sbyor ba yan lag drug pa zhes bya ba
Ṣaḍāṅgayohanāma
Text
ff. 202a–206b · 10 folio sides
- 202a
tshogs yum dang gnyis med bde ba chen po'i rang bzhin la sogs bsgom par bya// de nas khams gsum rang dang mtshungs par ldan pa de rnams ma lus lha mo'i sku la gzhug/ de yang rang la rang lus gdan dang bcas pa nyi ma la ste ni ma hAla'o// un ti la de yang mgo bo la snyed nyid zla ba byed pa nyid la'o// bla byed thig le de ny-id nA de bzhin nam mkha' kha rlangs mi long la pog mtshungs// de ltar 'od gsal zhugs nas snang yang snga ma dang mtshungs gzugs su dran par byas pa dang // sprul pa sna tshogs khams gsum rnams su nam mkha' khyab par skad cig gis ni spro bar bya// de ltar yang ni de bzhin bsdu zhing yang ni de ltar bskyed cing spro ba de bzhin du// med rang bzhin zhabs thob shog// dpal dus kyi 'khor lo'i sgrub thabs lhan cig skyes pa zhes bya ba/ slob dpon rol pa'i rdo rjes mdzad pa/ rdzogs so// / paN+Di ta bA gI shwar dang / lo tsA ba chos rab kyis bsgyur ba'o// dge'o// sbyor ba yan lagadrug pa zhes bya bas bcu'i dbang phyug phyag ni rdo rjes mdzad pa bzhugs so// rgya gar skad du/ Sha T+wAM g.yo ga nA ma/ bod skad du/ sbyor ba yan lag drug pa zhes bya ba/ gsang ba pa'i bdag po phyag na rdo rje la phyag 'tshal lo// de la 'dir thabs ni yan lag drug gi rnal 'byor te/ 'dir bar ma rim pa las bzlog pas bstan cing nang gi yan lag re re dor ba snga ma ma bstan pa'i yan lag nyid yan lag phyi ma bstan pa'i shugs nyid kyis rtogs par bya ste/ dper na 'di ni nyin spyod ces brjod pas gzhan mtshan spyod bya ba ma brjod kyang shugs nyid kyis nye bar dmigs par 'gyur ro// de bzhin du yang gang zhig phan tshun ltos pa'i chos ni ma bstan pa yang bstan
- 202b
pa'i chos kyis nye bar rtogs so// de'i phyir rgyud 'dir yan lag re re'i khongs su gtogs pa'i yan lag gsum bstan to// bar du bshad pa'i yan lag dang por bya ba ni 'dir bla ma'i man ngag ste// gzhan du na gang gi tshe rgyud las gsungs pa'i rim pas gzung na ni de'i tshe bla ma'i man ngag ci zhig dgos// de'i phyir dgongs pas bshad pa la sogs pa thams cad bla ma'i lan ngag las rtogs par bya ba 'am// yang na byang chub sems dpa' rnams kyis mdzad pa'i 'grel pa las shes par bya ba yin gyi mkhas pa'i nga rgyal dang ldan pa rnams kyis byas pa las ni ma yin no// de nas bsam gtan zhes bya ba la sogs pas yan lag gzhan gsum shes par bya'o// rgyud gzhan du yan lag drug gsungs pa 'dir mdor byas pa'i don gyis yan lag gsum du rtogs par bya ba ste/ 'dir gsang ba 'dus pa'i rgyud phyib las// so sor sdud dang bsam gtan dang // srog dang rtsol dang 'dzin pa dang // rjes su dran dang ting 'dzin te// rnal 'byor yan lag drug tu 'dod ces gsungs te// des na bsam gtan gyi sngon du 'gro ba ni so sor sdud pa'o// sngags bzlas pa'i sngon du 'gro ba ni srog dang rtsol ba ste/ 'dir sngags bzlas pa'i sgras ni ma ning gi bzlas pa'am rdo rje'i bzlas pa ste/ srog gi rlung 'dzin par brjod do// bde ba'i sngon du 'gro ba ni rjes su