F309MW1KG13607_0309mdo sdeAll versions of this work

'phags pa blo gros mi zad pas bstan pa zhes bya ba theg pa chen po'i mdo

Āryaakṣayamatinirdeśanāmamahāyanasutra

Text

ff. 179b–316a · 270 folio sides

  1. 179b

    rgya gar skad du/ Ar+ya ak+Sha/ ya ma ti ni rde sha na ma ma hA ya na su tra/ bod skad du/ 'phags pa blo gros mi zad pas bstan pa zhes bya ba theg pa chen po'i mdo// bam po dang po'o// sangs rgyas dang byang chub sems dpa' dang / 'phags pa nyan thos dang rang sangs rgyas thams cad la phyag 'tshal lo// 'di skad bdag gis thos pa dus gcig na/ bcom ldan 'das rgyal po'i khab na/ de bzhin gshegs pa'i spyod yul/ rin po che chen po bkod pa'i pho brang gi dkyil 'khor de bzhin gshegs pa thams cad kyi gnas/ bsod nams rgyan gyi tshogs bsogs pa spyod pa chen po'i rgyu mthun pa'i 'bras bu/ sangs rgyas thams cad kyi rnam par smin pas mngon par grub pa/ byang chub sems dpa' chen po gnas na chos kyi dbyings mtha' yas par bstan pa/ de bzhin gshegs pa'i rnam par sprul pa'i byin gyis brlabs chags pa med pa'i spyod yul gyi ye shes la 'jug pa/ dga' ba chen po yang dag par skyed pa/ dran pa dang / blo gros dang / rtogs pa la 'jug pa/ mdzes pa'i rdzu 'phrul kun nas ma smad pa/ ye shes par dpyod pa de la ma chags pa'i rtogs pa la 'jug pa/ phyi ma'i mtha'i bskal par mngon par bstod pa/ yon tan thams cad kyi tshogs dpag tu med pa na bzhugs te/ bcom ldan 'das chos thams cad kyi mnyam pa nyid na

  2. 180a

    zla gros/ mngon par rdzogs par sangs rgyas/ chos kyi 'khor lo ni rab tu bskor/ slob ma shin tu dul ba mtha' yas pa'i tshogs ni mngal chos thams cad la dbang ni bsnyes/ sems can thams cad kyi bsam pa'i rnam pa mkhyen/ dbang po dam pa'i mchog ni brnyes/ sems can thams cad kyi nyon mongs pa'i ngag chags kyi mtshams sbyor ba/ 'jom pa la ni mkhas pa/ sangs rgyas kyi mdzad pa lhun gyis grub pa rgyun mi 'chad de/ dge slong brgya stong phrag drug cu'i dge slong gi dge 'dun chen po dang thabs cig ste/ thams cad kyang cang shes par gyur pa/ bka' yang dag pas sems shin tu rnam par grol ba/ nyon mongs pa'i bag chags kyi mtshams sbyor ba/ thams cad 'joms pa la brtson pa/ de bzhin gshegs pa chos kyi rgyal po'i sras sangs rgyas kyi chos zab mo la mkhas pa/ dmigs pa med pa'i chos las byung ba/ spyod lam mdzes pa phun sum tshogs pa/ sbyin gnas chen por gyur pa/ de bzhin gshegs pa'i bka' la shin tu zhugs pa sha stag go// byang chub sems dpa'i dge 'dun chen po dang yang thabs gcig ste/ sangs rgyas kyi zhing sna tshogs nas 'dus pa grangs med/ tshad med pa grangs med dpag tu med/ bsam gyis mi khyab/ mtshungs pa med/ bskyed du med/ brjod du med pa'i byang chub sems dpa' sems dpa' chen po

  3. 180b

    dang thabs gcig ste/ sems kyi skad cig la sangs rgyas kyi zhing mtha' yas par 'gro ba la mkhas pa/ de bzhin gshegs pa thams cad la mchod cing / cing rim gro byed pa las byung ba/ sangs rgyas kyi chos nyan pa dang / yongs su tshol bas mi ngoms pa/ rtag tu rgyun mi 'chad par sems can thams cad yongs su smin par bya ba la brtson pa/ thabs dang shes rab dam pa'i mchog thob pa sgrib pa med pa'i rnam par thar pa dang / ye shes la rab tu gnas pa/ rtog pa dang / rnam par rtogs pa dang / spros pa thams cad shin tu 'das pa/ thams cad mkhyen pa'i sa la nye bar gyur pa sha stag la 'di lta ste/ byang chub sems dpa' glog gi lha zhes bya ba dang / byang chub sems dpa' g.yul las rgyal ba zhes bya ba dang / byang chub sems dpa' rnam par snang ba'i snying po zhes bya ba dang / byang chub sems dpa' rnam par gnon pa la dpa' zhes bya ba dang / byang chub sems dpa' the tsom shin tu 'joms pa zhes bya ba dang / byang chub sems dpa' rnam par gnon pa la dpa' zhes bya ba dang / byang chub sems dpa' the tsom shin tu 'joms pa zhes bya ba dang / byang chub sems dpa' rnam par sgrags pa zhes bya ba dang / byang chub sems dpa' rnam par lta ba'i mig ces bya ba dang / byang chub sems dpa' sems dpa' chen

  4. 181a

    ze zasapo mun pa dang bral ba dang / byang chub sems dpa' byams pa dang / 'jam dpal la sogs pa grangs med/ dpag tu med// bsam gyis mi khyab mtshungs pa med dpe med/ gzhal du med/ tshad med brjod du med pa'i byang chub sems dpa' sems dpa' chen po dang thabs cig go// de nas bcom ldan 'das byang chub sems dpa'i spyod pa la rab tu 'jug pa dang / 'byung ba sgrib pa med pa'i sgo zhes bya ba'i chos kyi rnam grangs byang chub sems dpa'i lam bkod pa la dmigs pa/ sangs rgyas kyi chos zab mo thams cad dang / stobs bcu dang / mi 'jigs pa yongasu 'grib pa'i ye shes kyi 'byung gnas chos thams cad la dbang byed pa'i tshul dang / gzungs kyi phyag rgya'i sgor 'jug pa dang / so so yang dag par rig pa dang / shin tu rnam par gdon mi za ba la gzud pa'i sgor 'jug pa/ mngon par shes pa chen po'i ye shes la gzud pa'i sgor 'jug pa/ phyir mi ldeg pa'i chos kyi 'khor lo mi skye zhing mi ldog pa'i chos rab tu ston pa/ bgrod pa cig pa'i lam du yang dag par gzhol ba/ theg pa thams cad theg pa cig tu mtshungs pa nyid la yang dag par/ gzhol ba/ tshul cig pa'i chos kyi dbyings dbyer med pa la 'jug pa/ sems can thams cad kyi bsam pa dang dbang po gzud par snyan pa dang / snying po'i

  5. 181b

    rjes su song ba'i chos rnam par gdon mi za ba/ bdud kyi 'khor thams cad shin tu 'joms par byed pa/ tshul bzhin gyi chos la gzud pa'i sgor 'jug pa/ nyon mongs pa dang lta bar gyur pa thams cad btul ba/ chags pa med pa'i shes rab dang / ye shes kyi rjes su 'jug pa mtha' yas shing mtshungs pa med pa'i sngo ba la mkhas pa'i thabs kyi ye shes ston pa/ sangs rgyas kyi chos thams cad kyi mnyam pa nyid kyi ye shes kyi rjes su 'jug pa/ thogs pa med pa'i ye shes kyi byin gyis brlabs kyi sgor 'jug pa/ chos thams cad ji lta ba bzhin du rnam par gdon mi za bar snyan pa/ me tog rnam par mi rtog pa'i mnyam pa nyid la 'jug pa/ rten cing 'brel par 'byung ba zab mo khong du chud pa/ bsod nams dang ye shes kyi tshogs chen po thams cad bsags pa/ sangs rgyas kyi sku dang / gsung dang / thugs kyi mnyam pa nyid kyi rjes su song ba dang / dran pa dang / blo gros dang / rtogs pa dang / mos pa dang / shes rab mi zad pa mngon par sgrub pa/ nyan thos kyi theg pas gdul ba'i phyir/ thams cad mkhyen pa'i ye shes kyi sar dbang skur thob pa/ de bzhin gshegs pa'i yon tan brjod pa'i phyir/ chos thams cad la dbang byed pa'i tshul la 'jug pa gsung ngo // ston to// rab tu ston to// mos par mdzad do// 'dzin du

  6. 182a

    'jug go// klog tu 'jug go/ shes par mdzad do// rnam par rig par mdzad do// rab tu shes par mdzad do// rab tu 'jug par mdzad do// 'grel to// rnam par 'byed do/ gsal bar mdzad do// yang dag par rab tu ston to// de nas bcom ldan 'das de lta bu'i shin tu rnam par gdon mi za ba'i don 'das pa chen po'i le'u/ chos kyi rnam grangs 'di rgya cher yang dag par rab tu ston pa na/ shar phyogs nas gser gyi 'od chen po snang bar gyur te/ gser gyi 'od snang ba des rin po che bkod pa'i pho brang gi dkyil 'khor thams cad dang / stong gsum gyi stong chen po'i 'jig rten gyi khams 'di yang gser gyi 'od chen po des smra bar gyur to// de bzhin gshegs pa'i 'od dang / byang chub sems dpa' dbang bskur ba thob pa rnams kyi 'od ma btogs par/ gang gzhan pus mo g.yas pa'i lha nga sa la btsugs te/ bcom ldan 'das ga la ba de logs su thal mo sbyar te phyag 'tshal nas/ bcom ldan 'das la 'di skad ces gsol to// bcom ldan 'das byang chub sems dpa' blo gros mi zad pa 'di gang nas mchis/ de bzhin gshegs pa re'i mtshan dang / 'jig rten gyi khams de'i ming de ci zhes bgyi/ 'jig rten gyi khams de 'di nas ji srid cig na mchis/ bcom ldan 'das kyis bka' stsal pa/ sha ra dwa ti'i bu de'i phyir

  7. 182b

    khyod kyis byang chub sems dpa' blo gros mi zad pa 'di la dris shig dang / 'di nyid la khyod ston to// de nas tshe dang ldan pa sha ra dwa ti'i bus/ byang chub sems/ dpa' blo gros mi zad la 'di skad ces smras so// rigs kyi bu khyod gang nas 'ongs/ de bzhin gshegs pa'i mtshan dang / 'jig rten gyi khams de'i ming ci zhes bya/ 'jig rten gyi khams de 'di nas ji srid cig na yod/ blo gros mi zad pas smras pa/ gnas brtan sha ra dwa ti'i bu la da dang yang yod pa dang / 'gro ba'i 'du shes 'byung ngam/ smras pa/ rigs kyi bu bdag gis 'du shes ni kun shes so// smras pa/ btsun pa sha ra dwa ti'i bu 'du shes pa ni gnyis la blo mi 'jug na/ de ci'i phyir zhe na/ khyod 'di ltar khyod gang nas 'ongs snyam du sems/ btsun pa sha ra dwa ti'i bu 'gro ba zhes bya ba de ni bsal ba'i tshig go// gang la sdu ba'i tshi ga med pa dang / bsal ba'i tshig med pa de la 'ong ba yang med/ 'gro ba yang med/ 'ong ba dang 'gro ba med pa ni 'phag pa rnams kyi 'gro ba'o// btsun pa sha ra dwa ti'i bu 'ong ba zhes bya ba de ni las kyi rang bzhin gyis mtshan nyid do// btsun pa sha ra da ti'i bu 'gro ba zhes bya ba de ni las kyi rang bzhin zad pa'i mtshan nyid do// gang la las kyi rang bzhin gyi mnan nyid med pa dang / las kyi rang bzhin zad pa'i mtshan nyid med pa de la

  8. 183a

    rdo grosa'ong ba yang med/ 'gro ba yang med de/ 'ong ba 'gro ba yang med pa de ni 'phags pa rnams kyis 'gro ba'o// btsun pa sha ra dwa ti'i bu 'ong ba zhes bya ba de ni smon lam gyi mtshan nyid do// btsun pa sha ra dwa ti'i bu 'gro ba zhes bya ba de ni smon lam zad pa'i mtshan nyid do// gang la smon lam gyi mtshan nyid dang / smon lam zad pa'i mtshan nyid med pa de la 'ong ba yang med/ 'gro ba yang med de/ 'ong ba med pa ni 'phags pa rnams kyi 'gro ba'o// btsun pa sha ra dwa ti'i bu 'ong ba zhes bya ba de ni/ skye ba'i mtshan nyid do// btsun pa sha ra dwa ti'i bu 'gro ba zhes bya ba de ni 'gog pa'i mtshan nyid do// gang la skyes pa'i mtshan nyid med pa dang / 'gog pa'i mtshan nyid med pa de la 'ong ba yang med/ 'gro ba yang med de/ 'ong ba dang 'gro ba med pa 'phags pa rnams kyi 'gro ba'o// btsun pa sha ra da ti'i bu 'ong ba zhes bya ba de ni rnam par rig pa'i sgo'i mtshan nyid do// btsun pa sha ra da ti'i bu 'gro ba zhes bya ba de ni rnam par rig pa'i sgo zad pa'i mtshan nyid do// bde la rnam par rig pa'i mtshan nyid med pa dang / rnam par rig pa'i sgo zad pa'i mtshan nyid med pa de la 'ong ba yang med/ 'gro ba yang med de/ 'ong ba dang 'gro ba med pa ni 'phags pa rnams kyi 'gro ba'o// btsun pa sha ra dwa ti'i bu 'ong ba zhes bya ba ni 'ong ba'i yul lo// btsun pa sha ra dwa ti'i bu 'gro ba zhes bya ba de ni

  9. 183b

    'gro ba'i yul lo// gang la 'ong ba'i yul med pa dang / 'gro ba'i yul med pa de la 'ong ba yang med de/ 'gro ba yang med/ 'ong ba dang 'gro ba med pa ni 'phags pa rnams kyi 'gro ba'o// btsun pa sha ra dwa ti'i bu 'ong ba zhes bya ba de ni rkyen gyi mtshan nyid do// btsun pa sha rA ti'i bu 'gro ba zhes bya ba de ni rkyen zad pa'i mtshan nyid do// gang la rkyen gyi mtshan nyid med pa dang / rkyen 'gag pa'i mtshan nyid med pa de la 'ong ba yang med/ 'gro ba yang med de/ 'ong ba dang 'gro ba med pa ni 'phags pa rnams kyi 'gro ba'o// btsun pa sha ra da ti'i bu 'ong ba zhes bya ba de ni/ rten cing 'brel par 'byung ba'i mtshan nyid do// btsun pa sha ra dwa ti'i bu 'gro ba zhes bya ba de ni rten cing 'brel par 'byung ba zad pa'i mtshan nyid do// gang la rten cing 'brel par 'byung ba'i mtshan nyid med pa dang / rten cing 'brel par 'byung ba zad pa'i/ mtshan nyid med pa de la 'ong ba yang med/ 'gro ba yang med/ 'ong ba dang 'gro ba med pa ni 'phags pa rnams kyi 'gro ba'o// btsun pa sha ra dwa ti'i bu 'ong ba zhes bya ba de ni 'ong ba'i yul lo// btsun pa sha ra dwa ti'i bu 'gro ba zhes bya ba de ni 'gro ba'i yul lo// gang la 'ong ba'i yul med pa dang / 'gro ba'i yul med pa de la 'ong ba yang med de/ 'gro ba yang med/ 'ong ba dang 'gro ba med pa ni 'phags pa rnams kyi 'gro ba'o// btsun pa sha ra dwa ti'i bu 'ong ba zhes bya ba de ni rkyen gyi mtshan

  10. 184a

    rna zas@#nyid do// btsun pa sha ra dwa ti'i bu 'gro ba zhes bya ba de ni rkyen zad pa'i mtshan nyid do// gang la rkyen gyi mtshan nyid med pa dang / rkyen 'gag pa'i mtshan nyid med pa de la 'ong ba yang med/ 'gro ba yang med de/ 'ong ba dang 'gro ba med pa ni 'phags pa rnams kyi 'gro ba'o// btsun pa sha ra dwa ti'i bu 'ong ba zhes bya ba de ni/ rten cing 'brel bar 'byung ba'i mtshan nyid do// btsun pa sha ra dwa ti'i bu 'gro ba zhes bya ba de ni rten cing 'brel par 'byung ba zad pa'i mtshan nyid do// gang la rten cing 'brel par 'byung ba'i mtshan nyid med pa dang / rten cing 'brel par 'byung ba zad pa'i mtshan nyid med pa de la 'ong ba yang med/ 'gro ba yang med de/ 'ong ba dang 'gro ba med pa ni/ 'phags pa rnams kyi 'gro ba'o// btsun pa sha ra dwa ti'i bu 'ong ba zhes bya ba ni rgyu las byung ba'i mtshan nyid do// / btsun pa sha ra da ti'i bu 'gro ba zhes bya ba ni rgyu las byung ba'i mtshan nyid do// gang la rgyu las byung ba'i mtshan nyid med pa dang / rgyu las byung ba zad pa'i mtshan nyid med pa la 'ong ba yang med de/ 'ong ba dang 'gro ba med pa ni 'phags pa rnams kyi 'gro ba'o// btsun pa sha ra dwa ti'i bu 'ong ba zhes bya ba de ni tha snyad kyi sgra yang yi ge dang brda'o// btsun pa sha ra da ti'i bu 'gro ba zhes bya ba de ni tha snyad kyi sgra dang / yi ge dang / brda' kun nas shes pa'o// gang la tha snyad kyi sgra dang /

  11. 184b

    yi ge dang / brda' med pa dang / tha snyad kyi sgra dang / yi ge dang / brda' med pa dang / tha snyad kyi sgra dang yi ge dang brda' kun shes pa med pa de la 'ong ba yang med/ 'gro ba yang med de/ 'ong ba dang 'gro ba med pa ni/ 'phags pa rnams kyi 'gro ba'o// de nas tshe dang ldan pa sha ra dwa ti'i bus byang chub sems dpa' blo gros mi zad pa la 'di skad ces smras so// rigs kyi bu khyod kyi spobs pa 'di lta bu'i phyir ma yin gyi/ ci nas de lta bu sngon thos pa'i gnas rnams mnyan pa'i phyir 'dri'o// rigs kyi bu 'di lta ste dper na/ yul bcas dang sho gam gcod pa'i skyes bu zhig yod de/ des mi reng ngam khur thogs te lam nas 'gro ba la/ kye skyes bu khyod ci zhig thogs zhes 'dri zhing / nga la yul bcas sho gam ma byin cig ces zer na/ de bzhin du rigs kyi bu bdag nyan thos gzhan gyi sgra'i rjes su 'gro ba/ gzhan las thos pa la mos pa/ bdag gi sems kyi rgyud la snang ba nye bar gnas pa rnams kyis rtag tu rgyun mi chad par khyod lta bu skye bu dam pa rnams la gang la nyan thos dang / rang sangs rgyas mang po 'byung bar 'gyur ba'i theg pa chen po 'di rjes su bzung ba'i phyir/ dri bar bya ste/ de bas na rigs kyi bu khyod gang nas 'ongs/ de bzhin gshegs pa'i mtshan dang / 'jig rten gyi khams de'i ming ci zhes bya/ 'jig rten gyi khams de nas ji srid yod pa legs par ston cig khro zos mi

  12. 185a

    zad pas smras pa/ btsun pa shar da ti'i bu de bzhin gshegs pa 'di khyod kyi mdun na 'azhugs kyis 'di la zhus shib dang / des khyod la pa/ ljon par 'gyur te/ 'khor thams cad kyang the tshom med par 'gyur ro// de nas bcom ldan 'das la tshe dang ldan pa sha ra dwa ti'i bus 'di skad ces gsol to// bcom ldan 'das byang chub sems dpa' blo gros mi zad pa 'di gang na mchis/ de bzhin gshegs pa de'i mtshan dang / 'jig rten gyi khams de 'di nas ji srid na mchis/ 'di ltar de bzhin gshegs pa de'i mtshan dang / sangs rgyas kyi zhing de'i ming de thos nas/ tshad med grangs med pa'i sems can rnams/ byang chub kyi phyir go cha gyon par 'gyur bar de bzhin gshegs pas bstan du gsol/ bcom ldan 'das bde bar gshegs pas bstan du gsol/ bcom ldan 'das kyis bka' stsal pa/ sha ra dwa ti'i bu de'i phyir legs par nyon la yid la zung shig dang / ngas khyod la bshad do// 'jig rten gyi khams de'i yon tan yongs su brjod pa dang / byang chub sems dpa' de dag dang / de bzhin gshegs pa de'i ming thos nas/ dad pa dang mos pas de bzhin gshegs pa'i ye shes mi chags shing sgrib pa med pa la mi skrag par bya'o// the tshom za bar mi bya'o// de nas tshe dang ldan pa sha ra da ti'i bus legs so// bcom ldan 'das zhes gsol nas/

  13. 185b

    bcom ldan 'das la slar nyan pa dang / bcom ldan 'das kyis 'di skad ces bka' stsal to// sha ra dwa ti'i bu sangs rgyas kyi zhing 'di nas shar phyogs logs/ su sangs rgyas kyi zhing gang ga'i klung gi bye ma dang mnyam pa bcu'i rdul phra rab rnyed kyi 'jig rten gyi khams 'das pa na/ mi 'dzums pa zhes bya ba'i 'jig rten gyi khams yod de/ gan nas byang chub sems dpa' blo gros mi zad pa zhes bya ba 'di 'ongs pa de na/ de bzhin gshegs pa dgra bcom pa yang dag par rdzogs pa'i sangs rgyas kun tu bzang po zhes bya ba da ltar bzhugs te/ 'tsho zhing skyong la chos kyang 'chad de/ byang chub sems dpa' blo gros mi zad pa de nas 'ongs so// sha ra dwa ti'i bu mi 'dzums pa'i 'jig rten gyi khams de nas nyan thos dang / rang sangs rgyas rnams kyi ming yang med de/ de bzhin gshegs pa'i dge 'dun yang byang chub sems dpa' 'ba' shig ste/ sngon yongs su sbyang ba byas pa/ sbyin pa dang / dul ba dang / mi 'gyur ba dang / nges pa dang / ngatshul khrims dang / zos pa dang / bag yod pa dang / sbyangs pa'i yon tan dang / yo byad sbyangs pa la rab tu gnas pa la rab tu gnas pa/ bzod pa'i stobs kyis khong khro ba med cing byang chub tu brtson 'grus brtan pas/ dge ba'i rtsa ba'i tshogs bsags pa bsam gtan dang / rnam par thar pa dang / tinge 'dzin dang / snyoms par 'jug pa dang / mngon par shes

  14. 186a

    @#pa rnam par rol pa/ shes rab kyi 'od snang ba chen pos sangs rgyas kyi chos thams cad cig rab tu dbye ba bstan pa'i ye shes la mkhas pa/ byams pa'i sems na mkha' dang mtshungs pa/ snying rje'i bsab pa brtan pas sems can thams cad yongs su smin par bya ba'i cho ga shes pa dang / dka' bas chos yang dag par dga' bar byed pa dang / nyes pa dang rjes su chags pa dang / khong khro ba dang / nga rgyal shin tu spangs pa/ btang snyoms gnyis dang bral ba/ stong pa nyid dang / mtshan ma med pa dang / smon pa med pa'i chos kyis tshul rab tu gnas pa/ bdud kyi lcags kyus nyon mongs pa dang / zab mo'i rnyog pa rnam par sel ba/ sems can thams cad kyi bsam pa dang / dbang po mchog dang / mchog ma yin pa shes pa'i rnam par rig pa dang / so so ci rigs par chos kyi nor gyis ye shes rab tu sbyin pa/ sems/ sa dang / chu dang / me dang / rlung dang 'chungs pa/ pha rol rgol ba dang / log pa'i tshogs mang po rab tu 'jom pa/ g.yul las rnam par rgyal te/ rgyal mtshan dang / ba dan bsgreng zhing mi zlog par dpa' ba/ sangs rgyas kyi chos zab mo dang / stobs bcu dang mi 'jig pas/ 'khor gyi 'jigs pa dang / bag tsha ba med par rten cing 'brel par 'byung ba la 'jug

  15. 186b

    pa yod pa dang / med pa dang / gnyis ka'i mthar lta ba dang bral ba/ dbu ma'i lam du zhugs pa bdag dang / bdag gi dang / sems can dang / srog dang / skye ba dang / gso ba dang / skyes bu dang / gang zag dang / shed can dang / shed las skyes pa dang / byed pa po dang / tshor ba po dang / rtag pa dang / chad pa dang / 'byung ba dang / 'jig pa dang / lta bar gyur pa'i kun nas lta ba thams cad dang bral ba/ gzungs dang / mdo'i rgyal po dang / de bzhin gshegs pa'i phyag rgyas btab pa/ chags pa med pa'i ye shes kyi byin gyis brlabs kyis/ bskal pa bye ba khrag khrig brgya stong du sgra sbags kyang / spobs pa rgyun mi 'chad pa sangs rgyas kyi rdzu 'phrul dang / rnam par 'phrul pa dang / cho 'phrul ston pas sangs rgyas kyi zhing mtha' yas par 'gro ba dang / 'gro ba 'ong ba las mkhas pa 'jigs pa dang / khong khro ba dang / nga rgyal dang / rgyags pa dang / dregs pa kun chags pa dang / seng ge'i sgras mngon par spags ba/ sems can rab 'bring tha ma thams cad kyis bshes gnyen rten pa/ rab tu mya ngan las 'das pa la 'god pa/ chos kyi sprin las 'brug gi sgra 'byung zhing rig pa dang rnam par grol ba'i brag dang / bdud rtsi'i cha rab tu 'bebs pa dang / chos rin po cha rab tu gtor bas/ danan la chogagasum gyi

  16. 187a

    zo zon/ @#rigs ma chad par byed pa/ nor bu rin po che lta bur bsam pa dag cing phyi nang du blo rab tu sbyangs pa/ mtshan dang dpe byad bzang po'i mchog dang / rang gi gzi brjid kyi rgyan dang / dge ba'i rtsa ba brgya stong gis shin tu brgyan pa/ sangs rgyas kyi chos thams cad la dbang bskur bar skye ba gcig gis thogs byas rgyal chab tu gyur pa/ sems can thams cad kyis mos pa dang / rnam par grol ba dang / gdul ba rnams 'dul ba'i cho ga shes pa byang chub kyi sa'i snying po rdo rje'i gdan mnan pa dang / rnam par mnan pa la mi 'jigs pa'i thabs shes pa/ sangs rgyas thams cad kyi bya ba dang / sangs rgyas kyi sku rab tu ston cing / rab tu gzung ba dang / tshar gcod pas sems pa zhing dbang byed pa dang / bla na med pa'i chos kyi 'khor lo rin po che rab tu bskor ba sha stag ste/ sha ra da ti'i bu bcom ldan 'das de'i dge 'dun ni de lta bu'i byang chub sems dpa' sha stag go/ de nas 'khor de dag thams cad kyis/ byang chub sems dpa' de dag gi 'di lta bu'i sngags pa dang / yon tan gyi legs pa 'di thos nas dga' zhing mgu rangs te/ rab tu dga' ba dang / mos pa dang / yid pa bde ba skyes nas/ 'phrul gyi me tog ud pa la dang / pad ma dang / ku ma ta dang / pun 'da' rika dang / man 'da' ra ba dang / man 'da' ra ba chen pos bcom ldan 'das dang /

  17. 187b

    byang chub sems dpa' blo gros mi zad pa dang / byang chub sems dpa' de dag la gtor nas ched du brjod pa 'di skad brjod do// skyes bu dam pa 'di 'dra ba blta ba dang / phyag bya ba dang / bsnyen bkur bya ba rnyed pa ni bdag gis thob pa rab tu thob po// gang gis byang chub sems dpa'i yon tan gyi legs pa 'di thos na// bla na med pa yang dag par rdzogs pa'i byang chub tu sems bskyed pa'i sems can de dag gis kyang thob pa rab tu thob po// de nas srog chags brgya stong phrag sum cu rtsa drug gis bla na med pa yang dag par rdzogs pa'i byang chub tu sems bskyed do// de nas yang bcom ldan 'das kyis gnas brtan sha ri'i bu la bka' stsal pa/ sha ra dwa ti'i bu yang mi 'dzums pa'i 'jig rten gyi khams de ngan song dang / mi khom pa dang / sdug bsngal gyi sgra yang med/ ltung ba'i 'phrul pa dang / nyon mongs pa'i sgra yang med/ log pa'i yon tan dang slab pa las 'das pa'i sgra yang med/ bud med du skye bar 'gyur ba'i sgra yang med/ ser sna dang ngan pa'i ngang tshul dang / gnod sems dang / le lo dang / g.yeng ba dang / 'chal ba'i shes rab kyi sgra yang med/ sgrib pa dang / chod pa dang / kun nas ldang ba dang / bag chags kyi sgra yang med/ rab 'bring tha ma'i sgra yang med/ sems can dang / theg pa dang / shing tha dad pa'i sgra yang med/ sangs rgyas tha dad pa'i sgra yang med/ chos tha dad /

  18. 188a

    zosapa'i sgra yang med/ dge 'dun tha dad pa'i sgra yang med/ bza' ba dang / btung ba dang / bkres pa dang / skom pa'i sgra yang med/ ngar/ 'dzin pa dang / nga yir 'dzin pa dang / yongs su gzung ba'i sgra yang med/ bdud kyi lta ba kun nas ldang dang / bag chags kyi sgra sang med do// 'jig rten gyi khams de ni yangs shing rgya che ste/ gling bye ba khrag khrig brgya phrag bcu yod de/ byang chub sems dpa'i smon lam gyis nyi ma dang / zla ba cig gis 'od kyi kun snang ngo // 'jig rten gyi khams yang lag 'thil bzhin du mnyam zhing bai DUr+ya sngon po'i sa gzhi la rin po che thams cad kyi pad mos rab tu spras te/ ka tsa lin da ltar 'jam zhing reg pa na bde ba/ re 'ur bris shing rin po che'i shing gi ra bas kun tu brgyan pa/ rtag tu me tog rgyas par mdzes par byas pa/ rdo dang / gseg ma dang / gyo mo dang / bong ba dang / ri nag po med do// ri rab kyi shin tu brgyan pa/ lha dang / mi kun longs spyod dang / bye brag med cing sems cad de dag gi zas kyang chos kyi dga' ba dang / bsam gtan gyi zas te/ 'jig rten gyi khams de ni kun tu bzang po'i de bzhin gshegs pa dgra bcom pa yang dag par rdzogs pa'i sangs rgyas bla na med pa'i chos kyi rgyal po ma togs par rgyal po gzhan gang yang med do// bcom ldan 'das de yang byang chub sems dpa' de dag la yi ge dang /

  19. 188b

    sgra dang brda'i tshig rab tu dbye bas ches mi ston to// gzhan du na byang chub sems dpa' de dag bcom ldan 'das de'i drung du lhags te/ mig mi 'dzums pas bltas pas/ sangs rgyas rjes su dran pa'i ting nge 'dzin rab tu thob ste/ mi skye ba'i chos la bzod pa lung bstan pa byin no// de'i phyir na 'jig rten gyi khams de yang mi 'dzum pa zhes bya'o// de la sangs rgyas kyi rjes su dran pa gang zhe na/ gang+gA gzugs kyi mtshan nyid kyis rab tu ma phye ba/ tshe dang / rigs dang / rus dang / tshe rigs rab tu ma phye ba/ sngon gyi mtha'i dkar po'i spyod pas rab tu ma phye ba/ phyi ma'i mtha'i ye shes la sems pas rab tu ma phye ba/ da ltar byung ba gnas pas rab tu ma phye ba/ phung po dang / khams dang / skye mched kyis rab tu ma phye ba/ mthong ba dang / thos pa dang / bye brag phyed pa dang / rnam par rig pas rab tu ma phye ba/ sems dang / yid dang / rnam par shes pas rab tu ma phye ba/ spros pa dang / rgyu bas rab tu ma phye ba/ skye ba dang / gnas pa dang / 'jig pas rab tu ma phye ba/ gzung ba dang / brtsod pa dang / btang bas rab tu ma phye ba/ dran pa dang / yid la byed pas rab tu ma phyed rtog pa dang / rnam par rtog pa dang / yongs su rtog pas rab tu ma phye ba/ chos kyi mtshan nyid dang / rang gi mtshan nyid kyis rab tu ma phye ba/ cig dang /

  20. 189a

    tha dad pa dang / so so bas rab tu ma phye ba/ sems kyi dmigs pa dgrang bas rab tu ma phye ba/ nang dang phyir g.yo bas rab tu phye ba/ rnam par rtog pa'i mtshan ma dang blang ba dang / dor bas rab tu phye ba/ kha dog dang / dbyibs dang / mtshan mas rab tu ma phye ba/ spyod lam dang spyad ba dang / spyod pas rab tu ma phye ba// tshul khrims dang / ting nge 'dzin dang / shes rab dang / rnam par grol ba dang / rnam par grol ba'i ye shes mthong ba yid la byed pas rab tu ma phye ba/ stobs dang / mi 'jigs pa dang / sangs rgyas kyi chos ma 'dres par sgro btags pas rab tu ma phye ba yin te/ 'di ltar sangs rgyas kyi rjes su dran pa ni bsam gyis mi khyab pa/ rgyu ba med pa'i rnam par mi rig pa'i mtshan nyid de/ nga'i ba med pa'i yid la byed pa dang bral ba mi dran pa'i yid la byed pa med pa'i gnas/ phung po dang / khams dang / skye mched 'byung ba dang / 'jig pa'i gnas ma yin/ thogs pa ma yin/ 'jug pa ma yin/ gnas pa ma yin/ mi gnas pa ma yin/ rab tu gnas pa ma yin/ yang dag par gnas pa ma yin/ gzugs kyi rnam par shes pa'i gnas ma yin/ tshor ba dang / 'du shes dang / 'du byed dang / rnam par shes pas shes par bya ba'i gnas ma yin/ sa'i khams kyi rnam par shes pa'i gnas ma yin/ chu'i

  21. 189b

    khams kyi ma yin/ me'i khams kyi ma yin/ rlung gi khams kyi rnam par shes pa'i gnas ma yin/ ming dang gzugs kyi rnam par shes pa'i gnas ma yin/ de bzhin du rna ba'i ma yin/ sgra'i ma yin/ sna'i ma yin/ dri'i ma yin/ lce'i ma yin/ ro yi ma yin/ lus kyi ma yin/ reg bya'i ma yin/ yid kyi ma yin/ chos kyi rnam par shes pa'i gnas ma yino// de la sangs rgyas kyi rjes su dran pa ni dmigs pa thams cad la mi gnas pa'o// mtshan ma thams cad mi ldang ba'o// g.yo ba dang / sems pa dang / skyed pa thams cad kyi rgyu ba med pa'o// mthong ba dang / thos pa dang / bye brag byed pa dang / rnam par rig pa mi skyo ba'o// dbang po dang rnam par grol ba'i mtshan nyid thams cad kyi rjes su 'gro ba'o// sems cig nas cig tu phyir 'tshams sbyor ba med pa'o// rtog pa dang / rnam par rtog pa thams cad nye bar zhi ba'o// nyes pa dang / chags pa dang / khong khro ba bcom pa'o// rgyu'i mtshan nyid rnam par chad pa'o// pha rol dang tshu rol dang dpung dang mthar 'dzin pa thams cad yang dag par chad pa'o// sgro btags pas 'od gsal ba'o// phye ba med pa'i phyir dga' ba med pa'o// myang ba med pa'i phyir bde ba med pa'o// thog ma nas zhi bas yongs su gdung ba med pa'o// 'bad pa thams cad dang bral bas/ rnam par grol ba'i mtshan nyid do// gzugs med pas lus

  22. 190a

    @med pa'o// tshor ba med pas tshor bar gyur pa med pa'o// 'dud pa med pas mdun pa dang bral ba'o// 'du mi byed pas 'dus ma byas pa'o// rnam par shes pa med pas mi rig pa'i mtshan nyid do// mi 'dzin pas len pa med pa'o// mi gtong bas dor ba med pa'o// gnas med pas mi gnas pa'o// tshor ba dang bral bas mi 'dug pa'o// mi 'byung bas med par mi 'gyur ba'i mtshan nyid do// dran pa dang yid la byed pa dang / sems dang sems las byung ba'i chos thams cad kyis ma bzung ba rnyed pa med pa/ len pa med pa/ dor ba med pa/ rab tu zhi ba thog ma nas ma skyes pa/ mi skye bas rab tu phye ba/ chos kyi dbyings su yang dag par 'dra ba mnyam zhing mi mnyam pa med par gyur pa/ namakha' mtshungs shing mnyam pa/ mig dang gzugs kyi lam las 'das pa/ de bzhin du rna ba dang / sgra dang / sna dang / dri dang / lce dang / ro dang / lus dang / reg bya dang / yid dang / chos kyi lam las 'das pa ma yin te/ sangs rgyas kyi rjes su dran pa 'di 'dra ba/ byang chub sems dpa' de dag gis rab tu thob bo// de dag gis sangs rgyas kyi rjes su dran pa 'di thob ma thag tu chos thams cad la sgrib pa med pa'i ye shes thob par 'gyur te/ sangs rgyas bcom ldan 'das thams cad kyis gsungs pa 'dzin cing brjod pa yang

  23. 190b

    mi byed/ dran par yang mi byed de/ sgra'i don thams cad rnam par gdon mi za yang rnyed par 'gyur ro// sha ra dwa ti'i bu kun tu bzang po de bzhin gshegs pa ni ji ltar 'di na gzhan gyi sgra dang / so so rang gi tshul bzhin yid la byed pa ltar gnyis kyi rgyu dang / rkyen yang dag par lta ba mi ston te/ sha ra dwa ti'i bu byang chub sems dpa' de dag gis de bzhin gshegs pa de mthong ma thag tu don rnam par gdon mi za ba las pha rol tu phyin pa drug yongs su rdzogs par byed do// mi skye ba'i chos la bzod pa'i lung bstan pa yang rab tu thob po// de ci'i phyir zhe na/ gang gzugs kyi mtshan nyid la chags pa spangs pa 'di ni pha rol tu phyin pa'o// gang gzugs kyi mtshan nyid mi zad pa'i chos nyid 'di ni bzod pa'i pha rol tu phyin pa'o// gang gzugs kyi mtshan nyid dben par mthong ba 'di ni brtson 'grus kyi pha rol tu phyin pa'o// gang gzugs kyi mtshan nyid sems la mi gzhol ba 'di ni bsam gtan gyi pha rol tu phyin pa'o// gang gzugs kyi mtshan nyid la spros pa'i rgyu ba med pa 'di ni shes rab kyi pha rol tu phyin pa'o// de ltar byang chub sems dpa' de dag gis/ bcom ldan 'das kun tu bzang po de bzhin gshegs pa dgra bcom pa yang dag par rdzogs pa'i sangs rgyas mthong ma thag tu/ don rnam par gdon mi za ba las pha rol tu phyin pa yongs su rdzogs nas mi skye ba'i chos la bzod pa'i lung bstan pa thob bo//

  24. 191a

    @ji ltar bcom ldan 'das kun tu bzang po de bzhin gshegs pa'i sangs rgyas kyi zhing mi 'dzums pa'i 'jig rten gyi khams na de lta bu'i byang chub sems dpa' yongs su dag pa lta bu'i sangs rgyas kyi zhing nyung ngo // de nas tshe dang ldan pa sha ra da ti'i bus byang chub sems dpa' blo gros mi zad pa dang / byang chub sems dpa' de dag la 'di skad ces smras so// skyes bu dam pa dag gang khyod kyis bcom ldan 'das kun tu bzang po de bzhin gshegs pa de dang / byang chub sems dpa' de dag dang / mi 'dzums pa'i 'jig rten gyi khams de mthong ba de ni thob pa rab tu thob po// blo gros mi zad pas smras pa/ btsun pa sha ra da ti'i bu khyod mi 'dzums pa'i 'jig rten gyi khams de dang / bcom ldan 'das kun tu bzang po de bzhin gshegs pa de dang / pad mo bkod pa dag dang / byang chub sems dpa' de dag lta 'dod dam/ sha ra dwa ti'i bus smras pa/ rigs kyi bu 'khor 'di dag thams cad kyi 'ang dge ba'i rtsa ba rab tu 'phel bar 'gyur gyis bdag gis blta'o// de nas byang chub sems dpa' blo gros mi zad pa de'i tshe na sangs rgyas kyi zhing thams cad rab tu ston pa zhes bya ba'i ting nge 'dzin la snyoms par 'jug ste/ rigs kyi bu de snyems par zhugs ma thag tu/ de nas 'khor de dag thams cad dang / gnas brtan sha ra dwa ti'i bus mi 'dzums pa'i 'jig rten gyi khams

  25. 191b

    de dang / bcom ldan 'das kun tu bzang po de bzhin gshegs pa dgra bcom pa yang dag par rdzogs pa'i sangs rgyas de dang / pad mo bkod pa de dag dang / byang // chub sems dpa' de dag mthong ste/ mthong nas kyang thams cad rang rang gi stan las langs te thal mo sbyar nas/ bcom ldan 'das kun tu bzang po de bzhin gshegs pa dgra bcom pa yang dag par rdzogs pa'i sangs rgyas dang / byang chub sems dpa' de dag la phyag 'tshal lo// de nas sangs rgyas kyi mthu dang / byang chub sems dpa' blo gros mi zad pa'i byin gyis brlabs kyis de dag gi lag pa g.yas par sngon ma thos pa'i me tog gi phur ma dri rab tu zhim zhing sna tshogs lta na sdug pa/ kha dog dang ldan pa/ yid du 'ong ba byung bar 'gyur te/ de dag gi me tog de dag shar phyogs su bcom ldan 'das kun tu bzang po de bzhin gshegs pa dgra bcom pa yang dag par rdzogs pa'i sangs rgyas gang na ba der logs su me tog phur ma de dag gtor te/ me tog gtor ba de dag sangs rgyas kyi zhing der chags te/ kun tu bzang po de bzhin gshegs pa dgra bcom pa yang dag par rdzogs pa'i sangs rgyas dang / byang chub sems dpa' de dag la mngon par gtor nas/ de dag gis 'jig rten gyi khams thams cad me tog gis gang bar gyur to// byang chub sems dpa' de dag gis kyang / bcom ldan 'das kun tu bzang po de bzhin gshegs pa dgra bcom

  26. 192a

    pa yang dag par rdzogs pa'i sangs rgyas de la bcom ldan 'das 'di ltar bltan sdug pa'i me tog gi char 'di dag ga las bab ces gus so// bcom ldan 'das des bka' stsal pa/ rigs kyi bu rnams 'di ni byang chub sems dpa'i blo gros mi zad pa/ bcom ldan 'das shAkya thub pa de de bzhin gshegs ba de lta ba dang / d+hag lal ba dang / mchod pa dang / bsnyen bkur bya ba dang / chos mnyan pa'i phyir mi mdzod kyi 'jig rten gyi khams bcom ldan 'das thub pa'i sangs rgyas kyi zhing der phyin nas/ 'jig rten gyi khams der phyogs bcu nas 'dus pa'i byang chub sems dpa' de dag gi me tog 'di dag gtor te/ bcom ldan 'das de yang 'das pa'i le'u zhes bya ba'i chos kyi rnam grangs ston te/ der yang tshad med pa'i sems can gyi chos mngon du rtogs par 'gyur/ de dag gis gsol pa/ gang na bcom ldan 'das shAkya thub pa de bzhin gshegs pa bzhugs pa'i sangs rgyas kyi zhing de gang na 'jig rten gyi khams de 'di nas ji srid mchis/ bcom ldan 'das des bka' stsal pa/ sangs rgyas kyi zhing 'di nas nub phyogs logs su sangs rgyas kyi zhing gang gi'i klung gi bye ma dang mnyam pa bcu'i rdul phra rab rnyed kyi 'jig rten gyi khams 'das pa na/ mi mjed ces bya ba'i 'jig rten gyi khams yod de/ de nas bcom ldan 'das shAkya thub pa de bzhin gshegs pa dgra bcom yang dag pa

  27. 192b

    rdzogs pa'i sangs rgyas da ltar bzhugs te/ 'tsho zhing skyong ba chos kyang 'chad do// de dag gis gsol pa/ bcom ldan 'das bdag cag gis mi mjed kyi 'jig rten gyi khams de dang / bcom ldan 'das shAkya thub pa de bzhin gshegs pa dgra bcom pa yang dag par rdzogs pa'i sangs rgyas de dang / byang chub sems dpa' de dag blta'o// de nas de'i tshe kun tu bzang po de bzhin gshegs pa dgra bcom pa yang dag par rdzogs pa'i sangs rgyas kyi sku las 'di lta bu'i 'od phyung ste/ 'od des sangs rgyas kyi zhing de dag thams cad las thal nas/ mi mjed kyi 'jig rten gyi khams 'di dang / bcom ldan 'das shAkya thub pa de bzhin gshegs pa dang / byang chub sems dpa' 'di dag rang gi byang chub sems dpa' de dag la stan te/ de dag gis mthong nas thams cad rang gi stan las langs te thal mo sbyar nas/ bcom ldan 'das shAkya thub pa de bzhin gshegs pa 'di dang / byang chub sems dpa' 'di dag la phyag 'tshal zhing / tshig 'di skad ces smras so// bcom ldan 'das 'di ltar 'jig rten gyi khams 'di na skra'i rtse mo bzhag pa tsam yang / byang chub sems dpas ma gang ba ma mchis na/ byang chub sems dpa' 'di snyed gang nas 'dus/ bcom ldan 'das des bka' stsal pa/ rigs kyi bu rnams byang chub sems dpa' 'di dag ni phyogs bcu'i sangs rgyas

  28. 193a

    blo thosakyi zhing tshad med pa nas chos nyan pa'i phyir 'dus so// de nas tshe dang ldan pa sha ra da ti'i bus byang chub sems dpa' blo gros mi/ zad pa la 'di skad ces smras so// ci'i phyir rigs kyi bu khyod kyi ming blo gros mi zad pa shes btags/ blo gros mi zad pas smras pa/ btsun pa sha ra da ti'i bu blo gros mi zad pa zhes bya ba 'di ni chos thams cad kyi dmigs su med pa'i rgyu mthun pa'o// de ci'i phyir zhe na/ chos thams cad mi zad pa'i phyir ro// smras pa/ rigs kyi bu khyod byang chub sems dpa' rnams kyi chos mi zad pa stan pa la bsams te/ spobs par gyis shig/ blo gros mi zad pas smras pa/ btsun pa sha ra dwa ti'i bu byang chub sems dpa' rnams kyi thog ma sems skyed pa yang mi zad pa'o// de ci'i phyir zhe na/ ma 'dres pa'i phyir ro// sems de ni nyon mongs pa thams cad ma 'dres par skyes so// theg pa gzhan la 'dod pas sems de ni ma 'dres par skyes so// pha rol rgol ba thams cad kyis mi phrog pas na sems de ni sra bar skyes so// sems de ni bdud thams cad kyis mi phyed par skyes so// dge ba'i rtsa ba thams cad yang dag par bsgrub pa'i phyir sems de ni brtan par skyes so// 'dus byas mi rtag par shin tu rig pas na sems de ni rtag par smras so// sangs rgyas kyi chos thams cad yang dag par bsdud pas

  29. 193b

    sems de ni mi g.yo bar skyes so// log pa'i nan tan thams cad dang bral bas sems de ni mi rdzi bar skyes so// mi bskyod pas ni sems de ni shin tu gnas par skyes so// gnyen po med pas na sems de ni dpe med par skyes so// chos thams cad la nges par 'big pas na sems de ni rdo rje lta bur skyes so// tshad med pa'i bsod nams kyi tshogs bsags pas na sems de ni mu med par skyes so// sems can thams cad kyi bsam pa la sems de ni mnyam par skyes so// tha dad du 'byed pa med pas na sems de ni mi mnyam pa med par bskyed par skyes so// rang bzhin gyis kun nas nyon mongs pa med pas na sems de ni rnam par dag par skyes so// shes rab kyi 'od gsal ba'i phyir/ sems de ni dri ma med par skyes so// lhag pa'i bsam pa ma nor bas na sems de ni shin tu nges par bsam te skyes so// byams pa ni na mkha' dang mnyam zhing mtshungs pas na/ sems de ni yangs par skyes so// sems can thams cad kyi rko 'byed pas na sems de ni rgya cher skyes so// ma chags pa'i ye shes la btang bas na/ sems de ni sgrib pa med par skyes so// snying rje chen po rgyun ma bcad de sems de ni thams cad kyi rjes su sngo bar skyes so// sngo ba'i tshe ga shes pas na sems de ni rgyun ma chad par skyes so// thams cad mkhyen pas rab tu bstod

  30. 194a

    #de sems de ni mngon du 'gro bar bya bar skyes so// theg pa gzhan la zhugs pas sems de ni lta bar 'os pa'o// sems/ de ni sems can thams cad kyis bltar mi mthong bar skyes so// sems de ni sangs rgyas kyi chos thams cad kyi sa bon du skyes so// sems de ni chos thams cad kyis mi shigs par skyes so// sems de ni bde ba'i dngos po thams cad kyis gnas su skyes so// sems de ni bsod nams kyi tshogs kyis brgyan par skyes so// sems de ni ye shes kyi tshogs kyis rab tu rtogs te skyes so// sems de ni sbyin pa'i tshogs kyis rab tu bsags te skyes so// sems de ni tshul khrims kyis smon lam gyis 'phags par skyes so// sems de ni bzod pa'i tshogs kyis bsnyed dka' bar skyes so// sems de ni brtson 'grus kyi tshogs kyis rgyal bar dka' bar skyes so// sems de ni bsam gtan gyi tshogs kyis zhi ba'i mtshan nyid du skyes so// sems de ni shes rab kyis thogs pa med par skyes so// byams pa chen po bsags pas sems de ni gnod pa med par skyes so// snying rje chen po bsags pas sems de ni rtsa bas rab tu gnas pa'o// sems de ni dga' ba chen po bsags pa te/ mgu ba dang / mos pa dang / rab tu dga' ba la gnas par skyes so// sems

  31. 194b

    de ni btang snyoms chen po bsags pa ste/ bde ba dang sdug bsngal gyis mi skul par skyes so// sems de ni sangs rgyas thams cad kyi byin gyis brlabs par skyes so// sems de ni dkon mchog gsum gyi rigs mi bcod pa'i tshul rgyun mi 'chad par skyes so// sems de ni phyogs bcu'i sangs rgyas kyi zhing thams cad kyi 'khor gyi dkyil 'khor du rab tu grags par skyes so// btsun pa sha ra dwa ti'i bu thams cad mkhyen pa'i sems 'di 'dra bar bskyed pa la/ zad pa gang yang yod dam/ sha ra dwa ti'i bus smras pa/ rigs kyi bu de lta ma yin no// gang thams cad mkhyen pa'i sems bskyed pa 'di lta bu zad par 'dod pa ni na mkha' zad par 'dod do// blo gros mi zad pas smras pa/ btsun pa sha ra dwa ti'i bu de bzhin gshegs pa'i sems de ni zad pa ste/ byang chub kyi sems de ni de'i rtsa bar skyes pas na de'i phyir de mi zad pa'o// btsun pa sha ra dwa ti'i bu de bzhin gshegs pa'i tshul khrims dang / ting nge 'dzin dang / shes rab dang / rnam par grol ba dang / rnam par grol ba'i ye shes mthong ba'i phung po ni mi zad pa ste/ byang chub sems de ni dge ba'i rtsa bar skyes pas na de'i phyir de mi zad pa'o// btsun pa sha ra dwa ti'i bu de bzhin gshegs pa'i bsam gtan dang / rnam par thar pa dang / ting nge 'dzin dang / snyoms par

  32. 195a

    @#'jug pa rnams mi dad pa ste/ byang chub kyi sems de ni de dag gi rtsa bar skyes pas na/ de'i phyir de mi zad pa'o// btsun pa sha ra dwa ti'i bu de bzhin gshegs pa'i sbyin pa dang / tshul khrims dang / bzod pa dang / brtson 'grus dang / bsam gtan dang / shes rab kyi pha rol tu phyin pa rnams mi zad pa ste/ byang chub kyi sems de ni de dag gi rtsa bar skyes pas na/ de'i phyir de dag mi zad pa'o// btsun pa sha ra dwa ti'i bu de bzhin gash+ye ba'i byams pa dang / snying rje dang / dga' ba dang / btang snyoms rnams mi zad pa ste/ byang chub kyi sems de ni de dag gi rtsa bar skyes ni/ de'i phyir de dag mi zad pa'o// btsun pa sha ra da ti'i bu de bzhin gshegs pa'i stobs bcu dang / mi 'jigs pa bzhi dang / sangs rgyas kyi chos ma 'dres pa bcwo brgyad rnams ni mi zad pa ste/ byang chub kyi sems de ni ngag gi rtsa bar skyes pas na/ de'i phyir de dag mi zad pa'o// btsun pa sha ra dwa ti'i bu mdor na sangs rgyas kyi chos thams cad mi zad pa ste/ byang chub kyi sems de ni dag gi rtsa bar skyes pas na/ de'i phyir de dag mi zad pa'o// dkon mchog gsum gyi rigs rgyan mi bcod pas na mi zad pa'o// sems can gyi khams mi zad pas na mi zad pa'o// de'i ye shes la btang bas mi zad pa'o// sems can thams/

  33. 195b

    cad kyi sems mi spyod pa rtogs pas na mi zad pa'o// sngon gyi smon lam gyi rgyun mi gcod pas na mi zad pa'o// 'dus ma byas su sngos pas na mi/ zad pa'o// 'dus ma byas pa la sems can yongs su smin par byed pas na mi zad pa'o// zad pa'i ye shes pas mi skye ba'i ye shes mi zad pas na mi zad pa'o// 'byung ba med cing 'jigs pa med pas na mi zad pa'o// chos thams cad thog ma nas zad pa ste/ ye shes de mngon par brtogs pas na mi zad pa'o// 'di ni btsun pa sha ra dwa ti'i bu byang chub sems dpa' rnams kyi sems mi zad pa'o// gzhan yang btsun pa sha ra dwa ti'i bu byang chub sems dpa' rnams kyi bsam pa mi zad pa ste/ de ci'i phyir zhe na/ bsam pa de yang ma byas pas na bcos ma ma yin no// g.yo med pas na byas pa ma yin no// rab tu rtog pas na g.yo med pa'o// sgyu med pas na rab tu rtogs pa'o// dag pas na rgyu med pa'o// drangs pas na dag pa'o// gya gyu med pas na drang ba'o// gsal/ bas na gya rgya med pa'o// mi mnyam pas na gsal ba'o// sra bas na mi mnyam pa med pa'o// mi byed pas na sra ba'o// mkhrang bas mi byed pa'o// mi g.yo bas na mkhrang ba'o// mi gnas pas na mi g.yo ba'o// de la ma chags pas ni mi gnas pa'o// bye brag tu 'phags pas na de la ma chags pa'o// ma swad/

  34. 196a

    pas na bye brag tu 'phags pa'o// legs par byas pa'i las kyi phyir ma smras pa'o// ma bshungs pas na legs par byas pa'i las so// 'gyod pa med pas ma bshungs pa'o// bdung ba med pas na 'gyed pa med pa'o// bden par gyur pas na mi gdung ba'o// slu ba med pas na bden par gyur pa'o// ji skad smras pa de bzhin byed pas na mi slu ba'o// legs par byas pas na ji skad smra ba de bzhin byed pa'o// rjes su sbyor ba med pas legs pa'o// 'phrul pa med pas na rjes su sbyor ba med pa'o// legs par gnas pas na 'khrul pa med pa'o// phyir mi ldog pas na legs par gnas pa'o// sems can la lta bas na phyir mi zlog pa'o// snying rje chen po'i rtsa ba'i phyir sems can la blta ba'o// yongs su mi skye bas na snying rje chen po'i rtsa ba'o// sems can yongs su smin par bya ba'i cho ga shes pas na ma chags pa'o yongs su skyo ba'o// bdag bde ba med pas na sems can yongasu smin par bya ba'i cho ga shes pa'o// lan mi re bas bdag la bde ba med pa'o// ma chags pas lan re ba med pa'o// chos kyi phyir 'gro bar gyur pas na ma chags pa'o// sems can mthu chung ba rnams la lta bas chos kyi phyir 'brang bar gyur pa'o// dpung gnyen du gyur pas na sems can mthu chu ngu lta blta ba'o// skyabs su gyur pas dpung gnyen

