'phags pa byang chub kyi phyogs bstan pa zhes bya ba theg pa chen po'i mdo
Text
ff. 251a–255a · 9 folio sides
- 251a
rgya mtsho chen po chu zad pas chog pa 'dzin par 'gyur snyam 'am/ lha'i bus smras pa/ 'jam dpal de ni ma lags so// 'jam dpal gyis smras pa/ lha'i bu de bzhin du thams cad mkhyen pa'i ye shes rgya mtsho chen bo lta bu zab cing gting dpag dka' la/ dpag tu med pa yongs su tshol bar 'dod pa'i byang chub sems dpa' sems dpa' chen po de bzhin gshegs pa la mchod pa bya bar 'dod pas gzhan yang chog par 'dzin par mi bya'o// lha'i bus smras pa// 'jam dpal ci la dmigs nas/ de bzhin gshegs pa la mchod par bgyi// 'jam dpal gyis smras pa/ lha'i bu dmigs pa bzhis de bzhin gshegs pa la mchod par bya'o// bzhi gang zhe na/ 'di lta ste/ byang/ chub kyi sems la dmigs pa dang / sems can thams cad rab tu thar par bya ba la dmigs pa dang / dkon mchog gsum gyi gdung rgyun mi 'chad par bya ba la dmigs pa dang / sangs rgyas kyi zhing thams cad yongs su dag par bya ba la dmigs pa ste/ lha'i bu dmigs pa bzhi po de dag gis de bzhin gshegs pa la mchod par bya'o// 'jam dpal gyis de skad ces smras nas/ lha'i bu mtshams bzangs dang / dge slong de dag dang / dge slong ma de dag dang / byang chub sems dpa' de dag dang / thams cad dang ldan pa'i 'khor de dang / lha dang mi dang lha ma yin dang / dri zar bcas pa'i 'jig rten yid rangs te/ 'jam dpal gzhon nur gyur pas smras pa la mngon par bstod do// / 'phags pa 'jam dpal gyis bstan pa zhes bya ba theg pa chen po'i mdo rdzogs s+ho// / rgya gar skad du/ Ar+ya bo d+hi ba kA ni de sha nA ma ma hA yA na sU tra/ bod skad du/ 'phags pa byang chub kyi phyogs bstan pa zhes bya ba theg pa chen po'i mdo/ / sangs rgyas dang / byang chub sems dpa' thams cad la phyag 'tshal lo// 'di skad bdag gis thos pa dus gcig na/ bcom ldan 'das rgyal po'i khab na bya rgod kyi phung po'i ril dge
- 251b
slosroslong lnga brgya tsam gyi dge slong gi dge 'dun chen po dang khyams dang/ 'jam dpal la sogs pa byang chub sems dpa' sems dpa' chen po rnams dang / thabs gcig tu bzhugs te/ de nas bcom ldan 'das kyi 'jam dpal gzhon nur gyur pa la 'di skad ces bka' stsal to/ / 'jam dpal byin ci log bzhi po dag gis sems phyin ci log tu gyur pa'i sems can rnams 'phags pa'i bden pa bzhi po dag yang dag pa ji lta ba bzhin du ma mthong ba'i khyer 'di ltar yang dag pa ma yin pa'i 'khor ba 'di las mi 'da'o/ / de skad ces bka' stsal pa dang / bcom ldan 'das la 'jam dpal gzhon nur gyur pas 'di skad ces gsol to// bcom ldan 'das ji ltar dmigs na sems can rnams 'khor ba las mi 'da' ba bshad du gsol/ / bcom ldan 'das kyis bka' stsal pa/ 'jam dpal sems can rnams bdag dang / bdag gir khas len pa'i phyir 'khor ba las mi 'da'o// de ci'i phyir zhe na/ 'jam dpal su bdag gis gzhan du yang dag par rjes su mthong ba de las mngon par 'du byed par 'gyur ba'i phyir ro/ / 'jam dpal byis pa so so'i skye bo thos pa dang mi ldan pa ni thams cad shin du yongs su mya ngan las 'das par rab dmigs te/ bdag dang gzhan du dmigs so// dmigs nas lus dang / ngag dang / yid kyi las rnam pa gsum mngon par 'du byed do// de med pa la sgro gtags nas bdag 'dod chags so// bdag zhe sdang ngo // bdag gti mug go/ zhes rnam par rtog go// gal te de de bzhin gshegs pa'i bstan pa la rab tu byung na de 'di snyam du sems te/ bdag ni tshul khrims dang ldan pa/ bdag ni tshangs par spyod pa ste/ bdag 'khor ba las 'da' bar bya'o// bdag yongs su mya ngan las 'das pa rjes su thob par bya'o/ / bdag sdug bsngal rnams las thar par bya'o snyam mo// de chos 'di dag ni dge ba dag go/ chos 'di dag ni mi dge ba dag go// snyam du rtog go/ de chos 'di dag ni spang bar bya ba
