F91MW1KG13607_0091mdo sdeAll versions of this work

'phags pa rdo rje'i snying po'i gzungs zhes bya ba theg pa chen po'i mdo

Bajramanḍanāmadhāranimahayānasūtra

Text

ff. 291a–307b · 32 folio sides

  1. 291a

    pa bye ba phrag drug cu dang / lha bye ba phrag dgu cu rtsa dgu dpas yid rangs te// bcom ldan 'das kyis gsungs pa la mngon par bstod do// 'phags pa rin chen dra ba can gyis zhus pa zhes bya ba theg pa chen po'i bdo// / rdzogs s+ho// / / rgya gar skad du/ badz+ra man ngan pa d+hA ra ni ma hA yA ne tra/ bod skad du/ 'phags pa rdo rje'i snying po'i gzungs zhes bya ba theg chen po'i mdo// 'di skad bdag gis thos pa'i dus cig na/ bcom ldan 'das gangs kyi ri sna tshogs kyi grong khyer rtsa'i sgril po na/ dge slong stong du tshang ba'i dge slong gi dge 'dun chen po dang thabs gcig tu bzhag so// de nas bcom ldan 'das bsod snyoms kyis zas phyis len pa spangs nas// rtsa'i spyil po na skyil mo krung bcas te/ skra drang por bsrang nas dgongs pa mngon du bzhag te/ bzhags so// de nas bcom ldan 'das chos thams cad mnyam pa nyid du gnas pa zhes bya ba'i ting nge 'dzin la snyoms par bzhugs so// stobs par zhugs ma thag tu dge slong gi dge 'dun thams cad kyi/ bcom ldan 'das kyi sku ba mthong ste/ bcom ldan 'das da lta gang na bzhugs skab mo// de nas bcom ldan 'das kyi mthus lha'i dbang po brgya byin dang / mi mjed kyi bdag po tshangs pa dang / gnas gtsang ba'i lha'i ris kyi lha'i bu sum khri nyis stong bcom ldan 'das gang na ba der lhags so// de nas

  2. 291b

    lha'i dbang po brgya byin dang / mi mjed bdag po tshangs pa 'di snyam du sems te/ bcom ldan 'das da ltar gang na bzhugs snyam nas/ de gnyis kyis bcom ldan 'das kyin spyilpan ting nge 'dzin du bzhugs pa mthong ngo // mthong nas bcom ldan 'das gang na ba der dong ste lhags nas/ bcom ldan 'das kyi mdun du skyil mo krung bcas te cang / mi zer ba 'dug go/ gnas gtsang ba'i lha'i ris kyi bu de dag kyang bcom ldan 'das kyi bdun de nyid du skyil mo krung bcas te cang pi smras par 'dug go// de nas de'i tshe bcom ldan 'das kyis de'i tshe/ rdzu 'phrul 'di lta bu mngon par 'du mdzad pa mngon par 'a mdzad de/ rdzu 'phrul 'di lta bu mngon par 'du mdzad pa mngon par 'du mdzad pa des/ stong gsum gyi stong chen po'i 'jig rten gyi khams na gang zag byang chub sems dpa'i/ theg pa'i la gnas pa 'am/ theg pa la gsar du zhugs pa 'am/ theg pa la yun ring du gnas pa 'am/ phyir mi ldog pa 'ab/ skye ba gcig gis thogs pa de dag thams cad sna tshogs kyi grong khyer gang na ba dang / rtsa'i spyil po gang na ba der dong ste lhags nas/ bcom ldan 'das kyi mthus mi gang tsab gyi bar snang la skyil po krung bcas te mkhod de/ de nas de'i tshe 'jab dpal gzhon nu gyur pa sems can thams cad kyi sems rangs par byed pa zhes bya ba'i ting nge 'dzin la snyoms par bzhugs so// 'jam dpal gzhon nu gyur pa ting nge 'dzin la snyoms par zhugs pa thag tu/ de nas thams cad dang ldan pa'i

  3. 292a

    'khor nabs de ba thag du sems rangs pa dang / sengs bde ba dang / sems mgu ba dang / sems dga' ba skyes so// de nas yang de'i tshe byang chub sems dpa' byams pa chos thams cad rab tu zhi ba zhes bya ba'i ting nge 'dzin la snyoms par bzhugs so// de nas byang chub sems dpa' byams pa ting nge 'dzin 'di la snyoms par zhugs pa thag tu/ thams cad dang ldan pa'i 'khor rnams dbang po rab zhi bar gnas so// de nas byang chub sems dpa' rin chen tog ces bya ba byang chub sems dpa' drug khri nyis stong dang lhan cig tu sna tshogs kyi grong khyer ga na ba dang / rtswa'i spyil po ga na ba der song ste/ lhags ma thag tu steng gi bar snang la 'khod pa so so nas shes nas steng gi namakha' de nyid na kyil mo krung bcas te 'khod do// de nas byang chub sems dpa' spyan ras gzigs dbang phyug/ byang chub sems dpa' sum khri stong dang / lhan cig tu steng gi dmakha' la sna tshogs kyi grong khyer gang na ba dang / bcom ldan ldan 'das gang na ba der dong ste/ lhags ma thag tu byang chub sems dpa' spyan ras gzigs dbang phyug sa la 'babs ma nus nas/ byang chub sems dpa' de dag gzhan dang lhan cig tu/ steng gi bar sdang gi na mkha' de nyid la mkhod do// de'i 'khod ma thag tu byang chub sems dpa' spyan ras gzigs dbang phyug/ sems can thams cad kyi nyon phongs pa 'joms pa zhes bya ba'i ting nge 'dzin la snyebs par zhags so// byang chub sem/

  4. 292b

    dpa' spyad ras gzigs dbang phyug ting nge 'dzin la stobs par zhugs pa thag tu/ de nas thams cad dang ldan pa'i 'khor 'dod chags dang zhe sdang dang / gti mug gi nyod/ mongs pa thams cad rab tu zhi'o// de nas de'i tshe byang chub sems dpa' rin chen tog ces bya ba bkod pa chen po zhes bya ba'i ting nge 'dzin la snyoms par zhugs te/ byang chub sems dpa' rin trog snyoms par bzhugs ma thag tu/ na mkha' thams cad ud pa la dang / pad pa dang / ku mu ta dang / pun da ri kas khyebs par gyur nas/ zla ba dang nyi ma'i 'od kyang mi snang ngo / de nas de'i tshe bcom ldan 'das steng gi na mkha' la mngon par 'phags te/ mdzum pa mdzad do// de nas bcom ldan 'das kyi zhal gyi sgo nas 'od gser khe dog sna tshogs/ 'di lta ste/ sngon po dang / ser po dang / dmar po dang dkar po dang / rgya skegs dang / shel dang / dngul gyi kha dog 'dra ba byung bar gyur to// de nas de'i tshe 'dzam dpal gzhon no gyur pa steng gi na mkha' la/ blo gos phrag pa cig tu byas te/ pus mo g.yas pa'i lha nga sa la btsugs nas/ namakha' de nyid la 'dug nas/ bcom ldan 'das ga la ba de logs su thal mo sbyar ba btud nas/ bcom ldan 'das la 'di skad ces gsol to// bcom ldan 'das rgyu gang rkyen gang gis 'dzub pa mdzad/ bcom ldan 'das kyis bka' stsal pa/ 'jam dpal 'di ltar/ sangs rgyas khris par snang las/ rdo rje snying po zhes bya ba'i

