ye shes bla ma chen po'i rgyud
Text
ff. 200a–208a · 17 folio sides
- 200a
dga' rab rdo rjes zhus nas/ skal ldan 'ga' zung la brgyud do// pad+ma 'khyil pa'i rgyud las/ rjes su yi rang ba ste le'u nyi shu rtsa gcig pa'o// / / sku'i rgyud pad+ma 'khyil pa rdzogs so// / rgya gar skad du/ dz+nyA na gu ru ma pA tan+t+ra/ bod skad du/ ye shes bla ma chen po'i rgyu da/ bcom ldan 'das dpal rdo rje sems dpa' la phyag 'tshal lo// 'di skad ba dag gis thos pa'i dus gcig na/ phyogs bcu dus gsum gyi de bzhin gshegs pa dgra bcom pa yang dag par rdzogs pa'i sangs rgyas gang ji snyed cig bzhugs shing mtsho skyong ba dang / sa la gnas pa'i byang chub sems dpa' dang / 'phags pa dgra bcom pa dang / nyan thos dang / rang sangs rgyas la sogs te/ mi dang mi ma yin gyi tshogs su gyur pa bka' dang dam la gnas shing 'tsho skyong ba de ngag thams cad la sogs pa nyon cig/ stong gsum gyi stong chen po'i 'jig rten gyi khams thams cad ni/ ngas rin po che byur bus bkang nas yod kyis/ khyed sdug bsngal bar ma byed cig/ sems zhum par ma byed cig/ yid 'thams par ma byed cig/ ces bka' stsal to// stong gsum gyi stong chen po'i 'jig rten gyi khams rin po che /
- 200b
byur bus bkang ba ni zad cing stongs pa yod kyi/ rigs kyi bu byang chub kyi snying po yid bzhin gyi nor bu zad cing stongs pa med pa/ bri zhing brlag pa med pa/ yid bzhin gyi zas zad pa med pa'i gter ngas bstan gyis nyon rtsig/ rigs kyi bu sangs rgyas kyis nas sangs rgyas kyi zhing du 'gro ba la bgrod pa'i lam med/ chos kyi ska nas ye shes kyi sku thob par byed pa la ye shes med/ rigs kyi bu 'bras bu bla na med pa'i ye shes thob pa yang med/ ma thob pa yang med do// shes rab kyi pha rol tu phyin pa'i phyir// rang rig pa'i ye shes kyis ma rig pa gdAr shA bcad nas/ sangs rgyas kyi che ba yongs su rdzogs par bya ba'i phyir/ ye shes kyi pha rol tu phyin pa yongs su rdzogs par bya'o// sangs rgyas kyi stobs dang mi 'jigs pa bdag dang gzhan gyi don mthar phyin par byed pas/ stobs kyi pha rol tu phyin par bya'o// de nas bcom ldan 'das kyis shangs kyi rlung sgom nas 'od zer rnam pa lnga spros te/ 'od zer de'i snying por gsang ba'i bdag po la ga na rdo rje phyung ste zhu ba por bzhag nas/ bka' stsal to// gsang ba'i dbyings nas rang byung ba// stobs kyi bdag po rdo rje 'chang // lag na rdo rje khro bo che// log sta shugs kyis bsgral bar byos// zhes brjod nas/
- 201a
rang byung gi bcom ldan 'das snying po byang chub na 'du 'bral med par bzhugs pa/ phyogs bcu dus gsum gyi de bzhin gshegs pa thams cad kyi 'byung gnas rang bzhin rnam par dag pa'i sku/ thugs rje'i 'od zer gyi sgong gsum gyi stong chen po'i 'jig rten gyi khams ma lus mI lus pa med par bzhugs pa/ sku gsung thugs che ba'i yon tan rmad du byung bas/ sangs rgyas thams cad kyi spyi phud kyi stong chen por grags so// sku rmad du byung bas sku'i dkyil 'khor gsang ba rmad du byung ba dang / gsung rmad