rdo rje yang rtse'i rgyud
Text
ff. 368b–382b · 29 folio sides
- 368b
cig la gdams// kha cig gtong 'jigs byis pa'i spyod// de 'dra'i skal ldan bu yis spyod// ces gsungs so// de nas ston pa nyid mya ngan las 'das so// lag na rdo rje la sogs pa 'dus pa rnams rjes su yi rang nas mngon par bstod do// sku gsung thugs rdo rje rtsa ba thams cad rdzogs pa'i rgyud las/ yongs su gtad pa'i le'u ste so lnga pa'o// / rdzogs so// / u rgyan gyi slob dpon pad+ma dang / bod kyi dge slong nam mkha' snying bos bsgyur zhing gtan la phab pa'o// rgya rgya rgya// rgya gar skad du/ badz+ra pa yi ge du ta na tra nA ma/ bod skad du/ rdo rje yang rtse'i rgyud ces bya ba/ bcom ldan 'das dpal rdo rje 'chang chen po la phyag 'tshal lo// 'di skad bdag gis thos pa'i dus gcig na/ snying po rdo rje 'chang chen po// chos sku kun tu bzang po de// rang byung 'phrul gyi rdo rje'i sku// gcig med mnyam par rang byung gnas// gnyis med snang ba rang byung 'khor// brjod gsung med par rang byung chos// snga phyi med par snying po'i dus// mi nub rgyal mtshan rdo rje'i sku ru gsal// phyi med nang med 'og min kun tu snang // snga phyi dus
- 369a
mnyam snying po sgrub pa'i 'khor// zhing khams rang gsal rig cha kha dog gsal// gdul bya med pa'i chos sku rang byung chos sku bzhugs// de nas kun byed rdo rje 'chang // rdo rje sems dpa' rang byung 'phrul gyi me tog phul// sprul pa'i sprul pas rang byung du bskor te// kye kye ston pa rdo rje 'chang chen khyod// 'khor ba 'khrul 'khor sems can la// thugs rje chen pos mi gzigs par// nyid kyi sngon gyi thugs dam ci// sems can sangs rgyas thob bya'i phyir// sku gsung thugs dang yon tan las// snying po ngos bzung cha rkyen las// nyid kyis rdzogs par bstan du gsol// de nas kun bzang rdo rje 'chang / rang byung 'phrul gyi skur bzhengs nas// sprul pa'i 'khor dang yang sprul 'khor// 'dus pa'i tshogs la bka' stsal pa// rang byung snying po byang chub sems// rgyal bar gyur pa'i snying po yin// stong pa'i chos nyid dam pa yin// snang ba ma 'gags lhun gyis grub// gnyis su med pa'i dam pa yin// 'khor ba'i bcud phyung bde gshegs rgyu// srog dang snying po'i dam pa yin// sku dang gsung dang thugs dang ni// yon tan dang ni 'phra ni las kyis// snying po gsum du bsdu ba dang // de yi
- 369b
cha rkyen bstan par bya// zhes gsungs so// rdo rje yang rtse'i rgyud las/ zhus pa dang len gyi le'u ste dang po'o// // rdo rje 'chang bas bka' stsal pa// nyon cig rdo rje sems dpa' khyod// rang byung 'phrul gyi snying pa'i sku// rang byung snying po gsum las byung // pha dang ma dang rang dang gsum// pha ni thabs chen kun tu bzang // ma ni shes rab kun bzang yum// bu ni gnyis med rang byung hUM// rdo rje 'chang ba nyid kyi sku// zhes gsungs/ yang bka' stsa la pa// nyon cig sems dpa' rdo rje 'chang // dkyil 'khor chen po yangs pa yin// bum pa bzang po che ba'i mchog/ ye shes sku ste rang byung ba// snying po sku bzhir rang byung bsgrubs// skye med 'phrul gyi rang byung sku// rin chen 'phrul gyi rang byung sku// rdo rje 'phrul gyi snying po'i sku// rang byung 'phrul gyi snying po sku// rang byung hUM gi lhun grub yin// sgom spyod rtog pa bskyed rdzogs las// de nas kun grol dgongs pa'i mchog/ 'gyus dran 'dzin chags gdeng du gyis// 'gyus dran 'dzin chags go mas byed na// rtsa rlung thig le gsal bar bya// pha rtsa ma rtsa rang rtsa gsum// thabs dang shes rab ye shes gsum// ro ma rkyang ma kun 'dar gsum// la la ra sa d+hU ti gsum// rtsa dang
- 370a
rlung dang thig le gsum// dkar dang dmar dang mthing dang gsum// hU dang snying po rang byung rtsal// thams cad 'dus pa gcig med ston/ a ti yo ga yul med 'khrol// ces gsungs so// rdo rje yang rtse'i rgyud las/ rang byung gi sku'i mtshon pa'i le'u ste gnyis pa'o// / / rdo rje 'chang bas bka' stsal pa// nyon cig rdo rje sems dpa' khyod// brjod pa kun gyi rgyu yi mchog/ hUM zhes ma brlabs rang byung skad// sangs rgyas gsung la sems can sku// ye nas rang byung 'phrul gyi sgra// gzhi nas 'bras bu lam gyi rgyu// ming gi snying po 'phrul gyi tshig/ ngo mtshar chen po rmad du byung // zhes bka' stsal pas// kye kye ston pa rdo rje 'chang // snying po gang lags nye snying gang // yang snying gang lags bstan du gsol// kun byed rdo rjes bka' stsa la pa// tshig kun rab tu gsal bar byed// 'bru lnga ma hA sku lnga'i sngags// rigs lnga phyogs dang dug lnga 'byung // lnga ldan don gyi snying po yin// / 'bru gsum nye ba'i snying po yin// gsum sgoms a nu'i dgongs pa bstan// sku gsum dug gsum pha ma rang // gsum sgoms rig sngags gzungs sngags yin// 'bru/
