dzeM ni slar bzhin gnyi ga'i gzugs rdzogs pa'o/ /kundu ru ni mkha' 'gro dang mkha' 'gro ma'i gsang ba gnyis sbyor bzhin pa'o/ /bo lA ni mi bskyod pa la sogs pa de bzhin gshegs pas rgyas btub pa'o/ /rim pa 'dis 'gro ba'i rten gyi gnas bde ba chen po bsrung ba bcom ldan 'das kyis sprul pa'i sku stong pa'i rang bzhin bde pa can zhes bya ba kak+ko lA zhes bya ba'i brdas so/ /bshang pa'i rnam grangs lnga pa'o// //chang ni ma rig pas myos pa yin la/ btud pa ni gzhom pa'o/ /sha ni nga rgyal pa la pas dregs
- 339a
ba ste/ de yang bza' zhing ldang bar bya ba'o/ /bsdu ba ni dam pa rnams dang 'tshog pa'o/ /'gro ba ni bde 'gro'i bya ba'o/ /ro ni bdag med pa'i chos rtogs pa'i bya ba'o/ /rus pa'i rgyan ni dka' ba'i spyod pas lus rus pa'i dra ba tsam 'ba' zhig tu byed pa'o/ /'ong ba ni yul la mi bltos pa'o/ /rde'u chung ni 'gro ba 'di dag sgra brnyan lta bur mos par bya ba'o/ /skal min ni mi dge pa bcu'o/ /skal ldan ni dge ba yin no/ /reg min ni stong pa nyid kyi bsam gtan no/ /ka pA la ni sku gnyis skyong ba yin te/ chos dang bde ba bsrung ba zhes bya ba'o/ /bza' ba ni bla ma la gus pas bsten pa'o/ /chod ma ni gcig dang du ma'i chang rang gi sems yongs su smin pa'o// dri chen ni rnam par snang mdzad do/ /gci ba ni mi bskyod pa'o/ /rang byung ni rin chen 'byung ldan no/ /kap+pU? ra ni 'od dpag med do/ /sha chen ni don yod grub pa'o/ /'di rnams gcig tu gyur pa'i dngos po la bdag nyid da'i bdag nyid yin no zhes mos par bya ba ste/ 'di dab snyoms par zhugs par bya'o/ /bdud rtsi bza' ba yang 'di nyid kho ni'o/ /dbang po gnyis sbyor ni dbang po rnams yid tsam mo zhes sbyar bar bya'o/ /rdo rje ni sgrib pa thams cad kyi ngo bo'i phyogs stong pa nyid kyis gcod pa'o/ /pad+ma ni 'khor lo bzhi la kun nas blta ba yin te/ bdag ni rang bzhin gyis sprul pa yin no/ /zhes pa ni sprul pa kun nas blta ba'o/ /bdag ni rang bzhin gyis chos so zhes pa ni chos la kun nas blta ba'o/ /bdag ni rang bzhin gyis longs spyod rdzogs pa'o zhes pa ni longs spyod rdzogs pa la kun nas blta pa'o/ /bdag ni rang bzhin gyis bde ba chen po'i
- 339b
zhes pa ni bde ba chen po ni kun nas blta ba yin pas 'khor lo bzhi la kun nas blta ba ste/ kun nas blta ba 'dis rnal 'byor pa rnams gnas par bya'o zhes pa ni bshad pa'i rnam grangs drug pa yin la/ gzhung du bshad pa ni bshad pa'i rnam grangs bdun pa'o/ /dgongs bshad rnam grangs bdun pa ni/ /yan lag bdun gyis dag ster ba/ /mu tig phreng bzhin mgrin pa la/ /skyes mchog rnams kyis don gzhol bya/ /mkha' 'gro'i dgongs pa bstan pa la/ / mkhas pa gang zhig nga rgyal gyis/ /rmongs nas sun ni 'dun byed pa/ /des smad mkha' 'gro mkha' 'gro ma/ /rdo rje mkha' 'gro ma rnams kyis bshad pa rnam grangs bdun gyi le'u slob dpon 'phags pa klu grub kyi mdzad pa rdzogs so// //rgya gar gyi mkhan po many+dzu g+ho Sha dang/ bod kyi lots+tsha ba dge slong shes rab grags kyis yer pa'i dben gnas su bsgyur ba'o// // * /glu'i? de kho na nyid zhes bya ba bzhugs/ / rgya gar skad du/ gI tI tratda? nA ma/ bod skad du/ glu'i de kho na nyid ces bya ba/ dpal kye'i rdo rje la phyag 'tshal lo/ /ko l+la i re zhes bya ba ni mgo bo'o/ /thi? a zhes bya ba ni byang chub kyi sems ma bcos pa'o/ /bo lA mummu Ni zhes bya ba ni lte bar gnas pa thig le'i rang bzhin can gtum mo spro ba dang/ bsdu ba kak+ko lA'o/ /re ni bod pa'o/ /de dag 'dus pas g+ha Ne ni rgyun du'o/ /brdung pas kri pITTha cad te'u dang/ /rnga ni badzdza i'o/ /ho ni yang bod pa'i/ /ka ru Nas tshangs pa'i gnas bzhi'o/ /gzugs lha mo'i tshogs la ki a i/ ro la ni g.yul te na rol?/ ba la ni dga' ba ste/ ta hi khadzdza i'o/ /gA De Ni khong du chud pa'o/ /ma A NA ni mchog tu dga' ba'i rang bzhin
- 340a
can snying rje pidzdza? i a i/ ha le ni yang bod pa'o/ /kA liny+dza ra ni chu yang dang yang du pa Ni a i'o/ /du du ra ni skad cig med pa'i skad cig bidzdza a i'o/ /tsa u sa ma kats+tshu ri/ /sihma? kap+pU ra ni phung bo'i rang bzhin de bzhin gshegs pa lA i a i'o/ /mA la i ni byin za'o/ /ind+ha na ni phung po'o/ /sA liny+dza ni mchog go /ta hi b+haM ru ni mang po'o/ /bA i a i'o/ /phreM kha na Ni sdug pa'o/ /khe Ta ni rtse ba ka ran+taM snying rjes/ shud+d+ha shud+d+ha na mu na i'o/ /ni raM shu aM ga ni zla ba'i 'od zer tsa DA wI'o/ /ta haM dza sa rA paM a pa Ni a a'i/ ma la a dza ni yang gcig tu 'gyur ro/ /kun du ru ni rgyun mi 'chad par pa Ta i'o/ /DaN+Di? ma ti haM Na ni kya kunb+har mi'i rnga brdung ba badzdzi aM a'i'o/ /gzhan yang kol+la i ro ni spyi bor rang gi g.yam pa'i g.yas pa dang/ kA li dang/ nyi ma dang/ ma bcom pa dang/ 'og du kha dang/ dag gi rdo rje'i rgyun dang/ thabs dang pad+ma 'bar ba'i gzugs kyis ro ma gnas pa ni bo lA zhes zer ro/ /mumma ni te pa te de las gzhan pa g.yon pa dang/ A li dang zla ba dang/ spro ba dang bsdu ba byed pa can dang/ thig le dang/ sku'i rdo rje ma dang/ steng gi kha dang rdo rje khu par byed pa pa'i rang bzhin gyis brkyang ma gnas pa ni kak+ko lA zhes brjod do/ /de dang gi tha snyad cig tu 'gyur par byed pa sems kyi rdo rje'i tshul gyis kund+har ma ni lag pa'o/ /de'i yang gang zhig thu po dang/ gang zhig srin lag de dag dang/ ro ma brkyang ma dag dang/ 'phel ba dang 'gri ba dang/ thabs dang bdag med ma'i
- 340b
rnal 'byor ma dag dang/ /kun rdzob dang don dam pa'i rlabs dag gis bcir ba zhes bya ba ni btsir ba dang 'o dang 'khyung pa la sogs pa rnal 'byor pa sbyor pa ro mnyam par byed pa longs spyod pa la rlabs gnyis ni bzang pa'o/ / 'di longs spyod rdzogs par bshad do/ /de nas ye shes skye bar 'gyur zhes bya ba ni mchog gi gnas so/ /gzhon nu'i dga' ba ji lta ba 'am/ dus gnyis spangs pa zhes bya ba'i don to/ /yang na bo lA'i kol+la i re nor bur gnas pa ni po lA ste ro ma dang gsang ba'i rdo rje'o/ /kak+ko lA'i mummu Ni lte bar gnas pa kak+ko lA dang brkyang ma gsang ba'i pad+ma'o/ /de dag nyid po lA ko la i reM/ kak+ko lA mummu ni zhes bya ba yang de dag nyid ro mnyam par 'gyur ba yang kund+har? mar gyur pa ste/ po lA ko l+la i reM kak+ko lA mummu Ni mar la mar ji lta ba'o/ /gang yang kund+har mar longs spyod rdzogs pa dang/ sprul pa'i sku can ma de yang bcom pa dang/ phyin pa gang gis dga' bral? gyi mdza' des dga' bral gyi dang po des bdag med pa de yang phyag rgya chen por nges te/ phyag rgya chen po ni pol+la kol+la i reM kak+ko lA mummu Ni zhes zer ro/ /rang bzhin gyi thabs dang shes rab kyi bdag nyid can zhes bya ba'i don to/ /de dang lhan cig rtag tu kun tu de'i rang bzhin yang dang yang du bsams nas/ gang gis 'di myur du nges par thob par 'gyur ba dang/ rgyal ba'i tshogs kyi gtso bor 'gyur ba dang/ rang rig par bya ba dang/ rang rig pa po dang/ rang rig pa dag gi lam gyi spyod yul las 'das pa de'i rang bzhin gyis ye shes kyi kun gyi de kho na shes par 'gyur ro/ /yang na kak+ko lA mummu ni lte bar gnas pa dang/ po lA kol+la i reM nor bu'i
- 341a
rtse mor 'dod chags dang/ 'dod chags med pa rnam par spangs pa byang chub kyi sems bde ba chen po zla ba dang nyi ma dang bral ba bdag med pa rdo rje'i gnas mchog mtshungs pa med pa bde ba'i dga' ba med pa ni kak+ko? la munmu ni bo lA ko l+la i reM/ 'dod chags dang 'dod chags dang bral bar ro mnyam par gyur pa'o/ /de bzhin du yang gsungs pa/ gang phyir thabs ni 'byung ba nyid/ /'jigs pa shes rab srid mthar byed/ /des na rab 'jigs yod ma yin/ /de nyid la ni chags pa med/ /la la 'jig pas 'jig par 'gyur/ /'jig pa'i dngos med zad pa med ce'o/ /'di dag thams cad med pas de med par 'gyur ba dang/ de med pas thams cad med par 'gyur ro/ /de bzhin du yang ji ltar gtso bo de ni ji ltar sems kyi rdo rje phyi rol tu gyur ba dbang po'i don gyi rang bzhin gzugs la sogs pa so sor snang bas sems nyid kyi phyi rol du snang ba'o/ /ji ltar lus la ye shes chen po gnas/ /rtog pa thams cad yang dag spangs/ /dngos po kun la khyab ba po/ /lus gnas lus las ma skyes pa'o/ /ji ltar sems spangs nas ni lus kyis ni/ / gnas pa gzhan du mthong mi 'gyur/ /lus spangs nas ni sems kyis ni/ /sgeg pa tsam du mi 'gyur te/ /mchog tu gnas pa de nyid do/ /ji ltar 'jig rten khams ni gang du yang/ /sangs rgyas gzhan du rnyed mi 'gyur/ /sems ni rdzogs pa'i sangs rgyas nyid/ /sangs rgyas gzhan du bstan du med/ /ces bya ba la sogs pas 'di re zhig nges so/ /de yang dbye ba tsam ste/ 'di ltar sangs rgyas kyi sras po rnams 'jug pa'i
- 341b
phyir thams cad phye ba ste/ don dam pa la 'byed pa po dang/ dbye ba dang/ dbye bar bya ba nyid yod pa ma yin no/ /ji ltar na sgom pa po dang/ bsgom pa dang/ bsgom par bya ba de nyid du yang bstan to/ /gang byang chub kyi sems chen po de nyid la grol ba rnams dang/ gnas rnams 'byung ba dang/ de nyid yongs su mya ngan las 'das pa rnams so/ /de'i phyir dang po'i sangs rgyas mchog tu bde ba nges na kho na dang/ rang rang rig pas rang rig pa dang/ rang rig par bya bas/ rang rig par bya ba dang/ de'i rang bzhin gyis de'i rang bzhin dang/ de nyid kyi gnas kyis de'i gnas phyag rgya chen po dang bdag nyid can bdag gis thogs pa med pa'i rdo rje'i rnam par shes te/ bdag dang gzhan dang/ gang zag dang/ bum pa dang/ gos dang bza' ba dang/ btung ba dang/ khrus la sogs pa srid ba'i gzugs kun de dang mnyam par byas pa ji lta ba de ltar 'go ba dang 'ong ba la sogs pa'i bya ba byed pa yang dang yang du rnam par shes pa can bskul ba dang/ bsgom pa zhes bya ba'i don to/ /gang la de la zhes bya ba ni gnas des pa'am/ gnas ma nges pa'o/ /ji ltar de ltar zhes bya ba ni las kyi phyag rgyas sam/ gcig bus sam/ de ltar slong mes sam/ slongs mo ma yin pas so/ /'dis ci bstan ce na/ gcer bu 'am/ gal te gcer bu ma yin par ji ltar 'dod par bya ba zhes bya ba'i don to/ /'di ltar de ltar de kho na nyid pa'i rnal 'byor pa ni/ bskal pa bye ba phrag brgyas kyang 'grub par mi 'gyur ro/ /'di ltar gang phyir yid kyis mi sgom par/ 'gro ba thams cad bsgom par bya/ /thams cad chos ni yongs shes na/ /bsgom pa nyid ni bsgom pa min zhe'o//
- 342a
