F294MW1KG13607_0294mdo sdeAll versions of this work

'phags pa mi 'am ci'i rgyal po ljong pos zhus pa zhes bya ba theg pa chen po'i mdo

Āryadrumakinnārarājāparipridcanamamahāyanasutra

Text

ff. 121a–210b · 180 folio sides

  1. 121a

    dper na/ mi rtsang ba nyung ngu yang mi zhim pa lta ci smos/ de ltar de bzhin du/ nga ni srid pa mngon par sgrub pa chung ngu la yang tha na de'i skad cig tsam yang sngags pa mi brjod do// de ci'i phyir zhe na/ dge slong dag srid pa mngon par sgrub pa ni/ sdug bsngal yin pa'i phyir ro// so so'i skye bo byis pa thos pa dang / mi ldan pa de dag ni 'gro ba lnga po'i 'khor ba gang du yang dang yang dmyal ba rnams dang / yang dang yang dud 'gro rnams dang / yang dang yang du ngan song ngan 'gro logs par ltar ba rnams su kun tu rgyug/ kun tu rab tu rgyug go/ dge slong dag de ltar bas na/ de'i phyir 'di ltar slab par bya ste/ srid pa rgyun chad par bya ba gang yin pa la brtson par bya zhing // srid pa mngon par sgrub par mi bya'o// dge slong dag khyed kyi de ltar slab par bya'o// bcom ldan 'das kyis de skad ces bka' stsal pa dang / dge slong dag yid rangs te/ bcom ldan 'das kyis gsungs pa la mngon par bstod do// tshe'i mtha'i mdo rdzogs s+ho// rgya gar gyi mkhan po bi da ya ka ra sing ha dang / zhu chen gyi lo chu ba ban d+he dpal rtsegs kyis sbyar te/ zhes nas brtan la phab pa'o// // sarba mang+ga laM// rgya gar skad du/ Ar+ya dru ma kin nA ra/ rA dzA pa ri phred can ma ma hA ya na su tra/ bod skad du/ 'phags pa mi 'am ci'i rgyal po ljon pas

  2. 121b

    zhus pa zhes bya ba/ theg pa chen po'i mdo// sangs rgyas dang byang chub sems dpa' thams cad la phyag 'tshal lo// 'di skad bdag gis thos pa'i dus gcig na/ bcom/ ldan 'das rgyal po'i khab na/ bya rgod phung po'i ri la/ dge slong drug khri nyis stong gi dge 'dun chen po dang / byang chub sems dpa' sems dpa' chen po phal cher phyogs bcu'i 'jig rten gyi khams nas 'das pa bdun khri stong thams cad kyang / mngon par shes pa/ gzungs thob pa/ spobs pa chags pa med pa/ ting nge 'dzin thob pa// dran pa dang blo gros dang rtogs pa dang / mos pa dang / ngo tsha shes pa dang / khrel yod pa phun sum tshogs pa/ bsam pa rdo rje ltar brten zhing mi phyed pa/ sangs rgyas kyi chos thams cad la sbyor ba phun sum tshogs pa/ lhag pa'i bsam pa khyad par 'phags pa la zhugs pa/ bdag nyid byang chub kyi sems mi 'dor ba/ sems can gzhan byang chub sems dpa' yang dag par 'dzin du 'jug pa/ sbyin pa dang dal ba dang / yang dag par sdoms pa dang / bzod pa dang / nges pa dang / 'phags pa'i dngos po thams cad yongasu btong ba/ yongs su bsngo ba'i cho ga shes pa lus dang ngag dang / sems tshul khrims kyi rgyan gyis legs par brgyan pa dang / sems can thams cad la sems snyoms pa dang / bzod pa dang nges pa'i stobs kyi cho ga shin tu dgos pa/ bskal pa grangs med pa/ bye ba phrag khrig brgya stong du brtson 'grus shin tu brtsob pa//

  3. 122a

    bsam gtan dang / rnam par thar pa dang / ting nge 'dzin dang / snyoms par 'jug pa dang / mngon par shes pa'i ye shes kyis rnam par brtson pa/ tshig thams cad rab tu dbye ba la spobs pa chags pa med pa'i shes rab dang / ye shes la mkhas pa/ lhun po'i ri ltar sems g.yo ba med pa/ sa dang chu dang me dang rlung / ri ltar rjes su chags pa dang / khong khro ba dang bral ba/ byams pa chen po la gnas te/ 'od zer thogs pa med pa/ snying rjes chen po la gnas te rtag tu sems la lta bar brtson pa dga' ba chen po la gnas te/ chos kyi kun dga' la dga' bar ldan pa/ btang snyoms chen po la gnas te/ gnyis su med par shes pa thob pa/ 'jig rten gyi chos brgyad po brnyed pa dang / ma rnyed pa dang / grags pa dang ma grags pa dang / bstod pa dang / smad pa dang / bde ba dang sdug bsngal las 'das pa/ phas kyi rgol ba ngan pa'i tshogs can gi tshogs thams cad kun tu rab tu 'joms pa/ bdud dang nyon mongs pa'i phyir rgol ba bcom pa/ u dum pa ra'i me tog mthong ba ltar shin tu 'byung ba dka' ba/ gsol ba btab pa sems can thams cad la dge ba'i bshes gnyen byed pa/ yongs su mya ngan las 'da' ba'i bar du gtan du mdzad pa/ seng ge'i sgra chen po sgrags pa/ sangs rgyas kyi chos zab mo dang / mi 'jigs pa bsgrogs pa/ de bzhin gshegs pa'i phyag brgyas btab pa/ mi 'khrugs/

  4. 122b

    par byed par lung bston pa/ ji ltar smras pa de bzhin byed pa/ de kho na'i chos kyi tshul gi chos ston pa/ 'od kyi nyi ma dang zla ba mog mog por byed pa/ phyogs bcur sgra sgrags pa/ sangs rgyas thams cad kyi byin gyis rlabs kyis shin tu byin gyis brlabs pa chos dkon mchog gi mdzod yang dag par 'dzin pa/ dkon mchog gsum gyi rigs mi gnod par yid la byed pa/ sangs rgyas kyi zhing mtha' yas par 'gro ba la mkhas pa/ shin du rnam par 'phye ba/ rnam par 'byed pa la gnas pa'i blo dang ldan pa mthong ba dang // thos pa 'on yod pas rnam par gnon pa// rtag par rgyun tu sems yongs su smin par byed pa la brtson par shes rab kyi pha rol tu phyin pa dang / thabs la mkhas pa'i pha rol tu son pa/ sems can thams cad kyi dbang po mchog dang / mchog ma yin pa/ shes par ci rigs par chos ston pa/ sems can thams cad kyi spyod pa'i mtshan nyid kyi ba la mkhas pa/ sems can thams cad kyi sems kyi 'jug pa dang / btags pa bde klag du mkhas pa/ mi 'jigs pa chen pos 'jigs pa med pa/ rga ba dang na ba dang 'chi ba dang / nyon mongs pa rab tu zhi bar byed pa/ sangs rgyas bye ba phrag khrig brgya stong dpag tu med pa la dge ba'i rtsa ba bskyed pa/ mtshan dang dpe byad bzang po// yongs su rdzogs pa'i bsod nams dang / ye shes kyi tshogs ba sogs pa/ stong pa nyid dang / mtshan ma med pa dang / smon pa med pa'i chos thams cad la mos pa//

  5. 123a

    rnam par grol ba smon lam shin tu btab pa/ sems can thams cad chos thams cad sgyu ma dang / smig rgyu dang rmi lam dang / chu zla dang / mig yor dang / brag cha dang / na mkha' dang mtshungs par mos pa/ sgra skad thams cad nges pa'i tshig gi ston pa'i ye shes la mkhas pa/ chos dang don dang nges pa'i tshig dang / spobs pa so sor yang dag par rigs pa thob pa/ 'jig rten las 'das pa'i shes rab kyi dbang po la rtog par khong du chud pa/ shugs chen po 'dzin pa'i stobs bcu la nye bar gyur pa/ sha'i mig dang / lha'i mig dang / shes rab kyi mig dang / chos mig dang / sangs rgyas kyi spyan gyi snang ba thob pa/ lam gyi yan lag gi tshogs shin du bsags pa'i lam thams cad la 'jug pa'i ye shes la mkhas pa/ byang chub sems dpa'i sde snod snang ba la 'jug pa'i cho ga shes pa/ phyir mi ldog pa'i 'khor lo bskor ba/ mtshan nyid kyi phyag brgya'i ting nge 'dzin thob pa/ rdo rje'i dkyil 'khor gyi ting nge 'dzin la 'jug pa'i ye shes la mkhas pa/ chos thams cad la dbang byed pa'i ting nge 'dzin mngon gsum du gyur pa/ chos dkon mchog gi sgron ma 'dzin pa/ sems can thams cad kyi sems kyi rgyud la lta ba/ rnam par lta ba ma' pa/ sangs rgyas kyi ye shes la nye bar gyur pa/ sems can thams cad la sangs rgyas kyi ye shes kyi bya bas so sor nye bar gnas na rnam pa thams cad kyi mchog dang ldan pa'i/

  6. 123b

    yon tan rin po che thams cad kyis brgyan pa/ bskal pa thams cad du bsngags pa yongs su brjod kyang mthar mi phyin pa sha stag la 'di lta ste/ byang chub sems dpa' sems dpa' chen po dga' byed dang / dga' 'byung dang / lag na rin po che dang / rin chen me tog dang / rin po che'i tog dang / mthong dga' dang / dga' ba'i blo/ gros dang / mig gis mthong dga' dang / sa 'dzin dang / dga' zhing mchog tu dga' byed dang / spyan ras gzigs dbang phyug dang / mthu chen thob dang / dpal chen dang / bdud 'dul dang / me tog man da ra'i dri dang / rlung lha dang / bden dga' dang / mnyam lta dang / mnyam mi mnyam lta dang / kha lo sgyur dang / gsol ba ma btab par sems can kun gyi bshes gnyen dang / byams pa dang / 'brug sgra dang / lhun po rtse mo 'dzin dang / lhun po brtsegs dang / lhun po'i mchog dang / 'od kyi tog dang / 'od dpal dang / sgron ma'i rgyal po dang / mngon gsum blo gros dang / 'od kyi yang dag brgyan dang / sna tshogs gcod pan dang / lha'i gcod pan dang / lha yul ba'i gcod pan dang / mdzes pa'i mig gis lta ba dang / lag bzangs dpe/ legs par bsams pa sems dang / 'khor lo rab gnas/ rkang pa dang / mi g.yo rkang pas rnam par gnon dang / rdo rje rkang pas rnam par gnon dang / rkang pas 'jig rten gsum rnam par gnon dang / dga' spobs dang /

  7. 124a

    spobs byur dang / spobs pa mi 'chad dang / spobs pa byin gyis brlabs dang / 'jam sgra dang / sems can thams cad tshim par byed pa dang / dra ba can gyi 'od dang / rgyal po'i blo gros dang / skye bar tshig byed dang / 'gro 'dzin dang / lha'i rgyal pos mchod dang / mchog gi blo gros dang / thogs med sems dang / skya ring blo gros dang / mi skyod pa dang / dpag med rin chen mdzod dang / byang chub blo gros dang / sna tshogs me tog dang / lha'i rgyal po dang / tshangs dbyangs dang / bzang skyongs dang / dkon mchog 'byung gnas dang / ded dpon bzang po dang / mis byin dang / chu lha dang / 'jam dbyangs dang / byang chub sems dpa' sems dpa' chen po 'jam dpal gzhon nur gyur pa la sogs pa byang chub sems dpa' bdun khri nyis stong dang thabs gcig tu bzhugs so// gang stong gsum gyi stong chen po'i 'jig rten gyi khams 'di'i brgya byin dang tshangs pa dang / 'jig rten skyong ba dang / de las gzhan pa lha dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po dang / mi dang mi ma yin pa rnams bcom ldan 'das la lta ba dang / phyag bya ba dang / bsnyen bkur bya ba dang / chos nyan pa'i phyir 'khod te/ de nyid du 'dus par gyur te 'dug go/ de nas byang chub sems dpa' sems

  8. 124b

    dpa' chen po'i lha'i gcod pan zhes bya bas 'khor de nyid du 'dus par nges/ byang chub sems dpa'i 'khor chen po de 'dus par rig nas/ stan las langs/ te/ bla gos phrag pa gcig tu gzar nas/ bcom ldan 'das kyi zhabs la mgo bos phyag 'tshal te/ bcom ldan 'das la lan gsuM bskor ba byas nas/ pus mo g.yas pa'i lha nga sa la btsugs nas/ bcom ldan 'das ga la ba der logs su thal mo sbyar ba btud nas/ bcom ldan 'das la tshigs su bcad pa 'di dag gis mngon par bstod do// 'jig rten 'das pa'i 'jig rten sgron ma mdzad// khyod ni 'jig rten don mdzad blo gros ldan// bsnang ba brnyes shing nyon mongs dri bsal ba// 'jig rten snang mdzad khyod la phyag 'tshal lo// sbyin la dgyes shing stobs bcu'i mchog mnga' ba/ dul ba 'dal ba'i gdul ba'i pha rol phyin// bcom ldan lha dang mi dang klus mchod pa/ dul ba'i mthar phyin khyod la phyag 'tshal lo// mtshan mchog 'gro ba mang po'i don mdzad pa/ 'dom gang 'od ni zer gyi kha dog 'dra// dge ba'i mtshan gyi dam pa gzugs mnga' ba// srid gsum mtshungs med khyod la phyag 'tshal lo// pha rol gshegs pa gzhan gyi tshogs 'joms pa'i/ phas kyis rgol ba'i rgal 'joms mi g.yo ba/ sems can gzhan gyi sems kyi spyod la mkhas/ thugs rje mchog ldan khyod la phyag 'tshal lo// dgra bcom rgyal ba nyon mongs

  9. 125a

    rdul bsal ba/ 'tsho ba dag cing rtul shugs tshul khrims chen po gnas// lha'i lha mchog dri med dri ma bral/ pha rol tshogs 'joms khyod la phyag 'tshal lo// bde gshegs rin chen mchog tu dga' mdzad pa/ dgon par rtag tu dgon par dgyes// rdul skyon gti mug rnyog pa mi mnga' ba// na mkha' mnyam thugs khyod la phyag 'tshal lo// chu bo bzhi rgal bden bzhi dka' mching gsungs// mig sprin bdud rtsi chos kyi dka' mching can// 'gro ba'i don mdzad 'jig rten gsum rgyu ba// 'khor lo'i zhabs can khyod la phyag 'tshal lo// lha dang mis mchod pa yis mthu bo che// mgon po lha'i dbang po bdud 'joms pa// mi dang lha klu tshogs kyi mchod pa yi// mi mchog dam pa khyod la phyag 'tshal lo// brtag tu bden sdung dam pa'i chos la dgyes/ mnyam thugs 'gro ba kun la byams pa'i thugs chos la mnyam gnas mi rnams kha lo sgyur/ yon tan mthar phyin khyod la phyag 'tshal lo// snyan pa'i sgra dbyangs rnam par dag dang ldan// tshangs pa'i dgra dbyangs lta bur 'jam pa'i gsungs// dbyangs kyi yan lag rab tshul kun rdzogs pa/ bden pa snyan gsung khyod la phyag 'tshal lo// stong pa mtshan ma med cing smon dang bral zab mo lta dka' shin tu rtogs par dka'// mthar lam 'jug par mkhas pa blo gros ldan// thar pa'i lam nges khyod la phyag 'tshal lo// rgyu la ston pa'i mkhas

  10. 125b

    pa bcom ldan 'das// mtha' gnyis lta ba rtag tu mi mnga' ba// las kyi rnam smin 'bras bu kho na gsungs// lta ba mun bral khyod la phyag 'tshal lo// gang nas ma byon gang du'ang gshegs ma lags// rtag tu dbyen pa'i chos rnams rab gsung pa// smig rgyu bzhin du nga'i mi mnga' ba// dge ba'i chos tshul khyod la phyag 'tshalo// skye ba mi skye gang du'ang skye ma lags// skye dang 'jig dang gang du'ang mi bas pa// chos kyi gnas nyid ji lta'i gnas la gnas// gnas la mi gnas rgyal la phyag 'tshal lo// de bzhin kho na de bzhin yang dag gsung // rtag tu mi g.yo de bzhin dang la bzhugs// lhun po rgyan rdo rje 'dra ba'i sku// mi g.yo ri rab mtshungs la phyag 'tshal lo// skra ni dben zhing mnyam thugs blo ldan pa// grags pa mtha' yas 'jig rten gsum du grags// skyes bu mchog la zhu ba zhus pa rnams// 'jig rten zla bas myur du skyabs dbyer gsol// de nas byang chub sems dpa' sems dpa' chen po lha'i gcod pan gyis// tshul dang 'dra ba'i tshigs su bcad pa 'di dag gis bcom ldan 'das la mngon par bstod nas/ 'di skad ces gsol to// gal te zhus nas zhu ba lung snyan pa'i slad du/ bcom ldan 'das kyis bdag la skabs phye na/ de bzhin gshegs pa dgra bcom pa yang dag par rdzogs pa'i sangs rgyas la bdag phyogs 'ga' zhig zhu'o// de skad ces gsol pa dang / bcom ldan 'das kyis

  11. 126a

    byang chub sems dpa' sems dpa' chen po lha'i gcod pan la 'di skad ces bka' stsal to// rigs kyi bu de bzhin gshegs pa dgra bcom pa yang dag par rdzogs pa'i sangs rgyas la ci dang ci 'dod pa dris shigs dang // ngas dri ba dris pa de dang de'i lung bstan pas// khyod sems rangs par bya'o// de skad ces bka' stsal pa dang / byang chub sems dpa' sems dpa' chen po lha'i gcod pan gyis bcom ldan 'das la legs so zhes gsol to// bcom ldan 'das kyis ltar nyan cing / bcom ldan 'das la 'di skad ces gsol to// bcom ldan 'das ji ltar byang chub sems dpa' spobs pa sna tshogs kyi brgyan dang ldan pa rnams lags/ ji ltar byang chub sems dpa' chos zab mo rnam par nges pa la 'jug pa/ shes pa mkhas pa rnams lags/ ji ltar byang chub sems dpa'i sems can thams cad kyi dbang po mchog dang mchog ma lags pa shes pa la mkhas pa rnams lags/ ji ltar na byang chub sems dpa' so so ci rigs par chos ston pa la mkhas pa rnams lags ji ltar na byang chub sems dpa' sems can thams cad kyi spyod pa shes pa la 'jug par shes pa rnams lags/ ji ltar byang chub sems dpa' rgyu dang 'bras bu dang / las kyi rnam par smin pa la 'jug pa shes pa la brjed pa ma mchis par spyod pa rnams lags/ ji ltar byang chub sems dpa'i brgyan gyis brgyan pa rnams lags/

  12. 126b

    ji ltar na byang chub sems dpa' bsam gtan gyi brgyan gyis brgyan pa rnams lags/ ji ltar na byang chub sems dpa' shes rab kyi brgyan gyis brgyan pa rnams lags/ ji ltar byang chub sems dpa' tshangs pa'i lam la mkhas pa rnams lags/ ji ltar byang chub sems dpa' mngon par shes pa las mi nyams pa rnams lags/ ji ltar byang chub sems dpa' g.yul las rnam par rgyal ba rnams lags/ ji ltar na byang chub sems dpa' rgal nas pha rol thang la gnas pa rnams legs/ ji ltar na byang chub sems dpa' nyan thos dang rang sangs rgyas dang sems can thams cad kyi spyod lam yang ston la/ ma brtags pa'i kun tu spyod pa dang yang ldan pa rnams lags/ ji ltar byang chub sems dpa' 'khor ba la yang lta la mya ngan las 'das pa la yang mi gnas pa rnams lags/ ji ltar byang chub sems dpa' khams sna tshogs la yang rnam par lta la/ chos kyi dbyings las kyang mi g.yo ba rnams lags/ ji ltar na byang chub sems dpa' don yang mi mdor la gnod par yang kun tu bda' ba rnams lags/ ji ltar na byang chub sems dpa' bsod nams kyis nor dang ldan la thabs kyi nor med pa rnams lags/ ji ltar na byang chub sems dpa' ma zhes bgyi ba'i sgos rnam pa ma mchis pa'i sgor 'jug pa rnams lags/ ji ltar na byang chub sems dpa' sangs rgyas kyi chos kyi chos thams cad mngon sum du gyur pa rnams lags/ ji ltar na byang chub

  13. 127a

    sems dpa' chos gtan la dbab pa rnam par phye ba shin tu rnam par 'byed pa rnams lags/ ji ltar na byang chub sems dpa' 'jig rten gyi bya ba dang 'thun par zhugs pa'ang nyon mongs pa thams cad kyis mi gos pa rnams lags/ ji ltar na byang chub sems dpa' gzhan dag gis ltar mi mthong ba'i chos kyi dbang phyag rnams lags/ ji ltar na byang chub sems dpa' de bzhin gshegs pa mthong ba dang mi 'bral ba rnams lags/ ji ltar na byang chub sems dpa' sems can thams cad kyi ston par gyur pa rnams lags/ ji ltar na byang chub sems dpa' sangs rgyas thams cad kyi chos kyi 'khor lo rjes su bskor ba rnams lags/ ji ltar na byang chub sems dpa' sangs rgyas kyi chos thams cad la dbang skur pa thob pa rnams lags/ de skad ces gsol pa dang / bcom ldan 'das kyis byang chub sems dpa' sems dpa' chen po lha'i gcod pan la legs so zhes bya ba byin te/ rigs kyi bu legs so// rigs kyi bu khyod skye bo mang po la phan pa dang / skye bo mang po la bde ba dang / 'jig rten la snying rtse ba dang / skye bo phal po che'i don dang / lha dang mi rnams la phan pa dang / bde ba'i phyir zhags pa dang / rigs kyi bu khyod da ltar gis dang / ma 'ongs pa'i byang chub sems dpa' rnams rjes su bzung ba dang / theg pa chen po 'di yun ring du gnas par bya ba'i phyir/ rigs kyi bu khyod de bzhin gshegs pa la don 'di yongs su

  14. 127b

    'dri bar sems pa ni legs so// rigs kyi bu de'i phyir rab tu legs par nyon la yid la zung shig dang / ngas khyod la bshad do// bcom ldan 'das la leg so legaso zhes gsol nas/ byang chub sems dpa' sems dpa' chen po lha'i gcod pan bcom ldan 'das kyis ltar nyan pa dang / bcom ldan 'das kyi de la 'di skad ces bka' stsal to// rigs kyi bu byang chub sems dpa' chos bzhi dang ldan na spobs pa sna tshogs kyi rgyan dang ldan pa rnams yin te/ bzhi gang zhes na/ 'di lta ste/ sems can thams cad la 'od zer thogs pa med pa rnams yin/ rin po che dang 'phangs pa'i dngos po thams cad yongs su gtong zhing yod la 'gyod pa med pa rnams yin/ chos smra ba gzhan dag gis bshad pa mi zlog cing rjes su yid rangs te/ dga' ba dang mgu ba dang / mchog tu dga' ba thob pas legs so zhes bya ba byin pa dang / chos mnyan pa 'am/ chos 'gro ba 'am/ de bzhin gshegs pa'i mchod rten gyi phyir ram/ mtshan po 'dug par bskul na/ mchog tu dga' ba dang ldan pa dang / byang chub kyi sems kyi lhag pa'i bsam pa dang / zang zing med pa'i sems kyi sbyin pa byin pa ste/ rigs kyi bu byang chub sems dpa' chos bzhi po 'di dag dang ldan na/ spobs pa snga tshogs kyis brgyan dang ldan pa rnams yin no// rigs kyi bu byang chub sems dpa' chos bzhi dang ldanan/ chos zab mo rnam par nges pa la 'jug pa shes pa la mkhas pa

  15. 128a

    rnams yin te/ bzhi gang zhe na/ rten cing 'brel par 'byung ba dang rjes su 'thun pa dang / bdag gi rang bzhin ltar sems can thams cad kyi rang bzhin rtogs pa dang / 'du byed thams cad gar yang mi 'gro/ gang nas kyang 'ongs par rab tu shes pa dang / chos thams cad na mkha'i phyag brgyas btab par mos pa ste/ rigs kyi bu byang chub sems dpa' chos bzhi po 'di dag dang ldan na/ chos zab mo rnam par nges pa la 'jug pa shes pa la mkhas pa rnams yin no// rigs kyi bu byang chub sems dpa' chos bzhi dang ldan na/ sems can thams cad kyi dbang po mchog dang mchog ma yin pa shes pa la mkhas pa rnams yin te/ bzhi gang zhe na/ chos kyi dbyangs kyi sgo shin tu sbyangs pa dang / sgribs pa med pa'i sgo mngon gsum du gyur pa dang / mngon par shes pas rnam par brtse bar shes pa dang / sems las su rung zhing ting nge 'dzin phun sum tshogs pa ste/ rigs kyi bu byang chub sems dpa' chos bzhi po 'di dag dang ldan na/ sems can thams cad kyi dbang po mchog dang / mchog ma yin pa shes pa la mkhas pa rnams yin no// rigs kyi bu byang chub sems dpa' chos bzhi dang ldan na/ so so ci rig par chos ston pa la mkhas pa rnams yin te/ bzhi gang zhe na/ so so yang dag par rig pa shes pa dang / sems gzung ba shes pa dang / chos rab tu rnam par 'byed pa'i shes pa dang / bdag gis spangs pas sems can thams cad kyi sems rab

  16. 128b

    tu sbyangs pas rab tu shes pa ste/ rigs kyi du byang chub sems dpa' chos bzhi po 'di dag dang ldan na/ so so ci rigs par chos ston pa la mkhas pa rnams yin no// rigs kyi bu byang chub sems dpa' chos bzhi dang ldan na/ sems can thams cad kyi spyod pa shes pa la 'jug par mkhas pa rnams yin te/ bzhi gang zhe na/ shes rab kyis 'dzud pa dang / ye shes chags pa med pa dang / thabs la mkhas la zhugs pas sgribs pa thams cad rgyun chad pa dang / blo shin tu sbyangs pa ste/ rigs kyi bu byang chub sems dpa' chos bzhi po de dag dang ldan na/ sems can thams cad kyi spyod pa shes pa la 'jug par mkhas pa rnams yin no// rigs kyi bu byang chub sems dpa' chen po chos bzhi dang ldan na/ rgyu dang bya ba dang / las kyi rnam par smin pa la 'jug pa shes pa la shes brjed med par spyod pa rnams te/ bzhi gang zhe na/ chad par smra ba ma yin pa dang / rtag par smra ba ma yin pa dang / rgyu dang bya ba dang las kyi 'bras bu la yang dag par ji lta ba bzhin du 'jug pa dang / chos la chos nyid du byed cing chos la chos su smra ba'i/ 'di la bdag dang bdag gir mi smra ba ste/ de ltar bya ba la 'jug pas/ rgyu dang bya ba dang las kyi 'bras bu chud mi gson pa ste/ rigs kyi bu byang chub sems dpa' chos bzhi po 'di dag dang ldan na/ rgyu dang 'bras bu dang las kyi rnam par smin pa la 'jug pa shes pa la brjed pa med par spyod pa rnams yin no// ris

  17. 129a

    kyi bu byang chub sems dpa' chos bzhi dang ldan na/ sbyin pa'i brgyan gyi brgyan pa rnams yin no// bzhi gang zhe na/ mtshan gyis legs par brgyan pa rnams yin/ dpe byed bzang pos rnam par spras pa rnams yin/ gzugs lta bas mi ngoms pa rnams yin/ lag na rin po che thogs pas longs spyod mi zad pa rnams yin te/ rigs kyi bu byang chub sems dpa' chos bzhi po 'di dag dang ldan na/ sbyin pa'i brgyan gyis brgyan pa rnams yin no// rigs kyi bu byang chub sems dpa' chos bzhi dang ldan na/ tshul khrims kyi brgyan gyis brgyan pa rnams yin te/ bzhi gang zhe na/ 'khor los bsgyur ba'i rgyal por 'gyur zhing / byang chub sems dpa' kyis brgyan pa dang / lha'i dbang po brgya byin du 'gyur zhing / byang chub kyi sems kyis brgyan pa dang / mi 'jed kyi bdag po tshangs par 'gyur zhing / byang chub kyi sems kyis brgyan pa dang / ngan 'gro thams cad yang dag par bcad nas/ lha dang mir skye ba yongs su bzung bar gyur cing / byang chub kyi sems kyis brgyan pa yin te/ rigs kyi bu byang chub sems dpa' chos bzhi po 'di dag dang ldan na/ tshul khrims kyis brgyan gyis brgyan pa rnams su rigs par bya'o// rigs kyi bu byang chub sems dpa' chos bzhi dang ldan na/ bzod pa'i brgyan gyis brgyan pa rnams yin te/ bzhi gang zhe na/ tshangs pa'i skad dang sgra dbyangs lta bu dang ldan pa rnams yin/ ka la ping ka'i sgra dang

  18. 129b

    rnga sgra lta bu dang ldan pa rnams yin/ skye bo mang pos mthong na dga' ba dang / sdug cing yid du 'ongs pa rnams yin/ dge ba'i chos rnam la yi dam la brtan pa yin te/ rigs kyi bu byang chub sems dpa' chos bzhi po 'di dag dang ldan na/ bzod pa'i brgyan gyis brgyan pa rnams su rig par bya'o// rigs kyi bu byang chub sems dpa' chos bzhi dang ldan na/ brtson 'grus kyi brgyan gyis brgyan pa rnams yin te/ bzhi gang zhe na/ dam bcas pa nyams 'og tu chud par bya ba'i chos shes pas yi dam la brtan pa rnam yin/ pha rol gyi gnas med pas/ rdo rje'i lus rjes su thob pa rnams yin/ bya ba ci yod ces bya ba la mos pas gsol ba ma btab par sems can thams cad dge ba'i bshes gnyen byed pa rnams yin/ thos pa'i tshogs bsags pas mi ngoms pa'i phyir yongasu mi skyo ba rnams yin te/ rigs kyi bu byang chub sems dpa' chos bzhi po 'di dag dang ldan na/ brtson 'grus kyi brgyan gyis brgyan pa rnams su rig par bya'o// rigs kyi bu byang chub sems dpa' chos bzhi dang ldan na/ bsam gtan gyi brgyan gyis brgyan pa rnams yin te/ bzhi gang zhe na/ mi rgod pa rnams yin/ ma khengs pa rnams yin/ mu cor smra ba med pa rnams yin/ cang shes kyi sems mi 'dor ba rnams yin te/ rigs kyis bu byang chub sems dpa' chos bzhi po de dag dang ldan na/ bsam gtan gyi brgyan gyis brgyan pa rnams su rig par bya'o// rigs kyi bu byang chub sems dpa'

  19. 130a

    chos bzhi dang ldan na/ shes rab kyi brgyan gyi brgyan pa rnams yin te/ bzhi gang zhe na/ 'di lta ste/ bdag dang sems can dang srog dang gso ba dang skyes bu dang gang zag tu smra ba rnams yin/ spobs pa chags pa rnams yin/ tshig thams cad rab tu dbye ba bstan pa/ shes pa la mkhas pa rnams yin chos thams cad la chos nyid med cing / the tshom dang bral ba rnams yin te/ rigs kyi bu byang chub sems dpa' chos bzhi po de dag dang ldan na/ shes rab kyi brgya gyis brgyan pa rnams yin no// rigs kyi bu byang chub sems dpa' chos bzhi dang ldan na/ tshangs pa'i lam la mkhas pa rnams yin te/ bzhi gang zhe na/ 'di lta ste/ sems can thams cad kyi dpung gnyen bya ba'i phyir/ mngon par bsgrub pa'i byams pa dang / sems can thams cad yongasu smin par bya ba'i phyir/ mngon par sgrub pa'i snying rje chen po dang / chos thams cad la mngon par bsgrub pa'i dga' ba dang / de bzhin gshegs pa'i ye shes kyi phyir mngon par bsgrub pa'i btang snyoms te/ rigs kyi bu byang chub sems dpa' chos bzhi po 'di dag dang ldan na/ tshangs pa'i lam la mkhas pa rnams yin no// rigs kyi bu byang chub sems dpa' chos bzhi dang ldan na/ mngon par shes pa las mi nyams pa rnams yin te/ bzhi gang zhe na/ 'di lta ste/ bsam gtan bzhi bsdud pa'i shes pa dang

  20. 130b

    gzugs med pa'i snyoms par 'jug pa bzhi bsgrub pa'i thabs shes pa dang / rang gis sems la dbang bsgyur ba'i chos shes pa dang / sangs rgyas lnga lta ba phyir sangs rgyas kyi zhing mtha' yas par 'gro ba ste/ rigs kyi bu byang chub sems dpa' chos bzhi po 'di dag dang ldan na/ mngon par shes pa rnams las mi nyams pa rnams yin no// rigs kyi bu byang chub sems dpa' chos bzhi dang ldan na/ g.yul las rnam par rgyal ba rnams yin te/ gzhi gang zhe na/ 'di lta ste/ nang nye bar zhi ba dang / phyi rol tu mi rgyu ba dang / chos thams cad la sgyu ma lta bur rab tu rtogs pa'i shes pa dang / ye shes kyi stobs can yin gyi// nyon mongs pa'i stobs can ma yin ste/ rigs kyi bu byang chub sems dpa' chos bzhi dang ldan na/ g.yul las rnam par brgyal ba rnams yin no// rigs kyi bu byang chub sems dpa' chos bzhi dang ldan na/ rgal na pha rol thang la gnas pa rnams yin te/ 'dod pa'i chu bo yang rab tu shes la 'dod chags dang bral ba yang mngon sum du mi byed pa dang / srid pa'i chu bo yang rab tu shes la bsams bzhin du yang bskye ba dang / lta ba'i chu bo yang rab tu shes la/ lta ba'i bcing bas bcing ba yang mi 'dor ba dang / ma rig pa'i chu bo rab tu shes la/ brten cing 'brel bar 'byung ba'i rjes su 'thun par yang byed ste/ rigs kyi bu byang chub sems dpa' chos bzhi po 'di dag dang ldan na/

  21. 131a

    rgal nas pha rol thang la gnas pa rnams yin no// rigs kyi bu byang chub sems dpa' chos bzhi dang ldan na/ nyan thos dang rang sangs rgyas thams cad dang / sems can thams cad kyi spyod lam yang ston la/ ma brtags pa'i kun tu spyod pa dang yang ldan pa rnams yin te/ bzhi gang zhe na/ 'di lta ste/ sgyu ma lta bu'i ting nge 'dzin shin du yongasu bsgrub pa dang / chos thams cad rnam par bsgrubs pas so so nye bar gnas pa'i mtshan nyid shin tu brtags pa dang / mngon par shes pa lngas rnam par rtse ba dang ldan pa dang / yid kyi lus mngon par bsgrub pa la mkhas pa ste/ rigs kyi bu byang chub sems dpa' chos bzhi po 'di dag dang / ldan na/ nyan thos dang rang sangs rgyas thams cad dang / sems can thams cad kyi spyod lam yang ston la/ ma rtags pa'i kun tu spyod pa dang ldan pa rnams yin no// / rigs kyi bu byang chub sems dpa' chos bzhi dang ldan na/ 'khor ba la yang lta la/ mya ngan las 'das pa la yang mi gnas pa rnams yin te/ bzhi gang zhe na/ 'di lta ste/ sangs rgyas kyi byin gyis brlabs dang / snying rje chen po'i sems dang / thabs la mkhas pa dang / sngon gyi yi dam mi mdor ba de/ rigs kyi bu byang chub sems dpa' chos bzhi po 'di dag dang ldan na/ 'khor ba la yang lta la/ mya ngan las 'das pa la yang mi gnas pa rnams yin no// rigs bu byang chub sems

  22. 131b

    dpa' chos bzhi dang ldan na/ khams sna tshogs la yang rnams par lta la/ chos kyi dbyings las kyang g.yo ste/ bzhi gang zhe na 'di lta ste/ sems can rang bzhin med ba ste/ chos rang bzhin med par rtogs pa dang / chos rang bzhin med pas sems can rang bzhin med par rtogs pa dang / sems can rang bzhin med pas/ sangs rgyas kyi chos rang bzhin med par mos pa dang / sems can rang bzhin med pa la/ som nyi med cing the tshom dang bral ba yin te/ rigs kyi bu byang chub sems dpa' chos bzhi po 'di dag dang ldan na/ khams sna tshogs la yang rnam par lta la/ chos kyi dbyings las kyang mi g.yo// rigs kyi bu byang chub sems dpa' chos bzhi dang ldan na/ don yang mi 'dor ba la gnod par yang kun tu snang ste/ bzhi gang zhe na 'di lta ste/ bsam pa mya ngan las 'das pa la gnas pa rnams yin/ sbyor ba 'khor ba las 'das pa rnams yin/ sangs rgyas kyi chos thams cad yongs su bskang bar bsam pa gnas pa rnams yin/ nyan thos dang rang sangs rgyas yul la yang kun tu snang ba rnams yin te/ rigs kyi bu byang chub sems dpa' chos bzhi po 'di dag dang ldan na/ don yang mi 'dor la gnod par ya kun tu snang ngo // rigs kyi bu byang chub sems dpa' chos bzhi dang ldan na/ bsod nams kyi nor dang ldan na/ thabs kyi nor med pa rnams yin te/ bzhi gang

