'phags pa sangs rgyas kyi sa zhes bya ba theg pa chen po'i mdo
Āryabudhabhumināmahāhanasūtra
Text
ff. 311a–323b · 26 folio sides
- 311a
cad du bzhugs pa'i sku dang ldan pa/ chos thams cad la the tshom med pa'i mkhyen pa mnga' ba/ spyod pa thams cad dang ldan pa'i blo mnga' ga chos mkhyen pa la nem nur mi mnga' ba/ rnam par ma rtags pa'i sku mnga' ba/ byang chub sems dpa' thams cad kyis ye shes yang dag par blangs pa/ sangs rgyas kyis gnas pa gnyis su med pa dam pa'i pha rol du phyin pa/ de bzhin gshegs pa ma dres pa rnam par thar par mdzad pa'i ye shes kyi thar phyin pa/ mtha'i dbus med pa'i sangs rgyas mnyam pa nyid thugs su chud pa/ chos kyi dbyings thams cad na mkha'i khams mtha' gtugs pa/ phyi ma'i mur thug pa de nyan thos kyi dge 'dun tshad med pa thams cad kyang cang shes pa/ sangs rgyas kyi sras/ sems shin tu rnam par grol ba/ shes rab shin tu rnam par grol ba/ tshul shin tu rnam par dag pa/ chos 'dod pa rnams bde bar 'phrad pa/ thos pa mang ba/ thos pa kun tu 'dzin pa/ thos pa sngags pa/ legs bar bsam pa sems dpa'/ legs par smras pa brjod pa/ legs par bya ba'i las byas pa/ shes rab myur ba/ shes rab 'gyogs pa/ shes rab rna/ bar nges par 'byung ba'i shes rab can/ shes rab che ba/ shes rab yangs pa/ shes rab zab pa chen po dang ldan pa/ shes rab rin po che dang ldan pa/
- 311b
rig pa gsum dang ldan pa/ tshe 'di la bden pa'i gnas pa'i cho ga thob pa/ yon tan yongasu sbyong ba chen po spyod lam rab tu zhi ba phun sum tshogs pa/ bzod pa dang nges pa chen po dang ldan pa/ bde gshegs pa'i bka' la shin tu zhugs pa sha stag dang / byang chub sems dpa' shin du 'dus bya la sog pa/ byang chub sems dpa' sems dpa' chen po sangs rgyas kyi tha dad pa nas 'dus pa dpag tu med pa/ thams cad kyang gnas chen po la yang dag par zhugs pa/ theg pa chen po'i chos kyis nges par byung ba/ sems can thams cad la sems mnyam pa/ bskal pa dang bskal pa ma yin par rnam par rtog pa thams cad dang bral ba/ bdud phyir rgol ba thams cad nges par bcom pa/ nyan thos dang rang sangs rgyas thams cad kyis yid la byed pa las ring du gyur pa// theg pa chen po chos kyis ro'i dga' ba dang // bde bas nye bar brten pa/ 'jigs pa lnga las yang dag par 'das pa/ phyir mi ldog pa'i sa skrod pa cig du gyur pa can/ sems can thams cad kyis gnod pa rab tu zhi bar byed pa'i sa mngon gyu ba sha rtags dang thabs gcig go// de nas bcom ldan 'das kyis byang chub sems dpa' shin du 'dus la bka' stsal pa/ shin du 'dus pa'i chos lngas dang sangs rgyas kyis sa bsdus pa yin te/ lnga gang zhe na/ 'di lta ste/ chos
- 312a
kyi dbyings rnam par dga' ba dang // me long lta bu'i ye shes dang // mnyam pa nyid kyi ye shes dang // so sor rtog pa'i ye shes dang / bya ba bsgrub pa'i ye shes dang // shin du 'dus pa de la chos kyis dbyings rnam par dag pa ni 'di lta ste dper na// nam mkha' ni gzugs su gyur pa sna tshogs kyi rnam pa thams cad la gun na yod kyang des brjod par bya ba'i ma yin zhing sna tshogs ma yin ro cig go// de bzhin du de bzhin gshegs pa rnams kyis chos kyi dbyings rnam par dag pa yang // shes bya sna tshogs kyis rnam pa thams cad kun la yod kyang des brjod par bya ba yin zhing sna tshogs sna tshogs ma yin te ro cag go// shin tu 'dus pa 'di lta ste dper na// na mkha' ni gzugs su gyur pa thams cad dang tha mi dad pa zhugs kyang gzugs kyi nyes pa rnams kyis kyang mi gos so// de bzhin du de bzhin gshegs pa rnams kyis chos kyi dbyings rnam par dag pa yang / sems can thams cad dang sems mnyam pa nyid yongs su grub pas tha mi dad par zhugs kyang / sems can gyis nyes pa rnams kyis kyang ma gos so// shin du 'dus pa 'di lta ste/ dper na// nam mkha' ni lus dang ngag dang yid kyis las su gyur pa thams cad kyi go 'byed kyang // nam mkha' la ni rtsol ba yang med// mngon par 'du byed pa yang medo//
- 312b
