Q2106MW1KG13126_2106rgyud 'grelAll versions of this work

rdo rje'i tshig gi snying po bsdus pa zhes bya ba

Bajrabadagarbhasaṅgrahanāma

Text

ff. 25a–28b · 8 folio sides

  1. 25a

    pa ba par ma ba/ gas pa ba pa pa nga dub ba pa ba Arnam pa mangs par byas pa/ nga yangs su dul grags par ba skyes can zeng ba rnam pa yangasas rnam pas zla mas pa nga pa pam das pa grub par baban ga shegs pas byugs rnam par gastsal bar byas pa/ A pa du 'phags pa dang ldan pa/ btsug tu skyeg pa'abar ba'i nacan/ mngan par gsal bal la dang ldan pa/ b+hanAkASh+Tha mAN+Dal ldan pa rna ma med pa'i 'dab mas bu'i smyan can// rigs kyi bzas mu ga yag sa pa/ gang rdul ma ma ma ba'i bdud ba'i rnyeng du sal pa 'a zer can gyi la lce9 m+b+hi g+ha na skyel thang byed pas bzhugs pa/ phyag g.yas pas mchag sbyin g.yon pas rnam par byas shing mangs pa'i At+pal ldan pa 'dzin par grub par byas nas bsam par bya'o// del bu'i dba'i bcom ldan 'das ma ji med 'dod pa de srid du bsnam par bya'o// zhesogs so// 'di'i dbuzhabs rnams ni slob dpon 'di nyid kyis mdzad pa'i mgon po spyan ras gzigs dbang phyug na mkha' la gshegs pa'i sgrub thabs dang 'dra se spang ngo // maM ga la b+hal tu/ ma @##// / rgya gar skad du/ badz+ra ba dgar+N+Na sa gra ha nA ma/ bod skad du/ dzarje'i tshig gi po bsdus pa zhes bya ba/ bcom ldan 'das he ru ka la phyag 'tshal lo// rdo rje 'dzin pa ji lta bu// de ltar slob dpon gzugs nyid de// sems can rjes su gzung ba'i phyir// phal pa'i gzugs kyis

  2. 25b

    gnas pa yi// yang dag ye shes snang ba po// grub pas bla ma mngon phyag 'tshal// // yan lag drug bsgom rnal 'byor pas// rdzogs pa yi yang rim pa nyid// he ru ka ni bskyed pa'i rgyu// dang / por gcig ni bsgom par bya// dngos po nyid kyis rnam grol zhing // de yongs shes pas grol ba yin// dngos po bsgom 'gyur shes rab can// dngos po med pa yongs shes pas// rtog pa thams cad yang dag spangs// de ltar he ru ka bsgom bya// shrI ni gnyis med ye shes te/ he ni rgyu tshogs spangs pa'o// ru ni tshogs dang bral ba ste// ka ni gang du'ang mi gnas pa'o// rdzogs pa'i rim pa'i rnal 'byor las// de nyid bcom ldan shes rab ma// dri dang ro dang mya ngan 'das// lhan cig skye dga' byed pa can// chos dbyings shin tu rnam dag ma// de nyid dkyil 'khor bdag po nga// de nyid bdag med rnal 'byor ma// chos kyi dbyings kyi rang bzhin can// bdag med rnal 'byor ldan pa'ang // yang na he ru ka dpal brtson// gzhan pa'i sems kyis skad cig kyang // dngos grub 'dod pas mi gnas so// brtse bas dngos grub don du yang // zla ba gcig tu yongs su rtogs// bsam pa thams cad yongs spangs nas// lha yi gzugs su sems pa yis// nyi ma gcig tu ma chad par// bsgoms pas yongs su brtag par gyis// yang na he ru ka dpal gzugs// rnal 'byor ma ni rnam par bsgom// rang bzhin don ni rab bsgrub phyir// 'khor bar thabs gzhan yod ma yin// rig ma lhan cig goms byas pas// 'phral du mngon du byed pa nyid// phyag rgya chen po'i dbang bskur bas// ji ltar shes pa'i bde chen po// de yi 'di ni byin rlabs yin// gzhan las dkyil 'khor 'byung ba med// ye shes 'di ni

