rdzogs pa chen po rin po che 'khor ba rtsad gcod kyi rgyud
Text
ff. 73a–81b · 18 folio sides
- 73a
'debs// rang gi rang ba slus 'khor bar ltung // 'di la mos shing 'dzin pa la// sangs rgyas kun gyis byin gyis rlob// bsod nams mi zad gter dang ldan// phyi ma'i 'bras bu dus 'dir 'byung // kun tu bzang pos de skad bshad// rdzogs pa chen po nges don 'dus pa las/ rgyud bshad cing gzung bar bstan pa'i le'u ste brgyad cu rtsa gcig pa'o// // rdzogs pa chen po nges don 'dus pa las/ lta ba thams cad kyi snying po rin po che rnam par bkod pa zhes bya ba rdzogs so// // rgya gar gyi mkhan po b+hi ma la mi tra dang / bod kyi la tsa ba a tsar+ya dran pa ye shes kyis bsgyur cing zhus te gtan la phab pa'o// / rgya gar skad du/ sin+d+hu ma hA rat+na ti ba rtsa tan+t+ra nA ma/ bod skad du rdzogs pa chen po rin po che 'khor ba rtsa gcod kyi rgyud ces bya ba/ bcom ldan 'das dpal rang 'byung gi ngo bo nyid ye shes kyi sku dang ldan pa la phyag 'tshal lo// 'di skad bdag gis gsungs pa'i dus gcig na/ bcom ldan 'das 'og min gyi gnas sku byang chub kyi snying po na bzhugs pas/ rdo rje sems dpa' la gzigs
- 73b
nas ye shes 'khor lo'i dgongs pa med par snyoms par zhugs so// de'i tshe dus gsum sangs rgyas dang // rdo rje 'chang gi rigs 'dzin dang / dpal chen khrag 'thung ma mo'i tshogs// gzhan yang lha mi la sogs pa// dang ba'i dad pas 'dus pa rnams// rang sems gdod nas dag pa'i phyir// dang ba'i yid kyi nges med par// thabs gcig rig pas 'khod gyur to// de nas thugs kyis gzigs pa'i don// rdo rje sems dpas don rig ste// 'khor rnams la ni brtse dgongs nas// ting nge 'dzin gyi don gsol pa// 'jig rten mgon pa rdzogs sangs rgyas// ye shes thugs rje chen po yis// chos nyid gnas lugs ji lta ba// ma nor ma bcos snying po'i thugs// 'khrul pa'i blo yis rtogs pa'i thabs// dus 'dir bdag la ba shad du gsol// rang byung ngo po nyid sku ste// don ldan chos rjes bka' stsal pa// sangs rgyas chos nyid ji lta ba// 'khor 'das ma reg snying po'i don// spang med nga yi don pashad du// rgyud lung sangs rgyas skrag cing sngangs// nyan thos mdo sde rgyal zhing 'bog/ lha min 'jig rten srin po'i tshogs// sgo skur 'dogs pa'i gang zag rnams// gtan
- 74a
du dmyal ba chen por ltung // 'di la tshe yi bar chod dang // 'jigs pa sna tshogs kun kyang 'ong // mgo lus tshal ba stong du 'gas// rigs 'dzin rnams kyis spong bar 'gyur// de ltar bka' stsa la don go nas// sems kyi gdung ba yid kyis 'don// 'gal sems rdul tsam med pa ni// dad pas byang chub don la mos// nges tshig bstan pa yid bsdus so// de'i tshe ngo bo nyid sku des// ye shes 'khor la dgongs pa las// thugs kyis mngon par gzigs nas kyang / kun bzang chos skur rtogs 'dod de// don du bsdus pa bka' stsal pa// legs so dad pa'i 'khor rnams nyon// don rnams gsal bar ngas bshad// kyis// legs par nyon la yid kyis zung // 'khor 'das tshig tu brjod dka' ba// chos sku nam mkha' lta bu de// kun la gnas kyang rtogs par dka'// mngon sum du yang mi gnas phyir// srid gsum sems can thams cad ni// bkri dring don gyis gdul ba las// nges pa'i don gyis 'dul ba min// nges pa'i don gyis 'dul ba ni// u dum ba ra'i me tog bzhin// brgya la 'ga' la res 'ga' zhig/ 'byung srid kun dang thun mong min// de phyir snod ldan 'a phrad gyur na// ma
