F74MW1KG13607_0074dkon btsegsAll versions of this work

'phags pa 'od srung gi le'u zhes bya ba theg pa chen po'i mdo

Aryakaśyapaparibartanamamahayanasutra

Text

ff. 159a–202a · 87 folio sides

  1. 159a

    mi dang lha ma yin dang / dri zar bcas pa'i 'jig rten yid rangs te/ bcom ldan 'das kyis gsungs pa la mngon par bstod do// / 'phags pa dkon mchog brtsegs pa chen po chos kyi rnam grangs stong phrag brgya pa las/ byams pas zhus pa zhes bya ba'i le'u ste/ 'dus pa bzhi bcu rtsa gnyis pa rdzogs s+ho// / shu log ka brgya bcu rtsa gsum mchis// 6/ rgya gar skad du/ ar+ya ko sh+ya pa pa ri pa rta na ma ma ha ya na su tA/ bod skad du/ 'phags pa 'od srung gi le'u zhes bya ba theg pa chen po'i mdo// sangs rgyas dang byang chub sems dpa' thams cad la phyag 'tshal lo// 'di skad bdag gis thos pa dus gcig na/ bcom ldan 'das rgyal po'i khab pa rgod phung po'i ri la/ dge slong brgyad stong gi dge slong gi dge 'dun chen po dang / byang chub sems dpa' sangs rgyas kyi zhing sna tshogs nas 'dus pa khri drug stong thams cad kyang 'di lta ste/ bla na med pa yang dag par rdzogs pa'i byang chub tu skye ba gcig gis thogs pa sha stag dang thabs gcig tu bzhugs te/ de'i tshe na tshe dang ldan pa 'od srung chen po 'khor de nyid du 'dus par gyur nas 'dug go// de nas bcom ldan 'das kyis tshe dang ldan pa 'od srung chen po la bka' stsal pa/ 'od srung chos bzhi po 'di dag ni byang chub sems dpa' shes rab yongs su nyams par 'gyur ba ste/ gzhi gang zhe na/ 'di lta ste chos dang chos smra ba la mi gus pa yin/ chos smra ba la ser sna

  2. 159b

    byed cing chos la slob dpon gyi dpe khyud byed pa yin/ chos 'dod pa'i gang zag rnams la chos kyi bar chad byed cing 'dun pa zlog par byed/ rnam par 'khrug par byed de/ mi ston cing rab tu 'chab pa yin/ mngon pa'i nga rgyal gyis bdag la stod cing gzhan la smod yin te/ 'od srung chos bzhi po de dag ni/ byang chub sems dpa'i shes rab yongasu nyams par 'gyur ba'o// de la 'di skad ces bya ste// chos smra ba la gus pa med pa yin// chos la ser sna byed par gyur pa dang // chos la slob dpon dpe mkhyud byed pa yin// chos 'dod rnams la bgegs ni byed gyur cing // 'dun pa zlog la de bzhin rnams 'khrug byed// rgyal bas bsngags pa'i chos ni yong mi ston// lo lo can de bdag stong rtag tu brtson// gzhan la smod par byed la mngon par dga'// chos bzhi 'di dag rgyal ba'i sras rnams kyi// shes rab nyams par 'gyur bar rgyal bas gsungs// chos bzhi 'di dag rab tu spangs byas la// rgyal bas gsungs pa'i chos bzhi gzhan bsgom mo// 'od srung chos bzhi po 'di dag ni byang chub sems dpa'i shes rab chen por 'gyur ba ste/ bzhi gang zhe na/ 'di lta ste chos dang chos smra ba la gus pa dang bcas pa yin/ zang zing med pa'i sems kyis rnyed pa dang / bkur sti dang / tshig su bcad pa la mi re bar ji ltar thos pa dang / ji ltar khong du chud pa'i chos rnams gzhan dag la rgya cher yang dag par rab tu ston par byed pa yin/ mang du

  3. 160a

    thos pa las shes rab 'byung bar rig nas/ mgo 'am gos la me 'bar ba bzhin du thos pa yongasu tshol zhing ji ltar thos pa'i chos rnams 'dzin par byed ba yin/ nan tan snying por byed kyi/ smra ba dang brjod pa'i tshig lhar sten pa ma yin te/ 'od srung chos bzhi po 'di dag ni byang chub sems dpa'i shes rab chen por 'gyur ro// de la 'di/ skad ces bya ste/ chos smra ba la gus dang bcas pa yin// zang zing med par rnyed dang bkur sti la// re ba med cing tshigs bcad mi sems par// ji ltar thos pa'i chos rnams gzhan la/ ston// thos las shes rab 'byung bar des rig nas// mgo la 'bar bzhin rtag tu thos pa tshol// de ni ji ltar thos pa'i chos rnams 'dzin// chos bzung nas ni nan tan bya phyir gnas// mkhas de nan tan snying por byed pa yin// tshig lhur mi len smra ba lhur mi len// mkhas pas chos bzhi 'di dag bsten byas nas// rgyal bas bsngags pa'i shes rab thob par 'gyur// 'od srung byang chub sems dpa' chos bzhi dang ldan na/ byang chub kyi sems brjed par 'gyur te/ bzhi gang zhe na/ 'di lta ste/ slob dpon dang / bla ma dang / sbyin gnas la slu ba dang / gzhan 'gyod pa med pa dag la 'gyod pa nye bar bsgrub pa dang / theg pa chen po la yang dag par zhugs pa'i sems can rnams la bsngags pa ma yin pa dang / mi snyan pa dang / rjod pa ma yin pa'i sgra tshis su bcad pa byin pa dang / sku dang g.yos gzhan la nye bar spyod kyi/ lhag pa'i bas phe bas ma yid pa ste/ 'od srung byang chub sems dpa' chos pazhi dag dang ldanan/ byang nug

  4. 160b

    kyi sems brjed par 'gyur ro// de la 'di skad ces bya ste// sbyin gnas bla mas bsgo bzhin mi byed dang // gzhan dag la yang the tsom nyer sgrub dang // sems can gang dag byang chub ba zhugs pa/ de la bsngags min mi snyan smra ba dang // sgra dang g.yo dang brgyan la dor byed pas// gzhan la sten gyi bsam pas ma yin pa// chos bzhi 'di dag kun tu bsten byas na// sangs rgyas byang chub sems mchog nyams par 'gyur// de lta bas na chos 'di bsten byed no// byang chub mchog las de ni ring bar 'gyur// de las zlog pa bsten par byed na na// byang chub mchog rab bsngags pa reg par 'gyur// 'od srung byang chub sems dpa' chos bzhi dang ldan na skye ba thams cad du skyes ma zag tu/ byang chub kyi sems mngon tu 'gyur te/ byang chub kyi snying po la 'dug gi bar du bar ma dor brjed par mi 'gyur ro// bzhi gang zhe na/ 'di lta ste/ srog gi phyir ram/ zan bzhad dgad kyi phyir yang brdzun gyi tshig mi smra ba dang / sgyu dang g.yo med par sems can thams cad kyi drung na/ lhag pa'i bsam pas gnas pa dang / byang chub sems dpa' thams cad la ston par 'du shes skyed par byed cing / de dag gi yang dag pa'i bsngags pa phyogs bzhir brjod pa dang / nyi tshe ba'i theg pa mi 'dod pa'i phyir/ sems can gang rnams yongasu smin par byed pa de dag thams cad kyang bla na med pa yang dag par rdzogs pa'i byang chub yang dag par 'dzin tu 'jug pa ste/ 'od srung chos bzhi po de dag dang ldan pa'i byang chub sems dpa'i skye ba thams cad du skyes ma thag tu byang chub kyi sems mngon tu 'gyur te/ byang chub kyi snying po la 'dug gi bar tu bar ma dor brjed par mi/

  5. 161a

    'gyur ro// de la 'di skad ces bya ste// srog gi phyir yang brdzun tshig mi smra zhing // rtag tu don dang ldan pa'i tshig rnams smra// sgyu dang g.yo ni rtag tu rnams/ spangs te// lhag pa'i bsam pas rtag tu sems can lta// sems can dag la byang chub gang zhags pa// byang chub sems dpa' de la ston par sems// po'i 'du shes nye bar bzhag nas kyang / de dag bsngags pa phyogs bzhir brjod par byed// sems can gang dag yongs su smin byed pa// bla med ye shes yang dag 'dzin tu 'jug/ chos de dag la rab tu gnas pa rnams byang chub sems ni nams yang brjed mi 'gyur// 'od srung byang chub sems dpa' chos bzhi dang ldan pa'i dge ba'i chos skyes shing 'byung ba rnams yongs su zad par 'gyur te/ dge ba'i chos de dag gis rgyas par mi 'gyur ro// bzhi gang zhe na/ 'di lta ste/ mngon pa'i nga rgyal gyis 'jig rten rgyang phan pa'i gsang tshig tshol ba dang / rnyed pa dang / bkur sti la lhag par zhen pas khyim la lta ba dang / byang chub sems dpa' la rnam par sdang zhing skar pa 'debs pa dang / ma thos pa dang / ma zin pa'i mdo ste rnams spong ba ste/ 'od srung byang chub sems dpa' chos bzhi po de dag dang ldan pa'i chos skyes shing byung ba rnams yongs su zad par 'gyur te/ dge ba'i chos de dag gis rgyas par mi 'gyur ro// de la 'di skad ces bya ste// nga rgyal gyis ni 'jig rten rgyang phan tshol// rnyed kyi phyir ni khyim la sbyor ba byed// byang chub sems dpa' sangs rgyas sras la sdang // de dag sngags min kun tu smra bar byed// de ni ma thos pa dang ma zin mdo// bde bar gshegs pas

  6. 161b

    gsungs pa spong bar byed// chos 'di dag dang ldan par gyur pa ni// dge ba'i chos kyis rgyas par mi 'gyur ro// de ltar byang chub sems dpa' mkhas pa yis// chos bzhi 'di dag rgyad bsrid/ rnam par spang // 'di dag bsten na byang chub rab ring ste// gnas sa ring bas shin tu ring bar 'gyur// 'od srung byang chub sems dpa' chos bzhi dang ldan na khyad par du 'gro bas yongasu mi/ nyams pa'i chos can du 'gyur te/ bzhi gang zhe na/ 'di lta ste/ 'di ltar pha rol tu phyin pa drug dang ldan pa/ byang chub sems dpa'i sde snod tshol ba la brtsams nas legs par thos pa chol gyi nyes par thos pa mi tshol te/ sems can thams cad la nga rgyal med pa'i phyir/ sems khyi dang 'dra ba yin/ chos kyi rnyed pas mchog par 'dzin te/ log par tshol ba thams cad yongs su spangs shing / 'phags pa'i rig kyis chog par 'dzin pa yin/ gzhan dag gi ltung ba byung ba dang ma byung ba mi gleng zhing / gzhan dag gi 'khrul pa gzhan dang gzhan mi tshol ba yin/ sangs rgyas kyi chos zab mo gang dag de'i blos mi rtogs pa de la sangs rgyas kyi byang chub ni mtha' yas shing / sems can mos pa tha dad pa rnams la de bzhin gshegs pa rnams kyi chos bstan pa 'jug ste/ de bzhin gshegs pa nyid kyis mkhyen gyi/ bdag gis ni mi shes te/ de bzhin gshegs pas mngon gsum mo zhes byas nas mi spong ba ste/ 'od srung byang chub sems dpa' chos bzhi po de dag dang ldan na/ khyad par du 'gro bas mi nyams pa'i chos can du 'gyur ro// de la 'di skad ces bya ste// de ni rtag tu pha rol phyin rnams dang // thabs la mkhas pas

  7. 162a

    byang chub sde snod brtson// nga rgyal med pas khyi 'dra sems kyis su// sems can kun la nga rgyal bcag pa yin// chos dang mthun pa'i rnyed pas chog shes shing // 'tsho ba yongs dag 'phags pi rigs la gnas// gzhan bya ltung ba gang bar ma bdang // gzhan gyi 'khrul pa tshol bar mi byed cing // gzhan gyi ltung ba gleng bar ma byed// gang la de'i blos ni mi rtogs pa// de la de bzhin gshegs pa mngon gsum ste// bder gshegs bshad pa'i byang chub mtha' yas pas// rgyal bas mkhyen gyi bdag gis mi shes so// chos bzhi 'di dag rig par gyur pa ni// ye shes khyad par 'phags mchog nyams mi 'gyur// chos 'di dag la rab tu gnas pa ni// rgyal bas bsngags pa'i byang chub rnyed mi dka'// 'od srung chos bzhi po 'di dag ni gya gyu can gyi sems bskyed pa ste/ de dag byang chub sems dpas yongasu spang bar bya'o// gzhi gang zhe na/ 'di lta ste/ sangs rgyas kyi chos rnams la som nyi dang yid gnyis dang / the tsom za ba dang / sems can rnams la nga rgyal dang / rgyags pa dang / 'chab pa dang / khro ba dang / gnod par sems pa dang / gzhan gyi rnyed pa rnams la phrag dog dang / ser sna byed pa dang / byang chub sems dpa' rnams la bsngags pa ma yin pa dang / mi snyan pa dang / brjod pa ma yin pa'i sgra tshig su bcad pa 'byin pa ste/ 'od srung chos bzhi po de dag ni ma thu cad gyi sesem bskyed pa ste/ de dag byang chub sems dpas yongs spang bar bya'o// de la 'di skad ces bya ste// chos rnams la nis ma nyi yi gnyis byed// sems ca

  8. 162b

    rnams la nga rgyal rgyags khro ston// gzhan gyi rnyed la ser sna phrag dog byed// rgyal ba la ni nams kyang dad mi byed// mi mkhas rtag tu byang chub sems dpa' la// bsngags pa min dang brjod min mi snyan brjod// gya gyu can gyi sems gzhi rnam par spang // byang chub sems dpas rtag tu sems can bsten// 'od srung bzhi po 'di dag ni byang chub sems dpa' drang po'i drang ba'i mtshan nyid yin te/ gzhi gang zhe na/ 'di lta ste/ ltung ba rnams mi 'chab cing rjod de/ rnam par 'byed pa dang / 'chags pas kun nas ldang ba med pa yin/ de'i bden pa'i tshig gang gis rgyal srid stor pa 'am/ nor yal ba 'am/ srog gi bar chad du 'gyur yang bden pa'i tshig mi 'khyud cing / gzhan yang gzhan du sbyar pa'i tshig mi smra ba yin/ gzha gyis gnod par bya bar skur pa dang / 'tshang 'dra ba dang / smod pa dang / bshad pa dang / bsdig pa dang / rdeg pa dang / gsod pa dang / 'ching bar byed pa'i nyes pa thams cad la bdag gis nyes par sems shing / las kyi rnam par smin pa la rten pas gzhan dag la mi 'khrug shing mkhon tu 'dzin pa med pa yin/ de dad pa la rab tu gnas pa yin te/ bsam pa yongs su dag pa'i phyir thams cad dad par mi 'gyur ba'i sangs rgyas kyi chos la mngon par dad pa ste/ 'od srung bzhi po de dag ni byang chub sems dpa' drang po'i mtshan nyid yin no// de la 'di skad ces bya ste// ltung ba byung ba 'chab par mi byed kyi// rjod cing rnam par 'byed de nyes pa 'dor// nor dang rgyal srid phyir dang srog phyir yang // 'du shes bskur te rdzu

  9. 163a

    pa'i tshig mi smra// skur dang smod dang bshang dang gsod pa dang // 'ching ba byed dang go rar bcug pa la// bdag gis nyes sems gzhan la 'khrub mi byed// las ni bdag gir bya bas kho na mi 'dzin// de ni bde gshegs rnams kyi byang chub dang // dad la gnas shing bsam pa dang ldan pa// 'di dag drang ba'i mtshan nyid sangs rgyas gsungs// sems can mchog gis rtag tu bsten par bya// 'od srung bzhi po 'di dag ni byang chub sems dpa' dmu rgod de// bzhi gang zhe na/ 'di lta ste/ thos pa la gces pa 'dor ba'i chos su gnas shing chos kyi rje su 'thun pa'i chos bsgrub pa la nan tan du mi byed pa yin/ rje su bstan pa la gces pa 'dor ba'i chos su gnas shing / slob dpon dang mkhan po la sri zhu mi byed pa yin/ dam bcas pa las nyams kyang dad pas byin pa kun spyod de/ dad pas byin pa log par ltung bar byed pa yin/ byang chub sems dpa' 'dul ba cang shes rnams mthong na/ mi gus shing nga rgyal 'dzin pa yin te/ 'od srung bzhi po 'di dag ni byang chub sems dpa' dmu rgod do// de la 'di skad ces bya ste// thos pas rgod par gnas par byed pa yin// rjes su bston pa'i chos nyid rtogs mi 'gyur// de ni chos kun gces pa 'dor ba sten// 'phags pa rnams la nam yang sri zhu med// dam bcas nyams kyang dad pas byin pa yi// kha zas rnams la de ni rtag tu za'// byang chub sems dpa' cang shes thob pa dag/ mthong bar gyur na gus par mi byed cing // dmu rgod de ni nga chag

  10. 163b

    'phel bar byed// byang chub sems dpa' nga rgyal gcig mi sten// 'di dag dmu rgod de bzhin gshegs pas gsungs// de dag rgyal sras rnams kyis yongs su spang // 'od srung bzhi po 'di dag ni byang chub sems dpa'i cang shes pa ste/ bzhi gang zhe na/ 'di lta ste/ legs par thos par nyan cing de la nan tan du byed de/ don la rton kyi tshig 'bru la mi rton pa yin// gdags ngag dang rjes su bstan pa la mthun par 'dzin cing bka' blo bde ba la legs par byed pa'i las byed cing bla ma la sri zhu bya ba tshar phyin pa yin/ tshul khrims dang ting nge 'dzin las ma nyams te/ cang shes pas zas za ba yin// byang chub sems dpa' dul ba cang shes rnams mthong na gus ba dang bcas par de la gzhol// de la 'bab te de la bab cing de'i yon tan 'dod pa yin te/ 'od srung chos bzhi po de dag ni byang chub sems dpa' cang shes so// de la 'di skad ces bya ste// gang mnyan de ni legs par thos par byed// chos don snying por byed cing nan tan gnas// rjes su bstan pa mthun par 'dzin byed cing chos 'dod bka' blo bde bar bla ma sten// tshul khrims ting nge 'dzin la rtag gnas shing // tshul khrims bsdams nas de ni bza' ba za// gus dang bcas shing zhe sar bcas pa yin// de la gzhol zhing der 'bab yon tan 'dod// rgyal sras gang dag cang shes thob gyur pa// de dag la ni rtag tu dag

  11. 164a

    bas lta// bde bar gshegs pas bstan pa 'di bzhi ni// bder gshegs sras po cang shes thob pa yin// 'od srung bzhi po 'di dag ni byang chub sems dpa'i 'khrul pa ste/ bzhi gang zhe na/ 'di lta ste/ sems can yongs su smin par ma byas pa rnams la yin rton pa/ byang chub sems dpa'i 'khrul pa dang / sems can snod du ma gyur pa rnams la/ sangs rgyas kyi chos rgya chen po ston pa dang / byang chub sems dpa'i 'khrul pa dang / rgya chen po la mos pa'i sems can rnams la/ theg pa dman pa ston pa/ byang chub sems dpa'i 'khrul pa dang / sems can yang dag pa la rab tu gnas pa/ tshul khrim dang ldan pa dge ba'i chos can rnams la brnyas shing tshul khrims 'chal pa sdig pa'i chos can kun tu sdud pa/ byang chub sems dpa'i 'khrul pa ste/ 'od srung bzhi po de dag ni byang chub sems dpa'i 'khrul pa'o// de la 'di skad ces bya ste// yongasu ma smin rnams la yid mi brtan// snod min rnams la rgya cher chos mi bshad// rgya chen sems can rnams la theg pa dman// byang chub sems dang mchog gi bshad mi bya// yang dag gnas shing tshul khrims yon tan ldan// dge ba'i chos can rnams la brnyes mi bya// tshul khrims 'chal ba'i sems can yongs mi sdud// sdig pa'i chos rnams yongs su spang bar bya// 'khrul pa'i chos bzhi 'di dag shes gyur nas// byang chub sems dpas rgyang bsring rnam par spang // 'di dag bsten na byang chub 'tshang mi/