  5. 294a

    gzungs byang chub sems dpa' rnams la/ bstan cing rab tu sgrags so// 'jam dpal gyis gsol pa/ bcom ldan 'das byang chub sems dpa' 'di rnams la/ rdo rje snying po'i gzungs de bstan du gsol/ bcom ldan 'das kyis bka' stsal pa/ 'jab dpal mi dgos so// byang chub sems dpa' 'di dag ni/ byang chub mngon par rdzogs par 'tshang rgya bar 'dod na/ rdo rje snying po'i gzungs la ni byang chub med do// sangs rgyas kyi chos med do// byang chub sems dpa' 'di dag ni yongs su bya ngan las 'das par 'dod na/ rdo rje snying po'i gzungs la ni 'khor ba med do// mya ngan las 'das pa med do// 'di dag la ni mi dge ba spang bar 'dod de/ rdo rje snying po'i gzungs la dge ba med do// 'di dag ni pha rol tu 'gro 'dod na/ rdo rje snying po'i gzungs la ni pha rol med do// chu rol med do// 'di dag ni zhing yongs su smin par bya bar 'dod na/ rdo rje snying po'i gzungs la zhing med do// zhing yongs su smid pa med do// 'di dag ni bdud zil gyis mdad pa 'dod na/ rdo rje snying po'i gzungs la ni bdud med do// bdud du gdags pa med do// 'di dag ni nyan thos kyi chos las 'da' bar 'dod na/ rdo rje snying po'i gzungs la ni nyan thos byed do// nyan thos su gdags pa med do// 'di dag ni rang sangs rgyas kyi chos las 'da' bar 'dod na/ rdo rje snying po'i gzungs la ni rang sangs rgyas kyi chos med do// rang sangs

  6. 294b

    rgyas su gdags pa med do// 'di dag ni sems can yongs su mya ngan las 'das par 'dod na/ rdo rje snying po'i gzungs la sems can med do// sems can du gdags pa med do// 'di dag ni don bya bar 'dod na/ rdo rje snying po gzungs la ni/ don med do// don med pa med do// 'di dag ni 'dod chags spang bar 'dod na/ rdo rje snying po'i gzungs la ni 'dod chags med do// 'dod chags su gdags pa med do// 'di dag ni zhe sdang spang 'dod na/ rdo rje snying po'i gzungs la ni zhe sdang med do// zhe sdang du gdag pa med do// 'di dag ni gti mug spang bar 'dod na/ rdo rje snying po'i gzungs la ni gti mug med do// gti mug du gdags pa med do// 'di dag ni ye shes mngon du bya bar 'dod na/ rdo rje snying po'i gzungs la ni ye shes med do// ye shes med pa med do// 'di dag ni kun nas nyon mongs pa spang bar 'dod na/ rdo rje snying po'i gzungs la ni kun nas nyon mongs par gdags pa med do// rdo rje snying po'i gzungs la ni rnam par byang ba med do// rnam par byang ba gdags pa med do// 'dul ba med do// 'dul ba ma yin pa med do/ byams pa med do// snying rje med do// dga' ba med do// btang snyoms med do// sbyin pa med do// ser sna med do// tshul khrims med do// tshul khrims 'chal pa med do// bzod pa med do// gnod sems med do// brtsod 'grus med do// le lo med do// bsam gtan med do// rnam par g.yeng ba med do//

  7. 295a

    shes rang byed do// 'chal ba'i shes rab med do// ltung ba med do// ltung ba ma yin pa med do// nyan thos med do// rang sangs rgyas med// rang sangs rgyas med do// de bzhin gshegs pa med do// chos med do// chos ma yin pa med do// harang pa med do// gsal ba med do// ye shes med do// ye shes pa yin pa med do// thob pa med do// mngon par rtogs pa med do// 'khor ba med do// mya ngan las 'das pa med do// dran pa nye bar gzhag pa med do// yang dag par spong ba med do// rdzu 'phrul gyi rkang pa med do// dbang po med do// stobs med do// byang chub kyi yan lag med do// lam med do// 'jam dpal rdo rje snying po'i gzungs rab tu thob par 'dod pa'i byang chub sems dpa'/ so so'i skye bo'i chos la gnas par mi bya'o// so so'i skye bo'i chos bzung bar mi bya'o// dor bar mi bya'o// sgrub par mi bya'o// spang bar mi bya'o// 'pho' bar mi bya'o// gtang snyoms su gnas par mi bya'o// brtsam par mi bya'o// mngon par 'byung bar mi bya'o// le lor mi bya'o// chags par mi bya'o// ma chags par mi bya'o// yongs su gdung bar mi bya'o// reg par mi bya'o// so so'i skye bo'i chos rnams la kun nas nyon mongs pa'i shes pa mi bskyed do// sbyin pa'i 'du shes mi skyed do// gtong ba'i 'du shes mi skyed do// so so'i skye bo'i chos rnams las sangs rgyas kyi chos rnam par

  8. 295b

    grol bar bzung bar mi bya'o// sangs rgyas kyi chos dang / so so'i skye bo'i chos gnyis sbyar bar mi bya'o// so so'i skye bo'i chos dang / sangs rgyas kyi chos su sbyar bar mi bya'o// so so'i skye bo'i chos rnams la dmigs par mi bya'o// nyan thos kyi chos kyi dang / rang sangs rgyas kyi chos su sbyar bar mi bya'o// so so'i skye bo'i chos rnams la dmigs par mi bya'o// nyan thos kyi chos kyi dang / rang sangs rgyas kyi chos su sbyar bar mi bya'o// sangs rgyas kyi chos gzung bar mi bya'o// so so'i skye bo'i chos rnams spang bar mi bya'o// so so'i skye bo'i chos rnams srung bar mi bya'o// sangs rgyas kyi zhing yongs su dag par gnas par mi bya'o// smon lam dor bar mi bya'o// de ci'i phyir zhe na/ 'jam dpal rdo rje snying po'i gzungs ni rnam par mi rtog te/ 'jam dpal rdo rje snying po'i gzungs 'dod chags la yang dag par gzhol lo// zhe sdang la yang dag par gzhol lo// gti mug la yang dag par gzhol lo/ bud med la yang dag par gzhol lo// skyes pa yang dag par gzhol lo// lha la yang dag par gzhol lo// klu la yang dag par gzhol lo// gnod sbyin la yang dag par gzhol lo// dri za la yang dag par gzhol lo// lha ma yin la yang dag par gzhon lo// na mkha' lding la yang dag par gzhol lo// mi 'am ci la yang dag par gzhol lo// lto 'phye chen po la yang dag par gzhol lo// sangs rgyas la yang dag par gzho'o//

