byang chub kyi sems rma bya mjing bsnol zhes bya ba'i rgyud
Text
ff. 79b–88a · 18 folio sides
- 79b
byang chub sems dpa' la snang ngo // paN+Di ta zla ba bzang po'i zhal snga nas kyang / yang dag yang dag rdzogs 'dod na// yang dag yang dag nyid la ltos// zhes gsu te/ byang chub kyi snying pos byang chub nyid la ltos zhes pa'o// 'bras bu bla na med pa'i theg pa bya btsal las 'das pa'o// rang bzhin lhan grub kyi sangs rgyas/ rten med kyi ye shes/ rang byang gi ye shes/ gzhi dang snying po me tog can// rtog pa mngon du gyur pa'i sangs rgyas sems la dbong thob pa'o// sangs rgyas nyag gcig la snang ngo // / bcom ldan 'das mya ngan med pa'i dpal la phyag 'tshal lo// gzhi rtsa med pa'i chos nyid byang chub sems// zab cing phra bas dpag pa'i yul las 'das// yangs shing khyab pas nam mkha'i mtha' dang mnyam// sbom zhing rags pas snang srid dbang du sdus// de 'dra'i chos sku bla med byang chub sems// ma byung ma skyes 'od kyi snying po can// 'gro ba yongs kyi dpal mgon byang chub sems// sgra dang tha snyad tshig gi spyod yul med// dpag med bsam 'das mi gnas mya ngan 'das// don gyi snying po bla med byang chub sems// smra bsam brjod med rig pas pha rol phyin// mi skye mi
- 80a
'gag rang rig byang chub sems// mi gnas bdag med ye nas rnam par dag/ ma bcos lhun grub bde chen snying po mchog/ spyir yang snang ba bde chen longs spyod sku// rang byung ye shes sprul sku byang chub sems// bdag med spros bral don dam lhun gyis rdzogs// nyag gcig ma 'gags snying po byang chub sems// ma skyes dbyings nas rang byung kun la khyab// mkha' ltar dngos med zhi ba gcig tu grags// nyi ma'i snying po dngos med mya ngan 'das// rang byung 'gag med skar tshogs grangs mang yang / bdag nyid chen po mi 'gyur bdag nyid sku// thugs rje thabs mkhas nam mkha'i sprin gyi tshul// phan gnod yod med snying po byang chub la// las dang thugs rje nam mkha'i sprin gyi tshul// zhe gtsang med pa chos nyid byang chub sems// rig pa'i rtsal chen ma 'gags rang rig yongs la khyab// rdo rje sems dpa'i thugs rje 'od po che// nyi ma thog/ tu chu sprin ga pur bzhin// rdo rje sems dpa'i zhal chems nyag gcig ma// dga' rab rdo rje mkhas pa'i skye mchog gis// las 'phro skal bar ldan pa'i thugs brgyud nas// bsnan phra med pa'i rin chen gtar 'di 'chongs// snod ngan bu dang rgyud ngan slob ma la// chu srin gre ba bzhin du dam du sdoms// zhes bka' stsal to// de nas byang chub
- 80b
sems dpa' sems dpa' chen pos/ rgyud dag pa'i rdo rje sems dpa' la zhu ba drug zhus pa/ kye thugs rje chen po khams gsum gyi sems can thams cad ni nad pa lta bu'o// dug lta bu'o// mun pa lta bu'o// sbyor rtsi lta bu'o// tsher ma lta bu'o// ro myags lta bu'o// zhes zhus pas/ rdo rje 'dzin pa nyon cig/ ngas sdom pa tshig gsum nges bstan gyis// legs par yid la zung zhig/ 'khor ba'i rgya mtsho thag rings rnam par dag pa'i zhing du bsgral ba dang / 'khor ba'i 'dam rdza ba la rdo rje rdzong bca' ba dang / sdug bsngal gyi bye brag nor bu rin po cher sgyur ba dang gsum la/ rigs kyi bu phyi snod kyi 'jig rten thams cad 'byung ba lngas bsdus pa/ sngon byung gi dus na sangs rgyas kyi zhing