  12. 164b

    de lta bas na mkhas pas chos 'di spang // 'od srung bzhi po 'di dag ni byang chub sems dpa'i lam ste/ bzhi gang zhe na/ 'di lta ste/ sems can thams cad la sems mnyam pa dang / sems can thams cad la mtshungs par chos ston pa dang / sems can thams cad sangs rgyas kyi ye shes yang dag par 'dzin tu 'jug pa dang / sems can thams cad la yang dag par sbyor ba ste// 'od srung bzhi po de dag ni byang chub sems dpa'i lam mo// de la 'di skad ces bya ste// sems can rnams la rtag tu sems snyoms bya// sangs rgyas theg mchog yang dag 'dzin tu 'jug rgyal bas bsngags pa'i chos ni bstan par bya// sems can kun la dang ba'i sems su bya// yang dag sbyor zhing nan tan byed par gnas// sems can kun la mtshungs par spyad par bya/ chos bzhi 'di dag rgyal bas rab bsngags te// rgyal sras rnams kyis de dag rtag tu bsten// 'od srung bzhi po 'di dag ni byang chub sems dpa'i bshes gnyen ngan pa/ grogs po ngan pa ste/ de dag byang chub sems dpas yongasu spang bar bya'o// bzhi gang zhe na/ 'di lta ste/ nyan thos kyi theg pa pa bdag la phan pa'i phyir zhugs pa dang / rang sangs rgyas kyi theg pa pa don nyung zhing bya ba nyung ba dang / 'jig rten rgyang phan pa gsang tshig sna tshogs kyi spobs pa can dang / gang la bsten pas 'jig rten gyi zang zing kun sdud par 'gyur gyi/ chos kun mi sdud pa'o/ 'od srung bzhi po de dag ni/ byang chub sems dpa'i bshes gnyen ngan po grogs po ngan pa ste/ de dag byang chub sems dpas longasu spang bar bya'o// de la 'di skad ces bya ste//

  13. 165a

    nyan thos gang dag bdag phan brtson pa dang // gang dag rab tu byung nas rnal 'byor spyod// rang sangs rgyas pa gang dag byed nyung zhing // bdag gi don tu 'du 'dzi rnam par spong // byis pa gang dag 'jig rten rgyang phan klog/ ji ltar bstan bzhin gang dag 'dir rtsod byed// gang la brten na zang zing kun sdud kyi// chos 'di nam yang sdud par mi byed pa// de bzhi byang chub sems dpas rab spangs nas// dge ba'i bshes gnyen bzhi la brten par bya// 'di dag bshes gnyen ngan dang grogs ngan du// rgyal bas gsungs te bgo ma srid yongasu spong // 'od srung bzhi po 'di dag ni byang chub sems dpa'i dge ba'i bshes gnyen te/ bzhi gang zhe na/ 'di lta ste/ byang chub kyi lam ston pa'i phyir slong ba byang chub sems dpa'i dge ba'i bshes gnyen dang / thogs pa'i shes rab rton pa'i phyir chos smra ba byang chub sems dpa'i dge ba'i bshes gnyen dang / dge ba'i rtsa ba thams cad rton pa'i phyir/ rab tu 'byung ba yang dag par 'dzin tu 'jug pa byang chub sems dpa'i dge ba'i bshes gnyen dang / sangs rgyas kyi chos thams cad rton pa'i phyir// sangs rgyas bcom ldan 'das rnams byang chub sems dpa'i dge ba'i bshes gnyen te/ 'od srung bzhi po de dag ni byang chub sems dpa'i dge ba'i bshes gnyen no// de la 'di skad ces bya ste/ byang chub yongasu rton phyir len pa po// sbyin byed rnams kyi dge ba'i bshes gnyen yin// chos don smra ba thos dang shes rab byed// dge ba'i bshes gnyen yin par bde gshegs

  14. 165b

    gsungs// gang dag rab 'byung yang dag 'dzin bcug pa// de dag dge rtsa yin par bshes gnyen gsungs// rdzogs sangs rgyas kyi lam ni ston pa'i phyir// sangs rgyas rnams ni bde gshegs sras kyi bshes// rgyal bas bsngags pa'i bzhi po 'di dag ni// bde gshegs sras kyi dge ba'i bshes gnyen te// 'di dag ston cing rtag tu bag/ yod na/ bde gshegs bstan pa'i byang chub thob par 'gyur// 'od srung bzhi po 'di dag ni byang chub sems dpa' ltar bcos pa ste/ bzhi gang zhe na/ 'di lta ste/ rnyed pa dang bkun bsti don tu gnyer gyi/ chos don tu gnyer ba ma yin pa dang / brjod pa'i sgra tshig su bcad pa don tu gnyer gyi/ yon tan don tu gnyer ba ma yin pa dang / bdag bde ba don tu gnyer gyi// sems can gyi sdug bsngal bsngal ba don du gnyer ba ma yin pa dang / 'khor gyi tshogs don du gnyer gyi/ dben pa don du gnyer ba ma yin pa ste/ 'od srung bzhi po de dag ni byang chub sems dpa' ltar bcos pa'o// de la 'di skad ces bya ste// rnyed pa don du gnyer gyi chos 'dod min// brjod pa don gnyer yon tan don gnyer min// bdag bde rtag tu don tu gnyer byed cing // sems can sdug bsngal bsal ba don mi gnyer// 'khor tshogs don tu gnyer gyi dben mi 'dod// bde la chags kyi yon tan ma chags pa// bzhi pa de dag bcom por gsungs pa ste// de dge byang chub sems dpas yongasu spang // 'od srung bzhi po 'di dag ni byang chub sems dpa' rnams kyi byang chub sems dpa'i yang dag pa

  15. 166a

    yon tan te/ bzhi gang zhe na/ 'dis ste stong pa nyid la yang mos la/ las kyi rnam par smin pa la yang yid ches brtse ba dang / de bdag med par yang babod la sems can thams cad la yang snying rje che ba dang / de'i bsam pa mya ngan las 'das pa la yang gnas la/ sbyor ba 'khor ba na yang gnas pa dang / de sems can yongs su smin par bya ba'i phyir sbyin pa rnam par smin pa la yang mi re ba ste/ 'od srung bzhi po de dag ni byang chub sems dpa' rnams kyi byang chub sems dpa'i yang dag pa'i yon tan no// de la 'di skad ces bya ste// chos rnam stong pa nyid du rtag mos kyang // las kyi rnam par smin la yid ches so// bdag nyid bzod pas mnyam pa nyid gnas kyang // sems can rnams la snying rje chen po skyed// de'i bsam pa rtag tu mya ngan 'das la gnas// de'i sbyor ba 'khor bar gnas pa yin// yongs smin bya phyir sbyin pa sbyin byed kyang // las kyi rnam par smin la ra ba med// 'od srung bzhi po 'di dag ni byang chub sems dpa'i gter chen po rnyed pa ste/ bzhi gang zhe na/ 'di lta ste/ sangs rgyas 'byung ba mnyes par byed pa dang / pha rol tu phyin pa drug nyan pa dang / chos smra ba la khong khro ba med pa'i seMs kyis lta ba dang / bag yod par dgon pa la gnas par mngon par dga' ba ste/ 'od srung bzhi po de dag ni byang chub seMs dpa'i gter chen po rnyed pa'o// de la 'di skad ces bya ste/ tshe rabs kun tu sangs rgyas mnyes par byed// pha rol phyin drug po rnams kyang nyan// chos smra ba la sems ni rab tu dang // mthong na rtag tu gus pa skyed par byed// rtag tu

  16. 166b

    bag yod gyur nas dgon par gnas// de ni de nyid la yang rtag tu dga'// bzhi po 'di dag rgyal ba'i sras rnams kyi// gter chen yin par bde bar gshegs pas gsungs// 'od srung bzhi po de dag ni byang chub sems dpa' bdud kyi lam las yang dag par 'da' ba'i chos te/ bzhi gang zhe na/ 'di lta ste/ byang chub kyi sems mi gtong ba dang / sems can thams cad la khong khro ba'i sems med pa dang / lta bar gyur pa thams cad rtog pa dang / sems can thams cad la mi brnyas pa ste/ 'od srung bzhi po de dag ni byang chub sems dpa' bdud kyi lam las yang dag par 'da' ba'i chos so// de la 'di skad ces bya ste// byang chub sems ni yongs su gtong mi byed// sems can rnams la khong khro rtag tu spong // lta bar gyur pa thams cad 'dor bar byed// sems can tshogs la brnyas par yong mi byed// bde bar gshegs pas bzhi po 'di dag ni// bad las 'da' bar 'gyur ba'i chos su gsungs// 'di dag bsten na rgyal ba rnams 'dren pa// gser 'dra'i sku mnga' mtshungs pa med par 'gyur// 'od srung bzhi po de dag ni byang chub sems dpa'i dge ba'i chos thams cad sdud par 'gyur ba ste/ bzhi gang zhe na/ 'di lta ste/ tshul 'chos pa med par dgon pa na gnas pa dang / lan du phan dogs par re ba med pa'i bsdu ba'i dngos po bzhi po dag dang / sems can thams cad la lus dang srog gtong zhing dam pa'i chos yongs su tshol ba dang / thos pa dang / don gyis ngoms mi myong zhing / dge ba'i rtsa ba thams cad yang dag par/

  17. 167a

    sdud pa'i brtson 'grus te/ 'od srung chos bzhi po de dag ni byang chub sems dpa'i dge ba'i rtsa ba'i chos thams cad sdud par 'gyur ba'o// de la 'di skad ces bya ste// dgon par gnas shing tshul 'chos rnam par spong // rgyal gsungs bsdu ba sems can rnams la byed// dam chos yongs su btsal ba bcom byas nas/ lus dang srog kyang yongasu gtong bar byed// dge ba'i rtsa ba shin tu mi nyung ba// yang dag bsgrub phyir rtag tu ngoms mi myong // dge ba'i chos rnams yang dag bsdu ba'i phyir/ chos bzhi 'di dag bde bar gshegs pas gsungs// 'od srung chos bzhi po 'di dag ni byang chub sems dpa'i bsod nams kyi tshogs dpag tu med pa ste/ bzhi gang zhe na 'di lta ste/ zang zing med pa'i sems kyis chos sbyin pa dang / tshul khrims 'chal pa rnams la snying rje ba dang / sems can thams cad byang chub kyi sems ston pa dang / nyams chung ba rnams la bzod pas bsten pa ste/ 'od srung bzhi po de ni byang chub sems dpa'i bsod nams kyi tshogs dpag tu med pa'o// de la 'di skad ces bya ste// dag cing zang zing med pa'i sems kyis su// chos kyi sbyin byang rgyal bas rab tu bsngags// tshul khrims mi ldan pa la snying rje che// gzhan dag byang chub phyir ni sems bskyed 'jug/ nyam nung rnams bzod pas dang du len// 'di ni dge chos yin par gsungs pa ste// 'di dag bsten na rgyal bar 'gyur bas na// byang chub sems dpas 'di dag rtag tu bsten// 'od srung /

  18. 167b

    chos bzhi po 'di dag ni byang chub sems dpa'i ma rig pa'i bag chags kyi sa'i nyon mongs pa 'jom par 'gyur ba ste/ bzhi gang zhe na/ 'di lta ste/ tshul khrims kyi sdom pa yang dag par 'dzin pa dang / dam pa'i chos yongs su 'dzin pa dang / sgron ma sbyin pa dang / tha na 'dris pa rnams la yang sbyin pa ste/ 'od srung chos bzhi po de dag ni/ byang chub sems dpa ma rig pa'i bag chags kyi sa'i nyon mongs pa 'jom par byed pa'o// de la 'di skad ces bya ste// tshul khrims sdom pa yang dag 'dzin byed dang // dam chos 'dzin dang sgron ma sbyir pa dang / de bzhin tha na dris la sbyin byed cing // mkhas pa ma rigs las rnam par 'byed// 'od srung chos bzhi po 'di dag ni byang chub sems dpa'i sgrib med pa'i ye shes thob par 'gyur ba ste// bzhi gang zhe na/ 'di lta ste/ dam pa'i chos sbyin pa dang / dam pa'i chos yongasu 'dzin pa dang / phrag dog med pa dang / gzhan la mi brnyas pa ste/ 'od srung chos bzhi po de dag ni byang chub sems dpa'i sgrib pa med pa'i ye shes thob par 'gyur ro// de la 'di skad ces bya ste// gang dag byang chub la ni sgrib med pa// sdig pa'i bzhi pa'i bcu po rnams spangs nas// mkhas pas de bzhin bcu gnyis gzhan bsten na// 'chi med reg nas byang chub thob par 'gyur// sems can dam pa gang dag chos tshul 'di/ 'dzin tem klog gam rab tu ston byed pa// de dag bsod nams mtha' yas rgyal bas gsungs// de'i tshad ni rgyal ba rnam brjod do// gang gis zhing gi gang ga'i bye ma snyed/

  19. 168a

    rin chen bkang ste rgyal la phul ba bas// gang gis 'di la tshig bzhi tshig bcad klog/ bsngon mas 'di'i grangs su yang char mi phod// 'od srung byang chub sems dpa' ni ming tsam gyis byang chub sems dpa' zhes mi bya'o// 'od srang byang chub sems dpa' chos spyod pa dang / snyoms par spyod pa dang / dge ba spyod pa dang / chos la gnas pa dang ldan pa la byang chub sems dpa' zhes bya'o// 'od srung yang byang chub sems dpa' chos sum cu rtsa gnyis dang ldan na/ byang chub seMs dpa' zhes bya ste/ sum cu rtsa gnyis gang zhe na/ 'di lta ste/ sems can thams cad la phan pa dang / bde bar bya ba'i lhag pa'i bsam pa dang / thams cad mkhyen pa'i ye shes la gzung ba dang / bdag ci ri zhes yongasu 'jal zhing gzhan gyi shes pa la mi smod pa dang / nga rgyal med pa dang / lhag pa'i bsam pa brten pa dang / bcos ma ma yin par byams pa dang mdza' ba dang / mi mdza' ba la sems snyoms pa dang / mya ngan las 'das pa'i mtha'i bar du gtan tu 'dza' ba dang / tshig ran cing mdzum pa'i bzhin gyis/ bsong por smra ba dang / khur blangs pa rnams la sgyid lug pa med pa dang / sems can thams cad la snying rje chen po yongs su ma bcad pa dang / yid yongasu mi skyo ba dang / da pa'i chos yang su tshol ba'i phyir bos pa dang / don gyis ngoms mi myongs pa dang / bdag gi 'khrul pa rnams la skyon du lta zhing gzhan gyi 'khrul pa rnams la migashe bar sgo ba dan/

  20. 168b

    spyod lam thams cad du byang chub kyi sems yongasu sbyong ba dang / rnam par smin pa la mi re ba'i gtong ba dang / srid pa'i 'gro bar skye ba thams cad la mi gnas pa'i tshul khrim dang / sems can thams cad la zhes 'gras pa med pa'i bzod pa dang / dge ba'i rtsa ba thams cad yang dag par bsgrub pa'i brtson 'grus dang / gzugs med pa'i khams rnam par bsam pa'i bsam gtan dang / thabs mkhas pa'i bsdu ba'i dngos po bzhi dang rab tu ldan pa'i thabs kyis zin pa'i shes rab dang / tshul khrims dang ldan pa dang / tshul khrims 'chal pa rnams la gnyis su med pa'i byams pa dang / gus par byas te chos nyan pa dang / gus par byas te dgon pa la gnas par mngon par dga' ba dang / 'jig rten gyi sna tshogs rnams la mi dga' zhing 'jig rten las 'das pa'i chos rnams la mngon par dga' ba dang / theg pa dman pa la mi 'dod cing theg pa chen po la phan yon du lta ba dang / sdig pa'i grogs po yongs su spong zhing / dge ba'i bshes gnyen la bsten pa dang / tshangs pa'i gnas bzhi bsgrub pa dang / mngon par shes pa lngas rnam par rtsen pa dang / ye shes la rton pa dang / sgrub pa dang / log par bsgrub pa la gnas pa'i sems can rnams mi gtong ba dang / gcig tu chad par smra ba dang / byang chub kyi sems sngon du 'gro ba ste/ 'od srung byang chub sems dpa' chos sum cu rtsa gnyis po de dag dang ldan na byang chub sems dpa' zhes bya'o// de la 'di skad ces bya bden pa gcesu byed pa dang /

  21. 169a

    sems can kun la phan dang bde bya ba'i// lhag pa'i bsam pa mos par byed pa yin// kun mkhyen ye shes la ni sems sgrol zhing // ri 'am mi ri snyam du bdag la dpog/ smon pa med cing lhag pa'i nga rgyal med// bsam pa brtan zhing bcos pa med par byams// mdza' dang mi mdza' rnams la sems kyang snyoms/ mya ngan 'das pa'i mtha' la thug bar du// sems can rnams la gtan tu rab tu mdza'// 'dzum pa'i bzhin gyis 'jam por sba bar byed// khur blangs pa la sgyid lug zhum pa med// sems can dag la snying rje yongs ma chad// dam chos yongasu tshol la skyo ba med// thos pas mi ngoms bdag gi 'khrul skyon lta// gzhan la gshe bas gdung bar byed pa med// spyod lam rnamasu sems ni rab tu spong // gtong ba rnam par smin la re ba med// tshul khrims srid pa'i 'gro bar gnas ma yin// sems can rnams la bzod cing khro khro spongs// dge ba yang dag bsgrubs pa'i brtson 'grus dang // gzugs med khams spangs pa'i bsam gtan dang // thabs kyis yang dag 'dzin pa'i shes rab dang // bsdu ba rnams bzhis yang dag 'dzin thabs dang // khrims ldan khrims med gnyis med byams pa dang // gus par byas te dus su chos nyan dang // gus par byas te 'gon zhi gnas pa dang // 'jig rten sna tshogs dga' bar mi byed dang // theg pa dman la dga' ba mi byed cing /

  22. 169b

    theg pa che la 'dod pa skyed pa dang // sdig pa'i grogs po rnam par spong byed cing // dge ba'i bshes gnyen rtag tu bsten pa dang // tshangs pa'i gnas pa bzhi la sgom pa dang / mngon shes rnam lngas rtag tu rtsen pa dang // ye shes rjes su rtag tu 'brang ba dang // sgrub dang ldan pa gtong bar mi byed dang // sgrub dang mi ldan gzhan yang ma gtong dang // gcig/ tu chad par rtag tu smra ba dang // bden la rtag tu gus dang bcas pa dang // byang chub sems ni sngon du btang nas su// rgyal bas bsngags pa'i chos ni sgom par byed// bde gshegs gsungs pa sum cu rtsa gnyis chos// 'di dag bde gshegs sras kyis bstan par bya// byang chub sems dpa' gang yin de dag ni// chos 'di ldan zhes bde bar gshegs pas gsungs// 'od srung dpe nye bar dgod pa bstan pa gang dag gis byang chub sems dpa' byang chub sems dpa'i yon tan rab tu shes par byed pa'i dpe nye bar dgod pa khyod la bstan par bya'o// 'od srung 'di lta ste dper na// sa chen po 'di ni sems can thams cad kyi 'tsho ba ste// 'gyur ba med cing lan du phan 'dogs pa la re ba mdo// 'od srung de bzhin du byang chub sems dpa' sems dang po bskyed pa yang / byang chub la thug gi bar du sems can thams cad kyi 'tsho ba yin te/ 'gyur ba med lan du phan 'dogs par ri ba med do// de la 'di skad ces bya ste// dper na so 'di skye bo kun gyi 'tsho// len la mi re 'gyur ba med pa bzhin// byang

