Q1026MW1PD96684_1026mdo sna tshogsAll versions of this work

'phags pa glang ru lung bstan pa zhes bya ba theg pa chen po'i mdo

Text

ff. 229b–242a · 26 folio sides

  1. 229b

    zangs dang lpags ni rdor 'gyur ro// rin po che dang mu tig ni ra 'gyur ro// ba zas ni drug yod pa las/ mdar ba dang / sbyar ba dang / lan tsha' do la sogs pa ni nub po// kha ba dang bka' ba gnyis lus so// sangs rgyas bcos ldan 'das shAkya thub pa la 'phags pa zla ba'i snying pos zhus pa'i mdo las/ sangs rgyas mya ngan las 'das nas bstan pa gnas pa dang / 'jig pa'i tshul lung bstan pa'i skabs// // rdzogs s+ho// rgya gar skad du/ Ar+ya go shring ga bA ka ra Na na ma ma hA yA na sutra/ bod skad du/ 'phags pa glang ru lung bstan pa zhes bya ba theg pa chen po'i mdo// bam po gcig go// bcom ldan 'das 'dzam dpal gzhon nur gyur pa la phyag 'tshal lo/ / 'di skad bdag gis thos pa'i dus cig na/ lha'i yang lha sangs rgyas shAkya thub pa skal pa grangs med pa gsum nas bsod nams kyi tshogs kyi rnam par smin pas yang dag par rdzogs pa'i sangs rgyas brnyes te/ 'dzam bu'i gling gi ljongs kyi yul gzhan du 'du ba'i sems can yongs su smin par mdzad nas yul yangs pa can gyi phyogs thub pa drang srong chen po'i gnas rgyal po'i khab na/ byang chub sems dpa' sems dpa' chen po 'phags pa byams pa la sogs pa byang chub sems dpa' dum dang / gnas brtan shA ri'i bu dang / maud gal gyi bra la sogs pa nyan thos chen po stong nyis brgya lnga bcu dang / tshangs pa dang / brgya byin la sogs pa lta ru/ mdang / lha'i rgyal po rnam thos kyi bu la sogs pa 'jig rten skyong pa du ma dang / klu'i rgyal po chen po du ma dang / gnod sbyin mthu chen po mang po dang / dri za'i rgyal po gtsug phud lnga pa la sogs pa dri za mang po dang / mi 'am ci'i rgyal po yid 'ong la sogs pa mi 'am ci du ma dang / rgyal po gzugs can snying po la sogs pa 'dzam bu'i gling gi mi'i rgyal po mang po'i 'khor du ma dang thabs cig tu bzhugs so// de nas de'i tshe lha'i yang lha sangs rgyas shAkya

  2. 230a

    thub pas phyi ma'i dus kyi yu ba dge ba la rjes su dgongs shing mngon sum du mdzad nas 'khor mang po la bka' stsal pa/ rigs kyi bu byang phyogs logs na/ ri glang ru dang nye ba chu bo go ma'i 'gram na thub pa drang srong chen po'i pho brang mchod rten goms la gnang zhes bya ba zhig yod de/ der gdon mi za bar bya dgos pa'i 'phrin las shig yod pas de gshegs pa'i dus la bab po// de nas de'i tshe lha'i yang lha sangs rgyas bcom ldan 'das 'khor phal mo tshe dang nam mkha' la 'phags ste/ dri za'i rgyal po gtsug phud lnga pa la sogs pa dri za grangs med pa ni mdun na lha'i rol mo sna tshogs byed/ mi 'am ci'i rgyal po yid 'ong la sogs pa mi'am ci dum ni stengs nas mchod pa'i las byed cing / sangs rgyas bcom ldan 'das la dbyangs dang lha'i skad yid du 'ong bas stong bzhin du 'khor de dag dang / mchod pa de dag dang bcas te/ ri glang ru ga la ba der gshegs so// gshegs nas lha'i yang lha sangs rgyas bcom ldan 'das bzhengs bzhin du zhal byang phyogs su mtsho chen po yun ring po nas rgya mtsho ltar 'dug pa la gzigs te/ sku drang por srang nas de bzhin gshegs pa'i ting nge 'dzin bye ba phrag brgya stong du ma la snyoms par zhugs te/ bskal pa grangs med pa gsum nas bdag nyid kyis sangs rgyas kyi spyod pa smon lam dang bsod nams mngon sum du mdzad do// de nas de'i tshe lha'i yang lha sangs rgyas bcom ldan 'das kyis ri glang ru dang / yul dge ba dang / gser gyi dkyil 'khor nas srid pa'i rtse mo'i bar du byin gyis brlabs te/ bsrung ba dang / gtsang ba dang / bkra shes pa dang / mtshams gcad pa dang / bzlas brjod dang / dge bar mdzad do// de nas de'i tshe lha'i yang lha sangs rgyas bcom ldan 'das kyis 'khor de dag thams cad la bka' stsal pa/ ri gang du bcom ldan 'das kyi pho brang mchod rten goms la gnad dang bcas/ yul dge ba dang bcas pa 'di ni bskal pa bzang po

  3. 230b

    sangs rgyas bcom ldan 'das thams cad kyi zug mtshan dang / ma 'dres pa dang / thun mong ma yin pa dang / dben pa yin te/ rludes na yul 'di dge bzhes bya'o// de nas de'i tshe lha'i yang lha sangs rgyas bcom ldan 'das kyis yul dge ba dang / mkhar dge ba can dang / dge 'dun so so'i kun dga' ra ba dang / gtsug lag khang dang / dgon pa'i gnas dang / yul der so so nas bsod nams bya ba'i dngos po dge ba byed par 'gyur ba'i rgyal po dang / chos dang ldan pa'i dad pa can dang / sbyin bdag dang / li yul thams cad 'byung bar lung bstan to// de nas bcom ldan 'das kyis byang chub sems dpa' rnams la bka' stsal pa/ rigs kyi bu khyed rnams kyis kyang ma 'ongs pa'i dus na 'byung ba'i yul 'dir ci nas kyang sems can rnams dam pa chen po myur du thob par 'gyur ba dang / ting nge 'dzin 'grub par 'gyur bar byin gyis rlobs shig/ de nas de'i tshe bcom ldan 'das mtshe rol nas cung zad cig slar bkyed de/ de'i mod la ri glang ru'i steng na gdan khri bshams pa la dkyil mo dkrung bcas te bzhugs nas zhal nub phyogs su bcom ldan 'das kyi pho brang mchod rten goms la gnad gang na bde logs su gzigs so// de nas de'i tshe 'jig rten gyi khams gzhan dang gzhan nas byang chub sems dpa' nye khri mngon par shes pa lnga dang ldan pa'i drang srong mang po dang thabs gcig tu bcom ldan 'das gang na ba de logs su lhags so/ / lhags nas bcom ldan 'das kyi pho zang mchod rten goms la gnad la yang / phyag 'tshal skyabs su song / sangs rgyas bcom ldan 'das 'khor dang bcas pa la yang phyag 'tshal skyabs su song nas phyogs gcig tu 'khod do// de nas de'i tshe na sangs rgyas bcom ldan 'das kyis 'khor bal mo che 'dus par mkhyen nas/ 'khor de dag la 'di skad ces bka' stsal to// bskal pa bzang po 'di la sngon sangs rgyas bcom ldan 'das bzhi byung ste/ de dag gis kyang mchod/

