'phags pa bad sa la'i rgyal po char byed kyis zhus pa zhes bya ba theg pa chen po'i mdo
Āryaudayanabadsarājaparipradchanamaparibartasūtra
Text
ff. 294b–311b · 35 folio sides
- 294b
su bcad pa gnyis kyi gzungs la ni/ tshig gam don gyi sgo nas gang sbyor ba/ sems can dam pa blo dang ldan pa des/ phan yon rnam pa bcu dag thob par 'gyur/ khams rnams mtha' dag rgyas par 'gyur ba dang / ji ltar 'dod dga' bzhin du skye bar 'gyur/ thams cad du ni tshe rabs dran par 'gyur/ sangs rgyas rnams dang phrang par 'gyur ba dang / de bzhin de dag las ni theg mchog thos/ mos par 'gyur ba po dang bcas pa dang / sgo gnyis dang ni byang chub myur du 'thob/ tshigs su bcad pa gnyis pa'i gzungs rdzogs s+ho// rgya gar skad du/ Ar+ya u da ya na dang sa rA dza ba ri prad tsha na ma pa ri baR+Sha sU tra/ 'phags pa bang sa la'i rgyal po 'char byed kyis zhus pa zhes bya ba theg pa chen po'i mdo// bam po dang po// // sangs rgyas dang byang chub sems dpa' thams cad la phyag 'tshal lo// 'di skad bdag gis thos pa'i dus gcig na/ bcom ldan 'das ko'u sham+ba'i dbyangs can gyi kun dga' ra ba na/ dge slong lnga brgya tsam gyis dge slong gi dge 'dun chen po byang chub sems dpa' sems dpa' chen po rab tu mang po dang / thabs gcig tu bzhugs te/ de'i tshe na ma du'i bu mo btsun mo dpe med phra dog dang ser sna zin pas/ btsun mo sngo sangs can la lhag par dmigs nas/ bad sa'i rgyal po 'char byed la/ lha mkhyen par mdzad du gsol// btsun mo sngo
- 295a
sangs can la sogs pa bud med lnga brgya tsam ni/ dge sbyong go'u ta ma dang / lhan gcig tu rab tu skyon chags par bgyid do// de'i slad du/ bdag gis lha la gsol ba lags kyis/ ci ltar mkhyen pa de bzhin du mdzad du gsol zhes/ brdzun gyi cig gis dben byas par gyur te/ de nas bang sa'i rgyal po 'char byed ma du'i bu mo dpe med kyis dben byas pas/ bcom ldan 'das dang / nyan thos kyi dge 'dun rnams la 'thab pa dang / 'khrug pa dang / khro ba skyes par gyur to// de yid ma rangs shing khro ba dang / rngam pas zil gyis gnon pas/ btsun mo sngo sangs can bsad pa'i phyir gzhu brdungs nas mnga' ste'u ka nya rnga ma blangs te 'phangs so// de nas de'i mod la btsun mo sngo sangs can gyis/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas la phyag 'tshal lo zhes/ bcom ldan 'das la phyag byas shing / bcom ldan 'das kyi bsngags pa brjod nas/ byams pa'i ting nge 'dzin du snyoms par zhugs so// de nas 'di ltar sangs rgyas kyi mthus/ mda' ste'u ka nya rnga ma de de nas phyir log ste/ bang sa'i rgyal po 'char byed de nyid kyi mgo drang thad kyi steng gi bar snang la 'bar rab tu 'bar kun tu rab tu mched de/ 'bar zhing me lce gcig tu gyur te/ par 'gro tshur 'gro zhing 'dug nas
- 295b
bad sa'i rgyal po 'char byed ga la bu der song nas/ bad sa'i rgyal po 'char byed kyi g.yon rol logs su 'dug par gyur te/ de'i lus la ni ma phog go/ lan gnyis lan gsum du de ltar pa dang / de nas btsun mo sngo sangs can gyi/ bad sa'i rgyal po 'char byed la 'di skad ces smras so// rgyal po chen po de lta lags pas/ gal te khyod de bzhin gshegs pa la phyag 'tshal nas/ khyod la yang bde leg su 'gyur lags so// de nas bang sa'i rgyal po 'char byed 'jigs shing dngas la sgyid lug cing spu zing zhes byed par gyur te/ sa la skyel nas/ btsun mo sngo sangs can la tshigs su bcad de smras pa/ khyod ni lha mo 'am dri za mo// sha za mo 'am srin mo dang / ngas ni ji ltar bzung bar bya/ nga yis dris pa de smros shig/ gang la mtshon gyis mi gnod pa'i/ bud med 'ga' yang yod min te/ ngas ni 'di la gang du yang / thos sam mthong ngam shes pa 'ang med/ nga ni stobs ldan brtson 'grus can/ 'phong gis shes pa legs bslab bas/ nga yi mnga' ni gdon mi za/ nam yang mi 'phog yod min te/ spre'u 'am yang na bya dang ni/ mi 'am yang na 'ben kyang rung / gang la nga yis mda' phangs pa/ nam yang mi 'phog yod min na/ de ring mnga' 'di 'phangs pa ni/ bzlog pa'i tshul du phyir 'ongs te/ lus la gnod pa med par ni/ nga'i mdun
- 296a
du 'dug par gyur// gzhan gyi tshig ni mnyan nas kyang // nga ni khyod la bsod 'dod pa// nga ni khyod la skyabs su 'gro// sdug bsngal gyur pa nga la skyobs// phyin chad 'di 'dra mi byed kyis/ sdug bsngal ba la deng bzod kyis// khyod sngon dga' ba dran byos la// dang bar gyis shig khri thul cig de nas btsun mo sngo sangs can gyis bad sa'i rgyal po 'char byed la tshigs su bcad de smras pa// bdag ni lha min dri ba min// sha za mo mni srin mo min// bdag ni btsun mo sngo sangs can// 'jig rten mgon po'i nyan thos ma// lha khyod la ni snying brtse bas// bdag gis sems ni mnyam gzhag gis// khyab bdag 'jig rten mgon po la// thugs ni rab tu dang bar mdzod// bskal pa bye ba stong rnams su// gang gis byams pa legs bsgoms te// byams la gnas pa'i skyes bu dang // bud med dag ni mi gsod gsungs// gang zhig lo rtog smin pa la// ser ltar yang dag ci bzhin mkhyen// bud med rnams kyi gnod med pa// de ni bstan la bdag dga' lags/ 'jig rten mgon po thams cad kyi// bud med rnams ni smad par gsungs// bud med rnams la mi lta ba// 'jig rten mgon po rnam kyis bsngags// sangs rgyas rnams dang rang sangs rgyas// byang chub sems dpa' nyan thos rnams// bud med bsten par mi mdzad de// de ni byis pa'i skud
- 296b
