gnod sbyin gdong gsum pa'i rgyud
Text
ff. 398b–413a · 30 folio sides
- 398b
pa'o// 'phags pa 'jam dpal gshin rje blagasang nag po snying po'i rgyud/ mchog tu gsang ba sdig pa stobs chen bya ba lha yul du grags pa rdzogs so// // sngags dang / mtshon cha dang / bka'i bdag po'i gsum gyis rgyas btab pa/ rgya rgyu rgyu/ 'gu tang / rab tu gsang ba'i bka' rgyud 'bras bu rdzogs pa zhes bya ba si nga la'i lho phyogs kyad kyi yul du dbang bskur ba'i slob dpon 'jam dpal bshes gnyen gyis/ u rgyan gyi yul du dpal rang byung mchod rten/ d+ha ra ma tsakra chos kyi 'byung gnas nas/ mkha' 'gro ma la zhus pa rim par brgyud pa'o// bal yul gyi slob dpon pa su d+ha ra dang / ban chung rdo rje khri btsun gyis bsgyur ba rdzogs so// / rgya rgya rgya rgya I/ bkra shis dpal 'bar 'dzam gling rgyan du byon/ gtsug lag dpal dges shan ting gar pa la bshad// des da na d+ha la la bshad/ des ba su d+ha ra la bshad/ des sbubs sangs rgyas ye shes la bshad/ des snrubs yul rod gyi rdzong rdza lhud sbrul mor gter du sbas pa/ rgya dum pa zhang khrom gyis rnyed/ de la 'ong pa shi'u ston gyis zhus pa'o// / rgya gar skad du/ yak+Sha tra ba tri mar a tri tan tra/ bod skad du
- 399a
gnod sbyin gdong gsum pa'i rgyud/ bcom ldan 'das 'jam dpal gshin rje gshed la phyag 'tshal lo// 'di skad bdag gis thos pa dus gcig na// sngon gyi dus na byang chub sems dpa'i shing drung rab tu dga' ba'i gnas na/ bcom ldan 'das mi g.yo ba'i ting nge 'dzin la snyoms par zhugs te/ bdud dang lha sbyin gyis/ mu stegs log lha'i sbyor ba byas pa'i tshe/ bcom ldan 'das kyi thugs kyi 'od zer las/ lho phyogs ri bo rtse gnyis/ dmar nag tu 'khyil ba'i dur khrod kyi dbus na/ dur khrod kyi ma mo dang gshin rje'i gnas na/ gshin rje nag po bya ba gcig gnas te/ rab tu khros pas/ 'bar bar byed pa'i ting nge 'dzin las gnas te/ ting nge 'dzin gyi 'od zer gyis bskul nas/ spyan gyi 'od zer dang thugs kyi sprul pa bkye bas/ bdud lha byin rab tu dngangs so// tshe dang ldan pa shA ri'i pu dang / 'od srungs dang / cang shes ko'u ta ma la sogs pa/ bram ze mya ngan las 'das mas bskul bas/ bram ze ma des/ 'chi bdag rgyal po 'char ka nag po la 'di skad ces gsol to// kye kye bcom ldan 'das bdud lha sbyin ma rungs pas/ rug lnga'i rang bzhin dug lnga mu stegs log lha'i lta ba la zhugs nas/ sangs rgyas kyi bstan pa la gnod pa
- 399b
'di la/ bcom ldan 'das ni thugs rje'i ngang las ma g.yos/ 'khor na gnas pa'i sde brgyad kyi rang bzhin/ thugs rje'i sbyor bas mi thub pas/ 'di 'dul ba'i sbyor ba mdzad pa zhu/ zhes gsol pas/ 'chi bdag chen po des 'bar brnga ma byed 'phros pa'i ting nge 'dzin la bzhugs pas/ 'od zer nag po thugs ka nas bkye bas/ 'jigs byed drag po'i thog phab pa sa/ bdud lha byin g.yog 'khor dang bcas pa 'dar zhing / dngangs nas brgyal bar gyur to// de nas bcom ldan 'das kyis rab tu dgyes pa'i brda mdzad pas/ tshe dang ldan pa shA ri'i bu dang / tshe dang ldan pa 'od srungs dang / cang shes ko'u ta ma la sogs pa rnams kyang rjes su yi rang ngo // de nas bcom ldan 'das kyis 'jam dpal 'chi bdag nag po de la bstod pas/ dges so// legs so legs so khyod legs so// bcom ldan 'das 'jam dpal khyod legs so// 'char/ ka nag po khyod legs so// be ba sa twa khyod legs so// phyi rabs kyi rnal 'byor pas/ bud+d+ha'i bstan pa bsrung ba khyod kyi sa ral shod cig/ khyod kyis rab tu gnas pa gyis shig/ ces bka' stsal lo// de nas 'chi ba dag nag po dem/ dbu ri rab rtse 'thal bas/ steng lha'i 'jig rten dbang du bsdus so// zhabs rgya mtsho'i gting
- 400a
la thal bas/ 'og klu'i 'jig rten dbang du bsdus so// phyag par snang du brkyang bas par snang gi lha srin dbang du bsdus so// ba spu bye bas ma ya las 'od zer bye ba bkye bas/ bdud kyi dmag dpon rdul du rlog go/ de nas sangs rgyas bcom ldan 'das la/ sngags kyi rnam pa mang po phul lo// gdong gsum pa'i rgyud khas gleng gzhi'i le'u ste dang po'o// // de nas 'chi bdag nag pos bka' stsal pa/ nyon cig nga yis bstan par bya// zhes bram ze mdzes ldan ma la bka' stsal pa dang / nyon cig nga yis bstan par bya// sangs rgyas bstan pa skyor ba yis// rnam bzhi 'khor bcas thams cad kyis// log lha che ba'i bdud rnams la// 'dul ba'i thabs ni 'di lta ste// bsgrub pa dang / bsad pa dang / bzlog pa dang / bskang ba'i las dang / bsad pa dang / mnan pa'i las ngag go/ dang po bsgrub pa'i las dag la// drag po drug gi gnas dag tu// dkyil 'khor bri dang rdzas dgra ma dang // rten dang drag po'i sku bcas dang / bskyed dang 'gug dang spro ba dang // bzlas dang mchod dang ting 'dzin dang // rbad cing las la btang ba'o// zor dang thun mdos bzlog pa dang // 'khor lo bca' dang bsreg pa dang //