  9. 296a

    chos la yang dag par gzhol lo// dge 'dun la yang dag par gzhol lo// nyan thos la yang dag par gzhol lo// rang sangs rgyas la yang dag par gzhol lo// sems can dmyal ba la yang dag par gzhol lo// dud 'gro'i skye gnas la yang dag par gzhol lo// gshin rje'i 'jig rten la yang dag par gzhol lo// dman pa la yang dag par gzhol lo// gya nom pa yang dag par gzhol lo// sa la yang dag par gzhol lo// chu la yang dag par gzhol lo// me la yang dag par gzhol lo// rlung la yang dag par gzhol lo// mig la yang dag par gzhol lo// rna ba la yang dag par gzhol lo// sna la yang dag par gzhol lo// lce la yang dag par g.yel lo gzhol lo// lus la yang dag par gzhol lo// yid la yang dag par gzhol lo// chos thams cad la yang dag par gzhol lo// 'di lta ste/ dper na 'jam dpal gang dag shar phyogs kyi nam mkha'i khams dang / gang dag lho phyogs kyi namakha'i khams dang / gang dag nung phyogs kyi na mkha'i khams dang / gang dag byang phyogs kyi na mkha'i khabs dang / gang dag 'og gi phyogs dang / gang dag steng gi phyogs kyi na mkha'i khams/ rnams ni thams cad na mkha'i khams shes bya bar yang dag par 'du'o// 'jam dpal de bzhin du rdo rje snying po'i gzungs 'di yang chos rnams thams

  10. 296b

    cad la yang dag par gzhol lo// de skad ces bka' stsal ba dang / 'jab dpal gzhon nur gyur pas bcom ldan 'das la 'di skad ces gsol to// bcom ldan 'das 'dod chags kyi gzungs kyi gzhi ji lta bu lags/ bcom ldan 'das kyis bka' stsal pa/ 'jam dpal 'dod chags 'dod chags shes brjod pa ni shar phyogs nas ma 'ongs te/ sems can rnams kun nas nyon mongs par byed do// lho phyogs nas ma yin/ nub phyogs nas ma yin/ byang phyogs nas ma yin/ 'og phyogs nas ma yin/ steng gi phyogs nas 'ongs pa ma yin yang sems can rnams kun nas nyon mongs par byed do// nang dang phyi rol nas kyang skyes pa ma yin te/ sems can rnams kun nas nyon mongs par byed do// 'jam dpal gal te 'dod chags de nang nas skyes pas sems can rnams kun nas nyon mongs pa na ni// sems cad rnams gtad du nyon mongs pa nyid du 'gyur ro// chos kyang mngon par rtogs par mi 'gyur ro// 'jab dpal chos gang dag mi 'gro/ mi 'ong / nang na ma yin/ gnyis ka'i bar na mi gnas/ gar yang bgrang du med pa de la 'dod chags kyi gzungs kyi gzhi zhes bya'o// 'jab dpal zhe sdang gi gzungs kyi gzhi zhes bya'o// 'jam dpal gyis gsol pa/ bcom ldan 'das zhe sdang gi gzungs kyi gzhi ji lta bu lags/ bcom ldan 'das kyis bka' stsal pa 'jam dpal zhe sdang ni nyon

  11. 297a

    mongs pa las skyes te/ de la nyon mongs pa ni 'das pa pa yin/ ba 'ongs pa ma yin/ nga lta byung ba ma yin/ 'jab dpal gal te 'das pa'i chos skye na ni rtag par 'gyur ro// 'jam dpal ma 'ongs pa yang rkyen med pas zhe sdang mi skyed do// da ltar byung ba'i rkyed kyang mi gnas par 'gags pa'i phyiraro// 'jab dpal chos gang dag 'das pa dang / ma 'ongs pa dang / da ltar byung bas ma skyed pa 'di ni/ 'jam dpal dus gsum mnyam pa nyid du yongs su dag pa'i gzungs kyi gzhi zhes bya'o// 'jam dpal gti mug gi gzungs kyi gzhi zhes bya'o// gsol pa bcom ldan 'das gti mug gi gzungs kyi gzhi ji lta bu lags/ bka' stsal pa/ 'jab dpal gti mug gi gzungs kyi gzhi ni ma rig pa las byung te/ ma rig pa de yang sa'i khams dang ma 'dres/ chu'i khams dang ma 'dres/ me'i khams dang ma 'dres/ rlung gi khams ma yin/ na mkha'i khams ma yin/ rnam par shes pa'i khams dang / 'dres pa ma yin no// 'jam dpal ma 'dres pa'i chos ni kun nas nyon mongs pa dang / rnam par byang ba ma yin no// 'jam dpal gal te ma 'dres pa'i chos kun nas nyon mongs pa 'am/ rnam par byang bar gyur da ni/ de bzhin du nam mkha' yang kun nas nyon mongs pa'ang/ rnam par byang bar 'gyur ro// 'jam dpal de ci'i phyir zhe na/ nam mkha' ni chos gang gis kyang 'dres pa ma yin no// 'jam

  12. 297b

    dpal gang ma rig pa yang 'dres pa ma yin/ 'phos pa ma yin/ dul ba ma yin/ mdzes pa ma yin/ yang dag pa ma yin/ ston pa ma yin/ mthong ba ma yin/ bzung ba ma yin/ bcings pa ma yin/ grol ba ma yin/ tshad ma ma yin/ ya ma rla ma yin/ gsob ma yin/ gsog ma yin/ stong pa ma yin/ de kun nas nyon mongs pa dang / rnam par byang ba zhes brjod dang / gsol pa/ ma lags so// bcom ldan 'das kyis bka' stsal pa/ 'jam dpal ma rig pa zhes bya ba ni/ de bzhin gshegs pas bstan te/ 'di ni thos ma thag tu mi dmigs// gcig tu mi dmigs/ sngon gyi mtha' mi dmigs/ phyi ma'i mtha' mi dmigs/ da ltar byung ba mi dmigs pa ni ma rig pa zhes brjod do// 'jam dpal chos gang med cing / mi dmigs pa rnams mi shes mi sdang mi chags/ ma bral/ zhe mi sdang / ma rmongs pa de/ chos gang la yang kun nas nyon mongs pa 'am/ rnam par byang ba 'ang/ sgrib par byed par 'gyur ram/ gsol pa/ bcom ldan 'das pa lags so// bde bar gshegs pa ma lags so// bcom ldan 'das gal te chos gang la yang ma rig pa kun nas nyon mongs pa dang / rnam par byang ba 'am/ sgrib par bgyid par mi 'gyur/ ci'i slad du/ bcom ldan 'das kyis ma rig pa nyon mongs pa zhes gsungs/ bcom ldan dras kyis bka' stsal pa/ 'jam dpal 'di lta ste dper na/

