'phags pa sangs rgyas bcu gnyis pa zhes bya ba theg pa chen po'i mdo
Āryadvadaśabuddhakannamamahāyanasutra
Text
ff. 31a–36a · 11 folio sides
- 31a
par 'gyur ro// byang chub sems dpa' bye ba phrag bcu ni phyir mi ldog pa la gnas pas gnas par gyur to// lha dang mi khri phrag dpag tu med pas ni/ bla na med pa yang dag par rdzogs pa'i byang chub tu sems bskyed do// bcom ldan 'das bges shing de skad ces bka' stsal to// byang chub sems dpa' sems dpa' chen po// yon tan rin chen me tog rgyas pa dang / byang chub sems dpa' sems dpa' chen po yon tan thams cad dga' ba dang / byang chub sems dpa' dang / dge slong de dag dang / lha dang / mi dang / lha ma yin dang / dri zar bcas pa'i 'jig rten yi rangs te/ bcom ldan 'das kyis gsungs pa la mngon par dga'o// sangs rgyas bcu pa zhes bya ba theg pa chen po'i mdo rdzogs s+ho// / rgya gar skad du/ Ar+ya da da sha bud d+ha kan na ma ma hA ya na su tra/ bod skad du/ 'phags pa sangs rgyas bcu gnyis pa zhes bya ba/ theg pa chen po'i mdo// sangs rgyas dang byang chub sems dpa' thams cad la phyag 'tshal lo// 'di skad bdag gis thos pa'i dus cig na/ bcom ldan 'das rgyal po'i khab na/ bya rgod kyi phung po'i ri la/ dge
- 31b
slong stong nyis brgya lnga bcu'i dge slong gi dge 'dun chen po dang / thabs gcig tu bzhugs te/ byang chub sems dpa' mi 'pham pa la sogs pa/ byang chub sems dpa' khri nyis stong gis byang chub sems dpa'i dge 'dun chen po dang thabs gcig go// de nas bcom ldan 'das kyis/ byang chub sems dpa' sems dpa' chen po byams pa la bka' stsal pa/ byams pa sangs rgyas kyi zhing 'di'i shar phyogs log su na/ sangs rgyas kyi zhing bye ba phrag khrig 'bum phrag brjod du med pa bcu'i/ rdul snyed kyi sangs rgyas kyi zhing 'das pa na/ 'jig rten gyi khams mu tig can zhes bya ba zhig yod de/ de na de bzhin gshegs pa dgra bcom pa yang dag par rdzogs pa'i sangs rgyas nam mkha'i dpal dri med rdul sel rab mdzes yon tan gyi me tog gis 'od pad ma bai DUr+ya'i 'od zer rin po che'i gzugs lta bu'i skra dang ldan pa spos mchog dam pas mchod pa/ skra rnam par spras shing / legs par brgyan pa/ gtsug gyi gtsug nas nyi ma'i 'od zer dpag med zla 'od smon lam gyis brgyan pa rab tu sprul pa bkod pa chen po chos kyi dbyings las mngon par 'phags chags med rin chen rgyal po zhes bya ba da ltar yang bzhugs te/ 'tshe zhing bzhes la chos kyang ston to// su rgyal ba'i mtshan 'dzin pa de/ bskal pa chen po 'dzam bu'i gling gi rdul phra rab kyi rdul rnyed kyi bskal par 'khor ba las ldog
- 32a
go// de nas byang chub sems dpa' sems dpa' chen po 'dra ba med ces bya ba lung bstan te/ de bzhin gshegs pa dgra bcom pa yang dag par rdzogs pa'i sangs rgyas/ nam mkha' dpal dri med rdal sel rab mdzes/ yon tan gyi tog gi 'od/ me tog gi 'od pad ma bai DUr+ya'i 'od zer rin po che'i gzugs lta bu'i skra dang ldan pa spos mchog dam pa/ sku rnam par spras shing legs par brgyan pa/ gtsug tor gyi gtsug nas/ nyi ma'i 'od zer dpag med zla 'od smon lam gyi sa brgyan pa/ rab sprul bkod pa chen po chos kyi dbyings las mngon 'phags chags med rin chen rgyal po de/ yongs su mya ngan las 'das pa'i dam pa'i chos nub ma thag tu/ bla na med pa yang dag par rdzogs pa'i byang chub mngon par rdzogs par 'tshang rgya bar 'gyur te/ de bzhin gshegs pa dgra bcom pa yang dag par rdzogs pa'i sangs rgyas/ rig pa dang zhabs su ldan pa/ bde bar gshegs pa/ 'jig rten mkhyen ba/ skyes bu 'dul ba'i kha lo bsgyur ba/ bla na med pa/ lha dang / mi rnams kyi ston pa/ sangs rgyas bcom ldan 'das chu lha gzhon nu nyi ma'i sgron ma/ zla ba'i me tog rin chen padam/ gser gdugs nam mkha' lta bu'i sku ldan/ rnam par snang mdzad 'od zer rab brgyan/ thogs med 'khor lo dkyil 'khor/ phyogs bcur 'od zer rab