- 400b
kha tshar gso ba'i las dag dang // ma nan bdag tu shes par bya// dang po dkyil 'khor bri ba ni// dur khrod sa la maN+Da la rtsigs// zur drug 'khor lo bri ba ni/ nag po'i tshon gyis bri bar bya// e gru mthing nag zla ga ma can// me ri 'bar ba'i cod pan can// de la rdzas kyi rnam pa ni// tshang par dag tu dgod par bya/ de yi rang bzhin dgod pa ni// dbus su sku rten dgod par bya// dur khrod sa la 'chi bdag nyid// drag po las dang ldan par bya// srung na bum pa che rten bcas/ gsod na spu gri sbrul zhags can// bzlog na mchod rten rab gnas can// mnon na yang ni ka nir shes par bya// 'khor lo bcas dang ldan pa ni// bsrung ba'i 'khor lo spyi bor gzugs// bzlog pa'i 'khor lo snying ka ste// bsad pa'i 'khor lo lte bar ro// mnan pa'i 'khor lo gsang ba gnas// rigs bzhi sbrul gyi rgyan char ldan// sa stengs sa'og/ de bzhin gnas// sap+pa'i tshogs rnams 'dul ba'i phyir// spyi gtsug ral bgyen du brdzes// sa bla 'dul phyir ya na lag ni// gsal bar dmigs pa'i rten dang ldan// ma 'og 'dul phyir mjug ma sprul// ring ba tshul badra grugasum ste// gru gsum nang du dmigs pa mi'i//
- 401a
thod pa sbrum po dug chus byug/ nang du gsad pa'i 'khor lo ni// g.yas bskor g.yon bskor kha sbyar la// tshon skud dag gis rgya gram bcings// de yi steng du rgyan dang ldan// de yi phyogs bzhir phur pa bzhi// 'chi bdag nag po'i sprul pa bzhi// chad de nag po spyi gtsug sprul// bon po nag po lkog ma'i 'og zhang blon nag po lto bar sprul// mon pa nag po thugs ka nas/ sprul pa'i sras pa ni dzer ba// de la dgod de de yis gnas// ma gshin lha tshogs gtsang gis 'grangs gtor ma chen po'i dbus su ni// 'chi bdag zhal phyung dpal bshos bcas// nyi shu rtsa gcig drangs dang bcas// de yi spyan sngar dgod par bya// 'bru nag po yi rnam pa la// kong bu zur gsum gtsang dang bcas// sdong gcig ma dang // me rag ma'i mong rtse dang // drag po skong zor dus su brtan// zor gyi rnam pa grangs su dgod // chu ti sngon mo gdong gsum pa'i rgyud las/ bca' gzhi bstan pa'i le'u ste gnyis pa'o// // de nas ting 'dzin bstan pa las/ bdag bskyed pa dang gzhan bskyed pa// dkyil 'khor bskyed dang gsum du byas// de la dang po bdag bskyed na// mi dmigs pa ru gsal ba dang
- 401b
hUM gi rang bzhin gsal ba las// ra ya ba la/ de 'gyur rlung dang me dang chu// sa de ri rab de bzhin te// b+hU las gzhal yas khang du'o// thod partsigs pa'i zhing chu brtsig/ ka ba bzhi dang phya ma gdung dang // gral phya ma brkyang ba bzhi las bya// sbrul rigs phan gdugs zar chags// khrag gi zham chu 'bab pa la// mthong nas nyi zla 'char ba'o// de nas 'khor lo rtsibs brgyad dang // rtsibs drug mu khyud sgo dang ldan// ma tr-i ro dang gang dmigs lta// chu glang steng du nyi mas mtshan// de steng hUM las rdo rjer 'gyur// oM hri Sh+T+rIHbi kr-i tAn na hUM hUM phaT/ ces pa'i sgra dang bcas pa yis// nag po zhal gcig phyag gnyis pa// dgra sta sdigs mdzub 'phyar stengs dang // dbu skra lam nag gyen du 'khyil// glang chen stag dang seng ge zhing gis brgyan// sbrul dang thod pa skam rlon brgyan// brkyang bskum brgud pas 'byung po ga non// nag mo mi gdug dgyes pa 'khyil// thod rlon stobs 'khyud pa yi tshul// de yi mdun du gsal ba ni// 'char ka nag po sbrul gyi mdog/ byag na spu gri gdengs ka can// gang yang rang rang chas dang ldan// zhal nig dmigs de rang ngo // re ma ti dang ldan pa ni// nag mo brel zhon khram dang rgyal// de yi mdu na
- 402a