dran pa ste/ de la bde ba'i sgras ting nge 'dzin bstan to// de ltar na yan lag drug gi rnal 'byor pa nyid ni sangs rgyas nyid du 'grub par 'gyur ro// tha mal pa'i phyi'i 'jig rten pa'i rnal 'byor grub pa ni las dang po'i byis pa'i rnal 'byor pa rnams kyis sngags bzlas pa dang bsam gtan gyis te/ dkyil 'khor gyi 'khor lo brtags pa'i bsgom pa'i sems dang bde ba ni las kyi phyag rgya dang ye shes kyi phyag rgya las byung ba'i 'jig rten pa'i bde ba dang / 'bab pa'i rang bzhin gyi bde ba 'jig rten pa'i bde bas ni 'og
- 203a
min gyi gnas kyi bar gyi 'jig rten pa'i 'bras bu'o// de ltar rim pa gnyis kyis 'jig rten pa dang 'jig rten las 'das pa'i rnal 'byor pa nyid 'grub par 'gyur ro// 'dir 'jig rten las 'das pa'i gru pa sas su sa / nang gi yul rnams la lha'i mig la sogs pa'i dbang po rnams kyi rnam par shes pa 'jug pa ste/ nang gi ni chos thams cad stong pa nyid kyi dmigs pa rnam par ma brtags par mthong ba ni dngos po thams cad mthong ba stong pa nyid kyis te/ ji lta bri mos gzugs parnyan mthong ba lhur khams gsum pa'i sangs rgyas kyi gzugs brnyan du thong ba ni so sor srung ba zhes bya ba yan lag dang po'o// de nas pasam gtan ni dngos po yod pa thams cad kyi stong ba shes rab tu 'dus pa la sems kyi 'jug pa'o// rtog pa zhes bya ba ni sems kyi dngos po'i don 'dzin pa'o// dpyod pa zhes bya ba ni dngos po'i khyad par 'dzin pa'o// dga' ba zhes bya ba ni dngos po thams cad la sems gnas pa'o// bde ba ni dngos po thams cad kyi mi g.yo ba'i phun sum tshogs pa'o// de ltar bsam gtan gyi yan lag lnga bstan to// de nas srog dang rtsol ba zhes bya ba ni la la na dang / ra sa nA ste g.yas pa dang g.yon pa 'gags shing a ba d+hU tIr thim ste dbus kyi lam du srog gi rlung rtag tu 'jug pa ste/ rngub pa dang / gnas pa dang // 'byung ba'i sbyor bas a ba d+hU tir oM gyis 'jug pa dang / hUM gis 'gog pa dang / AHsa 'byung ba dang / zla ba dang / sgra gcan dang / nyi ma'i rang bzhin gyis goms par byed pa ni srog dang rtsol ba'i rang bzhin du bstan to// de nas 'dzin pa zhes bya ba ni ci srog gi rlung lte ba dang / snying ga dang / lkog ma dang / dpral ba'i dbang chen dang / chu dang / me dang / rlung gi
- 203b
dkyil 'khor rnams su 'jug pas thig le la srog gnas shing phyir mi 'byung ba ni 'dzin pa'i yan lag tu bstan to// de nas rjes su dran pa zhes bya ba ni rang dad pa'i lha'i gzugs brnyan mthong ba rnam par rtog pa spangs pa'o// de las 'od zer du ma 'phro ba'i gzugs can rab tu snang ba'i dkyil 'khor sna tshogs kyi tshul can khams gsum du spro ba de rjes su dran pa'i yan lag go// ting nge 'dzin zhes bya ba ni rang dad pa'i lha la rjes su chags shing mi 'jig pa'i bde ba/ gzung ba dang 'dzin pa med par sems rtse gcig pa yin no// zhes ting nge 'dzin gyi yan lag de bzhin gshegs pas gsungs so// 'dir yan lag drug ni rnal 'byor mdor gsungs pa ste rgyas par ni 'bum sde 'am/ dpal mchog dang po 'am/ bla ma'i man ngag las phyag rgya chen po'i dngos grub 'dod pa'i rnal 