'phags pa 'od zer dri ma med pa rnam par dag pa'i 'od ces bya ba'i gzungs
Text
ff. 281a–292a · 23 folio sides
- 281a
byed pa'i sems can de dag gi phyir gzungs sngags kyi tshig 'di dag zhag nyi shu rtsa gcig gi bar du nyin lan gsum mtshan lan gsum brjod na/ de'i tshe gzungs sngags kyi tshig 'di dag gi mthus sems can dmyal ba chen po mnar med pa kha brgyar gyes par 'gyur la/ sems can de dag kyang yongs su thar bar 'gyur na/ 'dzam bu'i gling pa'i mi rnams lta ci smos te/ gang dag gi rna lam du grags par gyur pa de dag gis ni bdag cag ni de bzhin gshegs pa bzhi po rnams dang / byang chub sems dpa' bzhi po rnams dang / zla ba dang nyi ma rnams kyis yongs su zin pa yin no// snyam du shes pa kho nar byas ste/ 'di la som nyi 'am yid gnyis bskyed pa mi bya'o/ / tad+ya thA/ d+hun Ti d+hun Ti/ ma hA d+hun Ti/ su ru su ru swA hA/ shuk+ka bi sho d+ha ni/ tar ta ra swA hA/ dze ti shrI dI pe/ tu ru tu ru swA hA/ pad ma mA lin/ sat+ya tar bud d+hi/ hu ru hu ru sA hA/ sat+ya bud d+hi/ sat+ya a ba lo ka na ka ra ka ra/ ki ri ka ri swA hA/ d+ha ra na pu Ti/ a pra ti ha ta bud d+he/ tsu ru tsu ru swA hA/ lak+Sha na tsi te/ d+hu maM pa ri ha re/ hu ru hu ru/ khu ru khu ru swA hA/ d+ha ra d+ha ra/ mA d+ha ra/ d+ha ra d+ha ra/ d+ha ra yan ti ye swA hA/ su pra ta su pra ti/ su ma te.a pra tita ta tha d+hi/ d+ha ra d+ha ra/ d+ha ra yan ti ye swAhA// bcom ldan 'das de bzhin gshegs pa ye shes tal la la phyag 'tsha lo// de bzhin gshegs pa gser gyi 'od brtsegs sdang bal phyag 'tshal lo// bzhin gshegs pa bden gsung la phyag 'tshal lo// de bzhin gshegs pa 'jigs pa'i sgra sgrogs rgyal po la phyag 'tshal lo// swA hA/ 'phags pa ye shes tal la zhes bya ba'i gzungs 'gro ba thams cad yongs su sbyong ba rdzogs s+ho/ / rgya gar skad du/ Ar+ya ra sI bi ma la bi shud d+he pra b+haNA nA ma d+hA ra NI// bod skad du/ 'phags pa 'od zer drim med pa rnam par dag pa'i 'od ces bya ba'i gzungs// sangs rgyas dang
- 281b
byang chub sems dpa' thams cad la phyag 'tshal lo/ / 'di skad bdag gis thos pa dus gcig na/ bcom ldan 'das grong khyer chen po ser bya'i gnas kyi pho brang gi 'khor gyi khyams chen po na dge slong gi dge 'dun chen po dang / byang chub sems dpa' sems dpa' chen po rab tu mang po dang thabs cig tu bzhugs pa la 'di lta ste/ byang chub sems dpa' sems dpa' chen po sgrib pa thams cad rnam par sel ba dang / lag na rdo rje dang 'phags pa spyan ras gzigs kyi dbang phyug dang / 'jam dpal dang shes rab 'od dang / byams pa la sogs pa byang chub sems dpa' sems dpa' chen po grangs med pa rnams dang lha dang klu dang gnod sbyin dang / dri za dang lha ma yin dang nam mkha' lding dang / mi 'am ci dang / lto 'phye chen po dang mi dang mi ma yin pa la sogs pa grangs med pas bcom ldan 'das la zhe sar byas ri mor byas bkur bstir byas te/ / yongs su bskor ba la chos ston cing bzhugs so// de'i tshe ser skya'i grong khyer na gnas pa bram ze chen po ser skya'i zla ba zhes bya ba bcom ldan 'das kyi bstan pa la yid mi ches shing log par lta ba zhig gnas pa de dus gzhan zhig gi tshe gzhan zhig gi rmi bltas su rmas te bstan pa/ bram ze chen po khyod da ste zhag bdun na 'chi ba'i dus byed par 'gyur ro zhes zer bzos na bram ze de shin du yang mi dga' ste/ 'jigs skrag nas yid la bsams pa/ de bdag gis srog gi skyabs su la btsal bar bya/ yang dge sbyong gau ta ma thams cad mkhyen pa rdzu 'phrul dang ldan pa zhig yin no zhes grag na/ bdag de'i gan du song ste/ de thams cad mkhyen pa yin yang dag na de 'jigs pas nyam thag par 'gyur ba'i skyabs mdzad pa'i phyir chos ston gor ma chag go snyam bsams nas/ bcom ldan 'das kyi gan du song ba dang / rgyang ring po nas bcom ldan 'das 'khor mang po
- 282a
dang thabs cig tu bzhugs pa mthong nas/ bcom ldan 'das la zhu bar ma spobs te sems shing 'dug pa la/ bcom ldan 'das yang dag par rdzogs pa'i sangs rgyas dus gsum mkhyen pa/ thams cad gzigs pa sgrib pa mi 'ang bas bram ze de'i bsam pa mkhyen nas byams pa'i thugs kyis brtse bar dgongs te bka' stsal pa/ bram ze chen po khyed da te zhag bdun na 'chi ba'i dus byas nas ngan song ngan 'gro mnar med pa'i sems can dmyal bar skye bar 'gyur ro/ / de nas yang rim gyis sems cand dmyal ba chen po bcu drug tu la brgyad de skye bar 'gyur ro// de las thar nas kyang rigs ngan shan pa'i lus su skye bar 'gyur ro// de nas shi 'phos nas yang phag gi lus su skye bar 'gyur te/ rtag tu ngan skyugs mi gtsang ba za zhing 'dam rdzab kyi nang du yang yun ring du gnas te/ rgyun du sdug bsngal myong bar 'gyur ro// de nas gal te mi'i lus thob na yang shin du dbul ba mi gtsang ba dang dring ba dang mdog mo sdug cing gnag pa dang / lus ring cing nyam chung ba dang / mdzend can du 'gyur te/ skye bo yongs la mi sdug cing rtag tu bsgres pa nyam thag pa/ skye bo yongs kyi smad pa rtag par rdegs rtsog bya zhing shin du sdug bsngal bar 'gyur ro zhes bka' stsal pa de thos nas/ bram ze de shin du 'jigs skrag ste/ yid gdungs pas dras nas bcom ldan 'das kyi zhabs la mgo bos phyag 'tshal te gsol pa/ bcom ldan 'das yang dag par rdzogs pa'i sangs rgyas rnams ni sems can thams cad kyi mgon dang / skabs mdzad pa lags na/ bdag ni sdig pa'i las thams cad 'chags te/ deng slan chad bcom ldan 'das kyi bka' bzhin du bgyid na bdag ngan song ngan/ 'gro sams can dmyal bar skye ba'i sdug bsngal las skyabs mdzad par gsol// de ska ces gsol pa dang / bcom ldan 'das kyis bka' stsal pa/ bram ze chen po khyod song la grong khyer ser skya'i lam gyi sum mngon mchod
