D1279MW23703_1279rgyud 'grelAll versions of this work

sAts+tsha'i cho ga

Sācchaichoga

Text

ff. 132a–132a · 1 folio sides

  1. 132a

    ཆུབ་སེམས་དཔའ་དང་དཔལ་དགྱེས་པ་རྡོ་རྗེའི་ལྷ་ཚོགས་འཁོར་དང་བཅས་པ་ལ། བདག་ཉིད་ལུས་དབུལ་ཏེ། བདག་དུས་ཐམས་ཅད་དང་རྣམ་པ་ཐམས་ཅད་དུ་བཞེས་སུ་གསོལ། ཐུགས་རྗེ་ཆེན་པོ་དང་ལྡན་པའི་མགོན་པོ་ཁྱེད་རྣམས་ཀྱིས། དམ་ཚིག་ ཆེན་པོའི་དངོས་གྲུབ་སྩལ་དུ་གསོལ། དེ་ནས་སྡོམ་པ་བཟུང་ནས་བསྟོད་པ་ཉི་ཤུ་པས་བསྟོད་ལ། བཟོད་པ་གསོལ་ནས་ནི། གང་ཡང་བདག་བློ་གཏི་མུག་པས། །ཞེས་པ་ལ་སོགས་པའོ། །ཡི་གེ་བརྒྱ་པ་ལན་གསུམ་བརྗོད་ནས་སྨོན་ལམ་གདབ་པ་ནི་རིགས་སུ་སྐྱེ་ ཞིང་དམ་ཚིག་ཅན། །སྨྱོ་མེད་ཀྱེ་ཡི་རྡོ་རྗེ་སྟོན། །བླ་མ་ལ་གུས་སྙིང་རྗེར་ལྡན། །སྐྱེ་ཞིང་སྐྱེ་བར་འགྱུར་བར་ཤོག །ལག་པ་རྡོ་རྗེ་དྲིལ་བུ་འཁྲོལ། །ཟབ་མོའི་ཆོས་ནི་ཀློག་པ་དང་། །བཙུན་མོའི་ཁུ་བ་མཉམ་ཟས་ཅན། །སྐྱེ་ཞིང་སྐྱེ་བར་འགྱུར་བར་ཤོག །དེ་ནས་གཤེགས་ སུ་གསོལ་བ་ནི། །ཨོཾ་ཁྱེད་ཀྱིས་སེམས་ཅན་དོན་ཀུན་མཛད། །རྗེས་སུ་མཐུན་པའི་དངོས་གྲུབ་སྩོལ། །སངས་རྒྱས་ཡུལ་དུ་གཤེགས་ནས་ཀྱང་། །སླར་ཡང་བྱོན་པར་མཛད་དུ་གསོལ། །ཞེས་བརྗོད་ལ་ཧེ་བཛྲ་མཎྜ་ལ་མུཿཞེས་པས་གཤེགས་སུ་གསོལ་བར་བྱའོ། ། མདོར་བསྡུས་པའི་བྱ་བ་རྫོགས་སོ།། ༄། །སཱཙྪའི་ཆོ་ག་བཞུགས་སོ།། ༄༅༅། །སཱཙྪ་བྱ་བའི་རིམ་པ་ཡང་། །ས་ལས་འཇིམ་པ་བྱས་ནས་ནི། །རང་གི་ལྷ་ཡི་རྣལ་འབྱོར་གྱིས། །འཇིམ་པ་རིན་ཆེན་སྣ་ལྔར་བསམ། །དེ་ནས་སེམས་ཅན་ཐམས་ཅད་ ལ། །བྱམས་དང་སྙིང་རྗེ་བསྐྱེད་བྱ་ཞིང་། །རིགས་གསུམ་ལྷ་ཡང་དྲན་པར་བྱས། །ཆོས་སྐུའི་གཟུགས་བརྙན་བཞེངས་པ་དང་། །དེ་ཡང་སེམས་ཅན་དོན་དུའོ། །དེ་ནས་འཇིམ་པ་དག་ལ་ནི། །སྔགས་ནི་ཉི་ཤུ་རྩ་ཅིག་གདབ། །ན་མོ་བྷ་ག་བ་ཏེ། བཻ་རོ་ཙ་ན། ཏ་ཐཱ་ག་ཏཱ་ཡ། ཨརྷ་ཏེ། སམྱཀྶཾ་བུདྷཱ་ཡ། ཏདྱ་ཐཱ། ཨོཾ་སུཀྵྨེ་ཀྵྨེ་ས་མ་ཡ་ས་མ་ཡེ། ཤཱནྟེ་དཱནྟེ། ཨ་ས་མ་རོ་པེ་ཨ་ན་ལམྦེ། ཏ་རཾ་བེ་ཡ་ཤོ་བ་ཏི་མ་ཧཱ་ཏེ་ཛ་ནི་ར་ཀུ་ལེ་ནིརྦཱ་ཎི། སརྦ་ཏ་ཐཱ་ག་ཏ། ཨ་དྷིཥྛཱ་ན་ཨ་དྷིཥྛི་ཏེ་སྭཱ་ཧཱ། རྟེན་འབྲེལ་དག་གི་སྔགས་དག་གིས། །རབ་ཏུ་གནས་པ་བྱ་བ་ཡིན། །རྫོགས་སོ།། །།

Colophon

rab tu gnas pa bya ba yin/ /rdzogs so// //