dpal rta mgrin gyi las rgyud
Śrihayakarmatantra
Text
ff. 99b–104b · 11 folio sides
- 99b
'khor rnams dkon mchog gsum gyi bstan pa bsrung so// dbang chen bde gshegs 'dus pa rdog ma leb rgan gyi rgyud las// rgyud gtang ba'i le'u ste bcu bdun pa'o// // pad+ma dbang chen bde gshegs/ 'dus pa'i rgyud rdzogaso// / pad+ma 'byung gnas dang kha che a nan ta dang // bai ro tsa nas bsgyur ba'o// // sA mA yA rgya rgya// / nyang gi gter mo'o// // mthir rtsalas chung chu// @rgya gar skad du/ shrI hA ya karma tan+t+ra/ bod skad du/ dpal rta mgrin gyi las rgyud/ bcom ldan 'das dpal rta mgrin dbang gi sku la phyag 'tshalo// 'di skad bdag gis thos pa dus gcig na bcom ldan 'das pad+ma rigs kyi sangs rgyas de// shin tu rnam par dag pa'i khams na// byang chub sems dpa'i tshogs dang // khro bo dang khro mo dang / sprul pa dang yang sprul rnams dang / nam mkha' lding gi tshogs la soDa pa rnams dang lhan cig tu bzhug so// de'i tshe na mkha' lding gi rgyal pos// bcom ldan 'das la 'di skad ces gsol to// gar gyi dbang phyug bcom ldan 'das// bde gshegs khro rgyal mthu stobs can/ pad+ma dbang gi rgyud chen po// bdag cag rnams la bshad du gsol// zhes zhus// de nas khro rgyal gar dbang gis// mi rtog ting 'dzin snyoms zhugs te// 'khor rnams ma lus byin brlabs shing // rta mgrin dbang gi skur ba'ongs te// dbang gi rta skad zing gsum gyis// khams gsum thams cad dbang bsdus shing // srang gsum thams cad zil gyis mnan// bgegs rnams ma lus btul nas kyang / klu rnams ma
- 100a
lus tshar bcad de// na mkha' lding la bka' stsal pa// mkha' lding rgyal po ga ru Na/ rtse gcig yid kyis khyod nyon cig/ dbang gi rgyud chen bstan par bya// ces bka' stsal to// dpal rta mgrin gyi rgyud las gleng gzhi'i le'u ste dang po'o// // de nas mkha' lding rgyal po yis// rtag dang dam tshigs la sogs dang // dbang dang sbyin bsreg mnan pa dang // bsrung dbang spyad 'khrul bri ba bstod// mthar thug lta ba'i don rnams kun// nges par mgon pos bshad du gsol// ces che du gleng de// de nas bcom ldan khro bo'i rgyal// 'byung po mthul 'dul byed pa'i// gsang sngags rgyal po 'di yis ni// bar chod bsrung dang bgrod par byed/ AM pad+ma ta kr-i ta ha ya gri ba badz+ra ma hA kro d+ha hU~M/ sarba na gA u tsa ta ya phaT phaT/ badz+ra kha dag la tik+Sha ki la ya// badz+ra dz+wa la raM phaT phaT/ de skad gsungs pas 'jag rten khams// phadaM ma lus dbang bslus shing // klu la sogs pa brgyal zhing 'bub// 'byung po ma lus skrod par byed// bsrung dang mtshams kyi las yino// zhes gsungaso// glang blang ba'i don zhus pa'i le'u ste gnyis pa'o// de nas mkha' lding rgyal po yis// bsnyen bsgrub bsad pa'i las rnams zhus// bcom ldan 'das kyis bka' stsal pa// dbang thob dam tshig dang ldan pas// thog mar yid 'thang gzhung mthun gnas/ mchod sbyin gter ma sogs bya ste// maN+Dal stong du mchod pa'i rdzas// dur khrod ma khrag 'tsham bcad do// ma skyes dbyings las thugs rje bsgom// hri las dbang chen yum lnga rdzogs// b+h+rUM las dur khrod
- 100b
