N92MW22703_0092mdo sdeAll versions of this work

de bzhin gshegs pa rnams kyi zhing gi yon tan brjod pa'i chos kyi rnam grangs

Text

ff. 438b–441a · 6 folio sides

  1. 438b

    rgya cher yang dag par ston la/de bzhin du nan tan du byed na 'di ni bsod nams kyi phung po de bas ches mang du bskyed do//kun dga' bo de lta bas na de bzhin gshegs pa chos kye mchod pas mchod par 'dod pa dang /shes rab kyi snang ba chen po byed par 'dod pas chos kyi rnam grangs 'di gzung bar bya/klag par bya/nan tan gyis bsgrub par bya/gzhan dag la'ang rgya cher yang dag par rab tu bstan par bya'o//bcom ldan 'das kyis de skad ces bka' stsal nas/tshe dang ldan pa kun dga' bo dang /byang chub sems dpa' sems dpa' chen po snang ba bsam gyis mi khyab pa dang /yul ko sa la'i rgyal po gsal rgyal 'khor dang bcas pa dang /lha'i dbang po brgya byin dang /mo mjed kyi bdag po tshangs pa dang /'jig rten skyong ba bzhi dang /thams cad dang ldan pa'i 'khor de dang /lha dang /mi dang /lha ma yin dang /dri zar bcas pa'i 'jig rten yi rang ste/ bcom ldan 'das kyis gsungs pa la mngon par bstod do//'phags pa khye'u snang ba bsam gyis mi khyab pas bstan pa zhes bya ba chos kyi rnam grangs rdzogs so/// rgya gar gyi mkhan po su ran+d+ra bo d+hi dang /zhus chen gyi lo tsA ba ban+de ye shes sdes bsgyur cing zhus te gtan la phab pa//rgya gar skad du/Ar+ya ta thA ga tA nA ma bud+d+ha k+She tra gu Nok+tad+harma paR+YA

  2. 439a

    ya/bod skad du/'phags pa de bzhin gshegs pa rnams kyi sangs rgyas kyi zhing gi yon tan brjod pa'i chos kyi rnam grangs/sangs rgyas dang byang chub sems dpa' thams cad la phyag 'tshal lo//'di skad bdag gis thos pa dus gcig na/bcom ldan 'das yul mnyam dka' na chos kyi dgon pa byang chub kyi snying po na nor bu rdo rjes spras pa'i pad+ma'i snying po'i seng ge'i khri la bzhugs te/byang chub sems dpa'i dge 'dun chen po sangs rgyas kyi zhing brjod du med pa bye ba khrag khrig brgya stong phrag bcu'i rdul phra rab snyed kyi byang chub sems dpa' sems dpa' chen po dang thabs cig go//de'i tshe byang chub sems dpa'i 'khor gyi dkyil 'khor 'dus pa de nyid du byang chub sems dpa'i sems dpa' chen po 'od bsam gyis mi khyab pa'i rgyal po zhes bya ba 'dus par gyur to 'dug go//de nas byang chub sems dpa' sems dpa' chen po 'od bsam gyis mi khyab pa'i rgyal po sangs rgyas kyi mthus stan las langs te/byang chub sems dpa'i tshogs thams cad la smras pa/kye rgyal ba'i sras dag 'jig rten gyi khams mi mjed kyi bskal pa de ni bcom ldan 'das de bzhin gshegs pa 'od dpag med kyi sangs rgyas kyi zhing 'jig rten gyi khams bde

  3. 439b

    ba can gyi nyin zhag gcig go/kye rgyal ba'i sras dag gang 'jig rten gyi khams bde ba can gyi bskal pa de ni bcom ldan 'das de bzhin gshegs pa mi 'khrugs pa'i spangs rgyas kyi zhing 'jig rten gyi khams mngon par dga' ba'i nyin zhag gcig go/kye rgyal ba'i sras dag gang 'jig rten gyi khams mngon par dga' ba'i bskal pa de ni bcom ldan 'das de bzhin gshegs pa rdo rje snying pos rab tu 'dul ba'i sangs rgyas kyi zhing 'jig rten gyi khams ngur smrig gi rgyal mtshan gyi nyin zhag gcig go//kye rgyal ba'i sras dag gang 'jig rten gyi khams ngur smrig gi rgyal mtshan gyi bskal pa de ni bcom ldan 'das de bzhin gshegs pa shin tu rnam par gdon mi za bar pad+mo rab tu rgyas pa'i sku'i sangs rgyas kyi zhing 'jig rten gyi khams phyir mi ldog pa'i 'khor lo dbyangs kyi nyin zhag gcig go/kye rgyal ba'i sras dag gang 'jig rten gyi khams phyir mi ldog pa'i 'khor lo dbyangs kyi bskal pa de ni bcom ldan 'das de bzhin gshegs pa chos kyi rgyal mtshan gyi zhing 'jig rten gyi khams rdul dang bral ba'i nyin zhag gcig go/kye rgyal ba'i sras dag gang 'jig rten gyi khams rdul dang bral ba'i bskal pa de ni bcom ldan 'das de bzhin gshegs pa seng ge'i sangs rgyas kyi zhing 'jig rten gyi khams mar