  13. 298a

    gtsub shing dang / gcu ba stan la yang brten/ skyes bu'i lag pa'i byed pa la yang brten nas/ du ba 'byung zhing me yang 'byung bar 'gyur te/ me de yang gtsub rnying las pa byung / gtsub stan las pa byung / skyes bu'i lag pa'i byed pa las kyang ma byung ngo // 'jam dpal de bzhin du rmongs pa'i skyes bu/ dag la/ 'dod chags dang gti mug gis yongs su gdung ba/ med bzhin du byung ste/ yongs su gdung ba de yang nang na gnas pa ma yin/ phyir rol na gnas pa ma yin/ gnyis ka'i bar na gnas pa ma yin no// 'jam dpal gzhan yang gang gti bug ces brjod gang zhe na chos thams cad shin tu grol ba'i phyir te/ 'jab dpal chos gang shin tu grol ba de ni gzungs kyi gzhi'o// de nas 'jam dpal gzhon nu gyur pas bcom ldan 'das la 'di skad ces gsol to// bcom ldan 'das chos kyi sgo gang yang ma mchis sam/ chos gang gi sgo dang ldan pas byang chub sems dpa' thams cad kyi rjes su 'gro ba'i gzungs rab tu thob pa mchis sam/ bcom ldan 'das kyis bka' stsal pa/ 'jam dpal chos kyi sgo yod de/ byang chub sems dpa' chos gang gi sgo dang ldan pas/ thams cad kyi rjes su zhugs pa'i gzungs kyi sgo thob po// yi ge gcig gis yi ge brgya stong ston te/ yi ge de'i mtha' rtogs par mi byed do// chos gang dag gi sgos chos kyi sgo mtha' yas pa bstan pa de dang des/ chos kyi sgo/

  14. 298b

    snang bar byed kyang / spobs pa rgyud mi 'chad par 'gyur ro// spobs pa chags pa med pa des chos thams cad kyi sgo 'di mngon par brjod do// chos kyi sgo gcig gi gnas su chos thams cad kyi sgo'i gzhi rjes su 'jug go/ chos kyi sgo'i gnas su chos kyi sgo gcig gi sgo'i gzhi rjes su 'jug par 'gyur ro// 'jab dpal gyis gsol pa/ bcom ldan 'das chos kyi sgo'i tshul ji snyed cig mchis/ bcom ldan 'das kyis bka' stsal pa/ 'jam dpal chos thams cad ni lha'i sgo ste/ 'di ni gzungs kyi gzhi'o// gsol pa/ bcom ldan 'das ji ltar 'di gzungs kyi gzhi lags/ bka' stsal pa/ 'jam dpal chos thams cad zhi ba'i sa la gnas pa'i phyir// 'di ni lha'i tshul la 'jug pa'i gzungs kyi gzhi'o// 'jam dpal chos thams cad ni klu'i ske ste/ 'di ni gzungs kyi gzhi'o// gsol pa/ bcom ldan 'das ji ltar 'di ni gzungs kyi gzhi lags so// bka' stsal pa/ 'jab dpal chos thams cad ming dang bral ba/ yi ge med pa/ yi ge yongs su chad pa/ yi ges yongs su bstan pa nas/ 'di ni klu'i tshul la 'jug pa'i gzungs kyi gzhi'o// 'jam dpal chos thams cad ni gnod sbyin gyi sgo ste/ 'di ni gzungs kyi gzhi'o/ gsol pa/ bcom ldan 'das ji ltar na gzungs kyi gzhi lags// bka' stsal pa/ 'jam dpal chos thams cad gtan du ma skyes pas/ mi bzad pa'i rnam par zhugs

  15. 299a

    pa'i phyir/ 'di ni gdod sbyid kyi tshul la 'jug pa'i gzungs kyi gzhi'o// 'jab dpal chos thams cad ni dri za'i sgo ste/ 'di ni gzungs kyi gzhi'o// gsol pa/ bcom ldan 'das ji lta na 'di ni gzungs kyi gzhi lags/ bka' stsal pa/ 'jam dpal chos thams cad ni/ bgrang ba las shin tu 'das pa te/ tshad dang bral ba/ grangs dang bral ba/ dpag tu med pa/ na mkha' ltar 'di ni tshad med pas na/ 'di ni dri za'i tshul la 'jug pa'i gzungs kyi gzhi'o/ 'jam dpal chos thams cad ni lha ma yin gyi sgo ste/ 'di ni gzungs kyi gzhi'o// gsol pa/ bcom ldan 'das ji ltar na/ 'di ni gzungs kyi gzhi lags/ bka' stsal pa/ 'jam dpal chos thams cad ni mngon sum ma yin pa te/ ming du 'gro ba ma yin/ gzugs su 'gro ba ma yin/ sgrar 'gro ba ma yin/ drir 'gro ba ma yin/ ror 'gro ba pa yin/ reg par 'gro ba ma yin/ yid du 'gro ba ma yin/ sangs rgyas su 'gro ba yin/ chos su 'gro ba ma yin/ dge 'dun du 'gro ba pa yin/ nyan thos su 'gro ba ma yin// rang sangs rgyas su 'gro ba ma yin/ so so'i skye bo 'gro ba pa yin te/ 'jab dpal chos thams cad 'gro ba med pas/ gtan ma skyes pa'i tshul gyis na/ 'di ni lha ma yin gyi tshul la 'jug pa'i gzungs kyi gzhi'o// 'jab dpal chos thams cad ni na mkha' lding gi sgo ste/ 'di ni gzungs kyi gzhi'o// gsol ba/ bcom ldan 'das/

  16. 299b

    ji ltar na 'di ni gzungs kyi gzhi lags/ bka' stsal pa/ 'jam dpal chos thabs cad ni 'ong ba med pa ste/ rgyug pa med pa/ mig rgyug pa med pa/ 'bros pa med pa/ 'gro ba med pa/ 'ong ba med pa/ 'pho ba med pa/ skye ba med pa/ rten med pa/ gnas med pa/ chags pa med pa/ bcings pa med pa/ zhe sdang med pa/ rmongs pa med pa/ grol ba med pa/ 'dug pa med pa/ gnas pa med pa ste/ 'jam dpal chos thabs cad mi gnas pa'i sgo nam mkha' ltar chags pa med pas na/ 'di ni nab mkha'i lding gi tshul la 'jug pa'i gzungs kyi gzhi'o// 'jam dpal chos thams cad ni mi 'am ci'i sgo ste/ 'di ni gzungs kyi gzhi'o// gsol pa/ bcom ldan 'das 'di ji ltar na gzungs kyi gzhi lags/ bka' stsal pa/ 'jam dpal chos thams cad ni byed pa las shin tu 'das pas/ na byas pa ma yin/ ma byas pa ma yin/ byed pa yongs su btsal kyang mi dmigs pas na/ 'jam dpal 'di ni mi 'am ci'i tshul gyi sgo la 'jug pa'i gzungs kyi gzhi'o// 'jam dpal chos thams cad ni lto 'phye chen po'i sgo ste/ 'di ni gzungs kyi gzhi'o// gsol pa/ sa bcom ldan 'das ji ltar na 'di gzungs kyi gzhi lags/ bka' stsal pa/ 'jam dpal chos thams cad ni dri ma dang bral bas rang bzhin gyis 'od gsal ba'i phyir/ sems can thams cad kyis kun nas nyon mongs pa 'am/ rnam par byang mi nus te/ 'di ni

