Q2010MW1KG13126_2010bstod tshogsAll versions of this work

chos kyi dbyings su bstod pa

Dharmadhātustotra

Text

ff. 73a–77b · 10 folio sides

  1. 73a

    par spyan dbye gzigs// lus med mda' yis gzer ba'i skye bo bdag cag skyob pas kyang ni bsrung bar mi mdzad na// thugs rje ldan pa phyin ci log gyur khyod las mchog tu ma rung skyes bu gzhan ma mchis// phrag dog ldan pa bdud kyi bud med de skad smras yang rgyal ba skyob pa byang chub gyur// gzhan yang 'dod dbang gis ni kun tu gzhu ba kang bdud gzhan lag pa myur ba pa Ta ha sgra 'jebs dang ldan// dpa' bo smin ma bskyod dang nyer g.yo lta bur sgeg dang 'dzum dang rol pa maud rnams kyis// thub dbang skyob pa byang chub ma bsnyes bar du bsam gtan las ni bskyod mi nus pa mthong gyur nas// ngo mtshar gyur pas ba spu langs pa'i lus kyis grub pa rnams dang yan lag mchog rnams 'dud// ral pa 'khrugs shing lce rnams g.yo gsal kun tu bltams pas gang gi thugs rnams 'khrul par ma gyur cing // rab gsal 'dod lha'i bdud rnams rtse mo mchog dag lag thogs glang po rta rnams gdong ldan seng ge dang // stag gi gdong rnams rtsa bzhin grangs med gyur pa 'khor ba yis ni gang zhig brnyengs par ma gyur pa// de ni kun la gnod pa'i rnam pa 'dres pa med par skyob pa sangs rgyas thub dbang 'jig rten mgon// bdud btul ba la bstod pa// rab dga'i lha'i zhal snga nas mdzad pa rdzogs so// 5// mang+ga laM// chos kyi dbyings su bstod pa/ rgya gar skad du/ d+harma d+hA tu sto tra/ bod skad du/ chos kyi dbyings su bstod pa// 'jam dpal gzhon nur gyur pa la phyag 'tshal lo// gang zhig kun tu ma shes na// srid pa gsum du rnam 'khor ba// sems can kun la nges gnas pa'i// chos kyi dbyings la phyag 'tshal lo// gang zhig 'khor ba'i rgyur gyur pa// de nyid sbyang ba byas pa las// dag pa de nyid mya ngan 'das

  2. 73b

    chos kyi sku yang de nyid do// ji ltar 'o ma dang 'dres pas// mar gyi snying po mi snang ba// de bzhin nyon mongs dang 'dres pas// chos kyi dbyings kyang mi mthong ngo // ji ltar 'o ma rnams sbyangs pas// mar gyi snying po dri med 'gyur// de bzhin nyon mongs rnams sbyang pas// chos dbyings shin tu dri med 'gyur// ji ltar mar me bum nang gnas// cung zhig snang bar mi 'gyur ba/ de bzhin nyon mongs bum nang gnas// chos kyi dbyings kyang mi mthong ngo // phyogs ni gang dang gang dag nas// bum pa bug gtod gyur pa// de dang de yi phyogs nyid nas// 'od kyi rang bzhin 'byung bar 'gyur// gang tshe ting 'dzin rdo rje yis/ bum pa de ni bcug gyur pa// de tshe de ni nam mkha' yi// mthar thug par du snang bar byed// chos kyi dbyings ni skye ma yin// nam yang 'gag par 'gyur ba med// dus rnams kun tu nyon mongs med// thog ma bar mtha' dri ma bral// ji ltar rin chen bai DUr+ya// dus rnams kun tu 'od gsal yang // rdo yi nang na gnas gyur na// de yi 'od ni gsal ma yin// de bzhin nyon mongs kyis bsgribs pa'i// chos dbyings shin tu dri med pa'ang // 'khor bar 'od ni gsal ma yin// mya ngan 'das na 'od gsal 'gyur// khams yod na ni las byas pas// sa le sbram dag mthong bar 'gyur// khams med par ni las byas na'ang // nyon mongs 'ba' zhig skyed par zad// ji ltar spun pas g.yogs gyur pas// so ba 'bras bu mi 'dod ltar// de bzhin nyon mongs kyis g.yogs pas// de nas sangs rgyas zhes mi brtag/ ji ltar sbun pa las grol na// 'bram nyid snang bar 'gyur ba ltar// de bzhin nyon mongs las grol na// chos kyi sku nyid rab tu gsal// chu shing snying po med do zhes// 'jig rten na ni dbar byed kyang // de yi 'bras bu snying po nyid//

