gtam rgyud kyi rtog pa
Text
ff. 113a–119a · 13 folio sides
- 113a
bu'i slob ma la dpal rdo rje 'jigs byed chen po'i rgyud sbyin no/ / sngags pas gzhan la byin na de dang slob mar bcas nas dmyal bar 'gro bar the tshom med do// 'jig rten 'dir ni 'jig pa chen por 'gyur ro/ / 'jig rten pha rol tu ni dmyal bar 'gro'o// dam tshig kyang nyams par 'gyur ro// 'di ni 'jam dpal 'jam pa'i mchog dpal rdo rje 'jigs byed chen po'i rnal 'byor gyi rgyud las/ bsam gtan gyi las bsgrub pa'i rtog pa ste bdun pa'o// / dpal rdo rje 'jigs byed chen po'i 'khor lo'i rgyud 'bum pa nas btus nas phyung ba rtog pa'i phyogs bklags pas 'grub pa/ dpal rdo rje 'jigs byed chen po ma he'i gdong can gyis dngos grub 'grub pa'i rtog pa rdzogs so// / dpal o M r+yan gyi gnas chen po nas dpal 'jam dpal gyi rgyud las phyung ba rgyud kyi rgyal po chen po dpal rdo rje 'jigs byed chen po zhes bya ba bla ma dam pa'i dkyil 'khor chen po'i slob dpon dpal lA li ta badz+ra sa bton nas mdzapa rdzogs so/ / / rgya gar gyi paN+Di ta mchog gi dngos grub brnyes pa b+ha ro phyag rdum gyi zhal snga nas dang / bod kyi lo tsa ba dge slong rdo rje grags kyis bsgyur @bcom ldan 'das dpal gshin rje gshed la phyag 'tshal lo/ / don dam chos sku zhi ba nyid// gang
- 113b
'dir khams gsum rnam rgyal te/ / gshin rje dgra zhes grags pa yi// 'khor lo bskor ba'i cho ga bshad// yon tan ldan pa'i sngags pa yis// cho ga bzhin du mnyes par bya// dur khrod dben pa la sogs par// dkyil 'khor khru do tshad du bya// dri dang ba yi rnam lnga dang // nyi zla sogs pa byi dor bya// ba glang la sogs dam rdzas lnga// gzhan yang tshogs kyi 'khor lo dang / / phyi nang phyed pa'i bye brag gis// legs par mchod pa byas nas ni// 'khor lo bri dang btu ba dang // drang ba dang ni spo ba brtsams// sngags pa rnal 'byor ldan pa yis/ / lho yi phyogs su kha bltas te// dam tshig rjes su dran pa yis// oM badz+ra sa ma ya s+t+waM/ gsang sngags 'di ni rjes dran byed// 'khor lo bri ba brtsam par bya// dbus nas sor tshad bcu drug par// kun nas zlum pos bskor na ni// 'di ni nang gi dkyil 'khor te// rim pa gsum du bskor ba la// sgo med lcags mkhar bcu drug bya 'di ni gshin rje'i grong khyer te/ / srid pa gsum gyi 'jugs sa yin// de yi phyi rim mu khyud gsum// kun tu lcags ris bskor ba ste// mu khyud de dag re re yang // khang pa sum cu gnyis dang ldan/ / 'gro ba'i chos bzhin gsod pa yi// 'khor lo 'di ltar bris nas ni// phyi rol mu khyud mtha' ma la// yi ge ka sogs da yig mthar// nganya
- 114a
bsal nas dgod par bya/ / yi ge d+ha sogs kA yig mthar// de yi rjes su bri bar bya// mu khyud dbus ma dag la ni// dbyangs yig bcu gnyis nyis 'gyur dgod/ / btu dang dgod sogs rtsom pa na// mtshan ma 'di dag shes par bya// zla ba mig dang yon tan dang // rig byed mda' dang dbang po dang // rgya mtsho bkra shis gza' dang phyogs/ / dregs pa nyi ma yan lag sogs// tshes zhes bya bar rab tu grags// phyi rol mu khyud mtha' ma la// shar gyi tshangs thig nas brtsams nas// rim min gza' can khang pa nas/ / yi ge bkra shis tsam blangs te// nang gi ngos kyi mu khyud kyi// tshangs thig gi ni ngos dag la// phyogs bzhir dmig gi tshad du sbyin// rim min phyogs can khang pa nas/ / yi ge dmig gi tshad blangs te// shar du de'i g.yas g.yon gzhag/ rim min bkra shis khang pa nas// dbyangs yig gnyis pa can blangs nas// mig gi tshad du byas nas ni/ / de yi ngos la re re gzhag/ nub kyi tshangs thig nas bgrangs pa'i// rgya mtsho can gyi khang pa nas// dbyangs yig bcu gcig pa ldan pa// dmig gi tshad du blangs nas ni// lho yi ngos su de bzhin sbyin/ / nub nas rim pa min pa'o// zla ba can gyi khyim nas ni// dbyangs yig bcu gsum pa ldan pa// mig gi tshad du blangs nas ni// lho ngos de rjes sbyin par bya//
