F173MW1KG13607_0173mdo sdeAll versions of this work

khams mang po'i mdo

Bahudatusūtra

Text

ff. 114b–121a · 14 folio sides

  1. 114b

    khams dang / yid kyi rnam par shes pa'i khams dang / yang dag pa ji lta ba bzhin shes shing mthong ba ste/ kun dga' bo de ltar na khams bcwo brgyad po yang dag par ji lta ba/ bzhin shes shing mthong ba yin no// gzhan yang khams drug po// sa'i khams dang / chu'i khams dang / me'i khams dang / rlung gi khams dang / na mkha'i khams dang / rnam par shes pa'i khams dag yang dag pa ji lta ba bzhin shes shing mthong ba ste/ de ltar na khams drug po yang dag pa ji lta ba bzhin shes shing mthong ba yin no// gzhan yang khams/ drug po 'dod pa'i khams dang / gnod sems kyi khams dang / rnam par 'tshe ba'i khams dang nges par 'byung ba'i khams dang / gnod sems med pa'i khams dang / rnam pa 'tshe ba med pa'i khams dag/ yang dag par ji lta ba bzhin shes shing mthong ba ste/ de ltar na khams drug po yang dag pa ji lta ba bzhin shes shing mthong ba yin no// gzhan yang khams drug po bde ba'i khams dang / sdug bsngal gyi khams dang / yid bde ba'i khams dang / yid mi bde ba'i khams dang / gtang snyoms kyi khams dang / ma rig pa'i/ khams dag yang dag pa ji lta ba bzhin shes shing mthong ba ste/ de ltar na khams drug po yang dag pa ji lta ba bzhin shes shing mthong ba yin no// gzhan yang khams bzhi// po tshor ba'i khams dang / 'du shes kyi khams dang / 'du byed kyi khams dang / rnam par shes pa'i khams dag ji lta ba bzhin shes shing mthong ba yin no// gzhan yang

  2. 115a

    nga / @/ khams gsum po 'dod pa'i khams dang / gzugs kyi khams dang / gzugs med pa'i khams dag yang dag pa ji lta ba bzhin shes shing mthong ba yin no// gzhan yang khams gsum po dag/ gzugs kyi khams dang / gzugs med pa'i khams dang / 'gog pa'i khams dag yang dag pa ji lta ba bzhin shes shing mthong ba yin no// gzhan yang khams gsum po 'das pa'i khams dang / ma 'ongs pa'i khams dang / daltar byung ba'i khams dag yang dag pa ji lta ba bzhin shes shing mthong ba yin no// gzhan yang khams gsum po dman pa'i khams dang / bar mi'i khams dang / gya nom pa'i khams dag yang dag ji lta ba bzhin shes shing mthong ba yin no// gzhan yang khams gsum po dge ba'i khams dang / mi dge ba'i khams dang / lung du ma bstan pa'i khams dag yang dag pa ji lta ba bzhin shes shing mthong ba yin no// gzhan yang khams gsum po slob pa'i khams dang / mi slob pa'i khams dang / slob pa yang ma yin pa'i khams dag yang dag par ji lta ba bzhin shes shing mthong ba yin no// gzhan yang khams gnyis po zag pa dang bcas pa'i khams dang / zag pa med ma'i khams dag yang dag pa ji lta ba bzhin shes shing mthong ba yin no// gzhan yang khams blo 'dus byas kyi khams dang / 'dus ma byas kyi khams dag yang dag pa ji lta ba bzhin shes