yongs su dag pa/ ma byas par snang la/ bde zhing yangs pa/ zug rngu med pa/ rgya yongs su ma chad pa/ tshig dang dbang po'i spyod yul med pa/ brjod bya thams cad las 'das pa/ 'das zhes bya ba yang ming gi rnam grangs te/ mi de tsam la yang mi gnas pa'o// des ni 'khor ba rgya mtsho mtha' rings pa rnam par dag pa'i zhi da bsgral ba'o// khams gsum/ sems can sdug bsngal gyi grur tshud/ ma rig pa'i rgyar 'thums nas sdug bsngal bar gnas kyang / snying po byang chub kyi sems rang byung rang 'od gsal ba'i/ rgyu rkyen med
- 81a
par ka dag pas// rdo rje lta bu'i ye shes la gnas su rung gi/ gdos pa can shes rab kyi snying po med pa ni ma yin no// rgyud drug gi sems can thams cad rdo rje snying po'i ska dri ma med par gnas pas yongs la khyab/ gzhan dbang du gyur pa/ zad cing dri bas rgya ma chad/ thabs kyi rgyal po stobs kyi rig pa shar bas/ 'khor ba nyid rang byung gi ye shes su ka dag/ sdug bsngal gyi 'dam rdzab nyid bde ba chen por rang dag pas/ 'khor ba'i 'dam rdza ba la rdo rje'i rdzong bcas pa'o// rigs kyi bu nyon cig/ sems can thams cad la lus gsum de shes pa'o// ye shes kyi lus sdug bsngal gyi mtha' las grol ba'o// bag chags smin pa'i lus sha khrag gi gdos pa can gnyis 'brel gyi lus sems bde sdug gnyis 'dzin/ gzhi shes pa chos kyi sku la/ bag chags kyi nad med kyang / rnam rtog sems kyi lus bag chags nad du langs pas gso byed sman pa'i rgyal pos gso byed sman gyis gso zhes 'byung ste/ ma rig pa 'khor ba'i nad/ rig pa mya ngan 'das pas gso// sdug bsngal 'dam rdza ba lta bu'i nad/ bde ba chen po zag pa med pa'i ye shes kyis gso// gti mug mun pa lta bu'i nad/ shes rab mar me rlung gi ma bskyod pa lta bus gso/ bag chags sbyar rtsi lta bu'i nid/ rang bzhin
- 81b
med pa man shel lta bus gso// rtogs pa'i rtsing zhib zug rngu tsher ma lta bu'i nad/ mnyam pa nyid mi g.yo ba rgya mtsho lta bu'i sman gyis gso/ de ni sdug bsngal gyi bye brag rin po cher bsgyur ba zhes bya'o// zhes byang chub kyi sems rma ba mjing bsno kyi rgyud dag las/ gzhi chos kyi sku'i rang bzhin bstan pa'i le'u ste dang pa'o// // de nas byang chub sems dpa' sems dpa' chen pos yang zhus pa/ kye ma bcom ldan rdo rje 'chang // zag med lam la rab gnas pa'i// de bzhin gshegs pa'i bsam gtan gyis// blo dngos gnyis med sbyor ba ni// sangs rgyas nyid kyi dgongs pa ste// thabs la mkhas pas bstan du gsol// zhes zhus te/ rdo rje 'dzin pa khyod nyon cig dri ba dris pa de legs so// de bzhin gshegs pa'i dgongs pa dpag tu med kyang / sems can gyi blo'i bye brag dang sbyar nas/ chos ji bzhin ma la blo de bzhin ma gnas pa'i ched du/ mar me'i sdong bu bsnan pa'i tshul du/ ma bcos ji bzhin gnas na de bzhin nyag gcig ces bya'o// de yang lung las/ bstan bya ston byed gnyis yod na// bsgom bya sgom byed ci phyir/ min// ces 'byung ste/ byang chub kyi snying po la/ byang chub kyi snying po bstan te/ snying po bstan par bya ba'i don du/ dus rtag tu snying po la gnas par bya'o// rtogs pa'i don shes bya
- 82a