  35. 196b

    du gyur pa'o// 'gon du gyur pas na skyabs su gyur pa'o// nyon mi mongs pas na mgon du gyur pa'o// shin tu btags pas na nyon mi mongs pa'o// rgal ba med pas na shin tu rtags pa'o// bsam pa dge bas na rgal ba med pa'o// ci yang med pas na bsam pa dge ba'o// shin tu yongs su dag pas na ci yang med pa'o// / shin tu dka' bas na shin tu yongs su dag pa'o// nang gi dri ma med pas na shin tu dkar ba'o// phyi rol dag pas nang dri ma med pa'o// rnam pa thams cad yongs su dag pas na phyi rol dag pa ste/ btsun pa sha ra da ti'i bu byang chub sems dpa' rnams ni bsam pa de ni ser sna spang ba'i phyir blta ste/ sems can ser sna can rnams yongs su smin par byed pas pa mi zad par blta ba'o// bsam pa ni ngan pa'i ngang tshul gyi dri ma spangs pa'i phyir blta ste/ sems ngan pa'i tshul can rnams yongs su smin par byed pas bsam pa mi zad par blta ba'o// bsam pa ni gnod sems kyi tha ba dang / nyes pa spang ba'i phyir blta ste/ gnod par sems pa'i sems can rnams yongasu smin par byed pas bsam pa mi zad par blta'o// bsam pa ni le lo spang ba'i phyir blta ste/ sems can le lo can rnams yongs su smin par byed pas/ bsam pa mi zad par blta'o// bsam pa ni sems g.yeng ba 'dor ba'i phyir lta ste/ sems can sems g.yeng ba rnams yongs su smin

  36. 197a

    par byed pas bsam pa mi zad par blta'o// bsam pa ni 'chad pa'i shes rab spong ba'i phyir blta ste/ sems can 'chal pa'i shes/ rab can rnams yongs su smin par byed pas bsam pa mi zad par blta'o// btsun pa sha ra dwa ti'i bu mdor na sems can thams cad kyi mi dge ba'i chos thams cad spab ba'i phyir blta ste/ sems can thams cad dge ba'i chos la sbyor du 'dzud pas/ bsam pa mi zad par blta'o// btsun pa sha ra dwa ti'i bu 'di ni byang chub sems dpa' rnams kyi bsam pa mi zad pa zhes bya'o// gzhan yang btsun pa sha ra dwa ti'i bu byang chub sems dpa' rnams kyi bsam pa mi zad pas na/ sbyor ba mi zad pa yin te/ de ci'i phyir zhe na/ sbyin pa'i bsam pa ni byang chub sems dpa'i sbyor ba mi zad pa ste/ gang yang bdog pa thams cad yongs su btong bar snang ba 'di ni sbyor ba'o// tshul khrims kyi bsam pa ni byang chub sems dpa'i sbyor ba mi zad pa ste/ gang yang tshul khrims dang / slab pa dang / sbyangs pa'i yon tan dang / yo byad bsnyungs pa yang dag par 'dzin par snang ba 'di ni de'i sbyor ba'o// bzod pa'i bsam pa ni byang chub sems dpa'i sbyor ba mi zad pa ste/ gang yang sem can thams cad la khong khro ba med pa'i sems yongs su snang ba de'i sbyor ba'o// brtson 'grus kyi bsam pa ni byang chub sems dpa'i sbyor ba mi zad pa ste/ gang /

  37. 197b

    yang dge ba'i rtsa ba thams cad kyi sngon du 'gro bar snang ba 'di ni de'i sbyor ba'o// bsam gtan gyi bsam pa ni/ byang chub sems dpa'i sbyor ba mi zad pa ste/ gang yang bsam gtan yongs su sbyong bar snang ba 'di ni de'i sbyor ba'o// shes rab kyi bsam pa ni byang chub sems dpa'i sbyor ba mi zad pa ste/ gang yang thos pa yongasu sbyong bas 'di ni de'i sbyor ba'o// byams pa dang / snying rje dang / dga' ba dang / btang snyoms bsam pa ni/ byang chub sems dpa'i sbyor ba mi zad pa ste/ gang yang sems can rnams la phan pa dang / bde ba'i phyir dang / chos kyi dga' ba la mos shing chags pa dang / khong khro ba spong bar snang ba de'i sbyor ba'o// gang lus kyi las rnam gsum gyi sdom pa yongs su dag pa'i phyir lus bsam pa ni byang chub sems dpa'i sbyor ba mi zad pa'o// ngag gi gi nyes pa rnam pa bzhi yongs su spangs pa'i phyir/ ngag gi bsam pa ni byang chub sems dpa'i sbyor ba mi zad pa'o// gnod sems dang / chags pa dang / log par lta ba med pa'i phyir sems kyi bsam pa ni byang chub sems dpa'i sbyor ba mi zad pa'o// chos la slob dpon 'chab pa med pa'i phyir/ thos pa'i bsam pa ni byang chub sems dpa'i sbyor ba mi zad pa'o// thams cad mkhyen pa'i sems su sbyor ba'i phyir/ slob dpon mi 'chab pa'i bsam pa ni byang chub sems dpa'i

  38. 198a

    sbyor ba mi zad pa'o// sems can gzhan byang chub kyi sems yang dag par 'dzin tu 'jug pa'i phyir/ thams cad mkhyen pa'i sems kyi bsam pa ni/ byang chub sems dpa'i sbyor ba mi zad pa'o// byang chub tu bya'i phyir dge ba'i rtsa ba la sbyor ba bsam pa ni/ byang chub sems dpa'i sbyor ba mi zad pa'o// sangs rgyas kyi chos thams cad yang dag par sdud pa'i phyir/ byang chub tu sngo ba'i bsam pa ni/ byang chub sems dpa'i sbyor ba mi zad pa'o// dam pa'i chos kun 'dzin pa'i phyir/ sangs rgyas kyi chos thams cad yang dag par bsdus pa'i bsam pa ni/ byang chub sems dpa'i sbyor ba mi zad pa'o// nyes pa 'chags pa'i phyir dam pa'i chos kun 'dzin pa'i bsam pa ni/ byang chub sems dpa'i sbyor ba mi zad pa'o// sdig pa 'thol ba'i phyir nyes pa bshags ba'i bsam pa ni/ byang chub sems dpa'i sbyor ba mi zad pa'o// bsod nams thams cad kyi rjes su yid rang phyir sdig pa 'thol ba'i bsam pa ni/ byang chub sems dpa'i sbyor ba mi zad pa'o// tshad med pa'i bsod nams kyi tshogs bsags pa'i phyir/ bsod nams thams cad kyi rjes su yid rang ba'i bsam pa ni/ byang chub sems dpa'i sbyor ba mi zad pa'o// sangs rgyas thams cad la gsol ba 'debs pa'i phyir/ tshad med pa'i bsod nams kyi tshogs bsags pa'i

  39. 198b

    bsam pa ni/ byang chub sems dpa'i sbyor ba mi zad pa'o// dam pa'i chos yongs su 'dzin pa'i phyir/ sangs rgyas thams cad la gsol ba 'debs pa'i bsam pa ni/ byang chub sems dpa'i sbyor ba mi zad pa'o// skyes bu dam pa'i las kyi phyir dam pa'i phyir yongs su 'dzin pa'i bsam pa ni/ byang chub sems dpa'i sbyor ba mi zad pa'o// khur blangs pa sgrol ba'i phyir/ skyes bu dam pa'i las kyi bsam pa ni/ byang chub sems dpa'i sbyor ba mi zad pa'o// go cha sra zhing mi 'dor ba'i phyir khur blangs pa'i sgrol ba'i bsam pa ni/ byang chub sems dpa'i sbyor ba mi zad pa'o// sems can thams cad kyi bya ba rab tu bsgrub pa'i phyir/ go cha sra zhing mi 'dor ba'i bsam pa ni/ byang chub sems dpa'i sbyor ba mi zad pa'o// yang btsun pa sha ra dwa ti'i bu bzhi po 'di dag ni/ byang chub sems dpa' rnams kyi sbyor ba mi zad pa te/ bzhi gang zhe na/ byang chub sems dpa'i sbyor ba mi zad pa dang / chos kyi sbyin pa ston pa'i sbyor ba mi zad pa dang / sems can yongs su smin par byed pa'i sbyor ba mi zad pa dang / dge ba'i rtsa ba bsags pa'i sbyor ba mi zad bo ste/ bzhi po de dag ni sbyor ba mi zad pa'o// gzhan yang sbyor ba mi zad pa bzhi ste/ bzhi gang zhe na/ dgon pa la gnas shing sbyangs pa'i yon

  40. 199a

    thos/ na dang / yo byad bsnyungs pa'i rjes su 'gro ba la mi ngoms pa'i sbyor ba mi zad pa dang / bsod nams dang ye shes kyi tshogs bsags pa la/ mi ngoms pa'i sbyor ba mi zad pa dang / thos pa btsal ba la mi ngoms pa'i sbyor ba mi zad pa dang / byang chub tu sngo ba'i shes pas mi ngoms ba'i sbyor ba mi zad pa dang / gzhan yang sbyor ba mi zad pa bzhi ste/ bzhi gang zhe na/ bgrang ba rtogs pa'i sbyor ba mi zad pa dang / gzhal ba rtogs pa'i gter mi zad pa dang / dpyad pa rtogs pa'i sbyor ba mi zad pa dang / so sor rtogs pa'i sbyor ba mi zad pa ste/ bzhi po de dag ni sbyor ba mi zad pa'o// gzhan yang sbyor ba mi zad pa bzhi ste/ bzhi gang zhe na/ kun nas nyon mongs pa'i rgyu rtogs pa'i sbyor ba mi zad pa dang / rnam par byang ba'i rgyu rtogs pa'i sbyor ba mi zad pa dang / kun nas nyon mongs pa'i rgyu kun stan pa'i sbyor ba mi zad pa dang / rnam par byang ba'i yon tan gyi legs pa kun brjod pa'i sbyor ba mi zad pa ste/ bzhi po de dag ni sbyor ba mi zad pa'o// gzhan yang sbyor ba mi zad pa bzhi te/ bzhi gang zhe na/ phung po la rtag pa'i sbyor ba mi zad pa dang / khams la rtag pa'i sbyor ba mi zad pa dang / skye mched la brtag pa'i sbyor ba mi zad pa dang / rten cing 'brel par 'byung ba la brtag pa'i sbyor ba mi zad pa ste/

  41. 199b

    bzhi po de dag ni sbyor ba mi zad pa'o// gzhan yang sbyor ba mi zad pa bzhi ste/ bzhi gang zhe na/ 'du byed mi rtag par yongs su ston pa'i sbyor ba mi zad pa dang / 'du byed sdug bsngal ba'i yongs su snyan pa'i sbyor ba mi zad pa dang / chos thams cad bdag med pa yongs su bstan pa'i sbyor ba mi zad pa'o// mya ngan las 'das pa zhi ba la nye bar dpyad pa bstan pa'i sbyor ba mi zad pa dang / btsun pa sha ra dwa ti'i bu 'dor na byang chub sems dpa' sbyor ba mi rnyed pa de dag thams cad ni/ thams cad mkhyen pa la gzhol ba/ thams cad mkhyen pa la 'bab pa/ thams cad mkhyen pa la yang mi zad pas na de'i phyir byang chub sems dpa' rnams kyi sbyor ba thams cad kyang mi zad pa'o// btsun pa sha ra da ti'i bu 'di ni byang chub sems dpa' rnams kyi sbyor ba mi zad pa'o zhes bya'o// gzhan yang btsun pa sha ra dwa ti'i bu byang chub sems dpa' rnams kyi lhag pa'i bsam pa mi zad pa yin te/ de ci'i phyir zhe na/ dge ba'i rtsa ba thams cad la lhag par dmigs pa'i phyir/ the na byang chub sems dpa' gang cung zad sems dpa' de thams cad dge ba'i rtsa ba lhag par dmigs pa'i chur 'gyur te/ sa nas par bzhag pa'i phyir 'ab ba'i bsam pa'o// bre brab tu 'gro ba'i phyir rgal ba'i lhag pa'i bsam pa'o// keng nas pang du cen

  42. 200a

    @#tu 'phags pas na rtse mor lhag pa'i bsam pa'o// bye brag gi chos kun 'dzin pas na/ bye brag tu 'phags pa'i lhag pa'i bsam pa'o// sangs rgyas kyi chos thams cad la mngon sum pa'i lhag pa'i bsam pa'o// bye brag tu bstan pa'i chos rnams la lhag par dmigs pa'i bsam pa'o// bcom pa thams cad las sgrol ba'i lhag pa'i bsam pa'o// 'bad pas yongs su mi skyo bas na/ gnon mi za bar byas pa'i lhag pa'i bsam pa'o// rtul zhugs thams cad yongs su 'gengs pas na/ rtul zhugs pa'i lhag pa'i bsam pa'o// grogs bdag yin pas go skabs med pa'i lhag pa'i bsam pa'o// rmu rgod ma yin pas na cang shes kyi sa'i lhag pa'i bsam pa'o// 'phags pas na dul ba'i sa'i lhag pa'i bsaM ba'o// skye bo mi srun pa dang / nyon mongs pa dang ma 'dres pas lhag pa'i bsam pa'o// yan lag gi dam pa mgo yongs su gtong bas/ sbyin pa dka' ba yongs su gtong ba'i lhag pa'i bsam pa'o// sems can ngan pa'i ngang tshul can rnams kyi dpung gnyen pas na/ tshul khrims dka' ba'i lhag pa'i bsam pa'o// sems can mthu chung ba rnams kyi nyes pa bag la zha bar byed pas na/ bzod pa dka' ba'i lhag pa'i bsam pa'o// nyan thos/

  43. 200b

    dang rang sangs rgyas thams cad kyi byang chub lag 'thil du 'ongs pa 'dor bas na/ brtson 'grus dka' ba'i lhag pa'i bsam pa'o// bsam gtan gyi ro mi myang bas na/ bsam gtan dka' ba'i lhag pa'i bsam pa'o// dge ba'i rtsa ba thams cad kyi tshogs la mi smod pas na/ shes rab dga' ba'i lhag pa'i bsam pa'o// sems can thams cad kyi bya ba bsgrub pa'i phyir/ brtsams pa dang spyod pa las sgrol ba'i lhag pa'i bsam pa'o// shes pas rab tu brtags pas na/ nga rgyal dang che ba'i nga rgyal bas che ba'i nga rgyal dang / nga'i nga rgyal dang mngon pa'i nga rgyal dang / chung ba'i nga rgyal dang / log pa'i nga rgyal log pa'i lhag pa'i bsam pa'o// len re ba med pas na sems can thams cad sbyin pa'i gnas kyi lhag pa'i bsam pa'o// sangs rgyas kyi chos zab mo la rtag tu rtogs pa'i phyir mi sdang ba'i lhag pa'i bsam pa'o// byin gyis brlabs kyi 'gro bas na/ khyad par du 'gro ba'i lhag pa'i bsam pa'o// khur blangs pa'i sgo bas na ma zhum pa'i lhag pa'i bsam pa'o// rtag tu brtson pas na mi zad pa'i lhag pa'i bsam pa'o// yang lhag pa'i bsam pa zhes bya ba ni 'byung po rnams la nges pa'o// sems can rnams la byams pa'o// 'phags pa'i rnams la ben par sems pa'o/

  44. 201a

    blo zas/ 'phags pa ma yin pa la snying rje ba'o// bla ma la rim gro byed pa'o// dpung gnyen med pa rnams la dpung gnyen no// skyabs med pa rnams la skyabs so// gling med pa rnams la gling ngo // mgon med pa rnams la mgon/ grogs med pa rnams la grogs so// gya gyu can rnams la drang ba'o// dmu rgod rnams la gsal ba'o// g.yo can rnams la g.yo ba med pa'o// sgyu can rnams la sgyu med pa'o// byas pa mi gzo ba rnams la byas pa gzo ba'o// 'khor ba rnams la byas pa tshor ba'o// mi ngan pa rnams la phan bdag pa'o// log par gyur pa la bden pa'o// po theg can la nga rgyal med pa'o// legs par byas pa rnams la mi snod pa'o// gzhan gyi 'phrul pa la mi brtsod pa'o// log par zhugs pa rnams la kun bsrung ba'o// thabs kyi dge ba'i spyod pa thams cad la nyes par mi blta'o// sbyin gnas rnams la rim gro byed pa'o// bstan pa la mthun par 'dzin pa'o// bstan pa dang gdams pa la dka' blo bde ba'o// dgon par gnas pa la gus par byed pa'o// rnyed pa dang / bkur sti dang / tshigs su bcad pa mi 'dod pa'o// lus dang srog la mi lta ba'i lhag pa'i bsam pa dag pas ni tshul 'chos pa med pa'o// ngag bsdams pas na kha gsags med pa'o// bdag gi rnyed pas

  45. 201b

    chog shes pas na bzhog slongs med pa'o// sems nyon mongs pas na lus su rung ba'o// dge ba'i rtsa ba dang tshogs thams cad bsags pas na 'khor ba ni bzhag pa'o// sems can thams cad lta bas na sdug bsngal thams cad la mi 'jed pa'o// de'i phyir na skyes bu dam pa de dag gi lhag pa'i bsam pa thams cad mi zad pa yin te/ bsod nams thams cad kyis nges par brtan pa dang / sems can thams cad nye bar 'tsho ba dang / ye shes mi zad pa'i yang dag par bsgrub pa'i phyir/ 'khor ba'i nyon mongs pa thams cad kyis zad par mi nus so// btsun pa sha ra dwa ti'i bu 'di ni byang chub sems dpa' rnams kyi lhag pa'i bsam pa mi zad pa'o// de nas tshe dang ldan pa sha ra da ti'i bus byang chub sems dpa' blo gros mi zad pa la 'di skad ces smras so// rigs kyi bu byang chub sems dpa' rnams kyi mi zad pa gzhan la la yod dam/ blo gros mi zad pas smras pa/ btsun pa sha ra da ti'i bu yod do// byang chub sems dpa' rnams kyi sbyin pa yang mi zad pa ste/ de ci'i phyir zhe na/ tshad med pa'i phyir ro// btsun pa sha ra dwa ti'i bu byang chub sems dpa' rnams kyi sbyin pa yongs su sbyang ba yang tshad med pa ste/ tshe dang spobs pa dang / bde ba dang / stobs dang / kha dog nye bar brtan pa'i phyir zas 'dod pa rnams la zas sbyin no// nyon mongs

  46. 202a

    zlo zos/ pa'i sred pa la rtsal ba'i phyir/ btung ba 'dod pa rnams la btung ba sbyin pa'o// bde ba dang 'byor pa'i dngos po thams cad sdu ba'i phyir/ gzhon pa 'dod pa rnams la gzhon pa sbyin pa'o// khrel ba dang / ngo tsha ba dang / mdog gser kha dog yongs su sbyang ba'i phyir/ gos 'dod pa rnams la gos sbyin pa'o// de bzhin gshegs pa'i sprul pa'i spyan yongs su rdzogs par bya ba'i phyir mar me 'dod pa rnams la mar me sbyin pa'o// de bzhin gshegs pa'i sprul pa'i snyan yongs su dag par bya ba'i phyir/ sil snyan 'dod pa rnams la sil snyan sbyin pa'o// tshul khrims dang thos pa dang ting nge 'dzin gyi dris byug pa'i phyir spos dang byug pa 'dod pa la spos dang byug pa sbyin pa'o// gzungs dang / spobs pa dang / byang chub kyi yan lag gi me tog thob par bya ba'i phyir/ phreng ba 'dod pa rnams la sbyin pa'o// lus kyi dri yid du 'ong ba thob par bya ba'i phyir/ phye ma 'dod pa rnams la phye ma sbyin pa'o// skyes bu chen po'i mtshan ro bro ba'i mchog yongs su rdzogs par bya ba'i phyir/ thams cad 'dod pa la ro thams cad sbyin pa'o// sems can thams cad kyi gnas dang skyabs dang mgon dang dpung gnyen bya ba'i phyir/ gnas 'dod pa rnams la gnas sbyin pa'o// sgrib pa thams cad rab tu spang ba dang /

  47. 202b

    'phags pa dang 'phrul dang tshangs pa'i gnas de bzhin gshegs pa'i gzims cha thob pa'i phyir/ mal cha 'dod pa rnams la mal cha sbyin pa'o// stong gsum gyi stong chen po'i sa thams cad kyi byang chub kyi snying po rdo rje'i gdan thob par bya ba'i phyir/ stan 'dod pa rnams la stan sbyin pa'o// byang chub kyi yo byad thams cad yongs su bskangs pa'i phyir/ yo byad 'dod pa rnams la yo byad sbyin pa'o// mi rga mi 'chi ba'i bdudang rtsi'i bde ba yongs su bskangs pa'i phyir na ba dang sman 'dod pa rnams la sman sbyin pa'o// rang dbang dang rang nyams dang rang 'byung ba'i ye shes yongs su bskangs pa'i phyir/ byang chub sems dpa' rnams kyi bran po dang bran mo yongs su gtong ba sbyin pa'o// skyes bu chen po'i mtshan dam pa sum bcu rtsa gnyis yongs su bskangs pa'i phyir/ byang chub sems dpa' rnam kyi gser dang dngul dang nor bu dang / mu tig dang / bai DUr+ya dang / man shel dang / bye ru dang / rin po che thams cad yongs su gtong ba'i sbyin pa'o// dpe byad bzang po brgyad bcu yongs su rdzogs par bya ba'i phyir/ byang chub sems dpa' rnams kyi brgyan sna tshogs sbyin pa'o// gtsug gtor ltar mi mngon pa thob par bya ba'i phyir/ byang chub sems dpa' rnams kyi gtsug gi nor bu dang cod pan sbyin pa'o// theg pa chen po yongs su rdzogs par bya ba'i phyir/ byang chub

  48. 203a

    blo zos/ @#sems dpa' rnams kyi rta dang / ba glang dang / shing rta dang / dpung bu chung gzhon pa sbyin pa'o// bsam gtan gyi yan lag dang / yan lag gi tshogs yongs su rdzogs par bya ba'i phyir/ byang chub sems dpa' rnams kyi bza' shing gi ra ba dang / gzhal med khang dang / dka' thub kyi nags tshal dang / gtsug lag khang yongs su gtong ba'i sbyin pa'o// bla na med pa yang dag par rdzogs pa'i byang chub dag mngon par rdzogs par 'tshang rgya ba'i phyir/ byang chub sems dpa' rnams kyi bu pho dang bu mo dang / chung ma dang / sdug pa yongs su gtong ba'i sbyin pa'o// dam pa'i chos kyi mdzod dang bang ba kun gang ba'i phyir/ byang chub sems dpa' rnams kyi nor dang / 'bru dang / mdzod dang / bang ba yongs su gtong ba'i sbyin pa'o// rnam pa thams cad mchog dang ldan pa dam pa'i chos kyi rgyal po byang chub kyi snying por 'gro ba'i phyir/ byang chub sems dpa' rnams kyi grong dang / grong khyer dang / grong brdal dang / yul dang / pho brang 'khor dang / rgyal po'i pho brang dang / 'dzam bu gling dang / gling bzhi pa'i rgyal po'i srid dang / skyid pa thams cad yongs su gtong ba'i sbyin pa'o// chos kyi dga' ba dang / mos pa dang de thob par bya ba'i phyir/ byang chub sems dpa' rnams kyi bde ba dang / dga' ba'i rtsed mo thams cad gtong ba'i sbyin pa

  49. 203b

    dam pa'i chos kyi rkang pas byang chub kyi snying por 'gro ba'i phyir/ byang chub sems dpa' rnams kyi rkang pa sbyin pa'o// sems can thams cad la dam pa'i chos kyi lag pa sbyin pa'i phyir/ byang chub sems dpa' rnams kyi lag 'thil sbyin pa'o// dbang po ma nyams par bya ba'i phyir/ byang chub sems dpa' rnams kyi rna ba dang sna sbyin pa'o// sems can thams cad sgribs pa med pa'i sangs rgyas kyi spyan dang / chos kyi spyan thob pa'i phyir/ byang chub sems dpa' rnam kyi mig sbyin pa'o// khams gsum thams cad las bye brag tu 'phags pa'i mchog thams cad mkhyen pa'i ye shes thob par bya ba'i phyir/ byang chub sems dpa' rnams kyi yan lag gi dam pa mgo sbyin pa'o// snying po med pa'i lus las snying po blang zhing nye bar 'tshe ba'i phyir/ byang chub sems dpa' rnams kyi sha dang / khrag yongs su gtong ba'i sbyin pa'o// 'jam pa dang / snum pa dang / mdog gser gyi kha dog lta bu yongs su dag par bya ba'i phyir/ byang chub sems dpa' rnams kyi pags pas yongs su gtong ba'i sbyin pa'o// sangs rgyas kyi sku rdo rje ltar mi shigs shing sra ba dang mthu bo che ltar 'phrad pa thob khar bya ba'i phyir/ byang chub sems dpa' rnams kyi rus pa dang rkang sbyin pa'o// gzhan yang btsun pa sha ra da ba ti'i bu byang chub sems dpa' rnams la mi

  50. 204a

    rnardzasamathun pa'i longs spyod yongs su tshol ba'i sbyin pa med do// sems can la gnod pa'i sbyin pa med do// nga rgyal bskyed cing sbyin pa med pa'o// 'jigs pa dang / skrag pa dang / ngo tsha ba sbyin pa med do// 'gron du gnyer te yongs su mi gtong ba'i sbyin pa med do// ji skad smras pa las chung ba'i sbyin pa med do// bzang po yod pa la bzang po ma yin pa'i sbyin pa med do// snying thag pa nas ma yin pa'i sbyin pa med do// g.yo dang rgyus sbyin pa med do// las kyi rnam par smin pa la 'chab pa'i sbyin pa med do// log pa'i bsam pas sbyin pa med do// gti mug gi bsam pas sbyin pa med do// snrel bzhi'i bsam pas sbyin pa med do// phyin ci log gi bsam pas sbyin pa med do// ma dad par sbyin pa med do// mi dga' bar sbyin pa med do// gnas pa'i sbyin pa med do// dor bltas pa'i sbyin pa med do// sems can thams cad sbyin pa'o// sbyin pa'i gnas 'dam zhing sbyin pa med do// sems can thams cad la sbyin pa'i gnas ma yin bsnyes shing sbyin pa med do// tshul khrims dang ldan pa dang / ngan pa'i ngang tshul can la bstod pa dang smad pa'i sbyin pa med do// lan re ba'i sbyin pa med do// grags pa dang / sgra dang / tshigs su bcad pa'i phyir sbyin pa med do// bdag la bstod pa dang / gzhan la smod pa'i sbyin pa med do//

  51. 204b

    yongs su gdung bar byed pa'i sbyin pa med do// phyis mi dga' ba'i sbyin pa med do// 'gyod pa'i sbyin pa med do// gnod pa'i sbyin pa med do// gzhan gyi re ba la bab pa'i sbyin pa med do// smad par sbyin pa med do// las kyi rnam par smin pa la re ba med pa'i sbyin pa med do// dpags te sbyin pa med do// khro ba dang / zhe sdang dang / gti mug dang / gnod sems bskyed pa'i sbyin pa dang / slong ba la gnod pa'i sbyin pa med do// 'phya ba dang gzhad gad tu byas te sbyin pa med do// phyin phyogs su sbyin pa med de// bsgyur te sbyin pa med do// ti stang du ma byas pa'i sbyin pa med do// bdag gi lag ma bdar bar sbyin pa med do// mi rtag pa'i sbyin pa med do// shin tu ma byang ba'i sbyin pa med do// gzhan la snyogs pa'i sbyin pa med do// yongs su chad par byas te sbyin pa med do// ji ltar stabs pa las chung ba'i sbyin pa med do// spro ba las mi spro bar gyur pa'i sbyin pa med do// sems can zhing gang yin zhes sbyin pa med do// chung ngu la brnyas shing sbyin pa med do// sbyin pa rgya chen po la bsnyems shing sbyin pa med do// log pa'i nan tan gyis sbyin pa med do// skye bar mos shing sbyin pa med do// gzugs dang / longs spyod dang / dbang la mngon par dga' bas sbyin pa med do// brgya byin dang / tshangs pa dang / 'jig rten sbyong ba dang / lha thams cad du skye bar smon cing sbyin pa med do// nyan

  52. 205a

    @zos dang / rang sangs rgyas kyi theg par sngo zhing sbyin pa med do// gzhon nu dang rgyal po'i skyid pa 'dod pas sbyin pa med do// tshe cig tu/ zad pa'i sbyin pa med do// phyin cad cog cing mi dgos pa'i sbyin pa med do// thams cad mkhyen pa'i sems su ma sngos pa'i sbyin pa med do// ma rig pa'i sbyin pa med do// dus la ma bab par sbyin pa med do// dug dang mtshon sbyin pa med do/ sems can la gtso zhing sbyin pa med do// byang chub sems dpa' rnams kyi sbyin pa ni mkhas pas smod pa med do// sbyin pa de ni stong pa nyid kyi rnam pas bsgrubs pa ste/ de'i phyir de ni mi zad pa'o// sbyin pa de ni mtshan ma med pas yongs su bsgoms pa ste/ de'i phyir de mi zad pa'o// sbyin pa de ni smon lam med pa rab tu gnas pa ste/ de'i phyir de mi zad pa'o// sbyin pa de ni mngon par 'dus ma byas par yongs su bsngos pa ste/ de'i phyir de mi zad pa'o// sbyin pa de ni yang dag par zin pa ste/ de'i phyir de mi zad pa'o// sbyin pa de ni khams gsum pa dang ma 'dres te/ de'i phyir de mi zad pa'o// sbyin pa de ni 'bras bu rgyu mthun pa rnam par grol ba dang / de'i phyir de mi zad pa'o// sbyin pa de ni bdud thams cad tshar gcod pa ste/ de'i phyir de mi zad pa'o// sbyin pa de ni nyon mongs pa thams cad dang ma 'dres pa ste/ de'i phyir de mi zad pa'o// sbyin pa de ni bye brag tu 'gro ba ste/

  53. 205b

    de'i phyir de mi zad pa'o// sbyin pa de ni legs par byas pa gdon mi za ba ste/ de'i phyir de mi zad pa'o// sbyin pa de ni byang chub kyi lam gyi tshogs bsags pa te/ de'i phyir de mi zad pa'o// sbyin pa de ni yang dag par bsngos pa ste/ de'i phyir de mi zad pa'o// sbyin pa de ni byang chub kyi snying po'i brgyan bkod pa rnam par grol ba rgyu mthun pa'i 'bras bu ste/ de'i phyir de mi zad pa'o// sbyin pa de ni sems can thams cad kyi 'tsho ba ste/ de'i phyir de mi zad pa'o// sbyin pa'i mtha' med pa ste/ de'i phyir de mi zad pa'o// sbyin pa de ni yongs su 'grin pa ste/ de'i phyir de mi zad pa'o// sbyin pa de ni kun tu mi rtogs pa ste/ de'i phyir de mi zad pa'o// sbyin pa de ni yongs su ma chad pa ste/ de'i phyir de ni mi zad pa'o// sbyin pa de ni yangs pa ste/ de'i phyir de ni mi zad pa'o// sbyin pa de ni mi gnas pa ste/ de'i phyir de ni mi zad pa'o// sbyin pa de ni thub pa med pa ste/ de'i phyir de ni mi zad pa'o// sbyin pa de ni kha na ma tho ba med pa ste/ de'i phyir de mi zad pa'o// sbyin pa de ni ma bkur ba ste/ de'i phyir de mi zad pa'o// sbyin pa de ni zil gyis mi non pa ste/ de'i phyir de mi zad pa'o// sbyin pa de ni thams cad mkhyen pa'i ye shis la blta ste/ de'i phyir de mi zad pa'o// de ni btsun pa sha ra dwa ti'i bu byang chub sems dpa' rnams kyi sbyin pa mi zad pa zhes bya'o// 'phags pa zlo

  54. 206a

    zo thos/ gros mi zad pas bstan pa theg pa chen po'i mdo// / bam po// de nas tshe dang ldan pa sha ra dwa ti'i bus/ byang chub sems dpa' blo gros mi zad pa la 'di skad ces smras so// rigs kyi bu byang chub sems dpa' rnams kyi sbyin pa mi zad pa 'di ni khyod kyis legs par smras na/ rigs kyi bu byang chub sems dpa' rnams kyi tshul khrims mi zad pa la brtsams te/ ji ltar byang chub sems dpa' rnams kyi tshul khrims mi zad par 'gyur ba khyod spongs par gyis shig/ blo gros mi zad pas smras pa/ btsun pa sha ra dwa ti'i bu rnam pa drug bcu rtsa lngas byang chub sems dpa' rnams la tshul khrims kyi phung po yongs su dag pa mi zad pa yin no// drug bcu rtsa lnga po gang zhe na/ 'di lta ste/ sems can thams cad la mi gnod pa dang / gzhan gyi longs spyod la mi rku ba dang / gzhan gyi chung ma la ma chags pa dang / sems can thams cad la mi slu ba dang / bdag gi 'khor gyis chog pas bra ma med pa dang / tshig drag po bzod pas mi spang ba dang / tshig shin tu spong bas tshig kyal ba mi smra ba dang / gzhan bde ba la dga' bas chags pa med pa dang / mi snyan pa dang ngan du zer ba'i tshig gi lam bzod pas/ gnod sems med pa dang / ston pa gzhan gyis snyan pa med pas yang dag par

  55. 206b

    blta ba dang / sems la rnyog pa med pas sangs rgyas la dad pa dang / chos nyid kyi chos la dad pa'i phyir chos la dad pa dang / 'phags po'i tshogs thams/ cad la dga' bas dge 'dun la dad pa dang / sti stang dang bcas pas bla ma'i rim gro byed pa dang / sangs rgyas dang / chos dang / dge 'dun la 'khor lngas phyag 'tshal bas lus rab tu 'dud pa dang / kha na ma tho ba rdul tsam gyis kyang 'jigs par lta bas tshul khrims mi lhod pa dang / theg pa gzhan la mi rten pas tshul khrims ma ral ba dang / nyam nga bar skye ba spong bas tshul khrims ma nyams dang / skye bo mi srun pa dang / nyon mongs pa dang ma 'dres pa dang / tshul khrims ma 'dres pa dang / dkar po'i chos phyogs cig tu 'phel bas/ tshul khrims ma 'chol ba dang / ji ltar 'dod pa bzhin du 'gro bas/ rang dbang gi tshul khrims dang / mkhas pas ma smad pas rab tu bsngags pa'i tshul khrims dang / dran pa dang / shes bzhin rab tu nye bar bzhag pas rnam pa mchog gi tshul khrims dang / thams cad du kha na ma tho ba med pas ma smad pa'i tshul khrims dang / dbang po bsrungs pas shin tu sbas pa'i tshul khrims dang / sangs rgyas kyis chos thams cad la sems pas rnam par grags pa'i tshul khrims dang / rigs pa la tshod shes pas/ 'dod pa chung ba'i tshul

  56. 207a

    blo zas@khrims dang / chags pa rab tu spangs pas chog shes pa'i tshul khrims dang / lus dang sems dben pa'i rang bzhin gyis dben pa'i tshul khrims dang / 'du 'dzi spangs pas dgon pa la gnas pa'i tshul khrims dang / gzhan gyi ngor lta bas 'phags pa'i rigs kyis chog pa'i tshul khrims dang / dge ba'i rtsa ba bdag gis khar lus pas sbyangs pa'i yon tan dang / yo byad bsnyungs pa'i tshul khrims dang / lha dang mi 'gu bar byed pas ji ltar smras pa de ltar byed pa'i tshul khrims dang / sems can thams cad kyi dpung gnyen du gyur pas byams pa'i tshul khrims dang / sems can thams cad kyi sdug bsngal thams cad bzod pas snying rje'i tshul khrims dang / sems ma zhum pas dga' ba'i tshul khrims dang / chags pa dang / khong khro ba spangs pas btang snyoms kyi tshul khrims dang / bdag gi sems la nges par rtogs pas bdag gis 'phrul la rtogs pa'i tshul khrims dang / gzhan gyi sems srung ba sa gzhan la 'phrul pa la nye bar mi lta ba'i tshul khrims dang / sems can yongs su smin par byed pas sbyin pa'i tshul khrims dang / tshul khrims rab tu bsrungs pas shin tu gzung ba'i tshul khrims dang / sems can thams cad la sems mi khro bas bzod pa'i tshul khrims dang / phyir mi ldog pas brtson 'grus

  57. 207b

    kyi tshul khrims dang / bsam gtan gyi yan lag gi tshogs 'phel bar byed pas bsam gtan gyi tshul khrims dang / thos pa'i dge ba'i rtsa bas mi ngoms pa'i phyir/ shes rab kyi tshul khrims dang / thos pa'i snying po len pa'i phyir/ thos pa 'tshe ba'i tshul khrims dang / byang chub kyi yan lag gi tshogs spel ba'i phyir dge ba'i bshes gnyen la sten pa'i tshul khrims dang / lam nyam nga ba 'dor ba'i phyir sdig pa'i grogs po spong ba'i tshul khrims dang / mi rtag pa'i 'du shes la rtogs pas lus la mi lta ba'i tshul khrims dang / dge ba'i rtsa ba la rings par byed pas/ 'tsho ba la yid mi ston pa'i tshul khrims dang / bsam pa dag pa'i phyir 'gyod pa med pa'i tshul khrims dang / sbyor ba dag pa'i phyir bcos pa med pa'i tshul khrims dang / lhag pa'i bsam pa dag pa'i phyir yongs su gdung ba med pa'i tshul khrims dang / las legs par byas pa'i phyir mi dga' ba med pa'i tshul khrims dang / po zag med pa'i phyir nga rgyal med pa'i tshul khrims dang / 'dod chags dang bral ba'i phyir mi rgod pa'i tshul khrims dang / drang ba'i phyir mi g.yeng ba'i tshul khrims dang / cang shes pa'i phyir mu cor mi smra ba'i tshul khrims dang / mi 'khrugs pa'i phyir dul ba'i tshul khrims dang / nye bar zhi ba'i tshul khrims dang / ji skad du smras pa ltar byed

  58. 208a

    blo grosapas/ bka' bro bde zhing mthun par 'dzin pa'i tshul khrims dang / sdu ba'i dngos po mi 'dor bas sems can yongs su smin par byed/ pa'i tshul khrims dang / bdag gi nor chud mi bzon pa'i phyir/ dam pa'i chos kun bsrung ba'i tshul khrims dang / thog ma nas shin tu dag pas bsam pa thams cad yongs su 'gengs pa'i tshul khrims dang / de'i tshul khrims yongs su bsngos pas/ de bzhin gshegs pa'i tshul khrims la gzhol ba'i tshul khrims dang / sems can thams cad la sems snyoms pa'i phyir/ sangs rgyas kyi ting nge 'dzin dang / snyems par 'jug pa'i tshul khrims ste/ btsun pa sha ra da ti'i bu rnam pa drug bcu rtsa lnga po de dag gis byang chub sems dpa' rnams kyi tshul khrims kyi phung po yongs su dag pa mi zad pa yin no// gzhan yang btsun pa sha ra dwa ti'i bu gang la bdag tu sgro btags pa med pa dang / sems can du ma yin/ srog tu ma yin/ gso bar ma yin/ skyes bur ma yin/ gang zag tu ma yin/ shed las skyes par ma yin/ shed bdag tu sgro btags pa med pa ni tshul khrims so// gang la gzugs su sgro btags pa med pa dang / tshor bar ma yin/ 'du shes ma yin/ 'du byed du ma yin/ rnam par shes par sgro btags pa med pa de ni tshul khrims so// gang la sa'i khams su sgro btags pa med pa dang / chu'i khams

  59. 208b

    su ma yin/ me'i khams su ma yin/ rlung gi khams su sgro btags pa med pa de ni tshul khrims so// gang la mig gi mtshan mar sgro btags pa med pa de bzhin du/ rna bar ma yin/ sgrar ma yin/ snar ma yin/ drir ma yin/ lcer ma yin/ ror ma yin/ lus su ma yin/ reg bye ma yin/ yid kyi mtshan mar sgro btags pa med pa dang / chos su btags pa med pa de ni tshul khrims so// gang la lus dang / ngag dang / sems su sgro btags pa med pa de ni tshul khrims so// gang rtse cig gi phyir zhi gnas kyi mtshan nyid de ni tshul khrims so// chos rnams par 'byed pa la mkhas pas/ lhag mthong gi mtshan nyid de ni tshul khrims so// gang stong pa nyid reg pa dang / mtshan ma med pa'i mtha' dang / smon pa med cing khams gsum dang ma 'dres pa de ni tshul khrims so// gang mngon par 'das ma byas pa ma skyes pas rab tu phye ba mi skye ba la bzod pa de ni tshul khrims so// gang ma byas shing bya ba med pa de ni tshul khrims so// gang sngon gyi mthar ma phyung ba dang / phyi ma'i mthar 'phos pa dang / bar du mi gnas pa de ni tshul khrims so// gang sems dri ma med pa dang / rnam par shes pa la mi gnas pa dang / yid la byed pa dang / ma 'dres pa de ni tshul khrims so// gang la 'dod pa'i khams la mi rten pa dang / gzugs kyi khams la mi gnas pa dang / gzugs med pa'i

  60. 209a

    khams na mi 'dug pa den rgyal khrims sa// gang 'ad gas kyi rdul med pa dang / nod sems kyim pa dang / nyes pa dang khong khro ba bsal ba dang / gti mug gi mun pa dang / ma rig pa med pa de ni tshul khrims so// gang la rtag pa med pa dang / rkyen las byung ba la 'jug pa dang / mi 'gal ba de ni tshul khrims so// gang ngar 'dzin pa med pa dang / nga yir 'dzin pa med pa dang / 'jig tshogs la lta ba la mi gnas pa de ni tshul khrims so// gang ming dang / brda la mngon par ma chags pa dang / gzugs dang mtshan nyid la mi gnas pa dang / ming dang / gzugs dang / ma 'dres pa de ni tshul khrim so// gang rgyu ba'i bag la nyal ba dang / lta ba dang / kun nas ldang ba dang / kun nas ma langs pa dang / sgrib pa dang / 'gyod pa la mi gnas pa de ni tshul khrims so// gang la chags pa mi dge ba'i rtsa ba'i gnas med pa dang / zhe sdang mi dge ba'i gnas med pa dang / gti mug mi dge ba'i rtsa ba'i gnas med ba de ni tshul khrims so// gang mi dga' ba med pa dang / yongs su bdung ba med pa dang / shin tu byang ba'i mtshan nyid de ni tshul khrims so// gang chos kyi skus sangs rgyas kyi rigs mi gcod pa dang / chos kyi dbyings dbyer med pa'i phyir chos kyi rigs mi gcod pa dang / 'dus ma byas kyis rab tu phyir dge 'dun gyi rigs

  61. 209b

    migacad pa deni tshul khrims so// btsun pa shar da ti'i bu tshul khrims pa 'ad pa deni rgya ma zad pa'i phyir bkal/ de ci'i phyir shen/ sa sa'i steb rnams/ kyi tshul khrims ni skye ba'i gnas kyis zad par 'gyur ro// phyi rol gyi lnga mngon par shes pa rnams kyi tshul khrims ni mngon par shes pa nyams pas zad par 'gyur ro// mi rnams kyi tshul khrims ni dge ba bcu'i las kyi lam zad pas zad par 'gyur ro// 'dod pa'i khams kyi lha'i bu rnams kyi tshul khrims ni bsod nams zad pas zad par 'gyur ro// gzugs kyi khams kyi lha'i bu rnams kyi tshul khrims ni tshad med pa dang / bsam gtan dad pas zad par 'gyuraro// gzugs med pa'i khams kyi lha'i bu rnams kyi tshul khrims ni ji lta bur snyoms par zhugs pas skyes pa zad nas zad par 'gyur ro// slob pa dang / mi slob pa dang / nyan thos thams cad kyi tshul khrims ni/ mya ngan las 'das pa'i mthar zad par 'gyur ro// rang sangs rgyas rnams kyi tshul khrims ni// snying rje chen po dang bral bas zad par 'gyur ro// btsun pa sha ra dwa ti'i bu byang chub sems dpa' rnams kyi tshul khrims ni mi zad pa ste/ de ci'i phyir zhe na/ 'di ltar tshul khribs de las tshul khrims thams cad byung ste/ btsun pa sha ra dwa ti'i bu 'di lta ste/ sa bon mi zad pas thob pa mi zad pa'o// btsun/

  62. 210a

    @#pa sha ra dwa ti'i bu de bzhin du byang chub kyi sems kyi sa bon ni mi zad pas na/ de bzhin gshegs pa'i tshul khrims mi zang par rig/ bar bya ste/ de'i phyir na skyes bu dam pa de dag ni tshul khrims mi zad pa zhes bya'o// 'di ni btsun pa sha ra dwa ti'i bu byang chub sems dpa' rnams kyi tshul khrims mi zad pa zhes bya'o// de nas tshe dang ldan pa sha ra dwa ti'i bus/ byang chub sems dpa' blo gros mi zad pa la 'di skad ces smras so// rigs kyi bu byang chub sems dpa' rnams kyi tshul khrims mi zad pa 'di ni khyed kyis legs par smras pa/ rigs kyi bu byang chub sems dpa' rnams kyi bzod pa mi zad pa la brtsams ste/ ji ltar byang chub sems dpa' rnams kyi bzod pa mi zad par 'gyur ba khyod spobs par gyis shig/ blo gros mi zad pas smras pa/ btsun pa sha ra da ti'i bu rnam pa sum bcu rtsa gnyis kyis/ byang chub sems dpa' rnams kyi bzod par blta'o// sum bcu rtsa gnyis po gang zhe na/ bag la nyal ba spangs pa'i phyir bzod par blta'o// mi gnod pa'i phyir bzod par blta'o// yongs su mi gtong ba'i phyir bzod par blta'o// gnod sems med pa'i phyir bzod par blta'o// khong du 'dzin pa med pa'i phyir bzod par blta'o// mi khro ba'i phyir bzod par blta'o// za ba med pa'i phyir bzod par blta'o// brtsod pa med

  63. 210b

    pa'i phyir bzod par blta'o// yul gyis rma mi byin pa'i phyir bzod par blta'o// bdag dang gzhan bsrung ba'i phyir bzod par blta'o// byang chub sems dang mthun pa'i phyir bzod par blta'o// tshul bzhin rab tu rtogs pa'i phyir bzod par blta'o// skyo zhing 'dod chags dang bral ba'i phyir bzod par blta'o// las kyi rnam par smin pa la rton pa'i phyir bzod par blta'o// lus kyi brgyan gyi phyir bzod par blta'o// ngag dang sems yongs su dag pa'i phyir bzod par blta'o// bsam pa brtan pa'i phyir bzod par blta'o// yi ge la dbang ba'i phyir bzod par blta'o// yongs su rtog pa med pa'i phyir bzod par blta'o// bdag gi sems can nges par rtogs pa'i phyir bzod par blta'o// gzhan gyi sems bsrung ba'i phyir bzod par blta'o// tshangs pa'i 'jig rten gyi lam du 'gro ba'i phyir bzod bar blta'o// lha dang mi'i phun sum tshogs pa myong ba'i phyir bzod par blta'o// mtshan dang dpe byad bzang po rdzogs par byed pas bzod par blta'o// tshangs/ pa'i sgra skad 'byin pa'i dbyangs thob pas bzod par blta'o// nyes pa thams cad bcom pas bzod par blta'o// gnod sems kyi nyes pa'i za ba thams cad bcom pas bzod par blta'o// khong khro ba thams cad spangs pas bzod par blta'o// mi dge ba'i rtsa ba thams cad spangs pas bzod par blta'o//

  64. 211a

    tho mas/ @#phyir rgol ba thams cad rab tu bcom pa'i phyir bzod par blta'o// gzhan gyis gnod par bya ba thams cad las shin tu 'das pa'i/ phyir bzod par blta'o// sangs rgyas kyi chos thams cad thob pa'i phyir bzod par blta'o// btsun pa sha ra dwa ti'i bu rnam pa sum bcu rtsa gnyis po de dag gis byang chub sems dpa' rnams kyi bzod par blta'o// de la bzod pa yongs su dag pa gang zhe na/ ngag brag cha'i sgra dang / mtshungs par shin tu rtogs pa'i phyir bcos pa la slar mi btso ba dang / lus gzugs brnyan dang mtshungs pa rab tu rtogs pa'i phyir rdeg pa la mi rdeg pa dang / sems rgyu mar mtshungs par shin tu rig ba'i phyir gshe ba la phyir mi gshe ba dang / bsam pa zhi ba'i phyir khros pa la phyir mi khro ba dang / rang gi yon tan rdzogs pa'i phyir sngags pa ma yin pas// khong khro bar mi 'gyur ba dang / ma thos par mi sems pa'i phyir sngags pas dga' bar mi mi 'gyur ba dang / shin tu dul ba'i phyir rnyed pas dga' ba med pa dang rab tu zhi ba'i phyir ma rnyed pas khong khro ba med pa dang / shes pas rab tu brtags pa'i phyir grags pa la ngo mtshar du mi 'dzin pa dang / blo yangs pa'i phyir ma grags pas zhum par mi 'gyur ba dang / legs par gnas pa'i phyir spang pas dam par mi sems pa dang / mi g.yo ba'i phyir bstong pas

  65. 211b

    ma thos par mi sems pa dang / sems can la lta ba'i phyir sdug bsngal gyis mi skyo ba dang / 'das byas kyi bde ba mi rtag pa'i phyir bde bas dga' bar mi 'gyur ba dang / mi gnas pa'i phyir 'jig rten gyi chos kyis mi gos pa dang / gzhan la mi gnod pa'i phyir bdag la gnod pa dang / byang chub kyi yan lag gi tshogs yongs su rdzogs par bya ba'i phyir yan lag dang nying lag gcod pa'ang nyams su len pa dang / sangs rgyas kyi sku 'dod pa'i phyir bdag gi lus gcod pa yang bzod pa dang / legs par byas pa'i las kyi stobs bskyed pa'i phyir/ ngan du byas pa thams cad bzod pa dang / mu stegs thams cad 'jom pas dpa' phyir gdung ba dang / yongs su gdung ba la mi gdung ba dang / brgya byin dang / tshangs pa dang / 'jig rten skyong ba rnams zil gyis gnon pa'i phyir rtul zhugs thams cad la brtsom pa'o// gzhan yang btsun pa sha ra dwa ti'i bu bzod pa zhes bya ba ni/ gang 'di shin tu rma mi phyin pa ste/ de ci'i phyir zhe na/ mi dmigs pa'i phyir ro// gshe'o zhes bzod pa de ni gnyis ka la dmigs pa'i bzod pa ste/ de ni shin tu bzod pa ma yin no// 'di las su zhig gshe zhes bzod pa de ni chos la 'brang zhing rtog pa'i bzod pa ma yin no// ci bdag gi mig zhes 'am bzod pa dang / de bzhin du ci bdag gi/

  66. 212a

    @rna ba dang / sna dang / lce dang / lus dang / yid la yid gshe 'am bzod pa de ni/ skye mched la rtog pa'i bzod pa ste/ de ni/ shin tu bzod pa ma yin no// 'di la gang su yang gshe ba med do zhes bzod pa de ni/ bdag med pa'i rtog pa'i bzod pa ste/ de ni shin tu bzod pa ma yin no// / 'di dag ni yi ge'i sgra 'byung ba'o zhes bzod pa de ni brag cha'i sgra la bzod pa ste/ de ni shin tu bzod pa ma yin no// 'di yang mi rtag pa'o// bdag kyang mi rtag pa'o zhes bzod pa 'di ni mi rtag pa la 'jug pa'i bzod pa ste/ de ni shin tu bzod pa ma yin no// 'di ni phyin ci log yin gyi/ bdag ni phyin ci log ma yin no// shes bzod pa de ni mthon dman gyi bzod pa ste/ de ni shin tu bzod pa ma yin no// bdag ni sbyor gyi 'di ni mi sbyor ba'o// zhes bzod pa de ni sbyor ba dang mi sbyor ba'i bzod pa ste/ de ni shin tu bzod pa ma yin no// bdag ni legs pa'i lam la gnas/ 'di ni ngan pa'i lam la gnas pa zhes bzod bo de ni/ la mo dang lam ma yin pa'i bzod pa ste/ de ni shin tu bzod pa ma yin no// bdag ni mi rtag pa la bzod kyi/ rtag pa la bdag ma yin no// zhes bzod pa de ni gnyen po spang ba'i bzod pa ste/ de ni shin tu bzod pa ma yin no// bdag ni sdug bsngal la bzod kyi/ bdag la 'dag mi bzod do// 'dag

  67. 212b

    ni bdag med pa la bzod kyi/ bdag la ni bdag mi bzod do// bdag ni mi sdug pa la bzod kyi/ sdug pa la bdag mi bzod do// zhes bya ba de ni/ gnyen pos spang ba'i bzod pa ste/ de ni shin tu bzod pa ma yin no// bdag ni stong pa nyid la bzod kyi lta ba'i rnam pa la bdag mi bzod do// bdag ni mtshan ma med pa la bzod kyi/ mtshan mar rnam par rtog pa la bdag mi bzod do// bdag ni smon pa med pa la bzod kyi/ smon pa la bdag mi bzod do// bdag ni mngon par 'du mi byed pa la bzod kyi/ mngon par 'du byed pa la bdag mi bzod do// bdag ni nyon mongs pa thams cad zad pa la bzod kyi/ nyon mongs pa la bdag mi bzod do// bdag ni dge ba la bzod kyi// mi dge ba la bdag mi bzod do// bdag ni 'jig rten las 'das pa la bzod kyi/ 'jig rten pa la bdag mi bzod do// bdag gi kha na ma tho ba med pa la bzod kyi/ kha na ma tho ba med pa dang bcas pa la bdag mi bzod do// bdag ni zag pa med pa la bzod kyi/ zag pa dang bcas pa la bdag mi bzod do// bdag ni rnam par byang ba la bzod kyi/ kun nas nyon mongs pa la bdag mi bzod do// bdag ni mya ngan las 'das pa la bzod kyi/ 'khor ba la bdag mi bzod do// zhes bya ba de ni gnyen po spang ba'i bzod pa ste/ de ni shin tu bzod pa ma yin no// de la shin

  68. 213a

    / @#/ tu bzod pa gang zhe na/ gang stong pa nyid rtog pa de la lta bar gyur pa yang bsal ba med/ stong pa nyid du stong pa sgro 'dogs pa/ yang med de/ lta bar gyur pa yang stong pa'o zhes gang la 'di la bzod pa de ni shin tu bzod pa'o// gang mtshan ma med par rtogs pa de la/ mtshan pa'i rnam par rtog pa yang bsags pa med/ mtshan ma med par sgro btags pa yang med de/ mtshan ma'i rnam par rtog pa nyid stong pa ste/ gang 'di la bzod pa de ni shin tu bzod pa'o// gang smon pa med par rtogs pa de la/ smon pa stsal pa yang med do// smon pa med par sgro 'dogs pa yang med de/ smon pa nyid stong pa ste/ gang 'di la bzod pa de ni shin tu bzod pa'o// gang mngon par 'du mi byed pa rtogs pa de la mngon par 'du byed pa bstsal pa yang med/ mngon par 'du mi byed pas sgro 'dogs yang med de/ mngon par 'du byed pa nyid stong pa ste/ gang 'di la bzod pa de ni shin tu bzod pa'o// gang nyon mongs pa zad par rtogs pa de la nyon mongs pa bsal ba med/ nyon mongs pa zad par spro btags pa yang med de/ nyon mongs pa nyid stong pa ste/ gang 'di la brjod/ pa de ni shin tu bzod pa'o// dge ba rtogs pa de la mi dge ba bsags pa yang med/ dge bar sgro 'dogs pa yang med do// mi dge ba nyid stong pa ste/

  69. 213b

    gang 'di la bzod pa de ni shin tu bzod pa'o// gang 'jig rten las 'das par rtog pa de la 'jig rten pa bsal ba med/ 'jig rten las 'das par sgro 'dogs pa med de/ 'jig rten nyid stong pa ste/ gang 'di la bzod pa de ni shin tu bzod pa'o// gang kha na ma tho ba med par rtogs pa de la/ kha na ma tho ba dang bcas pa bsal ba yang med/ kha na ma tho ba med par sgro btags pa med de/ kha na ma tho ba dang bcas pa nyid stong pa ste/ gang 'dri la bzod pa de ni shin tu bzod pa'o// gang zag pa med par rtogs pa de la zag pa bsal ba yang med/ zag pa med par sgro 'dogs pa yang med de/ zag pa nyid stong pa ste/ gang 'di la bzod pa de ni shin tu bzod pa'o// gang rnam par byang bar rtogs pa de la/ kun nas nyon mongs pa bsal ba yang med/ rnam par byang bar sgro 'dog pa yang med de/ kun nas nyon mongs pa nyid stong pa ste/ gang 'di la bzod pa de ni shin tu bzod pa'o// gang mya ngan las 'das par rtogs pa de la 'khor ba bsal ba yang med/ mya ngan las 'das par sgro 'dogs pa yang med de/ 'khor ba nyid stong pa ste/ gang 'di la bzod pa 'di ni shin tu bzod pa'o// gang ma skyes pa/ ma skyes pa/ ma byung ba/ ma phyung ba de la 'jigs pa gang yang med do// 'jig pa med pas

