MW21521_4D7065མན་ངག་ཨ་ཏི་ཡོ་གའི་ཆོས་སྐོར།All versions of this work

rdzogs pa chen po kun tu bzang po ye shes gsal bar ston pa'i rgyud phyi ma'i phyi ma

Text

ff. 284b–286a · 4 folio sides

  1. 284b

    ga / sa/ klu da bde stong nyid du bcur gyis 'byung // bde ba nyid la lta stangs bya// 'od gsal nyid du ltangs kyis 'byung // zhes gsungs so// thig le mthong ba rtol gyi rgyud/ rig pa bcur 'byung gi brda'/ srog gi mtshan pa/ ya ta nag pa'i rgyud rdzogs so// / rgya gar skad du/ san ti ma hA sa man taH/ dradr-i tsit+ta g+hu he na ma tan+t+ra/ bod skad du/ rdzogs pa chen po kun tu bzang po ye shes gsal bar ston pa'i rgyud phyi ma'i phyi ma zhes bya ba/ bcom ldan 'das rdo rje 'cha'i gi sangs rgyas kun tu bzang ba la phyag 'tshal lo// de nas bcom ldan 'das dpal kun tu bzang pos stong gsal chen po'i ti ngenge 'dzin la zhugs nas/ rdo rje sems dpa' la sogs pa'i 'khor rnams la bka' stsal pa/ kye ma ho/ nyon cig rdo rje 'dzin tshogs rnams// rig pa stong gsal rtogs 'dod na// dang po sems nyid gzung ba dang // de nas lam du blang bar bya// zhes bka' stsal to// de nas rdo rje sems dpas gsol pa// kye kye bcom ldan rdo rje 'chang // rig pa stong gsal

  2. 285a

    rtogs pa la// sems gzung lam du blang ba ni// de don rim pa ji ltar lags// de skad gsol pa'i tshig gsan nas// rdo rje 'chang gis bka' stsal pa// sems gzung rim pa 'di lta ste// mtho dang ri mo 'jam rlung dang // thig le gdugs dang 'khor lo dang // yig 'bru dang ni shes rab ma// slob dpon drag rlung nam mkha' 'o// zhes gsungs so// rgyud phyi ma'i phyi ma las le'u ste dang po'o// // de nas gzhan yang bka' stsal pa// dang po mtho la gzung ba ni/ mdun du rtsigs la gtad de gzung // ri mo dag la gzung ba ni// ri mo'i nang du gzung bar bya// 'jam rlung dag la gzung ba ni// steng 'og par rlung rang sar gzung thig le dag la gzung ba ni// smin mtshams dag gam sna rtse ru// thig le dag la gtad la gzung // de bzhin gdugs la gzung ba ni// rgya gdugs snang na bdag nyid 'dug/ de nyid 'khor ba dag la gzung // 'khor lo dag la gzung ba ni// shog bu'i 'khor lo bla mas gzung // sna ru bdug pa rna bar sgra// ma yengs gtad la gzung bar bya// yig 'bru dag la gzung ba ni// sems kyi gnas sa gzhi ru yang // a sogs yig 'bru dag la gzung // shes rab ma la gzung ba ni// mkha'

  3. 285b

    gsang bslab cing dbang po sprad// thig le gnyis shor gnyis la gzung // slob dpon dag la gzung ba ni// spyi bo'i gtsug tu ba sa ma la gzung // drag rlung dag la gzung/ ba ni/ shes pa'i 'greng ldog byas la gzung // nam mkha' dag la gzung ba ni// khru gang dpangs la gtad de gzung // zhes gsungs so// rgyud phyi ma'i phyi ma/ las le'u gnyis pa'o// // de nas yang ni bka' stsal pa// nyon cig rdo rje sems dpa' rnams// sems 'dzin pa yi dus nyid du// yon tan skyon du snang ba'i phyir// skyon rnams bcos pa 'di ltar bya// rlung skyes par ni gyur pa la// shes pa rgod cing gnyid mi phe bas// de la bsku mnye bcud can brten// mkhris pa skyes par gyur pa na// ser po dmar po snang ba dang // bad kan skyes na spo 'khrog byed// dang kha mi bde gyur pa na// kha zas bsil btang ba cag par bya// sems 'dzin pa yi dus nyid du// g.yeng ba 'brel bskyang thag bcad la// bde ba'i stan la 'dug nas ni// drag tu ma yengs gzung bar bya// sems ma zin pa'i bar du yang // mtshan ma kha don sems 'dzin dang // sems las rgyu 'grul bcad te spang // de nas sems 'dzin brtan pa dang // rig pa stong gsal

  4. 286a

    lta ba ste/ de yi ngang la bsgom par bya// de las ma yengs spyod pa yin// de las 'bras bu sku dang ni// ye shes dag tu snang ba ste// rang don chos skur nar son nas// 'gro don gzugs sku gnyis kyis byed// de ni lam du bsring ba'i don// zhes gsungs so// rgyud phyi ma'i phyi ma las le'u gsum pa'o// / / de nas dpal kun tu bzang po chos kyi sku des/ rdo rje sems dpa' la sogs pa'i 'khor rnams la bka' stsal pa/ rgyud 'di ni ma tshang ba bskor ba phyi ma'i phyi ma zhes bya ba yin te/ 'khor ba thams cad myang 'das las bsgral zhing skra dang ye shes su la bzla ba'i phyir shin tu gces spras kyis gzung zhing bcang bar bya'o zhes bka' stsal ba dang / 'khor rnams yi rangs te stong gsal chen po'i ngang du sangs rgyas par gyur to// rgyud phyi ma'i phyi ma las le'u bzhi pa'o// / / rdzogs pa chen po kun tu bzang po ye shes gsal bar ston pa'i rgyud phyi ma'i phyi ma zhes bya ba rdzogs so// // rgya gar gyi slob dpon shI ri sing ha pra ba ta dang / bod kyi lo tsha ba gnubs yang dbang gtar gyis bsgyur cing zhus te gtan la phab pa'o// rgyud 'di yang dben du ma hA ka la la bka' ba srungs