tshong dpon bzang skyong gyis zhus pa zhes bya ba theg pa chen po'i mdo
Aryabhadtrapaśeṣṭhaparipridcanamamahayanasutra
Text
ff. 91b–125b · 69 folio sides
- 91b
zhing rtse la dga' dgur spyod pa gang yin pa de ni tshong dpon gzhon nu zla ba 'byor pa ma gtogs par lha rnams kyi dbang po brgya byin la yang med do// 'dzam bu'i/ gling 'di na khyad par du 'phags pa rnams la yang med do// de nas bcom ldan 'das la tshe dang ldan pa kun dga' bos 'di skad ces gsol to// bcom ldan 'das tshong dpon bzang skyong 'di'i nor bu gyur pa ljags/ bcom ldan 'das kyis bka' stsal pa/ kun dga' bo de'i phyir khyod kyis tshong dpon dge ba'i rtsa ba byas pa 'di 'byor pa dang / longs spyod rgyas pa nyon cig/ kun dga' bo nor dang gser phun sum tshogs pa'i tshong pa drug khri 'di'i phyi bzhin 'brang ngo // mal khri tshon sna tshogs spel bas mdzes par byas pa/ smig thags can la stan nang tshangs can bting ba/ g.yas g.yos su sngas dmar po bzhag pa/ drug khri dang / bud med bgo ba dar dang / du gu la'i ras dang / men tri dang / mon dar dang / mos sbyangs pa'i gos dang / la tshig gu'i stod kor dang / dmar po dang / rnam pa sna tshogs kyi snam phran can gyi gos gyon pa/ 'dod chags pa'i rgyan gyis brgyan pa/ log mthil reg na sI zhing shin tu 'jam pa/ rnam pa sna tshogs su 'gyur ba/ dgod cing dga' ba dang / tshig 'tshogs shing sgeg la snyan pa'i gtam brjod pas bskyed pa'i dga' ba dang / mchog tu dga' bas dgod par byed pa/ khyim thab la bsnyen bkur byed
- 92a
pa'i tshul gyis lus la stod par byed pa/ skyes bu gzhan la 'dod pa'i rgyud spangs pa/ 'dzem pas 'dud cing bla gos bzang po bgos pa/ gcig la gcig phrag dog gis 'thab pa dang / rtse bas bzhin khro gnyer gtsigs shing mgur ba 'gyur ba/ rka lag dang sor mo shin tu 'jam pa/ rka lag gi tshigs kyi bar mtshams mi mngon pa/ rkal ga rgyas pa/ skra mnyam zhing bcos la g.yas su 'khyil zhing mdzes pa/ snying chags pa dang ldan zhing shin tu snying nye ba/ snyan par grags pa'i rigs dang / rus las byung bas grags pa dang / legs par bskyed pa/ lus shin tu 'jam pa/ rigs mtho ba'i bud med rtse bar 'os pa'i khang pa dang / mal cha rgyas pa dang ldan pa drug khri dang / btso zangs drug khri gang ba'i 'bras can bzang po tshod ma shin tu dri zhim pos sna tha dad par phye ba/ sa lu bzang po'i chan dang / chu yan lag brgyad dang ldan pa lta bu'i kha zas rnam pa sna tshogs dri zhim zhing yid du 'ong la dga' ba bskyed par byed pa// nyon mongs par grub cing bsod nams kyis byung la dri nga zhing mi gtsang ba dang / lus kyi skyon du 'gyur ba med pa dag dang / khang pa brtsegs pa nor bu dang / mu tig pa bai dur+ya dang / rin po che sna tshogs kyis smras pa/ rnam par phye la sdug cing mdzes par byas pa dang / ras spungs shing rlung gis bskyod pa'i bun long dang /
- 92b
me tog sil mas gtor pa dang / bsil ba'i chus reg na bde bas khyab pas bsil bar gyur pa/ khar rnga dang / pi bang rgyud gcig pa dang / pi bang dang / gling bu dang / rdza rnga chen po las byang ba'i sgra snyan pa'i dar dir dang / phug ron gyi skad yid du 'ong zhing chags su rung bas mdzes par byas pa/ me tog gi khri shing gis rtse mo dkris la/ sbrang ma sgra snyan pa 'byin pa/ lha'i gnas dang / ri rab kyi brag gi bar lta bur rlung skyabs dang ldan pa'i mar mo 'bar ba'i gzi brjid dang / sman gyi sgron ma dang / rad pa drug khri dang / grong khyer bzhi mdo dang / sum mdo dang ba gam dang / srang sdug gus mdzes par byas pa/ yul sna tshogs kyi skad dang / spyod pa dang / zong dang / tshong khang sna tshogs spel bas mdzes par byas pa/ tshong pa'i tshogs sdong dag gis lang long du gyur pa/ nags dang shing ljon pa sna tshogs brgya stong dag gis 'khrigs pa/ ku mu ta'i me tog rgyas pa/ dri ma med pa spel bas mdzes par byas pa/ rta dang / glang po che dang / shing rtal mchog gis bun long du gyur pa drug khri yod do// kun dga' bo grong khyer de dag gi nang na/ tshong dpon dang tshong ba dang / yul gyi mi dang / ded dpon 'khod pa rnams kyang / tshong dpon gzhon nu bzang skyong de'i sngags brjod cing / snyan par smra bar byed de/ nyin cig bzhin du thal mo sbyar nas 'dud par byed do//
- 93a
yul ko sa lnga'i rgyal po gsal rgyal yang de'i dbang phyug pa dang 'byor pa dang / longs spyod rgyas pa mthong na/ bdag nyid la mi dngul po lta bur 'dzin to// kun dga' bo tshong dpon gzhon nu zla ba 'byor pa 'di ni bco bzangs 'bum gyis g.yos byed pa dang ldan pa'i 'khor gyis bskor te/ kun dga' bo de'i bsnyen bkur byed pa yang bud med lnga stong yod do// kun dga' bo zla ba 'byor pa de la ni lha rnams kyi dbang po brgya byin gyi bde ba'i yo byad kyis kyang de la cha tsam du yang mi phod do// kun dga' bo tshong dpon gzhon nu zla ba 'byor pa de la ni tshong dpon bzang skyong gi gzugs bzang ba dang / kha dog rgyas pa dang / dbang phyug dang / bde ba'i yo byad kyis brgya'i char yang mi bod do// kun dga' bo 'on kyang bzang skyong la ni lha'i shing rta lha'i nor bu rin po che 'od 'bar ba nam mkha' skar mas spras pa dang 'dra/ ba/ lha'i gser 'tsher bas ngos spras pa/ rdo rje dang spug dang / me shel sna tshogs kyis mdzes nga myuphyug rlu ky-i thA / gags par na zla la sa/ rin pa 'i bye du pang 'am zhing ba bdang mas su ngas bya tshong tsha gi par khrig da sa ma
- 93b
nas/ bcom ldan 'das la 'di skad ces gsol to// bcom ldan 'das tshong dpon gnon nu bzang skyong 'dis/ dge ba'i rtsa ba ji lta bu zhig bsdum de nas bcom ldan 'das kyis tshe dang ldan pa kun dga' bo la 'di snyed ces bka' stsal to// kun dga' bo 'dir dge ba'i rtsa ba sangs rgyas la bskyed pa dag gi rnam par smin pa de ni 'di yin te/ kun dga' bo 'das pa'i dus na/ 'dir de bzhin gshegs pa dgra bcom pa yang dag par rdzogs pa'i sangs rgyas bde ba'i 'od ces bya ba byung ngo // kun dga' bo tshong dpon bzang skyong de ni de'i gla tsug phung bzang zhes bya bar gyur to// bslab pa'i gzhi nyams shing tshul khrims 'chal bar spyod pa/ chos smra ba thos pa'i mdzod 'dzin pa dang / 'dul ba 'dzin par gyur te/ des nyin gcig bzhin du sems can rnams la skad snyan cing yid du 'ong ba dang / zab cing brtan pa dang / gsang mtho zhing zur phyin pas chos bstan to// gang gis chos de thos shing kun chub pa byas pa de yang / byin cang log par ltung bar 'gro bar mi 'gyur ro// kun dga' bo chos kyi sbyin pa des bskal pa dgu bcu rtsa gcig gis bar du lha dang mi rnams mgu bar byas so// kun dga' bo de'i shing rta'i gzhal med khang gang yin pa de yang bshad par bya ste/ kun dga' bo'i des dge slong tshangs par spyod cing tshul
- 94a
khrims dang ldan pa/ lus nyam chung ba zhig la dad pa'i sems kyis bsod snyoms byin nas/ lham zung cig kyang byin te/ de'i bsod nams rnam par smin pa des na/ lha'i shing rta'i mchog mngon par grub par gyur to// dkun dga' bo de bzhin gshegs pa dgra bcom pa yang dag par rdzogs pa'i sangs rgyas 'od srung gis kyang 'di skad du ma 'ongs pa'i dus na de bzhin gshegs pa dgra bcom pa yang dag par rdzogs pa'i sangs rgyas shAkya thub ba 'byung ba des/ khyod lung bstan par 'gyur ro zhes gsungs so// kun dga' bo tshong dpon bzang skyong 'di ni ngas 'dul ba'o// de nas bcom ldan 'das la tshe dang ldan pa kun dga' bos 'di skad ces gsol to// bcom ldan 'das tshong dpon 'di ni nor dang / gser phun sum tshogs la 'dod pa dang ldan pa'i yul rnams kyis kyang de dregs par ma gyur pa ni ngo mtshar lags so// bcom ldan 'das kyis bka' stsal pa/ mkhas pa dag ni 'dod pa'i longs spyod rgyas pa'i khyad par dag gis dregs par mi 'gyur te/ kun dga' ba tshong dpon 'di ni dge ba'i chos can/ dge ba'i rtsa ba nyas su myong ba yin no// de nas bcom ldan 'das kyis bsku nas/ tshong dpon gzhon nu bzang skyong gis bdag nyid kyi skabs phye bar rtogs nas thal mo sbyar te/ bcom ldan 'das kyi zhabs la gtugs nas/ bcom ldan
- 94b
la 'di skad ces gsol to// gal te bcom ldan 'das kyis bdag la skabs phye na/ bcom ldan 'das sems can thams cad la sman 'dogs shing thugs brtse ba can la bdag phyogs 'ga' zhig zhu bar 'tshal lo// bcom ldan 'das kyis bka' stsal pa/ bzang skyong de'i phyir khyod kyi dri ba dang 'thun pa'i dus la bab kyi bzang skyong khyod ci dang ci 'dod pa dris shig dang / ngas khyod la bshad do// de skad ces bka' stsal nas/ bcom ldan 'das la bzang skyong gis 'di skad ces gsol to/ bcom ldan 'das 'di na sems can rnams rnam par shes pa ma 'tshal te/ za ma tog gi nang gi rin po che mi rig pa bzhin du/ thams cad kyis rnam par shes pa mi rtogs na/ bcom ldan 'das rnam par shes pa de gang lags/ ji ltar rnam par shes pa zhes bgyi/ bcom ldan 'das ji ltar na mi gum pa'i rka lag dang mig nyams shing 'gum pa'i dus kyi tshe/ dbang po rnams 'gag cing khams rnams dang mi ldan par gyur pa na/ rnam par shes pa 'di lus las ji ltar 'pho zhing 'chi snazlum san bu lags/ rang bzhin na ngas bu lags/ lus dang ni di ltar 'azang bar 'ar/ rnam pa shes pa 'dis lus yangs su bta ga/ dri me bar 'gyur/ ji sa ma 'ams rnams yongs su btang zhing bye mched rnams par das/ 'dzis 'jig rten pa mo chu ma
- 95a
tha dad pa dag len par bgyid/ bcom ldan 'das ji ltar na mi gum pa'i skye mched rnams rjes su 'brang bar 'gyur/ bcom ldan 'das 'jig rten 'dir dge ba'i rtsa ba bstsags pa 'jig rten pha rol tu ji ltar myong bar 'gyur/ ji ltar na phung po 'di dag gis dge ba'i rtsa ba bsngags la phyis phung po gzhan dag gis nyams su myong bar 'gyur/ ji ltar na rnam par shes pa 'di lus kyi rjes su 'brang bar 'gyur/ ji ltar na skye mched rnams lus kyi rjes su 'brang bar 'gyur/ de skad ces gsol nas/ bcom ldan 'das kyis bzang skyong la 'di skad ces bka' stsal to// bzang skyong legs so legs so de de bzhin no// khyod kyis ngal bskul ba bzhin no// bzang skyong de'i phyir rnam par shes pa'i 'ong ba dang / 'gro ba dang / 'pho ba dang / 'gags pa nyodan cig/ bzang skyong dper na rlung gi khams gzugs can ma yin pa yang bstan du yod cing gzung du yod pa dag las gzugs su snang ngo // de la bstan tu yod pa ni shing 'gul zhing g.yo dang / sgra skad 'ur 'ur be'i sgra 'byin pa dang / grang ba dang / dro ba'i reg pas tshor ba skyed pa yin yang de la rka lag dang / mig dang gdong dmigs par mi 'gyur te/ sngo ba sangs dang / dkar ba zhes kha dog lhag par mi dmigs so// b.rang skyong de bzhin du rnam par shes pa'i khams 'di yang gzugs su mi dmigs shing / gzugs snang bar mi 'gyur te/
- 95b
khyod kyis rgyu'i bye brag dag gis rnam par shes pa'i khams rtogs par bya'o// de la rgyu gang zhe na/ sems pa dang / tshor ba dang / chos kyi khams so// de la ji ltar na rnam par shes pa'i khams 'di lus yongs su btang nas/ tshor ba dang / sems pa len ce na/ dper na rlung gi khams kyis me tog gis dra ba bsdus nas/ 'phos 'gro ba de las lha'i me tog gi dri 'di ngad ldang ngo zhes shad mod kyi/ rlung gi khams kyang me tog gi dri mi 'dzin la/ rlung gi khams med par yang me tog rnams kyi dri mi dmigaso// dri de yang gzugs can ma yin la/ rlung gi khams de yang gzugs can ma yin/ sna'i dbang po de yang gzugs can ma yin no// bzang skyong de bzhin du mi shi ba'i rnam par shes pa des tshor ba yongs su blangs shing / sems pa kun tu blangs te/ chos kyi khams yang dag par blangs nas/ 'jig rten pha rol tu 'gro ste/ rdza ma dang phrad pa las rnam par shes pa skye bar 'gyur ro// rnam par shes pa skyes na tshor ba rnams dang / sems pa rnams 'du bar 'gyur te/ dper na me tog gi dbang gis snas tshor la/ sna'i dbang gis dri dmigs par 'gyur ba dang / gzhan yang lus kyi dbang gis rlung gi rang bzhin gyi reg pa dmigs par 'gyur la/ rlung gi dbang gi me tog gi dri 'byung bar 'gyur ba de bzhin du rnam par shes pa'i dbang gis tshor ba 'byung bar 'gyur la/ tshor ba'i dbang gis sems la 'byung bar 'gyur ro// sems