  3. 26a

    ches phra zhing // rdo rje nam mkha'i dkyil lta bur// rdul bral mthar phyin zhi ba nyid// khyod rang yang ni de yi pha// sgom pa po med bsgom pa'ang med// lha med sngags kyang yod ma yin// spros pa med pa'i rang bzhin las// sngags dang lha ni yang dag gnas// gang phyir yid kyis mi bsgom par// 'gro ba thams cad bsgom par bya// thams cad chos ni yongs shes pas// sgom pa nyid ni bsgom pa min// der ni thog ma dbus mtha' med// srid med mya ngan 'das pa med// bdag med gzhan yang med pa nyid// 'dis ni mchog tu bde chen nyid// dang por goms par byed dus kyi// gnas ni bzang po nges pa brtag/ rang gi khyim mam mtshan dus su// dbu mar rangs pa'i lta stangs nyid// rang gzhan yang dag rig pa spangs// mkha' mnyam rdul bral stong pa nyid// thabs dang shes rab shin tu 'arjes// chags dang chags thal rnam par 'dres// dngos dang dngas med bdag nyid mamag/ de ng+ga yi ge dam pa yin// 'dod chags med cing chags thal med// dbu mar dmigs par mi 'gyur ro// 'di la thabs dang shes rab med// yang dag de nyid snang ba po// bsgom pa ro gcig mnyam pa nyid// dang por sprin dang 'dra ba yin// dang po du ba lta bu ste// gnyis pa smig rgyu'i rnam nyid chu// gsum pa me khyer rnam pa'o// bzhi pa mar me nyer 'bar pa// lnga pa rtag tu snang ba ste// sprin med nam mkha' lta bu nyid// de ni thams cad mkhyen pa'i rgyu// dngos grub nye bar mtshan pa'o// grub pa sgyu ma wA bur 'gyur// nyal dang log pa'i khyad par las// rtag tu rmi lam 'dra bar 'gyur// rang rig ye shes nyid du 'gyur// dngos grub mtshan nyid mi byed pa// phyag rgya'i rnal 'byor pa yis 'grub// rlom sems

  4. 26b

    med pa'i rang bzhin bdag/ shing gcig dang ni dur khrod dang // yang na dben pa 'am bas mtha' ru// bsgom pa bzang bar brjod par bya// nam mkha'i khams ni pad+ma la// b+ha ga zhes bya ye shes brjod// bsgom pa zhes bya snyoms 'jug nyid// de yi bde ba 'khor lor brjod// rig pa ji bzhin rang rig nyid// lha zhes bya ba byang chub sems// ji ltar 'byung ba khya ba yin// bde ba gnag cing bde ba ser// bde/ ba dmar po bde ba dkar// bde ba ljang gu bde ba sngo// bde ba rgyu dang mi rgyu kun// bde ba dngos dang dngos med bde// rdo rje sems dpa' bde bar brjod// ji ltar sgyu ma rmi lam dang // ji ltar bar mi'i srid yin pa// rtag tu goms pa'i sbyor ba las// dkyil 'khor nyid ni de bzhin 'dod// btsun mo b+ha ga'i bde can du// khu ba zhes bya'i rnam par gnas// de nyid ye shes chen po nyid// thams cad lus la rnam par gnas// gnyis dang gnyis su med pa'i tshul// dngos dang dngos med bdag nyid gtso// brtan dang g.yo ba khyab nas gnas// sgyu ma'i gzugs can nyid du 'dod// bza' dang btung dang blugs pa dang // nyal dang log dang sems pa na// phyag rgya chen po mngon 'dod pas// de nas mngon du 'gro bar 'gyur// brtan dang g.yo ba'i dngos po gang // rtsa lcag 'khril shing la sogs pa// bdag gis dngos po'i rang bzhin las// dam pa'i de nyid nges bsgom bya// de rnams dam pa gcig yod min// rang rig bde ba chen po nyid// rang rig nas ni byang chub 'gyur// rang rig phyir na bsgom pa nyid// gang phyir 'byung ba che bde ba// de phyir bde ba de nyid min// lhan cig skyes par gang skyes pa// rang bzhin lhan cig skyes zhes brjod// phyag rgya'i rgyu dang bral ba las// yo gi snying rje thabs su