  70. 214a

    thos na zad pa med do// gang 'di la bzod pa de ni shin tu bzod pa'o// gang ma byas pa mngon par 'dus ma byas pa/ sgro btags pa med pa/ rnam par ma brtags pa/ ma bsgrubs pa/ ma snyan pa/ nye bar ma btubs pa de la skye ba gang yang med do// gang skye ba med pa de ni mi skye ba'o// gang mi skye ba de ni shin tu bzod pa'o// gang de ltar bzod pa de ni mi skye ba'i bzod pa'o// gang mi skye ba'i bzod pa de ni skye ba med pa'i bzod pa'o// gang skye ba med pa'i bzod pa de ni shin tu bzod pa ste/ de ltar bzod pa rtogs pa'i byang chub sems dpa' ni/ lung bstan pa'i bzod pa rab tu thob po// btsun pa sha ra dwa ti'i bu 'di ni byang chub sems dpa' rnams kyi bzod pa mi zad pa zhes bya'o// byang chub sems dpa' blo gros mi zad pas bzod pa mi zad pa'i le'u chos kyi rnam grangs 'di rab tu bstan pa'i tshe/ 'khor de dag thams cad kyis byang chub sems dpa' blo gros mi zad pa la legs so zhes bya ba byin te/ sngon ma mthong sngon ma thos pa'i me tog dang / bdug pa dang / dri dang / phreng ba dang / byug pa dang / phye ma dang / gos dang / gdugs dang / rgyal mtshan dang / lha'i ba dan gyis byang chub sems dpa' blo gros mi zad pa la mchod pa'i phyir gtor ro// sil snyan rnams kyang dkrol te/

  71. 214b

    ched du brjod pa yang brjod do// gang gis bzod pa mi zad pa 'di thos te/ mi skrag/ kun tu mi skrag/ kun tu skrag par mi 'gyur ba'i sems can de dag ni/ de bzhin gshegs pa'i bzod pa can du 'gyur ro zhes byas nas/ ji tsam du stong gsum gyi stong chen po'i 'jig rten gyi khams 'di/ spyi bud bcings pa yongs su gang bar gyur pa de tsam du/ de dag gis me tog dang / bdag pa dang / dri dang / phreng ba dang / byug pa dang / phye ma dang / gos dang / gdags dang / rgyal mtshan dang / lha'i ba dan de dag gtor to// de nas bcom ldan 'das kyis byang chub sems dpa' blo gros mi zad pa la bka' stsal pa/ rigs kyi bu khyod kyis me tog dang / bdag pa dang / dri dang / phreng ba dang / byug pa dang / phye ma dang / gos dang / gdugs dang / rgyal mtshan dang / lha'i ba dan 'di dag gi snod gyis shig/ blo gros mi zad pas gsol pa/ bcom ldan 'das byang chub sems dpa' rnams kyi snod ni byin gyis brlabs kyi stobs bskyed pa'i srad du bdag gis lus lags te/ bdag gis bgyi ba lags so// de nas byang chub sems dpa' blo gros mi zad pa de'i tshe/ gzugs thams cad lus su 'jug pa zhes bya ba/ byang chub sems dpa'i ting nge 'dzin la snyoms par zhugs te/ de snyoms par zhugs ma thag tu me tog dang / bdug pa dang / dri dang / phreng ba dang /

  72. 215a

    @byug pa dang / phye ma dang / gas dang / gdugs dang / rgyal macan dang / lha'i bdan de dag thams cad lte ba'i dkyil 'thor gyis dpa su song ste/ de'i lus la yang dri ba 'am/ gang bar yang mi mngon no// de nas byang chub sems dpa' bkod pa chen po zhes bya ba 'khor der 'ongs te/ 'dug pa des byang chub sems dpa' blo gros mi zad pa la 'di skad ces smras so// rigs kyi bu khyod ting nge 'dzin gang la gnas pas de snyed kyi me tog dang / bdag pa dang / dri dang / phreng ba dang / byug pa dang / phye ma dang / go sa dang / gdugs dang / rgyal mtshan dang / lha'i ba dan rnams khyod kyi lus su song yang / khyod kyis lus la bri ba 'am/ gang bar yang mi mngon pa'i ting nge 'dzin de'i ming ci zhes bya/ blo gros mi zad pas smras pa/ rigs kyi bu ting nge 'dzin 'di'i ming gzugs thams cad lus su 'jug pa zhes bya'o// byang chub sems dpa' bkod pa chen pos smras pa/ rigs kyi bu ting nge 'dzin 'di'i yul ci/ blo gros mi zad pas smras pa/ rigs kyi bu stong gsum gyi stong chen po'i 'jig rten gyi khams 'di na gzugs su snang ba ji snyed yod pa de dag thams cad bdag gi lus su bcug kyang bdag gi lus kyi chos nyid la 'phel ba 'am/ 'bri ba med do// de nas 'khor de'i byang chub sems dpa' lha dang mi rnams las kha cig 'di snyam

  73. 215b

    du sems ste/ bdag cag gis kyang ting nge 'dzin 'di'i mthu blta'o snyam pa dang / de nas bcom ldan 'das kyis byang chub sems dpa' de dag dang / lha dang / mi de dag gi bsam pa mkhyen nas/ byang chub sems dpa' blo gros mi zad pa la 'di skad ces bka' stsal to// rigs kyi bu khyod kyis ting nge 'dzin 'di'i mthu ston cig/ de nas byang chub sems dpa' blo gros mi zad pas ting nge 'dzin de la shin tu bsgoms pa'i phyir 'khor de dag thams cad dang / phyogs bcu nas 'dus pa'i byang chub sem dpa' de dag dang / bcom ldan 'das kyang dge slong gi tshogs kyis bskor ba bdag gis lus su bcug ste/ bcug nas kyang brgyan thams cad bkod pa'i 'jig rten gyi khams brgyan gyi rgyal po de bzhin gshegs pa'i sangs rgyas kyi zhing na/ byang chub sems dpa' rnams kyi spyod pa dang / yongs su longs spyod pa ci dang 'dra ba de lta bu'i spyod pa dang / yongs su longs spyod pa stan te/ 'khor de dag thams cad kyang byang chub sems dpa' blo gros mi zad pas lus kyi nang du bdag nyid song ba snyam du shes so// de nas byang chub sems dpa' blo gros mi zad pas cho 'phrul chen po 'di 'dra ba stan nas/ 'khor de dag thams cad dang / phyogs bcu na/ 'das pa'i byang chub sems dpa' de dag dang / bcom ldan 'das kyang dge slong gi tshogs kyis bskor ba/ phyis so so'i gnas su bzhag go/ de nas byang chub

  74. 216a

    thozasasems dpa' bkod pa chen pos/ byang chub sems dpa' blo gros mi zad pa la 'di skad ces smras so// rigs kyi bu ting nge 'dzin 'di'i mthu ngo mtshar to// bzod pa mi zad pas smras pa/ rigs kyi bu kho bos stong gsum gyi stong chen po'i 'jig rten gyi khams thams cad bdag gi lus su bcug kyang / bdag gi lus kyi chos nyid la bri ba 'am gang bar yang mi mngon no// bzod pa mi zad pa'i le'u chos kyi rnam grangs 'di bstan pa dang / cho 'phrul 'di stan pa'i tshe/ lha dang mi'i skye dgu khrag khrig phrag bdun bcu rtsa drug/ bla na med pa yang dag par rdzogs pa'i byang chub tu sems skyes so// byang chub sems dpa' stong phrag bcu gnyis ni mi skye ba'i chos la bzod pa rab tu thob par gyur to// de nas tshe dang ldan pa sha ra da ti'i bus/ byang chub sems dpa' blo gros mi zad pa la 'di skad ces smras so// rigs kyi bu byang chub sems dpa' rnams kyi bzod pa mi zad pa 'di ni khyod kyis legs par smras na/ rigs kyi bu byang chub sems dpa' rnams kyi brtson 'grus mi zad pa las brtsams te/ ji ltar byang chub sems dpa' rnams brtson 'grus mi zad par 'gyur ba khyod spobs par gyis shig/ blo gros mi zad pas smras pa/ btsun pa sha ra dwa ti'i bu brgyad po 'di rnams ni/ byang chub sems dpa' rnams kyi brtson 'grus yang dag par blang ba ste/ brgyad po gang zhe na/ 'di lta ste/

  75. 216b

    go cha mi zad pa dang pha rol gnon pa mi zad pa dang / yang dag par bsgrub pa mi zad pa dang / sems can yongs su smin par byed pa mi zad pa dang / bsod nams kyi tshogs mi zad pa dang / ye shes kyi tshogs mi zad pa dang / shes rab kyi tshogs mi zad pa dang / sangs rgyas kyi chos thams cad bsgrub pa'i tshogs mi zad pa'o// btsun pa sha ra dwa ti'i bu de la byang chub sems dpa' go cha mi zad pa gang zhe na/ gang 'di 'khor bas yongs su mi skyo ba ste/ de bskal pa 'di snyed cig tu go cha bsgo// bskal pa 'di snyed cig tu go cha mi bgo'o zhes/ bskal pa bgrangs pas byang chub mi tshol gyi/ bsam gyis mi khyab pa'i go cha gyon par byed de/ gal te nyin zhag cig la yang 'khor ba'i sngon gyi mtha' tsam la/ de lta bu'i nyin zhag gi bcwo lnga zhing zla ba phyed/ zhag sum bcus zla ba ste/ zla ba bcu gnyis shing lor gyur la/ lo'i bgrang ba 'di lta bus lo stong phrag rgya la/ byang chub kyi sems cig bskyed cing / de bzhin gshegs pa dgra bcom pa yang dag par rdzogs pa'i sangs rgyas cig mthong la 'jug pa de lta bu dang / bgrang ba de 'dra bas gang ga'i klung gi bye ma snyed kyi byang chub tu sems bskyed pa dang / de bzhin gshegs pa/ mthong bas sems can cig gis sems kyi spyod pa shes te/ 'jug pa de lta bu dang / bgrang ba de 'dra bas sems can thams cad la yang / de snyed kyi byang chub

  76. 217a

    zasakyi sems bskyed pa dang / de bzhin gshegs pa mthong bas/ so so re rer sems can thams cad kyi sems kyi spyod pa shes kyang mi god pa'i go cha'o// sbyin pa'i pha rol du phyin pa yongs su rdzogs par bya ba'i phyir 'jug pa de lta bu dang / bgrang ba de 'dra bas gang ga'i klung gi bye ma snyed kyis de bzhin gshegs pa la rim gro byed pa dang / tshul khrims kyi pha rol tu phyin pa yongs su rdzogs par bya bas phyir 'jug pa de lta bu dang / bgrang ba de 'dra bas gang ga'i klung gi bye ba snyed kyi de bzhin gshegs pa la rim gro byed pa dang / de bzhin du bzod pa dang / brtson 'grus dang / bsam gtan dang / shes rab kyi pha rol du phyin pa yongs su rdzogs par bya ba'i gang ga'i klung gi bye ma snyed kyi de bzhin gshegs pa la rim gro byed pa dang / de bzhin du byang chub kyi phyogs kyi chos thams cad yongs su rdzogs par bya ba dang / mtshan dang / dpe byad bzang po yongs su rdzogs par bya ba dang / de bzhin gshegs pa'i stobs dang / mi 'jigs pa bzhi dang / sangs rgyas kyi chos ma 'dres pa thams cad yongs su rdzogs par bya ba'i phyir/ gang ga'i klung gi bye ma snyed kyi de bzhin gshegs pa la rim gro byed pa dang / 'jug pa de lta bu dang / bgrang ba de 'dra bar gang ga'i klung gi bye ma snyed kyi sangs rgyas 'byung bas/ skyes bu chen po'i mtshan

  77. 217b

    cig mngon par bsgrub pa de lta bu'i rnam grangs su mtshan dang dpe byad bzang po yongs su 'grub pa mngon par bsgrub par byed kyang / gang mi gong ba'i go cha mi zad pa zhes bya'o// de la byang chub sems dpa'i pha rol gnon pa mi zad pa gang zhe na/ byang chub sems dpa'i' pha rol gnon pa mi zad pa ni gang stong gsum gyi stong chen po'i 'jig rten gyi khams mes yongs su gang ba las kyang 'bogs te/ de bzhin gshegs pa lta bar mos pa'o// byang chub sems dpa'i pha rol gnon pa ni chos mnyen pa'i rgyu'i mos pa'o// byang chub sems dpa'i pha rol gnon pa ni/ sems can yongs su smin par byed pa'i rgyu'i mos pa'o// byang chub sems dpa'i pha rol gnon pa ni dge ba'i chos thams cad kyi rgyu'i mos pa'o// byang chub sems dpa'i pha rol gnon pa ni thams cad mkhyen pa'i ye shes kyi rgyu'i mos pa'o// byang chub sems dpa'i pha rol gnon pa ni/ pha rol gyi don gyi phyir non pas na/ de'i phyir pha rol gnon pa zhes bya ba ste/ pha rol zhi zhi bar bya ba'i phyir pha rol gdul ba'i phyir/ pha rol yongs su mya ngan las bzla ba'i phyir gnon pas na/ de'i phyir pha rol gnon pa zhes bya'o// mi lhod pa dang / ma zhum pa dang / brtan pa dang / mi zlogs pa dang / dge ba'i bsam pa dang / snying rje chen po la rab tu gnas shing / rtag tu sems can don la brtson par gnon/

  78. 218a

    @pas na/ de'i phyir pha rol gnon pas zhes bya'o// thams cad du gom pa 'dor ba dang / gom pa bzhog cing 'gro ba na byang chub kyi/ sems mngon du byed do// sems can la lta bar yang lta zhing nyon mongs pa'i phyogs su yang mi ltung ste/ 'di ni byang chub sems dpa'i pha rol gnon pa mi zad pa zhes bya'o// de la byang chub sems dpa'i yang dag par bsgrub pa mi zad pa gang zhe na/ gang ji lta bur dge ba'i sems skyes shing byung ba/ byang chub kyi phyir sdos pa 'di ni/ byang chub sems dpa'i yang dag par bsgrub pa mi zad pa'o// de ci'i phyir zhe na/ byang chub tu bsngos pa'i phyir te/ byang chub tu bsngos pa'i dge ba'i rtsa ba ni/ byang chub kyi snying po la ma 'dug gi bar da bar ma dor gang yang zad pa 'am dengs par mi 'gyur ro// btsun pa sha ra dwa ti'i bu 'di lta ste/ dper na/ chu'i thigs pa rgya mtsho chen por lhung ba ni bskal pas ma sregs kyi bar dra bar ma dor zad pa 'am dengs par 'gyur ro// de bzhin du byang chub tu bsngos pas dge ba'i rtsa ba yang / byang chub kyi snying po ma lus bar du bar ma dor gang yang zad pa 'am dengs par mi 'gyur ro// yang dag par sgrub pa zhes bya ba ni/ gang 'di yang dag pa'i nan tan te/ yang dag par zhugs pa ni dge ba'i rtsa ba gang yang dag par sgrubs pa rnams/ sems can thams cad skyabs

  79. 218b

    pa dang / sems can thams cad yongs su smin par bya ba dang / sems can thams cad dge ba'i rtsa ba la bzud pa'i phyir/ dge ba'i rtsa ba de dag yongs su sngo bar byed de/ thams cad mkhyen pa'i ye shes mngon par sgrub pa'i phyir/ dge ba'i rtsa ba de dag yongs su sngo'o// sems can thams cad nye bar 'tsho ba'i phyir dge ba'i rtsa ba de dag yongs su sngo'o// sems can thams cad yongs su mya ngan las zla ba dang / thams cad mkhyen pa'i ye shes la rab tu 'god pa'i phyir/ dge ba'i rtsa ba de dag yongs su bsngo'o// de ni byang chub sems dpa'i yang dag par bsgrub pa mi zad pa zhes bya'o// de la byang chub sems dpa'i sems can yongs su smin par byed pa mi zad pa gang zhe na/ sems can gyi khams ni tshad med de/ de la byang chub sems dpas bgrang ba 'di lta bus 'jug par bya'o// gal te bdag gis nyin cig tu stong gsum gyi stong chen po'i 'jig rten gyi khams su btogs pa'i sems can thams cad yongs su smin par byas te/ de lta bu'i tshul gyis chad med grangs med bsam gyis mi khyab pa'i bskal par sems can gyi khams yongs su smin par byas te/ de snyed du tshad med pa de snyed du grangs med pa/ de snyed du bsam gyis mi khyab pa'i sems can gyi khams yongs su smin par byas te/ de lta bur byas kyang sems can rnams kyi brgya'i cha cig kyang smin par byas stong gi cha 'am

  80. 219a

    brgya stong gi cha 'am/ bye ba'i cha 'am/ bye brgya'i cha 'am/ bye ba stong gi cha 'am/ bye ba brgya stong gi cha 'am/ grangs su 'am/ char ram/ bgrang bar 'am/ dper ram/ sgyur yang yongs su smin par byas so zhes gal te rab tu ston pa 'di thos nas/ byang chub sems dpa' mi skrag kun tu mi skrag cing skrag par mi 'gyur ba de ni/ brtson 'grus brtsams pa'i byang chub sems dpar rig par bya ste/ 'di ni byang chub sems dpa'i sems can yongs su smin par byed pa mi zad pa'o// de la byang chub sems dpa'i bsod nams kyi tshogs mi zad pa gang zhe na/ byang chub sems dpa'i bsod nams ni tshad med de/ de la byang chub sems dpas bgrang ba 'di 'dra bar 'jug par bya'o// sems can thams cad 'das pa dang / da ltar byung ba dang / ma 'ongs pa'i slob pa dang / mi slob pa thams cad dang / nyan thos dang / rang sangs rgyas thams cad kyi bsod nams ji snyed yod pa bsod nams de snyed brgyar sbyar bas de bzhin gshegs pa'i spu'i khung bu gcig 'grub po// de bzhin du spu'i khung bu thams cad re re nas yongs su 'grub ste/ spu'i bu thams cad du rtog pa'i bsod nams kyi phung po ji snyed brgyar bsgyur te/ gtan pa med pa'i bsod nams kyi phung po cig yang dag par bsgrub pa des de bzhin gshegs pa'i

  81. 219b

    sku la dpe byad bzang po cig 'grub ste/ de bzhin du re re nas dpe byad bzang po thams cad yongs su 'grub bo// dpe byad bzang po thams cad du btogs pa'i bsod nams kyi phung po ji snyed pa stong du bsgyur te/ gtan pa med pa'i bsod nams kyi phung po cig bsgrubs pa des/ de bzhin gshegs pa'i sku la skyes bu chen po'i mtshan cig mngon par 'grub te/ de bzhin du ska la skyes bu chen po'i mtshan sum cu re re nas/ mngon par 'grub po// skyes bu chen po'i mtshan sum bcur btogs pa'i bsod nams kyi phung po ji snyed pa stong phrag bcur bsgyur/ gtan pa med pa'i bsod nams kyi phung por cig yang dag par bsgrubs pa des de bzhin gshegs pa'i sku la smin mtshams kyi mdzod spu skyes bu chen po'i mtshan mngon par 'grub po// mdzod spur gtogs pa'i bsod nams kyi phung por ji snyed pa de las stong phrag brgyar bsgyur ba'i bsod nams kyi phung po yang dag par bsgrubs pa'i de bzhin gshegs pa'i sku la dbu'i gtsug gtor dang / spyi bo ltar mi snang ba skyes bu chen po'i mtshan mngon par 'grub bo// gtsug gtor du btogs pa'i bsod nams kyi phung po de las bye ba phrag brgya stong du bsgyur ba de bas kyang lhag pa'i bsod nams kyi phung po yang dag par bsgrubs pas/ de bzhin gshegs pa'i chos kyi

  82. 220a

    dung 'grub par 'gyur te/ chos kyi dang des de bzhin gshegs pa bzhed na/ mtha' yas mu med pa'i 'jig rten gyi khams su dbyangs kyang // go bar mdzad cing chos 'dul bsam pa dang dad pa ji lta ba bzhin du/ sems can thams cad kyi dbang po rnams tshims par mdzad do// byang chub sems dpas bsod nams kyi tshogs la 'jug pa 'di thos nas/ mi skrag mi dngang zhing / dngang bar mi 'gyur ba 'di ni/ byang chub sems dpa'i bsod nams kyi tshogs kyi mi zad pa zhes bya'o// de la byang chub sems dpa'i ye shes kyi tshogs tshad med de/ de la byang chub sems dpas bgrang ba 'di 'dra bar 'jug par bya'o// gang stong gsum gyi stong chen po'i 'jig rten gyi khams kyi sems can dad pa'i phyir 'brang ba'i ye shes dang ldan par gyur na/ de dag gis chos kyi phyir 'brang ba'i ye shes dang ldan pa'i brgya'i char yang nye bar mi 'gro'o// steng gi char yang brgya stong gi char yang / bye ba'i char yang / bye ba brgya'i char yang / bye ba stong gi char yang / bye ba brgya stong gi char yang / grangs su yang char yang / bgrang bar yang / dper yang / rgyur yang nye bar mi 'gro'o// de bzhin du chos kyi phyir 'brang ba'i ye shes dang ldan pa rnams ni brgyad pa'i ye shes dang ldan pa'o// brgyad pa'i ye shes dang ldan pa rnams ni rgyun tu zhugs pa'i ye shes dang ldan pa la'o//

  83. 220b

    rgyun tu zhugs pa'i ye shes dang ldan pa rnams lan cig phyir 'ong ba'i ye shes dang ldan pa la'o// lan cig phyir 'ong ba'i ye shes dang ldan pa rnams ni/ phyir mi 'ongs pa'i ye shes dang ldan pa la'o// phyir mi 'ong ba'i ye shes dang ldan pa rnams ni dgra bcom pa'i ye shes dang ldan pa la'o// dgra bcom pa'i ye shes dang ldan pa rnams ni rang sangs rgyas kyi ye shes dang ldan pa la'o// rang sangs rgyas kyi ye shes dang ldan pa rnams ni bskal pa brgya las byung ba'i byang chub sems dpa'i ye shes dang ldan pa'i brgya'i char yang nye bar mi 'gro ba nas/ dpe dang rgyu'i bar du yang nye bar mi 'gro'o// bskal pa brgya las byung ba'i byang chub sems dpa'i ye shes dang ldan pa rnams ni bzod pa rab tu thob pa'i byang chub sems dpa'i ye shes dang ldan pa la'o// bzod pa rab tu thob pa'i byang chub sems dpa'i ye shes dang ldan pa rnams ni phyir mi ldog pa'i byang chub sems dpa'i ye shes dang ldan pa la'o// phyir mi ldog pa'i byang chub sems dpa'i ye shes dang ldan pa rnams ni/ skye ba gcig gis thogs pa'i byang chub sems dpa'i ye shes dang ldan pa'i brgya'i char yang nye bar mi 'gro ba nas/ dpe dang rgyu'i bar du yang nye bar mi 'gro'o// stong gsum gyi stong chen po'i 'jig rten gyi khams kyi sems can de dag thams cad skye ba gcig gis thogs pa'i byang chub sems dpa'i ye shes dang

  84. 221a

    zla zas// @ldan par gyur na/ byang chub kyi snying por 'dug pa'i byang chub sems dpa'i ye shes dang ldan pa'i brgya'i char yang nye bar mi 'gro ba nas dpe dang rgyu'i bar du yang nye bar 'gro'o// gang mtha' yas mu med pa'i 'jig rten gyi khams kyi sems can de dag thams cad kyang byang chub kyi snying po la 'dug pa'i byang chub sems dpa'i ye shes dang ldan par gyur na/ yang de dag gi de bzhin gshegs pa'i gnas dang / gnas ma yin pa mkhyen pa'i ye shes kyi stobs kyi brgya'i char yang nye bar mi 'gro ba nas/ rgyu dang dpe'i bar du yang nye bar mi 'gro'o// de bzhin gshegs pa'i stobs dang / mi 'jig pa dang / sangs rgyas kyi chos ma 'dres pa bcwo brgyad rnams yongs su 'grub pa'i rim pa yang de bzhin te/ byang chub sems dpa' gang ye shes kyi tshogs 'di thos nas/ mi skrag kun tu mi skrag skrag par mi 'gyur ba de ni byang chub sems dpa'i ye shes kyi tshogs mi zad pa zhes bya'o// de la byang chub sems dpa'i shes rab kyi tshogs mi zad pa gang zhe na/ gang sems can thams cad kyi sems kyi spyod pa la 'jug pa shes pa de ni shes rab kyi tshogs mi zad pa'o// sems can thams cad kyi 'das pa dang / ma 'ongs pa dang / da ltar byung ba'i sems can ji snyed pa dang / de dag sems can cig gis sems cig tu 'dug

  85. 221b

    pa la yod par gyur la/ de lta bu'i tshul gyis sems can thams cad de rnyed du tshad med pa'i sems kyis gang bar gyur te/ gang 'das pa dang / ma 'ongs pa dang / da ltar byung ba'i sems can de dag thams cad kyi 'dod chags dang / zhe sdang dang / gti mug de dag sems can cig gi sems cig la yod par gyur te/ de lta bu'i rnam grangs sems can thams cad de snyed du tshad med pa'i nyon mongs pas gang ba'i sems su gyur na yang / de la byang chub sems dpas gang shes rab kyi tshogs cig pas sems can de dag gi sems su btogs pa'i sems bskyed pa ji snyed pa'i sems bskyed pa de dag thams cad so so'i dmigs pas byung ste/ zhig cing zhu ba rnams shes par 'gyur/ de lta bu'i shes rab kyi tshogs bskyed par bya'o// shes rab des kyang sems can de dag gi sems su snang ba dang / nyon mongs par snang ba dus gsum dang ldan pa yang mi shes med do// 'di lta ste/ btsun pa sha ra dwa ti'i bu na mkha' 'dis gang yang ma khyab pa med do// de bzhin du byang chub sems dpa'i shes rab 'dis kyang dus gsum dang ldan pa'i sems can de dag gi sems su snang ba 'am/ nyon mongs par snang ba de dag gang yang mi shes pa med de/ 'di ni byang chub sems dpa'i shes rab kyi tshogs mi zad pa zhes bya'o// de la byang chub sems dpa' sangs rgyas kyi chos thams

  86. 222a

    zos/ @#cad yang dag par bsgrub pa'i tshogs mi zad pa gang zhe na/ gang dge ba'i tshogs thams cad bsags pa dang / pha rol tu phyin pa thams cad kyi tshogs bsags pa dang / byang chub kyi phyogs kyi chos thams cad bsags pa de ni/ sangs rgyas kyi chos thams cad yang dag par bsgrub pa'i tshogs mi zad pa'o// thogs ma sems bskyed pas nas gzung ste/ byang chub kyi snying po la 'dug gi bar du gang byang chub tu sems bskyed pa dang / dmigs pa dang / sbyor ba bsags pa dang / dge ba'i sems bskyed pa'i tshogs gang gis sangs rgyas kyi chos thams cad yang dag par bsgrubs pa 'di ni/ byang chub sems dpa'i sangs rgyas kyi chos thams cad yang dag par bsgrub pa'i tshogs mi zad pa zhes bya ste/ btsun pa sha ra dwa ti'i bu brgyad po dag ni/ byang chub sems dpa' rnams kyi brtson 'grus yang dag par brang ba'o// gzhan yang btsun pa sha ra dwa ti'i bu byang chub sems dpa' rnams kyi brtson 'grus mi zad pa ni/ gang lus kyi dge ba'i las kyi rten dang / ngag gi dge ba'i las kyi rten dang / yid kyi dge ba'i las kyi rten te/ de ci'i phyir zhe na/ brtson 'grus gang ji snyed pa de dag thams cad lus dang / ngag dang / sems dang ldan pa ste/ lus dang / ngab dang / brtson 'grus brtsams pas ni sems kyi brtson 'grus mchog

  87. 222b

    ces bya'o// sems kyi brtson 'grus de gang zhe na/ sems 'gro ba dang / sems gnas pa ste/ de la sems 'gro ba gang zhe na/ gang byang chub sems kyi brtson pa'o// gang la sems gnas pa gang zhe na/ gang byang chub kyi sems ni bya'o// de la sems 'gro ba gang zhe na/ gang sems can la snying rje'o// sems gnas pa gang zhe na/ gang bdag med pa bzod pa'o// de la 'gro ba gang zhe na/ gang sems can thams cad sdud pa'o// gnas pa gang zhe na/ chos gang thams cad mi sdud pa'o// de la 'gro ba gang zhe na/ gang 'khor ba na mi skye ba'o// gnas pa gang zhe na/ khams gsum la dmigs pa'o// de la 'gro ba gang zhe na/ bdog pa thams cad yongs su gtong ba'o// gnas pa gang zhe na/ gang sbyin pas ni snyems pa'o// de la 'gro ba gang zhe na/ gang slob pa yang dag par len pa'o// gnas pa gang ba zhe na/ gang bslab pas mi snyems pa'o// de la 'gro ba gang zhe na/ gang bzod cing mi 'jed pa'o// gnas pa gang zhe na/ gang sems la rmam phyin pa'o// de la 'gro ba gang zhe na/ dge ba'i rtsa ba thams cad rtsom pa'o// gnas pa gang zhe na/ sems pa gang zhe na/ sems dben pa'o// de la 'gro ba gang zhe na/ gang bsam gtan yang dag par bsgrub pa'o// gnas pa gang zhe na/ gang sems la nges

  88. 223a

    @#/ par rtog pa'o// de la 'gro ba gang she na/ gang thos pa la mi ngoms pa'o// gnas pa gang she na/ gang tshul bzhin sbyor ba'o// de la 'gro ba gang zhe na/ gang thos pa bzhin du chos ston pa'o// gnas pa gang zhe na/ gang brjod du med pa'i chos nyid do// de la 'gro ba gang zhe na/ gang shes rab kyi tshogs yongs su tshol ba'o// gnas pa gang zhe na/ spros pa shin tu chad pa'o// de la 'gro ba gang zhe na/ gang tshangs pa'i gnas rnams sogs pa'o// / gnas pa gang zhe na/ gang yang dag pa'i shes pas btang snyoms pa'o// de la 'gro ba gang zhe na/ mngon par shes pa lnga yongs su rdzogs par bya'o// gnas pa gang zhe na/ rig pa med pa la 'dris par byed pa'o// de la 'gro ba gang zhe na/ gang dran pa nye bar bzhag pa skyes pa'o// gang gnas pa gang zhe na/ gang dran pa yid la byed pa med pa'o// de la 'gro ba gang zhe na/ gang yang dag par spong ba sbyor ba'o// gnas pa gang zhe na/ gang dge dang mi dge ba'i sems dang bral ba'o// de la 'gro ba gang zhe na/ gang rdzu 'phrul gyi rkang pa bsgrub pa'o// gnas pa gang zhe na/ dag lhun gyi grub pa'i bya ba la 'jug pa'o// de la 'gro ba gang zhe na/ gang dbang po la mkhas pa'o// gnas pa gang zhe na/ gang dbang po med pa'i chos la btogs pa'o// de la 'gro ba gang zhe na/ gang stob lnga yang

  89. 223b

    dag par sgrub pa'o// gnas pa gang zhe na/ gang mi rdzi ba'i ye shes so// de la 'gro ba gang zhe na/ gang byang chub kyi yan lag 'byung ba'o// gnas pa gang zhe na/ gang ches rab tu 'byed pa la mkhas pa'i ye shes so// de la 'gro ba gang zhe na/ gang lam gyi tshogs tshol ba'o// gnas pa gang zhe na/ gang gar yang mi 'gro'o// de la 'gro ba gang zhe na/ gang zhig gnas tshol ba'o// gnas pa gang zhe na/ gang zhig gnas kyi sems zhi ba'o// de la 'gro ba gang zhe na/ gang lhag mthong spyod pa'o// gnas pa gang zhe na/ gang chos nyid shes pa'o// de la 'gro ba gang zhe na/ gang rgyu rtogs pa'o// gnas pa gang zhe na/ gang rgyu kun shes pa'o// de la 'gro ba gang zhe na/ gang gzhan gyi sgra thos pa'o// gnas pa gang zhe na/ gang tshes la nan tan byed pa'o// de la 'gro ba gang zhe na/ gang lus kyi rgyan to// gnas pa gang zhe na/ gang lus kyi chos nyid do// de la 'gro ba gang zhe na/ gang dag gi rgyan pa'o// gnas pa gang zhe na/ gang 'phags pa'i me smra ba'o// de la 'gro ba gang zhe na/ rnam par thar pa gsum la mos pa'o// gnas pa gang zhe na/ gang byed pa med pa'o// de la 'gro ba gang zhe na/ gang bdud bzhi yongs su spong ba'o// gnas pa gang zhe na/ gang bag chags dang nyon mongs pa'i 'tshams sbyor ba thams cad bsal ba'o//

  90. 224a

    de la 'gro ba gang zhe na/ gang thabs su blta'o// gnas pa gang zhe na/ gang shes rab tu blta'o// de la 'gro ba gang zhe na/ brtson par blta'o// gnas pa gang zhe na/ gang sgrol bar blta'o// de la 'gro ba gang zhe na/ gang brdar blta ba'o// gnas pa gang zhe na/ gang don dam par blta ste/ 'di ni sems kyi brtson 'grus zhes bya'o// de la sems kyi brtson 'grus mi zad pa de yongs su rdzogs par bya ba'i phyir gang 'gro ba thams cad dang / gnas pa dang / mtshan ma thams cad dang bral ba dang / de mtshan ma'i las thams cad du yang 'jug pa la ye shes kyi las la yang gnas pa ste/ de las thams cad kyang ye shes kyi bya ba byed do// de la byang chub sems dpa'i ye shes kyi las gang zhe na/ gang dge ba'i rtsa ba'i rgyu dang / sems can thams cad la snying rje chen po'i rgyur 'das byas kyang mi gtong zhing / sangs rgyas kyi ye shes kyi rgyur 'das ma byas su ma ltung ba ste/ 'di ni byang chub sems dpa' rnams kyi brtson 'grus kyi pha rol tu phyin pa mi zad pa zhes bya'o// brtson 'grus kyi pha rol tu phyin pa mi zad pa 'di sten pa na/ lha dang mi'i skye dgu khrag khrig bdun bcu rtsa drug bla na med pa yang dag par rdzogs pa'i byang chub tu sems skyes so// byang chub sems dpa' stong phrag sum bcu rtsa gnyis kyang mi skye

  91. 224b

    ba'i chos la bzod pa thob par gyur to// de nas tshe dang ldan pa sha ra da ti'i bus/ byang chub sems dpa' blo gros mi zad pa la 'di skad ces smras so// rigs kyi bu byang chub sems dpa' rnams kyi brtson 'grus mi zad pa 'di ni khyod kyis legs par smras na/ rigs kyi bu byang chub sems dpa' rnams kyi bsam gtan mi zad pa la brtsams te/ ji ltar byang chub sems dpa' rnams bsam gtan mi zad par 'gyur ba khyod spobs par gyis shig/ blo gros mi zad pas smras pa/ btsun pa sha ra da ti'i bu byang chub sems dpa' rnams kyi bsam gtan gyi pha rol tu phyin pa mi zad pa ni rnam pa bcu drug ste/ de ni nyan thos dang rang sangs rgyas thams cad la med do// de la rnam pa bcu drug gang zhe na/ 'di lta ste/ de bzhin gshegs pa'i bsam gtan yongs su rdzogs par bya ba'i phyir/ byang chub sems dpa' rnams kyi bsam gtan de la ma chags pa'o// bdag bde ba la ma chags pa'i phyir/ byang chub sems dpa' rnam kyi bsam gtan ni ro mi myang ba'o// sems can thams cad nyon mongs pa spang ba'i phyir/ byang chub sems dpa' rnams kyi bsam gtan ni snying rje chen po la dmigs pa'o// 'dod pa'i khams su dmigs pa'i phyir/ byang chub sems dpa' rnams kyi bsam gtan ni ting nge 'dzin ldog pa'o//

  92. 225a

    @sems can thams cad kyi sems kyi spyod pa kun shes pa'i phyir/ byang chub sems dpa' rnams kyi thasam gtan ni mngon par shes pa yongs su sbyang ba byas pa'o// sems la dbang zhing shes pa'i phyir/ byang chub sems dpa' rnams kyi bsam gtan ni sems las su rung ba'o// gzugs dang / gzugs med pa'i khams zil gyis gnon pa'i phyir/ byang chub sems dpa' rnams kyi bsam gtan dang / rnam par thar pa dang / ting nge 'dzin dang / snyoms par 'jug pa dang / ldang ba thams cad shes pa'o// nyan thos dang / rang sangs rgyas kyi snyoms par 'jug pa zil gyis gnon pa'i phyir/ byang chub sems dpa' rnams kyi bsam gtan ni zhi ba dang / rab tu zhi ba'o// shin tu mthar thug pa'i phyir/ byang chub sems dpa' rnams kyi bsam gtan ni mi 'khrugs pa'o// nyon mongs pa dang / bag chags kyi 'tshams sbyor ba thams cad shin tu 'joms pa'i phyir/ byang chub sems dpa' rnams kyi bsam gtan ni log pa'i nan tan gyi gnyen po'o// 'jig rten thams cad las sgral ba'i phyir/ byang chub sems dpa' rnams kyi bsam gtan ni shes rab la 'jug pa'o// sems can thams cad bsgral ba'i phyir/ byang chub sems dpa' rnams kyi bsam gtan ni sems can

  93. 225b

    can thams cad kyi bsam pa sngon du 'gro ba'o// de bzhin gshegs pa'i bsam gtan mi zad pa yongs su rdzogs par bya ba'i phyir/ byang chub sems dpa' rnams kyi bsam gtan ni dkon mchog gsum gyi rigs kyi gcod pa'o// rtag tu mnyam par bzhag pa'i phyir/ byang chub sems dpa' rnams kyi bsam gtan ni ma nyams pa'o// sangs rgyas kyi chos thams cad yongs su rdzogs par bya ba'i phyir/ byang chub sems dpa' rnams kyi bsam gtan ni chos thams cad la dbang byed pa'i ye shes so// ye shes kyi bdag nyid che ba'i phyir/ byang chub sems dpa' rnams kyi bsam gtan ni mi g.yo ba ste/ btsun pa sha ra da ti'i bu 'di ni byang chub sems dpa' rnams kyi bsam gtan gyi pha rol tu phyin pa rnam pa bcu drug ste/ gang nyan thos dang / rang sangs rgyas rnams la med pa'o// de la bsam gtan yongs su sbyang ba gang zhe na/ gang mngon par shes pa dang / ye shes yongs su rdzogs pa'o// de la mngon par shes pa ni gang zhe na/ gang gis gzugs su snang ba thams cad mthong ba 'di ni mngon par shes pa zhes bya'o// gang gis gzugs thams cad kyi chos nyid mi zad par shes kyang / mi zad pa'i tshes mngon sum du mi byed pa 'di ni ye shes zhes bya'o// gang gis sgrar grags pa thams

  94. 226a

    rdo thos cad thos pa de ni mngon par shes pa zhes bya'o// gang sgra kun sngon gyi mtha' dang / phyi ma'i mthar brjod du med par shes pa 'di ni ye shes zhes bya'o// gang gis sems can thams cad kyi sems kyi spyod pa shes pa 'di ni mngon par shes pa zhes bya'o// gang sems 'gog par shes pa la 'gog pa mngon sum du mi byed pa 'di ni ye shes zhes bya'o// gang thogs ma'i mtha' dang / phyi ma'i mtha' rjes su dran pa 'di ni mngon par shes pa zhes bya'o// gang dus gsum la ma chags par shes pa 'di ni ye shes zhes bya'o// gang sangs rgyas thams cad zhing du 'gro ba 'di ni mngon par shes pa zhes bya'o// gang gis zhing na mkha' dang mtshungs par shes pa 'di ni ye shes zhes bya'o// gang dbyer med pa'i chos 'dod pa 'di ni mngon par shes pa zhes bya'o// gang chos thams cad mnyam par mthong ba'i shes pa 'di ni ye shes zhes bya'o// gang 'jig rten thams cad dbyer med pa'i mtshan nyid 'di ni mngon par shes pa zhes bya'o// gang 'jig rten gyi chos thams cad dang ma 'dres pa 'di ni ye shes zhes bya'o// gang brgya byin dang / tshangs pa dang / 'jig rten skyong ba rnams zil gyis gnon pa 'di ni mngon par shes pa zhes bya'o// gang nyan thos dang / rang sangs rgyas thams cad kyi spyi bor shes pa 'di ni ye

  95. 226b

    shes zhes bya'o// 'di ni btsun pa shwa ra da ti'i bu byang chub sems dpa' rnams kyi bsam gtan yongs su sbyang ba zhes bya'o// yang sems can thams cad kyi nyon mongs pa dang / sems g.yengs pa ji snyed par/ byang chub sems dpa' rnams kyi bsam gtan gyi tshogs dang / sems bzhag pa shes pa'ang de snyed ste/ sems can thams cad kyi nyon mongs pa dang / sems g.yeng ba ji snyed du/ byang chub sems dpas kyang bsam gtan gyi tshogs yang dag par bsgrub par bya'o// mnyam pa nyid de la gnas pas na de'i phyir mnyam par bzhag pa zhes bya'o// sems can mnyam pa nyid dang / sems mnyam pa nyid dang / bsam pa mnyam pa nyid dang / lhag pa'i bsam pa mnyam pa nyid dang / sbyor ba mnyam pa nyid dang / sbyin pa dang / tshul khrims dang / bzod pa dang / brtson 'grus dang / bsam gtan dang / shes rab mnyam pa nyid dang / sangs rgyas kyi chos thams cad mnyam pa nyid dang / gnas pas na de'i phyir mnyam pa bzhag pa zhes bya'o// ting nge 'dzin gang dang mnyam pa byang chub kyang de dang mnyam mo// byang chub gang dang mnyam pa sems can thams cad kyang de dang mnyam pa'o// sems can thams cad gang dang mnyam pa/ chos thams cad kyang de dang mnyam ste/ mnyam pa nyid de la snyoms par zhugs pas na/ de'i phyir snyoms par zhugs

  96. 227a

    pa zhes bya'o// byang chub gang dang mnyam pa stong pa 'ang de dang mnyam mo// stong pa nyid gang dang mnyam pa sems can thams cad kyang de dang mnyam mo// sems can thams cad gang dang mnyam pa/ chos thams cad kyang de dang mnyam pa ste/ mnyam pa nyid de la snyoms par zhugs pas na// de'i phyir snyoms par zhugs pa zhes bya'o// stong pa nyid gang mnyam pa mtshan ma med pa yang de dang mnyam mo// mtshan ma med pa gang dang mnyam pa/ sems can thams cad kyang de dang mnyam mo// sems can thams cad gang dang mnyam pa/ chos thams cad kyang de dang mnyam ste/ mnyam pa nyid de la snyoms par zhugs pas na/ de'i phyir snyoms par zhugs pa zhes bya'o// mtshan ma med pa gang dang mnyam pa smon pa med pa 'ang de dang mnyam mo// smon pa med pa gang dang mnyam pa sems can thams cad kyang de dang mnyam mo// sems can thams cad gang dang mnyam pa/ chos thams cad kyang de dang mnyam ste/ mnyam pa nyid de la snyoms par zhugs pas na/ de'i phyir snyoms par zhugs pa zhes bya'o// smon pa med pa gang dang mnyam pa mngon par 'dra mi byed pa yang de dang mnyam mo// mngon par 'du mi byed pa gang dang / mnyam pa sems can thams cad kyang de dang mnyam mo// sems can thams cad gang dang mnyam pa/

  97. 227b

    chos thams cad kyang de dang mnyam ste/ mnyam pa nyid de la snyoms par zhugs pas na/ de'i phyir snyoms par zhugs pa zhes bya'o// mngon par 'du mi byed pa gang dang mnyam pa mi skye ba 'ang de dang mnyam mo// mi skye ba gang dang mnyam pa sems can thams cad kyang de dang mnyam mo// sems can thams cad gang dang mnyam pa/ chos thams cad de dang mnyam ste/ mnyam pa nyid de la snyoms par zhugs pas na/ de'i phyir snyoms par zhugs pa zhes bya'o// mi skye ba gang mnyam par mi 'gyur ba yang de dang mnyam mo// mi 'byung ba gang dang mnyam pa sems can thams cad kyang de dang mnyam mo// sems can thams cad gang dang mnyam pa/ chos thams cad kyang de dang mnyam ste/ mnyam pa nyid de la snyoms par zhugs pas na/ de'i phyir snyoms par zhugs pa zhes bya'o// mi 'byung byung ba gang dang mnyam pa dngos po med pa yang de dang mnyam mo// dngos po med pa gang dang mnyam/ sems can thams cad kyang de dang mnyam mo// sems cad thams cad gang dang mnyam pa/ chos thams cad kyang de dang mnyam ste/ mnyam pa nyid de la snyoms par zhugs pas na/ de'i phyir snyoms par zhugs pa zhes bya'o// dngos po med pa gang dang mnyam pa/ rnam par dag pa yang de dang mnyam mo// rnam par dag pa gang dang mnyam pa/ sems can

  98. 228a

    thams cad kyang de dang mnyam pa/ sems can thams cad gang dang mnyam pa/ chos thams cad kyang de dang mnyam ste/ mnyam pa nyid de la snyoms par zhugs pas na/ de'i phyir snyoms par zhugs pa zhes bya'o// bdag gis sems mnyam pas/ sems can thams cad kyi mnyam pa nyid de la zhugs pas na/ de'i phyir snyoms par zhugs pa zhes bya'o// phan par byed pa dang / phan par mi byed pa thams cad la snyoms shing / sa dang mnyam pa'i sems chu dang mnyam pa'i sems me dang mnyam pa'i sems/ rlung dang mnyam pa'i sems/ na mkha' dang mnyam pa'i sems ste/ mi mtho mi dma' bar gnas shing / mi g.yo bar gyur pa/ spyod lam thams cad da mnyam par bzhag pa/ ma bcom pa'i spyod lam rang bzhin gyis snyoms par zhugs pa/ mi rgod pa/ mi g.yeng ba/ mu cor mi smra ba/ tshig ma 'chal ba/ don shes pa/ chos shes pa/ dus shes pa/ tshod shes pa/ nyi tshod shes pa/ 'jig rten thams cad kyi rjes su snyegs shing 'jig rten dang ma 'dres pa/ 'jig rten gyi tshes brgyad las 'das pa/ nyon mongs pa thams cad dang ma 'dres pa/ 'du 'dzi yi nang na yang spyod lam dben pa ste/ de lta bu'i chos la gnas pa'i byang chub sems dpa' ni/ mnyam par bzhag pa'i gnas kyang mi 'dor la/

  99. 228b

    'jig rten gyi bya ba thams cad du 'jug ste/ 'di ni btsun pa sha ra dwa ti'i bu/ byang chub sems dpa'i thabs dang / shes rab kyi mngon par bsgrubs pa'i bsam gtan gyi pha rol du phyin pa zhes bya'o// de la byang chub sems dpa'i thabs ni gang shes rab kyi ni gang zhe na/ gang byang chub sems dpa'i mnyam par bzhag pa'i tshe/ sems la blta ba'i phyir snying rje chen po dmigs pa la sems 'dogs pa de ni/ byang chub sems dpa'i thabs zhes bya'o// gang zhi ba dang / rab tu zhi bas bsam gtan tu byed pa 'di ni de'i shes rab po// gang byang chub sems dpa' mnyam par bzhog pa'i tshe/ sangs rgyas kyi ye shes kyi phyir 'gro ba 'di ni de'i thabs so// chos gang la yang mi gnas par bsam gtan du byed pa 'di ni de'i shes rab bo// gang byang chub sems dpa' mnyam par bzhog pa na/ dam pa'i chos kun bzung ba la lta ba 'di ni de'i thabs so// gang chos kyi dbyings dbyer med par bsam gtan byed pa 'di ni de'i shes rab po// gang byang chub sems dpa' mnyam par bzhog pa'i tshe/ sangs rgyas kyi sku'i brgyan mngon du byed pa 'di ni de'i thabs so// gang chos kyi sku dbyer med par bsam gtan byed pa 'di ni de'i shes rab po// gang byang chub sems dpa' mnyam par bzhog pa na/ sangs rgyas kyi gsung tshangs pa'i sgra dbyangs la sems dpa' 'di ni de'i thabs so// gang chos

  100. 229a

    du pa ma na pa ldan shes pa/ yang bya tham sems mnam pa napas@ darje sa bur byid kyis rjod pa 'dzid do'i thabs so// gang rang bzhin gyis g.yeng ba med par bas pa gtan byed pa 'di ni da'i shes rab po// gang mnyam par banas/ / \u0f7f rnalam gyis sems can yongs su srid par byed kyis dab pa 'dzin de'i thabs so// gang mengs can thams cad la bdag med par ba byed ba dzin de gas rab ga/ mnyam par banag pa/ na pa thams ca la lhag par gas / thams pa byed pa 'dzin so// gang dge 'a gas pa'a'ang sa parnams pa gtan byed pa 'dzin da shes ga/ gang marnam pa rgya kyi zhing sangs su dag pa ma da du byed pa 'don de'i babs so// keng shig nama' 'drang sargyangs par bsam gtan byed pa 'dzin de'i gas rab ba/ gang sam bang nag pan/ drang chub kyi snying po'i margyan bamed par dmigs pa mngan du byed pa 'di ni de'i babasas/ gang nyon mangs pa thams cad ni 'ar bya ba'i bye thams gtan byed pa 'di ni ri legs rang po// gang mnyam par banag pan chos kyi la bar ma rab tu bkor bar 'arjod pa 'dzin de babs pa/ gang ngan pa yang

  101. 229b

    mi skor ba yang med par bsam gtan byed pa 'di ni de'i shes rab po// gang byang chub sems dpa' mnyam par bzhog pa na/ byang chub kyi yan lag gi tshogs la mi g.yeng ba mngon du byed pa 'di ni de'i thabs so// gang nyon mongs pa dang nye ba'i nyon mongs pa'i gdung ba de bzhin gshegs pa'i ye shes kyis mkhyen pa sems dang ldan pa dang / sems dang mi ldan pa dang / 'du shes med pa dang / 'du shes su kun shes pa ji snyed pa de dag bsal ba'i phyir/ byang chub sems dpa' thams cad kyi mi 'gyur ba dang / mthun par bsam gtan byed pa 'di ni de'i shes rab ste/ de lta bu dang ldan pa'i byang chub sems dpa' ni bsam gtan gyi pha rol du phyin pa mi zad pa yin no// bdud thams cad kyis kyang de la grags mi snyed cing de la sangs rgyas kyi chos thams cad kyi snod kyang nye bar gnas pa yin te/ thams cad mkhyen pa'i ye shes kyang thob bo// bsam gtan mi zad pa zhi ba 'di snyan pa na/ byang chub sems dpa' stong phrag sum bcu rtsa gnyis nyi ma'i sgron ma'i ting nge 'dzin thob par gyur to// ci'i phyir ting nge 'dzin de nyi ma'i sgron ma zhes bya zhe na/ 'di lta ste/ nyi ma 'char ba na/ zla ba dang / skar ma'i sgron ma dang / mar me'i sgron ma dang / rtsa me'i sgron ma thams cad mog mog por 'gyur ro// de bzhin du byang chub sems dpa' nyi ma'i sgron ma'i ting nge 'dzin thob na ma rabs

  102. 230a

    thamadang nyi rtse'i shes rab thams cad shes rab kyis snang bas swa bkong ste/ slob pa dang / mi slob pa thams cad kyis shes rab dang / rang sangs rgyas kyi shes rab dang / de yin pa gzhan sems can phal pa thams cad kyi shes rab kyi snang bas spa bkong bas na de'i phyir nyi ma'i sgron ma zhes bya'o// bsam gtan gyi pha rol du phyin pa'i byang chub sems dpa' ni ting nge 'dzin rnam pa mang po bye ba khrag khrig brgya stong da ma thob ste/ de dag las phyogs tsam zhig bstan to// grog gi sgron mas brgyan dang zla ba'i 'od// dge bkod rnam snang de bzhin bsam mi khyab// 'phags par snang dang dri ma med pa dang // thams cad chos la dbang byed yon tan 'od// mya ngan med dang brtul shugs grub pa dang // grags pa brtan dang kun nas 'phags pa dang // chos kyi sgron ma ches dpal ri rab che// chos kyi dbang po chos shes dbang byed dang // chos kyi phung po rnam par 'thor ba dang // chos rnams 'dzin pa rnam par dag pa dang // pha rol sems kyi spyod par spyod pa dang // rgyal mtshan rtse mo dpung brgyan nyon mongs sel// bdud bzhi'i stobs rnams rab tu 'joms pa dang // stobs bcu 'phags pa stobs dang ldan pa dang // chags med chags pa shin tu bcod pa dang // lag na sgron ma shin tu sgra sgrags dang // sa 'dzin dag dang brtan pa'i rang bzhin dang //

  103. 230b

    ri rab sgron ma mi 'pham rgyal ba dang // shes rab bskyed dang ye shes ta la la// bsam gtan 'byung gnas mtha' yas dbang byed dang // sems rnams las su rung bar byed pa dang // byed dang byas dang tshor byed med pa dang // chu'i zla ba nyi ma'i dbyangs dag dang // ting 'dzin mi gtong bdud rnams 'joms pa dang // rnam pa sna tshogs 'du shes med pa dang // stag dang glang po shin tu dul ba dang // rgyal ba kun gyi rjes su dran pa dang // chos dran dge 'dun ye shes dbang byed dang // mi zlogs pa dang ldog pa med pa dang // mig mi 'dzums dang bdag med rab dag dang // rtag tu stong pa'i rnam par 'jug pa dang // rtag tu mtshan med rtag tu mi smon dang // bsam gtan gnas par byed pa mi chags dang // rdo rje lta bu'i ting nge 'dzin ces bya// mngon par 'phags dang des par bcom pa dang // kun nas 'khyil dang sgra rnams dag pa dang // nges par rtogs dang nyon mongs bral ba dang // yangs pa rnam mkha' lta bu zhes kyang bya// bzung ba dang ni yon tan 'jug pa dang // dran rtogs blo gros shes rab bsgrub pa dang // spobs pa dag ni mi zad byed pa dang // sgra ston pa dang bden pa mthong ba dang // 'dzin pa zhes kyang bya ba'i ting nge 'dzin// chud mi za dang legs byas sbyin pa dang // 'gro ba tshim par byed dang bltar mi mthong // rab tu rtogs

  104. 231a

    dang dga' 'gu bskyed pa dang // byams pa 'phags pa'i ting nge 'dzin dag dang // snying rje chen po'i rtsa ba bsam pa dag/ dga' ba'i rnam pa dag la 'jug pa dang // btang snyoms gnyis la chags las grol ba dang // chos don chos byed ye shes ta la la// mi 'khrugs pa dang ye shes rgya mtsho dang // 'gro ba tshim byed rnam par 'dul ba dang // rnam par grol ba'i ye shes dbang byed dang // rdo rje rgyal mtshan snying po pad mo dang // pad mo 'das dang 'jig rten chos bral ba// mi g.yo ba zhes bya ba'i ting nge 'dzin// rdo rje lta bu'i ting nge 'dzin dag dang // dpa' bar 'gro zhes bya ba'i ting nge 'dzin// sangs rgyas dgongs dang de bzhin mi 'khrugs dang // gzi brjid can dang gzi brjid 'od zer dang // rnam par grol ba'i ye shes mchog sbyin dang // sangs rgyas brgyan rnams shin tu bkod pa dang // kun tu snang dang sangs rgyas zhing dag dang // sems can bsam pa rab tu 'jug pa dang // 'gu byed shin tu 'ag byed ting 'dzin dang // byang chub lam gyi rjes su mthun pa dang // pha rol phyin brgyan gtsug na rin po che// byang chub yan lag me tog sbyin pa dang // rnam par grol ba'i 'bras bu sbyin pa ste// mi 'chi dbyangs dang dmigs med rlung bzhin 'gro// rin chen rgya mtsho yi ni shugs 'dzin dang // ri dang brag rnams rdob par byed pa dang //

