Q152MW1PD96684_0152rgyudAll versions of this work

'phags pa sangs rgyas bdun pa zhes bya ba theg pa chen po'i mdo

Text

ff. 24b–29a · 10 folio sides

  1. 24b

    ces bka' stsal nas/ byang chub sems dpa' sems dpa' chen po byams pa dang / byang chub sems dpa' de dag dang / dge slong de dag dang / thams cad dang ldan pa'i 'khor de dag dang / lha dang / mi dang / lha ma yin dang / dri zar bcas pa'i 'jig rten yid rangs te/ bcom ldan 'das kyis gsungs pa la mngon par bstod do// // 'phags pa sangs rgyas bcu gnyis pa zhes bya ba theg pa chen po'i mdo rdzogs so// rgya gar gyi mkhan bo dzi na mi tra dang / dAn shI la dang / zhu chen gyi lo ts+tsha ba ban de ye shes sdes bsgyur cing zhus te skad gsar chad kyis kyang bcos nas gtan la phab pa/ 6// rgya gar skad du/ Ar+yA saHbud d+ha ka nA nA ma ma hA yA na sU tra/ bod skad du/ 'phags pa sangs rgyas bdun pa zhes bya ba theg pa chen po'i mdo// sangs rgyas dang / byang chub sems dpa' thams cad la phyag 'tshal lo// 'di skad bdag gis thos pa dus gcig na/ bcom ldan 'das ti se'i ri'i rtse mo lha'i gnas na drang srong gi spyod pa dang ha cang yang mi ring ba zhig na dge slong lnga brgya tsam gyi dge slong gi dge 'dun chen po dang byang chub sems dpa' lnga brgya la 'di lta ste/ byang chub sems dpa' sems dpa' chen po byams pa dang / byang chub sems dpa' sems dpa' chen po nam mkha'i snying po dang / kun tu bzang po dang / mtha' yas me tog dang / kun nas me tog dang / de dag la sogs pa byang chub sems dpa' skye ba gcig gis thogs pa sha stag dang thabs gcig tu bzhugs so/ / de nas bcom ldan 'das kyis ri'i rtse mo'i nags khrod de nyid na dge slong zhig 'byung pos zin nas brdol zhing gcer bu gos me pa la lag po bsgreng ste ngu zhing 'dug pa gzigs so/ / de nas byang chub sems dpa' sems dpa' chen po nam mkha'i snying pos bla gos phrag pa gcig tu gzar te/ pus mo g.yas pa'i lha nga sa la btsugs

  2. 25a

    nas/ bcom ldan 'das ga la ba de logs su thal mo sbyar ba btud de// bcom ldan 'das la 'di skad ces gsol to// bcom ldan 'das nam mkha'i dkyilan gyi hud ces sgra 'byin pa 'di dang // dge sbyong gcer bu gos ma mchis la lag pa stod pa gcig shos 'di yang su zhig lags/ / de nas bcom ldan 'das kyis byang chub sems dpa' sems dpa' chen po nam mkha'i snying po la 'di skad ces bka' stsal to// nam mkha'i snying po 'di ni nad kyis btab pa yin no// gcig shos 'di yang nad kyis btab pa yin no// de nas bcom ldan 'das la byang chub sems dpa' sems dpa' chen po nam mkha'i snying pos 'di skad ces gsol to/ / nad thams cad rab tu zhi bar bgyid pa dang / 'byung po thams cad bzlog pa'i rig sngags bcom ldan 'das kyis bstan du gsol// bka' stsal du gsol/ de nas bcom ldan 'das kyis sangs rgyas sprul pa mdzad de/ de nas nam mkha' la de bzhin gshegs pa drug byung ngo // bdun pa ni bcom ldan 'das de bzhin gshegs pa shAkya thub pa'o// de nas de bzhin gshegs pa rnam par gzigs steng gi nam mkha' la bzhugs te/ sems can thams cad la phan pa'i don dang / nad thams cad rab tu zhi bar bya ba dang / 'byung po thams cad bzlog pa'i phyir gsang sngags gzhi 'di dag bka' stsal to// na mo bud d+hA ya/ na mo d+harmA ya/ na maHsaM g+hA ya/ tad+ya thA/ oM ha la ha la/ hi li hi lA ya/ na mo dza ga na mi tsa nA ya/ na mo na maHswA hA// de bzhin gshegs pa rnam par gzigs kyis byang chub sems dpa' sems dpa' chen po nam mkha'i snying po la 'di skad ces bka' stsal to/ / nam mkha'i snying po gang la la zhig rig sngags 'di 'chang ngam/ klog gam/ kun chub par byed na/ de'i lus la mtshon gyis mi tshugs/ chu

