F440MW1KG13607_0440rgyudAll versions of this work

rnal 'byor ma'i kun tu spyod pa

Yoginisancara

Text

ff. 247a–262a · 31 folio sides

  1. 247a

    kun spo #// gsungs pa// sras te gzhan du gsungs pa yin// kun spyod kyi ni rgyud 'di la// bsgrub pa pos ni rab mnyam bzhag/ rgyal bas sngon ni rgyud chen las// sngags kyi yi ge bsgrub mdzad pa// las kyi bya ba gang ci'ang rung // dge dang mi dge brtags te bya// yi ge'i mtha' dang dbus dag tu// der ni thams cad rab tu bsgrub// rnal 'byor ma'i kun tu spyod pa las// a li ka li dang // las thams cad pa'i nges pa gnyis su med par bstan pa ste/ bcu gsum pa'o// / de nas rgyud rnams thams cad du// sbas gsang cho ga bshad bya ste// sangs rgyas bzhi'i gdan bzhugs pa// rdo rje la sogs dpa' rnal 'byor// mkha' 'gro la sog rdo rje yi// dpa' bo rnal 'byor dbang phyug gtso// me long la sogs rnam pa bzhi// gnyis med rdzas ni me tog sogs// re re nas ni dbul bar bya// phyag rgya la sog mchog lugs kyis// pha rol son pas mthar phyin 'grub// lag pa mchod sogs ye shes can// blo ldan dpa' bos shes par bya// rnal 'byor ma drug go rim bzhin// rdo rje sems sogs bcu gnyis dang // dpa' bo chen po sbyar byas la// lag pa mchod la sogs pas mchod// lnga po lnga dang yang dag bsre// 'o ma dang yang bsre bar bya// mchod pa des ni legs gnas na// spyod dang grol ba'i 'dod dang ldan// lag pa mchod pas rnal 'byor pa// dbul ba'i 'dod don 'grub

  2. 247b

    par 'gyur// sems ni mchog tu gyur pa dang // bza' btung gos sogs thob par 'gyur// lha'i mchod pa byas nas ni// de la bsam pa rnam 'grub 'gyur// dpa' bo 'di ni dpa' chen po// sa steng rnal 'byor ma rnyed dka'// rnal 'byor pa yi spyod brtul zhugs// rnal 'byor dbang phyug kun gyis gtso// gang zhig rtag tu 'dis rang mchod// 'dod pa'i 'bras bu rab tu ster// rnal 'byor ma'i kun tu spyod pa las/ dpa' bo bzhi dang yang dag par sbyor ba lag pa'i mchod pa bstan pa'i pa ste/ bcu bzhi pa'o// // de nas dpa' bo'i rnal 'byor ma// gnyis med spyod pa'i cho ga bshad// dang por mnyam gzhag rnal 'byor pas// 'bad de nus pa bskyed par bya// nus pa bskyed pa'i rjes thogs la// yid la 'dod pa'i brtul zhugs spyad// sems can rjes bzung don gyi phyir// / dpa' bo chen po 'gro bya zhing // srog chags yan lag gos bgos la// bde don gnyer bas bde ba bskyed// mchod phyir thogs ni kun spangs la/ he ru ka dpal gtsang sbra gnas// grol ba'i 'bras bu 'dod pa yis// rnal 'byor ma kun mnyes par bya// rtsa ba'i sngags kyis dpa' bo gang // tshangs pa'i skud pa logs brtag/ lha'i snying pa'i gas kyi// brgya byed phreng bas btsun pa yin// dpa' ba ge ma drug gi ni// rgyan 'dis lus ni mdzes pa yini// ro rje bag ma mags sngags pang/ mgur chus non

  3. 248a

    kun sbya@#/ mdzes pa yin// sangs rgyas kun gyi mkha' 'gro ma'i// lpags pa'i gos ni 'dzin pa yin// khA T+wA~M kha ni lha'i sku// shes rab Da ma ru ru brtag/ thod pa'i dum bu la sogs kun// lus kyi khams su brtag par bya// yi ge bdun gyi gsang sngags kyis// sna chas snyan ni mdzes pa yin// rnal 'byor ma drug gsang sngags gang // ske regs byas pas brgyan pa yin// 'khor lo kun gyis rnal 'byor ma'i// sngags ni lag pa'i thod pa yin// rnam par snang mdzad du sngags gang // thod pas mgo bo brgyan pa yin// de ltar bdag nyid rnam bsams nas// tsham ngam sngags kyis legs pa'i bsrung // rtag tu tshangs par spod gyur pa// gsang sngags rkang pa brgyad mchod pa'o// nyin mo bcom ldan dpa' bo ste// mtshan mo rnal 'byor ma brtag bya// mi bya ci yang yod min te// rtag tu mi bsam yod min yin// mi bza' ci yang yod min la// dge dang mi dge brjod mi byed// rang bzhin ji bzhin 'gro de bzhin// de ltar rnam bsams rnal 'byor bdag/ 'jigs pa thams cad yongs spang te// dpa' bo seng ge bzhin du spyod// bsam pa thams cad rdzogs byed yin// he ru ka dpal gzhir gnas pa/ yan lag bskyod pa ji snyed dang // de nyid phyag rgya gsang sngags yin// rigs lnga kun tu spyod pa ni// rigs gcig nyid du spyad par bya// de ltar shes pa'i bdag

  4. 248b

    nyid can// go 'bang mchog tu 'gyur// gnyis med ye shes sems ldan la// mi bya ba ni yang med// mi rtog bdag nyid sems kyis ni// 'dod pa'i yon tan rnams spyad// rnal 'byor ma'i kun tu spyod pa las// gnyis su med pa brtul zhugs dang gsang sngags bstan pa ste// bcwa lnga pa'o// // 'dir ni phyi ma dus kyi tshe// dus mthar dngos grub mi thob ste// khyed ni blo dang ldan byas pas// gzhan du dkyil 'khor bzlas pa yin// bde bar 'grub par mi 'gyur gyi// bkres dang skom gyi sdug bsngal 'gyur// 'bad de 'dod bya dmigs nas ni// de nyid kyis bdag rnal 'byor pa// ji ltar he ru ka ye shes// ci 'dod par ni yongasu rgyu// rna bas ring nas thos pa dang // ska cig gis mthong rnal 'byor pas// chos 'di de ltar shes nas ni// bsam pa thams cad rdzogs byed yin// shes rab chen por byas pa nyid// gnyis med ye shes brtul zhugs bzang // a li ka li ma gtogs par/ gal te chos 'dod na ni// de'i brtul zhugs don med de// 'bras bu thob par mi 'gyur ro// mdo dang bya ba'i spyod pa rnams// rnal 'byor gsang sogs dbye ba nyid// 'jig rten kun la bshad pa ni// byang chub don gyi rgyu nyid yin// nga yis 'jug par bshad pa ni// tshogs gnyis gnyis su med pa yin// de nyid chos kyi rang bzhin shes// mya ngan 'das pa 'ba' zhig yod// thams cad