  4. 231a

    rten go ma sa la gan yul dang bcas pa byin gyis rlabs so// bskal pa bzang po 'di la ma 'ongs pa'i dus na'ang sangs rgyas stong rtsa gcig 'byung bar 'gyur te de dag thams cad kyang 'khor dang / bcas te 'dir gshegs nas mchod rten go ma sa la gnad yul dang bcas pa byin gyis rlob cing mtshams gcad pa dang / bkra shis pa dang / dge bar mdzad par 'gyur ro// nga yang de ltar byin gyis rlob pa'i dus la bab pas byin gyis brlob par mdzad do/ / de nas de'i tshe lha'i yang lha sangs rgyas bcom ldan 'das ting nge 'dzin da ltar gyi sangs rgyas mngon sum du bzhugs pa zhes bya ba dang / gzhan yang de bzhin gshegs pa'i ting nge 'dzin grangs med pa la snyoms par bzhugs so/ / de'i tshe ting nge 'dzin la snyoms par 'jug pa rnams dang / bsam gtan pa rnams yongs su spyod par byed pa byang chub sems dpa' mthu chen thob kyis kyang sangs rgyas 'od bsrung gi mchod rten gyi drung du bzhugs te/ yul de byung bar gyur pa'i tshe bdag gi gzugs brnyan byed par 'gyur bar sa gzhi de byin gyis brlabs so// de bzhin du smon lam chen pos gnas pa byang chub sems dpa' 'jam dpal gzhon nur gyur pas kyang ri glang ru la gtsug lag khang spong byed ces bya ba 'byung bar 'gyur ba'i sa gzhi der bsnyen par byed pa rnams 'grub par 'gyur bar byin gyis brlabs so/ / de bzhin du nam mkha' ltar stobs dpag du med par byang chub sems dpa' nam mkha'i snying pos kyang gtsug lag khang 'jig tshogs spong byed ces bya ba 'byung bar 'gyur ba'i sa gzhi mchod gnas su 'gyur bar byin gyis brlabs so/ / de bzhin du thugs rje chen po dang ldan pa byang chub sems dpa' 'phags pa spyan ras gzigs dbang phyug gis kyang gtsug lag khang 'od can ces bya ba 'byung bar 'gyur ba'i sa bzhi der dngos grub 'grub par 'gyur bar byin gyis brlabs so/ / de bzhin du rtag tu byams pa dang ldan pa byang chub sems dpa'

  5. 231b

    byams pas kyang gtsug lag khang bi si no nya zhes bya ba 'byung bar 'gyur ba'i sa gzhi der bdag nyid bzhugs par byin gyis brlabs so/ / de bzhin du spyod pa shin du rnam par dag pa byang chub sems dpa' sa'i snying pos kyang gtsug lag khang ye shes ri zhes bya ba 'byung bar 'gyur ba'i sa gzhid phyag bya bar 'os par 'gyur bar byin gyis brlabs so/ / de bzhin du 'dul ba'i skye bo rnams grol bar mdzad pa la thags thogs mi mnga' ba byang chub sems dpa' sman gyi rgyal pos kyang gtsug lag khang po na tse zhes bya ba 'byung bar 'gyur ba'i sa gzhi de dngos grub 'grub par 'gyur bar byin gyis brlabs so/ / de bzhin du rdzu 'phrul chen po dang ldan pa byang chub sems dpa' kun du bzang pos kyang gtsug lag khang dge 'dun skyong zhes bya ba 'byung bar 'gyur ba'i sa gzhi der dngos grub 'grub par 'gyur bar byin gyis brlabs so/ / de bzhin du sangs rgyas bcom ldan 'das la sogs pa byang chub sems dpa' gzhan dag dang / dgra bcom pa chen po rnams kyis kyang li yul gang dang gang du gtsug lag khang dang / bskyed mos tshal dang / dgon pa'i gnas 'byung bar 'gyur ba'i sa gzhi thams cad dper na zla ba nya ba la skar ma'i tshogs rnams kyis yongs su bskor nas steng gi bar snang dag la rgyu ba bzhin du mdzes pa dang / yid du 'ong ba dang / rgyas pa dang / dga' dga' ltar 'dug par byin gyis brlabs so// yang de'i tshe ri glang ru la sangs rgyas bcom ldan 'das bzhugs pa dang / byang chub sems dpa' sems dpa' chen po rnams dang / dgra bcom pa chen po rnams kyis 'od zer rnam pa sna tshogs du ma bkye bas li yul thams cad snang ba chen pos khyab par byas so// de nas skad cig de nyid la mtsho chen po de'i nang na pad ma sum brgya lnga bcu rtsa gsum byung bar gyur te/ bad ma re re'i nang na yang sangs rgyas dang byang chub sems dpa'i sku gzugs 'od dang bcas pa snang bar gyur to// de nas de'i tshe lha rnam/

  6. 232a

    byas sngon ma mthong ba'i mtshan ma mthong nas sangs rgyas bcom ldan 'das la zhus pa dang / bcom ldan 'das kyis bka' stsal pa/ rigs kyi bu mtsho'i nang nas pad ma sum brgya lnga bcu rtsa gsum sangs rgyas dang byang chub sems dpa'i sku gzugs dang bcas te byung ba 'dis 'ongs pa'i dus na/ yul 'di byung bar gyur pa'i tshe yul 'di nyid dra padas ji snyed pa'i dgon pa'i gnas dang / gtsug lag khang 'gan te brdung bar 'gyur ba dang / gnas gang dang gang na byang chub sems dpa' sems dpa' chen po rnams dang / nyan thos chen po rnams dang / 'od zer rnam pa sna tshogs 'gyed cing yul byin gyis brlabs pa'i sa gzhi de dag dang / de bzhin du ngas de bzhin g shegs pa'i pho brang mchod rten goms la gnang yul dge ba dang bcas pa byin gyis brlabs pa'i sa gzhi 'dir dad pa can gyi sbyin bdag rnams kyis so so nas sangs rgyas la sogs pa'i gzugs brnyan byed par 'gyur zhing / gnas de dang de dag tu bsnyen par byas na ci dang ci 'dod pa 'grub par 'gyur ba'i snga ltas yin no// yang de'i tshe lha rnams stan las langs nas bcom ldan 'das la 'di skad ces gsol to// btsun pa bcom ldan 'das yul 'di dus ji tsam zhig na ni 'byung bar 'gyur/ su zhig gis ni 'byin par bgyid pa lags/ btsun pa bcom ldan 'das da ltar ni dgon pa tsha ba chen po'i gter lags na/ su zhig gis ji ltar 'byin pa bka' stsal par gsol/ bcom ldan 'das kyi bka' stsal pa/ rigs kyi bu nyon cig/ da mya ngan las 'das nas lo brgya lon pa'i tshe tshwa'i yul du rgyu'i rgyal po ci yang zhes bya ba bu stong tshang bar bdog pa zhig 'byung bar 'gyur te/ bu re re yang yul re re gsar du tshol du bcag go/ gyis nub phyogs logs nas ri glang ru dang / bcom ldan 'das kyi pho brang mchod rten go ma sa la gnang yod pa'i yul de bzhin gshegs pa du mas