ma mo bdun dang ldan// dkar mo mgyogs byed khyud la zhon// gnam gyi rgar mo srid pa'i rgyal mo dang // sbas pa ma gsum dang / rdo rje khyung gshog can dkar mo lan phran bdun te khyud la zhon pa/ me long dag gi g.yab mo dang / ser ba 'dril ba'o// lha rnams zlog byed ma mo bdun ces bya'o// g.yas na mi nag bdun g.yas na dar nag g.yon bshog gdengs// nag po bkrag med/ ya ba ga ni ra nag po/ sog po mi za na/ lcags kyi be ra ka can/ kha ru rtse dang / zangs kyi bya ru can/ ro dom nag po bdun gyi shan pa yin// srid pa po rgyud skya bdun bzlog pa'o// g.yon gyi phyogs na ma mo bdun gnas pa// e ka dza ti dang / nag mo re ma ti dang / re la dza la sogs pa/ mched bzhi dang / lto phyang ma dang / bal mo nag mo dang / nad kyi rgyal khun nas/ dar nag le'u go na/ ral pa'i gseb nas khrag gi bu yug 'thul// klu rnams zlog byed ma mo bdun zhes bya'o// rgyab na sa gshin rje bdun rnams ni// phya sangs dang ni tel ba dang // rol po skya dgu dang ni ya ba ti// 'byung po dmar nag dang ni dmigs pa dang // a ba glang mgo can dang bdun// khro ba nad kyi rgyal pa thogs pa ste// ro langs lto 'phye'i tshogs rnams bzlog pa'o// ban d+he pon po zhang blo na mo na
- 402b
bste/ sprul pa bzhi yang phyogs bzhi dag na ga nas// rang bzhin gnas pas gsal gdab mos pa bya// yi ge 'bru dag las mi bskyed// rang drag po'i shugs// gdong gsum pa'i rgyud las/ bskyed pa'i le'u ste gsum pa'o// / de nas 'gugs pa'i ting 'dzin ni// bdag gi hUM las 'od zer 'phros// rang bzhin gnas nas ye shes dgug/ bsti ma la mchod pa dbul ba ni// bdud rtsi rak+ta gtor ma dang // gnyis su med pa'i mchod pa bya// bdag gzhan gang dmigs de'i don du gsol ba gdab/ rang bzhin gnas pa'i rnal 'byor bya// bstod pa bya zhing dngos grub blang // bstim pa'i le'u ste bzhi pa'o// // de nas drag po sngags kyi sbyor ba bsta na pa ni oM hriHkr-i wiSh+TiHtA na na hUM hUM phaT swA hA/ gnya' gnon gshin rje nyid kyi'o// oM aMHhUM hri sti a lo ka lci ling pri ta ba ling ta khA hi khA hi/ mchod pa 'bul ba'i sngags so// sha ri b+h+yo/ ma ri b+h+yo/ khrag la ma mA b+h+yo/ tsir snying b+h+yo/ snying b+h+yo/ ma tri thod khrag dza/ khrag ti snying la ya/ nr-i sri chod/ nag chod/ dmu lo chod/ sha lo chod/ sha la sgying skyed b+h+yo b+h+yoHsa ma mA ma ti da tra ma ni/ bar dun pad+moH// pad+moH// 'char ka nag po rtsa ba'i drag sngags so// a oM ga nas
- 403a
yer b+h+yoHsa yer b+h+yo/ rkyang yer b+h+yo/ rkyang mo b+h+yo/ ser rkyang rnga mo b+h+yo b+h+yo b+h+yo b+h+yo/ rkyang yer so/ mu yer song/ mi reng sod/ dgra snying la b+h+yo b+h+yoH/ dkar mo bdun gyi sngags so// oM ru lu ru lu ha ha/ yakrA bai ri la khrag larbad/ rus la chem/ dgra snying la b+h+yo b+h+yo b+h+yo b+h+yo b+h+yo b+h+yo b+h+yoHoM ru lu ru lu tsa pa la a shu mahUM b+h+yo dza/ lag mo kha la kha tsho b+h+yo/ rak+Sho kha la kha che b+h+yo/ nag mo kha la kha tshe b+h+yo/ kha che swA b+h+yo b+h+yo b+h+yo b+h+yo b+h+yo b+hU b+h+yo b+h+yo/ ruwA ru lu nag mo ha ha hU~M/ b+h+yo d+b+hats+tsha ts+tsha b+h+yo b+h+yo b+h+yo b+h+yo/ ma bdun dang ro langs ma bdun gyi sngags so// oM ya ma snying b+h+yo b+h+yo/ sa ma khrag b+h+yo ya ma ra tsa b+h+yo ya mthu ma thum b+h+yo/ yA mar tsi b+h+yo/ ya ya thum thum gshin rje snying khrag la b+h+yo/ ya ma dgra snying la b+h+yo/ gshin rje bdun gyi drag sngags so// nag po sbra ma ya/ nag po yag+na thun/ he ta sa la thun/ ka ka ni la tso ya/ srog la thun/ mar yA thun/ ha ra ha ra/ hur hur/ nyams pa'i snying la b+h+yo b+h+yo/ bdud po mi zan bdun gyi drag sngags so// oM ha de mo/ ha ri te a/ swa ra ha tri he b+h+yo b+h+yo/ sa ma ya bzlog bzlog oM la la ya ma he b+h+yo b+h+yo/ sa ma A bzlog bzlog/ kong zor gyi sngags so// b+h+yo b+h+yo b+h+yo d+hI b+h+yo/ a b+h+yo mu b+h+yo/ rdo rje zor gyi sngags so// rak+Sho tri sarbad tA ra ag+ne dza la ra/
- 403b
mA ra ya phaT/ sbyin sreg gi sngags so// sarba sha tru nA sha ya/ ma ra yA/ oM badz+ra tsa du na rbadarbad swA hA/ snying khrag du na khug rba darba da sA hA/ thu ma shig khug ling rba darba da/ snying khrag 'dus rmugasarbad rbad/ ha tsa ra ba bzhi'i sngags so// ka sha ka sha brag tshal ba shag shag/ ma tra shag/ ma tra shag/ snying gong chod ya yA/ pra pra/ zhung zhung / ri la ril rba darba da ya yA/ tsa tra ra kA rbud rbu da/ kha la rakA rbud rbu da dum bu rakA rbu da rbud/ tsat+ta rak+Sha rbud rbud/ dza ra bzhi'i bsad pa dang las kyi sngags so// au 'apu ta pa tra hUM na ma tre ya ka ti ka nan/ sarba ta thA ga ta na na/ sarba bi ta pra ti ho/ d+ha ma d+ho ba li nA na/ shA ri'i bus byin gyis brlabs pa'i ring bsrel g.yon pa'i sngags so// oM ma a mAn ta ka a nan/ ha ha pa na ti sha pa ni/ ha ra ha ra/ sma ra sma ra ni/ bi ka ha ra hu da hri d+harma he he/ sa ra sa rba/ ma ma sa la/ ha sa ha sa/ tra ya tra yA/ ga ga na ga ga na/ mar ma hA ne/ yakrA ne/ dza la dza la/ na gar swA hA/ rten 'brel 'od srungs kyis byin gyis brlabs pa'i mchod rten dbus ma'i rab gnas so// oM ye d+har+m+ma he tu pra b+ha wA he tu na te Sha na ta thA ga to/ h+ya ba dad de Shany+tsa yo ni ro d+ha/ e ba bA dI ma hA shra ma Na ye sA hA/ cang shes 'ge'u ta ma'i ring ba srel g.yas pa'i sngags so// na mo hri ta sarba