de bzhin gshegs pa rnams kyis chos kyis dbyings rnam par dag pa yang // ye shes dang // sprul pa dang / sems can gyi bya ba bsgrub pa thams cad kyi go dpyid kyang // chos kyi dbyings rnam par dag pa ni rtsol ba yang med la// mngon par 'du byib pa yang med do// de bzhin du de bzhin gshegs pa rnams kyis chos kyi dbyings rnam par dag par dag pa nas/ ye shes dang / sprul pa dang / sems can gyi bya ba sgrub pa thams can gyi skyes pa yang snang / 'jig pa yang snang ste/ de la chos kyi dbyings rnam par dag ni skyes pa yang med 'jig pa yang med do// 'di lta ste dper na/ na mkha' la gzugs kyi rnam pa sna tshogs kyi 'phel ba yang snang // 'grib pa yang snang ste/ na mkha' la ni 'phel ba yang med// 'grib pa yang med do// de bzhin du de bzhin gshegs pa rnams kyis chos kyi dbyings rnam par dag pa yang / de bzhin gshegs pa'i snyan pa'i snying khu 'phel bar yang snang / nub par yang snang ste/ chos kyi dbyings rnam par dag pa ni 'phel ba yang med/ bgrib pa yang med do/ 'di lta ste dper na/ na mkha' lamathar thug pa med pa'i nam mkha' la phyogs bcu na gzugasu gyur pa g.yo ba rnams mtha' yas mu med kyang / na mkha' la ni 'gro ba 'am g.yo ba 'am 'gul
- 313a
/ ba med do// de bzhin du chos kyis dbyings rnam par dag pa la yang 'tha' thug pa med pa'i phyir/ de bzhin gshegs pa rnams kyis dbyings rnam par dag phyogs bcu na sems can thams cad la phan pa dang / nye bar gnas pas mtha' yas mu med kyang chos kyis dbyings rnam par dag pa na 'gro ba 'am// 'ong ba 'am/ g.yo ba 'am/ 'gul ba 'amed do// 'di lta ste dper na// na mkha' la stong gsum gyis stong chen po'i 'jig par yang snang chags par yang snang ste// nam mkha' ni 'jig pa yang med/ chags pa ya do// de bzhin du de bzhin gshegs pa rnams kyis chos kyi dbyings rnam par dag pa la rnam par thams cad mkhyen pa mngon par byang chub pa dang / yong su mya ngan las 'da' ba dpag tu med pa dag snang ste/ chos kyi dbyings rnam par dag ni mngon par rdzogs par 'tshang rgya ba yang med/ yong su mya ngan las 'da' ba yang med do// 'di lta ste dper na// gzugasu gyur pa na mkha' la rten pa dag la/ snang dang / 'dul ba dang / 'tshig pa dang / bskams par 'gyur ba rnams sna tshogs dmigs kyang / nam mkha' la ni de dag gis 'gyur ba yang med la/ yongasasu skyo ba yang med do/ de bzhin gshegs pa sems can gyur khams de bzhin gshegs pa
- 313b
pa rnams kyis chos kyis dbyings rnam par dag pa la rten pa la/ slab pa dang / lus dang ngag dang / yid kyis las log par bsgrubs pa rnam pa sna tshogs dmigs kyang chos kyi dbyings rnam par dag pa ni de dag gis 'gyur ba yang med la/ yongasu skyo ba yang med do/ 'di lta ste dper na// nam mkha' la rten pa'i sa chen po yang dmigs/ rin po ni sna tshogs dang // mi snang ba dang / bya rgyu ba dang / nyi ma dang / zla ba rgyu ba dag kyang dmigs te// na mkha' ni de dag gis mtshan nyid yin no// de bzhin du de bzhin gshegs pa rnams kyi chos kyi dbyings rnam par dag pa la tshul khrims dang / ting nge 'dzin dang // shes rab dang / rnam par grol ba dang / rnam par grol ba'i ye shes mthong ba'i phu po dag kyang dmigs ste/ chos kyi dbyings rnam bar dag pa ni de dag gis mtshan nyid ma yin no// 'di lta ste dper na/ na mkha' la rgyu rkyen gzhan las yang dag par 'byung ba// stong gsum gyi stong chen po'i 'jig rten gyis khams kyi dkyil 'khor dpag tu med pa dag dmigs te/ !/ na mkha' ni de la rtsol ba myed/ mngon par du byed pa yang med do// de bzhin du de bzhin gshegs pa rnams kyis chos kyi dbyings rnam par dag pa la yang rnam pa thams cad phun sum tshogs pa'i sangs rgyas kyis dkyil
- 314a
'khor dpag tu med pa dmigs te// chos kyi dbyings rnam par dag pa la brtsol ba yang med// mngon par 'du byed pa snang med do// shin tu 'dus/ me long lta bu'i ye shes ni 'di lta ste dper na/ me long gis dkyil 'khor la sten nas gzugs snyan dag 'byung ngo // de bzhin gshegs pa rnams kyis me long lta bu'i ye shes kyis dkyil 'khor la rten nas/ skye mched dang / de'i yul rnam par shes pa'i gzugs brnyan dag snang ngo // de bas na me long gis dkyil 'khor dang / de bzhin gshegs pa'i ye shes kyi me long gis dkyil mnyam pas mnyam ste/ des na me long lta bu'i ye shes zhes bya'o// de bas na me long