de'i phyir/ dman pa 'bring dang mchog rnams dang/ /gzhan dang gang rnams der rnams kyang/ /ro mnyam de nyid bsgom pa yis/ /'di kun mnyam pa nyid du blta zhe'o/ /'dis ni de las 'gro ba thams cad 'byung/ /nga las gnas gsum po yang 'gyur/ /nga yis 'di kun khyab pa ste/ /'gro ba'i rang bzhin gzhan na mthong/ /de ltar rnal 'byor pas shes nas/ /shin tu mnyam gzhag gang goms pa/ /bsod nams chung ba'i mi yis kyang/ /de ni 'grub par the tshom med ce'o/ /de'i phyir 'bad pas de kho na nyid shes nas kak+ko? lA mummu Ni lte bar gnas pa dang/ bo lA ko l+la i reM ni nor bu ji ltar nus pa mchog tu dga' ba'i tshul gyis bde ba rnam par gzung ste/ blu'i de kho na nyid bsgom zhing gnas te 'gyur bar mi bya'o/ /byang chub kyi sems ltung bar gyur nas gang las grub pa dang/ gang las rdzu 'phrul dang/ gang las bsgom par 'gyur zhe'o/ /glu'i de kho na nyid ces bya ba slob dpon mkhas pa dpal mtsho skyes kyi zhal snga nas mdzad pa rdzogs so// //rgya gar gyi mkhan po ratna badzra dang/ dge slong shAkya ye shes kyis bsgyur ba'o// // rdo rje b+hu'i? bshad pa bzhugs/ */ /rgya gar skad du/ badzra gI ti d+ha Sh+yaM nA ma/ bod skad du/ rdo rje'i glu bshad pa zhes bya ba/ bla ma dam pa'i zhabs la phyag 'tshal lo/ /rnal 'byor spyod la'i dpyod la snying po'i 'bras gsol 'jig rten gsum mgon mnga' bdag dang/ gnas dang zhing la bzhugs pa'i yon tan phung po dpa' bo dpa' mo'i dbang phyug ma/ /rdo rje slob dpon bla chen yon tan gter gyur 'khor ba'i pha rol son pa la/ /phyag 'tshal
- 342b
glu yi khyad par rnyed? dkar brjod pa bdag gi don phyir bri par bya/ /kol+la i re TThi a bo lA zhes bya ba ni gnas dang nye ba'i gnas ma lus par bstan pa'o/ /mummu Ni re kak+ko l+lA zhes bya ba ni zhing dang nye ba'i zhing ma lus par bstan pa'o/ /g+ha na gri pa TA ho badzdza i/ ka ru Ni ka a i na rol+la zhes bya ba ni ts+tshando ha ma lus par bstan pa'o/ /ta hi paM la/ bAdzdza i gA DeM ma a na pi dzdza a i zhes bya ba ni nye ba'i ts+tshando ha ma lus par bstan pa'o/ /ha le ka liny+dza ra pa Ni a i/ du d+hu ra badzdzi a o zhes bya ba ni 'du ba ma lus par bstan pa'o/ /i u sa ma ga tsu ri sihA/ kap+pU ra lA i a(rgyud 'grel): i zhes bya ba ni nye ba'i 'du ba ma lus par bstan pa'o/ /ma lA ind? naM sha la dza ta hi b+ha ru kha i a i zhes bya ba ni dur khrod ma lus par bstan pa'o/ /ni raM shu argu tsa Da li ta hiM dza sA ra pa ba Ni a(rgyud 'grel): i zhes bya pa'i ni nye ba'i dur khrod ma lus par bstan pa'o/ /di? kha na khe Ta ka ran+te shud+d? shu? ? Ni A(rgyud 'grel): i zhes bya ba ni mthung bcod ma lus bar bstan pa'o/ /ma la lha tse kunda ru ba Da i(rgyud 'grel): DiN+Di ma ta hiN+Na badzdza a(rgyud 'grel): i zhes bya ba na nye ba'i 'thung gcod ma lus par bstan pa'o/ /'di ni glu'i rim pas gnas la sogs pa bsdus pa'o/ /phyogs gzhan yang nye bar bshad pa yod //ko l+la i reTThe a po lA zhes bya ba lA/ ko zhes bya ba ni sku rdo rje'o/ /la zhes bya ba ni gsung gis rdo rje'o/ /re zhes bya ba ni thugs kyi rdo rje'o/ /TThi a(rgyud 'grel): zhes bya ba ni po lar? gnas pa'o/ /mu mmu ni de kak+ko la zhes bya ba ni mu zhes bya ba ni ro ma'o/ /mnu zhes bya ba ni brkyang ma'o/ /Ni zhes bya ba ni kun 'dar ma'o/ /re zhes bya ba ni rtsa gsum gsal bar byed pa'o/ /kak+ko la ni de rnams kyi gnas pa'i gnas so/ /g+ha Na kri pi Ta ho badzdza i zhes bya ba ni co gsum
- 343a
po rnams su rdo rje gsum mnyam par 'jug pa'o/ /ka ru Ne ki a i Na rol zhes bya ba ni rdo rje gsum mnyam par bzhugs pa las kun 'dar gyi rtsa las byang chub kyi sems 'byung ba'o/ /ta hiM pa la khAdzdza i g+ha DeM ma la a(rgyud 'grel): Na bi dza i zhes bya ba ni der ni byang chub kyi sems 'byung ba na ba la bza' ba dang/ ma da na yang btung ba ste/ shin tu 'byung ba ni bsdams pa'i don to/ /he le ka liny+dza ra pa Ni a i du d+hu ra badzdza a i zhes bya ba la sle zhes bya ba la bod pa'o/ /ka lin+dza ra pa ni skal ba dang ldan pa ste/ de nyid gzhug par bya'o/ /du d+hu ra ni skal pa dang mi ldan pa ste/ de nyid sdang bar bya ste/ dus der ro/ tsa u sa ma ka tsa ri sihla ka p+pU? ra la i a:ai zhes bya ba ni bshad ba dang gci pa dang me tog dang sa bon bzhi'i rdzas kyi dril ba dang/ bza' bar yang byed de/ der ni dus la rang gi sems rabs? pa'i don dang bdag nyid kyi rnam par rtog pa gzhom pa'i don te/ go cha dam pa'i yin no/ /ma la ind+ha ra sha li dza ti haM b+ha ru kha i a(rgyud 'grel): i zhes bya ba la ma la ind+ha ni ni tshong ma'o/ /shi laM dzdza zhes bya ba ni sha chen no/ /ta hi? zhes bya ba ni dus der ro/ /b+ha ru khA i a i zhes bya ba ni rim par sbyang bar shes nas za ba'o/ /breM kha na kha Ta ka ran? shud+d+ha shud+d+ha Na ma ni a i zhes bya ba la/ /phreM kha na zhes bya ba la gnas las skyes pa dang/ zhing las skyes pa dang/ ming las skyes pa rnams kyi dpa' bo dang dpa' mo'i dbang phyug ma de rnams kyis 'dus pa'o/ /khe Ta ka ran+ti zhes bya ba ni dpa' bo dang dpa' mo'i dbang phyug ma de rnams kyi rang gi 'dod pa'i lha'i
- 343b
rnal 'byor gcig pa'i rang bzhin no/ /shud+d+hA shud+d+hA N+Na ma ni a i zhes bya ba ni dus der bgrod pa dang/ mi bgrod pa dang/ bza' ba dang mi bza' ba dang/ btung ba dang mi btung bar mi rtag ste/ gnas der gang kha cig gdol pa la sogs pa dang/ mdza' 'kho ba tu skyes pa dang/ rigs las skyes pa ngan pa'i bud med dam/ skyes pa de rnams thams cad rang 'dod pa'i lha'i rnal 'byor gyis mchod par bya ste/ 'di'i dngos po smad par mi bya'o// ni ri shu ad+ga? tsa Da pi a i/ ta hiM dza sA ra wa pa ni a i zhes bya ba ni sgrub pa pos rang bzhin med pas rnam par rtog pa thams cad dang yid gnyis med pas bdag nyid dpal he ru ka'i nga rgyal byas te/ mchod pa chen po'i don gyi phyir rang gi sems rangs bas dur khrod dam g.yul gyis las skyon med pa'i mi blangs te/ dpa' bo dang dpa' mo'i dbang phyug ma la phyag 'tshal te/ 'dus pa de la dbul bar bya'o/ /ma la a tse kundu ru phaT i DiN+Di ma ta hiN+Da badzdza a i zhes bya ba ni de la 'dus pa chen po'i dus su dpa' bo dang dpa' mo'i dbang phyug mas bA la zos pa dang/ ma da 'thungs pas yid bka' ba rnams sgrub pa po la shin tu 'dod cing snying la sbyar bar 'dod pas/ bsod nams byas pas sgrub pa po rjes su bzung ba'i rgyus rangs pa'i bsam pas gdol ba la sogs pa'i rigs las skyes pa'i shin tu ngan pa skyug khor ba'i las de nyid sgrub pa ngos? rangs pa chen po dang/ bsam pa dri ma med pas dpal he ru ka'i nga rgyal byas pas dam tshig bdag med pa'i gzugs su rab tu brtags pa mchod par bya zhing spang bar mi bya'o/ /'di ni glu'i man ngag gi don
- 344a
nyu dun no/ /ko l+la i re?thi a bo lA/ mumma Ni re kak+ko lA zhes bya ba la ko la i re zhes bya ba ni thabs so gnas pa zhes bya ba ni 'di'o/ /de ltar thabs ni ko lA zhes bya ba brjod do/ /mummu Ni zhes shes rab kyi rang bzhin gyis shes rab kyi chos kyi 'byung gnas kak+ko la zhes brjod do/ /yang na ko zhes bya ba ni kap+pU ra ro/ /lA zhes bya ba ni thim pa'o/ /kap+pU ra de'i thim pa ni ma la brjod do/ /oM zhes bya ba ni thabs kyi tshig ste/ rtsa sum bcu gnyis kyi rang bzhin no/ /gi raM zhes bya ba ni mgon po'i gnas so/ /mgo bo de nyid na thong pa brgyad dang ldan pa'o/ /ri yang ra brgyad kyi nye bar brgyan pa'o/ /ri 'ang sna tshogs du ma'i su las rgyun mi 'chad par 'jig go /mgo bo de nyid rtsa sum cu rtsa gnyis rnams nyin mtshan du rgyun mi 'ched par 'dzag go /ri ni phyi rol dang bcas pa rin po che sna tshogs kyi rgyan cing gang ba'o/ /mgo bo de nyid byang chub kyi/ sems la sogs pa rin po che rnams sna tshogs pas brgyan pa'o/ /'di nyid kyi phyir ni lha thams cad kyi gnas so/ /mgo bo yang lha'i gnas so/ /lus la yang dag par yod pa'i don 'di ni lha zhes brjod pa ste/ 'di nyid kyi phyir lha thams cad kyi bdag nyid kyi rang bzhin ni byang chub kyi sems so/ /rigs pa 'dis kau po gi ri zhes bya bar brjod do/ /ba zhes bya ba ni rdo rje'o/ /o zhes bya ba ni rdo rje 'dren pa'o/ /la zhes bya ba ni rgyan 'byung ba'o/ /gnas pa zhes bya ba ni rdo rje'i lte bar gnas pa'o/ /a zhes bya ba ni mchog tu dga' ba'i rang bzhin no/ /mu zhes bya ba ni yan lag thams cad do/ /mmu zhes bya ba ni pad+ma 'dab
- 344b
ma brgyad pa dang bcas pa'o/ /Ni zhes bya ba ni pad ma'i lte ba de nyid la kund+har gyi rtsa shin tu mi dmigs pa'i gzugs can ma'o/ ro zhes bya ba ni de'i gsal ba dang 'byed pa'o/ /ka zhes bya ba ni bde ba'o/ /k+ko zhes bya ba ni 'dod pa'o/ /la zhes bya ba ni rgyan khu bar gyur pa phyung ba'o/ /a zhes bya ba ni namkha' i rang bzhin no/ /g+ha na kraM pi Ta ho badzdza/ i zhes bya ba ni g+ha Na zhes bya ba rdo rje'o/ /kri pi Ta zhes bya ba pad+ma'o/ /ho zhes bya ba ni cha rje dang chu skyes kyi de kho na'o/ /badzdza i zhes bya ba ni kun d+hu ru shin tu mngon par chags pas rdo rje dang pad+ma rde bas pa'i sgra'o/ /ka ru Ne ki a i na ro la zhes bya ba ni kun b+hu ru ni mchog tu dga' ba ste/ /de nyid kyi kunda ru'i dus su mchog tu dga' ba skye ba'i dus su sen mos 'debs pa dang/ sos btab pa'i rma'o/ /g.yul du ha dang si la sogs pa gang byas pa de nyid rol zhes brjod do/ /ta hiM b+ha la kha i gA Di na ma(rgyud 'grel): Ni ba dza a a'i zhes bya ba la/ ta haM na g.yul gyi dus der ma mchu bza' bar bya ba dang/ bde ba la shin tu mngon par chags pas 'o'i rnam par bgod pa'i sbyor bas ma mchu'i sbyor bas yang dag par 'dzag pa'i btung par bya ba ste/ sbyor ba 'dis pa la bza' ba dang mang na btung ba zhes bya ba ni dngos po'o/ /ha le ka liny+dza ra ba ni a i du d+hu ra badzdza a i zhes bya ba la ha le zhes bya ba ni bod pa'o/ /ka biny+dzar zhes bya ba ni bskal ba dang ldan pa'i/ /pa ?a i zhes bya ba ni der skal pa bzang po gzhug par bya'o/ /yang na ha zhes bya ba na rdo rje'o/ /la zhes bya ba ni rtsa ba ste kundu ru byed pa'o/ /i zhes bya ba ni pad+ma'o/ /yang ka liny+dzA ra zhes bya
- 345a