  5. 249a

    kun spyod#bden pa gnyis la ni// rten pa rangs ni mngon bshad pa// rnal 'byor pa yis dngos kun gyis/ bsgom pa mngon dgar gyur pa yin// spros pa kun la/ dmigs nas ni// spros pas spros pa med par bya// rgyud rnams kun tu gsang ba gang // sprul pa rnams kyis de nyid bstan// rgyud 'di yis ni rnal 'byor pa// bden pa gnyis la yang dag brten// bsam pa thams cad bsal nas ni// longs spyod kun la nyer spyod byed// dpa' bo chen po 'khor lo'i sdom// sdom pa la ni rnam par spyod// rnal 'byor ma yi mtshan ma gang // gzugs dang brda' dang tha snyad dang // khyim lnga la sogs yul rnams su// rnal 'byor ma ni lnga nyid gnas// bsgrub par bya ba'i gnas kun tu// g.yon nas bskor ba la rab brtson// ji ltar sngar bshad 'khor lo bri// grangs kyi cho gas brtul zhugs can// dpa' bo'i sngags dang rnal 'byor ma'i// yid la 'dod pa dgos pa bya// shar gyi pad ma mkha' 'gro ma// bong bu'i rnam par bsgom par bya// he ru ka dpal zhes bya mdzad// las rnams thams cad byed pa yin// he ru ka dpal go 'phang gnas// lus ngag yid kyi las rnams la// bshad dang ma bshad gang bsams pa// de dag thams cad myur du 'grub// rnal 'byor ma'i kun tu spyod pa las// dngos grub kun gyi nges pa dang // dpal he ru ka'i mdzad pa bstan pa ste/ bcu drug pa'o// // de nas he ru

  6. 249b

    ka dpal rgyu// yan lag drug pa sems kyis sprul// dag pa'i chos kyi sprul pa ni// phag mo'i gzugasu bstan pa yin// bsrub dang bsrub pa'i sbyor ba yis// / de nyid las ni thams cad 'byung // me long la sogs rnam pa bzhi// pad ma'i 'dab gnas rnal 'byor ma// mkha' 'gro ma bzhi pad mar gnas// mA ma ki sogs bzang mo yin// thod pa'i dum sogs 'khor lor gnas// nyi shu rtsa bzhi gnyis med yin// sems can 'khor ba las sgrol ba// dpa' bo nyid ni yin par brtag/ khro bo rnam rgyal la sogs kun// sgo dang 'tshams kyi mtha' rnamasu// sna tshogs 'dul ba'i thabs can gyis// sems can don la brtson par mdzad// gsang ba'i gnas kyi rnam gnas pa// rab tu 'bad de sba bar bya// rnal 'byor ma dang dpa'o yi// ji ltar 'dod pa'i dngos grub ster// rnal 'byor 'bras bu thob nas ni// srid mtshor ltung bar mi 'gyur ro// 'khor ba las ni bsgral ba'i thabs// rgyud kyi snying po bsdus pa yin// bla ma slob mas rtogs sla'i phyir// cho ga ji bzhin ma bshad de// sems la ngal so rnal 'byor pa// mya ngan 'das pa bstan mi bya// gang zhig spyod pa'i skyes mchog 'di// sdig pa thams cad rnam dag 'gyur/ 'jig rten 'di 'am pha rol tu// sku gcig sangs rgyas nyid thob 'gyur// ji ltar sngar bshad sdig pa rnams// dman par gyur nas mtshan nyid yin// gang zhig 'di

  7. 250a

    bsgom rnal 'byor pa// 'dod pa'i dbang phyug thams cad ster// he ru ka dpal mtshan brjod pas// lha sogs kun gyi gsang gang dang // mi la sogs pa'i gang zhig dge/ de'i bsod nams des thob po// bsam gtan gyis ni bsams tsam 'am// 'don cing klog gam bris tsam gyis// mtho ris longs spyod thob 'gyur te// yang na 'khor los bsgyur nyid 'gyur// rnal 'byor pa ni 'pho ba'i tshe// dpal ldan he ru ka la sogs// dpa' bo dang ni thams cad dang // rnal 'byor ma ji snyed pa// lag na sna tshogs me tog bsnams// ba dan rgyal mtshan sna tshogs dang // rol mo'i sgra ni sna tshogs dang // sna tshogs glus ni nye bar mchod// 'chi ba zhes ni rnam rtog ste// mkha' la spod pa'i gnas su khyer// de lta'i dpa' bo chen po dang // rnal 'byor ma ni sa stengs dkon// ji ltar bud med jis gtam rjes yi rang / kun smra sten pa'i gtam yang brjod par byed// lam yang ma bshad 'chi bar mi 'gyur yin// rnal 'byor lam yang de dang 'dra bar bshad// de nas gzhan yang bshad bya ba// gnas sogs rnal 'byor ma'i gnas// he ru ka dpal sogs rnal 'byor// dpa' bo gnyis med rnal 'byor ma/ pu li ma la ya rab btum ma/ lan d+ha rar gtum pa'i mig/ u rgyan ni 'od ldan ma// ar bu da na sna chen mo// go Ta pa r+yar dpa' blo ma// ra mi shwa ra mi thung ma// de khi ko tir lang dbang phyug/ ma

  8. 250b

    la ya rar shing grib ma// ka ma ru pa ra sa bsrung mo// o trer 'jigs byed chen mo yin// tri sha ku ner rlung shugs ma// ko sa lar ni chang 'thung ma// ka ling lga mo sngo ba sangs ma// lam pa kar ni rab bzang mo// kan tsa na ni ta rna ma// hi ma la yar bya gdong ma// pre ta pu rir 'khor lo'i shugs// gri ha de bar dum skyes ma/ snor rtar ni sna chen mo// gser gring 'khor lor go cha mo// na ga rar ni rab dpa' mo// sani d+ha yul du stobs chen mo// mya ngam yul du 'khor bsgyur ma// ku lu tar ni brtson chen mo// yul 'di rnams kyi bu mo gang // dpa' bo gnyis med rnal 'byor ma'o// gsang ba'i sngags la brtag gnas na// rab tu 'bad de bsgrub par bya// rnal 'byor ma ni re re zhing // bye ba'i grangs snyed dag gis bskor// mtshan ma mtshan nyid phyag rgya sogs// g.yon gyis bsgrub pa po ya sa sba// / mi bzad la ni gang gang gyis// skye bo rnams ni 'ching 'gyur ba// thabs dang bcas na de nyid kyis// srid pa'i 'ching ba las grol 'gyur// 'khor ba pha rol rgal nas ni// ci 'dod ye shes can du 'gyur// mgur chu gtsug rgyan dpung rgyan dang // rna rgyan tshangs pa'i skud pa dang // mgul pa brgyan cing spyi bo phreng // ske regs rkang gdung sgra nyid do// ri steng sna tshogs pad ma yi// ge sar ma yi ka li las// nyi shu bzhi phreng yang dag ldan// dpa' bo rnal 'byor ma tshogs can/