  5. 27a

    'gyur// stong dang snying rje dbyer med pa// byang chub sems zhes rab tu brjod// byang chub sems ni mya ngan 'das// kun rdzob don dam tshul can no// kun rdzob kun de lta bu nyid// don dam bde ba'i gzugs can ma// khu ba'i rnam pa bcom ldan yin// de yi bde ba 'dod mar brjod// gcig dang du ma bral ba de// skad cig gcig la mchog dga' ba// rang gis rig pa'i ye shes 'di// ngag gi lam 'das spyod yul te// 'di ni byin brlabs rim pa'i phyir// kun mkhyen ye shes de lta bu// rang bzhin gdod nas ma skyes pa'i// rdzun min bden min de bzhin du// thams cad chu yi zla ba ltar// 'dod pas rnal 'byor mas shes gyis// mchog dgar bsgom pa med cing sgom pa po'ang med// lus kyang med cing gzung ba med cing 'dzin pa'ang med// sha dang khrag kyang med cing bshad dang gci ba'ang med// skyug bro rmongs med gtsang sbra mchod phyir thogs med dang // rlom sems med pa'i lhan cig skyes pa sna tshogs nyid// sngags kyi bzlas med dka' thub med dang sbyin bsreg med// / dkyil 'khor can yang med cing dkyil 'khor yang ni med// de ni sngags bzlas de dka' thub dang de sbyin sreg/ de ni dkyil 'khor can dang dkyil 'khor nyid// mdor bsdus pas ni sems ni 'dus pa'i gzugs/ can no// yid ni brtan nam g.yo 'am ci// rang gi sems la so sor brtag/ spros pa nyid ni spros med byed// rtog med dngos grub sbyin pa po// gsum la lhan cig skyes pa med// gsum po spangs pa nyid kyi phyir// lhan cig skyes pa byang chub brjod// des na bzhi pa bsgom par bya// chos 'byung las skyes ye shes ni// mkha' mnyam lhan cig thabs dang bcas// thabs dang shes rab rang

  6. 27b

    bzhin las// sgyu ma gzugs kyis yang dag gnas// yang na de nyid thams cad bdag/ yang na kun gyis rnam par spangs// ro mnyam de nyid bsgoms pa yis// 'di kun mnyam pa nyid du blta// dbu ma gnyis kyis spangs pa nyid// bsgom pa ro gcig mnyam pa nyid// de phyir 'gro kun lhan cig skyes// rnam dag rnam pa'i sems kyis ni// rang bzhin mya ngan 'das pa nyid// sems can rnams ni sangs rgyas nyid// 'on kyang glo bur dri mas bsgribs// de nyid bsol na sangs rgyas 'gyur// 'jig rten khams ni gang du yang // sangs rgyas gzhan du mi rnyed de// sems ni rdzogs pa'i sangs rgyas nyid// sangs rgyas gzhan du bstan pa med// ston pa sum cu rtsa gnyis mtshan// gtso bo dpe byad brgyad cur ldan// de med pas na bde med 'gyur// bde ba med na de med 'gyur// dngosar dngos po nga ma yin// / dngos po rtogs phyir sangs rgyas nga // 'jig rten 'jig rten 'das pa nga // lhan cig skyes dga'i rang bzhin nga // gang zhig le los bsnun pa dang // rmongs pa gang gi sa nga mi shes// mun pa la ni mar me ltar// lha yi rnal 'byor las bde ba// de phyir sangs rgyas dngos po min// de nyid dngos med tshul yang min// zhal phyag rnam pa'i gzugs can nyid// mchog tu bde bas gzugs med pa// chags dang 'jig pa dag gis kyang // thabs dang shes rab gnon mi 'gyur// des na rab 'jig yod ma yin// de nyid la ni chags pa med// lus kyi dngos med gang las bde// bde ba smra bar mi nus so// khyab dang khyab byed tshul gyis ni// bde bas 'gro kun khyab pa nyid// gzhan gyis brjod min lhan cig skyes// gang du yang ni mi rnyed de// bla ma'i dus thabs bsten pa las// bdag