  7. 232b

    byin gyis ba bas brlabs pa zhig yod do zhes thos nas de 'di snyam du ma la bdag la bu cig yod na sangs rgyas phal mo ches byin gyis brlabs pa'i gnas der yul 'debs su gzhug go snyam du bsams nas/ de'i tshe rgya'i rgyal pos rnam thos kyi bu la bu cig bslangs so/ / rnam thos kyi bus kyang 'dzam bu'i gling 'di na rgyal po mya ngan med ces bya ba'i bu zhig btsas pa byin te/ bu de ni gzugs bzang ba/ dbyibs mdzes pa/ blta na sdug pa zhig yin/ no// bu'i de'i don dus las nu ma zhig byung ba dang / bu de sngon gyi bsod nams dang dge ba'i rtsa ba'i mthus nu ma de la nu bar byed pas nges na bu de'i ming sa las nu ma nu zhes bya ba'o// bu de myur bar skyes nas pha rgya'i rgyal pos rgyal srid kyi dbang ni bskur/ nor mang po ni byin blon po phal mo tshe na lus kyi rim gro bar bskos nas/ rgyal bus las nu ma nu de blon po chen po dzad sho zhes bya ba la sogs pa dmag du ma dang lhan cig du rgya'i yul nas byung ste yul 'dir 'ong bar 'gyur ro/ / 'ongs nas 'dir yul 'debs par 'gyur te/ rgyal po sa la sa nu ma nu des yul btab pa'i phyir rgyu des na yul 'di'i ming ni sa las nu ma nu'i yul zhes bya bar 'gyur ro// dus de'i/ tshon nub phyogs logs nas rgya gar gyi mi phal mo che 'dir 'ong bar 'gyur te/ rgyal po sa la nu ma nu'i 'bangs su mchid kyis 'tshal zhing chu srid gcig par dum par gyur nas/ rgya'i blon po chen po rngang sho la sogs pas rig gyikyis rgya dang / rgya gar gyi grong dang / grong khyer dang / grong rdal 'debs par 'gyur ro// de ltar rgyal po sa las nu ma nu de mi rabs du ma'i bar du yul 'di'i rgyal po byed par 'gyur ro// rgyal po de rnams kyis kyang rim gyis so// so nas yul 'dir dgon pa'i gnas dang gtsug lag khang byas na zhing chu dang / 'bangs dang / zhal ta byed pa yang 'bul zhing / la la yang bdag nyid kyang rab tu 'byung bar byed do// la la ni bu dang bu mo rab tu 'byin par byed do//

  8. 233a

    la la ni 'badas las grangs med pa zhig rab tu 'byung bar gnang bar byed do// yul 'dir mi byang chub sems dpa'i rigs can mang po zhig byung ste/ rtag tu dkon mchog gsum las dge ba'i rtsa ba stsogs shing bsod nams bya ba'i dngos po byed par 'gyur ro/ / de ltar na yul 'di ni rgyal po sa las nu ma nus yul gtong ba'i tshul de lta bus 'byung bar 'gyur ro// yul 'di ni sangs rgyas byung ba re re'i tshe yang 'byung zhing rgyas par 'gyur ro/ / ci'i phyir yul gzhan dang gzhan dag ni zhig nas yun ring mo zhig du stong zhing dgon par 'dug la yul dge ba ni sangs rgyas 'byung ba re re'i tshe mi rnams kyis brgyan cing mdzes par 'gyur te/ na/ 'di ltar yul 'den thub pa drang srong chen po'i gnas/ de bzhin gshegs pa'i spyod yul mchod rten gom sa la gnang zhes bya ba ni klang ru dang nye bachu bo go ma'i 'gram na yod pa'i phyir ro// mchod rten 'di mdo sde'i nang nas ni ming go ma sa la gnang zhes bya'i/ 'jig rten phal gyi tha snyad du ni chu bo go ma'i 'gram zhes bya bar 'dogs par 'gyur te/ 'di ltar ji srid du mchod rten chu bo go ma'i 'gram zhes bya ba dang / 'od srungs gi mchod rten 'di gnyis rgyas shing mchod gnas su byed pa de srid du ni yul dge ba yang rgyas shing bzang por 'gyur ro/ / nam mchod rten 'di gnyis rgud pa'i tshe yul yang rgud cing stongs par 'gyur ro// de nas de'i tshe 'khor der 'dus pa'i lha rnams kyis bcom ldan 'das kyis bka' stsal pa'i gsad de thos nas mchod rten go ma sa la gnad dang / ri glang rul dad pa dang gus pa chen po brnyed de// sangs rgyas bcom ldan 'das la mgo bos phyag 'tshal skyabs su song nas spyan sngar 'di skad du bdag cag kyang dus de'i tshe yul 'dir rigs mthon por skyes nas bde bar gshegs pa'i bstan pa srung zhing / yul chos kyi bka' khrims mi nyams par gyur cig ces smon

  9. 233b

    lam btab bo/ / de nas de'i tshe bcom ldan 'das kyis lha'i rgyal po rnam thos kyi bu dang / byang chub sems dpa' sems dpa' chen po 'du shes can zhes bya ba dang / lha'i lha mi pham pa zhes bya ba dang / klu'i rgyal po khyim 'tshig ces bya ba dang / lha nam mkha'i dbyangs shes bya ba dang lhag ser gyi phreng ba can zhes bya ba dang / lha mo lcags kyu can zhes bya ba dang / lha mo gnas can zhes bya ba rnams la 'di skad ces bka' stsal to// rigs kyi bu khyed rnams la mchod rten gam sa la gnang dang / ri glang ru yul dang bcas pa dang / de'i bstan pa dang / sras rnams yongs su gtad kyis yongs su bsrung ba dang / bskyab pa dang / bskrad pa dang / mcho gnas su 'gyur bar gyis shig/ yul 'di'i rgyal po dang / yul 'dzin pa'i blon po dang / sbyin bdag chos dang 'thun pa rnams kyang yongs su gtad kyis de bzhin du gyis shig/ ri glang ru lung bstan pa'i mdo 'di yang yongs su gtad kyis 'phel zhing rgyas par gyis shig/ gang gi tshe yul 'di me'am chu'am pha rol gyi dmag gis nyen cing phongs par gyur pa na mdo 'di klag pa dang // kha don dang / mchod pa dang / bsam pa dang / bsgom pa byas na des na yul de'i gnod bzhi par 'gyur ro// ma 'ongs pa'i dus na sems can rnams kyi rnam par smin pas yul 'dir sum pa rnams dang po nams 'ong bar 'gyur gyis/ de'i tshe mdo 'di lhogs shig dang / mdo 'di thos nas mdo 'di'i mthu dang / lha rnams kyi byin gyis dad pa med pa de rnams yul 'jig par mi byed cing yid kyang 'gyod par 'gyur ro/ / ma 'ongs pa'i dus na yul 'dir rgya rnams kyang 'ong bar 'gyur gyis de'i tshe mdo 'di lhogs shig dang / mdo 'di thos nas dang ba skye bar 'gyur ro/ / dad pa'i stobs kyis yul mi 'jig cing phyir zhing bsrung ba dang / bsod nams bya ba'i dngos po yang byed par 'gyur te/ rgyu des na mdo 'di ni yul la phan 'dogs par byed pa yin no// mdo 'di'i phan yon