- 252a
dgago/ / chos 'di dag ni mngon du bya ba dag go/ sdug bsngal ni yongs su shes par bya ba'o// kun 'byung ba ni slang bar bya ba'o// 'gog pa ni mngon sum du bya ba'o// lam ni bsgom par bya'o snyam du rtog go/ de 'du byed nams ni/ mi rtag pa/ 'du byed rnams ni sdug bsngal ba/ 'du byed rnams ni kun du 'bar ba ste/ 'du byed rnams las bdag 'bros par bya'o snyam du rtog go// des de ltar brtags pas mtshan ma mngon du 'gro ba'i yid 'byung ba dang ldan pa/ mtshan ma sngon du 'gro ba'i 'du shes yid la byed pa dag skye'o// de 'di snyam du sems te/ gang chos 'di dag yongs su shes pa de ni sdug bsngal yongs su shes pa'o snyam mo// de 'di snyam du sems te/ bdag gis kun 'byung ba/ spang bar bya'o snyam nas de chos thams cad kyis nyen te mi rtogs so// skrag go// dang ngo // dngang par 'gyur ro// de 'di snyam du sems te/ chos 'di dag mngon du byed pa gang yin pa dang / chos de dag gis nyen pa gang yin pa de ni/ kun 'byung ba spong ba'o snyam mo/ / de 'di snyam du sems te/ bdag gis 'gog pa mngon sum du bya'o snyam nas des chos de dag brtags te/ 'gog pa yin pa snyam du shes so// de 'di snyam du sems te/ 'di dag ni 'gog pa mngon sum du byed pa'o snyam mo/ / de 'di snyam du sems te/ bdag gis lam bsgom par bya'o snyam nas de gcig pu dben par song ste chos de dag yid la byed pas zhi gnas 'thob po// de yid 'byung ba yid la byed pa de dang zhig nas 'thob pa des chos thams cad dang sems 'gras so/ / 'bral lo// ldog go/ log nas mngon par mi dga' ba'i sems bskyed do// de 'di snyam du sems te/ bdag ni sdug bsngal thams cad las thar te/ bdag gis yang gong du bya ba ci zhig yod kyis bdag ni dgra bcom pa'o snyam du bdag nyid kyis shes pa las de 'chi ba'i dus kyi tshe skye ba yang dag par rjes su mthong nas de sangs rgyas kyi byang chub la dogs pa dang / yid gnyis dang / the tsom za'o// de the tsom du lhung ba'i sems
- 252b
kyi 'chi ba'i rnas byas nas sems can dmyal ba chen po na ras su skye'o/ / tsi byor na// de chos thams cad ma skyes pa la rnam par btags pa'i phyir ro// nas bcom ldan 'das la 'jam dpal gzhon nu zla rapas d-i pes gsol to/ / bcom ldan nas phags pa'i bden pa bzhi ba dag ji ltar ba ba TI bka' phub pa/ 'dzim dpal sus 'dra byed rnams med sde pa med par mthang bdas sdug bsngal song sas so// su ma / cad 'byung ba med par mthong ba das kun 'thung ba spangs so// lus chos thams cad shin du yongs su mya ngan las 'das par mthong ba dang shog pa mngon sum du byas so/ sa chos thams cad dngos po med par mthong ba da/ ma bsgoms so// jam dpal sus 'phags pa'i bden pa bzhi po dag 'di lta bur mthong ba de chos 'di dag ni dge bdag go// chos 'di dag ni mi dge ba dag go// chos 'di dag ni spang bar bya bdag go// chos 'di dag na mngon sum rba cu bdag go/ / sdug bsngal ni yongs su shes par bya ba'o// kun 'byung ba ni spang bar bya'o// 'gag pa ni mngon sum du bya ba'o// lam ni bsgom par bya'o snyam du mi garnam par mi rtog go// de ci'i phyir she na/ la byis pa so me'i skye bo dag chags pa dang / zhe sdang dang / gti mug pa'i chos dem skyes par des mthong zhing yang dag pa ma yin pa kun brtags pa dang / rnam par bsgrubs par mthong ba'i phyir te/ de chos gang yang mi yin / mi 'dod do// de 'ams gsum pa la sems mi chags te/ khams gsum pa thams cad ma skyes pa dang / ma lA bu dang / rmi lam lta bu dang / khrag cha lta bu dang / mig yor lta bur mthong ngo // chos thams cad kyi rang bzhin/ de ltar mthong bas sems can thams cad la rjes su chags pa dang / khong khro ba dang bral bar 'gyur ro// de ci'i byor na na/ des chos gang la rjes su chags pa dang / khong khro bar 'gyur ba'i chos de mi dmigs te/ des
- 253a
nam mkha' dang mtshungs pa'i sems kyis sangs rgyas kyang yang dag par rjes su mi mthong ngo / / chos dang dge 'dun yang dag par rjes su mi mthong ngo // de des chos thams cad stong par yang dag par rjes su mi mthong ste/ chos gang la yang the tshom mi za'o// the tshom mi za bas nye bar len par ma 'gyur ro// nye bar mi len pas len pa med par yongs su mya ngan las mi 'da'o// 'jam dpal dge slong rab 'byor gyis chos thams cad rnam pa de lta bur shes pas de bzhin gshegs pa'i zhabs la phyag 'tshal du mi 'ong ngo / / de ci'i phyir zhe na/ bdag nyid kyang mi dmigs ni de bzhin gshegs pa dmigs par 'gyur ba lta ci smos te/ / de ni gnas ma yin pa'i phyir ro de nas bcom ldan 'das la 'jam dpal gzhon nur gyur pas 'di skad ces gsol to// bcom ldan 'das dran pa nye bar gzhag pa bzhi po dag ji ltar blta bar bgyi/ bcom ldan 'das kyis bka' stsal pa/ 'jam dpal ma 'ongs pa'i dus na dge slong dag mi sdug pa'i rnam par lus la lus kyis rjes su lta ba'i dran pa nye bar gzhag pa ston par gyur/ skye ba dang / 'gog par tshor ba rnams la tshor ba'i rjes su lta ba'i dran pa nye bar gzhag pa ston par 'gyur/ / sems la skye ba'i chos dang / 'gag pa'i chos su lta'o snyam du de ltar sems la sems kyi rjes su lta ba'i dran pa nye bar gzhag pa ston par 'gyur// gang ril por 'du shes par mi 'gyur ba de ltar chos rnams la chos kyi rjes su lta ba'i dran pa nye bar gzhag pa ston par 'gyur ba de dag 'byung ngo / / de skad ces bka' stsal pa dang / bcom ldan 'das la 'jam dpal gzhon nur gyur pas 'di skad ces gsol to/ / bcom ldan 'das dran pa nye bar gzhag pa bzhi po dag ji ltar blta bar bgyi// bcom ldan 'das kyis bka' stsal pa/ 'jam dpal de bzhin gshegs pa'i ldem po ngag shes par dka' yis thod
- 253b
shig/ 'jam dpal gyis gsol pa/ bcom ldan 'das dran pa nye bar gzhag pa sgom pa bshad du gsol// bcom ldan 'das kyis bka' stsal pa/ 'jam dpal lus nam mkha' dang 'dra bar mthong ba 'di ni lus la lus kyi rjes su blta ba'i dran pa nye bar gzhag pa'o/ / 'jam dpal sus tshor ba nang na yang ma yin/ phyi rol na yang ma yin zhing gnyi ga med pa la mi dmigs pa 'di ni tshor ba rnams la tshor ba'i rjes su lta ba'i dran pa nye bar gzhag pa'o// ngam dpal sus sems la ming tsam du zad par shes pa 'di ni sems las sems kyi rjes su lta ba'i dran pa nye bar gzhag pa'o/ / 'jam dpal sus dge ba dang / mi dge ba dang / lung du ma bstan pa'i chos mi dmigs pa 'di ni chos rnams la chos kyi rjes su lta ba'i dran pa nye bar gzhag pa ste/ 'jam dpal dran pa nye bar bzhag pa bzhi po dag ni de ltar blta bar bya'o// 'jam dpal gyis gsol pa/ bcom ldan 'das 'phags pa'i lam yan lag brgyad pa ji ltar blta bar bgyi/ bcom ldan 'das kyis bka' stsal pa/ 'jam