- 74b
mtshon go dang ma spyad rtogs// don ldan dang du rig pa'i blos// ma bsgoms rtogs pas nges par chog/ da yang rdo rje sems dpa' nyon// bla ma rdo rje slob dpon la// da pas skyongs med pa dang // mched la sring ltar gdung ba dang // 'khor ba'i sdug sngal 'joms pa'i phyir// byang chub srog dang bsngo ba la// don 'di khyod la bshad kyis nyon// de dang mi ldan 'di bstan na// phyi ma dus kyi snod med rnams// gnam lcags sa la bying ba bzhin// mkha' 'gro rnams kyis srog gcad nas// thar med dmyal ba'i gnas su ltung // rdzogs pa chen po rin po che 'khor ba rtsa nas gcod pa'i rgyud las/ don gyi gleng gzhi bstan pa'i le'u ste dang po'o// / / sems dpa' chen po khyod nyon cig/ nga yi chos nyid gnas lugs ni// dus gsum med pa'i gong rol du// 'khor 'das gnyis ka gdod nas med// bstan pa med pa'i ston pa'i thugs// nga rang nyid las ma rtogs pa// sangs rgyas sems can ming yang med// 'byung ba lnga dang srid pa'ang med// ma srid phung po gang las skyed// bag chags ma dgos smos ci dgos// don rtogs sangs rgyas med pa'i phyir// de bstan rtogs pa shar ba med// de phyir 'khor pa ngas ma
- 75a
bslad// gzugs med sems kyi snying po la// sgo lnga med phyir yul yang med// bzang ngan rnam rtog gting nas med// nga nyid gcig pu mngon du 'byung // rang gi nga nyid kun gyi mes// rgyu rkyen med pa'i snying po yin// da yang 'dus pa'i blo tan// nga yi mtshan nyid mthun dpe ni// dngos po med pas nam mkha' 'dra// mi 'gyur sra bas rdo rje 'dra// skye ba med pas a dang 'dra// don la yin phyir dpe mi bstan// de phyir snying po'i thig le 'di// chos nyid med pa'i sngon rol du// stong pa nyid las nga snga phyir// nga ma rtogs par skar ma 'de bas// gdags pa med pa'i sngon rol du// ming dang tshig pas nga snga phyir// yod cing rtag par sgro mi gdags// nga ni 'gyur med snying po yi// skye 'tsho med par yid ches pas// 'khor 'das ma reg nga snga phyir// rigs gnyis log phyir gdod nas dag/ skyen gyi sa ma gos chos kyi sku// kun bzang glo bur sangs rgyas te// rab tu che mchog ye shes sku// don gyi sangs rgyas rtogs pa'i phyir// mi skye mi 'gag nam mkha' 'dra// ngam rtogs pa'i sangs rgyas med// de phyir sangs rgyas kun gyi mes// sangs rgyas kun gyi bla ma nga // ngam 'khrul pa'i sems
- 75b
can med// sems can pha ma nga nyid yin// nga las 'khrul pas skyon gyis bu// sangs rgyas sems can nga la 'byung // phyi yi 'byung ba nga yi rtsa la// nam mkha' stong pa nga yid pa// phyi nang mtshan ma nga 'khrul rtags// 'khor 'das rtsa ba nga nyid yin// dus gsum sangs rgyas thams cad kyis// nga la bshad cing mtshon mi mkhyen// mdzad pa'i chos nyid smos ci dgos// bskal par 'khyams kyang skye ba med// shi med nor mchog kun gyi gzhi// rang byung snying po kun la khyab// don la 'gyur ba rdul tsam med// gdod nas 'gyur med byang chub la// ji snyed brjod kyang mthun pa med// de phyir blo yi spyod yul min// mdzad spyod 'byung ba 'khor ba'i chos// de la dam par gang 'dzin pa// nam mkha' dag la 'dzin pa 'dra// sangs rgyas rnams ni spyad mi mdzad// ma byung ma skyes nga nyid yin// rdzogs pa chen po rin po che 'khor ba rtsa da gcod kyi rgyud las/ don chos nyid kyi gnas lugs bstan pa'i le'u ste gnyis pa'o// // nga yang sems dpa' chen po khyod// nga la 'khrul pa 'byung na ni// thog ma'i dus kyi mtha' drug gnyis// kun gzhi ma rig mun gseb na// gcig la snang ba gnyis su byung //