  23. 170a

    chub sems dpa' thog mar sems gnas pa// rgyal mchog bla na med pa'i sangs rgyas su// ma gyur bar du skyo bo kun/ gyi mtsho// lan la re ba med cing 'gyur ba med// bu dang dgra la yid kyis mtshungs par sems// byang chub mchog rab rtag par yongs su tshol// 'od srung 'di lta ste dper na/ chu'i khams rtswa dang shing gel ba dang / sman dang nags tshal thams cad skyed par byed do// 'od srung de bzhin du byang chub sems dpa' bsam pa dag pa dang / sems can thams cad la byams pas khyab par byas te/ gnas pa yang sems can thams cad la dkar po'i chos thams cad skyed do// de la 'di skad ces bya ste// dper na chu ni rtswa dang gel ba dang // nags tshal sman dang 'bru yi rnam pa skyed// de bzhin byang chub sems dpa' bsam dag pa// sems can mtha' yas byams pas khyab par byed// sna tshogs chos la khyab pas rims kyis su// dkar po'i chos kyis rnam par rgyas 'gyur zhing // dpung bcas sde dang bcas pa'i bdud bcomo nas// rim gyis rgyal ba'i byang chub thob par 'gyur// 'od srung 'di lta ste dper na/ me'i khams ni lo tog thams cad yongs su smin par byed do// 'od srung de bzhin du byang chub sems dpa'i shes rab kyang sems can thams cad kyi dkar ba'i chos thams cad yongs su smin par byed do// de la 'di skad ces bya ste// dper na me ni rtswa dang sman

  24. 170b

    rnams dang // lo tog thams cad yongs su smin par byed// de bzhin bde gshegs sras kyi shes rab kyang // skye bo rnams kyi dge ba'i chos mi byed// 'od srung 'di lta ste/ dper na// rlung gi khams ni sangs rgyas kyi zhing thams cad rnam par sgrub po// 'od srung de bzhin du byang chub sems dpa'i thabs la mkhas pa yang sems can thams cad la sangs rgyas kyi chos thams cad rnam par sgrub bo// de la 'di skad ces bya ste// dper na rlung ni sangs rgyas dgongs pa bzhin// rnam pa sna tshogs zhing rnams rnam par sgrug de bzhin rgyal sras rnams kyi thabs mkhas kyang // bder gshegs gsungs pa'i chos mchog rnam par sgrub// 'od srung 'di lta ste dper na/ bdad sdig can dpung gi tshogs yan lag bzhi pa ni 'dod pa na spyod pa'i lha thams cad kyis zil gyis mnan pa 'am/ yongasu zad par bya bar mi nus so// 'od srung de bzhin du byang chub sems dpa' bsam pa dag pa yang bdud thams cad kyis zil gyis mnan pa 'am/ yongasu zad par bya bar mi nus so// 'od srung 'di lta ste dper na/ 'ad sadzad bzhin du byang chub sems dpa' bsam pa dag pa yang ba dad thams cad kyis thal gyis/ zla ba yar gyi ro la zla ba'i dkyil 'khor skye zhing gang bar 'gyur ro// 'od srung de bzhin du byang chub sems dpa' bsam pa dag pa yang dka/ po'i chos thams cad kyis rdzogs shing rgyas par 'gyur ro// de la 'di skad ces bya ste// dper na zla ba'i dkyil 'khor yarang ngo la// skye zhing yongs su gang 'gyur 'bri mi 'gyur//

  25. 171a

    de bzhin bsam dag byang chub sems dpa' yang // dkar po'i chos kyis rtag tu rgyas par 'gyur// 'od srung 'di lta ste dper na/ nyi ma'i dkyil 'khor la lan cig byung ba'i 'od gzer rnams kyis sems can thams cad la snang bar byed do// 'od srung de bzhin du byang chub sems dpa' rnams kyis lan cig phyung ba'i shes rab kyi 'od gzer rnams kyis kyang sems can thams cad la shes pa'i snang bar byed do// de la 'di skad ces bya ste// dper na nyi las lan cig byung ba'i// 'od gzer rnams kyis sems can snang bar byed// de bzhi rgyal sras shes 'od gzer gyis// sems can rnams la shes rab snang bar byed// 'od srung 'di lta ste dper na/ ri dgas kyi rgyal po seng ge ni ga las gar 'gro ba thams cad du mi 'dza mi skrag pa nyid du 'gro'o// 'od srung de bzhin du byang chub sems dpa' thos pa dang / tshul khrims dang / bslab pa dang / sbyangs pa'i yon tan dang / yo byad bsrungs pa dang / ting nge 'dzi dang shes rab la gnas pa yang ga las gar 'gro ba thams cad du mi 'jigs mi skrag pa nyid du 'gro'o// de la 'di skad ces bya ste/ ri dgas rgyal po seng ge ral pa can// 'jigs pa med par gang du 'dod par 'gro// de bzhin byang chub sems dnga' tshal khrims dang // thos dang ye shes gnas pa dga' mgur 'gro// 'od srung 'di lta ste dper na/ bas glang glang po shin tu dul po ni// bal thams cad khyer bas yongasu skyob med do// 'od srung de bzhin du byang chub sems dpa' sems shin tu dul ba yang sems can thams cad kyi don gyi phyir/ dzuH

  26. 171b

    bo lnga'i khur khyer bas yongasu skyo ba med do// de la 'di skad ces bya ste// dper na rab dul stobs ldan glang po che// khal rnams khyer yang yongasu skyo ba med// de bzhin byang chub sems/ dpa' sems rab dul// sems can khur gyis skyo bar 'gyur ba med// 'od srung 'di lta ste dper na/ pad ma ni chu las skyes kyang chus mi gos so// 'od srung de bzhin du byang chub sems dpa' 'jig rten du skyes kyang / 'jig rten gyis chos rnams kyis mi gos so// de la 'di skad ces bya ste// dper na pad ma chu las skyes gyur kyang // chu 'am rdzab kyis de la gos pa med/ de bzhin byang chub sems dpa' 'jig rten skyes// 'jig rten chos kyis nam yang gos pa med// 'od srung 'di lta ste dper na/ shing ljon pa yal ga bcad pa ni/ rtsa ba ma snang na slar yangs las skye'o// 'od srung de bzhin du byang chub sems dpa' thabs la mkhas pa nyon mongs pa'i yal ga bcad pa yang snying rje chen pos dge ba'i rtsa ba la kun tu sbyor ba ma nyams na/ slar yang khams gsum du skye'o// de la 'di skad ces bya ste// dper na shing ljon yal ga bcad pa ni// rtsa ba brtan pa ma snang slar yang skye// de bzhin rtsa ba kun sbyor ma spangs na// zabs kyis bskul kyang slar yang skye bar 'gyur// 'od srung 'di lta ste dper na/ phyogs dang phyogs mtshams tha dad pa nas klung chen po'i chu'i phung po rgya mtsho chen po bab pa ni/ 'di lta ste/ lan tsa'i ror ro gcig par 'gyur ro// 'od srung de bzhin du byang chub sems dpa'i dge sgra'i rtsa ba sgo tha dad pa nas bsags pa byang chub tu yongasu bsngos

  27. 172a

    pa thams cad kyang 'di lta ste/ thams cad mkhyen pa nyid kyi ror ro gcig par 'gyur ro// de la 'di skad ces bya ste// dper na tha dad phyogs kyi chu klung rnams// rgya mtsho tshor bang ro gcig 'gyur ba bzhin// tha dad sgo nas dge ba bsngags byas pa// byang chub bsngos pa rnams kyang ro gcig 'gyur// 'od srung 'di lta ste dper na/ rgyal chen bzhi'i ris dang / sum cu rtsa gsum pa'i lha rnams ni ri rab la gnas so// 'od srung de bzhin du byang chub sems dpa'i thams cad mkhyen pa nyid kyang byang chub kyi sems kyi dge ba'i ba la gnas so// de la 'di skad ces bya ste// dper na rgyal chen bzhi'i ris rnams dang // sum cu rtsa gsum lha tshogs ri rab gnas// de bzhin byang chub sems dpa' dgar gnas te thams cad mkhyen nyid thob nas chos rnams ston// 'od srung 'di lta ste dper na/ blon pos yongasu zin pa'i rgyal po rnams ni/ rgyal po'i bya ba thams cad byed do// 'od srung de bzhin du byang chub sems dpa' thabs la mkhas pas yongasu zin pa'i shes rab kyang / sangs rgyas kyi mdzad pa thams cad byed do// de la 'di skad ces bya ste// dper na blon por lnga pa'i rgyal po rnams// bya ba thams cad rtag tu byed pa ltar// thabs ldan byang chub sems dpa'i shes rab kyang // sangs rgyas don rnams rtag tu byed pa yin// 'od srung 'di/ ste dper na/ sprin med cing nam zang ba'i na mkha' la ni char bab pa'i rgyu med do// 'od srung de bzhin du byang chub sems dpa' thos pa nyung ba la yang dag pa'i chos kyi char 'bab pa'i/

  28. 172b

    rgyu med do// de la 'di skad ces bya ste// dper na sprin med nam thang na mkha' la// char 'bab rgyu ni rnams kyang mi dmigs so// de bzhin byang chub sems dpa' thos nyung la/ chos ston nas yang dmigs par mi 'gyur ro// 'od srung 'di lta ste dper na/ sprin chen po las byung ba'i char gyi rgyun ni lo tog thams cad la mngon par bab bo// 'od srung de bzhin du byang chub sems dpa' snying rje chen po dang / mang du thos pa'i chos kyi sprin las byung ba'i dam pa'i chos kyi char yang sems can thams cad mngon par 'bab po// de la 'di skad ces bya ste// dper na sprin chen grogs dang bcas pa las// char pa bab pas lo tog ngoms par byed// de bzhin byang chub sems dpa' dam chos kyi// sprin byung chos rgyun sems can tshim par byed// 'od srung 'di lta ste dper na/ 'khor los sgyur ba'i rgyal po gang du byung ba der rin po che sna bdun yang 'byung ngo // 'od srung de bzhin du byang nub sems dpa' gang du 'byung ba der byang chub kyi phyogs dang mthun pa'i chos sum cu rtsa bdun po dag kyang 'byung ngo // de la 'di skad ces bya ste// 'khor los sgyur ba'i bo gar byung bar// der ni de'i rin chen sna bdun 'byung // byang chub sems dpa' gang du 'byung gyur pa// der ni byang chub yan lag bdun po 'byung // 'od srung 'di lta ste dper na/ gang na nor bu rin po che bai dUr+ya 'byung ba'i sgo yod pa de ni/ kar sha pa ni brgya stong mang po 'byung ba'i sgo yod do// 'od srung de bzhin du byang chub sems dpa' 'byung

  29. 173a

    ba yod pa'i sgo yod pa de na/ nyan thos dang rang sangs rgyas 'bum phrag mang po 'byung ba'i yod de/ de la 'di skad ces pa ste// dper na gang du nor bu rin chen 'byung // der na kar sha pa ni mang 'byung ltar// gang du rdzogs pa'i byang chub sems 'byang ba// der ni nyan thos mang po 'byung bar 'gyur// 'od srung 'di lta ste dper na/ sum cu rtse gsum pa'i lha 'dres pa'i tshal du zhugs pa rnams kyi longs spyod pa dang / yongasu spyad pa rnams ni mtshungs par gnas so// 'od srung de bzhin du byang chub sems dpa' bsam pa dag pa'i sbyor ba yang sems can thams cad kyi bya ba thams cad la mtshungs par 'gyur ro// de la 'di skad ces bya ste// dper na 'dres pa'i tshal gnas lha rnams kyi// longs spyod rnams kyi mtshungs par gnas pa yin// de bzhin bsam dag byang chub sems dpa' yang // sems can rnams la rtag tu legs par sbyor// 'od srung 'di lta ste dper na sngags dang sman gyis yongs su zin pa'i dug gis ni 'chi bar byed mi nus so// 'od srung de bzhin du ye shes dang thabs la mkhas pas yongs su zin pa'i byang chub sems dpa'i nyon mongs pa'i dug kyang log par ltung bar byed mi nus so// de la 'di skad ces bya ste// dper na sngags kyis yongs su zin pa'i dug/ skye bo rnams la nyes pa byed mi nus/ de bzhin byang chub sems dpa' ye shes can// nyon mongs rnams kyis log ltung byed/ mi nus// 'od srung 'di lta ste dper na/ grong khyer chen po rnams kyi lud gang yin pa de ni/

  30. 173b

    bu ram shing gi zhing dag dang / gun gyi zhing dag la phan par 'gyur ba yin no// 'od srung de bzhin du byang chub sems dpa'i nyon mongs pa'i lud gang yin pa de yang thams cad mkhyen pa nyid la ban par 'gyur ba yin no// de la 'di skad ces bya ste// dper na grong khyer rnams kyi mi gtsang lung // de ni bu ram shing gi zhing la phan// de bzhin byang chub sems dpa'i nyon mongs lung // de ni rtul ba'i chos la phan pa byed/ 'od srung 'di lta ste dper na/ 'phong rtsal ma bslabs pa las mtshon thabs slob pa de bzhin du/ byang chub sems dpa' thos pa nyung ba las dam pa'i chos rab tu rnam 'byed pa dang / dpyod pa dang / don 'dzin pa'i shes par blta'o// 'od srung 'di lta ste dper na/ so ma btang ba'i snod rnams la ni rdza mkhan gyis me chen po gtang dgos so// 'od srung de bzhin du shes rab ma smin pa'i sems can rnams la yang byang chub sems dpas sangs rgyas kyi chos kyi me chen po btang dgos par blta'o// 'od srung de lta bas na byang chub sems dpa' dkon mchog brtsegs pa chen po chos kyi rnam grangs 'di la slob par 'dod pas tshul bzhin du chos la rab tu sbyor bar bya'o// 'od srung de la byang chub sems dpa'i tshul bzhin du chos la rab tu sbyor ba gang zhe na/ 'di lta ste dbu ma'i lam chos rnams la yang dag par so sor rtog pa'o// 'od srung dbu ma'i lam chos rnams la sor sngo rtog pa gang zhe na/ 'od srung gang la bdag med par so/ sor rtog pa dang / sems can med pa dang / srog med pa dang / gso ba med pa dang / skyes bu med pa dang /

  31. 174a

    gang zag med pa dang / shed las skyes pa med pa dang / shed bu med par so sor rtog pa ste/ 'od srung 'di ni dbu ma'i lam chos rnams la yang // dag par so sor rtog pa zhes bya'o// 'od srung gzhan yang dbu ma'i lam chos rnams la yang dag par so sor rtog pa ni gang / gzugs la rtag par yang so sor mi rtog/ mi rtag par yang so sor mi rtog pa dang / 'od srung de bzhin du tshor ba dang / 'du shes dang / 'du byed dang / rnam par shes pa la gang rtag par so sor mi rtog/ mi rtag par yang so so mi rtog pa ste/ 'od srung 'di ni dbu ma'i lam/ sa noms la yang dag par so sor rtog pa zhes bya'o// 'od srung gzhan yang dbu ma'i lam chos rnams la yang dag par so sor rtog pa ni/ gang sa'i khams la rtag par yang so sor mi rtog/ mi rtag par yang so sor mi rtog pa dang / de bzhin du nu'i khams dang / me'i khams dang / rlung gi khams dang / nam mkha'i khams dang / rnam par shes pa'i khams la rtag par yang so sor mi rtog/ mi rtag par yang so sor mi rtog pa ste/ 'od srung 'di ni dbu ma'i lam chos rnams la/ yang dag par so sor rtog pa zhes bya'o// 'od srung gzhan yang dbu ma'i lam chos rnams la yang dag par so sor rtog pa ni/ gang mig gi skye mched la rtag par yang so sor mi rtog/ mi rtag par yang so sor mi rtog pa dang / de bzhin du rna ba dang / sna dang / lce dang / lus dang / yid kyi skye mched rnams la rtag par yang so sor mi rtog/ mi rtag par yang

  32. 174b

    so sor mi rtog pa ste/ 'od srung 'di ni dbu ma'i lam chos rnams la yang dag par so sor rtog pa zhes bya'o// 'od srung rtag ces bya ba ni mtha' gcig go// mi rtag ces bya ba ni mtha' gnyis so// mtha' de gnyis kyi dbus gang yin pa de na dpyad du med pa/ bstan du med pa/ rten ma yin pa/ snang ba med pa/ rnam par rig pa med pa/ 'od srung 'di ni dbu ma'i lam chos rnams la yang dag par so sor rtog pa zhes bya'o// 'od srung bdag ces bya ba ni mtha' gcig go// bdag med ces bya ba de ni mtha' gnyis so// mtha' de gnyis kyi dbus gang yin pa de ni dpyad du med pa/ bstan du med pa/ rten pa ma yin pa/ snang ba med pa/ rnam par rig pa med pa/ gnas med pa ste/ 'od srung 'di ni dbu ma'i lam chos rnams la yang dag par so sor rtog pa zhes bya'o// 'od srung sems yang dag pa zhes bya ba ni mtha' gcig go/ sems yang dag pa ma yin pa zhes bya ba de ni gnyis so// 'od srung gang na sems med pa dang / sems pa med pa dang / yid med pa dang / rnam par shes pa med pa 'di ni 'od srung dbu ma'i lam chos rnams la yang dag par so sor rtog pa zhes bya'o// dge ba dang / mi dge ba rnams dang / 'jig rten pa dang / 'jig rten las 'das pa rnams dang / kha na ma tho ba med pa rnams dang / zag pa dang bcas pa dang / zag pa med pa rnams dang / 'dus byas dang / 'dus ma byas kyi chos rnams kying de bzhin no// 'od srung kun nas nyon mongs pa zhes bya ba de ni mtha' gcig go// rnam

  33. 175a

    par byang ba zhes bya ba de ni mtha' gnyis so// mtha' de gnyis khas mi len cing mi rjod mi smra ba gang yin pa 'di ni/ 'od srung dbu ma'i lam chos rnams la yang dag par so sor rtog pa zhes bya'o// 'od srung yod ces bya ba de ni mtha' gcig go// med ces bya ba de ni mtha' gnyis so// de gnyis kyi dbus gang yin pa de ni dpyad du med pa/ bstan tu med pa/ rten ma yin pa/ snang ba med pa/ rnam par rig pa med pa/ gnas med pa ste/ 'od srung 'di ni dbu ma'i lam chos rnams la so sor rtog pa zhes bya'o// 'od srung 'khor ba zhes bya ba de ni mtha' gcig go/ mya ngan las 'das pa zhes bya ba de ni mtha' gnyis so// de gnyis kyi dbus gang yin pa de ni dpyad du med pa/ bstan tu med pa/ rten ma yin/ pa/ snang ba med pa/ rnam par rig pa med pa/ gnas med pa ste/ 'od srung 'di ni dbu ma'i lam chos rnams la yang dag par so sor rtog pa zhes bya'o// 'od srung gang yang ngas khyod rnam la ma rig pa'i rkyen gyis 'du byed rnams/ 'du byed kyi rkyen gyis rnam par shes pa/ rnam par shes pa'i rkyen gyis ming dang gzugs/ ming dang gzugs kyi rkyen gyis skye mched drug/ skye mched drug gi rkyen gyis reg pa/ rog pa'i rkyen gyis tshor ba/ tshor ba'i rkyen gyis sred pa/ sred pa'i rkyen gyis len pa/ len pa'i rkyen gyis srid pa/ srid pa'i rkyen gyis skye ba/ skye ba'i rkyen gyis rba shi dang / mya ngan dang / smre sngags 'don pa dang / sdug bsngal ba dang / yid mi bde ba dang / 'grub pa rnams 'byung ste/ de ltar sdug bsngal gyi phung po chen pa 'ang 'ashig pa 'di 'byung bar 'ju'o/