- 32b
'byin/ 'jig rten gyi khams kun snang byed tog gi rgyal po zhes bya bar 'jig rten du 'byung bar 'gyur ro// shar phyogs de nyid kyi/ de bzhin gshegs pa dgra bcom pa yang dag par rdzogs pa'i sangs rgyas bkod pa'i thams cad dri med 'od ces bya ba'i mtshan kyang bzung ngo // tshig 'don to// phyag bya'o// lce phyogs kyi de bzhin gshegs pa dgra bcom pa yang dag par rdzogs pa'i sangs rgyas spobs pa'i brgyan la dgongs pa zhes bya ba'i mtshan kyang bzung ngo // yid la bya'o// nub phyogs kyi de bzhin gshegs pa dri med zla ba'i tog gi rgyal po grags ldan zhes bya ba'i mtshan kyang bzung ngo // phyag bya'o// byang phyogs kyi de bzhin gshegs pa me tog gi bkod pa snang bar mdzad pa zhes bya ba'i mtshan kyang bzung ngo // phyag bya'o// shar lho'i mtshams kyi de bzhin gshegs pa 'od mdzad ces bya ba'i mtshan kyang bzung ngo // phyag bya'o// lho nub kyi phyogs mtshams kyi de bzhin gshegs pa rin chen mchog gi grags ldan zhes bya ba'i mtshan kyang bzung ngo // phyag bya'o// nub byang gi phyogs 'tshams kyi de bzhin gshegs pa 'jigs med rnam par gzigs pa zhes bya ba'i mtshan kyang bzung ngo // / phyag bya'o// byang shar gyi phyogs mtshams kyi de bzhin gshegs pa 'jigs bral bag cha me mnga' spu zing mi byed ces bya ba'i mtshan kyang bzung ngo // phyag bya'o// 'og gi
- 33a
phyogs kyi de bzhin gshegs pa seng ge'i bsgyings pa'i mid pa zhes bya ba'i mtshan kyang bzung ngo // phyag bya'o// steng gi phyogs kyi de bzhin gshegs pa gser 'od gzi brjid rgyal po zhes bya ba'i mtshan kyang bzung ngo // phyag bya'o// byams pa dad pa'i rigs kyi bu 'am/ rigs kyi bu mos/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas bcu gnyis po de dag gi mtshan brjod la/ nyi ma bcur sdig pa thams cad kyi nyes pa bshags par bya/ dge ba'i rtsa ba thams cad la yid rang bar bya/ sangs rgyas thams cad la bskal ba dang / sangs rgyas thams cad la gsol ba gdab pa dang / dge ba rtsa ba thams cad kyi dbyings su bsngo ba yongs su bsngo bar bya'o// 'on dang sdig pa thams cad zad par 'gyur ro// las kyi sgrib pa thams cad byang bar 'gyur ro// de'i 'og tu sangs rgyas kyi zhing gi yon tan bkod pa phun sum tshogs pa dang / mi 'jigs pa phun sum tshogs pa dang / mtshan phun sum tshogs pa dang / byang chub sems dpa'i dge 'dun phun sum tshogs pa dang / gzungs phun sum tshogs pa yang 'thob bo// bsam pa ji lta ba bzhin du sangs rgyas kyi zhing yongs su dag pa phun sum tshogs pa dang / dge ba'i bshen gnyen
- 33b
phun sum tshogs pa yang myur tu yongs su 'dzin to// bla na med pa yang dag par rdzogs pa'i byang chub las nyams par mi 'gyur ro// 'khor ba'i tshe yang kun tu mdzes pa dang / de'i tshe ngas spyod phun sum tshogs pa dang / rigs phun sum tshogs dang / skye ba phun sum tshogs pa dang / rus phun sum tshogs pa dang / gzugs phun sum tshogs pa dang / 'di 'dra ba'i skye bo'i phun sum tshogs pa yang yongs su 'dzin to// de la 'di skad ces bya ste/ gang dang gdad skyes pa'i/ tshe rabs tshe rabs