MW21521_D6CE7Fལུང་ཨ་ནུ་ཡོ་གའི་ཆོས་སྐོར།All versions of this work

thugs rje chen po'i gtor ma sha khrag rus pa'i gtor rgyud chen po

Text

ff. 1b–88b · 175 folio sides

  1. 1b

    rgyu rgyurgyu mig/ wa~M

  2. 2a

    @##/ po bla na med pa'i he ru ka la phyag 'tshal lo// 'di skad bshad pa'i dus na/ bcom ldan 'das dpal kun tu bzang po rang rig pa'i blong na bzhugs pa na/ de nyid kyi khyad par las/ de nyid kyi gnyis su med/ pa'i yum des 'di skad ces bskul lo// Ak+Sha hoH/ dang po skye med chos rnams

  3. 2b

    yum gyi ngang // ma byung ma skyes sems nyid skye ba med// skye ba med pa'i sems nyid dag pa la// 'khor ba ngan song ye nas med pa la// brtags pas 'khrul pa'i rdzas su snang ba kun// thugs rje chen pos sbyangs pa'i dus la bab/ ngo mtshar che ba'i lha la phyag 'tshal lo// zhes gleng bslangs pa dang / yab kyis/ yum la 'di skad ces bka' stsal pa/ ak+Sha ho/ ma bcos yongs kyi dag pa'i zhing khams na// thams cad gnyis meng rgyal ba'i sangs rgyas bzhugs// de tshe log rtog mtshan ma ming yang med// stong pa nyid la stong pa'i rang bani/

  4. 3a

    @##/ gnas/ stong nyid brtags pas stong nyid rang bzhin bde// ma skyes chos la chos rnams thams cad 'byung // chos nyid longs spyod rgyan du rig par byos// zhes ched du brjod do// // de nas sus kyang ma brjod pa'i rang sgra las hUM oM swa AM ha lnga las/ rnam par shes pa'i tshogs brgyad kyis bsdus pa thams cad rdo rje rigs kyi gtor mar gyur to// gzugs kyi phung pos bsdus pa thams cad de bzhin gshegs pa'i rigs kyi gtor mar gyur to// tshor bar snang ba thams cad rin po che rigs kyi gtor mar gyur to// 'du shes kyis bsdus pa thams cad pad+ma rigs kyi gtor mar gyur to// 'du byed kyis bsdus pa thams cad las kyi rigs kyi gtor mar gyur to// // de yang gang zhe na/ rnam par shes pa thams cad ni tshogs brgyad pa ste/ mig gi

  5. 3b

    rnam par shes pa ni sdug cing mdzes pas/ gzugs sdug pa dang / mi sdug pa dang / gnyis ka ma yin pa dang / dkar ba dang / dmar ba dang / ser ba dang sngo ba dang / ldang ba la sogs te/ me tog sna tshogs kyi gtor mar sprul te/ des kyang don bya ba dang / mchod pa dang / thugs dam bskul ba dang / tshim pa dang / dngos grub gsol ba la sogs pa'i rgyu dang rkyen du gyur te/ des kyang chos nyid la chos nyid rol pa dang / gnyis su med pa dang / gdod nas dag pa dang sangs rgyas shing gtor mar gyur to// des kyang byams shing thugs rje che la yongs la khyab pas gtor mar gyur to// sna'i rnam par shes pa ni tshim par byed pas/ dri zhim pa dang / mi zhim pa dang / gnyis ka ma yin pa dang / spos dang / bdug pa dang / sman gyi dri dang / zhal zas kyi dri la sogs pa/ spos sna tshogs kyi gtor mar sprul te/ des kyang don bya ba dang / mchod pa dang / thugs dam bskul ba dang / sgrib pa sbyang ba dang / dngos grub gsol ba la sogs pa'i rgyu dang rkyen du gyur te/ des kyang chos nyid la chos nyid rol pa dang / ye shes la ye shes rol pa dang / gnyis su med pa dang / gdong nas

  6. 4a

    dag pa dang / rdzas su snang ba ste/ thams cad du sangs rgyas shing gtor mar gyur to// des kyang byams shing thugs rje che la yongs la snyoms pas gtor mar gyur to// lce'i rnam par shes pa ni myong bar byed pas// ro bro ba dang / mi bro ba dang / gnyis ka ma yin pa dang / kha ba dang / mngar ba dang sgyur ba dang / rtsub pa dang / lan tshwa'i ro la sogs pa bshol sna tshogs kyi gtor mar sprul te/ des kyang don bya ba drang / mchod pa dang / tshim pa dang / thugs dam bskul ba dang / sgrib pa sbyang ba dang / dngos grub gsol ba la sogs pa'i rgyu dang rkyen du gyur te/ des kyang chos nyid la chos nyid rol pa dang / ye shes la ye shes rol pa dang / gnyis su med pa dang / gdod nas dag pa dang / rdzas su snang ba dang // 'bras bu thob par byas te/ thams cad sangs rgyas shing gtor mar gyur to// des kyang byams shing thugs rje che la yongs su khyab pas gtor mar gyur to// lus kyi rnam par shes pa ni reg par byed pas/ 'jam pa dang / rtsub pa dang // gnyis ka ma yin pa dang / lha dang lha mo'i gos la sogs pa gos sna tshogs kyi gtor mar sprul te/ des kyang don bya ba dang / mchod pa dang / tshim pa dang / thugs dam bskul

  7. 4b

    ba dang / sgrib pa sbyang ba dang / dngos grub gsol ba la sogs pa'i rgyu dang rkyen du gyur te/ des kyang don gong ma bzhin du gyur to// rna ba'i rnam par shes pa ni thos par byed pas/ sgra snyan pa dang / mi snyan pa dang / gnyis ka ma yin pa dang / ji ltar lha dang mi'i sgra dang / rol mo dang / 'byung ba chen po lnga las gyur pa thams cad sgra sna tshogs kyi gtor mar gyur te/ des kyang gong ma bzhin du gyur to// sku bzhi rnam par shes pa thams cad sogs par byed pas/ bag chags bzang po dang / ngan pa dang / gnyis ka ma yin pa dang / rjes su rgyu ba dang / dran pa dang / rtsol ba dang / shes rab rno ba la sogs pa snod sna tshogs kyi gtor mar sprul te/ des kyang don bya ba dang / gong ma bzhin no// nyon mongs pa can gyi yid kyi rnam par shes pa ni rjes su rgyu bar byed pas/ tshor ba dang / snang ba dang / thob pa gnas pa la sogs pa yongs su snang ba'i gtor mar sprul te/ des kyang don bya ba la sogs pa gong ma bzhin no// yid kyi rnam par shes pa ni gsal bar spyod pas/ lha dang mi'i gzugs la sogs pa dang / tshig dang sgra'i don thams cad shes pa dang / 'dzin pa dang / mi brjed pa dang / snod du gyur pa la sogs pa yongs

  8. 5a

    su gong zhing snang ba'i gtor mar sprul te/ des kyang don bya ba dang / mchod pa dang / tshim pa dang / thugs dam bskul ba dang / sgrib pa sbyang ba dang / dngos grub thob pa la sogs pa'i rgyu dang rkyen du gyur te/ des kyang chos nyid la chos nyid rol pa dang / ye shes la ye shes rol pa dang / gnyis su med pa dang / gdod nas dag pa dang // rdzas su snang ba dang / 'bras bu thob par byed pa dang // thams cad yongs su rgyas shing gtor mar gyur to// des kyang byams shing thugs rje che la yongs la khyab pas gtor mar gyur to// de las gzugs kyis bsdus pa ni gang zhe na// rgyu'i gzugs bzhi dang / 'bras bu'i gzugs bcu gcig dang lha dang mi'i gzugs la sogs pa sna tshogs pa ste// rgyu'i gzugs bzhi ni/ 'byung ba chen po bzhi nam mkha' spyir btang ba dang lnga ste/ nam mkhan ni shongs yangs che ba dang / steng 'og med par gdal ba dang / mtha' dbus med par khyab pa dang / phyogs ris med par khyab pa dang / thug pa med par gdal ba'i gtor mar gyur te/ des kyang don bya ba la sogs pa gong ma bzhin no// sa ni sa'i rang bzhin sra ba dang // rgya che ba dang / grangs mang ba dang // skye zhing smin par byed pa dang /

  9. 5b

    kha dog gsal ba dang / ri rab dang gling du ldan pa'i gtor mar gyur te/ des kyang don bya ba la sogs pa gong ma bzhin no// chu ni gsher ba dang / rlan pa dang / sdud par byed pa dang / gting zab pa dang / 'bab chu dang / rgya mtsho dang / gting dpag yangs pa'i gtor mar gyur te/ des kyang don bya ba la sogs pa gong ma bzhin no// me ni dro ba dang / tsha ba dang / gsal ba dang / mched pa dang / sreg pa dang / dro zhing shar ba'i gter mar gyur te/ des kyang don bya ba la sogs pa gong ma bzhin no// rlung ni bskyod pa dang / g.yeng ba dang / 'degs pa dang / bser ba dang / 'byed pa dang / khyab cing 'thor ba'i gtor mar gyur te/ des kyang don bya ba la sogs pa gong ma bzhin no// des bskyed pa'i 'bras bu'i gzugs ni/ yul dbang po lnga dang / rnam par rig byed ma yin pa la sogs pa thams cad gsal ba dang // snang ba dang / ldan pa dang / rten pa dang / dngos su snang ba'i gtor mar gyur te// des kyang don bya ba la sogs pa gong ma bzhin no// tshor bas bsdus pa gang zhe na/ bde ba dang / sdug bsngal ba dang / gnyis ka ma yin pa ste/ des kyang rgyu 'bras khyad par

  10. 6a

    bzhi gtor mar gyur te/ des kyang don bya ba la sogs pa gong ma bzhin no// 'du shes kyis bsdus pa gang zhe na/ rgya che ba dang / rgya chung ngu dang // tshad med pa ste/ de dag kyang kun la khyab pa'i gtor mar gyur te/ des kyang don bya ba la sogs pa gong ma bzhin no// 'du byed kyis bsdus pa gang zhe na/ lnga bcu rtsa gcig ste/ de dag kyang khams gsum khyab pa'i gtor mar gyur te/ des kyang don bya ba la sogs pa dang / mchod pa dang / tshim pa dang / thugs dam bskul ba dang / sgrib pa sbyang ba dang / dngos grub stsol ba la sogs pa'i rgyu dang rkyen du gyur te/ des kyang chos nyid la chos nyid rol pa dang / ye shes la ye shes rol pa dang / gnyis su med pa dang / gdod nas dag pa dang / rdzas su snang ba dang / 'bras bu thob par byed de/ thams cad kyang sangs rgyas shing gtor mar gyur to// des kyang byams shing thugs rje che la yongs la khyab pas gtor mar gyur to// // de nas chos nyid skye ba med pa'i klong ye nas brdal ba la rang rig pa'i rgyal po sku mngon du byung bas gtor ma'o// rang rig rgyal po'i rig pa shar bas ma skyes pa'i yul brdal bas gtor ma'o// yab yum gnyis

  11. 6b

    med gleng bslang bas rigs lnga'i sangs rgyas ma bskyed rdzogs pa'i tshul du byung bas gtor ma'o// rdzas kyis kun la khyab pas gtor ma'o// mtha' la thug pa med pas gtor ma'o// dbyings la bri ba med pas gtor ma'o// de tsam na yod par 'dzin pa la rdzas kyi gtor mar byung ste/ de yang 'di lta ste/ gnas shing brten pa'i dus na rtsa'i gtor ma de bca' ba'i bye brag rnam pa sna tshogs pa'i gtor ma bgrang gis mi lang ba/ brjod kyis mi lang ba'i yang brjod kyis mi lang ba/ rtsa ba'i gtor ma sna tshogs pas stong gsum gyi stong chen po sangs rgyas kyis kyang bgrang gis mi lang ba gang zhing rgyas par gyur to// sgog pa dang sman 'byung zhing skyes pa'i dus na lo ma'i gtor ma ste/ rtsi shing nags tshal la sogs pa myang ba'i gtor ma sna tshogs pa yang de bzhin gang zhing rgyas par gyur to// gsal zhing sdud pa'i dus na me tog gi gtor ma rnam pa sna tshogs pa pad+ma dang ut+pal la sogs pa pad+ma'i gtor ma rnam pa sna tshogs pa yang de bzhin du gyur to// smin cing grub pa'i dus na 'bras bu'i gtor ma rnam pa sna tshogs pa'i sman dang / gel ba dang / 'bru la sogs pa bza' ba'i gtor ma rnam pa sna tshogs pa yang de bzhin du gyur to// de tsam na med par 'dzin

  12. 7a

    pa rnams la chos nyid kyi gtor ma zab pa/ rgya che ba/ gting dpag dka' ba/ mtha' dbus med pa'i snying po can gyis yongs su khyab par gyur to// de tsam na lha'i skur snang bar 'dod pa la thams cad lha'i dkyil 'khor te/ gtso bo dang / gtso mo dang / sems dpa' dang / sems ma dang / khro bo dang / khro mo la sogs pa mtshan dang dpe byad du ldan pa'i gtor ma rnam pa sna tshogs pas gang bar gyur to// des kyang don bya ba la sogs pa gong ma bzhin no// de bzhin du ji ltar 'dod pa de bzhin du gtor mar snang bar gyur to// de nas nyid la nyid ched du 'di glengs so// stong gsum stong gi 'jig rten na// rmad byung ya mtshan bsam mi khyab// ye shes ngang gi rol pa las// dmigs pa med las dmigs par snang // zhes brjod do// de nas yum gyis/ ming tsam las sangs rgyas kyi sku mi bskyed rdzogs pa'i tshul gyis 'byung ba 'di lta ste/ sras mchog rigs lnga'i sangs rgyas dang // sras bcas byang chub sems dpa' rnams// kun kyang lhag ma med 'thon te/ gnas pa med pa'i tshul gyis 'khod// de nas snod kun tu bzang por gyur pa las/ nam mkha' kun tu bzang

  13. 7b

    mos yangs shing rgya che ba'i gtor mar byin gyis brlabs pas/ e nam mkha'i rang bzhin mtha' dbus g.yos pa med// kun la khyab pa'i thugs rje 'byung ba'i yum// yangs dog med pa'i mkha' glong chen po ru// gdod nas dag pa'i gtor gzhong chen por gyur// e ba ling ta zhes bya ba'i sgra ma brjod pa'i sgra phyogs bcu thams cad du grags so// grags ma thag tu cis kyang mi 'gyur ba'i dbyings kyi gtor mar shar ro// de nas snod dam tshig sgrol mar gyur pa la sa/ rlung dam tshig sgrol ma yang zhing g.yo ba'i gtor mar byin gyis brlabs pas/ yaM/ cir yang g.yo ba rlung gi rang bzhin la// sprul pa'i 'phrin las cir yang 'gyur ba la// 'phrin las yum gyi mkha' glong dag pa ru// gdod nas dag pa'i gtor gzhong chen por gyur// yaM ba ling ta zhes bya ba'i sgra sus kyang ma brjod par phyogs bcu thams cad du grags so// grags ma thag tu cis kyang mi tshugs pa'i dbyings kyi gtor mar shar ro// de nas snod mA ma kir gyur pa las/ chu ma ma ki mnyen cing sdud pa'i gtor mar byin gyis brlabs pas/ maM rlan cing sdud pa chu yi rang bzhin la// che ba'i yon tan thugs rje cir yang 'byung // yon tan yum gyi

  14. 8a

    mkha' glong dag pa ru// gdong nas dag pa'i gtor gzhong chen por gyur// maM ba ling ta zhes bya ba'i sgra ma brjod par phyogs bcu thams cad du grags so// grags ma thag tu cis kyang mi skyod pa'i dbyings kyi gtor ma ra shar ro// de nas snod sangs rgyas spyan du gyur pa las// sa sangs rgyas spya na sra zhing 'degs pa'i gtor mar byin gyis brlabs pas// la sra zhing 'degs pa sa yi rang bzhin la// thugs rje chen po sna tshogs cir yang ston// thugs kyi yum gyi mkha' glong dag pa ru// gdod nas dag pa'i gtor gzhong chen por gyur// laM ba ling ta zhes bya ba'i sgra ma brjod par phyogs bcu thams cad kun tu grags so// glags ma thag tu cis kyang mi bshigs pa'i dbyings kyi gtor mar shar ro// de nas snod gos dkar mor gyur pa las/ me gos dkar mo che zhing sreg pa'i gtor mar byin gyis brlabs pa sa/ raM/ tsha zhing sreg pa me yi rang bzhin la// yongs su snyoms pa'i thugs rje cir yang 'byung // gsung mchog yum gyi mkha' glong dag pa ru// gdod nas dag pa'i gtor gzhong chen por gyur// raM ba ling ta zhes bya ba'i sgra ma brjod par phyogs bcu thams cad du grags so// grags ma thag tu cis kyang mi 'gyur

  15. 8b

    ba'i dbyings kyi gtor mar shar ro// de nas snod bruM las rin po che'i gzhal yas khang du gyur pa las/ phyogs bcu'i sangs rgyas thams cad bzhugs pa'i gtor mar byin gyis brlabs pas/ bruM/ gzhal yas khang phyogs bzhi'i dbus mtha' med pa'o// rig pa'i cho 'phrul sna tshogs cir yang ston// dus gsum rgyal ba bzhugs pa'i mkha' glong du// gdod nas dag pa'i gtor gzhong chen por gyur// bruM ba ling ta maN+Da la zhes bya ba'i sgra sus kyang ma brjod par phyogs bcu thams cad kun tu grags so// grags ma thag tu yangs dog med pa'i dbyings kyi gtor mar shar ro// de nas tsakrar gyur pa las/ phyogs bcu'i sangs rgyas thams cad kyi dkyil 'khor gyi gtor mar byin gyis brlabs pa las/ dza/ 'khor lo rtsibs bzhi mu khyud bcas pa yi// gru chang bzhi dang bar khyams sgo bzhir ldan// sras dang 'khor bcas bzhugs pa'i mkha' glong du/ gdod nas dag pa'i gtor gzhong chen por gyur// hUM ba lidra ta tsakra zhes bya ba'i sgras sus kyang ma brjod par phyogs bcu thams cad kun tu grags so// grags ma thag tu bar chad med pa'i dbyings kyi gtor mar gyur to// de ni thams cad skye zhing 'byung ba'i gtor ma'o// de ni thams cad du mi

  16. 9a

    gnas shing longs spyod pa'i gtor ma'o// de ni thams cad du mi gnas shing mthar phyin pa'i gtor ma'o// de nas snod kyi gtor gzhong du bcud kyi mgron gshegs pa ni 'di lta ste/ yid byed pa po thams cad ni kun tu bzang po'i sku mtshan dang dpe byad du ldan pa dang / chos bya ba mo thams cad ni kun tu bzang mo'i mtshan dang dpe byad du ldan pa dang / byung yang byung // ma byung yang ma byung / yod kyang yod/ med kyang med/ snang yang snang / mi snang yang mi snang / gsal kyang gas la/ mi gsal kyang mi gsal/ grub kyang grub/ ma grub kyang ma grub/ yin kyang yin// min kyang min// spyan drangs kyang drangs// ma drang kyang ma drangs// byon kyang byon// ma byon kyang ma byon/ bzhugs kyang bzhugs/ mi bzhugs kyang mi bzhugs// de lta bu'i sku grangs su yod kyang yod// med kyang med pa'i gtor ma'i mgron du gyur to// de bzhin du rigs lnga dang / yum lnga dang / sems dpa' dang / sems ma dang / sgo ba dang / sgo ma dang / khro bo dang / khro mo dang / don mdzad pa'i thub pa la sogs pa sku mtshan dang dpe byang du ldan pa byung yang byung // ma byung yang ma byung ba'i gtor ma'i mgron du gyur to//

  17. 9b

    de dag kun kyang sku mdog dang phyag mtshan la sogs pa grangs su gzung du rung yang rung // migazung du mi rung yang mi rung / de lta bu'i mgron rnams til 'phrul mar gyis khyab pa bzhin du gang nas gar khyab pa bzhin du 'khod do// de nas gtor ma'i mgron du de dag la mchod cing bstod pa ni/ sus kyang skyed pa med par sa gzhi de dag las/ phyi pa ltar ni me tog sna tshogs pad+ma dang / ut+pa la dang / man 'dzu sha ka la sogs pa'i gong ma lta bu'i gtor gzhong las rang skyes te/ thams cad du khyab par rang skyes so// de la rtog ge ba rnams da lha me tog gi dus so zhes 'dogs so// nang pa me tog re re la me tog gi lha mo grangs brjod kyis mi lang bar gyur nas// rgyal ba'i dkyil 'khor de dag la mchod pa dang / don bya ba dang / don bya ba la sogs pa'i gtor ma'i longs spyod rgyun mi 'chad par mdzad do// de la dmigs par 'dzin pa rnams kyis me tog gi lha mo zhes ming dang mtshan du btags so// gsang ba bla na med pa ltar na/ de yang gnyis su med/ rol pa mdzad/ tha mi dang / dbyer med par rol pa'i gtor ma'i longs spyod rgyun mi 'chad par gyur to// de bzhin spos dang // de bzhin mar me dang / de bzhin du byug pa dang / de bzhin du gzugs

  18. 10a

    dang / de bzhin du sgra dang / de bzhin du dri dang / de bzhin du ro dang / de bzhin du reg dang / de bzhin du chos la sogs pa byi 'dus byas rdzas su snang ste/ rdzus kyi mchod pa rang rgyud du gnas pa'o// nang 'dus ma byas te/ lha mo'i mchod pa ting nge 'dzin la gnas pa'i// gsang ba gnyis su med pa ste rol pa chen po'i mdzad spyod du gnas pa'o// de lta bu'i gtor ma'i rtogs pa la phyi nang snod bcud du ldan no// rlung rig pa la 'du 'bral med par gnas pa'o// don la gsal ba la/ bskyed pa rkyen po ldan la dus gsum dang / rdza phyi dang / che chung dang // mthi men dang / phyi nang dang / bde thug dang / med par thugs rje rje po'i gtor ma longs spyod du rol to// de bzhin du yi nas sus kyang ma byas par rang rgyud kyi gtor ma yod do// de ni sus kyang ma byas par spyod kyang med do// de ni rang rig pa med par yang byung ngo // de ni shes pas byung tsam na longs spyod do// de ni longs spyod tsam na bde ba'i ri rgyun mi 'chad bar gtor ro// de lta bu'i don sus thos pa'i gtor ma thams cad kyi byung khungs shes pa'o// de nas sangs rgyas thams cad kyi bdag po dang / sangs rgyas thams cad kyis mgrin gcig tu

  19. 10b

    'di skad ces gleng ma bslang bar langs so// d+hu snang ba snod kyi gtor gzhong yin pa la/ bcud kyi dkyil 'khor gsal bar snang ba'i sku// 'byor pa'i longs spyod rang la rang bzhin 'char// 'du 'bral med pa'i mchod pa rgyun med kyis// rgyal ba'i sras su bcas pa thabs cig tu// rnam par gsang bzhin mchod pa rgyun med mdzad// ye nas yin pas zhar la 'bral ba med// gtor ma'i rang bzhin rgyal bas brjod mi yang // thams cad gnyis su med par longs spyod phyir// mnyam nyid rgyal ba'i thugs la gzud par bya'o// zhes mgrin gcig tu ma gsungs par gleng bslang ngo // de la blo tha ma rnams ni rgyu bsod nams kyi tshogs dang / 'bras bu ye shes kyi tshogs mthar phyin pa zhes mdzad do// de la blo tha mal pa phal pa rnams ni rig pa dang rtog pa zhes mdzad do// de la blo tha mal pa phal pa chen po rnams ni ye nas de ltar dbyer med par zhes mdzad do// gtor rgyu chen po'i gleng gzhi'i le'u ste dang po'o// // de nas bcom ldan 'das kun tu bzang po'i thugs kyi glong rum nas rdo rje sems dpa' byung ngo // rdo rje sems dpa' kun tu bzang po'i mdun na bka' nod pa las/ kun tu bzang pos bka' stsal pa/ ma rig ling tog

  20. 11a

    bsal ba dang / sems can smin par bya ba dang / snod chos nyid du bsgyur ba dang / bcud lha'i zhal zas su bya ba dang / 'khor bya rnam par dag pa'i klong du la bzla ba'i slad du/ lus dang sems gtor ma'i rgyu dang rkyen du sprul cig par bka' bsgo ba dang / de nas rdo rje sems dpas lus zhing gi rdul snyed du sprul nas/ gtor ma'i rgyu 'byung ba 'di lta ste/ sa dang chu dang me dang rlung // rdo rje sems dpa'i lus sprul pas// 'di yang gtor ma'i rgyu yin no// 'dod khams gzugs khams gzugs med khams// de yang rdo rje sems dpa'i lus// skye bzhi 'gro drug lam lnga yang // 'di yang rdo rje sems dpa'i lus// gtor ma'i rgyu ru rab tu bshad// ri rab gling bzhis mtha' sbyor ba// de bzhin bye ba ther 'bum skyed// thams cad kun tu thug pa med// nyi zla gza' skar de bzhin no// de nas skye ba'i rdzas rnams kyang // rdo rje sems dpa'i lus yin pas// ming gi med du mi rung ste// mkhas pas de dag rdzus zhes bya// gtor ma'i snod kyang rdo rje sems// gtor ma'i rgyu yang rdo rje sems// gtor ma'i mgron yang rdo rje sems// de nas rdo rje sems dpa'i lus gtor ma'i rgyur gyur te/ phyi snod kyi

  21. 11b

    'jig rten gling bzhi gling phran du bcas pa grangs bye ba ther 'bum gtor ma'i snod du gyur to// 'dzam bu'i gling gi gtor snod kyi nang na/ gtor ma'i rgyu me tog rnam pa sna tshogs pa/ g.ya' ri grangs ri dang / 'dam dang / nags dang / mtsho la sogs pa rnams la/ rdo rje sems dpa'i lus kha dog gas lA ba rnam pa sna tshogs pa rang la rang skyes pa nas gtor ma'i rgyur mchod la ma reg par chags so// de lta pu'i ga tor snod na 'bru rnam pa sna tshogs pa shing dang rtswa dang / zhing la sogs pa rnams la rang la rang rgyas nas gtor ma'i rgyur mchod la ma reg par smin no// de lta bu'i gtor snod na sman rnam pa sna tshogs pa rtsa ba dang / shun lpags dang / lo ma dang / 'bras bu dang / thang chu dang / khur ba dang / ra sa ya na sna tshogs pa rang rang la skyes nas gtor ma'i rgyur mchod la ma reg par drir bro'o// de nas yang rdo rje sems dpa'i lus la gtor ma'i snod du gyur pa'i nang nas rin po che'i rnam pa ste/ gling dang bye mar bdal ba bzhu ba dang / brdungs pa dang / skyes pa dang / bcos pa la sogs pa kha dog rnam pa sna tshogs pa rang rgyud kyis

  22. 12a

    grags pa skyes nas gtor ma'i rgyur mchod la ma reg par gnas so// de lta bu'i gtor snod na sgra rnam pa sna tshogs rang rgyud kyi grags pa dang / lha dang mis byas pa dang / rtsol ba dang thabs las byung ba dang // gzugs dang dbyibs su yod pa dang // med pa rnam pa sna tshogs rang la rang skyes nas gtor ma'i rgyur mchod la ma reg par grags so// de lta bu'i snod kyi gtor ma'i nang na chu bo dang / chu bran dang / sman chu dang // mtsho dang / char pa dang / 'o ga chu dang / bdud rtsi'i chu dang / 'bab chu la sogs pa rang la rang skyes nas gtor ma'i rgyur mchod la ma reg par 'bab bo// de lta bu'i gtor snod na nyi 'od dang zla 'od dang / rin po che'i 'od dang / 'od 'dom gang ba dang / 'bru mar gyi me dang / gtsub shing gi me dang / 'byung ba'i me dang / me tha mal pa la sogs pa rang la rang skyes nas gtor ma'i rgyur mchod la ma reg par 'bar ro// de lta bu'i gtor snod na tsan dan dang / thang chu dang / pog por la sogs pa'i spos rnam pa sna tshogs pa rang la rang skyes nas/ gtor ma'i rgyur mchod la ma reg par ma nam mo// de lta bu'i gtor snod na ba shos rnam pa sna tshogs pa rang rgyud kyis gnas pa dang / bsod

  23. 12b

    nams kyi spyod pa dang / lha dang mis sbyar ba la sogs pa gtor ma'i rgyur mchod la ma reg par drangs so// de lta bu'i gtor snod kyi nang na lha'i na bza' dang / rgyu las byung ba dang / ma byung ba dang / lha dang mis byas pa la sogs pa gtor ma'i rgyur mchod la ma reg par g.yogs so// de la rtog ge tha mal pa la sogs pa rnams ni/ rdo rje sems dpa'i zhes bya ba'i don te/ de dka' zhing ma rig nas// phyi snod kyi 'jig rten nas ci yang skyes zhes 'od 'dogs so// de lta bu'i 'byung ba yang de nyid kyi don du byung ba'o// de nas gtor gzhong dang gtor rdzas su snang ba'i gnas de na/ spyi mthun gyi las las skye 'gro bsam gyis mi khyab na yang rigs drug thugs rje chen po'i gtor mar bzung la ma reg par skyes shing 'khod do// de la ni rtog ge rnams sngon gyi bskal pa dang po zhes 'dogs so// de nas yang rdo rje sems dpa'i lus sangs rgyas kyi zhing rdul gcig gi steng na rdul snyed du sprul nas/ de'i nang na yang thub pa chen po skyes bu chen po drug tu sprul nas// lha'i rigs su gtogs pa'i gnas na lha'i dbang po brgya byin lta bu gcig tu sprul te/ lha'i rigs su gtogs pa bsdus te/ rin po che'i gtor gzhong na lha'i zhal zas ro

  24. 13a

    mchog brgya dang ldan pa'i gtor ma bshams nas/ lha ji snyed yod pa'i sangs rgyas de skad cig spyan drangs nas/ de la mchod pa 'bul ba/ dang / don bya ba dang / thugs dam bskul zhing sangs rgyas par byed do// mi'i gnas na dge sbyong go'u ta ma lta bu gcig tu sprul nas/ mi'i rigs su gtogs pa rnams bsdus nas// rin po che dang / sa dang / rdo dang / shing las byas pa'i gtor gzhong na/ mi'i zhal zas rnam pa sna tshogs gtor mar bshams nas/ mi ji snyed kyi sangs rgyas spyan drangs nas/ yang gong ma de bzhin du sangs rgyas par byed do// byol song gi gnas na seng ge rab brtan lta bu gcig tu gyur nas/ byol song gi rigs su gtogs pa rnams bsdus te/ sa gzhi'i gtor gzhong du rtswa mchog sna tshogs kyi gtor ma bshams nas// byol song ji snyed yod pa'i sangs rgyas spyan drangs nas/ yang gong ma de bzhin du sangs rgyas par byed do// yi dgas kyi gnas na kha 'bar ma lta bu gcig tu sprul nas/ 'byung ba'i gtor gzhong du chags pa sel ba'i gtor ma bshams nas/ yang gong ma de bzhin du sangs rgyas par byed do// dmyal ba'i gnas su gshin rje chos kyi