- 114b
de nyid dbyangs yig gsal ba ni// mig gi tshad du blangs nas kyang // sngon sbyin nub kyi ngos su sbyin// nub nas bkra shis khang pa nas// dbyangs yig bcu gsum pa ldan pa// mig gi tshad du blangs nas ni/ / nub kyi ngos su de bzhin sbyin// byang nas bkra shis khang pa nas// dbyangs yig bcu gcig pa ldan pa// dmig gi tshad du blangs nas ni// byang gi ngos la de bzhin sbyin// rlung gi sa bon zhes bya ba// mig gi tshad blangs de bzhin sbyin// mda' can khang pa na gnas pa'i// 'od kyi gong bur byas pa dang // de nyid nas ni bgrangs pa yi// gza' can khang pa la gnas pa/ / dbyangs yig gnyis pa ldan pa dag/ zla ba'i tshad du blangs nas ni// byang shar mtshams su re re sbyin// rgya mtsho'i khang pa la gnas pa// dbyangs yig gnyis pa ldan pa dag rim min yon tan khang pa nas/ / zla ba'i tshad du blangs nas ni// shar lho mtshams su de bzhin sbyin// rim min bkra shis khang pa nas// dbyangs yig lnga pa ldan pa dag/ yan lag can gyi khang pa nas/ / za ba'i tshad du blangs nas ni// lho nub mtshams su de bzhin sbyin// rim min tshes can khang pa nas// dbyangs yig gsum pa ldan pa dang // rim min bkra shis khang pa nas// zla ba'i tshad du blangs nas ni// byang shar mtshams su de bzhin sbyin// de ltar dgod par byas nas ni// de nas drang ba brtsam par bya// dam tshig rjes su dran byed cing // rdo rje shugs dang ldan pa yi//
- 115a
shar gyi tshangs thig ngos gnyis nas// yi ge zung ldan drangs nas ni// dbus kyi khang par gzhab par bya// phyogs gzhan tshangs thig ngos dag na// de bzhin zung ldan drangs nas ni/ / de bzhin dbus kyi khang par gzhag/ de na shar gyi yi ge yang / rim pa gnyis pa'i khang par drangs// phyogs gzhan du yang de bzhin no// shar gyi zung ldan gsum pa yang // rim pa gsum pa'i khang par drang // phyogs gzhan du yang de bzhin no// mtshams kyi yi ge ya bral 'dis// rang rang gi ni mtshams su drang // de dag phyung ba'i khong stong du// dbyangs kyi yi ge drang bar bya/ / dbyangs kyi yi ge bzhi la ni// ming gi yi ge drang bar bya// so so'i las dang mthun pa yi// bskul ba'i yi ge dgod par bya// gsad dang bskad dang dbye ba la// yi ge phaT ni gzhag par bya/ / mnan pa la yang yi ge laM// zhi ba la ni yi ge au// rgyas pa de bzhin yi ge swa// dbang la bo gyis brgyan pa ste// 'gug pa la ni yi ge dza// de la las kyi 'od zer ni// zhi ba chu ste rgyas pa sa// dbang ni rlung ste drag po me// dbye dgug bskrad pa dbang dang mthun// mnan pa dag ni rgyas pa bzhin// drang ba'i sbyor ba byas nas ni// bsre ba'i sbyor ba brtsam par bya// gnyis med sngags dang ldan pa yis// dbus kyi bkra shis yi ge yang // zla ltar 'od kyi gong bur bya// sngags kyi rgyal po bcu pa yang // 'od kyi gong du de nang du/ 'dod pa'i bsgrub bya gzhag
- 115b