  3. 115b

    shing mthong ba yin te/ kun dga' bo de tsam gyis na/ mkhas pa khams la mkhas pa yin no// btsun pa ji tsam gyis na mkhas pa skye mched la mkhas pa lags/ kun dga' bo mkhas pa ni skye mched bcu gnyis po mig gi skye mche dang / gzugs kyi skye mched dang / rna ba'i skye mched dang / sna'i skye mched dang / dri'i skye mched dang / lce'i skye mched dang / ro'i skye mched dang / lus kyi skye mched dang / reg bya'i skye mched dang / yin gyi skye mched dang / chos kyi skye mched dag yang dag pa ji lta ba bzhin shes shing mthong ba ste/ kun dga' bo de tsam gyis ni mkhas pa skye mched la mkhas pa yin no// btsun pa ji tsam gyis na mkhas pa rten cing 'brel par 'byung la mkhas pa lags/ kun dga' bo mkhas pa ni rten cing 'brel par 'byung ba 'di nyid lug bzhin 'byung ba dang / lugs lngas bzlog ba 'di lta ste/ 'di yod pas 'byung / 'di skyes pas 'di skyes ste 'di ltar/ ma rig pa'i rkyen gyis 'du byed/ 'du byed kyi rkyen gyis rnam par shes pa/ rnam par shes pa'i rkyen gyis ming dang gzugs/ ming dang gzugs kyi rkyen gyis skye mched drug/ skye mched drug gi rkyen gyis reg pa/ rig pa'i rkyen gyis tshor ba/ tshor ba'i rkyen gyis sred pa/ sred pa'i rkyen gyis len pa/ len pa'i rkyen gyis srid pa/ srid pa'i rkyen gyis skye ba/ skye ba'i rkyen gyis rga shi dang / mya ngan

  4. 116a

    !dang / smre sngags 'don pa dang / sdug bsngal ba dang / yid mi bde ba dang / 'khrug pa dag 'byung zhing / sdug bsngal gyi phung po chen po 'di 'ba' zhig 'byung bar 'gyur ro// 'di lta ste 'di med pas 'di mi 'byung / 'di 'gag pas 'di 'gag te/ 'di ltar ma rig pa 'gag pas 'du byed 'gag/ 'du byed 'gags par rnam par shes pa 'gag/ rnam par shes pa 'gags pas ming dang gzugs 'gag/ ming dang gzugs 'gags pas skyed mched drug 'gag/ skye mched drug 'gags pas reg pa 'gag/ reg pa 'gags pas tshor ba 'gag/ tshor ba 'gags pas sred pa 'gag/ sred pa/ 'gags pas len pa 'gag/ len pa 'gags pas srid pa 'gag/ srid pa 'gags pas skye ba 'gag/ skye ba 'gags pas rga shi dang / mya ngan dang / sme sngags 'don pa dang / sdug bsngal ba dang / yid mi bde ba dang / 'khrug pa dag 'gag cing / sdug bsngal gyi phung po chen po 'di 'ba' zhig 'gag par 'gyur bdag yang dag par ji lta ba bzhin mthong ba te/ kun dga' bo de tsam gyis na mkhas pa rten cing 'brel par 'byung ba la mkhas pa yin no// btsun pa ji tsam gyis na mkhas pa gnas dang / gnas ma yin pa la mkhas pa lags/ kun dga' bo mkhas pa ni gnas la gnas dang / gnas ma yin pa la gnas ma yin pa dag yang

  5. 116b

    dag par ji lta ba bzhin shes shing mthong ba yin no// kun dga' bo 'di ni gnas ma yid zhing go skabs med pa ste/ gang lus kyi nyes par spyad pa dang / ngag dang yid kyis nyes par spyad pa'i rnam par smin pa 'dod pa ma yin pa dang / sdug pa dang / dga' ba dang / yid du 'ong ba dag mngon par 'grub par 'gyur ba 'di ni gnas ma yin no// 'di ni gnas yin te/ gang lus kyi nyes par spyad pa de dang / ngag dang yid kyis nyes par spyad pa'i rnam par smin pa 'dod pa ma yin pa dang / sdug pa ma yin pa dang / dga' ba ma yin pa dang / yid du mi 'ong ba dang / mngon par 'grub par 'gyur ba 'di ni gnas yin no// kun dga' bo 'di ni gnas ma yin zhing go skabs med pa ste/ gang lus kyis legs par spyad pa dang / ngag dang yid kyis legs par spyad pa'i rnam par smin pa 'dod pa ma yin pa dang // sdug pa ma yin pa dang / dga' ba ma yin pa dang / yid du 'ong ba ma yin pa dag mngon par 'grub par 'gyur ba 'di ni gnas ma yin te/ 'di ni gnas/ yin te/ gang lus kyi legs par spyad pa dang / ngag srid kyis legs par spyad pa'i rnam par smin pa 'dod pa dang / sdug pa dang / dga' ba dang / yid du 'ong bdag mngon par 'grub par 'gyur ba 'di ni gnas yin no// gnas ma yin ning go skabs med pa 'di/ gang lus kyi nyes par spyad pa spyang / ngag dang yid kyis

