MW21521_E4ADE5མན་ངག་ཨ་ཏི་ཡོ་གའི་ཆོས་སྐོར།All versions of this work

sangs rgyas mya ngan las 'das pa'i mdo/_/lung bam po gsum pa_/_man ngag snying po byang chub mchog gi phyag rgya can

Text

ff. 293b–308b · 31 folio sides

  1. 293b

    spangs// dam la gnas shing nyams len brtson// bka' bzhin byed cing don dang 'thun// de ni rgyud mchog 'di yi snod// lnga ldan bu la 'di ston cig/ gcig las ma mangs kun la gsang // zhes gsungs nas chos kyi dbyings klong yangs brdal ba d+mo'i ngang la lhan ne bzhugs so// de nas ngang las sprul pa'i 'khor sems dpa' rdo rje de nyid ston pa'i thugs kar thim ste/ ston pa nyid kyang mi snang bar gyur to// sku gsung thugs kyi 'khor rnams kya bar nga snang la yid ches/ zad pa chen po'i sar 'khyol te/ ka dag rangs zin nas khams gsum yongs grol/ 'khor ba dong nas spugs so// theg pa kun gyi yangs rtse klong chen rab 'byam gyi rgyud las/ mjug don yongs su gtad pa'i le'u ste lnga bcu rtsa gsum pa'o// sa ma yAHrgya rgya rgyaHtheg pa kun gyi spyi phung klong chen rab 'byam gyi rgyud 'bum phrag drug cu rtsa bzhi las phul du byung ba rdzogs so// // dpal ldan sngags kyi bsrungs ma dang / gter bdag ma ning nag pos bka' 'di srungs cig/ gtad rgya sbas rgya/ gter rgya/ zab rgya/ bka' rgya gsang rgya/ gnyen rgya/ las can cig dang phrad pa dang // ma ning khyod kyi rgya 'di khro la// rdo rje gling pa'i khyad chos yin//

  2. 294a

    sangs rgyas mya ngan las 'das pa'i mdo// lung bam po gsum pa/ mam ngag snying po byang chub mchog gi phyag rgya can zhes bya ba/ bcom ldan 'das rdo rje sems dpa' la phyag 'tshal lo// lung snyan khung brgyud pa'i bam po dang pos chos ji ltar byung ba'i khungs bstan pa/ mngon du byung ba'i lung bam po gnyis pas dgongs pa'i la bzlas/ yongs su grags pa'i lung bam po bco brgyad pas yid ches pa'i don gtan la phab pa'o// bcom ldan 'a rje'achang dpel phyag 'tshal lo// rdo rje 'chang chen pos thugs mchog rig pa'i ye shes la// dgongs pa zab mo'i klongs brtol te/ gsang ba'i rgyud mang du thugs kyi dkyil 'khor sgo phye nas gsung mi zad pa'i mdzod brtol te/ ljags kyi dbang po pad+ma bkram pa'i 'od zer las/ shin tu zab cing dpag pa dka' ba'i chos nyid/ don bzang po khyad par can las/ tshig gsang ba ya mtshan rmar ru byung ba/ dgongs pa nyag gcig bya ba tsal thams cad dang bral ba 'di/ 'og min gyi gnas chos kyi pho brang ba de ba can du dpal rdo rje sems dpa' la bsha dang / da pa la rdo rje sems dpa' la phyag 'tshal lo// dpal rdo rje sems dpa' thugs mchog gi ye shes las// dgongs pa zab mo'i klong brtol te/ thugs kyi dkyil 'khor

  3. 294b

    sgo che ste gsung mi zad pa'i mdzod brtol te/ ljags kyi dbang po pad+mo bkram pa'i 'od zer las/ shin tu zab cing dpag par dka' ba'i chos nyid/ don bzang po khyad par can las tshig gsang ba ya mtshan rmad du byung ba spros te/ steng lha'i gnas rin po che bkod pa'i dkyil 'khor dga' ba can du/ dpal dga' rab rdo rje la shad/ bcom ldan 'das dpal dga' rab rdo rje la phyag 'tshal lo// dga' rab rdo rje thabs mchog rig pa'i ye shes la/ dgongs pa zab mo'i klong brtol te/ thugs kyi dkyil 'khor sgo phye nas gsung rig pa'i mdzod brtol/ ljags kyi dbang po pad+ma bkram pa'i 'od zer las/ shin tu zab cing dpag par dka' ba'i chos nyid/ don bzang po khyad par can la/ tshig gsang ba ya mtshan rmad du byung ba'i don spros te/ dbus 'gyur 'od ma'i tshal byang chub shing drung du/ thugs rje che la thabs mkhas pa gang dang yang 'gran zla med pa// byang chub sems dpa' 'jam dpal bshes gnyen la bshad do// byang chub sems dpa' 'jam dpal gzhon nu la phyag 'tshal lo// 'jam dpal gzhon nus thugs mchog rig pa'i ye shes las/ dgongs pa zab mo'i klong brtol te/ thugs kyi dkyil 'khor sgo phye nas gsung rig pa'i mdzod brtol te/ ljags kyi dbang po pad+ma bkram pa'i

  4. 295a

    'od zer las// shin tu zab cing dpag par dka' ba'i chos nyid/ sangs rgyas kyi dgongs pa nyag gcig la zlas/ tshig gsang ba ya mtshan rmad du byung ba/ rdo rje gdan du slob dpon shri sing hal bshad do// slob dpon shri sing ha la phyag 'tshal lo// shri sang ha sa thugs rig pa'i ye shes las/ dgongs pa zab mo'i klong brtol te/ thugs kyi dkyil 'khor sgo bye nas gsung rig pa'i klong brtol te/ shin tu zab cing dpag par dka' ba'i chos nyid/ thun mong ma yin pa'i rnal 'byor gyi dbang phyug chen po/ dgongs su med pa'i dgongs pa 'du 'bral med par bzhugs pa/ lta ba khyad par gyi don las 'phags pa/ tshig 'bru bzang po don ma 'dres par ston/ rgyud lung man ngag chos dang ma 'dres pa/ tshig nyung la don 'thug pa/ shes rab sker bus mi zin pa/ brtags pas dben pa/ nad thams cad sel bar byed pa'i sman chen po 'di/ dur khrod chen po bsil ba'i tshal du bi ma la mi tra la bshad do// slob dpon bi ma la mi tra la phyag 'tshal lo// bi ma la mi tras las 'phro dang skal bar ldan pa/ byang chub sems dpa' khri srong lde btsan dang / nang blo na chen po ting nge 'dzin bzang po gnyis la/ byang chub kyi sems mi nub pa'i rgyal mtshan zhes bya ste/ bstan pa yongs kyi snying