  34. 175b

    ma rig pa 'gags pas 'du byed 'gag/ 'du byed 'gags pas rnam par shes pa 'gag/ rnam par shes pa 'gags pas ming dang gzugs 'gag/ ming dang gzugs 'gags pas skye mched drug/ 'gag/ skye mched drug 'gags pas reg pa 'gag/ reg pa 'gag pas tshor 'gag/ tshor ba 'gags pas sred pa 'gag/ sred pa 'gags pas len pa 'gag/ len pa 'gags pas srid pa 'gab srid pa 'gags pas skye ba 'gag/ skye 'gags pas rga shi dang / mya ngan dang / smre sngags 'don pa dang / sdug bsngal ba dang / yid mi bde ba dang / 'khrug pa rnams 'gags te/ de ltar sdug bsngal gyi phung po chen po 'ba' shig po 'di 'byung bar 'gyur ro zhes lung bstan pa de la/ 'od srung rig pa dang ma rig pa de dag gnyis ma yin zhing rnam pa gnyis su dbyer med de/ 'od srung 'di la shes pa gang yin pa de ni dbu ma'i lam chos rnams la yang dag par song sor rtog pa zhes bya'o// de bzhin du 'du byed rnams dang / 'dus ma byas dang / rnam par shes pa dang / rnam par shes pa 'gag pa dang / ming dang gzugs dang / ming dang gzugs 'gag pa dang / skye mched drug dang / skye mched drug 'gag pa dang / reg pa dang / reg pa 'gag pa dang / tshor ba dang / tshor ba 'gag pa dang / sred pa dang / sred pa 'gag pa dang / len pa dang / len 'gag pa dang / srid pa dang / srid pa 'gag pa dang / skye ba dang / skye ba 'gag pa dang / rga shi dang / rga shi 'gag pa de dag gnyis ma yin zhing rnam pa gnyis su dbyer med de/ 'od srung 'di la shes pa gang yin pa de ni dbu ma'i lam chos rnams la yang dag par so sor rtog pa zhes bya'o// 'od srung gzha

  35. 176a

    yang dbu ma'i lam chos rnams la yang dag par so sor rtog pa ni/ gang stong pa nyid kyis chos rnams stong par mi byed de/ chos rnams nyid stong pa dang / gang mtshan ma med pas chos rnams mtshan ma med par mi byed de/ chos rnams nyid mtshan ma med pa dang / gang smon pa med pas chos rnams smon pa med par mi byed de/ chos rnams nyid smon pa med pa dang / gang mngon par 'du byed pa med pas chos rnams mngon par 'du byed par mi byed de/ chos rnams nyid mngon par 'du byed pa med pa dang / gang ma skyes pas chos rnams ma skyes par mi byed de/ chos rnams nyid ma skyes pa dang / gang ma byung bas chos rnams la ma byung bar mi byed de/ chos rnams nyid ma byung ba dang / gang ngo bo nyid med pas chos rnams ngo bo nyid mi byed de/ chos rnams nyid ngo bo nyid med par gang dag de ltar so sor rtog pa de ni/ 'od srung dbu ma'i lam chos rnams la yang dag par so sor rtog pa zhes bya'o// yang 'od srung gang zag pa rnam par gzhig pa'i phyir stong pa nyid ma yin gyi/ stong pa nyid stong pa'o// 'od srung sngon gyi mtha' stong pa/ phyi ma'i mtha' stong pa/ byung ba stong pa ste/ stong pa nyid la rton par bya'i/ gang zag la yin no// 'od srung gang dag stong pa nyid du dmigs pas stong pa nyid la rton pa de dag ni/ ngas gsungs rab 'di las nyams shes bshad do// 'od srung gang zab tu lta rI rab tsam la gnas pa bla'i/ mngon pa'i nga rgyal can stong / pa nyid du lta ba ni de lta ma yin no// de ci'i phyir zhe na/ 'od srung lta bar gyur pa thams cad byung ba ni/ stong pa nyid yin na/ 'od srung gang stong pa nyid kho nar lta ba de ni gsor mi rung ngo zhes ngas bshad do//

  36. 176b

    'od srung 'di lta ste dper na/ mi nad pa zhig yod la/ sman pas de la sman btang nas sman des de'i nad thams cad bskyod de/ sman lto na 'dug pa de nyid mi 'byung na/ 'od srung 'di ji snyam du sems// mi de nad de las thar par gyur ram/ gsol pa/ bcom ldan 'das de ni mi 'gyur lags te/ gang sman des nad thams cad skyod nas sman ltor mchis pa nyid ma byung na/ de'i bro nad shin tu tsha bas cher 'gyur lag so// bcom ldan 'das kyis bka' stsal pa/ 'od srung de bzhin du lta bar gyur pa thams cad las 'byung ba ni stong pa nyid yin na/ 'od srung gang stong pa nyid kho nar lta ba de ni gsor mi rung ngo zhes ngas bshad do// de la 'di skad ces bya ste// dper na sman pasna nad ni bstsal ba'i phyir// mi zhig la ni bkru sman btang ba las// nad rnams bskyed nas bkrus par ma gyur na// de'i gzhi las nad ni sos mi 'gyur// de bzhin lta ba'i thibs por gnas pa las// 'byung ba'i mchog nyid stong pa nyid yin na// gang zhig stong pa kho nar/ lha gyur pa// de ni gsor mi rung zhes rgyal bas gsungs// 'od srung 'di lta ste dper na/ mi la la zhig na mkhas 'jigs skrag nas// brang rdung zhing du ste na mkha' 'di sol/ na mkha' 'di sol ces de skad zer naH/ 'od srung 'di ji snyam du sems/ namakha' de bsal bar nus sam/ gsol pa/ bcom ldan 'das de ni rngo mi thog lags so// bcom ldan 'das kyis bkra bstsal pa// 'od srung de bzhin du dge sbyong dang // bram ze gang dag stong pa nyid kyis skrag rab tu skrag na/ de dag ni sems 'khrugs pa chen por 'gyur ro zhes ngas bshad do// de ci'i phyir

  37. 177a

    zhe na/ 'od srung de dag ni stong pa nyid la spyod la/ de nyid kyis skrag pa'i phyir ro// de la 'di skad ces pa ste// dper na na mkha' 'jigs pa nyan pa'i mi// blun po na mkha' 'di ni sol ces zer// na mkha' bsal bar nus pa ma yin yang // rmongs pas byis pa dag ni de skad smra// de bzhin dge sbyong bram ze gang dag cig/ stong pa nyid kyis skrag cing sems 'khrugs pa// byis pa de dag stong pa nyid spyod pa// stong pa nyid ni gang du'ang gzhig mi nus// 'od srung 'di lta ste/ dper na/ ri mo mkhan zhig gis bdag nyid kyis gnod sprin gyi gzugs 'jigs 'jigs lta zhig bris nas/ de 'jigs skrag ste/ khrus bub du 'gyel nas brgyal bar gyur pa de bzhin du/ 'od srung bris pa so so'i skye bo rnams kyang bdag nyid kyis byas pa'i gzugs dang / sgra dang / dri dang / ro dang / reg bya rnams kyis 'khor ba na 'khor yang nos de dag yang dag pa ji lta ba bzhin du mi shes so// de la 'di skad ces bya ste/ dper na ri mo mkhan zhig gis// gnod sbyin 'jigs pa'i gzugs byas nas// de yis 'jigs te khas thub du// 'gyel nas brgyal bar gyur pa ltar// byis pa so so'i skye ba kun// bdag nyid kyis ni byas pa yi// gzugs sgra la sogs rmongs 'gyur bas// 'gro ba drug tu 'khyab par 'gyur// 'od srung 'di lta ste dper na/ mi sgyu ma mkhan zhig gis sgyu ma sprul pa sprul nas/ sprul pa des sgyu ma mkhar de nyid zos pa de bzhin du 'od srung dge slong rnal 'byor spyod pa yang gang dang gang yid la byed pa de thams cad de la gsog tu snang ngo //

  38. 177b

    gsob dang / stong pa dang / snying po med pa nyid du snang ngo // de la 'di skad ces bya ste// dper na sgyu ma mkhan gyi mngon sprul pa// sgyu ma byas pa de yis de zos ltar// rnal 'byor pas/ ni yid la gang byed pa// de ni de la gsog dang gsob tu snang / 'od srung 'di lta ste dper na/ shing gnyis rlung gis drul pa de las mi byung ste/ byang nas shing sreg pa de bzhin du/ 'od srung yang dag par so sor rtog pa yod na/ 'phags pa'i shes rab kyi dbang po skye ste/ de skyes pas yang dag par so sor rtog pa de nyid sreg par byed do// de la 'di skad ces bya ste/ dper na shing gnyis rlung gis drul pa las// mi byung nas ni de nyid sreg par byed// de bzhin shes rab dbang po skyes nas kyang // so sor rtog pa de nyid sreg par byed// 'od srung 'di/ lta ste dper na/ mar me bus na mun pa mun nags thams cad med par 'gyur yang / mun pa mun gnag de gang nas kyang 'ong ba 'am/ 'gro ba med de/ shar phyogs dang / lho dang nub dang / byang phyogs su 'ang 'gro ba 'am 'ong ba med do// yang 'od srung ma re me de 'di snyam du bdag gis mun pa mun gnagra bsal lo snyam du mi sems mod kyi/ 'od kyang mar me la brten nas mun pa mud gnag med par 'gyur ro// 'od srung de la mar me gang yin pa dang / mun pa mun gnas gang yin pa de gnyis stong pa ste/ gzung du med cing byed pa med do// 'od srum de bzhin du ye shes skyes na mi shes pa med par 'gyur yang mi shes pa de gang nas kyang 'ong ba 'am 'gro ba med de/ shar phyogs dang / lho dang nub dang / byang phyogs su yang 'gro ba

  39. 178a

    'am 'ong ba med do// yang 'od srung ye shes kyang 'di snyam du bdag gis mi shes pa bsal lo snyam du mi sems mod kyi/ 'on kyang ye shes la brten nas mi shes pa med par 'gyur ro// 'od srung de la ye shes gang yin pa dang / mi shes pa gang yin pa de gnyis stong pa ste/ gzung du med cing byed pa med do// de la 'di skad ces bya ste// dper na sgron mas mun pa mun nag kun// med par gyur kyang 'ong ba 'am 'gro ba med// de bzhin shes par gyur mi shes med gyur kyang // de ni gang nas 'ong ba med cing 'gro ba med// sgron mas mun pa bsal snyam mi sems kyang // snang ba byung nas mun pa med par 'gyur// stong pa gzung med na mkha'i me tog 'dra// de bzhin ye shes mi shes gnyi ga stong // 'od srung 'di lta ste dper na/ khyim dang khang pa dang / khang phran lo 'bum 'das par sus kyang lan 'ga' yang mar me ma bus pa der mi la la zhig gis mar me bus na 'od srung 'di ji snyam du sems/ mun pa mun gnag de 'di snyam du bdag ni lo 'bum du bsags pa yin te/ bdag 'di nas mi 'gro'i snyam du sems sam/ gsol pa/ bcom ldan 'das de ni mi sems lags te/ mar me bus na mun pa mun nag la mi mche ba'i thus ma mchis kyi/ gdon mi 'tshal bar ma mchis par 'gyur lags so// bcom ldan 'das kyis bka' stsal pa/ 'od srung de bzhin du las dang nyon mongs pa bskal pa 'bum du bsags pa yang tshul bzhin yid la byed pa so sor rtog pa gcig gis med pa/

  40. 178b

    'gyur ro// 'od srung mar me zhes bya ba de ni 'phags pa'i shes rab kyi dbang po'i tshig bla dgas so// 'od srung mun pa mun nag ces bya ba de ni 'phags pa ma yin pa'i las dang nyon mongs pa'i tshig bla dgas so// de la 'di skad ces bya ste/ dper na khyim du mi 'ga' la la yis// ring zhig lon nas mer me bus byas na// de la mun pa bdag gnas ring lon gyis/ 'di nas mi 'gro snyam du sems pa med// mar mo byung na mun pa mun gnag la// med par mi 'gyur ba'i nus med de// mir mi brten nas mun pa med par 'gyur// gnyi ga stong pa rlom sems ci yang med// de bzhin zag med 'phags pa'i ye shes brten// mi shes nyon mongs bstsags pa med par 'gyur// ye shes dang ni nyon mongs rtag par yang // de dag lan 'ga' yang 'grogs pa med// ye shes mi shes med bya mi sems kyang // ye shes brten nas mi shes med par 'gyur// gnyi ga gzung med na mkha'i me tog bzhin// de bzhin ye shes mi shes gnyi ga stong // 'od srung 'di lta ste dper na/ na mkha' la ni sa bon rnams mi skye'o// 'od srung de bzhin du gang 'dus ma byas las byang chub sems dpa'i sangs rgyas kyi chos rnams skye ba ni// mabyung mi 'byung ngo // de la 'di skad ces bya ste/ dper na mkhas las sa bon skye ba ni// 'das dang ma 'ongs pa dang da ltar men// de bzhin 'dus ma byas las sangs rgyas chos// skye ba gang du'ang ma byung 'byung mi 'gyur// 'od srung 'di lta ste dper na/ lud kyis gang ba'i sa la ni thams cad skye'o// 'od srung de bzhin du nyon mongs pa'i lud

  41. 179a

    kyis gang ba'i 'jig rten gnas pa la/ byang chub sems dpa'i sangs rgyas kyi chos rnams skye'o// de la 'di skad ces bya ste// dper na lud bcas tshan dang bcas pa la// sa bon skye'o dgon dung rnams na min// de bzhin nyon mongs log ldan skye bo la// rgyal sras rnams kyi rgyal ba'i chos rnams skye// 'od srung 'di lta ste dper na/ 'brog dgon pa dgon dung rnams na ni pad ma mi skye'o// 'od srung de bzhin du gang 'dus ma byas la byang chub sems dpa'i sangs rgyas kyi chos rnams skye ba na ma byung mi 'byung ngo // de la 'di skad ces bya ste/ dper na pad ma chu rdzing rnams na skye// dgon dung dag na namos kyang skye mi 'gyur// de bzhin 'dus ma byas las sangs rgyas chos// / skye ba gang du'ang ma byung 'byung mi 'gyur// 'od srung 'di lta ste dper na/ lung yod pa'i 'dam rdzab nas pad ma skye'o// 'od srung de bzhin du nyon mongs pa'i lud yod pa'i 'dam rdzab log pa nyid du nges pa'i sems can rnams la/ byang chub sems dpa'i sangs rgyas kyi chos rnams skye'o// de la 'di skad ces bya ste// dper na lung bcas 'dam rdzab chu las ni// pad ma skye'i thang las nam yang min// de bzhin nyon mongs log ldan skye bo la// rgyal sras rnams kyi rgyal ba'i chos rnams skye// 'od srung 'di lta ste dper na rgya mtsho chen po bzhi mar sar gyis yongs su gang bar gyur pa de bzhin du/ byang chub sems dpa'i dge ba'i rtsa ba mngon par 'dus byas pa blta bar bya'o// de la 'di

  42. 179b

    skad ces bya ste// dper na rgya mtsho chen po mar sar gyis/ yongs gang gtsang zhing kun nas yid du 'ong // de bzhin byang chub sems dpa'i bde gshegs sras// dge ba'i rlung gis rtag tu gang bar blta'o// 'od srung 'di lta ste dper na/ mi la la zhig gis skra tshal pa brgyar gshegs pa'i rtse mo rgya mtsho chen po bzhi las chu thigs pa gcig blangs pa de bzhin du/ 'od srung nyan thos kyi dge ba'i rtsa ba mngon par 'das byas pa blta bar bya'o// de la 'di skad ces bya ste// dper na chu'i phung po de las ni// skra 'tshal brgya'i rtse mos thigs blangs pa// de bzhin nyan thos rnams kyi dge byas pa/ dge ba dag dang ldan par blta bar bya// 'od srung 'di lta ste dper na/ yungs 'bru srin bus zos pa'i nang gi na mkha' bzhin du/ nyan thos kyi 'dus ma byas pa shes pa blta bar bya'o// de la 'di skad ces bya ste// dper na yungs 'bru srin bus zos pa'i// nang gi na mkha' de ni chung ba yin// nyan thos 'dus ma byas pa shes pa yang // de bzhin chung zhing shin tu nung bar blta// 'od srung 'di lta ste dper na/ phyogs bcu na mkha'i khams bzhin du/ byang chub sems dpa'i 'dus ma byas shes par blta bar bya'o// de la 'di skad ces bya ste/ phyogs bcu'i 'jig rten thams cad na// na mkha'i khams ni sgrib pa med par 'dug/ byang chub sems dpa'i ye shes 'dus byas pa// 'gro ba kun gyi mchog kyang de ltar blta// 'od srung 'di lta ste dper na/ rgyal po rgyal rigs spyi bo nas dbang bskur ba'i btsun mo dam pa skyes bu dbul po dang

  43. 180a

    nyal nas/ phyis de la bung byung bar gyur na/ 'od srung 'di ji snyam du sems/ de rgyal po'i bu zhes bya 'am/ gsol pa/ de ni mi 'gyur legs so// bcom ldan 'das kyis bka' stsal pa/ 'od srung de bzhin du nga'i nyan thos rnams chos rnams kyi dbyings las skyes mos kyi/ de dag de bzhin gshegs pa'i sras dbang bskur ba 'os shes mi bya'o// de la 'di skad ces bya ste// dper na rgyal po btsun mo yid 'ong ba// skyes bu dbul po dang ni nyal gyur te// de phyir de la bu byung gang yin pa// de ni rgyal po'i bu min dbang bskur min// de bzhin nyan thos 'dod chags bral gyur pa// de dag da bu dbang bskur 'os ma yin// 'di ltar de dag bdag la phan phyir brtson// bdag gzhan gnyi ga'i don byed sangs rgya sras/ 'od seng 'di lta ste dper na/ rgyal po rgyal rigs spyi bos dbang bskur ba/ bran mo ngan pa dang nyal ba de las de'i bu byung na/ 'od srung bran mo ngan pa las byung du zin kyang / de la rgyal po'i sras zhes bya'o// 'od srung de bzhin du byang chub sems dpa' sems dang po bskyed pa la 'khor ba na 'khor zhing sems can rnams 'dul ba'i mthu ma thob tu zin kyang / de ni de bzhin gshes pa'i sras shes bya'o// de la 'di skad ces bya ste// dper na 'khor lo sgyur ba bran mo dang // nyal bar gyur pa de las bu byung ba// bran mo las ni byung bar gyur kyang de// rgyal po'i sras zhes 'jig rten zer ba ltar// byang chub sems dpa' dang po sems bskyed pa// srid pa gsum na 'khor zhing mthu chung ste// sbyin dang thabs kyis sems can mi 'dul yang // sem

  44. 180b

    can dag la rgyal ba'i sras shes bya'o// bam po gnyis pa'o// / 'od srung 'di lta ste dper na/ 'khor los sgyur ba'i rgyal po la/ bu gzhon nu stobs che zhing mgyon pa'i shugs dang ldan pa mthu rnyed pa stong yod par gyur la/ de dag gang yang 'khor lo sbyar ba'i mtshan dang mi ldan na/ de dag la 'khor lo sbyar ba'i rgyal po'i sras su 'du shes mi skyed pa de bzhin du/ 'od srung de bzhin gshegs pa zha 'bring ba nyan thos bye ba brgya stong de dag gang yang byang chub sems dpar ma gyur na/ de dag la de bzhin gshegs pa'i sras 'du shes mi skyed do// de la 'di skad ces bya ste// dper na mi bdag rgyal po'i sras stong po// 'ga' yang bu'i mtshan dang mi ldan na// de phyir de dag gces byed mi nus pas// de la mi mchog bu yi 'du shes med// de bzhin sangs rgyas zha 'bring bye ba mang // 'ga' yang byang chub sems dpa' 'ga' med/ phyir// de la bde gshegs sras su dgongs mi mdzad// 'od srung 'di lta ste dper na/ 'khor los sgyur ba'i rgyal po'i btsun mo dam pa'i mngal du gzhon nu 'khor los sgyur rna ba'i mtshan dang ldan pa chags nas/ zhag bdun lon te 'byung ba chen po mer mer por 'dug kyang shin tu stobs dang ldan pas/ de la lha rnams re ba skyed kyi/ gzhon nu stobs che la mgyogs pa'i shugs dang ldan zhing mthu rnyed pa de dag la ni ma yin no// de ci'i phyir zhe na/ de ni 'khor los sgyur ba'i rigs mi 'chad par gnas pa'i phyir ro// 'od srung