- 282b
rten ring ba srel can rnying po ral pa zhig yod pa de slar brtsigs te/ mchod rten gyi rtse mor srog shing btsugs la/ gsang sngags yi ger bris pa de'i nang du bcug ste mchod pa byas nas gsang sngags lan bdun btonan khyod a byed ng+ya te 'phel ba gyu che dres byas nas kyang bde 'gro mthongs kyi gnas langs spyod ce ba rnams su skyes ste/ bskal pa stong phrag brgya'i bar du bde ba'i longs spyod kyang 'phel ning rgyas par 'gyur/ de nas kyang ban// gshegs pa mi 'khrugs pa'i sangs rgyas kyi zhing yongs su dag pa skye bar 'gyur te/ bskal pab rgya stong du ma ba bachen po myong bar 'gyur ro// de na sna yang shi 'phos nas rgyal chen ris pazhi'i lha rnams kyi gnas su smra ra 'gyur te/ der yang bskal pa chen po stong phrag brgya'i bar du bde ba'i longs spyod mi zad pa myong bar 'gyur ro// cha rabs gang du skyes pa'i gnas kun tu yang yid gzungs shing tshe'i bar chad med pa dang / las kyi sgrib pa thams cad zad nas dam du yang sems can dmyal bar ltung bar mi 'gyur ro/ / rtag tu yang dag par rdzogs pa'i sangs rgyas 'byung ba rnams dang phrad cing rjes su dgongs par mdzad do// bram ze chen po gzhan yang dge slong ngam/ dge slong ma 'am dge bsnyen nam/ / dge bsnyen ma 'am/ rigs kyi bu'am/ rigs kyi bu mo gang la la tshe thung ba 'am/ nad mang ba zhig yod na des mchod rten rnying pa bcos sam/ gsar du brtsegs kyang rung ste/ gsang sngags 'di bris la nang du bzhugs nas dkyil 'khor byi dor byas te mchod na de dag gi yon tan ni tshe zad pa yang tshe slar nur zhing rang ba dang / nad kyis btab cing sdug bsngal ba yang nad ngo cog las thar pa dang / nam du yang ngan song ngan 'gro sems can dmyal ba dang byol song gi skye gnas dang / gshin rje'i 'jig rten du skye bar mi 'gyur te/ de dag gi sgrarna lam du yang grag par mi 'gyur na de dag tu skye ba lta ca smos/ de nas bram ze ngas de skad thos nas shin tu yid rangs te
- 283a
mchod rten zhig pa bcos par bsams nas de 'khor de nas langs te song ngo / / de'i tshe 'khor de nyid na byang chub sems dpa' sems dpa' chen po sgrib pa thams cad rnam par sel ba zhes bya ba zhig stan las langs rba/ thal mo sbyar te/ bcom ldan 'das la 'di skad ces gsol to// bcom ldan 'das gsang sngags kyi cho ga 'di lta bur bgyis na yon tan dang legs pa dang / dge ba'i rtsa ba bskyed par 'gyur/ de skad ces gsol pa dang / bcom// ldan 'das kyis bka' stsal pa/ gsang sngags chen po rnams kyi yang mchog bdag nyid che ba dri ma med cing rnam par dag pa'i 'od ces bya ba'i dkyil 'khor chen po'i cho ga bzhin byas nas de bzhin gshegs pa thams cad kyi byin gyi brlabs kyis sems can thams cad kyi phan pa dang bde bar 'gyur ro/ / la la zhig gis gsang sngags 'di thos na mtshams med pa lnga byas pa'i sdig pa yang ma lus par 'byang bar 'gyur ro// ser sna dang brnab sems dang / phrag dog la sogs pa mi dge ba'i rtsa ba thams cad kyang 'byang bar 'gyur te/ tshe zad pa las kyang tshe ring du nur ba dang / bkra shis dang legs par phun sum tshogs pa thams cad 'byung bar 'gyur ro// de skad ces bka' stsal pa dang / / yang byang chub sems dpa' sems dpa' chen po sgrib pa thams cad rnam par sel bas bcom ldan 'das la gsol pa/ bcom ldan 'das bcom ldan 'das kyis sems can thams cad kyi srog gi skyabs mdzad pa dang / las kyi sgrib pa thams cad bsal ba'i slad du bcom ldan 'das kyis gsang sngags kyi cho ga 'di thams cad dang ldan pa'i 'khor la bka' stsal du gsol// de skad ces gsol pa dang / bcom ldan 'das kyis gnang ste/ bcom ldan 'das kyis dbu'i gtsug tor gyi steng nas 'od zer gyi snang ba chen po byung nas stong gsum gyi stong chen po'i 'jig rten gyi khams thams cad 'od kyis khyab par mdzad de/ de bzhin gshegs pa thams cad la yang
- 283b
mkhyen par mdzad nas 'od zer de dag slar 'dus te/ bcom ldan 'das kyi dbu'i gtsug tor du nub po// de nas bcom ldan 'das dgyes shing bya ka la bid ka'i gsung dbyangs kyis gsang sngags bka' stsal pa/ na maHsa ba ta nAn/ sam myaka sa ma bud d+ha ko Ti nAn/ pa ri shud d+he ma na si/ a b+h+yAtsa ta pa TiSh+Ta nAn/ na mo b+ha ga ba te ma mI ta a yur Sha s+ya/ ta thA ga tA s+ya/ oM sarba ta thA ga tA shud d+he/ a yur bi sho d+ha ne/ sang ha sang har/ sarba/ thA ga ta bir+ya pA len pra ti sad ta ra/ a yu sA ra sA ra/ sarba ta thA ga ta sa ma ya/ bo d+hi bo d+hi/ bud d+ha bud d+hA/ bo d+h+ya ya bo d+ha ya/ ma ma sarba pA pa a ba ra Na bi shud d+he/ bI ga ta ma lam/ tshar sa bud d+ha bud d+he/ hu ru hu ru swA hA// 'di ni rtsa ba'i sngags te/ gang la la 'di'i cho ga byed par 'dod na tshes brgyad dang / bcu gsum dang bcu bzhi dang / bcwo lnga rnams gang yang rung ba la mchod rten ring bsrel can la lan bdun bcu rtsa bdun bskor la/ gsang sngags 'di lan bdun bcu rtsa bdun bzas btod byas te/ khrus byas la dkyil 'khor byas nas gsang ga sngags kyi yi ge bdun bcu rtsa bdun bris te/ de'i tshi gsang sngags 'don pa dang / yi ger 'dri ba yang khrus byas la gos gtsang mgon te/ lus spos kyis byugs nas kha zas gtsang ma zos la/ me tog dang bdug pas mchod de/ de la rin po che sna bdun ya yon/ du phul lam/ yang na bdag gi nyams kyis ci 'byor bar phul yang rung ste/ sems mgu bar bya'o// chos btsun par bya ba'i phyir sti stang dang / rim gro cher bya'o// gsang sngags kyi yi ge la yang dkon zhing rin po cher 'du shes bzhag ste// mchod rten che chung ji tsam nus pa bdun bcu rtsa bdun gdab par bya zhing / de re re'i nang du gas sngags bcug ste/ sems rtse gcig tu mchod pa chen po byas na tshe zad pa las tshe slar nur ste tshe ring bar 'gyur ro// sngon gyi las kyi sgrib pa tshe rabs grangs med pa'i sdig pa thams cad byang nas nam du yang sems can
