N3833MW22704_3833rgyud 'grelAll versions of this work

dpal ldan bla ma nags kyi rin chen gyi bstod pa bdun pa

Śrīgurumbanaratnasatartraḥsaptakaṃ

Text

ff. 23a–24a · 3 folio sides

  1. 23a

    'chang/ /zhi bde'i sa bon rang gi snying ga'i phyogs na te/ /dpal ldan ri khrod khyod la rtag par phyag 'tshal lo /rdzogs pa'i byang chub phun sum tshogs pa'i gter gyi mchog /dam pa'i sku yi rdo rje dag dang ldan na yang/ / de las khyod kyis gcig tu sems can phan grub phyir/ /sna tshogs byed pa rnams kyang nges par bzung ba lags/ /kha yig gis ni a yig dung ste dum bur byas/ /de nas ga yig sems yongs shes pas mkha' la gshegs/ /gti mug sogs sel de slad kha dang ga dag gis/ /nam mkha' i sku ste mkha' 'gro yang ni khyod nyid lags/ /kun gyis bskur ba'i mu stegs ngan pa'i 'dod pa bcom/ /mi rnams bde gshegs go 'phang la ni 'god par mdzad/ /legs par 'dus la dam chos rab bstan phan pa dag /gtad de dam pa'i lam du bde bar bgrod pa'i gnas/ /rdzu 'phrul rnam 'phrul brgya phrag gnas kyis gang ba yi/ /bsam pa thams cad rdzogs par byed pa'i bum pa thob/ /e ma gzhan don phul byung bsags pa'i rgyal ba ni/ /ri khrod dam pa 'di yin khyod zhabs la 'dud de/ /de ltar bla ma dam pa sha ba ri dbang bstod pa yi/ /rin chen brtul zhugs dam pa nags kyi rin chen gyis byas 'dir/ /dge ba gang thob de yis srid pa'i chu gter bying ba dag /phyung nas kun gyis lhan skyes bde 'byor myur du sa thob shog /zhes pa dpal sha ba ri'i zhabs kyi bstod pa rin po che rdzogs so// //mkhas pa chen po dpal nags kyi rin chen gyis mdzad pa/ rje btsun dam pa de nyid kyi spyan sngar chos smra ba gzhon nu dpal gyis ding ring bsgyur ba'o// //nags kyi rin chen bstod pa bdun pa nyi ma pa mdzad pa rtse thang lo tsa'i 'gyur// !/ /rgya gar skad du/ sh+rI gu ru m+ba na ratna sto tra(rgyud 'grel): sapta kaM /bod skad du/ dpal ldan bla ma nags kyi rin chen gyi bstod

  2. 23b

    pa bdun pa/ dpal ldan bla ma nags kyi rin chen gyi zhabs la phyag 'tshal lo/ /bal po'i yul gyi rgyal po bde par gshegs pa yi/ /lugs la rtag tu rjes su brtson pa la bkod cing/ /mkhas pa rnams kyi mdzod gyur mthar thug yon tan gyi/ /tshogs kyi zab mo snang mdzad dge slong rgyal po ste/ /rnam par grags shing mtshungs pa med pa'i grags pa yi/ /rgyal mtshan bla re dar dpyangs zab cing rgya che'i blo/ /sku yang sems can rnams kyi skyabs ni gcig pu ste/ /theg chen yang dag sdom pas grub pa'i mdza' yi mdzod/ / nags kyi rin chen zhes bya sdom brtson mchog gi blo/ /gnas brtan 'di na gnyis med chos kyi de nyid rig /'dul ba'i sdom pas yang dag sdom la mngon par brtson/ /pha rgol glang po'i dbang la ri dags rgyal po lags/ /phyag 'tshal sdom brtson chen po'i rgyal po rnams kyi mchog /mchog gi tshul la rab tu rnam par nges pa skye/ /skye bo sdug bsngal dag las 'byin byed gcig pu mchog /mchog tu nags kyi rin chen gnas brtan chen po lags/ /chags bral sems can ma lus pa dag sad par mdzad/ /phyag gi chu skyes dag gis mtshan gyi ? chang ba/ /'dzin ma'i mthil gyi rgyan du gyur pa mdzes ba'i sku/ /gnas brtan chen po nags kyi rin chen rab tu mdzes/ /dga' bral dga' ba'i glang po la sogs dri ma med/ /dri ma dri ma med cing bral ba nyams su myong/ /srid dang srid pa ma yin gnyis kyi 'ben la mnga' / /gnas brtan chen po nags kyi rin chen skyabs su gyur/ /dga' bral dang po'i bdud rtsi'i btung ba dag la dgyes/ /dgyes shing nges la dul ba'i yal ga brgya phrag gis/ /sems can brgya phrag tshogs rnams yongs su smin pa dag /rtsi mdzad gnas brtan chen po nags kyi rin chen po/ /bdud sde la sogs rnams kyi kha la ro med mdzad/ /kha yi chu skyes dag ni sgra yis gang ba 'joms/ /skye mched 'dar ba'i pha rgol ri yi dbang po 'khru/ /khrus mdzad nags kyi rin chen gnas brtan chen po'o/ /dpal ldan bla ma nags kyi rin chen gyi bstod