- 404a
ta thA ga ta ha ra hUM/ ya ma ta kas byin gyi sa brlabs pa 'char ka skye ma byed kyi sngags so// b+hu da d+ha hri b+h+yoHser ba bzlog pa'o// gnod sbyin gdong gsum pa'i rgyud las/ gdong gsum pa sngags kyi le'u ste lnga pa'o// // de nas 'khor lo bri bar bya// 'khor lo dag la sngags dang ldan// rten 'brel spyi yi 'khor lo dang // bsrung dang bzlog dang bsad dang mnan pa'o// bri ba'i thabs ni 'di lta ste// bskor ba rnam pa gsum du 'dod// nang du gru gsum la/ mA ra ya'i ling ka bri/ de'i mtha' bsad pa'i sngags dang / ming spel de 'char ka nyid kyi rtsa sngags dgod/ de'i tha ma rten 'brel ni bcu gnyis 'khor lo lcags su gzhug/ mtha' ma 'khril byed dbyangs yig bkod// 'char ka nag po'i lto bar ro// zhi ba'i 'khor lo rtsibs brgyad pa// rtsibs brgyad dag la cha ka nyid/ khasrung na gang bsrung go sa ras la bya// nr-i pri tsa ga ra tsa zhes pa bri// dbus su gang bsrung ming dang bcas// hriSh+TiHzhes pas mtshan pa'o// gong res la A li kA li'o// sngags ni tse kra zhes pas sbyar// gse ras bzlog pa'i sngags kyis bskor// dbus su rus gzugs dang ldan// bsad pa'i sngags mthar mA ra ya/
- 404b
gong res bsad pa'i sngags kyis bskor// mnan pa'i sngags mthar mA ra ya na na// bsrung ba'i 'khor lo dar ras la'o// logs bzhi la bri ba'o// bzlog na zhing la bri ba'o// gsod na dur khrod ras la bri// mnan pa dur khrod g.yam pa la'o// bri dus snga dro bsrung ba'o// bzlog pa nyi ma phyed na'o// gsod pa nyi ma rgas dkar ro// mnan pa tho rangs bri ba'o// 'khor lo bri ba'i le'u ste drug pa'o// // de nas mdos su bya ba ni// log don bzhi ru shes par bya// bsrung ba ma dos dang bsad pa'i mdos// bzlog pa mdos dang mnan pa'i mdos// ma tang mdos 'bag du bcas pa dang // rak+ta dmar pos bskang ba dang // bca' ba las kyi man ngag bya// ri rab rtsig pa'i bang rim ldan// bsrung ba'i las la ngar glung brgya rtsa brgyad// ma ga shi na bshos bu bya ba dang // byang bu bzhi bdun nyi shu brgyad// glung kyi phyogs su gdags pa dang // mchod rten bca' dang me mar bca'// 'khor lo'i lto bar gzhug pa'o// bzlog pa 'char ka 'dra ba la// skod zor brgya 'am nyi shu gcig/ bshos bu zur ga su ma khrag dug can// tshe dang nyungs kar snangs ma mtshon// 'ur tog thun dang bcas pa'o// bsad pa drag po dgra'i phyogs// char ka
- 405a
de la gtab par bya// zor ka nyi shu rtsag cig/ khrag phor nyi shu rtsa gcig dang // ling ka thun gyis brab pa dang // gtor ma zor gyi las bya'o// mnan pa rgod ru dag la ma na na// mchod rten bzhi dang bcas pa'o// ling ka cha ra ka'i zhabs 'og dag tu mnan par bya'o// bzlog pa 'char ka'i rme bsgyur ba// bsrung na 'jam dpal zhal du bya// gsod na glang po'i zhal du bya// gnon na ma he'i zhal du bya// bsrung na rang gi gnas khang du// mchod pa bya zhing gsol ba gdab// bzlog na khang steng mthong bar bya// gsod na gnas khang nang du'o// gnon na chu mig bsham du'o// drag po'i mdos te phyogs su 'phags// rol mo dar dang bcas pa'i gzhung zor dang bcas te gtang bar bya'o// gdong gsum pa'i rgyud las/ bca' ba mdos kyi le'u ste bdun pa'o// // de nas bsrung ba'i las dag ni// 'char ka'i gzugs brnyan phyag tu ni// tshe yi bum pa de nang du// tshe rten dkar gsum mngar gsum dang // bsrung ba'i 'khor lo sngags dang bcas// dbus su gang bsrung ming dang bcas// bum par bcug la bzlas dang mchod pa bya// nad pa la sogs srung byed na// maN+Dal dkar po'i steng dag tu// gtor ma sna tshogs
- 405b
rin chen dang // bal tshon sna lnga'i bsrung dang bcas// nyungs kar sngags kyi nad pa bkor// de nas gtor ma'i nang du gzhug/ gtor mas mchod cing bzlas pa bya// tha ma bskor zhing sbyin sreg bya// zor kong 'phangs pa kun la bya// sri'u dag la gtor ma dang // rten 'brel sngags kyis bum pa'i chu// bsku ba sngags kyi sbyor ba bya// seng ldeng phur bu lhar bskyed la// bsrung ba 'khor lo sngags dang bcas// nyungs kar brgya dang rtsa brgyad la// 'brum bu re la sngags 'bru bdun// ras dkar nang du gtums pa dang // de nas mchod cing bstod de bzlas pa bya// mdo long sngags bzlas skong zor 'phang // mdze bo dag la dkar gtor bca'// bsrungs skud mdud pa brgya dang ldan// rin po che yi bu ma pa drug/ 'bru sna brgya dang sman sna brgya// rten 'brel sngags kyi sa nad pa dag/ phyir dkar steng du khrus bya'o// gu gul bdug cing sngags kyis brab// sbal pa mang po'i gzugs byas la// skar po gtor ma'i nang du gzhug/ mdo long skor bu zor du 'phang // ser ba bsrung na char ka'i sku// lo tog mthong bar gzhug byas la// bzlog pa'i sngags dang 'khor po dang // phur par bcas pa'i mgul du ni// thal chen dag dang chungam kar dang // sngags pas de dag ldan par bya/