dubyung ba gsung gi dkyil 'khor rgyud du byung ba gsung rig pa'i kha byug sgrog pa dang / thugs rmad du byung bas thugs kyi dkyil 'khor mkhyen pas gzigs pa'o// thugs che ba/ thabs mkhas pa/ stobs kyi pha rol dpung 'joms pa/ shes rab zab mo'i rig pa'i klong nas 'char bas chos thams cad kyi de bzhin nyid la sbyor ba/ gsang ba bla na med pa/ thun mong ma yin pa/ lta ba khyad par gyi ye shes rdzogs pa/ 'bras bu bla na med pa rgyu la smin pa/ 'byed pa med par klong gcig tu 'khyil pa/ shes bzhin du mi gnas pa ma yin pa thams cad yin par sbyor ba/ yin pa la bdag med pa/ che ba'i ye shes dpag tu med par gnas pa/ chos thams cad la 'byed pa med pa'i
- 201b
shes rab zab mo klong yangs pa de ni/ nga rang byung gi ye shes chen po rang snang ba'o// stong gsum gyi stong chen pa'i 'jig rten gyi khams thams cad ni/ nga'i zhabs g.yon pa'i mtheb mo'i 'og tu mnan te bsdus so// 'khor ba dang mya ngan las 'das pa'i chos thams cad ni/ nga'i shes rab zab mo brtag dka' ba me tog ku mu ta'i 'bru'i khog par bsdus so// 'gro ba rigs drug gi sems can ma lus pa 'jig rten dang 'jig rten yas 'das pa thams cad ni/ nga'i lag pa g.yon pa'i mthil du bzhag ste/ dpe ra na skyu ru ra lag mthil du bzhag pa lta bu'o// chos kyi sku'i gzhi'i rang bzhin rnam par dag pa'i chos shes bya ba bas kyi grub pa/ thig le ta ga gcig chos thams cad ye shes kyi snying por gnas pa/ dri ma med pa/ dri ma dang bral ba med pa/ yod med rtag chad kyi mtha' thams cad las grol ba'o// rdo rje sem sa dpa'i zhal chems 'di stug po bkod pa'i gnas/ lcang lo can gyi pho brang du gsang ba'i bdag po la ga na rdo rje la gnang nas/ chos kyi sku la gnyen po gang gis kyang mi shigs par bstan pa'o// zhes ye shes bla ma'i rgyud las/ le'u dang por gtsor bzhag pa sangs rgyas nyid kyis gsungs pa'i le'u ste dang po'o// // bcom ldan 'das gsang/
- 202a
ba'i bdag po lag na rdo rje la phyag 'tshal lo// 'di skad bdag gis thos pa'i dus gcig na/ bcom ldan 'das rdo rje 'chang chen po sku mi gnas pa'i klong nas rig pa rang byung gi 'od gsal ba/ shangs kyi rlung sboms nas rang byung gi 'od lnga la swa/ sprul pa'i sku gsang ba'i bdag po la ga na rdo rje rang byung du byung ste/ rdo rje 'chang gis bka' stsal pa/ lag na rdo rje khyod ton cig/ sangs rgyas kyi sa nas sangs rgyas kyi zhing du 'gro ba'i tshe/ chos kyi mtha' las grol bar byed pa'i dgongs pa la bzla ba la/ sangs rgyas thams cad kyi dgongs pa 'dus pa'i rgyud/ sangs rgyas 'dus pa ye shes bla ma chen po'i rgyud 'di la spyi don bdun gyis bstan te/ le'u dang po rdo rje sems dpas zhal chems gsang ba'i bdag po lag na rdo rje la bzhag nas/ rdo rje lta bu dgongs pa la gnyen po med par bstan pa dang / le'u gnyis pa gsang ba'i bdag pos rdo rje 'chang la chos thams cad kyi de bzhin nyid dri bar bstan pa dang / le'u gsum pa lag na rdo rjes byang chub sems dpa' rnams la ga dmas pa ra bzhag pa bstan pa dang / le'u bzhi pa rjes su 'jug pa'i gang zag gis rtogs pa khyad par can chos las grol la bzla bar bstan pa dang / le'u lnga pa rtogs pa'i gang zag rdo rje
