'phags pa 'od zer dri ma med pa rnam par dag pa'i 'od ces bya ba'i bzungs
Āryarasmibimalaśuddheprabhanāmadharani
Text
ff. 73b–89a · 32 folio sides
- 73b
bsdigs par bya/ phyag rgya 'di ni rgya che/ kun la bstan pa de bzhin gshegs/ thams cad kyis 'di byin gyis brlabs/ phyag rgya 'di ni mthong tsam gyis/ sdig pa kun las rnam par grol/ phyag rgya bcings pa tsam gyis ni/ las rnams thams cad 'grub par 'gyur/ 'di ni bcom ldan 'das kyis byin gyis brlabs bar the tshom med/ de nas 'jam dpal gzhon nur gyur mas/ rtog pa'i rgyal po 'di yongs su bsrung ba'i phyir/ gzungs smras pa/ na mo man dzu shri ye/ ku ma ra bud d+ha ya/ tad+ya thA/ dza ye bi dza ye/ dza ya shri dzu shwA swA hA/ sgrub pa'i tshe sngags lan bdun 'di rjes su dran par bya'o// de nas gnod sbyin gyi sde dpon chen po lag na rdo rjes rigs pa chen mo 'di bsrung ba'i phyir/ gsang sngags smras pa/ tad+ya thA/ badz+ra mu dre/ ha na ha na/ pa tsa pa tsa/ badz+ra hAM swA hA/ yung kar la lan bdun bzlas brjod byas te phyogs bzhir gtor na/ mtshams chen po bcad par 'gyur ro// de nas rgyal po chen po bzhi dag gis rig sngags 'di smras so// tad+ya thA/ ha li me li mi/ sa ra pra sa ra/ b+hi ri b+hi swA hA/ yung kar lan bdun nyi shu rtsa gcig bzlas brjod byas te bdag nyid la dbang bskur na/ 'byung ba dang / gnod sbyin dang / srin po la sogs pa thams cad 'byer bar 'gyur ro// 'phags pa byang chub kyi snying po'i rgyan ces bya ba'i gzungs rdzogaso// / rgya gar skadadu/
- 74a
ar+ya rasmi bi ma la shud d+he pra b+ha na ma d+ha ra ni/ bod skad du/ 'phags pa 'od zer dri ma med pa rnam par dag pa'i 'od ces bya ba'i bzungs/ sangs rgyas dang / byang chub sems dpa' thams cad la phyag 'tshal lo// 'di skad bdag gis thos pa'i dus gcig na/ bcom ldan 'das grong khyer chen po ser skya'i gnas kyis pho brang gi dkyil 'khor gyi khyams chen po na/ dge slong gi dge 'dun chen po dang / byang chub sems dpa' sems dpa' chen po rab tu mang po dag dang thabs gcig tu bzhugs pa la 'di lta ste/ byang chub sems dpa' sems dpa' chen po sgrib pa thams cad rnam par sel dang / lag rdo rje dang / 'phags pa spyan ras gzigs dbang phyug dang / 'jam dpal dang / shes rab 'od dang / byam pa la sogs pa byang chub sems dpa' sems dpa' chen po grangs med pa rnams dang / lha dang / kla dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po dang / mi dang / mi ma yin pa la sogs pa grangs med pas bcom ldan 'das la zhes sar bcas/ ri mor bcas/ bkur stir byas te/ yongs su bskor ba la chos ston cing bzhugs so// de'i tshe ser skya'i grong khyer na gnags pa/ bram chen po ser skya'i zla ba zhes bya ba/ bcom ldan 'das kyi bstan pa la yid ma ches zhing log par lta ba
- 74b
zhig gnas pa de/ dus gzhan zhig gi tshe/ gzhan zhig gi rmi lhas su rmis te bstan pa/ bram ze chen po khyod da ste zhag bdun na 'chi ba'i dus byed par 'gyur ro// zhes zer ba thos nas/ bram ze de shin tu yang mi dga' ste/ 'jig la skrags nas yid la bsam pa/ bdag gis srog gi skyabs su zhig btsal bar bya/ yang dge sbyong go'u ta ma thams cad mkhyen pa rdzu 'phrul dang ldan pa zhig yin no zhes grag na/ bdag de gan du song ste thams cad mkhyen pa yin yang dag na/ de 'jigs pas nyams par gyur pa'i skyabs mdzad pa'i phyir chos ston gor ma chag go nyam du bsams nas/ bcom ldan 'das kyis gan du song ba dang / rgyang ring po nas btso ldan 'das 'khor mang po dang thabs gcig tu bzhugs pa mthong nas/ bcom ldan 'das la zhu bar ma spobs te sems zhig 'dag pa la/ bcom ldan 'das yang dag par rdzogs pa'i sangs rgyas/ dus gsum mkhyen pa/ thams cad gzigs pa/ sgrib pa mi mnga' bas bram ze'i bsam pa mkhyen nas/ byams pa'i thugs brtse bar dgongs te bka' stsal pa/ bram ze chen po khyod da ste zhag bdun nas 'chi ba'i dus byas nas/ ngan song ngan 'gro mnar med pa'i sems can dmyal bar 'gyur ro/ de nas yang rims kyi sems can dmyal ba bcu drug tu kha brgyud de skye bar 'gyur ro// de nas thar nas kyang rigs ngan shan pa'i lus su skye bar 'gyur ro// de nas shis
- 75a
@#'phos nas yang bag gi lus su skye bar 'gyur te/ rtag tu ngan skyugs mi gtsang za zhing / 'dam rdzab kyi nang du yun ring por gnas te/ rgyun tu sdug bsngal myong bar 'gyur ro// de nas gal te mi'i lus thob na yang / shin tu dbul ba dang / mi gtsang ba dang / dring ba dang / mdog mi sdug cing gnag pa dang / lus rid cing nyam tshung ba dang / 'je can du 'gyur te/ skye bo kun la mi sdug cing / bkres pa nyams thag pa/ skye bo yongs kyis dmad pa/ rtag par brdeg tshogs cing shin tu sdug bsngal bar 'gyur ro// zhes bka' stsal de thos nas/ bram ze de shin tu 'jigs skrag te yid gdungs pas dus nas/ bcom ldan 'das kyis zhabs la mgo bos phyag 'tshal te gsol pa/ bum ldan 'das yang dag par rdzogs pa'i sangs rgyas rnams ni sems can thams cad kyi mgon dang skyabs mdzad pa lags na/ bdag ni sdig pa'i las thams cad 'chags te/ deng slan chad bcom ldan 'das kyis bka' bzhin du bgyid na/ bdag ngan song ngan 'gro sems can dmyal bar skye ba'i sdug bsngal las skyabs su mdzad par gsol/ de skad ces gsol ba dang / bcom ldan 'das kyis bka' stsal pa/ bram ze chen po khyod song la/ grong khyer chen po ser skya'i lam gyi sum mdon/ mchod rten ring bsrel gyi snying po can rnyings pa ral pa/ zhig pa zhig yod pa de slar gastegs te/ mchod rten