  25. 13b

    rgyal po lta bu gcig tu sprul nas/ rdo rje kha 'bar ba'i gtor gzhong du nyon mongs pa sel ba'i gtor ma bshams nas/ dmyal ba ji snyed pa'i sangs rgyas de snyed spyan drangs nas/ de la mchod pa 'bul ba dang / don bya ba dang / thugs dam bskul zhing sangs rgyas par byed do// de la ni gang zag ma rtogs pa rnams nang bcud kyi sems can ci yang byed do zhes rtog go/ de tsan rdo rje sems dpa'i thugs rjes byin gyis/ phyi snod kyi 'jig rten gtor gzhong du byung ba ni chos kyi dbyings skye ba med pa'i gzhal yas khang du byin gyis brlabs so// de las skyes pa'i rdzas kyi gtor ma ni 'dod pa'i yon tan rnam pa lnga chos nyid dag pa'i longs spyod du byin gyis brlabs so// de na gnas pa'i nang bcud kyi sems can rnams lha'i dkyil 'khor du byin gyis brlabs so// de nas gnyis su med pa'i longs spyod bde ba chen po rgyun mi 'chad par mdzad tsAn/ gang zag phyin ci log gi phyogs rnams ston pa'i chos ni sgrogs na ji ltar yin cha yang med ces 'pher to// nga rgyung chen po las/ rdo rje sems dpas lus gtor mar sprul pa'i le'u ste gnyis pa'o// // de nas rdo rje sems dpas gang zag phyin ci log de thugs rjes gzung ba'i phyir/ gtor ma byin

  26. 14a

    gyis brlabs pa'i sngags dang phyag rgya'i ting nge 'dzin la snyoms par zhugs so// zhugs ma thag tu gtor gzhong byin gyis brlab pa'i sngags dang phyag rgya 'di gsungs so// lag pa thal mo sbyar la phyir bskyed la snod la gtugs la/ oM rat+na bi shud d+he kha ta li bi bruM/ zhes brjod pas/ byi ltar gtor gzhong rin po che sna tshogs las grub pa'i gzhal yas khong rgya khyon dpag tu med par dmigs la/ nang ltar chos kyi dbyings mtha' dang dbus med par ngang du lhun gyis grub par dmigs/ gsang ba ltar yum gyi mkha' glong rnam par dag pa b+ha ga yangs pa'i pho brang du dmigs la/ gtor gzhod byin gyis brlabs so// de nas yang gtor ma'i rdzas la bshos rnam pa sna tshogs la byin gyis brlab pa'i sngags dang phyag rgya 'di gsungs so// lag pa thal mo de nyid las yid tsam bkug la/ oM ki 'u shi shud do/ ya raM swA hA/ zhes brjod pas/ phyi ltar lha'i zhal zas ro mchog brgya dang ldan pa ri bo'i lhun nam mkha'i gtos su dmigs la/ nang ltar 'dod pa'i yon tan longs spyod lngar dmigs la/ gsang ba ltar gnyis su med pa'i ngang du lha la lha thim par dmigs la/ zhal zas byin gyis brlabs so// de nas yang gtor ma'i rdzas

  27. 14b

    la/ 'bru dang me tog rnam pa sna tshogs su byin gyis brlab pa'i sngags dang phyag rgya 'di gsungs so// lag pa de nyid thal mo sbyar la/ o ta ma la puSh+pe swA hA/ zhes brjod pas/ phyi ltar 'bru dang me tog gis gang bar dmigs la/ nang ltar des gang khyab pa'i 'bru dang me tog thogs pa'i lha mos khyab par dmigs la/ gsang ba ltar sdug cing mdzes pa'i lha mo rnams pho la mo thim/ mo rnams po la thim pa gong ma bzhin du dmigs la/ 'bru dang me tog byin gyis brlabs so// de nas btung ba rnam pa sna tshogs pa byin gyis brlab pa'i sngags dang phyag rgya 'di gsungs so// thal mo de nyid las gung mo phyir bkyed la bcu thabs su byas la/ oM a ha ra na spa ran a mri ta gA ya ha gA hi swA hA/ zhes brjod pas/ phyi ltar bdud rtsi chu rgyun rgya mtsho dang chu bor dmigs la/ nang ltar dri'i lha dang lha mo bsam gyis mi khyab par dmigs te/ skud pa dang byug par dmigs la/ gsang ba ltar gnyis su med pa'i lhag pa byang chub kyi sems dgyes pa'i ro ltar dmigs la/ btung ba rnams byin gyis brlabs so// de nas gtor ma lha'i dkyil 'khor du byin gyis brlab pa'i sngags dang phyag rgya 'di gsungs so// lus ngag yid gsum mnyam pa'i phyag rgya bcas la/ a k+Sha/ thA thA/ ta ta/

  28. 15a

    d+ha d+ha/ na tsa ka kha ga g+ha/ pa pha ba b+ha/ tsa tsha dza dz+nya ya/ ya ra la wa/ nga nyam ho/ sha Sha sa ho/ i I/ u U/ e ai/ gzhan yang rtsa ba'i snying po brjod pas// phyi ltar bdag dang sems can thams cad kyi phung po dang / khams dang / skye mched dang / gnas su dag par dmigs la/ nang ltar sangs rgyas bzhi bcu rtsa gnyis kyi sku phyag rgya'i dkyil 'khor du dmigs la/ gsang ba ltar thabs dang shes rab gnyis su med par rol bar dmigs la/ gtor ma lha'i dkyil 'khor du byin gyis brlabs so// de nas gtor ma nyung ngu mang por byin gyis brlab pa dang // chung ngu chen por byin gyis brlab pa'i sngags dang phyag rgya ni/ lag pa rin po che mdzod du byas la/ oM a bi s+pha ra ni hi maM khaM ga ga na khaM/ zhes brjod pas// che ba ri rab tsam mang ba rgya mtshor byin gyis brlabs so// de nas gtor ma mang zhing rgya che ba'i bdud rtser byin gyis brlab pa'i sngags dang phyag rgya 'di gsungs so// lag pa de gnyis la chu rgyun gyi tshul du byas la/ oM sarba pany+tsa a mr-i ta hUM/ zhes brjod pas/ 'thungs pas mi 'chi ba/ zos pas mi ltogs pa/ myong bas sangs rgyas par byin gyis brlabs pa'o// de nas gtor

  29. 15b

    ma bdud rtsir ji ltar 'dod pa bzhin byin gyis brlab pa'i sngags dang phyag rgya 'di gsungs so// lag pa de nyid las rin po che 'bar ba ltar byas la/ oM sar+b+ba ha ra ha nA ya te ye na swA hA/ zhes brjod pas/ bdud rtsi so so'i yid la 'thad pa bzhin byin gyis brlabs pa'o// de nas gtor ma yid la 'dod pa de so so spyod pa'i dbang du bskur ba'i sngags dang phyag rgya ni/ lag pa dbang bskur gyi phyag rgyar byas la/ oM ma hA shwa ra s+pha ra na badz+ra hUM/ zhes brjod pas/ yongs la khyab pas mya ngan las 'das pa dbang bskur zhing byin gyis brlab pa// de nas nam mkha' sngags dang yig 'brus gang bar byin gyis brlab pa'i dmigs pa ni sngags kyi gtor ma'o// de nas nam mkha' sngags dang phyag rgyas gang bar dmigs pa ni gar dang phyag rgya'i gtor ma'o// de nas nam mkha' gos dang rgyan gyis gang bar dmigs pa ni gos dang rgyan gyis gtor ma'o// de bzhin du 'bru dang / me tog dang / bro gar 'du 'phro dang / spos dang byug pa dang / bza' ba dang / bca' ba dang / btung ba dang / spyad pa sgra dang / skad dang / tshig dang / don la sogs pa ste/ de dag gi gtor

  30. 16a

    ma gong ma gong ma bzhin no// de nas rdo rje sems dpas de lta bu'i gtor mar nyid sprul nas nyid kyis don mdzad pas// rdo rje sems dpa' gzod mngon par rdzogs par sangs rgyas nas kun tu bzang po dang mi gnyis pa'i tha mi dad pa'i ngang der bzhugs so// gtor rgyud chen po las/ gtor ma byin gyis brlab pa'i sngags dang phyag rgya'i le'u ste gsum pa'o// // de nas rdo rje sems dpa'i thugs rje'i byin gyis brlabs des 'jig rten gyi khams 'di dag thams cad na/ kha cig ni sems rdo rje sems dpar dmigs nas/ lus rdo rje slob dpon gyis gzung nas gtor gzhong la sogs pa 'byor pa cha chung gis gdungs shing / dbyibs dang rgyan mdzes par bshams nas/ de'i nang du lha dang mi'i longs spyod sna tshogs dang / 'byor pa che chung gi brtsams te gong ma bzhin rtogs par byas nas sngags dang phyag rgyas byin gyis brlabs nas gtor ma phul bas// lus ma bor bar sa thob pa yang sha stag ga nas so// phal pa kha cig ni de ltar mi spyod par/ gsang sngags tshig tsam la khungs byung nas gzhan byed pa'i lad mo tsam la ltos nas gtor ma gtong ste/ nges pa med cing tshig chad cing phyogs ris

  31. 16b

    gnyis su gcad cing dam tshig 'gal te mi bsrung ngo // des kyang don chos nyid dang 'thun par mi 'gyur ro// de ltar rdo rje sems dpar sangs rgyas na yang / tshig gi sangs rgyas las don gyi sangs rgyas su ma gyur nas/ rdo rje sems dpa' de yang shin tu 'gyod pa drag po skyes nas kha bub tu 'gyel to// de nas bcom ldan 'das kun tu bzang pos/ rdo rje sems dpa' 'gyel ba las blang ba'i phyir 'di skad ces bka' stsal to// sems dpa' chen po lus mtshan dang dpe byad du ldan na/ 'chi ba med pa'i sku thob pa dang 'byor pa longs spyod thams cad gtor mar phul na/ lha'i longs spyod dang 'du 'bral med par ldan pa ni sangs rgyas zhes mi bya'o// sangs rgyas zhes bya ba ni nyon mongs pa dug gsum la/ 'dod chags khrag gi rgya mtsho la zad pa med pa rgya mtsho tsam zhig yod do// zhe sdang gi rus pa la zad pa med pa ri rab tsam zhig yod do// gti mug gi sha la zad pa med pa ri bran spungs pa tsam zhig yod do// nyon mongs srog dang / rtsa dang / dbugs phyi nang du rgyu ba la zad pa med pa rlung tsam zhig yod pa 'di dag rang gis rang sgrol shes la/ rang gis rang bsgral nas/ dug gsum 'phags pa'i tshogs la yang mchod pa phul zhing thugs dam bskongs /

  32. 17a

    ma mo dang mkha' 'gro ji snyed yod pa la yang mchod/ 'gro ba yongs la yang bsngos nas/ gzod yang dag gi sangs rgyas su 'gyur ro zhes bka' stsal pa las// rdo rje sems dpa' brgyal ba las slar langs nas/ phyag g.yas par 'jam dpal ka ra ta ri thogs nas/ nyid la nyid bsgral te khog pa kha shags kyis phye nas/ bruM kha ta li bi hUM/ zhes brjod pas/ khog pa gtor ma'i gzhal yas khang du bsgyur nas/ kun tu bzang po ma skyes pa'i glong du der sa la gyis gyur to// ma hA tsit+ta dz+wa la hUM/ zhes brjod nas/ tsit+ta zur gsum gtor snod kyi dbus su drangs nas btsugs pas/ ye shes kyi dpal chen po der sangs rgyas so/ badz+ra shag ti ban d+ha phaT/ ces brjod nas/ nyid kyi ban d+ha dbu gsum bcad nas/ ban d+ha'i snod gsum gyis tsit+ta'i mtha' skor bas/ chos kyi sku skye ba med par lhag gis gyur to// de nas ba su ta'i 'phreng bas mtha' bskor bas/ thams cad du thig le chen po'i ngang du lhun gyis grub pa'o// srog gang rtsa thams cad yum tshe 'dzin rgyal mo'i mkha' la bsgral lo// 'gu h+ya gsang ba'i glong thag nas/ ye shes sems dpa'i skur gsal lo// de nas rak+ta'i rgya mtsho sbrengs te chos nyid ma skyes pa'i glong

  33. 17b

    phyogs bcur brdal to// keng rus kyi ri rab brtsigs nas gtor mar phul bas/ mnyam pa chen po'i glong phyogs bcur brdal lo// sha'i phung por spungs te gtor mar phul bas/ ma bcos pa'i sku la 'gyur ba med pa'i glong phyogs bcur brdal to// de ltar brdal bas gzod rdo rje sems dpa' rang 'byung gi ye shes chen por sangs rgyas nas/ yab yum kun tu bzang po dang gnyis su med pa'i glong du gyur nas/ 'di skad ces chos nyid bden pa'i tshig gis bstod pa 'di phul lo// chos nyid ma bcos don 'di ma shes na/ ji ltar bsgoms pa sdug bsngal nyid du 'gyur// lta ba kun tu bzang la mthol bshags nas// phung po gtor ma'i mchod par bzhes su gsol/ sems nyid gdod nas dag par ma shes pas// ji ltar btsal ba'i sdug bsngal nyid du 'gyur// 'phrin las kun tu bzang la mthol bshags nas// srog dbugs gtor ma'i mchod par bzhes su gsol// thig le grwa zur med par ma shes pas// ji ltar bskyed pas sdug bsngal nyid du 'gyur// spyod pa kun tu bzang la mthol bshags nas// rnam shes gtor ma'i mchod par bzhes su gsol// rang byung rtsa ba med par ma shes pas// ji ltar bsgrubs pas sdug bsngal nyid du 'gyur

  34. 18a

    dam tshig kun tu bzang la mthol bshags nas// longs spyod gtor ma'i mchod par bzhes su gsol// khog pa mi 'phangs gtor mar 'jig/ sha ni mi 'phangs gtor mar btub// rus pa mi 'phangs gtor mar gtor// khrag ni mi 'phangs gtor mar sbreng // ma hA rak+ta trag sha a mri ta kha hi/ zhes brjod nas/ kun tu bzang po skye ba med pa'i glong na mi gnyis gcig par bzhugs so// de bzhin du rnam par snang mdzad dang / rin chen 'byung ldan dang / snang ba mtha' yas dang / gdon mi za bar grub pa la sogs pa yang / rdo rje sems dpa' de bzhin 'gyod pa skyes nas/ nyid la nyid bsgral nas de bzhin gtor mar phul te bshags shing bstod nas gzod sangs rgyas te/ kun tu bzang po skye ba med pa'i glong na mi gnyis gcig par bzhugs so// de nas rigs kyi yum rnams kyang // de bzhin du 'gyod pa skyes nas/ nyid la nyid bsgral lus gtor mar phul te/ gzod sangs rgyas te bshags shing bstod nas/ kun tu bzang mo skye ba med pa'i glong na mi gnyis gcig par bzhugs so// de nas byang chub sems dpa' dang // sems ma dang / khro bo dang / khro mo dang / thub pa la sogs pa rnams kyang shin tu brgyal

  35. 18b

    nas 'gyod pa skyes nas lus gtor mar phul te/ nyid la nyid bsgral nas gzod ma nyid las mi zhan pa'i sras su skyes so// de nas sangs rgyas rnams kyang / nyid la nyid bsgral nas lus gtor mar phul nas/ sangs rgyas byang chub sems dpa' la sogs pa rnams kyang / nyid la nyid bsgral nas dug gsum gtor mar phul tsa na yang / gang yang de lta bu bsgral zhing grub pa med do// de nas sangs rgyas rnams ma chags ma g.yos ma skyes pa'i ngang la bzhugs pa/ nyid la nyid sgrol zhing nyid kyi lus de nyid gtor mar phul nas sangs rgyas pa'i thabs mkhyen pa la/ de bas dam pa'i tshogs rnams kyis de nyid rang sgrol ba'i thabs ma shes nas/ byang chub sems dpa'i tshogs rnams kyis/ rdo rje sems dpa' la lus zhing gi rdul snyed du sprul nas phyi nang gsang ba'i mchod pas mchod nas 'di skad ces gsol to// bcom ldan 'das rgyal po'i rdo rje 'dzin pa sangs rgyas thams cad gtor mas sangs rgyas pa'i don thugs su chud nas/ lus zhing gi rdul snyed du sprul nas gtor mar mdzad pa yang ngongo mtshar che'o// de yang yang dag pa'i sangs rgyas par ma gyur nas/ shin tu skrag nas nyid la nyid bsgral te/ dug gsum gtor ma chen por phul bas yang dag pa'i

  36. 19a

    sangs rgyas su gyur pa de/ de bas kyang ngo mtshar che nas/ 'jig rten smra ba'i tshogs rnams kyis de nyid la rang sgrol ba'i thabs ma 'tshal nas// bcom ldan 'das thugs rje che thabs mkhas pas lung bstan du gsol/ bde bar gshegs pa lung bstan du gsol// de skad ces gsol pa dang / rdo rje sems dpas bka' stsalnga pa/ rdo rje sems dpa' ngas kyang rang gis rang sgrol ba'i thabs ma shes pas/ bskal pa bye ba snyed du sangs ma rgyas te/ kun tu bzang po'i dgongs pa nyag gcig pa 'dis rang la rang bsgral te gtor mar phul bas sangs rgyas pa yin no// de 'dra ba'i tshogs rnams kyis mi shes pa ni bdag nyid kyi don ma shes pa yin te/ bdag nyid kyi don shes par bya ba'i thabs ni 'di'o// skye med thag bcad dug gsum bsgral// gdod nas dag pas de dag skyon// tha snyad sgros btags bus pa'i lam// 'khrul pas lam btsal thob par dka'// lus sems bde ba'i don rtogs na// sangs rgyas byang chub thag mi ring // sems nyid nyag gcig thabs shes na// bsgral ba'i gtor mar rab tu bshad// bsgral tsam nyid na bsgral med pas// dug gsum chos nyid gting phyin yin// des ni ma gtor gang yang med// gtor

  37. 19b

    tsam nyid na gtor med pas// rang sems gdod nas ye shes te// ngas ni ma gtor gang yang med// rtsa ba'i gtor ma ma rig na// da rgyas yod mi srid 'khrul pa'i longs spyod rgyu 'bras la// de tshe phung po nyid mtshams sbyor// de ni grangs brjod bye ba 'das// des kyang yang dag sangs mi rgya// de skyed gtor mar mi dgos te// 'chi ba med pa'i sangs rgyas la// rtogs pa'i glong du bdag bsgral nas// tshe ma chad par mngon sangs rgyas// kun bzang bde ba'i gnas su phyin// de tshe gtor ma'i snying por bshad// ces bka' sprul pas/ lha chen po rnams kyis mgrin gcig tu/ e ma a la la 'di lta bu gtor ma la 'byor pa dang longs spyod gtor mar 'bul ba lta ci smos kyi/ srog lus dbugs kyang gtor mar 'bul ces mgrin gcig tu 'dzer nas/ nyid la nyid bsgral gla tor mar phul lo// de nas klu rnams kyis kyang ngo mtshar skyes nas/ nyid la nyid bsgral te lus gtor mar phul lo// de nas gza' dang rgyu skar rnams kyis kyang / nyid la nyid bsgral nas lus srog gtor mar phul lo// srin po rnams kyis kyang ngo mtshar skyes nas/ nyid la nyid bsgral te lus srog gtor mar

  38. 20a

    phul lo// gnod sbyin rnams kyis kyang ngo mtshar skyes nas/ lus srog gtor mar phul lo// ma mo rnams kyis kyang ngo mtshar skyes 1nas/ lus srog gtor mar phul lo// mi rnams kyis kyang ngo mtshar skyes nas/ lus srog gtor mar phul lo// byol song rnams kyis kyang lus srog gtor mar phul lo// yi dgas rnams kyis kyang lus srog gtor mar phul lo// dmyal ba rnams kyis kyang lus srog gtor mar phu la lo// phyogs skyong ba rnams kyis kyang lus srog gtor mar phul lo// de nas gzod gtor mas thams cad sangs ma rgyas pa gang yang med de/ kun tu bzang po bde ba chen po'i sangs rgyas su mi gnyis gcig par mtha' yas pa'i skye 'gro thams cad du gyur to// gtor rgyud chen po las// rtogs pas bdag bsgral ba'i le'u ste bzhi pa'o// / de nas rdo rje sems dpa' yab yum 'du 'bral med pa'i gsang ba byang chub sems kyi gtor ma 'di rgyas par gtor to// chos nyid kyi rgyan yum mtshan dang ldan pa'i mkha'i gtor gzhong du/ byang chub sems kyi mu tig gi gtor ma sbyar nas dus gsum du 'phags pa'i tshogs

  39. 20b

    thams cad spyan drangs te/ dgyes pa chen po'i mchod spyan gyi gtor mar phul bas/ 'phags pa thams cad dang mtha' yas pa'i sems can thams cad gnyis su med pa'i byang chub sems kyi dngos grub dang / thabs dang shes rab 'du 'bral med pa'i dbang dam pa thob pa 'di lta ste// hUM/ e ma rang byung rol pa'i sku// sgros btags mtshan ma'i spyod pa rnams// gnyis med gtor ma'i longs spyod de// yongs la khyab par gas la spros pa'o// lha yi dkyil 'khor thams cad kyi// ma lus 'dus pa'i thig le che// sangs rgyas byang chub las la byung // sangs rgyas nyid kyi rgyu yin pas// thams cad sangs rgyas nyid kyis mdzad// ma lus yongs kyi re ba skongs// rak+ta dang ni byang chub sems// de tshe gtor mar sbyar ba'i tshe// rgyal ba'i dkyil 'khor tshang bar 'byung // phung po khams dang skye mched dang // dbyer med ngo bo nyid mnyam pas// thams cad rgyas pa'i gtor mar bshad// 'bar ba'i byin gyis 'phro 'du las// zhi bar 'dod na gtum mo zhi// rgyas par 'dod na zla nya bzhin// dbang gis khams gsum khyab par sbyor// drag pos ma rungs 'joms par byed//

  40. 21a

    thim pa'i lha ni rab sbyar nas// dbang po'i tshogs la rgyas par rol// oM su ra tas+t+waM sa ma ya ho/ sa ma ya s+t+waM/ ma hA su kha hUM/ badz+ra phaT ma la/ de nas rdo rje sems dpas/ 'khor rnams la gsang ba'i gtor ma bshad pa// rnam par snang mdzad la sogs pa gtor ma'i rgyu gsang ba bshad pa nyon cig/ de ni yum ni chos kyi dbyings te/ gsang ba'i gtor mar thams cad 'byung ba'i rgyu'am gnas so// de'i gsang ba'i mkha' ni gsang ba'i gtor ma snod dag pa'i gzhal yas khang gi rang bzhin no// gsang ba'i rdo rje ni yab rig pa'i ye shes te/ gtor ma de nyid kyi rgyu dang / gtor ma de nyid kyi byed pa dang / byed pa'i skyes bu dang / mgron yang yin/ byang chub sems kyi bdud rtsi'i chu rgyun mi 'chad par sbreng bar byed pas/ dngos grub thams cad kyi rgyu dang rkyen kyang yin/ rnal 'byor pa'i mchod pa thams cad kyi rtsa ba yang yin pas/ sangs rgyas thams cad kyi dgyes 'dzom pa'i chags pa chen po ste/ yi ge 'khor lo'i tshogs chen gyis zhes bya ste/ sangs rgyas thams cad kyi pho brang ngo // de ltar rig cing rtogs pa'i dus na skye shi las kyi mi 'khor zhing // sangs rgyas nyid kyi gsang ba'i gtor ma chen po'o// 'di ltar ma rig cing ma rtogs pa'i dus na/ gsang ba'i

  41. 21b

    gtor ma bka' nub pas// skye shi 'khrul 'khor gyi sdug bsngal gyis las dang bag chags ngan par sogs pa rtas pa'i dbang gis gzugs kyi dngos por snang zhing 'khor ba'i rgyur 'gyur bar byed do// de bas na sangs rgyas thams cad la yang gsang ba'i gtor ma 'di las gzhan mi mnga' ste// dgongs spyod zab mo 'di thugs su chud nas// gsang ba'i gtor ma dang dus gsum du 'du 'bral med de chos kyi sku gsang ba'i gtor ma'o// de ni rigs bzhi'i sangs rgyas rnams dus nam zhig gi tshe na don ma rtogs pa'i bka' la brten pa'i rnal 'byor pa sha stag byed de/ theg pa 'og ma la spyod pa rnams kyis 'phya zhing skur pa 'debs te/ chos gnyis su yod pa ma yin te/ bka' ji snyed bshad kyang don dang ya char song bas// gzung 'dzin gyi byas pa chud zos te/ rtsa ba bdud rtsi'i las gol nas mnar med par ltung ngo // gtor rgyud chen po las// gsang ba'i gtor ma'i le'u ste lnga pa'o// // de nas rdo rje sems dpa' la sogs pa sangs rgyas thams cad kyis/ ci mdzad pa'i 'phrin las kyang gtor ma'i 'phrin las mdzad// ji ltar sangs rgyas pa yang gtor ma'i sgo nas sangs rgyas// ji ltar snang zhing srid pa yang gtor ma'i rang bzhin du byung na yang / dper

  42. 22a

    na dmus long la kha dog ji bzhin bstan pa dang 'dra ste/ gang la bstan pa de gang yin cha med pa dang 'dra bar/ sems can thams cad ci las byung ba rgyu gtor ma las byung / mtha' yas pa'i sems can thams cad ci brten pa gtor ma la brten// mtha' yas pa'i sems can thams cad ci spyod pa gtor ma li spyod na rang rig pa'i rtsal ma shar bAs/ ma rig pa'i mun pa'i sma ga ni dmus long bzhin du gtibs/ gti mug gi mun pa'i g.yung drung la zhe sdang rtas pa'i brag char bas 'dod chags kyi zhen pa bse rtsi dang 'dra ba chags nas snang srid ga tor ma'i don ma shes pas 'gro ba rigs drug tu skyes/ de nyid mchod pa'i rgyan du ma rtogs pas lam rgyud lngar 'khor te/ 'di lta ste/ a ni su tri pri du/ snod kyi 'jig rten gtor gzhong du rdzas kyis mtshan pa gtor ma la/ bcud kyi 'jig rten gtor ma 'am gron du ma rtogs pas/ zhe sdang gi me chen po 'bar ba las/ las kyi rlung dmar gyis me chen po bus pas// snod kyi 'jig rten la bshis pa lngas spyo ba byas te/ gsad pa dang / bcom zhing 'phrog pa dang / gnan cing gzir ba dang / gnas nas dbyung ba dang / bza' zhing bca' ba la sogs pas/ rgyu gtor ma ni sdig pa mi dge bar

  43. 22b

    spyod/ 'bras bu sangs rgyas ni ngan song ngamyal khams bco brgyad du gol ba 'di lta ste// rdo rje dmyal ba dang // chags pa'i dmyal ba dang ra/ nyams pa'i dmyal ba dang // skur pa 'debs pa'i dmyal ba dang / spangs pa'i dmyal ba dang // 'gyod pa'i dmyal ba dang / ma rig pa'i dmyal ba dang nyon mongs pa'i dmyal pa dang log pa'i dmyal ba dang // gzung ba dang 'dzin pa'i dmyal ba dang / dog pa'i dmyal ba dang !/ phra ba'i dmyal ba dang 2/ rmongs pa'i dmyal ba dang 5/ 'chal pa'i dmyal ba dang shaspong ba'i dmyal ba dang // ded pa'i dmyal ba dang ya/ bros pa'i dmyal ba dang / rtag pa'i dmyal ba'o// de la rdo rje dmyal ba gang zhe na/ gtor ma'i don las gol bas/ 'og rdo rje'i gzhi brtan pa la/ steng rdo rje'i tho bas yud tsam yang mi 'gyang bar brdung zhing / a tsa dang a na'i smre skad 'ga' tsam yang mi thon pa sha stag mang bar gnas te/ tshe'i tshad kyang med de/ lcags kyi ri rab chen po brgyad zhig la/ bya reg 'jam gyi spags pas reg nas// ri rab brgyad po zad pa dang thar par 'gyur zhes smos na/ de ni 'thon cing thar par mi 'gyur ba'i tha tshig go// de ci las byung zhe na/ rtsa ba'i gtor ma don 'di ma rtogs pas/

  44. 23a

    lus dang longs spyod la 'dod pa dang sgron du chags pas/ rdo rje slob dpon la sogs pa la mi rigs shing tshul ma lags pa'i las bgyis pa'i dbang gis shin tu sdug bsngal zhing snying rje'o// de la chags pa'i dmyal ba gang zhe na/ lus la snang ba med pa'i mes reg ma thag tu thal bar 'gyur zhing / slar langs pa dang snang ba med pa'i chus reg ma thag tu/ shing shun rlung gis bskyod pa ltar gas nas/ slar 'byor pa dang snang ba med pa'i mtshon gyis brgyapa nas/ reg ma thag tu tshags ma bzhin du gyur nas/ slar sos la sogs pa sdug bsngal bskal pa chen po bgrang gi mi lang bar sbyor zhing gnas par gyur to// de ci las gyur ce na/ rtsa ba'i gtor ma'i don 'di ma rtogs pas// 'dod pa dang longs spyod la chags pa'i dbang gis rang la phan par 'dod nas/ gsad pa dang / phrogs pa dang / bza' ba dang / spyad pa dang / ci bder 'tshal ba dang / dge sdig gi 'bras bu grub pa med par thag bcad pas/ rtsol ba'i don gang byed pa la kho thag chad pa'i dbang gis gnas de na shin tu sdug bsngal zhing snying rje'o// de la nyams pa'i dmyal ba gang zhe na/ lus kyi rked pa man chod lcags kyi sdig pa chen po'i khang

  45. 23b

    bcug nas/ shin tu nyon mongs pa'i zug gzer rnam pa sna tshogs pas gang ba dang / stod nas khro chu khol mas thal bar song ba'i bar du blugs shing / shin tu sdug bsngal ba'i smre sngags nyin mtshan re la yud tsam re 'byin par nus shing / shin tu nyon mongs par 'gyur ro// de lta bu'i gnas na shin tu nyon mongs pa'i sdug bsngal ba'i tshe tshad stong phrag brgyad khri bzhi stong du sbyor zhing gnas par 'gyur ro// de ci las gyur ce na/ thams cad gtor ma yin pa'i don ma rtogs pas// gzhan gyi 'dod pa phral ba dang / skye ba mtshan mar 'dzin pa'i sa gzung ba na sdig par gyur pa dpon byas te/ gzhan rdo rje bla ma'i longs spyod dang rkyen dang ris su gtong ba la 'phrog cing za ba dang / rna ba sems yid la 'dzin pa dang // gsang sngags rnal 'byor gyis 'dzin na yang tshig tsam la khungs phyung nas/ gtor ma'i lta ba dang / spyod pa dang / 'phrin las kyis gnas su ma skongs// srid pa'i za tshogs la sogs par gyur pa dang // rnal 'byor gyi tshom bu la sogs pa 'dzin pa na/ tshogs rnams dang gtor ma'i phud nyams shing ma 'byongs pa dang / gsang sngags rkun bu dang / rgyab nyan byed pa dang / dam pa'i chos 'tshong ba dang / sngags la ya ka dang / mtshang tshig 'dog pa dang / gsang sngag