  23. 132a

    zhe na 'di lta ste/ rgya chen po la mos pa'i sems can 'dul ba'i phyir bsod nams kyis 'khor los bsgyur ba dang / brgya byin dang / tshangs pa'i bsod nams kyang nye bar ston pa dang / 'gro ba phal pa 'dul ba'i phyir dbul zhing dman par yang nye bar ston slong ba mthong ba na bdog pa thams cad yongs su btong zhing nor med par yang 'gyur ba dang / rin po che dang ldan pa mthong na/ bsod nams kyi longs spyod zad mi shes par yang nye bar snyan pa ste/ rigs kyi bu byang chub sems dpa' chos bzhi po de dag dang ldan na/ bsod nams kyi nor dang ldan pa yin la/ thabs kyi nor med pa rnams yin no// rigs kyi bu byang chub sems dpa' chos bzhi dang ldan na/ a zhes pa'i sgos rnam par med pa'i sgo la 'jug pa rnams yin te/ bzhi gang zhe na 'di lta ste/ 'du byed thams cad mi brtag par shes pa la sbyongs pa dang / 'du byed thams cad bzod ma nas sdug bsngal lo zhes byang chub rab tu brnyed pa dang / chos thams cad bdag med do zhes lta bar 'gyur yongs su sbyong ba dang / mya ngan las 'das pa ni bzod ma nas zhi ba zhes ye shes la 'jug pa ste/ rigs kyi bu byang chub sems dpa' chos bzhi dang ldan na/ a zhes bya ba'i sgos rnam pa med pa'i sgo la 'jug pa rnams yin no// rigs kyi bu byang chub sems dpa' chos bzhi dang ldan na/ sangs rgyas chos thams cad mngon gsum du

  24. 132b

    gyur pa rnams yin no// bzhi gang zhe na 'di lta ste/ shes rab kyi mig shin tu rnam par dag pa rnams yin/ chos kyi mig gis snang ba thob pa rnams yin no// sangs rgyas kyi spyan mngon gsum du gyur pa rnams yin/ sangs rgyas kyi chos thams cad la dbang bskur ba thob pa rnams te/ rigs kyi bu byang chub sems dpa' chos bzhi po 'di dag dang ldan na/ sangs rgyas kyi chos mngon gsum du 'gyur ba rnams yin no// rigs kyi bu byang chub sems dpa' chos bzhi dang ldan na/ chos brtan pa rnams la rnam par phye ba bzhin du rnam par 'byed pa rnam par 'byed pa rnams yin te/ bzhi gang zhe na/ 'di lta ste/ so so yang dag par rig pa shes pa sgrib pa med pa dang / bden pa bzhi rnam par dgod pa shes pa dang / rton pa la gnas su shes pa dang / gzungs la mi g.yeng bar shes pa ste/ rigs kyi bu byang chub sems dpa' chos bzhi po 'di dag dang ldan na/ chos gtan la dbab pa rnams la rnam par phye ba shin tu rnam par 'byed pa rnams yin no// rigs kyi bu byang chub sems dpa' chos bzhi dang ldan na/ 'jig rten gyi bya ba dang 'thun par zhugs kyang / nyon mongs pa thams cad kyis mi gos pa rnams yin te/ bzhi gang zhe na 'di lta ste/ 'jig rten gyi chos mngon gsum du gyur pa dang / 'jig rten sems can yang dag par bskol ba dang / rjes su chags pa dang / khong khro ba spongs pa dang / bzod ma nas rnam par dag cing 'od gsal bzhin gyis kun/

  25. 133a

    nas nyon mongs pa can ma yin pa ste/ rigs kyi bu byang chub sems dpa' chos bzhi po 'di dag dang ldan na/ 'jig rten gyi bya ba dang 'thun par zhugs kyang nyon mongs pa thams cad kyi mi gos pa rnams yin no// rigs kyi bu byang chub sems dpa' chos bzhi dang ldan na/ gzhan dag gis ltar mi mthong ba'i chos kyi dbang phyug rnams yin no// bzhi gang zhe na 'di lta ste/ sems kyi dbang phyug dang / shes rab kyi dbang phyug dang / thabs kyi dbang phyug ste/ rigs kyi bu byang chub sems dpa' chos bzhi dang ldan na/ de bzhin gshegs pa mthong ba dang mi 'bral ba rnams yin te/ bzhi gang zhe na 'di lta ste/ sems can rnams sangs rgyas la lta ba yang dag par 'jug pa dang / sems can rnams chos nyan pa yang dag par 'dzin du 'jug pa dang / sems can rnams byang chub kyi sems yang dag par 'dzin du 'jug pa dang / sangs rgyas rjes su dran pa'i ting nge 'dzin dang mi 'bral ba yin te/ rigs kyi bu byang chub sems dpa' chos bzhi dang ldan na/ de bzhin gshegs pa mthong ba dang mi 'bral ba rnams yin no// rigs kyi bu byang chub seMs dpa' chos bzhi dang ldan na/ de bzhin gshegs pa mthong ba dang mi 'bral ba rnams yin no// rigs kyi bu byang chub sems dpa' chos bzhi dang ldan na/ shin du dul zhing mi 'khrugs pa'i chos can rnams yin no// bzhi gang zhe na 'di lta ste/ 'phags pa 'jig rten las 'das pa'i shes rab kyis

  26. 133b

    rnam par grol la/ ye shes mthong ba mngon gsum du gyur pa dang / bden pa la nye bar rtags pas chos thams cad ji lta ba bzhin dang / bag chags kyi 'tshams sbyor ba tham cad yang dag par 'joms pa la mkhas par gyur pa dang / nyon mongs pas mi 'khrugs pa'i chos can te/ rigs kyi bu byang chub sems dpa' chos bzhi po 'di dag dang ldan na/ shin du dul zhing mi 'khrugs pa'i chos can rnams yin no// rigs kyi bu byang chub sems dpa' chos bzhi dang ldan na/ chos rnams blangs pa med par slob dpon rnams yin te/ bzhi gang zhe na 'di lta ste/ sems can thams cad la phan pa'i dngos po phun sum tshogs pa rnams yin/ sems can yongs su smin par bya ba la bstan zhing bsam pa rgyu med pa rnams yin/ bdag gis bde ba la mi chags pa rnams yin/ gang ye shes yongasu tshol ba de yang sems can thams cad kyi mched du yin gyi/ bdag 'ba' zhig gi phyir ma yin te/ rigs kyi bu byang chub sems dpa' chos bzhi po 'di dag dang ldan na/ chos blangs pa med par slob dpon rnams yin no// rigs kyi bu byang chub sems dpa' chos bzhi dang ldan na/ sems can thams cad kyi ston par gyur pa rnams yin te/ bzhi gang zhe na 'di lta ste/ bdag gis don btang zhing gzhan gyi don byed pa nam yin no// bdag gi bde ba thams cad gtong zhing sems can rnams la chos kyi bde ba sbyin pa rnams yin/ ji ltar thos pa'i chos ston pa la dal ba med pa rnams yin/ chos

  27. 134a

    kyi mcho bas 'tsho ba rnams yin/ zang zing gis mcho ba ma yin pa ste/ rigs kyi bu byang chub sems dpa' chos bzhi po 'di dag dang ldan na/ sems can thams cad kyi ston par gyur pa rnams yin no// rigs kyi bu byang chub sems dpa' chos bzhi dang ldan na/ sangs rgyas thams cad kyi chos kyi 'khor lo rjes su bskor ba rnams yin te/ bzhi gang zhe na 'di lta ste/ gzugs gang thob pa dang / spobs pa rgyun mi chad pa dang / sems can bsam pa shes pa 'jug pa dang / mya ngan/ las 'das pa'i lam du khrid cing mi phyed pa'i chos ston pa yin te/ rigs kyi bu byang chub sems dpa' chos bzhi dang ldan na/ sangs rgyas thams cad kyi chos kyi 'khor lo rjes su bskor ba rnams yin no// rigs kyi bu byang chub sems dpa' chos bzhi dang ldan na/ sangs rgyas kyi chos thams cad la dbang bskur ba rnams yin te/ bzhi gang zhe na 'di lta ste/ spyod pa thams cad las rab tu 'das pa rnams yin/ byang chub sems dpa'i spyod pa las mi ldog cig/ mi skye ba'i chos la bzod pa thob pa rnams yin/ bsams bzhin du tshe dang 'chi 'pho dang skye ba yang rab tu ston la phyir mi ldog pa'i phyag rgyas kyang btab pa rnams yin te/ rigs kyi bu byang chub sems dpa' chos bzhi po 'di dag dang ldan na/ chos thams cad la bskur ba rnams yin no// rigs kyi bu byang chub sems dpa' chos bzhi dang ldan na/ de bzhin gshegs pa'i phyag rgya las yang dag par

  28. 134b

    gzhol zhing sa bcur nges par byung nas/ sa nas sar 'phar ba la mkhas pa yin te/ rigs kyi bu byang chub sems dpa' chos bzhi po 'di dag dang ldan na/ sangs rgyas kyi chos thams cad la dbang bskur ba thob pa rnams yin no// bcom ldan 'das kyi chos bzhi po bsgrub pa'i chos kyi rnam grangs 'di bshad pa na/ stong gsum gyi stong chen po'i 'jig rten gyi khams 'di rnam pa drug du g.yos nas/ snang ba chen pos kyang 'jig rten gyi khams khams khyab par gyur to// steng gi bar snang las lha bye ba phrag khrig brgya stong gis lha'i klu dbyangs blangs te/ lha'i me tog man da ra ba'i char rab tu phab nas/ 'di skad ces kyi ma bcom ldan 'das bla na med pa yang dag par rdzogs pa'i byang chub bskal pa bye ba phrag khrig brgya stong grangs med par bsgrub pa gang lags pa de/ bcom ldan 'das kyis bzhi pa bsgrub pa'i chos kyi rnam grangs 'di brnyed cing bshad de rab tu bstan to// bcom ldan 'das gang bzhi pa bsgrub pa'i bcom ldan 'das kyi chos kyi rnam grangs 'di nyan pa dang / thos nas kyang mos pa dang / 'chang ba dang / klog pa dang / kun chub par bgyid pa dang / gzhan dag la yang ston pa dang / byang chub kyi sems dang mi 'bral ba'i sems can de dag ni dge ba'i rtsa ba ngan ngon dang ldan pa ma lags te/ de dag ni ji ltar de bzhin gshegs pa dgra bcom pa yang dag par rdzogs pa'i sangs rgyas da ltar seng ge'i sgra sgrogs pa bzhin du lha dang mi dang lha ma yin gyi 'ji

  29. 135a

    rten gyi mdun du seng ge'i sgra sgrogs par 'gyur ro// bcom ldan 'das bdag cag kyang bzhi bsgrub pa'i chos kyi rnam grangs 'di bshad pa na/ lha/ dang mi'i srog chags brgyad khri bzhi stong ni bla na med pa yang dag par rdzogs pa'i byang chub tu sems skyes so// byang chub sems dpa' khri nyis stong ni mi skye ba'i chos la nabazod pa thob par gyur to// de nas bcom ldan 'das la byang chub sems dpa' sems dpa' chen po lha'i gcod pan gyis 'di skad ces gsol to// bcom ldan 'das de bzhin gshegs pa yongasu mya ngan las 'das pa'i mdo sde 'di lta bu 'di 'dzin pa dang / gzhan dag la yang brgya cher rab tu ston pa'i byang chub sems dpa' de dag chos du dang ldan par 'gyur/ bcom ldan 'das kyis bka' stsal pa/ rigs kyi bu gang de bzhin gshegs pa yongs su mya ngan las 'das pa'i mdo sde 'di lta bu 'di 'dzin pa dang / gzhan dag la yang rgya cher yang dag par ston pa'i byang chub sems dpa' de dag ni chos brgyad dang ldan par 'gyur ro// brgyad gang zhe na 'di lta ste/ de dag yang dag par rdzogs pa'i byang chub tu bsams pa nges te/ bsam pa phun sum tshogs par 'gyur ba dang / sems can thams cad zhe 'gras pa'i sems med de/ shin tu byams pa bsgom par 'gyur ba dang / sems can thams cad yongs su smin par bya ba la gnas te/ snying rje chen po la gnas par 'gyur ba dang / chos 'dod pa de don du gnyer

  30. 135b

    bar 'dod par 'gyur ba dang / thos pa tshol bas mi ngoms te mtsho chen po rgya mtsho lta bur gyur pa dang / lus dang srog 'dor zhing dam pa'i chos yongs su 'dzin par gyur pa dang // bsod nams kyi tshogs te dge ba'i rtsa bas brten par 'gyur ba dang / sangs rgyas kyi byin gyis brlabs pa'i phyir byin gyis brlabs kyis smon lam gyis yang dag par 'byung bar 'gyur ba dang / 'khor gyi nang na 'jigs pa med pas/ bdud dang phyir rgol ba bcom par 'gyur ba ste/ rigs kyi bu gang de bzhin gshegs pa yongasu mya ngan las 'das pa'i mdo sde 'di lta bu 'dzin pa dang / gzhan dag la rgya cher ston pa'i byang chub sems dpa' de dag ni/ chos brgyad po 'di dag dang ldan par 'gyur ro// de nas de'i tshe sangs rgyas kyi mthus stong gsum gyi stong chen po'i 'jig rten gyi khams 'di na/ gang dag sa phyogs mthon dman can dang / ri nag po can dang / chu dmigs dang / mtsho dang / mtshe'u dang / steng ka dang / rgya mtsho chen po de dag thams cad mi snang bar 'gyur ro// sa chen po 'di thams cad kyang lag 'thil ltar mnyam par gnas par 'gyur ro// chun gnas pa'i sems can rnams la yang gnod pa med par 'gyur ro// stong gsum gyi stong chen po'i 'jig rten gyi khams 'di na/ shing skam gang dag lo brgya lon pa/ de dag thams cad las kyang me tog dang 'bras bu sna tshogs skye bar gyur nas/ bcom ldan 'das ga la ba de logs su btud nas phyag 'tshal bar gyur te// de ma yin pa

  31. 136a

    shing gzhan thams cad las kyang me tog dang 'bras bu skyes nas/ bcom ldan 'das ga la ba de logs su btud mngon par btud phyag 'tsha bar gyur to// sa chen po las kyang pad ma'i tshad shing rta'i phang lo tsam sna tshogs lta na sdug pa/ kha dog dang ldan pa dri dang ldan pa/ yid du 'ongs pa dag mngon par mthon/ to// snang ba chen pos kyang stong gsum gyi stong chen po'i 'jig rten khams 'di khyab par gyur to// mi snang zhing ma dkrol bar gyur yang steng gi bar snang las lha'i sil snyan dadang / klu dbyangs gi sgra byung ste/ grags par gyur to// ri'i rgyal po gangs ri dang / ri'i rgyal po spos kyi ngad ldan las kyang lha'i me tog sna tshogs dri mi mnam pa rnams/ kyang dri dad byung ste/ dri des stong gsum gyi stong chen po'i 'jig rten gyi khams 'dir dri zhim po gnam par gyur to// ri'i rgyal po gangs dang / ri'i rgyal po spos kyi ngad las me tog gi char chen po babs te/ de dag bcom ldan 'das kyi 'khor gyi dkyil 'khor gang na ba der mngon par bab nas/ sa chen po 'di me tog gi char chen po 'di dag gis pus nub tsam du gyur to// me tog gi shing las me tog sna tshogs kyi char rab tu 'bab cing / sil snyan dang klung dbyangs sna tshogs kyi sgra dag kyang 'byung ngo // steng gi bar snang la rin po che sna tshogs kyi gdugs dpag tshad brgya stong phrag bcu'i tshad tsam kun tu gnas par gyur to// rin po che'i gdugs de las mu tig gi brgyan

  32. 136b

    phreng dang / rin po che'i dril bu er kha'i dril bu sna tshogs kyis dra ba 'phyang bar gyur to// dril bu er ka'i dra ba'i sgra yid du 'ong ba/ yid dga' bar byed pa/ chags pa byed pa/ des stong gsum gyi stong chen po'i 'jig rten gyi khams 'di go bar byar 'gyur ro// de nas tshe dang ldan pa sha ri'i bus/ bcom ldan 'das la 'di skad ces gsol to// bcom ldan 'das dga' bar bgyid pa/ mgu bar bgyid pa'i mtshan ma rgya chen po 'di lta bu 'di dang / stong gsum gyi stong chen po'i 'jig rten gyi khams 'di/ brgyan thams cad kyis brgyan par 'gyur bar gda' ba 'di su'i lnga ltas lags/ bcom ldan 'das kyis bka' stsal pa/ sha ri'i bu 'di ni mi 'am ci'i rgyal po ljon ba ri spos kyi ngad ldang nas/ 'khor mi 'am ci stong phrag du ma dang / 'khor dri za stong phrag du ma dang / 'khor lha stong phrag du ma dang 'ong ba de'i lnga ltas so// de skad gsungs ma thag tu/ de nas skad cig de la mi 'am ci'i rgyal po ljon pa sil snyan dang / klu dbyangs len pa brgyad khri bzhi stong dang / 'khor brgyad stong du mas bskor nas/ steng gi bar snang la me tog chu bo'i char 'bebs shing / bcom ldan 'das ga la ba der 'ong te phyin nas/ 'khor dang bcas pas/ bcom ldan 'das kyi zhabs la mgo bos phyag 'tshal te/ bcom ldan 'das la lan gsum bskor ba byas nas/ bcom ldan 'das kyi spyan sngar 'dug te/ de nas bcom ldan 'das kyi spyan sngar

  33. 137a

    pi 'am ci'i rgyal po ljon pa bdag nyid kyis pi wang gi khog pa bai dUr+ya las byas pa/ 'dzam bu'i chu bo'i gser gyis le sbram dang / nor bu dang rin po che du mas spras pa sngon gyi las kyi rnam par smin pas yongs su sbyangs pa blangs pa'i sil snyen brgyad khri bzhi stong po de dag dang lhan cig tu drag par byed do// mi 'am ci'i rgyal po ljon pas pi wad de blangs ma thag tu/ de nas pi wang gi sgra des stong gsum gyi stong chen po'i 'jig rten gyi khams dbyangs kyis go bar gyur to// pi wang gi sgra des 'dod pa na spyod pa'i rgyud kyi sgra dang / klu'i sgra dang / lha'i glu dbyangs kyi sgra rnams zil gyis mnan te mi gsal bar gyur to// de nas pi wang gi sgra des bskul bas 'dod pa na spyod pa'i lha'i bu de dag gis lha'i rol mo bor te/ bcom ldan 'das ga la ba der lhags so// mi 'am ci'i rgyal po ljon pas pi wang de blangs pa'i ma thog tu/ de nas stong gsum gyi stong chen po'i 'jig rten gyi khams 'di shing dang / ri'i rgyal po ri rab dang / gangs dang / spos kyi ngad ldang dang / btang bzung chen po// de ma yin pa gzhan ri nag po rnams dang / rtsa dang shing gel ba dang / sman dang nags tshal ji snyed pa de dag thams cad ldeg rab tu ldeg go/ kun tu rab tu ldeg go// g.yos rab tu g.yos/ kun tu rab tu g.yos/ 'gul rab tu 'gul/ kun tu rab 'gul lo// 'di lta ste dper na/ chang gis ra ro ba'i mi 'khyam rab tu 'khyam/

  34. 137b

    kun tu rab tu 'khyab pa de bzhin du/ shing de dag thams cad dang / ri thams cad kyang 'dud rab tu 'dud do// kun tu rab tu 'dud do// mi 'am ci'i rgyal po ljon pas pi wang gi khog pa bai dUr+ya las byas/ pa de blangs ma thag du/ de nas bcom ldan 'das kyi 'khor gyi dkyil 'khor der 'das pa'i nang nas/ phyir mi ldog pa'i byang chub sems dpa' ma gtogs par/ 'dod chags dang bral ba'i dge slong dang / dge bsnyen dang / dge bsnyen ma dang / lha dang klu dang gnod sbyin dang / dri za dang / lha ma yin dang / na mkha' lding dang / mi 'am ci dang / lto 'phye chen po dang / brgya byin tshangs pa dang / 'jig rten skyong ba dang / mi dang mi ma yin gyi dang / rnam par thar pa brgyad la bsam gtan pa'i dgra bcom pa dang / thams cad dang ldan pa'i 'khor gyis pi wang gi sgra thos pa dang / pi wang gi sgra des mi bzod nas/ rang rang gi stan las langs te/ 'dar rab tu 'dar/ kun tu rab tu 'dar ro// 'dud rab tu 'dud/ kun tu rab tu 'dud do/ gar byed do// gar rab tu gar byed do// kun tu rab tu gar byed do// nyan thos chen po de dag thams cad kyang rang rang gi stan la mi dga' ste/ 'gul rab tu 'gul zhing / spyod lam yang rab tu 'khrugs nas/ byis pa chung ngu bzhin du gar byed pa lta bur ston to// de nas byang chub sems dpa' lha'i gcod pan gyis/ gnas brtan 'od bsrungs chen po de la 'di skad ces smra so//

  35. 138a

    btsun pa 'od srungs chos chen po rgas btugs 'khogs pa 'dod pa nyung ba/ cho ga shes pa/ sbyangs pa'i yon tan 'dzin pa/ lha dang mi dang mi ma yin du bcas pa'i 'jig rten gyi mchod rten du gyur pa yin na/ ci'i phyir rang gi lus 'dzin par mi nus shing bsam gtan du gyur kyang / byis pa chung ngu bzhin du gar byed par ston/ gnas brtan 'od srungs chen pos smras pa/ rigs kyi bu dper na/ rlung rnam par 'thor byed langs pa na/ shing dang nags ri thams cad 'di ltar rnam bar bzhag pa'i stobs med/ mthu med de de dag thams cad mi 'dod bzhin g.yo rab tu g.yo// 'gul rab tu 'gul lo// rigs kyi bu de bzhin du gang 'di mi 'am ci'i rgyal po ljon pas/ pi wang blangs pa de'i sgra thos pas bdag cag rlung rnam par 'thor byed kyis ri chen po 'das pa bzhin du/ bdag 'dzin pa mi nus par gyur to// de ci'i phyir zhe na/ skyes bu dam pa 'di'i smon lam dang / bsod nams dang ye shes kyi khyad par ni 'di 'dra ste/ des nyan thos kyis bsod nams dang ye shes dang / gzi brjid thams cad zil gyis gnon to// byang chub sems dpa' lha'i gcod pan gyis smras pa/ btsun pa 'od srungs chen po phyir ldog pa'i byang chub sems dpa' rnams kyi dpal dang gzi/ brjid dang / stobs la gang gi phyir pi wang gi sgra des bskal ba 'am bskyod par mi nus pas/ btsun pa 'od srungs chen po su zhig bla na med pa yang dag par rdzogs pa'i

  36. 138b

    byang chub tu sems mi bskyed do// de ci'i phyir zhe na/ gang nye ba'i ye shes dang ldan pa rnams kyi stobs dang / gzi brjid de ni pi wang gi sgra des zil gyis gdon to// gang / theg pa chen po la yang dag par zhugs pa rnams kyi stobs dang / gzi brjid de la ni zil gyis gnon par mi nus pa ltos/ de nas mi 'am ci'i rgyal po ljon pas/ pi wang gi sgra de sgrogs pa na/ sangs rgyas kyi mthu dang / mi 'am ci'i rgyal po ljon pa'i sngon gyi smon lam gyi byin gyis brlabs kyi pi wang de dang sil snyan brgyad khri bzhi stong gis de las tshigs su bcad pa 'di dag 'byung ngo // tha ma 'bring dang de bzhin mchog rnams kyi// chos rnams thams cad mnyam zhing chos rnams dben// zhi ba stong pa mi 'gyur 'khrug pa med/ bzod nas dag ste dri med na mkha' bzhin// gang dag da ltar gyi ngang 'das pa yi// sems can kun mnyam 'di la sems can med// sems can skad du sgra rnams 'byung ba dang // chos kyi sgra rnams mtshungs te de yang med// zhing rnams thams cad shing mnyam zhing min te// bar snang dang ni mtshungs zhing mnyam par snang / 'phel ba ma yin mi zad ma skyes te// gsog gsob na mkha'i lta bur rnam par dag/ sangs rgyas kun mnyam sangs rgyas min// chos dbyings nges par 'dres pa med pa ste// tshul khrims shes rnam grol mnyam// mnyam nyid gcig ste mtshan mnyam mnyam nyid med// nyon mongs thams cad nyon mongs ma yin grol// rtog dang /

  37. 139a

    rtog pa kun rtog rnam par rtog/ nang na rgyu ba ma yin phyi rol min// 'du shes 'dud pa phyin ci log las gyur// rnam par rtog pas chos dbyings ming btags pa// ming de nyid kyang gzhan min de bzhin min// ming dang gzugs kyi rang bzhin rje rtogs pa/ de dag rtag tu mi rtog 'jig rten spyod// gang rnams 'das pa'i bde gshegs grangs med pa/ de dag gis ni gsungs chos mang po// bzod nas zad cing dengs dang 'jigs las dbyen// de dag yul dang phyogs su 'gro ba min// chos 'di dag ni yi ge las byung ste// yi ge dag ni zad cing zad pa'i chos// yi ge zad pa'i chos nyid shes pas na// chos rnams kun la rnam par rtog mi byed// sems kyi rgyud ni rgyud mnyam rgyud ma yin/ rang bzhin gzhan dang gzhan de chags pa med// sems dang sems byung chos mtha' med shes pas// 'phags rnams ni mnyam pa'i chos la 'jug/ mtha' dang mtha' med kun chad rnam par chad// thog ma tha ma bar ma mnyam par gyur// dus gsum dag gis dbyen par shes pa mnyam// shes pa de yang mtha' yod ma yin no// skye bo rtag tu ming dang gzugs la chags// mtha' dang mtha' med lta bar gos pa rnams// rgyu dang rkyen las byung bar shes pas na// bdag dang sems can rnam par rtog ma yin// bdag las ldang ba rtag tu ldang ma yin// chos de kun ni blang ba med pa ste// gang dag ldang dang ldan pa med rtogs pa// de dag bzod pa mnyam nyid rjes su mthong // chos kun

  38. 139b

    rtag tu bdag med rang bzhin te// sprin dang klog dang na mkha' lta bur bsgom// bdag dang sems can rtag tu rang bzhin stong // 'di ni gzugs kyi phyag rgyar 'jug pa yin/ mtshan nyid cig te mtshan mnyam med par/ gang gis thar pa'i sgo gsum rnams rtogs nas// thub pa med pa'i chos rnams ston byed kyang // chos la yongs su rtog pa mi byed do// tha ma 'bring dang de bzhin mchog rnams kyi// chos 'di dag ni yi ge rnams kyis brjod// yi ge rnams las rnam par rtog mi byed// de lta bur ni don rnams bshad pa yi// don dang tshig 'bru gnyis la mi 'jug ste// gnyis med don gyi rtag tu dgra dang bral// gang gis mtha' 'di dben par shes gyur pa// de'i sngon gyi mtha' ni nye bar 'chang // 'gro ba'i don du 'dus byas rnams la spyod// yang dag mtha' ni rtag tu mtha' med shes// de'i byams dang snying rje shin tu dag/ gang gis byams dang snying rje rnam dag pa// sdug bsngal dang ni bde ba mtshungs mnyam sbyor// rgod dang khyengs pa ma yin rtag pa yi// skyes bu mchog de don gyi cho ga shes// chos kyi tshul 'di zhi gang dbyen pa ste// 'chang pa na ni dga' ba thob par 'gyur// nam yang 'phel ba med cing 'bri ba med// chos 'di nyid ni ngar 'dzin cing zhi// bar snang lam gyi sgra ni bzung med de// gang gis bshad pa/ med kyang grags par 'gyur// gang gis bshad dang gang la bshad pa rnams// de dag thams cad brdzun pa yang ma brla// tshigs su bcad pa mngon par bsgrub pa 'di bshad

  39. 140a

    pa na// byang chub sems dpa' brgya stong mi skye ba'i chos la bzod pa thob par gyur to// de nas bcom ldan 'das la byang chub sems dpa' lha'i gcod pan gyis 'di skad ces gsol to// bcom ldan 'das tshigs su bcad bkum pa 'di lta bu 'di dag ga las byung // bcom ldan 'das kyis bka' stsal pa/ rigs kyi bu khyod kyis mI ci'i rgyal po ljon pa la dris shig dang / des de'i lan glon par gyur to// de nas byang chub sems dpa' lha'i gcod pan gyis mi'am ci'i rgyal po ljon pa li 'di skad ces smras so// mi 'am ci'i bdag po tshigs su bcad pa mngon par bsgrub pa 'di dag ga las byung / smras pa/ rigs kyi bu sems can thams cad kyi skad gang las 'byung ba las byung ngo // smras pa mi 'am ci'i bdag po sems can thams cad kyi sgra skad la ga las 'byung / smras pa/ rigs kyi bu sems can thams cad sgra skad thams cad ni nam mkha' las 'byung / smras pa/ mi 'am ci'i rgyal po sems can rnams kyi sgra skad khong pa'i nang nas mi 'byung ngam/ smras pa/ rigs kyi bu 'di snyam du sems/ sems can thams cad kyi sgra skad ni sa'i nang gi khong pa nas 'byung ngam/ 'on te sems las 'byung / smras pa/ mi 'am ci'i bdag po lus las kyang ma yin no// de ci'i phyir zhe na/ lus ni ben po g.yo ba med pa/ byed pa med pa/ rtsa dang bong ba dang / rtsig pa dang / shing dang mig yor lta bu'o// sems ni gzugs med pa/ stan du med pa/ thogs pa med pa/

  40. 140b

    rnam par rig pa med pa ste/ sgyu ma lta bu'o// smras pa/ rigs kyi bu lus dang sems ma gtogs par gzhan gang nas sgra 'byung bar 'gyur// smras pa/ mi 'am ci'i bdag/ po sems can rnams kyi sgra ni yid la byed pa las 'byung ba las btags so// smras pa gal te na mkha' med na sgrag las 'byung / smras pa/ mi 'am ci'i bdag po nam mkha' ma gtogs par gzhan gang nas sgra 'byung bar 'gyur smras pa/ rigs kyi bu de'i phyir rnam grangs 'dis sgra'i tha snyad gang ji snyed 'byung ba de dag thams cad ni nam mkha' las 'byung bar rig par bya'o// na mkha'i ngo bo nyid ni sgra ste/ sgra ni rnam par rig ma thag tu 'gag go/ 'gag nas mkha'i ngo bo nyid yang dag par gnas so// de'i phyir chos thams cad ni nam mkha' dang mnyam pa zhes bya ste/ rnam par rig pa med de/ rnam par shes par bya ba med kyis/ sgra dang sgra'i brdas brjod do// brjod pa de yang mi rnyed do// gang sgras brjod pa'i 'di 'dra bar rab tu shes pa 'di ni chos gang la yang mngon par ma chags so// gang mngon par mi chags pa de rnam par mi 'phro'o// gang rnam par/ mi 'phro ba de ni mi 'khor ro// gang mi 'khor ba de ni mi phyed pa'o// gang mi phyed pa de ni mi skye'o// gang mi skye ba de ni 'jig par 'dod do// gang mi 'jigs pa de dang pa'o// grang dri ma med pa de 'od gsal ba de sems kyi rang bzhin no// sems kyi rang bzhin gang yin pa de 'jug pa'o// gang 'jug pa de mtshan ma thams cad gnon pa'o// gang

  41. 141a

    ci'i phyir zhe na/ mtshan ma'i ngo bo nyid med pa'o/ mtshan ma thams cad gnon pa de skyon med pa la 'jug pa zhes bya'o// gang bzod pa thob des thams cad bzod de/ de stong par yang bzod do// de gang zag du yang bzod do// de ci'i phyir zhe na/ gang zag las stong pa gzhan ma yin te/ gang zag nyid stong pa'o// de mtshan mar yang mi bzod do// de smon par yang bzod do// smon pa med par yang bzod do// de ci'i phyir zhe na/ smon lam gyi ngo bo nyid kyi mtshan smon pa med pa'o// de sems can thams cad rang bzhin gyis yongasu mya ngan las 'das par yang bzod// de sems can rnams 'chi 'pho dang skye bor bzod do// de ci'i phyir zhe na/ 'chi 'pho dang skye ba ni sgyu ma'i ngo bo nyid do// rigs kyi bu de ltar mi skye ba'i chos la bzod pa thob pa'i byang chub sems dpa' ni 'gag pa med pa ste/ chos thams cad 'gal ba med pa yin no// dag bzod pa'i rjes su 'gro ba yang sems can thams cad kyi rjes su 'gro bas kyang 'gro/ bdag bzod pa'i rjes su 'gro yang sems can thams cad kyi rjes su 'gro bas kyang 'gro ste/ 'ong ba yang med 'gro ba yang med do// chos thams cad chos dbyings la gnas par yang dag par ji lta ba bzhin du rab tu shes so// ji ltar chos kyi dbyings gnas pa de ltar sems can thams cad gnas te/ gang gis gnas de thob gnas/ med pa'i tshul gyis rjes su thob pa de sgra'i brdas tha snyad kyi sgra nye bar bzung nas/ mi skye ba'i chos la bzod pa dang ldan pa

  42. 141b

    zhes bya'o// mi skye ba'i chos la bzod pa ni gang gis kyang brjod pa 'am/ bstan par mi nus so// de ci'i phyir zhe na/ don de ni brjod du med pa/ sgra med pa bshad du med pa/ yin yang brjod du med pa'i don brjod pas bstan pas na/ rigs kyi bu de bzhin gshegs pa'i che ba nyid do// de nas bcom ldan 'das la byang chub sems dpa' lha'i gcod pan gyis 'di skad ces gsol to// bcom ldan 'das kye ma mi 'am ci'i rgyal po ljon pa 'di ji tsam du chos zab mo la bzod pa snyan par spobs pa dang / 'di lta bur rgya che ba'i yul la nye bar spyod cing / longs spyod pas 'byor pa dang / chos ston pas zab mo'i bzod pa 'di lta bu dang ldan pa ni ngo mtshar to// bcom ldan 'das mi 'am ci'i rgyal po ljon pas/ de bzhin gshegs pa dgra bcom pa yang dag par rdzogs pa'i sangs rgyas ji snyed cig la dge ba'i rtsa ba bskrun na des 'di spobs pa 'di lta bur grub par 'gyur// bcom ldan 'das kyis bka' stsal pa/ rigs kyi bu gang ga'i klung gi bye ma snyed kyi 'jig rten gyi khams kyi khams kyis skar ma'i gzugs ji snyed pa dag ni/ bgrang ba'i tshul gyis zad par nus kyi// mi 'am ci'i rgyal po ljon po 'dis yang dag par rdzogs pa'i sangs rgyas ji snyed cig la dge ba'i rtsa ba bskyed pa dang / bla na med pa yang dag par rdzogs pa'i byang chub btsal ba'i phyir/ de bzhin gshegs pa de dag gi gnan tshangs par spyod pa spyad pa'i

  43. 142a

    de bzhin gshegs pa dgra bcom pa yang dag par rdzogs pa'i sangs rgyas de dag ni bzung bar mi nus te/ des na 'di'i spobs pa 'di 'dra'o// de nas byang chub sems dpa' lha'i gcod pan gyis/ mi 'am ci'i rgyal po ljon pa la 'di skad ces smras so// mi 'am ci'i bdag po khyod de bzhin gshegs pa dgra bcom pa yang dag par rdzogs pa'i sangs rgyas mang po de dag la dge ba'i rtsa ba bskyed pa/ dge ba'i rtsa ba mang po de lta bu sdoms pas/ ci bla na med pa yang dag par rdzogs pa'i byang chub tu mngon par rdzogs par sangs rgyas 'am/ mi 'am ci'i rgyal po ljon pas smras pa/ rigs kyi bu byang chub sems dpa' rnams dge ba'i rtsa ba yang dag pa bsgrub pa na/ gang dag gis nam du yang ngoms par mi 'gyur/ byang chub sems dpa' rnams kyis mi ngoms pa bcu gnyis kyi 'di dag ste/ bcu gnyis gang zhe na 'di lta ste/ de bzhin gshegs pa la mchod pa dang / rim 'gro bya bas mi ngoms pa dang / chos bya bas mi ngoms pa dang / dam chos yongasasu bzungs pas mi ngoms pa dang / pha rol tu phyin bas thams cad yongasu bskang bas mi ngoms pa dang / ye shes mngon par rab tu dang zhing yongs su smin par bya bas mi ngoms pa dang / chos nges par sems shing tshul bzhin rab tu sbyor bas mi ngos pa dang / bsod nams dang ye shes kyi tshogs yongs su btsal bas mi ngoms pa dang / byang chub kyi phyogs kyi chos thams cad la

  44. 142b

    yang dag par sgrub pas mi ngoms pa'o// rigs kyi bu 'di ni byang chub sems dpa' rnams dge ba'i rtsa ba yang dag par bsgrub pa na/ gang dag gis rnam du yang ngoms par mi 'gyur ba byang chub sems dpa' rnams kyis mi ngoms pa bcu gnyis te/ de nas byang chub sems dpa' rnams dge ba'i rtsa ba'i tshogs bsags pa la yongs su mi ngoms pa zhes bya'o// de nas bcom ldan 'das la mi 'am ci'i rgyal po ljon pas 'di skad ces gsol to// bcom ldan 'das byang chub sems dpa' rnams kyi ting nge 'dzin rin po che 'byung gnas zhes bgyi ba mchis te/ byang chub sems dpa' ting nge 'dzin de la rten na/ rin po che'i khyad par gyi chos thams cad thob par 'gyur ro// zhes bgyi bzhagi bdag gis thos na/ bcom ldan 'das gang thos pas/ byang chub sems dpa' rnams yon tan rin po che'i khyad par gyi chos thob par 'gyur bar bgyi ba'i slad du/ byang chub sems dpa' ting nge 'dzin rin po che'i 'byung gnas de/ de bzhin gshegs pas legs par bshad du gsol/ bcom ldan 'das kyis bka' stsal pa/ mi 'am ci'i bdag po de'i phyir legs par rab tu nyon la yid zung shig dang / byang chub sems dpa'i ting nge 'dzin rin po che'i 'byung gnas ngas khyod la bshad do// mi 'am ci'i rgyal po ljon pas/ bcom ldan 'das la legs so zhes gsol nas bcom ldan 'das kyis ltar nyan pa