- 370b
gcig a ti yul med sgra// gcig med yul dang 'brel ba'i sngags// bla na med pa'i rang byung snying // yang snying 'phrul gyi snying po yin// 'byung lnga sku lnga ye shes lnga// 'bru brgyad snying po ngag tu bzlas// hU dang ru lu sbrel ba'i glu// srod dang tho rangs dus drug blang // 'bru gsum srog rtsol gnas pa bzlas// u nAn dbang bskur spro bsdu a// gsang sngags gzungs sngags rig sngags bsdeb// sngags rnams gang yang mgo non// 'bru cig yid la rang byung sngags// 'gyus dran 'dzin chags kun dang 'grogs// sgyu rtsal gzhi nyid 'dzin pa'i sngags// ma btags kun gyi rang sgra yin// phyi ltar brda ru mig la ston// nang ltar rtags su lus la sbyor// gsang ba'i yig tshogs sgra ru sgrogs// don du chos nyid snying po hUM// zhes gsungs so// rdo rje yang rtse'i rgyud las// gsung mtshon pa'i le'u ste gsum pa'o// / / kun byed rgyal po sa bka' stsal pa// nyon cig rdo rje sems dpa' khyod// gnyis med gnyis su med par ston// rdo rje hUM ste hU zhes sgrogs// ngo bo stong pa lta ba yin// yul med phyogs lhung med pa yin// hUM du 'dzin pas ting 'dzin yin// 'gyus dran 'dzin chags yengs pa med// log rtog spyod pa'i 'khor lo yin//
- 371a
rang byung ngos 'dzin 'khor ba lo// rang sems bsgrubs pas dam rdzas yin// de dang mi ldan dam rdzas yin// yid la skyob pas sngags kyang yin/ gsang sngags rig sngags gzungs sngags so// dbugs kyi 'phro 'du bzlas lugs yin// 'gro 'ong gnas pa hUM gi stobs// na ru song na 'phrin las yin// grub rtags sngon du 'di ka rang // sems la dbang thob sngags pa yin// 'gyus dran ngos zin dbang gi mchog/ d+hu du sngon thon mngon rtags yin// sku dang gsung dang thug sogs hUM// ma grub mi stong pogs pa yin// brtson 'grus rtsol med yengs pa med// A la thim pas gzir ba yin// rang byung skye ba med par shes// dgongs par stsol na shi sa yin// gcig med gang yang yin pa'i hUM// ci yang yin no gang yang rung // su zhig thugs kyi dkyil 'khor du// rten dang ldan no khyad par che// ra byung skye med snying po yin// zhes gsungs so// rdo rje yang rtse'i rgyud las/ thugs mtshon pa'i le'u ste bzhi pa'o// // rdo rje 'chang bas bka' stsal pa// nyon cig badz+ra sa twa khyod// nor bu rin chen 'od 'bar bshad// sa yi snying po 'gro ba 'dzin// sangs rgyas kun gyi snying po che// dper na
- 371b
nor bu rin chen gling // sa rdo mi gnas rin po che// rang byung snying po sus rtogs pa// 'khrul snang dge sdig gang yang med// chos nyid chos dbyings snying po'i klong/ gang ltar byas kyang snying po'i grogs// dper na me la shing bsnun 'dra// gang zhig rang byung ngo shes pas// zhi rgyas dbang drag 'phrin las 'grub// nad 'jil lus bde 'byung ba lnga// 'du bas mi tshugs rdo rje 'dra// srog nyid rang byung ngo shes na// lha dang klu dang gza' dang bdud// gnod sbyin srin po dmu dang ba can// rgyal po ma mo lha srin kun// khrims la gnas kyi rgyal po 'dra// rang byung snying po su 'chang ba// bsod nams longs spyod 'khor rdzas 'phel// dgra med sus mthong pha dang ma// nor bu rin chen 'chang ba 'dra// lo zla gza' skur dus tshod med// sprin med mkha' dbyings nyi zla 'dra// gang la snang ba rang byung sngags// 'byung ba 'khrug pa'i glog dang 'dra// zhes gsungs so// rdo rje yang rtse'i rgyud las/ thams cad yon tan du mtshon pa'i le'u ste lnga pa'o// / / rdo rje 'chang gis bka' stsal pa// nyon cig badz+ra sa twa khyod// las rnams bstan par 'tshogs pa ni// snying po sgyu ma'i rdzas dang 'dra//
- 372a