yul lags// bud med rnams la bsten pa ni// kun nas bdud kyi zhags par gsungs// sdig pa rnams la chags pa ni// kun 'jom dkrugs pa'i shul dang 'dra// mi mkhas bud med chags dang // sdig pa'i las ni bgyid pa dang // ye shes spong bar 'tshal ba yi// sems can rnams ni ngan 'gror ni ngan 'thong khrid// mkhas pa thar bar 'tshal ba yis// bud med bsten par mi bgyi ste// zhugs bsnyam du ba ma mchis pa'i// dong du mchongs dang mi dang lags// yid 'od bka' mchid bgyis pa dang // bltas pas kyang ni 'ching bgyid cing // mi zad dmyal bar ltung bas na// khyod ni bud med tshig ma gas na// bdag ni khro ba ma mchis te// bdag gi yid ni rab tu dang // khyab bdag 'jig rten mgon po la// thugs ni rab tu dang bar mdzod// rgyal po chen po bzhud mdzod// khyod kyis rkang gnyis mchog gzigs la// de yis chos ni gang bsten pa// g.yel ma mchis par khyod kyis gson// de nas bad sa'i rgyal po 'char byed// btsun mo sngo sangs can gyis bkul bas// rgyal po'i mthu chen po dang // rgyal po'i 'byor pa chen po dang / skye bo'i tshogs phal po ches/ yongs su bskor cing / mdun du bdar nas/ brtang cing myur ba mur bar/ bcom ldan 'das kyis spyan sngar song ba dang / des
- 297a
bdasabacom ldan 'das mdzes pa/ dang bar gyur pa dang / dbang po zhi ba/ thugs zhi ba/ dul ba/ zhi gnas kyi mchog dam pa'i pha rol tu byon pa/ bsam gtan dam pa rnams kyi pha rol tu gshegs pa/ gser gyi mchod sdong ltar mngon par 'phags pa/ dpal gyis mdzes shing lham me lhan ne lhang nge ste/ skyes bu chen po'i mtshan sum bcu rtsa gnyis kyis sku legs par brgyan pa/ dge slong dang / dge slong dang / dge bsnyen pa dang / dge bsnyen ma dang / byang chub sems dpa'i dge 'dun gyis yongs su bskor ba/ lha dang / klu dang / gnod sbyin dang / dri za dang / lha ma yin dang / na mkha' lding dang / maM 'am ci dang / lto 'phye chen po dang / mi dang mi ma yin pa rnams kyis mdun gyis ltas par mthong bar gyur to// mthong nas kyang / bcom ldan 'das ga la ba der song ste phyin nas/ bcom ldan 'das kyis zhabs gnyis la btugs te/ bcom ldan 'das la 'di skad ces gsol to// bcom ldan 'das bdag gis sngon ma mthong ba'i rmad du byung ba zhig mthong ba'i/ bcom ldan 'das la gsol bar 'tshal na/ bcom ldan 'das kyis bdag la skabs dbye bar ci gnang / de skad ces gsol pa dang / bcom ldan 'das kyis bad sa'i rgyal po 'chang byed la 'di skad ces bka' stsal to// rgyal
- 297b
po chen po khyod kyis ji ltar bzod pa de ltar smros shig/ zlos shig/ de nas bcom ldan 'das la bad sa'i rgyal po 'char byed kyis 'di skad ces gsol to// bcom ldan 'das bdag 'dod pa'i rgyu dang / 'dod pa'i gzhi dang // 'dod pa la lhag par zhen pas/ deng ma du'i bu mo dpe med kyi tshig gis khros shing rngam pas zil gyis non nas/ bcom ldan 'das nyan thos kyi dge 'dun dang bcas pa la'athab pa dang / zhe sdang gi sems kyang bskyed/ bcom ldan 'das bdag gis mchis 'brang sngo sangs can dgum pa'i slad du/ mda' sde'u ka nya rnga ma zhig 'phangs na/ de bar snang la 'bar/ rab tu 'bar/ kun tu rab tu mched de 'bar zhing / me lce gcig tu gyur nas/ bzlog pa'i tshul du slar log ste/ bdag gi g.yon rol logs su mchis par gyur cing / lus la ni ma phog na/ bcom ldan 'das bdag gis mchis 'brang sngo sangs can gyi sug pa rkang pa gnyis la gtugs te/ mchis 'brang sngo sangs can la 'di skad du/ khyod lha mo zhig gam/ 'on te klu mo 'am/ dri za mo 'am/ sha za mo 'am/ srin mo 'am/ su lags shes bgyis pa dang / de dag la 'di skad du/ rgyal po bdag ni lha mo yang ma lags/ klu mo yang ma lags/ dri za mo yang ma lags sha za mo yang ma lags/ srin mo yang ma lags kyi/ bdag ni bcom ldan 'das de
- 298a
bdal/ bzhin gshegs pa dgra bcom pa yang dag par rdzogs pa'i sangs rgyas de'i nyan thos ma lags te/ khyod nyid la snying brtse ba'i slad du/ sems mnyam par gnag pa lags so// zhes mchis nas/ de nas mchis 'brang sngo sangs can gyis/ bcom ldan 'das kyi bsngags pa rnam grangs du ma brjod pa dang / bcom ldan de la bdag 'di snyam du/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas de'i nyan thos ma 'di yang de lta bu'i snying rje'i bsam pa dang / de lta bu'i byams pa thob pa dang / de ltar rdul 'phrul che ba dang / de ltar mthu che ba dang / de ltar dbang che bar thags pa lags na/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas lta smos kyang / ci 'tshal snyam du sem par gyur lags te/ bcom ldan 'das bdag 'di ltar byis pa lta bu dang / 'di ltar rmongs pa dang / 'di ltar mi gsal ba dang / 'di ltar mi mkhas bas/ de bzhin gshegs pa nyan thos kyi dge 'dun dang bcas pa la bdag gis tha ba dang / zhe sdang gi sems bskyed pa de/ bcom ldan 'das la bzod par gsol zhing / nyan thos kyi dge 'dun gyi mdun du yang nongs pa 'chags shing mchis na/ thugs brtse ba'i slad du/ bdag gis nong par bshags pa
- 298b
phyogs gcig tu 'dug go// de/ bcom ldan 'das kyis legs par rjes su bzung bar gsol/ deng slan chad kyang sdom par 'tshal lags so// bcom ldan 'das kyis rgyal po chen po khyod longs la rang khyod longs la rang gis stan gang yin pa la 'dug cing ces/ bad sa'i rgyal po 'char byed kyis nyes pa bshags pa rjes su bzung bar gnang ngo // de nas bad sa'i rgyal po 'char byed kyis/ bcom ldan 'das kyis zhabs gnyis la mgo bos phyag 'tshal te/ phyogs gcig tu 'dug nas kyang / bcom ldan 'das la bad sa'i rgyal po 'char byed kyis 'di skad gsol to// bcom ldam 'das bdag ni gtum zhing gzu lums che la/ drag shul can lags pas/ bdag gi bud med kyi tshig gis/ sdig pa'i sug las mngon par 'du bgyis pa des/ bcom ldan 'das bdag sems can dmyal bar mchi bar bdag gis yang bar 'tshal na/ bcom ldan 'das bdag la thugs brtse ba'i slad du/ ci nas kyang bdag slan chad bud med kyi dbang du mchis nas/ sdig pa'i sug las mngon par 'du bgyid par mi 'gyur zhing / sems can dmyal bar mi ltung ba dang / bdag dang sems can thams cad la yun ring po'i don dang / sman pa dang / bde bar 'gyur ba'i slad du/ bcom ldan 'das kyis bud med kyi skyon de dag legs par rab tu bshad