  45. 143a

    dang / bcom ldan 'das kyis de la 'di skad ces bka' stsal to// ci 'am ci'i bdag po 'di la byang chub sems dpa' ni/ sangs rgyas dkon mchog rgyun mi chad pa dang / chos dkon mchog rgyun mi chad pa dang / dge 'dun dkon mchog rgyun mi chad pa'i phyir// sems bskyes pa rin po che brgyad bcu po 'di dag la 'jug go// brgyad bcu gang zhe na/ 'di lta ste/ thams cad mkhyen pa'i sems rin po che mi 'byed pa dang / lhag pa'i bsam pa'i sems rin po che mi gtong ba dang / dge ba thams cad kyi sems rin po che yongasu mi 'dor ba dang / dge ba'i rtsa ba thams cad la sbyor ba'i sems rin po che yongs su mi 'dor ba dang / yi dam la brtan pa'i sems rin po che mi 'dor ba dang / bdog pa thams cad yongs su btong ba'i seMs rin po che byang chub tu bsngo bas rnam par smin pa la mi reg pa'i sems rin po che la 'jug pa dang / dge ba'i rtsa ba rnam pa gsum rnam par spongs pas/ lus kyi brgyan gyi sems rin po che dang / ngag gi skyon rnam pa bzhi rnam par spongs pas/ ngag gi sems kyi rgyan rin po che dang / brnab sems gnod sems dang / log par lta ba rnam par lta bas sems kyi brgyan gyi sems rin po che dang / tshul khrims ma nyams shing skyon med de/ 'dren pa ma yin zhing 'thun tshags ma yin pas/ tshul khrims kyi sems rin po che dang / sems can thams cad la sems snyoms shing khrong

  46. 143b

    ba med pa'i sems rin po che dang / sems can thams cad kyi nyes par byas pa la ci mi snyam pas/ bzod pa dang nges pa'i sems rin po che dang / byang chub kyi yan lag lta bas lus dang srog la mi lta ba'i sems rin po che dang / mtho dpon med pas rjes su chags pa dang / khong khro ba dang bral ba'i sems rin po che dang / zhum pa med pas brtson 'grus brtan pa'i go cha'i sems rin po che dang / lhod pa med pas rtsom pa thams cad nyams 'go tu chud par byed pa'i sems rin po che dang / byang chub kyi lam gyi tshogs sogs pas dran pa dang blo gros dang rtogs pa dang / ngo tsha shes pa dang / mos pa brjed pa med pa'i sems rin po che dang / sems dbang byed pas bsam gtan dang / rnam par thar pa dang / ting nge 'dzin dang / snyoms par 'jug bskyed pa'i sems rin po che dang / dam pa'i chos la stsogs pas chos yongs su tshol ba'i sems rin po che dang / 'jigs pa med cing spobs pas thos pa'i 'dzin pa'i sems rin po che dang / sdig pa 'dod pa med pas zang zing med par chos ston pa'i sems rin po che dang / chags pa'i sems med pas/ slob dpon chos la dpe khyed byed pa med pa'i sems rin po che dang / nan tan snying por byed pas tshul bzhin yid la byed pa'i sems rin po che dang / de ltar byed pas ji ltar thob pa chos rnams la nan tan byed pa'i sems rin po che dang / gzhan gyi dring la mi 'jog pas/

  47. 144a

    shes rab kyis so sor rtogs pa'i sems rin po che dang / sems can thams cad la byams pas khyab pas/ byams pa chen po'i sems rin po che dang / sems can thams cad la lta bas snying rje chen po'i sems rin po che dang / chos kun dga' la mos pas dga' ba chen po'i sems rin po che dang / chos thams cad nges par sems pas btang bsnyoms chen po'i sems rin po che dang / dge ba'i rtsa ba la sogs pas/ 'khor ba na mi skyo ba'i sems rin po che dang / bdag bde ba mi chags pas sems can yongs su smin par byed pa'i sems rin po che dang / chos 'dzin pa'i bsdu ba'i dngos po'i sems rin po che dang / thams cad du rnam par 'phral pas/ mngon par shes pa'i sems rin po che dang / ma thos pa'i chos mnyan pa'i phyir dge ba'i bshes gnyen la bsten pa'i sems rin po che dang / dge ba'i rtsa ba thams cad rdzogs pas sdig pa'i grogs po spongs pa'i sems rin po che dang / tha dad pa med pas sems can thams cad la spor ba mnyam pa'i sems rin po che dang / sems can thams cad kyi bsam pa 'jug pas/ sems can thams cad kyi nad yongs su zhi bar bya ba'i phyir chos thams cad yang dag par sbyong ba'i sems rin po che dang / ye shes kyi che ba nyid du 'gyur bar bya ba'i phyir/ ma spangs pa rnams la mi brnyes pa'i sems rin po che dang / sems can thams cad bsdud sems can thams cad kyi nyon mongs pa'i nad yongs su shes pa'i sems rin po che dang /

  48. 144b

    pas/ nga rgyal med pa'i sems rin po che dang / 'chos pa med pas g.yo dang sgra med pa'i sems rin po che dang / dam pa'i chos yun rings du gnas par byed pas/ chos la/ dga' ba'i sems rin po che dang / sangs rgyas thams cad la byas pa gzo bas// dam pa'i chos yongs su 'dzin pa'i sems rin po che dang / 'dza' ba brtan pa'i phyir byas pa shes shing / byas pa gzo ba'i sems rin po che dang / ltos pa med pas lan du phan 'dogs pa mi re ba'i sems rin po che dang / dkar po phyogs srung bas dgen pa la dga' ba'i sems rin po che dang / las byas pa chung mi gson pas rtag tu rab tu 'byung ba'i sems rin po che dang / sdoms pa'i spyod pa stsogs pa/ 'phags pa'i rigs la dga' ba'i sems rin po che dang / sems can thams cad mgu bar byed pas sbyangs pa'i yon tan thams cad dang / byad spangs pa'i sems rin po che dang / shes rab kyis mi ngoms pas 'dod pa nyung zhing chog shes pa'i sems rin po che dang / lus dang sems dben pa spong zhing dben pa'i sems rin po che dang / mtshan dang dpe byad bzang po yongs su rdzogs par byed pas bsod nams kyi tshogs kyis mi ngoms pa'i sems rin po che dang / sems can thams cad kyi the tshom gcod pa'i phyir/ ye shes yongs su tshol bas mi ngoms pa'i sems rin po che dang / sangs rgyas la lta ba dang mi 'bral ba'i phyir/ sangs rgyas rjes su dran pa'i sems rin po che dang /

  49. 145a

    chos mnyan pa dang mi 'bral ba'i phyir chos rjes su dran pa'i sems rin po che dang / phyir mi ldog pa'i dge 'dun la gzhol ba'i phyir/ dge 'dun rjes su dran pa'i sems rin po che dang / byang chub kyi sems las mi g.yo ba'i phyir/ tshul khrims rjes su dran pa'i sems rin po che dang / nyon mongs pa thams cad yongs su 'dor bas/ gtong ba rjes su dran pa'i sems rin po che dang / skye ba cig gis thogs pa'i byang chub sems dpa' rjes su dran pa'i phyir/ lha rjes su dran pa'i sems rin po che dang / mtshungs par byed pa'i phyir/ byang chub sems dpa' rjes su dran pa'i sems rin po che dang / don thams cad rtogs pas so so yang dag par rig pa'i sems rin po che dang / chos kyi dbyings 'dres pa med pas chos so so yang dag par rig pa'i sems rin po che dang / sems can gyi tshig thams cad rtogs pas nges pa'i tshig so so yang dag par rig pa'i sems rin po che dang / tshig 'bru'i rang bzhin rjes su rtogs spobs pa so so yang dag par rig pa'i sems rin po che dang / rnam par shes pa sgyu ma lta bur yongasu shes pa'i tshul gis ye shes la ston pa'i sems rin po che dang / dran pa'i don gyi mdo sde'i las dang / bya ba dang 'gal bas nges pa'i don gyi mdo sde la ston pa'i sems rin po che dang / gang zag gi rang bzhin rjes su rtogs pas chos la ston pa'i sems ring po che dang / khams gsum thams cad la mngon par ma zhen pas/

  50. 145b

    'jigs pa'i phyir 'du byed thams cad la mi rtag pa dang / sdug bsngal bas so sor rtog pa'i sems rin po che dang / sems can thams cad la bdag med pas chos/ thams cad la bdag med par so sor rtogs pa'i sems rin po che dang / 'dod pa'i khams las shin du 'das pas mi gtsang bar so sor rtog pa'i sems rin po che dang / shin du zhi zhing nye bar zhi bas mya ngan las 'das pa la zhi bar so sor rtog pa'i sems rin po che dang / bdud ce'i sgo la yang dag par gzhol bas/ rnam par thar pa'i sgo stong pa nyid dang / mtshan ma med pa dang / dmon pa med pa la mos pa'i sems rin po che dang / mi skye ba'i chos la bzod pa thob pas/ chos thams cad la ma skyes pa dang / ma byung bar mos pa'i sems rin po che dang / lta ba thams cad la mngon par zhen pa med pas/ chos thams cad la sgyu ma dang smig sgyu dang / chu zla dang / mig yor dang / rmi lam lta bur yang dag par gzhol ba'i sems rin po che dang / rtag pa dang chad pa dang bral bas rten cing 'brel bar 'byung ba dang 'thun pa'i sems rin po che dang / gnyis dang bral bar mthar lta ba thams cad sel ba'i sems rin po che dang / theg pa cig tu khong du chud pas gnyis su med pa'i chos kyi sgo la 'jug pa'i sems rin po che dang / skyon med pa la/ 'jug pas spyod pa thams cad las sems can thams cad las ldog pa'i sems rin po che dang / chos thams cad las mnyam pa nyid kyi phyir yang dag pa bskyon med pa la so

  51. 146a

    sor rtog pa'i sems rin po che dang / sangs rgyas kyi chos thams cad skye ba'i phyir byang chub kyi phyogs kyi chos thams cad yang dag par/ sgrub pa'i sems rin po che ste/ 'di dag ni chos rin po che brgyad bcu'o// mi 'am ci'i bdag po de ltar gang chos brgyad bcu po 'di dag la 'jug pa dang / thob pa dang nan tan byed pa de ni de'i ting nge 'dzin rin po che'i 'byung gnas zhes bya'o// chos 'di dag ni ting nge 'dzin bsgrub pa'o// byang chub sems dpa' gang gi tshe dkon mchog 'byung gnas kyi ting nge 'dzin rab tu thob par pA de'i tshe/ des gang la dbang thob par gyur pa 'di rin po che 'di 'jig rten 'am/ 'jig rten las 'das pa de gang yang med do// mi 'am ci'i bdag po de la 'jig rten gi rin po che ni gang / 'jig rten las 'das pa'i rin po che ni gang zhe na/ mi 'am ci'i bdag po des 'jig rten gyi rin po che ni 'di lta ste/ lha dang mi rnams kyi che ba nyid dang / brgya byin dang tshangs pa'i che ba nyid dang / 'khor los bsgyur ba'i che ba nyid dang / tshong dpon dang / khyim bdag dang / bram ze dang / rgyal rigs shing sa la chen po lta bu'i che ba nyid do// de de ltar lha dang mi rnams kyi che ba nyid thob kyang rgyags pa mi bskyed/ bag med pa mi bskyed do// de bag yod par gyur pas/ byang chub bsgrub par byed pa'i chos yang dag par bsgrub te/ 'di ni rin po che zhes bya'o// de la 'jig rten

  52. 146b

    las 'das pa'i rin po che gang zhes na 'di lta ste/ 'jig rten las 'das pa'i chos rin po che'o// 'jig rten las 'das pa'i chos rin po che gang zhe na/ chos gang 'jig rten las sgrol ba'o// 'jig rten las sgrol ba'i chos gang zhe na 'di lta ste/ 'phags pa 'jig rten las 'das pa'i shes rab te/ shes rab kyi 'jig pa las sgrol ba'o// shes rab rin po ches ni 'jig rten las 'das pa'i chos thams cad bsdus te/ shes rab ni 'jig rten las 'das pa'i chos thams cad kyi gtso bo yin no// mi 'am ci'i bdag po 'di lta ste dper na/ klung thams cad kyi gtso bo ni ba rgya mtsho chen po'o// ri thams cad kyi gtso bo ni ri'i rgyal po ri rab po// skar ma thams cad kyi gtso bo ni zla ba'o// snang ba thams kyi gtso bo ni nyi ma'o// ri dgas thams cad kyi gtso bo na seng ge'o// skye dgu thams cad kyi klagatso bo ni seng ge'o// sum bcu rtsa gsum pa thams cad kyi gtso bo ni brgya byin no// tshangs pa'i dbang du bya ba rnams kyi gtso bo ni tshangs pa chen po'o// mi 'am ci'i bdag po de bzhin du/ 'jig rten las 'das pa'i chos thams cad gtso bo ni shes rab ste/ de'i phyir shes rab ni chos thams cad kyi rgyal po zhes bya'o// mu stegs las bsgral ba'i phyir bde bar 'gro bas/ lam mo// nyon mongs pa'i mun pa sel ba'i phyir sgron ma'o// g.yul las sgrol ba'i phyir dpa' bo'o//

  53. 147a

    sman rab tu sbyar ba'i phyir sman pa'o// bstan bcos thams cad la mkhas pa'i phyir slob dpon no// chos thams cad phigs pa'i phyir mda'o// / nyon mongs pa thams cad gcod pa'i phyir ral gri'o// nyon mongs pa'i tshang tshing 'bral ba'i phyir mthong ba shol lo// mnyam pa'i phyir mi 'gal ba'o// 'thab mo med pa'i phyir brtsod pa med pa'o// 'byung ba med pa'i phyir mi 'gag pa'o// bden pa'i don rnams yongs su shes pa mthar thug pa'i phyir mi 'khrug pa'o// dran pa nye bar/ bzhog pa'i phyir dran pa'o// yang dag par spongs pa rnams la mnyam pa nyid do// rdzu 'phrul gyi rkang pa rnams bskyed pa'o// dbang po rnams sbed pa'o// stobs rnams kyi mi rdzi ba'o// byang chub kyi yan lag rnams rjes su rtogs pa'o// lam ston pa'o// zhi gnas zhi bar byed pa'o// lhag mthong rig par byed pa'o// rab rib med pa'i phyir snang ba'o// chos kyi snang ba mun pa sel ba'o// rdul dang bral ba'i phyir rdul med pa'o// bsdus thabs dang bral ba'i phyir mtho bar sems pa med pa'o// yang dag pa'i mtha' las rab tu 'das pa'i phyir kun tu mthong bar byed pa'o// byi nang dang bral ba'i phyir yul med pa'o// lta bar byas pa med pa'i phyir stong khas bsgrol ba'o// rnam par rtog pa nye bar zhi bar bya ba'i phyir// yongs su mya ngan las 'das pa zhes bya'o// khams gsum pa las rnam par 'das pa'i phyir mtsha

  54. 147b

    smon pa med pa'i mtshan nyid do// mtshan nyid med pa'i phyir mtshan nyid cig pa'o// mtshungs pa med pa'i phyir na mkha'i mtshan nyid do// bdud kyi las dang bral ba'i phyir gso ba dang brloms sems 'jog pa'o// mi rtog pa'i sbyin pa'o// mi gnas pa'i tshul khrims so// rab tu gnas pa'i bzod pa'o// blang ba med pa dang / dor ba med pa'i brtson 'grus so// sgro btags pa med pa'i bsam gtan no// rnam par rig par byed pa ma yin pa'i sgo'o// thams cad la mngon du phyogs pa'o// thabs dang 'brel pa'o// sems can bdag med par yang dag par bzhol ba/ dge ba'i rtsa ba bsags pa'o// bya ba med pa'o// bya ba dang bral ba ste/ mi 'am ci'i bdag po 'di ni shes rab rin po che'o// shes rab rin po che ni ting nge 'dzin rin po che 'byung gnas thob pa'i byang chub sems dpas thob pa'o/ 'di thob pa la rin po che thams cad yang dag par 'du ba yin no// mi 'am ci'i bdag po 'di lta ste dper na/ chu bo thams cad kyi sgro ni rgya mtsho chen po ste/ rin po che thams cad stsogs pa/ rin po che thams cad yang dag par 'du ba ste/ de la rin po che thams cad 'byung ngo // mi 'am ci'i bdag po de bzhin du ting nge 'dzin rin po che 'byung gnas thob pa'i byang chub sems dpa' yang rin po che thams cad kyi sgo yin te/ chos rin po che thams cad stsogs pa/ rin po che thams cad yang dag par 'du ba'o// ting nge 'dzin rin po che 'byung gnas las dkon mchog gsum 'byung ste/

  55. 148a

    sangs rgyas dkon mchog dang / chos dkon mchog dang / dge 'dun dkon mchog go// de nas ting nge 'dzin rin po che'i 'byung gnas ni rin/ po che thams cad stsogs pa zhes bya'o// de nas bcom ldan 'das la byang chub sems dpa' lha'i gcod pan gyis 'di skad ces gsol to// bcom ldan 'das mi 'am ci'i rgyal po ljon pa ting nge 'dzin rin po che 'byung gnas 'di thob lags sam/ bcom ldan 'das kyis bka' stsal pa/ rigs kyi bu khyod kyis de mi 'am ci'i rgyal po la dris shig dang / de khyod la ston par 'gyur ro// de nas byang chub sems dpa' lha'i gcod pan gyis/ mi 'am ci'i rgyal po ljon pa la 'di skad ces smras so// mi 'am ci'i bdag po khyod kyis ting nge 'dzin dkon mchog 'byung gnas 'di thob bam/ smras pa rigs kyi bu ting nge 'dzin thob pa 'am/ dmigs par so sor nye bar gnas pa ma yino// / ting nge 'dzin 'di ni sus kyang mi thob po// ting nge 'dzin 'di ni gzugs su bgrang ba 'am/ tshor ba dang / 'du shes dang / 'du byed dang / rnam par shes par bgrang ba ma yin no// ting nge 'dzin ni gzugs su bgrang ba ma yin no// ting nge 'dzin 'di ni mig dang / rna ba dang / sna dang / lce dang / lus dang / yid kyi rnam dang shes pa'i gzung ba ma yin/ skye ba'i mtshan nyid ma yin/ 'jig pa'i mtshan nyid ma yin/ gnas pa'i mtshan nyid ma yin/ rgyun chad pa'i mtshan nyid ma yin//

  56. 148b

    mtshan nyid cig ma yin/ rnam par mtshan nyid tha dad pa ma yin/ mtshan nyid ma yin/ mtshan nyid dang bral ba ma yin/ mtshan nyid med pa yang ma yin te/ brjod/ par bya ba ma yin no// ti nge 'dzin 'di ni yongs su rtogs par nus te/ kun tu rtogs par ma yin/ rnam par rtogs par ma yin no// de ci'i phyir zhe na/ gal te ting nge 'dzin nyid yongs su rtogs pa 'am/ rnam par rtogs par 'gyur na ni/ brtag pa'i gzhi nyid du 'gyur gyi/ ting nge 'dzin ma yin ni/ rigs kyi bu ting nge 'dzin ces bya ba ni/ chos thams cad kyi mnyam pa nyid do// chos thams cad kyi mnyam pa nyid gang yin pa de dang / kho bo mnyam mo// de dang sems can thams cad mnyam mo// rigs kyi bu de'i phyir ting nge 'dzin de dang / sems can thams cad mnyam mo// de ci'i phyir zhe na/ sems can thams cad ni stong pa ste// stong pa'i mtshan nyid ni ting nge 'dzin 'di'i// sems can thams cad ni mtshan ma med pa ste/ mtshan ma med pa'i mtshan nyid ni/ ting nge 'dzin 'di'o// sems ca thams cad ni smon pa med pa ste/ smon pa med pa'i mtshan nyid ni ting nge 'dzin 'di'o// sems can thams cad ni dben pa ste/ dben pa'i mtshan nyid ni ting nge 'dzin 'di'o// sems can thams cad ni bdag med pa ste/ bdag med pa'i mtshan nyid ni 'di'o// de ni lus dang ngag dang sems kyis reg par mi nus so// gapal la

  57. 149a

    dag chos la reg par byed pa dang / mnyam par byed pa dang / mngon par mnyam par byed pa de dag thams cad ni legs par gsungs pa'i chos 'dul ba la nga rgyal can du ston to// de na bcom ldan 'das la byang chub sems dpa' lha'i gcod pan gyis 'di skad ces gsol to// bcom ldan 'das mi'am ci'i rgyal po ljon pa'i spyod pa bag mchis pa 'di lta bu dang / chos la spobs pa 'di lta bu ni ngo mtshar to// bcom ldan 'das kyis bka' stsal pa/ rigs kyi bu bya ba thams cad kyang kun tu ston la/ bya ba thams cad kyis kyang mi gso ba 'di ni thabs dang shes rab las byung ba'i byang chub sems dpa' rnams kyi sa'o// / rigs kyi bu mi 'am ci'i rgyal po ldan pa 'dis rgyun gyi sgra dang / klu'i sgra dang / sil snyan dang / pheg sngob pa byas tshul 'dis// mi 'am ci'i bye brag bdun bla na med pa yang dag par rdzogs pa'i byang chub yongs su smin par byas so// rang gi 'khor gyi srogs chags brgyad khri bzhi stong yang byang chub tu yongs su smin par byas so// shes rab dang thabs kyi ye shes 'di dang ldan pa'i byang chub sems dpa' ni gang dang gang gi phyir/ 'khor gyi che ba nyid thob pa/ de dang de'i tshe sems can grangs med kha dpag tu med pa yongs su smin par byed do// rigs kyi bu 'di lta ste dper na/ gzhi rgyu med par mi 'bar ro// de bzhin du byang chub sems dpa' sems dpa'

  58. 149b

    chen po dben pa gang na gnas pa yang sems can yongs su smin par yang mi 'bar ro// rigs kyi bu 'di lta ste dper na/ rgyu yod pa na me 'bar ro// rigs kyi bu de bzhin du byang chub sems dpa' sems dpa' chen po skye bo phal po che'i nang na/ sems can yongs su smin par bya ba 'bar ro// rigs kyi bu de'i phyir rnam grangs 'dis/ 'di ltar byang chub ji lta ji lta bur yul dang 'khor chen po 'byor par gyur pa/ de ltar de lta bur sems can dpag tu med yongs su smin par byed par rig par bya'o// de skad ces bka' stsal pa dang / bcom ldan 'das la byang chub sems dpa' lha'i gcod pan gyi 'di skad ces gsol to// bcom ldan 'das ji ltar mi 'am ci'i/ rgyal po ljon pas/ rgyud kyi sgra dang / klu'i sgra dang / sil snyan dang / pheg spobs pa bgyis pas/ sems can yongs su smin par byed/ bcom ldan 'das kyis bka' stsal pa/ rigs kyi bu mi 'am ci dang / dri za dang / lto 'phye chen po dang / glu dang rol mo dang dbyangs sgra la mos pa rnams la/ mi 'am ci'i rgyal po ljon pas/ gang gi tshe pi wang gyi sgra zos par byed cing sil snyad dang glu dbyangs sbyor ba de na/ mi 'am ci dang / dri za dang / lto 'phye chen po de dag dga' ba dang / rab tu mgu ba chen po 'thob bo// de dag dga' ba dang / mos pa dang / rab tu mgu bathob nas/ rgyud kyi sgra dang / sil snyan gyi sna dang / klu dbyangs kyi sgra de dag las sangs rgyas

  59. 150a

    kyi sgra 'byung ngo // chos kyi sgra dang / dge 'dun gyi sgra 'byung ngo // byams pa dang / snying rje dang / dga' ba dang / btang stobs kyi sgra dang / dran pa nye bar bzhag pa dang / yang dag par spong ba dang / rdzu 'phrul gyi rkang pa dang / dbang po dang / stobs dang / byang chub kyi yan lag dang / lam dang / zhi gnas dang / lhag mthong dang / bsam gtan dang / rnam par thar pa dang / ting nge 'dzin dang snyoms par/ 'jug pa'i sgra 'byung ngo // mi rtag pa dang / sdug bsngal ba dang / bdag med pa dang / zhi ba'i sgra 'byung ngo // stong pa nyid dang / mtshan ma med/ smon pa med pa dang / mngon par 'du byed pa med pa dang / skye ba med pa dang / 'byung ba med pa dang / dngos po med pa'i sgra 'byung ngo // byang chub sems dpa'i sde snod kyi chos kyi snam grangs dang / gzung dang rdo rje'i tshig dang / 'khor gsum yongs su spong ba'i sgra 'byung ngo // phyir mi ldog pa'i chos kyi 'khor lo rab tu bskor ba'i sgra dang / chos thams cad la rnam par nges pa'i rgyal po'i ting nge 'dzin gyi sgra dang / chos thams cad yang dag par gzhol ba'i ting nge 'dzin sgra dang / chos thams cad la dbang byed pa'i ting nge 'dzin gyi sgra dang / rnam par bkod pa'i ting nge 'dzin gyi sgra dang / rin po che 'byung gnas ting nge 'dzin gyi sgra dang / rin chen brtsegs pa'i ting nge 'dzin gyi sgra dang / nyon mongs pa spongs pa'i

  60. 150b

    na po rgyal mtshan ting nge 'dzin gyi sgra da / ting nge 'dzin gyi sgra dang / dga' byed kyi ting nge 'dzin gyi sgra dang / pad ma bkod pa'i ting nge 'dzin gyi sgra dang / na ma'i mdzod kyi ting nge 'dzin gyi sgra dang / thams ca rjes su 'gro ba'i ting nge 'dzin gyi sgra dang / pa dam pa'i chos pad+ma dkar po'i ting nge 'dzin gyi sgra dang / khyad par can gyi ting nge 'dzin gyi sgra dang / rnam par rgyal bar dbang byed ting nge 'dzin gyi sgra dang / rgyun gyi rjes su song ba'i ting nge 'dzin gyi sgra dang / rdo rje'i dkyil 'khor ting nge 'dzin gyi sgra dang / rdo rje rgyal mtshan ting nge 'dzin gyi sgra dang rdo rje lta bu'i ting nge 'dzin gyi sgra dang / sa 'dzin ting nge 'dzin gyi sgra dang / lhun po sgron pa'i ting nge 'dzin gyi sgra dang / rin chen mdzod kyi ting nge 'dzin gyi sgra dang / sems la dbang byed pa'i ting nge 'dzin gyi sgra dang / sems can thams cad kyi sems la rnam par lta ba'i ting nge 'dzin gyi sgra dang / spyod pa thams cad kyi yul las nges par 'jug pa'i ting nge 'dzin gyi sgra dang / zab po sbed par byed pa'i ting nge 'dzin gyi sgra dang / spobs pa sna tshogs ting nge 'dzin gyi sgra dang / ltar mi mthong ba'i ting nge 'dzin gyi sgra dang / chos thams cad la rnam par lta ba'i ting nge 'dzin gyi sgra dang / rnam par rol pa'i ting nge 'dzin gyi sgra dang / mngon par shes pa la thams cad las nges par 'byung ba'i ting nge 'dzin gyi sgra dang / bdud kyi 'khor 'jig pa'i ting nge 'dzin gyi sgra dang / gzugs thams cad kun tu ston pa'i ting nge 'dzin gyi sgra dang /

  61. 151a

    sgra thams cad 'jug pa'i ting nge 'dzin gyi sgra dang / lus thams cad rnam par gzhol ba'i ting nge 'dzin gyi sgra dang / spyod pa thams cad la dbang byed pa'i ting nge 'dzin gyi sgra dang / shes rab sgron ma ting nge 'dzin gyi sgra dang / lag na sgron ma'i ting nge 'dzin gyi sgra dang / byang chub mngon gsum snang byed ting nge 'dzin gyi sgra dang / so so yang dag par rig pa 'jug pa ston pa'i ting nge 'dzin gyi sgra dang / yon tan gyi rnam pa thams cad la 'jug pa'i ting nge 'dzin gyi sgra 'byu // rigs kyi bu 'di ltar gyad kyi sgra dang / sil snyan gi sgra/ glu dbyangs gi sgra de dag las/ chos kyi sgra 'di lta bu 'di dang / ting nge 'dzin gyi sgra 'byung ngo // sgra de dag gis sems can de dag thams cad yongs su smin par byed par 'gyur ro// rigs kyi bu byang chub sems dpa' sems dpa' chen po rnams ni/ ngo mtshar pad du byung ba'i chos 'di lta bu dang ldan pa'i yin no// mi 'am ci'i rgyal po ljon pa'i yon tan bsngags pa bstan pa 'di bshad pa na/ sangs rgyas kyi mthus thams cad dang ldan pa'i 'khor gyi/ lag par lha'i me tog man da ra ba'i phur pa byung nas/ de dag gis me tog gi phur ma de dag mi 'am ci'i rgyal po ljon pas/ byin gyis brlabs ji lta bus me tog de dag lag pa g.yas par brlangs te/ me tog cig kyang sa la mi ltung ba de lta bus byin gyis brlabs nas/ me tog blangs pa de dag bcom ldan 'das la

  62. 151b

    mngon par gtor to// de nas me tog de dag gtor ma thag tu/ sangs rgyas kyi mthus/ skad cig de la steng gi 'jig rten gyi khams me tog rin po che'i gdugs gcig gis khyebs par gyur to// me tog rin po che'i gdugs de las/ bu tig gi rgyan 'brengs bye ba phrag khrig brgya phrag stong rab tu 'byung ngo // mu tig gi rgyan phreng gyi mu tig gi 'bru de thams cad las kyang 'od zer bye ba phrag khrig brgya stong du pa byung ngo // 'od zer rnams kyi rtse mo las kyang pad+ma sna tshogs lta na sdug/ kha dog dang ldan pa/ dri dang ldan pa/ yid du 'ong ba dag byung bar gyur to// pad+ma thams cad la yang bcom ldan 'das shAkya thub pa'i sku/ ci 'dra ba de 'dra ba'i de bzhin gshegs pa'i sku/ dkyil mo dkrungs bcas shing bzhugs par kun tu snang ngo // sangs rgyas bcom ldan 'das de dag thams cad kyis kyang / mi 'am ci'i rgyal po la legs so zhes bya ba byin te/ skyes bu dam pa khyod kyis sems can mang po yongs su smin par byas pa'i phyir/ gang yul las rnam par grol ba yang yul thams cad kyang stong / 'khor ba las grol yang / bsam bzhin du srid par skye ba kun tu ston/ mya ngan las 'das pa'i skyon med pa thob kyang / khams gsum na nye bar spyod pa 'di lta bu ni/ byang chub sems dpa' bya ba yin te/ leg so legs so// de nas mi 'am ci'i rgyal po ljon pa 'di skad du sems te/ bdag gi de bzhin sems can yongs su smin par byas

  63. 152a

    gshegs pa thams cad kyi dbul ba/ rin po che'i gdugs gzhan dag byin gyis brlab po snyam mo// de nas mi 'am ci'i rgyal po ljon pa de'i tshe/ rin po che'i gdugs bkod pa zhes bya ba'i ting nge 'dzin la snyoms par zhugs so// mi 'ab ci'i rgyal po ljon pa rin po che'i gdugs bkod pa'i ting nge 'dzin la snyoms par bzhugs ma thag tu/ de bzhin gshegs pa thams cad kyi dbu'i drang zad kyi steng na/ rin po che gdugs rnams gnas par kun tu snang ngo // 'khor de dag thams cad kyi lag pa g.yas pa nas kyang rin po che'i gdugs rnams byung bar gyur to// de dag gis rin po che'i gdugs de dag sangs rgyas bcom ldan 'das de dag la mngon par bkab po// de nas mi 'am ci'i rgyal po 'di snyam du sems te/ 'di ltar bdag cag gis bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa nyan thos dang / byang chub sems dpa'i dge 'dun dang / bcas par bshos la spyan drangs te/ de ltar bcom ldan 'das 'khor dang bcas par ri'i rgyal po spos kyi ngad ldang du bdag gi gnas su gshegs par gsol lo// de ltar na bdag gi gnas yongs su spyod par 'gyur ro// lha dang klu dang gnod sbyin dang / dri za dang / lha ma yin dang / na mkha' lding dang / mi 'am ci dang / lto 'phye chen po'i tshogs tshad med pa la phan btags par

  64. 152b

    yang 'gyur ro// de dag kyang bcom ldan 'das la bsnyen bkur bya ba dang / yongs su spyad par bya bar spro bar 'gyur te/ de'i phyir de dag gi yun ring po'i don dang / phan pa dang / grub pa dang / bde ba dang / byang chub sems dpa' sgrub pa thob par 'gyur ro snyam mo// de nas mi 'am ci'i rgyal po ljon pas/ bcom ldan 'das kyi zhabs la mgo bos phyag 'tshal te/ thal mo sbyar nas/ bcom ldan 'das la 'di skad ces gsol to// bcom ldan 'das bdag la thugs rtse ba dang / sems can tshad ma mchis pa dge rtswa bi slad du/ de bzhin gshegs pa dgra bcom pa yang dag par rdzogs pa'i sangs rgyas byang chub sems dpa'i dge 'dun dang nyan thos kyi dge 'dun dang / thabs gcig tu ri spos kyi ngad ldang gi ngos la/ bdag gi gnas su dgung bdun zhig bzhags par bdag la snang bar mdzad du gsol/ bcom ldan 'das bdag cag ni/ de bzhin gshegs pa 'khor dang bcas pa la bsnyen bkur dang / yongs su sbyin par bgyi bar spro bo// bcom ldan 'das kyis mi 'am ci'i rgyal po ljon pa la thugs rtse ba'i phyir/ byang chub sems dpa' dang / nyan thos kyi tshogs dang bcas par zhag bdun ri spos kyi ngad ldang gi ngos la bzhugs par gnang / de nas mi 'am ci'i rgyal po ljon pas bcom ldan 'das kyis snang bar rig nas/ tshim zhing mgu la yid rangs te/

  65. 153a

    shin tu dga' ste/ dga' ba dang yid bde ba skyes nas/ slas dang gnyen 'dab dang / g.yog 'khor dang bcom ldan 'das kyi zhabs la mgo bos phyag 'tshal nas/ lan gsum bskor ba byas te/ sil snyan dang rol mo'i dbyangs sgra byas nas/ bcom ldan 'das la mchod pa byas te/ 'khor de nas ri'i rgyal po spos kyi ngad ldang la gnas so// de nas mi 'am ci'i rgyal po ljon pas/ bcom ldan 'das kyi mchod pa'i las kyi phyir// rang gi khyim brgyan thams cad kyis brgyan te/ 'khor gyi 'khyams brgyar 'khor yug tu dpag tshad lnga brgya pa/ bai dUr+ya sngon po dang / 'dzam bu'i chu bo'i gser gyi pad mos legs par brgyan pa/ rin po che du mas rnam par spras pa byas so// 'khor gyi 'khyams der gdan khri rtsegs pa rin po che las byas pa/ lha'i ras bcos bus brgya ni stong phrag mang po bshams so// bcom ldan 'das kyis gdan seng ge'i khri 'phang du dpag tshad bcu gnyis pa/ rin po che thams cad kyis spras pa/ rin po/ che'i kha khyer gyis bskor ba'i gdugs dang / ba dan bsgreng ba/ snying po mchog gi gdug pas bdugs pa/ bla re bres pa/ dar gyi lda lding mang pos bres pa/ lha'i me tog gtor ba bshams so// seng ge'i khri'i phyogs bzhir/ rin po che'i shing ldan pa sna tshogs lta na sdug pa/ bzhi sprul te/ skye bo thams cad bsdus nas/

  66. 153b

    tshigs su bcad pa 'di dag smras so// u dum ba ra'i me tog ji bzhin du/ sangs rgyas 'byung ba brgya 'am brnyed 'gyur ba// mi mchog de ni da ltar gyur gyis/ spobs la gus dang bcas pas mchod pa gyis// nga rgyal dag dang rgyags dang g.yo spongs la// phra dog ser sna de bzhin sgra rnams dang // dgod pa thams cad yongs su spangs byos la// ston pa gus par bcas pas mchongs pagyis// spos dang ldan pa 'di na lha yul pa'i// me tog khyad par 'phags pa ji snyed pa// de dag thams cad gcig tu bsdus nas ni// skyes bu khyu mchog la ni mchod pa bgyis// sems can mchog la mchod pa bya ba'i phyir// dri zhib yid 'ongs khyad par 'phags pa'i dri// // dus kyi rjes su 'brang ba'i tsan dan gyis// glu dbyangs sil snyan rnams pa yid 'ong ba// mi 'am ci'i dag rtag rtsen gar byed// ldan pas byos la dga' zhing dad pa yis// rkang gnyis mchog la mchod pa rab tu gyis// chung pa med pa mthong ba brnyed dga' ba// de bzhin gshegs pa lha'i gdugs rnams dang // ba dan dag dang rgyal mtshan chos gos dang // bla re dmar po yid 'ongs bzung bar byos// sangs rgyas mchod pas bde 'gror 'gro bar 'gyur// brgya byin dang ni 'jig rten skyongs par 'gyur// tshangs pa dag dang dbang byed dbang phyug dang // lha dang mi'i spos kyi dad ldang 'di la 'dug pa rgya