- 75b
kyi rtse por srog shing bcugs la/ gsang sngags la ger bris pa de'i nang du bcug te mchod pa byas nas/ gsang sngags lan bdun bton na/ khyod kyi che yang byer nur te 'phel bar 'gyur te/ 'chi ba'i dus byas nas kyang bde 'gro mtho ris kyis gnas longs spyod che ba rnamasu skye te/ bskal pa stong phrag brgya'i bar du bde ba'i longs spyod kyang phyir 'phel zhing rgyas par 'gyur/ de nas kyang de bzhin gshegs pa mi khrugs pa'i sangs rgyas kyis zhing yongs su dag par skye bar 'gyur te/ bskal pa brgya stong du mar bde ba chen po myong bar 'gyur ro// de nas yang shi 'phos nas rgyal chen bzhi'i rigs kyi lha rnams kyi nang du skye bar 'gyur te/ der yang bskal pa chen po stong phrag brgya'i bar du bde ba'i longs spyod mi zad pa myong bar 'gyur ro// tshe rabs gang dang gang du skye ba'i gnas su kun tu yang / yid gzhung zhing tshe'i bar chad med pa dang / las kyi sgrib pa thams cad zad nas nam du yang sems can dmyal bar mi 'gyur ro// rtag tu yang dag par rdzogs pa'i sangs kyis 'byung ba rnams dang phrad cing / rjesu dgongs par mdzad do// bram ze chen po gzhan yang dge slong dang / dge slong ma dang / dge bsnyen nam/ dge bsnyen ma 'am/ rigs kyi bu 'am/ rigs kyi bu mo gang la la che thung ba 'am nad mang ba zhig yod na/ des mchod rten rnyed pa bcos pa 'am/ gsar du bsdigs kyang rung ste/ gsang sngags 'di bris la nang du
- 76a
bcug na/ dkyil 'khor byi dor byas te mchod na/ de dag gis yon tan ni tshe zad pa la yang che slad nur zhing ring ba dang / nad kyi btab cing sdug bsngal ba yang nad de cog las thar pa dang / nam du yang ngan song ngan 'gro sems can dmyal ba dang / byol song gi skye gnas dang / gshin rje'i 'jig rten du skye bar mi 'gyur te/ de dag gi rna lam du grags par 'gyur na/ de dag tu skye ba lta ci spos/ de nas bram ze des de skad thos nas yid rangs te/ mchod rten zhig pa bcos par bsams nas/ de 'khor de nas langs te song ngo // de'i tshe 'khor de nyid na/ byang chub sems dpa' sems dpa' chen po sgrib pa thams cad rnam par sel ba zhes bya ba zhig stan las langs te/ thal mo sbyar nas/ bcom ldan 'das la 'di skad ces gsol to// bcom ldan 'das gsang sngags kyi cho ga 'di ji lta bur bgyis na yon tan dang legs pa dang / dge ba'i rtsa ba bskyed par 'gyur/ de skad ces gsol pa dang / bcom ldan 'das kyis bka' stsal pa/ gsang sngags chen po rnams kyis yang mchog dri ma med cing rnam par dag pa'i 'od ces bya ba 'di/ dkyil 'khor chen po'i cho ga bzhin byas na/ de bzhin gshegs pa thams cad kyi byin gyis brlabs kyis sems can thams cad la phan pa dang bde bar 'gyur ro// gang la la zhig gis gsang sngags 'di thos na/
- 76b
'tshams med pa lnga byas pa'i sdig pa yang ma lus par byang bar 'gyur ro// ser sna dang / sngabs sems dang / pra dog la sogs pa mi dge ba'i rtsa ba thams cad kyang byang bar 'gyur te/ tshe zad pa las kyang tshe ring bar nur ba dang / bkra shis dang / legs pa phun sum tshogs pa thams cad 'grub par 'gyur ro// de skad ces bka' stsal pa dang / yang byang chub sems dpa' sems dpa' chen po sgrib pa thams cad rnam par sel bas bcom ldan 'das la gsol pa/ bcom ldan 'das bcom ldan 'das kyis sems can thams cad kyi srog gi skyabs mdzad pa dang / las bsgribs pa thams cad gsal ba'i slad du/ bcom ldan 'das kyis gsang sngags kyi tshig 'di thams cad dang ldan pa'i 'khor la bka' stsal du gsol/ de skad ces gsol pa dang / bcom ldan 'das kyis gnang ste/ bcom ldan 'das kyi dbu'i gtsug tor gyi steng nas 'od zer gyi snang ba chen po byung nas/ stong gsum gyi stong chen po'i 'jig rten gyi khams 'od kyi khyab bar mdzad de/ de bzhin gshegs pa thams cad la yang khyab par mdzad de 'od zer de dag slar 'dus nas/ bcom ldan 'das kyi dbu'i gtsur tor du nub bo// de nas bcom ldan 'das dgas shing ka la ping ka'i dbyangs kyi gsang sngags bka' stsal pa/ na ma sab ta nan/ sa mya ka saM bud d+ha ya ko tri nan/ pa ri
- 77a
shud d+he ma na si/ a b+h+ye tsi ta pa tri ShA/ na mo b+ha ga wa te/ a mi ta a yur Sha s+ya/ ta tha ga ta s+ya/ oM sarba ta ga ta shud d+he a yur bi sho d+ha ni/ saM ha ra saM ha ra/ sarba ta thA ga ta bir+ya ba le Na/ pra sad ha ra/ a yu sa ra sA ra/ sarba ta thA ga ta sa ma ya/ bo d+hi bo d+hi/ prad d+he bud d+he/ bo d+ha ya bo d+ha ya/ ma ma sa rbab pa a wa ra Na bi shud d+he/ be ga d+ha ma las tsar/ su bud d+ha bud d+he/ hu ru hu ru swA hA/ 'di ni rtsa ba'i sngags te/ gang la la 'dis che ga byed par 'dod na/ tshes brgyad dang / bcu gsum dang / su bzhi dang / bco lnga rnams gang yang rung ba la/ ring bsrel dang bcas pa'i mchod rten la lan bdun bskor ba byas la gsang sngags kyi gzhi 'di lan bdun bcu rtsa bdun bzlas brjod byas te/ khrus byas la dkyil 'khor byas nas/ gsang sngags kyi yi ge bdun bcu rtsa bdun bris te/ de'i tshe gsang sngags 'don pa dang / yi ger bri ba yang khrus byas la gos gtsang ma gyon te/ lus spos kyi byugs kha zas gtsang ma zos la/ me togs dang bdug pas mchod de/ de la rin po che sna bdud yon du phul lam/ yang na bdag nyid kyi nyams kyi ci 'byor pa 'phrul yang rung ste/ sems dgu par bya'o// chos la btsun par bya ba'i phyir bsti stang dang ri mo cher bya'o// gsang sngags kyi yi ge la yang dkon zhing rin po che'i 'du shes bzhag te/ mchod rten che chung rdza