gis dkyil de ni de de'i rig par bya'o// dper na mi bsod nams 'dod pa la la zhig gis skyon bstsal ba dang / yon tan bskyed pa'i phyir/ skye bo'i chogs ji snyed 'ongs shing lhags pa rnams rang gis lus kyis skyon dang / yon tan so sor rtog par bya ba'i chang du/ me long gis dkyil 'khor chen po gnas bzang thor mi 'gul bar bzhag pa ltar kun nas nyon mongs pa dang / rnam par byang ba bstsal zhing bskyeng ba'i phyir/ sems can dpag tu med pa grangs med ji snyed pa rnam kun nas nyon mongs pa dang / rnam par byang ba so sor rtog par bya ba'i ched du de bzhin gshegs pa rnams kyis me long lta bu'i ye shes chos dpyid
- 314b
rnam par dag pa'i gnas su bzhag pas rgyun mi 'chad pa nyid kyi phyir g.yo ba yang de dang 'dra'o// 'di lta ste dper na/ me long gi dkyil 'khor legs/ par phyis la/ gsal zhing rnam par byang la/ g.ya' med pa'i ni kun du lam me/ thal le/ lhang nge'o// de bzhin du de bzhin gshegs pa rnams kyis me long lta bu'i ye shes/ sangs rgyas kyi ye shes nyon mongs pa dang // shes bya'i sgrib par ye shes de la rten pa'i ting nge 'dzin yongasu bzungs ba bas/ shin sbyangs pa/ gsal zhing rnam pa dang / la rnyog pa med pa yang sems can thams cad kyis bya ba thams cad sgrubs pa'i phyir kun du lham med/ lhang de'o// 'di lta ste dper na/ me long gi dkyil 'khor ni gzugs kyis rkyen las bltos nas/ gzugs ston sna tshogs 'byung ba'i rgyu mtshan du 'gyur ro// de bzhin du de bzhin gshegs pa rnams kyis me long lta bu'i ye shes kyang sems can gis dus kyi rkyen la bsngos nas shes pa'i gzugs rnyan sna tshogs 'byung ba'i rgyu mtshan du 'gyur ro/ 'di lta ste dper na/ me long gis dkyil 'khor la gzugs rnyan rnam pa du ma/ rnam pa sna tshog mang po 'byung yang de dag me long gis dkyil 'khor de la yod pa yang ma yin la/ de la me long gis dkyil 'khor de 'artsol ba yang med/ de bzhin du
- 315a
bzhin gshegs pa rnams kyi me long lta bu'i ye shes la shes pa'i gzug rnyan rnam pa du ma/ rnam pa sna tshogs mang dag 'byung yang / shes pa'i gzugs rnyan de dag me long lta bu'i ye shes dkyil 'khor de la yod pa yang ma yin la/ de la me long lta bu'i ye shes de la brtsol ba yang med/ mngon par 'du byed pa yang med do// 'di lta ste dper na/ me long lta bu'i ye shes kyis dkyil 'khor ni gzugs rnyan rnam pa du ma rnam pa sna tshogs mang bo de dag dang ldan pa yang ma yin/ mi ldan pa yang ma yin te/ de dag gis rgyu mtshan yin pa'i phyir ro/ de bzhin du de bzhin gshegs pa rnams kyis me long lta bu'i ye shes kyi dkyil 'khor yang / shes pa'i gzugs rnyan rnam pa du ma sna tshogs mang po de dag ldan pa yang ma yin/ mi ldan pa yang ma yin te/ de dag mi nye ba dang / brnyan pa mi mnga' ba'i chos nyid kyis phyir ro// 'di lta ste dper na/ me long gis dkyil 'khor ngos thams cad nas legs par phyis pa ni mdun dang bur dang / rgyab kun nas gzugs brten byung ba'i rgyu mtshan nyid du 'gyur ro// de bzhin du de bzhin gshegs pa rnams kyis me long lta bu'i ye shes rnam pa yongasu ma mchad cing / tshad med pa kun nas shin du sbyangs pa yang / shes pa'i gzugs rnyan rnams byung ba'i rgyu mtshan du 'gyur ro// 'di lta ste nyan thos
- 315b
kyis theg pas 'byung bar bya ba dang / rang sangs rgyas kyi theg pa can rnams rang sangs rgyas kyis theg pas nges par 'byung bar bya ba dang // theg pa chen po pa rnams theg pa chen pos nges par 'byung bar bya ba'i phyir/ nyan thos kyis theg pa pa'i shes pa'i gzugs brnyan rnams dang // rang sangs rgyas kyis theg pa pa'i gzugs rnyan rnams dang // theg pa chen po'i gzugs rnyan rnams kyis rgya mtshan du 'gyur ro/ 'di lta ste dper na// me long gi dkyil 'khor la 'di lta ste sa dang / ri dang / shi dang / khyim dang / gzhal med khang chen po'i gzugs rnyan de/ gzugs rnyan chen po dag dmigs te// me long gis dkyil 'khor de ni tshad me yin no// de bzhin du de bzhin gshegs pa rnams kyi me long lta bu'i ye shes kyis dkyil 'khor la byang chub sems dpa'i sa dang po nas bzungs ste// sangs rgyas kyi sa'i bar gyi ye shes kyi gzugs brnyan kyang dmigs// 'jig rten las 'das pa'i chos thams cad shes pa'i gzugs rnyan dag kyang dmigs te// me long lta bu'i ye shes la ni tshad yongasu chad pa gang yang med do// 'di lta ste dper na// me long gis dkyil 'khor gzugs gzhan gyis sgribs pa'i gzugs rnams kyis gzugs rnyan 'byung ba'i rgyu mtshan du de bzhin du de bzhin gshegs pa rnams kyis me long lta bu'i ye shes kyang // sems can mi dge ba'i grogs pos zin pa 'jis rten pa da