'byor pas khong du chud par bya'o// 'dir yan lag drug gi rnal 'byor dang po'i lam du bsgom pa'i man ngag bstan pargyad gzhan rnams su gsungs pa ni gsang ba 'dus pa'i rgyud phyi ma las bsten pa dang / nye bar sgrub pa dang / sgrub pa dang / sgrub pa chen po rnams te/ ji skad du/ bsnyen dus gtsug tor chen po yi// gzugs su 'bad pas bsgom par bya// nye srub dus su de bzhin du// bdud rtsi 'khyil pa'i gzugs bsgom bya// sgrub pa laM ni lha yi gzugs// rnal 'byor brtson pas bsgom par bya// sangs rgyas mnga' bdag gzugs nyid ni// sgrub pa che la rnam par brtag ces gsungs te/ 'dir dgongs pa'i tshig gzhan gyis gtsug tor chen po'i gzugs ni khams gsum ma lus pa'i sangs rgyas kyi sku nam mkha' chos 'byung bar thugs rje rab tu gzhag cing bsnyen po'i dus dang por so sor sdud pas sgom zhing bsam gtan gyi yan lag gis kyang brtan par bya'o// de la bcom ldan 'das kyis dam bca' ba ni// rtog pa thams cad rnam spangs te// nyin zhag gcig la rnam par brtag/ gal te rtags ni ma
- 204a
byung na// de tshe nga yi tshig brdzun yin// de la rtags ni du ba la sogs pa'i mtshan ma'o// gzhan du sngags la sogs ma yin no// zhag gcig la sgrub pa gang gis sngags pa la rtags 'byung ste/ de'i phyir sngags pas yod pa dang med pa'i blo spangs nas ltos pa med par byas la/ zab cing mi dmigs pa'i stong pa nyid las du ba la sogs pa'i rtags rnams 'byung ba de dge bsgom zhes bya ba ni de bzhin gshegs pa'i nges ba'o// byed dang bcings pa'i sbyor ba yis// sa gsum po ni bsgrub par bya/ zhes bya ba la sa gsum pa'i sangs rgyas kyi sku mig la sogs pa'i byed pa rnams kyis bsgrub par bya'o// de nyid kyi man ngag ni zhal las khong du chud par bya'o// de la bla ma'i man ngag gis rnal 'byor pas dang por nam mkha' la du ba lta bu mthong ste smig rgyu ni ma yin zhes rang gis nyams su myong bar shes par bya'o// de nas smig rgyu lta bu ste/ du ba la sogs pa de nyid rtog pa med par gzugs brnyan bzhin du'o// dang po du ba lta bu dang // gnyis pa smig rgyu lta bu dang // gsum pa mkha' snang lta bu dang // bzhi pa mar me lta bu dang // lnga pa sprin med pa'i nam mkha' lta bu'i rtags gsang ba 'dus pa dang // mkha' 'gro ma'i dra ba las gsungs so// gzhan yang mkha' 'gro ma'i rdo rje dra ba las/ bcom ldan 'das kyis sgyu ma lta bu'i rnam pa dang / skad cig rmi lam lta bu'i rjes// de ni kun mkhyen rgyu yin te// dngos grub nye bar ster byed pa'o// zhes gsungs te/ des na bcom ldan 'das kyis bka' las dang po du ba la sogs pa'i mtshan ma ni bsgoms pa'i rtags su 'gyur ro// kha cig ni grub pa'i dus su zhes smra ste/ de rnams ni de bzhin gshegs pa'i dam bca' ma nyams par byed pa ste/ rtog pa thams cad yongs spangs te/ nyin zhag gcig la brtag par bya/ zhes bya ba'i bcom ldan 'das kyi bka' sun 'byin par 'gyur ro// grub pa'i dus su
- 204b
