Maha'yoga - 'Jam dpal gshin rje'i gshed po'i rgyud skorAll versions of this work

de bzhin gshegs pa thams cad kyi dgongs pa khro bo 'dus pa'i rgyud ces bya ba

Sarbatathagatasvabhavaokrodhatantranama

Text

ff. 106b–115a · 18 folio sides

  1. 106b

    g.yos pa'i tshe// rnam dag rang gi ngo bo de nyid len// ngo bo nyis dag rang gi rang bzhin med// bdag dang tshogs bcas ma lus de bzhin te// ye shes tshogs chen rdzogs pa'i rang bzhin ni// de thob 'bras bu mthar phyir bde ba gang // gshed mas srog la 'bebs pa'i gshed bdag ni// nyi ma'i dkyil 'khor dbus su gsal// rang gi sngags bcas rmos pa'i yi ge ste// lcags kyi dmigs pa 'og rgyu dag tu 'gyur// 'og rgyad rtsa brgyad nang du 'jug/ dbus kyi margan srog ci 'dzin// steng du 'bras pas bcu bdun dag tu 'gyur/ sa rnam b+ha wA ru 'gyur // bzas pa bsheng ma'i tshigs kyi gang ba ni// 'byung ba lnga khrug sdug bsngal nyams myong // ma bcos rang 'byung rnying po sam dbar len// gsang ba mdog med ze'u rang rgya ru brgyan// sre dung lcags dang gsum gyi le'u ste brgyad pa'o// rdzogs so// shin pa shigapa pa che gying ma pa ga dus pa cung / @#// rgya gar skad du/ sarba ta thA ga ta srA b+ha wa oM kro d+ha tan+t+ra na ma/ bod skad du/ de bzhin gshegs pa thams cad kyi dgongs pa khro bo 'dus pa'i rgyud ces bya ba/ bcom ldan 'das dpal kun tu bzang po he ru ka la phyag 'tshalo// de nas bcom 'das chos thams cad kyi rang bzhin de kho na nyid/ ye shes chen po'i ngo bo/ sku gsung thugs lhun gyis grub pa/ rdo rje'i bdag nyid ye shes thugs rje'i rol pa/ gnyis su med pa'i thig le/ longasu bkod pa'i snying po// thams cad nas thams cad du khyab brdal te/ mi skye mi 'gal na mkha'i ngo bor le nas sangs rgyas pa/ cis kyang btsal du med pa/ mi 'gyur ba 'gyur ba med pa/ ma bcos pa bcos pa med pa/ mi snang ba snang ba med pa/ ma grub pa grub du med pa / gnyis

  2. 107a

    med cing tha mi dad pa/ thams cad so so ma yin pa'i sangs rgyas de nyid/ nyid la nyid gsum du med pa'i dgongs par chos thams cad 'dus par gsungs te/ chos thams cad brjod du med cing brjod pa las 'das pas 'das pa'i sangs rgyas thams cad ni chos nyid mi skyes pa'i rang bzhin du 'dus so// chos thams cad bsam du med cing bsam pa las 'das pas/ de ltar gyi sangs rgyas thams cad ni byang chub kyi sems byed pa chen por 'dus so// chos thams cad 'gyur ba med cing 'pho 'gyur las 'das pas/ ma byon pa'i sangs rgyas thams cad ni/ yid rang byung gi ye shes btsal ba med par 'dus// dus gsum gyi sangs rgyas thams cad mnyam pa nyid spros pa med pa'i thig le chen por 'du so// de nas phyogs bcu dus gsum gyi sangs rgyas thams cad kyi rang bzhin de/ mtshan ma dngos po thams cad la ye nas 'di 'dra bar grub cing brtag pa med pa/ thams cad chos nyid du sangs rgyas pas/ stong shing chad pa ma yin te/ thams cad chos nyid bde ba chen po'i ngang du sangs rgyas pas/ skye 'gro ming dang gzugs thams cad ye nas/ phyogs dang ris/ dbyibs dang kha dog/ gang du yang grub pa med de/ thams cad ye shes chen po'i rang bzhin du sangs rgyas te/ chos kyi sku'i rang bzhin gnyis su med pa'i byang chub sems/ ye nas sus kyang ma byas ma btsal ba'i don/ na mkha' bzhin du ye nas gnas te/ ji ltar 'dul ba'i don la ji bzhin par gnaso// de yang sems kyi mtshan nyid so sor 'dzin pa'i don gnas skabs kyi mdzad de/ yang dag par na sangs rgyas kyi sku gsung thugs kyi mdzad pa ni/ chos kyi sku dus gsum du 'pho 'gyur med pa/ ma bcos pa'i chos nyid/ ma bslabs pa'i ye shes/ thams cad byang chub

