dus mchod chen po bzhi'i tshig le'ur byas pa
Kālasucamahacaturkārika
Text
ff. 293a–294b · 4 folio sides
- 293a
du rgyu mtshan chos kyi rgyal po de ni rgyal gyur cig/ gang zhig 'jig rten dag nas gzhi 'byung po 'dzin byed nyi ma dag kyang 'jig rten na// snang ba dag dang ldan par byed cing sprin rnams char pa 'bebs byed rlung yang rgyun drug yo// zla ba bdud rtsi'i rgyun ni rnam par spro byed nam mkha' go skabs sbyin la rab tu dpa'// de bzhin chos kyi rgyal pos zol med snying rje sems can kun la rab tu 'jug par byed// bla ma dam pa chos kyi rgyal po la bstod pa/ rgya gar gyi mkhan po snyan dag mkhan chen po// shI lak+Sh+mI ka ra yis sbyar ba'o// rgya gar gyi mkhan po de nyid dang / bod kyi lo tsA ba dge slong sde snod 'dzin pa/ shong skyon gyis dpralas sgra'i gtsug lag khang du bsgyur ba'o// // rgyag ska du/ kA la su tsa ma hAs kur+b+ba ka/ bod skad du dus mchod chen mo bzhi'i tshig le'ur byas pa thams cad mkhyen pa phyag 'tshal lo// rgyal ba'i bstan la zhugs rnams kyis// skyabs gsum dag la bskyabs pa dang // gzhan yang bsod nam ye shes tshogs// rdzogs phyir dus mchod dam bca'o// ston pas legs par gsungs pa yis// dus mchod bzhi ni 'di yin te// cho 'phrul che dang mngon byang chub// chos 'khor lha las babs pa'o// skar ma chu dang sa ga dang // chu stod tha skar rim bzhin nya// me tog u dum wa ra dang // bsing ma lug chos spang brgyan rnams// rim pa bzhin du kha 'bus ste// khad cog khu byug dang // sha ba rim bzhin sgra 'byin te// mdor na khyim rtsis dang sbyar na// bum glang karka Ta dang srang // nyi ma gang ldog rgyal du rtsi// phyi tshes gcig nas nya yi bar// zla phyed cho 'phrul chen po
- 293b
yin// mnyan yod na ni lag len dar// bdud btul ba yi dus yin pas// cho 'phrul chen po zhes kyang grags// mdo sde mdzangs blun dag las gsungs// de nas dgung zhag dgu bcu'i nya// nyin zhag 'phrugs gcig rdo rje'i gdan// gnas mchog de na dus mchod 'di'i// lag len dar bar gsungs pa yin// mngon byang chub dang bltams pa ni// 'dul ba'i gleng gzhi nyid las gsungs// mdo sde rgya che rol pa las// lhums su zhugs pa zhes bshad do// bcu gnyis pa dang chen po las// mya ngan 'das pa zhes bshad do// de nas zhag ni zhe dgu 'das// tshes bzhi'i nyin zhag bden bzhi'i chos// wa ra NA ser bskor ba des// de na 'di yi mchod pa dang // rgya cher rol pa'i mdo dang ni// sil bu las ni de ltar gsungs// den bcu phrag bcu yi nya/ ston 'bring nyor zla dgu pa la// mchod pa yangs pa can na dang / sum cu rtsa gsum gnas nas ni// ston pas dbyar gnas mdzad nas byon// mu stegs ston pa btul ba'i phyir// cho 'phrul chung ngu zhes kyang bya// 'di ni mya 'das sil bu dang // phran tshegs zhes bya'i lung las gsungs// de nas phan yon bstan pa ni// dus chen bzhi la mchod pa ni// dam bcas ma chag byas pa yis// / phan yon spyi ni dpag med kyang // mdor bsdus pa ni 'di lta ste// dkon mchog gsum la ma gus dang // bla ma grogs po sun phyung dang // nad pa pha ma bsnyen mi bkur// dad zas za zhing le lo byed// rgyun gtor chog dang dbul 'phongs la// sbyin pa gtong bar mi byed pa'i// las rnams myur du zad nas kyang // byang chub thob par the tshom med// dus mchod bzhi ni ma chag na// gzhan yang dge slong