- 96a
ba'i dbang gis dag pa 'am mi dge ba shes pa'i chos kyi khams 'byung bar 'gyur te/ dper na ri mo mkhan rtsig pa dang shing leg/ shin tu byi dor byas pa la ci 'dod pa bzhin du las byed de/ las la blo sbyangs pa ci 'dod pa bzhin du gzugs rnams mngon par grub par byed kyang / de'i rnam par shes pa de yong gzugs can ma yin la/ rnam par shes pa gzugs can ma yin pas kyang / gzugs sna tshogs mngon par 'grub par byed pa de bzhin du/ rnam par shes pa'i khams gzugs can ma yin pa 'dis/ gzugs kyi lus drug mngon par 'grub par byed de/ 'di lta ste mig gi rkyen gyis gzugs mthong la/ rnam par shes pa mig la rten pa gang yin pa de yang gzugs can ma yin no// rna ba'i rkyen gyis sgra ste de yang gzugs can ma yin no// sna'i rkyen gyis dri ste de yang gzugs can ma yin no// lce'i rkyen gyis ro ste de yang gzugs can ma yin no// lus kyi rkyen gyis reg bya ste/ de yang gzugs can ma yin no// chos kyi skye mched kyang gzugs can ma yin no// rab tu shes pa gang yin pa de yang gzugs can ma yin pa/ ste/ de bas na spyod yul rnams kyang gzugs can yin par blta bar bya'o// de bzhin du rnam par shes pa'i khams 'di yang gzugs can ma yin par blta bar bya'o// ji ltar rnam par shes pa'i khams
- 96b
'dris lus yongs su btang nas/ 'jig rten pa rol tu 'gro zhe na/ bzang skyong 'dir 'chi ba'i dus kyi tshe las zad pas tshe 'gag pa na/ las kyi sgrib pas zin/ pa'i rnam par shes pa'i khams 'di 'pho bar 'gyur te/ dper na dgra bcom pa 'gog pa'i snyoms par zhugs pa'i rnam par shes pa'i khamasade khog pa 'gags nas yongs su 'phyan pa de bzhin du/ rnam par shes pa'i khams 'di yang skye ba po shi ba'i lus yongs su btang zhing khams bor nas/ dran pa stobs dang ldan par gyur te/ 'di ltar bdag ni mchod sbyin gyis byin zhes bya ba de nyid yin te/ lus kyi tshor ba dang / yid kyi tshor ba dang / tshor ba rnam pa gnyis kyis zin to snyam tu rab tu shes te/ de 'chi ba'i dus kyi tshe ni lus kyi tshor ba dang ldan par 'gyur ro// shi nas ni yid kyi tshor ba dang ldan par 'gyur ro// gzhan yang rnam par shes pa zhes bya ba'i don ci zhe na/ sa bon gyis lus kyi mi gu mngon par 'grub par byed pa sems pas shes pa dran pa thob par gyur te/ de bas nas pan dang / shes pa la rnam par shes pa zhes bya'o// gzhan yang bde ba dang / sdug bsngal gyi tshor bas shes pa du rtogs bsan/ de byi m+b+ha/ par shes pa zhes bya'o// gzhan yang de dge ba dang mi dge ba'i rig pa dang / dge ba dang mi dge sbyongad yul shes pas na/ de'i phyir rnam par shes pa zhes bya'o//
- 97a
sa bon gyis mi gu skyed pa de bzhin du lus bsgrub pas/ de'i phyir yang rnam par shes pa zhes bya'o// bzang skyong gzhan yang ji ltar na rnam par shes pa'i khams kyis lus yongs su btang nas/ 'pho zhing 'gro bar 'gyur zhes khyod kyis smras pa/ de ni dper na me long gi gzugs brnyan lta bu dang / 'jim pa la rgyas btab pa'i 'bur bzhin no// dper na nyi ma shar na rab rib dang mun par 'gyur la/ nyi ma med par gyur na yang mun pa 'byung bar 'gyur mod kyi mun pa de'i gnas ther zug pa 'am/ ther zug pa ma yin pa yang med la/ mun pa de la yang gzugs dang tshor ba mi snang ba de bzhin du/ rnam par shes pa'i khams 'di yang lus la skyes nas/ mun pa bzhin du lus la gnas par 'gyur te/ mis kyang rnam par shes pa mthong la/ rnam par shes pa'i khams kyang lus 'dzin par byed do// dper na bud med kyi mngal na bu gnas pa la ci bdag gi lton 'dug pa 'di khye'u 'am bu mo'am/ sngo bsangs sam/ dkar ram/ gser ram/ dbang po mchong ba 'am/ dbang po ma tshang ba ma yin pa 'am/ rga lag ma nyams pa yin par mi shes la/ lha'i mngal na 'dug pa de yang kha zas ha cang tshabs 'gul zhing rig la tshor bar 'gyur ba de bzhin du/ rnam par shes pa'i khams 'di yang 'gro ba dang / 'ong ba dang / brkyang ba dang / bskum pa dang / mi 'dzums pa dang / 'byed pa dang / las thams cad yongs su spyod ci
- 97b
dgod pa dang / gtam dang / bsam pa skyed pa'i rang bzhin can lus la gnas pa'i rnam par shes pa la bdag gi lus la rnam par shes pa gnas pa 'di rang bzhin ci lta bu/ zhig tu sems can rnams kyis mi shes so// bzang skyong gzhan yang rnam par shes pa'i khams 'di ni/ shin tu yongs su sbyang ba byas pa dang / dngos po thams cad la nub pa yin la/ dngos po rnams kyis kyang gos pa med do// bzang skyong 'di na rnam par shes pa ni bsgos pa yin te/ dbang po drug dang / dbang po drag gi spyod yul rnams dang / khams bzhi po rnams dang / nye bar len pa'i phung po lnga po rnams dang / bzang skyong 'di dag ni rnam par shes pa la bsgo bar bya ba yin par1 blta'o// dper na shing gi 'khrul 'khor phur bu gcig gis gzungs byas pa des bya ba thams cad byed de/ rgyug pa dang / mchod pa dang / gar byed pa dang / bya ba rnam pa sna tshogs dag la 'jug na/ bzang skyong 'di ji snyam du sems/ 'khrul 'khor de gang gi dbang gis 'jug par 'gyur/ bzang skyong gis gsol pa/ bcom ldan 'das bkas rmas pa de'i rgyus ni bdag gis ma 'tshal lo// bcom ldan 'das kyis bka' stsal pa/ bzang skyong 'khrul 'khor de ni las kyi dbang gis 'jug ste/ la de ba chus can pa yi dang / rnam par shes pa las ma par 'gyung ba'o// chus kyi 'phrul lal di 'ang sa pa shes pa'i nga gis 'drus
- 98a
rnam par shes pa'i khams 'di ni lus sna tshogs la 'jug pa yin no// rnam par shes pa'i khams 'di ni lus skyed par byed pa'i phyir byed pa yang yin no// rnam par shes pa'i khams 'di ni/ lus kyi khams la sten pa'i phyir mi zad pa yang ma yin no// rnam par shes pa'i khams 'di ni sngon gyi lus kyi gnas rjesu dran pa'i phyir blo phun sum tshogs pa yang yin no// rnam par shes pa'i khams 'di ni nyi ma'i 'od gzer dang 'dra bar blta bar bya ste/ dper na nyi ma'i 'od zer ni dri nga ba dang / mi gtsang ba dag dang / ro dag la yang bab ste/ 'on kyang de dag la dri des gos par mi 'gyur la/ nyi ma yang dri nga ba bor te yang mi 'gro'o// de bzhin du rnam par shes pa'i khams 'di yang phyis dang / stag snyig za ba'i khyi dang phag gi skye gnas dag tu yang skye ba yongs su 'dzin te/ 'on kyang rnam par shes pa'i khams la spyod pa ngan pa de dag gis gos pa med do// bzang stong gzhan yang rnam par shes pa'i khams 'di ni lus yongs su btang nas dge ba dang mi dge ba'i rjes su 'jug ste/ de yang ji lta zhe na/ rnam par shes pa'i khams gzugs can ma yin pa 'dis lus 'di bor nas/ bsod nams dang bsod nams pa yin pa yongs su 'dzin to// dper na rlung gi khams brag gi zag nas byung nas shing cas pa ka dang phrad ni gros shin tu dri zhim pa khyer nas/ yang dri nga ba dang / mi gtsang ba dang / ra dri yang khyer te 'grol/ bzad las pa/
- 98b
ches shas che ba de'i'adri dang ldan par 'gyur ro// ji ltar rlung gi khams de dri rnam pa gnyis khyer te/ 'gro yang rlung gi khams de yang gzugs can ma yin la/ dri de gnas/ kyang gzugs can ma yin pa de bzhin du/ rnam par shes pa'i khams 'di yang lus las 'phos te/ dge ba dang mi dge ba khyer nas 'thos ste/ de ltar na de'i 'pho ba mi dmig so// dper na rmi lam na mis dngos po thams cad shes kyang lus de mal na 'dug par mi shes pa de bzhin du/ bsod nams su nye bar 'gro ba'i sems can rnams rmi lam rmi ba bzhin du/ 'pho zhing 'gro yang rnam par shes pa'i khams 'di yang lkog ma'i med pa rnams nas kyang mi 'byung / bu ga rnams nas kyang ma yin te/ de ni khung bu dang gseb rnams mi 'tshal// / de nas bzang skyong gis bcom ldan 'das kyi zhabs la gtugs nas/ bcom ldan 'das la 'di skad ces gsol to// bcom ldan 'das ji ltar na/ bya gag gi sgo nga'am/ ngang pa'i sgo nga ma 'khrugs pa shun pa ma brtol bar sgo nga'i nang nas bye'u phrag rnams 'chi 'pho bar 'gyur lags/ ji ltar na bu ga ma rdol bar rnam par shes pa 'pho bar 'gyur/ bcom ldan 'das kyis bka' stsal pa/ dper na til 'bru tsam pa ka'i me tog gis bsgos nas legs par brdungs btsir pa las til mar byang ba ni/ tsam pa ka'i til mar shes bya'o// 'dis ste dper na dri des kyang ti'i 'brum brtol bzhin du dri zhim pas bskos te 'bas te 'gro bar yang dri des snum gyi myong bar yang mi 'dur pa
- 99a
'bru'i rkyen dang me tog dang phrad pas til mar dri dang 'dres pa'i dngos por gyur te/ 'on kyang til gyi 'bru de la me tog gi gseb nas 'dra ba ni med na/ de'i rkyen gyis dri de 'pho zhing 'gro ba de bzhin du rnam par shes pa'i khams 'di yang me tog gi dri bzhin du sgo nga'i shun pa ma gtol bar 'pho zhing 'gro ste de'i 'pho ba yang de bzhin du blta bar bya'o// gzhan yang de'i 'pho ba ni nyi ma dang me shel dang bsreg bya dang 'dra bar yang blta bar bya'o// gzhan yang sa bon 'pho ba dang 'dra ste/ ras phyogs gang du sa bon btab na/ sa'i khams dang / chu'i khams dang / me'i khams dang / rlung gi khams gcig pa kho na las/ sa bon de sa la rten cing sdong bu dang lo ma sngon par 'grub la/ me tog dkar po 'am/ sngon po 'am/ dmar por snang ba 'am/ kha dog sna tshogs sam/ smin pa'i ro tha dad par 'grub par 'gyur ba de bzhin du/ rnam par shes pa'i khams chos kyi khams gcig pu 'di las srid par skye ba thams cad du lus sngo bsangs sam/ dkar ba 'am/ ser ba 'am/ khra bo 'am/ gnag po 'am/ rang bzhin gyis gnyen por skye bar 'gyur ro// mazang skyong gzhan yang 'chi ba'i dus kyi tshe rnam par shes pa'i khams 'di lus yongs su btang nas/ sa bon tu 'gyur te/ bdag nyid rga lag dang ldan par shes so// 'on kyang de la yan lag dang nying lag ni med do// de yang sa'i khams yongs su
- 99b
'dzin te/ chos kyi khams yongs su 'dzin par byed de/ chos kyi khams de yang dran pa dang mtshungs par ldan no// dran pa de yang spyod yul gyis stobs dang ldan no// chos kyi khams dran pa dang mtshungs par ldan pa'i len pa'i rgyu ni rnam par shes pa yin te/ rnam par shes pa ma gtogs par yang chos kyi khams mi dmigs la/ chos kyi khams ma gtogs par yang rnam par shes pa'i rkyen med do// rlung khams ni rnam par shes pa'i rjes su 'jug go// gzhan yang lha'i khams 'di lta ste/ dran pa'i khams dang / tshor ba'i khams dang / chos kyi khams dang / gzugs kyi khams gang yin pa de rnams kyang rjes su 'jug go// de skad ces bka' stsal nas/ bcom ldan 'das la bzang skyong gis 'di skad ces gsol to// bcom ldan 'das ji ltar na rnam par shes pa de gzugs can lags/ bcom ldan 'das kyis bka' stsal pa/ bzang skyong 'di la nang gi gzugs dang phyi rol gyi gzugs yod do// de la nang gi gzugs gang zhe na/ zin pa'i mig gang yin pa de ni phyi rol gyi gzugs so// mig gi rnam par shes pa gang yin pa de ni nang gi gzugs so// rna ba gang yin pa de ni phyi rol gyi gzugs so// rna ba'i rnam par shes pa gang yin pa de ni nang gi gzugs so// sna gang yin pa de ni phyi rol gyi gzugs so// sna'i rnam par shes pa gang yin pa de ni nang gi
- 100a