  10. 234a

    gzhan yang mang du yod do/ / yun thung ngus ni brjod par mi nus so// de'i phyir mdo 'di khyed rnams la yongs su gtang ngo // de nas de'i tshe rnam thos kyi bu la sogs pa lha rnams dang / klu'i rgyal po dang / lha mo de dag thams cad 'khor dang bcas te langs nas bcom ldan 'das kyi spyan sngar bus mo'i lha ngas la btsugs te/ thal mo sbyar nas 'di skad ces gsol to// btsun pa bcom ldan 'das bdag cag rnams kyis bcom ldan 'das kyi bka' spyi bos len par 'tshal lo/ / yang gsol pa/ ston pa bcom ldan 'das kyis ji skad bka' stsal pa bzhin du mchod rten goms la gnad dang / ri glad du yul dang bcas pa thams cad kyang yongs su bsrung bar 'tshal/ bde bar gshegs pa'i bstan pa dang / chos dang 'thun pa'i rgyal po dang / rab tu byung ba dang / chos dang 'thun par yul 'dzin pa dang / chos dang 'thun pa'i sbyin bdag dang / gang zhig bsod nams bya ba'i dngos po bgyid par 'gyur ba de dag thams cad kyang yongs su bsrung bar ni 'tshal na/ bcom ldan 'das ji srid du yul 'dir dkon mchog gsum mchod gnas su bgyid pa dang / yul 'di pas kyang chos dang 'thun par yul skyong zhing chos dang mi 'thun pa'i sems can rnams kyi mgon mi bgyid pa de srid du na bdag cag gis yongs su bsrung bar rngo thog ste/ ming 'di yang li yul yun ring du gnas par bgyi ba'i slad du li yul las nyi 'og du gyur pa'i rgyal po dang / blon po rnams la mdo 'di ni bcom ldan 'das kyis li yul gyi byed du glang rul bshad pa yin no zhes rnar grag par bgyi/ sug par thob par bgyi/ sems bskur bar bgyi'o/ / bcom ldan 'das nam yul 'dir dkon mchog gsum mchod gnas su mi bgyid cing / chos dang me 'thun pa rnams kyi mgon lhag par bgyid pa de'i tshe/ bdag cag rnams kyi gzi brjid dang

  11. 234b

    mthu stobs nyams pa'i 'bralas sa na ched bsrung bar na snga ma thogag/ daH'i slad du zhe na/ bdag cag gi mthu slebs dang gza brjod na bdabar gshegs pa'i bstan pa dang / chos dang mthun par yul tshul bzhin dumyod pa dang / bsod nams bya ba'i dngos po dag pa'i rtsa ba'i mthus 'phel bar 'gyur ba lags so// de nas de'i tshe sangs rgyas bcom ldan 'das gdan las gzhengs nas de glang du'i stengs gi 'gram nas mchod rten rnas sa la gnad gang na ba der logs su gzigs nas/ yang nas yang du de bzhin gshegs pa'i spyod yul mchod rten goms la gnad ri glang ru dang bcas pa lan gnyis lan gsum gyi bar byin gyis brlabs nas li sram thams cad dang / mtsho'i nang nas gnas pa'i sems can grangs med pa rnams la 'od zer dang thugs rje chen pos khyab par mdzad de/ 'od zer de dang thugs rje chen po des chun gnas pa'i sems can de dag thams cad kyi/ sdug bsngal ni zhi bar 'gyur/ khro ba dang lon du 'dzin pa dang ni phral te/ byams pa'i sems dang ldan par gyur cing lha'i bde ba dang ldan nas skad cig de nyid la sems can de dag las grangs med pa zhig tshe 'phos nas lha dang mi rnams kyi nang du skye te/ sangs rgyas nyid du 'gyur ba'i sa bon rnyed cing byang chub las mi ldog par gyur to// de nas de'i tshe bcom ldan 'das kyis lha rnams la lan gsum gyi bar du bos nas 'di skad ces bka' stsal to// rigs kyi bu khyed kyis dam bcas pa rnams ni brtson 'grus med par mi 'grub bo// rigs kyi bu ngas bskal pa grangs med pa gsum gyi bar du bka' ba spyad pa'i bstan pa 'di dang mchod rten goms la gan da yul dang bcas pa khyed rnams la yongs su gtad kyis yongs su bsrungs shig/ khyed rnams las gang zhig gis de rjes su dran zhing gzungs yod pa dang / bstan pa bsrung ba des ni bstan pa 'di la rab tu byung ba rnams

  12. 235a

    yongs su bsung bar gyis shig/ de ci'i phyir zhe na/ mi khyim pa la la zhig lo brgya'i bar du nyin re zhing dge ba'i rtsa ba bsod nams chen po byed la/ 'ga' zhig nyin cig rab tu byung nas snyan pa lagam/ na snga mas phyi ma'i bsod nams kyi rgya'i char yang mi chog go/ de ci'i phyir zhe na/ sangs rgyas bcom ldan 'das gang gA'i klung gi bye ma snyed thams cad kyang sngar khyim gyi gnas spangs te/ rab tu byung nas spyod la mede nyid kyis byang chub chen po brnyes so/ / de yang pha rol du phyin pa drug yongs su rdzogs te/ sa bcu brnyes nas srid pa tha ma'i tshe nam phyed na rgyal po'i khab nas byung ste nags tshal du gshegs so// nags tshal nas bzhon pa rgyal po yab kyi thag du bya'i nas rang gi sgra ral gyis bregs te/ nga'i gos gya nom pa rin thang med pa rngon pa la chos gos ru ra smrig du brjes so// ngas chos gos de gyon nas dus gsum gyi sangs rgyas thams cad la phyag 'tshal skyabs su song nas rab tu byung ba'i spyod lam bzung ba dang lha thams cad nga la phyag 'tshal skyabs su song nas byi bzhin 'brang ngo / / nga yang spyod lam de nyid kyis yang dag par rdzogs pa'i sangs rgyas rnyes so/ / de'i phyir bde bar gshegs pa'i bstan pa ni dam pa yin par shes par bya'o// rab tu byung ba ni bsod nams dang ldan par shes par bya'o// 'jig rten na rab tu byung bas thob pa ma gtogs// par khyim pa'i cha lu las kyis dgra bcom pa 'am/ rang sangs rgyas sam/ bla na med pa'i byang chub thob pa ni sras kyang mthos ma mthong ngo // rab tu byung ba'i spyod lam 'di ni 'jig rten na lha la sogs pa thams cad kyi mchod gnas yin no/ / de nas de'i tshe lha dang lha mo de thams cad stan las la ngas nas dbyangs cig tu sangs rgyas bcom ldan 'das la 'di skad ces gsol to// btsun pa bcom ldan 'das

  13. 235b

    bdag cag rnams kyis bcom ldan 'das kyis ji ltar bka' stsal pa bzhin 'tshal zhing bsams bzhin du ni bka' las 'gal mi 'tshal lo/ / yul 'di sangs rgyas kyis bstan pa dang de bzhin gshegs pa'i spyod yul mchod rten dang bcas pa yang kun du bsrung ba dang / bskyed pa dang / rjes su gzung bar 'tshal gyis/ bcom ldan 'das kyis kyang bdag cag rnams la mthu btang du gsol// de ci'i slad du zhe na/ ma 'ongs pa rtsod pa'i dus dbyin gyis brlabs brlabs pa'i yul 'dir dgra mang po dang / mdad pa dang / phyir rgol ba bde bar gshegs pa'i bstan pa la dad pa'i khyad par mi rnyed cing / bstan pa gzhig pa'i slad du brtson pa dag 'byung ba'i sgra du'o/ de nas de'i tshe bcom ldan 'das kyis lha de dag la legs so zhes bya ba gnang ste/ skyes bu dam pa rnams legs so legs so// ngas kyang yul 'di byin gyis brlabs zin te/ byin gyis brlabs pa de nyid kyis mtshams bca pa yang yin no/ / ma 'ongs bcod pa'i dus na bral 'di gzhos pa'i phyir sum pa'i dmag phal mo che dang / thu gu rus sna tshogs dang / hor dang / gzhan yang dad pa med pa dag 'ong bar 'gyur te/ de'i tshe yul gzhan dang gzhan dag nas de bzhin gshegs pa'i gzugs brnyan byin gyis brlabs pa dag yul 'dir gshegs nas yul gyis tshams bsrung bar mdzad de/ bsod nams kyi stobs des na yul 'di gtan thug par mi thu / / gzugs patand dag gi kyi bzhin du byang chub sems dpa' dang / lha dang / l+h+wam tho stobs dang ldan pa yang po dga'o shing bral yul du gnod pa nam sa klog par byed/ dmarnams kyis yul ma tshams par byed de/ bad ba can zhes bya ba'i mkhar nas de bzhin gshegs pa bde ba'i 'byung gnas shes byaba'i gzugs brnyan gshegs nam nub phyogs mkhar ko shad du bzhugs shing yul gyi sa mtshams bsrung bar 'gyur ro//

