'phags pa 'jam dpal rnam par rol pa zhes bya ba theg pa chen po'i mdo
Aryamanrjuśribiṭitanamamahāyanasutra
Text
ff. 63a–99a · 73 folio sides
- 63a
gyi dbyangs kyi bsgyur cing / zhu chen gyi lo tsa ba ngan de dpal brtsegs kyi zhus te gtan la phab pa// rgya gar skad du/ ar+ya man d+hu shri bi Ti ta na ma ma hA ya na su tra/ bod skad du/ 'phags pa 'jam dpal rnam par rol pa zhes bya ba theg pa chen po'i mdo// sangs rgyas dang byang chub sems dpa' thams cad la phyag 'tshal lo// 'di skad bdag gis thos pa dus gcig na/ bcom ldan 'das rgyal po'i khab na/ bya rgod phung po'i ri la dge slong # slong gi dge 'dun chen po dang / byang chub sems dpa' brgyad stong dang thabs gcig tu bzhugs te/ de'i tshe rgyal po'i khab kyi grong khyer chen po na/ smad 'tshong ma'i bu mo gser mchog 'od dpal zhes bya ba/ gzugs bzang zhing mdzes pa lta na bsdug pa/ kha dog bzang po rgyas pa mchog dang ldan pa zhig 'dug ste/ bu mo de yang sngon gyi dge ba'i rtsa ba'i rgyu lus kyi mdog gser gyi kha dog lta bur mngon par grub par gyur cing / sa'i phyogs gang dag tu 'greng ba dang / bdug pa dang / 'gro ba'i sa phyogs de dag kyang gser gyi kha dog lta bu'i 'od kyis snang bar gyur te/ des gos dmar po 'am/ dkar po 'am/ gang dag gyon par gyur pa'i gos de dag thams cad kyang gser gyi kha dog lta bu nyid du snang ngo // bu mo de yang skye bo'i tshogs thams cad la dga' zhing yid gcugs pa dang / lta bas mi ngom zhing bka' blo bde la/ nges pa dang / 'jam dpa' dang / snyan pa dang / dga' bar
- 63b
smra ning / gzhan 'dzum pa dang / shin tu mthun par 'dzin pa dang / khro ga nyer ba dang / mi rtsub pa dang mi brlang bar gyur pas/ rgyal po'i khab kyi grong khyer chen po de ni/ rgyal bu gzhon nu rnams dang / blon po'i bu gzhon nu rnams dang / tshong dpon gyi bu gzhon nu rnams dang / khyim bdag gis bu gang snyed pa de dag kyang / de la shin tu chags zhing yid 'brang bar gyur te/ lta bas mchog mi shes so// smad 'tsheng ma'i bu mo gser mchog 'od dpal de bskyed mos tshal lam/ 'bab chu 'am/ rdzing bu 'am/ khyim 'am/ lam po che 'am/ grong bar ram/ thang dang gang du 'gro ba de dang de dag tu/ skyes pa dang / bud med dang / khye'u dang / bu mo mang po rnams kyang shin tu ltad mor gyur nas/ kun 'dus te/ de'i phyir bzhin 'brang zhing bgre'o// de nas smad 'tshong ma'i bu mo gser mchog 'od dpal de/ tshong dpon gyi bu 'jigs byin zhes bya ba/ nor gyi sras te/ skyed mos tshal gyi sar byung nas/ rta bzhi dang ldan pa'i shing rta dang / nor bu dang / mu tig dang / bai DUr+ya dang / gser gyis legs par rgyan pa/ gdugs dang / rgyal mtshan dang / ba dan sgreng zhing me tog breng gis mdzes par byas pas/ me tog tsam ba ka phreng bas skar khungs byas pa'i nang du bstan bzang po bshams pa la 'dug nas 'di ltar rtse zhing dga' ba'i bsam pas/ shing rta de'i na duni sel snyan dang / pheg rdob pa dang / glu dbyangs len pa dag gis drangs/ shing ta der bye den du ni nye bar spyad pa dang / yongs su srung ba legs pa thams cad rjes su 'dra
- 64a
la skye bo'i tshogs chen po ltad mo lta ba'i bsam pa can dag kyang byi bzhin 'brang bar gyur cing / bskyed mos tshal gyi sar dong ngo // de nas 'jam dpal gzhon nur gyur pa nang du yang dag 'jogs las langs te/ sems can thams cad la snying rje chen po skyes nas/ 'di snyam du sems te su zhig rdzu 'phrul gyi cho 'phrul lem/ kun tu rjod pa'i tshe 'phrul gyis 'dul bar gyur pa'i sems can gang theg pa chen po la yongs su smin par bya snyam pa dang / 'jam dpal gzhon nur gyur pas smad 'tshong ma ri bu mo gser mchog 'od dpal/ tshong dpon gyi bu 'jigs byin dang / lhan gcig tu shing rta la zhon te/ kyed mos tshal gyis sar 'gro ba mthong / mthong nas kyang gdul ba'i phyir/ de'i dbang po dang / bstobs dang brtson 'grus kyi bye brag la rnam par bltas na/ de sngon gyi dge ba'i rtsa ba ldan zhing / chos kun shes par bya ba'i nus pa dang mthu dang / skal pa yod par rig nas/ de nas de'i tshe/ 'jam dpal gzhon nur gyur pas 'di lta bu'i rdzu 'phrul mngon par 'du bya ba mngon par byas te/ ji lta bu'i rdzu 'phrul mngon par byas pas 'di ltar rang gis lus bstan ma thag du/ nyi ma dang zla ba'i 'od kyang zil gyi brlag par byed na/ sems can gzhan dag gi lha mos kyang ci dgos pa de lta bur rang gis mngon par sprul nas/ gos kyi 'od kyis dpag chang gcig tsam gyi khor yul snang bas snang bar byed pa'i gos de lta bu yang lus la gyon par kun tu bstan to// rang gis lus rgyan thams cad kyis rnam par brgyan par yang bstan to//
- 64b
de nas 'jam dpal gzhon nur gyur pas lus la gos dang rgyan thams cad kyis legs par rgyan nas/ lam gang nas smad 'tsheng ma'i bu mo gser mchog 'od dpal 'ong ba'i lam de'i mdun logs su bsdad do// 'jam dpal gzhon nur gyur pas der bsdad ma thag tu de nas tshong dpon gyi bu de'i rta yang mogo mogo por gyur/ smad 'tsheng ma'i bu mo gser mchog 'od dpal gyi lus thams cad mog mag por gyur to// 'di lta ste/ dper na/ 'dzam bu chu bo'i gser gyi drung du/ snag tsa'i yug gzhag na lam mer mi 'dug/ lham mer mi 'dug/ lhang rer mi 'dug/ de bzhin du 'jam dpal gzhon nur gyur pa'i lus 'od kyis reg pa na/ bu mo de'i lus kyang lam mer mi 'dug/ lhan ner mi 'dug/ lhang nger mi 'dug/ smad 'tshong ma'i bu mo gser mchog 'od dpal gyis/ 'jam dpal gzhon nur gyur pa/ lha'i bu gzhon nu ltar 'dug la lus la rgyan gyis rgyan cing gsal ba'i legs par gyon la de las kyang 'od 'byung bar mthong ste/ mthong ma thag tu bdag gis lus la bsnyam pa'i 'du shes dang dman pa'i 'du shes skyes shing / gos de la yang mngon par 'dod pa dang gzung ba'i 'du shes skyes nas/ de 'di snyam du sems te/ tshong dpon gyi bu 'dis chog gis bdag shing rta 'di las babs la/ 'di dang lhan cig tu dga' ba dang rtse ba dang / dga' 'gur spyad la/ gos 'di yang bslang bar bya'o// snyam mo// bu mo des de lta bu'i sems bskyed ma thag tu/ de nas 'jam dpal gzhon nur gyur pa'i byin gyi rlabs kyis/ rgyal po chen po rnam thos kyi bus bdag nyid ma'i gzugs su
- 65a
mngon par sprul nas/ bu mo la 'di skad ces smras so// bu mo khyod kyis bu dam pa 'di la kun tu chags pa'i sems ma bskyed cig/ de ci'i phyir zhe na/ 'di ni 'dod pa don du gnyer ba ma yin pa'i phyir ro// bu mos smras pa/ 'di su zhig yin/ 'di ming ci/ rnam thos kyi bus smras pa/ 'di ni byang chub sems dpa' ste/ 'jam dpal gzhon nur gyur pa zhes bya'o// bu mos smras pa/ byang chub sems dpa' zhes bya ba de ji zhig yin/ de ci'i lha 'am/ 'on te klu 'am/ gnod sbyin nam/ dri za 'am/ lha ma yin nam/ nam mkha' lding ngam/ mi 'am ci'am/ lto mche chen po 'am/ brgya byin nam/ 'tshangs pa 'am/ 'jig rten skyong 'am/ rgyal po chen po 'am/ byang chub sems dpa' zhes bya ba ci zhig yin/ rnam thos bus smras pa/ bu mo byang chub sems dpa' zhes bya ba de ni/ lha yang ma yin/ klu yang ma yin/ gnod sprin yang ma yin/ dri za yang ma yin/ lha ma yin yang ma yin/ nam mkha' lding yang ma yin/ mi 'am ci yang ma yin/ lto 'phye chen po yang ma yin/ brgya byin yang ma yin/ tshangs pa yang ma yin/ 'jig rten skyong ba yang ma yin/ rgyal po chen po yang ma yin te/ bu mo de ni sems can thams cad kyi bsam pa kun yongs su rdzogs par byed pa ste/ de'i phyir byang chub sems dpa' zhes bya'o// 'di ni spangs pa thams cad sbyin par byed de/ yongs su mi gtong ba ci yang med pas/ de'i phyir byang chub sems dpa' zhes bya'o// de nas bu me de 'di snyam du sems ste/ de
- 65b
skad grags pa las na 'dis bdag la gos 'di sbyin par 'gyur ro snyam nas/ de nas smad 'tshong bu mo gser mchog 'od dpal shing rta de las babs nas/ 'jam dpal gzhon nur gyur pa la 'di skad ces smras so// 'jam dpal gang khyod kyi ku la gsol ba'i na bza' 'di bdag la stsal du gsol/ de'i tshe tshigs su bcad pa 'di yang smras so// gal te khyed ni byang chub la yang zhugs gyur na// 'jam dbyangs na bza' 'di ni bdag la stsal du gsol// ser sna can gyi byang chub sems dpa' mi 'dzes ste// dper na chab dang bral zhing skom pa'i klu dang 'chungs// 'jam dpal gyis smras pa/ gal te bu mo khyod ni byang chub zhugs gyur na// kho bos di rings gos 'di khyod la sbyin par bya// gang dag g.yo ba med par byang chub sems la gnas// de dag 'di ni lhar bcas 'jig rten mchod 'os yin// bu mos smras pa/ byang chub ces bgyi'i tshigs gi don ni gang zhig lags// de ni gang las 'thob cing su zhig stsol par bgyid// tshogs rnams gang dag la ni nges par bsten bgyis na/ khas pa ma lags ma togs rnams kyi rtogs par 'gyur// 'jam dpal gyis smras pa/ sring mo brjod pa med pa dang / yi ge med pa dang / phung po dang / khams dang / skye mched dag las rnam par grol ba dang / stong pa dag dang / mtshan ma dag dang bral ba dang / nyon mongs pa med pa dang / zhi ba dang rab tu zhi ba dang / nye bar zhi ba ni byang chub ces bya'o// de skad ces smras nas yang 'jam dpal gnon nur gyur pas/
- 66a
bu mo de la 'di skad ces smras so// sring mo khyod byang chub tu sems skyed cig dang / ngas khyod la gos 'di sbyin no// bu mos smras pa/ 'jam dpal byang chub ces bgyi ba de gang lags/ 'jam dpal gyis smras pa/ sring mo khyod nyid byang chub yin no// bu mos smras pa/ 'jam dpal khyod gyis gsungs pa'i don de bdag gis 'tshal na/ ji ltar bdag byang chub lags/ 'jam dpal gyis smras pa/ sring mo de bzhin gshegs pa dgra bcom pa yang dag par rdzogs pa'i sangs rgyas shAkya thub pa zhes bya ba zhig bzhugs pa de/ 'di skad du 'di ltar lus mnyam pa nyid kyis byang chub mnyam pa nyid do// byang chub mnyam pa nyid kyis lus mnyam pa nyid do// zhes chos ston te/ sring mo de'i phyir ngas khyod la 'di skad du khyod nyid byang chub bo zhes smras so// sring mo 'di ji snyam du sems/ khyod kyi lus 'di la phung po dang khams dang / skye mched mngon par grub pa yod dam/ de nas bu mo des bstan pa 'di thos nas de sngon gyi dge ba'i rtsa ba'i rgyu mthun pas chos la snang ba skyes par gyur te/ des snang ba thob nas/ 'jam dpal gzhon nur pa la 'di skad ces smras so// 'jam dpal de ni de lta lags te/ bdag gis lus 'di phung po dang / khams dang / skye mched dag mngon par grub lags so// 'jam dpal gyis smras pa/ sring mo 'di ji snyam du sems/ gzugs la sems pa 'am/ rnam par shes pa yod dam/ bu mo'i smras pa/ 'jam dpral
- 66b
de ni ma lags so// 'jam dpal gyis smras pa/ sring mo byang chub kyang mi sems shing / rnam par shes pa med de/ sring mo de'i phyir gzugs mnyam pa nyid kyis byang chub mnyam pa nyid do// byang chub mnyam pa nyid kyis gzugs mnyam pa nyid de// sring mo de'i phyir ngas khyod la 'di skad du khyod nyid byang chub bo zhes smras so// sring mo 'di ji snyam du sems/ tshor ba dang / 'du shes dang / 'du byed rnams dang / rnam par shes pa la sems dpa' 'am/ bu mos smras pa/ 'jam dpal de ni ma mchis so// 'jam dpal gyis smras pa/ sring mo byang chub kyang mi sems shing / rnam par shes pa med de/ sring mo de'i phyir rnam par shes pa mnyam pa nyid kyi byang chub mnyam pa nyid do// byang chub mnyam pa nyid kyis rnam par shes pa mnyam pa nyid de/ sring mo de'i phyir ngas khyod la 'di skad du khyod nyid byang chub zhes smras so// sring mo gzhan yang gzugs nang ngam/ phyi rol lam gnyi ga med par ram/ gzugs 'di sngon po 'am/ ser po 'am/ dkar po 'am/ leb rgan nam/ shel dang / dngul gyi kha dog gam/ yul na gnas pa 'am/ phyogs na gnas pa zhes bstan par nus sam/ bu mos smras pa/ 'jam dpal 'di ji snyams du sems/ 'jam dpal gyis smras pa/ sring mo byang chub kyang nang ngam/ phyi rol lam/ gnyi ga med par ram/ byang chub de sngon po'am/ ser po 'am/ dmar po 'am/ dkar po 'am/ leb rgan nam/ shel dang / dngul gyi kha dog gam/ yul na gnas
- 67a
/ pa'am/ phyogs na gnas pa zhes bstan par mi nus te/ sring mo de'i phyir gzugs mnyam pa nyid kyi byang chub mnyam pa nyid do// byang chub mnyam pa nyid kyis gzugs mnyam pa nyid de/ sring mo de'i phyir ngas khyod la 'di skad du khyod nyid byang chub po zhes smras so// sring mo de bzhin du tshor ba dang / 'du shes dang / 'du byed rnams dang / rnam par shes pa yang nang ngam phyi rol lam/ gnyis ga med par ram/ rnam par shes pa 'di sngon po 'am/ ser po 'am/ dmar po'am/ dkar po 'am/ le ba rgan nam/ shel dang / dngul gyi kha dog gam/ yul na gnas pa 'am/ phyogs na gnas pa zhes lung bstan pa nus sam/ bu mos smras pa/ 'jam dpal de ni ma lags so// 'jam dpal gyis smras pa/ sring me byang chub kyang nang na med/ phyi rol lam/ gnyi ga med par mam/ byang chub de sngon po 'am/ ser po 'am/ dmar bo 'am/ dkar po 'am/ leb rgan nam/ shel dang / dngul gyi kha dog gam/ yul na gnas pa 'am/ phyogs na gnas pa zhes bstan par mi nus te/ sring mo de'i phyir/ rnam par shes pa mnyam pa nyid kyis/ byang chub mnyam pa nyid do// byang chub mnyam pa nyid kyis rnam par shes pa mnyam pa nyid de/ sring mo de'i phyir ngas khyod la 'ang skad du khyod nyid byang chub bo zhes smras so// sring mo gzhan yang phung po lnga ni sgyu ma lta bu ste/ yod pa ma yin pa byin ci logs las skyes shing / yod pa ma yin phyin log gis
- 67b