- 202b
gdan la mngon par rdzogs par sangs rgyas par bstan pa dang / le'u drug pa sangs rgyas med par bstan pa dang / le'u bdun pa sangs rgyas med pas rnal 'byor chen po la 'bras bu med par bstan pa'o// // de nas byang chub sems dpa' sems dpa' chen po dri ba dris/ thugs rje chen po/ chos thams cad kyi de bzhin nyid ces bya ba ma bcos pa lags sam/ gnyis su med pa lags sam/ mnyam pa nyid lags sam/ mi g.yo ba lags sam lhun gyis grub pa lags sam/ shes pa gsal ba rtog pa med pa lags sam/ dngos po gsal ba la rang bzhin med pa tsam lags sam/ stong pa nyid lags sam/ dngos po'i chos thams cad sgyu ma tsam du shes pa lags sam/ ting nge 'dzin rgya mtsho lta bur g.yos pa med pa la/ shes pa rtog med du 'char ba de chos thams cad kyi de bzhin nyid lags sam/ de dzaM ltar lags pa dag gis ma shes ma 'tshal to// kye thugs rje dang thabs su ldan pas bdag la lung bstan du gsol/ ces dri ba dris te// de nas bcom ldan 'das kyis bka' stsal pa/ lag na rdo rje khyod nyon cig/ khyed kyi dri ba dris pa de legs so// yang dag par rdzogs pa'i sangs rgyas kyi dgongs pa ni
- 203a
nam mkha'i mtha' dang mnyam/ rgya mtsho chen po bas gting zab bo// me tog ku mu ta'i sa bon las cha za'o// lung dang rig pas rjes su mi dngog so// rigs kyi bu chos thams cad kyi de bzhin nyid ces bya ba/ de yang chos thams cad ni mtshon pa'i tshig bla dgas so// yang dag par rdzogs pa'i sangs rgyas ni chos thams cad la mi gnas pa'o// de yang sa la gnas pa'i byang chub sems dpa' mos pa spyod pa'i sa la gnas pa rnams kyis/ shes bya la nyams su myong ba'i chos ni/ rang gi ngo bo ma bcos pa nyid chos nyid du go ste/ chos nyid ma bcos pa des bdag dang gzhan du mi byed pas/ gnyis su med pa zhes bya'o// gnyis su med pa'i don la rtse gcig tu mnyam par bzhag pas chos nyid mnyam pa nyid ces bya'o// byang chub kyi sems mnyam par bzhag pa'i dus na/ lus ngag yid gsum la g.yo 'gul mi mnga' bas/ mi g.yo ba rgya mtsho lta bu zhes bya'o// byang chub kyi sems mi g.yo ba'i ngang las shes rab kyi rtsal sna tshogs skye/ skye ba de nyid rang rigs shes pa las/ tha mi dad pa la sna tshogs rang byung gi ye shes su gsal ba'i dus na/ spun gyis grub pa'i ye shes zhes bya'o// shes pa de nyid gsal ba la rtog pa med pa ni/ dper na mar me rlung gis mi bskyod paltar/
- 203b
gnas pa de rang gi shes pa'i tshad shes pa tsam de yin gyi/ dngos po ni ma yin no// dngos po gsal ba ni sgo lnga'i rnam par shes pa ma 'gags pa tsam sa yin la/ snang ba'i chos la rang bzhin med pa sgyu ma tsam dang / smig rgyu tsam du shes pa ni/ sangs rgyas kyi dgongs pa ni ma yin te/ byang chub sems dpa' mos pa spyod pa'i spyod pa'o// sangs rgyas dgongs pa ni stong pa yang ma yin/ mi stong pa yang ma yin/ stong pa nyid ces bya ba ni rang bzhin chad lha