- 77b
tsam nus pa bdun bcu rtsa bdun gdab par bya zhing / de re re'i nang du gsang sngags re re bcug te sems rtse cig tu mchod pa cher byas na che zad pa las slar nur te tshe ring bar 'gyur ro// sngon gyi las kyi sgrib pa dang / tshe rabs grangs med par sdig pa thams cad byang ste nam du yang sems can dmyal ba dang / dad 'gro dang / yi dgas kyi skye gnas thams cad du skye bar mi 'gyuraro// gang du skyes pa'i gnas thams cad du yang sngon gyi tshe rabs rjes dran par 'gyur/ yid la bsam pa thams cad kyang de bzhin du 'grub par 'gyur/ de bzhin gshegs pa 'bum phrag bdun bcu rtsa bdun snyed la dge ba'i rtsa ba bskyed par 'gyur/ nad dang sdug bsngal thams cad las thar bar 'gyuraro// gang la la zhig gnad tshab ches btab ste 'chi ba'i dus byed pa la thug na/ dkyil 'khor gru bzhi pa byas la de'i steng du tshon sna lnga ri mor bris te/ dbus kyi char ni 'khor lo dang / rdo rje dang dung dang / mdung rtse gsum pa dang / g.yung rung ris dang / pad mo rnams bri'o/ grwa bzhir yang pad mo re re bris te/ de'i steng du spos chus bkang ba'i bum pa re re bzhag go/ gdug spos kyis gnod bkang spos sna tshogs thul ba yang bzhag go/ kha dog sna lnga'i snod du kha zas sna tshogs dang / dkar gsum dang 'bras chen du sbyar ba bzhag go/ yang dri'i chu dang me togs dang / 'bras sam 'bru yi bkang ba'i snod re re bzhag par bya'o// yang kha zas sna tshogs dang sbyar
- 78a
ba'i snod gtor ma spos chu bram pA dang sbyar te/ dkyil 'khor gyi steng du bzhag go/ gtor ma de dag 'bras kyi drung dang nye bar tshogs kyi bdag po'i gzugs bris la/ de'i spyi bo'i steng du mar me bzhag go// de nas dkyil 'khor gyi nub phyogs su nad pa bzhag la/ dkyil 'khor gyi nang du kha bstan pa'i mdun du yang mchod pa'i bshos bzhag te 'bul du bzhug go/ de nas sngags mkhan gtsang sbra cher byas te/ nad pa de la gsang sngags bdun cu rtsa bdun gyi btab ste/ cho ga 'di ltar byas na nad pa che zad pa de 'chi ba'i dus byed du nye ba zhag bdun nas dran pa nyams shing 'khrug par 'gyur ba/ yang tshe slar nur zhing che ring por 'gyur ro// rmi lam gyi sdug bsngal myong bar mi 'gyur ro// gang la la zhig gis gtsang sbra cher byas te/ nyan gcig bzhin rtag par gsang sngags len re re ji srid 'tsho'i bar du bton na/ de 'chi ba'i dus nas/ longs spyod dang bde ba mi zad pa'i gnas su skye bar 'gyur ro// rtag par dus thams cad du sangs rgyas bzhugs ba'i sangs rgyas kyi zhing du skye bar 'gyur zhing che rabs rjes su dran par yang 'gyur ro// dus ma yin par 'chi ba dang / sgrib pa thams cad byang bar 'gyur ro// yang gang la la zhig gis mi shi ba'i ched du phan par 'dod pas/ sems thag pa nas gsang sngags lan bdun bzlas brjod byas na ngan song gis gnas su lhung na yang de'i
- 78b
mod la las kyi sgrib pa rnams zad nas/ mtho ris kyi lha'i gnas su skye zhing bde ba myong bar 'gyur ro// yang gang la la zhig gis gsang sngags yi ger bris la gzhan gyi ming nas smos te mchod rten gyi nang du bcug la nan tan du mchod pa byas na/ shi ba gang yin pa de ngan song nas thar te mtho ris su skye bar 'gyur ro// yang na dga' ldan gyi lha'i ris su skye bar 'gyur te/ sangs rgyas kyi byin gyis brlabs kyis ngan song du skye bar mi 'gyur ro// rigs kyi bu 'am rigs kyi bu mo gang la la zhig gis mchod rten la bskor ba byas sam/ phyag byas sam/ mchod pa phul yang rung ste/ de bzhin gshegs pa'i byin gyi brlabs kyis/ bla na med pa'i byang chub kyi lam las phyir mi ldog par yang 'gyur/ sngon gyi las kyi sgrib pa rnams kyang ma lus par byang bar 'gyur ro// tha na bya dang / ri dgas la sogs te/ gang dag la mchod rten de'i gri ma phog pa de dag kyang ngan song du skye bar mi 'gyur ro// gang la las 'tsham med pa lnga'i sdig pa chen po dang ldan pa yang / mchod rten de la reg gam/ de'i grib mas 'og kyang rung ste de'i sdig pa thams cad byang zhing zad par 'gyur ro// mchod rten de'i gnas na 'byung po dang / gnod sbyin dang / srin po dang / ye dgas dang / sha \u0f7f la sogs pa lus la 'jug cing gnod pa dang / gcan zan khro bo dang / thog 'bab pa dang / sdig sbrul kha gdug pa dang / sbyar dug la sogs pa thams cad
- 79a
kyis mi tshugs shing med par 'gyur ro// gzhan yang pha rol gyi dmag tshogs dang / mtshon dang / me dang / chu dang / ser ba dang / mu ge dang / dus ma yin par 'chi ba dang / rmi lam ngan pa dang / bkra mi shis pa dang / sdug bsngal gyi gnod pa thams cad med par 'gyur ro// yul der lhas ngan zhig byung na yang mchod rten dang / sangs rgyas kyi byin gyis brlabs kyi sa 'od zer chen po byung bas/ ltas ngan pa dang / bkra mi shis pa thams cad bzlog par 'gyur ro// gang gzhan zhig bsam pa ngan pas dmag dang / chom brkun gyis gnod pa bya bar sems sam/ dgra phyir rgol ba zhig byung na yang / gnas der mchod rten de las 'od zer chen po byung ste/ de bzhin gshegs pa'i rdzu 'phrul gyis me lce kun tu 'bar bas bskor ba'i nang nas dmag gis dpung dang / mtshon cha'i char mngon par bstan pas/ pha rol gyi dmag tshogs thams cad zhi zhing phyir ldog par 'gyur ro// lha rnams kyis kyang srung ba dang skyab pa byed de/ phyogs bzhir dpag tshad brgya tshad du 'tshams bcad de bsrungs pas/ de'i nang du khrug pa dang / nad 'go ba dang / phyugs nad thams cad mi 'byung ngo // 'thab cing brtsod pa mi 'byung / chos ma yin pa'i spyod pa med par 'gyur ro// 'di la gsang sngags gzhan gyi spyad pa dang / mnan par mi nus te/ gsang sngags thams cad kyi rtsa ba yin pa'i phyir//