  6. 117a

    nyes par spyad pa spyad nas/ rgyu de dang rkyen des lus zhig nas bde 'gro mtho ris kyi 'jig rten lha rnams kyi nang du skye bar 'gyur ba 'di ni gnas/ ma yin no// 'di ni gnas yin te/ gang lus kyi nyes par spyad pa spyad/ ngag dang yid kyis nyes par spyad pa spyad nas/ rgyu de dang rkyen ris lus zhig nas shi phan cad ngan song ngan 'gro log par ltung ba sems can dmyal dag gi nang du skye bar 'gyur ba 'di ni gnas yin no// gnas ma yin zhing go skabs med pa ni/ gang lus kyis legs par spyad pa spyad/ ngag dang yid kyis legs par spyad pa spyad nas/ rgyu dang rkyen des lus zhig nas shi phan cad ngan song ngan 'gro rnam par ltung ba sems can dmyal ba dag gi nang du skye bar 'gyur ba 'di ni gnas ma yin no// 'di ni gnas ma yin te/ gang lus kyi legs par spyad pa spyad/ ngag dang yid kyis legs par spyad pa spyad nas/ rgyu dang rkyen des lus zhig nas bde 'gro mtho ris kyi 'jig rten lha rnams kyi nang du skye bar 'gyur ba de ni gnas yin no// gnas ma yin zhing go skabs med pa ni/ yang dag par rdzogs pa'i sangs rgyas gnyis 'jig rten du gang snga phyi med par 'byung ba 'di ni gnas ma yin te/ gang gcig 'byung ba 'di ni gnas yin no// gnas ma yin zhing go skabs med pa ni/ 'khor los sgyur ba gnyis 'jig rten du gang snga phyi med par 'byung ba 'di ni gnas ma yin te/ gang cig 'byung ba 'di ni gnas yin no// gnas ma

  7. 117b

    yin zhing go skabs med pa 'di ni/ gang bud med 'khor los sgyur ba'i rgyal srid dang / brgya byin nyid dang / tshangs pa nyid dang / bdud nyid byed par 'gyur ba dang / rang byang chub mngon du byed par 'gyur ba dang / bla na med par yang dag par rdzogs pa'i byang chub mngon par rdzogs 'tshang rgya bar 'gyur ba 'di ni gnas ma yin no// 'di ni gnas yin te/ skyes pa gang yin pa'o// gnas ma yin zhing go skabs med pa ni/ gang lta ba phun sum tshogs pa'i gang zag bsams bzhin du pha dang ma dang / dgra bcom pa bsod/ par 'gyur ba dang / dge 'dun gyi dbyen byed par 'gyur ba dang / de bzhin gshegs pa la ngan sems kyis khrag 'byin par 'gyur ba 'di ni gnas ma yin no// 'di ni gnas yin te so so'i skye bo gang yin pa'o// gnas ma yin zhing go skabs med pa ni/ gang lta ba phun sum tshogs pa'i gang zag bsams bzhin du srog chags kyi srog bcod par 'gyur ba dang / bslab pa btang nas nyams pa 'jug par 'gyur ba dang / 'di las phyi rol gzhan dag la yon gnas su tshol bar 'gyur ba dang / 'di las phyi rol pa gzhan dag la ston par lta bar 'gyur ba dang / dge mtshan dang bkra shis bdag gi dag par yid ches par 'gyur ba dang / dge sbyong dang / bram ze shes pa dang ldan pa de dag shes par bya ba shes shing lta bar bya bar mthong ngo // snyam nas dge sbyong dang / bram ze gzhan dag gi ngor rtog cing ngor lta bar 'gyur ba dang / srid pa brgyad pa mngon pa