gzhal yas khang // nyi zla pad+ma chu bdag steng // khro rgyal kun las brjid pa'i sku// dmar nag zhal gsum phyag drug ste// g.yas dkar g.yon dmar rta mgon ljang // lcags sgrogs ra ba gri dgra sta dang // pad+ma bshol dang thob bsnams// zhabs bzhi dor stabs brkyang bskum bskrad// e ka dmar nag chas kyi brgyan// kha TaM thod rlon yab la stob// yab yum gnyis med byin rlabs las// pho nya byi la pu shud mgo// dmar nag lcags kyu phur pa 'dzin// dbyings nas spyan drangs bzhugs brten phyag/ sman rag gtor ma la sogs mchod// thugs ka'i ting 'dzin gsal byas te// bsnyen sngags bzlas te bcol sngags gdags// dus dang bgrangs dang mtshan ma rtags// bsgrub pa bya ba'i rim pa ni// dur khrod dben pa'i gnas ngag du// sngon du 'gro ba'i las rdzogs nas// dkyil 'khor zla kham khyam bsgor bcas// sman rag gtor ma rdzas rnams bsags// sngon bzhin dkyil 'khor skyang spyan drangs// mchod bstod bsgrub pa'i bzlas par bya// oM badz+ra kro d+ha he ya gri wa hU~M/ e ka dza ti ru lu ruHrba hU~M phaT/ bar skabs mchod 'bul 'phrin las bcol// rtags dang mtshan ma rtag par bya// gsang ba las sbyor dkyil 'khor zhing // dmar nag gru gsum par khyam bcas// dbus su phur bsgo ba'ang dgod// ro ras dag la 'khor lo ni// mkhas pa'i ri'u mig mtshan mar bcas// thun dang rdzas la sogs bya ste// cho ga gzhung bsrang gsang sngags bzlas// thun gyis brab cing gzir byas na// tha mar mnan sreg las kyi bskul// yang ra ling ka ngag la'o// dpal rta mgrin gyi rgyud las// bsnyen bsgrub las
- 101a
sbyor bstan pa'i le'u ste gsum pa'o// // de nas dbang gi rgyal po yis// dkyil 'khor dbang gi rigasu zhus// bcom ldan dbang gis bka' stsal pa// bsnyen bsgrub mthar phyir slob dpon gyi gang yang rung ba'i gan su ni// mtshams bcangs yis cho ga bya// steg bu gru bzhi'i steng du ni// bum pa la sogs mchod rdzas dgram// sngon du 'gro bi'i las rnams bya// ting 'dzin rnam gsum gzhal yas khang / pad+ma dbang gis lha bskyed cing // spyan drangs la sogs rdzogs byas nas// bsnyen dang 'phrin las rdzogs par bya// dkyil 'khor bsdu zhing chag chag gangab// rta mgon dri'i thig le bya// skyed dang spyan drangs mchod rdzogs nas// slob ma khrus bya gsal btab bkru// so shing chos bshang bsrung skud gdags// ku sha gtad la rmi laM rtag/ de nas thig btab mtshon bri te// rgyan dang mchod rdzas bsgrub rdzas dgod// ting 'dzin dkyil 'khor las gzhung bsrang // gnas su lha rnams bskyed byas nas// slob ma 'jug pa'i rim pa bya// dbang bzhi po yang bskur bar bya// ma smin pa rnams smin par byed// phyin chad 'khor bar zlog mi 'gyur// dpal rta mgrin gyi rgyud las// dbang bskur ba'i le'u ste bzhi pa'o// / de nas na mkha' lding rgyal po yis// gsang sngags gsung ba'i don rnams zhus// pad+ma dbang gis bka' stsal pa// hrIHpad+ma mAM ta kr-i/ ta ha ya gri wa e ka dza Ti/ phu lu phu wa/ hrIHpad+ma ta kri ta hU~M hU~M phaT/ hrIHbad+mA nA krita ma de ri ha ya grI wa e ka dza Ti pu lu hu wa dza dza/ oM badz+ra k+Sho d+ha ha ya grI ba e ka dza ti hu lu phu lu hU~M phaT/ oM bad+mAr+d+ha kri te ha ya/
- 101b
grI ba che ge mo kI la ya kI la ya/ mA ra ya mA ra ya/ gtubs gtu bas song song / ha na ha na da hang ha/ pa tsa ba tsa/ hU~M phaT/ hrIHpad+mAn+ta kri ta ti ma hA ri ha ya grI wa e ka dza ti hu lu hu lu hU~M dza dza/ nA ga li badz+ra gI la ya mA ra ya ma ra ya/ hU~M phaT/ hrIHnA ga krA ma rA ya hU~M phaT/ hrIHpad+ma ta kr-i tah+nA ya grI wa che ge mo tsit+ta dz+wa la ram mA ra ya phaT/ hrIHbad+mAn+ta krita hwA ya grI wa che ge mo shAn+ti ku ru ye sA hA/ hrIHnA ga staM b+ha \u0f7fna/ NIHpad+ma tak+tsita ha ya grI wa e ka dza ti hu lu hu lu che ga mo kI li kI lA ya/ mA ra ya/ mA ra ya hU~M phaT/ sha ga ti/ tshal 'tshal ba tshal pa hU~M phaT/ hA hA na ti thA ya hU~M phaT/ mA ra ya mA ra ya/ nA sha ya nA sha ya/ tshal ba tshal pa/ tshAn tshin+da hU~M phaT/ u tsa ta yA u tsa ta yA hU~M phaT/ rak+Sha rAk+kha hU~M phaT/ na ga ma la ma tri pra du nu ga ma l+ya shig swA hA// la a ni la/ du nI la swA hA/ shri hri a tri nan// a nu tri bu nan/ a tri pu tri nan// na ga a li ki nan/ shu li shu la nan/ shu la phyi du nan/ hu l+r-i na ga ta li nana?