  46. 24a

    gsang ba'i sgor zhugs nas ded dpon la sogs pa byas te/ gsang ba'i rgyu sngon du ma byung zhing gzhan thubs dang zol gyis bslus pa dang / sbyor sgrol/ gyi don gnas su ma 'byongs pas/ sngags pa nang la nang gcig la gcig 'phya zhing skur pa 'debs shing smod pa dang / rtsod cing 'khrug pa shom pa dang / thabs dang / che ngag dang / phra ma dang / ded dpon la sogs pas pha rol gyi mgo gnon pa la sogs pa'i las bgyis pa rnams gnas der skyes nas shin tu sdug bsngal zhing snying rje'o// de la skur pa 'debs pa'i dmyal ba gang zhe na/ shin tu mi bzad pa'i khang par zhugs nas/ shin tu gtogs shig chod cig pa'i sgra rna bar grag cing / yud tsam las lus dang yan lag yungs 'bru tsam bsam gyis mi khyab par gtubs nas/ de ma thag tu slar 'byor zhing / de ma thag tu shu gtub pa dang / lce'i dbang po zhing lbu tsam du skyes nas/ lcags kyi glang dang rmon pa'i thong gshol gyis shin tu yang gtang bsrings shig zer ba'i sgra grag cing // na ba dang tsha ba'i sgra ni 'byin par mi nus/ bar bar du 'khums pa tsam 'byin par nus te/ de lta bu'i gnas na shin tu sdug bsngal zhing sbyong ba'i tshe tshad ni bskal pa stong phrag bdun khrir sbyong zhing

  47. 24b

    gnas par 'gyur ro// de ci las gyur ce na/ thams cad gtor ma yin par ma shes pa'i dbang gis// gzhan smod par 'dod pa'i phyir gang zag skye bo'i rigs su skyes pa na stan 'gan la sogs pa byar byas shing rtsa ba bcad nas 'phya ba dang / rnal 'byor pa dang sems can yongs la zhe la bab pa'i tshig smra zhing mi ngo mkhan log par 'dog/ pa dang / gang zag dam pa'i chos kyi dbyings su 'brengs na yang / gsang sngags la yal ka dang sgro skur 'debs shing // theg pa dma' ba'i ris 'dzin pa dang / dam tshig gcig pa'i grogs po thabs kyi smod pa'i phyir 'phya zhing skur pa 'debs pa la sogs pa'i las kyis de lta bu'i gnas su skyes te/ de na shin tu sdug bsngal zhing snying rje'o// de la spangs pa'i dmyal ba gang zhe na/ stag dang dom la sogs pa 'jigs pa'i sems can rnams kyis ded nas/ lcags kyi sdom dang sdig pa la sogs pa rnams kyis kyang gzung nas/ 'jigs pa'i mtshon cha rnon po thogs pas sha dang rus par 'bral zhing 'thog go/ zad par phral nas yang las kyi dbang gis slar skye'o// de ni bskal pa re re la shin tu gdungs pa'i mchims ngu zhing mgon skyob ces 'bod par byed do// de lta bu'i gnas na shin tu sdug bsngal zhing skyong

  48. 25a

    ba'i tshe tshad bskal pa stong phrag gsum khrir gnas shing sbyong bar 'gyur ro// de ci las gyur ce na/ thams cad gtor ma'i don ma rtogs pa'i dbang gis tshe phyi ma'i mi shes pas/ gang zag skye bo'i sa 'dzin pa dang / dkon mchog gsum la rgyab kyis phyogs pa dang / bden pa'i tshig 'ga' tsam thas na yang mi nyan pa dang / dge ba bcu'i phyogs spangs nas srog gcod pa la sogs pa mi dge ba'i phyogs la grim phyung nas byed pa dang / gang zag dam pa'i chos kyi rjes su 'brangs pa yin na yang khrims dang / sdom pa dang / dam tshig la sogs pa rnams nos nas mi bsrung ba dang / sngags drang phyug rgya spangs nas skad cig tsam yang mi 'chang ba dang / gsang ba'i dkyil 'khor spangs nas yud tsam yang mi lta ba dang / yi dam gyi lha spangs nas rang gi yud tsam yang mi 'dzin pa dang / rdo rje slob dpon spangs nas byin 'dan gyi mchod pa tsam yang mi byed pa dang / rdo rje mched dang lcam dral spangs nas brtse gdung gyi mjal phrad tsam yang mi 'dod pa rnams las kyi dbang gis gnas der skyes nas/ de ni shin tu sdug bsngal zhing snying rje'o// de la 'gyod pa'i dmyal ba gang zhe na/ shin tu sngon las ci byed pas dran pa'i gnas skabs nas dge sdig ci byas pa'i

  49. 25b

    las don dang las kun rde'u dang / khram du bgrang zhing // de'i tshe 'di lta bu'i las byed pa khyed yin no zhes rgya gang zer zhing // rkub nas tho bas brdung zhing mdung rtsas brgya pa nas chu bo rab med pa rgal bar byed do// chu bo rab med de'i nang du tsha ba'i sdug bsngal sna tshogs pas bzod glags med par gdungs nas/ rings shing drags par pha kir phyin pa dang / sha kun bud nas rus pa kha phag phyir thon no// thon pa dang de ma thag tu las kyi dbang gis sha sos par 'gyur ro// sha sos par gyur ma brag tu yang rang gi sngon ci byas pa'i las rde'u dang khram thogs nas/ yang gong ma skad rgya gad zer zhing mdung gis brgyab pa dang tho bas brdungs nas skad cig tsam ma lon par phyir srog go/ de nas yang par log pa dang de bzhin du sdug bsngal myong nas/ slar log pa gong ma bzhin du byas te/ de lta bu'i gnas na shin tu sdug bsngal nas/ sbyong ba'i tshe tshad ni bskal pa stong phrag khrir ga nas shing sbyong bar 'gyur ro// de ci spyad pa'i las kyi rnam par smin pa las gyur ce na/ thams cad gtor ma'i don ma go// dge ba dang sdig pa'i don ngo ma shes shing // bdag nyid rtag tu re bas gang zag skye bo'i sar skyes pa na/ dkon mchog gsum gyi dkor la 'bags pa dang /

  50. 26a

    mnyes pa'i sems can bsad pa dang / brdungs pa dang / 'dod pa 'tshol ba'i phyir mnyes pa'i nor dang longs spyod bral ba dang // mnyes pa la dug dang gnas nas 'byung ba la sogs pa'i las byed pa dang / gang zag dam pa'i chos la zhugs pa yin na yang / mnyes pa'i skye bo la mthu snyes par gtong ba dang // rang gi 'gal ba la mngon spyod 'phrin las kyi las byed pa dang // grogs po nyes pa med pa'i chos la 'phya zhing skur pa 'debs shing snod cing dmas par shom pa dang / 'khor dang slob ma yin chad phyogs gcig tu rigs su bzung nas mtshang tshig smra zhing rtsod pa rnams lus kyi dbang gis ga nas der skyes te shin tu sdug bsngal zhing snying rje'o// de la ma rig pa'i dmyal ba gang zhe na/ shin tu gnag pa'i mun pa'i gnas na skyes bu lag pa brkyang bskum tsam yang mi mthong ba'i gnas na/ shin tu yang grang zhing lus dang yan lag shin tu yang gas te/ thams cad 'khyag pa chen po bzhin gyur nas/ a chu chu zhes bya ba'i sgra yang 'don mi nus par gnas so// de lta bu'i gnas na shin tu sdug bsngal zhing sbyong ba'i tshe tshad ni bskal pa stong phrag gsum/

  51. 26b

    du gnas shing sbyong bar 'gyur ro// ci spyad pa'i las kyi rnam par smin pa las gyur ce na/ thams cad gtor mar snang ba'i don ma rtogs nagazhan gyi nyes pa ni so so'i skye bo'i sar skyes pa na/ sems can gsod pa'i rdzas rgya dang / chod ma dang / mda' dang // ral gri dang / spu gri dang / dgra sta dang / gzhan yang de'i thabs dang man ngag gzhan byed du bcug pa dang // rbad pa dang // de la bskul ba dang // rang la phan pa med pa'i ngag nyes pa bsgo ba dang / gzhan yang rang gis ci 'grub par byed cing // rang gis ma 'grub na yang gzhan la slob cing sdig pa'i lag cha sna tshogs shom pa la sogs pa dang / gang zag dam pa'i chos la spyod pa yin na yang / khe dang grags pas 'tshol ba dang // tshul 'chos pas spyod pa dang // chos log pa la spyod pa dang / yang dag pa'i bka' las log pa'i chos spyod pa la rjes su yi rang ba'i 'bul ba dang / chos 'dod pa rnams log par 'chad pa dang / dam nyams pa'i 'byung po la bsrung ba'i cho ga byed pa dang // theg pa chen po la dpyas 'dogs pa dang / bka' yang dag pa'i don minyan pa dang / dpe rkun dang 'og 'bru byed pa dang / dkyil 'khor gnyan po'i don bor nas/ snyan dgas

  52. 27a

    la dga' ba la sogs pa rnams las kyi dbang gis gnas der skyes nas/ de na shin tu sdug bsngal zhing snying rje bar gnas so// de la nyon mongs pa'i dmyal ba gang zhe na/ shin tu tsha ba'i zang ka chen po'i nang na 'dug nas/ phyi nas bskal pa'i me 'bar bas sreg cing / shin tu a tsha tsha zhes bya ba'i sgra bsam gyis mi khyab par byed do// de lta bu'i gnas na shin tu sdug bsngal zhing sbyong ba'i tshe tshad ni bskal pa stong phrag brgyar gnas shing spyod bar 'gyur ro// de la las kyi rnam par smin pa gang las gyur ce na/ rtsa ba'i gtor ma 'di'i don ma rtogs pas/ nyon mongs pa ngo ma shes pas so so'i skye bo'i sar skyes pa na/ zhe sdang gis sems can rang ka mar gsad pa dang / 'dod chags kyi sha khrag zos pa dang / gti mug rang ka ma ngo ma shes pa dang / phrag dog rang ka mas gzhan phung bar byas pa dang // nga rgyal gyis gzhan la gnad du btsugs pas nyon mongs pa rang ka ma la sogs pa dang / gang zag dam pa'i chos spyod pa'i yin na yang / dug lnga dang nyon mongs pa thams cad chos nyid las khungs chung nas brten kyang chos nyid kyi don dang ma mthun par gol te/ 'dod chags ma dag pas chog pa'i dus

  53. 27b

    med pa dang / gti mug ma dag pas don gyi steng du ma phebs pa dang // zhe sdang ma dag pas ru tra rang rgyud du byed pa dang / nga rgyal ma dag pas gzhan la khengs pa dang / phrag dog ma dag pas gzhan la smod pa rnams las kyi dbang gis gnas der skyes nas// de na shin tu sdug bsngal zhing snying rje bar gyur to// de la log pa'i dmyal ba gang zhe na/ shin tu grang zhing 'khyag pa la lto sbyor ba'i gnas su shin tu a chu zhes 'bod cing lus ut+pa la ltar gas par gyur to// de lta bu'i gnas na shin tu sdug bsngal ba'i tshe tshad ni bskal pa stong phrag sum brgya gnas shing sbyong bar gyur to// de las kyi rnam par smin pa gang spyad pa las byung zhe na/ rtsa ba'i gtor ma'i don ma rtogs pas/ 'phral gyi ldog 'gyur gyi don spyod pas so so'i skye bo'i sar skyes pa na g.yo dang / sgyu dang / zol dang / gsog dang / gang dag dge ba'i las byed pa mthong na// de la rjes su yi rang mi skye bar/ gang sdig pa'i las mthong na de las sems 'phang skye ba dang / yang dag pa'i bka' bas phyin ci log tu bstan pa la dga' ba dang / dkon mchog gsum gyi bka' mi nyan pa la sogs pa dang / gang zag dam pa'i chos spyod pa zhig yin na yang / dang por nyan thos

  54. 28a

    klu 'dul ba la zhugs nas khyAs blang+yas nas log pa dang / de bzhin du byang chub sems dpa'i sdom pa dang / thugs kyi ma tshig ma na/ nas bsrung bar dum bcas te khas blangs pa las lcog ste skye bo las dran par spyod pa dang / yang dag po'i gsang thugs d+hA rje thig pa la thugs nas/ dmyal sa tshan nas mtshan nyid theg pa la zhugs tu sngags la spong ba da / theg pa sa sa mye dung nas tshangs la spyong ba rnams las kyi dbang gis rlu skyesanas/ gyu sdug bcwa lnga ni ting rje bar gnas sadel gzung ba dang 'dzin pa'i dmyal bgrang shin+d+ra/ rab tu chung zhing 'ardzo bar 'phrug hU~M 'i rmusngags kyis su sa 'byu da/ smra smra rdzun Ar+yA gas te/ 'di ba ba'i glu N+Dal rgyu sa rung na sh+tha nga na spya na dung ba'i khrirnags kyis 'a nga/ de bzhin bu sa kyi ba shes par 'khor chu 'dzi byang // sa sa shin

  55. 28b

    bskal pa stong phrag brgyar gnas shing sbyong bar 'gyur ro// de las kyi rnam par smin pa gang spyod pa las byung zhe na/ rtsa ba'i gtor ma 'di'i don ma rtogs pas/ 'phral gyi bag chags kyi skyon gyis so so'i skye bo khri sar skyes pa na/ dgra dang ris su 'dzin pa dang / de la mnar sems dgu dang ldan par byed pa dang / gnyen dang zin du gzung ba dang de la phyogs dang gal du skyob pa dang / mi mthun pa'i phyogs la dge ba spyod du mi ster ba dang / mi mthun pa'i phyogs la legs pa'i lam las log pa la sogs/ pa dang / gang zag dam pa'i chos spyod pa yin na yang / phyi gzung ba'i yul med pa la gzung ba'i rtags su chos ris su smod cing gzhan gyi chos la smod pa dang / nang 'dzin/ pa'i sems med pa la 'dzin pa'i rtags su nga'i bka' ltar yin pa la gzhan gyi ltar min no zhes bdud kyi tshig tu smra ba dang / de ltar gzung 'dzin gnyis su gzung bas/ srin po mngon sum du 'dra ba'i spyod pa byed pa rnams las kyi dbang gis der skyes nas/ de na shin tu sdug bsngal zhing snying rje bar gnas so// de la dog pa'i dmyal ba gang zhe na/ rdo rje'i brag bltams pa'i nang du skyes nas lus ni rab tu 'phel zhing skye rdo rje brag la bltams pa yangs pa yangs pa'i sgyid med pa'i gnas su

  56. 29a

    skye ba dang / de las yang thar nas rdo rje brag gnyis kyi bar du lus char char btang nas/ brag phye ba dang slar rangs/ yang slar char gyis btang ba de lta bu'i gnas su skye bar 'gyur ro// de na shin tu sdug bsngal ba'i tshe tshad ni bskal pa stong phrag dgu bcur gnas shing sbyong bar 'gyur ro// de las kyi rnam par smin pa gang spyad pa las byung zhe na/ rtsa ba'i gtor ma ma 'byongs pas/ 'phral gyi ma rig pas bsgribs nas so so'i skye bo wi sar skyes pa na/ sems can la brdung zhing rab tu chom pa dang / dud 'gro la mi theg par cher bkal zhing bsnun pa dang / gnas nas 'byung zhing srog pa dang / de bzhin gshegs pa'i sku smad pa la sogs pa dang / gang zag dam pa zhig gi chos la spyod pa zhig yin na yang lta ba zab mo la skyes 'dogs shing rtog pa'i chos la dga' ba dang / dngos grub kyi rgyu rnams skyon du mthong nas dpya zhing skur pa la sogs pa rnams las kyi dbang gis gnas der skyes nas/ de na shin tu sdug bsngal zhing snying rje'o// de la phra ba'i dmyal ba gang zhe na/ shin tu gdung ba'i gnas na bdag gi yid du 'ong ba'i skyes pa dang bud med dang 'phrad 'dod pa la zhags pa gang tsam

  57. 29b

    gyis bar chod par byas shing gcig la gcig mthong nas phrad par bsams nas/ lus zhe sdang gi sbrul nag chen po re res sgo nga'i sbubs su zhugs pa bzhin dkris nas/ sbrul gyi gdug pas lus tsha zhing sdug bsngal nas/ gdung ba'i mchi mas du zhing rab tu sdug bsngal ba'i gnas su gyur to// de lta bu'i gnas na shin tu nyon mongs pa'i tshe tshad ni bskal pa stong phrag bdun cur gnas shing sbyong bar 'gyur ro// de'i las kyi rnam par smin pa'i rgyu gang las byung zhe na/ rtsa ba'i gtor ma'i don ma shes pas/ 'dod chags la zhen pas so so'i skye bo'i sar skyes pa na/ sems can rnams la 'dod chags rang kha mar spyad pa dang / gzhan gyis srung ba'i bud med la sogs par g.yems pa dang / sems can skye ba'i rgyu byas nas dus ma yin par bsad pa la sogs pa dang / gang zag dam pa'i chos spyod pa yin na yang // dus khrims dang gnas khrims nyams pa dang // gsang sngags kyi spyod pa bka' la rtogs pa tsam byas nas skye bo bzhin spyad pa dang / gsang sngags kyi spyod pa zab mo rnams skye bos mthong zhing dpya zlar gyur pa rnams las kyi dbang gis gnas der skyes nas/ de na shin tu sdug bsngal bar gyur to//

  58. 30a

    de la rmongs pa'i dmyal ba gang zhe na/ shin tu dmyal ba mi bzang ba'i gnas na/ mgo gzhug tu thig brgyad brgyad btab nas/ sog chen gyis btang bar cha brgyad du dras te/ las kyi dbang gis de ma thag tu 'byor zhing yang 'dra'o// de lta bu'i gnas na shin nyon mongs pa'i na chang ni/ bskal ba stong drug drug cur gnas shing sbyong bar 'gyur ro// de'i tshe las kyi rnam par smin pa gang las byung zhe na/ rtsa ba'i gtor ma ma thos pas 'phral gyi nyon mongs pas bsgribs te/ gang zag skye bo'i sar skyes pas nA/ sangs rgyas kyi zhal nyi zer tsam yang mi mthong ba dang / chos nyid bangan pa'i don tshig 'bru gcig kyang ma thos pa dang / ngan pa las rnams blun po byol song bzhin du bgyis pa rnams dang / gang zag dam pa'i chos la gnas pa zhig yin na yang / chos nyid yid la mi 'jog pa dang / 'dod pas rgyal ba dang / 'du 'dzi dang bus pa'i spyod pa la chags pa dang / long yod dang le lo'i khar 'dor ba dang / gzhan la skur pa chen po btab pa dang / sems can sgrol ba'i las la bab col du byed pa dang / 'phral gyi rtog pa 'tshol ba'i phyir mo dang pra 'debs pa rnams las kyi dbang gis gnas der skyes nas/ de na

  59. 30b

    shin tu sdug bsngal bar gnas so// de la 'chal pa'i dmya la ba gang zhe na/ shin tu dus ma yin pa'i gnas na res 'tshed pa dang / res 'khyag pa la sbyor ba dang // res 'ga' spu gris mgo gshog pa la sogs pa'i gnas na shin tu nyon mongs pa'i tshe tshad ni bskal pa stong phrag lnga bcur gnas shing sbyong bar 'gyur ro// de las kyi rnam par smin pa ci spyod pa las byung zhe na/ rtsa ba'i gtor ma'i don blo la ma shong bas/ gang zag skye bo'i las byed pa'i tshe/ sod dang / tshod dang / rtogs shig pa'i 'chal pa smra ba dang / gzhan de skad 'chal par smra ba'i ngag nyan nas gsang gcad bsnun pa la sogs pa'i las byas pa dang / gang zag chos spyod pa'i sa la gnas pa zhig yin nu yang / gsang ba'i bka' zab mo snod ma yin pa sna dgu la dbang ma thob par 'chal par smra ba dang / stan 'gan gyi 'phrin las gnas ma 'byongs shing mi nag po yo la cha yod par byas pa rnams las kyi dbang gis gnas der skyes nas/ shin tu sdug bsngal zhing snying rje bar gnas so// de la spong ba'i dmyal ba gang zhe na/ shin tu grang ba'i dmyal ba 'khyag

  60. 31a

    pa la sto sbyor ba'i gnas na/ lus pad+ma dang pad+ma chen po ltar gas te shin tu sdug bsngal ba'i tshe tshad ni bskal pa stong phrag sum cur gnas shing sbyong bar 'gyur ro// de las kyi rnam par smin pa ci spyad pa las byung zhe na/ rtsa ba'i gtor ma'i don thog tu ma phebs pas/ gang zag skye ba'i las byed pa na dus gsum pa ma spong ba dang / ma rungs pa brten pa dang / dge ba spong / mi dge ba brten pa dang / gang zag chos spyod pa yin na yang / theg pa chen po'i chos spong zhing // theg pa 'og ma'i chos spyod pa dang / lung dang man ngag la skyes 'dogs shing snyan dngags dang / sdebs sbyor ba dang / glu dbyangs slob pa la dga' ba rnams las kyi dbang gis gnas der skyes nas/ de na sdug bsngal zhing snying rje bar gnas so// de de pa'i dmyal ba gang zhe na/ lcags kyi shal ma ri la yar 'dzegs pa tsam na brtse ba'i gnyen 'dun du skad kyi 'bod pa la sogs pa'o// shin tu nyon mongs// pa'i tshe tshad ni bskal pa stong phrag nyi shur gnas shing sbyong bar 'gyur ro// de las kyi rnam par smin pa gang spyad pa las byung zhe na/ rtsa ba'i gtor ma ma thos

  61. 31b

    pas/ gang zag skye bo'i las byed pa na ri dgas la sogs pa'i sems can mang po ded cing gsod pa dang / gang zag dam pa'i chos byed na yang / lus rab tu byung ba'i gzugs su bsgyur nas// sems can mang po mi theg par bkal nas brdung ba dang / btags pa dang / ded pa dang / gsod pa dang / g.yo dang / sgyu dang / thabs bslu ba la sogs pa'i nyo tshong gi las kyi rnam par smin pas gnas der skyes nas// de na shin tu sdug bsngal zhing snying rje bar gnas so// de la bros pa'i dmyal ba gang zhe na/ shin tu gsad pa la dga' ba'i gnas na gshin rje phag sha na chen pos mgo nas gzung nas rked pa dang / ske dang rkang pa dang gsum du gtubs nas bsad de zos pa dang / shi ste de ma thag tu yang lus gcig tu blangs te sos pa la sogs pa yang shi yang sos kyi sdug bsngal ba'i tshe tshad ni bskal pa stong phrag bco lngar gnas shing sbyong bar 'gyur ro// de las kyi rnam par smin pa gang spyad pa las byung zhe na/ rtsa ba'i gtor ma thos pas bros pas thar par re bas/ gang zag skye bor skyes pa na gtsug lag dang mchod rten gyi dkor la brkus nas bros pa dang / gang zag chos kyi

  62. 32a

    rjes su 'breng ba dang / d+ha ra ma dang glegs bam brkus nas blos pa rnams las kyi dbang gis der skyes nas/ shin tu sdug bsngal zhing snying rje bar gnas so// de la rtag pa'i dmyal ba gang zhe na/ shin tu khros pa'i gnas na/ lus lcags kyi ser bas brdung ba dang / mtshon cha'i char sus kyang ma phab par rang bab nas/ lus la na cha'i sdug bsngal gyi sgra 'byin no// de lta bu'i sdug bsngal ba'i tshe tshad ni bskal pa stong phrag gsum du gnas shing sbyong bar 'gyur ro// de las kyi rnam par smin pa gang spyad pa las byung zhe na/ gang zag so so skye bor skyes pa'i tshe na/ zas dang nor la rtag tu re bas chags shing brkams pa'i las byas pa dang // gzhan gyi nor dang zas 'dod pa'i phyir srog dang phral ba la sogs pa dang / gang zag chos kyi rjes su 'brang ba na/ nga ni mthu che ba yin no// nga ni rtsa la che ba yin no// nga ni dngos grub thob pa yin no// zhes che ba'i ngag 'don par byed cing / bdag rtag pa dang gnas par 'dzin pa rnams las kyi dbang gis gnas der skyes nas shin tu sdug bsngal zhing snying rje bar gnas so// de lta bu'i dmyal ba'i grangs

  63. 32b

    kyang dmyal ba mdo tsam gyis bstan du zad kyi/ rtsa ba'i gtor ma'i don 'di ma nyams na/ bdag nyid kyi drung na grangs bsam gyis mi khyab pa'i dmyal ba 'bum phrag snyed 'khor bar yod do// gtor rgyud chen po las/ gtor ma'i don ma thos shing ma rtogs nas sems can dmyal ba'i le'u ste drug pa'o// / de nas yang thams cad gtor ma yin pa'i don ma shes nas/ gang zag skye bo'i sar skyes pa na/ gtor mar ma shes rjes su gzung bas 'khrul pa'i dbang gis chags pa dang / 'jungs pa dang / brkam pa la sogs pa'i las spyad pa dang / gang zag chos kyi rjes su 'brang ba na/ snying rje chung ba dang / ser sna che ba dang / gzhan la yod pa mi dga' ba dang / gzhan gyi yon tan lobs par mi dga' ba dang / gzhan la 'khor dang 'deg pa nyung bar dga' ba rnams las kyi dbang gis sems can yi dgas su skyes te/ phyi'i sgrib pa can dang / nang gi sgrib pa can// sgrib pa can gyi sgrib pa can la sogs pa'i gnas na bskal pa stong phrag brgyar sdug bsngal nyams su myong bar 'gyur ro// de nas yang thams cad gtor ma yin pa'i don mngon par ma shes pas/ gang

  64. 33a

    zag skye bor skyes pa na/ zas thams cad la gtor ma'i rdzas ma yin par so so'i gti mug gis rang rang 'tshal ba'i zas su mthong / gtor ma'i lha thams cad sems can rang rang gi gzugs so sor mthong ba dang / gang zag chos kyi rjes su 'brang ba na/ gtor ma'i rgyud 'di ma rtogs par spyad pa'i thabs kyis gtong ba dang / gtor ma'i rgyud 'di mi 'dzin pa dang / rgyud 'di mi nyan pa dang / rgyud 'di ming tsam yang cha med pa rnams byol song du skyes te zas ngan pa sna tshogs pa za ba dang / las ngan pa sna tshogs pa byed pa dang / gsad pa dang / spyugs pa dang / bsha' ba dang / bzhur ba dang / spyad pa dang / bkol ba dang / brdung ba dang / brdeg pa la sogs pa shin tu sdug bsngal ba'i gnas na bskal pa stong phrag lnga bcur sdug bsngal nyams su myong bar 'gyur ro// de nas yang thams cad gtor mar byin gyis gnas pa'i don ma rtogs pas/ gang zag skye bo'i sar skyes pa na/ yul dang gnas la phyogs ris su 'dzin pa dang / rdzas dang 'khor la phyogs su 'dzin pa dang / gang zag chos spyod pa na yang / chos la phyogs su 'dzin pa 'am/ yang dag pa'i don mkhyen pa la phyogs su 'dzin

  65. 33b

    pa rnams lha ma yin gyi gnas su skyes nas 'thab pa dang rtsod pa'i rgyur 'gyur ro// de nas yang gtor ma'i rdzas dang / gtor ma'i snod dang / gtor ma'i lha ngo ma shes pas/ gzhan du bsod nams kyi tshogs sogs pa dang / lha zhes bya ba'i ris su bzungs te/ 'chi 'pho ba dang ltung ba'i sdug bsngal nyams su myong pabar 'gyur ro// de nas yang gnas kyang gtor ma la gnas// spyod kyang gtor ma la spyod// yin kyang gtor ma'i lha yin pa'i don ma thos pas dang / ma rig pas mi gnas na rdzas la spyang du 'phags pa ni/ bkres shing skom po'i sdug bsngal dang / gyen mi 'dzegs pa dang / thur mi phebs pa dang / gtor ma'i don ma rig pas 'on pa dang / dig pa dang / gtor ma'i chos nyid du ma shes pas skye ba dang / 'chi ba dang / gtor ma'i sgrib pa ma dag pas nang mdze dang / shu ba/ dang / 'brum bu la sogs pa'i nang sna tshogs myong nas bskal pa re rer sdug bsngal sna tshogs myong ba'i rgyur 'gyur ro// gtor rgyud chen po las/ gtor ma'i rang bzhin ma shes pas 'gro ba sems can so sor skye ba'i le'u ste bdun pa'o// // de nas sa gzhi thams cad gtor ma'i snod yin par ma shes

  66. 34a

    pas/ la las shal ma ri dang / zangs kyi khang pa dang / mtshon cha'i char la sogs pa dang / dmyal ba'i spyod par mthong ngo // la las rnag khrag dang tsher dong la sogs pa yi dgas kyi gnas su mthong ngo // la las tsher dong dang / bya skyibs dang / gyen thur dang / ngam grog la sogs pa'i gnas su mthong ngo // la las brgyal zhing bskrad pa'i gnas su mthong ngo // la las yid du 'ong ba'i gnas su bsod nams che chung ngu 'dug pa'i gnas su mthong ngo // gtor ma'i rdzas kyi longs spyod ngo ma shes nas la la'i bde ba la la'i sdug bsngal du mthong / la la'i sdug bsngal la la'i bde bar mthong ngo // la la'i sman la la'i dug tu mthong / la la'i dug la la la'i sman du mthong / la la'i zas la la'i skyon/ la la'i zas la la'i sman du mthong ba dang / gtor ma'i lha ngo ma shes pas/ la la'i gshed ma la la'i grogs su mthong // la la'i grogs la la'i gshed mar mthong ba dang / la la'i dgral la'i gnyen byed pa dang la la'i gnyen la la'i dgrar byed pa dang / la la'i skyon la la'i legs par mthong / la la'i skyon ma rungs pa la la la'i 'bras bur sgyur ba la sogs pa

  67. 34b

    gnas dang / longs spyod dang / 'bras bu mi shes pas// don nyid log par gol ba dang / skyon nyid yon tan yin par ma rtogs pa dang / log pa'i las kyis snang ngo // gtor rgyud chen po las/ rgyu 'bras log pa'i le'u ste brgyad pa'o// // de nas kha lo phyin ci log tu blta ba la 'dzin byed kyi zhags pas kyang ma bsgyur/ log pa'i lam du shor ba la thugs rje'i lcags kyus kyang ma zin/ gti mug gi mun pa la ye shes kyi snang ba'i 'od kyis kyang ma gsal zhe sdang gi brag 'tsher ba la rdzu 'phrul gyi gzong gis mchogs/ 'dod chags kyi ba mo la thugs rje'i nyi mas kyang ma zhu/ nga rgyal gyi sgo 'kheng la zhi ba'i til mar gyis kyang ma thul/ phrag dog gi rlung dmar 'tshub pa la mthu stobs kyi dpa' brtan gyis kyang mchod nas shin tu go la lo// shin tu sdug bsngal lo// shin tu nyon mongs so// shin tu gtor ma'i bde ba'i bka' nub par 'gyur ro// de lta bu'i gnas log pa dang / rdzas log pa dang / lta ba log pa dang / chos nyid log pa dang / 'bras bu log pa dang / lam log pa sha stag mang bar 'gyur ro// gtor rgyud chen po las/ nyon mongs pa'i mthu rtas pa'i le'u ste dgu

