'phags pa 'jam dpal las bzhi'i 'khor lo'i gsang ba'i rgyud
Text
ff. 429b–450a · 42 folio sides
- 429b
de bzhin man ngag dam pa 'di// las rabs gcig la gnas gyur cig/ ces ched du brjod nas mi snang bar gyur to// drag po phung byed kyi rgyud las/ rtog pa phyi ma drag po phung byed kyi rgyud las/ yongs su gtad pa'i le'u ste nyi shu rta gcig pa'o// myan tsa mun tra ba la pa tra mchod rten nag po'i rgyud las/ rtog pa phyi ma drag po phung byed kyi rgyud ces bya ba/ brtsams pas 'grub pa'i rgyud rdzogs s+ho// / rgya gar skad du/ Ar+ya many+dzu shri karma tsad ta ri tsak+Shu gu h+ya tan tA/ bod skad du/ 'phags pa 'jam dpal las bzhi'i 'khor lo'i gsang ba'i rgyud/ 'phags pa 'jam dpal ye shes sems dpa' la phyag 'tshal lo// 'di skad bdag gi thos pa'i dus gcig na/ bcom ldan 'das dgyes pa chen por gyur te/ yum chen mo dang gnyis su med pa'i mkha' la bzhugs pa la/ 'di lta ste/ 'khor lo khro bo dang / khro mo dang / mngag gzhug dang / ma mo dang / 'bangs la sogs pa rnams kyis/ de bzhin gshegs pa chen po la 'dud pa'i tshul du bzhugs so// de nas bcom ldan 'das btsun mo dang gnyis su med par gyur te/ skye 'gag dang bral ba'i don 'di gsungs so// ye nas ma skyes gshin rje chen po'i chags// rnam
- 430a
dag dbyings kyi rang nyid rnam par dag pa la// gnyis med 'dus pa'i sras mchog gshin rje gshed// thabs dang shes rab rnam par dag pa'i// kun gyis ye shes thams cad 'dus pa ste// thugs rje chen pos 'gro ba'i don mdzad pas// sems can ma lus mya ngan 'das pa'i lam// ye shes thams cad de yi dang la rdzogs 'khor ba'i nyes skyo na thams cad char gcod phyir// 'dod chags 'dus pa'i dpal ldan gar gyi bdag/ bye ba phrag brgya dpag tu med pa yang // 'dul ba'i dbang gis de lta'i gzugs su snang // zhes gsungs so// 'khor gyi khro bo dang khro mo la sogs pa thams cad mgu bar gyur to// de nas bcom ldan 'das 'jam dpal gshin rje gshed chen po la 'di skad ces gsol ba btab bo// sems can 'khor bas gdungs pa la// mya ngan 'das pa'i lam mchog ston// bstan pa dam pa 'di gsungs pa// thams cad sgrol ba ngo mtshar che// zhes gsol to// de nas de bzhin gshegs pa thams cad gcig tu 'dus te 'di skad ces gsol to// sprul pa sku dag tshad med dpag tu med// thun mong ma yin 'jam dpal gshin rje gshed// sku gsung thugs kyi 'phrin las rmad du byung // mi dge bcu dang mtshams med tshar gcod pa// zug rngu mi mnga' chos nyid
- 430b
glang po che// chos kyi sku dang longs spyod rdzogs pa'i sku// sprul pa'i sku dang gsung ni don dam kun tu sbyor// phyogs bcu'i bde bar gshegs pa thugs kyi dpal// yang dag ye shes dpal yin 'jam dpal yin// zhes bstod de/ gnyis su med par gyur to// de nas de bzhin gshegs par ma pa de la 'khor gyis de bzhin du gsol ba de la dgyes te/ 'di skad ces gsungs so// zhi ba gnyis med chos kyi rang nyid la// snying po gnyis med byang chub sems kyi don// thams cad 'dus pa'i bla med dam pa de// de bzhin gshegs pa'i snying po 'di bshad do// oM sarba ta thA ga ta e h+ye he ta thA ga ta pra ti bo d+hi satwa d+harma d+ha tu/ e h+ye hi dza hU e h+ye hi hU hU hU/ zhes brjod nas brtas mtshan par gyur te/ de ltar gyur pas de bzhin gshegs pa thams cad ba spu langs te/ 'di skad brjod do// sku gsung thugs kyis 'gro ba so sor 'dul// ngang gi zhi ba'i dbyings las ma g.yos kyang // 'phrin las rnam bzhis 'gro ba so sor 'dul// de phyir mchog gi rgya kha po 'di bshad do// zhes gsungs pas/ 'khor rnams rab tu dga' mgu rangs par gyur to// 'di skad ces gsol to// sku gsung thugs kyis 'gro ba rang rang 'dul// dbyings su 'dren pas
- 431a
rdo rje gsor byas te// 'di ltar 'dul bar mdzad pa ngo mtshar che// zhes brjod do// sku la zhugs nas mi snang bar gyur to// de nas de bzhin gshegs pa thams cad khro bos 'dul bar mkhyen nas/ 'di skad ces gsungs so// khwa dang sbyang ki srin po mu stegs rnams// bdung dang log 'dren thams cad tshar gcad phyir// chos nyid sgyu ma lta bur sprul nas 'phrin las mdzad// ces gsungs pas 'khor rnams ngo mtshar du gyur to// 'di skad du/ e ma ho/ che ba'i yon tan kun la khyab pa la// rang gis khro bor bstan pa 'di lta bu// ngo mtshar rmad byung sprul pa 'di lta bu// rab tu mi bsrun 'dul ba ngo mtshar che// zhes gsol to// de nas bcom ldan 'das kyis ma bskul bar 'di skad ces gsungs so// khyad par rim pa bstan pa khro gnyer ni// ye shes dbyings kyis kun la khyab par ston// khro bo bzhi dang brgyad dang bcu la sogs// ston pa mchod phyir khro bo mang po ston// rang khro kun khyab shugs 'gro rang rang 'dul// bye brag so sor rab tu shes byas la// mtshan ma drag po zhi ba dbang dang rgyas// go rim bzlog ste rab tu bshad par bya// lte bar bcas pa'i rtsibs can la// 'khor ba gcod byed rtse mo can
- 431b
gru gsum e yi pho brang la// bla ga ma rnam gsum dbang gi tshul// mu khyud dang can rgyas pa phyi// rnam bzhir ldan pa'i 'khor lo la// rab tu mdzes pa'i thig gdab bo// dbus su ma he zhing ga dan la// rtse dbus zhing rkyang re re'o// rus pa tshogs kyi phung po brag tu srungs// rak+ta khrag gi rba glong mtsho lta bu// ga na ma lcags ur mo rab tu lha la la// dur khrod rab tu brgyan pa de ba sham mo// dbus su khro rgyal ga shin rje gshed// sku ni nag po dud 'dra la// dbu ga sum dkar dmar mthing ka la/ ral pa kham nag sring rtser 'bar// rtsel me 'bar rked nas zhag kyang 'dzag/ rtsa ba chu ste sdang mig rab tu bgrad// phyag drug phyag mtshan bsnams pa'i thog tshul can// sdigs mdzub rgyu zhags lcags kyu g.yas// dung chen mdung thung gsal shing g.yon// zhabs bzhi 'thur du bstan pa ni// brkyang bskum tshul gyi 'gro ba dbang du sdud// sku stod glang cha ni ko bzhing phrag la// sku slang stag ste sham thabs tsham ma can// e'i pho brang dbus so// yum yang yab dang sgyu 'thun to// pho brang dbus kyi g.yon du'o// zhal gcig phyag gnyis mche ba can// khrag pa ma b+han d+ha bsnams pa'o// rtsel khro bo yab yum bcu// rab tu khros pa'i sdang mig can// go rim bzhin du dgor bar bya/
- 432a