  17. 300a

    rnab par dag pa'i gzungs kyi gzhi'o// 'dzab dpal de ci'i phyir zhe na/ chos thams cad ni gtan mya ngan las 'das pas na/ rang bzhin gyis ma skyes pa nyid yin te/ 'di ni lto 'phye chen po'i tshul la 'jug pa zhes bya ba'i gzungs kyi sgo ste/ 'jam dpal chos thams cad ni bu med kyi sgo ste/ 'di ni gzungs kyi gzhi'o// gsol ba/ bcom ldan 'das ji ltar na 'di gzungs kyi gzhi lags/ bka' stsal pa/ 'jam dpal chos thams cad ni brdzun pa ste/ bud med kyi dbang po dang / skyes pa'i dbang po dang bral ba ste/ gang 'di dag dngos po med pa nyid pas na/ 'di nyid du med kyi tshul la 'jug pa'i gzungs kyi gzhi'o// / 'jam dpal chos thams cad ni skyes pa'i sgo ste/ 'di ni gzungs kyi gzhi'o// gsol pa/ bcom ldan 'das ji ltar 'di gzungs kyi gzhi lags/ bka' stsal pa/ 'jab dpal skyes pa'i thams cad du mi dmigs te/ sngon gyi mtha' mi dmigs/ phyi ma'i mtha' mi dmigs/ da ltar byung ba yang mi dmigs te/ 'jam dpal gang dus gsum du mi dmigs pa de la bu med de/ skyes pa med/ gzhan du na ming dang brda' ston pa nyid de/ ming de yang bden pa nyid do// 'di dag ni gzugs su brdar gdags pa te/ gzugs de yang 'byung ba chen po gzhi las byung na/ chos thams cad ni rang bzhin gyis mya ngan las 'das pa/ chos

  18. 300b

    thams cad ni ma skyes pa/ 'byung ba chen po bzhi yang ma skyes pa/ dmigs su med pa ste/ 'di ni skyes pa'i tshul la 'jug pa'i gzungs kyi gzhi'o// 'jam dpal chos thams cad ni sems can dmyal ba'i sgo ste/ 'di ni gzungs kyi gzhi'o// gsol pa/ bcom ldan 'das ji ltar 'di gzungs kyi gzhi lags/ bcom ldan 'das kyis bka' stsal pa/ 'jam dpal sems can dmyal ba gang du yang dag par 'dra/ 'jam dpal gyis gsol pa/ bcom ldan 'das sems can dmyal ba ni nas kar yang dag par 'du'o// bcom ldan 'das kyis bka' stsal pa/ 'jam dpal 'di ji snyam du sems/ sems cadan dmyal ba der rang gi rtog pa las byung ngam/ 'on te rang bzhin gyis yang dag par yod// 'jam dpal gyis gsol pa/ bcom ldan 'das sems can dmyal ba dang / dud 'gro'i skye gnas dang / gshin rje'i 'jig rten ni so so'i skye bo byis pa'i rang gi rtog pa las byung ste/ de dag ma mchis pa la sgro gdags nas/ gsum po rnams la 'bras bur rig cing sdug bsngal rjes su myong bar 'gyid do// bcom ldan 'das ji ltar sems can dmyal ba ni bdag gis ma mthong ngo // de bzhin du sems can dmyal ba pa yang ma mthong ngo // sems can dmyal ba'i sdug bsngal yang ma mthong ngo // bcom ldan 'das 'di lta ste dper na/ mi gang la la rmi lam na

  19. 301a

    bdag nyid sems can dmyal ba yang dag par 'tshal te/ de der mi du mas lcags zangs su bcug nas/ bcos shing kur tu 'bar bar bdag nyid kyis 'tshal te/ de der sdug bsngal gyi tshor ba myong nas/ de yid sngangs shing yongs su gasreg par 'tshal te/ sngangs kun tu sngangs/ kun tu rab tu spangs par gyur nas/ de nas e ma'o// e ba'o// sdug bsngal lo zhes nga ro 'byin pa la de'i 'dza' bo dang / gnyen dang / snag gi gnyen mtshams dag gis/ khyod cing sdug bsngal ces dris pa dang / mi 'di skad du/ bdag sems can dmyal ba'i sdug bsngal myong ngo zhes mchi zhing / de mdza' bo dang / gnyen dang / snag gi snyen mtshams de dag la shin tu khros nas bdag ni sems can dmyal ba'i sdug bsngal myong na/ khyod rol gyis nga la ci nyes te/ sdug bsngal zhes yongs su 'dris zhes smras pa dang / de nas mdza' bo dang / gnyen dang / snag gi gnyen mtshams de dag mi la 'di skad du kye ma 'jigs shing / ma 'jigs shing / mi khyod ni gnyid log par zad kyi khyim 'di nas/ gar yang ma song ngo zhes smras pa dang / bdag gnyid log par lta snyam nas de'i dran pa yang skyes te/ bdag gis phyin ci log gis brtags par gyur to snyam nas/ de yid bde ba yang thob par 'gyur to// bcom ldan 'das ji ltar mi de med par sgro btags nas gnyid kyi log pa'i rmi lam na/

  20. 301b

    bdag nyid sems can dmyal bar mchis par 'tshal ba/ de bzhin du bcom ldan 'das so so'i skye bo byis pa rnams ma mchis pa'i 'dod chags kyis yongasu bkris nas bud med kyi mtshan mar rtog te/ de bud med kyi mtshan mar btags pa des lhan cig tu brtse bar bdag nyid kyis mtshal nas de dag 'di snyam du bdag ni skyes pa'o// de ni 'di ltar bud med de nga'i chung ma'o zhes de la des 'dun pa dang / 'dod chags kyis yongs su dkris pa'i sems des longs spyod yongasu tshol ba'i sems 'byung zhing / gzhi des na 'thab pa dang / rtsod pa dang / 'gyed pa skyed par bgyid de de rab rab tu khros pa'i sems kyis dgrar 'tshal te/ de phyin ci log gi 'du shes des dus bgyid ma thag tu bskal pa mang po stong du sems can dmyal ba rnams su sdug bsngal gyi 'bras bu myong bar bdag nyid kyis 'tshal to// bcom ldan 'das 'di lta ste mi de'i mdza' bo dang / gnyen dang snag gi gnyen mtshams rnams 'di skad du kye ma 'jigs shig/ ma 'jigs shig/ mi khyod ni khyim 'di nas gar yang ma song ngo zhes mchi ba de bzhin du/ bcom ldan 'das sangs rgyas bcom ldan 'das rnams kyis phyin ci log bzhis phyin ci log tu gyur pa'i sems can rnams la/ chos 'di dag thams cad ni bud med med pa/ skyes pa med pa/ sems can med pa/ srog med pa/ gso' ba dang //