- 406a
rims nad gcod na 'char ka'i sku// dmar gtor ba la tshon dar snar bcas// nyungs kar nyungs nag sngags dang bcas// pho mo'i gzugs dang bcas pa rnams// skor zor bcas la 'phang bar bya// tshon skud sna lnga'i skud dang bcas// sngags kyi mdud pa brgya dang ldan// de ni bsrung ba'i mchog tu 'gyur// / de nas bzlog pa'i las gshad pa// rnam pa bdun du shes par bya// bcas pa'i bzlog dang sngags kyis bzlog/ 'khor los bzlog dang gtor mas bzlog/ mdos kyis bzlog dang zor gyis bzlog/ sbyin sreg dang bdun no// bcas ni 'char ka'i 'gra'abag la// dug chus byugs la kha gdangs pa'o// phur ba lag tu bskur pa'o// kho'i phyogs su kha bstan bya'o// pho mo'i byang bu bdun bdun bya// 'phan chen dbus su phyar ba'o// ka ni rab gnas ldan pa'o// 'khor lo sa bzlog pa ni rtsibs brgyad pa la ming bcas pa bsdus pa'o// rtsibs la rtsa sngags bzlog dang bcas// gong ras ming dang bzlog ces pa// mu khyud bzlog pa'i sngags dang bcas// be ba sa twa re ma ti// g.yas bskor byas la zhing la bri// char ka'i lto bar bcas pa'o// gtor ma'i dbus su 'char ka'i sku// gru gsum dmar po bshos dang ldan/
- 406b
tungs kar dmar po bshos dang ldan// nyungs kar tshe dang zangs dang lcags// khrag dang dug gi sa brab pa'o// mdos ni 'char ka'i 'khor dang bcas// ma gshin nyi shu rtsa brgyad po// dmar nag dar dang bal tshon dang // skor zor dang ni khrag zor dang // gtor ma dar tshon dar sna ldan// zor ni kong zor bzlog zor mda' dang 'ur rdo dang // blang zor gtor zor 'phang ba'o// // sbyin sreg bcas pa'i mdun dang bya// sngags dang bskul ba rdzas dang // nyi ma phyogs dang dus dang grangs// yang dang yang du bya ba'o// zor bskang bzlog na tungs kar dang // khrag dang thod pa'i nang du'o// rtsa ba'i sngags dang sdong zor sngags// spel cing spel la bcol dang bzlas// rA hU la yi phyogs dang bstu na// byol ka bzlog na gtor ma dang // 'ur rdo sdong zor 'phang bar bya// 'chi ba bsku na dkar gtor dang // dmar gtor bcu gsum sngags dang bcas// chos ston bcu gsum sngags dang grangs// gtsug tor dri ma med pa la// rtsa sngags bzlas la gang dmigs bzlas// rten 'brel bzlas cing tsha tsha ga dang // rmi kha ma ngan pa bzlog na rtsa ba'i sngags// brgya brgya bzlas cing b+h+yo ba zlog bya// rang gi sngas kyang bsgyur la nyal//
- 407a
mtshan ma ngan pa bzlog pa na// zor de drag tu 'phang bar bya// ltas ngan bzlog na mdos kyis bzlog/ mdos kyi maN+Dal steng du ni// khri 'phangs gsum du brtsig par bya// rus sbal bzhi dang glang chen bzhi// mi nor lho 'gro ri dgas dang // gcan gzan gzugs la seng ge bzhi// 'dab chags gzugs la bya khyud bzhi// de yi kha la 'char ka'i gzugs// zur gsum nang du dmigs pa'i gzugs// de yi kha la rtsig par bya// de yi mtha' ma mar me dang // kong zor spel la dgod par bya// bcu gsum pa'i gzugs su bya// bzlog pa'i le'u ste dgu pa'o// // de nas bsad pa'i las bshad pa// bsad pa'i las ni 'di la brtson// gru gsum nang du ling ka dang // thod pa rus dang bcas par bya// skyer mda' skyer gzhu stongs pa dang // gdong zor nag po der bcas te// de yi kha la 'char ka'i sku// khram dang rgyu zhags bskur ba la// glang chen gdong gi khong nang du// ming dang rus bcas gzhug par bya// rabs chad thod par khrag dang // khram dang bcas te bca' bar bya// de yi nong du cig shos pa// dmigs pa'i ling ka bri bar bya// zor gyi rnam pa bdun pa bca'//
- 407b
