'phags pa chos bzhi bstan pa zhes bya ba theg pa chen po'i mdo
Text
ff. 63a–64a · 3 folio sides
- 63a
'da' bar 'gyur/ / dgon pa'i gnas la mngon phyogs shing // gnod pa dag la rgyab gyis phyogs// thos pa tshol la brtson pa dag/ go 'phang mchog ni rtogs par 'gyur// dge slong dge slong ma rnams dang / dge bsnyen de bzhin dge bsnyen ma// thams cad dang ni de dag gis// 'dris pa rnam par spang bar bya// byis pa'i lam la rten pa yi// rmongs pa kun kyang skyabs med de// gang zhig tshes la rten pa dang // de dag sangs rgyas mchog tu gzhol/ / mi gang sems can don dga' ba'i// sangs rgyas pa dang ma yin no// g.yo med chos la 'dod pa dag/ byang chub la ni rab tu dang // sangs rgyas rtag tu mi blta ba'i// mi rnams mtshan nyid gsum gsungs te/ / g.yo dang chos min 'dod pa dag / snyom las dag las rtag pa'o// 'dod chags zhe sdang nga rgyal dang // de bzhin sdig pa rab spangs nas// blo ldan brtson 'grus ldan gyur pa// byang chub la ni rab gus 'gyur// bcom ldan 'das kyis de skad ces bka' stsal nas/ tshe dang ldan pa shA ri'i bu dang / lha dang mi dang / lha ma yin dang / dri zar bcas pa'i 'jig rten yi/ rangs te/ bcom ldan 'das kyis gsungs pa la mngon par bstod do// // byang chub sems dpa'i so sor thar pa tshes bzhi bsgrub pa zhes bya ba theg pa chen po'i mdo rdzogs so/ / // rgya gar gyi mkhan po dI pad ka ra shI dz+nyA na dang / zhu chen gyi lo ts+tsha ba dge slong shAkya blo gros dang / dge slong dge ba'i blo gros kyis bsgyur cing zhus te tan la phab pa/ / // 6// rgya gar skad du/ Ar+ya tsa tud d+harma nir de sha nA ma ma hA yA na su tra/ bod skad du/ 'phags pa chos bzhi bstan pa zhes bya ba theg pa chen po'i mdo// sangs rgyas dang byang chub sems dpa' thams cad la phyag 'tshal lo/ / 'di skad bdag gis thos pa dus gcig na/ bcom ldan 'das sum cu rtsa gsum lha'i nang na lha'i 'dun sa chos bzang na dge slong lnga brgya tham pa'i dge slong gi dge 'dun
- 63b
chen po dang / byams pa dang / 'jam dpal la sogs pa byang chub sems dpa' sems dpa' chen po rab tu mang po dang thabs gcig tu bzhugs te/ de nas bcom ldan 'das kyis byang chub sems dpa' sems dang chen po byams pa la bka' stsal pa/ byams pa byang chub sems dpa' sems dpa' chen po chos bzhi dang ldan na sdig pa byas shing bsags pa zil gyis non par 'gyur ro// bzhi gang zhe na/ 'di lta ste/ rnam par sun 'byin pa kun tu spyod pa dang / gnyen po kun tu spyod pa dang / sor chud par byed pa'i stobs dang / rten gyi stobs so// de la rnam par sun 'byin pa kun tu spyod pa ni mi dge ba'i las spyad na de la 'gyod pa mang ba yin/ no// de la gnyen po kun tu spyad pa nam dge ba'i las byas nas kyang dge ba'i las la shin tu brtson pa'o// de la sor chud par byed pa'i stobs ni sdom pa yang dag par blangs pas mi byed pa'i sdom pa thob pa'o// de la rten gyi stobs ni/ sangs rgyas dang chos dang / dge 'dun la skyabs su 'gro ba dang / byang chub kyi sems mi gtong ba ste/ de stobs dang ldan pa la rten pas sdig pas zil gyis gnon par mi nus so// byams pa byang chub seMs dpa' sems dpa' chen po chos bzhi po de dag dang ldan na sdig pa byas shing bsags pa zil gyis non par 'gyur ro/ / byang chub sems dpa' sems dpa' chen pos mdo 'di rtag tu klag par bya'o// kha ton du bya'o// bsam par bya'o// bsgom par bya'o// mang du bya'o// des na nyes par spyad pa 'bras bu 'byin par mi nus par 'gyur ro// bcom ldan 'das kyis de skad ces bka' stsal nas/ byang chub sems dpa' sems dpa chen po byams pa dang / dge slong de dag dang / byang chub sems dang / de dag dang / brgya byin la sogs pa'i lha'i bu rnams dang / thams cad dang ldan pa'i 'khor de dag yi rangs te/ bcom ldan 'das kyis gsungs
- 64a
pa la mngon par bstod do/ / // 'phags pa chos bzhi bstan pa zhes bya ba theg pa chen po'i mdo rdzogs so// rgya gar gyi mkhan po su ren dra bo d+hi dang / zhu chen gyi lo ts+tsha ba ban de ye shes sdes bsgyur cing zhus te gtan la phab pa/ / // #// rgya gar skad du/ tsa tur d+harma ka su tra/ bod skad du chos bzhi pa'i mdo// sangs rgyas dang / byang chub sems dpa' thams cad la phyag 'tshal lo// 'di skad bdag gis thos/ ba dus gcig na/ bcom ldan 'das mnyan yod na rgyal bu rgyal byed kyi tshal mgon med zas sbyin gyi kun dga' ra ba na/ dge slong stong nyis brgya lnga bcu'i dge slong gi dge 'dun chen po dang thabs gcig tu bzhugs te/ de nas bcom ldan 'das kyis brtan zhing tsab la snyan cing rgya che ba'i sgra dbyangs kyis dge slong rnams la bka' stsal pa/ dge slong dag rigs kyi bu mkhas pas ji srid 'tsho'i bar du gnas bzhi la yid brtan par mi bya'o// bzhi gang zhe na/ dge slong dag rigs kyi bu mkhas pas bdag ni bud med dag la dga' ba'o snyam du ji srid mtsho'i bar du yid brtan par mi bya ba dang / dge slong dag rigs kyi bu mkhas pas bdag ni rgyal po'i pho brang 'khor la dga' pa'o/ / snyam du ji srid mtsho'i bar du yid brtan par mi bya ba dang / dge slong dag rigs kyi bu mkhas pas bdag ni gzugs bzang ba mdzes pa ltan sdug pa nad nyung ba'o snyam du ji srid 'tsho'i bar du yid brtan par mi bya ba dang / dge slong dag rigs kyi bu mkhas pas bdag ni byug pa nor mang ba/ yo byad phun sum tshogs pa'o snyam du ji srid mtsha'i bar du yid brtan par mi bya'o// bcom ldan 'das kyis de skad ces bka' stsal te/ bde bdag sheg bas de ga da gsungs nas sbyin pas gzhan yang 'di skad bka' stsal to/ / bud med brten dug la rung // rgyal po'i pho brang gal dga'// lbu ba'i snying po ga la yang // langs spyad rtag pa ga la yin// langs spyod
Colophon
'phags pa chos bzhi bstan pa zhes bya ba theg pa chen po'i mdo rdzogs so| |rgya gar+gyi+mkhan po su ren+dra+bo dhi dang| zhu chen gyi lo ts+tsha ba ban de ye shes sdes bsgyur cing zhus te gtan la phab pa||