  21. 302a

    gang zag med pa/ phyin ci log med pa'o// chos 'di dag thams cad ni med pa'o// chos 'di dag thams cad ni rnam par bsgrubs// pa'o// chos 'di dag thams cad ni brtags pa'o// chos 'di dag thams cad ni stong pa'o// chos 'di dag thams cad ni ma skyes pa'o// chos 'di dag thams cad ni ma 'grags pa'o// chos 'di dag thams cad ni dngos po med pa'o// chos 'di dag thams cad ni nyon mongs pa med pa'o// chos 'di dag thams cad ni rmi lam lta bu'o// chos 'di dag thams cad ni sgyu ma lta bu'o// chos 'di dag thams cad ni chu zla lta bu'o// 'di la gang yang 'dod pa med do// rmongs pa med yongs su rtog par ma byed cig ces chos ston te/ de rnams de bzhin gshegs pa las chos thos pas/ chos thams cad 'dod chags dang bral bar mthong / zhe sdang dang bral ba dang / gti mug dang bral ba dang / sgrib pa med pa dang / dus thams cad du grol ba dang / gtan du mya ngan las 'das par mthong ste/ sems na mkha' ltar gnas pas dus bgyid de/ de dag dus bgyis ma thag tu phung po'i lhag ma med pa'i mya ngan las 'das pa'i dbyings su yongs su mya ngan las/ 'da' ste/ bcom ldan 'das bdag gis sems can dmyal ba ni 'di ltar mthong ngo // de nas bcom ldan 'das kyis 'jam dpal gzhon nur pA la legs so//

  22. 302b

    zhes bya ba gnang ste/ 'jam dpal legs so legs so// ji ltar khyod kyis mthong ba bzhin du sems can dmyal ba blta bar bya'o// ji ltar khyod mi rtog pa bzhin brtag par mi bya'o// 'jam dpal sems can dmyal ba rnams la de ltar mthong ba dag ni mi skye ba'i chos la bzod par rab tu thob par 'gyur ro// de nas de'i tshe sems can dmyal ba ston cing bstan pa na/ byang chub sems dpa' dgu khri nyi stong gis mi skye ba'i chos la bzod pa rab tu thob nas/ 'grin cig tu tshig 'di skad du/ sangs rgyas kyi yul 'di ni ngo mtshar che'o// gang 'di ltar sems can dmyal ba'i chos rnams las sangs rgyas kyi chos rnams rab tu rnyed do// zhes smras so// de nas bcom ldan 'das la 'jam dpal gzhon nur gyur pas 'di skad ces gsol to// bcom ldan 'das byang chub sems dpa' rnams la/ gnyis su ma mchis pa'i sgo gang gis na byang chub sems dpa' rnams ginyis su bgyir ma mchis pas/ chos thams cad la sangs rgyas kyi chos rnams su rtogs par 'gyur ba'i gnyis su ma mchis pa'i sgo bstan tu gsol/ de skad ces gsol pa dang / bcom ldan 'das kyis 'jam dpal gzhon nu gyur pa la 'di skad ces bka' stsal pa/ 'jam dpal de'i phyir 'di ni kun tu ston pa zhes bya ba'i chos kyi sgo ste/ chos kyi sgo gang gis byang chub sems dpa' rnams nyon mongs pa thams cad la sangs rgyas kyi chos rnams su yang dag par

  23. 303a

    'gro bar byed do// 'jam dpal gyis gsol pa/ bcom ldan 'das gnyis su ma mchis pa'i tshul gyi sgo de ji snyed cig pachis/ bcom ldan 'das kyis bka' stsal pa/ 'jam dpal de'i phyir legs par rab tu nyon la yid la zung shig dang / ngas khyod la bshad do// 'di ni nyon mongs pa thams cad rab tu 'byed pa zhes bya ba'i gzungs kyi sgo'o// bcom ldan 'das kyis de skad ces bka' stsal nas/ 'jam dpal gzhon nur gyur pas bcom ldan 'das kyi ltar nyan ba dang / bcom ldan 'das kyis 'di skad ces bka' stsal to// 'jam dpal me rig pa ni byang chub ste 'di ni gzungs kyi sgo'o// gsol pa/ bcom ldan 'das ji ltar na ma rig pa byang chub lags/ bka' stsal pa/ 'jam dpal ma rig pa ni don ma yin pas ma rig pa zhes brjod de/ gang mi dmigs pa de la skye ba med do// gang ma skyes pa de la kun nas nyon mongs pa med pa'o// 'jam dpal byang chub ni kun nas nyon mongs pa med pa te rang bzhin gyis 'od gsal pa/ rtag tu ma skyes pas na/ 'jam dpal de bzhin gshegs pas don gyi dbang 'di yang dag par gzigs nas/ ma rig pa dang byang chub gnyis su med par ston to// 'jam dpal 'di ltar ngas ni ma rig pa rab tu thob pa med de/ de'i phyir 'di lta ma rig pa zhes ston to// 'jam dpal 'di ni ma rig pa'i tshul la 'jug pa'i gzungs kyi sgo ste/ gang gis zhags

  24. 303b

    pas na spobs pa myur bar 'gyur zhing spos pa rno bar 'gyur ro// spobs pa zab par 'gyur ro// ma chags pa'i spobs pa can du 'gyur ro// spobs pa rgyun mi chad par 'gyur ro// 'jam dpal 'du byed ni byang chub te/ 'di ni gzungs kyi sgo'o// gsol pa/ bcom ldan 'das ji ltar na 'du byed byang chub lags bka' stsal pa/ 'jam dpal 'du byed ni grangs dang bral/ bgrang ba dang bral ba/ de dag ni 'di ltar tshad dmigs su med pa ste/ mi dge ba'i rtsa ba dang / mnyam du ldan pas sems can dmyal ba skye bar mthong na/ 'di ni 'gro ba med/ de la 'pho ba med pas 'jam dpal 'pho ba med cing 'ong ba med pa ni byang chub te/ 'jam dpal 'di ni 'du byed la 'jug pa'i gzungs kyi sgo'o// 'jam dpal rnam par shes pa'i byang chub te/ 'di ni gzungs kyi sgo'o// gsol la/ bcom ldan 'das ji ltar rnam par shes pa gzungs kyi sgo lags/ bka' stsal pa/ 'jam dpal de bzhin gshegs pas rnam par shes pa sgyu ma lta bu dang phyin ci log las yang par byung bar gsungs te// 'jam dpal ji ltar sgyu ma lta bu'i rnam par shes pa la/ so so'i skye bo byis pa rnams kyis yang dag pa ma yin pa la brten nas/ btags shing / rnam par bsgrubs/ sbyar ba de bzhin du/ 'jam dpal sgyu ma lta bu'i sangs rgyas kyi byang chub la/ so so'i skye bo byis pa rnams tu brtags shing / rnam par bsgrubs/ sbyar nas de

