Q3113MW1KG13126_3113rgyud 'grelAll versions of this work

ka kha'i do hA zhes bya ba

Kakhasyadohānāmā

Text

ff. 66b–68b · 5 folio sides

  1. 66b

    / @#// rgya gar skad du/ ka kha s+ya do hA nA mA/ bod skad du/ ka kha'i do hA zhes bya ba/ bcom ldan 'das dpal he ru ka la phyag 'tshal lo// ka ni yum gyi pad+ma'i nang du gnas pa 'di yin te/ lus rnams bcings shing bcings shing bdud rtsi 'dzag/ mgul nas 'khyud pa'i DoM b+haM gzhon nu ma/ ga pur 'dzag cing 'di ni dpyid ka'i yal ga yin// kha ni nam mkha' gnas par dpral ba'i stong pa ste/ dge dang mi dges ma gos gcer bu la/ za zhing 'thung yang mya ngan 'das la gnas// rnal 'byor gcer bu bzung nas shin du dga'// nam mkha' dag ni khyab cing brtan par gyur pa'o// ga ni nam mkha' 'jo zhing 'jo zhing 'thung bar byed// gaM gA ya mun ni gnyis ni legs par chings// srid la rang bzhin brten te 'gro 'ong 'chad par 'gyur// g+ha ni dril bu'i sgra yis dpal ldan he ru ka ni mnyes// bdag med ma yis mgul nas yang dang yang du 'khyud// rnal 'byor ma yis rlung rnams yang nas yang du 'pho// khyim bdag mo na gnyug ma'i yid kyi ngang la 'pho// nga ni gnyug ma'i rang bzhin gyis ni stong // gzhug ma'i khyim bdag mo la dge dang mi dge mi 'phro zhing // rgun tu rnal 'byor pa ni bde bar byed nus na// nub mo'i mun pa chad nas 'od gsal spong par 'gyur// tsa ni dga' ba bzhi ni 'di dang yang dag ldan// kye 'o mtha' bzhi dang ni bral ba'i sems bzung zhig/ skad cig bzhi ni yang dag bla ma'i gsung las go bar gyis// thig le ba ni ni rmongs pa'i bag chags kyis ni mi shes so// cha ni dbang po spongs la dag pa'i rang bzhin gyis// 'dod yon dang ni dngos dang dngos med spongs// cal col gtam rnams dor cig 'di rnams kyis// ro 'di thong la nam mkha' la ni longs spyod gyis// dza ni skye dang rga dang 'chi ba med pa'i nam

  2. 67a

    mkha' yin/ gang dang gang du bltas kyang de dang de ru nam mkha'o// ji ltar gnas pa de ltar de ni de nyid do// ji ltar mthong ba de ltar de ni don dam mo// dz+nyA ni me tog mang po'i sa bon ji ltar bsten pa dang / de ltar sna tshogs kyis ni phung po 'grub pa yin// sA yis sbrang rtsi dang ni mar gnyis 'thung nus na// yun ring dus dag 'tsho ba la ni the tshom med// Ta ni kye'o yang dag bla ma'i gsung gi thig le pab// sa gzhi 'gul bas nam mkha' las ni thig le 'dzag/ lam log cal col ma byed kye'o rnal 'byor pa// khyod kyis cal col gyis ni lhan skyes mi rtogs so// Tha Tha'i sgras ni sngags rnams brjod pa dang // Tha yi yi ge blangs nas gnas thob 'gyur// tshul bzhin long na ting nge 'dzin ni 'pho bar 'gyur// yang dag bla mas nam mkha' go bas byang chub yin// Ta ni sngags rnams brjod cing To b+he long // gtum mos sregs shing chu rnams 'dzag par 'gyur// nA ma ru ni an ha yi skad du grag/ nA ma ru de bzung bas rnal 'byor ma sgra yin/ nA ni ril ba po bas rnam pa gcig tu khyab par gyur// sems ni 'pho bas lhan cig skyes pa'i mchog tu 'gyur// dbang po lnga yang 'pho zhing lhan skyes der zhugs so// gab pa'i khyim bdag mo ni dngos po cir mi mthong // Na ni gnyug ma'i rang bzhin rang bzhin gyis ni stong // gnyug ma'i yid ni gon dge dang mi dge mi 'gos shing // gzhug ma'i khyim bdag mo ni lhan cig skyes pas bangs par 'gyur// rgyun du bsten na skye shi dang ni 'ching bar 'gyur ba med// ta ni sku gsum gzhung gsum rten nas shes par gyis// yi ge gsum ni sa ra ha yi tshig la brten te bsgoms// sems ni mnyam pa nyid kyi bsam gtan gyis// de nyid blta zhing bshad pas ci zhig bya// za ni nam mkha'i zla ba can ni bstan par gyis// gnas

