Q948MW1PD96684_0948mdo sna tshogsAll versions of this work

bslab pa gsum gyi mdo

Text

ff. 59b–60a · 2 folio sides

  1. 59b

    rdzogs pa'i byang chub tu 'gro bar byed pa/ / mi mthun pa med cing mthun pa dang ldan pa/ rten pa dang ldan pa'o// rgyun la mchad pa'o// chos rjes su dran pa// rdzogs s+ho// // rgya gar skad du// sa g+hA a nu smi ti// bod skad du/ dge 'dun rjes su dran pa/ sangs rgyas dang / byang chub sems dpa' thams cad la phyag 'tshal lo// 'phags pa'i dge 'dun ni legs par zhugs pa// rigs par zhugs pa/ mthun par zhugs pa/ rdzing por zhugs pa// phyag 'tshal ba'i 'os su gyur pa// thal mo sbyar ba'i 'os su gyur pa// yon tan yongs su byang ba chen po// yon yongs su spyod pa/ sbyin pa'i 'os su gyur pa/ kun gyi sbyin pa'i 'os su gyur pa'o// dge 'dun rjes su dran pa rdzogs s+ho// // sangs rgyas dang / byang chub sems dpa' thams cad la phyag 'tshal lo// 'di skad bdag gis thos pa dus gcig na/ bcom ldan 'das yul spong byed na/ ljongs rgyu zhing gshegs pa dang / grong spyil bu can du byon te// grong spyil bu can gyi grong gi byang phyogs kyi shing sa la'i tshal na// dge slong gi dge 'dun chen po dang thabs gcig tu bzhugs so// de nas bcom ldan// 'das kyis dge slong rnams la bka' stsal pa/ dge slong dag 'di dag ni tshul khrims yin no// 'di ni ting nge 'dzin yin no// 'di ni shes rab yin no// dge slong dag tshul khrims la goms par byas na// ting nge/ 'dzin la yun ring du gnas par 'gyur ro// ting nge 'dzin la goms par byas na// shes rab thob par 'gyur/ shes rab la goms par byas na/ 'di lta ste// 'dod chags dang / zhe sdang dang / gti mug dag las sems yang dag pa kho nar rnam par grol bar 'gyur ro/ / de ltar sems yang dag pa kho nar rnam par grol ba'i 'phags pa'i nyan thos kyis ni bdag gi zag pa 'di zad do// tshangs par spyod pa ni bston to//

  2. 60a

    bya ba ni byas so// 'di las srid pa gzhan mi shes so zhes yang dag pa kho nar shes par 'gyur ro// bcom ldan 'das kyis de skad ces bka' stsal nas dge slong de dag yi rangs te bcom ldan 'das kyis gsungs pa la mngon par bstod do/ / bslab pa gsum gyi mdo rdzogs so// // rgya gar skad du/ Ar+ya kA ya trA~M nA ma sa nA yAn sUH/ bod skad du/ 'phags pa sku gsum zhes bya ba zag pa chen po'i mdo/ sangs rgyas dang / byang chub sems dpa' thams cad la phyag 'tshal lo// 'di skad bdag gis thos pa dus gcig na/ bcom ldan 'das rgyal po'i khab bya rgod phung po'i ri la bzhugs so byang chub sems dpa' tshad med grangs med pa dang / lha dang / klu dang / 'khor thams cad dang thabs gcig tu bzhugs te/ bcom ldan 'das la bkur stir bgyid cing mchod do// de'i tshe la bor der byang chub sems dpa' sa'i snying po 'dug pa stan las langs nas/ bcom ldan 'das la 'di skad ces gsol to// bcom ldan 'das la sku du mnga'/ bcom ldan 'das kyis bka' stsal pa/ sa'i snying po bcom ldan 'das de bzhin gshegs pa la sku gsum mnga' ste/ chos kyi sku dang / longs spyod rdzogs pa'i sku dang / sprul pa'i sku'o// rigs kyi bu de bzhin gshegs pa'i sku gsum ni rang bzhin rnam par dag pa ni chos kyi sku'o/ / ting nge 'dzin rnam par dag pa ni longs spyod rdzogs pa'i sku'o// spyod pa rnam par dag pa ni sangs rgyas thams cad kyi sprul pa'i sku'o// rigs kyi bu de bzhin gshegs pa'i chos kyi sku ni nam mkha' ltar rang bzhin med pa'i don no/ / longs spyod rdzogs pa'i su ni sprin ltar 'byung ba'i don no// sprul pa'i sku ni sangs rgyas thams cad kyi 'phrin las te/ char pa lta bu ste thams cad 'das pa'i don no//

Colophon

bslab pa gsum gyi mdo rdzogs s.ho||