- 299a
cing / bud med kyi spyod pa rnams dang / bud med mtshan ma rnams dang / bud med kyi rgyu rnams dang / bud med kyi g.yo rnams dang / bud med kyi gya gyu rnams dang / bu med kyi mi bsten pa rnams dang / bud med kyi 'gyur ldog rnams dang / bud med kyi snyan pa rnams dang / bud med kyi tshig rnams dang / bud med kyi 'khrul pa rnams yang dag par bshad du gsol/ de skad ces gsol ba dang / bcom ldan 'das kyis bad sa'i rgyal po 'char byed la 'di skad ces bka' bstsal to// rgyal po chen po gnas de lta bu yongs su yongs su zhus pas khyod la ci zhig bya/ bcom ldan 'das la bdag bad sa'i rgyal po 'char byed kyis yang 'di skad ces gsol to// bcom ldan 'das ci nas bdag ni bud med kyi dbang du mchis bar gyur na/ bud med ma rung ma khon can gtum mo drag shul can lags te/ bcom ldan 'das bud med de ni bdag sems can dmyal bar mchi bar bgyid par 'tshal ba lags pas/ bcom ldan 'das las/ bdag don de nyid nyan par 'tshal lags so// de skad gsol pa dang / bcom ldan 'das kyis bad sa'i rgyal po 'char byed la 'di skad ces bka' bstsal to// rgyal po chen po khyod kyis rje rang gi skyon rnams yongs su rtogs shig dang /
- 299b
de nas phyis bud med kyi skyon rnams yongs su rtogs par 'gyur ro// de skad ces bka' bstsal pa dang / bcom ldan 'das la bad sa'i rgyal po 'char byed kyis 'di skad ces gsol to// bcom ldan 'das legs so legs so// skyes pa skyon ci lta bu dag dang ldan na/ skyes pa bud med kyi dbang du mchi bar 'gyur ba'i skyes pa'i skyon rnams/ bcom ldan 'das kyi bdag la yang dag par rab tu bshad du gsol/ de skad ces gsol pa dang / bcom ldan 'das kyis bad sa'i rgyal po 'char byed la 'di skad bka' ba stsal to// rgyal po chen de'i phyir khyod legs par nyon la/ rab tu yid la zung shig dang / ngas khyod la bshad par bya'o// bad sa'i rgyal po 'char byed kyis/ bcom ldan 'das de bzhin no zhes gsol te/ bcom ldan 'das kyi ltar nyan pa dang / bcom ldan 'das kyis de la 'di skad bka' bstsal to// rgyal po chen po skyes pa skyon gang dag dang ldan na skyes pa bud med kyi dbang du 'gro bar 'gyur ba'i skyes pa'i skyon ni bzhi po 'di dag yin no// bzhi gang zhe na 'di lta ste/ rgyal po chen po 'di la skyes pa 'dod pa rnams la chags par gyur cig/ de 'dod pa rnams la bag med par gyur nas phyir zhing bud med la lta 'dod te/ tshul khrims dang ldan pa/ yon tan dang ldan pa/ shes
- 300a
bdasarang dang ldan pa'i dge sbyong dang / bram ze dag la lta bar mi 'dod cing / des tshul khrims dang ldan pa/ yon tan dang ldan pa/ shes rab dang ldan pa'i dge slong dang / bram ze dag mthong na snyan par mi byed/ bsten par mi byed/ bsnyen bkur mi byed pas de'i tshul khrims dang ldan pa/ yon tan dang ldan pa/ shes rab dang ldan pa'i dge slong dang / bram ze dag gis yongs su spangs pas/ dad pa las yongs su nyams/ tshul khrims las yongs su nyams/ gtong ba las yongs su nyams/ shes rab las yongs su nyams shing / dad pa dang bral/ tshul khrims 'chal ba/ thos pa nyung ba/ ser sna can du gyur pa/ yi dgas kyi yon tan gyi chos la kun tu spyod pa/ shes rab 'chal pa/ rma la chags pa brtson pa'i spyod yul can/ bshul bar mnam pa la mngon par dga' ba/ mi gtsang ba la dga' ba/ bud med la dad pa che ba/ zhi ba yongs su mi tshol ba/ chags pa'i spyod yul can/ 'gro bar bya ba ma yin par song ba/ smad par 'os pa/ mi gtsang ba'i srin bu dang 'dra ba/ snyigs ma len pa/ 'dod pa la brkam pa/ khrel dang ngo tsha bor ba/ lha dang mi'i chos las nyams pa/ ngan par smad pa'i 'tsho bas 'tsho ba/ mkhas pas smad pa/ byis pa'i skye bo la bsten pa/
- 300b
sdig pa'i bsam pa dang ldan pa/ sdig pa'i grogs po la bsten pa/ sdig pa la kun tu 'jug pa/ sdig pa la gzhol ba/ bud med kyis thul 'og tu chung pa/ bud med kyis 'khor ba/ bud med kyi dbang du song ba/ bud med la gzhol ba/ bud med gnas pa/ rma'i sgo la spyod yul can/ rma'i sgo la bsten pa/ rma'i sgo la gnas pa/ kha chu dang / snabs dang / mchil ma dang / ngar snabs dang / rnag dang / she'u rul dang / krad rgyas dang / mi gtsang ba'i spyod yul can/ lug dang / ba lang dang / bya gag dang / khyi dang / phag dang wa dang / bong bu'i chos spyod pa gnod pas 'tshe ba/ pha ma la phangs par mi 'dzin pa/ dge sbyong dang / bram ze dang / sbyin gnas la 'phangs par mi 'dzin pa/ sangs rgyas dang / chos dang / dge 'dun la dad pa yongs su nyams pa/ mya ngan las 'das pa yongs su nyams pa/ sems can dmyal ba dang / dud 'gro'i skye gnas dang / gshin je'i 'jig rten la zhugs shing gzhol ba/ seng ge dang / nam mkha' lding gi lus la yang dag par zhugs pa/ lcags kyi shing shal ma'i ri'i mthon po dang / me ma mur la gzhol ba/ sems can dmyal ba yang sos dang / thig nag dang / bsdus 'joms dang / ngu 'bod dang / ngu 'bod chen po dang /
- 301a