/ ho l+r-i hU~M hUM hUM/ a a a/ tI nan pa n+yAn+ti hU~M/ ai tri du tri nan/ e ka na po hri hU~M/ oM ta thA o ta thA badz+ra hU~M phaT/ oM ga ru g+ha ya he tsa la tsa la swA hA/ hrIHpad+ma ta krita shAn+ti buSh+Ting pa shaM ma ra ya/ sarba bi mam sha hU~M hU~M phaT/ oM ga ru Da tsa le tsa le hU~M phaT/ oM dkang oM dkang / khyung ga ru Da khyung ga ru Da/ sha ma ra byig thul badz+ra ma hA d+ha hU~M phaT/ dpal rta mgrin gyi rgyud las/ gsang sngags bstan pa'i le'u ste lnga pa'o// de nas mkha' lding rgyal po yis// bsnyen bsgrub las sbyor la sogs pa'i// rtags dang mtshan mi'i rim pa zhus// bcom ldan 'das kyis bka' stsal lo// bsgrub pa'i rtags dang mtshan ma mi// sku gsung thugs kyi rten la
- 102a
@#sogs// mchod dang bskor ba byed la sogs// sngun chad ma mthong yul khams ma/ nyi shar mchod rtem grong khyer rnams// nyams dga' ba'i gnas sogs dum dub mthong // bsgrub rtags ri bo'i phyin dang // mkha' la phur dang mkha' lding bya// rgya mtsho'i gting nas lho 'gro len// sbal lcong sdig pa tsang ba sogs// gsong dang skam dang shing 'gyur ba'ang // dgug pa'i gzugs rnams ma lus kun// bdag gis 'khol zhing 'dul bar byed// gsang ba'i las la sbyor ba'i tshe// gang la dmigs pa lugs nas kyang // gsod byed las rnams byed pa dang // klu gnyen sa bdag gdon tshogs rnams// nges par dbang du 'dus pa dang // mngon sbyong drag pos char gcod dang // bza' rtags mtshan ma kun kyang 'byung // 'jug pa'i rtags ni rmi lam du// cho 'phrul sna tshogs cir yang ston// skyes pa bud med bcud chen dang // lha khang chud dang drung la sogs// sems can sna tshogs bdag la 'tshe// snying mi dga' la nyams dma' dang // rdzu 'phrul sna tshogs ston par byed// zhugs pa'i rtags ni lus la yA// sha khrig la sogs mdze'i nad// mtshan rtags gsal zhing rmi lam ngan// gnod pa'i sa ru 'dug pa dang // sems can kun gyi snying rtse ba// gang gnod cho 'phrul dngosu 'byung // ya dgas 'byung po zhugs pa dang // rtags dang mtshan ma rdzu 'phrul rnams// rmi lam la sogs ngan pa 'byung // zhugs nas thon pa'i mtshan nyid ni// sna khrag phyi ru thon pa dang // gzhan du 'tshong dang brtson las thar// mi rtogs ting 'dzin gsal ba dang // sku gsung thugs kyis mtshan ma rnams
- 102b
rnyed dang mkha' las me tog 'babs// 'od dang mdza' mtshon 'jam pa'i sgra/ bzang ba'i rtags rnams ston par byed// dpal rta mgrin gyi rgyud las// rtags dang mtshan ma bstan pa'i le'u ste drug pa'o// de nas mkha' lding rgyal po yis// mnan dang sbyin bsreg bskrad pa'i// tshar gcad pa'i don rnams zhus// rta mgrin dpal gyi bka' stsal pa// rgyas pa'i sbyin sreg chen po ni// dkyil 'khor 'dom gang gru bzhi la e te gru gsum nyi shu gcig/ khrag dang dug gi zhal ba bya// bdug pa hom gyis shing btsugs te// mchod rdzas sreg rdzas 'bru dang dug/ sha dang khrag dang mar nag sogs// thams cad tshegs par byas nas kyang 'i phran las gzhung bsrang thab khung nang // me lha ag ni rA dzA la// mchong bstod rdzogs par byas nas kyang // lto bar