- 79b
yang mchod rten de'i srog shing gi gsang sngags bshad pa// oM sarba ta thA ga ta be bu la yaSh+Ti/ san kan ka ra dzA la/ ba b+hu Shi ta laSh+Ta/ d+hu ra d+hA sa man ta bi lo ki te/ sa ra sa ra/ ma ma sarba pA paM bi shu d+ha ni b+h+yo d+ha ni pa wa ra yaSh+Ti/ pa ri ma ni duSh+Ta hu/ ru tsi ra me la bi shud d+he hUM hUM swA hA/ rigs kyi bu tsi nas kyang gsang sngags kyi tshig 'di/ nan tan du dgu bcu rtsa dgu yi ge bris/ te/ mchod rten gyi srog shing gi ngos bzhir gzhug go/ de yang cho ga'i gzhung 'di nyid kyis bris te/ srog shing gi nang du gzhugs go// cho go de ltar byas na/ mchod rten dgu khri dgu stong gi srog shing bcug pa dang 'dra bar 'gyur ro// de'i gong du yang mchod rten ring bsrel can dgu khri dgu stong bzhengs pa dang 'dra'o// de'i gong du rin po che sna bdun gyi mchod rten dgu stong byas par 'gyur ro// de'i yang gong du de bzhin gshegs pa la mchod pa'i las kyi phyir/ chos bzangs lha'i 'dun dang 'dra ba'i gtsug lag khang gis mchod rten dgu khri dgu stong bsregs pa dang 'dra'o// yang gang la la zhig gis 'jim pa las bya ba'i mchod rten chung ngu zhig gi nang du gsang sngags 'di bcug na/ yang rin po che sna bdan gyi mchod rten dgu khri dgu stong brtsegs pa dang 'dra'o// yang gang la la zhig gis mchod rten 'di la bskor ba byas sam/ phyag byas sam/ thal mo sbyar ram/ me tog phul lam/ byug pa dang /
- 80a
bdug spos phul lam/ dril bu dang / ba dan dang / gdugs 'ga' zhig phul na yang / de bzhin gsheg pa dgu khri dgu stong gi mchod rten la phul ba'i bsod nams dang mnyam par 'gyur ro// dge ba'i rtsa ba thams cad yongs su rdzogs pa'i dpal dang mthu stobs rgya chen po thob par 'gyur te/ tha na bya dang sbrang bu la sogs pa yang mchod rten de'i grib mas phog na/ de bzhin gshegs pas mkhyen cing rjes su dgongs par mdzad de/ bla na med pa yang dag par rdzogs pa'i byang chub thob cing / phyir mi ldog pa'i sa la gnas par 'gyur ro// yang gang la la zhig gis/ mchod rten 'di lta bu rmi lam du rmis sam/ rgyang ma nas mthong ngam/ de'i dril bu'i sgra thos sam/ mchod rten bzhengs pa rna bar gtam thos pa de dag kyang mtshams med pa lnga la sogs te sdigs pa dang / sgrib pa thams cad byang ste/ rtag tu de bzhin gshegs pa rnams kyis srung ba dang / rjes su dgongs par mdzad de/ bla na med pa yang dag par rdzogs pa'i byang chub kyi lam yongs su dag pa thob par 'gyur ro// gsang sngags 'di ni mchod rten gyi nang du srog shing gi gsang sngags so zhes bya'o// yang rigs kyi bu de bzhin gshegs pa'i mchod rten bya ba'i gsang sngags de dag gi snying po ni 'di yin no// oM sarba ta thA ga ta/ mA la bi sho d+ha ni/ rung d+ha ba le/
- 80b
pra ti saM ka re/ ta thA ga ta d+ha tu d+ha re/ d+ha ra d+ha ra/ sa~M d+ha ra sa~M d+ha ra/ sarba ta thA ga ta a tiSh+Tha na a tiSh+Tha te swA hA// dge slong ngam/ dge slong ma 'am/ dge bsnyen nam dge bsnyen ma gang la la zhig gis mchod rten bdag nyid kyi byas sam/ gzhan byed du bcug gam/ mchod rten snying pa bcos legs byas kyang rung / sa 'jim las mchod rten chung ngu byas sam/ so bag gam/ rdo ba las byas kyang rung ste/ dang po gsang sngags kyi snying po stong rtsa brgyad tshang bar bzlas brjod byas te/ de'i 'og tu mchod rten sen mo gang tsam gyi sa las byas sam/ khru gang gi tshad du byas sam/ dpag tshad cig tsam gyi bar gyi chad du byas na yang rung ste/ gsang sngags kyi mthu dang / sems rtse gcig tu byas pa'i stobs kyis/ mchod rten de la yang spos kyi ngad ldang ste/ can dan dang / ga bur dang / gur gum la sogs pa'i dri bri ba 'am/ lha'i spos dri zhim po'i ngad ldang bar 'gyur ro// rang rang gzhan mchod rten gyi las byed pa dang / bzlas brjod byed pa de'i bsam pa thams cad kyang yid bzhin du 'gyur ro// dge ba'i rtsa ba de rgya chen po bstsogs par 'gyur te/ yon tan dang legs pa phun sum tshogs par 'gyur ro// che thung ba'i las shig yod na yang che/ nur zhing ring bar 'gyur/ nam 'chi ba'i dus byed pa na yang sangs rgyas bye ba khrag dgu bcu rtsa dgu'i zhal mthong zhing / de bzhin gshegs pa de dag gi
- 81a
rjes su dgongs te/ skye gnas phyi mar sangs rgyas kyi zhing yongs su dag par skye bar 'gyur/ mngon sum du lung ston par 'gyur/ der yang che lo bye ba khrag khrig brgya stong thub par 'gyur te/ sngon gyi gnas rjes su dran pa dang / lha'i mig dang / lha'i rna ba dang / pha rol gyi sems shes pa dang / 'chi 'pho ba dang / skye ba shes pa yang thob bo// lus la tsan dan gyi dri'i dad 'byung zhing / kha nas ud pa la'i gsung ldang bar 'gyur te/ bla na med pa yang dag par rdzogs pa'i byang chub kyi lam thob nas phyir mi ldog pa'i sa yang thob par 'gyur ro// yang dri'i byug pa yung 'bru tsam yang rung ste/ gsang sngags bzlas nas mchod rten la sku na yang / de dag gi yon tan dang legs pa spar bshad pa bzhin thob par 'gyur ro// yang dge slong dang / dge slong ma dang / dge bsnyen dang / dge bsnyen ma gang la la zhig gis bdag nyid gtsang bar byas te/ gsang sngags kyi tshig 'di dag la dkon pa dang / rin po cher 'du shes pas gzungs nas/ de bzhin gshegs pa dang 'dra bar gus par byas ste/ gsang sngags rnams la gus pa bskyed nas yi ger bre bar byas te/ gong du bshad pa bzhin du gsang sngags dang phyag rgya cho ga bzhin du bris nas/ mchod rten gyi srog shing gi rtsa ba snying po bcu te mchod rten byas na/ des dge ba'i rtsa ba rgya chen po bsags par 'gyur te/