'dasatsha ba dang / rab tu tsha ba dang / mnar med pa'i can dmyal ba chen por zhugs pa ni/ bud med skyon 'di lta bu 'di dag thos kyang / bud med la chags shing / bud med dang bsten pas/ bgad pa dang / dus pa dang / ca co 'don 'dod pa dang / bro brdungs pa dang / glu blang ba dang / rol mo byas pa dag rjes su dran par byed cing / skyo ba mi skyed/ yid du byung bar mi byed de/ rgyal po chen po byis pa'i chos la kun tu sbyor cing / kun tu spyod de de dag dang ldan pa'i skye bu ni/ ngan song rnams su skye bar 'gyur te/ rgyal po chen po bud med kyi dbang du song na/ 'dod pa la bsten cing ngan 'gror 'gro bar 'jug pa de ni/ skyes pa'i skyes bu'i skyon dang po yin no// de nas de'i tshe bcom ldan 'das kyis tshigs su bcad pa 'di dag bka' stsal to// / 'dod pa dri nga mi gtsang smad par 'os pa dang / mi mthun 'jig byed mi rtag las byang sdug bsngal byed/ don med phung bar byed cing dman pa byed pas na/ mkhas pa su zhig 'dod pa'i skom la sten par byed/ brtsog pas gang ba'i chab khung dri nga lta bu dang / mnam par gyur cing rul pa'i khyo rnams ci bzhin dang / shi ba dur khrod sa na shin tu smad pa ltar/ de bzhin 'dod pa rnams kyang mchog tu smad pa yin/ sbrang bu rma zhig mthong na rgyug pa ci 'dra dang / phag ni ngan skyugs
- 301b
mthong na rgyu ga N+DI 'dra dang / khyi ni shi'i don du she na sar 'gro ba ltar/ de bzhin mi mkhas bud med dag la dga' bar byed/ grags pa med cing mi snyan yon tan 'dri ba dang / de las tshul khrims dam pa nyams par 'gyur ba byed pa dang / mtho ris nyams shing dmyal ba dag tu ltung bas nas/ mkhas pa su zhig 'dod pa'i skom la sten par byed/ ci ltar ha la ha la'i dug ni zos pa na/ lus dag rmya zhing rmongs pa skye bar 'gyur ba ltar/ de bzhin 'di na byis pa rnams ni 'dod pa'i rgyus rang gi lus kyi dbyibs ni dug du mi rigs mi rigs go// ci ltar sgyu ma shin tu bslabs pa'i mi zhig gis/ rnam par 'phrul pas sems can brgya dag dga' byed/ ltar/ de bzhin byis pa bdag la bde la bde bar 'dod pa rnams/ 'dod pa dga' ba'i rgyu las ngan 'gror rab ltung / zas skom ston mo bzang po tha dad pa dag dang / glu gro sil snyen bzang po tha dad pa dag gis/ khang pa mchog nas byung ba'i chung ma len pa ni/ gnod pa rnyed pa yin zhing sdug bsngal stsogs pa yin// 'dod pa'i dga' la brkam pa dag ni yAn te/ mi gtsang mtsho 'dra rmongs gyur dag la bsngags pa brjod/ 'dod pa dman pa dag la bsngags shing bsten nas ni/ dman pa de dag ngan 'gror rab tu ltung bar 'gyur/ gnod pa dag gis yul rnams rab bsngags shing / 'dod pa gnod pa yin la dga' ba'i byis pa rnams//
- 302a
'angasade dag don med 'tsho ba rnam par spangs nas ni/ mi bzang g.yangs chen por rab tu gang bar 'gyur/ nga rgyal rmongs pas bcom pa'i skye dgu 'di dag ni/ rgya mtsho'i pha rol ma mthong bya bzhin du/ lcags kyi me lce lnga po dag la chags gyur nas/ byis pa rnams ni rab tu 'bar zhing 'khyam par 'gyur/ 'di ni byis pa myos shing shin tu rmongs pa rnams/ shin tu mi mthong snod mchog yin par sems pa ltar/ lam la rnam par rmongs rnams 'dod pa'i ched kyi phyir/ rtag tu 'di gnas 'di ni gya nom yin zhes 'dzer/ gang phyir rnam pa sna tshogs las dag mi shes pas/ 'gro ba thams cad ra ba nyams gus pa yod min pas/ pha dang bu dang bu mo dag la ni/ don gyi mchod pa mi byed gnod pa thob pa yin/ de dag rtag tu bud med 'dres pa brjod byed cing / de 'dri'i las kyi tshul la rab tu 'jug par byed/ de dag gti mug dra ba sdig par rab sogs shing / ngan song 'gro bar 'gyur ba'i lam yang sogs par byed/ mi rnams de dag der chags bde bar 'du shes shing / pha dang ma yang yongs su rab tu spong bar byed/ de dag mchod 'os rnams la mchod pa mi byed cing / smad par 'os pa'i 'dod pa dag ni tshol bar byed/ phan tshun gdung bar 'gyur ba la ni byed cing / rnam rtog mu yis nges bcom mi rnams nyon
- 302b
mongs pa/ bkur sti yongs su tshol la dga' zhing ma 'phags rnams/ chos ma yin par 'jig rten rab tu 'dzub par byed/ gzhi de las ni mtshon cha dag dang lcags rnams dang / de bzhin bcing dang ni 'thab cing rtsod pa dang / nges par 'chi ba'i sdug bsngal rab tu myong bar 'gyur/ shi 'phos nas ni mnar med 'jigs su rung bar 'gro/ tshe 'di nyid la de bzhin sdug bsngal 'gyur myong zhing / nor nyams snying du sdug pa rab tu 'jig 'gyur la/ mtho ris nyams shing dmyal bar rab tu ltung bas na/ mkhas pa su zhig 'dod pa'i 'du shes skyed par byed/ lcags las grub pa'i nags tshal sngon po'i khrod dag du/ mkhas pas bdag nyid rab tu bor ba de sla zhing / 'dzangs pa spu gri so yis bcad pa byas sla la/ ral gri dag gi khrod du mal yang bcas sla zhing / rab tu me 'bar thu lum bde sra la/ de bzhin lcags kyi thu lum 'bar ba zla zhing / me dong 'jigs su rung ba rnams la reg swa yis/ lag pa gnyis gyis nam yang bud med reg mi bya/ mis ni ji ltar 'dod pa rnams bsten pa/ de lta ltar bde ba thams cad rab spang zhing / 'di ltar 'dod rnams gcig tu sdug bsngal mi bcang bas/ 'dod pa sdug bsngal mi gtsang ba/ ngag rnam par spongs/ 'dod pa sdug bsngal kun gyi gzhi por 'gyur ba dang / gang
- 303a
