F133MW1KG13607_0133mdo sdeAll versions of this work

'phags pa dkon mchog gsum la skyabs su 'gro ba zhes bya ba theg pa chen po'i mdo

Āryadriśaranagamanamahāyānasutrama

Text

ff. 323b–325b · 5 folio sides

  1. 323b

    bdag gis ci yang ma snyed de/ bdag ni ding slan chad sangs rgyas la skyabs su 'chi'o// chos dang dge 'dun la yang skyabs su 'chi'o// mthu ji lta ba dang / stobs ci mchis pas 'phags pa'i las yan lag brgyad dang ldan pa'i bsnyen gnas la nye bar gnas par bgyi zhing / sbyin pa yang bskul bar bgyi'o// bcom ldan 'das kyis bka' stsal pa/ gnas 'jog 'di ni legs par yin te// khyod kyi bya ba ni de yin no// bcom ldan 'das kyis de skad ces bka' stsal nas/ bram ze gnas 'jog dang / lha dang mi dang / lha ma yin dang / dri zar bcas pa'i 'jig rten pa rlangs te/ bcom ldan 'das kyis gsungs pa la mngon par bstod do// 'phags pa gnas 'jog ces bya ba'i mdo// / rdzogs s+ho// // rgya gar gyi mkhan po sarba dz+nyA na de ba dang / zhu chen gyi lo tsA ba ban de/ dpal brtsegs sogs pas/ bsgyur cing zhus te gtan la phag pa// rgya gar skad du/ Ar+ya dri sha ra na ga ma na ma hA yA na su tra ma/ bod skad du/ 'phags pa dkon mchog lha skyabs su 'gro ba zhes bya ba theg pa chen po'i mdo// dkon mchog gsum la phyag 'tshal lo// 'di skad bdag gis bla dus gcig na/ bcom ldan 'das mnyan yod na/ rgyal bu rgyal byed kyi tshal/ mgon med zas sbyin gyis kun dga' ra ba na/ dge slong nyis brgya lnga bcu'i dge slong gi dge 'dun chen po dang thabs gcig tu bzhugs so// de nas de'i tshe/

  2. 324a

    tshe dang ldan pa sha ri'i bu gcig pu dben par 'dug pa dang / sems kyis sems kyi yongs rtog pa 'di lta bu skyes so// ston pa ni bdag gi/ mngon sum du gyur na/ bde bar gshegs pa chos kyi rje'i spyan sngar bdag song la rigs kyi bu 'am rigs kyi bu mo dad pa dang ldan pa gang la la sangs rgyas dang chos dang / dge slong gi dge 'dun la skyabs su song ba'i gang zag de'i bsod nams ji snyed cig sogs par 'gyur ba'i don de zhu bar bya'o sems so// de nas tshe dang ldan pa sha ri'i bu phyi grod kyi dus kyi tshe/ nang du yang dag 'jog las langs te/ bcom ldan 'das ga la ba der song ste phyin nas/ bcom ldan 'das kyi zhabs la mgo bos phyag 'tshal te/ phyogs gcig tu 'dug go/ phyogs gcig tu 'dug nas/ bcom ldan 'das la tshe dang ldan pa sha ri'i bus 'di skad ces gsol to// btsun pa bdag cig pu dben par mchis te/ nang du yang dag par 'jog la mchis pa na/ sems kyis sems kyi yongasu rtog pa 'di lta bu skyes te/ rigs kyi bu 'am rigs kyi bu mo dad pa dang ldan pa ga la la sangs rgyas dang chos dang dge 'dun la skyabs su mchis pa'i gang zag de'i bsod nams ci snyed cig sogs par 'gyur snyam bgyid lags so// de skad ces gsol/ kha dang / bcom ldan 'das kyis tshe dang ldan pa sha ri'i bu 'di skad ces bka' stsal to// sha ri'i bu khyod skye bo mang po la bde ba dang / 'jig rten la snying rtse ba dang / skye bo mang po la phan pa dang /