  9. 251a

    kun spyodama'i bdag po yang dag mnan// rdo rje dril bus sku la 'khyud// he ru ka dpal rgyal po che// go 'phang mchog ni bsgom par bya// de nas dpa' bo spos chu yis// rtag tu lus kyi yan lag dril// dri zhim yan lag gis brgyan cing // thal ba'i phyag rgya sogs pas bgo/ kha dog la sogs g.yogs pa'i gzugs// rang gi yul du yongasu bsgyur// spyod pa'i brtul bzhugs pa// shes nas rnal 'byor pa legs gnas// yan lag bskum dang brkyang ba dang // slob dpon de bzhin snying stobs can// gar gyi tshul ni bzhi po 'di// cho ga rig pas shes par bya// slob dpon tshul zhes bya ba ni// rnal 'byor shes pa yin par bshad// de la 'bad de bya ba ni// bskal pa bzang po'i rgyal chen yin// gar gyi gnas su gnas pa yin// brgyan rnams de ni yin zhes bya// kun tu dbugs dang bcing bya dang // bzhug dang de bzhin bskyod pa dang // 'bigs pa 'khyil pa zhes bya'o// de bzhin gug bskyed brgyan pa dang // tshangs skud lus las dgrol ba dang // rnam pa kun tu bcings pa dang // rkang gdungab rab tu gzhag pa dang // lag pa'i brgyan ni nyid dag dang // drug bcu rtsa gcig srad bu yin// 'og pag drug bcu rtsa brgyad par she bya// phreng ba nyi shu rtsa lnga yin// rnal 'byor ma'i kun tu spyod pa las// de kho na nyid dag pa la sogs pa bstan pa ste/ bcu bdun pa'o// / rnal 'byor ma'i kun

  10. 251b

    kun skyo#/ ma'i bdag po yang dag mnan// rdo rje dril bus sku la 'khyud// he ru ka dpal rgyal po che// go 'phang mchog ni bsgom par bya// de nas dpa' po spos chu yis// rtag tu lus kyi yan lag dril// dri zhim yan lag gis brgyan cing // thal ba'i phyag rgya sogs pas bgo/ kha dog la sogs g.yogs pa'i gzugs// rang gi yul du yongasu bsgyur// spyod pa'i brtul bzhugs pa// shes nas rnal 'byor pa legs gnas// yan lag bskum dang brkyang pa dang // slob dpon de bzhin snying stobs can// gar gyi tshul ni bzhi po 'di// cho ga rig pas shes par bya// slob dpon tshul zhes bya ba ni// rnal 'byor shes pa yin par bshad/ de la 'bad de bya ba ni// bskal pa bzang po'i rgyal chen yin// gar gyi gnas su gnas pa yin// brgyan rnams de ni yin zhes bya// kun tu dbugs dang bcing bya dang // bzhug dang de bzhin bskyod pa dang // 'bigs pa 'khyil pa zhes bya'o// de bzhin gug bskyed brgyan pa dang // tshangs skud lus las dgrol ba dang // rnam pa kun tu bcings pa dang // rkang gdub rab tu gzhag pa dang // lag pa'i brgyan ni nyid dag dang // drug bcu rtsa gcig srad bu yin// 'og pag drug bcu rtsa brgyad par bya// phreng ba nyi shu rtsa yA yin// rnal 'byor ma'i kun tu spyod pa las// de kho na nyid dag pa la sogs pa bstan pa ste/ bcu bdun pa'o// / rnal 'byor ma'i kun

  11. 252a

    @#dbang ldan dang // dbang po de bzhin 'dod dbang phyug/ pha rol stobs mnan nas ni// rnal 'byor dbang phyug gis ni mchod// tshangs pa la sogs lha rnams kyi// dam tshig sgra yis bshad pa ste// srog dang rtsol ba kun tu bya// de yis 'di ni dam tshig sdom// de la kha sbyor rnam par bshad// zhal bzhi ru ni rab tu gnas// rnal 'byor ma bzhir der shes bya// sbyor ba bzhi dang yang dag ldan// gang gang dbang po'i lam nas byung // de dang de'i rang bzhin nyid// 'dod pa kun la longs spyod pas// sangs rgyas kun gyi rang bzhin 'gyur// gzugs ni ji ltar rdzogs pa las// de la bsgom pa ji lta bu// sngags rnams ji lta bskyed par bgyi// rdzogs par yang ni ji ltar 'gyur// de dag tha snyad tsam// sngags dang rgyud rnams yang dag 'byung // byang chub sems ni 'di ru sngags// 'dod pa lnga dang yang dag ldan// mtshon bya mtshan nyid kyis ni mtshon// mtshon bya bu ma mtshon mi bya// sngags rnams rgyas par bshad nas ni// lha rnams kyis ni bsgom pa nyon// steng gi sgo ni gsum yin te// lte bar rlung gi gzugs can ma/ de la dbus su rtag tu stong // dag pa yi ni shel lta bur// longs spyod chen po nges par 'byung // dgu pa bcu yis ldan pa ste// phyag rgya de yi yan lag gis// sgo dgu'i sa bon yin pa ste// lus las bon rnam su brjod// ye shes

  12. 252b

    mkha' 'gro'i bdag nyid kyis// steng gi cha ni shes rab ste// rdo rje 'dzin dang bcas par 'gyur// sems kyi rdo rje zhes ni bshad// 'dir ni steng gi pad mar bshad/ shes rab de nyid rdor can bcas// rten dang rten par 'byung ba yis// rtsa rnams kun la rnam par gnas// khu ba'i gzugs su gyur pa yas// spro dang bsdud par byed pa po// bskyed pa'i rim pa'i rnal 'byor gyis// bsgom pa'i rim pas byed pas so// gdam ngag rim pa'i rnal 'byor gyis// lha rnams bsgom par byed pa ste// de rnams sna tshogs rnal 'byor gyis// zla ba nyi mar bshad pa yin// gzhan dang gzhan min rnam par grol// sangs rgyas gzugs ni g.yo ba med// der ni bzung bar bya ba ste/ gang zhig de ru ji ltar gnas// nyin mo bcom ldan rdo rje can// mtshan mo shes rab tu ni brjod// nam mkha'i nang sang mchog tu zhi// dag cing dge la yid du 'ong // sangs rgyas la sogs mu stegs kun// lha min gnod sbyin srin po dang // de nyid 'dod chags chags bral dang // 'dod pas thar par gyur pa 'di// de nyid bud med rnams la chags// de nyid mngal ni rab tu len// de nyid 'chi ste ril po'i gnas// de nyid bskams pas mthong ba yin// de nyid gang du 'gyur ba ste// de nyid gang du 'gyur ba ste// de nyid dri du rnam par gnas// de ni sdug bsngam rig pa ste// reg pas bde ba nyid dgas/ de nyid gcig sus thub po yin// bdud rtsim