  3. 107b

    sems kyi rang bzhin du sangs rgyas mar mdzad de/ byang chub kyi sems cir yang ma yin pa nyid/ rang bzhin du lhun gyis grub ste btsal ba med pa'i dgongs par 'du so// mi zad brgyan gyi 'khor lo// sku gsung thugs chos sku 'gyur ba med ba/ brjod du med pa gsung mi mnga' ba/ rnam par mi rtogs pa'i ye shes kyi dgongs par 'duso// chos nyid dus gsum du 'gyur ba med do// dbus dang mtha' mi dmigs pa/ spros bral ye shes kyi snying po// sems kyi rang bzhin cir yang mi snang zhing / cir yang mi 'gyur ba'i dgongs pa dang / lhun gyis grub par gnas pa la/ byis pa'i spyod pa lta bur byang med de/ ma spangs rtogs pa med par longs spyod pas/ skyon med bde ba chen po zhes bya ba'i dgongs pa dang / chos thams cad sku dang ye shes kyi rang bzhin gyis// sems nyid dkyil 'khor chen por lhan gyis grub pa'i dgongs pa dang / skye ba med pa'i chos kyi dbyings las sems kyi dbang bsgyur bas/ rang rigs pa'i btsal dbang thob pa'i dgongs pa dang / chos thams cad nam mkha' lta bu la bsrung ba dang mi bsrung ba'i phyogs dang bral ba ste/ don chos nyid na mkha' bu las mi 'da' ba'i dgongs pa dang / dngos grub chen po rang gi sems nyid do/ dgos 'dod 'byung ba'i rim ngo che ltar du/ ji ltar dmigs shing bsgyur bas 'grub pa// bsgyur ba'i don thams cad rdzogs pa'i dgongs pa dang / 'phrin las rnam pa bzhi la sogs pas/ gang la gang 'dul bar ston pa ni/ sangs rgyas kyi 'drin las thams cad rdzogs pa'i dgongs pa'o// de lta bas na dus gsum gyi de bzhin gshegs pa thams cad kyi thugs kyi dngos gzhi ma bcos pa'i de kho na nyid 'dus// khams gsum du dus gsum gyi sems can thams cad kyi/ sems

  4. 108a

    kyang de kho na nyid du 'dus/ 'jig rten gyi dregs pa can thams cad kyi srog kyang dngos gzhi ma bcos pa de kho na nyid 'dus pa/ thams cad kyi dgongs pa 'dir 'dus so// de la ched du brjod pa ni/ e ma ho/ sems nyid kun tu bzang po yis// byas pa med par sna tshogs 'grub// ma brjod sgra skad cir yang sgrogs// ma spad rol pa rgyan du shar// srid gsum rnam dag lhun gyi grub// kun la khyab pa'i nam mkha' ste// sna tshogs 'byung ba rig pa'i// gter/ gting dpag dka' ba rgya mtsho'i rlung // bde gshegs dgongs pa 'dus pa bshad// ces gsungs so// de bzhin gshegs pa thams cad kyi dgongs pa khro bo 'dus pa'i rgyang las le'u dang po'o// de nas bcom ldan 'das chos kyi rang bzhin pa/ ye shes chen po'i rol par shar bar mkhyen nas/ sku gsung thugs mnyam pa nyid mi dmigs par mdzad/ ched du brjod pa/ ma nor ma bcos de bzhin nyid// mi gnas mi rtogs bsam dang bral// ma chags bral yul las 'das// cir yang ma yin cir ma yin// rang byung rang zhi brjod dang bral// rnam par mi rtog ye shes kyis// rtogs pa'i dngos po zil gyis gnon// stong pa go cha bla na med// skye med sems nyid yi dam/ lha/ ces gsungs so// de nas yang ched du brjod pa// chos sku skye 'gag med pa las// ye shes chen po rol pa'i sku// dngos med rtog pa zil gyi gnon// mthing nag zhal gsum phyag drug te// rnam par thar pa'i dbu gsum gyis// srid pa gsum po sgrol bar mdzad// pha rol phyin drug phyag mtshan ni// 'khor lo ral gri rdo rje dang // be con btun shing sdig 'dzud 'bar// rgyud drug gnas pa'i log lta grol// tshad med bzhi dang rdzu 'phrul rkang // skye ba rnam bzhi stong bdag med//