gzugs so// rtse gang yin pa de ni phyir gyi gzugs so// lce'i rnam par shes pa gang yin pa de ni nang gi gzugs so// lus gang yin pa de ni phyi rol gyi gzugs so// lus kyi 'dus te reg pa las byung ba'i tshor ba gang yin pa de ni nang gzugs so// bzang skyong 'di lta ste/ dper na/ mi dmus long zhig nub mo gnyid kyi dbang du gyur pa na lha'i gzugs rka lag mnyam zhing mchog tu yid du 'ong ba dag mthong la/ des de dag mthong nas mchog tu dga' ba bskyed de/ gnyid log pa las sad pa las/ gzugs de dag ma mthong la/ de nas langs nas 'di skad du khyod nyon cig/ ma dang mtshan mo bdag gi rmi lam du bud med kyi gzugs mchog tu yid du 'ong ba dang / skyes mos tshal mi stong gis gang ba mthong ste/ der bdag gis mi lus shin tu gzhon sha can/ lag pa glang po che mchog gi sna ltar ring ba/ thal gong rgyas shing yangs la brang yangs shing mkhregs pa dag mthong ngo zhes smra zhing / mi de dag gi lus kyi rgyan mdzes pa/ gang yin pa de dag bzlas la/ de nas dmus long des mi de dag nyid kyi gzugs rnams mthong na/ bzang skyong 'di ji snyam du sems/ mi dmus long des rmi lam du gzugs rnams ji ltar mthong / bzang skyong gis gsol pa/ bcom ldan 'das de'i slad du bdag la bka' stsal tu gsol/ bcom ldan 'das
- 100b
kyis bka' stsal pa/ bzang skyong de bas na nang gi mig shes pa dang ldan pas/ rmi lam du gzugs rnams mthong gi/ sha'i mig gis ni ma yin no// ji ltar mi gnyid kyis log pa'i rmi lam du yud tsam zhig dran pa 'byung ba bzhin du/ sha'i dran pa yang de dang 'dra ste/ nang gi gzugs de yang de bzhin du blta bar bya'o// bzang skyong gzhan yang mi shi ba'i rnam par shes pa'i khams des sa bon gyi khams bzhin du/ 'pho zhing 'gro ba des bshad par bya ste/ dper na sa bon gyi khams sa bzhi la btab na/ khams bzhi po dag sdang bar byed pa de bzhin du rnam par shes pa'i khams 'di yang dran pa rab tu 'dzin cing tshor ba yongs su 'dzin te/ dge ba dang mi dge ba yang rjes su bzung nas lus yongs su btang ste/ 'pho zhing 'gro'o// bcom ldan 'das ji ltar na rnam par shes pa de dge ba dang mi dge ba yongs su 'dzin par 'gyur/ bzang skyong 'di lta ste dper na/ nor bu rin po che pad ma ral ni 'od nag po 'am dkar po 'dzin te/ 'od kyi rang bzhin ji lta ba bzhin du nor bu rin po che de la 'byung zhing / de'i rang bzhin nyid nor bu rin po che de la snang bar 'gyur te/ gnas gang dang gang tu 'phos pa dang der kha dog snang ba de bzhin du/ rnam par shes pa yang dge ba dang mi dge ba yongs su bzung nas 'pho zhing 'gro'o// de nas bcom ldan 'das la bzang skyong gis 'di skad ces gsol to// bcom ldan
- 101a
@#/ 'das ji ltar na lus 'di la rnam par shes pa rtogs par 'gyur ba lags/ bcom ldan 'das kyis bka' stsal pa/ bzang skyong rnam par shes pa 'di bsngags pa'am/ spungs par mi dmigs so// de ci'i phyir zhe na/ rnam par shes pa'i khams 'di skye zhing 'gag pa'i phyir ro// bzang skyong dper na sa bon las myu gu 'byung mod kyi/ sa bon rul pa las kyang myu gu 'byung bar mi 'gyur la sa bon ma nyams pa las kyang myu gu 'byung bar 'gyur te/ myu gu yang 'grub par 'gyur na/ bzang skyong de d+hI snyam du sems/ myu gu de'i sa bon sdong bu 'am/ lo ma 'am/ sbub gang la gnas/ sa bon ni shing gi rtse mo na yang mi gnas so// de bzhin du lus 'di la rnam par shes pa gang na 'ang mi gnas te/ mig la yang mi yin/ rna ba laR+sha pa ni/ sna'i dbang po la yang ma yin/ sa bon gyi myu ga skye gang yin pa de ni sems chung ba yin no// mngal du skye ba de ni tshor ba chung ba yin te/ dper na myu gu 'byung zhing dus tshogs dang ldan pas na/ me tog rnams 'grub ste/ me tog grub na 'bras bu 'grub pa yod pa de bzhin du/ rnam par shes pa'i khams 'dis lus 'grub par 'gyur ro// lus grub pa na yan lag dang nying lag gang la yang rnam par shes pa mi gnas la/ rnam par shes pa med na yang lus skye bar 'gyur ro// dben shing yongs su smin pa las sa bon 'byung la/ yongs su ma smin pa las ma yin pa de
- 101b
bzhin du/ 'chi ba'i dus kyi tshe/ lus kyi las rnam par shes pa 'di snang bar 'gyur te/ tshor ba dang mtshungs par ldan pa/ sred pas bsdams pa/ dran pa yongasu bzung ba// dge ba la dmigs pa dang mtshungs par ldan/ mi dge ba la dmigs pa dang mtshungs par ldan pa/ rlung gi khams kyis yongs su zin pa/ shes pas mngon par brlan pa/ rkyen la mngon tu 'phyogs pa'i rnam par shes pa bam dang phrad pa na skye bar 'gyur ro// dper na me long gi dkyil 'khor shin tu phyis pa la bzhin gyi gzugs brnyan snang yang bzhin med par yang gzugs brnyan mi 'byung la/ me long med par yang gzugs brnyan mi 'byung ste/ ji ltar bzhin dang me long phrad pa las gzugs brnyan 'byung bar 'gyur zhing / gzugs brnyan de yang gzugs yin la/ de la tshor ba dang / 'du shes pa myed de/ lus gang dang gang du skyod pa de dang de dag nyid du gzugs brnyan 'pho zhing / ji lta bur lus smra ba dang / 'bod pa dang / 'gro ba dang / bskum pa dang / brkyang bar byed pa de bzhin du/ bzhin gyi gzugs brnyan yang 'gyur bar snang ngo // bzang skyong 'di ji snyam du sems/ gang gi dbang gis gzugs brnyan de dmigs par 'gyur/ bzang skyong gis gsol pa/ mi'i dbang gis gzugs brnyan mda' ste/ de yang me long gi rkyen gyis bzhin gyi gzugs brnyan mda' la/ bzhin gyi mdog ci 'dra ba dang / dbang ma chong ba 'am/ dbang po tshang ba de nyid kyi gzugs ban
- 102a
'byung lags so// bzang skyong ji ltar lus kyi dbang dang / me long gi dkyil 'khor gyi rkyen gyis gzugs brnyan 'grub par 'gyur/ ba de bzhin du/ rnam par shes pa'i dbang gis lus tshor ba myong zhing / 'du shes dang / 'du byed rnams dang / yid la byed pa 'grub par byed do// de la me long gang yin pa de ni pha ma phrad pa lta bur blta'o// ji ltar lus mi snang na gzugs mi snang ste/ dper na me long gi dkyil 'khor la gzugs brnyan gyi rang bzhin yod pa spangs nas/ yang chu'i nang du gzugs brnyan 'byung bar byed pa bzhin du/ rnam par shes pa'i khams 'di yang lus yongs su su btang ste/ lus kyi rang bzhin 'phangs nas phung po gzhan thob par 'gyur ro// dper na sa bon gyi khams chung ngu zin kyang / shing n+ya gro ta dang / u dum ba ra la sogs pa'i shing gi phung po chen po bskyed nas/ yang shing de yongs su btang ste/ shing gzhan 'dzin la sa bon gyi khams yongs su btang ba na/ dus bzlog par 'gyur bas/ shing de'i khams kyi bcud med par 'gyur ro// khams kyis bcung rnams med par gyur pas shing de yongs su rnyings shing yongs su skam par 'gyur ba de bzhin du/ rnam par shes pa'i khams phra zhing mi gsal ba 'dis kyang lus rnams bskyed nas yang yongs su btang ste/ lus gzhan dag sgrub par byed do// dper na nas dang / til dang / gro dang / mon sran gre'u dang / mon sran sde'u la sog
- 102b
pa'i sa bon chung zad gang na yod pa der/ chung zad sems pa lta bur gnas par gyur pa de bzhin du/ rnam par shes pa'i khams 'di yang sems can gyi ris gang dang gang du/ 'pho ba de dang der sems pa yongs su bzung zhing / tshor ba chung ngu dang / bsod nams dang bsod nams ma yin pa rjes su bzung nas/ 'jig rten 'di nas 'jig rten pa rol du 'pho'o// dper na bung ba rol sred pas yun ring du me tog la gnas te/ longs spyad nas me tog yongs su btang ste/ me tog gzhan du 'pho la/ bung ba de yang me tog dri mi zhim pa longs spyad nas/ dri zhim par 'gro bar byed de/ me tog gang dang gang la 'jar ba de dang de la chags shing ro yang myong bar byed pa de bzhin du rnam par shes pa'i khams 'dis kyang lha rnams kyi nang du lha'i lus blangs te/ dge ba'i rtsa ba shin tu longs spyod nas phyir yang sems can dmyal ba dang / dud 'gro dang yi dgas kyi/ nang du lus blangs te/ des mi dge ba'i rtsa ba yongs su myong nas yang phung po gzhan dag len to// de la rnam par shes pa'i khams 'di ji ltar blta zhe na/ dper na gur kum gyi sa bon nam leb rgyan rtsi'i sa bon rnams rang bzhin gyis dkar la de dag gi khon myu gu yang mi snang / me tog kyang mi snang kha dog kyang mi snang la/ sa bon desa'i khams la btab na/ chu'i khams kyis sa yongs su brlan nas myu gu mngon par 'grub par byed do// myu gu mngon par grub na/ me tog dmar po 'am/ dkar po 'am/ sngon po 'byung
- 103a
bar 'gyur te/ 'on kyang kha dog de yang sa bon gyi khong ni mi gnas la/ sa bon med na yang kha dog dang myu gu 'byung bar mi 'gyur ba de bzhin du rnam/ par shes pa'i khams 'dis kyang lus yongs su btang nas/ mi'i sha tshugs can yin la/ sha snag gu'i dbang po'i byung ba'i skye mched dang ldan pa ma yin te/ de lha'i mig dang / lha'i rna ba dang ldan zhing sgra dang / dri dang / ro dang / reg bya dang / chos kyi skye mched rab tu shes pa'i bdag nyid can du 'gyur la/ 'di snyam du gang dag gis las byas pa de nyid ni bdag yin no snyam du yang shes so// lus de yang rnam par shes pa'i rkyen gyis bsdus pa yin te/ dper na der gyi srin bu rang gi lus las skud pa'i rgyud byung bas/ khyim byas la de nyid de'i nang du 'chi ba'i dus byed do// de bzhin du rnam par shes pa'i khams 'dis kyang lus bskyed nas/ dar gyi srin bu bzhin du bdag nyid yang lus yongs su btang myed par 'gyur ro// dper na pad ma chu'i nang nas skyes te/ lha'i dri dang kha dog mngon par 'grub kyang / pad ma dkar po de la chu'i khams kyang mi dmigs la/ de'i nang du mi snang bar gyur nas/ gang du sa bon gnas pa der kha dog dang dri dang ro rnams gnas par 'gyur ro// de bzhin du rnam par shes pa'i khams 'di gang du 'pho zhing 'gro ba der dang po dag gi spyod yul rnams 'pho bar 'gyur te/ tshor ba dang sems pa dang / chos kyi khams kyang der 'pho zhing 'gro bar 'gyur ro// dper na yid bzhin gyi nor bu rid ba ni
- 103b
gang du 'gro ba der longs spyod thams cad 'pho zhing 'gro bar 'gyur ro// dper na nyi ma dang 'dra ba'i 'od zer rnams nyi ma gang dang gang du 'gro ba de dang de nyid du 'od zer rnams kyang rjes su 'gro ba de bzhin du/ rnam par shes pa'i khams 'di gang dang gang du 'pho ba de dang de nyid du/ tshor ba dang / 'du shes dang chos kyi khams rnams kyang 'pho zhing 'gro'o// gzhan yang rnam par shes pa'i khams 'dis lus yongs su btang nas/ dngos po thams cad kyi phrad pa yongs su bzung ste/ sha med pa dang / rus pa med pa'i lus 'grub par 'gyur ro// de'i lus len pa'i rgyu ni gzugs yin no// dbang po'i dngos po rnams ni tshor bas med do// dran pa ni lha'i lta bas mthong ste/ dge ba dang mi dge ba yang yongs su len to// dper na rgya shug dang 'bra go dang / a mra dang / nyo ti dang / se'u dang / bil ba dang / ka pid ta la sogs pa'i 'bras bu rnams ni ro du mar 'grub ste/ tsha ba dang / kha ba dang / sbyar ba dang / lan tsha'i ro dang / bskal ba la sogs pa'i ro re rer rnam par smin par 'gyur te/ la la ni ngo tsha bar 'gyur la la ni sbyar/ la la mngar ro// 'bras bu de dag med par gyur pa'i sa bon gang dang gang du 'pho ba der ro yang 'pho bar 'gyur ro// de bzhin du rnam par shes pa'i khams 'di gang dang gang du 'pho ba de dang der tshor ba 'pho bar 'gyur ro// bsod nams dang bsod nams ma yin pa dang / dran pa yang 'pho bar 'gyur ro//
- 104a
nga rgyu ga sa pas smra du sa shes te/ de bas na 'di la rnam par shes pa'i khams shes bya'o// dge ba'i las kyang rab tu shes so// mi dge ba'i las kyang rab tu shes so// las 'di dag ni bdag gi phyi bzhin 'brang ngo // bdag kyang 'di dag gi phyi bzhin 'brang ngo snyam du de ltar rab tu shes te/ de bas na rnam par shes pa zhes bya'o// gzhan yang lus 'di bya ba thams cad rab tu shes te/ de bas na rnam par shes pa zhes bya'o// dper na rlung gi khams grang bar yang 'gyur zhing tsha bar yang 'gyur la/ dri zhim por yang ldan zhing dri nga bar yang ldan te/ spyod pa de dag thams cad ni rlung gi khams kyi rkyen las byang yang / rlung gi khams de yang gzugs can yang ma yin la/ len pa'i rgyus snang ste/ ji ltar rlung gi khams kyis shing g.yo ba dang / grang ba dang / tsha ba'i reg pa len pa'i rkyen byed pa'i las rlung gi khams shes par gyur pa de bzhin du/ rnam par shes pa'i khams 'di yang gzugs can ma yin te/ gzugs len pa'i rkyen dang / 'dod pa len pa'i rkyen dang / lta ba len pa'i rkyen dang / tshul khrims dang brtul zhugs mchog tu 'dzin pa'i rkyen gyis tshor ba myong bar 'gyur ro// tshor ba'i rkyen gyis lus dang / kha dog skye zhing 'grub par byed pas na/