gcig la mthong snang 'char zhugs yang // dper nor bu rin po che// 'chang ba'i yon tan 'byung ba 'dra// dpa' bo gcig par/ rin po che// zhi dang rgyas pa dbang drag las// gang la bya ba de nyid snang // thogs pa med par 'grub par 'gyur// rnam smin 'byung ba 'khrugs pa'i gdon// de yi yon tan mngon du snang // dper na nyi ma khyab pa 'dra// rnam smin sgrib pa nang dang gdon// snying po rtogs pa'i gang zag la// de marngon rtags brtan pa ni// dper na rmi lam sad pa 'dra// goms rtogs brtan par 'byung ba yin// sgrib pa sbyong ba dra gzhan yin// dge sdig gnyis po mnyam nyid na// rnam par smin pas 'thun par nges nam mkhar khu rlangs dengs pa 'dra// nad ni byung ba'i rang bzhin 'gyur// lus kun thig le rgyas pa 'dra// gdon kun rgyal po zin pa yi// dmangs dang me lam rtsi sbur 'dra// snying po rang byung lus rtogs pa// rin chen gser gling phyin pa 'dra// zhes gsungs so// rdo rje yang rtse'i rgyud las/ 'phrin las mdor bstan pa'i le'u ste drug pa'o// / / rdo rje 'chang bas bka' stsal pa// nyon cig badz+ra sa twa khyod// ma bu gnyis kyi sbyor sgrol gyis// snying po chos kyi sku ru sgrol/
- 372b
phyir mi ldog pa phyir mi 'ong // 'dren pa'i thugs rje rgyun mi 'chang// 'gyus dran chos kyi dbyings su sbyor// chags pa rang byung klong du grol// gnyis su med pa'i mchod pa yin// 'gyus dran 'dzin chags dbang du byis// rig pa rtsal gyi dbang bskur yin// lha dang bum pa rig ma dang // gzhan la ltos 'gyus chos ma yin// rang byung ngo zin 'khrul pa med// 'gyus dran rang sbyongs rang grol dbang // 'dzin chags do chad snying po'i yul// 'dzin med 'gyur ba rang byung dbang // bdag med yul grol ye shes dbang // dbang gi rgyal po rang byung yin// sangs rgyas re med dbang mchog yin// zhes gsungs so// rdo rje yang rtse'i rgyud las/ dbang sbyor sgrol rtsa ba bstan pa'i le'u ste bdun pa'o// / / rdo rje 'chang bas bka' stsal pa// nyon cig badz+ra sa twa khyod// ci yang yin no gang yang rung // mdun dang rgyab dang phyogs bcu ru/ gang ltar snang yang snying po nyid// snying por snang ba rang byung yin// ci yang med do gang yang med// med brtags 'khrul pa rdzun pa'i chos// ming tsam 'di zhes mtshon na 'di// rdo rje sems dpa' mtshon du med// gcig ni kun gyi rang bzhin yin// gcig pu rang yang dag tu 'dug/ ming med yul dang bral bar gyis//
- 373a
yul snang gzugs ni srog gi gzhi// yul du bden pa ga na 'dug/ rdul tsam 'dug na srog la shor// srog gi la shan byed par gyis// ming btags chos kun snying po'i gzhi// ming yig sgra bsgrags gang la bden// gcig tsam bden na ming la 'khor// tshig gi sgro 'dogs chod par gyis// gnyis med gnyis su med par ston// bstan pa yul med mtshan tshig gang // bden par su smra 'khrul pas cho ga/ dngos po dngos med gnyis ka gcig/ stong nyid smra ba'i khyu mchog yin// rang byung 'phrul gyi snying po'i sku// gang ltar snang ba snying po'i brda// 'dren pa'i thugs rje 'gag pa med// ye shes sku ste rang byung yin// zhes gsungs so// rdo rje yang rtse'i rgyud las/ lta ba la bzla ba'i le'u ste brgyad pa'o// // de nas rdo rje 'chang kun tu bzang po nyid mtshon pa'i lam gyi ting nge 'dzin la snyoms par zhugs nas/ rdo rje sems dpa' la bka' stsal pa/ gcig ni kun gyi rang bzhin te// byed pa sems can kun don byed// phan thogs sems can mnyes gshin pa// rang byung 'phrul gyi snying po sku// ting 'dzin gsum gyi sgo nas skyed// sku gsal gdul bya la dmigs la// mchod sbyin tshogs gsogs rgyun du bya// tshogs gnyis tshogs ni bsag
- 373b
par bya/ mchod rten sku gdung gdab par bya// rang byung snying po'i tshe tsha dang // rgyu rkyen 'byung lnga'i tsha tsha gdag/ gtor ma phyi nang gnyis ka bya// chu gtor klu gtor dmar gtor gtang // rdo rje tshogs kyi 'khor lo bskor// 'byor shoms dngos po bsam pa tshogs// 'gyus dran 'dzin chags za tshogs bya// gtsang mkhrus kyi las byed na/ rin chen gang ldan bum pa der// srong dang tho rangs chu drangs la// snying pos byin rlabs dag par bkru// me dang rlung dang sa dang bdud rtsi kun// khrus su rnal 'byor gang bde bya// bsrung ba gsang ba'i rdzas dang sngags// dpa' bo gcig pa'i lam rim bya// mdzend gdug pa'i las gso ni// zhi drag gnyis kyi las la 'jug klu rigs nad rigs mcho gsad dgrol// nad kyi gnod lugs bcos ka bya// sgrub la bar chod dgra byung na// lan gsum 'pham blang 'gyod med bya// de nas dkon mchog dbang btsug la// rlung ldog pa yi dus su sgral// rang gis ma nges rbod gtong na// snying po 'phrul gyi skur sgoms la// hU las b+h+yo ba zlog rbad btags na// skye ka sdom sdig ji bzhin 'gyur// 'byung ba 'khrugs pa'i nad 'don na// yi ge drug pa'i gnad kyis gdon// skad smad par gyi gdon lugs yin// tsha drang spyod pa