  3. 24a

    pa bdun pa 'di ni rdzogs so// //yul ma ga d+ha nas byung ba'i dge bsnyen dam pa nyi ma pa zhes bya bas mdzad pa'o/ /'di ni spyan snga chos kyi rgyal pos gser gyi me tog dang bcas pa'i bka' lung gis/ rtse thang lo tsa ba gzhon nu dpal gyis bsgyur ba'o// //de kho na nyid grub pa slob dpon ke ra li ma mdzad pa bzhugs so// !/ /rgya gar skad du/ sh+rI ta tSha? sid+d+hi/ bod skad du/ dpal de kho na nyid grub pa/ dpal rdo rje sems dpa' la phyag 'tshal lo/ /sangs rgyas byang chub rdo rje ni/ /tshe 'dis 'grub kyi gzhan du min/ /lus dang ngag yid legs gnas pas/ /med par 'grub par mi 'gyur ro/ /'dod pa'i longs spyod rgyun mi 'chad/ /med na de yang ji ltar 'dod pa bsten/ /gnyis med ye shes dag pa las/ /de ltar min na log par ltung/ /de nas sdug bsngal brgyud par 'byung/ /de phyir sngags kyis byin brlabs pa'i/ /mkhas pa dag pas sngon 'gro spyad/ /ji ltar chu yi thigs pa ni/ /rgya mtshor babs na lan tshar 'gyur/ /lan cha 'o ma'i mtshor zhugs nas/ /de nyid slar yang bdud rtsir 'gyur/ /ji ltar dug sbrul de nyid shes/ /nus pa 'phrog par byed nus med/ /de nyid rgyud gzhan dag la ni/ /lnga po'i gnas skabs las mi 'da' / /gzhan yang 'dod pa zil non na/ /'dod pa nyid ni sman yin no/ /ji ltar dug gis gdungs pa la/ /dug nyid sman du che ba yin/ /ji ltar me yis tshig la me/ /tsher mas zug la tsher ma nyid/ /de bzhin nyon mongs kyis nyen na/ /nyon mongs nyid ni bdud rtsir che/ /dper na dug gi de nyid shes/ /dug zos kyang ni gnod mi 'gyur/ /de bzhin yul gyi de nyid shes/ /'dod pa spyad pas gnod pa med/ /ji ltar 'dam gyi pad+ma ni/ /'dam la gnas kyang des mi gos/ /de nyid rigs pas rtag tu ni/ /'dod pa rol pas spyad par bya/ /de phyir kun nas dogs med par/ /khyad par du ni longs spyod 'gyur/ /'dod pa lnga la brten byas na/ /dngos grub myur du des thob 'gyur/ /dka' thub brtul zhugs bsnyung ba yi/ /mkhas rnams skams par 'gyur ba yin/ /skams

Colophon

dpal ldan bla ma nags kyi rin chen gyi bstod pa bdun pa 'di rdzogs so/_/yul ma ga d+ha nas byung ba'i dge bsnyen dam pa nyi ma pa zhes bya bas mdzad pa'o/_'di ni spyan snga chos kyi rgyal pos gser gyi me tog dang bcas pa'i bka' lung gis/_rtse thang lo tsA ba gzhon nu dpal gyi bsgyur ba'o