  5. 108b

    glang chen ko rlon gosu gyon// zhing lpags g.yangs gzhi ya bas bskor// stag gi lpags pas sham thabs byas// skam rlon thod pas rgyan du byas// rigs bzhi'i klu dang sa bdag gnyan// dregs pa brgyad po phyogs mtshams bsnol// ma he glang po brdzis pa la// nyi zla pad+ma'i gdan la bzhugs// sems nyid yi ge'i rang bzhin te// rgyal ba'i sku nyid yin par bshad// khyab bdag ye shes lnga'i bdag/ dbu la rdzogs pa'i rigs lnga'o// yum ni dmigs med chos gyi dbyings// gnyi su med par sku la gnas// oM ya man ta ka hUM/ 'di ni gsang sngags rgyal po ste// khro bo de nyid 'bar ba yin// a kr-i te ka ya man ta ka/ skye med ye shes khro bo'i sku// gshin rje gshed po bgegs kyi rgyal// 'gyur med rdo rje'i sku ru 'gyur// kra sha ka la ru pa/ nag po chen po 'jigs byed gzugs// 'gag pa med pa rdo rje'i gsung // hriHSh+NI ya ma ye/ mi rtog ye shes chen po'i ngang // rdo rje'i thugs nyid brten par mdzad// rtogs med rang bzhin 'od gsal lo// chos kyi dbyings las ngo bo'i sku// gshin rje gshed nag lhan gyis grub// hriHbadz+ra kro d+ha ha ya grib pad+ma te krid rA ga tsan d+ha/ chos rnams ma 'dres so sor rtags// 'du shes phung po pad+ma'i gsung // ha la gri ba rta mchog dpal// chags med sku mdog dmar po lo// spyi gtsug rta mgo ljang khu mtsher// bde gshegs gsung gi ngo bo nyid// badz+ra pA na tsaN+DA ma hA ro Sha Na/ chos rnams me long lta bu yi// rnam shes phung po rdo rje thugs// lag na rdo rje khro bo'i rgyal// bai DU ra sngon po'i mdog 'dra la// khros pas mthi'i nag 'jig pa'i sku// bde gshegs thugs kyi ngo bo nyid/ badz+ra kI li kyi la ya ba ra pid tan// bya ba thams cad grub pa yi// 'du byed don

  6. 109a

    #grub rnam pa ni// las kyi rgyal po he ru ka/ badz+ra ku ma ri'i sku// ljang nag chen po 'jigs pa'i sku// bde gshegs 'phrin las ngo bo nyid// ye shes lhun gyis grub pa ni// phyag rgya rdzogs pa'i rgyal po'o// ma bcos mi 'gyur chags pa med// kun 'byung bya ba byed pa yi// rigs kyi bdag bai kun 'dus pa// sku lnga lhun gyis grub pa'o// dpral bar gyad gnon khyud gnyis ni// spu dang gshog pa mtshon cha me// khyung gis kha nas lce 'bab pas// gdug pa bzir dang rlog par byed pa// seng ge ral pa sbugs pa gnyis// kha nas rdo rje mang po 'phro// bar mtshams med par gdug pa 'joms// stag chen rngam zhing 'phyod pa gnyis// kha nas ral gri 'bar ba 'dra// ma lus gshog dang thub par mdzad// sbrul gdug 'bar ba nag po la// kha nas me 'bar 'chub cing bsreg/ lce spang mthing skya 'bar ba la// zhal nas lcags kyus 'gugs shing sgrol// thams cad zil gyis gnon pa ste/ rang snang dbyer med rdo rje'i sku// rnam dag bsod nams rgyan gyis brgyan// dpe byad 'bru dkod bltar mi ngoms// sku lnga mchog te khyod la 'dud// rnam par dag pa na mkha'i dbyings// ci gsungs sna tshogs sgra rigs mkhyen// bsam 'das brjod med rdo rje'i gsung // gsung lnga mchog te khyod la 'dud// rdo rje gsang ba na mkha'i thugs// mnyam nyid mig g.yo so sor gsal// kun rig snying po ye shes mchog/ thugs lnga'i mchog la phyag 'tshal 'dud // yid bzhin nor bu chen po ste// mkhyen pa'i ye shes rang rig 'bar// mgon po yon tan bsam las 'das// lhun gyis grub mdzad khyod la 'dud// mi mdzad pa nyid mdzad pa che// ma chags chags bral 'dod

  7. 109b

    / chags mdzad// thams cad ma lus sgrol ba yis// 'phrin las mchog la phyag 'tshal 'dud// ces sku gsung thugs yon tan 'phrin lngas lnga rang la rdzogs shing ched du rang la stod pa mdzad do// de bzhin gshegs pa thams cad kyi dgongs pa khro bo 'dus pa'i rgyud las/ lo'u gnyis pa'o// / de nas bcom ldan 'das chos thams cad ye nas lhun gyis grub par mdzad do// e yaM raM baM laM zhes ched du brjod do// e stong nyid ye shes rdo rje'i sku// nyon mongs zhe sdang 'joms mdzad pa// na mkha'i rang bzhin rdo rje nyid// cis kyang mi ched mi shigs pa// gdong nas mi skyes sems nyid do// yaM gyis ye shes las byung ba// gtum khro phrag dog 'joms mdzad/ ba sra mkhregs deng tshe rnam rtog mthor// raM gis ye shes las byung bas// sred 'dzin 'dod chags 'joms mdzad pa// kun du me 'ong 'bar dar bros// 'du klong khyil bas 'khrigs pa'o// baM gyis ye shes las byung ba// dregs pa'i nga rgyal 'joms mdzad pa// chu rgod sbyin zang 'khrugs pa yi// mtshan ma'i rtogs 'joms par byed// las kyis ye shes las byung ba// rmongs pa'i gti mug 'joms mdzad pa// sra 'khregs brten pa rdo rje che// rdo rje 'od dpung 'khrug pa yis// rmongs pa'i mun nag chen po 'joms// 'byung ba chen po bcom ldan 'das// kun la rang bzhin gnas pa de// lhun gyis grub pa'i ye shes kyis// gur ram ra ba spyil bu'i tshul// cis kyang mi tshugs cis mi shigs// 'byung 'a lus kyi dkyil 'khor ni/ ye shes chen po'i rang bzhin gyis// rdo rje go cha rab tu sra// skyo med na mkha'i cho 'phrul las// 'gag med 'byung ba lhun gyis grub/ thams cad ga