- 294a
sman pa ni// brgyad kyi sma yang bsos par 'gyur// sdig grogs yul dang nye du dang // ma brtags brgyad dang dge slong ma// 'du 'dzi sha chang bre mo'i gtam// de dag la chags dman ma yin// bla ma dam tshigs nyams pa dang // byang chub sems la ngan sems bskyed// rnyed phyir chos 'dra ston pa dang // sdig la sbyor// dang dge 'dun gyis// yo byad brkus dang rtsa lcang byung // dkon mchog spong dang 'tshams ched byas// bstan la zhugs nas rtsod pa byed// mdza' shes sprugs dang bcu po ni/ dmyal bar skye bar gsung ba'i lam// myur du zad nas kun mkhyen thob// dus 'dir 'chi ba blu ba dang // mi mthun 'dums dang mchod rten brtseg/ rnying pa gso dang yi rang bas// bsod nams dpag med thob par 'gyur// dus bzang gzhan yang bstan pa ni// bla ma dang ni mdza' bshes dang // byang chub sems dpa' gshegs pa'i dus// nyi zla sgra gcan gdon gyis zin// mu ge sde brtsod yams nad 'byung // dus chen bzhi dang bcu gnyis la// de bzhin gshegs dang dam pa'i chos// byang chub sems dpa' nyan thos kyi// rjes su slob pa'i dge slong dang // bla ma pa malha bzo ba// 'gro ba'i nad gso sman pa rnams// zas skom rin chen sman sogs kyis// mchod na skye ba thams cad du// gnas dang longs spyod grogs la sogs/ zu ba sa// ma bgrangs da / pa yang tshus kyims / shing rjega'an kyang brug sa / rang ma
- 294b
'dod pa chung ba dang // gzhan gyis bkur ba'i 'os su byung // 'tsho ba rnam par ma dag dang // dam tshig nyams pa 'byung bar byed// dge 'dun byang chub sems dpa' dang // gnyen bshes rnams kyis rgyun du gyur// gnad gcod sdug bsngal mi 'byung zhing // shi 'phos gsum la skyabs su 'gro// tshe rabs kun tu dal 'byor lus// thob nas rab tu byung ba dang // dge ba'i bshes gnyen bsten byed cing // bslab pa gsum dang 'bral mi 'gyur// dus chen bzhi dang tha mal pa'i// khyad par sil bu myang 'das las// sa ya phrag brgya'i 'gyur du gsungs// nyi ma gza' yis zin pa'i dus// bye ba phrag ni 'bum 'gyur dang // zla ba bye ba bdun 'gyur ro// dus chen bzhi la nyi zla zin/ de dag bsod nams khyad par 'phags// dus mchod chen po bzhi'i tshig le'ur byas pa kha che'i paN+Di ta shAkya shris mdzad pa rdzogs so// / paN+Di ta de ki dang sgra bskur gyi lo tsa ba byams pa'i dpal gyi bskur ba'o// @#/ dpa rgya grub pa'i bstod pa bcub bzugs// sangs rgyas la phyag 'tshal lo// mchog gi byang chub rgyu ni dang por bskyed pa las// 'gro la rnam par phan phyir 'chi med thar mdzad de// yang dag 'bar ba'i 'od 'phro bdud las rgyal ba can// rgyal ba shAkya thub la rab tu phyag bgyi'o// thub pa'i rgyal po dam pa gzhan gyi mgon po mchog/ gcig tu brtson pas tshangs pa mchog la nges gnas shing // so so'i blo can phal rgol lag ldan dbang por ni// ri dgas
Colophon
dus mchod chen po tshig le'ur byas pa kha che'i paN+Di ta shAkya shrIs mdzad pa rdzogs so/_/paN+Di ta de ki dang sgra bsgyur gyi lo tsA ba byams pa'i dpal gyis bsgyur ba'o