bangasaphyir nor ni chud zar 'gyur bar byed pa dang / yid 'ong skye bo rnams kyi nyams pa'i rtsa ba dang / bud med nges par bsten pa/ thob pa yin/ skyes bu gang gis de 'dri'i chos tshul rig nas ni/ bud med rnams la rab tu bag med mi 'gyur ba/ des ni rtag tu mtho ris lam yang rnam spangs shing / des ni byang chub dam pa rnyed par dka' ma yan/ rgyal po chen po gzhan yang mi'i pha ma dag ni/ dka' ba byed pa yin na zla ba dgu 'am zla ba bcur mngal na bzung ste/ shin tu sdug bsngal bar gsos shing / gcin dang phyi sa yang 'chi bar byed/ 'phangs du blangs nas nu zho ldud bar byed/ phung po rnams skyed par byed/ khams rnam gso bar byed/ 'jig rten ston par byed/ 'dzam bu gling sna tshogs ston par byed/ don tu 'dod/ phan par 'dod/ grub pa dang bde bar 'dod/ 'jig rten la yang phan par 'dod pa ste/ sbyin pa'i gnas yin la/ bu la phan pa dang bde bar 'dod pas/ de dag gis rang gi nor gyi tshogs kyi gzhan gyi khyim nas/ gzhan gyi bu mo blangs pa dang / de de la chags shing myos la/ chums shing brgyal ba dang / lhags par zhen pa dang / lhag par cing 'dug par gyur na/ gzhan gyi khyim nas blangs pa'i bud med de la chags
- 303b
shing myos pas/ sbyin pa'i gnas pa ma rgas 'khogs gtugs la/ lus nyams chung zhing mig mi mthong ba dag la/ brnyas shing longs spyod bla dang / nor med par byas nas/ rang gi khyim nas phyung ste skrod par byed do// rgyal po chen po 'di ltar na pha ma dka' ba byed pa sbyin pa'i gnas la rtag tu rgyun mi ma chad par yang dgu pa'i bde bas/ bsti stang du bya/ bla mar bya rjed par bya/ mchod par bya ba'i rigs na des de'i tshe pha ma dag/ rang rang gis khyim nas phyung ste bskrad nas blangs pa'i bud med la/ bza' ba dang / btung ba dang / gos rnam kyis bsnyen bkur cing / bsti stang du byed/ gces bras su byed/ rim 'gro byed la/ mchod pa byed cing yang dag pa'i bde bas bkur sti byed kyi/ pha ma la ni mi byed pa'i ma'i snying brtse ba med pa dang / mi lta ba dang / ngan pa'i sems dang ldan pa la ltos/ rgyal po des pa de 'gro ba'i chos gang yin pa de ni yang dag par blangs te/ 'dug pa'i mi/ de la yang ltos/ rgyal po chen po bud med kyi dbang du song nas/ 'dod pa rnams la bsten cing / pha ma la brnyan pa dang / ngan 'gror 'gro bar 'jug pa de ni/ skyes pa'i skyon gnyis pa yin no// de nas de'i tshe bcom ldan 'das kyis tshigs su bcad pa 'di dag bka' ba stsal to// gang dag pha ma
- 304a
bdasargas pa gso bar byed pa ni/ de dag rtag tu bde zhing yid kyang bde 'gyur la/ 'di la lha dang bcas pa dang ni dbang po dang / de bzhin 'di la tshangs bcas pa'i rigs su 'gyur/ gang dag pa ma rgas pa gso bar byed pa ni/ de dag song na phyir 'ong ba yang grub 'gyur zhing / rgya mtsho/ chen po nas kyang bde zhing legs 'ong ste/ de ltar byed pa dag ni rab mchog rnyed par yin/ gang dag pha ma rgas pa gso bar byed pa yi/ tshong pa de dag yon tan kun gyi gtsor 'gyur zhing / de bzhin zhing las 'bras bu phun sum tshogs 'byung ste/ bsod nams grangs pa'i don du brjod par mi nus so// gang dag pha ma rgas pa gso bar byed pa ni/ de dag khur rnams khur ba'i rnga mo rnams dang yang / yang na glang dang bong bu dag tu mi 'gyur te/ mi rnams de dag spu gri'i so la rdzi mi 'gyur/ gang dag pa ma rgas pa gso bar byed pa ni/ de dag chu bo rab med dang nI mur dang / spu gri'i so dang ldan pa la yang mi rgal te/ de dag zangs su bskol ba 'thung bar yang mi 'gyur/ gang dag pa ma rgas pa gso bar byed pa ni/ de dag nor dang 'bru ni mi nyung ba dang / chung ma bu dang bu mo dam pa dag dang yang / bai DUr+ya dang rin chen sa le sbram yang rnyed/ gang dag pa ma rgas pa gso bar byed pa ni/ de dag rab 'phrul lha'i pho brang dag dang
- 304b
ni/ rtsu ba 'gyur dang ni 'dres pa'i tshal yang mthong 'gyur te/ lha rnams du mas rtag tu mdun bdar bar 'gyur/ mi'i gtso bor gyur cing lha'i lhar gyur pa/ thub pa chen po 'di 'dra'i gsung ni thos gyu na/ rgas shing dbang po shing tu nyam chung gyur pa yi/ pha ma sprin gnas dam pa su zhing gso mi byed/ rgyal po chen po gzhan yang skyes bu dam pa ma yin pa'i las byed cing / lo par lta ba la mngon par zhen pa yin te/ de ni dge ba dang mi dge ba gang yin zhes/ bdag gis don mi shes shing ma bstan pa yin pas/ skye bo mang po rnams ni dga' zhing / byis pa'i skye bos bsngags pa la mngon par dga' ba dang / 'dod chags dang zhes sdang gis rmongs par gyur pa dang / skyes bu 'dzangs pa dag gis smad par dang / khro bas zil gyis non cing sdig pa'i las byed pa dang / sangs rgyas dang dang byang chub sems dpa' rnams kyis yongs su spangs pa dang / longs spyod kyis rgyags pas myos pa dang / ser sna can du 'gyur pa dang / gzhan la gnod par mngon par dga' zhing chos sgoms mi dga' ba yin te/ rgyal po chen po skyes bu dam pa yin pa skyes bu dam pa mi yin las mngon par dga' zhing / skyes bu dam pa'i las la mi dga' ba de la ltos/ rgyal po chen po 'dod pa rnams la rten cing ngan 'gror 'gro bar 'jug pa de ni skyes pa'i rkyen gsum pa yin no/
- 305a
'angs/ de nas de'i tshe bcom ldan 'das kyis tshig su bcad pa 'di dag bka' bstsal to// 'dod pa rnams kyi gzhi sa skyes bu rnam nyams shing / gzhi de las ni sdig pa dag kyang rab tu byed/ log par lta bas rmongs nas 'dir ni 'khyams 'gyur zhing / de ni rnam par 'khrul pas ngan 'gror 'gro 'gyur zhing / log par lta bas yon tan kun gyis rnam spangs shing de ni rtog pa med cing blo yang nor ba yin/ gang dag chu klung dag tu u ta pa la rtsa tshol ltar/ log par lta bas yongs su 'khor bar byed pa yin/ bde ba'i don tu bdag nyid yongs su skyong byed cing / chos ma yin la chags pa'i mi rnams mang po dag/ de bzhin bde ba'i rgyu phyir 'dod pa rnams tshol ba/ de dag ti mug rmongs pas sems can dmyal bar 'gro// gang dag 'dod pa rnams kyi don du rtag tu ni/ de bzhin sems chags pa'i skyes bu tha ma dang / 'dod pa'i bdag nyid can dang skye bo sdig can dang / 'du shes logs pa dag la bde ba ga la yod// mi rnams de dag byas pa mi gzo sdig bcas shing / dad pa rnam nyams tshul 'chos gus pa med pa dang / 'phags pa'i tshogs kyis rtag tu rnams par spangs pas na/ dmyal ba bzod rlag shin tu 'jigs su rung bar ltung / gzugs dang sgra dang chags pa'i mi rnams ni/ byang chub sems dpa' rnams dang
