lha rgyud rin chen spungs pa
Text
ff. 377a–378a · 3 folio sides
- 377a
gsang ba'i bdag po nyon cig/ lha rgyud rin po che spungs pa zhes bya ba// ngo sprod dbang bskur rgyud yin te// byin gyis rlabs kyis bshad pa yin// 'khor ba dong sprugs rgyud du zung // ye shes spyan gyis rgyud du zung // dbang bskur rgyal po'i rgyud du zung // ye shes rjen ston rgyud du zung // dbang ye shes 'khor lo'i rgyud du zung // ngo spro da chen po'i rgyud du zung // zhes gsungs so// rdo rje sems dpas bka' stsal pa// legs so rdzogs pa'i sangs rgyas mchog/ de ltar gsungs pa rjes yi rang // 'khor rnams rab tu dgyes pa'o// byang chub sems dpa' thugs rje can// ces gsungs so// lha rgyud rin po che spungs pa las/ rjes su yi rang ba'i le'u ste so gsum pa'o// / rgya gar skad du/ kA ya tri a kA lo ka tan+t+ra nA ma/ bod skad du/ sku gsum gyi snang ba gsal ba ra ngo sprad pa'i rgyud ces bya ba/ bcom ldan 'das snang ba ston pa'i dpal la phyag 'tshal lo// 'di skad bdag gis thos pa'i dus gcig na/ dur khrod kyi gnasaM/ 'byung ba lnga'i bdag nyid/ 'gag pa med pa'i 'od kyi gzhal mer khang zhes bya ba na/ dpal khrag 'thung gi rgyal po de/ mkha' 'gro rnams dang thabs cig tu bzhugs so// de'i tshe gsang ba'i bdag pos zhus pa/ chos sku'i mtshan nyid ji ltar gnas//
- 377b
'khor la ngo sprad ji ltar bgyid// longs sku'i mtshan nyid ji ltar lags// sbrul sku'i mtshan nyid ji ltar lags// bdag gi 'khor la ji ltar bstan// sku gsum 'du 'bral yod dam med// 'gro ba'i rgyud la ji ltar sbyar// grangs dang go rims ji ltar lags// skyon dang yon tan ji ltar bsal// khrag 'thung chen po sa gsung du gsol// ces zhus so// de nas bcom ldan 'das kyis/ sku gsum gsal ba'i ngang nas bka' stsal pa// e ma ho/ gsang ba'i ngo sprod bzhi// sprad lugs thabs dang skyon yon dang / go rims grangs rnams rnam par bcad// d+harma kA ya dz+nyA ti la// sa sa ta ta ra du pa ya// zhes gsungs so// ngo sprod bzhi'i rgyud las/ gleng gzhi'i le'u ste dang po'o// / / e ma ho gsang ba dag nges par zung // chos sku rang byung chen po la// gnyis med mtshon pa'i yul mi gnas// mi skye mi 'gag rang bzhin rnam par dag/ yon tan snang tshul brda dang ngag gi mtshon// stong khyab 'gyur med g.yo ba med// dag cing gsal la gos pa med// phyi nang med pas gzung 'dzin bral// nam mkha' dang ni rdo rje dang // rgya mtsho shel dang nyi ma yis// mtshan nyid gong dang ldan pa'o// rang rig 'khor la brda ngon sbyar// mthun dpe mig gi yul du ston// mtshon tshig rna
- 378a
ba'i dbang por chug/ ces gsungs so// ngo sprod bzhi yi rgyud las// chos sku ngo sprad pa'i le'u ste gnyis pa'o// // de nas bcom ldan 'das kyis/ thugs rje'i rang byung gi ngang nas bka' stsal pa/ ye shes lnga yi rang gdangs las// rgyal ba'i sku lnga 'khor dang bcas// chos nyid klong nas 'od gsal ba// ye shes rtse gcig pa yi dgongs pa ste// gnyen lcug 'khril ldem rgyan gyis mdzes// gsal 'tsher lhun sdug 'od zer 'phro// rnam rtog mi mnga' cir yang sa le mkhyen// snang la dngos med ye shes lhun gyis grub// gzha' tshon chu za me long 'dra 'bag bcas// snod ldan brgyud la gdams ngag rnam gnyis sprod// ces gsungs so// ngo sprod bzhi'i rgyud las/ longs sku ngo sprad pa'i le'u ste/ gsum pa'o// // de nas bcom ldan 'das kyis sku snga 'od kyi nang nas bka' stsal pa/ bde gshegs lnga yi snang ba ni// rang re'i mtshan nyid 'od du gnas gsal la mi gnas ye shes dag pa'i spyan// mtha' dbus med pas 'od du gsal// 'gag med sprul sku dus dang gnas skabs sbyar// me mar 'od khyim me long ngos la bstan// brda dang/ don du shes par bgyis// zhes gsungs so// ngo sprad bzhi'i rgyud las/ sbrul sku ngo sprad pa'i le'u ste bzhi pa'o// // de nas ston pa'adu 'bral med pa'i dgod