tha snyed gdags pa'o// sring mo byang chub kyang sgyu ma lta bu ste/ yod pa ma yin pa/ phyin ci log gis tha snyad gtags pa ste/ sring mo de phyir rgyu ma mnyam pa nyid kyis phung po mnyam pa nyid do// phung po mnyam pa nyid kyi rgyu ma mnyam pa nyid do// sgra ma mnyam pa nyid kyis byang chub mnyam pa nyid do// byang chub mnyam pa nyid do// sa sgyu ma mnyam pa nyid do// sring mo de'i phyir ngas khyod la 'di skad du khyod nyid byang chub bo zhes smras so// sring mo gzhan yang phung po lnga ni/ rmi lam lta bu ste/ shin tu mngon par ma grub pa'o// sring mo byang chub kyang rmi lam gyi rang bzhin yin pas/ shin tu mngon par ma grub pa ste/ sring mo de'i phyir rmi lam mnyam pa nyid kyis/ phung po mnyam pa nyid do// phung po mnyam pa nyid kyis rmi lam nyam pa nyid do// rmi lam mnyam pa nyid kyis byang chub mnyam pa nyid do// byang chub mnyam pa nyid kyis rmi lam mnyam pa nyid de/ sring mo de'i phyir ngas khyod la 'di skad du khyod nyid byang chub bo zhes smras so// sring mo gzhan yang phung po lnga ni smig sgra lta bu ste/ 'phrul pa'i las gyis bskyed pa'o// sring mo byang chub kyang mig sgyu'i rang bzhin te/ las kyi rnam par smin pa med pa'o// sring mo de'i phyir smig sgyu mnyam pa nyid kyis phung po mnyam pa nyid do// phung po mnyam pa nyid kyis smig sgyu mnyam pa nyid do// mig sgyu mnyam pa nyid kyis byang chub mnyam pa nyid do// byang chub mnyam pa nyid kyis smig sgyu mnyam pa nyid de/ sring mo de'i phyir ngas khyod la
- 68a
'di skad khyod nyid byang chub po zhes smras so// sring mo gzhan yang phung po ni gzugs brnyan lta bu ste 'pho ba med pa'o// sring mo byang chub kyang gzugs gnyen gyi rang bzhin te/ 'pho ba med pa'o// sring mo de'i phyir gzugs brnyan mnyam pa nyid kyis phung po mnyam pa nyid do// phung po mnyam pa nyid kyis gzugs brnyan mnyam pa nyid do// gzugs brnyan mnyam pa nyid kyis byang chub mnyam pa nyid do// byang chub mnyam pa nyid kyis gzugs brnyan mnyam pa nyid do// sring mo de'i phyir ngas khyod la 'di skad du khyod nyid byang chub po zhes smras so// sring mo gzhan yang phung po lnga ni ming tsam ste/ de yang g.yo ba med pa'o// sring mo byang chub kyang ming tsam ste/ ming de yang g.yo ba med pa'o// sring me de'i phyir g.yo ba med pa mnyam pa nyid kyi phung po mnyam pa nyid do// phung po mnyam pa nyid kyis g.yo ba med par mnyam pa nyid do// g.yo ba med pa mnyam pa nyid kyis byang chub mnyam pa nyid do// byang chub mnyam pa nyid kyis g.yo ba med pa mnyam pa nyid de/ sring mo de'i phyir ngas khyod la dri skad du khyod nyid byang chub sems dpa' 'o zhes smras so// sring mo gzhan yang phung po rnams la byed pa po med do// ma byas pa'i don ni byang chub po// phung po rnams la ngo bo nyid med do// ngo bo nyid med pa'i don ni byang chub bo// phung po rnams la byung ba med do// ma byung ba'i don byang chub bo// phung po rnams la rtog pa nyid med do// me tog pa'i don ni byang chub bo// phung po rnams la bde ba nyid do// sdug bsngal ba'i don ni byang chub po// phung po rnams
- 68b
sdug pa med de// mi sdug pa'i don ni byang chub bo// phung po rnams la bdag med de/ bdag med pa'i don ni byang chub bo// sring mo gzhan yang phung po rnams la mngon par grub pa med de/ mngon bar grub pa'i don ni byang chub po// phung po rnams ni dben pa ste/ dben pa'i don ni byang chub bo// phung po rnams la bzung ba med de/ bzung ba med pa'i don byang chub po// phung po rnams la bzhi med de/ bzhi med pa'i don ni byang chub bo// phung po rnams la 'ong ba dang 'gro ba med de/ 'ong ba dang / 'gro ba med pa'i don ni byang chub po// phung po rnams ni da ltar byung ba la mi gnas pa ste/ da ltar byung ba la mi gnas pa ste/ da ltar byung ba la mi gnas pa'i don ni byang chub po// sring mo gzhan yang phung po rnams ni 'phags kyi tha snyed yin pas/ byang chub kyang 'phags pa rnams kyi tha snyed do// phung po rnams ni tha snyad med pa'i rang bzhin can de byang chub kyang tha snyed med pa'o// phung po lnga'i rang bzhin gang yin pa de ni/ de bzhin gshegs pas thugs su chud pa'i chos thams cad kyi rang bzhin te/ de ni byang chub ces bya'o// sring mo de ltar na phung po lnga'i rang bzhin ni byang chub kyi rang bzhin no byang chub kyi rang bzhin chos thams cad kyi rang bzhin no// byang chub kyi rang bzhin ni chos thams cad kyi rang bzhin te/ sring mo phung po lnga'i rang bzhin gang yin pa dang / byang chub kyi rang bzhin gang yin pa de ni/ sems can thams cad kyi rang bzhin yin te/ sring mo de'i phyir ngas khyod la 'di skad du khyod nyid byang chub bo zhes smras so// sring mo gzhan yang bung po rtogs pa gang yin pa de nyid byed
- 69a
chub yin te/ phung po ma rtogs par rtogs pa gang yang med la/ byang chub ma gtogs par yang rtogs pa med pas/ de ltar rtogs pa gang yin pa de ni/ byang chub ces bya te/ sring mo'i de'i phyir ngas khyod la 'di skad du khyod nyid byang chub bo zhes smras so// sring mo rnams grangs 'dis khyod kyi 'di ltar rig par bya ste/ ji ltar sems can thams cad byang chub tu gtogs pa ltar de gtogs pa med par bstan pa ni byang chub ste/ sring mo de'i phyir ngas khyod la 'di skad du khyod nyid byang chub bo zhes smras so// sring mo gzhan yang khyod kyi lus 'di la sa'i khams dang / chu'i khams dang / me'i khams dang / rlung gi khams dang / khams bzhi po dag mngon par grub pa de la sring mos sa'i khams ni bdag ma yin/ sems can ma yin srog ma tog/ skyes bu ma yin/ gang zag ma yin no// byang chub kyang bdag ma yin/ sems can ma yin/ srog ma yin/ skyes bu ma yin/ gang zag ma yin no// de bzhin du chu'i khams dang / me'i khams dang / rlung gi khams kyang bdag ma yin/ sems can ma yin/ srog ma yin// skyes bu ma yin/ gang zag ma yin no// byang chub kyang bdag ma yin/ sems can ma yin/ srog ma yin/ skyes bu ma yin/ gang zag ma yin no// shin tu rnam mkha' dang mtshungs pa'i phyir/ sa'i khams dang byang chub mnyam mo// shin tu me'i phyir chu'i khams dang / byang chub mnyam mo// shin tu mi g.yo ba'i phyir/ me'i khams dang
- 69b
byang chub mnyam mo// shin tu bstan du med pa'i phyir rlung gis khams dang byang chub mnyam mo// sring mo sa'i khams gang yin pa'i khams de ni/ de bzhin gshegs pas mkhyen te/ mngon par rdzogs par thugs su chud de// sring mo chu'i khams gang yin pa'i khams de ni de bzhin gshegs pas mkhyen te/ mngon par rdzogs par thugs su chud do// srid me me'i khams gang yin pa'i khams de ni de bzhin gshegs pas mkhyen te/ mngon par rdzogs par thugs su chud do// sring me rlung gis khams gang yin pa'i khams de ni de bzhin gshegs pas mkhyen te/ mngon par rdzogs par thugs su chud ngo // sring mo sa'i khams rtogs pa ni byang chub po// sring mo de bzhin du chu'i khams dang / me'i khams dang / rlung gi khams gtogs pa ni byang chub te/ sring mo de'i phyir ngas khyod la 'di skad du khyod nyid byang chub po zhes smras so// sring mo sa'i khams kyis chu'i khams yang dag par mi shes so// chu'i khams kyis me'i khams yang dag par mi shes so// me'i khams kyis rlung gi khams yang dag par mi shes so// sring mo de ltar na khams kyis ming yongs su shes pa gang yin pa de ni byang chub ces bya ste/ sring mo de'i phyir ngas khyod la 'di skad du khyod nyid byang chub po zhes smras so// sring mo gzhan yang gang khyod kyi lus 'di la mig mngon bar gyur pa dang / de bzhin du rna ba dang / sna dang / lce dang / lus dang / yid mngon par grub pa de la/ sring mo mig ni stong pa ste/ mig stong pa nyid kyi rang bzhin ni byang
- 70a
bya chub bo// rna ba ni stong pa ste/ rna bstod nyid kyi rang bzhin ni byang chub bo// sna ni stong pa ste/ sna stong pa nyid kyi rang bzhin ni byang chub go// lce ni stong pa ste/ lce stong pa nyid kyi rang bzhin ni byang chub po// lus ni stong pa ste/ lus stong pa nyid kyi rang bzhin ni byang chub po// yid stong pa ste/ yid stong pa nyid kyi rang bzhin ni byang chub po// sring mo de'i phyir ngas khyod la 'di skad du khyod nyid byang chub po zhes smras so// sring mo bzhin yang mig stong pa nyid gang yin pa de ni/ gzugs su 'dogs par mi byed do// gzugs stong pa'i gzugs stong pa'i gzugs kyi ngo bo nyid ni byang chub po// rna ba dang / sna dang / lce dang / lus dang / yid stong pa nyid gang yin pa de ni chos su 'dogs par mi byed de/ chos ston pa'i chos kyi ngo bo nyid ni byang chub ste/ sring mo de'i phyir ngas khyod la 'di skad du khyod nyid ni byang chub zhes smras so// sring mo mig ni gzugs mi len te/ byang chub byang gzugs mi len to// rna ba ni sgra mi len te/ byang chub kyang sgra mi len to// lce ni dri mi len te/ byang chub kyang dri mi len te/ lce ni ro mi len te/ byang chub kyang ro mi len to// lus ni reg mi len te/ byang chub kyang reg bya mi len to// yid ni chos mi len te/ byang chub ni chos mi len to// sridang+ge de ci'i phyir zhe na/ mig gzugs dang bral ba ni byang chub bo// yid chos dang d+ma'i bar du yang byang chub yin pa'i phyir ro// sring mo de ltar na mig gis rnam par shes pa'i khams gang yin pa
- 70b
de ni/ gzugs kyi khams dang mtsham sbyor ba med do// mig gi rnam par shes pa'i khams dang / gzugs su bral ba ni byang chub po// rna ba'i rnam par shes pa'i khams gang yi ba de ni/ sgra'i khams dang / mtshams spor ba med de/ rna ba'i rnam par shes pa'i khams dang / sgra'i khams su bral ba ni byang chub po// sna'i rnam par shes pa'i khams gang yin pa de ni/ dri'i khams dang / mtshams sbyor ba med de/ sna'i rnam par shes pa'i khams dang / dri'i khams su bral ba ni byang chub bo// lce'i rnam par shes ba'i khams gang yin pa de ni/ ro'i khams dang / mtshams sbyor ba med de/ lce'i rnam par shes pa'i khams su bral ba ni byang chub po// lus kyi rnam par shes pa'i khams gang yin pa de ni/ reg bya'i khams dang / mtshams sbyor ba med de/ lus kyi rnam par shes pa'i khams dang / reg bya'i khams su bral ba ni byang chub bo// yid kyi rnam par shes pa'i khams gang yin pa de ni/ chos kyi khams dang / mtshams sbyor ba med de/ yid kyi rnam par shes pa'i khams dang chos kyi khams su bral ba ni byang chub po// sring mo de'i phyir ngas khyod la 'di skad du khyod nyid byang chub po zhes smras so// sring mo de ltar na byang chub dang / mig gi rnam par shes pa'i khams de ni gnyis su med de/ gnyis su dbyer med do// byang chub dang gzugs kyi khams de gnyis su med de/ gnyis su dbyer med do// byang chub dang mig gi rnam par shes pa'i khams de ni gzugs
- 71a
su med de/ gnyis su dbyer med do// byang chub dang yid kyi khams kyi de ni/ gnyis su med do// gnyis su dbyer med do// byang chub dang chos kyi khams de ni gnyis su med de gnyis su dbyer med do// byang chub dang yid kyi rnam par shes pa'i khams de ni gnyis su med de/ gnyis su dbyer med do// sring mo de'i phyir ngas khyod la 'di skad du khyod nyid byang chub bo zhes smras so// sring mo gzhan yang mig rtogs pa ni byang chub po// de bzhin du rna ba dang / sna dang / lce dang / lus dang / yid rtogs pa ni byang chub bo// mig gi rang bzhin ni stong pa ste/ rang bzhin stong pa de ni byang chub bo// de bzhin du rna ba dang / sna dang / lce dang / lus dang / yid kyi rang bzhin ni stong pa ste/ rang bzhin stong pa de ni byang chub bo// sring mo mig gi rang bzhin ni ma chags mi sdang ma slengs pa ste/ 'dod chags dang / zhe sdang dang / gti mug dang bral ba ni byang chub po// rna ba dang / sna dang / lce dang / lus dang / yid kyi rang bzhin ni ma chags mi sdang ma spongs pa ste/ 'dod chags dang zhe sdang dang / gti mug dang bral ba ni byang chub po// sring po mog ni bdag po med pa bdag gi med pa yongs su 'dzin pa med pa'o// byang chub kyang bdag po med pa/ bdag gi med pa yongs su 'dzin pa med pa'o// de bzhin du rna ba dang / sna dang / lce dang / lus dang / yid kyang bdag po med pa/ bdag gi med pa/ yongs su 'dzin pa med pa ste/ byang chub kyang bdag po
- 71b
med pa bdag gi med pa/ yongs su 'dzin pa med pa'o// sring mo mig ni skyes pa'i chos dang / mtshungs par ldan pa yang ma yin/ bud med kyi chos dang mtshungs par ldan pa yang ma yin no// sring mo byang chub kyang skyes pa'i chos dang mtshungs par ldan pa yang ma yin/ bud med kyi chos dang mtshungs par ldan pa yang ma yin no// sring mo de bzhin du rna ba dang / sna dang / lce dang / lus dang / yid kyang skyes pa'i chos dang mtshungs pa ldan pa ma yin/ bud med kyi chos dang ldan par mtshungs par ma yin no// sring mo byang chub kyang skyes pa'i chos dang mtshungs par ldan pa ma yin/ bud med kyi chos dang mtshungs par ldan pa yang ma yin no// sring mo mig ni skyes pa yang ma yin/ bud med kyang ma yin no// sring mo byang chub kyang skyes pa yang ma yin no// sring mo yid kyi bar du yang skyes pa yang ma yin/ bud med kyang ma yin no// sring mo byang chub kyang skyes pa yang ma yin/ bud med kyang ma yin no// sring mo de ltar mig gi de bzhin gshegs pas thugs su chud de/ de bzhin nyid rtogs pa ni byang chub po// yid kyi de bzhin nyid kyi bar du yang de bzhin gshegs pas thugs su chud de/ de bzhin nyid rtogs pa ni byang chub bo// sring mo de'i phyir dus khyod la 'di skad du khyod nyid byang chub po zhes smras so// sring mo gzhan yang khyod kyi lus 'di ni bdag ma yin/ sems can ma yin/ srog ma yin/ skyes bu ma yin/ gang zag ma yin/ shed las skyes pa
