dpal rdo rje sems dpa'i sgrub thabs zhes bya ba
Śrībajrasatvanāmasādhanaṃ
Text
ff. 1b–5a · 8 folio sides
- 1b
rgya gar skad du/ sh+rI badzra satwa nA ma sA d+ha naM/ bod skad du/ dpal rdo rje sems dpa' i sgrub thabs zhes bya pa/ dpal rdo rje sems dpa' la phyag 'tshal lo/ /rnal 'byor pa dbang rnam pa bzhi tshul bzhin du thob cing/ dam tshig rnams srog gi phyir yang mi gtong bas/ ri sul dang brag phug dang/ chu klung dang/ dur khrod la sogs par gnas la/ nang par dang por Da ma ru'i sgras ldang bar bya'o/ /de nas lag pa g.yas pa kho po'i sdig mdzub snying gar bstan la/ oM su b+ha ni suM
- 2a
b+ha huM huM phaT/ oM grih+Na grih+Na huM huM phaT/ oM grih+NA pa ya grih+NA pa ya huM huM phaT/ oM A na ya ho(rgyud 'grel): b+ha ga bAn badzra bidya rA dza huM huM phaT/ de nas gdong bkru ba la sogs pas khrus byas nas stan 'jam pa la 'dug la/ tshad med pa bzhi sgom par bya ste/ bde ba ma thob pa'i sems can rnams bde ba dpag tu med pa la dgod par bya'o/ /de ltar gzhan gyi sems can thams cad gsal ba'i sems kyi snying rje bskyed par bya'o/ /de ltar gzhan gyi don bya ba'i sdug bsngal la ji mi snyam pa'i dga' ba bsgom par bya'o/ /phan pa dang bde
- 2b
ba bskyed pa la btang snyoms bsgom par bya'o/ /de nas rang gi bdag po'i sa bon las 'od byung nas nam mkhar 'khor dang bcas pa bsams la mchod pa dang/ sdig pa bshags pa la sogs pa bya'o/ /smon pa'i sems kyis bdag he ru kar bsgyur la/ sems can thams cad he ru kar gyur cig ces pas smon lam bya'o/ /smon pa'i sems kyis de nas g.yo ba dang mi g.yo ba'i chos thams cad gcig dang du ma dang bral ba'i ngo bor rang bzhin gyis 'od gsal bar bsgom mo/ /sems brtan par bya ba'i phyir sngags 'di brjod par bya'o/ /oM shU n+ya tA dz+nyA na badzra swa b+hA ba at+ma ko haM zhes brjod do/ /de nas bdag gi sdom pa dang/ bsod nams dang ye shes kyi stobs kyis bgegs bskrad par bya ste/ mdun gyi nam mkha' la nyi ma'i dkyil 'khor bsams la/ de'i steng du hUM bsams te/ de las 'od 'phros pas bgegs bskrad par bya'o/ /de nas rdo
- 3a
rje'i ra ba dang bla bre dang phur bu rnams kyis phyogs bcing ngo/ /de nas 'jug pa'i sems kyis shin tu yang cha phra ba'i rang bzhin gyis ngo bo mi dmigs so/ /a A i a'i u a'u e i o aau aM a(rgyud 'grel): a ka tsa Ta ta pa ya ha k+Sha hUM/ de dag gyur pa las hUM/ de chos 'byung ba'i phyag rgya gru gsum rtseg mar bsams la/ de'i dbus su sh+rI he ru ka /bA rA hI dang gnyis su med par bsgom par bya ste/ dpal he ru ka zhal bzhi pa zhabs gnyis pa 'jigs byed dang dus mtshan mnan pa/ zhal g.yas dkar g.yon ljang/ dbus mthing nag /rgyab ser ljang/ zhal bzhi pa spyan gsum dang ldan pa/ phyag dang po gnyis rdo rje dang dril bu bzung bas 'khyud pa /g.yas kyi phyag gnyis pa na kha TwAM ga g.yon gyi gnyis pa na ka pA la bsnams pa/ thod pa'i phreng bas dbu brgyan pa/ sna
- 3b