zla gam dur khrod ma mo ste// skol de bzhin bsrungs pa'o// de la rim par mgu bar bya// zhes brjod de/ 'di'i sku dang / gsung dang / thugs las byung ngo // oM a kro man 'dzu shrI ma ma hU/ hU badz+ra kro ta pag gi nan hU~M/ oM badz+ra pe ta pi rag sha nan/ hU hU/ hU hU/ hUHhUM hU hU hU hU/ t+yu d+hU twA twA twA t+yA trAM trAM t+yA tAM/ hUM hUM hU~M hUM d+hu/ dUr+yA sU d+hU hUM/ oM Te ru dun/ oM dza dza a pa/ oM a shug/ b+h+yo b+h+yo b+h+yo/ de hUM ba ho/ zhes brjod pas phyogs bcu'i de bzhin thams cad 'khrug s+ho/ so// 'gul lo// ldeg go/ chem mo// bur te g.yo 'gul du gyur te/ 'khrugs par gyur to// de nas yum gyis ting nge 'dzin la bzhugs par gsol ba btab ste/ gsol/ bar zhus pa dang / e ma'o rab tu blo ldan khyod// 'jig rte mar khrug par mdzad pa'o// dbang med las kyi mnar ba la// de bzhin gshegs dpung du 'khrugs pa ste// rab tu bde bar mdzad du gsol// zhes glengs pas/ bcom ldan 'das kyis ting nge 'dzin la cho ga gi rgyal po la snyoms par zhugs te/ 'di gsungs so// oM badz+ra na la ka hU/ hUM badz+ra ka ta pra be sha ho/ zhes brjod pas 'jig rten gyi khams 'di dag rab tu 'jam par gyur to// gyur pas sems can thams cad slar sngon kho na bzhin du gyur te/ bcom
- 432b
ldan 'das ka shin rje gshed po la skyabs su song ngo // de nas yum gyi tshogs kyi dgyes pa chen po sa brda 'dis/ bcom ldan 'das la bskul lo// e ma'o phyogs bcu dus gsum du rdzogs pa'i// ye shes 'dus pa'i 'phrin las mchog/ bla med theg pa nges pa la// sbyor ba mchog gis bshad du gsol// zhes bskul bas/ de nas bcom ldan 'das kyis thabs dang shes rab kyis phyag rgyas mnyes par bya ba 'di gsungs so// rtse gcig mnyam par gzhag pa ste// sgeg mo g.yon na gnas par bya// bskul pa'i ting 'dzin brlan pa las// bskyod pa byang chub lam du drangs// gnas nyid bde gshegs bskyed pa'i rkyen// rtse mo oM lam phaT du bstan// zhes gsungs pas phyogs bcu de bzhin gshegs pa rnams dbang phyug gi 'khor mya ngan 'das pa thams cad dang bcas nas sku rgyan gyis brgyan te/ so so'i btsun mo la dgyes pa nyams su gtar bar gyur te/ phyogs bcu de bzhin gshegs pa thams cad gzigs mos mnyes par gyur te/ 'phags pa las bzhi 'khor lo gsang ba'i rgyud las/ gleng gzhi rtsa ba'i rgyud de dang po'o// / / de nas bcom ldan 'das kyis 'phrin pas ni ba 'di ched du brjod do// rab tu dkar ba'i yul dag la// mgu ba'i sems dang ldan byas te// dang
- 433a
bas mgu ba'i las bya zhes// bla med rgyal bas rab tu bshad// sa gzhi dkar ba rab bsnyams la// gru bzhi ldan pa'i dkyil 'khor bya// lte bar bcas shing rtsibs brgyad la// mkhas pas sgrims te bri bar bya// dkar dang ldan pa'i zla ba la// gcig dang gsum nas mgo btsugs la// khams gsum rab tu mgu bya'i phyir// nyams su lon par bya bas bsgrubs// dbus su ye shes bdag po la// shar du nag 'joms chen po ste// lhor ni ya ba ti zhes bya// nub tu khro bo dmigs pa la// byang du bdud 'joms bkod par bya// shwar lho lho nub nub byang dang // byang shar mtshams su dgod pa ni// glang mgo khra tshe skyod sbyong tshe// las grub brgyad de go rim bzhin// sbyang 'og dmar po nag 'joms bsgrim ste dgod// bla gam ma mo gsum rnams so// sgo sgor srungs ma rnams kyang bri// de yi yum dang bcas pa rnams khro bo nyid dang sku 'thun pa'o// sems dpa'i 'dug stangs gnas byas nas// sgeg mo g.yon du brten byas la// sngags yogs mdzes par 'tshogs byas nas// mgu ba'i 'phrin las brtsam par bya// ske tshe thal b.rus pa la// 'jam pa la yi gzugs lta bu// byas la snying khar brin ni// e ma pha la si ti ba/ gang 'dod pa yi yi
- 433b
de/ phaT dang swA hA mda' ltar bya// ming byang gong ltar byis byas la// gang ltar 'tshams pa bzhin du bzhag/ de la 'di yang rab tu brjod// oM A kro badz+ra shan ting na ga badz+ra swA hA/ oM a kro te ka shwan ting ba la bru ma/ zhes brjod nas snying kar brgyab na/ thams cad mgu nas dang ba'i sems kyis zhi bar 'gyur ro// de nas zhi ba'i las bya ba zin nas/ phyogs bcu pa'i gdug bzhi par bya ste/ bdag la mi dga' ba med na las grub pa yin no// 'phags pa las bzhi 'khor lo gsang ba'i rgyud las/ thams cad zhi ba'i le'u ste gnyis pa'o// // de nas bcom ldan 'das kyis thams cad rgyas par bya ba'i di ched du brjod do// gser las grub pa'i yul dag la/ dpal rgyas sems dang ldan byas te// rgyas par bya ba'i sems kyis su// dkyil 'khor dam pa bshad par bya'o// dkyil 'khor snga ma bzhin byas la// pa yi chag chag btab byas te// rnal 'byor dam pa blo ldan pas// thig ni gdab par ram tu brtsam// gser las grub pa'i thig skud las// dpal rnams 'phel ba'i sems dang bcas/ slob ma dam pa'i las grub par// bsams la thig ni gdab par bya// pho zang gser ba rtse mo g.yu// rdo rje rtsigs pa gser bas grub// thu chad rko/
- 434a
rnams lcags las grub// rnal 'byor sngags pa blo ldan pas// thig bzhi re'u cha brgyad du 'gyur// mtha' nas thig gdab man ngag can// de la sogs pa brtsam par bya// rin chen skyil kru ba dug byas la// dbus su gsang sngags bdag po ste// phyogs phyogs sgo ba dam pa rnams// snga ma bzhin du bsgoms nas kyang // rang sngags skyes bu de bskyed do// oM A kro te ka pus ting ba la na hUM phaT/ oM a kro bus ting ti ba ta na sta ma/ zhes brjod pas bdag po yab yum ste/ 'khor rnams 'bru ba la bsams// rang rang bskyed pa dam pa ste// sngags dang ldan par ting 'dzin gsal// bzhugs dang gdan dang mchod pa dang // phyag bya ba la sogs pa'i// las kyi bya ba ma lus par// thams cad ma lus tshang bar bya// bskyed dang grub pa'i 'bras bu ni// rgyal ba bsnyen te thag mi ring // rang grub 'bras bu de la sogs// phyogs dus kun nas shes pa yis// dngos grub dam par bster zhes// 'dren pa dpa' bos yang dag bshad// de nas gzhan yang rab bshad pa// dkyil 'khor snga ma bzhin byas la// sa zhag gser las grub pa la// gzugs ni dam par rab tu bya// byi skan ga na rkyal mnan byas la// hU bus ting A yu rtse swA hA// snying khar bris
- 434b
nas brjod par bya// snying po sngags kyi dam pa de// bla med dam pas rab tu bshad// oM badz+ra pus ting A yu pa shang shri bus ting swA hA/ zhes brjod pa sa thams cad rgyas par 'gyur ro// 'phags pa las bzhi 'khor lo gsang ba'i rgyud las/ thams cad rgyas par bya ba'i le'u ste gsum pa'o// // de nas bcom ldan 'das thams cad dbang du sdud pa zhes bya ba'i ting nge 'dzin la snyoms par zhugs nas ched du brjod pa 'di brjod do// zangs las 'brel ba'i yul dag la// rang dbang med de dbang du 'du// 'du ba'i sems dang ldan byas te// dkyil 'khor rab tu bshad par bya// zangs sam dmar po'i sa dag la// dkyil 'khor snga ma dag 'dra ba// legs par khong bsnyoms zin pa dang / thig ni rab tu gdab par bya// lte ba can la rtsibs brkyang pa// kun tu zlum pas rgyas pa mtha'// lte dbus gzhu gdung bris byas la// de steng bdag po dam pa bzhag/ sa ba la yang thog pa med// ces ni yang dag bla med des// bshad par byas te rab tu bstan// gzhan yang rab tu bshar bya ba// sems kyi dkyil 'khor dam pa ste// bla med yang dag nges pa'i lam// sangs rgyas byang chub la sogs rnams// gzhung las 'byung ba'i tshig don rnams// ma nor gsungs pa'i bka' bzhin du//