ba na d+he bo na po zhang blo na dang // mon pa'i sngags dang spel la bzlam// rtswa sngags la sa sngags bsad pa'i sngags// de ltar spel te bzlas par bya// tshe sa grangs brtsis la zor thun brdeg/ ba sad pa'i 'khor lo tshon skud bcings// 'char ka'i lto bar mA ra ya/ phu ra pa gtab la sbyin sreg bya// tha mar mo na pa skrag cing bzlas// kor zor khra ga zor sgrag cing brdeg/ bsang mdos gtor ma'i thang du bya// rkang rjes sa dang dur khrod sa la bya'o// rA hu laM yi ga zugs byas la// sbrul na ga 'khyil ba'i bskor byas la// ling ka dag dang bcas la 'phang // man tra man tra spel cing bzlas// sngags dang bskul gyi sa 'phar bar bya// 'char ka'i thad pa chu mig mnan// res lha byin mA ra ya/ 'char ka nag po'i zhal nas gsungs// gdor gsum pa bsad pa'i le'u ste bcu pa'o// // de na sa mnan pa'i las bshad pa ni sdong gcig ma dang me rag ma// sad kyis bsad pa'i bu yang lang // khyad par drug gi sngags kyis bskor// tsa tra hri na nA/ tri sti nA na/ a tri na na/ rbi du nan/ pri du nan/ mA ra na na/ nang du kham pa'i gzugs dag ni// snying khangar mnan pa'i 'khor lo gzhug/ tshon sku dag gis rab tu dkris// gru gsu ma
- 408a
nang du bcug pa la// 'char ka'i sku yis man na la bzlas// rtsa sngags mnan sngags spel ba la// tha ma ming dang mnan du bcas// 'khor lo sngags mtha' nan du bcas// bzlas pa bya zhing rdo rje brdeg/ rdo rje rgya gram g.yam par bris// hri sti bzlas cing bsdigs par bya// gtor ma btang zhing dmod bcol bya// sngags kyis bskul cing dmod bcol bya// sngags kyis bskul cing las la btang // tha ma dmigs pa'i stengs de mnan// chu mig byang blta'i gsham du man na/ po rgyud gnon na brag nag 'og/ mo rgyud gnon na mtsho yi nang // the brang rkang gcig shing gcig drung // pha grong nag po klu la shis// gad pa'i 'og tu bsen mo man na// pho sri dur gyi nang du mnan// btsan ni brag dmar the ma 'og ma nan// gzhan ma gang gnon sku gdung ste// de nas rten dang kun ka 'khor// rgya gram dag gis kha bcad de// dga' bo klu yang ldang mi nus// des ni kun khyab ya ma non// bskal pa 'khrugs kyang khar mi gdon// bka' las 'da' bar mi nus so// gdong gsum pa mnan pa'i le'u ste bcu gcig pa'o// // de nas bca' ba zor gyi las bshad pa// pra bo nas nag mi kha can// yang na dur khrod sa la bya// dug sna khrag
- 408b
gis brdzis pa la// drag po skor bu zur gsum bya// zag nag tshe dang nyungs kar la// rma khrag thigs pa re re la// yugs sa mo yi mong rtse dang // gdong gcig ma mi btsugs la bzhag/ phur pa'i rtse la yungs kar re// me mar re dang lha bshos re// sha sA re dang khrag sna re// rabs chad khang pa'i dud pa dang // chang nyes pa mi spang ma dang // gsum dang bdun dang bcu gsum dang // nyi shu rtsa gcig brgya rtsa brgyang // ci tsam ran pa'i tshod dang sbyar// tshon skud sdo dmar 'ur rdol// zhing gi mthil du bya ba'o// yugs sa pho mo sgra la 'dzag byas la// sngags pa ber nag chas su zhugs// dus drug kho nar 'phang ba ni// rtsa ba'i sngags dang gdong zor sngags// bcol cing las la 'phang bar bya// dur khrod rdol dug chus byug/ de dang ldan pa'i rnal 'byor pas// grangs ni gong dang mnyam pa 'phang bar bya// skyer ba'i mda' la ltas ngan sgro// rme ba'i khrag gis byug par bya// sngags ni drag po sngags 'dibs pas// nyi ma'i zer la 'phang bar bya// bsnyen pa drag po thazlas la 'phang // lha yi nang du shor d+he drug/ ra yi sogs pa g.yas g.yon la// ling ka byas la nang du gzhug/ yungs kar yungs nag nang du'o// de ba de'i dmigs
- 409a
par ldan pa la// bal mu tra'i sbyor ba bya// bud med bdun gyi lha khyer// sa sna 'thub khung ling ka bca'// gang nas 'ongs pa'i phyogs dang ni/ g.yon bskor bdun dang g.yab mo bdun// de nas de yi nang du blug/ ma gshin bskul la bro yang brdung // rol mo sgra dang chas par bya// ga pa ra dmigs pa'i zor dang sbyar// b+ha ling zhal dang ldan pa la// me mar lhab shos rtsang dang bcas// dar nag 'phrag la gzugs par bya// nyungs kar sngags dang khrag tu bcas// 'phang zhing bsil zhing rak+ta bcas// cang ti ra brdung zhing rak+ta bcas// lha mchog skul zhing dar nag g.yab// dmigs dang bcas nas 'phang bar bya// tra tra yis ni mgo mjug ldog/ ru dra'i a 'breng gdab par bya// mar ya yi sa ra ho gzugs// dam nyams pa yi 'chad pa brtsig/ o la ta'i 'grang 'dul bya// mu la a nyams pa las/ drag po gtor bzlog mdos 'di// gang yang rung ba rlag par byed// rang bsrungs pa yi mchog tu 'gyur// gong ga 'dul ba shin tu shis// ra dang shi ba'i thod par grub// rgya gram mnan pa'i brag snar brub// de yi steng du gtor ma bsrug/ rgya gra ma 'bar ba'i thibs la gzhag/
- 409b