tshogs rdo rjes spyi bor mtshan pa/ zla ba phyed pa'i gzugs can/ spyi bor mi bskyod pa bzhugs pa/ thod pa'i phreng ba se ral khar thogs pa/ stag gi lpags pa'i sham thabs can/ ska rags sil sil 'khrol ba/ spyi bor nor bu dang/ rna cha dang/ mgul rgyan dang/ gdu bu dang/ tshangs pa'i skud pa dang thal ba ste/ pha rol tu phyin pa drug dag pa'i rgyan dang ldan pa/ shin tu 'jigs su rung ba'i gzugs can/ yum bA rA hI mdog mthing nag zhal gcig phyag gnyis pa/ spyan gsum pa/ gcer bu skra grol ba 'jigs pa'i gzugs can phyag gnyis na gri gug dang ka pA la thogs te/ gtso bo la 'khyud pa/ zhabs g.yon gyis 'khyud pa g.yas brkyang ba'o/ /brgya byin gyi phyogs kyi 'dab mar mkha' 'gro ma/ nor bdag phyogs su lA ma/ chu bdag phyogs su dum skyes ma/ gshin rje'i phyogs su gzugs can ma/ lha mo de rnams kyang kha dog nag mo dang/ ser mo dang/ dmar mo dang/ ljang gu'o/ /spyan gsum pa phyag bzhi pa/ phyag dang po na gri gug /gnyis pa na thod pa/ g.yon pa na ka pA la/ gnyis pa na kha TwAM ga /gcer bu skra bshig pa/ 'jigs pa'i gzugs can ma/ tshangs pa dang/ biSh+Nu dang/ brgya byin dang/ srin po gdan du bting bas g.yon brkyang ba g.yas bskum pas bzhugs pa/ phyag rgya lngas brgyan pa/ thod pa se ral khar
- 4a
'phyang pa'o/ /de rnams kyis rnam par dag pa ni/ he ru ka'i zhal bzhi ni/ bde ba dang/ shin tu bde ba dang/ rnam par bde ba dang/ bde ba chen po'o/ /yang rnam par thar pa bzhi ste/ stong pa nyid dang mtshan ma med pa dang/ smon pa med pa dang/ rang bzhin gyiS 'od gsal pa'o/ /phyag rgya bzhi ste/ phyag rgya chen po dang/ dam tshig gi phyag rgya dang/ chos kyi phyag rgya dang/ las kyi phyag rgya'o/ /mkha' 'gro ma rnams ni/ la la mA dang/ ra sa nA dang/ a ba d+hU tI dang/ dam rgya na'o/ /phyag rgya bzhi dang sbyar ba'o/ /dpal he ru ka'i bzhugS gnaS dbus kyi lte ba ni yid bzhin gyi nor bu'o/ /gru gsum gyi 'dab ma bzhi la ni mkha' 'gro ma bzhi'o/ /bde ba chen po'i 'khor lo rtsibS stong pa gnyis sems dang/ mAM sa dang/ me tog gis bkang ba'i dung chen po gnyis bzhog /bdag nyid ni mgon po he ru ka ste byang chub sems kyi gzugs can no/ /de nas bdag gi ye shes sems dpa' bsgom mo/ /de nas DA ki la sogs pa'i rigs lnga sogs pa nam mkha' la bzhugs pa'i ye shes sems dpa' spyan drangs nas bdag gi bar bzhugs te/ snying ga'i ye shes sems dpa' la thim ste/ gnyis su med par bsam mo/ /de nyid las he ru ka'i sku phra mo 'phros pas/ de rnams kyi dpal gyis reg pa'i sems can thamS
- 4b
cad sh+rI he ru ka'i bdag nyid du bzhugs par bsams la/ de nas go cha drug gis lus bsrung/ oM ha badzra satwa/ na ma hi bai ro tsa ni swAhA/ swAhA hu pad+ma shwa ri/ bau ShaT he te ru ka/ hUM hUM ho badzra sUrya/ phaT haM a mo g+ha/ oM baM badzra bA rA hAM/ haM yoM lA ma ni/ h+rI moM ha ni/ h+raM h+rIM Tar sI ni hUM hUM sany+tsa li ni/ phaT phaT tsaN+Di ka/ oM h+rI(rgyud 'grel): ha ha hUM hUM phaT/ oM badzra bai ro tsa nI ye hUM hUM phaT/ oM badzra DA ki nI huM hUM phaT/ oM badzra lA me ye hUM hUM phaT/ oM badzra khaN+Da ro ha huM hUM phaT/ oM badzra rU bi NI huM hUM phaT/ 'di ni bzlas pa'o/ /bde ba chen po'i gnas 'di la zhal cig la