- 104b
rnam par shes pa zhes bya'o// de nas tshong dpon gzhon nu zla ba 'byor pa stan las langs te/ thal mo sbyar nas bcom ldan 'das la 'di skad ces gsal to// btso ldan 'das gzugs ji ltar blta bar bgyi/ len pa ni ji lta bu lags/ las len pa ni ji ltar blta bar bgyi/ lta ba len pa ni ji lta bu lags/ tshul khrims dang brtul zhags mchog tu 'dzin pa'i len pa ni ji ltar blta bar bgyi/ bcom ldan 'das kyis bka' stsal pa/ zla ba 'byor pa leg so legs so// mkhas pas ni/ mkhas pa'i mtshan nyid de ltar shes so// zlo ba 'byor pa 'di na kha dog bzang po'am/ kha dog ngan pa yang rung ste/ de ni sha kham tshad dang / rtsa dang / rgyus pa dang / mgo dang / glad pa dang / rus pa dang / rkang dang / rgya ma dang / gnye ma dang / mkhal ma dang / snying dang / lto dang / glo ba dang / phyi sa dang / gcin dang / lgang ba dang / pho ba dang / long ka dang / zhag dang / chu gser dang / rnag dang / khrag dang / mkhris pa dang / bad kan dang / ngar snabs dang / ska dang / kha sgra dang / sen po dang / spu dang / bags pas g.yogs pa shin tu gyur pa/ mi sdug pa dang / mi gtsang ba mang po la rten pa'o// gzugs gang ci yang rung ba de dag bam cad ni 'byung ba chen po bzhi dang / 'byung ba chen po bzhi rgyur byas pa las mngon par 'grub ste/ de yang pha ma phrad pa'i gyen gyis 'grub par 'gyur te/ de bas
- 105a
gzugs len pa'i rgyu zhes bshad do// zla ba 'byor pa lus kyi sra ba nyid gang yin pa de ni sa'i khams so// gsher ba nyid gang yin pa de ni chu'i khams so// dro ba nyid dang yongs su smin par byed pa gang yin pa de ni me'i khams so// g.yo ba nyid dang bskum pa dang / brkyang ba nyid gang yin pa de ni rlung gi khams so// lus de'i bar du shes pa dang / re'i khams dang / dri'i khams dang / sgra'i khams dang / reg bya'i khams dang / dran pa gang yin pa de ni rnam par shes pa zhes bya'o// de nas bcom ldan 'das la/ tshong dpon gzhon nu zla ba 'byor pas 'di skad ces gsol to// bcom ldan 'das 'gum pa'i dus kyi tshe/ rnam par shes pa 'dis gzugs kyi khams ji ltar yongs su gtong bar 'gyur/ lus las rnam par shes pa ji ltar 'byung bar 'gyur/ lus yongs su btang nas 'di snyam du 'di ni bdag gi khog pa yin no snyam du ji ltar 'tshal bar 'gyur/ bcom ldan 'das kyis bka' stsal pa/ zla ba 'byor pa 'dir lus 'dir gnas par gyur nas/ dus log par gyur pas khams rnams yongs su gtong bar 'gyur te/ dper ra 'o ma dang chu bsres te lhan cig tu bzhag pa me dang brad na/ 'o ma yang logs shi tu 'gyur zhing / chu yang logs shig tu 'gyur te/ 'o ma'i snam gyi khams gang yin pa de yang gzugs can ma yin no// zla ba 'byor pa bzhin du mi shi ba'i khog pa yang log
- 105b
shig tu 'gyur/ khams rnams kyang log shig tu 'gyur/ rnam par shes pa yang log shig tu 'gyur te/ rnam par shes pa de yang khams kyi rten yongs su blangs nas/ chos kyi khams yongs su len to// dran pa ni chos kyi khams dang 'brel par 'gyur te/ dran pa chos kyi khams dang 'brel pa dang / dge ba dang mi dge ba blangs nas/ 'jig rten pha rol tu 'gro bar 'gyur ro// dper na dge ba chen po zhes bya ba'i sman mar de ni sman ro tsha ba dang / kha ba dang / sbyar ba dang / lan tsha'i ro dang / bskal ba'i ro'i mthu dang rnam par smin pa du ma blangs nas/ lus kyi nang du 'gro'o// dge ba'i sman mar gyi ro'i mthu dang rnam par smin po de nang du song bas lus la kha dog dang // dri dang / ro skyed par byed cing / de mar gyi khams yongs su btang nas lus la 'pho ba de bzhin du/ rnam par shes pa'i khams 'dis kyang lus yongs su btang nas// dge ba dang mi dge ba yongs su blangs shing / chos kyi khams yongs su blangs nas/ rnam par shes pa 'pho bar 'gyur te/ mar gyi khams gang yin pa de ni lus lta bu'o// sman rnams phrad pa gang yin pa de ni dbang po rnams phrad pa lta bu'o// sman rnams kyi kha dog dang / dri dang / ro dang / reg bya gang yin pa de ni rnam par shes pa lta bu'o// 'pho ba gang yin pa de ni shi 'phos pa'i rnam par shes pa 'pho ba lta bur blta bar bya'o// mi'i kha dog rgyas pa dang / mdog bzang zhing bde bar
- 106a
smin pa gang yin pa de ni dge ba lta bur bstan to// dge ba chen po'i sman mar des mdog ngan cing skya bor 'gyur ba gang yin pa de ni mi dge ba lta bur bstan to// dge ba chen po'i sman mar rin po che ji lta ba de bzhin du ni rnam par shes pa'i khams blta bar bya'o// ji ltar dge ba chen po'i sman mar gyis/ sman rnams kyi kha dog 'jug par byed cing / ro dang dri 'jug par byed kyang mar de la rka lag dang mig med pa de bzhin du rnam par shes pa'i khams 'dis kyang lus yongs su btang zhing khams rnams bor nas/ chos kyi khams yongs su len cing tshor ba yongs su len te/ dge ba dang mi dge ba yongs su len to// za ba 'byor pa mi shi 'phos pa des kyang lha'i dran pa thob par 'gyur te/ 'dod pa na spyod pa drug gi lha rnams mthong ngo // sems can dmyal bcu drug kyang mthong ngo // bdag nyid kyi las rka lag nyams pa yang mthong ste/ de 'di snyam du 'di ni bdag gi khog pa yin no snyam du yang shes so// de 'chi ba'i dus kyi tshe'i dran pas lnga'i ltas khang pa brtsegs pa rnam par bka' zhing / shing gel ba dang / khro shing dang / ldum bu sna tshogs kyis kun nas bskor ba/ gser bco ma'i sar pa'i mdog ltar sba ba/ sa pa rnam par dbye ba byas pa dag mthong ngo // des ltas de mthong nas/ mchog tu dga' ba skyes te/ de dga' ba skyes pa des bde ba'i rnam par smin pa'i 'a
- 106b
ba'i dus kyi chos dang ldan par 'gyur ro// de'i rnam par shes pa de ni rtul zhon pa dang 'dra bar blta ste/ dper na g.yul ngor chos pa na dmag mi'i nang na rtsi ci la ma rag bar rnas pa ska las bzung ste sbyar ba myung bar zhon par byed pa de bzhin du/ rnam par shes pa'i khams 'di yang dge ba la dmigs pa dang 'bral cing / dbugs rgyu ba rgod pas chos kyi khams yongs su blangs shing skye mched 'gags te/ lus bor nas lha'i gnas 'og min man cad tshangs pa'i bar du yongs su len par 'gyur ro// de nas sman chen gyis bcom ldan 'das kyi zhabs la gtugs nas/ bcom ldan 'das la 'di skad ces gsol to// rnam par shes pa lus las 'pho ba de'i rang bzhin ji lta bu zhig lags/ bcom ldan 'das kyis bka' stsal pa/ sman chen da ltar khyod kyis nga la ji skad bskul ba de ni de bzhin te/ legaso legs so// dri ba 'di ni mchog tu zab po// dri ba 'di ni de bzhin gshegs pas bstan par bya ba yin te/ rnam par shes pa de ston pa ni de bzhin gshegs pa ma gtogs par gzhan med do// de nas bcom ldan 'das la bzang skyong gis 'di skad ces gsol to// bcom ldan 'das rgyal po'i bu gzhon nu sman chen ni/ zab mo'i zhu ba zhu ba la mkhas pa la mkhas pa lags te/ bro bzhi ba cing 'dzangs la mkhas pa lags so// bcom ldan 'das kyis bka' stsal pa/ bzang skyong de bzhin te/
- 107a
rgyal ba'i gzhon nu sman chen 'di ni bcom ldan 'das rnam par gzigs la/ dge ba'i rtsa ba rnam par bskyed pa yin no// / bzang skyong rgyal ba'i bu gzhon nu sman chen 'di ni tshe rabs lnga brgya'i bar du gzhan mu stegs cen du gyur nas/ de 'di snyam du rtog ste/ rnam par shes pa'i khams 'di/ ci yin/ rnam par shes pa'i khams 'di su yin/ rnam par shes pa'i khams 'di ji lta bu zhig yin snyam mo// bzang skyong 'on kyang rnam par shes pa'i 'gro ba dang 'od bakhong du ma chud de/ ngas 'di'i the tsom bstsal bar bya'o// de nas tshong dpon bzang skyong gis sman chen la 'di skad ces smras so// sman chen legs so legs so// khyod ni shes rab rgya che zhing yangs la chos zab mo zhu ba la mkhas so// sman chen bcom ldan 'das ye shes 'jug pa blo dag pa'i rtsa bar gyur pa la skul cig/ zla ba 'byor pa 'di ni byis pa ste/ yul la sred pas bcom ldan 'das de bzhin gshegs pa la lan 'ga' yang ma bskul bskul bar ma byas so// de bzhin gshegs pa 'byung ba ni rnye ba da/ ma/ sh-i 'i sa nga byung ba nga 'di myed par dang// bco ldan las kyi pa ring ba'i gas nams tsu ldan 'das 'ayul du/ da tshad kyis bcom ldan 'as kyinapa ston pa'i dus kyi matog pa ma'i tshal ltar rgyas pa mthong ngo // mangs kyang slan che dang pa byes te bcom ldan 'das la dzin kyi gas ga
- 107b
bcom ldan 'das bdag ni chos 'tshal ba lags na/ bde bar gshegs pas bdag la bstan tu gsol/ bskal pa'i mthar thug par yongs su mya ngan las 'das par gshegs pa bzhin du gyur nas/ de'i slad nas sems can 'di dag gis las dge bas dang / mi dge ba rnams kyi rnam par smin pa mtshul te/ 'khor ba na yongs su lakhyam bar 'gyur du mchi'o// bcom ldan 'das kyis bka' stsal pa/ sman chen ngas tshigs su bcad pa phyed kyi don gyi phyir yang brag gi rtse mo nas rang gi lus bor te/ dka' ba rnam pa brgya stong du ma nyams su myong ngo // sman chen khyod ci dang ci 'dod pa dris shig dang / ngas khyod la len bdab po// de skad ces bka' stsal nas/ bcom ldan 'das la sman chen gyis 'di skad ces gsol to// bcom ldan 'das rnam par shes pa 'di'i rang bzhin ci lags/ bcom ldan 'das kyis bka' stsal pa/ sman chen sgyu ma mkhan gyi mi'i rang bzhin gang yin pa dang / mi'i dri ba ma chu'i nang du byung ba gsal ba ma yin zhing mi gsal ba'i rang bzhin gang yin pa dang / mig dang na mkha'i rang bzhin gang yin pa dang / sred pa'i rang bzhin gang yin pa bzhin no// sman chen gyis gsol pa/ bcom ldan 'das sred pa'i rang bzhin ji lta bu lags/ bcom ldan 'das kyis pa phrus pa/ shid 'i pa/ ngag pa dang / ma pa sa nga na kyi ju rna /
- 108a
@phyung na rang gi rang bzhin gyi gzugs brnyan mi mthong ba de bzhin du/ rnam par shes pa'i khams 'di 'phos na rang gi bsod nams dang bsod nams ma yin pa rnam par shes pa'i khams des mthong ngo // dper na mi dmus long gis nyi ma 'char ba 'am nyi ma gang na 'dug pa yang mi mthong la/ mtshan mo yang zla ba 'char ba dang / nub pa mi mthong ba de bzhin du/ rnam par shes pa'i khams 'di yang lus la mi snang ngo // sman chen 'on kyang lus la sred pa dang / tshor ba dang 'du shes dang / rab tu shes pa gang yin pa de ni rnam par shes pa'i khams yin te/ de yang lus 'di'i khams rnams dang / skye mched rnams dang / phung po rnams phrad par byed pa yin no// de la thugs kyi dngos po gang yin pa de ni 'di lta ste/ mig dang / rna ba dang / sna dang / d+bi dang / sgra rnams so// tshor ba dang sdug bsngal dang bde ba dang / yid rnams ni gzugs can ma yin pa'i dngos po ste/ de ni rnam par shes pa'i khams yin no// sman chen ji ltar ma'i lce'i thor to sa ro kha ba dang / tsha ba dang / sbyar ba dang / dngar ba dang / lan tsa'i ro dang / bskar ba tshor te/ de'i lce de yang gzugs can ma yin la/ ro dngos po yang gzugs can yin no// de bzhin du lus 'di la yang rus pa dang sha dang khrag ni gzugs can yin la/ tshor ba gang yin pa de ni gzugs can ma yin te/ gang gis rnam
- 108b
bar smin pa dang / bsod nams dang bsod nams ma yin pa myong ba de ni rnam par shes pa'o// de nas bzang skyong gis bcom ldan 'das kyi zhabs la gtugs nas/ bcom ldan 'das la 'di skad ces gsol to// bcom ldan 'das bsod nams dang bsod nams ma yin pa myong ba de gang lags/ bcom ldan 'das kyis bka' stsal pa/ bzang skyong de'i phyir nyon cig/ bden pa ma mthong bas ni rnam par shes pa 'di ma thong ste/ de ni lag mthil du sbya rur bzhag pa bzhin mthong bar mi 'gyur ro// de ni mig la yang mi gnas te/ mig las kyang skye la mthong bar yang mi 'gyur ro// bzang skyong de bzhin gshegs pa gang 'ga'i klung gi bye ma snyed dag gis rnam par shes pa'i khams 'di ji ltar gzigs pa de bzhin du/ ngas kyang gzugs can ma yin par thugs su chud do// 'on kyang byis pa rnams kyis mi shes pa'i phyir/ rnam par shes pa'i khams 'dis dpes bstan to// bzang skyong 'di ni rnam par shes pa'i khams 'dis/ bsod nams dang bsod nams ma yin pa du sas/ kyil lasam byed dag parjid byed nga// dza na das/ lda ga sa sbyi ra smra spya khong na 'dug pa'i skem byed dam/ dri za'am/ lha de snang ngam/ gsol pa/ bcom ldan 'das de ni ma lags so// mi de'i nang ngas slad rol na yang gdod /
