gsung gi mdzod 'jam dbyangs rdo rje'i glu
Pākakiṣaśrīriparabajracita
Text
ff. 85a–88a · 7 folio sides
- 85a
med btang snyoms bsgoms// gang du ma dran bsam gtan btang snyoms mchog/ lung du ma bstan btang snyoms sgom ma yin// shes pa sor gzhag dran med nyams 'tsho ba// dran pa'i mtshan ma dran med lam du khyer// bde ba la mkhyer blo 'das ma dmigs pa// gnyis la mi rtog bde ba rgyun mi 'chad// kye'o nyams dang bral bas gzung 'dzin gnyis las grol// de nyid phyag rgya chen po'i don mthong 'gyur// / 'bras bu mthar thug rin chen gter chen la// phyag rgya che la gnas 'dod gang // dri med 'bras bu rtogs par shog/ sa ra ha'i zhal snga nas gsungs pa// sku'i mdzod 'chi med rdo rje'i glu zhes bya ba rdzogs so// / me la ma mas da chu bzhugs@#// rgya gar skad du/ pA ka ko Sha shI ri pa ra badz+ra tsita/ bod skad du/ gsung gi mdzod 'jam dbyangs rdo rje'i glu// 'jam dpal gzhon nur gyur pa la phyag 'tshal lo// kye'o ting 'dzin rtse gcig ro snyoms khyad par can// dngos dang dngos med yid rtogs 'khor rgya btang bar bya// snang dang stong pa zung du 'jug pa dbyer med de kho na// chos kyi dbyings kyi rang bzhin thams cad 'byung zhing thim par gnas// bdag dang gzhan don gnyis med dran med gsal ba'i ngang // phyag rgya chen po'i rnam grangs dpag med brjod las 'das// dngos dang dngos med yongs su btang na 'khor 'das med// rdzing bu bla gab med na phyogs bzhir 'khor lo yangs// byis pa ma shes rten 'brel 'khor bar 'jug pa'i rgyu// shes rab zhan pas dngos 'dzin bdag gzhan don mi 'grub// mar me spar yang dmun long dag la snang mi srid// bdag gzhan don 'dod dngos 'dzin rang gis rang la 'dzin// rtog pa yin phyir btang mi btang la brtag par bya// snang med rang rig rtog pa'i tha snyad kun dang bral// thabs dang bral phyir
- 85b
bdag don mi 'grub mtshan mar 'gyur// dbyer med don la gnas pas de nyid ston pa dang // chos kyi dbyings la 'jug pa'i mtshan nyid bstan pa'o// bla ma la bstan lung 'brel gdams ngag rjes su ston// lung dang rig pas rang gi mtshan nyid rtogs 'dod pa// bla ma la bsten gdams ngag ldan pa dag las rnyed// bsnyen bkur byas na bde ba mchog thob 'gyur// dri ma dang bral bya phyir bla ma'i zhabs la 'dud// mchod na byin brlabs/ chen po 'byung bar rgyal bas bshad// kye'o grong khyer tsam o sha ma kus su nam mkhar song bzhin du// thar pas 'bad na rgyal ba'i sa la gdon mi za// brjod bya rjod byed dbang bskur byin brlabs skye zhing 'phel ba'i gnas// sngon du slob mas bya dang slob dpon bya ba'i rim pa dang // rjes su slob mas bya dang zab mo dbang bskur ba// phyag rgya mtshod dang bstod pa dag gis gsol ba gdab// snyan pa'i tshig gis gsol gdab rig pa rtsal dbang dang // phyag rgya la brten gsang ba'i dbang bskur sdom sbyin dang // gnang ba sbyin dang rjes su spro ba brtan pa ste// slob mas rdzas dbul zab mo'i dbang bskur dam bca' dang / bskyed pa'i rim pa la sogs bstan pa ni/ ngo bo nyid kyi rim pa bstan pa dang // nyams myong bsgom par bya ba'i brjod bya la sogs kun// gang la mi