  68. 35a

    pa'o// / de nas yang rdo rje sems dpas stug pos brgyan pa'i zhing khams nas/ ye shes kyi spyan gyis gzigs te dpyod pa cig mdzad pa las/ yid dang dbang pos brdzus pa'i skye 'gro thams cad chos nyid bstan pa ni rdzas su gol/ gtor ma'i lha'i ris thams cad rtag chad dang gzung 'dzin du spyad/ gtor ma'i rdzas thams cad 'jigs pa'i las su smin/ gtor ma'i snod thams cad ngan song gi gzhir gyur te/ la la ni cha glang gi b+hug bsngal gyis g.yongs par spyod/ na zhing cha ste sdug bsngal bar gzigs so// la lA bkres shing skom ste sdug bsngal bar gzigs so// la la spyad cing bkrol te sdug bsngal bar gzigs so// la las gsum dang brgyad kyi sdug bsngal bar gzigs so// la las 'thab pa dang rtsod par gzigs so// la las 'ching ba dang / 'pho ba dang / sdug bsngal bar gzigs so// gzhan yang stong gsum gyi stong chen po 'jig rten gyi khams 'di dag na gtor ma'i las bor nas rtogs ba'i las kyis/ la las ni snying rje dang bral te gcig gis gcig 'jigs pa dang / la la gcig gis gcig snying rje dang phral te ded pa dang / la las ni nying

  69. 35b

    phral te gcig gis gcig gsod pa dang / la la snying rje dang bral te gcig gis gcig za ba dang / la la gti mug rmongs pa'i dbang du byas nas/ yang dag pa'i sgo 'gegs shing log pa'i lam du khrid pa dang / la la 'dod chags zhen pa'i dbang du byas nas/ sems can bsad pa'i sha za zhing khrag 'thung ba dang / la la nga rgyal dregs pa'i dbang gis zhe sdang srin po'i lus blangs nas/ mgo gcig pa la lag pa mang bar sprul nas/ 'khor ma mo dang / mkha' 'gro dang / sha za la sogs pas bskor te/ rab tu dregs pa'i brtul zhugs kyis sangs rgyas kyi bka' la rgyab kyis phyogs nas dmyal ba srin po'i spyod pa snang snang sgrol/ rnyed rnyed za/ phrad phrad sbyor zhing // nga'i gong na su yang med do zhes 'du shes skyed par byed pa rnams gzigs pas// rdo rje sems dpa' shin tu yang hag sngangs te brgya la nas 'gyel to// nga la mgon med do// nga la skyabs med do// nga la dpung gnyen med do// dmod du bor nas brgyal lo// de nas brgyal sangs pa dang rigs lnga'i sangs rgyas rnams kyang stug pos brgyan par 'dus/ rdo rje sems dpa' brgyal sangs pa dang / rigs lnga'i sangs rgyas rnams drung na 'khod pa mthong nas/

  70. 36a

    rigs lnga'i sangs rgyas rnams la stong gsum gyi stong chen po thams cad gtor ma'i snod dang / gtor ma'i rdzas dang / gtor ma'i lha yin na/ log par gol ba mthong ngam zhes bka' stsal pa dang // rigs lnga'i sangs rgyas rnams kyis gsol pa/ sems dpa' chen po de de bzhin no// de de bzhin te/ de ni drag po'i gtor mas 'dul ba'i dus la bab bo zhes gsol bas// rdo rje sems dpas gtor ma'i las kha lo phyin ci log tu snang ba rnams la thugs rab tu khros// sku rab tu tshig nas// kun tu bzang po he ru ka la sogs pa ye shes kyi he ru ka bzhi chos kyi sku las bzhengs su gsol lo zhes bos pas/ che mchog he ru ka la sogs pas ye shes kyi he ru ka bzhi chos kyi sku las bzhengs te/ stong gsum gyi stong chen po'i 'jig rten gyi khams su gzigs pa las/ thams cad gtor ma'i rang bzhin du lhun gyis grub par bzhugs pa la// de las gtor mar mi rtog mi 'dzin par phyin ci log tu rtog cing 'dzin pa la rigs gcig pa yin// sangs rgyas pa'i gter ma las gol te/ 'gro ba mang po sdug bsngal tha dad par snang bar gzigs nas//

  71. 36b

    ye shes kyi he ru ka rnams sku rab tu khros// thugs rab tu tshig nas/ dbu dang phyag dgu pa dang / dbu nyi shu rtsa gcig pa dang / dbu gsum pa dang / phyag drug pa dang / phyag bco brgyad pa dang / zhabs bzhi bcu rtsa gnyis pa dang / zhabs bzhi pa dang / zhabs brgyad pa dang / 'bar ba'i cha lugs su 'thon nas zhal nas kyang / oM che mchog shri he ru ka ru lu ru lu hU~M gu h+ya shrI he ru kA ru lu ru lu hUM/ rag sha shrI he ru ka ru lu ru lu hUM/ bi shwa shrI he ru ka ru lu ru lu hUM/ zhes sgra brjod cing gnas so// de nas rdo rje sems dpa' kun tu bzang pos b+ha ga yum gyi mkha'i la phyogs bzhir 'bar ba'i gzugs kyis bltas nas// hUM hUM zhes brda zhig mdzad pas/ phyogs bcu'i rgyal ba yab yum sras dang bcas pa thams cad yum gyi mkha' la gnas gcig tu 'tshogs nas/ stong gsum gyi stong chen po 'jig rten gyi khams su gzigs pa yang gong bzhin du gzigs nas yang khro zhing tshig par gyur nas// stug pos brgyan pa'i zhing khams su byon nasabade bar gshegs pa thams cad gdan 'dzom bka' gros mdzad pas/ zhi ba dang byams pa'i ting nge 'dzin gyis thul ba mi 'dra nas/ drag po'i las

  72. 37a

    nas stan// m+b+ha ts+tsha myug smra pa / sa sa sa ma sa sa sa mas ng+gA ga sa skyed/ sna / da rgyu sa sa 'dzin d+mo 'gyur bzhes sa/ sa smras sa pas sa na / rnanas// masas pa sa rgya 'as byu sa sbyin/ sa sa/ rgyu sa // rgyu 'byung bsum kyi sa nga dur srid 'bar 'chos 'ama' 'al da/ nanam sa pa

  73. 37b

    su med pa'i chos nyid kyi longs spyod chen po bde ba chen po'i ngang du mdzad de/ chos nyid b+han da'i nang du 'dod chags zad par mdzad pa'i phyir/ rak+ta'i dung 'khrug cing gsol lo// gzhan yang chos nyid kyi longs spyod/ la la sha la rol/ la la rus la gsol// la la tsit+ta la rol/ la la ba su ta la rol/ la la dbang po la rol// chos nyid kyi rgyan du byas/ nyon mongs pa dpa' rtags su khyer te/ la la zhing gi gdan dpa' rtags su khyer/ la la zhing gi g.yang gzhi/ la la thod pa'i 'phreng ba/ la la khrag gi thig le/ la la khrag gi zo ris la la thal ba'i mtshan ma dang rtags su khyer ro// la la nyon mongs pa'i phyag cha ring la bskor te/ ral gri dang / dgra sta dang / gshol dang / kha D+heM kha la sogs pa yang dpa' rtags su khyer ro// la la nyon mongs pa las rgyal ba'i dpa' rtags su khyer te/ khyung gi gshog pa dang / sbrul gyi chun po dang / glang po che'i ko rlon dang / stag gi sham thabs la sogs pa dpa' rtags su khyer nas/ khams gsum thig le chen pos btab/ dmyal ba dong sprugs nas/ rgyal ba'i dkyil 'khor byin spar bas/ nyon mongs pa rang rgyud du dag/ dug bdud rtsir gyur// ru tra

  74. 38a

    rdzas kyi gtor mar longs spyod pas/ de ni bdud bcom pas bgegs gsang pa'i gtor ma'o// gtor rgyud chen po las/ bdud ru tra btul ba'i le'u ste bcu pa'o// / de nas 'bras bu bsgral kyang sa bon gyi rtsa ba mchod/ ru tra btul kyang ngan song gi rtsa ba mchod de/ nyon mongs pa'i skye bo dang sngags log par spyod pa'i srin po rang rgyud du gnas pas/ da ni khro mos 'dul ba'i dus la bab par gzigs nas/ 'khor nye ba'i sras brgyad ke'u ri khro mo chen mo brgyad du bsgyur/ sems ma brgyad ni 'phra men chen po brgyad du bsgyur/ thub pa drug yid dang chos ni spor byed ma chen po brgyad du bsgyur/ rgyu'i byang chub sems dpa' bcu drug dang / 'bras bu'i byang chub sems dpa' bcu drug ni mkha' 'gro sum cu rtsa gnyis su bsgyur/ sgo ba rang log tu bsgyur nas dkyil 'khor du 'khod pa dang / 'phrin las mdzad pa dang / chos ston pa dang / zhi bas mi 'dul na yang drag po'i 'phrin las mdzad nas// rigs nges pa'i sras dang thabs cig pa'i gnyis su med pa de rnams kyang / gtor ma'i rang bzhin du sgrol ba'i 'phrin las mdzad do// de nas yang kha lo phyin ci log tu bltas pas/

  75. 38b

    'phags pa'i zhal nyi zer tsam yang mi mthong ba/ bsod nams kyi skal ba chung ba rnams la thugs rje sprul pa'i 'khor lha chen po dang / klu chen po dang / gza' chen po dang / gnod sbyin dang / rgyu skar la sogs pa dbang phyug nyi shu rtsa brgyad dang / pho nya sum brgya drug cu rtsa brgyad dang / ging chen po bco brgyad dang / ma bdun dang srid bzhir sprul nas// de'i las kyang ngan pa 'phro gcod cing gtor ma'i 'phrin las mdzad do// de bas kyang dam tshig nyams pa rnams la ni/ yang sprul chen po mkha' 'gro sa ma ya 'bum sder sprul nas/ 'jig rten gyi khams thams cad du sprul nas/ yul dang / gnas dang / ri dang / nags dang / mtsho dang g.ya' ri dang / gangs rgyud la 'khod nas/ des kyang gtor ma'i 'phrin las su 'dul bar mdzad nas/ las ngan pa'i dbang gi las 'dren par mdzad do// gtor rgyud chen po las/ drag po'i gtor ma'i le'u ste bcu gcig pa'o// // de nas rdo rje sems dpas 'byung ba dang snod thams cad gtor ma'i snod/ dngos po'i rdzas thams cad gtor ma'i rdzas/ rnam par shes pa'i phung pos bsdus pa thams cad gtor ma'i mgron/ dug gsum dang nyon mongs pa thams cad gtor

  76. 39a

    ma'i rtsa ba/ bdud dang / ru tra dang / drug po thams cad gtor ma'i rgyu/ rgyu drug las kyi bsdus pa thams cad gtor ma'i longs spyod/ kha phyin ci log gi ngan song gi sdug bsngal thams cad gtor ma'i 'phrin las de nyid gtor mar rtogs pa thams cad dngos grub ste/ de ltar rig pa'i dkyil 'khor dang / 'di ltar rtogs pa'i rnal 'byor pa phyis grangs kyis 'byung ba dang / 'di lta bu'i rgyud mthar gnas pas de'i don mkhyen pas/ gtor rgyud 'di lta bu'i 'byung ba yin pas/ rdo rje sems dpa' thams cad thugs su chud par 'gyur ro// gtor rgyud chen po las// rdo rje sems dpas thugs chu bo lta bu'i le'u ste bcu gnyis pa'o// / de nas yang kun tu bzang po bla na med pa'i he ru ka'i sku la sa gsung yig 'bru 'di dag byung ngo // hU hU hU hU~M hU hUM hU~M hUM hUM/ hUM hUM hUM hUM hUM hUM hUM hUM hU/ haha ha ha ha ha ha ha ha/ he he he he he he he he he/ phaT phaT phaT phaT phaT phaT phaT phaT/ phaT phaT phaT phaT/ b+h+yo b+h+yo b+h+yo b+h+yo b+h+yo b+h+yo/ b+h+yo b+h+yAM b+h+yAM b+h+yo b+h+yo b+h+yo/ b+h+yo b+h+yo b+h+yo b+h+yo b+h+yo b+h+yob+h+yo b+h+yAM b+h+ya b+h+yo b+h+yo b+h+yo/ b+h+yo b+h+yo b+h+yo b+h+yo/ ra ra li li bcu drug/ dza dza sum brgya drug cu ma ma bdun/ ma ma bzhi/ oM ha oM ho bcu drug/ ru lu ru lu hU~M b+h+yo la sogs po sku las thon

  77. 39b

    sa ya shes lngar byin gyis brlabs pas/ 'jig rten gyi khams thams cad g.yos// rab tu g.yos/ 'ur 'ur/ rab tu 'ur/ chem/ rab tu chem du gyur nas thams cad mgrin gcig tu bden pa'i tshig mnos dam bcas nas dkyil 'khor gyi gdan du bting ngo // de nas yang gsung yig 'bru dkyil 'khor las/ ye shes chen po'i khyad par nyid las mi zhan pa'i 'a khor dang / 'gro ba 'dul ba'i 'khor dang / thugs rje sprul pa'i 'khor la sogs pa tham sa cad/ skye ba med pa las skye ba'i cho 'phrul du mthong bas/ ji ltar snang ba'i chos thams cad tshig gis ma bsdus pa gang yang med la/ tshig thams cad yi ges ma bsdus pa gang yang med pas/ 'on kyang yi ge'i rang bzhin ni sangs ma rgyas pa gang yang med pas/ ji ltar snang ba'i chos thams cad sangs ma rgyas pa gang yang med par kun gzhi yul gyi snang ba la snang ngo // gzugs dang phung pos bsdus pa'i chos thams cad kha dog dang dbyibs su mi snang ba gang yang med la/ kha dog dang dbyibs thams cad lha'i dkyil 'khor du sangs ma rgyas pa gang yang med pas/ rnam par shes pa'i phung po rnams sangs ma rgyas pa gang yang med par dbang po sems kyi rnam pa la snang

  78. 40a

    ngo // de ltar yul dang dbang po thams cad dbyings dang ye shes gnyis su med pa las/ thabs dang shes rab 'du 'bral med par lhun gyis grub ste/ sku gsung thugs phyag rgya'i dkyil 'khor du lhun gyis grub ste/ sangs ma rgyas pa gang yang med do// gtor rgyud chen po las/ gsung yig 'bru'i dkyil 'khor gyi le'u ste bcu gsum pa'o// // de nas yang rdo rje sems dpas kun tu bzang po la phyi nang gsang ba gsum gyi mchod pas mchod nas/ drag po'i gtor mar byin gyis brlab pa'i sngags dang phyag rgya lung bstan du gsol/ bcom ldan 'das kyis bka' stsal pa/ rdo rje sems dpa' drag po'i gtor ma byin gyis brlab pa'i sngags dang phyag rgya 'di yid la zung zhig/ lag pa sor mo bsnol mdzub mo'i mthe bong dgug/ mthe bong gnyis phyir bkyed la/ oM badz+ra pad+ma man+ta la/ ba ling ta bi sha tsakra b+h+raM/ zhes brjod pa de ni gtor ma'i snod byin gyis brlab pa'i sngags dang phyag rgya'o// de nas yang lag pa khu tshur bcangs la mche ba'i phyag rgya bcas la/ oM ma hA a mri ta dz+wa la ba ling ta man+ta la kha hi/ zhes brjod pa ni sha'i gtor ma'i byin gyis brlab pa'i sngags dang

  79. 40b

    phyag rgya'o// de nas yang lag pa thal mo sbyar ba las rak+ta sgreng ba'i tshul du byas la/ gtor ma la gtugs la/ ma hA rak+ta dz+wa la man+ta la kha raM khA hi ba ling ta/ zhes brjod pa ni khrag gi gtor ma sna tshogs byin gyis brlab pa'i sngags dang phyag rgya'o// de nas yang lag pa so'i 'phreng ba bcas la// ma hA kin ni ri ti dz+wa la man+ta la kha hi ba ling ta/ zhes brjod pa ni rus pa'i gtor ma byin gyis brlab pa'i sngags dang phyag rgya'o// de nas yang lag pa thal mo sbyar la snying khar gtugs/ de nas thod 'phreng gi phyag rgya bcas la lus la bskor/ de nas lag pa rin po che 'bar ba'i tshul du byas la gtor ma'i rdzas la gtugs la/ oM ka pA la ba su ta/ ta ri la kro kro d+he b+h+yo b+h+yo/ ru lu ru lu hUM ba ling ta man+ta la hUM/ zhes brjod pa ni rmad du byung ba'i gtor ma spyir byin gyis brlab pa'i sngags dang phyag rgya'o// de nas gtor ma'i rgyu la/ lag ba'i mthe bong gis mthe'u chung mthil du bkug la/ sor mo gsum gshibs te sbrengs la/ oM shag ti dum bu ma hA dz+wa la ba ling ta man+ta la kha raM khA hi/ zhes brjod pa ni gtor ma'i rgyu sbyang ba'i sngags dang phyag rgya'o// de nas yang lag pa thal mo mnyam par sbyar la/ oM AHhU~M swA hA/ mu laM maM byaM ta su ra ta s+t+waM/ zhes brjod pa

  80. 41a

    ni gtor ma'i gzugs lha dang lha mo'i dkyil 'khor gnyis su med pa'i bde ba chen por byin gyis brlab pa'i sngag dang phyag rgya'o// de nas yang gzugs kyi me long 'dzin pa dang / sgra'i pi wang thogs pa dang / spos kyi dri'i phyag rgya dang / ro'i snod kyi phyag rgya dang / reg gi na bza'i phyag rgya dang / chos nyid mnyam pa'i phyag rgya dang bcas la/ de bi ma hA ra ti la sogs pa brjod pa ni gtor ma 'dod pa'i longs spyod du byin gyis brlab pa'i sngags dang phyag rgya'o// de nas yang lag pa g.yas pa 'khrug pa'i tshul du byas la/ g.yon pa snod 'dzin pa'i tshul du byas pa ni he ru ka'i spyi'i dam tshig gi phyag rgya'o// de nas log pa g.yas pa dung chen po stob pa la/ g.yon pa 'khyud pa'i tshul du byas pa ni yum rnams kyi spyi'i phyag rgya'o// de nas lag pa g.yon pa snod 'dzin pa ltar byas la/ g.yas pa za ba ltar byas pa ni khro mo brgyad kyi spyi'i phyag rgya'o// de nas lag pa g.yon pa gnon pa ltar byas pa la/ g.yas pa rngam pa'i tshul gyis 'bri tshugs su lta ba ni 'phra men ma brgyad kyi spyi'i phyag rgya'o// de nas lag pa g.yas pa thor thabs su byas pa la/ g.yon pa 'degs pa ltar byas la/ bstan pa'i tshul du gnas pa ni sgo ma bzhi spyi'i phyag rgya'o// de nas

  81. 41b

    lag pa g.yas pa gnan pa ltar byas la/ g.yon pa 'degs pa ltar byas pa ni spor ma brgyad kyi spyi'i phyag rgya'o// de nas lag pa g.yas rang rtags kyi phyag rgya phyar ba ltar byas pa la/ g.yon khrag 'thung ba'i tshul du byas pa ni dbang phyug ma nyi shu rtsa brgyad kyi spyi'i phyag rgya'o// de nas lag pa g.yon pa dang g.yas bsnol la kha phu ba la mthe' / chung gnyis 'khyud/ sor mo phyi ma brkyang la snod la gtugs la/ oM badz+ra a ra li e a ra li/ sa ma ya a ra li/ zhes brjod pa ni mkha' 'gro sum cu rtsa gnyis kyi spyi'i sngags dang phyag rgya'o// de nas lag pa gnyis snying kha g.yas g.yon du gzung la/ mchong zhing rgyug pa'i tshul du byas la/ lus mdun rgyab tu skul skyong drug tu byas la/ badz+ra ha la ha la rba na rban a gu sha dza/ zhes brjod pa ni pho nya sum brgya drug cu spyi'i sngags dang phyag rgya'o// de nas lag pa g.yas pa mi g.yo ba'i tshul du byas la/ g.yon snying po 'byin pa'i tshul du byas la/ sogs oM ma ma badz+ra ma b+h+yo/ ma mdun ti b+h+yo/ zhes brjod pas ni ma mo spyi'i sngags dang phyag rgya'o// de nas lag pa g.yon pa phyar la sor mo gzhan dgug srin lag bsgreng la/ o te ba a ga dad da la dun ti na ma b+h+yo/ zhes brjod pas ni srid bzhi spyi'i sngags dang phyag rgya'o// de nas lag pa g.yon pa lcags

  82. 42a

    kyu 'dzin pa'i tshul du byas la/ g.yas 'jam dpal thog pa'i tshul du byas la/ oM badz+ra ka ra ta ri shwa hUM/ zhes brjod pas ni ging brtsa brgyad spyi'i sngags dang phyag rgya'o// gtor rgyud chen po las/ gtor ma byin gyis brlab pa'i sngags dang phyag rgya'i le'u ste bcu bzhi pa'o// de nas kun tu bzang pos bka' stsal pa// rdo rje sems dpa' gtor rgyud chen po 'phrin las dar zhing rgyas pa la sogs pa'i 'gro ba rgyas par ston cig ces bka' stsal pa/ dbang bsgyur nas gsang ba sngags kyi lung ston par khas ches pa'o// de nas rdo rje sems dpas 'phrin las kyi gtor ma 'di rim par phye ste bshad pa'o// de la stong gsum gyi stong chen po 'jig rten gyi khams na kha dog rnam pa lnga zhig yod do// gzugs lnga zhig yod do// rigs lnga zhig yod do// sku lnga zhig yod do// ye shes lnga zhig 'char ro// de la kha dog dkar po snang ba thams cad ni zhi ba'i gtor ma'o// de bzhin du kha dog ser po rgyas pa'o// kha dog dmar po dbang ngo // de bzhi du kha dog mthing kha drag po'o// kha dog sdang khu las kun tu grub pa'i 'phrin las so// de bzhin du gzugs zlum po zhi ba'i gzugs so// gru bzhi rgyas pa'o// zla

  83. 42b

    gam dbang ngo // zur gsum drag po'o// dbyibs tha dad pa las kun tu grub pa'i gzugs so// de bas na snod bcud gtor ma'i rang bzhin du gcig kyang las tha dad pa'i dbang gis gtor ma lngar yang snang ngo // brgyar yang snang ngo // stong du yang sprul lo// de bas na/ de bzhin gtor mar de rtogs nas/ gang ltar 'dod pa de bzhin snang / las thabs dbang gis bcos par zad// 'phrin las gtor ma sna tshogs yin// de bzhin gtor mar ma rtogs na// 'di la de bzhin de mi 'byung // gcig tu gnas shing brtan par dka'// de rtogs lhun gyis grub pa la// zhi ba'i blo yis gsal bar phye// ji ltar brtags pa de bzhin snang // gang zhig gzhan/ la phan byed na// 'bar ba'i gtum mo ma rungs kyang // zhi bar 'dod na zhi bar byed// 'dod pa'i 'byor pa thams cad kun// rgyas par 'dod na rgyas par byed// khams gsum ma lus thams cad kun// dbang du 'dod na dbang du byed// ma rungs las kyis mnar ba kun// mngon spyod las kyis sgrol bar byed// 'dod pa'i sbyor ba thams cad kun// ji ltar 'dod pa rang dgar bsgyur// gtor rgyud chen po las/ 'phrin las kyi rnam pa'i le'u ste bco lnga pa'o// /

  84. 43a

    de nas gtor ma chen po 'dis rnal 'byor rnams la phan par 'dod na/ rnal 'byor pa la nad bzhi brgya rtsa bzhis skabs 'tshol ba dang / rims dang / shu ba dang / 'brum bu la sogs pas 'jigs pas na/ rtsa ba'i gtor ma 'di rtogs pa'i skyes bus gzhung 'di ltar byung ba bzhin du thams cad gtor mar bsngos nas/ gtor ma las 'od 'phros pas nad kyi dngos po thams cad zhi bar byas nas/ chos nyid bden pa'i gtor mar byin gyis brlabs na nad thams cad dang / mdze dang / phol rnams kyang zhi bar 'gyur ro// gzhan yang rnal 'byor pa rnams la bgegs stong phrag brgyad cu rtsa bzhis glags bltas nas/ dngos grub kyi bar chad byed pa dang / dus ma yin par 'chi bar byed cing log par 'dren pa yod na// rtsa ba'i gtor ma 'di ltar rtogs nas/ 'phrin las kyis 'di ltar gtor mar gtang na thams cad zhi bar ma zad/ slar dngos grub kyi stongs dang grogs 'byor pa'i longs spyod 'bul bar byed do// de bzhin du rnal 'byor pa gang la la zhig la tshe dang / longs spyod dang / 'byor pa'i longs spyod la sogs pa med na// rtsa ba rmad du byung ba'i gtor ma chen po 'di 'khor rgyal ba rgya mtsho sras dang bcas pa la sbyin pa dang // rgyal ba rgya mtsho la

  85. 43b

    mchod par phul na tshe dang / bsod nams dang / 'byor pa'i longs spyod la sogs pa thams cad rang yid la ji ltar yod pa bzhin 'phel zhing rgyas par byed pa'o// sngon gyi las kyi rnam par smin pa yang zad par 'gyur ro// rnal 'byor pa gang la las khams gsum mamam mo mkha' 'gro la sogs pa dbang du bya bar 'dod na yang / rtsa ba rmad du byung ba'i gtor ma 'di rgyal brgya mtsho 'khor dang bcas pa rnams la rgyas par 'bul ba dang / gzungs su gzung zhing 'phrin las su bcol na/ ji ltar dbang du bya ba'i 'dod pa thams cad bran snying nye zhing las byed pa dang / thams cad la ci dga' bar dbang sgyur bar 'gyur ro// rnal 'byor pa gang la la zhig ma rungs pa dang / 'tshe ba dang / bstan pa 'jig pa dang / yongs la gnod pa dang / dam nyams pa dang / sku dgrar gyur pa yod na yang / rtsa ba rmad du byung ba'i gtor ma 'di rtogs par byas nas/ bde bar gshegs pa 'khor rgyal ba rgya mtsho dang bcas pa rnams la gtor ma'i don gyis mchod pa 'di'i gzhung las byung ba bzhin du phul na/ gang bsgral blta ci smos kyi/ sangs rgyas kyis nyid kyang sgrol bar 'gyur ro// tha na rtsa ba'i gtor ma 'di gzungs su gzung nas/ gang la dmigs pa'i yul phyogs sam/ khang

  86. 44a

    pa'i gnas sam/ zong ngam/ lus la gtor na yang 'chi bar 'gyur ro// gzhan yang las sna tshogs pa ste/ tshe baspring ba dang / dpal bskyed pa dang / gdon dkar ba dang / gter btsal ba dang / yid la ci 'dod pa rnams grub par 'gyur ro// mkha' dbyings rnam par dag pa'i klong du mi zad pa'i gter du sbas na zad pa med pa'i dngos grub kyi gter du 'gyur ro// gzhan yang 'di'i yon tan brjod kyis mi lang ngo // gtor rgyud chen po las/ 'phrin las gang bya ba grub pa dang / phan yon gyi le'u ste bcu drug pa'o// // de nas bcom ldan 'das la// rdo rje sems dpas lha ma srin dang 'jig rten gyi bsod nams las grub pa rnams la 'di lta bu'i sgyu ma brjod par gsungs so// nor bas mtshan mar gzung na ni// 'byor pa'i longs spyod thams cad la// chags pas/ gzung nas gang spyod pa// 'o dod chen po 'bod par 'gyur ro// ci'i phyir zhe na gtor ma yin// de la chags pa gtor ma yin// de la chags na 'ching ba'i rgyu// ma chags grol na tshigs gnyis rdzogs// sangs rgyas mchod pa'i rkyen yin pas// ma chags sems kyis mchod byed cing // chags pa med pas rkyen du phul//

  87. 44b

    de tshe sangs rgyas thag mi ring // chu rnams thams cad rgya mtshor 'bab// de tshe rgya mtsho nyid kyi ngang // bdag gi longs spyod gtor ma ste/ de bzhin gtor ma nyid kyi rgyu// dper na 'jig rten lo tog bzhin// snga ma smin pas mi chog ste// phyis kyang rgyud mar smin pa bzhin// de bzhin chags pa nyid stong na// rgyu 'bras rin gyi de ltar smin// de ni nam mkhar 'gro zhes bshad// de skad ces bya ba'i sgra 'jig rten gyi bsod nams las grub pa lha dang mi la sogs pa rnams kyis thos pas/ 'jig rten gyi lha ma srin rnams kyis rang rang gi 'byor pa ci yod pa gtor mar phul nas/ 'bras bu mi 'khor ba'i smon lam 'debs pa 'di lta ste/ lha'i rgyal po bsod nams las grub pa rnams kyis/ gzugs sdug pa'i longs spyod kyi rdzas kyi rnam pa mang po dang / de bzhin du sgra snyan pa dang / dri zhim pa// ro bro ba/ reg bya khyad par du 'jam pa la sogs pa'i 'dod pa'i longs spyod rnam pa lnga la sogs pa/ dang po yang bcom ldan 'das rdo rje sems dpa'i sprul pa gtor ma lags te/ bdag cag lha'i rgyal po rnams kyi ngo ma 'tshal bas/ bdag cag rnams gtor ma'i longs spyod dang rkyen du 'bul bas/ phyogs bcu dus

  88. 45a

    gsum gyi sangs rgyas thams cad kyi cha rkyen du 'bul bas/ spyan lam du chos nyid ma skyes pa'i gtor ma sangs rgyas rnams kyis ji ltar longs spyod pa de de bzhin du 'byung bar gyur cig/ de ltar phul ba'i byin rlabs kyis// bdag cag dang mtha' yas pa'i sems can thams cad khams gsum du mi 'khor zhing / ngan song gsum du mi gol bar// chos nyid gtor mar sangs rgyas par gyur cig/ dus nam zhig gi tshe na bdag cag lha'i rgyal po dregs pa can gyi rigs dang 'tsham pa 'byung srid na yang / dregs pa mi byed cing 'dod pa 'di dag la ma chags nas/ thams cad gtor mar 'bul zhing sangs rgyas par smon lam 'debs par myur cig/ gal te de bzhin bdag cag rigs dang brgyud rnams kyis ma bgyis na/ bdag cag bdud ru tra dang 'dra bar gyur nus rgyu 'bras log pas ngan song gi sdug bsngal rim gyi brgyud nas/ bdag cag gi gtso bo rnams yab cig dpal chen pos mngon sum du bsgral ba'i snying phyung bsgral nas dur khrod chen po'i gzhal yas khang dang / thugs rje chen po'i rjes su spyod par gyur cig/ bdag cag 'khor dang rigs rnams kyang

  89. 45b

    rang dbang med par dbang du bsdus nas// khro bo chen po rnams kyi gdan du dus thams cad du 'dings par gyur cig/ ma hA sa ma ya de ba gu h+ya'o// lha chen po rnams kyi snying la dam tshig shog/ ces 'dzer zhing dam bcas nas smon lam 'debs so// de lta bu'i byin gyis brlabs kyis 'dod pa'i yon tan phyogs bcur snang bar gyur to// de nas yang 'dod khams dang gzugs khams la sogs pa'i lha'i bu thams cad kyis kyang / lha'i longs spyod 'bru rnam pa sna tshogs pa dang / me tog rnam pa sna tshogs pa dang / rol mo'i rgyud la sogs pa dang / lha'i longs spyod rnam pa sna tshogs pa thams cad thogs te/ kun kyang mgrin gcig tu 'di skad ces 'dzer te/ ji ltar snang bas lha'i longs spyod rnam pa sna tshogs pa de ltar bdag cag gi longs spyod 'di dag thams cad ye dang po 'am thog ma nas bcom ldan 'das rdo rje 'dzin pa'i gtor ma lags pa// sngar de bzhin du bdag cag rnams kyis ma 'tshal ba mthol zhing bshags so// de lta bu'i don gyis da bdag cag gi 'byor pa de dag phyogs bcu dus gsum gyi 'phags pa rnams la gtor ma'i rkyen du 'bul lo// mtha' yas pa'i sems can thams cad la yongs su khyab par gyur

