rang bzhin gyi rgyud rgyas pa yi ge med pa_/_de bzhin gshegs pa thams cad kyi sku gsung thugs las byung ba mthong bar dka' ba'i don
Text
ff. 331a–334a · 7 folio sides
- 331a
ma yengs gsal ba'i don// byang chub sems bsgom dam pa dag/ skyes bu dam pa'i don du bshad// yongs su btang pas 'chang ba dang // klog pa dang ni ngan pasam pa// rtswa dang lha min ma lus 'drang // thams cad dngos po ma lus pa// zil gyis non par po chom med// de bzhin gshegs pa thams cad kyi bzhin byang chub kyi sems bsgom pa'i rgyud las/ 'khor la yongs su gtud pa'i le'u ste brgyad pa'o// / byang chub kyi sems bsgom pa zhes bya 'i rgya napa byor dam // khyim sa ma sa/ sa sa @ bcom ldan 'das rdo rje sems dpa' la phyag 'tshal lo// mi ge med pa'i rgyas pa/ 'khor thun mong ma yin pa rnams dang / dper na til gyi gong bya ltar gang nas khyab par gnas so// byang chub sems dpa' rdo rje chos la sogs pas/ bcom ldan 'das la yi ge med pa'i chos kyi 'khor lo bskor bar zhus pas/ bcom ldan 'das las rang bzhin gyis 'od zer byung ste/ bde bar gshegs pa rnams rang bzhin gyis byon par gyur to// de nas rang gi mthus rab tu tshim pa la so
- 331b
pa yang byung ngo // de nas 'khor de dag gis bdag po'i mchog la bstod de zhus pa/ bdag po mchog nyid rang bzhin snang // bdag po chen pos bshad du gsol// gzu bo chen pos bshad du gsol// yi ge med pa bshad du gsol// rang bzhin rgyas pa bshang du gsol// mtshan ma med pa bshad du gsol// rang bzhin gyis rgyud las// 'khor gyis gleng bslang ba'i le'u ste dang po'o// // bde ba'i dbang phyug bcom ldan 'das de rnam par snang mdzad kyi skur byung nas/ mtshan ma med pa'i ting nge 'dzin las bzhengs te bka' stsal pa/ sems can ye shes bskyed pa'i thabs// byang chub chen po thob 'dod na// rgyud 'di rtogs par dka' ba ste// kun gyis mthong bar bya ba min// khyed cag legs par nyan 'dod na// legs so legs so don dang 'tsham// legs so legs so byang chub che// legs so legs so gus par nyon// / legs so legs so zhu ba legs// byang chub chen po'i thabs mchog 'di// blo dman rnams la mi snang ste// yang rab rnams kyi spyod yul lo// rang bzhin gyis rgyas pa las// bdag po 'khor la mnyes pa'i le'u ste gnyis pa'o// // de nas 'khor de dag yi ge med par nam yang ma thos pa 'di thos nas ngo mtshar bar gyur te/
- 332a
bdag po'i mchog la gsol pa/ yig med mtshan med spros pa med// dmigs pa med pa'i don chen 'di// nam yang mkhums de ring lums// btsal med don dang de ring ldan// gzu bo chen pos bshad du gsol// yi ge med pa rgyas pa las/ 'khor dam pa'i le'u ste gsum pa'o// / / de nas bdag po'i mchog de thams cad mkhyen pa'i ting nge 'dzin las bzhengs nas/ nam mkha'i dbye ba 'di bka' stsal pa/ sems can rnams la rang bzhin gnas// thabs kyi rim pa mchog dang ni// mtshan ma spros pa gnyis kun rgyu// thog ma'i bag chags byang ba de// rgyud kun gyi ni rtsa bar 'gro// bsam pa dang po la gnas pa/ kha dog rgyan dang kun la khyab// mthong ba yid kyis dmigs pa'o// 'di ni 'jig rten pa yi'o// 'jig rten 'das la'ang rnam pa gnyis// mtshan dang mtshan med gnyis su 'gro// / mtshan ma sku phyag rang bzhin med// mtshan med ma bcos rang nyid de// btsal ba kun dang bral ba'o// phyi dang nang dang gsang ba gsum// lus dang shes pa la sogs pa// kun la khyab pa'i mkha' ru 'gro// dbyings nyid mkha' ru shes pa ni// chos dbyings zang ma zhes bya'o// rang bzhin gyis rgyas pa chen po las/ nam mkha'i dbye ba bstan pa'i
- 332b