- 76a
yar mar 'khrul 'khor 'khor ba'i chos// thag sbrul mtho yar mi bzhin du// ma rig pa la 'khrul pa brgyad// dmus long lta bur rang sgrub pas// mi shes log par 'khor bar 'khyam// de bas sems dpa' chen po nyon// 'og mo'i lung ldan rkyen phrad nas// blo 'jal lta ba rnam pa bzhin// yog man chad nga yi gtam// ci rnyed mdzad kyang nga mi rnyed// mtshan ma rags shing ngam rtogs// rgyud lung rnal 'byor chen po las// nga tsholas 'khrul nga mi rnyed// ngam rnyed par snang ba zhe na// 'gro don theg pa rnam pa brgyad// gzhi nyid ma shes 'khrul pa'i phyir// brgyad gnyis mi sbrel shin tu 'ching // da yang sems dpa' rdo rje nyon// 'khor ba'i rgyu ni rtog pa yin// gzung 'dzin zhen pa mtshan mar snang // bag chags rtas phyir kun gzhi yin// ye shes mya ngan 'das pa'i rgyu mi rtog zhi gnas nyid gsal ba// 'bras bu zung 'brel lhun grub pa// gnyis ka'i rgyu 'gyur gzhi nyid ni// rang byung ngo bo nyid kyi sku// de nyid ma rtogs dman rnams kyis/ snang ba de nyid gzhir 'dod pas// smig rgyu tshur mthong 'thung 'dod bzhin// 'khor 'das glo bur rkyen yin phyir// ngo bo gnas lugs chos sku yin//
- 76b
rdzogs pa chen po rin po che 'khor ba rtsa da gcod kyi rgyud las de las 'khrul tshul bstan pa'i le'u ste gsum pa'o// // kye sems dpa' rdo rjed nyon cig/ ma rig 'khrul pa ldog 'dod rnams// 'khor 'das gnyis kyi ma reg 'dod// rang sems snying po rtogs pa'i thabs// lus srog mi lta dad pa yis// skrag cing yang med sems kyis// the tsom yid gnyis med par ni// 'khor 'das rtsa ba'i ngo bo nyid// dpa' brtul chen po'i brtson 'grus kyis// phyir mi ldog cing yid ches pas// yengs pa mi 'byung rgyun mi 'chad// sems nyid ma rtogs don mi btsal// dug lnga mi spong chos nyid du// de shes mi sgom dgos pa med/ da yang 'dus pa'i 'khor rnams nyon// 'khor 'das gnyis kyi sgro skur gyis// mgos ngo bo nyid kyi sku// chos rnams kun gyi gzhi yin phyir// rgyu yi ye shes de la bya// rtogs pa'i rkyen gyis chos kyi sku// thams cad mkhyen pa dgu yin phyir// ma rtogs pa la tha dad kyang // bla ma'i rkyen gyis ye shes 'byung // 'khor 'das lam gyi 'bad rtsol gyis// bla med byang chub gegs yin phyir// sgom rtsol med pa'i ye shes 'di// lam gyi mchog ni dam par
- 77a
gsungs// de nyid rtogs pa'i shes rab kyis// theg brgyad spong len zil gyis gnon// sems rtogs snying po de nyid nas// stobs rnams ma btsal yon tan rdzogs// da lta ye shes 'bras bu ni// phyi ma ma yin dus 'di rang // dbul po sa rin chen rnyed pa bzhini// btsal med rags pa mngon sangs rgyas// da yang rdo rje sems dpa' nyon// rang byung ye shes chen po yi// yin min dbye ba ngas bshad kyis// yid kyis nyon la legs par zung // ye shes chen po rang byung ste// sems can kun la yod mod kyang // ma rtogs phyir na ye shes min// mig mkhan ma rnyed long ba'i dra// rang byung med pa'i ye shes de// gnas 'gyur ye shes lnga 'dod pas// rkyen gyi 'gyur phyir ye shes min// rdol gser du 'dzin pa ltar// ye shes rang byung ma yin te// yid gnyis kun gzhi glo bur skyed// gzhi 'khrul phyir na gnyis med min// ri bong rA yi kha dog 'dra// rang byung ye shes yin pas na// shes rab lhag mthong rang byung ba// ye nas rang byung rang byung de// lung ldan rkyen gyis rtogs pa'i phyir// rang byung ye shes 'joms pa ni// mar gyi yang shun lta bur gsungs// rdzogs pa chen po rin po che