- 81b
yon tan dang legs pa thams cad thob par 'gyur ro// de nas bcom ldan 'das kyis gsang sngags kyi phyag rgya'i cho ga 'di dag bshad pa'i tshe/ phyogs bcu'i 'jig rten gyi khams na bzhugs pa'i de bzhin gshegs pa thams cad rjes su thugs rangs par mdzad nas gsungs pa/ yang dag par rdzogs pa'i sangs rgyas shAkya thub pas/ sems can thams cad la mnyam par dgongs shing thams cad chos kyi dbyings la bkod nas/ gsang sngags chen po'i phyag rgya'i cho ga'i byin rlabs thob par bstan pa ni legs so legs so// shin tu legs so// dge ba'i rtsa ba de dag gis bla na med pa yang dag par rdzogs pa'i byang chub thob cing phyir mi ldog par yang 'gyur ro// / de nas 'khor gyi dkyil 'khor de nyid na/ lha dang / klu dang / gnod sbyin dang / dri za dang / lha ma yin dang / na mkha' lding dang / mi 'am ci dang / lto 'phye chen po 'dus pa rnams dang / byang chub sems dpa' sems dpa' chen po lag na rdo rje dang / rgyal po chen po bzhi dang / 'jig rten skyong ba'i mes po tshangs pa dang / khyab 'jug dang dbang phyug chen po dang / brgya byin dang / gshin rje dang / chu lha dang / ku bai ra dang / de dag la sogs pa rdzu 'phrul che ba'i lha de dag gis/ bcom ldan 'das kyis gsungs pa de thos nas/ rang rang gis spyod yul la skyo zhing yid 'byung bar gyur te/ mthar gyi yon tan chen po
- 82a
thob par 'dod pa'i phyir gcig la gcig bos te smras pa/ kye ma yang dag par rdzogs pa'i sangs rgyas 'byung ba ni shin tu yang rnyed par dka'o// de'i bstan pa dam pa'i chos thos pa yang shin tu rnyed par dka'/ gsang sngags dang phyag rgya'i tshogs yang dag par rdzogs pa'i sangs rgyas kyis bstan pa thos pa yang shin tu rnyed par dka' ste/ 'di ni shin tu ngo mtshar to zhes smras so// de nas de'i tshe bram ze ser skya'i zla ba zhes bya bas/ bcom ldan 'das las de lta bu'i gsang sngags dang / cho ga'i yon tan chen po de dag thos shing thob nas sems kyi sgrib pa'i rdul dang rnyog pa rnams dang bar gyur/ 'chi ba'i 'jigs pa dang / sdig pa dang / las kyi sgrib pa thams cad kyang dag par gyur/ che yang phyir nur te ring bar gyur nas dga' mgu yid rangs te/ yid bde ba chen po thob par gyur to// de nas 'byung po'i tshogs thams cad kyang sems dang zhing rjes su yi rang bar gyur to// de nas byang chub sems dpa' sems dpa' chen po sgrib pa rnam par sel bas/ de bzhin gshegs pa la mchod pa'i las kyis phyir 'khor de rin po che'i khang pa bsregs pa nor bu sna tshogs kyis smras pa zhig mngon par sprul nas/ chos la dga' ba'i phyir bcom ldan 'das la phul te/ lan gsum bskor ba byas nas/ bco ldan
- 82b
'das kyis zhabs la mgo bos phyag 'tshal te/ bcom ldan 'das la gsol pa/ bcom ldan 'das kyis gsang sngags dang / phyag rgya dang / dkyil 'khor gyi cho ga shin tu rnyed pa dka' ba sems can thams cad la phan pa dang bde ba rnams kyi mchog/ 'jam bu'i gleng gi sems can sgrib pa che ba rnams kyi don du bshad/ dge ba'i rtsa ba bskyed cing tshe ring ba dang / sdug bsngal gyi phung po thams cad las thar bar mdzad pa lags na/ da 'dir bdag cag byang chub sems dpa' rnas kyis kyang / sangs rgyas bcom ldan 'das thams cad la gsol / te/ de bzhin gshegs pa'i spyan sngar yang dag pa'i ye shes chub par bgyid pa'i phyag rgya dang / gsang sngags kyi chag bshad par 'tshal lo// na mo b+ha ga wa te/ na ba na ba Ti nama?/ si myaka saM bud d+ha ko Ti Na yu ka ta/ sha ta sa ha sra nAM/ na ma sarba Ni wa ra Na bi ski bi ni bo d+hi sa twA ya/ oM tu ru tu ru/ na ma sarba a wa ra na bai sho d+ha ne/ sarba ta thA ga ta Ar yur ba la ni bi pu la nair mA le/ sarba sid+d+hi na ma skA tA ba ra bar/ sarba sa d+ha a we lo ti ni/ oM sarba nai wa ra Na bi skam bi ni/ mA ma sarba pA paM bi sho d+ha naM ku ru swA hA// bcom ldan 'das bdag gis gsang sngags 'di ni sangs rgyas bye ba khrag dgu bcu rtsa dgus bshad pa lags te/ gang la la zhag gis ma yengs pa'i sems kyis rtse gcig tu
- 83a
byas te/ skad cig tu byas te/ skad cig gcig ston na yang sdig pa thams cad byang bar 'gyur/ yang gang la la zhig gis gsang sngags 'di cho ga bzhin dgu bcu rtsa dgu tshang bar bris te mchod rten gyi nang du bcug na/ mchod rten de la la zhig gis phyag byas sam/ tshig snyam par bstod dam/ spos dang / me tog dang / byug pa dang / mar me 'bul na rigs kyi bu de'i tshe 'di nyid la sdig pa thams cad byang zhing dag par byas las kyis sgrib pa thams cad gsal te/ bsam pa thams cad yid bzhin du 'grub par 'gyur/ sangs rgyas bcom ldan 'das brgya stong grangs med pa gang ga'i klung gi bye ma snyed la mchod cing bsnyen bkur byas pa dang 'dra bar 'gyur ro// de bzhin du mchod rten ring bsrel gyi snying po can brgya stong bya ba khrag khrig gang ga'i klung gi bye ma snyed la mchod pa byas par 'gyur ro// de'i dge ba'i rtsa ba brgya chen po bstsogs par yang 'gyuraro// yang dge sbyong gang zhig tshes brgya de dang / bcu bzhi dang / bcwo lnga gang yang rung ba la khrus dang gtsang sbra byas te/ gos gtsang ma gyon la zhig gcig sbyang bar gnas pa 'am/ yang na dkar gsum zos te/ mchod rten la bskor ba zhing gsang sngags lan brgya rtsa brgyad bzlas brjod byas na/ bskal pa brgya stong du bsags pa'i
