khyad par du 'phags pa'i bstod pa
Biśaṣṭastāpa
Text
ff. 1b–5b · 9 folio sides
- 1b
rgya gar skad du/ bi shaSh+Nas+t+ra pa/ bod skad du/ khyad par du 'phags pa'i bstod pa/ de bzhin gshegs pa thams cad la phyag 'tshal lo// bdag ni ston pa gzhan spangs nas// bcom ldan khyod la skyabs mchis pa// de ci'i slad du zhe na khyod// skyon mi lnga la yon tan ldan/ gang phyir 'jig rten skyon la dga'// yon tan 'dzin la zhan pas na/
- 2a
skyon yang yon tan ltar mthong nas// gzhan la skyabs su mchis par gyur// khyab 'jug dbang phyug la sogs pa// de la skye bo dga' dad pas// de yi yon tan gang sgrags pa/ khyod kyi bstan la de dag skyon// lha chen 'khros pas mda' gcig gis// grong khyer sum rtsegs bsregs zhes grag/ khyod kyi ye shes mda' chen gyis// khro bo'i sems nyid nges par bsregs// lha chen gyis rtsad bcang sregs nas bton// lha tshon thig le mchog ma la// chags pa skyes pas gdong
- 2b
byung // bdud kyi bu bo sgeg pa yis// khyod kyi ba spu'i rtse ma g.yos// lha chen byed ni chung ma pas// dung pa yis kyang thub ma lags// khyod ni bde bar bgyid pa yis// 'dod pa nyid kyi rmongs ma gyur// 'khor lo mdung zung can dag gis// bdud stobs de las rgyal mi nus// khyod ni 'khor lo mdung med par// byams pa'i mtshon gangad lags pas rgyal// rgan pos khyab 'jug mda' yis bsnan// lha chen mgrin pa sngor gyur pas// lha 'di gnyis la gnod bgyid mchis// mgon khyod gnod bgyid bral ba lags// khyab 'jug mi thung gzugs bskur nas// g.yo thabs kyis ni stobs ldan bsdus// khyod ni g.yo yang mkhyen gyur la// gzhan dag la yang bsku mi mdzad// mgon khyod rdzu 'phrul rnam 'phrul ba// rmad byung gang gi mthong ba de// khyab 'jug 'jig rten gsum rgal ba// 'phye bo 'chi ba bzhin du mthong // gzhon nu tshangs par spyod pa na/ drug ldan ma dang lhan gcig spyod// khyod kyis 'khrig pa'i sbyor ba bdun// thal ba bzhin du bgyis par gyur// tshangs sogs 'jig rten 'byin pa po// bdag cag yin par smra zhes grag/ de nyid gzigs khyod 'jig rten dang // de yang las las skyes zhes bstan// brgya byin gyis ni bshol med ma// mthong nas 'dod pas rmongs zhes grag/ dpa' khyod 'dod pa nyid kyi ni// me rmongs slad du btsun mo btang // sgra gcan lag pas zla ba yang // dbang med par ni mid pa lags// mnga' ba rnyed khyod la sems can gang // dbang med bgyid pa de ma mchis// mi dbang dga' byed gos sred sogs// nags tshal nas ni phyir yang mchis// bde gshegs khyod ni dben pa yi// bdud rtsis ngoms pas phyir mi byon// mchod sbyin la ni phyag 'gums par// drang srong rnams ni smra zhes grag/ sdig med khyod kyis grog ma la'ang /
- 3a
gnod pa bgyid par rjes ma gnang // gzhan dag rang don mchod sbyin la// gzhan gyis srog gis sbyin sreg byed// gzhan gyi don du khyod gcig pu// rang gi srog gis sbyin sreg mdzad// drang srong dmod me mi zad pas// skye bo mang po bsreg par gyur// khyod kyi ye shes me yis ni// skye bo rnams kyi skye rgyu bsreg/ drang srong dmod pa grub pa las// dka' thub grub par rjes su dpag mgon khyod thugs rje grub pa la// dka' thub grub par rjes su dpag/ lha chen 'dod pa can gyi mtshan// drang srong rnams kyi dmod pas lhung // khyod kyi phung khrol mtha' dag gi/ rtsa ba 'dod pa nyid lhung bgyis// gling las skyes sogs phal cher