mi 'gro'am/ re zhig dngos po la zhen pa bzlog pa'i thabs su stong pa nyid ces gsungs so// stong pa nyid ces bya ba'i go ba ni/ chos nyid la dngos por ma grub pas stong la/ ye shes la skye 'gag med pas nyid ces bya'o// dngos po sa sgyu ma tsam du shes pa de dngos po la blo log pa tsam gyi shes pa skye ba yin la/ sems gnas pa tsam gyi nyams la shes pa rtog med du 'char ba ni bsam gtan cung zad tsam gyi chos yin pas/ de bzhin nyid kyi don dang mi 'byor ro// rigs kyi bu chos thams cad kyi de bzhin nyid gang zhe na/ ngas mdo tsam zhig bstan gyis nyon cig chos kyi sku'i ngo bo ni rang bzhin rnam par dag pa spros pa'i mtha' ma spangs par/ spros pa nye bar zhi ba/ brjod pa'i mtha' ma spangs par/ brjod pa las 'das par/ dbang
- 204a
po'i sgom 'gags par/ dbang po'i spyod yul ma yin no// ka dag pa'i ye shes rtog med du gsal ba/ gsal ba bdag med pa'o// rang bzhin ni ma bcos 'gyur med spun rdzogs ma bslad ma 'gags pa'o// thugs rje sprul pa'i sku ni 'od zer gyi phung por gnas so// zhing dag pa'i ni dngos po'i mtha' las 'das te rang bzhin med pa'o// mtshon pa'i ye shes thig le nya ga gcig a hi ra 'dus/ zhes bla ma chen po'i rgyud las/ lag na rdo rjes dris pa'i lan rdo rje 'chang gis bstan pa'i le'u ste gnyis pa'o// // de nas byang chub sems dpa' sems dpa' chen po lag na rdo rjes/ rdo rje'i'achang gi rjes su 'jug pa'i byang chub sems dpa' rnams lagadams par bzhag pa'i thabs bstan du gsol/ ces zhus te/ bcom ldan 'das kyis bka' stsal pa/ lag na rdo rje khyod nyon cig/ rdo rje sems dpa' sangs rgyas kun gyi dngos// thugs rje sku sprul mtshan dang tshul shes ldan// skye med dbyings nas skye ba'i skur bstan pa// 'gag med nam mkha'i klong nas nyi shar bzhin// dngos med phyogs bral rnam dag chos kyi dbyings// rang bzhin 'od gsal chos nyid rnam par dag/ ma spros ma bkod zhing khams rnam dag nas// rang byung ye shes ma bcos mkhyen mnga' ba//
- 204b
sku gsung spun grub shes rab pha rol phyin// gzung 'dzin gnyis med mi gnas mya ngan 'das// thabs kyi rgyal po stobs mchog byang chub sku// 'gro ba yongs la dpal mgon nyi shar ba/ rdo rje sems dpa' mi bskyod byang chub sems// thugs kha'i ye shes 'od zer ba bum gyi gzi// kun tu bzang po rang byung bcom ldan 'das// 'gro ba yongs la nam mkha' lta bur shar// mkhyen pa'i ye shes stobs bcu pha rol phyin// rnam par grol ba'i ye shes bdud bzhi 'joms// dbyings kyi thugs rje ma bsgribs mkhyen mnga' ba// snying po ma bcos kun gzhi byang chub sems// sa dang lam mi bgrod pas pha rol phyin// rang byung ye shes gsang ba'i dbyings nas shar// thugs rje thabs mkhas 'gro don so sor mkhyen// snying po byang chub ye nas rnam par dag/ las dang thugs rje ma bsgribs mkhyen mnga' bas// rdo rje sems dpa' thugs rje stobs po che// thabs kyi ye shes ma bsgribs mkhyen mnga' ba// thugs rje'i nyi ma 'gro ba yongs lang shar// ces bka' stsal to// rigs kyi bu sangs rgyas kyi gdams pa bstan pa'i dus su/ rgyud thams cad kyi de bzhin nyid shes par bya'o// sangs rgyas kyi ngo bo ston pa'i dus su/ 'khor ba thog mtha' gcod pa'i gdams ngag tshig gsum gyis bstan par bya'o// sangs rgyas kyi bden