  5. 295b

    po/ gsang sngags thams cad kyi se dar/ rgyud thams cad kyi snying po/ lung thams cad kyi rgyal po/ man ngag thams cad kyi spyi bcings/ dgongs pa thams ca kyi la zlo/ lha/ ba thams cad kyi zhe phugs/ sangs rgyas nyag gcig gi dgongs pa/ de bzhin gshegs pa thams cad kyi 'byung gnas/ don gyi gsang ba/ gsang ba bas kyang ches gsang ba/ rdo rje sems dpa' thugs kyi gsang ba/ sangs rgyas yongs su mya ngan las 'das pa'i dgongs pa/ tshig gcig gi rtog pa khyad par can la spyod pa la bshad do// bcom ldan 'das dpal rdo rje sems dpas gsang sngags kyi chos bsam gyis mi khyab pa cig gsungs kyang / bsdu na rin po che rnam pa gsum du 'dus te/ snying po byang chub kyi mchog lta ba'i yang rtse/ man ngag gi 'phyong// rtsol ba las 'das pa'i TI ka chen po/ rdo rje sems dpa'i mdzad spyod/ mtshon pa rgyud dang / lung dang / man ngag gsum du sbyar nas/ de gsum gyi sgo nas byang chub sems dpa' kun tu bzang po nam mkha' lta bu'i dgongs pa rtogs par bya ba'i phyir/ rgyud lung man ngag gi mtha' bkrol ba/ kun gzhi gsang ba dag pa'i dbyings nas rang shes rig gi rgyal po yid byed papo/ rdo rje kun tu bzang po sgra brjod kyi yul las 'das nas yang / bcom ldan 'das dpal

  6. 296a

    rdo rje sems dpa'i rjes su 'jug pa'i byang chub sems dpa' rnams kyi don du btsal ba'i rgyud lnga de'i 'grel du bstan par shes par bya/ de'i yang 'grel du man ngag gi rgyud bzhin don gyi gtan la phab nas/ de'i steng du dgongs pa nges par 'brel ba'i rgyud bzhi ste bcu gsum gyis rdo rje lta bu'i ting nge 'dzin mtha' bkrol nas/ lung gi TI ka chen po bzhis mngon par rdzogs par sangs rgyas par bstan no// man ngag gi mdo bam po gsum pas sangs rgyas yongs su mya ngan las 'da' bar bstan pa'o// der ji ltar zhe na/ chos chen po yang gsang rmad du byung ba'i don nges par 'brel pa'i rgyud lung man ngag gsum la/ spyi'i don rnam pa drug gis dbu zhabs kyi don shes par bya'o// don rnam pa drug gang zhe na/ lo rgyus kyi don dang gcig/ rtsa ba'i don dang gnyis/ tshig gi don dang gsum/ yi ge'i don dang bzhi/ dgongs pa'i don mthar thug pa dang lnga/ 'jug dgos ched kyi don dang drug gis/ byang chub kyi sems mi nub pa'i rgyal mtshan chen po zhes bya ste/ dgongs pa nges par 'brel ba'i rgyud bcu gsum/ lung gi TI ka chen po bzhi ste bcu bdun man ngag gi mdo bam po gsum pa ste bco brgyad do// de rnams kyi snying po byang chub mchog gi phyag rgya'i rgyan du bkod pas/ dga' rab rdo rjes ston pa'i

  7. 296b

    zhal nas gsungs pa'i lung ma nor bar dkar chag la gnan te/ rgyud lung man ngag tu bsdebs nas mdzad pas/ lung gi rgyun bco brgyad ces bstan to// lo rgyus kyi don la yang dbye na gsum ste/ byin gyis brlabs kyis bshad pa dang / rang gi ngo bos bshad pa dang / tshig sdebs sbyor legs pas man ngag khong khrag bshad pa'o// de la byin gyis brlabs kyis bshad pa ni/ bcom ldan 'das dpal rdo rje sems dpa'// thugs ye shes kyi dgongs pa zab mo// kun gzhi gsang ba dag pa'i dbyings nas rang shes rig gi rgyal po yid byed pa'i rdo rje kun tu bzang pos/ lha ga nas gsum du dga' ra ba rdo rje la bshad ro// de yang tshul ji ltar bshad na/ gdul bya rnams kyi yang dag pa'i don byin ci ma log par gdul bar gzigs nas/ 'khor sems can thams cad thar pa mya ngan las 'das pa'i go 'phang thob cing / bla ma med pa'i byang chub kyi 'bras bu la gzugs pa'i don che dang du/ thabs gnyis su gsungs pa ni/ dga' ra ba rdo rje ngas gsungs pa'i mdo/ ldem dgongs su gsungs pa ni/ lu nga rkyang pa bco brgyad du phye ste/ gdug pa can lha ma srin sde brgyad kyi gnas nas/ gtso bo nyi shu gsum rgyud pa/ zhe sdang gi shas che ba