bajig rten pa'i du ba la sogs pa dang / snum la sogs pa gang yin pa de rnags su mi 'gyur te/ dngos su du ba dang / 'bar ba dang / sreg pa'i bya ba nas pa'i phyir ro// dper na/ gur gu dang / ma tog dang / rin po che dang sa mags pa'irje kyang/ tha shA ng+gA gyu sa na pa lasags par byung na pa sa na du ngas // ma ma'i ba'i rnya pa shA / rnag de nas ni// slar yang bdag byin brlab par bya// de nas go rims ji lta ba'i// tshe gas mtshan ma rtogs par bya// zhes gsungs te/ de la bdag la byin gyis brlab pa ni kun rdzob kyi stong pa nyid mthong ba'o// so sor sdud pa'i mtshan ma ni sman drang du ba la sogs pa lta bur snang ba ste/ de yang mar me'i mtha'/ de nas sprin med pa'i nam mkha' dri ma med pa'i bar du'o// rgyud gzhan rnams su dang po 'bar ba nas thig le'i mtha'i bar du ste/ sgyu 'phrul dra ba'i ting nge 'dzin l-i bu las kyang / bcom ldan 'das kyis gsungs pa 'di lta ste/ nam mkha' las byung rang byung ba/ shes rab ye shes me po che// 'od chen rnam par snang bar mdzad// ye shes snang ba lam mi pa// 'gro ba'i mar me ye shes sgron// gzi brjid chen po 'od gsal ba// sngags drag mnga' bdag rig sngags rgyal// gsang sngags rgyal po don chen byed// ces bya ba'i tshigs su bcad pa gnyis kyis sgyu 'phrul dra bar rtags gzhan yang bcom ldan 'das kyis dgongs pa'i tshig gis gsungs so// sprin med pa'i nam mkha' las byung ba gang yin pa de ni nam mkha' las byung rang byung ba ste/ rnam par rtog pa thams cad spangs pa'i phyir ro// shes rab ye shes me bo che zhes bya ba ni 'bar ba ltar snang ba'o// 'od chen rnam par snang bar mdzad ces bya ba ni zla ba ltar snang ba ste de nyid kho nar ye shes snang ba lam me ba'o// 'gro ma'i mar me zhes bya ba ni nyi ma'i snang
- 205a
ba'o// ye shes sgron zhes bya ba ni sgra gcan ltar snang ba'o// gzi brjid chen po 'od gsal ba ni glog ltar snang ba'o// sngags dag mnga' bdag rig sngags rgyal zhes bya ba ni thig le ltar snang ba ste zla ba'i dkyil 'khor kha dog sngon po'i rnam pa'o// gsang sngags rgyal po don chen mdzad ces bya ba ni rnam pa thams cad kyi khams gsum gyi dngos po'i snang ba sgyu ma dang rmi lam dang mtshungs pa so sor sdud pa'i sbyor bas mthong ba'o// mig gi dbang po'i byed pa dang de nas srog dang rtsol ba'i bcing ba ste/ byed pa 'di rnams dang bcings pa'i sbyor ba yis sa gsum po ni bsgrub par bya ste 'dod pa dang / gzugs dang / gzugs med pa'i mtshan nyid brtan pa dang g.yo ba'i bdag nyid can no// zhes bya ba'i don to// de bzhin du rdo rje mkha' 'gro ma'i dra ba las kyang / 'gro dang mi 'gro khams gsum ni// ji srid 'jig rten khams rnams dang // rdo rje'i lus ldan ji srid pa// ma lus lus pa med pa 'grub// ces yan lag drug gis so zhes bya ba bcom ldan 'das kyis nges pa'o// de bzhin du gsang ba 'dus pa las kyang // dngos po med cing sgom pa med// bsgom par bya ba sgom pa min// de ltar dngos po dngos med pas// sgom pa dmigs su med pa'o// zhes gsungs te/ 'dir dngos po med pa ni sprin med pa'i nam mkha'o// sgom pa ni so sor sdud pa'o// de nyid ni dngos po med pa bsgom pa min zhes bya ba'o// 'dir so sor sdud pa'i sgom pa'i yul ni sprin med pa'i nam mkha' yin pas sgom pa yang yod pa ma yin te/ rnam par rtog pa'i sgom pa dang bral ba'i phyir ro// de ltar dngos po ni so sor sdud pas mthong ba de yang dngos po ma yin te ma brtags par 'das pa dang ma 'ongs pa dang da ltar byung ba'i dngos po rnams dngos po med par mthong ba'o// de nas so sor sdud pa sgom pa'i phyir rnam par rtog pa sgom