  13. 253a

    pa'i gzugs kyis ni// gzugs bzang gzugs dang ldan pa'i mchog/ sna tshogs gzugs rnams yid du 'ong // gzugs kun gsal bar byed pa'i dpal// gzugs brnyan ma lus 'chang ba po// bcu drug phyed phyed de'i phyed// rtag tu de nyid rig pa'o// sna tshogs rtag tu zhi ba'i gzugs// nam mkha' lnga dang yang dag ldan// de nyid rab tu bzhugs par brjod// 'gro la gsal bas mar me yin// sna'i rtse mo rnam par 'byung // 'bar ba'i phreng ba'i 'od zer te// / 'di rnams kun ni bdag gis brjod// rten dang rten pa'i mtshan nyid du// gang gis shes pas cho ga shes// de'i dpal ni rgyas par 'gyur// gzhan yang sngags kyi tshig bshad de// gsang ba'i sbyor ba brtsam pa ste// sde tshan brgyad kyi mtha' ma bzung // sa bon lnga dang yang dag ldan// de bas 'bru yig sbyin par bya// dang bor oM yig yang dag ldan// a ni yig 'bru kun gyi mchog/ thig le chen po yi ge med// nam mkha' nam mkha'i dbus gnas pa// sngags dang rgyud ni yang dag 'byung // ci ltar de ltar sngags kyang ni// de bzhin nyid kyi tshul lta bur// yi ge tsam dang yang dag ldan// de la dbus su rab tu grags// sangs rgyas byang chub sem dpa' dang // gang yang gzhan gyi lha tshogs dang // 'byung po ma lus thams cad dang // lha dang lha min gsang ba pa// de'i dbus su yang dag rdzogs/ yi ge la sogs

  14. 253b

    gzugs can gyis// gzugs can rnal 'byor lA ma dang // dum skyes ma'i bye brag gis// zhal bzhi zhes ni rnam par bshad// rnal 'byor bzhi dang yang dag ldan/ lte ba ge sar dang ldan zhing // 'dab ma bzhi dang yang dag ldan// de la dbus su dpa' bo che// phyag brgyad kyis ni rnam par brgyad// dang po la ni sha yis dkang / gnyis par khrag gis bkang ba nyid// gsum pa bzhi pa lus phyag rgya// kha TaM kha dang Da ma ru// de bzhin kha dog dkar po 'phro// dri med ston kha'i nam mkha' bzhin// dkar dang dmar dang de bzhin gnag/ ljang khu zhal te gcig pa'o// phyag rgya brgyad ni mdo ru bshad// phyag gi mtshon cha rab tu grags// dang po 'jug pa'i phyag rgya ste// gnyis par snying ni 'byin pa mo// gsum par mongs byed phyag rgya yin// bzhi par ltung byed de bzhin no// lnga par gar ma'i phyag rgya'o// drug par gas byed mar ni brjod// bdun par za byed ma'i phyag rgya// brgyad par steng du len par nges// gshin rje mo dang skrag byed drag/ gtum mo dang ni bzang gza' dang // b+ha su ma dang 'dod pa nyid// de nyid brgyad po phag mo nyid// mi bzad rnam par 'gyur ba'i gzugs// khrag dang khu ba zab mo// 'od zer sna tshogs 'bar ba can/ rdo rje mkha' 'gro ma bsgom bsgom// mang por rnam bshad ye shes ni// de la dbus su rnam par 'byung // dpag tshad gsum gyi rgya khyon du// de yis gsal bar/

  15. 254a

    #byed pa yin// sems can thog ma tha ma med// rdo rje sems dpa' chags pa che// thig le rdo rje can du 'gyur// zla ba phyed pa lta bur gnas// gdan ni pad ma rA ste// rgyal po'i gzugs ni gsal ba yin// rgyal po nyid ces rnam par bshad// steng du 'byung bar rab tu grags// yang ni dgod par bya ba ste// rigs kyi dbye bas brjod pa'o// shar du rdo rje sems dpa' 'gyur// lho ru rnam par snang mdzad brjod// nub tu rta'i rgyal po'o// byang du pad ma gar dbang ste// 'khor lo'i dbus su he ru ka/ steng gi sgra ni rta gdong yin// 'di ru dgod pas gsungs// rigs kyi dbye ba rnam pa lnga// de ru bsgom par bya ba yin// gzhom med gzhig tu med pa ste// de'i dbus su yang dag rdzogs// mgon po rnam par snang mdzad sogs// rnal 'byor ma'i tshogs 'gying ba'o// rgyud chen po las rnam 'byor ma bzhi sbyor ba zhes bya ba ste/ brtag pa dang po'o// // de nas rdo rje phag mo de// rkang rgyan dang ni do shal rgyan// de'i dkyil 'khor la gar byed// dbang bskur ba ni gnang bar mdzad// dam tshig la ni legs bshad phyir// phag mo de bzhin rdo rje can// ci 'dod de bzhin rdo rje can// dri chen dri chu za ba dang // khrag dang khu ba de bzhin sha/ rtag tu bud med mchod nus sam// b+ha ga'i pad mar 'o byed dam// spros shig rdor can bde ba che// de nas bcom ldan rdo

  16. 254b

    can// bzhad par gyur nas 'di skad gsungs// lha mo ci ste bdag mi sgo// khrag dang khu ba la sogs bza'// rtag tu bud med gus par bgyid// b+ha ga'i bad la 'o bgyid do// yang ni legs so legs so byin// sgo skyong de bzhin rdo rje can// thod pa yang dag blangs nas ni// rdo rje can la bza' ba dbul// zhi zhing gcer bur 'dug pa dang // rdo rje can ni skra grol bas// legs par dbang bskur gnang bar mdzad// b+ha gar 'o byed rdo rje can// de nas brtsams te rdo rje khyod// sems can don gyis brtul zhugs zung // bza' ba dri chen dri chu dang // khrag dang khu ba sha dag go/ b+ha ga'i pad mar 'o bya ste// bdud rtsi rnam ni bsgrub par bya// rdo rje rnal 'byor pho nya mos// de nas rtag tu dbang bskur ro// hUM hUM ha ha a a hri hri swA hA// // de nas de ma thag tu kun// rdo rje mkha' 'gro ma nyid kyis// sgra chen po ni rab tu bsgrags// rdo rje can de dbang bskur ro// sna tshogs gzugs can drag po che// thod pa'i gdan la yang dag bzhugs/ sha dang khrag 'byung ba ste// gsang ba'i dkyil 'khor mchog tu sbyor// la lar rol mo'i cha byad dung // pa ta ha sogs ku mun dang // la lar rab tu glu len cing // la la pi wang bsgreng ba ste// la la ngor can gar byed do// sa la dril bu dkrol ba ste// ma sa sgra dag rab tu sgrogs// phyogs bcur phreng gi sgra dag go// sa la gas