dpal sus chos thams cad mi mnyam pa med la/ gnyis su med cing gnyis su med par mthong ba 'di ni yang dag pa'i lta ba'o// 'jam dpal sus mi mthong ba'i tshul gyis chos thams cad mi tog rnam par mi rtog/ kun tu mi rtog par mthong ba 'di ni yang dag pa'i rtog pa'o// 'jam dpal brjod pa mnyam pa nyid shin du bsgoms pa'i phyir chos thams cad brjod du med par mthong ba 'di ni/ yang dag pa'i dag go// 'jam dpal sus byed pa po mi dmigs pa'i phyir chos thams cad bya ba med pa dang / byed pa med pa mthong ba 'di ni yang dag pa'i las kyi mtha'o// 'jam dpal sus 'tsho ba mnyam pa nyid du gnas pa'i phyir/ chos thams cad 'phel bar yang mi byed// 'grib par yang mi byed pa 'di ni yang dag pa'i 'tsho ba'o// 'jam dpal sus brtsom pa med par brtul ba'i tshul gyis chos thams cad kun nas mi spong ba 'di ni yang dag pa'i brtsol ba'o//
- 254a
'jam dpal dran pa'i las dben pa'i phyir sum chos thams cad dran par mi byed pa 'di ni yang dag pa'i dran pa'o// 'jam dpal sus dmigs pa mi dmigs pa'i phyir chos thams cad rang bzhin gyis mnyam par gzhag cing ma 'khrugs pa'i mthong ba 'di na yang dag pa'i ting nge 'dzin te/ 'jam dpal 'phags pa'i lam yan lag brgyad pa ni de ltar blta bar bya'o// 'jam dpal gyis gsol ba/ bcom ldan 'das dbang po dag ji ltar blta bar bgyi/ bcom ldan 'das kyis bka' stsal pa/ 'jam dpal sus rang bzhin gyis ma skyes pa'i phyir chos thams cad ma skyes par mthong bar yid ches pa 'di ni dad pa'i dbang po'o// 'jam dpal sus nye ba'i 'du shes dang ring ba'i 'du shes dang bral ba'i phyir chos thams cad la sems mi gtong ba 'di ni brtson 'grus kyi dbang po'o/ / 'jam dpal sus dmigs pa dben pa'i phyir chos thams cad yid la mi byed cing dran pa mi 'dogs pa 'di ni dran pa'i dbang po'o// 'jam dpal sus gnyis su mi dmigs pa'i phyir chos thams cad gnyis su med par mthong ba 'di ni ting nge 'dzin gyi dbang po'o/ / 'jam dpal sus skye ba dang bral ba dang / mi shes pa dang bral ba'i phyir chos thams cad rang bzhin gyis stong par mthong ba 'di ni shes rab kyi dbang po ste/ 'jam dpal dbang po lnga po dag ni de ltar blta bar bya'o// 'jam dpal gyis gsol pa/ bcom ldan 'das byang chub kyi yan lag bdun po dag ji ltar blta bar bgyi/ bcom ldan 'das kyis bka' stsal pa/ 'jam dpal sus dran pa med cing yid la byed pa med pa'i phyir chos thams cad dngos po med par mthong ba 'di ni dran pa yang dag byang chub kyi yan lag go// 'jam dpal sus dge ba dang / mi dge ba dang / lung du ma bstan pa yongs su mi 'grub pa'i phyir chos thams cad dben zhing mi dmigs pa 'di ni chos rnam par 'byed pa yang dag byang chub kyi yan lag go/ 'jam dpal sus khams kyi 'du shes shin du bshig pa'i phyir
- 254b
khams gsum pa mi len mi 'dor ba 'di ni brtson 'grus yang dag byang chub kyi yan lag go/ 'jam dpal sus dga' ba dang / mi dga' ba rnam par bshig pa'i phyir 'du byed thams cad la dga' ba mi bskyed pa 'di ni dga' ba yang dag byang chub kyi yan lag go/ / 'jam dpal sus dmigs pa'i dngos po mi dmigs pa'i phyi chos thams cad la sems shin du sbyangs par gyur pa 'di ni shin du sbyangs pa yang dag byang chub kyi yan lag go/ 'jam dpal sus chos thams cad rnam par gzhig pa rjes su rtogs pa'i phyir sems mi dmigs pa 'di ni ting nge 'dzin yang dag byang chub kyi yan lag go/ / 'jam dpal sus chos thams cad la gnas par mi byed/ rten par mi byed/ chags par mi byed/ 