  8. 297a

    od tra yul gyi dahen ta lo dang / de'i sras dreg pa can thu bo rA dza ha te dang / de'i sras 'dod chags kyi shas che ba sras mo bar ni dang / lho'i 'dzam bu gling na gti mug gi shas che ba/ klu'i rgyal po 'jog po dang / ri rtse gsum gnod sbyin mo yon tan lag gi bu mo gnod sbyin mo byang chub dang / yul ga bu kyi gzhong nas kyi mkhan po ku ku ra dza dang / kha che'i yul nas skad la mkhas pa rab snang dang / ma hA rA dza dang / de ba rA dza dang / de ba tsaN+Da dang / klu grub snying po dang / ar+ya a ba lo ki dang / nA gArdzu na dang / sras mo mgom de byi dang / dge slong ma bu d+ha sa ma la dang / 'jam dpal dpal bzangs dang / khyi'i mkhan po rkun dang / drang srong 'bag shi ta dang / sangs rgyas gsang ba dang / dge slong ma bdag nyid ma dang / dge slong ma kun dga' mo la sogs pa/ gdug pa can lham srin sde brgyad / yul da he na ku sha'i 'du khang du tshogs nas dga' ra ba rdo rje la rang re'i rtogs tshad phul lo// mkhas pa nyi shu rtsa gsum po de rnams kyis yang dag pa'i don phyin ci ma log par rtogs te sangs rgyas so// de yang yongs su mya ngan las ma 'das so// bcom ldan 'das dga' rab rdo rje la phyag 'tshal lo// don dam pa'i dgongs pa'i lung bco brgyad spag ma ru bstan pa// de

  9. 297b

    rnams kyi nang nas phyi rabs kyi rnal 'byor bskal ba dang ldan pa rnams kyi don du/ ldem po dgongs pa las khyad par du 'phags pa/ lung gi rgyan chen po bco brgyad lags te/ yod min gyi lta bas gong chod de/ de dang lta ba 'dres kyi dogs pa'i phyir/ byang chub kyi sems ton men gyi lta ba las khyad par du bya ba'i phyir/ lung gi rgyan bco brgyad byang chub kyi shing drung du 'jam dpal bshes gnyen la gdams te/ rgyas btab nas sbas so// rgya de nas rdo rje gdan du 'bri sing ha la gdams te/ rgya de nas bi ma la mi tra la gdams te/ rgya lung bco brgyad tshig gis don don gting rdzogs par bya ba'i phyir/ tshig de la mkhas pa nyi shu rtsa gcig gis/ ku sha'i 'du khang du brtsal du med pa'i bsgom pa mthar btugs te/ kun gyi rtogs tshad dga' rab rdo rje la phul te/ dga' rab rdo rjes 'jam dpal bshes gnyen la phul te/ rgya de yan chad du byin gyis brlabs kyis bshad do// rgyarang gi ngo bos bshad pa ni/ phyi nang chos thams cad dus gsum du 'dus ma byas te/ 'gyur ba med pa'i mnyam pa chen po'i klong / 'dus ma byas pa'i snying po/ snying po byang chub kyi mchog/ bde ba chen po'i rang bzhin/ chos kyis ma byas pa'i shes rab kyis

  10. 298a

    dkyus kun khong nas bde'o// rgyatshig sdeb sbyor legs pas bshad pa ni/ theg pa 'og ma ltar tshig tu mngal don du mi zab palta bu ma yin te/ lung skrag ma bco brgyad mgo mjug tu tshig nyung ngu mas don za ba gtan la 'bebs te/ dkyus kyi tshig re re'i yig 'bru sdebs sbyor legs pa las kyang // nges pa yang dag pa'i man ngag re re ston pa'i phyir sdebs sbyor legs pas bshad pa'o// gnyis su na tshig rkang bzhi ba zhi bsdebs pa'i tshig shad re re la nges pa yang dag pa'i don dgongs pa la gcad pa re re ston pa'i phyir na// tshig sdebs sbyor legs pas bshad pa'o// de la rtsa ba'i don ni gsum ste/ thig le nyag gcig yang dag pa 'di mgo mjug tu lta ba mnyam pa dang / spyod pa mnyam pa/ thams cad ma lus pa'i don/ snying po byang chub mchog gi thig le ma 'dres yongs su rdzogs par mnyam mo// gnyis su na rtsa ba'i tshig re re la/ lta bas thag gcad pa re re/ dgongs pa'i don re re/ ye shes skye lugs re re/ man ngag re re/ zhal tshems re re/ ston pa de yang byang chub kyi rang bzhin nam/ mtshan nyid dam/ don ston pa'i phyir na rtsa ba'i don ces bya'o// rgyade la tshig

  11. 298b

    gi don ni mgo mjug tu/ dpe chung nyi shu rtsa gcig dang sbyar la don skor nyi shu rtsa gcig tu shes par bya'o// la lar yo ga'i don/ la lar dgongs pa'i don// gnas skabs kyis bsnyad par shes par bya'o// de yang dgongs pa khong 'brel lo// yo ga'i don ces pas/ a ti yo ga rdzogs pa mthar phyin par bstan pas yo ka'i don ces pa'o// rgya dgongs pa'i don ni/ thog ma'i sangs rgyas nyag gcig la/ 'du 'bral med pa'i dgongs pa nyag gcig rtags kyi ye shes ma bzung bar zin pa'i bas ma gtan chen po/ tshig gcig re re bstan pas dgongs pa'i don ces pa'o// rgya// dgos ched kyi don ni/ da lta nyid du/ 'bras bu lhun gyis rdzogs par bstan pa dang / mnyam par gzhag pa dang ma bzhag pa gnyis med par bde ba chen pos bstan pa dang / skad cig ma gcig la grol bar bstan pa'o// de yang gnyis med don gcig cha lugs kun nas skor// spyod la ma chags rang bzhin gdod nas dag/ lta spyod ya char ma gyur rgyud lung kun nas sprugs// ston pa bdag med skye ba kun nas gsal// chos nyid dbyings na thugs rje 'byung ba'i phyir// ye shes nyid kyang tshig gi mtha' las 'das/ rgya bi ma mi tra mkhas pa'i skye mchog