pa ni sgrub pa po 'ang pi tsu'i nga rgyal gyis rnal 'byor dang ldan pa dang rig ma bdag med ma'i gzugs can mar rdzogs nas kundu ru'i dus su sgrub pa po'i dbang pos snying gar zla ba'i dkyil 'khor du hUM gis sa bon bsam par bya'o/ /bsams nas 'od zer kha dog nag po lcags kyu'i rnam pa phyung ste/ nam mkha' i dkyil du gshegs pa'i sangs rgyas dpal he ru ka la sogs pa gtso bo rnams spyan drangs nas/ rang gi lus la bcug ste/ byang chub kyi sems ni rnam par spros nas rdo rje'i lam gyi rig ma'i chu skyes su bsam par bya'o/ /gnyis gnyis mnyam par sbyor ba'i dga' ba la sems rangs pa byung na lha'i rnam pa spro zhing bde ba'i gzugs kyis bsdu bar bya'o/ /ka liny+dza ra gzhug pa zhes bya ba'i don to/ /yang na ka zhes bya ba ni ka ? ro/ /li zhes bya ba ni legs par byed pas rdo rje dang chu skyes kyi sbyor ba'o/ /ja zhes byaba ni rdo rje dang chu skyes sbyor pa des skad par byed pa dang/ 'byin par byed pa'o/ /yang na byang chub kyi sems de nyid kyis khams gsum bskyed pa dang/ ji srid du gnas pa dang/ g.yo ba dang sangs rgyas thams cad dang/ byang chub sems dpa' rnams skyed par byed pa ni dza zhes bya'o/ /re ba zhes bya ba ni 'dod chags chen po'i rjes su chags pa las/ sangs rgyas thams cad dgyes par byed de/ gang gi phyir 'dod chags chen po las byung ba de'i phyir ka liny+dza dar brjod do/ /sbyor ba 'dis mchog tu dga' ba mdzes pa las de ma thag tu 'khor ba'i byang chub kyi sems bde ba chen po'i gzugs can rigs kyi bdag po'i khar gsal bar mi gnas pa dang ma byung ba'i dus na ji srid du
- 345b
'jig rten gsum dang khams gsum dang/ gnas pa dang g.yo ba'i rnam pa'i chos thams cad rtag tu ro gcig pa'i rang bzhin gyis dus der zhugs pa dang/ nang du phyin pa dang/ rang bzhin gang zhig thim par gyur pa zhes bya ba de nyid ka liny+dza ra gzhug pa zhes brjod do/ /du t+tu? ra zhes bya ba la du zhes bya ba ni gti mug go /d+hu zhes bya ba ni zhe sdang ngo/ /ra zhes bya ba ni 'dod chags so/ /'dod chags dang zhe sdang dang gti mug gtso bo rnams dang/ nyon mongs pa ma lus par bgrangs pa yongs su gsal zhing spang pa ni btang snyos kyi dngos po zhes bya'o/ /ka ni 'dod pa zhes brjod do/ /thu ni 'dod pa'i bzhir brjod do/ /rin cung chad 'tshod pa ste/ dga' ba ni ka thu rir brjod do/ /si Ni bde bar brjod do/ /hla ni dga' bar byed pa po ste/ sems kyi rangs pas chen po ni dam pa nas bjod do/ /tsi ni b+ha ga zhes brjod do//u ni gsal par byed par brjod do/ /sa ni gdod mnyam por shes par bya'o// ma ni 'du ba'i bdag nyid do/ /ka ni khu ba'i gzugs so/ /bu ni pad+ma skyes zhes brjod/ ra ni pad+mar dga' ba ste/ /kap+pu ra ni dga' bral zhes brjod do/ /ka liny+dza bar gzhug pa'i dus der dam pa byang chub kyi sems kyi rang bzhin 'gyud pa dga' ba bzhi'i rang bzhin gyis gang bstan gtad dam tshig bzhi'i rtse brjod pa de bstan to/ /ma la ind+ha? naM sha li dza ti haM b+ha ru kha i a i zhes bya ba la/ ma zhes bya ba ni mgo ba'o/ /las zhes bya ba ni ma bcom pa'i gnas so/ /in+d+ra NaM zhes bya ba ni gsal bar byed pa'o/ /shu ni sa bya ba ni bde ba ste/ byang chub sems so/ /li zhes bya ba ni 'dzag pa'o/ /ti hiM zhes bya ba ni skad cig gzhi'i dus der ro/ b+ha ru zhes bya ba ni rgyun de nyi
- 346a
mtshan du'o/ kha i a i zhes bya ba ni ma chad par bde ba myang ba dmigs pa'o/ /yang na dus der gang byang chub kyi sems rnam par bor ba de nyid bza' bar bya ba dang/ yongs su spang bar mi bya ba zhes bya ba'i dngos po'o/ /pa zhes bya ba ni pad+ma snying po dang/ ze bar ldan pa'o/ /e zhes bya ba ni e'i cha byad do/ /ra zhes bya ba ni rdo rje rtse gsum pa'i byad nge pad+ma gsal bar byed pa'o/ /kha zhes bya ba ni mkha' 'gro'i gdong phye ba ste kund+har gyi rtsa phye ba zhes bya ba'i dngos po'o/ /Na zhes byang chub kyi sems kyi thig le'i rang bzhin bde ba rdo rje dang pad+ma'i rtse mor gsal bar byed pa'i/ /khe Ta ka ran+te zhes bya ba ni rdo rje dang chu skyes gnyis kyis gnyis sbyor bas thig le gnyis 'du pa gnyis med par byed pa zhes bya ba'i dngos po'o/ /shud+d+hA shud+d+ha na ma Ni i zhes bya ba ni thig le gnyis gnyis su med par 'gyur ba'i bde ba bzang po'i dus der dngos po dang dngos po med pa dang/ bdag dang bdag gi dang gzung ba dang 'dzin pa ste/ Na ma ni a i zhes bya ba ni mi 'dod do/ /zhes bya ba'i dngos po'o/ /ni ra shu a ga tsa Di ba a i zhes bya ba la ni raM shu zhes bya ba ni sangs rgyas lnga'i rang bzhin gyis phyag rgya ste/ rnam par snang mdzad dang/ mi bskyod pa dang/ rin chen dang/ a ro li ka dang/ don yod kyi mthar thug pa'o/ /ang+ga tsa Da bi zhes bya ba ni sangs rgyas kyi gzugs 'dis phung po lnga'i nga rgyal bya'o/ /ta hi zhes bya ba ni gnyis gnyis 'khyud pa'i dus der ro/ /dza zhes bya ba ni ji tsam gnas pa dang g.yo ba'i chos thams cad do/ /sa zhes bya ba ni lhan cig skyes pa'i dga' ba'o/ /rA zhes bya ba ni gsal ba'o//
- 346b
pa zhes bya ba ni bag chags gnyis kyis zin pa'i sems kyi 'khor ba rnams so/ /de ni lhan cig skyes pa'i dga' bas yang dag par sbyangs pa g.yo ba dang gnas pa thams cad kyi rang bzhin gcig tu 'byung ba'i sbyor bas btang pa'i sgom par byed pa gang zhig gi rang bzhin de gzhug pa zhes bya ba'i dngos po'o/ /ma la a tse kun du ru ba TA i/ DiN+Di ma ma ta hi na ba dza a i zhes bya ba la/ ma la a tse zhes bya ba ni dpa' bo dang dpa' mo'i dbang phyug ma thams cad 'du ba'o/ /dpa' bo thams cad kyi sgras ni rtag pa la sogs pa 'khor lo sgyur ba drug go /dpa' mo'i dbang phyug ma thams cad kyi sgras ni gti mug rdo rje ma la sogs ba'i sgras ni 'khor los sgyur ma drug go /ji srid du rdul phra rab dang mnyam pa'i dpa' bo dang dpa' mo'i dbang phyug ma de'i bdag nyid las skyes pa dpa' bo de rnams thams cad sgrub pa pos rang gi lus gyi nang du sa bsgom mo/ /gang dpa' mo'i dbang phyug ma de rnams thams cad de nyid kyi nang du sgom mo/ /sbyor ba 'dis sgrub pa po'i dbang pos rang dang 'dra ba dang lhan cig mnyam par sbyor bar byed pa'i sgom pa ni ma la a dze zhes bya ba'i dngos po'o/ /rdo rje dang pad+ma mnyam par gzhug par byed pa'i sgom pa ni kun du ru yin no/ /zhes bya ba'i dngos po'o/ /DiN+Di ma zhes bya ba ni lhan cig skyes pa'i gzugs can gyi byang chub sems ma reg pa'i phyir DiN+Di ma'o/ /lhan cig skyes pa'i gzugs can byang chub kyi gzugs kyang reg par byed pa dka' ba rang rigs pa tsam bzung ba dang 'dzin pa las 'das pa ste/ rgyu 'dis don pa
- 347a
byang chub kyi sems DiN+Di ma zhes brjod do/ /ta ti zhes bya ba ni lhan cig skyes ba 'byung ba'i dus der byang chub kyi sems ji ltar nus pa bzung ba dang mi spangs pa zhes bya ba'i don to/ /'di ni pi tsu rdo rje'i rgyud las gsungs pa glu'i mchog rnyed par dga' ba gsang ba chen po'i shin tu gsang ba'i don bzang po'i don yongs su bsdu ba'i phyir dang/ the tshom gsal ba'i phyir rnal 'byor ma'i gtso mo bdag med mas 'dod chags chen po'i rjes su tshogs pas rdo rje mchod pas yang dag par mchod pa'i dus su bcom ldan 'das la zhus pa dang/ shin tu dgyes pa thugs kyi rnal 'byor ma rnams kyis rtogs par bya ba'i phyir gang gsungs pa glu'i rgyal po mchog gsungs pa'i snyems pa med pa'i don bshad pa'o/ /de nas gar bshad pa brjod do/ /dran pa mi 'phrogs rnal 'byor las/ /he ru ka yi gzugs kyi gar/ /chags bral mi gos sems kyis ni/ /'dod chags sems kyis bsgom pa nyid/ /sh+rI ni gnyis su med pa'i ye shes te/ /stong ba dang snying rjes gnyis su med pa'i sbyor bas byang chub kyi sems gang byung la de nyid gnyis su med pa'i ye shes so/ /he zhes bya ba ni rgyu la sogs pas stong pa ste/ he zhes bya ba ni rdo rje'o/ /e zhes bya ba ni pad+ma ste/ rdo rje dang pad+mar rgyur gyur pa des bde ba gang 'byung bas rtog pa med pa de nyid rgyu la sogs pas stong pa'o/ /ru zhes bya ba ni tshogs pa dang bral ba ste/ 'dod chags la sogs pa'i nyon mongs pa dang bral pa'o/ /ka zhes bya ba ni gang duAng mi
- 347b
gnas pa ste/ rab tu bcug pa dang bral bar gyur pa ni rnam par grol ba nyid de/ chos thams cad ro gcig pa'i rang bzhin gyis thams cad kyi bdag nyid la gnas so/ /'di ni gang du yang mi gnas pa'o/ /dpal he ru ka'i rang bzhin 'dis rgyu bas gar zhes bya'o/ /dpal he ru ka'i gzugs kyi sems kyi dran pa mi phyed pa rnyog pa med pa 'dis ni rnal 'byor dran pa mi 'phrogs pa las zhes bya ba'i don to/ /sgom pa 'dis ni 'dod chags kyi sems te/ chags pa dang bral ba ma yin pa'i sems kyis so/ /rdo rje chos dang sangs rgyas dang/ rnal 'byor ma dang ma mo yis/ 'di dag gis dpal he ru ka'i gzugs ko lA gi rir bzhugs pa zhes bya ba la sogs pa'i glu dang gar dag gis nges par glu blang ba dang gar bya ba'o/ /'di nyid kyis ni tshogs bsrung zhing/ /de bzhin bdag kyang bsrung ba nyid/ /'dis ni 'jig rten dbang du byed/ /'dis ni sngags kyi bzlas pa nyid/ /gang du gus bcas glu len dang/ /gang du gus bcas gar byed pa/ /tshogs kyi bdag pos sngon byas nas/ /de la dri ni mtshon par bya/ /gang du gus bcas glu dang gar zhes bya ba la/ bcas zhes bya ba ni bde ba'o/ /gus pa zhes bya ba ni bde ba mngon par 'dod pa sde/ de nyid bde ba mngon par 'dod pa'o/ /gang la glu len pa dang/ gar byed pa ni bla ma'i man ngag gis lhan cig skyes la bskyed pa bskyed pa'i don gyi phyir kun du ru byed pa zhes bya ba'i dngos po'o/ /chogs kyi bdag pos sngon byas te/ dpa' bo dang dpa' mo'i dbang phyug ma'i tshogs te mang po'o/ /bdag po zhes bya ba ni dpa' bo dang
- 348a
dpa' mo'i dbang phyug ma de rnams kyi nang du gtso bo dang 'dren pa dang 'khor lo can zhes bya ba'i don to/ /sngon du byas te zhes bya ba ni sgrub pa po bdag nyid dpal he ru ka'i nga rgyal dang/ /rig ma bdag med ma'i gzugs kyis rdzogs pa de dang lhan cig snyoms par zhugs pa'i sbyor ba byed pa zhes bya ba'i dngos po'o/ /de la zhes bya ba ni kun du ru'i snyoms par zhugs pa la mngon par chags pa'i dus der ro/ /dri ni// mtshon par bya zhes bya ba ni dga' ba bzhi dang skad cig ma bzhi'i rab tu dbye bas byang chub sems mi zad pa'i rang bzhin de mtshon par bya ste/ /blta bar bya zhes bya ba'i don to/ /sgog pa'i dri ni dang po nyid// de nas yang ni bya rgod dri/ /ga bur ma la ya dza rjes/ /glu ye byin brlabs mtshan nyid ni/ /ru taM haM sa sya b+ha ma ra sya/ /glu yi mthar ni mnyam par bya/ /go ma yor gyi sgra dang ni/ /phyi rol chal du mtshon bar bya/ /klu yi byin brlabs mtshan nyid do/ /sgog pa'i dri zhes bya ba ni dga' ba'o/ /bya rgod kyi dri zhes bya ba ni mchog tu dga' ba'o/ /ga bur ma la ya dza zhes bya ba ni mchog tu dga' ba mdzas pa las nang du 'khor ba'i byang chub kyi rigs kyi bdag po'i khang? thig le'i gzugs kyi bsdus pa gsal bar brjod pa ni ka pur ma ya dza zhes ? ba'i dngos po'o/ /de rjes su glu yi phyin brlabs mtshan nyid do/ /zhes bya ba ni de'i rjes su ga bur dang ma la ya dza skad cig der glu'i byin brlabs rang rig pa'i byin gyis brlabs lhan cig skyes pa'i dga' ba brtag pa zhes bya ba'i don to/ /ru taM ha sa sya b+hA?