- 305b
mkhas pa mi mchod cing / log pa'i lta bas chos kyang nyan par mi byed la/ lan dga' dge 'dun legs par mchod par mi byed pas/ 'phags pa rnams kyis rnam spangs ngan song ltung bas na/ de phyir mi'i srid nI rnyed pa la/ sprin du la yang dag sdom la nges pa bsten zhig dang / de las byang chub dam pa mchog kyang thob par 'gyur/ rgyal po chen po gzhan yang skyes pa ni bzo'i gnas sna tshogs dang / las kyi gnas sna tshogs dag gis 'tsho bar byed de/ rgyal po chen po 'di ltar yi ge 'am/ rtsis sam/ grangs sam/ lag rtsis sam/ mtshon cha'am/ rgyal po la zho shas 'tshe ba 'am/ zhing las sam/ tshong byed pa 'am/ ba lang 'tsho ba 'am/ de lta bu'i bzo'i gnas sna tshogs dang / las kyi gnas sna tshogs dag gis 'tsho bar byed cing / 'di lta ste nor gyi phyir lam ma yin par 'gro bar byed/ lam ngan yang 'gro bar byed/ gcod rong dang / chu klung can gyi lam du yang 'gro bar da byed// mtshon cha'i lam du yang 'gro bar byed/ rgya mtshor 'jug par byed/ grang ba'i dus na yang lhags pas gnod par byed/ 'gro ba'i dus na yang tsha bas gno par byed cing / bkres pa dang / skom pa dag gis/ bzhin du 'gro ba yang spro bar byed de/ longs spyod yongs su tshol ba na de lta bu'i sdug bsngal ba dag/
- 306a
bdas/ gis longs spyod su btsal nas kyang / rang gi 'tshe ba dag gis phyir nye bar bsgrub par bas/ dge sbyong dang / bram ze ngag dang / bkren pa dang / sdug 'phongs pa dang / slongs mo pa dag la sbyin pa sbyin mi bzod cing / bud med rnams kyis dbang du byas pa dang / bud med rnams kyis thul 'og tu chud pa dang / bud med rnams kyis bkol ba dang / bud med rnams la byams pa de nyid kyis/ bud med de nyid gso ba'i phyir/ sbyin pa dang / tshul khrims yang dag par len par mi nus shing / de de la chags la/ bud med kyis spos pa bzod par byed cing / bud med kyis bsdigs pa dang / bltas pa dang / brgyad pa dag kyang bzod par byed de/ de skyes par gyur kyang bud med kyi bsdigs pa dang du len cing / mi dga' ba med par de'i dor lta bar byed pa ni/ 'dod pa'i gzhis bud med kyi dbang du song ba yin te/ rgyal po rgan po bud med de la sten cing ngan 'gror 'gro bar 'jug pa de ni/ skyes pa bud med lnga bskam zhing / ngan skyugs kyi sgo la gdu ba dang / mi gtsang ba la dga' ba dang / shes bzhin med pa'i spyod pas skyes bu'i skyon bzhi pa yin te/ rgyal po chen po skyon de dag dang / ldan pa'i skyes pa ni 'dod pa ni mas kyi dbang du
- 306b
'gro ba yin no// de nas de'i tshe bcom ldan 'das kyis tshigs su bcad pa 'di dag bka' ba stsal to// 'dod pa rnams ni tshol ba ni/ rab tu byos pa gang la bde/ 'dod pa dman pa rnams bsten pa/ de ni gang na bde bar 'gyur/ skyes bu dam pa ma yin pa'i/ las rnams byed cing mi sdom la/ 'dod pa'i 'dod chags tshol byed pa/ de dag rab nyams chud kyang za/ mi rnams gang dag mi mkhas pa/ rnga mo bung bu'i chos spyod cing / bud med mthong na rab bsnyegs pa/ ngan skyugs gnas na phag rnams bzhin gang la byas pa gus bcas pa'i/ 'dod rnams dri nga mi gtsang yang / 'dod pa'i skyon rnams mi mthong ba/ sa'i steng ni dmus long bzhin/ gzugs kyi 'ching bas bcings pa rnams/ 'dod pa'i 'du shes rab tu 'jug/ byis pa 'dod rnams bsten pa dag/ khyi dang wa rnams ci bzhin no// sgra dri ro dang reg rnams kyis/ gang la so so'i skye bo rnams/ byis pa 'khor bar yongs 'khor ba/ spre'u rnams phur la btags bzhin/ byis pa ma rigs khyebs pa rnams/ mun pa'i phung pos bsgribs gyur cing / bud med rnams la chags pa ni/ mi gtsang gnas la khab bzhin no// gang gis ngan 'gror rab 'jug pa/ de ni bdud kyi spyod yul yin/ ro myong 'du shes
- 307a
bdas/ chags gyur pa/ ngan skyugs gnas la srin bu bzhin/ bsad pa'i gshed ma rnams kyis ni/ ji ltar mi zhig bor ba ltar/ shes na thar pa 'thob 'gyur zhing / bud med dbang du 'gro mi 'gyur/ 'dod pa bud med lta byed pa'i/ kun tu sbyor las 'jigs pa skye/ byis pa mtshan mar 'dzin pa rnams/ 'dod pa'i sred pa rab tu 'phel/ sos ka'i dus na mi zhig ni/ dgon pa chen por song gyur nas/ byis pas lan nA pa'i chu 'thungs na/ skom pa phyir zhing rab skye ltar/ de bzhin bden pa ma mthong ba'i/ byis pa rmongs pas 'tsho ba rnams/ 'di na phyir zhing bud med la/ 'dod pa'i sred pa brtag par 'gyur/ ji ltar mi lus mdzes can la/ srog chags rnams ni za ba ltar/ 'dod brkam so so'i skye bo rnams/ de bzhin dud med rnams kyis zos/ mi gtsang bum pa khra bo zhig/ kha dog ldan par snang mod kyis/ ngan na ha la ha la'i dug/ drag po chen po yod pa ltar/ de bzhin bud med brgyan pa dag/ gang dang gang ni snang ba yang / gcin dang phyi sas gang ba yi/ rgyal ba krung gis bkang ba bzhin/ 'bru mar gyis ni bdar ba'i mtshan/ gos kyis 'akris pa ci bzhin du/ de bzhin bu med brgyan pa yang / ral gri gling bu g.yogs pa bzhin/ ci ltar me dong gang gyur la/ 'du ba med
- 307b
