Q2178MW1KG13126_2178rgyud 'grelAll versions of this work

yi ge bdun pa'i sgrub thabs

Saptaakṣarasādhanaṃ

Text

ff. 13a–14b · 4 folio sides

  1. 13a

    longs spyod rdzogs pa'i 'khor lor bzhugs// thabs la mchod pa byas nas ni// mdzod spur yid ni zhugs gyur pas// ur+yan zhes ni bya ba yi// gnad kyi sgo nas 'thon nas kyang // dzA lan d+ha rar rab tu zhugs// bde gshegs thams cad bsregs na san// lha mo yid kyi shugs ldan ni// dmigs kyis mthong bar mi 'gyur ro// sangs rgyas thams cad bskul nas ni// bdud rtsi phung por byas nas kyang // 'o ma'i rgyun ltar 'dzag par 'gyur// gser gyi sgor ni zhugs par 'gyur// longs spyod 'khor lor gnas nas kyang // so yi bu kar 'dzag par 'gyur// chan brgyad mo lta bu ni// sems kyi ngo bor ngal ba so nas// rgyun mi 'chad par bsregs nas kyang // rgyal ba rnams ni mnyes par byed// yang dag las ni rab tu 'byung // lte ba'i pad+mar yang dag gnas// kun nas yang ni 'gro ba dang // de bzhin du na rgyun 'o nyid// mkha' 'gro rtsa ni kun spyod ni// bde chen 'khor lor bshad pa'o// // sdom pa bshad pa zhes bya ba/ slob dpon chen po brtu la zhugs kyi spyod pa la zhugs pa nag pos mdzad pa rdzogs so// dza go ta lar 'od sngon chos 'byung gis bsgyur ba'o// 5 sa la so// // rgya gar skad du/ sap+ta a k+Sha ra sA d+ha naM/ bod skad du/ yi ge bdun pa'i sgrub thabs// dpal rdo rje mkha' 'gro la phyag 'tshal lo// byis pa bud med phal char ni// rgyas par gzung dkar 'gyur bas na// mdor bsdus pa'i yang mdor bsdus nas// yi ge bdun pa bsdu bar bya// mchod sogs stong nyid byang chub kyi// sngags kyi mthar thug 'og tu ni// brtser ldan lus kyi dbus son pa'i// rdo rje mkha' 'gro rab bsgrub bya// yaM raM baM laM byung ba bzhi'i//

  2. 13b

    dkyil 'khor steng du sum las byung // lhun po rin chen sna bdun dang // rtse mo brgyad pa ba sa ma par bya// oM me di ni ba dz+rI b+ha ba badz+ra ban+d+ha hUM// oM badz+ra prA ka ra hUM baM hUM/ oM badz+ra pany+dza ra hUM baM hUM oM badz+ra pi tA na hUM khang hUM/ oM badz+ra sa ra dz+wa la tAM saM traM/ oM badz+ra la a na lArga hUM hUM hUM// rdo rje sa sogs drug byas nas// 'khor lo sna tshogs rdo rje gnas// sna tshogs rdo rje'i phreng bas bskor/ rtsibs drug pa ni bri bar bya// 'dir ni hUM las byung ba yi// rdo rje mkha' 'gro ba de chen po// phyag drug zhal gsum spyan gsum pa// mtshan kun gyis mtshan bsgom par bya// dpe byad brgyad cu yang dag ldan// khyab bdag A li kA lis byung // rdo rje dril bus stobs par zhugs// mi yi pags pa rlon pa 'chang // g.yon pa thod pa kha T+wAM ga/ phyag g.yas na ni mdung rtse gsum// thod pa'i phreng ba'i cod pan dang // ral pas sna tshogs rdo rje 'chang // zla ba phyed pa'i mthod dang ni// phyag rgya drug gis skul klubs// mthing dang ser dang ljang gu'i zhal// stag gi pags pa'i na bza' gsol// 'jigs byed dang ni dus mtshan mo// g.yas brkyang ba yis nyi mar mnan// mgon po ji lta de bzhin du// rdo rje phag mo'ang phyag la sogs// lha mo byin pa yang dag 'khyud// mchog tu dga' bas myos pa mo// dzaHhUM baM hoH yi ge 'dis// ye shes dgug pa la sogs pa// rnal 'byor ma drug rtsibs drug la// g.yon du bskor bas rnam bskor bas// dang por lha mo khrag 'thung ma// gnyis pa rdo rje 'jigs byed ma// gsum pa zag gtum ma dang ni// bzhi pa rdo rje sna byed ma// lnga pa rdo rje drag mo yin// drug pa rdo rje mkha' 'gro yin// sngon po ser po ljang gu dang // dmar po dud kha de bzhin dkar// skra bshig ma la drag