  8. 110a

    skyed pa yum nyid klong // rten du gyur pa sku dang gnas// sna tshogs 'byung ba rig pa'i gter// nyon mongs 'joms pa ye shes te// rnam rtog gcod pas 'khor lo'o// bcos dang 'dra bas mtshon cha yin/ snang tsam nyid na rang bzhin med// bden pa dbyer med na mkha'i dang // snang srid sku gsung thugs nyid de// de yi rang bzhin de nyid do// zhes gsungs so// de bzhin gshegs pa thams cad kyi dgongs pa khro bo 'dus pa'i rgyud las// le'u gsum pa'o// de nas bcom ldan 'das ye shes chen po'i rol pa/ yi ge rnam par 'phrul pa sku gsung thugs rdo rje brjod pa/ gsang sngags don ni lam yin te// skyob par byed pa las su 'gyur/ de phyir skyes bu chen po'o// thugs las mgur gyi bum par gril// zla khams dkyil nas ljags rtser bkram// zhal dang sku yis rnam pa las// kun la khyab par shar ba po// sku dang gsung thugs lhun grub pa'i// 'phrin las rol pa chen po ste// bde gshegs spyi dril snying po'o// rog mar 'byung ba'i yi ge lnga// mkha' ltar dag pa sems nyid dbyings// chos kyi 'byung gnas chen po ste// drag po dbang bsdung yi ge ngag/ gsang sngags rgyal po dbul bzhag/ pa lo/ ba rlung la sreg pa med// sdud pa chu yin sa brtanas// 'byung lnga'i dbyings nas blangs nas kyang // gsang sngags phreng ba'i gral la bzhag/ kun gyi mchog tu gyur pa ste// khong nas 'byung ba'i yi ge dang // skyes bu can gyi rang bzhin dang / de bzhin snyan dang shangs dang tshems// 'byung ba'i yi ge klong pa'i 'bru// sna ldan yig 'bru bral na gnas pa'o// de 'og 'gyur gyi yi ge lnga// bya ba'i ye shes khyab byed dang // don du 'gyur dang gnas pa yi// 'dzin pa med pa'i sgo

  9. 110b

    dag go// de 'og char ba med pa dang // rgyu rkyen med dang rkyen dang // blang ba med pa'i yi ge'o// dbyangs dang sgra yi dbyings nas blang // de 'og sku yi yi ge yang // gshin rje gshed nag thugs las bslang // de bzhin gsung gi yi ge yang // gsod byed rngam chen thugs nas blang // thugs kyi yi ge 'phreng ba de// rdo rje 'jig byed thugs nas blang // rim pa bzhin du gral la gnas// de 'og gsum chen gsum yin te// gnang dgu 'joms pa gral la bzhag/ gsang sngags rgyal po brgyad gnyis so// pad+ma 'khyil pa'i ga'u nas// blangs te gral la gnas pa'o// thugs kyi yi ge 'bra bcu ste// rdo rje gtum po'i thugs la blang // de 'og zil gyis gnas pa ste// 'bar ba bya khyud thugs nas sprul// de 'og gsang sngags 'bru brgyad de// gshin rje'i rgyal po las kyi bdag/ 'phrin las thams cad byed pa'o// de rjes 'phrin las rdzogs pa'i sngags// las mchog rgyal po'i thugs las blang // mthar ni mtshon cha me dpung sngags// 'dren pa stobs kyi drag sngags te// gsang sngags rgyal po brgyad dang bcu// sngags kyi yan lag bzhi ldan pas// gsung gi cho 'phrul sgra bsgrags pa// sku bskyed srog gi ngo bo dang // bsgrub dang thugs dang bskul ba dang / gsung dang gsad pa gnad la dbab// yid bzhin nor bu lta bu yis// ma lus 'dus pa'i thig le'o// de bzhin gshegs pa tha da kyi dgongs pa khro bo 'dus pa'i rgyud las// le'u bzhi pa'o// de nas bcom ldan 'das ye shes chen po'i rol pa// 'phrin las rnam par 'phrul pa brjod pa// stobs bcu pha rol gnon pa yis// 'khor lo rim pa re mig bcu// bcu phrag bcu gcig khang mig can// bde gshegs khro bo 'dus pa yis/