- 348b
ma ra sya/ glu'i mthar ni mnyan par bya zhes bya ba'o/ /ha zhes bya ba ni spros pa'i byang chub kyi sems so/ /sa zhes bya ba ni spros pa dang byang chub kyi sems te/ bde ba yang dag par rig pa tsam mo/ /b+ha zhes bya ba ni de rnams kyi bsgom pa'o/ /ma zhes bya ba ni bdag rig pa'o/ /ra zhes bya ba ni mi bskyod pa'o/ /yo zhes bya ba ni 'od dpag tu med pa'o/ /ra zhes bya ba ni rin chen 'byung gnas so/ /bi zhes bya ba ni don yod grub pa'o/ /sgra zhes bya ba ni de bzhin gshegs pa lnga po de rnams kyi rtogs pa'o/ /phyi rol tshal du mtshon zhes bya ba ni byang chub kyi sems rnam par dga' ba bor ba rig ma'i chu skyes su gnas pa de nyid dkyil 'khor gyi 'khor lo'i rang bzhin du bsams te bza' bar bya'o/ /zos nas bdag nyid dkyil 'khor 'khor lo'i gzugs su brtag par bya ba ste/ bsgom par bya ba zhes bya ba'i dgos pa'o/ /sngags kyi rgya mtsho'i pha rol son/ /grags bzangs bsod nams can bzod mdzod/ /bdag nyid dran pa tsam du ni/ /ji ltar thob pa bris pa'o/ /rdo rje glu bshad pa zhes bya ba slob dpon sgrol ma can gyi sdes mdzad pa rdzogs so// //rgya gar gyi mkhan po ga ya d+ha ra dang/ bod kyi lo ts+tsha ba dge slong shAkya ye shes kyis bsgyur ba'o// / //*/ /rgya gar skad du/ a b+hi sa ma ya ka ma nA ma/ bod skad du/ mngon par rtogs pa'i rim pa zhes bya ba/ dpal kye'i rdo rje la phyag 'tshal lo/ /dpal oDya Na nas 'ongs pa'i kye'i rdo rje'i rgyud kyi rin po che'i mngon par rtogs pa bstan par bya ste/ byang chub kyi sems sum cu rtsa gnyis 'bab pa'i rtsa rnams ni kun rdzob dang don dam
- 349a
pa'i bdag nyid can no/ /de rnams kyi gtso mo ni gsum ste/ brkyang ba dang/ ro ma dang/ kun mngar ma'o/ /brkyang ma ni shes rab kyi rang bzhin no/ /ro ma ni thabs kyi rang bzhin no/ /kun 'dar ma ni skye gnas kyi 'khor lor gnyis su med pa'i de kho na'o gzugs so/ /mi bskyod 'bab pa ni brkyang ma'o/ /khrag 'bab pa ni ro ma'o/ /byang chub kyi sems 'bab pa ni kun 'dar ma'o/ /chos rnams thams cad kyi shin tu phra pa nyid ni brkyang ma'o/ /chos rnams thams cad kyi spras pa med pa nyid ni ro ma'o/ /mi phyed pa'i bdag nyid can ni kun 'dar ma'o/ /rtsa sum cu rtsa gnyis po de rnams kyi gnas dang/ rang bzhin brjod par bya ste/ rkang pa g.yon pa'i mthe po la mi phyed ma ni rang bzhin med pa'i phyir ro/ /byin pa phra gzugs ma ni nam mkha' i khams kyi rang bzhin no/ /brla g.yon par brtse ba ma ni 'dod pa lnga'i bdag nyid can gyi phyir ro// skye gnas kyi g.yon pa'i ngos kyi rtse la g.yon pa min bzang po'i de kho na 'dzin pa shes rab kyi gnas kyi phyir ro/ /lte ba ru thu du ma ni rgya chen po'i rgyu mthun pa'i bdag nyid can no/ /snying gi ze 'bru la g.yon pa'i cha la rus skal skyes ma ni srid pa dang mya ngan las 'das pa kha sbyar gzugs kyi phyir ro/ /nu ma g.yon par bsgom pa ma ni bde ba chen po'i sgom pa'o/ /mgul pa g.yon pa'i cha la dbang man dri ma med par byed pa'i phyir ro/ /lag pa g.yon pa'i mthil du skyon ma ni thal lcags la sogs pa ma 'gyur bar byed pa'i phyir ro/ /mchu la 'jug ma ni bde ba chen po 'jug pa'i phyir ro/ /khur tshos su ma mo ni kun bzhin
- 349b
mthong bar byed pa'i phyir ro/ /mig g.yon par mtshan mo ni bde ba chen po'i 'khrus pa'i bdag nyid can no/ /rna ba g.yon pa'i rtsa bar bsil sbyin ma ni rlung rab tu 'byung ba'i phyir ro/ /glang pa g.yon pa'i ngos su tsha ba ma ni me dang ldan pa'i phyir ro/ /spyi bor rdo rje 'dzin pa chen ma'i phyir ro/ /glang pa'i g.yas ngos su mdog nag ma ni mi gyi phyir ro/ /mdun du kun 'dar ma ni spros pa dang bral ba'i phyir ro/ /g.yas par ro ma ni myang bar 'dod pa'i phyir ro/ /rgyab nas tshad ma ni sku la sogs pa'i tshad ma'i phyir ro/ /glang pa'i g.yas ngos su mdog nag ma ni mi bskyod pa gnag pa'i phyir ro/ /rna ba g.yas pa'i rtsa bar spyi ma ni thams cad rjes su 'gro ba'i phyir ro// mig g.yas pa la rgyu sbyin ma ni byed rgyur gyur pa'i phyir ro/ /'khur ba la sbyor bral ma ni dga' bral gyi dga' ba spangs pa'i phyir ro/ /ya mchu la sdu gu ma ni gnas thams cad phangs bar byed pa'i phyir ro/ /lkog? ma la grub ma ni thog ma med pa'i rang bzhin gyi phyir ro/ /lag pa g.yas pa 'tshad ma ni sgeg pa'i ro rgyas par byed pa'i phyir ro/ /nu ma g.yas pa la yid bzangs ma ni lus kyi 'bras bu 'byung ba yid bzangs 'thob pa'i phyir ro/ /snying kha g.yas ngos su sum skor ma dang sku dang gsung dang thugs kyi bdag nyid kyi phyir ro/ /lte ba g.yas pa'i yul du 'dod ma ni 'dod pa la sdug pa'i phyir ro/ /skye gnas su khyim ma ni 'byung ba thams cad kyi gnas kyi phyir ro/ /brla la gtum bdag ma ni bde ba chen pos thams cad du khyab pa'i phyir ro/ /byin pa la ka ta ya nA ni bgegs gcod par byed pa'i phyir ro/ /g.yas pa'i mthe bo la 'dud 'dral ma
- 350a
ni sdug bsngal thams cad 'jug pa med pa'i phyir ro/ /rtsa sum cu rtsa gnyis po la gnas ji lta bar yi ge bcu drug dang/ tshchos gcig la sogs pa nyid mo yang rim pa dang/ rim las bzlog pa'i phyir ro/ /rtsa de rnams ni srid pa gsum yongs su gyur ba/ sku la sogs pa'i rang bzhin gyis bde ba chen pos yongs su gyur ba'o/ /A li ni a'i rnam pa la sogs pa'o/ /kA li ni ka'i rnam pa la sogs pa'o/ /rdo rje dang pad+ma dang thabs shes rab bo/ /chos dang longs spyod rdzogs pa dang/ sprul pa dang lhan cig skyes pa dang/ dga' bral dang mchog dang/ thugs dang gsung dang sku'o/ /e baM ma ya ni/ e'i rnam pa ni chos kyi 'byung gnas dang/ stong pa nyid dang/ dga' ba dang lha mo spyan no/ /baM gi rnam pa rdo rje dang/ mtshan ma med pa dang/ mchog tu dga' ba dang/ mA ma kI'o/ /rnam pa ni che ba dang/ smon pa med pa dang dga' bral gyi dga' ba dang/ gos dkar mo'o/ /ya'i rnam pa ni gsher ba nyid dang/ mngon par 'dus ma byas pa dang/ lhan cig skyes pa dang/ sgrol ma'o/ /skye gnas su sprul pa'i 'khor lo 'dab ma? drug cu rtsa bzhi la ka la sogs pa'i yi ge sum cu rtsa gnyis po rnams ni rim pa dang ri ma pa ma yin pas yi ge drug cu rtsa bzhi'o/ /pad+ma 'dab ma bzhi po re re la sogs pa rnams kyi stong pa nyid bcu drug gi yi ge rnam par dag pa spyan la sogs pa rang bzhin gyis yongs su gyur pa 'dab ma drug cu rtsa bzhi'i rnam par skyes pa gnas kyi 'khor lo'o/ /snying gar chos kyi 'khor lo 'dab ma brgyad par yi ge brgyad de
- 350b
a ka tsa Ta ta pa ya/ sha 'byung ba dang 'byung las gyur pa/ gzugs shin tu phra ba/ pad+ma 'dab ma brgyad pa'o/ /lkog mar longs spyod rdzogs pa'i 'khor lo 'dab mabcu drug la/ a A(rgyud 'grel): i a'i(rgyud 'grel): u a'u(rgyud 'grel): ri rI/ li lI/ a i(rgyud 'grel): o aau(rgyud 'grel): oM a(rgyud 'grel): stod pa nyid bcu drug rnam par dag pa ni lo bcu drug ma longs spyod rdzogs pa'i rnam pa'i shes rab bo/ /de nyid longs spyod rdzogs pa'i 'khor lo 'dab ma bcu drug pa'o/ /spyi bor bde ba chen po'i 'khor lo 'dab ma sum cu rtsa gnyis la/ ka kha ga g+ha nga/ tsa tsha dza dzha nya/ Ta Tha Da Dha Na/ ta tha da d+ha na/ pa pha ba b+ha ma/ ya ra la wa/ sha Sha sa/ skyes du chen po'i chos kyi mtshan rnam par dag ba ni 'dab ma sum cu rtsa gnyis so/ /'khor lo bzhi lo bzhi la grangs ji lta bas skad cig ma bzhi ni rnam pa sna tshogs dang/ rnam par smin pa dang/ rnam par rnyed pa dang/ mtshan nyid dang bral ba'o/ /bden pa bzhi ni sdug bsngal ba dang/ kun 'byung ba dang/ 'gog pa dang/ lam mo/ /de kho na nyid bzhi ni bdag gi de kho na dang/ sngags kyi de kho na dang/ lha'i de kho na dang/ ye shes kyi de kho na'o/ /dga' ba bzhi ni dga' ba dang/ mchog tu dga' ba dang/ dga' bral gyi dga' ba dang/ lhan cig skyes pa'i dga' ba'o/ /sde pa bzhi ni gnas bstan pa dang/ thams cad yod par smra ba dang/ kun gyi bkur ba dang/ dge 'dun phal chen no/ /de rnams sku cig ma dang/ bden pa dang/ de kho na dang/ dbye ba dang/ sde'i rang bzhin gyi chung du dang/ 'bring dang lhag ma dang/ ches lhag pa nyid kyis gnas gzhi la rnam par gnas so/ /zla ba g.yon pa/ nyi ma g.yas rpa/ A li phra ba/ kA li
- 351a
sbom po'o/ /'pho ba bcu drug ni lug dang ba glang dang/ 'khrig pa dang/ karka Ta dang/ seng ge dang/ bu mo dang srang dang/ sdig pa dang/ gzhu dang/ chu srin dang/ bum pa dang/ nya dang/ zla ba gzas zin pa dang/ nyi ma gzas zin ba dang/ thig le 'gog pa dang/ nam mkha' 'gog ba ste/ de rnams ni 'pho ba bcu drug la sogs pa sbom po'o/ /yang na khu ba'i g.yon bskor dang/ g.yas bskor gyi dbye bas gnas bcu drug tu 'pho ba 'pho bar gyur pa'o/ /mthe bong la tshes gcig la a'i rnam pa dang/ byin pa gnyis la a'i rnam pa/ brla ba gsum la i'i rnam pa/ skye gnas su bzhi la a'i'i rnam pa/ lte bar lnga la u'i rnam pa/ snying la drug la u'i rnam ba/ nu ma la bdun la ri'i rnam pa/ lkog ma la brgyad la rI'i rnam pa/ lag ba'i rtse mor dgu la li'i rnam pa/ mkhur tshos la bcu la lI'i rnam pa/ mig tu bcu gcig la e'i rnam pa/ rna ba'i rtsa bar bcu gnyis la i'i rnam pa/ bcu gsum la dpral bar oM rnam pa/ spyi bor bcu bzhi la aau'i rnam pa/ chang gi g.yon dang g.yas su gang ba la aM a(rgyud 'grel): de dang de'i chang gi shin tu phra ba'i rnam pas 'pho ba 'pho bar gyur pa'o/ /dbyig gu drug cu rtsa bzhi ni dus kyi rnam pa'i cha la rgyu skar nyi shu rtsa brgyad dang/ nyin par bco lnga dang/ gza' dgu dang/ cha bcu gnyis dus kyi rnam pa'i cha yis dbyig gu blang bar bya'o/ /mtshan mo dang/ nyin bar dag la/ spu gu can drug cu dang/ de dag nyid la zang? pa dang/ 'phel bas bzhi'o/ /de nyid kyi phyir dus kyi dbyig gu drug cu rtsa bzhi bzung
- 351b
bar bya'o/ /yang na shes rab dang/ thabs dag la don dam pa dang/ kun rdzob kyi dbye bas de dang de la gnas nying du rnam par dag ba 'pho ba bcu drug gi myos byed kyis dbye bas dbyig gu gzung ngo/ /de rnams kyi rtsa sum cu rtsa gnyis rnams so/ /de rnams thams cad ni 'khor lo bzhi la bsdu ba rnams so/ /yang gzhi ni lte bar gtum mo 'bar ba zhes bya ba phyag rgya chen por thim mo/ /mngon par rtogs pa'i rim pa rdzogs so// //dbyig gu drug cu rtsa bzhi'i mtshan nyid ni nyi ma phyed kyis dbugs kyi grangs lnga stong dang bzhi brgya'o/ /de ltar grangs bgrangs pas nyin dang mtshan mo stong phrag nyi shu rtsa gcig dang lhag pa brgya ste/ ji ltar grangs kyi bgrangs pa shes par bya'o/ /chu tshod gcig la dbugs sum rgya dang drug cu'o/ /dbyig gu drug cu rtsa bzhi'i mtshan nyid brjod do/ /chu tshod ni nyin mo dang mtshan mo bcu drug dang/ de nyid kyi 'phel ba dang 'grib? pa bzhi ste/ de ltar drug cu rtsa bzhi blang bar bya'o zer/ zangs srang bcu gnyis la brdungs pa brgyar sor bcu gnyis kha dang dbangs su sor brgyad pa la/ gser man cha gsum la brdungs pa'i mgo 'jug mnyam pa sor drug pas phug pa'i bug pa can chu'i kha ru bzhag pa'i bu ga nas byung ba'i chus khengs nas gting du nub pa chu tshod do/ /dbyig gu yang de dang 'dra'o/ /rgya gar gyi mkhan po ratna badzra? dang/ dge slong shAkya ye shes kyi bsgyur ba'o// //kye'a rdo rje'i de kho na nyid rnam par phye ba las gsungs pa/ de bzhin stong pa bcu drug ni/ /
- 352a
bcu drug phyag tu rab tu grags/ /glang po gti mug chos yin pas/ /glang po rnam par snang mdzad brjod/ /zhe sdang chos ni rta yin pas/ /rta ni mi bskyod par rab brjod/ /bong bu nga rgyal chos yin pas/ /nor bu rin chen 'byung gnas brjod/ /ba glang 'dod chags chos yin pas/ /ba glang pad+ma skyes par brjod/ /rnga mo phrag dog chos yin pas/ /rnga mo don yod grub pa nyid/ / las dang nyon mongs sdug bsngal la/ /mi dang shar b+ha byi la/ /stong pa brgyad du yang dag 'byung/ /thod pa brgyad du yang dag gnas/ /kye'i rdo rje de kho na nyid rnam par phye ba las gsungs pa /rdo rje gsum pos mi phyed phyir/ /de ni ma phyed mar rab grags/ /skra yi rtse sogs rab dbye bas/ /de nyid kyang ni phra bar skye/ /mo bsham bu yi ngo bo'i phyir/ /de nyid kyang ni gzugs zhes bsgrags/ /gang phyir lus las 'byung ba'i phyir/ /de la rtse ba mar rab grags/ /gang la g.yon du 'khor 'gyur ba/ /de la g.yon pa ma zhes brjod/ /gang tshe zlum po'i lha mo ni/ /thung du ma zhes rab tu brjod/ /gang tshe rus sbal rnam skyes pa/ / / /rus spal skyes shes mngon par brjod/ /gang la srid pa'i dngos gnas pa/ /de la bsgom pa ma zhes brjod/ /bsil ba bsil sbyin ma yi rtsa/ / tsha ba yang ni? tsha sbyin ma/ /h+ri ba ta med rang bzhin gyis/ /de la brkyang ma zhes byar brjod/ /rang bzhin med pa'i ngo bo ni/ /kun 'bar ma zhes rab tu bsgrags/ /thams cad ro ni ster ba'i phyir//