- 374a
bsams pas sbyangs// 'khor lo lnga yi rtsa sgrol// drod gdon drang ba pho mo'i gnang // bcud len zas ni grogs yin no// rnam smin las kyang sbyong bar nges// 'byung 'khrugs gdon la the mi tshom// bar chod gdon gyi nad byung ba sa ma 'khrug na// gdon ngos gzung ba shin tu gces// srog snying gsal ba rab tu gces nga yin de la gtad pa gces// lus nyams mtshan ma 'byung ba 'gyur// 'khor lo srog gnad snying pos bstims// rjes med mchod pa'i bye brag bya// byang chub chen po'i grogs su 'gyur// kho yi cho 'phrul nga ru khrol// nga ni cir snang cir 'dug ltos// 'gyus dran 'dzin chags yul dang bral// ming med tshig gi rtog pa zad// rtogs shig rtogs shig skal ldan bu// zhes gsungs so// rdo rje yang rtse'i rgyud las/ las thams cad kyi le'u ste dgu pa'o// // rdo rje 'chang bas bka' stsal pa// nyon cig badz+ra sa twa khyod// dus gsum bde gshegs gsar chen ni// 'bum las 'ga' yis rtog par dka'// 'gyur med rang byung snying po 'di// gang du gyur kyang rang byung nyid/ gcig ni kun gyi rang bzhin te// sprul pa'i 'khor lo sna tshogs 'chang // mi 'gyur ba yi snying po dang // sku gsung thugs dang rgyas pa lnga// re re la yang
- 374b
gsum gsum ste// ting 'dzin 'phro 'du rdzas dang gsum// sprul pa yin pas cir yang 'gyur// rang byung ga deng dang ldan par gyis// rang byung snying po srog dang ming / zung du zhugs pas rang gshed bya'o// thabs dang shes rab gnyis med do// dpa' bo gcig pa'i 'khor lo ni// yul med ming dang bral ba la// rang byung snying po gcig pur rtogs// gcig pu rang yang phyogs dang bral// gang yang yin no tsa yang rung // rang byung snying po'i 'khor ba lo// gdeng chen rtogs pa'i 'khor la yin// sku gsung thugs kyi 'khor lo ni// sku srog 'khor lo yul la bskor// gsung ming 'khor lo tshig la bskor// thugs kyi 'khor lo rtogs pas bskor/ gsum tshan ska gsung thugs zhes bya// tha ba sa dang shes ra ba ye shes gsum// de la yon ta na nor bu 'dra// sna tshogs thugs rje las su mdzad// yon ta na 'phrin las 'khor lo yin// re re la yang gsum gsum du// cha ldan 'phrin las sgo nas bstan// 'jig rten dregs pa gzhom pa dang // 'byung ba 'khrug pa gzhom pa'o// 'di ni phyag na rdo rje dang // khro bo la sogs gshin rje las// dpa' bo gcig pa rang byung thugs// rgyu dang snag tsha skug gu ldan//
- 375a
thig bskor re ba pa lnga ru bskor// 'khor lo'i rtsibs bzhi brgyad cu drug/ sum cu rtsa gnyis drug cu bzhi// dpa' bo gcig pa sum sgril bris// g.yas dang g.yon dang rang byung ga zer// lha dang yig 'bru mtshon cha me// dug lnga 'byung ba skabs dang sbyar// ba sam pa sprob ba ra rdza sra gsum bya// dpa' bo gcig pa'i 'khor lo yin// zhes gsungs so// rdo rje yang rtse'i rgyud las/ thugs kyi 'khor lo'i le'u ste bcu pa'o// / de nas yang ni bshad par bya// nyon cig badz+ra sa twa khyod// rdzas ni rgya shog ro ras dang // gro ga sa lnga las dang sbyar// bsam pa ting nge 'dzin gyi las// rin chen 'phrul gyi snying po sgom// sems dpa' gsum ni gsal bar bya// ting 'dzin rnam gsum sems pa'i khar// yi dam zhi khro dus dang sbyar// de nas spro bsdu dbugs la bskyon// ba spu la sogs kun nas spro// re re'i sgo nas grangs med spro// spro bsdu dbugs kyi 'khor lo 'dod// 'khor lo'i rnam pa grangs mang yang // g.yas bskor g.yon bskor tsha lu gsum// steng gcod 'og gcod phyogs gcod gsum// da krugs dang bzlog dang rnal ma dgu// rkyang pa dang ni bcu ru bshad// 'khor lo bskor ba'i man ngag yin// pha bskor ma bskor
- 375b
rang bskor gsum// 'khor lo mdo yi bsdu sar bya// rang byung dmigs pa snying po'i klong // yul med med dang bral tsam na// 'gyus dran 'dzin chags 'khor ba'o// zhes gsungs so// rdo rje yang rtse'i rgyud las// 'khor lo gdams pa'i le'u ste bcu gcig pa'o// / de nas yang dag bshad bya ba/ nyon cig badz+ra sa twa khyod// sku gsum gyi 'khor lo bskor ba ni// mi skye chos can a yi bskor// rdzas tshogs rgyu ni ldan pa la// thig bskor rim pa lnga 'am drug/ lte brtsibs bzhi brgyad cu drug/ sum cu rtsa gnyis drug cu bzhi// a ni skye med a sbyor bkod// shis bstan pa'i 'khor lor bshad// dbyangs yig bcu drug brgyad pa la/ bcu drug 'jam dpal yi da ma sngags// bcu gnyis shi sa bstan pa dngos// drug pa 'khor lo lnga rdzogs nyid// skye med 'gag pa med pa'i chos// a ni chos kyi dbyings su gnas// sa ni chos nyid 'gyur ba med// ha ni 'gag med a ha chas// A ni skye med gnas su ldog/ skye 'byung med pa a ha ma// zhes gsungs so// rdo rje yang rtse'i rgyud las/ gsung gi 'khor lo'i le'u ste bcu gnyis pa'o// / de nas gzhan yang bshad bya ba/