- 435a
bsgrub na 'grub par bshad pa'o// de dag 'gugs par gyur pa sa na// phal ba ga nA na dang smos ci dgos// bsdu dang 'dren pa byang chub lam// 'di dag go 'phang thob bya'i phyir// nyung kar rkang rjes sa'am gzhan// khrag gsumathal chen ba sra sa byas la// ga'u'i nang du blug byas nas// go'u gnyis ni kha sbyar te// skud pa dmar po zangs la sogs// bcings pa snyams te bkris byas la// dkyil 'khor gyi ni thog ma bzhag/ nyung ka ra zangs gnyis bsres bya ste// dud pas ga'u ro la bdug de la bdug par gyur pa dang // bzlas pa'i snying po brjod bya zhing // lan grangs khri tshar du ma ru// brjod nas sangs rgyas la sogs rnams// 'gugs par gyur na phal ba gzhan/ smas ci dgos te nges par 'gug/ oM badz+ra A kro ma na 'dzu shri ba sha ma hA sarba ti la brum/ lan grangs mang du brjod byas na// ji ltar bsams pa thams cad 'gug/ rgya shug bskus pa'i khu ba dang // mi yi lag pa'i dri ma dang // snga ma bzhin du bkug byas na// 'gug par gyur zhes dpa' bos bshad// yang na rang gi lag pa ru// zhes gsungs pos thams cad ma lus dbang du 'dus te/ dper na phyogs thams cad nas mtsho la sbrang ma 'du ba bzhin 'dus te/ bdag gi dbang du bya ba de dbang du 'gyur ro zhes/ bcom
- 435b
ldan 'das 'jam dpal gshin rjes gsungs so// 'phags pa las bzhi 'khor lo gsang ba'i rgyud las/ dbang gi le'u ste bzhi pa'o// // bcom ldan 'das khro bo chen po gshin rje'i tshogs 'du bar mdzad de/ rang bzhin gyis mthu can 'di gsungs so// 'byung byed ye shes dkyil 'khor ni// dkyil 'khor snga ma bzhin byas la// bdag nyid khro bo chen po ste// yu ma dang de bzhin de'i ngo bo// yab yu ma gnyis mer byin brlabs las// thams cad shes rab 'phro 'du las// thig skud rgyus pa lcags la byas// des ni las kyi thig ces bya// thig bzhi btab pas dkyil 'khor brgyad// 'khor lo rtsibs brgyad mu khyud bcas// kun tu gru bzhi sgo khyud can// gru chad ldan de dur khrod brgyan// mdzes par bris te gzhan du min// rten pa'i lha de snga ma bzhin// bskyed pa'i sngags 'di brjod byas pas// bdag dang 'dra bar bskyed par bya// oM a kro te ka hUM A hUM/ badz+ra pe ta la rig krA ma na/ b+h+yo b+h+yo b+h+yo/ hU hUM hU hUM hUM hUM/ hU hUM hUM hUM hUM hUM hU hU hUM hUM hUM hUM hUM hUM/ dzAHhUM baM ho/ b+h+yo b+h+yo b+h+yo b+h+yo/ zhes brjod pa tsam gyis 'jig rten gyi khams 'di dag thams cad g.yos/ rab tu g.yos/ kun tu rab tu g.yos so// dku la/ rab tu 'gul lo// ldeg ldeg/ rab tu ldeg/ kun tu ldeg go/ cham chem/ rab tu chem/ kun tu cham mo//
- 436a
'ur 'ur/ rab tu 'ur kun tu rab tu 'ur ro// dbus mtho na mtha' dma'// mtha' mtho na dbus dma' ste/ 'jig rten gyi khams 'di dag rab tu yang g.yos par gyur te/ de nas bcom ldan 'das la/ rdo rje bdag nyid des 'di skad ces gsol to// bcom ldan 'das rab tu gsung gi gsang sngags gsungs pas/ bdag cag spro lags so// / 'jig rten du 'di lta bur mthu can la bdag spro lags so// bcom ldan 'das rang bzhin gyis khros par mdzad pa de la bdag mngon sum du sems can thams cad rab tu yang zhu bar 'tshal ba lags so// bcom ldan 'das khro bo chen por 'du mdzad pa des 'di skad ces gsungs so// oM shri pa ra yag sha 'gu ya sarba ta kri badz+ra ka la ru pa ma ra nA phaT/ ces gsungs pas 'jig rten na dbang che ba dang / mthu che ba la sogs pa thams cad btul nas/ 'di skad ces gsungs so// phyogs brgya'i 'jig rten gang nas kyang // gsung du med pa'i chos nyid la/ rang sems 'phro 'dur gyur pa las// phyogs bcur gsungs pa de dag yin// de bas nan tan bskyed byas te// drag po'i tshe ma rnga ma bshad par bya// 'jig rten bcud kyi bsdus pa kun// tsha ma rngam glog ltar 'gyu ba las// ngo mtshar ya mtshan bsgrag par bya// eHma'o// yab yum gnyis med rol pa'i mkha' dbyings nas//
- 436b
phyogs bcur 'phro ba byang chub sems// rigs kyi yab dang de bzhin btsun mo ni// rtag par bsgoms te de bzhin gshegs par bya// rdzas dang phyag rgya sngags dang bcas pa rnams/ ni// gzugs dang 'dod pa'i 'bras bu gang 'dod 'grub pa'o// mi dge bcu dang ldan pa yi// rnam par 'dren par der byas te// sngags dang phyag rgyas rdzas rnams dang // ga'u pad+ma dam pa dang // kham pa'i rdza'i 'jim pa dang // khrag sna gsum dang gling ngo // de dag 'phrin las mchog yin te// grub par 'gyur nag don mi za// bla med dpa' bos yang dag bshad// phyogs bcu gdug pa ma lus kun// 'dul bar 'gyur te the tshom// 'phags pa las bzhi 'khor lo'i rgyud las/ drag po'i las lnga pa'o// / / de nas bcom ldan 'das 'jam dpal gshin rje gshed/ ye shes lhun gyis grub pa'i ngang la longs spyod par bya ba'i phyir/ ched du brjod pa 'di brjod do// rang bzhin 'phags pa kun tu shes rab te// de bzhin rnam par mi rtog yin pas na// 'di nyid chos kyi sku zhes rab tu bshad// chos sku longs spyod 'dul ba'i don la rgyas/ 'gro ba'i don rdzogs ma lus zhu byung ma// bdud dang srin po mu stegs 'dul ba'i phyir// mtshan dang dpe byad gzugs su sprul nas ni// ma lus tshar gcon
- 437a
don du 'di gsungs so// 'khor lo rtsibs brgyad mu khyud zlum por bcas// sbrul gyi rgya gram dag gis thab bskor la// lte bar rdo rje rgyu gram bri bar bya/ de yi steng du k+ka pA la gnyis la// gcig la gshin rje dbu drug pa'i gzugs// gcig la yum chen khro gnyer gzugs bris la// nang du dgra bo'i rkang rjes sa dang ni/ dri dang de bzhin khrag sna gsum// thal chen rgya shug bkrus pa'i khu ba dang // brdzis la dgra bo'i gzugs byas la// bcug la skud pa nag pos bcings// dkyil 'khor thog tu gzhag par bya// oM ya man ta ka hri ting badz+ra kro ta ya man+ta ka badz+ra kro d+ha phaT phaT a zhes brjod pa tsam gyis ni/ ya ba yum sku mdog mthing nag la// dbu skra kham nag ral pa gyen du brdzes// dbul thod pa rlon pas brgyan// sku la sbrul nag chun po dang // zhabs bzhi brkyang bsku mtshul du bzhugs// phyag drug phyag mtshan bsnams pa ni/ g.yas kyi dang po sdigs mdzub la// rgyu zhags lcags kyu bar mtha// dung chen tri shul gsal shing g.yon// de ltar cha lugs gsal ba dang // dbyangs ni blang bar nan tan bya// hUM/ rngam pa'i rgyal po khrig 'thung gshin rje gshed // khams gsum dbang sdud rtag tu zhal gsum pa'o// dbyings las sprul pa'i yab yum