- 284a
dmyal ba dang dud 'gro dang / yi dgas kyi skye gnas thams cad du skye bar mi 'gyur ro// gang du skyes pa'i gnas thams cad du yang sngon gyi tshe rabs rjes su dran par 'gyur/ yid la bsams pa thabs cad kyang de bzhin du 'grub par 'gru de bzhin gshegs pa 'bum phrag bdun bcu rtsa bdun snyed la dge ba'i rtsa ba bskyed par 'gyur/ nad dang sdug bsngal thams cad las thar bar 'gyur ro// gang la la zhig nad tshabs po ches btab ste/ 'chi ba'i dus byed pa la thug na dkyil 'khor gru bzhi par byas la/ de'i steng du tshon sna lngas ri mor bris te// dbus kyi char ni 'khor lo dang rdo rje dang / dung dang mdung rtse gsum pa dang g.yung drung ris dang pad mo rnams bri'o/ / grwa bzhir yang pad mo re re bris te/ de'i steng du spos chus bkang ba'i bum pa re re grwa bzhir bzhag go// gdug spo ces/ snod bkang ba spos sna tshogs 'thul ba yang gzhag go// kha dog sA lnga'i snod du kha zas sna tshogs dang / zas dkar gsum dang 'bras chan du sbyar ba bzhag/ yang dri'i chu dang me tog dang 'bras sam/ 'bru'i snod bkang ba por bu re re blugs pa dang / yang kha zas sna tshogs sngar ba'i gtor ba spos chu bum pa gang dang sbyar te/ dkyil 'khor gyi steng du gzhag go// gtor ma de dang 'bras kyi drung nga nye bar tshogs kyi bdag po'i gzungs bris la de'i spyi bo'i steng du mar me bzhag go/ de nas dkyi 'khor gyi nub phyogs su nad pa bzhag la/ dkyil 'khor gyi nang du la bstan pa'i nad pa'i mdun du yang mchod pa'i bshos bzhag te dbul du bzhug go// de nas sngags mkhan gtsang sbra cher byas te// nad pa de la gsang sngags bdun bcu rtsa bdun gyis btab ste/ / cho ga 'di ltar byas na nad pa tshe zad pa de 'chi ba'i dus byed du nye ba zhag bdun nas dran pa nyams shing 'khrul par 'gyur ba yang tshe slar nu shing tshe ring por 'brar/
- 284b
rmilam gyi sdug bsngal yang myong bar mi 'gyur ro// gang la la zhig gis gtsang sbra cher byas te// nyin cig bzhin rtag par gsang sngags lan re re ji srid 'tsho'i bar du bton na de 'chi ba'i dus byas nas longs spyod dang bde ba mizad pa'i gnas su skye bar 'gyur ro/ / rtag par ngas thabs cad du bzlas brjod byas na sangs rgyas bzhugs pa'i shing du skye bar 'gyur zhing // tshe rabs rjes su dran par yang 'gyur ro// dus ma yin pa'i 'che bad sgrub pa thams cad byang bar 'gyur ro/ / yang gang la la zhig gis ma she ba'i chen du phan par 'dod pas sems thag pa nas gsang sngags lan bdun bcun bdun bzlas brjod byas na shi bdedan song gaganas su ldang na yang de'i mod la las kyi sgrib pa rnams zad nas mtho ras kyi lha'i gnas su skye zhing bde ba khyod par 'gyur ro/ / yang gang la la zhig gis gsang sngags yi ger bris pa gzhan gyi ming nas spros te/ mchod rten gyi radang du bcug la nan tan du mchod pa byas na shi ba gang yin pa de ngan song gi gnas nas thar te mtho ris su skye bar 'gyur ro/ / yang na dga' ldan gyi lha'i ris su skye bar 'gyur te// sangs rgyas kyi byin gyis brlabs kyis ngan sa dultung bar mi 'gyur ro/ / rigs kyi bu 'am rigs kyi bu mo gang la la zhig gis mchod rten de la bskor ba byas sam phyag byas sam/ mchod pa phul yang rung ste/ de bzhin gshegs pa'i byin gyis brlabs kyis bla na med pa'i byang chub kyi lam las phyir mi ldog par yang 'gyur/ sngon gyi las kyi sgrub pa rnams kyang ma lus par 'byang bar 'gyur ro// than bya dang ri dgas la sogs te gang dag la mchod rten de'i grib ma pog pa de dag kyang nas/ yang dud 'gro la sogs pa ngan song gi gnas su skye bar mi 'gyur ro// gang la la mtshams med pa lnga'i sdig pa chen po dang ldan pa yang mchod rten de la reg gam// de'i grib mas phog kyang rung ste/ de'i sdig pa thams
- 285a
cad byang zhing zad par 'gyur ro/ / mchod rten de'i gnas na 'byung po dang / gnod sbyin dang srin po dang / yi dag sa dang sha za la sogs pa lus la 'jug cing gnod pa dang / gcan zan khro bo dang thog 'bab pa dang sdig sbrul kha gdug pa dang / sbyar dug la sogs pa thams cad kyis kyang mi tshugs shing med par 'gyur ro// gzhan yang pha rol gyi dmag tshogs dang / mtshon dang me dang chu dang ser ba dang / mu ge dang dus ma yin par 'chi ba dang rmi la ngan pa dang bkra me shis pa dang / sdug bsngal gyi gnod pa thams cad med par 'gyur ro// yul der bltas ngan zhig byung na yang mchod rten dang / sangs rgyas kyi byin gyi brlabs kyis 'od zer chen po blang bas/ bltas ngan dang bkra mi shis pa thams cad zlog par 'gyur ro/ / gang zhig bsam pa ngan pas dmag dang / chom rkun gyi gnod pa bya bar sems sam/ dgra rgol ba zhig byung na yang gnas der mchod rten de la 'od zer chen po 'byung ste/ de bzhin gshegs pa'i rdzu 'phrul gyis me lce kun du 'bar bas bskor ba'i nang nas dmag gi dpung dang / mtshon cha'i char mngon par bstan pas// pha rol gyi dmag tshogs thams cad zhi zhing phyir ldog par 'gyur ro// lha rnams kyis kyang bsrung ba dang bsgrub pa byas te/ phyogs bzhir dpag tshad brgya tshun chad du mtshams bcad de bsrungs pas de'i nang du 'khrug pa dang nad 'go ba dang / phyugs nad thams cad mi 'byung ngo // 'thab cing cod pa mi 'byung // chos ma yin par spyod pa med par 'gyur ro// 'di la gsang sngags gzhan gyis gcad pa dang / gnan par mi nus te gsang sngags thams cad kyi rtsa ba yin pa'i phyir ro// yang mchod rten de'i srog shing gi gsang sngags bshad paHoM sarba ta thA ga ta bi bu la yaSh+Ti/ ma Ni kan ka rA dzA ta/ bi bu shi ta yaSh+Ti d+hu ru d+hu ru/ sa man te bi lo ki te/ sa ra sa/ ma ma sarba bA pa bi sho d+ha ni/ sa ma bo d+ha Ni/ pra ba ra yaSh+Ti/ ba ri ma Ni duSh+Ta hu ru tsi ra ma la bi phud d+he/