nyi ma phyed dam/ snga dro 'am de'i phyed la sogs par bsgoms par bya'o/ /de nas ldang bar 'dod na gtor ma btang bar bya'o/ /oM a ra li ho/ /badzra DA ki ni sa ma ya stwaM/ dri sh+ya ho/ /rdo rje snyim pa kha phye ste/ mtshan phyed na gtor ma sbyin no// oM kha kha khA hi khA hi/ sarbba yak+Sha rak+Sha sa b+hu ta pra ta pi shA tsonmA da/ a pasma ra/ badzra DA ka DA ki n+ya da ya/ i daM ba li/ grih+NaM? du sa ma ya rak+Shan+tu/ ma ma sarba sid d+hi mme pra yats+tshan+tu/ ya thai baM ya theSh+TaM/ b+huny+dza tha/ pi ba tha dza gra tha/ mA ti kra ma tha/ ma ma sarba kar ta ya/ sa ta su khaM bi shud+d+hA? ye/ sa ha yi ka b+ha ban+tu huM hUM phaT/ ces brjod la btang ngo/ /'di ni gsang ba'i mchog nyid kyis/ /rnal 'byor ma yi mkha' la byung/ /rtag tu sems ni bzang po yis/ /sbyor ba'i mchog ni bsgom par bya'o/ /'dir ni rab tu gsang ba che/ /gzhan du bstan par mi bya ste/ /dbang po gnyis ni sbyor ba dang/ /mchog gi bsgom pa sbyar bar bya/ /rtag tu dam tshig srung bar bya/ /bza' dang bza' min gnyis mi bya/ /bgrod dang bgrod min mi bya ste/ /mthung dang 'thung min sbyor ba'i las/ /'di ltar ye shes goms pa las/ /sngags pa dngos grub myur du 'grub/ /bla ma'i zhal nas rnyed pa ni? /rab tu gsang ba'i dngos grub ni/ /gzhan gyis gsol btab gsal bar byas/ /thams cad ma lus 'grub
- 5a
par 'gyur/ /'di byas bsod nams gang thob pa/ /des na sems can ma lus pa/ /don rtogs stobs dang ye shes ni/ /bsam gyis mi khyab thob par shog /bde mchog gi sgrub thabs/ /slob dpon chen po lU yis pas mdzad pa rdzogs so// //bcom ldan phyogs kyi zhal bzhi phyag bcu gnyis/ /bcu gnyis phyag gis glang chen lpags sogs bsnams/ /bde gshegs drug 'gyur phyag rgya drug gis brgyan/ /rdo rje phag mo sku brgyan bde ba mchog la rol/ /mkha' 'gro la sogs tshogs kyi 'khor lo bskor/ /mkha' 'gro sogs dang de bzhin sa 'og bcas/ /'jig rten gsum mchog 'khor bcas bzhugs so 'tshal/ /ye shes rdo rje dam can dgongs su gsol// thog ma med nas skye ba 'di bar du/ /shin tu mi bzad 'khor bar bdag 'khyams pas/ /bskal pa'i dus mdza' bstan pa'i snyigs ma la/ /khyed kyi zhal gyi 'od zer glog tsam mthong/ /sngon gyi 'phro dang khyed kyi thugs rje yis/ /theg pa mchog gyur bla na med pa dang/ /gsang sngags rdo rje theg pa'i don chen 'di/ /blo ngan bdag gis spyad cing bsgrub pa'i phyir/ /bdag gis khas blangs dam bcas tshun chad du/ /bsgrub pa'i 'bras bu mngon du ma gyur kyang/ /dam tshig mi 'da' bde gshegs bka' mi bslu/ /mngon sum zhal bzhin rtag tu khyed la dgongs/ /nyon mongs rang bzhin rnam shes ma sbyangs pa/ /khyed kyi sku gsung thugs ni ma mthong yang/ /khyed kyi bka' las bdag ni mi 'da' na/ /bka' yi byin brlab bdag la grub par mdzod/ /bdag gi rang bzhin khyed dang yongs su mnyam/ /ma lus 'gro tshogs rnams kyang de bzhin lags/ /bdag gis lus kyis nyes pa ci spyad par/ /sku'i dkyil 'khor tshogs la bzod par gsol/ /bag med
Colophon
bde mchog gi sgrubs thabs/_/slob dpon chen po lU yis pas mdzad pa rdzogs so/