  10. 111a

    @#/ drag po sngags kyi grong khyer yin// thog mar na mkha' rdo rje 'phreng // gnyis ni 'thor byed rdo rje la// gsum pa 'bar byed rdo rje yis// bzhi bsdud byed rdo rje la// lnga pa sra byed rdo rje'o// drug paskye med rdo rje yin bdun pa rdo rje can du bshad// brgyad bsnyan la dgu pa shangs// bcu pa rdo rje 'bar ba tshe mes// yi ge phreng bas brgyan pa'o// mtha' nas dbus su sdud pa'i tshul// 'khrul 'khor rgyal po rnal ma ste// srog dang snying po ldan par bya// thems dang gzir dang ldan pas ni// sred med bu yang ldan par byed// dregs pa gzhan lta smos ci dgos// dbus nas mtha' ru skyel ba dag/ las kyi 'khrul 'khor bzlog pa'o// lha rnams gnad la dang ba pa'o// phyi nang nang du 'gro ldog lho// dkrug pa a ra la gtad pa yin// mu mtha' 'khor 'das dral bar byed// shis bstan pa zhes su brjod// rdo rje nang ni tshoms kyi bar// 'bar ba'i 'khor lo'i thub par byed// gsang ba bka' yi 'khor lo 'di// bde gshegs rgyal bas mi zag na// bdud dang mu stegs la sogs pa// 'jig rten gzhan lta smos ci dgos// 'khor lo'i rgyal po 'di dag gis// bsrung dang bzlog bshig pa dang // gsang dang stobs gnan gshed du dbab// dbye dang bral ba la sogs pa// las rnams ma lus 'grub par byed// de bzhin gshegs pa thams cad kyis dgongs pa khro bo 'dus pa'i rgyud las/ le'u lnga pa'o// / de nas yang bcom ldan 'das rol pa chen po'i 'phrin las/ gdug pa 'dul ba'i rnam par 'phrul pa chen du brjod pa/ bde gshegs spyi dril dgongs pa ste// sde brgyad kun gyi snying pa yin// srin po gdug pa la sogs pa// mu stegs dregs pardzu 'phrul can// lha srin dregs pa ma lus 'joms//

  11. 111b

    bram ze ngan sngags la sogs pa// thams cad zlog cing gshig pa ste// rdo rje nang 'grus stobs 'joms pa// drag po sngags dgod las mchog 'di// yid 'ong bkra shis nyams dga' bar// dpa' brtul ldan pa'i sngags pa yis// mi shis pa'i sa gsum la// drag po las kyi maN+Dal bya// e nas bang rim gsum du bya// rdzas kyi rim pa 'di dag go// rten ni ling khar khog dang // srin rdo cha la rten bcas te// las rnams so sor bya ba yin// gang yin pa rnag pa'i rdzas blangs te// dbang po dod cing tshad ldan pa// ming rus snying po gdab par bya// tsa ra rog po dmigs pa'i rten// g.ya su pho rgyang bris la gdab// de bzhin g.yon du mo rgyud do// spyi bor sngags la bris la gdags// tshon gyi thag pas bcings/ pa dang // mgo dang g.yas g.yon rim par brab// ka ra bi ra bal po se'u// byam su rgya dza las bdug/ srin tsha dkar nag drag po'i mtshen// khrag dang dug chus dar blud la// gong dgos phye la dusu brdeg/ gang snod sa nas rdzas blangs la/ gzugs bca' ming dang ling kha bri// zhing lpags rgyu la drag sngags kyis// 'khor lo bris pa'i khung du khril// mon nam phag pa'i thod par mnan// gri lcags sher shing phur ba la// sme ba'i khrag gis dar blud brdegs// gang yin/ ba de der dmigs la// zhag grangs gsum du smod pa dbab// gsal ba gsum dang ldan pa yis// sras mchog phur pa snying la gdab// bka' bar gyur na bdun bdun brdeg/ thon nas ling kha mchod rten nam// mgon po byin can 'og tu gnan// zhe sdang sngags 'di dag brjod pa'o// che ge mo tri a kar sha ya dza/ snying la dun du dza/ a mu ka myags rbang / trig nan myogs rbang / a nan shag rbad/ sbur nan thun ril rbang / e hur zums dza/ probro sha ga ra ya

