rnam par mi rtog pa'i bstod pa
Nirpikalpasta
Text
ff. 378b–380a · 4 folio sides
- 378b
gsungs// khyed rnams kyi ni dge ba'i las 'di yis// sbrang rtsi 'byung zhes bya ba'i rgyal bar 'gyur// 'jig rten rnam par 'dren pa rgyal ba yis// lung bstan chags med 'di ni ngang ba yin// phyin chad byang chub sems dpa' mtha' yas mang // gang dag lung bstan de dag phyir mi ldog/ rgyal bas lung bstan pa ni 'di thos nas// sems ni 'gu zhing mchog tu dga' gyur te// de dag spun dang grogs dang lhan cig tu// de dag sangs rgyas chos la skyabs su dong // shis par brjod pa'i le'u zhes bya ba rdzogs s+ho// @#/ rgya gar skad du/ nir pi ka la pa ste/ bod skad du/ rnam par mi rtog pa'i bstod pa/ bcom ldan 'das ma shes rab kyi pha rol tu phyin ma la phyag 'tshal lo// dpag med shes rab pha rol phyin// rnam par mi rtog phyag 'tshal lo// gang sku ston rnams kun med pa// skyon bral rnams kyis nges par mthong // nam mkha' bzhin du gos pa med// spros pa med pa mi 'gyur ba'i// ngo bor gang gis mthong gyur pa// de yis de bzhin gshegs pa mthong // 'phags ma yon tan rdzogs khyod dang // 'gro ba'i bla ma sangs rgyas la// zla ba dang ni 'od zer bzhin// dam pa rnams kyi dbye ma mthong // sangs rgyas chos kyi sngon 'gro ba/ brtse ba'i bdag nyid khyod brten nas/
- 379a
snying rjes phan ston mnyam med pa// bde bas che ba'i bdag nyid 'gyur// bsam pa dag pas lan cig kyang // gang gis cho ga bzhin khyod mthong // des kyang nges par 'grub pa ni// 'thob 'gyur mthong ba don yod kyi// gzhan don mthon dga'i bdag nyid can// dpa' bo dag ni thams cad kyang // gso dang bskyed par byed pa'i ma// brtse ba'i bdag nyid khyod lags te// 'jig rten bla ma sangs rgyas gang // thugs rje can de khyod kyi sras// de phyir kye ma khyod nyid ni// sems can kun gyi phyi mo lags// dri med pha rol phyin pa kun// smad pa med pa khyod nyid la// zla ba'i rjes su skar ma bzhin// thams cad du ni rjes su 'brang // 'dul ba'i 'gro ba la brten nas// de bzhin gshegs pas de dang der// khyod nyid gcig pu dngos mang por// du ma'i ming gis bstod par mdzad// nyi ma'i 'od ni rnyed gyur nas// khug rnas byas pa'i zil pa bzhin// rtsod pa can gyi rtsod pa'i skyon// khyod la rten nas zad par 'gyur// zab mo bstan pas byis pa rnams// khyod nyid kyis ni 'jigs pa bskyob// zhi ba bstan pas mkhas rnams la// rtso dbugs 'byin par mdzad pa yin// gang la khyod la'ang chags med pa// khyod mgon gyur pa de dag la// de'i yum ji ltar gzhan dag la// 'dod chags zhe sdang 'byung bar 'gyur// gang nas kyang ni ma
- 379b
'ongs shing // gang du yang ni 'gro med la// thams cad kyi ni gnas dag tu// mkhas pa rnams kyis mthong mi 'gyur// gang gis khyod nyid yang dag tu// mthong / ba med kyang grub par byed// bsgrubs pas rnam par grol 'gyur ba// de lta bu yi ngo mtshar che// khyed mthong bas kyang bcings par 'gyur// ma mthong na yang bcings par 'gyur// khyod mthong na yang grol bar 'gyur// e ma ngo mtshar gyur pa'i rgyu// grogs ldan ma khyod zab mor gyur// sgyu ma bzhin du rtogs dkar gyur// mthong bde mthong ma yin pa// sangs rgyas rang sangs rgyas rnams dang // nyan thos rnams kyis ngos bsten pa// thar pa'i lam ni gcig nyid khyod// gzhan dag med ces bya bar nges// tha snyad sngon du byas nas ni// lus can rnams la btags pa'i don// 'jig rten mgon pos thugs rje yis// brjod pa med kyang khyod nyid brjod// mtshan ma med cing khyad med pa// ngag kun yul las shin tu 'das// gang la'ang rten pa med pa khyod// 'dir ni khyod bstod nus shin tu// de lta yin na kun rdzob du// bdag gis 'di 'dra'i dgra lam gyis// khyod ni bstod par mi nus kyang // bstod par 'dod pas shin tu tshim// shes rab pha rol phyin bstod pas// bdag gis dge ba gang brtsegs pa// des ni 'gro ba ma lus pa// shes rab pha rol phyin mchog gyur// / rnam par mi rtog pa'i
- 380a
bstod pa 'phags pa kru grub kyis mdzad pa rdzogs s+ho// rgya gar gyi mkhan po shin ti b+ha tra dang / lo tsa ba tshul khrims rgyal bas bsgyur cing zhus te gtan la phab pa// @#/ rgya gar skad du/ pa ra ma ar+tha sta pa/ bod skad du/ don dam par bstod pa/ 'jam dpal gzhon nur gyur pa la phyag 'tshal lo// skye ba med cing gnas med la// 'jig rten dpe las shin tu 'das// ngag gi brjod pa'i spyod yul min// mgon khyod ji ltar bskyod par bgyi// de lta na yang gang 'dra bas/ de bzhin nyid don spyod yul gyi// 'jig rten btags la la gnas nas// gus pa chen pos bdag gis bstod// skye ba med pa'i ngo bo yis/ khyod la skye ba yong mi mnga'// mgon khyod gshegs dang byon mi mnga'// dngos mi mnga' la phyag 'tshal 'dud// dngos med ma lags dngos ma lags// chad pa ma lags rtag ma lags// mi rtag ma lags rtag ma lags// gnyis mi mnga' la phyag 'tshal 'dud// dmar dang ljang dang rtsod mdog min// ser dang gnag dang dkar ma lags// khyod la kha dog yong mi dmigs// mdog mi mnga' la phyag 'tshal 'dud// chen po mi lags chung ma lags// ring dang zlum pa ma lags la// tshad med pa yi/
Colophon
rnam par mi rtog pa'i bstod pa 'phags pa klu grub kyis mdzad pa rdzogs s+ho// rgya gar gyi mkhan po shin ti b+ha tra dang/ lo tsa ba tshul khrims rgyal bas bsgyur cing zhus te gtan la phab pa/