par bya/ / de dkyil rang ming dang por gzhag/ phyogs kyi khyim na gnas pa yi// yi ge zung ma thams cad dang // de tshe 'od kyi gong bur blta// sngags kyi rgyal po bcu pa yang // bcu gnyis khyim du spel te zi/ / byin rlob hUM zhes bya ba yang // khang pa re la zur res kye// yongs su dag pa dgod byas nas// mchod dang gtor ma byas nas ni// spo ba dag ni brtsam par bya// las kyi dbye ba ji lta bar/ / 'khor lo las ni blang bya ste// zhi ba dang ni rgyas pa la// shin tu rgyas pa'i ras la bya// dbang dang dgug la smad 'tshong sogs// gsad dang dbye ba bskrad pa dang // mnan pa la ni dur khrod ras// gi'u wang gur kum zhi ba rgyas// dbang dang dgug la tsan dan dmar// mnan pa la ni ldong ros sogs// bskrad la bya rog khrag gis te// dbye ba rta dang ma do'i sogs/ / gsad la dug la sogs pas bri// dge ba'i las la bzang po'i shing // dge min la ni rus pa dang // lcags la sogs pas bri bar bya// zhi ba shar blta dbang la nub/ rgyas la byang ste drag po lho// gzhan ni ci rigs sbyar bar bya// zhi rgyas dbang dang dgug pa la// sa bskor rim bzhin dgod par bya// gnam bskor dag ni rim par bzlog/ gsad bskrad dbye ba mnan pa la/ / sa bskor rim las bzlog pa ste// gnam bskor dag ni rim bzhin bri// de ltar legs par ma bris na// 'khor lo rang la ldog par 'gyur// de bas nan tan bskyed
- 116a
de bya/ / ras kyi 'khor lo legs zin nas// dkyil 'khor la gnas dkyil 'khor te// ras kyi 'khor lor spyan drangs te// rdo rje bsdu ba'i sbyor ba yin// dkyil 'khor 'khor lo btu bar bya/ / ras kyi 'khor lo mchod nas ni// bden pa'i byin rlabs dmigs par bya// ji ltar gsungs pa'i cho ga bzhin// 'khor lo spo ba byas nas ni// gsang sngags bzlas pa brtsam par bya/ / oM badz+ra sa ma ya s+t+waM/ dam tshig gi sngags so// oM badz+ra be ga/ rdo rje shugs kyi sngags so// oM badz+ra a sa me tri sa me ma hA sa ma ye swA hA/ yi ge bsre ba'i sngags so/ / oM badz+ra sa mA dza/ 'khor lo spo ba'i sngags so// oM badz+ra sa ma ya ma rA dzA sa do ma ya/ ya me do ru Na yo da ya/ ya da yo ni ra ya k+She ya/ yak+She yats+tsha ni rA ma ya phaT phaT/ 'di ni rtsa ba'i sngags te/ las thams cad pa'o// shAn+ti ku ru swA hA/ zhi par skul ba'o// puSh+TiM ku ru sA hA/ rgyas pa'i'o// ba shaM ku ru sA hA/ dbang gi'o// mA ra ya phaT/ gsad pa'i'o/ / ut+k+r-i Ta ya swAhA/ bskrad pa'i'o// staM b+ha ya hU laM/ mnan pa'i 'o// A kaR+Sha ya hUM dzaHdzAH/ dgug pa'i 'o// oM mu/ slar dgrol ba'i sngags so// A li kA l-i grong khyer ni/ / gsang sngags 'byung ba'i rtsa ba ste// las kyi btson ra dag kyang yin// yi ge btu ba med na ni// gsang sngags sgra ni log par 'gyur// yi ge tshang bar ma bkod na// gsang
- 116b
sngags sgra ni log par 'gyur/ / gsang sngags brda yis ma brjod na// sngags ni dngos grub med par 'gyur// drang ba dag ni ma byas na// shin tu 'khor bar mi 'gyur ro// yi ge bsre ba ma byas na/ / bcu drug khang pa don med 'gyur// bskor phyogs log na don mi 'grub// rig sngags nyams dang log pa ni// lha min g.yul las pham pa dang // dbang po dgra yis bsad bzhin no/ / 'khor lo spro ba ma byas na// cho ga dag ni nyams par 'gyur// rgyu yin pa dang sbyor ba dang // dad pa brtan pas 'grub par 'gyur// de bas nan tan bskyed de bya// dpa' gshin rje gshed kyi 'khor lo bri ba'i cho ga'o/ / rdzogs so// / de nas gzhan yang bshad pa ni// las kyi 'grogs kyis byed pa ste// zhi ba'i las ni bla ba yin/ / rgyas pa de bzhin mig tu bsgrags// dbye ba yon tan zhes bya ste// dbang du bya ba rig byed yin// dgug pa'i las la de bzhin mnga'// bskrad dang mnan pa dbang po bzhin/ / mnan pa'i rjes su 'brangs pa yis// gsad pa'i las ni rgya mtshor 'dod// las rnams de dag re re yang // 'phags tshogs mchod sbyin dang po ste// nyi ma gnyis pa gtor ma sbyin/ / gsum pa bzlas pa rnam par 'bad// bzhi pa sbyin sreg tshang bar bya// lnga pa las kyi 'khor lo bskor// drug pa bsam gtan rtse gcig bya// bdun pa