  45. 181a

    de bzhin du byang chub sems dpa' sems dang po bskyed pa/ dbang po yongs su mi smin pa/ nyon mongs pa'i 'byung ba chen po mer mer por gyur pa/ 'khor ba na 'khor zhing / sangs rgyas kyi chos rnams yang dag par sgrub pa yang shin tu stobs dang ldan pas de la sngon sangs rgyas mthong ba'i lha rnams kyis re ba bskyed kyi/ dgra bco pa rnam par thar pa brgyad la bsam gtan pa de dag la ma yin no// de ci'i phyir zhe na/ de sangs rgyas kyi gdung mi 'chad par gnas pa'i phyir ro// de la 'di skad ces bya ste// dper na 'khor los sgyur ba'i btsun mo'i mchog/ de mngal bsod nams mtshan ldan sems can chags// stobs dang ldan pas lha rnams re ba skyed// gzhon nu mthu thob rnams la ma yin ltar// byang chub sems dpa' rtse gcig sems gnas shing // 'khor bar gnas shing byang chub tshol byed pa// de la lha dang klu rnams re ba skyed// rnam par brgyad po bsam gtan gle la min// 'od srung 'di lta ste dper na/ nor bu rin po che bai dUr+ya gcig gis/ 'ching bu'i nor bu'i phung po ri rab tsam zil gyis gnon to// 'od srung de bzhin du byang chub sems dpa' sems dang po bskyed pas kyang nyan thos dang rang sangs rgyas thams cad zil gyis gnon to// de la 'di skad ces bya ste// dper na 'od gsal rin chen po dUras// 'ching bu'i nor du mang po zil gyis gnon// byang chub sems dpa' thog mar sems bskyed pas// nyan thos stong yang de ltar zil gyis gnon// 'od srung 'di lta ste dper na/ bya ka la bi

  46. 181b

    phrag gu sgo nga'i skabs na 'dug pa mig ma bye ba yang 'di lta ste/ zab cing snyan pa'i sgra skad kyis pa'i tshogs thams cad zil gyis gnon to// 'od srung de bzhin du byang chub sems dpa sems dang po bskyed pa ma rig pa'i sgo nga'i sbubs na 'dug pa las dang nyon mongs pa'i mun pa dang / rab rib kyi ling rtog gis mig khebs pa yang 'di lta ste/ dge ba'i rtsa yongs su sngo ba'i sbyor ba'i sgra skad kyis/ nyan thos dang rang sangs rgyas thams cad zil gyis gnon to// 'od srung 'di lta ste dper na/ 'khor los sgyur ba'i rgyal po'i btsun mo dam pa las gzhon na 'khor los sgyur ba'i mtshan dang ldan pa btsas ma thag tu tshong dpon dang / grong rdal gyi mi dang / yul gyi mi thams cad dang / rgyal phran thams cad phyag 'tshal bar 'gyur ro// 'od srung de bzhin du byang chub sems dpa' sems dang po bskyed pa la yang lha dang bcas pa'i 'jig rten phyag 'tshal lo// de la 'di skad ces bya ste/ dper na sa bdag chen po rgyal po sa// mtshon gyis lum smras bragagi yang byu // gnan nu na bas par mayongs pag/ khyod khye sa hrAng+yas than pas ca da// dang sbyin bya mas pas bskyed ma thag/ mtshan ldan rgyal ba'i sras po de la ni// lha dang bcas pa'i 'jig rten phyag 'tshal zhing // dang po'i sems kyis shin tu gtses par 'dzin// 'od srung 'di lnga ste dper na/ ri'i rgyam po gang rol sman gang dag skye ba de dag mas cad ni dir bya ba med/ ris su bcad pa med/ rnam par rtog pa med de/ nad gang la btang yang nad de rab tu

  47. 182a

    zhi bar byed do// 'od srung de bzhin du byang chub sems dpa' ye shes kyi sman gang yang dag par sgrub pa de thams cad rnam par mi rtog par sgrub cing sems can thams cad la snyoms pa'i sems kyis gso bar rab tu sbyor ro// de la 'di skad ces bya ste// dper na ri rgyal gangs kyi ri bo la/ sman skyes de dag mi rtog ngar 'dzin med/ gang la gtang ba de kun zhi bar byed// kha cig nad dang rga ba'ang sel bar byed// de bzhin rgyal ba'i sras po ye shes sman// yang dag sgrub pa'ang rnam par rtog spangs nas// sems can phan phyir thams cad yang dag sgrub// snyoms pa'i sems kyis sems can gso bar byed// 'od srung 'di lta ste dper na/ zla ba tshes pa la phyag 'tshal ba ltar// nya ba la ni ma yin no// 'od srung de bzhin du gang dag nga la rab tu dad pa de dag gis byang chub sems dpa' rnams la phyag bya ba'i de bzhin gshegs pa rnams la ni de lta ma yin no// de ci'i phyir zhe na/ byang chub sems dpa' las ni de bzhin gshegs pa rnams 'byung ngo // de bzhin gshegs pa las ni nyan thos dang rang sangs rgyas thams cad 'byung ngo // de la 'di skad ces bya ste// zla ba tshes la thams cad phyag 'tshal gyi// zla ba nye ba la ni phyag mi 'tshal// de bzhin gang dag nga dang de dag gis// rgyal sras byang chub sems la phyag 'chom cig/ 'od srung 'di lta ste dper na/ yi ge'i phyi mo rnams ni bstan bcos thams cad 'dzin pa/ shes pa'i sngon tu 'gro'o// 'od srung de bzhin du byang chub sems dpa'i sems

  48. 182b

    dang po bskyed pa yang sangs rgyas kyi rnam par sprul pa dang / byin gyis rlabs thams cad 'dzin pa'i ye shes bla na med pa sngon du 'gro'o// 'od srung 'di lta ste dper na/ zla ba'i dkyil 'khor btang ste/ sus kyang skar ma'i gzugs la nam yang sngon phyag ma byas so// 'od srung de bzhin du mkhas pa rnams kyang / byang chub sems dpa' bdag la phan pa dang // gzhan la phan pa'i snying rje chen po dang ldan pa/ nga'i bslab pa la zhugs pa btang ste/ nyan thos la nam yang phyag mi 'tshalo// de la 'di skad ces bya ste// sus kyang zla ba rnam par spangs nas su// skar ma'i tshogs la nam yang phyag ma byas// de bzhin bslab la zhugs pa nam du yang // nga sras btang ste nyan thos phyag mi 'tshal// 'od srung 'di lta ste dper na/ lha dang bcas pa'i 'jig rten gyis/ 'ching bu'i nor bu byi dor bas kyang / 'ching bu'i nor bu nam yang nor bu rin po che bai dUr+yar mi 'gyur ro// 'od srad de bzhin du nyan thos tshul khrims dang bslab pa dang / spangs pa'i yon tan dang / yo byad bsnyungs pa dang / ting nge 'dzin thams cad dang ldan yang / byang chub kyi snying po la 'dug ste/ bla na med pa yang dag par rdzogs pa'i byang chub mngon par rdzogs par 'tshang rgya bar nam yang mi 'gyur ro// de la 'di skad ces bya ste// dper na lha dang bcas pa'i 'jig rten gyis/ 'ching bu nor bu byi dor byas kyang ni// 'ching bu dag ste bai dUr+yar mi 'gyur// 'di 'dra de nyid de'i rang bzhin 'gyur// de bzhin nyan thos khrims dang thos pa dang // bsam gtan

  49. 183a

    ldan zhing sbyangs kun ldan yang // byang chub snying por 'dug ste bdud btul nas// 'od srung 'di lta ste dper na/ nor bu rin pa che bai durar+ya byi dor byas na/ de kar sha ba na brgya stong mang po 'byung ba'i sgor 'gyur ro// 'od srung de bzhin du byang chub sems dpa'i yon tan gyi byi dor byas na/ de nyan thos dang rang sangs rgyas brgya stong mang po 'byung ba'i sgor 'gyur ro// de la 'di skad ces bya ste// rin cher bai DUr+ya ni sbyang byas na// kar sha pa na mang po 'byung bar 'gyur// de bzhin sangs rgyas sras kyi skyeng byas na/ nyon thos mang po 'byung ba'i sgor 'gyur ro// de nas bcom ldan 'das kyis tshe dang ldan pa 'od srung chen po la bka' stsal pa// 'od srung yul gang du srin bu rnga mo dud ka zhes bya ba mgo nag rgyal du nyal ba byung na yul de 'jigs pa dang bcas/ 'tshe ba dang bcas/ nye ba'i nyon mongs pa dang bcas/ 'khrug pa dang bcas par 'gyur ro// 'od srung gal te yul der byang chub sems dpa' byung na/ yul de 'jigs pa med pa dang / 'tshe ba med pa dang / nye ba'i nyon mongs pa med pa dang / 'khrug pa med par 'gyur ro// 'od srung de bas na byang chub sems dpa' sems can gyi don la brtson par bya ste/ des dge ba'i rtsa ba thams cad yang dag par bsgrub par bya'o// dge ba'i rtsa ba thams cad yang dag par bsgrubs nas/ sems can thams cad la gtang bar bya'o// ye shes sman ga chol ba des phyogs bzhir song ste/ sems can rnams la yang dag pa'i gso ba bya'o// yang dge pa'i gsob

  50. 183b

    sems can rnams gso bar bya'o// 'od srung de yang dag pa'i gso ba gang zhe na/ 'di lta ste/ 'dod chags la mi sdug pa dang / zhe sdang la byams pa dang / gti mug la rten cing / 'brel par 'byung ba dang / lta bar gyur pa thams cad la stong pa nyid dang / rtag pa dang / rnam par rtog pa dang / mtshan ma'i dmigs pa yid la byed pa'i thams cad la mtshan ma med pa dang / 'dod pa'i khams dang / gzugs med pa'i khams thams cad la gnas pa spang ba'i phyir/ smon pa med pa dang / phyin ci log thams cad spang ba'i phyir/ phyin ci ldog pa bzhi ste/ bzhi gang zhe na/ mi rtag pa la rtag par 'du shes pa la 'du byed thams cad mi rtag pa dang / sdug bsngal ba la bde bar 'du shes pa la 'du byed thams cad sdug bsngal ba dang / bdag med pa la bdag tu 'du shes pa la chos thams cad bdag med pa dang / mi sdug pa la sdug par 'du shes pa la mya ngan las 'das pa'i zhi bas gso ba dang / lus dang tshor ba dang sems pa dang / chos la gnas pa rnams la dran pa nye bar gzhag pa bzhi ste/ de la lus la lus kyi rjes su lta ba can du gnas kyang / lus kyi rjes su lta bas bdag tu lta ba mi ltung ba dang / tshor ba rnams la tshor ba'i rjes su lta ba can du gnas kyang / tshor ba'i rje su lta bas bdag tu lta ba mi ltung ba dang / sems la sems kyi rjes su lta ba can du gnas kyang sems kyi rje su lta bas bdag tu lta mi ltung ba dang / chos la chos kyi rjes su lta ba can du gnas/

  51. 184a

    chos kyi rje su lta bas bdag tu lta ba mi ltung bas gso ba dang / yang dag pa'i spong ba bzhi ni mi dge ba'i chos thams cad spong ba dang // dge ba'i chos thams cad yongs su rdzogs par 'gyur ba dang / rdzu 'phrul gyi rkang pa bzhis ni lus dang sems la ril par 'dzin pa dor bar 'gyur ba dang / dbang po lnga dang stong lngas ni ma dad pa dang le lo dang / brjed ngas pa dang / rnam par g.yeng ba dang / shes bzhin med pa rnams gso ba dang / byang chub kyi yan lag bdun gyis ni chos la shin tu rmongs shing mi shes pa gso ba dang / 'phags pa'i lam yan lag brgyad pas ni 'chal ba'i shes rab dang / phas kyi rgol ba thams cad dang / lam ngan par zhugs pa rnams gso ba ste/ 'od srung 'di ni yang dag pa'i gso ba zhes bya'o// 'od srung byang chub sems dpa' gso ba 'di la bslab par brtson par bya'o// 'od srung 'dzam bu'i gling na sman pa dang sman pa'i slob ma ji snyed yod de dag gi nang na/ 'tsho byed ni mchog ces bya'o// 'od srung gal te stong gsum gyi stong chen po'i 'jig rten gyi khams kyi sems can ji snyed de dag thams cad sman pa'i rgyal po 'tsho byed dang 'dra bar gyur kyang / de dag la la la zhig lta ba dang 'byod pa la gnas pa gso ba'i sman gang yin zhes dris na/ de dag gis she pa 'am bstan pa 'am/ bsgo bar mi nus so// 'od srung de la byang chub sems dpa' 'di snyam du bdag ni 'jig rten gyi sman tsam gyis mchog par mi bya ba'i/ bdag gis 'jig

  52. 184b

    rten las 'das pa'i ye shes kyi sman yongasu btsal bar bya'o// dge ba'i rtsa ba thams cad kyang legs par yang dag par bsgrub par bya'o snyam du brtag par bya'o// de ltar/ brtags nas 'jig rten las 'das pa'i ye shes kyi sman gang tshol ba des phyogs bzhir song la sems can rnams yang dag po'i gso ba bya ste/ yang dag pa'i gso bas sam can rnams gso bar bya'o// 'od srung de la 'jig rten las 'das pa'i ye shes kyi sman gang zhe na/ 'di lta ste/ rgyu rkyen la 'jug pa shes pa dang / bdag med pa dang / sems can med pa dang / srog med pa dang / gso ba med pa dang / gang zag med pa'i chos rnams la mos pa'i shes pa dang / stong pa nyid kyis mi dmigs pa'i chos rnams la mi sdang ba dang / sems yongs su tshol ba'i brtson 'grus so// de 'di ltar sems yongs su tshol te/ 'dod chags par 'gyur ba 'am/ zhe sdang bar 'gyur ba 'am/ gti mug par 'gyur ba'i sems de gang yin/ ci 'das pa dang / ma 'ongs pa dang / da ltar byung ba zhig yin nam/ de la sems 'das pa gang yin pa de ni zad pa'o// ma 'ongs pa gang yin pa de ni/ ma phyin pa'o// de ltar byung ba ni gnas pa med do snyam mo// 'od srung sems ni nang na yang med/ phyi rol na yang med/ gnyi ga med par yang da mi dmigs so// 'od srung sems ni dpyad tu med pa/ bston tu med pa/ rten ma yin pa/ snang ba med pa/ rnam par rig pa med pa/ gnas med pa'o// srung sems ni sangs rgyas thams cad kyis kyang ma gzig

  53. 185a

    mi gzigs gzigs par mi 'gyur ro// log par zhugs pa'i 'du shes las chos rnams byung ba ma gtogs par sangs rgyas thams cad kyis kyang ma gzigs mi gzigs/ gzigs par mi 'gyur ba gang yin pa de'i rgyu ci 'dra bar blta zhe na/ 'od srung sems ni sgyu ma dang mtshungs te/ yang dag pa ma yin pa kun brtag/ bas skye ba rnam pa mang po yongs su 'dzin to// 'od srung sems ni 'bab chu'i rgyun dang mtshungs te/ mi gnas pa/ skyes nas 'jog cing 'ju ba'o 'od srung sems ni rlung dang mtshungs te/ ring du 'gro zhing gzung du med par rgyu ba'o// 'od srung sems ni mar me'i 'od 'phro ba dang mtshungs te/ rgyu dang rkyen las byung ba'o// 'od srung sems ni na mkha' dang mtshungs te/ nye ba'i nyon mongs pa glo bur pa rnams kyis nye bar nyon mongs pa'o// 'od srung sems ni glog dang mtshungs te/ skad cig tu 'jig cing mi gnas pa'o// 'od srang sems ni spre'u dang mtshungs te// yul thams cad 'dod pa'o// 'od srung sems ni las rnam pa sna tshogs mngon par 'du byed pa'i phyir/ ri mo mkhan dang mtshungs so// 'od srung sems ni nyon mongs pa tha dad pa 'byung ba'i phyir mi gnas pa'o// 'od srung sems ni gnyis pa mtshams sbyor ba med pa'i phyir gcig pu N+ye ste gnyis su med pa'o// 'od srung sems ni chos thams cad la dbang byed pa'i phyir rgyal po dang mtshungs so// 'od srung sems ni sdug bsngal thams cad skyed pa'i phyir mi mdza' ba dang mtshungs so// 'od srung sems ni dge ba'i rtsa ba thams cad 'jig par byed pa'i phyir bye ma'i khang pa dang

  54. 185b

    mtshungs so// 'od srung sems ni mi rtag pa la rtag par 'du shes pa'i phyir zil pa dang mtshungs so// 'od srung sems ni sdug bsngal la bde bar 'du shes pa'i phyir nya'i mchil pa dang mtshungaso// 'od srung sems ni bdag med pa la bdag tu 'du shes pa'i phyir rmi lam dang mtshungs so// 'od srung sems ni mi gtsang ba la gtsang bar 'du shes pa'i phyir sbrang ma sngon po dang mtshungaso// 'od srung sems ni gnod pa rnam pa mang po byed pas phyir rgol ba dang mtshungs so// 'od srung sems ni rtag tu glen ga tshol ba'i phyir gnod sbyin mdangs 'phrog ma dang mtshungs so// 'od srung sems ni rtag tu glags lta bas dgra dang mtshungs so// 'od srung sems ni rjes su chags dang khong khro ba dang ldan pas rtag par mthon dman can no// 'od srung sems ni dge ba'i rtsa ba thams cad rku bas chom rkun dang 'dra'o// 'od srung sems ni gzugs la dga' bas phi byi zho la'i mig dang mtshungs so// 'od srung sems ni sgra la dga' bas g.yul gyi rnga dang mtshungs so// 'od srung sems ni bag mi gtsang ba'i dri la dga' ba bzhin du dril dga'o// 'od srung sems ni ro la dga' bas zas kyi lhag ma za ba'i bran mo dang mtshungs/ 'od srung sems ni reg pa la dga' bas sbrang ma 'bru mar gyi snod la chags pa dang mtshungs so// 'od srung sems ni kun tu btsal na mi rnyed do// gang mi rnyed pa de ni mi dmigs pa'o/ gang mi dmigs pa de ni 'das pa yang ma yin/ ma 'ongs pa yang ma yin/ da ltar byung ba yang ma yin no// gang 'das pa yang ma yin/ ma 'ongs pa yang ma yin/ da ltar byung ba