  67. 154a

    bdag po che bar 'gyur// pi mchog bachod par gzugs bzang kha dog dang // grags dang brjod dang 'khor dang longs spyod dang // de bzhin dbang phyug dang ni nyan tshig dang // de bzhin gzung bar 'os pa'i tshig tu 'gyur// gang dag 'dir ni lha dang de bzhin du// mi rnams kyis ni 'dus byas bde ba dang // bde ba bde bas tshims par 'dod pa rnams// 'jig rten mgon po de la mchod pa gyis// rang rgyal byang chub de bzhin nyan thos dang // de ltar dam pa mchog gi theg pa dang / bdud kyi dpung rnams rab 'joms gang 'dod pa// sems can mchog de la de la ni mchod pa gyis// de nas mi 'am ci'i rgyal po ljon pas rang gi g.yog 'khor thams cad go bar byas te/ me tog dang dri dang / phreng ba dang byug pa sdoms nas/ ro brgya'i zhal zas bshams te/ ri'i rgyal po spos kyi ngad ldang gi lho phyogs kyi ngos la 'dug nas/ sil snyan dang glu dbyangs blangs te/ glu'i sgra dang ldan pa'i tshigs su bcad pa'i dbyangs kyis/ bcom ldan 'das la gdugs pangs phan pa mdzad cing / zhal ni rab 'dzum zla ba'i ngos ltar dri mi mnga'/ skyes mchog dge sbyong dam pa lha dang mis mchod pa/ bde bar gshegs khyod 'dir gshegs pa'i dus 'di lags/ stobs bcu rnams kyi stobs lnga pha rol dpung 'joms pa/ gzhan gyi tshogs

  68. 154b

    rnams 'joms zhing 'gro ba phan pa mdzad// ma 'khrugs ma rnyogs dri ma thub pas rab spangs pa// phan pa mdzad pa khyod 'dir gshegs pa'i dus 'di lags// sbyangs pa'i yon tan rdul sbyangs the tshoms rnam par gtor/ dran dang blo gros blo yangs mos rtogs blo gros ldan/ 'gro rgyal 'gro rgyal rtag tu 'gro ba 'gro med 'gro ba spangs/ phan pa mdzad cing dga' mdzad rab tu dges pa'i thugs// nyi ma zla ba nor bu glog rnams mdzes pa'i 'od// brgya byin tshangs pa'i srid pa lnga tshogs 'od 'phrog cing // 'od 'dzad dpal sdug thub khyod 'od ni phan bgyid pas// 'od 'di rtsal nas rgyal ba'i 'od ni 'dra'o// khyod kyis lha skad mi 'am ci'i glu sgra yis// yang dag yang du 'bar ba'i nyon mongs zhi bar bgyid// skad mchog yangs pa'i tshangs pa rnams kyi sgra skad kyis// nyon mongs thams cad ni bar bgyid pas 'bar ma lags// sman ma gang dag phyogs bcu ru rgyu yang de dag gis// gang dag du yang 'gro ba'i nyon mongs zhi bar bgyid mi nus// sman pa'i rgyal bla med gang tshe gsungs brjod pa/ de tshe nyon mongs kun gzhi bde ba thams cad sbyin// shin tu ngo mtshar 'od dang stobs mchog mtshungs med stobs// gsung ni skyon bral 'khrul pa mi mnga' dgra 'dul ba// rdul med rab rib bdag gi mun pa shin tu bcom// phan mdzad khyod kyi dus lags 'dir gshegs

  69. 155a

    gsol// sbyin dang 'dul dang legs spyod mi mnyams mtshungs dang mnyam// tshul khrims brtul zhugs mi 'khrugs brtul zhugs dka' thub brtson// bzod dang dul dang shin du dge la nges pa'i thugs// dga' gsung dga' rnams kyi ni dga' spo gshegs su gsol// dbang po stobs dang lam dgyes bsam gtan mkhyen rol cing // dran dang blo gros rtogs dang mos la gnas pa'i thugs// 'od ni rab tu lhag ge shin du dges pa'i thugs// yon tan mnga' ba khyod 'dir gshegs pa'i dus de lags// byams dang snying rje dga' dang btang snyoms bsgoms pa'i thugs// skyon gyi mun pa bcom zhing bag la nyal dang bral// tshangs pa'i lam ni rab rlabs rgyal ba'i lam la gnas// dga' mdzad bde bar gshegs pa dus lags gshegs su gsol// de nas bcom ldan 'das kyis mi 'am ci'i rgyal po ljon pas/ gdugs tshed bab pa'i tshigs su bcad pa 'di gsan nas/ dge slong gi dge 'dun la bka' stsal pa/ dge slong dag mi 'am ci'i rgyal po ljon pas gdugs tshod pab kyis// lhung bzed dang / chos gos thogs la zhag bdun gnas pa'i gtsug/ lag song yang skos shig/ de nas byang chub sems dpa' lha'i gcod pan gyis 'di snyam du sems/ 'di ltar bdag gis khang pa brtsegs pa// bkod pa 'di lta bur

  70. 155b

    sprul la// khang partsegs pa der bcom ldan 'das byang chub sems dpa' dang / nyan thos kyi tshogs dang bcas par bzhugs te/ rin po che bkod pa'i seng ge'i/ khri la bzhugs pa'i khang pa rtsegs pa/ bkod pa 'di lta bur sprul la/ khang partsegs pa der/ bdag gi lag pa g.yas par blangs te/ na mkha'i ngos las ri'i rgyal po spos kyi dad ldang gi bkur bar byin gyis brlabs so// snyam mo// de nas byang chub sems dpa' lha'i gcod pan de'i tshe/ 'di lta bu'i ting nge 'dzin la snyoms par zhugs te/ ting nge 'dzin de la snyoms par zhugs ma thag tu/ bcom ldan 'das kyi spyan sngar khang pa rtsegs pa dpag tshad bcu pa/ bkra ba/ lta na sdug pa gru bzhi ldan pa/ ka pa bzhi zug pa/ cha mnyam pa shin du rnam par phye ba byung ngo // khang pa brtsegs pa der stobs dang ldan pa'i pad ma bkod pa'i khyi rnams kyang byung ngo // khang pa rtsegs pa der/ bcom ldan 'das kyi gdan rin po che'i pad ma bkod pa'i seng ge'i khri 'phang du mi bdun yod pa byung ngo // de nas byang chub sems dpa' lha'i gcod pan gyis khang pa brtsegs pa bkod pa dang / seng ge'i khri bkod pa 'di lta bu byas nas/ bcom ldan 'das la 'di skad ces gsol te/ bdag la thugs rtse ba'i slad du/ bcom ldan 'das byang chub sems dpa' dang nyan thos chen po 'di dag dang / thabs gcig tu khang brtsegs pa seng ge'i wi

  71. 156a

    bshams pa 'dir bzhugs su gsol/ bcom ldan 'das bdag gi khang pa brtsegs pa 'di sug pa g.yas pas blangs te/ ri'i rgyal po spos kyi ngad ldang du 'tshal nas bzhag par bgyi'o// de nas bcom ldan 'das byang chub sems dpa' lha'i gcod pan thugs rtse ba'i phyir/ byang chub sems dpa' dang / nyan thos chen po dang / thabs gcig tu khang pa brtsegs pa der/ ji ltar khri bshams pa de dag la bzhags so// de nas byang chub sems dpa' lha'i gcod pan gyis/ khang pa rtsegs pa de/ lag 'thil g.yas par blangs te/ steng gi na mkha' las rdzu 'phrul gyis song ngo // de nas 'dod pa na spyod pa'i lha'i bu dang / gzugs yod pa na spyod pa'i lha'i bu rnams kyis/ byang chub sems dpa' lha'i gcod pan gyis/ rdzu 'phrul gyi chos 'di mthong nas/ tshim zhing mgul yid rangs shing rab tu dga' ste/ dga' ba dang yid bde ba skyes nas/ bcom ldan 'das kyi byang chub sems dpa' sems dpa' chen po lha'i gcod ban la mchod pa'i las kyi phyir// me tog dang gdug pa dang / spos dang phreng ba dang / byug pa thams cad thogs te/ sil snyan dang / pheg rdob pa byas nas kyang bcom ldan 'das khang pa rtsegs pa na bzhugs shing // na mkha'i ngos las de bzhin gshegs pa la mchod pa byas te/ ri'i rgyal po spos kyi ngad ldan du phyin to//

  72. 156b

    mi 'am ci'i rgyal po ljon pas/ bcom ldan 'das khang pa rtsegs pa na bzhugs shing / na mkha'i ngos las gshegs pa mthong ngo // mthong nas mi 'am ci'i dang / dri za brgyad khri bzhi stong gis bstod te/ me tog dang spos dang / 'phreng ba dang / byug pa thams cad thogs nas/ sil snyan dang / pheg rdob pa dang / glu dbyangs len pa'i bkod pa byas te/ bcom ldan 'das rtsu ba'i phyir 'jig rten du 'byung ngo // de nas mi 'am ci'i rgyal po ljon pa dpung dang bcas/ 'khor dang bcas te/ bcom ldan 'das kyi zhabs la mgo bos phyag 'tshal nas/ ji ltar thogs pa'i me tog dang / bdug pa dang / byug pa de dag dang / sil snyan de dag dang / sa pheg rdob pa dang / glu dbyangs len pas/ bcom ldan 'das la mchod pa byas so// de nas bcom ldan 'das kyi gdugs chod la bab pa mkhyen nas/ byang chub sems dpa' dang nyan thos chen po dang / brgya byin dang / tshangs pa dang / 'jig rten skyongs pa dang / thabs cig tu mi 'am ci'i rgyal po ljon pa'i 'khor gyi khyams bkod pa ga la ba der gshegs te/ rang gi seng ge'i khri ji ltar bshams pa la bzhugs so// byang chub sems dpa'i tshogs dang / nyan thos kyi tshogs thams cad kyang ma sa ci rigs par 'khod do// de nas mi 'am ci'i rgyal po ljon pas/ brgya byin dang / tshangs pa dang / 'jig rten skyong ba

  73. 157a

    dang / gzugs na spyod pa'i lha'i bu de dag la smras pa/ grogs po dag/ de bzhin gshegs pa dang thabs gcig tu/ gdugs chod gsol gis khyed thams cad 'das la tshur spyon/ de nas mi 'am ci'i rgyal po ljon pa slas dang bcas// bu dang bcas/ gnyen 'dab dang bcas/ g.yog dang bcas te/ rang rang gi lag gis bza' ba dang / bca' ba gya nom pa mang po'i ro dang ldan pa/ ro brgya'i zhal zas sna tshogs bcom ldan 'das dang / byang chub sems dpa'i dge 'dun dang / dge slong gi dge 'dun dang / 'khor la brims nas/ ci bde bar stabs te/ tshims par byas so// tshim par byas nas/ bcom ldan 'das kyi lhung bzed bzhag pa ste/ phyag bcabs par rig nas/ dpung dang bcas te/ chos nyan pa'i phyir/ bcom ldan 'das kyi spyan sngar ji ltar bdag la 'os pa'i stan la 'dug go// de nas bcom ldan 'das kyis mi 'am ci'i rgyal po ljon pa dang / skye bo phal po che de dag la chos kyi gtam yang dag par ston to// / yang dam du 'jug go/ yang dag par gzengs bstod ngo // yang dag par dga' bar mdzad do// de la bcom ldan 'das kyis gtam ni 'di yin te/ mi 'am ci'i bdag po rnam pa gsum bcu rtsa gnyis kyis/ byang chub sems dpa' sems dpa' chen po'i/ sbyin pa'i pha rol tu phyin pa yongs su dag pa yin no// rnam pa

  74. 157b

    sum bcu rtsa gnyis gang zhe na/ pi 'am ci'i bdag po 'di lta ste/ byang chub sems dpa' sbyin pa byin pa na/ byang chub sems dpa' sngon du 'gro/ bas/ sbyin pa de byin pa dang / theg pa dman pa spangs pa'i sems kyis sbyin pa de byin pa dang / slong ba la zhe sdang med pa'i sems kyis sbyin pa de byin pa dang / len pa rnams la sbyin gnas su 'du shes skyed de/ sbyin pa de byin pa dang / len pa rnams la dge ba'i bshes gnyen du 'du shes bskyed de/ sbyin pa byin pa dang / nang gi kun nas nyon mongs pa'i dri ma spangs te sbyin pa de byin pa dang / kun nas 'dzin pa med pa'i sems kyis dga' ba dang / dong ba dang / mchog tu dga' ba thob nas/ sbyin pa de byin lag brkyang te lhag par gtong ba la dga' bas sbyin pa de byin pa dang / rgya chen po la mo sa ste zham ba med pa'i sems kyis sbyin pa de byin pa dang / skye ba thams cad la mi gnas par sbyin pa de byin pa dang / ldan la re ba med pa'i blos sbyin pa de byin pa dang / sangs rgyas kyi chos tshol ba'i blos sbyin pa de byin pa dang / thams cad mkhyen pa'i ye shes su bsngos te/ sbyin pa de byin pa dang / bdud pa med pa'i sems kyis sbyin pa de byin pa dang / bsdu ba'i dngos po shin tu 'gro bas sbyin pa de byin pa dang / bdag sems can yongasu smin par 'gyur ro zhes sbyin pa de byin

  75. 158a

    pa dang / bdag chos 'dzin par 'gyur ro zhes sbyin pa de byin pa dang / bdag de bzhin gshegs pa'i bka' dang 'thun par 'gyur ro zhes sbyin pa de byin pa dang / bdag bdud kyi tshogs char gcod par 'gyur ro zhes sbyin pa de byin pa dang / bdag byang chub kyi lam rnam par sbyong bar 'gyur ro zhes sbyin pa de byin pa dang / bdag skyes bu dam pa'i las byed par 'gyur ro zhes sbyin pa de byin pa dang / bdag yi dgas kyi lam rnam par dag par 'gyur ro zhes sbyin pa de byin pa dang / bdag gis bdog pa thams cad yongs su gtong ba'i brgyu stsogs par 'gyur ro zhes sbyin pa de byin pa dang / bdag gis longs spyod chen por 'gyur ba'i bsgrub pa yongasu bzung bar 'gyur ro zhes sbyin pa de byin pa dang / bdag yang dag par dga' bar 'gyur ba'i chos rnams la gnas par 'gyur ro zhes byin pa de byin pa dang / bdag la dge ba'i bshes gnyen dkon par mi 'gyur ro zhes sbyin pa de byin pa dang / bdag gi sbyin pa des bla na med pa yang dag par rdzogs pa'i byang chub bsgrub par/ 'gyur ro zhes sbyin pa de byin pa dang / byang chub sems dpa' gtong ba phun sum tshogs pa gzhan rnams kyi rjes su brlabs par 'gyur ro zhes sbyin pa de byin pa dang / bdag mtshan dang dpe byad bzang po stsogs pa yongs su bzung bar 'gyur ro zhes sbyin pa de byin pa dang / bdag gi sangs rgyas kyi zhing yongs su dag pa dang / bdag

  76. 158b

    la sangs rgyas kyi chos thams cad mngon gsum du 'gyur ro zhes sbyin pa de byin pa dang / mi 'am ci'i bdag po rnam pa sum bcu rtsa gnyis po 'di dag gis/ byang chub sems dpa' sbyin pa'i pha rol tu phyin pa yongs su dag pa yin no// mi 'am ci'i bdag po rnam pa sum bcu rtsa gnyis kyis byang chub sems dpa' sems dpa' chen po tshul khrims kyi pha rol tu phyin pa yongs su dag pa yin te/ sum bcu rtsa gnyis gang zhes na 'di lta ste/ chags pa dang / zhe sdang dang / gti mug dang / bral bas/ lus yongs su dag pa'i tshul khrims dang / bdag gi lha sangs rgyas la mi sla ba'i mtshan nyid kyis dag yongs su pa'i tshul khrims dang / brnab sems dang / gnod sems dang / log par lta ba med pas sems yongs su dag pa'i tshul khrims dang / lha dang mi'i phun sum tshogs pa myong bas/ dge ba bcu'i las kyi lam yongasu dag pa'i tshul khrims dang / nyi tshe ba'i sa thams cad mi ston pas// byang chub sems dpa'i dang bsam pa mi brjod pa'i tshul khrims dang / shin tu nyams pa med cing g.yo dang bral bas/ lhag pa'i bsam pas yongasu dag pa'i tshul khrims dang / skye bo phal po thams cad bdud pas/ 'phags pa'i skye bos bsngags pa'i tshul khrims dang / sems can thams cad la sems snyoms pas/ byams pa mngon du 'gro ba'i tshul khrims dang / sems can thams cad yongs su skyobs pas/ snying/

  77. 159a

    rje chen po la rab tu sbyor ba'i tshul khrims dang / dam bcas pa'i stobs kyis bslab pa legs par rdzogs pa/ yang dag par 'dzin pa'i tshul khrims dang / kha na ma tho ba chung ngu la yang 'jig par lta bas ngo tsha shes shing / khrel yod pa'i phun sum tshogs pa'i tshul khrims dang / shin tu mi gtong bas skyon med pa'i tshul khrims dang / spyod pa shin tu dag pas thun chags ma yin pa'i tshul khrims dang / sangs rgyas kyi zhing gzhan du 'gro bas rnam pa mang po la dbang byed pa'i tshul khrims dang / skye bo mkhas pas rig pa'i phyir bsngags pa'i tshul khrims dang / ngan song ngan 'gro thams cad kyi lam las sgrol ba'i tshul khrims dang / bde ba'i dngos po thams cad la rab tu gnas pa'i tshul khrims dang / sangs rgyas kyi tshul khrims yongasu rdzogs par byas pas sangs rgyas kyis gnang ba'i tshul khrims dang / yi dam la brten pas mi ldod pa'i tshul khrims dang / rang gi sems nges par sems pas bdag la mi stod gzhan la smod pa'i tshul khrims dang / nyon mongs pa med pas nges par sems pa'i snying rje'i tshul khrims dang / byang chub kyi phyogs kyi chos thams cad nye bar byed pa'i tshul khrims dang / rab tu dga' bar byed pas dga' bar byed pa'i tshul khrims dang / 'dod pa chags pa med pas chog shes par byed pa'i tshul khrims dang / nan tan snying po byed pas bsgrub pa

  78. 159b

    rlabs po che'i tshul khrims dang / khyims kyi gnas thams cad la mi lta bas/ rab tu 'byung ba la gzhol ba'i tshul khrims dang / chos kun dga' mos pas dgon pa la gnas pa'i dga' ba dang ldan pa'i tshul khrims dang / 'phags pa'i rigs la ston pas 'dod pa nyung shing chog shes pa la nges pa'i tshul khrims dang / sdig pa 'dod pa thams cad bral bas sbyangs pa'i yon tan dang / yo byed bsnyungs pa la yang dag par sbyin pa'i tshul khrims dang / sems can med par rnam par spyod pas/ dmigs pa med par spong ba'i tshul khrims dang / chad pa dang rtag pa yongasu sbyongs pas/ lta bar song ba thams cad dang gti mug sel ba'i tshul khrims dang / rten cing 'brel bar 'byung ba dang / mi 'gal bas byang chub kyi rjes su mthun pa'i tshul khrims te/ mi 'am ci'i bdag po rnam pa sum bcu rtsa gnyis po 'di dag gis/ byang chub sems dpa'i tshul khrims kyi pha rol tu phyin pa yong su dag pa yin no// mi 'am ci'i bdag po rnam pa sum bcu rtsa gnyis kyis/ byang chub sems dpa'i bzod pa'i pha rol tu phyin pa yongs su dag pa yin te/ sum bcu rtsa gnyis gang zhe na/ lus la mi lta bas bzod par lta ba dang / srog la mi lta bas bzod par lta ba dang / zhe 'gras pa'i sems med pas bzod par lta ba dang / nye bar smras pa'i tshig dang du len pas bzod par lta ba dang /

  79. 160a

    nyams chung ba'i sems can la snying rje bskyed pas bzod par lta ba dang / ma brlabs pa la mi brnyas pas bzod par lta ba dang // gnod par byed pa rnams lan blan pa'i mthu yod pa dang / lan mi ljon bzod par lta ba dang / yan lag dang nying lag thams cad bcad kyis mi 'khrugs shing gnod sems med pas bzod par blta ba dang / brlang ba med pas bzod par lta ba dang / gshe ba la slar mi gshe bas bzod par lta ba dang / bsam pa dag pas bzod par lta ba dang / rnyog pa'i sems med pas bzod par lta ba dang / dkrugs pa'i sems med pas zod par lta ba dang / gzhan gyi sems srungs bas bzod par lta ba dang / sems can thams cad la phan pa'i dngos pos bzod par lta ba dang / snying rje'i blo dang ldan pas bzod par lta ba dang / nga rgyal med par bzod par lta ba dang / sems can thams cad brnyas thabs med cing 'dad pas bzod par lta ba dang / 'bar ba med pas bzod par lta ba dang // nges par sems pas bzod par lta ba dang / bdag gi 'khrul pa la so sor rtog pas bzod par lta ba dang / gzhan gyi 'khrul pa'i skyon la mi lta bas bzod par lta ba dang / sangs rgyas rje su dran pa bsgom pas bzod par lta ba dang / chos la sems sbyin pas bzod par lta ba dang / dang ba'i dngos pos bzod par lta byer bar zhi bas bzod par lta ba dang /

  80. 160b

    sems la gdung ba med pas bzod par lta ba dang / ba dang / gzhin 'dzum zhing khro gnyer med pas bzod par smra ba dang / gsong por smra bas bzod par lta ba dang / rnam par thar pa'i sgo gsum la sdang ba med pas bzod par lta ba dang / ma skyes pa dang ma byung ba la mos pas bzod par lta ba dang / mi skye ba'i chos la bzod pa thob pas bzod par lta ba dang / mi 'am ci'i bdag po rnam pa sum bcu rtsa gnyis po 'di dag gis/ byang chub sems dpa' rnams kyi bzod pa'i pha rol tu phyin pa yongs su dag pa yin no// mi 'am ci'i bdag po rnam pa sum bcu rtsa gnyis kyis byang chub sems dpa' rnams kyis/ brtson 'grus kyi pha rol tu phyin pa yongs su dag pa yin te/ sum bcu rtsa gnyis gang zhe na/ mi 'am ci'i bdag po 'di lta ste/ byang chub sems dpa' sangs rgyas kyi rigs rgyun mi chad par bya ba'i phyir/ brtson 'grus brtsom pa dang / chos kyi rigs rgyun mi chad par bya ba'i phyir/ brtson 'grus brtsom pa dang / dge 'dun gyi rigs rgyun mi chad par bya ba'i phyir brtson 'grus brtsom pa dang / sems can tshad med pa yongs su smin par bya ba'i phyir brtson 'grus brtsom pa dang / 'khor ba tshad med pa yongs su bzung ba'i phyir/ brtson 'grus brtsom pa dang / sangs rgyas tshad med pa la mchod pa dang / rim 'gro bya ba'i phyir brtson 'grus brtsom pa dang / dge ba'i rtsa ba tshad med pa bstsags pa'i phyir/ brtson 'grus brtsom pa dang / sems can

  81. 161a

    thams cad la bya ba ci yod ces pa la spro ba'i phyir/ brtson 'grus brtsom pa dang / sems can thams cad yongs su mi gtong ba'i phyir/ brtson 'grus brtsom pa dang / sems can thams cad tshul khrims kyi bslab pa la bzung ba'i phyir/ brtson 'grus brtsom pa dang / bzod pa'i stobs thams cad dang nges pa mi nyams par bya ba'i phyir/ brtson 'grus brtsom pa dang / bsam gtan dang / rnam par thar pa dang / ting nge 'dzin dang / snyoms par 'jug pa thams cad bskyed pa'i phyir/ brtson 'grus brtsom pa dang / chags pa chags med pa'i shes rab mchog yongs su bskang ba'i phyir/ brtson 'grus brtsom pa dang / byams pa dang / snying rje dang / dga' ba dang / btang snyoms dang / tshangs pa'i gnas yongasu bskang ba'i phyir/ brtson 'grus brtsom pa dang / mngon par shes pa thams cad la brtson 'grus brtsom pa dang / sangs rgyas kyi zhing thams cad kyi yon tan bkod pa rang gi sangs rgyas kyi zhing du yongs su bsdud pa'i phyir/ brtson 'brus brtsom pa dang / bdud thams cad gzhol ba'i phyir/ brtson 'grus brtsom pa dang / stobs brtan pa chen pos pha rol gnon pa'i phyir/ brtson 'grus brtsom pa dang / pha rol rgol ba thams cad chos dang mthun pas tshar gcod pa'i phyir/ brtson 'gras brtsom pa dang / stobs bcu dang mi 'jig pa dang //

  82. 161b

    sangs rgyas kyi zhing yongs su bskang ba'i phyir/ brtson 'grus brtsom pa dang / lus dang ngag dang sems kyi rgyun gyi phyir/ brtson 'grus brtsom pa dang / bya ba thams cad nyams 'og tu chud par byed cing brtson 'grus mi gtang ba'i phyir// brtson 'grus brtsom pa dang / sems zhum pa med pa'i phyir/ brtson 'grus brtsom pa dang / nyon mongs thams cad kyi mi rtsi bar bya ba'i phyir brtson 'grus brtsom pa dang / ba rgal ba bsgral/ ma grol ba bsgrol/ dbugs ma phyin pa dbugs 'byung / yongs su mya ngan las ma 'das pa yongs su mya ngan las zla ba'i phyir/ brtson 'grus brtsom pa dang / sangs rgyas thams cad kyi dam pa'i chos yongs su bzung ba'i phyir/ brtson 'grus brtsom pa dang / sangs rgyas kyi zhing mtha' yas par rdzu 'phrul gyis 'gro zhing sangs rgyas la lta ba'i phyir/ brtson 'grus brtsom pa dang / sems can dang lus dben pa'i phyir/ brtson 'grus de dben pa las nges par 'byung ba dang / thams cad mkhyen pa'i ye shes 'jug pa'i phyir/ brtson 'grus de blangs pa med cing dor ba med la/ 'deg pa med cing bzhag pa med de/ skye ba med cing 'byung ba med pas/ bsdus pas yin te/ mi 'am ci'i bdag po rnam pa gsum bcu rtsa gnyis po 'di dag gis byang chub sems dpa' rnams kyi brtson 'grus kyi pha rol tu phyin pa yongs su dag pa yin no// /

  83. 162a

    mi 'am ci'i bdag po rnam pa sum bcu rtsa gnyis kyis/ byang chub sems dpa'i bsam gtan gyi pha rol tu phyin pa yongs su dag pa yin te/ sum bcu rtsa gnyis gang zhe na/ 'di lta ste/ dran pa yongs su dag pa dang / blo gros yongs su dag pa/ rtogs pa yongs su dag pa dang / ngo tsha shes pa yongs su dag pa dang / khrel yod pa yongs su dag pa dang / mos pa yongs su dag pa dang / bsngo ba yongs su dag pa dang / byang chub kyi sems mi brjed ba yongs su dag pa dang / dbang po sbas pa yongs su dag pa dang / mi gnas pa yongs su dag pa dang / de la chags pa yongasasu dag pa dang / mngon par shes pa bskyed pa yongs su dag pa dang / sems las su rung ba yongs su dag pa dang / lus dben pa yongs su dag pa dang / brag cha shes pa yongs su dag pa dang / nang nye bar zhi ba yongs su dag pa dang / phyi rol du mi rgyu ba yongs su dag pa dang / dmigs pa'i lta ba yongs su dag pa dang / bdag med pa dang / sems can med pa dang / srog med pa dang / gso ba med pa dang / gang zag med par so sor rtog cing khams gsum pa la mi gnas pa yongs su dag pa dang / byang chub kyi yan lag gi sgo yongs su dag pa dang / sems can la snying rje chen po yongs su dag pa dang / shes rab la 'jug pas rab rib med cing snang ba yongs su dag pa dang /

  84. 162b

    rgyu dang 'bras bu dang rnam par smin pa dang / mi 'gal ba yongs su dag pa dang / chos la sems pa'i bzod pa yongs su dag pa dang / sems can la snying rje chen po yongs su dag pa dang / shes rab la 'jug pas rab rib med cing snang ba yongs su dag pa dang / rgyu dang 'bras bu dang / rnam par smin pa dang / mi 'ga' ba yongs su dag pa dang / chos la sems pa'i bzod pa yongs su dag pa dang / tshul bzhin gyi rnam pa'i chos la so sor rtog pa yongs su dag pa dang / thabs la mkhas pa yongs su dag pa dang / byang chub kyi snying po bsgrub pa yongs su dag pa dang / nyan thos dang rang sangs rgyas dang mi 'dre ba yongs su dag pa dang / mi g.yo ba'i bsam gtan bsgrub pa yongs su dag pa dang / sangs rgyas kyi ting nge 'dzin thob pa la mi g.yeng ba yongs su dag pa dang / sems can thams cad kyi/ sems dang spyod pa la lta ba yongs su dag pa dang / sems can thams cad kyi dbang po mchog dang mchog ma yin pa shes nas/ so so ci rigs par chos ston pa yongs su dag pa ste/ mi 'am ci'i bdag po rnam pa sum bcu rtsa gnyis po 'di dag gis/ byang chub sems dpa'i bsam gtan gyi pha rol tu phyin pa yongasu dag pa yin no// mi 'am ci'i bdag po rnam pa sum bcu rtsa gnyis kyis/ byang chub sems dpa'i shes rab kyi pha rol tu phyin pa yongs su dag pa yin te/ sum bcu/

  85. 163a

    rtsa gnyis gang zhe na/ 'di lta ste/ thos pa tshol bas mi ngoms pas mang du thos pa dang / tshul bzhin yid la byed pas chos rnams/ la spyod pa'i shes pa la mkhas pa dang / byang chub mngon gsum du byed pa'i bdag nyid kyi chos bsgrub par shes pa dang / phung po la mkhas pa la 'jug pas/ rnam par grol ba shes pa dang / chos kyi dbyings la mkhas pa'i shes pa dang / skye mched la mkhas pa'i shes pa dang / rgyu dang bya ba khong du chud pas/ stong pa'i rnam par rten cing 'brel par 'byung ba la mkhas pa dang / bden pa la mkhas pa'i shes pa dang / der mi ltung bar skyon med pa la 'jug pa'i shes pa dang / bsam gtan du skye bas/ skye ba so sor mi rtog pa'i shes pa dang / bzod ma nas rnam par dga' bas chos thams cad mi skye bar shes pa dang / phyin ci log tu gyur pa yongs su smin par byed pas/ sems can thams cad bdag par shes pa dang / 'dod chags dang bral ba'i mtha'i/ chos thams cad chos gcig tu shes pa dang / nam mkha' dang mtshungs zhing thams cad zhing gcig tu shes pa dang / chos kyi dbyings bsam gyis mi khyab pa la zhugs pas/ sangs rgyas thams cad sangs rgyas gcig tu shes pa dang ye shes la mkhas pas/ chos kyi tshig rab tu dbye ba shes pa bstan pa dang / legs par bshad pas//

  86. 163b

    sems can thams cad tshims par byed pa'i phyir chags pa med pa'i spobs pas/ thos pa thams cad 'dzin pas bzungs brjed pa med pa'i shes pa dang / bdud de dag byang chub tu yongs su smin par byed pas/ bdud kyi las thams cad khong du chud pa'i shes pa dang / rnam par bsgrubs te so so nye bar gnas par shes pas/ chos thams cad sgyu ma lta bur shes pa'i rtog pas shes pa dang / shin tu yongs su bsgrub pa med pa'i tshul gis chos thams cad rmi lam dang / sdig smra ba dang / chu zla dang / mig yor dang / drag cha lta bu'i tshul du ston pa dang / shes pa rnam par dag pa'i phyir sems can gyi sems kyi spyod pa thams cad khong du chud pa'i shes pa dang / shin tu brlas pa'i phyir 'khor da mya ngan las 'das/ rtags par shes pa'i thabs la mkhas pa dang / rnam par thar pa'i sgo'i stong pa nyid dang / mtshan ma med pa dang / smon pa med pa'i chos shes pa dang / bzod pa nas 'brel pa med pa'i phyir/ chos thams cad rang bzhin gyi zhi ba dang / rab tu zhi ba dang / nye bar zhi bar shes pa dang / ma rig pa dang / gti mug gi mun pa yang dag par bcom pa'i phyir/ chos thams cad la rab rib med cing sdang ba thob pa dang / chos thams cad gar yang mi 'gro/ gang nas kyang mi 'ong shes pas/ shes rab kyi 'od dang ldan zhing / sems can thams cad la rnam par thar pa'i chos ston pa

  87. 164a

    dang / las dang bya ba khong du chud pas/ sems can rnams kyi 'chi 'pho dang / 'gro bar skye bstan pa dang / don dang chos dang nges pa'i// tshig dang spobs pa'i tshul la mkhas te phyed par de kho na lung ston pas/ so so yang dag par rig pa bzhi thob pa dang / bdag dul ba dang / zhi ba dang / grol ba/ dang / spangs pa dang / byang byas yongs su mya ngan las zla ba'i phyir/ don yod pa'i chos ston pa dang / dam pa'i chos yong su 'dzin pas/ sangs rgyas bcom ldan 'das rnams kyis de shes rab las nges par 'byung bar rig nas/ chos kyi grong khyer thams cad yongs su skyong bar byin gyis brlab pa dang / phyir mi ldeg pa'i byang chub sems dpa'i sa la yang dag par gzhol te/ mtha' la gnas pa'i tshul nges par byas pas lung bstan pa'i sa rab tu thob pa yin te/ mi 'am ci'i bdag po rnam pa sum bcu rtsa gnyis po 'di dag gis/ byang chub sems dpa'i shes rab kyi pha rol tu phyin pa yongs su dag pa yin no// mi 'am ci'i bdag po byang chub sems dpa' rnam pa sum bcu sa gnyis dang ldan na/ thabs la mkhas par bya ste/ sum bcu rtsa gnyis gang zhe na/ 'di lta ste/ byang chub sems dpa' sems can thams cad yongs su smin par bya ba'i phyir/ bsod nams chen po la gnas pa dang / sems can thams cad sprin gnas yin pas smin gnas / rang pa mthong pa dang / rnams na

  88. 164b

    kyis tshol ba dang / sems can dbul po yongs su smin par bya ba'i phyir/ don du mi gnyer ba dang / sems can thams cad ngag sdoms pa la sbyar ba'i phyir// skugs pa dang dig pa lta bur ston pa dang / bud med dang gzhon nu ma lta bu yongs su smin par bya ba'i phyir bud med yongs su 'dzin pa dang / khye'u yongasu smin par bya ba'i phyir/ khye'u gzugasu ston pa dang / bsod nams yongasu smin par bya ba dang / mthun par bya ba'i phyir gzugs thams cad ston pa dang / sems can myos pa yongs su smin par bya ba'i phyir/ myos pa ma yin pa yang mos pa'i lus su ston pa dang / de la mos pa'i sems can rnams la chos ston pa'i phyir// skyon pa dang / sems g.yengs pa'i gzugs su ston pa dang / sems can yongs su smin par bya ba'i phyir/ lo brgyar bsags pa'i tshul khrims kyi phung po 'dir ba dang / chos 'dzin du bzhag pa'i phyir sems can rnams la dga' ba dang / longs spyod thams cad ston pa dang / de la mos pa'i sems can yongasasu smin bya ba'i phyir/ g.yon can mi mthun pas/ 'tsho ba lta bur yang bdag nyid ston pa dang / bud med tshong gang dpon dang / khyim bdag dang / rgyal po'i chung mar gyur pa/ bud med pa'i bu'i tshe 'dod pa'i mya ngan zug rngu dang ldan zhing / sdug bsngal gyi tshor ba myong ba la/ de nas byang chub sems dpa' rigs de dag dad cing yongs

  89. 165a

    smin par bya ba'i phyir bsam bzhin du de'i bur 'gro ba dang / 'grog dgon par song ba'i sems can dbul po la bza' ba dang / btung ba dang / nor sbyin zhing bgo bsha' bya ba'i phyir/ 'dron po mang po'i nang du ded dpon chen por 'gyur ba dang / gter chen po mdun du bzhag te/ nor gyi phung po chen po byin nas/ chos ston pa dang / mya ngan gyi zug rngu dang ldan pa'i sems can rnams kyis mya ngan gyi zug rngu bsal nas/ rdzu 'phrul gyi chos ston pa dang / gter gtor ba'i sems can rnams kyis mdun du gter chen po nye bar bstan nas/ 'tsho ba yongs su dag par bya ba'i phyir/ chos ston pa dang / de dag sangs rgyas kyi bstan pa la dgag pa'i phyir/ gzhan mu stegs can spyod pa dang / kun tu rgyu rnams kyi nang du rab tu 'byung ba dang / sems can 'dod chags kyi lcags kyus zin pa rnams yongs su smin par bya ba'i phyir smad 'tshong ba'i khyims dang / slas kyi nang du bu gzugs mdzes lta na sdug par ston pa dang / sems can rnams mos pa ji lta ba bzhin du/ chos kyis yongs su smin par bya ba'i phyir 'dus pa chen po dang / tshogs mang po'i nang du rnga bo che dang / rnga rnga dang / gling bu dang / dung gi sgras sa chen po mdzes par byas nas/ bdag nye bar ston cing / sems can 'dus pa de dag la rol mo dbyangs sgra de dag las chos ston pa'i sgra 'byin cing / gzo dang las kyi gnas thams