ni// gzhan gyi gang smras smra bar bgyid// khyod kyis thun mong ma yin chos// rang gi thugs su chud nas bstan// mu stegs can gyi rig byed tshig/ dben pa kho nar smra bar bgyid// khyod kyis bsgrags nas seng+ge yi// sgra yis chos dag ston par mdzad// grangs can b+ha ra d+h+wa dza na// de nyid mthong yang dpyid ldan la// yongs su chags kyi gtso khyod kyi// slob ma'ang bud med nyid ma chags// 'ug pa pas ni dman pa las// khyad par can la sbyin zhes bstan// mgon po khyod ni thugs rjes yis// khyi la'ang sbyin par bya zhes gsungs// lus kyis dka' thub bgyid pa yis// mdud pa 'jig par gcer bus 'tshal// khyod ni thugs kyi dka' thub kyis// mdud pa 'jig par bzhed pa lags// rtog ge pa dag dngos po rnams// bltos pa med par grub par 'tshal// tshig dbang khyod kyis cung zad kyang // mi bltos med ces legs par gsungs// ne tsos nyi ma brtol nas ni// thar pa mchis par bshad ces grags// khyod ni mya ngan 'das brnyes la// gang du'ang ni gshegs ma//
- 3b
mchis// thar pa rgyud gzhan bskyed pa dang // nes tsos lam gzhan song bar gyur// khyod ni lam gang nas gshegs pa// de nyid nas ni slob ma'ang mchi// khyab 'jug dag gi bud med ni// stong phrag drug cu yongs bzung gyur// ston pa 'jig rten 'das khyod la// bdag gi med cing yongs 'dzin med// ka shi mdzes dga' mo la ni// rgyas pa yongs chags rnam par 'gyur// khyod khab bzhugs na'ang phung khrol ba'i// gdon gyi dbang po rmongs ma gyur// rgyas pa 'dod gdungs g.yen spyo bas// bud med kyi ni rdog pas bsnun// khyod ni khyim par bzhugs na yang // phyir zhing 'khrug par 'gyur ba med// dga' byed chung ma'i don gyi phyir// rgya mtsho pha rol son ces grag/ khyod kyi bud med stong phrag ni// brgyad cu spangs nas nags su gshegs// sna can 'thab dka' la sogs la// khyab 'jug gis ni gnod pa brtsams// sems can rnams la gzhan gzhed pa// khyod kyi srog kyang btang ba mdzad// khyab 'jug gis ni sgra byas nas// goms gsum gyis phrogs gang yin pa'i// sa de nges par thar bzhed pa// khyod kyis rtsa bzhin btang bar gyur// dga' byed srog gcod byed pa'i mdas// 'jig rten rgyal rigs med byas nas// grags pa thob pa gang yin de// khyod kyi bstan la grags pa min// sgra ngan dang ni skya seng dag/ gang gi phyir ni g.yul bkye ba'i// dpal de khyod kyi 'khri shing ni// gdug pa bzhin du spangs nas gshegs// khyod kyi bstan pa rnyed pa na// thang shing nags na lha chen po// rnal 'byor dbang phyug spyod pa po// de ni mi shes spyod par bas// dbang po bshol med byi bo zhes// bram zer dung bar du sgrogs// khyod kyi 'bras bu mchog brnyes pa'i// grags pa brgya byin sgrogs par gyur// khyab 'jug dag ni nag khra bos// bred 'thoms gyur nas kun gtong gi/
- 4a
khri yi 'og tu zhugs par gyur// gtso khyod kun tu bskyengs mi mnga'// skye dgu'i bdag po rang nyid kyi// bu mo dang ni 'khrig ces thos// thub pa khyod kyi slob ma yang // tshangs par spyod pa skyon ma mchis// bram ze rnams ni dge sdig dag/ sbyin pa len cing 'pho bar smra// khyod kyis byas chung mi za dang // ma byas pa dang phrad med gsungs// ser skyas bdag gi mtshan nyid ni// shes dang ldan pas/ rab tu brtags// khyod kyi de ltar yin na bdag/ mi rtag nyid dang ldan zhes bstan// gzigs zan gyis ni shes las bdag/ gzhan dang khyab par yongs