  3. 25b

    radang me'i sdug bsngal ba'i nad kyis 'chi ba'i dus byed par mi 'gyur/ dus ma yin pa'i 'chibs 'chi ba'i dus byed par mi 'gyur ro// de dag zos kyang zas bzhin du 'gyur ro// zas dang skom la lan bdun bzlas brjod byas te zos na pha rol gyi gnod pa mi 'byung ngo / / nad thams cad kyis btab par mi 'gyur ro// ring du 'tsho bar 'gyur ro// thos pa 'dzin par 'gyur ro// de bzhin gshegs pa bdun gyi gzugs mthong bar 'gyur/ ro// mtshan btab pa'i rna bar bzlas brjod byas la snga ma'i mar sbyin no// mdze dang skrangs nad kyis btab pa rnams la sna ma'i mar dang / ud bal sngon po dang / shu ti dang / nye'u shing ba rnams bsre sa pa'i mar byin na nad thams cad sos par 'gyur ro/ / las thams cad la yang sbyar bar bya'o// de nas de bzhin gshegs pa gtsug gtor can steng gi nam mkha' la bzhugs te/ sems can thams cad la phan pa'i don dang / nad thams cad rab tu zhi bar bya ba dang / 'byung po thams cad bzlog pa'i phyir gsang sngags gzhi 'di dag bka' stsal to// na mo bud d+hA ya/ na mo d+harmA ya/ na maHsaM krA ya/ oM pa tsa pa tsa pa tsa pa bA tsa ya/ sarba b+hU ta nan/ tsin da ya/ kI la ya/ ba ra bi d+h+wa nan swA hA// nam mkha'i snying po sems can thams cad la phan pa'i don dang / nad thams cad rab tu zhi bar bya ba dang / bsgo mnyes pa dang / rmi lam ngan pa thams cad bzlog pa dang / dus ma yin par 'chi ba dgag pa'i phyir sangs rgyas bye ba khrag khrig brgya stong phrag du mas gsungs shing ngas kyang da ltar bshad pa'i snying po 'di zung shig/ nam mkha'i snying po gang la la zhig de'i snying po 'di nyid lan gsum yid la byed na/ de la pha rol gyi gnod pa 'byung bar mi 'gyur ro// gnyid kyis log pa'i rmi lam na de bzhin gshegs pa'i gzugs mthong bar 'gyur ro// gshis