- 77b
'khor ba rtsad gcod kyi rgyud las/ don rtogs par bya ba'i thabs bstan pa'i le'u ste bzhi pa'o// // de nas rdo rje sems dpa' yis// zil gyis gnon pa'i ting 'dzin la// snyoms par zhugs nas yang gsol pa// kun bzang ngo bo nyid kyi skus// tshegs med gdams ngag ma bslad pa// khyod kyis mdzad spyod ji lta ba// don dang mthun par mdzad du gsol// don gsan ston pas bka' stsal pa// gzhi nyid rtogs par bya ba'i phyir// don gyi lta ba ngos gzung ste// rnam bzhi byi la bar man// gsum bral bzhi ldan chos sku gsang // gcig la tha dad ngos zin pas// nyi ma'i zer dang 'char ngos bzhin// dgag sgrub med phyir chos kyi dbyings// de phyir rang sems snying po 'di// rtogs pas sangs rgyas lam du bde// rang sems sgom pa ye shes lam// nam mkha' 'byung ba'i lam yin no// dper na khyung chen mkha' la lding // chu rlung gyen 'thur ya mi nga // bar snang khams kun lam du bde// dmigs pa'i sa phyogs yid kyis phyin// lta bas rtogs pa'i lam yin pas// de bzhin yi nas rnal 'byor thugs// ma bsgoms ye shes da lta nyid// rtogs phyir rang sems bsgom du med// de las mi 'da' lhun gyis grub//
- 78a
phyir ma bcos lta ba yin// dmigs med sems kyi ye shes gsal// gtang gzhag med pa'i lta ba la// gol sa rdul tsam med pa'i phyir// bsgom med ye shes chen po 'byung // de yang rdo rje sems dpa' nyon// rang sems chos skur ngo sprad nas// lus bcos kun gzhi bzhi cha la// snga phyi rang bral ye shes gsal// chu dang sa rlog med dpe bzhin du// da lta chos sku kha mig rna ba can// 'byung 'jug med phyir sgom mi dgos// stong nyid tshig chos dus mnyam phyir// dran rig rgyu ba tsa byung yang // gzhil med phyir ma bsgoms kyang // sems can dus ni chos kyi sku// sgro 'dogs mchod su sgom pa// dper na bum nang nam mkha' bzhin// tshe gcig bsgoms kyang ye shes med// rnal 'byor ma bsgoms rtogs par gyis// da yang 'dus pa'i sems dpa' nyon// yul gyi rkyen gyis rtogs byung tshe// phyi yi dus bzhi don gsal ba// ye shes ma bsgoms bral ba min// ba mo la ni rta shar bzhin// yul nyid sems su mi sgom pas// dran rig chos nyid byang chub sems// de nyid spyad pa'i yul las 'das// de nyid don la nyams pa med// rang sems mi 'gag du ma gnas tshe// nang gi dus bzhi de na
- 78b
dran pas// tshogs drug 'gags kyang chos sur gsal// bum pa'i nang gi mar ma'adra// 'jigs pa rgal 'dad ma bzhin du// nyams mang rag par ngan na la/ gnad gcod sdug bsngal ci byung yang // man ngag dran pa gces par gsungs// sangs rgyas sems can gnyis ka'i gong // gsang ba'i dus gcig/ nyid du shes// golas rdul tsam mi'i byung bas// de tshe chos rku zang thal ma// mi 'gyur brtan pas gser bzhin no// de phyir skye ba'i rgyu med pas// tham 'chi zhing 'pho ba med// da ltar rig pa rgyun mi 'chad// lus ngag yid gsum sku gsung thugs// rdzogs pa chen po rin po che 'khor brtsad gcod kyi rgyud las/ gdams ngag mngon du bstan pa'i le'u ste lnga pa'o// // sems dpa' chen po de yang nyon// nga yi rtogs pas la bzlan// 'dod chags zhe sdang gti mug kyang // spang du med de byang chub lam// 'dod yon lnga ni longs spyod rgyan// lus la pha ma yod pa'i phyir// chags pa gcod tshe don gyis zin// / gsal thebs chos sku snying pa nyid// de tshe bde ba langs spyod rgyan// gzhi la 'ching grol med pa'i phyir// dkar po'i chos dang sdig la sogs// gnyis pa