lha bskyed sbyin sreg dbul// 'phrin las bya ba rnams skabs sbyar// thun la sogs pa ci rigs bya// bskus pa thab khung bud rtser// bsreg rdzas la sogs 'byor tshogs bya// thab skyed yid dam ltar bskyed nas// cho ga gzhung srang mchod bstod nas// 'jug tu thun dang bro brdungs te// thal ba rgya gram lam du 'char// mnan pa dgra bgegs rnam gsum las// dgra bo klu la gtang ba dang // bgegs la thod par gzugs bcug ste// mnan mas rta gdong bro yis brdungs// yang na gang gnod gzum bris mnam// bskang lir 'khrul 'khor bskor mas kyang // ri rtse chu ga zhung rlung la bskur// 'byung po rengs pa'i 'khor lo ni/ rtsa la rgyang la spang bar bya// dpal rta mgrin gyi rgyud las/ mnan bsreg bskrad cing re
- 103a
par byed pa'i le'u ste bdun pa'o// // de nas mkha' lding rgyal po yis// las rnams rab tu 'byed pa'i don// gar dbang nyid la rab tu zhus// dbang phyug gar gyis bka' stsal pa/ rjes 'jug rnal 'byor bsgrub pa pos// bsnyen pa bsgrub pa mthar phyin nas// las ni gang byas 'grub par byed// dbab bcad gnyis kyi las rnams// gang yang rung ba'i yul kham su// mchod dang sbyin gtor rgya chen bya// phur bu bcu sngags bris pa gdags// rab gnas byin brlabs mchod byas te// yung kar rdzas lnga ngag la/ sngags// phyogs bcur gser skyems gtor ma btang // phur bu bcu dang mtho yis bskor// rang nyid lha sgom sdig 'dzub phreng // sngags bzlas rdzas kyi gtor ma bar bya// gzhan yang gtor mthun rdzas sogs// lha bskyed yul gyi lha klu mchod// bsnyen dang bsgrub sngags 'jug la yang // nA ga rA dza char phob ces// zhi drag gnyis kyi dbab par bya// dam tshig ldan pa'i rnal 'byor pas// ras sam gro ga shun pa la// bsrung ba'i 'khor lo sngags dang bcas// maN+Dal steng bzhag byin gyis brlabs// mchod stod byas la lus la gdags yang na tshon skud sna lnga la// sngags bzlas mdud pa byas nas kyang // byin brlabs skyabs 'gro bya zhing gdags// ras sam khar zhong nang dag tu// klu gzugs sna tshogs bcug nas ni// sman dang gtor ma byin brlabs dbul// bka' bsgo byas te sbas gyur na// klu nang kun las sel bar byed// gang yang rung ba'i thun rdzas dang // gtor ma ngag gi mchod byas te// gang+gAs skabs gang byed las bcol zhing // dbang bskur gzil
- 103b
mnan ston byed nas// tha ma las la bzung bar bya// ting 'dzin gzhal yas lhar bskyed nas// spyan drangs mchod ba rdzogs byas la// me'i rnal 'byor rdzogs byas nas// sngags bzlas gang 'dod rdeg par bya// Shin chem chen po'i bum pa'i nang // tshe chang rdzas dang sman blug ste// maN+Dal steng bzhag byin brlabs te// 'jig rten khams kyi tshe bkug nas// sngags bzlas bstod cing stim par bya// las rnams dbang du bsdu ba la// rang nyid sngags bzlas lha bsgom ste// gtor ma sngags bzlas rdzas rnam sogs// seng ljang phur par byin brlabs la// tha ma las la sbyar byas na// gang la byas pa dbang du 'gyur// dpal rta mgrin gyi rgyud las// kha sna tshob bstan pa'i le'u ste brgyad po'o// / de nas mkha' lding rgyal po yis// dam tshig lta ba'i don rnams zhus// bcom ldan 'das kyis bka' stsal pa// spyir na las rnams thams cad la// bsnyen bsgrub las rnams thams cad kun// dam tshig sdom pa me ngan me 'grub pas// de bas dam tshig tshul bzhin bsrung // dngos grub gnyis dang byin brlabs kyang // rtsa ba yan lag bsrung las byung // bla ma bskur dang lus ngag yid / sgo gsum rgyun du nyams mi bya// shes shing ldan pas mnyes pa'i thabs// bag yod gnas pas 'gal mi bya// lha dang sngags la sogs pa dang // spyi dang bye brag dam tshig dang // thun bzhi'i rnal 'byor nyes mi bya// saMs can rnams la byams pa bskyed// snying rje bsame pa rgyun du skye// bla ma mched la nyams mi bya// rdzas dang mchod pa chags nyams med// yid gnyis the tshom rnam par spangs// nga rgyal rlom sems phrag dog dang / dug suM