- 316a
dam pa ma yin pa'i chos nyan pa bsgribs pa dag gis shes pa'i gzugs brnyan 'byung ba'i rgyu mtshan du 'gyur ro// snod ma yin pa'i phyir ro// 'di lta ste me long gis dkyil 'khor ni mun pa'i nang du zhugs pa'i gzugs rnams kyis gzugs brnyan 'byung ba'i rgyu mtshan du mi 'gyur ro// de bzhin du de bzhin gshegs pa rnams kyi me long lta bu'i ye shes 'di lta ste dper na// me long gis kyil 'khor ni ha cang bskal pa'i yul na 'dug pa'i gzugs brnyan 'byung ba'i rgyu mtshan du mi 'gyur ro// de bzhin du de bzhin gshegs pa rnams kyis me long lta bu'i ye shes kyang sems can chos kyis phongs par rgyud pa'i las rnam par ma dag pa la gnas pa rnams dang // 'dod pa'i ma yin pa dag gis de bzhin gshes pa gzugs bstan 'byung ba'i rgyu mtshan du mi 'gyur ro// snod ma yin pa'i phyir ro// shin du 'dus mnyam pa'i nyid kyi ye shes ni yongasu grub pa rnam pa bcu las rig par bya ste/ mtshan dang bdag po dang / dga' ba mnyam pa nyid khong du chud pa yongasu grubs pa las rten cing 'brel pa 'byung nyam su myong ba nyid khong du chud pa yongasu grub pa las dang / mtshan nyid dben pa can/ mtshan nyid med pa/ mnyam pa nyid khong du chud pa yongasu grub pa las dang / yongasu bskyod pa'i byams pa chen po'i mnyam pa nyid yongasu grub pa lus dang / yal bam mi 'dor ba'i
- 316b
snying rje chen po mnyam pa nyid yongasu gru pa las dang / sems can lha ji ltar mos pa bzhin du gzugs kyi kun du ston pa mnyam pa nyid yongasu grub pa las dang / sems can thams cad kyis bzungs par 'os tshig mau'inyi mi pa nyid yongasu grub pa las dang / 'jig rten nye bar zhi ba ro gcig pa mnyam pa nyid yongasu grub pa las dang / 'jig rten gyi chos dang bde ba dang sdug sngal ro gcig pa mnyam pa nyid yongasu grub pa las dang / yon tan shin tu bskyed pa ba mnyam pa nyid yongasu grub pa las so// shin tu 'dus pa so sor rtogs pa'i ye shes ni 'di lta ste dper na// 'jig rten gyi khams ni sems can thams cad kyis khams kyis gnas yin no// de bzhin du de bzhin gshegs pa rnams kyis so sor rtog pa'i ye shes kyang bzung dang / ting nge 'dzin gyi sgo dang // so so yang dag pa'i rig dang / spobs pa bsten pa dang / sangs rgyas kyis chos thams cad kyis gnas yin no// 'di lta ste per na/ 'jig rten gyis khams ni cig char sems can rnams kyis rnam par rig pa sna tshogs can gyis rgyu yin no/ de bzhin gshegs pa rnams kyis so sor rtog pa'i ye shes kyang cig char shes bya bams cad la chags pa med pa'i ye shes kyis rnam par rig pa sna tshogs can gyis rgya yin no/ 'di lta ste dper na/ 'jig rten gyi khams ni kun
- 317a
/ dga' ra ba dang / nags tshal dang / rdzing bu nyams dga' ba sna tshogs dag gis lam mo// thal le/ lhaga'o// de bzhin du de bzhin gshegs rnams kyis so sor rtog pa'i ye shes pha rol du phyin pa dang // byang chub kyis phyogs dang 'thun pa'i chos dang / stobs dang / mi 'jigs pa dang / sangs rgyas kyis chos ma 'dres pa nyams dga' ba rnam pa sna tshogs de dag gis lam me/ thal le/ lhang nge'o// / 'di lta ste gling bzhi pa dang / zla ba dang nyi ma dang / rgyal chen rigs bzhi'i ris kyis lha dang // sum bcu rtsa gsum pa dang / 'thab bral dang / dga' ldan dang / 'phral dga' dang gzhan 'phrul dbang byed dang / tshangs rigs la sogs pas shin du rnam par che ba'i rna ba no// de bzhin gshegs pa rnams kyis so sor rtog pa'i ye shes kyang 'jig rten pa dang / 'jig rten las 'das pa'i phun sum tshogs pa dang / rgud pa dang / rgyu dang bcas pa dang / nyan thos dang / rang sangs rgyas dang / byang chub sems dpa'i yang dag pa'i rgyu dang 'bras bu ma lus pa la so sor rtog pas shin du rnam par phye ba'i rnam pa yin no/ 'di lta ste dper na 'jig rten gyi khams 'bras bu bcas pa ni sems can rnams kyis