- 285b
hUM hUM swA hA// rigs kyi bu ci nas kyang gsang sngags 'di nan tan du dgu bcu rtsa dgur yi ger bris te mchod rten gyi srog shing gi ngos bzhir gzhug go/ de yang cho ga'i gzhung 'di nyid kyang bris te srog shing nang du gzhug go// cho ga de ltar byas na mchod rten dgu khri dgu stong gi srog shing btsugs pa dang 'dra'o/ / de'i 'og tu yang mchod rten ring bsrel can dgu khri dgu steng bzhengs pa dang 'dra'o// de'i yang gong du rin po che sna bdun gyi mchod rten dgu khri dgu stong byas par 'gyur ro/ / de'i yang gong du de bzhin gshegs pa la mchod pa'i las kyi phyir chos bzangs lha'i mdun sa dang 'dra ba'i gtsug lag khang gi mchod rten dgu khri dgu stong brtsig pa dang 'dra'o// yang gang la la zhig gis 'jim pa las mchod rten chung ngu zhig byas te/ de'i nang du gsang sngags 'di dag bcug na yang rin po che sna bdun gyi mchod rten dgu khri dgu stong brtsigs pa dang 'dra'o// yang gang la la zhig gis mchod rten 'di la bskor ba byas sam/ phyag byas sam// thal mo sbyar ram/ me tog phul lam byug pa dang gdug spos phul lam/ dril bu dang ba dan dang // gdugs 'ga' zhig phul na yang de bzhin gshegs pa dgu khri dgu stong gi mchod rten la phul ba'i bsod nams dang mnyam pa yin no/ / dge ba'i rtsa ba thams cad yongs su rdzogs pa'i dpal dang / mthu stobs rgya chen po thob par 'gyur te/ tha na bya dang sbrang ma la sogs pa mchod rten de'i grib mas phog na yang de bzhin gshegs pas mkhyen cing rjes su dgongs pa'i mdzad de/ bla na meng ba yang dag par rdzogs pa'i byang chub 'thob cing phyir mi ldog pa'i sa la gnas par yang 'gyur te/ yang gang la la zhig gis mchod rten 'di lta bu rmi lam du rmis sam/ rgyang nas mthong ngam/ dril bu'i sgra thos sam/ mchod rten bzhengs pa rna bar gtam thos pa de dag kyang mtshams med pa lnga la sogs te/ sdig pa dang sgrib pa thams cad byang ste/ rtag tu de bzhin gshegs pa
- 286a
rnams kyis bsrung ba dang / rjes su dgongs pa mdzad de// bla na med pa yang dag par rdzogs pa'i byang chub kyi lam yongs su dag pa 'thob par 'gyur ro// gsang sngags 'di ni mchod rten gyi srog shing gi gsang sngags zhes bya'o/ / yang rigs kyi bu de bzhin gshegs pa'i mchod rten bya ba'i gsang sngags de dag gi snying po ni 'di yin no// oM sarba ta thA ga ta/ ma la bi sho d+ha Ni/ rud d+ha ba le pra ti sa skA ra/ ta thA ga ta d+hA ru d+ha re/ d+hang d+har/ sad d+ha ra sad d+ha ra/ sarba ta thA ga ta a d+hiSh+Than a tiSh+Thi te swA hA// dge slong dam dge slong ma 'ab/ dag bsnyen nas dge bsnyen ma 'am/ gang la la zhig gis mchod rten bdag nyid kyis byas sam/ gzhan byed du bcug gas mchod rten snying po bcos lags byas kyang rung / sa 'jim las mchod rten chung ngu byas sam so phag gam rdo ba las byas kyang rung ste/ dang por gsang sngags kyi snying po stong rtsa brgyad tshad du bzlas brjod byas te/ de'i 'og tu mchod rten sen mo gang tsam gyi sa la byas sam/ khru gang gi tshad du byas sam/ dpag tshad gcig tsam gyi tshad du byas na yang rung ste/ gsang sngags kyi mthu dang / sems rtse gcig du byas pa'i stobs kyis mchod rten de la yang spos kyi ngad ldang ste/ tsan dan dang ga bur dang gla rtsi dang gur gum la sogs pa'i dri bro ba 'am/ lha'i spos dri zhim po'i ngad ldang bar 'gyur ro// bdag dang gzhan mchod rten gyi las byed pa dang bzlas brjod byed pa de bsam pa thams cad kyang yid bzhin du 'grub par 'gyur ro/ / dge ba'i rtsa brgya chen po bsags par 'gyur te/ yon tan dang legs pa phun sum tshogs pa yang 'thob par 'gyur tshe thung ba'i las shig sod na yang tshe nung zhing ring bar 'gyur/ nam 'chi ba'i dus byed pa na yang sangs rgyas bye ba khrag khrig 'bum phrag dgu bcu rtsa dgu'i zhal mthong zhing // de bzhin gshegs pa de dag gis rjes su dgongs te/ skye gnas phyi mar sangs
- 286b
rgyas kyi zhing yongs su dag par skye bar 'gyur zhing mngon sum du lung ston par 'gyur der yang che lo bye ba khrag khrig brgya stong thub par 'gyur te sngon gyi gnas rjes su dran pa dang / lha'i mig dang lha'i rna ba rnam par dag pa 'thob cing pha rol gyi sems shes pa dang 'chi ba 'pho ba dang skye ba shes pa 'thob bo/ / lus las tsan dan gyi dri'i ngad 'byung zhing kha nas ud pa la'i bsung ldang bar 'gyur te/ bla na med pa yang dag par rdzogs pa'i byang chub kyi la ma thob nas phyir mi ldog pa'i sa yang 'thob par 'gyur ro/ / yang dri'i byug pa yungs 'bru tsam yang rung ste/ gsang sngags bzlas nas mchod rten bkus na yang de dag gi yon tan dang legs pa sngar bshad pa bzhin du thob par/ 'gyur ro// yang dge slong dang dge slong ma dang / dge bsnyen dang dge snyen ma gang la la zhig gis bdag nyid gtsang bar byas te/ gsang sngags kyi tshig 'di dag dkon pa dang / rin po cher 'du shes pas bzung na de de bzhin gshegs pa dang 'dra bar dad par byas ste/ gsang sngags rnams la gus pa bskyed nas yi ger bri bar bya ste/ gong du bshad pa bzhin du gsang sngags dang / phyag rgya cho ga bzhin du bris nas mchod rten gyi srog shing gi rtsa bar snying po bcug ste/ mchod rten byas na de dge ba'i rtsa ba rgya chen po bsags par 'gyur te/ yon tan dang legs pa thams cad 'thob par 'gyur ro// de nas bcom ldan 'das kyis gsang sngags kyi phyag rgya'i cho ga 'di dag bshad pa'i tshe phyogs bcu'i 'jig rten gyi khams na bzhugs pa'i de bzhin gshegs pa thams cad rjes su thugs rang bar mdzad nas gsungs pa/ yang dag par rdzogs pa'i sangs rgyas shAkya thub pas sems can thams cad mnyam par dgongs shing / thams cad chos kyi dbyings la bkod nas gsang sngags chen po'i phyag rgya'i cho ga'i byin gyi rlabs 'thob par bstan pa ni legs so legs so// shin du yang legs te/ dge ba'i rtsa ba de dag