- 376a
sku yi 'khor lo bstan pa ni// rdzas dang snag tsha 'tshogs pa la// thig le bskor rim gong dang 'dra// lte ba rtsibs bzhi dpa' bo lnga/ brgyad pa tshogs brgyad sems dpa' brgyad// gang bsgrub 'khor gyi lha tshogs so// bcu drug khro bcu thub pa drug/ sum cu gnyis la dbang mo mkha' 'gro bzhi// sku yi 'khor lo yin par 'dod// 'bru lngas gtso byas 'khor lo lnga// yon tan 'phrin las de bzhin shes// rin chen lta bupur yon tan 'byung // sa tshon gang sgrubs yi dam sngags// 'khor lo gong 'dra de la dgod// yon tan 'khor lo yin par 'chang// thugs rje'i byin rlabs cir yang ston// gang brtsams las de 'grub par 'gyur// ha sa mtshon gang sgrub gsang ba'i gnas// 'phrin las 'khor lor yin pas 'dod// thig bskor lnga drug rdzogs par bris// lte ba hUM la bzhi brgyad hUM// bcu drug ha la so gnyis hi// nad 'don thugs kyi 'khor lo yin// zhes gsung so// rdo rje yang rtse'i rgyud las/ 'khor lo rdzogs pa'i le'u ste bcu gsum pa'o// // de nas ston pas bka' stsal pa// nyon cig rdo rje sems dpa' khyod//
- 376b
thugs rje 'gro ba'i 'dzin pa na// dam tshig can gyi slob bu la// thugs rje can gyi slob dpon gyis// dam pasre snang ba sems bskyed bya// dad ldan bus kyang yid 'thad nor gyis slu// bla ma mchod dang chos skyong ba skang // sbyin pas dge ba'i tshogs sog bya// sdig sbyang chos ni 'chags pa'i rten// de ltar tshul dang mthun par bya// bla ma thugs rje byams ldan des// brda dang ngag gi slob bu bsal// khan bstan yul du dmichis la bstan// ngag brjod lce ces rna bar blugs// shes rab can gyi bu la bstims// phyi ltar snying po brda ru ston// nang ltar lus dang rtsa rlung sprod// gsang bar yi ge snying por khrol// don du chos nyid snying por 'dus// lnga skor gsum sgoms 'phrang du chug/ rang thog zangs kyi wa nas drongs// mthor ba thams cad de la bsdus// sku dang bum pa dkyil 'khor dang // dbyibs dang phyag mtshan sna tshogs gzugs// pad+ma dang ni rdo rje dang // rin chen rgya gram ral gri mda'// kha T+wAM phu ra pa zhing dbyug dang // gzhu dang dril bu zhags pa dang // lcags kyu zhags pa dgra sta dang // zlu ma po gru bzhi zla gam dang // gru gsum la sogs sna tshogs pa// kha dog la sogs de dang mtshungs// snang ba sna tshogs snying po nyid//
- 377a
snang ba yod med de la rtag/ gcig pos kun tu snang bas mchog/ ces gsungs so// rdo rje yang rtse'i rgyud las/ snang ba'i snying por bstan pa'i le'u ste bcu bzhi pa'o// // kun byed rgyal po kun bzang gis// sems dpa' 'khor la bka' stsal pa// nyon cig rdo rje sems dpa' rgya srid pa lus kyi grub tshul ni// rang byung rgyu rkyen snying po nyid// rang byung 'gyu ba rna tshel tshe// 'khrul pa'i lus rten 'od las lan// 'gyu ba rgyu la dkar dmar rkyen// 'gyu bar dor rkyen dang 'dzom// pho mo'i 'du 'phrod gzhal ya sa 'od// bar do de la snang log 'dzin// bdun phrag zla dgu ngo bcu ni// lus su rdzogs te ma las 'khrul// nang nas shes pa phyir mi gsal// zhag dang zla ba lo yis 'grib// gzung 'dzin shes pa je rags so// dug lnga chags sdang gzung 'dzin spyod// shes rab rtog spyod dge sdig go/ de ltar snying po lus kyi rgyu// ha gnyis kha sprad lus kyi rgyu// byung khog stong du brda sprad bsal// 'dang zhags skye ro smad rkang // gu gul thig le zla tshes mgo/ 'tsheng bu na ro rtsa dang skra// de ltar snying po nyid la grub// brda ru snying gi bu la ston// ngo sprod lus la rtsa gnad ston// pha rtsa ma rtsa rang rtsa gsum// lus dang sems kyi gzhi ma
- 377b