  90. 165b

    cad nye bar ston pa dang / mya ngan du song ba'i 'drod pa bza' ba dang / btung ba dang / zad pa la mngon par shes pa chen po rnam par rtse zhing de'i stobs kyis bza' ba/ dang / btung ba byin nas/ bkres pa dang bral zhing sgom pa dang / bral ba'i sems can rnams las ston pa dang / sems can gang dag dmus long du gyur pa de dag gi nang na dmus long lta bur gyur nas/ dbus po mig med pa la rdzu 'phrul gyi stobs kyis bza' ba dang / btung ba 'byos par byas nas/ mig byin te rang gi gzug bstan nas/ ji ltar de dag bla na med pa yang dag par rdzogs pa'i byang chub tu nges par gyur pa de lta de ltar chos ston pa dang / rgyal po'i khri mon na bcug pa'i srog chags rgya phrag du ma g.yo sna tshogs dang ldan pa de dag yongs su smin par bya ba'i phyir/ bsams bzhin du bdag rkun por ston cing / gzhan g.yon can no zhes shes par byas nas/ khri mon du bcug pa dang / de der zhugs nas rdzu 'phrul gyi stobs kyis/ bcings pa de dag gis lus bkrus shing bskus te/ gos bzang po bgon nas bza' ba dang / btung bas lus tshim par byas te/ bcings pa dam po de dag las bkrol nas/ ji ltar bla na med pa yang dag par rdzogs pa'i byang chub tu nges par 'gyur ba de lta bur ches stong pa dang / sems can gang dag rgyal pos bsad par sgrib/ srog 'chad pa'i 'jigs pa thob pa/ sdug bsngal gyis nyam

  91. 166a

    thag pa/ de dag yongs su smin par bya ba'i phyir/ byang chub sems dpa' sems dpa' chen pos rdzu 'phrul gyis gzhan cig sprul te// rdzu 'phrul gyis bshed pa sgri nas/ gsad par 'os pa'i mi de dag bcings pa de las bkrol te/ 'jigs pa dang bral ba srog rnyed pa/ dbug phyin pa de dag la ji ltar bla na med pa yang dag par rdzogs pa'i byang chub tu mngon nges par gyur pa de de lta bur chos ston pa dang / phyogs gang na don dang nor dang zhing dang / khyim gyi dngos po dang / bran po dang bran mo dang / las byed pa dang / dmag gi mi phyir 'thab pa dang / brtsod pa dang / 'gyed pa dang / mtshang 'bru bar byed pa der/ byang chub sems dpa' sems dpa' chen po thabs kyis dbus su 'dug na/ rdzu 'phrul gyis don dang nor dang / rin po che yongs su btang ste/ de dag 'dum par sbyor ro// de dag 'dum par rig nas/ bla na med pa yang dag par rdzogs pa'i byang chub yang dag par 'dzin du 'jug pa dang / byang chub sems dpa' thabs la mkhas pas yan lag dang nying lag thams cad kyis dbang po nyams pa med/ sems can yongs su smin par bya'i phyir/ dbang po nyams par yang ston pa dang spyod lam phun sum tshogs/ sems can yongs su smin par bya ba'i phyir/ spyod lam thams cad 'khrugs par byed pa yang / byang chub sems dpa' thabs la

  92. 166b

    mkhas pas gzhan mu stegs can ston pa dang / thag ring du gnas pa bdud kyi spyod yul la spyod pa'i bdud kyis byin gyis brlab pa'i mu stegs can de dag sangs rgyas kyi bstan pa la dgug pa'i phyir/ de dag gi mdun du dkon mchog gsum gyi bsngags pa brjod pa dang / byang chub sems dpa' thabs la mkhas pas/ sems can yongs su smin par bya ba'i phyir/ bsam gtan dang / rnam par thar pa dang / ting nge 'dzin dang / snyoms par 'jug pa rnams las log nas/ bsams bzhin du 'dod pa'i khams su skyes te/ mya ngan las 'das pa/ 'dod pa rnams la bskyed pa'i sdug bsngal bstan nas/ dben pa thob pa rnams bla ma'i lam bsgom du bzung ba'i phyir/ mya ngan las 'das pa ston pa dang / skyon med pa la zhugs pa/ mya ngan las 'das par 'gro bar 'dun pa rnams kyi mdun du/ byang chub sems dpa' thabs la mkhas pas/ sangs rgyas kyi sku ston pa dang / sangs rgyas la dad pa thob cing / sems mnyam par bzhag pa rnams byang chub kyi sems len du bzung ba'i phyir/ rkyen 'di shes pa la 'jug pa nye bar ston pa ste/ mi 'am ci'i bdag po rnam pa sum bcu rtsa gnyis po 'di dag gis/ byang chub sems dpa' sems dpa' chen po thabs la mkhas par rig par bya'o// pha rol tu phyin pa dang thabs la mkhas pa la 'jug pa yongs su dag pa'i le'u 'di

  93. 167a

    bstan pa mi 'ab ci'i rgyal po ljon pa'i 'khor dang de ma yin pa gzhan lnga dang klu dang / gnod sbyin dang / dri za'i srog chags dgu khri brgyad stong ni bla na med pa yang dag par rdzogs pa'i byang chub sems bskyes so// bcom ldan 'das kyi 'khor byang chub sems dpa' las byang chub sems dpa' khri brgyad stong ni mi skye ba'i chos la bzod pa thob par gyur to// mi 'am ci'i rgyal po ljon pa ni shes rab sgron ma zhes bya ba'i ting nge 'dzin thob par 'gyur ro// de nas mi 'am ci'i rgyal po ljon pa bcom ldan 'das kyi chos kyi gtam gyis yang dag par dga' bar byas/ yang dag par 'dzin du bcug/ yang dag par gzeng bstod/ yang dag par tshim zhing mgu la yid rangs shing rab tu dga' ste/ dga' ba dang yid bde ba skyes nas/ rin thang med pa'i ras bcos bu phrag cig/ bcom ldan 'das kyi sku la gsol to// byang chub sems dpa'i dge 'dun dang / nyan thos kyi dge 'dun thams cad la yang rin thang med pa'i gos kyis so sor bkab bo// gnas thams cad yongs su longs spyod pa'i phyir bcom ldan 'das la phul lo// de nas mi 'am ci'i rgyal po ljon pa'i bu brgyad stong pos/ rin po che'i bkod pa dang / rin po che'i gdugs brgyad steng du tshangs pas/ bcom ldan 'das la mngon par bkab ste/ gtor ma thag tu sangs rgyas kyi mthus de dag thams cad 'khor gyi khyams der/ bcom

  94. 167b

    ldan 'das kyi dbu'i drang thad kyi steng gi bar snang la/ dpag tshad stong tsam na rin po che'i gdugs gcig tu gnas par gyur to// de nas mi 'am ci'i rgyal po ljon pa'i bu/ brgyad stong pas/ bcom ldan 'das kyi cho 'phrul rgya chen po 'di lta bu mthong nas/ tshim zhing mgu la yid rangs shing rab tu dga' ste/ dga' ba dang / yid bde ba skyes nas/ lhag pa'i bsam pas bla na med pa yang dag par rdzogs pa'i byang chub tu sems bskyed do// de dag gis byang chub tu sems bskyed nas/ bcom ldan 'das la 'di skad ces gsol to// bcom ldan 'das gang thos pas bdag cag byang chub kyi phyogs kyi chos yang dag par bsgrub par 'gyur/ byang chub tu yongs su smin par 'gyur pa'i chos de bzhin gshegs pa dgra bcom pa yang dag par rdzogs pa'i sangs rgyas kyis bdag cag la bshad du gsol/ de nas bcom ldan 'das kyis mi 'ab ci'i rgyal po ljon pa'i bu des bdag gis lhag pa'i bsam pa mkhyen nas/ ta la bdun srid kyi steng gi bar snang la dkyil mo dkrungs bcas te/ bzhugs nas/ sku la 'di lta bu'i 'od phyung ste/ 'od des stong gsum gyi stong chen po'i 'jig rten gyi khams 'di snang ba chen pos khyab par gyur to// gang mi 'am ci/ dang / dri ba dang / lho 'phye chen po dag dang / 'dod pa na spyod pa'i lha'i bu de dag gi rol po'i sil snyan rnam pa sna tshogs de dag thams cad/ madrangs ma bkrol

  95. 168a

    bar mdzes pa dang ldan par 'khrol lo// ri'i rgyal po spos kyi ngang ldan ma/ spos kyi shing dang / me tog gi shing dang / 'bras bu'i shing ji snyed pa de dag las kyang rol mo'i sil snyan gyi sgra byung ngo // bcom ldan 'das kyi spu'i khung bu thams cad nas kyang / 'od zer bye ba phrag khrig brgya stong byung ngo // 'od zer thams cad kyi rtse mo las kyang pad+ma tshad shing rta'i phang lo can dag byung ngo // pad+ma'i snying po thams cad la yang byang chub sems dpa'i gzugs skyes bu chen po'i mtshan sum bcu rtsa gnyis kyis legs par brgyan pa'i lus dag gnas par kun tu snang ngo // de nas sangs rgyas kyi mthus rol mo sil snyan de dag las ni yongasu 'dra ba'i tshigs su bcad pa byung byang chub sems dpa' de dag thams cad ni sgra dbyangs dang / skad gcig gis tshigs su bcad nas nges par lan 'debs so// de la sil snyan las tshigs su bcad pa/ bla na med pa'i byang chub sems// ji lta bur mi bskyes pa yi// byang chub snying por 'dug par du/ sems ni brjed pa med par 'gyur// byang chub sems dpa'i gzugs rnams kyis smras pa/ sems can kun gyi ched kyi phyir// lhag pa'i bsam pa phun sum tshogs// snying rje che dang ldan pa ni/ byang chub sems brjed mi 'gyur ro// sil snyan rnams kyis smras pa/ de dag bsam pa ji lta bu// rab tu sbyor ba ji 'dra zhig/ de dag snying rjes chen po la/

  96. 168b

    nges par sems pa ji ltar skye// byang chub sems dpa'i gzugs rnams kyis smras pa// g.yo med lhag pa'i bsam pa ste// de dag sbyor ba bcos pa'i byin// mya ngan/ 'das sgor 'jog pa ni// de dag snying rje de 'dra'o// sil snyan rnams kyis smras pa// de dag stong pa ji lta bu// ji ltar byin nas 'gyod med cing // rnam smin don du mi gnyer bar// byang chub du ni bsngon par byed// byang chub sems dpa'i gzugs rnams kyis smras pa// dngos po kun la mi lta ba// de ni byin nas 'gyod pa med// byang chub lam la 'jog byed pa// de phyir rna ma smin re ba med// sil snyan rnams kyis spras pa// ji ltar tshul khrims ldan gyur kyang / tshul khrims kyis ni rloms sems med/ theg chen bla na med pa la// tshul khrims 'chal pa smin par byed// byang chub sems dpa' gzugs rnams kyis smras pa// byang chub sems dpa'i tshul khrims ldan/ stong pa nyid kyi rloms sems med// byams pa chen po bskyed pa ni// tshul khrims 'tshal ba yongs smin byed/ sil snyan rnams kyis smras pa// ji lta bur na sems can gyis// spyos shing sdig pa dbugs byed cing / sems kyi gnod pa mi byed la/ mchog tu dga' ba bskyed par 'gyur// byang chub sems dpa'i gzugs rnams kyis smras pa/ bdag ni sems can thams cad kyi// nyon mongs gso ba'i sman pa snyam/ de dag ngan par smra ba yin/

  97. 169a

    tshig thos zhe sdang mi 'gyur ro// sil snyan rnams kyis smras pa// de dag brtson 'grus ji lta bu// brdul ba yang ni ci 'dra shig/ ji ltar/ zhum pa med sems kyis// byang chub spyad pa spyod par 'gyur// byang chub sems dpa'i gzugs rnams kyis smras pa// chos dang sems kyis bsrungs pa ni/ brdul ba dang ni brtson 'grus so// dge ba'i rtsa bas brten pa ni// des ni sems ni zhum mi 'gyur// sil snyan rnams kyis smras pa/ de dag ji ltar dran dang ldan blo gros khong du chud par bya// ji ltar bsam gtan byed// de la chags pa med par 'gyur// byang chub sems dpa'i gzugs rnams kyis smras pa/ g.yeng ba med dang dran dang ldan// tshul 'chos med pa blo gros ldan// thabs kyis bsam gtan bsam gtan byed// des na de la chags med 'gyur// sil snyan rnams kyis smras pa/ ji ltar shes rab ldan pa dang // yang dag lta ba drang po dang // chos rnams rnam par byed pa la// mkhas shing 'jigs pa med par 'gyur/ byang chub sems dpa'i gzugs rnams kyis smras pa/ thos pas shes rab kun tu 'brel// brten pas lta ba drang por 'gyur// chos kyi sbyin pas nges gyur te// tshul khrims kyis ni don rtogs 'gyur// sil snyan rnams kyis smras pa// ji ltar thos pa brtsal bas na// de dag thos pa mang du 'gyur// gang gis che ba'i bdag gyur par//

  98. 169b

    chos kyi chos rnams ston par 'gyur/ byang chub sems dpa'i gzugs rnaMs kyis smras pa// gus par byed de thos tshol zhing / sgrub pas thos pa mang du 'gyur/ zang zing med par chos smin pa// des ni che ba'i bdag nyid 'gyur/ sil snyan rnams kyis smras pa// de dag byams pa ji lta bu// de dag snying rje'i ci 'dra zhig/ de dag dga' ba ji lta bu// gtang snyoms dang ni ci 'dra zhig/ byang chub sems dpa'i gzugs rnams kyis smras pa/ sems dang gtang snyoms byams pa ste// sems can bsgrol ba snying rje'o// sangs rgyas chos dga' ba ste// gnyis spangs pa ni gtang snyoms so// sil snyan rnams kyis spras pa// ji ltar sangs rgyas mthong bar 'gyur// sems kyang ji ltar dad par 'gyur// chos thos nas ni ji lta bur// de dag the tshom skye mi 'gyur// byang chub sems dpa'i gzugs rnams kyis smras pa/ sangs rgyas rjes su dran sgoms la// des ni 'dran pa mthong bar mthong bar 'gyur// the tshom med cing bsam dag pas/ the chos thos nas ni sems kyi med// sil snyan rnams kyis smras pa/ bsod nams tshogs ni ji lta bu// ye shes tshogs kyang ci 'dra zhig/ de dag ni gnas lhag mthong la// brtsom pa yang ni ji lta bu// byang chub sems dpa'i gzugs rnams kyis spras pa// ngoms mi shes pa bsod nams tshogs// 'dri ba rnams ni ye shes tshogs// zhi ba'i tshogs ni zhi gnas te/

  99. 170a

    chos shes pa ni lhag mthong ngo // sil snyan rnams kyis spras pa// de dag gi ni spyod yul gang // de dag gnas kyang ji lta bu// de dag gnas pa ci 'dra zhig/ de dag sbyor ba'ang ji lta bu// byang chub sems dpa'i gzugs rnams kyis smras pa// de dag spyod yul stong pa nyid/ gnas ni pha rol phyin pa'i lam// sangs rgyas 'phrin las ji lta bu// ci 'dra ba yis las byas ni// byang chub la ni gzhol bar 'gyur// byang chub sems dpa'i gzugs rnams kyis smras pa// theg pa dman pa bdud kyi las// sangs rgyas 'phrin las theg pa che/ sdig pa thams cad spangs pa ni// byang chub gzhol bar 'gyur ba'o// sil snyan rnams kyis smras pa// de dag grogs sten ji lta bu// sdig pa'i grogs po ji 'dra zhig/ log par lta la mi gnas shing // ji ltar yang dag gsong bar 'gyur// byang chub sems dpa'i gzugs rnams kyis smras pa// gang zhig byang chub lam ston pa// rtag tu bde byin sbyin pa'o// byang chub sems las gang zlog pa/ de dag sdig pa'i grogs por shes// sil snyan rnams kyis smras pa// lam du 'jug par gyur pa yis// lta ba drang po ji lta bu// sbyor ba rnam par shes nas su// ji ltar lha de 'jig mi byed// byang chub sems dpa'i gzugs rnams kyis smras pa// las dang bya bar 'jug pa ni// de dag drang por lta ba yin// log par

  100. 170b

    sbyor bar rnam shes nas// sa pa de dag 'jig mer byed// sim ldan rnams kyis smras pa// ji ltar pad pa'i chos bsrungs shing // sems can yongs su smin par byed// ji lta bu'i thabs kyis ni// de dag byang chub sgrub par 'gyur// byang chub sems dpa'i gzugs rnams kyis smras pa// brtson 'grus kyis ni chos srungs te/ bsdu bar yongs su smin par byed// mnyam nyid rnam par spangs pa ni// byang chub sgrub par byed pa yin// sil snyan rnams kyis smras pa// de dag shes pa'i lam ci 'dra// nga rgyal lam ni ji lta bu// ji la bka' blo bde ba dang // thams cad dus su 'thun par 'gyur// byang chub sems dpa'i gzugs rnams kyis smras pa// brtsod pa med pa shes pa'i lam// nga rgyal las ni brtsod pa 'byung // des pa bka' blo bde ba ste// gus pa yis ni 'thun par 'gyur// sil snyan rnams kyis smras pa// de dag lam ni ji lta bu// log pa'i lam yang ci 'dra zhig/ bla ming byang chub lam du ni// ji ltar sems can rab tu 'god// byang chub sems dpa'i gzugs rnams kyis spras pa// la pa ni pha rol phyin pa drug/ theg pa dben pa shes pa'i lam// shes rab thabs la skabs pa ni// sems can las la 'dzud pa'o// sil ska rnams kyis smras pa// jis bung nanor chen 'gyur// de dag snyed pa'i 'dra shig/ gzungs gter rnams kyang ji lta bur// gang gis de dag 'gro cim byed/

  101. 171a

    chub sems dpa'i gzugs rnams kyis spras pa// nor bdun dang ni rtag tu ldan// chos rnyed pa ni brnyed pa'o// de dag gter ni gzugs yin te// rab tu brnyed nas tshims par byed// sil snyan rnams kyis smras pa// de dag gi ni pha ma gang // nye du'i tshogs ni ji lta bu// g.yog rnams kyang ni ci 'dra zhig/ gang gis mkhas pa de dag badzes// byang chub sems dpa'i gzugs rnams kyis sbas pa// ma ni shes rab pa ni thabs// nye du byang chub phyogs rnams yin// dge ba rnams ni g.yog yin te// des ni mkhas pa de dag mdzes// sil snyan rnams kyis smras pa// ji ltar bdag med rtogs na ni// byams pas 'gro ba khyab par byed// bdag med pa la byams pa dag/ de la ji ltar mtshungs par 'gyur// byang chub sems dpa'i gzugs rnams kyis smras pa// gang dag stong ni rab shes pa// de ni bdag med khong du chud// gang gis 'gro ba stong shes pa// de ni de'i byams pa mchog/ sil snyan rnams kyis smras pa// 'du byed rnams ni rang bzhin gyis/ 'ong ba med cing 'gro ba med// las dang las kyi rnam par smin// byang chub sems dpa'i gzugs rnams kyis smras pa// dam pa'i don du 'ong med de// gang du 'gro ba'ang yod ma yin// kun rdzob du ni lam 'jug cing // rnam par smin pa nye bar ston// sil snyan rnams kyis smras pa// stong pa nyid dang mtshan ma med//

  102. 171b

    smon lam rnam par spangs pa na// mtshan nyid gcig tu rab rtogs nas// de kho na ni ji ltar shes// byang chub sems dpa'i gzugs rnams kyis smras pa// stong / nyid gang yin de mtshan med// mtshan ma don du gnyer ba med// mtshan nyid gcig cing de mtshan ste// rnam par thar pa'i sgor bstan to// sil snyan rnams kyis smras pa/ gang gis mya ngan 'das pa'i 'gro// stong par rtog pa ji lta bur// sems can lta ba ji lta bu// yongs su smin byed ji lta bu// byang chub sems dpa'i gzugs rnams kyis smras pa// shes rab kyis ni stong par rtogs// thabs kyis sems can rnams kyis blta// snying rje'i yongs su smin par byed// des ni mya ngan 'das par 'gro// sil snyan rnams kyis smras pa// chos 'di dag ni chos nyid kyis// skye ba med ci'i 'byung med par// tshul mchog 'dri 'dra shes nas ni// gang gis 'khor bar 'khor bar 'gyur// byang chub sems dpa'i gzugs rnams kyis smras pa// mi skye ba dang mi 'byung ba// de ni shes rab spyod yul lo// bsam bzhin du ni gang skye ga pa de ni thabs kyi tshul yin no// sil snyan rnams kyis smras pa// gtong la dga' ba ji ltar 'gyur// ji lta bur na phyir mi ldog/ ji ltar bzod pa ji ltar rnam par nges par 'gyur// byang chub sems dpa'i gzugs rnams kyis smras pa// mnyam par gnas pa stong la dga'// chos kyi dbyings las phyir mi ldog/

  103. 172a

    mi skye ba la bzod pa ste// chos shes las ni rnam par nges// sil snyan rnams kyis smras pa// byang chub snying po snying po gang // rdzogs ba'i byang chub mtshan nyid gang / ci phyir rdzogs sangs rgyas zhes bya// de bzhin gshegs pa ji ltar grol// byang chub sems dpa'i gzugs rnams kyis smras pa/ byang chub snying po na mkha' ste// byang chub na mkha'i mtshan nyid do// gang yang kun nas tig mug med// de bzhin nyid phyir de bzhin gshegs// de nas mi 'ab ci'i rgyal po ldan pa'i bu de dag gis tshigs su bcad pa 'di dag smras nas// mi skye ba'i chos lnga bzod pa thob nas/ rang rang gi gos dang brgyan bcom ldan 'das kyi sku la gsol te/ 'di skad ces gsol to// bcom ldan 'das gang gi slad du// bdag cag gis nyan pa'i rna ba 'di lta bu thos nas// sangs rgyas ni bdag cag gi mched du byung ngo // bcom ldan 'das sil snyan dang / glu dbyangs 'di dag las// the tshom 'di 'dra ba'i lta bu byung ba dang / byang chub sems dpa'i gzugs 'di dag gis dris pa/ de dag thams cad lan btab pas/ 'khor ba 'di'i dogs pa thams cad spangs pa dang / bdag dang chos kyi snang ba dpag tu ma mchis pa skyes pa ngo mtshar to// bcom ldan 'das sil snyan de dag las// sgra 'di lta bu byung ba'i rgyu ci lags/ su'i byin gyis brlabs kyis na/ byang chub sems dpa'i gzugs 'di dag gis 'debs par 'gyur//

  104. 172b

    bcom ldan 'das kyis bka' stsal pa/ bzhin bzang dag de dag thams cad ni// sangs rgyas kyi byin gyis brlabs su blta'o// bzhin bzangs dag de bzhin gshegs pa'i byin gyis brlabs kyis// na mkha'i las kyang chos kyi sgra 'di lta bu byung na/ sil snyan las kyang chos kyi sgra ci'i phyir mi 'byung ste/ bzhin bzangs dag de bzhin gshegs pa'i byin gyis brlabs ni/ bsam gyis mi khyab po// mi 'am ci'i rgyal po'i bu de dag gi gsol pa/ bcom ldan 'das sems can thams cad kyis/ sangs rgyas kyi bin gyis brlabs bsam gyis mi khyab pa thob par gyur cig/ de nas mi 'am ci'i rgyal po brgyad khri bzhi stong / mu tig kha dog sna tshogs kyi do shal thogs nas/ bcom ldan 'das kyi zhabs la mgo bos phyag 'tshal nas/ ji ltar thogs pa'i mu tig gi do shal de dag gis bcom ldan 'das la mngon par bkab po// mu tig gi do shal de dag phul ma thag tu sangs rgyas kyi mthus/ de dag bcom ldan 'das kyi dbu'i gtsug gi drang thad kyi bar snang la mu tig gi do shal gyi khang pa brtsegs pa brgyad khri stong du gyur te/ khang pa brtsegs pa de dag thams cad kyang / 'gru bzhi lham pa/ rga ba bzhi zug ba/ cha mnyam pa/ ngos shin tu rnam par bye ba sha stag go// khang pa brtsegs pa de dag na/ rin po chos spras pa'i khri rtsa ba yang rin po che las byas pa/ lha'i ras

  105. 173a

    bcos bu zung du ma bkrab pa/ dag par byung bar gyur to// khri de dag thams cad la yang / de bzhin gshegs pa'i sku// skyes bu chen po'i mtshan sum bcu rtsa gyis legs par brgyad pa dag bzhugs par kun tu snang ngo // de nas mi 'am ci'i bu mo do dag khri stong gis bcom ldan 'das kyi cho 'phrul 'di lta bu 'di mthong nas tshim zhing mgu ste yid rab tu dga' nas// dga' ba dang yid bde ba skyes te/ bsam pa thag pa nas bla na med pa yang dag par rdzogs pa'i byang chub tu sems bskyed do// de dag byang chub tu sems bskyed nas// dga' zhing rab tu dga' ste dang ba thob nas/ thams cad kyi sgra skad dbyangs// tshul dang 'dra ba'i tshigs su bcad pa 'di dag gis/ bcom ldan 'das la mngon par bstod do// bla na med pa'i dag bcom mchog khyod gsungs// don dgongs mtshungs pa ma mchis bsam mi khyab// don dang chos dang 'dul bar brlabs pa/ sems can mchog la mgo bos phyag 'tshal lo// 'dod chags zhe sdang gti mug tha ba 'jig/ dgon par bzhugs dges bsnyengs pa mi mnga' ba/ rin chen mdzod dang rin chen ston pa'o// bcom ldan rgyal po'i rgyal la phyag 'tshal lo// spyan lnga dri bral nyon mongs mi mnga' ba/ sa'i dbang po pha rol dgra bcom pa// pad+ma lta bu srid gsum mi gos pa/ bde gshegs mchog brnyed khyod la phyag 'tshal lo// 'gro ba'i nang na mi dang 'drar spyod cing / nyi zla 'di'i 'di ni spang

  106. 173b

    bkong ba// 'khor los bsgyur ba'i rigs su rgyal por skyes// 'khor lo'i mtshan mnga' khyod la phyag 'tshal lo// ming dang gzugs la nam yang mi chags shing / mgon dang dpung dang skyabs dang dpung gnyen gyur// khyod dang mtshungs med lhag pa ga la zhig/ mtha' yas dbyangs la mgo bos phyag 'tshal lo// brnyes dang ma brnyes nam yang chags mi mnga'/ 'jig rten chos rnams zil gyis non te bzhugs// chags sred khri shing dra ba 'grol mdzad pa// bcom ldan 'jig rten mgon la phyag 'tshalo// dul ba'i thugs ni rtag tu mnyam par bzhag/ nyon mongs sregs te stobs bcus rab bzhugs shing // 'gro la zang zing mi mnga' sprin brtsal ba// sbyin pa'i gnas la mgo bos phyag 'tshal lo// spa mchog dam pa mtshan gyi 'od phro ba// lam log phyin ci log ni rnam par spangs// 'jam zhing snam la snyan pa'i gsung gsung ba// srid pa gsum las 'phags la phyag 'tshal lo// mi mchog gdung ba bdud pa mi mnga' ba// rdzu 'phrul gyis ni bye ba'i zhing du gshegs/ 'gro ba rab tu bsgral pa'i gru mdzad pa/ bcom ldan bran 'dra khyod la phyag 'tshal lo// bcom ldan brtson 'grus dag pa ston mdzad pa// chag shing zhing pa'i 'gro dang mngon shes drug/ ldan zhing mkhas pa'i nyan thos nam grol ba// 'gro drug nye bshes khyod la phyag 'tshal lo// gser gyi kha dog 'dral phyag 'tshal lo// zhi gnas dbang po dul la phyag 'tshal lo// ston gyi

  107. 174a

    zla 'dri'i zhal la phyag 'tshal lo// mi mchog yon tan mnga' la phyag 'tshal lo// nyon mongs bsregs shing bsnyengs pa mi mnga' ba/ skye dgu 'di dag sbrul dka'i chu bzhin sgrol// bsgoms shing nyon mongs thul ba'i bcom ldan 'das// khyod la skyabs su mchi bar mchid kyis 'tshal// thub pas/ sbyin pa bsam gyis mi khyab bstsal// blangs na dbang po dges par rab 'gyur ba// pha rol dag la sbyin pa mchog brtsol ba// gtong dpa' bcom ldan khyod la phyag 'tshal lo// sems can nga rgyal rgyags khengs gti mug pa// rgyu dang rkyen las bya ba 'gal bgyid pa// 'phags pa bla na med pa'i lam mchog la// rnam par 'gren pa chen po khyod kyis bkod/ phung po rang bzhin gyis ni stong mkhyen nas// las dang nyon mongs zil gyis mnan te bzhugs// 'dren pa 'gro ba rnams kyi som nyi bcod// bcom ldan dus gsung khyod la phyag 'tshal lo// bde ba'i chos la brtson zhing mnyam par bzhag/ chos rnams kun la mnga' dbang pha rol phyin// bla na med pa kha lo bsgyur ba mchog/ 'dren pa 'gro ba rnams kyi som nyi gcod// bcom ldan dus gsung khyod la phyag 'tshal lo// bdud kyi snga rnams 'joms pa'i stobs chen po// mi mchog lam dang lam ma lags la mkhas/ rlung dmar lta bur ci la'ang chags mi mnga'/ bzing gyur bsal ba pha rol shin tu gnas/

  108. 174b

    thub pa bsam gtan gsal ba'i bang mdzod mnga'// spyad pa spyod pa'i chen gang ga yi// bye ma snyed kyi mchog rnams la ni mchod/ mthu bshes mi g.yo bsam gyis mi khyab pa// chags pa'i skyon mi mnga' zhing thang la bzhugs/ gnas na bzhugs shing rgyal ba rnams kyis ston// de slang mi rnams mchog la phyag 'tshal lo// skye dang na dang rga shi rnam par spangs/ tshe rabs bye ba bsam mi khyab par dgongs// bcom ldan 'das kyi mkhyen pa gdugs 'od kyis// 'jigs pa chen po'i dra ba rab tu 'dral// bden pa mi 'drar chos rnams thugs su chud// phyag dang zhabs la bkra zhing mtshan mnga' zhing // bkra shis pa las 'jams pa'i ran slong ba// bcom ldan bkra shis lha la phyag 'tshal lo// gzugs rnams la ni pha rol phyin// zang zing mi mnga' chos kyi sbyin pa stsol// thub pa chos kyi rnga ni rab brdung ba// chos rje bcom ldan khyod la phyag 'tshal lo// shAkya'i rigs su rgyal po las 'byung ba// dbang po zhi zhing thugs kyang rab tu zhi// ston pa srid gsum 'jig rten rnams gzigs pa// bde gshegs zhi thugs khyod la phyag 'tshal lo// bdud rnams dpung dang bcas pa rno ba yin/ ral gri thogs nas byang chub drung lpags kyang // khyod kyi ba sku tsam yang ma g.yos te// bcom ldan lhun po 'dra la phyag 'tshal lo// mi'i dam pa bzod pa'i phyi rol phyin/ sa rnams kun la nongs pa bgyis kyang bzod/

  109. 175a

    yang 'byung ba dang skye dang 'chibs pa/ bzod gsungs bcom ldan khyod la phyag 'tshal lo// mthu brnyes par ni gshegs pa mi g.yo ba// gnas dang gnas ni mkhas pa brnyengs mi mnga'/ khyod kyi sems can mang po byang chub bkod// mchod gnas rgyal ba khyod la phyag 'tshal lo// 'dus bgyis nyams chung chung po med par mkhyen// skye bo'i tshogs ni nyung ba ma legs sel// khyed kyi mkhyen pa srid gsum khyad par 'phags// ye shes pha rol phyin la phyag 'tshal lo// sems can long ba sdug bsngal mgon med pa// de dag khyod kyi dkon mchog gsum tshim bgyis// khyod ni bdud dpung bcas sgrags mdzad pa// bcom ldan mgon gyur khyod la phyag 'tshal lo// stobs dang bsam gtan dang ni dbang po bsgoms// khyod kyi bdud ni dpung dang bcas pa bcom/ srid pa rnams kyi nang na mchog gyur pa// thub pa dbang po bsgoms la phyag 'tshal lo// bdud pa'i rtsa ba brgya chen chos bsams pa// mtshungs med byang chub la ni chags mi mnga'// gribs ma lta bu mkhyen nas bde gsung pa/ bcom ldan gdugs 'dra khyod la phyag 'tshal lo// 'dren pa mi 'drar chos rnams thug su chud// 'phags pa'i 'khor lo rmi 'dra rab tu bskor// 'dus bgyis yang dag du na rmi lam 'drar// mkhyen nas sems can mang po dran par mdzad// khyed kyi ljags

  110. 175b

    mchog dag pa dri mi mngal// ljags kyi rang gi zhal gyi dkyil 'khor khyebs/ ljags ni pad+ma 'dab ma brgyas lta bu/ ljags skyon mi mnga' khyod la phyag 'tshal lo// srid gsum kun la chags pa mi mnga' ba// 'gro ba rnams la 'dun pa'i skyon mi gsung // 'dun pa'i 'dod chags bral ba ma smad pa// byang chub mchog la srog chags 'dun par mdzad// nyon mongs dag dang sdig pa'i dgra spangs pa// sna yi 'dod chags bral zhing chags mi mnga'// mi'i dam pa gser lta dpal sdug pa// khyod kyi mtshan dang grags pa chub par grags/ gnas dang dbang po rnam par 'byed la mkhas// 'di na bzhugs shing 'gro ba'i mig tu 'gyur// gnas dang yig 'bru tshig gi don brlabs nas// khyod kyi chu bo bzhi la zam pa btags// glang po rin thang ma mchis sbyin pa mdzad// 'dren pa mi dang lha rnams sgrol ba'o// khyod kyis yon tan mtha'i mi brnyed do// mgon po khyod la bdag gi thal mo sbyor// mi'i mchog la rdul ni sbyin byin pas// mi 'jed 'dzam bu'i rgyal por gyur lags na/ 'dir ni dbang po dad pas thal sbyar nas/ skyabs su nye bar mchi ba spos ci 'tshal// phung po bsog ste snying po med// stong pa smra/ mchu zla 'dra bar ni// go'u tam khyod kyis de dag yang dag mkhyen// phung po mkhas pa khyod la phyag 'tshal lo// sred pa'i sred bus dam du 'dud bor te// srid

  111. 176a

    pa'i 'gro bar dra bar rab grags pa// srid par 'gro ba rnams kyi dra ba de// bde gshegs khyod kyis mkhyen pa'i 'od kyi dral// tshangs pa'i sgra skad lta bu'i gsung brjod pa// sho bi ma lags mi 'gyur dri ma lags// phun gsum tshogs gsung de dag thos nas na// thal mo sbyar te skyabs su nye bar mchi// phyag gi 'thil gyis 'dir reg pa na// nags tshal bcas par rnam pa drug g.yos kyang // 'dir ni zhabs la gnod par 'gyur ma mchis// bdud phyogs dgra bcom khyod la phyag 'tshalo// lha'i rgyal po che dang mkhas pa gang // khyod kyis chos don gnyer zhing mchis pa rnams// de dag so sor chos bstan thos nas su// zhabs gnyis la ni rab tu 'dug par bgyid// de nas mi 'am ci'i rgyal po ljon pa'i sras rnams kyis// bcom ldan 'das la tshig su bcad pa 'di dag gis mngon par bstod nas/ bcom ldan 'das la 'di skad ces gsol to// bcom ldan 'das bdag bla na med pa yang dag par rdzogs pa'i byang chub la yang dag par zhugs nas// bud med kyi dngos pos bla na med pa yang dag par rdzogs pa'i byang chub mngon par rdzogs par 'tshang rgya bar mi nus na/ ji ltar bdag cag bud med kyi dngos po las gyur te// skyes pa'i dngos po thob pa dang / bla na med pa yang dag par rdzogs pa'i byang chub mngon par rdzogs par 'tshang brgya par

  112. 176b

    gyur pa de lta bu'i chos de// bcom ldan 'das kyis bdag cag la legs par bshad du gsol// de skad ces gsol pa dang / bcom ldan 'das kyis mi 'ab ci'i rgyal po ljon pa'i sras de dag la 'di skad ces bka' stsal to// sring mo dag de'i phyir rab tu legs par nyon la yid la zung shig dang / ji ltar bud med kyi dngos po las gyur te/ skyes pa'i dngos po thob cing / myur du bla na med pa yang dag par rdzogs pa'i byang chub mngon par rdzogs par 'tshang brgya par 'gyur ba ngas khyod la bshed par bya'o// mi 'am ci'i rgyal po slas rnams kyis/ bcom ldan 'das la legs so zhes gsol to// bcom ldan 'das kyis ltar nyan pa dang / bcom ldan 'das kyis de la 'di skad ces bka' stsal to// sring mo dag chos cig dang ldan na bud med kyi dngos po las gyur te/ skyes pa'i dngos po thob cing / myur du bla na med pa yang dag par rdzogs pa'i byang chub kyang mngon par rdzogs par 'tshang brgya par 'gyur te/ chos cig po gang zhe ni 'di lta ste/ lhag pa'i bsam pas/ byang chub sems bskyed pa dang / thams cad mkhyen pas sems bskyed pa dang / mi mnyam pa dang mnyam pa'i sems bskyed pa dang / 'jig rten gsum las khyad bar du 'phags pa'i sems bskyed pa dang / dge ba'i rtsa ba thams cad la brjod pa med pa'i sems bskyed de/ sring po dag chos cig po 'di dang ldan na/