  3. 74a

    mngar po za bar byed pa ltar// snying po med pa'i 'khor ba las// nyon mongs gzib dang bral gyur na// de yi 'bras bu snying po nyid// lus can kun gyi bdud rtsir gyur// de bzhin sa bon thams cad las// rgya dang 'dra ba'i 'bras bu 'byung // sa bon med par 'bras yod par// shes ldan gang gis bsgrub par nus// sa bon gyur pa khams de nyid// chos rnams kun gyi rten du 'dod// rim gyis sbyangs par gyur pa las// sangs rgyas go 'phang thob par 'gyur// dri med nyi ma zla ba yang // sprin dang du ba khug rna dang // sgra gcan gdong dang rdul la sogs// sgrib pa lnga yis bsgribs par 'gyur de bzhin 'od gsal ba yi sems// 'dod dang gnod sems le lo dang // rgod pa dang ni the tshom ste// sgrib pa lnga yis bsgribs par 'gyur// ji ltar me yis dag pa'i gos// sna tshogs dri mas dri ma can// ji ltar me yi nang bcug na// dri ma tshig 'gyur gos min ltar// de bzhin 'od gsal ba yi sems// 'dod chags la sogs dri ma can// ye shes me yis dri ma sreg/ de nyid 'od gsal ma yin no// stong pa nyid ni ston pa'i mdo// rgyal bas ji snyed gsungs pa gang // de dag kun gyis nyon mongs ldog/ khams de nyams par byed ma yin// sa yi nang na gnas pa'i chu// dri ma med par gnas pa ltar// nyon mongs nang na ye shes kyang // / daMbanan rjepa me gnas/ sa dang+yas gang myeng bdag pa yi/ 'a bye pa yin skyes pa ma// gzung btsun pastan mal pa// ba dag ces brtag par bya// sa pa med pa 'tshas bud med skyes pa dmigs ma yin// 'dod chags kyis gdungs gdul bya'i phyir// bud med skyes pa shes rab bstan// mi rtag sdug bsngal stong pa zhes// bya ba gsum pos sems sbyong byed// mchog tu sems

  4. 74b

    ni spyong byed pa'i// chos ni rang bzhin med pa yin// ji ltar sum ma'i ljon bu// yod kyang mthong ba ma yin pa// de bzhin nyon mongs kyis g.yogs pa'o// chos kyi dbyings kyang mthong ma yin// bdag dang bdog gi rnam rtog dang // ming gi 'du shes rgyu mtshan gyis// rnam rtog bzhi po 'byung ba yang // 'byung dang 'byung las gyur pas so// sangs rgyas rnams kyi smon lam yang // snang ba med cing mtshan nyid med// so sor rang rig sbyor ldan nyid// sangs rgyas rtag pa'i chos nyid can// ji ltar ri bong mgo bo'i rwa// btags pa nyid de med pa ltar// de bzhin chos rnams thams cad kyang // btags pa nyid de yod ma yin// phra rab rdul gyi ngo bo yis// glang gi rwa yang yod ma yin// ji ltar sngon bzhin phyis de bzhin// de la ci zhig brtag par bya// brten nas 'byung bar 'gyur ba dang // brten nas 'gag par 'gyur bas na// gcig kyang yod pa ma yin no// byis pas ji ltar rtogs par byed// ri bong ba lang rwa yi dpes// ji ltar bde gshegs chos rnams nyid// dbu ma nyid du sgrub par byed// ji ltar nyi zla skar ma'i gzugs// dang ba'i snod kyi chu nang du// gzugs brnyan mthong bar 'gyur ba ltar// mtshan nyid rdzogs pa'ang de dang 'dra// thog ma bar dang mthar dge ba// bslu ba med cing brtan pa yi// gang zhig de ltar bdag med la// ji ltar bdag dang bdag gir brtag/ ji ltar sos ka'i dus su chu// dro bos nyes ni brjod par byed// de nyid grang ba'i dus su ni// grang ngo zhes ni brjod pa yin// nyon mongs dra bas g.yogs pa na// sems can zhes ni brjod par bya// de nyid nyon mongs bral gyur na// sangs rgyas zhes ni brjod par bya// mig dang gzugs la brten nas ni// dri ma med pa'i spang ba 'thung //