  8. 118a

    sa@#/ 'grub par 'gyur ba 'di ni gnas ma yin te/ 'di ni gnas yin no// so so'i skye bo gang yin pa'o// gnas ma yin zhing go skabs med pa ni sems kun nas nyon mongs par byed pa dang / shes rab nyams chung bar byed pa dang / rgud pa'i phyogs su gyur pa dang / mya ngan las 'da' bar mi 'gyur ba gang sgrib lnga po ma spangs pa ni/ dran pa nye bar gzhag pa bzhi dag la sems shin tu nye bar gzhag nas/ 'di ni gnas yin te/ sems kun nas nyon mongs par byed pa dang / shes rab nyams chung bar byed pa dang / rgud pa'i phyogs su gyur pa dang / mya ngan las 'da' bar mi 'gyur ba gang sgrib pa lnga po spangs pas ni/ dran pa nye bar gzhag pa bzhi dag la sems shin tu nye bar gzhag nas gnas par 'gyur ba 'di ni gnas yin no// gnas ma yin zhing go skabs pa med pa ni/ sems kun nas nyon mongs par byed pa dang / shes rab nyams chung bar byed pa dang / rgud pa'i phyogs su gyur pa dang / mya ngan las 'da' bar mi 'gyur ba/ gang sgrib pa lnga po ma spangs pa ni/ dran pa nye bar gzhag pa bzhi dag la sems shin tu nye bar gzhag pa na/ byang chub kyi yan lag bdun bsgom pa 'di ni gnas ma yin no// 'di ni gnas yin te/ sems kun nas nyon mongs par/ byed pa dang / shes rab nyams chung bar byed pa dang / rgud pa'i phyogs su gyur pa dang / mya ngan las 'das par mi 'gyur ba gang sgrib pa lnga po spangs pas ni/ dran pa nye bar

  9. 118b

    gzhag pa bzhi dag la sems shin tu nye bar gzhag nas gnas pa na/ byang chub kyi yan lag bdun bsgom par 'gyur ba 'di ni gnas yin no// gnas ma yin zhing go skabs med pa ni/ seMs kun nas nyon mongs par byed pa dang / shes rab nyams chung bar byed pa dang / rgud pa'i phyogs su gyur pa dang / mya ngan las 'da' bar mi 'gyur/ ba gang sgrib pa lnga po ma spangs pas ni/ dran pa nye bar gzhag pa bzhi dag la sems shin tu nye bar gzhag nas gnas pa na/ byang chub kyi yan lag bdun bsgom te/ rang byang chub mngon par byed par 'gyur ba dang / bla na me pa yang dag par rdzogs pa'i byang chub mngon par 'tshang rgya bar 'gyur ba 'di ni gnas ma yin no// 'di ni gnas yin te/ sems kun nas nyon mongs par 'gyur ba dang / shes rab nyams chung bar byed pa dang / rgud pa'i phyogs su gyur pa dang / mya ngan las 'da' bar mi 'gyur ba gang sgrib pa lnga po spangs pas ni/ dran pa nye bar gzhag pa bzhi dag la sems shin tu nye bar gzhag nas gnas pa na/ byang chub kyi yan lag bdun bsgom te/ rang byang chub mngon du byed par 'gyur ba dang / bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ba 'di ni gnas yin te/ kun dga' bo de tsam gyis na mkhas pa gnas ma yin pa la mkhas pa yin no// btsun pa chos kyi rnam grangs 'di'i ming ci lags ji ltar bzung bar bgyi/ kun dga' bo de'i phyir chos

  10. 119a

    mas/ @#kyi rnam grangs 'di ni le'u bzhi pa zhes par yang bzung shig/ chos kyi me long zhes bya ba yang bzung shig/ bdud rtsi'i lnga po che zhes bya bar yang bzung shig/ de bas na khams mang po pa zhes bya ba ni/ chos kyi rnam grangs 'di'i tshigs bla dgas yin no// khams mang po zhes bya ba'i mdo rdzog s+ho// / rgya gar gyi mkhan po su len+ta bo de dang / zhu chen gyi lo tsA ba ban de ye shes sdes bsgyur cing gtan la phab pa// rgya gar skad du/ sbal pa de ba ta sUtra/ bod skad du/ lha'i mdo nyung ngu/ sangs rgyas dang / byang chub sems dpa' thams cad la phyag 'tshal lo// 'di skad bdag thos pa dus gcig na/ bcom ldan 'das mnyan yod na/ rgyal bu rgyal byed kyi 'tshal mgon med zas sbyin gyi kun dga' ra ba na bzhugs te/ de nas lha zhig bcom ldan 'das ga la ba der song ste/ phyin nas bcom ldan 'das kyis zhabs la mgo bos phyag 'tshal te/ phyogs gcig tu 'dug go// phyogs gcig tu 'dug nas/ lha des bcom ldan 'das la zhu ba zhus pa// tshul khrims gang lags spyod pa gang // yon rten gang lags gang gis/ gnas ji ltar shes rab gang // skye ba gang dag mtho ris mchi// lha la thugs brtses nyer bzung nas// ston pas de la lung bsten pa// skye bo mtho ris