- 437b
lhun gyis grub// las ngan 'khrul pa'i sems can gdul dka' ba// gdug pa de dag 'dul phyir gshegs su gsol// dam tshig gi phyag rgya bcas la/ dzaHhUM baM ho/ sa ma ya s+t+waM/ zhes lan grangs gsum du brjod do// des ni bstan par gzhug par 'gyur// khrag chen rgod khrag sha dang tshil// chen po la sogs gtor ma bsham// de ni dkyil 'khor thog tu bzhag/ bdag nyid ting 'dzin gsal ba la// sngags 'di 'bum phrag cig tu bzlas// oM badz+ra ha sta 'bab pa he ha/ d+ha na hri ting che ge mo ma ra ya hUM hUM phaT phaT/ che ge mo ha sta ba bri ti ni ra ti sa hUM hUM phaT phaT/ nyin zhag gcig la lan 'bum bzlas// nyin zhag gsum gyi bar du bzlas// de dag bzlas pa rdzogs pa dang // gtor ma'i las dag brtsam par bya// bskyed dang bskul dang rdzogs pa dang // phyogs bcu'i khro bo spyan drangs te// bzhugs dang brtan dang mi g.yo rdzogs// ma lus rdzogs pa'i 'phrin las bya// de ltar 'phrin las rdzogs pa dang // yang dang yang du btab pa dang // de ltar gdab pa byas pa na// dgra bgegs dbang sgyur smos ci dgos// de nas yang 'di ched du brjod de gsungs so// oM/ nga ni phyogs bcu dus gsum gyi// bde gshegs thugs kyi sras yin pas// bdud dang srin po log 'dren rnams//
- 438a
ma lus tshar gcad byin brlabs te// mgon po gshin rje nyid kyi sras// don dam thams cad ma lus par// de nyid du ni 'grub par 'gyur// dgra bgegs thams cad 'dul ba'i phyir// 'phrin las rdo rje can gyis mdzod// ces brjod cing / sngags kyis brdeg pa ni// 'phrin las mchog gis rgyal po zhes gsudra/ so// dus dang gnas dang zhag grangs dang // nyi ma gcig la stong rtsag cig/ nam gyi gung la brgya rtsa gcig/ tho rangs thun gcig brgya rtsa gcig/ srod kyi grangs la brgya rtsa gcig/ de ltar nyin zhag gsum bar du// bzlas pa dag kyang tshang bya zhing // phyag rgya bca' zhing gzugs la brdeg/ nyal byas na gdon mi za// oM mar na tsan d+ha sarba tri ting ya man hUM hUM tre kha d+ha pa ra na ba la/ hUM hUM phaT phaT swA hA/ rdo rje rtse gcig pa'i phyag rgya bcas la/ dgra bo'i gzugs la brdeg go// oM badz+ra hUM kha ba ra na phaT/ hUM A be A hUM phaT phaT A/ yang phyag rgya gong ma bcas la/ oM badz+ra kro ta ni la dan ta hU hU hI tir kri te nA na Na/ hU tri sting bi ti ta na na/ zhes brjod la/ bdag gi lag pas dbang bskur ro// yang rdo rje rgya ram gyi phyag rgya dang sngags 'di yang lan grangs mang du bzlas par bya'o// oM badz+ra tsan tri hriM sting badz+ra ti ra ba kha hi hUM hU che ge mo dbang du 'dus shig/ hri la hri la
- 438b
zhes lan grangs mang du brjod do// rgya ram gyi phyag rgya brdeg pa'o// yang sngags 'dis brjeg/ oM badz+ra kar ka ma ka la ya na hUM phaT phaT a/ zhes 'bum pazla sa la rdo rje rtse lnga'i phyag / rgyas brdeg go/ yang sngags 'di phyag rgya dang bcas pas brdeg go/ oM badz+ra A 'gu tre tha ti ra ba/ hUM hUM phaT phaT che ge mo ma ra ya dzA hUM dbang du sdus shig/ hU hUM phaT phaT/ ces lan grangs mang du brjod do// rdo rje gdengs pa'i phyag rgya bcas la dbang du bsdu'o// yang phyag rgya bcas la sngags 'di brdeg go/ oM hUM phaT phaT/ 'dus 'dus rang rang a ya ra ra/ hr-i hri dun b+h+yo/ hUM phaT che ge mo hU b+h+yo/ zhes bzlas la/ kha Ta gi phyag rgya bcas la brdeg go/ de lta ra la sa de dag yongs su rdzogs pa'i ting nge 'dzin dang ldan par bya ba/ la/ bzlas pa byas nA/ las ci byas pa thams cad dbang du 'du bar nges zhes bcom ldan 'das kyis gsungs so// 'phags pa las bzhi'i 'khor lo gsang ba'i rgyud las// ngan sngags dbang sdud kyi le'u ste drug pa'o// // de nas bcom ldan 'das des kun la khyab pa'i 'phrin las bsgrub pa 'di sku dang / gsung dang thugs rdo rje/ las phyung ngo // lnga phung yan lag gzhom pa dang // dug gsum rtsa nas wa cad pa dang // 'bras bu rgya ba par rab sgrub pa'i phyir// nan tan 'phrin las bshad par bya//
- 439a
dang po las kyi rgyas dang bsad// dgug dang dbye ba bcings dang dgrol// sbyor ba'i gdug pa ma lus kun// 'phrin las 'di yis 'byed par 'gyur// dang po btsal ba'i btsal thabs ni// rnam pa drug dang ldan pas btsal// stag mo gong la mchongs stabs dang // seng ge gangs la 'gying tshul dang // wa sbyang gzam la rgyug tshul dang / bya rgod gzan la 'babs tshul dang // ngom dred rmi lam rmi tshul dang // khwa skabs thang shing skrag tshul gyis/ ro yi phung po btsal bar bya// ri la gdug na 'gying bar btsal// gribs la 'dug na mchongs par btsal// dgas la 'dug na rgyugs par btsal// 'or na 'dug na 'bab pa btsal// brag la 'dug na bsgyur bas btsal// nags la 'dug na sngags pas btsal// rgyal rigs yin na seng ge gtang // bram ze yin na stag mo gtang // rje rigs yin na bya rgod gtang // dmongs rigs min na dom gyi gat+tad+hA// ma ning smin na spre rus bya// gdol ba yin ma tha spyang gtang // de ltar ro mi tshal stangs ni// rnam padrug dang ldan pas btsal// @ chas 'ong bar gyur pa dang // gshin rje'i rgyal po'i tshal la bya// khro bo bcu yi stangs stabs kyis// ro ba kun tu bskor byas la// dkyil 'khor chen po'i dbus su gzhag
- 439b
desbyar ba zhag pa'i las byas nas// myako ni lho nub mtshams su bstan// lag pa g.yas palto yi phyogs// sak+Sha pa g.yon pa nub kyi phyogs// klung pa g.yas pa shar/ gyi phyogs// rkang pa g.yon pa byang gi phyogs// de ltar ga na rkyal gzhag byas la// da ni phur pa dgod bya ste// mig dang rna ba sna dang lce// lag gnyis rkang gnyis mtshan ma dang / lkog ma de bzhin snying kha dang // lte ba pus mo dpung pa gnyis// gung mo de bzhin long bu gnyis// tshog pa de bzhin spyi bo gnyis// sku dang de bzhin mtshan khung dang // dpral ba rnams su gdab byas la// phur pa de dag lha yi skur// rab tu brtags te bsgom pa dang // de bzhin gnas nas gshegs pa dang // ting nge 'dzin du bsgom pa dang // gzugs kyi nang du bkod pa gsum// tshad paso gdungs pa'i bye ma la// mar khu de bzhin thim pa ltar// gnyis su med par shes byas la// gong du bstan pa'i lha rnams ni// rnam shes bzhi dang dbang po bzhi// de las gyur pa'i yul rnams ni// brgyad po'i ngang du shes par bya// gom pa lus la grags pa'o// thabs dang shes rab 'brel ba'i phyir// steng 'og jo bo de las gyur// de dag kun gyis sku gsung thugs// ma mo gsum gyi de nyid de// yang