su brjod// khyod kyi de ni shes med na// shing dang 'dra bar thal 'gyur gsung // gcer bus lus kyi tshad bzhin du// srog ni zhum dang rgyas par smra// khyod kyi de ni phyogs gcig phyir// rnam par 'jig par 'gyur zhes gsungs// bram zes 'gro ba rnams kyi rgyu/ skyes bu brtag pa yin zhes bstan// khyod kyis brtag pa zhes bya ba'i// rgyu ni ci yang med ces gsungs// bdag nyid chen po dug can pa'i// sras po stong phrag drug cu dag/ ser skyas bltas pa tsam gyis bsregs/ dola'ang khyod ni thugs rje mdzad// ser skya de nyid rig pas ni// gtso las 'gro ba skye bar shar// khyod kyi 'gro ba'i skye ba ni// nyon mongs las las byung bar bsgrags// ser skya la sogs thar pa yi// bdag ni srid pa'i rgyu zhes zer// khyod ni zhi bar gshegs gyur nas// zhugs gum lta bur bgrang du med// mu stegs byed pa kha cig ni// thar pa 'gro dang ldan zhes smra// gang la 'gro yod de 'khor ba// khyod kyi thugs su chud nas bstan// gcer bus kun dga' ra ba sogs// brtsigs pa sdig pa'i rgyu zhes zer// thams cad mkhyen pa khyod nyid ni// de nyid bsod nams rgyu zhes gsungs// lus las lus gzhan dag tu ni// phra ba'i
- 4b
srog ni 'pho zhes grig/ khyod kyi lus las gzhan gyur pa'i// srog ni yod pa min zhes gsungs// khros pas g.yul ngor bsad na ni// bde 'gror 'gyur zhes rgyas pa zer// mgon po khyod kyi gnas skabs de'i// sems ni ngan 'gro yin zhes gsungs// skya bseng bu ni brjod byas nas// bsod nams 'gyur zhes so sor smra// gang zhig bgrod min bgrod byed pa// de dag khyod kyi bstan la smad// skem byed dbang po nye dbang po// drag po la sogs 'jigs pa dang // sdig phyir mtshon cha rtag tu thogs// khyod bsnyengs bral zhing bsdigs mi mdzad// khyod ni sus kyang mi bsnyengs la// su la'ang bsdigs par mi mdzad pas// khyod nyid gcig pa mtshon mi bsnams// des na 'gro ba rnams las 'phags// smra bo nyon mongs bcas pa'i tshig/ rig byed la sogs tshigs dag ni// phal cher ltag 'og 'gal ba lags// khyod kyi thams cad mkhyen pa'i gsungs// gzhan gyi bstan bcos gzhan dag ni// phal cher snga phyi 'gal ba lags// khyod nyid kyi ni gzhung lugs dag/ thog ma par mthar skyon ma mchis// chos 'dod pa dag dmangs rigs la// blo gros sbyin par bya min zer// khyod nyid gdol pa rnams la yang // thugs rjes dam chos ston par mdzad// ljon shing bzang po rnam spangs nas// ngan pa la ni su zhig brten// 'dod chags bral rnyed khyod bzhugs na// mkhas pa su zhig ston gzhan 'dud// ser skyas yul rnams la spyod bzhin// ye shes 'gyur 'chi sdig bral ba// khyod kyi kun nas nyon mongs la// thar pa ga la yod ces gsungs// bsod nams byas pa'i tshogs dag ni// sems can rnams la yod bsngo bar// bcom ldan khyod kyi gang gsungs pa// de gzhan bstan bcos las ma bshad// lha rten dang ni mchod sbyin la// sems can
- 5a