  3. 67b

    rnams bor na legs pa'i lus su ji ltar 'gyur// gnas su brtan par byas na rlung gi skems par 'gyur// brtan por grongs na mo 'di 'phel bar 'gyur// da ni sa ra ha'i mig gis thams cad bsreg dnga' chi med 'gyur// 'o ma gnyis kyis bde mchog de la khrus gyis shig/ thig le gnyis ni shes na dag pa'i rang bzhin yin// sdug bsngal gdug pa can ni dngos dang dngos med med// d+han d+ha ya bzhin khru bshal byed cing gnas// bkru bshal byed kyang mi mthong nang du zhugs nas song // khrus mkhan mo ni sa ra ha yi tshig gis long // g.yo rgya'i sbyor ba nam mkha'i rang bzhin du degyis// na ni sna tshogs tshul gyis legs par gcig du 'pho// 'jig rten pa rnams ma gos pas ni sna tshogs smra// gang phyir 'jigs pa med pa de phyir sho gam 'jal// sring moni mya ngan 'das min gzhan yang med pa yin// par bdud rtsi lnga ni sA ru blug par b+ha/ pad+ma rdo rje sbyar zhing sbyar zhing mnyam nyid 'grub// me tog pAd+ma'i rdo rje gdar ri mchod par gyis// pad+ma'i de nyid mi shes bde chen rgyal po man// pa ni spro zhing bsdu ba'i sems 'di nam mkha' lta bu yin// spro ba ma mthong yang nanam mkha' lta bur 'dod// phaT kye sgra dang hUM gis s+tha ni ji ltar 'phro// 'di ltar dpag bsam ljon shing bzhin du 'gro// ba ni nags kyi changs pa'i me tog kha zur bye ba'i lding rnams 'dzin// theg cing yid 'ong 'dod pa'i 'bras bu dpying ka'i yal ga bzhin// dbang du bsdu zhing legs par gar ni nan tan byed// 'gro 'jug byed pa'i rnal 'byor ma ni rang gi lus la bsdu so// b+ha ni b+ha ga nyid ni b+ha ga'i rang bzhin stong par gnas// de ni dge dang mi dge med par mda' sngun nga yis smras// bla ma'i gsung gis 'dod yon lnga la zo// 'khrul par ma byed sems nyid 'di ni nam mkha'

