'phags pa mda' ka ye shes zhes bya ba theg pa chen po'i mdo

Text

ff. 117a–117b · 2 folio sides

  1. 117a

    batheg pa chen po'i mdo/ shes rab kyi pha rol du phyin pa la phyag 'tshalo// 'di skad bdag gis thos pa'i dus gcig na/ bcom ldan 'das rgyal po'i khab bya rgod phung bo'i ri la dge slong gi 'dun chen po dang / byang chub sems dpa'i dge 'dun chen po dang thabs gcig tu bzhug so// de nis bcom ldan 'das kyis tshe dang ldan pa kun dga' bo la bka' bsngal pa/ kun dga' bo khyod kyis yi ge gcig ma zhes bya ba 'di sems can thams cad la phan pa dang / bde ba'i phyir bzung shig 'di lta skye/ bcom ldan 'das kyis de skad ces bka' stsal pa dang / tshe dang ldan pa kun dga' bo dang / thams cad dang ldan pa'i 'khor de dag dang lha dang mi dang / lha ma yin dang dri zar bcas pa'i 'jin rten yid rangs ste/ bcom ldan 'das kyis gsungs pa la mngon par bstod do// shes rab kyi pha rol du phyin pa yi ge gcig pa zhes bya ba'i mdo rdzog s+ho// rgya gar skad du/ ar+ya a tha dza na na ma mA hA ya su tra/ bod skad du/ 'phags pa mda' ka ye shes zhes bya ba theg pa chen po'i mdo dang / sangs rgyas dang byang chub sems dpa' thams cad la phyag 'tshalo/ 'di skad bdag gis thos pa'i dus gcig na/ bcom ldan 'das 'og min lha'i rgyal po'i khang bzangs na/ 'khor thams cod la chos ston cing bzhugs pa lo// byang chub sems dpa' nam mkha'i snying pos phyag 'tshal te zhus pa/ bcom ldan 'das byang chub sems dpa' nam mchi ba'i

  2. 117b

    dus kyi tshe/ mda' ka ye shes mngon du sgom par bya'o// de la mda' ye shes bya ba ni 'dus byas thams cad mi rtag pas na ci la yang mi chags pa'i 'du shes sgom par bya'o// chos thams cad rang bzhin gyis rnam par dag pas na/ dngos po med pa'i 'du shes bsgom par bya'o// thams cad byang chub kyi semasu 'dus pas na/ snying rje chen po'i 'du shes sgom par bya'o// sems rtogs na ye shes yin pas na/ sangs rgyas gzhan du mi tshol ba'i 'du shes sgom par bya'o// bcom ldan 'das kyis de skad bka' stsal pa dang / bde bar gshegs pas de skad ces gsungs nas/ ston pas gzhan yang 'di skad ces bka' bstsal to/ 'dus byas thams cad mi rtag pas ci la yang mi chags 'du shes sgom/ chos rnams rang bzhin rnam dag pas/ dngos po med pa'i 'du shes sgom/ byang chub sems dang rab ldan pas/ snying rje chen po'i 'du shes sgom/ sems ni ye shes 'byung ba'i rgyu sangs rgyas gzhan du ma tshol cig/ bcom ldan 'das kyis de skad ces bka' bstsal pa dang / byang chub sems dpa' na mkha'i snying po dang / thabs cad dang ldan pa'i 'khor de dag dang lha dang mi dang lha ma yin dang dri zar bcas pa'i 'jig rten pa rnams rjesu yid rang ste/ bcom ldan 'das kyis gsungs pa la mngon par bstod do// 'phags pa mda' ka ye shes zhes bya ba theg pa chen po'i mdo rdzog s+ho// / sha ri'i bu de la bshags pa ni yin te/ bdag ming 'di zhes