- 317b
longs spyod chen por 'gyur ba yin no// de bzhin du de bzhin gshegs pa rnams kyis so sa rtog pa'i ye shes kyang rnam pa thams cad dang ldan pa'i sangs rgyas kyis chos kyis 'khor gyi dkyil 'khor kun du bstan pas chos la rdzogs par longs spyod pa chen por 'gyur ro// 'di lta ste dper na/ 'jig rten gyis khams na 'gro ba lnga po sems can dmyal dang / dud 'gro dang / yi dgas dang / lha dang / mi'i 'gro ba dag dmigaso// de bzhin du de bzhin gshegs pa rnams kyis so sor rtog pa'i ye shes la yang // rgyu dang 'bras bur bcas pa'i 'gro ba lnga po rnam par rab tu dbye ba la mtha' yas pa dag sna ngo // 'di lta ste dper na/ 'jig rten gyi khams na 'dod pa dang / gzugs dang / gzugs med pa'i khams dag snang ngo / de bzhin du de bzhin gshegs pa rnams kyis so sor rtog pa'i ye shes la yang rgyu dang 'bras bur bcas pa'i khams gsum po rnam par rab tu dbye ba mtha' yas pa dag snang ngo / 'di lta ste dper na/ 'jig rten gyi khams na ri rab la sogs pa rin po che'i rigs dmigs so// de bzhin du de bzhin gshegs pa rnams kyis so sor rtog pa'i ye shes la yang sangs rgyas dang / byang chub sems
- 318a
/ dpa'i mthu dang ldan pa'i chos brgya chen po ston pa dag sna ngo // 'di lta ste dper na 'jig rten gyi khams na brgya mtsho chen po zab pa ma 'khrug pa dmigs so// de bzhin du de bzhin gshegs pa rnams kyi so sor rtog pa'i ye shes kyang // mu stegs dang // pha rol du rgol ba thams cad kyis mi 'khrugs pa'i chos ston pa dag snang ngo // 'jig rten gyi khams ni ri 'khor yug dang / 'khor yug chen po rnams kyis kun nas yongasu bskor to// de bzhin du de bzhin gshegs pa rnams kyis so sor rtog pa'i ye shes kyang // chos thams cad rang gis mtshan nyid dang / spyi'i mtshan nyid rnam pa thams cad la kun du rmongs pa med pa'i rnams kyis kun nas yongasu bskor to// shin du 'du bya ba bsgrub pa'i ye shes ni 'di lta ste dper na/ sems can rnams kyis lus las rtsol ba las byung ba des/ sems can rnams zhing las dang / tshong byed pa dang / rgyal po'i zham ring byed pa la sogs pas yongasu tshol bar byed do// de bzhin gshegs pa rnams kyis bya ba bsgrubs pa'i ye shes kun sprul pa'i zin las byung ba des kyang / de bzhin gshegs pa rnams dang // sems las dang / bzo'i gnas thams cad kyis rgyags shing dregs pa rnams la/ las dang bzo'i gnas thams cad nye bar
- 318b
bstan nas/ zil gyis mnan te thabs pa des kyang sems can rnams bstan pa la dad par mdzad/ yongasu sman par mdzad/ rnam par grol bar mdzad do// 'di lta ste dper na/ sems can rnams kyis lus kyis las yongasu spyod par 'gyur ba des/ sems can rnams gzugs la sogs pa yul rnams la yongasu spyod do/ de bzhin du de bzhin gshegs pa rnams kyis bya ba bsgrubs pa'i ye shes 'phrin las yongasu spyod par 'gyur ba des kyang de bzhin gshegs pa rnams sems can so so'i skye mched du gyur pa rnams la/ skye ba mnyam pa nyid la nye bar ston par mdzad cing / ras mthun pa yod su spyod pa mnyam pa nyid bstan pas/ sems can rnams dbang da mdzad nas/ thobs mkhas pa des kyang bstan pa la mdzad pa mdzad/ rnam pa yang dang / ban na 'isas las yas byung bang phrung sa pa dang / nyes par byas pa'i las rnams kyi 'bras bu so so nyams su myong ngo // de bzhin gshegs pa rnams kyis bya ba bsgrubs pa'i ye shes sku sprul pa'i phrin las sku nyams su gtang bar 'gyur des kyang / de bzhin gshegs pa rnams de lta bu byung ba'i sde dang / skyes pa'i rab kyi bde dang dka' ba
- 319a
