'phags pa shes rab kyi pha rol tu phyin pa nyi ma'i snying po'i theg pa chen po'i mdo
Āryaprajñāparamitā sūryagarbhamahāyānasūtra
Text
ff. 286b–288b · 5 folio sides
- 286b
rgya gar skad du// ar+ya pradz+nyA pa ra mi tA// sur+ya gan+d+ha ma ta yA na sU tra/ bod skad du// 'phags pa shes rab kyi pha rol tu phyin pa nyi ma'i snying po theg pa chen po'i mdo/ sangs rgyas dang byang chub sems dpa' thams cad la phyag 'tshal lo/ 'di skad bdagis thos pa dus gcig na/ bcom ldan 'das yul ma ga tan chos kyi dgon pa na dge slong gi dge 'dun rab tu mang ba dang / byang chub sems dpa' sangs rgyas kyi zhing mtha' yas pa nas 'dus pa chen po dang thabs gcig tu bzhugs te/ de'i tshe 'khor der byang chub sems dpa' nyi ma rab tu snang ba zhes bya ba 'dug pa de stan
- 287a
las lang te/ bcom ldan 'das ga la ba der song nas/ bcom ldan 'das la 'di skad ces gsol to// bcom ldan 'das bdag de bzhin gshegs pa la zha ba mchis te/ bcom ldan 'das gnang ba'i skabs dbye bar gsol/ bcom ldan 'das kyis bka' stsal pa/ ci dang ci 'dod pa dris shig dang ngas bshad par bya'o// de nas byang chub sems dpa' nyi ma rab tu snang bas/ bcom ldan 'das la 'di skad ces gsol to// bcom ldan 'das thabs mkhas pa'i byang chub sems dpas ji ltar shes rab kyi pha rol tu phyin pa la bslab par bgyi/ bcom ldan 'das kyis 'di skad ces bka' stsal to// rigs kyi bu thabs mkhas pa'i ting nge 'dzin nyi ma zhes bya ba yod pas de la byang chub sems dpa' rnams kyis de ltar bslab par bya'o// bcom ldan 'das la gsol pa ji ltar bslab par bgyi/ bcom ldan 'das kyis bka' stsal pa rigs kyi bu 'di ltar thabs mkhas pa'i nyi ma'i tinge 'dzin ni rnam pa bdun
- 287b
yod de/ gang zhe na dang po ni 'di ltar nyi mas myu gu smin par byed pa ltar/ byang chub sems dpa'i ting 'dzin nyi ma lta bus sems can rnams la byang chub kyi myu gu smin par mdzad do// gnyis pa ni nyi ma la dbyi dgrol med pa ltar byang chub sems dpa'i tingange 'dzin gyi thugs rje ni sems can thams cad la snyoms par mdzad do// gsum pa ni nyams nyal nyil bsreg pa ltar byang chub sems dpa'i lhag mthong gi shes rab kyis nyon mongs nyal nyil rnams bsreg par byed do// bzhi pa ni nyi mas 'khyags pa 'ju ba ltar byang chub sems dpa'i ting 'dzin gnyen po ye shes dang ldan pas nyon mongs pa 'khyags pa 'jub lta bur byed do// lnga pa ni nyi mas mun pa sel ba ltar byang chub sems pa'i so sor kun tu rtog pa'i ye shes kyis bzung ba dang 'dzin pa'i mun pa sel byed do// drag pa ni nyi mas gleng bzhi bskor ba ltar byang chub sems dpa'i 'phrin las phun sum tshogs pas sdug bsngal gyi chu bo bzhi las thar par mdzad do// bdun pa ni nyi mas kun la snyoms par dro ba bzhin du byang chub sems dpa'i spyod pa phun sum tshogs pas sems can thams cad la rab tu dga' bar mdzad pa'i thabs ni dro ba'i las lta bu'o// gzhan yang rigs kyi bu byang chub sems dpa' rnams kyis shes rab kyi pha rol tu phyin pa la bslab par bya ste/ des 'di ltar chos thams cad/
- 288a
/ rang bzhin med pa dang / mtshan ma med pa dang / mtshan ma thams cad dang rab tu bral ba dang / dngos po med pa dang / dngos po thams cad bral ba dang / gang zag pa med pa dang / gang zag thams cad bral ba dang / ngo bo nyid kyis stong pa nyid la bslab par bya'o// rigs kyi bu chos nyid dang / chos kyi dbyings dang / de bzhin nyid dang / yang dag pa'i mtha' dang / ma nor ba de bzhin nyid dang / bzhan ma yin pa de bzhin nyid dang / bden pa dang / de kho na'i don la byang chub sems dpas bslab par bya'o// de nas bcom ldan 'das kyis byang chub sems dpa' nyi ma rab tu snang ba la 'di skad ces bka' stsal to// rigs kyi bu byang chub sems dpas yang chos thams cad mngon par 'du bya ba med pa dang / skye ba med pa la bslab bar bya'o// chos thams cad rang bzhin med par rnam par dag pa la bslab par bya'o// gzugs la sogs pa'i chos thams cad kyang rang bzhin gyis stong par shes par bya'o// ngo bo nyid kyis dben par shes par bya'o// rigs kyi bu gang dag gis shes rab kyi pha rol tu phyin pa'i mdo 'dzin par byed na/ de las kyi sgrib pa byang bar 'gyur ro// de bsod nams kyi tshogs skye bar 'gyur ro// shes rab kyi tshogs tshad med pa dang ldan par 'gyur ro// dran pa dang ldan pa dang / tshul khrims dang ldan pa dang / tinge 'dzin dang ldan par 'gyur ro//
- 288b
rigs kyi bu bzhin yang byang chub sems dpa' rnams kyis shes rab kyi pha rol tu phyin bslab par bya'o// de nas bcom ldan 'das kyis de'i tshe tshig su bcad pa 'di dag gsungs so// mang thos dam pa'i chos la brtson/ sems can ku las byams par ldan/ brtson 'grus go cha phun sum tshogs/ bdag dang bzhin gyi don la mos/ bsam gtan ting 'dzin bsgom la brtson/ bdag dang sems can 'du shes med/ yang dag theg pa'i lam la zhugs/ sngon gyi rgyal sras de ltar spyod/ mkhas pas ma nor de bzhin slob/ bcom ldan 'das kyis de skad ces bka' stsal pa dang / byang chub sems dpa' nyi ma rab tu snang ba dang / lha dang mir bcas pa'i 'jig rten yi rangs te/ bcom ldan 'das kyis gsungs pa la mngon par bstod do/ 'phags pa shes rab kyi pha rol tu phyin pa nyi ma'i snying po theg pa chen po'i mdo rdzog s+ho// @#rgya gar skad du/ Ar+ya tsan tra gar+b+ha pradz+nyA pra ri mi ma ta ya na sU tra/ bod skad du/ 'phags pa zla ba'i snying po shes rab kyi pha rol tu phyin pa theg pa chen po'i mdo/ sangs rgyas dang byang chub sems dpa' thams cad la phyag 'tshal lo// 'di skad bdag gis thos pa dus gcig na/ bcom ldan 'das rgyal po'i khab bya rgod phung po'i ri la dge slong gi dge 'dun
Colophon
'phags pa shes rab kyi pha rol tu phyin pa nyi ma'i snying po'i theg pa chen po'i mdo rdzogs s+ho/