ba ma 'gags kyang / bka' lung gi phyi mor rang rgyud la mi gsal gyi bar du/ shes bya la gsal gdab cing ting nge 'dzin la gnas par bya'o// byang chub snying po 'gyur med chos kyi sku// gzhan nas ma btsal sems nyid mngon sangs rgyas// rang la gnas pa'i don de sems kyi sems la ltos// ma byung ma skyes rang byung chos kyi sku// mi g.yo mi 'gyur mnyam pa chen por zhog/ gsal la rtog med mi 'gyur chos kyi sku// ma bcos bde ba chen po'i ngang du gzhag/ sku gsum lhun grub bkod pa rgyan gyi sku// bde chen 'du 'bral med pa'i ngang la gzhag/ thig le nyag gcig rang bzhin spos dang bral// sna tshogs shar kyang nyag gcig nyid du bsgom// nam mkha'i mthongs nas gsal ba'i / shar bzhin// skye med dbyings nas rang byung 'od gsal ba// thugs rje sprul pa'i 'od zer 'phro bar bsgom// snang srid rnam par dag pa pad+mo'i dkyil 'khor nas// bskyed rdzogs rnam gsum ma btsal lhun gyis rdzogs// bsod nams ye shes tshogs chen dag pa'i sku// kun tu bzang po'i mdzad spyod rtogs pa'i bsgom// sgrib gnyis ma spangs tshogs gnyis lhun gyis rdzogs// man shel lta bur dri med gdod nas dag/ rnam rtog skyon bral ye shes lhun gyis grub// rang byung rdo rje snying po yin par bsgom// ma bcos chos sku kun
- 82b
gzhi byang chub sems// sa la ma bgrod lam la mi gnas kyang // rtog pa gdang du ma gyur bar du bsgom// sangs rgyas nyag gcig chos la mi gnas kyang // 'khrul rtog spang/ phyir chos nyid ngang du bsgom// dug lnga ye shes lnga ru sangs rgyas kyang // rnam grol zag med lnga ru gsal bar bsgom// 'byung lnga lha mo lnga ru sangs rgyas kyang // mdzes pa'i lha mo sprul sku gsal bar bsgom// snang srid rnam dag brjod pa las 'das kyang // zhing khams rnam dag chos sku'i ngang du bsgom// byang chub sems dpa' skye shi mi mnga' yang // 'du 'bral med pa rgyun gyi theg pa bsgom// 'dod ngo snod bcud dngos po rnam dag kyang // ci la ma chags mi rtog ting 'dzin bsgom// 'khor dang longs spyod skar tshogs brgyan mang yang // ci la ma chags rang bzhin rnam dag bsgom// sgyu ma'i phung po'i ye shes gnas yin kyang // ma chags mi gnas btang snyoms chen por bsgom// kun gzhi rnam shes sku la mi 'khor bas// rang byung ye shes bdag med mya ngan 'das// rtag cad tshig las 'das par sun phyung nas// mthon dman glong du khod snyoms te// mnyam pa chen po mnyam las 'das par bsgom// brjod pa'i tha skad tshig las 'das par rab rtogs na// rnam dag byang chub dbyings kyi bsgom pa yin// ces byang chub kyi sems rma bya mjid/
- 83a
bsnol gyi rgyud las/ gzhi lam dang bcas pa'i le'u ste gnyis pa'o// // de nas byang chub sems dpa' sems dpa' chen pos zhus pa/ ston pa thugs rje mnga' bas// 'gro ba'i mgon po bde bar gshegs// gzhi lam 'bras bu gnyis su med pa'i// lam gyi 'bras bu bshad du gsol// zhes zhus pas/ rigs kyi bu nyon cig/ dri ba dris pa de legs so// yang dag par rdzogs pa'i sangs rgyas kyi gdams pa rin po che ni/ brjod pa thog tu mi phebs shing bstan par dka' na yang ngas re zhig mtshon pa'i tshig 'ga' tsam smra yis sems la dbang thob gang zhe na/ zhes 'byung ste/ legs par yid la zung zhig/ rigs kyi bu 'bras bu bla na med pa gud nas mi 'byung ngo // gzhi lam gnyis su med pa'i des na/ de bzhin gshegs pa'i bsam gtan zhes bya ste/ lhag mthong dang zhi gnas gnyis su med nas rang byung gi ye shes mar me rlung gis mi bskyod pa lta bur/ shes bya nyams su myong na/ gzhi lam 'bras bu mthar phyin/ sangs rgyas nyag gcig ma zhes bya ste/ ye shes dbyings nas gsal na 'bras bu nyag gcig ma// dbyings nyid rig par shar na 'bras bu nyag gcig ma// gzugs sku 'od du shar na 'bras bu nyag gcig ma// bde chen zag pa med na 'bras bu nyag gcig ma//