gnas bya sar ko ni gang la rten mi 'cha'// 'dod pa med pa'i bde ba dag la mi gnas te// ya zung med phyir gang la rten dang rten byed bral// gnyis med rnal 'byor rang la 'char ba'i nyams myong bde// bdag tu rtog pa'i dngos po btang na nam mkha'i mtha' ltar yangs// mya ngan 'das pa'i grong khyer dag tu 'jug 'dod na// tshogs drug thug phrad tshar pa rgyun gyi rnal 'byor che// snang ba stong pa skye med thug phrad rkyen la rag ma lus// gnyis med goms pas lam myur
- 86a
zung du 'jug mi ldog/ sems can sangs rgyas rang bzhin yin par shes na rtsol ba med// gong gi ro snyoms spyod pa dag la brten nas 'bras bu thob// spyod pa byas na 'gro ba 'khor ba dag las thar par the tshom med// bdud dang mi mthun phyogs las rnam par rgyal bar 'gyur// mtshan ma'i rnal 'byor mi bya btang snyoms rnal 'byor min// mkhas pa'i ye shes myur du thob cing sgrib pa zad// mtshan ma'i spyod pas drang don mkhas kyang rmongs rnams 'ching // ro snyoms phyag rgya chen po la brten nam mkhar 'gro/ gnyis med spyod lam rgyan du brten na tshe 'dir thob// snang ba sgyu ma'i yul la mi gnas rtog yul med// 'jig rten chos brgyad 'ching bar mi nub btul zhugs mchog/ snying rje thabs zin spyod pa chags med mkha' ltar yangs// phyag rgya chen po yan lag bzhi ldan thibs kyi mchog/ bzhir ldan phyag rgya gcig gi tshe 'phrul gcig gi dang // gnyis med dang la phyag rgya chen po glod de bzhag/ byang chub sems ldan btang gzhag med na glang chen 'dra// rtog pa'i ngo bos sab mo rta lhar snang 'dod na// rtog med// snang med don la 'bad de rnal 'byor bya// sku bzhi mthar phyin 'bras bu bde ba chen po'i dang // skye bar snang ba lam gyis lus rnams ni// sku gsum mthur ldan rtog pa rnam par bral// shes dang shes bya rang rgyad dag pa'i yul// dngos po'i rang bzhin skye ba'i rkyen snang yang // ma skyes pa'i yul las 'da' mi myong // dngos po dngos med btang snyoms la sogs kun// 'byed pa med de dran med skye med yul// phyag rgya che la rtag tu mtshan nyid bral// phung po dag pas gsang ba'i yul las 'das// dga' ba bzhi yi mtshan nyid phyag rgya'i yul// rang rgyud ma yin shes rab thabs dang bral// sna rtsol sogs de nyid ma zin na// de nyid
- 86b
dag la sbyor yang don dam min// rang rig rdo rje gnas te sems dpa'i rnal 'byor ni/ thams cad mkhyen pa ngo bo 'di 'drar med// rgya mtsho'i rba rlabs bral ba'i ngo bor mtshungs// grag tsam nyid na gang du'ang sleb pa med// dam tshig bsgrub dang 'bras bu rnam sbyar ba// mtshon bya mtshon byed tshig gi tha snyad lam// dam tshig nyams na thabs sogs nyams gang na// blo las 'das pa'i yul du slob pa med// brtul zhugs spyod pas phyi dang nang 'gyur ba// kho na nyid dang ldan na khyad par can// de nyid mi ldan dud 'gro dag dang mtshungs// de nyid sbas pas ye shes skyes bsgoms pa// thabs bral dam tshig 'gal yang nyes pa med// 'di dang pha rol grangs la maM bltos par// nga lta nyid du mngon gyur phyag rgya cha// de nyid spangs nanam yang phrad mi 'gyur// phyag rgya chen po skad cig thos pas kyang // smod