- 83b
las kyi sgrib pa thams cad rnam par sel ba bdag nyid kyi lus sngon par ston te/ bsam pa thams cad dngos grub tu byin par mdzad cing / yang dag par rdzogs pa'i sangs rgyas thams cad kyi zhal mthong bar 'gyur ro// de bzhin du gang la la zhig gis nyis brgya rtsa brgyad ston na ting nge 'dzin thob par 'gyur ro// gang gis sum brgya rtsa brgyad ston na/ sgrib pa thams cad byang te phyir mi ldog pa'i sa la gnas par 'gyur ro// yang gang gis bzhi brgya rtsa bzhi ston na/ rgyal chen rig bzhi'i rgyal po chen po dag kyang nye bar 'ongs nas lung ston te/ bsrung ba dang / skyab pa byed cing / shes rab kyi stobs kyang bskyed nas/ bsod nams thams cad nye bar bsgrub po// gang gi lnga brgya rtsa brgyad ston na/ dge ba'i rtsa ba de nyid kyis 'das ma byas kyi sa lam la gnas par thob po// yang gang gis drag brgya rtsa brgyad ston na/ rig sngags 'chang du gyur te/ nam mkha' la spyod pa'i rigs 'dzin gyi gnas su 'gyur ro// yang gang gis bdun brgya rtsa brgyad tshang bar bzlas na/ legs pa'i yon tan thams cad dang ldan par 'gyur ro// gang gis brgyad brgya tsam ston na/ gzhan gyis bsgo ba med pa'i rang dbang thob ste/ sems rnam par dag par 'gyur ro// yang gang gis dgu brgyad rtsa brgyad du ston na/ phung po lnga rnam par dag par 'gyur ro// yang gang gis stong
- 84a
rtsa brgyad du ston na/ rgyun tu zhugs pa'i 'bras bu thob po// gang gis nyis stong tshang bar ston na/ lan gcig phyir 'ong ba'i 'bras bu thob po// gang gis stong tshar bar ston na/ phyir mi 'ong ba'i 'bras bu thob po// gang gis bzhi ston chang bar ston na/ dgra bcom pa'i 'bras bu thob par 'gyur ro// gang gis lnga stong tshar bar ston na/ rang sangs rgyas kyis thob par 'gyur ro// gang gis drug stong tshang bar ston na/ byang chub sem dpa' rdzu 'phrul gyi gnas 'thob par 'gyur ro// gang gis bdun stong tshang bar ston na/ byang chub sems dpa'i sa dang po thob par 'gyur ro// yang gang gis brgyad stong tshang bar ston na/ byang chub sems dpa'i sa lnga gnon par 'gyur ro// gang gis dgu stong tshang bar ston na/ rig sngags dang gsang sngags rnams kyi bdag po// gsang ba'i bdag po'i lus thob par 'gyur ro// yang gang gis khri tshang bar ston na/ byang chub sems dpa' sa brgyad pa mi g.yo ba gnon par 'gyur ro// yang gang gis nyi khri tshang bar ston na/ bla na med pa yang dag par rdzogs pa'i sangs rgyas kyi sku thob par 'gyur te/ seng ge'i sgra chen po sgrog par 'gyur ro// yang gang la la zhig gis pha ma'i don gyi phyir bsod nams kyi las bya bar 'dod na/ mchod rten snying pa ring bsrel can zhig ral can du gyur pa
- 84b
gsos la bcos legs byas te/ g.yas phyogs su bskor ba byed cing sngags lan brgya rtsa brgyad tshang gis bar du bskor ba byas na bsam pa thams cad yid bzhin du 'grub par 'gyur ro// de nas bcom ldan 'das kyis byang chub sems dpa' sgrib pa thams cad rnam par sel ba la legs so zhes bya ba byin te/ legs so legs so// rigs kyi bu khyod kyis nga'i grogs byas te/ de bzhin gshegs pa'i gsang sngags kyi cho ga tshul bzhin du bshad pa de kho na bzhin no// de nas gnod sbyin thams cad kyi rgyal po gsang ba pa'i bdag pos/ bcom ldan 'das la gsol pa/ bcom ldan 'das gsang sngags kyi rgyal po gsang sngags kyi cho ga 'di dag de bzhin gshegs pa rnams dang 'dra ba/ de bzhin gshegs pa'i chos kyi sku las byung ba lags na/ bcom ldan 'das snying po dam pa 'di dag 'dzam bu gling na gnas pa'i sems can rnams kyis las kyi sgrib pa dang / sdig pa thams cad gsal nas/ de'i phyin chad bcom ldan 'das kyi bstan pa la 'jug par 'gyur ro// de skad ces gsol pa/ dang / bcom ldan 'das kyis gsang ba'i bdag po la bka' stsal pa/ gsang ba'i bdag po gsang sngags kyis cho ga 'di dag ni ma 'ongs pa'i des na yang / de bzhin gshegs pa dang ba yin no// ngas cho ga ji skad bstan pa bzhin du byas na/ las kyi
- 85a
sbyor ba chung ngus kyang 'bras bu chen po 'grub par phan yon che bar gnas par 'gyur na/ las kyi skye ba cher byas pa lta ci smos te/ dge ba'i rtsa ba thams cad bsags par 'gyur ro// de lta bas na de dag gi yon tan ni/ de bzhin gshegs pa brgya stong bye ba khrag khrig gang gA'i klung gi bye ma snyed kyis bshad kyang mi rdzogs te/ de bzhin gshegs pa de dag gi mkhyen cing gzigs par zad do// gsang ba'i bdag pos gsol pa/ bcom ldan 'das la las tshegs chung ngu ji lta bu zhig bgyis na/ bsod nams kyi 'bras bu chen po 'grub cing bsod nams chen po thob par 'gyur/ bcom ldan 'das kyis bka' stsal pa/ gsang ba'i bdag po de'i phyir legs par rab tu nyon cig dang / bshad par bya'o// dge slong dang / dge slong ma dang / dge bsnyen dang / dge bsnyen ma gang la la zhig gi bsod nams kyi 'bras bu chen po thob cing yon tan thob par 'dod pas/ gsang sngags kyi rgyal po'i cho ga sngar snyan pa bzhin du bya ste/ dgu bcu rtsa dgu yi ger bris la/ sangs rgyas kyi mchod rten gyi mdun du dkyil 'khor grwa bzhir byas la/ ba'i lci bas byugs te/ gra bzhir spos nus bkang ba'i phor bu re re bzhag bdug spos kyi snod thul bar yang bzhag nas/ snod chen po
- 85b