  11. 119b

    gang 'gro ba// lha khyod ngal rab tu nyon// srog gcod pa las phyir log cing // khrims bsrung yang dag sdom la dga'// gang dag skye bo ma'i tshe ba// skye bo de dag mtho ris 'gro// gang dag ma byin len spong zhing // sbyin pa gtong la rtag dga' ste// rku ba spong zhing mi rku ba// skye bo de dag mdze ris 'gro// gzhan gyi chu ma'i thad mi 'gro// log par g.yem pa rnam par spro// dag nyid chung mas chog sems pa// skye bo de dag mtho ris 'gro// gzhan gyi nor la rku bya dang / bdag gi phyir dang 'jigs phyir// brdzun gyi tshig rnams mi smra ba/ skye bo de dag mtho ris 'gro// grogs po rtag par dbyen byed pa// phra ma'i tshig rnams rab spong zhing / gang dag 'dum par gang dga' ba// skye bo de dag mtho ris 'gro// rgyags pa ston cing zhe gcod na// tshig rtsub dag ni rab spong zhing // 'jam po'i tshig tu gang smra ba// skye bo de dag mtho ris 'gro// don med gnas dang ldan pa yi// 'khyal ba'i tshig rnams rab spong zhing // gang yang dus su chos smra ba// skye bo de dag mtho ris 'gro// grong ngam 'on te dgon pa na// gzhan gyi bdag gir byas pa la// de la chags sems gang med pa// skye bo de dag mtho ris 'gro// byams pa'i sems kyis mi 'tshe zhing // gnod par sems pa med pa yi// skye bo kun la mi gnad pa// skye bo de dag mtho ris 'gro// las dang las kyi rnam smin pa// gnyi ga la yang gang dad cing // yang

  12. 120a

    dag lta ba yang dag 'dzin// skye bo de dag mtho ris 'gro// dge ba'i chos rnams 'di dag ni// dkar po'i chos kyi lam bcu ste// gang dag yang dag 'dzin 'gyur ba// skye bo de dag mtho ris 'gro// bram ze mya ngan 'das pa dang // dgra dang 'jigs pa kun 'das shing // 'jig rten chags med rgal ba ni// mang po yod par ma mthong ngobacom ldan 'das kyis de skad ces bka' stsal nas/ lha de'i yi ra de te bcom ldan 'das kyis gsungs pa la mngon par bstod do// lha'i mdo nyung ngu rdzogs sgo/ @#rgya gar skad du/ prad tud pan na bA d+ha sam mu kha a pa s+thi ta sa ma d+hi na ma ma hA ya na su tra/ bod skad du/ da ltar gyi sangs rgyas mngon du bzhugs pa'i ting nge 'dzin ces bya ba theg pa chen po'i mdo// thams cad mkhyen pa la phyag 'tshal lo// 'di skad bdag gis thos pa'i dus cig na/ bcom ldan 'das rgyal po'i khab na smig pa'i tshal/ bya ka len ta ka gnas pa na/ dge slong lnga brgya tsam gyis dge slong gis dge 'dun dang thabs cig tu bzhugs te/ thams cad kyang zag pa zad pa/ nyon mongs pa med pa/ dbang dang ldan par gyur pa/ bya ba byas pa/ byed pa byed pa/ khur bor ba/ bdag gis don rjes su thob pa/ srid pa kun tu sbyor ba yod su zad pa/ bka' yang dag pas sems shin tu rnam par grol ba/ sems kyi dbang thams cad kyi pha rol son pa/ rnam par thar pa brgyad thob pa/ sha stag ste/ gang zag