'ching bar mi byed cing de chos thams cad yang dag par rjes su mi mthong ba'i btang snyoms can du gyur te/ dga' ba thos pa 'di ni btang snyoms yang dag byang chub kyi yan lag ste/ 'jam dpal byang chub kyi yan lag bdun po dag ni de ltar blta bar bya'o/ / 'jam dpal gang la las 'phags pa'i bden pa bzhi po dag dang / dran pa nye bar gzhag pa bzhi po dag dang / 'phags pa'i lam yan lag brgyad pa dang / dbang po lnga po dag dang / byang chub kyi yan lag bdun po dag de lta bur mthong ba 'di ni rgal ba'o zhes nga smra ste/ pha rol tu son pa'o// thang la gnas pa'o// bde ba thob pa'o// mi 'jigs pa thob pa'o// khur bor ba'o// rdul dang bral ba'o// ci yang med pa'o// nyon mongs pa med pa'o/ / len pa med pa'o// dgra bcom pa'o// dge sbyong ngo // bram ze'o// dkyus pa'o// reg pa'o// ring du song ba'o// gtsang ma'o// sangs rgyas kyi sras so// shAkya'i sras so// tsher ma dkrugs pa'o// 'obs las rgal ba'o// shin du brtan pa'o/ / rims nang med pa'o// dge slong ngo // 'phags pa'o// rgyal mtshan rdzogs pa'o zhes smra'o// 'jam dpal bzod pa de lta bu dang ldan pa ni lha dang bcas pa'i 'jig rten gyi spyan gnas yin te/ rnyed pa dang / bkur sti'i 'os
- 255a
kyang yin no/ / 'jam dpal de blta bas na/ dge slong yul 'khor gyi bsod snyoms don yod par yongs su bza' bar 'dod pa dang / bdud 'dul bar 'dod dang / 'khor ba las yang dag par 'da' bar 'dod pa dang / mya ngan las 'das pa thob par 'dod pa dang / sdug bsngal rnams las grol bar 'dod pas chos 'di dag la brtson par bya'o// chos kyi rnam grangs 'di bstan pa na lha'i bu sum khri nyis stong gis chos mngon par rtogs par gyur nas de dag gis bcom ldan 'das la man d+ha ba'i me tog gis gtor te tshig 'di skad ces smras so/ / bcom ldan 'das chos bstan pa 'di su dag gi rna lam du grag par 'gyur ba de dag ni/ de bzhin gshegs pa'i bstan pa la leg par rab tu byung ba legs par 'gyur na/ gang dag thos nas mos pa dang / dad pa dang / de bzhin nyid du 'dzin par 'gyur ba dag lta smos kyang ci 'tshal/ bcom ldan 'das chos bstan pa 'di su dag gi rna lam du grag par 'gyur ba de dag rimangon pa'i nga rgyal ma mchis par 'gyur ro/ / bcom ldan 'das kyis de skad ces bka' stsal nas// 'jam dpal gzhon nur gyur pa dang / nyan thos chen po de dag dang / lha dang / mi dang / lha ma yin dang / dri zar bcas pa'i 'jig rten yid rangs te/ bcom ldan 'das kyis gsungs pa la mngon par bstod do// 'phags pa byang chub kyi phyogs bstan pa zhes bya ba theg pa chen po'i mdo rdzogs s+ho// / rgya gar gyi mkhan po 'dzin mi tra dang / dz+nyA na si d+hi dang zhu chen gyi lo tsA ba ba ne de ye shes sdes bsgyur cing zhus te skad gsar chad kyis kyang bcos nas gtan la phab pa'o/ / shu log dgu bcu rtsa gnyis// // rgya gar skad du/ Ar+ya sa ma bri te pa rA mA drA sad t+ya ning dwe sha nA ma ma hA yA na sU tra/ bod skad du/ 'phags pa kun rdzob dang don dam pa'i bden pa bstan pa zhes bya ba theg pa chen po'i mdo// // bam po dang po// // sangs rgyas dang byang chub sems dpa' thams cad la phyag 'tshal lo// 'di
Colophon
'phags pa byang chub kyi phyogs bstan pa zhes bya ba theg pa chen po'I mdo rdzogs s.ho|| ||rgya gar gyi mkhan po 'dzi+na mi tra dang| dznyā na si dhi dang zhu chen gyi lo ts+tsha ba ban de+ye+shes sdes bsgyur cing zhus te skad gsar chad kyis kyang bcos nas gtan la phab pa'o||shu log dgu bcu rtsa gnyis||