  5. 75a

    skye med 'gag pa med nyid las// chos kyi dbyings ni rab tu shes// sgra dang rna ba la brten nas// rnam par dag pa'i shes pa gsum// mtshan nyid med pa chos kyi dbyings// rtog dang bcas pas thos par 'gyur// sna dang dril brten nas snom// de ni gzugs su med pa'i dpe// de bzhin sku yi rnam shes kyis// chos kyi dbyings la rtog par byed// lce yi rang bzhin stong pa nyid// ro yi khams kyang dben pa ste// chos kyi dbyings kyi ngo bo yis// rnam par shes pa gnas med pa// dag pa'i lus kyi ngo bo dang // reg bya'i rkyen gyi mtshan nyid dag/ rkyen dag las ni grol gyur pa// chos kyi dbyings zhes brjod par bya// yid gtsor gyur pa'i chos rnams la// rtog dang brtag pa rnam spangs nas// chos rnams rang bzhin med pa nyid// chos kyi dbyings su bsgom par bya// mthong dang thos dang bsnams pa dang / myangs dang reg par gyur pa dang // chos rnams de ltar rnal 'byor pas// shes nas mtshan nyid rdzogs pa yin// mig dang rna ba sna dag dang // lce dang lus dang de bzhin yid// skye mched drug po rnam dag pa// 'di nyid de nyid mtshad nyid do// sems nyid rnam pa gnyis su mtho// ji ltar 'jig rten 'jig rten 'das// bdag tu 'dzin las 'khor ba ste// so sor rig na de nyid do// 'dod chags zad pas mya ngan 'das// zhe sdang gti mug zad pa dang // de dag 'gags pas sangs rgyas nyid// lus can kun gyi skyabs nyid do// shes dang mi shes pa dag las// lus 'di nyid las thams cad de// rang gi rnam par rtog pas bcings// bdag nyid shes nas grol bar 'gyur// byang chub ring min nye ba'ang min// 'gro min 'ong ba'ang ma yin zhing // nyon mongs gzeb gyur 'di nyid la// mthong ba dang ni ma mthong yin/

  6. 75b

    shes rab mar me la gnas nas// mchog tu zhi bar gyur pa yis// bdag la rtag par gnas bya zhes// mdo sde'i tshogs las gsungs pa lags// stobs bcu'i stobs kyis byas pa rnams// byin brlabs zla ba tshes pa bzhin// nyon mongs can gyi sems can gyis// de bzhin gshegs pa mi mthong ngo // ji ltar yi dwags rnams kyis ni// rgya mtsho bskams par mthong ba ltar// de bzhin// mi shes pas bsgribs pas// sangs rgyas rnams ni med par btags// dman pa bsod nams dman pa la// bcom ldan 'das kyis ci bgyir mchis// ji ltar dmus long lag pa ru/ rin chen mchog ni bzhag pa 'dra// sems can bsod nams byas rnams la// 'od kyis gsal zhing dpal ldan pa'i// sum bcu rtsa gnyis mtshan 'bar ba// sangs rgyas de yi mdun na gnas// mgon po de yi gzugs kyi sku// bskal pa mang por bzhugs nas ni// gdul bya rnams ni 'dul ba'i phyir// dbyings nyid tha dad gyur pa lags// sems kyi yul ni nges rtogs nas// der ni shes pa 'jug/ par 'gyur// so so rang rig rnams dag na// sa rnams de yi bdag nyid gnas// dbang phyug chen po'i gnas mchog dang // 'og min nyid de rnam mdzes pa// shes pa gsum po gcig nyid du// / 'dres par gyur la bdag smra'o// byis pa'i nang na kun mkhyen dang // 'phags pa'i nang na sna tshogs nyid// dbang phyug chen po tshe dpag med// bskal pa tshe yi rgyu gang yin// phyi rol sems can mkhas kyi yang // dpag tu med pa'i bskal par ni// tshe yang gang gis bsrungs gyur cing // srog chags kun gyi srog gnas pa'i// rku yang mi zad pa de nyid// gang gis 'bras bu mi zad gang //