  105. 231b

    rdzu 'phrul don chen yang dag bskyed pa dang // tshad med pa'i sangs rgyas mthong ba dang // thos pa de dag thams cad 'dzin dang mi g.yeng dang // skad cig cig la ye/ shes sbyin pa dang // yon tan mtha' yas rgya mtsho rnam par dag/ de ltar ting 'dzin 'di dag mtha' yas dpag med de// bsam gtan bye ba khrag khrig dag gis pha rol son// byang chub sems dpa' dam pa mchog rab 'jigs med pa// brtan mchog sems dpa' chen po'i ting 'dzin rnam dag rtogs// 'di ni btsun pa sha ra da ti'i bus byang chub sems dpa' rnams kyi bsam gtan mi zad pa zhes bya'o// de nis tshe dang ldan pa sha ra da ti'i bus byang chub sems dpa' blo gros mi zad pa la 'di skad ces smras so// rigs kyi bu byang chub sems dpa' rnams kyi bsam gtan mi zad pa 'di ni khyod kyis legs par smras so// rigs kyi bu byang chub sems dpa' rnams kyi shes rab mi zad pa la brtsams te/ ji ltar byang chub sems dpa' rnams kyi shes rab mi zad par 'gyur ba khyod spobs par gyis shig/ blo gros mi zad pas smras pa/ gzhan yang btsun pa sha ra dwa ti'i bu/ byang chub sems dpa' rnams kyi shes rab kyang mi zad pa yin te/ shes rab de'i rnam pa ji lta bu 'jug pa ni ci zhes na/ thos pa ni rnam pa'o// tshul bzhin du yid la byed pa ni 'jug pa'o// thos pa'i rnam pa ni ji lta bu/ 'dug pa ni ci zhes/

  106. 232a

    byang chub sems dpa' rnams kyi thos pa'i rnam pa ni brgya rtsa bzhi ste/ 'di lta ste/ mos pa'i rnam pa dang / bsam pa'i rnam pa dang / lhag pa'i bsam pa'i rnam pa dang / sbyor ba'i rnam pa dang / dge ba'i bshes gnyen gyi rnam pa dang / nga rgyal med pa'i rnam pa dang / bag yod pa'i rnam pa dang / rim gro byed pa'i rnam pa dang / mthun pa'i rnam pa dang / dka' blo bde ba'i rnam pa dang / bsnyen bkur byed pa'i rnam pa dang / rna ba blags te nyan pa'i rnam pa dang / yid la byed pa'i rnam pa dang / mi g.yel ba'i rnam pa dang / gnas kyi rnam pa dang / rin po cher 'du shes pa'i rnam pa dang / sman du 'du shes pa'i rnam pa dang / nyon mongs pa'i nad thams cad rab tu zhi bar byed pa'i rnam pa dang // dran pa'i gnod kyis rnam pa dang / rtogs pa shes pa'i rnam pa dang / blo gros 'dod pa'i rnam pa dang / blo la 'jug pa'i rnam pa dang / sangs rgyas kyi chos la mi ngoms par nyan pa'i rnam pa dang / gtong ba spel ba'i rnam pa dang / dul zhing bcad shes pa'i rnam pa dang / mang du thos pa la sten pa'i rnam pa dang / gus par dga' myong byed pa'i rnam pa dang / lus bde ba'i rnam pa dang / sems rab tu dga' ba'i rnam pa dang / mi skyo ba nyan pa'i rnam pa dang / don nyan pa'i rnam pa dang / chos nyan pa'i rnam pa dang / nan tan nyan

  107. 232b

    pa'i rnam pa dang / gzhan gyis bstan pa nyan pa'i rnam pa dang / chos ma thos pa nyan pa'i rnam pa dang / mngon par shes pa nyan pa'i rnam pa dang / theg pa gzhan la 'dod pa med pa'i rnam pa dang / pha rol tu phyin pa nyan pa'i rnam pa dang / byang chub sems dpa'i sde snod nyan pa'i rnam pa dang / sdu ba'i dngos po nyan pa'i rnam pa dang / thabs mkhas pa nyan pa'i rnam pa dang / tshangs pa gnas nyan pa'i rnam pa dang / dran pa dang / shes bzhin nyan pa'i rnam pa dang / skye ba la mkhas pa nyan pa'i rnam pa dang / mi skye ba la mkhas pa nyan pa'i rnam pa dang / mi sdug pa'i rnam pa dang / byams pa'i rnam pa dang / rten cing 'brel bar 'byung ba'i rnam pa dang / mi rtag pa'i rnam pa dang / sdug bsngal ba'i rnam pa dang / bdag med pa'i rnam pa dang / zhi ba'i rnam pa dang / stong pa nyid kyi rnam pa dang / mtshan ma med pa'i rnam pa dang / smon pa med pa'i rnam pa dang / mngon par 'du byed pa'i rnam pa dang / dge ba mngon par 'du byed pa'i rnam pa dang / bden pas byin gyis brlabs pa'i rnam pa dang / chud mi bzan pa'i rnam pa dang / rang dbang gi rnam pa dang / bdag gis sems bsrung ba'i rnam pa dang / brtson 'grus mi gtong ba'i rnam pa dang / chos la nges par rtogs pa'i rnam pa dang / nyon mongs pa'i gnyen po'i rnam pa dang / bdag gi phyogs

  108. 233a

    blo zasabasrung ba'i rnam pa dang / pha rol gyi phyogs dang / nyon mongs pa tshar gcod pa'i rnam pa dang / nor bdun la rten pa'i rnam pa dang // dbul ba thams cad gcod pa'i rnam pa dang / mkhas pas bsngags pa'i rnam pa dang / mkhas pas mngon par dag pa'i rnam pa dang / 'phags pas kun shes pas rnam pa dang / 'phags pa ma yin pa mos par byed pa'i rnam pa dang / bden pa mthong ba'i rnam pa dang / phung po'i nyes pa spang ba'i rnam pa dang / 'dus byas kyi nyes pa yongs su 'jam pa'i rnam pa dang / don la rten pa'i rnam pa dang / chos la rten pa'i rnam pa dang / ye shes la rten pa'i rnam pa dang / nges pa'i don gyi mdo sde la rten pa'i rnam pa dang / sdig pa thams cad mi bya ba'i rnam pa dang / bdag dang gzhan la phan pa'i rnam pa dang / legs par byas pa'i las kyi rnam pa dang / rgyan pa'i rnam pa dang / bye brag tu 'gro ba'i rnam pa dang / sangs rgyas kyi chos thams cad thob pa'i rnam pa ste/ 'di dag ni byang chub sems dpa' rnams kyi thos pa rnam pa brgyad bcu rtsa bzhi zhes bya'o// de la btsun pa sha ra da ti'i bu/ byang chub sems dpa' rnams kyi tshul bzhin yid la byed pa la 'jug pa sum bcu rtsa gnyis te/ sum bcu rtsa gnyis gang zhe na/ zhi gnas kyi gnas la 'jug pa dang / lhag mthong la rnam par bcod pa'i 'jug

  109. 233b

    pa dang / sems las su rung ba la 'jug pa dang / lus dben pa la 'jug pa dang / sems dben pa la 'jug pa dang / rten cing 'brel bar 'byung ba la 'jug pa dang / bden pa'i rjes su mthun pa la 'jug pa dang / tshad med pa la 'jug pa dang / rtag pa med pa la 'jug pa dang / rgyu dang rkyen la 'jug pa dang / bdag med pa dang / sems can med pa dang / srog med pa dang / gang zag med pa la 'jug pa dang / 'ong ba dang / 'gro ba dang / gnas pa med pa la 'jug pa dang / mi 'pho zhing rgyu dang 'bras bu chud mi za ba la 'jug pa dang / stong pa nyid dang / mtshan ma med pa dang / smon pa med pa 'dris par byed pa la 'jug pa dang / stong pa nyid dang / mtshan ma med pa dang / smon pa med pa la mngon sum du mi byed pa la 'jug pa dang / bsam gtan dang / ting nge 'dzin dang / snyoms par 'jug pas skye ba dbang byed pa med pa la 'jug pa dang / mngon par shes pa'i ye shes bskyed pa la 'jug pa dang / zag pa zad pa mngon gsum du mi byed par 'jug pa dang / nad du rtogs pa la 'jug pa dang / mi 'gyur bar mi mda' ba la 'jug pa dang / 'dus byas kyi nyes pa kun 'jam pa la 'jug pa dang / 'dus ma byas kyi chos mngon gsum du mi byed par 'jug pa dang / sems can thams cad la bdag med par rtog pa la 'jug pa dang / snying rje chen po mi gtong ba la 'jug pa dang / skye ba thams cad 'jigs par lta ba la 'jug pa dang / rtag tu bsam bzhi

  110. 234a

    zo grog#du shes pas srid pa thams cad yongs su 'dzin par 'jug pa dang / skyo zhing 'dod chags dang bral bar 'jug pa dang / 'dod chags dang bral ba'i chos mngon sum du mi byed par 'jug pa dang / 'dod pa'i dga' ba'i yon tan btang snyoms pa la 'jug pa dang / chos kyi dga' ba mi gtong ba la 'jug ba dang / spros pa dang / rnam par rtog pa thams cad spong ba la 'jug pa dang / thabs mkhas pa'i spros pa dang / rnam par rtog pa mi spong bar 'jug pa ste/ btsun pa sha ra da ti'i bu 'di dag ni byang chub sems dpa' rnams kyi tshul bzhin yid la byed pa la 'jug pa sum bcu rtsa gnyis zhes bya'o// gzhan yang btsun pa sha ra da ti'i bu tshul bzhin zhes bya ba de ni/ rigs pa'i tshig go// de ni tshul gyis tshig go// de ni sgo yi tshig go// de ni kha'i tshig go// de ni rgyu'i tshig go// de ni rkyen gyis tshig go// de ni mi 'gog pa'i tshig go/ de ni mi 'gag pa'i tshig go// de ni btang snyoms kyi tshig go// de ni len pa med pa'i tshig go// de ni dor ba med pa'i tshig go// de ni rkyen med pa'i tshig go// de ni rten med pa'i tshig go// de ni gnas pa'i tshig go// de ni mi g.yos pa'i tshig go// de ni rnam par ma g.yos pa'i tshig go// de ni sgro btags pa med pa'i tshig go// de ni mnyam pa nyid kyi tshig go// de ni mi mnyam pa med pa'i tshig go// de ni bden pa'i tshig go// de ni yang dag pa'i tshig go//

  111. 234b

    de ni mi 'gyur ba'i tshig go// de ni phyir bya ba med pa'i tshig go// de ni zhi ba'i tshig go// de ni rab tu zhi ba'i tshig go// de ni nye bar zhi ba'i tshig go// de ni spros pa med ba'i tshig go// de ni blang ba med pa'i tshig go// de ni bzhag pa med pa'i tshig go// de ni ma tshang ba med pa'i tshig go// de ni lhag pa med pa'i tshig go/ de ni phyir 'byung du med pa'i tshig go// de ni gnyen po med pa'i tshig go// de ni dam pa'i tshig go// de ni kho na'i tshig go// de ni de bzhin nyid kyi tshig go// de ni ma nor ba de bzhin nyid kyi tshig gi/ de ni gzhan ma yin pa de bzhin nyid kyi tshig go// de ni ji lta ba bzhin gyi tshig go// de ni chud mi za ba'i tshig go// de ni yang dag pa'i mtha'i tshig go/ de ni dus gsum mnyam pa'i tshig go// de ni dus gsum yongs su chad pa'i tshig go/ de ni gzugs la rnam par shes pa mi gnas pa'i tshig go// de ni tshor ba dang / 'du shes dang / 'du byed dang / rnam par shes pa mi gnas pa'i tshig go// de ni sa'i khams la rnam par shes pa mi gnas pa'i tshig go// de bzhin du chu'i khams dang / me'i khams dang / rlung gi khams la rnam par shes pa mi gnas pa'i tshig go// de ni mig dang / gzugs dang / mig gi rnam par shes pa'i khams la mi gnas pa'i tshig go// de bzhin du de ni rna ba dang / sgra dang / rna ba'i rnam par shes pa dang / sna dang / dri dang / sna'i rnam par shes pa dang / lce dang / ro dang / lce'i rnam par

  112. 235a

    brisashes pa dang / lus dang / reg bya dang / lus kyi rnam par shes pa dang / yid dang / chos dang / yid kyi rnam par shes pa'i khams la mi gnas pa'i tshig go// de ni don rten pa'i tshig go/ de ni chos la rten pa'i tshig go// de ni ye shes la rten pa'i tshig go// de ni nges pa'i don gyi mdo sde la rten pa'i tshig go// gzhan yang btsun pa sha ra da ti'i bu/ tshul bzhin zhes bya ba ni chos thams cad do// de ci'i phyir zhe na/ ji ltar bdag la bdag med pa/ de bzhin du/ chos thams cad rigs pas mthong ba dang / ji ltar sems can la bdag med pa de bzhin du/ chos thams cad rigs pas mthong na/ de ltar mthong ba de ni tshul bzhin mthong ba'o// 'khor ba'i khams kyi tshul bzhin gang yin pa/ mya ngan las 'das pa'i dbyings kyi tshul bzhin yang de bzhin no// gang gis de ltar mtshungs shing bye brag med par mthong ba de ni tshul bzhin rab tu sbyor ba zhes bya'o// gang gis kun nas nyon mongs pa'i rang bzhin dang / rnam par byang ba'i rang bzhin mtshungs shing bye brag med par mthong ba de ni tshul bzhin rab tu sbyor ba zhes bya'o// gang rigs pa dang / mi rigs par mi sems pa de ni tshul bzhin rab tu sbyor ba yin te/ btsun pa sha ra da ti'i bu mdor na/ byang chub sems dpa'i tshul bzhin skor ba ji snyed pa de dag thams cad kyi gnas ni sems can no// de sems can gnas

  113. 235b

    kyang mi spong la chos kyi gnas kyi 'khrugs par mi byed de/ de ni byang chub sems dpa'i tshul bzhin la 'jug pa'i sbyor ba zhes bya'o// de ltar na btsun pa sha ra dwa ti'i bu/ de'i chos kyi rnam pa dang / zos pa'i rnam pa dang / tshul bzhin la 'jug pa'i sbyor ba'i rgyu mthun pa'i 'bras bu de ni shes rab ces bya'o// de la shes rab ni 'grog ba bcu drug dang lhan cig mi gnas pa ste/ bcu drug po gang zhe na/ 'di lta ste/ ma rig pa'i grogs pa dang lhan cig mi gnas so// de bzhin du 'du byed dang / rnam par shes pa dang / ming dang / gzugs dang / skye mched drug dang / reg pa dang / tshor ba dang / sred pa dang / len pa dang / skye ba dang / dga' shi'i 'grogs pa dang / lhan cig mi gnas so// ma rig pa 'gog pa dang lhan cig mi gnas so// de bzhin du 'du byed dang / rnam par shes pa dang / ming dang / gzugs dang / skye mched drug dang / reg pa dang / tshor ba dang / sred pa dang / len pa dang / srid pa dang / skye ba dang / rga shi 'gog pa'i 'grogs pa dang lhan cig mi gnas so// 'jigs tshogs la lta ba'i 'grogs pa dang lhan cig mi gnas te/ 'jig tshogs la lta ba'i rtsa ba las byung ba'i lta bar gyur pa drug bcu rtsa gnyis kyi 'grogs pa dang lhan cig mi gnas so// mthon dman gyi 'grogs pa dang lhan cig mi gnas pa na/ 'jig rten gyi chos rnyed pa dang / ma rnyed pa dang / grags pa dang /

  114. 236a

    blo bros/ @#ma grags pa dang / smad pa dang / stong pa dang / bde ba dang / sdug bsngal gyi bar gyi 'grogs pa dang lhan cig mi gnas so// khro ba dang // khon du 'dzin pa dang / 'chab pa dang / yongs su gdung ba dang / pra dog dang / ser sna dang / sgyu dang / g.yo dang / ngo tsha ba dang / khrel med pa dang / pho theg dang / rtsod pa dang / rgyags pa dang / bag med pa dang / nga rgyal dang / che ba'i nga rgyal dang / nga rgyal bas che ba'i nga rgyal dang / nga'i nga rgyal dang / chung ba'i nga rgyal dang / mngon pa'i nga rgyal dang / log pa'i nga rgyal rnams kyi 'grogs pa dang / lhan cig mi gnas pa nas nye ba'i nyon mongs pa thams cad kyi bar gyi 'grogs pa dang lhan cig mi gnas so// 'dod chags dang / zhe sdang dang / gti mug kun nas ldang ba la phra mo dang / sbom po dang / chung ngu dang / 'bring dang / chen po'i 'grogs pa dang / lhan cig mi gnas pa nas nyon mongs pa'i kun nas ldang ba thams cad kyi bar gyi 'grogs pa dang lhan cig mi gnas so// gti mug gi mun pa rab rib gi ling thog dang / sgrib pa dang / chad pa'i 'grogs pa dang lhan cig mi gnas pa nas/ kun nas ldang ba nyams par 'gyur ba'i chos thams cad kyi bar gyi 'grogs pa dang lhan cig mi gnas so// 'dod pa dang / zab mo'i rnyog pa dang / phung po dang / nyon mongs pa dang / 'chi bdag dang / lha'i bu'i bdud rnams dang lhan cig mi gnas pa nas/

  115. 236b

    bdud kyi las thams cad kyi bar dang lhan cig mi gnas so// bdag dang / sems can dang / srog dang / gso ba dang / skyes bu dang / gang zag dang / shed las skyes pa dang / shed bdag tu 'dzin pa la mngon par chags pa dang lhan cig mi gnas pa nas/ 'dzin pa la mngon par chags pa'i bar dang lhan cig mi gnas so// las kyi sgrib pa dang / chos kyi sgrib pa dang / nyon mongs pa'i sgrib pa dang / lta ba'i sgrib pa dang / 'gro ba'i sgrib pa dang / rnam par smin pa'i sgrib pa dang / shes bya'i sgrib pa dang / lhan cig mi gnas pa nas/ bag chags kyi 'tshams sbyor ba thams cad kyi bar dang / lhan cig mi gnas so// rtog pa dang / rnam par rtog pa dang / kun rtog pa dang / mtshan ma dang / dmigs pa dang / mthong ba dang / thos pa dang / bye brag phyed pa dang / rnam par rig pa rnams dang / lhan cig mi gnas pa nas/ mdud pa dang / sgro btags pa thams cad kyi bar dang lhan cig mi gnas so// bdag dang / rtags pa dang / gtsang ma dang / bde ba'i 'grogs pa dang / lhan cig mi gnas pa nas/ phyin ci log thams cad kyi bar dang / lhan cig mi gnas so// sems can gyi sems kyi spyod pa brgyad khri bzhi stong dang lhan cig mi gnas pa nas/ chos kyi phung po brgyad khri bzhi stong gi bar dang lhan cig mi gnas so// ser sna dang /

  116. 237a

    grosagatong ba dang / ngan pa'i ngang tshul dang / tshul khrims dang / gnod sems dang / bzod pa dang / le lo dang / brtson 'grus dang / g.yeng ba dang / bsam gtan dang / 'chal pa'i shes rab dang / shes rab lhan cig mi gnas pa nas/ pha rol tu phyin pa'i phyogs dang / mi mthun pa'i phyogs sems pa dang lhan cig mi gnas so// nges pa dang / ma nges pa dang / yang dag pa dang / log pa dang / dge ba dang / mi dge ba dang / kha na ma tho ba dang bcas pa dang / kha na ma tho ba med pa dang / zag pa dang bcas pa dang / zag pa med pa dang / 'das byas dang / 'dus ma byas dang / 'jig rten pa dang / 'jig rten las 'das pa dang / bzang po dang / ngan pa dang / kun nas nyon mongs pa dang / rnam par byang ba dang / 'khor ba dang / mya ngan las 'das pa dang / lhan cig mi gnas pa nas/ chos thams cad kyi mi mthun pa'i phyogs dang / gnyen po'i bar dang / lhan cig mi gnas so// theg pa tha dad pa dang // sems can tha dad pa dang / zhing tha dad pa dang / sangs rgyas tha dad pa dang / chos tha dad pa dang / dge 'dun tha dad pa dang / lhan cig mi gnas pa nas tha dad pa thams cad kyi bar dang / lhan cig mi gnas so// mi shes pa dang / shes pa dang / rnam par shes pa dang / kun rdzob dang / don dam pa dang / lhan cig mi gnas

  117. 237b

    pa nas/ mtshan ma yid la byed pa thams cad kyi bar dang lhan cig mi gnas so// de shes rab ni gang rgyu ba med cing / lus med pa mtshan nyid med pa/ mtshan/ ma med pa dang / 'das ma byas pa ste/ de ni mtshan ma dang / yid la byed pa thams cad dang / sems dang / yid dang / rnam par shes pa dang / gnas pa dang / ming dang / mtshan ma dang / gcig pa dang / tha dad pa dang / lhan cig mi gnas te/ btsun pa sha ra dwa ti'i bu/ shes rab ni 'grogs pa de dag dang ldan TIg mi gnas so// de la shes rab kyi yul gang zhe na/ 'di lta ste/ chos brgyad la mkhas pa'o// de la chos brgyad la mkhas pa gang zhe na/ 'di lta ste/ phung po la mkhas pa dang / khams la mkhas pa dang / skye mched la mkhas pa dang / bden pa la mkhas pa dang / rten cing 'brel bar 'byung ba la mkhas pa dang / dus gsum la mkhas pa dang / theg pa kun la mkhas pa dang / chos thams cad kyi bar la mkhas pa de la byang chub sems dpa' phung po la mkhas pa gang zhe na/ gang 'di phung po rnams kyi dper bya ba bstan pa ste/ lbu ba'i gong bur snyan pa dang / chu'i chu bur du bstan pa dang / mig sgyu ltar snyan pa dang / chu shing gi phung por snyan pa dang / sgyu mar snyan pa dang / rmi lam du brtan pa dang / brag char snyan pa dang / mig yor du brtan pa dang / gzugs rten du brtan

  118. 238a

    thosapa dang / sprul par snyan pa'o// de ci'i phyir zhe na/ gzugs kyi lbu ba'i gong bu lta bu ste/ lbu ba'i gong bu ni bdag ma yin/ sems can ma yin/ srog ma yin/ gso ba ma yin/ skyes bu ma yin/ gang zag ma yin no// lbu ba'i gong bu'i rang bzhin gang yin pa/ gzugs kyi rang bzhin yang de yin te/ gang 'di las mkhas pa de ni/ phung po la mkhas pa zhes bya'o// tshor ba ni chu'i chu bur lta bu'o// 'du shes ni mig rtswa lta bu'o// 'du byed rnams ni chu shing lta bu'o// rnam par shes pa ni sgyu ma lta bu'o// 'du byed rnams ni chu shing lta bu'o// rnam par shes pa ni sgyu ma lta bu ste/ sgyu ma yang bdag ma yin/ sems can ma yin/ srog pa yin/ bso ngam yin/ skyes bu ma yin/ gang dag ma yin/ sgyu ma'i rang bzhin gang yin pa/ rnam par shes pa rang bzhin yang de yin te/ gang 'di la mkhas pa de ni byang chub sems dpa'i phung po la mkhas pa'o zhes bya'o// phung po rnams ni rmi lam lta bu ste/ rmi lam yang bdag pa yin/ sems can pa yin/ sreg pa yin/ gas pa ma yin/ skyes bu ma yin/ gang bags yin no// hri las gyi rang bzhin gang yin pa/ phung kyi rang bzhin yang de yin te/ gang bad la mkhas pa ni byang chub sems dpa'i phung ba la mkhas pa zhes byar// phung po rnams ni zag sa sa bu ste/ brag can bdas/

  119. 238b

    ma yin/ sems can ma yin/ srog ma yin/ skyes bu ma yin/ gang zag ma yin no// brag cha'i rang bzhin gang yin pa phung po rnams kyi rang bzhin yang de yin te/ gang 'di la mkhas pa de ni/ byang chub sems dpa'i phung po la mkhas pa zhes bya'o// phung po rnams kyi rang bzhin yang de yin te/ gang 'di la mkhas pa de ni byang chub sems dpa'i phung po la mkhas pa zhes bya'o// phung po rnams ni mig g.yor lta bu ste/ mig yor yang bdag ma yin/ sems can ma yin/ srog ma yin/ gso ba ma yin/ skyes bu ma yin/ gang zag ma yin no// mig yor gyi rang bzhin gang yin pa/ phung po rnams kyi rang bzhin yang de yin te/ gang 'di la mkhas pa de ni byang chub sems dpa'i phung po la mkhas pa zhes bya'o// phung po rnams ni gzugs brnyan lta bu ste/ gzugs brnyan// ni bdag ma yin/ sems can ma yin/ srog ma yin/ gso ba ma yin/ skyes bu ma yin/ gang zag ma yin no// gzugs brnyan gyi rang bzhin gang yin pa/ phung po rnams kyi rang bzhin yang de yin te/ gang 'di la mkhas pa de ni byang chub sems dpa'i phung po la mkhas pa zhes bya'o// phung po rnams ni sprul pa lta bu ste/ sprul pa yang bdag ma yin/ sems can ma yin/ srog ma yin/ gso ba ma yin/ skyes bu ma yin/ sprul pa'i rang bzhin gang yin pa/

  120. 239a

    thosaphung po rnams kyi rang bzhin yang de yin te/ gang 'di la mkhas pa de ni byang chub sems dpa'i phung po la mkhas pa zhes bya'o// / phung po zhes bya ba de ni 'jig rten te/ 'jig rten yang 'jigs pa'i mtshan nyid do// 'jig rten gyi rang bzhin gang yin pa der rang bzhin gyis rtag pa'o// rang bzhin gyis sdug bsngal ba'o// rang bzhin gyis stong pa'o// rang bzhin gyis bdag med pa'o// rang bzhin gyis zhi ba ste/ gang 'di la mkhas pa de ni byang chub sems dpa'i phung po la mkhas pa zhes bya'o// de la byang chub sems dpa'i khams la mkhas pa gang zhe na/ gang chos kyi dbyings la 'jug pa'i ye shes so// chos kyi dbyings sa'i khams yin med kyi/ chos kyi dbyings sra ba'i mtshan nyid ni ma yin no// chos kyi dbyings chu'i khams yin mod kyi/ chos kyi dbyings rlan pa'i mtshan nyid ni ma yin no// chos kyi dbyings me'i khams yin mod kyi/ chos kyi dbyings smin par byed pa'i mtshan nyid ma yin no// chos kyi dbyings rlung gi khams yin mod kyi/ chos kyi dbyings g.yo ba'i mtshan nyid ni ma yin no// chos kyi dbyings mig gi khams yin mod kyi/ chos kyi dbyings lta ba'i mtshan nyid ni ma yin no// chos kyi dbyings rna ba'i khams yin mod kyi/ chos kyi dbyings nyan pa'i mtshan

  121. 239b

    nyid ni ma yin no// chos kyi dbyings sna'i khams yin mod kyi/ chos kyi dbyings snom pa'i mtshan nyid ni ma yin no// chos kyi dbyings lce'i khams yin mod kyi// chos kyi dbyings myang bar byed pa'i mtshan nyid ni ma yin no// chos kyi dbyings lus kyi khams yin mod kyi/ chos kyi dbyings nom pa'i mtshan nyid ni ma yin no// chos kyi dbyings yid kyi khams yin mod kyi/ chos kyi dbyings rnam par reg pa'i mtshan nyid ni ma yin no// chos kyi dbyings mig gi rnam pa'i shes pa'i khams yin mod kyi/ chos kyi dbyings gzugs rnam par rig pa'i mtshan nyid ni ma yin no// chos kyi dbyings rna ba'i rnam par shes pa'i khams yin mod kyi/ chos kyi dbyings sgra rnam par rig pa'i mtshan nyid ni ma yin no// chos kyi dbyings sna'i rnam par shes pa'i khams yin mod kyi/ chos kyi dbyings dri rnam par rig pa'i mtshan nyid ni ma yin no// chos kyi dbyings lce'i rnam par shes pa'i khams yin mod kyi/ chos kyi dbyings ro'i rnam par rig pa'i mtshan nyid ni ma yin no// chos kyi dbyings lus kyi rnam par shes pa'i khams yin mod kyi/ chos kyi dbyings reg bya rnam par rig pa'i mtshan nyid ni ma yin no// chos kyi dbyings yid kyi rnam par shes pa'i khams yin mod kyi// chos kyi dbyings chos rnam par rig pa'i mtshan nyid ni ma yin no// chos kyi dbyings gzugs kyi khams yin mod kyi/ chos

  122. 240a

    kyi dbyings mig gi rnam par shes pas rnam par rig par bya ba'i mtshan nyid ni ma yin no// chos kyi dbyings sgra'i khams yin mod kyi// chos kyi dbyings rna ba'i rnam par shes pa'i rnam par rig par bya ba'i mtshan nyid ni ma yin no// chos kyi dbyings dri'i khams yin mod kyi/ chos kyi dbyings sna'i rnam par shes pas rnam par rig par bya ba'i mtshan nyid ni ma yin no// chos kyi dbyings ro'i khams yin mod kyi/ chos kyi dbyings lce'i rnam par shes pa rnam par rig par bya ba'i mtshan nyid ni ma yin no// chos kyi dbyings reg bya'i khams yin mod kyi/ chos kyi dbyings lus kyi rnam par shes pas rnam par rig par bya ba'i mtshan nyid ni ma yin no// chos kyi dbyings yid kyi khams yin mod kyi/ chos kyi dbyings yid kyi rnam par shes pa rnam par rig par bya ba'i mtshan nyid ni ma yin no// chos kyi dbyings gzugs kyi khams yin mod kyi/ chos kyi dbyings gzugs su rnam par rig pa'i mtshan nyid ni ma yin no// chos kyi dbyings sgra'i khams yin mod kyi/ chos kyi dbyings sgra rnam par rig pa'i mtshan nyid ni ma yin no// chos kyi dbyings dri'i khams yin mod kyi/ chos kyi dbyings dri rnam par rig pa'i mtshan nyid ni ma yin no// chos kyi dbyings ro'i khams yin mod kyi/ chos kyi dbyings ro rnam par rig pa'i mtshan nyid ni ma yin no// chos kyi dbyings reg bya'i khams yin mod

  123. 240b

    kyi/ chos kyi dbyings reg bya rnam par rig pa'i mtshan nyid ni ma yin no// chos kyi dbyings chos kyi khams yin mod kyi/ chos kyi dbyings chos su rnam par rig pa'i mtshan nyid ni ma yin no// chos kyi dbyings dang bdag gi khams de ni 'tshungs so// chos kyi dbyings dang 'dod pa'i khams dang / gzugs kyi khams dang / gzugs med pa'i khams de ni mtshungs so// chos kyi dbyings dang / 'khor ba'i khams dang / mya ngan las 'das pa'i dbyings de ni mtshungs so// chos kyi dbyings dang sems can gyi khams dang / nam mkha'i khams dang / chos kyi khams de ni mtshungs so// de ci'i phyir de mtshungs zhe na/ stong pa nyid du mtshungs pas na de ni 'tshungs so// mtshan ma med par mtshungs pa dang / smon pa med par mtshungs pa dang / mngon par 'dra mi byed par mtshungs pa med pa dang / skye ba med par mtshungs pa dang / 'byung ba med par mtshungs pa dang / dngos po med par mtshungs pa dang / chos thams cad tha dad pa med par mtshungs pa dang / sgrib pa med par mtshungs pa dang / na mkha'i khams su mtshungs pa dang / mya ngan las 'das pa'i dbyings su mtshungs pas de dag mtshungs so// 'das byas kyi khams la 'jug pa dang / 'dus ma byas kyi khams la 'jug pa tshad med de/ gang snyan pa de la chos kyi dbyings kyi tshul gyi sgo nas 'jug pa 'di ni/

  124. 241a

    thos@#byang chub sems dpa'i khams la mkhas pa zhes bya'o// de la byang chub sems dpa'i skye mched la mkhas pa gang zhe na/ gang chos kyi skye mched la 'jug pa'i ye shes te/ chos kyi skye mched ni mig gi skye mched yin mod kyi/ chos kyi skye mched lta ba'i mtshan nyid ni ma yin no// chos kyi skye mched rna ba'i skye mched yin mod kyi/ chos kyi skye mched nyan pa'i mtshan nyid ni ma yin no// chos kyi skye mched sna'i skye mched yin mod kyi/ chos kyi skye mched snom pa'i mtshan nyid ni ma yin no// chos kyi skye mched lce'i skye mched yin mod kyi/ chos kyi skye mched myang ba'i mtshan nyid ni ma yin no// chos kyi skye mched lus kyi skye mche yin mod kyi/ chos kyi skye mched nom pa'i mtshan nyid ni ma yin no// chos kyi skye mched yid kyi skye mched yin mod kyi/ chos kyi skye mched chos rnam par rig pa'i mtshan nyid ni ma yin no// chos kyi skye mched gzugs kyi skye mched yin mod kyi/ chos kyi skye mched mig gi rnam par shes pas rnam par rig pa'i mtshan nyid ni ma yin no// chos kyi skye mched sgra'i skye mched yin mod kyi/ chos kyi skye mched rna ba'i rnam par rig par bya ba'i mtshan nyid ni ma yin no// chos kyi skye mched dri'i skye mched yin mod kyi/ chos kyi skye mched sna'i rnam par shes pa'i rnam par rig par bya ba'i mtshan nyid ni ma yin no// chos kyi skye mched ro'i

  125. 241b

    skye mched yin mod kyi/ chos kyi skye mched lce'i rnam par shes pas rnam par rig par bya ba'i mtshan nyid ni ma yin no// chos kyi skye mched reg bya'i skye mched yin mod kyi/ chos kyi skye mched lus kyi rnam par shes pas rnam par bya ba'i mtshan nyid ni ma yin no// chos kyi skye mched chos kyi skye mched yin mod kyi/ chos kyi skye mched kyi rnam par shes pas rnam par rig par bya ba'i mtshan nyid ma yin te/ 'di ni byang chub sems dpa'i skye mched la mkhas pa zhes bya'o// gzhan yang skye mched la mkhas pa ni/ mig gi skye mched ni bdag dang bdag gis stong ngo // de bzhin du rna ba'i skye mched dang / sna'i skye mched dang / lce'i skye mched dang / lus kyi skye mched dang / yid kyi skye mched dang / gzugs kyi skye mched dang / sgra'i skye mched dang / dri'i skye mched dang / ro'i skye mched dang / reg bya'i skye mched dang / chos kyi skye mched kyang bdag dang bdag gis stong ngo // ji ltar bcom ldan 'das kyi kyang / mig ni bdag dang bdag gis stong ngo // dri ni de'i rang bzhin no// de bzhin du rna ba dang / sna dang / lce dang / lus dang / yid ni bdag dang bdag gir stong te/ 'di ni de'i rang bzhin no// de bzhin du gzugs dang / sgra dang / dri dang / ro dang / reg bya dang / chos rnams bdag dang bdag gis stong ste/ 'di ni de'i rang bzhin no// zhes gsungs so// 'di ltar gang skye mched rnams la skye mched du mi byed cing / mi dge ba'i chos kyang

  126. 242a

    @mi sogs/ dge ba'i chos kyang 'bri bar mi byed la/ dge ba dang mi dge ba la 'du shes gnyis su mi 'gyur ba 'di ni byang chub sems dpa'i/ skye mched la mkhas pa zhes bya'o// gzhan yang skye mched la mkhas pa ni/ mig gi skye mched kyi 'dod chags kyi gnas dang rten ni gzugs kyi skye mched de mig gzugs la 'dod chags dang bral bar mthong / 'dod chags dang bral ba'i chos kyang mngon sum du mi byed pa 'di ni byang chub sems dpa'i skye mched la mkhas pa zhes bya'o// de bzhin du rna ba'i skye mched kyi sgra'i skye mched dang / sna'i skye mched kyi dri'i skye mched dang / lce'i skye mched kyi ro'i skye mched dang / lus kyi skye mched kyi reg bya'i skye mched dang / yid kyi skye mched kyi 'dod chags kyi gnas dang rten ni chos kyi mched de/ gang yin chos la 'dod chags dang bral bar mthong la 'dod chags dang bral ba'i chos kyang mngon gsum du mi byed pa 'di ni/ byang chub sems dpa'i skye mched la mkhas pa zhes bya'o// skye mched ces bya ba ni 'jan pa'i skye mched dang / 'phags pa ma yin pa'i skye mched de/ de la 'phags pa'i skye mched ni gang lam bsgrub pa'o// 'phags pa ma yin pa'i skye mched ni gang lam dang mi mthun pa'o// de la byang chub sems dpa' lam la gnas nas/ lam dang mi mthun pa la spyod pa'i sems can rnams la snying rje chen po bskyed cing /

  127. 242b

    lam gyi skye mched kyang mi 'dor ba 'di ni/ byang chub sems dpa'i skye mched la mkhas pa zhes bya'o// de la byang chub sems dpa'i bden pa la mkhas pa gang zhe na/ 'jug pa bzhi ni byang chub sems dpa'i bden pa la mkhas pa yin te/ 'jug pa bzhi gang zhe na/ gang 'di sdug bsngal shes pa dang / kun 'byung ba shes pa dang / 'gog pa shes pa/ lam shes pa'o// de la sdug bsngal shes pa zhes bya ba ni gang phung po rnams mi skye bar shes pa'o// kun 'byung ba shes pa zhes bya ba ni/ gang sred pa kun 'jom pa'i shes pa'o// 'gog pa shes pa zhes bya ba ni/ ma rig pa dang / bag la nyal ba rnams mi 'byung ba'o// lam shes pa zhes bya ba ni mnyam pa nyid du gyur pa'i chos thams cad la sgro mi 'dogs pa ste/ de ni byang chub sems dpa'i bden pa shes pa'o// de la byang chub sems dpa' 'phags pa'i bden pa bzhi po de dag lta bur shes rab dang ye shes kyi shes rab tu shes kyang / sems can la lta ba'i phyir mngon gsum du mi byed cing / sems can rnams kyang yongs su smin par byed de/ 'di ni byang chub sems dpa'i bden pa la mkhas pa zhes bya'o// gzhan yang byang chub sems dpa'i bden pa rnam pa gsum te/ rnam pa gsum gang zhe na/ gang 'di kun rdzob kyi bden pa dang / don dam pa'i bden pa dang / mtshan nyid kyi bden pa'o// de la kun rdzob kyi 'den pa gang zhe na/ ji srid du

  128. 243a

    @#'jig rten gyi tha snyad yi ge dang / sgra dang / berdas bstan pa'o// don dam pa'i bden pa gang la sems kyi rgyu ba med pa ste/ li ge/ lta ci smos mtshan nyid kyi bden pa ni gang 'di mtshan nyid thams cad mtshan nyid cig pa ste/ mtshan nyid cig pa yang mtshan nyid med pa'o// de la byang chub sems dpa' kun rdzob kyi bden pa stan pas yongs su mi skyo// don dam pa'i bden pa mngon gsum du byed par yang mi ltung / mtshan nyid bden pas bden pa cig tu rtogs kyang sems can rnams yongs su smin par byed de/ 'di ni byang chub sems dpa'i bden pa la mkhas pa zhes bya'o// gzhan yang bden pa rnam pa gnyis te/ rnam pa gnyis po gang zhe na/ gang 'di tha snyad kyi bden pa dang / don dam pa'i bden pa'o// de la tha snyad kyi bden pa ni gang dus su bden par smra ba ste/ gang 'di sdug bsngal gyi bden pa dang / kun 'byung ba'i bden pa dang / 'gog pa'i bden pa dang / lam gyi bden pa dang / ji snyed du 'jig rten gyi tha snyed de yi ge dang / sgra dang / bsngas bstan pa'o// don dam pa'i bden pa ni/ gang 'di mya ngan las 'das pa mi rmongs pa'i chos can te/ de ci'i phyir zhe na/ rtag tu chos kyi de bzhin nyid kyi phyir de'i rigs ni rtag pa'o// de la byang chub sems dpa' tha snyad kyi bden pa bstan pas kyang yongs su mi skyo'o// don dam pa'i bden pa mngon sum du byed par

  129. 243b

    yang mi ltung la/ sems can rnams kyang yongs su smin par byed pa 'di ni/ byang chub sems dpa'i bden pa la mkhas pa zhes bya'o// gzhan yang bden pa ni cig ste/ gnyis su med do// de la bden pa cig ni gang / 'di chos thams cad la sgro 'dogs pa med cing / sgro 'dogs par ltung ba'i sems can rnams kyang bden pa la rab tu 'dzud pa'o// de la byang chub sems dpa'i sgro 'dogs pa'i bden pa bstan pas kyang mi skyo la/ sgro 'dogs pa med pa'i bden pa cig snyan pa yang mngon gsum du mi byed cing / sems can yongs su smin par byed pa 'di ni/ byang chub sems dpa'i bden pa la mkhas pa zhes bya'o// / gzhan yang phung po lnga ni sdug bsngal ba ste/ gang phung po lnga rnams kyi sdug bsngal gyi mtshan nyid 'di ni sdug bsngal zhes bya'o// gang gi sdug bsngal gyi mtshan nyid stong par rtogs pa 'di ni/ sdug bsngal la sdug bsngal du 'du shes pa'i 'phags pa'i bden pa'o// gang phung po lnga'i sred pa'i rgyu dang / lta ba'i rgyu ba ga la nyal ba 'di ni/ kun 'byung zhes bya'o// gang gi sred pa'i rgyu dang lta ba'i rgyu de dag mi len pa dang / sgro 'dogs pa dang / reg par/ mi byed pa 'di ni/ kun 'byung ba la kun 'byung bar shes pa 'phags pa'i bden pa zhes bya'o// gang phung po lnga rnams shin tu 'gags nas/ sngon gyi mthar

  130. 244a

    zar#ma byung ba dang / phyi ma'i mthar mi 'pho ba dang / da ltar byung bar phyin pa 'di ni 'gog pa 'phags pa'i bden pa ste/ de la gang gis/ de ltar shes pa 'di ni 'gog pa la 'gog par shes pa 'phags pa'i bden pa zhes bya'o// lam gang la rten te/ sdug bsngal shes pa dang / kun 'byung shes pa dang / 'gog pa shes pa la reg cing / gnyis su med pa'i ye shes su 'jog pa 'di ni sdug bsngal 'gog par 'gro ba'i lam/ 'phags pa'i bden pa zhes bya'o// gang 'di la stong pa nyid du shes pa 'di ni lam la lam du shes pa 'phags pa'i bden pa zhes bya'o// gang gis 'phags pa'i bden pa bzhi po 'di dag la de ltar ye shes kyis rtog cing / bden pa'i rtog pa 'di ni byang chub sems dpa'i bden pa la mkhas pa zhes bya'o// gzhan yang tshor ba thams cad sdug bsngal te/ 'di ni sdug bsngal zhes bya'o// tshor ba de la rnam par 'byed cing rig par shes pa 'di ni/ sdug bsngal la sdug bsngal du shes pa 'phags pa'i bden pa zhes bya'o// tshor ba de rgyu gang gis kun 'byung ba 'di ni kun 'byung ba zhes bya ste/ gang gis rgyu de yang dag pa ji lta ba bzhin du rab tu shes pa 'di ni/ kun 'byung ba la kun 'byung ba shes pa 'phags pa'i bden pa ba zhes bya'o// gang tshor ba thams cad rab tu chad te/ tshor ba med pa yang tshor zhing tshor ba 'gog pa la yang rtog la/ sems

  131. 244b

    can la lta ba'i phyir tshor ba 'gog pa mngon du yang mi byed pa 'di ni 'gog par shes pa la 'phags pa'i bden pa zhes bya'o// tsher ba gang gis bsgrubs pa'i lam de ni gzings lta bu ste/ gang tshor ba 'dod pa de ni lam 'dod pa ma yin no// 'di ni lam la lam du shes pa'i 'phags pa'i bden pa zhes bya'o// gang de ltar bden pa bzhi po 'di mthong ba dang / rnam par dag pas mnyam par mthong bar rtogs pa 'di ni/ byang chub sems dpa'i bden pa la mkhas pa zhes bya'o// gzhan yang 'dor na skye ba ni sdug bsngal ba ste/ 'di sdig bsngal ba zhes bya'o// gang mi skye ba la rtog pa'i shes pa 'di ni/ sdug bsngal la sdug bsngal da shes pa 'phags pa'i bden po zhes bya'o// srid pa'i rkyen gyis skye ba ste/ gang srid pa kun 'byung ba'o// gang srid pa 'jig pa shes pa 'di ni/ kun 'byung ba la kun 'byung bar shes pa'i 'phags pa'i bden pa zhes bya'o// skye ba thams cad ni skye ba med pa ste/ mi skye ba 'di ni 'gog pa'o// gang ma skyes pa de la 'gog pa gang yang med do// gang 'gog pa med par shes pa 'di ni zad pa'i 'gog pa shes pa'i 'phags pa'i bden pa zhes bya'o// gang 'di ltar bgrang ba dang / 'jal ba dang / tshol ba dang / rtog pa dang / 'jug pa'i shes pa 'di ni lam la lam du shes pas 'phags pa'i bden pa zhes bya'o//

  132. 245a

    thosagang bden pa'i shes pa 'di la 'jug cing / bden pa'i shes pa la yang mi gnas pa 'di ni/ byang chub sems dpa'i bden pa la mkhas pa zhes bya'o// de la byang chub sems dpa'i rten cing 'brel bar 'byung ba la mkhas pa gang zhe na/ 'di lta ste/ tshul bzhin ma yin pa kun 'byung ba las ma rig pa kun 'byung ngo // ma rig pa kun 'byung ba las 'du byed kun 'byung ngo // 'du byed kun 'byung ba las rnam par shes pa kun 'byung ngo // rnam par shes pa kun 'byung ba las ming dang gzugs kun 'byung ngo // ming dang gzugs kun 'byung ba las skye mched drug kun 'byung ngo // skye mched drug kun 'byung ba las reg pa kun 'byung ngo // reg pa kun 'byung ba las tshor ba kun 'byung ngo // tshor ba kun 'byung ba las sred pa kun 'byung ngo // sred pa kun 'byung ba las len pa kun 'byung ngo // len pa kun 'byung ba las srid pa kun 'byung ngo // srid pa kun 'byung ba las skye ba kun 'byung ngo // skye ba kun 'byung ba las rga shi dang mya ngan dang smre sngags 'don pa dang / sdug bsngal ba dang / yid mi bde ba dang / 'khrug pa 'byung ste/ de ltar na sdug bsngal gyi phung po chen po 'di 'ba' zhig 'byung bar 'gyur ro// g.yo ba med pa/ byed pa med pa/ bdag po med pa/ 'dzin pa med pa'i chos ji ltar gnas pa bzhin du 'byung ste/ gang

  133. 245b

    la shes pa 'di ni/ byang chub sems dpa'i rten cing 'brel bar 'byung ba la mkhas pa zhes bya'o// gzhan yang dge ba'i rgyu 'am/ mi dge ba'i rgyu 'am/ mi g.yo ba'i rgyu 'am/ 'khor ba'i rgyu 'am/ mya ngan las 'das pa'i rgyu de dag thams cad byang chub sems dpas yang dag pa ji lta ba bzhin du shes ste/ sems can grang gis dbang po tshad yod pa'i rgyu la 'jug cing / dbang po'i rgyu'i chos kyi rgyu 'di ni/ 'bras bu'i rgyu 'grub par byed do// zhes zin pa dang mi zin pa'i chos rnams la gang de ltar rgyu kun 'byung ba las skyes pa mkhas pa 'di ni/ byang chub sems dpa'i rten cing 'brel bar 'byung ba la mkhas pa zhes bya'o// gzhan yang rten cing 'brel bar 'byung ba la mkhas pa ni/ tshul bzhin ma yin pa 'gags pas/ ma rig pa 'gag/ ma rig pa 'gags pas 'du byed 'gag/ 'du byed 'gag pas rnam par shes pa 'gag/ rnam par shes pa 'gags pas ming dang gzugs 'gag/ ming dang gzugs 'gags pas skye mched drug 'gag/ skye mched drug 'gags pas reg pa 'gag/ reg pa 'grags pas tshor ba 'gags/ tshor ba 'gags pas sred pa 'gag/ sred pa 'gags pas len pa 'gag len pa 'gags pas srid pa 'gag/ srid pa 'gags pas skye ba 'gag/ skye ba 'gags pas rga shi dang mya ngan dang / smre sngags 'don pa dang / sdug bsngal ba dang /

  134. 246a

    yid mi bsde ba dang / 'khrug pa rnams kyang 'gags par 'gyur te/ de ltar sdug bsngal gyi phung po chen po 'di 'ba' shig kyang 'gag par 'gyur ro// g.yo ba med pa/ byed pa med pa/ bdag po med pa/ 'dzin pa med pa'i chos la ji ltar gnas pa bzhin du 'gag par 'gyur ro// gang 'di la mkhas pa 'di ni byang chub sems dpa'i rten cing 'brel bar 'byung ba la mkhas pa zhes bya'o// gzhan yang chos thams dang ni rgyu la rag lus pa'o// rkyen la rag lus pa'o// tshogs pa la rag lus pa'o// chos gang rgyu dang rkyen dang tshogs pa la rag lus pa de bdag la rag ma lus pa'o// sems can la rag ma lus pa'o// srog la rag ma lus pa'o// gang zag la rag ma lus pa'o// gang bdag la rag ma lus pa dang / sems can la rag ma lus pa dang / srog la rag ma lus pa dang / gang zag la rag ma lus pa 'di 'am/ sngon nam gzhan zhes gang yang bgrang du med de/ gang de lta bur rtog pa 'di ni byang chub sems dpa'i rten cing 'brel/ bar 'byung ba la mkhas pa zhes bya'o// gzhan yang gang byang chub sems dpa'i byang chub kyi rkyen thams cad kyang nye bar bzhog la/ rkyen de dag kyang zad cing 'gog par rtogs te/ sems can la lta ba'i phyir zad cing 'gog pa'i ye shes su mi 'jog pa 'di ni byang chub sems dpa'i rten cing 'brel bar 'byung ba la mkhas pa zhes bya'o//

  135. 246b

    de la byang chub sems dpa'i dus gsum la mkhas pa gang zhe na/ gang bdag dang sems can gzhan gyi 'das pa'i sems dang sems las byung ba dang / dge ba dang / mi dge ba rnams rjes su dran pa ste/ mi dge ba'i sems dang sems las byung ba rnams dran nas kyang rnam par smod pa dang / dge ba'i sems dang sems las byung ba rnams dran nas kyang / byang chub tu sngo ba 'di ni 'das pa la mkhas pa'o// gang ma 'ongs pa'i sems las byung ba'i dge ba'i rtsa ba'i tshogs la nges par rtog cing byang chub kyi phyir las mngon du bsam pa ste/ gang dge ba'i sems bskyed pa skye bar 'gyur ba de dag ni bla na med pa yang dag par rdzogs pa'i byang chub tu sngo bar bya'o// mi dge ba'i sems dang sems las byung ba'i skabs mi sbyin no zhes gang de lta bur sems la sgo ba de ni ma 'ongs pa la mkhas pa'o// de ltar byung ba la mkhas pa gang zhe na/ gang da ltar byung ba'i dus kyi sems dang sems las byung ba rnams tshul bzhin sbyor bas/ dge ba'i rtsa ba mngon par 'du byed pa dang / mi dge ba'i sems las zlog pa dang / dge ba'i sems dang sems las byung ba rnams dang / byang chub tu mngon du byed pa de ni da ltar byung ba la mkhas pa'o// gang 'di bdag la mkhas pa de ni/ byang chub sems dpa'i dus gsum la mkhas pa zhes bya'o// gzhan yang gang 'das pa'i dus kyi chos rnams stong par mos

  136. 247a

    pa dang / ma 'ongs pa'i dus kyi chos rnams stong par mos pa dang / da ltar byung ba'i dus kyi chos rnams stong par mos pa ste/ de ltar shes rab dang / ye shes kyis dus gsum stong pa nyid du yang rtog la/ 'das pa dang / ma 'ongs pa dang / da ltar byung ba'i sangs rgyas bcom ldan 'das rnams kyi bsod nams thams cad kyi rjes su thabs kyi ye shes kyis yi rang ste/ gang 'di la mkhas pa de ni byang chub sems dpa'i dus gsum la mkhas pa zhes bya'o// gzhan yang 'das pa'i dus na/ zad pa'i chos rnams phyi ma'i mthar 'phos par mi lta zhing / dge ba mngon par 'du byed pa la brtson 'grus kyang mi btong ste/ mi dge ba mngon par 'du mi byed pa dang / gang ma 'ongs pa'i dus kyi chos rnams mi skye mi 'byung bar rtog cing / byang chub tu bsngo ba'i brtson 'grus kyang mi 'dor ba dang / da ltar byung ba'i des na/ chos rnams 'dug pa med cing mi gnas par rtog te/ byang chub sems dpa' lhag pa'i bsam pa rab tu brtan pa ni byang chub kyi sems mi brjed de/ 'di ni byang chub sems dpa'i dus gsum la mkhas pa zhes bya'o// gzhan yang gang 'das pa de ni zad pa'o// gang ma 'ongs pa de ni ma phyin pa'o// / ngad ltar byung ba ni gnas pa med do// gang de ltar sems dang sems las byung ba skyes pa dang / zhig pa dang zhu ba rnams la rtog cing byang chub sgrub pa'i dge ba'i rtsa

  137. 247b

    ba rnams kyang yang dag par sgrub pa 'di ni/ byang chub sems dpa'i dus gsum la mkhas pa zhes bya'o// gzhan yang gang mngon par shes pa la mkhas pas/ 'das pa'i dus dran te/ sngon dge ba'i rtsa ba bskyed pa rnams dran zhing byang chub tu bsngo ba dang / gang ma 'ongs pa'i dus na/ ma 'ongs pa'i sems bskyed pa rnams rab tu shes pa dang / de la smon pa yongs su rdzogs par byed pa dang / gang da ltar byung ba'i dus na/ dge ba'i rtsa ba skyes shing byung ba rnams yid la byed cing / byang chub tu bsngo bar byin gyis rlob pa 'di ni/ dus gsum la mkhas pa zhes bya'o// gzhan yang gang sems can thams can yongs su smin par bya ba'i phyir/ 'das pa'i bsod nams kyi tshogs dran nas sems can gang ji lta bur smin par bya ba de dag thams cad de bzhin du yongs su smin par byed pa dang / gang ma 'ongs pa'i dus na sangs rgyas mnyes par byed pas/ sems can yongs su smin par bya ba de dag thams cad de bzhin du yongs su smin par byed pa dang / gang da ltar byung ba'i sems can rnams chos ston pa dang / rdzu 'phrul dang / cho 'phrul yongs su smin par bya ba de dag thams cad kyang de bzhin du yongs su smin par byed de/ gang dus gsum 'di dag la bdag gi don dang / gzhan gyi don dang / byang chub kyi don de dag ma chags pas/ yongs su rdzogs par byed pa 'di ni byang chub sems dpa'i

  138. 248a

    @#/ dus gsum la mkhas pa zhes bya'o// de la byang chub sems dpa'i theg pa kun la mkhas pa gang zhe na/ gsum po 'di dag ni theg pa/ te 'byung ba'o// gsum po gang zhe na/ 'di lta ste/ nyan thos kyi theg pa dang / rang sangs rgyas kyi theg pa dang / theg pa chen po'o// gzhan yang theg pa gnyis te/ gnyis gang zhe na/ lha'i theg pa dang / mi'i theg pa'o// de la byang chub sems dpa'i nyan thos kyi theg pa la mkhas pa gang zhe na/ sangs rgyas byung ba med bar nyan thos kyi theg pa yang med do// de ci'i phyir zhe na/ nyan thos rnams kyi yang dag par blta ba ni gzhan gyi sgra'i phyir 'gro ba ste/ de la nyan pa ni gang 'di tshul khrims sdom pa ste/ ji ltar bslab pa bcas pa'i rjes su 'jug pa ni/ tshul khrims kyi phung po yongs su rdzogs par 'gyur ro// tshul khrims kyi phung po yongs su rdzogs nas/ ting nge 'dzin gyi phung po yongs su rdzogs par byed do// ting nge 'dzin gyi phung po yongs su rdzogs nas/ shes rab kyi phung po yongs su rdzogs par byed do// shes rab kyi phung po yongs su rdzogs nas/ rnam par grol ba'i phung po yongs su rdzogs par byed do// rnam par grol ba'i phung po yongasu rdzogs nas/ rnam par grol ba'i ye shes mthong ba'i phung po yongs su rdzogs par byed pa ste/ gang 'di la mkhas pa 'di ni/ nyan thos kyi theg pa la mkhas pa