  12. 299a

    bdag/ 'bras bu'i nang nas 'bras bu'i chos la mkhas// gnyis med don gcig yang dga'abras bu'i chos la mkhas// khams gsum 'das pas 'bras bu rin po ches// las 'phro skal bar ldan pa'i rje blon snying gi bu la ba dag gtod pas// TI ka rtsa bas gcod sprug pa ma lus pa// slob ma dang ldan skal bar ldan pa ni// khyag pa chags yul 'di ni dkon ches pas// ngang tshul bzang zhing spu bzang yun ring bas// snying bzhin yun du byed pa'i slob ma snying dang 'dra ba la// mya nga ban ting 'dzin gdams ngag sbyin par byos// blo brtul 'phyon ma gtang med rnams la mi sbyin pas// rin chen gser ni rang tsam ster gyur yang // 'os la gsha' ba'i don gyi mdo tsam las// ma lus rtsa ba med par ma sbyin cig/ man ngag 'di yi rtsa lugs las// mig gi 'bras ltar btsa' ba dang // khong gi snying ltar bca' ba dang // yan lag mgo ltar gtsa' ba gsum// de gsum bzhin par 'phangs pa bzhin// bskal pa bgrangs par bstan pa men// rgyal khams chos lugs ngan pas slar yang gter du spos// zhes bka' bsdigs so// snyan khung brgyud pa'i lung bam po dang pos chos ji ltar byung ba'i khungs bstan pa'o// dang po'o// // sangs rgyas mya ngan las 'das pa'i mdo

  13. 299b

    gab pa mngon du phyung ba'i lung bam po gnyis pas dgongs pa la bzla ba'i man ngag/ bcom ldan 'das dpal rdo rje sems dpa' la phyag 'tshal lo// rgya spros pa med pa'i klong rang bzhin rnam par dag pa'i pho brang nas/ rang byung gi bcom ldan 'das snying po byang chub na bzhugs pa'i sku// rnam dag ye shes kyi lus can zhes bya bas/ gsang ba rmad du byung ba'i mdo bam po gnyis pas rgyud thams kyi snying po/ lung thams cad kyi mdo mdud/ man ngag thams cad kyi bcud/ chos thams cad kyi gzha' gnon/ sangs rgyas thams cad kyi dgongs pa mthar thug pa/ lung man ngag thams cad kyi ru ras/ sangs rgyas med par la bzla ba/ pradz+nyA ma hA pradz+nyA/ d+harmA ma hA dz+nyA na/ sarba bu d+ha ha ra ma mA da thi thI/ sangs rgyas mya ngan yongs mi 'da'// bdag med bdag tu bdag snang ba// thugs rje'i bdag po rdo rje'i chos// tsuR+Sha tsuR+YA tra d+ha shag/ sangs mya ngan ma 'aras na// nam mkha'i rdo rje med 'gyur ram// rapal ldan mgon po bdag snang ba// sangs rgyas kun gyi gtso bo yin// de phyir nam mkha'i rdo rje bdag/ kun tu bzang po mgon por grags// sangs rgyas chos las ma byung bas// tshig la mkhas pa tshig mtha' yas// mtha' yas mu med don brjod pa// rtags kyi ye shes mkhas pa'i sgrags//

  14. 300a

    tshig gcig mtshon pas don chen spungs// me long nang gi gzugs snang 'dra// rang bzhin dag pas shel sgong bzhin// dpe yi ye shes mkhas pas brtag/ don dam rang bzhin klong 'dus pas// phar bltas tshur la mthong ba yin// shes rab me lce'i bdag nyid kyis// rus gsum gcig ste rtag par bzhugs// thabs mkhas thugs rje'i bdag nyid la// rdo rje sems dpa'i ye shes sku// rdo rje'i lus su mya ngan 'das// stong pa bdag med phyogs chal// nga nyid sangs rgyas yin zer ba// mu stegs chad pa'i lam dang 'dra// nga nyid dag pa'i sku mthong na// dpe yi ye shes chos kyi sku// sku gsum rang bzhin yongs gsal kyang // gsal ba bdag med mya ngan 'das// chos dbyings rnam par dag pa'i klong // sprin med mkha' la nyi shar de// nyi grib mtshams kyi me long la// btsal gzugs snang ba yongs gsal ba// rdo rje 'chang gi gzhal yas khang // ma bkod lhun gyis grub pa yin// bdag med phyogs bral phyogs snang ba// rdo rje sems dpa' mya ngan 'das// ya ta rgyal ba'i dkyil 'khor nas// ma ta dmyal ba'i gnas yan chad/ bkod pa med par rgyan du snang // snang ba'i 'dzin med mya ngan 'das// kye sems dpa' chen po phyag rgya ma skyes pa'i sku/ de bzhin gshegs pa rnams ni/ nga'i shes

  15. 300b

    rab kyi bdag nyid ye shes kyi dbang du gyur pa ste/ rang bzhin rnam par dag pa'i dri ma med pa'i klong du yongs su mya ngan las 'da' bar 'gyur ro// thugs rje'i byin gyis brlabs kyi de bzhin gshegs pa ning rdo rje sems dpa' nyid yin te/ rigs lnga'i sangs rgyas dang mi phyed par bzhugs so// rtogs pa khyad par can gyi de bzhin gshegs pa ni/ slob dpon dga' ra ba rdo rje yin te/ nga rdo rje sems dpa' dang don so so ma yin tha mi dad par bzhugs so// rgyu 'thun pa'i de bzhin gshegs pa ni/ byang chub sems dpa' 'jam dpal bshes gnyen la sogs te mkhas pa mi bzhi/ shes rab kyi bdag nyid ting nge 'dzin gyi dbab du gyur te/ de bzhin gshegs pa ltar gsal ba la grangs kyis mi bgrang dbye/ sangs rgyas mya ngan las 'das pa'i dus na dbugs kyi rta la mi zhon pas mi 'grang / shes pas shes so// 'jal byed med par ye shes pa'i dus na/ bdag nyid chen po zhi ba mya ngan las 'das so// rgya bcom ldan 'das gsang ba bla na med pa'i dgongs pa nyag gcig la snyoms par bzhugs pa'i tshe/ rgyu nyid rgyu la gnas pas rgyu ma spangs gnas su dag na rgyu rdo rje la snying po ye shes gnas te/ rgyu skye ba med par mya ngan 'das so// snying po la snying po'i gnas te/ byang chub kyi snying pon rang byung bde ba chen po 'du' bral med