cing 'bar ldan ltar/ bud med de bzhin me 'dra zhing / srin bu gtum po bzhin du g.yo// bsreg pa'i bskal pa 'di byung na// sa 'di kun tu 'bar 'gyur la/ rtswa dang gel ba 'jig 'gyur la// chu klung dag kyang skams par 'gyur// 'byung po chen po'i gnas gyur pa// rgya mtsho yang ni skams 'gyur zhing // ri bo chen po rnams bsreg la// de bzhin lhun po 'ang 'jig par 'gyur// rgyal po 'byung po 'dzin pa yis// sa 'di'ang rnams par 'jig 'gyur zhing // brag chen rnams ni 'jig 'gyur yang // skyob par byed pa yod ma yin// ji ltar me yis rirare bcas dang // rgya mtshor bcas pa bsreg pa ltar// de bzhin bud med me 'dra ste// gtum zhing skyes bu g.yo bar byed// snabs dang mchil ma kha chu dang // glang rgyas rul pa'i grad pa dang // lus las dri nga 'dzag de la// bus pa rnams ni sbrang rtsi bzhin// kha sgo rul pas gang pa dang // sha dang lpags la sogs bsags shing // de bzhin lus ni 'bras 'dra ste// dri nga smad par bya ba yin// mi gtsang sna tshogs gang ba dang // 'bras ni smin par gyur pa ltar// sna tshogs rnams kyi snod yin no// lto ni gnyes mcher ba dang / tho bas gang zhing mkhal ma dang // khrag dang mkhris pas gang gyur la// klang rgyas kyis ni thad pa dang / khog de ltar lus ni mi ga
- 308a
'dasapa'i nang na srin bu'i rigs// brgyad khri bo dag gnas gyur kyang // gti mug dra bsgribs pa yi// byis pa rnams kyis mi mthong ngo // rma sgo dgu nas rtag tu ni// mi gtsang rul pa zag gyur kyang // smra ba dag dang lta ba la// bus pa rnams ni mtshan mar 'dzin// gang zhig kun gyis smad pa'i yul// chags pa rnams kyis phyis mi shes// mi gtsang spyod yul byis pa rnams// snabs dang mchil ma za bar byed spad par 'os la chags byed pa// sbrang bu rnams kyis rma mthong bzhin// mtshan khung dag nas rdul 'dzag cing // snang ba'i dri ni 'byung bar 'gyur// byis pa sdug bsngal chags byed pa// de dag bdag la gnod phyir g.yo// des ni myur tu phongs gyur te// nya rnams chu nas bton pa bzhin/ 'jigs rung lag na mtshon thogs kyis// ji ltar mi zhig gtses pa ltar// mtshon 'dra'i bud med sdig can gyis// 'dod la chags rnams de bzhin no// nam rgyalag na mtshon thogs pas// ji ltar rgyal po gtses pa ltar// 'dod chags med dang 'dra ba yis// 'dod la chags rnams de bzhin sreg/ gshen pa'i gnas la khri rnams ltar// myang bar 'du shes byas pa rnams// ji ltar sgra yis sreg pa ltar// myur tu sdug/
- 308b
bsngal myong bar 'gyur// rang gi lus kyi nye ba yis// de la skyobs pa med pa ltar// de bzhin bdag gis nyes pa yis// sems can rnams ni// ngan 'gror 'gro// de dag sangs rgyas chos spangs nas// bud med rnams kyi rnag la sten// sems ni ro la chags gyur pa// des ngan 'gror 'gro bar 'gyur// ci ltar spre'u shig shing las ni// shing gzhan du ni rgyu ba'i tshe// de ni gnas der gtses rgyur na// de nyid du ni sdug bsngal 'gyur// de bzhin 'dod la brkam pa dang // sdug bsngal 'dod chags bsten pa dang // gti mug rgya la thogs pa rnams// dus ni yang dang yang du 'da'// me bkren rnams ni gsal shing la// rab tu btsugs nas 'chang ba ltar// de bzhin 'dod la chags pa rnams// shal ma ri ni mtho la 'phyar// ci ltar mon bsren sde'u dang gre'u// lcags zangs rnams su blugs byas nas// mes ni rab tu bsregs pa dang // dbu bar bca' shing khol ba ltar// de bzhin dge ba mthong zhing // 'dod la chags pa'i skye bo rnams// shi nas ngan song 'gro 'gyur zhing // lcags zangs rnams su btso bar 'gyur// mi rnams gang dag sdig byed pa'i// sems can sdig pa rnams kyi gnas// zangs ni bye ba drug bcu dang // gzhan yang bzhi po dag yin no// /
- 309a
bangs zangs ni so so re re la// tshad ni dmigs su yod min zhing // mi'i phung por ldan rnams su// bskal pa du mar btso bar 'gyur// kha gcig zangs rnams de dag tu// rang gis las bskal pa brgya'am// nyis brgya sum brgya chang bar 'tshed// yang na bzhi btso bar 'gyur// pra rkam rnon po rnams kyis ni// zung zhing yang dang yang sprugs pas// de dag sha ni yod man zhing // dung ltar dkar ba rnams su 'gyur// lcags kyi gzhong bar 'dug nas ni// rab tu tsha zhing 'dren pa med// shi zhing shi zhing skye 'gyur te// rang gi las kyi gnas par 'gyur/ gang che dmyal ba'i bsrungs rnams kyis// ngan pa'i mi rnams de dag ni// gtum la sogs pas brdungs pas na/ sha rkang rus pa phye mar 'gyur// de yi tshe na de dag la// shin tu grang ba'i rlung yang ldad// des ni dmyal ba'i sems can rnams// sdug bsngal gyur pa de las 'tsho// mi rnams gang dag sdig byed pa// gtun tu drag po rnams kyis 'joms// sA re rnams kyis gshegs pa dang // de bzhin gsal shing gzugs par 'gyur/ mi rnams gang dag sdig byed pa'i// sems can rnams kyi lus la ni// lcug mdung rtse mo bzhi pa dang // rtse gsum pa dang lce lnga 'bab// mi rnam
- 309b
gang gang sdig byed pa// ral gris mchu can khang rnams kyis// mgo dang klad pa btogs 'gyur zhing // wa dang spyang kis zos par 'gyur/ mi rnams gdang+ga sdig byed pa// ngan skyugs rul pa dri nga zhing // kun gyis smad par ltung 'gyur la// spu gri chu klung rnams su ltung // mi rnams gang dag sdig byed pa// rab tu tsha' bar srog 'gyur zhing // ngu 'bod dang ni ngu 'bod che// thig nag tu yang sreg par 'gyur// mi rnams gang dag sdig byed pa// thig nag tu ni skye ba nas kyang // yang dang yang du me mur dang // spu gri chu klung rnamasu ltung // gang tshe lcags kyi zangs po che mi rnams de dag 'tshed pa ni// khyi rnams kyis ni gtses gyur nas// de dag bde ba 'tsho bar byed// mi rnams gang dag sdig byed pa// dmyal ba drag po chen por ni/ lhung nas dpung gnyen yod min zhing // lcags kyi thu lum za bar 'gyur// mi rnams sdig pa byed pa dag/ lcags las grub pa'i brag chen dang / mi sdug ri bo rnams kyis ni// de tshe kun nas lus 'joms byed// des ni rang gis las byas pa'i// 'bras bu de 'dra thob 'gyur zhing // de yis tshor ba myong bas na// de la skyob pa 'ga' yang med// ci snyed bstan pa thams cad ni// bdag gi mdun der 'ga' yang med// der mgon med bdag gcig