  4. 26a

    ngan du 'chi bar mi 'gyur ro/ / 'di nas shi 'phos nas de bzhin gshegs pa dang phrad par 'gyur zhing mnyes par byed par 'gyur ro// de nas 'di'i tshig gzhan ni nang thams cad la skud pas bcing bar bya'o/ / 'dus pa las gyur pa la sna ma'i mar la bzlas brjod byas te sbyin no// chus phyogs bcing bar bya'o// skud pas bdag la srung ngo // byis pa rnams kyi gdon dag la skud pa sngon po gdags so// mtshan btab pa'i nabar lan bdun bzlas brjod bya'o/ / gzhan dag la yang rang gi blos sbyar bar bya'o// de nas de bzhin gshegs pa thams cad skyob steng gi nam mkha' la bzhugs te/ sems can thams cad la phan pa'i don dang nad thams cad rab tu zhi bar bya ba dang / / 'byung po thams cad bzlog pa'i phyir gsang sngags gzhi 'di dag bka' stsal to// na mo bud d+hA ya// na mo d+harmA ya// na maHsaM g+hA ya// oM ka la ka la// ki li ki li// ku lu ku lu/ ku longs d+han nAM ku ru sarba gra ha tAM swA hA/ / nam mkha'i snying po gsang sngags gzhi 'di dag ni bskal pa bzang po'i de bzhin gshegs pa 'das pa dang / ma byon pa dang // da ltar byung ba thams cad kyis gsungs shi ngas kyang da ltar bshad pa ste/ nam mkha'i snying po khyod kyis gsang sngags gzhi 'di dag zung shig/ gang la la zhig 'dzin tam/ klog gam// kun chub par byed na de'i lus la mtshon gyis mi tshugs dug gis mi tshugs/ dbyig drug gis mi tshugs/ rims nad kyis mi 'debs shing / chu dang / dus ma yin par 'chi ba dang / gshis ngan du 'chi bar mi 'gyur te/ sngon gyi las kyi sgrib pa ni ma gtogs so// dge slong dam/ dge slong ma 'am// dge bsnyen nam/ dge bsnyen ma gang la la zhig nang bar langs nas mgo bkrus te/ de bzhin gshegs pa'i spyan sngar lan brgya rtsa brgyad brjod na/ de'i las kyi sgrib pa thams cad byang bar 'gyur ro// de la sems can sdang ba gang dag rgyal po rnams

  5. 26b

    thog mar smra bar 'gyur ro/ / sems can thams cad de'i dbang du 'gyur ro// 'jigs pa thams cad kyi nang du yid la bya'o// 'thab pa dang // thab mo dang // rtsod pa dang // 'gyed pa thams cad tu skud pa dkar po gdags so// mi nad la shing 'o ma can las skud pa byas te rna ba la gdags so/ / dmag rengs par byed par 'dod pas zho dang // sbrang rtsil btags pa'i 'bras yos la lan brgya rtsa brgyad sbyin bsreg bya'o// rA dzA nan rA dzA ma dz+ram bA ba shi ka ro ku k+Sha men/ / 'o ma can gyi shing gis me sbar bus la bsreg bya til dag lan stod sbyin bsreg bya'o// bdag dang sems can thams cad kyi sgrib pa thams cad dang // sdig pa sbyang zhing dpal chen po dang // nor gyi phung po chen po bsgrub pa 'dod na 'o ma can gyi shing gi spar shing gis me bus la bsreg bya til dag la na stod sbyin bsreg bya'o/ / sdig pa ji snyed pa thams cad sbyang bar 'dod pa dang // rig sngags thams cad grub par 'dod pa dang // bdag bkru bar 'dod pas shu ti dang / nal dang / khre dang / shi ri sha dang // rgya spos dang / gur kum dang // gla sgang dang // in dra ba run dang // byang chub kyi shing dang / a mra'i mgo thogs dang // 'di rnams kyis bkru bar bya ste// sangs rgyas kyi spyan sngar nyin zhag gcig gis smyung ba bya zhing bum pa sar pa bzhag ste/ / zla ba nya la sangs rgyas kyi gzugs kyi spyan sngar snying pos lan stong rtsa brgyad bsngags la khrus bya'o// dug mi gdug par byed par 'dod pas sangs rgyas kyi spyan sngar seng ldeng gi thur ma pa'i lci bar sprugs pa brgya rtsa brgyad ming nas smos te sbyin bsreg byas na dug mi gdug par 'gyur ro/ / gdon dang // srung ba dang / 'byung po la sogs pa'i las thams cad la yang sbyar ba byas na bde bar gnas par 'gyur ro// de nas bcom ldan 'das de bzhin gshegs pa log par dad sel steng gi nam mkha' la bzhugs te// sems can thams cad la phan pa'i don dang / nad thams cad rab tu zhi bar bya ba dang // 'byung po thams cad bzlog pa'i phyir gsang