- 205a
pa mthong ba'i dus bstan pa'i tshe/ skad cig ma gsum gyi man ngag shes par bya'o// zhes ye shes bla ma chen po'i rgyud las/ rjes su 'jug pa'i sems dpa' rnams la gdams par bstan pa'i le'u ste gsum pa'o// / de nas byang chub sems dpa' chen pos/ chos thams cad kyi de bzhin nyid khong du chud de/ skye med dag pa'i klong nas thugs rje'i 'od shar bas// mi nu ba rgyal mtshan rdo rje sems dpa'i zhal// che ba'i ye shes dpag med bsam las 'das// srung lo can du glu sbrul byang chub sems// gsang ba'i bdag po rdzu 'phrul stobs po che// sprin gyi shugs can bdud d+hi'i char 'bebs pa// thig me tag gcig rang byung ye shes sku/ ma g.yos rgya mtsho sta bur sku 'khrungs pa// u dum 'bar 'dra'i me tog lta bur bcas// ma skyes snying po me tog 'bras bur smri na// skye med dbyings nas skye ba'i skur bstan pa// rdo rje sems dpas sku sprul mkhyen mnga' ba// ro langs bde ba rang byung ye shes sku// mkhyen pa'i ye shes mkha' nas nyi shar 'dra// ma rmongs mkhyen lnga shes rab pha rol phyin// bsod nams ye shes tshogs chen rdzogs pa'i sku// bla med byang chub snying po mkhyen gsal rig/ thabs mkhas ldan pas bdag dang gzhan don mdzad// kye gsang
- 205b
ba'i bdag po mkhyen pas gzigs pa/ yang dag par rdzogs pa'i sangs rgyas thams cad kyi sku dang gsung thugs rdo rje bla ma chen po'i rgyud las grol bar byed pa/ zag pa med pa'i shes rab mthar phyin pa/ chos thams cad las rnam par grol ba/ ye shes thabs kyi mngon 'byung ba/ rgyud thams cad kyi rtsa ba/ man ngag thams cad kyi de mas/ mtshon pa mya ngan las 'das so// shes bya la brten pa thams cad ni ngo bos ting ngo // sku rnam par dag pa'i rang byung ye shes su shar ba/ dri ma med pa man shel gyi sku lta bu/ rang dag pa rkyen med par sna tshogs gsal ba rang gi rang bzhin rnam par dag pa'o// shes bya la sgrib pa med pas nyon mongs pa la skrag pa med pa'o// phyin ci log gi rnam par rtog pa thams cad chos nyid kyi klong dus bzlas pas/ phyir mi zlog par shin tu gnas te/ sku skye shi med pa'i stong pa chen po ye shes 'od zer du mya ngan las 'das so// gsung smon pa med pa smra bsam brjod med du mya ngan las 'das so// thugs bde ba chen po yongs su grub pa/ yongs su dag pa/ yongs su ma 'gags pa/ snying po byang chub la nges par zhugs pa'i mthar phyin to// kye sems dpa' chen po yang dag par rdzogs pa'i sangs rgyas la chos med do// sangs rgyas pa lam med do// sangs rgyas la 'bras bu med do//
- 206a