  55. 186a

    yang ma yin pa de ni dus gsum las yang dag par 'das pa'o// gang dus gsum las yang dag par 'das pa de ni yod pa yang ma yin/ med pa yang ma yin no// gang yod pa yang ma yin/ med pa yang ma yin pa de ni ma skyes pa'o// gang ma skyes pa de ni ngo bo nyid med do// gang la ngo bo nyid med pa de la 'byung ba med do// gang 'byung ba med pa de la 'gag pa med do// gang 'gag pa med pa de la 'bral ba med do// gang 'bral ba med pa de la 'ongs pa med/ 'gro ba med/ 'chi 'pho ba yang med/ skye ba med do// gang la 'ong ba yang ba yang med/ 'gro ba yang med/ 'chi 'pho ba yang med/ skye ba yang med pa de la 'du byed gang yang med do// gang la 'du byed gang yang med pa de ni 'dus ma byas so// gang 'dus ma byas ba de ni 'phags pa rnams kyi rigs so// 'phags pa rnams kyi ris gang yin pa de la bslab pa med/ bslab pa las 'das pa yang med do// gang la bslab pa yang med/ bslab pa las 'das pa yang med pa de la rgyu ba yang med/ mi rgyu ba yang med/ rab tu rgyu ba yang med do// gang la rgyu ba yang med/ mi rgyu ba yang med/ rab tu rgyu ba yang med pa de la sems kyang med// sems las byung ba'i chos rnams kyang med do// gang la sems kyang med/ sems las byung ba'i chos rnams kyang med pa de la las kyang med/ las kyi rnam par smin pa yang med do// gang la las kyang med/ las kyi rnam par smin pa yang med pa de la bde ba yang med/ sdug bsngal yang med do// gang la bde ba yang med/ sdug bsngal yang med pa de ni 'phags pa rnam

  56. 186b

    kyi rigs te/ 'phags rnams kyi rigs gang yin pa de la ni las kyang med/ las mngon par 'du shes pa yang med do// gang la las kyang med/ las mngon par 'dra byed pa yang med pa'i rigs de la ni lus kyi las med do// ngag gi ma yin/ yid kyi ma yin no// rigs de la tha ma dang / 'bring dang / mchog tu rnam par gzhag pa med do// de ci'i phyir zhe na/ rigs de ni// nam mkha' dang mtshungs pa'i phyir mnyam pa'o// rigs de ni chos thams cad ro gcig pa'i phyir khyad par med pa'o// rigs de ni lus dang sems dben pa'i phyir dben pa'o// rigs de/ mya ngan las 'das pa dang 'thun pa'o// rigs de ni nyon mongs pa thams cad kyi dri ma dang bral ba'i phyir dri ma med pa'o// rigs de ni ngar 'dzin pa dang / ngar 'dzin pa med pas nga'i ba med pa'o// rigs de ni yang dag pa dang yang dag pa ma yin pa mnyam pa las byung ba ste mi mnyam med pa'o// rigs de ni dam pa'i bden pa yin pas bden pa'o// rigs de ni gtan tu mi skye ba'i phyir mi zad pa'o// rigs de ni rtag tu chos thams cad de bzhin nyid kyi phyir rtag pa'o// rigs de ni mya ngan las 'das pa mchog gi phyir bde ba'o// rigs de ni rnam pa thams cad dri ma med pa'i phyir dge ba'o// rigs de ni bdag yongs su btsal te ma rnyed pa'i phyir bdag med pa'o// rigs de ni rab tu rnam par dag pa'i phyir rnam par dag pa'o// 'od srung nang du yong su tshol la phyi rol tu ma rgyu zhig/ 'od srung ma 'ongs pa'i dus na dge slong khyi rdo la stsogs pa dang mtshungs pa dag 'byung ngo // 'od srung ji ltar dge slong

  57. 187a

    khyi rdol sogs pa dang mtshungs pa dag yin zhe na/ 'od srung 'di lta ste dper na/ khyen ngos 'jigs la/ rdo nyid kyi phyir sogs kyi rdo de sus 'pha de la ni mi stsogs so// 'od srung de bzhin du 'di la dge sbyong dang bram ze kha cig gzugs dang / sgra dang / dri dang / ro dang / reg byas 'jigs shing skrag nas dgon pa'i gnas shing / de dag na gcig pu gnyis su med par lus rab tu dben par 'dug ste/ chags par 'gyur ba'i gzugs dang / sgra dang / dri dang / ro dang / reg bya rnams snang bar gyur na/ de dag de la btang snyoms su 'jog cing gsod nyams su sbyor ba dang ldan par gnas kyi nang du so sor rtog pa la mngon par mi brtson te/ de dag gzugs dang / sgra dang / dri dang / ro dang / rag bya rnams cis byung ba mi shes shing khong du mi nod do// de dag gis de ma shes shing khong du ma chud pas/ grong dang / grong khyer dang / grong rdal dang / ljongs dang / yul 'khor dang / rgyal po'i pho brang 'khor dag tu song na yang / gzugs dang / sgra dang / dri dang / ro dang / reg bya rnams kyis gnod par 'gyur ro// gal te de dag dgon pa na gnas ba las 'chi ba'i dus byas par gyur na/ 'jig rten pa'i sdom pa la gnas pa de dag mtho ris kyi 'jig rten du skye bar 'gyur te/ der yang de dag dgan pa na gnas pa las lha'i 'dod pa'i yon tan lnga po dag gi gnod par 'gyur ro// de dag de nas shi 'phos nas ngan srong bzhi las ma grol bar 'gyur te/ bzhi gang zhe na/ 'di lta ste sems can dmyal

  58. 187b

    ba dang / bdud 'gro'i skye gnas dang / gshin rje'i 'jig rten dang / lha ma yin no// 'od srung de ltar na dge slong khyi rdo la snyogs pa dang mtshungs pa dag yin no// 'od srung ji ltar na khyi rdo la snyogs pa dang mi 'dra ba yin zhe na/ 'od srung gang gshe yang slar mi gshe/ khros kyang slar mi khro// mtshang brus kyang slar mtshang mi 'bru/ brdegs kyang slar mi brdeg/ bsdig kyang slar mi sdigs/ smad kyang slar mi smod cing nang du sems la so sor rtog ste/ 'di la gshe ba 'am/ khros pa 'am/ brdegs pa 'am/ bsdigs pa 'am/ smad pa 'am/ mtshang bras pa de dag gang yin pa snyam du so sor rtog pa'o// 'od srung de ltar na dge slong khyi rdol snyogs pa mi 'dra ba yin no// de la 'di skad ces bya ste/ sus 'phangs mi snyogs rdo la snyogs par byed// de bzhin dge sbyong bram ze la la dag/ gzugs la sogs pas skrag nas dgon par gnas// de dgon pa de la gnas gyur kyang // gzugs la sogs pa sdug po mthong gyur na// btang snyoms 'jog cing nang gi tshul mi shes/ de'i nyes las byung ba gang yin pa// mi shes pas na slar yang grong du gnas// gzug la sogs pas der yang gnod par 'gyur// 'dir yang lha'i long spyod pa spyad gyur te// lha dang maM las kha cig shi 'phos nas// de dag ngan song sar ni ltung bar 'gyur// blun po de dag shi 'phos sdug bsngal 'gyur// de ltar sdug bsngal brgya ldan de dag ni// khyi rdo snyogs pa 'dra zhes bde gshegs gsungs// spyos kyang mi shes brdegs

  59. 188a

    kyang mi rdeg dang // su 'azhig smad kyang smad par mi byed dang // de bzhin mtshang 'brus mtshang 'dru mi byed dang // khros kyang nges par khro bar mi byed cing / \u0f7fnang gi sems kyi gnyen por gyur pa dag/ tshol zhing yid zhe dran dang ldan gyur pas// de 'dra'i tshul khrims rtul zhugs ldan pa ni// rdo sngogs khyi mo 'dra zhes rgyal bas gsungs// 'od srung 'di lta ste dper na/ rta'i 'dul spyod la mkhas pas rta gang dang gang du g.yo byed cing ma byang ba de dang de rab tu sbyong ngo // 'od srung de bzhin du dge slong rnal 'byor spyod pa yang gang dang gang du sems 'gyur bar mthong ba dang / de dang de rab tu spyod po la 'jug ste/ de ci na phyis 'khrug par mi 'gyur bar de ltar sems rab tu 'chos so// de la 'di skad ces bya ste// dper na rta'i 'dul chos mkhas pa zhig/ byang zhing g.yo med tshul du rab tu 'dul// rnal 'byor pa yang sems ni 'gyur mthong na// ji ltar phyis 'khrug mi 'gyur de ltar chos// 'od srung 'di lta ste dper na/ rkog nad lha gyis ni srog gi dbang po'agag par byed do// 'od srung de bzhin du lta bar gyur pa thams cad kyi nang na bdag tu 'dzin pa ni chos kyi srog gi dbang po 'gag par byed do// de la 'di skad ces bya ste/ dper na lha gor srog gi dbang po la// gnod cing de la bde ba sbyin pa mi de bzhin lta bar gyur nang bdag lta ba// de ni chos srog rnam par 'jog par byed// 'od srung 'di lta ste dper na/ mi ni gang dang gangadu bcing ba de nyid las dgrol bar bya ba yin no//

  60. 188b

    'od srung de bzhin du rnal 'byor spyod pa'i sems gang dngag la chags pa de dang de las dgrol bar bya ba yin no// de la 'di skad ces bya ste/ dper na mi ni gang du bcings gyur pa/ de dang de las dgrol bar bya yin/ de bzhin sems rmongs gang dang gar chags pa// rnal 'byor pas ni de dang de las dgrol// 'od srung 'di gnyis ni rab tu byung ba'i na mkha' la yongs su chags pa ste/ gnyis gang zhe na/ 'jig rten rgyang phan pa'i gsang tshogs yongs su tshol ba dang / lhung bzed dang chos gos lhag par 'chang ba ste/ 'di gnyis so// de la 'di skad ces bya ste/ 'jig rten rgyang phan goms byed brtson pa dang // lhung bzed chos gos lhag par 'chang byed pa// 'di ni na mkha' la ni chags pa ste// de dag byang chub sems dpas spang bar bya// 'od srung 'di gnyis ni rab tu byung ba'i 'ching ba dam po ste/ gnyis gang zhe na/ lta bar gyur pa'i 'ching ba dang / rnyed pa dang bkur bsti dang tshigs su bcad pa'i 'ching ba ste 'di gnyis so// de la 'di skad ces bya ste// lta gyur 'ching dang rnyed dang bkur sti dang // grags pa'i 'ching ba rab tu byung ba'i// 'ching ba dam zhes 'phags pa rnams kyis gsungs// de dag rtag tu rab tu byung bas spang // 'od srung 'di gnyis ni rab tu byung ba'i bar du gcod pa'i chos te/ gnyis gang zhe na/ khyim pa'i phyogs la sten pa dang / 'phags pa'i chog la gnod par sems pa ste/ 'di gnyis so// de la 'di skad ces bya ste/ khyim pa'i phyogs la sten par byed pa dang // 'phags pa'i rophyog la rnam par spong byed pa// 'dig

  61. 189a

    rab byung bar chung bgegs byed yin// byang chub sems dpas de dag rnam par spang // 'od srung 'di gnyis ni rab tu byung ba'i dri ma ste/ gnyis gang zhen nyon mongs pa mi mjed pa dang / mdza' bo'i khyim dang zas ster ba'i khyim yongs su 'dzin pa ste/ 'di gnyis so// de la 'di skad ces bya ste// rab tu byung ba nyon mongs mi mjed dang // mdza' bo'i khyim dang zas steng khyim ston pa// de gnyis dri mar rgyal ba'i dbang pos gsungs// byang chub sems dpas de dag rnam par spang // 'od srung 'di gnyis ni rab tu byung ba'i sor ba 'bab pa ste/ gnyis gang zhe na/ dam pa'i chos spong ba dang / tshul khrims la so nyams kyang dad pas byin pa yongs su spyod pa ste/ 'di gnyis so// / de la 'di skad ces bya ste// dam pa'i chos ni spong ba dang // tshul khrims nyams kyang spyod pa ste// ser sna bab pa 'di gnyis ni// rgyal sras rnams kyis spang bar bya// 'od srung 'di gnyis ni rab tu byung ba'i rma yin te/ gnyis gang zhe na/ pha rol gyi nyes pa la so sor rtog pa dang / bdag gi nyes pa 'chab pa ste 'di gnyis so// de la 'di skad ces bya ste// bdag gi sbyin ni 'chab byed dang // pha rol nyes pa rtag byed pa// 'di gnyis dug gi mi dang 'dra// rtog pa rnams kyang rma 'di spong // 'od srung 'di gnyis ni rab byung ba'i yongasu gdung pa ste// gnyis gong zhe na/ rnyog pa dang bcas pa'i sems kyis ngur smrig 'chang ba dang / tshul khrims dang ldan pa yon tan dang ldan pa las/ bsnyen bkur dang

  62. 189b

    rim gro bya ba bdag gir byed pa ste/ 'di gnyis so// de la 'di skad ces bya ste// rnyog dang bcas pa'i sems kyis dung smrig 'chang ba dang / bsnyen bkur rims gro bodang dang gus pa smra ba dag/ tshul khrims ldan pa rnams las sten par byed pa dang // chos gnyis 'di dag yongasu spong bar bya ba yin// 'od srung 'di gnyis ni rab tu byung ba'i zug rngu ste/ gnyis gang zhe na/ bslab pa'i gzhi las 'gal ba dang / snying po mo bslangs par 'chi ba'i dus byed pa ste 'di gnyis so// 'od srung 'di gnyis ni rab tu byung ba'i nad gsor mi rung ba ste/ gnyis gang zhe na/ mngon pa'i nga rgyal gyis sems nges par sems pa dang / theg pa chen po la yang dag par zhugs pa'i gang zag rnams kyi 'dun pa zlog pa ste/ 'di gnyis so// de la 'di skad ces bya ste// mngon pa'i nga rgyal sems la nges sems dang // sangs rgyas theg pa las ni 'dun pa zlog/ 'di gnyis rab tu byung ba'i nad yir zhes// gang zag mtshungs pa med pa'i rgyal bas gsungs// 'od srung dge sbyong dge sbyong zhes bya ba/ ji tsam gyis na dge sbyong dge sbyong zhes bya ba zhe na/ 'od srung bzhi po 'di dag ni dge sbyong ste/ bzhi gang zhe na/ kha dog dang rtags kyi dbyibs kyi dge sbyong dang / cho ga srung zhing tshul chos pa'i dge sbyong dang / brjod pa'i sgra tshig su bcad pa'i dge sbyong dang / yang dag par sgrub pa'i dge sbyong ngo // 'od srung de la kho dog dang rtag dang dbyibs kyi dge sbyong gang zhe na/ 'od srung 'di la dge sbyong kha cig kha dog dang / rtags kyi dbyibs dang ldan par gyur na/ chos gos snam bskur gyon cing

  63. 190a

    mgo bregs te/ lag na lhung bzed thogs mod kyi de lus kyi las yongs su ma dag par spyod/ ngag gi las yongasu ma dag par spyod/ yid kyi las yongasu ma dag par spyod cing / ma dul ba/ ma zhi ba/ bsrung ba ma byeng ba/ 'tsho ba yongs su ma dag pa/ brkam pa le lo can/ tshul khrims 'chal ba sdig pa'i chos can yin te/ 'od srung de ni kha dog dang rtags kyi dbyibs kyi dge sbyong zhes bya'o// 'od srung de la cho ga srung zhing tshul chos pa'i dge sbyong gang zhe na/ 'od srung 'di la dge sbyong kha cig cho ga dang spyod yul dang / spyod pa phun sum tshogs po shing spyod lam bzhir shes bzhin du spyod la/ zas dang skom ngan pa za 'thung 'phags pa'i rigs bzhi pa de dag gis chog par 'dzin/ bas mtha'i gnas mal la mngon par dga'/ khyim pa dang rab tu byung ba rnams dang / mi 'drel tshig nyung zhing smra ba nyung mod kyi/ de'i spyod lam de dag kyang tshul 'chos pa dang / kha gsag gis yongasu brtag/ pa yin te/ sems yongs su dag par bya ba'i phyir ma yin/ 'dul bar bya ba'i phyir ma yin/ nye bar zhi bar bya ba'i phyir ma yin gyi/ dmigs par lta ba yin te/ ngar 'dzin pa dang / ngar 'dzin pa la gnas shing / stong pa nyid kyis mi dmigs pa'i chos rnams la g.yeng sar 'du shes pa yin stong pa nyid smra ba'i dge slong rnams la dgrar 'du shes pa yin te/ 'od srung do/ cho ga srung zhing tshul 'chos pa'i dge sbyong zhes bya'o// 'od srung de la rjod pa'i sgra tshigasu bcad pa'i dge sbyong gang zhe na/ 'od srung 'di la dge sbyong kha cig ji ltar bdag tshul khrims

  64. 190b

    dang ldan par gzhan gyis shes par 'gyur snyam du so sor brtags nas/ tshul khrims srung / ji ltar mang du thos par gzhan gyis shes par 'gyur bar so sor brtags nas/ thos pa 'dzin/ ji ltar bdag dgon par gzhan gyis shes par 'gyur snyam du so sor brtags nas/ dgon pa la gnas shing so sor brtags nas/ 'dod pa nyung zhing chog shes pa dang / rab tu dben par gyur te/ 'di ltar gzhan la bstan pa'i phyir gyi/ skyo bar bya ba'i phyir ma yin/ 'dod chags dang bral bar bya ba'i phyir ma yin/ 'gog par bya ba'i phyir ma yin/ nye bar zhi bar bya ba'i phyir ma yin/ rdzogs par byang nub par bya ba'i phyir ma yin/ dgra sbyong gi phyir ma yin/ mya ngan las 'das pa'i phyir ma yin te/ 'od srung 'di ni brjod pa'i sgra migasu bcad pa'i dge slong zhes bya'o// 'od srung de la yang dag par sgrub pa'i dge sbyong gang zhe ni/ 'od srong gang lus dang srog la yang mi lta ba yin na/ rnyed pa dang bkur sti dang tshigasu bcad palta la ci smos/ stong pa nyid dang / mtshan ma med pa dang / smon pa med pa'i chos rnams thos nas/ dga' zhing de bzhin nyid du zhugs pa yin mya ngan las 'das pa yang 'dod pa med par spyad pa spyod na khams gsum pa la mngon par dga' ba lta ci smos/ stong pa nyid du lta ba yang mi 'dod pa yin na/ bdag dang sems can dang / srog dang / skye ba po dang / gso ba dang / skyes bu dang / ga zag tu lta ba lta 'i smos/ don la rton gyi tshig 'phrul rten pa ma yin/ nyon mongs pa rnams las rnam par thar pa nang du rol gyi/ phyi rol du rtag pa yin/ chos thams cad shin tu yongs su

  65. 191a

    dag cing rang bzhin gyis kun nas nyon mongs pa med par mthong bas bdag nyid skyabs yin/ gzhan skyabs ma yin/ de bzhin gshegs pa la chos nyid du yang mi lta na/ gzugs kyi skar lta ci smos/ chos la 'dod chags dang bral bar yang mi lta na/ sba ba'i tshig gi lam nas brjod pa lta ci smos/ 'phags pa 'das ma byas kyi dge 'dun la yang rnam par mi rtog na/ mang por 'dus par lta ci smos/ chos gang spang bar bya ba'i phyir brtson pa ma yin/ bsgom par bya ba'i phyir ma yin/ mngon gsum du bya ba'i phyir ma yin/ 'khor bar yang mi skye/ mya ngan las 'das pa la yang mngon par dga' ba ma yin/ thar par yang mi dmigs/ bcings pa yang ma yin/ chos thams cad rang bzhin gyis yongs su mya ngan las 'das par rig nas kun tu mi khong/ yongs su mya ngan las mi 'da' ba yin te/ 'od srung de ni yang dag par sgrub pa'i dge slong zhes bya'o// 'od srung yang dag par sgrub pa'i dge sbyong du 'gyur bar brtson par bya'i/ ming gis gnod par mi bya ste/ 'od srung dge sbyong ni bzhi pa 'di dag go// de la 'di skad ces bya ste/ gang zhig lus dang ngag dang sems ma dag/ ma dul ma bsrung ma byang 'dod chen can/ mgo bregs chos gos lhung bzed lag ni thogs// de ni dbyibs rtag dge sbyong yin zhes bstan// cho ga spyod pa la sogs ldan gyur cing // kha zas ngan pa tshul 'chos la sogs ston// 'du 'dzi rgyang ring yongasu spong byed cing // spyod lam 'phags pa'i rigs dang ldan gyur kyang // de'i de kun dul bar bya phyir men// zhi phyir ma yin/