dang ldan mi ldan la mi ltos par// bstan pa tsam gyis rtse gcig 'di yis thob// gang zhig dran pa dag la ma yengs pa'i// lhan cig skyes don bsgom dang ldan pas thob// de nyid rang yin gzhan gyi chos mi tshol// dur khrod wa sogs tshol phyir 'brangs te 'apung // kye'o bram ze rigs ngan khyim 'dres 'tshol slong bzhin// bzang ngan 'dres pa gcig la gcig gnod de// mtshan ma'i rnal 'byor mtshan mar reg/ mtshan ma med la bltas pa nam yang med// mtshan ma dus dang grangs la bltos par 'gyur// bskyed dang rdzogs pa'i rim pa khyad par bsam mi bya// gnyis med 'dus pa rnal 'byor mchog ldan gang // gang yang ma shes dran med yengs pa'i yul// dran pa'i rgyud spangs de la goms par bya// thun mong ma yin gsang sngags khyad par can// thog ma nyid nas bden pa'i ngo bor gnas// dngos grub bsdus pas lhan cig skyes la thug/ de nyid khyad par rang rig yul las 'das// de nyid bde ba'i
- 87a
gnas dang dngos po stong // chos rnams dag pas rang bzhin bde ba'i don// gang la mi gnas blo yi yul las 'das// yul med gnas med rten dang bral bas stong // e bam dngos grub ngo bo nyid kyi rgyu// rdo rje 'chang dang rang rig bla ma'i bka'// 'dus pa'i rgyud du dri med phyag rgya che// kun rdzob las kyi phyag rgya la sogs kun// 'khor los sgyur rgyal dmangs kyi 'khor dang mtshungs// rdzogs pa phyag rgya nyi zla'i skar phran bzhin// dga' bral dga' ba mchog tu dga' la sogs// lhan cig skyes dga' 'khor lo'i rtsa ba nyid// dri ma med par dag byed de yi dgongs par gsal// de nyid ldan pas rtag tu ye shes myong // dbyer med thugs kyi stong nyid gro 'phangs yangs// lus ngag zabs ldan thabs la brten bsgom pa// dran pa skyed byed rgyu rkyen 'bras bu smin// lngas can drang phyir grol ba'i thabs sbyor// las kyi phyag rgya nyams myong brod pa skyed// de nyid ldan goms nyams myong grol ba'i lam// pad+ma rdo rjer sbyor ba mthong 'dod dang // tshigs can lam gyis de nyid grol mi gyur// gzhan yang las kyi phyag rgya nyams myong dag bsten la// tha mal lus la phyag rgya chen po sbar// phyag rgya chen po kun tu khyab pa'i dpe// rin po che dang nam mkha' lta bur mtshungs// phung po lnga sogs gsang ba mchog tu 'gyur// 'jig rten 'jig/ rten 'das pa lhan cig 'das// kho na nyid ni bla ma'i bka' drin gyis// mtshon cing bsgrub mi dgos par rang la rnyed// phyag rgya chen po mchog nyid dri ma bral// go 'phang thob par bya phyir spyad par bya// rtag chad gany+dzi med mnyam sbyar gcig nyid bzhag/ lung dang man ngag dag gis rig pas shes par bya// kho na nyid ni sgrub na gdon mi za// phyag rgya chen po gsal te shes sgom na// kho na nyid ni rtogs par the tshom med//
- 87b