  7. 76a

    snang ba med pa'i bye brag gis// shes rab don du rab tu 'jug/ byang chub ring bar mi bsam zhing // nye bar yang ni bsam mi bya// yul drug snang ba med par ni// yang dag ji bzhin rig gyur pa'o// ji ltar 'o ma dang 'dres chu// snod gcig la ni gnas pa las// ngang pas 'o ma 'thung byed cing // chu ni ma yin de bzhin gnas// de bzhin nyon mongs kyis g.yogs nas// ye shes lus 'dir gcig gnas kyang // rnal 'byor pa yis ye shes len// mi shes pa ni 'dor bar byed// bdag dang bdag gi zhes 'dzin pas// ji srid phyi rol rnam btags pa// bdag med rnam pa gnyis mthong nas// srid pa'i sa bon 'gag par 'gyur// gang phyir sangs rgyas mya ngan 'das// gtsang ba rtag pa dge ba'i gzhi// dag phyir gnyis ni byis pas btags// de yi gnyis med rnal 'byor gnas// dka' spyod sna tshogs sbyin pa dang // tshul khrims sems can don sdud dang // sems can phan byed bzod pa ste// gsum po 'di yis khams rgyas 'gyur// chos rnams kun la brtson 'grus dang // bsam gtan la sems 'jug pa dang // rtag tu shes rab brtan pa ste// de yang byang chub rgyas byed yin// thabs dang bcas pa'i shes rab dang // smon lam rnam par sbyangs pa dang // stobs la nges gnas ye shes te// khams rgyas byed pa'i chos bzhi po// byang chub sems phyag mi bya zhes// smra ba ngan pa smra ba ste// byang chub sems dpa' ma byung bar// / chos kyi sku ni 'byung ma yin// bur shing sa bon la sdang gang // kha ra spyad par 'dod pa de// bur shing sa bon med par ni// khar 'byung bar 'gyur ma yin// bur shing sa bon gang bsrungs nas//

  8. 76b

    nye bar gnas shing bsgrubs pa las// b+har mkhar thags rnams ni// de las 'byung bar 'gyur ba ltar// byang chub sems ni rab bsrungs nas// nye bar gnas shing bsgrubs pa las// dgra bcom rkyen rtogs sangs rgyas rnams// de las skye ning 'byung bar 'gyur// dzaM wAr sA l+la'i sa bon stsogs// zhing pas bsrung bar byed pa ltar// de bzhin theg mchog mos rnams le// badren pa rnams kyis bsrung ba mdzad// ji ltar bar ro bcu bzhil// zlabacung zhig mthong ba ltar// de bzhin theg mchog mos rnams la 'a // sangs rgyas sma ni cung zad snang // ji ltar chos pa'i zla ba la// skad cig sad cig/ rgyas par mthong // de bzhin ma la zhugs rnams kyang // rim gyis rim gyis rgyas par mthong // ji ltar yar ro'i bco lnga la// zla ba rdzogs par 'gyur ba ltar// de bzhin sa yi mthar thug na// chos kyis yang rdzogs shing gsal// sangs rgyas chos dang dge 'dun la// rtag tu bos pa brtan po yis// sems de yang dag bskyed byas nas// phyir mi ldog pa yang yang 'byung // nag po'i gzhini yongs spangs nas// dkar po'i gzhi ni rab bzung bas// de tshe de ni nges rtogs pa// dga' ba zhes ni mngon par brjod// 'dod chags la sogs sna tshogs pa'i// dri mas rtag tu dri ma can// dri ma med pas ga drug pa/ rjem med ces brjod pa yin// nyon ljongs dra ba rab gags nas// dri med shes rab byugs labs// s+yAd me d+hApa y-i sra pa dag/ sel bar byed papa 'di byu pa'o// rtag tudrug pa'i 'od kyis gsal// 'du 'jo rnam par spangs pa yi// ye shes 'od kyis rab bskor pas// sa de 'od 'phro can du 'dod// rig dang sku rtsal bzog nas kun// bsam gtan rnam pa sna tshogs