  4. 68a

    ma ni nan tan gyis ni yang dang yang du chang 'dzag cing // dpal ldan bla ma bsten pas rtsa ba go bar gyis// gal te rtsa ba'i sems dang blo gnyis gcig tu byed nus na// sems ni shi zhing chad par gyur pas rang bzhin gcig yin no// ya ni gang tshe nA da dang ni thig le 'dir smras na// rnal 'byor ma yi sgra yis de tshe lhan cig skyes pa rtogs// ji ltar rang dgar gnas pa de bzhin du ni brten// skye shi gnyis kyi 'jigs pa med pa thob par 'gyur// ra ni nyi ma zla ba'i thig le nam mkha' bzhin du shi ba med// nyi mas gang na bde ba chen po'i tshul ni shin tu mdzes// ra sa nA ni thig le thig le pho ba// nyin dang mtshan du gzhug ma'i yid kyi ngang du song // la ni kye'o rlung gi khyim bdag mo khyim bdag long // nA da thig le long zhig chos ni zag med nyid yin no// la la nA dang ras a bi d+hA ti'i rtsa nang nas// thig le 'dzag pa de nyid shin du ngo mtshar phyir ni 'thung // wa ni chu yi mchog ni rol pas 'thung zhig kye// rdo rje rnal 'byor ma ni rol pas 'phro// gang tshe dpal mo rnal 'byor mo ni lhan cig skyes pas mnyes// de yi tshe na nA ma ru ni a na ha yi skad du grags// sha ni rang bzhin gyis ni lhun grub a na ha yi sgras// thig le 'dzag pa gang zhig rnal 'byor ma yi mgon// sa ra ha yi tshig gis bsil ba'i sgrar ni bya// nam mkha' 'dze zhing 'jo zhing thig le phob la 'thung // Sha ni gang tshe lhan cig skyes pa'i mchog gis mnyes// de tshe rang dang gzhan gyi bag chags 'gags// mnyam dang mi mnyam rnal 'byor ma 'di grub par the tsom med// kye'o// mda' snga nang ni 'di la the tshom med ces smra// sa ni dngos po'i dkun dngos po med par mnyam// stong pa snying rje 'khrul pas ma spang cig/ lhan cig skyes pa'i dga' bas rtag tu mnyes// lhan skyes mchog

  5. 68b

    'di gang gis kyang ni 'ching mi nus// ha ni kye'o bzhad pa 'am skye ba sna tshogs kyi ni tshim// kye 'o rmongs pa 'phrog cing bkang yang dga' ba med// gang tshe lus la dbang phyug mdog med chings shig dang // rol// / pas de tshe bla med legs par 'grub par 'gyur// k+Sha ni yul du lhung na byang chub sems ni chud zos 'gyur// k+Sha k+Sha'i sgras ni rgya mtsho dag kyang skems nus na// 'di ni rtsub mo'i ba dar bzhin ting 'dzin rnon pos dga' bar 'gyur// kye'o gcer bur thams cad slu bar nges par the tshom med// ka kha'i do ha zhes bya ba/ rnal 'byor gyi dbang phyug chen po dpal bram ze chen po skA ra ha'i zhal snga nas gsungs pa rdzogs so// // yul ko sa lar sku 'khrungs pa'i bla ma rnal 'byor pa chen po bai ro tsan badz+ra'i zhal snga nas rang 'gyur du gsungs pa'o// / gag ha gad pa grags sa/ @#// rgya gar skad du/ ka kha ha la do ha ti pa na/ bod skad du/ ka kha'i do hi'i bshad pa bris pa/ dpal he ru ka la phyag 'tshal lo// ka ni yum gyi pad+ma'i nang na gnas pa 'di yin te zhes pa la/ ka te ka ma la na pAd+ma ste yum gyi'o// de na gnas pa'i ka ya gi ni ka ku li sha na rdo rje ste/ rdo rje dang pAd+ma mnyam par sbyor ba'o// ka ka ni kA yan lus te/ thabs dang shes rab kyi lus so// bsdums pa ni 'khyud pa la sogs pa'o// bdud rtsi 'dzag ces pa de'i stobs kyis ri bong can 'dzag pa'o gang gi zhe na/ DoM bi nI gzhon nu ma ste g.yung mo'o// de yang g.yung mo ni phyi ltar na lha mo'o// nang ltar na g.yung mo ni shes rab kyi cha'o// 'khrud pa ni thabs dang shes rab gnyis su med pa'o// ka ni ka pu ra na ga pur te byang chub kyi sems dga' ba bzhi'i rang bzhin la bya/ 'dzag pa ni rgyun tu dga' ba bzhi'i bde ba dang mi 'bral ba'o// de'i dus su

Colophon

ka kha'i do ha zhes bya ba/_rnal 'byor gyi dbang phyug chen po sA ra ha'i zhal snga nas gsung pa rdzogs so/_/yul ko sa lar sku 'khrungs pa'i bla ma rnal 'byor pa chen po bai ro tsa na badzra'i zhal snga nas rang 'gyur du gsungs pa'o