  16. 301a

    par bzhugs pa'i tshe/ dgongs pa 'du shes thams cad mi gnas pa'i ye shes chen po'i sbyong du mya ngan las 'das so// de bzhin gshegs pa la ye shes lnga'i 'od gsal ba'i rus su/ ye shes kyi bdag nyid shes rab kyi klong du zag pa med par mya ngan las 'das so// rgya bcom ldan 'das thugs rje chen po'i rtsal la snyoms par 'jug pa'i tshe/ seng ge lta bu'i dgongs pa mthar phyin te/ bsam gtan ton men gyis lta ba zil gyis mnan te/ sangs rgyas kyi sa nas sangs rgyas kyi zhing du stobs khyad par can gyi gom pa gcig gis snyoms par 'jug go// re rogs med pa'i dgongs pa mthar phyin te/ glang chen lta bu'i lha stangs kyis/ dgongs pa zab mo'i klong 'gyur ba med pas/ skyon yon dang theg pa'i mtha' gang la yang ma bcisam bkrol ba'o// dgongs pa'i mtha' gang gis kyang bslad du med par ni/ 'ad ba chags kyi rgyal po khyung lta bu ste/ bya ba grub pa'i ye shes mthar phyin te/ rang bzhin rnam par dag pa'i mkha' la mi bskyod par bde bar gnas so// shes rab kyi stobs 'gag pa med par gsal ba ni snang gsal thugs rje 'od kyi me nam mkha'i mthongs na shar ba lta bu ste/ lhag mthong rig pa'i ye shes la/ chen po lnga'i sgron me bteg ste/ dus rtag tu sal le sang nge sa

  17. 301b

    le lhang nge lhan ne bde ba chen po'i klong ni 'du 'bral med par zhi ba mya ngan las 'das so// rgya byang chub sems dpa' sems dpa' chen po shes rab kyi stobs kyis rtogs pa khyad par can la spyod pa ni/ las kyis sgrib tu med la/ thugs rjes skyab tu med de/ khyung phrug dang seng phrug gi tshul/ bdag sangs rgyas pa'i dus na chos nyid kyis ji tsam 'khor ba de bzhin du/ sgyu ma lta bu'i sku rnam par dag pa'i ye shes kyis gang rgyas par gyur te/ mi sngon gnas su phyin pas lam rgyal rtse mo'o// ma btsal lhun gyis grub pas dgongs pa'i rtse mo'o// blang dor gang yang med pas theg pa'i rtse mo'o// shes rab klong nas gsal bas lta ba'i yang rtse'o// 'dod yon dgag sgrub med pas bsam gtan zas kyi rtse 'od kyi gos dang ldan pas rang byung chas kyi rtse/ yul sems gnyis su med pas 'gyur med mkhar gyi rtse/ sku gsum 'du 'phrul med pas yengs med grogs kyi rtse/ snying po rang las byung bas zad med gter gyi rtse/ rdo rje sems dpa' bdag nyid gcig pu nyid/ rnam par grol ba'i ye shes zag med pas/ mi snang rgyal ba'i dgongs par sangs rgyas pas/ rgyal mtshan rtse mo rtags kyi phyag rgyar gsal// rgya/ bcom ldan 'das thugs rje chen po dang ldan pa/ thabs mkhas pa'i ye shes kyi mngon par sangs

  18. 302a

    rgyas pa de ltar lags na/ de'i tshe de'i dus su sangs rgyas zhi ba mya ngan las ma 'das na mtshan ma'i skyon du 'gyur te/ bcom ldan 'das dgongs shig skye mched mu bzhi'i lha la yang sems gsal ma 'gags pa tsam dang / ye shes sgyu ma'i lus tsam yod de/ de ni zag pa dang bcas pa'i sgyu lus yin no// de las khyad par du/ 'phags pa'i dgongs pa ji lta bar mya ngan las 'da' bar bgyi/ zhes zhus pas/ de nas bcom ldan 'das kyi bka' stsal pa/ rigs kyi bu legs so// skye mched mu bzhi/ lha rnams la sems gsal ba ma 'gags pa tsam yod do// de nyid rang dri ma dang bcas pa rig pa la sems ces bya ba'i chos can/ 'khor ba'i rgyu ma rig pa kho na'o// ma rig pa'i dbang gis dang po ye shes kyi rgyu ma rig/ bar du gnas pa'i 'od la chags/ tha mar skyal so'i gnas med de/ de ni zag pa dang bcas pa'i 'bras bu'o// zhes gsungs nas/ rigs kyi bu chos thams cad rang bzhin med do// zhes bya ba la sogs pa'i lta bas/ byang chub sems dpa' rnams dga' bar byed cing / don// nges par sems pa rnams ni lung gis 'khrul te/ dper na rgya mtsho'i gting du rin po che gser gyi pha bong 'dril ba lta bu ste/ shin tu 'byung bar dka' na byang chub sems

  19. 302b

    dpa' sems dpa' chen po de ni bsam gtan phyal bar go bas/ mu stegs chad lta dang khyad par med de/ lung 'khrul pa mi klogs pa'i dpe bya long nam mkha'i mtha' tshol ba lta bu'o// rigs kyi bung la dang po ye shes 'byung ba'i rgyu yod de/ so rtags kyi phyag rgyar rin po che'i yi ge 'bru lnga 'byung ba lnga'i ngo bo nas grub ba ra du dpa'i ye shes la brten nas rtags kyi ye shes gtan la pha ba/ 'dzin byed kyi lcags kyu dang sdud byed kyi dngas mas// mu stegs chad par lta ba la sogs te/ dbu ma stong pa phyogs gcig par lta ba las grol te/ ye shes sgyu ma'i lus kyis khyad par du 'phags/ tha mar ye shes chos kyi sku la thim pa'i dus su/ rang bzhin rnam par dag pa'i klong du mi gnas pa'i ye shes gzhi la thim pa ni/ sku rnam dag ye shes med pa'i klong du mya ngan las 'das so// rgyu thams cad yi ge med pa'i klong du mya ngan las 'das so// tshig thams cad spros pa med pa'i klong du mya ngan las 'das so// sku thams cad ye shes zang thal chen po'i klong du mya ngan las 'das so// phyi snod kyi 'jig rten 'byung ba lngas bsdus pa thams cad/ sangs rgyas kyi zhing yongs su dag par mya ngan las 'das so// nang bcud kyi sems can mi dang mi ma yin pa thams