thams cad de// mthong na dga' zhing dga' byed dang // 'od byed pa dang mthu chen dang // 'byor pa dang por 'gyur ba yin// gzungs kyi gsang sngags kyi gzhi 'di rnams kyang brjod par bya'o// tad+ya thA/ a khe ma khem/ sa man ta mu khe/ su'u ti yug te/ ne rug ti ni/ rug te pra b+he ba sa ma yo g+ha tsit+ta bi bat+te/ a khe ma kher/ ma da ni/ bi brten/ sa man+ta ku ne/ sad t+ya ma re/ yug te/ pra yug te/ hi li mi li/ sa ma le/ A na me/ a tsa me/ A tsi Te Te/ tse tse/ A ra he/ ba hud tse/ ma su gra he/ he ma b+ha ti/ ta ba ti/ dam ci de/ N+ya Ta pang ke/ a bak+She be/ ri dri kra me/ skad da bi b+hag ge// sangs rgyas dang / byang chub sems dpa' thams cad la phyag 'tshalo//
- 34a
sangs rgyas kyi ni 'byin gyis brlabs kyis/ gsang sngags kyi gzhi rnams grub par gyur cig/ de la 'di skad ces bya ste// gzungs 'di dag ni bzung byas na// phyogs bcu dag na gang bzhugs pa'i/ bye brag bcu'i drang srong rnams// de dag de la dgongs par 'gyur// skye ba dag ni kun tu yang // dge ba'i gshes gnyen rnyed par 'gyur// cung zad dge ba gang yin pa// don rnams thams cad 'byor par 'gyur// pad ma'i snying por bzhugs pa yi// sangs rgyas rnams ni mngon tu mthong // gzungs 'di dag ni 'dzin byed pa// mkhas pa dpal ldan rdzus te skye// dran dang blo gros rtogs pa dang // mos dang shes rab tu 'phel// thos pa thams cad 'dzin par 'gyur/ zos pa rnams kyis yongs mi nyams/ 'jig rten mgon po 'di dag gi mtshan rnams su zhig brjod byed pa// ngan 'gro thams cad spangs nas ni// bzang 'gror myur tu 'gro bar 'gyur// ting nge 'dzin dang gzungs kyi mchog/ de dag de la mngon tu gyur// byang chub par du de 'chang rgya// zhing ni bye ba stong phrag dag gser gyis bkang ste sbyin byin pas// gang gas zhig de bzhin gshegs rnams kyi// mtshan rnams 'dzin par byed pa yi// bson nams phung po de ches mang // rtag tu tshe rabs
- 34b
dran par 'gyur/ byang chub spyad pa spyod pa'i tshe// mi khom thams cad rnam spangs te/ sangs rgyas 'byung ba rab mdzes rnyed/ rdzogs pa'i sangs rgyas mnyam par byed/ gdad pa/ bla na med pa 'thob// sangs rgyas rnams la rab dad cing // mchod pa dam pa byed par 'gyur// sangs rgyas 'byung ba skyed pa mnyes byed de// mthong nas ston la rab tu dang / 'jig rten sgron ma mthong nas ni// mchod pa bzang po byed par 'gyur// mtshan rnams 'di dag 'dzin byed pa// bskal pa byed pa grangs med de// 'khor ba rnam par spangs nas su// byang chub myur tu 'tshang rgya yang // nyin zhig bdun du tshang bar ni// mtshan rnams 'di dag 'dzin byed na// gang gis 'dren rnams mthong 'gyur ba'i// rgya chen mig gis spangs par 'gyur// 'jig rten mgon po de dag gi/ mtshan rnams mi gang 'dzin byed pa// skye ba gang dang gar skyes par// de ni phyag bya'i 'os su 'gyur// mtshan rnams de dag 'dzin byed pa// bskal pa bye ba bsam yas su// bkar bsti ma yin thob mi 'gyur// 'jig rten dag na grags pa 'thob// mtshan rnams de dag 'dzin byed na// de la bskal pa da mar ni// lha rnams paste bstang byed par 'gyur/ byang chub byung du 'chang yang bya// mtshan rnams 'di dag 'dzin byed pa// mes byed shes rab 'chag mi 'gyur/ g.yo dang sbyin napa
- 35a