  113. 177a

    bud med bud med kyi dngos po las gyur te/ skyes pa'i dngos po thob cing med/ myur du bla na med pa yang dag par rdzogs pa'i byang chub mngon par rdzogs par 'tshang brgya par gyur to// sring mo dag gzhan yang chos gnyis dang ldan na/ bud med bud med kyi dngos po las gyur te/ gnyis gang zhe na/ 'di lta ste/ phra dog med pa de dag ser sna med pa ste/ sring mo chos 'di gnyis dang ldan na/ bud med bud med kyi dngos po las gyur te/ skyes pa'i dngos po thob cing / myur du bla na med pa yang dag par rdzogs pa'i byang chub mngon par rdzogs par sangs rgyas par 'gyur ro// sring mo dag gzhan yang chos gsum dang ldan na/ bud med bud med kyi dngos po las gyur te/ skyes pa'i dngos po thob cing / bla na med pa yang dag par rdzogs pa'i byang chub kyang mngon par rdzogs par sangs rgyas par 'gyur ro// gsum gang zhe na 'di lta ste/ lus kyi sdom pa gsum yongs su dag pa dang / ngag gi sdom pa bzhi yongs su dag pa dang / yid kyi sdom pa yongs su dag pa dang / sring po dag chos gsum po 'di dag dang ldan na/ bud med bud med kyi dngos po las gyur te/ skyes pa'i dngos po thob cing / myur du bla na med pa yang dag par rdzogs pa'i byang chub mngon par rdzogs par 'tshang brgya par 'gyur ro// sring mo

  114. 177b

    dag gzhan yang chos bzhi dang ldan/ bud med bud med kyi dngos po las bsgyur te/ skyes pa'i dngos po thob cing / bla na med pa yang dag par rdzogs pa'i byang chub mngon par rdzogs par 'tshang brgya par 'gyur te/ bzhi gang zhe na 'di lta ste/ g.yo ba med par sbyin pa byin pa dang / g.yo ba med pa'i slab par 'dzin pa'i gnas yin pa dang / g.yo med pa'i tshul khrims bstan pa dang / g.yo med par chos nyan pa ste/ sring mo dag chos bzhi po 'di dag dang ldan na/ bud med bud med kyi dngos po las sgyur te/ skyes pa'i dngos po thob cing / myur du bla na med pa yang dag par rdzogs pa'i byang chub mngon par rdzogs par 'tshang brgya par 'gyur ro// sring mo dag chos lnga dang ldan na/ bud med bud med kyi dngos po las gyur te/ skyes pa'i dngos po thob cing / myur du bla na med pa yang dag par rdzogs pa'i byang chub mngon par rdzogs par 'tshang brgya par 'gyur ro// lnga gang zhe na 'di lta ste/ chos don du gnyer ba dang / chos thos nas tshul bzhin du so sor rtog pa dang / lhag pa'i bsam pas bud med kyi dngos po las smod pa dang / rtag par rgyun tu skyes pa'i lus thob par sems bskyed pa dang / ji skad smras pa bzhin du byed pa ste/ sring mo dag chos lnga po de dag dang ldan na/ bud med bud med kyi dngos po las gyur te/ skyes pa'i dngos po thob cing / myur du/

  115. 178a

    bla na med pa yang dag par rdzogs pa'i byang chub kyang mngon par rdzogs par 'tshang bar 'gyur ro// sring mo dag gzhan yang chos drug dang ldan da/ bud med bud med kyi dngos po las gyur te/ skyes pa'i dngos po thob cing / myur du bla na med pa yang dag par rdzogs pa'i byang chub kyang mngon par rdzogs par 'tshang brgya par 'gyur ste/ drug gang zhe na 'di lta ste/ drang ba dang gnyen pa dang / rgyu med pa dang / g.yo med pa dang / gsal ba dang / bcos pa med pa ste/ sring mo dang chos drag po 'di dag dang ldan na/ bud med bud med kyi dngos po las gyur te/ skyes pa'i dngos po thob cing / myur du bla na med pa yang dag par rdzogs pa'i byang chub kyang mngon par rdzogs par 'tshang brgya par 'gyur te/ sring mo dag chos bdun dang ldan na/ bud med bud med kyi dngos po las gyur te/ skyes pa'i dngos po thob cing / myur du bla na med pa yang dag par rdzogs pa'i byang chub mngon par rdzogs par 'tshang rgya bar 'gyur te/ bdun gang zhe na/ 'di lta ste/ sangs rgyas kyi sku thob par bya ba'i phyir/ sangs rgyas rjes su dran pa dang / sangs rgyas kyi chos thob par bya ba'i phyir// chos rjesu dran pa dang / rang gi phyi ma'i dge 'dun bsdu ba'i phyir/ dge 'dun rjes su dran pa dang / smon lam yongs su dag par bya ba'i phyir/ tshul khrims rjes su dran pa dang /

  116. 178b

    nyon mongs pa thams cad yongs su dag par bya ba'i phyir/ gtong ba rjes su dran pa dang / byang chub kyi sems rnam par dag par bya ba'i phyir// lha rjes su dran pa dang / de dag grol ba'i phyir thams cad la sems dpa' lta ba ste/ sring mo dag chos bdun po 'di dag dang ldan na/ bud med bud med kyi dngos po las gyur te/ skyes pa'i dngos po thob cing / myur du bla na med pa yang dag par rdzogs pa'i byang chub mngon par rdzogs 'tshang rgya bar 'gyur ro// sring mo dag gzhan yang chos brgyad dang ldan na/ bud med bud med kyi dngos po las gyur te/ skyes pa'i dngos po thob cing / myur da bla na med pa yang dag par rdzogs pa'i byang chub kyang mngon par rdzogs par 'chang rgya bar 'gyur te/ brgyad gang zhe na 'di lta ste/ zas la sred pa ma yin pa dang / skems la sred pa ma yin pa dang / me tog dang spos dang / phreng ba dang / byug pa dang / phye ma la sred pa ma yin pa dang / skyed mes tshal du 'gro bar sred pa ma yin pa dang / dgod pa dang 'jo ba las sred pa ma yin pa dang / glu dang gar dang rol me'i dbyangs sgral sred pa ma yin pa dang / dga' ba dang rtse ba la sred pa ma yin pa dang / rna ba dang s+tha dang / sna dang dri dang / lce dang ro dang / lus la dga' ba la sred pa ma yin pa ste/ sring mo dag ces brgyad po 'di dag ldan na/ bud med bud med kyi dngos po las gyur te/ skyes pa'i dngos pa thob cing / gyur

  117. 179a

    du bla na med pa yang dag par rdzogs pa'i byang chub kyang mngon par rdzogs par 'tshang rgya bar 'gyur ro// sring mo dag gzhan yang chos dgu dang ldan na/ bud med bud med kyi dngos po las gyur te/ skyes pa'i dngos po thob cing / myur du bla na med pa yang dag par rdzogs pa'i byang chub kyang mngon par rdzogs par 'tshang rgya bar 'gyur te/ dgu gang zhe na 'di lta ste/ chad par lta ba ma yin pa dang / rtag par lta ba ma yin pa dang / bdag du smra ba ma yin pa dang / sems can du smra ba ma yin pa dang / srog tu smra ba ma yin pa dang / gang zag tu smra ba ma yin pa dang / 'byung bar lta ba ma yin pa dang / 'jig par lta ba ma yin pa dang rgyu dang rkyen la 'jug pa la mkhas pa ste/ sring mo dag chos dgu po 'di dag dang ldan na/ bud med bud med kyi dngos po las gyur te/ skyes pa'i dngos po thob cing myur du bla na med pa yang dag par rdzogs pa'i byang chub tu mngon par rdzogs par sangs rgyas par 'gyur te/ bcu gang zhe na 'di lta ste/ sems can thams cad la byam/ par gnas pa dang / gzhan gyi longs spyod la brnab sems mi bskyed pa dang / skyes pa'i sems su yid la byed pa dang / skyed pa dang srog gi phyir yang rdzun gyi tshig mi smra ba dang / phra ma'i tshig mi smra ba dang / zhe gcod pa'i tshig mi smra ba dang / tshig kyal ba mi smra ba dang / pha rol rtse zhing dga' la phra dog med cing // gnod

  118. 179b

    sems kyi bag la nyal la mngon par mi bsgrub pa dang / yang dag par lta ba dang / ldan par gyur pa dang / rnam par smin pa la re ba med pa ste/ sring mo dag chos bcu po de dag dang ldan na/ bud med bud med dngos po las gyur te/ skyes pa'i dngos po thob cing / myur du bla na med pa yang dag par rdzogs pa'i byang chub kyang mngon par rdzogs par 'tshang rgya bar 'gyur ro// sring mo gzhan yang bud med zab mo la mos pa yin/ de gzugs la dbu ba rdos pa lta bu so sor rtogs kyang gzug kyis rgyags shing myos par mi 'gyur ba dang / tshor ba la chu'i chu bur so sor rtog kyang / dge ba'i tshor ba la rjes su chags pa med pa dang / sdug bsngal gyi tsher ba la khong khro bar mi 'gyur ba dang / bde ba yang ma yin sdug bsngal yang ma yin pa'i tshor bas kun tu gti mug par mi 'gyur ba dang / 'du shes la smig rgyu lta bur so sor rtog cing bud med kyi 'du shes mi skyed pa dang / 'du byed rnams la chu shing gi phung po lta bur so sor rtogs te/ 'du byed thams cad la snying po med par rtogs nas/ 'du byed thams cad la me gnas shing / de la gnas shes pa la rgyu ma lta bur so sor rtogs te/ sems dang yid dang rnam par rig pa de sgyu ma byas bzhin du rtogs nas/ chos thams cad la chags pa med/ zhe sdang med gti mug med pa dang / lus la 'byung chen po bzhi dang ldan par so sor rtogs ste/ mi bskyed pa dang / rnam pa

  119. 180a

    'di lta ste/ sa'i khams dang ldan pa ste/ chu'i khams dang ldan pa dang / med khams dang ldan pa dang / rlung gi khams dang ldan/ par lus la so sor rtog go/ lus 'di ni bsdus pa rtsa dang shing dang / bong ba dang / rtsig pa dang / mig yor lta bu ste/ 'di bdag ma yin/ sems can ma yin// srog ma yin/ skyes bu ma yin/ gang zag ma yin gyi/ phyin ci log sngon du song bas/ rgyu dang bya dang / las kyi byung ba'o// gzhan yang bud med mig la kha zas las skyes pa/ sha'i gong bu/ ngo bo nyid kyi stong pa/ rang bzhin dben par yang dag pa ji lta ba bzhin du so sor rtog pa dang / de bzhin du rna ba dang / sna dang / lce dang / lus dang / yid dang / ngo bo nyid kyis stong pa rang bzhin gyis dben par yang dag pa ji lta ba bzhin du so sor rtog pa dang / gzhan yang bud med lus la gzugs brnyan lta bur 'jug pa dang / ngag la brag cha lta bur 'jug pa dang / sems la sgyu ma lta bur 'jug pa'o// sring mo dag chos bzhi po 'di dag dang ldan na/ bud med bud med kyi dngos po las gyur te/ skyes pa'i dngos po thob cing / myur du bla na med pa yang dag par rdzogs pa'i byang chub kyang mngon par rdzogs par 'tshang rgya bar 'gyur ro// de nas mi 'am ci'i rgyal po ljon pa'i sras de dag thams cad kyis// bcom ldan 'das las bud med

  120. 180b

    kyi dngos po las bsgyur ba'i rnam grangs 'di thos nas tshim zhing mgu ste/ yid rangs shing rab tu dga' nas/ dga' ba yid bde ba skyes te/ bcom ldan 'das kyi zhabs la phyag 'tshal nas/ tshul dang 'dra ba'i tshigs su bcad pa 'di dag gis/ bcom ldan 'das la mngon par bstod do// med pa dri bral dri ma gcod mdzad pa rdul me rdul bral lhag pa'i gzi brjid mnga'// pad ma'i 'dab 'dra'i spyan dang mdzes pa'i thugs// dri med zla zhal khyod la phyag 'tshalo// dga' mdzad zhi mdzad nyon mongs gcod mdzad pa/ dga' ba ston pa rtag tu dgon par skyes/ rin chen 'byung gnas rin chen mdzod mnga' ba/ yon tan mchog mnga' khyod la phyag 'tshal lo// pha rol gshegs pa gzhan gyi tshogs rnams 'joms// pad ma lta bur stong mchog dka' mchid gsungs// lam mchog stsal zhing dam pa'i don ston pa// mchog tu dga' mdzad khyod la phyag 'tshal lo// chu bo bzhi rgal bden bzhi dga' mchid gsung// sa la rgyu ba 'di la mig stsol ba// 'khor lo mchog gi mtshan ni stong mnga' ba// rdul med pan mdzad khyod la phyag 'tshal lo// nyon mongs rdul brtsal dam pa mthu bo che// mgon po 'gro ba mchog gi don mdzad pa// bdud kyi dpung rnams stobs med 'jig mdzad pa// bcom ldan stobs bcu khyod la phyag 'tshal lo// srid pa'i

  121. 181a

    khri shing gcod mdzad mnyam pa med/ brnyes pa dag dang ma mnyes mtshungs mnyam thugs// 'jig rten mthar phyin snang ba'i sgron mdzad pa/ rgya mtsho lta bu khyod la phyag 'tshal lo// dul zhing stobs bcu chen po dam pa mnga'// sbyin pa stsol cing rtag tu gtong la dgyes// dul bzhi gnas yon tan pha rol phyin// nyon mongs brdul bsal khyod la phyag 'tshal lo// mtshan mchog dam pa kun la kun la dam pa bstsol// skye bo'i 'dren pa lha'i mchog pas mchog/ sems dang stobs dang bzod par dgyes// mchos 'os bde gshegs khyod la phyag 'tshal lo// mar me lta bu dri med zla ba 'dra/ phyi nang nyon mongs dri ma gcod mdzad pa// nyon mongs spangs pa yon tan bsod nams gter// dad pa rtsol ba dge sbyong zhi mdzad pa// ston pa skye mched drug las mthar mdzad pa/ rjes su drug shin du yongs dag dran/ rgyal ba dge sbyong rgyal la phyag 'tshal lo// 'dom gang 'od ni gser gyi kha dog lta// gsung snyan dam pa rnam par dag pa'i dbyangs/ bcom ldan gang zag dam pa skyes bu mchog/ srid gsum zhi mdzad khyod la phyag 'tshal lo// shes rab mun pa ma mchis pha rol gshegs// rtag tu dka' thub rtul shugs rab tu spyod/ de bzhin kho na gzhan min de bzhin gsungs/ mun pa sgrol ma 'dzin la phyag 'tshal lo// bde gshegs grags ldan yon tan bsam 'tshal ba/ de bzhin

  122. 181b

    nyid kyi chos kyi gnas ston pa// yon tan brjod pa mtho zhing grags bsgrags pa/ mchog tu dga' mdzad khyod la phyag 'tshal lo// sngags la gnas zhing brtul shugs dka' thub 'phags// khyengs dang nga rgyal rgyags pa gcod mdzad pa// ye shes 'byung gnas rdul bral blo gros mchog/ skye bo mthar phyin khyod la phyag 'tshal lo// ka la ping ka tshangs dbyangs thugs rje can/ 'dod pa rtsol bgyid dri ma sel mdzad pa/ phung po yongs su mkhyen mkhas pa bde bar gshegs/ yon tan mchog mnga' khyod la phyag 'tshal lo// yon tan ston pa yon tan bstod pas mchod// zab mo lta ba shin tu rtogs pa dka'// 'dzum pa zhal 'dra gsung bar gsung mdzad pa// bdud stobs 'joms mdzad khyod la phyag 'tshal lo// mnyam thugs kha lo bsgyur ba rab du dul thugs// kun gyi mngon gsum bstod pa mnyam pa'i lam la gnas// thub pa mchog gsung bden pa'i bka' mchid can/ bde gshegs mnyam thugs khyod la phyag 'tshal lo// lam rtsol snyan pa shin tu 'jam pa'i dbyangs// bdud kyi sde mang 'joms mdzad nga rgyal ba// gzhan dag lhag pa'i nga rgyal mi 'da' tshul mi chos// thub pa dge sbyong rtsal la phyag 'tshal lo// stobs dang mthu dang brtson 'grus bsam gtan dgyes/ rtag tu 'dod chags skyon bral rab rib bral/ bde bar gshegs pa mi g.yo gnas la bzhugs// stobs bcu mchog mnga' khyod la phyag 'tshalo//

  123. 182a

    phyag dang zhabs ni dri med dra bas 'brel// skye dang rga dang mchi ba mi mnga' ba// rgal bar 'os pa 'gro ba kun las brgal/ na mkha' mnyam thugs khyod la phyag 'tshal lo// de nas mi 'am ci'i rgyal po ljon pa'i sa/ mi'am ci'i bu mo brgyad khri bzhi stong de dag gis// bcom ldan 'das kyi zhabs la btugs pa dang / bcom ldan 'das kyis de dag gi lhag pa'i bsam pa mkhyen nas/ de'i tshe bcom ldan 'das kyi 'dzum pa mdzad do// 'di ni sangs rgyas bcom ldan 'das rnams gang gi tshe 'dzum pa mdzad pa'i chos nyid de/ de'i tshe bcom ldan 'das kyi zhal gyi bsgo nas 'od zer kha dog du ma/ kha dog sna tshogs 'byung ba 'di lta ste/ sngon po dang / ser po dang / dmar po dang / le ba rgan dang / shel dang dngul gyi kha dog lta bu'o// de dag gis 'jig rten gyi khams yas mu med par 'od kyis khyab par byas ste/ tshangs 'jig rten gyi bar du mngon par 'phags nas/ nyi ma dang zla 'od zil gyis brlag par bya ste/ slar log nas bcom ldan 'das la bskor ba lan gsum byas te/ bcom ldan 'das kyi dbu'i gtsug tu nub po// de nas tshe dang ldan pa kun dga' bo stan las langs te/ bla gos phrag pa cig tu bzar nas/ pus mo g.yas pa'i lha nga sa la btsugs te/ zhe dang bcas shing gus pa dang bcas pas bcom ldan 'das ga la ba de legs su thal mo sbyar ba btud de/ tshigs su bcad par bsgrub pa 'dis/

  124. 182b

    bcom ldan 'das 'dzum pa mdzad pa'i don zhus pa/ bde bar gshegs pa ci slad 'dzum ston pa/ zla ba dri ma med zhal khyod la zhu/ dri med gzi brjid mnga' ba khyod la zhu/ gser gyi kha dog lta bu khyod la zhu/ bde bar gshegs pa ci slad 'dzub ston pa/ dam pa'i gzugs rnams mang po khyod la zhu/ 'gro ba rnams kyi don mdzad khyod la zhu/ lha'i rnams kyi mchod pa khyod la zhu/ bde bar gshegs pa ci slad 'dzum ston pa/ sbyin dang dul brtson pa khyod la zhu/ tshul khrims yongs dag gyur pa khyod la zhu// bzod pa'i stobs rtsol khyod la zhwa/ bde bar gshegs pa ci slad 'dzum ston pa/ brtson 'grus stobs dang mthu mnga' khyod la zhu/ bsam gtan mngon shes dgyes pa khyod la zhu// shes rab na mkha' mnyam pa khyed la zhu/ bde bar gshegs pa ci slad 'dzum ston pa/ rtag tu byams pa'i stobs can khyod la zhu/ rtag tu thugs rje ldan pa khyod la zhu/ dga' dang btang snyoms dges pa khyod la zhu/ bde bar gshegs pa ci slad 'dzum ston pa// srid pa gsum po mthar 'byin khyod la zhu// spyan gsum dri ma mi mnga' khyod la zhu/ bdud rtsi chos rnams gsung ba khyod la zhu bde bar gshegs pa/ ci srad 'jum ston pa/ bdud rnams tha mar 'byin pa khyod la zhu/ ngan pa'i tshogs rnams 'joms pa khyod la zhu// bde bar gshegs pa ci slad 'jub ston pa/

  125. 183a

    stobs can dam pa mnga' ba khyod la zhu/ the tshom dag cing gcod mdzad khyod la zhu/ yon tan stong gi brgyan pa khyod la zhu// de skad ces gsol pa dang / bcom ldan 'das kyi tshe dang ldan pa kun dga' bo la bka' bstsal pa/ kun dga' bo khyod kyis mi 'am ci'i rgyal po ljon pa'i slas rnams de las dge ba'i rtsa ba skyed de/ lhag pa'i bsam pas bla na med pa yang dag par rdzogs pa'i byang chub tu sems bskyed nas bud med kyi dngos po las gyur zhing / skyes pa'i dngos po thob par bya ba'i phyir/ nga'i rkang pa gnyis la btugs pa mthong ngam/ gsol pa bcom ldan 'das mthong lags so// bcom ldan 'das kyis bka' stsal pa/ kun dga' bo mi 'am ci'i slas brgyad khri bzhi stong po de dag gis lhag pa'i bsam pas/ dge ba'i rtsa ba bskyed pa 'dris/ 'di nas shi 'phos nas/ bud med kyi dngos po los gyur te/ skyes pa'i lus thob nas/ dga' ldan gyi lha rnams dang bskal pa mnyam par bskye bar 'gyur ro// der skyes nas kyang byang chub sems dpa' sems dpa' chen po byams pa dang lhan cig tu/ sangs rgyas bcom ldan 'das rnams kyi rdzogs pa'i byang chub 'di kun 'gro bar byed par 'gyur ro// byams pa/ de bzhin gshegs pa byang chub thob pa na/ mnyes par byed cing dam pa'i chos kyang kun 'gro bar byed par 'gyur ro// bskal pa bzang po de bzhin gshegs pa

  126. 183b

    thams cad la yang rim gyis gnyis par byed par 'gyur/ de dag gi dam pa'i chos kun kyang 'gro bar byed par 'gyur/ 'dzin par 'gyur/ de dag ribs kyis byang / chub kyi tshogs kyis yang dag par sgrub par bya/ thams cad kun tu rdzogs par byas nas/ gang gis tshe mi 'am ci'i rgyal po bla na med pa yang dag par rdzogs pa'i byang chub mngon par 'tshang rgya bar 'gyur ba de'i tshe/ de dag sangs rgyas kyi zhing der skye bar 'gyur te/ des de dag bla na med pa yang dag par rdzogs pa'i byang chub tu lung bston par yang 'gyur ro// de nas bcom ldan 'das la mi 'am ci'i rgyal po ljon pas 'di skad ces gsol to// bcom ldan 'das de bzhin gshegs pas bdag cag la sangs rgyas kyi mdzad pa mdzad do// ngan song ngan 'gro thams cad kyi sgo bkum mo// bde 'gro thams cad kyi shul rnam par sbyangs so// bdag cag byang chub kyi shul la rab tu bkod do// bdag cag la chos kyi gter bstan to// bdag cag ye shes kyi sa la bkod do// dge ba'i rtsa ba thams cad 'bar bar mdzad do// pha rol tu phyin pa'i phyogs bstan to// thabs la mkhas pa bstan to// bdag cag byang chub kyi sems yang dag par 'dzin tu rtsal to// chos bsgrubs pas rab tu dga' bar mdzad do// dga' ba dang dang ba mchog tu dka' ba thob pas/ yang dag par gzeng bstod do// chos zab mo'i bzod pa la dga' bar mdzad do// bdag cag phyir

  127. 184a

    mi ldog pa'i sa la rab tu bkod do// bdag cag ni bcom ldan 'das la byas pa bzo ba lags kyis/ byas pa li bzo ba ma lags kyang / bcom ldan 'das bdag cag gi sha dang khrag gis kyang de bzhin gshegs pa la lan mi lon na/ gzhan gyis lan lon par 'gyur ba lta smos kyang ci 'tshal// de nas 'khor de'i nang nas/ byang chub sems dpa' kha cig 'di snyam du sems te/ ma la mi 'am ci'i rgyal po ljon pa 'di ji srid cig na/ bla na med pa yang dag par rdzogs pa'i byang chub mngon par 'tshang rgya bar 'gyur/ 'di'i ming ni 'di skad ces bya bar 'gyur/ byang chub sems dpa'i dge 'dun ni ji snyed cig tu 'gyur// longs spyod dang yongs su spyod pa ci 'dra ba zhig tu 'gyur// de'i sems can bkod pa dang / sangs rgyas kyi zhing gi yon tan bkod pa ni/ ci 'dra ba bzhin du 'gyur snyam mo// de nas bcom ldan 'das kyis byang chub sems dpa' de dag gi sems kyis rnam par rtog pa thugs kyis mkhyen nas/ 'dzum pa mdzad pa dang / bcom ldan 'das kyi zhal gyi sgo nas 'od zer du ma kha dog brgya stong phrag du ma byung ste/ phyogs bcu kun gyi phyogs re rer yang sangs rgyas kyi zhing gang ga'i klung gi bye ma snyed snang bar bya ste/ sems can rnams kyi ngan song gyi sdug bsngal thams cad zhi bar byas nas/ lha dang mi dang lha pa yin du bcas pa'i 'jig rten

  128. 184b

    'dun par byas te/ slar log nas bcom ldan 'das la lan gsum bskor ba byas te/ bcom ldan 'das kyi dbu'i btsug tu nub bo// de nas tshe dang cha dang / ldan pa kun dga' bos bcom ldan 'das kyi sngon chad/ mdzad pa'i 'dzum pa mthong nas/ stan las langs te thal mo sbyar nas/ bcom ldan 'das kyi zhabs la phyag 'tshal te/ lan gsum bskor ba byas nas/ bcom ldan 'das kyi spyan sngar 'jug ste/ pus mo g.yas pa'i lha nga sa la btsugs nas/ bcom ldan 'das ga la ba de logs su thal mo sbyar ba btud te/ bcom ldan 'das la tshigs su bcad pas gsol pa/ bde bar gshegs pa'i 'dzum pa ci 'dra bar/ de ring phyung ste thugs med bye ba'i zhing / rgyan chen phyogs bcu'i gang ga'i rdul mtha' yas/ khyab pa 'di 'dra sngon mchad yongs ma mthong / tshangs pa de bzhin 'jig rten skyong ba dang / nor bu med na nyi ma zla ba'i 'od/ mi dbang gzi brjid kyi ni zil du brlag/ 'dzum mdzad 'di'i rgyu ni lung bstan gsol// su'i ched du dpa' bo khyod kyis 'od phyung bas// 'dir ni ngan song gsum zhi byang chub yan lag rdzogs/ chos kyi rjes bdag cag rnams kyis dogs pa sol/ mi rnams kyis ni yid gnyis ma lus legs par khum/ 'khor kun dga' bas rtog bgyid na/ su slad di ring 'dzum pa bstan/ de nas tshe dang ldan pa kun dga'

  129. 185a

    bos bcom ldan 'das la tshigs su bcad pa 'di dag gis mngon par bstod nas/ bskor ba byas nas rang gi bstan la 'dug ste/ de nas/ bcom ldan 'das kyi de'i tshe glang po che'i lta stangs kyis bcur gzigs nas/ tshe dang ldan pa kun dga' bo la 'di skad ces bka' stsal to// kun dga' bo khyod kyis mi 'am/ ci'i rgyal po ljon pa 'dis tshul 'di lta bu dang / rgya che ba 'di lta bu dang / rnam pa 'di lta bu 'dis de bzhin gshegs pa la mchod pa byas pa mthong ngam/ gsol ba bcom ldan 'das mthong lags so// bde bar gshegs pa mthong lags so// bcom ldan 'das kyis bka' stsal pa/ kun dga' bo mi 'am ci'i rgyal po ljon pa 'di bskal pa bye ba phrag khrig brgya stong phrag drug bcu rtsa brgyad na/ bla na med pa yang dag par rdzogs pa'i byang chub mngon par rdzogs par 'tshang brgya par 'gyur te/ dkon mchog 'byung ba zhes bya ba'i bskal pa la/ 'jig rten gyi khams zla ba dri ma med pa zhes bya bar de bzhin gshegs pa dgra bcom pa yang dag par rdzogs pa'i sangs rgyas yon tan rgyal po sdang ba zhes bya ba/ rig pa dang zhabs su ldan pa/ bde bar gshegs pa 'jig rten mkhyen pa/ skyes bu 'dal ba/ kha lo bsgyur ba/ bla na med pa/ lha dang mi rnams kyis ston pa/ sangs rgyas bcom ldan 'das su 'jig rten du 'byung ngo // kun dga' bo 'jig rten gyi khams zla ba dri ma med pa de ni lag 'thil ltar

  130. 185b

    mnyam par gyur te/ bai dUr+ya dkar po las grub pa/ zla ba lta bur snang ba/ shin dri dri ba med pa/ shin tu rnam par dag pa/ 'ching bu med pa'o// de bzhin gshegs pa byang chub sems dpa'i dge 'dun yang tshad med par gyur te/ byang chub sems dpa' de thams cad kyang phyir mi ldog pa/ rnam par thar pa bsam gyis mi khyab pa thob pa sha stag go/ byang chub sems dpa'i de dag thams cad ni na mkha' la khang partsegs pa// bai dUr+ya sngon po las grub pa'i sa chen po der/ bcom ldan 'das de bzhin gshegs pa yon tan gyi rgyal por snang ba der gzugs brnyan sdang bar 'gyur ro// de dag gi mthong ma thag tu chos 'di dag thams cad ni gzugs brnyan lta bu'o zhes dran pa skye bar 'gyur/ byang chub sems dpa' gang the tshom za ba na/ de de bzhin gshegs pas de la snang bar 'gyur de la gzugs brnyan/ de bzhin gshegs pa des kyang / byang chub sems dpa' de dag la zhus pa'i lung bstan pas/ sems rangs par mdzad par 'gyur ro// byang chub sems dpa' de dag gi chos de thos nas mi skye ba'i chos la bzod pa skye bar 'gyur ro// kun dga' bo 'jig rten gyi khams de na/ grong khyer dang / grong rdal dang / ljongs dang / yul 'khor dang / rgyal po'i pho brang 'khor yod par 'gyur ro// sems can de dag thams cad kyang na mkha' la khang pa brtsegs pa na 'khod par 'gyur ro// sangs rgyas kyi zhing der bud med du

  131. 186a

    gdags pa'ang med par 'gyur ro// sems cad de dag thams cad kyang bde ba'i snying po las rdzus te skye bar 'gyur ro// 'jig rten gyi khams kha zas su gdags pa med do// sems can de dag thams cad ni bsam gtan la dga' ba dang / chos la dga' ba'i zas su gyur to// 'jig rten gyi khams de ni theg pa gzhan rnam bzhag pa med de/ sems can de dag thams cad ni/ theg pa chen po la nges par gyur pa dag go/ 'jig rten gyi khams de na tshul khrims log par zhugs pa 'am/ lta ba log par zhugs pa'am/ 'tshe ba log par zhugs pa'am/ chos log par zhugs pa 'am/ 'tsho ba log par zhugs pa'i sems can 'ga' yang med par 'gyur ro// sems can de dag thams cad ni nan tan ldan pa ste/ sangs rgyas kyi chos rnams la brtson 'grus bsnams par 'gyur ba sha stag go// sangs rgyas kyi zhing de na bdud dam/ bdud kyi rigs kyi lha 'am/ gzhan mu stegs can spyod pa na/ kun tu rgyu dang / dmigs pa'i lta ba la mngon par zhugs pa dang phas kyi rgol ba med par 'gyur ro// sems can de dag thams cad ni zab me'i spyod yul can stong pa nyid kyis btab par 'gyur ro// 'jig rten gyi khams de na ming du btags pa tsam dang / 'du shes tsam ma gtogs par lha dang mi zhes bya ba tha dad du bya ba 'gyur ro// sems can de dag thams cad ni yongs su smod pa mtshungs

  132. 186b

    chom ldan 'das de bzhin gshegs pa dgra par 'gyur ro// kun dga' bo bcom pa yang dag par rdzogs pa'i sangs rgyas yon tan kyi rgyal por snang ba de yang lha dang / mi rnams kyi skye bo mang po la phan pa dang // skye bo mang po la po la bde ba'i phyir/ bar gyi bskal pa bcu thams par zhugs par 'gyur ro// bcom ldan 'das de bzhin gshegs pa yon tan kyi rgyal por sdang ba gang gyi tshe/ yongs su mya ngan las 'das par gzhed pa de'i tshe// byang chub sems dpa' sems dpa' chen po brtson 'grus 'bar ba 'di nga'i 'og tu bla na med pa yang dag par rdzogs pa'i byang chub mngon par rdzogs par 'tshang rgya bar 'gyur te/ de bzhin gshegs pa dgra bcom pa yang dag par rdzogs pa'i sangs rgyas bkod pa chen po zhes bya ba rig pa dang zhabs su ldan pa/ byang chub sems dpa' brtson 'grus 'bar ba zhes bya bar lung bstan na/ mya ngan las 'da' bar 'gyur ro// kun dga' bo bar gyi bskal pa de yang / sangs rgyas dkon mchog dang / chos dkon mchog dang / dge 'dun dkon mchog dang mi 'bral bar 'gyur to// bar gyi bskal pa de ni dkon mchog 'byung ba zhes brjod do// de nas mi 'ab ci'i rgyal po ljon pas bcom ldan 'das lung bstan pa thob nas/ dga' zhing mgu ste/ yid rangs shing dga' nas/ dga' ba dang yid bde ba skyes ste/ byang chub sems dpa' dga' ba dang / mchog tu dga' ba'i shugs kyis sa las steng gi bar snang la shing rta

  133. 187a

    la bdun tsam du 'phags te/ thams cad dang ldan pa'i 'khor dang ba rgya cher spel ba dang / dge ba'i rtsa ba yang dag par bskyed pa'i phyir/ sangs rgyas kyi mthu dang rang gi shes rab kyi spobs pas de'i tshe tshigs su bcad pa 'di dag smras so// chos 'di dag thams cad rab tu dben pa dang / dri ma med ba na mkha'i ngo bo nyid/ rgyud kun gyi dam pa 'di ni rnams shes na/ de phyir de dag thub pras mthu bor 'gyur/ de phyir rmi lam bzhin du mthong ba chung bzad med// thams cad med de gzugs med gsog dang gsob// chos rnams thams cad rmi lam 'drar shes nas 'dus byas dag la nam yang skyo ba med/ la las rgyu ba'i glang chen dang / shing rta dpung bu chung dang gzhon mthong ba// dam pa'i don du snying po med pa ltar/ phung po 'di dag sgyu 'dra snying po med// gzugs rnams kyi rang bzhin dru ba rdos pa bzhin/ tshor ba 'di ni chu'i chu bur 'dra/ 'du shes dag ni mig sgra 'dra bar gsungs/ 'dus byas thams cad chu shing snying po med// srid gsum 'di na sems yid rnam par shes// rgyal bas de bzhin sgra 'dra gsog du gsungs// gzugs kyi rang bzhin stong par shes nas ni/ 'dus byas dag yang skyo ba med// khams bzhi po ni chos kyi dbyings 'dra zhing // skye mched rnams ni grong stong lta bu dang / chos 'di gsog gsong lta bur rnam shes pa/ de dag rgyal po'i

  134. 187b

    chos mdzod 'dzin pa yin/ rab tu dul phyir sbyin dang dul ba dang // de bzhin tshul khrims rnam dag tshul khrims dang / rtag tu 'phags pa'i tshul gyis bzod mi zad stong pa nyid phyir brtson 'grus rnam par dang / bsam gtan rang bzhin 'gyur ba med pa dang / de ltar shes rab chags med ma shes par// gang gi gzugs pa de 'drar 'gyur de// pha rol phyin pa'i pha rol rab tu phyin// bdag med kho na nyid phyir byams pa mnyam// nam mkha' lta bur gong du snying rje dag/ zhi phyir dga' dang ba dang bskos bcas pa yi// lam 'di chags pa'i lam de rab tu zhi// bsdus pa bzhi po khyad par 'phags pa 'di// rnam par 'dren pas rjes su gzung phyir gzungs// 'dzin pa med cing rnam rtog gang med pa// de ni bsdu ba'i dngos po pha rol phyin// sems can 'di dag sems can med/ srog dang gso ba gang zag mi snyed do// dbang po drug 'di stong ste rab zhi bar/ gang shes de ni byang chub sems dpa' yin/ sems can med cing byang chub sems dpa' med// de na gang du'ang bdag med rloms sems med// gnyis dang bral zhing ma chags spos med pa/ sems can byang chub sems dpa' dang dpal dang ldan// chos 'di snying po med de sgyu ma 'dra// gang du'ang mi 'ong nam du 'gro mi 'gyur// chos dbyings 'di'i gnas pa rig nas ni// rgyal bas de bzhin nyid ni mnyam sangs

  135. 188a

    rgyas/ gang na'ang yod pa 'am med mod kyi// rgyu la rten nas chos rnams 'byung bas na// mkha' la klog mthong 'jigs pa lta bur ni// sems kyi khri shing de ltar shes par bya// rlung ni na mkha' mi chags rgyu ba yin// gzugs med sems ni 'dus byas dag la rgyu// sems kyi rang bzhin rnam dag de shes nas/ nyon mongs gzugs med brtsol bar mi 'gyur ro// lus ni tshig pa rtsa dang lo ma 'dra// bems pa rje med rdo shing ngan pa ltar// des ni snga ma'i rang bzhin 'drar shes nas/ lus kyi chos la gnas par mi byed do// tshig ni rtag tu bzung med rlung dang 'dra// ri dang phug gi brag cha lta bu ste// de 'drar sgra ni rab tu dben shes pa// sgra rnams kun la 'dun pa'i 'dod chags la/ bdag ni na mkha'i ngos nas mi lhung ste/ na mkha' las ni ltung ba'i gnas kyang yod ma yin// / chos 'di na mkha' 'dra bar bsgoms nas ni// de ni sems can sems can med mtshungs gnas/ bskal pa brgya phrag mang por bsregs kyang ni// ji ltar nam mkha' nam yang sdo mi tshig/ chos rnams thams cad na mkha' 'drar shes pa// de bsregs bskal tshe zhing rnam brgyar yang 'gro/ ri dang ri rab 'khor ra 'khor/ yug ri// de bzhin ci dang bcas pa'i sa rnams kun// na mkha'i ngos kyis phye bar rig nas de// rdzu 'phrul stobs kyis bye ba zhing du 'gro// sa dang chu dang rla dag dang /