- 72a
ma yin te/ sheng bu ma yin/ byed pa po ma yin/ tshor ba po ma yin/ shes pa po ma yin/ mthong ba po ma yin/ nyan pa po ma yin/ sgoms pa po ma yin/ za ba po ma yin/ reg pa po ma yin/ rnam par shes pa po ma yin no// sring mo byang chub kyang bdag ma yin/ sems can ma yin// srog ma yin/ bso' ba po ma yin/ gang zag ma yin/ bdag gi ma yin/ yongs su 'dzin pa ma yin/ tsher ba ma yin/ gzugs ma yin/ sgra ma yin/ dri ma yin/ ro ma yin/ reg bya ma yin/ rnam par shes pa ma yin te/ sring mo de lta bas na chos thams cad mnyam pa nyid ni byang chub ces bya'o// sring mo gang yang khyod kyi lus ni g.yo ba med pa/ byed pa med pa/ rtag pa med pa ste/ rtswa dang / shing dang / shing ljon pa dang / rtsig pa'i tshogs rnams dang / khyad par med cing tha dad du dbyer med do// sring mo gang yang nang gi sa'i khams dang / phyi rol gyi sa'i khams ni gnyis su med cing gnyis su dbyer med do// 'di ltar mtshan nyid med par mtshan nyid gcig par de bzhin gshegs pas shes rab dang / ye shes kyi mngon par thugs su chud de/ sring mo de'i phyir ngas khyod la 'di skad du khyod nyid byang chub bo zhes smras so// sring mo gzhan yang sems dang yid dang / rnam par shes pa'i rnam par rig pa gang gis/ sems dpa' dang / rnam par shes pa'i sems dang yid dang / rnam par shes pa'i rnam par rig pa de ni skal gnas pa
- 72b
ma yin/ spu la gnas pa ma yin/ sha 'dog la gnas pa ma yin/ lpag pa la gnas pa ma yin/ sha la gnas pa ma yin/ khrag la gnas pa ma yin/ rus pa la gnas ba ma yin/ chu la gnas pa ma yin/ rkang la gnas pa ma yin/ nang na gnas pa ma yin/ phyi rol na gnas pa ma yin/ gnyi ga med pa la gnas pa ma yin/ mig la gnas pa ma yin/ rna ba la gnas pa ma yin/ sna la gnas pa ma yin/ lce la gnas pa ma yin/ lus la gnas pa ma yin/ yid la gnas pa ma yin te/ gnas pa yin/ mi gnas pa ma yin/ rgyun chad pa ma yin/ yul na gnas pa ma yin/ phyogs na gnas pa ma yin/ gzugs med pa bstan du med pa/ rnam bar rig pa med pa/ gzugs med pa/ 'dri ba med pa/ gzhi med pa/ dag pa rtsang ba/ 'od gsal ba ste/ sems dang yid kyi rnam par rig pa de ni kun nas nyon mongs ba med pa/ rnam par byang ba med pa ste/ de ni rang bzhin gyi rnam par dag cing 'od gsal la/ lus med pa'i phyir kun nas nyon mongs pa med cing rnam par dag pa med do// / sring mo de ltar na phung po dang khams dang skye mched kyi rang bzhin ni byang chub po// byang chub kyang rang bzhin yang phung po dang khams dang / skye mched rnams so// sring mo khyod kyi lus 'di la phung po dang / khams dang skye mched gang dag mngon par grub pa de dag ni byang chub ste/ byang chub ni bzhin ma yin no// de ci'i phyir zhe na/ byang chub
- 73a
ni phung po dang khams dang skye mched rnams las gzhan pa ma yin te/ de dag nyid byang chub yin pas chos thams cad mnyam pa nyid du rtogs pa byang chub yin pa'i phyir ro// sring mo de'i phyir ngas la 'di skad du khyod nyid byang chub zhes smras so// 'jam dpal gzhon nur gyur pas bstan pa 'di bshad pa na/ rnam mkha'i dkyil na gnas pa'i lha'i bu lnga 'bum gyis/ bla na med pa yang dag par rdzogs pa'i byang chub tu sems bskyed do// gang dag smad 'tsheng ma'i bu mo gser mchog 'od dpal gyi phyi bzhin 'brang ba'i skyes pa dang bud med dang khye'u dang bu mo rnams las srog chags nyis rgyas kyang bla na med pa yang dag par rdzogs pa'i byang chub tu sems bskyed do// lha dang mi drug cu ni chos rnams la chos kyi mig rdul med cing dri ma dang bral ba rnam par dag go// smad 'tsheng ma'i bu mo gser mchog 'od dpal tshim zhing 'gu l-i yid rangs te/ rab tu dga' nas dga' ba dang / yid bde ba skyes te/ yan lag lngas phyag 'tshal nas/ 'jam dpal gzhon nur gyur pa'i rkang pa gnyis gtugs te/ sangs rgyas dang chos dang / dge 'dun la skyabs su song nas tshangs par spyod pa dang / bslabs pa'i bzhi rnams yang dag par blangs ste/ lhag pa'i bsam bas bla na med pa yang dag par rdzogs pa'i byang chub tu sems skyed nas 'di skad ces smras so// 'jam dpal bdag kyang khyed kyi rjes su bstan pa dang sems can thams cad la
- 73b
snying brtse ba dang snying rjes/ sangs rgyas kyi gdung mi bcad pa dang / chos kyi gdung mi gcad pa dang / dge mdun gyi gdung mi gcad pa'i slad du/ khyod kyis bstan pa bla na med ba yang dag par rdzogs pa'i byang chub der sems bskyed par bgyi'o// de bzhin du chos rtogs par bgyi ba'i slad du sems can thams cad la ni chos bstan par yang bgyi'o// nyes par bgyis pa'i las kyi sgrib pa yongs su spang ba'i slad du/ nongs pa la nongs par gshegs par bgyi'o// gang na chos thams cad zhi zhing nye bar zhi bar ma rtogs nas/ tshul bzhin ma lags pa yid la bgyi ba sngon du 'gro ba dang / phyin ci logs gi dbang du mchis pa dang / rang gi lus la mngon par zhen pas 'dod chags kyi sbyor ba dang / ldan pa'i sems can rnams kyi rang bzhin nyid ma rtogs so// 'jam dpal de ltar lags mod kyi 'on kyang dag 'dod chags kyi sbyor ba dang / ldan pa'i sems can de dag kyang / chos rnams kyi chos nyid 'di nyi 'dra ba de nyid dang ldan no// byang chub sems dpa' rnams ni ldan pa'i chos 'di la slob cing / bla no med pa yang dag par rdzogs pa'i byang chub sems bskyed do// de ci'i phyir zhe na/ 'jam dpal nyon mongs pa rnams ni ji ltar mchis pa ma lags pa la kun rtags pa las byung bar de ltar kun rtags pa yongs su rtogs na 'gag bar 'gyur ba la gang bsog dang 'dra slang du'o// 'jam dpal ji ltar khyod kyis gsungs pa'i don bdag gis 'chal bltar na/ nyon mongs pa rnams ni rang bzhin ma mchis/
- 74a
bas sprin gyi tshogs dang 'dra'o// nyon mongs pa rnams ni skad cig la 'jig cing 'ju ste/ chu'i chu bur dang 'dra'o// nyon mongs pa rnams ni shin tu mngon par grub pa ma mchis pa ste/ rlung dang 'dra'o// nyon mongs pa rnams ni yul thams cad las yang dag par 'das pa ste/ nam mkha'i ri mo dang 'dra'o// nyon mongs pa rnams pa rnams ni ring du mi gnas pas chu'i ri mo dang 'dra'o// nyon mongs pa rnams ni tshul bzhin ma lags pa yid la bgyid pa'i 'jug pa las 'byung ste/ gnod sbyin dang / 'byung po dang 'dra'o// nyon mongs pa rnams ni ma mchis pa la phyin ci log tu mthong ba las byung ba ste/ sprin dmar dang 'dra'o// nyon mongs pa rnams ni kun brtags lus byung ste/ yang dag pa ma lags pa'o// nyon mongs pa rnams ni ngar 'dzin pas lhag par chags pa dang 'brel pa'o// nyon mongs pa rnams ni bdag gir 'dzin pas dngos po yongs su 'dzin pa'o// nyon mongs pa rnams ni log pas bskyed pas glo bur du byung ba'o// nyon mongs pa rnams ni rnam par rtogs pa la byung bas/ mtshan ma'i rjes su 'brang ba dang 'dra'o// nyon mongs pa rnams ni/ khams sna tshogs la mi dpyod pa'i tshul gyis bskyed pa ste/ so sor mi rtog pa'o// nyon mongs pa rnams ni sems dang rjes su mthun pas bskyed pa te/ nges par mi sems pa'o// nyon mongs pa rnams ni bdag dang bzhin la mngon par zhen pa las byung ba ste/ yid ches par mi bgyid pa'o// nyon
- 74b
mongs pa rnams ni phung po dag len pa'o// nyon mongs pa rnams ni khams rnam las ril por 'dzin pa'o// nyon mongs pa rnams ni skye mched rnams stsogs pa'o// nyon mongs pa rnams ni ming dang gzugs la rnam par 'byed pa'o// nyon mongs pa rnams ni tshul bzhin ma lags pa yid la bgyid pa dag mi rtogs pa'o// 'jam dpal de lta lags mod kyi/ 'on kyang nyon mongs pa rnams ni byang chub kyi phur bu'i bzhi lags so// de ci'i slad du zhe na/ byang chub ni g.yo ba ma mchis pa'i slad du'o// nyon mongs pa rnams ni byang chub kyi sa bon te/ nyon mongs pa rtogs pa nyid byang chub lags so// nyon mongs pa rnams ni byang chub rdo rje'i gzhi lags so// de ci'i slad du zhe na/ chos kyi dbyings dbyer ma mchis pa'i tshul gyis byang chub ni nyon mongs pa rnams kyi mi byed pa'i slad du'o// 'jam dpal nyon mongs pa rnams mthong ba ni byang chub po// byang chub ni yul thams cad kyi rjes su song ba'o// 'jam dpal ji ltar byang chub rnams par gnas pa ma mchis pa de ltar nyon mongs pa rnam kyang rnam par gnas pa ma mchis pa ste/ skyes/ nas 'jig cing 'ju bas mi gnas pa'o// 'jam dpal nyon mongs pa rnams ni sems kyi rang bzhin lags so// de ci'i slad du zhe na/ 'jam dpal sems 'di ni chags ba'am/ sdang ba 'am/ nyon mongs pa zhes sems kyi rang bzhin bstan par mi nus ste/ 'jam dpal ji ltar sems bstan par mi nus pa de bzhin du/ nyon mongs pa
- 75a
rnams kyang yul na gnas pa 'am/ phyogs na gnas pa zhes nyon mongs pa'i rang bzhin bstan par mi nus pa'i slad du'o// 'jam dpal byang chub sems dpa' sems dpa' chen pos/ ji lta ji ltar nyon mongs pa de dag rab tu rtogs pa de lta de ltar/ de 'dod chags la sprad pa'i sems can rnams yongs su smin par bgyi ba skyo bar mi 'gyur ro// zhe sdang la spyod pa rnams la ma lags/ ti mug la spyod pa rnam la ma lags ste/ cha mnyam pa la spyod pa'i sems can rnams yongs su smin bar bgyi ba skyo bar mi 'gyur ro// 'jam dpal da ltar bdag gi 'dod chags ji lta ba de bzhin du 'dod chags la spyod pa thams cad kyi 'dod chags la blta bar bgyi'o// 'jam dpal da ltar bdag gis zhe sdang ji lta ba de bzhin du zhe sdang la skrod pa thams cad kyi zhe sdang la lta bar bgyi'o// 'jam dpal da ltar bdag gis ti mug la spyod pa thams cad kyi gti mug la ltung bar bgyi'o// 'jam da ltar bdag gi nyon mongs pa thams cad ji lta bu de bzhin du nyon mongs pa thams cad la spyod pa'i sems can thams cad kyi nyon mongs pa la lta bar bgyi'o// 'jam dpal 'di lta ste dper na/ me ni rtswa dang / shing thams cad kyis 'jigs pa ma mchis pa'o// 'jam dpal de bzhin du 'phags pa'i shes rab kyi me yang nyon mongs pa'i brtsa dang shing thams cad kyi 'jigs pa mchis pa'o// 'jam dpal 'di lta ste/ dper na nyi mi'i dkyil 'khor ni mun pa sun nag thams
- 75b
cad dang lhan gcig mi gnas so// 'jam dpal de bzhin du 'phags pa'i shes rab kyang nyon mongs pa thams cad dang lhan cig mi gnas so// 'jam dpal 'di lta ste dper na rlung dmar ni shing ljon pa dang ri thams cad la mi chags so// 'jam dpal de bzhin du 'phags pa'i shes rab la sprod pa'i byang chub sems dpa' yang nyon mongs pa'i yul thams cad la mi chags so// 'jam dpal 'di lta ste dper na/ nam mkha'i khams ni sreg pa'i bskal pa thams cad kyis tshig par mi 'gyur ro// 'jam dpal de bzhin du 'phags pa'i shes rab la spyod pa'i byang chub sems dpa' yang yang nyon mongs pa'i sreg pa'i bskal pa thams cad kyis tshig par mi 'gyur ro// 'jam dpal 'di lta ste dper na/ nam mkha' ni rdul dang na bu dang / sprin thams cad dang lhan cig mi gnas so// 'jam dpal de bzhin du 'phags pa'i shes rab la spyod pa'i byang chub sems dpa' yang / nyon mongs pa thams cad dang lhan cig tu mi gnas so// 'jam dpal 'di lta ste dper na/ nam mkha' ni sa dang lhan cig tu mi gnas so// 'jam dpal de bzhin du 'phags pa'i shes rab la spyod pa'i byang chub sems dpa' yang / nyon mongs pa thams cad dang lhan cig mi gnas so// 'jam dpal 'di lta ste dper na/ khab len ni lcags dang lhan cig mi gnas so// 'jam dpal de bzhin du 'phags pa'i shes rab la sbyong ba'i byang chub sems dpa' yang / nyon mongs pa thams cad dang lhan cig tu mi gnas so// 'jam
- 76a
dpal 'di lta ste/ dper na/ ri khor yug ni rlung thams cad kyis bskyod par mi nus so// 'jam dpal de bzhin du 'phags pa'i shes rab la spod pa'i byang chub sems dpa' yang / nyon mongs pa thams cad kyis bskyod par mi nus so// 'jam dpal 'di lta ste dper na/ dud 'gro'i skye gnas su song ba'i bya ngang pa zhes bgyi ba ni/ 'o ma dang chab bsres pa las 'o ma nyid ni 'tshal gyi chab ni ma lags so// 'jam dpal de bzhin du 'phags pa'i shes rab la spod pa'i byang chub sems dpa' yang / 'phags pa'i shes rab dang nyon mongs par 'dres pa dag las/ shes rab nyid ni len gyi nyon mongs pa ni ma lags so// 'jam dpal 'di lta ste/ dper na/ byang sgra mi gnyen gyi gling na nye dur 'brel ba'i bud med rnams la shing gi yal ga 'dud pa mi bgyid do// 'jam dpal de bzhin du dbang po yongs su ma smin pa'i sems can rnams la byang chub sems dpa'i spyod pa dang / 'phags pa'i shes rab dang ye shes 'dud par mi bgyid do// 'jam dpal bdag ni da ltar nyon mongs pa rnams kyis 'jig pa 'am skrag pa ci yang ma mchis so// de ci'i slad du zhe na/ 'jam dpal bdag gis chos thams cad kyi rang bzhin dben par rtogs pa'i slad du'o// 'jam dpal byang chub sems dpa' rnams ni 'jigs pa ma mchis pa'i go cha dgos pa ste/ 'jam dpal 'di lta ste/ dper na/ gang dgras 'jigs pa de ni dpa' bo zhes bgyi'o// 'jam dpal de bzhin du gang nyon mongs pa rnams
- 76b