- 109a
gda' ste/ gdon de dag ni gzugs ma mchis pa lags so// bzang skyong dper na lha'i gdon chen pos me tog shin tu dri zhim pa dang spos dang / gdug pa dang / me tog 'phreng byin pa len pa de bzhin du/ rnam par shes pa'i khams bsod nams dang ldan pas kyang lus blangs nas/ rgyal srid kyi dbang phyug gam tshong dpon nyid dam/ lha nyid byed du 'jug ste/ de ltar na rnam par shes pa'i khams 'di ni bsod nams myong ba yin no// ji ltar lha'i gdon de lha'i me tog 'breng byon pas rangs par 'gyur zhing mi de'i lus kyang tshim par 'gyur ba de bzhin du/ rnam par shes pa'i khams 'di yang rgyal srid kyi dbang phyug nyid la dga' bar 'gyur zhing / lus de yang tshim par 'gyur te/ de ltar na rnam par shes pa 'di ni bsod nams myong ba yin no// bzang skyong dper na lus srul pa'i gdon mi sdug cing / gzugs mi snang ba mi'i lus la gnas te/ mi gtsang ba dang / rul pa dang / ldan ljin dang / gtor khung nas 'bab pa dang / gtor ma 'dod cing de yang gtor ma des dga' bar 'gyur la/ mi de yang gdon gyi dbang gis dri nga zhing / mi gtsang ba las byung ba'i kha zas brtsog pa dag la chags shing dga' bar 'gyur ba de bzhin du/ rnam par shes pa'i khams 'di yang bsod nams ma yin par 'gro ba'i las kyis skye gnas ngan par skyes te/ dbul po 'am/ yi dgas ngan pa 'am/ ldan ljin za ba dag la
- 109b
chags shing dga' bar 'gyur te/ de ltar na rnam par shes pa'i khams 'di ni bsod nams ma yin pa myong ba yang yin no// dper na lha'i gdon chen po gzugs med pa de lha'i longs spyod len pa de bzhin du/ rnam par shes pa'i khams gzugs can ma yin pa 'di yang bsod nams gzugs ma yin pas/ yongs su bzung nas lha'i lus rnams skyed par byed do// dper na srul po'i gdon gzugs med pa mi la gnas shing / byi sa dang ldan ljin za bar byed pa de bzhin du/ rnam par shes pa'i kham 'di yang bsod nams ma yin par nye bar 'gro ba'i las rnams kyis skye gnas ngan par skye bar 'gyur te/ de ltar na rnam par shes pa'i khams 'di ni bsod nams ma yin par nye bar 'gro bar yang blta'o// bzang skyong de bas na khyod kyis gdon gang yin pa de ni gzugs med pa'i phyir rnam par shes pa'i khams lta bur blta'o// gdon/ gyi longs spyod bzang po dang ngan pa gang yin pa de dag ni/ dge ba dang mi dge ba lta bur blta'o// mi gang yin pa de ni lus lta bur blta'o// de nas bcom ldan 'das la sman chen gyis 'di skad ces gsol to// bcom ldan 'das lus 'di len pa'i rgyu ji ltar blta bar brtsi/ bcom ldan 'das kyis bka' stsal pa/ 'din pan tshun kyi rkyen gyis 'dod pa len par byed de/ dper na gachub stan las kyang brten/ de skyed pa'i tshol ba las brten te mi 'grub par 'gyur ba de bzhin du/ lus 'di len pa'i cu skyes pa dang /
- 110a
bud med kyi rkyen gyis sgra dang reg pa dang / ro dang gzugs la sogs pa'i 'dod pa 'grub par 'gyur ro// dper na me tog las 'bras bu 'grub par 'gyur ba te/ 'on kyang me tog de la yang 'bras bu ma dmigs la/ 'bras bur 'grub pa la yang me tog mi dmigs pa de bzhin du/ las 'di las rnam par shes pa 'byung ste/ 'on kyang lus de la yang rnam par shes pa mi snang la/ rnam par shes pa ldog pas kyang lus kyi rus pa dang / rkang dang / mer mer po dang / mi gtsang ba rnams rnam par 'jig par 'gyur ro// dper na sa bon de me tog gi kha dog dang / dri dang ro 'bebs pa de bzhin du rnam par shes pa'i khams 'dis kyang lus yongs su btang nas dge ba dang mi dge ba btab cing / tshor ba dang / 'du shes dang / yid la byed pa yang btab nas 'jig rten pha rol du 'gro'o// dper na skyes pa dang bud med gnyis kyi dbang po gnyis phrad nas dga' bas brlan te/ bud med la shin tu dam por 'khyud nas nyon mongs pa 'byin par byed de/ de gnyis kyi nyon mongs pa med par gyur na yang 'bral bar 'gyur ro// de gnyis la 'dod pa dang ldan pa'i bde ba 'byung bar 'gyur te/ der nyon mongs pa byung nas 'dod chags med par 'gyur te/ yang gcig la gcig 'dod chags dang bral bar 'gyur ba de bzhin du rnam par shes pa'i khams 'dis lus dang phrad pa rnyed nas
- 110b
dga' ba skyed de/ chags pa 'phel bar byed do// dper na lus kyi rkyen gyis bud med kyis gzugs mthong na/ skyes pa'i 'dod chags skyed la/ yang phrad pa las bral na phyir ldog par 'gyur ba de bzhin du/ rnam par shes pa'i khams 'dis lus yongs su blangs nas yang bor te gzhan du 'gyur ba med par 'gyur ro// 'di la pha ma phrad pa dang / dri za nye bar gnas pa dang / las la dmigs pa'i dngos po las rnam par shes pas lus 'grub par byed de/ las de dag kyang gzug can ma yin la/ skyes dang bud med kyi rkyen gyis ngo bo de yang gzugs can ma yin no// len pa'i rkyen las 'dod pa byung ste/ de bas na 'dod pa'i len pa zhes bya'o// gzugs kyis 'dod pa len pa na/ de'i phyir yang 'dod pa'i len pa zhes bya'o// sman chen gzhan yang tshul khrims dang brtul zhugs mchog tu 'dzin bo'i len pa de gang zhe na/ 'di la tshul khrims ni srog gcod pa dang / ma byin par len pa dang / 'dod pas log par g.yem pa dang / brdzun du smra ba dang / 'bru'i chang dang / sbyar ba'i chang myos par byed pa bag med pa'i gnas spong ba'o// de'i mchog tu 'dzin pa ni rgyun tu zhugs pa'i 'bras bu dang / lan cig phyir 'ong ba'i 'bras bu'o// de'i len pa ni srid pa ste/ lha dang mir skye zhing / skye ba yongs su 'dzin pa skyed pa ste/ de ni zag pa dang bcas pa dang / zag pa med
- 111a
pa'i dge ba'i rtsa ba yongs su smin par byed do// phung po rnams kyi sa bon yang brlan par byed do// las dge ba dang / mi dge ba/ rnams kyang sdud par byed do// rnam par shes pa yang sbyong bar byed do// nyon mongs pa blangs pa rnams kyang sreg par byed de/ de bas na 'di ni tshul khrims dang brtul zhugs mchog tu 'dzin pa'i len pa zhes bya'o// de skad ces bka' stsal nas/ bcom ldan 'das la sman chen gyis 'di skad ces gsol to// bcom ldan 'dis rnam par shes pa 'dis ji ltar lha'i nang du lus yongs su len pa lags/ sems can dmyal ba rnams su ji ltar len pa lags/ bcom ldan 'das kyis bka' stsal pa/ sman chen de'i phyir nyon cig/ 'di la rnam par shes pa'i khams 'dis chos kyi khams yongs su blangs nas/ lha'i lta ba skyed de/ de'i lta ba de yang sha'i mig la rten pa ma yin no// de'i lta bas mthong ba gang yin pa de ni legs pa zhes bya ste/ de bas na lta ba'i len pa zhes bya'o// de'i lha'i lta ba bsod nams la dmigs pa dang mtshungs par ldan pa des 'dod pa na spyod pa'i lha rnams kyi nang du lha'i gnas mthong ste/ der lha rnams lha'i rtse ba dag gis rtse ba mthong nas/ de der chags pa skye 'di snyam du sems te/ bdag ni der 'gro'o snyam mo// des der chags su rung zhing dran pa dang ldan pa'i srid pa rab tu shes so// dur khrod na 'dug pa'i khog pa de/
- 111b
yang des mthong nas/ 'di snyam du sems te/ 'di ni bdag gi dge ba'i bshes gnyen yin te/ de bdag lha rnams kyi nang du skye ba yongs su len pa gang yin pa'i/ bdag gi dge ba'i rtsa ba bstsags so// snyam mo// de skad ces bka' stsal nas/ bcom ldan 'das la sman chen gyis 'di skad ces gsol to// bcom ldan 'das rnam par shes pa khog pa de chags na ci'i slad du mi gnas/ khog pa de nyid la ci'i slad du mi rten/ bcom ldan 'das kyis bka' stsal pa/ sman chen/ dper na mi la la'i skra dang kha spu bregs te skra dang kha spu de mthong nas/ mi de 'di snyam du sems sam/ skra 'di dag ni dri zhim zhing gnas pa yin gyis/ 'di dag ni phyir yang mgo la bskyed par bya'o snyam 'am/ sman chen 'di ji snyam du sems/ ci skra de dag phyir skye bar 'gyur ram/ gsol ba/ bcom ldan 'das de ni ma lag so// bcom ldan 'das kyis bka' stsal pa/ sman chen de bzhin du rnam par shes pa'i khams 'dis khog pa de nyid la gnas pa 'di ni gnas med do// de skad ces bka' stsal nas/ bcom ldan 'das la sman chen gyis yang 'di skad ces gsol to// rnam par shes pa'i khams cha bra zhing mi mngon pa 'dis glang pa che'i lus bong chen po ji ltar bsgrub par bgyid cing / rdo rje ltar sra ba'i khog pa 'di yang ji ltar ltol bar bgyid/ glang po che dgu stong gi stobs dang ldan
- 112a
pa'i mi dang / glang po che'i rgyal po yang ji ltar 'dzin par bgyid/ bcom ldan 'das kyis bka' stsal pa/ sman chen dper na/ rlung gi khams gzugs med cing bstan tu med pa ri'i brag na gnas pa de yang / ri'i brag de nas byung ste/ ri rab dang 'dra bar mtshungs shing ri yi rtse mo rnyil bar byed cing / 'gyes par byed na/ sprin chen 'di ji snyam du sems/ rlung gi khams kyi rang bzhin ni ji lta bu/ ri de'i rang bzhin ni ji lta bu/ sman chen gyis gsol pa/ rlung gi khams ni ste zhing lus ma mchis par blta bar bgyi'o// bcom ldan 'das kyis bka' stsal pa/ sman chen de de bzhin te/ ji ltar rlung gi khams snyi zhing lus med pa de bzhin du/ rnam par shes pa'i 'di yang gzhag cing lus med mod kyi/ lus chen po dag dang chung ngu dag kyang skyed par byed de/ sbrang bu'i yang rnam par shes pa de nyid yin no// glang po che'i yang de nyid yin no// dper na mar me'i me lce chung yang ra ba 'am khang pa'i nang gi mun pa chen po sel par byed pa de bzhin du/ rnam par shes pa'i khams 'dis kyang las len pa'i rgyu des na/ gzugs chung ngu dang / chen po rnams 'grub par byed do// de skad ces bka' stsal nas/ bcom ldan 'das la sman chen gyis 'di skad ces gsol to// bcom ldan 'das ji las de gzugs can zhig lags sam/ 'on te
- 112b
gzugs ma mchis pa lags/ rang bzhin ni ji lta bu lags/ rkyen ni ji lta bu las blta bar bgyi/ bcom ldan 'das kyis bka' stsal pa/ sman chen 'di la las rnams kyi spyod yul ni lha'i bde ba dag dang / 'byor pa dag dang / lha'i kha zas thob pa yin no// dper na mi dbul po gnyis shig 'brog tu 'khyam pa las/ der gcig gis ni chu bsil ba rnyed la/ gcig ni skom ste shi na/ chu de la la zhig gis snyim pas bcus te/ mi de la byin pa yang med/ la la zhig gis mi gcig shos/ la de la bkag pa yang med kyi/ bsod nams kyi mthu 'ba' shig gis/ gcig gis ni chu rnyed la/ gcig gis ni ma rnyed pa de bzhin du/ dge ba dang mi dge ba'i chos de dag blta bar bya'o// zla ba yar gyi ngo dang mar gyi ngo ji lta ba bzhin du dge ba dang mi dge ba yang de bzhin du blta bar bya'o// dper na shing thog rlon pa yongs su smin pa na kho dog gzhan du 'gyur te/ kha dog de yongs su smin pa yang me'i khams kyi dbang gis 'gyur ro// de bzhin du lus 'di yang bsod nams kyi dbang gis tshong dpon gyi khyim nor dang gsor 'byor pa dag tu rgyun nye bar ston to// lha'i gnas dag tu lha'i rgyan dag nye bar sten te/ dbang phyug gi rgyu gang yin pa de ni bso/ nams kyi dper bstan to// dper na sa bon sa la btab na shing gi rtse mor snang bar 'gyur la/ sa bon de yang sdong bu nas sdong bu'i rtse mor 'pho ba med cing / shing /
- 113a