par spangs// rtag tu sangs rgyas rnams kyang mthong // mtshan rnams 'di dag 'dzin byed pa// lha dang dri za klu dbang dang / mkha' lding lha min gsang ba po// rtag tu de la bsrung bar byed// gzugs dang mtshan ni phun sum tshogs// nor chen khyim du skye bar 'gyur// sems can kun la sbyin pa byin/ dpa' zhing gtong pod ser sna med// bskal pa bye ba brgya stong por// lha'i tsan dan dmar po dang / shin tu dri nem spos kun gyi// spos dang de'i kha nas 'byung // mtshan rnams de dag 'dzin byed pa// bskal pa bye bar sgra skad ni// tshangs pa'i dbyangs dang ldan par 'gyur// rtag tu chos rgyal tshul dang ldan// mtshan rnams de dag 'dzin byed pa// rin chen sna bdan pad ma mdab// bye ba stong phrag mang po las// 'byor chen de skye lha gzugs ldan// mtshan rnams 'di dag 'dzin byed pa// de ni pha ma spun sdug dang // skye bo dag ni chos rnams dang // 'bral bar 'gyur ba mi mthong ngo // drang srong chen po rnams kyi mtshan// bud med kyis ni bzung byas na// bud med lus la ma chags nas// skyes pa blo gros ldan par 'gyur// mi yi lus ni thob gyur nas// bla med byang chub thob gyur te// chos kyi 'khor lo rab bskor nas// 'dod pa ji bzhin mya ngan 'da'// mtshan rnams 'di dag su
- 35b
'dzin pa// de yi lus la mtshon dang ni// dug dang me dang rgyal po dang // yon tan rnams kyis mi tshugs so// mtshan rnams 'di dag su 'dzin pa/ de'i sems la rnams kyang ni// dpung dang gzhon par bcas pa yi// bdad kyis glags rnyed mi 'gyur ro// de dag gi ni mtshan rnams kyi// mi gang 'dzin par byed pa de// zhing ni bye ba bsam yas par// nam mkha' las ni 'gro bar 'gyur// sangs rgyas brtan pa mchod nas ni// 'jigs pa med par zhu ba zhu// de dag de'i bsam mkhyen nas// rgyal ba de dag lung ston 'gyur// sangs rgyas mgon po de dag las// lung bstan pa ni thob gyur nas// de ni shin tu yid rangs te// rgyal po'i mtshan la the tsom med// mtshan rnams 'di dag 'dzin byed pa// 'jig rten mgon po rnams las ni// zab me'i chos ni thos 'gyur te// thos nas thams cad 'dzin par 'gyur// de nas pha rol phyin pa dang // mi 'jigs pa dang stobs rnams dang // mtshan dang dpe byad bzang po rnams// ma lus par ni rdzogs par 'gyur// sangs rgyas de dag rnams kyis ni// gang gi zhing du 'dod 'gyur ba// der ni bla med yang dag rdzogs// byang chub rdzogs nas 'tshang rgya 'gyur// skyes pa 'am ni bud med gang / mtshan rnams 'di dag 'dzin pa yi// yon tan 'di dag gzhan dag kyang / sangs rgyas bskal pa rgyun tu
- 36a
gsung // bag yod ldan par gyur nas ni// yon tan phun tshogs 'di thos nas// rdzogs pa'i sangs rgyas grags ldan pa// de dag mtshan rnams 'dzin par 'gyur// sangs rgyas 'di dag dpal snying po// sprin gyi rgyal po me'i mchog/ 'jig rten mgon po 'di dag gi mtshan ni bskal par gang nyan pa/ gang dag 'di rnams mtshan nyan cing // thos nas gus par byed 'gyur ba// de dang de dag shes rab che// rkang gnyis rnams kyi mchog tu 'gyur// drang srong chen po de dag gi/ 'di 'dra'i mtshan dag thos gyur nas// bag yod ldan zhing mkhas gyur la// shes rab ldan pa su mi 'dzin// bcom ldan 'das kyis de skad ces bka' stsal nas/ byang chub sems dpa' sems dpa' chen po byams pa dang / byang chub sems dpa' de dag dang / dge slong de dag dang / thams cad dang ldan pa'i 'khor de dag dang / lha dang / mi dang / lA ma yin dang / dri zar bcas pa'i 'jig rten yid rangs te/ bcom ldan 'das kyis gsungs pa la mngon par bstod do// 'phags pa sangs rgyas bcu gnyis pa zhes bya ba theg pa chen po'i mdo// rdzogs s+ho// dge'o// bkra shis/
Colophon
'phags pa sangs rgyas bcu gnyis pa zhes bya ba theg pa chen po'i mdo/ /rdzogs s+ho/