  17. 255a

    sa / dag rab tu byed// la la dkyil 'khor la ni gar// la la me tog rab tu 'grems// de yis rdor can la yang bskur// la la spos kyis rab tu byed// la la dri yis de bzhin no// 'di ltar gyur pa'i mchod pa ni// gsang ba'i dkyil 'khor la ni bya// de nas rdor can lha mo de// tshig 'di dag ni brjod pa ste// tshogs kyi dkyil 'khor nyid dag dang // dbang dag legs par legs par brjod nas ni// yis gzhan yang bshad bya ba// lha rnams dgod pa mchog dag go/ rgya ru kun tu brgyad de// gru bzhi pa la sgo bzhi pa// sngags pas de'i nyis 'gyur spyad// gang gu mkha' 'gro'i tshogs bsgying ba// nam mkha'o 'od kyis rgyas gang ba// gang de 'khor lo mchog yin no// dbus su 'khor lo yang dag bri// lte ba dag ni ge sar ldan// 'dab ma bzhi dang yang dag bcas// kha gdong dkar po yang dag ldan// de la dbus su dpa' bo dgod// dag pa'i shel dang 'dra ba ste// dang po'i zhal ni rnam par bzhad// dang po spun gyis rnam par gzigs// smin ma khro gnyer rab tu gsal// mche ba gcig shing 'jigs pa ni// lho ru gzigs pa'i zhal dag go/ g.yon pa rmad du byung ba ste// rgyab ni 'jigs pa chen po yin// mdun rgyab rta'i zhal gyis brgyan// dkar po de bzhin gnag/ ljang bu yi ni kha dog go/ phyag brgyad yang dag bri bar bya// thod pa'i phreng bas rnam

  18. 255b

    par brgyan// dpal ldan mgo bo'i phreng ba 'dzin// 'jigs byed ljags ni 'brel ba ste// 'jigs dus chen po'i me dang mtshungs// dur khrod lta bur 'jigs su rung // gtsigs par rgod cing bzhad pa che// phem gi sgra ni sgrogs pa'o// zhal gcig phyag ni gnyis pa ru// lha bzhi rnams ni brjod par bya// kha TaM ka dang thod pa'i lag/ khrag dang khu ba dag 'thung ngo // 'khor lo gnyis pa yang dag bshad// zla ba'i dkyil 'khor zlum po la// 'khor lo chen po yi ge brgyad// 'od zer dmar po 'bar ba ste// gzugs can ma dang 'o byed ma// las ma mchog 'phel sa ma yi// phyir mi ldog dang e hi ki/ rdo can brgyad par brjod pa yin// lha mo brgyad po 'di ru dgod// kha dog dkar po shin tu 'bar// lag pa khe T+wAM ka bzung zhing // thod pa khrag gis bkang ba'o// phyi rol yang dag brjod// lha rnams bkod pa mchog dag ni// sa ki ni dang pu ka si// gsod ma dkar mo sgrog ma dang // gtum mo ri khrod ma nyid dang // sgrol ma de bzhin khro gnyer ma// khams gsum rnam rgyal gling chen mo// de bzhin g+has ma ri dag dang // dur ka tsa maN Da dag dang // de gzhin tshangs ma khyab 'jug ma// sgo skyong yang dag bshad pa ni// sgo bzhi dag tu sbyar bar bya// 'khor lo chen po kha dog sngo// 'bar ba'i phreng ba mchog gis 'od// lha mo chen mo kha dog dkar// kha T+wA~M ka dang nya phyis 'dzin// dkyil 'khor 'di ni rgyal po ste// rnal 'byor bzhi'i

  19. 256a

    spos chen po ni rab tu 'ashad/ sa@#sdom pa ste// rang gi rgyud 'di thun mong ste// dkyil 'kho bla ma yin// bsgrub pa chen po'i sbyor ba ste// de yi bla ma zhes su gsungs// rnal 'byor ma/ bzhi kha sbyor las// dkyil 'khor gyi brtag pa zhes bya ba ste// gnyis pa'o// / de nas gzhan yang bshad bya ba// dam tshig chen po'i bsgrub thabs ni// glang po te dang bong bu dang // bgrang rnga mo dag dang ni// khye'i sgron ma rab tu 'byung // sgron ma chen mo rab tu bshad// 'gro ba dga' bas gso bar byed// bya rog 'ug pa khra dang ni// chu skyar bye rgod lnga po yi// spos su 'bul bar byed pa po// 'di rnams dbang du byed par 'gyur// sa gsum po ni rnam par spyod// ji srid sbyor ba cho ga pa yis// dngos grub thams cad byed pa'i mchog/ bdud rtsi lnga ni byed pa ste// 'chi med dngos po med pa'o// rtog pa med par bza' bar bya// blo ldan rang bzhin med pas so// sde tshan tha ma'i sngags bsdus de// bcu drug cha yis yang dag ldan// 'phran pa sbyor steng du steng // thig les mnan cing brgyan pa yin// dri zhes kun tu brjod pa yin// kun nas thugs kyi 'khor lo ni// nyi shu bdun pa 'og tu sbyin// sngags la sogs pas phye ba yin// spyi bo de ru yang dag sbyar// yi ge'i lha'i gzugs kyis ni// nyi shu rtsa drug yang ni sbyin// dbyangs yig gnyis pas kyang ni brgyan// nyi shu rtsa gsum yang ni zang // 'ug gi cha ni sbyar bar bya// dbus

  20. 256b

    kyi gsum pa yang dag ldan// bzhi pas sbar bar bya ba yin// de'i dbus su yang dag gsungs// yi ge dbang phyug gis brgyan cing // bcu drug mtha' ni yang dag bshad// steng dang 'og tu khyab pa yin// de la dbus su yang dag gsungs// stong pa chen po'i yi ge ste// rdo rje sems dpa' gzhig tu med// dag pa yi ni shel lta bur// rdzas 'di rnams ni bza' ba yin// rnal 'byor 'di rnams mchog yin te// rnal 'byor kun las mchog tu 'phags// khyod la mdo ru bsdus pas bshad// bza' ba rnams ni yang dag brjod// gang gis rig pa thams cad bza'// dngos po ro mnyam bsres pa ni// dag dang mi dag mi byed par// de bzhin nyid rnams thams cad dang // bza' ba thams cad bza' bar bya// de nyid bcu yis rab dbye ba// bzung dang 'dzin pa rnam grol ba// sbyin pa'i snying po sprin par bya// sems kyi rnal 'byor rdzogs nas ni// thams cad rtsa sogs bzhin du btung // sangs rgyas rnams kyi tshul khrims gyur// de nyid kun gyis mi 'jigs/ pa// skye bo thams cad 'tshe mi byed// dang por snying rje bla na med// bzod pa tshul khrims gegs med pa// gzhan gyi gnod pa 'gegs pa ste// gur dang bur ba dra ba dag/ gdug pa'i bdud ni 'joms pa ste// bdud med 'chi ba med pa yin// bdag gi sems ni bcing bar bya// gang gis rang sems 'dul ba yis// 'dun