yin// 'gyu ba rlung gi rtsal rdzogs tshad// tha ma thig le rang gi sems// dang po rgyu las 'bras bu smin// pha rtsa shel gyi chu 'bab 'dra// tshad du smin pa smin dus yin// thod pa dbang mo sgal tshigs sbubs// rus pa'i rtsal rdzogs sen mo yin// rkang dang rkang mar klad gzhung nas// thig le nya mig bcud kyi mchog/ la la rtsa ste sga la tshogs sbubs/ ro ma dkar mo thabs rtsa ba// bde ba gsal ba rags pa g.yas// ma rtsa bcod kyi thag pa 'dra// tshad du smin pas mdzod spu yin// don snying nang khrod sha yi sbubs// dngas snyigs rlung rgyud rgyus mang bsgrags// rtsa rdzogs pags pa ba spu sla// sha dang don snying rtsa las khrag/ thig le dmar po zla tshigs 'dzin// ro// rkyang dmar te srog pa rtsa// don snying 'khor lo lnga dang 'brel// 'gag med rlung gzung shes rab mchog/ stong pa ma rtsa rags pa g.yon// de gnyis zung 'brel sgrog rus pags// de ltar lus po 'byung ba lnga la grub// snying po hUM gis sgra 'di rtags// sems can lus kyi sgra ru hUM// sangs rgyas kun gyi thugs su hUM// stong pa gsal ba 'gag me hUM// chos med snying po rang byung hUM// rang byung rtogs na grol bar 'gyur// mi 'gyur mthing ka rang gi rtsa// a wa d+hU ti kun d+harma// ye shes
- 378a
lnga rgyud tshon gyi sku// 'od lnga gzha' tshon nyi zer 'dra// pha ma gnyis kyi bar na rgyu// rdo rje pad+ma tshangs bug sgo// 'khor lo lnga dang 'brel pa'i rtsa// bzhi brgya bcu drug sum cu gnyis// drug cu rtsa bzhi lte ba'o// nyi khri chig stong rgyas pa'i rtsa// byang sems thig le 'gyu ba rlung // rdo rje gi rtsam du bshad// ces gsungs so// rdo rje yang rtse'i rgyud las/ snying pa'i lus su grub tshul gyi le'u ste bco lnga pa'o// // kun byed kun tu bzang pos bka' stsal pa/ nyon cig sems dpa' rdo rje khyod// sangs rgyas gsung la sems can sgra// snying po sgra yi gdams pa 'di// snying po yin par gzhi ru bca'// gang snang ming du btags pa kun// snying po'i chos su bsgrub par bya// chog tu yi ge ming gis btags// pa tags bsgrags gang brjod snying pa'i sgra// gzhi dang bsgrub byed gzhan 'a phrang bsnga mas// yi ge'i tshogs sogs grogs su 'gyur// ka kha ga g+ha nga/ tsa tsha dza dz+nyA nya/ Ta Sha Da D+ha Na/ ta tha da d+ha na/ pha pha ba b+ha ma/ ya wa ra la/ sha Sha sa ha/ k+ShaH/ a A/ i I/ u U/ e ai/ oM au/ r-i r-I/ l-i l-I/ aHAM/ de dag snying po hUM gi grogs// sku gsum khyab byed rgya ma
- 378b
chad/ da ni rang byung snying po'i chos// gcod byed cha ldan 'joms par byed// 'khor ba mya ngan 'das pa nya// gtan 'bebs thig le du sa la ba ba/ yod med gnyis la 'jug pa na// rig pa gan sa lugs 'khor ba'i rgyu// bskyed par byed pas chos nyid ma// rtsa ba nyam myong 'dzin pa yin// gnas lugs snying po wa nas drongs// zha' za byed stong pa'i dbyings// sku gsum mya ngan 'das pa yA// thugs rje gnas lugs shes rab shugs// sa ni 'gyur ba med par brten ha ni 'gag med snying po'i dbyings// skye ba med pas snying po A// mgo 'dren 'bod bde skabs su 'byed// 'dzin pa mkhyen byed gcod pa dang // 'brel khyab sdud pa snying po'i grogs// snying po min pa gang zhig brjod// yi ge min pa srog snying gang // yi 'bru med par gzugs snang ci// srog dang snying po gdams pa yin// srog ni gzugs la snying po ming // gzugs nas gzung nas snying pos bod// ces gsungs so// rdo rje yang rtse'i rgyud las// gsang ba sgra dang srog gi le'u ste bcu drug pa'o// / de nas ston pas bka' stsal pa// nyon cig sems dpa' rdo rje che// rdo rje hU ste hU zhes sgrogs// thig le nyag gcig man ngag ni// sgom du
- 379a
ci yang med pa las// yengs pa med pa'i man ngag bstan// rdo rje 'phrul gyi snying po sku// rdo rje skye med 'gag med thugs// rdo rje bzhi bskor ma yengs bzlas// rdo rje rdo rje shib bu dang // gnod byed 'gog pas a tir bzlas// sems la sku gsal bla mA dran// rdo rje bzlas pa rang bar bzlas// rdo rje shi ba bu bzlas pa ni// so dang mchu ni mnyam sbyar la// lce yi rtse mos cung zad bskul// tshig gi sgra ni sbyangs pa'i glu// rdo rje shib bu'i bzlas pa'o// 'gog pa dag ni bzlas pa ni// nad dang gdon ngos gzung ba las// gtong 'phang smad sgyur bar nas rton// bsregs bsad char dbab mchod par dbul// 'gyus dran 'dzin chags rnam rtog 'gog/ 'gyus dran 'dzin chags gang snang la// yod med gang 'dug ci 'dug pa rtag/ nga rang snying po rang byung chos// gzugs med srog chod snang ba med// tshig med ming bral snying po rig/ a ni skye med bzlas pa'o// gsang sngags rig sngags gzungs sngags kun// gang zlos snying po hUM gi rta// yi ge 'bru yi sgra ltar ro// chen po 'thug po ring po thung // drang po bzlog pa rnal ma rnams// kun kyang snying po hUM gi sgra// gsang bar bzlas dang 'brug ltar sgrogs//