  139. 248b

    zhes bya'o// gzhan yang nyan thos kyi theg pa la mkhas pa ni/ gang bsod nams dang / bsod nams ma yin pa dang / mi g.yo ba'i 'du byed rnams la rnam par smon pa dang / khams gsum pa thams cad la skyo zhing 'dod chags pa dang bral ba dang / 'du byed thams cad la mi rtag pa dang / sdug bsngal bar rtog pa dang / chos thams cad la bdag med par rtog pa dang / zhi ba mya ngan las 'das pa la mthong bar dga' ba dang / skad cig kyang srid pa skye bar mi 'dod pa dang / rtag tu 'jigs par lta ba dang / rtag tu yid mi ston pa dang / phung po rnams la bsod par 'du shes pa dang / khams rnams la rab tu 'jug pa'i ngag ltar rtog pa'i 'du shes dang / skye mched rnams la grong stong par 'du shes pa dang / skye ba'i gnas thams cad la mi smon pa'i 'du shes dang / mya ngan las 'das pa la gnas pa dang / skyabs su 'du shes pa dang / gang 'di ston pa dang / rab tu ston pa 'di ni byang chub sems dpa'i nyan thos kyi theg pa la mkhas pa zhes bya'o// de la byang chub sems dpa'i rang sangs rgyas kyi theg pa la mkhas pa gang zhe na/ rnam pa gang dang / rkyen gang gis rang sangs rgyas rnams 'byung bar 'gyur ba'i rnam pa de dag dang / rkyen de dag byang chub sems dpa'i sa yang dag pa ji lta ba bzhin du shes te/ de dag gang zhe na/ 'di lta ste/ mos pa dang / brtson 'grus

  140. 249a

    blo thos@#dang / bag yod pa chen pos/ nyan thos kyi lha bu ma yin pa sbyin pa'i bsod nams kyi tshogs bsags pa dang / tshul khrims kyi bsod nams kyi tshogs bsags pa dang / thos pa nyung ba la chos kyi nan tan byed pa ste/ sangs rgyas bcom ldan 'das la yang rim gro dang / bsnyen bkur byed pa la yang / zhum pa med cing / dbang po bar ma ste/ rtag tu rab tu 'byung ba la bzhol ba dang / don nyung ba dang / 'du 'dzi la mi dga' zhing / bden pa la dga' ba dang / mal stan dang bral ba dang / bsnyen par dka' ba dang / mthu che ba dang / sbyin pa'i gnas kyi sa la mngon par dga' ba dang rten te/ rten cing 'brel bar 'byung ba la lta ba dang / dbyings cig tu 'byung bar rtog pa dang / rang 'byung ba'i ye shes kyis rab tu rgal ba dang / dmigs pa la 'dug pa thob pa dang / bsam gtan dang / rnam par thar pa dang / ting nge 'dzin dang / snyoms par 'jug pa rgyan mi chad pa dang / rang gi dring la mi 'jog pa'i ye shes pasnyed pa dang / dmigs pa gang yang rung ba la rkyen gyis ye shes rtogs pa ste/ gang de ltar 'chad pa dang / ston pa dang / rab tu ston pa 'di ni byang chub sems dpa'i rang sangs rgyas kyi theg pa la mkhas pa zhes bya'o// de la byang chub sems dpa'i theg pa chen po la mkhas pa gang zhe na/ byang chub sems dpa'i theg pa chen po la mkhas pa ni tshad med de/ de las phyogs

  141. 249b

    tsam zhig ston to// theg pa de ni sems can thams cad kyi sgo skabs byed pas ni chad pa'o// theg pa de ni mi chags pa'i ye shes la btang ba ste/ sgribs pa med pa'o// theg pa de ni sems can thams cad nye bar mtsho ba ste/ bsod nams kyi tshogs dang / dge ba'i rtsa ba thams cad bsags pa'o// theg pa de ni sems can thams cad kyi sems kyi spyod pa las su rung ba'i phyir pha rol tu phyin pa thams cad yongs su sbyang bar byas pa'o// theg pa de ni thogs pa med par byang chub kyi snying por 'gro bas na/ thams cad mkhyen pa'i ye shes kyi tshogs sgrol ba'o// theg pa 'di ni sems can thams cad sbyin pa'i gnas kyi phyir/ sems can thams cad la thogs pa med pa'i 'od zer mnyam par gtong ba'o// theg pa de ni sangs rgyas kyi chos thams cad mngon gsum du gyur pa'i phyir/ lam ngan pa'i 'jigs pa thams cad las 'das pa'o// theg pa de ni byang chub kyi phyogs kyi chos thams cad dang / rten cing 'brel bar 'byung ba'i rgyal mtshan dang / ba dan sbreng ba ste/ bdud dang / pha rol rgol ba dang / log pa'i tshogs mang po rab tu 'joms pa'o// theg pa de ni sangs rgyas kyi theg pa sgrib pa med par gyur pa ste/ mtha' dang / mtha' med pa dang / rtag pa dang / chad pa dang / 'byung ba dang / 'jig pa dang / lta bar gyur pa thams cad dang / kun nas ldang ba dang /

  142. 250a

    za/ sgrib pa dang / zad pa dang / betsom dang / 'gyod pa sel bar// reg pa de ni sdug pa'i 'amam pa dang sring rje chen pas byebs nam/ thams cad phun sum tshogs pa rin po che thams cad dang ldan pa phun sum tshogs pa thams cad rnyed pa mi slu ba'i lam du 'gro ba thams cad nye bar 'tsho ba'o// theg pa de ni thams cad du kha na ma mtho ba med pa ste/ stobs bcu dang / mi 'jigs pa dang / sangs rgyas kyi chos ma 'dres pa dang / mtshan dang / dpe byad bzang po dang / lus dang / ngag dang / sems kyi brgyan pa ste/ gang 'di la mkhas pa de ni byang chub sems dpa'i theg pa chen po la mkhas pa zhes bya'o// de la byang chub sems dpa'i chos thams cad la mkhas pa gang zhe na/ chos thams cad ces bya ba ni/ mdor na 'dus byas dang / 'dus ma byas so// de la byang chub sems dpa'i 'dus byas dang / 'dus ma byas la mkhas par bya ste/ de la byang chub sems dpa'i 'das byas la mkhas pa gang zhe na/ gang de dag lus kyi 'du byed dge ba dang / ngag gi 'du byed dge ba dang / yid kyi 'du byed dge ba mngon par 'das byas pa de dag thams cad tha na med pa yang dag par rdzogs pa'i byang chub tu bsngo ba 'di ni/ byang chub sems dpa'i 'dus byas la mkhas pa zhes bya'o// gang yang dge ba'i las dang / ngag

  143. 250b

    dang / yid kyi 'du byed mngon par 'dus byas pa de dag thams cad byang chub tu brtsoms pas/ thams cad mkhyen pa'i phyir bsngo ba 'di ni de'i 'dus ma byas la mkhas pa zhes bya'o// gzhan yang 'dus byas la mkhas pa ni pha rol tu phyin pa lnga rnams yang dag par bsgrub pa ste// lnga gang zhe na 'di lta ste/ sbyin pa'i pha rol tu phyin pa dang / tshul khrims kyi pha rol tu phyin pa dang / bzod pa'i pha rol tu phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa ste/ 'di ni byang chub sems dpa'i 'das byas la mkhas pa zhes bya'o// gang yang shes rab kyi pha rol du phyin pa ste/ 'dus byas kyi ye shes kyi/ shes rab kyi pha rol tu phyin pa lnga la mi smod cing / pha rol tu phyin pa thams cad kyi tshogs pa dang / dge ba'i rtsa ba bsags pa'i phyir/ byang chub sems dpa'i rnam par grol ba zag pa med pa dang / thams cad mkhyen pa'i phyir bsngo ba 'di ni/ de'i 'dus ma byas la mkhas pa'o// gzhan yang 'das byas la mkhas pa ni gang sems can thams cad la thogs pa med pa'i 'od zer mnyam par gtong ba'i phyir/ bsdu ba'i dngos po bzhis sems can snga ba ni byang chub sems dpa'i 'dus byas la mkhas pa'o// gang yang sems can med pa dang / bdag med pas mi 'dzin mi len reg par mi byed cing bsdu ba'i dngos po la mkhas pa de yang 'das ma byas la

  144. 251a

    blo gros / #mos pas thams cad mkhyen pa'i phyir bsngo ba 'di ni/ de'i 'dus ma byas la mkhas pa'o// gzhan yang 'dus ma byas la mkhas pa ni gang 'khor ba'i rgyun gyi nyon mongs pa rnams gcod pa dang / 'khor ba'i rgyun gyi dge ba'i rtsa ba rnams mi gcod pa dang / byang chub bsgrub pa'i kun nas sbyor ba rnams kyi rgyun 'brel pa nyi tshe ba'i kun nas sbyor ba rnams mi spyod pa 'di ni 'das byas la mkhas pa zhes bya'o// gang yang stong pa nyid dang mtshan ma med pa dang / smon pa med pa'i chos rnams la 'dres par byed pa'i ye shes rtogs pa la mkhas pa dang / byang chub tu gzhan gyi dring mi 'jog cing / 'dus ma byas kyang mngon sum du mi byed pa 'di ni de'i 'das ma byas la mkhas pa zhes bya'o// gzhan yang 'das byas la mkhas pa ni/ gang khams gsum na yang spyod la khams gsum na spyod pa'i nyon mongs pas kyang mi gos pa 'di ni 'dus byas la mkhas pa zhes bya'o// gang yang khams gsum nas 'byung ba'i ye shes rab shes kyang / 'byung ba'i dbyings mi ltung ba 'di ni 'dus ma byas la mkhas pa'o// gang chos thams cad la mkhas pa zhes smras pa de ni thams cad mkhyen pa nyid kyi tshig bla dgas so// / de ci'i phyir zhe na/ rtag tu dran pa dang / blo gros dang / shes rab la mkhas pa thams cad mkhyen pa'i ye shes tshad med cing mi chags pa yongs su rdzogs par

  145. 251b

    byed de/ de'i phyir chos thams cad la mkhas pa zhes bya'o// btsun pa sha ra da ti'i bu mkhas pa brgyad po de dag gis kun zin pa'i byang chub sems dpa' rnams kyi shes rab ni mi zad pa yin no// gzhan yang dge ba dang / mi dge ba'i chos rnams rab tu shes pa ni shes rab po// nges par byed pa la bstan pa'i chos rnams la rtogs pa ni shes rab po// 'phags pa'i chos mngon du gyur pas na shes rab ni brtsan par gyur pa'o// shes rab ni lta bar gyur pa dang / kun nas ldang ba dang / sgrib pa dang / chos thams cad la yang dag pa ji lta ba bzhin du rab tu rtogs pa'o// shes rab ni 'dod pa dang / re ba dang / smon pa rnams ni smon lam dang bral ba'o// shes rab ni nyon mongs pa'i yongs su gdang ba dang / thams cad zhi bas ni tshim par byed pa'o// shes rab ni chos la dga' ba dang / mos pa'i rgyun ma 'chadadra pas na rab tu dga' bar byed pa'o// shes rab ni don shes pa mngon sum du gyur pas na rab tu rten pa'o// shes rab ni byang chub kyi phyogs sum bcu rtsa bdun gyi chos rnams kyi rten to// shes rab ni theg pa ji lta ba bzhin du 'bras bu thob par 'gyur bas na/ thos pa'i mtshan nyid do// shes rab ni rang bzhin gyis ye shes snang bas na rab tu shes pa'i mtshan nyid do// shes rab ni 'dod pa thams cad lam sgrol bas na yang dag par

  146. 252a

    rab cu rnam par// rnam pa gas rab ni yang dag par ma 'gyur ba ma/ shes dge thamarnam thams sa rab tu bar// shes rab ni sngon gyis nan mongs pa dang / bgal zhal ba rnams dang byed pa'o// shes rab ni rtse mor byin pa'i chos rnams kyi mchogs// shes ra ni rab 'byung gi ye shes rtogs pa'i phyir shes rab bo// shes rab ni khams gsum pa thams cad dang ma 'dres pa'i phyir rgyu ba dang bral ba'o// shes rab ni mabs kun gyis zin pa'o// shes rab ni 'phags pa thams cad kyis yongs su 'azung ba'o// shes rab ni mtshan ma dang rtog pa thams cad dang bral ba'i phyir chad kyis mi rtogs pa'o// shes rab ni ma rig pa dang / gti mug gi mun pa thams cad dang bral bas na bag med pa'i gnyen po'o// shes rab ni rnal 'byor spyod pa'i sa la gnas/ pa thabs kyi sbyor ba'o// shes rab ni theg pa thams cad la yang dag par zhugs pa rnams kyi 'dren pa'o// shes rab ni ma rig pa dang / gti mug gi rab rib kyi ling tog sel ba'i phyir snang bar byed pa'o// shes rab ni mig la ji ltar dad pa rnams mig thams cad sbyin par byed pa'o// shes rab ni mig dang gzugs kyi las las 'das pa'i phyir/ de bzhin du rna ba dang / sgra dang / sna dang / dri dang / lce dang / ro dang / lus dang / reg bya dang / yid dang / chos kyi lam las 'das

  147. 252b

    pa'i phyir gnas pa med pa'o// shes rab ni bden pa las byung bas na don dam pa'o// shes rab ni rab tu dul ba rnams kyi mi 'khrugs pa'o// shes rab ni ye shes kyi sgo rnams kyi snang ba'o// shes rab ni thams cad kyi rgyu ba ste mi zad pa'o// shes rab ni rkyen la 'jug pa mthong ba ste mi 'gral ba'o// shes rab ni 'dzin pa dang nyon mongs pa'i bcings pa thams cad gcod pa'i phyir rnam par thar pa'i lam mo// shes rab ni nyon mongs pa thams cad dang ma 'dres pa'o// shes rab ni 'grogs pa dang / sgrib pa dang / sgrib par 'gyur ba'i chos thams cad dang lhan cig mi gnas so// sems can thams cad kyi sems dang / spyod pa ji snyed par shes rab dang / ye shes kyi las kyang de rnyed do// sems can thams cad kyi nyon mongs pa dang / bag la nyal ba ji snyed par shes rab kyi spyod pa'i ye shes kyang de snyed do// sems can thams cad kyi nyon mongs pa'i sgo ji snyed par shes rab la 'jug pa'i sgo'ang de snyed do// nyan thos dang / rang sangs rgyas dang / byang chub sems dpa' dang / yang dag par rdzogs pa'i sangs rgyas rnams kyi shes rab ji snyed pa dang / shes rab kyi gnas dang rten kyang de snyed de/ de la byang chub sems dpas bslab par bya'o// 'di ni btsun pa sha ra da ti'i bu byang chub sems dpa' rnams kyi shes rab mi zad pa ste/ shes rab mi zad pa de dang ldan pas ye shes mi zad pa thob par 'gyur ro// /

  148. 253a

    thothog/ shes rab mi zad pa bstan pa'i chos kyi le'u 'di snyan pa na/ byang chub sems dpa' sngon yongs su sbyang ba byas pa stong phrag sum bcu rtsa gnyis ni mi skye ba'i chos bzod pa thob par gyur to// de nas byang chub sems dpa' blo gros mi zad pas/ tshe dang ldan pa sha ra dwa ti'i bu la 'di skad ces smras so// btsun pa sha ra da ti'i bu byang chub sems dpa' rnams kyi byams pa yang mi zad pa ste/ de ci'i phyir zhe na/ thub pa med pa'i phyir ro// byang chub sems dpa' rnam kyi byams pa ni thub pa med par byams pa ste/ de dag gi byams pa nye bar bsgrub pa yongs su chags pa med do// ji ltar sems can gyi khams ji tsam pa de tsam du/ byang chub sems dpa' de'i byams pa'i sems bskyed pas khyab par byed do// btsun pa sha ra dwa ti'i bu 'di lta ste dper na/ na mkha'i khams 'dis gang yang ma khyab pa med do// de bzhin du btsun pa sha ra dwa ti'i bu/ byang chub sems dpa'i byams pa 'dis kyang gang ma khyab pa'i sems can gang yang med do// 'di lta ste dper na/ sems can gyi khams ni tshad med de/ de la zad pa med do// de bzhin du byang chub sems dpa'i byams pa bsgom pa yang tshad med de/ de la zad pa med do// 'di ltar na mkha' mi zad pas na/ sems can mi zad pa'o// sems can mi zad pas na byams pa mi zad de/ de'i phyir skyes bu dam pa de dag gi byams pa mi zad pa

  149. 253b

    zhes bya'o// de skad ces smras pa dang / gnas brtan sha ra da ti'i bus/ byang chub sems dpa' blo gros mi zad pa la 'di skad ces smras so// rigs kyi bu sems can gyi khams 'di ji tsam blo gros mi zad pas smras pa/ btsun pa sha ra da ti'i bu sa'i khams dang / chu'i khams dang / me'i khams dang / rlung gi kham ji snyed pa de bas kyang sems can gyi khams ches mang ngo // smras pa/ rigs kyi bu dper bya bar nas sam/ blo gros mi zad pas smras/ btsun pa sha ra da ti'i bu nus mod kyi/ rgyu chu dus ni ma yin no// 'di lta ste/ btsun pa sha ra da ti'i bu dper na/ shar phyogs su gang ga'i klung gi bye ma snyed kyi 'jig rten gyi khams rnams dang / de bzhin du nub phyogs dang / de bzhin du byang phyogs dang / de bzhin du phyogs bcu kun tu phyogs re rer yang gang ga'i klung gi bye ma snyed kyi 'jig rten ni bzhin du lho phyogs dang / gyi khams de dag thams cad rgya mtsho chen po chus gang ba cig tu gyur la de la gang ga'i klung gi bye ma snyed kyi sems can rnams 'das te/ skra'i rtse mo brgyar bshags pa'i chas chu'i thigs pa gcig blangs pa de bzhin du/ gzhan yang gang ga'i klung gi bye ma snyed kyi sems can rnams 'dus te/ gang ga'i klung gi bye ma snyed kyi bskal pa na skra'i rtse mor brgyar bshags pa'i chas chu'i thigs pa gnyis blangs te/ mtshan ma bzhag pa 'di dang / bgrang ba 'di lta bus gang ga'i

  150. 254a

    krung gi bye ma snyed cig gang ga'i klung gi bye ma snyed kyi sems kyis skra'i rtse mo brgyar bshags pa'i chas chu'i thigs pa re re blangs pas chu'i phung / po de tsam zad par gyur kyang / sems can gyi khams de ni thug pa 'am zad pa gang yang med do// btsun pa sha ra dwa ti'i bu de bzhin du sems can gyi khams tshad med de/ de dag la byang chub sems dpa' byams pas khyab par byed de/ btsun pa sha ra da ti'i bu 'di ji snyam du sems gang gi byams pa de lta bu bsgom pa'i dge ba'i rtsa ba tshad med pa de zad par nus sam/ smras pa/ rigs kyi bu de ni ma yin te/ byams pa bsgom pa'i dge ba'i rtsa ba 'di 'dra ba zad par su 'dod pa de na mkhar zad par 'dod do// byang chub sems dpa' gang gis byams pa mi zad pa 'di thos nas skrag par mi 'gyur na/ de dag kyang byams pa mi zad par 'phags par 'gyur ro// blo gros mi zad pas smras pa/ btsun pa sha ra da ti'i bu byams pa ni bdag bsrung zhing gzhan la phan par gnas pa ste/ mchog tu rtsod pa med pa dang / gnod sems kyi tha ba'i nyes pa dang / khro ba dang / khon du 'dzin pa thams cad rab tu 'jom pa'o// bag la nyal dang / kun nas ldang ba dang bral ba ste/ dad pa bskyed cing sems can thams cad kyi 'khrul pa nyes par mi lta ba'o// yongs su gdang ba med cing lus dang sems bde ba skyes pa ste/ gzhan gyis gnod par bya ba las shin tu

  151. 254b

    'das pa'o// nyes pa thams cad kyi 'jigs pa dang bral ba ste/ 'phags pa'i lam dang mthun zhing bshe ba dang / sems gtum pa'i sems can rnams dang par byed pa dang / g.yul thams cad las sgrol ba ste/ dbyig pa dang / mtshon cha 'chang ba ma yin no// sems can thams cad thar par bya ba la dga' ba khong khro ba thams cad dang bral ba tshul 'chos pa dang / kha bsag dang bzhog slongs thams cad dang bral ba zad pa dang / bkur sti dang / tshigs su gcad pa 'byung bar byed pa brgya byin dang / tshangs pa dang / 'jig rten skyong ba thams cad kyis phyag byas pa bdag gi gzi brjid kyis rab tu brgyan pa/ mkhas pas rab tu bsngags pa/ byis pa thams cad bsrung ba tshangs pa'i lam dang mthun pa 'dod pa'i khams dang ma 'dres pa sems can thar pa'i lam gyi mchog/ theg pa thams cad la yang dag pa sbas pa zang zing med pa'i bsod nams kyis bzung ba bsod nams kyi tshogs thams cad bsags pa rdzas las byung ba'i bsod nams thams cad kyis zil gyis mi non pa skyes bu chen po'i mtshan sum bcu rtsa gnyis dang / dpe byad bzang po brgyad bcus brgyan pa/ dbang po nyams pa dang / ma tshang ba thams cad spangs pa/ bde 'gro thams cad dang / mya ngan las 'das pa'i lam dang mthun pa ngan song thams cad dang / mi khom pa brgyad las 'das pa chos kyi dga' ba la dga' zhing mos

  152. 255a

    thom pa 'dod pa dang / longs spyod dang dbang thams cad mngon par mi 'dod pa sems can thams cad la sems snyoms pa sbyin pa'i sbyor ba tha dad pa dang bral ba/ tshul khrims dang bslab pa thams cad kyi lam mo// ngan pa'i ngang tshul can thams cad yongs su skyob pa bzod pa'i stobs ston pa/ nga rgyal dang / rgyags pa dang / dregs pa thams cad dang bral ba/ 'phags pa rnams 'jug pa'i bsam gtan dang / ting nge 'dzin dang snyoms par 'jug pa'i rtsa ba'i mi 'khrugs pa'o// brtson 'grus brtsams shing yang dag par sbyor ba bya ba thams cad las yang dag par sgrol ba/ bsam gtan dang / rnam par thar pa dang / ting nge 'dzin dang / snyoms par 'jug pas nyon mongs pa thams cad las 'byung ba gsang ba thos pa 'dzin pas sems la nges pa'i rtog pa'i shes rab kyis bskyed ba bdag gi phyogs dang / gzhan gyi phyogs la nges pa bdud kyi phyogs nyon mongs pa rnams bsal ba bde bar gnas pa bsnyen bkur dang / rab tu 'gro ba'i rgyu mthun pa la sems dpa' spyod lam bsrung bar byed pa rgod pa thams cad las 'das pa nga rgyal gyi las sel ba/ ngo tsha ba dang / khrel yod pas byugs shing dri zhim pa ste/ bag chags dang nyon mongs pa'i mtshams kyi dri nga ba sbyang ba'o// btsun pa sha ra da ti'i bu byams pa ni sems can thams cad yongs su skyob pa ste/ byams

  153. 255b

    pa chen po ni bdag gi bde ba btong zhing / sems can rnams la bden pa'i sbyin pa'o// nyan thos rnams kyi byams pa ni bdag skyob pa'o// byang chub sems dpa' rnams kyi byams pa chen po ni sems can thams cad yongs su skyob pa'o// btsun pa sha ra da ti'i bu byams pa ni chu bo las sgrol ba'o// 'di ltar btsun pa sha ra da ti'i bu byams pa ni gsum po 'di dag ste/ gsum gang zhe na 'di lta ste/ sems can la dmigs pa'i byams pa dang / chos la dmigs pa'i byams pa dang / dmigs pa med pa'i byams pa'o// de la thog ma sems bskyed pa'i byang chub sems dpa' rnams kyi byams pa ni sems can la dmigs pa'o// sprod pa la zhugs pa'i byang chub sems dpa' rnams kyi byams pa ni chos la dmigs pa'o// mi skye ba'i chos la bzod pa rab tu thob pa'i byang chub sems dpa' rnams kyi byams pa ni dmigs pa med pa ste/ 'di ni btsun pa sha ra dwa ti'i bu 'di byang chub sems dpa' rnams kyi byams pa mi zad pa zhes bya'o// gzhan yang btsun ba sha ra dwa ti'i bu/ byang chub sems dpa' rnams kyi snying rje chen po yang mi zad pa ste/ de ci'i phyir zhe na/ sngon du 'gro ba'i phyir ro// btsun pa sha ra da ti'i bu 'di lta ste dper na/ dbugs phyir dbyung ba dang / rngub pa ni skyes bu'i srog gi dbang po'i sngon du 'gro ba'o// de bzhin du theg pa chen po yang dag par bsgrub pa'i

  154. 256a

    thog/ @#phyir/ byang chub sems dpa'i snying rje chen po sngon du 'gro ba'o// 'di lta ste dper na/ 'khor los bsgyur ba'i rgyal po'i 'khor lo rin po che mdun gyi mngon du 'gro ba'o// de bzhin du byang chub sems dpa'i rnam pa thams cad mkhyen pa'i ye shes yang dag par bsgrub pa la snying rje chen po sngon du 'gro/ ba'o// 'di lta ste dper na/ tshong dpon nam khyim bdag gi bu cig la snying zag pa nas sdug pa bzhin du/ snying rje chen po la rab tu gnas pa'i byang chub sems dpa' yang sems can thams cad la snying zag pa nas sdug pa yin no// btsun pa sha ra dwa ti'i bu/ snying rje chen po zhes bya ba 'di bdag nyid kyis byas na de'i phyir snying rje chen po zhes bya'o// rang gi bya bas na snying rje chen po'i// gzhan gyis skabs mi snyed pas na snying rje chen po'o// g.yo ba med pa las byung ba las byung bas na/ snying rje chen po ni bsam pa thag pa nas bya'o// sgyu ma med pa las byung bas na snying rje chen po ni sbyor bar bya'o// phyir mi ldog pa las byung bas ni snying rje chen po/ ni lhag pa'i bsam pas bya'o// ma bcos pa las 'byung bas na snying rje chen po'i rang bzhin rig pa'i bya'o// lam drang po las byung bas na snying rje chen po'i rang bzhin gyis yongs su dag pa'o// gsal ba las byung bas na snying rje chen po ni sems gya gyu med pa'o// sems can thams cad la 'dud pa 'byung bas na snying

  155. 256b

    rje chen po ni nga rgyal med pa'o// sems can tshad med med pa'i phyir snying rje chen po ni tshad med pa las byung ba'o// de bzhin gshegs pa'i sku thob pa las byung bas na/ snying rje chen po ni bdag gis lus la mi lta'o// sdig pa thams cad mi bya ba las byung bas na/ snying rje chen po ni srog la mi ston pa'o// byang chub kyi sems las byung bas na/ snying rje chen po ni pha rol bsrung ba'o// bdag gi sems yongs su dag pa las byung bas na/ snying rje chen po ni sems can bsrung ba'o// sems can thams cad kyi sdug bsngal sel ba las byung bas na/ snying rje chen po ni dbul po dang / sdug bsngal dang / mgon med pa la lta ba'o// blo mi g.yo ba las byung bas na snying rje po ni dam bcas pa la brtan pa'o// bdag dang / sangs rgyas dang / lha rnams mi slu ba las byung bas na/ snying rje chen po ni bden pa la lta'o// legs par byas pa'i las las byung bas na snying rje chen po spyod pa dag pa'o// pha rol bde ba rab tu sbyin pa las byung bas na/ snying rje chen po ni bdag bde ba gtong ba'o// sred pa med pa las byung bas na snying rje chen po ni gzhan gyi bde ba bskyed pa'o// brtson 'grus brtan pa brtson pa las byung bas na/ snying rje chen po sems can thams cad kyi khur khyer ba'o// sems can mthu chung ba'i nyes pa bzod pa las byung bas na/ snying rje chen po ni bla

  156. 257a

    sama'i bzod pa yang dag par blangs pa'o// sems can rnams la rim gro byed pa las byung bas na/ snying rje chen po ni chags pa smad pa sel ba'o// chung ngu la dad pa'i sems can rnams yongs su smin par bya ba las byung bas na/ snying rje chen po ni chos la dbang thob pa'o// pha rol gyi yon tan brjod pa las byung bas na/ snying rje chen po ni bdag gi yon tan 'chab pa'o// zag pa med pa'i bde ba 'dod pa las byung bas na/ snying rje chen po ni sdug bsngan thams cad bzod pa'o// las legs par byas te mi 'gyod pa las byung bas na/ snying rje chen po ni 'dod pa dang sdug pa'i dngos po yongs su gtong ba'o// ngan pa'i ngang tshul can gyi sems can thams cad bsrung ba las byung bas na/ snying rje chen po ni tshul khrims legs par bsrungs pas 'byung ba'o// rdo rje'i lus thob pa las byung bas na/ snying rje chen po ni lus la gnod par byas pa bzod pa'o// lus dang srog la mi lta ba las byung bas na/ snying rje chen po sems can thams cad yongs su smin par byed pa'o// yag lag dang nying lag gtong ba las byung bas na/ snying rje chen po ni mi lta ba'o// bdag gi dge ba mi 'dod pa las byung bas na/ snying rje chen po ni sems can pha rol po'i dge ba'i rtsa ba bskyed pa'o// phyir yang 'dog pa'i khams su dmigs pa las byung bas na/ snying rje chen po ni bsam gtan gyi ro

  157. 257b

    ma myong bamo// chags pa med pa'i ye shes snang ba las byung bas na/ sring rje chen po ni kun nas snang ba'o// dge ba'i rtsa ba dang tshogs kun la mi spod pa las/ byung bas na/ snying rje chen po ni shes rab la mi ltos pa'o// sems can thams cad kyi bsam pa rdzogs par bya ba las byung bas na/ snying rje chen po ni kun kun tu skye ba'o// sngon gyi smon lam mi gtong ba las byung bas na/ snying rje chen po ni sems can thams cad rab tu thar par byed pa'o// 'das byas la sems can rnams yongs su smin par bya ba las byung bas na/ snying rje chen po ni 'das ma byas la mi rig pa'o// sangs rgyas kyi tshul khrims la sems can rnams rab tu 'god pa las byung bas na/ snying rje chen po ni sems can ngan pa'i ngang tshul can rnams la lta ba'o// de ltar btsun pa sha ra da ti'i bu byang chub sems dpa'i 'byung ba gang yang rung ste/ de dag thams cad ni snying rje chen po las skyes te/ de'i phyir snying rje chen po zhes bya'o// 'di ltar sbyin par byed pa dang / tshul khrims su byed pa dang / bzod par byed pa dang / brtson 'grus su byed pa dang / bsam gtan du byed pa dang / shes rab tu byed pa dang / thabs su byed pa dang / byang chub kyi phyogs kyi chos thams cad byed pa ni snying rje chen po'o// bdag gi byed pa dang / rang 'byung ba'i ye shes sgrub par byed pa dang /

  158. 258a

    thosalegs par bya ba byed pa dang / 'gyod pa med par byed pa dang / gdon mi za bar byed pa ni snying rje chen po'o// sems can thams cad kyi bya ba ci yod ces so sor nye bar gnas pa las byung bas na/ de'i phyir snying rje chen po zhes bya'o// 'di ni btsun pa sha ra dwa ti'i bu/ byang chub sems dpa' rnams kyi snying rje chen po mi zad pa zhes bya'o// gzhan yang btsun pa sha ra dwa ti'i bu/ byang chub sems dpa' rnams kyi dga' ba chen po yang mi zad pa ste/ de la dga' ba chen po yang gang zhe na/ gang sangs rgyas kyi chos rnams dran pa dang / rjes su dran pa dang / dga' ba dang / mos pa dang / rab tu dga' ba dang // sems ma gang zhing mi rdzi ba dang / sred pa med pa dang / 'dod pa'i dga' ba thams cad btong ba dang / chos kyi dga' ba thams cad kyi rten dang / sems rab tu dga' ba dang / lus rab tu sim pa dang / sangs rgyas la dga' zhing yid 'bar ba dang / de bzhin gshegs pa'i sgra la dga' zhing mos pas mtshan dang dbye byad bzang po'i brgyan tshol ba la mkhas pa dang / dge ba'i chos mnyam pas mi skyo ba dang / de kho na'i chos la rten pa'i nan tan dang / dga' ba dang / mgu ba dang / rangs pa dang / rab tu dga' bas chos la mos pa dang / rtag tu rgyun mi 'chad par sems can rnams la khong khro ba med pa'i blo dang / sangs rgyas kyi chos tshol ba med pa dang / chos la dad pa deng mi 'dor ba dang /

  159. 258b

    sangs rgyas kyi chos rgya chen po la mos shing rnam par grol ba dang / nyi che ba'i theg pa bsal te/ sems bskyed pa dang / ser sna med pas ma zhum par sems bskyed ba dang / slong ba la sbyin pa byin nas 'khor gsum yongs su dag par sbyangs pa dang / sbyin pa la dga' ba dang / tshul khrims can la dad pa dang / ngan pa'i ngang tshul can la rjes su 'dzin cing byams pa dang / bdag gi tshul khrims yongs su dag pas ngan 'gro'i 'jig rten pa thams cad las shin tu 'das par dbugs 'byin pa dang / de bzhin gshegs pa'i tshul khrims la sngo ba dang / brtan zhing mi byed pa dang / pha rol ngan du zer ba dang / mi snyen par smra ba'i tshig gi lam la khong khro ba'i sems kyis bzod cing nges pa dang / nga rgyal med pa dang / bla ma la 'dod cing rim gro byed pa dang / rtag tu 'dzum pa'i bzhin dang / khro gnyer med pa dang / gsong por smra ba dang / tshul 'chos pa med pa dang / kha bsag med pa dang / bzhog slongs med pa dang / bsam pa dag pa dang / sems la bslang ba med pa dang / gya gyu med pa dang / thams cad la legs par lta ba dang / skyon med par lta ba dang / ltung ba la mi rtsod pa dang / yang dag par dga' bar 'gyur ba'i chos kyi rjes su 'jug pa dang / byang chub sems dpa' rnams la ston par phangs pa dang / chos rnams la bdag bzhin du phangs pa dang / de bzhin gshegs pa la srog bzhin du phangs pa dang / bla ma la

  160. 259a

    tho zas@#pa ma bzhin du phangs pa dang / sems can rnams la bu bzhin du phangs pa dang / mkhan po dang / sro dpon la sangs rgyas bzhin du phangs pa dang / nan tan rnams la yan lag gi dam pa mgo bzhin du phangs pa dang / pha rol tu phyin pa rnams la rka lag bzhin du phangs pa dang / chos smra ba rnams la rin po che thams cad bzhin du pangs pa dang / sangs rgyas kyi chos thams cad la yid bzhin gyi nor bu bzhin du bangs pa dang / rjes su bstan pa la dga' ba'i rtsed mo bzhin du phangs pa dang / chog shes pa la nad med pa bzhin du phangs pa dang / chos btsal ba la sman bzhin du phangs pa dang / bskul zhing dran par byed pa la sman bzhin dupangs pa ste/ de ltar btsun pa sha ra dwa ti'i bu/ gang dag dbang po thams cad la dbang po ma gong ba 'di ni dga' ba chen po zhes bya'o// dga' ba chen po zhes bya ba ni rtog pa'i ye shes kyi phyir zhi ba'i rnam pa'o// mi rgod pa'i phyir rab tu zhi ba'i rnam pa'o// khengs pa ma yin pa'i phyir shin tu byung ba'i rnam pa'o// mi g.yeng ba'i phyir dbang po dga' ba'i rnam pa'o// mi nyams pa'i phyir rtul shugs kyi rnam pa'o// 'dod pa'i phyir nges pa'i rnam pa'o// dka' bro bde ba'i phyir thos pa'i rnam pa'o// sems las su rung ba'i phyir nye bar zhi ba'i rnam pa'o// las legs par byas pa'i phyir dga' ba'i rnam pa'o// kha na ma tho ba med pa'i phyir mi 'gyod pa'i

  161. 259b

    rnam pa'o// ma g.yos pa'i phyir shin tu gnas pa'o rnam pa'o// mi gnas pa'i phyir ma g.yos pa'i rnam pa'o// rdul bar dka' ba'i phyir rnyed dka' ba'i rnam pa'o// chud mi za ba'i phyir don gyi rnam pa'o// ma nor ba de bzhin nyid kyi phyir bden pa'i rnam pa'o// de byed pa'i phyir de kho na'i rnam pa'o// stobs kyi phyir mos pa'i rnam pa'o// mi rdzi ba'i phyir stobs kyi rnam pa'o// sangs rgyas kyi chos thams cad yang dag par ji lta ba bzhin du tshol bas mi skyo ba'i phyir ro// sangs rgyas kyi chos yongs su rdzogs par byed pa'i rnam pa'o// 'di ni btsun pa sha ra dwa ti'i bu/ byang chub sems dpa' rnams kyi dga' ba chen po mi zad pa zhes bya'o// gzhan yang btsun pa sha ra dwa ti'i bu byang chub sems dpa' rnams kyi btang snyoms rnam pa gsum ste/ rnam pa gsum gang zhe na/ nyon mongs pa la btang snyoms pa dang / bdag dang / gzhan srung ba'i btang snyoms pa dang / dus dang / dus ma yin pa la btang snyoms pa'o// de la nyon mongs pa la btang snyoms pa gang zhe na/ sti stang du byas pas ma thos par mi sems pa dang / sti stang ma byas pas dbas pa mi sems pa dang / rnyed pas snyems pa la med pa dang / ma rnyed pas yid chad pa med pa dang / grags pa la mngon par dga' ba med pa dang / ma grags pas zham pa med pa dang / smad pas sro shi bar mi 'gyur ba dang / sngags pa la chos nyid rab tu gnas pa sang /

  162. 260a

    @sdug bsngal so sor rtogs pa'i stobs dang / bde ba la rtog cing sdug bsngal bar rtog pa'i stobs dang / sdug pa 'dor ba dang / khong khro ba spong ba dang / 'ja' ba dang / mi 'dza' ba la sems mnyam pa dang / tshul khrims can dang / ngan pa'i ngang tshul can la blo mnyam pa dang / legs par byas pa dang / nyes par ma byas pa la gnyis su mi byed pa dang / sdug pa dang / mi sdug par lta ba dang / legs par thos pa dang / nyes par thos pa la mi 'jed pa dang / legs par smra ba dang nyes par smras pa la bag la nyal ba med pa dang / ro myang ba'i nyes pa rnams la 'chungs par yongs su 'jal ba dang / sems can thams cad la bsam pa dang / lus dang / srog la mi lta ba dang / rab dang / 'bring dang / tha ma la 'od zer mnyam pa dang / sngags pa dang / sngags pa ma yin pa la sems mnyam pa dang / bden pa dang / mi bden pa la bdag gi sems yongs su dag pa ste/ btsun pa sha ra dwa ti'i bu de ltar gang sti stang du byed pa dang / gnod par byed pa la mtho sman du mi sems shing / de la byang chub sems dpa' btang snyoms pa yin te/ 'di ni btsun pa sha ra dadwa ti'i bu/ byang chub sems dpa' rnams kyi nyon mongs pa la btang snyoms pa zhes bya'o// de la byang chub sems dpa' rnams kyi bdag dang / gzhan srung ba'i btang snyoms gang zhe na/ 'di la byang chub sems dpa' lus dang yan lag dang / nying lag rnams gcad kyang

  163. 260b

    ngan khong khro bar mi byed cing mo tshol te btang snyoms pa yin no// lus kyi rnam pa 'gyur ba las sa pa/ gang gis rnam par 'gyur ba las kyang rung ste gnyis ka la bzod pas na de'i phying / gtang snyoms zhes bya'o// mig gi rnam pas kyang rma mi phyin/ gzugs kyi rnam pas kyang rma mi phyin te/ gnyi gas kyang rma mi phyin to// de bzhin du rna bas ma yin/ sgras ma/ yin/ snas ma yin/ dris ma yin/ lces ma yin/ ros ma yin/ lus kyis ma yin/ reg byas ma yin/ yid kyi rnam pas kyang rma ma phyin to// de'i phyir btang snyoms zhes bya'o// rma mi phyin cing nyams pa med pas de'i phyir btang snyoms zhes bya'o// rma byung ba la rma mi 'byin pas de'i phyir btang snyoms zhes bya'o// bdag dang / gzhan dang / gnyi ka bsrung bas de'i phyir btang ste bas zhes bya'o// phan par 'dod pa dang / mi phan par 'dod pa la mnyam par sbyor bas de'i phyir btang snyoms zhes bya'o// btang snyoms ni mchog tu rtsod pa med pa'o// btang snyoms ni bdag gi sems nges par rtog pa'o// btang snyoms ni gzhan gyi sems bsrung ba'o// btang snyoms ni bdag la rtog pa'o// btang snyoms ni sems can la gnod pa med pa'o// btang snyoms ni byang chub sems dpa'i mnyam par bzhag pa'i gnas skabs yin te/ 'di ni byang chub sems dpa'i bdag dang / gzhan bsrung ba'i btang snyoms zhes bya'o// de la byang chub sems dpa'i dus dang / dus ma yin pa la btang

  164. 261a

    @#snyoms pa gang zhe na/ sangs rgyas bcom ldan 'das rnams byang chub sems dpa' thams cad du btang snyoms par bka' mi stsol te/ de ci'i phyir zhe na/ byang chub sems dpa' rtag tu bdag la gzhan gyi dga' ba'i chos btsal ba la brtson zhing 'bad par byas te/ de dus dang / dus ma yin par btang snyoms par bya'o// de la dus dang / dus ma yin pa'i btang snyoms gang zhe na/ snod ma yin pa dang / nyan par mi 'dod pa'i sems can la btang snyoms ba dang / ma rnyed pa dang / smod pa dang / ma grags pa dang / sdug bsngal ba la btang snyoms dang / sems can nyan thos kyi theg pa can mi 'gyur ba la zhugs pa la btang snyoms pa dang / sbyin pa'i dus na tshul khrims btul btang snyoms dang tshul khrims kyi dus na bzod pa btul ba'i btang snyoms dang / bzod pa'i dus la brtson 'grus btul ba'i btang snyoms dang / brtson 'grus kyi dus na bsam gtan btul ba'i btang snyoms dang / bsam gtan gyi dus na sbyin pa la chags pa btul ba'i btang snyoms pa dang / shes rab kyi dus na pha rol du phyin pa lnga la dmigs pa btul ba'i btang stobs te/ 'di ni dus dang dus ma yin pa la btang snyoms par zhes bya'o// de ltar gang mi bya ba'i chos mi byed pa 'di ni btang snyoms zhes bya ste/ de dang de la mi rtsol ba'o// gang gdon mi za bar bya ba'i chos la gnas/

  165. 261b

    ba med pa dang / brtson 'grus dang / stobs dang / mos pa dang / mthu dang / brtson pa mi gtong ba ste/ dge ba'i chos de dang de dag yongs su rdzogs par byed pa/ 'di ni/ btsun pa sha ra da ti'i bu byang chub sems dpa' rnams kyi btang snyoms mi zad pa zhes bya'o// 'phags pa blo gros mi zad pas bstan pa theg pa chen po'i mdo// / bam po// / gzhan yang btsun pa sha ra da ti'i bu/ byang chub sems dpa' rnams kyi mngon par shes pa lnga mi zad pa ste/ lnga gang zhe na/ 'di lta ste/ 'phrul gyi rna ba dang / pha rol gyi sems shes pa dang / sngon 'das pa dran pa dang / rdzu 'phrul gyi bya ba shes pa'o// de la byang chub sems dpa' rnams kyi 'phrul gyi mig gang zhe na/ gang klu thams cad dang / gnod sbyin thams cad dang / dri za dang / lha ma yin dang / nam mkha' lding dang / mi 'am ci dang / lto 'phye chen po dang / mi dang / mi ma yin pa thams cad kyi 'phrul gyi mig dang / gang slob pa dang // mi slob pa dang / nyan thos thams cad kyi 'phrul gyi mig dang / rang sangs rgyas thams cad kyi 'phrul gyi mig dang / byang chub sems dpa' thams cad mkhyen pa las 'byung ba rgya chen po las byung ba rnams kyi mig ni ches mchog go ches dam pa'o// ches rab po// ches phul lo// ches gsal ba'o// ches bzang ba'o//

  166. 262a

    blo thos #ches stobs dang ldan no// ches 'od gsal te 'phrul gyi mig des ji snyed phyogs bcu mtha' yas mu med pa'i 'jig rten gyi khams kyi gzugs su snang ba che yang rung chung yang rung / bzang yang rung / ngan kyang rung / ring yang rung / nye yang rung ste/ de dag thams cad de dag gi 'phrul gyi mig des shes shing snang ba dang / rtogs pa dang / shin tu rig pa dang / shin tu mthong bar 'gyur te/ gang phyogs bcu mtha' yas mu med pa'i 'jig rten gyi khams na sems can gzugs med pa ma togs par 'gro ba kun tu skyes pa'i sems can gang de dag thams cad kyi 'chi 'pho ba dang / skye ba yang dag pa ji lta ba bzhin du rab tu shes so// de dag gi las kyi rgyu yang dag pa ji lta ba bzhin du rab tu shes so// de dag gi las kyi 'bras bu dang / dbang po'i rim pa yang dag par ji lta ba bzhin du rab tu shes so// phyogs bcu mtha' yas mu med pa'i 'jig rten gyi khams na gang sangs rgyas bcom ldan 'das rnams kyi zhing gi yon tan bkod pa de thams cad mthong ste/ mthong nas kyang bdag gi tshul khrims yongs su dag pas rang gi zhing gi yon tan bkod pa yongs su dag pa'i phyir/ bsod nams dang ye shes kyi tshogs bsags pa rnams kyang yongs su sngo ste/ tshul khrims kyi yon tan la gnas pa de dag gis yongs su 'grub pa ste/ de dag 'phrul

  167. 262b

    gyi mig des sangs rgyas bcom ldan 'das de dag gi byang chub sems dpa'i dge 'dun de dag thams cad kyang mthong ngo // mthong nas kyang gang skyes bu dam pa de dag gi/ cho ga dang / spyod pa dang / spyod yul dang / dran pa dang / shes bzhin dang / spyod lam dang / gnas dang / mthu dang / chos dang / rnam par thar pa dang / ye shes dang / rten dang / gzungs dang / spobs pa la mkhas pa dang / shes rab dang / ye shes dang / thabs la mkhas pa la 'jug pa de dag thams cad yongs su rdzogs par byed do// de dag gi mig de ni gzugs thams cad mthong bas na sgrib pa med pa'o// de dag gi mig de ni gzugs thams cad la mi chags pas na chags pa med pa'o// de dag gi mig de ni bag la nyal ba dang / lta ba dang / kun nas ldang ba la rnam par grol ba'o// de dag gi mig de ni rang bzhin gyis 'od gsal ba ni rnam par dag pa'o// de dag gi mig de ni yul thams cad la mi gnas pa'o// de dag gi mig de ni chos thams cad du snang ba la gsal ba thob pa'o// de dag gi mig de ni the tsom med pas rab rib med pa'o// de dag gi mig de ni bsgrib par 'gyur ba'i chos thams cad la kun nas ma langs pa'o// de dag gi mig de ni chos thams cad de snang ba gsal ba thob pa'o// de dag gi mig de ni ye shes kyi phyir 'brang ba ste/ rnam par shes pa'i spyod yul ma yin no// de dag gi mig de ni nyon

  168. 263a

    zasamongs pa thams cad kyis ma chags pa/ mi sdang ba ma rmongs pa'o// de dag gi mig de ni 'phags pa'i dbang po la nges par 'byed pa la sten pa'o// de dag gi mig de ni sems can thams cad 'od zer mnyam par gtong bas na/ thogs pa med pa'i mtshan nyid do// de dag gi mig de ni sems kyi mi dge ba'i chos dang bral bas na dben pa'o// de dag gi mig de ni rang bzhin gyis kyang kun nas nyon mongs pas na dri ma med pa'o// de dag gi mig de ni bsam pa ma btang bas na/ sangs rgyas kyi spyan gyis mngon par bsgrubs pa'o// de dag gi mig de ni sdug pa dang / khong khro ba dang bral ba'i phyir ma chags ma bcings pa'o// de dag gi mig de ni don gyi spyod yul bden pas nye bar bsgrubs shing chos rnam par dag pa shes pa'i lam la ma chags par spyad pa'o// de ci'i phyir zhe na/ 'di ltar skyes bu dam pa de dag ni snying rje chen po la gnas pa chos rig pa don rtogs pa kha na ma tho ba med pa ji ltar mthong ba dang / zos pa bzhin du chos smras pa/ mi dge ba la rgyab kyis bltas pa byang chub kyi snying po la mngon du phyogs pa/ sems gang du yang thogs pa med pa/ 'jungs pa med/ pa rnams la gtong ba dang ldan pa dam pa'i ngang tshul can rnams la snying rtse ba'i sems kyis gnod par mi sems/ le lo can rnams la brtson 'grus bslab par

  169. 263b

    byed pa sems g.yeng ba rnams la gsam gtan gyi yan lag stobs pa/ 'chal pa'i shes rab can rnams la shes rab kyi mig sbyin pa/ lam ngan par zhugs pa rnams la lam ston pa/ chung ngu la dad pa rnams sangs rgyas kyi chos rgya chen po la mos pa byed pa/ thams cad mkhyen pa'i ye shes la 'dzud pa/ byang chub yongs su rdzog pa bya ba'i mngon par shes pa ma nyams pa rnams te/ 'di ni byang chub sems dpa' rnams kyi 'phrul gyi mig mngon par shes pa mi zad pa zhes bya'o/ de la byang chub sems dpa' rnams kyi 'phrul gyi rna ba mngon par shes pa mi zad pa gang zhe na/ gang lha thams cad 'phrul gyi rna ba dang / gang klu thams cad dang / gnod sbyin thams cad dang / dri za dang / lha ma yin dang / na mkha' lding dang / mi 'am ci dang / lto 'phye chen po dang / mi dang / mi ma yin pa thams cad kyi 'phrul gyi rna ba dang / gang slong ba dang / mi slob pa'i nyan thos thams cad 'phrul gyi rna ba dang / gang rang sangs rgyas thams cad kyi 'phrul gyi rna ba de dag pas/ byang chub sem/ dpa' thams cad mkhyen pa las byung ba/ rgya chen po las byung ba rnams kyi 'phrul gyi rna ba ches mchog go// ches dam pa'o// ches rab pa'o// ches gsal ba'o// ches bzang ngo // ches stobs dang ldan no// ches 'od gsal te/ 'phrul gyi rna ba des/ gang phyogs bcu'i mtha' yas mu med pa'i 'jig rten

  170. 264a

    / kyi rnams na gang grags pa/ dang / ku dang / sbyin dang / dri ba dang / rnam yin dang / rnam mkham lding dang / # ci dang / lto 'a phye chen po dang / mi dang / mi ma yin pa'i sgra rnams dang / gang yang 'phags pa'i sgra nyan thos dang / rang sangs rgyas dang / byang chub se dpa' dang / yang dag par rdzogs pa'i sangs rgyas kyi sna de dag thams cad de'i 'phrul gyin pa'i dbang po la degrags par gyur te/ zan sems can dmyal pas rgyal song gi ste gnas pa dang / gshin rje'i 'ag rten pa dang / sbrang bu dang / phye ma leb dang / bung ba dag gi sna de dag thams cad kyang thos so// sems kyi rnamigs pa den pa dang / seM dadang / lung na mi smin pa gang gis sems can de dag gi dag gi las 'byung ba thams cad padri lta ba bzhin du ma tu shes sa gas ga nyi sa rgyasag gi las gang dge pa'i rgya yongs su 'dzin pa dang / ngag gi las gang me dan pa'i rgya yongs su yin pa / ngag gi las gang lung du khri tsun pa'i yongs su 'dzin pa de dag thams cad kyang yang dag pa ji lta ba bzhin du rab tu shes so// dag gi las gang dge ba'i rgyu yongs su 'dzin pa dang / ngag gi las gang mi dge ba'i rgyu yongs su 'dzin pa dang / ngag gi las gang lung du mi ston pa'i rgyu yongasu 'dzin pa de dag thams cad kyang yang dag pa ji

  171. 264b

    ba bzhin du rab tu shes so// ngag gi las gang 'dod chags bag la nyal la zhe sdang bas 'byung ba dang / ngag gi las gang 'dod chags bag la nyal la rmongs pas/ 'byung ba dang / ngag gi las gang zhe sdang bag la nyal la chags pas 'byung ba dang / ngag gi las gang zhe sdang bag la nyal la rmongs pas 'byung ba dang / ngag gi las gang gti mug bag la nyal la chags pas 'byung ba dang / ngag gi las gang 'dod chags bag la nyal la chags pas 'byung ba dang / ngag gi las gang zhe sdang bag la nyal zhe sdang bas 'byung ba dang / ngag gi las gang gti mug bag la nyal la rmongs pas 'byung ba de dag thams cad yang dag pa ji lta ba bzhin du rab tu shes so// ngag gi las gang bsam pa dag la sbyor ba ma nyams pa dang / ngag gi las gang sbyor ba dag la bsam pa nyams pa dang / ngag gi las gang bsam pa'ang dag la sbyor ba yang dag pa dang / ngag gi las bsam pa 'ang ma dag la sbyor ba yang ma dag pa de dag thogs pa med pa'i 'phrul gyi rna ba mngon par shes pa'i ye shes kyi yang dag pa ji lta ba bzhin du rab tu shes so// de dag 'phrul gyi rna ba mngon par shes pa'i ye shes des 'phags pa dang / 'phags pa ma yin sgra rnams thos ste/ zos nas kyang 'phags pa'i// sgra la chags par yang mi 'gyur ro// 'phags pa ma yin pa'i sgra la khong khro bar yang mi 'gyur te/ de dag 'phags pa'i sgra la byams pa chen po thob cing 'phags pa ma

  172. 265a

    bro zos@yin pa'i sgra la snying rje chen po thob bo// sgra thams cad la yang sngon gyi mtha' dang / phyi ma'i mtha' bye brag 'byed pa shes pa yang dag pa ji/ lta ba bzhin du rab tu shes so// de dag 'phrul gyi rna ba mngon par shes pa'i ye shes des sangs rgyas thams cad kyis gsungs pa thos te/ thos nas kyang dran pa dang / shes bzhin dang dran pa mi rjed pa'i chos nyid thams cad 'dzin to// gzung nas kyang brjed par mi byed cing snod ji lta ba bzhin du sems can rnams la dran par byed de/ snying po dang / snying po ma yin pa'i chos rnams kyang rab tu shes so// de bzhin gshegs pa cig gi chos bstan pa nyan pa na/ de bzhin gshegs pa gnyis kyis chos bstan pa'i sgrib pa'i bya ba 'am/ kun nas ldang ba'i bya ba mi byed de/ snga myi med par sangs rgyas bcom ldan 'das thams cad kyis gsungs pa kun 'dzin to// gang dge ba dang / mi dge ba dang / lung du mi ston pa'i sgra rnams thos pa yang das dus su shes bzhin du sgra'o// gal te 'khor gyi dus yin kyang chos ston pa'i dus ma yin par rig nas/ thos nas kyang mi ston par bzhog go// chos ston pa'i dus yin la/ 'khor gyi dus ma yin na dbang cig par gyur kyang thams cad la chos mi ston to// bden par lung stan pa yang gzhan la gnod na/ lung mi ston cing mi dben pa'i lung snyan pa la don dang ldan zhing gzhan yang rjes su bzung ba dang / mthun na zabs

  173. 265b

    mkhas pa dang / bdag gi sems yongs su dag pas lung ston to// sgra ji lta bur nyan par 'dod pa de lta bu'i sgra mi thos so// 'khor gang na chos ston pa de'i sems can rnams kyi rna ba'i gnas kyi shes pa yang dag pa ji lta ba bzhin du shes te/ shes nas kyang rang bzhin de dran pa'i chos ston to// de lta sems can gang chos shes par bya ba de dag ni de'i chos thos pa'o// sems can gang dag chos shes par byed pa ma yin pa de dag ni de'i chos ston pa mi thos so// de'i rna ba'i khams de'i chos kyi dbyings shin tu rnam par dag pa yin/ de'i rna ba'i khams ni ye shes rnam par dag pa yin/ de'i rna ba'i khams de bdag gi khaMs rnam par dag pa yin/ de'i rna ba'i khams de sems can gyi khams dang / srog gi khams dang / gang zag gi khams rnam par dag pa yin/ de'i rna ba'i khams de sgra dang / yi ge dang / nges pa'i tshig ji lta ba bzhin du thos pas shin tu brtags pa yin/ gang yang 'gro ba lngar skyes pa'i sems can rnams kyi sgra dang / yi ge dang / nges pa'i tshig dang / smra ba sna tshogs de dag la skad ji lta ba bzhin du 'jug pas chos ston to// de'i 'phrul gyis rna ba'i khams de theg pa gzhan la mi nyal ba'i phyir/ de bzhin gshegs pa'i 'phrul gyi snyan du sngos pa yin te/ 'di ni byang chub sems dpa' rnams kyi 'phrul gyi rna ba'i mngon par shes pa mi zad pa zhes bya'o// de la byang chub sems dpa'