- 205b
pa mi dmigs so// zhes bcom ldan 'das kyis gsungs so// bsgom pa 'di ni bcom ldan 'das kyis shes rab kyi pha rol tu phyin pa las kyang 'di lta ste/ de nas lha'i dbang po brgya byin gyis tshe dang ldan pa rab sa// gas pa 'byung sa sa m+b+ha / sgrub/ sa m+b+hi ba 'du phyin pa la bslab par bya'o// zhes gsungs so// de bzhin du phyag rgya chen po sgom pa ni gzugs brnyan dang sgyu ma dang mtshungs pa dang / sprin med pa'i nam mkha' ltar bcom ldan 'das kyis bstan to// de ltar so sor sdud pa dang / bsam gtan gyis bsnyen po'i yan lag bstan to// dri nas bdud rtsi khyil pa'i gzugs dgongs pas rlung du bshad do// de'ang rnam pa gnyis te gsang ba 'dus pa'i rlud phyi ma las bcom ldan 'das kyis/ rin chen lnga'i rang bzhin dbugs/ sangs rgyas lnga yi byin gyis brlabs// gong bu'i gzugs kyis phyung nas ni// sna yi rtse mor rnam par bsgom/ zhes gsungs pa la/ 'dir rin chen lnga'i sgras ni ra sA nA la dkyil 'khor lnga'i chos can sa la sogs pa'i khams lnga'o// de'i bdag nyid kyi dbugs ni rin chen lnga'i rang bzhin sna bugs g.yas pa la'o// de bzhin du sangs rgyas lnga ni la la nA la dkyil 'khor lnga'i chos can rnam par shes pa la sogs pa'i phung po lnga ste de rnams kyis byin gyis brlabs pa sna khung g.yon pa la'o// gong bu'i gzugs kyis phyung ba ni 'dir gong bu'i g.yas pa dang g.yon pa'i dkyil 'khor rnams kyi srog ki rlung dbus ma a bad+hU tIr gcig tu 'gyur ba'o// srog gi rlung de yang gong bu'i gzugs kyis phyung nas sna'i rtse mor bsgom pa ste/ de la sna'i rtse mo'i sgras lte ba dang / snying ga dang / lkog ma dang / dpral ba dang / gtsug
- 206a
tor gyi pad+ma'i lte ba bstan te de'i rtse mor bsgom par bya'o// sna'i rtse mor bsgom pa ni g.yas pa dang g.yon pa'i dbus kyi pad+ma'i lte bar ro// de ltar thig le'i gnas su gong bu'i tshul can srog 'dzin pas na de nyid 'dzin par bstan to// de bzhin du yan lag gnyis kyis nye bar bsgrub pa ni bdud rtsi khyil pa'i gzugs te/ nye bar sgrub pa de nyid rdo rje bzlas par bstan te yan lag ma nyams pa'i bzlas pa ni g.yas pa dang g.yon pa'i rtsa la mi rku ba'o// gtsug tor gyi gzugs mthong nas phyi nas sngags pas srog dang rtsol ba la bya ba ste/ bla ma'i man ngag dang dgongs pa'i tshig las rtogs par bya'o// zhes bya ba ni srog dang rtsol ba dang 'dzin pa de'ang nye bar sgrub pa'o// de nas bsgrub pa la ni lha yi gzugs/ zhes gsungs pa la/ 'dir 'dzin pa'i stobs kyis lte bar gnas pa'i tsaN+Da lI 'bar bar rnal 'byor pas mthong ba ste/ sgrib pa thams cad dang bral ba yis gzugs parnyan lta bu'i phyag rgya chen po 'bar zhing sangs rgyas kyi sprin mtha' yas pa'i 'od zer gyi sprin 'phro ba'i 'od kyis dkyil 'khor