  14. 236a

    byang phyogs yul she na zhe zhes bya ba'i de bzhin gshegs pa'i gzugs brnyan shen zhe zhes bya ba sa'i 'og nas 'byung bar 'gyur zhing yul gyis mtshams bsrung bar 'gyur ro// de bzhin gshegs pa'i gzugs brnyan ke'u lang zhes bya ba gshegs nas shar phyogs yul phye ba zhes bya ba'i mkhar du zhugs shing yul gyis mtshams bsrung bar 'gyur ro/ / de bzhin gshegs pa'i gzugs brnyan phyis zhes bya ba gshegs nas/ byang phyogs ri glang rul 'od srungs gi mchod rten gyi drung du bzhugs shing dge slong dgon pa pa rnams kyi dge ba'i rtsa ba bskyed cing / de bzhin gshegs pa'i bstan pa dang / yul gyis mtshams bsrung bar 'gyur ro// mkhar dge ba can zhes bya ba'i nang na tshed 'dus kas ji ze zhes bya bar de bzhin gshegs pa'i gzugs brnyan rgyal po'i pho brang gnas shes bya ba bzhugs shing mkhar dge ba yul dang bcas pa'i sa mtshams bsrung bar 'gyur ro/ / sa gzhi nyo mo nya zhes bya ba gang du rgyal po yol zhes bya bas mkhar rtsigs pa'i gros byed par 'gyur ba der de bzhin gshegs pa'i gzugs brnyan cu go ban zhes bya ba bzhugs shing mkhar dge ba can zhes bya ba yul dang bcas pa'i sa mtshams bsung bar 'gyur ro/ / gtsug lag khang di d+ho zhes bya bar de bzhin gshegs pa mar me mdzad kyi gzugs brnyan thor khong du byas pa gshegs par 'gyur te/ gzugs brnyan de ni'adzam bu'i gling gi gzugs brnyan thor khong du byas pa thams cad kyi thog mar 'byung ba yin no/ / gzugs brnyan de rnams kyis ni mtshan bskor ba'i mar me mdzad ces bya bar 'dogs par 'gyur te/ de ni 'i yul gyi gzugs brnyan thor khong du byed pa thams cad kyi dper 'byung zhing / bde bar gshegs pa'i bstan pa yul dang bcas pa yongs su bsrung bar 'gyur ro// gzhan yang de bzhin gshegs pa rin chen mar

  15. 236b

    gi gzugs brnyan yul 'di'i dbus su gshegs nas phyogs bcu'i mtshams gcad par mdzad de/ ji srid du de banan gshegs pa'i gzugs brnyan phyogs phyogs na bzhugs pa de dag mchod gnas su byed pa de srid du yul 'di brlag par mi 'gyur ro/ / yul 'di nas skyes pa'i mi 'am/ yul gzhan nas skyes pa'i mi la la zhig de bzhin gshegs pa'i gzugs brnyan de dag la snying thag pa nas dad pa gus pa dang rab tu dad par byed cing / 'di snyam du bde bar gshegs pa'i gzugs brnyan 'di dag ni yul 'di bsrung ba'i slad du bshegs so snyam du yang sems na/ gzugs brnyan de dag kyang sangs rgyas bzhugs pa bzhin du don mdzad par 'gyur ro/ / de ci'i phyir zhe na/ gzugs brnyan de dag de dang dus gsum gtogs pa'i sangs rgyas thams cad kyis byin gyis brlabs pa'i phyir ro// gzhan yang yul 'dir nga'i gzugs brnyan chen po shing rtam 'dren pa byas te/ mkhar dge ba can zhes bya ba'i nang du gzhag nas mchod gnas chen por byed par 'gyur ro// des na yul 'dir phyogs dang phyogs mtshams nas tshod dpon chen po rnams 'ong bar 'gyur zhing gnod pa rnams kyang zhi bar 'gyur ro/ / gzhan yang yul 'dir de bzhin gshegs pa'i gzugs pa nyan nyis brgya rtsa brgyad 'od bsrung gi mchod rten dang bcas par 'byung bar 'gyur te/ de dag thams cad kyang cho 'phrul chen po ston cing sems can rnams kyi sdig pa chen po yongs su spyod pa dang / gnod par sel bar mdzad par 'gyur ro// yul 'dir gnod pa dang 'jigs pa dang / skrag pa'aga'ajig byung na yul 'di'i phyed du phyogs lngar sbyor ba byas te/ rgyal po dang blon po rnams yul 'dzin pa gang zhig 'jigs pa dang bral bar bya ba'i phyir bde bar gshegs pa'i bstan pa las bsod nams skyed par

  16. 237a

    'dod na gtsug lag khang tsher ma zhes bya bar bsod nams bya'o/ / de ci'i phyir zhe na/ yul 'di'i mi rnams kyi dad pa dang / yang dag pa'i lta ba ni dang po'i gtsug lag khang de nas skye bar 'gyur ro// nam zhig le'i rgyal po dang / blon po dang / yul 'dzin pa rnams la gnod pa rnam pa sna tshogs shig b+hu dan/ ri blang dul son yang dag par rdzogs pa'i sangs rgyas gang na bzhugs pa'i gzhi la bskor bar bya'o// yul 'di'i sems can rnams las mi dge ba 'chags par 'dod na mchod rten go ma sa la gan da'i drung du gshegs par bya'o// de ci'i phyir zhe na/ mchod rten de ni sangs rgyas bzhugs pa bzhin du gang dag gis bskor ba 'am/ me tog gam/ bdug pa 'am/ dbyangs sam/ rol mo'i sgras mchod pa byas na de'i mtshams med pa lnga yang nyams dmas par gyur na/ gzhan lta spos kyang ci dgos/ yul 'di'i rgyal po dang / blon po dang / yul 'dzin pa gang zhig brtul zhugs chen po'i sdom pa len par 'dod pa/ des ri glang rwa la gang na de bzhin gshegs pa'i gzugs brnyan gyi sa zhes bya ba dang / 'od srung gi mchod tan yod pa de'i 'dun las gnod par bya'o/ / de ci'i phyir zhe na/ yul 'dir chos kyi spyod pa yongs su rdzogs pa dang / tshul khrims yongs su dag pa ni de nas 'byung bar 'gyur ba'i phyir ro// yul 'di'i mi la la zhig chod pa chen po la thug na deri glang rul gnas pa'i 'phags pa'i dge 'dun la skyabs su 'gro bar byas te/ de nas chad pa de las thar bar 'gyur ro// de ci'i phyir zhe na/ gnas de ni thar pa thob pa stong phrag du ma phyi ma'i mtha'i bar du gnas shing mi stongs pa'i phyir ro/ / rgyu des na ri glang ru dang mchod rten goms la gnang yul dang bcas pa de bzhin gshegs pa rnams kyi chad kyu yin no// de nas de'i tshe phyogs bcu'i sangs rgyas kyi zhing dag nas