  174. 266a

    thos@#rnams kyi pha rol gyi sems shes pa'i mngon par shes pa mi zad pa gang zhe na/ pha rol gyi sems shes pa zhes bya na/ gang sems can thams cad kyi sngon gyi mtha'i sems shes pa dang / phyi ma'i mtha'i sems shes pa dang / da ltar byung ba'i sems shes pa'o// de 'das pa'i sems shes pas sems can rnams kyi skyon gyi rgyu'i sems la 'jug ste/ sems can 'di yi sems 'di ni rgyu 'bring ngo // sems can 'di sems 'di ni rgya chung ba'o// sems can 'di'i dbang po rnams ni sbyin pa'i rnam pa'i rgyu dang ldan no// sems can 'di'i dbang po rnams ni tshul khrims kyi rnam pa'i rgyu dang ldan no// sems can 'di'i dbang po rnams ni bzod pa'i rnam pa'i rgyu dang ldan no// sems can 'di'i dbang po rnams ni brtson 'grus kyi rnam pa'i rgyu dang ldan no// sems can 'di'i dbang po rnams ni bsam gtan gyi rnam pa'i rgyu dang ldan no// sems can 'di'i dbang po rnams ni shes rab kyi rnam pa'i rgyu dang ldan no// sems can 'di'i dbang po rnams ni byams pa'i rnam pa'i rgyu dang ldan no// sems can 'di'i dbang po rnams ni snying rje'i rnam pa'i rgyu dang ldan no// sems can 'di'i dbang po rnams ni dga' ba'i rnam pa'i rgyu dang ldan no// sems can 'di'i dbang po rnams ni btang snyoms kyi rnam pa'i rgyu dang ldan no// sems can 'di'i dbang po rnams ni nyan thos kyi theg pa'i rnam pa'i

  175. 266b

    rgyu dang ldan no// sems can 'di'i dbang po rnams ni rang sangs rgyas kyi theg pa'i rnam pa'i rgyu dang ldan no// sems can 'di'i dbang po rnams ni theg pa chen po'i rgyu dang / ldan no// sems can 'di ni rgyu'i stobs can te/ dge ba'i rtsa ba'i rgyu rgyun mi 'chad pa dang ldan na sems can de sbyor ba'i rgyus rigs chung ngur skyes so// sems can 'di'i bsam pa dag la sbyor ba ma dag pa'o// sems can 'di'i sbyor ba dag la bsam pa dag pa'o// sems can 'di'i bsam pa dag la sbyor ba'ang dag pa'o// zhes gang sems can thams cad kyi sngon gyi rgyu'i dbang po la sems kyi spyod pa shes pa de dag thams cad yang dag pa ji lta ba bzhin du rab tu shes te/ shes nas kyang so so ci rigs par chos ston pa 'di ni sngon gyi mtha'i pha rol gyi sems shes pa zhes bya'o// de la phyi ma'i mtha'i pha rol gyi sems shes pa gang zhe na/ sems can 'di'i da ltar gyi sbyin pa'i rgyu ni ma 'ongs pa'i dus na/ 'di'i tshul khrims kyi rgyur 'gyur ro// sems can 'di'i da ltar gyi tshul khrims kyi rgyu ni ma 'ongs pa'i dus na 'di ni bzod pa'i rgyur 'gyur ro// sems can 'di'i da ltar bzod pa'i rgyu ni ma 'ongs pa'i dus na 'di'i brtson 'grus kyi rgyur 'gyur ro// sems can 'di'i ltar gyi brtson 'grus kyi rgyu ni ma 'ongs pa'i dus na 'di ni bsam gtan gyi rgyur 'gyur ro// sems can 'di'i da ltar gyi bsam gtan gyi rgyu ni ma 'ongs pa'i dus na

  176. 267a

    zo zos/ 'di'i shes rab kyi rgyur 'gyur ro// sems can 'di'i da ltar 'jig rten pa'i shes pa dang / spyod pa'i rgyu ni ma 'ongs pa'i dus na 'di'i 'jig rten las 'das pa'i rgyur 'gyur ro// sems can 'di'i da ltar gyi dbang po tha ma'i rgyu ni ma 'ongs pa'i dus na 'di'i theg pa chen po'i rgyur 'gyur ro// zhes de ltar ma 'ongs pa'i dus na sems can rnams kyi rgyu gang dang / rkyen gang dang rnam pa gang 'byung bar 'gyur ba sems can rnams kyi rgyu de dag dang / rkyen de dag dang / rnam pa de dag byang chub sems dpas yang dag pa ji lta ba bzhin du rab tu shes pa'o// de sems can thams cad yongs su smin par bya ba la skye bar mi 'gyur te/ de'i sems la 'jug pa'i ye shes pa dang / chos kyi snod du gyur pa ji snyed pa de rnyed du ches ston to// de 'bras bu yod par chos ston pa yin te/ chos kyi gtam la ser sna mi byed pa 'di ni phyi ma'i mthar pha rol gyi sems shes pa zhes bya'o// de la da ltar gyis pha rol gyi sems shes pa gang zhe na/ gang da ltar gyi dus na sems can thams cad kyi sems dang / sems las byung ba skye ba de dag thams cad byang chub sems dpas yang dag par ji lta ba bzhin du rab tu shes te/ des 'dod chags dang bcas pa'i sems kyang / 'dod chags dang bcas pa'i sems su yang dag par ji lta ba bzhin du rab tu shes so// 'dod chags/

  177. 267b

    dang bral ba'i sems kyang / 'dod chags dang bral ba'i sems su yang dag pa ji lta ba bzhin du rab tu shes so// de bzhin du zhe sdang dang bcas pa dang / zhe sdang dang bral ba dang gti mug dang bcas pa dang / gti mug dang bral ba dang / nyon mongs pa dang bcas pa dang / nyon mongs pa dang bral ba dang / bsdus pa dang g.yengs pa dang / zhum pa dang ma zham pa dang / rgod pa dang / mi rgod pa dang / zhi ba dang ma zhi ba dang / rnam par grol ba dang / rnam par ma grol ba dang / rgya che ba dang / rgya chung ba dang / chung ngu dang yangs pa dang / chen por gyur pa dang / tshad med pa'i sems kyang tshad med pa'i sems su yang dag pa ji lta ba bzhin du rab tu shes ste/ de ltar nyon mongs pa gang dang gang gis sems can gang dang gang gis sems bsgribs par gyur pa de dag thams cad yang dag pa ji lta ba bzhin du rab tu shes te/ shes nas kyang shes rab kyis ji ltar nyon mongs pa las 'byung ba 'gyur bar chos ston to// de 'khor gang du 'gro bar thog ma nyid 'khor de'i sems la ltas te/ ltas nas kyang ci rigs par chos ston to// de ltar gang sems can de dang / de dag gi dbang po mchog dang / mchog ma yin pa shes pa de dag thams cad yang dag pa ji lta ba bzhin du rab tu shes te/ bdag gi sems bsgribs pa 'am/ gzhan gyi sems bsgrib par mi 'gyur ro// de ci'i

  178. 268a

    blo zos/ phyir zhe na/ 'di ltar byang chub sems dpa' de'i sems kyi rgyun ni/ ye shes kyi rig pa dran pas rig pa blo gros kyis rig pa rtogs pas rig ba shes rab kyis rig pa byang chub kyi rig pa'o// sems kyi rgyun ni nyon mongs pa dang bral ba bag chags kyi 'tshams sbyor ba'i nyon mongs pa/ yang dag par chad pa dag pa dri ma med pa/ 'od gsal ba/ kha na ma tho ba med pa'i mi glang ba nyon mongs pa med pa/ rnyog pa med pa/ chos thams cad snang ba'i rig pa/ sems can thams cad kyi sems kyi spyod pa la zhugs shing sems kyi rgyun shin tu rig pa ste/ de ltar gang de lta bu'i chos la sems 'bab pa shes pa la 'jug pa 'di ni/ byang chub sems dpa'i pha rol gyi sems shes pa'i mngon par shes pa mi zad pa'o// de la byang chub sems dpa'i sngon gnas pa dran pa shes pa mngon gsum du byed pa'i mngon par shes pa gang zhe na/ de dran pa des sngon gnas pa'i rjes su dran te/ dran pa de ni chos kyi dbyings kyis shin tu byin gyis brlabs pa'o// rab tu rig pas na mi g.yo ba'o// ye shes yongs su sbyangs pa byas pas ni mi rgod pa'o// zhi gnas la rab tu gnas pas na rtse ba med pa'o// lhag mthong gis shin tu zin pas na no/ ba med pa'o// mngon du shes pas na gzhan gyi dring la mi 'jog pa'o// dran zhing mi brjed pa'i chos can yin pas na dran par bya'o// theg pa chen po rab tu shes pa'i

  179. 268b

    rnathams cad kyi pha rol tu 'gro ba'i phyir/ pha rol tu phyin pa thams cad kyi tshogs bsags pa'o// phyir/ bsod nams kyi tshogs bsags pa'o// gzhan la rag ma lus pas na ye shes kyi tshogs bsags pa'o// 8/ de dran pa des sngon gnas pa rjes su dran te/ des skye ba gcig kyang dran no// gnyis dang gsum dang bzhi dang lnga dang bcu dang nyi shu dang sum bcu dang / bzhi bcu dang lnga bcu dang / skye ba brgya yang dran no// skye ba stong dang / skye ba brgya stong dang / skye ba brgya phrag mang po dang / skye ba stong phrag mang po dang / skye ba brgya stong phrag mang po dang / sdud pa'i bskal pa dang / 'gyur ba'i bskal pa dang / sdud pa'i bskal pa mang po dang / 'gyur ba'i bskal pa dang / sdud pa dang 'gyur ba'i bskal pa mang po yang rjes su dran no// bskal pa brgya dang / bskal pa steng dang / bskal pa brgya phrag mang po dang / bskal pa stong phrag mang po dang / bskal pa brgya stong phrag mang po dran te/ gang du bdag ming 'di zhes bya ba/ rigs 'di zhes bya ba/ rus 'di zhes bya ba/ kha dog 'di 'dra ba/ kha zas 'di 'dra ba/ tshe'i tshad ni 'di tsam du ring du gnas/ 'di tsam du bde ba dang / sdug bsngal ba myong ste/ sems can khyed kyang ming 'di zhes bya bar gyur to// bdag de nas shi 'phos nas che ge mo zhig tu skyes te/ de ltar rnam pa dang bcas/ mtshan ma dang bcas/ yul dang bcas te/ sngon gnas pa rnam pa mang po yang dran no// des bdag dang / sems can gyi sngon gyi mtha' nas

  180. 269a

    tho thos/ @#/ gzung ste/ sngon gnas pa rjes su dran no// de bdag gi dge ba'i rtsa ba dang / sems can gzhan gyi dge ba'i rtsa ba sngon gyi rgyu las byung ba/ dran zhing / bdag gi dge ba'i rtsa ba dran nas byang chub tu yongs su sngo'o// sems can gzhan gyi dge ba'i rtsa ba dran nas sems can rnams byang chub tu sems bskyed de// gang sngon gyi 'du byed kyi sdug bsngal ba de dag kyang mi rtag pa dang / sdug bsngal ba dang / stong pa nyid dang / bdag med pa'i phyir 'brang ngo // des mi rtag pa dang / sdug bsngal ba dang / stong pa nyid dang / bdag med pa'i phyir 'bring bas gzugs kyis dregs pa med pa yin/ kha dog gis dregs pa med pa yin/ nad med pas dregs pa med pa yin/ lang tshos dregs pa med pa yin/ 'tsho bas dregs pa med pa yin/ longs spyod kyi dregs pa med pa yin/ 'khor gyi dregs pa med pa yin/ dbang pos dregs pa med pa yin/ rgya byin du 'dod pa med pa yin/ tshangs par 'dod pa ma yin/ 'jig rten skyong bar 'dod pa med pa yin/ 'khor log bsgyur bar 'dod pa med pa yin/ skye ba thams cad 'dod pa med pa yin no// 'dod pa dang / rgyal po'i skyid pa dang / dbang thams kyang bdag la bde ba'i phyir 'dod de/ gzhan du na sems can yongs su smin par bya ba'i phyir bsams bzhin du srid par skye ba 'dzin to// de mi rtag pa dang / sdug bsngal ba dang /

  181. 269b

    stong pa nyid dang / bdag med pa'i phyir 'brangs pas sngon gyi nyon mongs pa'i spyod pas ngo tsha zhing 'dzem ste/ nyams nga zhing rnam par smon no// da ltar gyi che/ yang srog gi phyir yang mi bya ba mi byed cing / de sngon gyi dge ba'i rtsa ba rnams byang chub tu bsngo ste rgyas par byed do// da ltar gyi dge ba'i rtsa ba yang sems can thams cad dang thun mong du bsngo'o// des mi mthun pa yongs su bsngo ba spangs te/ sangs rgyas kyi rigs dang / chos kyi rigs dang / dge 'dun gyi rigs rgyun mi 'chad pa dang / thams cad mkhyen pa'i phyir bsngo ste/ 'di ni byang chub sems dpa' rnams kyi sngon gnas pa dran pa shes pa mngon sum du byed pa'i mngon par shes pa mi zad pa'o// de la byang chub sems dpa' rnams kyi rdzu 'phrul bya ba shes pa mngon par shes pa gang zhe na/ gang mos pa dang / brtson 'grus dang / sems dang / spyod pas rab tu zin pa'i chos rnams bsgrub pa dang / las su rung ba dang / dbang byed pa'o// des rdzu 'phrul gyi rkang pa bzhi po 'di dag shin tu bsgoms pa'i mngon par 'du byed pa'i rdzu 'phrul mngon du thob par 'gyur te/ de rdzu 'phrul dang / cho 'phrul rnam par myong bar 'gyur ro// de'i rdzu 'phrul dang / cho 'phrul de dag ni sems can la blta ba'i phyir/ sems can yongs su smin par byed par 'gyur te/ de rdzu 'phrul dang / cho 'phrul gang

  182. 270a

    zos/ @#dang / gang gis sems can brtul bar bya ba'i rdzu 'phrul dang / cho 'phrul de dag sems can thams cad la rab tu ston to// gzugs su 'am/ stobs su 'am/ byin gyis brlabs su yang rung ste/ gzugs dang / kha dog du snang ba gang gis sems can 'dul bar 'gyur ba'i gzugs dang / kha dog du snang ba de dang / de dag sems can thams cad snang bar chos ston to// sangs rgyas kyi gzugs dang / kha dog tu snang ba 'am/ byang chub sems dpa'i gzugs dang / kha dog da snang ba 'am/ rang sangs rgyas kyi gzugs dang / kha dog tu snang ba 'am/ nyan thos kyi gzugs dang / kha dog tu snang ba dang / 'jig rten skyong ba'i gzugs dang / kha dog tu snang ba 'am/ 'khor los bsgyur ba'i gzugs dang / kha dog tu snang ba'am/ de bzhin du 'jug sems dang / sems dang / dbang po chen po dang / tshangs pa dang / skye dgu'i bdag pa'i gzugs dang / 'dog du snang ba 'am/ gang de ma yin pa'i gzugs dang / 'dog du snang ba gzhan dag gis zan byom song gi skye gnas kyi gzugs dang / kha dog du snang bas kyang sems can 'dul bar 'gyur na/ gzugs dang / 'dog du snang ba de de ding gastan te/ sems can rnams kyi mos pa ji lta ba bzhin du chos ston to// de stobs gang dang gang gis stobs stegs pa dang / khro ba dang / nga rgyal dang /

  183. 270b

    rgyags pa dang / dregs pa'i shes che ba'i sems can rnams gdul ba'i bya ba dang / de'i stobs nye bar ston te/ yang na brgya byin gyi stobs sam/ yang na tshangs pa'i stobs sam/ yang na 'jig rten skyong ba'i stobs sam/ yang na 'khor los bsgyur ba'i stobs sam/ yang na chen po che'i stobs sam/ yang na mthu bo che'i stobs kyi bzhi cha 'am/ yang na mthu bo che'i stobs kyi phyed dang / yang na mthu bo che'i stobs kyang rung ste/ byang chub sems dpa' stobs gang dang ldan pas sor mo gsum gyis ri rab ri'i rgyal po steg ste/ 'phang da dpag tshad brgya stong phrag drug bcu rtsa brgyad tsam nas/ rgyang mar dpag tshad stong phrag brgya bcu rtsa bzhir 'phangs pa 'di lta ste/ skyu ru ra'i 'bras bu cig bzhin du 'jig rten gyi khams gzhan du 'phangs kyang byang chub sems dpa' de'i stobs la nyams pa med do// gang stong gsum gyi stong chen po'i 'jig rten gyi khams 'di 'di ltar rgya che zhing yangs pa chu'i khams nas bzung ste steng du 'og min gyi bar la lag thil gyi steng du bzhag ste/ bskal pa 'am/ bskal pa las lhag par 'dug la spyod lam thams cad kyang ston te/ byang chub sems dpa' de lta bu'i stobs dang ldan pas na sems can stobs snyegs shing khro/ ba dang / nga rgyal dang / rgyags pa dang / dregs pa shas che ba rnams la stobs snyegs pa dang / khro ba dang / nga rgyal dang / dregs pa gdul ba'i phyir chos ston

  184. 271a

    thos@#to// de rdzu 'phrul gyi rkang pas de dag gi byin gyis brlabs kyi ye shes thob bo// byang chub sems dpa' byin gyis brlabs kyi ye shes des gang dang gang la byin gyis brlabs pa de de bzhin du 'gyur te/ des gal te rgya mtsho chen po phyugs rjes tsam du gyur cig/ ces phyugs rjes su byin gyis brlabs na phyugs rjes tsam du 'dug go// phyugs rjes kyang rgya mtsho chen por gyur cig ces byin gyis brlabs na/ rgya mtsho chen po nyid du 'dug go// gal te bsreg pa'i bskal pa rnams chu'i phung por gyur cig/ ces byin gyis brlabs na de chu'i phung po nyid du 'dug go/ chu'i phung po yang me'i phung por gyur cig/ ces byin gyis brlabs na me'i phung po nyid du 'dug go// me'i phung po yang rlung gi phung por gyur cig ces byin gyis brlabs na/ rlung gi phung po nyid du 'dug go/ rlung gi phung po yang me'i phung por gyur cig/ ces byin gyis brlabs na/ me'i phung po nyid du 'dug go// me'i phung po yang sa'i phung por gyur cig/ ces byin gyis brlabs na de sa'i phung po nyid du 'dug go// sa'i phung po yang me'i phung por gyur cig/ ces byin gyis brlabs na de me'i phung po nyid du 'dug go// de bzhin du tha ma dang / 'bring dang / rab kyi chos las gang dang gang byin gyis brlabs pa de dag ni de bzhin du 'dug go// de byin gyi brlabs pa de ni sangs rgyas bcom ldan 'das me togs par rgya byin nam/

  185. 271b

    tshangs pa 'am/ bdud dam/ bdud kyi rigs kyi lha 'am/ sus kyang rung ste/ 'jig rten du chos mthun pas sus kyang bskyod pa 'am/ bskul ba 'am/ mi snang bar byed mi nus te/ sems can gyi ris na gang byang chub sems dpa'i byin gyis brlabs pa de la bskyod pa 'am/ bskul ba 'am/ mi snang bar byed nus pa'i sems can gang yang med do// byang chub sems dpa'i byin gyis brlabs dang / ye shes kyi stobs bskyed des brjod pa des sna tshogs dang / dga' ba dang / bgu ba la dam par 'dzin pa'i sems can rnams la sgra ji lta ba bzhin du 'jug pas chos ston to// de'i phyir rdzu 'phrul gyi rkang pa de dag kyang mngon par 'phags so// bdag nyid dbang po'o// bdad dang nyon mongs pa thams cad kyi yul las 'das pa'o// sangs rgyas kyi yul la 'jug pa'o// sems can thams cad la gnod par sbyor ba'o// dge ba'i rtsa ba dang / tshogs thams cad la bsags pa'o// bdud dam/ bdud kyi ris kyi lha rnams kyis mi 'phrog pa ste/ 'di ni byang chub sems dpa' rnams kyi rdzu 'phrul bya ba shes pa mngon par shes pa mi zad pa ste/ 'di ni btsun pa sha ra dwa ti'i bu/ byang chub sems dpa' rnams kyi mngon par shes pa lnga mi zad pa zhes bya'o// gzhan yang btsun pa sha ra dwa ti'i bu/ byang chub sems dpa' rnams kyi bsdu ba'i dngos po bzhi mi zad pa ste/ bzhi gang zhe na/ 'di lta ste/

  186. 272a

    zosasbyin pa dang / snyen par smra ba dang / don spyad pa dang / don mthun pa'o// de la sbyin pa ni gang zang zing gi sbyin pa dang / chos kyi sbyin pa'o// de la snyen par smra ba ni gang / slong ba dang / chos nyan pa rnams la tshig 'dzam zhing snyen par smra ba'o// de la don spyod pa ni gang bdag dang / gzhan gyi don bsam pa bzhin du rdzogs par byed pa'o// de la don mthun pa ni gang theg pa gang la bdag yon tan du 'du shes pa'i theg pa de nyid la/ chos dang zang zing len pa rnams rab tu 'god pa'o// gzhan yang sbyin pa ni gang / slong ba rnams ni yid 'gu bar sbyin pa'o// snyan par smra ba ni slong ba rnams la mi smod pa'o// de la don spyad pa ni gang slong ba rnams kyi don yongs su rdzogs par byed pa'o// de la don mthun pa ni gang theg pa de nyid yang dag par 'dzud pa'o// gzhan yang sbyin pa ni bsam pa thag pas gtong ba'o// snyan par smra ba sbyor ba la yongs su chad pa'o// den spyad pa ni gang lhag pa'i bsam pas byin te 'gyod pa med pa'o// don mthun pa ni gang theg pa chen po la bsngo ba'o// gzhan yang sbyin pa ni gang byams pa'i rjes su 'gro ba'i sems kyis yongs su gtong ba'o// snyan par smra ba ni gang dga' ba dang / rab tu dga' bar gyur pa'i sems mi gtong ba'o// don spyod pa ni/ gang snying rje chen po yongs su dag pa'i sems bskyed pas/ sems can thams cad kyi bya ba la brtson

  187. 272b

    pa'o// don mthun pa ni gang btang snyoms dang ldan pa'i sems mtho dman med cing / thams cad mkhyen pa'i ye shes la yongs su bsngo ba'i sems so// gzhan yang sbyin pa ni gang tshes bzhin gtsal ba'i longs spyod rnams yongs su gtong ba'o// snyan par smra ba ni gang la sbyin pa byin pa de dag chos la rab tu 'dzud pa'o// don spyod pa ni gang bdag gi don dang gzhan gyi don gton pa'o// don mthun pa ni gang sems can thams cad kyi don gyi phyir thams cad mkhyen pa'i sems bskyed pa'o// gzhan yang sbyin pa ni nang dang phyi'i dngos po rnams yongs su gtong ba'o// snyan par smra ba ni gang chos thams cad kyi yon tan shes pa la slob dpon mi 'chab pa'o// don spyod pa ni gang bdag gi don gtang ste/ gzhan gyi don byed pa'o// don mthun pa ni gang longs spyod kun bsdus te/ lag 'thil du bzhag pa yang gzhan byin nas mi dga' ba med pa'o// de la chos sbyin pa gang zhe na/ gang ji lta bur thos pa'i chos rnams ston pa'o// snyan par smra ba ni gang zang zing med pa'i sems kyis/ chos yang dag par rab tu ston po'o// don spyad pa ni gang gzhan la lung 'bog pa dang / kha don 'bog pas mi skyo'o// don mthun pa ni gang thams cad mkhyen pa'i sems dang ma bral bas chos rnyed pa dang / gzhan yang rab tu 'dzud pa'o// gzhan yang chos kyi sbyin pa ni chos nyan pa 'ongs shing lhags pa rnams

  188. 273a

    la mi skyo zhing mi g.yeng bar chos ston pa'o// snyan par smra ba ni gang ji srid du rgyang ring por yang song ste/ dam pa'i chos yang dag par/ ston pa'o// don spyad pa ni gang chos 'dod pa'i gang zag rnams lhung zed ma tshang ngam/ chos gos dang / zas dang / mal stan dang / na ba'i gsos sman dang / yo byad med dam/ gzhan yang de la gang dang gang gis bral ba de dag thams cad byin te/ lhag pa'i bsam par song ba'i sems kyi rgyud kyis ston pa'o// don mthun pa ni gang chos kyi sbyin pa byin te/ bla na med pa yang dag par rdzogs pa'i byang chub tu yang dag par 'dzud cing yongs su bsngo ba'o// gzhan yang thos sbyin ba ni gang sbyin pa thams cad mchog ni chos sbyin pa yin par rig nas chos kyi sbyin pa yongs su gtong ba'o// snyan par smra ba ni gang phan pa'i dngos po'i phyir chos ston pa'o// don spyod pa ni gang don la rton pa'i chos ston gyi yi ge la ston pa yin no// don mthun pa ni gang sangs rgyas kyi chos thams cad rdzogs par bya ba'i phyir chos ston pa'o// gzhan yang chos ston pa ni gang sbyin pa'i pha rol du phyin pa'o// snyan par smra ba ni gang tshul khrims kyi pha rol du phyin pa dang / bzod pa'i pha rol du phyin pa'o// don spyod pa ni gang brtson 'grus kyi pha rol du phyin pa'o// don mthun pa ni gang bsam gtan gyi pha rol du phyin pa dang / shes rab kyi pha rol du

  189. 273b

    byin pa'o// gzhan yang chos sbyin pa ni thog ma sems bskyed pa'i byang chub sems dpa' rnams kyi'o// snyan par smra ba ni spyod pa la zhags pa'i byang chub sems dpa' rnams kyi'o// don spyod pa ni phyir mi ldog pa'i byang chub sems dpa' rnams kyi'o// don mthun pa ni skye ba cig gis thogs pa'i byang chub sems dpa' rnams kyi'o// gzhan yang chos sbyin pa ni byang chub kyi phyir rtsa ba dang / sa bon gyi bzhi'o// snyan par smra ba ni byang chub kyi myu ga dang 'dab ma yongs su rdzogs pa'o// don spyod pa ni byang chub kyi me tog yongs su rgyas pa'o// don mthun pa ni byang chub kyi 'bras bu mngon par bsgrub pa ste/ 'di ni btsun pa sha ra dwa ti'i bu/ byang chub sems dpa' rnams kyi bsdu ba'i dngos po bzhi mi zad pa'o// gzhan yang btsun pa sha ra da ti'i bu byang chub sems dpa' rnams kyi so so yang dag par rig pa bzhi mi zad pa ste/ bzhi gang zhe na/ gang 'di'i don so so yang dag par rig pa dang / chos so so yang dag par rig pa dang / nges pa'i tshig so so yang dag par rig pa dang / spobs pa so so yang dag par rig pa'o// de la don so so yang dag par rig pa gang zhe na/ gang chos thams cad la don dam par shes pa ste/ chos shes pa dang / so sor rtog pa shes pa dang / rjes su 'gro bar shes pa dang / rgyu shes pa dang / rkyen shes pa dang / gnyis su med par shes

  190. 274a

    pa dang / tshogs par shes pa dang / tha mar 'gro ba shes pa dang / bar na mi 'dug par shes pa dang / rkyen la 'jug pa shes pa dang / chos kyi dbyings dbyer med par shes pa dang / de bzhin nyid kyi rjes su 'jug pa shes pa dang / yang dag pa'i mtha' la gnas pa shes pa dang / stong pa nyid rtogs pa'i shes pa dang / mtshan ma med pa la spyod pa'i shes pa dang / smon pa med pa la smon lam med par shes pa dang / mngon par 'du mi byed pa med par shes pa dang / tshul cig la 'jug pa'i shes pa dang / bdag med pa la rtogs pa'i shes pa dang / sems can med par rtogs pa'i shes pa dang / srog med par phyogs cig tu rtogs pa'i shes pa dang / gang zag med par don dam par shes pa dang / 'das pa'i dus la ma chags pa'i shes pa dang / ma 'ongs pa'i dus thug pa med par shes pa dang // da ltar byung ba'i dus na thams cad kha na ma tho ba med par shes pa dang / phung po rnams la sgyu mar shes pa dang / khams rnams la sbrul ba dag du rtogs pa'i shes pa dang / skye mched rnams la grong stong par rtogs pa'i shes pa dang / nad nye bar zhi bar shes pa dang / phyi rol tu rgyu ba med par shes pa dang / yul rnams la rgyu ma dang / bye brag med par shes pa dang / bzod pa'i rjes su 'gro ba'i shes pa dang / blo gros kyis so sor rtog pa'i shes pa dang / bdag la rtog pa'i shes pa dang / bden pa

  191. 274b

    la rab tu rtogs par shes pa dang / sdug bsngal la mi 'byung bar shes pa dang / kun 'byung ba la mngon par 'du mi byed par shes pa dang / 'gog pa la mtshan nyid/ med par shes pa dang / lam la rgal bar shes pa dang / chos la tshig rab tu dbye bar shes pa dang / dran pa nye bar bzhag pa rnams la dran pa med pa dang / yid la bya ba med par shes pa dang / yang dag par spongs pa rnams la dge ba dang / mi dge ba gnyis su 'jug pa'i shes pa dang / rdzu 'phrul gyi rkang pa rnams la lus dang / sems yang bar shes dang / dbang po la 'jug par shes pa dang / stobs rnams la mi rdzi bar shes pa dang / byang chub kyi yan lag rnams la chos thams cad yang dag pa ji lta ba bzhin du rtogs par shes pa dang / lam la 'gro ba dang / 'ong ba med par shes pa dang / zhi gnas la gnas par shes pa dang / lhag mthong la snang bar shes pa dang / sgyu ma la bsgrubs par shes pa dang / mig sgyu la nor bar shes pa dang / rmi lam la yang dag pa ma yin par mthong bar shes pa dang / brag cha la rkyen du dmigs par shes pa dang / mig yor la mi 'pho bar shes pa dang / mtshan nyid sna tshogs la mtshan nyid gcig tu shes pa dang / 'dus pa la 'bral bar shes pa dang / phyir gyi 'tshams la phyir gyi 'tshams med par shes pa dang / nyan thos kyi theg pa la gzhan gyi sgra'i rjes su 'gro bar shes pa dang /

  192. 275a

    thosarang sangs rgyas kyi theg pa la rkyen la 'jug pa dang / rab tu dben zhing rtse cig par shes pa dang / theg pa chen po la dge ba'i rtsa ba dang / tshogs thams cad spel bar shes pa 'di ni don so sor yang dag par rig pa zhes bya'o// gzhan yang don so so yang dag par rig pa ni don so so yang dag par rig pa gang gis chos thams cad la don ston pas ston pa ste/ de ci'i phyir zhe na/ chos thams cad ni ma lus par ston pa dang / gang stong pa'i don de ni don no// chos thams cad ni ma lus par mtshan ma med pa ste/ gang mtshan ma med pa'i don de ni don no// chos thams cad ni ma lus par smon pa med pa ste/ gang smon pa med pa'i don de ni don no// chos thams cad ni ma lus par mngon par 'dra mi byed pa ste/ gang mngon par 'du mi byed pa'i don de ni don no// chos thams cad ni ma lus par mi skye ba ste/ gang la ma lus par mi skye ba'i don de ni don no// chos thams cad ni ma lus pa ma byung ba ste/ gang ma lus par ma byung ba'i don de ni don no// / chos thams cad ni ma lus par dngos po med pa ste/ gang ma lus par dngos po med par don de ni don no// chos thams cad ni ma lus par dben pa ste/ gang / ma lus par dben pa'i don de ni don no// chos thams cad ni ma lus par bdag med pa/ srog med pa/ gang zag med pa ste/ gang bdag med pa dang //

  193. 275b

    sems can med pa dang / srog med pa dang / gang zag med pa'i don de ni don no// gang 'di lta bu'i chos rtogs pa de ni so so yang dag par rig pa zhes bya'o// gang 'dir ston pa ni thogs pa med par bstan pa chags pa med par snyan pa mi zad pa/ mi zad par snyan pa/ chos thams cad thob par ston pa ste/ don stan pa de ni so so yang dag par rig pa yin no// don so so yang dag par rig pa de ni don thams cad ston pa mi zad pa yin te/ sangs rgyas bcom ldan 'das rnams kyis kyang yang dag par bka' stsal cing yang dag par rjes su thugs rang ba'o// yang dag pa dang de kho na dang ma log pa dang gzhan ma yin pa ste/ shes rab dang / ye shes kyis rtogs pa thams cad du kha na ma tho ba med pa ste/ 'di ni don so so yang dag par rig pa zhes bya'o// de la chos so so yang dag par rig pa gang zhe na/ gang chos thams cad la rjes su 'jug pa shes pa ste/ dge ba dang / mi dge ba dang / kha na ma tho ba dang bcas pa dang / kha na ma tho ba med pa dang / zag pa dang bcas pa dang / zag pa med pa dang / 'dus byas dang / 'dus ma byas dang / 'jig rten pa dang / 'jig rten las 'das pa dang / bzang po dang / ngan pa dang / kun nas nyon mongs pa dang / rnam par byang ba'i char gtogs pa dang / 'khor ba dang / mya ngan las 'das par nye bar song ba rnams la chos kyi dbyings mnyam pa nyid du shes

  194. 276a

    zasapa dang / byang chub mnyam pa nyid du shes pa dang / khams mnyam pa nyid du shes pa 'di ni chos so so yang dag par rig pa zhes bya'o// gzhan yang chos so so yang dag par rig pa ni gang 'dod chags spyod pa'i sems can rnams la 'jug cing 'bab par shes pa dang / bcos pa'i 'dod chags spyod pa dang / ma bcos pa'i 'dod chags spyod pa dang / srel bzhi'i 'dod chags spyod pa dang / lta ba'i 'dod chags spyod pa dang / mi zad pa'i 'dod chags spyod pa dang / 'jam pa'i 'dod chags spyod pa dang / yang ba'i 'dod chags spyod pa dang / kun rdzob kyi 'dod chags spyod pa dang / sbyor ba'i 'dod chags spyod pa dang / bsam pa'i 'dod chags spyod pa dang / lhag pa'i bsam pa'i 'dod chags spyod pa dang / 'chal pa'i 'dod chags spyod pa dang / mtshan nyid kyi 'dod chags spyod pa dang / mtshan nyid mi mthun pa'i 'dod chags spyod pa dang / rnam par bzhag pa'i 'dod chags spyod pa dang / sngon gyi mtha'i rkyen gyi 'dod chags spyod pa dang / phyi ma'i mtha'i rkyen gyi 'dod chags spyod pa dang / da ltar byung ba'i rkyen gyi 'dod chags spyod pa dang / sems can nang du 'dod chags la phyi rol tu 'dod chags med pa yang yod/ sems can phyi rol/ tu 'dod chags la nang du 'dod chags med pa yang yod/ sems can nang du yang 'dod chags la phyi rol tu yang 'dod chags pa yang yod/ sems can nang du la 'dod

  195. 276b

    chags med la phyi rol tu yang 'dod chags med pa yang yod/ sems can gzugs la 'dod chags la sgra dang / dri dang / ro dang / reg pa la 'dod chags pa med pa ya yod/ sgra la 'dod chags la gzugs dang / sgra dang / dri dang / ro dang / reg bya la 'dod chags pa med pa yang yod/ dri la 'dod chags la gzugs dang / sgra dang / dri dang / ro dang / reg pa la 'dod chags pa med pa yang yod/ ro la 'dod chags la gzugs dang / sgra dang / dri dang / ro dang / reg pa la 'dod chags pa med pa yang yod/ sems can reg pa la 'dod chags la gzugs dang / sgra dang / dri dang / ro la 'dod chags med pa yang yod de/ 'di ni sems can 'dod chags spyod pa rnams kyi 'jug pa ste/ 'jug pa'i sgo 'dis sems can rnams kyi 'dod chags la spyod pa stong phrag nyi shu rtsa cig go// sems can rnams kyi zhe sdang la spyod pa yang stong phrag nyi shu rtsa gcig go/ sems can rnams kyi gti mug la spyod pa yang stong phrag nyi shu rtsa cig go/ sems can rnams kyi cha mnyam pa la spyod pa yang stong phrag nyi shu rtsa cig ste/ gang sems can gyi spyod pa stong phrag brgyad bcu rtsa bzhi po de dag sems kyi 'jug pa dang / 'bab shes pa dang / so so ci rigs par ston pa shes pa dang / das las mi mnga' bar shes pa dang / snod kyi bye brag ji lta bzhin du shes pa dang / 'bras bu yod par chos snyan pa shes pa dang / ma chad ma lhag par chos

  196. 277a

    rna zas/ @#snyan pa de ni chos so so yang dag par rig pa zhes bya'o// de la nges pa'i tshig so so yang dag par rig pa gang zhe na/ gang sems can thams cad kyi skad la 'jug pa shes pa ste/ lha'i skad dang / klu'i skad dang / gnod sbyin gyi skad dang / dri za dang / lha ma yin dang / namakha' lding dang / mi 'am ci dang / lto 'phye chen po dang / mi dang / mi ma yin pa'i skad la 'jug pa ste/ mdor na ji snyed du 'gro ba lngar skyes pa'i sems can rnams kyi skad dang / sgra dang / dbyangs dang / tshig gi lam dang / nges pa'i tshig dang / brda' dang / spyod pa ji snyed pa de dag thams cad rab tu shes te/ shes nas kyang sgra de dang de dge dang / nges pa'i tshig de dang de dag gis sems can de dang de dag la sgra la 'jug pa ji lta ba bzhin du chos ston te/ 'di ni nges pa'i tshig so so yang dag par rig pa zhes bya'o// gzhan yang nges pa'i tshig so so yang dag par rig pa ni chos 'di dag 'di lta bur rtag par bya'o// chos 'di dag 'di lta bur brtul bar bya'o// chos 'di dag 'di lta bur khong du chud par bya/ chos 'di dag 'di lta bur yi ges brtan par bya'o// zhes des cig gi tshig kyang shes/ gnyis kyi tshig kyang shes/ mang po'i tshig kyang shes/ skyes pa'i tshig kyang shes/ bud med kyi tshig kyang shes/ ma ning gi tshig kyang shes/ 'das pa'i tshig kyang shes/

  197. 277b

    ma 'ongs pa'i tshig kyang shes/ da ltar byung ba'i tshig kyang shes/ yi ge cig sgro btags pa yang shes/ yi ge du mar sgro btags yang shes/ sgro btags pa med pa yang shes/ 'di ni nges pa'i tshig so so yang dag par rig pa'o// gzhan yang nges pa'i tshig gis chos thams cad 'gog pa la tshig gis chos smra ba 'di ni nges pa'i tshig so so yang dag par rig pa zhes bya'o// de'i nges pa'i tshig de ni thogs pa med pa/ 'phrul pa med pa/ shin tu rnam par bzhag pa/ zlos pa med pa/ mi drag pa/ mi brtan pa/ zur phyin pa/ rnam par gsal ba/ don dang / yi ges bskor ba ji ltar 'khor tshim par byed pa rnam pa sna tshogs pa zab mor snang ba kun rdzob dang / don dam pas brgyan pa/ rang gi sems dang / shes pa dang / lta ba brtogs pa/ sangs rgyas kyi bka' stsal pa/ sems can thams cad mgu bar byed pa ste/ 'di ni nges pa'i tshig so so yang dag par rig pa zhes bya'o// de la spobs pa so so yang dag par rig pa gang zhe na/ 'di lta ste/ chags pa/ med par lung sgo bstan pa shes pa dang / mtshangs pa med par lung sgo ba/ bstan pa shes pa dang / thogs pa med par lung sgo ba/ bstan pa shes pa dang / spobs pa myur ba dang / spobs pa grags pa dang / spobs pa 'gyogs pa dang / spobs pa 'bras bu yod pa dang / ji ltar dris pa bzhin du spobs pa dang /

  198. 278a

    zo zos/ lan thebs pa'i spobs pa dang / spobs pa mi 'bri ba dang / shin tu 'brel pa'i spobs pa dang / rtogs pa'i spobs pa dang / chos/ la dga' ba'i spobs pa dang / bzod pa'i stobs la gnas pa'i spobs pa dang / zab mo la spobs pa dang / sna tshogs kyi spobs pa dang / kun rdzob dang / don dam pa la spobs pa dang / sbyin pa dang / tshul khrims dang / bzod pa dang / brtson 'grus dang / bsam gtan dang / shes rab la spobs pa dang / sangs rgyas kyi chos thams cad kyi tshig rab tu dbye ba la bstan pa la spobs pa dang / dran pa nye bar bzhag pa dang / yang dag par spong ba dang / rdzu 'phrul gyi rkang pa dang / dbang po dang stobs dang / byang chub kyi yan lag dang / lam zab mo la spobs pa dang / zhi gnas dang / lhag mthong la spobs pa ste/ spobs pa so so yang dag par rig pa zhes bya ba ni/ gang nges pa'i tshig la rtogs pa'i tshig gi chos shes pa dang / bsam gtan dang / rnam par thar pa dang / ting nge 'dzin dang / snyoms par 'jug pa dang / ba dang / bden pa la 'jug pa shes pa'i spobs pa'o// theg pa thams cad la spobs pa'o// yang dag pa ji lta ba bzhin du bstan pas sems can thams cad kyi sems kyi spyod pa tshim par bya ba la spobs pa ste/ mi 'dor/ mi tshul ba'i tshig dang / mi rung ba'i tshig dang / brtan pa'i tshig dang / mi rtsub pa'i tshig dang / snum pa'i

  199. 278b

    tshig dang / dag pa'i tshig dang / rab tu grol ba'i tshig dang / ma 'dzings pa'i tshig dang / zur phyin pa'i tshig dang / nges pa'i tshig dang / mi g.yo ba'i tshig dang / mi rgod pa'i tshig dang / zhi ba'i tshig dang / bzung ba'i tshig dang / mnyan pa'i tshig dang / ldan pa'i tshig dang / tha ba med pa'i tshig dang / shin tu rigs pa'i tshig dang / ma tshang ba med pa'i tshig dang / snyan pa'i tshig dang / 'jam pa'i tshig dang / ma smad pa'i tshig dang / shin tu sdud pa'i tshig dang / 'phags pa thams cad kyis rab tu bsngags pa'i tshig ste/ zhing mtha' yas par go bar byed pa'i rjes su song ba'i dbyangs dang / tshangs pa'i sgra skad la rtogs cing go bar byed pa'i rjes su song ba'i dbyangs dang / sangs rgyas kyis bka' stsal ba'i spobs pas sems can gzhan dang / gang zag gzhan gyi dbang po mchog dang / mchog ma yin pa shes pas ches ston te/ de'i chos ston pa de yang de byed pa yang dag par sdug bsngal zad pa'i phyir 'byung bar 'gyur te/ 'di ni spobs pa so so yang dag par rig pa zhes bya'o// 'di ni btsun pa sha ra dwa ti'i bu/ byang chub sems dpa' rnams kyi so so yang dag par rig pa bzhi mi zad pa'o// gzhan yang btsun pa sha ra dwa ti'i bu/ byang chub sem dpa' rnams kyi ston pa bzhi yang mi zad pa ste/ bzhi gang zhe na/ 'di lta ste/ don la rton gyi/ yi ge la mi ston pa dang / ye shes la rton gyi/ rnam par shes pa la

  200. 279a

    @mi ston pa dang / nges pa'i don gyi mdo la ston gyi/ drang ba'i don gyi mdo la mi ston pa dang / chos nyid la ston gyi/ gang zag la mi ston pa'o// de la don ni gang / yi ge ni gang zhe na/ yi ge zhes bya ba ni gang 'jig rten gyi chos dang / bya ba la 'jug pa ston pa'o// don ces bya ba ni gang 'jig rten las 'das pa'i chos rtogs pa'o// yi ge zhes bya ba ni/ gang sbyin pa dang / dul ba dang / sdom pa dang / nges par bstan pa'o// den ces bya ba ni/ gang sbyin pa dang / dul ba dang / sdom pa dang / nges pa'i mnyam pa nyid zhes bya'o// yi ge zhes bya ba ni/ gang 'khor ba'i nye ba bsgrags shing brjod pa'o// don ces bya ba ni/ gang 'khor ba la mi dmigs par rtogs pa'o// yi ge zhes bya ba ni/ gang mya ngan las 'das pa'i yon tan dang / legs pa brjod pa'o// don ces bya ba ni/ gang rang bzhin gyis mya ngan las 'das pa'i chos thams cad la rnam par mi rtog pa'o// yi ge zhes bya ba ni/ theg pa gang yang dag pa ji lta rnam par bzhag pa bzhin du ston pa'o// don ces bya ba ni/ gang chos kyi dbyings dbyer med cing tshul gcig la 'jug pa shes pa'o// yi ge zhes bya ba ni/ bdog pa thams cad yangs su gtong bar bstan pa'o// don ces bya ba ni/ gang 'khor gsum yongs su dag par shes pa'o// yi ge zhes bya ba ni/ gang lus dang / ngag dang / yid kyi/

  201. 279b

    bsdom pa dang / tshul khrims dang / bslab pa dang / sbyangs pa'i yon tan dang / yo byad bsnyungs pa thams cad yang dag par len par bstan pa'o// don ces bya ba ni/ gang lus dang / ngag dang / yid mi dmigs pa dang / sdom pa dang / tshul khrims dang / bslab pa dang / sbyangs pa'i yon tan dang / yo byad bsnyungs pa yang dag par blang ba bstan pa yongs su dag par shes pa'o// yi ge zhes bya ba ni gnod sems kyi za ba dang / nyes pa dang / khro ba dang / khon du 'dzin pa dang / nga rgyal dang / rgyags pa dang / dregs pa thams cad rab tu 'joms shing bzod pa dang / stobs dang nges pa bstan pa'o// don ces bya ba ni gang mi skye ba'i chos la bzod pa thob pa'o// yi ge zhes bya ba ni dge ba'i rtsa ba thams cad yang dag par bsgrub pa la brtson 'grus brtsam par bstan pa'o// don ces bya ba ni gang blang ba dang dor ba la mi gnas pa'i brtson 'grus so// yi ge zhes bya ni gang bsam gtan dang / rnam par thar pa dang / ting nge 'dzin dang / snyoms par 'jug pa bstan pa'o// don ces bya ba ni gang 'gog pa'i snyoms par 'jug pa shes pa'o// yi ge zhes bya ba ni gang 'gog pa'i snyoms par 'jug pa shes pa'o// yi ge zhes bya ba ni gang thos pa thams cad 'dzin pa shes rab kyi rtsa ba'o// don ces bya ba ni gang brjod du med pa'i don shes pa'o// yi ge zhes bya ba ni gang byang chub kyi phyogs sum

  202. 280a

    tho zos #/ bcu rtsa bdun gyi chos yang dag par bstan pa'o// don ces bya ba ni byang chub kyi phyogs bsgrub pa'i 'bras bu mngon du byed pa'o// yi ge/ zhes bya ba ni gang sdug bsngal ba dang / kun 'byung ba dang / lam yang dag par rab tu bstan pa'o// don ces bya ba ni 'gog pa'i 'bras bu mngon sum du byed pa'o// yi ge zhes bya ba ni gang ma rig pa la sogs pa rga shi'i bar du yang dag par bstan pa'o// don ces bya ba ni gang ma rig pa 'gog pa nas rga shi 'gog pa'i bar du'o// yi ge zhes bya ba ni gang zhi gnas dang / lhag mthong gi tshogs bstan pa'o// don ces bya ba ni gang rig pa dang / rnam par grol ba'i ye shes so// yi ge zhes bya ba ni gang 'dod chags dang / zhe sdang dang / gti mug dang / cha mnyam par spyod pa'i sems can rnams la bstan par bya'o// don ces bya ba ni/ gang sems can rnams grol ba mi 'khrugs pa'i ye shes so// yi ge zhes bya ba ni gang sgrib pa dang sgrib par 'gyur ba'i chos rnams yang dag par bstan pa'o// don ces bya ba ni sgrib pa med pa'i ye shes dang rnam par thar pa'o// yi ge zhes bya ba ni gang dkon mchog gsum gyi yon tan dang / bsngags pa mtha' yas pa bstan pa'o// don ces bya ba ni gang sangs rgyas kyi chos kyi sku mthong ba dang / 'dod chags dang bral zhing 'gog pa'i chos nyid dang / 'dus ma byas kyi sangs rgyas dang

  203. 280b

    chos dang dge 'dun gyi yon tan sgrub pa'i ye shes so// yi ge zhes bya ba ni gang thog ma sems bskyed pa nas bzung ste byang chub sems dpa'i yon tan gyi tshogs ston pa'o// don ces bya ba ni gang sems kyi skad cig ma cig dang ldan pa'i shes rab kyi thams cad mkhyen pa'i ye shes mngon par rdzogs par 'tshang rgya ba ste/ mdor na gang chos kyi phung po stong phrag brgya bcu rtsa bzhi bstan pa 'di ni yi ge zhes bya'o// gang sems can thams cad kyi don dang / yi ge dang snang bar byed pa brjod du med pa'i don de ni don te/ 'di ni don la ston gyi yi ge la mi ston pa zhes bya'o// de la rnam par shes pa ni gang / ye shes ni gang zhe na/ rnam par shes pa zhes bya ba'i rnam par shes pa gnas pa bzhi ste/ bzhi gang zhe na 'di lta ste/ rnam par shes pa gnas pa na/ gzugs la nye bar 'gro zhing gnas so// rnam par shes pa gnas pa na tshor ba la nye bar 'gro ba dang / 'du shes la nye bar 'gro ba dang / 'du byed la nye bar 'gro zhing gnas pa ste/ 'di ni rnam par shes pa zhes bya'o// de la ye shes gang zhe na/ gang phung po bzhi la gnas pa'i rnam par shes pa'i phung po kun shes pa ste/ 'di ni ye shes zhes bya'o// gzhan yang rnam par shes pa ni sa'i khams rnam par shes pa dang / chu'i khams dang / me'i khams dang / rlung gi khams rnam par shes pa 'di ni rnam par shes pa zhes bya'o// gang khams rnam

  204. 281a

    thos@pa bzhi po 'di dag la gnas pa'i rnam par shes pa la chos kyi dbyings dbyer med par shes pa 'di ni ye shes zhes bya'o// gzhan yang rnam bar shes pa ni gang / mig gis shes par bya ba'i gzugs rnam par rig pa dang / de bzhin du rna bas rnam par shes par bya ba'i sgra rnams dang / snas shes par bya ba'i dri rnams ldes shes par bya ba'i ro rnams dang / lus kyi shes par bya ba'i reg bya rnams dang / yid kyi shes par bya ba'i chos rnams la/ rnam par rig pa 'di ni rnam par shes pa zhes bya'o// gang yang nang nye bar zhi zhing phyi rol du rgyu ba med pa dang / ye shes la ston pas chos gang la mi rtog/ rnam par mi rtog pa 'di ni/ ye shes zhes bya'o// gzhan yang dmigs pa las rnam par shes po bskyed pa dang / yid la byed pa las rnam par shes pa skye ba dang / kun du rtog pa las rnam par shes pa skye ba 'di ni rnam par shes pa zhes bya'o// gang yang 'dzin pa med pa dang / snyems pa med pa dang / dmigs pa med pa dang / rnam par rig pa med pa dang / rtog pa med pa 'di ni ye shes zhes bya'o// gzhan yang 'dus byas rgyu ba'i chos la rnam par shes pa skye ba ste/ 'dus ma byas la ni rnam par shes pa rgyu ba med pa'o// gang 'dus ma byas la shes pa de ni ye shes so// gzhan yang skye ba dang / 'jig pa la gnas pa rnam par shes pa'o// mi skye ba dang mi 'gag pa la gnas pa ni/ ye shes/

  205. 281b

    la ston gyi rnam par shes pa la mi ston pa zhes bya'o// de nas nges pa'i don gyi mdo ni/ gang drang ba'i don gyi mdo ni gang zhe na/ mdo gang lam la 'jug par bstan pa de dag ni drang ba'i don ces bya'o// mdo gang 'bras bu la 'jug pa'i phyir bstan pa de dag ni nges pa'i don ces bya'o// mdo gang kun rdzob sgrub par bstan pa de dag drang ba'i don ces bya'o// mdo gang don dam par bstan pa de dag ni nges pa'i don ces bya'o// mdo gang las kyi bya ba la 'jug pa bstan pa de dag drang ba'i don ces bya'o// mdo gang las dang nyon mongs pa zad par bya ba'i phyir bstan pa de dag ni nges pa'i don ces bya'o// mdo gang kun nas nyon mongs pa bshad pa'i phyir bstan pa de ni drang ba'i don ces bya'o// mdo gang rnam par byang ba yongs su byang bar bya ba'i phyir bstan pa de dag ni nges pa'i don no// mdo gang 'khor ba la skyo bar bya ba bstan pa de dag ni drang ba'i don no// mdo gang 'khor ba dang mya ngan las 'das pa gnas pa gnyis su med par 'jug pa de dag ni nges pa'i don ces bya'o// mdo gang tshig dang yi ge dang sna tshogs su bstan pa de dag drang ba'i don ces bya'o// mdo gang zab mo lta dka' ba bstan pa de dag ni nges pa'i don ces bya'o// mdo gang tshig dang yi ge mang zhing sems can gyi sems dpa' bar bya ba bstan pa de dag ni drang ba'i don ces bya'o// mdo gang tshig dang yi ge nyung la sems nges par rtogs par byed pa de

  206. 282a

    dag ni nges pa'i don ces bya'o// mdo gang bdag dang / sems can dang / srog dang / gso ba dang / skyes bu dang / gang zag dang shed las/ skyes pa dang / shed bdag dang / byed pa po dang / tshor ba po dang / sgra rnam pa sna tshogs su bshad pa dang / bdag po med pa la bdag po dang / bcas par bstan pa de dag ni drang ba'i don ces bya'o// mdo gang stong pa nyid dang / mtshan ma med pa dang / smon pa med pa dang / mngon par shes mi byed pa dang / ma skyes pa dang / ma byung ba dang / dngos po med pa dang / bdag med pa dang / sems can med pa dang / srog med pa dang / gang zag med pa dang / bdag po med pa dang / rnam par thar pa'i sgo'i bar du rten pa de dag ni nges pa'i don ces bya ste/ 'di ni nges pa'i don gyi mdo la rten gyi/ drang ba'i don gyi mdo la mi ston pa zhes bya'o// de la chos nyid ni gang dang gang zag ni gang zhe na/ gang zag tu lta ba la gnas te gang chos kha cig la brtsom pa 'di dag ni gang zag ces bya'o// gang zag tu lta ba de'i rtsom yongs su shes pa 'di ni chos nyid ces bya'o// gzhan yang so so'i skye bo'i dge ba'i gang zag dang / dad pa'i phyir 'gro ba'i gang zag dang / chos kyi phyir 'gro ba'i gang zag dang / brgyad pa'i gang zag dang / rgyun tu zhugs pa'i gang zag dang / lan cig phyir 'ong ba'i gang zag dang / phyir mi 'ong ba'i gang zag dang / dgra bcom pa'i gang zag dang / rang sangs rgyas kyi gang zag dang / byang chub sem

  207. 282b

    dpa'i gang zag dang / gang zag cig 'jig rten du 'byung ba na/ skye bo mang po la phan pa dang / skye bo mang po la bde ba dang / 'jig rten la snying rtse ba dang / lha dang mi'i skye bo bal po che'i don gyi phyir bde ba lha dang mi rnams kyi ston pa/ sangs rgyas bcom ldan 'das gang gcig pu 'jig rten du 'byung ste/ de ni gang zag ces bya'o// gang zag gi sgra de dag thams cad ni de bzhin gshegs pas kun rdzob kyi tshig gis gnas kyis sems can rnams drang ba'i phyir bstan pa ste/ de la gang mngon par chags pa de dag ni ston pa ma yin pa zhes bya ste/ de dag ston pa la bzud pa'i phyir/ bcom ldan 'das kyis kyang chos 'di la ston par gyis shig/ gang zag gi phyir ni ma yin no zhes gsungs so// de la chos nyid gang zhe na 'di lta ste/ 'gyur ba med pa dang / sgro gtags pa dang / bya ba med pa dang / rnam par byang ba med pa dang / mi gnas pa dang / rab tu gnas pa dang / rtsa ba med pa dang / thams cad du mnyam pa dang / mnyam pa la mnyam pa dang / mi mnyam pa la mnyam pa dang / mnyam pa dang mi mnyam pa la mnyam pa dang / rtog pa med pa dang / chos thams cad la skyon med pa rnyed pa dang / shin tu na mkha'i ngo bo nyid dang / mtshan nyid 'di ni chos nyid ces bya'o// de la gang chos nyid la ston pa de dag ni khams gang la yang mi ston to// de bas na chos kyi sgo'i tshul