- 352b
de la ro ma zhes su brjod/ /gang tshe zla ba'i rnam ba'i gzugs/ /mkhas pas tshang ma zhes su bsgrags/ /'jigs pa mun pa'i gzugs su ni/ /ba dog nag po'ang skye bar 'gyur/ /mnyam pa'i sems kyi sbyor ba yis/ /sbyi ma zhes ni mngon par brjod/ /gang tshe rgyu kun sbyin pa yang/ /rgyu sbyin ma zhes rab tu grags/ /rgyu yi sbyor bral sdug bsngal gyis/ /de la sbyor bral ma zhes bsgrags/ /gnyen gyi tshul gyis sdug pa yang/ /sdug gu ma zhes bya bar grags/ /yid la 'dod pa grub pa'i phyir/ /grub ma zhes ni rab tu brjod/ /me yi khams kyi rang bzhin gyis/ /mtshed ma zhes ni nges par brjod/ /chu yi khams kyi rang bzhin gyis/ /de bzhin yid bzang ma zhes brjod/ /gtum pa'i las gnas lha mo ni/ /de bzhin gtum mo zhes su bsgrags/ /gzhon nu ma ni g.yo ba'i phyir/ /gzhon nu ma ni 'dral mar brjod/ /'di rnams rtsa yi dbye ba yis/ /lha mo 'di rnams rab tu grags/ /yang dag par ni sbyor ba dang/ /rdo rje mkha' 'gro las gsungs pa/ /mgrin pa nas brtsams g.yon pa'i rtsa/ /longs spyod ba'i sku can ma/ /lte ba'i nang du ngal ba sos shing/ /kha ni 'og tu myos byed 'bab/ /gang zhig lte ba nas steng rtsa/ /de bzhin kha ni steng du 'bab/ /mgrin bar nang du ngal bsos shing/ /khrag 'bab par rin rab tu grags/ /'dir ni myos byed zla bar bshad/ /khrag ni nyi ma zhes su gsungs 'di dag zla ba nyi ma gnyis/ /rtsa gnyis su ni rab tu grags/ /zhe'o/ /yang dag par sbyor ba las gsungs/ /snying gi nang son pad+ma ni//
- 353a
'dab ma brgyad par snying por bcas/ /de yi nang du son pa'i rtsa/ /mar me dang gi ngo bo can/ /ka ta la'i me tog mtshungs/ /nar zhing khwa ni 'og tu'o/ /de yi nang nas dpa' bo ni/ / yungs kar gyi ni spom phra tsam/ /gzhom med hUM gi sa bon ni/ /snying po lta bu 'dzag ba nyid/ /'gro dang 'ong bar byed pa 'di/ /thams cad lus la rnam par gnas/ /dngos med rnam pa'i gzugs su ni/ /thung du ru ni yongs su grags/ /snying gar hUM gi rnam pa ni/ /ring po ma mo gnyis dang gnas/ /mgrin par oM gyis gzugs kyis ni/ /ma mo gsum dang blu ta/ /dpral bar haM gi rnam pa 'di/ /sgra dang thig le gzhan med pa'i/ /rdo rje sems dpa' i gzugs kyis ni/ /'dir ni ji ltar bde bar rol/ /'dab ma rnams kyi gzhi la yang/ /phyogs bzhi dag tu rnam par gnas/ /'byung ba bzhi yi rtsa rnams ni/ /mar me'i rang bzhin lta bu'o/ /mi phyed ma ni spyi bor gnas/ /se dang sen mo 'bab par brjod/ /spyi bo'i gtsug tu phra gzugs ma/ /skra dang ba spu 'bab bar brjod/ /rna ba g.yas par rtse ba ma/ / pags pa dang ni dri ma 'bab/ /rgyab kyi ngos su g.yon pa ma/ /sha ni 'bab pa nyid du brjod/ /rna ba g.yon par thung du ma/ /chu rgyus 'bab par brjod pa'o/ /smin ma'i dbus su ru spal? skyes/ /rus pa'i phreng ba 'bab pa'o/ /mig dag tu ni bsgom pa ma/ /mkhal ma 'bab par brjod pa'o/ /lag pa'i rtsa bar dbang ma ni/ /snying ni 'bab par brjod pa'o/ /skyon zhes bya ba skyon ldan ma/ /mtshon khung dag tu mig
- 353b
'bab na/ /'jug ma zhes pa'i 'jug chen ma/ /nu ma dag tu mkhris pa 'bab/ /lte ba ma mo glo pa 'bab/ /sna yi rtse mor mtshan mo ni/ /rgyu ma'i phreng ba 'bab pa nyid/ /kha dag la ni bsil sbyin ma/ /des kyi chu rgyus 'bab pa nyid/ /mgrin pa ru ni tshang? ma/ /lto ba dag? ni 'bab pa nyid/ /brkyang ma dang/ ro ma dang/ kun 'dar ma zhes pa 'di gsum ni gong du bshad pa nyid do/ /snying gar gzhol ma bshad ba 'bab/ /rangs ma zhes bya rangs ma'i gdong/ /'khyung ma mtshams kyi mdza' nang son/ /brtags la shin tu gzugs can ma/ /bad kan 'bab pa nyid du brjod/ /bshad ba'i lam du spyi ma ni/ /rnag 'bab par ni brjod pa yin/ /brla dag tu ni rgyu sbyin ma/ /khrag 'bab par ni brjod pa'o/ /byin pa dag tu sbyor bral ma/ /rdul ni 'bab pa du ni brjod/ /rkang pa'i sor mo sdug gu ma/ /tshil bu 'bab par brjod pa nyid/ /rkang pa'i rgyab tu grub ma ni/ / mchi ma 'bab par brjod pa nyid/ /mthe bo 'tshed ma mchil ma 'bab/ /bus mo gnyis su yid bzang ma/ /sha dang snabs ni 'bab pa nyid/ /snying gi pad+ma'i bre? 'bru ni/ /phyogs 'dab rim pa ji lta ba/ /sum skor 'dod ma khyim ma dang/ /gtum mo dang ni bdud 'dral ma'o/ /brkyang ma ro ma kun 'dar ma/ /gsum ni bdag med rnal 'byor ma/ /mi phyed ma dang phra gzugs ma/ /rgyal pas rdo rje ma ru bshad/ /brtse ba ma dang g.yon pa ma/ /gnyis ni gau? rI nyid du brjod/ /thung du ma dang ru spal skyes/ /chu yi rnal 'byor ma zhes zer/ /sgom pa ma dang dbang ma nyid/ /rdo rje mkha' 'gro mar ni bshad/ /skyon ldan ma dang 'jug chen ma//
- 354a
gnyis ni puk+ka sI ru brjod/ /ma mo dang ni mtshan mo dang/ /ri khrod mar ni rab tu grags/ /bsil sbyin ma dang tsha ba ma/ /gdol ba mor yang brjod pa nyid/ /gzhol ma dang ni rangs ma'i gdong/ / 'di gnyis g.yung mor brjod pa nyid/ /shin tu gzugs can spyi ma gnyis/ /go rI sgo ni skyong ba mo/ /rgyu sbyin ma dang sbyor bral ma/ /chom rkun ma ru thub pas gsungs/ /sdug gu ma dang grub ma yang/ /ro langs ma ni mngon par brjod/ /mtshed ma dang ni yid bzangs ma/ /g+ha sla rI ru dran par bya/ /gsum bskor ma dang 'dod ma nyid/ /gnyis ni sa spyod pa ru brjod/ /khyim pa gtum mo bdud 'dral ma/ /rtsa rnams gsum ni mkha' spyod ma/ /mkha' 'gro mar ni 'dod pa yi/ /bco lngas thams cad bsdus pa nyid/ /kye'i/ rdo rje'i de kho na nyid rnam par phye ba dang/ kye'i rdo rje'i bshad pa'i rgyud yang dag par sbyor bas/ rdo rje'i mkha' 'gro la/ rtsa'i 'khor lo'i skabs/ dge slong shAkya ye shes kyis bsgyur ba'o// //rgya gar skad du/ aSh+Ta shma? shA na nA ma/ bod skad du/ dur khrod brgyad ces bya ba/ kye'i rdo rje la phyag 'tshal lo/ / zhing brgyad la sogs pa rnams la 'jig rten skyong? ba brgyad po dang/ klu'i rgyal po rigs brgyad dang/ zhing gi bdag po'i lha dang/ shing dang char sprin rim pa ji lta ba bzhin blta bar bya'o/ /dang por re zhig shar du nA ga puSh pa'i shing dang/ aSh+Ta? ha sa dang/ dbang po dang/ klu'i rgyal po pad+ma chen po dang/ chang sgrin g+ho ra zhes bya ba gur gum gyi mdog lta bu'o/ /lho ru a mra'i shing dang/ tsa ri tra dang/
- 354b
gshin rje dang/ klu'i rgyal po rigs ldan dang/ char sprin tsaN+Da zhes bya ba sngon po'o/ /nub tu shing a shwat+tha dang/ ko la gi ri dang/ chu bdag dang/ klu'i rgyal po stobs kyi rgyu dang/ char sprin g+ha na zhes bya ba mdog dkar pa'o/ /byang du shing pun+nA gar dang/ dza yanTi dang/ lus ngan po dang/ klu'i rgyal bo dung skyong dang/ char sprin a barto zhes bya ba kha dog ser po'o/ /dbang ldan du shing n+ya gro d+ha dang/ utdza ya ni dang/ drag po dang/ klu'i rgyal po 'jog po dang/ char sprin ga rdzi ta zhes bya ba kha dog nag po'o/ /me ru shing kar ny+dza dang/ pra yA ka dang me dang/ klu'i rgyal po pad+ma zhes bya ba dang/ char sprin g+harma ta zhes bya ba kha dog sna tshogs so/ / bden bral du la ha dza ta'i shing dang/ rna 'chus sa ma dang/ srin po dang/ klu'i rgyal po mdza' yas dang/ char sprin 'bab ba zhes bya ba nag po'o/ /rlung du shing u dum+ba ra dang/ lha mo'i mkhar dang/ rlung dang/ klu'i rgyal po nor rgyas kyi bu dang/ char sprin bu rA na zhes bya ba dkar nag gi mdog go zhes bya ba la sogs pa'i zhing rim pa ji lta bas shes pa'o// //rgya gar gyi mkhan bo ratna sh+rI mi tra dang/ dge slong shAkya ye shes kyis bsgyur ba'o// //*/ /rgya gar skad du/ aSh+Ta shma sha na nA ma/ bod skad du/ dur khrod brgyad ces bya ba/ dpal he ru ka la phyag 'tshal lo/ /he ru ka dpal dpa' bo ni/ / lhan cig skyes dga' mdzes pa dang/ /bza' dang grol ba'i 'bras rab stsol/ /bla ma'i zhabs pang phyag 'tshal nas/ /dus khrod shing dang phyogs skyong dang/ /klu bdag chu 'dor rnams kyis ni/ /ming dang
- 355a
phyogs dbye gnas pa ni/ /bdag nyid dran phyir bri bar bya/ /g.yon gyi shar sogs phyogs rnams su/ /g.yas kyi dbang ldan phyogs rnams la/ /rdo rje gur gyi nang du ni/ bzhi bzhir sbyor bar bya ba nyid/ /gtum mo mchog gi ha ra nyid/ /'bar ba 'khyil ba thod pa can/ /rnam 'jigs shar la sogs ba yi/ /phyogs su g.yon gyis yang dag gnas/ /aTA? ha sa dbang ldan du/ /byin za ru ni lak+Shi can/ /'jigs pa'i mun pa bdun bral du/ /rlung du kI li kI la'i sgras/ /ro langs 'byung po'i tshogs kyis yang/ /ce spyang sgra yis 'jigs pa yis/ /rdo rje gur gyi nang du ni/ /dur khrod rnams ni 'jigs pa'i gzugs/ /'di nyid kyi ni rim pa 'dir/ /dur khrod brgyad po rnams ni gnas/ /shing dang/ phyogs skyong dang/ klu'i dbang po dang/ char sbrin gyi dbang po de rnams gang zhe na/ sha ra Sha dang a shwaTtha/ /kaM ke wI? shar tsu ha? nyid/ /gong mtshungs ba ta ka rany+dza/ /dbang bo dang ni nor sbyin nyid/ /klu dbang de nas gshin rje dag /dbang ldan de nas byin za bdag /srin po'i dbang po rlung bdag nyid/ /nor rgyas bu dang 'jog po nyid/ /stobs kyi rgyu dang pad+ma nyid/ /bde chen hu lu hu lu dang/ /rigs ldan dang ni dud? skyong ngo/ /gardzi g+hurmi to 'jigs dang/ /a ba to dang g+ha na nyid/ /barSha na dang bu ra Na/ /gtum pa 'di rnams char sprin bdag/ //rgya gar gyi mkhan bo ratna sh+rI mi tra dang/ dge slong shAkya ye shes kyis bsgyur ba// //dpal dgyes pa'i rdo rje la phyag 'tshal lo/ /brda nges par
- 355b
gzung bar bya ste/ dang po sgra ji lta ba bzhin du shes par bya zhing/ de nas yang man ngag gi rim pa bzhin du shes par bya'o/ /brda zhes bya ba ni lus dang ngag gi spyod pa'o/ /lus ni rdo rje dang pad ma ste/ de'i spyod pa'o// dag ni yi ge ste/ des mkha' gsang byin gyis brlabs pa ni/ de'i spyod pa ste/ de lta bu'i brda' shes na spun dang srid mor nges so zhes bya ba'i tha tshig go /spun zhes bya ba ni dam tshig gcig pa'i skyes bu'o/ / sring mo zhes bya ba ni dam tshig gcig pa'i bud med do/ /yang na spun dang sring mo zhes bya ba ni dpa' bo dang rnal 'byor ma'o/ /yang na spun dang sring mo zhes bya ba ni thabs dang shes rab bo/ /yang na spun dang sring mo zhes bya ba ni rdo rje dang pad+ma ste/ de shes pa ni the tshom med pa'o/ /sor mo gcig ston ba zhes bya ba ni g.yon gyi mthe'u chung ston pa ste/ zab mo'i don dang ldan nam zhes bya ba'o/ /gnyis kyis zhes bya ba ni bdag nges pa'i don dang ldan pa zhes bya ba'o/ /g.yon pa'i zhes bya ba ni shes rab ste pad+ma'o/ /mthe bo zhes bya ba ni rdo rje pad+ma bcangs pa ste snyoms par zhugs pa'o/ /bsnyun gyi zhes bya ba ni rdo rje dang pad+ma las bskyed pa'i bde ba dang ldan pa zhes bya'o/ /srin lag ces bya ba ni rdo rje ste/ pad+ma rgyas bar byed pa'i phyir ro/ /ster ba la zhes bya ba ni de bstan pa la'o/ /mthe chung zhes bya ba ni 'og gi cha yin pa'i phyir pad+ma ste/ de bstan par bya zhe'o/ /gung mo zhes bya ba ni nyan thos la sogs pa'i mya ngan las 'das pa'i mdza' dang 'khor ba'i mdza' gnyis dang bral bar byed pa'i phyag rgya chen po'i rig pa'o/ /mdzub mo zhes bya aba ni sdigs
- 356a
bar byed pa'i nus pa dang ldan pa'i phyir rdo rje ste/ de bstan par bya zhes bya ba'o/ /srin lag ston pa la zhes bya ba ni gus pa dang ldan ma zhes bya ba'o/ /mgrin pa rab tu bstan ces bya ba ni gus par 'gyid de/ /mgo bo dbul lo zhes bya ba'o/ /gos ni ston pa la zhes bya ba ni/ sgrib pa dag gam zhes bya'o/ /rtse gsum rab bstan bya zhes bya ba ni bdag ni sku gsung thugs dang ldan pa sgrib pa dag pa'o zhes bya ba'o/ /nu ma ston pa la zhes bya ba ni byang chub sems kyi rnam pa dang ldan nam zhes bya ba'o/ /mtshams ni zhes bya ba ni byang chub sems kyi rnam pa ste/ bco lnga dang bcu bzhi pa'i dus su spyod cig ces bya ba'o/ /yang na nu ma zhes bya ba ni khu ba'i rnam pa'i lam du gyur pa'i phyir rdo rje ste/ de ston pa la'o/ /mtshams la zhes bya ba ni pad+ma ste/ de 'byed pa zhes bya ba'o/ /sa zhes bya ba ni dga' ba sogs pa'i rten du byung ba'i pad+ma'o// ston pa la zhes bya ba ni rgyas par gyis shig ces bya ba'o/ /kha zhes bya ba hUM la sogs pas byin gyis brlabs la rgyas par bya ba'o/ /khro gnyer ston pa la zhes bya ba ni/ da'i bka' nyan nam zhes bya ba'o/ /gtsug pud grol bar bya zhes bya ba ni bka' nyan no zhes bya ba'o/ /dpral bar ston pa la zhes bya ba dang/ rgyab ni rab bstan ces bya ba ni sgra ji bzhin pa'o/ /rkang mthil zhes bya ba ni pad+ma ste ye ge? ba ni pad+ma zhes bya ba'i dang po'i yi ge yin pas te phyis la mar shes par bya'o/ /de bas na 'dab ma brgyad dang ldan pa'i pad+ma ni rkang mthil zhes bya ba'o/ /ston pa la zhes bya ba ni de dang sbyor cig ces bya gso/ /?
