Q3119MW1KG13126_3119rgyud 'grelAll versions of this work

do ha mdzod ces bya ba phyag rgya chen po'i man ngag

Dohakoṣanāmamahāmudraupadeśa

Text

ff. 95a–97a · 5 folio sides

  1. 95a

    gsal ba// 'di kun gang gis yid la ma byas par// ston pa'i bla ma rdo rje 'dzin la 'dud// sku gsung thugs yid la mi byed pa'i phyag rgya chen po zhes bya ba// sangs rgyas gnyis pa ltar grags pa// rnal 'byor gyi dbang phyug chen po dpal sa raha pa'i zhal ldanas gsungs pa rdzogs so// // bla ma nag pos rang 'gyur du gnang ba'o// // gu ya sam pa da smai si// 5/ dan pa ces bya cag rgyacan po'i mad ga dpa' ba gapas kyi mang dpa ga/ rgya gar skad du/ do ha ko Sha nA ma ma hA mu dra u pa de sha/ bod skad du/ do ha mdzod ces bya ba phyag rgya chen po'i man ngag/ dpal rdo rje rnal 'byor ma la phyag 'tshal lo// lhan cig skyes pa'i ye shes chos kyi sku bde ba chen po la phyag 'tshal lo// ji ltar dngos dang dngos med snang stong dang // rgyu dang ma rgyu ga yo dang mi g.yo ba// thams cad ma lus na mkha'i rang bzhin las// dus rnams kun tu nam yang g.yo ba med// nam mkha' nam mkha' zhes ni rab brjod kyang // nam mkha'i ngo bo cir yang grub pa med// yod dang med dang yod min med min dang // de las gzhan du'ang mtshan pa'i yul las 'das// de ltar nam mkha' sems dang chos nyid la// tha dad cung zad yod pa ma yin te// tha dad ming ni// glo bur btags pa tsam// de la don med brdzun gyi tshig tu zad// chos rnams thams cad rang gi sems yin te// sems las ma gtogs chos gzhan rdul tsam med// gang gis gdod nas sems med rtogs pa yis// dus gsum rgyal ba'i dgongs pa dam pa rnyed// chos kyi za ma tog ces yongs su gdags// de yang logs pa'i chos gzhan ma yin te// gzod nas lhan cig skyes pa'i rang bzhin no// de yi de nyid bstan du yod min te// brjod du med pas sus kyang go ba med// gal te bdag po yod na nor yod de// ye nas bdag med de la ci zhig yod// sems yod gyur na chos kun yod rigs te// sems med pa la chos zhig su yis rtogs// sems dang chos su snang ba thams cad ni// /

  2. 95b

    btsal na mi rnyed tshe la mkhan gong nas med// med pa dus gsum ma skyes mi 'gags pas// de zhid gzhan du 'gyur ba med pa ni// rang bzhin bde ba chen po'i gnas lugs yin// de phyir snang ba thams cad chos kyi sku// 'gro/ ba sems can rnams ni sangs rgyas nyid// 'du byed las kun ye nas chos kyi dbyings// btags pa'i chos rnams ri bong rwa dang 'dra// kye ma nyi ma sprin bral 'od zer kun khyab kyang // mig med rnams la mun pa rnams su snang // lhan cig skyes pas kun la khyab gyur kyang // rmongs pa dag la de zhing shin du ring // 'gro ba rnams kyis sems med ma rtogs pas// btags pa'i sems kyis sems nyid rab tu bcings// ji ltar gdon gyis brlams pa'i smyon pa dag/ dbang med don med sdug bsngal byed pa ltar// dngos 'dzin rnam rtog gdon chen zin pa yi// skye bo don med sdug bsngal 'bab zhig byed// kha cig blo yi dbye bas rmongs rnams bcings// bdag po khyim du bzhag nas gzhan du tshol// kha cig gzugs brnyan dag la don du 'dzin// kha cig rtsub bor nas lo 'dab 'breg/ ji ltar byas kyang bslus pa ma tshor ro// kye 'o bus pa rnams kyis de nyid ma rig kyang // de nyid ngang las g.yos me dang yis nogs// yis nga yir thog mtha' shes gyur pas// nga yis nga mthong rang nyid gcig pur lus// gcig po nyid la bltas pas gcig ma mthong // mthong bya mthong byed bral bas brjod du med// brjod du med pa su yis go bar 'gyur// gzhug/ ma'i yid la gang tshe sbyar gyur pa// de tshe ri khrod nga yi rtogs par 'jug/ seng ge'i 'o ma snod ngan phal par min// ji ltar nags na seng ge'i nga ro yis// ri dgas phra mo thams cad skrag gyur kyang // seng phrug rnams ni dga' bas rgyug pa ltar// gdod nas ma skyes bde chen 'di bstan pas// rmongs pa log rtog can rnams skrag gyur kyang // skal ldan rab tu dga' bas spu zing byed// kye 'o ma yengs sems kyis rang gis rang la ltos// rang gi de nyid rang