  90. 46a

    cig/ des/ bu'i thugs rje dang byin gyis brlabs kyis bdag cag rnams gtor ma'i rang bzhin du mngon par sangs rgyas par gyur cig/ bdag cag gi rigs dang brgyud kyang de bzhin du gtor ma gtong zhing smon lam 'debs par gyur cig/ gal te bdag cag rnams kyi rigs dang brgyud kyis de ltar ma bgyis nas dam log nas/ lcags kyi pha bong bsgril ba bzhin dam log ni// gnas 'phos nas gsod pa la mi 'dzem pa dang / b+hAbs kyis bslu ba la mI 'dzam pa'i gnas su skyes nas/ de las kyang ngan song gsum du skye bar gyur cig/ ces dam bca' zhing smon lam 'debs so// de lta bu'i byin gyis brlabs kyis 'jig rten gyi khams yongs su khyab cing snang bar gyur to// de nas lha ma yin rnams kyis kyang go cha dang / mtshon cha dang / sman dang / skye 'khrung la sogs pa gtor mar phul nas/ gong ma bzhin du dam bca' zhing smon lam 'debs so// de nas gnod sbyin rnams kyis kyang rin po che rnam pa sna tshogs pa dang // 'bru'i chang dang / bcos pa'i chang dang / sbyar ba la sogs pa'i chang rnam pa sna tshogs pa dang / gos dang rgyan rnam pa sna tshogs pa dag gtor ma'i rkyen du phul nas/ gong ma bzhin du dam

  91. 46b

    bca' zhing smon lam 'debs so// de nas yang srin po rnams kyis kyang sha dang / khrag dang / rkang dang / tshil bu la sogs pa gtor ma'i rkyen du phul nas dam bca' zhing smon lam 'debs so// de nas klu rnams kyis kyang snying po rnam pa sna tshogs pa dang / zho dang / 'o ma dang / mar dang / thung la sogs pa gtor ma'i rkyen du phul nas dam bca' zhing smon lam 'debs so// de nas yang dri za rnams kyis kyang spos dang dri rnam pa sna tshogs pa gtor ma'i rkyen du phul nas dam bca' zhing smon lam 'debs so// de nas gshin rje rnams kyis kyang 'bru mar dang thong khrag la sogs pa sna tshogs pa gtor mar phul nas dam bca' zhing smon lam 'debs so// de bzhin du mi'i rgyal po rnams kyis kyang rgyal srid rin po che sna bdun la sogs pa gtor ma'i rkyen du phul nas gong ma bzhin no// de bzhin du ma mo rnams dang / sha za rnams dang rig sngags 'chang rnams dang / bgegs kyi rigs rnams dang / lto 'phye rnams dang / mi 'am ci dang / 'gro ba'i rigs so so tha dad pa rnams kyis kyang rang rang gi 'byor pa dang longs sprod rtsi yod pa gtor ma khI NA sa su phul nas dam pa ru' zhing smon la ma 'de bas/ thams cad gtor ma'i rang bzhin du sangs rgyas par byed do//

  92. 47a

    de lta bu'i don gyis thams cad gtor ma la gnas shing gtor ma'i rang bzhin du longs spyod par 'gyur ro// de nas yang bcom ldan 'das rdo rje sems dpas 'di skad ces bka' stsal to// gsang sngags rnal 'byor pa rnams nam mthar phyin pa'i gsang ba'i gtor ma 'di dag gar spyod par/ de nyid dam la gnas/ pa'i rnal 'byor la ci bsgo ba skyob cing bran bzhin nyan pa dang / bstan pa bsrung zhing de la skyab par byos// srid pa gcig gi chu nas mi 'thung gong yang med// 'jig rten 'di yi dam la mi gnas gang yang med// gang zhig bka' bzhin mi byed dam la mi gnas na// khyed rnams bzod cig ci dga'i las la byos// zhes bka' stsa la pas// 'jig rten gyi dregs pa dang lha ma srin rnams kyis de bzhin du bgyi'o// zhes dam por gnyis der nos nas bka' bzhin bsgrub cing bstan pa bsrung ba dang / phyi rabs kyi rnal 'byor dam la gnas pa rnams kyi stongs dang grogs byed par 'gyur la// dam la mi gnas pa rnams kyi bdud du babs par 'gyur ro// gtor rgyud chen po las// rnal 'byor paba'i longs spyod gtor mar phul ba dang smon lam 'debs shing dam bca' ba'i le'u ste bcu bdun pa'o// // de nas bcom ldan 'das kun tu bzang pos

  93. 47b

    shin tu 'da' dka' ba'i dam tshig gi le'u 'di dag gsungs so// sems dpa' chen po dam tshig ni chos thams cad kyi thog mar 'gro ba ste/ de ci'i phyir zhe na/ dper na sa gzhi las skye 'khrungs smin par byed pa dang 'dra bar/ dam tshig 'di las sangs rgyas chos dang dngos grub thams cad 'byung ba'i rgyu'o// dam tshig gi rtsa ba gang zhe na/ rdo rje slob dpon dang mtshad ldum dral lo// de la rdo rje slob dpon ni bdag nyid kyi rgyud 'chad pa de nyid du ma zad de// gang na shes pa can dang sgom zhing dam la gnas pa mtha' dag go// de ci'i phyir zhe na/ thugs ye shes kyi dgongs spyod gcig tu lhan ne gnas so// mched dang lcam dral yang bdag nyid 'dres shing gcig pa de gcig pur ma zad kyi/ bka' dang dam la gnas pa'i rnal 'byor phyis spyod pa mtha' dag go// de ci'i phyir zhe na/ gsang sngags mnyam pa chen po'i don du gcig cing dbye sring med pa'o// de dag la ngan sems dang / 'phya sems dang / 'thab cing rtsod pa dang / bka' ba slu zhing 'gal bar bya ba lta ci smos kyi/ bre mo brlang po yang smra bar bya ba ma yin no// dam de thub cing dam la gnas na gzhan gyi 'bad rtsol ma byas kyang // da lta nyid na sangs rgyas par 'gyur pa la gdon mi za'o// gal te dam de ma thub na rtsol bsgrub kyi sgo ri ra ba tsam

  94. 48a

    byas kyang / mnar med par skye ba la gdon mi za'o// sems dpa' chen po de ni dus nam zhig gi tshen glu'i dam tshig de dag mi bskyung bar/ rtsol bsgrub dang rnam par dkar ba'i phyogs dgra spyod par byed cing / gcig gi 'og tu gcig mi tshud par rtse rtogs pa sha stag 'byung ste/ de ni byas pa'i tshe chad cing ngal ba chung za bar 'gyur te/ dper na srog pa rtsa dang snying nad kyis gang ba la 'tsho byed kyi sman pa mkhas pas mi 'tsho ba dang 'dra'o// des ni sdug bsngal ba dang 'chi 'pho ba'i dus na 'gyod pas dran pa nyams par 'gyur te/ 'bras bur smin pas phan pa med do// gsung gi dam tshig sngags dang phyag rgya dang ldan par bya ste/ rtog pa klong du chud pa rnams kyis ni ngag gi gleng brjod dang / lus kyi 'gul skyod dang / sngags dang phyag rgyar ldan par gyur la/ phal pas dang du blangs nas gtsor byas pas kyang ldan par 'gyur la/ tha na yang dus dang grangs mang nyung tsam du yang ldan par bya'o// dam tshig de mi 'da' bar dang du len na bka' rgya che ba lta ci smos kyi/ gang yin pa'i tshig gi bzlas pa rang gis sku gsung thugs kyi dngos grub thob par 'gyur ro// gal te dam de la mi gnas na ba ka' phyi nang mtha' dag gi don 'chang na yang skye bo phal pa dang mtshungs so// sems

  95. 48b

    dpa' chen po dus nam zhig gi tshe na gsung gi dam tshig 'di la mi brtson pas/ rnal 'byor khe dang grags pa la sogs pas mdo sde'i ris gzung nas// de dang grangs mang por yod do zer nas/ theg pa chen po la dpyad pa gdags shing sngags dang phyag rgya spangs nas/ rnal 'byor tshogs kyi longs spyod bkug nas/ za ma dang dus khrims gnas par byas nas mtshang tshig smra ba sha stag 'byung ste/ de rnams ni bdag nyid bslus shing smyos nas log pa'i lam du song bas/ dper na sol ba'i mdog la dkar gyis mi 'gyur ba dang 'dra'o// chos log pas ngag gi sgrib pas mnar med paskyed pa yin no// de ci'i phyir zhe na/ chos nyid la ris su sangs rgyas rnams kyis ma gsungs so// thugs kyi dam tshig ni/ gsang ba'i dam tshig gzhan la mi spel te/ de yang gsang sngags rnal 'byor gyi chos gar song song gar bab ba pa dang cal col du snod min pa la mi spro ba dang / gsang sngags kyi spyod pa dam rdzas bdud rtsir gyur pa rnams rang bzhin gyis spyad log par byas te/ khu 'khrig dang spang len du ma song bar sba ba dang / gsang sngags kyi 'phrin las sgrol sbyor dang glu tshig la sogs pa rnams skye bo dang / dma' ba'i rigs dang / phal ba kun gyis ma mthong ma

  96. 49a

    thos shing / yid la thos shing yid la ma 'khrig par byas te/ ya ga dang sgro skur med par byas pa dang / gsang sngags kyi rdzas ka cha dang lag cha yang de dang 'dra la/ gang zag srin po dang gnod sbyin gyi spyod pa byed pa'i sar/ bsgrub pa'i gnas dang // dus dang / grogs dang / gzungs la sogs pa yang de bzhin du gsang sngags dang / snying po dang / lha rgyud du mngon rtogs la sogs pa rnams kyang de bzhin du gsang ba dang sngags kyi spyod pa 'di dag gsang bar 'os pa gsang bar gnyer gtad pa yin pas/ sngags kyi don spyod legs shing gzhan ya ka dang 'phya zhing skur par ma gyur par spyod/ dper na seng ge gangs gong du rtsal 'gyings pa ltar gnas pa ni gsang sngags thugs kyi dam tshig 'di la mi nyams pa yin te/ des ni phyag rgya chen po rigs 'dzin gyi gnas su sangs rgyas pa yin no// sems dpa' chen po dus nam zhig gi tshe na// thugs kyi dam tshig 'di la mi gnas par thams cad slob dpon byed par 'dod pas/ snang dgugasang sngags kyi rnal 'byor la btsud pas// gsang sngags kyi spyod pa ci 'dra ba ni kun la bstan cing cha yod par byas/ gnas su ni gcig gis mi skongs pa'i slob dpon mang bar byung ba dang / gsang sngags don zab mo kun kyang shes shi

  97. 49b

    zlos pa rnams kyis kyang la las khe dang grags pa 'dod/ chos grwa dang slob grwa btsugs te/ snod yin rung min rung sna dgu bsdus te/ grangs ci mang du bstan cing bka' bzhin du gcig kyang mi byed pa'i slob ma mang po bsdus te slob dpon byed pa dang / la la zang zing dang 'dod pa la chags pa'i phyir/ gsang sngags zab mo'i don khur du khur khal du bkal te rgyal khams su snod yin rung min rung 'dod pa dang zong du brje zhing / bka' 'chal par gtong ba'i slob dpon byed pa la sogs pa rnams ni/ bzang ngan dang nga khyad med par yo nyams su myong bar 'gyur bas// kun dmyal bar 'gro ba la/ de'i tshe gsang sngags kyi don spyod pa rnams kyis bsam pa mi 'grub pa dang dam tshig gi bya ra ba rnams mi 'go ba'i shugs kyis sngags mthu byin chung bar 'gyur/ de'i skyon gyis sku la sngo ba'i dgra dang bgegs 'byung zhing / nad kyi rnam pa la sogs pa mi 'dod pa rnams kyang 'byung ba dang / sngags pa gcig la gcig 'thab cing rtsod pa dang / mthu byin chung bas skye bo'i mtshon cha'i las byed pa dang // sems can phal pa yongs kyang don 'di 'dra na chos brdzun te zhes 'dzer cing 'phya zhing ya kar 'gyur ba dang / theg pa 'og ma ba mdo sde spyod pa rnams kyang gsang sngags la 'phyas

  98. 50a

    gdags dogs nas/ shin tu ya nga'i dpyas chen por 'dogs pa dang / de'i ya ka dang rnam par smin pas de'i sngags dang mdod phyi nang med par/ so so'i skye bo tshun chad ma lus par sder bslangs nas dmyal bar bungs ci cher 'gro bar byed do// de'i phyir dam tshig ni 'da' bar dka' ba ste 'di skad ces gsungs so// dam tshig dam tshig ces bya ba// 'da' bar dka' bas dam tshig ste/ sangs rgyas bka' las gsungs pa'i tshig/ 'di las 'da' bar gang byed pa/ lha yang 'das na brlag par 'gyur// sems can 'das pa smos ci dgos// sku yi dam tshig ma g.yos pa'o// gsung gi dam tshig mi 'gyur ba'o// thugs kyi dam tshig ma g.yengs pa'o// yan lag dam tshig lnga lnga rnams// lhan ne bar yang yid la bcang // ma 'das 'phags pa'i spyod yul yin// de tshe 'das na mnar med brlag/ gzhan yang dam tshig ces bya ba// gsang sngags don spyod rnal 'byor pas// lus ngag yid gsum sgo gsum nas// skye bos bcas par yongs mi bya// de tshe spyad nas nyams pa yin// bzlas brjod ting 'dzin la sogs pa// bar chad bgegs dang bya ra ba// sngags 'chang rnams kyis dpyas mi bya// de dag par chad byed pas na// de dag bsgrims la

  99. 50b

    nyams mi bya// gang zhig nyams par byed pa dang // rang sems rtag par blta ba rnams// dam las log par byed pa yi// drung na su yang mi 'dug phral// gzhan gyis mthong bar ma byas kyang // dam tshig dbang po snying la 'dug/ de dang 'dra bar blta ba ni// bgrang gis mi lang kun gyis mthong // de bzhin 'jigs pa'i sems kyis las// ma 'da' dam la gnas par gyis// sa bcu mthar phyin sangs rgyas kyang // dam las 'da' bar mi byed na// rnal 'byor grub pa ci ste 'da'// 'jig pa'i skyabs ni dam tshig mchog/ dbang phyug nyid kyang mi 'da' na// ma tshogs mkha' 'gro ci ste 'da'// lhas kyang dom la dbang mi bza'// mis kyang de bzhin dam mi 'da'// dam tshig ma nyams de bsrung ba// sku gsung thugs kyi phyag rgya ste// rnal 'byor kun gyi bskyed pa'o// thams cad yongs kyi ma zhes bya// rgyal ba'i dkyil 'khor gsal bar brtsegs// gtor rgyud chen po las// dam tshig bsrung ba'i le'u ste bco brgyad pa'o// // de nas sems dpa' chen po dam tshig 'di dag ma nyams te/ bsrungs pa'i yon tan ni 'jig rten gyi khams 'dir tshe bsring zhing 'byor pa'i longs spyod la sogs pa yid la bsam pa bzhin 'grub pa dang /

  100. 51a

    'gro ba gzhan la yid las byung ba dran pa tshig gcig bzlas kyang de la phan pa dang / bsgo ba bzhin nyan pa dang / dgra dang / bgegs dang bar du gcod pa rnams bdag nyid kyis ma bskul bar rdul phra mo tsam yang mi lus par 'gro ba dang // ma tshogs mkha' 'gro la sogs pa sprin phung bzhin gtibs nas/ bdag gar 'gro bar lus dang grib ma bzhin du 'grogs nas ci bsgo ba bran snying nye bzhin du nyan pa dang / gzhan yang dam la gnas pa rnams kyis ci 'dod pa'i 'byor pa'i longs spyod skyel bar byed pa dang / 'jig rten phyi mar yang kun tu bzang po nga dang skal ba mnyam par skye bar 'gyur ro// dam tshig mnyams par bsrungs na bka' bzhin tshig gcig zlos ma shes kyang sangs rgyas so// gzhan yang dam tshig bsrungs pa'i yon tan ni grangs 'dir brjod kyis kyang mi langs te mtha' yas so// gtor rgyud chen po las/ dam tshig bsrungs pa'i phan yon gyi le'u ste bcu dgu pa'o// // de nas dpal kun tu bzang pos yan lag gi dam tshig brgya 'bum sde las/ yan lag gi dam tshig brgya rtsa brgyad du bsdus te bka' stsal pa 'di lta ste/ dang po ting nge 'dzin rtsal 'byongs

  101. 51b

    pabapar byas la ci snang ba thams cad bsgral la/ rgyal ba rgya mtsho'i thugs dam bskul zhing bde bar gshegs pa'i sgras su byas nas/ bdag dang gcig pa'i dbang gis dam tshig las mi 'da' bar bya ba dang // zhing bcur gyur pa skad cig tsam yang mi bzhag par bsgral la dam tshig las mi 'da' bar bya ba dang la/ mtshan nyid kyi theg pas mi 'dul bar de yang bsgral la dam tshig las mi 'da' bar bya ba dang / gzung 'dzin pa'i mthu rtas pa'i ru tra rnam pa gsum po bsgral la dam tshig las mi 'da' bar bya ba dang // gsang sngags lnga ga la 'dzugs shing bka' nges pa'i don nub par byed pa bsgral la dam tshig las mi 'da' bar bya ba dang / yul chos nyid du sbyor zhing thabs dang shes rab kyis dam tshig las mi 'da' bar bya ba dang / 'byung ba chen po b+ha ga glong yangs par sbyor zhing thabs dang shes rab kyis dam tshig las mi 'da' bar bya ba dang // de'i pho rang bzhin med pa'i ngang du sbyor zhing thabs dang shes rab kyis dam tshig las mi 'da' bar bya ba dang 2/ mo rigs gzungs ma mtshan dang ldan par sbyor zhing thabs dang shes rab kyis dam tshig las mi 'da' bar bya ba dang / ser sna can sems can gyi nor ma byin par len pa blangs la/ tshogs dang gtor ma'i mchod

  102. 52a

    par phul la dam tshig las mi 'da' bar bya ba dang / bkra shis dag pa'i rdzas ma byin par blangs la/ dkyil 'khor chen por longs spyod de dam tshig las mi 'da' bar bya ba dang 1/ nag po'i phyogs na mi mo mtshan dang ldan pa ma byin par blangs la/ byang chub sems kyi dngos grub blang zhing dam tshig las mi 'da' pabar bya ba dang ga bka' nges pa'i don mu sus sbas pa rnams ma byin par blangs la/ yid la gzhag cing dam tshig las mi 'da' bar bya ba dang ya/ rdo rje slob dpon dang mched lcam dral la gnod pa byed du 'ong ba las brdzun du smras la dam tshig las mi 'da' bar bya ba dang 3/ dam tshig nyams shing dam med pa rnams la brdzun du smras la dam tshig las mi 'da' bar bya ba dang 1/ skye bo phal bar gsang sngags kyi spyod pa rlabs po che 'drin brdzun du smras la dam tshig las mi 'da' bar bya ba dang 5/ lung med par nges pa'i lan ldon pa rnams la brdzun du smras la dam tshig las mi 'da' bar bya ba dang / gti mug spangs kyang mi spongs pas gti mug chos nyid du rtogs par byas la dam tshig las mi 'da' bar bya ba dang / gti mug de bzhin gshegs pa'i sku yin par rtogs par byas la dam tshig las mi 'da' bar bya ba dang // gti mug stong pa nyid kyi ye shes

  103. 52b

    yin par rtogs par byas la dam tshig las mi 'da' bar bya ba dang // gti mug spangs pas sangs rgyas su 'grub par dka' ba'i don rtogs par byas la dam tshig las mi 'da' bar bya ba dang / zhe sdang spangs kyang mi spongs pas zhe sdang chos nyid du rtogs par byas la dam tshig las mi 'dra' bar bya ba dang / zhe sdang de bzhin gshegs pa'i thugs yin pa'i don de rtogs par byas la dam tshig las mi 'da' bar bya ba dang / zhe sdang me long lta bu'i ye shes yin pa'i don de rtogs par byas la dam tshig las mi 'da' bar bya ba dang 5/ zhe sdang spangs nas sangs rgyas su 'grub par dka' ba'i don rtogs par byas la dam tshig las mi 'da' bar bya ba dang / 'dod chags spangs kyang mi spongs pas 'dod chags chos nyid du rtogs par byas la dam tshig las mi 'da' bar bya ba dang / 'dod chags de bzhin gshegs pa'i gsung yin pa'i don rtogs par byas la dam tshig las mi 'da' bar bya ba dang / 'dod chags so sor rtogs pa'i ye shes yin pa'i phyir rtogs par byas la dam tshig las mi 'da' bar bya ba dang la/ 'dod chags spangs nas sangs rgyas su 'grub par dka' ba'i don rtogs par byas la dam tshig las mi 'da' bar bya ba dang nga rgyal spangs kyang

  104. 53a

    mi spongs pas nga rgyal chos nyid du rtogs par byas la dam tshig las mi 'da' bar bya ba dang / nga rgyal de bzhin gshegs pa'i yon tan yin pa'i don rtogs par byas la dam tshig las mi 'da' bar bya ba dang // ngargyal mnyam pa nyid kyi ye shes yin pa'i don rtogs par byas la dam tshig las mI 'da' bar bya dang / nga rgyal spangs nas sangs rgyas su 'grub par dka' ba'i don rtogs par byas la dam tshig las mi 'da' bar bya ba dang ya/ drug dog spangs kyang mi spongs pas phrag drog chos nyid du shes par byas la dam tshig las mi 'da' bar bya ba dang / brag dog de bzhin gshegs pa'i 'phrin las yin pa'i don rtogs par byas la dam tshig las mi 'da' bar bya ba dang / phrog dog bya ba nan tan gyi ye shes yin pa'i don rtogs par byas la dam tshig las mi 'da' bar bya ba dang / phrag dog spangs nas sangs rgyas su 'gru pUr dka' ba'i don rtogs par byas la dam tshig lngas mi 'du' bar bya ba dang // dri chen drugu bdud rtsi yin pa'i don chen rtogs par byas la dam tshig las mi 'da' bar bya ba dang dri chen a ru ra dang sbyar na du gsel ba'i bdud rtsi yin pa'i don de rtogs par byas la dam tshig las mi 'da' bar bya ba dang sa/ dri chen mkhris pa brgya rtsa brgyad dang sbyar na mdze

  105. 53b

    nad sel ba'i bdud rtsi yin pa'i don rtogs par byas la dam tshig las mi 'da' bar bya ba dang // dri chen bsten cing dang du blangs nas rnam par snang mdzad kyi dngos grub thob par 'gyur ba'i don rtogs par byas la dam tshig las mi 'da' bar bya ba dang 5/ byang chub kyi sems dug bdud rtsir gyur pa'i rtsa ba yin pa'i don rtogs par byas la dam tshig las mi 'da' bar bya ba dang nga/ byang chub kyi sems dang she la ga pur du sbyar na rus pa sra zhing ma khregs pa tshe ring bar gyur pa'i bdud rtsi yin pa'i don rtogs par byas la dam tshig las mi 'da' bar bya ba dang / byang chub kyi sems dang snying zho shar bsres na sems gsal zhing dbang po rno ba'i bdud rtsi yin pa'i don de rtogs par byas la dam tshig las mi 'da' bar bya ba dang // byang chub kyi sems bsten cing dang du blangs na rdo rje sems dpa'i dngos grub thob par gyur pa'i don rtogs par byas la dam tshig las mi 'da' bar bya ba dang ha/ ma sa dug bdud rtsir gyur pa'i don rtogs par byas la dam tshig las mi 'da' bar bya ba dang sa/ maM sa zos pas mthu byin che bar gyur pa'i don rtogs par byas la dam tshig las mi 'da' bar bya ba dang / maM sa spong sna tshogs dang sbyar na rlung nang sel ba'i bdud rtsi yin pa'i don rtogs par byas la

  106. 54a

    dam tshig las mi 'da' bar bya ba dang nga/ maM sa bsten cing dang du blangs na rin chen nangs kyi dngos grub thob par gyur pa'i bdud rtsi yin pa'i don rtogs par byas la dam tshig las mi 'da' bar bya ba dang sa/ pad+ma rak+ta dug bdud rtsir gyur pa'i rtsa ba'i don rtogs par byas la dam tshig las mi 'da' bar bya ba dang / pad+ma rak+ta dang mu dza ra ru sbyar na glo dang cham pa sel cing mdog sdug pa'i bdud rtsi yin pa'i don rtogs par byas la dam tshig las mi 'da' bar bya ba dang / pad+ma rak+Sha shing zi ra dang sbyar na medangs dang ldan zhing bad mkhris sel ba'i bdud rtsi yin pa'i don rtogs par byas la dam tshig las mi 'da' bar bya ba dang / pad+ma rak+ta bsten cing dang du blangs na snang ba mtha' yas kyi dngos grub thob par gyur pa'i bdud rtsi yin pa'i don rtogs par byas la dam tshig las mi 'da' bar bya ba dang / dri chu dug bdud rtsir gyur pa'i rtsa ba yin pa'i don rtogs par byas la dam tshig las mi 'da' bar bya ba dang / dri chu shing bu ra'i lo ma dang sbyar na ske bde zhing dbyangs snyan par gyur pa'i bdud rtsi yin pa'i don rtogs par byas la dam tshig las mi 'da' bar bya ba dang kadri chu ni lo ska ba'i me tog ut+pal dang sbyar na glo dang gag pa sel ba'i bdud rtsi yin pa'i

  107. 54b

    don rtogs par byas la dam tshig las mi 'da' bar bya ba dngal/ dri chu bsten cing dang du blangs na don yod grub pa'i dngos grub thob par gyur pa'i bdud rtsi yin pa'i don rtog par byas la dam tshig las mi 'da' bar bya ba dngabadag gi phung po lnga rgyal ba rigs lnga'i rang bzhin yin pa'i don rtogs par byas la dam tshig las mi 'da' bar bya ba dang / bdag gi 'byung ba lnga rigs kyi yum lnga'i rang bzhin yin pa'i don rtogs par byas la dam tshig las mi 'da' bar bya ba dang sa/ bdag gi rnam par shes pa'i tshogs brgyad byang chub sems dpa' brgyad yin pa'i don rtogs par byas la dam tshig las mi 'da' bar bya ba dang ga/ bdag gi yul bzhi dang dus bzhi sems ma brgyad kyi rang bzhin yin pa'i don rtogs par byas la dam tshig las mi 'da' bar bya ba dang ha/ bdag gi phyin ci log bzhi khro bo bzhi yin pa'i don rtogs par byas la dam tshig las mi 'da' bar bya ba dang / bdag gi chad par ma yin pa'i yul bzhi khro mo bzhi'i rang bzhin yin pa'i don rtogs par byas la dam tshig las mi 'da' bar bya ba dang ga/ bdag gi 'jig rten drug gi cha 'dzin pa thub pa drug gi rang bzhin yin pa'i don rtogs par byas la dam tshig las mi 'da' bar bya ba dang 5/ bdag gi yul pas snang ba thams cad chos

  108. 55a

    bya ba mo kun tu bzang mo'i rang bzhin yin pa'i don rtogs par byas la dam tshig las mi 'da' bar bya ba dngabadag gi dbang po tshus snang ba thams cad kun tu bzang po'i rang bzhin yin pa'i don rtogs par byas la dam tshig las mi 'da' bar bya ba dang ya/ bdag gi khams dang skye mched dkyil 'khor gyi lha'i rang bzhin yin pa'i don rtogs par byas la dam tshig las mi 'da' bar bya ba dang / bdag gi rdzas dang yo byad tshogs dang gtor ma'i ring bzhin yin pa'i don rtogs par byas la dam tshig las mi 'da' bar bya ba dang ya/ bdag gi yan lag bdun ma mo bdun yin pa'i don rtogs par byas la dam tshig las mi 'da' bar bya ba dang 6 bdag gi yan lag bzhi sring mo bzhi'i rang bzhin yin pa'i don rtogs par byas la dam tshig las mi 'da' bar bya ba dang / bdag gi sgal tshigs nyi shu rtsa brgyad dbang phyug nyi shu rtsa brgyad kyi rang bzhin yin pa'i don rtogs par byas la dam tshig las mi 'da' bar bya ba dang 5/ bdag gi mtshan bzang po sum cu rtsa gnyis mkha' 'gro sum cu rtsa gnyis kyi rang bzhin yin pa'i don rtogs par byas la dam tshig las mi 'da' bar bya ba dang nga/ bdag gi rgu rtsi ba bco brgyad

  109. 55b

    ging bco brgyad kyi rang bzhin yin pa'i don rtogs par byas la dam tshig las mi 'da' bar bya ba dang/ bdag gi nam tshong rtsi ba ma ba zhi gsang ba'i yum bzhi'i rang bzhin yin pa'i don rtogs par byas la dam tshig las mi 'da' bar bya ba dang bdag gau ru sa mgo sum brgya drug cu phro nya sum brgya drug cu'i rang bzhin yin pa'i don rtogs par byas la dam tshig las mi 'da' bar bya ba dang / bdag gi phyin ci log lnga sku lnga'i rang bzhin yin pa'i don rtogs par byas la dam tshig las mi 'da' bar bya ba dang / bdag gi kha dog lnga ye shes lnga'i rang bzhin yin pa'i don rtogs par byas la dam tshig las mi 'da' bar bya ba dang // bdag gi lam rgyud lnga'i yi ge dpa' bo 'bru lnga'i rang bzhin yin pa'i don rtogs par byas la dam tshig las mi 'da' bar bya ba dang / bdag gi phyogs bzhi dbus dang lda gzhal yas chos kyi dbyings yin pa'i don rtogs par byas la dam tshig las mi 'da' bar bya ba dang / bsgral ba'i zhing bcu la ngag brlang por smras la dam tshig las mi 'da' bar bya ba dang / yang dag pa'i don las phyin ci log tu khrid par byed pa la ngag brlang por smras la dam tshig las mi 'da' bar bya ba dang /

  110. 56a

    las log pa byed pa rnams la ngag brlang por smras la dam tshig las mi 'da' bar bya ba dang sa/ ma rtogs pa rnams la chos zab mo'i don dag brlang pos smras la dam tshig las mi 'da' bar bya ba dang ya/ bdag gi sems sangs rgyas pa'i don rtogs nas grub par byas la dam tshig las mi 'da' bar bya ba dang nga/ lus dang phung po rgyal ba rigs lngar grub par byas la dam tshig las mi 'da' bar bya ba dang 5/ gnas ris brag khams dang skye mched lha'i dkyil 'khor du grub par byas la dam tshig las mi 'da' bar bya ba dang sa/ phyi nang gnyis yul dang dbang po yid dang chos su grub par byas la dam tshig las mi 'da' bar bya ba dang phyi nang snod bcud chos kyi skur grub par byas la dam tshig las mi 'da' bar bya ba dang 5/ pho dang mo thams cad thabs shes rab tu 'gyur bar byas la dam tshig las mi 'da' bar bya ba dang ya/ byang chub kyi sems dngos grub tu grub par byas la dam tshig las mi 'da' bar bya ba dang / dam rdzas lnga dug bdud rtsir grub par byas la dam tshig las mi 'da' bar bya ba dang // bsgral ba'i sems can rigs pa nges pa'i sras su grub par byas la dam tshig las mi 'da' bar bya ba dbang / sbyor ba'i