  9. 77a

    nyid// nyon mongs shin tu sbyang dka' las// rnam par rgyal bas sbyang dkar 'dod// byang chub rnam pa gsum po dang // phun sum tshogs kun bsdu ba dang // skye dang 'jig pa zab pa la// sa de mngon du gyur par 'dod// 'khor lo'i bkod pas rnam kun tu// 'od kyi dra bas rtse ba dang // 'khor ba'i mtsho yi 'dam brgal bas// de la ring du song zhes bya// sangs rgyas kyis nges 'di bzung zhing // ye shes rgya mtshor zhugs pa dang // 'bad med lhun gyis grub gyur pas// bdud kyi 'khor gyis mi g.yo ba'o// so so yang dag rig kun la// chos ston pa yi 'bel ba'i gtam/ rnal 'byor pa de mthar son pas// sA de legs pa'i blo gros 'dod// ye shes rang bzhin 'di yi sku// dri med nam mkha' dang mnyam pa// sangs rgyas rnams kyi 'dzin pa las// chos kyi sman na kun du 'byung // sangs rgyas rnams kyi chos kyi gnas// spyod pa'i 'bras bu yongs 'dzin pas// gnas ni yongs su gyur pa de// chos kyi sku nas brjod pa yin// bag chags las grol bas/ mi khyab// 'khor ba'i bag chags bsam du yod// khyod ni kun tu bsam mi khyab// gang gis khyod ni shes par nus// ngag gi spyod yul kun las 'das// dbang po kun gyi spyod yul min// yid kyi shes pas rtogs bya ba// gang yang rlung la phyag 'tsha la bstod// rim gyis 'jug pa'i lugs nyid kyis// sangs rgyas sras po grags chen rnams// chos kyi sprin gyi ye shes kyis// chos nyid stong pa mthong gyur nas// pad+ma chen po'i rang bzhin gyis// gang tshe sems ni rab bkrus pas// 'khor ba'i gzeb las 'das gyur nas// pad+ma chen po'i rang bzhin gyi// spyan la de ni rab gnas 'gyur/

  10. 77b

    'dab ma rin chen du ma'i 'od// 'dod par bya ba'i ze'u 'bru can// pad+ma bye ba du ma yis// rnam pa kun tu yongs su bskor// stobs bcu po yis yongs su gang // mi 'jigs pa yis yang dag ngoms/ bsam mi khyab pa'i sangs rgyas chos// spros med rnams las nyams mi mnga'// legs par spyod pa'i las kun gyis// bsod nams ye shes rab bsags pa'i// zla ba zha la skar ma yis// 'khor du rnam pa kun gyis bskor// sangs rgyas phyag gi nyi ma der// dri med rin chen 'bar gyur des// sras kyi thu bo dbang bskur bas// dbang bskur ba ni kun tu stsol// rnal 'byor chen po der gnas nas// rmongs pas dman pa'i 'jig rten rnams// sdug bsngal gyis g.yengs 'jigs pa la// lha yi spyan gyis gzigs gyur nas// de yi skul 'od zer rnams// 'bad pa med par 'byung 'gyur te// rnaMs pa'i na par drugs de // rnams byed pa med pa lku/ ga panas m+b+ha na 'das pa rnams// b+hag pa na 'das par / 'd-i mdun 'das pa'i// rjem ming bya gyur pa'o// sems can kun gyi dngos med pa'i// ngo bo de yang de'i spyod yul// de mthong byang chub sems dpa'o// shin tu dri med chos kyi sku// dri ma med pa'i chos sprul// ye shes rgya mtsho gnas gyur nas// sna tshogs nor bu ji bzhin du// de bas sems can don rnams mdzad// chos kyi dbyings su bstod pa slob dpon 'phags pa klu sbubs kyis mdzad pa rdzogs so// / rgyagar gyi mkhan po kriSh+Na paSh+Thi ta dang / lo tshwa ba dge slong tshul khrims rgyal bas bsgyur ba'o// / @#// dpe med par bston pa/ rgya gar skad du/ ni rU pa masta pa/ bod skad du/ dpe med

Colophon

chos kyi dbyings su bstod pa slob dpon 'phags pa klu sgrub kyis mdzad pa rdzogs so/_/rgya gar gyi mkhan po kriSh+Na paN+Di ta dang /_lo tsA ba dge slong tshul khrims rgyal bas bsgyur ba'o