- 79a
'bras bu mi 'byung bas// sems nyid ye nas rtogs pa yin// de phyir dge sdig byed mkhan med// gnyis ka skyes bu log rtog tsam// don la spyod spong gnyis ka med// de phyir zhe sdang yul mi dmigs// 'jig rten tshor ba bsal ba ni// gti mug rmongs pa ngas bshad pas// rtogs nas mi 'byed rang sems 'di// ci spyad lta bar ngas shes pas// 'dod spyod lnga la ci spyod kyang // khacings par mi 'gyur grol bar 'gyur// rdo rje sems dpa' da nyon cig/ chos 'di thos pas 'dzin rtog nub// rgyud 'di go bas rtog pa zhi// 'khor 'das 'byung ba rnam par dag/ spong rdzu zhen pa rdul tsam med// rtag chad gnyis po rdul du rlag/ 'khor 'das bzang ngan sprin ltar dengs// zhen pa'i ches rnams gting nas med// sangs rgyas sems can gcig tu byas// mtho ris ngan song rdzun du song // 'khor ba chos nyid ngang du brlag/ nyes pa dag pas sgrib pa med// gnyis su med pas shes rab gsal// gzhi ni mi 'gyur gser bzhin du// ye shes mi 'gyur brtan pa che// de ltar rtogs pas ye shes nyid// 'bras bu gzhan nas btsal mi dgos// gdod nas 'byung ba
- 79b
ngo bo nyid// 'bras bu su la mi ltos pas// lus dang bral ba kun bzang thugs// gzhi gnas bag chags mi dgos pas// rnam lnga mi g.yo ye shes sku// rdzogs pa chen po rin po che 'khor ba rtsa dra nas gcod pa'i rgyud las// rang byung gi ye shes chen por la bzla ba'i le'u ste drug pa'o// / sems dpa' rdo rje da nyon cig/ nga yi mdzad spyod chen po ni// stong gsum 'jig rten thams cad ni// nga yi bzhugs gnas gzigs mo'i sa// gzugs nyid sku la sgra snang gsung // dran rtog thams cad nga yi thugs// snang srid kun gyi nga ma mthong // mtha' yas ming du btags pa rnams// nga yi rol pa las gzhan med// nga yi snang ba sna tshogs pa// don la med phyir gzhig mi dgos// spros kyang nga la sdus kyang nga // nga yi sku gsung thugs la ni// 'khor ba gdod nas med pa ste// da yang rdo rje sems dpa' nyon// ye nas gnas pa'i gzhi nyid ni// chos kyi sku yi thugs su bstan// de nyid rtogs pa'i ye shes de// chos kyi sku yi longs spyod thugs// dran rtog don du shes pa de// chos kyi sku yi sprul pa'i thugs// don ldan gzugs kyi phung po 'di// longs spyod rdzogs pa
- 80a
chos kyi sku// dbang po ma 'gags gsal ba de// longs spyod rdzogs pa'i longs spyod sku// sprul spyod yan lag gang yin na// longs spyod rdzogs pa sprul pa'i sku// don ldan tshig tu brjod pa de// sprul pa sku yi tshes skur gsungs// dngos med tshig tu gsal ba de// sprul pa'i sku yi longs spyod gsung // tshig la brten nas don go ba// sprul pa sku yi gsung yin phyir// thugs kyi thugs te thugs la rol// sku yi sku ste sku la rol// gsung gi go sung ste gsung la rol// da yang sems dpa' chen po nyon// nga yi sku gsung thugs nyid la// gang yang med de yi ges go// nga yi mdzad spyod ci spyad kyang // rnam smin lus dang ma bral kyang // pad+ma dang ni 'dam bzhin du// nyes pa kun gyis gos pa med// phyi ma'i mdzad spyod chen po yang // rang sems rtogs pa'i rna la 'byor pa// dus 'di ma yin phyi ma yin// bar do mngon sangs rgyas pa nyid// mngal gyi sgrib g.yog med pa'i phyir// kun tu bzang po gud na med// thugs/ ni chos sku nyid kyi thugs// sku ni ye shes chen po'i sku// ye shes lus can thams cad mkhyen// sangs rgyas kun dang mnyam pas lhag/ de phyir gsang sngags