- 83b
snang srid dbang du sdus na 'bras bu nyag gcig ma// ting 'dzin rol ma chags 'bras bu nyag gcig ma// 'khor ba rang bzhin med na 'bras bu nyag gcig ma// mtshan ma zil gyis non na 'bras bu bde ba che/ zhes pa'i don no// rgyu chos kyi sku la 'bras bu gzugs sku gnyis 'byung ba yang / thig le'i rtsa la ma 'gags pa yin te/ de yang rgyu 'bras dbyer med pa nyid rtsal du shes pa'i dus su/ 'bras bu sku gsung thugs mthar phyin pa'i/ sku gsum ye shes rang byung du shar nas/ ye shes gzugs skur snang la/ gzugs nyid rang bzhin rnam par dag ste/ mtshan ma las 'das na 'bras bu ye shes su grub bo// ngo bo nyid kyi snang ba snang tshod du grags tshod me long g.ya' dag pa ltar bstan kyang / don dam pa spros pa dang bral ba rang bzhin rnam par dag pa/ 'bras bu mi gnas pa'i ye shes chen po zhes bya'o// mtshan ma dang bral ba chos kyi sku/ bya ba thams cad dang bral ba 'bras bu bla na med pa zhes bya'o// phyir mi ldog pa'i lung nges pa bka' lung gi phyi mo las/ ye ji bzhin pa'i rdo rje 'chang chen po/ rgyud dag pa'i rdo rje 'chang la snang ba'i dus na/ rgyu 'bras dbyer mi phyed pa'i rang byung gi bcom ldan 'das zhes bya ste/ rgyud dag pa'i dbyings nyid nas/ 'bras bu ye shes kyi dkyil 'khor rang snang gi dus na// rgyu 'bras kyi chos thams cad mi phyed pas//
- 84a
sangs rgyas mar me mdzad stong gi gtsug pud rin po che zhes bya bar grags te/ 'bras bu mthar phyin pa'o// rang gi shes bya mthar phyin pa'i dus na/ bdad dang mu stegs kyi glags mi rnyed la/ phya dang dbang phyug gi grogs byar med/ rgyal mtshan gyi rtse mo ltar nub pa med cing / nor bu ri ni po che ltar zad me shes la/ shes bya rang gi ngo bo la shes bya rang gi dbang bskur ba'i dus na/ 'phags pa gtsug tor dri ma med pa zhes grags so// byang chub kyi sems la byang chub kyi sems dus su/ rgya mtsho chen por chu bran 'du ba'i tshul te/ chos nyid skye ba med pa'i glong du chos can mtshan mar snang ba'i dus thams cad rang bzhin gyis rnam par dag pas/ byang chub sems dpa' kun tu bzang po zhes grags chos thams cad la dbye ba med cing bzang ngan du mi lta/ bdag dang gzhan du mi rtogs pa'i dus na/ nam mkha' dang nyi ma'i tshul te/ byang chub sems dpa' byams pa kun nas gzigs zhes grags so// chos thams cad gang yang mi len/ gang yang mi 'dor/ gang gis kyang mi sgrib/ gang gis kyang sgrol mi nus/ gang la yang mi rten/ gang du yang ma gol/ rang bzhin rnam par dag pas rtag pa'i mtha' med/ shes bya ngo bo la ma bsgribs yongs su gsal bas/ chad pa'i mtha' med pa/ 'phags pa nam
- 84b