zhes ye shes bla ma chen po'i rgyud las/ rtog pa khyad par bstan pa dang rang byung gi ye shes chos las 'das par bstan pa'i le'u ste bzhi pa'o// / de nas byang chub sems dpa' sems dpa' chen po rdo rje ka dra na la mngon par rdzogs par sangs rgyas te/ lu sa ma bor bar lha mo 'o de zer can gyi dkyil 'khor du ngag ma bor bar tshangs pa'i sgra skad phun sum tshogs par sangs rgyas so// yid 'jug pa med par rang byung gi ye shes zag med kyi klong du grol ba mthar phyin par sangs rgyas so// mdzad spyod phun sum tshogs par bya ba med pa'i klong du sangs rgyas so// 'phrin las mthar phyin ma btsal bar grub par sangs rgyas so// chos thams cad chos min pa'i klong du sangs rgyas so// phyi snod kyi 'jig rten 'byung ba lngas bsdus pa thams cad skye med ye shes kyi klong mkha' klong rnam par dag par sangs rgyas so// nang bcud kyi 'jig rten 'byung ba lngas bsdus pa thams cad skye med ye shes kyi klong mkha' klong rnam par dag par sangs rgyas so// nang bcud kyi 'jig rten 'gro ba rigs drug gi sems can srog gis bsdus pa thams cad/ ye shes chen po lnga mi gnas pa'i ye shes chen po lnga dang drug tu sangs rgyas so// chos kyi sku thig le nya ga gcig ga da na la/ gzugs kyi sku gnyis 'bras bur smin/
- 206b
pas rdo rje'i ga da na la mngon par rdzogs par sangs rgyas so// sangs rgyas nya ga gcig dri ma med// sku gsum ye shes zag pa zad// byang chub kyi snying po rnam par grol/ gser gyi nyi ma rang byung sku// 'khor los sgyur ba stobs po che// skad cig 'gags pas rnam grol sa// thabs kyi shes rab stobs po che// shes rab rig pa swas+t+ri a/ zhes ye shes bla ma chen po'i rgyud las/ byang chub sems dpa' rtogs pa skad cig ma rdo rje ga dan la mngon par rdzogs par sangs rgyas par bstan pa'i le'u ste lnga pa'o// / / de nas byang chub sems dpa' sems dpa' chen po rdo rje'i gdan la sangs rgyas pa'i tshe/ bdag ni snying po byang chub la mngon par rdzogs par sangs rgyas so// zhes che ba'i yon tan dpag tu med pa ni rang bzhin lhun gyis grub ste mthar phyin na sems can ma smin pa smin par bya'o// smin pa grol bar bya'o// grol ba mthar phyin par bya'o// mthar phyin pa phyir mi ldog par bya'o snyam du bsam na yang / de ni ma yin te/ sa b+hA ba/ pradz+nyA/ a pa rA mi tA/ zhes bzlog par bya'o// de nas bcom ldan rdorje 'chang // thugs rje mgon po 'od dpag med// sha sha pA ra mi ta hri// gsang bdag phyag na rdo rje khyod// swa tI pa ri pra sA dA// ngas bstan khyod kyis yid la zung // d+ha ra ma kA ye/
- 207a
i d+hik+Sha/ spros dang bral ba'i chos nyid la// a mu pa ri ka ya ni// chod du brjod med smra bsam 'das// d+harma pu pa ri/ sa ge b+h+ya/ sangs rgyas med par bdag 'dod pa// i Ni a Ni/ a ti a/ nam mkha'i ri mo'i phyag rgya 'dra// a kA ra a ka ra/ lag na rdo rje byod nyon cig/ thams cad mkhyen pa'i spyan mnga' yang // yang dag sangs rgyas don mi gzigs// nga yi sangs rgyas don mthong na// mthong ba nyid na 'gags par 'gyur// 'jig rten khams kun sangs rgyas kyang // nga nyid gcig pu rnam par dag/ nga med gzhan med gcig pu nyid// rang byung ye shes nyid kyang tshig gi mtha' las 'das// 'das pa'i chos la sangs rgyas ga la yod// ces ye shes bla ma chen po'i rgyud las/ sangs rgyas med par