  4. 440a

    me ldan gyi nyin zhag gcig go/k+She rgyal ba'i sras dag gang 'jig rten gyi khams mar me ldan gyi bskul pa de ni bcom ldan 'das de bzhin gshegs pa rnam par snang mdzad kyi sangs rgyas kyi zhing 'jig rten gyi khams 'od bzang po'i nyin zhag gcig go/kye rgyal ba'i sras dag gang 'jig rten gyi khams 'od bzang po'i bskal pa de ni bcom ldan 'das de bzhin gshegs pa chos kyi 'od zer rab tu rgyas pa'i sku'i sangs rgyas kyi zhing 'jig rten gyi khams 'da' bar dka' ba'i nyin zhag gcig go/kye rgyal ba'i sras dag gang 'jig rten gyi khams 'da' bar dka' ba'i bskal pa de ni bcom ldan 'das de bzhin gshegs pa mngon par shes pa thams cad blo gros 'od zer rgyal po'i sangs rgyas kyi zhing 'jig rten gyi khams rnam par brgyan gyi nyin zhag gcig go//kye rgyal ba'i sras dag gang 'jig rten gyi khams rnam par brgyan gyi bskal pa de ni bcom ldan 'das de bzhin gshegs pa zla ba'i thugs kyi sangs rgyas kyi zhing 'jig rten gyi khams me long gi dkyil 'khor dbyangs kyi nyon zhag gcig go//kye rgyal ba'i sras dag gang 'jig rten gyi khams brtag cing bgrang ba la 'jug

  5. 440b

    pa'i tshul 'dis sangs rgyas kyi zhing brgya stong phyag bcur tshang ba'i rdul phra rab snyed 'das pa'i pha rol na bcom ldan 'das de bzhin gshegs pa dgra bcom pa yang dag par rdzogs pa'i sangs rgyas dpal bzang po'i sangs rgyas kyi zhing grang na byang chub sems dpa' kun tu bzang po'i spyod pa'i sa yongs su spyod pa'i khyad par can 'jig rten gyi khams pad+mo dpal gyi nyin zhag gcig go//kye rgyal ba'i sras dag rigs kyi bu 'am/rigs kyi bu mo la la zhig de bzhin gshegs pa rnams kyi sangs rgyas kyi zhing gi yon tan brjod pa'i chos kyi rnam grangs 'di 'chang ngam/'dzin tam/klog gam/kun chub par byed dam/gzhan dag la'ang rgya cher yang dag par rab tu ston na/de 'chi ba'i dus kyi tshe phyogs bcu mtha' yas pa'i sangs rgyas kyi zhing rgya mtsho rab 'byams ngag gi sangs rgyas bcom ldan 'das rnams de'i mdun na bzhugs par 'gyur te/bla na med pa yang dag par rdzogs pa'i byang chub mngon par rdzogs par sangs rgyas kyi bar du skye ba dran par 'gyur ro//de bzhin gshegs pa dgra bcom pa yang dag par rdzogs pa'i sangs rgyas kyis gnang ste/byang chub sems dpa' sems dpa'

  6. 441a

    chen po 'od bsam gyis mi khyab pa'i rgyal po dga' zhing de skad ces smras so//byang chub sems dpa' sems dpa' chen po'i 'khor gyi dkyil 'khor thams cad byang chub sems dpa' sems dpa' chen po 'od bsam gyis mi khyab pa'i rgyal pos smras pa la mngon par bstod do/// 'phags pa de bzhin gshogs pa rnams kyi sangs rgyas kyi zhing gi yon tan brjod pa'i chos kyi rnam grangs rdzogs so/// 'phags pa dkyil 'khor brgyad pa ces bya ba'i chos kyi rnam grangs theg pa chen po'i mdo//'di skad bdag gis thos pa dus gcig na/bcom ldan 'das mnyan yod na rgyal bu rgyal byed kyi tshol mgon med zas sbyin gyi kun dga' ra ba na dge slong gi dge 'dun chen po dang /byang chub sems dpa'i dge 'dun chen po dang thabs cig tu bzhugs te/lha dang /klu dang /gnod sbyin dang /dri za dang /lha ma yin dang /nu ma mkha' lding dang /mi 'am ci dang /lto 'phye chen po dang /mi dang /mi ma yin pa du mas yongs su bskor te/mdun gyi bltas nas chos ston to//de'i tshe byang chub sems

Colophon

'phags pa de bzhin gshegs pa rnams kyi sangs rgyas kyi zhing gi yon tan brjod pa'i chos kyi rnam grangs rdzogs so/