- 379b
rang sor tshig gsal mchod pa bzlas// zhes gsungs so// rdo rje yang rtse'i rgyud las/ bzlas lugs kyi le'u ste bcu bdun pa'o// / / de nas ston pas bka' stsal pa// nyon cig badz+ra sa twa khyod// ngo bo'i rgyud dang tshig gi rgyud// rgyud kun gyi ni bdag po dang // lta ba phyogs dang bral ba'i don// ma bris dkyil 'khor snang ba'i mchog/ dbang mchog snying po rang byung dbang // 'gyus dran 'dzin chags yangs med sgrogs// dam tshig 'khu 'brigs spangs pa'i gdengs// spyod pa shugs byung tshul 'chos med// 'phrin las 'gro don rdzogs pa yi// gsang sngags snying po hUM gi rgyud// 'brel dang ma tshang med pa yin// yongs su rdzogs pas ma tshang med// bsnyen pa nye bsnyen bsgrub pa las// bskyed dang rdzogs dang rdzogs pa che// 'di ni a ti snying po'i rgyud// gsang sngags bstan pa dar ba'i dus// dus kyi snyigs ma las ngan byed// rgyal po mnga' 'bri dmangs kun rang dgar spyod// de dus nga yi rgyud 'di dar bar 'gyur// ma nyams gsang thub re dogs bral// grol bar 'gyur te the tsom med// chos kyis zong byed slob dpon 'phrag tshongs byed// sdig la mi 'dzim tshul 'a chos dge ba byed// mched kyi khrel med slob dpon mnyes mi
- 380a
byin/ dngos su ma rjes 'brangs ngan song dmyal ba'i gnas// zhes gsungs so// rdo rje yang rtse'i rgyud las/ rgyud kyi don bsdus pa dang dar dus kyi le'u ste bco brgyad pa'o// // kun byed ston pas bka' stsal pa// 'khor tshogs badz+ra sa twa khyod nyon cig/ snying po gong du gyur pas sangs rgyas thugs// rtsa ba 'dus pas sems can gzhi// myang 'das thugs la 'khor ba'i dbugs// gong du gyur dang gong na med// rtse mo zang thal rin chen tog/ sangs rgyas thams cad dgongs pa gcig/ sems can kun gyi yid du gnas// 'khor ba'i bsham du 'dus pa yin// 'gro drug khams gsum hUM gi skad// mi mthun pa dang / ga la srid// stong pa sems kyi rang rtsal yin// rtse mor gar 'gyur rtsa ba bsham du 'dus// dus kyi tha ma snying po dar bar nges// gces pa'i man ngag bla med snying po'i rgyud/ snyigs ma'i dus su chos 'di 'byung bar 'gyur// zhes gsungs so// rdo rje sems dpas 'di skad zhus// de ltar chos 'di 'byung ba 'di// byin gyis brlabs kyi 'byung mi 'byung // gang gi sa phyogs dar bar 'gyur// gang zag gang gis 'dzin pa lags// zhes zhus pas/ rdo rje 'chang bas 'di skad gsungs// byin gyis brlabs
- 380b
kyis 'byung bar 'gyur// nga nyid sprul pa rdo rje sems// rdo rje 'chang ba bar ma khyod// khyod nyid sprul pa rdo rje'i rigs// pad+ma'i ming la rdo rje'i sku// rgyal rigs o n+ya na rdo rje 'chang // rdo rje 'chang ba tha ma des// sa 'dul bod yul rgyal po dang // blon po sprul sku cig la gtad// de nas skal ldan rims brgyud nas// gsang sngags bka' 'chol dus su dar// ces gsungs so// rdo rje yang rtse'i rgyud las/ chos kyi dar sa 'byung dus kyi le'u ste bcu dgu pa'o// / yang ston pas bka' stsal pa/ nyon cig rdo rje sems dpa' sogs// snying po'i chos min rang byung 'di// dper na nor bu rin chen 'dra// thams cad mi 'byung gang yang med// 'gyur ba med pas gser dang 'dra// gang ltar sprad kyang snying po nyid// rang byung gzhi na sa nam mkha' 'dra// stong pa dngos por snang bar byed// sgyu ma mkhan gyi dpe dang 'dra// gcig las thams cad sprul par snang // rgya mtshor gza' skar sha ra ba 'dra// za ba la ma 'dres kun gsal chos// nam mkha' sprin 'dus thog dang 'dra// dngos po'i rdzas kun rlag par byed// sman gyi rgyal po gze ta 'dra// gang la reg pa sman du 'gyur// 'khor los sgyur ba'i rgyal po 'dra//
- 381a