nang du me tog dang / dri'i chu dang / 'bras skam po rnams blugs te/ dkyil 'khor gyi steng du bzhag pa dang / yang ti la nag po dang / sran ma ma sha dang / 'bras rnams gasres te bcos pa'i 'bras thug ti la sa ra zhes bya ba dang / zas dkar gsum dang / 'di rnams bum pa'i nang du blugs pa dang / yang shing thog snga chog kye 'brum bu dag bcu rtsa dgu dang / kha zas ming gi smos pa 'di rnams dang / spos dang me tog la sogs pa dkyil 'khor gyi steng du bkrams la/ gsang sngags kyi yi ge mchod rten gyi srog shing gi nang du bcug nas/ mchod rten gyi phyogs bzhir de bzhin gshegs pa thams cad mngon du dmigs te phyag byas la/ sems rtse gcig pas gsang sngags 'di dag 'don par bya'o// tad+ya thA/ oM bi pu la/ bi ma le/ pra ba re/ dzi na ba re/ sa ra sa ra/ sarba ta thA ga ta tu garbe a d+hi Sh+TaM te swA hA/ a ya ta to ba ni swA hA/ sarba de ba Na ba ha ya/ bi shud+d+ha a d+hiSh+ThA na sa ma ya sa ma ye swA hA// / bdug spos 'thul ba rgyun mi chad par bya zhing gsang sngags lan nyi shu rtsa brgyad ston na/ byang chub sems dpa' sems dpa' chen po dang / gnod sbyin gyi sde dpon chen po brgyad dang / gsang ba'i bdag po dang / rgyal po bzhi dang / tshangs pa dang / dbang phyug chen po dang / sred med kyi bu rnams de'i med la mchod rten de la mchod pa dang /
- 86a
rim gro byed de srog shing bstan par byed do// de bas gong du yang sangs rgyas bye ba 'bum phrag dgu bcu rtsa dgu dang / gang ga'i klung gi bye ma snyed kyang gnas der gshegs te/ mchod rten de la mchod pa dang / chos kyis skar byin gyis brlabs cing ring srel dang ldan par mdzadado// / de ltar sems thag pa nas cho ga tshul bzhin du byas na/ yon tan de dag gzhan yang mchod rten de yid bzhin nor bu rin po che las byas pa'i bsod nams thob par 'gyur ro// rin po che'i rnam pa bye ba khrag khrig brgya stong du ma las mchod rten byas pa dang 'dra bar 'gyur te/ dge ba'i rtsa ba rgya chen po dang ldan zhing / lus rnam pa dag la tshe ring zhing nad med pa dang / bgegs thams cad kyi mi tshugs par 'gyur ro// gang gzhan la la zhig gis mchod rten 'di mthong ngam/ mchod rten de'i dril bu'i sgra thos na yang / las kyi sgrib pa dang / sdig pa thams cad byang bar 'gyur te/ mtshams med pa lnga byas pa yongs su byang nas/ 'chi ba'i dus byas pa'i 'og tu bde ba can gyi 'jig rten gyi khams su skye'o// gang la la zhig gis mchod rten de'i ming tsam thos pa yang / 'chi ba'i dus byas nas bla na med pa yang dag par rdzogs pa'i byang chub kyi lam thob par 'gyur/ tha na bya dang / ri dgas la sogs pa sems can gang gis mthong ba de yang che bos nas/ dud 'gram
- 86b
skye gnas spangs te/ bsod nams dang ye shes kyi lus thob par 'gyur ro// gang la la zhig gis pha rol tu phyin pa drug yongs su rdzogs par spyod par 'dod pa des/ snga ma bzhin du dkyil 'khor gru bzhi pa byas te sa dang lci bas byugs te/ de'i steng du spos kyis kyang nul gyis byugs te/ dkyil 'khor gyi gru bzhir dri'i chus bkang ba'i snod re re bzhag la/ sngar bstan pa'i gsang sngags 'di dgu bcu rtsa dgu bris te/ rang gi lag gi mchod rten chung ngu dgu bcu rtsa dgu bris te/ mchod rten gyi 'phang lo rnams kyis nang du bcug nas/ mchod rten rnams dkyil 'khor gyi steng du bzhag ste me tog dang byug pas mchod la/ lan bdun du bskor shing gsang sngags 'di yang ston par byed do// na ma na ba na bA De naM/ ta thA ga ta ga Na naM/ Di bA lu ke/ ko Di na yu ka ta sha tA sa hA sra naM/ oM po po ri tsa Ni tsa ri/ mo ri ko ra \u0f7f la bA ri swA hA/ cho ga 'di ltar byas na pha rol tu phyin pa drag yongs su rdzogs par spyad par yang ma zad de/ des ni rin po che'i mchod rten bye ba khrag khrig brgya stong gang gA'i klung gi bye ma snyed byas par 'gyur ro// yang dag par rdzogs pa'i sangs rgyas bye ba khrag khrig brgya stong phrag dgu bcu rtsa dgu snyed la mchod cing / bsnyen bkur byas par 'gyur ro// de'i gong du yang lha thams cad kyi mchod pa'i sprin sna tshogs bsdus te mchod rten la yo byad sna tshogs sbyar nas/ de bzhin
- 87a
gshegs pa'i pho brang dang / yo byad sna tshogs sbyar nas mchod par 'gyur te/ yang dag par rdzogs pa'i sangs/ rgyas de dag snyed kyis mkhyen cing gzigs te byin gyis slob par mdzad do// rigs kyi bu 'am rigs kyi bu mo de'i dge ba'i rtsa ba rgya chen po'i bsod nams dang yon tan thams cad thob par 'gyur ro// yang gang la la zhag gis gsang sngags kyi rgyal ba 'di snang ba ma nar bar yi ger bris la rtag tu sun te/ mchod pa'i las byas la lus la thog na/ rig pa de nyid kyi srung ba mdzad de/ bskyab pa mdzad do/ bas kyi rgol ba'i dgra thams cad dang / shar gnyer ba rnams dang / gnod sbyin dang / srin po dang / yi dgas la sogs pa thams cad dang gnod pa byed par mi 'gyur te/ 'jigs shing skrag pas so sor 'byer bar 'gyur ro// gang la la zhig gis rig pa 'don pa de dag gtam byas pa yang / 'tshams med pa lnga'i las kyi sgrib pa yang yongs su byang bar 'gyur ro// gang kha la zhag gis sngags pa de'i sgra skad thos sam/ grab mas phog gas/ lus la reg kyang rung ste/ de'i tshe rab gzhan gyis slob pa dang / sdig pa bas cad yongs su byang bar 'gyur ro// gang rig pa 'don pa de'i lus la dug gi mi tshugs/ mes mi tshugs/ chus mchi bar mi 'gyur ro// gdon
- 87b