  13. 120b

    gcig ma gtogs pa ni 'di lta ste/ tshe dang ldan pa kun dga' bo// yang de'i tshe byang chub sems dpa' sems dpa' chen po bzang skyong zhes bya ba/ rgyal po'i khab kyi grong khyer chen po nas byung ste/ byang chub sems dpa' lnga brgya tsam thams cad kyang khyim par gyur cing bslab tshig lnga yongs su bzung ba sha stag dang lhan cig tu chos nyan pa'i phyir/ bcom ldan 'das kyis zham ring byed par 'gyur ro// de nas byang chub sems dpa' sems dpa' chen po bzang skyong phyi dro'i dus kyis tshe/ nang du yang dag 'jog pa las langs nas/ bcom ldan 'das ga la ba der song ste phyin nas/ bcom lnga 'das kyis zhabs la mgo bos phyag 'tshal te/ lan bdun du bskor ba byas nas/ bcom ldan 'das kyis spyan snga phyog gcig tu 'dug go// byang chub sems dpa' lnga brgya tsam pa de dag kyang phyi dro'i dus kyi tshe/ nang du yang dag 'jog las langs nas/ bcom ldan 'das ga la ba der lhags nas/ bcom ldan 'das kyis zhabs la mgo bos phyag 'tshal te/ bcom ldan 'das la lan bdun bskor ba byas nas bcom ldan 'das kyis spyan sngar cig tu 'khod do// yang de'i tshe/ dang ldan pa sha ra dwa ti'i bu dang / tshe dang ldan pa me'u 'gal gyis bu chen po mnyan du yod pa'i grong khyer chen por dbyar gnas nas/ dge slong lnga brgya dang lhan cig tu/ rims kyis ljongs spyad pa spyod cing rgyal po'i khab kyi grong khyer chen po gang na ba dang / smig ma'i tshal bya ka lan ta ka gnas pa ga na ba dang / bcom ldan 'das ga la ba der dong ste lhags nas/

  14. 121a

    bcom ldan 'das kyis zhabs la mgo bos phyag 'tshal te/ bcom ldan 'das la lan gsum bskor ba byas nas/ bcom ldan 'das kyis spyan sngar phyogs cig tu 'khod do// de nas de'i tshe/ bcom ldan 'das kyis ji lta bu'i rdzu 'phrul mngon par bya ba/ mngon par mdzad pa dge slong gang dag ljongs kyis phyogs so so na rten cing khod pa de dag thams cad rgyal po'i khab kyi grong khyer chen po ga la ba dang / smig ma'i tshal bya ka len da ka gnas pa ga na ba dang / bcom ldan 'das ga la ba der dong de lhags nas/ bcom ldan 'das kyis zhabs la mgo bos phyag 'tshal te/ bcom ldan 'das la lan gsum bskor ba byas nas bcom ldan 'das kyis spyan sngar phyogs cig tu khong pa/ de lta bu'i rdzu 'phrul mngon par 'du mdzad do// yang de'i tshe smig ma'i tshal bya ka lan ka gnas par/ dge slong 'bum lhan cig 'dus te 'khod do// de nas de'i tshe bcom ldan 'das kyis/ ji lta bu'i rdzu 'phrul mngon par 'du mdzad pas/ skyes dgu'i bdag mo chen mo go'u ta ma la sogs pa/ dge slong ma sum po'i khab kyi grong khyer chen po ga la ba dang / smig ma'i tshal bya ka len da ka gnas pa ga la ba dang / bcom ldan 'das ga la ba der dong ste lhags nas bcom ldan 'das kyis zhabs la mgo bos phyag 'tshal te/ bcom ldan 'das la lan gsum bskor ba byas nas/ bcom

Colophon

khams mang po zhes bya ba'i mdo rdzogs+ho// rgya gar gyi mkhan po su len+Da bo de dang/ zhu chen gyi lo ts+tsha ba ban de ye shes sdes bsgyur cing gtan la phab pa/