mkha'i snying po zhes grags so// zhes byang chub sems dpar rma bya mjing bsnol gyi rgyud las/ gzhi lam 'bras bu rnam pa gsum mthar phyin par bstan pa'i le'u ste gsum pa'o// / de nas byang chub sems dpa' sems dpa' chen pos yang zhus pa/ 'jam dpal gzhon nu dpa' bo mchog/ gzhi lam 'bras bu mthar phyin pas// nyon mongs 'khor ba'i rgyun yang gcod// dag pa'i zhing du yang dag sgra la// rnam rtog zil gyi mnan phyir ro// spyod pa'i tshul khrims bshad du gsol// zhes zhus te/ rdo rje sems dpa'ang bdag la nyon// spyod pa rnam pa gsum du rtag/ glang po lam du zhugs pa'i spyod pa dang / smyon pa snying stor ba dran pa med pa'i spyod pa dang / de'i grogs tri la/ 'dam gyi pad+ma'i me tog dang / bya thib tshang du zhugs pa dang / bu gcig pa'i ma lta bu ste/ da ni rnal 'byor chen po'i spyod pa yin/ dpa' brtul stag gi spyod pa dang / brtul zhugs phag gi spyod pa dang / sems med bung ba'i spyod pa dang / dbang sdad mu stegs kyi spyod pa dang / bde ba thun 'jug gi spyod pa dang / de ni rnal 'byor 'bring gi spyod pa'o// dman pa phyag dar khrod kyi spod pa dang / mtshon pa nyams myong gi spyod pa dang / 'dod pa bya ba'i spyod pa dang / bcom ldan 'das kyis bka' stsal pa/ lta ba glongadza
- 85a
gyur pa'i spyod pa ni/ tha mal gyi spyod pa'o// zhes thugs kyi rgyud nas kyang bshad do// chos nyid glong du gyur pa'i spyod pa ni/ ci la yang ma zhen ma chags pa'o// nyams myong rgyud la skyes pa'i spyod pa ni/ srab la sbyor ro// brtul zhugs kyi spyod pa'i spyod pa ni/ bya ri skags lta bu ste ma nges pa'o zhes gsungs so// byang chub sems dpa'i spyod pa'i mtha' ni ma bcos pa'o// rang bzhin rnam par dag pa'i dus na/ spyi la yang mi zhen pa'i spyod pa rnam par dag pa'o// bde ba chen po yul du shar ba'i dus su/ zug rngu'i mtha' rang bzhin gyis 'gog/ khyad par na rgya la skyes pa'i dus na/ snying rje chen po lhog par can gyi spyod pa skye bar 'gyur ro// 'dod pa med par 'gro ba rigs drug gi gnas yul du snang ba'i dus su/ chos thams cad ci la yang ma chags pa'i spyod pa skye bar 'gyur ro// sangs rgyas kyi zhing yongs su dag pa la yul du snang ba'i dus su/ thun mong gi dngos po 'gags nas ngo tsha ba dang bag tsha ba'i 'du shes med de/ tshig nam mkha' la khungs ston to// spyan nam mkha' la gzigs te/ mdzub mo nam mkha' la stod pa'i spyod pa 'char ro// chos kyi sku sprul pa'i nyams su btang ba'i dus su/ lus grang dro dang na tsha med cing gcer bu'i spyod pa rang byung shar te/ nam mkha'i ri mo khungs 'don pa'o// zag pa med pa'i ting nge 'dzin gyis ro nyams su myong
- 85b
ba'i dus su/ zas kyi 'du shes chung zhing grogs la mi chags par/ ri dgas rmal ma ltar gcig pu ri sul 'grim pa'i spyod pa 'char ro// sems ye shes kyi dbang du 'dus shing snang ba chos nyid kyi dbang du 'dus pa'i dus na/ nam mkha' la 'gro ba dang / chu la mi nub par 'gro ba dang / gzhan gyis mi snang ba'i rtsa la la spyod par 'gyur ro// rig pa'i dbyings la shar ba'i dus su/ yul gzhan dag gi snang ba 'char bar 'gyur ro// sems las su rung ba'i dus su/ gzhan gyi sems shes shing dngos po thams cad las brdzun du smra bar 'gyur ro// chos nyid pa stong nyid las su rung ba'i dus na/ phyi'i 'byung ba dang / mi ma yin pa'i sgra thams cad sel bar 'gyur ro// spyod pa rnam par dag pa de rnams ni// rgyud dag pa'i rdo rje sems dpa' snang ste/ lus ma bor bar mngon par rdzogs par sangs rgyas so// / na mo bud+d+ha yA/ tad+ya thA/ d+harma saM g+ha ri/ many+dzu shri/ a pra bra/ b+ha ga ba ti/ su ka aH de nas byang chub sems dpa' sems dpa' chen po dga' mgu yi rangs te/ bcom ldan 'das la thal mo snying khar sbyar nas/ yan lag lnga sa la gtsugs kye kye legs so dpal ldan mgon po che// zhal nas byung na dka' ba de/ zhal nas gsungs pa'i ming don gyi mchog/ bdag blobro mun pa kha 'byed pas// snang