le'u ste bzhi pa'o// // de nas 'khor rab tu dang ba rnams kyis thal mo gdong du sbyar nas mgrin gcig pas zhus pa/ bde bar gshegs pa'i bdag po mchog/ nya ga gcig dgongs pa ba shad du gsol// de nas bde bar gshegs pa dbyings zang ma'i ting nge 'dzin las bzhengs nas/ 'khor gyi bsam pa mkhyen nas bka' stsal pa nyag gcig dgongs pa mtshan med de// 'di dang 'di zhes bstan du med// sangs rgyas kyis kyang ma gzigs te// sems can blo la ga la gnas// phyogs su bltas pas mthong ba med// mthong ba nyid na ma mthong ste// mthong med tshul du mthong bar bya// de ni nges sgoms mchog yin no// de ni nyal ba'i 'khor lo yin// sems la sems kyis bltas pa na// gang yang ma mthong gsal ba'o// nyag gcig dgongs pa de la bya// rang bzhin gyis rgyas pa chen po las/ bde bar gshegs pa nyag gcig gi dgongs pa bstan pa'i le'u ste lnga pa'o// // de nas bdag po'i mchog la gsol pa/ bde bar gshegs pas nyag gcig gis// lta ba zang ma bshad du gsol// dam pas khyad par bshad du gsol// bdag po'i mchog gis bshad du gsol// chos dbyings zang ma bshad du gsol// ye shes spri
- 333a
thugs bshad du gsol// de nas bdag po'i mchog de zil gyis gnon pa'i ting nge 'dzin las bzhengs nas bka' stsal pa/ sems can kun la rang bzhin gnas// rgyu rgyud na ni gsang ba bzhugs// gsang ba gab pa'i don yin te// gang zag blo la ma snang bas// lta ba zab mo khyad par can// nga yis khyed la bstan par bya// dang po'i chen byung ba ni// rang byung rig pa chen po'o// chos dbyings ma bcos dbyings nyid la// ye shes skad cig gsang ba'o// sems kyi skad cig dang po la// skyed pa ma yin ma bskyed pa// dbyings yig oM ni mtshon par bya// muM gyis rab tu gsal ba'o// skyes bu rtsal mthu ldan pas ni// skad cig ma la gsal bar byed// kun gzhi la sogs nyon mong/ yid/ 'di dag 'gyur bar ngas ma bstan// 'gyur na rim pa can du 'gro// de bzhin gshegs pa thams cad kyi rang bzhin yi ge med pa las/ dbyings zang ma bstan pa'i le'u ste drug pa'o// // de nas bdag po'i mchog gis khyad par gyi 'khor la dam tshig gi le'u bstan pa/ chos rnams rtsa ba dam tshig ste// thar pa nyid dang ngan song yang // man ngag dam la rdzogs pas na// dam tshig 'di ni sa gzhi'o// mngon par bla ma mnyes par bya// bla med thar pa spang mi bya// 'di ni dam tshig rdo rje
- 333b
bota ta hUM phaT sngags kyang bzlas pa'o// 'di ni bzlas pa dam pa'i mchog/ bde bar gangashegs pa'i sku gsung thugs kyi rang bzhin rgyas pa las/ dam tshig gi rtsa ba bstan pa'i le'u ste bdun pa'o// // de nas bdag po'i mchog des/ 'khor la rigs kyi bu zhes bos nas/ ngo mtshar ba 'di gsungs so// e ma rgyud 'di sla phyir dka'// e ma'o rgyud 'di mthong ba min// e ma'o dbang po rab kyi rab// de yi don du rgyud 'di ba shad// a ma'o gdams ngag rgyud du byas// e ma'o nges don zab mo 'di// e ma'o nyag gcig dgongs pa'o// e ma'o thabs dam ma nor ba// e ma'o byang chub thob pa'i thabs// blo la blos ni snang bar gyis// blo la rgyud don snang bar gyis// de bzhin gshegs pa thams cad kyi rang bzhin rgyas pa las/ bdag pos ngo mtshar ba bshad pa'i le'u ste brgyad pa'o// // de nas yang 'khor la bos nas gsungs pa/ yang dag bde gshegs thugs kyi rgyud// gtsor byas bshad pa'i don 'di ni// 'jig rten dag tu grags pa yang // mang po'i don du ma bshad do// 'ga' yi don las ma yin no// zab mo man ngag rgyud mchog go// lta spyod dam tshig dbang rnams kyang // nges don 'di las brtag par bya// khyad par
- 334a
'khor la thabs kyi rgyud// gsang mchog 'di ni nges bshad do// thun mong ma yin 'khor mchog la// rdo rje 'khor lo ma bskor te// 'di ni gang du'ang ma bshad do// khyed cag dad pa ldan par gyis// snod ni yang dag ldan pa'o// de bzhin gshegs pa thams cad kyi rang bzhin rgyas pa las/ bdag pos 'khor la gtad pa'i le'u ste dgu pa'o// // rang bzhin gyi rgyud rgyas pa yi ge med pa/ de bzhin gshegs pa thams cad kyi sku gsung thugs las byung ba mthong bar dka' ba'i don rdzogs so// // rgya gar gyi mkhan po dz+nyA na gar+b+ha dang / bod kyi dge slong bai ro tsa nas bsgyur cing zhus te gtan la phab pa/ skar sar pas kyang bsabs pa'o// / rgya gar skad du/ b+ho d+hi tsit+ta/ bod skad du/ byang chub sems bsgom pa/ bcom ldan 'das dpal bde ba'i mchog la phyag 'tshal lo// bcom ldan 'das de thams cad chos nyid zab mo la gzung bar dgongs nas/ chos kyi dbyings gting dpag dka' ba zhes bya ba'i ting nge 'dzin la snyoms par zhugs te/ rang bzhin gyi dkyil 'khor nyid dang tha mi dad pa rnams la rang bzhin gsung du med pa 'di bka' stsal pa/ de'i tshe na thams