  17. 237b

    byang chub sems dpa' nyi khri lhags nas/ bcom ldan 'das gang na ba de logs su thal mo sbyar ba btung de dbyangs cig du 'di skad ces gsol to// bcom ldan 'das bdag cag rnams kyis kyang thabs sna tshogs kyis de bzhin gshegs pa'i spyod yul dang yul 'di yongs su bskyed par bgyi/ bsrung bar bgyi zhing ji srid du bde bar gshegs pa'i bstan pa dang / dkon mchog gsum la gnas shing rgyal po dang / blon po la sogs pa'i tshul khrims dang ldan pa dad pa can dang / yul chos dang mthun par bgyid pa mchis pa de srid du yongs su mi gtang zhing yul 'dir dus dus spyod lam dang cha lugs ci dang ji lta bus sem can mang po'i bsod nams chen po yongs su smin par 'gyur ba dang / sangs rgyas nyid du sems bskyed par 'gyur ba dang / bsam gtan dang / ting nge 'dzin la snyoms par 'jug par 'gyur ba dang / sangs rgyas nyid las phyir mi ldog par 'gyur ba de lta bu'i skye ba spang ba'i slad du kha cig gis ni rgyal rigs yongs su bzung bar bgyi/ kha cig gis ni rab tu byung ba dang / khyim pa gzhan gyi cha lugs yongs su gzung bar bgyi'o/ / bcom ldan 'das kyis bka' stsal pa/ rigs kyi bu legs so legs so// rigs kyi bu khyed rnams kyis 'di ltar bskal pa bzang po'i sangs rgyas thams cad kyi spyod yul dang / yul 'di gang du sems can rnams sangs rgyas nyid las phyir mi ldog par 'gyur ba de lta bur chu gang thob shig/ yang de'i tshe lha rnam thos kyi bu zhes bya ba dang / mi pham pa zhes bya ba la sogs pa lha thams cad gyis bcom ldan 'das la 'di skad ces gsol to/ / bcom ldan 'das de ni byang chub sems dpa' sems dpa' chen po rnams kyis yul 'di bsrung ba'i slad du mthu bstangs pa dang / bcom ldan

  18. 238a

    'das kyis byin gyis brlabs pa dang mthus bdag cag gis kyang de bzhin gshegs pa'i spyod yul dang / byin gyis brlabs brlabs bI yul 'di kun du bsrung zhir yal bar mi gtang bar bgyi ba'i slad du brtson 'grus chen po'i shugs kyis 'bad par 'tshal lo/ / gal te yul 'dir grug gA la sogs pa gtum po dad pa ma mchis pa rnams dang / hor dang / sum pa'i dmag ngag mchi bar 'gyur na/ de dag phan tshun nad 'khrug 'byung/ ba dang / de dag gi 'khor na mi mthun par 'gyur ba dang / 'gum par 'gyur bar bgyi'o// yang na de dag ci nas kyang 'dir mchi zhing de bzhin gshegs pa'i bstan pa 'jig mi nus par bgyi ba'i slad du gzhan gyi dbang du 'gyur bar bgyi'o/ / gal te rgya'i dmag dag mchis par gyur na de dag gi sems dad par bgyi zhing / slar yul 'di la phan 'dogs pa dang / phyis yul 'dir bsod nams bya ba'i dngos po dge ba rgya chen po bgyid du bstsal to// nam zhig yul 'di'i sems can rnams la gnod par bgyid pa de'i tshe na yang phyir dad par bgyi zhing / mdo 'di yang khong du chud par bgyid du stsal to// gang gi tshe de dag ma 'ongs pa'i dkon mchog gsum gyi yo byad la dbang 'tshal zhing / mda' 'phrog pa dang / sems can bsod nams dang ldan pa rnams la mtshe ba de'i tshe ni bdag cag gi 'khor gnod sbyin dang pa can dang dad pa ma mchis pa du ma zhig dbang bskur te bkye nas yul der ci nas kyang yun ring zhig gi bar du rgud par bgyi zhing yul 'di 'jig mi nus par bgyi ba'i skad du mu ge dang nad dang pha rol gyi dmag mchi bar bgyid du stsal te/ / la yul gyi nor rdzas de dag gis 'tshal ba rnams kyang bkra mi shis par bgyi zhing gang dang gang du phyin pa'i yul de thams cad du yang sman yon mi thogs shing 'khrug par bgyi'o/ / de dag gi yul 'dzin pa dang dmag dpon yang rgud par bgyi'o// bod kyi dmag rnams la yang de bzhin du rig par

  19. 238b

    bgyi ste/ gang gi tshe de dag chos dang mthun par yul 'di 'dzin cing bsrung na ni bdag cag rnams kyis kyang de dag yongs su bskyang zhing rgyal bar 'gyur bar bgyi'o// nam zhig de dag bde bar gshegs pa'i bstan pa 'jig pa dang / yul gyi ma la gnod par bgyid pa de'i tshe na dmag rnams nad 'khrug 'byung ba dang / dmag gi dpon po yang che thad du chud par bgyid ste/ rgyas par ni snga ma bzhin no// ma 'ongs pa'i dus na yul 'di'i rgyal po dang thon po sems kyi gyu can/ bsod nams chung ba dang / dad pa med pa dang / dkon mchog gsum gyi dkor la 'jol tog du rlom zhing / yul gyi rtsis mgo dang 'gal bar bgyid pa/ nor rdzas ma rtogs pas go 'phang tshol la sems can bsod nams dang ldan pa rnams la sun 'byin du rgol ba ngo tsha med pa/ mngon dus can/ 'dod pa'i yon tan gyis ngoms mi myong ba/ rab tu 'byung ba dag gis gi mis skyo ba la la dag 'byung bar 'gyur na de de dag ni bdag cag kyang yul 'di nas dbyung zhing yul ngan pa gzhan dang gzhan dag tu sprug par bgyi ste/ tshul de lta bus yul 'di yongs su bskyang ba dang bsrung bar bgyi'o// bcom ldan 'das slad ma brtsod pa'i dus na yul 'dis zhig par brtson pa'i sems can bdud kyi phyogs sdig pa bgyid bgyid pa/ mthu stobs dang ldan pa/ yul dag du sems can rnams kyi dad pa zlog par bgyid pa/ sems gdug cing brlad pa'i lha dang // klu dang gnod sbyin dang / srin po du ma zhig 'byung bar 'gyur la/ de dag kyang bdag cag gi dbang du mi 'gyur na de la bdag gis thabs ji ltar 'tshal/ bcom ldan 'das kyis bka' stsal pa/ rigs kyi bu khyed yid skyo ba ma byed cag/ de ci'i phyir zhe na/ gleng bzhi pa 'di na byang chub sems dpa' rnams dang / lha mthu stobs che dang / klu dang / gnod sbyin sa thob pa du ma zhig gnas pa de dag la sems 'jam pos mchod pa chen po byas te/