- 117a
las kyi lhag chad bskang / / grangs kyi las la khyad par du// las kyi gtsor ni gang sgrub de'i// 'khor lo bskor ba nyi ma bzhi// las kyi bye brag 'di shes/ na// zhi bas 'jigs pa brgyad las skyob// rgyas pa yon tan drug dang 'byor// dbang gi mos pa rnam bzhir bsgyur// dbye bas gsang sde brgyad dang 'byed// mnan pas dbang po drug 'ching byed/ / gzhan yang ji lta de bzhin du// sngags dang rdzas kyi sbyor ba la// dpyad na dngos grub mi 'grub ste// gal te yid gnyis za gyur tam// bsam pa 'gyur ram dad pa nyams/ / de tshe dngos grub nye ba yang // phyir bzlog 'gyur bar gdon mi za// dad pa brtan par bsgrubs pas na// nam mkha' med par gyur na yang // sngags kyi dngos grub med mi srid/ / lha dang drang srong gis bshad pa'i// rig sngags bslu ba mi srid na// 'dod chags bral bas bshad pa yi// gsang sngags sbyor bas bslu ba ni// ma byung 'byung bar mi 'gyur ro/ / chos nyid bsam gyis mi khyab pa'i// don la the tshom med pa yi// mkhas pa la ni dngos grub nye// rtog cing dpyod pa'i rtog ge pa// de la grub pa'i dngos grub ring / / man ngag dam pa bstan byas kyang // slob ma yid gnyis za gyur na// de la dngos grub ring bar bshad// bla mas mnag sbas byas kyang // slob ma yid gnyis
- 117b
mi za zhing / / bla ma'i man ngag dam pa zhes// gces spras byas na 'grub par nges// de yi phyir na sngags pa yis// rang gi yid gnyis spang ba'i phyir// bla ma mnyes par bya ba gces/ / bsnyen bkur byas pas nus mthu che// gsang ste brjod pas bar chad med// yon tan phul ba byas pas ni// rang sems rin chen rnam gnyis 'gyur// rin chen gnyis la grub par 'byung / / dkon par gyur na bsngags pa brjod// bsngags na yon tan 'byung 'gyur te// bsngags pa dag ni ma byas na// ji ltar yid bzhin nor bu yang // gang gis bsngags pa ma byas na/ / de la 'dod don mi ster ro// dad pa sangs rgyas dad pa chos/ dad pa dge 'dun dad pa ma// dad pa bla ma dad pa pa/ dad pa lam chen dang pa gru// dad pa yid bzhin nor bu ste/ / dad pa gsang sngags dngos grub nyid// dad pa bsod nams nor yin te// de yi phyir na sngags pa yis// rang sems dad pa bskyed pa'i phyir// gzhan la gus pa mchog tu bkur/ / rdzogs so// // de nas gzhan yang bshad bya ba// sngags pas rtag tu brten pa ni// ru sngal 'o ma zhes bya ba// de bzhin 'od kyi lo ma dang // 'jim pa skam po nyid dang ni/ / de bzhin me yi khu ba dang // sgra snang gi ni rdzas dag dang // 'di rnams rtag tu dpyad na ni// rang bzhin gyis ni nad med cing // tshe ring dbang po rgyas pa dang //
- 118a
rtag tu lang tsho dar la bab// lha rnams kun gyis byin gyis rlob// 'di la dpyad par mi bya ste// mthu dang ngo bo nyid kyis grub// ting 'dzin sngags kyis byin brlabs nas/ / las kyi rnam smin sbyong bar byed// rig pa 'dzin pa'i sa la gnas// de phyir cho ga bzhin du bsten// tshes gcig skya rengs shar ba ni// snod la ma reg ru sbal zho// drod ma yal bar btung ba 'am/ / yang na nyi ma'i sbu gus btung // mar gyi ngo bo'i tshes gcig la// 'od kyi lo ma btsal nas ni// de nyid nas ni gzung bar bya// zhag gsum chu yis char pa btang // lo ma de bcad bza' bar bya/ / yang na nyi ma'i sbu gus btung // 'jim pa skam po sbyar nas ni// zhag gsum chu yi