nang na yang sa bon de mi dmigs la/ mi la la zhig gis lag pa gnyis kyis sa bon de blangs te/ shing gi rtse mor bzhag pa yang med cing // sa bon rtsa ba nas 'pho ba yang mi dmigs pa de bzhin du/ las dge ba dang mi dge ba lus la gnas pa rnams kyang lus la mi snang ngo // dper na sa bon sa las me tog 'grub pa na/ sa bon gyi nang na yang me tog mi snang zhing / me tog gi nang na yang 'bras bu mi dmigs la/ sa bon dang me tog kyang gnyis su dbyer med pa de bzhin du/ lus las kyang las 'byung / las las kyang lus 'byung mod kyi/ lus kyi nang na yang las mi snang / las kyi nang na yang lus mi snang ngo // dper na me tog yongs su smin pa na 'bras bu dmigs pa na 'bras bu dmigs pa de bzhin du/ lus byin na las rnams dmigs so// dper na gang na sa bon gnas pa der me tog 'byung bar snang ba de bzhin du/ lus di gang dang gang du skyes par gyur pa de dang der las dge ba dang mi dge ba 'byung bar snang ste/ las de yang gzugs can ma yin la/ rnam par sbyin pa yang gzugs can ma yin no// dper na mi'i lus las grib ma mi gsal zhing gzugs can mo yin pa 'byung la/ mi nyid kyi phyi bzhin 'brang ste/ grib ma yang mi de'i lus dang 'brel pa ma yin la/ lus med par yang grib ma 'byung bar 'gyur ba de bzhin du/ lus 'di la dge ba dang mi dge ba 'brel par mi 'dug ste/ lus gang
- 113b
dang gang du 'pho ba de dang der las rnams 'brang bar 'gyur te/ lus kyi dbang gis las rnams 'brang ba yang ma yin la/ lus med par yang las rnams skye bar 'gyur ro// dper na sman tshwa dang / kha ba dang / bska ba la sogs pa'i bye brag gis lus la bkrus sman btang na/ nad thams cad las thar par 'gyur zhing / lha'i mdog rgyas pa yang lus la snang bar 'gyur te/ ji ltar sman tsha ba dang kha ba rnams kyis lus kyi mdog gzhon shar 'dug pa dang / yid du 'ong ba sgrub par byed cing / 'di snyam du mi 'dis ni sman zos gor ma chag go snyam du shes par 'gyur mod kyi/ sman de dag gi ro dang smin pa de yang gzugs can ma yin la/ ro dang smin pa gzugs can ma yin pa yang mi'i mdog rgyas pa las snang bar 'gyur ba de bzhin du/ dge ba'i las 'di yang gzugs can ma yin te/ de las lus grub nas/ kha zas dang nye bar spyad pa dang / longs spyod dang / gos kyi bye brag gi dbang gis rka lag mnyan zhing mchog tu bde ba dang ldan te/ nor bu dang gser dang dngul 'byor par 'gyur ba ste/ de dag thams cad ni dge ba'i las kyi 'bras bu yin no// rigs dang longs spyod rgyas shing 'byor pa las nyams pa dang / nye bar spyod pa dang bral zhing gzhan la re ba dang / kha zas ngan pa za zhing mal stan ngan pa dang / gzugs ngan cing mi sdug pa'i lus can gang yin pa de dag ni mi dge pa'i las de'i 'bras bu yin no// dper na me long gi dbang gis bzhin gyi mdog sdug pa dang/
- 114a
mdog mi sdug par snang la/ me long gi gzugs brnyan de yang gzugs ma yin pa de bzhin du/ dge ba dang mi dge ba'i las kyi dbang gis rnam par shes pa 'di lnga rnams dang / maM rnams dang / sems can dmyal ba dang / dud 'gro dang / ye dgas rnams kyi nang du skye bar 'gyur te/ sman chen las rnams ni ltar blta bar bya'o// de ltar na las 'di dag ni rnam par shes pa'i rjes su 'brang ngo // gsol pa/ bcom ldan 'das rnam par shes pa 'dis dbang po rnams ji ltar 'bebs/ lus chen po yang ji ltar yongs su 'dzin par bgyid/ bcom ldan 'das kyis bka' stsal pa/ sman chen 'di lta ste dper na/ rngon pa nags thibs po'i nang du song nas/ gzhu shin tu bkang ste/ dug mda' spos kyi glang po che bod tshod che ba la bsnun pa la/ dug de yang khrag dang phrad pa la yan lag dang nying lag rnams su 'pho zhing 'gro ste/ dbang po'i spyod yul thams cad 'dor la/ gnang rnams su bsnun cing khrag gi kha dog bsgyur te/ yan lag dang nying lag thams cad du 'pho zhing 'gro la phyir yang lus bor nas/ dug de las las phyir byung na/ sman chen 'di ji snyam du sems/ dug de dang glang po che'i khog pa de'i tshad ci tsam/ gsol pa/ ri rab dang yungs 'bru bzhin lags so// bka' stsal pa/ dug de ji ltar 'pho ba de bzhin du/ rnam par shes pa'i khams 'di yang lus yongs su spong zhing dbang po rnams kyang 'dor la khams
- 114b
rnams kyang yongs su gtong ngo // de ltar na rnam par shes pa'i dbang po rnams 'dor bar byed do// sman chen gzhan yang khyod kyis bcom ldan 'das rnam par shes pa 'di lta bur lus chen po yongs su 'dzin par bgyid ces zer ba ni/ ji ltar kho lag che zhing rags pa'i lus 'di la mi sems pa bzhin te/ dper na ri'i rgyal po ri rab kyi 'phang du dpag tshad brgyad khri bzhi stong yod la/ de yang klu'i rgyal po dga' bo dang / nye dga' gnyis kyis sum khri su yongs su dkris te/ klu'i rgyal po de gnyis kyis dbugs phyi nang du rgyu bas/ rgya mtsho btung du mi rung bar 'gyur zhing / de gnyis kyi dbugs kyis ri rab kyang g.yo bar byed de/ de gnyis ji ltar dug che la spro ba che zhing yangs pa bzhin du/ nor rgyas kyi bu dang / 'jog po gnyis kyang de dang 'dra'o// sman chen 'di ji snyam du sems/ de dag gi rnam par shes pa yang gzhan la/ sbrang bu'i yang gzhan no snyam na de ltar blta bar mi bya ste/ sman chen 'di ltar rnam par shes pa de nyid sbrang bu'i yang yin la/ de nyid de dag gi yang yin no// dper na dug bdas na ba dang / nyal ha la'i thigs pa chung ngu yang / klu'i rgyal po dga' bo dang / klu'i rgyal po dga' bo dang / the dga' la sogs pa de dag gis zos na/ de dag kyang 'chi bar 'gyur ro// sman chen 'di ji snyam du sems/ dga' bo dang nye dga' la sogs pa'i dug gang yin pa dang / bdas na ba dang / hal ha la'i dug gi thigs pa gang
- 115a
yin pa de ni nang na ches mang ba yin/ gsol pa/ bcom ldan 'das dga' bo dang nye dga' gnyis kyi dug ches mang bar bgyi ste// bad sa na ba dang / ha la ha la'i dug ni de lta ma legs so// bcom ldan 'das kyis bka' stsal pa/ sman chen de bzhin du lus chen po glang po che dgu stong gi stos dang ldan pa de dag gi rnam par shes pa'i khams kyang chung zhing mi gsal la/ gzugs can ma yin par blta bar bya'o// rnam par shes pa de yang las kyi rkyen gyis lus chen po mngon par 'grub par byed de/ dper na shing n+ya gro ta'i sa bon chung ngu las shing gi rgyal po mtho zhing rgya che la yal ga dang yal ga rgya lhan du rgya 'phre'u brgya stong gis rgyas pa 'grub par 'gyur ro// sman chen 'di ji snyam du sems/ sa bon de'i tshad ni ci tsam/ shing de'i tshad ni ci tsam// gsol po/ bcom ldan 'das yungs 'bru'i nang dang bar snang bzhin te/ khyad par che lags so// bcom ldan 'das kyis bka' stsal pa/ sman chen de bzhin du sa bon de'i nang na yang shing mi snang la/ sa bon med na yang shing skye ba mi dmigs te/ ji ltar sa bon phra mo las shing chen po skye ba de bzhin du/ rnam par shes pa cha bra ba las gzugs chen po 'brug par 'gyur te/ lus la yang rnam par shes pa mi dmigs la/ rnam par shes pa med na la/
- 115b
lus skye ba mi dmigs so// de skad ces bka' stsal pa nas/ bcom ldan 'das la sman chen gyis yang 'di skad ces gsol to// bcom ldan 'das rdo rje'i snying po lta bu'i rnam par shes pa des/ lus nyam chung ba rnams ji ltar mngon par 'grub par bgyid/ bcom ldan 'das kyis bka' stsal pa/ sman chen dper na mi dbul po la la zhig gis/ yid bzhin gyi nor bu rin po che rnyed na/ yid bzhin gyi nor bu rin po che de blangs nas/ lha'i gnas dang skyed mo tshal dang / bskyed tshal dang / zhing dang / ra ba dang / sgo gang dang / shing gel ba dang / khri shing sna tshogs kyis 'khor ba dang / khang pa me tog gis gtor ba dang / rdzas dang yo byad dag sprul na/ sman chen de dag thams cad ni/ mi brtan zhing nyam chung la myur tu 'gyes shing 'dzag pa'i chos can yin te/ yid bzhin gyi ro nor bu rin po che de mi de'i lag nas stor na/ de'i bde ba longs spyod de dag kyang med par 'gyur ro// ji ltar yid bzhin gyi nor bu rin po che de rdo rje stong gis kyang mi byed la do/ yo byad de dag 'jig pa'i rang bzhin can yin pa de bzhin du/ rnam par shes pa'i khams ni rdo rje'i snying po'i rang bzhin lta bu yin la/ lus gang yin pa de ni stong pa med do// gsol pa/ bcom ldan 'das rnam pa shes pa'i khams zhan pa des de ltar gzugs mdzang zhings pa bye 'amazhing tsha/ com na
- 116a
'das kyis bka' stsal pa/ sman chen dper na chu'i rgyun shan tu 'jam pa ri'i gseb na 'dug pas ri de nyid brtol te byung na/ sman chen 'di ji snyam du sems/ de'i nang na tshes sra ba yin/ gsol pa/ bcom ldan 'das ri ni rang bzhin gyis mkhrang la/ rdo rje ltar brten zhing sra ba lags la chab ni rang bzhin gyis 'jam zhing reg na bde ba lags so// bcom ldan 'das kyis bka' stsal pa/ de bzhin du rnam par shes pa rang bzhin gyis zhan pas lus chen po dag phye ste 'gro bar 'gyur ro// gsol pa/ bcom ldan 'das ji ltar sems can gyi ris na sems can shi 'phos te lha rnams kyi nang du skye ba len pa lags/ ji ltar sems can dmyal ba rnams su skye ba yongs su len pa lags/ bcom ldan 'das kyis bka' stsal pa/ sman chen de'i phyir nyon cig/ sems can de shi 'phos nas bsod nams su nye bar 'gro ba'i dru byed kyis yongasu zin na/ lus yongasu btang nas/ rnam par shes pa des mi'i lta ba yongs su spangs te/ lha'i lta ba thob par 'gyur ro// de lha'i lta ba des 'dod pa ni spyod pa drug gi lha rnams mthong ngo // sems can dmyal ba chen po brgyad kyang mthong ngo // lus de yang 'dar ba mthong ngo // lha rdzas kyi lha'i gnas dang / dga' tshal dang / 'dres tshal dang / me tog gi rna rgyan dang / shing
- 116b
kun she sha ya dang / ko ka na da dang / gzhal med khang dang / tshal stug po dang / lha'i bu mos rtse bas bskor ba yang mthong ngo // rtag tu me tog rgyas shing rnam par bkra bar byas pa'i lha'i longs spyod sdug gus mdzes par byas pa dang / se mo do dang / gdub zlum dang / gdub leb dang / dpung rgyan sba zhing sbas pas brgyan pa de dag kyang des mthong ngo // lho gzhon nu dang / lha mo khri'i steng na 'dug cing yid rab tu dga' ba yang des mthong ngo // des de dag mthong nas kun tu chags pa skyed do// / de ltar kun tu chags pas dga' ba thob par 'gyur ro// dga' ba thob pas yid rab tu thob par 'gyur ro// de snying dga' bas de'i tshe lus kyi kha dog rgyas par 'gyur te/ 'di ltar bzhin gyi mdog pad ma lta bur snang bar 'gyur zhing / lta ba phyin ci ma log par 'gyur ro// sna yang yo bar mi 'gyur/ de'i kha yang mnam par mi 'gyur ro// de bzhin du de'i mig ud pa la sngon pa'i mdab ma 'dra bar snang bar 'gyur ro// de'i gdan rnams kyang chad par mi 'gyur/ de'i khrag kyang zad par mi 'gyur/ phyi sa yang 'byung bar mi 'gyur/ de'i spu zing zhes byed par mi 'gyur/ de'i sde mo rnams kyang nag por mi 'gyur/ lag pa yang ser por snang bar mi 'gyur/ rga lag kyang g.yob par mi byed de/ rga lag 'khums bzhin du 'chi ba'i chos dang ldan par yang mi 'gyur ro// sman chen 'chi ba'i dus kyi che/ lha'i lhas 'byung bar 'gyur te/
- 117a
'di ltar khang pa brtsegs bka ba brgya stong gis brgyan pa mthong ste/ lha'i dril bu g.yer ka'i dra ba sgra snyan pa 'byung ba dang ldan pa dang // lha'i me tog sna tshogs spel ba'i 'phreng ba shin tu dri zhim pa dag mthong ngo // lha gzhon nu rgyan dang gser gyi mchog dang / se mo do dang / gdu bu dang / dpung rgyan gyis mdzes par byas shing lus brgyan pa dag kyang mthong ngo // des lha gzhon nu dag thong nas mchog tu dga' ba skye'o// de yid dga' bas khog pa la ltas gnyis 'byung bar 'gyur te/ me tog kun dang / ku mu ta ltar dkar bar snang ngo // mig ha cang yang mi 'dzums/ ha cang yang mi 'byed do// sgra snyan pa dag kyang 'byung ngo // de'i bzhin yang pad ma lta bur snang bar 'gyur/ shi ba'i khog pa yang ha cang tsha bar yang mi 'gyur/ ha cang grang bar yang mi 'gyur ro// de'i gnyen sdug pa rnams kyang smre sngags chen po 'don par mi byed do// de nyi ma 'char ba'i dus kyi tshe/ 'chi ba'i chos dang ldan par yang 'gyur ro// phyogs kyang mun par snang bar mi 'gyur ro// de 'chi ba'i dus kyi che/ phyogs shin tu dri zhim zhing / shin tu yongs su dag pa tshor bar 'gyur ro// de'i mig kyang ser bar mi 'gyur/ de'i lta ba yang phyin ci log tu mi 'gyur/ bzhin gshegs pa'i sku gzugs mthong na yid ches shing dad pa skye bar 'gyur/ gnyen sdug pa dag mtho ngo na gzhig nas phyir 'ongs po dang / ring mo zhig du 'dug