bstan pa'i le'u ste drug pa'o// // de nas byang chub sems dpa' sems dpa' chen pos/ sangs rgyas med par 'bras bu 'byung zhes gsungs te/ rigs kyi bu byang chub kyi snying po byang chub nyid du shar te/ byang chub kyi snying po las byang chub logs su sgrub tu med de mi gnas so// rang byung gi ye shes nyid du gzugs kyi skur 'byung ngo // rang byung gi ye shes las log pa'i gzugs kyi sku med de mi gnas so// de bzhin du babras dang ti la la sogs pa yang / sa bon de nyid 'bras bur
- 207b
'byung ba las/ sa bon las log pa'i 'bras bu mi 'byung gi/ de'i phyir rdzogs pa chen po'i man ngag las/ rang byung gi ye shes chen po rang snang rang sha ra/ rang las grub/ rang gi shes rang las rdzogs te/ rgyud dag pa'i dbyings na 'bras bu ye shes kyi dkyil 'khor rang snang ba'o// de phyir sa sbyang du med pas bgrod du med/ 'bras bu gzhan la re ba med par thag chod pa'i ye shes so// zhes ye shes bla ma chen po'i rgyud las/ 'bras bu med par bstan pa'i le'u ste bdun pa'o// // 'og min gyi gnas chos kyi dbyings kyi pho brang du/ sangs rgyas 'od srungs chen pos gsungs/ zhu ba po lag na rdo rjes zhus/ sdud pa po dga' ra ba rdo rje bsdus nas/ sa non pa'i byang chub sems dpa' mi bzhi la la ga brgyud de/ 'jig rten du ma 'phel lo// rgyud kyi snying po ye shes bla ma'i rgyud// bskal pa thog ma med pa'i sngon rol nas// bskal pa bzang po'i byang chub sems dpa'i thugs nas thugs pa rgyud/ snyan nas snyan du bsgrags// phyag nas phyag tu ga tad de rgya yis ba ta ba// rgya gar nga na sngags 'bru gsum 'phyod du rtags// ra chod gzu lums byed pa'i spob ma la// sdig la mi 'dzem gnag pa'i las la sbyar// gu lang rin chen gser gyi rtags btsugs kyang // gnag pa'i ngan sngags 'bru gsum shor re skan// bi ma
- 208a
mi tra mkhas pa'i skye mchog khyod// sangs rgyas thugs kyi dgongs pa rgyud bdun po// rdo rje dbyings kyi pho brang dbyings su spos// zhes shrI sing ha sa gsung nas rgya yis btab bo// rdzogs so// // de nas bi ma la mi tra bod du byon nas/ dbang bskur chos ba shad nas/ rje 'bangs gnyis la bka' gdams pa sangs rgyas thugs kyi dgongs pa nyung rgyud pa// rdo rje gdan gyi 'og nas seng ge ma smad dgu// stobs chung rnams kyis seng ge mi thub kyis// rgyal blon phyag tu gtad kyis shor ra re/ rgyal po snyan khung chung ba dang // blon po gdug pa che ba dang // chos pa dam la mi gnas pas// thugs la chongs la gter du spos// zhes gsungs nas/ slar gter du sbas so// rgya gar skad du/ a b+hi Shiny+tsa gu ru rat+na tan+t+ra/ bod skad du/ dbang bskur bla ma rin po che'i rgyud/ bcom ldan 'das dpal rdo rje sems dpa' la phyag 'tshal lo// dbang bskur bla ma rin po che'i rgyud 'di la spyi don gsum gyis bsten te/ de la dang po rdo rje sems dpa'i tshe bsgrub bstan pa dang / gnyis pa dbang rin po che bskur bar bstan pa dang / gsum pa sangs rgyas kyi gdams pa bstan pa'o// de yang dang por tshe bstan te/ tshe bsgrub la yang gsum ste/ maN+Dal