spyod pa thams cad sku nyams su btang ba/ yang dag par bstan pas sems can rnams dad par mdzad nas thabs mkhas pas des kyang / sems can rnams bstan pa la mdzud par mdzad/ yongasu smin par mdzad/ rnams par grol bar mdzad do// 'di lta ste dper na// sems can gi gang gis las yang dag par dga' bar 'gyur bar des sems can rnams phan tshun smra zhing kun du smra la/ so sor yang dag par dga' bar byed do// de bzhin du de bzhin gshegs pa rnams kyis b+ha bsgrub pa'i ye shes su sprul pa'i phrin las yang dag par dga' bar 'gyur ba de kyang // de bzhin gshegs pa rnams don bzang po// tshig 'bru bzang po// thos pa tsam gyis kyang / sems can byis pa'i shes can dad par pa'i chos ston pa la rab tu 'jug cing / thabs mkhas pa des kyang sems can rnams bstan pa la mdzud par mdzad/ rnam par grol bar mdzad do// 'di lta ste dper na/ sems can rnams kyis ngag gis las sbyor ba de sems can rnams phan tshun du bya ba dag la rnam par sbyong bar byed/ der 'khrul pa la stod cing 'bed do// de bzhin du de bzhin gshegs pa rnams kyis bya ba bsgrub pa'i ye shes gsung sprul pa'i phrin las sbyor bar 'gyur ba des kyang de bzhin gshes
- 319b
pa rnams yang dag par bslabs pa 'cha' bar mdzad la/ de la bag med pa la smod/ bag yod pa la ni stod cing dad pas rjesu 'brang ba dang / chos kyi/ rjes su 'brang ba la sogs pa'i gang zag rnam par 'jog dag kyang mdzad la// thabs mkhas pa des kyang sems rnams phan tshun bstan pa la mdzad par mdzad/ rnam par grol bar mdzad/ yong su smin par mdzad/ 'di lte ste dper na/ sems can rnams kyis dag gis las yang dag par go bar 'gyur ba desmra can rnams phan tshun du don bye bye brag tu mi shes pa/ bye brag tu shes par byed cing / snyan ngag dag dang / bstan chos rnams kyang / yang dag brjod par byed do// de bzhin du de bzhin gshegs pa rnams kyis bya ba bsgrub pa'i ye shes gsung sprul pa'i phrin las yang dag pa go bar 'gyur ba des kyang / de bzhin gshegs pa rnams sems can dpag tu med pa dag gis the tshom gis rnam pa dpag tu med pa dag bzlog pa mdzad cing / thabs khas des kyang / sems can bstan pa la mdzud pa mdzad/ yongs su smin par mdzad/ rnam pa grol bar mdzad do// 'di lta ste dper na/ sems can rnams kyis yid kyis las rnam par nges 'gyur ba des/ sems can rnams bya ba mi bya ba dag rnam par nges mdzad do// de bzhin du de bzhin gshegs pa rnams kyis bya ba bsgrub pa'i ye shes thugs sprul por
- 320a
phrin la rnam par shes par 'gyur ba des kyang / de bzhin gshegs pa rnams kyis sems kyi spyod pa brgyad khri bzhi stong dag rnam par nges mdzad cing / thabs mkhas des kyang sems can rnams bstan pa la mdzud par mdzad do// yongasu smin par mdzad/ rnam par grol bar mdzad do// 'di lta ste dper na sems can rnams kyis yid kyis las mngon par 'du byed par 'gyur ba des/ sems can rnams bsam nas las kun nas slong bar mngon par 'du byed do/ de bzhin du de bzhin gshegs pa rnams kyi bya ba bsgrubs pa'i ye shes thugs su sprul pa'i phrin las mngon par 'dzad par 'gyur ba des kyang / de bzhin gshegs pa rnams can gris spyod pa de dang de dag kun du spyod pa dang / kun du spyod pa'i yon tan dang / nyes pa dag yang dag par spyad nas de dor bar spyad pa'i phyir/ gnyen po rnams mngon par 'du mdzad cing / thabs mkhas pa des kyang sems can rnams bstan pa la mdzud par mdzad/ yong su smin bar mdzad/ rnam par grol bar mdzad do// 'di lta ste dper na/ sems can rnams yid kyis las kun nas slong bar 'gyur ba des/ sems can rnams las kun nas slong bar byed do// de bzhin du de bzhin gshegs pa rnams kyis bya ba bsgrub pa'i ye shes thugs sprul pa'i phrin las kun nas slong bar 'gyur ba des
- 320b
kyang / de bzhin gshegs pa rnams de'i gnyen po'i chos snyan pa'i phyir ming gi tshogs dang / tshig gis dang / yi ge'i tshogs rnams la dga' bar mdzad cing / thabs mkhas des sems can rnams bsdam pa la mdzud par mdzad/ yongasu smin par mdzad/ rnam par grol bar mdzad do// 'di lta ste dper na/ sems can rnams kyis yid kyi las nyam su myong ba 'gyur ba des/ sems can rnams bde ba dang sdug bsngal so sor nyams su myong ngo // de bzhin du de bzhin gshegs ba rnams bya ba bsgrub pa'i ye shes thugs sprul pa'i phrin la sa nyam su btang bar 'gyur bas kyang / de bzhin gshegs pa rnams 'dri ba lung bstan pa/ mgo cig pa dang / rnam par bye ba dang / dri ba dang / gzhag pa dang / ci rigs pa dris pa lung stan par bya ba'i par byang ba dang / 'byung bar 'gyur ba dang / da ltar gris don rnams nyams su btang bar mdzad do// de skad ces bka' stsal pa dang / bcom ldan 'das la byang chub sems dpa' shin tu 'dus kyis 'di skad ces gsol to// bcom ldan 'das ci lags/ bka' stsal pa/ shin tu 'das 'dres pa/ nye bar 'dres pa/ 'bras bu ro cig pa dang / ye shes rdzogs par longs spyod pa dang // de bzhin gshegs pa rnams kho na'i lags sam/ 'on te byang chub sems dpa' rnams kyis yang lags/ bka' stsal pa/ shin du