- 117b
pa bzhin du mgul nas 'khyud cing yid rab tu dga' ste/ 'di skad du srid par skyes pa thams cad kyi tshul ni yin gyis dang dang bral ba'i phyir gdung ba ma byed par thong shig ces des gnyen de dag yang dag par dbugs 'byin par byed do// sman chen gal te sems can bsod nams su nye bar 'gro bas 'chi ba'i dus kyi tshe/ sbyin pa la sred cing yud tsam re re la tshigs bcad dang / tshigs su bcad pa dang / gtam sna tshogs dang / gtan tshigs sna tshogs rjod cing smra la/ de'i nyid la yang srid par mi 'gyur zhing / gnyid kyi dbang du yang mi 'gro na/ bde ba thams cad dad pas de'i 'du byed 'dor bar 'gyur ro// de 'chi ba'i dus kyi tshe/ lha dang lha mo lhan cig tu khri gcig gi steng na 'dag la/ lha mo khI steng na 'dug pa de'i lag pa lha'i lage pa'i steng du bzhag cing // de'i lag pa gnyis las me tog dag kyang 'byung ste/ lha mo dos me tog byung ba dag mthong nas/ lha de dag 'di skad du lha gzhon nu skye ba'i dga' ba'i dus la bab kyis dgyes par mdzod cig ces zer ro// des kyang me tog rnams lag par mnye zhing phur par byed do// des me tog de mnyes pas sems can de 'chi ba'i chos dang ldan par 'gyur ro// de'i rnam par shes pa des kyang dbang po rnams bor zhing dbang po'i spyod yul rnams btang ste/ khams rnams yongasu btang nas khams kyi don yongs su blangs te/ mi gsal zhing gzugs can ma yin la rtazhon pa lta bung /
- 118a
nyi ma dang / me shel dang / sreg bya lta bu dang / chu la zla ba'i gzugs brnyan lta bu dang / sbubs kyi nang gi rlung ltar dge ba la dmigs/ pa bsdus nas byung ste 'pho zhing 'gro'o// de yang de'i tshe me tog la brten nas pha ma khri gcig la 'dug cing phrad pas rnam par shes pa me tog de dag gi nang du 'dres par 'gyur ro// yang der bdud rtsi 'dod pa zhes bya ba'i rlung ldang ste/ rlung des rnam par shes pa de zhag bdun lon pa dang / lha gzhon nu rna cha gdung kor dri ma med tsang mgul ba dang ldan pa 'grub par 'gyur ro// de skad ces bka' stsal nas/ bcom ldan 'das la sman chen gyi 'di skad ces gsol to// bcom ldan 'das rnam par shes pa gzugs can ma lags pa'i rkyen gyi dbang gi gzugs rnams ji ltar mngon par 'grub par bgyid/ rkyen rnams la yang ji ltar gda' bar 'gyur// bcom ldan 'das kyis bka' stsal pa/ sman chen dper na rlung gi khams gzugs med cing bstan tu med cing rkyen gyi dbang gis gzugs rnams ji ltar mngon par 'grub par bgyid/ rkyen rnams la yang ji ltar gda' bar 'gyur/ bcom ldan 'das kyis bka' stsal pa/ sman chen dper na rlung gi khams gzugs med cing bstan tu med cing rkyen gyi dbang gis lha'i gnas dang / ri dang nags tshal la sogs pa 'jig rten gyi khams rnams 'grub par byed pa de bzhin du rnam par shes pa 'dis/
- 118b
rkyen gyi dbang gis gzugs rnams 'grub par byed do// sman chen gzhan yang shing 'dzings pa gnyis phan tshun phrad de gcig la cig brud cing gtsubs pa las mi 'gru par 'gyur te/ me de yang shing gi nang na mi snang la/ shing med na yang me 'byung bar mi 'gyur te/ me yang rkyen gyi dbang gi shing las 'grub par 'gyur gyi/ rkyen med par mi 'byung ngo // gzugs kyi dbang gis kyang shing gi nang na me mi snang la/ shing ma gtogs par yang me mi dmigs so// sman chen de bzhin du rnam par shes pa de yang pha ma'i dbang gis 'jug ste/ rnam par shes pa yang lus kyi nang na mi dmigs/ lus med par yang rnam par shes pa mi 'byung ngo // sman chen dper na me ma byung gzugs dang / dro ba dang / kha dag gsal bar mi snang ngo // sman chen de bzhin du lus ma sgrub pa'i rnam par shes pa dang / tshor ba dang / 'du shes dang / 'du byed rnams mi snang ngo // sman chen dper na nyi ma'i dkyil 'khor chen po gsal bar snang zhing gzi brjid kyis la mer 'dug kyang byis pa so so'i skye bo rnams kyis nyi ma'i gzugs gnag gam/ ser ram/ dmar ram/ dmar ser du mi thong ngo // sman chen de bzhin du rnam par shes pa ni lta ba dang / nyan pa dang / sdom pa dang / ro myang ba dang / reg pa'i rnam padag gis rtogs par 'gyur gyi/ lus la rnam par shes pa gnag pa 'am/ dkar ba 'am/ gzugasu snang bar mis mi mthong ngo // dper
- 119a
na nyi ma tsha ba dang / ser ba dang / 'gro ba dang / phyir yang 'char ba dag gi rtags las snang ba de bzhin du rnam par shes pa yang rtags dag gis blta bar bya'o// de skad ces bka' stsal nas/ bcom ldan 'das la sman chen gyis 'di skad ces gsol to// bcom ldan 'das kyis bka' stsal pa/ 'du byed kyi rtags dang / tshor ba'i rtags dang / 'du shes kyi rtags dang / sems pa dang / mya ngan dang / gdung ba dang / yid mi bde ba ni rnam par shes pa'i rtag su blta'o// gzhan yang rnam par shes pa'i bag chags 'di ltar dge bar nye bar 'gro ba'i sems dang / mi dge bar nye bar 'gro ba'i sems las blta'o// de skad ces bka' stsal nas/ bcom ldan 'das la sman chen gyis 'di skad ces gsol to// bcom ldan 'das ji ltar rnam par shes pa lus las byung ste/ myur du skyes pa yongasu bzung ba des ji ltar lus gzhan la gnas par bgyid/ rnam par shes pa 'di ni ji ltar blta bar bgyi/ bcom ldan 'das kyis bka' sprul pa/ sman chen dper na mi la la lag pa ring zhing thur du bskyang la/ g.yul gyi cha gon te/ lha'i rta rlung gi shugs dang 'dra bar mgyogs pa la zhon nas g.yul du 'gro ste de dag g.yul ngo der song nas mdung dang ral gri dang / mda' dag gis snying myos te/ g.yul ngor rta'i mchog de las sa la lhung la/ de yang lus kyis 'phong rtsal yongasu sbyangs pa zhig ste/ myur ba myur bar sa las rta'i
- 119b
rgyab tu 'gong bar byed na/ ji ltar mi de lhung nas rta la zhon pa dang / 'gong che bas ji ltar rta nye bar gnas pa la 'gong ba na/ rta 'gro bzhin du 'gong ba chen po 'gong bar byed pa de bzhin du rnam par shes pa la yang blta bar bya'o// ji ltar mi pha rol gyi dmag tshogs kyis 'jigs shing skrag nas/ rta zhon te 'bros pa de bzhin du/ rnam par shes pa 'di thog ma shi 'phos nas lha'i dmigs pas yongs su zin cing lha dang lha mo khri steng na 'dag pa mthong nas/ shin tu myur bar skye ba yongasu len to// sman chen gzhan yang dang bo shi 'phos nas da dung ma skyes pa'i rnam par shes pa'i rnam pa ji lta bar bya zhes gang khyod kyis smras pa de ni/ dper ni ming chu'i steng du bab pa gzugs su yang snang mod kyi/ de gzugs su gtogs par yang blta bar mi bya'o// sman chen dper na rka lag mnyam pa dang ldan pa'i gzugs chu'i steng du bab pa de la ni dro ba'am/ grang ba 'am/ lus ngal bar 'gyur ba med cing / lus de la ni sha'i dum bu lta bu yang med do// grib ma de la ni khams kyis glags pa yang med do// mi'i gzugs brnyen chu'i nang du byung ba/ de las ni sdug bsngal ba'i sgra 'am/ bde ba'i sgra 'byung ba yang med do// de bzhin du rnam par shes pa dang po shi 'phos nas lus kyi khog pa bor te gzugs brnyan gyi rnam pa lta bur 'gyur ro// sran chen de ltar rnam par shes pa bsod nams su nye bar 'gro ba ni/ lha rnams kyi nang du skye ba yongs su len par 'gyur ro//
- 120a
de skad ces bka' stsal nas/ bcom ldan 'das la sman chen gyis 'di skad gsol to// bcom ldan 'das rnam par shes pa sems can dmyal rnams su ji ltar skye ba yongs su len pa lags/ bcom ldan 'das kyis bka' stsal pa/ sman chen bsod nams ma yin par nye bar 'gro ba'i sems can ji ltar sems can dmyal ba rnams su skye ba yongs su len pa nyon cig/ sman chen 'di la sems can las mi dge bas yongs su zin pa de ni sems can gyi ris nas 'chi 'phos te/ shi 'phos pa de 'di snyam du mi de ni nga nyid yin te/ sems can dmyal ba 'di nas shi 'phos so// 'di nyis ni bdag gi pha ma yin no// snyam du dran pa skye// shi 'phos pa de'i lus ni tha mal pa'i gzugs kyi rang bzhin gyi rnam pa dang ldan par 'gyur te/ yan lag skyes pa rnams kyang de dang 'dra ba nyid du snang ngo // dang po/ shi 'phos pa de mya ngan gyis g.yengs nas sems can dmyal ba sna tshogs su snang ba mthong ngo // rnam par shes pa dang po shi 'phos pa de'i las sems can dmyal ba dang 'brel par 'gyur te phyogs kha cig na ni sems can dmyal ba'i sa gzhi khrag gis gtor ba mthong nas/ de der chags pa skyed par 'gyur ro// de chags par gyur nas sems cad dmyal ba'i lus 'grub par 'gyur to// de'i rnam par shes pa de las kyi rkyen gyi dbang gis chu'i rjen shul shin tu rul cing / mchog tu/
- 120b
dri mi rim pa mnam pa'i nang du lus skye ba yongs su len te/ dper na mi gtsang ba dang / ldan ljin mnapa po'i rkyen gyis srin bu skye ba dang / dper na zho dang sbrang rtsi dang chang mnam por gyur pa'i phyir srog chags skye bar 'gyur ro// sman chen de bzhin du sems can rnams/ sems can dmyal bar 'byung bar 'gyur ro// de skad ces bka' stsal nas/ bzang skyong gis thal mo sbyar te/ bcom ldan 'das la 'di skad ces gsol to// bcom ldan 'das sems can dmyal ba'i sems can rnams kyi kha dog gi rnam pa ji lta bu lags/ lus kyi rnam par shes pa ji lta bu 'grub par 'gyur/ bcom ldan 'das kyis bka' stsal pa/ bzang skyong der khrag gi nang du skye ba gang yin pa de dag ni khrag gi mdog 'dra bar 'byung bar 'gyur ro// chu klung rgal du med pa dag gi nang du skye ba gang yin pa deng dag ni/ sprin sngon po'i kha dog lta bur 'gyur ro// ba tsa can gyi chu klung gi nang du skye ba gang yin pa de ni sha zig gur 'byung bar 'gyur ro// de dag gi lus ni rgyal po'i bu gzhon nu ba de dgur rim gro byas pa ltar gzhon sha can du 'gyur ro// bzang skyong de na lus gang yin pa de dag ni lus bong che bar 'gyur te/ mgo bo gtogs par khru brgyad par 'gyur/ son mo ring zhing kha spu yong la spun por 'gyur zhing rka lag mi sdug par 'gyur te/ gal te 'dzam bu gling pa'i mi sems can dmyal ba pa'i ltar 'gro na/ mthong ma/
- 121a
#zag tu 'chi ba'i chos dang ldan par 'gyur ro// bzang skyong gzhan yang sems can dmyal ba'i sems can rnams kha zas za mod kyi/ de dag la bde bar 'gyur ba cung zad kyang med do// de skad ces bka' stsal nas/ bcom ldan 'das la sman chen gyis 'di skad ces gsol to// bcom ldan 'das sems can de dag kha zas ci 'tshal/ bcom ldan 'das kyis bka' stsal pa/ sman chen sems can dmyal ba de dag yongasu 'khyam la/ shin tu rgyang ring ba nas zangs deng ra gan dmar mor snang ba mthong bar 'gyur te/ de dag mthong nas kha zas kyi tshig rjod par byed de/ kha zas 'dod pa khyed tshur ces zer ro// de dag kun nas 'phungs te/ snyim pa bzeng nas zangs dang ra gan bskol pa ga la ba der deng ste lhags nas/ snyim pa bzad cing / zangs dang ra gan bskol ba'i kha zas de dag 'dod pas kha gdangs te/ de dag zangs dang ra gan rab tu 'bar ba des/ su ru rur rab tu 'bar zhing khog pa 'bar bar 'gyur ro// sman chen de dag kha zas 'dra bas bslus nas/ sdug bsngal shin tu che ba myong bar 'gyur ro// sman chen sems can dmyal ba pa'i sems can dmyal de dag gi rnam par shes pa de rus pa'i lus ngag la gnas par 'gyur zhing / rus pa'i tshogs dang bral bar mi 'gyur te/ sems can dmyal ba pa'i sems can de dag rnam par
- 121b