log lta dgra bgegs 'dul bar byed// nam mkhar nyi ma shar ba 'dra// ma rig sdig sgrib sbyong ba'o// sman gyi rgyal po ga pur 'dra// rtogs dang ma rtogs khyad par che// thang ka mnyam po'i chu dang 'dra// gang dang gang yang gdul bya'i chos// snying po 'di ni kun gyi las// zhi rgyas dbang dang mngon spyod ston// 'di ni srung ba bla na med// hU brjod dpa' bo gzhan gyi min// hUM sgoms rdo rje 'jigs dral med// hUM rtogs nam mkha' gcad du med// dri chen dri chu byang sems bzang // gla ba tshil chen gu gul dang // rta bon mu zi bsku zhing brtags// sman drug pu ra ma ka ra ni// tsha grang gnyis la sbyar zhing btang // rtsa chu gnyis kyis na dngos gzung // srin bya'ug pa pha rog mig mig mthong gdon ngos bzung ba'i rdzas// gu gul rta bon tshal chen ni// gdon ba skad yi dgas kha'aching rdzas// 'o ma can dang tshe ra ma can// sbyin sreg zhi drag gnyis kyi rdzas// ro g.ya mthod pa ming dang gzugs// rgya gram dpa' po bco lnga bris// gnan pa rdo rje kha non rdzas// khrag sna dug sna sngo dang chu// log rtog rlung la bskur ba'i rdzas// chungs kar nyungs nag mda' phur khrag/ srog la zor thun pa sad pa'i rdzas// hU bsgoms hUM brjod ma dpung mtshon// thog ris rdegs mdzub ser ba bzlog/ ces gsungs so//
- 381b
rdo rje sems dpas 'di skad zhus// ston pas gsungs pa'i rgyud 'di la// mtshan du ji skad gzung bar bgyi// 'khor tshogs 'di la nges par gsungs// zhes zhus pas/ kun tu bzang pos bka' stsal pa// ngas bshad snying po don gyi rgyud// sangs rgyas dgongs pa 'dus pa'i chos// dgongs pa 'dus pa'i rgyud du gsungs// gsang ba'i snying po chos med ston// gsang ba snying po'i rgyud du zung // rang byung snying po rdo rje ston// rang byung snying po rgyud du zung // 'og min gnas kyi dang por gsungs// rdo rje yang rtse'i rgyud du zung // zhes gsungs nas// bka' stsal pa/ gsang sngags 'di ni bab cho la spyod// dam tshig nyams pa'i chos byed kun// na rag yi dgas lkugs/ par shog/ mi bzang srin po bdud mo yis// grogs dang bu tsha 'khor du shog/ yid 'ong grogs dang bral bar shog/ ming btags sde brgyad lha srin gyis// rtag tu 'tshe zhing snying 'byin shog/ byams pa'i gnyen med mi rnams kun// rtag tu dgra yi las byed shog/ bu dang slob bu bslabs 'gying ste// srin bya'i skad bzhin snyen med/ shog/ 'byung ba 'khrugs pas 'du ba'i nad// rtag tu lus la 'byung bar shog/ gdug pa klu dang dgras spar dang // rtag tu lus sems bde bar shog/ bla ma mnyes byed/
- 382a
lus srog nor// reg pa dam tshig gtsang mar bsrun// 'khor drug yangs phyir mi ldog par// dge sbyod grogs rnyed 'khor rnyed shog/ lha srin 'khor byed par chod sel bar shog/ mgo nag mi byams rgyal po'i bka' bzhi na shog/ nad med lus bde nyams myong rang 'bar shog/ klu 'go bsod nams dge rgyas shog ces gsungs so// rdo rje yang rtse'i rgyud las/ dpe dang bsrung rdzas rgyud mtshan smon lam gyi le'u ste nyi shu pa'o// // de nas ston pa kun byed rdo rje/ 'chang 'od gsal kha dog snying po'i 'od// hUM las kha dog lngar bstan nas// rdo rje 'chang ba dang po'i sku ru bzhugs// hUM las ha byung a ru rtogs// zhes gsungs so// rdo rje sems dpa'i 'khor dang / mkha' 'gro ma rdo rje drag mo la sogs pa rigs lnga'i mkha' 'gro ma dang / rdo rje'i rigs kyi lha brgya stong gis me tog dang mchod pa'i tshogs kyis mchod kyin mngon par bstod pa/ ston pa'i ston pa rdo rje 'chang // kun tu bzang po kun byed sku// snying pa'i chos 'chang rdo rje thugs// snying po skye med sku la bstod// 'dus pa'i tshogs la rgyud bshad ngo mtshar che// rang byung snying po'i sku de rdo rje rgyud// gsang ba mngon du ston pa man ngag chos// 'khor tshogs 'di la gnang po yi rang ngo //
- 382b
zhes gsungs so// ston pa nyid mya ngan las 'das pa'o// de nas rdo rje sems dpas/ kye ma kyi hud kyi hud ces gsungs shing // mi snang mi 'khor rdo rje 'chang // phyir mi ldog pa kun tu bzang // snying po chos dbyings rdo rje'i sku// byin gyis brlabs kyis gzung bar zhus// zhes gsungs nas/ rgyud 'di bsdus nas sprul pa'i sku pad+ma 'byung gnas la gsungs so// rdo rje yang rtse'i rgyud las/ rjes su yi rang ba'i le'u ste nyer gcig pa'o// // rdo rje yang rtse'i rgyud rdzogs so// / rgya gar skad du/ badz+ra pa ye ke tu hr-i da ya ta na tra nA ma/ bod skad du/ rdo rje yang tog gi snying po'i rgyud ces bya ba/ dpal rdo rje 'chang chen po rang rig pa la phyag 'tshal lo// 'di skad bdag gis thos pa dus gcig na/ ston pa rdo rje 'chang chen sku// chos dbyings snying po rang byung gnas// snga phyi med pa snying po'i don// rang byung sprul pa'i nyid kyi 'khor// rang byung snying po rtogs pa'i chos// gcig las thams cad 'byung bar rtags// yang dang bral ba'i thig le ni// ci yang yin par thams cad grol/ de nas rdo rje sems dpa' dang // rdo rje dbyings kyi mkha' 'gro ma// rdo rje drag mo nyi zla'i gdong //