- 440a
ni kun la khyab pa la// yum ni kun la sdud pa ste// bya ba byed pa'i bdag nyid do// phung po kun la khyab pa la// mnyes pa phul phyin lha yi tshogs// 'gro drug kun lam lus snang // de ltar las rnams zin pa dang // zhag grangs du bya dam yang bca'// dngos grub thob par 'dod pa'i// rnal 'byor chen po'i ting 'dzin bsar// de ltar byas na mi la sogs// thams cad dbang du 'dus par gsungs// dgra bgegs la gtang smos ci dgos// drag po'i 'phrin las grub 'dod pas// dgra bo'i ming byang bris byas la// bgyi kha yi nang du gzhug/ rdo rje rgyar ma rgya yi sA gdab// he ru ka yi phyag rgyas gnan/ nyungs kar rgyal pos drag tu brdeg/ rgya shug bsku pas drag tu blug/ nyi ma bzhi la drag tu brdeg/ sngags dang phyag rgya rgyun mi gcad// dam rdzas mchod pa leg par bkram// rnal 'byor ting 'dzin drag po bya// yengs na bar chad 'byung bar 'gyur// g.yeng bar mi mdzad khro bos gsungs// de nas las kyi 'bras bu yang // shin tu zad za med pa ste// mkha' la 'phur dang sa la 'dzul// tshul mi byir mngon shes ldan// zhes gsungs so// rgyud kyi rgyal po las bzhi 'khor lo gsang ba'i rgyud las/ ro langs kyi bsgrub pa las
- 440b
ngan sngags phur bus gdab pa'i le'u ste bdun pa'o// // de nas bcom ldan 'das 'jam dpal gshin rje nyid/ rang bzhin lhun gyis grub pa 'di ched du brjod do// ye shes 'khyil ba'i ral bskyed gting la// ye shes nyi ma gsal ba'i thig bran gdab// mu khyud zlum po sbrul gyi zhags pa bri// stegs bu phyogs mtshams phur bus bskor bar bya// de ltar bris pa'i dkyil 'khor bkod pa ni// oM ni dbus kyi lte ba la// shar du hri la lho ru traM/ nub phyogs hU la byang phyogs ha// byang sha rA mtshams su dza zhes pa// shar lho hril lho nub me// nub byang a la rab tu brten// brten pa'i yig 'bru de bkod nas// dbus su brtan par bsgom pa ni// gshin rje'i sku de dmar nag la// dbu gsum pa la phyag kyang drug/ dbul thod tshal gyis kyang brgyan// zhal g.yas smyug nag g.yon pa ldang // dbu ni sku dang rab mthun pa// sku la thod ba rgyan gyis tshal// zhabs bzhi brkyang bskum du bzhugs da// yab kyi sku la rab 'jug pa// g.yon phyogs gnas pa gong ma bzhin// oM badz+ra a mr-i ta ta ka sarba oM mr-i ta kro d+ha hUM phaT/ oM A mri ta kro ti hUM phaT/ de wA ra ya ba yum gsal bar bskyed// pad+ma'i gdan la rab bzhugs pa'o// 'khor la sogs pa'i rim
- 441a
pa ni/ bskyed pagong ma'i rim pa'o// rtag tu bzlas pa'i bsnyen pa'i sngags// mi drag ming la mi zhan par// ting 'dzin gsal bar bsgom bya ste/ zhi la 'tsher ba'i ting 'dzin la// ri rab dbus kyi lte dbus la// rab rten mgo'i go gonas// rdo rje tshe yi dbang stsol te// phyogs bcu gdug pa'i tshe 'dren te// gdug pa ma lus 'gugs par 'gyur// tshe'i snying po 'di ni rtag tu bzlas// oM sa ma ya many+dzu shri mu tra a kro d+ha ka a yu phal sid d+hi b+hU a/ de yis tshe yi dbang thob nas// sangs rgyas sku dang mnyam pa dang // bskal pa ma zhig bar du ni// lo lnga lon pa bzhin du gnas// de nas bskul ba'i dbyings 'di gsungs so// e ma'o phyogs bcu kun nas 'dus pa'i// ye shes rgyal po thig le 'di// gsang chen rmad du byang ba ste// rgyu drug 'khor ba'i sems can rnams// ye nas lhun gyis grub pa yis// ma skyes gdod nas rnam dag pa// ye nas lhun gyis grub pa'i bcud// thams cad ma lus chos so cog/ chos kyi sku'am chos kyi dbyings// don dam tshig dang mngon sum pa// dngos bo mtshan mthams cad las// khyib pa'i mya ngan thugs rdo rje// phra mo sems kyi rang bzhin te// gti mug mun pasel bste// nyon mongs dri ma kun dang bral// shin tu
- 441b
sad pa mya ngan 'das// thugs rje'i rang bzhin gshin rje gshed// dngos po'i mtshan ma thams cad la// rdo rje tshe'i rang bzhin mi 'gyur ba'o zhes gsungs so// phyogs bcu dus gsum gyi bde bar gshegs pa thams cad/ dam pa'i zhal nas 'di gsungs so// e ma'o phyogs bcu 'jig rten ye nas dben// bde gshegs thams cad ye nas lhun gyis grub// mtha' gnyis spangs pa'i ye shes lhun rdzogs pa'i// phyogs bcu stong khams 'jig rten rgyan du byas// thabs dang shes rab kyis ni dbang bskur na// bdud dang srin po log 'dren tshe bsdus te// dbang bskur snang ba des kyang byin bskyed de// shar phyogs dri za'i gnas nas tshe drongs cig/ oM badz+ra ku la e swa sha na ra ha ha ho ho hU hU/ zhes ni dbyangs dang bcas pa'i/ rdo rje'i rigs las grub pa'i// bde bar gshegs pa thams cad kyis// mgon po gshin rje'i tshe dbang bskur ro// de nas rin po che'i rigs kyi tshe'i dbang bskur ba'i phyir 'di gsungs so// e ma'o// rin chen 'chang ba kun gyi bdag/ 'jig rten dbang phyug dbang byed pa// gtso mchog khyad par byin brlabs te// mi 'gyur rigs kyi tshe thob nas// lho phyogs gshin rje'i lag na sa tshe drongs shig/ oM rangad na gu la a yu he he ho ho hU hUM/ rin chen dgyes pa'i dbang bskur bas// khyad par byin rlabs thob par shog/ de nas bad ma
- 442a
rigs kyi tshe'i dbang 'di gsungs so// e ma'o khrog tu ma rngam pa'i tshogs// pad+ma'i rigs kyi dbang phyug ste// snang ba med pas lhun gyis grub// rdo rje 'cha bas dbang bskur bas// klu 'dul tshe yi dbang thob shog/ oM pad+ma ku la a yu he he ho ho ha ha/ lhun gyis grub pa'i tshe yi dbang // thog med dam pa thob par shog/ de nas las kyi rigs kyi tshe'i dbang dam pa bskur ba 'di gsungs so// e ma'o rang bzhin mtshan ma med pa'i// ye shes lnga ldan 'phrin las gtso// gnyis su med pa'i las kyi rigs// las rnams thams cad dbang bskur bas// gnod sbyin gdon las tshe drongs shig/ gnod sbyin bgegs 'dul dbang thob shog/ oM karma kul a yu he he ho ho ha ha/ zhes brjod pas thams cad tshe'i bdag nyid du gyur te/ ched du brjod pa 'di brjod do// tshad med bzhi yi thugs rjes kyang // nyon mongs dgra rnams ni gyur cig/ phyogs bcu dus gsum gyi bde bar gshegs pa thams cad kyis tshe'i dbang bskur ro// 'phags pa las bzhi'i 'khor lo gsang ba'i rgyud las/ 'jam dpal tshe bsgrub pa'i le'u ste brgyad pa'o// // de nas bcom ldan 'das gshin rje'i bdag nyid des/ nyid kyi sku dang / gsung dang / thugs las byung ngo // gshin rje las kyi 'phrin las 'di// myos dang mgo 'khor byed pa dang // yid 'khrugs
- 442b