kyis 'jigs pa de yang byang chub sems dpa' zhes mi bgyi'o// 'jam dpal 'di lta ste/ dper na/ gang dgras bcom pa de ni dpa' bo zhes mi bya'o// 'jam dpal de bzhin du gang nyon mongs pa rnams kyis bcom pa yang byang chub sems dpa' zhes mi bgyi'o// 'jam dpal 'di lta ste/ dper na/ nor bu rin po che 'da' zhes bgyi ba chab kyi nang du stsal na/ gsher bar yang mi 'gyur zhing chab kyi dri mas kyang mi gos la chab kyi rnyog thams cad kyang rab tu dngas par bgyi'o// 'jam dpal de bzhin du/ 'phags pa'i shes rab la sprod pa'i byang chub sems dpa' yang / nyon mongs pa'i nang na gnas kyang nyon mongs pas gsher bar yang mi 'gyur zhing / nyon mongs pa'i dri mas kyang ma gos la/ nyon mongs pa'i rlog pa thams cad kyang rab tu zhi bar bgyid do// de nas smad 'tshong ma'i bu mo gser mchog 'od dpal gyis bstan pa 'di bshad nas/ yang 'jam dpal gzhon nur gyur pa la 'di skad ces smras so// 'jam dpal ji ltar na byang chub sems dpa' nyon mongs pa ma mchis pa lags so// 'jam dpal gyis smras pa/ sring mo byang chub sems dpa' gang gis nyon mongs pa skye ba'am/ 'gag par mthong na byang chub sems dpa' de ni nyon mongs pa med pa zhes mi bya'o// sring mo 'di lta ste dper na/ 'bru mar gyi sgron ma la mun pa mun nag snang na/ 'bru mar gyi sgron ma zhes mi bya'o// sring mo de bzhin du byang chub sems dpa' gang gis nyon mongs pa skye ba
- 77a
'gag par 'thong na/ byang chub sems dpa' de ni nyon mongs pa med pa zhes mi bya'o// sring me nyon mongs pa med pa zhes bya ba ni su gang du kun nas mongs pa yang mi mthong // rnam par byang ba yang mi mthong ste/ mthong ba dang mi mthong ba dang / sems dang yid dang rnam par rig pa dang bral ba ni/ nyon mongs pa med pa'o// sring mo gang dang gang du sems dang yid dang rnam par rig pa 'jug na/ tha na mya ngan las 'das par sems pa yang rung ste/ de thams cad ni nyon mongs pa'o// de ci'i phyir zhe na/ nyon mongs pa med pa la ni/ sems sam sems pa 'jug pa med pa'i phyir te/ gang gis dge ba'am/ mi dge ba'i dmigs pa la sems la 'jug pa de dag thams cad ni mngon 'du byed pa'o// gang mngon par 'du byed pa de ni 'khor ba'o// gang 'khor ba de ni 'du byed do// 'du byed thams cad ni 'khor ba ste/ sring mo dag ni nyon mongs pa yin// sring me nyon mongs pa zhes bya ba de ni sbyor ba ste/ mig dang gzugs su sbyor ba ni nyon mongs pa'o// de bzhin du rna ba dang / sna dang / sgra dang / dri dang / lce dang / ro dang / lus dang / reg bya dang / yid dang / chos su sbyor ba ni nyon mongs pa'o// tshul khrims la sbyor ba ni nyon mongs pa'o// ting nge 'dzin la sbyor ba ni nyon mongs pa'o// shes rab dang rnam par grol ba'i ye shes mthong ba ni nyin mongs pa'o// rab tu dben pa la sbyor bar sems dpa' ni/ nyon mongs pa'o// sring mo nyon mongs pa med zhes bya ba de ni rgyu ba med pa zhes bya ba'i tshig bla dgas so// de ni
- 77b
rtsol ba med pa zhes bya ba'i tshig bla dgas so// 'byung ba med pa zhes bya ba'i tshig bla dgas ste/ sring mo grangs dang grangs med pa dang bral ba ni/ nyon mongs pa med pa nyid do// srid mo gzhan yang byang chub sems dpa' gang dag la yang nyon mongs pa med la/ gzhan dag nyon mongs pa las rab tu thar bar bya ba las yang shin tu brtson pa de ni nyon mongs pa med pa'o// zhes de bzhin gshegs pas gsungs te/ gzhan dag nyon mongs pa las rab tu thar par byed pa ni/ byang chub sems dpa'i brtson 'grus yang dag pa phul lo// bu mos smras pa/ 'jam dpal byang chub sems dpa'i brtson 'grus yang dag pa phul ba gang lags/ 'jam dpal gyis smras pa/ stong pa nyid la so sor rtog pa'i rjes su 'jug cing lta ba la spyod pa'i sems can rnams la snying rje ba dang / mtshan ma med pa la so sor rtog pa'i rjes su 'jug cing mtshan ma la spyod pa'i sems can rnams la snying rje ba dang / smon pa med pa la so sor rtog pa'i rjes su 'jug cing smon pa la spyod cing sems can rnams la snying rje ba dang / mngon par 'du byed pa med pa so sor rtog pa'i rjes su 'jug cing mngon par 'du byed pa la spyod pa'i sems can rnams la snying rje ba dang / skye ba med cing 'chi 'pho med pa la so sor rtog pa'i rjes su 'jug cing rga ba dang / shi bar 'du shes pa'i sems can la snying rje ba dang / skye ba med pa la so sor rtog pa'i rjes su 'jug cing / skye ba dang / 'jig par 'du shes pa'i sems can rnams la snying rje dang / nyan thos su nges pa la so sor rtog pa'i rjes su 'jug cing /
- 78a
nyan thos kyi 'bras bu thob pa las ldog pa dang / rang sangs rgyas su nges pa la so sor rtog pa'i rjes su 'jug cing rang sangs rgyas kyi 'bras bu thob pa las ldog pa dang / byang chub sems dpa'i skyon med pa la 'jug pa so sor rtog pa'i rjes su 'jug cing sems can thams cad la snying rje ba dang / sring mo 'di ni byang chub sems pa'i brtson 'grus yang dag pa phul lo// sring mo 'di lta ste/ dper na/ rgya mtsho chen por 'jug pa ni sla'i/ rin po che chen po dag thogs te/ ldog par ni dka'o// sring mo de bzhin du stong pa nyid la so sor rtog par ni sla'i/ thabs la mkhas pa dang bral bas ldog par ni dka'o// mtshan ma med pa dang / smon pa med pa dang / mngon par 'du byed pa med pa dang / skye ba med pa dang / 'byung ba med pa dang / nyan thos kyi skyon med pa dang / rang sangs rgyas kyi skyon med pa la yang so sor rtog pa ni sla'i/ thabs la mkhas pa dang bral bas ldog pa ni dka'o// sring mo 'di lta ste dper na/ g.yul ngo chen por ni sla'i/ ma smas ma nyams par rgal bar ni dka'o// sring mo de bzhin du rnam par thar pa'i sgo gsum du yang 'jug par sla'i/ thabs mkhas pa dang bral bas/ ldog par ni dka'o// bu mos smras pa/ 'jam dpal thabs shes bgyi ba ji lta bu lags/ 'jam dpal gyis smras pa/ sring mo thabs shes bya ba ni gang phyogs gnyis mi spong ba ste/ 'di ltar 'khor ba'i phyogs dang / mya ngan las 'das pa'i phyogs su/ sring mo thabs shes bya ba
- 78b
ni gang sgo gnyis ston par byed pa ste/ 'khor ba'i sgo dang / mya ngan las 'das pa'i sgo dang / stong pa nyid kyi sgo dang / lta ba las rab tu thar pa'i sgo dang / mtshan ma med pa'i sgo dang / mtshan ma las rnam par thar pa'i sgo dang / smon pa med pa'i sgo dang / bsam bzhin du skye ba'i sgo dang / mngon par 'du byed pa med pa'i sgo dang / dge ba mngon par 'du byed pa'i sgo dang / ske ba kun tu ston pa'i sgo dang / 'byung ba med pa'i sgo dang / phung po dang khams dang / skye mched kyi sgo dang / skye ba med cing 'gag pa med pa'i sgo dang / skye ba dang 'byung ba'i sgo dang / dben pa'i sgo dang / sems can yongs su smin par byed pa'i sgo dang / chos kyi dbyings kyi sgo dang / chos thams cad kyi so sor srung ba'i sgo dang / nyan thos kyi theg pa'i sgo dang / byang chub sems dpa'i lhag pa'i bsam pa'i sgo dang / rang byang chub kyi sgo dang / sangs rgyas kyi chos ma rjed pa'i sgo ba ste/ sring me byang chub sems dpa' gang sgo gnyis nye bar ston kyang / sgo thams cad la yang chags pa med pa de ni thabs la mkhas pa zhes bya'o// de bzhin du 'dod chags kyi sgo dang / 'dod chags dang bral ba'i sgo dang / zhes sdang gi sgo dang / zhes sdang dang bral ba'i sgo dang / gti mug gi sga gi sgo dang / gti mug dang bral ba'i sgo dang / nyon mongs pa dang bral ba'i sgo dang / 'gro ba thams cad kyi sgo dang / 'gro ba med pa'i sgo dang / sring mo 'di ni byang chub sems dpa'i thabs la mkhas pa'o// byis pa so so'i skye bo thams cad kyi spyod pa'i sgo dang slong ba dang / mi slob pa dang nyan thos dang rang /
- 79a
@sangs rgyas dang / byang chub sems dpa'i spyod pa'i sgo gang yin pa de gnyis shes pa gang yin pa de ni/ byang chub sems dpa thabs la mkhas pa'o zhes bya'o// bam po// / yang de'i tshe na bcom ldan 'das bya rgod kyi phung be'i ri'i ngos kyi sman ljongs zhig na/ zha 'bring byed pa'i dge slong tshe dang ldan pa kun dga' bo dang / thabs cig tu ring du 'chags pas/ 'chag cing bzhugs so// de ltar bzhugs nas bcom ldan 'das kyis/ 'jam dpal gzhon nur gyur pa la/ 'jam dpal khyod kyis/ byang chub sems dpa'i brtson 'grus yang dag pa phul ba thabs la mkhas pa ji skad bstan pa de ni de bzhin te/ legs so// legs so zhes bya ba byin pa dang / legs so// zhes bya ba'i sgra des stong gsum gyi stong chen po'i 'jig rten gyi khams 'di dbyangs kyis go bar gyur cing / legs so zhes bya ba'i sgra de nyid kyis stong gsum gyi stong chen po'i 'jig rten gyi khams 'di rnam pa drug tu rab tu g.yos par gyur nas/ lha dang / kla dang / gnod sprin dang / dri za dang / lha ma yin dang / nam mkha' lding dang / mi 'am ci dang / lte 'che chen po dang / mi dang / mi ma yin pa rnams dang / brgya byin dang / tshongs pa dang / 'jig rten skyong ba mang po dag legs so// zhes bya ba'i sgra des skal nas/ bcom ldan 'das ga la ba
- 79b
der dong ste/ phyin nas/ bcom ldan 'das kyi zhabs la mgo bos phyag 'tshal te/ phyogs cig tu mkhod do// phyogs cig tu 'khod nas/ lha dang / klu dang / gnad sbyin dang / dri za dang / lha ma yin dang / nam mkha' lding dang mi 'am ci dang / lce che chen po dang / mi ma yin pa dang / brgya byin dang tshangs pa dang / 'jig rten skyong bo de dag gis/ bcom ldan 'das la 'di skad ces gsol to// bcom ldan 'das legs so zhes bgyi ba'i sgo gang gis stong gsum gyi stong chen po'i 'jig rten gyi khams dbyangs kyi go bar mdzad pa de/ bcom ldan 'das kyi su la rtsal/ bcom ldan 'das kyi bka' stsal pa/ lha'i bu de dag ni 'jam dpal gzhon nur gyur pa la'o// lha'i bu rnams kyis gsol ba/ bcom ldan 'das 'jam dpal gzhon nur gyur pa de da ltar gang na mchis/ bcom ldan 'das kyis bka' stsal pa/ lha'i bu dag 'jam dpal gzhon nur gyur pa ni/ rgyal po'i khab kyi grong khyer chen po'i shar phyogs kyi sgo na/ smad 'tsheng ma'i bu mo gser mchog 'od dpal zhes bya ba dang / lhan cig tu chos dang ldan pa'i gtam zer zhing 'dug gis lha'i bu dag gang dag chos nyan par 'dod pa dang der dengs shig/ de nas lha dang / klu dang / gnod sprin dang / dri za dang / lha ma yin dang / nam mkha' lding dang / mi 'am ci dang / lto 'phye chen po dang / mi dang / mi ma yin pa dang / brgya byin dang / tshangs pa dang / 'jig rten skyong bde dag
- 80a
thams cad lhan cig tu 'dus nas/ 'jam dpal gzhon nur gyur pa der dong ste/ byin pa dang / lus rags par sprul nas/ me tog gi char rgyal po'i khab kyi kho ra khor yug tu me tog chal bar bkram par gyur to// de nas lha rnams kyi kyang mi rnams mthong zhing / mi rnams kyis kyang lha rnams mthong ste/ phan tshun smra bar ni mi byed do// de ltar rgyal po'i khab kyi grong khyer chen po nas/ srog chags brgya stong phrag mang po dang / me tog de dag gis kyang bskul/ lha'i lus rags pa de dag gis bskul nas/ 'jam dpal gzhon nur gyur pa ga la ba der dong ngo // rgyal po ma skyes dgra yang bud med kyi tshogs rnams kyis bskor te/ dpung gi tshogs yan lag bzhi pa dang / lhan cig tu rgyal po'i 'byor pa chen po// rgyal po'i mthu chen pos 'jam dpal gzhon nur pA ga yab der song nas/ 'khor de dang / rgyal po ma skyes dgra dang / rgyal po dang / blon po'i bu rnams dang / tshong dpon dang / khyim bdag gi bu rnams kyis/ smad 'tshong ma'i bu mo gser mchog 'od dpal de/ 'dod chags kyi nyon mongs pa'i kun nas ldang ba dang bral te/ dbang po dang / spyod lam rab tu zhi zhing / dbang po mi yengs la ngo tsha shes pa dang / dpal gyis legs par brgyan pa mthong ngo // mthong nas kyang de la byin cad su yang 'dod pa'i rnam par rtog par mi skye bar gyur to// de nas 'das dpal gzhon nur gyur pas/ skye bo'i tshogs chen po de 'dus par rig nas/
- 80b
smad 'tshong ma'i bu mo gser mchog 'od dpal la 'di skad ces smras so// bu mo skye bo'i tshogs thams cad kyis khyod mthong yang phyir zhing chags pa med pa/ khyod kyi nyon mongs pa de dag gang du bzhag/ bu mos smras pa/ 'jam dpal sems can thams cad kyi nyon mongs pa rnams ni ye shes dang / rnam par grol ba las gnas pa dang / chos kyi dbyings la gnas pa ste/ de dag kyang ma skyed pa dang / ma bkag pa dang / ma sbyar bar de ltar bdag gis rtogs so// nyon mongs pa'i rang bzhin gang lags pa de yang lags bde yang bdag gis rtogs legs so// 'jam dpal gyis smras pa/ bu mo nyon mongs pa'i rang bzhin de ni gang yin/ bu mos smras pa/ 'jam dpal rtog pa ma mchis shing / rnam par rtog pa mchis pa'i rang bzhin ni nyon mongs pa'i rang bzhin lags so// tshul bzhin ma lags pa ma skyes pa'i rang bzhin ni/ nyon mongs pa'i rang bzhin lags so// nyon mongs pa rnams ni blo bur te/ stong pa nyid rtogs pa dang / lhan cig mi gnas so// mtshan ma mod pa/ smon pa med pa shes pa dang / lhan cig mi gnas so// rang bzhin gyis 'od gsal ba dang / lhan cig mi gnas so// 'jam dpal 'di lta ste dper na/ dug drag po'i sbrul gdug pa can bltas pa tsam gyi skye bo 'gum par gyur pa las/ der mi zhig gis dug thams cad 'jil ba dang / dug thams cad rab tu zhi bar bgyid pa'i sman gnod sel ces bgyi ba 'tshal te ma mchis nas/
- 81a