  20. 303a

    rang byung gi ye shes chen po'i klong du mya ngan las 'das so// chos thams cad ma byas pa'i chos nyid kyi du mya ngan las 'das so// 'das zhes bya ba'i tshig de nyid kyang bla dgas so// ma byas pa'i chos la btsal du med par rdo rje sems dpar bstan to// rgyardo rje sems dpa' la bdud zhugs pa'i dus bstan pa rdo rje sems dpa'i sna thag ma shes na/ bsgom bya sgom byed nga la sgrib pa yin/ thugs rje rgyun gyi thag pa ye rtags chen por ma shes na/ rtsol ba'i mos sgom la sgrib pa yin/ snga khring rdo rje sem sa dpar ma shes nA/ snang ba chos skur 'dod pa ngal sgrib pa yin/ dgongs pa nyag gcig bar mtshams med par ma shes na/ lung gi sang sangs rgyas nyag gcig tshig tu brjod pa nga la sgrib pa yin/ gdams ngag tshig gcig don gyi gnad du ma tshud na/ sgrib gnyis sbyangs shing tshogs gnyis bsag pa nga la bsgrib pa yin/ rgya ma rig sgo nga'i sbubs 'byed pa// kun gzhi zo ba zhabs med du// gsal ba'i mar me ra nga shar bas// yang dag bde ba'i sku la snang srid gsal// ces gsungs so// rgya/ mngon du phyung ba'i lung bam po gnyis pas dgongs pa'i la bzlas nas/ rdo rje lta bu'i ting 'dzin thob bo// sangs rgyas mya ngan las 'das pa'i

  21. 303b

    mdo lung bam po gnyis pa/ snying po byang chub mchog gi phyag rgya can zhes bya ba/ rdo rje sems dpa' yongs su mya ngan las 'das pa'i lung bam po gnyis pa'o// gter rgyuH bcom ldan 'das dpal rdo rje sems dpa' la phyag 'tshal lo// yongs su grags pa'i lung bam po gsum pa bco brgyad pas yid ches pa'i don gtan la phab pa ni/ dga' rab rdo rje khyod nyon cig/ lung gi rgyan bco brgyad pa 'di ni/ rin po che sna lnga'i mchod rten la bya khyung gi gsung grogs po lta bu ste/ dpe las mtshan du gsol ba bya rje lu byug/ don las mtshan du gsol ba gsung rig pa'i khu byug/ rtag las mtshan du gsol ba rdo rje tshig drug pa/ rgya zin pas rtsol ba'i nad spangs te// lhun gyi gnas pas gzhag pa yin// zhes gsungs so// rgyud thams cad kyi mdo dgongs pa nyag gcig la rdzogs pa bsdu ba khong don no// i thirgya/ oM ti yo ga rdzogs pa chen po bya btsal dang bral ba ni/ dper no gangs dkar gyi rtse la seng ge'i sgra sgrog pa lta bu ste/ chos kyi sku thig le nyag gcig la// theg pa mtha' dag gi rtsal rdzogs pa ni/ sgrub med rtsal sbugs smon pa med pa yi/ bya med lhun rdzogs snga ma de bzhin nyid/ ces gsungs so// rgya mtsho chen por chu bran 'du ba bzhin// byang chub sems dpa'

  22. 304a

    ye shes dpag med du// rtogs pa'i klong chen mi g.yengs don ston pa// rnam dag byang chub sems kyi sgom pa yin// zhes gsungs so// rgyu khyud chen gshog rdzogs mkha' la lding ba ni// snang srid thams cad gsal zhing dgongs pa'i 'du shes med// bya bral zin pa'i bde ba 'dod pa med pa sa len// shin tu myur ba'i ye shes bsam pa kun dang bral// lam med lam du 'jug pa rnams kyi nang che ba// phyin par 'dod pas ri dag sa smig rgyu snyeg pa 'dra// nang gi rang bzhin legs pas re ba thams cad skong // brtags na med la bzhag na legs pa 'byung ba che// yangs so che'o chos chen po// chu dun rnams kyi gnyen po yin// zhes gsungs so// rgya ji ltar gling bzhi'i rgyal po la// bran rnams 'du ba ji bzhin par// byang chub sems chen rje btsan dam pa 'di// ston pa'i thugs las brtol te bstan pa yin// rje btsan dam pa'i byang chub sems// dmigs med don rtogs chos kyi rje// snang ba'i yul la gang gnas kyang // rje ba tsan sku la nyams de dman// zhes gsungs so// rgya ji ltar rgya mtsho chen po la// gya yi yan lag rdzogs gyur na// 'gro bas pha rol phyin par 'gyur// skye shi bral bas rang byung bde ba'i klong // 'gyur med lhun gyis grub pas smra bsam yul las 'das// 'gyur ba med

  23. 304b

    pa'i a ti yo ga ru// 'gro ba thams cad skye shi med par bsgral// ces gsungs so// rgya ji ltar nor bu rin chen la// byi dor byas shing mchod par byas gyur na// dgongs pa thams cad rang bzhin yongs kyis 'du// bgrod pa med par grol ba'i lam ston pa// gzhan nas btsal bas rnyed par mi 'gyur te// thig le chen pos kun tu khyab par gnas// / rang byung lenas ma bcos 'od gsal ba// gnyis med bde ba'i mchog ste lhun gyis grub// ces gsungs so// rgya rang bzhin yongs kyi gsal ba'i nam mkha' la// snang gsal nyi ma shar bas snang srid kun tu gsal// chos nyid bde chen klong yangs brdal ba la// rang byung 'gyur med rig pa spros dang bral bas tig/ byang chub sems chen rgyal ba kun bzang la// dus gsum sangs rgyas gcig tu gnas pas tig/ 'khor ba yongs sgrol a ti yo ga la// snang srid thams cad ye sangs rgyas pa sa tig ces gsungs so// rgya ji ltar rgyal po'i pho brang du// bran rnams thams cad 'du ba bzhin// lta ba'i yang rdzogs a ti yo ga la// theg pa brgyad rnams so sor don brjod nas/ 'bras bu grub pa gcig tu nges par 'dus// rgyu la rag ma lus pas byang chub lam// 'bras bu rang la rdzogs pas snang srid ye sangs rgyas// zhes gsungs so//