gyis rnam par mdzes pa can te rjes su dran pas ni sgrub pa bstan to// 'dzin pa'i mtha tsat+ta lI'i sbyor bsgom pa 'di ni nges pa'o// de nas de'i ye shes kyi 'od kyis phung po dang // khams dang skye mched rnams bsregs nas ro gcig par bya zhing g.yas pa dang g.yon pa'i rtsa la gnas pa'i rnam par shes pa la sogs pa dang / sa la sogs pa'i dkyil 'khor rnams kyi rang bzhin dpral bar zla ba'i dkyil 'khor du zhugs pa dang / de nas tsaN+Da lA'i ye shes kyi me'i 'od kyis zla ba zhu ba'i byang chub kyi sems thig le'i rnam pas 'og tu bab pa ste/ lkog ma dang snying ga dang lte ba dang gsang ba'i pad+mar dga' ba dang mchog tu dga' ba dang sna tshogs pa'i dga' ba'i rang bzhin gyis/ de nas rdo rje nor bu'i mthar lhan cig skyes pa'i dga' ba'i ngo bo nyid dam/ yang na rnam pa sna tshogs
- 206b
pa dang / rnam par smin pa dang / rnam par 'joms pa dang / mtshan nyid dang bral ba'i rang bzhin gyis te/ de ltar bcu drug gi cha yongs su rdzogs shing bsgoms pa'i stobs kyis nor bu'i nang du chud pa'i bde ba gang gi tshe 'byung ba de'i tshe tshig gi bde bal bu dpe tsam ste/ rdo ba nyid ni dbang po gnyis las byung ba 'jig pa'i bde ba des ni mchog tu mi 'jig pa'i bde ba'i bye ba phrag sang gi cha yang mi bad// 'dir mi jog pa'i bde bstan cig skyes pa'i dgal ba'i rang bzhin gyi gnas skabs ni tshig gi yul ma yin pa byis pa'i rnal 'byor pa rnams kyis rnam par mi shes pa byang chub sems dpa' rnams kyi stong pa nyid kyi ting nge 'dzin zhes bstan te/ 'jig rten la grags pa'i med pa nyid kyi don du ltung bar byed pa ni ma yin no// zhes dgongs pa'o// de ltar na yan lag drug gi rnal 'byor/ sngags bzlas pa dang / bsam gtan dang / bde bas rnal 'byor pa nyid sangs rgyas nyid de/ dag byed sdig pa 'jig par byed pa'i mchog rnal 'byor pas tshe 'di la 'grub ces bsgrub par bya ba dang / sgrub pa'i nges pa bcom ldan 'das kyis bstan to// sbyang ba yan lag drug ces bya ba gsang ba pa'i bdag pos bcu'i dbang phyug byung chub sems dpa' phyag na rdo rjes mdzad pa rdzogs so// // rgya gar gyi mkhan po chen po dpal rab 'byor zhi ba'i zhal snga nas lo tsA btsog ro dge slong ting nge 'dzin bzang pos bsgyur cing zhus te gtan la phab pa'o// dge'o// dab du kyil po skang sbyin nes bya ba'i sbu thabs bzhugs so// rgya gar skad du/ shrI kA la tsakra gan+d+ha lang kA ra sAd+ha na nA ma/ bod skad du/ dpal dus kyi 'khor lo snying po'i rgyan zhes bya ba'i sgrub thabs/ bcom ldan 'das dpal dus gsum gyi bde bar gshegs pa thams cad kyi mnga' bdag dpal rdo rje'i chang chen po la phyag 'tshal lo// dus 'khor bden pa gnyis kyi bdag/ chos kyi zab mo longs spyod rdzogs// 'gro ba dang mos sprul sku dang //
Colophon
sbyor ba yan lag drug ces bya ba gsang ba pa'i bdag po sa bcu'i dbang phyu byang chub sems dpa' phyag na rdo rjes mdzad pa rdzogs so/_rgya gar gyi mkhan po chen po dpal rab 'byor zhi ba'i zhal snga nas lo tsA ba cog ro dge slong ting nge 'dzin bzang pos bsgyur cing zhus te gtan la phab pa'o