  3. 14a

    chen mo// spyan gsum ma ste phyogs kyi gos// phyag ni cig shos phyag gnyis ni// sgra sgrogs Da ma ru dril bus mtshan// mi yi pags pa bsnams pa ste// yi dgas ni// ma'i steng na gnas// thod pa'i phreng ba'i cod pan can// g.yas brkyang gdan la yang dag bzhugs// lha rnams thams cad go rim bzhin// yi ge drug las byung ba bsgom// la maM paM te khaM zhes pas// khams lnga po ni byin gyis brlab// oM aM hri ho hUM hrI zhes// gzugs sogs phung po la yang ngo // b+h+rUM hAM kha A ho haM gis// skye mched rnams ni sbyang bar bya// oM/ hA na ma hi/ swA hA tra/ bau ShaTahe/ hA trUM ho/ phaT te/ brang mgo spyi gtsug phrag pa dang // mag la sogs pa sbyar bar bya// oM ba~M ha yo tsi mo h+ye d+hI d+hU hUM phaT phaT// lte ba snying ga kha dang ni/ spyi bo spyi gtsug gzhan la dgos// lus dang ngag lam sems kyi ni// oM AHhUM ni dgod par bya// 'khor lo bskur drug 'khor lor gnas// lha mo'i tshogs kyi lag gnas pa'i// bdud rtsi lnga yi khu bas gang // thod pa rnams kyis dbang bsur bya// mchod dang bstod dang bdud rtsi myang // byas par gyur pas spyod par bya// dog pa med pa'i sems kyis ni// gsang sngags yi ge bdun pa bzlas// / oM hrIHha ha hUM hUM phaT/ bsam gtan bzlas pa gang tshe bro// de tshe dag pa rjes zan bya// dran pa yang dag byang chub kyi yan lag ni dpal he ru ka'o chos rab tu rnam par 'byed pa yang dag byang chub kyi yan lag ni khrag 'thung ma'o// brtson 'grus yang dag byang chub kyi yan lag ni rdo rje 'jigs byed ma'o// dga' ba yang dag byang chub kyi yan lag ni drag gdum ma'o// shin tu sbyangs pa yang dag byang chub

  4. 14b

    kyi yan lag ni rdo rje snang byed ma'o// ting nge 'dzin yang dag byang chub kyi yan lag ni rdo rje drag mo'o// mgur chug du bu rin chen dang // rna cha gdub kor tshangs skud de// de dag pha rol phyin pa drug phyag rgya'i gzugs su sbyar ba yin// yi ge bdun pa'i sgrub thabs slob dpon rgyal dka' zla bas btus pa rdzogs so// bag pa po ma gyu kyi ga she ba na@#// rgya ga skad du/ shrI tsakra sa pa/ ra sA d+ha naM a mr-i tak+Sha ra nA ma/ bod skad du/ dpal 'khor lo sdom pa'i sgrub thabs bdud rtsi 'dzag pa zhes bya ba bcom ldan 'das dpal he ru ka la phyag 'tshal lo// dbang po dgag dka' glang po mchog/ nus pa'i stobs kyis lugs kyus 'gugs// thig stong sangs rgyas nyid myu gu// zla ba'i 'od zer ltar 'phro ba// rang snying pad snang dbus gnas pa'i// zla ba'i gzugs bstan nang dmigs pa// sa rba me rlung mkha' rang bzhin// bskyod med thig le la phyag 'tshal// brda 'ba' zhig ni gtso gyur pa// tshig gi sdebs dang 'brel pa dang // rtag reng rnams dga' ba yi rgyud// dpal ldan 'khor la sdom pa mchog/ yun rings pa ru rtogs dka' ba// 'brel med skad ni ma lus gsungs// de zab rgya mtsho ltar gnas pa// zab mo su yis shes pa yin// de phyir bdag gis rtsa ba yis// bshad pa phyi ma yongs shes pas// 'khor lo dag pa de ring brtsams// ri dang nags tshal phug rnams dang // chu bo'i 'gram dang bzhi mdo dang // rgya mtsho chen po nyams/ dga'i 'gram// shing gcig drung dang bde ba'i gnas// gnas ni nye bar bstan pa yin// yang na yid dang mthun par te// de ru rnal 'byor brtsam par bya// 'dod pa kun gyi 'bras bu thob// snying ga chu

Colophon

yi ge bdun pa'i sgrub thabs slob dpon rgyal dka' zla bas btus pa rdzogs so/