nang du spang // de blangs nas ni yang bskams nas// phye ma byi la'i spar tshad rero/ ba yi 'o ma dang sbyar nas// sngags pas rtag tu btung bar bya/ mi yi sdong po ser po ni// sa yi mar gyis gril nas ni// kha sbyar sbyor dang ldan byas na/ me chu sa yis btsir nas ni// btung ba'am nyi ma'i sbu gus btung // lan tshwa bral ba dag la ni// zhag gsum 'chi ba'i sgra brnyan rdzas// nam gyi dus la sngags pas blang // cha gsum snod du zhag gsum gzhag/ kha yi tshan blugs pa ste/ / dbus ma'i cha ni bdud rtsi nyid// rtsa ba'i tshan dor ba ste// 'di rnams so sor bston pa na// tha mal 'bras bu gsum gyi phye/ byi la'i slar tshad de dang sbyar// ma sbyar
- 118b
na yang nyes pa med/ / tshogs par bsten nas bza' bar bya// re re bsnyen yang nyes pa med// dam rdzas rmad du bsgyur te bsten pa'i cho ga rdzogs so// / nad med rnams kyi byang chub grub rtags bshad pa'o/ / / dpal rdo rje 'jigs byed la phyag 'tshal lo// de nas yang dag bshad bya ba// bcom ldan nyid kyi sku gsung thugs// rdo rje rnams las byung ba yi// rdo rje 'jigs byed chen po yis// lho phyogs rgya mtsho par brgal nas// de na gshin rje'i grong khyer ni// ga la ba yi gnas su byon// mi zad zhabs ni bcu drug gis/ lcags mkhar sgo med bcu drug brdzis/ / ye shes rtse gcig mtshan ma yis// dbus kyi lcags mkhar chen po brdzis// de tshe bdud chen las rgyal nas// ha ha hi hi sgra sgrogs pas// chos kyi rgyal po la sogs pa// gizer bzhin du ni rab smras pa// dpa' bo chen po ga la ci// dpa' bo'i dgongs pa bdag gis bgyi// bdag cag srog gi snying po rnams// tshul bzhin 'bul gyis dpa' bo bzhes// lha ma yin sde brgyad kyi srog gi yang snying phul pa ni/ / gshin rjes ya phul ma mos ma// srin pos ra phul gnod sbyin k+She// me yis na phul sa bdag sa// btsan gyis rtsa phul bdud kyis da// de rnam gcig tu zil ba ni/ / bran du yang ni khas blangs so// gtan tshigs chen po de yi phyir// ye shes lha yi dgongs pa dang // bsnyen pa nyams 'og rab chud nas// lha yi bsnyen pa rab chung nas/
- 119a
sngon gyi thugs dam las mi 'da'// mi 'grub pa ni mi srid do// ya ma rA dza sa do me ya/ ya me do ru Na yo da ya/ ya so ni ra ya kA ya/ yak+She yats+tsha ni rA ma ya hUM hU phaT/ phaT// de skad smras pa dang // rdo rje 'jigs byed chen po yis// chos kyi rgyal po la sogs pa// gshin rje'i pho nya la sogs kun// sgrol ba'i gang du byin gyis brlabs// ma dang sring ma bu / mo dang // 'khor bcas kun la bka' bsgo ba// lnga brgya dus kyi mtha' ma la// nga yi bstan pa 'byung ba'i tshe// rnal 'byor rig 'dzin ldan pa la// bka' bsgo'i las rnams tshul bzhin gyis// zhes pas dam bcas pas dang / mnan bzhin du mna' bor ro// gtam rgyud kyi rtog pa rdzogs so// rgya gar skad du/ ya mA ri kr-iSh+Na karma sarba tsakra sid+d+ha ka ra nA ma tan+t+ra rA dza/ bod skad du/ gshin rje gshed dgra nag po'i 'khor lo las thams cad 'grub par byed pa zhes bya ba'i rgyud kyi rgyal po/ bcom ldan 'das rdo rje mkha' 'gro la phyag 'tshal lo/ / 'di skad bdag gis thos pa dus gcig na/ bcom ldan 'das de bzhin gshegs pa thams cad kyi sku dang / gsung dang / thugs rdo rje'i btsun mo'i b+ha ga la gti muka rdorje dang / ser sna rdo rje dang / 'dod chags rdo rje dang / phrag dog rdo rje dang / sa rdo rje dang / chu rdo rje dang / me rdo rje dang / rlung rdo rje dang / byang chub kyi sems bde ba chen po ma dang / yon tan
Colophon
gtam rgyud kyi rtog pa rdzogs so/