  3. 96a

    gis rtogs gyur na// yengs pa'i sems kyang phyag rgya chen por 'chang // mtshan ma rang grol bde ba chen po'i ngang // rmi lam dag gi bde dang sdug bsngal kun// sad pa'i dus na rang bzhin med pa'i phyir// re dang dogs pa'i bsam pas kun bslangs nas// dgag dang sgrub pa'i bsam pa su zhig byed// 'khor dang mya ngan 'das pa'i chos rnams kun// de nyid mthong bas rang bzhin med pa'i phyir// re dang dogs pa'i blo ni zad gyur pas// spang dang blang ba'i 'bad rtsol ci byar yod// snang grags thams cad sgyu ma smig rgyu dang // gzugs rnyan dang mtshungs dngos po mtshan ma med// sgyu mar snang mkhan sems zhing nam mkha'i ste// mtha' bral dbus med sus kyang shes mi 'gyur// gang gA la sogs chu klung sna chags pa// ba tsha can gyi rgya mtshor ro gcig ltar// btags pa'i sems dang sems byung sna tshogs kun// chos kyi dbyings su ro gcig shes par byos// gang zhig nam mkha'i khams ni yongs btsal kyang // mtha' dang dbus med mthong ba yongs su 'gag/ de bzhin sems dang chos ni yongs btsal bas// snying po rdul tsam rnyed par ma gyur te// yongs su tshol ba'i sems kyang mi dmigs pas/ ci yang ma mthong ba nyid de mthong yin// ji ltar gzings la 'phur ba'i bya rog ni// phyogs rnams bskor zhing slar yang de ru 'bab// 'dod pa'i sems kyis bstan pa'i rjes bcad kyang // dang po'i sems nyid gzhug ma nyid du 'bab// rkyen gyis mi 'gul re ba'i yi chad pa// dogs pa'i blugs sa zhig pas rdo rje sems// rtsa bachod pa'i sems zhid nam mkha' 'dra// sram du med pas yid la mi bya ste// tha ma la shes pa rang lugs gzhug ma la// bcos ma'i dmigs pa dag gis ma smad de// rang bzhin dag pa'i sems la bcos mi dgos// ma bzung ma btang rang dga' nyid du zhog/ gal te ma rtogs blo la sgom rgyu med// rtogs pa can la bsgom bya sgom byed med// ji ltar nam mkhas