  21. 257a

    rnam 'phyogakyi gnod pa smos ci dgos// mnyam pa'i sems kyis dri ma ni// mnyam pa ru ni yang dag bkru// lus la ste'u tsan dan yang // sems kyis mnyam par gyur pa na// mnyam pA kyi ye shes brjod// dngos po spros pa bdag med ste// gang zhig rnal 'byor rgyal bar 'gyur// gang zhig rnal 'byor rgyal 'gyur ba// gang dag rnal 'byor ma yi ni// zhu ba rnams ni za ba dag/ de ni sa steng mtha' dag tu// rga dang na ba rnam par 'joms// rnal 'byor ma bzhi de kha sbyor las// dam tshig chen po bdud rtsi lnga zhes bya ba'i brtag pa ste// gsum pa'o// // de nas yang dag bshad bya ba// sbyor ba dang po sgrub thabs te// sbyor ba rnam bzhir shes par bya// dam tshig bzhi ni bsgrub pa ste// dang po khu bar rnam shes bya// gnyis pa de bzhin khrag nyid do// rdo rje'i chu dang dri chen ni// dam tshig bzhi ni bsten bya ste// 'dod chags khu bar rnam par bshad// phra dog khrag ni nyid dag yin// gti mug rnam snang rgyal po ste// zhe sdang dri chu nyid yin no// dam tshig bzhi'i rnal 'byor gyis// dam tshig bzhi la spyad bar bya// dang po sbyor ba grub 'gyur zhing // rdo rje sems dpa' dang mnyam 'gyur// bris sku bzhug pa'i rnal 'byor gyis// dam tshig de nyid bsgrub par bya// stong pa'i/ rdo rje brjod bya ste// ye shes sems dpa' rnam par bsam// mdor bsdus pa ni sngags bzlas bya// hUM phaT sngags ni brjod par byed// dngos po bsgom pa

  22. 257b

    bsgom par bya// spro dang bsdud par byed pa po// bdud bzhi las ni rgyal ba yin// go cha mtshon cha 'di yis bcing // rab phur bu gur sogs kyis// phyogs bzhi la sogs bcing bar bya// khams bzhi por ni yang dag 'byung // bdud bzhi po ni yang dag 'joms// bad kan sha dang rkang dag dang // rus pa'i khams su yang dag 'byung // sprin dang bdag ma sgrol ma dang // gos dkar la sogs bzhi pa'o// khams bzhi dag ni rnam gnas pa// sbyor ba dang por brjod pa'o// brtson chen zhes su rnam bshad pa// rlung dang me ni mchog yin te// de la dbus su yang dag gnas// dzi ta ra'i rang bzhin ming // dbyibs dang kha dog sna tshogs pa// kha dog med par rab tu grags// dbyangs dang yi ge'i tshul dag tu// dbyangs med yi ge med pa'o// tshad man khyab 'jug drag po min// nam mkha' med cing 'dod pa yin// zla ba med cing skar ma min// nyi ma med cing rlung yang min// gnod sbyin srin po lha ma ni mi// 'byung po yid btag nyid min cing // snod dang bcud ni sna tshogs dang // khams gsum po ni ma lus pa// bdag nyid chen po de yis khyab// bems po nyid la yid rtogs// de nyid 'jig rten pa du 'gyur// tshangs pa khyab 'jug dbang phyug che// zla ba gzas zin skar ma g+ha// de nyid thams cad bde bache// rdo rje 'dzin pa nam snang mdzad/

  23. 258a

    rnam 'a@#pad ni mchog he ru ka/ rdo rje rnal 'byor pho nya mo// de nyid rdo rje bde chen po// rdo rje rdo rje 'dzin pa nyid// de nyid pad ma pad ma 'dzin// nor bu nor bu 'dzin pa nyid// rigs 'di rnam su gyur pa'o// de nyid dkyil 'khor bri ba nyid// rdul tshon kha dog lnga pa'o// de nyid sngags su rab tu bya// hUM hUM phaT kyi yi ge nyid// dmyal ba dud 'gro yad btags dang // lha dang mi dang lha ma yin// dmigs pa'i sems su 'gyur ba yis// khor ba 'di ru 'khyam par 'gyur// rnal 'byor can gyis gsungs pa'o// lha mo chen mos slar yang zhus// 'gro dang 'ong ba ji ltar 'gyur// gnas nas 'di yi sems dag ni// skye ba ji ltar brjod pa lags// khu ba ji ltar gzugs su 'gyur// skye bo'i skye ba ji ltar legs// de'i gzugs kyi skye ba la// khrag la ji ltar 'byung ba lags// 'byung ba rnams kyi 'gyur ba ci/ de yi skye ba ji ltar lags// sa dang chu dang de bzhin me// rlung dang nam mkha' nyid dang ni// skye gnas kun la chags pa ni// dngos po rnams la ji ltar khyab// zhi ba'i gzugs ni ji ltar yin// thams cad du ni ji ltar skye// 'di rnams yang dag bshad pa ni// nges par lha mo bdag la gsungs// ji ltar de bzhin rdo rje nyon// sem can gyi bskyed pa dag/ 'khor bar yang dag bsrub pa lags// deng 'di thams kyis 'dir 'gyur ro// thog ma tha ma med dus nas// sems can thams cad yang