  24. 305a

    skye med dag pa'i nam mkha'i cho 'phrul ci snang yang // nam mkha'i ngang la g.yos pa med// rdzogs pa'i yang rdzogs a ti yo ga la// theg pa ma lus rdzogs pas nam mkha'i ngang du gsal// 'khor brtsad nas gcod pa'i nam mkha'i rgyal po 'di// snang srid ma lus ye sangs rgyas pas gsal ba ste// don la btsal du med pas man ngag nam mkha'i rgyal po yin// zhes gsungs so// rgya ji ltar rgyal mtshan rtse mo la// 'gyur bapa med cing nub pa med// rang bzhin nam mkha' chen po la// zad cing stongs pa'i dogs pa med// nam mkha' chen po 'byung ba kun gyi rtse// rang byung ye shes chos rnams kun gyi rtse// skye 'gag med pas 'khor ba kun gyi rtse// dran rtog med na sgom pa kun/ gyi rtse/ thams ca yongs las rgyal bas rtse mo byung rgyal yin// zhes gsungs so// rgya rnal 'byor nam mkha'i bya lam gnas// ngam grog g.yang sa med par gcod// ji ltar nam mkha'i mdung skor la// rog pa med par skor ba bzhin// bde 'byam lta bu'i nam mkha' la// don dam nyid du spos dang bral// rmongs pa'i mun pa sel ba'i don// zhes gsungs so// rgya ji ltar rgyal po'i btsun mo la// rin chen sna tshogs rgyan pa ni// yid du 'ong zhing tshul shes pas// 'gro ba yongs kyi skur gnas sa// bde ba chen

  25. 305b

    po'i byang chub sems// 'gro ba'i don du phra bkod pa// ma skyes bde ba'i byang chub la// nyon mongs skyon gyis ma gos te// tshogs rnams bsags pas phra bkod rang bzhin rdzogs// zhes gsungaso// rgya nam mkha' dag pa'i dus na snang srid yongs gsal ltar// chu la rnyog ma dngas na nyi zla gza' skar gsal// khams gsum sgron mas ma rig mun pa sangs// rig pa rang la shar bas gzhan gyis bcos su med// don dam spros me yang dag dbyings kyi bla// btsal du med pas sgom pa'i tshig las 'das// zhes gsungs so// dpag bsam shing gi sdong po la// yal ga lo 'dab me tog 'bras bu rnams// ma btsal bzhin du yongs kyis 'byung ba ltar// rgyu rkyen tshogs pa'i sdong bu la// rgyu/ gu don gyis 'byung ba ltar// spros med byang chub sems la sangs rgyas myu gu 'byung // rnam rtog spros bral byang chub sems zhes la// gzung 'dzin med pa'i bla mer myu gu 'byung // 'byung ba lnga nyid ye nas sangs rgyas la// snang srid lha yi dkyil 'khor myu gu 'byung // lung la sgrib pa med pas man ngag myu gu yin// zhes gsungs so// rgya ji ltar gcan gzan rgyal po seng ge la// rtsal gsum lus la tshangs pas gar yang thogs med 'gro// gdug pa'i nga ro phyung bas thams cad zil gyis gnan// yang rtsal stobs dang ldan

  26. 306a

    pas gcig pu gangs la gnas// rdzogs pa spyi gcod a ti yo ga ni// theg dman ma lus kun gyi can chen po// rtag chad mtha' la mi gnas ye shes bde ba'i klong // sna tshogs gzhi rtsa gcad du snang srid ye sangs rgyas// zhes gsungs so// rgya de yang chad du gdams pa'i rgyud bcu drug gi mdo dgongs pa spungs pa'o// i thiH/ bcom ldan 'das dpal rdo rje sems pa' la phyag 'tshal lo// rdo rje sems dpa' nam mkha' che// kun bzangs yangs pa chos kyi dbyings// rnam dag lam chen kun sgrol phyir// mi skye mi 'gag cir mi dgongs// tshig gcig pu la don chen spungs// don chen spungs pa ma shes na// rgyal ba mya ngan yongs mi 'da'// mgon po yis ni gsungs pa yin// rgya 'byung ba chen po bcom ldan 'das// 'di las ma byung gang yang med// 'gro ba kun la rang bzhin gnas// che ba'i ye shes rnyed dka' ba// shes rab thabs la brten pas 'grub// ming tsam gzhan la brten 'dra yang // mngon sum bde ba rang las 'byung // snang ba med pa'i chos nyid ni/ ma bcal bzhag na sgom pa yin// mchog tu gsang ba'i chos nyid ni// rna dbang gzhan las thos mi 'gyur// de bzhin lce yi dbang pos kyang // de la brjod du rdul tsam med//

  27. 306b

    ci ste las kyi dbang gyur na// rang byung ye shes yod ma yin// gdod nas snying po byang chub la// stsal pa'i bsam pas dbyings mi bskyod// yon tan chen po bsam gtan ni// bsam gtan nyid na bsam du meng // ma bsam ma sbubs chos bzhin du// rnam rtog nyid las ye shes skye// bde dang sdug bsngal rgyu 'thun zhes// 'gro ba'i mgon po sems/ dpas gsungs// 'dod chags zhe sdang gti mug kyang // byang chub chen po'i lam las 'byung // kun spyod yon tan rnam lnga yang // chos nyid dbyings kyi rgyan du gsungs// gang nas gang du sa 'phar lam// bya bral chos dang 'thun pa men// ci ste lam la bgrod gyur na// nam mkha'i mtha' bzhin thug pa med// de la de bstan de yang thob// de las de 'byung ngo mtshar che// kun gyi mnyam nyid yin pa la// phyogs su bltas pas grub pa med// dus gsum gcig ste khyad par med// sngon med phyis med gdod nas byung // chos skus khyab pa gcig pa'i phyir// che ba'i chen por rang bzhin gnas// rnam dpyod du sa la ltos pa rnams// dus der 'byung bar mi 'gyur te// ma bral smon pas spyod pas na// stong pa'i mtshan nyid gsungs pa yin// gcig ste rnam pa yongs kyis med// rnal 'byor nam mkha'i bya lam gnas// ma byung ma skyes snying po la// sgro btags chos kun