  6. 27a

    sngags gzhi 'di dag bka' stsal to/ / na mo bud d+hA ya/ na mo d+ham+b+ha ya/ na maHsaM g+hA ya/ na maHkra kud can d+ha ya/ ta thA ga ta ya/ ar ga ces rgyags bud d+ha ya/ a ka Ta ka Ta/ kaHkaH/ kiT kiH/ kaNikiH/ ki Ta ba ya na maHswA hA// nam mkha'i snying po de bzhin gshegs pa dgra bcom pa yang dag par rdzogs pa'i sangs rgyas log par dad sel ces bya ba gang ga'i klung gi bye ma snyed dag gis gsungs shing rjes su yid rangs pa'i snying po 'di khyod kyis zung shig/ zangs shing bzung ste/ kun chub par byas na phyi ma'i tshe dge slong dang // dge slong ma dang // dge bsnyen dang / dge bsnyen ma dag de'i tshe dkon mchog gsum la dad pa rnyed nas khrus byas te/ bcom ldan 'das la me tog dang // bdug pa dang // spos dag gis mchod pa byas nas gsang sngags 'di lan brgya rtsa brgyad 'byor par 'gyur te// tshe rabs bdun du tshe rabs dran par 'gyur ro// lha rnams kyi nang du lha'i che ba nyid thob par 'gyur ro/ / yang na mi rnams kyi nang du 'khor los bsgyur bar 'gyur ro// yang na cho ga bzhin du bsgrub na de mir skye ba thob par 'gyur te// 'di shi 'phos nas 'jig rten gyi khams bde ba can du skye bar 'gyur ro/ / tshe 'di la yang rtag tu brjod na nad thams cad las thar bar 'gyur ro// thos pa 'dzin par 'gyur ro// zas dang skom gyi rnam pa la lan bdun pa sngags te zos 'thungs na nad thams cad las thar bar 'gyur ro/ / ji ste skom zhi bar 'dod na gza' thams cad la lan stong rtsa brgyad kyis bkru bar bya'o// lhog rgal bcad na zangs khab kyis bya'o// 'thab pa dang // rtsod pa dang / bcid pa thams cad las thar bar byan lan bdun bzlas brjod byas na rtag tu nor yang 'phel bar 'gyur/ / bgegs dang log 'dren thams cad las kyang thar par 'gyur ro// ci ste de bzhin gshegs pa mthong bar 'dod na des phyogs gtsang mar 'jig rten gyi

  7. 27b

    'khor sar dkyil 'khor bskus la a ga rus bdugs te/ lan stong rtsa brgyad bzlas brjod byas la/ de'i drung du sngas shar phyogs su bstan te nyal na de bzhin gshegs pa mthong bar 'gyur ro// yid la ci smos pa/ de thams cad ston to// tshe'am stobs sam/ pham rgyal thams cad kyang ston to// de nas de bzhin gshegs pa gser thub steng gi nam mkha' la bzhugs te/ sems can thams cad la phan pa'i don dang / nad thams cad rab tu zhi bar bya ba dang / / 'byung po thams cad bzlog pa'i phyir gsang sngags gzhi 'di dag thams cad bka' stsal to// na mo bud d+hA ya/ na mo d+harmA ya/ na maHsaM grA ya/ na ma ka na ka mu na ye/ ta thA ga ya/ / a ra ha te sa myaka saM bud d+hA ya// tad+ya thA/ oM sa ra sa ra sa ra sa ra/ si ri si ri si ri si ri// si rA ya/ d+ha ma d+ha ma d+hA ma d+ha ma// d+hu ma d+hu ma d+ha ma d+hu mA ya/ na mo nA ma/ ka na ka mu na ye// ta thA ga ta ya/ a ra ha te sa myaka saM bud d+he swA hA/ / de nas de bzhin gshegs pa gser thub kyis byang chub sems dpa' nam mkha'i snying po la 'di skad ces bka' stsal to// nam mkha'i snying po gang la la zhig snying po 'di 'dzin cing rtag tu bzlas/ brjod byed pa de la mtshon gyis 'jigs pa mi 'byung / me dang / chu dang / lce dang / lce 'bab pas 'chi ba'i dus byed par mi 'gyur te/ dug thams cad kyang zas dang 'dra bar thub par 'gyur/ dus ma yin par 'chi bas 'chi ba'i dus byed par mi 'gyur/ gshis ngan du 'chi bar mi 'gyur/ tshe ring bar 'gyur/ longs spyod che bar 'gyur/ rtag tu de bzhin gshegs pa dang phrad par 'gyur// de bzhin gshegs pas byin gyis brlabs par 'gyur ro/ / dus gsum du bzlas brjod byas na sngon gyi las kyi bsgrib pa thams cad byang bar 'gyur ro// ji ste pha rol nad las thar bar byed 'dod na ci nus su gtor ma gtong zhing bog gam/ a ka ru'i bdug pas/