@de nas sman de bstan ma thag tu sbrul gdug de ma mchis par bgyis nas/ de la khye'u dang bu mo rnams brtse bas brtse zhing / khye'u dang bu mod dag sbrul gdug pa de dang lhan cig tu/ brtse bar bgyid de/ phad par len cing glo la se ral phreng du gtags te/ rgyan du bgyis kyang / tshig par mi bgyid/ zad par mi bgyid/ sdug bsngal du mi bgyid do// 'jam dpal de bzhin du bdag kyang sngon chos 'dul ba ma thos pas tshul bzhin ma lags pa yin la bgyid pa phyin ci log la nye bar gnas pa'i nyon mongs yongs su bsregs pa na/ 'dod chags kyis rang gi lus la chags shing / rang gi gzugs la mngon par zhen te/ gzugs dbu ba lta bur so sor rtog par mi bgyid/ lus sgyu ma'i chos nyid du ma 'tshal/ dga' ba'i rtsed me rmi lam lta bur ma 'tshal 'dod pa'i dga' ba'i ro myang ba sbrang rtsi thigs pa lta bur ma 'tshal/ srog gis dbang po zil pa'i thigs pa lta bur ma 'tshal/ 'du byed thams cad mi rtag par ma mtshal/ lus mi sdug par ma 'tshal/ 'du byed thams cad shin tu sdug bsngal bar ma 'tshal cing / chos thams cad bdag ma 'chis par so sor rtog par mi bgyid de/ bdag kyang mun pa bdag gis bsgribs shing / gzhan la yang nun par bgyid/ bdag kyang bcings shig/ gzhan la yang 'ching bar bgyid pa las/ 'jam dpal gang gi tshe bdag gis khyod las chos dang ldan pa'i bka' mchis thos te/ thos nas kyang mos shing mos nas kyang rnam par
- 81b
grol te/ de'i slad du bdag da ltar dang slan cad chags pa'i mig gis su la yang blta bar mi bgyid do// de ci'i slad du zhe na/ 'jam dpal snang ba ni mun pa dang lhan cig mi gnas so// 'jam dpal de bzhin du 'dod chags dang bral ba ni su yang nyon mongs pa rnams la chags pa ma mchis pa'i slad du'o// de nas yang 'jam dpal gzhon nur gyur pa la/ smad 'tsheng ma'i bu mo gser mchog 'od dpal gyis 'di skad ces smras so// kye ma 'jam dpal lha'i 'khor dang mi'i 'khor chen po 'di 'dus kyis/ gang gi lha dang mi 'di dag gis nyon mongs pa'i rang bzhin de dag rtogs nas/ sems can rnams la snying rje bas/ bla na med pa yang dag par rdzogs pa'i byang chub tu sems bskyed par 'gyur ba/ de lta bu'i chos kyi bka' 'ching par khyod spobs par mdzod cig/ 'jam dpal gyis smras pa/ sring me nyon mongs pa'i rang bzhin la ni mes par dka'o// de ci'i phyir zhe na/ srid me nyon mongs pa ni skyon no// stobs rnams dang / dbang po rnams dang / mi 'jig pa rnams dang / so so yang dag par rig pa rnam thob par bya'o// snyam pa ni skyon no// spobs pa sgrub po ni skyon no// byang chub sems dpa' ni ji tsam du spong ba dang / rtog pa dang / len pa dang / 'dor ba de tsam du skyon no// mtshan ma thams cad ni skyon no// rtog pa thams cad ni skyon no// 'jug pa thams cad ni skyon no// de la chos de dag med pas ni de'i phyir skyon med pa zhes bya'o// gang skyon med pa de ni chos nyid yin pas de'i phyir chos
- 82a
skyon med pa zhes bya ste/ de yang sangs rgyas bgro ba zhes bya'o// gzhan yang sangs rgyas 'gro ba ni 'di lta ste/ byang chub sems dpa'i sems dang po bskyed pa bsgrub pa'o// de la byang chub sems dpa'o sems dang po bskyed pa gang zhes na/ 'di lta ste/ mi skye ba sgrub pa'o// de ci'i phyir zhe na/ sems cad thams cad ni sems med pa'o// gang sems med pa de ni mi skye ba ste/ 'di lta ste/ ma skyes pa'i chos rnams la bzod pa de ni sems dang po bskyed pa'o// gzhan yang byang chub sems dpa'i sems dang po bskyed pa ni/ gang go cha brtan pa 'di yin te/ de la go cha brtan pa gang zhes na/ 'di la byang chub sems dpa'i rdo rje lta bu'i sems bskyed pa gang zhe na/ bcu po 'di dag ni byang chub sems dpa'i rdo rje lta bu'i sems bskyed pa'o// bcu po gang zhe na/ 'di lta ste/ 'khor ba dpag tu med pa yongs su len pa'i go cha dang / bdog pa thams cad yongs su btong ba dang / sems can thams cad la snyoms pa dang / bdag gis sems can thams cad sangs rgyas kyi mya ngan las 'da' bas yongs su mya ngan las bzla bar bya ste/ sems can thams cad yongs su mya ngan las bzlas kyang sems can gang yang yongs su mya ngan 'da' bar ma gyur pa dang / chos thams cad ma skyes par shes shing / brtson 'grus mi gtong ba dang / sems can thams cad la bya ba'i ye shes kyi smon lam dang ldan pa dang / thams cad mkhyen pa'i ye shes yongs su bsgrub pa dang / tshul gcing
- 82b
par rtogs pa dang / dga' ba dang / mi dga' ba la mi lta ba dang / chags pa dang / khong khro ba spangs pa ste/ bdag ni byang chub sems dpa'i rdo rje lta bu'i sems bskyed pa zhes bya'o// gzhan yang byang chub sems dpa' sems dang po bskyed pa bsgrub pa ni 'di lta ste/ khams gsum gyi 'du shes bskyed pa thams cad kyang mi byed la/ 'du shes mi bskyed par mi ltung nga'o// gzhan yang sangs rgyas bgro ba ni 'di lta ste/ b.ri byin badrug gi rab tu bdad pa'o// pha rol tu byin pa drug gis rab tu ba dang gag shos/ sbyin pa'i pha rol tu phyin pa la 'jig rten pa'i yang yod/ 'jig rten las 'das pa'i yang yod do// de bzhin du shes rab kyi pha rol tu phyin pa'i bar du 'jig rten pa'i yang yod/ 'jig rten las 'das pa'i yang yod do// de la sbyin pa'i pha rol tu phyin pa 'jig rten pa'i yin gyi/ 'jig rten las 'das pa'i ma yin pa gang zhe na/ 'di la byang chub sems dpa' sbyin par byed pa sbyin pa'i bsam gtan dang / shes rab kyang gnas pa ni 'jig rten gyi'o// mi gnas pa ni 'jig rten las 'das pa'o// yang 'jig rten gyi bya ba thams cad la yi ge 'bru dang lag brda' dang / grangs dang / bgrang ba dang / sngags dang / gtsug lag la shes pa 'di ni 'jig pa'i shes rab ces bya'o// yang gang 'jig rten las 'das pa'i shes rab de ni bdags su med pa/ bshad du med pa'o// de ltar na pha rol tu phyin pa drug gi rab tu tha dad pa yin te/ de yang sangs rgyas 'gro ba yin no// bcom ldan 'das
- 83a
'jug srid kyi rgyal po// de bzhin gshegs pa sangs rgyas kyi zhing du bstan pa 'di snyan pa'i tshe/ byang chub sems dpa' khrag khrig phrag bdun mi skye ba'i chos las bzod pa skyes so// stong gsum gyi stong chen po'i 'jig rten gyi khams de yang rnam pa drug tu g.yos so// gzhan yang sangs rgyas 'gro ba ni 'di lta ste/ byang chub sems dpa' rnams kyi sa nas sar 'bar ba'o// sa nas sar 'phar ba gang zhe na/ 'di lta ste/ chos thams cad mi 'pho ba ste/ chos thams cad mi 'pho zhing mi 'jig pa'o// des la yang rlom sems med/ sems pa med la/ sa'i spong ba yang med mod kyi/ sa la yang dag par rjes su mthong yang med do// sa spong ba gang zhe na/ 'di lta ste/ sa dang po la gnas pa'i byang chub sems dpa' sbyong ba bcu bya'o// bcu gang zhe na/ bsam pa lhag pa'i sbyong ba dang / phan pa'i dngos po spong ba dang / sems can thams cad la sems mnyam pa'i spong ba dang / dge ba'i bshes gnyen la snyan pa'i spong ba dang / chos yongs su tshol ba'i spong ba dang / phyi phyir zhing 'byung ba sbyong ba dang / sangs rgyas kyi sku 'dong ba'i sbyong ba dang / zang zing med pa'i chos kyi sprin 'chad pa'i spong po dang / nga rgyal gyis khengs pa 'joms pa'i sbyong ba dang / bden pa'i tshig sbyong ba dang / sbyong ba bcu po 'di dag ni sems dpa'i sa gnyis la gnas po'i byang chub sems dpas ni phyi phyir zhing chos brgyad yid la byas te/ de la yang des nan tan bya'o// brgyad po
- 83b
gang zhe na/ 'di lta ste/ tshul khrims yongs su dag pa dang // byas pa gzo zhing byas pa shes pa dang // bzod pa'i mthu la gnas pa dang // dga' ba dang / mgu bar myong bar byed pa dang / sems can thams cad yongs su ma gtong ba dang / snying rje chen po la ma rmongs pa dang / bla ma la gus par 'du shes pa dang / pha rol tu phyin pa la brtson pas tshe la ba ste/ chos brgyad po de dag ni byang chub sems dpa' sa gnyis la gnas pa'i byang chub sems dpa' phyi phyir yid la bya zhing de dag la bslab par bya'o// gzhan yang byang chub sems dpa' sa gsum pa la gnas pa'i byang chub sems dpa'/ chos lnga la gnas par bya'o// lnga gang zhe na/ 'di lta ste/ mang du thos pas mchog mi shes pa dang / zang zing med pas sbyin pa 'chad pa dang / sangs rgyas kyi zhing yongs su sbyong ba'i dge ba'i rtsa ba yongs su bsngo bar byed pa dang / 'khor ba dpag tu med pas mi skyo ba dang / ngo mtshar ba dang ba'i rang bzhin ni byang chub yin pa'i phyir ro// sring mo 'di lta ste/ dper na/ me ma sbar ba ni sreg pa'i bdag nyid ma yin no// sring mo de bzhin nyon mongs pa yang yong su ma rtogs na/ 'khor ba'i bdag nyid ma yin no// sring mo 'di lta ste/ dper na/ me sbar ba ni sreg pa'i bdag nyid yin no// sring mo de bzhin du nyon mongs pa yang yongs su ma rtags na/ 'khor ba'i bdag nyid yin no// sring mo 'di lta ste/ dper na/ me ni rgyu yod na 'bar ro// sring mo nyon mongs pa rnams kyang lta ba'i kun nas ldang ba'i rgyu yod na khams
- 84a
@gsum du 'bar ro// sring mo 'di lta ste/ dper na/ mi ni rgyu med na mi 'bar ro// sring mo de bzhin du nyon mongs pa rnams kyang lta ba'i kun nas ldang ba'i rgyu med na khams gsum du mi 'bar ro// sring mo 'di lta ste/ dper na/ lo stong du 'bar ba'i me la ni skye ba dang 'bri ba med do// sring mo de bzhin du bskal ba brgya stong du rgyu ba'i nyon mongs pa la yang skyes pa dang 'bri ba med do// sring mo 'di lta ste/ dper na/ me shi ba la ni me zhes mi gdags so// sring mo de bzhin du nyon mongs pa zhi ba la yang nyon mongs pa zhes mi bdags so// dper na/ nam mkha' gang la me 'bar ba yang nam mkha' ni me des tshig par mi nus so// sring mo de bzhin du gang rang bzhin gyis 'od gsal la glo bur gyi nyon mongs par 'byung yang / rang bzhin gyi 'od gsal ba de ni glo bur du nyon mongs pa des/ kun nas nyon mongs par byed mi nus so// sring mo 'di lta ste/ yang gzugs kyi lus la ji ltar lta bar bya/ bu mos smras pa/ 'jam dpal dper na/ 'tsho bran gyi chab kyi nang gi chu zla bzhin du'o// 'jam dpal gyis smras pa/ bu mo phung po rnams ji ltar blta bar bya/ bu mos smras pa/ 'jam dpal dper na/ de bzhin gshegs pa'i sprul pa bzhin du'o// 'jam dpal gyis smras pa/ bu mi khams rnams ji ltar lta bar bya/ bu mos smras pa/ 'jam dpal dper na/ khams gsum bskal pa'i mes bsregs par gyur bzhin du'o// 'jam dpal gyis smras ba/ bu mo skye mched rnams ni ji ltar blta bar bya/ bu mos smras pa/ 'jam dpal dper na/ mngon par 'du bya ba'i las mngon par 'dus ma bgyis pa bgyis bzhin du'o//
- 84b
'jam dpal gyis smras pa/ bu mo 'khor 'di ji lta bar bya/ bu mos smras pa/ 'jam dpal dper na/ 'khor 'di ni steng gis nam mkha'i mtshams bzhin du'o// 'jam dpal gyis smras pa/ bu mo khyod ji ltar blta bar bya/ bu mos smras pa/ 'jam dper na/ bdag gi pha dang ma gnyis phrad pa ma mchis pa bzhin du'o// 'jam dpal gyis smras pa/ bu me ji ltar blta bar bya/ bu mo smras pa/ 'jam dpal dper na/ long ba gzugs la lta ba bzhin du'o// 'jam dpal gyi smras pa/ bu mo khyod kyis chos 'di dag thos sam/ bu mos smras pa/ 'jam dpal dper na/ rgyu ma sprul pa'i rnam par rig pa lta bus thos lags so// 'jam dpal gyis smras pa/ bu mo khyod bla na med pa yang dag par rdzogs ba'i byang chub 'dod dam/ bu mos smras pa/ 'jam dpal bdag nyid byang chub lags te/ yang 'dod par mi bgyid do// 'jam dpal gyis smras pa/ bu mo khyod kyis sprin pa'i pha rol tu phyin pa la spyod dam/ bu mos smras pa/ 'jam dpal bdag gis nyon mongs pa thams cad btan du yongs su btang bas/ spyad legs so// 'jam dpal gyis smras pa/ bu mo khyod kyis tshul khrims kyi pha rol tu phyin pa yongs su rdzogs par byas sam/ bu mos smras pa/ 'jam dpal nam mkha' yongs su rdzogs pas yongs su rdzogs par bgyis lagaso// 'jam dpal gyis smras pa/ bu mo khyed bzod pa'i pha rol tu phyin pa bsgoms sam/ bu mos smras pa/ 'jam dpal sems can thams
- 85a
cad skye ba ma mchis pa dang / 'byung ba ma mchis pas bsgoms lags so// 'jam dpal gyis smras pa/ bu mo khyad kyis brtson 'grus kyis pha rol tu phyin pa rtsams sam bu mos smras pa/ 'jam dpal chos thams cad thob par bgyi ba ma mchis pa'i tshul gyis brtsams legs so// 'jam dpal gyis smras pa/ bu mo khyod kyis bsam gtan gyi pha rol tu phyin pa la gnas sam/ bu mos smras pa/ 'jam dpal chos kyi dbyings gnas pa ma mchis pa'i tshul gyis bdag gnas lags so// 'jam dpal gyis smras pa/ bu mo khyod kyis shes rab kyi pha rol tu phyin pa yongs su rdzogs par byas sam/ bu mos smras pa/ 'jam dpal lhag chad ma mchis par yongs su rdzogs par bgyis lagaso// 'jam dpal gyis smras pa/ bu mo khyod kyis byams pa bsgoms sam/ bu mos smras pa/ 'jam dpal sems can thams cad mi srid pa'i tshul gyis bsgoms pa lags so// 'jam dpal gyis smras pa/ bu mo byang chub sems dpa'i snying rje chen po gang nas btsal bar bya/ bu mos smras pa/ 'jam dpal byang chub sems dpas snying rje chen po ni/ sems can thams thams cad kyi nyon mongs pa rnams las btsal bar bgyi'o// de ci'i slad du zhe na/ gal te sems can rnams kyi nyon mongs pa ma mchis par gyur na/ byang chub sems dpa' yang bla na med pa yang dag par rdzogs pa'i byang chub tu sems skye bar mi 'gyur ba'i slad
- 85b
du'o// 'jam dpal gyis smras pa/ bu mo byang chub sems dpas dga' ba gang las btsal bar bya/ bu mos smras pa/ lhag pa'i bsam pa dang ldan pa'i byang chub kyi sems lags so// 'jam dpal gyis smras pa/ bu mo byang chub sems dpa'i gtang snyoms ji zhig byed/ bu mos smras pa/ 'jam dpal byang chub sems dpa'i gtang snyoms ni sems can thams cad la mi slu ba/ yongs su rdzogs par bgyid pa dang / chos thams cad la 'gal ba ma mchis par nye bar bgyid pa'o// 'jam dpal gyis smras pa/ bu mo 'gal ba zhes bya ba ni ji lta bu yin/ bu mos smras pa/ gang dag ma mchis pa'i nyon mongs pa rnams spang ba'i slad du/ byang chub la rab tu zhugs pa dag go 'jam dpal gyis smras pa/ de dag gang dang mgal/ bu mos smras pa/ phas kyi rgol ba thams cad dang ngo // 'jam dpal gyis smras pa/ bu mo phas kyi rgol ba dag gang yin/ bu mos smras pa/ gang dag bzod pa'i sgoms sems kyis gzhan la rgol ba dag lags so// 'jam dpal gyis smras pa/ bu mo bzod pa zhes bya ba gang las 'ong / bu mos smras pa/ 'jam dpal sems can thams cad kyi tho btsam pa las 'chi'o// de ci'i slad du zhe na/ zo tsam pa ma mchis na bzod pa ci yang ma mchis pa'i slad du te/ 'dam dpal gang la sems can thams cad kyi the btsams pan/ 'khrug pa ma mchis shing gnod pa ma bgyid pa de bzod pa bsgom pa legs so// 'jam dpal gyis smras pa/ bu mo 'od