  25. 304a

    dag sangs rgyas kyi chos rnams la dmigs te/ bdag sangs rgyas su 'gyur ro// bdag gis sems can rnams grol bar bya'o// bdag 'jig rten gi gtso bor 'gyur bar bya'o zhes/ de dag na mkha' lta bu'i sangs rgyas kyi byang chub la brtags nas/ gzhan la mngon par nga rgyal byed de/ 'jam dpal ngas ni byang chub kyi snying po la 'dug pa de'i tshe/ yang sangs rgyas sam/ nyan thos sam/ rang sangs rgyas sam/ so so'i skye bo 'am/ chos gang yang ma dmigs te/ 'jam dpal 'di ni rnam par shes pa'i tshul gyis 'jug pa'i gzungs kyi sgo'o// 'jam dpal ming dang gzungs ni byang chub ste/ 'di ni gzungs kyi sgo'o// gsol pa/ bcom ldan 'das ji ltar na ming dang / gzugs byang chub lags/ bka' stsal pa/ 'jam dpal ming dang gzugs ni dngos po med pa ste/ sgras ming du gtags pa te/ 'jam dpal ming dang gzugs la byed pa po med de/ 'jam dpal sangs rgyas kyi byang chub ni bdag med pas na cing tsam du bstan pa'o// de la ming yang phyogs bcur yongs su btsal kyang mi dmigs te/ 'jam dpal 'di ni ming dang gzugs kyi tshul 'jug pa'i gzugs kyi sgo'o// 'jam dpal skye mched drug ni byang chub te/ 'di ni gzungs kyi sgo'o// gsol pa/ bcom ldan 'das ji ltar na skye mched drug byang chub lags/ bka' stsal pa/ 'jam dpal skye mched thams cad ni

  26. 304b

    rang gi yul las bden pa te/ mig gi dbang po ni 'di snyam du bdag ni gzugs la blta'o snyam du mi sems so// rna ba'i dbang po yang bdag ni sgra rnams las nyan no snyam dri skems so// sna'i dbang po yang bdag ni dri ba snam mo snyam du mi sems so// lce'i dbang po yang bdag ni ro myang ngo snyam du mi sems so// lus kyi dbang po yang bdag ni reg bya tshor bar bya'o snyam du mi sems so// yid kyi dbang po yang bdag ni chos rnams rnam par shes par bya'o snyam du mi sems so// mig gis gzugs la yul du mi shes/ gzugs kyis mi la yul du mi shes/ rnam pas sgra la yul du mi shes/ sgras rna ba la yul du mi shes so// snas dri la yul du mi shes so// / dris kyang sna la yul du mi shes so// lces ro la yul du mi shes/ ros kyang lce yul du mi shes so// lus kyis reg bya la yul du mi shes/ reg byas kyang lus la yul du mi shes so// yid kyis chos la yul du mi shes/ chos kyis kyang yid la yul du mi shes te/ phan tshul 'gal bas 'jam dpal skye mched thams cad ni byed pa med pa bya ba byed pa/ gcig la cig sems pa med pa/ gcig la gcig rang bzhin gyis stong pa'o// 'jam dpal chos gang dag rang bzhin gyis stong / pa de ni byang chub te/ 'di ni skye mched drug gi tshul la 'jug pa'i gzungs kyi sgo'o// 'jam dpal reg pa ni byang chub te/ 'di ni gzungs kyi sgo'o// gsol pa/

  27. 305a

    bcom ldan 'das ji ltar na reg pa byang chub lags/ bka' stsal pa/ 'jam dpal reg pa zhes brjod pa ni gzugs kyi 'du shes ste reg pa dang / sgras 'dus ste reg pa dang / dri'i 'dus te reg pa dang / ro'i 'dus te reg pa dang / reg bya'i 'dus te reg pa dang / chos kyi 'dus te reg pa ste/ 'jam dpal de gang gzugs kyi 'dus shes ste reg pa dang / chos kyi 'dus te reg pa'i bar du de ni rten cing 'brel pa'o// rten cing 'brel par de ni rkyen mang pos bskyed pa'o// / gang dag rkyen mang pos bskyed pa de ni tshogs kyi tshul du gnas pa'o// 'jam dpal gang dag tshogs kyi tshul de ni/ sgyu ma'i tshul lo// gang sgyu ma'i tshul de ni phyin ci log gi tshul lo// gang dag phyin ci log gi tshul de ni yod pa ma yin no// gang med pa de ni ma skyes pa'o// gang ma skyes pa de ni mi 'gags pa te/ 'jam dpal ma skyes ma 'gags pa ni sangs rgyas kyi byang chub te/ byang chub 'di ni reg pa'i tshul la 'jug pa'i gzungs kyi sgo'o// 'jam dpal tsher ba ni byang chub ste 'di ni gzungs kyi sgo'o// gsol pa/ bcom ldan 'das ji ltar na tshor ba byang chub lags/ bka' stsal pa/ 'jam dpal tshor ba zhes brjod pa ni gsum te/ bde ba'i tshor ba dang / sdug bsngal gyi tshor ba dang / bde ba yang ma yin/ sdug bsngal ba yang ma yin pa'i tshor ba'o// 'jam dpal bde ba'i tshor ba yang nang na mi gnas/ phyi rol

  28. 305b

    na mi mi gnas/ gnyis ka'i bar na mi gnas so// 'jam dpal sdug bsngal gyi tshor ba yang nang na mi gnas/ phyi rol na ma yin/ gnyis ka'i bar na mi gnas so// / 'jam dpal bde ba yang ma yin sdug bsngal ba yang ma yin pa'i tshor ba yang nang na mi gnas/ phyi rol na ni ma yin/ gnyi ka'i bar na mi dmigs so// 'jam dpal/ gyis gsol pa/ bcom ldan 'das de la ji ltar sems can rnams bde ba'i tshor ba dang / sdug bsngal gyi tshor ba dang / bde ba yang ma yin sdug bsngal ba yang ma yin pa'i tshor bar 'dogs par bgyid/ bcom ldan 'das kyis bka' stsal pa/ 'jam dpal so'i skye bo'i byis pa 'du shes phyin ci log tu gyur pa'i rkyen kyis yang dag pa ma yin pa rnam pa sna tshogs kyis/ bde ba zhes bya bar yang dag par shes/ bde ba yang ma yin/ sdug bsngal yang ma yin par yang dag par shes so// 'jam dpal gzhan kyang tshor ba byas pa thams cad ni sgyu ma/ dngos po med pa/ ma byas sdug bsngal zhes bya bar yang dag par shes/ pa/ rtag tu ma byung ba ste/ 'jam dpal rnam grangs 'dis na/ tshor ba ni byang chub te/ 'di ni tshor ba'i rnam pa la 'jug pa'i sgo'o/ 'jam dpal sred pa'i byang chub te/ 'di ni gzungs kyi sgo'o// gsol pa/ bcom ldan 'das ji ltar sred pa byang chub lags/ bcom ldan 'das kyis sred pa kun nas nyon mongs par ma gsungs sam/ bcom ldan 'das kyis bka' stsal pa/