  136. 188b

    khams bzhi dag ni na mkha' ngas mnyam par// dpa' ba tshul 'di khong du chud pa dag/ mkha' las bye ba mtha' yas zhing du 'gro// srid pa gsum na sgra dang skad kya bag bzang ngan de bzhin 'bring po ji yod pa/ de'i tha ma bskal pa brgyad brjod pa// rang gi rang bzhin mi snang rgyu ba med// rang 'byung ba ni mtshan ma ma yin yang / sems kyi chos kyi gzugs kyis rab tu phye// sems dang yid ni bden par mtshungs par 'gyur// rgyal ba thams cad tshungs nyid phyir mnyam// sngon gyi srid par byang chub spyad spyod cing // dge ba brgyad stong rab tu brtsams nas ni// byang chub mnyam zhing mnyam par rab shes pa/ grags pa chen po rnams ni lung bstan 'gyur// chos rnams kun ni rang yul yongs dag ste/ mtha' yas phyir ni rgyal ba'i yul du mnyam// mnyam nyid 'di dag gang ging rab shes pa/ yon tan ldan pa de dag lung bstan 'gyur// bdag ni gzugs min tsher min 'du shes min// sems pa ma yin rnam par shes min kyang // byang chub khong du chud pas lung bstan gsol/ phung po khams kyis bdag ni lung ba bstan// bzod pa gang gis bzod nas mazhi'o// skad cig ni zang dang 'dra min la// / mtshungs med mi skye ba la bzod pa ni// mi dbang sgyur zhes rgyal bas lung bstan to// chos rnams kun dang bdag tu rang bzhin mnyam// bdag ni bdag med ston pa'i rang bzhin te// stong

  137. 189a

    pa na mkha' 'dra ba'i ngo bo nyid// byang chub na mkha' mnyam pa'i rang bzhin no// zad par bya phyir zad pa shes mi nus// mi zad pa ni zad pas zad mi 'gyur// zad pa'i sgos chos rnams kun ma skyes te// bzod dang ldan na sangs rgyas lung bstan to// mtshan ma med gnas 'jug pa'i gnas mede/ yang dag 'dus ma byas pa dus las grol// ma byas byed du ma bcug byung ba min// de bzhin nyid 'drar rgyal bas bdag lung bstan// gal te bdag ni lung bstan 'gyur snyam na// chos lam tshul la mi mnyam sbyor ba yin// sems dang yid kyi sbyor ba sbyor ma yin/ chos sbyor khyad par 'phags 'di mtshungs shing mnyam/ khyed cag sa'i steng na rnam par 'khod// bdag ni na mkha'i dkyil na rnam par gnas// sa dang na mkha'i mnyam par shes nas ni// srid pa gsum na tshags med ye// shes 'jug/ de nas mi 'am ci'i rgyal po ljon pas tshigs su bcad pa de dag smras nas// steng gi bar snang la babs te/ thal mo sbyar nas bcom ldan 'das la phyag 'tshal te/ bcom ldan 'das la 'di skad ces gsol to// bcom ldan 'das sangs rgyas ni bdag ched du byung ba lags so// de ci'i slad du zhe na/ bcom ldan 'das bdag byang chub sems dpa'i spyod pa don pa mchis par ma bgyis te/ sngon gyi dge ba rnams kyis bdag ma bslus pas/ bcom ldan 'das kyis bdag gis

  138. 189b

    bsam pa thams cad yongs su bskang ba'i slad du/ bla na med pa yang dag par rdzogs pa'i byang chub tu lung bstan to// de nas 'khor de'i nang nas byang chub sems/ dpa' kha gcig 'di lta bu'i sems bskyes te/ mi 'am ci'i rgyal po ljon pas/ de bzhin gshegs pa dgra bcom pa yang dag par rdzogs pa'i sangs rgyas gang las dang po bla na med pa yang dag par rdzogs pa'i byang chub tu sems bskyed snyam mo// de nas byang chub sems dpa' lha'i gcod pan gyis/ byang chub sems dpa' de dag gis// sems kyi rnam par rtog pa sems kyis shes nas/ bcom ldan 'das la 'di skad ces gsol to// bcom ldan 'das mi 'am ci'i rgyal po ljon pas/ de bzhin gshegs pa gang las byang chub tu sems bskyed pa'i de bzhin gshegs pa de'i mtshan ci lags/ bcom ldan 'das kyis bka' stsal pa/ rigs kyi bu sngon 'byung ba 'das pa'i dus// bskal pa grangs med pa'i yang ches grangs med pa rgyas pa// bsam gyis mi khyabs par 'gyur pa de'i tshe de'i dus na// rnam par dag pa zhes bya ba'i bskal pa la// 'jig rten gyi khams dge ba zhes bya bar de bzhin gshegs pa yang dag par rdzogs pa'i sangs rgyas rig pa dang / zhabs su ldan pa/ bde bar gshegs pa 'jig rten mkhyen pa skyes bu 'dul ba'i kha lo bsgyur ba/ bla na med pa lha dang mi rnams kyi ston pa/ sangs rgyas bcom

  139. 190a

    ldan 'das rin chen phung po zhes bya ba 'jig rten du 'byung ngo // rigs kyi bu de'i tshe de'i dus na/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas rin chen phung po de'i byang chub sems dpa'i dge 'dun ni/ bye ba phrag drug bcur gyur te/ thams cad kyang brtson 'grus brtsams pa/ bzod pa thob pa/ bla na med pa yang dag par rdzogs pa'i byang chub las phyir mi ldog pa sha stag go/ de'i tshe tshad ni lo bye ba phrag drag bcu thub par gyur te/ 'jig rten gyi khams dge ba zhes bya ba de yang bai dUr+ya las grub pa/ brgyan thams cad kyis brgyan pa/ rnam pa'i mchog thams cad dang ldan pa// dga' ldan gyi lha'i rigs lta bur khang khyim dang / longs spyod dang / nye bar spyod pa dang / bza' ba dang / btung ba bsams pa ba tsam gyis 'byor pa'o// sangs rgyas kyi zhing de na theg pa chen po ma gtog par/ theg pa gzhan rnam par bzhag pa med par gyur to// rigs kyi bu de'i tshe de'i dus na/ gling bzhi pa'i dbang ba'i 'khor lo bsgyur ba'i rgyal po sa 'dzin ces bya ba rin po che sna bdun dang ldan pa zhig byung ste/ de'i slas stong phrag bzhi bcu yod de// de'i bu ni steng tham pa yod do// dpa' brdal phod pa/ yan lag mchog gi gzugs dang ldan pa/ pha rol gyi sde rab tu 'joms pa sha stag go// rigs kyi rgyal po sa 'dzin des/

  140. 190b

    bcom ldan 'das de bzhin gshegs pa rin po che'i phung po de dang / byang chub sems dpa' bye ba phrag bcu la/ lo bye ba thams par yid du 'ong ba dang / chos gos dang / zhal zas dang / mal cha dang / na ba'i gsos sman dang / yo byad rnams dang / bde bar sbyor ba dang / bde ba la reg par gnas par bya ba thams cad kyis bsnyen bkur byas nas/ des bcom ldan 'das de bzhin gshegs pa rin chen phung po de la mchod pa dpag tu med med pa byas te/ dge ba'i rtsa ba nye bar bstan nas/ bud med bzhi stong po de dag dang / stong po de dag dang / srog chags brgyad khri bzhi stong dang lhan cig tu bla na med pa yang dag par rdzogs pa'i byang chub tu sems bskyed do// de nas byang chub tu sems bskyed nas kyang lo bye bar bcom ldan 'das de bzhin gshegs pa rin chen phung po de la bsnyen bkur byas so// dus gzhan zhig na/ bu mthu bo rdul shugs yongs su dag pa zhes bya ba/ rgyal por bcug nas/ rgyal srid thams cad bor te/ skra dang kha pu breg nas gos dur smrig/ bcom ldan 'das de'i bstan pa la dad pas khyim nas khyim med par rab tu byung ngo // de nas rgyal po'i bu de dag gis kyang rim gyis bu mthu bai re re rgyal por bcug nas/ pha'i rjes su rab tu byung bar gyur to// rigs kyi bu de ltar na/ rnam grangs 'dis de bzhin gshegs pa de'i tshe tshad ring bar gyur to//

  141. 191a

    rgyal bu gzhon nu de dag thams cad de bzhin gshegs pa de las rab tu byung na/ rgyal po gzhon nu tha chung snying rje'i blo zhes bya ba gcig pu/ ma rtogs pa te/ de ni chos kyi rgyal srid byed pa tshad med pa dang / mtshon cha med par chos dang 'thun par dbang byed du bcug go/ rigs kyi bu de ltar rgyal po sa 'dzin de bu dang bcas par bcom ldan 'das de'i bstan pa la rab tu byung nas/ thog ma dang bar ma dang tha mar de bzhin gshegs pa rin chen phung po de dam pa'i chos rab tu bzung ngo // rigs kyi bu de'i tshe de'i dus na gling bzhi la dbang ba'i 'khor los bsgyur ba'i rgyal po sa 'dzin ces bya bar gyur pa de/ gzhan zhig yin snyam du khyod dogs shing the tshom za ba 'am/ yid gnyis su gyur par lta na/ rigs kyi bu khyod kyis de ltar mi lta ba/ de ci'i phyir zhe na/ mi 'am ci'i rgyal po ljon pa de'i tshe de'i dus na/ rgyal po sa 'dzin ces bya bar gyur to// rgyal po de'i bur gyur pa de dag thams cad ni de ltar phyogs bcu na byang chub sems dpa' spyad pa spyod do// rigs kyi bu de ltar na/ mi 'am ci'i rgyal po ljon pas/ bcom ldan 'das de bzhin gshegs pa rin chen phung po de la/ bla na med pa yang dag par rdzogs pa'i byang chub tu sems bskyed de/ de bla na med pa yang dag par rdzogs pa'i byang chub tu dang po sems bskyed tshun chad de'i bar thams cad du

  142. 191b

    sangs rgyas mthong ba dang / chos nyan pa dang // dge 'dun la rim gro byed pa dang ma bral bar gyur to// 'dis yang dag par rdzogs pa'i byang chub kyi tshogs kyang myur du yang dag par bsgrub pas/ 'di la ngas 'di ni ma 'ongs pa'i dus na/ de bzhin gshegs pa dgra bcom pa yang dag par rdzogs pa'i sangs rgyas yon tan gyi rgyal por snang ba zhes bya bar 'gyur ro zhes lung bstan to// de nas bcom ldan 'das la byang chub sems dpa' sems dpa' chen po lha'i cod pan/ gyis 'di skad ces gsol to// bcom ldan 'das ji tsam du de bzhin gshegs pa dgra bcom pa yang dag par rdzogs pa'i sangs rgyas thogs pa mi mnga' ba'i mkhyen pa dang ldan pas 'di ltar dge ba'i rtsa ba mngon par 'das bgyis pa'i rgyas pas na/ yun ring du legs par yang bcom ldan 'das gyis sgribs pa mi mnga' ba'i mkhyen pas gzigs pa ni ngo mtshar to// bcom ldan 'das kyis bka' stsal pa/ rigs kyi bu de de bzhin no// ji skad smras pa de bzhin no// / de bzhin gshegs pa dgra bcom pa yang dag par rdzogs pa'i sangs rgyas ni thogs pa med pa'i ye shes mthong ba dang ldan no// de ci'i phyir zhe na/ rigs kyi bu/ gang sems can thams cad kyi 'das pa'i sems kyi rgyud zad pa 'gags pa bral ba rnam par gyur pa/ rgyud gang dag las sems kyi rgyud de dag byung ba dang /

  143. 192a

    rgyu gang dag med pas zad pa/ dge ba 'am/ lung du bstan pa 'am/ lung du ma bstan pa de dag thams cad rnam pa dang bcas/ bzhi dang bcas/ gtan tshig dang bcad par de bzhin gshegs pas rab tu shes so// da ltar byung ba'i dus kyi sems can thams cad kyi rgyud 'byung ba/ dge ba 'am/ mi dge ba 'am/ lung du bstan pa 'am/ lung du ma bstan pa yang rung ste/ sems gang gi 'og tu sems gang 'byung ba de dag thams cad kyang rnam pa dang bcas/ yul dang bcas/ gzhi ci las gyur pa dang bcas par/ de bzhin gshegs pas rab tu shes so// gang ma 'ongs pa'i sems can thams cad kyi rgyud dang sems las byung ba'i chos dge ba 'am/ mi dge ba 'am/ lung bstan pa 'am/ lung du ma bstan pa yang rung ste/ sems gang gi 'og tu sems gang 'byung bar 'gyur pa de dag thams cad kyang / rnam pa dang bcas/ yul phyogs dang bcas/ gzhi ci las gyur pa dang bcas par de bzhin gshegs pas rab tu shes so// / rigs kyi bu de de ltar de bzhin gshegs pa dgra bcom pa yang dag par rdzogs pa'i byang chub tu sems bskyed do// de nas mi 'am ci'i rgyal po ljon pas bcom ldan 'das/ sangs rgyas ni thogs pa med pa'i ye shes dang ldan no/ de bzhin gshegs pa'i mkhyen pa thogs pa me mnga' ba bstan pa 'di bshad pa na/ bsrog chags

  144. 192b

    sum 'bum gis bla na med pa yang dag par rdzogs pa'i byang chub tu sems bskyed do// de nas mi 'am ci'i rgyal po ljon pas bcom ldan byang chub sems dpa' dang / nyan thos kyi dge 'dun dang 'khor dang 'khor bcas pa la zhag bdun bde bar sbyar ba thams cad kyi bsnyen bkur byas nas/ yongs su longs spyod par bya ba'i phyir/ rang gi khang khyim dang / 'khor gyi khyams de yang bcom ldan 'das la phul te 'di skad ces gsol to// bcom ldan 'das la bdag thugs rtse ba'i slad du rtag tu 'dir gshegs shing bzhags su gsol/ de nas skye bo mang po la phan pa dang / skye bo mang po la bde ba dang / 'jig rten la thugs brtse ba dang / skye bo phal po che'i don dang/ mi 'am ci'i dang / dri za dang / lto 'phye chen po la phan pa dang / bde bar 'gyur ro// de nas mi 'am ci'i rgyal po ljon pa'i bu dri ma med ces bya bas/ bcom ldan 'das la nor bu rin po che'i dra ba phul nas/ bcom ldan 'das la 'di skad ces gsol to// bcom ldan 'das mi 'am ci'i rgyal po bdag bla na med pa yang dag par rdzogs pa'i byang chub la yang dag par zhugs lags kyang / bdag cag ni sil dbyangs sgra dang / glu dang gar la rab tu rab tu chags/ me tog dang / spos dang / bdug pa dang // byug pa dang / phye ma las bag ma mchis par dga' zhing rtse ba lags na/ ji ltar bdag cag bag ma mchis par mi 'gyur zhing / byang chub kyi phyogs kyi chos rnams yang snyan dang / rol mo

  145. 193a

    dag par 'gyur ba/ de lta bu'i chos rin po che'i phyag brgya'i sgo'i gdams ngag/ bcom ldan 'das kyi bdag cag la stsal du gsol/ de skad ces gsol pa dang / bcom ldan 'das kyis mi 'am ci'i rgyal po'i bu dri ma med pa la 'di skad ces bka' stsal to// gzhin bzang de'i phyir deng phyin chad sil snyan dang / glu dbyangs de dag las byang chub yongs su smin par byed pa'i chos drug bcu rtsa bzhi 'byung bar khyed la byin gyis brlabs par bya'o// drug bcu rtsa bzhi gang zhe na 'di lta/ ste/ mi rtag pa'i sgra 'byung ba dang / sdug bsngal gyi sgra dang / bdag med pa'i sgra dang / zhi ba'i sgra dang / mngon par 'du mi byed pa'i sgra dang / bden pa'i sgra dang / mi skye ba'i sgra dang / dngos po med pa'i sgra dang / 'byung ba med pa'i sgra dang / gnas pa'i sgra dang / ji lta ba bzhin gyi sgra dang / yang dag pa'i mtha'i sgra dang / chos kyi dbyings kyi sgra dang / sems can med pa'i sgra dang / srog med pa'i sgra dang / gang zag med pa'i sgra dang / sbyin pa dang / tshul khrims kyi sgra dang / gzod pa'i sgra dang / brtson 'grus kyi sgra dang / bsam gtan gyi sgra dang / shes rab kyi sgra dang / byams pa'i sgra dang / snying rje'i sgra dang / dga' ba'i sgra dang / btang snyoms kyi sgra dang / 'ong ba med pa'i sgra dang / 'gro ba med pa'i sgra dang / rgyu ba med pa'i sgra dang / gnas pa med pa'i sgra dang / brtan pa med pa'i sgra dang / stong pa nyid

  146. 193b

    kyi sgra dang / mtshan ma med pa'i sgra dang / smon pa med pa'i sgra dang / 'byung ba med pa'i sgra dang / rten pa'i sgra dang / rten med pa'i sgra dang / sangs rgyas kyi sgra dang / chos/ kyi sgra dang / dge 'dun gyi sgra dang / byang chub tshad med pa'i sgra dang / nye bar bzhag pa'i sgra dang / yang dag spong ba'i sgra dang / rdzu 'phrul gyi rkang pa'i sgra dang / dbang po'i sgra dang / stobs kyi sgra dang / byang chub kyi yan lag gi sgra dang / lam gyi sgra dang / lhag mthong gi sgra dang / thabs kyi sgra dang / bsdu ba'i dngos po'i sgra dang / sems can yongs su smin par bya ba'i sgra dang / bdud tshar bcad pa'i sgra dang / dam pa'i chos yongs su bzung ba'i sgra dang / chos thams cad sgyu ma dang / rmi lam dang / gzugs brnyan dang / chu zla dang / brag cha lta bu'i sgra dang / chos kyi dbyings 'dren pa med pa'i sgra dang / 'khor bas yongs su mi skyo ba'i sgra dang / 'byung ba'i sgra dang / dge ba'i rtsa ba tshogs thams cad kyi sgra dang / rngu ba dang / chu'i chu bur dang / smig rgyu dang / chu shing gi phung po dang / sgyu ma dang / snying po med pa'i sgra dang / ji skad du smras pa'i de de bzhin du bya zhing / chos sgrub pa'i sgra 'byung bar 'gyur ro// bzhin bzang dag de ltar na/ sangs rgyas kyi mthus sil snyan dang / glu dbyangs de dag las gang gis khyed bag yod par byang chub kyi chos rnams bsgrub par 'gyur ro// de lta bu'i sgra 'di dag 'byung bar 'gyur ro// de nas thams cad dang ldan

  147. 194a

    pa'i 'khor ngo tshar du gyur nas/ bcom ldan 'das la phyag 'tshal te/ bcom ldan 'das 'di ji tsam du sangs rgyas bcom ldan 'das rnams kyi byang chub 'di byin gyis brlabs kyis/ shin tu byin gyis brlabs pa dang / chos bstan pa dang / ji tsam du de bzhin gshegs pas byang chub sems dpa' rnams shin tu yongs su bzung ba ni ngo mtshar to// bcom ldan 'das kyi bka' stsal pa/ grogs po dag ji skad smras pa de bzhin te/ de bzhin gshe pas byang chub sems dpa' rnams shin tu yongs su bzung ngo // de ci'i phyir zhe na/ 'di ltar byang chub sems dpa' yongasu bzung bas/ sems can thams cad yongasu bzung bar 'gyur ro// grogs po dag de bzhin gshegs pas byang chub sems dpa' yongasu bzung ba gang yin pa de ni/ sems can thams cad kyi don nyid do// / de ltar na sems can gyi ched du/ de dag go cha gang gis sems can tshad med pa/ 'khor ba las mya ngan las 'das pa'i lam du gzud par 'gyur ba'i go cha chen po gyon no// grogs po dag rnam grangs 'dis 'di ltar bzhugs kyang rung / yongs su mya ngan las 'das kyang rung ste/ byang chub sems dpa' rnams yongasu bzung ba mdzad pa gang yin pa des sems can thams cad yongs su bzung ba yin par rig par bya'o// grogs po dag byang chub sems dpa' la gos dang / bsod snyoms dang /

  148. 194b

    mal cha dang / na ba'i bsos sman dang / yo byad rnams kyi rim 'gror byas nas ni/ sems can thams cad la rim gror byas par 'gyur ro// grogs po dag byang chub sems dpa' la/ bde bar sbyar ba nye bar sgrubs pa ni sems can thams cad la bde bar sbyar ba nye bar sgrubs par 'gyur ro// de ci'i phyir zhe na/ grogs po dag tha na sems can dpa'i dbugs 'byung ba dang / rngub pa gang yin pa de dag thams cad kyang / sems can thams cad la snying rje chen po rab tu thob pa dang ldan ba dang / sems can thams cad la phan pa dang bde ba'i phyir yongs su 'dzin to// de nas 'dod pa na spyod pa dang / gzugs na spyod pa dang / gnas tsang ma'i rigs kyi lha'i bu de dag dang / klu dang gnod sbyin dang / dri za dang / mi 'am ci dang / lto 'phye chen po dang / thams cad dang ldan pa'i 'khor de bcom ldan 'das kyis legs par gsungs pa la rjes su yid rangs nas/ lha'i me tog rnam pa mang po kha dog sna tshogs pas/ bcom ldan la mngon par gtor to// de nas mi 'am ci'i rgyal po ljon pas 'di snyam du sems te/ bcom ldan 'das nyid kyis rdzu 'phrul gyis sam/ gzhan byang chub sems dpa'i rdzu 'phrul gyi gnas nas/ bya rgod kyi phung po'i ri gshegs pa ni bdag gi cha ma yin gyis/ bdag gis de bzhin gshegs pa la mchod pa las kyi phyir shing rtag gang la/ bcom ldan 'das

  149. 195a

    byang chub sems dpa'i dge 'dun dang / tshangs pa dang / nyan thos kyi dge 'dun dang bcas pa bzhugs pa de lta bu'i shing rta bkod pa bsgrubs te/ shing rta de yang bdag 'khor dang bcas pas grangs na/ de ltar bdag gis de bzhin gshegs pa la mchod pa byas par 'gyur ro snyam mo// de nas/ mi 'am ci'i rgyal po ljon pas/ yid las byung ba'i lha'i rin po che sna bdun gyi shing rta dpag tshad lnga/ khyon du dpag tshad lnga pa kha khyer rin po che sna tshogs kyis bskor ba/ shing ljon pa sna tshogs kyis legs par brgyan pa/ steng du ring po che'i skud pas mig mangs ris su bres pa mngon par sprul nas/ shing rta de la bcom ldan 'das kyi gdan sing ge'i khri bkram pa lta na sdug pa/ 'phang du mi bdun yod pa/ ras bcos bu zung brgyad stong mang po mngon par sprul/ byang chub sems dpa' thams cad dang / nyan thos kyi dge 'dun thams cad kyi stan yang so sor mngon par sprul/ gang dag bcom ldan 'das la chos nyan cing zham ring du 'brang bar brgya byin dang / tshangs pa dang / 'jig rten skyong ba dang / 'dod pa na spyod pa dang / gzugs na spyod pa dang / gnas gtsang ma ris kyi lha'i bu de dag gi stan yang shing rta de'i steng du ci rigs par sprul te/ de nas mi 'am ci'i rgyal po ljon pas/ de lta bu'i shing rta bkod pa de sprul nas thal mo sbyar te/

  150. 195b

    bcom ldan 'das la phyag 'tshal te/ 'di skad ces gsol to// bcom ldan 'das bdag la thugs rtse ba'i slad du/ shing rta 'di la ji ltar gdan bshams/ pa rnams la 'khor thams cad dang thabs gcig tu bzhugs su gsol/ de nas seng ge'i khri de la bcom ldan 'das kyang bzhugs/ byang chub sems dpa' dang / dge slong gi dge 'dun dang 'khor thams cad kyang ci rigs par 'khod do// de nas mi 'am ci'i rgyal po ljon pas/ rdzu 'phrul gyi stobs kyis shing rta de lags pa g.yas par blangs te/ shing rta la bdun srid kyi steng gi bar snang la 'phags nas/ de nas mi 'am ci'i bu mo brgyad khri bzhi stong de dag thams cad dang / bu brgyad stong po de dag dang / gzhan yang mi 'am ci dang / dri za dang / lto 'phye chen po brgyad stong phrag du ma dang / mi 'am ci'i rgyal po ljon pa nyid kyang rin po'i tshe'i thag pa thogs nas/ shing rta la btags te/ na mkha' las drangs so// bcom ldan 'das steng gi shing rta la bzhugs shing / na mkha'i dkyil nas gshegs pa la mi 'am ci'i rgyal po brgyad khri bzhi stong po de dag gis sil bstan dang / glu dbyangs blangs nas mchod pa byed do// mdun du 'ong zhing bcom ldan 'das la tshig su/ bcad pa 'di dag gis mngon par bstod do// mi 'am ci mo brgyad khri bzhi stong po// gzugs kyi dam pa dang ni ldan pa dag/ sil snyan dang ni rtag tu bkrol bgyid cing //

  151. 196a

    yang dag bsngags pas 'dren la bstod pa bgyid// mtshan mchog bsod nams kyis ni gzi brjid 'gyur// gzugs mchog mthong na dga' bar bgyid pa'i gzugs// bden pa'i yon tan la ni tag gnas pa// yon tan mtsho chen khyod la phyag 'tshal lo// sngon gyi rgyal ba rnams dang khyod ma 'dre// g.yas g.yon na yang rnam par mthong ma myong // ji ltar ri rab brtan zhing mi g.yo ba// de ltar khyod kyi sku ni dpal gyis mdzes/ 'dren pa khyod kyis rdzu 'phrul stobs kyis ni// chags pa ma mchis par yang mkha' las mchi// na mkha' lta bur dag cing dri mi mnga'// bcom ldan nyon mongs bsal la phyag 'tshal lo// lha dbang lha min dbang dang srin po dang / brgya byin tshangs pa dang ni dga' ba'i lha// khyod kyi mdzod spus 'od ni ma mchis gyur/ shes rab 'byung gnas shes rab rgya mtsho ldan// sems can gyi sems kyi spyod la mkhas// 'jig rten gsum na 'jig rten gsum na mchod// 'jig rten grags pa'i zhabs la phyag 'tshal lo// bdud bzhi po yis skyon rnams bsal ba'o// bden pa bzhi la sgom zhing spyod mdzad pa/ rdzu 'phrul bzhi'i stobs kyis snyems mi mnga'// sangs rgyas gshegs pas gshegs pa mdzes/ bskal pa brgyar yang skye ba mi mnga' zhing / rtag tu dul la thugs ni mnyam par bzhag/ legs

  152. 196b

    par gsungs pas 'gro ba tshim mdzad kyang / khyod ni tshig dang gnas la skad ma lags// khyod kyi gsungs ni yid 'ong rab tu snyan// zhing brgya dag tu thogs ba med par mchi// sgra de sems can cig gis thos gyur pa// de dag thams cad bde bas mchim par gyur/ sems can kha lo gyur pa spu cig tu// stong gsum rgya mtsho chab rnams zhugs gyur kyang / sems can rig pa rnams la mi gnod la// rdzu 'phrul la yang sngon ni yongs ma gda'// stong gsum gyi ni ri bo ri rab dag/ phyag gcig gi ni 'thil du bzhag nas su/ zhing mang bye ba dag tu gshegs mdzad kyang // khyod kyi skra'i stobs ni zhum ma mchis// khyod ni skal brgya phrag du ma nas// brtul shugs bka' thub tshul khrims yon tan dang // sbyin dang dul dang sdom dang bzod pa dang // brtson 'grus bsam gtan shes rab shin tu brlabs// sangs rgyas bye ba mang la bsnyen bkur mdzad// de dag rnams kyis bshad pa'i chos kyang bzung // thugs rje ldan zhing 'gro ba'i don gyi phyir// khyod la yongs su skyo ba'i thugs mi mnga'// rim 'gror ma bgyis zhum par mi 'gyur zhing / rim 'gror bgyis pas mthong bar 'gyur ma lags/ dog sa lta bu snyoms shing mi g.yo ste// 'jig rten mchod gnas mi gos pad ma bzhin// chos rnams stong pa mtshan ma ma mchis kyang / chu zla 'dra zhing sgyu ma

  153. 197a

    lta bu dang // dbul 'ardos 'di rmi lam klog 'dra dang // smig rgyu'i mtshan nyid lta bur rab tu mkhyen/ ngo bo nyid kyi gang zag bdag ma mchis// gdod nas stong zhing mi g.yo rje ma mchis// na mkha' lta bur dag cing dri ma mchis// dngos po bas pa dngos po ma mchis 'dra// las dang bya ba rgyu dang rkyen rnams las// byung ba lags kyi rje ni ma mchis par// tshul 'di rnam par sbyang ba mdzad pas na// de phyir khyed ni rdzogs sangs rgyas zhes bgyis// gang dag 'dren pa mthong zhing thos gyur pa// de dag la ni ngan song 'jigs ma mchis// de dag bde 'gro dag tu mchog gzhol te// srog chags de rnams kyis ni legs par brnyed// bdag cag rnams kyis gang dag dam pa khyod// kun tu mchod pas mchod pa bgyis nas su// byang chub tu ni sems kyang bskyed pa bgyis// gang zag mchog 'drar thams cad 'gyur bar shog/ nam mkha' la ni dpag tu nus kyi gda'// rgya mtsho chab ni bsam bgyir nus kyang bda'// nyi zla mkha' las sar ni lhung gda'i// sangs rgyas yon tan bas par 'gyur mi gda'// de nas bcom ldan 'das shing rta la bzhugs te// na mkha'i dkyil gi lam nas gshegs par gshegs shing / gser gyi kha dog lta bu'i sku las 'od gang gis stong gsum gyis stong chen po'i 'jig rten gyi khams khyab par 'gyur ba de lta bu'i 'od phyung ba dang /

  154. 197b

    'od de las rgyal po'i khab kyi grong khyer chen po dang / bya rgod phung po'i ri la yang rab tu khyab par gyur to// de nas bcom ldan 'das shing rta des rgyal po'i khab gyi grong khyer dang // bya rgod phung po'i rig la ba der gshegs so// de nas rgyal po'i khab kyi grong khyer gyi rgyal po ma skyes sgra blon po dang / rgyal bu dang / tshong dpon dang / grong brdal dang / khyim bdag du bcas pa dang / dge slong dang / dge slong ma dang / dge bsnyen dang / dge bsnyen ma rnams 'od des bskul nas/ phyi dro'i dus kyi tshe me tog dang / gdug pa dang / spos dang / phreng ba dang / byug pa dang / gdugs pa dang / rgyal mtshan dang / ba dan thogs te/ bcom ldan 'das rtsub pa'i phyir// rings pa rings par rgyal po'i khab kyi grong khyer chen po nas byung ste/ bya rgod phung po'i ri la bcom ldan 'das ga la ba der dong nas/ ljon pa'i sras rnams shing rta 'dren bzhin du sil snyan brgyad khri bzhi stong byed do// mi 'am ci'i rol mo'i sil snyan gyi sgra des/ bya rgod phung po'i ri thams cad du grags par 'gyur ro// de ltar mi 'am ci'i rgyal po ljon pa dpung dang bcas// 'khor dang bcas pas rdzu 'phrul gyi stobs kyi/ bcom ldan 'das na mkha'i dkyil nas khyer te/ bya rgod phung po'i ri la bzhag go/ de nas bcom ldan 'das shing rta de las babs nas/ rang gi gnas su gdan gshams pa la

  155. 198a

    bzhugs so// byang chub sems dpa' de dag dang / nyan thos chen po de dag dang / thams cad dang ldan pa'i 'khor shing rta de las// babs nas/ bcom ldan 'das kyi zhabs la mgo bos phyag 'tshal te/ bcom ldan 'das kyis gnang nas/ bcom ldan 'das la kun nas bskor te/ rang rang gi stan la 'khod do// 'dod pa na spyod pa dang / gzugs na spyod pa dang / gnas gtsang ma'i rigs kyi lha'i bu de dag kyang shing rta de las babs te/ bcom ldan 'das kyi zhabs la mgo bos phyag 'tshal nas/ phyogs cig tu 'khod do// de nas rgyal po ma skyes dgra blon po dang / rgyal bu dang / tshong dpon dang / khyim bdag dang / grong brdal dang bcas pa dang / dge slong dang / dge slong ma dang / dge snyen dang / dge bsnyen ma rnams kyis me tog dang / gdug pa dang / spos dang / phreng ba dang / byug pa dang / phye ma dang / chos gos dang / gdugs dang / rgyal mtshan dang / ba dan ji ltar thogs pa de dag gis/ bcom ldan 'das la mchod pa byas nas/ bcom ldan 'das la mchod pa byas nas/ bcom ldan 'das kyi zhabs la mgo bos phyag 'tshal te/ bcom ldan 'das la sku ma bskal tam/ bde ba la reg par gnas sam zhes gsol nas// phyogs gcig tu 'khod do// de nas bcom ldan 'das la byang chub sems dpa' lha'i gtsid pan gyis 'di skad

  156. 198b

    ces gsol to// bcom ldan 'das pi ma ci'i rgyal po 'khor dang bcas pa ci zhig thob par/ bcom ldan 'das 'khor dang te shing rta la zhugs pa/ na mkha'i dkyil nas drangs pa'i dge ba'i rtsa ba 'dis/ mi 'am ci'i rgyal po ljon pa 'khor dang bcas pas ci zhig thob par 'gyur/ bcom ldan 'das kyis bka' stsal pa/ dge ba'i rtsa ba des mi 'am ci'i rgyal po ljon pa sras dang bcas/ bu dang bcas/ g.yog 'khor dang bcas pas/ 'dir byang chub tu sems bskyed nas/ de dag thams cad nam byang chub kyi snying po la 'dag gi bar du mngon par shes pa las mi nyams pa rab tu 'thob par 'gyur/ sangs rgyas kyi zhing 'di nas sangs rgyas kyi zhing du phan tshun 'gro bar 'gyur// sangs rgyas mthong ba dang / chos nyan pa dang / dge 'dun la bsnyen bkur byed pa dang mi 'bral bar 'gyur/ tshe rabs thams cad du skye ba dran par 'gyur/ lung bstan pa thob par 'gyur/ dam pa'i chos yongs su bzung ba la brtson par 'gyur// sems can thams cad yongs su smin par byed pa la spro bar 'gyur/ de nas rgyal po ma skyes dgras mi 'am ci'i rgyal po ljon pa la 'di skad ces smras so// mi 'am ci'i bdag po bcom ldan 'das kyis khyod kyis yon tan yongs su brjod pa mdzad pas/ khyod kyi brnyed pa legs pa rnyed kyis/ khyod kyis dge ba'i rtsa ba de las shas shig kho bos kyang thob par 'dod

  157. 199a

    do/ mi 'am ci'i rgyal po ljon pas smras pa/ rgyal po chen po dge ba'i rtsa ba 'di thams cad bdag gis khyod dang sems can thams cad la dbul lo// de ci'i phyir zhe na/ rgyal po byang chub sems dpa' rnams kyi dge ba'i rtsa ba ni gang sems can thams cad dang thun mongs ma yin pa gang yang med do// / rgyal po chen po byang chub sems dpa' de thams cad ni ser sna can ma yin te/ de dag dge ba'i rtsa ba thams cad la ser sna mi bskyed do// dge ba'i rtsa ba thams cad sems can thams cad la gtong yang yid bde bar mi 'gyur// 'gyod par mi 'gyur ro// rgyal po chen po byang chub sems dpa'i dge ba'i rtsa ba gang thams cad mkhyen par yongasasu bsngos pa de dang sems can thams cad kyi 'tshe bar 'gyur ro// de ci'i phyir zhe na/ rgyal po chen po byang chub sems dpa'i dge ba'i rtsa ba gang thams cad mkhyen par yongs su bsngos pa de sems can la sbyor ba dang / sems can gyi phyir 'brang bas 'gyur ro// rgyal po chen po khyod kyis gang gis phyir// dge ba'i bshes gnyen bcom ldan 'das dang / 'jam dpal gzhon nur gyur pa brnyed de// de gnyis las kyi dam pa'i chos thos nas/ de mi shes pa'i mun pa dang / gti mug gi ling dog chen pos 'tshams med pa'i 'gyod pa byung ba'i sems bsal nas/ khyod kyi chos la chos kyi snang ba des/ khyod da ltar