khrag tu skyug par byed// log 'dren rnam pa drug tu bstan// log 'dren thar byed dkyil 'khor 'di// bcu gnyis 'khor lo rtsibs can te// yi dgas kyi ni gos la bri// sum brtsegs ldan pa'i mu ran las// dbyangs kyi yi ge kun tu bskor// hriSh+Ti sngags kyi sa ga na na bya sa la// tha ma thod pa stang bar bya// de nas sngags kyis gang bar bya// ya ma na ste sngags kyis tshogs// sa stengs 'byung byed to'i bsten// me ste thams cad bsreg pa'o// bdag nyid gshin rje thar byed skur bskyed la// um yang de nu bsgom byas la/ phyogs bcu gdug pa thams cad kun// ma lus tshad ngam drag pos bya// bzlas pa'i snying po ma nor bar// dgra dang 'du byed rab spang ste// bde zhing yid 'odag nas dgra la// rab tu sdang mig sdang sems can// sgra dang bcas pa'i sems spangs te// nyi ma shar nas nub kyi bar// rgyun dang dus su bstan pa'o// bar bar bskul ba'i las bya zhing // bcol ba'i las dag rab tu brjod// de nas bcom ldan 'das khro bo gshin rje'i tshogs thams cad/ btsun mo dang gnyis su med par byas te/ bzlas pa'i sngags 'di sgra dang / gsung dang / thugs las phyung ngo // oM hri Ti bi kri ta na na hU hUM ba ba na a bu da ba b+ha/ sarba d+ha ra ma tsa tsaN+ya A ti pa ta/ oM la ma ya a/ badz+ra bo da ta thA ga ta/
- 443a
kro ti shwa ri/ A bi ha badz+ra kro ti shwa ri/ sngags 'di rab tu brjod byas pas// kha dog che zhing lus bong che ba dang // rgya dag yongs su ma chad thams cad nam mkha' ste// gsal ba'i shes rab thams cad nam mkha' 'dra// mthar phyin sngags kyis lung las rnam par mkhas// de yi sbyor ba thams cad dgyes skyobs shing // dbang sdud sngags de drag po'i las dang sbyar// mi dmigs gtso'i sngags dang phyag rgyas gnas// sgrol dang mthar phyin 'phrin las gnas su brtan// ting 'dzin rim pa 'di dngag ldan par bya// khro bo de bzhin gshegs pa'i ting 'dzin dang / sgyu ma la dbang sgyur ba'i ting nge 'dzin dang / go 'phang chen po la sbyor ba'i thabs kyi ting nge 'dzin dang / rjes su bstan pa'i cho 'phrul dang ldan pa'i ting nge 'dzin dang / thugs rjes zhe sdang sgrol ba'i ting nge 'dzin dang / shes rab kyis 'dod chags sgrol ba'i ting nge 'dzin dang / ye shes kyis gti/ mug sgrol ba'i ting nge 'dzin dang / yon tan gyis nga rgyal 'joms pa'i ting nge 'dzin dang / 'bad pa med pa'i brtson 'grus kyis phrag dog 'joms pa'i ting nge 'dzin dang / de dag 'joms pa'i sngags ni 'di dag go/ pradz+nyA ku la/ ku na ku la/ 'gu na ku la/ 'ba'i brgya ku la/ 'bu ta ku la/ badz+ra ku la/ pad+ma ku la/ karma ku la/
- 443b
rang na ku la/ sar+b+ba ta thA ga ta he/ zhes brjod pas/ 'di skad ces gsungs so// dper na me dang 'od bzhin du// 'od la sbrang ma 'dus na yang // me lce'i drod ni 'od la yod// bod kyis sbrang rtsi ji bzhin du// skyon gyis dri ma thams cad dang // bdud dang mu stegs log 'dren dang // mi mthun pa yi dgra dang bgegs// shes rab thabs kyis gzir gnon pa'i// me lce dang ni sbrang ma 'dra// tha dad pa'i mi mthun pa yang // 'phags pa 'jam dpal gshin rje gshed// 'khrugs pa med cing sgrol bar byed// ma skye ye shes ral gri yis// nyon mongs sdug bsngal bral byas nas// gnas dang gnas ma yin pa'i// rgyu dang rgyu ma yin pa yis// nyon mongs sems can mtho ris gnas// bsgral ba'i zhing du smos pa ste// de la de bzhin drag tu bya// rigs dang lo grangs 'thun pa la// de bzhin byas na skyob pa ste// de dag yongs su shes par bya// las dang bya ba rtsol ba rnams// nyams kyi phyag rgyas rang don sad// de brtag dka' bar mi 'gyur te// ma la ya yi 'og gos la// ki wang dag gis bri bya ste// 'og nas 'byung ba'i gsang sngags dang // gang bya spel nas bris byas la// raka ta ngag gi kha chus bran// thub pa drug gi snying po bri// gsang ba'i sngags 'di rab tu brjod// oM hr-it+ti krota/
- 444a
bi kro d+ha tri sha tri ni tri ti ma ra ta/ sra sang he ta/ a mu ka/ he ha da he hang ka ma ru pa hUM hUM phaT phaT A/ de skad gsungs pa'i sgra sgrags pas// dgra/ dang bgegs dang mu stegs dang // bdud dang srin po ma lus rnams// gzir cing gnan pa drag tu bya// mi mthun phyogs kyi srin po de// 'dul bar bya ba'i don ched du// khro bo'i sku ru bsgom bya ste// thams cad bsgral bar bya ba'i phyir// rang bzhin grub pa 'di gsungs so// oM pra ma rtan/ na mo badz+ra dza ki yo na ta/ i dam pra khu ma mau mu ti swAhA/ de skad ces ni gsungs pa yis// rang bzhin gyi ni dbang du 'gyur// bdud rnams dag ni khro zhing gtum// srin po dag ni 'jigs shing rngam// mu stegs log 'dren sgrol bar byed// de dag 'dul bar bya ba'i phyir// 'phrin las dam pa 'di brtsam mo// dkyil 'khor snga ma bzhin bris la// dbus kyi pho brang lte ba la// bdud rnams 'dul ba'i snying po bri// shar gyi 'khor lo rtsibs steng du// dri za dbang bsdud snying po bri// lho yi phyogs kyi 'khor lo la// mu stegs sgrol ba'i snying po bri// nub kyi phyogs kyi 'khor lo la// klu rnams tshar gcod snying po bri// byang gi phyogs kyi 'khor lo la// gnod sbyin tshogs rnams dbang bsdud bri// hU big nan/ hU rag sha nan/
- 444b
oM ti ra ti ka nan/ oM ma ra na na na/ mtshams kyi dkyil 'khor lte dbus su// mtshams kyi bgegs gnon snying po bri// hUM 'da'/ hUM pa/ hUM ma/ hU sa/ gru chang rnam pa bzhi po la// thod pa rlon pa bri bar bya// mu khyud thod pa'i 'phreng ba dang // phyi rol sbrul gyi yongs su dag/ de ltar dkyil 'khor zin pa dang // rnam par 'tshe ba'i gzugs rnams kun/ kham pa rdza yi ga'u la// gzugs ni yongs su bri bya ste// dbus su rab tu gzhag par bya// kha dog dmar pos bcings byas nas// rtse gcig phyag rgya bcas byas la// gsang sngags 'di yang 'bu ma khrir brjod// o pra d+ha na mo ha prA b+ha dzA dza ki mo na da A haM pra khra ma mo thA thA swA hA/ na mo di gi kha d+ha lu/ sra ba tha byi/ u tha ti na na/ sarba a thA na phaT/ phyag rgya dang bcas pas brdeg/ zhag gsum bzlas pa byas nas ni// bgegs dang log 'dren dbang du sdud// gzhan yang de bzhin bzhugs pa'i khro// dkar dang dmar dang ser ba dang // smug dang ljang nag kham nag dang // so so'i cha lugs rngam pa'i gzugs// mgon po gshin rje nag po yis// bgegs dang log 'dren gzir cing gnon// rnga ma pa'i zhal du 'di ba ta ba bo// oM che ge mo kha ra kha'i o hri ti na che ge mo kha ra kha'i/ oM ka la ru pa che ge mo kha ra kha'i/ oM hUM hUM phaT phaT/ anyin zhag gsum gyi bar du bzlas// de na sa phyag
- 445a