- 86a
ba zhes bya ba ji lta bu yin/ bu mos smras pa/ 'jam dpal gang gis bskal pa brgyar brtsegs pa'i dge ba'i rtsa ba rnams la gnod par bgyid pa 'di ni khong khro ba zhes bgyi'o// 'jam dpal gyis smras pa/ bu mo khang khro ba med pa zhes bya ba ji lta bu yin/ bu mos smras pa/ 'jam dpal gang gis sems la zhe 'gras pa ma mchis shing / yul thams cad la gnod par mi bgyid pa ste/ de ni bzod pa la rig par bgyi'o// 'jam dpal gyis smras pa/ bu me ji ltar na byang chub sems dpa' g.yul las rnam par rgyal ba yin/ bu mos smras pa/ 'jam dpal gang chos thams cad la rnam par 'byed kyang mi dmigs pa lags so// 'jam dpal gyis smras pa/ bu mo ji ltar na byang chub sems dpa' bdud phyir brgol ba bcom pa yin/ bu mos smras pa/ gang bdud thams cad 'dul bar bgyid kyang nyon mongs pa ma mchis ste/ de ci'i slad du zhe na/ 'jam dpal byang chub sems dpa' ni/ phung po rnams ston kyang phung po'i nyon mongs pa rnams dang lhan cig mi gnas pa dang / 'jam dpal byang chub sems dpa' ni nyon mongs pa rnams ston kyang rang bzhin chos nyid kyis chags pa ma mchis pa dang / 'jam dpal byang chub sems dpa'i ni lha'i bu dag ston kyang phra dog dang rlom sems thams cad dang bral ba'i slad du'o// 'jam dpal gyis smras pa/ sa byang chub sems dpa' ji ltar sems can yongs su smin par byed/ 'jam dpal byang chub sems dpa' sems can yongs su smin par bgyi ba'i
- 86b
slad du brga ba dang / 'chi ba ston kyang chos thams cad la 'chi 'pho dang 'gro ba ma mchis par rab tu rtogs pa dang / 'jam dpal byang chub sems dpa' shes rab dang thabs yongs su bsgoms pas/ sems can yongs su smin par bgyid do// 'jam dpal gyis smras pa/ bu mo byang chub sems dpas ji ltar sems can thams cad kyi drung du gnas par bya/ bu mos smras pa/ 'jam dpal rang gi sems dang shes pa yongs su bsgom pas/ byang chub sems dpas sems can thams cad kyi drung du gnas par bgyi'o// 'jam dpal gyis smras pa/ bu mo 'khor 'di ni khyod 'di ni khyod la chos nyan par 'dod do// bu mos smras pa/ 'jam dpal gang du bdag dang gzhan gyi 'du shes 'jug pa de ni nyan bar 'tshal ba ma lags la/ gang la rna ba'i rnam par rig pas rnam par shes pa 'jug pa yang nyan par mtshal ba lags so// 'jam dpal gyis smras pa/ bu me chos nyan par 'dod pa zhes bya ba ji lta bu yin bu mos smras pa/ 'jam dpal gang gi tshe rang gis lus la rmi lam gyi lta bur mos pa dang / chos ston pa la rgyu ma'i lam lta bur mos pa dang / bstan pa'i chos de la yang brag ca'i sgra skad lta bur mos pa dang / rnam par grol ba la yang gnyis su mi bgyid pa de tsam gyis na chos nyan par 'tshal ba lags so// 'jam dpal gyis smras pa/ bu mo chos ji ltar nyan par bya/ bu mos smras pa/ chos la nan tan bgyid pa chos nyan par bgyi'o// de nas 'jam dpal gzhon nur gyur pa'i byin gyis rlabs dang /
- 87a
rang gi dge ba'i rtsa ba bstsags pa'i shes rab kyis smad 'tshong ma'i bu mo gser mchog 'od dpal gyis de ltar chos bstan pa na/ 'khor de las srog chags khri gnyis stong gis/ bla na med pa yang dag par rdzogs pa'i byang chub tu sems bskyed par gyur to// byang chub sems dpa'i theg pa pa sngon dge ba'i rtsa ba bstsogs pa'i lha dang / mi lnga brgya ni skye ba'i chos la bzod pa thob par gyur to// srog chags gsum khri nyis stong ni chos kyi mig rdul med cing dri ma dang bral bas rnam par dag go/ bu mo de yang chos nyan pa'i dga' ba dang / mchog tu dga' bas chos rnams la rjes su 'thun pa'i bzod pa thob par gyur to// de nas bzod pa thob nas/ 'jam dpal gzhon nur gyur pa'i keng la gtugs te/ 'jam dpal thugs rtse ba'i slad du bdag rab tu 'byung du gsol/ tshul bzhin ma lags par skyed pa/ 'phags pa ma lags pa 'phags pa'i chos las nyams par bgyid pa'i lus thar bar mdzad du gsol/ zhes rab tu byung bar gsol ba btab bo// 'jam dpal gyis smras pa/ sring mo 'di lta ste/ mgo'i skra 'dreg pa de ni/ byang chub sems dpa'i rab tu byung ba ma yin no// de ci'i phyir zhe na/ bu mo gang sems can thams cad kyi nyon mongs pa gcang ba'i phyir brtson pa de ni/ byang chub sems dpa'i rab tu byung ba yin pa'i phyir ro// bu mo gang gos ngur smrig 'chang ba de ni byang chub sems dpa'i rab tu 'byung ba ma yin gyi/ bu mo gang bdag nyid kyang bslab pa dang tshul khrims
- 87b
yang dag par blangs la/ tshul khrims 'chal pa'i sems can rnams kyang tshul khrims kyi sdom pa dang / brtul shugs la yang dag par sbyor bar byed pa de ni byang chub sems dpa'i rab tu 'byung ba yin no// bu mo gang bdag nyid dben par gnas pa de ni/ byang chub sems dpa'i rab tu 'byung ba ma yin gyi/ bu mo gang 'gro ba lnga'i 'khor ba na rnam par rgyu ga pa'i sems can rnams/ dben pa shes pa la 'god par byed pa de ni/ byang chub sems dpa'i rab tu byung ba zhes bya'o// kha dog dang gzugs kyi rtags kyi spyod lam gyi dbyibs ni/ byangang chub sems dpa'i rab tu 'byung ba ma yin gyi/ sems can gzhan dang gang zag gzhan dag la byams pa dang snying rje'i sems snyed pa ni byang chub sems dpa'i rab tu 'byung ba yin no// bdag gi dge ba'i rtsa ba bskyed pa ni byang chub sems dpa'i rab tu 'byung ba ma yin gyi/ sems can gzhan gyi dge ba'i rtsa ba skyed pa ni byang chub sems dpa'i rab tu 'byung ba yin no// bdag yongs su mya ngan las 'das pa'i lhag pa'i bsam pa la gus pa ni byang chub sems dpa'i rab tu 'byung ba ma yin gyi/ sems can gzhan yongs su mya ngan las be zla ba'i lhag pa'i bsam par gus pa ni/ byang chub sems dpa'i rab tu 'byung ba ma yin no// bdag gi nyon mongs pa zhi bar byed pa ni bya chub sems dpa'i rab tu 'byung ba ma bgyi/ sems can thams cad kyi nyon mongs pa zhi bar byed pa ni/ byang chub sems dpa'i rab tu 'byung ba yin no// bdag gi sems
- 88a
rjes su srung ba ni byang chub sems dpa'i rab tu byung ba ma yin gyi/ sems can thams cad kyi rjes su srung ba ni/ byang chub sems dpa' rab tu byung ba yin no// bdag thar par bya ba la brtson pa ni/ byang chub sems dpa'i rab tu 'byung ba ma yin gyis/ sems can thams cad bar ba la brtson pa ni/ byang chub sems dpa'i rab tu byung ba yin no// bu mo 'khor bas bskye ba ni/ byang chub sems dpa'i rab tu 'byung ba ma yin gyi/ sems can thams cad 'khor ba las grol bar bya ba la dga' ba ni/ byang chub sems dpa'i rab tu byung ba yin no// bu mo mya ngan las 'das pa 'da' ba la dga' ba ni byang chub sems dpa'i rab tu byung ba ma yin gyi/ sangs rgyas kyi chos thams cad yongs su rdzogs par byed pa ni/ byang chub sems dpa'i rab tu byung ba yin no// bu mo rab tu 'byung ba zhes bya ba de ni sems can gzhan dag snying rje che zhes bya ba'i tshig bla dgas so// bu mo rab tu 'byung ba zhes bya ba de ni/ gzhan gyi 'khrul pa la skyon du mi lta ba zhes bya ba'i tshig bla dgas so// bu mo rab tu 'byung ba zhes bya ba de ni gzhan gyi rnyed pa phra dog med pa zhes pa'i tshig bla dgas so// bu mo rab tu 'byung ba zhes bya ba de ni bdag dang gzhan la gdung ba med zhes bya ba'i tshig bla dgas so// bu mo rab tu 'byung ba zhes bya ba de ni ga la mi smod pa zhes bya ba'i tshig bla dgas so// / bu mo rab tu 'byung ba zhes bya ba de ni gzhan sten pa zhes bya ba'i tshig bla dgas so// bu mo rab tu 'byung ba zhes bya ba'i de ni gzhan gyi
- 88b
ltung ba mi gleng ba zhes bya ba'i tshig bla dgas so// bu mo rab tu 'byung ba zhes bya ba de ni nyes pa thams cad las 'byin pa zhes bya ba'i tshig bla dgas so// bu mo byang chub sems dpa'i rab tu 'byung ba ni gzhan las rag las pa yin te/ byang chub sems dpas gzhan las rag las par bya'o// bu mos smras pa/ 'jam dpal ji ltar na byang chub sems dpa'i rab tu 'byung ba ni gzhan la rag las pa lags/ 'jam dpal gyis smras pa/ bu mo rab tu byang ba ni tshul khrims las rag las pa yin te tshul khrims 'chal ba ni rab tu 'byung ba ci yang med do// bu mo rangab tu 'byung ba ni ting nge 'dzin la rag las pa yin te/ brjed ngas pa la rab tu 'byung ba ci yang med do// bu mo rab tu 'byung ba ni shes rab la rag las pa yin te/ shes rab 'chal pa la ni rab tu 'byung ba ci yang med do// bu mo rab tu 'byung ba ni rnam par grol ba la rag las pa yin/ sems rnam pamagrol ba la ni rab tu 'byung ba ci yang med do// / bu mo rab tu 'byung ba ni rnam par grol ba'i ye shes mthong ba la 'ag las pa yin te/ rnam par grol ba'i ye shes ma 'ong ba med pa la ni rab tu 'byung ba med do// bu mos smras pa/ 'jam dpal ji ltar na byang chub sems dpa'i rab tu 'byung ba gzhan la rag las pa ma mchis pa lags/ 'jam dpal gyis smras pa/ du mo byang chub sems dpa' ni gzhan gyis dring mi 'jog pas na/ gzhan la rag las bo ste/ rang gi kun nges pa'i legs kyis 'dis gang ji shes pa de dag gis kyang shes la/ 'di gang ci smras pa de dag kyang sngas
- 89a
so zhes gzhan dag gis ngor mi lta bas na/ gzhan la reg las pa med pa yin no// 'jam dpal gzhon nur gyur pas/ rab tu byung ba'i le'u chos kyis rnam grangs 'di bshad pa na/ legs par bshad pa'i phyir byang chub sems dpa' lnga brgyas rang rang gi gos dang rgyan thams cad lus las phud de/ 'jam dpal gzhon nur gyur pa phul nas/ 'di skad ces smras so// 'jam dpal khyod kyis byang chub sems dpa' rnams kyi rab tu 'byung bar legs par bshad de/ bdag cag rnams kyis kyang rab tu 'byung ba 'di bsgrubs par bgyi'o// de nas 'jam dpal gzhon nur gyur pas/ smad 'tshong ma'i bu mo gser mchog 'od dpal la 'di skad ces smras so// bu me khyod rta'i shing rta 'di la zhen la tshong dpon gyi bu 'jigs byin la snying brtse ba'i phyir yongs su smin par gyis shig dang / de nyid kyis khyod rab tu 'byung ba dang bsnyen par rdzogs par 'gyur ro// de nas skye bo phal po che de dag 'di snyam du sems/ 'dod chags dang bral ba dang / 'dod chags da bral ba gnyis lhan cig gnas su ji ltar rung snyam mo// de nas bu mo des skye bo phal po che de dag gi sems kyi yongs su rtog pa sems kyi shes nas/ skye bo phal po che de dag la 'di skad ces smras so// grogs po dag 'dod chags dang bral ba'i byang chub sems dpa' ni 'dod chags dang bcas pa'i sems can rnams dang lhan cig gnas kyang kha na ma thob med la/ 'dod chags dang bcas pa'i sems can
- 89b
rnams kyang 'dul bar byed do// grogs po de dag zhe sdang dang bral ba'i byang chub sems dpa' ni zhe sdang dang bcas pa'i sems can rnams dang lhan cig gnas kyang / kha na ma the ba med la/ zhe sdangabacas pa'i sems can rnams kyang 'dul bar byed do// grogs po dag gti mug dang bral ba'i byang chub sems dpa' ni gti mug dang bcas pa'i sems can rnams dang lhan cig gnas kyang kha na ma tho ba med la gti mug dang bcas pa'i sems can rnams kyang 'dul bar byed do// grogs po dag nyon mongs pa dang bral ba'i byang chub sems dpa'i ni nyon mongs dang bcas pa'i sems can rnams dang lhan cig gnas kyang kha na ma tho ba med la/ nyon mongs pa dang bcas pa'i sems can rnams kyang 'dul bar byed de/ grogs po dag 'di lta ste/ dper na/ ma ni bu dang lhan cig gnas kyang chags pa med do// grogs po dag de bzhin du byang chub sems dpa' yang sems can thams cad dang lhan ci gnas kyang chags pa med do// grogs pa de dag 'di lta ste/ dper na/ bcings pa las grol ba'i mi ni/ 'dod chags kyi kun tu spyad pa la mi spyod do// grogs po dag de bzhin du byang chub sems dpa' yang khams gsum pa thams cad 'ching ba dang 'ob ngas lto bur 'du shes pas chags pa med do// de nas smad 'tsheng mo'i bu mo gser mchog 'od dpal chos kyi 'bub stegs su ni zhugs/ gting ni brnyed/ zang la ni phyin/ ma rig pa'i mun pa dang ni bral te/ srid pa'i skyon gyi nyon mongs pa 'jig par lta ba ni legs par mthong nas/
- 90a
'jam dpal gzhon nur gyur pa'i rkang pa las mgo bos phyag 'tshal te/ lan gsum bkor ba byas nas/ shing rta la zhon gar tshigs su bcad pa 'di dag smras so// rang bzhin rnam dag chags pas yin nam ma chags shing // rtag tu byams sems sdang bas sdang ba med// shes rab snang shar gti mug mongs bral ba// nyon mongs med par shing rta zhon par bya// gang gis sngon phyed dag ni rgyal gyur cing // nor chags tshong dpon bu dang lhan cig tu// shing rtar zhugs nas bskyed mos tshal sod nas// 'dod pa'i rnams rtog de dag gang du song // ji ltar sprin tshegs skyugs bos sa khebs na// nyi ma'i 'od zer lha me lha nas min// 'on kyang 'od gzer de dag gar mi 'gro// sprin gyis bsgribs pas snang ba med du zad// de bzhin nyon mongs bsgribs pas byis pa kun// shes par snang la blo skye med pa yang // shes rab yul gang na yang gnas pa med// nyon mongs phyogs su shes pas shes rab snang // nyon mongs gang nas 'ong ba'ang ma yin zhing // yul gyi phyogs char 'ong ba ma yin te// tshul bzhin ma yin pa las nyon mongs 'byung // tshul bzhin bgyis na de dag 'byung mi 'gyur// bor ba med cing blangs pa'ang yod ma yin// bskyed pa med cing bkag ba lnga yong ma yin// gzhan la ma byin thogs pa'ang ma yin// chos can nyid kyis de dag kyang rnam par dag/ 'bru mar sgron ma mun par phyung ba na/ mun po phyogs su 'dong