  24. 258b

    dag byung // rgya mtsho 'khrug sogs gting ring bar// blo gros chen pos srubs pa yin// de las de dag skye bar 'gyur// sa'i khams dang yang dag ldan// me yis mnyam par nges par bsgrubs// chu dang rlung gi bye brag go// yid kyis de ru rab zhen pas// mngal ni bzung zhing blangs pa ste// de ni 'khor bar 'khor bar 'gyur// dga' med mya ngan ldan pa ste// de las 'byung bar 'gyur ba yin// so sor skye ba smra ba ste// de bzhin chos bdag zab mo nyid// sangs rgyas rnams kyis sangs rgyas brjod// de nyid 'di rnams ba shad pa// sum bcu pas kyang rnyed pa dka'// rnal 'byor ma bzhi kha spor las// de kho na nyid kyi man ngag spor ba bzhi'i cha zhes bya ba ste// brtag pa bzhi pa'o// // de nas yang dag bshad bya ba// sbyin bsreg las ni rab tu bsgrub// sbyin bsreg rnam pa gnyis su gsungs// phyi dang nang du yang dag gnas// phyi ru ji ltar gsungs pa lags// nang du yang ni ji la 'gyur// nyon cig rdo rje nang gi ni// ji bzhin sbyin bsreg rab bsgrub bya// me chen po dag rab tu sbar// rnam rtog med pa'i bsreg blugs bya// bza' dang btung ba gang yang rung // de ru thams cad sprin bsreg bya// bsreg rdzas rang bzhin gsungs pa dag/ gzugs phung la sog lnga po dag / nam tog med pa'i sbyin bsreg bya// de dag thams cad sems las byung // khrag dang khu ba de bzhin sha/ dri chen dri chu lnga po dag/ nam tog med par

  25. 259a

    dal 'byor bza' bar bya// blo ldan rang bzhin med pas so// // gti mug nga rgyal de bzhin chags// zhe sdang de bzhin 'dod chags nyid// phra dog ser sna phra ma dag/ dam tshig de nyid dri ma med// ji ltar nyi ma 'bar ba bzhin// de ltar dri ma med par 'gyur// ji ltar ston gyi zla gsal ba// de ltar 'di yi dbus gsal yin// 'dod chags chen por gyur pa ste// rdo rje snang byed sgron ma bzhi// de nyid thar par gsungs pa ste// bla med go 'phang thob par 'gyur// sbyin bsreg 'di la rab gnas na// lha rnams dga' bas tshim pa yin// sbyin bsreg las ni rab bshad nas// rab gnas dag ni brjod par bya// sngon gyi rnal 'byor la gnas nas// de nas rab gnas bya ba ste// rab gnas sku sogs thang sku dang // rnal 'byor can gyi glegs bam ste// dpal ldan g.yon gyis dril bu 'dzin// g.yas kyis rdo rje yongs su bzung // don kun rnal 'byor kun gyis ni// mdzes par sku gzugs mchod par bya// sha dang chang dag rab tu bkang // ro'i steng na yang dag gnas// bar pa ti la legs sam ku li// mchod pa kun gyis dges par bya// me tog yongs su mar me dang // dri nyid dang ni rnam pa bzhi// glu dbyangs de bzhin gar dag dang // pra ti ha sogs bsgrub po yis// sku la sogs pa 'di rnams la// rab gnas chen po bya ba yin// ba i mu si pa si hi dzA yi// ma i hi// ma d+ham+ba pa ti dzA A// tsi ti

  26. 259b

    ha tsi da d+ha mA tsad d+ha dzA i// sa e la sa d+ha sa d+ha tha ka ri dzA i// glu 'di dag ni blang bya zhing // dbang rnams dag kyang bya ba ste// chos rnams thams cad yang dag rdzogs// de bzhin gshegs pa kun gyi gzhi// mchod pa kun gyi sprin chen po// spro zhing bsdu bar brjod pa'o// nga yis rab gnas bshad pa ni// rgyud rnams kun las rnyed par dka'// rnal 'byor ma bzhi kha sbyor las// sbyin pa sreg rab gnas kyi brtag pa ste/ lnga pa'o// // de nas mdor bsdus rab bshad pa// de nyid gtan la dbab pa'i mchog/ rtag tu sems ni rnam rtog med// rnam rtog bcas pas ji ltar 'gyur// ji ltar me dag rab 'bar ba// rtag tu shing rnams tshig par brjod// de la tshig pa shing rnams te// 'di yis tshig par mthong ba yin// de yis tshig pa ji bzhin du// blo ldan rnam rtog med pa yis// phung po lha'i shing rnams te// de bzhin gzugs kyi phung po rnams// rus pa rkang dang bad kan dang // khrag dang khu ba dri chen dag/ mig gnyis de bzhin rna ba dag/ de bzhin du ni sna nyid dang // sa dang chu dang de bzhin me// rlung dang nam mkha' nyid dag dang // 'byung ba lnga po thams cad la// de nyid shu rtsa lnga dag/ de'i gnas ni bye brag tu// nga yis bye brag brjod pa ste// lte bar gnas pa'i 'khor lo che// 'dab ma bcu drug yang dag ldan// shes rab gnas su yang dag gsungs//

  27. 260a

    ral ##// zla ba'i gzugs bzhin gsal ba ste// de'i dbus su gnas pa dag/ me lta bur ni 'bar ba yin// me chen de ni 'bar ba ste// de'i rtse mor mthong ba ni// de/ yis de ni gzugs mthong yin// dngos po thams cad bzung 'dzin pa// blo'i gnas su gsungs shing brjod// hUM yig nga ro tshul 'dzin pa// rdo rje can ni rtag tu 'byung // rdo rje 'dzin chen gzugs bzhin no// rlung gi nus pa ma yin te// de'i dbus su rab tu grags// gang zhig ro bong can gzugs gsungs// shes rab de nyid mdor bsdus pa'o// ji ltar nyi mar rab tu brjod// rdo rje 'dzin dang bcas par gyur// sde tshan brgyad kyi tha ma bzung // thig le dang ni zhabs sku byas// de nyid nyi ma zhes su gsungs// 'od zer 'bar ba'i phreng ba can// de'i dbus su yang dag 'byung // rdo rje can gnas mnyam par 'gyur// ji ltar nyid kyis bzung ba ni// cung zad kyang ni mthong ba med// gzugs la sogs pa'i bzung ba dag/ langs na rtag tu mthong ba yin// de nas thabs ni bsgom pa yin// de ru thabs ni sgoms pa yis// de'i rang bzhin mchog tu grags// sems can thog med bde chen brjod// de ru der gnas dngos po yis// shes rab pha rol phyin pa gsal// de phyir de nyid dngos po yis// blo ldan sems kyi de nyid gsum/ sems de rnam par dag pa ste// 'khor ba'i rgya mtshor 'khyams gyur pa// sngags pa gar 'dod 'gro ba yin// ska cig gis ni gnas par 'gro// 'dod chags rnams ni chags par