  12. 112a

    rbad e/ nag srog breng breng dun dun dzadza/ e ya ma dur tsanas/ ming ru su brdeg par bya// gsang ba las kyi spu gri 'di// bde gshegs nus padril ba'o// che ge mo tig nan/ nri hur thums dza/ rI mA/ ra ya rbad/ nri myar thums ril/ mA ra ya rbang / a mu ka s+t+waM ba ya ru badz+ra rag sha mA ra ya phaT/ ya mu ka tri ga nan/ e hur thums dza mA ra ya rbad/ myar hUM ril mA ra ya rbad/ drag sngags nus pa dril ba'i mchog/ 'phrin las kun gyi rtsa bar gsungs// de bzhin gshegs pa thams cad kyi dgongs pa khro bo 'dus pa'i rgyud las/ le'u drug pa'o// // de nas bcom ldan 'das rol pa chen po'i 'phrin las// dregs pa can 'dul ba'i rnam par 'phrul pa brjod pa/ mi rtog dbyings las sku bzhengs pa// bcom ldan dpal chen gshin rje gshed// mthing nag chen po 'jigs pa'i sku// dbu yi gtsug ni 'bar ba khyud// phyag g.yas dregs pa lha ma srin// sde brgyad ci yi rang bzhin te nga las kyi gshin rje mgo dgu pa// phyag g.yon dregs pa de yi yum// lha mo nag mo dbu bdun ma// spyan ni sdang mig kun tu blta// zhal nas ha ha zhes sgrogs pa// rdo rje'i sku dang yan lag rnams// klu rigs du mas brgyan bar mdzad// chag med pad+ma ra ga'i mdog/ dbang gi rgyal po spangs bstod de// rdo rje drag pos brjid pa po// 'phrin las rdzogs mdzad he ru ka/ gru gsum mthong nag 'bar ba'i dbus// bskal pa'i me dpung 'bar ba yis// gnyis med rol pa'i byang chub sems// sngags kyi 'dro 'dus gdug pa 'dul// dregs pa gzir dang byas pa bshig/ zhen bzlog gnas spor thug pa byung // bcings dgrol sde brgyad dkrug pa dang // rang bshed rang la dbab pa'o// zhes gsang

  13. 112b

    sngags 'di dag mthon te// oM a kro te ya mAn ta kra shrI many+dza kA la ru ga hri ti mu kha ye/ a che ge mo a/ e che ge mo i/ u ne u ne u ne/ u u u/ sid da ye/ bya rtsa ye/ du ru ye/ rtsi ta ye/ bya ti ye/ ha la ye/ che ge mo ti gnan/ e/ hur thums dza/ che ge mo myags thum ril rbad/ e kikai b+ha tri ma he ka / tre yaM he ka/ tsa dur thar ka/ b+hi sa ma dza ni dza sad ka ra ya hUM phaT/ gshegs pa'o// ya ma he sarba bu ya rtsi ta sarba duSh+TAn u u/ rbad bu ma khas srog tsa hu ma thums dun tre b+h+yo// dun ma ma b+h+yo b+h+yo/ yu ni u ne u ne/ staM ba ke ya mA ra ye phaT/ bzlog pa'o// he yaM ma ma dza ra ma ma dza dza tig/ tsa ga me su nane dun/ dza dza tri tra tsa yag sha rbang tshil/ bu dun hi ya ma snying to me/ hu raru hu ra dza dza/ swo b+ho shau ma rbang pu tsa du b+ha ni/ mo ne ya/ ma snying khrag du sti b+h+yo/ myags myags rbad/ sarba du li tri phyung / bi ti phung phu phaT/ phyung phyung / dbying ba'o// sarba big+ha nan bruM gzir rbad/ tsit+ta ya ma rbang/ mi shig thig shig/ ku dun da dun b+ho// dun+d+hi sha b+hi ma rbang stig sna b+ho/ dgol ba'o// yag sha snying kha rag dun dun/ rbed ru tra ra tA ma trang / srog tri/ ma tra ru tra srog ma ma rbang / nag bo rtsa ti snying kha rag b+hi sa ti dun dun rbad/ d+hing na b+his ma srog dun dun d+hag nan/ ma ha ra dza dun du na dzad/ ra tsa ha ti dun rbad/ tri dza ba la a shug me sreg trig nan/ ra tsa thum ril rbad / tri tsi ran dun dun rbad/ he le hu le bai ril dun rbang / srog trig nan rbad/ badz+ra sa tu ru tra dun dun rbang / badz+ras du a tre dun dun rbad/ a ka sha tra snying kha rag dun dun rbad/ a tra tsi tra srog mar yang rjed / tri na nan/ ra hu la ma ra tsa sha bruM ril rtsa ba tir hu la bya sha srog ngun dun trig nan/ du brag ni ra no rom du srogs trig rbad/ ru lu ru lu thum ril rbang / oM du ni sa na na/ dza ram sad ka ra ya/ ma ma ra ya rbang thun gzir/

  14. 113a

    thun b+ho// rag mo ru lu tri mug/ dun dun rag mo ru lu tri bug che ge mo ma ra ya rbad khung tra dun dun kA man g+hi ga nan/ shong khram ro ni ma ra ya rbang / trag ma ma yag sha kha rag ru ru ti dun dun rbang / ma ma lhas zhug/ ma dun srog trig nan/ rbad thu mi rol/ dkrug dang ma btang bshig la sogs// rang bshed dbab pa las kyis so// rgyal ba dgongs pa 'dus nas yang // spu gri mngon par brjod pa'o// bsdebs kyi rgyal po las kun byed// yang na rang gnas stobs gshig pa// 'khor lo nyid kyis byed pa yin// gdeng chen gsum ldan dpa' bo yis// thams cad 'khor lo'i dbang du bskur// zhes gsungaso// de bzhin gshegs pa thams cad kyi dgongs pa 'dul pa khro bo 'dus pa'i rgyud las/ le'u bdun pa'o// / de nas bac+doMs rol pa chen po'i 'phrin las// drag po rnam par 'phrul pa brjod pa// drag pos gsad pa'i las kyis ni// gnyen gnyis bdug pa drag nag mchi// srin bu 'du dang gcan gzan gnas// phreng shul dag tu bsgrub pa tsam// drag po 'bar ba'i maN+Dal la// dme khrag dag gis byung bar bya// a mu ka'i rdzas drug la// dug dang bsnol khrag kha shog pa// mi rkang sha zan sgro tsa yis// 'khor lo ling kha bri bar bya// dur khrod ro yis gos la shis// a gnas gdug pa'i mtshon gyi skor// nang du mon nam rabs chad 'gro/ ling kha byas thag gdar ba ni// 'khor lo dong rtsang mkha' la lding // mA ra ya yi ling kha la// yig 'bru sum cu rtsa gnyis te// 'chi bdag gshin rje'i drag sngags rnams// lus gnad rtsa na yid nang na gnas// de bskul gnas bzhir 'khor ba yis// rtsa bzhi bcad pas la su 'gyur// stong nyid ngang la gshin rje gshed// sangs rgyas tha~Md 'dus