  158. 199b

    bsgrib pa med pa med pa thob cing gnas pas/ khyod kyis kyang rnyed pa legs par brnyed do// rgyal po chen po de lta bas na/ byang chub sems dpa' sems dpa' chen po des gus par bya ste/ ci nas kyang chos kyi tshig dang / yig 'bru cig thos pa yang brjed par mi 'gyur ba dang / chud za bar mi 'gyur ba dang / kun tu bzung bar mi 'gyur ba dang / yongs bsrung ba'i phyir bdag chos kyi snod du 'gyur/ de nas bcom ldan 'das la byang chub sems dpa' lha'i gcod pan gyis 'di skad ces gsol to// bcom ldan 'das ji ltar na byang chub sems dpa' chos kyi snod du gyur pa lags/ de skad ces gsol pa dang / bcom ldan 'das kyis byang chub sems dpa' lha'i gcod pan la 'di skad ces bka' to// rigs kyi bu byang chub sems dpa' sems dpa' chen po chos sum bcu rtsa gnyis dang ldan na chos kyi snod du 'gyur ro// sum bcu rtsa gnyis gang zhe na/ rigs kyi bu 'di lta ste/ byang chub sems dpa' snod sangs rgyas kyi byin gyis brlabs dang / lhag pa'i bsam pa'i snod bsam pa dang / byang chub kyi lam nye bar ston pa'i snod sbyor ba dang / dge ba'i rtsa ba khyed par 'gro ba'i snod lhag ba'i bsam pa dang / mang du bos pa'i snod dran pa dang / lam la 'jug pa'i sdod blo gros dang / don rtogs pa rjes su rtogs pa'i snod rtogs pa dang / longs/

  159. 200a

    spyod chen po'i snod sbyin pa dang / bsam pa yongs su rdzogs pa'i snod tshul khrims dang / skyes bu chen po'i mtshan sum bcu rtsa gnyis thob pa'i snod bzod pa dang / sangs rgyas kyi chos thams cad sgrub pa'i snod brtson 'grus dang / sems las su rung ba'i snod bsam gtan dang / dogs pa tham cad las rab tu 'das pa'i snod shes rab dang / sems can thams cad la sems snyoms pa'i snod byams pa dang / dbul zhing nyams thag pa thams cad skyabs pa'i snod snying rje dang / chos la dga' ba'i snod dga' ba'i rjes su chags pa dang / khong khro ba spangs pa'i snod btang snyoms dang / dge ba'i rtsa ba 'dzin du 'jug pa'i snod dge ba'i bshes gnyen dang / shes rab kyi pha rol tu phyin pa'i snod thos pa'i tshol bas ngoms mi myongs pa dang / mi ltos pa'i snod rab tu 'byung ba dang / don nyung zhing bya ba nyung ba'i snod dgon pa la gnas pa dang / bsam gtan dang mngon par shes pa'i snod dben pa la dga' ba dang / sems can yongs su smin par bya ba'i snod snga ba'i dngos po dang / chos snang ba'i snod dam pa'i chos yongs su 'dzin pa dang / thos pa thams cad 'dzin pa'i snod gzungs dang / sems can thams cad kyi the tshom bcad pa'i snod spobs pa dang / sangs rgyas mthong ba'i snod sangs rgyas rjes su dran pa dang / shes rab kyi pha rol tu phyin pa'i

  160. 200b

    snod chos rjes su dran pa dang / dge ba'i rtsa ba srung ba'i snod zhes 'dras pa med pa'i sems dang / lta bar gyur pa spong ba'i snod stong nyid la mos pa dang / mthar 'dzin pa thams cad yongs su spongs pa'i snod rten cing 'brel par 'gyur ba dang / mi 'khrugs shing khyad par lung ston pa'i snod mi skye ba'i chos la bzod pa dang / stobs bcu dang / mi 'jigs pa dang / sangs rgyas kyi chos ma 'dres pa rnams kyis snod phyir mi ldog pa'i sa te/ rigs kyi bu byang chub sems dpa' sems dpa' chen po sum bcu rtsa gnyis po 'di dag dang ldan na/ chos kyi snod du rig par bya'o// bstan pa 'di bshad pa na/ srog chags khris bla na med pa yang dag par rdzogs pa'i byang chub tu sems bskyed nas/ tshig 'di skad ces bcom ldan 'das sems can thams cad kyang 'di 'dra ba'i chos kyi snod du gyur cig/ bdag cag kyang bcom ldan 'das kyis ji skad du bstan pa'i chos de lta bu'i snod du gyur cig ces smon lam 'debs so// de nas bcom ldan 'das kyis mi 'am ci'i rgyal po ljon pa la 'di skad ces bka' stsal to// mi 'am ci'i rgyal po khyod 'khor 'dir skyo bar 'gyur gyi 'od gyis khyod rang gyi gnas su song shig/ mi 'am ci'i rgyal po ljon pas gsol pa/ bcom ldan 'das gang yongs su skyo ba de byang chub sems dpa' zhes mi bgyi ste/ bcom ldan 'das byang chub sems dpa' ni skyo ba bzod par bgyi'o//

  161. 201a

    bcom ldan 'das ji ltar na byang chub sems dpa' yongs su skyo ba lags// ji ltar na yongs su mi skyo ba lags// bcom// ldan 'das kyis bka' stsal pa/ mi 'am ci'i bdag po byang chub sems dpa' chos bzhi dang ldan na/ yongs su skyo bar rig par bya ste/ bzhi gang zhe na 'di lta ste/ sems can gyi khams tshad med pa thos na skrag pa dang / 'khor tshad med pa thos na skrag pa dang / sangs rgyas kyi ye shes tshad med pa thos nas skrag pa dang / bsod nams tshad med pas mtshan dang dpe byad bzang po 'grub pa thos nas skrag pa ste/ mi 'am ci'i bdag po byang chub sems dpa' chos bzhi dang ldan na yongs su skyo bar rig par bya'o// mi 'am ci'i bdag po byang chub sems dpa' chos bzhi po 'di dag dang ldan na/ yong su mi skyo bar rig par bya ste/ bzhi gang zhe na 'di lte ste/ sems can gyi khams tshad med pa de yang bdag gis yongs su mya ngan las bzla bar bya'o zhes thos na mi skrag pa dang / dge ba'i rtsa ba sgrub pa'i phyir 'khor ba tshad med pa yongs su bzung bar bya'o zhes thos nas mi skrag pa dang / thams cad mkhyen pa'i ye shes tshad med pa de bdag gis yongasu rdzogs par bya'o// zhes thos na mi skrag pa dang / bsod nams tshad med pa bsags pa dang / mtshan dang dpe byad bzang po sgrubs ste/ bdag kyang sgrub par bya'o zhes thos nas mi

  162. 201b

    skrag pa ste/ mi 'am ci'i bdag po byang chub sems dpa' chos byang chub bzhi po dag dang ldan na/ yongs su mi skyo bar rig par bya'o// mi 'am ci'i bdag po gzhan yang byang chub sems dpa' chos bzhi dang ldan na/ yongs su skyo bar rig par bya ste/ bzhi gang zhe na 'di lta ste// skabs skabs su nyan thos kyi theg pa 'dod pa dang / skabs skabs su rang sangs rgyas kyi theg pa 'dod pa dang / dam pa'i chos rnam par 'jig pa ni yal bar 'dor zhing yongs su mi 'dzin pa dang / gzhan yang dag par rdzogs pa'i byang chub yang dag par 'dzin du mi 'jug pa ste/ mi 'am ci'i bdag po byang chub sems dpa' chos bzhi po 'di dag dang ldan na/ yongs su skyo bar rig par bya'o// mi 'am ci'i bdag po gzhan yang byang chub sems dpa' chos bzhi po 'di dag dang ldan na/ yongs su mi skyo bar rig par bya'o// bzhi gang zhe na 'di lta ste/ rab tu nyan yang byang chub kyi sems mi gtong ba dang / nyan thos dang rang sangs rgyas kyi mi 'dod pa dang / lus dang srog kyang 'dor zhing dam pa'i chos bsrungs pa dang / dpag tshad stong du 'gro zhing gzhan yang byang chub yang dag par 'dzin du 'jug pa ste/ mi 'am ci'i bdag po byang chub sems dpa' chos bzhi po 'di dag dang ldan na/ yongs su mi skyo bar rig par bya'o// mi 'am ci'i bdag po gzhan yang byang chub sems dpa' chos bzhi po 'di dag dang ldan na/

  163. 202a

    yongs su mi skyo bar rig par bya'o// bzhi gang zhe na 'di lta ste/ slob pa mthong na yongs su skyo ba dang / bsod snyoms byed par sbyor ba la brtson par gnas pa dang / mang du thos pa tshol ba la mi brtson pa dang / ji ltar thos pa dang chos rnams gzhan la mi ston pa ste/ mi 'am ci'i bdag po gzhan yang byang chub sems dpa' chos bzhi po 'di dag dang ldan na/ yongs su mi skyo bar rig par bya'o// bzhi gang zhe na 'di lta ste/ slong ba la dge ba'i bshes gnyen du 'du shes bskyed cing / zhes 'gras pa'i sems med la bzhin 'dzum zhing khro gnyer med de/ tshur shog legs par 'ongs so zhes bya ba'i tshig smras pa dang / bdag bde ba la mi chags shing / sems can thams cad la bde ba rab tu sbyin pa dang / mang du thos pa tshol bas mi ngoms shing / ji ltar thos pa'i chos rnams kyang gzhan dag la rgya cher rab tu ston cing / zang zing med pa'i sems kyis chos de gzhan la rab tu ston par byed pa ste/ mi 'am ci'i bdag po byang chub sems dpa' chos bzhi po 'di dag dang ldan na/ yongs su mi skyo bar rig par bya'o// mi 'am ci'i bdag po gzhan yang byang chub sems dpa' chos bzhi/ dang ldan na/ yongs su skyo bar rig par bya'o// bzhi gang zhe na 'di lta ste/ sbyin pa'i pha rol tu phyin pa'i lam yongs su mi 'tshal ba dang / bsdu ba'i dngos

  164. 202b

    po la mi sbyor ba dang / sems can yongs su smin par byed par brtson 'grus mi brtsom pa dang / yon tan chu du tsam gis chog par 'dzin cing gong du mi 'tshal ba ste/ mi 'am ci'i bdag po byang chub sems dpa' chos bzhi dang ldan na/ yongs su skyo 'ang rig par bya'o// mi 'am ci'i bdag po gzhan yang chos blo 'di dag dang ldan na/ yongs su mi skyo bar rig par bya'o// bzhi gang zhe na 'di lta ste/ mgo dang gos la me 'bar ba bzhin du pha rol tu phyin pa'i lam yongasasu 'tshol ba dang / bsdu ba'i dngos po la rtag tu btson pa dang / sems can yongs su smin par byed par brtson 'grus brtsom pa dang / dge ba thams cad yongasu bskang ba'i phyir de la chags pa yin te/ mi 'am ci'i bdag po byang chub sems dpa' chos bzhi po 'di dag dang ldan na/ yongs su mi skyo bar rig par bya'o// bcom ldan 'das kyis chos bzhi sgrubs pa 'das/ mi 'am ci'i rgyal po ljon pa la lan btab pa nas/ rgyal po ma skyes sgra la 'di skad ces bka' stsal to// rgyal po chen po khyod kyis byang chub sems dpa' rnams kyis yongs su skyo ba dang / yongs su mi skyo ba bzhi po sgrubs pa la 'jug pa 'di thos sam/ rgyal pos gsol pa// bcom ldan 'das thos lags so// bcom ldan 'das kyis bka' stsal pa/ rgyal po chen po de lta bas na khyod byang chub sems dpa' spyod pa la/ yongs su mi

  165. 203a

    skyo bar sbyad par bya'o// rgyal po ma skyes dgras gsol pa/ bcom ldan 'das byang chub sems dpa' rnams kyi spyod pa gang lags// de nas bcom ldan 'das kyi rgyal po ma smras/ byang chub sems dpa'i spyod pa yongs su bskang ba'i phyir// mi 'am ci'i bdag po khyod ji ltar sems su smin bar byed pa'i rang gi thabs mkhas pa'i khyad par/ rgyal po pa skyes sgra 'di'i spyod pa yongs su bskang ba'i phyir khyod kyis ston cig/ de nas mi 'am ci'i rgyal po ljon pas rang gi pi wang de bcom ldan 'das kyi spyan sngar blangs so// pi wang de blangs ma thag tu/ de nas sangs rgyas kyi mthu dang / mi 'am ci'i rgyal po ljon pa'i dge ba'i gzi brjid kyi pi wang gi sgra de las/ seng ge bsgyings pa ltar shing sa la cha ma g.yo ba'i sgrar/ byang chub sems dpa'i spyod pa'i tshigs su bcad pa 'di dag byung ngo // phan pa yod pa dag dang don spyod dang / chos thos nan tan byed pa spyod dang / byang chub mchog gi spyod pa gang spyod pa/ de dag yongs su skyo ba med par spyod// bde ba spyod dang sgyid dang spyod pa dang / sems can kun la sems snyoms spyod pa dang / byang chub mchog gi spyod pa gang spyod pa/ de dag rgya chen ma yin spyod med la/ brten pa spyod dang bde ba spyod pa dang // bsam pa yongs su dag pa spyod pa dang // byang chub mchog gi spyod pa gang

  166. 203b

    spyod pa// de dag gud du yang rgyu med spyod pa yin// dul ba spyod dang sbyin pa spyod pa dang // dngos po yongs su gtong ba spyod pa dang // byang chub mchog/ gi spyod pa spyod pa ni/ de dag ser sna med par spyod pa yin/ tshul khrims spyod pa nyan thos spyod pa dang / lus dang ngag yid yongs dag spyod pa dang // byang chub mchog gi spyod pa gang spyod pa// de dag tshul khrims 'tshal pa spyod pa mod// brtul shugs spyod dang bzod pa spyod pa dang // khro skyon yongs su gcod pa'i spyod pa/ dang // chu byang chub mchog gi spyod pa gang spyod pa// de dag gnod sems med par spyod pa yin// brtson 'grus spyod dang 'thun pa rnam spyod dang / 'khor ba mi skye yongs su spyod pa dang // byang chub mchog gi spyod pa gang spyod pa// de dag le lo med par spyod pa yin// bsam gtan spyod dang ting nge 'dzin spyod pa dang / lus/ dang sems ni rab tu dben spyod dang // byang chub mchog gi spyod pa gang spyod pa yin// de dag g.yeng ba med par spyod pa yin// shes rab spyod dang blo mchog spyod pa dang / chos rnams thams cad ji bzhin spyod pa dang / de dag shes rab spyod pa spyod pa med// byams pa spyod dang phan 'dod spyod pa dang // sems can kun la snying/ rje spyod pa dang // byang chub mchog gi spyod pa gang spyod pa// de dag khro ba'i tha ba med par spyod// stong pa spyod dang rab tu dben spyod dang // mtshan ma med pa/

  167. 204a

    shes ba thams can yongs su dag spyod dang / yongs su dag spyod dang // byang chub mchog gi spyod pa gang spyod pa/ de dag smon pa med par spyod pa yin// gang dag spyod dang de bzhin nyid spyod dang // byang chub mchog gi spyod pa gang spyod pa// de dag gang du chags pa med par spyod// dad pa spyod dang dang ba spyod pa dang // dran dang g.yeng ba med par spyod pa dang // byang chub mchog gi spyod pa gang spyod pa// de dag yongs su spyod pa med par spyod// bsam gtan spyod dang rnam thar spyod pa dang // mngon shes lnga rnams yongs su dag spyod pa// de dag chags pa med par spyod pa yin// sangs rgyas spyod dang dam chos spyod pa dang // dge 'dun dkon mchog nye bar brten spyod dang / byang chub mchog gi spyod pa gang spyod pa// de dag dkon mchog gsum gyi spyod pa yin/ chos spyod pa dang shin tu rigs spyod dang // sems can thams cad yongasu smin spyod pa// byang chub mchog gi spyod pa gang spyod pa// de dag rgyun mi chad par spyod pa yin// bya ba spyod dang chos rnams spyod pa dang // mtha' kun yongasu spyod pa'i spyod pa dang // byang chub mchog gi spyod pa gang spyod pa// de dag gang du'ang lta bar spyod pa med// dag pa spyod dang rnam par dag spyod pa// nyon mongs thams cad yongs su spyod spyod dang // byang chub mchog gi spyod pa gang spyod pa// de dag yongs su gdung bar spyod pa med// bde bar spyod dang shin tu rnam par spyod// sems

  168. 204b

    can kun la 'jigs mchog spyod dang // byang chub mchog gi spyod pa gang spyod pa// de dag smon lam spyod pa med pa yin// nyi ma spyod dang zla ba spyod pa dang / pad ma lta bur gos pa med spyod dang // byang chub mchog gi spyod pa gang spyod pa// de dag lhar bcas 'jig rten phyag bya ba// brgya byin spyod dang tshangs par spyod pa dang // dkar be'i tshogs rnams yongs su rdzogs spyod dang // byang chub mchog gi spyod pa gang spyod pa/ de dag bdud rnams sder bcas skrag par byed// mchog spyod pa dang khyad par 'phags spyod pa// 'dod chags tha ba gcod spyod dang // byang chub mchog gi spyod pa// de dag gang du'ang gti mug spyod pa med/ lam spyod pa dang mu stegs spyod ba dang // shes rab mig ni yongs su dag spyod dang // byang chub mchog gi spyod pa gang spyod pa/ de dag kun gyi rtog par spyod pa med// dul ba spyod dang rab tu zhi spyod dang // ming dang gzugs la mi chags spyod pa dang // byang chub mchog gi spyod pa gang spyod dang // de dag lha dang mi ni mang pos bstod/ 'phags pa spyod dang shin tu mnyam spyod dang // g.yon phyogs lam ni yongs su gcod spyod dang / byang chub mchog gi spyod pa gang spyod pa// de dag rtag tu don la 'bab pa yin// dpa' bo spyod dang shin tu gtan spyod dang / bdud kyi sde rnams rab tu 'jig spyod dang // byang chub mchog gi spyod pa gang spyod pa// de dag byang chub snying por

  169. 205a

    de dag ma rig pa la skyed pa med// gzhol ba yin// gzung ba dang ni don yod spyod pa dang // gzungs la g.yel ba med par spyod pa dang / byang chub mchog gi spyod pa gang spyod pa// de dag gang du'ang ma rig spyod pa med// dgon pa spyod dang rab tu dben spyod dang // rtag tu rab tu 'byung bar spyod pa dang / byang chub mchog gi spyod pa gang spyod pa mad/ gtso bo'i spyod dang khyad par khyed pang 'phags spyod dang // 'jig rten thams cad zil gyis gnod spyod dang // byang chub mchog gi spyod pa gang spyod pa// de dag dman pa lnga ni spyod pa yin// rig pa spyod dang thabs la spyod pa dang // bsam gtan bde las log par spyod pa dang // byang chub mchog gi spyod pa gang spyod pa// de dag mi shis spyod pa med pa yin// lta ba spyod dang rnam par lta spyod dang // ming dang gzugs la mi chags spyod pa dang // byang chub mchog gi spyod pa gang spyod pa/ de dag 'jigs pa med par spyod pa yin// thams cad spyod dang kun tu spyod pa dang / dbang po yongs su spyod par byed pa dang / byang chub mchog gi spyod pa gang spyod pa/ de dag ye shes na mkha'i mtha' dang 'dra// byang chub mchog gi spyod pa brtan pa'i tshigs su bcad pa mngon par bsgrub pa 'di pi wang gi sgra de las 'byung ba na// byang chub sems dpa' lnga stong mi skye ba'i chos la bzod pa thob par gyur to// rgyal po ma skyes dgra'i 'khor dang // rgyal po'i

  170. 205b

    khab kyi bram ze dang / khyim bdag dang / mi 'am ci dang / dri za dang / lto 'byed chen po dag gi 'khor gyi srog chags brgyad stong / bla na med pa yang dag par rdzogs pa'i byang chub tu sems bskyed nas// tshig 'di skad ces bcom ldan 'das bdag cag kyang byang chub sems dpa'i spyod pa 'di la bslab par bgyi'o// sems can tshad ma mchis pa dag kyang byang chub sems dpa'i spyod pa 'di nyid yang dag par 'dzin du bstsal bar bgyi'o zhes smras so// de nas bcom ldan 'das kyi mi 'am ci'i rgyal po ljon pa la 'gror gnang ngo // de nas bcom ldan 'das kyis gnas pas mi 'am ci'i rgyal po bu dang bcas// dpung dang bcas/ bslas dang bcas/ gnyen 'das dang bcas/ 'khor dang bcas te bcom ldan 'das kyi zhabs la mgo bos phyag 'tshal nas// bcom ldan 'das la lan gsum bskor ba byed de/ gzod par gsol nas/ sil snyan dkrol/ me tog gi char phab/ 'od zer gyi dra ba phyung ste/ sa chen po rnam pa drug du g.yos par byas nas/ bcom ldan 'das kyi zhabs la mgo bos phyag 'tshal te/ skad cig thang cig yud tsam de nyid la ri'i rgyal po spos kyi ngad ldang du rang gi khyin du phyin to// de nas bcom ldan 'das la lha rnams kyi dbang po brgya byin gyis 'di skad ces gsol to// bcom ldan 'das mi 'am ci'i rgyal po ljon pas/ de bzhin gshegs pa la mchod pa dang / chos mchod pas

  171. 206a

    bdag zil gyis non to// bcom ldan 'das kyis bka' stsal pa/ ko'u shi ka mi 'am ci'i rgyal po ljon pas/ khyod 'ba' zhig zil gyis mnan pa ma yin te/ ko'u shi ka byang chub sems dpa' sems dpa' chen po ma rtogs par/ gang dag stong gsum gyi stong chen po'i 'jig rten gyi khams kyi brgya byin dang / tshangs pa dang / 'jig rten skyong ba dang / nyan thos dang / rang sangs rgyas de dag thams cad dang / mi 'am ci'i rgyal po ljon pas zil gyis non to// de ci'i phyir zhe na/ byang chub sems dpa' sems bskyed ma thag nyan thos dang / rang sangs rgyas thams cad dang / brgya byin dang / tshangs pa dang / 'jig rten skyong ba thams cad zil gyis mnon to// ke'u shi ka de lta bas na/ byang chub sems dpa' lhar bcas pa'i 'jig rten zil gyi mnon to// gang byang chub sems dpa' la zil gyis gnon par sems pa de ni de bzhin gshegs pa la zil gyis gnon par 'dod pa'o// de ci'i phyir zhe na/ byang chub sems dpa' las de bzhin gshegs pa 'byung ngo // / de bzhin gshegs pa las ni de bzhin gshegs pa 'byung ngo // de bzhin gshegs pa las ni nyan thos dang rang sangs rgyas 'byung ngo ngo// de nas lha rnams kyi dbang po brgya byin gyis bstan pa thos nas/ thal mo sbyar te mchi ma blangs nas/ 'di skad ces kye ma 'o bdag ni sangs rgyas kyi mkhyen pa chags pa mi mnga' zhing // sgrib

  172. 206b

    ba mi mnga' ba 'di lta bu las nyams so zhes smras so// de nas lha rnams kyi dbang po brgya byin gyi bu dang / lha'i bu 'od zer srung zhes bya ba/ 'khor de nyid du 'dus par gyur te 'dug pa des/ lha rnams kyi dbang po brgya byin la 'di skad ces smras so// yang 'di ltar gang 'di ltar gang rab tu dben pa rnam par bsgrub par nye bar gnas pa'i mtshan nyid ma lags pa'i chos rnams bla na med pa yang dag par rdzogs pa'i byang chub tu sems bskyed pa'i de ni sems can thams cad la snying rje snyed pa la lags/ rgyal po chen po la mos pa'i dge ba'i bshes gnyen de la bstan lags te/ phyis 'gyod par 'gyur ba ste/ yab skyon med pa la zhugs te/ rgyud tshig cing sa bon tshig ste/ theg pa chen po'i snod du ma gyur pa la da bgir ci ma mchis/ bstan par bshad pa na/ sum cu rtsa gsum rigs kyi lha'i bu las/ bla na med pa yang dag par rdzogs pa'i byang chub tu sems bskyed do// de nas bcom ldan 'das lha'i bu 'od zer srungs gyis 'di skad ces gsol to// bcom ldan 'das bcom ldan 'das kyis byang chub sems dpa'i spyod pa bka' ba spyod pa brgya stong phrag ji snyed pa/ bcom ldan 'das sngon byang chub sems dpa'i spyad pa spyod pa na/ gtar ba ni bdag la mngon gsum du gyur to// bcom ldan 'das bcom ldan 'das sngon byang chub sems dpar gyur pa na/ de bzhin gshegs pa dgra bcom pa yang dag par rdzogs

  173. 207a

    pa'i sangs rgyas mar po mdzad las mi skye ba'i chos la bzod pa thob pa de la 'jug pa'i rnam par dbye ba bstan pa cung zad cig bcom ldan 'das kyis bshad du gsol/ bcom ldan 'das ji ltar na byang chub sems dpa'i mi skye ba'i chos la bzod pa thob pa gang dag gis nas/ de bzhin du bsgrubs nas chos de thob par gyur to// de skad ces gsol pa dang / bcom ldan 'das kyis lha'i bu 'od zer srungs la 'di skad ces bka' stsal to// 'od zer srung byang chub sems dpa' dge ba'i rtsa ba ma bskyed pa rnams kyis ni/ mi skye ba'i chos la bzod pa thob par mi 'gyur gyi/ byang chub sems dpa' dge ba'i rtsa bas bstan pa rnams kyis chos la bzod pa thob par 'gyur ro// 'od zer srung byang chub sems dpa' chos bzhi dang ldan na/ mi skye ba'i chos la bzod pa thob par 'gyur te/ bzhi gang zhe na 'di lta ste/ sangs rgyas mnyam pa nyid dang / chos mnyam pa nyid dang / dge 'dun mnyam pa nyid dang / zhing mnyam pa nyid de/ lha'i bu byang chub sems pa chos bzhi po 'di dag dang ldan na/ mi skye ba'i chos la bzod pa thob par 'gyur ro// lha'i bu gzhan yang byang chub sems dpa' chos bzhi dang ldan na/ mi skye ba'i chos la bzod pa thob par 'gyur te/ bzhi gang zhe na 'di lta ste/ bsam gtan bzhis stong pa nyid la rnam par brtse ba dang / pha rol tu phyin pa drug

  174. 207b

    gi thabs mkhas pa la rnam par brtse ba dang / mngon par shes lngas ye shes pasu rnam par brtse ba dang / thogs pa med pa'i ye shes kyis rdzu 'phrul la rnam par brtse/ ba ste/ 'od zer bsrung byang chub sems dpa' chos bzhi po 'di dag dang ldan na/ mi skye ba'i chos la bzod pa thob par 'gyur ro// 'od zer bsrung gzhan yang byang chub sems dpa' chos bzhi dang ldan na/ mi skye ba'i chos la bzod pa thob par 'gyur te/ bzhi gang zhe na 'di lta ste/ phung po rnams la byang chub tshol yang / phung po rnams la byang chub kyi rang bzhin du mos pa ma yin pa dang / khams rnams la byang chub mtshol yang khams rnams byang chub kyi yan lag gyi rang bzhin du mos pa ma yin pa dang / skye mched rnams la byang chub tshol yang // skye mched rnams la byang chub kyi rang bzhin du mi rtog pa dang / chos thams cad byang chub tshol yang / chos thams cad la byang chub kyi rang bzhin du sres pa yin te/ 'od zer srung byang chub sems dpa' chos bzhi po 'di dang ldan na/ 'od zer srung gzhan yang byang chub sems dpa' chos bzhi dang ldan na/ mi skye ba'i chos la bzod pa thob par 'gyur te/ bzhi gang zhe na 'di lta ste/ mi g.yo ba'i tshul gyis chos thams cad yang dag pa'i mtha' gnas par shes pa dang / dus gsum mnyam pa nyid pas chos thams cad de bzhin nyid la mnyam par 'jug pa dang / chos thams cad mtshan nyid 'dres pa med pas// chos kyi dbyings

  175. 208a

    su 'du bar shes pa dang / chos thams cad mnyam pa nyid kyi rjes su song bas na/ na mkha'i rang bzhin du so sor bstog pas te/ 'od zer srung byang chub sems dpa' chos bzhi dang ldan na/ mi skye ba'i chos la bzod pa thob par 'gyur ro// mi skye ba'i chos la bzod pa thob pa na/ bstan pa 'di bshad pa na/ byang chub sems dpa' lnga stong mi skye ba'i chos la bzod pa thob par 'gyur ro// lha'i bu 'od zer srung ni rjes su 'thun pa'i chos la bzod pa thob par 'gyur to// chos kyi rnam grangs 'di'i tha mar bcom ldan 'das kyis/ tshe dang ldan pa kun dga' bo la bka' stsal pa/ kun dga' bo khyod kyis mi 'am ci'i rgyal po ljon pas zhus pa/ pha rol tu phyin pas 'dul bar bstan pa'i sgo'i le'u'i chos kyi rnam grangs 'di bzung dam/ kun dga' bos gsol pa/ bcom ldan 'das 'di lta ste sangs rgyas kyi mthu nyid kyis/ bdag gi chos kyi rnam grangs 'di bzung lags so// bcom ldan 'das a la la/ ji tsam du chos kyi rnam grangs 'di zab mo rnam par nges pa dang / don bzang po dang / tshig 'bru bzang pos brgyan ni mdzes te ngo mtshar to// bcom ldan 'das kyi chos kyi rnam grangs 'dir/ bcom ldan 'das kyi chos kyi sgo ma bsdus pa de gang yang ma mchis so// bcom ldan 'das sngon bdag la chos snang bar gyur pa gang lags pa de yang / nga chos kyi rnam grangs 'di la rten nas/ 'bum 'gyur

  176. 208b

    du skyes so// bcom ldan 'das bdag ni 'di snyam du/ bdag lta bu nyi tshe ba'i 'tshal ba dang ldan pa dang / blo chung ngu nyan thos kyi theg pa'i skyon ma mchis pa thams cad la zhugs par gnas pas/ chos kyi rnam grangs 'di thos nas kyang / 'di lta bu'i chos kyi snang ba 'di skyes par gyur na/ byang chub sems dpa' sems dpa' chen po// ye shes mtshad ma mchis pa'i snod du gyur pa/ blo rgya che zhi rgya mtsho lta bu dang ldan pa/ chos rin po che dang thams cad yongasu 'dzin gsol pa ma btab par sems can thams cad kyi dge ba'i bshes gnyen bgyi ba/ gang lags pa de dag gis chos kyi rnam grangs 'di snyed cig thob par 'gyur ba lta smos kyang ci 'tshal/ snyam bgyid do// bcom ldan 'das kyis bka' stsal pa/ kun dga' bo stong gsum gyi stong chen po'i 'jig rten gyi nyi mA dang / zla ba'i 'od snang ba ji snyed pa thams cad ni/ de bzhin gshegs pa'i sku cig gi 'od kyis mag mog por 'gyur ro// kun dga' bo de bzhin gshegs pa'i ba spu'i khung bu thams cad nas/ 'od zer ji snyed cig byung ba de dag ni/ shes rab kyi 'od brgya'i char yang nye bar mi 'gro ste/ stong gi tshe dang / stong phrag brgya'i cha dang / bye ba'i cha/ dang / bye ba phrag khrig brgya phrag stong kyicha dang / grangs dang / cha dang / bgrang ba dang / dpe dang / rgyur yang nye bar mi 'gro'o// de ci'i phyir zhe na/

  177. 209a

    snang ba thams cad ni/ shes rab kyi snang ba las byung ba'i phyir ro// kun dga' bo de bzhin gshegs pa'i shes rab kyi snang ba/ de dang ldan na/ de bzhin gshegs pa dgra bcom pa yang dag par rdzogs pa'i sangs rgyas kyis/ 'das pa dang / ma 'ongs pa dang / da ltar byung ba'i sems can thams cad kyi snyems kyi spyod pa dang / g.yo ba rnams mkhyen pa'i shes rab kyi snang ba de lta bu dang / rigs kyi bu dang / rigs kyi bu mo dag dang ldan par 'gyur ro// kun dga' bo gang chos kyi rnam grangs 'di nyen pa dang / thos nas kyang mos pa dang / mos nas kyang 'dzin pa dang / 'chang ba dang / klog pa kun chub par byed pa dang / gzhan dag la yang rgya cher rab tu ston pa dang / tshul bzhin du so sor rtog pa dang / de bzhin nyid du bsgrub pa de dag ni/ byang chub kyi sems mi brjed pa dang / sems can yongs su smin par bya ba don du gnyer ba dang / snying rje chen po'i go cha bgos pa dang / byams pa chen po'i go cha bgos pa dang / bdud dang phyir rgol ba bcom pa dang / byang chub kyi snying por bzhol ba'i skyes bu dam par rig par bya'o// de nas bcom ldan 'das la tshe dang ldan dga' bos 'di skad ces gsol to// bcom ldan 'das gang chos kyi rnam grangs 'di thos nas mos pa dang / 'dzin pa dang / 'chang ba dang / klog pa dang //

  178. 209b

    kun chub par bgyid pa dang / gzhan dag la yang rgya cher yang dag rab tu ston pa'i rigs kyi bu 'am/ rigs kyi bu mo de bsod nams ji snyed cig bskyed par/ 'gyur// bcom ldan 'das kyi bka' stsal pa/ kun dga' bo rigs kyi bu 'am/ rigs kyi bu mo gang gi sde dro'i dus kyi tshe/ stong gsum gyi stong chen po'i 'jig rten gyi khams rin po che sna 'dun gyis rab tu bkang ste/ rgyun tu zhugs pa dang / lan cig phyir 'ong ba dang / phyir mi 'ong ba dang / dgra bcom pa dang / rang sangs rgyas dang / de bzhin gshegs pa dgra bcom pa yang dag par rdzogs pa'i sangs rgyas la/ sbyin pa byin pa dang / de bzhin du nyi ma'i gang dang / phyi ma 'phred kyi dus dang / nam gyi cha stong dang / nam gyi gung 'thun dang / tho rang dang / stong gsum gyi stong chen po'i 'jig rten gyi khams thams cad/ rin po sna bdun gyis yongs su bkang ste/ de bzhin gshegs pa dgra bcom pa yang dag par rdzogs pa'i sangs rgyas kyi bar la sbyin pa dang / rnam grangs 'di lta bus la cig gam/ lo brgya 'am/ lo stong ngam/ lo brgya phrag stong du sbyin pa byin na/ kun dga' bo de ji snyam du sems/ rigs kyi bu 'am/ rigs kyi bu mo de gzhi de las// bsod nams mang du bskyed dam/ kun dga' bos gsol pa/ bcom ldan 'das mang ste/ tshad ma mchis so// bde bar gshegs pa dpag tu ma mchis so//

  179. 210a

    bcom ldan 'das gdugs cig bstsal pa'i/ bsod nams kyi phung po de yang tshad ma mchis na/ dgung lo brgya phrag stong du gsags pa/ lta smos kyang ci 'tshal/ bcom ldan 'das kyis bka' stsal pa/ kun dga' bo khyod mos par bya'o/ khyod kyis khong du chud par bya'o// byang chub don du gnyer ba dang / chos kyi 'khor lo bskor ba don du gnyer ba dang / sems can rab tu thar par bya ba don du gnyer bar bya ba dang / chos kyi rnam grangs 'di thos nas/ mos sam/ 'dzin tam/ 'chang ngam/ klog gam/ kun chub par byed dam/ rigs kyi bu 'am/ rigs kyi bu mo// byang chub sems dpa'i theg pa de/ de las bsod nams kyi phung po mang du bskyed na// gang de bzhin nyid du bsgrub pa lta smos kyang ci dgos/ de nas bcom ldan 'das la/ byang chub sems dpa' byams pas/ byang chub sems dpa' lha'i gcod pa dang / tshe dang ldan pa kun dga' bos 'di skad ces gsol to// bcom ldan 'das chos kyi rnam grangs 'di'i ming ci lags/ 'di ji ltar gzung bar bgyi/ bcom ldan 'das kyis bka' stsal pa/ rigs kyi bu dag/ de'i phyir khyod kyis chos kyi rnam grangs 'di ni/ mi 'am ci'i rgyal po ljon pas/ zhus pa/ pha rol tu phyin pas/ rnam par nges pa bstan pa dang / dam pa'i chos rin po che'i/ le'u zhes bya bar zung shig/ bcom ldan 'das kyis/ de skad ces

  180. 210b

    bka' stsal nas/ byang chub sems dpa' byams pa dang / byang chub sems dpa' lha'i gcod pan dang / tshe dang ldan pa/ kun dga' bo dang / lha dang // pi dang / lha ma yin du bcas pa'i 'jig rten yid rangs te/ bcom ldan 'das kyis gsungs pa la/ mngon par bstod do// 'phags pa mi 'am ci'i rgyal po ljon pas/ zhus pa/ zhes bya ba theg pa chen po'i mdo rdzogs s+ho// rgya gar gyi mkhan po shri len tra bo d+he dang // ye shes kyis/ sdes sgyur cing / zhus te/ skad gsar chad kyis kyang bcos nas/ gtan la phab pa'o// bkra shis/ zhu chen gyi lonas zin rgya gar skad du/ pra se na dza di ga thA/ bod skad du/ gsal rgyal tshigs su gcad pa// dkon mchog gsum la phyag 'tshal lo// rgyal po gsal rgyal gdugs dang gcod pan dang // rnga yab ral gri nor bu lham bzhag ste// thal mo sbyar cing legs par phyag 'tshal nas// 'jig rten mgon po la ni zhu ba zhus/ phan par dgongs pa thugs rje'i bdag nyid can// de bzhin gshegs rnams mya ngan 'das pa na// mchod pa bgyid blo mchog ji 'khur// srid pa gzhan du mi rnams bde bathob// bcom ldan pa'i seng ge sa phyi 'ba'// chos rnams kun la mngon gsum spyan gyur bas// kun dga'

Colophon

'phags pa mi 'am ci'i rgyal po ljong pas/ zhus pa/ zhes bya ba theg pa chen po'i mdo rdzogs s+ho/ rgya gar gyi mkhan po shri len dra bo d+he dang/ zhu chen gyi lo tsha ba ban d+he ye shes kyis/ sdes sgyur cing/ zhus te/ skad gsar chad kyis kyang bcos nas/ gtan la phab pa'o