  208. 283a

    zo zosal 'jug pa 'dis chos thams cad kyang chos nyid du 'gyur ro// 'di ni chos nyid la mi ston gyi gang zag la mi ston pa zhes bya ste/ 'di dag ni btsun pa sha ra dwa ti'i bu/ byang chub sems dpa' rnams kyi ston pa bzhi mi zad pa'o// gzhan yang btsun pa sha ra dwa ti'i bu/ byang chub sems dpa' rnams kyi bsod nams dang ye shes kyi tshogs kyang mi zad pa yin te/ de na byang chub sems dpa' rnams kyi bsod nams kyis tshogs mi zad pa gang zhe na/ 'di lta ste/ sbyin ba'i bsod nams bya ba'i dngos po dang / tshul khrims dang bsgom pa'i bstod nams bya ba'i dngos po dang / byams pa'i sems la snyoms par 'jug pa dang / snying rje chen po'i sbyor ba dang / dge ba thams cad bdag dang gzhan gyi sdig pa bshags pa dang / slob pa dang mi slob pa thams cad dang / rang sangs rgyas dang / thog ma sems bskyed pa dang / phyir mi ldog pa dang / skye ba gcig gis thogs pa'i byang chub sems dpa' rnams kyi dus gsum du yang dag par bsgrubs pa'i bsod nams thams cad la rjes su yi rang ba dang ldan pa'i bsod nams bya ba'i dngos po dang / slob pa dang mi slob pa thams cad dang / rang sangs rgyas dang / thog ma sems bskyed pa dang // phyir mi ldog pa dang skye ba gcig gis thogs pa'i byang chub sems dpa' rnams kyi byang chub tu sems bskyed pa la rjes su yid rang ba dang ldan pa'i bsod nams bya ba'i dngos po dang /

  209. 283b

    'das pa dang ma 'ongs pa dang / da ltar byung ba'i sangs rgyas bcom ldan 'das rnams kyi dge ba'i rtsa ba thams cad la rjes su yid rang ba dang ldan pa'i bsod nams bya ba'i dngos po dang / sangs rgyas thams cad dang / byang chub sems dpa' thams cad dang / 'phags pa thams cad dang / slob pa dang mi slob pa thams cad la chos kyi sbyin pa gsal ba dang / tshe sring bar gsol pa dang / ldan pa'i bsod nams bya ba'i dngos po dang / dge ba'i rtsa ba thams cad la rjes su yid drang ba dang / bskal pa dang / gsol ba'i dge ba'i rtsa ba bsags pa rnams dang / byang chub tu sngo ba dang ldan pa'i bsod nams bya ba'i dngos po dang / sems can byang chub tu sems ma bskyed pa rnams byang chub tu sems bskyed ba dang / byang chub tu sems bskyed pa rnams la/ pha rol du phyin pa'i ma bstan pa dang / sems can phongs pa rnams la longs spyod kyis yang dag par bsdud pa dang / sems can nad pa rnams la sman sbyin zhing g.yo med par rim gro byed pa dang / mthu chung ba la bzod pa bsgom pa dang / ltung ba mi 'chab pa dang / sdig pa 'chags pa dang / sangs rgyas bcom ldan 'das bzhugs pa dang / yongs su mya ngan las 'das pa rnams la mchod pa dang / bsnyen bkur thams cad byed pa dang / mkhyen po dang / slob dpon la ston pa bzhin du dga' ba dang / chos rnams la rin thang med pa'i rin po che tshol ba ltar brtson pa dang / chos smra ba rnams la sangs rgyas bzhin du dga' ba dang / dpag tshad

  210. 284a

    zo bros/ @brgyar yang song nas dam pa'i chos mnyan pa la mi ngoms pa dang / chos la slob dpon 'chab pa med pa dang / zang zing med par sbyin pa dang / chos la rin thang med pa'i rin po che bzhin du 'phangs pa dang / pha ma la bsnyen bkur byed pa dang / byas pa bzo ba dang / byas pa tshor ba dang / byas nas 'gyod pa med pa dang / bsod nams bsags pas mi ngoms pa dang / lus bsdams pas lus kyi tshul 'chos pa med pa dang / ngag bsdams pas yid kyi tshul 'chos pa med pa dang / yid bsdams pas yid kyi tshul 'chos pa dang / de bzhin gshegs pa'i mchod rten rab tu 'jog pas tshangs pa'i bsod nams kun 'dzin pa dang / gtan med pa'i mchod sbyin gtong bas mtshan yongs su rdzogs par byed pa dang / dge ba'i rtsa ba'i tshegs sna tshogs bsags pas dpe byad bzang po yongs su rdzogs par byed pa dang / nga rgyal med pas lus brgyan pa dang / ngag gi nyes pa thams cad spangs pas ngag brgyan pa dang / sems can thams cad la khong khro ba med pa'i sems kyis sems brgyan pa dang / mngon par shes pas rnam par 'phrul pas sangs rgyas kyi zhing brgyan pa dang / 'dod chags dang bral ba'i chos kyis chos brgyan pa dang / phra ma med pa dang / zhe gcod pa med pa dang / 'byed pa'i tshig mi smra bas 'khor brgyan pa dang / bstan pa la ser sna med par byed pas chos bzung bar 'gyur ba dang / legs so zhes bya ba sbyin

  211. 284b

    pas rab tu dga' ba dang / gus pas chos nyan pa dang / legs par bshad pa brjod pas 'bras bu yod par chos ston pa dang / sangs rgyas bcom ldan 'das la brtul zhags kyis nags tshal phul bas sgrib pa spong zhing byang chub kyi shing gi rgyun du gyur pa dang / sangs rgyas bcom ldan 'das rnams kyi dge ba'i rtsa ba thams cad kyi sngon du 'gro bas byang chub kyi snying po'i brgyan du 'gyur ba dang / las dang nyon mongs pa thams cad kyis mi gos pas/ tshe dang shi 'phos yongs su dag pa dang / rin po che dang / sdug pa'i dngos po thams cad la mi lta bar kun gtong bas/ lag na rin po che rab tu thob pa dang / gter mi zad pa rab tu sbyin pas longs spyod mi zad pa dang / gzhin 'dzum zhing khro gnyer med pas sems can rnams mthong ma thag tu dga' bar 'gyur ba dang / sems can thams cad la 'od zer mnyam par gtong bas/ mnyam pa nyid kyi rnam pa thob pa dang / ma lobs pa'i sems can zil gyis mi gnon pas 'od bkod pa gtong ba dang / tshul khrims kyis bsod nams bsags pa'i skye ba yongs su dag pa dang / ltung ba brtsod par mi byed pas mngal gyi gnas yongs su dag pa dang / dge ba bcu'i las kyi lam yongs su dag pas lha dang mir skye ba dang / bstan pa thams cad la rnam par mi rtog pas/ rnam par gnon pa don yod pa dang / chos thams cad la slob dpon 'chab pa med chos thams cad la dbang 284'a1(mdo sde): de la ma chags par gnas pa dang / tshul khrims la mi lhod pa dang / brtson pa mi gtong ba dang / bye brag tu 'gro ba dang / 'du 'dzi la mi 284'a2(mdo sde): dga' ba dang / gcig pu dga' ba dang / dgon pa la mngon du phyogs shing yid la byed pa dang / 'phags pa'i rigs kyis mchog shes pa dang / spangs pa'i yon tan/ 284'a3(mdo sde): las mi g.yo ba dang / chos kyi dga' ba la dga' zhing mos pa dang / 'jig rten pa'i sngags dran par mi byed pa dang / 'jig rten las 'das pa'i chos tshol ba dang / 284'a4(mdo sde): dran pa nyams pa med pa dang / don rtogs pa'i ye shes su 'gro ba dang / blo gros kyi khams dang mthun pa dang / bstan pas sdom pa dang / rkyen gyi ye shes kyi rjes 284'a5(mdo sde): su 'gro ba dang / khrel ba dang / ngo tsha bas brgyan pa dang / ye shes kyi rjes su 'gro ba lhur byed pa dang / mi shes pa sel ba dang / ma rig pa dang / gti mug gi mun 284'a6(mdo sde): pa dang / rab rib kyi mun pas chod pa gsal ba dang / shes rab kyi mig rnam par dag pa dang / blo shin du rnam par dag pa dang / blo rgya che ba dang / blo ma zhum pa dang / 284'a7(mdo sde): blom gyis pa dang / blo gsal ba dang / mngon sum du shes pa dang / yon tan gzhan la rag ma lus pa dang / bdag gi yon tan mi snyems pa dang / gzhan gyi yon 284'a8(mdo sde): tan kun brjod pa dang / legs par bya ba'i las byed pa dang / las kyi rnam par smin pa dang / 'gal bar mi byed pa dang / las yongs su dag pa'i ye shes 'di ni 284'b1(mdo sde): btsun pa sha ra da ti'i bu/ byang chub sems dpa' rnams kyi ye shes kyi tshogs mi zad pa zhes bya'o// gzhan yang ye shes kyi tshogs rnam pa bzhi ste/ rnam pa/ 284'b2(mdo sde): bzhi gang zhe na/ sbyin pa bzhi po 'di dag ye shes kyi tshogs rab tu sogs par 'gyur te/ bzhi po gang zhe na 'di lta ste/ chos smra ba rnams la gro ga dang / smyu gu dang / 284'b3(mdo sde): snag tsha dang / glegs bam sbyin pa dang / chos smra ba rnams la chos stan sna tshogs sbyin pa dang / chos smra ba rnams la rnyed pa dang / bkur sti dang / tshigs su bcad pa 284'b4(mdo sde): sbyin pa dang / chos smra ba rnams la chos kun bsdu ba'i phyir g.yo med par legs so zhes bya ba byin te/ sbyin pa bzhi po 'di dag ni ye shes kyi tshogs rab tu sog par 284'b5(mdo sde): 'gyur ro// srung ba bzhi po 'di dag ni byang chub sems dpa' rnams kyi ye shes kyi tshogs sog par 'gyur te/ bzhi gang zhe na 'di lta ste/ chos smra ba rnams rje 284'b6(mdo sde): bo bzhin du srung ba dang / dge ba'i rtsa ba srung ba dang / yul dang ljongs kyi phyogs bsrung ba dang / phan pa'i dngos po srung ba ste/ srung ba bzhi po byang chub sems 284'b7(mdo sde): dpa' rnams kyi ye shes kyi tshogs sog par 'gyur ro// nye bar ston pa bzhi po 'di dag ni byang chub sems dpa' rnams kyi ye shes kyi tshogs sogs par 284'b8(mdo sde): 'gyur te/ bzhi gang zhe na 'di lta ste/ chos smra ba rnams la zang zing gis brtan pa dang / chos bstan pa dang / shes rab bstan pa dang / ye shes

  212. 285a

    ba dang bsam pa yongs su dag pas 'jig rten thams cad dbang ba dang / sems can yongs su sbyong bas rang gi sangs rgyas kyi zhing longs su sbyangs pa dang / las kyi rnam par smin pa la rten pas lhag pa'i bsam pa yongs su dag pa dang / nyi rtse ba'i spyod pa mi 'dod pas sangs rgyas kyi chos rgya chen po la dad pa dang / thams cad mkhyen pa'i sems mi gtong bas/ bsod nams thams cad yongs su 'dzin pa dang / dad pa sngon du 'gro bas nor ba dun yongs su rdzogs bar 'gyur ba dang / lus dang srog la mi lta bar sangs rgyas kyi chos kun 'dzin pa dang / sngon gyi dam bcas pa sgrol bas 'jig rten thams cad mi slu ba dang / dge ba'i chos thams cad sngon du 'gro bas sangs rgyas kyi chos thams cad rdzogs par 'gyur ba dang / de ltar rgyu gang dang gang gis sangs rgyas kyi chos thams cad yongasu rdzogs par 'gyur ba'i rgyu de dang de dag yang dag par bsgrub pa 'di ni/ btsun pa sha ra dwa ti'i bu mdor na byang chub sems dpa' rnams kyi bsod nams kyi tshogs mi zad pa zhes bya ste/ rgya cher ni bskal pa 'am/ de bas kyang lhag par bshad do// de la byang chub sems dpa' rnams kyi ye shes kyi tshogs mi zad pa gang zhe na/ gang dang rkyen gang gis ye shes rtogs par 'gyur ba'i rgyu de dag dang / rkyen de dag byang chub sems dpas yang dag par sgrub ste/ de la rgyu ni gang // rkyen ni gang zhe na/ gang 'di ye shes yongs

  213. 285b

    su tshol ba la rab tu mos pa dang / ye shes rtogs pa'i dge ba'i bshes gnyen rnams la rtag tu brten pa dang / 'grogs pa dang / bsnyen bkur byed pa dang / gang yang / sangs rgyas kyi phyir 'brang zhing nyan thos dang / rang sangs rgyas kyi ye shes kyi phyir mi 'brang ba dang / dge ba'i bshes gnyen de dag la nga rgyal med cing bla ma bzhin du dga' ba dang / ston pa bzhin du dga' ba ste/ dge ba'i bshes gnyen de dag gis kyang 'di bsam pa phun sum tshogs pa'o// zhes rig nas yang dag par brjod pa dang / ye shes kyi gtam sgrub par byed do// snod da rig nas rgyan mi 'chad par phyi rol ma yin pa'i chos ston to// des chos de dag thos nas chos kyi tshogs la spor bar byed de/ gang chos kyi tshogs la sbyor ba de ni de'i ye shes kyi tshogs yin no// de la chos kyi tshogs su sbyor ba gang zhe na/ gang 'di don nyung ba dang / bya ba nyung ba dang / smra ba nyung ba dang / yo byad nyung ba dang / srod dang tho rangs la mi nyal zhing rnal 'byor brtson pa dang / thos pa'i don la rtog pa dang / yang dang yang tshol ba dang / sems la rnyog pa med pa dang / sgrib pa rnams gnon pa dang / ltung ba rnams las 'byung ba shes pa dang / 'gyod pa med pa dang / kun nas ldang ba med pa dang / nan tan snying por byed pa dang / chos la bzhol ba dang / chos la 'bab pa dang / mthu dang ldan pa dang / ye shes tshol ba la mgo'i thod la me 'bar ba lta bu dang / 285'a1(mdo sde): blo gros #brtan pa ste/ brtan pa bzhi po 'di dag ni byang chub sems dpa' rnams ye shes kyi tshogs sogs par 'gyur ro// stobs lnga po 'di dag 285'a2(mdo sde): ni byang chub sems dpa' rnams kyi ye shes kyi tshogs sogs par 'gyur te/ lnga gang zhe na 'di lta ste/ mos pa'i phyir dad pa'i stobs dang / thos pa tshol ba'i phyir 285'a3(mdo sde): brtson 'grus kyi stobs dang / byang chub kyi sems ma nyams pa'i phyir dran pa'i stobs dang / mnyam pa nyid kyi sems nges par rtog pa'i phyir ting nge 'dzin gyi stobs dang / 285'a4(mdo sde): thos pa'i stobs kyi phyir shes rab kyi stobs te/ stobs lnga po de dag ni byang chub sems dpa' rnams kyi ye shes kyi tshogs sogs par 'gyur ro// tshul khrims bzhi 285'a5(mdo sde): po 'di dag ni byang chub sems dpa' rnams kyi ye shes kyi tshogs sogs par 'gyur te/ bzhi gang zhe na 'di lta ste/ chos la rab tu dga' ba'i tshul khrims dang / 285'a6(mdo sde): chos yongs su tshol ba'i tshul khrims dang / chos kyi dbyings la nges par rtogs pa'i tshul khrims dang / byang chub tu bsngo ba'i tshul khrims te/ bzhi po de dag ni byang chub 285'a7(mdo sde): sems dpa' rnams kyi ye shes kyi tshogs bsags par 'gyur ro// bzod pa bzhi po 'di dag ni byang chub sems dpa' rnams kyi ye shes kyi tshogs sog par 'gyur te/ 285'a8(mdo sde): bzhi gang zhe na 'di lta ste/ chos tshol ba la brtson pas mi snyan pa dang / rab tu sba ba'i tshig gi lam la 'dod pa dang / chos tshol ba la brtson pa dang / rlung dang ni ma dang drang 285'b1(mdo sde): ba dang cha ba dang / bkres pa dang skom pa dang / bzod pa dang / chos tshol ba la brtson pas mkhan po dang / slob dpon gyi rjes su 'brang ba'i bzod pa dang / chos tshol 285'b2(mdo sde): ba la brtson pas stong pa nyid dang / mtshan ma med pa dang / smon pa med pa'i chos la bzod pa te/ bzod pa bzhi po de dag ni/ byang chub sems dpa' rnams kyi ye shes 285'b3(mdo sde): kyi tshogs sogs par 'gyur ro// brtson 'grus bzhi po 'di dag ni byang chub sems dpa' rnams kyi ye shes kyi tshogs sogs par 'gyur ro// bzhi gang zhe na/ 285'b4(mdo sde): nyan pa'i brtson 'grus dang / 'dzin pa'i brtson 'grus dang / 'i brtson 'grus dang / nan tan gyi brtson 'grus te/ brtson 'grus bzhi po de dag ni byang chub sems 285'b5(mdo sde): dpa' rnams kyi ye shes kyi tshogs sogs par 'gyur ro// bsam gtan gyi yan lag bzhi po 'di dag ni/ byang chub sems dpa' rnams kyi ye shes kyi 285'b6(mdo sde): bsog par 'gyur te/ bzhi gang zhe na/ 'di lta ste/ dben pa dang / rtse cig pa dang / bsam gtan dang / mngon par shes pa tshol ba dang / sangs rgyas kyi 285'b7(mdo sde): ye shes kyi phyir 'brang ba ste/ bsam gtan gyi yan lag bzhi po de dag ni/ byang chub sems dpa' rnams kyi ye shes kyi tshogs rdzogs par 'gyur ro// shes 285'b8(mdo sde): rab kyi snang ba bzhi po 'di dag ni/ byang chub sems dpa' rnams kyi ye shes kyi tshogs rdzogs par 'gyur te/ bzhi gang zhe na/ 'di lta ste/ chad pa la mi gnas

  214. 286a

    thos @pa dang / rtag pa la mi 'jug pa dang / rten cing 'brel bar 'byung ba dang / mi 'gal ba dang / bdag med pa la bzod pa ste shes rab kyi snang ba bzhi po de dag ni byang chub sems dpa' rnams kyi ye shes kyi tshogs rdzogs par 'gyur ro// thabs bzhi po 'di dag ni/ byang chub sems dpa' rnams kyi ye shes kyi tshogs rdzogs par 'gyur te/ bzhi gang zhe na 'di lta ste/ 'jig rten gyi rjes su 'jug pa dang / sems can gyi rjes su 'jug pa dang / chos kyi rjes su 'jug pa dang / ye shes kyi rjes su 'jug pa ste/ thabs bzhi po de dag ni byang chub sems dpa' rnams kyi ye shes kyi tshogs rdzogs par 'gyur ro// lam bzhi po 'di dag ni byang chub sems dpa' rnams kyi ye shes kyi tshogs rdzogs par 'gyur te/ bzhi gang zhe na 'di lta ste/ pha rol du phyin pa'i lam dang / sa'i lam dang / byang chub kyi phyogs kyi lam dang / thams cad mkhyen pa'i ye shes kyi lam te/ lam bzhi po de dag ni byang chub sems dpa' rnams kyi ye shes kyi tshogs rdzogs par 'gyur ro// mi ngoms ba bzhi po 'di dag ni byang chub sems dpa' rnams kyi ye shes kyi tshogs rdzogs par 'gyur te// bzhi gang zhe na/ 'di lta ste/ thos pas mi ngobs pa dang / bstan bas mi ngoms pa dang / spyod pas mi ngoms pa dang / shes pas mi ngoms pa dang / mi ngoms pa bzhi po de dag ni byang chub sems dpa' rnams kyi ye shes kyi

  215. 286b

    tshogs rdzogs par 'gyur ro// gzhan yang ye shes kyi tshogs ni/ gang sems can thams cad kyi rjes su 'gro ba dang / sbyin pa las kyang ye shes kyi tshogs su/ lha'o// de bzhin du tshul khrims dang / bzod pa dang / brtson 'grus dang / bsam gtan dang / shes rab las kyang ye shes kyi tshogs su lta'o// byams pa dang / snying rje dang / dga' ba dang / btang snyoms las kyang ye shes kyi tshogs su lta ste/ de ci'i phyir zhe na/ byang chub sems dpa'i brtsom pa ji snyed pa de dag thams cad ye shes kyis grub pa'o// ye shes sngon du 'gro ba'o// ye shes kyi phyir 'brang ba'o// thams cad mkhyen pa'i ye shes la gnas pa ste/ ye shes dang ldan pa thams cad bsten pa yin/ bdud thams cad kyis kyang de la klags mi snyed do// de la sangs rgyas kyi chos kyi snod thams cad kyang nye bar gnas pa yin te/ sangs rgyas kyi byin gyis brlabs kyis kyang thob bo// thams cad mkhyen pa'i ye shes kyang rab tu byin te/ 'di ni ye shes kyi tshogs mi zad pa zhes bya'o// 'di dag ni btsun pa sha rang ti \u0f7f/ byang chub sems dpa' rnams kyi bsod nams kyi tshogs dang / ye shes kyi tshogs mi zad pa'o// 'phags pa blo gros mi zad pa bstan pa// kham po// gzhan yang btsun pa sha ra da ti'i bu byang chub sems dpa' rnams kyi dran pa nye bar bzhag pa bzhi bsgom pa yang mi zad pa ste/

  216. 287a

    tho zas#bzhi gang zhe na/ gang 'di lus la lus kyi rjes su lta ba'i dran pa nye bar bzhag pa dang / tshor ba la tshor ba'i rjes su lta ba'i dran pa nye/ bar bzhag pa dang / sems la sems kyi rjes su lta ba'i dran pa nye bar bzhag pa dang / chos rnams la chos kyi rjes su lta ba'i dran pa nye bar bzhag pa'o// de la byang chub sems dpa'i lus la lus kyi rjes su lta ba'i dran pa nye bar bzhag pa ni/ ji ltar na byang chub sems dpa' lus la lus kyi rjes su lta zhing gnas she na/ de bdag gi lus dang / gzhan gyi lus la lus kyi rjes su lta zhing gnas te/ lus kyi sngon gyi mtha' la yang rtog/ lus kyi phyi ma'i mtha' la yang rtog/ lus kyi da ltar/ byung ba la yang rtog ste/ kye ma lus 'di ni phyin ci log las byung ba/ rgyu dang rkyen gyi grub pa/ tshor ba med pa byed pa med pa/ bdag po med pa/ 'dzin pa med brgyu dang rkyen rnams kyis 'byung ba 'di lta ste phyi rol gyi rtsa dang / shing gel ba dang / rtsi shing nags tshal 'di dag rgyu dang rkyen gyis gru byung zhing / tshor ba med pa/ byed pa med pa/ bdag po med pa/ yongs su 'dzin pa med pa'o// de bzhin du bdag gi lus 'di rtsa dang / shing gel ba dang / rtsi shing nags tshal dang / shing dang rtsig pa dang / lam dang / gzugs brnyen lta bu ste/ phung po dang / khams dang / skye mched kyi yongs su bzung ba/ tshor ba med pa/ byed pa med pa/ bdag po med pa/

  217. 287b

    'dzin pa med pa/ bdag dang bdag gi 'am/ rtag pa 'am/ brtan pa 'am/ ther zug gam/ mi g.yo ba 'am/ mi gnon pa 'am/ mi 'gyur ba'i chos can gyis stong ste/ lus 'di la bdag gir mi bya'i/ bdag gis lus snying po med pa 'dis/ snying po mngon par 'tshang brgya par bya'o// snying po de yang gang zhe na/ gang 'di de bzhin pa bye pa'i sku ste/ bdag gis de bzhin gshegs pa'i sku/ chos kyi sku/ rdo rje'i sku/ mi shigs pa'i sku/ brtan pa'i sku/ khams gsum thams cad las bye brag tu 'phags pa'i sku de bdag gis sgrub par bya'o// bdag gi lus nyes pa du ma'i skyon chags mod kyi/ 'on kyang de bzhin gshegs pa'i sku nyes pa thams cad dang bral bar rab tu thob par bya'o// des legs pa mthong bas na/ so sor rtog pa'i stobs kyis 'byung ba chen po'i gnas kyi lus la spong ngo // bdag gi lus 'di yang sems can thams cad kyi bya ba ci yod pa la zad par bya'o// 'di lta ste/ phyi rol gyi sa'i khams dang / chu'i khams dang / me'i khams dang // rlung gi khams dang / 'byung ba bzhi po de dag sgo sna tshogs dang / rnam pa sna tshogs dang / dmigs pa sna tshogs dang / rnam grangs sna tshogs dang / yo byad sna tshog dang / longs spyod sna tshogs kyi sems can thams cad kyi nye bar spyod pa dang / kun spyod par 'gyur te/ de bzhin du bdag gi lus 'byung ba chen po bzhi la gnas

  218. 288a

    thosapa 'di yang sgo sna tshogs dang / rnam grangs sna tshogs dang / dmigs pa sna tshogs dang / yo byad sna tshogs dang / longs spyod sna tshog/ kyis cher sems can thams cad kyi longs spyod du 'gyur bar bya'o// zhes des don gyi dbang 'di mthong bas lus la sdug bsngal bar yang rtog cing / sems can la lta ba'i phyir lus kyi sdug bsngal gyis kyang yongasu mi skye'o// lus la mi rtag par rtog cing / skye ba dang shi 'pho bas kyang yongs su mi skye'o// lus la bdag med par rtog cing sems can thams cad yongs su smin par bya ba'i phyir kyang yongs su mi skyo'o// lus la zhi bar rtog cing lus zhi ba'i phyir btang snyoms su yang mi ltung ngo // lus la stong pa nyid dang / mtshan ma med pa dang / smon pa med pa dang / dben par yang rtog la/ lus kyi stong pa nyid dang / mtshan ma med pa dang / smon pa med pa dang / dben pa'i mthar kyang mi ltung ngo // de bzhin du lus la mngon par 'ang mi byed pa dang / mi skye ba dang / ma byung ba dang / dngos po med pa dang / ji lta ba bzhin du rnam par dag par kyang rtog la lus mngon par 'du mi byed pa dang / mi skye ba dang / ma byung ba dang / dngos po med pa dang / ji lta ba bzhin du rnam par dag pa'i mtha' yang mi ltung ngo // lus tshor ba med pa dang / lus byed pa med pa dang / lus la bdag po med pa dang / lus 'dzin pa med pa dang / lus dbyer med pa dang / lus ro cig pa dang /

  219. 288b

    lus na mkha'i ngo bo nyid dang / lus rang bzhin gyis yongs su mya ngan las 'das par yang rtog la/ lus tshor ba med pa dang / byed pa med pa dang / bdag po med pa dang / 'dzin pa med pa dang / dbyer med pa dang / lus ro cig pa dang / na mkha'i ngo bo nyid dang / rang bzhin gyis yongs su mya ngan las 'das pa'i mthar kyang mi ltung ngo // lus la lus kyi rjes su lta zhing gnas pa de lus la rdzas dang / snying po yang dag par rjes su mi mthong ngo // de nang gi lus la lus kyi rjes su lta zhing gnas pas nang na gnas pa'i nyon mongs pa rnams kyi skabs mi byed do// de phyi rol gyi lus la lus kyi rjes su lta zhing gnas pas/ phyi rol gyi rjes su song ba'i nyon mongs pa dang / lhan cig tu mi gnas so// de'i lus nyon mongs pa med pas yongs su dag pa'i lus dang ldan pa yin/ de lus kyi las yongs su dag pa dang ldan pas/ lha dang mi'i nang na mtshan gyi rnam par brgyan pa'i lus 'thob ste/ de'i lus mtshan gyis rnam par brgyan pas lha dang mi rnams mngon du 'dod par 'gyur ba yin no// de ltar byang chub sems dpa' lus la lus kyi rjes su lta zhing gnas te/ 'di ni byang chub sems dpa'i lus la lus kyi rje su lta ba'i dran pa nye bar bzhag pa zhes bya'o// de la byang chub sems dpa'i tshor ba rnams la tshor ba'i rjes su lta ba dran pa nye bar bzhag pa ni/ ji ltar na byang chub sems dpa' tshor ba la tshor ba'i rjes su lta zhing gnas zhe na/ 'di la byang chub sems

  220. 289a

    @#dpa' sems 'di snyam du da gang cung zad tshor ba de dag thams cad sdug bsngal ba'o snyam nas des tshor ba shin du rtogs pa dang / ye shes kyis rtogs pa dang / shes rab kyi rtogs pa dang / nye bar zhi bar rtogs pas bde ba'i tshor ba yang byed de/ de 'dod chags kyi bag la nyal ba yang bag la nyal bar mi 'gyur ro// sdug bsngal gyi tshor bas rig na yang ngan song dang mi khom par skye ba'i sems can thams cad la snying rje chen po bskyed de/ de khong khro ba'i bag la nyal yang bag la nyal ba/ mi 'gyur ro// bde ba yang ma yin/ sdug bsngal ba yang ma yin pa'i tshor bas rig ste/ bde ba yang ma yin sdug bsngal ba yang ma yin pa'i tshor ba yang tshor bar byed de/ de ma rig pa'i bag la nyal yang bag la nyal bar mi 'gyur ro// de tshor ba dang ldan pa'i dran pas tshor ba gang yang rung ste/ bde ba 'am sdug bsngal ba 'am/ bde ba yang ma yin sdug bsngal ba yang ma yin par tshor ba na tshor ba de dag thams cad las 'byung ba ye shes mthong bar sgom mo// de sems can thams cad kyi tshor ba kun shes par bya ba'i go gyon te/ sems can 'di dag ni tshor ba las 'byung bar yang dag pa ji lta ba bzhin du shes te/ de dag 'byung ba mi shes pas bde ba'i tshor bas reg na ni chags par 'gyur/ sdug bsngal gyi tshor bas reg na ni khong khro bar 'gyur/ sdug bsngal yang ma yin/ bde ba yang ma yin pa'i tshor bas reg na ni rmongs par

  221. 289b

    'gyur ro// bdag ni shes rab dang ye shes su ldan pa'i tshor ba thams cad dang bral ba'i thabs mkhas pa dang / snying rje chen pos zin pa'i dge ba'i rtsa bas tshogs kyis sems can de dag gi tshor ba thams cad bsal ba'i phyir chos bstan pa sgom snyam mo// yang ci'i phyir tshor ba zhes bya zhe na/ ma rtogs pa'i tshor ba ni sdug du 'gyur/ ye shes kyi rtogs pa'i tshor ba ni bde bar 'gyur te/ de la ye shes kyi rtogs pa'i tshor ba bde bar 'gyu ba gang zhe na/ 'di la bdag gam/ sems can nam/ srog gam/ 'gro ba 'am/ gso ba 'am/ skyes bu 'am/ gang zag gam/ shed las skyes pa 'am/ shed bdag kyang rung te/ gang zag kyang tshor bar 'gyur ba med kyi mngon par chags pa ni tshor ba'o// yongs su 'dzin pa ni tshor ba'o// nye bar lon pa ni tshor ba'o// dmigs pa ni tshor ba'o// phyin ci log ni tshor ba'o// rnam par rtog pa ni tshor ba'o// lta ba dang bag la nyal ba ni tshor ba'o// mig tu 'du shes pa ni tshor ba'o// de bzhin du rna ba dang / sna dang / lce dang / lus dang / yid du 'du shes pa ni tshor ba'o// gzugs 'du shes pa ni tshor ba'o// de bzhin du sgra dang / dri dang ro dang / reg bya dang / chos su 'du shes pa ni tshor ba ste/ gang yang ming dang gzugs su 'dus te reg pa'i rkyen las skyes pa'i bde ba'ang rung / sdug bsngal ba yang ru

  222. 291a

    tho thosabade ba yang ma yin sdug bsngal ba yang ma yin pa yang rung ste/ 'di ni tshor ba zhes bya'o// de bzhin du rna ba dang / sgrar 'dus te reg pa'i rkyen dang / sna dang drir 'dus te reg pa'i rkyen dang / lce dang ror 'dus te reg pa'i rkyen dang / lus dang reg byar 'dus te reg pa'i rkyen dang / gang yang yid dang chos su 'dus te reg pa'i rkyen las skyes pa'i tshor ba'i bde ba yang rung / sdug bsngal ba yang rung / bde ba yang ma yin/ sdug bsngal ba yang ma yin pa yang mang ste/ 'di ni tshor zhes bya'o// gzhan yang rnam grangs su na/ tshor ba ni gcig pu ste/ gang 'di sems kyi rnam par rig pa'o// tshor ba gnyis te gang 'di nang gi dang phyi'i bo// tshor ba gsum te gang 'di 'das pa rnam par rig pa dang / ma 'ongs pa rnam par rig pa dang / da ltar byung ba rnam par rig pa'o// tshor ba bzhi ste/ gang 'di khams bzhi rnam par rig pa'o// tshor ba lnga ste/ gang 'di phung po lnga yid la byed pa'o// tshor ba drug ste/ gang 'di drug gi skye mched ces rtog pa'o// tshor ba bdun te/ gang 'dri rnam par shes pa gnas pa bdun no// tshor ba brgyad te/ gang 'di log pa'i sbyor ba brgyad do// tshor ba dgu ste/ gang 'di sems can gyi gnas dgu'o// tshor ba bcu ste/ gang 'di mi dge bcu'i las kyi lam rnams so// 'di ni tshor ba kun gyi tshul te dmigs pa ji snyed pa de snyed du yid la byed

  223. 291b

    pa'o// ji snyed du yid la byed pa de snyed du kun rtog pa'o// ji snyed kun rtog pa de snyed du tshor ba ste/ de'i phyir na sems can tshad med pa rnams kyi tshor ba tshad med/ pa zhes bya'o// de la byang chub sems dpa' tshor ba rnams la tshor ba'i rjes su lta zhing gnas pas/ sems can thams cad kyi tshor ba skye ba dang / 'jig pa dang gnas pa shes pa bskyed par bya'o// gang sems can thams cad kyi tshor ba skye ba dang / 'jig pa dang / gnas dang / dge ba dang mi dge ba'i tshor ba shes pa 'di ni/ byang chub sems dpa'i tshor ba rnams la tshor ba'i rjes su lta ba'i dran pa nye bar bzhag pa zhes bya ba'o// de la byang chub sems dpa' sems la sems kyi rjes su lta ba'i dran pa nye bar bzhag pa gang zhe na/ byang chub sems dpa' de'i byang chub kyi sems mi brjed pa dran pas bsrungs shing mi g.yeng ba ste/ de sems la 'di ltar rtog go// sems ni skyes nas zhig cing zhu ste mi gnas so// nang na yang mi 'dug/ phyi rol na yang mi 'phos/ gnyi ga med par yang mi dmigs te/ gang bdag gi byang chub tu thog mo sems bskyed pa de ni zad cing 'gags te yal zhing med par gyur pas yul na mi gnas/ phyogs na mi gnas te/ de ni gdags par yang mi nus so// sems bskyed pa gang gis byang chub kyi phyir dge ba'i rtsa ba rnams yang dag

  224. 293a

    par bsgrubs pa de dag kyang zad cing 'gags te/ yal zhing med par gyur pas yul na mi gnas phyogs na mi gnas pa ste/ de yang gdags par mi nus so// sems bskyed pa gang gis dge ba'i rtsa ba de dag byang chub tu bsngos pa de dag kyang / de'i rang bzhin de'i mtshan nyid de/ sems kyis sems ma shes so// sems kyis sems mi mthong ngo // sems kyis sems kyi mtshams mi sbyor ro// gang byang chub kyi sems dang dge ba'i sems de yang lhan cig mi 'grogs/ gang dge ba'i sems dang / bsngo ba'i sems der yang lhan cig mi 'grogs/ gang bsngo ba'i sems dang byang chub kyi sems der yang lhan cig tu mi 'grogs so// de la gang gis bdag bla na med pa yang dag par rdzogs pa'i byang chub tu 'tshang rgya bar 'gyur ba'i sems de gang zhe na/ gal te byang chub sems dpa' de de ltar rtogs pa na/ mi skrag kun da mi skrag kun du skrag par mi 'gyur na sems la sems kyi rjes su lta zhing gnas so// yang de 'di snyam du sems te rgyu dang 'bras bu chud mi za ba'i phyir rten cing 'brel bar 'byung ba ni shin tu zab ste/ sems kyi chos nyid de de lta bu yin du zin kyang nos thams cad ni rgyu dang / rkyen las rag las shing tshor ba med pa/ byed pa med pa bdag po med pa/ 'dzin pa med pa ste/ de dag ni ji ltar 'dod pa de bzhin du rnam par bsgrubs ste bdag gis kyang rnam par bsgrub pa la brtson par bya ste/

  225. 293b

    sems kyi chos nyid 'di yang spang ngo snyam mo// de la sems kyi chos nyid ni gang rnam par bsgrub pa ni gang yin zhe na/ sems ni sgyu ma lta bu ste/ 'di la gang yang sbyin/ pa med de/ 'di ni sems kyi chos nyid ces bya'o// gang yang gdog pa sems can la yongs su btang ste/ sangs rgyas kyi zhang yongs su dag pa'i phyir bsngo ba 'di ni rnam par sgrub pa zhes bya'o// sems ni rmi lam lta bur rab tu zhi ba'i mtshan nyid de/ 'di ni sems kyi chos nyid ces bya'o// gang yang tshul khrims dang bslab pa dang / sbyangs pa'i yon tan dang / byang chub kyi tshogs bsags pa thams cad thams cad mkhyen pa'i phyir yongs su bsngo ba 'di rnam par sgrub pa zhes bya'o// sems ni mig yor lta bu ste/ thog ma nas yongs su ma grub pa 'di ni sems kyi chos nyid ces bya'o// gang yang bzod pa dang / nges pa rnams kyi mi skye ba'i chos la bzod pa yongs su rdzogs par bya ba'i phyir bsngo ba 'di ni rnam par bsgrub pa zhes bya'o// sems ni smig rgyu lta bu ste/ shin tu dben pa'i phyir dben pa 'di ni sems kyi chos nyid ces bya'o// gang yang dge ba'i rtsa ba thams cad la brtson 'grus brtsams pa rnams sangs rgyas kyi chos thams cad rdzogs par bya ba'i phyir/ bsngo ba 'di ni rnam par sgrub pa zhes bya'o// sems ni gzugs med pa/ bstan du med pa/ thogs pa med pa/ rnam par rig pa med pa ste/ 'di ni sems kyi

  226. 294a

    blo thosanyid ces bya'o// gang yang bsam gtan dang / rnam par thar pa dang / ting nge 'dzin dang / snyoms par 'jug pa thams cad sangs/ rgyas kyi ting nge 'dzin thob par bya ba'i phyir yongs su bsngo ba 'di ni rnam par sgrub pa zhes bya'o// sems ni bzung ba med pa/ mtshan ma med pa/ bstan du med pa// gnas pa med pa ste/ 'di sems kyi chos nyid ces bya'o// gang yang dris pa'i tshig rab tu dbye ba bstan pa shes pa thams cad sangs rgyas kyi ye shes yongasu rdzogs par bya ba'i phyir bsngo ba 'di ni rnam par sgrub pa zhes bya'o// sems ni dmigs pa med par mi skye ba ste/ 'di ni sems kyi chos nyid ces bya'o// gang dge ba'i rtsa bar dmigs pa thams cad la sems nye bar 'jig pa 'di ni rnam par sgrub pa zhes bya'o// sems ni rgyu med par mi skye ba ste/ 'di ni sems kyi chos nyid ces bya'o// gang yang byang chub kyi phyogs kyi chos thams cad kyi rgyur sems bskyed pa 'di ni rnam par sgrub pa'o// yul drug las rnam par grol bar sems mi skye ba ste/ 'di ni sems kyi chos nyid ces bya'o// gang yang sangs rgyas kyi chos thams cad kyi yul gyi rgyur/ sems mngon par sgrub pa 'di ni/ rnam par sgrub pa zhes bya'o// sems la sems kyi rjes su lta zhing gnas pa'i byang chub sems dpa' mngon par shes pa thob par bya ba'i phyir/ sems nye bar 'dogs te/ de mngon

  227. 294b

    par shes pa thob pa'i sems kyis/ sems can thams cad kyi sems dang spyod pa rab tu shes te/ shes nas kyang de lta bu'i rang bzhin gyis chos ston to// sems la sems kyi rjes su lta zhing gnas pa'i byang chub sems dpa'i snying rje chen po thob par bya ba'i phyir/ sems nye bar 'dogs te/ de snying rje chen po thob pa'i sems kyis sems can thams cad yongs su smin par byed pas mi skye'o// sems la sems kyi rjes su lta zhing gnas pa'i byang chub sems dpa' sems zad pa'i phyir sems mi bskyed/ sems 'gog pa'i phyir yang ma yin te/ 'khor ba'i rgyun gyi dge ba'i rtsa ba kun nas sbyor ba la sems mngon par sgrub po// sems kyi dran pa dang shes pa des ma skyes ma byung mi 'gog mi 'gyur bar zhugs pa'i chos su gnas kyang nyan thos dang rang sangs rgyas kyi sar mi ltung te/ nam sangs rgyas kyi chos thams cad yongs su rdzogs par ma gyur gyi bar du sems kyi rgyun de nye bar 'dogs te/ sems kyi skad cig gcig dang ldan pa'i shes rab kyis bla na med/ pa yang dag par rdzogs pa'i byang chub tu yang mngon par rdzogs par 'chang brgya ste/ 'di ni byang chub sems dpa' rnams kyi sems la sems kyi rjes su lta ba'i dran pa nye bar bzhag pa'o// de la byang chub sems dpa'i chos rnams la chos kyi rjes su lta ba'i dran pa nye bar bzhag pa gang zhe na/ 'phags pa'i shes rab kyi mig

  228. 295a

    gis mthong ba'i chos de dag byang chub kyi snying po la 'dug pa'i bar du/ bar mdor brjed par mi 'gyur/ chos rnams la chos kyi rjes su la/ zhing gnas pa'i byang chub sems dpa' gang stong pa las rnam par grol ba dang / mtshan ma med pa las rnam par grol ba dang / smon pa med pa las rnam par grom na dang / mngon par 'du mi byed pa las rnam par grol ba dang / mi skye ba las rnam par grol ba dang / mi 'byung ba las rnam par grol ba dang / dngos po med pa las rnam par grol ba'i chos rdul tsam yang mi mthong ngo // chos rnams la chos kyi rjes su lta zhing gnas pa'i byang chub sems dpas chos gang rten cing 'brel bar 'byung ba las rnam par grol ba rdul tsam yang mi mthong ngo // chos rnams la chos kyi rjes su lta zhing gnas pa'i byang chub sems dpas chos nyid mthong gi/ chos ma yin pa mi mthong ste/ de la chos gang zhe na/ 'di lta ste/ bdag med pa'i don dang / sems can med pa'i don dang / srog med pa'i don dang / gang zag med pa'i don dang / chad pa med pa'i don dang / rtag pa med pa'i don dang / 'byung ba med pa'i don dang / 'jig pa med pa'i don de ni chos shes bya'o// de la chos ma yin pa gang zhe na/ 'di lta ste/ bdag tu lta ba dang / sems can tu lta ba dang / srog tu lta ba dang / gang zag tu lta ba dang / chad par lta ba dang / rtag

  229. 295b

    bar lta ba dang / 'byung bar lta ba dang / 'jig par lta ba dang / 'di ni chos ma yin pa zhes bya'o// 'di ltar yang chos thams cad ni chos so// chos thams cad ni chos ma yin pa'o// de ci'i phyir zhe na/ stong pa nyid dang / mtshan ma med pa dang / smon pa med par kun shes pas chos thams cad ni chos ma yin no// ngar 'dzin pa dang / nga yir 'dzin pa'i lta ba la mngon par chags pas chos thams cad ni chos ma yin pa'o// de ltar chos rnams la chos kyi rjes su lta zhing gnas pa'i byang chub sems dpas gang las sangs rgyas kyi chos med pa dang / gang las byang chub med pa dang / gang las lam med pa dang / gang las thar pa med pa dang / gang las 'byung ba med pa de dag yang ma mthong ste/ des chos thams 'byung bar shes pas sems can rnams la sgribs pa med pa zhes bya ba'i tingange 'dzin gyi sgo thob par 'gyur ro// des chos thams cad dang / nyon mongs pa thams cad la yang rgyu mar 'du shes pa thob te/ chos 'di dag ni nyon mongs pa med pa ste/ 'di dag ni nyon mongs pa dang bcas pa ma yin no// de ci'i phyir zhe na/ 'di ltar de dag ni nges pa'i don gyi don la rten te/ nyon mongs pa'i tshogs kyang med phung por gyur pa yang med do// 'dod chags kyi dngos po med/ zhe sdang gi dngos po med/ gti mug gi dngos po med de/ nyon mongs pa 'di dag

  230. 296a

    @#rtogs pa'i phyir byang chub ste/ nyon mongs pa'i ngo bo nyid gang yin pa byang chub kyi ngo bo nyid de yin no// zhes de 'di lta bur dran pa nye bar 'jog kyang gang la yang nye bar mi 'jog go// rab tu mi 'jog go// rnam par mi 'jog cing chos de dag gnas pa rab tu shes te/ de'i phyir chos kyi dbyings gnas pa zhes bya'o// gnas gang na chos kyi dbyings 'dug pa'i gnas de na/ sems can gyi khams kyang 'dug te/ sems can gyi khams gnas gang na 'dug pa de na/ na mkha'i khams kyang 'dug te/ de bas na chos thams cad na mkha' dang mtshungs pa zhes bya'o// chos rnams la chos kyi rjes su lta zhing gnas pa'i byang chub sems dpa' ni sangs rgyas kyi chos la ston pa yin te/ de chos thams cad kyang sangs rgyas kyi chos su mos so// de zad pa'i ye shes kyang skye ste/ 'dus byas kyang zad par mi byed do// mi skye ba'i ye shes kyang mngon par sgrub ste/ de sems can rta'ang bskyed cing / mi skye ba'i mtha' yang mi spong ngo // chos dran pa nye bar bzhag pa zhes bya ba ni chos thams cad dran pa de la gnas te/ nyan thos dang rang sangs rgyas dang / byang chub sems dpa' dang / yang dag par rdzogs pa'i sad rgyas kyi chos rnams dang / chos su btags pa ji snyed pa de dag thams cad de'i dran pa la gnas par 'gyur te/ phyi ma'i mtha'i bar du yang dran pa des mi brjed cing

  231. 296b

    mi nyams par 'gyur ro// chos thams cad la ma lus par dran pa de la gnas te/ dran pa des phyi ma'i mtha'i bar du yang mi brjed cing nyams par mi 'gyur ro// chos rnams la chos kyi rjes su lta ba'i dran pa nye bar bzhag pa zhes bya ba ni tshad med pa shin tu brtan pa'i tshig ste/ kun du spyod yul ba sangs rgyas kyi chos thams cad kyi phyir 'brang ba/ sems can thams cad mgu bar byed pa bdud thams cad pham par byed pa/ rang 'byung gi ye shes rtogs par byed pa'i tshig 'di ni byang chub sems dpa'i chos rnams la chos kyi rjes su lta ba'i dran pa nye bar bzhag pa zhes bya'o// 'di dag ni btsun pa sha ra dwa ti'i bu byang chub sems dpa' rnams kyi dran pa nye bar bzhag pa bsgom pa bzhi mi zad pa'o// gzhan yang btsun pa sha ra dwa ti'i bu byang chub sems dpa' rnams kyi yang dag par spong ba bzhi yang mi zad pa ste/ bzhi gang zhe na/ 'di lta ste/ sdig pa mi dge ba'i chos ma skyes pa rnams mi bskyed pa'i phyir mos pa bskyed/ 'bad cing brtson 'grus brtsom ste/ sems rab tu 'dzin cing / yang dag par smon pa dang / sdig pa mi dge ba'i chos skyes pa rnams spang ba'i phyir mos pa bskyed/ 'bad cing brtson 'grus brtsom ste/ sems rab tu 'dzin cing yang dag par smon pa dang / dge ba'i chos ma skyes pa rnams bskyed pa'i phyir mos pa bskyed/ 'bad cing brtson 'grus brtsom te sems rab tu

  232. 297a

    'dzin cing yang dag par smon pa dang / dge ba'i chos skyes pa rnams la gnas pa dang / bsgom pa dang phyir skye ba dang / chud mi za ba dang // mi nyams pa dang / rgya cher bya ba'i phyir mos pa bskyed cing brtson 'grus brtsom te/ sems rab tu 'dzin cing yang dag par smon pa dang / gang sdig pa mi dge ba'i chos ma skyes pa rnams mi bskyed pa'i phyir mos pa bskyed ces bya ba ni tshul bzhin yid ces bya ba'i tshig bla dgas so// 'bad cing brtson 'grus brtsom mo zhes bya ba ni yid la byed pa mi 'dor ba'i tshig bla dgas so// sems rab tu 'dzin cing yang dag par smon ces bya ba ni/ tshul bzhin du rtog pa'i tshig bla dgas so// de ci'i phyir zhe na/ tshul bzhin rab tu sbyin pa ni sdig pa dang mi dge ba'i chos rnams mi spyod do// de la sdig pa mi dge ba'i chos rnams gang zhe na/ gang 'di tshul khrims kyi mi mthun pa'i phyogs dang / ting nge 'dzin gyi mi mthun pa'i phyogs dang / shes rab kyi mi mthun pa'i phyogs so// de la tshul khrims kyi mi mthun pa'i phyogs gang zhe na/ gang 'di tshul khrims nyams pa dang / gang gzhan tshul khrims nyams par byed po gang yang rung ste/ gang tshul khrims kyi phung po'i mi mthun pa'i phyogs su 'gyur ba 'di ni/ tshul khrims kyi mi mthun pa'i phyogs shes bya'o// de la ting nge 'dzin gyi mi mthun pa'i phyogs gang zhe na/ gang 'di cho ga nyams pa ste/ gang gzhan

  233. 297b

    sems g.yeng ba byed pa gang yang rung ste/ ting nge 'dzin gyi phung po mi mthun pa'i phyogs su 'gyur ba 'di ni/ ting nge 'dzin gyi mi mthun pa'i phyogs shes bya'o// de la shes rab kyi mi mthun pa'i phyogs gang zhe na/ gang 'di lta ba nyams pa ste/ gang gzhan lta ba nyams par byed pa kun nas ldang ba dang / sgrib pa dang chad par 'gyur ba gang yang rung ste/ shes rab kyi phung po'i mi mthun pa'i phyogs su 'gyur ba 'di ni shes rab kyi mi mthun pa'i phyogs shes bya ste/ 'di ni sdig pa mi dge ba'i chos rnams shes bya'o// tshul bzhin yid la byed pa gang gis mi dge ba'i chos 'di lta bu'i ma skyes pa rnams/ skye ba'i ge skabs mi 'byin pa 'di ni yang dag par spong ba dang po'o// gang yang sdig pa mi dge ba'i chos skyes pa rnams spang ba'i phyir mos pa bskyed/ 'bad cing brtson 'grus brtsom ste/ sems rab tu 'dzin cing yang dag par smon ces bya ba de ni tshul bzhin yid la byed pa'i tshig bla dgas so// de ci'i phyir zhe na/ sdig pa mi dge ba'i chos de dag sems la phung por 'gyur ba med de/ yul na mi gnas phyogs na mi gnas so// gang gdags par mi gnas so// sdig pa mi dge ba'i chos de dag sems la spyod pa rnams spang / ba shes pa ni/ rgyu dang dmigs pa gang gis sdug pa'i rnam par 'dod chags sam/ 'ong khro ba'i rnam par zhe sdang ngam/ ma rig pa'i rnam par gti mug skye ba

  234. 298a

    jo thos #yang rung ste/ de dag tshul bzhin yid la byed pa mi sdug pas ni 'dod chags zhi bar byed/ byams pas ni zhe sdang rten cing 'brel bar 'byung ba la 'jug pas ni gti mug zhi bar byed pa ste/ gang nyon mongs pa 'di ni slong ba zhes bya'o// tha snyad btags pa bzung gi don dam par de la gang yang mi dmigs te/ chos thams cad mnyam pa nyid du mngon sum pas na de'i phyir yang dag par spong ba zhes bya ste/ 'di ni yang dag par spong ba gnyis pa'o// gang dge ba'i chos ma skyes pa rnams bskyed pa'i phyir/ mos ma skyed 'bad cing brtson 'grus brtsom te/ sems rab tu 'dzin cing yang dag par smin ces bya ba de ni tshad med pa tshig shin tu brtan pa'o// de ci'i phyir zhe na/ gang byang chub sems dpas yang dag par sgrub par bya ba'i dge ba'i chos de dag ni tshad med de/ de la mos pa ni dge ba'i chos thams cad kyi rtsa ba'o// brtson 'grus kyis ni dge ba'i chos thams cad yang dag par sgrub po// sems yang dag par 'dzin pas ni dag ba'i chos thams cad sgrol bar byed pa'o// dge ba'i chos de dag la spyod cing rnam par 'byed pa ste/ 'di ni yang dag par spong ba gsum pa'o// gang yang dge ba'i chos skyes pa rnams 'dag pa dang / sgom pa dang phyir zhing skye ba dang / chud mi za ba dang / mi nyams pa dang / rgya cher bya ba'i phyir mos pa

  235. 298b

    bskyed/ 'bad cing brtson 'grus brtsom ste/ sems rab tu 'dzin cing yang dag par smon ces bya ba 'di ni byang chub tu bsngos pa'i dge ba'i rtsa ba'i tshig bla dgas so// de ci'i phyir zhe na/ byang chub tu dngos pa'i dge ba'i rtsa ba ni byang chub kyi snying po'i mthar ma gyur gyi bar du bar ma dor chud mi za'o// de ci'i phyir zhe na/ 'di ltar dge ba'i rtsa ba ni khams gsum pa thams cad la mi gnas pa ste/ dge ba'i rtsa ba gang khams gsum la gnas pa de dag ni yongs su zad par 'gyur gyi/ khams gsum pa la mi gnas pa'i dge ba'i rtsa ba thams cad mkhyen pa nyid du bsngos pa de ni/ byang chub kyi snying po'i mthar ma gyur gyi bar du bar ma dor gang yang zad par mi 'gyur ro// 'di ni byang chub sems dpa'i yang dag par spong ba bzhi pa ste/ de dag ni brdzun pa sha ra dwa ti'i bu byang chub sems dpa' rnams kyi yang dag par spong ba mi zad pa bzhi pa'o// gzhan yang btsun pa sha ra dwa ti'i bu byang chub sems dpa'i rdzu 'phrul gyi rkang pa bzhi mi zad pa ste/ bzhi gang zhe na/ 'di lta ste/ mos pa dang / brtson 'grus dang / sems dang dpyod pa'o// de dag gi rtsa ba'i rten dang / gnas ni byams pa dang / snying rje dang / dga' ba dang / btang snyoms dang / tshad med pa bzhi rnam te/ de tshad med pa bzhi po 'di dag la bsnyen cing sgoms te/ mang du byas pas sems las su rung ba thob par 'gyur ro// de sems las su rung ba thob pas

  236. 299a

    sa@#bsam gtan dang po la mnyam par gzhog go// de bzhin du gnyis pa dang / de bzhin du gsum pa dang / de bzhin du bzhi pa la yang / mnyam par gzhog ste/ des bsam gtan thob pas lus dang / sems yang ba thob par 'gyur ro// de las dang sems yang ba dang ldan pas/ mngon par shes pa la 'jug pa rab tu sgrub po// de mngon par shes pa la 'jug pa rab tu sgrub pa dang ldan pas dad pa las sam/ brtson 'grus las sam/ sems las sam/ spyod pa las rdzu 'phrul gyi rkang pa bskyed do// de la dad pa ni gang chos 'di dag mngon du byed pa'o// brtson 'grus ni gang / chos de dag sgrub pa'o// sems ni gang chos de dag la rtog pa'o// dpyod pa ni gang chos de dag la mkhas pa ste/ de rdzu 'phrul gyi rkang pa sgrub pa rnams kyis yang dag par smra ba ste/ de'i phyir na rdzu 'phrul gyi rkang pa zhes bya'o// de la mos pas ni sgrub bo// brtson 'grus kyis ni rdzogs par byed do// sems kyis ni rnam par 'jog go// spyod pas ni rnam par 'byed do// de la byang chub sems dpa' rnams kyi rdzu 'phrul gyi rkang pa ni mos pa las byung ba mngon par 'du mi byed pa/ rang gi sems bskyed pas dbang byed pa/ ji ltar 'dod pa bzhin du 'gro ba yongs su sbyangs pa byas pa rtsa ba la shin tu gnas pa thams cad du rgyu zhing rlung dmar bzhin du thogs pa med pa/