rgya gsum bcas te// yang nas yang du gzir cing gnan// phyag rgya de dag gsang sngags 'dis// lan grangs stong rtsa gcig tu brdeg/ oM hri shi badz+ra yA ya na ba sna bu sud ta/ hUM hUM phaT phaT A/ las dang rdzas dang sngags dang ni// phyag rgya brtson 'grus ma yengs par// 'bum mam grangs ni ci mang du// yang dang yang ni nan tan bya// zhes bcom ldan 'das 'jam dpal 'jigs byed kyi rgyal pos rab tu gsungs so// 'phags pa las bzhi 'khor lo gsang ba'i rgyud las/ log 'dren thar byed kyi gnan pa'i le'u ste dag pa'o// / de nas bcom ldan 'das gshin rje'i bdag nyid des/ thar byed 'byung ba 'di nyid kyi sku dang / gsung dang / thugs dang / yon tan dang / 'phrin las phyung ngo // gnod sbyin thar byed 'phrin las 'di// dkyil 'khor snga ma bzhin bris la// bzlas pa'i snying po bri bar bya// ya ste bskyed pa me te bsreg/ tol snying rje rul chags na ni 'byung byed yab kyi gsang // yo la kun 'byung rta la bsdu// bdag nyid las kyi thar byed sku// yab yum gnyis med rol pa las// byang chub sems kyi 'od zer spro// 'dzum dang btsos pas yum la dbul// byang chub bla med sangs rgyas la// mchod cing ji ltar mdzad pa ltar// bdag kyang rab tu bsgral skad du// ting 'dzin 'du ba nam mkha' 'dra//
- 445b
zhes gsungs pas/ phyogs bcu'i gdug pa thams cad spa gong ste/ bred nas myos par gyur te/ dper na mi chang gi sa bog pa bzhin/ de nas nan tan gyi 'phrin las 'di nyid sku dang / gsung dang / thugs yon tan 'phrin las las phyung ngo // gdug pa ma lus 'dul mdzad pa// khro bo chen po hU sgra can// las rnams thar byed 'phrin las sku// gnod cing sdong sems ldan pa kun// bar chad bya bar sems dpa' ste// de dag zil gyis gnon pa'i phyir// sku mdog nag po chen po ste// dbu skra kham nag gyen du'i khyil// thod pa tshar gsum dbu rgyan can// phyag g.yas zhing chen g.yon b+han d+ha// zhal gsum mche gtsigs zhabs ni brkyang bskum ste// mi mthun bgegs dang sdang ba'i dgra// ma lus dbang sdud 'phrin las mchog gi lha// mi sdug tshul 'chang grags pa khyo shug can// zhing chen g.yang gzhi sku yi rgyan du byas// zhe sdang dbang sdud stag gi sham thabs can// nyon mo sa dbang sdud glang chen ko rlon can// 'dren pa'i khro rgyal bdud 'dul dam pa 'di// dus ngan tha ma'i sems can 'dul dka' ba// nyon mongs dbang sdud dpal gyi zhal du stobs 'gro ba ma lu sa thugs rje dbyings la dgod// zhe sdang shugs 'chang khro bo rgyal po gtso// gdug par gyur pa'i dgra bgegs 'dul mdzad pa// nga rgyal la sogs bdag rtags dug gsum
- 446a
sku/ ye shes dang las thams cad rdzogs par mdzod// oM badz+ra hriSh+Ti bi kri ta na na/ ta thA ga ta ya ma rA dza hUM phaT ta a/ zhes pa'i sngags dang bcas la/ bdag nyid las mthar byed kyi skur bsgom sna la// 'brim las bcol zhing mnan pa rtag tu bzlas pa'i snying po brjod do// de'i dus su sbyin sreg byed na/ 'brim mas brtsam par bya ste/ me thab e yi dbyibs 'dral// bang rim sum brtsegs kha khyer can// ngos la me yi 'phreng ba gtang // kha khyer rdo rje rab la// mya ran thod pa'i 'phreng ba ste// me ste sreg bya 'chang zhes pa// kha dog chen po shin tu ring // phyag na zhugs ling sgra 'phreng dang // be con ral pa thogs pa ste// tshul bzhin spyan drangs gdan bzhugs bstod// dbang dang phyag tshang gshegs pa rnams// gang ltar 'tshams pa bzhin du sbyar// gnyis 'og rang nyid ya ma'i sku// gnyis med spyan drangs bzhugs la bcol// sbyin sreg 'phrin las zin pa dang // bcol bskul dag kyang rab tu bya// rdzas ni dug dang lan tshwa dang // ske tshe sbrang rtsi nyung nag dang // gu gul nag po la sogs pa'i// lcags 'dra/ btsal la rab tu bsngags// bdag nyid lha yi skur bsgoms la// dkyil 'khor byin gyis brlabs pa'i// sngags 'di rab tu rtse gcig bzlas// oM hU/
- 446b
khang me tra hA mu kha hri sti/ ya mar dza hUM phaT/ phyag rgya zil gnon phyag rgya bcas// dkyil 'khor bskor zhing ga sang sngags bzlas// bdag nyid nub kyi phyogs 'dug la/ las kyi ther byed skur bsgoms la// gsang sngags mi gul mi drag par// bzlas na myur du 'grub pa yin// yid 'khrug myos nas dbang med dgyel ba dang // rab tu brgyal nas thar pa 'jig pa dang // de rnams mi 'grub pa rungs ma bshad// ces bcom ldan 'das don yod grub pa'i khro bos gsungs so// 'phags pa las bzhi 'khor lo gsang ba'i rgyud las/ gnod sbyin thar byed kyi gnon pa'i le'u ste bcu pa'o// // de nas 'jam dpal gshin rje chen po thar byed 'byung ba nyid kyi sku dang / gsung dang / thugs las phyung ngo // srin po thar byed 'phrin las 'di// dkyil 'khor bsgom par bya bar bstan// ya ste rgyu las ta ste rkyen// yo ni kun tu bskul ba la// ni ni sdud pa'i don yin te// ra zhes bya ba lhun bsngags pa// ya la 'dus la kle la thim// bdag nyid 'ching zhes bya ba'i sku// dbu gsum po la phyag drug ste g.yas dkar g.yon dmar dbus ser mag/ phyag drug mtshon cha bsnams pa ni// g.yas pa ba su ta yi zhag/ g.yas par gsal shing tha ma lcags kyu'o// g.yon
- 447a
myi dang po rgya zin pa rab kata ri// tha mardo rje rgya bram bsdams pa'o// sku stod grang chen ko rlom pa// sku smad stag gi sham thabs can// zhing chung ga yang gzhis sku la brgyan// gzhan yang dur khrod rgyan mchog rnams// ma lus sku la rdzogs pa la// bskul ba'i dbyangs 'di spangs par bya// mi shig rdo rje gar gyi bdag/ rdo rje gsang ba'i gshin rje ste// 'phrin las rgyal po grub pa'i las// oM dang A dang hUM zhes pa// oM ni dpral ba'i steng du dmigs// A ni lce yi steng du dmigs// hU ni thugs kha nyid do'o// de la 'od zer rab spros te// bdag lus nam mkha' lta bur 'gyur// phaT ces bya ba rab brjod pas// 'jig rten khams rnams 'od kyis khebs// de nyid bsregs pa ma yin te// yid kyi ye shes me 'bar ba// gcig gi stong nyid gang yin pa// kun gyi stong ni de yin no// ji ltar mkha' la mtshon snang ba// nam mkha' nyid la 'byung ba ltar// sngags kyi 'gro 'du gtang ba yang // sems las byung ba nam mkha' la// rnam shes stong pa'i ngang la 'du// bdag nyid chos kyi skur bsgoms la// zhe sdang 'phro 'dumar byas la// bskyed pa'i sngags 'di drag tu bzlas// oM ma hA dang pro ka ta be ra a ra ne dza ka ta kha'i che ge mo la dus
- 447b