- 356b
yi rnam par rtse bar bya zhes bya ba ni hUM phaT dang ldan pa'i rdo rje bskyod par bya'o zhes bya ba'o/ /sa ni bcu gnyis te zhes bya ba ni sogs kyi lam dang/ sbyor ba'i lam dang/ mthong ba'i lam dang/ bsgom pa'i lam dang/ rnam par grol ba'i lam mo/ /de bas na lam bzhir gyur pa'i dga' ba dang/ mchog tu dga' ba la sogs pa ni sa bcu gnyis sa bcu'i dbang phyug ces bya ba ni blo dang ldan pa'i rnal 'byor ba ste/ des na dga' ba dang mchog tu dga' ba la sogs pas bgrod par bya'o/ /yi dags zla phyed ces bya ba ni mar gyi ngo bo'i tshes brgyad dang bcu bzhi'o/ /legs 'du ba'i zhes bya ba ni 'du ba nye ba'i 'du ba la sogs pa'i gnas su 'du ba'o// yang na yi dags zla phyed ces bya ba ni rdo rje nor bu'i cha ste der byang chub kyi sems kyi rnam pa 'du ba ni rnal 'byor ma 'du ba'o/ /yang na yi dags zla phyed ces bya ba ni dga' bral gyi dga' ba ste/ der rnal 'byor ma 'du ba zhes bya ba'o/ /rgyal mtshan zhes bya ba ni gsal zhing la btsugs pa'o/ /mtshon bsnun nyid ces bya ba ni ral gri la sogs pas rgyab pa ste/ de'i sha ni rnal 'byor pas dngos grub kyi don du bza' snar? bya zhes bya ba'i tha tshig go /bshad par bya ba gzhan yang rgyal mtshan zhes bya ba ni mi skye skye ba'i sngon rol du srog zhugs par gyur pa zhes bya ba'i don to/ /mtshon bsnun nyid ces bya ba ni ma skyes pa'i 'og rol tu nam mkha' khams su gyur ba zhes bya ba'i tha tshig go /lan bdun pa yang? zhes bya ba ni skye ba bdun du mer skyes pa ste/ de'i sha kha na ma thob med pas bza' bar bya zhes bya ba'i don to/ /bshad par bya ba gzhan yang lan bdun pa'ang zhes bya ba ni byang/
- 357a
chub sems dpa' ste/ dga' bral gyi dga' bas bsdus pa'i rang rig pa'i bde ba'i ye shes ni byang chub ste/ de yid la byed pa ni byang chub sems dpa' o/ /bza' bar bya zhes bya ba ni lhan cig skyes pa'i dngos grub kyi don du de bsgom par bya zhes bya ba'i don to/ /ye zhes bya ba ni rnam par thar pa'i sgo gsum gyi rang bzhin du gyur pa'i phyir pad+ma zhes bya ba'i tha tshig go /bzhes bya ba ni rdo rje ste rigs kyi bdag po zhes bya ba'i tha tshig go / blta bar bya ba ni tha mal ba'i gzugs spangs te byin gyis brlabs la zhes bya ba'i don to/ /e zhes bya ba ni rjes su chags par bya zhes bya ba'i don to/ /de'i phyir nyin mo zhes bya ba ni kun rdzob kyi gzugs te zla ba'i rnam pa'o// de ni bcom ldan 'das te thabs zhes bya ba ni tha tshig go /mtshan mo nas bya ba ni don dam pa'i ngo bo ste/ bde ba'i ngo bo'o/ /de ni shes rab ste mtshan ma med pa'i rig pa zhes bya ba'i don to/ /gang dang gang rnams kyi sha zhes bya ba ni g.yul du mtshon gyis bsad pa'i sha'o/ /de zlos na 'brel ba de de dbang du 'gyur zhes bya ba ni de'i rigs dbang du 'gyur ba'o/ /yang na sha ni zhes bya ba ni gnyis su mngon par zhen pa'i rtogs pa'o/ /bza' zhes bya ba ni gnyis su mngon par zhen pa spangs pa'o/ /de de'i rigs dbang du 'gyur zhes bya ba ni gnyis su med pa'i mi dmigs pa mngon sum du 'gyur zhes bya ba'i don to/ /bshad pa gzhan yang sha ni zhes bya ba ni b+ha ga'i khu ba'o/ /bza' zhes bya ba ni rnal 'byor pas lce yis blang zhing bdud rtsi'i ting nge 'dzin gyi blang bar bya'o/ /zhes bya ba'i don to/ /de dbang du 'gyur zhes bya ba ni rnal 'byor ma rjes su 'gyur pa'o/ /
- 357b
bla chen gyi la lha mda' bdag ye shes rgyal mtshan gyis 'gyur bcos pa'o// //*/ /dur khrod brgyad pa bzhugs so/ /*/ /rgya gar skad du/ aSh+Ta sha ma na shA nA ma/ bod skad du/ dur khror brgyad kyi bshad pa/ bcom ldan 'das 'jig rten dbang phyug la phyag 'tshal lo/ /de la dur khrod brgyad bshad par bya ste/ shar phyogs kyi dur khrod ni gtum drag ces bya ste/ der a ru ra'i shing la bdag nyid chen po gtum drag ces bya ba mdog dkar po glang po che'i mdog can no/ /shing gi drung du ni phyogs kyi bdag po dbang po mdog ser po lag pa g.yas g.yon na rdo rje dang bsdigs mdzub thogs pa glang po ches srung dkar po la zhon pa ste/ der klu ba su ki mdog ser po dang/ sprin sgra sgrogs zhes bya ba mdog sngon po'o/ /byang phyogs kyi dur khrod ni/ tshang tshing can zhes bya ba ste/ der ni byang chub kyi shing la/ bdag nyid chen po ba gar zhes ba ba/ mi mgo'i gdong can/ mdog ser po'o/ /shing gi drung du ni phyogs kyi bdag po lus ngan mdog ser po/ lag pa g.yas g.yon gyi mi 'jigs pa dang/ b+ha ha thogs pa thung zhing gter la gzhon pa ste/ der glu 'jog po/ mdog dmar po dang/ sprin smrags pa zhes bya ba mdog dkar po'o/ /nub phyogs kyi dur khrod ni 'bar bas 'khrigs pa'i gang rus zhes bya ste/ der shing mya ngan med la bdag nyid chen po 'bar ba bya// 'khrigs pa'i keng rus zhes bya ba/ chu srin gyi mgo can/ mdog ser po'o/ /shing gi drung du ni phyogs kyi bdag po bdun? mdog dkar po chu srin la zhon pa/ lag pa g.yas g.yon gyis bsdigs mdzub
- 358a
dang zhags pa thogs pa ste/ der klu stobs kyi rgyu mdog ljang gu dang/ sprin drag po zhes bya ba mdog dkar po'o/ /lho phyogs kyi dur khrod na 'jigs sde zhes bya ste/ der ba ru ra'i shing la bdag nyid chen po 'jigs sde zhes bya ba'i me'i gdong can mdog nag po'o/ /shing gi drung du ni phyogs kyi bdag po gshin rje mdog nag po lag pa g.yas g.yon gyis dbyig pa dang zhags pa thogs pa ma he la zhon pa ste/ der klu pad+ma mdog dkar po dang/ sprin 'khrigs pa zhes bya ba mdog ser po'o/ /me lha'i mtshams kyi dur khrod ni dpal gyi nags zhes bya ste/ der shing ka rany+dza zhes bya ba la bdag nyid chen po dpal gyi nags zhes bya ba ra'i mdong can mdog dkar po'o/ /shing gi drung du ni phyogs kyi bdag po byin za mdog dmar po lag pa g.yas g.yon na bgrang 'phreng dang ril pa spyi blugs thogs pa ra'i ltan la zhon pa ste/ der klu pad+ma chen po mdog dkar po dang/ sprin 'khyil ba zhes bya ba mdog dmar po'o/ /bden bral gyi dur khrod ni 'jig pa'i mun pa zhes bya ste/ der u dum ba ri'i shing la bdag nyid chen po 'jigs pa zhes bya ba ma he'i gdong can mdog nag po'o/ /shing gi drung du ni phyogs kyi bdag po srin po bden bral mdog nag po lag pa g.yas g.yon gyis bsdigs mdzub dang mi mgo thogs pa mi rol zhon pa ste/ der klu mdza' yas mdog sngon po dang/ sprin sgra sgrogs ces bya ba mdog ser po'o/ /rlung gi mtshams kyi dur khrod ni kI li kI lar sgrogs pa zhes bya ste/ der ni shing srid
- 358b
sgrub ces bya ba la bdag nyid chen po kI li kI lar sgrogs pa zhes bya ba ma he'i gdong can du ba'i mdog can no/ /shing gi drung du ni phyogs kyi bdag po rlung lha mdog dkar po lag pa g.yas g.yon gyis rlung gi snam bu 'dzin pa ri dags sha pa la zhon pa ste/ der klu rigs ldan khra bo dang sprin 'bebs pa zhes bya ba mdog ljang gu'o/ /byang shar gyi dur khrod ni ha har rgod pa zhes bya ba ste/ der shing n+ya gro d+ha la bdag nyid chen po ha har rgod pa zhes bya ste/ khyu mchog gi gdong can mdog dkar po'o/ /shing gi drung du ni phyogs kyi bdag po dbang ldan mdog sdo skya lag pa g.yas g.yon gyis mdung rtse gsum pa dang thod pa thogs pa khyu mchog la zhon pa ste/ der klu dung skyong ser po dang/ sprin gtum mo zhes bya ba mdog sna tshogs pa'o/ /phyogs kyi bdag po thams cad ni mi'i gdong can lag pa gnyis pa'o/ /phyogs kyi klu rnams ni gdengs ka bdun pa mche ba yid tsam gtsigs shing 'dod pa'i gzugs can no/ /sprin rnams kyang kha dog sna tshogs pa'i mdog can no/ /gtum drag dang ni tshang tshing dang/ /'bar bas 'khrigs pa'i keng rus te/ /'jigs sde rnams ni shar la sogs/ /phyogs su yongs su bskor te gnas/ /ha har rgod pa dbang ldan te/ /dpal gyi nags na byin za'o/ /'jigs pa'i mun pa bden bral te/ /rlung mtshams kI li kI lir sgrogs/ /'di na dur khrod brgyad po ste/ /dpal ldan rdo rje rnal 'byor par/ /rdo rjer ba'i nang logs su/ /rab tu 'bad de bsam par bya/ /slob dpon rnal 'byor pas mdzad pa'i dur khrod brgyad kyi bshad? pa rdzogs so//
- 359a
rgya gar gyi mkhan po bud+d+hA ka ra badzra dang/ bod kyi lots+tsha ba mgos kyis bsgyur ba'o// //*/ /dpal rin po che'i snye ma'i 'grel pa bzhugs so/ /*/ /rgya gar skad du/ sh+rI ratnaM maM dza ri nA ma TI kA /bod skad du/ dpal rin po che snye ma zhes bya ba'i rgya cher 'grel pa/ dpal chos kyi dbyings la phyag 'tshal lo/ /rnal 'byor rnal 'byor bye brag ma/ /gang zhig 'di skad bdag sogs don/ /dpal rin rdor zhabs phyag 'tshal te/ /shes rab dpal bdag des gsal bshad/ /'di ltar gsang ba chen po ni/ /gsal bar byed pa lugs min yang/ /de lta mod kyi bod yul du/ /skyes pa rang gi slob ma mchog /gus pas zhus pa'i ngor byas so/ /'di skad bdag gis thos pa'i dus gcig na/ bcom ldan 'das de bzhin gshegs pa thams cad kyi sku dang gsung dang thugs rdo rje dpa' bo chen po dang dpa' mo'i dbang phyug mas rnam par bskor nas shes rab kyi b+ha ga la bzhugs so zhes bya ba ni mdo'o/ /de las dang po brjod pa dang brjod par bya ba dang/ 'brel pa dang/ dgos pa dang/ dgos pa'i yang dgos pa don gyi yan lag 'jug pa'i phun sum tshogs pa nges par bshad pa'o/ /gang gis phyir zhe na 'dis rgyud kyi don gsal bar shes pa de'i phyir ro/ /dang po ni bdag po phun sum tshogs pa/ bdag po ni thams cad skye ba'i rgyu'i rang bzhin gyis phyir ro/ /ji ltar sa bon no/ /gnyis pa gnas phun sum tshogs pa ni sa bon la yang gzhi dgos pa'i phyir ro/ /gsum pa 'khor phun sum tshogs pa ni gzhi la yang chu la sogs pa dgos pa'i phyir ro/ /bzhi pa dus sum?