  111. 56b

    yum shes rab kyi pha rol tu phyin mar grub par byas la dam tshig las mi 'da' bar bya ba dang / lha'i sku mdog dang phyag mtshan ting nge 'dzin gyis gsal bar grub par byas la dam tshig las mi 'da' bar bya ba dang 2/ mtha' yas pa'i sems can thams cad la bu gcig pa la ma byams pa bzhin bsams la thugs rjes zin par byas la dam tshig las mi 'da' bar bya ba dang / de bzhin gshegs pa'i mchod pa thams cad gnas su stobs par byas la dam tshig las mi 'da' bar bya ba dang rnal 'byor gyi chos 'du 'dzi dang g.yeng bar mi gtang bar byas la dam tshig las mi 'da' bar bya ba dang gsang sngags gsang ba'i rgyu khe dang grags pa spangs shing dam tshig las mi 'da' bar bya ba dang 6/ bzlas brjod dang 'phro 'du mngon du grub par byas la dam tshig las mi 'dra' bar bya ba dang / 'phags pa rnams la tshogs dang gtor ma'i mchod pa rab kyis nyin mtshan rgyun chad med par phul la dam tshig las mi 'da' bar bya ba dang 6/ 'bring gi nyin lan re mtshan lan re phul la dam+bu tshig la sru mi 'da' bar bya ba dang // tha ma yang lo dang zla bar ma 'das par mchod pa phul la dam tshig las mi 'da' bar bya ba dang / lo zla 'das na bskangs la dam tshig las mi

  112. 57a

    'da' bar bya ba dang / nyams pa yod na sor bcug la dam tshig las mi 'da' bar bya ba dang ra/ le lo dang snyoms las spangs lnga dam tshig las mi 'da' bar bya ba dang nga/ dza gang dang gnyid kyi dbang du mi gtang bar dam tshig las mi 'da' bar bya ba dang grub cing dang du blangs la dam tshig las mi 'da' bar bya ba dang pa/ lta bas gnyis su med pa'i don rtogs par byas la dam tshig las mi 'da' bar bya ba dang / spyod pas don dang mi 'gal zhing yongs kyis ma spyad par byas la dam tshig las mi 'da' bar bya ba dang 2/ brgya rtsa brgyad po 'di dag bsrungs na bdud rtsi yin no// ye shes yin no// sangs rgyas yin no// rdo rje sems dpa' yin/ no// kun tu bzang po yin no// dus gsum gyi sangs rgyas thams cad kyang dam tshig 'di bsrungs nus sangs rgyas pa las gzhan ma yin pas/ sangs rgyas thams cad pas kyang dam tshig 'di bsngags so// dam tshig 'di ma bsrungs na dug 'thungs pa dang 'dra ste/ chos spyod gang shes kyang mnar med pa'i dmyal ba chen por skye bar 'gyur ro// gtor rgyud chen po las/ yan lag gi dam tshig brgya rtsa brgyad pa'i le'u ste nyi shu pa'o// // rdo rje sems dpa' gzhan

  113. 57b

    yang dam tshig nyams par gyur pa'i mtshan ma 'di'o// rnal 'byor pa'i mi chos blon po lta bu'i las byed pas thabs kyis gzhan smod pa dang / 'thab cing rtsod pa dang phyogs 'ches pa'i dbang gi las dang / rlabs dang / che ba'i dbang gis nyams par gyur pa'i mtshan ma'o// rnal 'byor pa sdeng ma zin par rigs brgyud kyi tshom bu sdud cing yongs kyis 'degs pa'i dbang gis dza gad kyi dbang btsan par byas nas/ dregs pa'i khar btang nas snying rje dang bral ba rnams kyang dam nyams par 'gyur ba'i mtshan ma'o// gsang sngags gsang ba'i bka' dar drags par kun spyod na yang nyams par 'gyur ba'i mtshan ma'o// lta ba la phyogs rigs su bltas na yang dam tshig nyams pa'i mtshan ma'o// chos la bzang ngan du 'dzin na yang nyams par 'gyur ba'i mtshan ma'o// thugs rje la drin bkol du byed na yang nyams par 'gyur ba'i mtshan ma'o// rnal 'byor chos gnyis su 'dzin par byed na yang dam nyams par 'gyur ba'i mtshan ma'o// mtshan nyid ngan pa rnams la rnal 'byor gyi chos bstan na yang nyams par 'gyur ba'i mtshan ma'o// 'phongs shing nyam thag pa rnams la spyod pa rtsing po dag spyod na yang nyams par 'gyur ba'i mtshan

  114. 58a

    ma'o// gtor rgyud chen po las/ dam tshig nyams par 'gyur ba'i mtshan ma bstan pa'i le'u ste nyi shu rtsa gcig pa'o// rdo rje sems dpa' gzhan yang dam tshig nyams pa'i spyod pa ni// rgyu la 'bad pa med par 'bras bu la re che bar 'jog pa dang / rang rang gis byas pa'i 'bras bu med par gzhan la dngos su re ba dang / ma bsgoms par dngos grub thob tu re ba dang / dam tshig ma bsrungs par mthu che bar 'dod pa dang / ma bslabs shing ma sbyangs bar mkhas shing btsun par 'dod pa dang / phyi nang gi dbang ma bskur bar slob dpon byed pa rnams ni dam tshig nyams pa'i spyod pa yin no// mkhas pa la mi mkhas par sgro 'dogs pa yang dam tshig nyams pa'i skyon dang spyod pa yin no// mi mkhas pa la mkhas par che ba 'byin pa byed na yang dam tshig nyams pa'i spyod pa yin no// bka' nos pa'i slob dpon gyi khungs bsrubs nas// rang dad pa'i phyogs la khungs 'byin par byed na yang nyams pa'i spyod pa yin no// gzhan bka' ma nor bar spyod pa'i chos la min zhes dpyas nas/ bka' min pa la legs par bstod pa yang nyams pa'i spyod pa yin no// sngon gyi rgyal ba'i bka' rgyud bsgrubs te me la bsreg cing /

  115. 58b

    gang zag grub pa ma thob par mi tshig tu legs par bsdebs pa la bstod cing dar bar byed pa yang nyams pa'i spyod pa yin no// man ngag nges pa'i don gzhan mkhas par 'dzin par yid ches kyang / sems can gyi lus su che chung ngu bzung nas de mi nyams par byed na yang nyams par 'gyur ba'i spyod pa yin no// bka'i zhal chab thob par 'gyur ba la don gyis mi nyan par/ thabs kyis 'bros shing rang ngoms par byed na yang nyams par 'gyur ba'i spyod pa yin no// rnal 'byor pa'i mchod cha la sogs pa gcig la gcig dkrol ba rnog cing gsang bar byed na yang nyams par 'gyur ba'i spyod pa yin no// snod mi lta bar 'khor dang sde mang bar 'dod nas gsang sngags kun la sgrogs par byed na yang nyams par 'gyur ba'i spyod pa yin no// tshig gi zur khyod dang nga ru 'dzin par byed cing che dag 'don par byed pa yang nyams par 'gyur ba'i spyod pa yin no// gzhan gyi yon tan ci yod pa ma grags shing su bas par dga' ba la skyon ci yod pa rjod par byed na yang nyams par 'gyur ba'i spyod pa yin no// rang gi grub cing mtho pabar 'dod la/ gzhan ni dmas shing ma grub par 'dod na yang nyams par 'gyur ba'i spyod pa yin no// 'di ltar spyod pa legs su re ste mi legs so// 'di ltar

  116. 59a

    spyod pa grub tu re ste mi 'grub bo// 'di ltar spyod pa mkhas su re ste mi mkhas so// 'di ltar spyod pa spyang du re ste mi sbyang zhing / shes su re ste mi shes shing glen no// de ci'i phyir zhe na/ chos nyid ma rtogs shing mi chos kyi sbyin du re ste/ ngan song gi tshogs ba sogs pa yin no// gzhan yang nyams pa'i spyod pa ni gnas dang nyams pa'i spyod pa ni grong gseb tu gsang sngags spyod pa dang // mi nag gi sar spyod pa dang / dam tshig nyams shing med pa dang 'dres par spyod pa yin/ gsang sngags kyi rdzas skye bo yongs kyis mthong zhing cha yod par spyod pa ni/ dam tshig nyams par 'gyur ba'i spyod pa yin no// gtor rgyud chen po las/ dam nyams pa'i spyod pa bstan pa'i le'u ste nyi shu rtsa gnyis pa'o// // rdo rje sems dpa' gzhan yang dam tshig nyams pa'i snga rtags ni/ 'jig rten gyi khams 'dir yang mdze dang / shu ba dang / 'brum bu la sogs pa nang ngan pa sna tshogs 'byung ba dang / bgegs dang bsam sbyor ngan pa la sogs pa'i bar chad 'byung ba dang / mu ge dang yang ba sna tshogs nyams su myong ba dang / bu dang / chung ma dang / 'khor la sogs pa rnams dang bral ba dang / rgyal srid dang longs spyod pa la sogs

  117. 59b

    pa 'byor pa rnams mi rtag par 'gyur ba dang / rgyal po dang blon po la sogs pa'i bka' chad pa dang / na ba byung ba dang / mi yongs ma rangs par 'dzugs pa dag byung na de dag rgyal ba dang / lo phyugs mi legs shing yid du mi 'ong ba sna tshogs pa dag byung na/ nyams pa'i snga rtags yin pas gso zhing bskang ba'i cho ga bya'o// 'di dag nyams par ma tshor bar byung na yang / dus snga ma la nyams pa yin pas bskang gso'i cho ga la sogs pa dag bya'o// de dag skongs pa dang ngan song gi sdug bsngal nyams su mi myong ngo // gang dag nyams par gyur pa la rtags 'di dag mi 'byung bar/ slar log pa dag byung bar byed na yang / mnar med par skye bar 'gyur ro// de ci'i phyir zhe na/ mnar med pa las thams cad thon par mi 'gyur/ sdug bsngal gyi rgyun las ma gtogs par/ bde ba skad cig tsam yang 'jug pa'i skabs med pas/ phyi ma'i bde ba 'dir smin nas/ phyi ma phan cad la bde ba la spyad pa'i skabs med do// mnar med pa na shin tu nyon mongs pa la snying rje bar 'khod do// gang dag nyes pa 'dir 'byung ba rnams ni 'bras bu 'dir smin pas/ phyi ma la sdug bsngal mi 'byung ba'i tha tshig go// gtor rgyud chen po las/ nyams pa'i snga rtags bstan pa'i le'u ste nyi shu rtsa

  118. 60a

    gsum pa'o// // de nas kun tu bzang pos dam nyams pa'i skyon bstan pa 'di ched du brjod do// sku'i dam tshig rdo rje slo dpon dang / mched dang / lcam la ngan sems dang dpya sems tsam yang bskyed du mi rung na/ gnod pa dngos su byed pa dang / 'khu zhing bzlog pa dang / zang zing nor la brkam pa dang / 'thab cing rtsod pa lta smos kyang ci dgos kyi/ skra'i dam tshig nyams na sol du ma la ljon shing mi skye ba dang 'dra ste/ bskal pa gcig gi bar du sems can dmyal bar skye zhing // gzhan dge ba'i rtsa ba ci byas kyang phan pa med pa dang / gsung gi dam tshig sngags dang / phyag rgya dang / ting nge 'dzin par mi gcod do zhes byas nas/ khas blangs nas lo dang zla ba tsam las mdo long gi yun tsam gyi mi dran na/ sa bon mes tshig pa dang 'dra ste/ bskal pa gnyis kyi bar du sems can dmyal bar skye zhing / gzhan dge ba ci byas kyang phan pa med pa dang / thugs kyi dam tshig gsang ba'i man ngag gzhan la mi spel lo zhes byas nas/ dam nyams pa dang dam med pa dang / chos log par 'dzin pa mtha' dag la 'chad cing ya kar gtong ba dang / bka' stsal pa lta ci smos te/ thugs kyi dam tshig nyams na

  119. 60b

    bskal pa gsum du mnar med par ltung zhing / me tog sad kyis bsad pa dang 'dra ste/ gzhan dge ba ci byas kyang phan pa med pa dang / gsum ka nyams nas gzhi 'jig pa dang 'dra ste/ bskal pa dbeg gis mi lang bar dmyal bar skye ba dang / yan lag gi dam tshig nyams na shing ta la'i mgo bcad pa dang 'dra ste/ bskal pa chen por dmyal khams bco brgyad kyi sdug bsngal nyams su myong ba dang / dam tshig kun kyang nyams pa ni mi srid na/ nyams na gleng brjod las 'das so// de bas 'di skad bka' stsal to// dam tshig dam tshig gsungs pa yang // ma nyams bsrung na dam tshig yin// dam tshig bsrung bar rab dka' yang // thar pa rnyed pa shin tu nye// dam tshig nyams pa rab sla yang // dmyal ba'i spyod pa ya re cha/ blun pos de ltar mi rig pa// 'khor ba'i sdug bsngal bzod glags med// de skad ces bka' stsal pa dang / rigs lnga'i sangs rgyas la sogs pa/ ye shes chen po'i khyad par nyid las mi zhan pa'i 'khor dang / 'gro ba 'dul ba'i 'khor dang / thugs rje sprul pa'i 'khor la sogs pa/ 'khor phun sum tshogs pa thams cad shin tu hag sngags nas skrag cing 'dar te brgyal nas kha sbub tu 'gyel to//

  120. 61a

    gtor rgyud chen po las/ dam tshig nyams pa'i skyon bstan pa'i le'u ste nyi shu rtsa bzhi pa'o// // de nas rdo rje sems dpas de dag brgyal ba bslang ba'i phyir na 'di skad ces bya ba'i glu blangs so// stong pa shin tu yod med rnal 'byor mthu// nam mkha' nyid las dam tshig nye bar gsheg// bder gshegs rtogs bral ma lus bzhugs su gsol// rdo rje sems dpa' bskal bzangs bdag khyod dpal// 'di dag nyid du rgyal bas glu blangs nas// shin tu srid las ma lus 'das pa yang // shi bar gyur pa slar yang longs gyur na// yang dag srid la lha yis smos ci dgos// zhes bya ba'i glu blangs pas/ de ngag brgyal ba las slar langs so// de nas mgrin gcig tu bcom ldan 'das la 'di skad ces gsol to// e ma ho ngo mtshar rab 'byam gyi// sangs rgyas mdzad pa ngo mtshar dpal// gser skyogs dngul skyogs zhom pa bzhin// thugs rje che ba'i lha khyod kyis// 'dren pa'i thugs rjes gzung nas su// las kyi dbang du mi gtang bar// dus la bab pa'i 'phrin las kyis// dam tshig nyams pa bskang du gsol// de skad ces gsol pa dang / bcom ldan 'das

  121. 61b

    kyis bka' stsal pa/ dam tshig nyams pa 'di dag nyams pa sor gzhug pa'i thabs ni/ legs so legs so// de dag bskang ba'i thabs ma shes na/ phal cher nyams pa sha stag 'byung bas/ bskang ba'i cho ga bshad par bya ste/ sku'i dam tshig nyams na gnas su bskang ngo // gsung gi dam tshig nyams nA bdud rtsi bde ba chen po la sogs pa bsgrubs pa lan gsum du bskang ngo // thugs kyi dam tshig nyams na nam ting nge 'dzin las su rung bas bskang ngo // yan lag gi dam tshig/ nyams na tshogs dang gtor ma brgya rtsa brgyad kyis bskang ngo // de dag la yid gzungs su gzung la bskang bar bya'o// gtor rgyud chen po las/ dam tshig nyams pa bskang ba'i le'u ste nyi shu rtsa lnga pa'o// // de nas rdo rje sems dpa' la sogs pa'i sangs rgyas rnams la/ gtor rgyud chen po 'di bka' stsa la pas/ thams cad kun tu bzang po'i gtor ma'i rang bzhin du sangs rgyas par gyur to// gtor rgyud chen po rtsa ba'i rgyud i thi rdzogs so// / / gzhan la ma spe la gter du bcang // de nas kun tu bzang pos rnga sgra skye ba med pa'i don 'di ched du brjod do// hUM ti ra'i rnga chen 'di brdungs pas//

  122. 62a

    khams gsum ma lus dbang du sdud// ti ra'i rnga chen 'di brdungs pas// bdud kyi klad pa tshal par gshog/ ti ra'i rnga chen 'di brdungs pas// dgra bo'i mgo lus dum bu ra gtum// ti ri'i rnga chen 'di brdungs pas// bgegs kyi tshogs rnams rdul du rlog/ sti ra'i rnga chen 'di brdungs pas// ma maM mkha' 'gro bran du 'khol// sti ra'i rnga chen 'di brdungs pas// stong gsum chos sgra chen por sgrogs// lha rnams phrag dog cha ba la// shes rab yangs pa'i chos kyang ston// lha min khro gtum che ba la// shes rab nges pa'i chos kyang ston// mi rnams mngon shes chung ba la// shes rab rno ba'i chos kyang ston// byol song blun shing gti mug la// shes rab gsal ba'i chos kyang ston// yi dgas bkres skom nyen pa la// shes rab chog pa'i chos kyang ston// dmyal ba tsha grang nyen pa la// shes rab rtogs pa'i chos kyang ston// tsan dan dkar po'i rnga shing la// ba na glang dkar pos g.yogs byas la// gnod pa'i dgra bgegs zhi ba'i rnga// smar mo dag gi rnga shing la// stag lpags ser pos g.yogs byas la// tshe dang bsod nams rgyas pa'i rnga// seng ldeng dmar po'i rnga shing la//

  123. 62b

    stag lpags dmar pos g.yogs byas la// thams cad dbang du sdud pa'i rnga// 'brug mo tsher mo'i rnga shing la// mi lpags g.yang gzhi g.yogs byas na// gnod pa'i dgra bgegs bsgral ba'i rnga// rnga ni chos kyi dbyings kyi rnga// rnga the'u rig pa ye shes yin// rig pa ye shes dbyings la brdungs// dbyings dang ye shes byin brlabs las// chos kyi rnga sgra bsam yas kyis// stong gsum chos sgra chen po gang // 'dul ba'i thabs su so sor ston// 'dul ba mdo sde chos mngon dang // rang rgyal mdo sde la sogs pa// gang ltar 'dul ba bzhin du ston// de tshe gnas nas rab 'thon nas// thams cad gcig pa'i gtor ma bya// zhi ba la ni zlum po'i rnga/ rgyas pa la ni gru bzhi ste// zla gam dbang gi rang bzhin la// zur gsum drag po 'joms pa la'o// 'khor dang bka' nyan ci bgyi bran// yang bran yang sprul la sogs pa// rnga sgra drag pos las la btsud// ces ched du brjod pas// ma mo dpapal 'gro ci bsgo ba nyan cing khams gsum rnga sgra'i rang bzhin du sangs rgyas par gyur to// gtor rgyud chen po las/ phyag mdza'i le'u ste nyi shu rtsa drug pa'o// / de nas bcom ldan 'das kyis ji ltar snang ba sangs rgyas pa'i don ched du

  124. 63a

    brjod do// phyi nang snod bcud la sogs pa// sgro btags bus pas bzung ba rnams// phyin ci log tu rnam brtags kyang // grol ba thar pa'i lam du bstan// mya ngan 'das dang 'khor ba rnams// thams cad gcig pa'i rang bzhin no// dbyer med ngo bo nyid mnyam pas// byang chub nyid de lhung gnas med// thar pa'i lam ni log pa yin// log rtog gnyis med chos sgyu ste// log dang thar pa gnyis med pas// mnyam du bsgom pas lam du bde// bya ba med las thams cad byas// byed pa'i las kun de rtogs nas// de las de rtogs de mi 'byung // de bzhin byed med ma btsal zhog/ gang la gnas pa sangs rgyas yin// de tshe spangs nas don med pas// ma spangs nam mkha'i ngang du gnas// sgyu ma tsam las bltos ma yin// chos rnams gcig pa'i ngo bo las// tshig brjod mang pos yongs su bslad// don du 'tshams par bsgyur na// bu gcig ma smra bde bar mnos// yongs la khyab cing dog pa med// kun dang mi 'gal don dang mthun// rang sems chos nyid la rtogs nas// ci brjod sangs rgyas gsung yin pas// blo ldan bu gcig ci yod smos// 'tsham par gyur par lung las gsungs// gtor

  125. 63b

    rgyud chen po las/ lta ba chos nyid kyi le'u ste nyi shu rtsa bdun pa'o// / de nas bcom ldan 'das kyis rdo rje sems dpa' la sogs pa dbang bskur ba 'di ched du brjod do// rgyu dang 'bras bu la sogs pa// zhal nas gsungs pa thams cad dang // gsang ba'i gsang chen gsang mchog rnams// rna dbang yid la nyan par byos// o d+harma tsa kra hAM/ e ma slob ma blo ldan kun// rgyal ba rnams kyis gang gsungs pa// bla ma'i tshig las ma nor ba// snod dang ldan pa rnams la ston// oM d+harma tsakra phaT/ sngags dang phyag rgya la sogs pa// ma yengs rtse gcig ting 'dzin gyis// grangs tshad rtags rnams mngon gyur par// rnal 'byor gsang bas sgrub par gyis// oM At+mahUM sarba ye'u shud de hUM phaT/ rdo rje rgyal ba'i sku gsum 'chang // dbyer med ting 'dzin mi g.yo ba// thams cad kun gyis 'dren pa'o// ma lus rnal 'byor 'dren par gyis// oM badz+rI 'gu ru sa mA d+hi hU~M/ zhes bya/ de nas las rnams kun rdzogs pas// sngags dang phyag rgya la sogs pa/ las kyi bye brag la sogs dang // 'phrin las rnam bzhi kun byos shig/ oM badz+ra karma sid d+hi hUM/ zhal nas gsungs pa'i chos kun la// de ro bdag nyid dang 'dra

  126. 64a

    bas dang por thob pa'i dbang bskur bas// bdag dang 'dra bar las byos shig/ oM badz+ra ra dza sa re d+hA/ de rnams dbang dang dngos grub rnams/ brtan zhing chags par 'dod pa des// rgyal srid longs spyod sna tshogs dang // bu dang chung ma 'brel ba'i grogs// ci 'dod lus dang srog gi 'thung // bla ma la ni ma lus par/ gsog 'jog med par 'bul bar bya'o// de tshe dpag gis mi langs te// dbang bskur snang ba de bzhin du// yid la ci dgar dbang bskur na// mkha' la 'gro na bya bzhin no// 'phags pa'i sku dang tha mi dad// rgyal ba nyid kyang ji bzhin du// yid la bsam pas dbang bskur na// gzhan gyi las rnams smos ci dgos/ gang zhig dbang rnams ma thob par// gang zhig sngags rnams spyod byed pa// sa bon me yis tshig pa bzhin// 'bras bu med cing brlag par 'gyur// gtor rgyud chen po las dbang bskur ba'i le'u ste nyi shu rtsa brgyad pa'o// // de nas bcom ldan 'das kyis spyod pa chen po 'di brjod do// gtor ni thabs kyi rang bzhin las// ma ni shes rab rang bzhin te// thabs dang shes rab gnyis su spyod// gtor ni thabs kyi 'phro 'du yis// ma ni shes rab bsten pa'i sa// thabs

  127. 64b

    dang shes rab gnyis su spyod// gtor ni thabs kyi ye shes te// ma ni dbyings kyi shes rab pas// thabs dang shes rab gnyis su spyod// gtor ni yab kyi byang chub sems// ma ni yum gyi byang chub sems// thabs dang shes rab gnyis su spyod// ji ltar snang ba gtor ma la// gtor ma thabs dang shes rab kyis// thams cad spyad pas sangs rgyas rgyu// 'di ni spyod pa'i rgyal po'o// gtor rgyud chen po las// spyod pa'i le'u ste nyi shu rtsa dgu pa'o// // de nas ye shes rgyal pos bsgral ba'i zhing bcu ni/ thugs rje gzung ba 'di ched du brjod do// e ma/ gtor ma'i zhing khams 'di dag na// ma rungs zhing bcu 'byung srid de// mig ni 'khrul 'khor yongs su lta// kun la gnod cing chom rkun byed// dkon mchog gsum gyi lam bkag nas// ngan song gsum gyi sa bon 'debs// bdag dang slob dpon mched kyi dgra// nyams dang dam las log pa dang / 'khus dang bar chod byed pa dang // mtshams med lnga dang gsod la brtson// ye nas ngan pa'i ngang tshul can// / de dag bsgral bar bya ba'i phyir// pho nya phyag brnyan la sogs rnams// mngon sum dran par spros nas kyang // de tshe khugs par bsams nas kyang // ram yam kham gis

  128. 65a

    bsregs sbyangs nas// ris drug skye bo snying po las// yi ge dpa' bo 'bru lnga'i sa// cho ga rnams gsum 'phro 'du las// ngan song 'khor ba'i sgo bkag ste// lha yi dkyil 'khor gsal bar bskyed la// ye shes lnga yi phyag rgya yis// rnam shes hU du bsdus nas kyang // a dang oM gyi 'phro 'du las// phaT kyi byin brlabs drag po yis// 'og min bla med gnas mchog tu// sbyor ba'i lhums su 'phangs nas kyang // rgyal ba'i sras su bskyed nas kyang // 'khor bar mi ltung sgo bkag nas// thar pa'i gnas la dgod par bya'o// phung po gtor ma'i rdzas su spyad// mkha' 'gro la sogs gzan du bor// kun gyis zos par bsams nas kyang // rtags ma phyin par mi gtang ngo // tha na lan bdun byas pas kyang // sgrol bar 'gyur te the tsom med// de tshe gzhag na don med do// gtor rgyud chen po las/ thugs rjes gzhan sgrol ba'i le'u ste sum cu pa'o// // de nas ye shes rgyal pos gnyis su med pa'i sbyor ba 'di ched du brjod do// gtor ma la sogs gsang sngags kyi// yum gyi mtshan nyid bstan pa ni// mtshan ldan tshul dgur shes pa dang / rigs dang kha dog dbyibs la sogs// shes rab//

  129. 65b

    mtshan mchog tshang ba rnams// rgyal rigs rje'u rigs bram ze'i rigs// dmangs rigs gdol pa la sogs pa// gang dag rnyed pa'i yum mchog ste// g.yon phyogs gnas la tshul bzhin du// mkha' gsang rnam gnyis byin brlabs nas// byang chub sems kyi 'phro 'du las// bsnyen pa dang ni nye bsnyen pa'o// bsgrub pa dang ni bsgrub chen po// mkha' dbyings sangs rgyas dkyil 'khor la// gnyis med bde ba'i dgyes pa bstim// de tshe mchod pa rgyun med dbul// dngos grub la sogs gang 'dod pa// byang chub sems dpas sgrub cing blangs// 'di ni gnyis med sbyor ba'i mchog/ gtor rgyud chen po las// sbyor ba'i le'u ste sum cu rtsa gcig pa'o// / / de nas ye shes rgyal pos bsgrub pa chen po 'di ched du brjod do// gtor ma la sogs gang bsgrub kyang // dang po phun sum ldan pa'i gnas// yid 'ong gzhung ngu 'thun pa ru// dkyil 'khor lha yi bzhugs gnas bzhin// bris te bsgoms sam gang yang rung // goms pas yid kyi gsal bskyed nas// sman dang gtor ma la sogs pa// bdud rtsi'i lung dang gtor ma'i lung // de bzhin rtogs nas de brlabs nas// dkyil 'khor gnyis pa rim pa bzhin// spyan drangs mchod phul tshogs

  130. 66a

    drangs nas// sgom dbyangs yi ge 'bru brgyad bzlas// rtags dang mtshan ma byung ba'i bar// rgyun ma chad par bsnyen cing bsgrub// rab kyis nyin zhag gcig gis 'grub// 'bring gis lo dang zla bas 'grub// tha ma lo zla tshun chod kyis// 'grub 'gyur 'di la the tsom med// thams cad dkyil 'khor mthong ba dang / lha mo'i gzugs dang sgra snyan dang // mkha' 'gro la sogs ma tshogs kyis// mngon sum gtor ma len par byed// gzhan yang mtshan ma sna tshogs ston// de dag mthong dang grub pa'i tshe// myur bar dngos grub mchog tu blangs// de tshe g.yel na don med par// bgegs dang bar chod byed la sogs// drag po'i gtor mas bzlog par bya'o// gtor rgyud chen po las/ gtor ma bsgrub pa'i le'u sta sum cu rtsa gnyis pa'o// // de nas ye shes rgyal pos rnal 'byor yongs la phan gdags pa'i phyir/ man cha tshogs kyi mchod pa 'di ched du brjod do// tshogs dang gtor ma la sogs pa// rnal 'byor mchog gi longs spyod de// ma nyams thabs kyis de brjod pa// gsang sngags che ba'i rgyal po yin// zhes bya ste/ tshogs la yang rnam pa gsum ste/ skal ldan mi'i tshogs dang / dga' ldan lha'i tshogs dang / 'byor

  131. 66b

    ldan yo byad kyi tshogs so// de la skal ldan mi'i tshogs ni/ lta spyod mthun par bsdebs pa'o// dga' ldan lha'i tshogs ni/ lta ba dam tshig dang ting nge 'dzin du ldan pa'o// 'byor ldan yo byad kyi tshogs ni/ rkyen dang / longs spyod dang / rdzas dang / yo byad du ldan pa'o// de la dang por 'byor pa che chung dang rtsol 'phang mthon dman gyis rgyu byas/ rtogs pa che chung dang dgongs pa yod med kyis rkyen sbyar/ las 'phro bzang ngan dang go rim che chung gis mchod pa phul nas dam la gnas pa dang / tshul du shis pas longs spyod cing thugs dam bskangs/ snod ldan sgom sran che bas dngos grub blangs/ klong du gyur cing don dang ldan pas longs spyad/ de 'gro ba yongs la phan pa dang las la yongs su gzud pa'i phyir phan pa'i lhag mas gcig tu bsdus te yongs la khyab par gtong ba ni tshogs kyi gtor ma'o// gtor rgyud chen po las/ tshogs kyi gtor ma'i le'u ste sum cu rtsa gsum pa'o// // de nas tshogs kyi longs spyod dag/ 'jig rten khams na yod pa kun// lha yi longs spyod rkyen yin pas// 'byor pas bshams la 'bul bar bya'o// de la dang po tshogs drang ba yin/ rol mo dang rgyun gyi sna drangs/ dri bsung dang spos kyi ngad sbyar/ me tog dang gzugs kyi rgyan bkram

  132. 67a

    nas/ dang po tshogs zhing spyan drang ba 'di skad do// hUM gzhal las rang bzhin dam pa 'dir// bka' dang 'thun pa'i rdzas mchog bkram/ gzhung las 'byung ba'i dkyil 'khor bkod// rgyud las byung ba'i gtor ma bzhag/ lung las byung ba'i sman stsal te// bde gshegs dkyil 'khor spyan drangs te// byon bzhugs bdag cag mchod 'bul na// dmigs pa bzhin du bzhes su gsol// bskul ba bzhin du thugs dam skongs// bstabs pa bzhin du zhal du gsol// bcol ba bzhin du 'phrin las mdzod// zhu ba bzhin du dngos grub stsol// zhes brjod pas/ 'byor pa tshogs kyi mchod pa drangs la khro bo bcu'i sngags kyis mtshams gcad nas/ dang po rdo rje dbyings kyi lha mo dkyil 'khor gyi lha la mchod par bya ste// de la mchod pa rnam pa bzhi las/ dang po phyi'i mchod pa sna tshogs las/ hUM badz+ra lA s+ya sa ma ya s+t+waM du gyur/ de las lha mo lA s+ye ma khu tshur 'gying ba'i mchod par gyur nas/ shar phyogs rdo rje'i rigs nas lho la lha thim pa'i tshogs kyis mchod par gyur to// de nas yang mchod pa'i tshogs las/ traM mA le sa ma ya ho tA gyur/ de nas lha mo rin chen 'phreng gi mchod par gyur nas/ lho'i phyogs rin chen rigs nas lha