- 287a
gis bla na med pa yang dag par rdzogs pa'i byang chub 'thob cing phyir mi ldog par yang 'gyur ro/ / de nas 'khor gyi dkyil 'khor de nyenye na/ lha dang klu dang gnod sbyin dang srin po dang / dri za dang lha ma yin dang mi 'am ci dang / lto 'phye chen po 'dus pa rnams dang / byang chub sems dpa' lag na rdo rje dang / rgyal po chen po bzhi dang 'jig rten skyor ba'i mes po tshangs pa dang / khyab 'jug dang dbang phyug chen po dang / brgya byin dang gshin rje dang chu lha dang ku be ra dang de dag la sogs pa rdzu 'phrul che ba'i lha de dag gis bcom ldan 'das kyis gsungs pa de thos nas bdag cag rang rang gi spyod yul la sko zhing yi dbyung bar gyur te/ mthar gyis yon tan chen po thob par 'dod pa'i phyir cig la cig bos te smras pa/ kye ma yang dag par rdzogs pa'i sangs rgyas 'byung ba ni shin du yang rnyed par dka'o// de'i bstan pa dam pa'i chos thos pa yang shin tu rnyed par dka'o// gsang sngags dang phyag rgya'i tshogs yang dag par rdzogs pa'i sangs rgyas kyi bstan pa thos pa yang shin tu rnyed par dka' ste/ 'di ni shin du ngo mtshar to zhes smras so// de nas de'i tshe bram ze ser skya'i zla ba zhes bya ba bcom ldan 'das las de lta bu'i gsang sngags dang cho ga'i yon tan chen po de dag thos shing thob nas sems kyi sgrib pa'i rdul dang rnyog pa rnams dang bar gyur/ 'chi ba'i 'jigs pa dang sdig pa dang / las kyi sgrib pa thams cad kyang dag par gyur/ tshe yang phyir nu ra te ring bar gyur nas dga' mgu yid rangs te yid bde ba chen po thob par gyur to/ / de nas 'byung po'i tshogs thams cad kyang sems dang zhing rjes su yid rang bar gyur to// de nas byang chub sems dpa' sems dpa' chen po sgrib pa thams cad rnam par sel bas de bzhin gshegs pa la mchod pa'i las kyi phyir 'khor der rin po che'i khang pa brtsigs pa nor bu sna tshogs kyis spras pa zhig mngon par sprul nas/ chos la dga' ba'i
- 287b
phyir bcom ldan 'das la phul te/ lan gsum bskor ba byas nas/ bcom ldan 'das kyi zhabs la mgo bos phyag 'tshal te/ bcom ldan 'das la gsol pa/ bcom ldan 'das kyis gsang sngags dang phyag/ rgya dang / dkyil 'khor gyi cho ga shin du rnyed par dka' ba sems can thams cad la phan pa dang bde ba rnams kyi mchog 'jam bu'i gling gi sems can sgrib pa che ba rnams kyi don du bshad de/ dge ba'i rtsa ba bskyed cing tsher ba dang / sdug bsngal gyi phung po thams cad las thar bar mdzad pa lags na/ da 'dir bdag cag byang chub sems dpa' rnams kyis kyang sangs rgyas bcom ldan 'das thams cad la gsol te/ de bzhin gshegs ba'i spyan sngar yang dag pa'i ye shes chub par bgyid pa'i phyag rgya dang / gsang sngags kyi tshig bshad par 'tshal lo// na mo b+ha ga ba te/ na ba nA ba Ti nAM/ sa ma myag sa ma bud d+ha ko Ti Na yu ta sha ta sa ha sra nAM/ na maHsarba Ni ba ra Na bi skam bi Ni bo d+hi satwA ya/ oM du ru tu ru ma ma sarba a ba ra Na bi sho d+ha ni/ sarba ta thA ga ta a yur pa lA Ni/ bi bu la ni mI la/ sarba si d+hi na ma s+thitA/ ba ra ba ra/ sarba sa twa a bi lo ki Ni/ oM sarba Ni bA ra Na/ ma ma sarba pA pa bi sho d+ha ni ku ru swA hA/ / bcom ldan 'das bdag gi gsang sngags 'di ni sangs rgyas bye ba phrag dgu bcu rtsa dgus bshad pa lags te/ gang la la zhig gis ma yengs pa'i sems kyis rtse gcig tu byas te/ skad cig gcig bton na yang sdig pa thams cad byang bar 'gyur ro/ / yang gang la la zhig gis gsang sngags 'di tshig bzhin du dgu bcu rtsa dgu yi ger bris te mchod rten gyi nang du bcug na mchod rten de la/ la la zhig gis phyag/ byas sam/ tshig snyan pas bstod dam spos dang me tog dang byug pa dang / mar me 'bul na rigs kyi bu de de'i tshe 'di nyid la sdig pa thams cad byang zhing las kyi sgrib pa thams cad bsal te/ bsam pa thams cad yid
- 288a
bzhin du grub par 'gyur/ sangs rgyas bcom ldan 'das brgya stong grangs med pa gang gA'i klung gi bye ma snyed la mchod cing bsnyen bkur byas pa dang 'dra bar 'gyur ro// de bzhin du mchod rten ring bsrel gyi snying/ po can brgya stong bye ba khrag khrig gang gA'i klung gi bye ma snyed la mchod pa byas par 'gyur ro// de'i dge ba'i rtsa ba rgya chen po sogs par 'gyur ro// yang dge sbyong gang zhig gis tshes brgyad dang bcu bzhi dang / bcwa lnga gang yang rung ba la khrus dang gtsang sbra byas te/ gos gtsang ma gyon la zhag gcig smyung ba 'am/ yang na zas dkar gsum zos te mchod rten la bskor zhing gsong sngags 'di lan brgya rtsa brgyad bzlas brjod byas na/ bskal pa brgya stong du bsags pa'i las kyi sgrib pa thams cad dang mtshams med pa lnga byas pa yang yongs su 'byang bar 'gyur/ gzhan yang las dang nyon mongs pa'i sgrib pa thams cad rnam par