- 359b
sum tshogs pa ni chu la sogs pa la yang gnas dgos pa'i phyir ro/ /lnga bsdus pa po phun sum tshogs pa gnas skabs la yang byed pa po dgos pa'i phyir ro/ /drug pa rgyud phun sum tshogs pa 'dir byed pa po yang thams cad rdzogs pa la 'dus pa phyed pa'i phyir ro/ /'di ltar rigs pas bskyed pa'i rim pa'o/ /de la brjod pa la sogs pa'i don gyi rim pas rdzogs pa'o/ /de'i phyir bskyed pa dang rdzogs pa'i ngo bo nyid kyi rgyud dpal ye shes thi le rgyud kyi rgyal po las nyid mchog gi dbang phyug gis de skad gsungs so/ /da ni brjod pa la sogs pa'i don gyi phun sum tshogs pa drug bshad de/ /gang rgyud phun sum tshogs pa de ni brjod pa'o/ /gang sdud pa po dang dus phun sum tshogs pa gnyis ni brjod par bya'o/ /gang? 'khor phun sum tshogs pa ni 'brel pa'o/ /gang gnas phun sum tshogs pa ni dgos pa'o/ /gang bdag po phun sum tshogs pa de ni dogs pa'i dgos pa'o/ /da ni 'di la ji lta bar sgra'i rim pa gsal bar bshad de/ 'di skad ces bya ba ni rgyud de/ bdag gis thos pa zhes bya ba ni sdud pa po'o/ /dus gcig na zhes bya ba ni dus so/ /bcom ldan 'das de bzhin gshegs pa thams cad kyi sku dang gsung dang thu? rdo rje zhes bya ba ni bdag po rdo rje 'dzin po chen po'o/ /dpa' po chen po dang dpa' mo'i dbang phyug mas yongs su bskor ba zhes bya ba ni 'khor ro/ /shes rab kyi b+ha ga la bzhugs shes bya ba ni gnas so/ /da ni a baM ma ya yi ge bzhi la dang sa'i? zhig/ rnal 'byor rgyud kyi rim pa'i rim pas don bshad de/ rnal 'byor ni bskyed pa'i rim pa'i mtshan nyid kyi phyir ro/ /rnal 'byor ma ni rdzogs pa'i rang bzhin no/ /de bas na rnal 'byor ni dang por bshad par rigs so//
- 360a
e'i rnam pa zhes bya ba ni sa'o/ /sangs rgyas rin po che'i snod kyi rten gyi gzugs so/ /rtsub pa'i mtshan nyid kyi phyir sra ba'o/ /baM gi rnam pa ni chu'o/ /gzhan min ni sangs rgyas rin po che'i snod do/ /gsher ba'i mtshan nyid kyi phyir 'jam pa'o/ /ma zhes bya ba ni me'o nyid byang chub kyi sems rin po che'o/ /tsha ba'i mtshan nyid kyi phyir shin tu 'od gsal ba'o/ /ya'i rnam pa ni rlung ngo yang dag pa byang chub kyi sems zla ba'i gzugs so/ /g.yo ba'i mtshan nyid kyi phyir sprin dang 'dra zhes bya ba'i don to/ /da ni 'byung ba chen po'i bdag nyid kyi yi ge bzhi la rnam pa dang bcas pa'i lha mo'i dbang bshad de/ e'i rnam pa ni las gyi phyag rgya'i rang bzhin sangs rgyas spyan no/ /thams cad bde ba 'byung ba'i rgyu sbyor thabs byed pa'o/ /baM gi rnam pa chos kyi phyag rgya'i rang bzhin mA ma k+Shi'o/ /sbyor thabs las byung ba'i bde ba phyi'i 'dod chags kyi me'i tsha ba las bsil bar byed pa'o/ /yang na nye bar zhi bar byed pa'o/ /ma'i rnam pa ni dam tshig gi phyag rgya'i rang bzhin gos dkar mo'o/ /dka' ba dang skad cig thams cad kun myong ba'i phyir ro/ /ya'i rnam pa ni phyag rgya chen po'i rang bzhin sgrol ma'o/ /spros pa thams cad dang bral ba'i rmad du byung ba'i bde ba chen po gsal bar byed pa'i phyir ro/ /yang na khyab par bde ba'i phyir zhes dgongs pa'o/ /da ni de rnams la tshangs pa'i gnas dang bcas pa'i gnas kyi rim pa bshad de/ byams pa dang snying rje dang dga' ba dang btang snyoms zhes bya ba ni tshangs pa'i gnas
- 360b
bzhi'o/ /yang na/ tshangs pa'i sgra ni byang chub kyi sems so/ /spyod pa'i phyir na gnas so/ /des na tshangs pa'i gnas so/ /de la gnas ni sprul pa dang chos dang longs spyod dang bde ba chen po'i 'khor lo bzhi'o/ /de la 'di ni dgongs pa'o/ /gang zhig e baM ma ya yi ge bzhi po de ni byang chub kyi sems kyi rang bzhin lha mo'i rnam pa'i gzugs kyis sprul pa la sogs pa'i gnas na bzhugs so/ /de yang lha'i rnam pa'i gzugs shes rab dang thabs gnyis su med pa'i rang bzhin te/ steng 'og sbyor bas zhes dgongs pa'o/ /'og gi gnas na yod pa e'i rnam pa'i gzugs shes rab go /steng gi gnas na yod pa'i baM gi rnam pa'i gzugs thabs so/ /dgongs pa gang gis steng dang 'og gi sbyor de bshad do?/ /rdzun? dang brten pa'i rang bzhin gyis phyir zhes dgos pa'o/ /gang gi tshe e'i rnam pa'i gzugs shes rab rten yod pa de'i tshe thabs la ngal so'i gnas yod do/ /thabs dal so bas thabs skyed pa dang gnas par 'gyur ro/ /skyed pa la ni rdzogs pa yang dag par shes so/ /de lta ma yin na gzhan gang nas 'ong/ /gang gi phyir zhe na/ rdzogs pa'i rang bzhin nam mkha' bzhin du chos kyi sku'i rang gi ngo bo/ /de ni skyed pa'i rten med pas mi shas so/ /ji ltar mun nag nang du mar me med par mu tig la sogs pa mi rnyed ces 'brel pa'o/ /da ni ma yi sgra'i don bshad de/ /ma ya zhes bya ba ni longs spyod rdzogs pa'i sku'o/ /ma'i rnam pa'i bde ba chen po'i grub pa 'od kyi bdag nyid byang chub kyi sems so// ya'i rnam pa ni rang bzhin gyi rlung gi mtshan nyid des gnan pa g.yo ba med par byas pa zhes bya ba'i don to/ /g.yo ba med pas thams cad dga' ba skad cig ros yongs su rgyas pa de'i phyir longs spyod rdzogs pa'i sku'o/
- 361a
yang na dngos po thams cad kyi ro gcig pa'i rang bzhin gyis phyir longs spyod rdzogs pa'i sku zhes bya ba'i don to/ /yang na ma'i rnam pa ni srog/ ya'i rnam pa ni nye ba'i srog/ de dag sbyor bas mnyam pa'o/ /gang zhig mnyam pa de ni 'gro ba dang 'ong ba dang bral ba'o/ /gang zhig srog de ni sum cu rtsa gnyis phyi dang nang chu tshod sum cu rtsa gnyis dbyug gu drug cu rtsa bzhi thun tshod brgyad kyi phyed kyi bar du brgyad brgya lhag pa'i stong phrag bcu snang ba mched pa'i ga? thugs kyi bde ba chen po'i longs spyod myong ba'i don du snying gnas 'ongs nas khyad par 'byung ngo/ /phyed kyi snang ba thob pa'i gzugs kyi lte ba'i dbus nas 'ongs nas gyen du 'byung ngo/ /de dag 'byung bas gang zhig skad cig gis bde ba chen po chu skyes kyi snying por 'od rab chen po'i snang ba de ni ma ya zhes bya ba'i don to/ /da ni thos pa'i spra'i don bshad de/ thos pa zhes bya ba ni rdzogs pa'o/ /ci zhig sprul pa'i sku'o/ /gang las rdzogs pa de nyid don bshad de/ bde ba chen po grub pa'i 'od kyi bdag nyid gang gi tshe grub pa zla ba'i rnam pas yongs su smin pa de'i tshe yongs su smin pa'i dus su rlung dang me'i khong du chud pas mtshan dang dpe byad ldan pa'i sku chu las nya bzhin bzhengs par rdzogs pa zhes bya ba'i don to/ /yang na thos pa de ni gzhan min rdzogs pa'o/ /ci zhig de rang don bshad de/ dngos po thams cad la snang ba thob pa'o/ /snang ba zhes bya ba ni the? mar grol ba'i lta ba'o/ /thob pa ni de rang len pa/ yang na gzung ba zhes bya ba'i don te/ da ni 'di skad bdag gis thos pa zhes
- 361b
bya ba'i tshigs bcad la sbyor ba drug gis don gyis ji ltar rang bzhin bshad de/ e'i rnam pa ni dngos po'i rnam par shes pa dngos po thams cad kyi rten gyi phyir ro/ /yang na lam mo/ /baM gi rnam pa rten gyi rnam yar shes pa'o/ /thob pa dang ma thob pa rnams la dal so ba'i sa'o/ /yang na rgyur gyur pa'o/ /rgyu 'dir rnyed ba la 'byung ba ma yin pa zhes bya ba'i don to/ /ma'i rnam pa ni ye shes kyi rnam par shes pa'o/ /thob pa'i bde ba la sogs pa'i don gyis ji lta ba'i rang gi ngo bo bshad de gang gi phyir zhe na/ bcom ldan 'das rdo rje 'dzin pa chen po la e baM gi rnam pa gnas pa de'i phyir gnas dang nye ba'i gnas la sogs pa'i don gyis nges par smra bar bya'o/ /zla ba grags pa'i zhal snga la sogs pa sems can gyi phyogs la snying rje med/ yod na 'di skad bdag gis la sogs pa ci'i don gyi phyir yang dag par ma bshad/ gang zhig bshad pa de ni rgyud rang gi rim pa bor nas gal te 'dus pa la gnas la sogs pa'i don ma bshad ces dgongs na de la smra'o/ /gang 'dus pa la ma bshad na de ni 'dus pa chen po la bcom ldan 'das kyis ma bshad dam ci/ gal te rgyud mthong ba yin na de lta yin na thos pa che ba'i mtshan nyid gang/ thos pa chung ba des 'grel pa la sogs pa mi bya/ mang po smra bas ci bcom ldan 'das kyis bshad pa'i go rims kyis bdag gis de rang don bshad de/ 'di skad ces bya ba'i gnas dngos po thams cad kyi rten gyi phyir/ yang na 'ongs pa rnams la gnas bgyid pa'i phyir ro/ /bdag gir?