  20. 239a

    mchod rten gom sa la ga nad dang / gtsug lag khang char ma la sogs pa yul byin gyis brlabs brlabs pa rnams su theg pa chen po'i sde snod shes rab kyi pha rol tu phyin pa dang / 'dus pa chen po dang / sangs rgyas phal po che dang / dkon mchog brtsegs pa la sogs pa shin du rgyas pa'i sde mang po lhogs shig dang / yul so so nas byang chub sems dpas bcu pa dang la sogs pa dang / mthu stobs che ba'i sems/ can de dag yul 'dir 'ongs nas/ chos kyi ro mnos shing dus gsum du gtogs pa'i de bzhin gshegs pa rnams kyi dam tshig las mi 'gal bar byed/ bskal pa bzang po'i sangs rgyas rnams kyi spyod yul dang yul yang bsrung par byed/ yul 'di'i zhing dang bstan pa bsrung bar byed par 'gyur ro// gzhan yang ma 'ongs pa'i dus na/ yul dge ba 'di'i rgyal po mthu chung bur 'gyur te/ mthu chung pa des ni rang gi mthu stobs kyis yul mi thub pas rgyal po dad pa can gzhan 'di lta ste/ bod kyi rgyal po dang / rgya'i rgyal po la sogs pa la bskyabs brtsal bas yul bsrung bar byed do// de ci'i phyir zhe na/ ma 'ongs pa'i dus na rgya dang bod kyi yul du dkon mchog gsum gnas shing mchod gnas chen por byed pa dang / yul de dag kyang byang chub sems dpa' sems dpa' chen po'i gnas su 'gyur zhing / sems can de dag kyang byang chub chen po'i lam tshol ba'i ngang tshul can theg pa chen po la dad pa/ ting nge 'dzin la gzhol bar 'gyur te/ de dag gi mthu stobs kyi sa la yul gyi mi dang / dkon mchog gsum brlag par mi 'gyur ro// skyes bu dam pa khyed rnams kyis kya dbod dang rgya'i rgyal po dang / blon po dag ci nas mchod rten goms la gnad dang / yul dge ba 'di la ri mo byed par 'gyur ba dang / yul 'dir bsod nams bya ba'i dngos po dge ba rgya chen po byed par 'gyur ba dang / yul 'di'i mi nyi

  21. 239b

    'og dad pa med pa'i yul gzhan du 'khyams pa rnams kyang sdug bsngal dang dpral zhing bde bar rang gi yul du bskyal nas phyir yang dag pa'i lta ba can dang / bsod nams la dga' bar 'gyur bar sems par gyur cig dang / dge ba'i rtsa ba de'i stobs kyis skyes bu dam pa khyed rnams kyi dge ba'i rtsa ba dang / mdangs dang gzi brjid dang 'khor 'phel bar 'gyur zhing sangs rgyas nyid du yang nye bar 'gyur gyis/ dus gsum du gtogs pa'i de bzhin gshegs pa rnams kyi gdams dga' byas pa gzo bar gyis shig/ 'di ltar yul 'di'i sems can rnams ni phyir mi zlog pa byang chub sems dpa'i las dang ldan pa/ snying rje dang ldan pa/ bden pa dang ldan pa/ gtor phod pa/ phrag dog dang khon du 'dzin pa rnam par spangs pa byas pa gzo ba/ chos la dga' ba/ yang dag pa'i lta ba can/ log par blta ba thams cad rnam par spangs pa/ sems 'jam par 'gyur te/ rmengs na dge ba rnams shes bya'o/ / yul 'di'i mkhar yang mi byams pa dang 'jam pa'i sems dang ldan pa rnams dang / mchod rten dang gtsug lag khang du mas brgyan par 'gyur te/ de'i phyir mkhar dge ba can zhes bya'o// gzhan yang yul gnan dag nas sems can dang pa med pa sdang ba khon du 'dzin pa dag yul 'dir 'ongs pa kun yul 'di'i rdul gyis reg cing / yul 'di nas 'khrungs pa'i mtsho ba la longs spyod na de dag thams cad kyis sems bsgyur nas sems 'jam pa dang / gnyen pa dang / byams pa'i bsam pa dang / khro ba dang / khon du 'dzin pa spangs pa dang / dang pa dang / yang yul 'di'i sdig pa mi byed par 'gyur te/ yul 'di ni yon tan mang po de dag ldan pa yin no/ / de nas de'i tshe sngar sangs rgyas bcom ldan 'das kyis lan gsum gyi bar du byin gyis brlabs nas 'od gzer thugs rje chen po bcas te/ bkye ba des chun gnas pa'i sems can rnams kyi sems

  22. 240a

    yongs su dag pa dang / bde ba dang ldan par byas nas chu'i nang nas slar 'thon te/ phyogs bcu'i sangs rgyas kyi zhing thams cad du khyab par 'gyur to// yang 'od gzer de dag slar log nas byang chub sems dpa' sems dpa' chen po rnams kyis yul byin gyis brlabs pa dang / nyan thos chen po rnams kyis yul byin gyis brlabs pa dang / mtsho'i nang nas byung ba'i pad ma'i steng na de bzhin gshegs pa'i gzugs rA bzhugs pa de dang de dag gi 'od zer dang 'dres nas nam mkha' la 'phags te steng gi nam mkha' khebs par gyur cing li yul thams cad du lha'i me tog char phab po/ / lha'i me tog de dag phan tshun du reg pa las chos kyi sgo mo 'di lta ste/ sangs rgyas dang / chos dang / dge 'dun gyi mtshan dang / yang dag pa'i lta ba dang / shes rab dang / tshul khrims dang / dge ba'i rtsa ba dang / de bzhin gshegs pa rnams kyi bka' ba spyad pa dang / smon lam dang / byang chub sems dpa'i rdzu 'phrul dang / sems can yongs su smin par byed pa dang / dge sbyong gi 'bras bu bzhi po rgyun du zhugs pa dang / lan cig phyir 'ong ba dang / phyir mi 'ong ba dang / dgra bcom pa dang / khams gsum gyi srid pa la nges par 'byin pa dang / rnam par thar pa'i sgo gsum dang / 'du byed 'jig pa dang / dran pa nye bar gzhag pa dang / 'phags pa'i bden pa dang / rdzu 'phrul gyi rkang pa dang / bsam gtan dang / bsdu ba'i dngos po dang / so so yang dag par rig pa dang / gzugs med pa'i snyoms par 'jug pa bzhi dang / dbang po yongs su dag pa dang / byang chub kyi phyogs dang mthun pa'i chos mtha' dag gi sgra 'byin par gyur to/ / gzhan yang sems yongs su dag pa dang / byang chub kyi yan lag dang / 'phags pa'i lam dang / snyoms par 'jug pa dang / sa dang stobs dang / thugs rje dang / byams pa chen po dang / rten cing 'brel bar 'byung

  23. 240b

    ba dang / the tsom sel ba dang / sangs rgyas nyid las mi ldog pa dang / ting nge 'dzin dang / mngon par rtogs pa dang / mi skye ba'i chos la bzod pa dang / ma 'dres pa dang / sangs rgyas nyid du 'gyur ba dang / mi rtag pa dang / sdug bsngal ba dang / bdag med pa dang / stong pa dang / ma byas pa dang / ma skyes pa dang / phyin cim log pa dang / yang dag pa'i mtha' dang / de bzhin gshegs pa'i snying po'i khongs su gtogs pa rnam par mi rtog pa'i ye shes rtogs pa dang rnal 'byor pa rnams kyis so so rang gi rig pa'i spyod yul dang / skye ba sdug bsngal ba dang / rga ba dang / sdug pa dang / bral ba dang / mi sdug pa dang phrad pa dang / 'dod pa rtsal te ma rnyed pa'i sdug bsngal gyi sgra yang byung bar gyur to/ / gzhan yang phung po lnga po dag la sems can med pa dang / bso pa dang gang zag dang / srog med pa dang / chos bden pa skye ba med pa dang / 'gag pa med pa dang / rtag pa med pa dang / chad pa med pa dang / 'ong ba meng pa dang / 'gro ba med pa dang / dkon mchog gsum gyi gdung dang / byin gyis brlabs dang / 'gro ba lnga po dag gi 'khrul pa rmi lam lta bu dang / 'khor ba'i 'du byed brtson ra lta bu dang / sgyu ma dang / smig sku dang / chu zang zag cha lta bu'o zhes bya ba'i sgra byung bar gyur to/ / gzhan yang dad pa dang / mngon par rtogs pa dang / brtson 'grus dang / dge ba bcu'i las kyi lam dang / 'khor bas skyo ba dang / de lta bu la sogs pa sgra brgya stong du ma byung par gyur to/ / de nas 'khor 'dus pa mang po de dag dang / byang chub sems dpa' phyogs phyogs nas lhags pa de dag thams cad sa la gnas pa'i lha dang / klu dang / nam mkha' la gnas pa'i lha dang gnod sbyin thams cad sems ngo mtshar tu gyur nas rangs pa skyes te/ chos kyi sgo mo'i sgra de dag la yid mi phyed par gyur to// de nas de'i tshe 'khor de dag gi khong du chud par bya ba'i phyir byang chub sems dpa' sems dpa' chen po 'jam