dag par gyur nas byang chub sems dpa' sgrib pa thams cad rnam par sel ba bdag nyid kyi lus mngon par bstan te/ bsam pa thams cad dngos grub tu sbyin par mdzad cing / yang dag par rdzogs pa'i sangs rgyas thams cad gyi zhal yang mthong bar 'gyur ro/ / de bzhin du gang la la zhig gis nyis brgya rtsa brgyad bton na ting nge 'dzin thob par 'gyur ro// gang gis sum brgya rtsa brgyad bton na sgrib pa thams cad byang ste phyir mi ldog pa'i sa la gnas par 'gyur ro/ / yang gang gis bzhi brgya rtsa brgyad bton na rgyal chen ris bzhi'i rgyal po chen po dag kyang nye bar 'ongs nas lus mngon par bstan te/ bsrung ba dang skyabs byed cing shes rab kyi stobs kyang bskyed nas bsod nams thams cad nye bar sgrub bo/ / gang gis lnga brgya rtsa brgyad bton na dge ba'i rtsa ba de nyid kyis 'dus ma byas kyi lam la gnas pa 'thob po// yang gang gis drug brgya rtsa brgyad bton na rigs sngags
- 288b
'chang du 'gyur te/ nam mkha' la rig 'dzin gyi gnas su 'gro bar 'gyur ro// yang gang gis bdun brgya rtsa brgyad tshang bar bton na legs pa'i yon tan thams cad dang ldan par 'gyur ro// yang gang gis brgyad brgya rtsa brgyad bton na gzhan gyis bsgo ba med pa'i rang dbang 'thob ste/ sems rnams par dag par 'gyur ro// yang gang gis dgu brgya rtsa brgyad du bton na phung po lnga rnam par dag par 'gyur ro// yang gang gis stong rtsa brgyad du bton na rgyun tu zhugs pa'i 'bras bu 'thob po/ / gang gis nyis stong tshang bar bton na lan cig phyir 'ong ba'i 'bras bu thob bo// gang gis sum stong tshang bar bton na phyir mi 'ong ba'i 'bras bu 'thob po// gang gis bzhi stong tshang bar bton na dgra bcom pa'i 'bras bu 'thob par 'gyur ro/ / gang gis lnga stong tshang bar bton na rang sangs rgyas kyis 'thob par 'gyur ro// gang gis drug stong tshang ba rabaton na byang chub sems dpa'i rdzu 'phrul gyi gnas 'thob par 'gyur ro/ / yang gang gis bdun stong tshang bar bton na byang chub sems dpa'i sa dang po 'thob par 'gyur ro// yang gang gis brgyad stong tshang bar bton na byang chub sems dpa'i sa lnga pa gnon par 'gyur ro// yang gang gis dgu stong ba ton na rig sngags dang / gsang sngags rnams kyi bdag po gsang ba pa'i lus 'thob par 'gyur ro// yang gang gis khri tshang bar bton na/ byang chub sems dpa'i sa brgyad pa mi g.yo ba gnon par 'gyur ro/ / yang gang gis nyi khri tshang bar bton na bla na med pa yang dag par rdzogs pa'i sangs rgyas kyi sku 'thob par 'gyur te/ seng ge'i sgra chen po sgrogs par 'gyur ro// yang gang la la zhig gis pa ma'i don gyi phyir bsod nams kyi las bya bar 'dod na/ mchod rten rnying pa ring bsrel can zhig ral du gyur pa gsos la bcos legs byas te/ g.yas phyogs su bskor ba byed cing sngags lan brgya rtsa brgyad tshang gi bar du
- 289a
bskor ba byas na bsam pa thams cad yid bzhin du 'grub par 'gyur ro/ / de nas bcom ldan 'das kyis byang chub sems dpa' sgrib pa thams cad rnam par sel ba la legs so zhes bya ba byin te/ legs so legs so/ rigs kyi bu khyod kyis nga'i grogs byas te/ de bzhin gshegs pa'i gsang sngags kyi cho ga tshul bzhin du bshad pa de kho na bzhin no// de nas gnod sbyin thams cad kyi rgyal po gsang pa'i bdag pos bcom ldan 'das la gsol ba/ bcom ldan 'das kyis gsang sngags kyi rgyal po gsang sngags kyi cho ga 'di dag de bzhin gshegs pa rnams dang 'dra ba/ de bzhin gshegs pa'i chos kyi sku las byung ba lags na/ bcom ldan 'das steng po dam pa 'di dag 'dzam bu'i gling na gnas pa'i sems can rnams kyi las kyi sgrib pa dang / sdig pa thams cad bsal nas de phyin chad bcom ldan 'das kyi bstan pa la 'jug par 'gyur ro// de skad ces gsol ba dang / bcom ldan 'das kyis gsang ba pa'i bdag po la bka' stsal pa/ gsang ba pa'i bdag po gsang sngags kyi cho ga 'di dag ni ma 'ongs pa'i dus na yang de bzhin gshegs pa 'jig rten na bzhugs pa dang 'dra ba yin no// ngas cho ga ji skad bstan pa bzhin du byas na las kyi sbyor ba chung ngus kyang 'bras bu chen po 'grub cing phan yon che bar gnas par gyur na/ las kyi sbyor ba cher byas pa lta ci smos te/ dge ba'i rtsa ba thams cad bsags par 'gyur ro// de lta bas na de dag giyon tan ni de bzhin gshegs pa brgya stong bye ba khrag khrig gang ga'i klung gi bye ma snyed kyis bshad kyang mi rdzogs te/ de bzhin gshegs pa de dag gis mkhyen cing gzigs par zad do// gsang ba'i bdag pos gsol pa/ bcom ldan das las chags chung ngu ji lta bu zhig bgyis na/ bsod nams kyi 'bras bu chen po 'grub cing bsod nams chen po thob par 'gyur/ bcom ldan 'das kyis bka' stsal ba// de'i phyir legs par nyon cig dang bshad par bya'o// dge slong
- 289b
dang dge slong ma dang dge bsnyen dang / dge bsnyen ma dang gang la la zhig gis bsod nams kyi 'bras bu chen po thob cing yon tan thob par 'dod pas gsang sngags kyi rgyal po'i cho ga sngar bstan pa bzhin du byas te/ dgu bcu rtsa dgu yi ger brikhris la sangs rgyas kyi mchod rten gyi mdun du dkyil 'khor gru bzhir byas la ba'i lci bas byugs te/ gru bzhir dri'i chu bor bu bkang ba re re gzhag/ bdug spos kyi snod du ba 'thul ba yang bzhag nas snod chen po'i nang du me tog dang / dri'i chu dang / 'bras skam po rnams blugs te/ dkyil 'khor gyi steng du bzhag pa dang / yang til nag po dang / sran ma sha dang / 'bras rnams bsres te btsos pa'i 'bras thug kri sa ra zhes bya ba dang / zas dkar gsum dang 'di rnams/ bus pa'i nang du blugs pa dang / yang shing tog sna tshogs 'brum bu