  66. 191b

    skyo bar bya phyir men// stong pa mtshan med ga yang sar 'du shes pa// cho ga srung zhing tshul 'chos gnyis pa yin// tshul khrims ting 'dzin sbyangs pa'i yon tan thos// gzhan dag ngo mtsha 'dzin tu gzhug phyir byed// zhi phyir ma yin skyo bar ba phyir min// brjod dang grags 'dod dge sbyong gsum pa yin// gang zhig lus srog don tu mi gnyer zhing // rnyed dang bkur sti la ni rgyab kyis phyogs// rnam par thar pa'i bskyod pa'i sgra thos nas// srid pa'i 'gro ba thams cad don mi gnyer// chos rnams shin tu stong par yongs brtags nas/ mya ngan 'das dang ma 'das mthong mi 'gyur// chos la 'dod chags bral bar rtag tu rtog/ ma byas chos rtogs mya ngan 'das par 'gyur// 'od srung 'di lta ste dper na/ mi dbul po zhig la mdzod 'byor pa zhes ming du btags nas/ 'od srung 'di ji snyam du sems/ mi dbul po de dang ming 'thun pa yin nam/ gsol po/ bcom ldan 'das de ni ma lags/ bcom ldan 'das kyis bka' stsal pa/ 'od srung de bzhin du gang dge sbyong dang bram ze gang dag dge slong dang bram ze'i yon tan dang mi ldan pa de dag ni gsungs rab 'di las mi dbul po zhes ngas bshad do// de la 'di skad ces bya ste/ dper na dbul por gyur pa'i mi zhig la// mdzod ldan ming btags de la mdzes ma yin// dge sbyong nyams la dge sbyong ming mi mdzes// dbul la phyag ces btags pa'i dpa' mtshungs// 'od srung 'di lta ste dper na/ mi la la zhig rgya mtsho'i chu chen pos khyer la// chus skom bzhin du 'chi ba'i dus

  67. 192a

    byed pa de bzhin// 'od srung 'di la dge sbyong dang bram ze kha gcig chos mang po blangs te kun nub par byas kyang / 'dod chags la sred pa mi sel/ zhe sdang la sred pa sri sel/ gti mug la sred pa mi sel ba de dag chos kyi rgya mtshos khyer la nyon mongs pa'i skom pas 'tshe ba'i dus byed par 'gyur te/ ngan 'gror 'gro bar 'gyur ro// de la 'di skad ces bya ste/ dper na mi zhig rgya mtsho'i chus khyer la// de ni slob bzhin 'chi ba'i dus byed 'gyur// de bzhin chos mang sred pas bag med pa// chos kyi rgya mtshor gnas kyang ngan 'gror 'gro/ 'od srung 'di lta ste dper na/ sman pa sman sgro thogs te phyogs dang phyogs mtsham su rgyu ba de nad cig gis btab nas/ nad de gso mi nus na/ de'i sman de ni don med pa yin no// 'od srung de bzhin du mang du thos pa'i nyon mongs pa'i nang tu blta ste/ gang mang du thos pa des bdag nyon mongs pa'i nad las gso mi nus na/ de'i mang du thos pa de ni don med pa yin no// de la 'di skad ces bya ste/ dper na sman pa'i sman sbyor bcug pa'i sman// 'jig rten kun tu yongs su byed kyang // nad kyis btab pa sazlog par mi nus na// de'i sman de don med gyur pa yin// de bzhin dge slong tshul khrims yon tan ldan// thos dang ldan yang tshul bzhin ma yin pa'i// nyon mongs byung ba'i nad ni mi sel ba// de'i thos la brtson pa don med yin// 'od srung 'di lta ste dper na/ mi nad pa zhig la rgyal po la 'os pa'i sman btang la cho ga bzhin kha byas pas 'chi ba'i dus pa de bzhin du/ 'od srung gang mi sdom pa des 'chi ba'i dus byas pa de yang /

  68. 192b

    mang du thos pa'i nyon mongs pa'i nang du blta'o// de la 'di skad ces bya ste/ dper na rgyal po 'os pa'i sman btang nas// cho ga ma byas mi de shi bar 'gyur// de bzhin gang mi sdom pas 'dir shi baM/ k+She/ de ni mang du thos pa'i nyon mongs nad// 'od srung 'di lta ste dper na/ nor bu rin po che mi gtsang ba'i nang du ltung na/ smad par gyur cing mkho bar mi 'gyur ro// 'od srung de bzhin du mang du thos pa rnyed pa dang bkur sti'i mi gtsang ba'i nang du ltung bar blta ste/ ci yang med pa la ni lha dang mi rnams dga' bar 'gyur ro// de la 'di skad ces bya ste/ dper na rin chen mi gtsang lhung ba smad ji ltar sngon bzhin de ni phyis ma yin// dge slong mang du thos par gyur pa ying // bkur sti btsang lhung ba de bzhin bshad// 'od srung 'di lta ste dper na/ mi ro'i mgo la gser gyi 'phreng bas btags pa de bzhin du/ tshul khrims 'chal ba ngur smrig thor pa bilta'o// de la 'di skad ces bya ste/ dper na mi'i ro'i mgo la gser 'phreng ma// yang na me tog 'phreng ba gdas byas pa/ de bzhin khrims med ngur smrig gyon pa yang // mthong nas de la yid ni dang mi 'gyur// 'od srung 'di lta ste dper na/ tshong dpon gyi bu zhib legs par khrus byas te/ legs par rnam par byugs la// skra dang sen mo bregs nas/ gos dkar po bgos te can mchog gis bskus pa'i mgo la/ tsam pa ka'i me tog gi 'phreng ba thogs pa de bzhin du/ 'od srung chus khrims dang ldan zhing mang du zas pa du sdig gyon par blta'o// de la 'di skad ces bya ste/ legs bkrus lags par byugs pa yi/ tshong dpon bu'i mag pa yi// mams

  69. 193a

    ka'i me tog 'phreng // dri zhim yid 'ong btags pa mdzes// de bzhin tshul khrims ldan gyur cing // mad thos tshul khrims phun sum tshogs rgyal ba'i sras po yon tan ldan// de la ngur smrig de bzhin mdzes// 'od srung bzhi po 'di dag ni tshul khrims 'chal pa/ tshul khrims dang ldan par bcos pa yin te/ bzhi gang zhe na/ 'od srung 'di la dge slong kha cig tshul khrims dang ldan pa yin te/ so sor thar pa'i sdom pas bsdams shing gnas/ cho ga dang spyod yul phun sum tshogs/ kha na ma tho ba phra rab rnas la yang 'jigs par blta/ yang dag par blangs te bslab pa'i bzhi rnams la slob cing lus kyi las dang / ngag gi las dang / yid kyi las yongs su dag pa dang ldan par gnas bas 'tsho ba yongasu dag kyang de bdag tu smra ba yin te/ 'od srung de ni tshul khrims 'chal pa tshul khrims dang ldan pa ltar bcos pa dang po'o// 'od srung gzhan yang 'di la dge sbyong kha cig/ 'du bla 'dzin cing 'dul ba la zhugs te 'dul ba'i tshul la gnas pa yin yang / 'jigs tshogs la lta ba las ma bskyed pa yin te/ 'od srung de ni tshul khrims 'cha pa/ tshul khrims dang ldan par bcos pa gnyis pa'o// 'od srung gzhan yang 'di la dge slong kha cig byams pa gnas pa yin te/ sems can la dmigs pa'i byams pa dang ldan pa yin yang 'du byed thams cad la skye ba med par thos na/ skrag ste kun tu dngang bar 'gyur zhing kun tu rab tu dngang bar 'gyur ba de ni/ 'od srung tshul khrims 'chal ba tshul

  70. 193b

    khrims dang ldan par bcos pa gsum pa'o// 'od srung gzhan yang 'di la dge slong kha cig sbyangs pa'i yon tan bcu gnyis yang dag par blangs kyang dmigs par lta ba yin te/ ngar 'dzin pa dang / dir 'dzin pa la gnas pa de ni/ 'od srung tshul khrims 'chal pa tshul khrims dang ldan pa ltar bcos pa bzhi pa ste/ 'od srung bzhi po de dag ni tshul khrims 'chal pa tshul khrims dang ldan pa ltar bcos pa yin no// 'od srung tshul khrims shes bya ba ni gang la bdag med pa dang / bdag ge ba med pa dang / bya ba med pa dang / mi bya ba yang med pa dang / bya ba med pa dang / byed pa med pa yang ma yin pa dang / rgyu ba mo yin pa dang / mi rgyu ba yang ma yin pa dang / rab tu spyod pa med pa yang ma yin pa dang / ming med pa dang / gzugs med pa dang / mtshan ma med pa dang / mtshan ma med pa yang mi yin pa dang / rab tu zhi ba ma yin pa dang / rab tu zhi ba yang ma yin pa dang / 'dzin pa med pa dang / 'dor ba med pa dang / gzung ba med pa dang / gzung ba med pa ma yin pa dang / sems can med pa dang / sems can du 'dogs pa med pa dang / tshig med pa dang tshig tu 'dogs ma med pa dang / sems med pa dang / sems su 'dogs pa med pa dang / 'jig rten med pa dang / 'jig rten med pa yang ma yin pa dang / rten med pa dang / rten med pa ma yin pa dang / bdag gi tshul khrims la mi bstod pa dang / gzhan gyi tshul khrims la mi spod pa dang / tshul khrims kyis rlom sems su mi byed pa dang / tshul khrims

  71. 194a

    la mi rtog pa yin te/ de ni 'phags pa rnams kyi tshul khrims zag pa med pa dang / gtogs pa ma yin pa/ khams gsum pa dang bral ba/ rten thams cad med pa zhes bya'o// de nas bcom ldan 'das kyis tshigs su bcad pa 'di dag gsungs so// tshul khrims ldan la dri ma med cing ci yang med// tshul khrims ldan la rgyags pa med cing rten pa med// tshul khrims ldan la mun pa med cing 'ching ba med// tshul khrims ldan la rdul rnams med de nyes pa med pa med// zhi ba rab tu zhi ba nye bar zhi ba'i yid// rtog dang rnam par rtog dang bral zhing nyon mongs med// g.yo ba dang ni rlom sems kun dang rnam bral ba// de ni 'od srung sangs rgyas bstan la tshul khrims ldan// / lus la mi lta srog la phangs par 'dzin mi byed// srid pa rnamasu skye ba kun la 'dod pa med// yang dag zhugs shing de nyid tshul la rab gnas pa// de ni 'od srung sangs rgyas bstan la tshul khrims ldan// 'jig rten ma gos 'jig rten dag la gnas pa med// snang ba thob cing bdag gi med de ci yang med// bdag tu 'du shes med de gzhan du 'du shes me 'du shes yongasu shes pas tshul khrims rnam par dag/ gang la tshu rol med cing pha rol dbus kyang med// pha rol tshu rol dag la nams kyang mi chags shing // bcing dang chags med 'chos med cing zag pa med// de ni 'od srung sangs rgyas brtan la tshul khrims ldan// ming dang gzugs rnams la ni chags pa med pa'i yid// de na nyams par bzhag cing

  72. 194b

    shin tu dul ba'i sems// gang la bdag med bdag gir 'dzin pa med pa ni// de tsam gyis ni tshul khrims gnas shes brjod pa yin// so sor thar pa slob pas slom sems byed pa med// des ni 'di la de la chags par mi 'gyur te// de ni gong du 'phags pa'i las rnams tshol byed pa// de ni tshul khrims rnam par dag pa'i mtshan pa'o// tshul khrims gtso bor ma yin ting 'dzin dor chags med// de'i gong du shes rab bsgom pa yongasu tshol// dmigs pa med pa 'phags pA k+Shi rigs yin te// tshul khrims de ni bde bar gshegs pas rab tu bsngags// 'jig pa'i tshogs la lta los rnam par grol ba'i yid// de ni ra dang nga'i snyam du 'gyur ba med// sangs rgyas spyod yul stong pa nyid la lhag par pos// de'i tshul khrims de ni mnyam pa med pa'o// tshul khrims la ni gnas nas ti nge 'dzin kyang thob// ting nge 'dzin rnams thob nas shes rab shin tu bsgom// shes rab kyis ni ye shes rnam par dag pa thob// ye shes rnam par dag pas tshul khrims phun sum tshogs// tshig su bcad pa mngon par bsgrub pa 'di spangs pa'i tshe/ dge slong brgyad pa ni len pa med par zag pa rnams las sems rnam par grol lo// srog chags sum khri nyis stong ni chos rnams la chos kyi mig rdul dang bral zhing dri ma med par dag go/ dge slong bsam gtan thos pa lnga brgya ni chos bstan bzab mo 'di la mi 'jug ste/ ma rtogs ma mos pas stan las langs te dong ngo // de nas bcom ldan 'das la tshe dang ldan pa

  73. 195a

    'od srung chen pos 'di skad ces gsol to// bcom ldan 'das dge slong bsam gtan thob pa lnga brgya po 'di dag chos bstan pa zab mo 'di la mi 'jug ste/ ma rtogs ma mos pas stan las langs te mchis so// bcom ldan 'das kyis bka' stsal pa/ 'od srung 'di ltar dge slong mngon pa'i nga rgyal can 'di dag ni tshul khrims rnam par dag pa zag pa med pa 'di la mi 'jug ste/ mi rtogs mi mos shing skrag ste/ kun tu dngangs/ kun tu rab tu dngangs so// 'od srung tshigs su bcad pa mngon par bsgrub pa zab pa/ sangs rgyas bcom ldan 'das kyi byang chub zab ste/ de la dge ba'i rtsa ba ma bskyed pa/ sdig pa'i grogs pos yongs su zin pa dang / mos pa mi mnga' ba dag gis mos par mi nus so// 'od srung dge slong lnga brgya po 'di dag ni de bzhin gshegs pa 'od srung gi gsung rab la mu stegs can gyi nyan thos su gyur te/ de dag de bzhin gshegs pa 'od srung la brgal ba'i bsam pas chos bstan bla gcig thos so// thos nas dad pa'i sems gcig rnyed do// ji tsam du de bzhin gshegs pa dgra bcom pa yang dag par rdzogs pa'i sangs rgyas 'od srung 'jam zhing snyan par gsungs pa ngo mtshar te snyam mo// de dag 'chi ba'i dus byas nas dad pa'i sems gcig pa rnyed pa des/ sum cu rtsa gsum pa'i lha rnams kyi nang du skyes so// de dag de nas shi 'phos nas 'dir skyes so// rgyu de nyid kyis nga'i bstan pa 'di la rab tu byung ste/ 'od srung dge slong lnga brgya po lta bar bying ba 'di dag ni

  74. 195b

    chos bstan pa zab mo 'di la mi 'jug ste/ mi rtogs mi mos shing skrag ste kun tu mdangangs/ kun tu rab tu dngang so/ yang dri dag ni chos bstan pa 'dis yongasu sbyang ba byas/ phyis ning 'gro log par ltung bar mi 'gyur zhing phung po 'di dag nyid kyis yongs su mya ngan las 'da'o// de nas bcom ldan 'das kyis tshe dang ldan pa rab 'byor la bka' stsal pa rab 'byor khyod song la dge slong de dag kun shes par byos shig/ rab 'byor gyis gsol ba/ bcom ldan 'das nyid kyis 'di dag la bshad na yang / 'thun par mi bgyid na// bdag lta mos kyang ci 'tshal/ de nas bcom ldan 'das kyis dge slong de dag lam gang nas 'ong ba'i lam der dge slong gnyis shig sprul pa sprul to// de nas dge slong lnga brgya pa de dag sprul pa'i dge slong de gnyis lam gang nas 'dong ba'i lam der dong ste phyin pa dang / 'di skad ces smras so// tshe dang ldan pa dag gar 'dong / de gnyis kyis smras pa/ kho bo cag ni dgon pa'i gnas rnams su bsam gtan gyi bde ma la reg par gnas par 'dong ngo // de ci'i phyir zhe na/ kho bo cag ni bcom ldan 'das kyis chos bstan pa gang yin pa'i chos bstan/ pa de la mi 'jug ste/ mi rtogs mi mos shing skrag ste/ kun tu dngas// kun tu rab tu dngangs par gyur nas/ kho bo cag dgon pa'i gnas rnams su bsam gtan gyi bde ba la reg par gnas pa rnams kyis gnas par bya'o// dge slong lnga brgya po de dag gis 'di skad ces smras so// tshe dang ldan pa kho bo cag kyang bcom ldan 'das kyis chos bshad pa la mi 'jug ste/

  75. 196a

    ma rtogs ma mos shing skrag ste/ kun tu dngangs/ kun tu rab tu dngangs par gyur to// de'i phyir kho bo cag kyang dgon pa'i gnas rnam su bas gtan gyi bde ba la reg par gnas pa rnams kyis gnas par bya'o// sprul pa dag gis smras pa/ tshe dang ldan pa dag de'i phyir bdag cag yang dag par 'gro bar bya'o// rtsod pa mi bya'o// rtsod pa med pa lhur len pa ni/ dge sbyong gi chos so// tshe dang ldan pa dge gang 'di yongasu mya ngan las 'das pa zhes bya ba gang / yongasu mya ngan las 'das par 'gyur ba'i chos de gang / lus 'di la bdag gam sems can nam/ srog gam/ skye ba po 'am/ skyes bu 'am/ gang zag gam/ shed las skyes sam/ shed bu 'am/ gang yod su mya ngan las 'da' bar 'gyur/ gang zad pas yos su mya ngan las 'da'/ de dag gis smras pa/ 'dod chags zad/ zhe sdang zad/ gti mug zad pas yongasu mya ngan las 'da'o// sprul pa gnyis kyis smras pa/ tshe dang ldan pa dag 'dod chags dang / zhe sdang dang / gti mug yod pa yin nam/ ci na de zad par bya/ de dag gis smras pa/ de dag ni nang na yang med/ phyi rol na yang med/ gnyi ga med pa la yang mi dmigs te/ de dag ni yongasu ma brtags pa las kyang mi skye'o// sprul pa gnyis kyis smras pa/ tshe dang ldan pa dag de lta bas na ma rtog/ rnam par ma rtog shig/ tshe dang ldan pa dag nam mi rtog na de na chags par yang mi 'gyur// chags pa dang bral bar yang mi 'gyuraro//

  76. 196b

    chags pa med cing chags pa dang bral ba yang med pa gang yin pa de ni zhi ba zhes bya'o// tshe dang ldan pa dag tshul khrims ni mi 'khor zhing yongs su mya ngan las mi 'da'o// tshe dang / ldan pa dag ting nge 'dzin dang / shes rab dang / rnam par grol ba dang / rnam par grol ba'i ye shes mthong ba yang mi 'khor zhing yongs mya ngan las mi 'da'o// tshe dang ldan pa dag gis yongs su mya ngan las 'da' bar ston na/ chos de dag kyang stong pa dben pa/ gzung du med pa'o// tshe dang ldan pa dag 'di lta ste/ mya ngan las 'das pa'i 'du shes spongs shig/ 'du shes la yang 'du shes su ma byed cig/ 'du shes la 'du shes kyis yongasu shes pa ma byed cig/ gang 'du shes la 'du shes kyis yongs su shes pa de ni de'i 'du shes kyis bcings pa yin no// tshe dang ldan pa dag 'du shes dang / tshor ba 'ogog pa'i snyoms par 'jug pa la zhugs shing / tshe dang ldan pa dag 'du shes dang tshor ba 'gog pa'i snyoms par 'jug pa las gong na bya ba med do zhes smra'o// chos kyi rnam grangs 'di bshad pa'i tshe dge slong lnga brgya pa de dag len pa med par zag pa rnams las sems rnam par grol lo// de dag sems rnam par grol nas/ bcom ldan 'das ga la ba der dong ste lhags pa dang / bcom ldan 'das kyi zhabs la mgo bos phyag 'tshal te/ phyogs gcig tu 'khod do// de nas tshe dang ldan pa rab 'byor gyis/ dge slong de dag la 'di skad ces smras so// tshe dang ldan pa dag gar dong dong / gang nas lhags/ de dag gis smras pa/