- 362a
zhes bya ba ni nye ba'i gnas gnas pa la 'phel bar byed pa'i phyir yang na yongs su smin pa byed pas so/ /thos zhes bya ba ni zhing thams cad skye ba'i rgyu'i phyir/ yang na rdzogs par byed pas so/ /dus gcig ces pa ni nye ba'i zhing thams cad la thams cad yan lag gis thams cad rgyas par byed pa'i phyir/ yang na khyab pa'i phyir ro/ /de bzhin gshegs pa thams cad ces pa ni 'dun pa/ rten dang 'phel ba dang 'byung pa dang yan lag rgyas pa la gzung pa'i phyir/ yang na lta ba'i phyir ro/ /sku ni nye ba'i 'dun pa gzung ba'i dngos po la 'du byed bgyid pa'i phyir yang na dag par byed pa'i phyir ro/ /gsung ni 'dus pa/ chos thams cad la sbyor bar byed pa'i phyir yang na bye brag gsal bar byed pa'i phyir ro/ /sems ni nye ba'i 'dus pa/ dngos po thams cad la nye bar ma yin pa'i phyir/ ji ltar pad+ma'i 'dab ma ni nad na chu/ yang na thams cad kyi nang na yod pa'i phyir/ ji ltar shing la sogs pa'i nang me'o/ /rdo rje zhes bya ba ni dur khrod/ dngos po thams cad la dngos po med par byed pa'i phyir/ yang na rlag par byed pa'i phyir ro/ / dpa' bo chen po zhes pa ni nye ba'i dur khrod/ brlag pa 'grub pa la sngon gyi bag chags kyi stobs kyis gzhan ma'i dngos po yis myu gu 'byung bar byed pa'i phyir/ yang na rang gi mtshan nyid gsal bar byed pa'i phyir ro/ /dpa' mo'i dbang phyug ma ni ring ba chos thams cad la ye shes kyi lta ba khyab par byed pa'i phyir/ yang na phong du chud par byed pa'i phyir ro/ /yongs su bskor ba zhes bya ba ni nye ba'i ring pa?/ ye shes
- 362b
kyi lta ba khyab pa'i dngos po la yang dag par dran par byed pa'i phyir ro/ /yang na nyams su myong pa'i phyir ro/ /shes rab ces bya ba ni sbyor ba/ ye shes thams cad la gzhan ma yin pa spyod pa'i phyir/ yang na rnam par dpyad pa'i phyir ro/ /b+ha ga zhes bya ba ni nye ba'i sbyor ba/ rnam par dpyod pa'i ye shes la yang dag par mtshan nyid mi dmigs par byed pa'i phyir/ yang na btang snyoms byed pa'i phyir ro/ /bzhugs so zhes bya ba ni lam/ chos thams cad la 'gog pa grol ba'i phyir/ yang na dag par bye pa'i phyir ro/ /bcom ldan 'das shes bya ba ni nye ba'i lam/ skad cig gcig gis sa bcu bzhi dbang byed pa'i phyir/ yang na rnyed pa'i phyir zhes pa'i don to// da ni rnal 'byor ma'i rgyad kyi go rims kyi don bshad de/ rnal 'byor dang rnal 'byor ma gnyis su med pa'i phyir ro/ /rnal 'byor ni thabs/ rnal 'byor ma ni shes rab/ shes rab dang thabs gnyis su med pa'i sbyor bas ye shes chen po thob bo/ /e'i rnam pa zhes bya ba ni char yang thams cad bde ba bskyed pa'i phyir/ gleng gzhi'i rang bzhin ye shes kyi gzugs su/ baM gi rnam pa zhes bya ba ni thig le bde ba la tshim par byed pa'i phyir/ 'byung ba'i rang bzhin ye shes kyi gzugs so/ /ma'i rnam pa zhes bya ba ni tshul/ bde ba la yangs par byed pa'i phyir gnas kyi rang bzhin gyi ye shes kyi ngo bo'o/ /ya'i rnam pa zhes bya ba ni tshul tsam bde ba la nang gi reg bya byed pa'i phyir stong pa nyid ye shes kyi mtshan nyid do/ /de ltar rang bzhin ye shes bzhi'i bye brag tu 'di skad bdag gi don dpal de kho na nyid kyi sgron ma'i rgyud kyi go rims kyi 'di ru zhes bstan to/ /da ni ye shes
- 363a
bzhi la rtsa'i don gyi rang gi ngo bor bshad de/ 'das pa dang ma 'ongs pa dang/ da ltar yod pa dga' ba rnams la gnas sbyin pa'i phyir/ yang na rtsa ni thams cad la rtsa ba'i rten la gnas/ rtsa ba'i rten gnas las bde ba thams cad la sogs ba rnyed do/ /e'i rnam pa zhes bya ni lus kyi mtshan nyid srog ma/ lus gsal ba'i gzugs kyi phyir dag la sogs pa bzhi'o/ /baM gi rnam pa zhes bya ba ni dag gi mtshan nyid ro ma/ dag ni ro thams cad kyi dbang byed ba mi gsal na yang gsal ba'i snang ba byed do/ /ma'i rnam pa zhes bya ba ni sems kyi rang bzhin 'dzin ma/ bde ba thams cad dang ro las 'byung ba'i ngo bo 'dzin pa'i phyir/ yang na tshor ba'i phyir ro/ /ya'i rnam pa zhes bya ba ni sems la byung ba'i ngo bo nyid rtog med ma gsal ba dang mi gsal ba rten la/ sogs pa ni khyad par bye brag ngo bo zhes pas/ yang na spros pa dang bral bar byed pa'i phyir zhes don to/ /de ni rtsa'i mtshan nyid can yi ge bzhi la gnas bshad de/ e'i rnam pa zhes bya ba ni 'dab ma brgyad pa'i nang du rnam pa sna tshogs kyi mtshan nyid can 'dab ma gsum pa'i 'dab skyes so/ /baM gi rnam pa zhes bya ba ni de'i nang na yod pa rnam par smin pa'i mtshan nyid can lte ba/ ma'i rnam par zhes bya ba ni lte ba'i nang na yod pa rnam par 'joms pa'i mtshan nyid can sgur mo'i rnam pa'i bya gdong ma gtum mo'o/ /ya'i rnam pa zhes bya ba ni rnam pa'i mtshan nyid can yon po'i gdub bu'i rnam pa any+tsa ka'o/ /de la
- 363b
'di ltar dgongs pa'o/ /gnas gsum gyi dbus su gang zhig yon po'i gdub pa'i rnam pa any+tsa ka de ni rkun rdzob dang/ don dam pa gnyis su med pa'i rang bzhin byang chub kyi sems shes bya ba'i don to/ /da ni dga' ba bcu drug gi bye brag tu thos pa la sogs pa'i don gsal bar bshad de/ gang gi phyir e baM zhes bya ba ni bde ba'i zhing/ de bdag gis thos zhes bya ba ni 'brel pa/ de'i phyir ji ltar thos pa la sogs pa'i don dga' ba la sogs pa'i don gyis gsal bar byed pa de ni rgyu 'bras mthun par 'gyur ro/ /thos pa zhes bya ba ni 'dod pa'i mtshan nyid zla ba'i bde ba/ bde ba la sbyor bar byed pa'i phyir ro/ /gcig ces bya pa ni 'dar ba'i grags ba mchog sbyor ba tsam gyis ni steng gnas na yod pa'i byang chub kyi sems 'og nas 'gro ba'i rab g.yo pa'i phyir ro/ /dus zhes bya ba ni 'gro ba'i rang gi ngo bo phyag rgya chen po/ rang gi gnas re bya nyams su myong ba'i dus shes nas phyi nas gyen du 'gro ba'i phyir ro/ /phyag rgya chen po'i sgra ni rtog med ma bdag gis dgongs pa'o/ /thams cad ces bya ba ni dga' ba'i mtshan nyid ye shes gsum gcig pu yin na yang rlag longs spyod dbang byed pa'i phyir ro/ /de bzhin gshegs pa zhes bya ba ni rgyas pa'i ngo bo nyid rnam par 'byed pa dbang la sogs pa byed pas skad cig dang/ ro la sogs pa khengs pa las chad pa la rnam par 'byed pa byed pa'i phyir ro/ /sku zhes bya ba ni mdung gi ngo bo nyid dga' ba las kyi phyag rgya la 'byung/ bde bar rang gi 'gyod pa'i
- 334a
stobs kyi yongs su bor bas mtshan nyid med par byed pa'i phyir zhes bya ba'i don to/ /gsung zhes bya ba ni 'byung ba'i grags pa mchog gi dga' ba dam tshig phyag rgya la 'byung ba'i bde ba myong nas bcos ma zhes yongs su bsgoms te/ dpe med gsar du 'byung ba'i bde ba byed pas so/ /sems zhes bya ba ni mchog gi dga' ba'i ngo bo nyid chad pa'i ngo bo de ru smra ba mang po yod/ man ngag gi phyir smra ba lugs ma yin na yang de lta mod kyi skal ldan sems can gyi don mdzad pas bstan bcos kyi gzhi la bdag gis bri zhes 'brel pa'o/ /mchog gi dga' ba 'di med na de la ji ltar chad pa'i dga' ba las rang bzhin dga' ba rnyed de/ chad pa'i dga' ba zhes bya ba ni dga' ba'i dngos po las rlag pa srog dang bral ba'i dngos po 'thob po/ /ji ltar snum zad pa'i mar me'i sdong bu de ni 'dod pa'i dngos po rnyed pas yun ring po yod dam ci/ chad pa'i dga' ba yang de bzhin no/ /med pas na gcig pu chad pa'i mun nag go /mun nag la shin tu phra mo'i dngos po sum? rnyed par nus/ de bas na mchog gi dga' ba'i mar me dgos so/ /gang gi phra mo'i dngos po rang bzhin dga' ba rnyed pa zhes bdag gis dgos pa'o/ /ji ltar rnyed pa'i man ngag gi don bdag gis bshad de/ dang po srub dang bsrub thabs kyi gtum mo'i sbyor ba las rdo rje rtsa bar dga' ba tshor bar bya'o/ /rtsa ba las ske ru mchog gi dga' ba ske
- 364b
las snying gar chad pa'i dga' ba de ni skye ba'i rim pa'i phyogs so/ /rdzogs pa'i phyogs su snying ga'i gnas su bde pa chen po sleb pa tsam gyis bla ma'i man ngag las de ru gang zhig gzung ba de ni mchog gi dga' ba'o/ /cung zad tsam gyen du 'gro bar byed pa rang bzhin dga' ba'o/ /de ltar min na rang bzhin dga' ba thob par mi 'gyur zhes bdag gis dgongs so/ /rdo rje zhes bya ba rdo rje 'bar ba'i ngo bo nyid kyi rang bzhin spros pa thams cad lhan cig skyes pa'i phyag dang mdog la sogs pa bral ba'i 'od kyi ngo bo'i phyir ro/ /dpa' bo chen po zhes bya ba ni dpa' bo chen po byang chub kyi sems thig le'i ngo bo nyid du zhu ba dang bral ba'i phyir thig le'i sgras bshad pa'o/ /dpa' bo chen po'i dbang phyug ma ni myos pa'i rang bzhin gtso bo'o/ /bde ba thams cad la sogs pa khong du chud pa'i phyir ro/ /yongs su bskor ba zhes pa ni chad pa'i dga' ba'i mtshan nyid kyi yan lag thams cad chad pa dang bral ba'i phyir ro/ /de la 'di ni dgongs pa'o/ /chad pa'i mtshan ma'i mtshan nyid dga' ba ni nyin mo'i mtshan nyid mtshan mo 'das pas nyin mor 'gyur ro/ /nyin mo'i yan lag thams cad 'od dang ldan pa mchog gi dga' pa mthong ba mdzes pa zhes bya ba'i don to/ a zhes bya ba ni shes rab oM d+ha'i rang bzhin sangs rgyas rin po che'i snod ro thams cad dang/ reg bya la sogs pa la gzhi'i phyir ro/ /yang na ngal so ba zhes bya bar dgongs pa'o/ /b+ha ga zhes bya ba ni tshul gyi ngo bo nyid longs spyod tha ma'i dngos po bcom pa'i phyir/ yang na 'jig rten las pa'i ro myong ba'i phyir ro/ /bzhugs zhes bya ba ni nyid kyi mtshan nyid gyis bzhugs so/ /
- 365a
phyi'i chags skyabs sbyin no/ /yang na 'dus par byed do/ /ya'i rnam pa ni rnam par 'byed pa'i rnam par shes pa'o/ /sbas pa la bye brag byed do/ /yang na 'gro bar 'dod pa ni mi ster ba'o/ /sh+ro'i rnam pa ni mdza' i rnam par shes pa'o/ /grangs med pa'i 'jig rten la yod pa'i srog gi grogs pa'o yang na khyab par byed pa'o/ /de'i rnam pa ni snang ba'i rnam par shes pa'o/ /mi gsal ba'i bde ba'i ye shes kun la gsal bar byed pa'o/ /yang na spangs par byed pa zhes bya ba'i don to/ /de ni dus gcig na zhes pa'i don bshad de/ dus kyi sgra ni gnas skabs so/ /yang na yongs su smin pa'i dus so/ /de yang 'dir gnyis su dbye na shin tu dus dang/ ngan dus so/ /shin tu dus ni sna'i 'phar ba gnyis kyi 'ong pa/ ngan dus ni de bzhin du 'gro ba shin tu dus kyi ji ltar 'dod pa'i 'bras bu rnyed do/ /ngan pa'i dus kyi mi rnyed go/ yang na dus ni dga' ba gnyis mnyam par 'byung ngo/ /yang na gnyis kyi rin po che kha sprad pa'o/ /yang na bla ma'i man ngag gis rin po che'i ske'i nang gi lte ba'i rtsa bar gzung ba'o/ /de nyid gzung ba tsam gyis ni gang zhig zla ba nyi ma'i stan 'dzums pa de ni gcig ces bya ba'i don to/ /yang na gang zhig 'gro ba dang 'ong ba dang bral ba de ni gcig go /yang na gang zhig grags pa dang bral ba de ni gcig go/ /yang na gang zhig chags pa dang bral ba de ni gcig go/ yang na gang zhig chags pa dang bral ba de dag gcig tu gyur pa mar gyi nang du mar bzhin du de ni dus gcig brjod ces bya ba'i don to/ /de'i skad cig la phyis bshad pa'i shes rab kyi b+ha ga la bcom ldan 'das de bzhin gshegs pa thams cad kyi sku dang gsung dang thugs rdo rjer bzhugs so/ /chags pa la sogs pa'i nyon mongs pa'i dra ba bcom pa'i phyir bcom ldan 'das yang na dbang phyug la sogs pa'i yon tan dang ldan pa'i phyir bcom ldan 'das yang na srid pa'i mun nag bcom pa'i phyir bcom
- 365b
ldan 'das yang na srid pa'i rgya mtsho gting ring ba'i zab pa chags pa la sogs pa'i nyon mongs pa'i chu srin gyis khyab pa sgrol par byed pa'i phyir bcom ldan 'das/ yang na ston pa nyid kyi b+ha ga la bzhugs pa'i phyir bcom ldan 'das so/ / gzhugs bzhin du gang gi phyir 'gro ba dang mi 'gro ba dbyer med pas gzigs pa de'i phyir thams cad do/ /ji ltar sus kyang ma gshegs pa de ltar gshegs pas de bzhin gshegs pa zhes bya ba'o/ /yang na de bzhin gshegs pa'i sgras rnam par snang mdzad la sogs de rnams kyi gang zhig sku gsung thugs de ni rdo rje'o/ /rdo rje ni rang bzhin bde ba'i mtshan nyid do/ /bde ba'i mtshan nyid kyi phyir mi shigs pa'o/ /yang na thams cad kyi sgras 'byung ba chen po las skyes pa phung po la sogs pa de ni ji ltar sngon ma 'ongs pa de bzhin du 'gro ba de ni de bzhin gshegs pa zhes bya ba'i don to/ /de rnams la gang zhig sku de ni sku'i mtshan nyid kyis 'das so/ /nyon mongs pa'i sgrib pas skyon mi bgyid pa'i phyir lus po la rgas pa la sogs pa yod pa'o/ /de med pas lus po yong pa ni yang med de/ ji ltar chu'i zla ba bzhin du chu zla'i mtshan nyid kyi phyir de nyid rdo rje'o/ /de yang chos kyi dbyings kyi rang bzhin no/ /chos rnams kyi dbyings chos kyi dbyings bya ba chos kyi sgra ni sku gsung thugs/ dbyings kyi sgra ni sa bon sems las byung ba/ yang na nam mkha' de nyid shes rab pha rol phyin ma /de'i b+ha ga ni steng pa nyid do/ /de yang shin tu ting ring ba zab pa tshad med bas ma du med do/ /yang na mya ngan las 'das pa'i 'dzin pa'i gzhi bcom pa'i phyir b+ha ga'o/ /de la bzhugs pa su zhig bcom ldan 'das de bzhin gshegs pa thams cad kyi sku dang gsung dang thugs rdo rje 'dzin pa chen po zhes bya'o/ /nga ni 'di skad bdag gis thos pa
- 366a
pa la sogs pa nas bzhugs pa yan chad gnas dang nye ba'i gnas la sogs pa la sogs pa ma tshor ba'i phyir ro/ /ji ltar skyes bu nyid du 'gro ba ci yang mi chor ro/ /bcom ldan 'das zhes bya ba ni rang bzhin dga' ba'o/ /nam mkha' i ngo bo nyid kyi phyir ro/ /yang na thams cad la khyab pa'i phyir zhes dgongs pa'o/ /de ni mchog gi gsang chen po/ /thams cad rgyud kyi don snying po/ /mchog gi bla ma mngon par gces/ /ye shes bdud rtsi rgya mtsho'o/ /dri med bdag gis bshad pa yis/ /gang zhig 'bras mchog dge ba rnyed/ /srid pa'i sgrog gis bcings pa la/ /de yis grol bar 'gro ba shog /bdag nyid dran pa'i don phyir dang/ /mkhas pa ya mtshan 'gyur ba dang/ /slob ma dga' ba'i don gyi phyir/ /bdag gis rin chen snye ma byas/ /rgya gar gyi slob dpon chen po sh+rI gupta'i zhal snga nas mdzad pa/ dpal rin po che'i snye ma zhes bya ba'i rgya cher 'grel pa zhes bya ba rdzogs so// //? kyi zhal snga nas bsgyur cing gtan la phab pa'o// mang+ga laM //