de nyid shes na goms pa'i stobs kyis spyod// de nyid ma shes steng sgo 'og sgo dang // rig ma la rten gsum po gtsor byed dang // chu bya la sogs nya dang dud 'gror mtshungs// rang rig rgyud la tha snyad 'jal byed dang // phyi nang gzhig nas rang bzhin med 'dod na// 'jig rten ca co yin mong khyad med mtshungs// bden dang rten 'brel sgo nas thar 'dod dang // dbang po bsubs pas thar lam 'dren 'dod dang // byis pa chang ba stong pas 'drid dga' ste// des na bya ba byed 'dod thar med brdzun gyis bslus// grangs can dgis sogs gcer bu bye brag 'dod// byed dang rgyur lha la sogs kyi na 'khyam// kye'o des na 'khor ba ji ltar btung bar 'gyur// rgyu N+Din med pas nags yul ma yin pa'i// sems kyi de nyid phyag rgya che la gnas// de nyid stobs kyis mtshan ma dang bral zhing // tshe gcig phyag rgya chen po thob par 'gyur// kye'o ngo mtshar gsang ba'i spyod yul 'di// sman pa'i rgyal po rtog las skye med 'char// ye shes lnga sogs mtshan nyid rang la ldan// dang po las can rigs kyis kho na mthong // mtshan ma la bston dran pas g.yeng ba'i rgyu// kho na nyid la phyi rol ma dmigs na// mtshan ma'i spyod yul dran med dngal thim// mtshan ma'i rnal 'byor khams gsum 'khor ba'i lam// mtshan ma'i dngos po bag med sa bon bcas// dran med rnal 'byor nam mkha'i dkyil dang mtshungs// so sor med ning bo ma skyes phyir// skye bo gzhan gyi blo yi spyod yul min// de nyid lnga la mkhas pas spyad byar 'byung // dran pa rnam rtog gzugs su gnas pa dang // dran med khams gsum dag pa'i gnas su spangs// de nyid ma skyes dngas grub kun gyi gnas// byi dang nang rol ma dmigs thams cad 'grub// kye phyag rgya chen
- 88a
po yon tan mchog ldan gang // bla ma mnyes par bya phyir dngos grub kun gyi gzhi// bla ma dkon mchog mi spang yon tan 'byung // gang zhig dad pa'i sems ldan brgya lam na// rnal 'byor gzungs kyi gzhung 'di rtog par shog/ gsung gi mdzod 'jam dbyangs rdo rje'i glu sa ra ha sa gsungs pa rdzogs so// [।] pa tshul #/ @#// rgya gar skad du/ tsit+taM kaSha.a badz+ra tsi ta/ bod skad du/ thugs kyi mdzod skye med rdo rje'i grwa/ 'jam dpal gzhon nur gyur pa la phyag 'tshal lo// kye'o lhan cig skyes pa'i ye shes ni// rang gis nyams su myong ba de kho na// rig dang ma rig rang rig gsal ba de kho na// ma ma mun gsal rang gis rang gsel rang la sad// 'dam gyis pad+ma 'dam la mazhen pa dag legs// gzung 'dzin dri ma ma spangs snying po bsal// nags khrod gnas pa'i ri dgas gcig pur rgyu/ rgyal ma zhen 'bras bu de kho na// snang dang mi snang yul med gsal// dngos stong ma dran dran med brjod pa med// lhan cig skyes pa rnams gsum nyams su bde// zhen pa med phyir rtog ge'i yul las 'das// sna tshogs dran phyir rjes su 'brang ba med// gsal dang mnyam pa'i ye shes snying po nyid// mun sel nyi ma sgron me'i kha dog ltar// rang rig dang la 'bar na 'dzin rtog zang // sgrib pa zad phyir dran med yengs pa med// gnyis dang yod dang med dang tha snyad ma skyed cig/ phyag rgya chen po bsam med blo las 'das// rang rig rdo rje 'dzin pa rnal 'byor pa// 'da' dka' lhan cig skyes pa'i mar me ni// thabs dang shes rab zung du 'jug pa'i don// skye med stong pa 'od gsal stong par ris dang bral// khyad par can gyi ye shes kho na nyid// gnyis la mi bltos bde ba rgyun mi 'chad// rang 'byung rtog med bag chags brtsad nas
Colophon
gsung gi mdzod 'jam dbyangs rdo rje'i glu sa ra has gsungs pa rdzogs so/