dgu bcu rtsa dgu dang / kha zas ming gis spros pa 'di rnams dang / spos dang me tog la sogs pa dkyil 'khor gyi steng du bkram la/ gsang sngags kyi yi ge mchod rten gyi sreg shing gi nang du bcug nas mchod rten gyi phyogs bzhir phyogs bcu'i de bzhin gshegs pa thams cad mngon du dmigs te phyag byas la sems rtse gcig pas gsang sngags 'di dag 'don par bya'o/ / 'di lta ste/ oM bi bu la bim le bra bar dzin pa ra/ sa ra sa ra/ sarba ta thA ga tA d+hA thA gar b+he/ a d+hiSh+T+rIHswA hA/ a ya kato ba ni swA hA/ sarbad baN+Da/ ba nya la bi bud d+ha a d+hiSh+NI Na sa ma ya swA hA// bdug spos 'phrul brgyun mi 'chad par bya zhing / gsang sngags lan nyi shu rtsa brgyad bton na byang chub sems dpa' sems dpa' chen po brgyad dang / gnod sbyin gyi sde dpon chen po brgyad dang / gsang ba pa'i bdag po dang / rgyal po bzhi dang tshangs pa dang / dbang phyug chen po dang / sred med kyi bra rnams de'i mod la mchod rten de la mchod pa dang / rim gro byed de srog shing brten par byed do// de bas gong du yang sangs rgyas bye ba 'bum phrag dgu bcu rtsa dgu dang / gang gA'i klung gi bye ma snyed kyang gnas der gshegs te/
- 290a
mchod rten de la mchod pa dang / chos kyi skur byin gyis rlob cing ring srel dang ldan par mdzad do// de ltar sems thag pa nas cho ga tshul bzhin du byas nas yon tan de dag dang / gzhan yang mchod rten de yid bzhin gyi nor bu rin po che las byas pa'i bsod nams thob par 'gyur te/ rin po che'i rnam pa bye ba khrag khrig brgya stong du ma las mchod rten byas pa dang 'dra bar 'gyur te/ dge ba'i rtsa ba rgya chen po dang ldan zhing lus rnam par ngag la tshe ring zhing na dmar pa dang / bgegs thams cad kyis mi tshugs par 'gyur ro// gang gzhan la la zhig mchod rten 'di mthong ngam/ mchod rten de'i dril bu'i sgra thos na yang las kyi sgrib pa dang / sdig pa thams cad byang bar 'gyur te/ mtshams med pa lnga byas pa yang yongs su byeng nas 'chi ba'i dus byas pa'i 'og tu bde ba can gyi 'jig rten su skye'o/ / gang la la zhig gis mchod rten de'i ming tsam thos pa yang 'chi ba'i dus byas nas bla na med pa'i byang chub kyi lam thob par// 'gyur/ tha na bya dang ri dgas la sogs pa sems can gang gis mthong ba de yang tshe 'phos nas dud 'gro'i skye gnas spangs te/ bsod nams dang ldan pa'i lus 'thob par 'gyur ro// gang la la zhigs pha rol du phyin pa drug yongs su rdzogs par spyod par 'dod pa des snga ma bzhin du dkyil 'khor gru bzhi pa byas te/ sa dang lci ba byugs la de'i steng du spos kyi rgyang nul gyis byugs te/ dkyil 'khor gyi grwa bzhir dri'i chus bkang ba'i snod re re bzhag la sngar bstan pa'i gsang sngags bzhi po dag las rnam pa gcig kyang dgu bcu rtsa dgu bris te rang gi lag gis mchod rten chung ngu dgu bcu rtsa dgu gdab cing gsang sngags rnas cig kyang re re de'i nang du gzhug go/ / de nas yang gsang sngags 'di yang dgu bcu rtsa dgu yi ger bris te/ mchod rten gyi 'phang lo rnams kyi nang du bcug la/ mchod rten rnams dkyil 'khor gyi steng du bzhag ste/ me tog dang byug pas mchod la/ lan bdun bdun du bskor zhing gsang sngags
- 290b
'di gdon par bya'o/ / nam nab nA thAT+Ti nA~M/ tathA ga tag gtanA~M/ dI drA mu tAM/ kogapa su tra sha tas hAs na/ oM bo bo ra/ Di ri ni tsi ri/ ma ka tsal ba ri smad// chog 'di ltar byas na pha rol tu phyin pa drug yongs su rdzogs par spyod par yang ma zad de/ des na rin po che'i mchod rten bye ba khrag khrig brgya stong gang gA'i klung gi bye ma snyed byas par 'gyur ro// yang dag par rdzogs pa'i sangs rgyas bye ba khrag khrig brgya stong phrag dgu bcu rtsa dgu snyed la mchod cing bsnyen bkur byas par 'gyur ro/ / de'i gong du yang lha thams cad kyis mchod pa'i sprin sna tshogs sdus te/ mchod rten de la yo byad sna tshogs sbyar nas/ de bzhin gshegs pa'i pho brang dang / yo byad sna tshogs sbyar nas mchod par 'gyur te/ yang dag par rdzogs pa'i sangs rgyas de dag snyed kyis mkhyen cing gzigs te byin gyis rlob par mdzad do// rigs kyi bu 'am rigs kyi bu mo de'i dge ba'i rtsa ba rgya chen po'i bsod nams dang yon tan thams cad thob par mdzad do/ / yang gang la la zhig gis gsang sngags kyi rgyal po 'di snying po ma nor bar yi ger bris la rtag tu bton te/ mchod pa'i las byas la lus la thogs ni rig pa de nyid kyis bsrung ba dang / bskyab pa mdzad de pas kyi rgol ba'i dgra thabs cad dang / shar gnyer ba rnams dang gnod sbyin dang / srin po dang yi dgas la sogs pa thams cad kyang gnod pa byed par mi 'gyur te/ 'jigs shing skrag nas so sor 'byer bar 'gyur ro// gang la la zhig gis rig pa 'don pa de dang gtam byas pa yang mtshams med pa lnga'i las kyi sgrib pa yang yongs su 'byang bar 'gyur ro/ / gang la la zhig gis sngags pa de'i sgra thos sam/ grib mas phog gam/ lus la reg kyang rung ste// de'i tshe rabs gzhan gyi las kyi sgrib pa dang / sdig pa thams cad yongs su byang bar 'gyur ro// gang rig pa 'don pa de'i lus la dug gis mi tshugs/ mes mi tshugs chus khyer bar mi 'gyur/ gdon thams cad kyis kyang klags mi
- 291a