- 86a
gsal thugs rje 'od kyi me// sems can kun gyi skyabs mdzad pas// mgon po dri med ye shes sku// 'gro ba'i don du sku sprul nas// rang byung sangs rgyas rnam par gzigs/ khyams mgon thugs rjes skyabs mdzad pa// sangs rgyas log par dad sel la// gus pa'i tshul gyis skyabs su mtsho// zhes brjod nas bstod do// byang chub sems dpa' rma bya mjing bsnol gyi rgyud las/ spyod pa rtog pa'i le'u ste bzhi pa'o// // de nas byang chub sems dpa' sems dpa' chen pos yang dra ba dris pas/ 'jam dpal gzhon nur gyur pa thugs rje can// zhu ba zhus pa legs gsung ba// 'gro mgon rdo rje sems dpas mdzad// sangs rgyas thugs kyi dpal be'u dang // sangs rgyas dbu yi gtsug tor dang // sangs rgyas zhal gyi ljags bzang nas// 'od zer 'byung ba bstan du gsol// ces dri ba dris so// rdo rje 'dzin pa khyod nyon cig/ khyod kyi dri ba dris pa de legs so// phyogs bcu dus gsum gyi sangs rgyas thams cad la/ thugs rje 'byung ba ni brjod kyi mi lang / bsam gyis mi khyab/ ngas ma 'ongs pa'i sems can la mdo tsam zhig bstan gyis/ khyod nyon cig/ thugs rje'i bye brag mang gis kyang rtsal ma 'gags pa yin te/ dper na nam mkha' sprin
- 86b
dang char gyi tshul 'byung ste/ thugs rin po che'i dpal be'u'i gnas/ sangs rgyas byams pa mi nyam mgon pa zhes bya ba byung nas/ rang bzhin rnam par dag pa'i chos bstan to// dbu'i gtsug tor nas 'jam dpal dri med snying po zhes bya ba byung nas/ sku gdung ring bsrel gyi chos bstan te/ zhal gyi ljags las/ sangs rgyas bye ba rnam par gzigs zhes bya ba byung nas/ rgyu 'bras kyi chos ma lus par bstan to// sangs rgyas stong gi yon tan ni// sangs rgyas gcig pu nyid la 'dus// gcig pu rab tu snang ba'i chos// 'gro ba kun la rang bzhin gnas// zhes byung ste/ phyogs bcu dus gsum gyi sangs rgyas thams cad kyi yon tan bsam gyis mi khyab pa gcig byung ste/ de dag kyang sangs rgyas 'od dpag med chen po rtsa la snang ngo // sangs rgyas 'od dpag med nyid 'gro ba yongs kyi snying por shar nas/ 'gro ba sems can thams cad la// snying po rnam dag ye shes rdzogs// zhes gsungs// sangs rgyas kun gyi gtsug phud lnga// rgyal mtshan rtse mo bzhin du gnas// sangs rgyas kun gyi che ba lnga// nam mkha' bzhin du khyab par gnas/ rdo rje snying po bla na med// rin chen gtsug phudi dra ma med// nges pa'i skyon rtogs sel bar byed// pad+ma'i snying po 'od 'bar ba// mtha' la mi gnas phyag rgya che//
- 87a