- 90b
ba med pa ltar// shes rab kyis ni mun pa med pa gyur na// nyon mongs zag gyur med cing 'byung ba'ang med// ji ltar sman pas nad pa gso' ba na// de'i khams ni 'jig par/ mi byed kyang // de'i blo bur nad ni zhi bar 'gyur// nad rnams bzhan yang 'byung ba med pa ltar// de bzhin sman pa'i dam pa 'jam dbyangs kyis// rigs pa'i tshul mkhyen spor ba sna tshogs kyis// sems can nyon mongs nye bar zhi mdzad kyang // chos rnams rnam par 'jig par mdzad pa med// phung po 'di dang khams rnams 'di dag dang // skye mched 'di rnams gtan du 'gyur ba med// gang dag sngon chad nyes ldan dug gcad pas// de dag da ni dug med 'gyur ba med// de nas smad 'tsheng ma'i bu mo gser mchog 'od dpal gyis tshigs su bcad pa de dag smras nas/ yang 'jam dpal gzhon nur gyur pa'i rkang pa la mgo bos phyag byas te/ yang 'jam dpal gzhon nur gyur pa la bskor ba byas nas/ tshong dpon gyi bu 'jigs sprin dang / lhan cig tu shing rta la zhon nas/ de lta bu'i 'byor pa nyid kyis bskyed mos tshal du song ngo // 'jam dpal gzhon nur gyur bas kyang thams cad dang ldan pa'i 'khor de la chos dang ldan pa'i gtam gyi yang dag par bstan/ yang dag par 'dzin du bcug/ yang dag par gzengs bstod// yang dag par rab tu dga' bar byas so// yang dag par bstan/ yang dag par 'dzin du bcug/ yang dag par bzengs bstod/ yang dag par rab tu dga' bar byas nas/ de dag la
- 91a
'di skad ces smras so// grogs po dag gang dag chos nyan par dga' ba rnams/ yang phyi gro'i dus kyi tshe de bzhin gshegs pa'i spyan sngar dengs shig/ de skad ces smras nas/ sa phyogs de nas langs te/ rang rang gi gnas ga la ba der logs su song ngo // de nas smad 'tsheng ma'i bu mo gser mchog 'od dpal dang / tsheng dang gyi bu 'jigs byin gnyis lhan cig tu/ bskyed mos tshal du phyin pa dang / der me tog chal par bkram ste/ bdug pas bdugs bla re bres nas bdugs dang rgyal mtshan dang / ba dan sna tshogs kyis legs par brgyan te/ bza' ba dang / bdung ba'i sbyor ba dag kyang bsham nas/ dga'i ba'i rtsed mo dang rjes su 'thun pa'i sil snyen dang / pheg rtob par klu dbyangs len pa byed cing bskyed mos tshal na gnas par gyur to// de dag gis zos shing 'thus nas rab tu myos par gyur pa dang / smad 'tsheng ma'i bu mo gser mchog 'od dpal gyi tshong dpon gyi bu 'jigs sbyin gyi pang par sngas bcas te nyal lo// de nas bu mo des mngon par shes pa'i stobs kyis rang gi lus rnyis par bstan nas/ de mchi ba'i 'du shes bskyed de/ de'i lus thams cad mi sdug par gyur nas/ ro myags pa 'dra bar snang zhing / de'i rna ba'i bu gnyis dang mig gi dbang po dang / sna'i nang nas mi gtsang ba dri mi zhim pa dag 'byung zhing byung nas kyang lus thams cad la khyab par gyur to// de'i kha'i nang nas kyang dri mnam po dag byung ste/ dri mnam pa de dag gis bskyed mos tshal thams cad kyang khyab par
- 91b
gyur to// spu'i khung bu thams cad nas kyang khyab par gyur to// spu'i khung bu thams cad kyang khrag dang nag mnam po dag 'dzag go// lto ba dang lte nga'i dbus rdol nas kyang mcher ba dang / rgyu ma thams cad byung ngo // ku ba dang 'doms nas kyang bsham lci dag 'byung zhing 'dzag go// de'i ni bos nas kyang glad pa 'dzag go// rkang lag gi sor mo rnams la yang sbrang ma sngon po dag rgyu bar gyur to// de nas tsheng dpon gyi bu 'jigs sprin gyis/ bu mo de'i lus la de lta bu'i gnas bskabs su gyur pa dag mthong ngo // mthong nas kyang 'jigs skrag te/ yi chad cing skabs med rten med/ dpung gnyen med par gyur nas skyobs tshol zhing / 'jigs pa chen pos skrags par gyur nas 'dar zhing tshe nges 'debs par gyur to// de 'jigs pa chen po skyes pa'i rgyu ni gnyis te/ so so'i skye bo nyid yin pa dang / 'jigs pa'i skyon de dag mthong ba'o// bdag re zhig na bu mo 'di'i le lan gyis/ rgyal po ma skyes dgras gsad par 'ong ngo // snyam nas/ de nas bu mo dbang pa nas dor ba dang 'bros par btsal na yang ma nus so// de'i 'khor thams cad kyis kyang / 'jigs su rung ba'i 'jigs pa chen po de mthong nas gros par gyur to// de nas de gcig pu grogs med par de na shin tu 'jigs shing skrag nas/ bdag 'jigs skrag pa chen po 'di las yongs su thar bar byed pa lha 'am/ klu 'am/ gnod sbyin dang / dri za dang / lha ma yin nam/ kha nam mkha' lding ngas/ lto 'phye chen po 'am/ mi'am sa mi yin pa 'am/ dge slong dag bram ze su yod snyam sems shing
- 92a
'dug go// tshong dpon gyi bu de yang dge ba'i rtsa ba yongs su ma smin pas/ 'jam dpal gzhon nur gyur pas bu mo de la chos bshad pa dag kyang ma thos mi shes so// de nas 'jam dpal gzhon nur gyur pa'i byin gyis rlabs kyis bskyed mos tshal de'i shing ljon pa thams cad las tshigs su band pa 'di dag byung ngo // 'jig rten thams cad yang dag min// ji ltar rgyu ba mthong ba bzhin// khye'us ji ltar mthong gyur pa// chos rnams rang bzhin de yin no// sha dang khrag gis bskus pa ni// byis pa rnams kyi 'phrul pa ste// yang dag min dar rnam rtags nas// mi mkhas byis pa chags par byed// ji ltar mi mkhas mi zhig ni// dri nga bla rtsi bum pa la// phyi rol ri mo bris pa zhig/ mgo la khyer te song ba las// 'gro ba de yi de yang ni// de las lgang ste chags gyur nas// dri nga blo rtsi mthong gyur te// chags pa med cing 'bros pa ltar// de bzhin byis pa mi mkhas pa// bud med rnams la yid zhen cing // kha dog gzugs dang dbyibs rnams la// brtags nas lus la chags par byed// lus kyi rang bzhin gang yin pa// de la khye'u khyod rab rtogs shig/ dur khrod rul pa'i dri la ni// mkhas pa su zhig chags par 'gyur// yang dag min la 'jigs med kyis// khye'u khyod 'jig bar mi byed par// gang la khyod sngon rgyal gyur pa'i// chos rnam kyi ni rang bzhin lhas// chos kyi dam pa sten mdzad cing // 'jigs gyur 'jigs pa sel mdzad pa// shAkya seng ge
- 92b
zhes bya ba'i ston pa yang dag byung ba yod// 'dod pa mi rtag mi rtan pa// glog 'od snang ba ji bzhin te// sna ba yang dag ma yin pas// mkhas pa de la chags pa med// ji la rgyu ni 'khrugs pa las// dbu ba dos pa byung ba yang // rgyu yi sbyor las skyes pa lta// de la byed pa po yang med// de bzhin ming dag gzugs rnams kyang // las kyi sbyor las skyes pa ste// rgyu las byung ba yin pas na// byed pa po ni gang yang med// kha dog bzang po gar song zhing // gang gis khyod 'di skrag pa yi// mi gtsang ba yang ga laso 'ongs// khye'u khyed de la sngon sum gyis// chos rnams yul na mi gnas shing // de dag phyogs nas 'ongs pa med// 'ongs pa med cing 'gro med kyang // de dag rang bzhin ston par byed// 'di la byed pa po med cing // tshor ba po yang 'di la med// byed med tshor ba po med pa'i// chos rnams rgyu 'dra' dngos po med// rang gi lus la rtog shig dang // de yang 'di dang 'dra bas na// khye'u khyod gzhan gyi lus kyis ni// 'dir yang skrag par ma byed cig/ ji ltar rmi lam rmis pa na// rtsed mo byed cing dga' ba ltar// de bzhin dga' ba'i rtsed me kun// rmi lam rtsed mo byas dang 'dra// shAkya seng ge'i spyan sngar ni// khye'u khyod 'gro bar bgyis shig dang // des ni khye'u khyod 'jigs dang skrag/ rtsa dang bcas te 'phyo bar 'gyur// pha ma khyod kyi skyabs ma yin// mdza ba shes rtsa lag rnams kyang min// de dag gi sgra khyod bor la// ji ltar 'dong ba de bzhin du 'gro// 'jigs gyur 'jigs pa sel
- 93a
mdzad cing // skyabs med skyobs pa'i sangs rgyas dang // chos dang tshogs mchog dge 'dun la// der skyabs su 'gro bar gyis/ lha dang dri za mi rnams las// gang dag de la skyabs song bas// 'jigs pa kun las thar bar 'gyur// bde ba brnyed par bka' ba med// de nas tsheng dben gyi khye'u des tshigs su bcad pa de dag thos nas dga' 'gu yid rangs te/ 'jigs skags dang bral nas/ dga' ba dang mchog tu dga' ba skyes te/ shi ba'i ro myags pa de bor nas nags khrod de nas byung ngo // de nas bcom ldan 'das kyis/ tsheng dpon gyis bu de 'dul ba'i dbang gis phyir sku las 'od rab tu byung ste/ 'od des yul ma ga da thams cad snang sas khyab par gyur to// khye'u des de bzhin gshegs pa dgra bcom pa yang dag par rdzogs pa'i sangs rgyas nyi ma'i dkyil 'khor 'char ba dang / 'dra ba gzi brjid dang dpal gyis 'bar ba/ mdzes pa/ dga' bar bya/ dbang po zhi ba/ dul ba/ mchog mtshungs pa med pa dam pa'i mchog rnyes pa/ gser gyi mchog gdong ltar mngon du 'bar ba/ glang po che ltar dbang po thul cing srungs pa/ mtsho' ltar dngas zhing gsal la rnyog pa med pa/ skyes bu chen po'i mtshan sum cu rtsa gnyis kyis brgyan pa/ nyan thos kyi tshogs kyis yongs su bskor nas/ chos ston cing bzhugs bar rgyang ring po nas 'thong ngo // de'i lam bka' ba lta na sdug pa/ rin po che'i lan kan bres pa me tog bkram pa zhig kyang byung bar gyur to// lha'i dbang po rgya byin yang khye'u de'i mdun
- 93b
du 'dre nas/ khye'u de la 'di skad ces smras so// khye'u khyod kyis de bzhin gshegs pa mthong nas sems rab tu dang bar gyur pa ni/ rnyed pa legs par brnyed pa yin no// de bzhin gshegs pa yang khyod nyid la dgongs kyis khye'u khyod lam 'dir zhugs la de bzhin gshegs pa'i sman sngar song shig/ de nas khye'u de lha'i dbang po rgya byin dang lhan cig tu/ bcom ldan 'das ga la ba der song ngo // de nas lha'i dbang po rgya byin gyis khye'u de la/ khye'u khyod kyis me tog 'di dag gis de bzhin gshegs pa la mngon par gtor gcig ces me tog man d+ha ra ba thu ba gang byin no// de nas khye'u des me tog de dag gis bcom ldan 'das la mngon par gtor ro// gtor nas bcom ldan 'das kyi zhabs la mgo bos phyag 'tshal te/ lan gsum bskor ba byas nas/ bcom ldan 'das kyi spyan sngar 'dug te/ bcom ldan 'das la 'di skad ces gsol to// bdag bcom ldan 'das dang chos dang / dge slong dge 'dun la skyabs su 'chi'o// bdag gi dge ba'i rtsa ba 'di yang bla na med pa yang dag par rdzogs pa'i byang chub tu yongs su sngo bar bgyi'o// bcom ldan 'das bdag gis yul gyi bzang me rgyal pos thugasu chud pa gser mchog 'od dpal zhes bgyi ba zhig dga' rtse ba'i slad du/ bskyes mos tshal du khrid pa las/ bcom ldan 'das de ma thag yal de lus myags te/ nye du'i tshogs thams cad kyis kyang spangs nas/ bdag kyang 'jigs pa chen po skyes nas/ bcom ldan 'das 'di'i le lan gyis bdag rgyal pos bkum du mi 'chi lags sam/ bcom ldan 'das
- 94a
kyis bka' stsal pa/ khye'u ma dogs shig/ sangs rgyas la skyabs su song ba rnams la 'jigs pa byis mi 'byung bas/ ngas khyod mi 'jigs pas 'gron du gnyer gyis/ 'jigs pa ma skyed cig/ khye'u lha mod kyi bzhi gang las 'jigs pa dang / skrag par gyur pa'i bzhi yongs su spongs shig/ gsol pa/ bcom ldan 'das 'jigs skrag par gyur pa'i bzhi gang lags/ bcom ldan 'das kyis bka' stsal pa/ khye'u 'dod chags dang zhe sdang dang gti mug ni 'jig pa dang skrag par 'gyur ba'i bzhi yin no// nga'o snyam pa'i nga rgyal ni bzhi'o// lta ba'i kun ldang ba ni bzhi'o// sred pa'i lhag par chags pa ni bzhi'o// ngar 'dzin dang nga'ir 'dzin pa ni bzhi'o// de dngos po la mngon par zhen pa ni bzhi'o// yongs su 'dzin pa dang rtsod pa ni bzhi'o// 'jigs tshogs la lta ba'i 'ching ba ni bzhi'o// mi rtag pa la rtag par lta ba shes pa ni bzhi'o// sdug bsngal la bde 'du shes pa ni lha'i'o mi sdug pa la sdug par 'du shes pa ni bzhi'o// bdag med pa la bdag tu 'du shes pa ni bzhi'o// phung po rnams la yongs su 'dzin pa'i 'du shes ni bzhi'o// khams rnams la so sor mi rtag pa ni bzhi'o// skye mched rnams yongs su mi shes pa ni bzhi'o// lus la skyon du mi lta ba ni bzhi'o// srog la mngon par dga' ba ni bzhi ste/ khye'u bzhi de dag las 'jigs pa dang skrag pa 'byung bas/ de dag spang bar bya'o// khye'u khyod kyis bu mo de'i lus rnam par zhig pa mthong ngam/ gsol pa/ bcom ldan 'das bdag gis mthong lags so// bcom
- 94b
ldan 'das kyis bka' stsal pa/ khye'u 'dus byas thams cad ni de ltar mi rtag pa/ sdug bsngal ba bdag med pa/ rnam par 'gyur ba'i chos can mi rtag bya ther zug ma yin pa/ byis/ pa 'drid pa/ log pa las byung ba g.yo ba med pa/ rnam par bsgrubs pa ste/ med pa las snang bas rgyu ma lta bu'o// ro myang ba chung bas rmi lam lta bu'o// khrul par snang bas smig rgyu lta bu'o// gzod ma nas ma skyes pas mig yor lta bu'o// las kyis rnam par smin pas chud ma za ba'i tshul gyis gzugs brnyan lta bu'o// 'pho ba med pa'i tshul gyis chu zla lta bu'o// skra med pa las sgrar go bar byed pas brag cha lta bu'o// mngon par 'du byed pa'i sgo yin pas grib ma'i gzugs lta bu'o// rang bzhin gyis ya ma rA yin pas chad pa steng pa lha bu'o// gzung du med pas/ rlung dang mtshungs pa'o// brdzun pa'o// bzhi med pa'o// gsog go// bgrib pa med pa'o// rdzogs pa med pa'o// khye'u de ltar na chos thams cad ni bdag po med pa ste/ de lta khyod mngon par zhen par mi bya'o// khye'u 'di ji snyam du sems/ khyod kyis 'dod pa dang ldan pa'i rtogs pa dang / spyod pa gang yin pa de dag ji ltar mthong / khye'us gsol pa/ bcom ldan 'das byis pa so so'i skye bo rnams kyis 'dod chags ni kha dog dang dbyibs bzang po las yongs su brtags pas skye ba lags so// de ni 'phags pa'i chos 'dul bas/ mi gtsang ba las stsogs par so sor btags pas mi 'byung ste/ bcom ldan 'das de la mi rtogs na 'dod chags kyi kun tu 'byung bar mi 'gyur lags so//