de yis thams cad dbang du 'gyur// drag po'i zor gyi las ka ni// gang la khugs kyang 'bar ba'i thibs// rA hu la la sbyor ba bya// gza' brtsi ba dang phyogs brtsib// de la dmigs la 'phang bar bya// 'phang bzor gyi le'u ste bcu gnyis pa'o// // de nas mdun gyi ting nge 'dzin sngags gzer rnam pa gsum/ gzhan gyi sngags mnan pa ni// he ru ka yi ting nge 'dzin nam// yang na phyag na rdo rjer sgom// skar ma'i las kyang bya// dgra'am bgegs kyang rung / shu gu dag la ming bris la// 'og ma'i rta snying thun gyis brab// ting nge 'dzin gyi dgug gzhug bya// gang na yod pa'i phyogs la// pha rol dam tshig nyams brtags su// phyar ba nag po phyogs su gdab// srid pa'i lha 'dre bslu ba'i phyir// mig brgya pa yi gos kyang bgo/ che ba'i nga rgyal bskyed pa'i phyir// zhing lpags dag kyang bgo bar bya// phyogs su thar pa med pa'i phyir// steng du rdo rje rgya gram bya// phyin chad thar pa med pa'i phyir// lam chen rgya gram nyid du gnon par gtan dum ma med pa'i phyir// rgya bram drug pa'im dus su// sngags thong thor dag dang bsdeg// bral nas rnams su gdang por sngags/
- 410a
de 'og mnan pas rnams 'grub// de la dmigs pa gdon mi za// 'char ka nag po'i gdong nor yin// gdong gsum pa'i sngags gzer bstan pa'i le'u ste bcu gsum pa'o// // de nas rigs slob 'di gsungs so// drag po ro ras gru bzhi la// bcu dang gnyis su 'khor lo 'dod// de'og shan pa bzhi yi sngags// phyogs dang rim pa de bzhin no// bar ma rna ba'i sngags dang ni// ma ra ya dang sbrel te bri// tha ma pa nag gru gsum du// ming rus bris la thur la bskor// sha ri b+h+yo yi sngags mgo dang // ma rig pa gnyis bsdebs pa la// yis mgo gcig gi phyogs ma nor// g.yas g.yon bskor la tshon skud dkris// 'char ka'i snying khar gzhug par bya// 'char ka nag po'i sku la ni// dang po rin chen sna lnga byug/ de nas dug dang khrag gis byug/ mchod rten g.yas pa dkar po la// g.yon dmar dbus nag pa// lag na phur pa 'dril ba la// g.yas brgya gram de 'og tu// thod sbram ling ka man na ba la// rgya gram steng du 'char ka'i sku// rtsa sngags bzlas la mnan par bya// rig sngags kyi 'od zer spro ba'i le'u ste bcu bzhi pa'o//
- 410b
/ de nas yang dag bshad bya ba// bsreg par bya ba'i las la 'bad// zur drug 'khor lo gnam sgo can// tsher ma can gyi shing brtsigs la// bya rog 'ug pa khA ta yi// tshang rtsi dug dang yam shing bya// rgyu ma'i thag paskud pas dkris// khal rtsang dang zhu zhags bsnol// dmar nag khrag dang sha dang tshil// rgyus pa'i mi zhun dug dang khrag/ nyung sa kar nyungs nag dug dang ldan// de yi rim pa der shes bya// ling ka mang po gtubs pa dang // sbyin sreg ci tsam nus pa bya// me yi nang du 'chi bdag bskyed// mdun dur hu la yang bskyed// sdig can me blangs shin pas sbar// 'chi bdag nyid kyi skul bstim// dang po bcom ldan 'das la dbul// de nas 'char ka nyid la dbul// 'phrin las rnam bzhi'i las dang sbyar// rtsa sngags dag dang spel la bzlas// tha mar gtab dang dbul bar bya// yang nas yang du dbul bar bya// 'an+d+har ka nyid kyi mdun du bya// dam dong sbyar ba dgug par bya// bskul dang drag po'i bzlas pa bya// bdun ba du'i la ba ling dpung// 'di ni drag pa las ngag gis// sbyor kau ba rdzobs pas dbang du 'gyur// 'byung po ma rung so snyems pa la// brgya ma lnga bcu'i sbyor
- 411a
ba bya// rdo nag bgegs kyi bla rdo la// rtsa ba'i sngags dang mA ra ya// dang po bcom ldan gshin rje bskul// de nas 'char ka nAg po bskul// sbyin sreg re la bskal ba re// bskul zhing bsti ma la bsreg par bya// rtsibs rkyang 'dzag ma'i yi dag gzugs// dkar nag dkris la dmigs pas gzhug/ gu gu la rud pas bskor zhing bdug/ gang ga nod de la bskor zhing bsreg/ rtsa ba'i sngags la las sngags gdags// phur pas gdab cing drag tu bskul// gtubs la sbyin sreg byas pa'i thal ba yang // brgya'am lnga bcu'i tshad du bya// 'di ni klu rnams gdug pa 'dul// dbang du bya ba'i las yin te// de ma thag tu 'gro bar 'gyur// tha ma gso ba'i las kyang bya// rtsis kyang 'jag ma'i sbyor ba de// yang na 'char ka'i 'og tu man na// chu ti sngon mo'i rgyud las// sbyin sreg gi le'u ste bco lnga pa'o// // de nas yang dag pa'i las dag ni// gcan gyi thod par ling ka gzhug/ rdo nag bla rdo gzhug pa dang / phur pas bsad pa'i sbyor ba bya// ban d+he bon po zhang blon dang // mon pa nag po'i sbyor ba bya// de sngags rtsa sngags 'debs pa dang // las sngags gsang
- 411b