  15. 113b

    pa'i sku// rigs kyi bdag po lnga ldan pa// rdzogs par rang bzhin lhun gyis grub// ye shes dkyil 'khor sran drang bstims// rang snang dbyer med rdo rje'i sku// rdo rje'i sku lnga'i thugs kha nas// rang rang thugs mtshan yig 'brul// rang rang sngags kyi bskor ba ni// byang chub lam gyi sgron ma yin// nag po dug gi mtshon cha yin// gri lcags shir shing phur ba la// dme ba'i khrag gis ngar blud de// gu gul nyungs dkar la sogs pas// gzi brjid 'bar bar bya ba ni// sras mchog ya ma ra dza ste// sku stong khro bo chen po la// ral gri'i kra la phung pa'i so// spyan gnyis me'i tsha tsha 'phro// lag na ral gri sdigs 'dzub 'bar// smad ni lcags phur zur gsum pa// mthing nag 'bar ba 'jigs par bsgom// de'i gsang sngags rgyal po 'di'i// ya ma rA dza d+hi kri ra ya// las kyi gshin rje thams cad kyi// srog gi ngo bo bsrung ba po// rtsa ba drug po'i gsang sngags la// spu gri nyi ma bzhi pa yis// tshangs pa la sogs gnas rnams bod// 'khor lo rang gi rgyud las ldang // ya ma rA dza sa to me ye// pra ma ya che ge mo glang khrag a mu kha myags rbe / ya mo to mu ru na long ya/ rag ta tsa ra ya che ge mo mgrin khrag trig nam/ myogs rbad/ ya ti yo ni ra ya k+She ya/ mu ra tsa ya che gre mo lte khrag u nan shag zang ya k+She ya tsa ni ra ma ya/ mA ra ya che ge mo'i snying khrag sbur nam zum ril rbapa nyi ma bzhi ru drang ba ste// thun tu sngags kyi sa bar bar brang / nri ra ma ra la/ mu ru du/ ya ma snying / ya ma khrag che ge mo'i srog rtsa nri hur thum dza/ dreng shag raM yaM rbang eng lnga ru las kyi sbyar bye// mtha' brgyal la bcu gcig go// thun gyis brab 'bru gsum thun rdzas khrag/ mtha' ru lung sadab gzigs byas te/ ral ba cher dgu li lag tu gtang / lho phyogs lon khung snying ba 'am// yang na bka na/

  16. 114a

    @#byin cin no// byang du kha bltas chu brag 'thab// rgya gram lam lam 'jigs par gnan// don yod grub pa'i pho brang gdag/ 'khor los mtha' las btul ba yis// srog la ming rus rten la gdags/ zhag grangs gsum gyi bar dag tu// ling kha gsum la rim pas brag// lhar na las 'di grub pa yin// skad chen 'byin na drag tu bsnag/ tha mar dgra bzlog chen po bya// ra sbrul khrag la zor byas 'phang // snying bshags nang du ling kha bzhug/ kha ra btsang 'on khung dag tu gnan// yang na klu gnas sa ru gnan// brnag pa las kyi thun kha ste// bya ba lngas na dus min pas// bde gshegs bka' yi chad pa yis// rang gi rgyad kyang phung byas nas// rdo rje dmyal bar 'khyams pa 'gyur// bde gshegs sras mchog phur pa de// dngas ma 'dus pa'i srog rten la// dkar nag mtsham su ma rA ya// dngas ma 'das pa rtsa bzhi mdo// tsit+ta srog gi gzhi la gdab// 'od zer zel kha 'dus bzhin// phur pa nyid la 'dus pa l+la khong seng byang chub sems rgyud nas// spyi bor byung ste rang la bstims// tshe bkrag rang la bsdu ba'o// de ltar bstan pa'i ling kha ste// gnan nam yang na sreg par bya// de yi gsang sngags brten pa 'di'o// kI li kI la ya trig nan big nan/ snying gzer skur nan/ ni hur thums po myags thum ril drang / gnod gdug rnam gnyis deng yang rlung // btab na lha yang brlag par byed// ces gsung so// de bzhin gshegs pa thams cad kyi dgongs pa khri bo 'dus pa'i rgyud las/ le'u brgyad pa'o// / de nas bac+doMs rol pa'i 'phrin las rdzogs par brjod pa/ chos dbyings skye ba med pa la// ye shes rol pa'i thugs rje yi// ye nas chos rnams skye med las// rtogs pa'i dbang gis sdug bsngal ba//