  133. 67b

    la lha thim pa'i tshogs kyis mchod par gyur to// de nas yang mchod pa'i tshogs las/ hri gI ra tir ho ya ham du gyur/ de las lha mo pi wa nga rgyud kyi mchod par gyur nas/ nub phyogs pad+ma rigs nas lha la lha thim pa'i tshogs kyis mchod par gyur to// de nas yang mchod pa'i tshogs las/ aHnri ti rA ho ya mir gyur/ de las lha mo bskyod papa gar gyi mchod par gyur nas/ byang phyogs las kyi rigs nas lha la lha thim pa'i tshogs kyis mchod par gyur to// de nas nang gi mchod pan/ tshogs kyi mchod pa las dzaHd+hU pa pra be sha/ hU pus pa A be sha/ baM ti ba su ka/ ho gan+d+ho tsit+ta las gong ma bzhin du lha mo bzhi'i skur gyur nas/ mtshams bzhir tshogs kyis mchod par gyur to// de nas gsang ba'i mchod pa ni// tshogs kyi mchod pa las/ badz+ra ang ku sha dzaHpA sha hU/ s+pho Ta ba g+han+te hor gyur// de las tshad med pa'i lha mo bzhir gyur nas/ sgo bzhir tshogs kyis mchod par gyur to/ 3/ de nas rab tu gsang ba'i mchod pa ni/ tshogs kyi mchod pa las// mo ha ra ti la sogs pa drug tu gyur/ de las lha mo drug gi skur gyur nas/ dkyil 'khor gyi mgo gzhug tu tshogs kyi mchod par gyur to// de las gzhan yang mchod pa'i lha mo ci 'byor pas mchod //

  134. 68a

    de nas 'bar ba'i dkyil 'khor la tshogs kyi mchod pa ni// bsgral ba'i zhing bcu dgug par byas la/ tshogs kyi brtan la bstim la/ de dag dgug pa'i pho nya gtang ba 'di skad do// hU/ bskal pa me ltar 'bar ba'i dkyil 'khor nas// rngam pa'i nga ro khro bo'i skur byung ste// drag shul las kyi pho nya'i tshul ston pa/ gtum chen rab brjid khro bo bcu la sogs// rnam par rgyal dang dbyug sngon can// gshin rje gshed dang mi g.yo mgon// rta mgrin dpal dang 'dod pa'i rgyal// bdud rtsi 'khyil dang stobs po che// khams gsum rgyal dang hUM kA ra// pho nya phyag brnyan nyi shu las// dam tshig nyams pa 'dir khug la// pho nya mang pos nam mkha'i skar ltar khrom// 'gugs byed mang pos b.rar+ya snang sprin ltar gtibs// phyag brnyan mang pos mkha' lnga char ltar phob// mgyogs byed mang pos par snang glog sbyar rgyug/ za byed mang pos khyi spyang tshogs ltar rol// gsod byed mang pos bya khra'i gzan ltar chum// 'dzin byed mang pos chu srin kha ltar gyes// sdom byed mang pos phyag rgya'i tshogs ltar sdoms// gang la dmigs par bya ba'i rnam shes drongs// dam bzhin khug la tshogs kyi rten la stim// ang ku sha dzA dza/ zhes brjod pas

  135. 68b

    'gro ba rigs drug gi rang rang gi snying po gang yin par drangs la/ tshogs la stims la raM yaM khaM gis bsregs sbyangs tshul bzhin byas nas/ g.yas pa ya man ta ka'i sku las muM las 'jam dpal ral gri rnon por bas ma la/ bsgral ba'i tshig bshad 'di skad brjod do// g.yas pa ya man tA ka ste// gsod pa'i las la shin tu brtsom/ 'jam dpal ral gri rnon po yis// mi shes sgrib pa'i dra ba bcod// 'jam dpal rnon po dpal gyi zhing // byams dang snying rje'i go bgos te// ral gri ut+pal so 'dra bas// ma rig pa yi sbubs bcom ste// 'khor ba'i dra bas rgyud bcad nas// dug kyang ye nas sman du mdzad// 'di ni zhe sdang rnam par dag/ gsad pa 'ba' zhig las su rung // snying rjes bsgral ba'i dam tshig yin// pra be sha phaT/ ces brjod la/ bsgral ba'i bsam rgyud tshul bzhin du byas la/ 'jam dpal gyis gtubs/ la/ dang po phud dang / rnam par shes pa dang / phung pos thugs dam bskang zhing // dngos grub gsol bas 'di skad do// hU/ khrag 'thung chen po'i dkyil 'khor nas/ 'jigs byed khro bo'i skur ston pa// dpal chen sku dang yum chen sku// gnyis med sbyor ba'i byin brlabs nas// ke'u ri'i tshogs dang 'phra men tshogs//

  136. 69a

    sgo ma'i tshogs dang spor ma'i tshogs// mkha' 'gro dbang phyug pho nya'i tshogs// ma bdun sringad bzhi'i ging chen tshogs// phung po dpal chen tshogs la dbu la// dpal chen thugs dam skongs gyur rtsig/ blugs dam skongs nas dngos grub sngo la// 'byung ba yum chen tshogs la dbu la// rnam shes ke'u ri'i tshogs la 'bul// yul ni 'phra men tshogs la 'bul// yan lag spro ba'i tshogs la 'bul// sgal tshigs dbang phyug tshogs la 'bul/ rus pa mkha' 'gro'i tshogs la 'bul// khrag ni ma sring tshogs la 'bul// sha ni pho nya'i tshogs la 'bul// srog ni ging gi tshogs la 'bul// lhag ma 'khor du gtogs la 'bul// khyod kyi thugs dam skongs gyur nas// phul ba'i dngos grub stsal du gsol// de nas phyis 'byung bar byed pa'i sku la sngo zhing bar du gcod pa'i dgra dang bgegs dag 'byung srid pas// de dag tshul de bzhin du bstabs shing dbul bar byas te 'di skad do// hUM/ dpal chen 'khor tshogs la sogs dang / ci bgyi bka' nyan pho nya'i tshogs// bran dang yang bran g.yog dang g.yog/ sprul pa yang sprul la sogs rnams// zas su gtsang sme med par za//

  137. 69b

    skom du kha mngar med par 'thung // bang ni ri lung med par rgyug/ maM sa za zhing bdud khyim 'joms// gsod la brtson zhing za la dga'// khrag la dga' zhing gsur la snom// sha la za zhing rus la rol// nyams pa len cing bsgrub la brtson// phyis 'byung dgra bgegs phung po 'di// ma bstabs par du ba zhes mi mkhyen// dpal la bstabs pas mtshan ma ba zhes// yu la bstabs pas dngos po bzhes// sras la bstabs pas rnam shes pa zhes// 'khor la bstabs pas gzugs phung ba zhes// chom dza dza dza yis dbang du bsdu// kha kha kha yis zhal du gsol// kha raM rak+ta/ kha raM tra ga sha/ kha raM smig ta zhes brjod pas dgos pa rnams bstabs so// de nas gnyis med longs spyod rnams// sku gsum tshul du gnas pa yis// 'khor dang bran du bya ba'i phyir// zhal chababs phabs la sogs btsal// sngon tshe nga la khas blangs bzhin// rdo rje dam mnos khaMs blangs yin// rang bzhin gnas nas srid byung gnyis// go rims shes par 'di bgyis la// sprul pa'i dkyil 'khor gsal bskyed nas// bran la sogs pa de bzhin du// gom pa bdun cu'i phyi rol du// srin po'i

  138. 70a

    za lam spags pa la// las rnams bcol la smon lam btab// las dang 'bras bu brtsam pa kun// bsam pa kun tu 'grub mi 'grub/ 'gro don tsam du gdab par bya// yang dag don la de dag med// de nas las bcol yongs la sngo// phyogs bcu kun tu khyab par gtor// gtor ma gsum gsum gtang ba'i rim// dang po mi zad gter du sba// bar pa bsreg rdzas lugs su dbul// tha ma stong khams khyab par gtor// gtor rgyud chen po las// tshogs kyi mchod pa'i le'u ste sum cu rtsa bzhi pa'o// // de nas rdo rje sems dpas 'di skad ces gsol to// bcom ldan 'das yab kun tu bzang pos mi mkhyen dgu mkhyen pa dang / sum kun tu bzang mos mi gzigs dgu gzigs pas/ tshigs dang gtor ma la sogs te/ ji skar snang ba'i chos 'di thams cad dang po nas jisar lags/ 'khrul pa ji ltar bsal// da ltar chos thams cad ji ltar nas// gnas 'khrul pa ji ltar gnas// phyis ji ltar chos thams cad 'gyur/ 'khrul pas ji ltar 'gyur bar lung bstan du gsol/ yab ces lung bstan du gsol// bcom ldan 'das kyis bka' stsal pa/ sems dpa' chen po ji ltar snang ba'i

  139. 70b

    chos thams cad sus kyang ma byas// ma bcos/ ma skyes/ mi 'gag/ skye ba med pa yin pa la/ 'khrul pas rgyu 'bras dang chags 'jig tu snang ngo // da ltar chos thams cad mi dmigs mi g.yo ba'i rang bzhin las/ 'khrul pas nga dang / gzhan dang / phyi nang snang du snang ngo // phyis chos thams cad mi 'pho mi 'gyur ba'i rang bzhin la/ 'khrul pas bzang ngan che chung dang / phyogs ris skye shir lta ba 'di lta ste/ sangs rgyas dang sems can thams cad kun tu bzang po nga nyid du gnas pa las// su yang ma yin/ su yang mi gnas/ su yang mi gsungs/ sus kyang ma bstan/ 'khrul pa la la ni ston pa kun tu bzang po sems nyid kyi klong na bzhugs pas/ a ti yo ga'i theg pa lung bstan du gso la zhes zer to// 'khrul pa la la ni kun tu bzang mo'i mkha' la// kun tu bzang po'i rdo rje'i yid bzhugs pas// a nu yo gzhi theg pa lung bstan du gsol zhes zer ro// 'khrul pa la la ni btsun mo'i b+ha ga la/ ston pa rdo rje sems dpa' bzhugs pas/ ma hA yo ga'i theg pa lung bstan du gsol zhes zer ro// 'khrul pa la la ni rin po che dang rdo rje'i gnas na/ ston pa rnam par snang mdzad bzhugs pas/ yo ga'i theg pa lung bstan du gsol zhes

  140. 71a

    zer to// 'khrul pa la la ni ri rab kyi zom la/ rdo rje 'dzin pa bzhugs pas/ kri ya'i theg pa lung bstan du gsol zhes zer to// 'khrul pa la la ni bya rgod spungs pa'i ri la/ shAkya thub pa bzhugs pas/ mtshan nyid kyi theg pa lung bstan du gsol zhes zer to// de bzhin du la las rigs lnga'i 'khor du mthong // la las rigs lnga dang byang chub sems dpa'i 'khor du mthong / la las byang chub sems dpa' dang lha'i 'khor du mthong / la las byang chub sems dpa' dang lha ma yin gyi 'khor du mthong / la las byang chub sems dpa' dang nyan thos kyi 'khor du mthong / la las chos thos par mthong // la las chos thams cad ma thos par mthong / la las 'gro ba'i rigs tha dad par mthong / la las bde sdug gi so sor snang bar mthong // de ltar mthong yang de ltar ston cing de ltar 'byung ba ni gang yang med do// de ci'i phyir zhe na/ skye ba med pa las skye ba'i tshul du 'byung ngo // gzhan yang la la ni nyan thos rnams kyis bsdus pa mthong ste/ de yang grangs bsam gyis mi khyab par mthong ngo // la las byang chub sems dpa' rnams kyis bsdus par mthong ngo // de yang rigs

  141. 71b

    bsam gyis mi khyab par mthong ngo // la las ni rigs lnga rnams kyis bsdus par mthong ngo // de yang rigs bsam gyis mi khyab par mthong ngo // la las kun tu bzang po nyid kyis bsdus par mthong ngo // de yang rigs bsam gyis mi khyab par mthong ngo // de ltar mthong yang ston pa med// sdud pa med// bsdus pa med// mthong ba med do// ma mthong ba yang med do// de ci'i phyir zhe na/ skye ba med pa la cho 'phrul 'byung yang ma g.yos pa'o// gzhan la las bstan pa gong du 'byung ba mthong ngo // la las ci yang ma mthong ngo // la las bstan pa rab tu 'byung ba mthong ngo // la las ma mthong ngo // la las bstan pa phyis 'byung bar mthong ngo // la las ma mthong ngo // la las shog shog dkar po snag tsha nag pos bris nas/ gtsug lag khang chen po na bzhugs shing spyod par mthong ngo // la las ma mthong ngo // la la ma thos so// la las grong khyer du glegs bam du bzhugs nas mchod cing spyod par mthong ngo // la las ma mthong ma mchod do// la las bstan pa phyir 'byung bar mthong ngo // la las ri rab kyi rtse nas rin po ches bris nas mchod gnas sgom zhing spyod par mthong ngo // la las ma mthong ma bsgoms so// la las rgyal

  142. 72a

    po'i khang stengs su bsgoms nas bsgrub cing spyod par mthong ngo // la las ma mthong ma bsgrubs so// la las ni dur khrod chen po nas bsgrub nas go zhing spyod par mthong ngo // la las ma go ma mthong ngo // la las ni gser gyi glegs bam la rin po che ba zhu bas bris nas/ ko sha'i mdzod nas go nas rtogs shing spyod par mthong ngo // la las ma mthong ma rtogs so// de bzhin du la las rgyu 'bras su mthong ngo // la las bzang ngan du mthong ngo // la las phyi nang du mthong ngo // la las mtho dman du mthong ngo // la las rgyu 'bras la sogs pa gang du yang ma mthong ma rtogs so// de ltar mthong yang de gang du yang bstan cing phye ba med pa'o// de ci'i phyir zhe na// chos nyid la bzang ngan du ma gsungs pa'o// gzhan la las 'phags pa gang zag 'phags pa'i khongs su gtogs pa rnams bshad cing bstan par mthong ngo // la las gang zag 'phags pa'i zhal mthong ba rnams kyis bshad cing bstan par mthong ngo // la las gang zag 'phags pa'i dngos grub thob pa rnams kyis bshad cing bstan par mthong ngo // la las gang zag 'phags pa dang tha mi dad pa rnams kyis bshad cing bstan par mthong ngo // la

  143. 72b

    las gang zag 'phags pa'i sprul pa nyid kyis bshad cing bstan par mthong ngo // la las 'phags pa dang gang zag gnyis kyis bshad cing bstan par mthong ngo // la las de gang yang ma mthong ma bshad do// de ltar mthong yang skye ba med pa'i don la che chung dang bzang ngan du bstan pa gang yang med do// de ci'i phyir zhe na/ chos thams cad rang gi byang chub sems su gcig pa las/ gzhan gang du yang bstan pa med do// sems dpa' chen po de bzhin du gcig pa las/ dper na nam mkha'i sprin 'khrigs pa bzhin du/ 'khrul pa'i sems kyis gcig la gcig sgribs par byed do// gcig la gcig gnod par byed do// gcig la gcig smod par byed do// de dag kyang 'di lta ste// chos gcig la 'jig rten pa'i chos dang // mya ngan las 'das pa gnyis su 'dzin par spyod do// de gnyis su gzung bas mu stegs pa la sogs pas sangs rgyas kyi bka' las log par gol ba sha stag 'byung bar byed do// de'i tshe sangs rgyas kyi bstan pa lnga brgya phrag bdun du gnas pa las/ lnga brgya dang po mu stegs kyi dgras/ rgyu'i chos d+ha ra ma glegs bam thams cad me dang chu la sogs pas med par byed cing / bstan pa

  144. 73a

    la dgra lan gsum 'byung bar byed do// des bstan pa 'di rgya gar yul du phyogs gcig nub par 'gyur ro// de nas bram ze rigs dag gis skye bas thogs pa dang // rgyal khams gzhan dag las phal cher bsdus nas// cung zad gcig rgyas shing 'phel bar byed do// de tsam nas gsang sngags 'bras bu'i glegs ba ma rnams ni/ me dang chu la sogs pa rnams kyis tshig cing rul bar ma gyur te/ sa'i gter dang rin po che'i sgrom gcig na sbas te gsang zhing gnas par byed do// de la sngon gyi las kyis 'jug pa gsang nas spyod pa rab cig ni/ phyag rgya chen po'i rig 'dzin du sangs rgyas pa tshom bu brgya dang stong 'byung bar byed do// log pa'i phyogs kyang mang du sgyu las byung ste/ nad dang / mu ge dang / ma rungs pa dang / dmyal bar skye ba yang sha stag 'byung bar byed do// lnga brgya gnyis pa las rgyu'i chos dar bar gyur te/ ring bsrel dang gtsug lag khang bstan pa'i dge ba kha cig kyang spyod par 'gyur ba dang / rgya gar yul dang / u rgyan dang / kha che dang / li dang bong yul la sogs pa rnams su yang sngon smon lam las rgyal po dad pa can shas kyang 'byung bar 'gyur la/ rgyal khams kyi skad mi mthun pa mtha' dag tu yang / rgyu'i

  145. 73b

    chos dar bar byed pa'i lo tsa ba shas kyang 'byung bar 'gyur ro// de tsam na sngags 'bras bu'i chos mtha' dag rgya gar yul gyi gnas gsum po dag na slob dpon ye shes sems dpa'i sprul pa dag gis// gnas gsang ba na dar cing spyod par byed do// blo rtsal dang ldan pa gcig gis 'gas 'phrigs shing sangs rgyas par 'gyur ro// de'i tshe rgyal khams su 'khrug pa dang / rims nang dang / mu stegs kyi rgol ba bdud kyi bar chad kham cig 'byung bar 'gyur ro// de nas lnga brgya gsum pa la/ dpal chen po'i thugs kyi ye shes kyi sprul pa gcig la/ u rgyan gyi yul du byung nas/ de nas gsang sngags 'bras bu'i chos kyi glegs bam du bzhugs pa dang dbang mi za ba'i rgyud kyi rim pa gnas nas// u rgyan dang / za hor dang / bal po dang / li la sogs pa'i rgyal khams drug tu grags shing 'phel bar 'gyur te/ de'i tshe chos spyod pa rnams kyis mu stegs dang log pa'i phyogs la sogs pa tshar gcod pa dang / bdud dang srin po thams cad gtor ma'i dam la 'dogs pa dang / thams cad kyang rtsa ba'i gtor ma 'di dang du len cing tshom bu'i rigs kyi bu bsam gyis mi khyab pa kun/ tshe lo grangs bsam gyis mi khyab par gyur cing / pho dang mo'i rigs lus ma

  146. 74a

    khor bar phyag rgya chen po'i gnas su sangs rgyas par 'gyur ro// de'i tshe dus bzang zhing rgyal khams yongs su legs pa 'byung zhing / nyes pa sna 'ga' tsam yang mi 'byung bar gnas par 'gyur ro// de nas yang bal po'i yul du zab cing rgyas par gyur te/ de dag kyang grub pa thob pa de bzhin no// de nas lnga brgya bzhi ba la 'dul ba'i sha sa phran tshogs dar bar 'gyur la/ mu stegs dang sangs rgyas kyi bka' gnyis lo nyis brgyar ris su bzung nas spyod par 'gyur ro// lo sum brgya la mu stegs dar nas/ sangs rgyas kyi bstan pa phyed sha sa nub par byas te/ 'jig rten gyi 'dre srin mang bar 'phel te/ rgya gar gyi yul na glegs bam gyi chos rnams/ rgya nag gi yul rnams su 'gro zhing / de'i tshe rgyal khams thams cad mu stegs nag po'i las kyis bod yul dang mon la sogs pa'i yul gyi ru mtshams rnams 'bye zhing 'khrug pa dang / yul 'pho 'jug gi las dang sdug bsngal lo brgyar yang gnas par 'gyur ro// de nas lo bzhi brgya la/ sa'i byang chub sems dpa' rnams kyi sprul pa las chos skyong ba'i rgyal po dang / 'phags pa'i khongs su gtogs pa'i gang zag rdzu 'phrul ya ma zung dang ldan pas/ mu stegs

  147. 74b

    rtag chad kyi lta ba sun phyung zhing btul lo// de'i tshe mu stegs kyi bstan pa nub cing / sangs rgyas kyi bstan pa 'phel bar byed do// de nas lo lnga brgya la dad pa can dang skad 'gyur mkhas pa lo tsa mang du byung nas/ sde snod kyi chos mang pos khyab cing rgyal khams yongs su mtha' dag tu dar zhing rgyas te/ glegs bam la sogs pa sde mang po mchod cing bkur sti byed par 'gyur ro// yul brta ni nas/ u rgyan dang / sing ga dang / bod yul la sogs pa rnams su rgyas shing 'phel lo// de nas lnga brgya lnga pa la/ dang po brgya la gtsug lag khang dang smra na spyad la sogs pa byang chub sems dpa' rnams kyis rgyas shing 'phel lo// lnga brgya gnyis pa la rgyal khams yongs su khang khyim dang / sde dang / ris dang / khrims dang / bcas gzhi 'phel lo// brgya gsum pa la che chung dang bzang ngan du 'phel lo// chos mdo sde dar te/ dge sdig gi don la yid ches pa'i rgyal po dang / blon po grangs kyis byung nas/ dad pa dang bsnyen bkur gyis bsod nams dang tshogs skyed pa sha stag gnas so// de tsam yan chad du gsang sngags gtor ma'i chos rigs 'dzin rnams kyis spyod cing / lha ma srin las 'phro dang ldan pa sha stag dam la 'dogs

  148. 75a

    shing / gnyan zhing mthu byin dang ldan par spyod par 'gyur ro// de nas brgya bzhi pa la shrI nA len+d+ra dang / rdo rje gdan la sogs pa rgya gar yul dang / kha che dang / li dang / u rgyan la sogs pa gnas khyad par can du/ gang zag khyad par can gyis grub pa khyad par can sngags 'bras bu'i sgo nas thob pa sha stag 'byung ste/ dngos grub thob pa dang / 'phags pa'i lam zhal mngon sum du mthong ba dang / yid ches shing mthar phyin par 'gyur ro// de nas brgya lnga pa la/ biN+Di ta lnga brgya la sogs pa 'phags pa nyid du bzhugs pa rnams las 'phro dang ldan pa la zab cing rgyas pa'i phyir/ bzhugs dang thabs dang sder 'khod nas/ dad pa can dang mchod gnas kyi rten du gnas so// de nas lnga brgya drug pa la/ byang chub sems dpa'i rgyal po bco brgyad byung nas/ rgyal khams bco brgyad dang / gsang sngags 'bras bu dAr bar 'gyur ro// de las bod kyi rgyal po byang chub sems dpa' dad pa dang thugs dam bcas nas/ bod kyi rgyal khams su gsang sngags 'bras bu'i chos dar zhing rgyas par 'gyur ro// de tsam na grub pa thob cing sangs rgyas pa rgyal khams mtha' dag tu 'byung bar 'gyur ro// sngar

  149. 75b

    grub pa thob pa dang / phyis grub pa thob pa rnams kyis g.ya' ri dang / gangs rgyud drug pa dam la btags nas gtor ma byin te/ gsang sngags 'bras bu'i chos spyod pa'i bsrungs mar khas 'ches so// rgyal khams kun tu yang bde ba 'phel zhing nyes pa shas tsam yang mi 'byung ngo // de nas lnga brgya bdun pa'i tha ma la// brgya dang po la gsang sngags spyod pa'i paN+Di ta mkhas pa mang du byung ste/ log pa'i chos dang / mu stegs la sogs pa sun phyung ste/ gtan du sangs rgyas kyi bstan pa la rgol ba'i skabs med par 'gyur ro// sngags 'bras bu'i chos las kyang lung dang man ngag gi phyogs thams cad du rgyas shing 'phel bar byed do// de la grub pa thob pa dang // mthu byin dang ldan pa grangs kyis mi lang ba 'byung bar 'gyur ro// de nas brgya gnyis pa la/ rgyal po chos nyid la mi phyogs pa dang / blon po phrag dog can gyis dbang sgyur te/ gsang sngags kyi chos dbang yod pa dang / thabs mkhas pa 'ga' tsam gsangs nas spyod/ gzhan skyod du mi gter zhing / gsang sngags dbyibs dang gi tsug lag khang gi ka ba la sogs par sbas so// de'i dus su rgyal khams su mi bde ba dang / snying rje med par

  150. 76a

    gcig la gcig gsod pa dang / rje kho la dang che chung gi rim pa med par gsod cing sprug pa dang / gnas nas bton pa la sogs pa'i mi bde ba'i sdug bsngal sna tshogs pa'i nyams su myong zhing // rgyal khams sil bur 'chad par 'gyur ro// de nas brgya gsum pa la/ rgyud dang lung sde gnyis su chad de/ rgyud kyis lung bsubs te/ rgyud kyi chos bdal ba chen por spyad/ thams cad yongs su dam la btsud de dar zhing rgyas par spyod na/ lung bsubs pas sngon pas mthu byin chung la/ 'bras bu'i chos la bzhugs pas rgyal khams kun cung zad cig bde zhing // rtsa ba'i gtor ma 'di don rtogs ma rtogs kun spyod par 'gyur ro// rgyud nyid kyang rigs gnyis su 'dzin cing // gcig la gcig skur pa 'debs te/ dam las nyams pas mthu byin med par/ khye'u shang dang gsar bu'i bsdebs pa'i chos mang bar spyod par 'gyur ba'o// de nas brgya bzhi pa las mthu byin chung med pas ma rungs pa dag 'byung la/ rgyud dang mdo sder chad nas/ mdo sdes rgyud btubs te sngon gyi zab cing rgya che ba'i bka' rgyud la sa/ gzhan ni sangs rgyas kyi bka' min zhes sgro 'dogs par byed do// de la mtha' khob pa'i rgyal po dag kyang rgyu'i chos dar bar che ba 'byin la/ 'bras

  151. 76b

    bu'i chos nub par sgro 'dogs pa de'i dus na 'khrug pa dang rims nang mang bar 'byung zhing / mu ge yang skabs skabs su 'byung bar 'gyur ro// de rnams kyang dus ma yin par 'chi ba ltas ngan pa dag 'byung bar 'gyur ro// de nas brgya lnga pa la// mdo sde nub nas 'dul ba shas 'byung ste/ byang phyogs kyi rgyud du dar bar 'gyur ro// de tsam na gsang sngags 'bras bu'i chos ni/ gang zag gcig gam 'ga' spyod par 'gyur te/ de'i 'bras bu'i go 'phang mi zhan pa thob par 'gyur ro// de tsam na rtsa ba'i gtor ma 'di las// dus dang / gnas skabs dang / gang yang 'gyur ba med do// de ci'i phyir zhe na// chos thams cad chos nyid las ma g.yos 'dus ma byas pa'i gtor ma las gzhan gang du yang 'gyur ba med pa'o// gtor rgyud chen po las// bstan pa dar nub kyi le wu ste sum du lnga pa'o// de nas rdo rje sems dpas 'di skad ces gsol to// bcom ldan 'das chos thams cad gtor mar 'dus la/ gtor ma rang bzhin ma g.yos pa las/ de ltar snang zhing 'gyur ba la snang zhing 'gyur tsam na/ gtor ma chos nyid las ma g.yos pa lags na/ gtor ma chos nyid nyi tshe'i bstan pa yul gang dang gang du rtag tu 'byung

  152. 77a

    dar ba dang / nub pa dang / legs nyes mchis sam ma mchis/ bde bar gshegs pa lung bstan du gsol/ bcom ldan 'das kyis bka' stsal pa/ gtor ma'i rang bzhin du ji ltar snang ba thams cad 'gyur ba med pa la/ legs nyes su bstan pa ni dka' ba ste/ bshad cing bstan pa med na yang / dper na nam mkha' la 'gyur ba med la/ gza' skar dang / tshes grangs dang / lo zla dang / dbyar dgun rtsi shing bgrang ba dang 'dra ste/ chos nyid ni dus gsum du 'gyur ba med pa yin la/ chos can ji ltar yang grangs dang brtags su snang ba ni 'di lta ste/ chos nyid thams cad ni ma skyes pa'i dbyings su yin la/ de las chos nyid kyi sgo bsam gyis mi khyab par snang yang / thar pa chen po'i gnas su gcig cing dbye ba med na yang / chos thams cad 'bras bur 'dus so// 'bras bu'i chos kyang gtor mar 'dus so// de lta bas na thams cad du gtor ma'i rang bzhin du gnas pa las/ 'khrul pa tsam gyi mtshan mar snang ba ni/ gtor ma'i lam log par gol ba ni// dus dang bskal pa bgrang ba sha stag 'byung ba 'di lta ste/ dang po gtor ma'i rgyu las 'chags pa'i skal ba dang / srid par 'dogs pa las

  153. 77b

    chags pa'i gzhi dang lnga la sa gcig go/ de nas gtor ma'i mgron gol ba las/ khams gsum du srid de gnyis so// de nas gtor ma'i rdzas gol ba las gzugs dang / kha dog dang / dbyibs tha dad par snang ba ni bzhi dang bcu gnyis so// de nas gtor ma'i mgro na go la ba ni skye 'gro dang / snod gol ba las snod kyi 'jig rten/ rdzas gol ba las rtsi shing dang nags tshal la sogs sa la gnas pa las/ khams gsum srid gsum zhes 'dogs so// de ltar ston pa'i gtor ma'i tan tra 'di gang yin la/ kun tu bzang po la gang las spros pa kun tu bzang po las spros pa 'di dang po rgya gar yul du dar bar gyur to// de las kyang sing 'ga' la'i yul du dar bar gyur pa las/ lo lnga brgya ra ga nas so// de nas lo nyis brgya la nub par 'gyur ro// de nas lo sum brgya la u rgyan yul du dar bar gyur to// de nas lo lnga brgyar rgya ga ra dang / u rgyan dang / sing ha yul dang / za hor yul dang / ga bu shI yul dang / li'i yul la sogs pa rgyal khams drug tu grags par gyur te/ kun lus ma bor bar phyag rgya chen po rigs 'dzin gyi gnas su sangs rgyas par gyur to// de nas lo lnga brgya la gtor ma'i chos 'di nub nas rgyu'i chos