- 95a
@bcom ldan 'das kyis bka' bstsal pa/ khye'u legs so// legs so// 'di lta ste/ mi rtog cing rnam pa me rtog pa 'di ni 'dod chags kyi rang bzhin yin no// khye'u khyod kyi bdag tu lta ba med pa dang / gzhan du lta bar sgro 'dogs pa med par chos la tshul bzhin du sems par brtson par byed do// khye'us gsol ba/ bcom ldan 'das ji ltar na byang chub sems dpa' chos la tshul bzhin du sems par brtson pa lags/ bcom ldan 'das kyis bka' stsal pa/ khye'u byang chub sems dpa' ni 'dod chags kyi rang bzhin gyis byang chub yongs su tshol lo// khye'u de bzhin du byang chub sems dpa' ni zhe sdang gi rang bzhin dang / gti mug gi rang bzhin dang / nyon mongs pa thams cad kyi rang bzhin gyis byang chub yongs su tshol lo// khye'u ji ltar 'dod chags dang zhe sdang dang gti mug dngos po med pa de ltar chos thams cad la byang chub dpa'i shes pa 'jug go// khye'u 'dod chags dang zhe sdang dang / gti mug rnam ni rtsa ba med pa gnas pa med pa/ bzhi med pa byed pa po med pa/ tshor ba po med pa/ nang dang phyi rol dbyen pa stong pa/ bdag dang / sems can dang / srog dang / gso ba dang / skyes bu dang / gang zag dang bral ba/ mtshan ma med pa dang / mtshan mar rtogs pa dang bral ba/ smon pa med pa/ mngon par dga' ba med pa/ dga' ba dang sred pa dang bral ba/ mngon par 'du byed pa med pa/ rang bzhin med pa'o// khye'u 'dod chags dang zhe sdang dang gti mug ji lta ba de bzhin du chos thams cad la byang chub sems dpa'i shes
- 95b
pa 'jug go// khye'u gzhan yang tshul bzhin la brtson pa'i byang chub sems dpa'i sems bskyed pa thams cad ni byang chub yin no// de ci'i phyir zhe na/ sems rtogs pa gang yin pa de ni bstan du med pa dang / smon pa med pa dang / rnam par rig pa med pa dang / sgyu ma'i rang bzhin lta bu dang / nang ma yin pa dang / phyi rol ma yin pa dang / gzhan dang ldan pa ma yin pas gzugs med pa ste/ khye'u de nyid byang chub sems dpa'i byang chub yin te/ khye'u byang chub sems dpa' rang gi sems rtogs par khong du chud par bya ba gzhan ci yang med de// rang gi sems rtogs pa gang yin pa de nyid sems can thams cad kyi sems rtogs pa yin no// rang gi sems dben pas sems can thams cad kyi sems dben no// rang gi sems kyi rang bzhin gyis sems can thams cad kyi sems kyi rang bzhin no// rang gis sems rnams rnam par dag pas/ sems can thams cad kyi sems rnam par dag go// rang gi sems 'dod chags dang bral bas sems can thams cad kyi sems 'dod chags dang bral lo// rang gi sems la zhe sdang med pas sems can thams cad kyi sems la zhe sdang med do// rang gi sems la gti mug med pas sems can thams cad kyi sems la gti mug med do// rang gi sems la nyon mongs pa med pas sems can thams cad kyi sems la nyon mongs pa med do// de ltar rtogs pa gang yin pa de thams cad sems la ne sdang med do// de ltar rtogs pa gang yin pa de thams cad mkhyen pa'i
- 96a
ye shes rtogs pa yin no// khye'u de ltar tshul la brtson pa'i byang chub sems dpa'i ni sems can thams cad kyi sems la rang bzhin gyis kun nas nyon mongs pa med par rab tu shes so// gang glo bur gi nyon mongs pas nye bar nyon mongs kyang sems kyi rgyu la ni nyon mongs par gyur pa yang med la/ chos kyi rigs pa'i lhag mthong gis de dag la de la yongs su gdungs pa yang med do// de byang chub sems dpa' de dag gi glo bur gyi nyon mongs pa rnam mthong bas na kun nas nyon mongs par mi 'gyur ro// bstan pa 'di bshad pa na tsheng dpon gyi bu 'jigs byin chos rnams la rjes su mthun pa bzod pa'i skyes par gyur to// de nas smad 'tsheng ma'i bu mo gser mchog 'od dpal gyis tshong dpon gyi bu de dul bar rig nas/ lha'i bu mo lnga brgya tsam gyis yongs su bskor te/ sil snyan dang phreng rdob pa dang / glu dbyangs len pa dag byed cing / bcom ldan 'das ga la ba der song ste/ phyin nas/ bcom ldan 'das la lan gsum bskor ba byas nas/ bcom ldan 'das kyi spyan sngar 'dug go// de nas 'jam dpal gzhon nur gyur pas/ tshong dpon gyi bu 'jigs byin la 'di skad ces smras so// khye'u khyod kyis sring mo 'di shes sam/ smras pa/ 'jam dpal 'tshal lags so// 'jam dpal gyis smras pa/ lta bur shes/ de nas khye'u des 'jam dpal gzhon nur gyur pa la tshigs su bcang nge na smras pa/ gzugs ni dbu ba rdos pa 'dra// tsher ba chu bur bashrIn/ 'du shes smig rgyu
- 96b
lta bu ste// 'du byed rnams ni chu shing bzhin// rnam shes rgyu ma lta bu ste// yongs su rtogs pas kun tu bskyed// byis pas yang dag min rtags pa// de ltar bdag gis yongs su 'tshal// 'di'i lus mi g.yo bams po ste// rtsa dang rtsig pa lta bu lags// rnam shes brtan du ma mchis te// de ltar na bdag gis yongs su 'tshal// 'di la sems can bdag ma mchis// srog dang gang zag ma mchis ste// lus 'di bstsags pa tsam lags par// de ltar bdag gis yongasu 'tshal// 'di la 'dod chags ma mchis zhing // / gti mug 'byung ba 'ang ma mchis ste// nyon mongs ma mchis bdag ma mchis// de ltar bdag gis yongs su 'tshal// tshul bzhin ma lags bslad pa 'di// byis pa rnams kyi 'khrul pa ste// mkhas pa de la mi chags par// de ltar bdag gis yongs su 'tshal// dper na 'di ni nag khrod na// shi ba'i ro ni mnam pa bzhin// gzugs 'di rang bzhin de 'dra bas// de ltar bdag gis yongs su 'tshal// 'di ni sngon mthar ma skyes te// phyir mthar 'chi 'phor 'gyur ma 'chis// da ltar byang ba ma mchis par// de ltar bdag gis yongs su 'tshal// 'di yis bdag ni rgyal ba las// mi bcang ba yis bkrol bas na// 'jam dbyangs rnams pa ji ltas kyang // 'di las lan glan dze mi thog/ mi 'gum 'chi 'pho ma mchis kyang // sems can yongs su smin bgye slad du// bdag ni 'chi bar ston bgyis pas// su zhig byang chub tshul mi 'gyid // ji ltar bdang
- 97a
gi chags sdang dang // nyon mongs thams cad tshul bzhin min// sems can kun gyi mtshan de 'dra// 'di ni chos rnams chos nyid lags/ de nas de'i tshe/ bcom ldan 'das 'dzum pa mdzad do// 'di ni sangs rgyas bcom ldan 'das rnams kyi chos nyid de/ gang gi tshe 'dzum pa mdzad pa de'i tshe/ bcom ldan 'das kyi zhal gyi sgo nas 'od zer kha dog sna tshogs kha dog tu ma 'di lta ste/ sngon po dang / ser po dang / dkar po dang / gcod kha dang / shel dang / dngul gyi kha dog lta bu dag 'byang ste/ de dag byung nas tshangs pa'i 'jig rten gyi bar du song ste/ 'jig rten gyi khams mtha' yas mu med pa dag snang bas khyab par byas slar log ste/ bcom ldan 'das kyi dbu'i gtsug tu nub po// de nas tshe dang ldan pa kun dga' bos bcom ldan 'das 'dzum pa mdzad pa mthong nas/ stan las langs te bla gos phrag pa cig tu bzar nas/ pus mo g.yas pa'i lha nga sa la btsugs te/ bcom ldan 'das ga la ba de logs su thal mo sbyar nga btud nas/ bcom ldan 'das la 'di skad ces gsol to// de bzhin gshegs pa dgra bcom pa yang dag par rdzogs pa'i sangs rgyas rnams ni rgyu dang rkyen ma mchis par 'dzum pa mi mdzad na/ bcom ldan 'das 'dzum pa mdzad pa de'i rgyu ni gang lags/ rkyen ni gang lags/ de nas de'i tshe tshigs su bcad pa 'di dag kyang gsal to// rnam 'dren 'jig rten mkhyen la yang mtshan mi mnga' bas// ston pa rgyu ma mchis par 'dzum pa mi mdzad na/
- 97b
'di ltar khyod ni 'dzum pa mdzad par gyur pa yin// khyod kyi 'dzum pa'i rgyun 'dag cag shin tu 'tshal// rgyal ba'i zhal 'dzum mdzad par gyur par 'thong nas ni// lhar bcas 'gro ba 'di dag the tsom skyes par gyur// the tsom gyur pa rnams kyi som nyi ba sal slad du// mi dbang 'dzum pa mdzad pa'i rgya ni bstan du gsol// gang gis de ring chos rnams la ni yid bzhag gam// chos nyid du ni rnal ba la las mthong gyur tam// sangs rgyas bsngags pa'i mchod pa gang gis nged po gyis sam// bdag cag de dag nyan par 'tshal lo mi yi gtso// gang gis de rang bdud rnams bzhin dang bcas bcom 'am/ gang gis ston pa'i thugs ni de ring dgyes bgyis sam/ gang gis de ring 'dus byas rnam kyi gtso bo thugs rje skyed mdzod la/ the tsom gyur pa/ rnams kyi yid gnyis bstsal du gsol/ bcom ldan 'das kyis bka' bstsal pa/ kun dga' bo khyod kyis smad tshong ma'i bu mo gser mchog 'od dpal zhes pa 'di mthong ngam/ gsol ba/ bcom ldan 'das mthong lags so// bde bar gshegs pa mthong lags so// bcom ldan 'das kyis bka' stsal pa kun dga' bo smad 'tsheng ma'i bu mo gser mchog 'od dpal 'di ni/ sngon 'jam dpal gzhon nur gyur pas/ bla na med pa yang dag par rdzogs pa'i byang chub yang dag par 'dzin tu bcug ste/ 'dis de las thos nas/ chos rnams la rjes su 'thun pa'i bzod pa thob par gyur to// kun dga' bo khyod kyis tshong dpon gyi 'jigs sbyin zhes bya ba 'di mthong ngam/ bcom ldan 'das mthong lags so// bde bar gshegs
- 98a
pa mthong lags so// bcom ldan 'das kyis bka' stsal pa/ kun dga' bo 'di ni ngas sngon bla na med pa yang dag par rdzogs pa'i byang chub yang dag 'dzin du bcug ste/ 'dis kyang nga la chos thos nas/ chos rnams la rjes su mthun pa'i bzod pa thob par gyur to// kun dga' bo smad tsheng ma'i bu mo gser mchog 'od dpal 'di ni/ bskal pa 'bum phrag dgu bcu rtsa gnyis 'das pa'i 'og tu/ bskal pa rin chen 'byung zhes bya ba la/ 'jig rten gyi khams rin chen can zhes bya bar mngon par rdzogs par 'tshang rgya ste// de bzhin gshegs pa dgra bcom pa yang dag par rdzogs pa'i sangs rgyas rin chen 'od ces bya bar gyur ro// kun dga' bo 'jig rten gyi khams de'i sems can rnams kyi longs spod dang nye bar spod pa ni/ sum cu rtsa gsum gyi lha rnams kyi ji 'dra bar gyur to// de nas byang chub sems dpa' rin po che dag ma gtogs par rin po che gzhan 'byung bar mi 'gyur ro// de bzhin gshegs pa de'i tshe'i tshad dpag tu med par 'gyur ro// de bla na med pa yang dag par rdzogs pa'i byang chub mngon par sangs rgyas pa na/ tsheng dben gyi bu 'jigs sbyin 'di yang / byang chub sems dpa' yon tan 'od ces bya bar gyur te/ de bzhin gshegs pa'i chos kyi mdzod 'dzin par byed do// gang gi tshe de bzhin gshegs pa rin chen 'od yongs su mya ngan las 'da' bar 'gyur ba de'i tshe/ byang chub sems dpa' yon tan rin chen 'od de/ nga'i 'og tu bla na med pa yang dag par rdzogs pa'i byang chub mngon par rdzogs
- 98b
bar 'tshang rgya ste/ de bzhin gshegs pa dgra bcom pa yang dag par rdzogs pa'i sangs rgyas rin chen 'od 'phro zhes bya bar 'gyur ro// de'i sangs rgyas kyi zhing bkod pa yang nga'i 'dra ba de 'dra bar 'gyur ro// zhes lung ston par 'gyur ro// smad 'tsheng ma'i bu mo gser mchog 'od dpal dang / tshong dpon gyi bu 'jigs sprin gnyis lung bstan ma thag tu/ de'i mod la stong gsum gyi stong chen po'i 'jig rten gyi khams 'di rnams pa drug tu rab tu g.yos shing 'jig rten du snang ba chen pos khyab par gyur to// lung bstan pa bshad ba 'di bstan pa na/ srog chags brgyad stong gis bla na med pa yang dag par rdzogs pa'i byang chub tu sems skyed par gyur to// de nas bcom ldan 'das la/ tshe dang ldan pa kun dga' bos 'di skad ces gsol to// bcom ldan 'das chos kyi rnam grangs 'di'i ming ci lags/ 'di ji ltar bzung bar bgyi/ bcom ldan 'das kyis bka' stsal pa/ kun dga' bo de'i phyir khyod kyis chos kyi rnam grangs 'di/ bkod pa chen po'i dge'i le'u zhes bya bar yang zung shig/ 'jam dpal rnam pa rol pa zhes bya bar yang zung shig/ smad 'tsheng ma'i bu me gser mchog 'od dpal tul ba zhes bya bar yang zug shig/ bcom ldan 'das kyis de skad ces bka' stsal nas/ tshe dang ldan pa kun dga' bo dang / smad 'tshong ma'i bu mo gse mchog 'od dpal dang / tshong dpon gyi bu 'jigs sbyin dang / 'jam dpal gzhon nur gyur pa dang / byang chub sems dpa' sems dpa' chen po de dag dang / thams cad dang ldan pa'i
- 99a
'khor de dag dang / lha dang mi dang / lha ma yin dang / dri zar bcas pa'i 'jig rten yid rangs te/ bcom ldan 'das kyis gsungs pa la mngon par bstod do// 'bags pa 'jam dpal rnam par rol pa zhes bya ba theg pa chen po'i mdo rdzogs so// rgya gar gyi mkhan po su ren dra bo de dang / zhu chen gyi lo tsha ba ban de ye shes sde zhus te gtan la bab pa/ rgya gar skad ar+ya ku su ma san tsan ya/ na ma ma hA yA na su tra/ bode skad du/ me tog gi chogs shes bya ba theg pa chen po'i mdo sangs rgyas dang byang chub sems dpa' thams cad la phyag 'tshal lo// 'di skad bdag gis thos pa dus gcig na/ bcom ldan 'das rgyal po'i khab na bya rke/ phung po'i ri la/ dge slong gi dge 'dun chen po brgya phrag bye dang bcu gsum gyis dge slong dang / babs cig tu bzhugs te/ de nas tshe dang ldan pa sha ri'i bu bstan las langs nas/ bla gos phyogs gcig tu zar nas pus mo g.yas pa'i lha nga sa la gcugs nas/ bcom ldan 'das ga la ba der logs su bal ma sbyar ba btud nas/ bcom ldan 'das la 'di skad ces gsol to// yang bcom ldan 'das da ltar sangs rgyas bcom ldan 'das bzhugs
Colophon
'phags pa 'jam dpal rnam par rol pa zhes bya ba theg pa chen po'i mdo rdzogs so// //rgya gar gyi mkhan po su ren dra bo de dang/ zhu chen gyi lo tsha ba ban de ye shes sde zhus te gtan la phab pa/