- 310a
'angasapu// sdug bsngal tshor ba myong bar byed// gang dag bde phyir don min par// sngan chad nyes par spyad byas kyang / ba ma de dag ring ni// rnam par grol ba'i mthu yang med// gang dag bde phyir don min par// sngan chad nyes par spyad byas kyang // bu dang bu mo nung ma rnams// de rings bdag la 'grel mi nus// gang dag bde phyir don min par// sngan chad nyes par spyad byas kyang // mdza' bshes nyi du de dag kun// rnam par 'grel bar yod mi nus// gang dag bde phyir don min par// sngan cad nyes par spyad byas kyang // bdag gi rtsa lam de dag kun// de ring 'brel bar mi nus so// 'dod pa dman pa rnams sten cing // dman pa'i chos rnams bstan na ni// nyes pa'i las rnams byed pa dag de yis ngan 'gror 'gro bar 'gyur// shes rab 'chal pa mnar med par// song nas sdug bsngal tshor ba myong // sangs rgyas rnams kyis bud med dag/ phyi sa'i dri ltar mnam par bsgrags// de phyir dman pa rnams dang ni// dben pa'i bud med rnams bsten pa// byis pa de ni phyi sa yi// rgyal ba bzung nas gnas pa yin// ci 'dre'i las ni byed pa ltar// de 'dri'i 'bras bu thob gyur te// rgyal po yi ni chad pa dang // sdug bsngal bsngal
- 310b
bcing ba'ang myong bar 'gyur/ bud med bzhi las skyes pa yang // bsad dang bcing ba myong 'gyur zhing // dmyal srungs rnams kyis sreg pa dang // nges par 'chi ba'ang myong bar 'gyur// bud med rnams la rka ma yis// blo ngan de dag bde mi 'gyur// gsal shing mthon po rnams su ni// gtsug shing chur yang bcug par 'gyur// sa'i ser gar bcug nas ni// de bzhin ral gri btab par bya// de 'dra ba bdag mthong nas ni// de dag yi chad bde mi 'gyur// rmongs pa bud med lhan cig tu// yang dang yang du 'du 'dzin byed// sdug bsngal 'dod pa rnams snyan cing // smad pa rnams kyang smra bar byed// rmongs pa rnams kyis chos thos nas// dge bar gsungs zhes brjod byed kyang // de sems bud med phye bzhin song // byi ba la ni byi la bzhin// rgyal bas gsungs pa thos gyur nas// yud tsam zhig ni yid byung yang // ha la ha la'i dug 'dra ba'i// 'dod chags kyis ni de yang 'khrug/ ci ltar phag ni yud tsam zhig/ dngangs shing skrag par byung gyur kyang // de'i ni phyis mthong ba na// chags pa skyed pa byed pa ltar/ de bzhin byis pa bde 'dod rnams// rgyal ba'i bstan pa spangs nas ni// 'dod pa dman pa rnams bstan pas// des ni ngan 'gror 'gro bar 'gyur//
- 311a
'dasa'adod pa rnams la chags myos nas// shin tu sdig pa'i las byas shing // tshul khrims can dag bsrungs byas nas// phyis ni ngan 'gror 'gro bar 'gyur// shes rab can gyis dal rnyed cing // de 'dri'i chos ni thos gyur nas// 'dod kun spangs nas 'di la ni// mkhas pa mngon byang rang byung shing // rgyal po chen po skyes pa 'dod pa la bsten pa rnams kyi skyon ni de dag yin te// 'dod pa'i gzhi dang // 'dod pa'i rma dang / 'dod pa las lhag par zhen pa rnams ni/ sems can dmyal ba rnams kyi tshor ba myong bar 'gyur ro// rgyal po chen po de lta bas na/ khyod kyis rtag par rgyun tu/ sangs rgyas rjes su dran par bsgom par bya'o// khyod kyi lus su gtogs pa'i sems rje su dran pa bsgom par bya'o// de ltar bcom ldan 'das kyi/ bad sa'i rgyal po char byed la/ de ltar de ltar chos bstan pa mdzad de/ chos bstan pa des/ bad sa'i rgyal po 'char byed de bzhin gshegs pa la dga' pa dang / rab tu dga' ba dang / mchog tu dga' ba thob par gyur to// de nas bcom ldan 'das la/ bad sa'i rgyal po cher byed kyi 'di skad ces gas to// bcom ldan 'das ci rtsam du/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas kyis/ skyes pa
- 311b
dang bud med rnams kyi skyon bsam gyis mi khyab pa'i bar de dag bka' stsal cing / legs par gsungs pa na ngo mtshar lags so// bcom ldan 'das bdag ni/ bcom ldan 'das dang / chos dang / dge slong gi dge 'dun la skyabs su mchi ste/ mtshon cha spangs shing dbyug pa spangs la/ ngo tsha ma mchis shing / srog chags 'byung po thams cad la snying brtse bar zhugs pa lags kyis/ bcom ldan 'das kyis/ bdag dge bsnyen du bzung du gsol/ bcom ldan 'das kyis de skad ces bka' nas/ bad sa'i rgyal po 'char byed dang / dge slong de dag dang / byang chub sems dpa' de dag dang / lha dang / mi dang / lha ma yin dang / dri zer bcas pa'i 'jig rten yid rangs te/ bcom ldan 'das kyis gsungs pa la mngon bar bstod do// 'phags pa dkon mchog brtsegs pa chen po'i chos kyi sa rnams grangs le'u stong phrag brgya pa las/ bad sa'i rgyal po 'char byed kyis zhus pa zhes bya ste/ nyi shu rtsa dgu pa rdzogs s+ho// // rgya gar gyi mkhan po dzi na mi tra dang / sa ren+d+ra bo d+hi dang / zhu chen gyi lo tsA ba ban+de ye shes sde la sogs pas bsgyur cing zhus te/ gtan la phab po// tshe 'pho ba ji ltar 'gyur ba zhus pa'i mdo// // sangs rgyas dang byang
Colophon
'phags pa dkon mchog brtsegs pa chen po'i chos kyi rnams grangs le'u ste stong phrag brgya pa las/ bad sa'i rgyal po char byed kyis zhus pa zhes bya ste/ nyi shu rtsa dgu pa rdzogs s+ho// //rgya gar gyi mkhan po dzI na mi tra dang/ sa ren+d+ra bo d+hi dang/ zhu chen gyi lo tsA ba ban+de ye shes sde lasogs pas bsgyur cing zhus te/ gtan la phab po/