gsod par byed pa dag/ 'jig rten pa ni chos su 'tshal// khyod kyi bstan la de smad lags// gang zhig srog chags la rtag gnod// de la chos nyid ga la yod// gtso bo khyod kyi rang nyid kyis// / srog gi sems can legs par gsungs// shAkya'i rgyal rigs 'khrungs khyod kyi// gang zhig bden dang mi bslu dang // tshangs par spyod dang dul ba dang // brtser ldan dam chos lags par dgongs// rig byed mtha' la 'byams pas kyang // g.yul ngor dgra mngon 'ongs bsad ces// 'jig rten smra yi khyod kyi ni// dgra la'ang snying rje bya zhes gsungs// gzhon nus rang gi zhang po la// mdung gis bsnun zhes bka' mchid gda'// dpa' khyod kyis ni nyon mongs pa'i// dra ba shes rab mtshon gyi dral// khyab 'jug gis ni rang nyid kyi// sras kyang yongs su bskyab ma nus// gtso bo khyab kyi sems can kun// bskyab pa'i slad du brtson pa lags// rgan pos sbyar ba'i 'jigs shes nas// khyab 'jug gis ni bcom rlag btang // thub pa khyod la bsnyengs bgyid gang // sems can de ni 'ga' ma mchis// khyab 'jug gi ni gnyen 'dun dag/ le lan gyis ni gtugs par gyur// khyod kyis gnyen 'dun thams cad ni// 'khor ba las ni rnam par sgrol// mu stegs can gyi gzhung lugs la// ji lta ji ltar rnam bsams pa// de lta de ltar mgon khyod la// bdag gi sems ni dad par 'gyur// de ltar thams cad mkhyen min pa'i// grub mtha'i skyon gyi brlag sems ldan// bsam brlag rnams kyis skyon med pa'i// ston pa khyod kyang mi mthong ngo // 'jig rten lha dang bram ze dang // rig byed shAkya 'di dag ces// sdang bar smra ba rang skyon nyid// ci phyir sems par byed ce na// gang slad khyod kyi bstan pa ni// bde bas bde nyid thob bgyid pa// de slad smra ba'i seng khyod kyi// gzhung lugs la ni 'gro 'di dga'// khyod kyi yon tan
- 5b
yang dag pa// rnam pa 'di ltar rab brjod pas// bdag gi bsod nams gang thob des// 'gro ba'i 'jig rten khyod 'drar shog/ mgon po khyad par 'phags bstod pa// ston pa bdag gis dge bsags pa// gang yin des ni 'gro ba kun// byang chub lam la gzhol gyur cig/ khyad par du 'phags pa'i bstod pa// slob dpon mtho btsun grub rjes mdzad pa rdzogs so// / rgya gar gyi mkhan po sar+b+ba d+hA di bA dang zhu chen gyi lo tsha ba brje na chen mchog gi bsrur/ skad kyi brjid pal brtsegs rak+Shi tAs bsgyur cing zhus te gtan la phab pa'o// / @#// kyad par 'phags bstod rgya tshor bshad pa bzhugs/ rgya gar skad du/ bi she shasta ba nA ma TI kA/ bod skad du/ khyad par du 'phags pa'i bstod pa'i rgya cher bshad pa/ bcom ldan 'das 'jam dpal gzhon nur gyur pa la phyag 'tshal lo// khyad par phul du byung ldan zhing / lha rnams kyis mtshad sangs rgyas la// phyag 'tshal khyad par 'phags bstod pa// don las tshal bzhin bshad par bya// mtho btsun grub rje zhes bya ba'i bram ze rig byed bzhil mkhas pa/ bram ze rnams kyi gtsor bkur ba zhig yod pa dang / de bcom ldan 'das kyi bstan pa la dad pa thob nas/ sangs rgyas bcom ldan 'das la brtsams te bstod pa 'di byas par gyur pa yin no// de yang 'di ltar rjes su thos te/ yul shar phyogs na khyad par can gyi bram ze las drug la mngon par dga' ba'i bram ze'i rigs su byung ba/ sngon legs par spyad pa nye bar brtsams pa las mtho btsun grub rjes zhes bya ba dang / bde byed bdag po zhes bya ba spun gnyis su skyes par gyur to// de dag kyang bstan bcos thams cad rtogs par gyur pa dang / de'i tshe de gnyis 'di skams du sems par gyur te/ 'di ltar bdag cag gi khyim na ni dbang phyug chen po mchod la/ sangs rgyas
Colophon
khyad par du 'phags pa'i bstod pa/_slob dpon mtho btsun grub rjes mdzad pa rdzogs so/_/rgya gar gyi mkhan po sarbA dz+nyA de bA dang/_zhu chen gyi lo ts+tsha ba ban+de rin chen mchog gis bsgyur/_slad kyi ban+de dpal brtsegs rak+Shi tas bsgyur cing zhus te gtan la phab pa'o