- 321a
/ du 'dus 'dres pa/ nye bar 'dres pa/ 'bras bu ro cig pa/ ye shes rdzogs par longs spyod pa/ byang chub sems dpa' rnams kyi yang yin par lta'o// bsol pa bcom ldan 'das 'dres pa nye bar 'dres par/ 'bras bu ro cig pa/ ye shes rdzogs par longs spyod pa/ byang chub sems dpa' gang dag gis lags par blta lags/ bka' stsal pa/ byang chub sems dpa' mi skye ba'i chos la bzod pa thob pa rnams kyis ma yin te/ skye ba'i chos la bzod pa thob pa de dag ni gnyis su 'du shes pa'i gnyen po 'di lta ste/ bdag dang gzhan du 'du shes pa'i gnyen po sems mnyam pa nyid 'thob te/ de dag de yan chad bdag dang gzhan du 'du shes pa yang mi 'byung lags/ 'dres pa nye bar 'dres pa/ 'bras bu ro gcig pa ye shes rdzogs par long spyod pa yang 'gyur ro// bsol pa/ bcom ldan 'das ci na nas kyang byang chub sems dpa' 'di dag gis/ bcom ldan 'das kyis gsungs pa'i don 'tshal bar 'gyur zhing / byang chub sems dpa' sems dpa' rnams la yang brgya cher yang dag par ston par 'gyur ba'i dpe mdzad du gsol// bde bar gshegs pa dpe mdzad du gsol pa/ bcom ldan 'das kyis bka' stsal pa/ shin du 'dus pa 'di lta ste dper na/ sum cu rtsa gsum pa'i lha rnams ji srid 'dres
- 321b
ba'i tshal du zhugs par ma 'gyur de srid du de dag la/ lha'i longs spyod dngos po dang / nyam su myong ba dang / nga yir 'dzin pa'i sgo nas kyang / 'dres pa nye bar 'dres pa rnams kun tu mi gnas kyis/ nam 'dres pa'i 'tshal du zhugs pa rnams kyi mthu 'di dang 'dra ste/ gang sum cu rtsa gsum pa'i lha der zhugs pa rnams la/ lha'i longs spyod dngos po dang / nyams su myong ba dang / nga yir 'dzin pa med pa'i sgo nas kyang 'dres pa la/ nye bar 'dres pa rnams kun du gnas so// de bzhin du byang chub sems dpa' rnams ji srid du skye ba'i chos la bzod pa thob par ma gyur pa de srid du/ sems mnyam pa nyid ma thob pa de dag la btang snyom su nyan thos dang / rang sangs rgyas thams cad la yang med pa gang yin pa thams cad kyang thob par mi 'gyur ba la/ gnyis su 'du shes pa de dag la 'dres pa/ nye bar 'dres pa/ 'bras bu ro cig pa/ ye shes rdzogs par longs smad pa yang kun du mi dmig so// nam mi skye ba'i chos la bzod pa thob par gyur pa de gnyis su 'du shes pa'i gnyen pos sems mnyam pa nyid thob nas/ nyan thos dang / rang sangs rgyas thams cad dang 'thun mongs ma yin pa'i btang snyoms kyang thob cing / de dag la 'dres pa nye bar 'dres pa 'bras bu ro cig pa/ ye shes rdzogs pa 'du shes par longs spyod par yang kun du gnas so// shin du 'dus pa 'di lta ste dper na chu bo dang chu zan
- 322a
rnam pa mang po dag ni ji srid brgya mtsho chen po la zhen par ma gyur par de sri du gnas tha dad pa dang / chu tha dad pa dang / chu chung ba dang / chu skye 'gring yod pa dang / so sor rang gis bya ba bsgrub pa'i las can gyis chu dang / srog chags chu skye nyung du dag gi mtsho nye bar ston pa'i gnas yin no// nam ba rgya mtsho chen po zhen par gyur pa don gnas tha dad pa ma yin pa dang / chu dang pa ma yin pa dang / chu tshad med dang / chu skye 'grib med pa dang / bya ba cig bsgrubs pa'i las can gyi chu dang / srog chags chu skyes phal po che rnams kyis mcho ba nye bar rtog pa'i gnas yin no// de bzhin du byang chub sems dpa' rnams ji srid du/ de bzhin gshegs pa pa'i chos kyi dbyings rnam par dag pa'i brgya mtsho chen por zhugs par ma gyur pa de srid du/ gnas tha dad pa dang / ye shes chung ba dang / ye shes 'phel 'grib yod pa dang / so so rang gi bya ba bsgrubs pa'i las can gyis ye shes dang / gdul ba'i sems can nyung ngu dag yongs su smin par byed pa'i gnas yin no// nam de bzhin gshes pa'i chos dbyings rnam par dag pa'i brgya mtsho chen por zhugs par gyur pa de nyid na/ gnas tha dad pa ma yin pa dang / ye shes tha dad pa ma yin pa dang / ye shes tshad med pa dang / ye shes 'phel 'grib med pa dang / 'a dres pa nye bar 'dres pa/ 'bras bu ro cig pa'i bya ba bsgrub pa'i las can gyis ye shes dang / gdul ba'i sems can phal po che