  4. 96b

    nam mkha' dmigs su med// de ltar stong pas stong pa sgom du med// gnyis med shes pas chu dang 'o ma ltar// sna tshogs ro gcig bde chen rgyun chad med// 'di ltar dus gsum rnam pa thams cad du// yid la bya ba med cing ma bral gzhug ma'i ngang // de nyid skyong la sgom zhes tha snyad gdags// rlung ni mi bzung yid ni mi bcing bar// ma bcos shes pa bu chung lta bur zhog/ dran tog byung na de nyid rang la ltos// chu dang rlabs gnyis tha dad ma rtogs cig/ yid la mi byed phyag rgya chen po la// sgom rgyu rdul tsam med pas mi sgom ste// sgom med don dang 'bral med sgom pa'i mchog/ gnyis med lhan skyes bde ba chen po'i ro// ji ltar chu la chu bzhag ro gcig ltar// ji bzhin ngang du de/ bzhin gnas pa'i tshe// dmigs 'dzin zhen po'i yid ni rab tu zhi// kye'o// gnyis med gzhug ma'i rnal 'byor gang de la// spang dang blang ba'i dngos po ci zhig yod// ngas ni chos kun ma btang bas// bu khyod 'di gyis bya ba mi smra'o// ji ltar nor bu de dngos med pa ltar// rnal 'byor spyod pa de dngos med pa ste// 'du byed sna tshogs cal col gang smras kyang // rnal 'byor blo ni gcig las mi 'da'o// gcig nyid na ni gcig kyang yod min pas// rnam pa sna tshogs rtsa ba bral gyur te// smon pa bzhin du rtsis med yin pa la// byar med spyod pa bu chung bzhin du gnas// e ma sred pa'i 'dam skyes pad+ma lta bu'i sems// nyes pa gang gis gang la gos pa med// za zhing 'thung la gnyis// sprod bde ba dang // gal te lus sems rab tu gdungs gyur dang // rnam pa sna tshogs gang la spyod gyur pa// gang gis ma bcings ma grol gos pa med// rtogs pa'i rang spyod rtsis med dang de nas// rmongs pa'i 'gro ba nyam thag mngon gyur tshe// mi bzod snying rje'i shugs kyis mche ma 'byung // bdag gzhan bzlog nas phan pa nyid la 'jug don la brtags na dmigs pa gsum bral bas// yang dag ma yin rmi lam skya 'dra ste// chags thogs bral bas dga'

  5. 97a

    zhing skye med pa// sgyu ma mkhas pa sgyu ma'i don byed mtshungs// gdod nas dag pa nam mkha'i rang bzhin la// spangs dang thob pa'i dngos po 'ga' yang med// yid la byar med phyag rgya chen po ni// 'bras bu gang du'ang re ba ma byed cig/ re bo'i sems ni gdod nas ma skyes pas// spangs dang thob pa'i dngos po ci zhig yod// gal te gang gis thob pa'i dngos yod na// bstan pa'i phyag rgya rnam bzhis ci zhig byed// ji ltar ri dgra/ 'khrul pas gdungs pa yis// smig rgyu'i chu la rab tu rgyug pa ltar// rmongs pa gang zhig 'dod pas rab gdungs pas// ji ltar 'bad kyang slar ni ring bar 'gyur// ye nas ma skyes rang bzhin rnam dag pas// de las khyad par cung zad yod min te// btags pa'i yod ni dbyings su dag gyur pa// de la rdo rje 'chang zhes btags pa tsam// ji ltar me thang skam po'i smig rgyu dag/ chur snang chun gnyis su med pa ltar// gzod nas dag pa btags pa'i yid sangs pa// de la rtag chad gnyis su brjod du med// yid bzhin nor bu dang dpag bsam shing bzhin du// smon lam dbang gis re ba yongs skong ba// de yang 'jig rten tha snyad kun rdzob ste// dam pa'i don du 'ga' yang yod ma yin// dod mdzod ces bya ba phyag rgya chen po'i man ngag dpal ri khrod pa chen po sa ra ha'i zhal ldanas mdzad pa rdzogs so// // rgya gar gyi mkhan po shrI bai ro tsa na rak+Shi tas rang 'gyur du mdzad pa'o// / ga mang kyi na 'i 'brel pa bzhugs sa/ @#// rgya gar skad du/ do ha ko Sha hri da ya ar+tha gI ta TI kA nA ma/ bod skad du/ do ha mdzod kyi snying po don gyi glu'i 'grel pa zhes bya ba/ 'jam dpal gzhon nur gyur pa la phyag 'tshal lo// sprul pa'i byang chub sems dpa' rin chen blo gros dang // dpal ldan rnal 'byor dbang phyug chen po mda' bsnun gyi// ji bzhin dgongs pa lon pa dpal ldan sar pa'i// zhabs kyi rdul la sgo gsum dang bas phyag 'tshal 'dud// snying po'i//

Colophon

do ha mdzod ces bya ba phyag rgya chen po'i man ngag dpal ri khrod pa chen po sa ra ha'i zhal snga nas mdzad pa rdzogs so/_/rgya gar gyi mkhan po shrI bai ro tsa na rak+ShI tas rang 'gyur du mdzad pa'o