- 80b
'bras bu che// tshe gcig 'bras bu nges par 'byung // de bas rang sems ye shes sku// de la yon tan brjod mi lang // de nyid ston la ye shes kyis// gzugs med rig pa ye shes de// sangs rgyas rgyal po chos kyi sku// yon tan thams cad ma bcol rdzogs// gdul bya ma nges gzugs rnams 'byung // de tshe sems can thams cad la// yid bzhin dbang po gang 'thad ston// 'byung ba zhig pa'i nam mkha' la// sprin dang khu rlangs 'byung mi srid// de bzhin rang sems snying po la/ sems can don phyir ci spyad kyang // sgrib pa gnyis kyis mi gos pas// chos sku dag la nyams pa med// ces gsungs so// nas dus gsum sangs rgyas dang // rig pa gsum pa'i rgyal sras 'khor// dad ldan la sogs dkyil 'khor gyis// rang sems lhag mthong mngon gyur nas// dag pa'i sems kyis yi rang ste// rang rang sems la gsal ba'i don// rtogs par brjod pa'i don mthun nas// 'dus pa'i 'khor gyis tshig 'di gsol// 'bras bu sangs rgyas da lta myang // rang sems ma dang thug gis sprad// de phyir de la kun bzang nyid// rdo rje sems dpa' dge ba che// dran mdzad khyod la bdag
- 81a
phyag 'tshal// de skad gsol pa'i tshig go nas// rdo rje sems dpas yang gsungs pa// sangs rgyas thugs kyis byin brlabs pa'i/ dgongs pa ma lus bcud 'dus pa'i// dus gsum sangs rgyas thugs kyi don// gdams ngag tshegs med nying khu 'di// dad nyan 'khor la ngas bshad kyis// don 'di rgyud la shin tu spos// yang dag nyid du sems kyis spyad// thig le nyag gcig mngon phyung ba// chos kyi gter gyi 'byung gnas 'di// snod/ ldan rnal 'byor don gyi mchog/ de yang dang nyan 'khor rnams nyon// gal te phyi rabs rnal 'byor pa// don 'di ston cing bshad pa'i tshe// dus gsum sangs rgyas dpang du gzugs// mkha' 'gro rnams la chos srungs bcol// gang la dam med shan par bsgos// rgyal po bzhin mtshams par bcug/ man ngag gsang rgyud 'di ston tshe// las can slob ma dad ldan la// gzhan la mi ster mna' bor te// man ngag snying po tshang bar bstan// tshogs kyi mchod pa ci nus bya// de lta// ma byas na bar chad 'ong bar gsungs so// rgyud gtad pa dang mdzad spyod bstan pa'i le'u ste bdun pa'o// // rdzogs pa chen po rin pa
- 81b
che 'khor brtsad gcod rdzogs so// / rgya gar skad du/ san+ti ma hA tib ta tshe da d+harma kA ya/ a bi ge ti tan+ta nA ma/ bod skad du/ rdzogs pa chen po 'khor ba rtsa da nas gcod pa chos sku skye med rig pa'i rgyud ces bya ba/ bcom ldan 'das dpal rang byung ngo bo nyid ye shes kyi sku dang ldan pa la phyag 'tshal lo// 'di skad gsungs pa'i dus gcig na/ bcom ldan 'das 'og min gyi gnas byang chub kyi snying po na bzhugs pas/ rigs lnga lo ni sku gsung thugs gzigs nas ye shes 'khor lo dgongs pa la g.yos pa med par snyoms par gnas so// de tshe dus gsum sangs rgyas dang // rdo rje'i 'chang ba'i rog 'dzin dang // phyi nang dam gdags chos skyong dang // gzhan yang lha mi la sogs pa// dbang med dang bas 'dus pa rnams// rang sems rtogs par 'dod pa'i phyir// dad pas yid kyi sems med par// thabs gcig rig pas 'khor 'gyur ro// de nas thugs kyis gzigs pa'i don// rdo rje sems dpa'i don rig ste// bskul don gsol btab brtse dgongs nas// ting nge 'dzin gyis gsol ba btag/ 'jig rten mkhas pa rdzogs sangs rgyas// ye shes