  77. 197a

    btsun pa rab 'byor gang du yang 'gro ba med pa dang / gang nas kyang 'ong ba med pa'i phyir bcom ldan 'das kyis chos bstan to// smras pa tshe dang ldan pa khyod kyi ston pa gang yin/ smras pa/ gang ma skyes shing yongs su mya ngan las mi 'da' ba'o// smras pa khyod kyis ji ltar chos thos/ smras pa bcings pa'i phyir yang ma yin/ 'thar pa'i phyir yang ma yin no// smras pa khyod sus btul/ smras pa su la lus med cing sems med pas so// smras pa khyod ji ltar btson/ smras pa mo rig pa spang ba'i phyir yang ma yin/ ma rig pa bskyed pa'i phyir yang ma yin no// smras pa khyod ji ltar rnam par grol/ smras pa sbyor ba'i phyir yang ma yin/ spong ba'i phyir yang ma yin no// smras pa su'i nyan thos smras pa gang gis thob pa med cing mngon par rdzogs par sangs rgyas pa med pa'o// smras pa khyod kyi tshangs pa mtshungs par spyod pa gang / smras pa gang dag khams gsum na mi rgyu ba rnams so// smras pa tshe dang ldan pa dag ji srid cig na yongasu ma ngan las 'da'/ smras pa de bzhin gshegs pa'i sprul pa nam yongasu mya ngan 'da' ba na'o// smras pa khyod kyis bya ba byas sam/ smras pa ngar 'dzin pa dang / nga yir 'dzir ba yongs su shes pas so// smras pa khyod kyi nyon mongs pa zad dam/ smras pa chos thams cad gtan tu zad pa'i phyir ro// smras pa khyod kyis bdud brtul tam/ smras pa phung po'i bdud mi dmigs pa'i phyir ro// smra/

  78. 197b

    pa khyod kyis ston pa la bsnyen bkur byas sam/ smras pa lus kyis kyang ma byas/ ngag gis kyang ma byas/ sems kyis ma byas so// smras pa khyod kyis sbyin pa'i gnas kyis bskangs sam/ smras pa 'dzin pa med cing sdud pa med pas so// smras pa khyod 'khor ba las rgal tam/ smras pa chad pa med cing rtag pa med pa'i phyir ro// smras pa khyod/ sbyin pa'i gnas kyi sar zhugs sam/ smras pa 'dzin pa thams cad las rnam par grol ba'i phyir ro// smras pa tshe dang ldan pa dag gar 'gro// smras pa de bzhin gshegs pa'i sprul pa gang du bzhud par/ de ltar tshe dang ldan pa rab 'byor gyis yongasu dris te/ de dag gis lan btab nas/ 'khor de'i dge slong brgyad brgya ni len pa med par zag pa rnams las sems rnam par grol lo// srog chags sum khri nyis stong ni chos rnams la chos kyi mig brdul med cing dri ma dang bral ba rnam par dag go/ de nas byang chub sems dpa' sems dpa' chen po kun tu snang ba zhes bya ba 'khor de nyid du 'dus par gyur te/ 'dug pa de stan las langs te/ bla gos phrag pa gcig tu gzar nas/ pus mo g.yas pa'i lha nga sa la gtsugs te/ bcom ldan 'das ga la ba de log su thal mo sbyar ba btud nas/ bcom ldan 'das la 'di skad ces gsol to// bcom ldan 'das dkon mchog brtsegs pa chen po chos kyi rnam grangs 'di la slob par 'tshal ba'i byang chub sems dpa' ji ltar

  79. 198a

    bslab par bgyi/ bcom ldan 'das kyis bka' stsal pa/ rig kyi bu tshar bcad cing tshar bcad nas/ chos kyi rnam grangs 'dir bslab pa bstan te/ chos kyi rnam grangs 'di ni skyes bu dam pa nan tan snying por byed pa rnams kyi don chen por 'gyur ro// rigs kyi bu 'di lta ste dper na/ mi la la zhig kham pa'i grur zhugs te gang ga'i klung chen po rgal 'dod par gyur na rigs kyi bu 'di ji snyam du sems mi de la ci 'dra ba'i brtson 'grus kyi gru des bsar bar bya// gsol pa/ bcom ldan 'das stobs dang ldan pa'i brtson 'grus kyis bgyi'o// de'i slad du zhe na/ bdag ni chu chen po'i nang du zhugs kyis/ bdag 'gram du ma phyinapa/ bar ma dor gru pa zhig tu 'ong ngo snyam du sems dpa'i slad du'o// bcom ldan 'das kyis bka' stsal pa/ kun tu snang ba de ltar byang chub sems dpa' sa de bas kyang che stobs dang ldan pa'i brtson 'grus kyis chos kyi rnam grangs 'di la bslab par bya ste/ stobs chen po dang ldan pa'i brtson 'grus kyis sangs rgyas kyi chos thams cad yang par bsgrub par bya'o// kye ma'o lus 'di ni mi rtag pa ste/ bdag gis snying po ma blangs par bar ma dor 'chi ba'i dus byas su 'ong ngo zhes yid la byed pa de lta bus bdag ni chu bo chen por zhugs kyis/ chu bo bzhir zhugs pa'i sems can rnams chu bo chen por zhugs pa las bsgral ba'i phyir/ dam pa'i chos kyi gru gang gis

  80. 198b

    sems can 'khor ba'i rgya mtshos khyer ba thams cad bsgral bar dam pa'i chos kyi gru chen po sbyar bar bya'o// kun tu snang ba de la byang chub sems dpasa' dam pa'i chos kyi gru bzhi chen po sbyor bar bya ba de ci 'dra zhe na/ 'di lta ste sems can thams cad la sems mnyam pa nyid de/ bsod nams kyi tshogs mtha' yas pa bstsags pa/ tshul khrims kyi snum gyis sbyar ba sbyin pa'i 'khor gyis brgyan pa/ bsam pa/ lhag pa'i bsam pa'i bcings pa sra bas dam por 'brel pa/ bzod pa dang / nges pa dang / dran pa sbyor kas legs par sbyar ba dang / byang chub kyi yan lag bdun gyi tshogs can/ brtson 'grus brtan pa/ dge ba'i chos kyi shing gis yang dag par sbyar ba/ bsam gtan gyi sems kyis las su rung bar byas pa/ dul bzhi pa dang / cang shes kyis dge ba'i bzos legs par zin par byas pa/ shin tu mi 'khrugs pa'i chos can// snying rje chen pos yang dag par zin pa/ bsdu ba'i dngos po dang / dpa' bar 'gro bas bsar ba/ shes rab dang ye shes kyis phyir rgol ba legs par bsrungs pa/ thabs mkhas pas rnam par brtsegs pa/ legs par byas pa/ tshangs pa'i gnas pa bzhis legs par yongasu sbyangs pa/ shes rab dran pa nye bar bzhag pa bzhi/ legs par rnam par brtsegs pa'i lus kyis bstan pa/ yang dag par spong bas 'gro ba/ rdzu 'phrul gyi rkang pa mgyogs pa'i shugs dang ldan pa/ dbang pos legs

  81. 199a

    / par brtags pas/ lta ba ngan pa'i shing yon po med pa/ stobs kyi shugs yang dag par byung bas par shag shig med pa/ byang chub kyi yan lag gi 'gro ba rnam par dag pa gcugs can dag nyon mongs pa'i bdud kyi lam 'dor bar byed pa/ lam du 'jug par byed pa/ pha rol tu phyin par byed pa/ mu stegs ngan pa'i mu stegs 'dor bar byed pa/ zhi gnas kyi nges par sems pa bstan pa/ lhag mthong gis sbyor ba'i mtha' gnyis la ma chags par 'jug pa/ rgyu'i chos dang yang dag par ldan pa sgra grags pa yangs shing rgya che la mi zad cing tshad med par chur shog/ dam pa'i chos kyi gru chen po mya ngan las 'das pa'i grong khyer du bde bar 'gro ba/ 'jigs med par 'gro ba/ lam du 'gro ba/ 'jig tshogs la lta ba 'khor bar zhugs la tshu rol gyi 'gram nas pha rol gyi lta ba thams cad sel ba/ gtse ba med pa'i mya ngan las 'das par myur tu song shig ces phyogs bcur sgras go bar byed pa ste/ rigs kyi bu sems can thams cad kyi don gyi phyir bskal pa/ bye ba khrag khrig brgya stong dpag tu med par yid yongasu mi skyo bar byang chub sems dpa' dam pa'i chos kyi gru chen po 'di 'dra ba de sbyar bar bya'o// dam pa'i chos kyi gru/ 'dis chu bo bzhis khyer ba'i sems can thams cad bsgral bar bya'o// kun tu snang ba de la 'dir byang chub sems dpa'i mngon par shes pa myur ba gang zhe na/ gang 'di

  82. 199b

    sems can thams cad la bcos pa ma yin pa'i sbyor ba ste/ bsam pa dag pas rab tu 'dun pa dang / dge ba'i rtsa ba thams cad yang dag par bsgrub pa'i phyir 'artson 'grus 'bar ba dang / tshul bzhin yid la byed pas dge ba las 'dun pa dang / shes rab yongs su rdzogs par bya ba'i phyir thos pas mi ngoms pa dang / ye shes brtan par bya ba'i phyir nga rgyal med pa dang / yon tan thams cad yongs su rdzogs par bya ba'i phyir/ rab tu 'byung ba la gzhol ba dang / lus dang sems dben pa'i phyir dgon pa na gnas pa dang / skye bo mi srun pa rnam par spangs pas 'du 'dzi med pa dang / don dam pa la rten pas chos don tu gnyer ba dang / shin tu mi 'khrugs pas ye shes kyi dang / ye shes kyi don yin pas chos kyi don dang / mi 'khrugs pas bden pa'i don dang / yang dag par sbyor bas byas pas stong pa nyid kyi don dang / shin tu nye bar zhi ba'i don yin pas dben pa'i don te/ rigs kyi bu 'di ni 'dir byang chub sems dpa'i mngon par shes pa myur ba'o// de nas bcom ldan 'das la tshe dang ldan pa 'od srung chen pos 'di skad ces gsol to// 'di ltar dkon mchog brtsegs pa chen po'i chos kyi rnam grangs 'di theg pa chen po la yang dag par zhugs pa'i rig kyi bu 'am/ rigs kyi bu mo rnams la phan 'dogs par gyur pa ni bcom ldan 'das ngo mtshar to// bde bar gshegs pa ngo mtshar to// bcom ldan 'das dkon

  83. 200a

    mchog brtsegs pa chen po'i chos kyi rnam grangs 'di las tshigs su bcad pa gcig tsam bstan na/ rigs kyi bu 'am rigs kyi bu mo de bsod nams kyi phung po ji tsam skyed par 'gyur/ de skad ces gsol pa dang / bcom ldan 'das kyis tshe dang ldan pa 'od srung chen po la 'di skad ces bka' stsal to// 'od srung rigs kyi bu 'am/ rigs kyi bu mo gang la las 'jig rten gyi khams gang ga'i klung gi bye ma snyed rin po che sna bdun gyis rab tu gang bar byas te/ de bzhin ga sh+ye pa dgra bcom pa yang dag par rdzogs pa'i sangs rgyas rnams la sbyin pa byin pa dang / sad+yas bcom ldan 'das gang ga'i klung gi bye ma snyed rnams las de bzhin gshegs pa re re'i gtsug lag khang rin po che sna bdun las byas pa gang ga'i bye ma snyed brtsigs pa dang / sangs rgyas bco ldan 'das gang ga'i klung gi bye ma snyed rnams las de bzhin gshegs pa ri'i nyan thos kyi dge slong dpag tu med pa dag la/ bskal pa gang gi klung gi bye ma snyed du bde ba'i yo byad thams cad kyis rim gror byas pa dang / de bzhin gshegs pa yongasu mya ngan 'das pa de dag gi mchod rten rin po che sna bdun las byas pa bas/ rigs kyi bu 'am/ rigs kyi bu mo de dang ldan pa gzhan gang gis dkon mchog brtsegs pa chen po chos kyi rna ba grangs 'di las tshig su bcad pa tsam lung mnos te/ lung mnos nas kyang mi spong na/ de ni de bas bsod nams

  84. 200b

    ches mang du skyed do// bud med gang zhig lung 'bog na/ de nam yang log par ltung bar mi 'gyur te/ de nyid de'i bud med kyi lus kyi tha ma yin no// sa phyogs gang du chos kyi rnam grangs 'di bshad pa'am/ bstan pa'am/ yi ger 'dri ba 'am/ yi ger bris nas kyang / gleg bam du bris te bzhag pa'i sa phyogs de lha dang bcas pa'i 'jig rten gyi mchod rten dang 'dra bar 'gyuraro// su zhig chos smra ba las chos kyi rnam grangs 'di nyan pa 'am/ 'dzin pa'am/ yi ger bri ba de la 'di lta ste/ de bzhin gshegs pa la ji ltar byas pa/ de bzhin du gus par bya'o// 'od srung rigs kyi bu 'am/ rigs kyi bu mo gang zhig de bzhin gshegs pa'i chos smra ba la bkur sti byed pa dang / btsun par byed pa dang / ri mor byed pa dang / mchod par byed pa de la nga bla na med pa yang dag par rdzogs pa'i byang chub tu lung ston to// 'chi ba'i dus kyi tshe de bzhin gshegs pa mthong bar gyur to// de bzhin gshegs pa mthong nas kyang lus kyi las yongasu dag pa bcu thob par 'gyur te/ bcu gang zhe na/ 'di lta ste/ tshor bas sems kun tu ma zin par 'chi ba'i dus byed pa de mig 'khrul par mi 'gyur ba dang / lag pa g.yob par mi byed pa dang / rkang pa 'dra bar mi byed pa dang / gcin mi stor ba dang / phyis mi 'byung ba dang / de'i snying kar rdul mi 'byung ba dang / khu tshur mi 'chang ba dang / na mkha' la mi rnyebs pa dang /

  85. 201a

    ji ltar 'dug pa bzhin du 'chi ba'i 'du byed 'dor bar 'gyur ba ste/ lus kyi las yongasu dag pa bcu po de dag thob par 'gyuraro// ngag gi las yongs su dag pa bcu thob par 'gyur te/ bcu gang zhe na/ 'di lta ste gdangs snyan pa'i tshigs dang / gnyen pa'i tshig dang / 'jam pa'i tshig dang / dga' ba'i tshig dang / snum pa'i tshig dang / slar ldog pa ma yin pa'i tshig dang / gzung bar 'os pa'i tshig dang / btsun pa'i tshig dang / lha dang mis yongs su gzung ba'i tshig dang / sangs rgyas kyis yongasu bzung ba'i tshig ste/ ngag gi las yongasu dag pa bcu po de dag thob par 'gyur ro// yid kyi las yongs su dag pa bcu thob par 'gyur te/ bcu gang zhe na/ 'di lta ste khro bar mi 'gyur ba dang / khon tu 'dzin pa med pa dang / 'chab par mi 'gyur ba dang / 'tshig par mi 'gyur ba dang / nyes pa la mi dga' ba dang / kho na gcugs la mi dga' ba dang / 'du shes phyin ci log tu mi 'gyur ba dang / spong ba la bag yod par 'gyur ba dang / ma zhum pa'i sems kyis sangs rgyas kyi zhing yongs dag pa 'dzin pa dang / nga rgyal dang che ba'i nga rgyal med par sangs rgyas kyi chos thams cad mngon par bsgrub pa'i ting 'dzin thob par 'gyur ba ste/ yid kyi las yongs su dag pa bcu po de dag thob par 'gyuraro// de la 'di skad ces bya ste/ tsho rabs nyen cing 'chi ba'i dus mi byed// de'i mig la 'khrul par 'gyur ba med// lag mi g.yo ba rkang pa 'phra mi 'gyur

  86. 201b

    de ni gshang gci stor bar yongs mi 'gyur// de'i snying kar rdul yang 'byung mi 'gyur// khu tshur mi 'chang na mkha' rnyebs mi 'gyur// 'dug bzhin bde ba'i 'chi ba'i dus byed de// lus las yongs su dag pa 'di bcu thob// gdangs snyan phun sum 'tshogs shing mdzes mnyen tshig/ snum zhing yid 'ong de bzhin gshegs dga' bar 'gyur// gzhan gyis slar mi zlog cing gzung 'os tshig/ skye bos btsun par bya ba'i tshig tu 'gyur// de'i tshig ni lha dang klu dag da// mi 'am ci dang de bzhin rgyal bas bsngags// des bshad pa'i don kyang 'dzin byed de// des ni gang lags dag pa'i de dag thob// khro ba med cing mkhon tu 'dzin pa med// brtan pa 'chab pa med cing 'tshig pa med// / nyes la mi dga' mkhon btsugs dga' ba med// de'i 'du shes phyin ci log mi 'gyur// bslab pa yang dag blangs la sems mi zhum// spong ba la ni bag med mi 'gyur// te// zhum pa med pa'i sems kyis zhing sbyong byed// nga rgyal las kyang nga rgyal yongs spangs nas// ting 'dzin 'byor pa thams cad mngon bsgrubs dang // yid kyi mngon par bsgrubs pa'i chos rnams thob// chos rnams 'di dag ldan par gyur pa la// sangs rgyas dngos po dkon par mi 'gyur ro// 'od srung gang la la bde ba'i yo byad thams cad kyis nga la bkur stir byed 'dod pa dang / mchod pa thams cad kyis mchod par 'dod pa des/ dkon mchog brtsegs pa chen po'i chos kyi rnam grangs

  87. 202a

    'di bzung bar bya/ kun chub par bya/ yi ger bri bar bya/ klag par bya/ bcang bar bya'o// 'od srung de ltar na de bzhin gshegs pa dgra bco pa yang dag par rdzogs pa'i sangs rgyas rnams la mchod pa bla na med pa byas par 'gyuraro// bcom ldan 'das kyis de skad ces bka' stsal nas/ tshe dang ldan pa 'od srung chen bo dang / byang chub seMs dpa' sems dpa' chen po sangs rgyas kyi zhing sna tshogs nas 'dus pa de dag dang / dge slong de dag dang / lha dang mi dang lha ma yin dang / dri zar bcas pa'i 'jig rten yid rangs te/ bcom ldan gyis gsungs pa la mngon par bstod do// / 'phags pa dkon mchog brtsegs pa chen po'i chos rnam grang le'u stong phrag brgya pa las// / 'od srung gi le'u zhe bya ste/ 'dus pa bzhi bcu rtsa gsum pa rdzogs s+ho// rgya gar skad du/ ar+ya rad nar shi na ma ma hA ya na su tra/ bod skad du/ 'phags pa dkon mchog brtsegs pa chen po chos kyi rnam grangs le'u stong phrag brgya pa las/ rin po che'i phung po zhes bya ba theg pa chen po'i mdo// sangs rgyas dang byang chub sems dpa' thams cad la phyag 'tshal lo// 'di skad bdag gis thos pa dus gcig na/ bcom ldan 'das rgyal po'i khA na/ bya rgod phung po'i ri la/ dge slong brgyad spong gi dge slong gi dge 'dun chen po dang / sa

Colophon

od srung gi le'u zhes bya ste/ 'dus pa bzhi bcu rtsa gsum pa rdzogs+ho/