  17. 114b

    de dag bsgral bar bya ba'i phyir// 'phrul pa'i tshul du 'phrin la so// bde gshegs nus pa dril ba yin// gsang sngags rgyal po 'di nyid kyis// 'dod pa'i dom tu bsgrub pa'o// bzlog dang dkrug cing dral byed pa// 'di dag las kyi mtha' dag/ ste/ gcod pa'i spu gri ldan pa yis// 'byung ba lnga yi lus ngag yid// bla nas dgu 'joms tshul du bya// ma yengs srog gi ting 'dzin pas// bdag nyid sku lnga'i rang bzhin du// ye shes lha yi tshogs kyis gang ba yin// ting 'dzin dkyig 'khor mtha' yas mchog/ las su rung ba'i rnal 'byor pa// de yis mi 'grub gang yang med// ting 'dzin klung du su 'dris pa// bde gshegs rgyal ba de yin pas// sangs rgyas zhes pa gud na med// bstan pa stobasu gyur pa yin// bka'/ don las dang mtshan ma dang // 'dod dang log pa dam nyams pa// gnod sbyin gyur pa sgral bar bya// bden pa'i don nyid ma mthong bas// lus ngag yid kyi 'du byed kyis// lus dang semasu snang ba'o// 'byung ba lnga la rten bcas nas// nyon mongs 'khrug pa snang ba dag/ rang las byang bas gshed du dbab// e yaM raM baM laM/ 'byung ba gshed du dbab pa'o// ra ka daM ba mo ha/ dug gsum gnas la dbab pa'o// ka ra de ba sha mo he na ma hi ri sha b+ho// dug lnga gnad la dbab pa'o// ka ya wa ga tsat+ta/ rbang rbang thu ma rim thum ril/ cung rdud sad sad rbad nan/ srog la thum ril b+h+yo nI dza rbad nan/ sta~M ba ya nan/ gsum drug dgu yi thum ril gyis// lus ngag yid gsum gcod par byed// ci dang bye brag so so yis// sde brgyad la sogs dregs ba larnga rang rang gshed du dbab pa'o// rigs sngags la sogs gzhan gyis byas// gshig tu dbab pa dang // ngag gnan nus stobs dpral la sogs// rgyan dang ldan pa las rims sbyar// dus gsum bde gshegs thams cad kyi//

  18. 115a

    @@#dgongs don khro bo 'dus pa yis// 'byung ba ye nas lhun grub pa'i// lus kyi rnam par snang ba'idi// rtogs pa'i dbang gi 'dzin pa la// 'khrul pa'i ngang gis dngos por snang // dngos med ye nas mngon sa byas// ye nas rgyal ba'i dkyil 'khor yin// rtog med ye shes gzhal yas khang // rdo rje phung po yan lag rnams// ye nas lhun grub rdzogs sangs rgyas// sku lnga'i rang bzhin ye shes sku// skyes pa'i mi dgongs rang bzhin gnas// bde gshegs sku gsum thug su rtogs// rgya mtsho dngas pa'i gza' skar ltar// snang la rang bzhin med pa'o// thugs ni ye nas stong pa nyid// rnam par rtog med ye she so// stong pa nyid kyi tshe'i phrul ni// 'gro ba'i don la de bzhin gshegs// spyan drangs mchod pa byar med de// rang snang dbyer med spyan drangs mchog/ gnyis med rol pas mchod pa yin// de nyid gus btson bstod phyag go// 'phrin las snang tshogs rol ba'i rgyan// mtshan mar snang ba'i chos rnams la// ral pa thabos kyi bye brag rnams// gnyis med 'bras bus rgyas btab nas// mi 'gyur klong na rdzogs par brjod pa'o// de bzhin gshegs pa thams cad kyi dgongs pa khro bo 'dus pa'i rgyud las/ le'u dgu pa'o// / bde gshegs rgyal ba'i dgongs don/ khro bo 'dus pa'i rgyud ces bya ba rdzog so// / bde gshegs rgyal ba'i dgongs don zhes bya ba/ dgongs pa spyi dril gyi rgyud/ pA yul gyi rgyal po ba su d+ha ra dang / rdo rje yang dbang gter gyis/ d+ha ra sa'i brag phug tu bsgyur zhus gtan la phab pa'o/ gdung bye gdos rgyam rgya @#// rgya gar skad du/ yak+Sha tra pa tri ma ra ya tri tan tra/ bod skad du/ gnod sbyin gdong gsum pa'i rgyud/ bcom ldan 'das