thams cad kyis klags mi nyed thog kyang 'bab par mi 'gyur te/ sangs rgyas thams cad kyis srung ba dang bskyab pa mdzad cing spyan ras kyis 'tsho bar mdzad do// dam tshig can thams cad kyang stong grogs byed pa 'gyur te/ gzhan gyi rig sngags dang / byad dang / sbyor thams cad kyi srung bas mi tshugs par 'gyur ro// de lta bas na rig pa 'don pa gnas gang na 'dug kyang gsang sngags 'di'i cho ga don du gnyer bar bya ste/ gang sngags yi ger bres la lam gyi bzhi mdo 'am/ sum mdo 'am/ skye bo mang po phan tshun 'gro ba'i gnas su mchod rten byas las/ de'i nang du bcug na der 'gro ba thams cad dang / bya dang / sbrang ma dang / tha na grog sbur yan chad kyi mthong ba dang / thos pa dang / rigs pa dang / de la phog pa'i sa dang / rdul dang / rlung dang / grib mas phog na yang byol song dang / yi dgas dang / ngan song logs par ltung ba sems can dmyal bar skye bar 'gyur ba'i sdig pa thams cad dang bral zhing / 'chi ba'i dus byas nas bde 'gro mtho ris lha rnams kyi nang du skye bar 'gyur ste/ sngon gyi las kyi sgrib pa yongs su byang nas/ tshe rabs rjes su dran pa thob par 'gyur zhing / phyir mi lhud ba'i chos can du 'gyur ro// de nas bcom ldan 'das kyis byang chub sems dpa' sems dpa' chen po sgrib pa thams cad rnam par sel ba dang / gsang
- 88a
ba'i bdag po lag na rdo rje dang / rgyal po chen po bzhi dang / tshangs pa mi mjed kyi bdag po dang / tshangs ris kyi lha rnams dang / dbang phyug chen po la sogs pa'i lha rnams la bka' stsal pa/ skyes bu dam pa dag/ ngas gsang sngags kyis rgyal po'i snying po 'di dag khyed rnams la yongs su gtad kyis/ rtag tu rim gro bya zhing yongs su bzung bar bya ste/ rin po che'i me tog gi nang du bcug te/ gnas thams cad du sgrags te/ nam du yang rgyun ma chad par sems can thams cad la ston cig/ mthong zhing thos par byas na mtshams med pa lnga'i sdig pa yang byang bar 'gyuraro// de nas byang chub sems dpa' sems dpa' chen po sgrib pa thams cad rnam par sel ba dang / gsang ba'i bdag po lag na rdo rje dang / rgyal po chen po bzhi dag dang / tshangs pa dang / dbang phyug chen po dang / sred med kyi bu dang / lha dang / klu dang / gnod sbyin dang / srin po dang / lto 'phye chen po dang / de la sogs pa thams cad kyi bcom ldan 'das kyis zhabs la phyag 'tshal nas/ tshig mthun par spras te gsol pa/ bcom ldan 'das bcom ldan 'das kyis bdag la thugs rtse bar dgongs te/ gsang bsngags 'di'i cho ga dang / mchod rten bgyi ba'i cho ga bgyi ba ji skad gsung pa' rnams/ tshig mthun par
- 88b
sems can thams cad la sman pa'i slad du bdag cag kun gyis bsrung zhing rim gro bgyi/ rtag par gzungs su bzung zhing me bskyed par bgyi/ yi ger bri ba dang / bklag pa dang / mchod pa'i las rnams kyang bgyi ste/ ma 'ongs pa'i dus na sems can gang la las chos kyis rnam grangs 'di thos shing khong du chud na/ ngan song ngan 'gro sems can dmyal ba la sogs pa dang / sdig pa thams cad las thar par 'gyur bar bcom ldan 'das kyis gsungs pas na/ bdag cag rnams kyis bcom ldan 'das kyi bka' drin spyi bos blangs pa'i slad du/ gsang sngags kyi cho ga 'di dag la rim gro bgyi/ btsun par bgyi/ gus par bgyi/ rin por che'i 'du shes bzhag par bgyi/ rgya cher 'phel bar bgyi/ bcom ldan 'das kyis zhal dang 'dra bar blta bar bya ste/ nam du yang mi nub par 'gyur zhing ci nas kyang rgyas par bgyi ba'i slad du nan tan bgyi bar 'tshal lo// de skad ces gsol pa dang / bcom ldan 'das kyis bka' stsal pa/ skyes bu dam pa/ rnams dam tshig la gnas pas gsang sngags kyi cho ga 'di dag bsrung ba dang / rim gror bya ba dang / yongs su bsrung bar khas blangs pa ni legs so legs so// shin tu yang legs so// bcom ldan 'das kyis de skad ces bka' stsal nas/ thams cad dang ldan pa'i 'khor de dag yid rang te/
- 89a
bcom ldan 'das kyis gsungs pa la mngon par bstod do// 'phags pa 'od zer dri ma rnam par dag pa'i 'od ces bya ba'i gzungs rdzogs so// / rgya gar gyi mkhan po bad+ya ka ra sing ha dang / zhu chen gyi lots+tsha ba ban d+he dpal gyi lhun po'i sdes bsgyur cing zhus te gtan la bab pa/ jo bo a ti sha dang / dag shes ston pas sngags rnam par dag par 'gyur ro// / rgya gar skad du/ ar+ya sarba ta thA ga ta a b+haThA hr-i da ya gu hra d+ha tu ka ran d+ha mud Da na ma d+ha ra ni ma hA ya na su tra// bod skad du/ 'phags pa de bzhin gshegs pa thams cad kyi snying po byin gyis brlabs kyi snying po// gsang ba'i ring bsrel gyi sa tog ces bya ba'i bzungs theg pa chen po'i mdo// sangs rgyas dang byang chub sems dpa' thams cad la phyag 'tshal lo// 'di skad bdag gis thos pa'i dus gcig na/ bcom ldan 'das yul ma ga ta na dri ma med pa'i kun dga' ra ba na/ rin po che snang ba'i rdzing na/ byang chub sems dpa'i dge 'dun chen po dang / nyan thos kyi dge 'dun chen po dang / lha dang / klu dang / gnod sbyin dang / dri za dang / lha ma yin dang / na mkha' lding dang / mi 'am ci dang / lto 'phye chen po dang / mi ma yin pa mang po rnams dang / yul gyi mi 'bum phrag mang po rnams kyis yongs su bskor cing mdun du byas nas chos
Colophon
'phags pa 'od zer dri ma med pa rnam par dag pa'i 'od ces bya ba'i bzungs rdzogs so// //rgya gar gyi mkhan po bid+ya ka ra sing ha dang/ zhu chen gyi lots+tsha ba ban d+de dpal gyi lhun po'i sdes bsgyur cing zhus te gtan la pha pa/ jo bo y ti sha dang/ dge shes ston pas sngags rnam par dag par 'gyur ro/