  28. 307a

    ga la yod// mi g.yo ba ni sku yi rgya// mi bskyod pas ni ye shes te// mi len pas na bdag med cing // mi 'dor tshig bral mnyam nyid do// 'di la brtul zhugs drag shul gyis// gnas su bya ba ming med do// rnam grangs brgya stong phrag yas pa// gang ltar spyad kyang me tog skye// gleng bral 'di la gnas pa yis// rnal 'byor de ni skal ba bzang // bdag dang gzhan ron mi 'byed pas// sgyu ma lhun grub yul la rol// lhag ma med pa sa yongs su rdzogs// 'gyur ba ma yin drang por gnas// nam mkha bzhin du mtha' mnyam zhing // gzhan la ltos 'gyur chos ma yin// lhun gyis gnas pa'i bde chen te// mtshungs pa med pa'i ye shes kyis// rang gi mthu yi rig pa las// chos ni gzhan las 'byung mi 'gyur// ngo mtshar rmar byung rol pa 'di// bya bral nam mkha' ji bzhin te// cir yang mi dmigs gti mug las// de ma thag tu rang las 'byung // de ni thams cad mtshungs pa'i lam// 'gro ba kun la rang bzhin gnas// go ba'i yul na bde ba che// de nyid rnam dag 'jig rten yin// de la phyogs kyi 'od 'dus pas/ phyogs bzhi mtshams dang bla 'og 'grub// ma nges 'ja' tshon kha dog las// rigs kyi khyad par mngon par snang // mnyam pas rim pa bkod pa med// gcig

  29. 307b

    pas phyogs su bsngo dang bral// lhun gyis gnas pas mi bsngo zhing // gdod nas dag pas bdud rtsi yin// yid kyi bsam pa yongs dag ste// bltas pa'i stobs kyis bkram pa'o// mthong bar gyur pa'i dngos gru ba la// de ni mnyam bzhag rdzogs pa'o// yud tsam bzung bas sbyor ba yin// dga' bar gyur pas dam tshig yin// thabs gyi gar stabs bskyod pa yin// gnyis med sbyor bas phul ba yin// mi gzugs btang bas gtor ma yin// bya ba med pa sa las rnams 'grub// mi rtog ye shes bgegs ba sa la nas// mi gsung mnyam bzhag sngags tshig gi/ bla ma mchod dang bstod pa dang // de bzhin bsod nams thams cad kyang // ma chags mi g.yo'i stob med na// byas na 'ching ba chen por 'gyur// de bas de lung de nyid las// de las de ltar sgrib par 'gyur// de ltar de la de rtog na// de la de nyid grub pa med// ces lung dgongs pa la spungs pa'i mdo zab mo// ma hA a kar+ra/ sha ka ri sha/ su tra/ bcom ldan 'das dpal rdo rje sems dpa' la phyag 'tshal lo// yongs su rdzogs pa'i mdo// lung gi rgyal ba yang gsang rmad du byung ba'i lung / thig le rang byung nyag gcig po/ nga yis bshad kyis ngal nyon// ye nyid nas

  30. 308a

    ni 'khor ba med// de dbang gyur nas sangs rgyas pa// rdzogs pa'i bde chen ngo bo la// dang du nyon mongs gcod pa'o// ma bcos mkha' 'ang lhun rdzogs te// nam mkha'i ngang las g.yos pa med// lhun gyis grub pa'i chos chen po// shin tu med pas rdo rje 'chang // sems can rgyu gzhi sangs rgyas dang // 'khrul nas gzham du tshol ba yi// stong ba mu yis don mi rnyed// gas dra ba'i zhal gyis pa zhes pa'o// 'gyur ba med pa'i ba de chen ni// gzhan la ltos pa ma yin te// sangs rgyas nga las gzhan med pas// rmad byung byang chub pa rang ngo // thig le gcig pas byang chub sems// mi 'byed sangs rgyas ngo bo dang // 'byung bas bskyed pas ye sangs rgyas// mtshon du med pa'i 'byung gnas pa// 'khor ba 'jig pa'i rang bzhin paso// ngal btud na sangs rgyas yin// yang dag pa'i le'u bstan to// bcom ldan 'das lung thams cad kyi bdag nyid// dpal rdo rje sems dpa' rang byung gi rgyan bco brgyad kyis bkrol nas/ dga' rab rdo rje la bzhag pa'o// sangs rgyas mya ngan las 'das pa'i mdo lung bam po gsum pa// snying po byang chub mchog gi phyag rgya can ces bya ba las/ bam po tha ma lung gis yid ches par bstan pa rdzogs so// /

  31. 308b

    / nga yis bstun pa'i gsang gter 'di// gting dpag med pa'i rgya mtsho nas// srid pa gsum gyi rtse mo ru// nub pa med pa'i gter du bstan// ces rdo rje sems dpa' thugs kyi klong brtol nas/ dga' rab rdo rje khyod la gtad// skye shes 'jig pa'i sems can la// rdo rje bcus khrag thon la gtad// de min par ni gsang bar gsungs// zhes ga ta rgya'o// rgya gar skad du/ ar+ya ma hA gu h+ya pra swa ra na ma sU tra/ bod skad du/ 'phags pa gas sngags chen po bsam gyis mi khyab pa'i mdo zhes bya ba/ bcom ldan 'das ting nge 'dzin gyi rgyal po la phyag 'tshal lo// 'di skad bdag gis thos pa'i dus gcig na/ ku sha'i 'du khang na/ bcom ldan 'das bskyed pa seng ge lta bu'i ting nge 'dzin la snyoms par zhugs te/ 'khor rnams la 'di skad ces gsungs so// kye ma byang chub 'dod na sdig pa'i las rnams cher spyod de don blo la bzhag/ gang yang snying rjer mi gzung su yang snying mno de ni gang yang med/ ces te srog med zo ba cad sdig tu 'gro na ye nas chad pa su la sdig/ snying rjes byang chub rlan du mi ga ter snying rjes su la gzung // gang la 'jan pa yod pa de la lhag pa'i bsam pa yod kyang sdig/ 'dzin rtog khang 'gram