  24. 241a

    dpal gzhon nur gyur pas/ bcom ldan 'das la 'daskad ces gsal to// bcom ldan 'das che'i srad du cho 'phrul chen po 'di lta bu bstan lags/ bcom ldan 'das kyis tshangs pa'i dbyangs rgyas bka' stsal pa/ 'jam dpal chos kyi sgo mo 'di dag ni yul dge ba nas skye ba'i sems can rnams kyi tshad dang / 'khor bzhi po rnams kyi phyed du yang lhag par byin gyis brlabs cu bstan pa yin te/ chos kyi sgom 'dis na byang chub sems dpa' rnams tshigs chung ngu dang / 'bad pa chung dris dbang po dang / shes pa yongs su dag par 'gyur zhing / chos kyi sgo mo de dang de dag kyang mngon par gtogs par 'gyur ro// ma 'ongs pa'i skye bo de dag ni byis pa chung ngu yan chad chos mngon par rtogs par dga' zhing rtse mor yang chos kyi sgo mo 'di dag smra bar 'gyur ro/ / sems can de dag dbang po yongs su rtos nas chos kyi mig rnam par dag pas/ debazhin gshegs pa'i sku yang mthong bar 'gyur/ chos kyi rna ba rnam par dag pas chos yang dag par nod pa yang thos par 'gyur// de dag 'khor ba na 'du byed dang chos thams cad las kyang sems rnam par grol bar 'gyur sems de lta bu des na yul dgon pa byin gyis brlabs pa 'dir dge ba'i phyogs la brtson pa 'am/ yang na ri glang dadul gnas pa de dag thams cad dngos grub thob par 'gyur te/ bdud sdig can gyis kyang glags mi rnyed na gzhan dag gis lha dmos kyang ci dgos/ 'di lta ste/ lha rnams kyis 'khor gnod sbyin nam/ dri za'am/ mi'amaci chad pas bcad par 'gyur na'ang mchod rten goms la gnad dang / ri glang rul lakhram na de dag gis mi mthong bar 'gyur ro/ / brgyal mthong na yang sems zhi bar 'gyur te/ rgyu des na ri gAng ruM dang / mchod rten gom sa la gan di ni/ mtshams bcad dang / gtsang byed dang / skyabs dang / 'jig rten gyi khams

  25. 241b

    gzhan dag na gnas pa'i sems can rnams kyis kyang phyag bya bar 'os pa yin no/ / mchod rten go ma sa la ga nad dang / ri glang du dang / yul dge ba dang / mkhar dge ba can dang / dgon pa byin gyis brlabs brlabs pa'i// mar thos nas dad pa skyes pa tsam gyis kyang sdig pa chen po 'byung bar 'gyur ro// de nas de'i tshe bcom ldan 'das kyis tshe dang ldan pa shA ri'i bu dang / rnam thos kyi bu la bka' stsal pa/ rigs kyi bu khyed gnyis sor la mtshachad po 'di sha'i rigrol te/ byang phyogs logs su kyi sho rtsa po'i nang du pho la chu na gnas pa'i sems can rnams la mi gnod par bsrung ba dang / yul 'dis mtshams mngon par gyis shig/ de nas nyan thos chen po shA ri'i bu dang / rnam thos kyi bus de bzhin 'tshal la zhes gsol nas rdzu 'phrul gyis nam mkha' las shA'i rig na bde logs su chas so// shA ri'i bum ni lag na mkhar sil thogs/ rnam thos kyi bus ni lag na mdud thogs nas sha'i ri pyad snyam pas blangs te/ nub phyogs logs su gzhag nas chu srol chen po gtong te mtsho sog chags dang bcas par kyi sho car po'i nang du po ste/ tshul de lta bus mchod rten gom ma la gnad dang / ri glang du dang / li yul de mngon par byas so// de nas bcom ldan 'das kyis 'phags pa spyan ras gzigs dbang phyug dang / byams pa la sogs pa byang chub sems dpa' sems dpa' chen po brgyad dang / byang chub sems dpa' nyi khri drang srong dang bcas pa dang / rnam thos kyi bu dang / khyim cig la sogs la lha chen po brgyad dang / 'khor sum khri lnga stong lnga brgya dang bcas pa la mchod rten gos pa la gnad la sogs pa yongs su btang de/ lha de dag gis kyang de bzhin du mnos so// bcom ldan 'das kyis kyang de bzhin du gnang ngo // bcom ldan 'das kyis de skad ces bka' stsal pa dang / 'khor

  26. 242a

    de dag thams cad bcom ldan 'das kyis gsungs pa la yid rangs te mngon par stod do/ / 'phags pa glang du lung bstan pa zhes bya ba theg pa chen po'i mdo// rdzogs s+ho// rgya gar skad du/ shA rdul karna a ba dA na// bod skad du/ stags ni'i rtogs pa brjod pa/ sangs rgyas dang byang chub sems dpa' thams cad la phyag 'tshal lo// 'di skad bdag gis thos pa dus gcig na/ bcom ldan 'das mnyan yod na/ rgyal bu rgyal byed kyi tshal mgon med zas sbyin gyi kun dga' ra ba na bzhugs te/ de nas tshe dang ldan pa kun dga' bo sngo dro'i dus su chos gos dang / lhung bzed thogs nas mnyan yod du bsod snyoms la zhugs so/ / de nas tshe dang ldan pa kun dga' bo bsod snyoms spyad de zas kyi bya ba byas nas chu mig gzhan zhig du chu'i phyir phyin no// der phyin pa dang / yang de'i tshe chu mig de la gdol ba'i bu ma gzugs bzang mo zhes bya ba chu chu zhing 'dug go/ de nas tshe dang ldan pa kun dga' bos gdol pa'i bu mo gzugs bzang mo la 'di skad ces smras so// srid mo bdag la chu byin cig/ de nas gdol ba'i bu mo gzugs bzang mos tshe dang ldan pa kun dga' bo la 'di skad ces smras so/ / btsun pa kun dga' bo bdag ni gdol ba'i bu mo lags so// srid mo rus dang rigs 'dri ba ma yin gyis 'on kyang de nas nu chus la byin cig btung bar bya'o/ / de nas gdol pa'i bu mo gzugs bzang mos tshe dang ldan pa kun dga' bo la chu byin na// de nas tshe dang ldan pa kun dga' bos chu 'thungs nas sod do// de nas gdol ba'i bu mo gzugs bzang mos tshe dang ldan pa kun dga' bo'i bzhin dang / lus dang / skad 'dangs rnams rab tudu legs par mtshan mar bzung ste/ tshul ma yin pa'i yid la byed pas kun du chags pa skyes par gyur te//

Colophon

'phags pa glang ru lung bstan+pa zhes bya ba theg pa chen po'I mdo| |rdzogs s.ho||