  7. 28a

    gi bsod nams las shes bya// chu bo'i rgyun ni rab 'bab dang // mar me rtse mo rab bcings ltar// rtag tu de nyid rnal 'byor gyis// nyin dang mtshan du mnyam par bzhag/ lte bar gtum mo 'bar ba yis// de bzhin gshegs pa lnga bsregs shing // spyan la sogs pa yang bsregs pas// bsregs pas ri bong can haM 'dzag/ longs spyod kyis ni rlabs gnyis la// rang gi g.yas dang lag gzhan gyi// mthe bong dang ni srin lag gis// de ni rnal 'byor pa yis btsir// de las ye shes skye bar 'gyur// de las ci zhig skye zhe na// gzhon nu'i dga' ba ji lta ba 'am// lkug pa'i rmi lam ji lta ba'o// b+ho la'i bde ba phyag rgya che// rdo rje'i skye mched thams cad gnyis// 'di ni gsang ba'i snyoms 'jug pas// phyi rol gnyis gnyis bstan pa med// ji ltar phyi rol de bzhin nang // de yi phyag rgya bde ba che// lte ba'i dkyil 'khor nyid du gnas// thams cad lus la rnam par gnas// mchog gi mtha' dang dga' bral dbus// stong dang stong min he ru ka/ rdo rje mi phyed zhes byar brjod// sems dpa' srid pa gsum gcig pa// ji ltar pha las bde thob pa// de yi bde ba rang gis bza'// bde ba gang gis 'ching ba 'dir// de yi bde ba bsam gtan brjod// de nyid lhan cig skyes pa'i gzugs// bde chen bzang po'i rnal 'byor ma// de ni me long ye shes gzugs// mnyam nyid ye shes dngos po can// yang dag gyur pas so sor rtog/ de nyid bya ba nan tan te// chos dbyings shin tu rnam dag ma// mnyam par gzhag pas dngos grub thob// ces pa rdo rje'i tshig snga ma dang phyi ma bsdeb pa ni// byang chub sems dpa' phyag na rdo rje la sogs pa'i bzhed pa'o//

  8. 28b

    rdorje'i tshig gi snying po bsdus pa'o// rdzogs sa// gagag pag #// rgya gar skad du/ badz+ra pA da ga d+ha sarba hanA ma pany+dzi ka/ bod skad du/ rdo rje tshig gi snying po bsdus pa zhes bya ba'i dka' 'brel// bcom ldan 'das dpal dgyes mdzad la phyag 'tshal la// rdo rje de nyid rab rtogs pa// sangs rgyas kun gyi spya pa mchog/ 'byung ba lnga yi bdag nyid mgon// dpal ldan tha mar bdag phyag 'tshal// sgyu ma lta sogs dpe yis ni// rang bzhin gang zhig rtogs par bya// de ni ma lus bsgoms pa yis// phyag rgya chen por bdag phyag 'tshal// smin mtshams rdo rje rin chen mthar// dga' ba la sogs rab tu gang // gang mtha' skyes pa gang gyur pa// lha mo de la bdag phyag 'tshal// 'dir re shig dpal ldan dang po mchog gi sangs rgyas rgyud kyi rim pa dang // rdo rje snying po la sogs dpal phyag na rdo rje'i gsung rab dang rgyud phan tshun legs par gsungs pa ma lus pa nye bar bsdus te/ phyag rgya dang dkyil 'khor dang sngags dang sbyin sreg dang las kyi tshogs la sogs pa rgya che ba zab cing rtogs par dka' bas skrag pa dag lung du ma nas gsungs pa cung zad cig yang dag par bsdus te dgyes pa'i rdo rje'i/ rdo rje'i tshig nges par bya ba ni/ bla ma dam pa dag las thob cing / man ngag gi rim pa rnyed pas na rang nyid dran par bya ba dang slob ma rnams kyis rtogs par bya ba'i phyir/ yang dag par gzung ste bri bar bya'o// // da ni sbyor ba yan lag drug bsgom/ pa zhes pa la sogs pa 'di'i don rgyud phan tshun nas rtogs par bya ba de bzhin gshegs pa'i nges pa'o// de bzhin du rgyud gzhan dag nas kyang gsungs pa des sbyor ba'i yan lag drug po 'di nyid bsgom par

Colophon

kha che'i paN+Di ta chen pos mdzad pa rdzogs so/_paN+Di ta de nyid kyi drung du/_dpyal lo tsA bas bsgyur ba'o