  237. 299b

    nam mthar thug pa'o// de dag ni btsun pa sha ra da ti'i bu byang chub sems dpa' rnams kyi rdzu 'phrul gyi rkang pa bzhi mi zad pa'o// gzhan yang btsun pa sha rang/ ti'i bu byang chub sems dpa' rnams kyi dbang po lnga rnams mi zad pa ste/ de la dbang po lnga gang zhe na/ gang 'di dad pa'i dbang po dang / brtson 'grus kyi dbang po dang / dran pa'i dbang po dang / ting nge 'dzin gyi dbang po dang / shes rab kyi dbang po dang / de la dad pa gang zhe na/ dad pa gang gis chos bzhi la dad pa ste/ bzhi gang zhe na/ 'di lta ste/ 'khor ba na spyod pa'i 'jig rten pa'i yang dag pa'i lta ba la dad pa ste/ de las kyi rnam par smin pa'i phyir 'brang ba yin/ dge ba 'am sdig pa 'am/ las gang dang gang byas pa de dang de'i rnam par smin pa myong bar 'gyur ro// snyam ste srog gi phyir yang sdig pa'i lam mi byed pa dang / byang chub sems dpa'i spyod pa la dad pa ste/ spyod pa de la zhugs nas kyang theg pa gzhan la 'dod pa mi bskyed pa dang / chos thams cad la don dam par nges pa'i don zab mo rten cing 'bros par 'byu ba/ 'dog med pa/ sems can med pa/ srog med pa/ gas pa med pa/ gang can med pa rnam par spyod pa dang / zung bshidang/ ma med pa dang / smon pa med pa'i brtan nyid du dad pa ste/ da ltar gyur ba thams cad bag la nyal bar mi byed pa dang / stobs dang mi 'jigs pa la sogs pa sangs rgyas kyi

  238. 300a

    tha@#chos thams cad la dad pa ste/ dad pa'i phyir the tshom dang / nem nur dang / bral bas sangs rgyas kyi chos de dag yang dag par sgrub ste/ 'di ni dad pa'i dbang po zhes bya'o// de la brtson 'grus kyi dbang po gang zhe na/ chos gang la dad pa'i dbang po dad par gyur pa'i chos de dag brtson 'grus kyi dbang pos yang dag par bsgrub ste/ 'di ni brtson 'grus kyi dbang po zhes bya'o// de la dran pa'i dbang po gang zhe na/ chos gang brtson 'grus kyi dbang pos yang dag par bsgrub pa'i chos de dag dran pa'i dbang pos chud mi bzon te/ 'di ni dran pa'i dbang po zhes bya'o// de la ting nge 'dzin gyi dbang po gang zhe na/ dran pa'i dbang pos chos gang chud mi bzon pa'i chos de dag ting nge 'dzin gyi dbang pos rtse cig tu byed de/ 'di ni ting nge 'dzin gyi dbang po zhes bya'o// de la shes rab kyi dbang po gang zhe na/ chos gang ting nge 'dzin gyi dbang pos rtse cig tu byas pa'i chos de dag shes rab kyis dbang pos rab tu rtog cing shin tu rtogs par byed de/ gang tshes de dang de dag la gzhan dring la mi 'jog par shes shing / so sor rang gi shes pa 'di ni shes rab kyi dbang po zhes bya'o// de ltar na dbang po 'di dag ni lhan cig tu 'grogs shing rjes su 'brel pa ste/ sangs rgyas kyi chos thams cad yongs su rdzogs par byed do// lung bstan pa'i sar yang 'jog go// btsun pa sha ra dwa ti'i bu 'di lta ste dper na/

  239. 300b

    pha rol gyi mngon par shes pa rnams sems can mngal du song ba rnams la nam de pho'i dbang po dang / mo'i dbang po mngon par grub par ma gyur gyi bar du lung mi ston to// de bzhin du sangs rgyas bcom ldan 'das rnams kyang byang chub sems dpa' rnams la nam 'jig rten las 'das pa'i dbang po lnga po 'di dag dang ma ldan gyi bar du bla na med pa yang dag par rdzogs pa'i byang chub tu lung mi ston to// de dag ni btsun pa sha ra dwa ti'i bu byang chub sems dpa' rnams kyi dbang po mi zad pa'o// btsun pa sha ra da ti'i bu byang chub sems dpa' rnams kyi stobs mi zad pa ste/ de la byang chub sems dpa' rnams kyi stobs mi zad pa gang zhe na/ stobs lnga po 'di dag ste lnga gang zhe na/ dad pa'i stobs dang / brtson 'grus kyi stobs dang / dran pa'i stobs dang / ting nge 'dzin gyi stobs dang / shes rab kyi stobs so// de la dad pa'i stobs gang zhe na/ gang 'di mos pa dang / dad pa dang / mi rdzi ba ste/ gal te bdud sdig can sangs rgyas kyi gzugs su de'i drung du 'ongs nas chos la rtog pa'i mos pa gang yang rung ba las 'bral bar byed cing mos pa zlog par byed na/ yang dad pa'i stobs la mos pa'i byang chub sems dpa' ni dad pa'i stobs de las bskyod pa 'am/ bskul ba 'am/ bslang bar mi nus te/ 'di ni dad pa'i stobs shes bya'o// de la brtson 'grus kyi stobs gang zhe na/ byang

  240. 301a

    chub sems dpa' brtson 'grus brtsam pa gang dang gang la rtsom pa dang / dge ba'i chos gang dang gang la sbyor ba de dang / de la stobs skyed/ bsra bar 'gyur te/ stobs bskyed pa de dang ldan pa'i byang chub sems dpa' gnas de las ma rgal gyi bar du yi dam de las lhar bcas pa'i 'jig rten gyis kyang spyod ba 'am/ bskul ba 'am/ bslang bar mi nus pa 'di ni brtson 'grus kyi stobs shes bya'o// de la dran pa'i stobs gang zhe na/ de la tshes dran pa'i gnas gang dang gang la sems 'jog pa de las nyon mongs pa gzhan gang yang rung bas gtong bar mi nus te/ de'i dran pa'i stobs bskyed pa des nyon mongs pa thams cad 'joms shing byang chub sems dpa'i dran pa de ni nyon mongs pa thams cad kyis mi rdzi ba yin te/ 'di ni dran pa'i stobs zhes bya'o// de la ting nge 'dzin gyi stob gang zhe na/ gang 'dra 'dzi thams cad las dben par gnas shing spyod pa ste/ de sgra dang tshig gi lam thams cad kyis shin tu ston kyang de'i bsam gtan dang bo la sgra'i tsher ma yang sgra'i bar mi byed do// de dge ba la rtog pa dang / spyod par spyod kyang de'i bsam gtan gnyis pa la sgrib par mi 'gyur ro// de dga' ba dang mgu ba yang skyes pa yin la/ de'i bsam gtan gsum pa la yang sgrib par mi 'gyur ro// de sems can thams cad smin par bya ba dang / dam pa'i chos yo

  241. 301b

    su bzung ba'i phyir btang snyoms par yang mi 'gyur la/ de'i bsam gtan bzhi pa la yang sgrib par mi 'gyur ro// de bas bsam gtan bzhi pa de dag gis spyod de/ bsam gtan dang / mi mthun pa'i phyogs kyi chos rnams kyis kyang thul bar mi nus so// de mnyam par bzhag pa'i gnas kyang mi gtong la/ ting nge 'dzin gyi dbang gis kyang mi skye ste/ 'di ni ting nge 'dzin gyi stobs shes bya'o// de la shes rab kyi stobs gang zhe na/ gang 'jig rten pa dang 'jig rten las 'das pa'i chos la mi thul bar shes pa ste/ skyes shing byung ba na yang de slo dpon med par bzo'i las rig pa dang / sngags dang stobs kyi gnas thams cad mngon du 'gyur ro// 'jig rten na dam pa bya dka' ba/ bzod par dka' ba/ 'thob par dka' ba ji snyed pa de dag la byang chub sems dpa' la mngon du 'gyur ro// gang yang 'jig rten las 'das pa'i chos kyi 'jig rten las 'da' ba de dag kyang byang chub sems dpa' de'i shes rab dang / ye shes kyi stobs skyed pas rjes su rtog ste/ lha dang mi dang lha yin du bcas pa'i 'jig rten gyis kyang mi rdzi ba 'di ni/ shes rab kyi stobs shes bya ste/ de dag ni btsun pa sha ra dwa ti'i bu byang chub sems dpa' rnams kyi stobs lnga/ mi zad pa'o// gzhan yang btsun pa sha ra dwa ti'i bu byang chub sems dpa' rnams kyi byang chub kyi yan lag rnams mi zad pa ste/ de la byang chub sems dpa' rnams

  242. 302a

    @#kyi byang chub kyi yan lag mi zad pa gang zhe na/ byang chub kyi yan lag ni bdun po 'di dag ste/ bdun gang zhe na/ dran pa yang dag byang chub/ na gdang/ pa yang dag byang chub kyi yan lag dang / brtson 'grus yang dag byang chub kyi yan lag dang / dga' ba yang dag byang chub kyi yan lag dang / shin du sbyangs pa yang dag byang chub kyi yan lag dang / ting nge len yang dag byang chub kyi yan lag dang / btang snyoms yang dag byang chub kyi yan lag go// de la dran pa yang dag byang chub kyi yan lag gang zhe na/ de la dran pa gang gis chos rnams rtog par 'gyur ba dang / chos rnams la so sor rtog pa dang / chos rnams la spyod pa dang / chos rnams la kun 'gro ba dang / chos rnams la bsam pa dang / chos rnams la rjes su rtog pa ste/ de dran pa des chos rnams kyi rang gi mtshan nyid rtogs par 'gyur// chos rnams kyi rang gi mtshan nyid gang zhe na/ chos thams cad ni rang gi mtshan nyid kyis stong pa ste/ gang gis de ltar dran zhing rtogs pa 'di ni dran pa yang dag byang chub kyi sa lag ces bya'o// de la chos rnam par 'byed pa yang dag byang chub kyi yan lag ces bya'o// de la chos rnam par 'byed pa yang dag byang chub kyi yan lag gang zhe na/

  243. 302b

    gang chos kyi phung po stong phrag brgyad bcu rtsa bzhi rnam par 'byed pa shes pa ste/ chos gang dang gang ji lta bur rnam par 'byed pa nges pa'i don kyang nges pa'i don du/ drang ba'i don kyang drang ba'i don du kun rdzob kyi don du don dam par yang don dam par brda' dang brdar rnam par gdon mi za ba yang rnam par gdon mi za bar chos de dang de dag de lta bur rnam par 'byed pa 'di ni chos rnam par 'byed pa yang dag byang chub kyi yan lag ces bya'o// de la brtson 'grus yang dag byang chub kyi yan lag gang zhe na/ gang dran pa 'di dang / chos rnam par 'byed pa dang / dga' ba dang shin tu byang ba dang / ting nge 'dzin dang / btang snyoms shes pa 'di rab tu 'dzin pa dang / mos pa dang / stobs dang / rtsal dang / phyir mi ldog pa dang / dad pa dang / mthu dang / brtson pa mi gtong ba dang / lam mngon par rdzogs par bya ba'i phyir brtson pa 'di ni brtson 'grus yang dag byang chub kyi yan lag ces bya'o// de la dga' ba yang dag byang chub kyi yan lag gang zhe na/ chos la dga' ba dang / chos la mos pa dang / chos la rab tu dga' ba gang gis sems ma gong ba dang / dad cing spro ba ste/ chos la dga' ba gang gis lus dang / sems shin tu spangs par 'gyur ba dang / nyon mongs pa rnams sel ba 'di ni/ dga' ba yang dag byang chub kyi yan lag ces bya'o// de la shin da spangs pa

  244. 303a

    tho zos/ yang dag byang chub kyi yan lag gang zhe na/ gang lus shin tu sbyangs par 'gyur ba dang / sems shin du sbyangs par 'gyur bas nyon mongs/ pa gsal ba dang / sgrib pa dang bral ba dang / zhi gnas la 'jug pa'i dmigs pa la sems 'jug pa de ni shin tu sbyangs pa yang dag byang chub kyi yan lag ces bya'o// de la ting nge 'dzin yang khrag byang chub kyi yan lag gang zhe na/ gang sems mnyam par bzhag pas chos kyi ye shes mngon par 'tshang brgya pa'i sems mnyam par ma bzhag pas ni ma yin/ gang sems mnyam par bzhag par chos de dag mngon par 'tshang rgya'i/ sems mnyam par ma bzhag pas ni ma yin te/ lta ba dang / bag la/ nyal dang / kun nas ldang ba dang / de dag kyang mdor bas mngon par 'tshang mi rgya ste/ gzhan du na chos thams cad mnyam pa nyid dang / chos thams cad tha dad pa med pas chos thams cad mnyam pa nyid du mngon par 'tshang rgya ste/ 'di ni ting nge 'dzin yang dag byang chub kyi yan lag ces bya'o// de la btang snyoms yang dag byang chub kyi yan lag gang zhe na/ gang 'di'i yid bde ba dang / yid mi bde ba'i phyogs kyi chos kyis sems kun nas mi bzung ba dang / 'jig rten gyi chos rnams kyis mi 'phrogs pa dang / mtho dman du mi gnas pa'i phyir mi skul ba yin/ mi gnod mi 'phrogs mi chags mi sdang / 'phags pa'i bden pa'i lam dang / 'thun pa 'di ni/

  245. 303b

    btang snyoms yang dag byang chub kyi yan lag ces bya ste/ de dag ni btsun pa sha ra da ti'i bu byang chub sems dpa' rnams kyi byang chub kyi yan lag mi zad pa bdan no// gzhan yang btsun pa sha ra da ti'i bu byang chub sems dpa' rnams kyi lam mi zad pa ste/ de la byang chub sems dpa'i lam gang zhe na/ lam zhes bya ba ni 'phags pa'i lam yan lag brgyad de/ 'di ltar yang dag pa'i lta ba dang / yang dag pa'i rtog pa dang / yang dag pa'i ngag dang / yang dag pa'i las kyi mtha' dang / yang dag pa'i mtsho ba dang / yang dag pa'i 'bad pa dang / yang dag pa'i dran pa dang / yang dag pa'i ting nge 'dzin to// de la yang dag pa'i lta ba gang zhe na/ gang 'di 'phags pa mya ngan las 'das pa ste/ bdag tu lta ba las langs pa ma yin/ sems can da ma yin/ srog tu ma yin/ gso ba ma yin/ skyes bur ma yin/ gang zag tu ma yin/ shed las skyes pa ma yin/ shed bdag tu ma yin/ byed pa por ma yin/ tshor ba por ma yin/ tshor ba por lta ba las langs pa ma yin te/ rtag pa dang / chad par lta ba las langs pa ma yin/ 'byung ba dang 'jig pa las langs pa ma yin/ bde ba dang / mi dge ba dang / lung du mi ston par lta ba las langs par yang ma yin pa nas 'khor ba dang / mya ngan las 'das par lta ba'i bar las langs pa ma yin te/ 'di ni yang dag par lta ba zhes

  246. 304a

    @#bya'o// de la yang dag par rtog pa gang zhe na/ rtog pa gang gis 'dod chags dang / zhe sdang dang / gti mug gi nyon mongs pa 'byung / bar 'gyur ba'i kun tu rtog pa de dag la mi rtog go// rtog pa gang gis tshul khrims dang / ting nge 'dzin dang / shes rab dang / rnam par grol ba dang // rnam par grol ba'i ye shes mthong ba'i phung po rnams 'byung bar 'gyur ba'i rtog pa de dag la rtog pa 'di ni yang dag par rtog pa zhes bya'o// de la yang dag pa'i ngag gang zhe na/ gang gis bdag la yang yongs su mi dadang zhing gzhan la yang ma yin pa dang / bdag kyang nyon mongs shing gzhan la yang ma yin pa dang / bdag la yang mi gnod cing gzhan la yang ma yin/ ngag gang gis 'phags pa'i lam la 'jug pa de lta bu'i mnyam par gzhag pa la sbyor ba'i ngag dang ldan pa yin te/ 'di ni yang dag pa'i ngag ces bya'o// de la yang dag pa'i las kyi mtha' gang zhe na/ gang las kyang gnag la/ rnam par smin pa yang gnag pa de lta bu'i las mi byed pa dang / gang las kyang dkar la rnam par smin pa yang dkar ba de lta bu'i las mngon par 'du byed pa dang / gang las kyang dkar gnag la rnam par smin pa dkar gnag du gyur pa'i las de dag mi byed pa dang / las gang mi gnag mi dkar zhing rnam par smin pa yang med la/ las kyi las zad par 'gyur ba'i las de dag mngon par 'du byed pa ste/ de las kyi phyir/

  247. 304b

    'brel bas yang dag pa'i las kyi las mtha' la brtson pa zhes bya ste/ 'di ni yang dag pa'i las kyi mtha' zhes bya'o// de la yang dag pa'i mtsho ba gang zhe na/ gang / 'phags pa'i rigs dang / sbyangs pa'i yon tan dang / yo byad bsnyungs pa mi gtong ba dang / tshul 'chos pa med pa dang / kha gsag med pa dang / gzhog slongs med pa dang / dgang sra ba dang / gso sla ba dang / cho ga mchog gi tshul khrims dang / gzhan gyi thob pa la phra dog med pa dang / bdag gis thob pas chos shes pa dang / kha na ma tho ba med pa dang / 'phags pas gnang ba'i 'tsho ba ni yang dag pa'i mtsho ba'o// de la yang dag pa'i 'bad pa gang zhe na/ 'bad pa gang log pa ste/ 'phags pas ma gnang ba/ 'dod chags dang / zhe sdang dang / gti mug gi nyon mongs pa bag la nyal gyi 'bad pa de mi 'dod cing 'bad pa gang yang dag par 'phags pa'i lam dang / bden pa la 'jug pa mya ngan las 'das par 'gro ba'i las su gtod pa'i 'bad pa de'i rjes su 'gro ba 'di ni yang dag par 'bad pa zhes bya'o// de la yang dag pa'i dran pa gang zhe na/ dran pa gang shin du nye bar gzhag pa dang / mi skal ba dang / dran pa dang / gya gyu med pa dang / 'khor ba'i nyes pa dang / skyon la lta ba dang / mya ngan las 'das pa'i lam du 'dren pa ste/ dran pa dang / gzhungs pa dang / 'phags pa'i lam mi brjed pa 'di ni yang dag pa'i dran pa zhes bya'o// de la

  248. 305a

    thos@#yang dag pa'i ting nge 'dzin gang zhe na/ yang dag par mnyam pa dang / gang chos thams cad kyis mnyam pa ste/ ting nge 'dzin gang la gang / gnas pas sems can thams cad rab tu thar bar bya ba'i phyir yang dag par mi 'gyur ba la 'jug pa 'di ni/ yang dag pa'i ting nge 'dzin ces bya'o// gzhan yang byang chub sems dpa' ting nge 'dzin 'di la gnas nas sems can thams cad rab tu thar bar bya ba'i phyir yang dag par 'gyur ba 'jug pa 'di ni byang chub sems dpa'i yang dag pa'i ting nge 'dzin mi zad pa zhes bya'o// 'di ni 'das pa dang ma 'ongs pa dang / da ltar byung ba'i sangs rgyas bcom ldan 'das rnams kyi lam ste/ de la byang chub sems dpas mngon par sangs rgyas nas 'chad pa dang / stong pa dang / rab tu ston pa dang / 'dzin du 'jug pa dang / mos par byed pa dang / klog du 'jug pa dang / shes par byed pa dang / rnam par shes pa dang / rab tu 'dzud pa dang / rnam par 'brel ba dang / rnam par 'byed pa dang / gsal bar byed ba dang / yang dag par ston pa 'di ni btsun pa sha ra da ti'i bu byang chub sems dpa' rnams kyi lam mi zad pa zhes bya'o// gzhan yang btsun pa sha ra da ti'i bu byang chub sems dpa' rnams kyi zhi gnas dang lhag mthong yang mi zad pa yin te/ de la zhi gnas mi zad pa gang zhe na/ gang sems zhi ba dang / rab tu zhi ba dang /

  249. 305b

    nye bar zhi ba dang / mi g.yeng ba dang / dbang po bsdams pa dang / mi rgod pa dang / mi 'byar ba dang / mu cor mi smra ba dang / mi brtan pa med pa dang / mi g.yeng ba dang / nges pa dang / sbas pa dang / cang shes pa dang / las su rung ba dang / rtse cig pa dang / gcig pur dga' ba dang / 'du 'dzi spong ba dang / dben par/ dga' ba dang / lus dben pa dang / sems ma smad pa dang / dgon par mngon du lta zhing yid la byed pa dang / 'dod pa nyung ba dang / 'dod pa med pa dang / 'dod pa chen po dang / chog shes pa dang / 'tsho ba yongs su dag pa dang / cho ga phun sum tshogs pa dang / spyod lam sbas pa dang / 'du shes dang / tshed shes pa dang / nyi tshod shes pa dang / tshod 'dzin pa dang / mgu sla ba dang / gso ba dang / so sor brtags pa'i stobs kyis mi mtho mi dma' ba dang / ngan du smra ba dang / mi snyan pa'i tshig gi lam bzod pa dang / rnal 'byor la mngon du lta ba'i sems bskyed pa dang / nang du yang dag 'jog la mngon par dga' ba dang / bsam gtan gyi yan lag yid la byed pa dang / byams pa bskyed pa dang / snying rje mngon par sgrub pa dang / dga' ba la 'dzeg pa dang / btang snyoms sgom pa dang // bsam gtan dang po dang / bsam gtan gnyis pa dang / bsam gtan gsum pa dang / bsam gtan bzhi pa dang / na mkha' mtha' yas skye mched dang /

  250. 306a

    thongs/ @#rnam shes mtha' yas skye mched dang / cung zad med pa'i skye mched dang / 'du shes med 'du shes med min skye mched dang / 'du shes/ dang / tsher rab 'gog pa dang / mthar gyis snyoms par 'jug pa dgu po 'di dag ni zhi gnas zhes bya ste/ 'di ltar zhi gnas kyi tshogs ni tshad med pa ste/ zhi gnas kyi tshogs de dag la gang brtson pa 'di ni zhi gnas mi zad pa zhes bya'o// de la byang chub sems dpa' rnams kyi lhag mthong mi zad pa gang zhe na/ gang shes rab kyis/ cha'i sgom lam ste/ chos rnams la g.yo ba med par shes pa dang / bdag med pa dang / sems can med pa dang / srog med pa dang / gso ba med pa dang / gang zag med par shes pa dang / phung po rnams la sgyu mar mthong ba'i shes pa dang / khams rnams la myur du gdug pa'i sbrul lta bur mthong ba'i shes pa dang // skye mched rnams la grong stong par mthong ba'i shes pa dang / bden pa rnams la shin du rtogs par mthong ba'i shes pa dang / rten cing 'brel bar 'byung ba dang / mi 'bral bar mthong ba'i shes pa dang / lta ba thams cad dang bral bar mthong ba'i shis pa dang / rgyu dang 'bras bu dang rnam par smin pa chud mi za bar mthong ba'i shes pa dang / 'bras bu 'thob pa mngon sum du bya ba la rtog par mthong ba'i shes pa dang / yang dag pa la 'jug pa mthong ba'i shes pa ni lhag mthong zhes bya ste/

  251. 306b

    lhag mthong zhes bya ba yang chos rnams la yang dag par mthong ba'o// chos rnams la ji lta ba bzhin mthong ba'o// chos rnams la de kho na nyid du mthong ba'o// chos rnams la gzhan ma yin pa nyid du mthong ba'o// chos rnams la stong pa nyid dang / mtshan ma med pa dang smon pa med par mthong ba'o// chos rnams la mngon par 'du mi byed pa dang / de bzhin du ma skyes pa dang / ma byung ba dang / dngos po med pa dang / ji lta ba bzhin du rnam par dag pa dang / dben par mthong ba'o// chos rnams la g.yo ba med pa dang / byed pa med pa dang / bdag po med pa dang / 'dzin pa med pa dang / dbyer med cing ro cig pa dang / na mkha'i ngo bo nyid dang / rang bzhin gyis mya ngan las 'das par mthong ba'o// lhag mthong zhes bya ba yang yod pa'i rnam par yang mi mthong ngo // med pa'i rnam par yang mi mthong ngo // / skye ba dang / 'jig pa dang / gnas pa'i rnam par yang mi mthong // dmigs pa dang / mtshan ma'i rnam par yang mi mthong ste/ de mthong mod kyi ci yang mi mthong ngo // nam mthong ba med pa de ni mthong ste/ lhag mthong gis kyang mthong ba 'ang ma yin/ ma mthong bar yang ma yin par mthong ste/ nam de ltar mthong ba de na yang dag pa nyid thong ngo // yang dag pa nyid mthong bas lhag mthong la mkhas pa thob par 'gyur ro// de la byang chub sems dpa' lhag mthong gis de ltar mthong yang /

  252. 307a

    mngon par 'du mi byed par mi 'gyur/ dge ba'i rtsa ba mngon par 'du mi byed pa las kyang mi ldang ba ste/ 'di ni byang chub sems dpa' rnams kyi lhag mthong mi zad pa zhes bya'o// de dag ni btsun pa sha ra dwa ti'i bu byang chub sems dpa' rnams kyi zhi gnas dang lhag mthong mi zad pa'o// gzhan yang btsun pa sha ra dwa ti'i bu byang chub sems dpa' rnams kyi gzungs dang / spobs pa mi zad pa yin te/ de la gzugs kyi mi zad pa gang zhe na/ gzungs shes bya ba ni gang sngon dge ba'i rtsa ba'i tshogs bsags pa'i dran pas chos kyi phung po stong phrag brgyad bcu rtsa bzhi 'dzin pa dang / kun 'dzin pa dang / mi brjed pa dang / dran pas kun 'dzin pa 'di ni gzungs shes bya'o// gang gzungs shes bya ba ni gang gis sangs rgyas bcom ldan 'das kyis gsungs pa thams cad 'dzin pa dang / byang chub sems dpa' thams cad dang / rang sangs rgyas thams cad dang / nyan thos thams cad dang / sems can thams cad kyis smras pa 'dzin pa dang / legs par smras pa thams cad ma lus par 'dzin pa ste 'di ni gzungs shes bya'o// nam yang bskal pa gzhan du 'phos par gyur tam/ tshe gzhan du 'phos par gyur pa de na yang byang chub sems dpa' de'i gzugs kyi dran pa'i ye shes ma rung bar mi 'gyur/ nyams par yang mi 'gyur te/ nam phyi ma'i

  253. 307b

    mtha'i bar du chos thams cad 'phags pa'i shes rab kyi mig gis lag pa'i mthil na skyu ru ra'i 'bru 'dug pa bzhin du mthong ste/ 'di ni gzugs mi zad pa zhes bya'o// de la spobs pa mi zad pa gang zhe na/ spobs pa zhes bya ba ni gang 'di ma chags pa'i spobs pa dang / thogs pa med pa'i spobs pa dang / mi 'phrogs pa'i spobs pa dang / ma rmornas pa'i spobs pa dang / myur ba'i spobs pa dang dga' ba'i spobs pa dang / spobs pa dag pa dang / mi 'gyur ba'i spobs pa dang / spobs pa rno ba dang / spobs pa 'gyogs pa ste/ 'di spobs pa mi zad pa de ni las kyi rnam par smin pas yongs su sbyangs pa sangs rgyas kyi byin gyis brlabs pa/ lha rnams kyis yongs su gzung ba/ chad par lung bstan pa/ 'bras bu yod par chos ston pa/ mya ngan las 'das pa'i lam du 'gro ba ste/ de de lta bur spobs pa rdzogs pa yin no// gzugs su snang ba ji snyed du byang chub sems dpa' de'i mdo dang tshigs su bcad pa bstan pa stobs pa snang yang de snyed do// sgra grag pa ji snyed par byang chub sems dpa' de'i mdo dang / tshigs su bcad pastan pa la spobs par snang ba yang de snyed de 'di bstan to// 'di bshad do// zhes mi rtog cing mngon par 'du byed pa med mod kyi/ 'khor gang dang gang du 'gro yang rung ste/ gal te rgyal rigs kyi 'khor du 'am/ gal te bram ze'i 'khor du 'am/ gal te dga' ldan gyi 'khor du

  254. 308a

    thos@'am/ gal te 'phrul dga'i 'khor da 'am/ gal te gzhan 'phrul dbang byed kyi 'khor du 'am/ gal te bdud kyi 'khor du 'am/ gal/ ci 'dud kyi 'khor du'am/ gal te tshangs pa'i 'khor du yang rung ste/ de dang der lhun gyis grub pas sems can thams cad kyi dad pa dang / dbang po rnams la chos spobs par 'gyur te/ gal te 'dod na tshe gzhan nam bskal pa gzhan gyi bar du yang mi ldan zhing thogs pa med par chos ston te/ de'i chos ston pa des kyang de byed pa'i sdug bsngal yang dag par zad par bya ba'i phyir 'byung bar 'gyur te/ 'di ni byang chub sems dpa' rnams kyi spobs pa mi zad pa'o// de dag ni btsun pa sha ra dwa ti'i bu byang chub sems dpa' rnams kyi gzungs dang spobs pa mi zad pa'o// gzhan yang btsun pa sha ra da ti'i bu byang chub sems dpa' rnams kyi chos kyi mdo bzhi mi zad pa ste/ bzhi gang zhe na/ 'di lta ste/ 'du byed thams cad mi rtag par byang chub sems dpa' rnams kyi mi zad par bstan pa shes pa/ 'jug pa dang / 'du byed thams cad sdug bsngal du byang chub sems dpa' rnams kyi mi zad par bstan pa shes pa 'jug pa dang / chos thams cad bdag med par byang chub sems dpa' rnams kyi mi zad par bstan pa shes pa 'jug pa dang / zhi ba mya ngan las 'das par byang chub sems dpa' rnams kyi mi zad par bstan

  255. 308b

    pa shes pa 'jug pa ste/ de la mi rtag pa'i don gang zhe na/ med pa'i don dang / mi chags pa'i don te/ dngos po rnam par 'jig pa'i don ni ma yin no// mi rtag pa'i don ni chos la bdag med pa ste/ ngo bo nyid kyis dben pa'i phyir de la 'jigs pa gang yang med do// 'di ni mi rtag pa'i don no// de la sdug bsngal gyi don zhe na/ dga' ba med pa ni sdug bsngal gyi don no// dga' ba zad pa'i don ni sdug bsngal gyi don no// smon pa med pa'i don ni sdug bsngal gyi don no// sdug bsngam gyi sgra rab tu bstan pa'i don ni sdug bsngal gyi don no// nam mkha' rab tu bzhag pa'i don ni sdug bsngal gyi don te/ 'di ni sdug bsngal gyi don ces bya'o// de la bdag med pa'i don gang zhe na/ bdag ni shin tu bdag med pa ste/ gang bdag med pa'i don ni gsob po// gsog go// rag lus pa'o// stong pa'o// stong pa'i don ni bdag med pa'i don te/ 'di ni bdag med pa'i don ces bya'o// de la zhi ba'i don gang zhe na/ zhi ba ni zhi bas zhi bar mi 'gyur te/ zhi ba nyid zhi ba'o// / ma zhi ba 'ang zhi bas zhi bar mi 'gyur te/ gang zhi ba'i den de ni mtshan ma thams cad nye bar zhi ba ste/ 'di ni zhi ba zhes bya'o// zhi ba ni don ces bya'o// de dag ni btsun pa sha ra da ti'i bu/ byang chub sems dpa' rnams kyi chos kyi mdo bzhi mi zad pa'o// gzhan yang btsun pa sha ra da ti'i bu byang chub sems dpa' rnams kyi bgrod

  256. 309a

    zosapa gcig pa'i lam mi zad pa yin te/ de la bgrod pa cig pa'i lam gang zhe na/ bgrod pa gcig pa'i lam la/ byang chub sems dpa' rnams kyi gzhan gyi dring la mi 'jog pa yin te/ bgrod pa gcig pa'i lam zhes bya ba ni/ byang chub sems gcig pa gnyis ma yin zhing / grogs med par bla na med pa/ yang dag par rdzogs pa'i byang chub tu go cha gyon te/ bdag gi brtson 'grus dang mthu dang / stobs kyi yongs su bzung ba'i lhag pa'i bsam pas gzhan gyi go skabs med par bdag nyid byed cing bdag gis mthu stobs kyis 'phags te/ des de lta bu'i go cha sra ba dgos nas/ gang cung zad sems can thams cad kyis thob par bya ba yod pa de dag gis kun rnyed par bya'o// gang 'phags pa thams cad dang / theg pa la gsar du zhugs pa'i byang chub sems dpa' rnams kyi thob bar bya ba de dag gis kun thob par bya'o// sbyin pa ni bdag gi grogs ma yin gyi/ bdag ni sbyin pa'i grogs so// tshul khrims dang / bzod pa dang / btson 'grus dang/ bsam gtan dang / shes rab ni bdag gi grogs ma yin gyi/ bdag ni tshul khrims dang / bzod pa dang / brtson 'grus dang / bsam gan / shes rab kyi grogs so// bdag ni pha rol du phyin pa rnams kyi mgro 'i bya'i/ bdag ni pha rol tu phyin pa rnams la rim gro byam// bdag la ni tsA ba'i da

  257. 309b

    rnams kyis rim gror mi bya'i// bdag gis ni smra ba'i dngos po rnams kyi rim gro bya'o// bdag gis dge ba'i rtsa ba thams cad kyis rim gro mi bya'i/ bdag gis ni dge ba'i rtsa ba thams cad la rim gro bya'o// gang 'di lta bu'i chos la grogs med par bdag nyid byed cing gzhan gyi go skabs med par bdag cig pu gnyis ma yin zhing grogs med par rdo rje'i sa'i snying po la 'dug ste/ bdud stobs dang bcas pa rnams btul la sems kyi skad cig ma gcig dang ldan pa'i shes rab kyis/ bla na med pa yang dag par rdzogs pa'i byang chub mngon par rdzogs par 'tshang rgya bar bya'o// zhes de dag mngon par 'tshang rgya ba 'di ni/ btsun pa sha ra dwa ti'i bu/ byang chub sems dpa' rnams kyi bgrod pa cig pa'i lam mi zad pa zhes bya'o// gzhan yang btsun pa sha ra da ti'i bu/ byang chub sems dpa' rnams kyi thabs mi zad pa ste/ de la thabs gang zhe na/ thabs gang gis byang chub sems dpa' sangs rgyas kyi chos thams cad rnam par sgrub cing slong ba ste/ thabs ni byang chub sems dpa'i dge ba'i chos thams cad nye bar 'jog go// thabs ni bsam pa nges par rtog go// thabs ni sbyor ba rgyun mi 'chad pa'o// thabs ni lhag pa'i bsam pa bye brag tu 'phags pa'i chos 'dod pa'o// thabs ni sbyin pas pha rol du phyin pa thams cad yongs su rdzogs par bya'o// thabs ni tshul khrim

  258. 310a

    zo zos// kyis skye ba thams cad 'dzin pa'o// thabs ni bzod pas byang chub kyi phyir lus dang ngag dang sems kyis brgyan to// thabs ni brtson 'grus kyis 'jug pa dang / gnas pa la brtson pa'o// thabs ni bsam gtan gyis bsam gtan la phyir log par shes pa'o// thabs ni shes rab kyis 'das ma byas spong ba'o// thabs ni byams pas dpung gnyen med pa rnams ni skyabs so// thabs ni snying rjes 'khor ba la mi spong ba'o// thabs ni dga' bas dga' ba dang mi dga' ba la bzod pa'o// thabs ni btang snyoms kyis dge ba'i rtsa ba dang / tshogs thams cad 'phel ba'o// thabs ni 'phrul gyi mig gis sangs rgyas kyi spyan thob pa'o// thabs ni 'phrul gyi rna bas sangs rgyas kyi snyan thob pa'o// thabs ni pha rol gyi sems shes pas dbang po mchog dang / mchog ma yin pa shes pa thob pa'o// thabs ni sngon gyi gnas rjes su dran pas dus gsum la chags pa med pa'i ye shes so// thabs ni rdzu 'phrul bya ba shes pas/ de bzhin gshegs pa'i rdzu 'phrul rab tu thob pa'o// thabs ni sems can rnams kyi bsam pa la 'jug pa'o// thabs ni spyod pa'i mtshan nyid shes pa'o// thabs ni rgal nas 'jug pa'o// thabs ni nyin mongs pa med pas nyon mongs pa'o// thabs ni khur bor bas khur thogs pa'o// thabs ni chad yod pa chad med par

  259. 310b

    ston pa'o// thabs ni tshad med tshad yod par ston pa'o// thabs ni dbang po zhan pa rnams gsal bar byed pa'o// thabs ni dus dang dus ma yin pa shes pa'o// thabs ni lam dang lam ma yin par 'gro ste/ ngan pa'i lam la gnas pa'i sems la gnas pa'i sems can rnams lam bzang por 'god do// thabs ni nyung ngu las mang por byed do// mang po las tshad med par byed do// thabs ni byed pa'i sems can rnams 'dam par byed pa'o// thabs ni tha ma dang 'bring dang rab la gnas pa'o// thabs ni mya ngan las 'das pa'i rig pas 'khor ba'i rig par ltung ngo // thabs ni thar pa las bcings pa tshol lo// thabs ni shes rab bya ba zad par byed de// shes par bya ba zad par yang mi ltung ngo // thabs ni spyod lam thams cad 'khrul par byed de/ spyod lam rnams las kyang mi nyams so// thabs ni sems can la lta'i tshul khrims la ma yin no// thabs ni sbubs lta ba la rten gyi rtsod pas ni ma yin no// thabs ni sgra 'byin pa'o// thabs ni khams gsum la spyod yul ba'o// thabs ni rnam par thar pa'i sgo gsum thob pa'i mtshan nyid spyod yul ba'o// thabs ni 'phags pa ma yin pa'i skye bo dang 'dres pa'o// thabs ni 'phags pa'i skye bo dang ma 'dres pa'o// thabs ni mya ngan las 'das pa las gud du phyogs shing 'khor ba la sngon du bltas pa'o//

  260. 311a

    thosathabs ni bdud kyi spyod yul na nyon mongs pa med par snang ba'o// thabs ni thams cad nas thams cad de/ thams cad nas thams cad la/ 'ang ma yin te/ 'di ni btsun pa sha ra da ti'i bu byang chub sems dpa' rnams kyi thabs mi zad pa zhes bya ste/ de dag ni btsun pa sha ra dwa ti'i bu byang chub sems dpa' rnams kyi thabs mi zad pa brgyad bcu pa ste/ mi zad pa 'dir sangs rgyas kyi chos thams cad rjes su chud cing 'dus so// mi zad pa'i chos kyi sgo'i le'u 'di byang chub sems dpa' blo gros mi zad pa bstan pa'o// srog chags brgya stong bdun bcu rtsa brgyad/ sngon bla na med pa yang dag par rdzogs pa'i byang chub tu sems ma bskyed pa bskyed par 'gyur ro// byang chub sems dpa' stong phrag lnga bcu rtsa gnyis ni mi skye ba'i chos la bzod pa thob par gyur to// 'khor de dag thams cad kyang / chos kyi rnam grangs 'di la mchod pa bya ba'i phyir/ me tog gi phreng ba dang / me tog gi gdugs dang / me tog gi snyan gyi gong brgyan kha dog dang ldan pa/ dri dang ldan pa rnam pa sna tshogs kyis bcom ldan 'das dang / blo gros mi zad pa dang byang chub sems dpa' la mngon par 'thor ro// lha rnams kyis kyang steng gi na mkha' la glu blangs te/ 'di skad du brjod pa yang ched du brjod do// gang sangs rgyas bcom ldan 'das rnams kyi skal pa bye ba khrag khrig steng grangs med par bsgrubs pa

  261. 311b

    bla na med pa yang dag par rdzogs pa'i byang chub ni blo gros mi zad pa/ byang chub sems dpa' chos kyi rnam grangs 'di las mi zad pa'i rnam pas ston to// sems can su mi zad pa'i sgo'i le'u chos kyi rnam dgrangs 'di nyan cing thos nas mos pa dang / kun 'dri ba dang / 'dzin pa dang / 'chang ba dang / klog pa dang / kun chub par byed pa dang / gzhan la 'ang rgya chen yang dag par ston pa de dag kyang mi zad pa 'di dag dang ldan par 'gyur ro// de nas bcom ldan 'das kyis nyid kyi sku las phrag pa'i ras phud de/ blo gros mi zad pa byang chub sems dpa' la chos kyi dga' ba'i phyir byin nas 'di skad ces bka' stsal to// legs so legs so skyes bu dam pa mi zad pa'i chos kyi rnam grangs 'di khyed kyis legs par smras so// khyod la de bzhin gshegs pa rjes su yid rang ngo // gang khyod las rjes su yid rang ba de yang gang ga'i klung gi bye ma snyed kyis sangs rgyas bcom ldan 'das rnams kyis rjes su yid rang ngo / de nas blo gros mi zad pa byang chub sems dpas phrag pa'i ras de lag pa gnyis kyis blangs te/ spyi bo na bzhag nas 'di skad smras so// bcom ldan 'das gang bcom ldan 'das kyis gsol pa/ 'di lha dang mi dang lha ma yin du bcas pa'i mchod rten no// de nas phyogs bcu kun nas rin po che'i gos dang / rin po che'i gdugs dang / rin po che'i ba dan dang / lnga ldi rin po che'i rtsa ba can 'ongs par snang ngo // de dag 'ongs nas

  262. 312a

    phran/ @#blo gros mi zad pa byang chub sems dpa'i lus la mngon par 'gebs par byed de/ rin po che'i gos dang / rin po che'i gdugs dang / rin po che'i ba dan dang / lnga ldi rin po che'i rtsa ba can de dag las sgra 'di skad du 'byung ste/ legs so legs so// blo gros mi zad pa khyod kyis mi zad pa'i sgo'i le'u legs par smras te/ khyod kyis legs par smras pa la rjes su yid rang ngo // de nas bcom ldan 'das la tshe dang ldan pa sha ra dwa ti'i bus 'di skad ces gsol to// bcom ldan 'das rin po che'i gos rnams dang / rin po che'i gdugs rnams dang / rin po che'i ba dan rnams dang / lnga ldi rin po che'i rtsa ba can 'di dag gang nas mchis/ 'di lta bu'i sgra dag las byung / bcom ldan 'das kyis bka' stsal pa/ sha ra dwa ti'i bu 'di dag ni bla gros mi zad par byang chub sems dpa'i sngon byang chub sems dpa'i spyad pa spyod pa na/ sems can gang bla na med pa yang dag par rdzogs pa'i byang chub yongasu smin par byas pa de dag/ de ltar phyogs bcu'i 'jig rten gyi khams su bla na med pa yang dag par rdzogs pa'i byang chub tu mngon par rdzogs par sangs rgyas te/ de bzhin gshegs pa de dag gi blo gros mi zad pa/ byang chub sem/ dpa' la byas pa bzo ba dag byas pa tshor bar 'dzin pas skyes bu dam pa 'di'i yang dag pa'i yon tan brjod cing 'dus pa chen po'i chos kyi rnam grangs 'di la yang mchod pa

  263. 312b

    bya ba'i phyir chos kyi dga' ba 'di dag skur ro// de dag 'khor de dag thams cad blo gros mi zad pa byang chub sems dpa' la rab tu dag pa dang / mos pa dang / ri mo shin du rgya cher skyed nas tshig 'di skad ces kyang smras s+ho// gang bdag gag gis blo gros mi zad pa byang chub sems dpa' la lta ba dang / phyag 'tshal ba dang / mchod pa dang bsnyen bkur bya ba dang / chos bstan pa 'di 'ang mnyan rnyed pa ni bdag gis rnyed pa rab tu rnyed do// gang gis blo gros mi zad pa byang chub sems dpa'i ming tsam thos pa yang / rnyed pa la rab tu rnyed pa yin na/ gang gis mngon sum du sha'i mig gis mthong la chos kyi rnam grangs 'di yang nyan pa dang / mos/ par byed pa dang / kun 'dri ba dang / 'dzin pa dang / 'chang ba dang / klog pa dang / ston pa dang / kun chub par byed pa dang / gzhan la'ang rgya cher rab tu sten pa lta ci smos/ de nas bcom ldan 'das kyis 'khor de dag thams cad kyi legs par smras pa la rjes su thugs rang bar mdzad de/ tshe dang ldan pa sha ra da ti'i bu la bka' stsal pa/ sha ra dwa ti'i bu byang chub sems dpa'i theg pa can gyi rigs kyi bu po 'am/ rigs kyi bu mo gang gis tshe'i tshad bskal par gnas pas/ sangs rgyas bcom ldan 'das rnams la sbyin pa byin/ tshul khrims dang / brtul zhugs yang dag par blangs pa thams cad la slob cing sems

  264. 313a

    can thams cad kyi nyes par byas pa yang bzod la/ mgo bo'i thod la mi 'bar ba bzhin du brtson 'grus brtsams shing gnas te/ bsam gtan rtse gcig pa dang ldan la shes rab kyi bye brag la mkhas kyang chos kyi rnam grangs 'di dang bral na/ de'i pha rol tu phyin pa rnams yongs su rdzogs par ngos bshad do// sha ra dwa ti'i bu byang chub sems dpa'i theg pa can gyi rigs kyi bu pho 'am/ rigs kyi bu mo gang gis chos kyi rnam grangs 'di nyan pa dang / mos pa dang / 'dri ba dang / 'dzin pa dang / 'chang ba dang / klog pa dang / kun chub par byed pa dang / gzhan la rgya cher yang dag par ston pa dang / bsgom pa'i rnal 'byor la zhags shing gnas pa de ni de'i pha rol du phyin pa rnams yongs su rdzogs par 'gyur ba dang / myur du bla na med pa yang dag par rdzogs pa'i byang chub tu mngon par 'tshang rgya bar ngas bshad do// de ci'i phyir zhe na/ sha ra da ti'i bu byang chub sems dpa' gang chos kyi rnam grangs 'di la zhags te/ gzhan la rgya cher rab tu ston pa 'di ni de'i sbyin pa'i pha rol du phyin pa yongasu rdzogs pa'o// de ci'i phyir zhe na/ sbyin pa rnams kyi nang na chos kyi sbyin pa de ni mchog go// gang byang chub kyi sems ma nyams pas chos kyi rnam grangs 'di la brtson zhing tshul khrims dang / btul zhugs dang / sdom pa 'di dag ni de'i tshul khrims kyi pha rol du phyin pa yongs su rdzogs pa ste/ de ci'i phyir zhe na/ byang chub sems dpa'i tshul khrims dang / bslab pa

  265. 313b

    thams cad ni chos kyi rnam grangs 'di las rab tu bstan to// gang byang chub sems dpa'i chos kyi rnam grangs 'di las bzod pa bstan pa de ni sems can thams cad kyis kyang bskyod pa mi nus te/ gang 'di chos thams cad kyi rjes su song ba'i bzod pa 'di ni de'i pha rol du phyin pa'i mchog go// gang chos kyi rnam grangs 'di la 'jug pa dang / ston pa dang / sbyor ba dang sgom pa ni lus dang ngag dang / sems kyis brtson pa 'di ni de'i brtson 'grus kyi pha rol du phyin pa'o// gang chos kyi rnam grangs 'di la sems kyis nges par rtogs cing / mi g.yeng ba dang // rtse gcig dang / rtog pa 'di ni de'i bsam gtan gyi pha rol du phyin pa'i mchog go// gang chos kyi rnam grangs 'di la mngon sum du shes pa dang / gzhan gyi dring la mi 'jog par shes pa dang / rnam par 'byed pa shes pa dang / nan tan shes pa 'di ni de'i shes rab kyi pha rol du phyin pa'i mchog ste/ de ltar na sha ra dwa ti'i bu chos kyi rnam grangs 'di la rab tu/ sbyor ba'i byang chub sems dpa' ni bka' ba chung ngu'i pha rol du phyin pa drug po 'di dag sgom pa yongs su rdzogs par 'gyur ro// sha ra da ti'i bu rnam grangs 'dis kyang de 'di ltar rig par bya ste/ byang chub sems dpa' gang chos kyi rnam grangs 'di lus la yod pa 'am/ glegs bam du byas kyang rung ste/ sangs rgyas kyi chos thams cad de'i lag 'thil du phyin par shes par bya'o// gal te 'byung ba chen po rnams gzhan du gyur kyang / byang chub sems dpa' de'i byang chub ni mi 'gyur ro// de ci'i phyir zhe na/ sha ra dwa ti'i

  266. 314a

    dro thog@#bu 'di ni byang chub sems dpa' rnams kyi phyir mi ldog pa rnams kyi rgyu ste/ byang chub sems dpa' de dag kyang / rgyu 'di las btsal bar bya ste/ gang rgyu 'di'i phyir 'brang ba de dag ni sangs rgyas kyis chos thams cad kyi phyir 'brang ba yin no// de nas rgyal po chen po bzhi stobs dang bcas/ 'khor dang bcas pa bcom ldan 'das la thal mo sbyar te/ phyag 'tshal nas bcom ldan 'das la 'di skad ces gsol to// bcom ldan 'das bdag cag rgyal po chen po bzhi rnams ni/ bcom ldan 'das kyi nyan thos rgyun du zhags pa ste/ bcom ldan 'das bdag cag ni gang chos kyi rnam grangs 'di 'dzin pa'i rigs kyi bu po dang / rigs kyi bu mo de dag gis g.yog dang rim gro bgyid par rab tu spro ste/ bcom ldan 'das chos smra ba de dag la bdag cag gis ston par 'du shes bskyed par bgyi'o// de ci'i slad du zhe na/ bcom ldan 'das theg pa thams cad ni 'di las byung ngo // de nas bcom ldan 'das la rgya byin lha'i dbang pos 'di skad ces gsol to// bcom ldan 'das bdag cag gis bcon ldan 'das las chos kyi rnam grangs brgya stong mang po thos kyang / shin tu gdon mi za ba'i chos kyi don 'di lta bu bstan pa/ bdag cag gi sngon nam yang ma thos so// bcom ldan 'das grong dang grong khyer dang / grong brdal dang / yul dang / rgyal po'i pho brang 'khor gang dang / gang chos kyi rnam grangs 'di 'chang ba dang / rab tu/

  267. 314b

    ston pa de dang der sum bcu rtsa gsum pa'i lha rnams dang bcas te/ chos nyan pa'i srad du 'chi'o// chos smra ba de dag la'ang chos kyi bsrung bar bgyi'o// rigs kyi bu dag ci nas 'jigs pa ma mchis par gyur cig/ 'khor gyi 'jigs pa dang bral bas chos kyi rnam grangs 'di la zhugs te/ gzhan la yong rgya cher rab tu ston pas brtson 'grus dang / stobs dang / mthu dang spro ba dang / spobs pa dang / dran pa dang / blo gros dang / rtogs pa rab tu stsal bar bgyi'o// bcom ldan 'das kyis bka' stsal pa/ ke'u shi ka gang khyod kyis chos smra ba rnams srung bar byed pa ni legaso legs so// ke'u shi ka chos smra bas bzung bas ni dam pa'i chos yongasu bzung bar 'gyur ro// dam pa'i chos yongs su bzung bas ni sems can thams cad yongs su bzung bar 'gyur ro// de nas bcom ldan 'das la tshangs pa mi 'jed kyi bdag pos 'di skad ces gsol to// bcom ldan 'das bdag dang / tshangs pa'i rigs kyi lhar bcas pa bsam gtan gyi dga' ba dang / bde ba btang ste/ gang dang gang na chos kyi rnam grangs 'di sprod pa de dang der chos kyi rnam grangs mnyan pa'i slad du mchi'o// der chos smra ba de dag gis ltas bzhi snang nas/ 'dir tshangs pa mi 'dzad kyi bdag po tshangs pa rigs kyi lha rnams dang bcas te/ chos nyan pa'i phyir lhags so zhes 'tshal bar bgyis te/ bzhi gang zhe na 'di lta ste/ snang ba chen mthong ba dang /

  268. 315a

    @#lha rdzas kyi dri snyam pa dang / chos smra ba des chos kyi rnam grangs 'di la nges pa'i tshig gis nges pa'i tshig dang / tshig gis 'tshams sbyar bar tshig gi 'tshams su mi 'byed cing dran par spobs pa dang / 'khor de dag thams cad kyang mi g.yeng zhing chos la gus pa yid la bgyid pas chos nyan pa ste/ ltas bzhi po de dag gis 'dir tshangs pa mi 'jed kyi bdag po tshangs rigs kyi lha rnams dang bcas te/ chos nyan pa'i phyir lhags so zhes 'tshal bar bgyi'o// de nas bcom ldan 'das la bdud sdig can gyis 'di skad ces gsol to// bcom ldan 'das chos kyi rnam grangs 'dis bdag gi stobs dang / bzhon par bcas pa tham cad spobs chung bar bgyis te/ de ci'i slad du zhe na/ bcom ldan 'das byang chub sems dpa' gang gis chos kyi rnam grangs 'di thos pa de nyid kyis byang chub sems dpa' de bla na med pa yang dag par rdzogs pa'i byang chub tu lung bstan pa lags te/ bcom ldan 'das sangs rgyas kyi zhing gang na byang chub sems dpa' de gnas pa de na de nyid sangs rgyas zhes bci'o// blo gros mi zad pa byang chub sems dpa' dang / chos kyi rnam grangs 'di gzi brjid kyi tshogs dang / stobs bskyed pas bdag ging rgyal dang / rgyags pa dang / glegs pa rnams bcom pas chos sba ba de dag srung ba dang / bskyab pa dang / sba ba'i phyir dam bca'o// gang na chos kyi rnam thas

  269. 315b

    'di spyod pa der sems bskyed pa bag tsam gyis kyang bar chad mi bgyi'o// de nas bcom ldan 'das kyis tshe dang ldan pa kun dga' bo la bka' stsal pa/ kun dga' bo/ chos kyi rnam grangs 'di dam pa'i chos yun ring du gnas par bya ba'i phyir zung shig lhogs shig/ kun chub par gyis shig/ kun dga' bos gsol pa/ bcom ldan 'das bdag gi chos kyi rnam grangs 'di bzung mod kyi/ byang chub sems dpa' sems dpa' chen po lta bur bdag gis chos kyi rnam grangs rgyas par bgyid mi nus so// bcom ldan 'das kyis bka' stsal pa/ kun dga' bo chos kyi rnam grangs 'di rgyas par byed pa'i phyir byed pa chung bar gyis shig/ 'khor 'di na gang chos kyi rnam grangs 'di rgyas par byed pa dam pa'i chos yongs su 'dzin pa'i byang chub sems dpa' rnams tshogs shing 'khod do// de nas 'khor de nas byang chub sems dpa' bye ba phrag bcus/ dam pa'i chos yongs su bzung ba'i phyir/ bcom ldan 'das la 'di skad ces gsol to// bcom ldan 'das bdag cag gis 'das pa chen po'i le'u chos kyi rnam grangs 'di phyogs bcu'i 'jig rten kun du ma lus par rdzogs shing rgyas par bgyi'o// mi 'jed kyi 'jig rten gyi khams 'dir yang byang chub sems dpa' sems dpa' chen po byams pa dam pa'i chos bzung ba'i srad du/ dam pa'i chos bsrung ba'i srad du chos kyi rnam grangs 'di rgyas par

  270. 316a

    blo thos@#bgyid de/ bcom ldan 'das yongs su mya ngan las 'das nas/ phyi ma'i dus lnga brgya tha ma la chos kyi rnam grangs 'di byang chub sems dpa' gang gis rna bar grags par 'gyur ba dang / 'dzin pa dang / 'chang ba dang / klog pa dang / ston pa de ni byang chub sems dpa' byams pa'i byin gyis brlabs su rig par bya'o// de nas bcom ldan 'das kyis dam pa'i chos kun 'dzin pa'i byang chub sems dpa' de dag la bka' stsal pa/ leg so skyes bu dam pa dag ji ltar khyed da ltar nga'i 'dun du dam pa'i chos yongs su 'dzin pa de bzhin du khyed gang ga'i klung gi bye ma snyed kyi sangs rgyas bcom ldan 'das kyi spyan sngar dam pa'i chos yongs su 'dzin par langs pa legs so legs so// de nas bcom ldan 'das la byang chub sems dpa' sems dpa' chen po blo gros mi zad pas 'di skad ces gsol to// bcom ldan 'das gang gis chos kyi rnam grangs 'di la bdag gi blo dang mi ldan pas don dang yi ge ma rdzogs pa rnams bcom ldan 'das dang / mi zad pa'i chos dang ldan pa'i byang chub sems dpa' sems dpa' chen po 'di dag la bdag bzod par gsol to// bcom ldan 'das kyis bka' stsal pa/ blo gros mi zad pa so so yang dag par rig par thob pa'i byang chub sems dpa' rnams la don dang chos dang / nges pa'i tshig dang spobs pa rnams las 'khrul pa med do// 'gog pa yang 'khrul pa med do//

Colophon

'dus pa chen po'i le'i 'bum pa las/ blo gros mi zad pas bstan pa zhes bya ba theg pa chen po'i mdo rdzogs s+ho/