  3. 324b

    skye bo'i tshogs phal po che'i don dang / lha dang mi rnams la phan pa dang / bde ba'i phyir zhus pa legs so legs so// gang khyod de bzhin gshegs pa'i spyan sngar 'ongs te/ don 'di yongs su zhu bar sems pa de ni sha ri'i bu don de nyid rnam par shes par bya ba'i phyir dpes bstan par bya ste/ skyes bu gang zag zhig rdzu 'phrul gyi mthu 'di lta bu dang ldan par gyur pas gang 'di 'jam bu'i gling dang nye ba'i gling zheng dang srid du dpag tshad bdun stong yod pa'i 'dzam bu'i gling de na gang srog chags gnas pa de dag 'jig rten gyi khams gzhan du dkod de/ lag 'thil ltar mnyam par byas pa rin po che sna bdun la 'di lta ste/ gser dang / dngul dang / bai dUr+ya dang / shel dang / mu tig dmar po dang / rdo'i snying po dang / spug rnams las 'dzam bu'i gling tsam gyi mchod rten srid du tshangs pa'i 'jig rten gyi bar lu thug par rtsigs te/ mchod rten de la lha'i spos dang / lha'i me tog dang / lha'i phreng ba dang / lha'i gdugs dang / rgya mtshan dang / ba dan rnams kyis mchod pa byas la/ de nas skyes bu de rdzu 'bral gyi mthu 'di lta bu dang ldan par gyur pas/ gang rgya mtsho chen po bzhi'i chu de dag 'jig rten gyi khams gzhan du byol te/ ma ru ka'i til mar gyis rgya mtsho chen po bzhi ltar bkang ba'i nang du snying po ri rab tsam btsugs la/ bskal pa mang po'i mtha' ji srid par mar me'i rgyun mi 'chad par bus na/ sha ri'i bu de ji snyam du sems/

  4. 325a

    skye ba de gzhi de las bsod nams mang du sogs snyam 'am/ gsol pa/ bcom ldan 'das mang lags so// bde bar gshegs pa mang lags so// nyan thos dang / rang sangs rgyas thams cad las 'das pa lags te/ bcom ldan 'das 'di ni bde bar gshegs pa'i yul lo// bde bar gshegs pa 'di ni de bzhin gshegs pa'i yul lo// bka' stsal pa/ sha ri'i bu rigs kyi bu 'am/ rigs kyi bu mo gang la la zhig sangs rgyas dang / chos dang / dge slong gi dge 'dun la skabs su song ba'i bsod nams kyi phung po de la bsod nams kyi phung po snga ma des brgya'i char yang nye bar mi 'gro ste/ stong dang / brgya stong gi cha dang / grangs dang / rgyu dang / bgrang bar yang nye bar mi 'gro'o// de nas chos kyi rnam grangs 'di bshad pa'i tshe/ stong gsum gyi stong chen po'i 'jig rten gyi khams 'di g.yos/ rab tu g.yos/ kun tu rab tu g.yos/ 'gul rab tu 'gul/ kun tu rab tu 'gul/ ldeg rab tu ldeg/ kun tu rab tu ldego/ de'i tshe der glog gi rgyun chen po byung ngo // lha rnams kyis kyang rnga sgra sgrags so// de nas bcom ldan 'das la tshe dang ldan pa kun dga' bos/ 'di skad ces gsol to// bcom ldan 'das chos kyi rnam grangs 'di'i ming ci lags/ ci ltar bzung bar bgyi/ bcom ldan 'das kyis bka' stsal pa/ kun dga' bo khyed kyis 'di ltar chos kyi rnam grangs 'di sgo mtha' yas pas sgrub pa/

  5. 325b

    zhes bya bar zung shig/ de'i don ni 'di ltar blta bar bya ste/ de de bzhin du zung shig/ bcom ldan 'das kyis de skad ces bka' stsal nas/ tshe dang ldan pa sha ri'i bu dang / dge slong gzhan dag kyang bcom ldan 'das kyis bka' stsal pa la mngon par bstod do// 'phags pa dkon mchog gsum la skyabs su 'gro ba zhes bya ba theg pa chen po'i mdo// rdzogs s+ho// // rgya gar gyi mkhan po sarba sad nye de ba dang / zhu chen gyi lo tsA ba ban de dpal rtsegs kyis bsgyur cing zhus te gzhan la phab pa/ rgya gar skad du/ de ba su tra/ bod skad du/ lha'i mdo// sangs rgyas dang byang chub sems dpa' thams cad la phyag 'tshal lo// 'di skad bdag gis thos pa dus gcig na/ bcom ldan 'das mnyan yod na/ rgyal bu rgyal byed kyi tshal mgon med zas sbyin gyi kun dga' ra ba na bzhugs te/ de na mtshan mo mi nyal tsam du na/ lha mdog shin tu bzang po zhig bcom ldan 'das ga la ba der song ste phyin nas/ bcom ldan 'das kyi zhabs la mgo bos phyag 'tshal te/ phyogs gcig tu 'dug go/ de nas lha'i mthus rgyal bu rgyal byed kyi tshal thams cad snang ba chen pos khyab par gyur to// de nas de'i tshe lha des tshigasu gcad pa 'di dag gsol to// mtshon cha rnon po de gang lags// ha la ha la'i dug gang lags// rab tu 'bar ba'i me gang lags// mun pa rab gnag de gang lags// bcom ldan

Colophon

// rdzogs s+ho// rgya gar gyi mkhan po sarba sad nye de ba dang/ zhu chen gyi lo ts+tsha ba ban de dpal rtsegs kyis bsgyur cing zhus pa te gtan la phab pa/