  8. 28a

    bdugs la gza' thams cad la khrus bya'o// mdze dang / skrangs nad dang / mchin skran la shu dag/ 'jam po btags la sbrang rtsi dang bsras te/ sangs rgyas bcom ldan 'das kyi spyan sngar lan stong rtsa brgyad sngags la bskus na mdze nad thams cad sos par 'gyur ro/ / zhag bzhi pa la sangs rgyas bcom ldan 'das kyi spyan sngar snga ma'i me tog gi phreng ba la lan stong rtsa brgyad sngags te mi'i mgo la bcings na zhag bzhi pa'i rims sos par 'gyur ro/ / mtshan btab pa'i rna bar bzlas brjod byas na brjed byed las thar par 'gyur ro// lus srul pos zin pa rnams la sangs rgyas la phul ba'i me tog gis bdug go// de la sogs pa'i las rnams byed de/ las thams cad pa zhes bya'o// de nas de bzhin gshegs pa 'od srungs steng gi nam mkha' la bzhugs te/ sems can thams cad la phan pa'i don dang / nad thams cad rab tu zhi bar bya ba dang / 'byung po thams cad bzlog pa'i phyir gsang sngags gzhi 'di dag bka' stsal to/ / na mo bud d+hA ya/ na mo d+harmA ya/ na maHsaM g+hA ya/ oM ha ra ha ra/ ha ra ha ra/ ha ha ha/ na ma kA sh+ya bA yA/ ta thA ga ta ya/ a ra ha te sa myakas bud d+hA ya/ sid d+h+yan du man tra bAd swA hA// de nas de bzhin gshegs pa 'od srungs gis byang chub sems dpa' sems dpa' chen po nam mkha'i snying po la 'di skad ces bka' stsal to// nam mkha'i snying po 'di ni sangs rgyas bcom ldan 'das gang gA'i klung sum bcu rtsa gnyis kyi bye ma snyed dag gis gsungs pa ste/ nam mkha'i snying po khyod kyis snying po 'di zung shig/ kun chub par gyis shig/ gang la la zhig 'dzin tam/ klog gam/ kun chub par byed dam/ nyin mo 'am/ mtshan mo lan gsum gsum bzlas brjod byed na mdor na rmi lam na yang de bzhin gshegs pa mthong bar 'gyur ro// de'i las