  154. 78a

    dar bar 'gyur ro// de nas lo lnga brgya la rig pa can la sogs pa rnams kyis/ sngags 'bras bu'i chos dang / gtor rgyud rnams dang / sngon gyi dpege rnying las dar bar bskur nas/ de dag kyang grub pa thob cing yid ches pa'i rtags dang ldan nas/ mthu dang rdzu 'phrul ldan pa mang pos yang rgyas shing 'phel bar 'gyur ro// de nas lo lnga brgya la bod kyi rgyal khams su dar bar 'gyur ro// de la dam la gnas shing tshul du shis pa grangs kyis sangs rgyas shing 'tshengs par 'gyur ba yang mang ngo // dam la mi gnas shing rigs 'dzin pa phung ba yang grangs kyis mang bar 'gyur ro// de ci'i phyir zhe na/ de phrag dog la gnas pas sangs rgyas kyi bstan pa dang log pa'i phyogs su yang rigs su 'dzin/ sangs rgyas kyi bstan pa dar la sogs pa'i/ sangs rgyas kyi bstan pa yang rgyu 'bras gnyis su 'dzin/ 'bras bu'i chos kyang bzang ngan gnyis su rigs 'dzin pa'i phyir ro// de nas lo lnga brgya la rgyu'i chos mang bar dar bar spyod/ 'bras bu'i chos nub par spyod pa nyung shas tsam gnas na/ gnyis ka'i nang nas sangs rgyas kyi bka' las/ gang zag gis bslad pa mang bar yod do// mi tshig mang bar dar bas mthu byin dang 'bras bu chung bar 'gyur ro// de nas gsang sngags

  155. 78b

    kyi gtor ma 'di dag spyod pa nyung shas gcig las brgya tha ma pa la bag dar bar gyur nas/ de nas chos thams cad nub par gyur nas/ bskal par ris phra mo bdun tsam gyis nyen pa las// skye ba thogs pa'i byang chub sems dpa' gang zhig gis rgyu 'bras kyi theg pa bstan nas tshe yang phyir ring zhing / dus kyang phyir zhing bzang ste/ sa thob pa dang grub pa brnyes pa mang bar 'byung zhing // de la dar nub kyang mi 'byung bar/ rgyu 'bras kyi chos gang la dang ba rims kyis/ lo stong phrag gsum du gnas par 'gyur ro// de nas thams cad gtor gzhong yang chos nyid du bsdus te srid pa zhig go/ gtor ma'i rdzas skye 'khrung yang skye ba med par gsol te/ dngos po gtor ma'i mgron yang rig pa gcig gi dkyil 'khor du bsdus te 'phos so// de yang gtor rang bzhin la ma rig par rtog pa las skye ba'i cho 'phrul gong ma ltar snang ngo // yang dag pa'i skye ba'i chos nyid gtor ma 'di rig cing rtogs na/ de ni gang du yang grub cing rton pa med la/ lhun gyis grub pa'i gtor ma rang bzhin med pa'i ye shes su gnas so// gtor rgyud chen po las// gtor ma'i rim pa byung ba'i le'u ste sum cu drug pa'o// // de nas rdo rje sems dpas thams cad gtor

  156. 79a

    ma'i rang bzhin la/ 'khrul pas chags 'jig tu mthong ba las snying rje'i sems skyes nas/ 'pho 'gyur 'bar ba'i dbyings su 'bul ba'i gtor ma 'di skad ces gsungs so// hU~M/ ma rig 'khrul pa'i rdzas su snang ba la// 'dzin chags byis pa'i spyod pa so sor snang // bag chags rtas pa'i dbang gis bcings pa rnams// 'bar byed chen po'i glong du bzhes su gsol// bcom ldan dpal chen che mchog he ru la// rgyu drug lam gyi bsdus pa'i gtor mar 'bul// 'khor ba'i sdug bsngal byang chub don mdzad nas// mi ldog don gyis mchod par bzhes su gsol// bcom ldan 'das dpal chen bud+d+ha he ru la/ log rtog gzugs kyis bsdus pa'i gtor mar 'bul// mtshan ma rdzas kyi dngos po zhi mdzad nas// mi dmigs don gyi mchod par bzhes su gsol// bcom ldan 'das dpal chen badz+ra he ru la/ rnam shes tshogs kyis bsdus pa'i gtor mar 'bul// nyon mongs zhen pa'i mtshan ma zhi mdzad nas// mi rtog don gyi mchod par bzhes su gsol// bcom ldan 'das dpal chen rang na he ru la// bde sdug gnyis med don gyi gtor mar 'bul// tshor sred ldan pa'i mtshan mazhi mdzad nas// mi spong don gyi mchod par bzhes

  157. 79b

    su gsol// bcom ldan 'das dpal chen pad+ma he ru la// che chung tshad med bsdus pa'i gtor mar 'bul// 'dod chags zhen pa'i mtshan ma zhi mdzad nas// mi 'gyur don gyi mchod par ba zhes su gsol// bcom ldan 'das dpal chen karma he ru la// 'du byed rnam rtog bsdus pa'i gtor mar 'bu la// dge sdig las kyi mtshan ma zhi mdzad nas// bcos med don gyi mchod par bzhes su gsol// bcom ldan 'das dpal chen rak+Sha he ru la// gzung 'dzin gnyis su bsdus pa'i gtor mar 'bul// chags sdang las kyi mtshan ma zhi mdzad nas// spros med don gyi mchod par bzhes su gsol// bcom ldan dpal chen bi sha he ru la// skyon yon gnyis su bsdus pa'i gtor mar 'bul// legs nyes las kyi mtshan ma zhi mdzad nas// g.yos med don gyi mchod par ba zhes su gsol// bcom ldan dpal chen gu h+ya he ru la// phyi nang gsang ba'i bsdus pa'i gtor mar 'bul// snod bcud las kyi mtshan ma zhi mdzad nas// 'gyur med don gyi mchod par bzhes su gsol// khams gsum yum mchog Da ki dgu rnams la// 'byung lnga snod bzhir bsdus pa'i gtor mar 'bul// yod med dngos po'i mtshan ma zhi mdzad nas// ma skyes

  158. 80a

    dbyings kyi mchod par bzhes su gsol// ke'u ri la sogs khro mo brgyad rnams la// rnam shes dbang por bsdus pa'i gtor mar 'bul/ mthong thos phyogs rigs mtshan ma zhi mdzad nas// skye 'gag med pa'i mchod par bzhes su gsol// sing nga la sogs 'phra men brgyad rnams la// dur khrod gnas brgyad bsdus pa'i gtor mar 'bul// phyi nang dur khrod mtshan ma zhi mdzad nas// spros pa med pa'i mchod par bzhes su gsol// rnam rgyal la sogs khro ba bcu rnams la// bza' btung bgo bar bsdus pa'i gtor mar 'bul// chags sems las kyi mtshan ma zhi mdzad nas// spang med don gyi mchod par bzhes su gsol// gdong mo la sogs khro mo bcu rnams la// snang srid dag par bsdus pa'i gtor mar 'bul// skye 'gro las kyi mtshan ma zhi mdzad nas// rtog med don gyi mchod par bzhes su gsol// ma sring la sogs nyi shu brgyad rnams la// mkha' dbyings b+ha gar bsdus pa'i gtor mar 'bul// gdung sems gol ba'i mtshan ma zhi mdzad nas// gnyis med don gyi mchod par bzhes su gsol// dga' byed mkha' 'gro sum cu rtsa gnyis la// sha khrag rus pas bsdus pa'i gtor mar 'bul/

  159. 80b

    dug gsum las kyi mtshan ma zhi mdzad nas// ma g.yos las kyi mchod par bzhes su gsol// brtse gdung tshul mdzad ma bdun srid bzhi la// dam rdzas gnyis su bsdus pa'i gtor mar 'bul// skyon yon las kyi mtshan ma zhi mdzad nas// ma skyes don gyi mchod par bzhes su gsol// pho nya sder mo sum brgya drug cu la/ dur khrod phung por bsdus pa'i mchod par 'bul// skye shing las kyi mtshan ma zhi mdzad nas// ma bcos don gyi mchod par ba zhes su gsol// rdo rje ka tar ging chen bco brgyad la// srog dbugs gnyis su bsdus pa'i gtor mar 'bu la// 'pho 'gyur las kyi mtshan ma zhi mdzad nas// ma spangs don gyi mchod par ba zhes su gsol// man ngag don rtogs rdo rje slob dpon la// gtor tshogs gnyis su bsdus pa'i gtor mar 'bul// ma rig log pa'i lta ba zhi mdzad nas// thugs dam dbyangs kyi mchod par bzhes su gsol// las kyi bye brag karma ging chen la// bza' btung gnyis su sbyar ba'i gtor mar 'bul// phyi nang las kyi mtshan ma zhi mdzad nas// ma bral rdzogs pa'i mchod par ba zhes su gsol// brtse gdung tshul 'chang mched dang lcam dral la// longs spyod gnyis su bsdus pa'i gtor mar

  160. 81a

    'bu la/ dam tshig ma nyams nyon mongs zhi mdzad nas// brtse gdung tshul gyis mchod par bzhes su gsol// zhes brjod pas log pa'i 'pho 'gyur ri rab tsam byang bar 'gyur ro// gtor rgyud chen po las// gtor ma 'bul zhing bstabs pa'i le'u ste sum cu rtsa bdun pa'o// / de nas yang kun tu bzang po sa 'di skad ces bka' stsal to// sems dpa' chen po phyogs bcu dus gsum gyi sangs rgyas kyi sku 'dzin cing zhal mthong ba zhes bya ba yang gzhan ma yin te/ gtor rgyud chen po 'di tshig dang yi ger bris nas/ gang 'chang ba dang // gang zhig zhal mthong ba ni sangs rgyas thams cad zhal mthong zhing 'chang ba yin no// sems dpa' chen po de bzhin gshegs pa'i gsung rab rgyun mi 'chad par 'dzin cing zlos pa zhes bya ba yang gzhan ma yin te/ tan tra 'di klog cing tshig tu 'don pa'o// sems dpa' chen po de bzhin gshegs pa'i thugs yang dag pa'i ye shes rtogs pa zhes bya ba yang gzhan ma yin te/ rgyud 'di yid la 'dzin cing gzungs su 'chang ba de bzhin gshegs pa'i thugs yang dag par rtogs pa'o// sems dpa' chen po de bzhin gshegs pa'i yon tan ces bya ba yang gzhan ma yin te/ rgyud 'di 'dzin cing

  161. 81b

    'chang ba la/ de bzhin gshegs pa'i yon tan gang yang ma tshang ba med pa'o// sems dpa' chen po de bzhin gshegs pa'i 'phrin las zhes bya ba yang gzhan ma yin te/ rgyud 'di'i don mthar phyin pa'i de bzhin gshegs pa'i 'phrin las ma rdzogs pa med pa'o// sems dpa' chen po snga mar 'das pa'i de bzhin gshegs pa yang / gtor rgyud 'di yi don thugs su chud pas mngon par rdzogs par sangs rgyas la// de bzhin du da ltar dang phyis 'byung ba rnams kyang de bzhin du sangs rgyas pas/ rgyud 'di sangs rgyas rnams kyi dgongs spyod de kho na nyid ces bya ste/ rgyud 'di shes shing 'dzin pa lta a chang yang ches/ zhal tsam mthong ba 'am/ ming tsam 'dzin pa yang ngan song las grol nas thar pa bde ba'i longs spyod rgyun mi 'chad par 'gyur ro// sems dpa' chen po rgyud 'di ni phan yon che yang che la/ chung yang chung ngo // de ci'i phyir zhe na/ rgyud 'di thos shing rtogs pa rnams ma btsal lhun gyis grub pa dang po nas rang rgyud du byang chub par gyur la/ 'di ma thos ma rtogs nas/ khams gsum 'khor ba'i sdug bsngal la nam yang thar par mi 'gyur ba'o// sems dpa' chen po rgyud 'di ni thugs rje che yang che'o// chung yang chung ngo // de ci'i phyir zhe na/ sngon gyi las 'phro dang

  162. 82a

    ldan pa yis/ rgyud 'di yi zhal mthong zhing thos par 'gyur la/ las 'phro dang mi ldan pas/ rgyud 'di ni zhal mi mthong zhing thos pa'i skal ba mi ldan pa'i don to// sems dpa' chen po rgyud 'di ni khyab kyang khyab la/ ma khyab kyang ma khyab bo// de ci'i phyir zhe na/ thums cad 'di las 'byung zhing 'dir 'dus pas khyab la// de ltar khyab kyang de ltar shes shing rtogs par dka' bas ma khyab pa'o// sems dpa' chen po rgyud 'di ni yod kyang yod la// med kyang med do// de ci'i phyir zhe na/ rtogs pa'i klung dang go ba yul na yod do// ma rig pa dang sgro skur can la med do// sems dpa' chen po rgyud 'di ni gnas kyang gnas la/ mi gnas kyang mi gnas so// de ci'i phyir zhe na/ dam tshig la gnas pa rgyal ba'i sras po la tshig dang yi ger bris te gnas la/ dam la mi gnas shing phyogs dang char byed pa la nam yang gnas par mi 'gyur ro// sems dpa' chen po rgyud 'di ni 'jig rten gyi khams su grags kyang grags la/ ma grags kyang ma grags so// de ci'i phyir zhe na/ chos thams cad kyi rtsa bar gyur pas grags la/ dper na seng ge'i 'o ma dang 'dra bar/ kun gyis mi theg cing snod dang ldan pa gcig gi 'ga' la srid

  163. 82b

    pa'i phyir ro// de lta bu'i don kyang rtsa ba'i gtor ma 'di dkon zhing rin che ba de/ rin thang dpag tu med par bstan pa'i phan yon yin te/ rgyud 'di ni 'byung bar yang dkon la/ nub par yang mi 'gyur ba'i dpe'o// de skad ces bka' stsal pa dang / rdo rje sems dpas rgyud dar cing kun snod du 'gyur bar bya ba'i phyir/ lha dang mi'i dkor dang longs spyod kun tu bzang po la phul lo// gtor rgyud chen po las// rgyud kyi phan yon bstan pa'i le'u ste sum cu rtsa brgyad pa'o// // de nas rdo rje sems dpas kun tu bzang po'i bka' de thos pas shin tu 'gro ba rnams chags shing gol bar gzigs nas/ 'gro ba sems can snod dag par bya ba dang / chags pa med par bya ba dang / rgyud thos par bya ba dang / man ngag gting phyin par bya ba dang / lung nam du yang mi nub par bya ba dang / byis pa'i 'bras bu chud mi za bar bya ba'i phyir/ 'gro ba yongs la 'di skad ces bya ba'i sgra sgrogs so// mi 'gyur dbyings su gang 'dod pa'i// rgyal ba'i sras po kun yin pas// rgyal bas ji skad gsungs pa bzhin// bu mchog rnams kyis nyan par gyis// 'khor ba med par bya ba'i phyir// pha ma spun dang mi srid dang / bdag dang rgyal srid bu dang grogs//

  164. 83a

    bla ma rnams la bAn du 'bul// de tshe bla ma ma bzhes na// ci ri ba yi rin gyis bslu// rgyud chen thos par de 'gyur nas// bzod chen 'khor ba mya ngan med// chags pa med par bya ba'i phyir// gser dngul la sogs rin chen lnga// spug la sogs pa yang de bzhin du// glang po la sogs rta rnams dang // dngar dang lhab lhub na bza' dang // zhal zas la sogs sna tshogs kyis// bla ma mnyes pa kun phul nas// zhu ba dag kyang tshul bzhin bya// man ngag thob par de gyur nas// bzod cing sangs rgyas sems can med// gnas pa med par bya ba dang // 'ching ba med par bya ba'i phyir// gnas dang yul dang zhing rnams dang // bran dang gnyen la sogs pa rnams// dad pas dmigs la 'bul bar bya// gsol btab snang ba thob byas nas// lung chen gnas pa de 'gyur nas// bzod cing 'khor ba mya ngan med// tha na de dag ma 'byor cing // gang yang yod par ma gyur na// lus dang srog gis 'bad byas la// brtson 'grus dka' bas grims phyung nas// g.yo sgyu med par rab tu 'bad// bka' stsal gnyer kun thugs zin na// de bzhin gshegs pa'i bka' rgyud dang // rgyud dang lung dang

  165. 83b

    man ngag rnams// ji ltar 'dod pa bzhin du thob// gtor rgyud 'di yi zhal mthong na// theg pa chen po'i chos thos nas// mya ngan las 'das don rtogs nas// kun tu bzang por gdon mi za// gang zhig de ltar mi byed cing // chags pa'i sems kyis gtor mi shes// 'dzin pa'i sems kyis rtag par sems// gzhung dang mi spyod zol thabs kyis// rgyud lung man ngag ci smos kyang // bka' yi nyi zer des mi mthong // de tshe ngan song gsum dang 'grogs// chags dang 'dzin pas der ma shes// yul 'khor la sogs 'di kun kyang // gtong phod gtsang gnas dam pa yis// de tshe btang yang mi 'bral 'grogs// der yang ma zad dpag mi lang // gang zhig 'dzin chags gtong mi shes// de tshe gzung yang mi 'grogs te// gzung bas dbul po gter ston nas// gar yang 'grogs med phan med 'gyod// ma rig bu cig snying re rje// chos med than pas de bskams tshig/ byang chub char gyis ma brlan na// rgyu 'bras gnyis ka tshig bskams nas// myu gu byang chub 'bras bu med// ngan song du skyed bzod glags chad// gang zhig theg chen khrims thob nas// 'phangs med yon gyis sna 'dren cing // gzugs snang rtog pa'i zhing smos te// byang chub

  166. 84a

    lam gyi sa bon btab// man ngag bdud rtsi char chen gyis// ye shes lam gyi 'bras bur smin// rtsa ba gtor ma'i rang bzhin du// sangs ma rgyas pa gcig kyang med// mtha' yas gnas pa'i 'gro kun gyis// chos 'di rtog dang bral bar shog/ ces bya ba'i sgra bsgrags pas/ ji ltar phyis 'byung ba thams cad kyang // rtsa ba'i gtor ma'i snod du rung bar byin gyis brlabs so// de skad ces bya ba'i sgra mtha' yas pa'i sems can kun gyis thos pas chags pa dang bral nas/ rgyud dang / lung dang / man ngag gi snod du gyur to// gtor rgyud chen po las// man ngag gi snod yod pa'i phyir yon phul ba'i le'u ste sum cu rtsa dgu pa'o// / de nas rnal 'byor pa rnams la phan gdags pa'i phyir/ za ma'i gtor ma 'di ched du brjod do// rnal 'byor lung dang ldan rnams kyis// sngags dang phyag rgya ldan byas nas// mchod pa tshogs kyi khyad par las// dgos pa'i gtor ma gtang bar byos// de la rnal 'byor pa mtha' dag dus bzhi dag tu 'dod pa la longs spyod par byed do// de chos nyid du spyod par shes na yang gtor ma'o// rnal 'byor pa ni dus thams cad du tshogs nas tshogs la longs spyod pa'o// de'i dgongs pa yang

  167. 84b

    gtor rgyud chen po 'di ltar spyod na gtor ma'o// de'i phyir tshogs thams cad ni za ma la/ de bsngo ba dang ldan pa ni za ma'i gtor ma'o// de ci'i phyir zhe na/ dper na shing mkhan thabs la mkhas pas shing thams cad 'phrul du byin gyis rlob pa yod pa bzhin/ thabs 'di ltar mkhas pas thams cad gtor mar longs spyod pa las/ mngon par rdzogs par sangs rgyas par byin gyis rlob pa'i mthu yod pa'o// de la dang por za ma'i gtor ma 'di'i dgongs rgyud ni/ rnam pa bdun dang ldan par bya ba 'am/ yang na lnga dang ldan par bya ba ste// de yang gang zhe na/ dang por gtor ma'i dgongs pa dang / theg pa chen por kun tshangs pa'i dgongs pa dang / gnyis su med par tshogs kyi longs spyod bya ba dang / lhag ma'i 'phrin las kyi mchod pas gnyis su med par bya ba dang / dngos po dang mtshan mar mi gnas par chos nyid stong pa'i ngang du gtor mar bya'o// de la dang por za ma'i gtor ma bya ba'i dgongs pa ni/ lag pa g.yas par 'jam dpal gyi phyag rgya bcas la/ bdag la dgra bgegs yod na rtog pa yod pas dgra bgegs thams cad ting nge 'dzin gyis khugs par bsam la/ tshe dang ga la phyi la dbyer med par bstims la/ sgrib pa'i dra ba gcod par mi gnas par

  168. 85a

    bsgral la// rgyal ba'i sras su rigs nges par dbang bskur la gzhag/ de nas 'byor pa'i longs spyod dang / mchod pa'i yo byad la gtor ma bsngo bar bya ba ni// hUM bcom ldan 'das dpal chen po yab yum sras dang bcas pa yang // 'khor rgyal ba rgya mtsho dang bcas pa rnams// rnam par rtog pa zad par mdzad pa'i phyir gtor ma ba zhes su gsol// oM ba ling ta kha ra/ kha raM DA ki ni/ kha raM yo gi ni/ ta thA ga ta a la la ho/ zhes brjod pa/ ji ltar snang ba thams cad gtor ma'i rang bzhin du 'phags pa rnams la mchod cing // rgyal ba rgya mtsho rnams la blugs dam gyi rgyud bskangs la// gtor ma'i mchod pas// dus rtag tu mchod pa rgyun ma chad par bsgoms ba'o// de nas theg pa chen po kun tshang bar bsgom pa ni/ gzhung du ma dag las shes par bya'o// de nas gnyis su med par tshogs kyi longs spyod par bya ba ni// bdag mchod kun mnyes mgron mnyes pas sangs rgyas thams cad 'grub ces 'byung zhing bstan pas/ don de lta bas na bdag mchod pa rol na tshogs so// tshogs kyis bdag la thim pa ni rgyal ba mnyes par bsam mo// rgyal ba mnyes pas ni bdag ni bdag gi dngos grub thob par bsgom pa'o// bdag gis

  169. 85b

    dngos grub thob pas thams cad sangs rgyas par/ tshogs dang gtor mar longs spyod pa'o// de nas lhag ma'i 'phrin las su bya ba ni/ dang por bsngos pa de las// chos nyid du dbyibs gcig cing rtog pa'i gags med par bya ba'i phyir/ tshogs kyi lhag ma la phyi'i rdo rje ste/ oM badz+ra/ rat+na/ pad+ma/ karma/ bud+ha DA ki ni ba ling kha kha zhes brjod la/ gang mi gnas par 'phrin las bcol lo// de nas dngos po dang mtshan ma mi gnas par bya ba ni// thams cad gtor me'i rang bzhin las ma rtogs pa ni// rtog pa dang mtshan ma gang yang mi gnas par// tshogs kyi gtor mar longs spyod pas/ thams cad chos nyid dbyings kyi gtor mar sangs rgyas par bsgoms pa'o// gtor rgyud chen po las// za ma'i gtor ma'i le'u ste bzhi bcu pa'o// // de nas bcom ldan 'das rdo rje sems dpas kun tu bzang po la 'di skad ces gsol to// e ma'o bcom ldan 'das de lta bu'i gtor ma 'di gtor zhing gang la gtang ba lags/ gtor ma gang du gzhag pa lags/ spyad cing bca' ba'i thabs ji lta bu lags/ yang bcom ldan 'das lung bstan du gsol// bcom ldan 'das kyis bka' stsal pa/

  170. 86a

    rdo rje 'dzin pa chen po// lung bstan pa'i 'di phyogs bcu sangs rgyas rnams kyis kyang bshad la/ ngas kyang bshad par bya'o// gtor ma 'di ngag gtor zhing gtang bar bya ba ni/ 'byung ba chen po lnga la gtor zhing gtang bar bya'o// de ci'i phyir zhe na/ de ni gtor ma'i rgyu thams cad kyi rgyud yin la/ gtor ma'i mgron gyi bzhugs gnas kyang yin la/ gtor ma'i 'bras bu chos kyi dbyings rnam par dag pa'i klong yang yin pas// gtor ma nam mkha' la gtang ba ni/ nam mkha'i mthongs su gnam la gtor ba'o// de ci'i phyir zhe na/ de ni chos nyid skye ba med pa'i dbyings kyi chos thams cad shong zhing go 'byed pa'o// gtong ma sa la gtang ba ni/ gang na gnas pa'i phyogs bzhi dang / mtshams brgyad du khyab par gtor ba'o// de ci'i phyir zhe na/ de ni che ba'i yon tan gyis thams cad skye shing smin par byed pa'o// gtor ma chu la gtang ba ni// rgya mtsho chen po'i 'dzings sleb par 'gro ba'i 'bab chu dang chu gzhung la gtor ba'o// de ci'i phyir zhe na// de ni thugs rje chen po las thams cad rlan cing snum par bya'o// gtor ma me la gtang ba ni/ chu ta'i shing la sogs pa 'bar ba'i me la gtang ste/ sreg cing gtor ba'o// de ci'i phyir zhe na/ de ni ting nge 'dzin

  171. 86b

    gyi 'od zer gyis rnam par rtog pa sreg par mdzad pa'o// gtor ma rlung la gtang ba ni/ rdo rje rlung gzhon pa'i ri gsum gyi rtse la gtang ba'o// de ci'i phyir zhe na/ des rnam par rtog pa'i gegs thams cad 'thor zhing g.yeng ba'o// gtor rgyud chen po las/ gtor ma gtang ba'i le'u ste bzhi bcu rtsa gcig pa'o// / / de nas gtor ma gter du sba ba ni/ gang du gtor ma 'di spyod par sa la dong chag gang brus la/ dang po chos kyi sku'i gtor ma la// rin po che sna tshog kyi gtor mar sbyar la gter du sba ba'o// de ci'i phyir zhe na/ de ni chos kyi glu mi 'gyur ba'i klong na bzhugs pa lA/ yon tan gyi tshogs ji ltar yang snang zhing 'byung ba'o// de la 'di skad ces brjod par bya'o// hUM kun tu bzang mo'i mkha' dbyings su// chos sku 'gyur ba med pa yi// rdo rje rigs kyi gter sbed pas// sgrub pa po la dngos grub stsol// sangs rgyas spyan gyi mkha' dbyings su// longs spyod rdzogs pa'i rab snang ba'i// de bzhin rigs kyi gter sbas pas// sgrub pa po la dngos grub stsol// mA ma ki yi mkha' dbyings su// gzugs sku 'ja' tshon gsal ba yi// rin chen rigs kyi gter sbas pas// sgrub pa po la dngos

  172. 87a

    grub stsol// gos dkar mo yi mkha' dbyings su// mngon par gsal ba'i skur snang ba'i// pad+ma rigs kyi gter sbed pas// sgrub pa po la dngos grub stsol// dam tshig sgrol ma'i mkha' dbyings su// sprul pa'i sku dang rab ldan pa'i// las kyi rigs kyi gter sbed pas// sgrub pa po la dngos grub gsol// zhes brjod pas/ zad pa med pa'i gter dam pa dang ldan par byin gyis brlabs pa'o// gtor rgyud chen po las/ rin po che'i gter ma gter du sba ba'i le'u ste bzhi bcu rtsa gnyis pa'o// // de nas gtor ma rnam pa gsum po yang / dang po ni tsit+ta spungs pa la/ rnam par shes pa dang dbang po'i gtor ma'o// bar ni phung po gtub pa la/ nang grol gyi gtor ma'o// tha ma rdzas kyi lhag ma la/ dus gsum gyi gtor ma'o// gtor rgyud chen po las/ gtor ma rnam pa gsum gyi le'u ste bzhi bcu rtsa gsum pa'o// // de nas bcom ldan 'das rdo rje sems dpas/ bcom ldan 'das kun tu bzang po la 'di skad cas gsol to// kye ma'o bcom ldan 'das thugs rje chen po dang ldan pa/ thabs mkhas pa'i dbang phyug chen po/ kun la snyoms pas 'gro ba'i mgon

  173. 87b

    thams cad dbang du sgyur ba'i mthu rtsal dang ldan pa de la phyag 'tshal lo// zhes bya bas bstod do// de nas bcom ldan 'das kyis bka' stsa la pa/ rdo rje sems dpa' sangs rgyas thams cad kyang rgyud 'di yin la// rgyud 'di yang sangs rgyas thams cad kyi mdzad spyod dam rang bzhin te/ rgyud 'dis ni thams cad grol zhing smin par ngas bstan te/ thugs rje ye shes nyid rgyud 'di'i rang bzhin te/ 'di ni sangs rgyas 'jig rten du 'byung ba 'dra bar dkon pas te/ 'di gang du gnas par sangs rgyas thams cad bzhugs pas// rnal 'byor pa dam tshig la gnas shing // snod yod pa rnams la dar bar sems dpa' chen pos lung ston cing rgyud 'di ni su gang zhig 'dzin cing 'chang na yang // de yang sangs rgyas dang 'dra ba yin pas// de la ni 'khor rnams kyis kyang / sangs rgyas dang 'dra bar blta bar bya'o// rgyud 'di ni rnal 'byor pa gang zhig gis 'chad cing ston nus na yang / kun tu bzang po nga nyid dang 'dra bas/ 'khor ma lus pa rnams kyis kyang des ci bsgo ba mnyan par bya'o// de nas rdo rje sems dpas 'di skad gsol to// bcom ldan 'das rgyud 'di ni bde bar gshegs pa'i dgongs

  174. 88a

    spyod thams cad lhag ma lus par bstan pa ste/ gang zhig 'di la mos pa dang / 'di sgom zhing sgrub pa la dga' ba rnams kyis/ 'di nyid kyi don rtogs nas sangs rgyas par gyur cig/ gang zhig 'di la mi mos shing sgro skur 'debs pa rnams la ni/ bskal pa dpag gis mi lang bar 'di yi ming tsam yang mi thos shing // mnar med pa'i dmyal ba chen por skye bar gyur cig/ rgyud 'di gang na gnas pa dang / dar cing sgrog pa'i sar bdag nyid chen po'i 'khor ma lus pa rnams kyis kyang / gtsug gi nor bu bzhin du len par gyur cig/ ces dmong bor ro// gtor rgyud chen po las/ dam bstsal ba'i le'u ste bzhi bcu rtsa bzhi pa'o// / / de skad ces bka' stsal pa dang / rdo rje sems dpa' la sogs pa'i sangs rgyas thams cad kyang kun tu bzang po gtor ma'i rang bzhin du sangs rgyas par gyur to// gtor rgyud chen po rdzogs so// // bstan pas mi rtogs pas gter du bcang // bcom ldan 'das kun tu bzang po la phyag 'tshal lo// lung 'di bka' thams cad kyi dam// rgyud thams cad kyi spyod 'grel/ man ngag thams cad kyi nying khu/ dgongs pa thams cad kyi zhe phugs/ rnal

  175. 88b

    'byor pa thams cad kyi lta phugs su gyur pa 'di ni// kun mkhyen sems kyi ston pa zhes bya ba de yin par shes par bya'o// lta ba mdor bsdus pa zhes de la bgyi'o// mAn ngag thams cad kyi lta ba mdor bsdus pa zhes bya ba rdzogs so// / rgya gar gyi mkhan po pad+ma sam b+ha bi dang / bi ma la ni tra dang / bod kyi lo tsa bsgrubs nam mkha'i snying pos bsgyur ba'o// phyis bal po bA su b+ha ra dang / sbubs sangs rgyas ye shes kyis zhus gtugs so// thugs rje chen po'i gtor rgyud rdzogs so// / rgya gar skad du/ yo ga ga na ma hA tan tra/ bod skad du/ rnal 'byor nang pa'i tshogs rgyud// dpal rdo rje sems dpa' la phyag 'tshal lo// 'di skad bdag gis thos pa'i dus gcig na/ 'og min chos kyi dbyings pho brang yum gyi b+ha ga'i dbyings rnam par dag pa na/ bcom ldan 'das dpal rdo rje sems dpa' dang / rigs lnga'i sangs rgyas dang / gsang ba'i yum dang / 'khor sems dpa' dang / sems ma dang / mkha' 'gro ma dang / khro bo dang / khro mo dang / sprul pa'i 'khor dang bcas pa dang thabs cig tu bzhug pa'i tshe//