zhes pa dang / sngags gong nas 'byung bar spel te/ las byas na gdon mi za'o// zhes gshin rje khro bo rgyal pos gsungs so// 'phags pa las bzhi 'khor lo gas ba'i rgyud las/ klu thar byed kyi gnan pa'i le'u ste bcu gcig pa'o// // de nas yang khro bo ga shin rje gshed kyis thar byed 'byung ba 'di nyid kyi sku dang / gsung dang / thugs dang / yon tan 'phrin las phyung ngo // ya mthar byed 'phrin las ni// dkyil 'khor snga ma 'dra bar dmigs// bzlas pa'i snying po 'di yang bris// yang ste 'byung byed kye yi bsreg/ ya ni yang dgra rtsan yi skems// ni zhes bya ba khug zhigs pa'o// ra zhes bya ba bsgral ba la// ma las skyed byed slar sdud pa'o// ba dag nyedas mthar byed sku/ ldang nag zhal gcig phyag gnyis sku// sku lathod pa phyed cha la brgyan// dbu yi sgra ni kha ma na ga la// ral bgyen du 'khyil ba ste// phyag g.yas chu srin dbyug to 'phyar// g.yon pa'i phyag na zhing za ba// sku stong glang chen ko klon la// sku sma de stag gi ga ma thabs can// dur khrod me dbus bzhugs pa la// yu ma yang de dang 'dra bar bsgoms// bzlas pa'i ting 'dzin me 'dra ma// bzlas brjod rlung 'dra g.yo zhing bskyod// lce la nyi bla dgyi ba 'khor la//
- 448a
steng du bzlas pa'i snying po bri// tha ma g.yang dang bcas pa la// hriSh+Ti sngags kyi phreng bas gdag/ par spros rnam shes dgug par bsam tshur 'dus ga shin rje nyid la thi mI// 'phro 'dus bzlas pa de dag kun// gong du bshad pa dag la yang // de ltar rab tu sbyor zhes pa shang // de nas bcom ldan 'das gshin rje khro bos bskul bas 'di gsungs so// oM/ ya ma las kun 'jig par byed pa ni// thams cad dbang sdud ya mthar byed sku// zhal gcig phyag gnyis sku mdog ldang // zhabs gnyis 'dor thabs klu brgyad gnon// sku la sbrul nag stong gis brgyan// bgegs rnams 'dul zhing rtag tu 'ching bar mdzad// skul thod pa phye tshal brgyan pa ni// 'gro ba thugs rjes phyogs gcig dgongs pa'i rtags// dbu ska ral pa gyen du 'khyil ba ni// snying gsum ma lus dbang du sdud pa'i rtags// phyag g.yas chu srin dbyug to bsnams pa ni// thugs rjes sems can mya ngan lam las sgro la// phyag g.yon zhing dbyug bsnams pa ni// dgra bgegs 'jigs pa che las sgrol ba'i rtags// ko rlon g.yang gzhis sku la brgyan pa ni// dug lnga ma grangs gnas su dag pa'i rtags// sta ga gi g.yang gzhis skul brgyan pa ni// drug
- 448b
gsum gnas su bsgral ba chos dbyings sku// skye med ngang las sbyor ba mi mnga' yang // zhes sngar 'phrin las bya ba'i dus la bab// oM hri Sh+Ti ya ma ra dza sar+b+ba ma ra yan Na dzas ma ya zhes brjod cing / zhe sdang dang bcas pa'i ting nge 'dzin gyi bzlas pa dang sbyar/ de las byas na gdon mi za'o// de dag ni zla 'od tsam+ba ma yin te/ yang nas yang du 'dril bar byas las la// nan tan gyis ma byas na// 'phral du phra mo tsam gyis 'grub pa ma yin no// zhes 'jam dpal gshin rje nyid kyi gsungs so// 'phags pa las bzhi 'khor lo gsang ba'i rgyud las// ya mthar byed kyi gnan pa'i le'u ste bcu gnyis pa'o// // de nas yang las phran tshegs bsgrub pa 'di nyid kyi sku dang / gsung dang / thugs dang / yon tan dang / 'phrin las las 'di phyung ngo // zla ba 'dra ba'i dkyil 'khor la/ pad+ma 'khor lo gang yang rung // yang na rin chen 'dra ba la// dra dmigs rnams ni btud par gnas// rin chen phur bu nang du ltas// de ru bri'am gzung bar bya// tha ma sbrul gyi zhags pas bskor// dkyil 'khor de yi dbus su ni// khru gang 'thur du brkos byas la// ga'u kha sbyar nang du ni// nyungs kar thug la bzlas par bya/
- 449a
rtag tu ma yengs 'phro 'du mis// rgyun mi 'chang par bsgrub par bya// oM badz+ra ka lang du khal phra mar d+ha na hUM phaT/ sre kha sre kha baT phaT/ ces bzlas te/ bdag nyid ya man ta kar b+h+rUM la sngags 'di nus tshadang du bzlas na 'grub des so// nyung kar rgyal po 'grub pa'o// de nas khro bo la sogs pas/ bcom ldan 'das gshin rje gshed la 'di skad ces gsol to// e ma'o dbyings las 'byung ba dang / mkha' la rgyu ba dang / las la dbang ba gsum gyis bskul ba'i dbyungs 'di/ bdag cag len lags so// ye shes mkha' ldan ma mo'i dpal// gzi brjid 'bar ba'i 'phrin las can// dpal gyi phyag b.rA na rak+ta'i d+hI snom ma// ma mo khyod ni kun gyi gtso mo dpag tshad brgyad khrir rgyug/ bud med lus la 'jigs byed tshul 'chang ba// kha nas me 'bar rgya mtsho gting nas skem/ mig nas khrag 'dzag ri rab thal bar rlog/ skad cig tsam la stong khams dbang du sdud// 'jig rten lha chen brgyad kyang 'dar yer yer// gdug pa ma lus dbang du sdud par byed// bud med gzugs can dus la bab// che ge mo mo trag sha tri ti ya ma ma mnan/ nas bskul ba ni/ dbyings kyi mamo'i// nam mkha' gting
- 449b
yang la ga nas bcas te// bar snang khams la rgyu ba'i tshogs// khams gsum thams cad dbang du sdud// lcags kyi bya khra lta bu ni// ma mo gnas kyi mchog kyang yin/ kha' bar stong gi gtsom ste// 'jig rten rnams kyi dbang byed ma// srid gsum dbang du sdud pa mo// gzigs pa'i go 'phang nam mkha' 'dra// gshegs shing bzhud pa klog pas mgyogs// g.yas kyi gshog pa brdabs pa yis// bdud dang srin po rdul du rlog/ g.yon gyi gshog pa brdabs pa yis// dgra ba gegs 'byung po dbang du sdud// dam tshig can gyi dus la bab// oM mar trag sha dri mod // ya mar dza ka la ru pa tri ting 'dza'// zhes bskul ba ni mkha'i lding gi tshogs so// ya man de grub pa mo// la la lag na rgyu zhags 'chang // la la phyag nathod 'phreng 'dzin// lal lag na zhing chung ba su 'dren/ la la me khyer rgya mtsho skems// la la 'gugs byed nyams pa 'dzin// la la sbrul na gzhugs pa 'chang // la la pho nya 'gugs shing 'dra na// sngags/ pas gdungs shing bos pa'i tshe// dam tshig dus la bab bos ma ya// sdang bar sems pa'i snying nas drongs// gtse ba'i tshogs kyi dus la bab// oM ma hA trag rag sha rad na ka/
- 450a
la hriSh+Ti swA hA/ zhes spyan drangs shing bskul ba ni/ gter bdag gi tshogs so// de nas bcom ldan 'das gshin rjegashed kyis 'di skad ces gsungs so// rgyud kyi rgyal po las bzhi'i 'khor lo 'di// dus la rnal 'byor pa gang zhig sgrub pa'i las byed na// nga yang thugs dam las mi g.yel la// 'khor khro bo dang khro mo la sogs pas kyang / nga'i thugs rjes sgrub par byed pas/ dus tha ma la dam pa'i chos 'di la spyod pa'i rnal 'byor pa'i sku la bsngo ba la/ dam tshig 'byung bar zhal gyi bzhes so// de nas 'khor rnams// bcom ldan 'das khro bo'i rgyal po ga shin rje gshed dus phyi ma la 'byung ba zhal gyis bzhes pa la// dga' nas yi rangs te// bcom ldan 'das de la mngon par bstod do// 'phags pa las bzhi 'khor lo gsang ba'i rgyud las// 'jug bskul dang gnang ba'i le'u ste bcu gsum pa'o// 'phags pa las bzhi 'khor lo gsang ba chen po'i rgyud/ rgya gar yul nas chos bsgyur dge shes la// tor pa gzan la bcu ma ltar brtson 'grus byas// brtson 'grus byas pa'i bsod nams dam pa yis// rigs drug sems can 'khor ba las thar par shog/ gnyis thas//