  9. 28b

    kyi sgrib pa thams cad kyang byang bar 'gyur ro/ / sngon gyi las ni ma gtogs so// las thams cad la yang sbyar bar bya'o// mdze dang sha gar la sogs pa la sangs rgyas la phul ba'i me tog la sangs rgyas kyi spyan sngar lan stong rtsa brgyad bsngags te blags shing bkrus na sos par 'gyur ro/ / klad pa na ba la sangs rgyas la phul ba'i me tog sangs rgyas kyi spyan sngar bzhag ste/ sangs rgyas kyi spyan sngar lan bdun bzlas brjod bya'o/ / thams cad du yang sbyar bar bya'o// de nas bcom ldan 'das de bzhin gshegs pa shAkya thub pa steng gi nam mkha' la bzhugs te/ sems can thams cad la phan pa'i don gyi phyir rig sngags 'di dag bka' stsal to/ / na mo bud d+hA ya/ na mo d+har+m+ma ya/ na maHsaM g+hA ya/ tad+ya b+hU/ g+hu me g+hu me/ ma hA g+hu me/ ta le ta le/ ma hA ta le/ tsa le tsa le/ ma hA tsa le/ d+hu re d+hu re/ ma hA d+hu re/ ti ri ti ri/ ma hA ti ri/ ke li ki li/ ma hA ki li/ tsu ru tsu ru/ ma hA tsu ru/ maM li mi li/ ma hA ma li/ ti li ti li/ ma hA ti li/ d+hu me d+hu maM/ ma hA d+hu me/ tsa le tsa le/ ma hA tsa le/ khi ri khi ri/ ma hA khi ri/ tsi li tsi li/ ma hA tsi li swA hA// de nas bcom ldan 'das de bzhin gshegs pa shAkya thub pas byang chub sems dpa' sems dpa' chen po nam mkha'i snying po la 'di skad ces bka' stsal to// nam mkha'i snying po klad pa'i nang bsal na mtshon dang lag mthil gyis bya'o/ / sprin bzlog na shing ka ra bi ra'i lcug mas bya'o// dug spyod na mus bya'o// las gzhan rnams kyang bya'o// khrus kyi tshogs sbyar bar bya'o// cho ga thams cad kyis thams cad du sbyar bya'o// bcom ldan 'das kyis de skad ces bka' stsal nas/ byang chub sems dpa' sems dpa' chen po nam mkha'i snying po yid rangs te/ bcom ldan 'das kyis//

  10. 29a

    gsungs pa la mngon par bstod do// 'phags pa sangs rgyas bdun pa zhes bya ba theg pa chen po'i mdo rdzogs s+ho// @// rgya gar skad du/ b+ha ga bAn a mi tA bA d+hA raNA man tra/ bod skad du/ bcom ldan 'das snang ba mtha' yas kyi gzungs sngags/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas snang ba mtha' yas la phyag 'tshal lo/ / tad+ya thA/ a mi te/ a mi tod b+ha be/ a me te saM b+ha be/ a mi ta bi kren taM ka re/ a mi ti ga ga na kI ra ti ka re sarba kle shak+Sha yaM ka ri swA hA// gzungs 'di'i yon tan ni bskal pa brgya stong du bsags pa'i las kyi sgrib pa yang 'di lan gsum bzlas brjod byas na bsgrib pa de rnams zad par 'gyur ro/ / lan nyi shu rtsa gcig bzlas na rtsa ba bzhi'i ltung ba yang sdig pa yongs su byang bar gyur te/ sangs rgyas stong la dge ba'i rtsa ba bskrun par 'gyur ro/ / bcom ldan 'das snang ba mtha' yas rjes su dran pa la phyag 'tshal lo// na mo radan tra yA ya/ ma hI du hi ke swA hA// lus la nad byung ba dang / nang khong skams su gyur kyang rung ste/ lan nyi shu rtsa gcig sngags te/ bsil yab kyis de la g.yabs na nad med par 'gyur ro// gzungs sngags de gsungs ma thag tu 'khor thams cad yid rangs te/ bcom ldan 'das kyis gsungs pa la mngon par bstod do/ / bcom ldan 'das snang ba mtha' yas kyi gzungs rdzogs s+ho// bcom ldan 'das snang ba mtha' yas de bzhin gshegs pa dgra bcom pa yang dag par rdzogs pa'i sangs rgyas la phyag 'tshal lo/ / tad+ya thA/ a mi te/ a mi tod b+ha be/ a mi ta saM b+ha be/ a mi ta bi s+thAn ta gA mi ni/ ga ga na kIr ti ka ri/ sarba kle shak+Sha yang ka ri swA hA// gzungs 'di'i yon tan ni bskal pa brgya stong du/

Colophon

'phags pa sangs rgyas bdun pa zhes bya ba theg pa chen po'i mdo rdzogs s+ho // (na, 29a1)