  28. 260b

    'gyur// drag po rnams la drag po mtshon// zhi ba rnams la zhi ba ste// 'di ni bdud rgyal rgyal ba'o// ji ltar 'di ru pad ma bzhin// 'dod chags skyon gyis gos mi 'gyur/ sna tshogs bag chags skyon mi 'chags// khams gsum po ni de bzhin dag/ stong pa ma yin mi stong man// shes rab pha rol phyin rnal 'byor// thabs ni snying rje'i bdag nyid do// 'di ni byang chub sems rdo rje// sems dang sems byung rang bzhin gyis// dngos po med par bsgom pa'i dngos// de la bsgom par brjod pa min// phreng ba med cing bya ba med// bsnyad pa med par brjod pa ste// rnam 'byor 'di la gnas pa ni// dbu ma'i mchog gi go 'phang ngo // bla na med pa'i ye shes ni// bla med zhes te rim pa med// 'di yas 'khor ba rnam par grol// phyir mi ldog pa'i go 'phang mchog/ rdo rje sems dpa' zhes su gsungs// de yis rdo rje sems dpa' ni// / skye ba 'di ma 'grub pa ste// rdo rje sems dpa' dang mnyam 'gyur// khrag dang khu ba bza' ba ste// dri chen dri chu sha dang lnga// de'i tshe ni rgyas par 'gro// rdo rje sems dpa' dang mnyam 'gyur// ba hu bi ha hU~M k+Sha ta ga ti pa hUM bi ha hu pa ri Ni// swa pa hU bi ha ra ga ba dzA ta// ba hu bi ha thi r+ya ga ti// ba b+ha d+hi dzi ba sad kye she/ Shan sha Sha ba da ta bi ni ye ba te mes mAn/ saM bi shu sa ha ha ho// a ho sa tsa b+hi ste rdum tshus so// su ka ga u pa ru a la la/ yal to// gru 'di dag ni brang bya ste/ 6

  29. 261a

    rnal 'byo #/ pa kun gyi bla na med// de yis tshe ni rgyas 'gyur zhing // rdo rje sems dpa' dang mnyam 'gyur// rnal 'byor ma ba'i kho na nyid gtan la dbab pa'i brtag pa ste drug pa'o// // / de nas yang dag bshad bya ba// de nyid rnal 'byor thams cad ni// sprin dang tshul khrims de bzhin du// bsam gtan bzod brtson shes rab dang / stobs dang de bzhin thabs dang ni// smon lam ye shes yang dag 'byung // pha rol byin bcu rdzogs pa'o// byang chub sems dpa'i sdom pa yi// sbyin pa rnam pa bzhi ru bshad// / tshul khrims gsum gyi ngo bo nyid// bsam gtan rnams bzhir gsungs pa ste// brtson 'grus rnam pa lnga ru 'gyur// bzod pa rnam pa bcur shes bya// shes rab rnam pa drug tu 'gyur// stobs ni rnam bcur rab tu gsungs// thabs ni rnam pa lngar 'gyur te// smon lam gnyis su shes par bya// ye shes rnam lngar shes pa'o// chos dang mi 'jig rdzas dang byams// sbyin pa rnam pa bzhi po ni// sbyin pa'i pha rol phyin pa'o// rab 'dzin med cing khyengs pa bral// bden pa gnyis med gnas pa ste// tshul khrims rnam gsum brjod pa ni// tshul khrims pha rol phyin par bshad// nang gi rnal 'byor gnyis dang ni// phyi yi rnam gnyis su gsungs// bsam gtan pha rol phyin pa yin/ dri chen dri chu de bzhin sha/ khrag dang khu bar yang dag 'byung // 'di rnams brtson 'grus lnga po ni// dam tshig sgra yis brjod pa'o// tshig rtsub rdzun 'byed kyal pa dang // chags dang zhe sdang

  30. 261b

    phrag dog dang // nga rgyal khro dang de bzhin gsod// 'di bcu rnam par bshad pa ni// rdo rje can gyi bzod byar 'gyur// yang dag lta ba yang dag rtog/ yang dag dag dang yang // ngag las// yang dag 'tsho dang drag brtsol// bdag gis mdo ru bsdus pa ni// shes rab rnam pa drug tu brjod// dga' ba'i stobs dang dran pa'i stobs// ting 'dzin stos dang shes rab stobs// las kyi stobs dang ngag gi stobs// ye shes stobs dang smon lam stobs// brtson 'grus kyi ni stobs rnams te// 'di rnams stobs ni bcu pa'o// ma skyes pa'i dge ba bskyed// skyes pa'i mi dge yang dag spong // mi dge ma bskyed mi bskyed dang // dge ba skyes pa 'phel ba dang // lnga pa chos rnams thams cad kyi// dge ba'i chos rnams gsungs pa ni// rdzogs par bskyed pa nyid dag go// smon lam rnam pa gnyis su gnas// me long mnyam nyid so sor rtog/ bya grub chos dbyings rnam par dag/ ye shes rnam pa lnga ru 'gyur// 'di rnams bcu bzhi po dag ni// pha rol phyin pa mdor bsdus pa// bdag gi de nyid brjod pa ste// rnal 'byor nyon cig gtan la phab// bcu gnyis mtha' dang dgu yi mtha'// mgo nas rkang pa'i mthil bar du// de yi dbus su nges 'gyur ba// lte ba'i dbus su rnam par gnas// rtag tu shar bar 'gyur ba ste// 'di ru rdo rje can gyis gzigs// lus ngag sems kyi dbus dag tu// 'bar ba'i phreng ba 'bar 'phro ba// steng gi sgo ru rtag gnas pa// nyi ma'i

  31. 262a

    rnal 'byor #'od zer phreng ba can// cung zad lus la mthong ba med// 'gal me'i 'khor lo'i gzugs can te// de nyid rnal 'byor lam gyis ni// rtag pa'i dus su rnam par gnas// de la dbyar gyi dus med cing // dpyid med ston yang yod ma yin// dgun med sos kyang med pa ru// rnal 'byor pas ni rtag tu bsgom// sngags bas seng ge bzhin du spyod// sngags dang rgyud la ji ltar gnas// nya dang sha ni bza' bar bya// chang gi btung ba mchog yin no// bcud len gyi cho ga yis// sngags brjod pas ni mi bya'o// mtshon cha'i gnas la dus drug tu// mtshon cha'i mtshan nyid mtshon par bya// brtag pa bdun pa'o// / rnal 'byor ma bzhi kha sbyor zhes bya ba rgyud kyi rgyal po chen po rdzogs s+ho// / dpal i d+ha pa na las nges par 'byung ba'i rgyud chen po stong phrag bcu gnyis pa las// 'jig rten las 'das kyi rgyal po chen po// dpal in tra b+hU ti'i zhabs kyis phyung nas gsal bar mdzad pa'o// // rgya gar gyi partaShi tad r+ya ma hA badz+ra dang // bod kyi lo tsA ba chings yon tan 'bar gyis bsgyur te// slad kyis de nyid tshe pa Na Ti ta gnyis pa la yang gtugs te gtan la phab pa'o// / dge'o/ @#rdo rje mas mams cung chu rgya gar skad du// badz+ra bA ra bu b+hu da ya tan tra na ma// bod skad du// rdo rje phag mo mngon par byang chub pa'i rgyud ces bya ba// dpal rdo rje rnal 'byor ma la phyag 'tshal lo//

Colophon

rnal 'byor ma'i kun tu spyod pa rdzogs s+ho/