sngags thun du rgyag/ de yi mdos sngags bcas par bya// zur gsum dpal sngags dag dang ni// / khram dang thod pa de bzhin no// yang na de yi sbyin sreg bya// de ltar dmigs la bzlas pa bya// brtags la de yi las la sbyar// dang po 'jam dpal bstod pa dang // 'char ka 'khor bcas bstod pa dang // srog gai dza ra bzhi po ni/ ma ma'i mde'u la bskul ba dang // de yang 'di la shes par bya// de yi sngags kyang 'di la bzlas// be ba sa twa seng ge gdong // bsad dang sbyin sreg dus su yang // de yi nga rgyal bya ba yin// / 'phags pa 'jam dpal zhi ba la/ sgrub thabs nag po 'char ka yin// sprul pa bzhi ni bka' bstod de// las mkhan khyab 'jug ra hu la// de la lha srin sde brgyad 'khor// ma mo 'khor bcas bra na dang g.yog/ dngos su las kyi gshin rje gzar bsgrub pa yin te// dam tshig can gyi las mkhan yin// dam med pa yi bdud du che// bsgrub pa po yi grogs kyi mchog/ gtso bo 'charA ka nag po la// 'khor gyis bsad na dza ra bzhi// gdong gsum rtogs pa rgasal ba yi// le'u lte bcu drug pa'o// // de nam 'thug ma klu mi sbyor ba ni// khyab 'jug du gyur dang sbyar// oM pa
- 412a
sha mi ki ti/ ru ru dza la ti/ mi ki ti swA hA/ 'char ka'i sngags dang bsdeb cing bsgrub// sha ru la nya rul khrag dang bcas// bse khab nang ru sbyar la mchod// rgya mtsho'i steng du klu yang 'khol// ra hu la dza sa ti sa ti hUM/ yang snying sngags la brtson par bya// dbab dang ga cad la thogs rdugs med// bsad pa'i las la smos ci dgos// mjug ma klu'i le'u ste bcu bdun pa'o// // de nas bskul tshig tu bstan pa ni/ hU/ ma 'gags lhun gyis grub pa'i gnas mchog nas// stong gsum 'jig rten kun gyi bdag/ mtho rigs ngan song kun gyi lam// 'char ka nAg po gshegs su gsol// 'jig rten ma mo thams cad kyang // khyod kyi gsung gi cha la rten// ma mo 'khor bcas gshegs su gsol// dregs pa bdud kyi tshogs rnams kyang // khyod kyi zhe sdang cha la rten// gshin rje 'khor bcas gshegs su gsol// gshin rje'i las mkhan thams cad kyang // khyod kyi nga rgyal cha la rten// srog bdag 'khor bcas gshegs su gsol// papha ni bdud la ma ni klu// klu bdud dregs pa mthu bo che// nag po chen po gshegs su gsol// gnam la gnas pa'i ma mo bdun// steng gi phyogs nas las mdzod
- 412b
cig/ g.yas kyi phyogs nas ma mo bdun// g.yon gyi phyogs nas ma mo bdun// dur khrod ro langs nag po bdun// 'jig rten gnas pa'i srin mo bdun// bka' nyan mon pa nag mo bdun// ba na de nag po rdzu 'phrul can// zhang blo na mon pa mthu bo che// gza' dang rgyu skar klu yi tshogs// ma mo mkha' 'gro bran dang g.yog/ khyed kyi bka' nyan rdzu 'phrul can// dbang du sdud pa'i mthu bo che// dregs pa pho mo sa bdag klu yi tshogs// rdzu 'phrul dregs pas nyams pa 'dul// ma thog sa myur du gnas 'dir gshegs// bcol ba'i 'phrin las grub par mdzod// gang du bsngags pa'i don ma chung // nyams pa 'dul ba'i dus la bab// gdong gsum pa bskul ba'i le'u ste bco brgyad pa'o// // sangs rgyas bstan pa bsrung ba dang // bdud dang mu stegs 'dul ba'i phyir// drag po las dang ldan pa'i rnal 'byor pas// drag po shugs dang ldan pas bsgrub par bya// nga yi sangs rgyas bstan pa bsrung ba'i phyir// 'di bshad rnal 'byor 'khor bcas tshi ma gyur cig/ 'jam dpal nag po'i rgyur/ 'char ka nag po rtsa ba'i rgyud/ 'chi bdag ze wa sa ta'i rgyud/ ra shul nag po rdza ma byed kyi rgyud/ gdong gsum pa gdong lnga rgyu ti ga sum
- 413a
gter rgyud// le'u bdun pa dang / char ka nag po'i rgyud du bsdebs pa/ slob dpon pad+ma nag pa phyag bcu pas/ dngos grub bsnyems pa/ rje bla ma sprin gyi shugs can gyis bsgyur ba/ des tha ma mgos lha ba tsan la bshad/ des dge ba shes zangs dkar la bshad/ des slob dpon ston chung la bshad/ des rim kyis brgyud do// rdzogs s+ho// // shu ti sngon mo gdong gsum pa ming tha dad kyang tshig yin no// // rgya gar skad du/ ya ma ka la man+ta pra t+ya gir tan tra/ bod skad du/ gshin rje nag po ngan sngags phyir bzlog pa'i rgyud/ dpal 'joms byed 'bar ba la phyag 'tshal lo// de nas yang dag bshad bya ba// 'jam dpal 'char ka nag po yi// las kyi bye brag gsum yin te// bsnyen pa bsgrub pa las sbyor ro// de yang drag po'i gnas su ni// phyi bshags tshul bzhin sngon song bas// sgrub po ches gos ldan pa yis// thun mong khyad par mchod rdzas la// byin gyis brlab pa tshul bzhin bya// phyi nang gsang ba'i mtshams bcad la// bla ma mchod cing tshad med bsgom// ting 'dzin rnam gsum rim pa yis// rang sems e yi rnam pa las// nam mkha' gru gsum