- 104a
nyon mongs 'joms par bya// le lo snyoms las ngar byas te// brtson 'grus pha rol phyin rdzogs cing // mdor na dge bcu dang du blang // gsang sngags lta spyod zung du 'brel// bsnyen bsgrub gzhung bsrang las ngan dor// gsang sngags dam tshig gzhung bzhin bsrung // lta bas thag gcad deng du bcas// 'khor ba mya ngan 'das pa'i chos// ma lus rig pa byang chub sems// skye 'gaDa med pa'i mtha' las grola'u rnam rtog chos nyid ngang du bzhi la// ma spangs chos nyid gzung 'dzin med// ye nas rang byung chos nyid sku// mtshan ma'i spros pa ye sangs rgyas// mkha' ltar khyab pa'i thuT rje yas// 'khor ba'i sdug bsngal nyid/ rnams thaMd ma lus 'joms mdzad ma// bde chen gzung du gzhi la mdzad ma// phyo Ta bzhis med par snyoms mdzad ma// dpal rta mgrin gyi rgyud las// daM tshig dang lta ba'i le'u ste dgu pa'o// // de nas mkha' lding rgyal po yis// bsdus pa'i tshig rnams kun gyis kyang // khro rgyal dbang la 'di skad bstod// hU~M bcom ldan dpal chen pad+ma he ru ka/ nub phyogs snang ba mtha' yas zhing khams nas// dbang gis rgyal po zla kham gded pa la// dpal mchog ha ya gri ba dbang gi lha// dbu gsum phyag drug zhabs bzhi brkyang bskum bzhugs// dbu gtsug rta mgo ljang khu tsa re re// spyan dgu bcug nas sdang mig 'od laM lam// smin mtshas sna sprug/ khro gnyer klog ltar 'gyu// rngog ma le'u rgan dbang gis me dpung 'bar// dpral ba zhur po byams pa'i nyi ma shar// shangs nas rlung byung rje'i 'tshu ba nag 'ikhya'o// ljags 'dril che be tsi Da me rtag 'od stong 'phro// bskal pa'i mi/
- 104b
rlung 'bar ba'i klong na bzhugs// sprul pa'i dbu rgyan mang po skar ltar 'a khrug/ rdo rje gnam lcags 'bar ba thog thog 'phem/ dbugs kyi rngubs pas khams gsum dbang du bsdud// e ka dza ti gsang ba'i yum dbar khril/ yon tan/ brjod mi lang la phyag 'tshal bstod// ces bstod do// dpal gtso bo bstod pa'i le'u ste bcu pa'o// / de nas bcom ldan gar dbang gis// 'khor gnas tshegs la 'di skad gsungs// pad+ma gar gyi dbang phyug chen po li/ pad+ma rigs kyi rgyud mchog 'di // nor bu lta bur dgos 'dod 'byung // sku gsung thugs dang yon tan dang // 'i phran las phun sum tshogs pa ste// klu gnyen 'byung po 'dul ba dang // thun mong mchog gi dngos grub ster// yon tan byin rlabs brjod mi lang // de ltar ston pa'i rgyud 'di yang // khyed rnams kun gyi 'ang bzung cig/ bstan pa'i snying po thub par gsungs// ces gsung so// de nas mkha' lding gi tshogs dang // byang chub sems dpa' dang / 'khor dang bcas pa rjes su yi rangs te// bcom ldan 'das kyis gsungs pa la mngon par bstod do// / yongs su gtang ba'i le'u ste bcu gcig pa'o// / dpal rta mgrin gyi rgyud las tshegs dang bcas pa rdzogs so// / slob dpon pad+ma dang / ngan lam rgyal ba mchog dbyangs kyis bsgyur ba'o// // pa che 'dus pa'i chung zhugs// rgya gar skad du/ ma hA a bi tang bA na ma d+har+tha/ bod skad du/ dbang cher 'dus pa'i rgyud ces bya ga/ dpal rdo rje sems dpa' la phyag 'tshalo// ridi skad bdag gis thos padus gcig na/ rnal 'byor gyi dbang