shes pa dang mi 'bral ba'i phyir 'chi ba'i dus byed par mi 'gyur ro// de dag bru ba tshabs gzir bzhin du/ de na kha zas kyi bya ba yang med do// de na lha'i bskyed/ mos tshal shing ljon pa brgya phrag mang po me tog shin tu rgyas pa dag dang / gsong ma sngon po yangs pa'i sa phyogs dag kyang yod par mthong ngo // de dag gis bskyed mos tshal de dag mthong nas/ yid rab tu dga' ste/ 'di skad du grogs po dag bskyed mos tshal 'di na reg na bde ba'i ser bu ldang ba yod kyis tshur sheg ces zer te/ de dag 'dus nas myur ba myur bar bskyed mos tshal de'i nang du 'gro'o// de dag de'i nang du song nas yud tsam zhig bde ba'i 'du shes bskyed do// de dag gi shing de dag las byung ba'i me tog de dag dang / lo ma de dag ral grir gyur te/ ral gri de dag gis de dag gi yal la gcod cing / gshegs par byed de/ de dag ral gris bcad nas/ nyams thag pa'i sgra chen po byin par byed cing / phyogs phyogs su 'byer ro// de dag 'byer yang rang gi las las byung ba'i gshin rje'i mi/ lag par sog dang / tho ba sogs shing so dang bzhin bsgyur la skra 'bar zhing lus 'bar ba'i 'phreng bas yog la/ mtshon cha gzas pa dag kyi bzhin du sgra 'byin cing 'di skad du khyed cag sdod cig/ nga gar bros khyed rang gi las kyis bsgrubs pa'i tshal 'di nyams su myong bar gyis shig ces zer
- 122a
sman chen de ltar na sems can dmyal ba pa'i sems can rnams skyo ba skye bar 'gyur ro// sman chen gzhan yang zhag bdun lon nas/ sems can dmyal ba pa'i sems can rnams kyis/ las nyams su myong bar 'gyur te/ bung ba me tog la 'pho ba bzhin du/ dngos po sna tshogs kyi rkyen gyi dang gis rnam par shes pa sems can dmyal ba rnams su skye ba yongs su len to// de yang dang po shi 'phro nas dbang med par khrid de/ sdug bsngal zhing yid mi bde bar gyur nas/ mun pa mun nag chen por zhugs te/ mi rgod kyis khrid pa bzhin du/ 'di snyam du sems te/ kyi hud da ni bdag 'dzam bu gling rnam par bkra ba bor te/ gnyen sdug pa yongs su spangs nas/ sems can dmyal ba dag tu mngon tu gnas par gyur cing 'dug gam/ da ni mtho ris kyi lam mi mthong ngo snyam mo// de yang dar gyi srin bu rgyud gcig gis dkris pa bzhin du shin tu myur bar skye ba yongs su len te/ de yang bdag nyid kyi mgul nas zhags pas btags par shes so// bzang skyong de ltar na sems can dmyal bar sems can rnams skye bar 'gyur zhing / de ltar na de dag la rgyu'i bye brag dag 'byung bar 'gyur ro// de nas bzang skyong spu zing zhes byed nas thal mo sbyar te/ bcom ldan 'das la skyabs su song ngo // rgyal ba'i bu gzhon nu sman
- 122b
gyis kyang / 'di skad du dam pa'i chos mnyan pa 'dis bdag 'khor ba na 'khor ba'i tshe/ log par ltung ba'i chos can du ma gyur cig/ bdag sems can dmyal ba/ rnams su skye ba yongs su len par ma gyur cig ces smon lam btab po// de nas bcom ldan 'das la bzang skyong gis 'di skad ces gsol to// yang bcom ldan 'das la bdag zhu ba zhu'o// bcom ldan 'das kyis bka' stsal pa/ bzang skyong khyod ci 'dod pa bzhin du 'dod pa dris shig/ bzang skyong gis gsol pa/ bcom ldan 'das bstsags pa ni gang lags/ spungs pa ni gang lags/ phung po rnams ni gang lags/ 'pho ba ni gang lags/ bcom ldan 'das kyis bka' stsal pa/ bza skyong 'di la khams phrad pa'i phyir/ khams bzhi po dag gis lus 'grub par byed de/ shes rab dang lta ba dang / yid dang / ma rig pa dang / khams dang / spyod yul dang / rnam par shes pa rnams ni bstsags pa zhes bya'o// de la spungs pa ni khams drug po nyid dang / skye mched kyi spyod yul drug dang / khams kyi rang bzhin gsum dang / skye mched len pa'i rgyu gnyis dang / skad dang / kha spu dang / sen mo dang / spu dang / pags pa dang / sha dang / rnag dang / mkhris pa dang / dad kan dang / snabs dang / tshal dang / chu ser dang / rgalag dang / mig dang / yan lag dang / nying lag tshogs pa la spungs pa zhes bya'o// dper na 'bru spungs pa bzhin te/ nas dang / til dang /
- 123a
gro dang / mon sran sde'u mang po la spungs pa zhes bya ba de bzhin du/ lus kyi yan lag dang nying lag tu gtogs pa tshogs pa la spungs/ pa zhes bya'o// khams drug po dag gang zhe na/ de la sa'i khams dang / chu'i khams dang / me'i khams dang / rlung gi khams dang / na mkha'i khams dang / rnam par shes po'i khams zhes bya'o// skye mched drug gang zhe na/ 'di la mig dang / rna ba dang / sna dang / lce dang / lus dang / yid ces bya'o// skye mched kyi spyod yul drug gi spyod yul drug gang zhe na/ 'di la gzugs dang / sgra dang / dri dang / ro dang / reg bya dang / chos kyi skye mched ces bya ba ste/ de dag ni spyod yul drug yin no// dri la khams kyi rang bzhin gsum gang zhe na/ 'di la 'dod chags dang / zhe sdang dang / gti mug ces bya'o// de la de dag nyid kyi kun nas ldang ba gang zhe na/ rlung dang mkhris pa dang / rten bad kan rnams so// de la skye mched len pa'i rgyu gnyis gang zhe na/ 'di la tshul khrims dang / dad pa dang / gtong ba dang / nor dang / brtson 'grus dang / ting nge 'dzin dang / dge ba dang mi dge ba zhes bya'o// de la phung po zhes bya ba'i dor gang zhe na/ 'di la tshor ba dang / 'du shes dang / 'du byed rnams dang / rnam par shes pa zhes bya ba ste/ bzhi po 'di dag gi gzugs can ma yin pa'i phung po rnams so// de la tshor ba ni myong ba'o// 'du shes ni shes pa'o// bde ba dang sdug bsnga
- 123b
ni 'du byed rnams so// lta ba dang nyan pa dang / sdom pa dang / ro myang ba dang / reg bya rnams rig pa'i rnam par shes pa ste/ dngos po thams cad kyi khongs su gtogs pas ni/ lus la dbang ba'i dbang phyug dang / len pa dang 'thun pa yin no// de la 'pho ba zhes bya ba ni tshul khrims shin tu yongs su dag pa dang / lus dang ngag gi las kyi 'bras bu thob pas/ 'chi ba'i dus byed pa gang yin pa de'i tshe/ rnam par shes pa des phung po rnams yongs su btang nas/ yang sred par mi skye zhing phyir mi ldog pas na/ shin tu bde bar 'pho zhing 'gro ste/ 'phos pa de'i phyir yang 'pho ba can ma yin pa de lta bu ni/ de'i 'pho bar 'gyur ba yin no// de nas bzang skyong dang sman chen gyis bcom ldan 'das kyi zhabs la gtugs nas/ bcom ldan 'das/ la 'di skad ces gsol to// bcom ldan 'das thams cad mkhyen pa sems can rnams tshim par bgyid pa gang lags pa'i chos kyi tshogs 'di legs par gsungs so// bcom ldan 'das kyis bka' stsal pa/ bzang skyong de bzhin gshegs pa'i ye shes 'di ni bcos ma ma yin te/ 'di'i rang bzhin ni thams cad mkhyen pa ma yin pas rig pa ma yin no// shes rab kyi snang ba 'di ni dka' ba spyad pa brgya stong du mas bsgrubs pa ste/ 'di ni ngas ji skad bstan pa de kho na bzhin du/ chos kyi nyi ma thams cad mkhyen pa nyid snang bar byed pa/ yon tan gyi grags pa rgyas par byed pa/ thams cad mkhyen
- 124a
pa'i ye shes rgya mtsho'i mdzod/ sems can rnams kyi rgyud 'dul bar byed pa/ 'dul ba ston pa 'di yul gang na gnas sam/ de ston par 'gyur ba der ni mi ma yin pa rnams srung bar byed de/ lha dang lha ma yin dang / lto 'phyo chen po rnams phyag bya ba'i phyir 'ong bar 'gyur ro// chos kyi rnam grangs 'di 'a pa dang / 'chang ba dang / klog pa dang / kun chub par byed pa dang / gzhan la yang rgya chen rab tu ston pa gang yin pa de la ni mtshon gyis 'jigs pa 'byung bar mi 'gyur// dug gi 'jigs pas 'byung bar mi 'gyur/ me'i 'jigs pa dang / rgyal po dang / nu dang / chom rkun gyi 'jigs pa 'byung bar mi 'gyur ro// dge slong dag khyed kyis deng pan cad ma dad pa rnams la bshad par mi bya'o// bran ga chol ba rnams ma yin/ gcer bu pa rnams la ma yin/ gtsor bu'i nyan thos rnams la ma yin/ gnas gnan la zhugs pa la bshad par mi bya'o// ma dris par yang bshad par mi bya'o// de bas na gal te la la 'khrul par 'gyur na/ de bzhin gshegs pa la 'khrul par byas par 'gyur ro// dge slong dag khyim na gnas pa gang yin pas 'di rtogs pa de ni/ phyag bya ba'i gnas su 'gyur te/ de bzhin gshegs pa la bya ba bzhin du/ gus pa bskyed par bya zhing 'di ni mdzod 'dzin pa yin no snyam du gzung bar bya'o// de nas bcom ldan 'das kyis tshe dang ldan pa kun dga' bo la 'di skad ces bka' stsal to//
- 124b
kun dga' bo chos kyi rnam grangs 'di zung shig/ chongs shig/ lhogs shig/ shod cig/ gzhan dag la yang rgya cher rab tu ston cig/ kun dga' bos gsol pa/ bcom ldan 'das chos kyi rnam grangs 'di gzung bar 'tshal na/ bcom ldan 'das chos kyi rnam grangs 'di'i ming ci lags/ 'di ji ltar gzung bar bgyi/ bcom ldan 'das kyis bka' stsal pa/ kun dga' bo de'i phyir khyod kyis chos kyi rnam grangs 'di rnam par shes pa 'pho ba zhes bya bar zung shig/ bzang skyong gis zhus pa zhes bya bar yang zung shig/ brtsam par bya zhing 'byung bar bya/ sangs rgyas bstan pa la 'jug par bya// 'dam bu'i khyim la glang chen bzhin/ 'chi bdag sde rnams gzhom par bya// gang zhig rab tu bag yod par/ chos 'dul 'di la spyod 'gyur ba// skye ba'i 'khor ba rab spangs nas/ sdug bsngal mthar mar 'byin par 'gyur/ bcom ldan 'das kyis de skad ces bka' stsal nas/ rgyal po'i bu gzhon nu sman chen dang / tsho dpon bzang skyong dang / lha dang mi dang lha ma yin da/ namakha' lding dang / dri za dang bcas pa'i 'jig rten yid rangs te/ bcom ldan 'das kyis gsungs pa la mngon par bstod do// / 'phags pa dkon mchog brtsegs pa chen pa chos kyi rnam grangs stong phrag brgya pa las/ tshong dpon papang skyong gis nus pa'i le'u ste/ 'dus pa sum cu cu dgu pa rdzogaso/
- 125a
'phags pa dkon mchog brtsegs pa chen po chos kyi rnam grangs le'u stong phrag brgya pa las/ bu mo rnam dag dang bas zhus pa zhes bya ba theg pa chen po'i mdo// sangs rgyas dang / byang chub sems dpa' thams cad la phyag 'tshal lo// 'di skad bdag gis thos pa dus gcig na/ bcom ldan 'das mnyan yod na/ rgyal bu rgyal byed kyi tshal mgon med zas sbyin gyi kun dga' ra ba na/ dge slong gi dge 'dun chen po lnga brgya dang / byang chub sems dpa' sems dpa' chen po brgya stong dang thabs gcig tu bzhugs te/ thams cad kyang shes par bya ba rnams rab tu shes pa/ gzungs dang thogs pa med pa'i spobs pa thob pa/ bzod pa phun sum tshogs pa/ bdud kyi dpung rab tu 'jom pa/ de bzhin gshegs pa rnams kyis brnyes pa'i chos rnams rab tu thob pa/ sha stag la 'di lta ste/ byang chub sems dpa' 'jig rten 'dzin dang / byang chub sems dpa' lam 'dzin dang / byang chub sems dpa' sa chen 'dzin dang / byang chub sems dpa' sa 'dzin chen po dang / byang chub sems dpa' mos pa'i blo gros dang / byang chub sems dpa' mos byed dang / byang chub sems dpa' gzugs mdzes bkod pa dang / byang chub sems dpa' rin po che tog dang / byang chub sems dpa' rin po che'i rgyal mtshan dang / byang chub sems dpa' rin chen sems dpa' dang / byang chub sems dpa'
- 125b
rin chen 'byung gnas dang / byang chub sems dpa' rin chen blo gros dang / byang chub sems dpa' yon tan dang / byang chub sems dpa' rin chen 'od dang / gzhan yang bskal pa bzang po'i byang chub sems dpa' byams pa la sogs pa gtso bor gyur pa dang thabs gcig go// gzhan yang byang chub sems dpa' zla med pa'i byang chub sems dpa' 'jam dpal la sogs pa gtso bor gyur pa drug cu po de dag dang thabs gcig go// gzhan yang skyes bu chen po'i byang chub sems dpa' bzang skyod la sogs pa gtso bor gyur pa drug cu dang yang thabs gcig go// gzhan yang dga' ldan gyi ris lha'i bu nyi khri 'khor de nyid du 'dus par gyur pa dang thabs gcig go// de'i tshe bcom ldan 'das bkod pa chen po'i mdzod ces bya ba seng ge'i gdan la 'khor brgya stong tshad med pa dag gis yongs su bskor nas bzhugs pas/ nyi zla lta bu'i 'od zer gyis ni kun tu snang bar mdzad/ brgya byin dang tshangs pa'i rgyal po ltar gzi byin gyis ni khyad par du 'phags/ ri'i rgyal po ri rab lta bur shin tu mtho zhing / bral las ni mngon par 'phags par gyur/ sgron ma chen po lta bur 'od zer ni rab tu 'bar/ glang po che'i rgyal po lhur phan tshun du ni gzigs bar mdzad/ sde ge'i sgra sgrogs pa ltar bsnyengs pa mi mnga' bar ni chos ston par mdzad/ rgyal po sgregs can zin ltar 'khor mang po rnams ni zil gyis mnan/
Colophon
tshong dpon bzang skyong gyis zhus pa'i le'u ste/ 'dus pa sum bcu rtsa dgu pa rdzogs+ho/