rnyed/ thog 'bab par mi 'gyur te/ sangs rgyas thams cad kyis bsrung ba dang / bskyab pa mdzad cing spyan ras kyis 'tsho bar mdzad do// lha thams cad dang dam tshig can thams cad kyis kyang de lo stong grags byed par 'gyur te/ gzhan gyi rig sngags dang byad dang / sbyor ba thams cad kyis mi tshugs par 'gyur ro// de ltar bas na rig pa 'don pa gnas gang na 'dug kyang gsang sngags 'di'i cho ga don du gnyer bar bya/ gsang sngags ye ger bris la lam gyi bzhi mdo'am/ sum mdo skye bo mang po phan tshun 'gro ba'i gnas su mchod rten byas la/ de'i nang du bcug na 'gro ba thams cad dang / bya dang sbrang ma dang / tha na grog srur yan chad kyis mthong ba dang thos pa dang reg pa dang / de la phog pa'i sa dang rdul dang rlung dang / grib mas phog na yang byol song dang / yi dgas dang ngan song log par ltung ba sems can dmyal bar skye bar 'gyur ba'i sdig pa thams cad bral zhing mchi ba'i dus byas nas bde 'gro mtho rigs lha rnams kyi nang du skye bar 'gyur te/ sngon gyi las kyi sgrib pa yongs su byang bas tshe rabs rjes su dran par thob par 'gyur zhing / phyir mi ltung ba'i chos can du 'gyur ro// de nas bcom ldan 'das kyis byang chub sems dpa' sems dpa' chen po sgrub pa thams cad rnam par sel ba dang / gsang ba pa'i bdag po lag na rdo rje dang / rgyal po chen po bzhi dang / tshangs pa mi mjed kyi bdag po dang / tshangs ris kyi lha rnams dang / dbang thug chen po la sogs pa'i lha rnams la bka' stsal pa/ skyes bu dam pa dgangs gsang sngags kyi rgyal ba'i snying po 'di dag byed rnams la yongs su gtad byas rtag tu rim gror bya zhed yongs su gzung bar bya ste/ dan po ci'i za ba tog gi nang dunag la gnas thams cad du bsgrags te/ nam du yang tsun ma gcad par sems can maston cig/ mthong zhe thos par byas na ma rnams med pa lnga'i sdigs
- 291b
yang 'byung bar 'gyur ro/ / de nas byang chub sems dpa' sems dpa' chen po sgrib pa thams cad rnam par sel ba dang / gsang ba pa'i bdag po lag na rdo rje dang / rgyal po chen po ba'i dngag dang / tshangs pa dang dbang phyug chen po dang / sred med kye bu dang / lha dang klu dang gnod sbyin dang srin po dang / lha ma yin dang lho 'phye chen po la sogs pa thams cad kyis bcom ldan 'das kyi 'bas la phyag 'tshal nas/ tshig 'thun par smras te/ gsol pa bcom ldan 'das bcom ldan 'das kyis bdag cag la thugs brtse bar dgongs te gsang sngags 'di'i cho ga dang / mchod rten bkye ba'i cho ga je skad gsungs pa rnams sems can thams cad la smin pa'i srang du bdag cag kun gyis bsrung zhing rim gror bgyi/ rtag par gzungs su gzung zhing me bskyed par bgyi/ yi ger bri ba dang klag pa dang mchod pa'i las rnams kyang bgyi ste/ ma 'ongs pa'i dus na sems can gang la las chos kyi rnam grangs 'di thos shing khong du chud nas ngan song ga tho sems can dmyal ba la sogs pa dang / sdig pa thams cad las thar bar 'gyur bar bcom ldan 'das kyis gsungs pas na/ bdag cag rnams kyis bcom ldan 'das kyi bka' drin spyi bos blangs pa'i slad du gsang sngags kyi cho ga 'di dag rim gror bgyi/ / btsun par bgyi/ gus par bgyi/ rin po che'i 'du shes bzhag par bgyi/ rgya cher 'phel bar bgyi/ bcom ldan 'das kyi zhal dang 'dra bar lta bar bgyi ste/ nam du yang nub par mi 'gyur zhing ci nas kyang rgyas par bgyi ba'i slad du nan tan bgyi bar 'tshal lo// de skad ces gsol pa dang / bcom ldan 'das kyis bka' stsal pa/ skyes bu dam pa rnams dam tshig la gnas pas gsang sngags kyi cho ga 'di dag bsrung ba dang / rim gror bya ba dang / yongs su gzung bar khas blangs pa ni legs so legs so// shin tu yang legaso//
- 292a
bcom ldan 'das kyis de skad ces bka' stsal nas/ thams cad dang ldan pa'i 'khor de dag yid rangs te/ bcom ldan 'das kyis gsungs pa la mngon par bstod do// 'phags pa bod zer dri ma med pa rnam par dag pa'i 'od ces bya ba'i gzungs rdzogs s+ho/ / // rgya gar gyi mkhan po bid+hi ka ra si ha dang / zhu chen gyi lo ts+tsha ba ban d+he dpal gyi lhun po'i sdes bsgyur cing zhus te gtan la phab pa'o// jo bo a d+hi sha dang dge bge gros ston pas sngags rnams dag par bsgyur ro/ / rgya ma dang/ rba rbadrAR+tha pA mi ti t+te mo nArA t+t+wa Ni/ gon du/ shes pas thams cad mthar phyin par grub pa'i mchod rten zhes bya ba'i gzungs// dkon mchog gsum la phyag 'tshal lo// bcom ldan 'das rdo rje 'dzin pa la phyag 'tshal lo/ / bcom ldan 'das de bzhin gshegs pa dgra bcom pa yang dag par rdzogs pa'i sangs rgyas chos thams cad kyi tshul dang / 'dul ba dang rnam par 'phrul pa'i gzi brjid kyi rgyal po la phyag 'tshal lo/ / phyag 'tshal dus gsum sangs rgyas la// phyag 'tshal dkon mchog gsum dge la// mi 'khrugs pa dang 'od dpag med// spyan ras gzigs la bdag phyag 'tshal// rigs gsum la yang phyag 'tsha'o// 'di skad bdag gis thos pa'i dus gcig na/ bcom ldan 'das rdo rje 'dzin pa chen po ring chen po sna lnga las grub pa gni nyid mchod rten gyi rang bzhin du gnas pa'i steng na/ rin po che sna tshogs pa'i khang pa dang / tshad med pa'i mchod rten bzhi dang / rang bzhin gyi mchod rten chen po'i gnas yin pa'i phyir rtse mo'i dbyings kyang mchod rten du gyur pa'i gnas na lag na rdo rje dang / 'jam dpal dang / spyan ras gzigs dang byams pa la sogs pa sa bcu'i byang chub sems dpa' rnams dang / tshangs pa dang brgya byin dang / rgyal po chen po bzhi la sogs pa gtsang ris kyi mgon po rnams dang thabs cig tu bzhugs so// de nas bcom ldan 'das kyis dbu'i gtsug tor dang / thugs kyi
Colophon
'phags pa 'od zer dri ma med ba rnam par dag pa'i 'od ces bya ba'i gzungs rdzogs s+ho // // rgya gar gyi mkhan po bi dya ka ra si ha dang /zhu chen gyi lo ts+tsha ba ban dhe dpal gyi lhun po'i sdes bsgyur cing zhus te gtan la phab pa'o // jo bo a t+hi sha dang dge bshes 'brom ston pas sngags rnams dag par bsgyur ro // (pha, 292a1-3)