- 322b
ngag sangs su smin par byud pa'i gnas yin no// de nas de'i tshe bcom ldan 'das kyi tshigs su bcad pa 'di dag gsungs/ chos rnams kun gyis da bzhin nyid/ gling / bcis ldan dag mtshan nyid can// dngos po shes pa de dmigs pa// dang zad mi shes mtshan nyid can// de bzhin nyid shes thams cad nas/ skom las yang dang 'grub pa can// sems can kun gyis gnyis bskyed pa// gtan du mi bang 'bras bu can/ sku dang gsungs dang thugs sprul pa/ sbyor ba'i las kyis 'dzin las can/ ting nge 'dzin dang bzungs sgo dang / dpag tu med pa gnyis dang ldan pa// rang bzhin rdzogs pa longs spyod dang / sprul pas tha dang 'jug pa can// sangs rgyas rnams kyi chos kyi dbyings/ rnam dga' 'di ni yang dag brjod// bcom ldan 'das kyis de skad ces bka' stsal pa dang // byang chub sems dpa' sems dpa' chen po shin du 'dus dang / byang chub sems dpa' de dag dang / nyan thos de dag thams cad dang ldan pa'i 'khor de dag dang / lha dang mi lha ma yin dang dri zar bcas pa'i 'jig rten de dag thams cad bcom ldan 'das kyis gsungs pa la mngon par bstod do// 'phag pa sangs rgyas kyis sa zhes bya ba theg pa chen po'i mdo rdzog s+ho// / sangs rgyas kyi mdzad chos kyi ye ge// bam po gcig pa'o// ming gcig ni chos so cog lag gdam gas
- 323a
pa'o// sangs rgyas mdzod bshad pa'i le'u dang po ste/ chos so chog gis bden pa'i mtshan me'i le'u'o// 'di skad bdag gis thos pa'i dus cig na/ sangs rgyas mkhar rgyal po'i khab kyi ri khu mtha'i ri la dge slong chen po rnams dang lhan cig tu gzhugs te// kun kyang phal gyis rig pa dang / mu med pa'i byang chub sems dpa' sems dpa' chen po sha stag te/ dpag tu med grangs med do// de'i tshe sha ri bu ting nge 'dzin las byung ste/ sangs rgyas kyis zad du song nas/ phrag pa g.yas pa byung ste/ mgo dang gdong gis phyag 'tshal nas/ sangs rgyas la gsol pa/ bcom ldan 'das yang dag par gshegs pas bshad pa/ chos so cog kun skye ba pa yang med/ 'gag pa yang med/ mtshan ma'ang med/ bya ba 'ang med/ mi rnams yid ches shing shes bar bgyis pa yod dkon no// sangs rgyas kyis sha ri'i bu la bka' stsal pa/ khyod kyis bsod nams ji zhig mthong na/ yang dag par gshegs pas chos so chag kun la skye ba med/ bgog pa med/ mtshan ma med/ bya ba med na/ mi kun yid ches shing shes par byas pa dkon no zhes bsngo/ sha ri'i bus sangs rgyas la gsol pa/ bcom ldan 'das dben pa ma mchis na 'khor mor sems 'di snyam bgyid do// bcom ldan 'das kyis ming dang mtshan med pa'i chos
- 323b
la ni ming dang mtshan mas bshad/ ngag dang tshig med pa'i chos la ni ngag dang tshig gis bshad pa'i don bsams na yod/ dkon pa'i sems skyes so// sangs rgyas kyis sha ri'i bu la bka' stsal pa/ de yin no de yin no// don yod dkon te rab tu med/ dkon pas na sangs rgyas kyi bla na med pa g.yud drang rdzogs pa'i byang chub ces bya'o// sha ri'i bu dper na ri mo mkhas pas na mkha' la bris te/ kha dog dang gzugs rnam pa ci yang snang bar byas na/ khyod la yid la tri sna ma ri mo mkhan yod dkon nam mi dkon/ sha ri'i bu yang dag par gshegs pas 'thob pa'i bla na med pa yang g.yung drang rdzogs pa'i byang chub kyi chos so chog la skye ba med/ 'gog pa yang med mtshan ma med/ bya ba'ang med par bshad na/ kun yid ches shing shes par byas pas na khyed kyis yod dkon no// de'i phyir zhes byas na/ ming dang mtshan ma med pa'i chos la bsam pa'ang med/ thob pa'ang med/ spyad pa'ang med bsam gyi mi khyab cing sems kyis gnas shing rten pa yang ma yin/ 'dren por du brjod pa'ang med/ 'dren thor du brjod cing rten gan su rung ba yA ma yin/ tshor ba'ang med/ brtags pa'ang med/ jis sdu ba'ang med sems la'ang mi 'dug/ thob pas thob pa 'ang med/ tshul rol kyang med/ pha rol kyang med/ rnam par rtog pa'ang med/ g.yo ba yang med/ rang bzhin yang med//
Colophon
'phags pa sangs rgyas kyis sa zhes bya ba theg pa chen po'i mdo rdzogs s+ho/