mgon po dri ma med pa'i sku// yon tan kun gyi snying po shar// thabs mkhas thugs rje stobs kyi bdag/ bdud bzhi 'dul mdzad dpa' bo mchog/ dag pa'i zhing du yang dag sgrol// thugs rdzi'i chu bro rgyun mi 'chad// shes rab grwa yis sgrol mdzad pa// sprin chen glog gi 'phreng ba can// rgyun gyi thugs rje'i rdo rje bdag/ snying po bdag med ya ma brla// snying po rjes 'brangs spyod pa'i mtshon// nam mkha'i nyi ma'i tshul bzhin du// rang byung spros med kha la gdengs// rgyud dag pa yi dbyings nyid nas// 'bras bu ye shes dkyil 'khor rang snang po'i dus su/ snod bcud thams cad chos nyid du brdal ba/ mi byed pa'i lta ba nam mkha' dang mnyam pas re dogs kyi 'phro gcad/ zag pa med pa'i ye shes rang snang bas/ bdag dang gzhan gyi don mthar phyin/ shes rab kyi stobs ma 'gags pas/ bdud dang srin po zil gyis mnan kye rdo rje 'dzin pa nyon cig/ thabs la mkhas pa'i byang chub sems dpa' ni/ sems can gyi pha ma yin gyis/ de yang dri ma med pa'i don gyis gnas par bya'o// rtog pa'i don la rtse gcig tu ma yengs par gnas pas/ byang chub sems dpa'i bsam gtan zhes bya'o// 'jam dpal dri med snying po ngas/ sems can rnams kyi phyir/ gas
- 87b
ba'i rgyud gsum yang gsang thugs kyi rgyud// thugs nas phyung nas gdams par bzhag/ sangs rgyas lag tu gtad pa'i phyir// sangs rgyas gtsug pud rnam par rgyal ba zhes bya ba/ thugs las nor bu dri ma med pa'i rgyud mdzad do// 'bras bu bla na yod pa dang / bla na med pa'i theg pa shan dbye ba'i phyir/ ljags kyi pad+mo las/ sangs rgyas bye ba rnam par gzigs zhes bya ba byung nas/ byang chub kyi sems rma bya mjing bsnol mdzad do// sangs rgyas sprul pa'i sku ye shes kyi lus su gnas pa'i phyir/ mdzod spu'i bu ga nas 'od zer lnga 'phros nas sangs rgyas bde ldan mgon po sman ras gzigs zhes bya ba byung nas/ lha mo 'od zer gyi rgyud mdzad do// las dge sdig la mtho dman med par la bzla ba'i phyir/ shangs kyi rlung sgom nas mthu stobs kyi bdag po dpal phyag na rdo rje phyung ste/ bya btsal med par ye shes bla ma'i rgyud phyung ste/ chos las 'das pa'i sku yongs su rdzogs par ston to// zhes byang chub sems rma ba mjing bsnol gyi rgyud/ rdzogs pa chen po 'bras bu bla na med pa'i theg pa las le'u lnga pa'o// // byang chub kyi sems rma bya mjing bsnol zhes bya ba'i rgyud/ 'jam dpal snying pos/ byang chub sems dpa' ro langs bde ba la gdams pa rdzogs so// // byang chub kyi sems rma bya mdzang bsnol
- 88a
gyi rgyud las mtha'i mun sel chen po zhes bya ba lags so// rgya gar skad du/ bo d+hi sa twa dz+nyA na gar+b+ha kri ra tsa tan+ta su tra a/ bod skad du/ byang chub kyi sems rma bya mjing bsnol gyi rgyud las/ mtha'i mun sel chen po zhes bya ba/ nam mkha' rnam par dag par byed pa/ bcom ldan 'das 'jam dpal 'od srung chen po la phyag 'tshal lo// 'di skad bdag gis thos pa'i dus gcig na/ bcom ldan 'das 'og min gyi gnas su/ sangs rgyas bye ba rnam par gzigs zhes bya bas/ mtha'i mun sel chen po ral gri kha mangs lta bus lta ba yongs su gcod par byed pa smras pa/ gsang sngags 'bras bu bla na med pa'i theg pa 'di la spyi don le'u lngas bstan te/ le'u dang po rang bzhin rnam par dag pa'i sku mi gnas pa'i ye shes chen por bstan pa dang / le'u gnyis pa rang byung gi ye shes chen por rang shar bstan pa dang le'u gsum pa rdo rje sems dpa' rtogs pa mngon du gyur pa bstan pa dang / le'u bzhi pa byang chub sems dpa'i rjes su 'jug par bstan pa dang / le'u lnga pa sangs rgyas kyi che ba bstan pa'o// / sems can med pa'i sngon rol na// 'byung ba chen po ye nas 'phags// 'byung ba med pa'i sngon rol na// nam mkha' chen po ye nas 'phags//