  29. 306a

    'jam dpal 'di ji snyam du sems/ bu med pa'i skyes bu la/ bu'i sred pa nang na gnas pas/ 'on te phyi rol na 'am/ 'on te phyogs dang dang phyogs mtshams nas gnas/ 'jam dpal gyis gsol pa/ bcom ldan 'das bu nyid ma skyes pa/ lags na/ bu'i sred pa 'di ga la zhig 'byung / bcom ldan 'das kyis bka' stsal pa/ 'jam dpal gang gi tshe skyes bus lhan cig spyod pa 'byor pa de'i tshe de'i dus na bu skyed pa 'byung bar 'gyur na/ 'jam dpal 'di ji snyam du sems/ ci skyes bu de'i sred pa/ shar phyogs nas 'ongs sam/ 'on te lho phyogs nas sam/ 'on te nub phyogs nas sam/ 'on te byang phyogs nas sam/ 'on te 'og gi phyogs nas/ 'on te steng gi phyogs nas 'ongs sam/ nang na gnas sam/ phyi rol na'am/ gnyis ga'i bar na gnas/ 'jam dpal gyis gsol pa/ bcom ldan 'das sred pa ni shar phyogs na dmigs su ma mchis/ lho phyogs na ma lags/ nub phyogs na ma lags/ byang phyogs na ma lags/ nang na ma lags phyi rol na ma lags/ gnyi ga'i bar na dmigs su ma mchis so// bcom ldan 'das kyis bka' stsal pa/ 'jam dpal 'di ji snyam du sems/ sred pa de gang gis byas sam/ byed du gtsug gam/ 'jam dpal gyis gsol pa/ bcom ldan 'das sred pa ni sus kyang ma bgyis/ sred pa ni byed pa mchis te/ 'on kyang

  30. 306b

    bcom ldan 'das so so'i skye bo'i byis pa phyin ci log dang ldan pas/ yang dag pa ma yin pa la btags so// bka' stsal pa 'jam dpal 'di snyam du sems/ gang yang dag pa ma yin pa de yod dam/ 'jam dpal gyis gsol pa/ bcom ldan 'das ma lag so// bde bar gshegs pa ma lags so// bka' stsal pa/ 'jam dpal gang med pa de la gar yang kun nas nyon mongs pa 'am/ rnam par byang ba 'gyur rab gsol pa/ bcom ldan 'das ma lags so// bcom ldan 'das kyis bka' stsal pa/ 'jam dpal chos gang shar phyogs na mi dmigs/ lho phyogs na mi dmigs/ nub phyogs na mi dmig/ byang phyogs na mi dmigs/ nang na ma yin phyi rol na ma yin/ gnyi ga'i bar na mi dmigs kun nas nyon mongs par mi 'gyur/ rnam par byang bar mi 'gyur ba 'di ni/ 'jam dpal sred pa'i tshul la 'jug pa'i gzungs kyi sgo'o// 'jam dpal len pa ni byang chub ste/ 'di ni gzungs kyi sgo'o// gsol pa/ bcom ldan 'das ji ltar len pa byang chub lags/ bcom ldan 'das kyis len pa 'ching ba lags par ma gsungs sam/ bka' stsal pa/ 'jam dpal 'di ji snyam du sems/ so so'i skye bos chung zad kyang bskyed dam/ gsol pa/ bcom ldan 'das skyed de/ gzugs dang / sgra dang / dri dang / ro dang / reg pa 'dod/

  31. 307a

    pa'i yon tan lnga po 'di rnams skyed do// bka' stsal pa/ 'jam dpal 'di ji snyam du sems/ gzugs la gzugs skyed dam/ gsol pa/ bcom ldan 'das ma lags so// bcom ldan 'das kyis bka' stsal pa/ ci tshor bas tshor ba bskyed dam/ 'du shes kyis 'du shes bskyed dam/ 'du byed kyis 'du byed skyed dam/ ci rnam par shes pa rnam par she sgra skyed/ gsol pa/ bcom ldan 'das ma lags so// bcom ldan 'das kyis bka' stsal pa/ 'jam dpal 'di ji snyam du sems/ chos gang gis chos gang yang bskyed dam gsol pa/ bcom ldan 'das ma lags so// bcom ldan 'das kyis bka' stsal pa/ chos gang gis chos gang yang 'ching ba'i bya ba byed dam/ gsol pa/ bcom ldan 'das ma lags so// bcom ldan 'das kyis bka' stsal pa/ 'jab dpal blun pa nyid la brten pa'i phyir/ chos 'di thams cad ni mi skye/ mi 'gag pa/ sgrib pa med pa ste/ de dag ni phan tshun mi bskyed do// phan tshun mi brjod do// ngag gi las nges par mi spyod do// 'jam dpal rnam grangs 'dis na len pa byang chub ste/ 'di ni len pa'i tshul la 'jug pa'i gzungs kyi sgo'o// 'jam dpal srid pa ni byang chub te/ 'di ni gzungs kyi sgo'o// gsol pa/ bcom ldan 'das ji ltar srid pa byang chub lags/ bcom ldan

  32. 307b

    'das srid pa 'gog pa bgyi ba'i slad du/ bcom ldan 'das nyan thos rnams la bshad dam bka' stsal pa/ 'jam dpal srid pa ngas bshad de srid pa dngos po dang bral bas na de'i phyir 'di ltar srid pa zhes brjod de/ 'jam dpal gang dag chos thams cad la/ dngos po med par lta ba de ni gang yang skye bar mi 'gyur// 'gag par mi 'gyur te chos thams cad la na mkha'i ngo bo lta bur mthong na/ sangs rgyas kyi chos rnams la yang mi dmigs mi 'dor ro// 'jam dpal de'i phyir rnam grangs 'dir na srid pa byang chub te/ 'di ni srid pa'i tshul la 'jug pa'i gzungs kyi sgo'o// 'jam dpal skye ba ni byang chub ste/ 'di ni gzungs kyi sgo'o// gsol pa/ ji ltar skye ba byang chub lags/ bcom ldan 'das kyis skye ba yang dag par 'da' bar bgyi ba'i slad du/ chos ma bshad dam// bka' stsal pa/ 'jam dpal byang chub sems dpa' ni skye ba btsal kyang skye ba med pa dang / 'phros pa med pa dang / 'byung ba med par mthong ste/ 'jam dpal rnam grangs des na/ 'di ltar skye ba ni byang chub ngo // 'di ni skye ba'i tshul 'jug pa'i gzungs kyi sgo ste/ 'jam dpal 'di ni rdo rje'i snying po la 'jug pa'i gzungs kyi sgo byang chub sems dpa' gang du zhugs pa'i sgo des na/ spobs pa myur du thob te/ spobs pa rno bar 'gyur ro// spobs pa zab pa dang / spobs

Colophon

rdo rje'i snying po zhes bya ba theg pa chen po'i mdo'// rdzogs s+ho/